JKCL-KABUM-03-GA-014

From Khyentse Lineage - A Tsadra Foundation Project
Revision as of 17:50, 30 November 2021 by Mort (talk | contribs)
(diff) ← Older revision | Latest revision (diff) | Newer revision → (diff)

ཨོ་རྒྱན་རིན་པོ་ཆེ་ལ་གསོལ་བ་འདེབས་པ་བདུད་དཔུང་མཐར་བྱེད་རྡོ་རྗེ་རྩེ་བརྒྱ།
Wylie title o rgyan rin po che la gsol ba 'debs pa bdud dpung mthar byed rdo rje rtse brgya JKCL-KABUM-03-GA-014.pdf
Location chos kyi blo gros bka' 'bum
Volume 3, Text 14, Pages 49-52 (Folios 1a1 to 2b5)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. o rgyan rin po che la gsol ba 'debs pa bdud dpung mthar byed rdo rje rtse brgya. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 3: 49-52. Bir, H.P.: Khyentse Labrang, 2012.
Genre Supplications - gsol 'debs
Deity pad+ma 'byung gnas
Colophon

ཅེས་པའང་ས་མོ་གླང་གི་ལོ་གསར་དུ་ཚེས་བའི་དགའ་བ་དང་པོར་རིག་འཛིན་གྱི་བཙུན་པ་འཇིགས་མེད་ནམ་མཁའི་རྡོ་རྗེ་ཚེ་དབང་གྲུབ་པ་རྩལ་གྱིས་སྙིང་ཐག་པ་ནས་དད་ཅིང་གུས་པས་གསོལ་བ་འདེབས་པ་འབྲེལ་ཚད་རྣམས་ཀྱི་རྒྱུད་ལ་ཨུ་རྒྱན་རྡོ་རྗེ་འཆང་གི་བྱིན་རླབས་རྒྱུད་ལ་ཞུགས་ཤིང་དུས་ཀྱི་རྒུད་པ་ཐམས་ཅད་ཉེ་བར་ཞི་བར་བྱིན་གྱིས་བརླབས་ཏུ་གསོལ། ཤུ་བྷ་མསྟུ་སརྦ་ཛ་པ་ཏཾ།།

ces pa'ang sa mo glang gi lo gsar du tshes ba'i dga' ba dang por rig 'dzin gyi btsun pa 'jigs med nam mkha'i rdo rje tshe dbang grub pa rtsal gyis snying thag pa nas dad cing gus pas gsol ba 'debs pa 'brel tshad rnams kyi rgyud la u rgyan rdo rje 'chang gi byin rlabs rgyud la zhugs shing dus kyi rgud pa thams cad nye bar zhi bar byin gyis brlabs tu gsol/__shu b+ha mastu sarba dza pa taM//

":Property:textsubnumber|textsubnumber" can not be assigned to a declared number type with value 1.

[edit]
ཨོ་རྒྱན་རིན་པོ་ཆེ་ལ་གསོལ་བ་འདེབས་པ་བདུད་དཔུང་མཐར་བྱེད་རྡོ་རྗེ་རྩེ་བརྒྱ་ཞེས་བྱ་བ་བཞུགས་སོ། །ན་མོ་གུ་རུ་པདྨ་ཀཱ་ར་ཡེ། ཀ་དག་སྟོང་ཆེན་སྤྲོས་བྲལ་ཆོས་ཀྱི་སྐུ། །ལྷུན་གྲུབ་གསལ་མདངས་རིགས་ལྔ་གངས་ཆེན་མཚོ། །ཐུགས་རྗེ་འགྲོ་འདུལ་སྤྲུལ་པའི་སྐུར་བཞེངས་པ། །ཨོ་རྒྱན་རིན་པོ་ཆེ་ལ་གསོལ་བ་འདེབས། །གུ་རུ་ཐུབ་དྲུག་ཐོད་ཕྲེང་སྡེ་ལྔ་དང་། །མཚན་བརྒྱད་འཕྲུལ་མཚན་བཅུ་གཉིས་བཞི་བཅུ་སོགས། །མཐའ་ཡས་ཞིང་ན་ཡོངས་སུ་ཁྱབ་པའི་བདག །པདྨ་འབྱུང་གནས་ཞབས་ལ༴ །རིག་འཛིན་བླ་མ་རྒྱ་མཚོའི་སྤྱི་གཟུགས་ཆེ། །ཡི་དམ་ཞི་ཁྲོ་ཀུན་གྱི་ངོ་བོ་ཉིད། །མཁའ་འགྲོ་ཡོངས་གྱི་མིང་པོ་དཔའ་བོ་ཆེ། །རྡོ་རྗེ་ཐོད་ཕྲེང་རྩལ་ལ༴ །སྣང་བ་མཐའ་ཡས་སོར་རྟོག་ཡེ་ཤེས་ནི། །སིནྡྷཱུའི་དྭངས་མཚོར་རང་བྱུང་པད་སྡོང་རྩེར། །མངལ་དྲིས་མ་གོས་མཚན་དང་དཔེ་བྱད་ལྡན། །མཚོ་སྐྱེས་རྡོ་རྗེའི་ཞབས་ལ་གསོལ་བ་འདེབས། །སངས་རྒྱས་ཀུན་འདུས་གུ་རུ་རིན་པོ་ཆེ། །དམ་ཆོས་ཀུན་འདུས་གུ་རུ༴ །དགེ་འདུན་ཀུན་འདུས༴ །བླ་མ་ཀུན་འདུས༴ །ཡི་དམ་ཀུན་འདུས༴ །མཁའ་འགྲོ་ཀུན་འདུས༴ །ཆོས་སྐྱོངས་ཀུན་འདུས༴ །ནོར་ལྷ་ཀུན་འདུས༴ །སྐྱབས་གནས་ཀུན་འདུས་གུ་རུ་རིན་པོ་ཆེ། །རྔ་ཡབ་པདྨ་འོད་ཀྱི་ཕོ་བྲང་ནས། །སྔོན་གྱི་དམ་བཅའ་ཐུགས་བསྐྱེད་དུས་འདིར་དགོངས། །གློག་ལྟར་མྱུར་བའི་ཐུགས་རྗེས་ཤུགས་བསྐྱེད་དོ། །ཁྱོད་ཀྱི་རྗེས་འཇུག་བོད་འབངས་རྣམས་ལ་གཟིགས། །ད་ལྟ་རྩོད་དུས་སྙིགས་མའི་མཐའ་ལ་ཐུག །མི་དགེ་བཅུ་ལ་བག་མེད་སྤྱོད་པ་དང་། །སྡོམ་པ་གསུམ་གྱི་དམ་ཚིག་ཉམས་ཆགས་སོགས། །མ་རུང་ལས་ཀྱི་འབྲས་བུ་དུས་སུ་སྨིན། །མི་རྣམས་ཕལ་ཆེར་བསམ་སྦྱོར་ཕྱིན་ཅི་ལོག །སྡང་སེམས་ཞེ་སྡང་ཕྲག་དོག་སེར་སྣ་དང་། །འདོད་ཆགས་གཏི་མུག་མེ་ཆེན་རབ་སྦར་ནས། །གཞན་འབྱོར་དཔལ་ལ་མི་བཟོད་སྡང་ཞིང་འཁུ། །ཕན་ཚུན་འཐབས་རྩོད་དགྲ་ཇག་ཆོམ་རྐུན་དང་། །དཀོན་མཆོག་དཀོར་འཕྲོག་ལ་སོགས་སྡིག་བསགས་སྟེ། །སངས་རྒྱས་བསྟན་པ་རིན་ཆེན་དམའ་དབབ་ཅིང་། །བསྟན་འཛིན་སྐྱེས་བུ་ཐམས་ཅད་དབུ་འཕང་སྨད། །ཆོས་རྒྱལ་ཆབ་སྲིད་རྒུད་པར་བྱེད་པ་སོགས། །འཇིག་རྟེན་མི་བདེ་ཕུང་བྱེད་འགོང་པོའི་ཚོགས། །སྡེ་རིས་དང་བཅས་གང་དུ་གནས་པ་རྣམས། །མ་ཧཱ་གུ་རུ་སྣང་སྲིད་ཟིལ་གནོན་རྩལ། །རྡོ་རྗེ་དྲག་པོ་རྩལ་གྱི་སྤྲུལ་པ་ནི། །ཉི་ཟེར་རྡུལ་ལྟར་འཚུབས་པས་དྲག་ཏུ་གཟིར། །རྒྱལ་བའི་བསྟན་ལ་ལོག་པར་སེམས་པ་ཡི། །ལྷ་མིན་ཀླ་ཀློ་དུ་རུ་ཀ་ཡི་དཔུང་། །རྩ་བ་ཡན་ལག་བསྡོངས་ཟླ་སྣ་ཁྲིད་དང་། །རྗེས་སུ་འབྲངས་རྣམས་ཐལ་བའི་རྡུལ་བཞིན་རློགས། །མིང་གི་ལྷག་མ་ཙམ་ཡང་མེད་པར་མཛོད། །རྒྱ་འདྲེ་འགོང་པོ་དམ་སྲིའི་རྒྱུ་ལམ་ཆོད། །གཟུགས་ཅན་གཟུགས་མེད་གནོད་པའི་རིགས་མཐའ་དག །ཁྱོད་མཚན་དྲན་པ་ཙམ་གྱིས་བཟློག་པ་དང་། །མཐུན་རྐྱེན་ཚེ་བསོད་དཔལ་འབྱོར་རྒྱས་པར་མཛོད། །དཀར་ཕྱོགས་ལྷ་རྣམས་རྟེན་ལ་བཀོལ་བ་དང་། །དྲེགས་པ་སྡེ་བརྒྱད་རྡོ་རྗེའི་བཀའ་ཡིས་གཟིར། །བསམ་སྦྱོར་ངན་པ་ནུས་མེད་རབ་ཞི་ནས། །གཞན་ཕན་བྱང་ཆུབ་སེམས་དང་ལྡན་པར་མཛོད། །མི་ཕྱུགས་དལ་ཡམ་འཁྲུགས་རྩོད་ཐམས་ཅད་ཞི། །ཆར་ཆུ་དུས་འབེབས་ལོ་ཕྱུག་ལེགས་པ་དང་། །བཙའ་སད་སེར་དང་འབྱུང་བ་འཁྲུགས་པ་བཟློག །ས་བཅུད་རྩི་བཅུད་བཀྲག་མདངས་རྒྱས་པར་མཛོད། །སེམས་ཅན་ལས་ངན་དབང་དུ་མི་གཏོང་པར། །མགོན་པོ་ཁྱོད་ཀྱི་ཐུགས་རྗེའི་དཔའ་ཚོན་བསྐྱེད། །བོད་འབངས་ཡལ་བར་མ་དོར་པད་འབྱུང་མཁྱེན། །བསླུ་མེད་སྐྱབས་ཀྱི་སྙིང་པོ་པད་འབྱུང་མཁྱེན། །དྲན་ཆོག་རྒྱལ་པོ་གུ་རུ་པད་འབྱུང་མཁྱེན། །ད་ལྟ་ཉིད་དུ་དགོངས་པར་མཛད་དུ་གསོལ། །སྐྱབས་གནས་གཞན་ནས་མི་འཚོལ་ཡིད་ཆེས་བློས། །སྙན་འགྱུར་གདུང་བའི་དབྱངས་ཀྱིས་འབོད་ལགས་ན། །གུ་རུའི་བརྩེ་ཆེན་སྙན་གྱིས་གསན་དུ་གསོལ། །ཡེ་ཤེས་སྤྱན་གྱིས་རྟག་པར་རབ་གཟིགས་ནས། །སེམས་ཅན་སྤྱི་དང་ཁྱད་པར་འཛམ་བུའི་གླིང་། །ཡང་སྒོས་བོད་ཁམས་མཐའ་དབུས་ཐམས་ཅད་ཀུན། །ཁྱོད་ཀྱིས་ཕྱག་གིས་ཁེབས་པར་མཛད་དུ་གསོལ། །སངས་རྒྱས་བསྟན་དར་བསྟན་འཛིན་ཞབས་པད་བརྟན། །དགེ་འདུན་ཁྲིམས་གཙང་བསླབ་གསུམ་ནོར་གྱིས་ཕྱུག །བཤད་དང་སྒྲུབ་པ་རྣམ་པར་དག་པ་འཕེལ། །འཇིག་རྟེན་པ་ཀུན་ཡང་དག་ལྟ་ལ་སྤྱོད། །དེ་འབྲས་རྫོགས་ལྡན་དཔལ་ཡོན་ལྟར་རྒྱས་མཛོད། །བདག་ཅག་ཚེ་རབ་ཀུན་ཏུ་ཨོ་རྒྱན་རྗེས། །ཐུགས་ཀྱི་གསང་མཛོད་ཟབ་མོ་འཛིན་པ་དང་། །རང་སྣང་སྐུ་གསུམ་པདྨ་འོད་ཞིང་དུ། །རང་རིག་པད་འབྱུང་རྗེ་དང་དབྱེར་མེད་ཤོག །ཅེས་པའང་ས་མོ་གླང་གི་ལོ་གསར་དུ་ཚེས་བའི་དགའ་བ་དང་པོར་རིག་འཛིན་གྱི་བཙུན་པ་འཇིགས་མེད་ནམ་མཁའི་རྡོ་རྗེ་ཚེ་དབང་གྲུབ་པ་རྩལ་གྱིས་སྙིང་ཐག་པ་ནས་དད་ཅིང་གུས་པས་གསོལ་བ་འདེབས་པ་འབྲེལ་ཚད་རྣམས་ཀྱི་རྒྱུད་ལ་ཨུ་རྒྱན་རྡོ་རྗེ་འཆང་གི་བྱིན་རླབས་རྒྱུད་ལ་ཞུགས་ཤིང་དུས་ཀྱི་རྒུད་པ་ཐམས་ཅད་ཉེ་བར་ཞི་བར་བྱིན་གྱིས་བརླབས་ཏུ་གསོལ། ཤུ་བྷ་མསྟུ་སརྦ་ཛ་པ་ཏཾ།། །།
[edit]

o rgyan rin po che la gsol ba 'debs pa bdud dpung mthar byed rdo rje rtse brgya zhes bya ba bzhugs so/____/na mo gu ru pad+ma kA ra ye/__ka dag stong chen spros bral chos kyi sku/____/lhun grub gsal mdangs rigs lnga gangs chen mtsho/____/thugs rje 'gro 'dul sprul pa'i skur bzhengs pa/____/o rgyan rin po che la gsol ba 'debs/____/gu ru thub drug thod phreng sde lnga dang /____/mtshan brgyad 'phrul mtshan bcu gnyis bzhi bcu sogs/____/mtha' yas zhing na yongs su khyab pa'i bdag__/pad+ma 'byung gnas zhabs la=____/rig 'dzin bla ma rgya mtsho'i spyi gzugs che/____/yi dam zhi khro kun gyi ngo bo nyid/____/mkha' 'gro yongs gyi ming po dpa' bo che/____/rdo rje thod phreng rtsal la=____/snang ba mtha' yas sor rtog ye shes ni/____/sin+d+hU'i dwangs mtshor rang byung pad sdong rtser/____/mngal dris ma gos mtshan dang dpe byad ldan/____/mtsho skyes rdo rje'i zhabs la gsol ba 'debs/____/sangs rgyas kun 'dus gu ru rin po che/____/dam chos kun 'dus gu ru=____/dge 'dun kun 'dus=____/bla ma kun 'dus=____/yi dam kun 'dus=____/mkha' 'gro kun 'dus=____/chos skyongs kun 'dus=____/nor lha kun 'dus=____/skyabs gnas kun 'dus gu ru rin po che/____/rnga yab pad+ma 'od kyi pho brang nas/____/sngon gyi dam bca' thugs bskyed dus 'dir dgongs/____/glog ltar myur ba'i thugs rjes shugs bskyed do/____/khyod kyi rjes 'jug bod 'bangs rnams la gzigs/____/da lta rtsod dus snyigs ma'i mtha' la thug__/mi dge bcu la bag med spyod pa dang /____/sdom pa gsum gyi dam tshig nyams chags sogs/____/ma rung las kyi 'bras bu dus su smin/____/mi rnams phal cher bsam sbyor phyin ci log__/sdang sems zhe sdang phrag dog ser sna dang /____/'dod chags gti mug me chen rab sbar nas/____/gzhan 'byor dpal la mi bzod sdang zhing 'khu/____/phan tshun 'thabs rtsod dgra jag chom rkun dang /____/dkon mchog dkor 'phrog la sogs sdig bsags ste/____/sangs rgyas bstan pa rin chen dma' dbab cing /____/bstan 'dzin skyes bu thams cad dbu 'phang smad/____/chos rgyal chab srid rgud par byed pa sogs/____/'jig rten mi bde phung byed 'gong po'i tshogs/____/sde ris dang bcas gang du gnas pa rnams/____/ma hA gu ru snang srid zil gnon rtsal/____/rdo rje drag po rtsal gyi sprul pa ni/____/nyi zer rdul ltar 'tshubs pas drag tu gzir/____/rgyal ba'i bstan la log par sems pa yi/____/lha min kla klo du ru ka yi dpung /____/rtsa ba yan lag bsdongs zla sna khrid dang /____/rjes su 'brangs rnams thal ba'i rdul bzhin rlogs/____/ming gi lhag ma tsam yang med par mdzod/____/rgya 'dre 'gong po dam sri'i rgyu lam chod/____/gzugs can gzugs med gnod pa'i rigs mtha' dag__/khyod mtshan dran pa tsam gyis bzlog pa dang /____/mthun rkyen tshe bsod dpal 'byor rgyas par mdzod/____/dkar phyogs lha rnams rten la bkol ba dang /____/dregs pa sde brgyad rdo rje'i bka' yis gzir/____/bsam sbyor ngan pa nus med rab zhi nas/____/gzhan phan byang chub sems dang ldan par mdzod/____/mi phyugs dal yam 'khrugs rtsod thams cad zhi/____/char chu dus 'bebs lo phyug legs pa dang /____/btsa' sad ser dang 'byung ba 'khrugs pa bzlog__/sa bcud rtsi bcud bkrag mdangs rgyas par mdzod/____/sems can las ngan dbang du mi gtong par/____/mgon po khyod kyi thugs rje'i dpa' tshon bskyed/____/bod 'bangs yal bar ma dor pad 'byung mkhyen/____/bslu med skyabs kyi snying po pad 'byung mkhyen/____/dran chog rgyal po gu ru pad 'byung mkhyen/____/da lta nyid du dgongs par mdzad du gsol/____/skyabs gnas gzhan nas mi 'tshol yid ches blos/____/snyan 'gyur gdung ba'i dbyangs kyis 'bod lags na/____/gu ru'i brtse chen snyan gyis gsan du gsol/____/ye shes spyan gyis rtag par rab gzigs nas/____/sems can spyi dang khyad par 'dzam bu'i gling /____/yang sgos bod khams mtha' dbus thams cad kun/____/khyod kyis phyag gis khebs par mdzad du gsol/____/sangs rgyas bstan dar bstan 'dzin zhabs pad brtan/____/dge 'dun khrims gtsang bslab gsum nor gyis phyug__/bshad dang sgrub pa rnam par dag pa 'phel/____/'jig rten pa kun yang dag lta la spyod/____/de 'bras rdzogs ldan dpal yon ltar rgyas mdzod/____/bdag cag tshe rab kun tu o rgyan rjes/____/thugs kyi gsang mdzod zab mo 'dzin pa dang /____/rang snang sku gsum pad+ma 'od zhing du/____/rang rig pad 'byung rje dang dbyer med shog__/ces pa'ang sa mo glang gi lo gsar du tshes ba'i dga' ba dang por rig 'dzin gyi btsun pa 'jigs med nam mkha'i rdo rje tshe dbang grub pa rtsal gyis snying thag pa nas dad cing gus pas gsol ba 'debs pa 'brel tshad rnams kyi rgyud la u rgyan rdo rje 'chang gi byin rlabs rgyud la zhugs shing dus kyi rgud pa thams cad nye bar zhi bar byin gyis brlabs tu gsol/__shu b+ha mastu sarba dza pa taM//____//_

Footnotes

Other Information