JKW-KABAB-07-JA-004

From Khyentse Lineage - A Tsadra Foundation Project
Revision as of 10:42, 16 November 2021 by Mort (talk | contribs) (Text replacement - "|editortib=རྫོང་སར་བློ་གྲོས་ཕུན་ཚོགས་" to "")
(diff) ← Older revision | Latest revision (diff) | Newer revision → (diff)

དྲང་སྲོང་དྲི་མེད་ཀུན་ཏུ་དགེ་བ་ཞི་བའི་སྒོ་ནས་འཆི་མེད་རྡོ་རྗེའི་སྲོག་སྒྲུབ་པའི་མན་ངག་རིག་པ་འཛིན་པའི་སྙིང་ཏིག་ཚེ་དབང་དང་བཅས་པ།
Wylie title drang srong dri med kun tu dge ba zhi ba'i sgo nas 'chi med rdo rje'i srog sgrub pa'i man ngag rig pa 'dzin pa'i snying tig tshe dbang dang bcas pa JKW-KABAB-07-JA-004.pdf
Location mkhyen brtse'i bka' babs
Volume 7, Text 4, Pages 311-339 (Folios 1a to 15a1)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation 'jam dbyangs mkhyen brtse'i dbang po. drang srong dri med kun tu dge ba zhi ba'i sgo nas 'chi med rdo rje'i srog sgrub pa'i man ngag rig pa 'dzin pa'i snying tig tshe dbang dang bcas pa. In Rdzong sar 'jam dbyangs mkhyen brtse'i dbang po'i bka' babs, Vol. 7: 311-339. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre Revelations - gter ma  ·  Sadhanas - Evocation Ritual - sgrub thabs  ·  Longevity Empowerment - tshe dbang
Deity drang srong dri med kun tu dge ba
Karchag page JKW-KABAB-Volume-07-JA-Karchag
RTZ In the Rinchen Terdzö: https://rtz.tsadra.org/index.php/Terdzo-NGI-005
Colophon

།ཅེས་རྒྱུད་དང་མན་ངག་གི་ངེས་པ་གྲུབ་པའི་ལུང་གིས་ལེགས་པར་ཕྱེ་བའི་རྗེས་སུ་འབྲངས་ཏེ། རིག་པ་འཛིན་པའི་བཙུན་པ་མཚོ་སྐྱེས་བླ་མ་དགྱེས་པའི་འབངས་རྡོ་རྗེ་གཟི་བརྗིད་རྩལ་གྱིས་གཉིས་མེད་དང་པོའི་སངས་རྒྱས་ཀྱི་ཆོས་ཕུང་བདུད་རྩིས་ས་གསུམ་ཀུན་ཏུ་དགེ་བས་ཁྱབ་པར་མཛད་པའི་དུས་ཀྱི་རྒྱལ་པོའི་དཀར་ཕྱོགས་ཀྱི་ཚེས་བཅུ་ལྷ་དང་དྲང་སྲོང་རིག་འཛིན་ཌཱ་ཀི་ཀུན་ཏུ་དགྱེས་རྒུར་སྤྱོད་པ་ན་རྫོགས་པར་བྲིས་པ་འདིས་ཀྱང་རིས་མེད་པའི་བསྟན་འཛིན་གྱི་སྐྱེས་བུ་དང༌། བསྟན་པ་མཆོད་པའི་ཆོས་ལྡན་གྱི་ ས་སྤྱོད་རྣམས་ཞབས་པད་བརྟན་ཅིང་ཕྲིན་ལས་རྒྱས་པ་དང༌། འགྲོ་ཀུན་དྲི་མེད་གཉུག་མའི་རྡོ་རྗེའི་སྲོག་འགྲུབ་པའི་རྒྱུར་སིདྡྷི་རསྟུ།

ces rgyud dang man ngag gi nges pa grub pa'i lung gis legs par phye ba'i rjes su 'brangs te/__rig pa 'dzin pa'i btsun pa mtsho skyes bla ma dgyes pa'i 'bangs rdo rje gzi brjid rtsal gyis gnyis med dang po'i sangs rgyas kyi chos phung bdud rtsis sa gsum kun tu dge bas khyab par mdzad pa'i dus kyi rgyal po'i dkar phyogs kyi tshes bcu lha dang drang srong rig 'dzin DA ki kun tu dgyes rgur spyod pa na rdzogs par bris pa 'dis kyang ris med pa'i bstan 'dzin gyi skyes bu dang*/__bstan pa mchod pa'i chos ldan gyi _sa spyod rnams zhabs pad brtan cing phrin las rgyas pa dang*/__'gro kun dri med gnyug ma'i rdo rje'i srog 'grub pa'i rgyur sid+d+hi rastu

":Property:textsubnumber|textsubnumber" can not be assigned to a declared number type with value 1.

[edit]
༄༅། །དྲང་སྲོང་དྲི་མེད་ཀུན་ཏུ་དགེ་བ་ཞི་བའི་སྒོ་ནས་འཆི་མེད་རྡོ་རྗེའི་སྲོག་སྒྲུབ་པའི་མན་ངག་རིག་པ་འཛིན་པའི་སྙིང་ཏིག་ཅེས་བྱ་བ་ཚེ་དབང་དང་བཅས་པ་བཞུགས་སོ།།ན་མོ་གུ་རུ་བི་མ་ལཱ་ཡ། དྲང་སྲོང་དྲི་མེད་ཐུགས་རྗེའི་ཟླ། །སྙིང་དབུས་མཁའ་ལ་རྟག་འཆར་བས། །འཆི་མེད་རྡོ་རྗེའི་སྲོག་སྒྲུབ་པའི། །གདམས་ཟབ་ཀུ་མུད་བྱེད་ལ་དབང༌། །གང་ཞིག་རིགས་དང་སྐལ་བར་ལྡན་པ་སྨིན་བྱེད་ཀྱིས་རྒྱུད་སྦྱངས་པ། དམ་ཚིག་དང་སྡོམ་པའི་ཀུན་སྤྱོད་ལ་ཉེ་བར་གནས་པའི་གང་ཟག་གིས་རྡོ་རྗེ་སྔགས་གྱི་མཐུ་ལ་བརྟེན་ནས་འཆི་བ་མེད་པའི་གོ་འཕང་དོན་དུ་གཉེར་བས་འདི་བསྒོམ་པར་བྱའོ། །འདི་ལ་གསུམ། སྒྲུབ་པའི་ཐབས། དབང་གི་ཆོ་ག །ལས་ཚོགས་མཐའ་རྒྱས་སྟན་པའོ། །དང་པོ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ནི། མདུན་གྱི་ནམ་མཁར་སྐྱབས་ཡུལ་རྣམས་མངོན་སུམ་དུ་དམིགས་ཏེ། ཨཿ རྟག་པ་མ་ཡིན་ཆོས་ཀྱི་སྐུ། །ཆད་པ་མ་ཡིན་ལོངས་སྤྱོད་རྫོགས། །སོ་སོ་རང་རིག་དྲི་མ་མེད། །སྤྲུལ་པའི་འཁོར་ལོར་སྐྱབས་སུ་མཆི། །ལན་གསུམ་གྱིས་སྐྱབས་སུ་འགྲོ། ཧོཿ རྒྱལ་ཀུན་གསང་བ་འཛིན་པའི་བདག །དྲང་སྲོང་གྲུབ་པའི་རྣལ་འབྱོར་ལ། །བརྟེན་ནས་རྫོགས་པའི་བྱང་ཆུབ་ཕྱིར། །འཆི་མེད་རིག་འཛིན་བསྒྲུབ་པར་བགྱི། །ལན་གསུམ་གྱིས་སེམས་བསྐྱེད། མཐར་སྐྱབས་ཡུལ་རང་ལ་བསྟིམ། མཆོད་པའི་ཡོ་བྱད་རྣམས། རྃ་ཡྃ་ཁྃ་གིས་བསང་སྦྱང༌། སྟོང་པའི་ངང་ལས་གནས་ཡུལ་ཀུན། །དག་པ་རབ་འབྱམས་ཞིང་ཁམས་ཆེར། །དངོས་འབྱོར་ཡིད་སྤྲུལ་མཆོད་པའི་ཚོགས། །ནམ་མཁའ་མཛོད་ཀྱི་འཁོར་ལོར་གྱུར། ཨོཾ་ཨཱཿཧཱུྃ་གིས་བརླབ། གཉིས་པ་དངོས་གཞི་ལ། དྲང་སྲོང་དྲི་མེད་ལ་བརྟེན་ནས། །དབྱིབས་སྔགས་ཆོས་ཀྱི་ཏིང་འཛིན་གྱིས། །རྡོ་རྗེའི་སྐུ་དང་བདེ་ཆེན་གསུང༌། །འཆི་མེད་གཉུག་མའི་ཡེ་ཤེས་བསྒྲུབ། །ཅེས་པས་དང་པོ་དབྱིབས་ཀྱི་རྣལ་འབྱོར་ལ་བརྟེན་ནས་རྡོ་རྗེའི་སྐུ་སྒྲུབ་པ་ནི། ཨཱཿ རིག་སྟོང་གཉུག་མ་དེ་བཞིན་ཉིད། །ཀུན་སྣང་སྙྀང་རྗེ་སྒྱུ་མའི་ཚུལ། །རྒྱུ་ཡི་ཏིང་འཛིན་ཨ་དཀར་པོ། །སྙིང་དབུས་མི་ཤིགས་ཐིག་ལེའི་ཀློང༌། །ཆུ་སྐྱེས་ཉི་ཟླའི་གྭ་འུར་ཤར། །དེ་ལས་འཕྲོས་པའི་འོད་ཟེར་གྱིས། །ལུས་གང་ནད་གདོན་སྡིག་སྒྲིབ་སྦྱངས། །སླར་ཡང་སྤྲུལ་པའི་འཁོར་ལོའི་འོག །པདྨ་དམར་པོ་འདབ་བཞིའི་དབུས། །ཡེ་ཤེས་ཨ་ལས་རྡོ་རྗེའི་མེས། །ཐ་མལ་ལུས་ཀྱི་བུད་ཤིང་བསྲེགས། །འོད་གསལ་ངང་ལས་སྐད་ཅིག་གིས། །བདག་ཉིད་དྲང་སྲོང་དྲི་མ་མེད། །ཞལ་གཅིག་ཕྱག་གཉིས་སྐུ་མདོག་དཀར། །དཀའ་ཐུབ་ཆ་བྱད་སྐེམ་ཞིང་རིད། །སྨ་ར་སྨིན་མ་རིང་དུ་འཕྱང༌། །རས་དཀར་དྲི་མེད་སྨད་གཡོགས་ཤིང༌། །ཞབས་གཉིས་སེམས་དཔའི་སྐྱིལ་ཀྲུང་གིས། །པད་དཀར་ཟླ་བའི་གདན་ལ་འགྱིངས། །ཕྱག་གཡས་བདུད་རྩིའི་སྤྱི་བླུགས་སྦྲེང༌། །གཡོན་པས་ལུང་ཏང་ཕྲེང་བ་འདྲེན། །འཆི་མེད་གྲུབ་པའི་དྲང་སྲོང་ཚོགས། །འབུམ་ཕྲག་དུ་མའི་འཁོར་དང་བཅས། །བརྟན་གཡོའི་སྲིད་ཞིའི་དྭངས་བཅུད་ཀུན། །མ་ལུས་འདུས་པའི་ངོ་བོར་གསལ། །གནས་གསུམ་དེ་བཞིན་གཤེགས་ཀུན་གྱི། །སྐུ་གསུང་ཐུགས་ཀྱི་ངོ་བོ་ནི། །ཡི་གེ་གསུམ་ལས་འོད་འཕྲོས་པས། །རི་བོ་ཀུན་ནས་འདུས་པའི་རྩེ། །ནགས་ཚལ་དྲྭ་བ་ཅན་གྱི་གནས། །འཕགས་པ་དགྱེས་པའི་ཕོ་བྲང་ནས། །ཡེ་ཤེས་སེམས་དཔའ་སྤྱན་དྲངས་གྱུར། ཨོཾཿ མགོན་པོ་ཀུན་གཤེགས་ཐུགས་རྗེའི་གཏེར། །ད་ལྟ་སྙིགས་མ་ལྔ་ཡི་དུས། །རྣལ་འབྱོར་སྒྲུབ་ལ་བརྩོན་པ་རྣམས། །དུས་མིན་འཆི་བའི་འཇིགས་པ་དང༌། །བར་ཆད་ཀུན་ལས་སྐྱོབ་པའི་ཕྱིར། །སྙིང་རྗེ་ཆེན་པོས་སྐུར་བཞེངས་ལ། །གནས་འདིར་སྤྱན་འདྲེན་གཤེགས་སུ་གསོལ། །སྐུ་གསུང་ཐུགས་ཀྱི་བྱིན་ཆེན་ཕོབ། །འཆི་མེད་རྡོ་རྗེའི་དབང་མཆོག་སྐུར། །ཐུན་མོང་མཆོག་གི་དངོས་གྲུབ་སྩོལ། ཨོཾ་བཛྲ་མ་ཧཱ་རྀ་ཥི་བི་མ་ལ་ས་པ་རི་ཝཱ་ར་ཨེ་ཧྱེ་ཧི། ཛཿཧཱུཾ་བྃ་ཧོཿ ཧོཿ དམ་ཚིག་འོད་གསལ་གཉུག་མའི་ཀློང༌། །ཡེ་ཤེས་ཕྱག་རྒྱ་དབྱེར་མེད་བཞུགས། །ཟུང་འཇུག་འདུས་མ་བྱས་པའི་ལྷར། །རང་ཞལ་མཇལ་བའི་ཕྱག་གིས་འདུད། ཛྙཱ་ན་ས་མ་ཡ་ཏིཥྛནྟུ། ཨ་ཏི་པུ་ཧོཿ ན་མ་དྷཱིཿ ཨོཾ་ཨཱ་ཧཱུྃ། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ལས། །མཁའ་ཁྱབ་འདོད་ཡོན་རྒྱ་མཚོའི་གཏེར། །བདེ་བ་ཆེན་པོར་བཞེས་སུ་གསོལ། ཨོཾ་བཛྲ་མ་ཧཱ་རྀ་ཥི་བི་མ་ལ་ས་པ་རི་ཝཱ་ར་སརྦ་པཱུ་ཛ་ས་མ་ཡ་ཨཱཿཧཱུྃ། ཨོཾ། སངས་རྒྱས་རྣམས་ནི་ཐམས་ཅད་ཀྱི། །སྐུ་གསུང་ཐུགས་ཀྱི་གསང་བ་འཛིན། །དྲང་སྲོང་ཆེན་པོ་དྲི་མ་མེད། །འཁོར་དང་བཅས་ལ་ཕྱག་འཚལ་བསྟོད། །བརྟན་གཡོ་སྲིད་ཞིའི་ཚེ་དཔལ་ཀུན། །རྣལ་འབྱོར་སྒོ་གསུམ་རྡཽ་རྗེར་བསྡམ། །འཆི་མེད་གཉུག་མའི་ཡེ་ཤེས་སྐུ། །མངོན་སུམ་འགྲུབ་པར་མཛད་དུ་གསོལ། །ཞེས་དམ་ཡེ་དབྱེར་མེད་དུ་བསྒྲུབས་པའི་ལྷ་སྐུ་ཕྱག་རྒྱ་ཆེན་པོ་ལ་མཆོད་བསྟོད་གསོལ་བ་གདབ་པ་སྔོན་དུ་འགྲོ་བས་ལུས་གནད་བཅས་རླུང་རོ་བསལ། རང་ལུས་སྟོང་ཆེན་སྒྲིབ་ཐོགས་དང་བྲལ་བའི་སྙིང་པདྨ་དམར་པོ་འདབ་མ་བརྒྱད་པ་ཁ་ཅུང་ཟད་བྱེ་བ་ལྟ་བུའི་ཟེའུ་འབྲུར་ཉི་ཟླའི་གྭའུ་ཁ་སྦྱོར་གྱི་དབུས་སུ་ཏྲང་ཡིག་དཀར་བ་མར་མེ་ལྟར་འབར་བ་ལ་སེམས་ཞུགས་པ་བཞིན་ཆེར་གྱིས་གཏད་པས། དེ་ལས་འོད་ཟེར་དཔག་ཏུ་མེད་པ་འཕྲོས། ལུས་ཀྱི་ནང་ཐམས་ཅད་གང༌། ནད་གདོན་སྡིག་སྒྲིབ་དུས་མ་ཡིན་པའི་འཆི་བ་བག་ཆགས་དང་བཅས་པ་སྦྱངས། བ་སྤུའི་བུ་ག་ནས་ཕྱིར་ཐོན། མ་དག་པ་འབྱུང་བ་བཞིའི་དྭངས་བཅུད་དང༌། དག་པ་ཡུམ་བཞིའི་ཡེ་ཤེས་དབྱེར་མེད་པ་འོད་ཟེར་སྣ་བཞིའི་རྣམ་པར་ནམ་མཁའ་གང་བར་སྤྱན་དྲངས་ཏེ། རང་གི་ལུས་ལ་ཐིམ་པས་ཤ་ཁྲག་དྲོད་དབུགས་ཀྱི་ཁམས་ནས་ཚེ་ཉམས་པ་སོར་ཆུད། གནས་པ་གོང་དུ་སྤེལ། འཕེལ་བ་བརྟན་ཅིང་ནུས་པ་དང་ལྡན་པས་གཞོམ་མེད་རྡོ་རྗེའི་སྐུར་གྱུར་པའི་གཟི་བྱིན་ཉི་མ་འབུམ་གྱི་སྣང་བ་ལྟར་འབར་བས་འཇིག་རྟེན་ཀུན་ཏུ་ཁྱབ་པར་བསམས་ལ་ལྷ་སྐུའི་གསལ་སྣང་ཁོ་ནར་སེམས་རྩེ་གཅིག་ཏུ་བཟུང༌། མཐར་རླུང་བུམ་པ་ཅན་ཁ་སྦྱར་བ་བདུན་ནམ་ཉེར་གཅིག་གིས་བརྟན་པར་བྱ་བ་ནི་ཐུན་མོང་གི་ཚེ་སྒྲུབ་པའོ། །གཉིས་པ་སྔགས་ཀྱི་རྣལ་འབྱོར་ལ་བརྟེན་ནས་བདེ་ཆེན་གྱི་གསུང་སྒྲུབ་པ་ནི། །སྙིང་གའི་ས་བོན་མཐར་སྔགས་ཀྱི་ཕྲེང་བས་བསྐོར་བ་འོད་ཟེར་དཀར་པོ་འཕྲོ་བཞིན་པ་ལ་སེམས་གཏད་པས། དེ་ལས་འོད་འཕྲོས། ལུས་ཀྱི་ནང་གང༌། མུན་ཁུང་དུ་སྒྲོན་མེ་བཏེགས་པ་ལྟར་གདོད་ནས་གྲུབ་པའི་རྩ་རླུང་ཐིག་ལེའི་དཀྱིལ་འཁོར་གསལ་བར་བྱས། ཁྱད་པར་རྩ་གསུམ་འཁོར་ལོ་བཞི་ལྷག་པར་གསལ་བའི་སྨིན་མཚམས་ཀྱི་དབུ་མའི་ནང་དུ་ཐིག་ལེ་དཀར་པོ་དང༌། ལྟེ་འོག་ཏུ་དམར་གསལ་སྲན་མ་ཙམ་པ་བདེ་སྟོང་གི་ངོ་བོར་གསལ་བ་ལ་ཡིད་གཏད་དེ་སྔགས། ཨོཾ་ཏྲང་དུ་ཏྲི་ན་ཏྲང་དུ་ཛ་ཛཿ མ་མ་ཨཱ་ཡུར་ཚེ་བྷྲཱུྃ་ནྲྀ་ཛ་སརྦ་སིདྡྷི་ཕ་ལ་ཧཱུྃ། ཞེས་ཡིད་ཀྱིས་བཟླས་པས། ཐིག་ལེ་དང་སྔགས་ཕྲེང་ལས་འོད་ཟེར་འཕྲོས། མ་དག་ཁམས་གསུམ་གྱི་འགྲོ་བའི་ཚེ་བསོད་དཔལ་འབྱོར་ཏིང་འཛིན་ནུས་སྟོབས་ཐམས་ཅད་དང༌། དག་པ་རྒྱལ་བ་སྲས་དང་བཅས་པའི་མཁྱེན་བརྩེ་ནུས་པའི་ཡེ་ཤེས་ཐམས་ཅད་འཆི་མེད་བདུད་རྩིའི་རྣམ་པར་སྤྱན་དྲངས། ཐིག་ལེ་གཉིས་ལ་ཐིམ། དེ་དག་ལས་བདུད་རྩི་དཀར་དམར་བདེ་དྲོད་ཀྱི་རང་བཞིན་ཅན་དཔག་ཏུ་མེད་པ་བབས་ཤིང་འཕྱུར་བས་རྩ་གསུམ་འཁོར་ལོ་བཞིའི་ནང་གང༌། དྭངས་མ་སྙིང་གའི་ས་བོན་ལ་ཐིམ། བ་སྤུའི་བུ་ག་ཚུན་ཆད་བདུད་རྩིའི་ཟིལ་པ་ལས་གྲུབ་པའི་དངུལ་ཆུ་ལྟ་བུས་ཕྲོམ་མེར་གཏམས་པས་རླུང་སེམས་ཐིག་ལེའི་སྒོ་ནས་ཚེ་ཉམས་པ་སོར་ཆུད་གནས་པ་སྤེལ། འཕེལ་བ་བརྟན་ཅིང་ནུས་པ་ལྡན་པས་ལས་ཀྱི་རླུང་དབུ་མར་ཐིམ་ནས་བདེ་བ་ཆེན་པོ་འཆི་མེད་རྡོ་རྗེའི་སྲོག་འགྲུབ་པར་བསམས་ལ་རླུང་ཁ་སྦྱར་ཞིང་སྔགས་ཡིད་བཟླས་བྱ་བ་ནི་ཁྱད་པར་གྱི་ཚེ་སྒྲུབ་པའོ། །དེས་སྐྱོ་ན་འོད་ཟེར་སྤྲོ་བསྡུ་གོང་བཞིན་དམིགས་ལ་ངག་བཟླས་ཀྱང་ཅི་རིགས་པར་བྱའོ། །གསུམ་པ་ཆོས་ཀྱི་རྣལ་འབྱོར་ལ་བརྟེན་ནས་འོད་གསལ་ཡེ་ཤེས་ཆེན་པོའི་ཐུགས་སྒྲུབ་པ་ནི། ཐུན་མཐར་འཁོར་འདས་སྣོད་བཅུད་ཐམས་ཅད་འོད་དུ་ཞུ་ནས་འོད་ཟེར་འཇའ་ཚོན་གྱི་རྣམ་པས་ཐིག་ལེ་གཉིས་ལ་ཐིམ། ཐིག་ལེ་གཉིས་བདེ་སྟོང་ཆེན་པོའི་ངོ་བོར་ཞུ་ནས་སྙིང་གའི་ཏྲང་ལ་ཐིམ། ཏྲང་མར་མེ་ལྟར་འབར་བའི་འོད་ཀྱིས་ཉི་ཟླའི་གྭའུ་སྲ་ཞིང་བརྟན་པར་བྱས། པདྨ་ཁ་ཟུམ་པས་བར་ཆད་གང་གིས་ཀྱང་མི་ཚུགས་པར་སྲུང་ཞིང༌། ཡེ་ཤེས་ཀྱི་ཁམས་ནས་ཚེ་ཉམས་པ་སོར་ཆུད་གནས་པ་སྤེལ། འཕེལ་བ་བརྟན་ཅིང་ནུས་པ་དང་ལྡན་པར་བསམས་ལ་འཇམ་རླུང་རང་བབས་སུ་བཟུང༌། མིག་ནམ་མཁར་གཏད། རིག་པ་འཛིན་མེད་དུ་བཞག་པ་ནི་ཐུན་མོང་མ་ཡིན་པའི་ཚེ་སྒྲུབ་པའོ། །གསུམ་པ་རྗེས་ནི། ཐུན་ལས་ལྡང་བ་ན་དབྱངས་གསལ་རྟེན་སྙིང་ཡི་གེ་བརྒྱ་པ་ལན་གསུམ་རེས་ལྷག་ཆད་ཁ་བསྐང་ཞིང་ནུས་པ་སྤེལ། མཆོད་བསྟོད་གསོལ་བ་གདབ། སྤྲོ་ན་ཐུགས་དམ་བསྐུལ་བ་ནི། ཨོཾ། ངོ་བོ་འོད་གསལ་ཆོས་སྐུའི་དབྱིངས། །ཀུན་ཏུ་བཟང་པོའི་ཐུགས་དམ་བསྐུལ། །ཡེ་ཤེས་ཆེན་པོའི་ཚེ་བཅུད་སྡུས། །འཆི་མེད་གཉུག་མའི་དངོས་གྲུབ་སྩོལ། །རང་བཞིན་བདེ་སྟོང་ལོངས་སྤྱོད་རྫོགས། །གསང་བདག་དཔའ་བོའི་ཐུགས་དམ་བསྐུལ། །བདེ་བ་ཆེན་པོའི་ཚེ་བཅུད་སྡུས། །མི་འགྱུར་རྟག་པའི་དངོས་གྲུབ་སྩོལ། །ཐུགས་རྗེས་འགྲོ་འདུལ་སྤྲུལ་པའི་སྐུ། །དྲང་སྲོང་དྲི་མེད་ཐུགས་དམ་བསྐུལ། །བརྟན་གཡོ་ཀུན་གྱི་ཚེ་བཅུད་སྡུས། །རིག་འཛིན་གྲུབ་པའི་དངོས་གྲུབ་སྩོལ། །རྩ་ཁམས་འཕོ་མེད་རྡོ་རྗེའི་སྐུ། །འཆི་མེད་ཚེ་ཡི་དངོས་གྲུབ་སྩོལ། །རླུང་ལྔ་དབུ་མར་ཐིམ་པའི་གསུང༌། །ནད་མེད་བཅུད་ཀྱི་དངོས་གྲུབ་སྩོལ། །ཐིག་ལེ་བདེ་སྟོང་ཆེན་པོའི་ཐུགས། །འཛད་མེད་ནོར་གྱི་དངོས་གྲུབ་སྩོལ། །ཡེ་ཤེས་བསམ་མི་ཁྱབ་པའི་དབྱིངས། །ཐོགས་མེད་ཤེས་རབ་དངོས་གྲུབ་སྩོལ། །སྔགས་མཐར། སརྦ་སིདྡྷི་ཨཱ་བེ་ཤ་ཡ་ཨཱ་བེ་ཤ་ཡ་ཨ་ཨ་ཛཿཧཱུྃ་བྃ་ཧོཿ ཞེས་མང་དུ་བརྗོད། ཚོགས་ཀྱི་མཆོད་པ་བྱེད་ན། དཀར་གསུམ་མངར་གསུམ་གྱི་བཟའ་བཏུང་གཙང་ཞིང་གྱ་ནོམས་པ། རྃ་ཡྃ་ཁྃ་གིས་བསང༌། ཞལ་ཟས་ཚོགས་ཀྱི་ལོངས་སྤྱོད་ཀུན། །ལྷག་མཐོང་མེ་ཡིས་དངོས་འཛིན་བསྲེགས། །ཆོས་ཉིད་རླུང་གིས་བག་ཆགས་གཏོར། །ཞི་གནས་ཆུ་ཡིས་རྟོག་པ་སྦྱངས། །སྟོང་གསལ་འདུས་མ་བྱས་པའི་ངང༌། །ལྷུན་གྱིས་གྲུབ་པའི་སྣོད་མཆོག་ཏུ། །ཟག་མེད་བདེ་ཆེན་བདུད་རྩིའི་བཅུད། །འདོད་ཡོན་རྒྱ་མཚོའི་སྤྲིན་དུ་གྱུར། །ཨོཾ་ཨཱཿཧཱུྃ། ཨོཾ། ཀུན་ཏུ་བཟང་པོ་རྡོ་རྗེ་འཛིན། །དྲང་སྲོང་དྲི་མེད་ཚེ་ཡི་བདག །རྩ་གསུམ་རྒྱ་མཚོ་འཁོར་དང་བཅས། །འདིར་གཤེགས་ཚོགས་ཀྱི་མཆོད་པ་བཞེས། །དམ་ཚིག་ཉམས་ཆག་ཉེས་ལྟུང་བཤགས། །དུས་མིན་འཆི་བའི་བར་ཆད་སོལ། །ཚེ་བསོད་དཔལ་འབྱོར་ཡེ་ཤེས་སྤེལ། །མཆོག་དང་ཐུན་མོང་དངོས་གྲུབ་སྩོལ། །ཨོཾ་གུ་རུ་བཛྲ་མ་ཧཱ་རི་ཥི་བི་མ་ལ་དྷེ་བ་དྷཱ་ཀི་ནཱི་ག་ཎ་པཱུ་ཛ་ཁཱ་ཧི། ཞལ་ཟས་བདུད་རྩིར་བསམ་སྟེ་རོལ། །ལྷག་མ་འབྱུང་པོའི་ཚོགས་ལ་སྦྱིན། །གསང་བདག་དྲང་སྲོང་དྲི་མེད་ཀྱི། །ཡེ་ཤེས་ཐུགས་རྗེའི་རྣམ་འཕྲུལ་དང༌། །བཀའ་ཉན་འཇིག་རྟེན་སྐྱོང་བའི་ཚོགས། །ལྷག་གཏོར་འདི་བཞེས་ཕྲིན་ལས་སྒྲུབས། ཨོཾ་ཨུཙྩིཥྟ་བ་ལིནྟ་ཁ་ཁ་ཁཱ་ཧི་ཁཱ་ཧི༔ མཐར་འོད་གསལ་དུ་བསྡུ་བ་ནི། སྐུ་གསུམ་མི་ཕྱེད་ལས་བྱུང་བའི། །ཁམས་གསུམ་བརྟན་གཡོའི་སྣང་ཆ་ཀུན། །རང་རིག་སྐྱེ་མེད་ཏྲང་ལ་ཐིམ། །དེ་ཡང་འོད་གསལ་དབྱིངས་སུ་ཡལ། ཨ་ཨ་ཨ། ཟུང་འཇུག་གི་སྐུར་ལྡང་བ་ནི། ཤིན་ཏུ་ཕྲ་བའི་རླུང་སེམས་ལས། །དྭངས་མ་མི་ཤིགས་གསུམ་ལྡན་པའི། །བརྟན་གཡོ་ཀུན་ཁྱབ་རིག་པ་འཛིན། །མཁའ་ལ་འཇའ་ཚོན་བཞིན་དུ་ཤར། ཧཱུྃ་ཧཱུྃ་ཧཱུྃ། ཧོ། འཆི་མེད་གྲུབ་པའི་དྲང་སྲོང་གི །རྡོ་རྗེ་གསུམ་དང་མཉམ་སྦྱར་བས། །མཁའ་ཁྱབ་འགྲོ་བ་མ་ལུས་ཀུན། །ཡེ་ཤེས་གཉུག་མའི་སྐུ་ཐོབ་ཤོག །བྱིན་བརླབས་གཟི་བརྗིད་འོད་དུ་འབར། །དངོས་གྲུབ་འདོད་དགུའི་རྒྱ་མཚོར་འཁྱིལ། །ཕྲིན་ལས་ཐོགས་མེད་རྩལ་འཆང་བ། །རྩ་གསུམ་འཁོར་ལོའི་བཀྲ་ཤིས་ཤོག །ཅེས་བསྔོ་སྨོན་ཤིས་བརྗོད་ཀྱིས་མཚམས་སྦྱར་ཏེ་སྤྱོད་ལམ་ལ་འཇུག་གོ །བསྙེན་སྒྲུབ་འབྲེལ་མ་བྱེད་ན། གནས་གཙང་ཞིང་བཀོད་པས་མཛེས་པར་དཀྱིལ་འཁོར་གྱི་དབུས་སུ་མཎྜལ་པད་འདབ་བཞི་པར་མེ་ཏོག་སིལ་མའི་ཚོམ་བུ་དགོད་པའི་སྟེང་དུ་མཉྫིའི་ཁར་བུམ་པ་བཅུད་ལྡན། གཡས་སུ་ཚེ་རིལ། གཡོན་དུ་ཚེའི་བདུད་རྩི་འོ་མ་དང་དཀར་གསུམ་སྦྱར་བ། མདུན་དུ་འབུལ་གཏོར་དཀར་ཟླུམ་དཀར་མངར་ཤིང་ཏོག་སྣ་ཚོགས་ཀྱིས་བརྒྱན་པ་བཤམ། མཆོད་པའི་ཡོ་བྱད་རྣམས་ཚོགས་པར་བྱ། མཚམས་དམ་དུ་བཅད་ལ་བདག་དང་སྒྲུབ་རྟེན་དབྱེར་མེད་དུ་གསལ་གདབ་ཅིང་རྣལ་འབྱོར་གསུམ་ཇི་སྐད་བཤད་པ་བཞིན་ངག་བཟླས་གཙོ་བོར་བཏོན། ཐུན་མཚམས་གཏོར་མ། རྃ་ཡྃ་ཁྃ་གིས་བསང་སྦྱང༌། ཞལ་ཟས་གཏོར་མའི་ལོངས་སྤྱོད་ཀུན། །ཅེས་སོགས་ཀྱིས་བྱིན་བརླབས་ལ། ཨོཾ་བཛྲ་མ་ཧཱ་རྀ་ཥི་བི་མ་ལ་ས་པ་རི་ཝཱ་ར་ཨི་དམ་བ་ལིཾ་ཏ་བྷུཉྫ་ཧོ། ཞེས་ལན་བདུན་གྱིས་འབུལ། མཆོད་བསྟོད་འདོད་དོན་གསོལ། མདའ་དར་ཡོད་ན་གཡབ་ཅིང་ཚེ་འགུགས་བསྐུལ་བའི་དངོས་གྲུབ་བདག་དང་སྒྲུབ་རྫས་ལ་བསྟིམ། མ་རྙེད་ཡོངས་སུ་མ་ཚང་དང༌། །སོགས་ཀྱིས་ནོངས་པ་བཤགས། བསྡུ་ལྡངས་བསྔོ་སྨོན་ཤིས་བརྗོད་བྱ། དེ་ལྟ་བུའི་རིམ་པས་སྔགས་འབུམ་ཕྲག་བཞི་བཟླ་བ་ནི་གྲངས། བདུན་ཕྲག་གསུམ་དུས། ཞལ་མཐོང༌། སྔགས་ཐོས། ཏིང་འཛིན་འཕེལ། རྨི་ལམ་དུ་ཉི་ཟླ་འཆར་བ་སོགས་ནི་རྟགས་ཀྱི་རིམ་པ་སྟེ། དངོས་གྲུབ་འདོད་པས་རྟགས་མཐོང་བའི་བར་དུ་བརྩོན། ཁྲུས་དང་གཙང་སྒྲ་གཙོ་བོ་འདོན། གསང་བའི་དམ་ཚིག་ཏུ་བཅའ་གཞི་མིས་མ་མཐོང་བར་བྱ། རྟགས་མཐོང་ན་དངོས་གྲུབ་བླང་ཞིང་ཚོགས་ཀྱི་མཆོད་པ་བཟང་པོས་ཞལ་བསྲོའོ། །གཉིས་པ་དབང་གི་ཆོ་ག་ནི། རྣལ་འབྱོར་གསུམ་གྱི་དབང་ཡང་བསྐུར། ཞེས་པས། སྦྱོར་བ་ཡོ་བྱད་ཀྱི་ཤམས་གོང་དུ་བཤད་པ་ལྟར་འདུ་བྱས་ཏེ། བདག་མདུན་ཐ་དད་དམ། དབྱེར་མེད་དུ་བསྒྲུབ། །ཚོགས་ཀྱིས་མཆོད། བདག་འཇུག་རྒྱས་བསྡུས་གང་རིགས་བླང༌། སློབ་མ་ཁྲུས་བྱ། བགེགས་ཕྲལ། སྲུང་འཁོར་བསྒོམ། སེམས་བསྐྱེད་གསལ་བཏབ་ནས། མཚམས་སྦྱོར་གྱི་ཁྱད་པར། དེ་ལ་ཕྱོགས་བཅུ་དུས་བཞིའི་རྒྱལ་བ་སྲས་དང་བཅས་པའི་མཐུ་སྟོབས་ཀྱི་རྩལ་འཆང་བ་དཔལ་གསང་བའི་བདག་པོའི་ཡེ་ཤེས་ཀྱི་སྐུ་གཟུགས་གཞན་ཏུ་བསྒྱུར་བ་ན། དྲང་སྲོང་ཆེན་པོ་དྲི་མ་མེད་པ་ཞེས་འཆི་མེད་གྲུབ་པའི་རིག་འཛིན་ཆེན་པོའི་ཚུལ་གྱིས་འགྲོ་བ་མཐའ་ཡས་པའི་དོན་མཛད་ཅིང༌། ཞི་བ་ལྟར་བསྙེན་པས་རྡོ་རྗེ་སེམས་དཔའི་ཚེ་དང་ལང་ཚོའི་དངོས་གྲུབ་ཀྱི་འབྱོར་པ་ཆེན་པོ་རྒྱས་པ་དང༌། དྲག་པོར་བསྒྲུབས་པས་སྡེ་བརྒྱད་གདུག་པ་ཅན་ཟིལ་གྱིས་གནོན་ཅིང་ས་གསུམ་གྱི་བྱད་ཕུར་རྦོད་གཏོང་ཟློག་པ་ལ་མཆོག་ཏུ་བསྔགས་པ་རིག་པའི་གཟུངས་དྲག་པོ་འབུམ་ཕྲག་ཀུན་གྱི་མཐར་ཐུག་གནམ་ལྕགས་ཀྱི་ཐོག་ལྟ་བུ་སྔགས་རྒོད་ལོཀྟྲི་པཱ་ལ་ཞེས་འཇིག་རྟེན་ན་ཉི་ཟླ་ལྟར་གྲགས་པ་ལས། འདིར་ཞི་བ་ཚེ་སྒྲུབ་པའི་མན་ངག་དང་རྗེས་སུ་འབྲེལ་བར་བྱིན་རླབས་ཀྱི་གཟི་བྱིན་རིག་འཛིན་གྲུབ་པའི་ཞལ་ལུང་ཉམས་པ་མེད་པ་མངོན་སུམ་ཡེ་ཤེས་ཆེན་པོའི་ཟུངས་སུ་སྨིན་པའི་དབང་བསྐུར་ཟབ་མོ་ཞུ་བའི་ཡོན་ཏུ་མཎྜལ་ཕུལ། གསོལ་བ་གདབ་པ་ནི། ཡེ་ཤེས་ལུས་ཅན་བླ་མ་ནི། །དྲང་སྲོང་དྲི་མེད་སྐུར་བཞེངས་པས། །བདག་ལ་ཚེ་དང་ཡེ་ཤེས་ཀྱི། །དབང་བསྐུར་དམ་པ་སྩལ་དུ་གསོལ། །ལན་གསུམ། རྡོ་རྗེ་སློབ་དཔོན་སངས་རྒྱས་དཔལ། །ཞེས་སོགས་རྒྱུན་བཤགས་ལན་གསུམ། ཚེ་འགུགས་བསྐུལ། སྐུ་ཡི་དབང་བསྐུར་བའི་སླད་དུ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། དབང་གི་ལྷ་ནམ་མཁའ་གང་བར་སྤྱན་དྲངས། ཐམས་ཅད་ཀྱི་ཐུགས་ཀ་ནས་འོད་ཟེར་འཕྲོས་པས་འཇིག་རྟེན་དང་འཇིག་རྟེན་ལས་འདས་པའི་འབྱུང་བཞིའི་དྭངས་བཅུད་ཐམས་ཅད་འོད་ཟེར་ཁ་དོག་སྣ་བཞིའི་རྣམ་པར་བཀྲ་ཤིས་རྣམ་པར་རྒྱལ་བའི་བུམ་པའི་ནང་དུ་ཞུགས། ཞུ་ཞིང་ཁོལ་བས་ཚེ་ཡི་བདུད་རྩི་འཇའ་ཚོན་ལྟ་བུར་གྱུར་པ་ཁ་ནས་ལུད། སློབ་མའི་སྤྱི་བོ་ནས་ཞུགས། ལུས་ཀྱི་ནང་གང༌། འབྱུང་བཞིའི་སྒོ་ནས་ཚེ་ཉམས་པ་སོར་ཆུད། སྡིག་སྒྲིབ་བག་ཆགས་དང་བཅས་པ་དག་པའི་རྐྱེན་གྱིས་སྐད་ཅིག་གིས་ཕྱི་དབྱིབས་ཀྱི་ལུས་འཆི་མེད་དྲང་སྲོང་གྲུབ་པའི་སྐུར་ལམ་སྟེ་གྱུར་པར་བསམས་ལ། བུམ་པ་སྤྱི་བོར་བཞག །ཨོཾ། བཀྲ་ཤིས་བུམ་པའི་ཕྱག་རྒྱ་རུ། །འཁོར་འདས་འབྱུང་བཞིའི་བཅུད་བསྡུས་ཏེ། །སྐལ་ལྡན་བུ་ལ་དབང་བསྐུར་བས། །རྡོ་རྗེའི་སྐུ་རུ་འགྲུབ་པར་ཤོག །སྔགས་མཐར། ཀཱ་ཡ་ཨ་བྷི་ཥིཉྩ་ཨོཾ། མཐར་སློབ་དཔོན་དང་དྲང་སྲོང་དྲི་མེད་ཐ་མི་དད་པའི་སྨིན་མཚམས་ནས་རང་འདྲ་བའི་ཡེ་ཤེས་ཀྱི་སྐུ་གཉིས་པ་བྱུང༌། སློབ་མའི་སྨིན་མཚམས་སུ་ཐིམ་པས་དམ་ཚིག་ཡེ་ཤེས་དབྱེར་མེད་པར་རྒྱུད་བྱིན་གྱིས་བརླབ་པར་མོས་པ་བྱ། དེས་སྐུ་ཡི་དབང་ཐོབ། ལུས་ཀྱི་དྲི་མ་དག །དབྱིབས་ཀྱི་རྣལ་འབྱོར་ལ་བརྟེན་ནས་འཆི་མེད་རྡོ་རྗེའི་སྐུ་འགྲུབ་པ་ལ་དབང་བར་བྱས་པ་ཡིན་ནོ། །གསུང་གི་དབང་བསྐུར་བའི་སླད་དུ། ཚེ་ཡི་བདུད་རྩི་དཀར་ལ་དམར་བའི་མདངས་ཆགས་པ་སྟོང་པའི་ངོ་བོ་བདེ་བའི་རང་བཞིན། ཐུགས་རྗེའི་འོད་ཟེར་ཀུན་ཏུ་འཕྲོས་པས་འཇིག་རྟེན་དང་འཇིག་རྟེན་ལས་འདས་པའི་བཅུད་དང་དགེ་མཚན་ཐམས་ཅད་འོད་ཟེར་དཀར་དམར་གྱི་རྣམ་པར་སྤྱན་དྲངས། བདུད་རྩིར་ཐིམ་པ་དེ་ཉིད་སློབ་མར་བྱིན་པས་བདེ་བ་ཆེན་པོའི་གཟི་བྱིན་མཆོག་ཏུ་འབར། རྩ་གསུམ་འཁོར་ལོ་བཞི་ལྷག་པར་གསལ། དྭངས་བཅུད་ཐམས་ཅད་དབུ་མའི་སྟེང་འོག་གི་ཐིག་ལེ་དཀར་དམར་ལ་ཐིམ། དེ་ལས་བྱུང་བའི་བདུད་རྩིའི་རྒྱུན་གྱིས་སྙིང་གའི་ས་བོན་ཏྲང་ཡིག་དཀར་པོ་གསོས་བཏབ་པས་བདེ་སྟོང་གི་ཡེ་ཤེས་བརྟན་པར་མོས་ཏེ། བདུད་རྩི་སྦྱིན་ལ། ཨཱཿ འཇིག་རྟེན་འཇིག་རྟེན་འདས་པའི་བཅུད། །ཡེ་ཤེས་ཆེན་པོའི་བདུད་རྩི་འདི། །སྐལ་ལྡན་བུ་ལ་སྦྱིན་པ་ཡིས། །བདེ་ཆེན་གསུང་དུ་འགྲུབ་པར་ཤོག །ཝཱ་ཀ་ཨ་བྷི་ཥིཉྩ་ཨཱཿ མཐར་བདེ་རླུང་སེམས་གསུམ་དབྱེར་མེད་པའི་རྡོ་རྗེའི་སྔགས་སྒྲས་ཞིང་ཁམས་ཐམས་ཅད་ཡོངས་སུ་གང་བར་བསམས་ལ་སྔགས་ལན་གསུམ་བཟླར་གཞུག །དེས་གསུང་གི་དབང་ཐོབ། །ངག་གི་དྲི་མ་དག །སྔགས་ཀྱི་རྣལ་འབྱོར་ལ་བརྟེན་ནས་བདེ་བ་ཆེན་པོ་འཆི་མེད་རྡོ་རྗེའི་གསུང་འགྲུབ་པ་ལ་དབང་བར་བྱས་པ་ཡིན་ནོ། །ཐུགས་ཀྱི་དབང་བསྐུར་བའི་སླད་དུ། སློབ་དཔོན་གྱིས་ཨ་ཨ་ཨ། ཞེས་བརྗོད་པས་འཁོར་འདས་སྣོད་བཅུད་ཐམས་ཅད་འོད་དུ་ཞུ་ནས་བཅུད་ལེན་གྱི་རིལ་བུ་ལ་ཐིམ། རིལ་བུ་སྲིད་ཞིའི་དྭངས་མ་འོད་འབར་བ་སློབ་མའི་ཁ་སྒོ་ནས་ཞུགས། སྙིང་གའི་ཏྲང་ལ་ཐིམ་པར་མོས་ཏེ། ཧཱུྃ། འཁོར་འདས་སྣཽད་བཅུད་ཐམས་ཅད་ཀྱི། །དྭངས་མ་འཆི་མེད་ར་སཱ་ཡན། །སྐལ་ལྡན་བུ་ལ་སྦྱིན་པ་ཡིས། །འོད་གསལ་ཐུགས་སུ་འགྲུབ་པར་ཤོག །ཙིཏྟ་ཨ་བྷི་ཥིཉྩ་ཧཱུྃ། མཐར་སྣང་ཆའི་ལྷ་སྐུ་ས་བོན་ལ་ཐིམ། དེ་འོད་གསལ་གྱི་དབྱིངས་སུ་སྦྱངས་ཏེ་མཉམ་པར་བཞག་པས་སྟོང་པ་ཉིད་ཀྱི་ངང་དུ་ཚེ་སྦ། དེས་ཐུགས་ཀྱི་དབང་ཐོབ། ཡིད་ཀྱི་དྲི་མ་དག །ཆོས་ཀྱི་རྣལ་འབྱོར་ལ་བརྟེན་ནས་འཆི་མེད་འོད་གསལ་གྱི་ཐུགས་འགྲུབ་པའི་སྐལ་བ་ཅན་དུ་བྱས་པ་ཡིན་ནོ། །སླར་ཡང་འོད་གསལ་གྱི་ངང་ལས་མི་ཤིགས་དྭངས་མ་གསུམ་ལྡན་འཆི་མེད་དྲང་སྲོང་གྲུབ་པའི་སྐུར་གྱུར་པ་ལ་བརྟན་པར་བྱ་བའི་སླད་དུ་ཤིས་པ་བརྗོད་པ་ནི། བྱིན་བརླབས་གཟི་བརྗིད་འོད་དུ་འབར། །དངོས་གྲུབ་འདོད་དགུའི་རྒྱ་མཚོར་འཁྱིལ། །ཕྲིན་ལས་ཐོགས་མེད་རྩལ་འཆང་བ། །རྩ་གསུམ་འཁོར་ལོའི་བཀྲ་ཤིས་ཤོག །རྗེས་ཀྱི་བྱ་བ་སྤྱི་ལྟར་བྱའོ། །གསུམ་པ་ལས་ཚོགས་མཐའ་རྒྱས་བསྟན་པ་ལ། སྡོམ་ནི། འཁོར་ལོས་སྲུང་དང་རིལ་བུས་བྱེར། །ནད་ཞི་ཤེས་རབ་རྒྱས་པ་དང༌། །ཚེ་འགུགས་དམོད་པའི་མངོན་སྤྱོད་བརྩམ། །བཅུད་ཀྱིས་ལེན་དང་འདོད་དོན་སྒྲུབ། །དྲང་སྲོང་དྲི་མེད་གྲུབ་པ་ཡི། །ལས་ཚོགས་མཐའ་རྒྱས་བསྟན་པའོ། །དེ་ལ་དང་པོ་འཁོར་ལོ་ལ་བརྟེན་ནས་ཚེ་གེགས་སྲུང་བ་ནི། ཙཀྲ་མུ་ཁྱུད་ལྔ་ལྡན་ལྟེ་བར་ཧཱུྃ་གི་མཐར། ཨོཾ་བཛྲ་པཱ་ཎི་ཧཱུྃ་མ་མ་ཀཱ་ཝཱ་ཙི་རཀྵ་རཀྵ༔ མུ་ཁྱུད་དང་པོར་ཚེ་སྔགས་མཐར་གོང་གི་སྤེལ་ཚིག་གཉིས་པར་རྩིབས་བརྒྱད་ལ། ཨོཾ་ལོཀྟྲི་པཱ་ལ་ནན་སྲུང་ནས། ཧོ་ར་ཧོ་ར་སྲུངས་བར་སྔགས་ཚན་བརྒྱད། རྩིབས་མཆན་ལ། འཇིག་རྟེན་མགོན་པོས་སྲུངས། ས་བདག་གིས་སྲུངས། ཀླུ་བདུད་ཀྱིས་སྲུངས། མ་མོས་སྲུངས། བཙན་གྱིས་སྲུངས། བདུད་ཀྱིས་སྲུངས། གཟའ་བདུད་ཀྱིས་སྲུངས། རྒྱལ་པོས་སྲུངས། ཞེས་སོ་སོར་གཡས་བསྐོར་དུ་བྲི། གསུམ་པ་རྩིབས་བཞིར། ཙི་དུ་སོད་ཙི་དུ་སོད་སརྦ་བིགྷྣཱན་ཤ་ཏྲུན་ཨ་པ་ཀཱ་ར་བྷྱོ་བྷྱོ་ཟློག་ཟློག །སོགས་ནས། འཁོར་བ་ཐུལ་སརྦ་བིགྷྣཱན་སོགས་ཀྱི་བར་སྔགས་ཚན་བཞི་གཡོན་བསྐོར་དུ་བྲི། བཞི་པར་དབྱངས་གསལ་རྟེན་སྙིང་གི་མཐར་སྲུང་བའི་སྤེལ་ཚིག་གང་ཤེས་རྒྱས་པར་བཏགས་པ་གཡས་བསྐོར་དང༌། ལྔ་པར་རྡོ་ར་མེ་འོད་འཕྲོ་བས་བསྐོར། གུར་གུམ། གི་ཝང༌། ཤུ་དག་གི་ཆུས་བྱུགས། ཡུངས་ཀར། གུ་གུལ། ཤིང་ཀུན་དང་ལྷན་ཅིག་ཏུ་འཁོར་ལོ་མཎྜལ་གྱི་སྟེང་དུ་བཞག །བདག་གི་རྣལ་འབྱོར་ལ་གནས་པས་ཙཀྲ་བསང་སྦྱང༌། སྟོང་པའི་ངང་ལས་སྐད་ཅིག་གིས། །རྡོ་རྗེ་སྲུང་བའི་གུར་ཆེན་དབུས། །ཡེ་ཤེས་ལས་དང་འཇིག་རྟེན་གྱི། །ཆོས་སྲུང་རྒྱ་མཚོའི་སྤྲིན་ཕུང་འཁྲིགས། །དེ་དབུས་པད་ཉི་དགྲ་བགེགས་སྟེང༌། །ལོཀྟྲི་པཱ་ལ་ཤིན་ཏུ་འཇིགས། །མཐིང་ནག་དབུ་བརྒྱ་ཕྱག་སྟོང་འབར། །ཕྱག་མཚན་མཚོན་ཆ་སྣ་ཚོགས་གདེངས། །དེ་ཡི་ཐུགས་ཀར་དྲང་སྲོང་་་་་་་་་ཕྱག་བཞི་ཁྲོས། །ཡེ་ཤེས་སེམས་དཔའ་སྤྲུལ་སྐུར་བཞེངས། དེ་ཡི་ཐུགས་ཀར་དྲི་མེད་ཞི། །ལོངས་སྤྱོད་ཡོངས་སུ་རྫོགས་པའི་ཚུལ། །དེ་ཡི་ཐུགས་ཀར་རྡོ་རྗེ་འཛིན། །ཆོས་ཀྱི་སྐུ་དང་དབྱེར་མེད་བཞུགས། གནས་གསུམ་བྱིན་བརླབས་ནས་མཆོད་བསྟོད་བར་གོང་གི་སྒྲུབ་ཐབས་ལྟར་བྱ། །ཐུགས་སྲོག་ཧཱུྃ་གི་ཐིག་ལེ་དང༌། །བསྲུང་བྱའི་སྒོ་གསུམ་དབྱེར་མེད་འདྲེས། །མི་ཤིགས་གསུམ་ལྡན་འོད་ཟེར་སྨིན། །མེ་མཚོན་ཁྲོ་བོའི་ཚུལ་དུ་སྤྲོས། །ཕྱོགས་དུས་རྒྱལ་བ་མཆོད་པས་མཉེས། །གནོད་བྱེད་འབྱུང་པོ་རྡུལ་དུ་བརླག །བྱད་ཕུར་རྦོད་གཏོང་དབྱིངས་སུ་ཟློག །ཐམས་ཅད་རིག་རྩལ་གཉུག་མའི་ངང༌། །ཚུར་འདུས་ཐུགས་སྲོག་ཐིག་ལེར་ཐིམ། །བྱིན་རླབས་ནུས་སྟོབས་འབར་བར་གྱུར། །འཁོར་ལོ་ལ་བཀོད་པའི་སྔགས་རྣམས་དང༌། གཙོ་བོར་ཞི་སྔགས་སྤེལ་ཚིག་ཅན་བཟླ། མཐར་མཆོད་བསྟོད་འདོད་དོན་གསོལ། རྟེན་སྙིང་མང་དུ་བཟླས་པའི་མེ་ཏོག་འཐོར་ལ་བརྟན་བཞུགས་བྱས་རྗེས། སྲུང་འཁོར་ཡོངས་གྱུར་མུ་ཁྱུད་དང༌། །ལྷ་རྣམས་སྔགས་ཀྱི་ཡི་གེ་སྟེ། །བསྲུང་བྱ་མིང་སྤེལ་དབྱེར་མེད་པའི། །ཡེ་ཤེས་ཙཀྲ་མཆོག་ཏུ་གྱུར། །སླར་ཡང་བརྟན་བཞུགས་ཤིས་བརྗོད་རྒྱས་པར་བྱ། །ལྟེ་བ་མ་ཉམས་པར་ལྟེ་བ་ལ་འབྱུང་བཞི་མཐུན་བསྡེབ་ཀྱི་ཆིངས་དང་བཅས་མགུལ་དུ་དྲོད་དང་མ་བྲལ་བར་འཆང་བས་རྡོ་རྗེའི་མཁར་དུ་ཚུད་པ་དང་འདྲ། སྲུང་དམིགས་རྒྱུན་ཁྱེར་བྱཻད་ན། སྐྱབས་སེམས་སྔོན་འགྲོས་གོང་ལྟར་བདག་བསྐྱེད་ཀྱི་ཚུལ་དུ་གསལ་བཏབ་ལ། ཞི་སྔགས་གཉིས་དང༌། ལོཀྟྲི་སྲུང་སྤེལ་ཅན་འཁོར་ལོར་བཀོད་པ་དང་འདྲ་བའི། ཙི་དུ་སོད་སོད་སྦྲེལ་ལ། འཁོར་བ་ཐུལ། གནོད་བྱེད་འབྱུང་པོ་ཀཱ་ཝཱ་ཙི་རླག་རླག་ནྲྀ་བྷཱུྃ་ཧཱུྃ་ཛ། མ་མ་སརྦ་རཀྵ་རཀྵ༔ ཞེས་སྦྲེལ་བ་ཅི་རིགས་བཟླས་མཐར་ཉེར་བསྡུས་སོགས་སྤྱི་ལྟར་རོ། །གཉིས་པ་རིལ་བུ་ལ་བརྟེན་ནས་ཚེ་གེགས་བྱེར་བ་ནི། འདི་ཉིད་ཀྱི་རྒྱུད་ལས། སྟག་གི་སྡེར་མོ་༡མུ་ཟི་༢དང་༔ སྤྱང་ཀིའི་བྲུན་༣དང་གླ་རྩི་༤དང་༔ ཕོ་རོག་མགོ་༥དང་གུ་གུལ་༦ནག༔ ཐལ་ཆེན་༧བདུད་རྩི་་་་་་་དྲི་ཆེན་༨མ་ནུ་༩དང་༔ གསེར་༡༠དང་ཚིལ་ཆེན་༡༡ ཕ་བང་དྲེག་༡༢༔་་་་་་་་་་ཕ་བོང་བྱང་བལྟ་དམར་པོའི་དྲེགས་པ། གླང་དམར་པོའི་་་་་་རྭ་གཞོབ་༡༣སྐེ་ཚེ་༡༤བཙན་དུག་༡༥དང་༔ པདྨ་རཀྟ་༡༦གུ་གུལ་དཀར༡༧༔ འདི་རྣམས་སྦྱར་ནས་ལུས་ལ་བཅང་༔ དེས་ནི་གདོན་བགེགས་འཚེ་མི་འགྱུར༔ ཀླུ་ཡང་དྲི་ཚོར་ཙམ་གྱིས་འབྲོས༔ ཞེས་པའི་རྫས་སྣ་བཅུ་བདུན་ཁྲོལ་བུར་འཆང་བའམ། ཕྱེ་མར་བྱས་ཏེ་ལོ་བརྒྱད་ཀྱི་དྲི་ཆུ་བར་པ་ཤིང་ཀུན་དང་སྦྱར་བས་རིལ་བུར་དྲིལ། གང་ལྟར་ཡང༌། རྫས་ལྷ་སྔགས་ཀྱི་རང་བཞིན་མེ་འོད་འཕྲོ་བར་བསམས་ལ་ཞི་སྔགས་ཅུང་ཟད་དང༌། གཙོ་བོར་ལོཀྟྲི་སྤེལ་ཚིག་མེད་པའི་སྤྱི་འགྲོ་སྟོང་ཕྲག་ལས་མི་ཉུང་བས་བསྔགས་ཏེ་མགུལ་དུ་འཆང་བས་ནད་གདོན་བགེགས་རིགས་སོགས་ཚེའི་བར་ཆད་ཕྱོགས་སུ་ཉེ་མི་ནུས་ཤིང་བྱེར་བར་འགྱུར། དེས་མཚོན་ཏེ་དུ་བས་བདུག་པ་དང༌། ཐིག་ལེ་བྱ་བ་སོགས་རྫས་སྲུང་སྤྱི་ལྟར་རོ། །གསུམ་པ་དྲང་སྲོང་དཀར་པོ་ལ་བརྟེན་ནས་ནད་ཞི་བ་ནི། རང་དྲང་སྲོང་དྲི་མེད་ཟླ་བ་ལྟར་དཀར་ཞིང༌། ཕྱག་གཡས་སྨན་གྱི་བདུད་རྩིས་གང་བའི་སྤྱི་བླུགས་དང༌། གཡོན་ཨ་རུ་རའི་ཕྲེང་བ་བསྣམས་པ། བ་སྤུའི་ཁུང་བུ་ཀུན་ནས་སྨན་གྱི་བདུད་རྩི་ན་བུན་ལྟར་འཕྲོ་བར་གསལ་བཏབ་ནས། ཞི་སྔགས་ལ། སརྦ་བྱཱ་དྷི་བྷྱཿཤཱནྟིཾ་ཀུ་རུ་སྭཱ་ཧཱ། ཞེས་བཏགས་པ་བཟླ། ཨ་རུ། ཅོང་ཞི། བྲག་ཞུན། སྤང་རྩི། ཨུཏྤལ་རྣམ་སེང་ལྡེང་གི་ཁཎྜས་སྦྱར་བའི་རིལ་བུ་ལ་བརྟན་གཡོའི་སྨན་བཅུད་ཐམས་ཅད་བསྟིམས་ནས་སྔགས་ཀྱིས་ངར་གདགས་པ་བསྟེན་ན་ནད་ཐམས་ཅད་ཞི་བར་འགྱུར་རོ། །ཁྱད་པར་མིག་ནད་ལ། ཕྱག་གཡོན་མིག་འབྱེད་ཀྱི་ཕྱག་རྒྱ་ཅན་དུ་བསྒོམ། སྔགས་ཤམ། སརྦ་ཙཀྴུཿབྱཱ་དྷི་ཤནྟིཾ་ཀུ་རུ་སྭཱ་ཧཱ། བཛྲ་ཨཀྵེ་ཕུ་པྲ་བེ་ཤ་ཡ་ཕཊ། ཅེས་བཟླ། ཁ་ཆེ། ཡུང་བ། ཨ་རུ། རྟག་ངུུ༌། ཨ་བྷི་ཥ་རྣམས་ལོ་བརྒྱད་ཀྱི་དྲི་ཆུ་བར་པ་གླ་རྩི་དྲི་ཐོན་སྦྱར་བས་རིལ་བུར་འདྲིལ་བ་ལ་བཏབ་ནས་བྱུགས་པའང་ཁོང་དུ་བཏང་བས་མིག་ནད་ཐམས་ཅད་བྱང་ཞིང་རྡོ་རྗེའི་མིག་ཐོབ་པར་འགྱུར་རོ། །བཞི་པ་དྲང་སྲོང་སེར་པོ་ལ་བརྟེན་ནས་ཤེས་རབ་སྤེལ་བ་ནི། རང་དྲང་སྲོང་དྲི་མེད་གསེར་མདོག་རལ་གྲི་དང༌། ཤེལ་ཕྲེང་འཛིན་པ། བ་སྤུའི་ཁུང་བུ་ཀུན་ནས་འོད་ཟེར་ཉི་མ་འཆར་ཀའི་མདངས་ཅན་འཕྲོ་བས་འཁོར་འདས་ཐམས་ཅད་ཀྱི་ཤེས་རབ་དང་ཡེ་ཤེས་རང་དབང་མེད་པར་བསྡུ་བའི་སྐུར་གསལ་ལ། ཞི་སྔགས་མཐར། པྲ་ཛྙཱ་སིདྡྷི་ཕ་ལ་ཧཱུྃ། ཞེས་བཏགས་པ་བཟླ། ཟླ་བ་ཉ་བའི་དུས་སུ་རིན་པོ་ཆེའི་སྣོད་དུ་ཆུ་གཙང་མར་ཤུ་དག་དཀར་པོའི་ཕྱེ་མ་བཏབ་པར་བསྔགས་ཏེ་མཚན་ཐོག་ཐག་ཏུ་བཟླ། ནངས་པར་བཏུང་བས་ཤེས་རབ་ཕྱོགས་མེད་དུ་སྐྱེ་ཞིང༌། ཁྱད་པར་སྤོབས་པ་གཞན་གྱིས་མི་འཕྲོག་པར་འགྱུར་རོ། །ལྔ་པ་དྲང་སྲོང་དྲི་མེད་དམར་པོ་ལ་བརྟེན་ནས་ནོར་དགུག་པ་ནི། མདུན་དུ་ཟངས་ཀྱི་མཎྜལ་སྟེང་གཏོར་མ་ཟླ་གམ་དམར་པོ་ལ་མེ་ཏོག་དམར་པོ་དང་ཤིང་ཏོག་གིས་བསྐོར། བདག་བསྐྱེད་སྔོན་དུ་འགྲོ་བས། མདུན་གྱི་གཏོར་མའི་སྟེང་གི་ནམ་མཁར་དྲང་སྲོང་དྲི་མེད་པདྨ་རཱ་གའི་མདངས་འོད་འཚེར་བ། ཞི་ཞིང་ཆགས་པའི་ཉམས་ཅན། གཡས་པདྨའི་ལྕགས་ཀྱུ་དང༌། གཡོན་ཞགས་པ་བསྣམས་པ། བ་སྤུའི་ཁུང་བུ་ཀུན་ནས་འོད་ཟེར་བྱེ་རུའི་ཞུན་མ་ལྟ་བུ་འཕྲོ་བས་འཁོར་འདས་ཀྱི་དྭངས་བཅུད་དབང་དུ་མཛད་པའི་སྐུར་གསལ། གནས་གསུམ་བྱིན་བརླབས་ནས་མཆོད་བསྟོད་བར་བྱ། ཞི་སྔགས་མཐར། སརྦ་བཱ་སུ་སིདྡྷི་ཝཱ་ཤཾ་ཀུ་རུ་ཧོཿ ཞེས་བཏགས་པ་བཟླ། ཐུན་མཚམས་སུ་གཏོར་འབུལ་བྱ། མེ་ཏོག་དམར་པོའི་མཎྜལ་འབུལ་མཐར་ལྷ་འོད་དུ་ཞུ་གཏོར་མའི་རྫས་ལ་ཐིམ་པས་འདོད་རྒུ་འབྱུང་བའི་ནོར་བུར་བསམས་ལ་མཛོད་ཀྱི་ཕུག་ཏུ་ནོར་གང་འདོད་པ་དང་ལྷན་ཅིག་ཏུ་སྦས་པས་འབྱོར་པའི་ཚོགས་ངང་གིས་འདུ་བར་འགྱུར་རོ༔ དྲུག་པ་དྲང་སྲོང་དྲི་མེད་མཐིང་ག་ལ་བརྟེན་ནས་མངོན་སྤྱོད་དམོད་པའི་ལས་རྩོམ་པ་ནི། མདུན་དུ་ཕུང་སའི་ཧོམ་ནང་དུ་དགྲ་བགེགས་ཀྱི་ལིངྒ་བཅུག །དེ་སྟེང་མཎྜལ་འཁོར་ལོ་རྩིབས་བརྒྱད་པའི་ཁར་དམར་གཏོར་གཙོ་འཁོར་དགུ་པ་ཤ་ཁྲག་མཚེ་ཡུངས་སོགས་ཀྱིས་བརྒྱན་པ་དྲག་མཆོད་བཅས་བཤམ་བདག་བསྐྱེད་སྔོན་དུ་འགྲོ་བས། མདུན་དུ་གནམ་ལྕགས་འཁོར་ལོ་ནི། །རྩིབས་བརྒྱད་རྣོ་དབལ་ལྡན་པའི་དབུས། །པད་ཉི་དྲེགས་པའི་གདན་གྱི་སྟེང༌། །མངོན་སྤྱོད་དམོད་པ་སྟོབས་ཀྱི་ལྷ། །ཞེ་སྡང་རྡོ་རྗེ་གསང་བའི་བདག །འཇིག་རྟེན་སྒྲོལ་མཛད་སྐུ་མདོག་མཐིང༌། ཕྱག་བཞི་ཐོ་བ་རལ་གྲི་དང༌། །ཐ་གཉིས་གནམ་ལྕགས་ཕྱག་མཐིལ་ལ། །ལྕགས་སྡིག་སོར་མོ་འབར་བ་གདེངས། །གཅེར་བུ་རྒྱན་མེད་ཤིན་ཏུ་འཇིགས། །ཡེ་ཤེས་མེ་དབུས་དོར་སྟབས་རོལ། །རྩིབས་བརྒྱད་རང་འདྲའི་སྤྲུལ་པ་བརྒྱད། །སྤྱི་བོར་རིགས་བདག་པད་འབྱུང་དང༌། །ཐུགས་ཀར་དྲང་སྲོང་དྲི་མེད་བཞུགས། །མཐའ་སྐོར་ཡེ་ཤེས་འཇིག་རྟེན་གྱི། །ཆོས་སྲུང་རྒྱ་མཚོ་སྤྲིན་ལྟར་གཏིབས། །གནས་གསུམ་བྱིན་བརླབས་ནས་མཆོད་བསྟོད་བར་བྱ། ཐོག་མར་སྲུང་དམིགས་བཅས་སྲུང་སྔགས་ཅུང་ཟད་བཟླ། དེ་ནས། འོག་ཏུ་གནམ་ལྕགས་ཁང་སྒྲོམ་དབུས། །དགྲ་བགེགས་བྱད་མ་དངོས་སུ་གསལ། །ཛཿཧཱུྃ་བྃ་ཧོཿདབྱེར་མེད་ཐིམ། །མདུན་བསྐྱེད་ཕྱག་མཚན་ཐོ་བ་དང༌། །རལ་གྲིའི་ཆར་བབས་བསད་བཅད་གཏུབ། །སོར་མོའི་ལྕགས་སྡིག་གྲངས་མེད་པས། །ཤ་ཁྲག་ཧབ་ཧབ་ཟོས་པར་བསམ། །ལོཀྟྲིའི་མཐར། ཨ་ཡ་མ་དུ་རུ་ཙ་ཤ་ན་གནོད་བྱེད་དགྲ་བགེགས་འབྱུང་པོའི་ཀཱ་ཝཱ་ཙི་བརླག་བརླག །ཐུམ་རིལ་མྱོགས་རྨུག་མཱ་ར་ཡ་རྦད་རྦད། ཅེས་བྲག་ཁ་ནས་ཆུ་འབབ་པ་ལྟར་བཟླ། ཐུན་རྫས་ལའང་བསྔགས་ཤིང་བརྡེག །མཐར་མདུན་བསྐྱེད་ཀྱི་འཁོར་རྣམས་ཞལ་ཕྱིར་གཟིགས། ཟློག་སྔགས་བཟླས་པ་དང་ལྷན་ཅིག་ཏུ་རང་འདྲའི་སྤྲུལ་པ་དང་ལས་བྱེད་ཉི་ཟེར་གྱི་རྡུལ་ལྟར་འཕྲཽ་བས་མི་མཐུན་པའི་ཚོགས་ཐམས་ཅད་ཕྱིར་ཟློག་པར་བསམས་ལ། ཨོཾ་ལོཀྟྲི་པཱ་ལ་ནན། ས་ག་པཱ་ཤ་ནན། ནཱ་ག་དུ་དུ་ནན། མ་མྃ་མ་མྃ། ཙི་ཙར་ཙི་ཙར། བཾ་རུ་ལུ་བཾ་རུ་ལུ། རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ། ཧོ་ར་ཧོ་ར་ནན། ཙི་དུ་སོད་ཙི་དུ་སོད། ཤིག་ལྷུར་གཏུབས། ཧ་ལ་པ་ཏི་ནན། འཁོར་བ་ཐུལ། གནོད་བྱེད་འབྱུང་པོ་ཀཱ་ཝཱ་ཙི་བརླག་བརླག་དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་མཱ་ར་ཡ་བྷྱོ་བྷྱོ་ཟློག་ཟློག །ཕྱག་ཐལ་མོ་བརྡབ་པའི་བར་དུ་བྱད་མ་འཁོར་བཅས་སྒོ་ང་བྲག་བར་བཅར་བ་ལྟར་དམིགས་མེད་དུ་བརླག་པར་བསམས་ལ། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི༴ ཆོས་ཀྱི༴ དགེ་འདུན་གྱི་བཀའ༴ གསང་སྔགས་དང་༔ རིག་སྔགས་དང་༔ གཟུངས་སྔགས་དང་༔ སྙིང་པོ་དང་༔ ཕྱག་རྒྱ་དང་༔ ཏིང་ངེ་འཛིན་གྱི་བདེན་པ་དང་༔ ཆོས་ཉིད་གདོད་ནས་སྟོང་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་༔ ཁྱད་པར་བཅོམ་ལྡན་འདས་དྲང་སྲོང་ཁྲོ་བོའི་རྒྱལ་པོ་ཞེ་སྡང་རྡོ་རྗེའི་དཀྱིལ་འཁོར་གྱི་ལྷ་ཚོགས་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་༔ བདེན་པ་ཆེན་པོའི་མཐུ་ལ་བརྟེན་ནས་རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ཀྱི་སྔོན་གྱི་ལས་དང་འཕྲལ་གྱི་རྐྱེན་ངན་པ་ཐམས་ཅད་དང་ཁྱད་པར་བན་བོན་སྔགས་པའི་མཐུ་བྱད་རྦད་འདྲེ་རྦོད་གཏོང་ཐན་དང་ལྟས་ངན་མི་མཐུན་པའི་ཕྱོགས་ཐམས་ཅད་མཱ་ར་ཡ་བྷྱོ་བྷྱོ་ཟློག་ཟློག༔ བཀའ་ལྟར་མི་བྱེད་ཅིང་དམ་ལ་མི་གནས་པ་ཐམས་ཅད་འདིར་མ་གནས་པར་གཞན་དུ་དེངས་ཤིག༔ སྲིད་པ་སྤྱི་ནས་ཤིག་ཅིག༔ སྲིད་གསུམ་རྨངས་ནས་སྒྱེལ་ཅིག༔ འཁོར་བ་གཏིང་ནས་ཕྱུངས་ཤིག༔ བསྐལ་པའི་མེས་སྲེགས་ཤིག༔ དམ་ཚིག་དམོད་པས་སྡིགས་ཤིག༔ བཀའ་ཡི་ཆད་པས་ཆོད་ཅིག༔ གནམ་ལྕགས་རལ་གྲིས་སྤྱི་བོའི་གཙུག་ནས་ཁོས་ཤིག༔ སུམྦྷ་ནིས་ནོན་ཅིག༔ སྲིད་གསུམ་གར་སྐྱེས་གར་གནས་ཀྱང་སྡིག་ཅན་འདིའི་སྟེང་དུ་གནམ་ལྕགས་རྡོ་རྗེའི་ཆར་ཆེན་པོ་ཕོབ་ཅིག༔ གནོད་བྱེད་ཤ་ཏྲུན་མཱ་ར་ཡ་རྦད༔ སྦྱོར་བ་ངན་པ་ཐམས་ཅད་འདིས་ཐུལ་ཅིག༔ ཅེས་བདེན་སྟོབས་བརྗོད་པ་དང་དམོད་པས་གཟིར་ཞིང་ཐལ་མོ་བརྡབ་པ་ལན་གསུམ་བྱ། ཐུན་མཚམས་སུ་མཆོད་བསྟོད་ཚོགས་མཆོད་བྱའོ། །དེ་ནས་བསད་རྟགས་བྱུང་ནས་ལིངྒ་བསྒྲིལ་བསྟབ་བྱ་བའམ། དྲག་པོའི་སྦྱིན་སྲེག་གིས་སྦྱངས་ཏེ་ཐལ་བ་ལམ་རྒྱ་གྲམ་དུ་མནན། གཏོར་མ་དྲག་སྔགས་བཟླ་བཞིན་ཟོར་དུ་འཕང་བ་ཙམ་གྱིས་བྱད་མ་མཁན་སྟོང་གི་ནུས་པའང་སྐད་ཅིག་ལ་བཟློག་པར་འགྱུར་ལ། ཅུང་ཟད་སྤྲོས་པ་ལ་དགའ་ན། ཐུན་མཚམས་ཐམས་ཅད་དུ་གསེར་སྐྱེམས་གཟུ་དཔང་སྔོན་དུ་འགྲོ་བའི་བསྒྲལ་བསྟབ་ཟློག་བྱང་མདོར་བསྡུས། ལས་མཇུག་བསྡུ་བ་སོགས་གཞུང་རྒྱས་པ་ལྟར་སྙིང་པོར་དྲིལ་ཏེ་བྱའོ། །བདུན་པ་གྲུབ་པའི་རྫས་ལ་བརྟེན་ནས་བཅུད་ཀྱིས་ལེན་པ་ལ། གཙོ་བོ་ནི་རྡོ་རྗེ་སེམས་དཔའི་ཐིག་ལེ་ཅོང་ཞི་བཟང་པོ། །དེའི་ཕྱེད་བཙུན་མོའི་རཀྟ་བྲག་ཞུན། དེའི་ཕྱེད་བདེ་བ་ཆེན་པོ་མ་ནིང་གི་གཟུགས་ཅན་དངུལ་ཆུ་བཙོ་བཀྲུ་སྦྱང་བ་རྒྱས་འབྲིང་གང་རུང་ཚད་ལྡན་དུ་བྱས་པ། དེའི་ཕྱེད་རྟག་ངུ། ཨ་རུ་ར། དབང་ལག །ར་མོ་ཤག་རྣམས་སྦྱར་ཏེ། སྦྲང་རྩིའི་ཉིང་ཁུས་རིལ་བུ་ལུག་རིལ་ཙམ་དྲིལ་ཏེ་ཐོད་པར་བླུགས། དེའི་སྟེང་དུ་དྲང་སྲོང་དྲི་མེད་སྐུ་མདོག་ལྗང་གུ་ཕྱག་གཡས་བཅུད་ཀྱིས་གང་བའི་སྤྱི་བླུགས་དང༌། གཡོན་པདྨའི་ཞགས་པ་བསྣམས་པ། བ་སྤུའི་ཁུང་བུ་ནས་འོད་ཟེར་མ་རྒད་ལྟ་བུས་བརྟན་གཡོའི་དྭངས་བཅུད་རང་དབང་མེད་པར་འགུགས་པའི་སྐུ་ལས་བཅུད་ལེན་གྱི་བདུད་རྩི་ཆར་བཞིན་དུ་བབ་རྫས་ལ་ཐིམ་པས་གྲུབ་པའི་བཅུད་ལེན་སྨན་གྱི་ནོར་བུར་བསམས་ལ། ཞི་སྔགས་མཐར། སརྦ་ཨ་མྲྀ་ཏ་ར་ས་ཡ་ན་སིདྡྷི་ཕ་ལ་ཧཱུྃ། ཞེས་ཁྲི་བཟླ། ཐུན་མཚམས་ཚོགས་མཆོད་བྱ། མཐར་ལྷ་འོད་དུ་ཞུ་ནས་རིལ་བུ་ལ་ཐིམ་པར་བསམ། ར་བ་བཞིའི་ཚེས་གཅིག་ནས་བརྩམས་ཏེ་རགས་པའི་ཟས་སྐོམ་སྤངས་ལ་བསྟེན་པས་ཚེ་དང་ལང་ཚོའི་བཅུད་ལེན་མཆོག་ཏུ་གྲུབ་པར་འགྱུར་རོ། །བརྒྱད་པ་མེ་ལ་བརྟེན་ནས་འདོད་པའི་ཕྲིན་ལས་ཐམས་ཅད་ཅིག་ཅར་བསྒྲུབ་པ་ནི། ས་སྟེགས་ཀྱི་ཁར་པདྨ་འདབ་བཞིའི་དབུས་སུ་ཚོན་ཕུང་ལྗང་གུ་དགོད། དེ་སྟེང་རུང་བའི་བུད་ཤིང་བརྩིག །མདུན་དུ་མཆོད་གཏོར་དང༌། ཡམ་ཤིང་དང༌། མར་ཁུ་ཁྱད་པར་གྱི་རྫས་རྣམས་འདུ་བྱ། བདག་བསྐྱེད་སྔོན་དུ་འགྲོ་བས། རྫས་བསང་སྦྱང༌། མཆོད་དང་བསྲེག་བྱའི་ལོངས་སྤྱོད་ཀུན། སོགས་ཀྱིས་བརླབ། སྔགས་མཐར། པཱྃ་པཱྃ་པཱྃ་ཛྭ་ལ་རྃ། བཏགས་པ་གསུམ་གྱིས་མེ་སྦར། ཏཱྃ་ཏཱྃ་ཏཱྃ་ཞེས་རླུང་གཡབ། མཱྃ་མཱྃ་མཱྃ་ཞེས་བསང་ཆུ་འཐོར་ལ། ལཱྃ་ལཱྃ་ལཱྃ། མཱ་མ་ཀི་ཡི་བདུད་རྩི་ཡིས། །ཐབ་ཀྱི་འབག་བཙོག་དབྱིངས་སུ་སྦྱངས། །སྤྱན་མའི་རང་བཞིན་ཐབ་ཀྱི་དབུས། །གོས་དཀར་རྡོ་རྗེ་ཡེ་ཤེས་མེ། །དམ་ཚིག་སྒྲོལ་མའི་རྐྱེན་སྦྱར་བས། །རབ་ཏུ་འབར་ཞིང་འཁྱིལ་བའི་དབུས། །པདྨ་ཉི་ཟླའི་གདན་གྱི་སྟེང༌། །དབྱིངས་ཕྱུག་ཆོས་དབྱིངས་ཡེ་ཤེས་མདངས། །ཏྲང་ཡིག་སྣ་ཚོགས་མདོག་ཅན་ལས། །འོད་འཕྲོས་སྐད་ཅིག་དྲན་རྫོགས་སུ། །དྲང་སྲོང་དྲི་མེད་ཀུན་ཏུ་དགའ། །དཱུརྦའི་འདབ་མའི་ཁ་དོག་་་་་་ལྗང་སེར་ ཅན། །ཕྱག་གཡས་བདུད་རྩིའི་སྤྱི་བླུགས་སྦྲེང༌། །གཡོན་པས་ལུང་ཏང་ཕྲེང་བ་འདྲེན། །དྲང་སྲོང་ཆ་ལུགས་འཁོར་དང་བཅས། །བྱིན་རླབས་གཟི་བརྗིད་དཔལ་དུ་འབར། །རྩ་གསུམ་རྒྱ་མཚོའི་སྤྲིན་ཕུང་སྤྲོ། །གནས་གསུམ་བྱིན་གྱིས་བརླབས་ནས་མཆོད་བསྟོད་བར་བྱ། དེ་ནས་ཞི་སྔགས་མཐར། ཨོཾ་ཨགྣ་ཡེ་སྭཱ་ཧཱ། བདུན་གྱི་མཐར་སརྦ་ཀརྨ་ཀུ་རུ་ཧོ༔ ཞེས་བཏགས་པ་ཚར་གསུམ་གྱིས་བྱཽན་སྐྱེམས་དབུལ། གཙོ་འཁོར་ཐམས་ཅད་ཀྱི་བ་སྤུའི་ཁུང་བུ་ནས་འོད་ཟེར་དཀར་པོ་ཟླ་བའི་བདུད་རྩི་ལྟ་བུ་མཁའ་ཁྱབ་ཏུ་སྤྲོ་བ་དང་བསྡུ་བའི་སྒོ་ནས་ཞི་བའི་ལས་རབ་འབྱམས་ཐམས་ཅད་བསྒྲུབ་པར་བསམས་ལ། ཡམ་ཤིང་ཉེར་གཅིག །མར་ཁུ་ཉེར་གཅིག །ཁྱད་པར་གྱི་རྫས་ཏིལ་དང་ཡུངས་ཀར་མེ་ཏོག་དཀར་པོ་བསྲེས་པ་བརྒྱ་སྟོང་སོགས་འབུལ་བའི་སྔགས་ནི། ཞི་སྔགས་ཁོ་ན་ལ། མཚམས་སུ། རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ནད་གདོན་སྡིག་སྒྲིབ་མི་མཐུན་པའི་ཕྱོགས་ཐམས་ཅད་ཤཱིནྟཾ་ཀུ་རུ་སྭཱ་ཧཱ། ཞེས་སྤེལ། འོད་ཟེར་ཉི་མ་འཆར་ཀའི་མདངས་ལྟ་བུ་སྤྲོ་བསྡུས་རྒྱས་པའི་ལས་སྒྲུབ་པར་བསམས་ལ། ཡམ་ཤིང༌། མར་ཁུ། ཁྱད་པར་གྱི་རྫས་ཟས་མཆོག་ལ་དར་ཟབ་དང་རིན་པོ་ཆེ་སྦྱར་བ། སྤེལ་ཚིག །རྣལ་འབྱོར་པ་སོགས་ནས། འཁོར་དང་བཅས་པའི་ཚེ་བསོད་དཔལ་འབྱོར་ཡེ་ཤེས་ཐམས་ཅད་པུཥྟིཾ་ཀུ་རུ་ཨོཾ། འོད་ཟེར་དམར་པོ་ཐུན་མཚམས་ཀྱི་དམར་འོད་ལྟ་བུ་སྤྲོ་བ་དང་བསྡུ་བས་བརྟན་གཡོ་སྣོད་བཅུད་ཐམས་ཅད་དབང་དུ་བྱས་པར་བསམས་ལ། ཡམ་ཤིང༌། མར། ཁྱད་པར་གྱི་རྫས་མེ་ཏོག་དམར་པོ། རྒུན་འབྲུམ། སིནྡྷཱུ་ར་རྣམས་སྦྱར་བ། སྤེལ་ཚིག །འཁོར་དང་བཅས་པའི་དབང་དུ་བརྟན་གཡོ་སྣོད་བཅུད་ཀྱི་ཕུན་སུམ་ཚོགས་པ་ཐམས་ཅད་ཝཱ་ཤཾ་ཀུ་རུ་ཧོ༔ འོད་ཟེར་མཐིང་ནག་ཚ་ཞིང་རྩུབ་པ་སྤྲོ་བསྡུས་མི་མཐུན་པ་ཐམས་ཅད་ཚར་བཅད་པར་བསམས་ལ། ཡམ་ཤིང༌། མར། ཁྱད་པར་གྱི་རྫས་ལན་ཚྭ། ཡུངས་ཀར། སྐྱེར་པའི་མེ་ཏོག་རྣམས་སྦྱར་བ། སྤེལ་ཚིག །འཁོར་དང་བཅས་པ་ལ་གནོད་ཅིང་འཚེ་བའི་དགྲ་བགེགས་འབྱུང་པོ་མི་མཐུན་པའི་ཕྱོགས་ཐམས་ཅད་མཱ་ར་ཡ་ཕཊ། ཅེས་ལས་བཞི་རིམ་བཞིན་ཏུ་བྱ་བའམ། དམིགས་བསལ་སོ་སོར་བྱ་བ་གང་ཡང་རུང༌། འོད་ཟེར་ལྗང་གུ་ནོར་བུ་མ་རྒད་ཀྱི་མདངས་སྤྲོ་བསྡུས་གང་འདོད་པའི་དོན་ཡིད་བཞིན་དུ་འགྲུབ་པར་བསམས་ལ། ཡམ་ཤིང༌། མར། ཁྱད་པར་གྱི་རྫས་མེ་ཏོག་ལྗང་གུ། ཤུ་དག །ཡུངས་ཀར་རྣམས་སྦྱར་བ་སྤེལ་ཚིག །འཁོར་དང་བཅས་པའི་ཡིད་ལ་འདོད་རྒུ་སརྦ་ཨརྠ་སིདྡྷི་སིདྡྷི་ཀུ་རུ་སྭཱ་ཧཱ། ཞེས་འབུལ། རྫས་རྫོགས་པ་ན། ཨོཾ་བཛྲ་ཝསྟྲཱ་ཡ་སྭཱ་ཧཱས་གོས་ཟུང་ལྗང་གུ་དང༌། ཨོཾ་བཛྲ་ཏམྦུ་ལཱ་ཡ་སྭཱ་ཧཱས་གོ་ཡུ་དང༌། སེང་ལྡེང༌། ཅོང་ཞི་སྦྱར་བའི་སོ་རྩི་འབུལ། ཚོགས་མཆོད་བྱ། མཆོད་བསྟོད་འདོད་དོན་གསོལ། བྱོན་སྐྱེམས་ལྟར་གཤེགས་སྐྱེམས་དབུལ། ནོངས་པ་བཤགས་ཤིང༌། བཛྲ་མུཿས་ཡེ་ཤེས་པ་གཤེགས། དམ་ཚིག་པ་རང་གི་ལྟེ་བའི་ཨ་ལ་བསྡུ། བསྔོ་སྨོན་ཤིས་བརྗོད་རྒྱས་པར་བྱའོ། །གཞན་ཡང་གོང་གི་ནད་ཞི་བ་སོགས་ལས་བཞིའི་དྲང་སྲོང་སོ་སོ་ལ་བརྟེན་པའི་སྦྱིན་སྲེག་བྱེད་ན། མེ་ལྕེ་འབར་ཞིང་འཁྱིལ་བའི་དབུས། །པདྨ་ཉི་ཟླའི་གདན་གྱི་སྟེང༌། །ཞེས་པའི་མཚམས་སུ་སོ་སོའི་མངོན་རྟོགས་ལྟར་གསལ་བཏབ། རྫས་འབུལ་སྐབས་རང་རང་གི་སྔགས་ཀྱིས་གྲངས་བཟུང་བ་སོགས་ཁྱད་པར་ཕྲ་མོ་ཁ་བསྒྱུར་བ་ཙམ་གྱིས་ལེགས་པར་གྲུབ་བོ། །ཞར་བྱུང་འདི་ཡི་ཁྱད་པར་གྱི་བཀའ་སྲུང་འཆི་མེད་ཙཎྜི་ཀཱ་མཆོད་པ་ནི། གཏོར་མ་དམར་པོ་ཟླ་གམ་ལ་བ་ལང་གི་ཤ་དང་ཆང་ཕུད་མ་ཉམས་པས་བྲན་ལ་བྱིན་གྱིས་བརླབ། རང་གི་ཐུགས་ཀ་ནས་འོད་ཟེར་འཕྲོས་པས་ནགས་ཚལ་དྲྭ་བ་ཅན་གྱི་ནུབ་ཕྱོགས་པདྨ་དྲྭ་བས་ཁེབས་པའི་མཚོ་རྫིང་ནས་འཆི་མེད་ཉེ་དབང་ཙཎྜི་ཀཱ་འཁོར་དང་བཅས་པ་སྤྱན་དྲངས་པར་བསམས་ལ། ཧཱུྃ་ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་འཆི་མེད་ཙཎྜི་ཀཱ །ཉེ་བའི་དབང་མོ་བདེ་ཆེན་ལྕམ། །མཆེད་བདུན་སྤྲུལ་པ་ཡང་སྤྲུལ་བཅས། །ཨོ་རྒྱན་པདྨ་སཾ་བྷ་དང༌། །དྲང་སྲོང་འཆི་མེད་ཀུན་ཏུ་དགས། །བཀའ་དང་ཐ་ཚིག་གཉན་དགོངས་ལ། །དམ་ཚིག་དག་པའི་གནས་འདིར་བྱོན། །པད་ཉི་རིན་ཆེན་མཛེས་ཁྲིར་བཞུགས། །ཕྱི་ནང་གསང་བ་བླ་མེད་པའི། །མཆོད་སྤྲིན་རྒྱ་མཚོས་དགྱེས་པར་མཛོད། །ཨོཾ་མ་ཧཱ་སུ་ཁ་ཙཎྜི་ཀཱ་ཙིཏྟ་ཧྲཱིང་ཧྲཱིང་ཛ་ཛ༔ ཛཿཧཱུྃ་བྃ་ཧོཿ སརྦ་པཱུ་ཛ་ས་མ་ཡ་ཧོཿ ཧཱུྃ། སོར་རྟོག་ཡེ་ཤེས་པདྨའི་རིགས། །གོས་དཀར་ཡུམ་གྱི་རང་གདངས་ལས། །བསྟན་པ་བསྲུང་ཕྱིར་འཇིག་རྟེན་ཚུལ། །དགྱེས་ཆགས་སིནྡྷུ་ཝཱ་རའི་མདངས། །སྲིད་གསུམ་ཁྱབ་པའི་གཟི་འོད་འབར། །ཕྱག་གཡས་ལྕགས་ཀྱུས་སྣང་སྲིད་འགུགས། །གཡོན་པས་ཚེ་བུམ་འཆི་མེད་སྩོལ། །དར་དང་རིན་ཆེན་རྒྱན་གྱིས་མཛེས། །རིན་ཆེན་པདྨ་ཉི་མའི་ཁྲིར། །བཙུན་མོ་རོལ་པའི་སྟབས་ཀྱིས་འགྱིངས། །རང་འདྲའི་སྤྲུལ་པ་དྲུག་གིས་བསྐོར། །ཡང་སྤྲུལ་འཁོར་ཚོགས་བསམ་མི་ཁྱབ། །བདེ་བ་ཆེན་པོའི་ཕྲིན་ལས་ཀྱིས། །ཚེ་དབང་དངོས་གྲུབ་སྩོལ་ལ་བསྟོད། །མཆོད་གཏོར་བདུད་རྩི་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ཀྱི། །འཚོ་བའི་ཚེ་སྲིངས་འབྱོར་པ་སྤེལ། །ཁམས་གསུམ་སྣོད་བཅུད་དབང་དུ་སྡུས། །སྙན་དང་གྲགས་པས་སྟོང་གསུམ་ཁེངས། །མདོར་ན་ཡིད་ལ་བསམ་པའི་དོན། །འབད་མེད་མྱུར་དུ་འགྲུབ་པར་མཛོད། །ཅེས་ཕྲིན་ལས་བཅོལ། མཆོད་གཏོར་གཙང་སར་གཤེགས། འདི་ནི་བཀྲ་ཤིས་བྱིན་ཆེན་ལ་མྱུར་བ་ཡིན་ནོ། །ཆོས་ཀྱི་དབང་ཕྱུག་རིག་པ་འཛིན། །ལེགས་བྱས་གཟི་ལྡན་གྲུབ༷་པ༷འི་རྗེའི། །ཞལ་ལུང་བ༷དུད་རྩི༷་འདི་སྤེལ་བས། །འགྲོ་ཀུན་འཆི་མེད་སྐུ་འགྲུབ་ཤོག །ཅེས་རྒྱུད་དང་མན་ངག་གི་ངེས་པ་གྲུབ་པའི་ལུང་གིས་ལེགས་པར་ཕྱེ་བའི་རྗེས་སུ་འབྲངས་ཏེ། རིག་པ་འཛིན་པའི་བཙུན་པ་མཚོ་སྐྱེས་བླ་མ་དགྱེས་པའི་འབངས་རྡོ་རྗེ་གཟི་བརྗིད་རྩལ་གྱིས་གཉིས་མེད་དང་པོའི་སངས་རྒྱས་ཀྱི་ཆོས་ཕུང་བདུད་རྩིས་ས་གསུམ་ཀུན་ཏུ་དགེ་བས་ཁྱབ་པར་མཛད་པའི་དུས་ཀྱི་རྒྱལ་པོའི་དཀར་ཕྱོགས་ཀྱི་ཚེས་བཅུ་ལྷ་དང་དྲང་སྲོང་རིག་འཛིན་ཌཱ་ཀི་ཀུན་ཏུ་དགྱེས་རྒུར་སྤྱོད་པ་ན་རྫོགས་པར་བྲིས་པ་འདིས་ཀྱང་རིས་མེད་པའི་བསྟན་འཛིན་གྱི་སྐྱེས་བུ་དང༌། བསྟན་པ་མཆོད་པའི་ཆོས་ལྡན་གྱི་ ས་སྤྱོད་རྣམས་ཞབས་པད་བརྟན་ཅིང་ཕྲིན་ལས་རྒྱས་པ་དང༌། འགྲོ་ཀུན་དྲི་མེད་གཉུག་མའི་རྡོ་རྗེའི་སྲོག་འགྲུབ་པའི་རྒྱུར་སིདྡྷི་རསྟུ།། །།
[edit]

@#/__/drang srong dri med kun tu dge ba zhi ba'i sgo nas 'chi med rdo rje'i srog sgrub pa'i man ngag rig pa 'dzin pa'i snying tig ces bya ba tshe dbang dang bcas pa bzhugs so//na mo gu ru bi ma lA ya/__drang srong dri med thugs rje'i zla/__/snying dbus mkha' la rtag 'char bas/__/'chi med rdo rje'i srog sgrub pa'i/__/gdams zab ku mud byed la dbang*/__/gang zhig rigs dang skal bar ldan pa smin byed kyis rgyud sbyangs pa/__dam tshig dang sdom pa'i kun spyod la nye bar gnas pa'i gang zag gis rdo rje sngags gyi mthu la brten nas 'chi ba med pa'i go 'phang don du gnyer bas 'di bsgom par bya'o/__/'di la gsum/__sgrub pa'i thabs/__dbang gi cho ga__/las tshogs mtha' rgyas stan pa'o/__/dang po la gsum/__sngon 'gro/__dngos gzhi/__rjes so/__/dang po ni/__mdun gyi nam mkhar skyabs yul rnams mngon sum du dmigs te/__aH__rtag pa ma yin chos kyi sku/__/chad pa ma yin longs spyod rdzogs/__/so so rang rig dri ma med/__/sprul pa'i 'khor lor skyabs su mchi/__/lan gsum gyis skyabs su 'gro/__hoH__rgyal kun gsang ba 'dzin pa'i bdag__/drang srong grub pa'i rnal 'byor la/__/brten nas rdzogs pa'i byang chub phyir/__/'chi med rig 'dzin bsgrub par bgyi/__/lan gsum gyis sems bskyed/__mthar skyabs yul rang la bstim/__mchod pa'i yo byad rnams/__ra~M ya~M kha~M gis bsang sbyang*/__stong pa'i ngang las gnas yul kun/__/dag pa rab 'byams zhing khams cher/__/dngos 'byor yid sprul mchod pa'i tshogs/__/nam mkha' mdzod kyi 'khor lor gyur/__oM AHhU~M gis brlab/__gnyis pa dngos gzhi la/__drang srong dri med la brten nas/__/dbyibs sngags chos kyi ting 'dzin gyis/__/rdo rje'i sku dang bde chen gsung*/__/'chi med gnyug ma'i ye shes bsgrub/__/ces pas dang po dbyibs kyi rnal 'byor la brten nas rdo rje'i sku sgrub pa ni/__AH__rig stong gnyug ma de bzhin nyid/__/kun snang sny-ing rje sgyu ma'i tshul/__/rgyu yi ting 'dzin a dkar po/__/snying dbus mi shigs thig le'i klong*/__/chu skyes nyi zla'i gwa 'ur shar/__/de las 'phros pa'i 'od zer gyis/__/lus gang nad gdon sdig sgrib sbyangs/__/slar yang sprul pa'i 'khor lo'i 'og__/pad+ma dmar po 'dab bzhi'i dbus/__/ye shes a las rdo rje'i mes/__/tha mal lus kyi bud shing bsregs/__/'od gsal ngang las skad cig gis/__/bdag nyid drang srong dri ma med/__/zhal gcig phyag gnyis sku mdog dkar/__/dka' thub cha byad skem zhing rid/__/sma ra smin ma ring du 'phyang*/__/ras dkar dri med smad g.yogs shing*/__/zhabs gnyis sems dpa'i skyil krung gis/__/pad dkar zla ba'i gdan la 'gyings/__/phyag g.yas bdud rtsi'i spyi blugs sbreng*/__/g.yon pas lung tang phreng ba 'dren/__/'chi med grub pa'i drang srong tshogs/__/'bum phrag du ma'i 'khor dang bcas/__/brtan g.yo'i srid zhi'i dwangs bcud kun/__/ma lus 'dus pa'i ngo bor gsal/__/gnas gsum de bzhin gshegs kun gyi/__/sku gsung thugs kyi ngo bo ni/__/yi ge gsum las 'od 'phros pas/__/ri bo kun nas 'dus pa'i rtse/__/nags tshal drwa ba can gyi gnas/__/'phags pa dgyes pa'i pho brang nas/__/ye shes sems dpa' spyan drangs gyur/__oMH__mgon po kun gshegs thugs rje'i gter/__/da lta snyigs ma lnga yi dus/__/rnal 'byor sgrub la brtson pa rnams/__/dus min 'chi ba'i 'jigs pa dang*/__/bar chad kun las skyob pa'i phyir/__/snying rje chen pos skur bzhengs la/__/gnas 'dir spyan 'dren gshegs su gsol/__/sku gsung thugs kyi byin chen phob/__/'chi med rdo rje'i dbang mchog skur/__/thun mong mchog gi dngos grub stsol/__oM badz+ra ma hA r-i Shi bi ma la sa pa ri wA ra e h+ye hi/__dzaHhUM ba~M hoH__hoH__dam tshig 'od gsal gnyug ma'i klong*/__/ye shes phyag rgya dbyer med bzhugs/__/zung 'jug 'dus ma byas pa'i lhar/__/rang zhal mjal ba'i phyag gis 'dud/__dz+nyA na sa ma ya tiSh+Than+tu/__a ti pu hoH__na ma d+hIH__oM A hU~M/__mchod pa'i phyag rgya chen po ni/__/sems kyi yid bzhin sprin tshogs las/__/mkha' khyab 'dod yon rgya mtsho'i gter/__/bde ba chen por bzhes su gsol/__oM badz+ra ma hA r-i Shi bi ma la sa pa ri wA ra sarba pU dza sa ma ya AHhU~M/__oM/__sangs rgyas rnams ni thams cad kyi/__/sku gsung thugs kyi gsang ba 'dzin/__/drang srong chen po dri ma med/__/'khor dang bcas la phyag 'tshal bstod/__/brtan g.yo srid zhi'i tshe dpal kun/__/rnal 'byor sgo gsum rdau rjer bsdam/__/'chi med gnyug ma'i ye shes sku/__/mngon sum 'grub par mdzad du gsol/__/zhes dam ye dbyer med du bsgrubs pa'i lha sku phyag rgya chen po la mchod bstod gsol ba gdab pa sngon du 'gro bas lus gnad bcas rlung ro bsal/__rang lus stong chen sgrib thogs dang bral ba'i snying pad+ma dmar po 'dab ma brgyad pa kha cung zad bye ba lta bu'i ze'u 'brur nyi zla'i gwa'u kha sbyor gyi dbus su trang yig dkar ba mar me ltar 'bar ba la sems zhugs pa bzhin cher gyis gtad pas/__de las 'od zer dpag tu med pa 'phros/__lus kyi nang thams cad gang*/__nad gdon sdig sgrib dus ma yin pa'i 'chi ba bag chags dang bcas pa sbyangs/__ba spu'i bu ga nas phyir thon/__ma dag pa 'byung ba bzhi'i dwangs bcud dang*/__dag pa yum bzhi'i ye shes dbyer med pa 'od zer sna bzhi'i rnam par nam mkha' gang bar spyan drangs te/__rang gi lus la thim pas sha khrag drod dbugs kyi khams nas tshe nyams pa sor chud/__gnas pa gong du spel/__'phel ba brtan cing nus pa dang ldan pas gzhom med rdo rje'i skur gyur pa'i gzi byin nyi ma 'bum gyi snang ba ltar 'bar bas 'jig rten kun tu khyab par bsams la lha sku'i gsal snang kho nar sems rtse gcig tu bzung*/__mthar rlung bum pa can kha sbyar ba bdun nam nyer gcig gis brtan par bya ba ni thun mong gi tshe sgrub pa'o/__/gnyis pa sngags kyi rnal 'byor la brten nas bde chen gyi gsung sgrub pa ni/__/snying ga'i sa bon mthar sngags kyi phreng bas bskor ba 'od zer dkar po 'phro bzhin pa la sems gtad pas/__de las 'od 'phros/__lus kyi nang gang*/__mun khung du sgron me btegs pa ltar gdod nas grub pa'i rtsa rlung thig le'i dkyil 'khor gsal bar byas/__khyad par rtsa gsum 'khor lo bzhi lhag par gsal ba'i smin mtshams kyi dbu ma'i nang du thig le dkar po dang*/__lte 'og tu dmar gsal sran ma tsam pa bde stong gi ngo bor gsal ba la yid gtad de sngags/__oM trang du tri na trang du dza dzaH__ma ma A yur tshe b+h+rU~M nr-i dza sarba sid+d+hi pha la hU~M/__zhes yid kyis bzlas pas/__thig le dang sngags phreng las 'od zer 'phros/__ma dag khams gsum gyi 'gro ba'i tshe bsod dpal 'byor ting 'dzin nus stobs thams cad dang*/__dag pa rgyal ba sras dang bcas pa'i mkhyen brtse nus pa'i ye shes thams cad 'chi med bdud rtsi'i rnam par spyan drangs/__thig le gnyis la thim/__de dag las bdud rtsi dkar dmar bde drod kyi rang bzhin can dpag tu med pa babs shing 'phyur bas rtsa gsum 'khor lo bzhi'i nang gang*/__dwangs ma snying ga'i sa bon la thim/__ba spu'i bu ga tshun chad bdud rtsi'i zil pa las grub pa'i dngul chu lta bus phrom mer gtams pas rlung sems thig le'i sgo nas tshe nyams pa sor chud gnas pa spel/__'phel ba brtan cing nus pa ldan pas las kyi rlung dbu mar thim nas bde ba chen po 'chi med rdo rje'i srog 'grub par bsams la rlung kha sbyar zhing sngags yid bzlas bya ba ni khyad par gyi tshe sgrub pa'o/__/des skyo na 'od zer spro bsdu gong bzhin dmigs la ngag bzlas kyang ci rigs par bya'o/__/gsum pa chos kyi rnal 'byor la brten nas 'od gsal ye shes chen po'i thugs sgrub pa ni/__thun mthar 'khor 'das snod bcud thams cad 'od du zhu nas 'od zer 'ja' tshon gyi rnam pas thig le gnyis la thim/__thig le gnyis bde stong chen po'i ngo bor zhu nas snying ga'i trang la thim/__trang mar me ltar 'bar ba'i 'od kyis nyi zla'i gwa'u sra zhing brtan par byas/__pad+ma kha zum pas bar chad gang gis kyang mi tshugs par srung zhing*/__ye shes kyi khams nas tshe nyams pa sor chud gnas pa spel/__'phel ba brtan cing nus pa dang ldan par bsams la 'jam rlung rang babs su bzung*/__mig nam mkhar gtad/__rig pa 'dzin med du bzhag pa ni thun mong ma yin pa'i tshe sgrub pa'o/__/gsum pa rjes ni/__thun las ldang ba na dbyangs gsal rten snying yi ge brgya pa lan gsum res lhag chad kha bskang zhing nus pa spel/__mchod bstod gsol ba gdab/__spro na thugs dam bskul ba ni/__oM/__ngo bo 'od gsal chos sku'i dbyings/__/kun tu bzang po'i thugs dam bskul/__/ye shes chen po'i tshe bcud sdus/__/'chi med gnyug ma'i dngos grub stsol/__/rang bzhin bde stong longs spyod rdzogs/__/gsang bdag dpa' bo'i thugs dam bskul/__/bde ba chen po'i tshe bcud sdus/__/mi 'gyur rtag pa'i dngos grub stsol/__/thugs rjes 'gro 'dul sprul pa'i sku/__/drang srong dri med thugs dam bskul/__/brtan g.yo kun gyi tshe bcud sdus/__/rig 'dzin grub pa'i dngos grub stsol/__/rtsa khams 'pho med rdo rje'i sku/__/'chi med tshe yi dngos grub stsol/__/rlung lnga dbu mar thim pa'i gsung*/__/nad med bcud kyi dngos grub stsol/__/thig le bde stong chen po'i thugs/__/'dzad med nor gyi dngos grub stsol/__/ye shes bsam mi khyab pa'i dbyings/__/thogs med shes rab dngos grub stsol/__/sngags mthar/__sarba sid+d+hi A be sha ya A be sha ya a a dzaHhU~M ba~M hoH__zhes mang du brjod/__tshogs kyi mchod pa byed na/__dkar gsum mngar gsum gyi bza' btung gtsang zhing gya noms pa/__ra~M ya~M kha~M gis bsang*/__zhal zas tshogs kyi longs spyod kun/__/lhag mthong me yis dngos 'dzin bsregs/__/chos nyid rlung gis bag chags gtor/__/zhi gnas chu yis rtog pa sbyangs/__/stong gsal 'dus ma byas pa'i ngang*/__/lhun gyis grub pa'i snod mchog tu/__/zag med bde chen bdud rtsi'i bcud/__/'dod yon rgya mtsho'i sprin du gyur/__/oM AHhU~M/__oM/__kun tu bzang po rdo rje 'dzin/__/drang srong dri med tshe yi bdag__/rtsa gsum rgya mtsho 'khor dang bcas/__/'dir gshegs tshogs kyi mchod pa bzhes/__/dam tshig nyams chag nyes ltung bshags/__/dus min 'chi ba'i bar chad sol/__/tshe bsod dpal 'byor ye shes spel/__/mchog dang thun mong dngos grub stsol/__/oM gu ru badz+ra ma hA ri Shi bi ma la d+he ba d+hA ki nI ga Na pU dza khA hi/__zhal zas bdud rtsir bsam ste rol/__/lhag ma 'byung po'i tshogs la sbyin/__/gsang bdag drang srong dri med kyi/__/ye shes thugs rje'i rnam 'phrul dang*/__/bka' nyan 'jig rten skyong ba'i tshogs/__/lhag gtor 'di bzhes phrin las sgrubs/__oM uts+tsiSh+ta ba lin+ta kha kha khA hi khA hi:__mthar 'od gsal du bsdu ba ni/__sku gsum mi phyed las byung ba'i/__/khams gsum brtan g.yo'i snang cha kun/__/rang rig skye med trang la thim/__/de yang 'od gsal dbyings su yal/__a a a/__zung 'jug gi skur ldang ba ni/__shin tu phra ba'i rlung sems las/__/dwangs ma mi shigs gsum ldan pa'i/__/brtan g.yo kun khyab rig pa 'dzin/__/mkha' la 'ja' tshon bzhin du shar/__hU~M hU~M hU~M/__ho/__'chi med grub pa'i drang srong gi__/rdo rje gsum dang mnyam sbyar bas/__/mkha' khyab 'gro ba ma lus kun/__/ye shes gnyug ma'i sku thob shog__/byin brlabs gzi brjid 'od du 'bar/__/dngos grub 'dod dgu'i rgya mtshor 'khyil/__/phrin las thogs med rtsal 'chang ba/__/rtsa gsum 'khor lo'i bkra shis shog__/ces bsngo smon shis brjod kyis mtshams sbyar te spyod lam la 'jug go__/bsnyen sgrub 'brel ma byed na/__gnas gtsang zhing bkod pas mdzes par dkyil 'khor gyi dbus su maN+Dal pad 'dab bzhi par me tog sil ma'i tshom bu dgod pa'i steng du many+dzi'i khar bum pa bcud ldan/__g.yas su tshe ril/__g.yon du tshe'i bdud rtsi 'o ma dang dkar gsum sbyar ba/__mdun du 'bul gtor dkar zlum dkar mngar shing tog sna tshogs kyis brgyan pa bsham/__mchod pa'i yo byad rnams tshogs par bya/__mtshams dam du bcad la bdag dang sgrub rten dbyer med du gsal gdab cing rnal 'byor gsum ji skad bshad pa bzhin ngag bzlas gtso bor bton/__thun mtshams gtor ma/__ra~M ya~M kha~M gis bsang sbyang*/__zhal zas gtor ma'i longs spyod kun/__/ces sogs kyis byin brlabs la/__oM badz+ra ma hA r-i Shi bi ma la sa pa ri wA ra i dam ba liM ta b+huny+dza ho/__zhes lan bdun gyis 'bul/__mchod bstod 'dod don gsol/__mda' dar yod na g.yab cing tshe 'gugs bskul ba'i dngos grub bdag dang sgrub rdzas la bstim/__ma rnyed yongs su ma tshang dang*/__/sogs kyis nongs pa bshags/__bsdu ldangs bsngo smon shis brjod bya/__de lta bu'i rim pas sngags 'bum phrag bzhi bzla ba ni grangs/__bdun phrag gsum dus/__zhal mthong*/__sngags thos/__ting 'dzin 'phel/__rmi lam du nyi zla 'char ba sogs ni rtags kyi rim pa ste/__dngos grub 'dod pas rtags mthong ba'i bar du brtson/__khrus dang gtsang sgra gtso bo 'don/__gsang ba'i dam tshig tu bca' gzhi mis ma mthong bar bya/__rtags mthong na dngos grub blang zhing tshogs kyi mchod pa bzang pos zhal bsro'o/__/gnyis pa dbang gi cho ga ni/__rnal 'byor gsum gyi dbang yang bskur/__zhes pas/__sbyor ba yo byad kyi shams gong du bshad pa ltar 'du byas te/__bdag mdun tha dad dam/__dbyer med du bsgrub/__/tshogs kyis mchod/__bdag 'jug rgyas bsdus gang rigs blang*/__slob ma khrus bya/__bgegs phral/__srung 'khor bsgom/__sems bskyed gsal btab nas/__mtshams sbyor gyi khyad par/__de la phyogs bcu dus bzhi'i rgyal ba sras dang bcas pa'i mthu stobs kyi rtsal 'chang ba dpal gsang ba'i bdag po'i ye shes kyi sku gzugs gzhan tu bsgyur ba na/__drang srong chen po dri ma med pa zhes 'chi med grub pa'i rig 'dzin chen po'i tshul gyis 'gro ba mtha' yas pa'i don mdzad cing*/__zhi ba ltar bsnyen pas rdo rje sems dpa'i tshe dang lang tsho'i dngos grub kyi 'byor pa chen po rgyas pa dang*/__drag por bsgrubs pas sde brgyad gdug pa can zil gyis gnon cing sa gsum gyi byad phur rbod gtong zlog pa la mchog tu bsngags pa rig pa'i gzungs drag po 'bum phrag kun gyi mthar thug gnam lcags kyi thog lta bu sngags rgod lok+t+ri pA la zhes 'jig rten na nyi zla ltar grags pa las/__'dir zhi ba tshe sgrub pa'i man ngag dang rjes su 'brel bar byin rlabs kyi gzi byin rig 'dzin grub pa'i zhal lung nyams pa med pa mngon sum ye shes chen po'i zungs su smin pa'i dbang bskur zab mo zhu ba'i yon tu maN+Dal phul/__gsol ba gdab pa ni/__ye shes lus can bla ma ni/__/drang srong dri med skur bzhengs pas/__/bdag la tshe dang ye shes kyi/__/dbang bskur dam pa stsal du gsol/__/lan gsum/__rdo rje slob dpon sangs rgyas dpal/__/zhes sogs rgyun bshags lan gsum/__tshe 'gugs bskul/__sku yi dbang bskur ba'i slad du/__slob dpon gyi thugs ka nas 'od zer 'phros/__dbang gi lha nam mkha' gang bar spyan drangs/__thams cad kyi thugs ka nas 'od zer 'phros pas 'jig rten dang 'jig rten las 'das pa'i 'byung bzhi'i dwangs bcud thams cad 'od zer kha dog sna bzhi'i rnam par bkra shis rnam par rgyal ba'i bum pa'i nang du zhugs/__zhu zhing khol bas tshe yi bdud rtsi 'ja' tshon lta bur gyur pa kha nas lud/__slob ma'i spyi bo nas zhugs/__lus kyi nang gang*/__'byung bzhi'i sgo nas tshe nyams pa sor chud/__sdig sgrib bag chags dang bcas pa dag pa'i rkyen gyis skad cig gis phyi dbyibs kyi lus 'chi med drang srong grub pa'i skur lam ste gyur par bsams la/__bum pa spyi bor bzhag__/oM/__bkra shis bum pa'i phyag rgya ru/__/'khor 'das 'byung bzhi'i bcud bsdus te/__/skal ldan bu la dbang bskur bas/__/rdo rje'i sku ru 'grub par shog__/sngags mthar/__kA ya a b+hi Shiny+tsa oM/__mthar slob dpon dang drang srong dri med tha mi dad pa'i smin mtshams nas rang 'dra ba'i ye shes kyi sku gnyis pa byung*/__slob ma'i smin mtshams su thim pas dam tshig ye shes dbyer med par rgyud byin gyis brlab par mos pa bya/__des sku yi dbang thob/__lus kyi dri ma dag__/dbyibs kyi rnal 'byor la brten nas 'chi med rdo rje'i sku 'grub pa la dbang bar byas pa yin no/__/gsung gi dbang bskur ba'i slad du/__tshe yi bdud rtsi dkar la dmar ba'i mdangs chags pa stong pa'i ngo bo bde ba'i rang bzhin/__thugs rje'i 'od zer kun tu 'phros pas 'jig rten dang 'jig rten las 'das pa'i bcud dang dge mtshan thams cad 'od zer dkar dmar gyi rnam par spyan drangs/__bdud rtsir thim pa de nyid slob mar byin pas bde ba chen po'i gzi byin mchog tu 'bar/__rtsa gsum 'khor lo bzhi lhag par gsal/__dwangs bcud thams cad dbu ma'i steng 'og gi thig le dkar dmar la thim/__de las byung ba'i bdud rtsi'i rgyun gyis snying ga'i sa bon trang yig dkar po gsos btab pas bde stong gi ye shes brtan par mos te/__bdud rtsi sbyin la/__AH__'jig rten 'jig rten 'das pa'i bcud/__/ye shes chen po'i bdud rtsi 'di/__/skal ldan bu la sbyin pa yis/__/bde chen gsung du 'grub par shog__/wA ka a b+hi Shiny+tsa AH__mthar bde rlung sems gsum dbyer med pa'i rdo rje'i sngags sgras zhing khams thams cad yongs su gang bar bsams la sngags lan gsum bzlar gzhug__/des gsung gi dbang thob/__/ngag gi dri ma dag__/sngags kyi rnal 'byor la brten nas bde ba chen po 'chi med rdo rje'i gsung 'grub pa la dbang bar byas pa yin no/__/thugs kyi dbang bskur ba'i slad du/__slob dpon gyis a a a/__zhes brjod pas 'khor 'das snod bcud thams cad 'od du zhu nas bcud len gyi ril bu la thim/__ril bu srid zhi'i dwangs ma 'od 'bar ba slob ma'i kha sgo nas zhugs/__snying ga'i trang la thim par mos te/__hU~M/__'khor 'das snaud bcud thams cad kyi/__/dwangs ma 'chi med ra sA yan/__/skal ldan bu la sbyin pa yis/__/'od gsal thugs su 'grub par shog__/tsit+ta a b+hi Shiny+tsa hU~M/__mthar snang cha'i lha sku sa bon la thim/__de 'od gsal gyi dbyings su sbyangs te mnyam par bzhag pas stong pa nyid kyi ngang du tshe sba/__des thugs kyi dbang thob/__yid kyi dri ma dag__/chos kyi rnal 'byor la brten nas 'chi med 'od gsal gyi thugs 'grub pa'i skal ba can du byas pa yin no/__/slar yang 'od gsal gyi ngang las mi shigs dwangs ma gsum ldan 'chi med drang srong grub pa'i skur gyur pa la brtan par bya ba'i slad du shis pa brjod pa ni/__byin brlabs gzi brjid 'od du 'bar/__/dngos grub 'dod dgu'i rgya mtshor 'khyil/__/phrin las thogs med rtsal 'chang ba/__/rtsa gsum 'khor lo'i bkra shis shog__/rjes kyi bya ba spyi ltar bya'o/__/gsum pa las tshogs mtha' rgyas bstan pa la/__sdom ni/__'khor los srung dang ril bus byer/__/nad zhi shes rab rgyas pa dang*/__/tshe 'gugs dmod pa'i mngon spyod brtsam/__/bcud kyis len dang 'dod don sgrub/__/drang srong dri med grub pa yi/__/las tshogs mtha' rgyas bstan pa'o/__/de la dang po 'khor lo la brten nas tshe gegs srung ba ni/__tsakra mu khyud lnga ldan lte bar hU~M gi mthar/__oM badz+ra pA Ni hU~M ma ma kA wA tsi rak+Sha rak+Sha:__mu khyud dang por tshe sngags mthar gong gi spel tshig gnyis par rtsibs brgyad la/__oM lok+t+ri pA la nan srung nas/__ho ra ho ra srungs bar sngags tshan brgyad/__rtsibs mchan la/__'jig rten mgon pos srungs/__sa bdag gis srungs/__klu bdud kyis srungs/__ma mos srungs/__btsan gyis srungs/__bdud kyis srungs/__gza' bdud kyis srungs/__rgyal pos srungs/__zhes so sor g.yas bskor du bri/__gsum pa rtsibs bzhir/__tsi du sod tsi du sod sarba big+h+nAn sha trun a pa kA ra b+h+yo b+h+yo zlog zlog__/sogs nas/__'khor ba thul sarba big+h+nAn sogs kyi bar sngags tshan bzhi g.yon bskor du bri/__bzhi par dbyangs gsal rten snying gi mthar srung ba'i spel tshig gang shes rgyas par btags pa g.yas bskor dang*/__lnga par rdo ra me 'od 'phro bas bskor/__gur gum/__gi wang*/__shu dag gi chus byugs/__yungs kar/__gu gul/__shing kun dang lhan cig tu 'khor lo maN+Dal gyi steng du bzhag__/bdag gi rnal 'byor la gnas pas tsakra bsang sbyang*/__stong pa'i ngang las skad cig gis/__/rdo rje srung ba'i gur chen dbus/__/ye shes las dang 'jig rten gyi/__/chos srung rgya mtsho'i sprin phung 'khrigs/__/de dbus pad nyi dgra bgegs steng*/__/lok+t+ri pA la shin tu 'jigs/__/mthing nag dbu brgya phyag stong 'bar/__/phyag mtshan mtshon cha sna tshogs gdengs/__/de yi thugs kar drang srong phyag bzhi khros/__/ye shes sems dpa' sprul skur bzhengs/__de yi thugs kar dri med zhi/__/longs spyod yongs su rdzogs pa'i tshul/__/de yi thugs kar rdo rje 'dzin/__/chos kyi sku dang dbyer med bzhugs/__gnas gsum byin brlabs nas mchod bstod bar gong gi sgrub thabs ltar bya/__/thugs srog hU~M gi thig le dang*/__/bsrung bya'i sgo gsum dbyer med 'dres/__/mi shigs gsum ldan 'od zer smin/__/me mtshon khro bo'i tshul du spros/__/phyogs dus rgyal ba mchod pas mnyes/__/gnod byed 'byung po rdul du brlag__/byad phur rbod gtong dbyings su zlog__/thams cad rig rtsal gnyug ma'i ngang*/__/tshur 'dus thugs srog thig ler thim/__/byin rlabs nus stobs 'bar bar gyur/__/'khor lo la bkod pa'i sngags rnams dang*/__gtso bor zhi sngags spel tshig can bzla/__mthar mchod bstod 'dod don gsol/__rten snying mang du bzlas pa'i me tog 'thor la brtan bzhugs byas rjes/__srung 'khor yongs gyur mu khyud dang*/__/lha rnams sngags kyi yi ge ste/__/bsrung bya ming spel dbyer med pa'i/__/ye shes tsakra mchog tu gyur/__/slar yang brtan bzhugs shis brjod rgyas par bya/__/lte ba ma nyams par lte ba la 'byung bzhi mthun bsdeb kyi chings dang bcas mgul du drod dang ma bral bar 'chang bas rdo rje'i mkhar du tshud pa dang 'dra/__srung dmigs rgyun khyer byaid na/__skyabs sems sngon 'gros gong ltar bdag bskyed kyi tshul du gsal btab la/__zhi sngags gnyis dang*/__lok+t+ri srung spel can 'khor lor bkod pa dang 'dra ba'i/__tsi du sod sod sbrel la/__'khor ba thul/__gnod byed 'byung po kA wA tsi rlag rlag nr-i b+hU~M hU~M dza/__ma ma sarba rak+Sha rak+Sha:__zhes sbrel ba ci rigs bzlas mthar nyer bsdus sogs spyi ltar ro/__/gnyis pa ril bu la brten nas tshe gegs byer ba ni/__'di nyid kyi rgyud las/__stag gi sder mo 1mu zi 2dang :__spyang ki'i brun 3dang gla rtsi 4dang :__pho rog mgo 5dang gu gul 6nag:__thal chen 7bdud rtsi dri chen 8ma nu 9dang :__gser 10dang tshil chen 11_pha bang dreg 12: pha bong byang blta dmar po'i dregs pa/__glang dmar po'i rwa gzhob 13ske tshe 14btsan dug 15dang :__pad+ma rak+ta 16gu gul dkar17:__'di rnams sbyar nas lus la bcang :__des ni gdon bgegs 'tshe mi 'gyur:__klu yang dri tshor tsam gyis 'bros:__zhes pa'i rdzas sna bcu bdun khrol bur 'chang ba'am/__phye mar byas te lo brgyad kyi dri chu bar pa shing kun dang sbyar bas ril bur dril/__gang ltar yang*/__rdzas lha sngags kyi rang bzhin me 'od 'phro bar bsams la zhi sngags cung zad dang*/__gtso bor lok+t+ri spel tshig med pa'i spyi 'gro stong phrag las mi nyung bas bsngags te mgul du 'chang bas nad gdon bgegs rigs sogs tshe'i bar chad phyogs su nye mi nus shing byer bar 'gyur/__des mtshon te du bas bdug pa dang*/__thig le bya ba sogs rdzas srung spyi ltar ro/__/gsum pa drang srong dkar po la brten nas nad zhi ba ni/__rang drang srong dri med zla ba ltar dkar zhing*/__phyag g.yas sman gyi bdud rtsis gang ba'i spyi blugs dang*/__g.yon a ru ra'i phreng ba bsnams pa/__ba spu'i khung bu kun nas sman gyi bdud rtsi na bun ltar 'phro bar gsal btab nas/__zhi sngags la/__sarba byA d+hi b+h+yaHshAn+tiM ku ru swA hA/__zhes btags pa bzla/__a ru/__cong zhi/__brag zhun/__spang rtsi/__ut+pal rnam seng ldeng gi khaN+Das sbyar ba'i ril bu la brtan g.yo'i sman bcud thams cad bstims nas sngags kyis ngar gdags pa bsten na nad thams cad zhi bar 'gyur ro/__/khyad par mig nad la/__phyag g.yon mig 'byed kyi phyag rgya can du bsgom/__sngags sham/__sarba tsak+shuHbyA d+hi shan+tiM ku ru swA hA/__badz+ra ak+She phu pra be sha ya phaT/__ces bzla/__kha che/__yung ba/__a ru/__rtag ngu+u*/__a b+hi Sha rnams lo brgyad kyi dri chu bar pa gla rtsi dri thon sbyar bas ril bur 'dril ba la btab nas byugs pa'ang khong du btang bas mig nad thams cad byang zhing rdo rje'i mig thob par 'gyur ro/__/bzhi pa drang srong ser po la brten nas shes rab spel ba ni/__rang drang srong dri med gser mdog ral gri dang*/__shel phreng 'dzin pa/__ba spu'i khung bu kun nas 'od zer nyi ma 'char ka'i mdangs can 'phro bas 'khor 'das thams cad kyi shes rab dang ye shes rang dbang med par bsdu ba'i skur gsal la/__zhi sngags mthar/__pra dz+nyA sid+d+hi pha la hU~M/__zhes btags pa bzla/__zla ba nya ba'i dus su rin po che'i snod du chu gtsang mar shu dag dkar po'i phye ma btab par bsngags te mtshan thog thag tu bzla/__nangs par btung bas shes rab phyogs med du skye zhing*/__khyad par spobs pa gzhan gyis mi 'phrog par 'gyur ro/__/lnga pa drang srong dri med dmar po la brten nas nor dgug pa ni/__mdun du zangs kyi maN+Dal steng gtor ma zla gam dmar po la me tog dmar po dang shing tog gis bskor/__bdag bskyed sngon du 'gro bas/__mdun gyi gtor ma'i steng gi nam mkhar drang srong dri med pad+ma rA ga'i mdangs 'od 'tsher ba/__zhi zhing chags pa'i nyams can/__g.yas pad+ma'i lcags kyu dang*/__g.yon zhags pa bsnams pa/__ba spu'i khung bu kun nas 'od zer bye ru'i zhun ma lta bu 'phro bas 'khor 'das kyi dwangs bcud dbang du mdzad pa'i skur gsal/__gnas gsum byin brlabs nas mchod bstod bar bya/__zhi sngags mthar/__sarba bA su sid+d+hi wA shaM ku ru hoH__zhes btags pa bzla/__thun mtshams su gtor 'bul bya/__me tog dmar po'i maN+Dal 'bul mthar lha 'od du zhu gtor ma'i rdzas la thim pas 'dod rgu 'byung ba'i nor bur bsams la mdzod kyi phug tu nor gang 'dod pa dang lhan cig tu sbas pas 'byor pa'i tshogs ngang gis 'du bar 'gyur ro:__drug pa drang srong dri med mthing ga la brten nas mngon spyod dmod pa'i las rtsom pa ni/__mdun du phung sa'i hom nang du dgra bgegs kyi ling+ga bcug__/de steng maN+Dal 'khor lo rtsibs brgyad pa'i khar dmar gtor gtso 'khor dgu pa sha khrag mtshe yungs sogs kyis brgyan pa drag mchod bcas bsham bdag bskyed sngon du 'gro bas/__mdun du gnam lcags 'khor lo ni/__/rtsibs brgyad rno dbal ldan pa'i dbus/__/pad nyi dregs pa'i gdan gyi steng*/__/mngon spyod dmod pa stobs kyi lha/__/zhe sdang rdo rje gsang ba'i bdag__/'jig rten sgrol mdzad sku mdog mthing*/__phyag bzhi tho ba ral gri dang*/__/tha gnyis gnam lcags phyag mthil la/__/lcags sdig sor mo 'bar ba gdengs/__/gcer bu rgyan med shin tu 'jigs/__/ye shes me dbus dor stabs rol/__/rtsibs brgyad rang 'dra'i sprul pa brgyad/__/spyi bor rigs bdag pad 'byung dang*/__/thugs kar drang srong dri med bzhugs/__/mtha' skor ye shes 'jig rten gyi/__/chos srung rgya mtsho sprin ltar gtibs/__/gnas gsum byin brlabs nas mchod bstod bar bya/__thog mar srung dmigs bcas srung sngags cung zad bzla/__de nas/__'og tu gnam lcags khang sgrom dbus/__/dgra bgegs byad ma dngos su gsal/__/dzaHhU~M ba~M hoHdbyer med thim/__/mdun bskyed phyag mtshan tho ba dang*/__/ral gri'i char babs bsad bcad gtub/__/sor mo'i lcags sdig grangs med pas/__/sha khrag hab hab zos par bsam/__/lok+t+ri'i mthar/__a ya ma du ru tsa sha na gnod byed dgra bgegs 'byung po'i kA wA tsi brlag brlag__/thum ril myogs rmug mA ra ya rbad rbad/__ces brag kha nas chu 'bab pa ltar bzla/__thun rdzas la'ang bsngags shing brdeg__/mthar mdun bskyed kyi 'khor rnams zhal phyir gzigs/__zlog sngags bzlas pa dang lhan cig tu rang 'dra'i sprul pa dang las byed nyi zer gyi rdul ltar 'phrau bas mi mthun pa'i tshogs thams cad phyir zlog par bsams la/__oM lok+t+ri pA la nan/__sa ga pA sha nan/__nA ga du du nan/__ma ma~M ma ma~M/__tsi tsar tsi tsar/__baM ru lu baM ru lu/__rbad tra ko sha ya rbad tra ko sha ya/__ho ra ho ra nan/__tsi du sod tsi du sod/__shig lhur gtubs/__ha la pa ti nan/__'khor ba thul/__gnod byed 'byung po kA wA tsi brlag brlag dgra bgegs byad ma lha srung dang bcas pa thams cad mA ra ya b+h+yo b+h+yo zlog zlog__/phyag thal mo brdab pa'i bar du byad ma 'khor bcas sgo nga brag bar bcar ba ltar dmigs med du brlag par bsams la/__na mo/__rig 'dzin rtsa brgyud kyi dpal ldan bla ma dam pa rnams kyi bka' bden pa dang :__sangs rgyas kyi=__chos kyi=__dge 'dun gyi bka'=__gsang sngags dang :__rig sngags dang :__gzungs sngags dang :__snying po dang :__phyag rgya dang :__ting nge 'dzin gyi bden pa dang :__chos nyid gdod nas stong kyang chos can rgyu 'bras bslu ba med pa'i bden pa dang :__khyad par bcom ldan 'das drang srong khro bo'i rgyal po zhe sdang rdo rje'i dkyil 'khor gyi lha tshogs bka' sdod dam can rgya mtsho'i tshogs dang bcas pa rnams kyi bka' bden pa dang :__bden pa chen po'i mthu la brten nas rnal 'byor pa bdag cag dpon slob yon mchod 'khor dang bcas pa rnams kyi sngon gyi las dang 'phral gyi rkyen ngan pa thams cad dang khyad par ban bon sngags pa'i mthu byad rbad 'dre rbod gtong than dang ltas ngan mi mthun pa'i phyogs thams cad mA ra ya b+h+yo b+h+yo zlog zlog:__bka' ltar mi byed cing dam la mi gnas pa thams cad 'dir ma gnas par gzhan du dengs shig:__srid pa spyi nas shig cig:__srid gsum rmangs nas sgyel cig:__'khor ba gting nas phyungs shig:__bskal pa'i mes sregs shig:__dam tshig dmod pas sdigs shig:__bka' yi chad pas chod cig:__gnam lcags ral gris spyi bo'i gtsug nas khos shig:__sum+b+ha nis non cig:__srid gsum gar skyes gar gnas kyang sdig can 'di'i steng du gnam lcags rdo rje'i char chen po phob cig:__gnod byed sha trun mA ra ya rbad:__sbyor ba ngan pa thams cad 'dis thul cig:__ces bden stobs brjod pa dang dmod pas gzir zhing thal mo brdab pa lan gsum bya/__thun mtshams su mchod bstod tshogs mchod bya'o/__/de nas bsad rtags byung nas ling+ga bsgril bstab bya ba'am/__drag po'i sbyin sreg gis sbyangs te thal ba lam rgya gram du mnan/__gtor ma drag sngags bzla bzhin zor du 'phang ba tsam gyis byad ma mkhan stong gi nus pa'ang skad cig la bzlog par 'gyur la/__cung zad spros pa la dga' na/__thun mtshams thams cad du gser skyems gzu dpang sngon du 'gro ba'i bsgral bstab zlog byang mdor bsdus/__las mjug bsdu ba sogs gzhung rgyas pa ltar snying por dril te bya'o/__/bdun pa grub pa'i rdzas la brten nas bcud kyis len pa la/__gtso bo ni rdo rje sems dpa'i thig le cong zhi bzang po/__/de'i phyed btsun mo'i rak+ta brag zhun/__de'i phyed bde ba chen po ma ning gi gzugs can dngul chu btso bkru sbyang ba rgyas 'bring gang rung tshad ldan du byas pa/__de'i phyed rtag ngu/__a ru ra/__dbang lag__/ra mo shag rnams sbyar te/__sbrang rtsi'i nying khus ril bu lug ril tsam dril te thod par blugs/__de'i steng du drang srong dri med sku mdog ljang gu phyag g.yas bcud kyis gang ba'i spyi blugs dang*/__g.yon pad+ma'i zhags pa bsnams pa/__ba spu'i khung bu nas 'od zer ma rgad lta bus brtan g.yo'i dwangs bcud rang dbang med par 'gugs pa'i sku las bcud len gyi bdud rtsi char bzhin du bab rdzas la thim pas grub pa'i bcud len sman gyi nor bur bsams la/__zhi sngags mthar/__sarba a mr-i ta ra sa ya na sid+d+hi pha la hU~M/__zhes khri bzla/__thun mtshams tshogs mchod bya/__mthar lha 'od du zhu nas ril bu la thim par bsam/__ra ba bzhi'i tshes gcig nas brtsams te rags pa'i zas skom spangs la bsten pas tshe dang lang tsho'i bcud len mchog tu grub par 'gyur ro/__/brgyad pa me la brten nas 'dod pa'i phrin las thams cad cig car bsgrub pa ni/__sa stegs kyi khar pad+ma 'dab bzhi'i dbus su tshon phung ljang gu dgod/__de steng rung ba'i bud shing brtsig__/mdun du mchod gtor dang*/__yam shing dang*/__mar khu khyad par gyi rdzas rnams 'du bya/__bdag bskyed sngon du 'gro bas/__rdzas bsang sbyang*/__mchod dang bsreg bya'i longs spyod kun/__sogs kyis brlab/__sngags mthar/__pA~M pA~M pA~M dz+wa la ra~M/__btags pa gsum gyis me sbar/__tA~M tA~M tA~M zhes rlung g.yab/__mA~M mA~M mA~M zhes bsang chu 'thor la/__lA~M lA~M lA~M/__mA ma ki yi bdud rtsi yis/__/thab kyi 'bag btsog dbyings su sbyangs/__/spyan ma'i rang bzhin thab kyi dbus/__/gos dkar rdo rje ye shes me/__/dam tshig sgrol ma'i rkyen sbyar bas/__/rab tu 'bar zhing 'khyil ba'i dbus/__/pad+ma nyi zla'i gdan gyi steng*/__/dbyings phyug chos dbyings ye shes mdangs/__/trang yig sna tshogs mdog can las/__/'od 'phros skad cig dran rdzogs su/__/drang srong dri med kun tu dga'/__/dUrba'i 'dab ma'i kha dog ljang ser _can/__/phyag g.yas bdud rtsi'i spyi blugs sbreng*/__/g.yon pas lung tang phreng ba 'dren/__/drang srong cha lugs 'khor dang bcas/__/byin rlabs gzi brjid dpal du 'bar/__/rtsa gsum rgya mtsho'i sprin phung spro/__/gnas gsum byin gyis brlabs nas mchod bstod bar bya/__de nas zhi sngags mthar/__oM ag+na ye swA hA/__bdun gyi mthar sarba karma ku ru ho:__zhes btags pa tshar gsum gyis byaun skyems dbul/__gtso 'khor thams cad kyi ba spu'i khung bu nas 'od zer dkar po zla ba'i bdud rtsi lta bu mkha' khyab tu spro ba dang bsdu ba'i sgo nas zhi ba'i las rab 'byams thams cad bsgrub par bsams la/__yam shing nyer gcig__/mar khu nyer gcig__/khyad par gyi rdzas til dang yungs kar me tog dkar po bsres pa brgya stong sogs 'bul ba'i sngags ni/__zhi sngags kho na la/__mtshams su/__rnal 'byor pa bdag cag dpon slob yon mchod 'khor dang bcas pa'i nad gdon sdig sgrib mi mthun pa'i phyogs thams cad shIn+taM ku ru swA hA/__zhes spel/__'od zer nyi ma 'char ka'i mdangs lta bu spro bsdus rgyas pa'i las sgrub par bsams la/__yam shing*/__mar khu/__khyad par gyi rdzas zas mchog la dar zab dang rin po che sbyar ba/__spel tshig__/rnal 'byor pa sogs nas/__'khor dang bcas pa'i tshe bsod dpal 'byor ye shes thams cad puSh+tiM ku ru oM/__'od zer dmar po thun mtshams kyi dmar 'od lta bu spro ba dang bsdu bas brtan g.yo snod bcud thams cad dbang du byas par bsams la/__yam shing*/__mar/__khyad par gyi rdzas me tog dmar po/__rgun 'brum/__sin+d+hU ra rnams sbyar ba/__spel tshig__/'khor dang bcas pa'i dbang du brtan g.yo snod bcud kyi phun sum tshogs pa thams cad wA shaM ku ru ho:__'od zer mthing nag tsha zhing rtsub pa spro bsdus mi mthun pa thams cad tshar bcad par bsams la/__yam shing*/__mar/__khyad par gyi rdzas lan tshwa/__yungs kar/__skyer pa'i me tog rnams sbyar ba/__spel tshig__/'khor dang bcas pa la gnod cing 'tshe ba'i dgra bgegs 'byung po mi mthun pa'i phyogs thams cad mA ra ya phaT/__ces las bzhi rim bzhin tu bya ba'am/__dmigs bsal so sor bya ba gang yang rung*/__'od zer ljang gu nor bu ma rgad kyi mdangs spro bsdus gang 'dod pa'i don yid bzhin du 'grub par bsams la/__yam shing*/__mar/__khyad par gyi rdzas me tog ljang gu/__shu dag__/yungs kar rnams sbyar ba spel tshig__/'khor dang bcas pa'i yid la 'dod rgu sarba ar+tha sid+d+hi sid+d+hi ku ru swA hA/__zhes 'bul/__rdzas rdzogs pa na/__oM badz+ra was+t+rA ya swA hAs gos zung ljang gu dang*/__oM badz+ra tam+bu lA ya swA hAs go yu dang*/__seng ldeng*/__cong zhi sbyar ba'i so rtsi 'bul/__tshogs mchod bya/__mchod bstod 'dod don gsol/__byon skyems ltar gshegs skyems dbul/__nongs pa bshags shing*/__badz+ra muHsa ye shes pa gshegs/__dam tshig pa rang gi lte ba'i a la bsdu/__bsngo smon shis brjod rgyas par bya'o/__/gzhan yang gong gi nad zhi ba sogs las bzhi'i drang srong so so la brten pa'i sbyin sreg byed na/__me lce 'bar zhing 'khyil ba'i dbus/__/pad+ma nyi zla'i gdan gyi steng*/__/zhes pa'i mtshams su so so'i mngon rtogs ltar gsal btab/__rdzas 'bul skabs rang rang gi sngags kyis grangs bzung ba sogs khyad par phra mo kha bsgyur ba tsam gyis legs par grub bo/__/zhar byung 'di yi khyad par gyi bka' srung 'chi med tsaN+Di kA mchod pa ni/__gtor ma dmar po zla gam la ba lang gi sha dang chang phud ma nyams pas bran la byin gyis brlab/__rang gi thugs ka nas 'od zer 'phros pas nags tshal drwa ba can gyi nub phyogs pad+ma drwa bas khebs pa'i mtsho rdzing nas 'chi med nye dbang tsaN+Di kA 'khor dang bcas pa spyan drangs par bsams la/__hU~M hU~M/__dad pa dang ni dam tshig gis/__/tshur gshegs 'chi med tsaN+Di kA__/nye ba'i dbang mo bde chen lcam/__/mched bdun sprul pa yang sprul bcas/__/o rgyan pad+ma saM b+ha dang*/__/drang srong 'chi med kun tu dgas/__/bka' dang tha tshig gnyan dgongs la/__/dam tshig dag pa'i gnas 'dir byon/__/pad nyi rin chen mdzes khrir bzhugs/__/phyi nang gsang ba bla med pa'i/__/mchod sprin rgya mtshos dgyes par mdzod/__/oM ma hA su kha tsaN+Di kA tsit+ta hrIng hrIng dza dza:__dzaHhU~M ba~M hoH__sarba pU dza sa ma ya hoH__hU~M/__sor rtog ye shes pad+ma'i rigs/__/gos dkar yum gyi rang gdangs las/__/bstan pa bsrung phyir 'jig rten tshul/__/dgyes chags sin+d+hu wA ra'i mdangs/__/srid gsum khyab pa'i gzi 'od 'bar/__/phyag g.yas lcags kyus snang srid 'gugs/__/g.yon pas tshe bum 'chi med stsol/__/dar dang rin chen rgyan gyis mdzes/__/rin chen pad+ma nyi ma'i khrir/__/btsun mo rol pa'i stabs kyis 'gyings/__/rang 'dra'i sprul pa drug gis bskor/__/yang sprul 'khor tshogs bsam mi khyab/__/bde ba chen po'i phrin las kyis/__/tshe dbang dngos grub stsol la bstod/__/mchod gtor bdud rtsi 'di bzhes la/__/rnal 'byor bdag cag 'khor bcas kyi/__/'tsho ba'i tshe srings 'byor pa spel/__/khams gsum snod bcud dbang du sdus/__/snyan dang grags pas stong gsum khengs/__/mdor na yid la bsam pa'i don/__/'bad med myur du 'grub par mdzod/__/ces phrin las bcol/__mchod gtor gtsang sar gshegs/__'di ni bkra shis byin chen la myur ba yin no/__/chos kyi dbang phyug rig pa 'dzin/__/legs byas gzi ldan grubaX paX'i rje'i/__/zhal lung baXdud rtsiX 'di spel bas/__/'gro kun 'chi med sku 'grub shog__/ces rgyud dang man ngag gi nges pa grub pa'i lung gis legs par phye ba'i rjes su 'brangs te/__rig pa 'dzin pa'i btsun pa mtsho skyes bla ma dgyes pa'i 'bangs rdo rje gzi brjid rtsal gyis gnyis med dang po'i sangs rgyas kyi chos phung bdud rtsis sa gsum kun tu dge bas khyab par mdzad pa'i dus kyi rgyal po'i dkar phyogs kyi tshes bcu lha dang drang srong rig 'dzin DA ki kun tu dgyes rgur spyod pa na rdzogs par bris pa 'dis kyang ris med pa'i bstan 'dzin gyi skyes bu dang*/__bstan pa mchod pa'i chos ldan gyi _sa spyod rnams zhabs pad brtan cing phrin las rgyas pa dang*/__'gro kun dri med gnyug ma'i rdo rje'i srog 'grub pa'i rgyur sid+d+hi rastu//__//_

Footnotes

Other Information