JKW-KABUM-01-KA-002-084

Previous Text Back to Volume PageNext Text

སི་ཏུ་པདྨ་ཉིན་བྱེད་དབང་པོའི་རྣམ་ཐར་གསོལ་འདེབས་མོས་གུས་གྲུབ་པའི་རྒྱུད་མང་།

Wylie title	si tu pad+ma nyin byed dbang po'i rnam thar gsol 'debs mos gus grub pa'i rgyud mang
Location	mkhyen brtse'i bka' 'bum Volume 1, sde tshan 2, Text 84, Pages 302-310 (Folios 122b3 to 126b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	པདྨ་ཉིན་བྱེད་དབང་པོ་ (Tai Situpa, 9th)
Citation	'jam dbyangs mkhyen brtse'i dbang po. si tu pad+ma nyin byed dbang po'i rnam thar gsol 'debs mos gus grub pa'i rgyud mang. In 'jam dbyangs mkhyen brtse'i dbang po'i bka' 'bum, Vol. 1: 302-310. Khams sde dge rdzong sar dgon: Rdzong sar blo gros phun tshogs, 2020.
Genre	Biographies - Hagiography - rnam thar  ·  Supplications - gsol 'debs
Colophon	།ཅེས་སྒྲུབ་བརྒྱུད་སྙིང་པོའི་སྟོན་པའི་རྒྱལ་ཚབ་བསྟན་པའི་ཉི་མ། བསྟན་འཛིན་མཐའ་དག་གི་གཙུག་རྒྱན་གཅིག་པུ་སི་ཏུ་རྡོ་རྗེ་འཆང་ཆེན་པོ་པདྨ་ཉིན་བྱེད་དབང་པོའི་ཐུན་མོང་གི་རྣམ་པར་ཐར་པ་དང་མཐུན་པར་གསོལ་འདེབས་ཡན་ལག་བདུན་པ་ལམ་རིམ་གྱི་སྨོན་ལམ་དང་བཅས་པ་འདིའང་། འཁོར་ལོའི་དབང་ཕྱུག་ཟླ་བཟང་མཆོག་སྤྲུལ་རིན་པོ་ཆེའི་སྐུའི་རིམ་གྲོ་པ་དད་དམ་བསླབ་གསུམ་གྱི་ནོར་ལྡན་དགེ་སློང་ཀརྨ་དམ་ཆོས་ནས་ནན་ཏན་དུ་བསྐུལ་བ་དང་། རང་ཉིད་ཀྱིས་ཀྱང་མི་ཕྱེད་གུས་པས་ཀུན་ནས་བསླངས་ཏེ། བསྟོད་ཡུལ་དམ་པ་གང་དེའི་ལེགས་གསུང་གི་བདུད་རྩི་ཕྲ་མོ་ཙམ་ཐོབ་པའི་སློབ་འབངས་ཀྱི་ཆར་གཏོགས་པ་ཤཱཀྱའི་དགེ་སློང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པའི་ཡི་གེ་པ་ནི་རིག་པར་སྨྲ་བའི་བཙུན་པ་འཇམ་དབྱངས་དགའ་བའི་བློ་གྲོས་ཀྱིས་བགྱིས་པ་སྟེ། དགེ་བས་བདག་གཞན་ཐམས་ཅད་ཀྱི་རྒྱུད་ལ་རྗེ་བཙུན་བླ་མའི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །ས་རྦ་དཱ་ཀ་ལྱཱ་ཎཾ་བྷ་བ་ཏུ།།
	ces sgrub brgyud snying po'i ston pa'i rgyal tshab bstan pa'i nyi ma/__bstan 'dzin mtha' dag gi gtsug rgyan gcig pu si tu rdo rje 'chang chen po pad+ma nyin byed dbang po'i thun mong gi rnam par thar pa dang mthun par gsol 'debs yan lag bdun pa lam rim gyi smon lam dang bcas pa 'di'ang /__'khor lo'i dbang phyug zla bzang mchog sprul rin po che'i sku'i rim gro pa dad dam bslab gsum gyi nor ldan dge slong karma dam chos nas nan tan du bskul ba dang /__rang nyid kyis kyang mi phyed gus pas kun nas bslangs te/__bstod yul dam pa gang de'i legs gsung gi bdud rtsi phra mo tsam thob pa'i slob 'bangs kyi char gtogs pa shAkya'i dge slong bya bral ba 'jam dbyangs mkhyen brtse'i dbang pos gsol ba btab pa'i yi ge pa ni rig par smra ba'i btsun pa 'jam dbyangs dga' ba'i blo gros kyis bgyis pa ste/__dge bas bdag gzhan thams cad kyi rgyud la rje btsun bla ma'i ye shes gzigs pa'i byin rlabs myur du 'jug pa'i rgyur gyur cig__/sa rba dA ka l+yA NaM b+ha ba tu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

སི་ཏུ་རྡོ་རྗེ་འཆང་པདྨ་ཉིན་བྱེད་དབང་པོའི་རྣམ་ཐར་ལ་གསོལ་བ་འདེབས་པ་མོས་གུས་གྲུབ་པའི་རྒྱུད་མང་ཞེས་བྱ་བ་བཞུགས་སོ། །ན་མོ་གུ་རུ་བཛྲ་དྷཱ་ར་པདྨ་པཱ་དཱ་ཡ། བདེ་སྟོང་མཆོག་གི་དགྱེས་པའི་རྡོ༷་རྗོ༷་སེམས། །ཀུན་ཏུ་འཆ༷ང་བ་པ༷དྨ༷་སཾ་བྷཱའི་ཚུལ། །གཉུག་མའི་ཉིན་བྱེད་ཞུ་བདེའི་འོད་འབར་བ། །ལྷན་སྐྱེས་གྲུབ་པའི་དབ༷ང་པོ༷ར་གསོལ་བ་འདེབས། །མགོན་ཁྱོད་འཕགས་བཞིའི་རྣམ་ཐར་རྒྱ་མཚོའི་སྤྲིན། །སྤྲོ་དང་བསྡུ་བའི་བྱེད་པོར་ཡོངས་གྲུབ་བཞིན། །ས་བཅུའི་དབང་ཕྱུག་རྒྱལ་ཚབ་མཆོག་གི་ཚུལ། །མ་ཕམ་ཆོས་རྗེར་སྟོན་ལ་གསོལ་བ་འདེབས། །ཁྱད་པར་འཕགས་བོད་མཁས་གྲུབ་ཀུན་གྱི་ཕུལ། །དཔལ་གྱི་སེང་གེ་ཌོམྦི་ཧེ་རུ་ཀ །ལོ་ཙཱ་ཆེན་པོ་འགྲོ༷་མགོ༷ན་རས༷་ཆེན༷་སོགས། །རྣམ་འཕྲུལ་ཅིར་ཡང་འཆར་ལ༴ ཕྱི་དུས་ཐུབ་བསྟན་སྤྱི་དང་ཀ༷རྨ༷་ཀ༷འི། །བཤད་སྒྲུབ་བསྟན་པའི་ཉིན་བྱེད་གཅིག་པུ་པ། །གཙུ༷ག་ལ༷ག་ཆོས༷་ཀྱི༷་སྣང༷་བར༷་གྲགས་འབར་བའི། །འཇམ་མགོན་དངོས་སུ་སྣང་ལ༴ གང་གི་འཁོར་ལོ་གསུམ་གྱི་ཕྲིན་ལས་ཀྱིས། །སྲས་བཅས་རྒྱལ་བའི་མཛད་པ་རྫོགས་མཛད་ནས། །སླར་ཡང་ཕྱོགས་བཅུའི་ཞིང་ཁམས་བྱེ་སྙེད་དུ། །སྤྲུལ་པའི་ཆོ་འཕྲུལ་སྟོན་ལ༴ དེ་ལས་སྡེ༷་བཞི་དགེ༷་བཅུའི་འདུན་ས་ཆེའི། །ཤར་ཕྱོགས་ཡིད༷་ཅན་རྟོག་པ་ལྷུང་བའི་ཡུལ། །རང་བྱུང་འཕགས་པའི་གནས་ཀྱི་དགའ་ཚལ་དུ། །བསམས་བཞིན་སྲིད་པར་བཟུང་ལ༴ གང་ཚེ་རྒྱལ་དབང་པདྨ༷འི་ལུང་གི་དོན། །གྲུབ་པའི་དཔའ་བོས་གསལ་བར་མཚོན་པ་བཞིན། །རིས་མེད་རྣམ་འདྲེན་ཀུན་གྱིས་མགྲིན་གཅིག་ཏུ། །དམ་པའི་སྐྱེས་བུར་བསྔགས་ལ༴ གཞོན་ནུ་ཉིད་ནས་སྔོན་གནས་རྗེས་དྲན་ཏུ། །མཁྱེན་པའི་སྟོབས་དང་དགེ་མཚན་སྣང་བ་ཡིས། །ཚུ་རོལ་མཐོང་བའི་སོམ་ཉིའི་མུན་བསལ་ཏེ། །མཆོ༷ག་གི༷་སྤྲུ༷ལ་སྐུ༷ར་ངེས་ལ༴ སྲིད་ཞིའི་འབྱོར་པ་ཆེན་པོས་མདུན་བདར་ཏེ། །རིགས་ཀུན་ཁྱབ་བདག་གར་དབང་ཆོས་ཀྱི་རྗེས། །འཇིགས་མེད་སེང་གེའི་ཁྲི་ལ་མངའ་གསོལ་བས། །ཕན་བདེའི་ཉིན་བྱེད་འབར་ལ༴ མཁྱེན་པའི་ཡེ་ཤེས་ཆགས་ཐོགས་བྲལ་བར་སད། །བརྩེ་བའི་ཐུགས་རྗེ་མཁའ་དང་མཉམ་པར་འཇུག །ནུས་པའི་ཕྲིན་ལས་ཡིད་སྲུབས་དཔུང་བཅས་ཀྱི། །ཕྱོགས་ལས་རྣམ་པར་རྒྱལ་ལ༴ ཞབས་པད་བཀྲ་ཤིས་འཁོར་ལོའི་དགེ་མཚན་ཅན། །གངས་ཅན་ཡུལ་དབུས་གྲུབ་པའི་སྨན་ལྗོངས་སུ། །བཀོད་ནས་རྒྱལ་སྲས་སྤྱོད་པ་རྒྱ་མཚོ་ཡིས། །དོན་གཉིས་ཕ་མཐར་སོན་ལ་གསོལ༴ རྒྱལ་དབང་ཕྱག༷་ན༷་པ༷དྨོ༷་ཡབ༷་སྲས༷་དང་། །ནཱ་རོ་ཏཱ་པ་ཆོས༷་ཀྱི༷་སྣང༷་བ༷་སོགས། །འཕགས་པའི་ཡོངས་འཛིན་ཁོ་ནའི་ཚོགས་རྣམས་ཀུན། །མཉེས་པ་གསུམ་གྱིས་བསྙེན་དེར༴ གང་ལས་སྡོམ་པ་གསུམ་དང་རྗེས་འབྲེལ་བའི། །ཟབ་ཆོས་སྤྱི་དང་དོན་བརྒྱུད་བདུད་རྩིའི་བཅུད། །ཐུགས་ཀྱི་བུམ་པ་བཟང་པོར་ལེགས་བཟུང་བས། །སྨིན་གྲོལ་ཡོངས་སུ་རྫོགས་ལ༴ ངེས་འབྱུང་ཚུལ་ཁྲིམས་བླང་དང་བསྲུང་བ་དང་། །ཕྱིར་ཞིང་འཆོས་པའི་བསླབ་བྱའི་གཞི་རྣམས་ལ། །བརྟན་མཁས་ཕན་འདོགས་ཡོན་ཏན་ཡོངས་རྫོགས་པའི། །གནས་བརྟན་འདུ༷ལ་བ༷་འཛིན་པར་གསོལ༴ བྱམས་པའི་ཐུགས་ནི་སྙིང་རྗེའི་གཞན་དབང་ཅན། །བྱང་ཆུབ་སེམས་གཉིས་སྤྱོད་དང་མི་འབྲལ་བས། །ཕྱོགས་བཅུའི་རྣམ་འདྲེན་ཡོངས་ཀྱི་གདུང་འཚོབ་པ། །རྒྱལ་སྲས་སེམས་དཔའ་ཆེན་པོར༴ ཟང་ཟིང་ནམ་མཁའི་མཛོད་ཀྱི་གཏོང་བ་དང་། །དམ་ཆོས་ནོར་བུའི་གྲུ་ཆར་འབེབས་མཁས་ཤིང་། །འགྲོ་ཀུན་སྲིད་ཞིའི་གདུང་བ་ཀུན་སྐྱོབས་པ། །སྦྱིན༷་པའི༷་ཕར་ཕྱིན་རྫོགས་ལ༴ གཞན་ཡང་ཉེས་སྤྱོད་རྡུལ་གྱིས་རིང་དབེན་པའི། །དགེ་ཆོས་ཡོངས་སུ་སྡུད་པའི་པདྨ་དཀར། །གཞན་ཕན་བདུད་རྩིའི་ཟིལ་དངར་རྟག་འབབས་པས། །ཚུལ༷་ཁྲི༷མས་ཕར་ཕྱིན་རྫོགས་ལ༴ གནོད་པའི་ཡུལ་གྱིས་མི་འཁྲུགས་ཐུགས་རྗེའི་གོ། །ཆོས་ཕྱིར་དཀའ་བ་སྤྱད་པས་རབ་བརྗིད་ཅིང་། །ཟབ་མོའི་དོན་ལ་འཇིགས་མེད་བློ་གྲོས་ཀྱིས། །བཟོ༷ད་པའི༷་ཕར་ཕྱིན་རྫོགས་ལ༴ མཁའ་ཁྱབ་ཡིད་ཅན་སྒྲོལ་བའི་ཐུགས་བསྐྱེད་དང་། །རྟག་ཏུ་བྱང་ཆུབ་སྤྱོད་པའི་བརྟུལ་ཞུགས་དང་། །གཞན་དོན་བསྒྲུབ་ལ་ནམ་ཡང་མི་ངལ་བས། །བརྩོ༷ན་འགྲུ༷ས་ཕར་ཕྱིན་རྫོགས་ལ༴ ལུས་སེམས་ཤིན་སྦྱངས་བདེ་བའི་མཐར་སོན་ཅིང་། །འཕགས་བཞིའི་ཡོན་ཏན་སྒྲུབ་པའི་ཏིང་འཛིན་དང་། །རྣམ་འཕྲུལ་དུ་མས་འགྲོ་བའི་དོན་མཛད་པས། །བསམ༷་གཏན༷་ཕར་ཕྱིན་རྫོགས་ལ༴ འཇིག་རྟེན་ཤེས་བྱའི་གནས་ཀུན་རབ་མཁྱེན་ཅིང་། །གང་ཟག་བདག་ཏུ་བལྟ་བའི་མདུད་པ་བཅད། །ཆོས་ཀུན་གཟོད་ནས་སྐྱེ་བ་མེད་གཟིགས་པས། །ཤེས་རབ་ཕར་ཕྱིན་རྫོགས་ལ༴ སྦྱིན༷་པའི༷་དཔག་བསམ་སྙན༷་སྨྲ༷་གྲིབ་བསིལ་ཅན། །དོ༷ན་མཐུ༷ན་འདོད་རྒུའི་ཆར་གྱིས་གདུལ་བྱ་རྣམས། །ཕན་བདེའི་དོ༷ན་རབ་སྤྱོད༷་པས་དབུགས་འབྱིན་པའི། །དགེ་མཚན་ཕ་མཐའ་ཡས་ལ༴ སྣང་གྲགས་ལྷ་དང་ནཱ་དའི་སྔགས་སུ་ཤར། །རྩ་རླུང་ཐིག་ལེ་རྡོ་རྗེ་གསུམ་དུ་དག །གཉུག་མའི་ཡེ་ཤེས་མཁའ་ལྟར་ཁྱབ་གདལ་བའི། །རྡོ་རྗེ་འཛིན་པའི་བདག་པོར་གསོལ༴ གྲུབ་པའི་ཆོ་འཕྲུལ་བསམ་ལས་འདས་པར་སྟོན། །འདུལ་བཞིའི་ཕྲིན་ལས་བརྟན་གཡོ་ཀུན་ཏུ་འཇུག །འབྲེལ་ཚད་བྱང་ཆེན་དཀྲི་བའི་གཡར་དམ་ཅན། །ས་གསུམ་འགྲན་ཟླ་བྲལ་ལ་གསོལ་བ་འདེབས། །མཆོག་གསུམ་རྟེན་ལ་ཉམས་གསོ་གསར་བསྐྲུན་དང་། །སྨིན་གྲོལ་གདམས་ཟབ་རྒྱ་མཚོ་སྤེལ་བ་དང་། །མཐར་གྱིས་ཏིང་འཛིན་སྒོ་བརྒྱར་སྙོམས་འཇུག་པའི། །རྣམ་ཐར་བསམ་མི་ཁྱབ་ལ༴ བསྟན་འཛིན་སྐྱེས་བུས་གངས་ཅན་ཁམས་ཀུན་བཀང་། །ཆོས་ཀྱི་རྒྱལ་ཐབས་ཕྱག་ན༷་པ༷དྨོ༷ར་གཏད། །ཡིད་ཅན་ཀུན་ལ་ཐར་པའི་ལམ་བཟང་བསྟན། །མཛད་པ་ཡོངས་སུ་རྫོགས་ལ༴ བརྒྱད་ཅུའི་བར་དུ་དོན་གཉིས་རབ་སྤེལ་ནས། །སྣྲོན་ཟླའི་དཀར་ཕྱོགས་བཟང་པོ་གཉིས་པའི་དུས། །མྱང་འདས་ཚུལ་གྱིས་འགྲོ་མང་སྒྲོལ་བའི་སླད། །ཆོས་དབྱིངས་ཞི་བར་གཤེགས་ལ༴ དེ་ཚེ་ངོ་མཚར་ལྟས་ཀྱི་ཁྱད་པར་དང་། །སྐུ༷་གདུ༷ང་རིང་བསྲེལ་ཡིད༷་བཞི༷ན་ནོར༷་བུ༷་ཡི། །ལྷར་བཅས་ལུས་ཅན་རྒྱ་མཚོའི་རྡུལ་སྙེད་ཀྱི། །དོན་གཉིས་ལྷག་པར་མཛད་ལ༴ སླར་ཡང་འོད་གསལ་ཆོས༷་སྐུ༷འི་དབྱིངས་ཉིད་ལས། །ཟུང་འཇུག་ལོ༷ངས་སྤྱོད་རྫོགས་སྐུ༷འི་རྣམ་འཕྲུལ་ནི། །གང་འདུལ་མཆོག་གི་སྤྲུ༷ལ་སྐུ༷འི་ཉིན་མོར་བྱེད། །འཁོར་བ་ཇི་སྲིད་འཆར་ལ་གསོལ་བ་འདེབས། །དེ་ལྟར་སྐྱབས་གནས་ཀུན་འདུས་བླ་མ་རྗེའི། །ཚད་མེད་རྣམ་ཐར་ཡོན་ཏན་རྗེས་དྲན་བློས། །བདག་དང་མཁའ་མཉམ་འགྲོ་བ་མ་ལུས་ཀུན། །སྒོ་གསུམ་གུས་པས་རྟག་ཏུ་ཕྱག༷་འཚལ༷་ལོ། །དངོས་འབྱོར་ཡིད་ཀྱིས་སྤྲུལ་པའི་མཆོད་སྤྲིན་དང་། །ལུས་དང་ལོངས་སྤྱོད་དགེ་ཚོགས་རྒྱ་མཚོས་མཆོ༷ད། །སྡོམ་དང་དམ་ཚིག་སྲོག་གི་ཕྱིར་ཡང་བཟུང་། །ཁྱོད་མཉེས་ཕྲིན་ལས་འབའ་ཞིག་བསྒྲུབ་པར་བགྱི། །ཐོག་མེད་དུས་ནས་བསགས་པའི་སྡིག་ལྟུང་དང་། །ཁྱད་པར་མགོན་ཁྱོད་ཐུགས་དང་འགལ་བ་ཀུན། །སྟོབས་བཞིའི་ཆོ་གས་སོ་སོར་བཤ༷གས་བགྱིད་ན། །སྒྲིབ་མེད་ཚངས་པའི་གནས་ལ་འགོད་མཛད་གསོལ། །ཉན་རང་སོ་སྐྱེའི་བསོད་ནམས་ཇི་སྙེད་དང་། །སྲས་བཅས་རྒྱལ་བའི་མཛད་པ་རྨད་བྱུང་ཀུན། །གང་གི་ཡེ་ཤེས་རྣམ་རོལ་ལས་བྱུང་ཕྱིར། །མི་ཕྱེད་གུས་པས་རྗེས་སུ་ཡི༷་རང༷་ངོ་། །མཐའ་ཀླས་གདུལ་བྱའི་ཁམས་དབང་བསམ་པ་དང་། །ཇི་ལྟར་འཚམས་པར་ཐར་དང་རྣམ་མཁྱེན་གྱི། །གོ་འཕང་མཆོག་ལ་རབ་ཏུ་དགོད་པའི་སླད། །ཐེག་གསུམ་ཆོས༷་ཀྱི༷་འཁོ༷ར་ལོ༷་བསྐོར་བར་བསྐུལ། །གཟོད་ནས་སྐྱེ་བ་མེད་པར་ཐུགས་ཆུད་པས། །མཐར་གྱིས་འགག་པའི་ཕ་མཐའ་མ་དམིགས་ཕྱིར། །ཕྱོགས་བཅུའི་རྣམ་འདྲེན་སྲས་དང་སློབ་མར་བཅས། །རྒྱུན་གྱིས་རྟག་པའི་ངོ་བོར་བརྟན་བཞུགས༷་གསོ༷ལ། །དེ་ལྟར་བསགས་དང་དུས་གསུམ་དགེ་བའི་ཚོགས། །འཇམ་དཔལ་གཞོན་ནུའི་དྲི་མེད་མཁྱེན་པ་དང་། །ཀུན་ཏུ་བཟང་པོའི་སྨོན་ལམ་རྗེས་སློབ་སྟེ། །བྱང་ཆུབ་སྙིང་པོ་ཡོངས་སུ་བསྔོ༷་བར་བགྱི། །དེ་མཐུས་བདག་གཞན་སྐྱེ་བ་ཐམས་ཅད་དུ། །ཐེག་ཆེན་རིགས་སད་དལ་འབྱོར་རྟེན་ཐོབ་ཅིང་། །ཡེ་ཤེས་སྐུ་ཅན་པ༷དྨ༷་ཉིན༷་མོར་བྱེད༷། །དགེ་བའི་བཤེས་སུ་འབྲལ་བར་མ་གྱུར་ཅིག །སྣོད་བཅུད་མི་རྟག་འགྱུར་བའི་ཆོས་ཅན་དུ། །མཐོང་ནས་ཚེ་འདིའི་སྤྱོད་ལ་མ་ཆགས་པར། །འཁོར་བའི་ཉེས་དམིགས་ལས་འབྲས་བླང་དོར་གྱིས། །སྲིད་ལས་ངེས་འབྱུང་ཐར༷་ལམ༷་བསྙེན༷་པར་ཤོག །རང་ཉིད་ཞི་བདེའི་ཚུལ་ལ་མ་ཞེན་པར། །མཁའ་ཁྱབ་འགྲོ་ལ་བྱམས་དང་སྙིང་རྗེའི་བློས། །བྱང་ཆུབ་སེམས་གཉིས་ཐེམ་སྐས་ལ་བརྟེན་ནས། །རྣ༷མ་མཁྱེ༷ན་གྲོང་ཁྱེར་དག་ཏུ་འཇུག་པར་ཤོག །སེམས་ཅན་བློས་མི་སྤང་དང་ཕན་ཡོན་དྲན། །ཚོགས་གཉིས་བསགས་དང་ཡང་ཡང་བྱང་སེམས་སྦྱོང་། །དཀར་ནག་ཆོས་བརྒྱད་བླང་དོར་རབ་བརྩོན་པའི། །སྨོན་པའི་བསླབ་བྱ་མི་ཉམས་བསྲུང་བར་ཤོག །སྦྱིན་དང་ཚུལ་ཁྲིམས་བཟོད་དང་བརྩོན་འགྲུས་དང་། །བསམ་གཏན་ཤེས་རབ་བསླབ་པ་གསུམ་གྱི་ལམ། །ཚུལ་བཞིན་རྒྱུད་ལ་བསྟན་པའི་འཇུ༷ག་པ༷་ཡིས། །བྱང་ཆུབ་མཆོག་གི་གོ་འཕང་བསྒྲུབ་པར་ཤོག །ཁྱད་པར་གསང་ཆེན་རྡོ་རྗེ་ཐེག་པ་ཡི། །དབང་གིས་རྒྱུད་སྨིན་དམ་ཚིག་རྣམ་པར་དག །གཞི་ལམ་འབྲས་བུའི་རྒྱུད་དོན་ཁོང་ཆུད་ནས། །སྙིང་པོའི་ལམ་བཟང་རྩེ་གཅིག་བསྒོམ་པར་ཤོག །བསྐྱེད་པའི་རིམ་པས་ཚོགས༷་གཉིས་རབ་བསྒྲུབ་ཅིང་། །རྫོགས་རིམ་ཟབ་མོས་སྦྱོར༷་བའི་ཡེ་ཤེས་བསྐྱེད། །མོས་གུས་ཕྱག་རྒྱ་ཆེན་པོའི་རྣལ་འབྱོར་གྱིས། །གཉུག་མའི་གནས་ལུགས་མངོན་སུམ་མཐོང་བར་ཤོག །དེ་ལྟར་མཐོང་ཟིན་རྟག་ཏུ་བསྒོ༷མ་པ་ལས། །སྒྲིབ་གཉིས་བག་ཆགས་བཅས་པ་ཀུན་སྤངས་ཏེ། །ཡེ་ཤེས་ཕྲིན་ལས་ཕུན་སུམ་ཚོགས་པ་ཡི། །མི༷་སློ༷བ་ཟུང་འཇུག་མྱུར་དུ་ཐོབ་པར་ཤོག །དེ་མ་ཐོབ་པའི་གནས་སྐབས་ཐམས་ཅད་དུ། །དམ་ཆོས་བསྒྲུབ་པའི་འགལ་རྐྱེན་ཀུན་ཞི་ཞིང་། །ཚེ་དཔལ་འབྱོར་པ་རིགས་དང་བརྩེ་བ་སོགས། །མཐུན་རྐྱེན་མ་ལུས་ལྷུན་གྱིས་གྲུབ་པར་ཤོག །བསྟན་འཛིན་མཆོག་རྣམས་ཞབས་པད་བསྐལ་བརྒྱར་བརྟན། །བཤད་སྒྲུབ་སྙིང་པོའི་བསྟན༷་པ༷་ཕྱོགས་བཅུར་འཕེལ། །འགྲོ༷་ཀུན༷་དུས་ཀྱི་རྒུད་པ་ཀུན་ཞི་ཞིང་། །ཕན་བདེའི་དགེ༷་ལེག༷ས་རྒྱས༷་པའི་བཀྲ་ཤིས་ཤོག །ཅེས་སྒྲུབ་བརྒྱུད་སྙིང་པོའི་སྟོན་པའི་རྒྱལ་ཚབ་བསྟན་པའི་ཉི་མ། བསྟན་འཛིན་མཐའ་དག་གི་གཙུག་རྒྱན་གཅིག་པུ་སི་ཏུ་རྡོ་རྗེ་འཆང་ཆེན་པོ་པདྨ་ཉིན་བྱེད་དབང་པོའི་ཐུན་མོང་གི་རྣམ་པར་ཐར་པ་དང་མཐུན་པར་གསོལ་འདེབས་ཡན་ལག་བདུན་པ་ལམ་རིམ་གྱི་སྨོན་ལམ་དང་བཅས་པ་འདིའང་། འཁོར་ལོའི་དབང་ཕྱུག་ཟླ་བཟང་མཆོག་སྤྲུལ་རིན་པོ་ཆེའི་སྐུའི་རིམ་གྲོ་པ་དད་དམ་བསླབ་གསུམ་གྱི་ནོར་ལྡན་དགེ་སློང་ཀརྨ་དམ་ཆོས་ནས་ནན་ཏན་དུ་བསྐུལ་བ་དང་། རང་ཉིད་ཀྱིས་ཀྱང་མི་ཕྱེད་གུས་པས་ཀུན་ནས་བསླངས་ཏེ། བསྟོད་ཡུལ་དམ་པ་གང་དེའི་ལེགས་གསུང་གི་བདུད་རྩི་ཕྲ་མོ་ཙམ་ཐོབ་པའི་སློབ་འབངས་ཀྱི་ཆར་གཏོགས་པ་ཤཱཀྱའི་དགེ་སློང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པའི་ཡི་གེ་པ་ནི་རིག་པར་སྨྲ་བའི་བཙུན་པ་འཇམ་དབྱངས་དགའ་བའི་བློ་གྲོས་ཀྱིས་བགྱིས་པ་སྟེ། དགེ་བས་བདག་གཞན་ཐམས་ཅད་ཀྱི་རྒྱུད་ལ་རྗེ་བཙུན་བླ་མའི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །ས་རྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

si tu pad+ma nyin byed dbang po'i rnam thar gsol 'debs mos gus grub pa'i rgyud mang /__ si tu rdo rje 'chang pad+ma nyin byed dbang po'i rnam thar la gsol ba 'debs pa mos gus grub pa'i rgyud mang zhes bya ba bzhugs so/__/na mo gu ru badz+ra d+hA ra pad+ma pA dA ya/__bde stong mchog gi dgyes pa'i rdoX rjoX sems/__/kun tu 'chaXng ba paXd+maX saM b+hA'i tshul/__/gnyug ma'i nyin byed zhu bde'i 'od 'bar ba/__/lhan skyes grub pa'i dbaXng poXr gsol ba 'debs/__/mgon khyod 'phags bzhi'i rnam thar rgya mtsho'i sprin/__/spro dang bsdu ba'i byed por yongs grub bzhin/_/sa bcu'i dbang phyug rgyal tshab mchog gi tshul/__/ma pham chos rjer ston la gsol ba 'debs/__/khyad par 'phags bod mkhas grub kun gyi phul/__/dpal gyi seng ge Dom+bi he ru ka__/lo tsA chen po 'groX mgoXn rasaX chenaX sogs/__/rnam 'phrul cir yang 'char la=__phyi dus thub bstan spyi dang kaXrmaX kaX'i/__/bshad sgrub bstan pa'i nyin byed gcig pu pa/__/gtsuXg laXg chosaX kyiX snangaX b.raX grags 'bar ba'i/__/'jam mgon dngos su snang la=__gang gi 'khor lo gsum gyi phrin las kyis/__/sras bcas rgyal ba'i mdzad pa rdzogs mdzad nas/__/slar yang phyogs bcu'i zhing khams bye snyed du/__/sprul pa'i cho 'phrul ston la=__de las sdeX bzhi dgeX bcu'i 'dun sa che'i/__/shar phyogs yidaX can rtog pa lhung ba'i yul/__/rang byung 'phags pa'i gnas kyi dga' tshal du/__/bsams bzhin srid par bzung la=__gang tshe rgyal dbang pad+maX'i lung gi don/__/grub pa'i dpa' bos gsal bar mtshon pa bzhin/__/ris med rnam 'dren kun gyis mgrin gcig tu/__/dam pa'i skyes bur bsngags la=__gzhon nu nyid nas sngon gnas rjes dran tu/__/mkhyen pa'i stobs dang dge mtshan snang ba yis/__/tshu rol mthong ba'i som nyi'i mun bsal te/__/mchoXg giX spruXl skuXr nges la=__srid zhi'i 'byor pa chen pos mdun bdar te/__/rigs kun khyab bdag gar dbang chos kyi rjes/__/'jigs med seng ge'i khri la mnga' gsol bas/__/phan bde'i nyin byed 'bar la=__mkhyen pa'i ye shes chags thogs bral bar sad/__/brtse ba'i thugs rje mkha' dang mnyam par 'jug__/nus pa'i phrin las yid srubs dpung bcas kyi/__/phyogs las rnam par rgyal la=__zhabs pad bkra shis 'khor lo'i dge mtshan can/__/gangs can yul dbus grub pa'i sman ljongs su/__/bkod nas rgyal sras spyod pa rgya mtsho yis/__/don gnyis pha mthar son la gsol=__rgyal dbang phyagaX naX paXd+moX yabaX srasaX dang /__/nA ro tA pa chosaX kyiX snangaX baX sogs/__/'phags pa'i yongs 'dzin kho na'i tshogs rnams kun/__/mnyes pa gsum gyis bsnyen der=__gang las sdom pa gsum dang rjes 'brel ba'i/__/zab chos spyi dang don brgyud bdud rtsi'i bcud/_/thugs kyi bum pa bzang por legs bzung bas/__/smin grol yongs su rdzogs la=__nges 'byung tshul khrims blang dang bsrung ba dang /__/phyir zhing 'chos pa'i bslab bya'i gzhi rnams la/__/brtan mkhas phan 'dogs yon tan yongs rdzogs pa'i/__/gnas brtan 'duXl baX 'dzin par gsol=__byams pa'i thugs ni snying rje'i gzhan dbang can/__/byang chub sems gnyis spyod dang mi 'bral bas/__/phyogs bcu'i rnam 'dren yongs kyi gdung 'tshob pa/__/rgyal sras sems dpa' chen por=__zang zing nam mkha'i mdzod kyi gtong ba dang /__/dam chos nor bu'i gru char 'bebs mkhas shing /__/'gro kun srid zhi'i gdung ba kun skyobs pa/__/sbyinaX pa'iX phar phyin rdzogs la=__gzhan yang nyes spyod rdul gyis ring dben pa'i/__/dge chos yongs su sdud pa'i pad+ma dkar/__/gzhan phan bdud rtsi'i zil dngar rtag 'babs pas/__/tshulaX khriXms phar phyin rdzogs la=__gnod pa'i yul gyis mi 'khrugs thugs rje'i go/___/chos phyir dka' ba spyad pas rab brjid cing /__/zab mo'i don la 'jigs med blo gros kyis/__/bzoXd pa'iX phar phyin rdzogs la=__mkha' khyab yid can sgrol ba'i thugs bskyed dang /__/rtag tu byang chub spyod pa'i brtul zhugs dang /__/gzhan don bsgrub la nam yang mi ngal bas/__/brtsoXn 'gruXs phar phyin rdzogs la=__lus sems shin sbyangs bde ba'i mthar son cing /__/'phags bzhi'i yon tan sgrub pa'i ting 'dzin dang /__/rnam 'phrul du mas 'gro ba'i don mdzad pas/__/bsamaX gtanaX phar phyin rdzogs la=__'jig rten shes bya'i gnas kun rab mkhyen cing /__/gang zag bdag tu blta ba'i mdud pa bcad/__/chos kun gzod nas skye ba med gzigs pas/__/shes rab phar phyin rdzogs la=__sbyinaX pa'iX dpag bsam snyanaX smraX grib bsil can/__/doXn mthuXn 'dod rgu'i char gyis gdul bya rnams/__/phan bde'i doXn rab spyodaX pas dbugs 'byin pa'i/__/dge mtshan pha mtha' yas la=__snang grags lha dang nA da'i sngags su shar/__/rtsa rlung thig le rdo rje gsum du dag__/gnyug ma'i ye shes mkha' ltar khyab gdal ba'i/__/rdo rje 'dzin pa'i bdag por gsol=__grub pa'i cho 'phrul bsam las 'das par ston/__/'dul bzhi'i phrin las brtan g.yo kun tu 'jug__/'brel tshad byang chen dkri ba'i g.yar dam can/__/sa gsum 'gran zla bral la gsol ba 'debs/__/mchog gsum rten la nyams gso gsar bskrun dang /__/smin grol gdams zab rgya mtsho spel ba dang /__/mthar gyis ting 'dzin sgo brgyar snyoms 'jug pa'i/__/rnam thar bsam mi khyab la=__bstan 'dzin skyes bus gangs can khams kun bkang /__/chos kyi rgyal thabs phyag naX paXd+moXr gtad/__/yid can kun la thar pa'i lam bzang bstan/__/mdzad pa yongs su rdzogs la=__brgyad cu'i bar du don gnyis rab spel nas/__/snron zla'i dkar phyogs bzang po gnyis pa'i dus/__/myang 'das tshul gyis 'gro mang sgrol ba'i slad/__/chos dbyings zhi bar gshegs la=__de tshe ngo mtshar ltas kyi khyad par dang /__/skuX gduXng ring bsrel yidaX bzhiXn noraX buX yi/__/lhar bcas lus can rgya mtsho'i rdul snyed kyi/__/don gnyis lhag par mdzad la=__slar yang 'od gsal chosaX skuX'i dbyings nyid las/__/zung 'jug loXngs spyod rdzogs skuX'i rnam 'phrul ni/__/gang 'dul mchog gi spruXl skuX'i nyin mor byed/__/'khor ba ji srid 'char la gsol ba 'debs/__/de ltar skyabs gnas kun 'dus bla ma rje'i/__/tshad med rnam thar yon tan rjes dran blos/__/bdag dang mkha' mnyam 'gro ba ma lus kun/__/sgo gsum gus pas rtag tu phyagaX 'tshalaX lo/__/dngos 'byor yid kyis sprul pa'i mchod sprin dang /__/lus dang longs spyod dge tshogs rgya mtshos mchoXd/__/sdom dang dam tshig srog gi phyir yang bzung /__/khyod mnyes phrin las 'ba' zhig bsgrub par bgyi/__/thog med dus nas bsags pa'i sdig ltung dang /__/khyad par mgon khyod thugs dang 'gal ba kun/__/stobs bzhi'i cho gas so sor bshaXgs bgyid na/__/sgrib med tshangs pa'i gnas la 'god mdzad gsol/__/nyan rang so skye'i bsod nams ji snyed dang /__/sras bcas rgyal ba'i mdzad pa rmad byung kun/__/gang gi ye shes rnam rol las byung phyir/__/mi phyed gus pas rjes su yiX rangaX ngo /__/mtha' klas gdul bya'i khams dbang bsam pa dang /__/ji ltar 'tshams par thar dang rnam mkhyen gyi/__/go 'phang mchog la rab tu dgod pa'i slad/__/theg gsum chosaX kyiX 'khoXr loX bskor bar bskul/__/gzod nas skye ba med par thugs chud pas/__/mthar gyis 'gag pa'i pha mtha' ma dmigs phyir/__/phyogs bcu'i rnam 'dren sras dang slob mar bcas/__/rgyun gyis rtag pa'i ngo bor brtan bzhugasaX gsoXl/__/de ltar bsags dang dus gsum dge ba'i tshogs/__/'jam dpal gzhon nu'i dri med mkhyen pa dang /__/kun tu bzang po'i smon lam rjes slob ste/__/byang chub snying po yongs su bsngoX bar bgyi/__/de mthus bdag gzhan skye ba thams cad du/__/theg chen rigs sad dal 'byor rten thob cing /__/ye shes sku can paXd+maX nyinaX mor byedaX/__/dge ba'i bshes su 'bral bar ma gyur cig__/snod bcud mi rtag 'gyur ba'i chos can du/__/mthong nas tshe 'di'i spyod la ma chags par/__/'khor ba'i nyes dmigs las 'bras blang dor gyis/__/srid las nges 'byung tharaX lamaX bsnyenaX par shog__/rang nyid zhi bde'i tshul la ma zhen par/__/mkha' khyab 'gro la byams dang snying rje'i blos/__/byang chub sems gnyis them skas la brten nas/__/rnaXm mkhyeXn grong khyer dag tu 'jug par shog__/sems can blos mi spang dang phan yon dran/__/tshogs gnyis bsags dang yang yang byang sems sbyong /__/dkar nag chos brgyad blang dor rab brtson pa'i/__/smon pa'i bslab bya mi nyams bsrung bar shog__/sbyin dang tshul khrims bzod dang brtson 'grus dang /__/bsam gtan shes rab bslab pa gsum gyi lam/__/tshul bzhin rgyud la bstan pa'i 'juXg paX yis/__/byang chub mchog gi go 'phang bsgrub par shog__/khyad par gsang chen rdo rje theg pa yi/__/dbang gis rgyud smin dam tshig rnam par dag__/gzhi lam 'bras bu'i rgyud don khong chud nas/__/snying po'i lam bzang rtse gcig bsgom par shog__/bskyed pa'i rim pas tshogasaX gnyis rab bsgrub cing /__/rdzogs rim zab mos sbyoraX ba'i ye shes bskyed/__/mos gus phyag rgya chen po'i rnal 'byor gyis/__/gnyug ma'i gnas lugs mngon sum mthong bar shog__/de ltar mthong zin rtag tu bsgoXm pa las/__/sgrib gnyis bag chags bcas pa kun spangs te/__/ye shes phrin las phun sum tshogs pa yi/__/miX sloXb zung 'jug myur du thob par shog__/de ma thob pa'i gnas skabs thams cad du/__/dam chos bsgrub pa'i 'gal rkyen kun zhi zhing /__/tshe dpal 'byor pa rigs dang brtse ba sogs/__/mthun rkyen ma lus lhun gyis grub par shog__/bstan 'dzin mchog rnams zhabs pad bskal brgyar brtan/__/bshad sgrub snying po'i bstanaX paX phyogs bcur 'phel/__/'groX kunaX dus kyi rgud pa kun zhi zhing /__/phan bde'i dgeX legaXs rgyasaX pa'i bkra shis shog__/ces sgrub brgyud snying po'i ston pa'i rgyal tshab bstan pa'i nyi ma/__bstan 'dzin mtha' dag gi gtsug rgyan gcig pu si tu rdo rje 'chang chen po pad+ma nyin byed dbang po'i thun mong gi rnam par thar pa dang mthun par gsol 'debs yan lag bdun pa lam rim gyi smon lam dang bcas pa 'di'ang /__'khor lo'i dbang phyug zla bzang mchog sprul rin po che'i sku'i rim gro pa dad dam bslab gsum gyi nor ldan dge slong karma dam chos nas nan tan du bskul ba dang /__rang nyid kyis kyang mi phyed gus pas kun nas bslangs te/__bstod yul dam pa gang de'i legs gsung gi bdud rtsi phra mo tsam thob pa'i slob 'bangs kyi char gtogs pa shAkya'i dge slong bya bral ba 'jam dbyangs mkhyen brtse'i dbang pos gsol ba btab pa'i yi ge pa ni rig par smra ba'i btsun pa 'jam dbyangs dga' ba'i blo gros kyis bgyis pa ste/__dge bas bdag gzhan thams cad kyi rgyud la rje btsun bla ma'i ye shes gzigs pa'i byin rlabs myur du 'jug pa'i rgyur gyur cig__/sa rba dA ka l+yA NaM b+ha ba tu//___//__!