JKW-KABAB-07-JA-005

Previous Text Back to Volume PageNext Text

སྔགས་རྒོད་ལོཀྟྲིའི་རྒྱུན་ཁྱེར་སྙིང་པོ་དྲང་སྲོང་དམོད་པ་མཚོན་ཆའི་འཁོར་ལོ།

Wylie title	sngags rgod lok+t+ri'i rgyun khyer snying po drang srong dmod pa mtshon cha'i 'khor lo
Location	mkhyen brtse'i bka' babs Volume 7, Text 5, Pages 341-355 (Folios 1a to 8a6)
Author	མི་ཕམ་རྒྱ་མཚོ་
Less details More details
Citation	Mi pham rgya mtsho. sngags rgod lok+t+ri'i rgyun khyer snying po drang srong dmod pa mtshon cha'i 'khor lo. In Rdzong sar 'jam dbyangs mkhyen brtse'i dbang po'i bka' babs, Vol. 7: 341-355. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Daily Practice - rgyun khyer
Deity	sngags rgod lok+t+ri pA la
Karchag page	JKW-KABAB-Volume-07-JA-Karchag
Colophon	།འདི་རྣམས་ནི་རིག་འཛིན་པདྨའི་ཐུགས་བཅུད་དམ་པ་གྲུབ་བརྙེས་གོང་མ་རྣམས་ཀྱི་རྡོ་རྗེའི་གསུང་གི་སྙིང་པོ་ཁྲིགས་སུ་བསྡེབ་པ་ཡིན་ལ། ཚུལ་འདི་ནི་རབ་ཚེས་ཐམས་ཅད་འདུལ་ཅེས་པའི་ཁྲུམས་ཟླའི་དམར་ཕྱོགས་ཀྱི་ཚེས་བཅུ་གསུམ་ལ་ལྷག་པའི་ལྷ་འདིའི་བསྙེན་མཚམས་ལ་གནས་པའི་ཚེ་མི་ཕམ་རྣམ་པར་རྒྱལ་བས་སྤེལ་བ་དགེའོ།
	'di rnams ni rig 'dzin pad+ma'i thugs bcud dam pa grub brnyes gong ma rnams kyi rdo rje'i gsung gi snying po khrigs su bsdeb pa yin la/__tshul 'di ni rab tshes thams cad 'dul ces pa'i khrums zla'i dmar phyogs kyi tshes bcu gsum la lhag pa'i lha 'di'i bsnyen mtshams la gnas pa'i tshe mi pham rnam par rgyal bas spel ba dge'o

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །སྔགས་རྒོད་ལོཀྟྲིའི་རྒྱུན་ཁྱེར་སྙིང་པོ་དྲང་སྲོང་དམོད་པ་མཚོན་ཆའི་འཁོར་ལོ་བཞུགས་སོ།། ན་མོ་གུ་རུ་རྀ་ཥི་ཀྲོ་དྷ་རཱ་ཛཱ་ཡ། འདིར་དྲང་སྲོང་ཞེ་སྡང་རྡོ་རྗེའི་རྒྱུན་གྱི་རྣལ་འབྱོར་ཟབ་མོའི་དམིགས་གནད་སྙིང་པོར་དྲིལ་ཏེ་ཉམས་སུ་བླང་བར་འདོད་པས། མདུན་གྱི་ནམ་མཁར་སྐྱབས་ཡུལ་གསལ་བཏབ་ལ། ཧོཿ རྡོ་རྗེ་སློབ་དཔོན་སངས་རྒྱས་སོགས་ཀྱིས་ཚོགས་བསགས་ནས་ཐོག་མར་ཞི་བར་བསྙེན་པ་ནི། ཨཱཿ རང་ལུས་ཐ་མལ་དྷུ་ཏིའི་ནང༌། །སྙིང་ཐད་པདྨ་འདབ་བཞིའི་དབུས། །ཉི་ཟླའི་གདན་ལ་ཨཱཿདཀར་པོ། །དེ་ལས་འོད་འཕྲོས་སྡིག་སྒྲིབ་སྦྱངས། །རྩ་གསུམ་འདུས་མདོར་པདྨ་ནི། །དམར་མོ་འདབ་མ་བཞི་སྟེང་དུ། །ཨཱཿཡིག་རི་བོང་འཛིན་པའི་མདོག །འོད་འཕྲོས་ལུས་གང་ནད་གདོན་སྦྱངས་་་་་་་་་་་གང་ན་སར་ཉི་སྟེང་ཨཱཿདཀར་གྱིས་སྦྱང་བ་བྱ། མཆན། སྐད་ཅིག་བདག་ཉིད་དྲང་སྲོང་ནི། །སྐུ་མདོག་སྔོ་སྐྱ་སྐེམ་རིད་གཟུགས། །སྨིན་མ་ཨག་ཚོམ་རྒྱ་མདོར་སླེབས། །རས་དཀར་སྨད་དཀྲིས་སྟོད་གཡོགས་ཅན། །པད་ཟླའི་གདན་ལ་སྐྱིལ་ཀྲུང་བཞུགས། །ཕྱག་གཡས་སྐྱབས་སྦྱིན་སྤྱི་བླུགས་དང༌། །གཡོན་པས་ཕྲེང་བ་ཐུགས་ཀར་འཛིན། །འཁོར་དུ་དྲང་སྲོང་འབུམ་གྱིས་བསྐོར། །གདོད་ནས་དམ་ཡེ་གཉིས་སུ་མེད། །སྙིང་གར་ཉི་མའི་གདན་སྟེང་དུ། །སྲོག་གི་སྙིང་པོ་ཧཱུྃ་མཐིང་ནག །ཏྲང་དུའི་སྔགས་ཀྱིས་བསྐོར་བར་གྱུར། །ཨོཾ་ཏྲང་དུ་ཏྲི་ན་ཏྲང་དུ་ཛ་ཛཿ ཞེས་བཟླས་དྲག་པོར་སྒྲུབ་པ་ནི། དྲང་སྲོང་ཞི་བ་འོད་ཞུ་ནས། །རང་གི་ལུས་ཀྱི་ངོ་བོ་སྟེ། །མཐིང་ནག་གནམ་ལྕགས་རྡོ་རྗེ་ ནི།་ ་ ་ ་ ་ ་ ་གནས་པ་རྩ་ལ་ཤེས་པར་བྱ་ཞེས་པའི་དོན་ནོ། རྩེ་དགུ་ཆེ་བརྗིད་རྣོ་དབལ་འབར། །ཡར་རྩེ་མེ་འབར་ཚྭ་ཚྭ་འཕྲོ། །མར་རྩེ་བྱད་མ་གན་རྐྱལ་གྱི། །ལྕེ་ཡིས་བྲང་ཁེབ་སྙིང་དབུས་གཟེར། །རྡོ་རྗེའི་ལྟེ་བ་ཡངས་པའི་ནང༌། །གསེར་གྱི་ཙཀྲ་རྩིབས་བརྒྱད་དབུས། །རང་ཉིད་སྐད་ཅིག་ཁྲོ་བོ་ནི། །ཞེ་སྡང་རྡོ་རྗེ་གསང་བའི་བདག །མཐིང་ནག་ཞལ་གཅིག་ཕྱག་བཞི་པ། །དང་པོ་གཉིས་ཀྱིས་ཐོ་བ་དང༌། །རལ་གྲི་འབར་བ་རབ་ཏུ་གདེངས། །མཐའ་གཉིས་གནམ་ལྕགས་ཕྱག་མཐིལ་ལ། །སེར་མོ་ལྕགས་སྡིག་མགོ་དགུ་འཕྱར། །ཁམ་ནག་དབུ་སྐྲ་གྱེན་དུ་བརྫེས། །ཉི་ཟླའི་གདན་ལ་བརྐྱང་བསྐུམ་བགྲད། །ཤིན་ཏུ་ཁྲོ་ཞིང་མི་སྡུག་པ། །རྒྱན་མེད་མེ་དཔུང་ཀློང་ན་བཞུགས། །སྤྱི་བོར་དྲང་སྲོང་དྲི་མེད་དང༌། སྐབས་འདིར་དྲང་སྲོང་གི་ཕྱག་གཡས་གསེར་གྱི་འཁོར་ལོ་རྩིབས་རྣོན་བསྣམས་པའོ། །དེ་སྟེང་རིགས་བདག་པད་འབྱུང་བཞུགས།་་་་་་གསང་འདུས་ཡབ་ཡུམ། །ཐུགས་ཀར་ཧྲཱིཿལས་འཁོར་ལོ་ནི། །རྩིབས་བརྒྱད་དབུས་སུ་པད་ཉིའི་སྟེང༌། །ཡེ་ཤེས་སེམས་དཔའ་གསང་བའི་བདག །མཐིང་ནག་སྦྲུལ་རྒྱན་སྟག་ཤམས་ཅན།་་་་་རྒྱུད་ཀྱི་དགོངས་པར་མཐུན། །རྡོ་རྗེ་རྩེ་ལྔ་དྲིལ་བུ་བསྣམས། །ཞབས་གཉིས་ཕྱེད་སྐྱིལ་ཚུལ་གྱིས་བཞུགས། །ཐུགས་སྲོག་མཆོང་གུར་ཕུབ་འདྲ་བ། །ཟུར་བརྒྱད་དབུས་སུ་ཉི་མའི་སྟེང༌། །ཏིང་འཛིན་སེམས་དཔའ་ཧཱུྃ་མཐིང་ནག །ཤིན་ཏུ་གསལ་ཞིང་འཚེར་བར་བསྒོམ།་་་་་་་་མན་ངག་སེམས་ལ་ཤེས་པར་བྱ་ཞེས་པའི་དོན་ནོ། །དབྱིངས་ནས་ཡེ་ཤེས་སྤྱན་དྲངས་ཐིམ། །མཆོད་བསྟོད་བྱ་བའམ་མ་བྱས་ཀྱང་རུང་སྟེ་བཟླས་པ་ནི། །ལྕེ་རྩར་ཨཱཿལས་ཟླ་དཀྱིལ་ལ། །ཨཱཿཡིག་དཀར་པོ་ཏྲང་དུས་བསྐོར། །དེ་དབུས་ལྕེ་ནི་གནམ་ལྕགས་ཀྱི། །རྡོ་རྗེ་རྩེ་དགུའི་ལྟེ་བ་རུ། །ཉི་སྟེང་ཧཱུྃ་ལ་ སྔགས་ཕྲེང་བསྐོར།་་་་་་་་་་འདྲེན་པ་དཀྱིལ་དུ་ཤེས་པར་བྱ་ཞེས་པའི་དོན་ནོ། །རྩེ་ཡི་རྭ་དགུ་ཕྱིར་གདངས་ཤིང༌། །ཁོང་སིང་བཅས་པའི་རྩེ་མོ་རུ། །ཕཊ་དམར་མཆོང་བཅག་ལྟ་བུ་དགུར།་་་་་་་གཅོད་པ་རྩེ་ལ་ཤེས་པར་བྱ་ཞེས་པའི་དོན་ནོ། །མེ་ཡི་ཚྭ་ཚྭ་དྲག་ཏུ་འཕྲོ། །ལྟེ་བའི་ཧཱུྃ་ལས་འོད་འཕྲོས་པས། །སྡེ་བརྒྱད་སྙིང་ནས་དབང་མེད་དྲངས། །ངུར་མོའི་སྒྲ་བཅས་མདུན་དུ་འཁོད། །སླར་ཡང་ཧཱུྃ་ལས་འཕྲོས་པ་ཡི། །རྡོ་རྗེ་རྒྱ་གྲམ་རེ་རེ་ནི། །སྡེ་བརྒྱད་སོ་སོའི་སྤྱི་བོར་བཞག །འགུལ་འཁྱོགས་སྤངས་ཏེ་གནས་པར་བསམ། ཆེ་བའི་ང་རྒྱལ་འདི་ལྟར་བསྐྱེད། ཧཱུྃ། ང་ནི་མ་མོ་ཀུན་གྱི་ཡབ། །ང་ནི་གཤིན་རྗེ་ཀུན་གྱི་ཡུམ། །ང་ནི་ཁམས་གསུམ་ཀུན་གྱི་བདག །ང་ནི་དབང་ཕྱུག་ཆེན་པོ་སྟེ། །ང་ནི་སྲོག་གཅོད་ཀུན་གྱི་རྗེ། །ང་ནི་སྲིད་པ་ཀུན་གྱི་བདག །ང་ནི་སྐྱེ་འགྲོ་ཀུན་གྱི་ཡབ། །ང་ནི་སྙིང་ཁྲག་ཀུན་གྱི་བདག །ཁྱོད་ཀྱི་སྙིང་ཁྲག་ང་ལ་ཡོད། །ང་ཡི་ལས་རྣམས་ཁྱོད་ཀྱིས་བསྒྲུབས། ཅེས་ལྟ་བ་གྱད་ཀྱི་གདེང་བསྐྱེད་ལ། ལྕེ་དབུས་ཧཱུྃ་ལས་འོད་འཕྲོས་པས། །སྡེ་བརྒྱད་རྣམས་ཀྱི་སྙིང་ག་ནས། །སྲོག་ཡིག་བཀུགས་པས་ཐལ་སྦྱར་འདར། །འདུད་ཅིང་ཇི་གསུང་བཀའ་ནོད་ཅིང༌། །སྲོག་སྙིང་ཚུར་དྲངས་ཧཱུྃ་གི་གདན། །ཉི་མའི་དལ་ལ་ཐིམ་པར་བསམ། །ཟིལ་གནོན་འཁོར་འདས་ཀུན་བདག་ངའོ། ཞེས་ཆེ་བའི་ང་རྒྱལ་བཅས། །ཨོཾ་ལོཀྟྲི་པཱ་ལ་ནན། །ས་ག་པཱ་ཤ་ནན། ནཱ་ག་དུ་དུ་ནན། མ་མཾ་མ་མཾ། ཙིར་ཙར་ཙིར་ཙར། བཾ་རུ་ལུ་བཾ་རུ་ལུ། རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ། ཧོ་ར་ཧོ་ར། ཙི་དུ་སོད་ཙི་དུ་སོད་ཤིག་ལྷཱུ་རུ་གཏུབས། ཧ་ལ་པ་ཏི་ནན། འཁོར་བ་ཐུལ། གནོད་བྱེད་འབྱུང་པོའི་ཀཱ་བཱ་ཙི་བརླག་བརླག་བརླག་་་་་་་་་་སྔགས་གྲངས་བདུན་ཅུ་དོན་གཅིག་ཡོད། །ཞེས་རྩ་སྔགས་ཅི་ནུས་སུ་བཟླའོ། །དེ་ཡང་གུ་རུ་པདྨའི་ཞལ་ནས། །རབ་ནི་ཞག་བདུན་དག་ན་འགྲུབ། །འབྲིང་ནི་བཅུ་བཞི་དག་ན་འགྲུབ། །ཐ་མ་ཉི་ཤུ་རྩ་གཅིག་ཡིན། །ནུས་པ་བྱའམ་ཁྱྀ་ལ་ཚད། །ལིང་གིས་སོང་ན་འགྲུབ་པ་ཡིན། །བརྒྱལ་ལམ་ཤི་ན་ཐལ་བ་ཡིན། །འདི་ལྟ་བུ་ཡི་སྔགས་རྒོད་ཀྱིས། །ཉི་ཟླའི་འོད་ཀྱང་འཕྲོག་པར་ནུས། །དཔག་བསམ་ཤིང་ཡང་གཅོད་པར་ནུས། །ལྷ་སྲིན་སྡེ་བརྒྱད་འཆི་བར་ནུས། །མི་དང་འབྱུང་པོ་སྨོས་ཅི་དགོས། ཞེས་དང༌། ཐམས་ཅད་དབང་དུ་སྡུད་པའི་སྔགས་རྒོད་འདི། །སྒྲུབ་ཏུ་མེད་པར་ཐོག་བབ་ནུས་པ་ཆེ་སྟེ་སྔགས་རྒོད་ཡིན། །སྡེ་བརྒྱད་དབང་དུ་སྡུད་པ་ཀུན་གྱི་གཅུན་ཕུར་ཡིན། །གཞན་གྱྀ་ནུས་པ་འཇིག་པ་གདུག་པ་དཔལ་གསོད་ཡིན། །ཐམས་ཅད་བརླག་པར་བྱེད་པ་གསོད་པའི་དྲག་སྔགས་ཡིན། །མཛེ་ནད་སེལ་བར་བྱེད་པ་དུག་སེལ་ནག་པོ་ཡིན། །གང་དམིགས་བརླག་པར་བྱེད་པ་རྣོ་ངར་མཚོན་ཆ་ཡིན། །འབྱུང་པོ་བརླག་པར་བྱེད་པ་བྲམ་ཟེ་ལོཀྟྲི་ཡིན། །ཅེས་ཀྱང་བཟློག་ཏུ་མེད་པ་དྲང་སྲོང་དམོད་པ་ཡིན། ཞེས་གསུངས་པ་བཞིན་ནོ། །དེ་ནས་དྲག་སྔགས་རིང་མོ་བཟླ་བ་ནི། །རྡོ་རྗེའི་རྩེ་ཡི་ཕཊ་རྣམས་ལས། །གནམ་ལྕགས་རྡོ་རྗེ་མེ་འབར་བ། །མགར་གྱི་ཚྭ་ཚྭ་ལྟར་འཕྲོས་ནས། །བཀའ་ལས་འཁུ་ཞིང་དམ་ལོག་པའི། །གནོད་བྱེད་རྣམས་ལ་ཕོག་པ་ཡིས། །རྩྭ་སྦུར་མེ་ཡིས་བསྲེག་པ་ལྟར། །ཚག་སྒྲ་དང་བཅས་སྐད་ཅིག་གིས། །རྗེས་ཤུལ་ཙམ་ཡང་མེད་པར་གྱུར། །ཅེས་བསམ་ལ། །ཧཱུྃ། སངས་རྒྱས་ཐམས་ཅད་གཟུ་དང་དཔང༌། །དམ་ཆོས་རིན་ཆེན་གཟུ་དང་དཔང༌། །དགེ་འདུན་འདུས་པ་གཟུ་དང་དཔང༌། །དཀོན་མཆོག་གསུམ་པོ་གཟུ་དང་དཔང༌། །ཆོས་སྐྱོང་སྲུང་མ་གཟུ་དང་དཔང༌། །རྒྱལ་འགོང་ཆེན་པོ་འདུལ་བའི་ཕྱིར། །དྲང་སྲོང་ཆེན་པོ་དྲི་མེད་ནི། །སྐུ་ནི་མི་འགྱུར་བརྟན་པ་ལ། །ཕྱག་མཚན་འཁོར་ལོ་བསྒྱུར་བཞིན་དུ། །དགྲ་བགེགས་མགོ་ལ་འཁོར་ལོ་བསྐོར། །རྒྱལ་འགོང་མགོ་ལ་འཁོར་ལོ་བསྐོར། །སྡེ་བརྒྱད་སྲོག་ལ་འཁོར་ལོ་བསྐོར། །འཁོར་ལོ་གཡས་སུ་བསྐོར་ཙ་ན། །རྒྱལ་འགོང་སྙིང་ལ་འཁོར་ལོ་རྒྱོབ། །འཁོར་ལོ་གཡོན་དུ་བསྐོར་ཙ་ན། །མོ་གདོན་སྙིང་ལ་འཁོར་ལོ་རྒྱོབ། །ཅེས་བྱས་ལ། ཨོཾ་ལོཀྟྲི་པཱ་ལ་ནན་རྦད་ཐུམས། འཇིག་རྟེན་མགོན་པོའི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱོ་རྦད། ས་ག་པཱ་ཤ་ནན་རྦད་ལིང༌། ས་བདག་གི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱོ་རྦད། ནཱ་ག་དུ་དུ་ནན་རྦད་ཕཊ། ཀླུ་བདུད་ཀྱི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱོ་རྦད། མ་མཾ་མ་མཾ་རྦད་མྱོགས། །མ་མོའི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱཽ་རྦད། ཙིར་ཙར་ཙིར་ཙར་རྦད་རྦུད། བཙན་གྱི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱཽ་རྦད། བཾ་རུ་ལུ་བཾ་རུ་ལུ་རྦད་ཐུཾ། བདུད་ཀྱི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱོ་རྦད། རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ལ་རྦད་ཁོས། གཟའ་བདུད་ཀྱི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱོ་རྦད། ཧོ་ར་ཧོ་ར་རྦད་ཤག །རྒྱལ་འགོང་གི་སྲོག་ཆོད་སྙིང་ཕྱུངས་ཙིཏྟ་མཱ་ར་ཡ་ཐུན་བྷྱོ་རྦད། རྒྱལ་པོའི་སྲོག་ལ་དུང་དུང་སྙིང་ལ་ཤད་ཤད། བསེན་མོའི་སྲོག་ལ་དུང་དུང་སྙིང་ལ་ཤད་ཤད། བེ་ཧར་གྱི་སྲོག་ལ་དུང་དུང་སྙིང་ལ་ཤད་ཤད། །གཙང་ཐེལ་གྱི་སྲོག་ལ་དུང་དུང་སྙིང་ལ་ཤད་ཤད། གནོད་བྱེད་ཀྱི་སྲོག་ལ་དུང་དུང་སྙིང་ལ་ཤད་ཤད། ཆེ་གེ་མོའི་་་་་་་གནོད་བྱེད་བསམ་སྦྱོར་ངན་པའི་རྒྱལ་འགོང་གི་སྲོག་ལ་དུང་དུང་སྙིང་ལ་ཤད་ཤད། ཡང་ན་་་་་ཕ་རོལ་བྱད་མས་རྦད་པའི་རྒྱལ་འགོང་གི་་་་་་་སྲོག་ལ་དུང་དུང་སྙིང་ལ་ཤད་ཤད། །ཨ་ཡ་མ་དུ་རུ་ཙ་ཤ་ན་སྡེ་བརྒྱད་ཀྱི་སྲོག་ལ་དུང་དུང་སྙིང་ལ་ཤད་ཤད། ཙི་དུ་སོད་ཙི་དུ་སོད་རྦད་ཐིམས། ཤིག་ལྷུ་རུ་གཏུབས་རྦད་མྱོགས། ཧ་ལ་པ་ཏི་ནན། ག་ན་པ་ཏི་རྦད་རྨུགས། འཁོར་བ་ཐུལ་རྦད་ཆོམས། གནོད་བྱེད་འབྱུང་པོའི་ཀཱ་བ་ཙི་བརླག་བརླག་རྦད་ཧུར། དགྲ་བགེགས་ཆེ་གེ་མོའི་་་་་་་་དགྲ་བགེགས་བྱད་མ་དམ་སྲི་རྒྱལ་འགོང་ཐམས་ཅད་ སྲོག་ལ་མཱ་ར་ཡ་རྦད་རྦད། གནོད་བྱེད་རྒྱལ་པོ་ཐམས་ཅད་ར་ཙ་ཧབ་ལེ་ཧབ་ལེ་སོད། ཀླུ་ཐམས་ཅད་ནཱ་ག་ལིང་ནཱ་ག་ལིང་སོད། འབྱུང་པོ་ཐམས་ཅད་ཀ་ཧྲི་ཀུ་ཧྲི་སོད། བགེགས་ཐམས་ཅད་འགུག་གེ་འགུག་གེ་སོད། གཟའ་ཐམས་ཅད་ཐེ་ཙེ་ཐེ་ཙེ་སོད། ཐེའུ་རང་ཐམས་ཅད་ར་ཏྲི་ར་ཏྲི་མཱ་ར་ཡ་སོད། །བསེན་མོ་ཐམས་ཅད་རོ་ཏྲི་རོ་ཏྲི་མཱ་ར་ཡ་སོད། གྲེ་བོ་གྲེ་མོ་ཐམས་ཅད་སུཾ་ཏྲི་སུམ་ཏྲི་མཱ་ར་ཡ་སོད། གནོད་བྱེད་དགྲ་བགེགས་ཆེ་གེ་མོ་་་་་་་་་་་་གནོད་བྱེད་དགྲ་བགེགས་བྱད་མ་དམ་སྲི་རྒྱལ་འགོང་ཐམས་ཅད་མཱ་ར་ཡ་སོད་སོད་རྦད་རྦད་ཛཿཛཿ་་་་་་་་་་ཐུན་སྔགས་འདི་ནི་སྔགས་རིང་མོ་ཞེས་བྱ་བ། ཏིང་འཛིན་མེད་ཀྱང་བཟླས་པ་ཙམ་གྱིས་གཅོད་པ་ཡིན་ཞིང༌། ལྟ་གདེངས་དང་བཅས་ཞེ་སྡང་གི་ཉམས་ཧུར་ཕྱུངས་ལ་བཟླས་པར་བྱ་སྟེ། ཇི་སྐད་དུ། དྲག་སྔགས་རིང་མོ་འཛིན་ལ་རྣོ། ཞེ་སྡང་མ་ཡལ་མཐུ་ཡི་མཆོག །ཞེས་གསུངས་པ་བཞིན་ནོ། །སྔགས་ཅི་རིགས་བཟླས་མཐར་ཐལ་རྡེབ་ནི། མཐའ་མའི་ཕྱག་གཉིས་རྡོ་རྗེ་བྲག་རི་ལྟར། །སྲ་མཁྲེགས་ཕྱག་མཐིལ་ཉི་ཟླའི་ཁ་བར་དུ། །དགྲ་བགེགས་སྡིག་ཅན་ཐལ་བར་འཐག་པ་ཡི། །ཤ་ཁྲག་སོར་མོ་སྡིག་པ་མགོ་དགུ་པ། །རྣམས་ཀྱིས་ལྷག་མ་མེད་པར་ཟོས་པར་གྱུར། །ཞེས་དམིགས་པ་གསལ་བཏབ་ལ་དྲང་སྲོང་གི་དམཽད་པ་འདི་བརྗོད་ཅིང་ཐལ་མོ་བརྡབ་པར་བྱའོ། །བཀའ་ལྟར་མི་བྱེད་ཅིང་དམ་ལ་མི་གནས་པ་ཐམས་ཅད་འདིར་མ་གནས་པར་གཞན་དུ་དེངས་ཤིག །སྲིད་པ་སྤྱི་ནས་ཤིག་ཅིག །སྲིད་གསུམ་རྨངས་ནས་སྒྱེལ་ཅིག །འཁོར་བ་གཏིང་ནས་ཕྱུངས་ཤིག །བསྐལ་པའི་མེས་སྲེགས་ཤིག །དམ་ཚིག་གི་དམོད་པས་སྡིགས་ཤིག །བཀའ་ཡི་ཆད་པས་ཆོད་ཅིག །གནམ་ལྕགས་རལ་གྲིས་སྤྱི་བོའི་གཙུག་ནས་ཁོས་ཤིག །སུམྦྷ་ནིས་ནོན་ཅིག །སྲིད་གསུམ་གར་སྐྱེས་གར་གནས་ཀྱང་སྡིག་ཅན་འདིའི་སྟེང་དུ་གནམ་ལྕགས་རྡོ་རྗེ་མེ་ཡི་ཆར་ཆེན་པོ་ཕོབས་ཤིག །གནོད་བྱེད་ཐམས་ཅད་མཱ་ར་ཡ་ཕཊ། སྦྱོར་བ་ངན་པ་ཐམས་ཅད་ཐུལ་ཅིག །ཞེས་དང་མཐར། །བཀའ་བསྒོ་འདི་ཡི་ནུས་པ་ཡིས། །ཐལ་ཕྱེ་རླུང་གིས་གཏོར་བ་ལྟར། །གནོད་བྱེད་དེ་རུ་གནས་མི་འགྱུར། །གལ་ཏེ་གནས་ན་བརླག་པར་བྱེད། །དྲང་སྲོང་དམོད་དེ་བཟློག་ཏུ་ནན། །ཞེས་དང༌། ནམ་མཁའ་མེད་པར་གྱུར་ན་ཡང༌། །སྔགས་ཀྱི་དངོས་གྲུབ་མེད་མི་སྲིད། །ལྷ་དང་དྲང་སྲོང་གིས་བཤད་པའི། །རིག་སྔགས་བསླུ་བ་མི་སྲིད་ན། །འདོད་ཆགས་བྲལ་བས་བཤད་པ་ཡི། །གསང་སྔགས་སྦྱོར་བས་བསླུ་བ་ནི། །མ་བྱུང་འབྱུང་བར་མི་འགྱུར་རོ། །ཞེས་བརྗོད་ནས་ཡིད་ཆེས་ཀྱི་ངེས་ཤེས་བསྐྱེད་དོ། །མཐར། ཧཱུྃ་ཧཱུྃ་ཧཱུྃ། ཞེས་བརྗོད་པས་སྣོད་བཅུད་འོད་གསལ་གཉུག་མའི་ངང་དུ་བསྡུ། ཕཊ་ཕཊ་ཕཊ། ཅེས་བརྗོད་པས་འོད་གསལ་གྱི་ངང་ནས་དྲང་སྲོང་ཞི་བའམ་ཁྲོ་བོའི་སྐུར་ལྡངས་ལ། སྒྱུ་མ་ལྟ་བུའི་ཚུལ་གྱིས་དགེ་བ་བསྔོ་ཞིང་ཤིས་པ་བརྗོད། ཉལ་ན་ཆུ་ལ་ལངས་ན་མེ། འདུག་ན་ཐག་ལ་འགྲོ་ན་རླུང༌། ཞེས་པའི་དོན་བཞིན་རྒྱུན་གྱི་སྤྱོད་ལམ་བསྐྱང་ངོ༌། །ཡང་སྲུང་བའི་སྐབས་ཀྱི་དམིགས་འདོན་ནི། །ཧཱུྃ། ཐུགས་སྲོག་ཧཱུྃ་ཡིག་འབར་བ་ཡི། །ཐིག་ལེར་བླ་མ་སློབ་དཔོན་དང༌། །ཁོག་པར་རང་དང་མཐའ་སྐོར་དུ། །བསྲུང་བྱ་་་་་་་་་་་དབུས་སུ་རང་ཉིད་དྲང་སྲོང་ཞི་བའི་རྣམས་པ། གཡས་སུ་བསྲུང་བྱ་ཕོ། གཡོན་དུ་མོ། རྒྱབ་དུ་ཁང་ཞིང༌། མདུན་དུ་ནོར་རྫས་ཐམས་ཅད་དམིགས། མཐའ་དག་ཚུད་པར་གྱུར། །སྨྲ་བྱེད་རྡོ་རྗེའི་ཡིག་འབྲུ་ལས། །འོད་ཟེར་ཕོ་ཉའི་ཚོགས་སྤྲོས་པས། །རང་དང་བསྲུང་བྱ་ཐམས་ཅད་ཀྱི། །ཚེ་སྲོག་བརྐུས་ཕྲོག་ཡར་འཁྱམས་དང༌། །སྣོད་བཅུད་ཡོན་ཏན་མ་ལུས་པ། །ཚུར་བསྡུས་བསྲུང་བྱ་ཐམས་ཅད་ལ། །བསྟིམས་པས་བཀྲག་མདངས་གཟི་བརྗིད་འབར། །ནང་དུ་རིགས་ལྔའི་སངས་རྒྱས་དང༌། །བྱང་སེམས་མ་ལུས་ཏིལ་གང་བཞིན། །ནམ་མཁའི་ཕྱོགས་ཀུན་ཁྱབ་པ་ཡིས། །བསྲུང་སྐྱོབས་བྱིན་གྱིས་བརླབ་པར་མཛད། །ཕྱི་རོལ་ཕྱག་མཚན་ལྔ་དང་ནི། །རླུང་མེ་ཆུ་ས་ཁྲོ་ཆུང་གུར། །ནང་བལྟས་འཇམ་ཞིང་སྲུབས་མེད་ལ། །ཕྱི་བསྟས་རྣོ་དབལ་གཅོད་ངར་ལྡན། །དྲག་སྔགས་དམོད་ཚིག་རང་སྒྲ་བཅས། །གནོད་བྱེད་དགྲ་བགེགས་ཚར་གཅོད་པའི། །གཞོམ་མེད་རྡོ་རྗེའི་གུར་གྱིས་གཏམ། །ཅིས་ཀྱང་མི་ཤིགས་པར་རུ་གྱུར། །ཨོཾ་ལོཀྚི་པཱ་ལ་ནན་སྲུངས་སོགས། ཧོ་ར་ཧོ་ར་སྲུངས། ཙི་དུ་སོད་ཙི་དུ་སོད་ཤིག་ལྷུ་རུ་གཏུམས་ཧ་ལ་པ་ཏི་ནན་འཁོར་བ་ཐུལ། གནོད་བྱེད་འབྱུང་པོའི་ཀཱ་བཱ་ཙི་བརླག་བརླག་ནྲྀ་བྷྲཱུྃ་ཧཱུྃ་ཛཿ བདག་ཅག་དཔོན་སློབ་མི་ནོར་འཁོར་བཅས་ལ་རཀྵ་རཀྵ་སྭཱ་ཧཱ། ཞེས་བཟླའོ། །བཟློག་པར་བྱེད་ན། རང་ཉིད་ཞེ་སྡང་རྡོ་རྗེ་ཡི། །སྨྲ་བྱེད་རྡོ་རྗེ་རྩེ་དགུ་རྩེར། །ཕཊ་དམར་མེ་ཡི་ཚྭ་ཚྭ་ནི། །རྣོ་ངར་ཤུགས་དྲག་འཕྲོ་བ་དང༌། །མཐའ་ཕྱག་གནམ་ལྕགས་ལག་པའི་མཐིལ། །སོར་མོ་སྡིག་པ་གདེངས་པའི་དབུས། །བྱད་མ་ལྷར་བཅས་གསལ་བ་འཐག །གཙོ་བོ་བདག་དང་གུར་ཁང་གི །ལྷ་ཚོགས་ཐམས་ཅད་ཕྱིར་གཟིགས་ནས། །དྲག་སྔགས་དམོད་པ་ཆེར་བསྒྲགས་པས། །སྐུ་ཡི་བ་སྤུའི་བུ་ག་ནས། །སྤྲུལ་པའི་ཕོ་ཉ་ནད་མཚོན་ཅན། །ནམ་མཁའ་གང་བར་སྤྲོས་པ་ཡིས། །བྱད་མ་སྐྱོབ་བྱེད་ལྷ་སྲུང་རྣམས། །ཁོ་རང་གཤེད་ཕབ་སྲུང་འཁོར་བཤིག །མེ་ལྕེས་སླེབས་པའི་སྦྲང་བུ་བཞིན། །བཅོམ་བསྲེག་ཐལ་བ་ཉིད་བྱས་ནས། །དྲག་པོའི་རླུང་གིས་བསྐྱོད་པ་ཡི། །ཤིང་བལ་བཞིན་དུ་མཐར་བསྐྲད་གྱུར། །ཨོཾ་ལོཀྟྲི་པཱ་ལ་ནན་བྷྱོ་བཟློག་ནས། ཧོ་ར་ཧོ་ར་བྷྱོ་བཟློག་ཙི་དུ་སོད་ནས། བརླག་བརླག །དགྲ་བགེགས་བྱད་མ་ལྷ་སྲུང་དང་བཅས་པ་མཱ་ར་ཡ་བྷྱོ་བཟློག །ཅེས་བཟླ་ཞིང་མཐར་བདེན་བརྗོད་དང་དྲང་སྲོང་དམོད་པ་བཅས་ཐལ་རྡེབ་བྱའོ། །བསད་པ་ལ། དང་པོར་འགུག་པ་ནི། རང་ལུས་གནམ་ལྕགས་རྡོ་རྗེ་ཡི། །མདུན་དུ་ཨེ་ཡིག་ལས་བྱུང་བའི། །བྲུབས་ཁུང་ལྕགས་ཁང་གྲུ་གསུམ་པ། །དུག་གི་མུན་འཁྲིགས་བསྐལ་མེ་འབར། །ནད་ཀྱི་ན་བུན་མཚོན་ཆར་འབེབས། །དེ་ཡི་ནང་དུ་གཤིན་རྗེ་ནི། །ཕོ་མོ་འཇིགས་རུང་གཉིས་ཀྱི་བར། །ནྲྀ་ཏྲི་ཡོངས་གྱུར་དམིགས་བྱ་ནི། །མགོན་མེད་སྐྱབས་བྲལ་ཉམས་ཐག་པ། །མཐའ་སྐོར་དྲེགས་པ་སྡེ་བརྒྱད་ཚོགས། །འཇིགས་གཟུགས་མཚོན་ཆ་ཐོགས་པས་བསྐོར། །སྨྲ་བྱེད་རྡོ་རྗེའི་རྩེ་མོ་ནས། །འོད་ཟེར་ཛཿཡིག་ཕོ་ཉར་འཕྲོས། །དམིགས་བྱ་དབང་མེད་ཉིད་བཟུང་ནས། །མདུན་གྱི་རྟེན་ལ་ཐིམ་པར་གྱུར། བདེན་བརྗོད་མཐར། ཨོཾ་ལོཀྟྲི་པཱ་ལ་ནན་ཛཿནས། ཧོ་ར་ཧོ་ར་ནན་ཛཿ ཙི་དུ་སོད་ནས། ཐུལ་བར་དང༌། ཡི་དམ་ལྷ་དང་དྲང་སྲོང་གི་བདེན་པ་དང་བདེན་པ་ཆེན་པོའི་བྱིན་རླབས་ཀྱིས་མྱུར་དུ་ཕོབ་ཅིག་ནྲྀ་ཏྲི་ཛཿཛཿཧཱུྃ་བྃ་ཧོཿ ཅེས་ཅི་རིགས་བཟླས་པས་བཀུག་ལ། བསད་པ་དངོས་ནི། རྡོ་རྗེའི་རྩེ་ཡི་ཕཊ་རྣམས་ལས། །གནམ་ལྕགས་རྡོ་རྗེ་མེ་འབར་བ། །མགར་གྱི་ཚྭ་ཚྭ་ལྟར་འཕྲོས་པ། །གནོད་བྱེད་རྣམས་ལ་ཕོག་པ་ཡིས། །བྱ་སྒྲོ་མེ་ཡིས་བསྲེག་པ་ལྟར། །ནག་རོག་སོང་ནས་ལྷ་དང་ཕྲལ། །མཐུ་དང་རྫུ་འཕྲུལ་ཐམས་ཅད་བཤིག །སྙིང་ག་ནྲྀ་ཏྲིའི་དབུས་སུ་ནི། །ཕཊ་ཡིག་དམར་ནག་ཞུ་བ་ལས། །གནམ་ལྕགས་འབར་བའི་འཁོར་ལོ་ནི། །ལྕགས་སྲེད་ལྟ་བུ་རྣཽ་དབལ་ཅན། །རྩིབས་དྲུག་གཡོན་དུ་འཁོར་བ་ཡིས། །ཤ་ཁྲག་མ་ལུས་མྱལ་མྱལ་གཏུབས། །སྡེ་བརྒྱད་ཚོགས་ཀྱིས་རྗེས་མེད་དུ། །ཧབ་སྒྲ་དིར་དིར་ཟོས་པར་གྱུར། །ཅེས་བརྗོད་ཅིང་དམིགས་ལ་གོང་གི་ཐུན་སྔགས་སམ། །ཐུན་སྔགས་ལ་དགྲ་བགེགས་བསད་པའི་ཐེམ་སྦྱར་བའམ། ཡང་ན། ཨོཾ་ལོཀྟྲི་པཱ་ལ་ནན་སོད་ནས། ཧོ་ར་ཧོ་ར་སོད། ཙི་དུ་སོད་ཙི་དུ་སོད་ནས། བརླག་བརླག །དགྲ་བགེགས་བྱད་མ་ལྷ་སྲུང་དང་བཅས་པ་མཱ་ར་ཡ་རྦད་རྦད་སོད་སོད་ཅེས་སམ། གནོད་བྱེད་དགྲ་བགེགས་ཆེ་གེ་མོ་མཱ་ར་ཡ་སོད་སོད་ཅེས་སམ། དགྲ་བགེགས་བྱད་མ་ལྷ་སྲུང་དང་བཅས་པ་མཱ་ར་ཡ་སོད། ནྲྀ་ཏྲི་མཱ་ར་ཡ་རྦད་ཡ༔ ཞེས་བཟླའོ། །འདི་རྣམས་ནི་ཏིང་ངེ་འཛིན་ཁོ་ནས་སྒྲུབ་པའི་དབང་དུ་བྱས་པ་ཡིན་ལ། བཅས་ཆོག་དང་འབྲེལ་བའི་འདོན་སྒོམ་གྱི་ཚུལ་རྒྱས་པ་ནི་སྔོན་གྱི་རིག་འཛིན་རྣམས་ཀྱི་གསུང་ལས་ཤེས་པར་བྱའོ། །འདི་ནི་རིག་འཛིན་བརྒྱུད་པའི་གསུང་སོར་བཞག་ཁྲིགས་སུ་བསྡེབ་ནས་མན་ངག་གི་གསལ་པོར་བསྟན་པ་སྟེ། བཀླག་པས་གྲུབ་པའི་དྲག་སྔགས་ཆེས་ཟབ་ཅིང་རྣོ་བ་ཡིན་པས་ཤིན་ཏུ་གསང་བར་བྱའོ། །ཐུན་མཚམས་སུ་དྲང་སྲོང་ལ་གཏོར་མ་འབུལ་བར་འདོད་པས། རིན་པོ་ཆེའི་སྣོད་དུ་ནས་འབྲས་སོ་བ་སོགས་ཀྱི་ཟན་གཙང་མའི་གཏོར་མ་དཀར་གསུམ་མངར་གསུམ་ཤིང་ཐོག་གིས་བསྐོར་བ་ཆུ་གཙང་བཅས་བཤམས། སྭཱ་བྷ་བས་སྦྱང༌། སྟོང་པའི་ངང་ལས་རིན་ཆེན་སྣོད། །ནམ་མཁའ་ལྟ་བུར་རབ་ཡངས་དབུས། །བྷྲཱུྃ་ལས་ལྷ་རྫས་གཏོར་མ་ནི། །ཁ་དོག་དྲི་རོ་རེག་བྱ་ལྡན། །རང་ཉིད་ཡི་དམ་ལྷར་གསལ་བའི། །གནས་གསུམ་ཡི་གེས་མཚན་པ་ཡི། །ཨོཾ་ལས་འོད་འཕྲོས་འབག་རྩོག་སྦྱང༌། །ཨཱཿཡིས་ནམ་མཁའ་མཉམ་པར་སྤེལ། །ཧཱུྃ་གིས་བདུད་རྩིའི་རྒྱ་མཚོར་ཞུ། །ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབ། རང་གི་ཐུགས་ཀའི་ཧཱུྃ་ཡིག་ལས། །འོད་ཟེར་ལྕགས་ཀྱུ་ལྟར་འཕྲོས་པས། །རྒྱ་གར་ལྷོ་ཕྱོགས་ཨིནྡྲའི་ཡུལ། །རི་བོ་ཀུན་འདུས་རྩེ་མོ་ན། །ནགས་ཚལ་དྲྭ་བ་ཅན་དབུས་ནས། །དྲང་སྲོང་དྲི་མེད་འོད་ཟེར་ནི། །འབུམ་ཕྲག་དྲང་སྲོང་འཁོར་དང་བཅས། །སྐད་ཅིག་ཉིད་ལ་སྤྱན་དྲངས་ཏེ། །མདུན་དུ་པདྨའི་གདན་ལ་བཞུགས། དང་པོར་བཛྲ་པཱ་ཎི་སོགས། ཡི་དམ་ལྷ་ལ་ཕུལ་བྱས་ནས། དེ་ནས་དྲང་སྲོང་རྣམས་ལ་འབུལ། ཨོཾ་ཏྲང་དུ་ཏྲི་ན་ཏྲང་དུ་ཛ་ཛ་ཁ་ཁ་ཁཱ་ཧི་ཁཱ་ཧི་དུ་ན་ཡ་སྭཱ་ཧཱ། །དྲང་སྲོང་དྲི་མེད་འོད་ཟེར་ལ་སོགས་དྲང་སྲོང་རྣམས་ཀྱི་ཞལ་དུ་ཁ་ཁ་ཁཱ་ཧི་ཁཱ་ཧི། དེ་སྐད་ལན་གསུམ་བརྗོད་པ་ཡིས། །གསོལ་ཞིང་དྲང་སྲོང་མཉེས་ནས་སུ། །ཇི་འདོད་སྨོན་ལམ་གདབ་མཛད་ཅིང༌། །དྲང་སྲོང་དམོད་པ་བཟློག་པར་བསམ། །འདོད་པའི་དོན་ལ་གསོལ་བ་གདབ། བཛྲ་མུ་ཡིས་གཤེགས་སུ་གསོལ། །གྲངས་བསོགས་ན་དཀར་མངར་འདྲེས་པའི་ཟན་རིལ་ཆུ་གཙང་བཅས་ལ་གྲངས་བསོགས་པར་བྱའོ། །འདི་ནི་ཚོགས་བསགས་དང་སྔགས་གྲུབ་པའི་རྒྱབ་སྐྱོར་དང་བར་ཆད་ཞི་བ་དང་བསོད་ནམས་འཕེལ་བའི་ཐབས་དམ་པ་ཡིན་ནོ། །དྲང་སྲོང་ཚེ་སྒྲུབ་བྱ་བ་ན། དྲང་སྲོང་ཞི་བའི་ཐུགས་ཀ་རུ། །ཉི་ཟླའི་གའུ་ཁ་སྦྱོར་དབུས། །ཏྲཾ་དཀར་ཐ་མར་སྔགས་ཀྱིས་བསྐོར། །དེ་ལས་འོད་ཟེར་འཕྲོས་པ་ཡིས། །སྲིད་ཞིའི་ཚེ་དཔལ་བསོད་ནམས་བསྡུས། །བདག་ཐིམ་གཟི་བརྗིད་བཀྲག་མདངས་རྒྱས། །ཨོཾ་ཏྲང་དུ་ཏྲི་ན་ཏྲང་དུ་ཛ་ཛཿ མ་མ་ཨཱ་ཡུ་ཚེ་བྷྲཱུྃ་ནྲྀ་ཛཿ ཞེས་བཟླའོ། །འདི་རྣམས་ནི་རིག་འཛིན་པདྨའི་ཐུགས་བཅུད་དམ་པ་གྲུབ་བརྙེས་གོང་མ་རྣམས་ཀྱི་རྡོ་རྗེའི་གསུང་གི་སྙིང་པོ་ཁྲིགས་སུ་བསྡེབ་པ་ཡིན་ལ། ཚུལ་འདི་ནི་རབ་ཚེས་ཐམས་ཅད་འདུལ་ཅེས་པའི་ཁྲུམས་ཟླའི་དམར་ཕྱོགས་ཀྱི་ཚེས་བཅུ་གསུམ་ལ་ལྷག་པའི་ལྷ་འདིའི་བསྙེན་མཚམས་ལ་གནས་པའི་ཚེ་མི་ཕམ་རྣམ་པར་རྒྱལ་བས་སྤེལ་བ་དགེའོ།

[edit]

@#/__/sngags rgod lok+t+ri'i rgyun khyer snying po drang srong dmod pa mtshon cha'i 'khor lo bzhugs so//__na mo gu ru r-i Shi kro d+ha rA dzA ya/__'dir drang srong zhe sdang rdo rje'i rgyun gyi rnal 'byor zab mo'i dmigs gnad snying por dril te nyams su blang bar 'dod pas/__mdun gyi nam mkhar skyabs yul gsal btab la/__hoH__rdo rje slob dpon sangs rgyas sogs kyis tshogs bsags nas thog mar zhi bar bsnyen pa ni/__AH__rang lus tha mal d+hu ti'i nang*/__/snying thad pad+ma 'dab bzhi'i dbus/__/nyi zla'i gdan la AHdkar po/__/de las 'od 'phros sdig sgrib sbyangs/__/rtsa gsum 'dus mdor pad+ma ni/__/dmar mo 'dab ma bzhi steng du/__/AHyig ri bong 'dzin pa'i mdog__/'od 'phros lus gang nad gdon sbyangs gang na sar nyi steng AHdkar gyis sbyang ba bya/__mchan/__skad cig bdag nyid drang srong ni/__/sku mdog sngo skya skem rid gzugs/__/smin ma ag tshom rgya mdor slebs/__/ras dkar smad dkris stod g.yogs can/__/pad zla'i gdan la skyil krung bzhugs/__/phyag g.yas skyabs sbyin spyi blugs dang*/__/g.yon pas phreng ba thugs kar 'dzin/__/'khor du drang srong 'bum gyis bskor/__/gdod nas dam ye gnyis su med/__/snying gar nyi ma'i gdan steng du/__/srog gi snying po hU~M mthing nag__/trang du'i sngags kyis bskor bar gyur/__/oM trang du tri na trang du dza dzaH__zhes bzlas drag por sgrub pa ni/__drang srong zhi ba 'od zhu nas/__/rang gi lus kyi ngo bo ste/__/mthing nag gnam lcags rdo rje _ni/ _ _ _ _ _ _ gnas pa rtsa la shes par bya zhes pa'i don no/__rtse dgu che brjid rno dbal 'bar/__/yar rtse me 'bar tshwa tshwa 'phro/__/mar rtse byad ma gan rkyal gyi/__/lce yis brang kheb snying dbus gzer/__/rdo rje'i lte ba yangs pa'i nang*/__/gser gyi tsakra rtsibs brgyad dbus/__/rang nyid skad cig khro bo ni/__/zhe sdang rdo rje gsang ba'i bdag__/mthing nag zhal gcig phyag bzhi pa/__/dang po gnyis kyis tho ba dang*/__/ral gri 'bar ba rab tu gdengs/__/mtha' gnyis gnam lcags phyag mthil la/__/ser mo lcags sdig mgo dgu 'phyar/__/kham nag dbu skra gyen du brdzes/__/nyi zla'i gdan la brkyang bskum bgrad/__/shin tu khro zhing mi sdug pa/__/rgyan med me dpung klong na bzhugs/__/spyi bor drang srong dri med dang*/__skabs 'dir drang srong gi phyag g.yas gser gyi 'khor lo rtsibs rnon bsnams pa'o/__/de steng rigs bdag pad 'byung bzhugs/ gsang 'dus yab yum/__/thugs kar hrIHlas 'khor lo ni/__/rtsibs brgyad dbus su pad nyi'i steng*/__/ye shes sems dpa' gsang ba'i bdag__/mthing nag sbrul rgyan stag shams can/ rgyud kyi dgongs par mthun/___/rdo rje rtse lnga dril bu bsnams/__/zhabs gnyis phyed skyil tshul gyis bzhugs/__/thugs srog mchong gur phub 'dra ba/__/zur brgyad dbus su nyi ma'i steng*/__/ting 'dzin sems dpa' hU~M mthing nag__/shin tu gsal zhing 'tsher bar bsgom/ man ngag sems la shes par bya zhes pa'i don no/__/dbyings nas ye shes spyan drangs thim/__/mchod bstod bya ba'am ma byas kyang rung ste bzlas pa ni/__/lce rtsar AHlas zla dkyil la/__/AHyig dkar po trang dus bskor/___/de dbus lce ni gnam lcags kyi/__/rdo rje rtse dgu'i lte ba ru/__/nyi steng hU~M la _sngags phreng bskor/ 'dren pa dkyil du shes par bya zhes pa'i don no/___/rtse yi rwa dgu phyir gdangs shing*/__/khong sing bcas pa'i rtse mo ru/__/phaT dmar mchong bcag lta bu dgur/ gcod pa rtse la shes par bya zhes pa'i don no/__/me yi tshwa tshwa drag tu 'phro/__/lte ba'i hU~M las 'od 'phros pas/__/sde brgyad snying nas dbang med drangs/__/ngur mo'i sgra bcas mdun du 'khod/__/slar yang hU~M las 'phros pa yi/__/rdo rje rgya gram re re ni/__/sde brgyad so so'i spyi bor bzhag__/'gul 'khyogs spangs te gnas par bsam/__che ba'i nga rgyal 'di ltar bskyed/__hU~M/__nga ni ma mo kun gyi yab/__/nga ni gshin rje kun gyi yum/__/nga ni khams gsum kun gyi bdag__/nga ni dbang phyug chen po ste/__/nga ni srog gcod kun gyi rje/__/nga ni srid pa kun gyi bdag__/nga ni skye 'gro kun gyi yab/__/nga ni snying khrag kun gyi bdag__/khyod kyi snying khrag nga la yod/__/nga yi las rnams khyod kyis bsgrubs/__ces lta ba gyad kyi gdeng bskyed la/__lce dbus hU~M las 'od 'phros pas/__/sde brgyad rnams kyi snying ga nas/__/srog yig bkugs pas thal sbyar 'dar/__/'dud cing ji gsung bka' nod cing*/__/srog snying tshur drangs hU~M gi gdan/__/nyi ma'i dal la thim par bsam/__/zil gnon 'khor 'das kun bdag nga'o/__zhes che ba'i nga rgyal bcas/__/oM lok+t+ri pA la nan/__/sa ga pA sha nan/__nA ga du du nan/__ma maM ma maM/__tsir tsar tsir tsar/__baM ru lu baM ru lu/__rbad tra ko sha ya rbad tra ko sha ya/__ho ra ho ra/__tsi du sod tsi du sod shig lhU ru gtubs/__ha la pa ti nan/__'khor ba thul/__gnod byed 'byung po'i kA bA tsi brlag brlag brlag sngags grangs bdun cu don gcig yod/__/zhes rtsa sngags ci nus su bzla'o/__/de yang gu ru pad+ma'i zhal nas/__/rab ni zhag bdun dag na 'grub/__/'bring ni bcu bzhi dag na 'grub/___/tha ma nyi shu rtsa gcig yin/__/nus pa bya'am khy-i la tshad/__/ling gis song na 'grub pa yin/__/brgyal lam shi na thal ba yin/__/'di lta bu yi sngags rgod kyis/__/nyi zla'i 'od kyang 'phrog par nus/__/dpag bsam shing yang gcod par nus/__/lha srin sde brgyad 'chi bar nus/__/mi dang 'byung po smos ci dgos/__zhes dang*/__thams cad dbang du sdud pa'i sngags rgod 'di/__/sgrub tu med par thog bab nus pa che ste sngags rgod yin/__/sde brgyad dbang du sdud pa kun gyi gcun phur yin/__/gzhan gy-i nus pa 'jig pa gdug pa dpal gsod yin/__/thams cad brlag par byed pa gsod pa'i drag sngags yin/__/mdze nad sel bar byed pa dug sel nag po yin/__/gang dmigs brlag par byed pa rno ngar mtshon cha yin/__/'byung po brlag par byed pa bram ze lok+t+ri yin/__/ces kyang bzlog tu med pa drang srong dmod pa yin/__zhes gsungs pa bzhin no/__/de nas drag sngags ring mo bzla ba ni/__/rdo rje'i rtse yi phaT rnams las/__/gnam lcags rdo rje me 'bar ba/__/mgar gyi tshwa tshwa ltar 'phros nas/__/bka' las 'khu zhing dam log pa'i/__/gnod byed rnams la phog pa yis/__/rtswa sbur me yis bsreg pa ltar/__/tshag sgra dang bcas skad cig gis/__/rjes shul tsam yang med par gyur/__/ces bsam la/__/hU~M/__sangs rgyas thams cad gzu dang dpang*/__/dam chos rin chen gzu dang dpang*/__/dge 'dun 'dus pa gzu dang dpang*/__/dkon mchog gsum po gzu dang dpang*/__/chos skyong srung ma gzu dang dpang*/__/rgyal 'gong chen po 'dul ba'i phyir/__/drang srong chen po dri med ni/__/sku ni mi 'gyur brtan pa la/__/phyag mtshan 'khor lo bsgyur bzhin du/__/dgra bgegs mgo la 'khor lo bskor/__/rgyal 'gong mgo la 'khor lo bskor/__/sde brgyad srog la 'khor lo bskor/__/'khor lo g.yas su bskor tsa na/__/rgyal 'gong snying la 'khor lo rgyob/__/'khor lo g.yon du bskor tsa na/__/mo gdon snying la 'khor lo rgyob/__/ces byas la/__oM lok+t+ri pA la nan rbad thums/__'jig rten mgon po'i srog chod snying phyungs tsit+ta mA ra ya thun b+h+yo rbad/__sa ga pA sha nan rbad ling*/__sa bdag gi srog chod snying phyungs tsit+ta mA ra ya thun b+h+yo rbad/__nA ga du du nan rbad phaT/__klu bdud kyi srog chod snying phyungs tsit+ta mA ra ya thun b+h+yo rbad/___ma maM ma maM rbad myogs/__/ma mo'i srog chod snying phyungs tsit+ta mA ra ya thun b+h+yau rbad/__tsir tsar tsir tsar rbad rbud/__btsan gyi srog chod snying phyungs tsit+ta mA ra ya thun b+h+yau rbad/__baM ru lu baM ru lu rbad thuM/__bdud kyi srog chod snying phyungs tsit+ta mA ra ya thun b+h+yo rbad/__rbad tra ko sha ya rbad tra ko sha la rbad khos/__gza' bdud kyi srog chod snying phyungs tsit+ta mA ra ya thun b+h+yo rbad/__ho ra ho ra rbad shag__/rgyal 'gong gi srog chod snying phyungs tsit+ta mA ra ya thun b+h+yo rbad/__rgyal po'i srog la dung dung snying la shad shad/__bsen mo'i srog la dung dung snying la shad shad/__be har gyi srog la dung dung snying la shad shad/__/gtsang thel gyi srog la dung dung snying la shad shad/__gnod byed kyi srog la dung dung snying la shad shad/__che ge mo'i gnod byed bsam sbyor ngan pa'i rgyal 'gong gi srog la dung dung snying la shad shad/__yang na pha rol byad mas rbad pa'i rgyal 'gong gi srog la dung dung snying la shad shad/__/a ya ma du ru tsa sha na sde brgyad kyi srog la dung dung snying la shad shad/__tsi du sod tsi du sod rbad thims/__shig lhu ru gtubs rbad myogs/__ha la pa ti nan/__ga na pa ti rbad rmugs/__'khor ba thul rbad choms/__gnod byed 'byung po'i kA ba tsi brlag brlag rbad hur/__dgra bgegs che ge mo'i dgra bgegs byad ma dam sri rgyal 'gong thams cad _srog la mA ra ya rbad rbad/__gnod byed rgyal po thams cad ra tsa hab le hab le sod/__klu thams cad nA ga ling nA ga ling sod/__'byung po thams cad ka hri ku hri sod/__bgegs thams cad 'gug ge 'gug ge sod/__gza' thams cad the tse the tse sod/__the'u rang thams cad ra tri ra tri mA ra ya sod/__/bsen mo thams cad ro tri ro tri mA ra ya sod/__gre bo gre mo thams cad suM tri sum tri mA ra ya sod/__gnod byed dgra bgegs che ge mo gnod byed dgra bgegs byad ma dam sri rgyal 'gong thams cad mA ra ya sod sod rbad rbad dzaHdzaH thun sngags 'di ni sngags ring mo zhes bya ba/__ting 'dzin med kyang bzlas pa tsam gyis gcod pa yin zhing*/__lta gdengs dang bcas zhe sdang gi nyams hur phyungs la bzlas par bya ste/__ji skad du/__drag sngags ring mo 'dzin la rno/__zhe sdang ma yal mthu yi mchog__/zhes gsungs pa bzhin no/__/sngags ci rigs bzlas mthar thal rdeb ni/__mtha' ma'i phyag gnyis rdo rje brag ri ltar/__/sra mkhregs phyag mthil nyi zla'i kha bar du/__/dgra bgegs sdig can thal bar 'thag pa yi/__/sha khrag sor mo sdig pa mgo dgu pa/__/rnams kyis lhag ma med par zos par gyur/__/zhes dmigs pa gsal btab la drang srong gi dmaud pa 'di brjod cing thal mo brdab par bya'o/__/bka' ltar mi byed cing dam la mi gnas pa thams cad 'dir ma gnas par gzhan du dengs shig__/srid pa spyi nas shig cig__/srid gsum rmangs nas sgyel cig__/'khor ba gting nas phyungs shig__/bskal pa'i mes sregs shig__/dam tshig gi dmod pas sdigs shig__/bka' yi chad pas chod cig__/gnam lcags ral gris spyi bo'i gtsug nas khos shig__/sum+b+ha nis non cig__/srid gsum gar skyes gar gnas kyang sdig can 'di'i steng du gnam lcags rdo rje me yi char chen po phobs shig__/gnod byed thams cad mA ra ya phaT/__sbyor ba ngan pa thams cad thul cig__/zhes dang mthar/__/bka' bsgo 'di yi nus pa yis/__/thal phye rlung gis gtor ba ltar/__/gnod byed de ru gnas mi 'gyur/__/gal te gnas na brlag par byed/__/drang srong dmod de bzlog tu nan/__/zhes dang*/__nam mkha' med par gyur na yang*/__/sngags kyi dngos grub med mi srid/___/lha dang drang srong gis bshad pa'i/__/rig sngags bslu ba mi srid na/__/'dod chags bral bas bshad pa yi/__/gsang sngags sbyor bas bslu ba ni/__/ma byung 'byung bar mi 'gyur ro/__/zhes brjod nas yid ches kyi nges shes bskyed do/__/mthar/__hU~M hU~M hU~M/__zhes brjod pas snod bcud 'od gsal gnyug ma'i ngang du bsdu/__phaT phaT phaT/__ces brjod pas 'od gsal gyi ngang nas drang srong zhi ba'am khro bo'i skur ldangs la/__sgyu ma lta bu'i tshul gyis dge ba bsngo zhing shis pa brjod/__nyal na chu la langs na me/__'dug na thag la 'gro na rlung*/__zhes pa'i don bzhin rgyun gyi spyod lam bskyang ngo*/__/yang srung ba'i skabs kyi dmigs 'don ni/__/hU~M/__thugs srog hU~M yig 'bar ba yi/__/thig ler bla ma slob dpon dang*/__/khog par rang dang mtha' skor du/___/bsrung bya dbus su rang nyid drang srong zhi ba'i rnams pa/__g.yas su bsrung bya pho/__g.yon du mo/__rgyab du khang zhing*/__mdun du nor rdzas thams cad dmigs/__mtha' dag tshud par gyur/__/smra byed rdo rje'i yig 'bru las/__/'od zer pho nya'i tshogs spros pas/__/rang dang bsrung bya thams cad kyi/__/tshe srog brkus phrog yar 'khyams dang*/__/snod bcud yon tan ma lus pa/__/tshur bsdus bsrung bya thams cad la/__/bstims pas bkrag mdangs gzi brjid 'bar/__/nang du rigs lnga'i sangs rgyas dang*/__/byang sems ma lus til gang bzhin/__/nam mkha'i phyogs kun khyab pa yis/__/bsrung skyobs byin gyis brlab par mdzad/__/phyi rol phyag mtshan lnga dang ni/__/rlung me chu sa khro chung gur/__/nang bltas 'jam zhing srubs med la/__/phyi bstas rno dbal gcod ngar ldan/__/drag sngags dmod tshig rang sgra bcas/__/gnod byed dgra bgegs tshar gcod pa'i/__/gzhom med rdo rje'i gur gyis gtam/__/cis kyang mi shigs par ru gyur/__/oM lok+Ti pA la nan srungs sogs/__ho ra ho ra srungs/__tsi du sod tsi du sod shig lhu ru gtums ha la pa ti nan 'khor ba thul/__gnod byed 'byung po'i kA bA tsi brlag brlag nr-i b+h+rU~M hU~M dzaH__bdag cag dpon slob mi nor 'khor bcas la rak+Sha rak+Sha swA hA/__zhes bzla'o/__/bzlog par byed na/__rang nyid zhe sdang rdo rje yi/__/smra byed rdo rje rtse dgu rtser/__/phaT dmar me yi tshwa tshwa ni/__/rno ngar shugs drag 'phro ba dang*/__/mtha' phyag gnam lcags lag pa'i mthil/__/sor mo sdig pa gdengs pa'i dbus/__/byad ma lhar bcas gsal ba 'thag__/gtso bo bdag dang gur khang gi__/lha tshogs thams cad phyir gzigs nas/__/drag sngags dmod pa cher bsgrags pas/__/sku yi ba spu'i bu ga nas/__/sprul pa'i pho nya nad mtshon can/__/nam mkha' gang bar spros pa yis/__/byad ma skyob byed lha srung rnams/__/kho rang gshed phab srung 'khor bshig__/me lces slebs pa'i sbrang bu bzhin/__/bcom bsreg thal ba nyid byas nas/__/drag po'i rlung gis bskyod pa yi/__/shing bal bzhin du mthar bskrad gyur/__/oM lok+t+ri pA la nan b+h+yo bzlog nas/__ho ra ho ra b+h+yo bzlog tsi du sod nas/__brlag brlag__/dgra bgegs byad ma lha srung dang bcas pa mA ra ya b+h+yo bzlog__/ces bzla zhing mthar bden brjod dang drang srong dmod pa bcas thal rdeb bya'o/__/bsad pa la/__dang por 'gug pa ni/__rang lus gnam lcags rdo rje yi/__/mdun du e yig las byung ba'i/__/brubs khung lcags khang gru gsum pa/__/dug gi mun 'khrigs bskal me 'bar/__/nad kyi na bun mtshon char 'bebs/__/de yi nang du gshin rje ni/__/pho mo 'jigs rung gnyis kyi bar/__/nr-i tri yongs gyur dmigs bya ni/__/mgon med skyabs bral nyams thag pa/__/mtha' skor dregs pa sde brgyad tshogs/__/'jigs gzugs mtshon cha thogs pas bskor/__/smra byed rdo rje'i rtse mo nas/__/'od zer dzaHyig pho nyar 'phros/__/dmigs bya dbang med nyid bzung nas/__/mdun gyi rten la thim par gyur/__bden brjod mthar/__oM lok+t+ri pA la nan dzaHnas/__ho ra ho ra nan dzaH__tsi du sod nas/__thul bar dang*/__yi dam lha dang drang srong gi bden pa dang bden pa chen po'i byin rlabs kyis myur du phob cig nr-i tri dzaHdzaHhU~M ba~M hoH__ces ci rigs bzlas pas bkug la/__bsad pa dngos ni/__rdo rje'i rtse yi phaT rnams las/__/gnam lcags rdo rje me 'bar ba/__/mgar gyi tshwa tshwa ltar 'phros pa/__/gnod byed rnams la phog pa yis/__/bya sgro me yis bsreg pa ltar/__/nag rog song nas lha dang phral/__/mthu dang rdzu 'phrul thams cad bshig__/snying ga nr-i tri'i dbus su ni/__/phaT yig dmar nag zhu ba las/__/gnam lcags 'bar ba'i 'khor lo ni/__/lcags sred lta bu rnau dbal can/__/rtsibs drug g.yon du 'khor ba yis/__/sha khrag ma lus myal myal gtubs/__/sde brgyad tshogs kyis rjes med du/__/hab sgra dir dir zos par gyur/__/ces brjod cing dmigs la gong gi thun sngags sam/__/thun sngags la dgra bgegs bsad pa'i them sbyar ba'am/__yang na/__oM lok+t+ri pA la nan sod nas/__ho ra ho ra sod/__tsi du sod tsi du sod nas/__brlag brlag__/dgra bgegs byad ma lha srung dang bcas pa mA ra ya rbad rbad sod sod ces sam/__gnod byed dgra bgegs che ge mo mA ra ya sod sod ces sam/__dgra bgegs byad ma lha srung dang bcas pa mA ra ya sod/__nr-i tri mA ra ya rbad ya:__zhes bzla'o/__/'di rnams ni ting nge 'dzin kho nas sgrub pa'i dbang du byas pa yin la/__bcas chog dang 'brel ba'i 'don sgom gyi tshul rgyas pa ni sngon gyi rig 'dzin rnams kyi gsung las shes par bya'o/__/'di ni rig 'dzin brgyud pa'i gsung sor bzhag khrigs su bsdeb nas man ngag gi gsal por bstan pa ste/__bklag pas grub pa'i drag sngags ches zab cing rno ba yin pas shin tu gsang bar bya'o/__/thun mtshams su drang srong la gtor ma 'bul bar 'dod pas/__rin po che'i snod du nas 'bras so ba sogs kyi zan gtsang ma'i gtor ma dkar gsum mngar gsum shing thog gis bskor ba chu gtsang bcas bshams/__swA b+ha bas sbyang*/__stong pa'i ngang las rin chen snod/__/nam mkha' lta bur rab yangs dbus/__/b+h+rU~M las lha rdzas gtor ma ni/__/kha dog dri ro reg bya ldan/__/rang nyid yi dam lhar gsal ba'i/__/gnas gsum yi ges mtshan pa yi/__/oM las 'od 'phros 'bag rtsog sbyang*/__/AHyis nam mkha' mnyam par spel/__/hU~M gis bdud rtsi'i rgya mtshor zhu/__/oM AHhU~M/__lan gsum gyis byin gyis brlab/__rang gi thugs ka'i hU~M yig las/__/'od zer lcags kyu ltar 'phros pas/__/rgya gar lho phyogs in+d+ra'i yul/__/ri bo kun 'dus rtse mo na/__/nags tshal drwa ba can dbus nas/__/drang srong dri med 'od zer ni/__/'bum phrag drang srong 'khor dang bcas/__/skad cig nyid la spyan drangs te/__/mdun du pad+ma'i gdan la bzhugs/__dang por badz+ra pA Ni sogs/__yi dam lha la phul byas nas/__de nas drang srong rnams la 'bul/__oM trang du tri na trang du dza dza kha kha khA hi khA hi du na ya swA hA/__/drang srong dri med 'od zer la sogs drang srong rnams kyi zhal du kha kha khA hi khA hi/__de skad lan gsum brjod pa yis/__/gsol zhing drang srong mnyes nas su/__/ji 'dod smon lam gdab mdzad cing*/__/drang srong dmod pa bzlog par bsam/__/'dod pa'i don la gsol ba gdab/__badz+ra mu yis gshegs su gsol/__/grangs bsogs na dkar mngar 'dres pa'i zan ril chu gtsang bcas la grangs bsogs par bya'o/__/'di ni tshogs bsags dang sngags grub pa'i rgyab skyor dang bar chad zhi ba dang bsod nams 'phel ba'i thabs dam pa yin no/__/drang srong tshe sgrub bya ba na/__drang srong zhi ba'i thugs ka ru/__/nyi zla'i ga'u kha sbyor dbus/__/traM dkar tha mar sngags kyis bskor/__/de las 'od zer 'phros pa yis/__/srid zhi'i tshe dpal bsod nams bsdus/__/bdag thim gzi brjid bkrag mdangs rgyas/__/oM trang du tri na trang du dza dzaH__ma ma A yu tshe b+h+rU~M nr-i dzaH__zhes bzla'o/__/'di rnams ni rig 'dzin pad+ma'i thugs bcud dam pa grub brnyes gong ma rnams kyi rdo rje'i gsung gi snying po khrigs su bsdeb pa yin la/__tshul 'di ni rab tshes thams cad 'dul ces pa'i khrums zla'i dmar phyogs kyi tshes bcu gsum la lhag pa'i lha 'di'i bsnyen mtshams la gnas pa'i tshe mi pham rnam par rgyal bas spel ba dge'o/__