JKW-KABAB-16-MA-017

From Khyentse Lineage - A Tsadra Foundation Project
Revision as of 17:10, 2 March 2022 by Mort (talk | contribs) (Text replacement - "|editortib=རྫོང་སར་བློ་གྲོས་ཕུན་ཚོགས་" to "|editortib=")
(diff) ← Older revision | Latest revision (diff) | Newer revision → (diff)

རྩ་གསུམ་འོད་གསལ་སྙིང་ཐིག་ལས། ཕག་དཀར་ཡེ་ཤེས་གསལ་བྱེད་ཀྱི་སྨིན་བྱེད་ཀྱི་ཆོ་ག་བྱིན་རླབས་སྣང་བའི་རྒྱན།
Wylie title rtsa gsum 'od gsal snying thig las phag dkar ye shes gsal byed kyi smin byed kyi cho ga byin rlabs snang ba'i rgyan JKW-KABAB-16-MA-017.pdf
Location mkhyen brtse'i bka' babs
Volume 16, Text 17, Pages 723-734 (Folios 1a to 6b2)
Author འཇམ་མགོན་ཀོང་སྤྲུལ་
Less details More details
Tertön འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation 'jam mgon kong sprul. rtsa gsum 'od gsal snying thig las phag dkar ye shes gsal byed kyi smin byed kyi cho ga byin rlabs snang ba'i rgyan. In Rdzong sar 'jam dbyangs mkhyen brtse'i dbang po'i bka' babs, Vol. 16: 723-734. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre Empowerment Ritual - dbang chog - dbang skur
Cycle རྩ་གསུམ་འོད་གསལ་སྙིང་ཏིག་ (rtsa gsum 'od gsal snying tig)
Deity phag dkar
Karchag page JKW-KABAB-Volume-16-MA-Karchag
RTZ In the Rinchen Terdzö: https://rtz.tsadra.org/index.php/Terdzo-DZI-072
Colophon

།ཅེས་རིན་པོ་ཆེ་གཏེར་གྱི་མཛོད་ཆེན་པོར་རྣམ་མཁྱེན་དཔལ་གྱིས་འབྱོར་པའི་ཆ་རྐྱེན་དབྱིག་གི་སྙིང་པོ་མ་ཚང་བ་མེད་པ་སྡུད་པའི་སྐབས་སུ་མེད་དུ་མི་རུང་བ་མཐོང་ནས། པདྨ་གར་དབང་བློ་གྲོས་མཐའ་ཡས་ཀྱིས་རྫོང་ཤོད་བདེ་གཤེགས་འདུས་པའི་སྒྲུབ་གནས་སུ་བགྱིས་པ་དགེ་ལེགས་འཕེལ།།

ces rin po che gter gyi mdzod chen por rnam mkhyen dpal gyis 'byor pa'i cha rkyen dbyig gi snying po ma tshang ba med pa sdud pa'i skabs su med du mi rung ba mthong nas/__pad+ma gar dbang blo gros mtha' yas kyis rdzong shod bde gshegs 'dus pa'i sgrub gnas su bgyis pa dge legs 'phel/

":Property:textsubnumber|textsubnumber" can not be assigned to a declared number type with value 1.

[edit]
།རྩ་གསུམ་འོད་གསལ་སྙིང་ཐིག་ལས། ཕག་དཀར་ཡེ་ཤེས་གསལ་བྱེད་ཀྱི་སྨིན་བྱེད་ཀྱི་ཆོ་ག་བྱིན་རླབས་སྣང་བའི་རྒྱན་ཅེས་བྱ་བ་བཞུགས་སོ།

༅། །ན་མོ་གུ་རུ་བཛྲ་ཝ་རཱ་ཧཱི་ཡི། །དྲི་མེད་སྟོན་ཟླའི་མདངས་འོད་ཀྱིས། །ཡེ་ཤེས་སྣང་བ་རྒྱས་མཛད་པ། །བླ་མ་རྡོ་རྗེ་བཙུན་མོ་ལ། །བཏུད་ནས་དབང་གི་མཚམས་སྦྱོར་དགོད། །ཟབ་མོའི་ཡེ་ཤེས་སྣང་བར་མཛད་པའི་རྡོ་རྗེ་རྣལ་འབྱོར་མ་དཀར་མོའི་བྱིན་རླབས་ཀྱི་ཚོགས་སྐལ་ལྡན་རྗེས་སུ་བཟུང་བའི་རིམ་པ་ལ་གསུམ། སྦྱོར་བ། དངོས་གཞི། རྗེས་སོ། དང་པོ་ནི། དབེན་ཅིང་མཁའ་འགྲོ་འདུ་བས་བྱིན་རླབས་ཀྱི་ཟིལ་ཆགས་པའི་གནས་སུ། སྟེགས་གཙང་མར་རྡུལ་ཚོན་ནམ་རས་བྲིས་ཀྱི་ཆོས་འབྱུང་དཀར་པོ་བསྣོལ་མ་དུར་ཁྲོད་རྡོ་ར་མེ་རི་དང་བཅས་པའི་དབུས་སུ་པདྨ་འདབ་བཞིའི་ལྟེ་བར་རྡོ་རྗེ་དཀར་པོ་རྩེ་ལྔ་པ་བྃ་ཡིག་གིས་མཚན་པ་དང༌། འདབ་མ་བཞི་ལ་འབུམ་ཕྲག་ཡངས་པའི་མཁའ་འགྲོའི་ཐུགས་སྲོག་ཧ་རི་ནི་ས་ཞེས་པའི་ཡིག་འབྲུ་རྣམས་དགོད། དེའི་དབུས་སུ་མཉྫིའི་སྟེང་བུམ་པ་བཅུད་ལྡན་མགུལ་ཆིངས་དཀར་པོས་སྤྲས་པ་བཞག །དེ་སྟེང་ཐོད་པ་མཚན་ལྡན་བདུད་རྩིས་གཏམས་པའི་ཁར་སིནྡྷཱུ་རའི་མེ་ལོང་ཆོས་འབྱུང་བྃ་ཡིག་སྔགས་ཕྲེང་གིས་བརྒྱན་པ་གཞག །མཐར་སྨན་གཏོར་རཀྟ་དང་ཉེར་སྤྱོད་ཀྱིས་བསྐོར། གཞན་ཡང་ཚོགས་ཀྱི་ཡོ་བྱད་དང་སྔོན་གཏོར་སོགས་མཁོ་བའི་ཡོ་བྱད་རྣམས་ཚོགས་པར་བྱའོ། །གཉིས་པ་ལ། ཐོག་མར་དབང་དོན་སྒྲུབ་མཆོད་ནི། ཚིག་བདུན་གསོལ་འདེབས་སོགས་སྔོན་དུ་འགྲོ་བས་ཕྲིན་ལས་ཡེ་ཤེས་སྣང་བའི་རྒྱན་གྱི་སྐྱབས་སེམས་ནས་བརྩམས་མཐར་ཆགས་སུ་བཏང༌། དངོས་གཞི་བདག་མདུན་དབྱེར་མེད་དུ་བསྒོམ། བཟླས་པའི་ཐོག་མར་སྤྱི་ལྟར་མདུན་རྟེན་གོ་སར་ཛབ྄་ཁང་ཕྱེས་ཏེ་བདག་མདུན་གཉིས་ཀར་དམིགས་པའི་སྤྲོ་བསྡུ་བཅས་བཟླས་པ་ཇི་ལྟར་རིགས་པ་བྱས་པ་ཙམ་གྱིས་འགྲུབ་ཀྱང༌། བུམ་བཟླས་ཟུང་དུ་སྤྲོ་ན་སྤྱི་འགྲོ་ལྟར་གསལ་གདབ་དང་བཟླས་པ་བྱ། མཐར་མཆོད་བསྟོད་མདོར་བསྡུས་ཕུལ་ལ་ཡིག་བརྒྱ་བརྗོད། བུམ་ལྷ་འོད་ཞུ་དང་ལས་བུམ་དུའང་བདུད་རྩི་འཁྱིལ་བ་བསྐྱེད་བཟླས་འོད་ཞུ་བྱས་ལ་བཞག །ཚོགས་བྱིན་བརླབས་ཏེ་ཚོགས་ཕུད་རིམ་གསུམ་ཕུལ། ཏིང་ངེ་འཛིན་གྱིས་དབང་ལེན་ནམ་རིག་པའི་མེ་ཏོག་དོར་ལ་སློབ་མ་གཞུག་པར་གནང་བ་ཞུའོ། །དབང་དངོས་གཞི་ལ་སློབ་མ་ལས་བུམ་གྱི་ཆུས་ཁྲུས་ནས་དབྱུང༌། ལས་བྱང་ལྟར་བགེགས་གཏོར་བཏང་ཞིང་བཀའ་བསྒོས་ལ་སྲུང་འཁོར་བསྒོམ། སེམས་བསྐྱེད་གསལ་བཏབ་ལ་ཆོས་བཤད་ཅི་རིགས་པ་ལས་ཁྱད་པར། དེ་ལ་གང་གསན་པར་བྱ་བའི་ཆོས་ནི། གསང་སྔགས་སྔ་འགྱུར་རྡོ་རྗེ་ཐེག་པ་ལ་བཀའ་གཏེར་དག་སྣང་གི་བབས་སོ་གསུམ་དུ་བཞུགས་པའི་ནང་ཚན་ཉེ་བརྒྱུད་གཏེར་མའི་ཕྱོགས་སུ་གཏོགས་པ་ཡིན། དེ་ལའང་བཀའ་སྲོལ་མི་འདྲ་བ་དུ་མ་ཞིག་ཡོད་པ་ལས་འདིར་ཤིན་ཏུ་ཡང་ཟབ་དགོངས་པའི་གཏེར་གྱི་བྱེ་བྲག་སྟེ། དེའང་འཇམ་མགོན་ཆོས་རྒྱལ་ཁྲི་ལྡེའི་ཡེ་ཤེས་ཀྱི་རྣམ་རོལ་གཏེར་འབྱིན་གྲུབ་ཐོབ་ཀུན་གྱི་སྤྱི་རྗེ་བཀའ་བབས་ཆེན་པོ་བདུན་གྱི་མངའ་བདག་འོད་གསལ་སྤྲུལ་པའི་རྡོ་རྗེ་ཉིད་དགུངས་གྲངས་བཅུ་དྲུག་ཏུ་སོན་པའི་སྐབས་སུ་སངས་རྒྱས་ཀུན་འདུས་གུ་རུ་མཚོ་སྐྱེས་རྡོ་རྗེ་སོགས་རྩ་གསུམ་རབ་འབྱམས་རྒྱ་མཚོས་བྱིན་གྱིས་བརླབས་པའི་སྟཽབས་ལས་དགོངས་མཛོད་ཡེ་ཤེས་པདྨོ་ཁ་བྱེ་བའི་གསང་བཅུད་བདུད་རྩིའི་ཟིལ་མངར་ཟབ་ཅིང་རྒྱ་ཆེ་བར་བརྡོལ་བ་ལས། རྩ་གསུམ་འོད་གསལ་སྙིང་ཐིག་གི་ཆོས་སྡེ། རྡོ་རྗེ་རྣལ་འབྱོར་མ་རིགས་ལྔའི་སྒྲུབ་ཐབས་ཀྱི་ནང་ཚན། མཁྱེན་གཉིས་ཡེ་ཤེས་ཀྱི་སྣང་བ་སྤྱི་དང་ཁྱད་པར་ཟབ་གསང་རྡོ་རྗེ་ཐེག་པའི་ངེས་དོན་མཐར་ཐུག་པ་ལ་ཆགས་ཐོག་མེད་པའི་བློ་གྲོས་ཀྱི་རྩལ་རྒྱས་པར་བྱེད་པ་ཕག་མོ་དཀར་མོ་ཤེས་རབ་གསལ་བྱེད་ཀྱི་སྨིན་བྱེད་སྙིང་པོ་བྱིན་རླབས་དབང་བཞིའི་རིམ་པ་བསྒྲུབ་པ་ལ་སློབ་དཔོན་གྱི་བྱ་བ་གྲུབ་ནས། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ཐོག་མར་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། རྣལ་འབྱོར་མ་དཔལ་ཁྱོད་ལ་འདུད། །ཐར་པ་ཆེན་པོ་བདག་འདོད་དེ། །དེ་ཉིད་དབང་དང་དམ་ཚིག་དང༌། །མགོན་པོ་དཔའ་མོར་སྐྱབས་སོང་སྟེ། །ཐེག་ཆེན་ཁང་པར་གཞུགས་པ་དང༌། །མཁྱེན་རབ་ཡེ་ཤེས་བདག་ལ་སྩོལ། །བླ་མ་དང་གཉིས་སུ་མེད་པའི་བཅོམ་ལྡན་འདས་མ་དབྱིངས་ཕྱུག་རྡོ་རྗེ་ཕག་མོ་ལ་རིག་རྩལ་རོལ་པའི་རང་མདངས་རྩ་གསུམ་རྒྱལ་བ་རབ་འབྱམས་ཉི་མ་དང་ཟེར་བཞིན་ཆོས་དབྱིངས་ཀུན་ཁྱབ་ཆེན་པོར་བཞུགས་པ་ལ། བདག་སོགས་སེམས་ཅན་ཐམས་ཅད་བྱང་ཆུབ་སྙིང་པོ་མངོན་དུ་མ་གྱུར་གྱི་བར་དུ་སྐྱབས་སུ་མཆིའོ་སྙམ་པས་འདིའི་རྗེས་ཟློས། ན་མོ༔ ཕྱོགས་དུས་རྒྱལ་བ་རབ་འབྱམས་ཀྱི༔ ཡེ་ཤེས་ཆེན་པོའི་ངོ་བོ་ཉིད༔ བླ་མ་རྡོ་རྗེ་རྣལ་འབྱོར་མར༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཕ་མར་གྱུར་པའི་རིགས་དྲུག་གི་སེམས་ཅན་ཐམས་ཅད་ཀྱི་མ་རིག་འཁྲུལ་པའི་སྦུབས་བརྟོལ་ཏེ་མཁྱེན་གཉིས་ཡེ་ཤེས་ཀྱི་སྣང་བ་རྒྱས་པར་བྱ། དེའི་ཕྱིར་དུ་རྗེ་བཙུན་རྡོ་རྗེ་རྣལ་འབྱོར་མ་དཀར་མོ་ཡེ་ཤེས་སྣང་བའི་དཀྱིལ་འཁོར་དུ་འཇུག་ཅིང་ལམ་བསྒོམ་པར་བགྱིའོ་སྙམ་དུ་སེམས་བསྐྱེད་པ་འདིའི་རྗེས་ཟློས། ཧོ༔ གཟུང་འཛིན་འཁྲུལ་པའི་འགྲོ་བ་རྣམས༔ འོད་གསལ་རྣམ་ཀུན་མཆོག་ལྡན་དབྱིངས༔ འཕོ་འགྱུར་མེད་པ་རོ་གཅིག་ཕྱིར༔ རྡོ་རྗེ་བཙུན་མོར་བསྒོམ་པར་བགྱི༔ ལན་གསུམ། རྒྱུད་དག་པར་བྱ་བའི་སླད་དུ། ཚོགས་ཞིང་ཁྱད་པར་ཅན་དེ་དག་གི་སྤྱན་སྔར་རྣམ་པར་དག་པའི་ཚོགས་གསོག་རླབས་པོ་ཆེ་ཡན་ལག་བརྒྱད་པའི་ཏིང་ངེ་འཛིན་ཚིག་རིས་དང་མཐུན་པར་གསལ་ཐོབ་ལ་འདིའི་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བརྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་འཕྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་བགེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །དག་པ་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཚེ་རབས་བགྲང་བའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། ལན་གསུམ། དེ་ནས་དབང་གི་གཞི་དགོད་པའི་ཕྱིར་ཡེ་ཤེས་དབབ་པ་ལ་དམིགས་པ་འདི་ལྟར་དུ་སྒོམས་མཛོད། ལས་སྔགས་ཀྱིས་བསང༌། སྭ་བྷཱ་བས་སྦྱང༌། གཟུང་འཛིན་གྱི་སྣང་བ་ཐམས་ཅད་འོད་གསལ་གྱི་དབྱིངས་སུ་སྦྱངས། སྟོང་པའི་ངང་ལས་སྣོད་རྣམ་པར་དག་པ་འོག་མིན་བདེ་ཆེན་མཁའ་ལ་སྤྱོད་པའི་ཞིང་ཁམས་ངོ་མཚར་བཀོད་པ་འབྱམས་ཀླས་པའི་དབུས་སུ། བཅུད་རྣམ་པར་དག་པ་ཁྱེད་རང་རྣམས་གང་དུ་གནས་པའི་གོ་སར་པདྨ་རབ་ཏུ་རྒྱས་པའི་ལྟེ་བར་ཉི་མའི་དཀྱིལ་འཁོར་བམ་རོ་དང་བཅས་པའི་གདན་གྱི་སྟེང་དུ། རང་རིག་བདེ་བ་ཆེན་པོའི་ངོ་བོ་ཡི་གེ་བྃ་དཀར་པོ་ལས་འོད་ཟེར་འཕྲོ་འདུས་དོན་གཉིས་བྱས། ཚུར་འདུས་ཡོངས་སུ་གྱུར་པ་ལས་ཁྱེད་རང་རྣམས་རྗེ་བཙུན་རྡོ་རྗེ་ཕག་མོ་སྟོན་ཀའི་ཟླ་བ་རྒྱས་པའི་མདངས་ཅན། ཞལ་གཅིག་ཁྲོ་ཞིང་འཛུམ་པའི་དབུ་གཙུག་ཏུ་ཕག་ཞལ་ངུར་སྒྲ་སྒྲོགས་པ་ཕྱག་གཉིས་ཀྱི་གཡས་རྡོ་རྗེའི་གྲི་གུག་ཕྱར་སྟབས་སུ་འཛིན་ཅིང་གཡོན་པས་ཐོད་ཕྲག་ཐུགས་ཀར་བསྣམས་པ། མཆན་ཁུང་གཡོན་ན་ཁ་ཊྭཱྃ་ག་རྩེ་གསུམ་པས་མཚན་པ། གཞོན་ཚུལ་ཆགས་པའི་ཉམས་ཅན་མཚན་དཔེའི་གཟི་མདངས་འབར་བ། དར་དང་རིན་ཆེན་རུས་པའི་རྒྱན་གྱིས་སྤྲས་ཤིང་ཞབས་གཡས་བསྐུམ་གཡོན་བརྐྱང་པའི་གར་སྟབས་ཀྱིས་རྟོག་མེད་བམ་རོའི་སྙིང་གར་བརྫིས་པ། སྐུ་ལས་སྐྱེས་པའི་ཡེ་ཤེས་ཀྱི་མེ་འོད་འབར་བའི་ཀློང་ན་བཞུགས་པའི་གནས་གསུམ་དུ་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་རང་བཞིན་ཨོཾ་ཨཱཿཧཱུྃ་གིས་མཚན་པར་གསལ་ཐོབ་ལ། རྒྱུད་རྣམ་པར་དག་པ་ཡེ་ཤེས་ལྷའི་གཟི་བྱིན་དབབ་པའི་སླད་དུ། སློབ་དཔོན་ལ་རྡོ་རྗེ་རྣལ་འབྱོར་མ་དངོས་ཡིན་སྙམ་པའི་མོས་གུས་དྲག་པོ་བྱས་པས་ཐུགས་ཀ་ནས་བདེ་བ་ཆེན་པོའི་ཡེ་ཤེས་ཀྱི་འོད་ཟེར་མཁའ་ཁྱབ་ཏུ་འཕྲོས། སྐུ་གསུམ་གྱི་ཞིང་རབ་འབྱམས་ན་བཞུགས་པའི་རྩ་གསུམ་རྒྱལ་བ་སྲས་དང་བཅས་པ་རྣམས་དང་ཁྱད་པར་ཀུན་བཟང་རྡོ་རྗེ་རྣལ་འབྱོར་མའི་ཐུགས་རྒྱུད་རང་དབང་མེད་པར་བསྐུལ་ཏེ་གསང་བ་གསུམ་གྱི་བྱིན་རླབས་དང་དངོས་གྲུབ་ཐམས་ཅད་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པར་ཁ་ཆར་བུ་ཡུག་འཚུབས་པ་བཞིན་དུ་བྱོན་ཏེ་ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད། ཅེས་བརྡ་སྦྱར་ལ་ཌ་དྲིལ་འཁྲོལ་ཞིང་སྙན་པའི་དབྱངས་དང་བཅས་སྦྱར་བའི་སྤོས་བཏུལ་ལ། ཧྲཱི༔ བཞེངས་ཤིག་སྐུ་གསུམ་ཞིང་ཁམས་ནས༔ དབྱིངས་དང་ཡེ་ཤེས་དྷཱ་ཀའི་ཚོགས༔ ཧེ་རུ་ཀ་ཡི་གནས་མཆོག་འདིར༔ དབང་བསྐུར་བྱིན་ཕོབ་ཉམས་རྟོགས་སྤོར༔ ཨོཾ་ཨཱཿཧཱུྃ་སརྦ་ཛྙཱ་ན་དྷཱ་ཀི་ནཱི་ས་མ་ཡ་ཨཱ་བེ་ཤ་ཡ་ཧྲཱིཾ་ཧྲཱིཾ་ཕེཾ་ཕེཾ༔ ཅེས་དབབ། ཡེ་ཤེས་པ་རྣམས་བརྟན་པར་བྱས་པའི་མོས་པ་མཛོད། ཏིཥྛ་བཛྲ་ཞེས་བརྗོད་ཅིང་སྤྱི་བོར་རྡོ་རྗེ་རྒྱ་གྲམ་དུ་བཞག །དེ་ལྟར་ཡེ་ཤེས་པ་དབབ་ཅིང་བརྟན་པར་བྱ་བ་སྔོན་དུ་སོང་ནས། དངོས་གཞིའི་དབང་བསྐུར་བ་ལ་དབང་བཞི་བྱིན་རླབས་ཀྱི་ཚུལ་དུ་རིམ་པར་བསྐུར་བའི་དང་པོ་བུམ་པའི་དབང་གི་སླད་དུ། དབྱིངས་སྟོང་པ་ཉིད་དང་ཡེ་ཤེས་བདེ་བ་ཆེན་པོ་ཟུང་འཇུག་བུམ་པའི་བདུད་རྩིས་སྒྲིབ་གཉིས་ཀྱི་དྲི་མ་བག་ཆགས་བཅས་བཀྲུས་ཤིང་མཁྱེན་གཉིས་རྡོ་རྗེའི་བཅུད་ཀྱིས་ཡོངས་སུ་གཏམས་པར་གྱུར་པའི་མོས་པ་མཛོད། བུམ་པ་སྤྱི་བོར་བཞག་ལ། ཧྲཱིཿ སྟོང་ཉིད་བུམ་པའི་དཀྱིལ་འཁོར་དུ༔ བདེ་ཆེན་ཡེ་ཤེས་ཌཱ་ཀི་ཤར༔ ཟུང་འཇུག་བདུད་རྩིས་དབང་བསྐུར་བས༔ རྡོ་རྗེའི་གཟུགས་སྐུ་མངོན་འགྱུར་ཤོག༔ ཨོཾ་བྃ་བཛྲ་ཝཱ་ར་ཧཱི་པྲ་ཛྙཱ་ཛྙཱ་ན་སརྦ་སིདྡྷི་ཧྲཱིཾ་ཛཿ ཀཱ་ཡ་ཨ་བྷི་ཥིཉྩ་ཨོཾ༔ བུམ་ཆུ་སྦྱིན། དེས་བུམ་པའི་དབང་ཐོབ། ལུས་རྩ་ཁམས་སྒྲིབ་བྲལ་དུ་བྱས། སྣོད་བཅུད་ལྷའི་འཁོར་ལོར་བསྒོམ་པ་ལ་དབང༌། སྐུ་རྡོ་རྗེ་སྤྲུལ་པའི་སྐུ་མངོན་དུ་འགྱུར་བའི་སྐལ་བ་རྒྱུད་ལ་བཞག་པ་ཡིན་ནོ། །གཉིས་པ་གསང་བའི་དབང་གིས་སླད་དུ། དཀྱིལ་འཁོར་དབང་ཕྱུག་ཤེས་རབ་རྡོ་རྗེ་བཙུན་མོ་དང་ཐབས་བདེ་མཆོག་དཔའ་བོ་མཉམ་པར་སྦྱོར་བའི་བྱང་ཆུབ་སེམས་ཀྱི་བདུད་རྩིའི་རྩ་ཁམས་མཐའ་དག་ཁྱབ་ཅིང་སྒྲིབ་བྲལ་དུ་བྱིན་གྱིས་བརླབས་པར་མོས་ཤིག །བནྡྷའི་བདུད་རྩི་སྦྱིན་ལ། ཧྲཱིཿ ཨེ་དབྱིངས་བདེ་མཆོག་ཧེ་རུ་ཀ༔ ཝྃ་ཡིག་རྡོ་རྗེ་བཙུན་མོར་སྦྱར༔ སྲིད་པ་དག་བྱེད་བདུད་རྩིའི་ཆུ༔ འཐུངས་ཤིག་འཐུངས་ཤིག་དཔའ་བོ་ཆེ༔ ཨོཾ་བྃ་བཛྲ་ཝཱ་ར་ཧཱི་པྲ་ཛྙཱ་ཛྙཱ་ན་སརྦ་སིདྡྷི་ཧྲཱིཾ་ཛཿ གུཧྱ་ཨ་མྲྀ་ཏ་མ་ཧཱ་སུ་ཁ་ཧོ༔ དེས་གསང་བའི་དབང་ཐོབ། ངག་རླུང་གི་འཕོ་བ་སྒྲིབ་བྲལ་དུ་བྱས། སྟེང་སྒོ་རྣམ་པར་གྲོལ་བའི་ལམ་བསྒོམ་པ་ལ་དབང༌། གསུང་རྡོ་རྗེ་ལོངས་སྤྱོད་རྫོགས་པའི་སྐུ་མངོན་དུ་འགྱུར་བའི་སྐལ་བ་བརྒྱུད་ལ་བཞག་པ་ཡིན་ནོ། །གསུམ་པ་ཤེས་རབ་ཡེ་ཤེས་ཀྱི་དབང་གི་སླད་དུ། སིནྡྷུ་རའི་དཀྱིལ་འཁོར་ལས་རྡོ་རྗེ་རྣལ་འབྱོར་མ་འཕྲོས། ཁྱེད་རང་ཧེ་རུ་ཀ་གསལ་བ་དང་སྙོམས་པར་ཞུགས་པས་དགའ་བ་བཅུ་དྲུག་གི་རིམ་པ་ལས་ཞུ་བདེའི་ཡེ་ཤེས་ཉམས་སུ་མྱོང༌། མཐར་ཐུག་ལྷན་སྐྱེས་བདེ་བ་ཆེན་པོ་འགྱུར་མེད་དུ་བརྟན་པར་གྱུར་པར་མོས་ཤིག །སྙིང་གར་མེ་ལོང་བཞག་ཅིང་སིནྡྷཱུ་རའི་ཐིག་ལེ་བཀོད་ལ། ཧྲཱིཿ རྟགས་ཀྱི་ཐིག་ལེ་འདི་བཏབ་པས༔ དོན་དམ་རྡོ་རྗེའི་ཕོ་ཉ་མོ༔ ཀུན་རྫོབ་སྣ་ཚོགས་གཟུགས་ཅན་གྱི༔ བདེ་མཆོག་བདེ་བའི་རོལ་པར་སྤྱོད༔ ཨོཾ་བྃ་བཛྲ་ཝཱ་ར་ཧཱི་པྲ་ཛྙཱ་ཛྙཱ་ན་སརྦ་སིདྡྷི་ཧྲཱིཾ་ཛཿ ཛྙཱ་ན་ཀརྨ་མུ་དྲ་ཧོཿ དེས་ཤེས་རབ་ཡེ་ཤེས་ཀྱི་དབང་ཐོབ། ཡིད་ཐིག་ལེའི་གཡོ་བ་སྒྲིབ་བྲལ་དུ་བྱས། འོག་སྒོ་བདེ་བ་ཆེན་པོའི་མྱུར་ལམ་བསྒོམ་པ་ལ་དབང༌། ཐུགས་རྡོ་རྗེ་ཆོས་ཀྱི་སྐུ་མངོན་དུ་འགྱུར་བའི་སྐལ་བ་རྒྱུད་ལ་བཞག་པ་ཡིན་ནོ། །བཞི་པ་ཚིག་གི་དབང་བསྐུར་བའི་སླད་དུ། ཐབས་ལ་བརྟེན་པའི་ཡེ་ཤེས་བདེ་བ་ཆེན་པོས་མཚོན་བྱེད་དུ་བྱས་ནས། ཐབས་བྱུང་རང་རིག་ཀུན་བཟང་རྡོ་རྗེ་རྣལ་འབྱོར་མ་མཚོན་བྱ་དོན་དམ་གཤིས་ཀྱི་རང་བབས་ལ་མཉམ་པར་ཞོག་ཅིག །ཧྲཱིཿ ལྟོས་ཤིག་སྐལ་ལྡན་སྙིང་གི་བུ༔ བལྟས་པས་མཐོང་མེད་བདེ་བ་ཆེ༔ རང་རིག་བཛྲ་ཝ་ར་ཧྲཱི༔ ཀ་དག་ལྷུན་གྲུབ་ཟུང་དུ་འཇུག༔ ཨོཾ་བྃ་བཛྲ་ཝཱ་ར་ཧཱི་པྲ་ཛྙཱ་ཛྙཱ་ན་སརྦ་སིདྡྷི་ཧྲཱིཾ་ཛཿ ཛྙཱ་ན་བཛྲ་དྷརྨ་དྷཱ་ཏུ་ཨ་ཨ་ཨ༔ ཞེས་བརྗོད་ལ་སློབ་དཔོན་དང་སློབ་མས་ཀྱང་དགོངས་པ་དབྱིངས་སུ་གཏད་ལ་རེ་ཞིག་མཉམ་པར་འཇོག་ཏུ་གཞུག །དེས་བཞི་པ་ཚིག་དབང་རིན་པོ་ཆེ་ཐོབ། སྒོ་གསུམ་ཡེ་ཤེས་ཀྱི་དྲི་མ་སྒྲིབ་བྲལ་དུ་བྱས། འོད་གསལ་རྫོགས་པ་ཆེན་པོའི་རྣལ་འབྱོར་བསྒོམ་པ་ལ་དབང༌། ཡེ་ཤེས་རྡོ་རྗེ་ངོ་བོ་ཉིད་སྐུ་མངོན་དུ་གྱུར་པའི་སྐལ་བ་རྒྱུད་ལ་བཞག་པ་ཡིན་ནོ། །མེ་ཏོག་འཐོར་ལ་ཤིས་པ་བརྗོད། དེ་རྣམས་ཀྱི་སྒོ་ནས་མཁྱེན་གཉིས་ཡེ་ཤེས་སྣང་བར་བྱེད་པ་རྗེ་བཙུན་ཕག་མོ་དཀར་མོའི་སྨིན་བྱེད་ལེགས་པར་གྲུབ་པ་ཡིན་ཏེ། གཞུང་ལས། ཇི་ལྟ་ཇི་སྙེད་ཡེ་ཤེས་ཀྱི༔ སྣང་བ་རྟག་ཏུ་རྒྱས་འདོད་ན༔ མཐར་ཐུག་དོན་གྱི་སྒྲུབ་པ་འདི༔ སྙིང་གི་དབུས་སུ་གཅེས་པར་ཟུངས༔ ཞེས་གདམས་པར་མཛད་པ་ལྟར། ཐེག་པ་ཀུན་གྱི་མཐར་ཐུག་པའི་ཟབ་མོའི་དོན་རྣམ་པར་འབྱེད་པ་ལ་ཆགས་ཐོགས་དང་བྲལ་བའི་བློ་གྲོས་སྦོབས་པའི་གཏེར་ཆེན་གྲོལ་བར་འདོད་པ་རྣམས་ཀྱིས་གཡར་དམ་དུ་འཆང་བ་སོགས། སྤྱི་དང་ཁྱད་པར་གྱིས་བསྡུས་པའི་དམ་ཚིག་རྣམས་ཚུལ་བཞིན་དུ་གཟུང་བར་བགྱིའོ་སྙམ་པས་འདིའི་རྗེས་ཟློས། གཙོ་བོས་ཇི་ལྟར་སོགས། གཏང་རག་མཎྜལ། ལུས་འབུལ། དགེ་བསྔོ་བཅས་ཀྱིས་དབང་བསྐུར་གྲུབ། གསུམ་པ་རྗེས་སློབ་དཔོན་གྱིས་ནང་དང་གསང་བའི་ཚོགས་ལ་ལོངས་སྤྱོད་ཅིང་ལྷག་མ་བསྔོ་བ་ནས་ཤིས་བརྗོད་ཀྱི་བར་ཕྲིན་ལས་ལྟར་བྱེ་བྲག་ཕྱེད་པར་བགྱིས་པས་གྲུབ་བོ། །སྒྲིབ་གཉིས་ཤུན་པའི་སྦུབས་ལས་གྲོལ། །ཡེ་ཤེས་ཡངས་པའི་འདབ་སྟོང་བཞད། །ཟབ་གསང་སྦྲང་རྩིའི་རྡུལ་སྐྱུགས་པས། །སྐྱེ་དགུའི་བུང་བ་འཚོ་གྱུར་ཅིག །ཅེས་རིན་པོ་ཆེ་གཏེར་གྱི་མཛོད་ཆེན་པོར་རྣམ་མཁྱེན་དཔལ་གྱིས་འབྱོར་པའི་ཆ་རྐྱེན་དབྱིག་གི་སྙིང་པོ་མ་ཚང་བ་མེད་པ་སྡུད་པའི་སྐབས་སུ་མེད་དུ་མི་རུང་བ་མཐོང་ནས། པདྨ་གར་དབང་བློ་གྲོས་མཐའ་ཡས་ཀྱིས་རྫོང་ཤོད་བདེ་གཤེགས་འདུས་པའི་སྒྲུབ་གནས་སུ་བགྱིས་པ་དགེ་ལེགས་འཕེལ།། །།

[edit]

/rtsa gsum 'od gsal snying thig las/__phag dkar ye shes gsal byed kyi smin byed kyi cho ga byin rlabs snang ba'i rgyan ces bya ba bzhugs so/__#/__/na mo gu ru badz+ra wa rA hI yi/__/dri med ston zla'i mdangs 'od kyis/__/ye shes snang ba rgyas mdzad pa/__/bla ma rdo rje btsun mo la/__/btud nas dbang gi mtshams sbyor dgod/__/zab mo'i ye shes snang bar mdzad pa'i rdo rje rnal 'byor ma dkar mo'i byin rlabs kyi tshogs skal ldan rjes su bzung ba'i rim pa la gsum/__sbyor ba/__dngos gzhi/__rjes so/__dang po ni/__dben cing mkha' 'gro 'du bas byin rlabs kyi zil chags pa'i gnas su/__stegs gtsang mar rdul tshon nam ras bris kyi chos 'byung dkar po bsnol ma dur khrod rdo ra me ri dang bcas pa'i dbus su pad+ma 'dab bzhi'i lte bar rdo rje dkar po rtse lnga pa ba~M yig gis mtshan pa dang*/__'dab ma bzhi la 'bum phrag yangs pa'i mkha' 'gro'i thugs srog ha ri ni sa zhes pa'i yig 'bru rnams dgod/__de'i dbus su many+dzi'i steng bum pa bcud ldan mgul chings dkar pos spras pa bzhag__/de steng thod pa mtshan ldan bdud rtsis gtams pa'i khar sin+d+hU ra'i me long chos 'byung ba~M yig sngags phreng gis brgyan pa gzhag__/mthar sman gtor rak+ta dang nyer spyod kyis bskor/__gzhan yang tshogs kyi yo byad dang sngon gtor sogs mkho ba'i yo byad rnams tshogs par bya'o/__/gnyis pa la/__thog mar dbang don sgrub mchod ni/__tshig bdun gsol 'debs sogs sngon du 'gro bas phrin las ye shes snang ba'i rgyan gyi skyabs sems nas brtsams mthar chags su btang*/__dngos gzhi bdag mdun dbyer med du bsgom/__bzlas pa'i thog mar spyi ltar mdun rten go sar dzaba? khang phyes te bdag mdun gnyis kar dmigs pa'i spro bsdu bcas bzlas pa ji ltar rigs pa byas pa tsam gyis 'grub kyang*/__bum bzlas zung du spro na spyi 'gro ltar gsal gdab dang bzlas pa bya/__mthar mchod bstod mdor bsdus phul la yig brgya brjod/__bum lha 'od zhu dang las bum du'ang bdud rtsi 'khyil ba bskyed bzlas 'od zhu byas la bzhag__/tshogs byin brlabs te tshogs phud rim gsum phul/__ting nge 'dzin gyis dbang len nam rig pa'i me tog dor la slob ma gzhug par gnang ba zhu'o/__/dbang dngos gzhi la slob ma las bum gyi chus khrus nas dbyung*/__las byang ltar bgegs gtor btang zhing bka' bsgos la srung 'khor bsgom/__sems bskyed gsal btab la chos bshad ci rigs pa las khyad par/__de la gang gsan par bya ba'i chos ni/__gsang sngags snga 'gyur rdo rje theg pa la bka' gter dag snang gi babs so gsum du bzhugs pa'i nang tshan nye brgyud gter ma'i phyogs su gtogs pa yin/__de la'ang bka' srol mi 'dra ba du ma zhig yod pa las 'dir shin tu yang zab dgongs pa'i gter gyi bye brag ste/__de'ang 'jam mgon chos rgyal khri lde'i ye shes kyi rnam rol gter 'byin grub thob kun gyi spyi rje bka' babs chen po bdun gyi mnga' bdag 'od gsal sprul pa'i rdo rje nyid dgungs grangs bcu drug tu son pa'i skabs su sangs rgyas kun 'dus gu ru mtsho skyes rdo rje sogs rtsa gsum rab 'byams rgya mtshos byin gyis brlabs pa'i staubs las dgongs mdzod ye shes pad+mo kha bye ba'i gsang bcud bdud rtsi'i zil mngar zab cing rgya che bar brdol ba las/__rtsa gsum 'od gsal snying thig gi chos sde/__rdo rje rnal 'byor ma rigs lnga'i sgrub thabs kyi nang tshan/__mkhyen gnyis ye shes kyi snang ba spyi dang khyad par zab gsang rdo rje theg pa'i nges don mthar thug pa la chags thog med pa'i blo gros kyi rtsal rgyas par byed pa phag mo dkar mo shes rab gsal byed kyi smin byed snying po byin rlabs dbang bzhi'i rim pa bsgrub pa la slob dpon gyi bya ba grub nas/__khyed rang rnams kyi ngo skal du gyur pa thog mar maN+Dal phul/__gsol ba 'debs pa 'di'i rjes zlos lan gsum mdzod/__rnal 'byor ma dpal khyod la 'dud/__/thar pa chen po bdag 'dod de/__/de nyid dbang dang dam tshig dang*/__/mgon po dpa' mor skyabs song ste/__/theg chen khang par gzhugs pa dang*/__/mkhyen rab ye shes bdag la stsol/__/bla ma dang gnyis su med pa'i bcom ldan 'das ma dbyings phyug rdo rje phag mo la rig rtsal rol pa'i rang mdangs rtsa gsum rgyal ba rab 'byams nyi ma dang zer bzhin chos dbyings kun khyab chen por bzhugs pa la/__bdag sogs sems can thams cad byang chub snying po mngon du ma gyur gyi bar du skyabs su mchi'o snyam pas 'di'i rjes zlos/__na mo:__phyogs dus rgyal ba rab 'byams kyi:__ye shes chen po'i ngo bo nyid:__bla ma rdo rje rnal 'byor mar:__mi phyed gus pas skyabs su mchi:__lan gsum/__pha mar gyur pa'i rigs drug gi sems can thams cad kyi ma rig 'khrul pa'i sbubs brtol te mkhyen gnyis ye shes kyi snang ba rgyas par bya/__de'i phyir du rje btsun rdo rje rnal 'byor ma dkar mo ye shes snang ba'i dkyil 'khor du 'jug cing lam bsgom par bgyi'o snyam du sems bskyed pa 'di'i rjes zlos/__ho:__gzung 'dzin 'khrul pa'i 'gro ba rnams:__'od gsal rnam kun mchog ldan dbyings:__'pho 'gyur med pa ro gcig phyir:__rdo rje btsun mor bsgom par bgyi:__lan gsum/__rgyud dag par bya ba'i slad du/__tshogs zhing khyad par can de dag gi spyan sngar rnam par dag pa'i tshogs gsog rlabs po che yan lag brgyad pa'i ting nge 'dzin tshig ris dang mthun par gsal thob la 'di'i rjes zlos/__rdo rje slob dpon sangs rgyas dpal/__/dus gsum bzhugs la phyag 'tshal lo/__/mchog gsum brten pa'i zhing gyur la/__/gnyis med yid kyis skyabs su mchi/__/dngos 'byor yid kyis rnam 'phrul pa'i/__/dag pa'i mchod pa bzhes su gsol/__/dngos grub chu bo gcod pa'i bgegs/__/nyes byas ma lus bshags par bgyi/__/phyogs bcu 'khor gsum dag pa'i chos/__/ma chags spyod la rjes yi rang*/__/dag pa mtha' bzhi dri ma med/__/rdzogs pa'i byang chub sems bskyed do/__/bde gshegs dbang phyug sems can la/__/dgos pa gsum phyir lus 'bul lo/__/tshe rabs bgrang ba'i las rnams kun/__/bsdus te byang chub chen por bsngo/__lan gsum/__de nas dbang gi gzhi dgod pa'i phyir ye shes dbab pa la dmigs pa 'di ltar du sgoms mdzod/__las sngags kyis bsang*/__swa b+hA bas sbyang*/__gzung 'dzin gyi snang ba thams cad 'od gsal gyi dbyings su sbyangs/__stong pa'i ngang las snod rnam par dag pa 'og min bde chen mkha' la spyod pa'i zhing khams ngo mtshar bkod pa 'byams klas pa'i dbus su/__bcud rnam par dag pa khyed rang rnams gang du gnas pa'i go sar pad+ma rab tu rgyas pa'i lte bar nyi ma'i dkyil 'khor bam ro dang bcas pa'i gdan gyi steng du/__rang rig bde ba chen po'i ngo bo yi ge ba~M dkar po las 'od zer 'phro 'dus don gnyis byas/__tshur 'dus yongs su gyur pa las khyed rang rnams rje btsun rdo rje phag mo ston ka'i zla ba rgyas pa'i mdangs can/__zhal gcig khro zhing 'dzum pa'i dbu gtsug tu phag zhal ngur sgra sgrogs pa phyag gnyis kyi g.yas rdo rje'i gri gug phyar stabs su 'dzin cing g.yon pas thod phrag thugs kar bsnams pa/__mchan khung g.yon na kha T+wA~M ga rtse gsum pas mtshan pa/__gzhon tshul chags pa'i nyams can mtshan dpe'i gzi mdangs 'bar ba/__dar dang rin chen rus pa'i rgyan gyis spras shing zhabs g.yas bskum g.yon brkyang pa'i gar stabs kyis rtog med bam ro'i snying gar brdzis pa/__sku las skyes pa'i ye shes kyi me 'od 'bar ba'i klong na bzhugs pa'i gnas gsum du sangs rgyas thams cad kyi rdo rje gsum gyi rang bzhin oM AHhU~M gis mtshan par gsal thob la/__rgyud rnam par dag pa ye shes lha'i gzi byin dbab pa'i slad du/__slob dpon la rdo rje rnal 'byor ma dngos yin snyam pa'i mos gus drag po byas pas thugs ka nas bde ba chen po'i ye shes kyi 'od zer mkha' khyab tu 'phros/__sku gsum gyi zhing rab 'byams na bzhugs pa'i rtsa gsum rgyal ba sras dang bcas pa rnams dang khyad par kun bzang rdo rje rnal 'byor ma'i thugs rgyud rang dbang med par bskul te gsang ba gsum gyi byin rlabs dang dngos grub thams cad sku phyag rgya/__gsung yig 'bru/__thugs phyag mtshan gyi rnam par kha char bu yug 'tshubs pa bzhin du byon te khyed rang rnams la sib sib thim pas rgyud byin gyis brlabs pa'i mos pa mdzod/__ces brda sbyar la Da dril 'khrol zhing snyan pa'i dbyangs dang bcas sbyar ba'i spos btul la/__hrI:__bzhengs shig sku gsum zhing khams nas:__dbyings dang ye shes d+hA ka'i tshogs:__he ru ka yi gnas mchog 'dir:__dbang bskur byin phob nyams rtogs spor:__oM AHhU~M sarba dz+nyA na d+hA ki nI sa ma ya A be sha ya hrIM hrIM pheM pheM:__ces dbab/__ye shes pa rnams brtan par byas pa'i mos pa mdzod/__tiSh+Tha badz+ra zhes brjod cing spyi bor rdo rje rgya gram du bzhag__/de ltar ye shes pa dbab cing brtan par bya ba sngon du song nas/__dngos gzhi'i dbang bskur ba la dbang bzhi byin rlabs kyi tshul du rim par bskur ba'i dang po bum pa'i dbang gi slad du/__dbyings stong pa nyid dang ye shes bde ba chen po zung 'jug bum pa'i bdud rtsis sgrib gnyis kyi dri ma bag chags bcas bkrus shing mkhyen gnyis rdo rje'i bcud kyis yongs su gtams par gyur pa'i mos pa mdzod/__bum pa spyi bor bzhag la/__hrIH__stong nyid bum pa'i dkyil 'khor du:__bde chen ye shes DA ki shar:__zung 'jug bdud rtsis dbang bskur bas:__rdo rje'i gzugs sku mngon 'gyur shog:__oM ba~M badz+ra wA ra hI pra dz+nyA dz+nyA na sarba sid+d+hi hrIM dzaH__kA ya a b+hi Shiny+tsa oM:__bum chu sbyin/__des bum pa'i dbang thob/__lus rtsa khams sgrib bral du byas/__snod bcud lha'i 'khor lor bsgom pa la dbang*/__sku rdo rje sprul pa'i sku mngon du 'gyur ba'i skal ba rgyud la bzhag pa yin no/__/gnyis pa gsang ba'i dbang gis slad du/__dkyil 'khor dbang phyug shes rab rdo rje btsun mo dang thabs bde mchog dpa' bo mnyam par sbyor ba'i byang chub sems kyi bdud rtsi'i rtsa khams mtha' dag khyab cing sgrib bral du byin gyis brlabs par mos shig__/ban+d+ha'i bdud rtsi sbyin la/__hrIH__e dbyings bde mchog he ru ka:__wa~M yig rdo rje btsun mor sbyar:__srid pa dag byed bdud rtsi'i chu:__'thungs shig 'thungs shig dpa' bo che:__oM ba~M badz+ra wA ra hI pra dz+nyA dz+nyA na sarba sid+d+hi hrIM dzaH__guh+ya a mr-i ta ma hA su kha ho:__des gsang ba'i dbang thob/__ngag rlung gi 'pho ba sgrib bral du byas/__steng sgo rnam par grol ba'i lam bsgom pa la dbang*/__gsung rdo rje longs spyod rdzogs pa'i sku mngon du 'gyur ba'i skal ba brgyud la bzhag pa yin no/__/gsum pa shes rab ye shes kyi dbang gi slad du/__sin+d+hu ra'i dkyil 'khor las rdo rje rnal 'byor ma 'phros/__khyed rang he ru ka gsal ba dang snyoms par zhugs pas dga' ba bcu drug gi rim pa las zhu bde'i ye shes nyams su myong*/__mthar thug lhan skyes bde ba chen po 'gyur med du brtan par gyur par mos shig__/snying gar me long bzhag cing sin+d+hU ra'i thig le bkod la/__hrIH__rtags kyi thig le 'di btab pas:__don dam rdo rje'i pho nya mo:__kun rdzob sna tshogs gzugs can gyi:__bde mchog bde ba'i rol par spyod:__oM ba~M badz+ra wA ra hI pra dz+nyA dz+nyA na sarba sid+d+hi hrIM dzaH__dz+nyA na karma mu dra hoH__des shes rab ye shes kyi dbang thob/__yid thig le'i g.yo ba sgrib bral du byas/__'og sgo bde ba chen po'i myur lam bsgom pa la dbang*/__thugs rdo rje chos kyi sku mngon du 'gyur ba'i skal ba rgyud la bzhag pa yin no/__/bzhi pa tshig gi dbang bskur ba'i slad du/__thabs la brten pa'i ye shes bde ba chen pos mtshon byed du byas nas/__thabs byung rang rig kun bzang rdo rje rnal 'byor ma mtshon bya don dam gshis kyi rang babs la mnyam par zhog cig__/hrIH__ltos shig skal ldan snying gi bu:__bltas pas mthong med bde ba che:__rang rig badz+ra wa ra hrI:__ka dag lhun grub zung du 'jug:__oM ba~M badz+ra wA ra hI pra dz+nyA dz+nyA na sarba sid+d+hi hrIM dzaH__dz+nyA na badz+ra d+harma d+hA tu a a a:__zhes brjod la slob dpon dang slob mas kyang dgongs pa dbyings su gtad la re zhig mnyam par 'jog tu gzhug__/des bzhi pa tshig dbang rin po che thob/__sgo gsum ye shes kyi dri ma sgrib bral du byas/__'od gsal rdzogs pa chen po'i rnal 'byor bsgom pa la dbang*/__ye shes rdo rje ngo bo nyid sku mngon du gyur pa'i skal ba rgyud la bzhag pa yin no/__/me tog 'thor la shis pa brjod/__de rnams kyi sgo nas mkhyen gnyis ye shes snang bar byed pa rje btsun phag mo dkar mo'i smin byed legs par grub pa yin te/__gzhung las/__ji lta ji snyed ye shes kyi:__snang ba rtag tu rgyas 'dod na:__mthar thug don gyi sgrub pa 'di:__snying gi dbus su gces par zungs:__zhes gdams par mdzad pa ltar/__theg pa kun gyi mthar thug pa'i zab mo'i don rnam par 'byed pa la chags thogs dang bral ba'i blo gros sbobs pa'i gter chen grol bar 'dod pa rnams kyis g.yar dam du 'chang ba sogs/__spyi dang khyad par gyis bsdus pa'i dam tshig rnams tshul bzhin du gzung bar bgyi'o snyam pas 'di'i rjes zlos/__gtso bos ji ltar sogs/__gtang rag maN+Dal/__lus 'bul/__dge bsngo bcas kyis dbang bskur grub/__gsum pa rjes slob dpon gyis nang dang gsang ba'i tshogs la longs spyod cing lhag ma bsngo ba nas shis brjod kyi bar phrin las ltar bye brag phyed par bgyis pas grub bo/__/sgrib gnyis shun pa'i sbubs las grol/__/ye shes yangs pa'i 'dab stong bzhad/__/zab gsang sbrang rtsi'i rdul skyugs pas/__/skye dgu'i bung ba 'tsho gyur cig__/ces rin po che gter gyi mdzod chen por rnam mkhyen dpal gyis 'byor pa'i cha rkyen dbyig gi snying po ma tshang ba med pa sdud pa'i skabs su med du mi rung ba mthong nas/__pad+ma gar dbang blo gros mtha' yas kyis rdzong shod bde gshegs 'dus pa'i sgrub gnas su bgyis pa dge legs 'phel//__//

Footnotes

Other Information