JKW-KABAB-02-KHA-007-wylie

From Khyentse Lineage - A Tsadra Foundation Project
Revision as of 17:59, 13 July 2021 by Jeremi (talk | contribs)
(diff) ← Older revision | Latest revision (diff) | Newer revision → (diff)

Template:WyliePageHeader


@#/__/rnal 'byor chen po dang 'brel ba'i rdo rje'i thol glu dkyil 'khor gsum ldan ces bya ba//__@#/__/e ma ho/__snang srid snod bcud gzung 'dzin 'khrul pa yi tshogs kun/__/zung 'jug bde chen gnyug ma'i dkyil 'khor du bsdams pas/__/bde stong sgyu 'phrul drwa ba'i rang bzhin du shar ba'i/__/lhan skyes ka nas dag pa'i ngo bo la 'dud do/__/sbyang gzhi kun khyab bde gshegs snying po yi gnas lugs/__/sbyong byed dkyil 'khor gsum ldan bskyed rim gyi snying po/__/sbyang bya glo bur 'khrul pa'i rtogs tshogs kyi drwa ba/__/sbyangs 'bras dag rdzogs smin gsum go 'phang du sbyor ro/__/sgong mngal bag chags sbyang phyir spros bcas kyi dkyil 'khor/__/bdag sras gzhan sras rnam par rim skyes su bslabs shing*/__/sa bon las skyes glo bur rang byung gi lha skus/__/drod gsher skyes kyi bag chags ma lus pa zad do/__/gsal snang gang shar lha yi dkyil 'khor du rdzogs pas/__/skad cig mngon gyur rdzus skyes bag chags kun sbyang ngo*/__/de ltar gzhi la brten pa'i nyams len gyi lam du/__/g.yo thob goms brtan mthar phyin rnam lnga ru rdzogs pas/__/'khrul pa'i chos kun zung 'jug dkyil 'khor du sdud de/__/nyer len srid pa'i 'khrul 'khor rang ngo ru dag go/__/srog sdom gzer bzhi'i gnad kyis lhan skyes su goms pas/__/rdo rje gsum dang phrin las dkyil 'khor la dbang zhing*/__/bsnyen sgrub yan lag bzhi yi rim pa yi khongs su/__/lam lnga rig 'dzin rnam bzhi'i go 'phang la sbyor ro/__/snang stong lus kyi 'khor lo gdan gsum gyi rang bzhin/__/sgyu 'phrul drwa ba'i dkyil 'khor nyag gcig tu rdzogs pas/__/dag bya dag byed dag 'bras nga rgyal la bslabs shing*/__/snang yul lha sku'i khyer so rol pa ru shar ro/__/'gro 'ong rlung gi rang bzhin gsang sngags su goms pas/__/skyon bcu spangs la rnam gsum bzla tshul gyis spras te/__/sgra grags thabs shes mnyam sbyor dkyil 'khor du shar bas/__/mthar thug srog rtsol yid bzhin 'khor lo ru smin no/__/bsgom bya 'jog byed bral ba'i spros bral gyi ngo bo/__/mtha' la mi gnas dbu ma'i rang bzhin du dag pas/__/tshogs drug 'khrul pa'i bden zhen rang rig tu grol te/__/shar grol dus mnyam skye med chen po ru smin no/__/de skad rnal 'byor chen po'i dkyil 'khor gyi thol glu/__/mgrin pa longs spyod 'khor lo'i dkor mdzod nas blangs pas/__/gzung 'dzin bden zhen 'khrul pa thabs mchog gis bzung ste/__/bde stong mtshan dpe'i dkyil 'khor smin pa ru shog cig/__//_