JKW-KABAB-06-CHA-006

From Khyentse Lineage - A Tsadra Foundation Project
Revision as of 10:39, 16 November 2021 by Mort (talk | contribs) (Text replacement - "|editortib=རྫོང་སར་བློ་གྲོས་ཕུན་ཚོགས་" to "")
(diff) ← Older revision | Latest revision (diff) | Newer revision → (diff)

དཔལ་ལྡན་བླ་མ་ལ་གསོལ་བ་འདེབས་པ་ཀུན་ཏུ་བཟང་པོའི་སྒྲ་དབྱངས།
Wylie title dpal ldan bla ma la gsol ba 'debs pa kun tu bzang po'i sgra dbyangs JKW-KABAB-06-CHA-006.pdf
Location mkhyen brtse'i bka' babs
Volume 6, Text 6, Pages 97-99 (Folios 1a1 to 2a3)
Author འཇམ་མགོན་ཀོང་སྤྲུལ་
Less details More details
Associated People འཇམ་མགོན་ཀོང་སྤྲུལ་ ('jam mgon kong sprul)
Citation 'jam mgon kong sprul. dpal ldan bla ma la gsol ba 'debs pa kun tu bzang po'i sgra dbyangs. In Rdzong sar 'jam dbyangs mkhyen brtse'i dbang po'i bka' babs, Vol. 6: 97-99. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre Supplications - gsol 'debs
Karchag page JKW-KABAB-Volume-06-CHA-Karchag
Colophon

།བསྔགས་འོས་ཀྱི་ཡོན་ཏན་ཆ་ཤས་ཕྲ་མོས་ཀྱང་མ་གོས་ཤིང་རང་ཉིད་ལ་བསྟོད་པ་མ་རབས་བླུན་པོའི་ལུགས་སུ་གྱུར་ཀྱང༌། སྒྲུབ་བརྩོན་བླ་མ་དམ་པ་པདྨ་ནོར་བུས་ནན་ཏན་ཆེན་པོས་བསྐུལ་ངོ་མ་ལྡོག་ཙམ་དུ་འདུ་གསུམ་པ་ཡོན་ཏན་རྒྱ་མཚོས་སུག་བྲིས་སུ་བསྟར་བ་དགེ་ལེགས་འཕེལ།།

bsngags 'os kyi yon tan cha shas phra mos kyang ma gos shing rang nyid la bstod pa ma rabs blun po'i lugs su gyur kyang*/__sgrub brtson bla ma dam pa pad+ma nor bus nan tan chen pos bskul ngo ma ldog tsam du 'du gsum pa yon tan rgya mtshos sug bris su bstar ba dge legs 'phel

":Property:textsubnumber|textsubnumber" can not be assigned to a declared number type with value 1.

[edit]
༄༅། །དཔལ་ལྡན་བླ་མ་ལ་གསོལ་བ་འདེབས་པ་ཀུན་ཏུ་བཟང་པོའི་སྒྲ་དབྱངས་ཞེས་བྱ་བ་བཞུགས་སོ། ཀ༷རྨ༷་བཀའ་བརྒྱུད་བསྟན་པའི་སྣང་བྱེད་མཆོག །ང༷ག་གི་དབང༷་ཕྱུག་ཡོ༷ན་ཏན༷་རྒྱ༵་ཆེའི་མཚོ༷། །དགེ་ལེགས་ཕྲིན་ལས་རླབས་ཕྲེང་ཀུན་ཏུ་ཁྱབ། །དཔལ་ལྡན་བཟང་པོའི་ཞབས་ལ་གསོལ་བ་འདེབས། །ཚར་གཅོད་རྗེས་འཛིན་ཀུན་ཤེས་ཡན་ལག་བཅས། །བཅུ་ཕྲག་རིག་པའི་གནས་ལ་ཐོས་བསམ་དང༌། །སྒོམ་པའི་བློ་གྲོས་ཆགས་ཐོགས་བྲལ་བ་ཡི། །རྣམ་དཔྱོད་མཐའ་ཡས་ལྡན་ལ་གསོལ་བ་འདེབས། །པ༷དྨ༷་དབང་ཆེན་སོགས་ཀྱིས་རྗེས་སུ་བཟུང༌། །གར༷་གྱི་དབང༷་ཕྱུག་ཐུགས་རྗེའི་རིག་སྔགས་འཆང༌། །ཕྲིན༷་ལས༷་ འགྲོ༷་བ་འདུལ༷་བའི་རྩལ༷་མངའ་བ། །དཔལ་ལྡན་བླ་མ་མཆོག་ལ་གསོལ་བ་འདེབས། །གྲུབ་རིག་འཛིན་པ་ཁྱུང་གི་གདུང་ལས་གྲོལ། །སྦྱངས་པའི་ལས་འཕྲོ་དཀར་པོའི་ཆོས་ལ་སད། །འཁོར་ལོ་གཉིས་ཀྱི་མཐུན་རྐྱེན་ངང་གི་ཚོགས། །ངོ་མཚར་རྨད་དུ་བྱུང་ལ་གསོལ་བ་འདེབས། །གཞན་གནོད་གཞིར་བཅས་སྤོང་བས་རྒྱུད་བསྡམས་ཤིང༌། །གཞན་ཕན་གཞིར་བཅས་བསླབ་པའི་གནས་ལ་གཞོལ། །རིམ་གཉིས་མངོན་རྟོགས་ཅིར་ཡང་གསལ་བ་ཡི། །སུམ་ལྡན་རྡོ་རྗེ་འཛིན་པར་གསོལ་བ་འདེབས། །མཁས་གྲུབ་དེད་དཔོན་ཡོངས་འཛིན་དུ་མ་བསྟེན། །མདོ་སྔགས་རྒྱ་མཚོར་ལྷག་བསམ་བརྩོན་པས་ཞུགས། །གཞུང་གདམས་མན་ངག་ནོར་བུའི་སྐྱེས་བཟང་གིས། །སྐལ་ལྡན་དབུལ་བ་སེལ་ལ་གསོལ་བ་འདེབས། །ཨོ་རྒྱན་དུས་གསུམ་མཁྱེན་པའི་རྡོ་རྗེའི་བཀའ། །གཏེར་འབྱིན་གྲུབ་པའི་འཁོར་ལོས་སྒྱུར་རྣམས་ཀྱིས། །རྣམ་སྣང་བཻ་རོ་ཙ་ནའི་རྣམ་འཕྲུལ་དུ། །ལུང་བསྟན་མངའ་གསོལ་མཛད་ལ་གསོལ་བ་འདེབས། །རྒྱལ་བ་ཡབ་སྲས་མཆོག་གླིང་མཁྱེན་བརྩེའི་དབང༌། །མཆོག་གཟིགས་རྣམས་ཀྱིས་ཏཱ་ར་ནཱ་ཐ་དང༌། །འགྱུར་མེད་རྡོ་རྗེའི་སྤྲུལ་པར་ཞལ་བཞེས་ཤིང༌། །ཡོངས་འཛིན་མཆོག་ཏུ་བསྐུར་ལ་གསོལ་བ་འདེབས། །རྒྱལ་བསྟན་རིས་མེད་སྐྱོང་བའི་དག་སྣང་དང༌། །འགྲོ་ཕན་རིས་མེད་སྒྲུབ་པའི་ལྷག་བསམ་སྟེ། །གང་བྱུང་ཐད་ཀར་ཁྱེར་བའི་སྤྱོད་ཚུལ་གྱིས། །དམ་པའི་རྣམ་ཐར་འཛིན་ལ་གསོལ་བ་འདེབས། །ཙཱ་འདྲ་རིན་ཆེན་བྲག་གི་དབེན་གནས་སུ། །ཚེ་གཅིག་སྒྲུབ་པའི་རྒྱལ་མཚན་བཙུགས་ནས་སུ། །འཆད་རྩོམ་བཀའ་བབས་བསྟན་ལ་བྱ་བ་མཛད། །དོན་གཉིས་ལྷུན་གྱིས་གྲུབ་ལ་གསོལ་བ་འདེབས། །རྡོ་རྗཻའི་ལུང་གིས་གསལ་བར་བསྔགས་པའི་དོན། །ཧེ་རུ་ཀ་ཡི་སྐུ་གསུང་ཐུགས་ཀྱི་རྟེན། །བསྟན་པ་ཇི་སྲིད་བར་དུ་འགྲོ་ཕན་གྱི། །བཙས་སུ་བསྒྲུབས་པར་མཛད་ལ་གསོལ་བ་འདེབས། །མོས་པའི་སྟོབས་དང་རྟེན་འབྲེལ་བསླུ་མེད་མཐུས། །དཔལ་ལྡན་བླ་མ་མཆོག་དང་མི་འབྲལ་ཞིང༌། །མཁའ་སྤྱོད་གྲོང་ཁྱེར་ཆེན་པོར་ལྷན་ཅིག་འཚོགས། །རྡོ་རྗེ་སེམས་དཔའི་གནས་མཆོག་ཐོབ་གྱུར་ཅིག །གང་གི་གསང་གསུམ་རྡོ་རྗེ་ལྟར་བརྟན་ཅིང༌། །ཟབ་རྒྱས་མཛོད་ལྔ་རྟག་ཏུ་སྒྲོག་པ་ཡིས། །བདག་སོགས་ལེགས་པའི་ལམ་ཀུན་མཐར་ཕྱིན་ཅིང༌། །བསམ་དོན་ལྷུན་འགྲུབ་དགེ་ལེགས་དཔལ་འབར་ཤོག །བསྔགས་འོས་ཀྱི་ཡོན་ཏན་ཆ་ཤས་ཕྲ་མོས་ཀྱང་མ་གོས་ཤིང་རང་ཉིད་ལ་བསྟོད་པ་མ་རབས་བླུན་པོའི་ལུགས་སུ་གྱུར་ཀྱང༌། སྒྲུབ་བརྩོན་བླ་མ་དམ་པ་པདྨ་ནོར་བུས་ནན་ཏན་ཆེན་པོས་བསྐུལ་ངོ་མ་ལྡོག་ཙམ་དུ་འདུ་གསུམ་པ་ཡོན་ཏན་རྒྱ་མཚོས་སུག་བྲིས་སུ་བསྟར་བ་དགེ་ལེགས་འཕེལ།། །།
[edit]

@#/___/dpal ldan bla ma la gsol ba 'debs pa kun tu bzang po'i sgra dbyangs zhes bya ba bzhugs so/__kaXrmaX bka' brgyud bstan pa'i snang byed mchog__/ngaXg gi dbangaX phyug yoXn tanaX rgya~X che'i mtshoX/__/dge legs phrin las rlabs phreng kun tu khyab/__/dpal ldan bzang po'i zhabs la gsol ba 'debs/__/tshar gcod rjes 'dzin kun shes yan lag bcas/__/bcu phrag rig pa'i gnas la thos bsam dang*/__/sgom pa'i blo gros chags thogs bral ba yi/__/rnam dpyod mtha' yas ldan la gsol ba 'debs/__/paXd+maX dbang chen sogs kyis rjes su bzung*/__/garaX gyi dbangaX phyug thugs rje'i rig sngags 'chang*/__/phrinaX lasaX _'groX ba 'dulaX ba'i rtsalaX mnga' ba/__/dpal ldan bla ma mchog la gsol ba 'debs/__/grub rig 'dzin pa khyung gi gdung las grol/__/sbyangs pa'i las 'phro dkar po'i chos la sad/__/'khor lo gnyis kyi mthun rkyen ngang gi tshogs/__/ngo mtshar rmad du byung la gsol ba 'debs/__/gzhan gnod gzhir bcas spong bas rgyud bsdams shing*/__/gzhan phan gzhir bcas bslab pa'i gnas la gzhol/__/rim gnyis mngon rtogs cir yang gsal ba yi/__/sum ldan rdo rje 'dzin par gsol ba 'debs/__/mkhas grub ded dpon yongs 'dzin du ma bsten/__/mdo sngags rgya mtshor lhag bsam brtson pas zhugs/__/gzhung gdams man ngag nor bu'i skyes bzang gis/__/skal ldan dbul ba sel la gsol ba 'debs/__/o rgyan dus gsum mkhyen pa'i rdo rje'i bka'/__/gter 'byin grub pa'i 'khor los sgyur rnams kyis/__/rnam snang bai ro tsa na'i rnam 'phrul du/__/lung bstan mnga' gsol mdzad la gsol ba 'debs/__/rgyal ba yab sras mchog gling mkhyen brtse'i dbang*/__/mchog gzigs rnams kyis tA ra nA tha dang*/__/'gyur med rdo rje'i sprul par zhal bzhes shing*/__/yongs 'dzin mchog tu bskur la gsol ba 'debs/__/rgyal bstan ris med skyong ba'i dag snang dang*/__/'gro phan ris med sgrub pa'i lhag bsam ste/__/gang byung thad kar khyer ba'i spyod tshul gyis/__/dam pa'i rnam thar 'dzin la gsol ba 'debs/__/tsA 'dra rin chen brag gi dben gnas su/__/tshe gcig sgrub pa'i rgyal mtshan btsugs nas su/__/'chad rtsom bka' babs bstan la bya ba mdzad/__/don gnyis lhun gyis grub la gsol ba 'debs/__/rdo rjai'i lung gis gsal bar bsngags pa'i don/__/he ru ka yi sku gsung thugs kyi rten/__/bstan pa ji srid bar du 'gro phan gyi/__/btsas su bsgrubs par mdzad la gsol ba 'debs/__/mos pa'i stobs dang rten 'brel bslu med mthus/__/dpal ldan bla ma mchog dang mi 'bral zhing*/__/mkha' spyod grong khyer chen por lhan cig 'tshogs/__/rdo rje sems dpa'i gnas mchog thob gyur cig__/gang gi gsang gsum rdo rje ltar brtan cing*/__/zab rgyas mdzod lnga rtag tu sgrog pa yis/__/bdag sogs legs pa'i lam kun mthar phyin cing*/__/bsam don lhun 'grub dge legs dpal 'bar shog__/bsngags 'os kyi yon tan cha shas phra mos kyang ma gos shing rang nyid la bstod pa ma rabs blun po'i lugs su gyur kyang*/__sgrub brtson bla ma dam pa pad+ma nor bus nan tan chen pos bskul ngo ma ldog tsam du 'du gsum pa yon tan rgya mtshos sug bris su bstar ba dge legs 'phel//__//

Footnotes

Other Information