JKCL-KABUM-05-CA-040

From Khyentse Lineage - A Tsadra Foundation Project
Revision as of 15:21, 9 December 2021 by Mort (talk | contribs)
(diff) ← Older revision | Latest revision (diff) | Newer revision → (diff)

སེང་ཆེན་ཡིད་བཞིན་ནོར་བུའི་གཡང་སྒྲུབ་བསམ་འཕེལ་དབང་རྒྱལ།
Wylie title seng chen yid bzhin nor bu'i g.yang sgrub bsam 'phel dbang rgyal JKCL-KABUM-05-CA-040.pdf
Location chos kyi blo gros bka' 'bum
Volume 5, Text 40, Pages 571-578 (Folios 1a1 to 4b5)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. seng chen yid bzhin nor bu'i g.yang sgrub bsam 'phel dbang rgyal. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 5: 571-578. Bir, H.P.: Khyentse Labrang, 2012.
Genre Prosperity Rituals - gyang 'gugs
Colophon

།ཅེས་པའང་པདྨ་ཡེ་ཤེས་རྡོ་རྗེར་ས་ཁྱི་ཟླ་བདུན་ཚེས་སྐོར་ཞིག་ལ་རྡོ་རྗེ་གླིང་དུ་མངོན་རྟོགས་ལྟར་གྱི་སྐུ་ཡི་ཉམས་བན་བུན་ཤར་བ་བཞིན་ཞག་ཤས་ནས་ཉམས་མཚར་བྲིས་པའོ། །ཁ་སྐོངས་རིགས་མི་ཕམ་གསུང་ནས་བསྣན། ཡི་དམ་རྩ་གསུམ་ཡང་ན་རྟ་མགྲིན་ལྟ་བུ་སྦྱར་ན་ལེགས་ཤས་ཆེ། །།

/ces pa'ang pad+ma ye shes rdo rjer sa khyi zla bdun tshes skor zhig la rdo rje gling du mngon rtogs ltar gyi sku yi nyams ban bun shar ba bzhin zhag shas nas nyams mtshar bris pa'o/__/kha skongs rigs mi pham gsung nas bsnan/__yi dam rtsa gsum yang na rta mgrin lta bu sbyar na legs shas che/__//

":Property:textsubnumber|textsubnumber" can not be assigned to a declared number type with value 1.

[edit]
༄༅། །སེང་ཆེན་ཡིད་བཞིན་ནོར་བུའི་གཡང་སྒྲུབ་བསམ་འཕེལ་དབང་རྒྱལ་ཞེས་བྱ་བ་བཞུགས་སོ། ། ན་མོ་གུ་རུ་སིདྷ་རཱ་ཛ་ཡེ། དགྲ་ལྷའི་རྒྱལ་པོ་སྐུ་རྗེ་སེང་ཆེན་གྱི། །སྒྲུབ་ཐབས་ནོར་བུ་དཔག་བསམ་ལྗོན་ཤིང་གི། རྒྱས་པའི་ལས་སྒྲུབ་ཟབ་པའི་མན་ངག་ནི། །ཉུང་ངུར་བཀོད་ལ་རྟག་ཏུ་དགེ་གྱུར་ཅིག །དེ་ལ་གཟའ་སྐར་རྒྱས་པའི་འཕྲོད་སྦྱོར་དུས། །གཏོར་མ་ཁང་བཟང་སུམ་བརྩེགས་ལྕགས་རི་དང་། །ནོར་བུའི་མཚན་པ་དར་གྱིས་བརྒྱན་པ་དང་། །སྐུ་གསུང་ཐུགས་རྟེན་སྲོག་འཁོར་བླ་རྡོ་དང་། །ཕྱི་ནང་གསང་བའི་མཆོད་ཚོགས་མཛེས་པར་བཤམས། །རང་ཉིད་གསང་བདག་ང་རྒྱལ་ལ་གནས་པས། །མདུན་དུ་ནོར་བུའི་བརྒྱན་པའི་གཞལ་མེད་ཁང་། །བརྗིད་ཆགས་བཀོད་ལེགས་མཛེས་པའི་ནང་དབུས་སུ། །པདྨ་འདབ་མ་སྟོང་ཕྲག་བརྡལ་བ་དང་། །ཉི་ཟླ་རབ་ཏུ་རྒྱས་པའི་གདན་གྱི་སྟེང་། །སྐུ་རྗེ་སེང་ཆེན་ཡིད་བཞིན་དབང་གི་རྒྱལ། །གསེར་མདོག་ཛམྦུ་ནཱ་དའི་མདངས་ཀྱིས་འཁྱུད། །སེང་གེ་དཀར་མོ་བསྒྱིངས་པའི་སྟེང་ན་འགྱིང་། །ཕྱག་གཡས་སྦ་ལྕག་ནོར་བུའི་རྒྱལ་མཚན་སྒྲེངས། །གཡོན་པ་དཀུར་བརྟེན་གཏེར་བུམ་ནོར་བུས་བརྒྱན། །མཆན་གཡོན་ནེའུ་ལེ་སྔོན་པོ་ནོར་བུ་སྐྱུགས། །མདུང་མོ་ཁམས་གསུམ་དགྲ་འདུལ་བ་དན་འཕྱར། །ལྷ་རྫས་དར་དང་རིན་ཆེན་རྒྱན་གྱིས་མཛེས། །རིན་ཆེན་དབུ་རྒྱན་ཟེའུ་སྲོག་ལྔ་པ་གསོལ། །དབུ་སྐྲ་ཕྱེད་བཅིངས་ལྷག་མ་སིལ་བུར་གྲོལ། །ཐོར་ཅོག་རྩེ་མོར་དབང་རྒྱལ་ཏོག་གིས་མཛེས། །འཁོར་དུ་གསང་བའི་ཡུམ་ཆེན་རྣམ་བཞི་དང་། །སྟེང་ཕྱོགས་བྱང་ཆུབ་སེམས་དཔའ་རིན་ཆེན་མང་། །ཨོཾ་རྒྱན་བླ་མ་ནོར་ལྷ་ལ་སོགས་པ། །རྩ་བརྒྱུད་བླ་མ་མཁའ་ཀློང་འཁྱིལ་བ་སོགས། །ཡི་དམ་ལྷ་ཚོགས་རྣམ་སྲས་མདུང་དམར་ཅན། །རྟ་བདག་བརྒྱད་དང་ཞང་བློན་ལ་སོགས་དང་། །ཛཾ་ལྷ་རིགས་ལྔ་ནོར་རྒྱུན་དཔལ་ཆེན་མོ། །ཀུན་འཁྱིལ་མཆེད་གསུམ་ཚེ་རིང་མཆེད་ལྔ་དང་། །ཐང་ལྷ་སྤོམ་ར་ལ་སོགས་དཀར་ཕྱོགས་ཀྱི། །ལྷ་དང་ཀླུ་ཆེན་བརྒྱད་སོགས་གཏེར་བདག་རྣམས། །ཁྲོམ་ཚོགས་བཞིན་དུ་མངོན་སུམ་བཞུགས་པ་ཡི། །གནས་གསུམ་ཡིག་འབྲུ་གསུམ་ལས་འོད་ཟེར་འཕྲོས། །ནོར་ལྷ་རྒྱ་མཚོའི་ལྷ་ཚོགས་སྤྱན་དྲངས་གྱུར། །རྔ་དང་ཆ་ལང་སིལ་ཁྲོལ་སོགས། །རོལ་མོ་སྣ་ཚོགས་ལྡིར་བ་དང་། །སྤོས་འཐུལ་སྙན་པའི་དབྱངས་ཀྱིས་བོས། །དར་གྱི་གཡབ་མོ་དང་བཅས་པས། །ཧཱུྃ་ཧྲཱིཿསྔོན་བསྐལ་མ་ཡིས་སྣ་དྲངས་ཏེ། ཧཱུྃ་ཧྲཱི། བླ་མ་སེང་ཆེན་ཡིད་བཞིན་དབང་། །ནོར་བུ་དགྲ་འདུལ་ཆེན་པོ་ནི། །དྭངས་སྨན་ཌཱ་ཀིའི་འཁོར་ཚོགས་དང་། །དཔའ་ཐུལ་དགྲ་ལྷའི་རིག་འཛིན་ཚོགས། །ནོར་ལྷ་རྒྱ་མཚོའི་འཁོར་དང་བཅས། །གནས་འདིར་སྤྱན་འདྲེན་གཤེགས་སུ་གསོལ། །སྟངས་སྟབས་ཕྱག་རྒྱ་ཁྲིགས་སེ་ཁྲིག །རྡོ་རྗེ་གར་གྱི་ཉམས་འགྱུར་བརྒྱ། །ངོ་མཚར་ཆོ་འཕྲུལ་ཆེན་པོ་ཡི། །མ་ཐོགས་མྱུར་དུ་སྤྱན་འདྲེན་ནོ། །དམ་ཚིག་རྟེན་ལ་གཉིས་མེད་ཐིམ། །དམ་ཡེ་དབྱེར་མེད་དགྱེས་པར་བཞུགས། །མཆོག་ཐུན་དངོས་གྲུབ་སྩལ་དུ་གསོལ། །གུ་རུ་དྷེ་ཝཱ་ཌཱ་ཀི་ནི་སེདྷ་མ་ཎི་རཱ་ཛ་སརྦ་བ་སུ་དེ་ཝ་ས་མ་ཡ་ཛ་ཛ། ཛཿཧཱུྃ་བྃ་ཧོ། ས་མ་ཡ་ཏིཥྛ་ལྷན། སླར་ཡང་དབང་ལྷས་དབང་བསྐུར་ཞིང་། །རིགས་ཀྱི་བདག་པོས་རྒྱས་བཏབ་གྱུར། །ཕྱག་བྱ་བ་ནི། རང་ལས་སྤྲུལ་པའི་ལུས་གྲངས་མེད། །དཔག་ཡས་འགྲོ་དྲུག་སེམས་ཅན་རྣམས། །ལུས་ཀྱི་འཁྲི་ཤིང་བཟང་པོའི་རྩེར། །སོར་བཅུའི་འདབ་མའི་གོང་བུ་བཀོད། །གཅམ་བུ་མིན་པའི་གདུང་དབྱངས་དང་། །ལྷན་ཅིག་སྒོ་གསུམ་གུས་ཕྱག་འཚལ། །ན་མོ་ན་མ་མི། ཧཱུྃ། དབང་པོ་དྲུག་ལ་མཆོད་པའི་རྫས། །ལྷ་དང་མི་ཡི་གནས་རྣམས་སུ། །བྱང་ཆུབ་སེམས་དཔའི་སྨོན་ལམ་ལས། །བྱུང་བ་དབང་འབྱོར་མཆོད་པའི་སྤྲིན། །ཉེར་སྤྱོད་བདུན་དང་འདོད་ཡོན་ལྔ། །བཀྲ་ཤིས་རྫས་རྟགས་རིན་ཆེན་བདུན། །ཉེ་བའི་རིན་ཆེན་རྣམ་བདུན་དང་། །གཞལ་མེད་ཁང་བཟང་སྐྱེད་ཚལ་དང་། །གླང་ཆེན་རྟ་མཆོག་དྲེའུ་སོགས། །སྤུ་སྡུག་མཛེས་པའི་རི་དྭགས་ཚོགས། །འཇིགས་ཤིང་རྔམ་པའི་གཅན་གཟན་དང་། །འབྲི་གཡག་བ་མཆོག་རྭ་ལུག་ཁྱུ། །སྟག་སེང་ཁྱུང་འབྲུག་རྨ་བྱ་སོགས། །ནམ་མཁའ་ལྡིང་སོགས་འདབ་ཆགས་དང་། །ཡིད་བཞིན་ནོར་བུ་དཔག་བསམ་ཤིང་། །གཏེར་ཆེན་བུམ་པ་བཟང་པོ་དང་། །ཀླུ་ནོར་ཉེར་གཅིག་ལ་སོགས་པ། །མདོར་ན་སྲིད་པའི་ཁམས་རྣམས་སུ། །བཟང་རྒུ་ཇི་སྙེད་མཆིས་སོ་ཅོག །མ་ལུས་བློ་ཡིས་བླངས་ཏེ་འབུལ། །ལྷ་རྫས་བཟང་པོའི་ན་བཟའ་དང་། །རིན་པོ་ཆེ་ཡི་རྒྱན་ཆ་མཛེས། །གོ་ཁྲབ་མདའ་མདུང་རལ་གྲི་སྒྱོགས། །མཚོན་ཆ་རྣམ་པ་སྣ་ཚོགས་འབུལ། །རྩ་བརྒྱད་སྟོང་ལ་སྦྱར་བའི་སྨན། །བདེ་ཆེན་ཆགས་བསྐྱེད་རཀྟ་དང་། །སྤོད་ལྡན་གཏོར་མ་རིན་ཆེན་འབར། །ཇ་ཆང་འོ་ཞོ་མཚོ་ལྟར་བསྐྱིལ། །དཀར་མངར་སྐྱེམས་ཕུད་གངྒའི་རྒྱུན། །ཞལ་ཟས་ཕྱེ་མར་གངས་རི་ལྟར། །ལེགས་པར་སྤུངས་པའི་མཆོད་པ་འབུལ། །རབ་ཏུ་དགའ་བའི་ཉམས་འགྱུར་ཅན། །པད་ཅན་དུང་ཅན་རི་དྭགས་མ། །ལྷ་མོ་ཀླུ་མོ་བདེ་སྐྱིད་མ། །རིན་ཆེན་སིལ་ཁྲོལ་རྒྱན་ལྡན་མས། །སྐུ་ལ་བདེ་ཆེན་མཆོད་པ་འབུལ། །ཤིན་ཏུ་གདུག་ཅིང་གཏུམ་པའི་ཚོགས། །བརྣབ་སེམས་སེར་སྣའི་ལས་ངན་གྱི། །འཕངས་པའི་གཞན་སྡེ་བཟའ་བ་ཡི། །མི་དང་མི་མིན་འབྱུང་པོ་རྣམས། །ཨེ་དབྱིངས་འབར་བའི་གཏུན་ཁུང་དུ། །རྡོ་རྗེ་ཐོ་བས་བཅོམ་པ་དང་། །རྡོ་རྗེ་རལ་གྲིས་གཞོམ་པ་ཡི། །སྒྲོལ་བའི་མཆོད་པ་རྨད་དུ་བྱུང་། །སངས་རྒྱས་མཛད་པ་ངོ་མཚར་ཆེ། །ཧ་ཧ་ཧེ་ཧིའི་དགྱེས་པར་རོལ། །མཆོད་པ་དམ་པ་བླ་ན་མེད། །ཇི་སྙེད་སྣང་བ་འདི་དག་ཀུན། །ཇི་ལྟ་བ་བཞིན་བཅོས་བསླད་མེད། །རོ་མཉམ་ཆེན་པོའི་མཆོད་པ་ནི། །མཆོད་པ་ཀུན་བདག་ཨེ་མ་ཧོཿཨ་ལ་ལ་སྟེ་དངོས་གྲུབ་སྩོལ། །ནམ་མཁའ་མཛོད་སྔགས་དང་། སརྦ་པཱུ་ཛ་ས་མ་ཡ་ཧོཿབསྟོད་པ་ནི། ཧཱུྃ་ཧྲཱིཿམ་བཅོས་སྤྲོས་བྲལ་སོགས། ས་བཅུའི་སེམས་དཔའ་རིག་འཛིན་དགྲ་ལྷའི་སྐུ། །ཤེས་རབ་རལ་གྲི་མདའ་གཞུ་འཆང་བ་པོ། །རྡོ་རྗེའི་ཡ་ལད་རིན་ཆེན་རྒྱན་གྱིས་བརྒྱན། །ཛམ་གླིང་སེང་ཆེན་རྒྱལ་པོ་ཁྱོད་ལ་བསྟོད། །དྭངས་སྨན་ཌཱ་ཀི་བཀའ་བློན་དཔའ་ཐུལ་དང་། །དགྲ་ལྷ་ཝེར་མ་ནོར་ལྷ་གཏེར་བདག་སོགས། །འདོད་རྒུའི་གྲུ་ཆར་ཡོངས་སུ་འབེབས་མཛད་པ། །ནོར་ལྷ་རྒྱ་མཚོའི་ཚོགས་ལ་ཕྱག་འཚལ་བསྟོད། །སྐུ་དང་གསུང་ཐུགས་ཡོན་ཏན་དཔག་མེད་མཛོད། །ཕྲིན་ལས་རྣམ་བཞིའི་འགྲོ་དོན་རྫོགས་མཛད་པ། །སེང་ཆེན་བསམ་འཕེལ་དབང་གི་དཀྱིལ་འཁོར་ལྷར། །གུས་པས་བསྟོད་དོ་དངོས་གྲུབ་རྣམ་གཉིས་སྩོལ། །བཟླས་པ་ནི། བླ་མ་སེང་ཆེན་ཐུགས་ཀ་རུ། །གུ་རུ་པདྨ་སཾ་བྷ་ཝ། །སྐུ་མདོག་དཀར་ལ་དམར་བའི་མདངས། །ཕྱག་གཉིས་རྡོ་རྗེ་རྒྱལ་མཚན་དང་། །ཐོད་པ་ནོར་བུའི་བཀང་བ་བསྣམས། །ཚོན་གང་ཙམ་གྱི་ཐུགས་ཀ་རུ། །ནོར་བུ་ཟུར་བརྒྱད་ལྟེ་བར་ཧྲཱིཿ། གསེར་གྱི་མདོག་ཅན་མཐའ་བསྐོར་དུ། །སྔགས་ཀྱི་ཕྲེང་བས་བསྐོར་བ་ལས། །འོད་འཕྲོས་འགྲོ་བའི་སྒྲིབ་པ་སྦྱངས། །སྣོད་བཅུད་དག་པའི་ཞིང་དུ་གྱུར། །སྐུ་དང་སྔགས་ལས་འོད་ཟེར་སྤྲིན། །མཁའ་དབྱིངས་ཁྱབ་པར་འཕྲོས་པ་ལས། །འདོད་རྒུའི་གྲུ་ཆར་འབེབས་པ་ཡི། །བརྟན་གཡོའི་རྒུད་པ་ཀུན་ཞི་ནས། །ནམ་མཁའ་མཛོད་ལ་དབང་འབྱོར་ཞིང་། །ནོར་ལྷ་རྒྱ་མཚོའི་དཀྱིལ་འཁོར་དང་། །དབྱེར་མེད་གཅིག་ཏུ་རྫོགས་པར་བསམ། ཨོཾ་ཨཱཿབཛྲ་གུ་རུ་པདྨ་སཾ་བྷ་ཝ་སིདྷ་མ་ཎི་རཱ་ཛ་སརྦ་སིདྡྷི་ཕ་ལ་ཧཱུྃཿབསྙེན་པའོ། །ཨོཾ་ཨཱཿཧཱུྃ་བཛྲ་གུ་རུ་པདྨ་སཾ་བྷ་ཝ་སིདྷ་མ་ཎི་རཱ་ཛ་མཎྜལ་ལ་སརྦ་བ་སུ་དེ་ཝ་ཨ་ཡུར་པུཎྱེ་ཛྙཱ་ན་པུཥྚིཾ་ཀུ་རུ་ཨོཾ། སྒྲུབ་པའོ། །སྒྲུབ་སྔགས་མཐར། རཏྣ་པུཎྱེ་ན་ན་ཁ་དྷེ་སོགས་ལས་སྦྱོར་རོ། །ཐུན་མཐར་སྟོང་ཚིག་མཆོད་བསྟོད་བྱ། །གསོལ་མཆོད་བསྐང་བཤགས་གཡང་འགུགས་རྣམས། །གཞན་ནས་འབྱུང་བ་ལྟར་བྱ་ཞིང་། །ལས་གཞུང་གང་ལ་བརྟེན་པ་ཡི། །ཚོགས་མཆོད་ལ་སོགས་རྒྱས་པར་སྦྱོར། །རྗེས་ལ་མཆོད་བསྟོད་ནོང་བཤགས་དང་། །བརྟན་བཞུགས་ལ་སོགས་རྗེས་རིམ་རྣམས། །ཡི་དམ་གང་བྱས་དེ་བཞིན་བྱ། །ཅེས་པའང་པདྨ་ཡེ་ཤེས་རྡོ་རྗེར་ས་ཁྱི་ཟླ་བདུན་ཚེས་སྐོར་ཞིག་ལ་རྡོ་རྗེ་གླིང་དུ་མངོན་རྟོགས་ལྟར་གྱི་སྐུ་ཡི་ཉམས་བན་བུན་ཤར་བ་བཞིན་ཞག་ཤས་ནས་ཉམས་མཚར་བྲིས་པའོ། །ཁ་སྐོངས་རིགས་མི་ཕམ་གསུང་ནས་བསྣན། ཡི་དམ་རྩ་གསུམ་ཡང་ན་རྟ་མགྲིན་ལྟ་བུ་སྦྱར་ན་ལེགས་ཤས་ཆེ། །། །
[edit]

@#/__/seng chen yid bzhin nor bu'i g.yang sgrub bsam 'phel dbang rgyal zhes bya ba bzhugs so/__/ na mo gu ru sid+ha rA dza ye/__dgra lha'i rgyal po sku rje seng chen gyi/__/sgrub thabs nor bu dpag bsam ljon shing gi/__rgyas pa'i las sgrub zab pa'i man ngag ni/__/nyung ngur bkod la rtag tu dge gyur cig__/de la gza' skar rgyas pa'i 'phrod sbyor dus/__/gtor ma khang bzang sum brtsegs lcags ri dang /__/nor bu'i mtshan pa dar gyis brgyan pa dang /__/sku gsung thugs rten srog 'khor bla rdo dang /__/phyi nang gsang ba'i mchod tshogs mdzes par bshams/__/rang nyid gsang bdag nga rgyal la gnas pas/__/mdun du nor bu'i brgyan pa'i gzhal med khang /__/brjid chags bkod legs mdzes pa'i nang dbus su/__/pad+ma 'dab ma stong phrag brdal ba dang /__/nyi zla rab tu rgyas pa'i gdan gyi steng /__/sku rje seng chen yid bzhin dbang gi rgyal/__/gser mdog dzam+bu nA da'i mdangs kyis 'khyud/__/seng ge dkar mo bsgyings pa'i steng na 'gying /__/phyag g.yas sba lcag nor bu'i rgyal mtshan sgrengs/__/g.yon pa dkur brten gter bum nor bus brgyan/__/mchan g.yon ne'u le sngon po nor bu skyugs/__/mdung mo khams gsum dgra 'dul ba dan 'phyar/__/lha rdzas dar dang rin chen rgyan gyis mdzes/__/rin chen dbu rgyan ze'u srog lnga pa gsol/__/dbu skra phyed bcings lhag ma sil bur grol/__/thor cog rtse mor dbang rgyal tog gis mdzes/__/'khor du gsang ba'i yum chen rnam bzhi dang /__/steng phyogs byang chub sems dpa' rin chen mang /__/oM rgyan bla ma nor lha la sogs pa/__/rtsa brgyud bla ma mkha' klong 'khyil ba sogs/__/yi dam lha tshogs rnam sras mdung dmar can/__/rta bdag brgyad dang zhang blon la sogs dang /__/dzaM lha rigs lnga nor rgyun dpal chen mo/__/kun 'khyil mched gsum tshe ring mched lnga dang /__/thang lha spom ra la sogs dkar phyogs kyi/__/lha dang klu chen brgyad sogs gter bdag rnams/__/khrom tshogs bzhin du mngon sum bzhugs pa yi/__/gnas gsum yig 'bru gsum las 'od zer 'phros/__/nor lha rgya mtsho'i lha tshogs spyan drangs gyur/__/rnga dang cha lang sil khrol sogs/__/rol mo sna tshogs ldir ba dang /__/spos 'thul snyan pa'i dbyangs kyis bos/__/dar gyi g.yab mo dang bcas pas/__/hU~M hrIHsngon bskal ma yis sna drangs te/__hU~M hrI/__bla ma seng chen yid bzhin dbang /__/nor bu dgra 'dul chen po ni/__/dwangs sman DA ki'i 'khor tshogs dang /__/dpa' thul dgra lha'i rig 'dzin tshogs/__/nor lha rgya mtsho'i 'khor dang bcas/__/gnas 'dir spyan 'dren gshegs su gsol/__/stangs stabs phyag rgya khrigs se khrig__/rdo rje gar gyi nyams 'gyur brgya/__/ngo mtshar cho 'phrul chen po yi/__/ma thogs myur du spyan 'dren no/__/dam tshig rten la gnyis med thim/__/dam ye dbyer med dgyes par bzhugs/__/mchog thun dngos grub stsal du gsol/__/gu ru d+he wA DA ki ni sed+ha ma Ni rA dza sarba ba su de wa sa ma ya dza dza/__dzaHhU~M ba~M ho/__sa ma ya tiSh+Tha lhan/__slar yang dbang lhas dbang bskur zhing /__/rigs kyi bdag pos rgyas btab gyur/__/phyag bya ba ni/__rang las sprul pa'i lus grangs med/__/dpag yas 'gro drug sems can rnams/__/lus kyi 'khri shing bzang po'i rtser/__/sor bcu'i 'dab ma'i gong bu bkod/__/gcam bu min pa'i gdung dbyangs dang /__/lhan cig sgo gsum gus phyag 'tshal/__/na mo na ma mi/__hU~M/__dbang po drug la mchod pa'i rdzas/__/lha dang mi yi gnas rnams su/__/byang chub sems dpa'i smon lam las/__/byung ba dbang 'byor mchod pa'i sprin/__/nyer spyod bdun dang 'dod yon lnga/__/bkra shis rdzas rtags rin chen bdun/__/nye ba'i rin chen rnam bdun dang /__/gzhal med khang bzang skyed tshal dang /__/glang chen rta mchog dre'u sogs/__/spu sdug mdzes pa'i ri dwags tshogs/__/'jigs shing rngam pa'i gcan gzan dang /__/'bri g.yag ba mchog rwa lug khyu/__/stag seng khyung 'brug rma bya sogs/__/nam mkha' lding sogs 'dab chags dang /__/yid bzhin nor bu dpag bsam shing /__/gter chen bum pa bzang po dang /__/klu nor nyer gcig la sogs pa/__/mdor na srid pa'i khams rnams su/__/bzang rgu ji snyed mchis so cog__/ma lus blo yis blangs te 'bul/__/lha rdzas bzang po'i na bza' dang /__/rin po che yi rgyan cha mdzes/__/go khrab mda' mdung ral gri sgyogs/__/mtshon cha rnam pa sna tshogs 'bul/__/rtsa brgyad stong la sbyar ba'i sman/__/bde chen chags bskyed rak+ta dang /__/spod ldan gtor ma rin chen 'bar/__/ja chang 'o zho mtsho ltar bskyil/__/dkar mngar skyems phud gang+ga'i rgyun/__/zhal zas phye mar gangs ri ltar/__/legs par spungs pa'i mchod pa 'bul/__/rab tu dga' ba'i nyams 'gyur can/__/pad can dung can ri dwags ma/__/lha mo klu mo bde skyid ma/__/rin chen sil khrol rgyan ldan mas/__/sku la bde chen mchod pa 'bul/__/shin tu gdug cing gtum pa'i tshogs/__/brnab sems ser sna'i las ngan gyi/__/'phangs pa'i gzhan sde bza' ba yi/__/mi dang mi min 'byung po rnams/__/e dbyings 'bar ba'i gtun khung du/__/rdo rje tho bas bcom pa dang /__/rdo rje ral gris gzhom pa yi/__/sgrol ba'i mchod pa rmad du byung /__/sangs rgyas mdzad pa ngo mtshar che/__/ha ha he hi'i dgyes par rol/__/mchod pa dam pa bla na med/__/ji snyed snang ba 'di dag kun/__/ji lta ba bzhin bcos bslad med/__/ro mnyam chen po'i mchod pa ni/__/mchod pa kun bdag e ma hoHa la la ste dngos grub stsol/__/nam mkha' mdzod sngags dang /__sarba pU dza sa ma ya hoHbstod pa ni/__hU~M hrIHma bcos spros bral sogs/__sa bcu'i sems dpa' rig 'dzin dgra lha'i sku/__/shes rab ral gri mda' gzhu 'chang ba po/__/rdo rje'i ya lad rin chen rgyan gyis brgyan/__/dzam gling seng chen rgyal po khyod la bstod/__/dwangs sman DA ki bka' blon dpa' thul dang /__/dgra lha wer ma nor lha gter bdag sogs/__/'dod rgu'i gru char yongs su 'bebs mdzad pa/__/nor lha rgya mtsho'i tshogs la phyag 'tshal bstod/__/sku dang gsung thugs yon tan dpag med mdzod/__/phrin las rnam bzhi'i 'gro don rdzogs mdzad pa/__/seng chen bsam 'phel dbang gi dkyil 'khor lhar/__/gus pas bstod do dngos grub rnam gnyis stsol/__/bzlas pa ni/__bla ma seng chen thugs ka ru/__/gu ru pad+ma saM b+ha wa/__/sku mdog dkar la dmar ba'i mdangs/__/phyag gnyis rdo rje rgyal mtshan dang /__/thod pa nor bu'i bkang ba bsnams/__/tshon gang tsam gyi thugs ka ru/__/nor bu zur brgyad lte bar hrIH/__gser gyi mdog can mtha' bskor du/__/sngags kyi phreng bas bskor ba las/__/'od 'phros 'gro ba'i sgrib pa sbyangs/__/snod bcud dag pa'i zhing du gyur/__/sku dang sngags las 'od zer sprin/__/mkha' dbyings khyab par 'phros pa las/__/'dod rgu'i gru char 'bebs pa yi/__/brtan g.yo'i rgud pa kun zhi nas/__/nam mkha' mdzod la dbang 'byor zhing /__/nor lha rgya mtsho'i dkyil 'khor dang /__/dbyer med gcig tu rdzogs par bsam/__oM AHbadz+ra gu ru pad+ma saM b+ha wa sid+ha ma Ni rA dza sarba sid+d+hi pha la hU~MHbsnyen pa'o/__/oM AHhU~M badz+ra gu ru pad+ma saM b+ha wa sid+ha ma Ni rA dza maN+Dal la sarba ba su de wa a yur puN+ye dz+nyA na puSh+TiM ku ru oM/__sgrub pa'o/__/sgrub sngags mthar/__rat+na puN+ye na na kha d+he sogs las sbyor ro/__/thun mthar stong tshig mchod bstod bya/__/gsol mchod bskang bshags g.yang 'gugs rnams/__/gzhan nas 'byung ba ltar bya zhing /__/las gzhung gang la brten pa yi/__/tshogs mchod la sogs rgyas par sbyor/__/rjes la mchod bstod nong bshags dang /__/brtan bzhugs la sogs rjes rim rnams/__/yi dam gang byas de bzhin bya/__/ces pa'ang pad+ma ye shes rdo rjer sa khyi zla bdun tshes skor zhig la rdo rje gling du mngon rtogs ltar gyi sku yi nyams ban bun shar ba bzhin zhag shas nas nyams mtshar bris pa'o/__/kha skongs rigs mi pham gsung nas bsnan/__yi dam rtsa gsum yang na rta mgrin lta bu sbyar na legs shas che/__//__/

Footnotes

Other Information