JKW-KABUM-08-NYA-007-004-wylie

From Khyentse Lineage - A Tsadra Foundation Project
Revision as of 17:59, 13 July 2021 by Jeremi (talk | contribs)
(diff) ← Older revision | Latest revision (diff) | Newer revision → (diff)

Template:WyliePageHeader


nyams len mdor bsdus/ yang rgyun du nyams len rgyas par mi 'grub pas mdor bsdus pa bya ba'i tshul ni/__brgyud 'debs/__skyabs sems tshad med bzhi bsgom pa yan sngar ltar la/__rdor sems dge sbyor gzhan gyi thun la yod na ma byas kyang btub/__bla ma'i rnal 'byor gyi mjug tu/__oM swa b+hA wa sogs/__stong pa'i ngang las pad zla'i gdan la rang nyid skad cig gis 'phags pa thugs rje chen po nas/__thugs ka'i dbus su zla ba la gnas pa'i hrIHdkar po/__de las 'od zer 'phros pas 'phags pa spyan ras gzigs dbang phyug la yi dam dkyil 'khor gyi lha tshogs kyis bskor ba oM badz+ra sa mA dzaH__dzaHhU~M ba~M hoH__rang la thim pas rang yi dam kun 'dus su gyur/__slar yang rang gi snying ga'i hrIH las nas/__bla ma kun 'dus su gyur par sngar bzhin la/__rang gi thugs kar zla ba'i dkyil 'khor gyi steng du sogs bzlas dmigs gsal btab la bzlas pa ji tsam nus pa'i mthar bskyed rim gyi nyams len de ka'i ngang du sems rang babs su klod de/__gshis ci yang ma yin pa/__gdangs bde chen du ma 'gags pa/__rtsal lha skur 'char ba'i bskyed rdzogs zung 'jug gi ngang du ji tsam gnas kyi bar du bzhag__/de nas 'pho ba'i dmigs pa ji ltar rigs pa nyams su blang /__'od gsal gyi ngang du bsdus la thun mtshams kyi lhar ldang /__bsngo smon bkra shis sogs bya/__zas gos gnas khang gis mtshon cir snang lhar gsal bas lha la lha thim pa'i tshul gyis longs spyad/__nyal ba dang ldang ba'i rnal 'byor sngar bzhin bya/__snang grags rig gsum thugs rje chen po'i gsang ba gsum du shes pas dus 'da' bar bya'o/__/rje btsun rdo rje btsun mo'i zhal gyi lung /__/grub pa'i dbang phyug rgya mtsho'i thugs kyi bcud/__/cung zad gsal bar bkod pa'i legs byas kyis/__/'gro kun zung 'jug go 'phang myur thob shog/__//ces pa'ang lam 'di la mos pa'i dge ba'i bshes gnyen phan bde bzang pos gnang skyes dang bcas bskul bas mtshams sbyar te/__khyab bdag rdo rje sems dpa' dang dbyer ma mchis pa dran pas srid zhi'i gdung sel rje btsun bla ma blo gsal zhabs sogs yongs 'dzin dam pa rnams las chos tshul 'di'i bka' drin mang du thob pa'i rgyal khams kyi bya bral ba 'jam dbyangs mkhyen brtse'i dbang pos/__rdo rje 'chang mkhyen rab chos rje'i khrid yig la gzhi byas/__der mi gsal ba rnams yig cha gzhan nas kyang cung zad kha bskangs shing /__bla ma dam pa'i zhal gyi bdud rtsis mdzes par byas te/__ngag 'don bklags chog tu bgyis pa'i dge bas 'gro kun 'phags mchog phyag na pad+ma'i go 'phang la reg pa'i rgyur gyur cig___/sarba dA mang+ga laM//____//___!