JKW-KABAB-12-NA-010: Difference between revisions

From Khyentse Lineage - A Tsadra Foundation Project
(Created page with "{{Khyentse Metadata |classification=Tibetan Publications |subclass=Tibetan Texts |collectiontitle=mkhyen brtse'i bka' babs |collectiontitletib=མཁྱེན་བརྩེ...")
 
No edit summary
Line 2: Line 2:
|classification=Tibetan Publications
|classification=Tibetan Publications
|subclass=Tibetan Texts
|subclass=Tibetan Texts
|citation=[['jam dbyangs mkhyen brtse'i dbang po]]. '' ''. In ''Rdzong sar 'jam dbyangs mkhyen brtse'i dbang po'i bka' babs'', Vol. 12: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
|collectiontitle=mkhyen brtse'i bka' babs
|collectiontitle=mkhyen brtse'i bka' babs
|collectiontitletib=མཁྱེན་བརྩེའི་བཀའ་བབས་
|collectiontitletib=མཁྱེན་བརྩེའི་བཀའ་བབས་
|totalvolumes=22
|sourcerevealer='jam dbyangs mkhyen brtse'i dbang po
|sourcerevealer='jam dbyangs mkhyen brtse'i dbang po
|editor=rdzong sar blo gros phun tshogs
|sourcerevealertib=འཇམ་དབྱངས་མཁྱེན་བརྩེའི་དབང་པོ་
|sourcerevealertib=འཇམ་དབྱངས་མཁྱེན་བརྩེའི་དབང་པོ་
|editor=rdzong sar blo gros phun tshogs
|editortib=རྫོང་སར་བློ་གྲོས་ཕུན་ཚོགས་
|editortib=རྫོང་སར་བློ་གྲོས་ཕུན་ཚོགས་
|language=Tibetan
|tibgenre=Revelations - gter ma
|tibgenre=Revelations - gter ma
|terma=Yes
|terma=Yes
|language=Tibetan
|language=Tibetan
|pagestatus=Temporary stub only
|volumenumber=NA
|volumenumber=NA
|totalvolumes=22
|textnuminvol=010
|textnuminvol=010
|multivolumework=No
|versonotes=mkhyen brtse'i bka' babs
|pdflink=File:JKW-KABAB-12-NA-010.pdf
|pdflink=File:JKW-KABAB-12-NA-010.pdf
}}
}}

Revision as of 14:42, 30 April 2021

Wylie title JKW-KABAB-12-NA-010.pdf
Location mkhyen brtse'i bka' babs
Volume Expression error: Unrecognized word "na"., Text 10, Pages (Folios to )
Author [[ | ]]
Less details More details
Tertön འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation 'jam dbyangs mkhyen brtse'i dbang po. . In Rdzong sar 'jam dbyangs mkhyen brtse'i dbang po'i bka' babs, Vol. 12: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre Revelations - gter ma
Karchag page JKW-KABAB-Volume-02-KHA-Karchag"NA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"NA" is not a number.</li></ul>

[edit]
༁ྃ༔ རྫོགས་པ་ཆེན་པོ་སྙིང་པོ་ཧཱུྃ་སྐོར་ལས༔ གཅོད་ཡུལ་སྣང་བ་ལམ་ཁྱེར་བཞུགས་སོ༔ ཨེ་མ་ཧོ༔ ༁ྃ༔ ༡༢༣༤༥༥༦༧༧༨༩༩༠༠༠༩༨༔ ཨེ་མ་ཨོ་རྒྱན་པདྨ་ངས༔ ཉམས་སུ་ལེན་པའི་སྐྱེས་བུ་ལ༔ གཅོད་ཡུལ་སྣང་བ་ལམ་ཁྱེར་བསྟན༔ ཕྱི་རབས་རྣམས་ཀྱིས་འདི་ལྟར་སྤྱོད༔ འདི་ལ་སྤྱི་དོན་རྣམ་པ་གསུམ་གྱིས་སྟོན་ཏེ༔ སྔོན་འགྲོ་དངོས་གཞི་རྗེས་གསུམ་མོ༔ དང་པོ་སྔོན་འགྲོ་ནི༔ རང་མཛེ་ཕོ་མོ་དང་འབྲེལ་ལམ༔ ནད་འགོ་བའམ༔ བྲག་ཕུག་གམ༔ ལྷ་ཁང་ངམ༔ ཁང་སྟོང་ངམ༔ གང་ཡ་ང་བའི་སར་ཕྱིན་ལ༔ སྐྱབས་སུ་འགྲོ་བ་དང་༔ སེམས་བསྐྱེད་པ་བྱས༔ བརྒྱུད་པའི་བླ་མ་ལ་གསོལ་བ་གདབ༔ སྣང་བ་བདེན་མེད་དུ་བྱིན་གྱིས་རློབས་ཤིག༔ སྐྱེ་མེད་ཅིག་ཆོད་དུ་རྟོགས་པར་བྱིན་གྱིས་རློབས་ཤིག༔ རང་སྣང་རང་གྲོལ་དུ་རྟོགས་པར་བྱིན་གྱིས་རློབས་ཤིག༔ སྙེམས་ཐག་འཁྲི་བ་བཙན་ཐབས་སུ་ཆོད་པར་བྱིན་གྱིས་རློབས་ཤིག༔ ཡིད་ཀྱི་རོ་སྙོམས་བླང་དོར་དང་བྲལ་བར་བྱིན་གྱིས་རློབས་ཤིག༔ ཅེས་གསོལ་བ་གདབ་བོ༔ དངོས་གཞི་ནི༔ གདོན་ལ་གཅོད་ན་རང་གར་ཉལ་བ་དེའི་སྙིང་གི་འོག༔ སྒལ་པའི་དཀྱིལ་འོག་ནས༔ གཞི་བདག་གམ༔ གདོན་དེ་ཡོད་པའམ༔ རང་གི་མགོས་ལུང་པའི་ཕུ་ནོན་པ༔ རྐང་པས་མདའ་ནོན་པ༔ ཡན་ལག་གི་འོག་ཏུ་གདོན་ཕལ་པ་དང་བཅས་པ་མནན་ལ༔ གན་རྒྱལ་དུ་གཅེར་ཉལ་ལ་ཀློད་དེ༔ ད་ནི་འདི་ནས་བསྐལ་པའི་བར་དུ་མི་ལྡང་ངོ་སྙམ་དུ་འཕྲིག་བཅད་ལ་བསྡད་པས༔ རབ་དངོས༔ འབྲིང་ཆོ་འཕྲུལ༔ ཐ་མ་ཡང་གཟི་བྱིན་དང་༔ རྨི་ལམ་དུ་འབྱུང་སྟེ༔ འཇིགས་པ་དང་༔ ཡ་ང་བ་དང་༔ སྐྱི་ཟིང་བ་དང་༔ གཟུགས་བརྙན་སྣ་ཚོགས་པ་འོང་༔ དེ་བྱུང་བའི་དུས་སུ་རབ་གཏད་མེད་དུ་ཤེས་པས་གྲོལ་འགྲོ༔ འབྲིང་སེམས་ཀྱི་ཆོ་འཕྲུལ་ཡིན་སྙམ་པས་གྲོལ་འགྲོ༔ ཐ་མ་ཆགས་ཞེན་དང་༔ འཛིན་པ་ལུས་ལ་འབྱུང་བ་ཡིན༔ སེམས་ནི་སྟོང་པ་ཡིན༔ སྟོང་ཉིད་རིག་པ་གཅེར་བུ་ལ་ཞེན་པ་ཉམ་ང་དང་བྲལ༔ འོ༔ ཐམས་ཅད་ཀྱང་རང་གི་སེམས་ཡིན༔ རང་མདངས་ཡིན༔ དངོས་ཅན་འདུག་ན་དགའི༔ ངས་ནམ་མཁའ་མཐའ་གཏུག་གཏུག་བཙལ་ཀྱང་༔ ངོ་བོ་ངོས་བཟུང་༔ དབྱིབས་དང་༔ ཁ་དོག༔ མཚོན་དཔེ༔ མིང་བཙལ་བས་མ་རྙེད༔ ད་ཤ་འདོད་པས་ཤ་ཁྱེར༔ ལན་ཆགས་བྱང་བར་གྱུར་ཅིག༔ ཁྲག་འདོད་པས་གྲག་ཁྱེར་ཅིག༔ རུས་པ་འདོད་པས་རུས་པ་ཁྱེར་ཅིག༔ པགས་པ་འདོད་པས་ལྤགས་པ་ཁྱེར་ཅིག༔ ནང་ཁྲོལ་འདོད་པས་ནང་ཁྲོལ་ཁྱེར་ཅིག༔ ལན་ཆགས་བྱང་བར་གྱུར་ཅིག༔ ངའི་ལུས་པོ་འདི་ནམ་ཞིག་འཁོར་བའི་རྒྱུ་ཡིན་པ་ལ༔ ད་རེས་དངོས་སུ་ལེན་མཁན་ཡོད་པས་དགའ༔ ཆགས་ཞེན་ཀྱང་ཡོད་རེ་བྱས་ལ་ཁར་ཡང་འདོན༔ སེམས་ཀྱིས་གཏིང་དུ་བློ་ལ་ཡང་བླང་ངོ་༔ དེ་ནས་གཏད་མེད་དུ་ལྷོད་དེ་ཉལ་བསྡད་དོ༔ དེའི་ཆོད་པའི་རྟགས་སུ༔ ཤེས་པ་བདེ་འབོལ་བ་དང་༔ དྭངས་སིང་བ་དང་༔ རྨྀ་ལམ་དུ་ཟས་གོས་སྟེར་བ་ལ་སོགས་དངོས་སུ་འབྱུང་བ༔ གདོན་བགེགས་གཞི་བདག་དེས་བྲན་བྱེད་པ་འབྱུང་༔ ཁྱད་པར་སྔར་མེད་པའི་ཉམས་ཁྱད་པར་ཅན་བློ་ཐོལ་ཐོལ་འཆར་བ་འབྱུང་ངོ་༔ གཞན་ཡང་གཉན་ས་རུ་འགྲོ་མི་དགོས་ཏེ༔ རང་གང་འདུག་གི་མལ་དེར་དམིགས་པ་དེ་བྱས་པས༔ རོ་མལ་ན་ཡོད་པས་མལ་གཉན་སར་ཤེས་པར་བྱའོ༔ བདུད་འཇམ་པོ་ཞུགས་པ་ནི༔ བཟང་པོར་བཀུར་བ་དང་༔ ཕྱེ་གཏོར་དང་༔ འགྲོ་དོན་དང་༔ གདུལ་བྱ་དང་༔ ཕན་ཐོགས་དང་༔ བསོད་ནམས་དང་༔ སྙན་གྲགས་དང་༔ འཁོར་གཡོག་འབྱུང་བ་རྣམས་ཡིན་ནོ༔ དེ་རྣམས་གཏད་མེད་དུ་མ་ཤེས་པར་སྙེམས་ཞུགས་ནས་ང་ཅིག་འོང་བར་འདུག་གོ་སྙམས་པའི་ཞེན་འཛིན་ཞུགས་པས༔ བདུད་ཀྱིས་ཁྱེར་བ་ཡིན་ཏེ༔ དེ་ལྟར་བྱུང་བའི་དུས་སུ་སྐྱོ་བ་གཏིང་ནས་བསྐྱེད༔ ཞེན་པ་གཏིང་ནས་ལོག༔ བློ་སྣ་འུབ་ཀྱིས་བསྟུང་༔ དཀའ་ཐུབ་བཅུད་ལེན་བྱས༔ སྙེམས་ཐག་ནང་ནས་བཅད༔ རང་གིས་སེམས་ལ་ཞེན་འཛིན་འདུག་གམ་བལྟ༔ འདུག་ན་ད་རུང་ཀློད་པས་སྐྱེ་མེད་ཀྱི་དབྱིངས་སུ་གྲོལ་ཞིང་༔ ཡལ་ནས་འགྲོ༔ དེ་ལྟ་བུ་མ་རྟོགས་ནའང་༔ ནང་དུ་རང་ལ་བལྟས་པས་བདུད་ཀྱི་རྩ་བ་སེམས་ཡིན་པས༔ སེམས་ནི་བཙལ་ཡང་མ་གྲུབ༔ སྣང་བ་དང་༔ སྟོང་པ་དང་༔ ལྷ་དང་༔ འདྲེ་དང་༔ དགྲ་དང་༔ གཉེན་དང་༔ གཙང་བ་དང་༔ བཙོག་པ་དང་༔ བདེ་བ་དང་༔ སྡུག་པ་དང་༔ ཉོན་མོངས་པ་རྣམས་ལེགས་པར་ཀློད་ཅིང་བཞག་པས༔ ངོ་བོ་མ་གྲུབ་པར་རང་སར་དུ་གྲོལ་འགྲོ༔ མ་གྲོལ་བཅིངས་མེད་ཀྱི་ངང་དུ་ཀློད་པས་ཤེས་པ་བཅིངས་མེད་བདེན་འཛིན་གྱི་སྣང་བ་བསྐྱིལ་མེད་པར་ཆེད་དུ་བསྒོམ་པ་དང་བྲལ༔ དབང་པོ་རྒྱ་ཡན་དུ་གྱུར༔ གང་ལྟར་བྱས་ཀྱང་གཏད་མེད་དུ་བདེ་ཕྱམ་ཕྱམ་བ་ཅིག་འབྱུང་ངོ་༔ དེ་དུས་ཆོད་པ་ཡིན་ནོ༔ བདུད་རྩུབ་ཆོས་སུ་ཞུགས་པའང་༔ ནད་དང་༔ གདོན་དང་༔ མི་དང་༔ མི་མ་ཡིན་པ་རྣམས་ཡིན་ཏེ༔ ཐོག་འགེལ་དུ་བྱས་ཏེ༔ ནད་པ་སླར་འདྲེ་ལ་གཏད༔ གཉན་གྱི་སྟེང་དུ་གཉན་པ་ཕབ༔ མེ་བཙའ་ཨ་ཚ་ཚུགས་སུ་བཏབ་པས༔ སླར་འཕྲིག་མི་ཚུད་པར་གྲོགས་སུ་འགྱུར་བའོ༔ རྗེས་ནི༔ དུས་རྟག་དུ་བློ་སྣ་ཐུང་ཧྲིལ་བསྡུས་ནས༔ ནམ་འཆི་ངེས་མེད་སྙིང་གི་དཀྱིལ་དུ་ཏུང་ངེ་བྱས༔ ཉམས་ལེན་ཕྱི་དུས་སུ་མི་བཞག༔ མིག་བསྒྲད༔ གཅོད་གསུམ་དུས་གཅིག་ཏུ་ཤེས་པར་གྱིས་ཤིག༔ ཨེ་མ་ཐོག་མེད་མ་རིག་སེམས༔ རྣམ་པར་རྟོག་པ་གང་སྐྱེས་བདུད༔ དེ་ནི་རང་གི་སེམས་ལས་བྱུང་༔ སེམས་ལ་བྱུང་གནས་འགྲོ་གསུམ་མེད༔ གྲོལ་བས་སངས་རྒྱས་བྱུང་བ་མེད༔ འཁྲུལ་པས་འཁོར་བར་ལྷུང་བ་མེད༔ དཀར་ནག་ལས་ཀྱི་དྲིས་མ་གོས༔ རང་གྲོལ་གདོད་མའི་སངས་རྒྱས་ཡིན༔ གཉིས་མེད་རང་གྲོལ་གཤིས་ལུགས་ཡིན༔ ཆོས་ཉིད་ངང་ལ་སྐྱབས་འགྲོ་དང་༔ སེམས་བསྐྱེད་གསོལ་བ་གདབ་པར་བྱ༔ རང་ལ་བར་ཆད་བྱུང་བ་ན༔ གཉན་སར་ཕྱིན་ལ་སྟོང་གསལ་བསྒོམ༔ སེམས་ཅན་གཞན་ལ་ཕན་འདོགས་ན༔ སྙིང་རྗེ་སྔོན་དུ་སོང་བ་ཡིས༔ བདག་དང་གཞན་དང་གདོན་དང་ནད༔ ཐམས་ཅད་སྟོང་པར་ཤེས་བྱས་ལ༔ ཕཊ་ཕཊ་བྱ་ཞིང་སྟོང་ཉིད་བསྒོམ༔ དེས་ཀྱང་ཞི་བར་མ་གྱུར་ན༔ གཉན་སར་སྐྱབས་འགྲོ་སེམས་བསྐྱེད་བྱ༔ ལན་གསུམ་བརྗོད་ལ་མཐའ་བྲལ་བསྒོམ༔ མཎྜལ་བཅས་ལ་ཤིང་བུ་དང་༔ རྡེའུ་བྱིན་རླབས་བྱས་ལ་སྒྱུར༔ སྟེང་གི་ལྷ་རྣམས་དམ་ལ་ཐོགས༔ འོག་གི་ཀླུ་རྣམས་ཟིལ་གྱིས་གནོན༔ ཀླུ་ལ་ལས་ནི་གང་བཅོལ་གྲུབ༔ ལྷ་རྣམས་རང་རང་གྲོགས་དན་བྱེད༔ ལྷ་འདྲེ་མི་གསུམ་བྲན་དུ་འཁོལ༔ རྩ་བ་གསུམ་དང་ཆོས་སྐྱོང་གིས༔ མ་ལྟར་སྐྱོང་ཞིང་བུ་ལྟར་འཚོ༔ ཐོགས་བཅས་བདུད་ལ་ཆོད་པ་ཡིན༔ སྣང་བ་དགྲ་ནི་གང་ལ་ལྡང་༔ ཐོགས་མེད་བདུད་ལ་ཆོད་པ་ཡིན༔ གནོད་སྦྱིན་ཕོ་མོ་དམ་ལ་ཐོགས༔ ཉོན་མོངས་དགྲ་ལས་རྒྱལ་བར་འགྱུར༔ དེ་ལ་སོགས་པ་ཐུན་མོང་དུ༔ ཚེ་རིང་ནད་མེད་བསམ་དགུ་འགྲུབ༔ ཀུན་གྱི་གཙུག་ནོར་ལྟ་བུར་འགྱུར༔ མཆོག་ཏུ་བླ་མེད་དེར་སངས་རྒྱས༔ རྣལ་འབྱོར་ལམ་པའི་ཉམས་ལེན་ལ༔ འདི་ལས་ཟབ་པ་ལོག་ན་མེད༔ སྐལ་ལྡན་གཅིག་དང་འདི་འཕྲད་ཤོག༔ ས་མ་ཡ༔ རྒྱ་རྒྱ་རྒྱ༔

རྫོགས་པ་ཆེན་པོ་སྙིང་པོ་ཧཱུྃ་གི་སྐོར་ལས༔ ཞི་བྱེད་རིན་ཆེན་ཕྲ་བཀོད་བཞུགས༔ གེགས་སེལ་ཡིད་བཞིན་ནོར་བུ༔ ༁ྃ༔ ༔༡༢༣༤༥༦༧༧༨༨༩༩༨༧༧༦། རིག་པ་སྐྱེ་མེད་སྤྲིན་བྲལ་ནམ་མཁའ་ལ༔ རྟོག་པའི་རང་རྒྱུད་རང་སར་ཤར་ཡལ་གྱི༔ ཆུ་རླབས་རང་སངས་རྟོག་མེད་རང་གྲོལ་བ༔ གེགས་སེལ་ཡིད་བཞིན་ནོར་བུ་དེ་ལ་བསྟོད༔ འདིར་རྣལ་འབྱོར་པ་ཉམས་སུ་ལེན་པ་འབད་རྩོལ་དང་བཅས་པ་དྲག་པོས་ཉམས་སུ་བླང་པ་རྣམས་ལ༔ ལམ་གྱི་སྣང་བ་འཕེལ་འགྲིབ་སེལ་བའི་ཐབས་ལ༔ རྣམ་རྟོག་བྱིང་བ་དང་༔ རྒོད་པ་གཉིས་ཡིན་ཏེ༔ བྱིང་བ་ལ་གནས་ཀྱིས་བྱིང་བ་དང་༔ གྲོགས་ཀྱིས་སོ༔ གནས་ཀྱིས་བྱིང་བ་ནི༔ མཛེ་སྤྲང་ངམ༔ དམ་ཉམས་ཀྱིས་བསླད་པའམ༔ རང་བཞིན་གྱིས་གནས་འཐིབ་པ་དང་༔ ནམ་ཟླས་འཐིབ་པའོ༔ དེ་ལ་གནས་མཐོ་བའམ༔ གངས་མཐོ་བའམ༔ ནེའུ་སིང་ངམ༔ བྲག་གི་རྩེ་ལ་བསྒོམས་པས་སེལ་ལོ༔ གྲོགས་ནི༔ དམ་ཉམས་སམ༔ སྡོམ་ཉམས་སམ༔ བསམ་ངན་ནམ༔ སྡིག་ཅན་ནམ༔ གདོན་ཅན་དང་འགྲོགས་པས་ཏིང་ངེ་འཛིན་འགྲིབ་པ་དང་༔ ལུས་ལྡང་མི་ནུས་པ་དང་༔ བཏང་སྙོམས་དང་ལེ་ལོར་ལུས་པ་འབྱུང་ངོ་༔ དེ་ལ་སྐོང་གསོ་བྱ༔ བཤགས་པ་བྱ༔ འཆི་བ་བསམ༔ གསོལ་བ་གདབ༔ སྨྲ་བ་བཅད༔ འཁྲུལ་འཁོར་བྱ༔ དེས་སེལ་ལོ༔ རྒོད་པ་ལ་འང་གནས་དང་༔ གྲོགས་སོ༔ གནས་ཀྱི་རྒོད་པ་ནི༔ གནས་དྭངས་ཆེས་བས་རིག་པ་མ་ནོན་པའོ༔ དེ་ལ་སྤྱི་བོར་བླ་མ་བསྒོམ༔ གྲོགས་ཀྱིས་གཡེང་སྟེ་རྒོད་པ་ལ་སྨྲ་བ་བཅད༔ ཞེན་པ་སྐྱུར༔ བློ་ཁ་ནང་དུ་ལོག་ལ་སྙིང་རུས་བསྐྱེད་དེ༔ ལར་གྱི་ཁམས་འདུས་པ་དང་༔ རྐྱེན་དྲག་པོ་དང་༔ སྡུག་བསྔལ་འབྱུང་བའི་དུས་སུ༔ འོ་ད་རེས་ང་ལ་དགེ་སྦྱོར་གྱི་གསལ་འདེབས་བླ་མ་ཅིག་བྱུང་རེ་དགའ་སྙོམས་ལས་སུ་གྱུར་པས་སྔར་ལན༔ ཁམས་གསུམ་སེམས་ཅན་ཕ་མ་དང་བཅས་པའི་མི་འདོད་པའི་སྡུག་བསྔལ་ཐམས་ཅད་ང་ལ་ཤོག་ཅིག༔ ངའི་སྡིག་སྒྲིབ་ཐམས་ཅད་དུས་འདིར་སྨིན་པར་གྱུར་ཅིག༔ མི་ཁ་དང་༔ གླེང་བརྗོད་མི་མཐུན་པ་ཐམས་ཅད་ང་ལ་ཤོག་ཅིག༔ དུས་འདིར་ཤོག་ཅིག༔ སྐད་ཅིག་མ་ལ་ཤོག་ཅིག་བྱའོ༔ རྒྱུད་ལའང་བཀལ་ལ་གསོལ་བ་ཕུར་ཚུགས་སུ་བཏབ་པས༔ དེའི་སྟེང་དུ་གཏད་མེད་དུ་ཕྱལ་ཕྱལ༔ ཉམས་དགའ་ཡལ་བ༔ རྒྱང་གླུ་རྩེ་རེ་བ་ཅིག་འོང་སྟེ༔ དེ་ལས་ཀྱིས་ལས་དག་པ་བྱ་བ་ཡིན་ནོ༔ དཔེར་ན་ཡུལ་གཅིག་ཏུ་འཕྲད་དམ༔ ལམ་དོག་པོ་གཅིག་བྱུང་ན་དེ་བརྒལ་མ་ཐག་ཡུལ་གཅིག་འོང་ངོ་ཤེས་པས༔ དེ་དང་འདྲ་བ་བཞིན་བསྒོམས་པའི་རྗེས་ལ༔ ཉམས་ཀྱི་འཕེལ་འགྲིབ་རེ་བྱུང་དུས༔ རྗེས་ལ་རྟོགས་པ་རྐྱང་བ་གཅིག་མི་སྐྱེ་མི་སྲིད་པ་ཡིན་ནོ༔ དེ་ལྟར་མ་རིག་པའི་འཕེལ་འགྲིབ་ཐམས་ཅད་ཀྱང་རྒྱུ་མ་རིག་པ༔ ངོ་བོ་བདག་ཏུ་འཛིན་པ༔ མཚན་ཉིད་མ་ངེས་པའོ༔ དབྱེ་ན༔ བདག་ལ་བརྟེན་ཏེ་བྱུང་བ་དང་༔ གཞན་ལ་བརྟེན་ཏེ་བྱུང་བ་དང་༔ གཉིས་ཀ་ལ་བརྟེན་ཏེ་བྱུང་བ་དང་༔ ཤེས་རབ་བྱ་ལྟར་ལྡིང་བའོ༔ བདག་ལ་བརྟག་པ་ནི༔ ང་དང་བདག་ཏུ་འཛིན་པའི་ཉོན་མོངས་པ་རྣམས་སོ༔ གཞན་གྱི་ཕྱི་རོལ་གྱི་གདོན་རྣམས་རང་གི་སྣང་བ་ལ་ཞེན་པས་དུག་ལྔ་རྒྱས་པའོ༔ གཉིས་ཀ་ལ་བརྟེན་པ་ནི༔ གཟུང་འཛིན་རྣམ་པར་རྟོག་པའོ༔ ཤེས་རབ་བྱ་ལྟར་ལྡིང་བ་ནི༔ ཆོས་མང་པོ་ཤེས་ཤིང་རློམས་སེམས་སུ་གྱུར་ཏེ༔ བློ་དྲེད་ཁྱེར་བའོ༔ བྱིང་བ་ལ་ལུས་ཀྱི་འབྱུང་བ་འཁྲུགས་པའི་གཉིད་དང་༔ ཆེད་དུ་གོས་དང་༔ མལ་དུས་བཙལ་བ་དང་༔ ངལ་དུབ་དང་༔ ཆད་ལས་བྱུང་བའོ༔ རྒོད་པ་ལ་རང་བཞིན་གྱིས་རྒོད་པ་དང་༔ གླུ་གར་རོལ་རྩེད་དང་༔ ཉོན་མོངས་པས་དཀྲུགས་པ་རྣམས་ཡིན་ནོ༔ དེ་རྣམས་གང་ལས་བྱུང་བརྟག་པས་གཞི་མེད༔ གང་ལ་གནས་ལུགས་བལྟས་པས་རྩ་བ་དང་བྲལ༔ ངོ་གང་དུ་སྤྲད༔ རིག་པ་རྟེན་མེད་དུ་ངོ་སྤྲད་དོ༔ དཔེ་འདུས་མ་བྱས་ཀྱི་ནམ་མཁའ་དང་འདྲ༔ ཅི་རུ་བསྲེ༔ འོད་གསལ་བདེ་བ་རང་སྟོང་དུ་བསྲེ༔ དུས་ཅི་ཙམ་ན་ད་ལྟ་ཉིད་ཀྱི་ཤེས་པ་འདི་ནས་མ་ཡེངས་པར་རོ༔ ངར་ཅིས་འདོགས༔ རླུང་གིས་འདོགས༔ རླུང་ལ་ཤེས་པས་འདོགས༔ རང་བྱུང་གི་ཡེ་ཤེས་ཧྲིག་གེ་རྗེན་ནེ་བའོ༔ རྟགས་ཅི་ཙམ་འབྱུང་༔ ཞེན་ཆགས་དང་བྲལ་བ་འབྱུང་༔ འབྲས་བུ་ལྟ་བ་བདེན་མེད་ཆོས་སྐུ་འཐོབ་བོ༔ འགྱུ་བ་སྟོང་པར་ངོ་ཤེས༔ གང་ན་གནས༔ སྣང་བ་ལ་གནས༔ ངོ་རང་གྲོལ་དུ་སྤྲད༔ དཔེ་ཅི༔ བར་སྣང་གི་འཇའ་དང་༔ དེ་ཅི་རུ་བསྲེ༔ ཕན་གནོད་མེད་པར་རང་སྣང་ཤར་གྲོལ་དུ་བསྲེ༔ དུས་ཅི་ཙམ་ན་སྐད་ཅིག་གཉིས་པ་རང་གསལ་ཡུལ་བྲལ་འདི་རང་ངར་གཅིག་གདགས༔ ཚོགས་དྲུག་སྒོ་ཡན༔ རྐྱེན་བླ་མ༔ རྟགས་ཅི་འབྱུང་ན༔ འཆི་བ་ལ་ཉམ་ང་མེད་པ་འབྱུང་༔ འབྲས་བུ་སྣང་བ་རང་གསལ་དུ་ཤེས་པས་ལོངས་སྐུ་ཐོབ༔ དབྱིངས་དང་ཡེ་ཤེས་གཉིས་སུ་མེད་པར་ངོ་ཤེས༔ གང་ན་གནས༔ རྣམ་རྟོག་སྔ་མ་སོང་༔ ཕྱི་མ་མ་སྐྱེས་པར་གནས༔ ངོ་བདེ་སྟོང་དུ་སྤྲད༔ དེས་སྤྲ་བ་ལ་མེ་མཆེད་པ་བཞིན་དུ་སྤྲད༔ བླང་དོར་དགག་སྒྲུབ་མེད་པར་བསྲེ༔ དུས་སྐད་ཅིག་མ་གསུམ་པ་གང་ལ་བཟོ་མེད་བཞིན་དུ་གསལ༔ གསལ་བཞིན་དུ་ཞེན་པ་མེད༔ མེད་བཞིན་མ་འགག་པར་ང་རྒྱལ་བསྐྱེད༔ གྲ་ཡམ་མེ༔ ཁྲ་ཤིག་གེ༔ བདེ་ཕྱམ་མེ༔ རྗེན་ལང་ངེ་བའི་དུས་འདི་ནའོ༔ ངར་ཅི་འདོགས་ན༔ སྣང་བའི་དངོས་པོ་རྟེན་དང་༔ རྟེན་མེད་གང་གིས་ཀྱང་བཟོ་མེད་བཞིན་གསལ༔ དབྱིངས་སྣང་འབྲལ་རྒྱུན་ཆོད༔ འཁོར་བ་ཆུས་བཤལ༔ འཁྲུལ་པ་རྩད་ནས་ཆོད་དོ༔ རྟགས་འཆི་བ་ལ་བྲོད་པ་ཐོབ༔ འབྲས་བུ་ཅིར་སྣང་སྤྲུལ་པའི་སྐུར་ཐོབ་པ་ཡིན་ནོ༔ ཅི་ཡང་མི་དམིགས་ཧད་པོར་བསྒོམ་ན་ནམ་མཁའ་མཐའ་ཡས་སུ་གོལ་འགྲོ༔ ནམ་མཁའ་སེམས་དང་སེམས་ལས་བྱུང་བའི་ཚུལ་དུ་བསྒོམ་པ་ནི་རྣམ་ཤེས་མཐའ་ཡས་སུ་གོལ༔ གཅིག་དང་དུ་མས་གཞི་གནས་ཅི་ཡང་མེད་པ་སྒོམ་པས་ཅུང་ཟད་མེད་པའི་སྐྱེ་མཆེད་དུ་གོལ༔ དེ་ཡང་དཔེ་ནམ་མཁའ་དོན་རིག་པ༔ ཚད་སྣ་རྩེའི་བར་སྣང་སང་ངེ་བ༔ ངོ་བོ་ས་ལེ༔ ཧྲིག་གེ༔ བུན་ནེ༔ ཕྱད་དེ༔ འབོལ་ལེ་བ་འདིའོ༔ འདི་ཉིད་མིག་གི་ཡུལ་དུ་གཟུགས་སྣང་སྟོང་དབྱེར་མེད༔ རྣ་བའི་ཡུལ་དུ་སྒྲ་གྲགས་སྟོང་དབྱེར་མེད༔ སྣ་ལ་དྲི༔ ལྕེ་ལ་རོ༔ ལུས་ལ་རེག༔ ཡིད་ལ་བདེ་སྡུག་གང་སྣང་ཡང་གསལ་སྟོང་རྗེན་པར་ཁྲིགས་སེ༔ ཡིན་ལུགས་ཀྱི་ངང་དུ་སྐྱོང་ཞིག༔ དུས་བཞི་སྟེ༔ སྔ་དྲོ་ཕྱི་དྲོ༔ སྲོད་དང་༔ ཐོ་རངས་སོ༔ འགྲོ་བ་དང་འདུག་པ༔ ཟ་བ༔ སྨྲ་བའི་དུས་སུ་མི་འབྲལ་བར་བྱའོ༔ དེ་ལྟ་བུ་སྣང་བ་གྲོགས་སུ་ཁྱེར་བས༔ མཉམ་རྗེས་མཉམ་པོར་འདྲེས༔ སྣང་བ་གྲོགས་སུ་ཤར༔ རྐྱེན་ངན་བླ་མར་ཤར༔ སྟོང་ཉིད་རང་རྩལ་འབྱོངས༔ ཆོས་སྐུ་རྒྱ་ལྟར་འབྱམས་པ་ལ་སྤྱོད་ཅིག༔ དང་པོ་ཞི་གནས་ཀྱི་དུས་སུ་ཉམས༔ གཞོན་ནུ་མས་བདེ་བ་མྱོང་བ་ལྟ་བུར་འཆར༔ འབྲས་བུ་མིག་གི་མངོན་ཤེས་འབྱུང་༔ རྗེས་ཐོབ་ཀྱི་དུས་སུ་སྒོམ་མི་སྒོམ་ཐ་སྙད་དང་བྲལ་བ་འབྱུང་༔ འབྲས་བུ་སྣ་ཚོགས་པའི་མངོན་ཤེས་འབྱུང་༔ ཐམས་ཅད་ལ་མ་ཞེན་པར་མཉམ་རྗེས་འདྲེས་དུས་དངོས་པོར་འཛིན་པ་ཅི་ཡང་མེད༔ འབྲས་བུ་ཕ་རོལ་གྱི་སེམས་ཤེས༔ རྩལ་འབྱོངས་པའི་རྟགས་ནི༔ མ་རིག་པ་ཉིད་རིག་པར་ཤར་ནས༔ རང་སེམས་རང་མཚན་རིག་སྟེ༔ ལུས་གཞན་དུ་སྤྲུལ་ཤེས༔ འབྲས་བུ་སྔོན་གྱི་གནས་རྗེས་སུ་དྲན་པ་འབྱུང་༔ དེ་ནས་ཉིན་སྣང་དང་མཚན་སྣང་ཕྱེད་འདྲེས་ཙམ་གྱི་དུས་ན་སེམས་ཀྱི་ངོ་བོ་རིག་པར་གྲོལ་ཏེ༔ སྐྱེ་བ་མི་ལེན༔ འབྲས་བུ་འཆི་འཕོ་དང་༔ སྐྱེ་བའི་མངོན་ཤེས་འཆར་རོ༔ ཉིན་མཚན་འཁོར་ཡུག་དང་འདྲེས་པའི་ཏིང་ངེ་འཛིན་ཉི་མ་དང་འདྲ༔ རང་དོན་ཆོས་སྐུ་ཐོབ༔ ཀ་དག་རང་ས་ཟིན༔ འཁྲུལ་པར་ལྡོག་མི་སྲིད༔ གཟུགས་སྐུ་གཉིས་ཉི་ཟེར་ལྟ་བུར་འཁོར་བ་མ་སྟོང་གི་བར་སེམས་ཅན་གྱི་དོན་བྱེད་ཅིང་༔ འབྲས་བུ་ཟག་མེད་ཀྱི་མངོན་ཤེས་འཆར་རོ༔ ཨེ་མ༔ ལྟ་བ་བལྟར་མེད་རིག་པའི་ཕོ་རྒོད་ལྟོས༔ སྒོམ་པ་སྒོམ་བྲལ་ཡེ་སྒོམ་ངོ་བོ་གསལ༔ སྤྱོད་པ་སྤྱོད་བྲལ་སྣང་བ་ཐུག་ཕྲད་གྱེས༔ འབྲས་བུ་ཐོབ་མེད་མིན་འདས་བརྗོད་བྲལ་ལོངས༔ གནད་འདི་སུས་ཤེས་སངས་རྒྱས་ཟང་ཐལ་རང་༔ ཨོ་རྒྱན་ང་ཡི་བརྒྱུད་འཛིན་དམ་པའོ༔ སྡུག་བསྔལ་སྒོམ་གེགས་ཐམས་ཅད་རིག་པའི་ཀློང་དུ་ཞི་བའི་ཞི་བྱེད་རིན་ཆེན་ཕྲ་བཀོད་འདི་རྫོགས་སོ༔ ཨྠིྀ༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ དམ་རྒྱའོ༔

༁ྃ༔ རྫོགས་ཆེན་སྙིང་པོ་ཧཱུྃ་སྐོར་ལས༔ གཏུམ་མོ་དྲན་ཆོག་མེ་འབར་བཞུགས་སོ༔ ༁ྃ༔ ༡༢༣༤༥༦༧༡༢༣༤༥༦༦༧༔ ཡེ་ཤེས་རང་རླུང་ལྔ་ཡིས་བདེ་ཆེན་འབར༔ རང་རྩལ་ཐིག་ལེའི་རྩལ་གྱིས་དྲོད་ཆེན་བསྐྱེད༔ འཁོར་འདས་རླུང་སེམས་དབྱེར་མེད་ཤེས་པ་ཡིས༔ ཐབས་ལྡན་ལམ་མཆོག་དམ་པ་བསྟན་པར་བྱ༔ འདི་ཕྱི་རབས་ཀྱི་རྣལ་འབྱོར་པས་ཉམས་སུ་ལེན་པར་འདོད་པ་རྣམས་ལ་གོས་ཀྱིས་རྡུག་སྟེ༔ ཉམས་ལེན་གྱི་གེགས་སུ་གྱུར་པ་སྲིད་པས༔ དེ་ལ་བདེ་དྲོད་མེ་ལྟར་འབར་བའི་གདམས་པས༔ གོས་ཀྱི་རྩོལ་བ་མེད་པར་སངས་རྒྱ་བའི་གདམས་པ་ལ༔ སྔོན་འགྲོ༔ དངོས་གཞི་རྗེས་གསུམ་གྱིས་སྟོན་ཏེ༔ དང་པོ་སྔོན་འགྲོ་ནི༔ གཤིས་ལུགས་ཀྱི་སྟེང་དུ་དར་ཅིག་བཞག༔ ལུས་རྣམ་སྣང་གི་ཆོས་བདུན་བཅས་ལ༔ རྐང་པ་ཕྱིར་ཤིག་བཏང་ལ་དགྱེ༔ དེ་ནས་མཐེབ་ཆེན་བཞི་པོ་ནང་དུ་བསྐུམས་ལ༔ རླུང་འཇོམ་པ་གསུམ༔ འབྲིང་བ་གསུམ༔ ཆུང་བ་གསུམ་ཕྱིར་འབུད་དོ༔ དེ་ནས་ནང་དུ་སྐད་མེད་པར་ག་ལེ་དྲངས་ལ༔ ལྟེ་བའི་འོག་ཏུ་མཆིལ་མ་ཐིག་པ་གཅིག་དང་སྦྲགས་ལ་མནན་ནོ༔ དགང་བ་ལ་སྟོང་སེང་བྱ༔ འོག་འཆུས་པ་གཉིས་བྱས་ལ་འོག་སྒོ་དམ་པར་མི་བསྡམ༔ རང་ལུགས་སུ་བཞག་ལ་རླུང་མི་བསྐྱིལ༔ མགྲིན་པ་ཅུང་ཟད་དགུག་པ་ལ་སོའི་ཕྲག་དུམ་ཅིག་བཞག་གོ༔ དེ་ནས་རླུང་ཐུབ་ཐང་གཅིག་བཟུང་ལ་ལུས་ཀྱི་ཉ་བཞི་འགྱིང་བ༔ མདུན་རྒྱབ་རྐེད་པ་མཉེས་ནས༔ གཞིལ་བ་ནི༔ བྱང་ཁོག་ནང་ནས་ཧ་ཞེས་པ་གསུམ་བཏོན་ལ༔ ཡན་ལག་བརྐྱང་བསྐུམ་ཞགས་པ་འཕེན་པ་ལྟར་སྤྲུག་པ་ལན་གསུམ་བྱའོ༔ འདི་རྣམས་སྔོན་འགྲོ་ཡིན་པས༔ ཤིན་ཏུ་འབྱོངས་པར་མ་འཆུག་པ་གལ་ཆེའོ༔ དེ་ནས་དངོས་གཞི་ནི༔ རྐང་པ་རེ་མིག་ཏུ་བསྣོལ་ལ་ལུས་སུམ་ལྟེབ་ཏུ་བཏང་༔ ལག་པ་གཉིས་བསྣོལ་ལ་ཉ་ཤ་གཉིས་བསྡམ༔ རྐེད་ཆིངས་ཀྱིས་བཅིངས་ལ༔ པུས་མོ་གཉིས་གྲུ་ཁུག་ཀྱིས་མནན་ལ༔ མཐེབ་མོ་གཉིས་བསྐུམ༔ འཇིང་པ་ཅུང་ཟད་དགྱེ་བར་བྱས་ལ༔ རང་གི་ལུས་ལྕགས་བརྫི་མ་བསྲེགས་པ་ལྟ་བུ་དམར་ཧྲིལ་ལེ་བ་གཅིག་ཏུ་དམིགས་ལ་སྟོང་ར་ཞག་གསུམ་བསྒོམ༔ དེ་ནས་དེའི་ལྟེ་བའི་འོག་ནས་མེའི་དཀྱིལ་འཁོར་ཟུར་གསུམ་པ་མགར་གྱི་སོལ་མེ་ནས་བྱུང་མ་ཐག་ལྟ་བུ་མཐོ་གང་བ་ཅིག་བསམ༔ དེ་ལ་ཞག་གསུམ་བསྒོམ༔ དེའི་སྟེང་དུ་གཏུམ་མོ་ཨ་ཤད་ཁ་དོག་དམར་བ༔ རེག་བྱ་ཚ་བ༔ རྃ་གྱིས་མཚན་པ་གཅིག་གིས་རྩེ་མོ་སྙིང་ཁ་མན་ཆད་ལ་སླེབ་པར་བསམ༔ དེ་ནས་མགྲིན་པ༔ དེ་ནས་སྤྱི་བོ༔ དེ་ནས་ལུས་ཀྱི་ནང་ཁེངས་ན་མ་ཐུབ་པ་རྣམས༔ བུ་ག་ལས་ཕྱིར་ཐོན་ནས་མཁའ་འགྲོ་གཙུག་གི་རྒྱན་ཅིག་མ་ཌཱ་རུ་ཀྲོང་ཀྲོང་འདུག་པར་བསམ༔ སྤྱི་བོ་ལ་སོགས་འཁོར་ལོ་རྣམས་ནས་ཐིག་ལེ་ཞུ་བས་རང་ལུས་ལྟེམ་གྱིས་གང་བར་བསམ༔ ཐིག་ལེ་སྲུང་བའི་རྟེན་འབྲེལ་བྱ༔ དེ་ནས་ཕྱི་འཇིག་རྟེན་མེའི་གཞལ་ཡས་ཁང་༔ ནང་སེམས་ཅན་གཙུག་གི་རྒྱན་གཅིག༔ སྒྲ་ཐམས་ཅད་མེའི་སྒྲ༔ ཚིག་ཐམས་ཅད་ཧ་རི་ནི་སར་གྲགས་པར་བསྒོམ་མོ༔ ངག་ཏུའང་བརྗོད༔ མཆོངས་པ་དང་༔ རྒྱུག་པ་དང་༔ སྟང་སྟབས་བྱ༔ མཁའ་འགྲོའི་ང་རྒྱལ་དང་མ་བྲལ་བར་བྱའོ༔ དེ་ལྟར་རླུང་བཟུང་ལ་ཞག་བདུན་བསྒོམ་པས་རླུང་གི་རྟགས་རྣམས་རྫོགས་ཏེ༔ ཡེ་ཤེས་ཀྱི་དྲོད་རང་འབར་དུ་འགྱུར་རོ༔ རྗེས་ནི༔ ཁུར་མི་འཁུར༔ དམིགས་པ་འཁྲུལ་འཁོར་མི་བཅག༔ ཟས་བཅུད་ཆེན་བརྟེན༔ ཐིག་ལེ་བསྲུང་༔ ཆགས་པ་དང་ཞེན་པ་སྤང་བར་བྱའོ༔ ཨེ་མ༔ ཨོ་རྒྱན་མཁན་པོ་པདྨ་ངས༔ གོས་ཀྱི་འཁྲི་བ་བཅད་པ་དང་༔ གདམས་པའི་ཟབ་ཁྱད་བསྟན་པའི་ཕྱིར༔ མཁའ་འགྲོའི་གཏུམ་མོ་དྲན་ཆོག་བསྟན༔ ལས་ཅན་བུ་ཡིས་ཉམས་སུ་ལོངས༔ སྐལ་ལྡན་ཆོས་བདག་གཅིག་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ དམ་རྒྱའོ༔

༁ྃ༔ རྫོགས་ཆེན་སྙིང་པོ་ཧཱུྃ་སྐོར་ལས༔ འོད་གསལ་ཤེས་བྱ་བུམ་འཇུག་བཞུགས་སོ༔ ཤུ་བྷམ༔ ༁ྃ༔ ༡༢༣༤༥༦༧༨༩༔ གསལ་སྟོང་གཡོ་བ་མེད་པའི་ཉམས༔ དྲན་སྟོང་བག་ཆགས་གྲོལ་བའི་སྐུ༔ རང་བབས་གཉུག་མའི་ཟང་ཐལ་ཉིད༔ འོད་གསལ་ཆེན་པོའི་གདམས་པ་བསྟན༔ ཕྱི་རབས་ཀྱི་གང་ཟག་ཉོན་མོངས་པ་གཏི་མུག་འོད་གསལ་དུ་འཆར་བར་བྱེད་པའི་གདམས་པ་ལ་དོན་རྣམ་པ་གསུམ་ཡིན་ཏེ༔ སྔོན་འགྲོ༔ དངོས་གཞི༔ རྗེས་གསུམ་མོ༔ སྔོན་འགྲོ་ནི༔ དང་པོར་ལུས་རྣམ་སྣང་གི་ཆོས་བདུན་བཅས་ལ་སྐྱབས་སུ་འགྲོ་བ་དང་༔ སེམས་བསྐྱེད་པ་གསོལ་བ་གདབ་པ་བྱས་ལ༔ རང་བཞིན་གྱིས་བབས་ལ་བཞག་གོ༔ དེ་ནས་རང་གི་ལུས་སྟོང་པ༔ ནང་ཤ་ཐམས་ཅད་མེད་པ༔ རྟའི་ཕྲུ་མ་ཕུས་བཏབ་པ་ལྟ་བུ༔ སྟོང་སང་ངེ་བ་གཅིག་གི་ནང་ནས་ཡར་ལ་རྩ་དབུ་མ་ཡར་སྣ་སྤྱི་བོ་ལ་གཏད་པ༔ མར་སྣ་གསང་བ་ལ་ཟུག་པ་ཐལ་ལེ་འདུག་པར་བསམ༔ དེའི་ངང་དུ་རྣལ་བསྡད་པས༔ གསལ་སྟོང་དུ་ལྷང་ངེ་གནས་པར་འདུག་གམ་བལྟ་ཞག་གསུམ་བསྒོམ༔ དེ་ནས་རྩ་ནང་དེར་ཐིག་ལེ་དཀར་པོས་ཁྲིག་གིས་གང་འདུག་པ་ལ༔ སྙིང་གི་ཐད་ནས་མེ་ཏོག་དམར་ས་ལེ་བ༔ ཁ་ཟུམ་ལ་ཁད་པ་གཅིག་གི་ནང་ན༔ ཨ་དཀར་པོ་གཅིག་བསམས་ལ༔ དེ་ནས་རྣལ་ཁར་ཡར་མར་གྱི་ཐིག་ལེ་རྣམས་ཨ་དེ་ལ་ཧྲིལ་འདུས་པས༔ ཨ་དེ་ནི་ངོ་བོ་སྟོང་བ༔ རང་བཞིན་གསལ་བ༔ མཚན་ཉིད་མི་གཡོ་བ༔ ལྷམ་མེ༔ ལྷན་ནེ༔ བུན་ནེ༔ སང་ངེ་བ༔ བུམ་པ་ནང་གི་མར་མེ་ལྟ་བུའི་ངང་ལ་ཉལ་བས༔ རབ་རྨི་ལམ་མེད་པར་ལྷང་ངེ་༔ འབྲིང་མངོན་ཤེས་སུ་ས་ལེ༔ ཐ་མ་རྨི་ལམ་དུ་ངོ་ཤེས་ཏེ༔ བདེ་ཕྲིལ་བ་འབྱུང་ངོ་༔ དེ་རྒྱུན་དུ་མ་ཡོངས་པར་བསྐྱངས་པས་ཞག་ཉི་ཤུ་གཅིག་ན་རྨི་ལམ་འོད་གསལ་དུ་ཤར་ཏེ༔ རྟགས་དང་ཡོན་ཏན་ཐམས་ཅད་རྟོགས་པར་འགྱུར་རོ༔ རྗེས་ནི༔ འདི་ཉིད་རྒྱུན་དུ་སྐྱང་༔ གསལ་སྟོང་ངང་དུ་རྒྱུན་དུ་གནས༔ ཨེ་མ༔ འདི་འདྲའི་གདམས་པ་ཁྱད་པར་ཅན༔ རྨི་ལམ་འོད་གསལ་འཆར་བའི་གནད༔ ཨོ་རྒྱན་ང་ཡི་ཟབ་པའི་ཁྱད༔ ལས་ཅན་བུ་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ དམ་རྒྱའོ༔


[edit]

\u0f01\u0f83:__rdzogs pa chen po snying po hU~M skor las:__gcod yul snang ba lam khyer bzhugs so:__e ma ho:__\u0f01\u0f83:__12345567789900098:__e ma o rgyan pad+ma ngas:__nyams su len pa'i skyes bu la:__gcod yul snang ba lam khyer bstan:__phyi rabs rnams kyis 'di ltar spyod:__'di la spyi don rnam pa gsum gyis ston te:__sngon 'gro dngos gzhi rjes gsum mo:__dang po sngon 'gro ni:__rang mdze pho mo dang 'brel lam:__nad 'go ba'am:__brag phug gam:__lha khang ngam:__khang stong ngam:__gang ya nga ba'i sar phyin la:__skyabs su 'gro ba dang :__sems bskyed pa byas:__brgyud pa'i bla ma la gsol ba gdab:__snang ba bden med du byin gyis rlobs shig:__skye med cig chod du rtogs par byin gyis rlobs shig:__rang snang rang grol du rtogs par byin gyis rlobs shig:__snyems thag 'khri ba btsan thabs su chod par byin gyis rlobs shig:__yid kyi ro snyoms blang dor dang bral bar byin gyis rlobs shig:__ces gsol ba gdab bo:__dngos gzhi ni:__gdon la gcod na rang gar nyal ba de'i snying gi 'og:__sgal pa'i dkyil 'og nas:__gzhi bdag gam:__gdon de yod pa'am:__rang gi mgos lung pa'i phu non pa:__rkang pas mda' non pa:__yan lag gi 'og tu gdon phal pa dang bcas pa mnan la:__gan rgyal du gcer nyal la klod de:__da ni 'di nas bskal pa'i bar du mi ldang ngo snyam du 'phrig bcad la bsdad pas:__rab dngos:__'bring cho 'phrul:__tha ma yang gzi byin dang :__rmi lam du 'byung ste:__'jigs pa dang :__ya nga ba dang :__skyi zing ba dang :__gzugs brnyan sna tshogs pa 'ong :__de byung ba'i dus su rab gtad med du shes pas grol 'gro:__'bring sems kyi cho 'phrul yin snyam pas grol 'gro:__tha ma chags zhen dang :__'dzin pa lus la 'byung ba yin:__sems ni stong pa yin:__stong nyid rig pa gcer bu la zhen pa nyam nga dang bral:__'o:__thams cad kyang rang gi sems yin:__rang mdangs yin:__dngos can 'dug na dga'i:__ngas nam mkha' mtha' gtug gtug btsal kyang :__ngo bo ngos bzung :__dbyibs dang :__kha dog:__mtshon dpe:__ming btsal bas ma rnyed:__da sha 'dod pas sha khyer:__lan chags byang bar gyur cig:__khrag 'dod pas grag khyer cig:__rus pa 'dod pas rus pa khyer cig:__pags pa 'dod pas lpags pa khyer cig:__nang khrol 'dod pas nang khrol khyer cig:__lan chags byang bar gyur cig:__nga'i lus po 'di nam zhig 'khor ba'i rgyu yin pa la:__da res dngos su len mkhan yod pas dga':__chags zhen kyang yod re byas la khar yang 'don:__sems kyis gting du blo la yang blang ngo :__de nas gtad med du lhod de nyal bsdad do:__de'i chod pa'i rtags su:__shes pa bde 'bol ba dang :__dwangs sing ba dang :__rm-i lam du zas gos ster ba la sogs dngos su 'byung ba:__gdon bgegs gzhi bdag des bran byed pa 'byung :__khyad par sngar med pa'i nyams khyad par can blo thol thol 'char ba 'byung ngo :__gzhan yang gnyan sa ru 'gro mi dgos te:__rang gang 'dug gi mal der dmigs pa de byas pas:__ro mal na yod pas mal gnyan sar shes par bya'o:__bdud 'jam po zhugs pa ni:__bzang por bkur ba dang :__phye gtor dang :__'gro don dang :__gdul bya dang :__phan thogs dang :__bsod nams dang :__snyan grags dang :__'khor g.yog 'byung ba rnams yin no:__de rnams gtad med du ma shes par snyems zhugs nas nga cig 'ong bar 'dug go snyams pa'i zhen 'dzin zhugs pas:__bdud kyis khyer ba yin te:__de ltar byung ba'i dus su skyo ba gting nas bskyed:__zhen pa gting nas log:__blo sna 'ub kyis bstung :__dka' thub bcud len byas:__snyems thag nang nas bcad:__rang gis sems la zhen 'dzin 'dug gam blta:__'dug na da rung klod pas skye med kyi dbyings su grol zhing :__yal nas 'gro:__de lta bu ma rtogs na'ang :__nang du rang la bltas pas bdud kyi rtsa ba sems yin pas:__sems ni btsal yang ma grub:__snang ba dang :__stong pa dang :__lha dang :__'dre dang :__dgra dang :__gnyen dang :__gtsang ba dang :__btsog pa dang :__bde ba dang :__sdug pa dang :__nyon mongs pa rnams legs par klod cing bzhag pas:__ngo bo ma grub par rang sar du grol 'gro:__ma grol bcings med kyi ngang du klod pas shes pa bcings med bden 'dzin gyi snang ba bskyil med par ched du bsgom pa dang bral:__dbang po rgya yan du gyur:__gang ltar byas kyang gtad med du bde phyam phyam ba cig 'byung ngo :__de dus chod pa yin no:__bdud rtsub chos su zhugs pa'ang :__nad dang :__gdon dang :__mi dang :__mi ma yin pa rnams yin te:__thog 'gel du byas te:__nad pa slar 'dre la gtad:__gnyan gyi steng du gnyan pa phab:__me btsa' a tsha tshugs su btab pas:__slar 'phrig mi tshud par grogs su 'gyur ba'o:__rjes ni:__dus rtag du blo sna thung hril bsdus nas:__nam 'chi nges med snying gi dkyil du tung nge byas:__nyams len phyi dus su mi bzhag:__mig bsgrad:__gcod gsum dus gcig tu shes par gyis shig:__e ma thog med ma rig sems:__rnam par rtog pa gang skyes bdud:__de ni rang gi sems las byung :__sems la byung gnas 'gro gsum med:__grol bas sangs rgyas byung ba med:__'khrul pas 'khor bar lhung ba med:__dkar nag las kyi dris ma gos:__rang grol gdod ma'i sangs rgyas yin:__gnyis med rang grol gshis lugs yin:__chos nyid ngang la skyabs 'gro dang :__sems bskyed gsol ba gdab par bya:__rang la bar chad byung ba na:__gnyan sar phyin la stong gsal bsgom:__sems can gzhan la phan 'dogs na:__snying rje sngon du song ba yis:__bdag dang gzhan dang gdon dang nad:__thams cad stong par shes byas la:__phaT phaT bya zhing stong nyid bsgom:__des kyang zhi bar ma gyur na:__gnyan sar skyabs 'gro sems bskyed bya:__lan gsum brjod la mtha' bral bsgom:__maN+Dal bcas la shing bu dang :__rde'u byin rlabs byas la sgyur:__steng gi lha rnams dam la thogs:__'og gi klu rnams zil gyis gnon:__klu la las ni gang bcol grub:__lha rnams rang rang grogs dan byed:__lha 'dre mi gsum bran du 'khol:__rtsa ba gsum dang chos skyong gis:__ma ltar skyong zhing bu ltar 'tsho:__thogs bcas bdud la chod pa yin:__snang ba dgra ni gang la ldang :__thogs med bdud la chod pa yin:__gnod sbyin pho mo dam la thogs:__nyon mongs dgra las rgyal bar 'gyur:__de la sogs pa thun mong du:__tshe ring nad med bsam dgu 'grub:__kun gyi gtsug nor lta bur 'gyur:__mchog tu bla med der sangs rgyas:__rnal 'byor lam pa'i nyams len la:__'di las zab pa log na med:__skal ldan gcig dang 'di 'phrad shog:__sa ma ya:__rgya rgya rgya:

rdzogs pa chen po snying po hU~M gi skor las:__zhi byed rin chen phra bkod bzhugs:__gegs sel yid bzhin nor bu:__\u0f01\u0f83:__:1234567788998776/__rig pa skye med sprin bral nam mkha' la:__rtog pa'i rang rgyud rang sar shar yal gyi:__chu rlabs rang sangs rtog med rang grol ba:__gegs sel yid bzhin nor bu de la bstod:__'dir rnal 'byor pa nyams su len pa 'bad rtsol dang bcas pa drag pos nyams su blang pa rnams la:__lam gyi snang ba 'phel 'grib sel ba'i thabs la:__rnam rtog bying ba dang :__rgod pa gnyis yin te:__bying ba la gnas kyis bying ba dang :__grogs kyis so:__gnas kyis bying ba ni:__mdze sprang ngam:__dam nyams kyis bslad pa'am:__rang bzhin gyis gnas 'thib pa dang :__nam zlas 'thib pa'o:__de la gnas mtho ba'am:__gangs mtho ba'am:__ne'u sing ngam:__brag gi rtse la bsgoms pas sel lo:__grogs ni:__dam nyams sam:__sdom nyams sam:__bsam ngan nam:__sdig can nam:__gdon can dang 'grogs pas ting nge 'dzin 'grib pa dang :__lus ldang mi nus pa dang :__btang snyoms dang le lor lus pa 'byung ngo :__de la skong gso bya:__bshags pa bya:__'chi ba bsam:__gsol ba gdab:__smra ba bcad:__'khrul 'khor bya:__des sel lo:__rgod pa la 'ang gnas dang :__grogs so:__gnas kyi rgod pa ni:__gnas dwangs ches bas rig pa ma non pa'o:__de la spyi bor bla ma bsgom:__grogs kyis g.yeng ste rgod pa la smra ba bcad:__zhen pa skyur:__blo kha nang du log la snying rus bskyed de:__lar gyi khams 'dus pa dang :__rkyen drag po dang :__sdug bsngal 'byung ba'i dus su:__'o da res nga la dge sbyor gyi gsal 'debs bla ma cig byung re dga' snyoms las su gyur pas sngar lan:__khams gsum sems can pha ma dang bcas pa'i mi 'dod pa'i sdug bsngal thams cad nga la shog cig:__nga'i sdig sgrib thams cad dus 'dir smin par gyur cig:__mi kha dang :__gleng brjod mi mthun pa thams cad nga la shog cig:__dus 'dir shog cig:__skad cig ma la shog cig bya'o:__rgyud la'ang bkal la gsol ba phur tshugs su btab pas:__de'i steng du gtad med du phyal phyal:__nyams dga' yal ba:__rgyang glu rtse re ba cig 'ong ste:__de las kyis las dag pa bya ba yin no:__dper na yul gcig tu 'phrad dam:__lam dog po gcig byung na de brgal ma thag yul gcig 'ong ngo shes pas:__de dang 'dra ba bzhin bsgoms pa'i rjes la:__nyams kyi 'phel 'grib re byung dus:__rjes la rtogs pa rkyang ba gcig mi skye mi srid pa yin no:__de ltar ma rig pa'i 'phel 'grib thams cad kyang rgyu ma rig pa:__ngo bo bdag tu 'dzin pa:__mtshan nyid ma nges pa'o:__dbye na:__bdag la brten te byung ba dang :__gzhan la brten te byung ba dang :__gnyis ka la brten te byung ba dang :__shes rab bya ltar lding ba'o:__bdag la brtag pa ni:__nga dang bdag tu 'dzin pa'i nyon mongs pa rnams so:__gzhan gyi phyi rol gyi gdon rnams rang gi snang ba la zhen pas dug lnga rgyas pa'o:__gnyis ka la brten pa ni:__gzung 'dzin rnam par rtog pa'o:__shes rab bya ltar lding ba ni:__chos mang po shes shing rloms sems su gyur te:__blo dred khyer ba'o:__bying ba la lus kyi 'byung ba 'khrugs pa'i gnyid dang :__ched du gos dang :__mal dus btsal ba dang :__ngal dub dang :__chad las byung ba'o:__rgod pa la rang bzhin gyis rgod pa dang :__glu gar rol rtsed dang :__nyon mongs pas dkrugs pa rnams yin no:__de rnams gang las byung brtag pas gzhi med:__gang la gnas lugs bltas pas rtsa ba dang bral:__ngo gang du sprad:__rig pa rten med du ngo sprad do:__dpe 'dus ma byas kyi nam mkha' dang 'dra:__ci ru bsre:__'od gsal bde ba rang stong du bsre:__dus ci tsam na da lta nyid kyi shes pa 'di nas ma yengs par ro:__ngar cis 'dogs:__rlung gis 'dogs:__rlung la shes pas 'dogs:__rang byung gi ye shes hrig ge rjen ne ba'o:__rtags ci tsam 'byung :__zhen chags dang bral ba 'byung :__'bras bu lta ba bden med chos sku 'thob bo:__'gyu ba stong par ngo shes:__gang na gnas:__snang ba la gnas:__ngo rang grol du sprad:__dpe ci:__bar snang gi 'ja' dang :__de ci ru bsre:__phan gnod med par rang snang shar grol du bsre:__dus ci tsam na skad cig gnyis pa rang gsal yul bral 'di rang ngar gcig gdags:__tshogs drug sgo yan:__rkyen bla ma:__rtags ci 'byung na:__'chi ba la nyam nga med pa 'byung :__'bras bu snang ba rang gsal du shes pas longs sku thob:__dbyings dang ye shes gnyis su med par ngo shes:__gang na gnas:__rnam rtog snga ma song :__phyi ma ma skyes par gnas:__ngo bde stong du sprad:__des spra ba la me mched pa bzhin du sprad:__blang dor dgag sgrub med par bsre:__dus skad cig ma gsum pa gang la bzo med bzhin du gsal:__gsal bzhin du zhen pa med:__med bzhin ma 'gag par nga rgyal bskyed:__gra yam me:__khra shig ge:__bde phyam me:__rjen lang nge ba'i dus 'di na'o:__ngar ci 'dogs na:__snang ba'i dngos po rten dang :__rten med gang gis kyang bzo med bzhin gsal:__dbyings snang 'bral rgyun chod:__'khor ba chus bshal:__'khrul pa rtsad nas chod do:__rtags 'chi ba la brod pa thob:__'bras bu cir snang sprul pa'i skur thob pa yin no:__ci yang mi dmigs had por bsgom na nam mkha' mtha' yas su gol 'gro:__nam mkha' sems dang sems las byung ba'i tshul du bsgom pa ni rnam shes mtha' yas su gol:__gcig dang du mas gzhi gnas ci yang med pa sgom pas cung zad med pa'i skye mched du gol:__de yang dpe nam mkha' don rig pa:__tshad sna rtse'i bar snang sang nge ba:__ngo bo sa le:__hrig ge:__bun ne:__phyad de:__'bol le ba 'di'o:__'di nyid mig gi yul du gzugs snang stong dbyer med:__rna ba'i yul du sgra grags stong dbyer med:__sna la dri:__lce la ro:__lus la reg:__yid la bde sdug gang snang yang gsal stong rjen par khrigs se:__yin lugs kyi ngang du skyong zhig:__dus bzhi ste:__snga dro phyi dro:__srod dang :__tho rangs so:__'gro ba dang 'dug pa:__za ba:__smra ba'i dus su mi 'bral bar bya'o:__de lta bu snang ba grogs su khyer bas:__mnyam rjes mnyam por 'dres:__snang ba grogs su shar:__rkyen ngan bla mar shar:__stong nyid rang rtsal 'byongs:__chos sku rgya ltar 'byams pa la spyod cig:__dang po zhi gnas kyi dus su nyams:__gzhon nu mas bde ba myong ba lta bur 'char:__'bras bu mig gi mngon shes 'byung :__rjes thob kyi dus su sgom mi sgom tha snyad dang bral ba 'byung :__'bras bu sna tshogs pa'i mngon shes 'byung :__thams cad la ma zhen par mnyam rjes 'dres dus dngos por 'dzin pa ci yang med:__'bras bu pha rol gyi sems shes:__rtsal 'byongs pa'i rtags ni:__ma rig pa nyid rig par shar nas:__rang sems rang mtshan rig ste:__lus gzhan du sprul shes:__'bras bu sngon gyi gnas rjes su dran pa 'byung :__de nas nyin snang dang mtshan snang phyed 'dres tsam gyi dus na sems kyi ngo bo rig par grol te:__skye ba mi len:__'bras bu 'chi 'pho dang :__skye ba'i mngon shes 'char ro:__nyin mtshan 'khor yug dang 'dres pa'i ting nge 'dzin nyi ma dang 'dra:__rang don chos sku thob:__ka dag rang sa zin:__'khrul par ldog mi srid:__gzugs sku gnyis nyi zer lta bur 'khor ba ma stong gi bar sems can gyi don byed cing :__'bras bu zag med kyi mngon shes 'char ro:__e ma:__lta ba bltar med rig pa'i pho rgod ltos:__sgom pa sgom bral ye sgom ngo bo gsal:__spyod pa spyod bral snang ba thug phrad gyes:__'bras bu thob med min 'das brjod bral longs:__gnad 'di sus shes sangs rgyas zang thal rang :__o rgyan nga yi brgyud 'dzin dam pa'o:__sdug bsngal sgom gegs thams cad rig pa'i klong du zhi ba'i zhi byed rin chen phra bkod 'di rdzogs so:__a+thi+-i:__sa ma yA:__rgya rgya rgya:__gter rgya:__sbas rgya:__zab rgya:__dam rgya'o:

\u0f01\u0f83:__rdzogs chen snying po hU~M skor las:__gtum mo dran chog me 'bar bzhugs so:__\u0f01\u0f83:__123456712345667:__ye shes rang rlung lnga yis bde chen 'bar:__rang rtsal thig le'i rtsal gyis drod chen bskyed:__'khor 'das rlung sems dbyer med shes pa yis:__thabs ldan lam mchog dam pa bstan par bya:__'di phyi rabs kyi rnal 'byor pas nyams su len par 'dod pa rnams la gos kyis rdug ste:__nyams len gyi gegs su gyur pa srid pas:__de la bde drod me ltar 'bar ba'i gdams pas:__gos kyi rtsol ba med par sangs rgya ba'i gdams pa la:__sngon 'gro:__dngos gzhi rjes gsum gyis ston te:__dang po sngon 'gro ni:__gshis lugs kyi steng du dar cig bzhag:__lus rnam snang gi chos bdun bcas la:__rkang pa phyir shig btang la dgye:__de nas mtheb chen bzhi po nang du bskums la:__rlung 'jom pa gsum:__'bring ba gsum:__chung ba gsum phyir 'bud do:__de nas nang du skad med par ga le drangs la:__lte ba'i 'og tu mchil ma thig pa gcig dang sbrags la mnan no:__dgang ba la stong seng bya:__'og 'chus pa gnyis byas la 'og sgo dam par mi bsdam:__rang lugs su bzhag la rlung mi bskyil:__mgrin pa cung zad dgug pa la so'i phrag dum cig bzhag go:__de nas rlung thub thang gcig bzung la lus kyi nya bzhi 'gying ba:__mdun rgyab rked pa mnyes nas:__gzhil ba ni:__byang khog nang nas ha zhes pa gsum bton la:__yan lag brkyang bskum zhags pa 'phen pa ltar sprug pa lan gsum bya'o:__'di rnams sngon 'gro yin pas:__shin tu 'byongs par ma 'chug pa gal che'o:__de nas dngos gzhi ni:__rkang pa re mig tu bsnol la lus sum lteb tu btang :__lag pa gnyis bsnol la nya sha gnyis bsdam:__rked chings kyis bcings la:__pus mo gnyis gru khug kyis mnan la:__mtheb mo gnyis bskum:__'jing pa cung zad dgye bar byas la:__rang gi lus lcags brdzi ma bsregs pa lta bu dmar hril le ba gcig tu dmigs la stong ra zhag gsum bsgom:__de nas de'i lte ba'i 'og nas me'i dkyil 'khor zur gsum pa mgar gyi sol me nas byung ma thag lta bu mtho gang ba cig bsam:__de la zhag gsum bsgom:__de'i steng du gtum mo a shad kha dog dmar ba:__reg bya tsha ba:__ra~M gyis mtshan pa gcig gis rtse mo snying kha man chad la sleb par bsam:__de nas mgrin pa:__de nas spyi bo:__de nas lus kyi nang khengs na ma thub pa rnams:__bu ga las phyir thon nas mkha' 'gro gtsug gi rgyan cig ma DA ru krong krong 'dug par bsam:__spyi bo la sogs 'khor lo rnams nas thig le zhu bas rang lus ltem gyis gang bar bsam:__thig le srung ba'i rten 'brel bya:__de nas phyi 'jig rten me'i gzhal yas khang :__nang sems can gtsug gi rgyan gcig:__sgra thams cad me'i sgra:__tshig thams cad ha ri ni sar grags par bsgom mo:__ngag tu'ang brjod:__mchongs pa dang :__rgyug pa dang :__stang stabs bya:__mkha' 'gro'i nga rgyal dang ma bral bar bya'o:__de ltar rlung bzung la zhag bdun bsgom pas rlung gi rtags rnams rdzogs te:__ye shes kyi drod rang 'bar du 'gyur ro:__rjes ni:__khur mi 'khur:__dmigs pa 'khrul 'khor mi bcag:__zas bcud chen brten:__thig le bsrung :__chags pa dang zhen pa spang bar bya'o:__e ma:__o rgyan mkhan po pad+ma ngas:__gos kyi 'khri ba bcad pa dang :__gdams pa'i zab khyad bstan pa'i phyir:__mkha' 'gro'i gtum mo dran chog bstan:__las can bu yis nyams su longs:__skal ldan chos bdag gcig dang 'phrad par shog:__sa ma yA:__rgya rgya rgya:__gter rgya:__sbas rgya:__zab rgya:__dam rgya'o:

\u0f01\u0f83:__rdzogs chen snying po hU~M skor las:__'od gsal shes bya bum 'jug bzhugs so:__shu b+ham:__\u0f01\u0f83:__123456789:__gsal stong g.yo ba med pa'i nyams:__dran stong bag chags grol ba'i sku:__rang babs gnyug ma'i zang thal nyid:__'od gsal chen po'i gdams pa bstan:__phyi rabs kyi gang zag nyon mongs pa gti mug 'od gsal du 'char bar byed pa'i gdams pa la don rnam pa gsum yin te:__sngon 'gro:__dngos gzhi:__rjes gsum mo:__sngon 'gro ni:__dang por lus rnam snang gi chos bdun bcas la skyabs su 'gro ba dang :__sems bskyed pa gsol ba gdab pa byas la:__rang bzhin gyis babs la bzhag go:__de nas rang gi lus stong pa:__nang sha thams cad med pa:__rta'i phru ma phus btab pa lta bu:__stong sang nge ba gcig gi nang nas yar la rtsa dbu ma yar sna spyi bo la gtad pa:__mar sna gsang ba la zug pa thal le 'dug par bsam:__de'i ngang du rnal bsdad pas:__gsal stong du lhang nge gnas par 'dug gam blta zhag gsum bsgom:__de nas rtsa nang der thig le dkar pos khrig gis gang 'dug pa la:__snying gi thad nas me tog dmar sa le ba:__kha zum la khad pa gcig gi nang na:__a dkar po gcig bsams la:__de nas rnal khar yar mar gyi thig le rnams a de la hril 'dus pas:__a de ni ngo bo stong ba:__rang bzhin gsal ba:__mtshan nyid mi g.yo ba:__lham me:__lhan ne:__bun ne:__sang nge ba:__bum pa nang gi mar me lta bu'i ngang la nyal bas:__rab rmi lam med par lhang nge :__'bring mngon shes su sa le:__tha ma rmi lam du ngo shes te:__bde phril ba 'byung ngo :__de rgyun du ma yongs par bskyangs pas zhag nyi shu gcig na rmi lam 'od gsal du shar te:__rtags dang yon tan thams cad rtogs par 'gyur ro:__rjes ni:__'di nyid rgyun du skyang :__gsal stong ngang du rgyun du gnas:__e ma:__'di 'dra'i gdams pa khyad par can:__rmi lam 'od gsal 'char ba'i gnad:__o rgyan nga yi zab pa'i khyad:__las can bu dang 'phrad par shog:__sa ma yA:__rgya rgya rgya:__gter rgya:__sbas rgya:__zab rgya:__dam rgya'o:__

Footnotes

Other Information