JKCL-KABUM-02-KHA-037

From Khyentse Lineage - A Tsadra Foundation Project
Revision as of 16:28, 24 November 2021 by Mort (talk | contribs)
(diff) ← Older revision | Latest revision (diff) | Newer revision → (diff)

སྒྲོལ་མ་དཀར་མོར་བསྟོད་པ་ཚངས་པའི་དབྱངས་སྙན་དང་ཚེ་དཔག་དཀར་པོ་ལ་བསྟོད་པ། གཙུག་ཏོར་རྣམ་པར་རྒྱལ་མ་ལ་བསྟོད་པ།
Wylie title sgrol ma dkar mor bstod pa tshangs pa'i dbyangs snyan dang tshe dpag dkar po la bstod pa/ gtsug tor rnam par rgyal ma la bstod pa JKCL-KABUM-02-KHA-037.pdf
Location chos kyi blo gros bka' 'bum
Volume 2, Text 37, Pages 465-468 (Folios 1a1 to 2b1)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. sgrol ma dkar mor bstod pa tshangs pa'i dbyangs snyan dang tshe dpag dkar po la bstod pa gtsug tor rnam par rgyal ma la bstod pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 2: 465-468. Bir, H.P.: Khyentse Labrang, 2012.
Genre Verses of Praise - bstod pa
Deity sgrol ma dkar mo, tshe dkar, gtsug tor rnam rgyal ma
Colophon

།དེ་ལྟར་ལྷ་མཆོག་རྣམ་གསུམ་ལ། །བསྟོད་པ་འདི་ཡང་ཚིག་སྦྱོར་གྱིས། །མཛེས་པའི་བསྡེབས་ལེགས་མ་མཆིས་ཀྱང་། །དད་ལྡན་སློབ་མས་བསྐུལ་བའི་ངོར། །ཆོས་ཀྱི་བློ་གྲོས་འབོད་པ་དེས། །འཕགས་ཡུལ་ཆུ་བོ་གངྒཱའི་དབུས། །གཟིངས་ཀྱི་འཁྲུལ་འཁོར་ལ་ཞུགས་ཚེ། །ངག་ནས་སྨྲས་པ་རིམ་བཞིན་དུ། །བློ་གྲོས་མཆོག་ལྡན་སོར་རྩེས་བྲིས། །དགེ་ལེགས་རིང་འཚོའི་དཔལ་ཡོན་ནི། །གངྒཱའི་རྒྱུན་བཞིན་རྒྱས་རྒྱུར་ཅིག །སརྦ་མངྒ་ལཾ། །

de ltar lha mchog rnam gsum la/____/bstod pa 'di yang tshig sbyor gyis/____/mdzes pa'i bsdebs legs ma mchis kyang /____/dad ldan slob mas bskul ba'i ngor/____/chos kyi blo gros 'bod pa des/____/'phags yul chu bo gang+gA'i dbus/____/gzings kyi 'khrul 'khor la zhugs tshe/____/ngag nas smras pa rim bzhin du/____/blo gros mchog ldan sor rtses bris/____/dge legs ring 'tsho'i dpal yon ni/____/gang+gA'i rgyun bzhin rgyas rgyur cig__/sarba mang+ga laM/

":Property:textsubnumber|textsubnumber" can not be assigned to a declared number type with value 1.

[edit]
སྒྲོལ་མ་དཀར་མོར་བསྟོད་པ་ཚངས་པའི་དབྱངས་སྙན། ཨོཾ་སྭསྟི། འཕགས་མཆོག་ཐུགས་རྗེའི་གཏེར་ཆེན་གྱི། །སྤྱན་གྱི་ཆབ་རྒྱུན་ལས་འཁྲུངས་པ། །ལྷ་མོ་སྒྲོལ་མ་མཚན་སྙན་པའི། །ཚེ་སྦྱིན་དཀར་མོར་ཕྱག་འཚལ་བསྟོད། །བཅུ་དྲུག་ལང་ཚོས་རབ་སྒེག་ཅིང་། །མཚན་དང་དཔེ་བྱད་མེ་ཏོག་མཛེས། །དབུ་སྐྲ་གནག་སྣུམ་སྨིན་ལེགས་མ། །སྲབ་འཇམ་དར་གྱིས་ཀླུབས་ལ་བསྟོད། །རིན་ཐང་བྲལ་བའི་རིན་པོ་ཆེ། །སྣ་ཚོགས་སྤུད་པའི་རྒྱན་ཆས་མཛེས། །ཡེ་ཤེས་སྤྱན་བདུན་རྣམ་པར་གཡོ། །རྡོ་རྗེ་སྐྱིལ་ཀྲུང་བཞུགས་ལ་བསྟོད། །པདྨའི་ལྕུག་ཕྲན་ལྟར་དྲང་བའི། །མཆོག་སྦྱིན་ཚེ་ཡི་དངོས་གྲུབ་སྟེར། །གཡོན་གྱི་མཐེབ་སྲིན་ཐུགས་ཀར་གཏོད། །ཨུཏྤལ་སྡོང་བུ་འཛིན་ལ་བསྟོད། །རབ་དྭངས་དབང་པོའི་གཞུ་ལྟ་བུ། །ཐུགས་ཀར་ཚེ་ཡི་ཙཀྲ་ལ། །རིག་སྔགས་བཀོད་པའི་འཁྲུལ་འཁོར་དང་། །ཐོར་ཅོག་བལྟར་མི་མངོན་པའི་རྩེར། །རིགས་བདག་བླ་མས་བརྒྱན་ལ་འདུད། །ཞི་སོགས་ཕྲིན་ལས་ཐམས་ཅད་ཀུན། །འབད་མེད་འགྲུབ་པའི་སྲུང་འཁོར་དྲུག །སྲ་བརྟན་གཞོམ་གཞིག་བྲལ་བ་ཡིས། །བར་ཆད་བགེགས་ཚོགས་བཅོམ་ལ་བསྟོད། །བརྟན་དང་གཡོ་བའི་ཚེ་བཅུད་ཀུན། །ཁབ་ལེན་རྡོ་ཡིས་ལྕགས་ཕྱེ་བཞིན། །དྲངས་ཏེ་བཞུ་བརྟུལ་བདུད་རྩིའི་རྒྱུན། །གཞོམ་མེད་ཐིག་ལེར་བསྟིམ་ལ་བསྟོད། །ཡེ་ཤེས་དཔྱིད་ཐིག་རྣལ་འབྱོར་གྱིས། །འཆི་མེད་འཇའ་ལུས་རྡོ་རྗེའི་སྐུ། །ཚེ་འདི་ཉིད་ལ་གྲུབ་མཛད་པའི། །ཡིད་བཞིན་འཁོར་ལོར་ཕྱག་འཚལ་བསྟོད། །དེ་ལྟར་བསྟོད་པའི་ལེགས་བྱས་ཀྱིས། །བདག་སོགས་ཚེ་ཡི་དབུལ་བ་ཞི། །འཆི་མེད་སྲོག་གི་ཀ་བ་བརྟན། །བསོད་ནམས་དབང་ཐང་གངྒཱའི་རྒྱུན། །ཡེ་ཤེས་ཟླ་སྣང་འཕེལ་གྱུར་ཅིག །རྒྱལ་བསྟན་རིས་མེད་དར་ཞིང་རྒྱས། །བསྟན་པ་འཛིན་རྣམས་ཞབས་པད་བརྟན། །དགེ་འདུན་ཐུགས་མཐུན་ཆོས་སྤྱོད་འཕེལ། །འཇིག་རྟེན་བཀྲ་ཤིས་བདེ་ལེགས་ཤོག །༈ཚེ་དཔག་དཀར་པོ་ལ་བསྟོད་པ། ཚེ་དང་ཡེ་ཤེས་དཔག་མེད་ཀྱི། །མཚན་ཙམ་གྱིས་ཀྱང་འཆི་བདུད་སེལ། །རྒྱལ་བ་གངྒཱའི་རྡུལ་སྙེད་ཀྱིས། །ཉིན་བཞིན་བསྔགས་པའི་མེ་ཏོག་འཐོར། །བཅོམ་ལྡན་ཤཱཀྱ་སེང་གེ་ཡིས། །ཁྱོད་མཚན་ཨོཾ་ཡིག་གླུར་བླངས་པའི། །གཟུངས་སྔགས་ཟབ་མོ་བཀའ་སྩལ་པས། །བདེན་པའི་ཚིག་གི་ངེས་པ་སྟེར། །དུས་དང་དུས་མིན་འཆི་བདག་གི། ཞགས་པས་ཐེབ་ཅིང་མནར་བ་རྣམས། །ཁྱོད་མཚན་སྐད་ཅིག་དྲན་པས་ཀྱང་། །འཆི་བའི་འཇིགས་པ་སེལ་མཛད་རྒྱལ། །ཟླ་བ་བྱེ་བ་བརྒྱ་ཕྲག་སྤུངས་པའི་སྐུ། །ཡན་ལག་དྲུག་ཅུར་ལྡན་པའི་ཚངས་དབྱངས་གསུང་། །ཟབ་ཞི་སྤྲོས་བྲལ་ནམ་མཁའ་ལྟ་བུའི་ཐུགས། །མགོན་པོ་ཚེ་དཔག་མེད་ལ་ཕྱག་འཚལ་བསྟོད། །དེ་ལྟར་བསྟོད་ལས་བྱུང་བ་ཡི། །བླ་མ་ཚེ་དཔག་མེད་མགོན་གྱི། །པད་མ་རཱ་གའི་བུམ་བཟང་གི། བདུད་རྩིའི་རྒྱུན་གྱི་དབང་ཐོབ་ཤོག ༈གཙུག་ཏོར་རྣམ་པར་རྒྱལ་མ་ལ་བསྟོད་པ། ཨོཾ་སྭསྟཱི། དེ་བཞིན་གཤེགས་པའི་གཙུག་ཏོར་ལས། །བྱུང་བའི་བཅོམ་ལྡན་འདས་མ་ནི། །ཞལ་གསུམ་ཕྱག་བརྒྱད་ཞི་འཛུམ་ལྡན། །ཡེ་ཤེས་དཔག་ཡས་མཆོག་ལ་བསྟོད། །ཁྱོད་ཀྱི་སྐུ་མཆོག་བསྒོམ་པ་དང་། །རིག་སྔགས་རྒྱལ་པོ་བཟླས་པའི་མོད། །འཆི་བདག་གཤིན་རྗེ་ཁྲོས་པ་ཡང་། །ཁ་ཕྱིར་ཕྱོགས་ཏེ་རིངས་པར་འབྲོས། །དེ་བཞིན་གཤེགས་པའི་ཚོགས་རྣམས་དང་། །བྱང་སེམས་དྲང་སྲོང་རིག་འཛིན་ཚོགས། །ཁྱོད་ལ་འདུད་ཅིང་ཁྱོད་བསྙེན་ཏེ། །དབང་བཅུ་མངའ་བ་ཆེན་པོར་གྱུར། །དེ་བཞིན་དུ་ནི་བདག་ཅག་གིས། །རབ་ཏུ་དད་པས་བསྟོད་བྱེད་ན། །འཆི་མེད་ཚེ་དང་ཡེ་ཤེས་ཀྱི། །དངོས་གྲུབ་མཆོག་ནི་སྩོལ་ཅིག་ཀྱེ། །དེ་ལྟར་ལྷ་མཆོག་རྣམ་གསུམ་ལ། །བསྟོད་པ་འདི་ཡང་ཚིག་སྦྱོར་གྱིས། །མཛེས་པའི་བསྡེབས་ལེགས་མ་མཆིས་ཀྱང་། །དད་ལྡན་སློབ་མས་བསྐུལ་བའི་ངོར། །ཆོས་ཀྱི་བློ་གྲོས་འབོད་པ་དེས། །འཕགས་ཡུལ་ཆུ་བོ་གངྒཱའི་དབུས། །གཟིངས་ཀྱི་འཁྲུལ་འཁོར་ལ་ཞུགས་ཚེ། །ངག་ནས་སྨྲས་པ་རིམ་བཞིན་དུ། །བློ་གྲོས་མཆོག་ལྡན་སོར་རྩེས་བྲིས། །དགེ་ལེགས་རིང་འཚོའི་དཔལ་ཡོན་ནི། །གངྒཱའི་རྒྱུན་བཞིན་རྒྱས་རྒྱུར་ཅིག །སརྦ་མངྒ་ལཾ། ། །།
[edit]

sgrol ma dkar mor bstod pa tshangs pa'i dbyangs snyan/__oM swasti/__'phags mchog thugs rje'i gter chen gyi/____/spyan gyi chab rgyun las 'khrungs pa/____/lha mo sgrol ma mtshan snyan pa'i/____/tshe sbyin dkar mor phyag 'tshal bstod/____/bcu drug lang tshos rab sgeg cing /____/mtshan dang dpe byad me tog mdzes/____/dbu skra gnag snum smin legs ma/____/srab 'jam dar gyis klubs la bstod/____/rin thang bral ba'i rin po che/____/sna tshogs spud pa'i rgyan chas mdzes/____/ye shes spyan bdun rnam par g.yo/____/rdo rje skyil krung bzhugs la bstod/____/pad+ma'i lcug phran ltar drang ba'i/____/mchog sbyin tshe yi dngos grub ster/____/g.yon gyi mtheb srin thugs kar gtod/____/ut+pal sdong bu 'dzin la bstod/____/rab dwangs dbang po'i gzhu lta bu/____/thugs kar tshe yi tsakra la/____/rig sngags bkod pa'i 'khrul 'khor dang /____/thor cog bltar mi mngon pa'i rtser/____/rigs bdag bla mas brgyan la 'dud/____/zhi sogs phrin las thams cad kun/____/'bad med 'grub pa'i srung 'khor drug__/sra brtan gzhom gzhig bral ba yis/____/bar chad bgegs tshogs bcom la bstod/____/brtan dang g.yo ba'i tshe bcud kun/____/khab len rdo yis lcags phye bzhin/____/drangs te bzhu brtul bdud rtsi'i rgyun/____/gzhom med thig ler bstim la bstod/____/ye shes dpyid thig rnal 'byor gyis/____/'chi med 'ja' lus rdo rje'i sku/____/tshe 'di nyid la grub mdzad pa'i/____/yid bzhin 'khor lor phyag 'tshal bstod/____/de ltar bstod pa'i legs byas kyis/____/bdag sogs tshe yi dbul ba zhi/____/'chi med srog gi ka ba brtan/____/bsod nams dbang thang gang+gA'i rgyun/____/ye shes zla snang 'phel gyur cig__/rgyal bstan ris med dar zhing rgyas/____/bstan pa 'dzin rnams zhabs pad brtan/____/dge 'dun thugs mthun chos spyod 'phel/____/'jig rten bkra shis bde legs shog__/!tshe dpag dkar po la bstod pa/__tshe dang ye shes dpag med kyi/____/mtshan tsam gyis kyang 'chi bdud sel/____/rgyal ba gang+gA'i rdul snyed kyis/____/nyin bzhin bsngags pa'i me tog 'thor/____/bcom ldan shAkya seng ge yis/____/khyod mtshan oM yig glur blangs pa'i/____/gzungs sngags zab mo bka' stsal pas/____/bden pa'i tshig gi nges pa ster/____/dus dang dus min 'chi bdag gi/__zhags pas theb cing mnar ba rnams/____/khyod mtshan skad cig dran pas kyang /____/'chi ba'i 'jigs pa sel mdzad rgyal/____/zla ba bye ba brgya phrag spungs pa'i sku/____/yan lag drug cur ldan pa'i tshangs dbyangs gsung /____/zab zhi spros bral nam mkha' lta bu'i thugs/____/mgon po tshe dpag med la phyag 'tshal bstod/____/de ltar bstod las byung ba yi/____/bla ma tshe dpag med mgon gyi/____/pad ma rA ga'i bum bzang gi/__bdud rtsi'i rgyun gyi dbang thob shog!gtsug tor rnam par rgyal ma la bstod pa/__oM swastI/__de bzhin gshegs pa'i gtsug tor las/____/byung ba'i bcom ldan 'das ma ni/____/zhal gsum phyag brgyad zhi 'dzum ldan/____/ye shes dpag yas mchog la bstod/____/khyod kyi sku mchog bsgom pa dang /____/rig sngags rgyal po bzlas pa'i mod/____/'chi bdag gshin rje khros pa yang /____/kha phyir phyogs te rings par 'bros/____/de bzhin gshegs pa'i tshogs rnams dang /____/byang sems drang srong rig 'dzin tshogs/____/khyod la 'dud cing khyod bsnyen te/____/dbang bcu mnga' ba chen por gyur/____/de bzhin du ni bdag cag gis/____/rab tu dad pas bstod byed na/____/'chi med tshe dang ye shes kyi/____/dngos grub mchog ni stsol cig kye/____/de ltar lha mchog rnam gsum la/____/bstod pa 'di yang tshig sbyor gyis/____/mdzes pa'i bsdebs legs ma mchis kyang /____/dad ldan slob mas bskul ba'i ngor/____/chos kyi blo gros 'bod pa des/____/'phags yul chu bo gang+gA'i dbus/____/gzings kyi 'khrul 'khor la zhugs tshe/____/ngag nas smras pa rim bzhin du/____/blo gros mchog ldan sor rtses bris/____/dge legs ring 'tsho'i dpal yon ni/____/gang+gA'i rgyun bzhin rgyas rgyur cig__/sarba mang+ga laM/__/____//__

Footnotes

Other Information