JKCL-KABUM-02-KHA-084

From Khyentse Lineage - A Tsadra Foundation Project
Revision as of 12:41, 30 November 2021 by Mort (talk | contribs)
(diff) ← Older revision | Latest revision (diff) | Newer revision → (diff)

འཇམ་དབྱངས་བླ་མར་བསྟོད་པ་བྱིན་བརླབ་མྱུར་འཇུག།
Wylie title 'jam dbyangs bla mar bstod pa byin brlab myur 'jug JKCL-KABUM-02-KHA-084.pdf
Location chos kyi blo gros bka' 'bum
Volume 2, Text 84, Pages 657-659 (Folios 1a1 to 2a6)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Associated People ས་སྐྱ་པཎྜི་ཏ་ (sa skya paN+Di ta)
Citation 'jam dbyangs mkhyen brtse chos kyi blo gros. 'jam dbyangs bla mar bstod pa byin brlab myur 'jug. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 2: 657-659. Bir, H.P.: Khyentse Labrang, 2012.
Genre Verses of Praise - bstod pa
Colophon

།ཅེས་པའང་ཤིང་བྱ་སྨིན་ཟླའི་ཚེས་ཉེར་བརྒྱད་ལ་མི་ཕྱེད་དད་པའི་རླབས་ལས་བྱུང་བའི་ཚིག་ཡང་དག་པའོ། །

/ces pa'ang shing bya smin zla'i tshes nyer brgyad la mi phyed dad pa'i rlabs las byung ba'i tshig yang dag pa'o/

":Property:textsubnumber|textsubnumber" can not be assigned to a declared number type with value 1.

[edit]
འཇམ་དབྱངས་བླ་མར་བསྟོད་པ་བྱིན་བརླབ་མྱུར་འཇུག་ཅེས་བྱ་བ་བཞུགས། བླ་མ་འཇམ་པའི་དབྱངས་ལ་ཕྱག་འཚལ་ལོ། །གང་མཚན་ལན་གཅིག་དྲན་པས་ཀྱང་། །སྲིད་ཞིའི་མུན་པ་མཐར་བྱེད་པ། །དོན་གཉིས་ཕྲིན་ལས་དཔལ་སྟེར་བ། །འཇམ་དབྱངས་བླ་མ་ལ་ཕྱག་འཚལ། །རྒྱལ་བ་ཀུན་གྱི་མཁྱེན་རབ་ལྷ། །ངག་གི་དབང་ཕྱུག་འཇམ་པའི་དཔལ། །དཀྱིལ་འཁོར་བདག་པོར་གྱུར་པ་གང་། །མི་ཡི་ཟོལ་འཛིན་ལ་ཕྱག་འཚལ། །སྐྱེ་དང་སྐྱེ་བར་པཎྜི་ཏིའི། །སྐུ་ཡི་བཀོད་པ་དཔག་མེད་སྟོན། །ཉི་མའི་གཉེན་གྱི་བསྟན་པ་ནི། །གསལ་བར་མཛད་པ་ལ་ཕྱག་འཚལ། །ཞིང་འདིར་རྣམ་འདྲེན་ཐུབ་པའི་དབང་། །གཅིག་ལས་མེད་ཅེས་གྲགས་ན་ཡང་། །ཁྱེད་ནི་ངེས་པར་ཐམས་ཅད་མཁྱེན། །གཉིས་པར་གྱུར་གང་ལ༴། ཕྱི་ནང་གྲུབ་མཐའི་ཆུ་གཏེར་ཆེ། །མ་འདྲེས་རྣམ་དཔྱོད་ཧུབ་ཀྱིས་དྲངས། །གང་གི་སྐུ་ཡི་སྣོད་ཆུང་ངུར། །ཡོན་ཏན་རྒྱ་མཚོ་ལ༴། ཕྲ་རབ་རྡུལ་གྱི་ཆོས་ཉིད་ལ། །མཁྱེན་པའི་ཡེ་ཤེས་རབ་འཇུག་ཅིང་། །ཀུན་ཏུ་ཐོགས་མེད་སྤྱན་མངའ་ཞིང་། །ཀུན་ནས་གཟིགས་པ་ལ༴། ཐུབ་དགོངས་མ་དཀྲུགས་དྲང་པོར་འཆད། །སོ་སོར་རིག་བཞིའི་དཔལ་ལྡན་ཤིང་། །བདག་མེད་སེངྒེའི་སྒྲ་ལྡན་པ། །ཀུན་དགའ་རྒྱལ་མཚན་ལ་ཕྱག་འཚལ། །ནང་གི་ཡེ་ཤེས་གཟིགས་པ་ལ། །ཕུལ་བྱུང་ས་བཅུའི་རྩེ་མོར་སོན། །ཆགས་རྟོག་སྤྲོས་པ་རབ་ཞི་བ། །དཔལ་ལྡན་དོན་གྲུབ་ལ་ཕྱག་འཚལ། །སྐུ་ནི་མཚན་དཔེས་བརྒྱན་པས་མཛེས། །གསུང་ལ་ཉེས་པ་གཏན་མི་མངའ། །ཐུགས་ལ་འཁྲུལ་པ་མི་མངའ་བ། །གསང་གསུམ་རྡུལ་བྲལ་ལ་ཕྱག་འཚལ། །གང་ལ་ཉེས་པ་ཕྲ་མོའང་། །མི་མངའ་འདི་ལ་ཀུན་མཁྱེན་དཔང་། །གལ་ཏེ་མཐོང་ན་རང་བློས་ཉེས། །སྒྲིབ་གསུམ་གཏན་སྤངས་ལ་ཕྱག་འཚལ། །འཛམ་གླིང་མཁས་པ་ཀུན་གྱི་རྒྱན། །འཕགས་པའི་ཡུལ་དང་གངས་ཅན་འདིར། །འགྲན་ཟླས་དབེན་པའི་པཎྜི་ཏ། །བསེ་རུ་ལྟ་བུ་ཁྱོད༴། མཁས་པ་མང་ཡང་འཕྲོགས་བྱེད་ཀྱིས། །རྭ་ཅོ་བྲེགས་པ་ཁྱོད་ཉིད་ལགས། །དེ་ཕྱིར་མཁས་པའི་ཅོད་པན་ཆེ། །ས་སྐྱ་པཎ་ཆེན་ལ་ཕྱག་འཚལ། །རྡོ་རྗེ་བཞི་ཡི་དཀྱིལ་འཁོར་ཆེ། །གདོད་ནས་གདན་གསུམ་ཆེན་པོར་གྲུབ། །བདག་ཉིད་ཆེན་པོ་རྣམ་དག་པ། །དཔལ་ལྡན་བླ་མ་ལ༴། ཟག་མེད་ཡོན་ཏན་ས་བཅུ་པའི། །བློ་ཡི་སྤྱོད་ཡུལ་ལས་འདས་ཤིང་། །གངྒཱའི་བྱེ་བ་འབུམ་སྙེད་བདག །དྲི་མ་མེད་པ་ལ༴། ཁ་སྦྱོར་བདུན་ལྡན་རྫོགས་སངས་རྒྱས། །སྐུ་དང་ཞིང་ཁམས་བསམ་མི་ཁྱབ། །སྤྲོ་དང་བསྡུ་བའི་བྱེད་པོ་ཆེ། །རྡོ་རྗེ་འཆང་དབང་ལ་ཕྱག་འཚལ། །བློ་མཆོག་ཟད་མི་ཤེས་པའི་གཏེར། །འཇིགས་བྲལ་སྤོབས་པ་མཛོད་འཆང་བ། །བླ་མ་འཇམ་དབྱངས་མགོན་དེ་ཡི། །ཞབས་ལ་བདག་ནི་ཕྱག་འཚལ་ལོ། །མཆོད་པ་ཀུན་གྱིས་མཆོད་བྱེད་ཅིང་། །སྡིག་པའི་ཚོགས་རྣམས་སྙིང་ནས་བཤགས། །དགེ་བ་ཀུན་ལ་རྗེས་ཡི་རང་། །གང་འདུལ་ཆོས་འཁོར་བསྐོར་དུ་གསོལ། །མྱ་ངན་མི་འདའ་རྟག་པར་བཞུགས། །དགེ་ཚོགས་སེམས་ཅན་ཀུན་ལ་བསྔོ། །བདག་གཞན་སེམས་ཅན་མ་ལུས་ཀུན། །འཇམ་དབྱངས་བླ་མས་རྗེས་འཛིན་ཤོག །བྱང་ཆུབ་རྡོ་རྗེ་འཆང་ཁྱོད་ནི། །བདག་སྙིང་ཟེའུ་འབྲུར་རབ་ཞུགས་ནས། །མི་ཤེས་མུན་པ་འཐིབ་པོ་འདི། །ད་ལྟ་ཉིད་དུ་བསལ་དུ་གསོལ། །མཁྱེན་གཉིས་སྣང་བ་རབ་རྒྱས་ཤིང་། །འཇིགས་བྲལ་སྨྲ་བའི་དབང་ཕྱུག་ཏུ། །གྱུར་ནས་གཞན་ལ་རབ་བརྩེ་བའི། །ནུས་པ་མཆོག་དང་ལྡན་པར་ཤོག །ཁྱོད་ཀྱི་དགོངས་པ་རྫོགས་བྱེད་ཅིང་། །མདོ་སྔགས་ཆོས་ཚུལ་མཐའ་ཡས་ལ། །དབང་འབྱོར་འཆད་རྩོད་རྩོམ་པ་ཡིས། །ཐུབ་པའི་བསྟན་པ་རྒྱས་པར་ཤོག །མདོར་ན་དེང་བཟུང་བྱང་ཆུབ་བར། །བླ་མ་འཇམ་པའི་དབྱངས་ཉིད་ཀྱིས། །མི་འབྲལ་རྗེས་སུ་བཟུང་ནས་ཀྱང་། །དོན་གཉིས་ལྷུན་གྱིས་གྲུབ་པར་ཤོག །ཅེས་པའང་ཤིང་བྱ་སྨིན་ཟླའི་ཚེས་ཉེར་བརྒྱད་ལ་མི་ཕྱེད་དད་པའི་རླབས་ལས་བྱུང་བའི་ཚིག་ཡང་དག་པའོ། ། །།
[edit]

'jam dbyangs bla mar bstod pa byin brlab myur 'jug ces bya ba bzhugs/__bla ma 'jam pa'i dbyangs la phyag 'tshal lo/____/gang mtshan lan gcig dran pas kyang /____/srid zhi'i mun pa mthar byed pa/____/don gnyis phrin las dpal ster ba/____/'jam dbyangs bla ma la phyag 'tshal/____/rgyal ba kun gyi mkhyen rab lha/____/ngag gi dbang phyug 'jam pa'i dpal/____/dkyil 'khor bdag por gyur pa gang /____/mi yi zol 'dzin la phyag 'tshal/____/skye dang skye bar paN+Di ti'i/____/sku yi bkod pa dpag med ston/____/nyi ma'i gnyen gyi bstan pa ni/____/gsal bar mdzad pa la phyag 'tshal/____/zhing 'dir rnam 'dren thub pa'i dbang /____/gcig las med ces grags na yang /____/khyed ni nges par thams cad mkhyen/____/gnyis par gyur gang la=/__phyi nang grub mtha'i chu gter che/____/ma 'dres rnam dpyod hub kyis drangs/____/gang gi sku yi snod chung ngur/____/yon tan rgya mtsho la=/__phra rab rdul gyi chos nyid la/____/mkhyen pa'i ye shes rab 'jug cing /____/kun tu thogs med spyan mnga' zhing /____/kun nas gzigs pa la=/__thub dgongs ma dkrugs drang por 'chad/____/so sor rig bzhi'i dpal ldan shing /____/bdag med seng+ge'i sgra ldan pa/____/kun dga' rgyal mtshan la phyag 'tshal/____/nang gi ye shes gzigs pa la/____/phul byung sa bcu'i rtse mor son/____/chags rtog spros pa rab zhi ba/____/dpal ldan don grub la phyag 'tshal/____/sku ni mtshan dpes brgyan pas mdzes/____/gsung la nyes pa gtan mi mnga'/____/thugs la 'khrul pa mi mnga' ba/____/gsang gsum rdul bral la phyag 'tshal/____/gang la nyes pa phra mo'ang /____/mi mnga' 'di la kun mkhyen dpang /____/gal te mthong na rang blos nyes/____/sgrib gsum gtan spangs la phyag 'tshal/____/'dzam gling mkhas pa kun gyi rgyan/____/'phags pa'i yul dang gangs can 'dir/____/'gran zlas dben pa'i paN+Di ta/____/bse ru lta bu khyod=/__mkhas pa mang yang 'phrogs byed kyis/____/rwa co bregs pa khyod nyid lags/____/de phyir mkhas pa'i cod pan che/____/sa skya paN chen la phyag 'tshal/____/rdo rje bzhi yi dkyil 'khor che/____/gdod nas gdan gsum chen por grub/____/bdag nyid chen po rnam dag pa/____/dpal ldan bla ma la=/__zag med yon tan sa bcu pa'i/____/blo yi spyod yul las 'das shing /____/gang+gA'i bye ba 'bum snyed bdag__/dri ma med pa la=/__kha sbyor bdun ldan rdzogs sangs rgyas/____/sku dang zhing khams bsam mi khyab/____/spro dang bsdu ba'i byed po che/____/rdo rje 'chang dbang la phyag 'tshal/____/blo mchog zad mi shes pa'i gter/____/'jigs bral spobs pa mdzod 'chang ba/____/bla ma 'jam dbyangs mgon de yi/____/zhabs la bdag ni phyag 'tshal lo/____/mchod pa kun gyis mchod byed cing /____/sdig pa'i tshogs rnams snying nas bshags/____/dge ba kun la rjes yi rang /____/gang 'dul chos 'khor bskor du gsol/____/mya ngan mi 'da' rtag par bzhugs/____/dge tshogs sems can kun la bsngo/____/bdag gzhan sems can ma lus kun/____/'jam dbyangs bla mas rjes 'dzin shog__/byang chub rdo rje 'chang khyod ni/____/bdag snying ze'u 'brur rab zhugs nas/____/mi shes mun pa 'thib po 'di/____/da lta nyid du bsal du gsol/____/mkhyen gnyis snang ba rab rgyas shing /____/'jigs bral smra ba'i dbang phyug tu/____/gyur nas gzhan la rab brtse ba'i/____/nus pa mchog dang ldan par shog__/khyod kyi dgongs pa rdzogs byed cing /____/mdo sngags chos tshul mtha' yas la/____/dbang 'byor 'chad rtsod rtsom pa yis/____/thub pa'i bstan pa rgyas par shog__/mdor na deng bzung byang chub bar/____/bla ma 'jam pa'i dbyangs nyid kyis/____/mi 'bral rjes su bzung nas kyang /____/don gnyis lhun gyis grub par shog__/ces pa'ang shing bya smin zla'i tshes nyer brgyad la mi phyed dad pa'i rlabs las byung ba'i tshig yang dag pa'o/__/____//__

Footnotes

Other Information