JKCL-KABUM-06-CHA-016

From Khyentse Lineage - A Tsadra Foundation Project
Revision as of 11:25, 13 December 2021 by Mort (talk | contribs)
(diff) ← Older revision | Latest revision (diff) | Newer revision → (diff)

གཏེར་སྲུང་མཆོད་ཐབས།
Wylie title gter srung mchod thabs JKCL-KABUM-06-CHA-016.pdf
Location chos kyi blo gros bka' 'bum
Volume 6, Text 16, Pages 269-270 (Folios 1a1 to 1b5)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön འོད་གསལ་རྡོ་རྗེ་གླིང་པ་ ('od gsal rdo rje gling pa)
Citation 'jam dbyangs mkhyen brtse chos kyi blo gros. gter srung mchod thabs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 6: 269-270. Bir, H.P.: Khyentse Labrang, 2012.
Genre Protector Rituals - gsol mchod
Cycle དཔལ་གདོད་མའི་མགོན་པོ་དགོས་འདོད་ནོར་བུའི་རྒྱུད་ (dpal gdod ma'i mgon po dgos 'dod nor bu'i rgyud)
Deity gter srung
Colophon

ཅེས་པའང་ཁྱེར་བདེའི་སླད་དུ་ཆོས་ཀྱི་བློ་གྲོས་པས་གཏེར་གཞུང་ལ་ཅུང་ཟད་བསྣན་ཏེ་བྲིས་པའོ། །དགེ་ལེགས་འཕེལ།།

ces pa'ang khyer bde'i slad du chos kyi blo gros pas gter gzhung la cung zad bsnan te bris pa'o/__/dge legs 'phel//

":Property:textsubnumber|textsubnumber" can not be assigned to a declared number type with value 1.

[edit]
གཏེར་སྲུང་མཆོད་ཐབས་བཞུགས༔ རྃ་ཡྃ་ཁྃ༔ ཨོཾ་ཨཱཿ ཧཱུྃ་ཧོཿམཆོད་གཏོར་རྣམས་དགྲ་བགེགས་ཀྱི་ཤ་ཁྲག་ལ་ངོ་བོ་ཡེ་ཤེས་ཀྱི་བདུད་རྩི་གྱུར༔ རང་ཉིད་ཡི་དམ་དུ་གསལ་བའི་ཐུགས་ཀ་ནས་འོད་ཟེར་འཕྲོས་པས་ཡེ་ཤེས་མ་མོ་འཁོར་དང་བཅས་པ་ཨོཾ་བཛྲ་ས་མཱ་ཛཿམ་བྷྱོཿའོག་མིན་ཆོས་སྐུའི་ཞིང་ཁམས་ནས༔ སངས་རྒྱས་བསྟན་པ་སྲུང་མཛད་མ༔ དཔལ་ལྡན་སྔགས་ཀྱི་སྲུང་མ་ནི༔ ཞལ་གཅིག་ཕྱག་གཉིས་འཇིགས་པའི་གཟུགས༔ ཁྲོ་འཛུམ་སྒེག་པའི་ཉམས་དང་ལྡན༔ ཞིང་དབྱུག་དགྲ་སྙིང་ཕྱག་ན་འཛིན༔ སྤྱན་གསུམ་ལྟ་སྟངས་ཧྲིག་གེ་བ༔ ཞལ་གཅིག་དུས་མཐའི་མེ་བཞིན་འབར༔ མི་ལྤགས་རློན་པ་སྐུ་ལ་གསོལ༔ གཟིག་གི་པགས་པའི་ཤམ་ཐབས་སྤྲས༔ ཞབས་གཉིས་གར་སྟབས་བམ་རོ་བརྫིས༔ འཁོར་དུ་མ་མོ་འབུམ་གྱིས་བསྐོར༔ གནས་འདིར་སྤྱན་འདྲེན་གཤེགས་ནས་ཀྱང་༔ ཤྲཱི་སིང་པད་འབྱུང་བཀའ་མ་འདའ༔ དགོངས་པ་འདུས་པའི་སྲུང་མ་ཆེ༔ དངོས་གྲུབ་ཀུན་གྱི་བདག་མོ་ལ༔ གསོལ་ལོ་མཆོད་དོ་གསེར་སྐྱེམས་བཞེས༔ རོ་བརྒྱ་ལྡན་པའི་བཟའ་བཏུང་དང་༔ དགྲ་བགེགས་བསྒྲལ་བའི་བམ་ཆེན་པོ༔ ཙ་ར་དམར་བསྲེགས་སྲོག་གིས་མཆོད༔ ཤ་ཆེན་གསུར་གྱི་དུད་སྤྲིན་འདིས༔ མཉེས་ཤིང་ཐུགས་དམ་བསྐང་གྱུར་ཅིག༔ མ་མོ་མཉེས་པའི་རྫས་ཀྱིས་བརྔན༔ ཉམས་ཆག་འགལ་འཁྲུལ་མཐོལ་ཞིང་བཤགས༔ ཁྱོད་ལ་ཕྲིན་ལས་བཅོལ་བ་ནི༔ ཐུབ་པའི་བསྟན་པ་སྲུངས་ཤིང་སྐྱོངས༔ བསྟན་འཛིན་སྐྱེས་བུའི་སྡོང་གྲོགས་མཛོད༔ མི་མཐུན་འགལ་རྐྱེན་གནོད་པ་བཟློག༔ བསྟན་ལ་འཚེ་བའི་དགྲ་བགེགས་ཆོམ༔ རྣལ་འབྱོར་རིག་འཛིན་བདག་ཅག་ལ༔ ཉིན་མཚན་དུས་དྲུག་མི་འབྲལ་སྐྱོངས༔ རྟག་ཏུ་སྲུངས་ཤིང་སྐྱོབས་པ་དང་༔ རྣམ་བཞིའི་ཕྲིན་ལས་འགྲུབ་པར་མཛོད༔ སྔོན་ཚེ་ཇི་ལྟར་ཁས་བླངས་པའི༔ དམ་བཅའ་བཞིན་དུ་ཕྲིན་ལས་མཛོད༔ སྒོམ་སྒྲུབ་འཆད་ཉན་སྤེལ་བ་དང་༔ ཀླ་ཀློ་གདུག་པ་དབང་དུ་བསྡུས༔ མོས་པ་ཐམས་ཅད་ཆར་དུ་ཕོབ༔ བདག་ཅག་མཆེད་ལྕམ་བུ་སློབ་ལ༔ ཚེ་དཔལ་སྙན་གྲགས་སྟོབས་གཡང་སྩོལ༔ བཀྲ་ཤིས་བདེ་ལེགས་འབྱུང་གྱུར་ནས༔ དམ་ལས་མ་འདའ་དམ་ཚིག་ཅན༔ ཐོགས་པ་མེད་པར་ཕྲིན་ལས་མཛོད༔ ཅེས་པའང་ཁྱེར་བདེའི་སླད་དུ་ཆོས་ཀྱི་བློ་གྲོས་པས་གཏེར་གཞུང་ལ་ཅུང་ཟད་བསྣན་ཏེ་བྲིས་པའོ། །དགེ་ལེགས་འཕེལ།། །།
[edit]

gter srung mchod thabs bzhugs:__ra~M ya~M kha~M:__oM AH_hU~M hoHmchod gtor rnams dgra bgegs kyi sha khrag la ngo bo ye shes kyi bdud rtsi gyur:__rang nyid yi dam du gsal ba'i thugs ka nas 'od zer 'phros pas ye shes ma mo 'khor dang bcas pa oM badz+ra sa mA dzaHma b+h+yoH'og min chos sku'i zhing khams nas:__sangs rgyas bstan pa srung mdzad ma:__dpal ldan sngags kyi srung ma ni:__zhal gcig phyag gnyis 'jigs pa'i gzugs:__khro 'dzum sgeg pa'i nyams dang ldan:__zhing dbyug dgra snying phyag na 'dzin:__spyan gsum lta stangs hrig ge ba:__zhal gcig dus mtha'i me bzhin 'bar:__mi lpags rlon pa sku la gsol:__gzig gi pags pa'i sham thabs spras:__zhabs gnyis gar stabs bam ro brdzis:__'khor du ma mo 'bum gyis bskor:__gnas 'dir spyan 'dren gshegs nas kyang :__shrI sing pad 'byung bka' ma 'da':__dgongs pa 'dus pa'i srung ma che:__dngos grub kun gyi bdag mo la:__gsol lo mchod do gser skyems bzhes:__ro brgya ldan pa'i bza' btung dang :__dgra bgegs bsgral ba'i bam chen po:__tsa ra dmar bsregs srog gis mchod:__sha chen gsur gyi dud sprin 'dis:__mnyes shing thugs dam bskang gyur cig:__ma mo mnyes pa'i rdzas kyis brngan:__nyams chag 'gal 'khrul mthol zhing bshags:__khyod la phrin las bcol ba ni:__thub pa'i bstan pa srungs shing skyongs:__bstan 'dzin skyes bu'i sdong grogs mdzod:__mi mthun 'gal rkyen gnod pa bzlog:__bstan la 'tshe ba'i dgra bgegs chom:__rnal 'byor rig 'dzin bdag cag la:__nyin mtshan dus drug mi 'bral skyongs:__rtag tu srungs shing skyobs pa dang :__rnam bzhi'i phrin las 'grub par mdzod:__sngon tshe ji ltar khas blangs pa'i:__dam bca' bzhin du phrin las mdzod:__sgom sgrub 'chad nyan spel ba dang :__kla klo gdug pa dbang du bsdus:__mos pa thams cad char du phob:__bdag cag mched lcam bu slob la:__tshe dpal snyan grags stobs g.yang stsol:__bkra shis bde legs 'byung gyur nas:__dam las ma 'da' dam tshig can:__thogs pa med par phrin las mdzod:__ces pa'ang khyer bde'i slad du chos kyi blo gros pas gter gzhung la cung zad bsnan te bris pa'o/__/dge legs 'phel//___//

Footnotes

Other Information