JKW-KABUM-01-KA-002-008

Previous Text Back to Volume PageNext Text

འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ་གཞན་ཕན་ཀུནྡཱའི་ཕྲེང་བ།

Wylie title	'phags pa spyan ras gzigs dbang phyug la bstod pa gzhan phan kun+dA'i phreng ba
Location	mkhyen brtse'i bka' 'bum Volume 1, sde tshan 2, Text 8, Pages 85-88 (Folios 14a1 to 15b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'phags pa spyan ras gzigs dbang phyug la bstod pa gzhan phan kun+dA'i phreng ba. In 'jam dbyangs mkhyen brtse'i dbang po'i bka' 'bum, Vol. 1: 85-88. Khams sde dge rdzong sar dgon: Rdzong sar blo gros phun tshogs, 2020.
Genre	Verses of Praise - bstod pa
Deity	spyan ras gzigs dbang phyug
Colophon	།དེ་ལྟར་འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པའི་རབ་ཏུ་བྱེད་པ་ཡི་གེའི་མ་མོ་ལ་སྤེལ་བ་འདི་ཡང་གཞོན་ནུ་ཨ་བྷཱ་ཡས་ཆོ་འཕྲུལ་ཟླ་བའི་ཐུན་མཚམས་ལ་གསོལ་བ་བཏབ་པ་ཛ་ཡནྟུ།།
	de ltar 'phags pa spyan ras gzigs dbang phyug la bstod pa'i rab tu byed pa yi ge'i ma mo la spel ba 'di yang gzhon nu a b+hA yas cho 'phrul zla ba'i thun mtshams la gsol ba btab pa dza yan+tu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ་གཞན་ཕན་ཀུནྡཱའི་ཕྲེང་བ་ཞེས་བྱ་བ། ན་མོ་མ་ཧཱ་བོ་དྷི་ས་ཏྭ་ལོ་ཀཱི་ཤཱ་རཱ་ཡ། ཀ༷་ཀུ་བྷ་ཡི་འདབ་མ་ཇི་བཞིན་མཁྱེན་བརྩེའི་སྤྱ༷ན་ར༷ས་རབ་བཀྲ་བས། །ཁ༷་བ་ཅན་ལྗོངས་འགྲོ་ལ་རྟག་གཟིགས་ལྷན་ཅིག་མཚན་དཔེའི་དཀྱིལ་འཁོར་ཀྱང་། །ག༷་བུར་འཛིན་པ་གསར་པའི་ལང་ཚོས་ཐར་པའི་ཀུ་མུད་བཞད་པ་དང་། །ང༷་བདག་གཟུང་འཛིན་འཁྲུལ་པའི་ཆུ་སྐྱེས་ཟུམ་པར་བྱས་ཏེ་དྭང་བས་འདུད། ༡ །ཅ༷་ཅོ་རྣམ་སྤངས་འགོག་བདེན་དོན་དམ་གདོད་མའི་ནགས་སུ་ཉེར་གཟིམས་ཀྱང་། །ཆ༷་མེད་སྡུག་བསྔལ་གསུམ་གྱིས་གཟིར་ལ་སྙིང་རྗེ་ཆེན་པོས་རབ་གཟིགས་ཏེ། །ཇ༷་ཧོང་ལས་ལྡོག་རྣམ་པར་དཀར་བའི་ལམ་བདེན་མུ་ཏིག་དོ་ཤལ་མཆོག །ཉ༷་ལྕིབས་ཇི་བཞིན་གསུང་གསང་བརྗོད་བྲལ་ནཱ་དའི་ཁམས་ཀྱིས་སྦྱིན་དེར་འདུད། ༢ །ཏྭ༷་ལའི་ཕྲེང་བས་ཡོངས་སུ་བསྐོར་བའི་གྲུབ་པའི་ས་འཛིན་པོ་ཏ་ལ། །ཐ༷་གྲུ་མི་མངོན་གཞལ་དཀའི་རྒྱན་གྱིས་རྣམ་པར་མཛེས་པའི་ཕོ་བྲང་དབུས། །ད༷་དུང་ཆགས་པའི་རྩེ་དགའ་མིན་ཀྱང་རིག་འཛིན་ཌཱ་ཀི་བྱེ་བ་ཡིས། །ན༷་མར་ཁྱོད་ཞབས་པདྨོའི་གེ་སར་ཐོར་ཚུགས་རྒྱན་དུ་རོལ་དེར་འདུད། ༣ །པ༷་སངས་གསར་པའི་འོད་ཀྱིས་མ་བཏབ་བྱང་ཆུབ་སེམས་མཆོག་བདུད་རྩི་ཡིས། །ཕ༷་རོལ་ཕྱིན་ལམ་སྤྱོད་པ་རྒྱ་མཚོའི་ཡོངས་འདུས་དབང་པོར་བྲན་གྱུར་པས། །བ༷་ཀུ་ལ་ཡི་འདབ་རྒྱ་ཇི་བཞིན་བྱང་སེམས་པདྨོ་བཞད་པ་ལས། །མ༷་དཱ་ན་ལྟར་ཐུགས་རྗེའི་རོ་ཡིས་ཐར་མཆོག་ལང་ཚོ་སྦྱིན་དེར་འདུད། ༤ །ཙ༷་མ་ར་ལྟར་ཁེངས་དང་དྲེགས་ལྡན་འཇིག་རྟེན་བྱེད་པོ་སྦྲང་རྩིའི་བུ། །ཚ༷་གྲང་དཔལ་གྱིས་གཞན་སྲོག་གཅོད་བྱེད་འབོད་སྒྲོགས་འབྱུང་པོའི་སྡེ་ཚོགས་ཀྱང་། །ཛཱ༷་ཏིའི་པདྨོ་གསར་པ་བཞད་ལྟར་ཀུན་ཏུ་ཞི་བའི་སྙིང་རྗེའི་མཐུས། །ཝ༷་བཞིན་རབ་ཞུམས་ཁྱོད་ཀྱི་ཞབས་སེན་ཐོར་ཚུགས་རྒྱན་དུ་རོལ་དེར་འདུད། ༥ །ཞྭ༷་ཐོད་དར་གྱི་ཕོད་སྲོང་བཙན་སྒམ་པོ། ཀ་དཀྲིས་པའི་འཇོ་སྒེག་སྟུག་པོར་ཆགས་མིན་ཡང་། །ཟ༷་མ་ཏོག་ལྟར་ཤེས་བྱ་ཀུན་བསྡོམས་བརྩེ་ཆེན་སྣང་བའི་མུ་ཁྱུད་ནི། །འ༷་ཅག་སྐྱེ་བའི་འཁྲི་ཤིང་བཟུང་གནས་གངས་ཅན་གླིང་དུ་བསྐོར་བའི་ཚེ། །ཡ༷་བྲལ་དགེ་སྡིག་འཆོལ་བར་སྤྱོད་པའི་མུན་པའི་དཔུང་ཚོགས་སྨད་དེར་འདུད། ༦ །རྭ༷་ལྟར་རྡུལ་བྲལ་རྟག་ཆད་སྤྲོས་པའི་མཐའ་དང་མི་མཛའ་སྟོང་པ་ཉིད། །ལ༷་ལ་ཙམ་མིན་ཀུན་ཁྱབ་སྙིང་རྗེའི་ལང་ཚོ་མཆོག་དེར་རབ་ཆགས་པས། །ཤ༷་ཀུ་ན་ཚོགས་མཁའ་ལ་རོལ་བཞིན་འགྲོ་དོན་ཐོགས་མེད་རྟག་སྤྱོད་ཕྱིར། །ས༷་བཅུར་ངལ་བསོའི་བྱང་སེམས་ཚུལ་འཛིན་རྒྱལ་རྣམས་ཀུན་པདྨ་དཀར་པོ་སོགས་ཀྱིས་གསལ་ལོ། །གྱིས་བསྔགས་དེར་འདུད། ༧ །ཧ༷་རིའི་ཙནྡན་རེག་བྱས་མི་མཚོན་ཁྱོད་མཚན་ཀཏྤུར་དབང་པོའི་རྒྱུན། །ལུས་ཅན་གང་ཞིག་ཐོས་པ་འཛིན་པའི་ཀུནྡཱའི་བཏུང་བར་འཇོ་ཙམ་གྱིས། །བརྒྱད་གཉིས་འཇིགས་བཅས་ཚ་གདུང་བསལ་པད་དཀར་ལས་བསྟན། དང་བདེ་བའི་ལང་ཚོ་ལ་སྦྱར་ན། །ཨ༷་ལ་ལ་ཞེས་ངོ་མཚར་བཞད་སྒྲས་ནོར་འཛིན་ཁམས་འདིའང་གཡོ་བ་བཞིན། ༨ །དེས་ན་རྟག་ཏུ་ཁྱོད་ལ་རབ་དད་དྲི་བཞོན་གཡོ་བའི་ཕོ་ཉ་ཡིས། །གང་ཐུགས་སྙིང་རྗེའི་སྤྲིན་དཀར་བསྲུབས་ལས་མཁྱེན་བརྩེའི་བདུད་རྩིའི་གྲུ་ཆར་གྱིས། །སྡུག་བསྔལ་མེ་ཚོགས་མཐའ་དག་མནལ་དང་ཆབ་གཅིག་མངོན་མཐོའི་ཨུཏྤལ། །ཡིད་འོང་འགུགས་པས་འགྲོ་ཀུན་བདེ་བའི་དགའ་སྟོན་མཆོག་ལ་སྦྱོར་གྱུར་ཅིག ༩།ཁྱད་པར་སྲོག་ཀྱང་གཞན་དོན་ལ་དོར་གཅིག་ཏུ་བརྟན་པའི་དམ་བཅའ་ཡིས། །ཞི་བའི་གོ་ཆས་འཛམ་བུའི་གླིང་དུ་ཁྱོད་འདྲེན་མཉེས་པར་བགྱིད་བཞིན་དུ། །བདག་ཀྱང་སྐྱེ་ཀུན་འགྲོ་བ་སྒྲོལ་བའི་དམ་བཅའ་གཡོ་མེད་བརྟན་གྱུར་པས། །འཕགས་པ་དགྱེས་པའི་འཛུམ་ཞལ་གཡོ་བས་ལུང་བསྟན་དབུགས་དབྱུང་ཐོབ་གྱུར་ཅིག ༡༠ །ཤིན་ཏུ་དབེན་པའི་ཤིང་དྲུང་དག་ཏུ་མི་སྨྲ་ཙོག་པུར་འདུག་བྱས་ཏེ། །དག་བྱེད་རྒྱུན་གྱི་ཁྲུས་ལ་འཇུག་ཅིང་ཀུ་ཤ་གསར་པའི་གདན་དང་བཅས། །དཀའ་ཐུབ་དྲག་པོའི་ཕོ་ཉས་བཏབ་པས་ལུས་ཀྱི་འཁྲི་ཤིང་ཉམས་གྱུར་པའི། །དྲང་སྲོང་ཇི་བཞིན་འདིར་ཡང་བྱང་ཆུབ་སྤྱོད་པའི་མཆོག་ལ་འཇུག་པར་ཤོག ༡༡ །འདོད་པའི་མཛེས་སྡུག་ཨུཏྤལ་དཀར་པོའི་དཔལ་ལ་འགོངས་པའི་ཆུ་ཤེལ་དབང་། །གདུང་སེལ་གངྒཱའི་རྒྱུན་གྱིས་མ་བཀྲུས་རི་དྭགས་གཟུགས་ཀྱིས་སྤུད་པའི་ཟེར། །ཟུར་མིག་བཀྲ་བའི་མཛེས་མས་མ་བཀུག་སྙིང་གི་ཀུ་མུད་ལ་ཆགས་པས། །བདུད་རྩིའི་འགོ་བཤར་ཐིག་པས་བྲན་ལས་འཛུམ་ཕྲེང་དགོད་པའང་ཐོབ་གྱུར་ཅིག ༡༢ །དེ་ལྟར་གུས་པའི་ཡིད་ལས་རབ་སྐྱེས་གསོལ་འདེབས་ཚིག་གི་དར་ཤམ་རྩེར། །རྣམ་པར་དགེ་བའི་ཙིནྟཱ་མ་ཎི་འོད་ཟེར་ཕུང་པོ་རབ་འབར་བས། །གནས་སྐབས་མཐར་ཐུག་ཕན་དང་བདེ་བའི་འབྱོར་པའི་དབྱིག་གིས་ཕྱུག་གྱུར་ཏེ། །བླ་ན་མེད་པའི་བྱང་ཆུབ་མཆོག་གི་གྲིབ་བསིལ་མཆོག་ཏུ་བསྟི་བར་ཤོག ༡༣ །དེ་ལྟར་འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པའི་རབ་ཏུ་བྱེད་པ་ཡི་གེའི་མ་མོ་ལ་སྤེལ་བ་འདི་ཡང་གཞོན་ནུ་ཨ་བྷཱ་ཡས་ཆོ་འཕྲུལ་ཟླ་བའི་ཐུན་མཚམས་ལ་གསོལ་བ་བཏབ་པ་ཛ་ཡནྟུ།། །། ༈

[edit]

'phags pa spyan ras gzigs dbang phyug la bstod pa gzhan phan kun+dA'i phreng ba/_ 'phags pa spyan ras gzigs dbang phyug la bstod pa gzhan phan kun+dA'i phreng ba zhes bya ba/__na mo ma hA bo d+hi sa twa lo kI shA rA ya/__kaX ku b+ha yi 'dab ma ji bzhin mkhyen brtse'i spyaXn raXs rab bkra bas/__/khaX ba can ljongs 'gro la rtag gzigs lhan cig mtshan dpe'i dkyil 'khor kyang /__/gaX bur 'dzin pa gsar pa'i lang tshos thar pa'i ku mud bzhad pa dang /__/ngaX bdag gzung 'dzin 'khrul pa'i chu skyes zum par byas te dwang bas 'dud/__1_/caX co rnam spangs 'gog bden don dam gdod ma'i nags su nyer gzims kyang /__/chaX med sdug bsngal gsum gyis gzir la snying rje chen pos rab gzigs te/__/jaX hong las ldog rnam par dkar ba'i lam bden mu tig do shal mchog__/nyaX lcibs ji bzhin gsung gsang brjod bral nA da'i khams kyis sbyin der 'dud/__2_/twaX la'i phreng bas yongs su bskor ba'i grub pa'i sa 'dzin po ta la/__/thaX gru mi mngon gzhal dka'i rgyan gyis rnam par mdzes pa'i pho brang dbus/__/daX dung chags pa'i rtse dga' min kyang rig 'dzin DA ki bye ba yis/__/naX mar khyod zhabs pad+mo'i ge sar thor tshugs rgyan du rol der 'dud/_3_/paX sangs gsar pa'i 'od kyis ma btab byang chub sems mchog bdud rtsi yis/__/phaX rol phyin lam spyod pa rgya mtsho'i yongs 'dus dbang por bran gyur pas/__/baX ku la yi 'dab rgya ji bzhin byang sems pad+mo bzhad pa las/__/maX dA na ltar thugs rje'i ro yis thar mchog lang tsho sbyin der 'dud/__4__/tsaX ma ra ltar khengs dang dregs ldan 'jig rten byed po sbrang rtsi'i bu/__/tshaX grang dpal gyis gzhan srog gcod byed 'bod sgrogs 'byung po'i sde tshogs kyang /__/dzAX ti'i pad+mo gsar pa bzhad ltar kun tu zhi ba'i snying rje'i mthus/__/waX bzhin rab zhums khyod kyi zhabs sen thor tshugs rgyan du rol der 'dud/__5_/zhwaX thod dar gyi phod srong btsan sgam po/__ka dkris pa'i 'jo sgeg stug por chags min yang /_/zaX ma tog ltar shes bya kun bsdoms brtse chen snang ba'i mu khyud ni/__/'aX cag skye ba'i 'khri shing bzung gnas gangs can gling du bskor ba'i tshe/__/yaX bral dge sdig 'chol bar spyod pa'i mun pa'i dpung tshogs smad der 'dud/__6_/rwaX ltar rdul bral rtag chad spros pa'i mtha' dang mi mdza' stong pa nyid/__/laX la tsam min kun khyab snying rje'i lang tsho mchog der rab chags pas/__/shaX ku na tshogs mkha' la rol bzhin 'gro don thogs med rtag spyod phyir/__/saX bcur ngal bso'i byang sems tshul 'dzin rgyal rnams kun pad+ma dkar po sogs kyis gsal lo/__/gyis bsngags der 'dud/__7__/haX ri'i tsan+dan reg byas mi mtshon khyod mtshan kat+pur dbang po'i rgyun/__/lus can gang zhig thos pa 'dzin pa'i kun+dA'i btung bar 'jo tsam gyis/__/brgyad gnyis 'jigs bcas tsha gdung bsal pad dkar las bstan/__dang bde ba'i lang tsho la sbyar na/__/aX la la zhes ngo mtshar bzhad sgras nor 'dzin khams 'di'ang g.yo ba bzhin/__8_/des na rtag tu khyod la rab dad dri bzhon g.yo ba'i pho nya yis/__/gang thugs snying rje'i sprin dkar bsrubs las mkhyen brtse'i bdud rtsi'i gru char gyis/__/sdug bsngal me tshogs mtha' dag mnal dang chab gcig mngon mtho'i ut+pal/___/yid 'ong 'gugs pas 'gro kun bde ba'i dga' ston mchog la sbyor gyur cig__9/khyad par srog kyang gzhan don la dor gcig tu brtan pa'i dam bca' yis/_/zhi ba'i go chas 'dzam bu'i gling du khyod 'dren mnyes par bgyid bzhin du/__/bdag kyang skye kun 'gro ba sgrol ba'i dam bca' g.yo med brtan gyur pas/__/'phags pa dgyes pa'i 'dzum zhal g.yo bas lung bstan dbugs dbyung thob gyur cig__10_/shin tu dben pa'i shing drung dag tu mi smra tsog pur 'dug byas te/__/dag byed rgyun gyi khrus la 'jug cing ku sha gsar pa'i gdan dang bcas/__/dka' thub drag po'i pho nyas btab pas lus kyi 'khri shing nyams gyur pa'i/__/drang srong ji bzhin 'dir yang byang chub spyod pa'i mchog la 'jug par shog_11_/'dod pa'i mdzes sdug ut+pal dkar po'i dpal la 'gongs pa'i chu shel dbang /__/gdung sel gang+gA'i rgyun gyis ma bkrus ri dwags gzugs kyis spud pa'i zer/__/zur mig bkra ba'i mdzes mas ma bkug snying gi ku mud la chags pas/__/bdud rtsi'i 'go bshar thig pas bran las 'dzum phreng dgod pa'ang thob gyur cig_12_/de ltar gus pa'i yid las rab skyes gsol 'debs tshig gi dar sham rtser/__/rnam par dge ba'i tsin+tA ma Ni 'od zer phung po rab 'bar bas/__/gnas skabs mthar thug phan dang bde ba'i 'byor pa'i dbyig gis phyug gyur te/__/bla na med pa'i byang chub mchog gi grib bsil mchog tu bsti bar shog__13__/de ltar 'phags pa spyan ras gzigs dbang phyug la bstod pa'i rab tu byed pa yi ge'i ma mo la spel ba 'di yang gzhon nu a b+hA yas cho 'phrul zla ba'i thun mtshams la gsol ba btab pa dza yan+tu//_//_!