JKW-KABAB-16-MA-005

Previous Text Back to Volume PageNext Text

རྩ་གསུམ་འོད་གསལ་སྙིང་ཐིག་ལས། ཡང་གསང་བླ་མ་དྲག་པོའི་རྒྱུན་ཁྱེར།

Wylie title	rtsa gsum 'od gsal snying thig las yang gsang bla ma drag po'i rgyun khyer
Location	mkhyen brtse'i bka' babs Volume 16, Text 5, Pages 213-215 (Folios 1a1 to 2a4)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	Khyentse, Dilgo. rtsa gsum 'od gsal snying thig las yang gsang bla ma drag po'i rgyun khyer. In Rdzong sar 'jam dbyangs mkhyen brtse'i dbang po'i bka' babs, Vol. 16: 213-215. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Daily Practice - rgyun khyer  ·  Sadhanas - Evocation Ritual - sgrub thabs
Cycle	རྩ་གསུམ་འོད་གསལ་སྙིང་ཏིག་ (rtsa gsum 'od gsal snying tig)
Deity	bla ma drag po
Karchag page	JKW-KABAB-Volume-16-MA-Karchag
RTZ	In the Rinchen Terdzö: https://rtz.tsadra.org/index.php/Terdzo-HUNG-005
Colophon	།ཞེས་པའང་ཕྱི་རྒྱལ་ཕ་རན་སེའི་སྒྲུབ་པ་པོ་པདྨ་སྙིང་པོའི་བསྐུར་ངོར་གཏེར་གཞུང་མ་ཉམས་པར་ཁྱེར་བདེའི་ཚུལ་དུ་རྒན་པོ་མངྒ་ལས་བྲིས་པ་དངོས་གྲུབ་མཆོག་གི་དགའ་སྟོན་དུ་གྱུར་ཅིག །སརྦ་མངྒ་ལཾ། དགེའོ།།
	zhes pa'ang phyi rgyal pha ran se'i sgrub pa po pad+ma snying po'i bskur ngor gter gzhung ma nyams par khyer bde'i tshul du rgan po mang+ga las bris pa dngos grub mchog gi dga' ston du gyur cig__/sarba mang+ga laM/__dge'o

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

རྩ་གསུམ་འོད་གསལ་སྙིང་ཐིག་ལས། ཡང་གསང་བླ་མ་དྲག་པོའི་རྒྱུན་ཁྱེར་བཞུགས། ན་མོ་གུ་རུ་པདྨ་ཀྲོ་དྷ་ཡེ། བླ་མ་དྲག་པོ་ཡི་དམ་དགོངས་འདུས་རྒྱུན་གྱི་རྣལ་འབྱོར་ལ་བརྩོན་པར་འདོད་པས་དང་པོ་སྐྱབས་སེམས་ནི། ཧཱུྃ༔ བདེ་གཤེགས་ཀུན་འདུས་ཐོད་ཕྲེང་རྩལ༔ པདྨ་དྲག་པོར་སྐྱབས་སུ་མཆི༔ འགྲོ་ཀུན་བྱང་ཆུབ་ཐོབ་བྱའི་ཕྱིར༔ བསྐྱེད་རྫོགས་ཟུང་འཇུག་ཕྲིན་ལས་སྒྲུབ༔ ལན་གསུམ་དངོས་གཞི་བསྐྱེད་བཟླས་ནི། ཧཱུྃ་ཧཱུྃ་ཧཱུྃ༔ སྣང་སྲིད་འཁོར་འདས་ཆོས་རྣམས་ཀུན༔ གདོད་ནས་སྤྲོས་བྲལ་དེ་བཞིན་ཉིད༔ ཀུན་སྣང་སྙིང་རྗེ་ཁྲོས་པའི་རྩལ༔ རྒྱུ་ཡི་ཏིང་འཛིན་ཡི་གེ་ཧཱུྃ༔ དེ་ལས་འོད་འཕྲོས་འཕགས་པ་མཆོད༔ སྡེ་བརྒྱད་འབྱུང་པོ་བརླག་ཅིང་གཟིར༔ འགྲོ་ཀུན་སྒྲིབ་སྦྱང་སྣོད་དང་བཅུད༔ འོག་མིན་པདྨ་བརྩེགས་པའི་ཞིང་༔ རབ་འཇིགས་དུར་ཁྲོད་འབར་བའི་ཀློང་༔ དྲག་པོའི་གཞལ་ཡས་མཚན་ཉིད་རྫོགས༔ དེ་དབུས་རང་རིག་ཧཱུྃ་དམར་ནག༔ ཡོངས་གྱུར་སྐད་ཅིག་དྲན་རྫོགས་སུ༔ དྲེགས་པ་པད་ཉི་ཟླ་བའི་སྟེང་༔ དབྱིངས་དང་ཡེ་ཤེས་དབྱེར་མེད་པའི༔ བདེ་གཤེགས་ཀུན་འདུས་ཆེ་བའི་མཆོག༔ འཇིགས་བྱེད་པདྨ་ཧེ་རུ་ཀ༔ དམར་སྨུག་ཞལ་གཅིག་ཕྱག་གཉིས་པ༔ གཡས་པས་རྡོ་རྗེ་ནམ་མཁར་འཕྱར༔ རྩེ་ལས་སྤྲུལ་པའི་ལྕགས་སྡིག་འཕྲོ༔ གཡོན་པས་ཕུར་པ་བགེགས་ལ་གཟིར༔ དཔལ་དང་དུར་ཁྲོད་ཆས་ཀྱིས་བརྒྱན༔ ཞབས་གཉིས་དོར་སྟབས་ཚུལ་གྱིས་བཞུགས༔ ཤེས་རབ་དབྱིངས་ཕྱུག་ཁྲོས་པའི་ཡུམ༔ རྡོ་རྗེ་དུང་ཁྲག་བསྣམས་པས་འཁྲིལ༔ གར་དགུའི་གཟི་བྱིན་མཆོག་ཏུ་འབར༔ བདེ་ཆེན་འཁོར་ལོ་ཐོད་ཕྲེང་རྩལ༔ མགྲིན་པར་པདྨ་བཛྲ་དང་༔ ཐུགས་ཀར་ཆེ་མཆོག་ཧེ་རུ་ཀ༔ ལྟེ་བར་ཡེ་ཤེས་ཌཱ་ཀི་ལྔ༔ གསང་གནས་མགོན་པོ་མ་ནིང་ནག༔ འཁོར་དུ་རྩ་གསུམ་རྒྱ་མཚོས་བསྐོར༔ བ་སྤུ་ཁྱུང་གི་ཚྭ་ཚྭ་འཕྲོ༔ གནས་གསུམ་རྡོ་རྗེའི་ཡི་གེས་མཚན༔ གདོད་ནས་དམ་ཡེ་གཉིས་སུ་མེད༔ ཅེས་གསལ་སྣང་རྩེ་གཅིག་ཏུ་བཏོན་ལ། ཧཱུྃ༔ བདག་ཉིད་དྲག་པོའི་ཐུགས་ཀ་རུ༔ ཀུན་བཟང་ཆེ་མཆོག་ཧེ་རུ་ཀའི༔ ཐུགས་དབུས་པདྨ་ཉི་ཟླའི་སྟེང་༔ རྡོ་རྗེ་རྩེ་དགུའི་ལྟེ་བར་ཧཱུྃ༔ མཐའ་བསྐོར་སྔགས་ཕྲེང་གཡས་སུ་བསྐོར༔ དེ་ལས་འོད་ཟེར་ཕོ་ཉ་ཡིས༔ རྒྱལ་མཆོད་སྒྲིབ་སྦྱངས་སྡེ་བརྒྱད་གཟིར༔ སྣང་གྲགས་སྐུ་གསུང་ཐུགས་སུ་རྫོགས༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷ་ཨརྩིག་ནིརྩིག་སརྦ་སིདྡྷི་ཧཱུྃ་ཕཊ྄༔ གཙོ་བོར་བཟླ། སྤྲོ་ན་རྩ་གསུམ་ཡོངས་རྫོགས་ཀྱི་བཟླས་པ་ནི༔ སླར་ཡང་ཐུགས་སྲོག་ཧཱུྃ་འོད་ཀྱིས༔ འཁོར་ལོ་རྣམ་ལྔའི་ལྷ་ཚོགས་བསྐུལ༔ མཉམ་སྦྱོར་བྱང་ཆུབ་སེམས་སྤྲིན་གྱིས༔ འཕགས་མཆོད་འགྲོ་ཀུན་སྒྲིབ་གཉིས་སྦྱང་༔ གང་འདུལ་ཕྲིན་ལས་ལྷུན་གྱིས་གྲུབ༔ ཨོཾ་ཨཱཿཧཱུྃ་བཛྲ་གུ་རུ་མ་ཧཱ་ཀྲོ་དྷ་པདྨ་ཀྲོ་དྷཱི་ཤྭ་རི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རྃ་རྃ་ཛྭ་ལ་རྃ་སརྦ་དྷཱ་ཀི་ནི་ཧཱུྃ་བྷྱོ་ཧཱུྃ་ཕཊ྄༔ ཅེས་བཟླ། ཡང་གསང་ཧཱུྃ་བཟླས་ནི། བདག་ཉིད་བདེ་གཤེགས་ཡོངས་རྫོགས་ཀྱི༔ ཐུགས་ལས་འོད་འཕྲོས་ཧཱུྃ་དུ་གྱུར༔ སྐུ་ཡི་དབྱིབས་བརྒྱུད་ཞལ་ནས་ཐོན༔ སྣང་སྲིད་སྣོད་བཅུད་ཧཱུྃ་སྒྲས་ཁེངས༔ དྲག་པོ་རིགས་ལྔས་བརྟན་གཡོ་ཁྱབ༔ འོད་ཟེར་རྣམ་ལྔས་ལས་བཞི་སྒྲུབ༔ ཐམས་ཅད་ཀ་དག་ཆེན་པོར་གྱུར༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཞེས་ཅི་ནུས་བཟླ། གསུམ་པ་རྗེས་རིམ་ནི། མཐར་ཐུག་སྣོད་བཅུད་ཧཱུྃ་ལ་བསྡུ༔ དེ་ཡང་མི་དམིགས་འོད་གསལ་ངང་༔ རང་རིག་ཡེ་གྲོལ་གཉུག་མའི་གཤིས༔ སྣོད་བཅུད་ལྷ་སྔགས་ཆོས་སྐུར་ཤར༔ དགེ་བ་འདི་ཡི་མྱུར་དུ་བདག །པདྨ་དྲག་པོ་འགྲུབ་གྱུར་ནས། །སོགས་བསྔོ་སྨོན་ཤིས་བརྗོད་དང༌། རྡོ་རྗེ་གསུམ་གྱི་ལམ་ཁྱེར་ལ་བསླབ་པར་བྱའོ། །ཞེས་པའང་ཕྱི་རྒྱལ་ཕ་རན་སེའི་སྒྲུབ་པ་པོ་པདྨ་སྙིང་པོའི་བསྐུར་ངོར་གཏེར་གཞུང་མ་ཉམས་པར་ཁྱེར་བདེའི་ཚུལ་དུ་རྒན་པོ་མངྒ་ལས་བྲིས་པ་དངོས་གྲུབ་མཆོག་གི་དགའ་སྟོན་དུ་གྱུར་ཅིག །སརྦ་མངྒ་ལཾ། དགེའོ།། །།

[edit]

rtsa gsum 'od gsal snying thig las/__yang gsang bla ma drag po'i rgyun khyer bzhugs/__na mo gu ru pad+ma kro d+ha ye/__bla ma drag po yi dam dgongs 'dus rgyun gyi rnal 'byor la brtson par 'dod pas dang po skyabs sems ni/__hU~M:__bde gshegs kun 'dus thod phreng rtsal:__pad+ma drag por skyabs su mchi:__'gro kun byang chub thob bya'i phyir:__bskyed rdzogs zung 'jug phrin las sgrub:__lan gsum dngos gzhi bskyed bzlas ni/__hU~M hU~M hU~M:__snang srid 'khor 'das chos rnams kun:__gdod nas spros bral de bzhin nyid:__kun snang snying rje khros pa'i rtsal:__rgyu yi ting 'dzin yi ge hU~M:__de las 'od 'phros 'phags pa mchod:__sde brgyad 'byung po brlag cing gzir:__'gro kun sgrib sbyang snod dang bcud:__'og min pad+ma brtsegs pa'i zhing :__rab 'jigs dur khrod 'bar ba'i klong :__drag po'i gzhal yas mtshan nyid rdzogs:__de dbus rang rig hU~M dmar nag:__yongs gyur skad cig dran rdzogs su:__dregs pa pad nyi zla ba'i steng :__dbyings dang ye shes dbyer med pa'i:__bde gshegs kun 'dus che ba'i mchog:__'jigs byed pad+ma he ru ka:__dmar smug zhal gcig phyag gnyis pa:__g.yas pas rdo rje nam mkhar 'phyar:__rtse las sprul pa'i lcags sdig 'phro:__g.yon pas phur pa bgegs la gzir:__dpal dang dur khrod chas kyis brgyan:__zhabs gnyis dor stabs tshul gyis bzhugs:__shes rab dbyings phyug khros pa'i yum:__rdo rje dung khrag bsnams pas 'khril:__gar dgu'i gzi byin mchog tu 'bar:__bde chen 'khor lo thod phreng rtsal:__mgrin par pad+ma badz+ra dang :__thugs kar che mchog he ru ka:__lte bar ye shes DA ki lnga:__gsang gnas mgon po ma ning nag:__'khor du rtsa gsum rgya mtshos bskor:__ba spu khyung gi tshwa tshwa 'phro:__gnas gsum rdo rje'i yi ges mtshan:__gdod nas dam ye gnyis su med:__ces gsal snang rtse gcig tu bton la/__hU~M:__bdag nyid drag po'i thugs ka ru:__kun bzang che mchog he ru ka'i:__thugs dbus pad+ma nyi zla'i steng :__rdo rje rtse dgu'i lte bar hU~M:__mtha' bskor sngags phreng g.yas su bskor:__de las 'od zer pho nya yis:__rgyal mchod sgrib sbyangs sde brgyad gzir:__snang grags sku gsung thugs su rdzogs:__oM AHhU~M badz+ra ma hA gu ru pad+ma kro d+ha artsig nirtsig sarba sid+d+hi hU~M phaTa?:__gtso bor bzla/__spro na rtsa gsum yongs rdzogs kyi bzlas pa ni:__slar yang thugs srog hU~M 'od kyis:__'khor lo rnam lnga'i lha tshogs bskul:__mnyam sbyor byang chub sems sprin gyis:__'phags mchod 'gro kun sgrib gnyis sbyang :__gang 'dul phrin las lhun gyis grub:__oM AHhU~M badz+ra gu ru ma hA kro d+ha pad+ma kro d+hI shwa ri badz+ra kI li kI la ya ma hA yak+Sha kA la rU pa karma ra~M ra~M dz+wa la ra~M sarba d+hA ki ni hU~M b+h+yo hU~M phaTa?:__ces bzla/__yang gsang hU~M bzlas ni/__bdag nyid bde gshegs yongs rdzogs kyi:__thugs las 'od 'phros hU~M du gyur:__sku yi dbyibs brgyud zhal nas thon:__snang srid snod bcud hU~M sgras khengs:__drag po rigs lngas brtan g.yo khyab:__'od zer rnam lngas las bzhi sgrub:__thams cad ka dag chen por gyur:__hU~M hU~M hU~M hU~M hU~M:__zhes ci nus bzla/__gsum pa rjes rim ni/__mthar thug snod bcud hU~M la bsdu:__de yang mi dmigs 'od gsal ngang :__rang rig ye grol gnyug ma'i gshis:__snod bcud lha sngags chos skur shar:__dge ba 'di yi myur du bdag__/pad+ma drag po 'grub gyur nas/__/sogs bsngo smon shis brjod dang*/__rdo rje gsum gyi lam khyer la bslab par bya'o/__/zhes pa'ang phyi rgyal pha ran se'i sgrub pa po pad+ma snying po'i bskur ngor gter gzhung ma nyams par khyer bde'i tshul du rgan po mang+ga las bris pa dngos grub mchog gi dga' ston du gyur cig__/sarba mang+ga laM/__dge'o//__//