DKR-KABUM-07-JA-010: Difference between revisions

From Khyentse Lineage - A Tsadra Foundation Project
No edit summary
No edit summary
Line 1: Line 1:
{{WyliePageHeader}}
{{Khyentse Metadata
 
|classification=Tibetan Publications
<div class="wylie-content"
|subclass=Tibetan Texts
 
|collectiontitle=dil mgo mkhyen brtse bka' 'bum
|collectiontitletib=དིལ་མགོ་མཁྱེན་བརྩེ་བཀའ་འབུམ།
|totalvolumes=25
|author=Khyentse, Dilgo
|authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
|language=Tibetan
|pagestatus=Temporary stub only
|volumenumber=JA
|textnuminvol=010
|pdflink=File:DKR-KABUM-07-JA-010.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
<onlyinclude>
{{TibP|༄༅།  །བླ་མ་བདེ་མཆོག་འཁོར་ལོའི་སྒྲུབ་ཁོག་གྲུབ་གཉིས་མཛོད་བརྒྱའི་ལྡེའུ་མིག་ཅེས་བྱ་བ་བཞུགས་སོ།།


@#/__/bla ma bde mchog 'khor lo'i sgrub khog grub gnyis mdzod brgya'i lde'u mig ces bya ba bzhugs so//
@#/__/bde chen dpyid kyi thig le'i 'jo sgeg las/_/dngos grub lang tsho'i bcud 'dzin rtsa gsum lha/_/rang rig nges pa don gyi bla ma ru/_/gnyis med ro mnyam lta ba'i phyag gis 'dud/_/khyed kyi gsang gsum rdo rje'i grong khyer du/_/bde blag brtson pa'i thabs gzhan tshogs sgrub kyi/_/phyag bzhes rig 'dzin grub pa'i bzhed gzhung bzhin/_/bsdebs la gnang stsol don gnyis lhun grub mdzod/_/de yang grub thob chen po'i thugs tig sgrub thabs snying po skor lnga'i bsnyen sgrub las kyi phreng ba'i gter gzhung rdo rje'i tshig rkang las/_sgrub chen tshom bu tshogs sgrub kyi:_dngos grub nges par don gnyer na:_gnas dus ston 'khor yo byad sogs:_phun sum tshogs pa'i gzhi bzung nas:_bsnyen pas sa yi cho ga dang:_phyi nang gsang ba'i mtshams rnams bcad:_nye bsnyen lhag par gnas pa dang:_dkyil 'khor bzhengs shing rgyas par bkram:_sgrub rdzas sgrub po mnga' gsol nas:_rtags gdab gzi byin mchog tu bskyed:_sgrub pa bdag mdun dbyer med kyi:_phrin las gzhung bsrang dzapa? khang dbye:_dzapa? bskul sgrub pa'i sngags kyi sgra:_bar ma chod cing ting 'dzin gsal:_tshogs kyi mchod pa dus drug 'bul:_bar chad bgegs bsal byin chen dbab:_de ltar nyams blangs rtags thon nas:_sgrub pa chen po rang don du:_dngos grub rim pa tshul bzhin blang:_gzhan don dbang bskur rjes 'dzin bya:_gnyis don smon lam gdab pa sogs:_las kyi phreng ba mthar dbyung ngo:_zhes gsungs pa'i don nyams su len pa'i tshul 'chad pa la/_bla ma longs sku gsung rdo rje bde mchog 'khor lo'i tshogs sgrub kyi las rim bstan pa dang*/_'phros don bshad pa gnyis las/_dang po phun sum tshogs pa lngas sgrub pa'i gzhi bzung ba ni/_rgyud las/_bsnyen rdzogs rtags ldan ston pa dang:_dad brtson brtul zhugs ldan pa'i 'khor:_gnas dus yo byad phun tshogs pas:_zhes dang*/_bsnyen sgrub yan lag rnam pa bzhis:_thun mong mchog gi dngos grub len:_zhes gsungs pa ltar sngon du 'gro ba bsnyen pa dang nye bsnyen/_dngos gzhi'i las rim sgrub pa/_rjes dngos grub blang ba/_sgrub pa mtha' rgyas su bya ba bzhis bsdus pa las/_dang po la lnga/_sa chog_/mtshams gcod/_sta gon/_rten gyi dkyil 'khor bca' ba/_sgrub pa po gnas su 'god pa'o/_/dang po sa brtags pa ni sgrub gnas rnying pa la mi dgos/_sa slong ba ni/_dkyil 'khor gyi stegs bu'i dbus su 'bru'i tshom bu gcig bkod pa'i steng du/_many+dzi'i khar sa lha'i gtor ma dkar zlum mtheb kyu dang ril bus mtshan pa/_mdun du gser skyems dang bcas pa'i mthar/_byang shar du mtshams 'dzin gyi me tog nas brtsams te chu gnyis nyer spyod dang bcas pas g.yas su bskor/_logs gang bder bdag bskyed mchod pa bla gtor dmar zlum sman raka nyer spyod phreng tshar du bshams/_nye bar mkho ba'i yo byad thams cad tshogs par byas la/_bdag gi rnal 'byor ni/_brgyud 'debs dang*/_rdo rje slob dpon sangs rgyas dpal sogs tshogs bsags sngon du 'gro bas/_mchod pa byin rlabs ni/_ra~M ya~M kha~M:_rin chen b+han+d+ha'i snod yangs su:_sman gtor rak+ta 'od du 'bar:_phyi nang nyer spyod bsam mi khyab:_rab 'byams nam mkha' gang bar gyur:_oM sarba pany+tsa a mr-i ta rak+ta ba liM ta AHhU~M:_oM badz+ra ar+g+haM sogs/_shab+da AHhU~M:_phyi snod thams cad gzhal yas khang:_phung khams skye mched yi dam lha:_snang stong chu zla 'ja' tshon ltar:_gsal la ma 'dres rtse gcig bsgom:_oM pad+ma badz+ra hU~M:_zhes bzla/_ye shes lha tshogs sogs kyis mchod bstod phul/_a a a:_hU~M badz+ra kA wA tsi rak+Sha haM:_zhes 'od gsal du bsdu zhing gnyug ma'i lha skur ldang*/_sa lha'i mchod pa rnams a mr-i tas bsang*/_ra~M ya~M kha~M gis sbyang*/_thams cad stong nyid nam mkha'i ngang:_b+h+rU~M las rin chen snod nang du:_oM las phyi nang mchod pa'i tshogs:_so so'i lha mo'i rol par bcas:_rab 'byams nam mkha' gang bar gyur:_oM badz+ra puSh+pe d+hU pe A lo ke gan+d+he nai wi d+ya shab+da pU dza sa ma ya hU~M:_zhes dang*/_gtor gzhong rat+na'i gzhal yas su:_gtor ma 'dod yon phung por spungs:_oM AHhU~M lan gsum rgya dang bcas pas brlabs/_b+hU mi pa ti sa pa ri wA ra badz+ra sa mA dzaH_zhes rdo rje'i bsdu rgya dang bcas spyan drangs/_oM badz+ra ar+g+haM nas/_shab+da pra tIts+tsha swA hA'i bar so so'i phyag rgya dang bcas pas mchod/_rdor thal phye bas/_b+hU mi pa ti sa pa ri wA ra na maHsarba ta thA ga ta b+h+yo bi shwa mu khe b+h+yaH_sarba thA khaM ud+ga te s+pha ra Na i maM ga ga khaM swA hA/_lan gsum gyis gtor ma phul la/_dgongs shig sa bdag lha klu sde dang dpung:_gangs ri g.ya' rtse lu ma skyed mos tshal:_mtsho rdzing lteng ka so so'i gnas rnams nas:_lha klu sa bdag gnas 'dir spyan 'dren gyis:_dzam gling grwa bzhir sgrub pa'i sa bslang phyir:_sa bdag 'khor dang bcas pa 'dir gshegs te:_byin brlabs bsngos pa'i gtor ma 'di bzhes la:_rin chen gter gyi sa 'di bstsal du gsol:_zhes 'dod don gsol nas/_dbang du bya ba ni/_stegs bu'i mdun nas slob dpon gyi dbang mchog gi phur bu bzung la/_bdag nyid pad+ma badz+ra zhal gcig phyag gnyis par gsal ba'i thugs ka'i hU~M las 'od 'phros phur bu la thim/_de nyid dpal rta mgrin gyi skur gyur par bsam la/_hU~M pad+mAn+ta kr-i ta hU~M phaTa?/_ces btab ste lan bdun bzlas pas/_phur bu las byung ba'i 'od zer dmar pos sa gzhi thams cad khyab/_bdag gi dbang du gyur par bsam mo/__/sbyong ba la/_sngags dang phyag rgyas sbyong ba ni/_slob dpon gyi lag g.yas rdo rje rtse lnga par bsams nas phyag rdo rje dang bcas stegs bu'i steng du bzhag_/thams cad kyis rdo rje dang bcas lag g.yas sa la reg pa'i tshul byas nas/_oM swa b+hA wa shud+d+haHsarba d+harma swa b+hA wa shud+d+ho\u0f85haM/_lan gsum gyis sa la bsnun/_ting nge 'dzin gyis sbyong ba ni/_bdag nyid pad+ma badz+rar gsal ba'i thugs ka'i hU~M las hU~M phra mo grangs med phyogs bcur 'phros/_'phags pa mchod sems can gyi don byas/_tshur 'dus ye shes kyi me rlung chur gyur pas ma dag pa'i dngos 'dzin thams cad bsreg gtor sbyangs/_dur khrod rol pa'i zhing khams chen por gyur par bsam/_bsdu na de tsam gyis chog la cung zad spro na bzung ba ni/_seng ldeng gi phur pa cod pan can bcu 'bru'i snod du btsugs pa slob dpon gyi stegs bu'i dbus nas zhal shar du phyogs pa'i mdun du dang*/_phur stegs e bcu rnams phyogs bcur bkod/_bdag gi thugs ka nas hU~M bcu 'phros/_oM TA ki rA dza ma hA kro d+ha hU~M phaTa?/_ces brjod pas khro bo lcags kyu dang tho ba thogs pa spros/_phyogs skyong bcu bkug nas tho bas bsnun te gzir/_e bcur bkod par gyur/_yang rang gi thugs ka nas hU~M yig bcu spros pa las phur bu rnams khro bo bcu sku smad phur bu'i dbal can du gyur/_hU~M bcu brjod/_phyogs bcu'i bgegs rnams kyi snying gar btab par gyur/_slob dpon gyi phyag g.yas tho ba dang*/_g.yon pas steng gi khro bo'i phur pa sogs rim bzhin thogs la/_oM badz+ra kro d+ha hU~M ka ra hU~M/_gardza gardza hU~M phaTa?/_oM g+ha g+ha g+hA ta ya g+hA ta ya sarba duSh+TaM hU~M phaTa?/_kI la ya kI la ya sarba pA paM phaTa?/_hU~M hU~M hU~M badz+ra kI la ya badz+ra d+ha rod adz+nyA pa ya ti sarba big+h+nAM kA ya wAka tsit+ta badz+ra kI la ya hU~M phaTa?/_oM badz+ra kro d+ha bi dza ya hU~M/_ha na ha na hU~M phaTa?/_oM badz+ra kro d+ha ya mAn+ta ka hU~M/_pa tsa pa tsa hU~M phaTa?/_oM badz+ra kro d+ha ha ya gr-I ba hU~M/_hu lu hu lu hU~M phaTa?/_oM badz+ra kro d+ha a mr-i ta kuN+Da li hU~M/_tshin+d+ha tshin+d+ha hU~M phaTa?/_oM badz+ra kro d+ha trai lokya bi dza ya hU~M/_bin+d+ha bin+d+ha hU~M phaTa?/_oM badz+ra kro d+ha a pa rA dzi ta hU~M/_tiSh+Tha tiSh+Tha hU~M phaTa?/_oM badz+ra kro d+ha Ar+Ya a tsa la hU~M/_b+han+d+ha b+han+d+ha hU~M phaTa?/_oM badz+ra kro d+ha nI la daN+Da hU~M/_da ha da ha hU~M phaTa?/_oM badz+ra kro d+ha ma hA ba la hU~M/_s+pho Ta s+pho Ta hU~M phaTa?/_ces khro bcu'i sngags re re'i mthar/_oM g+ha g+ha g+hA ta sogs rdo rje sder mo'i sngags hU~M ka ra bzhin sbyar te 'bar ba'i stangs stabs dang bcas te steng gi phur bur shar gyi shar dang*/_phyogs bzhi shar nas g.yas bskor dang*/_mtshams bzhi byang shar nas g.yon bskor dang*/_'og gi phur bu nub kyi nub tu gdab cing*/_phyogs bcur phur bu btab pas de las byung ba'i ye shes kyi me dpung phyogs thams cad du khyab par 'bar bas bgegs rnams bsregs shing mi gnas par gyur par bsam/_skabs 'dir spyi bshags bya bar gsung pa ni/_sAts+tsha gdab pa/_srog bslu/_nye'u 'don/_bshags skong*/_sbyin sreg_/mgron bzhi la mchod sbyin ci 'byor dang*/_gzungs mdo sgrogs/_khyad par gnas khang gi shar du sher phyin/_lhor stobs po che/_nub tu lang gshegs/_byang du tog gzungs rnams 'don pa sogs dge ba'i dpung bskyed pa'i phyir rang ngam gzhan gyis ci 'grub tu bya'o/__/gnyis pa mtshams bcad pa la gsum las/_dang po phyi mtshams ni sgrub khang gi phyogs bzhi'i tho bzhir rgyal chen so so'i sku rten rgyal mtshan dang bcas pa'i mdun du stegs kheb ldan gyi khar me tog gi tshom bu'i steng du gtor ma dkar zlum mdun du mtheb kyu ril bus mtshan pa re dang*/_de'i mdun du g.yon nas brtsams pa'i chu gnyis nyer spyod lnga dang bcas pa bshams la/_slob dpon 'dus pa dang bcas rol cha ser sbreng gis shar gyi tho'i rtsar 'khod la/_mchod gtor rnams a mr-i tas bsang*/_ra~M ya~M kha~M gis sbyang*/_thams cad stong nyid nam mkha'i ngang:_b+h+rU~M las rin chen snod nang du:_oM las phyi nang mchod pa'i tshogs:_so so'i lha mo'i rol par bcas:_rab 'byams nam mkha' gang bar gyur:_oM badz+ra puSh+pe d+hU pe A lo ke gan+d+he nai wi d+ya shab+da pU dza sa ma ya hU~M:_zhes dang*/_gtor gzhong rat+na'i gzhal yas su:_gtor ma 'dod yon phung por spungs:_oM AHhU~M lan gsum rgya dang bcas pas brlabs/_tho sku rten dang bcas pa/_a mr-i tas bsang*/_swa b+hA was sbyang*/_rang gi thugs ka nas 'od zer 'phros pas ri rab kyi shar phyogs nas rgyal po chen po yul 'khor srung 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM d+hr-iSh+Ta raSh+TA hU~M dzaH_lan nyer gcig gi mthar/_oM badz+ra ar+g+haM nas/_shab+da pra tIts+tsha swA hA'i bar gyis mchod/_rdor thal phye rgyas snying po'i mthar/_ba liM ta nA nA kha dan+tu gr-i h+Na gr-ih+Na hU~M khA hi khA hi:_zhes btags pa lan gsum gyis gtor ma phul/_hU~M:_ri rab gling bzhi'i shar phyogs nas:_phyag na rdo rje dbang gi mthus:_rgyal po chen po yul 'khor srung:_bdag cag re ba bskang ba'i phyir:_ma dag pa rnams mtshams chod cig:_dpal ldan rgyal po chen po yul 'khor srung:_zhi ba'i phrin las mthar phyin sku mdog dkar:_thugs rje'i dbang gis 'gro don pi waM bsnams:_shar phyogs dri za'i 'khor tshogs mtshams chod cig:_ces phrin las gsol bas srung ba'i las mdzad par bsam zhing*/_tiSh+Tha badz+ra zhes me tog 'thor la brtan bzhugs bya/_de nas lho'i mchod gtor sngar ltar byin gyis brlab/_tho bsang sbyang*/_rang gi thugs ka nas 'od zer 'phros pas ri rab kyi lho phyogs nas rgyal po chen po 'phags skyes po 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM bai ru D+ha ka ya hU~M dzaH_zhes lan nyer gcig dang*/_oM badz+ra ar+g+haM sogs kyis mchod/_snying po'i mthar/_ba liM ta sogs btags pa gsum gyis gtor ma phul/_hU~M:_ri rab gling bzhi'i lho phyogs nas:_phyag na rdo rje'i dbang gi mthu:_rgyal po chen po 'phags skyes po:_bdag cag re ba bskang ba'i phyir:_ma dag pa rnams mtshams chod cig:_chos skyong rgyal po chen po 'phags skyes po:_mngon spyod tshul gyis 'gro don mthar phyin sku:_dug gsum 'joms pa'i be con ral gri bsnams:_lho phyogs grul bum 'khor tshogs mtshams chod cig:_ces dang*/_tiSh+Tha badz+ras brtan bzhugs bya/_de nas nub kyi mchod gtor sngar ltar byin gyis brlab/_tho bsang sbyang*/_rang gi thugs ka nas 'od zer 'phros pas ri rab kyi nub phyogs nas rgyal po chen po spyan mi bzang 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM bai rU pak+Sha hU~M dzaH_lan nyer gcig dang _oM badz+ra ar+g+haM sogs kyis mchod/_snying po'i mthar/_ba liM ta btags pa gsum gyis gtor ma phul/_hU~M:_ri rab gling bzhi'i nub phyogs nas:_phyag na rdo rje dbang gi mthus:_rgyal po chen po spyan mi bzang:_bdag cag re ba bskang ba'i phyir:_ma dag pa rnams mtshams chod cig:_chos skyong rgyal po chen po spyan mi bzang:_dbang drag dmar smug 'bar ba 'jigs pa'i sku:_bsod nams tshogs rdzogs rin chen sbrul zhags bsnams:_nub phyogs klu dbang 'khor tshogs mtshams chod cig:__ces dang*/_tiSh+Tha badz+ras brtan bzhugs bya/_de nas byang gi mchod gtor sngar ltar byin gyis brlab/_tho bsang sbyang*/_rang gi thugs ka nas 'od zer 'phros pas ri rab kyi byang phyogs nas rgyal po chen po rnam thos sras 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM bai shra ma Na hU~M dzaH_zhes lan nyer gcig dang*/_oM badz+ra ar+g+haM sogs kyis mchod/_snying po'i mthar/_ba liM ta sogs btags pa gsum gyis gtor ma phul/_hU~M:_ri rab gling bzhi'i byang phyogs nas:_phyag na rdo rje dbang gi mthus:_rgyal po chen po rnam thos sras:_bdag cag re ba bskang ba'i phyir:_ma dag pa rnams mtshams chod cig:_chos skyong rgyal po chen po rnam thos sras:_che ba'i yon tan longs spyod mthar phyin sku:_rin chen gter ldan ne'u le be con bsnams:_byang phyogs gnod sbyin 'khor tshogs mtshams chod cig:_ces dang*/_tiSh+Tha badz+ras brtan bzhugs bya'o/__/gnyis pa bar mtshams la gnyis kyi/_dang po dam sri mnan pa ni/_dug shog la dam sri'i ling+ga spyi mthun gyi snying gar tri'i mthar/_ya ma dam sri gaM pa ri mA ra ya dzaH_zhes bris la dug khrag byug pa brub khung du bkod nas bskul gser skyems gzu dpang dmigs bya 'gugs bstim thun gyis brab nas mnan thod du bcug pa rnams snga nyin nas rdo rje mtshams pa sogs kyis grub pa yod na dang*/_ma grub na ling rkyang sgrub khang gi sgo drung du dong gru gsum brus pa'i nang du bkod la slob dpon gyis gser skyems thogs te/_ra~M ya~M kha~M/_'dod yon zag pa med pa bdud rtsi'i rgya mtshor gyur/_zhes byin gyis brlabs nas/_hU~M:_byin rlabs mchog stsol rtsa brgyud bla ma dang:_bla ma bde mchog yi dam zhi khro'i lha:_sangs rgyas byang sems dpa' bo mkha' 'gro la:_gser skyems mchod pa 'bul lo phrin las mdzod:_mthu stobs dbang phyug ma mgon lcam dral dang:_dregs pa'i sde dpon chen po sum cu sogs:_ye shes las las grub pa'i dam can la:_gser skyems mchod pa 'bul lo phrin las mdzod:_phyi nang gsang ba gab sbas bstan pa skyong:_dregs pa sde brgyad yul lha gzhi bdag sogs:_srid gsum 'byung po mthu stobs can rnams la:_gser skyems mchod pa 'bul lo phrin las mdzod:_ces gser skyems btang*/_e yaM raM dz+wa la raM/_brub khung yangs shing gting zab pa'i nang du tri las dam sri pho mo rid cing nyam thag pa'i lus can du gyur/_na mo/_rig 'dzin sogs bden stobs brjod pa sngon du 'gro bas/_khyad par du bcom ldan 'das bla ma bde mchog 'khor lo'i lha tshogs rnams kyi bka' bden pa dang*/_bden pa chen po'i byin rlabs kyis ma rungs pa'i sems can ya ma dam sri thams cad mtshan ma rdzas kyi rten 'di la mchis par gyur cig_/tri yaM dzaH_tri badz+ra ang+ku sha dzaH_dzaHhU~M ba~M hoH_zhes 'gugs gzhug byas la skyer pa'i phur chung gcig mi g.yo bar bskyed pa slob dpon gyi phyag tu thogs/_oM badz+ra kro d+ha Ar+Ya a tsa la hU~M b+han+d+ha b+han+d+ha hU~M phaTa?:_ces tshar gsum gyis gzi byin bskyed nas/_hU~M:_dur khrod chen po'i gnas mchog 'dir:_sgrub pa'i bar chad byed pa'i bgegs:_bka' las 'das pa'i dam sri rnams:_gsad cing gnan pa'i dus la bab:_hU~M mdzad hU~M gi khro bo Ar+Ya a tsa la:_sprul pa'i 'od zer rngams brjid dgra bgegs 'dul:_dur khrod bgegs kyi tshogs 'joms badz+ra kI la ya:_ya ma dam sri thal ba'i rdul du rlog:_Ar+Ya a tsa la dam sri b+han+d+ha b+han+d+ha mA ra ya phaTa?:_ces gnan thod dam ling ga la slob dpon gyis skyer pa'i phur chung btab/_thun rdzas kyis brab/_mnan chas dong nang du bskyur/_ro g.yam la ri gling rdo rje rgya gram bris pas bkab pa'i steng sAts+tsha nag pos mnan rjes/_thams cad kyis Ar+Ya a tsa la'i sngags brjod bzhin du sa chu me rnams kyis rgyas btab nas mi mngon par byas la slob dpon gyis rdo rjes rgya gram mdun du mnan la/_hU~M:_ri rab chen po'i rmang du gnan:_rgya mtsho chen po'i gting du bskyur:_gshin rje nag po'i lag tu gtad:_chu srin gdug pa'i kha ru brdzangs:_'khor lo 'bar ba'i phyag rgyas mnan:_bdun brgyud rigs ni brlag par 'gyur:_nam yang ldang bar mi nus so:_byang chub sems ni skyes na gtong:_zhes brjod cing don bsam mo/_/de'i steng du thams cad kyis sum+b+ha ni brjod bzhin tu lag pa lu gu rgyud du sbrel nas/_hU~M hU~M:_nga ni pad+ma drag po rtsal:_dpal gyi rta gdong rngams bzhad 'tsher:_dbang drag 'bar bas bro brdungs pas:_log 'dren 'byung po dbyings su mnan:_ha ha hi hi hU~M hU~M s+t+waM b+ha ya nan:_zhes bro brdung ngo*/__/gnyis pa sgo byang gdags pa ni/_ra sog gam ro ras la gshin rje mngon rtogs ltar bris pa'i rgyab tu snying po dang 'dod gsol bcas bris pa sgo'i them gyi phyi ngos su btags pa'i mdun du gtor ma gru gsum dmar po mtheb ril gyis mtshan pa dang*/_chu gnyis nyer spyod bcas bshams pa sngar ltar byin gyis brlabs/_sku rten a mr-i tas bsang*/_swa b+hA was sbyang*/_stong pa'i ngang las hU~M las gshin rje chos kyi rgyal po mthing nag 'khor lo dang thod dbyug 'dzin pa khro gtum 'jigs pa'i chas can ma he la dor stabs kyis gnas pa'o/_/ye shes pa badz+ra sa mA dzaH_dzaHhU~M ba~M hoH_zhes spyan drangs bstim/_oM badz+ra karma ya ma rA dza hU~M phaTa?:_ces nyer gcig bzla/_oM badz+ra ar+g+haM nas/_shab+da pra tIts+tsha swA hAs mchod la/_rang sngags kyi mthar/_ba liM ta nA nA khA dan+tu gr-i h+Na gr-ih+NahU~M khA hi khA hi:_zhes lan gsum gyis rdor thal phye rgyas gtor ma phul nas phrin las gsol ba ni/_hU~M:_gsang chen lhun grub pho brang nas:_las kyi gshin rje'i bdag po la:_bcom ldan chos rjes bka' bstsal ltar:_de bzhin rig 'dzin sgrub pa pos:_bka' gsang gzhung bzhin 'di bsgrubs nas:_yang dag don chen deng sgrub na:_'di la gnod cing bar gcod pa:_lha srin sde brgyad 'byung po kun:_khyod kyi g.yog dang 'khor lags pas:_rnam par smin pa'i chos shod la:_gsang ba mchog gi rnal 'byor pas:_bla med 'bras bu ma thob bar:_sa 'di yan chad ma btang bar:_phyi 'khor skyong ba'i mu ran la:_rdo rje'i yal gam thub par mdzod:_oM badz+ra ya ma rA dza sa ma ya s+t+waM:_zhes rten la me tog 'thor nas brtan bzhugs bya/_sgo them gyi nang du brub khung zhig gi nang du zan ling la seng ldeng ngam skyer pa'i phur bu'i dbal la mi g.yo ba'i sngags dang*/_mgul du rgya shog la 'di yan chad su'ang ma 'da' zhig ces bris te btags pa btab/_sgo 'di yan chad su'ang ma 'da' zhig:_ces brjod/__/gsum pa nang mtshams la dang po ma traM bsgral ba ni/_dkyil 'khor gyi gzhir ma traM gi gzugs brnyan mgo lho nub tu bstan pa gan rkyal du bzhag_/stegs bu'i shar ngos su slob dpon zhal nub bstan gyis phyag tu g.yab dar dang dril bu bsnams nas/_oM badz+ra kro d+ha ma hA shrI he ru ko\u0f85haM/_bdag nyid badz+ra he ru ka'i skur gyur/_zhes brjod cing slob dpon gyis lcags kyu'i phyag rgya bcings te/_ma traM ka ru dra dzaH_lan bdun brjod/_na mo/_rig 'dzin rtsa brgyud sogs bden stobs brjod pa sngon du 'gro bas/_khyad par du bcom ldan 'das bla ma bde mchog 'khor lo'i lha tshogs rnams kyi bka' bden pa dang*/_bden pa chen po'i byin rlabs kyis ngo bo dngos grub la bar du gcod cing rnam pa ma traM ru dra A kar+Sha ya dzaH_tri yaM dzaH_dzaHhU~M ba~M hoH_zhes bkug ste gzugs la bstim nas/_hU~M:_ma traM bya ba'i sdig can khyod:_sngon yang sgrub pa kun la bsgribs:_sngon tshe dpal chen he ru kas:_bsgral nas dur khrod chen po byas:_khungs dang rdzas bcas bdag las byung:_bdag med stong pa'i tho bas gzhom:_oM ma hA shU n+ya tA dz+nyA na badz+ra swa b+hA wa at+ma ko\u0f85haM:_ma traM ru tra dzaH_kha traM ru tra dzaH_zhes pas chos dang gang zag gi bdag chad par lta ba rnams gzhom pa'i don dang*/_ma traM gi gzugs de nyid slob dpon gyi zhabs g.yas pa'i dor stabs kyis mnan la/_hU~M:_ma traM bya ba'i sdig can khyod:_rol pa'i stabs kyis mnan pa ni:_'jigs byed chen po he ru kas:_mgo ni lho nub mtshams su bstan:_rkang pa byang shar mtshams su bstan:_khro rgyal zhabs ni g.yas g.yon gyis:_gyad kyi dor stabs tshul du mnan:_oM ma hA shrI he ru ka dri sh+ya hoH_sa ma ya s+t+waM:_ma hA de ba ru dra dzaH_dzaHhU~M:_zhes lan bdun bzla zhing*/_thams cad kyis lag g.yas kyi sor mo gsum sbreng ba khaT+wAM ga'i rgyas snying gar bsnun tshul byas la/_gzugs phung hrul gyis zhig_/ma rig sgo lnga'i sbub dral/_rnam shes tri nag por gnas pa thugs ka'i 'od kyis sbyangs pas hU~M yig dkar por gyur pa bdag gi thugs kar thim nas gnyis med du gyur par bsam/_las rdor gyis ma traM gi lhu tshig so sor phral nas stegs bu'i lho nub tu mgo_/nub tu snying*/_nub byang du lag g.yon/_byang du rkang g.yon/_byang shar du gsang gnas/_shar du rkang g.yas/_shar lhor lag g.yas/_lhor glo ba/_dbus su khog pa bcas phyogs mtshams so sor bkod/_slob dpon shar du gnas pas/_b+h+rU~M dz+nyA na maN+Da la b+h+rU~M/_thugs ka nas b+h+rU~M 'phros khog pa la thim pas khog pa dur khrod rol pa'i gzhal yas khang dur khrod brgyad rwa ba me dang bcas pas bskor bar gyur/_thams cad kyi lag g.yas phyi dang g.yon nang du byas pa'i khu tshur dpung mgor bsnol zhing*/_hU~M pra be sha ya phaTa?:_ces lan bdun bzlas nas rgya bkrol te/_dkyil 'khor gyi sgo shag gis phye bar gyur par bsam la/_de nas slob dpon rdo rje'i 'gros gar gyis/_hU~M hU~M hU~M:_ha ha ha:_phaTa? phaTa? phaTa?:_ces brjod nas dkyil 'khor la g.yas su lan gsum bskor nas/_dkyil 'khor gyi nang du tshud par gyur/_zhes brjod la stegs bu'i dbus kyi khri'u khar slob dpon zhal shar du phyogs par bzhugs/__/gnyis pa srung 'khor bsgom pa ni/_hU~M:_nga ni mnyam nyid ngang gis khro:_thugs rje khros pa'i rang rtsal las:_rdo rje me mtshon khro tshogs kyis:_bgegs kyi sbyor ba mtshams bcad do:_badz+ra kro d+ha rak+Sha hU~M:_zhes 'don bsgom bya'o/__/gsum pa sta gon bya ba ni/_lha dang*/_bum pa gnyis las/_dang po ni/_dkyil 'khor gyi gzhi la me tog bkram/_spos btul la/_bdag nyid he ru kar gsal ba'i:_thugs nas 'phros pa'i 'od zer gyis:_bla ma bde mchog dkyil 'khor lha:_mdun gyi nam mkhar spyan drangs bsam:_bla ma bde mchog 'khor lo dang:_zhi khro rab 'byams lha tshogs rnams:_sngon gyi thugs dam rjes dgongs la:_dkyil 'khor dgyes pa bskyed pa dang:_slob ma rnams la snying brtse bas:_gnas 'dir dpal chen he ru ka'i:_pho brang chen po 'debs 'tshal na:_thugs rjes dgongs te gnang ba dang:_snod bcud byin gyis brlab mdzad gsol:_zhes lan gsum gyis gsol ba btab pas thugs dgyes pa'i tshul gyis/_rdo rje slob dpon snying rje che:_khyed kyi rang gzhan phan gdags phyir:_sgrub pa'i cho ga tshul bzhin gyis:_bde gshegs rgyal bas byin brlab 'gyur:_gnang ba bstsal nas 'od du zhu:_bdag dang gnas la thim pa yis:_tha mal snang zhen rab sbyangs te:_ye shes chen pos byin brlabs gyur:_zhes mos/_bla ma bde mchog 'khor lo'i gter gzhung gi dbang la sta gon med kyang 'di ni dkyil 'khor bri bar gnang ba zhu ba'i don yin pas dbang bskur dang mi 'brel yang nges par bya dgos so/__/gsum pa ni/_rin po che'i bum pa dri'i chu dang so lnga'i rdzas sbyar ba kha rgyan mgul chings gzungs rdor ldan pa dang*/_las kyi bum pa bcas stegs la bkod pa'i mdun du sman gtor rak+ta/_phyi mchod bskor bshams byas la/_bsang sbyang*/_stong pa'i ngang las bum pa rang byung gi dur khrod drag po'i gzhal yas khang mtshan nyid yongs su rdzogs pa'i nang du bla ma bde mchog dkyil 'khor gyi lha tshogs skad cig gis gsal ba'i gnas gsum rdo rje gsum gyis byin gyis brlabs/_ye shes lnga'i dbang bskur bar gyur/_oM shrI he ru ka sarba maN+Da la hU~M/_oM AHhU~M sarba ta thA ga ta kA ya wAka tsit+ta badz+ra swa b+hA wa At+ma ko\u0f85haM/_hrIH hU~M trA~M oM AH_a b+hi Shiny+tsa maMH_shrI he ru ka maN+Da la sa pa ri wA ra e h+ye hiH_badz+ra sa mA dzaH_sa ma ya dz+nyA na dzaHhU~M ba~M hoH_a ti pu hoH_pra tIts+tsha hoH_mchod pa 'bul ba ni/_oM AHhU~M:_lha rdzas drag po'i nyer spyod bsam mi khyab:_bde stong zung 'jug ye shes dbyings su sbyor:_sman raka gtor tshogs mchod pa'i sprin chen pos:_rtsa gsum dkyil 'khor lha tshogs mnyes gyur cig:_oM badz+ra ar+g+haM pA d+yaM puSh+pe d+hU pe A lo ke gan+d+he nai wi d+ya shab+da pra tIts+tsha swA hA:_bo d+hi tsit+ta ga Na gu h+ya pU dza hoH_ma hA pany+tsa a mr-i ta rak+ta ba liM ta khA hi:_bstod pa bya ba ni/_hU~M hrIH_ma bcos spros bral bla ma chos kyi sku:_bde chen longs spyod bla ma chos kyi rje:_pad sdong las 'khrungs bla ma sprul pa'i sku:_sku gsum rdo rje 'chang la phyag 'tshal bstod:_gzungs thag blang la/_rang srog sngags kyi 'od zer gzungs thag la:_'khril nas bum pa'i lha tshogs thugs kar zhugs:_de dag sku las byang sems bdud rtsi'i rgyun:_bab pas bum chur gnyis med ro gcig gyur:_zhes dmigs la bsnyen sgrub kyi sngags ci nus bzla/_las bum du skad cig gis khro bo rta mgrin dmar po g.yas pad+ma'i dbyug to dang*/_g.yon me yi zhags pa thogs par gsal ba'i sku las rdo rje bdud rtsi'i rdul phra rab bab pas bum pa gang bar bsam la/_oM ha ya gr-I ba hU~M phaTa?:_ces bzlas mthar dung zhal gyi mchod yon phul la/_lha rnams bde ba chen po'i ngo bor 'od du zhu nas bum pa'i chu dang ro gcig par gyur/__/bzhi pa rten gyi dkyil 'khor bca' ba la/_dang po chag chag gdab pa ni/_bdud rtsi lnga chang dang sbyar bas dkyil 'khor gyi gzhir byang shar nas g.yas bskor du khyems med par byugs shing*/_hU~M:_tshe mchog 'dzin pa'i dngos grub dri:_byang chub sems ni dkar bas na:_mAM sa yon tan kun dang ldan:_rak+ta chags pa'i gnas chen po:_bdud rtsi gur gum dri yi chu:_gdod nas dag pa'i rtsa ba lnga:_nyon mongs dug lnga 'khor ba'i rgyu:_ye shes rnam lngar byin brlabs nas:_dkyil 'khor dgu ru lhun gyis grub:_oM ma hA he ru ka pAny+tsa.a mr-i ta dz+nyA na maN+Da la hU~M:_zhes brjod/_de nas thig tshon gyi bya ba ni/_deng sang phal cher gyis mi 'grub pa mang bas 'dir ma bkod la/_ras bris kyi dbang du byas te dkyil 'khor gang du bya ba'i stegs bur zhi dkyil spyi 'gro'i ras bris bkram pa bcas bsnyen pa'i las rim nyin dang po'i bya ba'o/__/de nas rgyan bkod pa ni/_sgrub rdzas sku rten bde mchog gi sku li ma byin ldan dang*/_bla ma bde mchog gi sku bris 'bur gang rung*/_gsung rten bde mchog rtsa rgyud kyi glegs bam dang*/_ma 'byor na sngags byang dar dmar ser la gser gyis bris pa/_thugs rten rdor dril/_yon tan gyi rten bdud rtsi chos sman gyis bkang ba'i b+han+d+ha kha sbyor/_phrin las kyi rten phur pa khro zhal can dang b+han+d+ha zhun chen chos sman gyis sbags pa sdong bu dgu btsugs pa dang*/_rgyal mtshan dang*/_ba dan/_ral gri/_mda' dar bcas bzhi bzhi/_tshon skud dra ba/_nyer spyod sman raka gtor ma tshogs rnams brgya rtsa/_sgrub pa'i yo byad thod rnga/_rdor dril/_rol mo sogs dang*/_dkyil 'khor mdun du bkod rgyu'i bla gtor dmar po/_g.yas su ye shes mgon po phyag bzhi gtso bor gyur pa'i pho rgyud/_g.yon du sngags srung sogs mo rgyud kyi gtor ma rgyan spros can grabs su tshud par byas nas stegs gzhan du bkod/_bdag gi rnal 'byor sngon du 'gro bas bzlas pa bsdu ldang bcas bya/_'dus pa rnams zhwa chos bcas dkyil 'khor mdun khrom tshogs su bzhengs la/_hU~M hU~M hU~M bi shwa badz+ra sogs dang*/_sum+b+ha ni brjod cing rol mo bcas slob dpon gyis yungs thun 'thor/_las rdor gyis gu gul bdug la rten gyi bgegs bsal/_rdo rje slob dpon gyis dril spos bcas sna drangs/_rgyal tshab pa/_yum bzang mo/_rgyal thebs sogs kyis sku gsung thugs rten nas mchod rdzas bar rim par thog_/sgrub sngags kyi dzapa? dbyangs dang 'jam rol skabs dkyil 'khor la g.yas su lan gsum bskor nas mdun du 'khod la dril gdangs bcas/_hU~M:_bla ma bde mchog 'khor lo yi:_rdo rje'i sku ni mkha' dang mnyam:_phyag rgya'i rten dang dbyer med bzhugs:_sku yi byin rlabs dngos grub stsol:_bsnyen sgrub sngags mthar/_kA ya dz+nyA na sa ma ya s+t+waM:_hU~M hU~M hU~M:_thod sku dkyil 'khor gyi dbus su rin po che'i snod 'brus bkang ba la bzhugs su gsol/_hU~M:_bla ma bde mchog 'khor lo yi:_rdo rje'i gsung dbyangs mi shigs sgra:_sngags kyi rten dang dbyer med bzhugs:_gsung gi byin rlabs dngos grub stsol:_bsnyen sgrub sngags mthar/_wAka dz+nyA na sa ma ya s+t+waM:_hU~M hU~M hU~M:_zhes sngags byang nub tu bkod/_hU~M:_bla ma bde mchog 'khor lo yi:_rdo rje'i thugs ni 'od gsal dbyings:_phyag mtshan rten dang dbyer med bzhugs:_thugs kyi byin rlabs dngos grub stsol:_bsnyen sgrub sngags mthar/_tsit+ta dz+nyA na sa ma ya s+t+waM:_hU~M hU~M hU~M:_zhes rdor dril shar du dgod/_hU~M:_bla ma bde mchog 'khor lo yi:_rdo rje'i yon tan lhun gyis grub:_bdud rtsi'i rten dang dbyer med bzhugs:_yon tan byin rlabs dngos grub stsol:_bsnyen sgrub sngags mthar/_gu Na dz+nyA na sa ma ya s+t+waM:_hU~M hU~M hU~M:_zhes sman thod lhor dgod/_hU~M:_bla ma bde mchog 'khor lo yi:_rdo rje'i phrin las thogs med khyab:_phur bu'i rten dang dbyer med bzhugs:_phrin las byin rlabs dngos grub stsol:_bsnyen sgrub sngags mthar/_karma dz+nyA na sa ma ya s+t+waM:_hU~M hU~M hU~M:_zhes phur bu byang du dgod/_hU~M:_chos nyid gcig las rig rtsal dgu:_gzi brjid sgron me 'od gsal ba:_ye shes klong dgu'i rten du bzhugs:_ye shes byin rlabs dngos grub stsol:_bsnyen sgrub kyi sngags mthar/_dI paM dz+nyA na d+hA tu sa ma ya s+t+waM:_hU~M hU~M hU~M:_zhes b+han+d+ha'i mar me dbus kyi thod sku'i mdun du dgod/_hU~M:_dkyil 'khor chen po'i gzhal yas pho brang ni:_mnyam nyid don gyi khyad par dbyer med kyang:_kun rdzob rigs la phyi nang bye brag gsal:_ma 'dres kha dog so sor gsal bkra zhing:_khyad par yon tan mdzes pa'i rgyan bres pas:_phyogs bzhi mtshams dang steng 'og thams cad du:_pho brang rgyan dang ldan par bzhugs su gsol:_b+h+rU~M bi shwa bi shud+d+he rat+na trA~M sa ma ya lhan:_zhes phyogs bcur phur bu/_phyogs bzhir ral gri dang 'phan bzhi/_mtshams bzhir mda' dar dang rgyal mtshan bzhi btsugs la tshon skud dra bas sbrel ba'am/_sgab bskor dang gdugs la sogs pas brgyan tshul mdzad/_de nas brda sgo dbye zhing phyag 'tshal ba ni/_hU~M:_gnyis 'dzin rtog pas bcad pa'i brda yi sgo:_rig pa ye shes chen po'i ngang du dbye:_lhun rdzogs byang chub sems kyi dpal chen po:_mngon sum rig ngor mjal ba'i phyag gis 'dud:_b+h+rU~M dz+nyA na maN+Da la pra be sha ya phaTa?:_a la la hoH_a ti pU hoH_pra tIts+tsha hoH_rgyud dag cing snod du rung ba'i phyir bshags pa bya ba ni gnong 'gyod gdung shugs dang bcas pas/_hoH_don dam dmigs med spros dang bral ba la:_nyams dang bshags par bya bar ma dmigs kyang:_kun rdzob 'khrul pa'i dbang gis las bsags pa:_snying nas 'gyod pas mthol bshags bzod par bzhes:_yi ge brgya pa brjod/_spro na spyi bshags ye shes sku mchog sogs kyang bya'o/_hoH_bdag gis mkha' khyab 'gro ba kun don du:_spyi dang khyad par lhag pa'i dam tshig gzung:_dpal chen lha tshogs rtse gcig bsgrub lags na:_ye shes chen po'i byin gyis brlab tu gsol:_sarba ma hA yo ga sa ma ya bo d+hi tsit+ta u t+pA da ya mi:_dbang ma thob pa'i mched gsar bu rnams dkyil 'khor gyi byang shar lta bur logs su dbye/_slob dpon gyi mdun du rdor dril/_bdud rtsi/_yungs thun sogs bkod nas bdud rtsi byin rlabs kyi sngags lan gsum sngon du 'gro bas las byang ltar sman mchod 'bul/_de nas slob dpon gyis/_bdag nyid bla ma bde mchog lhar gsal ba'i thugs ka nas ya las lcags sdigs mgo dgu rwa bco brgyad pa spros/_de las ye shes kyi me 'bar bas slob bu'i sdig sgrib thams cad bsregs par bsam zhing*/_oM AHhU~M badz+ra yak+Sha kro d+ha ha na ha na hU~M hU~M phaTa?:_ces bzla zhing yungs thun gyis brab/_bgegs la bka' bsgo ba ni/_hU~M:_rtsa gsum lha yi dkyil 'khor 'dir:_bgegs tshogs 'dug pa'i skabs med pas:_rang rang gnas su bde bar dengs:_'das na brlag par gdon mi za:_drag sngags spos rol ging dang me chu'i thun sogs tshams rngams dang grwa mang gis 'jam rol dang bcas bgegs bskrad/_rdo rje slob dpon sangs rgyas dpal sogs kyi rjes zlos gsar bu rnams la byed du bcug_/snying gar rang 'dra'i ye shes sems dpa' tshon gang bar bsgoms la byin gyis brlabs pa'i bdud rtsi lce thog tu lan gsum bzhag nas/_hU~M:_ji snyed sangs rgyas thams cad dang:_byang chub sems dpa' rdo rje 'dzin:_de bzhin sgrub pa'i rnal 'byor pa:_de dag la ni snying ring na:_rdo rje yak+Sha gnod sbyin gyis:_khyod kyi snying la zhugs te 'thung:_snying la yang dag gnas pa'o:_'di ni sems can dmyal ba'i chu:_dam tshig nyams na sreg par byed:_dam tshig bsrungs na dngos grub ni:_rdo rje bdud rtsi'i chu 'dis 'grub:_ces byin pa/_slob mas kyang*/_i dan na ra kan sa ma ya yak+Sha hU~M:_zhes myangs pa snying ga'i ye shes sems pa la thim nas dbyer med du gyur par bsam mo/_/'dres zin bsnan pa ni/_rgyal tshab pas bdud rtsi g.yon bskor du mched gsar rnying thams cad la brim zhing*/_sgrub sngags kyi dbyangs lan gsum mjug tu 'jam rol dang bcas bdud rtsi myangs nas thams cad kyis/_oM:_dpal ldan sangs rgyas sku 'chang ba:_rdo rje mi phyed sku dang ldan:_deng bdag sangs rgyas thams cad kyi:_rdo rje sku yi dngos grub stsol:_oM sarba ta thA ga ta kA ya badz+ra swa b+hA wa At+ma ko\u0f85haM/_AH_dpal ldan sangs rgyas gsung 'chang ba:_rdo rje mi phyed gsung dang ldan:_deng bdag sangs rgyas thams cad kyi:_rdo rje gsung gi dngos grub stsol:_AHsarba ta thA ga ta wAka badz+ra swa b+hA wa At+ma ko\u0f85haM/_hU~M:_dpal ldan sangs rgyas thugs 'chang ba:_rdo rje mi phyed thugs dang ldan:_deng bdag sangs rgyas thams cad kyi:_rdo rje thugs kyi dngos grub stsol:_hU~M sarba ta thA ga ta tsit+ta badz+ra swa b+hA wa At+ma ko\u0f85haM/_zhes dang*/_slob dpon gyis/_deng phyin chad mched gsar rnying thams cad skal pa mnyam zhing dam tshig gcig tu 'dus pa yin pas dam tshig gzhung bzhin du bsrung bar gyis shig_/ces bsgo/_thams cad kyis phyag thal sbyar bar du me tog bzung la/_sku gsung thugs kyi rdo rje slob dpon dang:_dam tshig 'brel ba'i mched dang lcam dral gyis:_sgrub mchog rnams su byin gyis brlabs pa yi:_bka' drin rjes su dran phyir gtong rag gtong:_zhes drin len gyi me tog 'thor/_de nas rdo rje'i gral du bzhag pa ni/_mched gsar bu rnams rang rang gi gral du 'khod nas/_rtsa ba sku gsung thugs kyi dam tshig dang:_bsnyen sgrub rnam bzhi bsten cing bsgrub pa dang:_yi dam lha mchog dzapa? bsnyen bgrang ba'i phyir:_dam tshig rdo rje'i gral du mchi bar gnang:_zhes brjod cing lha yi nga rgyal dang ldan pas/_oM ma hA badz+ra hU~M:_zhes rdo rje thugs kar gsor ba dang*/_oM badz+ra g+haN+De hU~M/_zhes dril bu dkrol zhing dkur bsten/_oM sarba ta thA ga ta ma hA a nu rA ga Na badz+ra swa b+hA At+ma ko\u0f85haM/_zhes thugs kar 'khyud rgya byas la dril bu dkrol ba dang rol chen brgya brdung sogs rol mo'i sgra cher bsgrags so/__/lnga pa sgrub pa po rnams mnga' gsol zhing gnas su 'god pa ni/_rgyal thebs gtso bos gtong thun sngon du 'gro bas dbyangs 'or len dang*/_las kyi rdo rjes thod chang gzhung tshig dang bstun so sor drangs la/_hoH_dus gsum sangs rgyas kun gyi ngo bo nyid:_rdo rje rgyal po dkyil 'khor 'dus pa'i gtso:_nyon mongs bdud 'joms ye shes lnga yi bdag:_bstan pa'i sgron mer mnga' gsol dgyes par bzhugs:_rdo rje'i gdung 'tshob phrin las rnam bzhi'i bdag:_rgyal tshab slob dpon mnga' gsol dgyes par bzhugs:_shes rab dbyings las bde ba'i ye shes ster:_kun bzang yum du mnga' gsol dgyes par bzhugs:_bskyed rim gsal ston las kyi gzhung bsrang mdzad:_rdo rje phrin las mnga' gsol dgyes par bzhugs:_mchod pa'i bya bas dkyil 'khor dgyes pa bskyed:_las kyi rdo rjer mnga' gsol dgyes par bzhugs:_phyi nang drod tshad dus dang rtags rnams mkhyen:_rdo rje srin por mnga' gsol dgyes par bzhugs:_dngos grub ltas mthong bar chad gzir zhing skrod:_rdo rje spyan par mnga' gsol dgyes par bzhugs:_phyi nang nyul le 'byung po thogs med bsgral:_rdo rje ging chen mnga' gsol dgyes par bzhugs:_dgra bgegs gnas spor gzugs phung zhal du stob:_sgrol ging las mdzad mnga' gsol dgyes par bzhugs:_'du bar 'os min srung ba'i phrin las mdzad:_rdo rje mtshams par mnga' gsol dgyes par bzhugs:_tshogs kyi bya ba gtsang zhing dag par sbyor:_rdo rje phyag tshangs mnga' gsol dgyes par bzhugs:_phyi yi nyu le bskrod cing las rnams sgrub:_rdo rje rdul phyag mnga' gsol dgyes par bzhugs:_dzapa? bsnyen gsal dag rgyun mi chad par sgrogs:_rdo rje mched lcam mnga' gsol dgyes par bzhugs:_zhes mnga' gsol zhing las kyi bskos gdag_/rang gral de las ma 'chug par bya dgos so/__/byin dbab pa ni/_slob dpon gyis g.yab dril thogs pas dkyil 'khor mdun du 'khod/_las rdor gyis sbyar spos dang g.yab dar thogs pas sna drangs te/_hU~M:_bzhengs shig pad+ma 'byung gnas sogs kyis bskul/_hU~M:_ngo bo chos sku'i pho brang nas:_rtsa brgyud bla ma gshegs su gsol:_gnas 'dir dbang bskur byin phob la:_mchog dang thun mong dngos grub stsol:_rang bzhin longs sku'i pho brang nas:_yi dam lha tshogs gshegs su gsol:_gnas 'dir dbang bskur byin phob la:_mchog dang thun mong dngos grub stsol:_thugs rje sprul sku'i zhing khams nas:_gnas gsum dpa' bo rnal 'byor mas:_gnas 'dir dbang bskur byin phob la:_mchog dang thun mong dngos grub stsol:_legs nyes stangs 'dzin pho brang nas:_chos srung dam can rgya mtsho yis:_gnas 'dir dbang bskur byin phob la:_mchog dang thun mong dngos grub stsol:_sgrub mchog rgyud la bde chen spor:_sgrub gnas rdo rje'i zhing du bsgyur:_sgrub rdzas ye shes rol pa'i rgyan:_'dod yon rgya mtshor byin gyis rlobs:_oM AHhU~M gu ru de ba DA ki nI sarba sa ma ya badz+ra dz+nyA na a be sha ya a a aH_hrIM hrIM pheM pheM:_hU~M hU~M hU~M:_byin 'bebs dbyangs bcas kyi gsham du brgyud gsum rol mo'i skabs dkyil 'khor la lan gsum bskor la rang gral du 'khod/_bsngo ba smon lam byas la grol/_de dag ni nye bar bsnyen pa ste nyin gnyis pa'i bya ba'o/__/gnyis pa phrin las kyi gzhung bsrangs te sgrub pa dngos la 'jug pa ni/_mkhyen brtse'i sku phreng dang rnam thar gsol 'debs rigs res mos su btang*/_ngo mtshar bla brgyud dang brgyud 'debs sngon du 'gro bas/_las byang gi skyabs sems nas brtsams mchod pa byin rlabs bar lhan thabs dang sbyar nas mthar chags su btang*/_dngos gzhi'i las rim ting 'dzin rnam gsum nas bzlas pa'i bar gter gzhung dkyus ltar dang*/_rnam pa gsal ba'i bzlas pa pad+ma badz+ra brgya rtsa tsam/_nga rgyal brtan pa dang*/_rnam dag dran pa gnyis mthar sngags bzla mi dgos/_bsnyen sgrub las sbyor gyi bzlas pa dngos la/_bsnyen sngags pad+ma badz+ra sum brgya/_sgrub sngags lnga brgya/_las sbyor lnga so sor nyer gcig tsam bzlas la/_ye shes lha tshogs sogs kyis stong tshig phul/_slar yang ting 'dzin rnam gsum gyi/_oM:_chos rnams spros bral sogs nas brtsams mchod bstod kyi rigs lhan thabs sbyar bas 'gres te btang*/_bzlas pa'i dbur rnam pa gsal ba/_phyag rgya brtan pa/_rnam dag dran pa rnams mi dgos/_b+h+rU~M bi shwa bi shud+d+he hrIHhU~M phaTa? dzaH_zhes pas mdun rten gyi go sar dzapa? khang dbye/_bsnyen sgrub bzlas dmigs/_hU~M:_bdag nyid pad+ma badz+ra sogs mthar/_hU~M:_bde stong thugs kyi dkyil 'khor nas:_khyab bdag pad+ma badz+ra rtsal:_sku ni snang stong gzi byid 'bar:_gsung gis grags stong sngags sgra sgrogs:_thugs mchog rig stong srog ldan pa:_bsnyen sgrub dzapa? kyi thugs dam bskul:_ma grub bar du mi gtong na:_ma g.yel thugs rje'i dpung bskyed la:_bzlas pa'i phrin las g.yel med pas:_las bzhi grub pa chen po brgyad:_rig 'dzin mchog gi dngos grub rnams:_da lta nyid du sgrub mdzad gsol:_zhes bskul la rtsa bsnyen chig stong bzlas la/_ye shes lha tshogs sogs stong tshig brjod la sman raka 'thor ba phyi ma rnams la 'gre/_hU~M:_slar yang thugs srog sa bon mthar sogs yongs rdzogs grub pa'i bsnyen dmigs mthar/_hU~M:_rdo rje'i sku yi dkyil 'khor nas/_/gtso mchog thod phreng sde lnga dang*/_/dpal chen grub pa'i rig 'dzin brgyad/_/snying po'i rnal 'byor ma bzhi dang*/_/gnas yul dpa' bo mkha' 'gro'i tshogs/_/sgo mtshams DA ki bzhi sogs/_sku ni snang stong sogs mthar yongs rdzogs sgrub sngags chig stong lnga brgya bzlas la/_ye shes lha tshogs sogs/_oM hU~M:_sku yi gnas lnga'i dkyil 'khor nas:_gu ru thod phreng rigs mchog lnga:_sku ni snang stong sogs/_oM:_spyi bo'i bud+d+ha thod phreng sogs/_las sbyor lnga re re la nyer gcig re bzla/_mthar/_ye shes lha tshogs sogs stong tshig gcig phul/_tshe sgrub ni/_gtso mchog pad+ma badz+ra pad+ma dang tshe bum thugs kar bsnol ba'i yum man+dA ra ba pad+ma'i gri gug thod pa can gyi spyi bor bla ma rdo rje chos dmar po mnyam bzhag tshe bum can du dmigs pa bsgyur la/_hrIH_thugs ka'i ye shes sems dpa'i thugs srog nyi zla'i gwa'u'i dbus hrIHmthar tshe'i rig pas bskor ba'i 'od zer spro bsdus 'khor 'das brtan g.yo'i dwangs bcud rang gi bla tshe'i bcud bsdus pa rigs bdag gi phyag gi bum pa khengs nas khol zhing zhu ba phyir lud pas lus dkyil gyi lha la phog pas tshe dang ye shes kyi gzi byin mchog tu rgyas par dmigs la/_sgrub sngags mthar/_badz+ra dz+nyA na A yu She swA hA:_btags pa nyer gcig tsam bzla/_bdag 'jug gi don du/_bum pa b+h+rU~M las gzhal yas khang:_mtshan nyid thams cad yongs rdzogs dbus:_bla ma bde mchog lha tshogs rnams:_snang stong chu zla lta bur gsal:_rang gi thugs srog sngags phreng las:_'od zer mchod pa'i tshul du spros:_snyoms 'jug byang sems bdud rtsi yis:_bum pa yongs su gang bar gyur:_zhes bsnyen sgrub las sngags khyug tsam bzlas la/_oM AHhU~M gis bum lha bde stong chen po'i ngo bor 'od du zhu bar gyur/_des thun dang po grub/_de nas thun drug byed na nyin mo phrin las tshar gnyis dang*/_mtshan mo tshar gsum bskyar/_thun bzhi byed na nyin mo yang bskyar gcig dang*/_mtshan mo tshar gnyis gtang dgos pas/_mchod pa byin brlab nas bdag bskyed so sor mi dgos/_mdun bskyed kyi las byang rgyas pa nyid bzlas pa'i bar bskyar ba yin la/_bzlas pa ni bskul tshig gi sgrub sngags nyid gtso bor bya/_mthar las sbyor cung zad bzla zhing stong tshig so sor 'bul/_tshe bsnyen yang nyer gcig tsam re bzlas pas chog go__/nyin thun rjes mar bsnyen pa grub pa dang*/_dam can spyi gtor dang phyag bzhi pa dngos grub rol mtsho dang rigs gsum snying thig gi bka' srung dud sol ma lta bu dang mgon dkar dur bdag bcas sbyar na legs pas thugs sgrub mi g.yo ba'i bka' srung ltar gtang*/_skabs 'dir bskang bshags ni grub thob bka' brgyad kyi bskang bshags khol byung ltar sbyar/_de nas las byang ltar tshogs byin rlabs nas bsgral bstab bar byas la/_spro na 'dir phyi rol tu cha gsum gtor ma btang*/_tshogs la rol lhag gtor bsngos la lhag ma btson 'dzin bya/_dam can gtor chog byas na gtor 'bul sogs mthar dbyung*/_las byang gi bskul ba dang chad brtan rta bro gtang rag mchod bstod bzod gsol grub nas mdun bskyed brtan bzhugs/_bdag bskyed bsdu ldang bsngo smon shis brjod bcas bya'o/__/de nas bar gcod nyu le 'dul zhing bskrad pa ni/_'dus pa thams cad zhwa dang bcas bzhengs/_slob dpon sogs chas su zhugs pa rnams dkyil 'khor gyi mdun du 'khod pa'i drung du nyu le'i ling ga bkod la/_e yaMdz+wa la raM/_brub khung yangs shing gting zab pa'i nang du tri las dngos grub la bar du gcod cing log par lta ba'i 'byung po nyu le bdud kyi rigs su gyur pa thams cad rid cing nyam thag pa'i lus can du gyur/_zhes brub khung bskyed/_na mo/_rig 'dzin rtsa brgyud sogs bden stobs brjod pa sngon du 'gro bas/_khyad par du bcom ldan 'das bla ma bde mchog 'khor lo'i lha tshogs rnams kyi bka' bden pa dang*/_bden pa chen po'i byin rlabs kyis dngos grub la bar du gcod cing log par 'dren pa'i 'byung po nyu le bdud kyi rigs su gyur pa thams cad mtshan ma rdzas kyi rten 'di la mchis par gyur cig_/tri yaM dzaH_tri badz+ra aM ku sha dzaH_dzaHhU~M ba~M hoH_dgug gzhug dang ging pa las kyi che mchog tu gsal ba'i thugs ka nas pho nya mtshon cha'i char phab pas rdul du brlag par bsam zhing*/_rol mo dbyangs dang Ta ki'i 'cham stabs dang phur thun tshom bur bskul ba ni/_hU~M:_chos kyi dbyings las rang byung grub pa'i lha:_khro bo rol pa'i dur khrod chen po nas:_shin tu mi bzad rab 'jigs skur ston pa:_dpal chen yongs rdzogs drag po'i phrin las mdzod:_ces dang*/_hU~M:_nga ni pad+ma he ru ka:_sras dang sprul pa bye ba 'bum:_bka' sdod rab 'jigs pho nyar bcas:_bka' brgyad lha tshogs dus la bab:_g.yas kyi phyag na phur bu 'dril:_g.yon gyi phyag na  lcags kyus 'gugs:_lcags kyus zungs la phur bus thob:_gnod byed dgra bgegs rdul du rlogs:_zhes phur thun tshom bur bskul mthar slob dpon gyis drag sngags phur skor dang bcas pas gdab cing*/_Ta ki rnams kyis thun gyis brab/_khyad par dpal gyi pho nya kun thub rgyal mo bskul ba ni/_hU~M:_shar phyogs dkar mo dung gi gzhal yas nas:_khrag mdog dmar mo bse yi lan phran can:_spyan rtsa dmar po nyi zla skar ltar 'phro:_smin ma glog 'gyu mun pa'i go skabs 'byed:_bu yug thog 'beb shangs nas rdo rje 'khrugs:_bzhad pa he dang dpal gyi spu gris gtams:_rngams pa'i ljags 'dril bskal pa'i me chen 'bar:_ag tshom me 'bar rab 'byams srid pa sreg:_bskal pa'i 'brug sgra snyan nas gsung sgra sgrogs:_lag pa dmar po spu gri 'bum gyis gtams:_sen mo lcags kyu'i rtse la bskal pa'i me chen 'bar:_ba spu rdo rje gnam lcags zhun ma 'khrugs:_smin ma lcags kyi khro chung char 'bebs shing:_zhabs kyi phur pas srin po lnga brgya gzir:_ral pa dmar po khrag gi dug char 'bebs:_shin tu mi bzad gtum chen khrag 'thung ma:_srin mo'i snying 'byin chang par bcug nas gsol:_shin tu mi bzad 'bar ba'i sku gcig ma:_dpag tshad lnga brgyar rgyug cing klu srin ma lus sgrol:_khros pa'i zhal mdog khrag gi mchin pa kha:_na bza' dmar po srin gyi g.yang gzhi gsol:_phyogs bcur kha bltas phyogs skyong zhabs kyis mnan:_bdud la bab na snying khrag dron mo 'thung:_sri la bab na srog rtsa dmar po gcod:_dgra la bab na dug gi kha chu 'debs:_bgegs la bab na rU pa rdul du rlog:_dpal gyi pho nya dpal gyi thugs las sprul:_dam nyams dgra dang 'byung po bgegs kyi tshogs:_phung po dum bur gtub cing don snying ma lus sreg:_gru bu gru a pa tse ru pa tse ni tsa ra na thun na sha ya s+t+waM b+ha yak+sha 'byin yak+sha 'byin phye ma phye ma rdul phran rdul phran:_zhes drag sngags spos rol dang khyad par gyi dbyug pas bsdigs shing thun gyis brab pa sogs drag po'i tsham rngams dang bcas gzir la bskrad/_srung ba'i 'khor lo brtan par bsgom/_de nas byin dbab pa ni/_spos rol g.yab dril sogs sngar ltar byas la byin dbab/_bsnyen sgrub kyi dzapa? dbyangs lan gsum byas pas grub/_mtshan thun dang por las byang gi tshogs bsags nas bzung sngon 'gro tshang ba dang*/_thor thun rjes tshogs mchod re ma chag par btang*/_gzhan nyin thun rjes ma dang 'dra/_thor thun grol rjes nyu le bskrad/_byin 'bebs las byang ltar bya/_sgrub zhag rjes ma gsum gyi snga dror tshe bsnyen rjes zur gsal tshe 'gugs tshar re sbyor rgyu byung na legs/_de lta bu'i tshul gyis zhag bdun la sogs par gyer bsgom bzlas pa ma chad par bya ste sgrub pa'i rim pa'o/__/grol nyin dgong mor dbang gi sbyin sreg grub na legs/__/gsum pa rjes dngos gru blangs ba la/_grub pa'i rtags rab 'bring tha ma'i tshul du byung ba'am sgrub zhag grangs them pa'i tshe/_rdzas bsham pa ni/_dkyil 'khor mdun du stegs bu khebs ldan dkar po'i steng du 'bru dkar pos g.yung drung g.yas 'khyil bris pa'i khar many+dzi'i steng du dkyil 'khor gyi rnam bum blang la bzhag_/g.yas su rin po che'i snod du gser g.yu sogs rin po che sna tshogs kyi phye ma dang dkar mngar gyis sbrus pa'i las bzhi'i 'brang rgyas ril bus bskor ba/_maM sa/_mar/_thud/_'bras chan/_khur ba/_zho dang la du/_shing thog sna tshogs/_su ra sogs bza' bca' btung ba'i bye brag sna tshogs pas bskor ba/_g.yon du chang bzang por mngar gsum dang a mr-i tas sbags pas b+hany+dza bkang ba bshams la dar gyis gur dbub pa'i tshul du bkab/_nang mo phrin las kyi gzhung sngar ltar bsrangs la bzlas pa'i rjes tshe 'gugs sbyar/_stong tshig thun pa rnams dang lhan cig phul la sngags rgyun snga ma grol/_bsnyen sgrub sngags la/_kA ya wAka tsit+ta gu Na karma sarba sid+d+hi pha la hU~M:_zhes btags pa bzla/_srung ma rnams kyi gtor chog grub pa dang*/_las byang ltar bgegs bskrad/_rgyal tshab pas dkyil 'khor la bskor zhing thun brab/_mtshams gcod/_las rdor dang rgyal tshab pas spos g.yab dril bcas tshogs pa dang dkyil 'khor la bskor zhing las byang ltar byin 'bebs gyer/_ye shes sku mchog sogs brjod la nongs pa bshags/_bdud rtsi'i sngags lan gsum brjod la rdzas rnams byin brlabs/_dkyil 'khor gyi lha tshogs rnams yab yum snyoms par zhugs pa'i sbyor mtshams nas 'od zer dmar po phyogs bcur 'phros 'gro ba'i rgyud sbyangs/_bde bar gshegs pa rnams la phog dgyes pa bskyed sku gsung thugs yon tan phrin las dang bcas pa'i dngos grub tshur 'dus bdag la thim/_gsal zhing brtan par byas/_rdzas rnams la thim pas 'chi med kyi bdud rtsi dngos grub kun gyi snying por 'khyil bar gyur/_zhes dmigs/_bsnyen sgrub sngags la gong gi sngags sham btags la brgya'am nyer gcig bzlas la/_las byang ltar/_hU~M:_bde mchog bde sbyor nam mkha'i dbyings sogs kyis dngos grub spyir bskul/_bye brag tu/_dkyil 'khor lha tshogs rnams kyi gnas lnga nas sku gsung thugs yon tan phrin las kyi dngos grub thams cad yig 'bru lnga dang 'od zer thig le'i rnam pa dpag tu med pa 'phros te rang gi gnas lngar thim pas dbang dang byin rlabs dngos grub ma lus thob par mos la/_slob dpon gyis gnas lngar gtugs la gong gi rgyan bkod skabs kyi/_oM:_bla ma bde mchog 'khor lo yi:_sogs tshig bcad dang bsnyen sgrub sngags mthar/_kA ya sid+d+hi pha la hU~M:_sogs so sor btags nas sh+lo ka lnga brjod cing dngos grub blang*/_slob dpon la bum chu dang dngos grub kyi phud 'bul/_hrIH_pad+ma badz+ra bde chen tshe yi lha:_gsang ba'i yum mchog rdo rje rnal 'byor ma:_dbyer med rtsa gsum tshe lha rab 'byams kyis:_mi 'gyur tshe dang ye shes dngos grub stsol:_sngags mthar kA ya wAka tsit+ta dz+nyA na a b+hi Shiny+tsa oM:_zhes brjod pas tshe 'brang gis dbang blang*/_tshe ril tshe chang phul/_de nas 'dus pa rnams kyis bsnyen sgrub dzapa? dbyangs byas la/_slob dpon dang rgyal tshab pas rten rnams dang tshe bum gyis dbang bskur/_las rdor sogs kyis rdzas dang tshe ril sogs bkye/_rdzas rnams dngos grub tu rol pas/_lha dang bdag gnyis su med pa bde ba chen po de bzhin gshegs pa thams cad kyi rdo rje gsum gyi rang bzhin du gyur par mos la/_bcom ldan 'das bla ma bde mchog 'khor lo'i lha tshogs rnams kyi dngos grub thams cad bdag cag rnams kyis thob nas sku lnga ye shes lnga'i yon tan ma lus rtsol ba med par lhun gyis grub par gyur cig_hoH_bdag cag sgrub pa po rnams kyis rdo rje'i tshe gsol bas tshe'i dngos grub dbang du gyur cig:_thabs kyi mAM sa gsol bas 'khor 'das kyi nus stobs dbang du gyur cig:_shes rab dza gad gsol bas bde ba chen po'i ye shes dbang du gyur cig:_zhal zas kyi bye brag mang po gsol bas zhi khro phrin las kyi dngos grub thams cad dbang du gyur cig:_'dod yon gyi rnam pa thams cad longs spyad pas 'khor 'das kyi legs tshogs thams cad dbang du gyur cig:_sarba karma wa sha ma no ha ra sid+d+hi sid+d+hi hU~M:_zhes dang*/_AH_snang grags rtog gsum dwangs ma'i bcud:_rtsa gsum thig le'i dbyings su thim:_mi 'gyur mi shigs blo las 'das:_skye med gnyug ma'i rgyas gdab bo:_badz+ra kA ya wAka tsit+ta dz+nyA na a a a:_zhes pas sgrub pa chen po'i rim pa grub pa'o/__/skabs 'dir dpon slob kha shas kyis rgyas pa'i sbyin sreg byas la dngos grub kyi phud 'bul/_spros pa bsdu na skabs 'dir tsam las sbyin sreg gzhan ma grub kyang chad skyon du mi 'gyur ro/__/gzhan don du dbang bskur na smin byed rgyas pa de'i snying por bsdus pa tsam gyis skabs 'dir rjes su 'dzin par bya'o/__/bzhi pa rjes kyi las rim rnams kyis sgrub pa mtha' rgyas su bya ba ni/_las byang ltar tshogs byin rlabs nas rim par btang ba'i zhal bstab mjug tu nyu le'i ling ga mer bsreg_/lhag ma bsdus nas sngar btson 'dzin byas pa'i tshogs lhag mchod pa'i ras ma dang bcas phyi rol tu btang*/_srung ma'i gtor 'bul zur du yod na bya/_bskul ba chad brtan rta bro yan grub nas/_gtang rag mchod bstod rgyas par bya/_nongs bshags bzod gsol dang*/_dkyil 'khor gyi ye shes pa ras bris dang rten la brtan bzhugs spyi ltar bya/_dam tshig pa rang la bsdu zhing thun mtshams kyi lhar ldang*/_de nas phyi mtshams bkrol ba ni/_sgrub khang gi shar la sogs pa'i rgyal chen bzhi dang sgo byang gi lha so so'i mdun du mchod pa bshams/_bsang sbyangs byin rlabs drangs bstims mchod pa rnams sngar ltar las/_mchod sbyin gtor ma 'di bzhes la:_sogs kyis phrin las bcol/_badz+ra muHsa gshegs su gsol/_dkyil 'khor gyi mtha'i phur bu rnams/_oM badz+ra kI la ya ut+kI la ya sarba kI la ya badz+ra d+ha rod adz+nyA pa ya hU~M hU~M hU~M phaTa? swA hA:_zhes lag gnyis skam pa'i rgya dang bcas dang por gdab rim las ldog phyogs su phyungs te/_oM ru ru s+phu ru dz+wa la tiSh+Tha sid+d+hi lo tsa ni sarba ar+tha sa d+ha ni swA hAs phur rtse 'o mas bkru/_chos thams cad skye ba med pa'i don yid la byas te dril bu dkrol zhing*/_a kA ro'i sngags brjod bzhin pas 'jam rol dang bcas ras bris dkyil 'khor bsdu/_sgrub rdzas sogs rjes shul mi mngon par bya/_de nas mar me smon lam gyis dge ba'i rtsa ba bla na med pa'i rgyur bsngo ba ni/_dpon slob thams cad lag bsnol bas srin lag sbrel/_rdo rje rgyal theb kyis snam sbyar dang bcas bzhengs te mar me'i smon lam gtong thun sngon du 'gro bas/_hU~M/_dur khrod gsang ba mchog gi dkyil 'khor du/_/snying po byang chub lam la zhugs pa yis/_/'khor ba'i g.yang sar chen por mi ltung zhing*/_/chags sdang gcong rong gnas su mi skye dang*/_/log lta dmyal ba'i zangs khar rbab mi 'gril/_/'khon 'dzin gcan gzan gdug pa'i skad mi thos/_/nyon mongs mtshon rtse gdug pa'i zer mi 'phog_/dge ba'i bshes gnyen bka' drin che ba dang*/_/srog gi 'brel ba'i mched dang lcam dral dang*/_/gsum pa'i dbang gis 'brel ba'i rig ma gsum/_/skye ba 'di dang tshe rabs thams cad du/_/mi 'bral rtse gcig 'grogs pa'i ting 'dzin gyis/_/sa bcu khyad par rim gyis bgrod par shog_/nam zhig tshe 'phos lus brje'i dus byung nas/_/'khor ba'i g.yang sar lan gcig ltung srid kyang*/_/snang ba'i sgo 'byed zhun mar mdangs gsal 'dis/_/rig 'dzin sgrub pa po yis shul mtshon cing*/_/kun tu 'od kyi sa la rgyud sbyangs nas/_/pad+ma chen po'i sa la lhun gyis grub/_/'khor lo tshogs chen sa la gshegs pa'i tshe/_/sngon gyi rgyal ba rnams kyis mdun bsus shig_/yi dam lha yis rgyab nas srog brten cig_/byang chub sems dpa' rnams kyis mtha' skyor cig__/mchod pa'i lha mo rnams kyis sna drongs shig_/ma tshogs dbang mo rnams kyis rjes skyongs shig_/lcang lo can gyi sa la phyin pa'i tshe/_/mi ldog pa yi sa la gnas nas kyang*/_/rdo rje khro rgyal khyod kyi zhal mthong nas/_/rig 'dzin rnams dang dbyer med gyur nas kyang*/_/bla med sku gsung thugs su 'grub par shog_/ces thams cad kyis rjes zlos dang bcas smon lam gdab/_las byang ltar bsngo ba smon lam shis brjod bcas dang*/_gzhan yang zhal nas gsungs pa'i thog drangs te bkra shis kyi tshigs su bcad pa rgyas par spel lo/__/gnyis pa 'phros don la/_de ltar sgrub pa'i 'bras bu ni:_de ltar tshogs sam tshogs sgrub tu:_rtse gcig nyams su blang ba yis:_gnas skabs gegs zhi tshe dpal 'phel:_yul phyogs bkra shis byin chen 'bebs:_mthong thos dran reg skal pa ldan:_dngos grub rnam gnyis myur du 'thob:_mthar thug rig 'dzin rnam pa bzhi'i:_lam las mi gnas ye shes mchog:_rnam par grol ba'i dpal thob phyir:_blo ldan rnams kyis brtson par gyis:_zhes dang*/_de ltar 'bad pas brtson 'grus dang:_ting 'dzin skal pa'i khyad par bzhin:_rab kyis rig 'dzin mchog dngos 'grub:_'bring gis sngags kyi drod tshad 'thob:_gzhan du phrin las ci rigs 'grub:_mdor na 'brel tshad don ldan pa:_sgrub pa chen po'i phrin las so:_zhes bslu med rdo rje'i gsung gis nges pa ltar ro/__/legs byas kha 'bab bzhi yi rgyun bzang gis/_/yid can mtha' dag dngos kun bdag nyid che/_/'khor lo sdom pa'i thugs dbyings rgya mtsho cher/_/'jug nas dngos grub nor bu'i gter spyod shog__/ces pa'ang kun mkhyen pad+ma dkar po'i rnam 'phrul ngag dbang rnam rgyal gyi phyag rjes dpal ldan 'brug pa bka' brgyud kyi gdan sa lte ba spungs thang bde chen pho brang du 'brug rgyal bzhi pa 'jigs med seng ge dbang phyug dang rgyal yum skal bzang chos sgron yum sras nas dpal 'khor lo sdom pa lha bcu gsum gtso bor gyur pa'i rtsa ba gsum gyi gtsug lag khang gsar bskrun gyis lo bstar zab chos 'di'i tshogs sgrub 'dzugs pa'i ched du bka' bstsal ba bzhin 'gyur med theg mchog bstan pa'i rgyal mtshan pad+ma dbang chen dgyes pa rtsal gyis chog khrigs su bstar bas yid can mtha' dag bde chen sgyu 'phrul dra ba'i dkyil 'khor du ngal 'tsho zhing dpal ldan 'brug pa phyogs las rnam rgyal gyi chos srid nyi zla'i snang ba rtag tu brtan pa'i rten 'byung du gyur cig_/sarba dA mang+ga laM/_//


༄༅།  །བདེ་ཆེན་དཔྱིད་ཀྱི་ཐིག་ལེའི་འཇོ་སྒེག་ལས། །དངོས་གྲུབ་ལང་ཚོའི་བཅུད་འཛིན་རྩ་གསུམ་ལྷ། །རང་རིག་ངེས་པ་དོན་གྱི་བླ་མ་རུ། །གཉིས་མེད་རོ་མཉམ་ལྟ་བའི་ཕྱག་གིས་འདུད། །ཁྱེད་ཀྱི་གསང་གསུམ་རྡོ་རྗེའི་གྲོང་ཁྱེར་དུ། །བདེ་བླག་བརྩོན་པའི་ཐབས་གཞན་ཚོགས་སྒྲུབ་ཀྱི། །ཕྱག་བཞེས་རིག་འཛིན་གྲུབ་པའི་བཞེད་གཞུང་བཞིན། །བསྡེབས་ལ་གནང་སྩོལ་དོན་གཉིས་ལྷུན་གྲུབ་མཛོད། །དེ་ཡང་གྲུབ་ཐོབ་ཆེན་པོའི་ཐུགས་ཏིག་སྒྲུབ་ཐབས་སྙིང་པོ་སྐོར་ལྔའི་བསྙེན་སྒྲུབ་ལས་ཀྱི་ཕྲེང་བའི་གཏེར་གཞུང་རྡོ་རྗེའི་ཚིག་རྐང་ལས། སྒྲུབ་ཆེན་ཚོམ་བུ་ཚོགས་སྒྲུབ་ཀྱི༔ དངོས་གྲུབ་ངེས་པར་དོན་གཉེར་ན༔ གནས་དུས་སྟོན་འཁོར་ཡོ་བྱད་སོགས༔ ཕུན་སུམ་ཚོགས་པའི་གཞི་བཟུང་ནས༔ བསྙེན་པས་ས་ཡི་ཆོ་ག་དང༔ ཕྱི་ནང་གསང་བའི་མཚམས་རྣམས་བཅད༔ ཉེ་བསྙེན་ལྷག་པར་གནས་པ་དང༔ དཀྱིལ་འཁོར་བཞེངས་ཤིང་རྒྱས་པར་བཀྲམ༔ སྒྲུབ་རྫས་སྒྲུབ་པོ་མངའ་གསོལ་ནས༔ རྟགས་གདབ་གཟི་བྱིན་མཆོག་ཏུ་བསྐྱེད༔ སྒྲུབ་པ་བདག་མདུན་དབྱེར་མེད་ཀྱི༔ ཕྲིན་ལས་གཞུང་བསྲང་ཛཔ྄་ཁང་དབྱེ༔ ཛཔ྄་བསྐུལ་སྒྲུབ་པའི་སྔགས་ཀྱི་སྒྲ༔ བར་མ་ཆོད་ཅིང་ཏིང་འཛིན་གསལ༔ ཚོགས་ཀྱི་མཆོད་པ་དུས་དྲུག་འབུལ༔ བར་ཆད་བགེགས་བསལ་བྱིན་ཆེན་དབབ༔ དེ་ལྟར་ཉམས་བླངས་རྟགས་ཐོན་ནས༔ སྒྲུབ་པ་ཆེན་པོ་རང་དོན་དུ༔ དངོས་གྲུབ་རིམ་པ་ཚུལ་བཞིན་བླང༔ གཞན་དོན་དབང་བསྐུར་རྗེས་འཛིན་བྱ༔ གཉིས་དོན་སྨོན་ལམ་གདབ་པ་སོགས༔ ལས་ཀྱི་ཕྲེང་བ་མཐར་དབྱུང་ངོ༔ ཞེས་གསུངས་པའི་དོན་ཉམས་སུ་ལེན་པའི་ཚུལ་འཆད་པ་ལ། བླ་མ་ལོངས་སྐུ་གསུང་རྡོ་རྗེ་བདེ་མཆོག་འཁོར་ལོའི་ཚོགས་སྒྲུབ་ཀྱི་ལས་རིམ་བསྟན་པ་དང༌། འཕྲོས་དོན་བཤད་པ་གཉིས་ལས། དང་པོ་ཕུན་སུམ་ཚོགས་པ་ལྔས་སྒྲུབ་པའི་གཞི་བཟུང་བ་ནི། རྒྱུད་ལས། བསྙེན་རྫོགས་རྟགས་ལྡན་སྟོན་པ་དང༔ དད་བརྩོན་བརྟུལ་ཞུགས་ལྡན་པའི་འཁོར༔ གནས་དུས་ཡོ་བྱད་ཕུན་ཚོགས་པས༔ ཞེས་དང༌། བསྙེན་སྒྲུབ་ཡན་ལག་རྣམ་པ་བཞིས༔ ཐུན་མོང་མཆོག་གི་དངོས་གྲུབ་ལེན༔ ཞེས་གསུངས་པ་ལྟར་སྔོན་དུ་འགྲོ་བ་བསྙེན་པ་དང་ཉེ་བསྙེན། དངོས་གཞིའི་ལས་རིམ་སྒྲུབ་པ། རྗེས་དངོས་གྲུབ་བླང་བ། སྒྲུབ་པ་མཐའ་རྒྱས་སུ་བྱ་བ་བཞིས་བསྡུས་པ་ལས། དང་པོ་ལ་ལྔ། ས་ཆོག །མཚམས་གཅོད། སྟ་གོན། རྟེན་གྱི་དཀྱིལ་འཁོར་བཅའ་བ། སྒྲུབ་པ་པོ་གནས་སུ་འགོད་པའོ། །དང་པོ་ས་བརྟགས་པ་ནི་སྒྲུབ་གནས་རྙིང་པ་ལ་མི་དགོས། ས་སློང་བ་ནི། དཀྱིལ་འཁོར་གྱི་སྟེགས་བུའི་དབུས་སུ་འབྲུའི་ཚོམ་བུ་གཅིག་བཀོད་པའི་སྟེང་དུ། མཉྫིའི་ཁར་ས་ལྷའི་གཏོར་མ་དཀར་ཟླུམ་མཐེབ་ཀྱུ་དང་རིལ་བུས་མཚན་པ། མདུན་དུ་གསེར་སྐྱེམས་དང་བཅས་པའི་མཐར། བྱང་ཤར་དུ་མཚམས་འཛིན་གྱི་མེ་ཏོག་ནས་བརྩམས་ཏེ་ཆུ་གཉིས་ཉེར་སྤྱོད་དང་བཅས་པས་གཡས་སུ་བསྐོར། ལོགས་གང་བདེར་བདག་བསྐྱེད་མཆོད་པ་བླ་གཏོར་དམར་ཟླུམ་སྨན་རཀ་ཉེར་སྤྱོད་ཕྲེང་ཚར་དུ་བཤམས། ཉེ་བར་མཁོ་བའི་ཡོ་བྱད་ཐམས་ཅད་ཚོགས་པར་བྱས་ལ། བདག་གི་རྣལ་འབྱོར་ནི། བརྒྱུད་འདེབས་དང༌། རྡོ་རྗེ་སློབ་དཔོན་སངས་རྒྱས་དཔལ་སོགས་ཚོགས་བསགས་སྔོན་དུ་འགྲོ་བས། མཆོད་པ་བྱིན་རླབས་ནི། རྃ་ཡྃ་ཁྃ༔ རིན་ཆེན་བྷནྡྷའི་སྣོད་ཡངས་སུ༔ སྨན་གཏོར་རཀྟ་འོད་དུ་འབར༔ ཕྱི་ནང་ཉེར་སྤྱོད་བསམ་མི་ཁྱབ༔ རབ་འབྱམས་ནམ་མཁའ་གང་བར་གྱུར༔ ཨོཾ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ༔ ཨོཾ་བཛྲ་ཨརྒྷཾ་སོགས། ཤབྡ་ཨཱཿཧཱུྃ༔ ཕྱི་སྣོད་ཐམས་ཅད་གཞལ་ཡས་ཁང༔ ཕུང་ཁམས་སྐྱེ་མཆེད་ཡི་དམ་ལྷ༔ སྣང་སྟོང་ཆུ་ཟླ་འཇའ་ཚོན་ལྟར༔ གསལ་ལ་མ་འདྲེས་རྩེ་གཅིག་བསྒོམ༔ ཨོཾ་པདྨ་བཛྲ་ཧཱུྃ༔ ཞེས་བཟླ། ཡེ་ཤེས་ལྷ་ཚོགས་སོགས་ཀྱིས་མཆོད་བསྟོད་ཕུལ། ཨ་ཨ་ཨ༔ ཧཱུྃ་བཛྲ་ཀཱ་ཝཱ་ཙི་རཀྵ་ཧཾ༔ ཞེས་འོད་གསལ་དུ་བསྡུ་ཞིང་གཉུག་མའི་ལྷ་སྐུར་ལྡང༌། ས་ལྷའི་མཆོད་པ་རྣམས་ཨ་མྲྀ་ཏས་བསང༌། རྃ་ཡྃ་ཁྃ་གིས་སྦྱང༌། ཐམས་ཅད་སྟོང་ཉིད་ནམ་མཁའི་ངང༔ བྷྲཱུྃ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་པར་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པཱུ་ཛ་ས་མ་ཡ་ཧཱུྃ༔ ཞེས་དང༌། གཏོར་གཞོང་རཏྣའི་གཞལ་ཡས་སུ༔ གཏོར་མ་འདོད་ཡོན་ཕུང་པོར་སྤུངས༔ ཨོཾ་ཨཱཿཧཱུྃ་ལན་གསུམ་རྒྱ་དང་བཅས་པས་བརླབས། བྷཱུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿ ཞེས་རྡོ་རྗེའི་བསྡུ་རྒྱ་དང་བཅས་སྤྱན་དྲངས། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱའི་བར་སོ་སོའི་ཕྱག་རྒྱ་དང་བཅས་པས་མཆོད། རྡོར་ཐལ་ཕྱེ་བས། བྷཱུ་མི་པ་ཏི་ས་པ་རི་ཝཱ་ར་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུདྒ་ཏེ་སྥ་ར་ཎ་ཨི་མཾ་ག་ག་ཁཾ་སྭཱ་ཧཱ། ལན་གསུམ་གྱིས་གཏོར་མ་ཕུལ་ལ། དགོངས་ཤིག་ས་བདག་ལྷ་ཀླུ་སྡེ་དང་དཔུང༔ གངས་རི་གཡའ་རྩེ་ལུ་མ་སྐྱེད་མོས་ཚལ༔ མཚོ་རྫིང་ལྟེང་ཀ་སོ་སོའི་གནས་རྣམས་ནས༔ ལྷ་ཀླུ་ས་བདག་གནས་འདིར་སྤྱན་འདྲེན་གྱིས༔ ཛམ་གླིང་གྲྭ་བཞིར་སྒྲུབ་པའི་ས་བསླང་ཕྱིར༔ ས་བདག་འཁོར་དང་བཅས་པ་འདིར་གཤེགས་ཏེ༔ བྱིན་བརླབས་བསྔོས་པའི་གཏོར་མ་འདི་བཞེས་ལ༔ རིན་ཆེན་གཏེར་གྱི་ས་འདི་བསྩལ་དུ་གསོལ༔ ཞེས་འདོད་དོན་གསོལ་ནས། དབང་དུ་བྱ་བ་ནི། སྟེགས་བུའི་མདུན་ནས་སློབ་དཔོན་གྱི་དབང་མཆོག་གི་ཕུར་བུ་བཟུང་ལ། བདག་ཉིད་པདྨ་བཛྲ་ཞལ་གཅིག་ཕྱག་གཉིས་པར་གསལ་བའི་ཐུགས་ཀའི་ཧཱུྃ་ལས་འོད་འཕྲོས་ཕུར་བུ་ལ་ཐིམ། དེ་ཉིད་དཔལ་རྟ་མགྲིན་གྱི་སྐུར་གྱུར་པར་བསམ་ལ། ཧཱུྃ་པདྨཱནྟ་ཀྲྀ་ཏ་ཧཱུྃ་ཕཊ྄། ཅེས་བཏབ་སྟེ་ལན་བདུན་བཟླས་པས། ཕུར་བུ་ལས་བྱུང་བའི་འོད་ཟེར་དམར་པོས་ས་གཞི་ཐམས་ཅད་ཁྱབ། བདག་གི་དབང་དུ་གྱུར་པར་བསམ་མོ།  །སྦྱོང་བ་ལ། སྔགས་དང་ཕྱག་རྒྱས་སྦྱོང་བ་ནི། སློབ་དཔོན་གྱི་ལག་གཡས་རྡོ་རྗེ་རྩེ་ལྔ་པར་བསམས་ནས་ཕྱག་རྡོ་རྗེ་དང་བཅས་སྟེགས་བུའི་སྟེང་དུ་བཞག །ཐམས་ཅད་ཀྱིས་རྡོ་རྗེ་དང་བཅས་ལག་གཡས་ས་ལ་རེག་པའི་ཚུལ་བྱས་ནས། ཨོཾ་སྭ་བྷཱ་ཝ་ཤུདྡྷཿསརྦ་དྷརྨ་སྭ་བྷཱ་ཝ་ཤུདྡྷོ྅ཧཾ། ལན་གསུམ་གྱིས་ས་ལ་བསྣུན། ཏིང་ངེ་འཛིན་གྱིས་སྦྱོང་བ་ནི། བདག་ཉིད་པདྨ་བཛྲར་གསལ་བའི་ཐུགས་ཀའི་ཧཱུྃ་ལས་ཧཱུྃ་ཕྲ་མོ་གྲངས་མེད་ཕྱོགས་བཅུར་འཕྲོས། འཕགས་པ་མཆོད་སེམས་ཅན་གྱི་དོན་བྱས། ཚུར་འདུས་ཡེ་ཤེས་ཀྱི་མེ་རླུང་ཆུར་གྱུར་པས་མ་དག་པའི་དངོས་འཛིན་ཐམས་ཅད་བསྲེག་གཏོར་སྦྱངས། དུར་ཁྲོད་རོལ་པའི་ཞིང་ཁམས་ཆེན་པོར་གྱུར་པར་བསམ། བསྡུ་ན་དེ་ཙམ་གྱིས་ཆོག་ལ་ཅུང་ཟད་སྤྲོ་ན་བཟུང་བ་ནི། སེང་ལྡེང་གི་ཕུར་པ་ཅོད་པན་ཅན་བཅུ་འབྲུའི་སྣོད་དུ་བཙུགས་པ་སློབ་དཔོན་གྱི་སྟེགས་བུའི་དབུས་ནས་ཞལ་ཤར་དུ་ཕྱོགས་པའི་མདུན་དུ་དང༌། ཕུར་སྟེགས་ཨེ་བཅུ་རྣམས་ཕྱོགས་བཅུར་བཀོད། བདག་གི་ཐུགས་ཀ་ནས་ཧཱུྃ་བཅུ་འཕྲོས། ཨོཾ་ཊཱ་ཀི་རཱ་ཛ་མ་ཧཱ་ཀྲོ་དྷ་ཧཱུྃ་ཕཊ྄། ཅེས་བརྗོད་པས་ཁྲོ་བོ་ལྕགས་ཀྱུ་དང་ཐོ་བ་ཐོགས་པ་སྤྲོས། ཕྱོགས་སྐྱོང་བཅུ་བཀུག་ནས་ཐོ་བས་བསྣུན་ཏེ་གཟིར། ཨེ་བཅུར་བཀོད་པར་གྱུར། ཡང་རང་གི་ཐུགས་ཀ་ནས་ཧཱུྃ་ཡིག་བཅུ་སྤྲོས་པ་ལས་ཕུར་བུ་རྣམས་ཁྲོ་བོ་བཅུ་སྐུ་སྨད་ཕུར་བུའི་དབལ་ཅན་དུ་གྱུར། ཧཱུྃ་བཅུ་བརྗོད། ཕྱོགས་བཅུའི་བགེགས་རྣམས་ཀྱི་སྙིང་གར་བཏབ་པར་གྱུར། སློབ་དཔོན་གྱི་ཕྱག་གཡས་ཐོ་བ་དང༌། གཡོན་པས་སྟེང་གི་ཁྲོ་བོའི་ཕུར་པ་སོགས་རིམ་བཞིན་ཐོགས་ལ། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ། གརྫ་གརྫ་ཧཱུྃ་ཕཊ྄། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཾ་ཧཱུྃ་ཕཊ྄། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ྄། ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ་བཛྲ་དྷ་རོད་ཨཛྙཱ་པ་ཡ་ཏི་སརྦ་བིགྷྣཱཾ་ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ྄། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧ་ན་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ། པ་ཙ་པ་ཙ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུྃ། ཧུ་ལུ་ཧུ་ལུ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ། ཚིནྡྷ་ཚིནྡྷ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུྃ། བིནྡྷ་བིནྡྷ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ། ཏིཥྛ་ཏིཥྛ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ། བྷནྡྷ་བྷནྡྷ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ། ད་ཧ་ད་ཧ་ཧཱུྃ་ཕཊ྄། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། སྥོ་ཊ་སྥོ་ཊ་ཧཱུྃ་ཕཊ྄། ཅེས་ཁྲོ་བཅུའི་སྔགས་རེ་རེའི་མཐར། ཨོཾ་གྷ་གྷ་གྷཱ་ཏ་སོགས་རྡོ་རྗེ་སྡེར་མོའི་སྔགས་ཧཱུྃ་ཀ་ར་བཞིན་སྦྱར་ཏེ་འབར་བའི་སྟངས་སྟབས་དང་བཅས་ཏེ་སྟེང་གི་ཕུར་བུར་ཤར་གྱི་ཤར་དང༌། ཕྱོགས་བཞི་ཤར་ནས་གཡས་བསྐོར་དང༌། མཚམས་བཞི་བྱང་ཤར་ནས་གཡོན་བསྐོར་དང༌། འོག་གི་ཕུར་བུ་ནུབ་ཀྱི་ནུབ་ཏུ་གདབ་ཅིང༌། ཕྱོགས་བཅུར་ཕུར་བུ་བཏབ་པས་དེ་ལས་བྱུང་བའི་ཡེ་ཤེས་ཀྱི་མེ་དཔུང་ཕྱོགས་ཐམས་ཅད་དུ་ཁྱབ་པར་འབར་བས་བགེགས་རྣམས་བསྲེགས་ཤིང་མི་གནས་པར་གྱུར་པར་བསམ། སྐབས་འདིར་སྤྱི་བཤགས་བྱ་བར་གསུང་པ་ནི། སཱཙྪ་གདབ་པ། སྲོག་བསླུ། ཉེའུ་འདོན། བཤགས་སྐོང༌། སྦྱིན་སྲེག །མགྲོན་བཞི་ལ་མཆོད་སྦྱིན་ཅི་འབྱོར་དང༌། གཟུངས་མདོ་སྒྲོགས། ཁྱད་པར་གནས་ཁང་གི་ཤར་དུ་ཤེར་ཕྱིན། ལྷོར་སྟོབས་པོ་ཆེ། ནུབ་ཏུ་ལང་གཤེགས། བྱང་དུ་ཏོག་གཟུངས་རྣམས་འདོན་པ་སོགས་དགེ་བའི་དཔུང་བསྐྱེད་པའི་ཕྱིར་རང་ངམ་གཞན་གྱིས་ཅི་འགྲུབ་ཏུ་བྱའོ།  །གཉིས་པ་མཚམས་བཅད་པ་ལ་གསུམ་ལས། དང་པོ་ཕྱི་མཚམས་ནི་སྒྲུབ་ཁང་གི་ཕྱོགས་བཞིའི་ཐོ་བཞིར་རྒྱལ་ཆེན་སོ་སོའི་སྐུ་རྟེན་རྒྱལ་མཚན་དང་བཅས་པའི་མདུན་དུ་སྟེགས་ཁེབ་ལྡན་གྱི་ཁར་མེ་ཏོག་གི་ཚོམ་བུའི་སྟེང་དུ་གཏོར་མ་དཀར་ཟླུམ་མདུན་དུ་མཐེབ་ཀྱུ་རིལ་བུས་མཚན་པ་རེ་དང༌། དེའི་མདུན་དུ་གཡོན་ནས་བརྩམས་པའི་ཆུ་གཉིས་ཉེར་སྤྱོད་ལྔ་དང་བཅས་པ་བཤམས་ལ། སློབ་དཔོན་འདུས་པ་དང་བཅས་རོལ་ཆ་སེར་སྦྲེང་གིས་ཤར་གྱི་ཐོའི་རྩར་འཁོད་ལ། མཆོད་གཏོར་རྣམས་ཨ་མྲྀ་ཏས་བསང༌། རྃ་ཡྃ་ཁྃ་གིས་སྦྱང༌། ཐམས་ཅད་སྟོང་ཉིད་ནམ་མཁའི་ངང༔ བྷྲཱུྃ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་པར་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པཱུ་ཛ་ས་མ་ཡ་ཧཱུྃ༔ ཞེས་དང༌། གཏོར་གཞོང་རཏྣའི་གཞལ་ཡས་སུ༔ གཏོར་མ་འདོད་ཡོན་ཕུང་པོར་སྤུངས༔ ཨོཾ་ཨཱཿཧཱུྃ་ལན་གསུམ་རྒྱ་དང་བཅས་པས་བརླབས། ཐོ་སྐུ་རྟེན་དང་བཅས་པ། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་ཤར་ཕྱོགས་ནས་རྒྱལ་པོ་ཆེན་པོ་ཡུལ་འཁོར་སྲུང་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་དྷྲྀཥྚ་རཥྚཱ་ཧཱུྃ་ཛཿ ལན་ཉེར་གཅིག་གི་མཐར། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱའི་བར་གྱིས་མཆོད། རྡོར་ཐལ་ཕྱེ་རྒྱས་སྙིང་པོའི་མཐར། བ་ལིཾ་ཏ་ནཱ་ནཱ་ཁ་དནྟུ་གྲྀ་ཧྞ་གྲྀཧྞ་ཧཱུྃ་ཁཱ་ཧི་ཁཱ་ཧི༔ ཞེས་བཏགས་པ་ལན་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་ཤར་ཕྱོགས་ནས༔ ཕྱག་ན་རྡོ་རྗེ་དབང་གི་མཐུས༔ རྒྱལ་པོ་ཆེན་པོ་ཡུལ་འཁོར་སྲུང༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ དཔལ་ལྡན་རྒྱལ་པོ་ཆེན་པོ་ཡུལ་འཁོར་སྲུང༔ ཞི་བའི་ཕྲིན་ལས་མཐར་ཕྱིན་སྐུ་མདོག་དཀར༔ ཐུགས་རྗེའི་དབང་གིས་འགྲོ་དོན་པི་ཝཾ་བསྣམས༔ ཤར་ཕྱོགས་དྲི་ཟའི་འཁོར་ཚོགས་མཚམས་ཆོད་ཅིག༔ ཅེས་ཕྲིན་ལས་གསོལ་བས་སྲུང་བའི་ལས་མཛད་པར་བསམ་ཞིང༌། ཏིཥྛ་བཛྲ་ཞེས་མེ་ཏོག་འཐོར་ལ་བརྟན་བཞུགས་བྱ། དེ་ནས་ལྷོའི་མཆོད་གཏོར་སྔར་ལྟར་བྱིན་གྱིས་བརླབ། ཐོ་བསང་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་ལྷོ་ཕྱོགས་ནས་རྒྱལ་པོ་ཆེན་པོ་འཕགས་སྐྱེས་པོ་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་བཻ་རུ་ཌྷ་ཀ་ཡ་ཧཱུྃ་ཛཿ ཞེས་ལན་ཉེར་གཅིག་དང༌། ཨོཾ་བཛྲ་ཨརྒྷཾ་སོགས་ཀྱིས་མཆོད། སྙིང་པོའི་མཐར། བ་ལིཾ་ཏ་སོགས་བཏགས་པ་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་ལྷོ་ཕྱོགས་ནས༔ ཕྱག་ན་རྡོ་རྗེའི་དབང་གི་མཐུ༔ རྒྱལ་པོ་ཆེན་པོ་འཕགས་སྐྱེས་པོ༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ ཆོས་སྐྱོང་རྒྱལ་པོ་ཆེན་པོ་འཕགས་སྐྱེས་པོ༔ མངོན་སྤྱོད་ཚུལ་གྱིས་འགྲོ་དོན་མཐར་ཕྱིན་སྐུ༔ དུག་གསུམ་འཇོམས་པའི་བེ་ཅོན་རལ་གྲི་བསྣམས༔ ལྷོ་ཕྱོགས་གྲུལ་བུམ་འཁོར་ཚོགས་མཚམས་ཆོད་ཅིག༔ ཅེས་དང༌། ཏིཥྛ་བཛྲས་བརྟན་བཞུགས་བྱ། དེ་ནས་ནུབ་ཀྱི་མཆོད་གཏོར་སྔར་ལྟར་བྱིན་གྱིས་བརླབ། ཐོ་བསང་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་ནུབ་ཕྱོགས་ནས་རྒྱལ་པོ་ཆེན་པོ་སྤྱན་མི་བཟང་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་བཻ་རཱུ་པཀྵ་ཧཱུྃ་ཛཿ ལན་ཉེར་གཅིག་དང་ ཨོཾ་བཛྲ་ཨརྒྷཾ་སོགས་ཀྱིས་མཆོད། སྙིང་པོའི་མཐར། བ་ལིཾ་ཏ་བཏགས་པ་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་ནུབ་ཕྱོགས་ནས༔ ཕྱག་ན་རྡོ་རྗེ་དབང་གི་མཐུས༔ རྒྱལ་པོ་ཆེན་པོ་སྤྱན་མི་བཟང༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ ཆོས་སྐྱོང་རྒྱལ་པོ་ཆེན་པོ་སྤྱན་མི་བཟང༔ དབང་དྲག་དམར་སྨུག་འབར་བ་འཇིགས་པའི་སྐུ༔ བསོད་ནམས་ཚོགས་རྫོགས་རིན་ཆེན་སྦྲུལ་ཞགས་བསྣམས༔ ནུབ་ཕྱོགས་ཀླུ་དབང་འཁོར་ཚོགས་མཚམས་ཆོད་ཅིག༔  ཅེས་དང༌། ཏིཥྛ་བཛྲས་བརྟན་བཞུགས་བྱ། དེ་ནས་བྱང་གི་མཆོད་གཏོར་སྔར་ལྟར་བྱིན་གྱིས་བརླབ། ཐོ་བསང་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་བྱང་ཕྱོགས་ནས་རྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་བཻ་ཤྲ་མ་ཎ་ཧཱུྃ་ཛཿ ཞེས་ལན་ཉེར་གཅིག་དང༌། ཨོཾ་བཛྲ་ཨརྒྷཾ་སོགས་ཀྱིས་མཆོད། སྙིང་པོའི་མཐར། བ་ལིཾ་ཏ་སོགས་བཏགས་པ་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་བྱང་ཕྱོགས་ནས༔ ཕྱག་ན་རྡོ་རྗེ་དབང་གི་མཐུས༔ རྒྱལ་པོ་ཆེན་པོ་རྣམ་ཐོས་སྲས༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ ཆོས་སྐྱོང་རྒྱལ་པོ་ཆེན་པོ་རྣམ་ཐོས་སྲས༔ ཆེ་བའི་ཡོན་ཏན་ལོངས་སྤྱོད་མཐར་ཕྱིན་སྐུ༔ རིན་ཆེན་གཏེར་ལྡན་ནེའུ་ལེ་བེ་ཅོན་བསྣམས༔ བྱང་ཕྱོགས་གནོད་སྦྱིན་འཁོར་ཚོགས་མཚམས་ཆོད་ཅིག༔ ཅེས་དང༌། ཏིཥྛ་བཛྲས་བརྟན་བཞུགས་བྱའོ།  །གཉིས་པ་བར་མཚམས་ལ་གཉིས་ཀྱི། དང་པོ་དམ་སྲི་མནན་པ་ནི། དུག་ཤོག་ལ་དམ་སྲིའི་ལིངྒ་སྤྱི་མཐུན་གྱི་སྙིང་གར་ཏྲིའི་མཐར། ཡ་མ་དམ་སྲི་གཾ་པ་རི་མཱ་ར་ཡ་ཛཿ ཞེས་བྲིས་ལ་དུག་ཁྲག་བྱུག་པ་བྲུབ་ཁུང་དུ་བཀོད་ནས་བསྐུལ་གསེར་སྐྱེམས་གཟུ་དཔང་དམིགས་བྱ་འགུགས་བསྟིམ་ཐུན་གྱིས་བྲབ་ནས་མནན་ཐོད་དུ་བཅུག་པ་རྣམས་སྔ་ཉིན་ནས་རྡོ་རྗེ་མཚམས་པ་སོགས་ཀྱིས་གྲུབ་པ་ཡོད་ན་དང༌། མ་གྲུབ་ན་ལིང་རྐྱང་སྒྲུབ་ཁང་གི་སྒོ་དྲུང་དུ་དོང་གྲུ་གསུམ་བྲུས་པའི་ནང་དུ་བཀོད་ལ་སློབ་དཔོན་གྱིས་གསེར་སྐྱེམས་ཐོགས་ཏེ། རྃ་ཡྃ་ཁྃ། འདོད་ཡོན་ཟག་པ་མེད་པ་བདུད་རྩིའི་རྒྱ་མཚོར་གྱུར། ཞེས་བྱིན་གྱིས་བརླབས་ནས། ཧཱུྃ༔ བྱིན་རླབས་མཆོག་སྩོལ་རྩ་བརྒྱུད་བླ་མ་དང༔ བླ་མ་བདེ་མཆོག་ཡི་དམ་ཞི་ཁྲོའི་ལྷ༔ སངས་རྒྱས་བྱང་སེམས་དཔའ་བོ་མཁའ་འགྲོ་ལ༔ གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔ མཐུ་སྟོབས་དབང་ཕྱུག་མ་མགོན་ལྕམ་དྲལ་དང༔ དྲེགས་པའི་སྡེ་དཔོན་ཆེན་པོ་སུམ་ཅུ་སོགས༔ ཡེ་ཤེས་ལས་ལས་གྲུབ་པའི་དམ་ཅན་ལ༔ གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔ ཕྱི་ནང་གསང་བ་གབ་སྦས་བསྟན་པ་སྐྱོང༔ དྲེགས་པ་སྡེ་བརྒྱད་ཡུལ་ལྷ་གཞི་བདག་སོགས༔ སྲིད་གསུམ་འབྱུང་པོ་མཐུ་སྟོབས་ཅན་རྣམས་ལ༔ གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔ ཅེས་གསེར་སྐྱེམས་བཏང༌། ཨེ་ཡཾ་རཾ་ཛྭ་ལ་རཾ། བྲུབ་ཁུང་ཡངས་ཤིང་གཏིང་ཟབ་པའི་ནང་དུ་ཏྲི་ལས་དམ་སྲི་ཕོ་མོ་རིད་ཅིང་ཉམ་ཐག་པའི་ལུས་ཅན་དུ་གྱུར། ན་མོ། རིག་འཛིན་སོགས་བདེན་སྟོབས་བརྗོད་པ་སྔོན་དུ་འགྲོ་བས། ཁྱད་པར་དུ་བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་མ་རུངས་པའི་སེམས་ཅན་ཡ་མ་དམ་སྲི་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཏྲི་ཡཾ་ཛཿ ཏྲི་བཛྲ་ཨངྐུ་ཤ་ཛཿ ཛཿཧཱུྃ་བྃ་ཧོཿ ཞེས་འགུགས་གཞུག་བྱས་ལ་སྐྱེར་པའི་ཕུར་ཆུང་གཅིག་མི་གཡོ་བར་བསྐྱེད་པ་སློབ་དཔོན་གྱི་ཕྱག་ཏུ་ཐོགས། ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ་བྷནྡྷ་བྷནྡྷ་ཧཱུྃ་ཕཊ྄༔ ཅེས་ཚར་གསུམ་གྱིས་གཟི་བྱིན་བསྐྱེད་ནས། ཧཱུྃ༔ དུར་ཁྲོད་ཆེན་པོའི་གནས་མཆོག་འདིར༔ སྒྲུབ་པའི་བར་ཆད་བྱེད་པའི་བགེགས༔ བཀའ་ལས་འདས་པའི་དམ་སྲི་རྣམས༔ གསད་ཅིང་གནན་པའི་དུས་ལ་བབ༔ ཧཱུྃ་མཛད་ཧཱུྃ་གི་ཁྲོ་བོ་ཨཱརྻ་ཨ་ཙ་ལ༔ སྤྲུལ་པའི་འོད་ཟེར་རྔམས་བརྗིད་དགྲ་བགེགས་འདུལ༔ དུར་ཁྲོད་བགེགས་ཀྱི་ཚོགས་འཇོམས་བཛྲ་ཀཱི་ལ་ཡ༔ ཡ་མ་དམ་སྲི་ཐལ་བའི་རྡུལ་དུ་རློག༔ ཨཱརྻ་ཨ་ཙ་ལ་དམ་སྲི་བྷནྡྷ་བྷནྡྷ་མཱ་ར་ཡ་ཕཊ྄༔ ཅེས་གནན་ཐོད་དམ་ལིང་ག་ལ་སློབ་དཔོན་གྱིས་སྐྱེར་པའི་ཕུར་ཆུང་བཏབ། ཐུན་རྫས་ཀྱིས་བྲབ། མནན་ཆས་དོང་ནང་དུ་བསྐྱུར། རོ་གཡམ་ལ་རི་གླིང་རྡོ་རྗེ་རྒྱ་གྲམ་བྲིས་པས་བཀབ་པའི་སྟེང་སཱཙྪ་ནག་པོས་མནན་རྗེས། ཐམས་ཅད་ཀྱིས་ཨཱརྻ་ཨ་ཙ་ལའི་སྔགས་བརྗོད་བཞིན་དུ་ས་ཆུ་མེ་རྣམས་ཀྱིས་རྒྱས་བཏབ་ནས་མི་མངོན་པར་བྱས་ལ་སློབ་དཔོན་གྱིས་རྡོ་རྗེས་རྒྱ་གྲམ་མདུན་དུ་མནན་ལ། ཧཱུྃ༔ རི་རབ་ཆེན་པོའི་རྨང་དུ་གནན༔ རྒྱ་མཚོ་ཆེན་པོའི་གཏིང་དུ་བསྐྱུར༔ གཤིན་རྗེ་ནག་པོའི་ལག་ཏུ་གཏད༔ ཆུ་སྲིན་གདུག་པའི་ཁ་རུ་བརྫངས༔ འཁོར་ལོ་འབར་བའི་ཕྱག་རྒྱས་མནན༔ བདུན་བརྒྱུད་རིགས་ནི་བརླག་པར་འགྱུར༔ ནམ་ཡང་ལྡང་བར་མི་ནུས་སོ༔ བྱང་ཆུབ་སེམས་ནི་སྐྱེས་ན་གཏོང༔ ཞེས་བརྗོད་ཅིང་དོན་བསམ་མོ། །དེའི་སྟེང་དུ་ཐམས་ཅད་ཀྱིས་སུམྦྷ་ནི་བརྗོད་བཞིན་ཏུ་ལག་པ་ལུ་གུ་རྒྱུད་དུ་སྦྲེལ་ནས། ཧཱུྃ་ཧཱུྃ༔ ང་ནི་པདྨ་དྲག་པོ་རྩལ༔ དཔལ་གྱི་རྟ་གདོང་རྔམས་བཞད་འཚེར༔ དབང་དྲག་འབར་བས་བྲོ་བརྡུངས་པས༔ ལོག་འདྲེན་འབྱུང་པོ་དབྱིངས་སུ་མནན༔ ཧ་ཧ་ཧི་ཧི་ཧཱུྃ་ཧཱུྃ་སྟྭཾ་བྷ་ཡ་ནན༔ ཞེས་བྲོ་བརྡུང་ངོ༌།  །གཉིས་པ་སྒོ་བྱང་གདགས་པ་ནི། ར་སོག་གམ་རོ་རས་ལ་གཤིན་རྗེ་མངོན་རྟོགས་ལྟར་བྲིས་པའི་རྒྱབ་ཏུ་སྙིང་པོ་དང་འདོད་གསོལ་བཅས་བྲིས་པ་སྒོའི་ཐེམ་གྱི་ཕྱི་ངོས་སུ་བཏགས་པའི་མདུན་དུ་གཏོར་མ་གྲུ་གསུམ་དམར་པོ་མཐེབ་རིལ་གྱིས་མཚན་པ་དང༌། ཆུ་གཉིས་ཉེར་སྤྱོད་བཅས་བཤམས་པ་སྔར་ལྟར་བྱིན་གྱིས་བརླབས། སྐུ་རྟེན་ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཧཱུྃ་ལས་གཤིན་རྗེ་ཆོས་ཀྱི་རྒྱལ་པོ་མཐིང་ནག་འཁོར་ལོ་དང་ཐོད་དབྱུག་འཛིན་པ་ཁྲོ་གཏུམ་འཇིགས་པའི་ཆས་ཅན་མ་ཧེ་ལ་དོར་སྟབས་ཀྱིས་གནས་པའོ། །ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ ཞེས་སྤྱན་དྲངས་བསྟིམ། ཨོཾ་བཛྲ་ཀརྨ་ཡ་མ་རཱ་ཛ་ཧཱུྃ་ཕཊ྄༔ ཅེས་ཉེར་གཅིག་བཟླ། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱས་མཆོད་ལ། རང་སྔགས་ཀྱི་མཐར། བ་ལིཾ་ཏ་ནཱ་ནཱ་ཁཱ་དནྟུ་གྲྀ་ཧྞ་གྲྀཧྞཧཱུྃ་ཁཱ་ཧི་ཁཱ་ཧི༔ ཞེས་ལན་གསུམ་གྱིས་རྡོར་ཐལ་ཕྱེ་རྒྱས་གཏོར་མ་ཕུལ་ནས་ཕྲིན་ལས་གསོལ་བ་ནི། ཧཱུྃ༔ གསང་ཆེན་ལྷུན་གྲུབ་ཕོ་བྲང་ནས༔ ལས་ཀྱི་གཤིན་རྗེའི་བདག་པོ་ལ༔ བཅོམ་ལྡན་ཆོས་རྗེས་བཀའ་བསྩལ་ལྟར༔ དེ་བཞིན་རིག་འཛིན་སྒྲུབ་པ་པོས༔ བཀའ་གསང་གཞུང་བཞིན་འདི་བསྒྲུབས་ནས༔ ཡང་དག་དོན་ཆེན་དེང་སྒྲུབ་ན༔ འདི་ལ་གནོད་ཅིང་བར་གཅོད་པ༔ ལྷ་སྲིན་སྡེ་བརྒྱད་འབྱུང་པོ་ཀུན༔ ཁྱོད་ཀྱི་གཡོག་དང་འཁོར་ལགས་པས༔ རྣམ་པར་སྨིན་པའི་ཆོས་ཤོད་ལ༔ གསང་བ་མཆོག་གི་རྣལ་འབྱོར་པས༔ བླ་མེད་འབྲས་བུ་མ་ཐོབ་བར༔ ས་འདི་ཡན་ཆད་མ་བཏང་བར༔ ཕྱི་འཁོར་སྐྱོང་བའི་མུ་རན་ལ༔ རྡོ་རྗེའི་ཡལ་གམ་ཐུབ་པར་མཛོད༔ ཨོཾ་བཛྲ་ཡ་མ་རཱ་ཛ་ས་མ་ཡ་སྟྭཾ༔ ཞེས་རྟེན་ལ་མེ་ཏོག་འཐོར་ནས་བརྟན་བཞུགས་བྱ། སྒོ་ཐེམ་གྱི་ནང་དུ་བྲུབ་ཁུང་ཞིག་གི་ནང་དུ་ཟན་ལིང་ལ་སེང་ལྡེང་ངམ་སྐྱེར་པའི་ཕུར་བུའི་དབལ་ལ་མི་གཡོ་བའི་སྔགས་དང༌། མགུལ་དུ་རྒྱ་ཤོག་ལ་འདི་ཡན་ཆད་སུའང་མ་འདའ་ཞིག་ཅེས་བྲིས་ཏེ་བཏགས་པ་བཏབ། སྒོ་འདི་ཡན་ཆད་སུའང་མ་འདའ་ཞིག༔ ཅེས་བརྗོད།  །གསུམ་པ་ནང་མཚམས་ལ་དང་པོ་མ་ཏྲཾ་བསྒྲལ་བ་ནི། དཀྱིལ་འཁོར་གྱི་གཞིར་མ་ཏྲཾ་གི་གཟུགས་བརྙན་མགོ་ལྷོ་ནུབ་ཏུ་བསྟན་པ་གན་རྐྱལ་དུ་བཞག །སྟེགས་བུའི་ཤར་ངོས་སུ་སློབ་དཔོན་ཞལ་ནུབ་བསྟན་གྱིས་ཕྱག་ཏུ་གཡབ་དར་དང་དྲིལ་བུ་བསྣམས་ནས། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀོ྅ཧཾ། བདག་ཉིད་བཛྲ་ཧེ་རུ་ཀའི་སྐུར་གྱུར། ཞེས་བརྗོད་ཅིང་སློབ་དཔོན་གྱིས་ལྕགས་ཀྱུའི་ཕྱག་རྒྱ་བཅིངས་ཏེ། མ་ཏྲཾ་ཀ་རུ་དྲ་ཛཿ ལན་བདུན་བརྗོད། ན་མོ། རིག་འཛིན་རྩ་བརྒྱུད་སོགས་བདེན་སྟོབས་བརྗོད་པ་སྔོན་དུ་འགྲོ་བས། ཁྱད་པར་དུ་བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་ངོ་བོ་དངོས་གྲུབ་ལ་བར་དུ་གཅོད་ཅིང་རྣམ་པ་མ་ཏྲཾ་རུ་དྲ་ཨཱ་ཀརྵ་ཡ་ཛཿ ཏྲི་ཡཾ་ཛཿ ཛཿཧཱུྃ་བྃ་ཧོཿ ཞེས་བཀུག་སྟེ་གཟུགས་ལ་བསྟིམ་ནས། ཧཱུྃ༔ མ་ཏྲཾ་བྱ་བའི་སྡིག་ཅན་ཁྱོད༔ སྔོན་ཡང་སྒྲུབ་པ་ཀུན་ལ་བསྒྲིབས༔ སྔོན་ཚེ་དཔལ་ཆེན་ཧེ་རུ་ཀས༔ བསྒྲལ་ནས་དུར་ཁྲོད་ཆེན་པོ་བྱས༔ ཁུངས་དང་རྫས་བཅས་བདག་ལས་བྱུང༔ བདག་མེད་སྟོང་པའི་ཐོ་བས་གཞོམ༔ ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ མ་ཏྲཾ་རུ་ཏྲ་ཛཿ ཁ་ཏྲཾ་རུ་ཏྲ་ཛཿ ཞེས་པས་ཆོས་དང་གང་ཟག་གི་བདག་ཆད་པར་ལྟ་བ་རྣམས་གཞོམ་པའི་དོན་དང༌། མ་ཏྲཾ་གི་གཟུགས་དེ་ཉིད་སློབ་དཔོན་གྱི་ཞབས་གཡས་པའི་དོར་སྟབས་ཀྱིས་མནན་ལ། ཧཱུྃ༔ མ་ཏྲཾ་བྱ་བའི་སྡིག་ཅན་ཁྱོད༔ རོལ་པའི་སྟབས་ཀྱིས་མནན་པ་ནི༔ འཇིགས་བྱེད་ཆེན་པོ་ཧེ་རུ་ཀས༔ མགོ་ནི་ལྷོ་ནུབ་མཚམས་སུ་བསྟན༔ རྐང་པ་བྱང་ཤར་མཚམས་སུ་བསྟན༔ ཁྲོ་རྒྱལ་ཞབས་ནི་གཡས་གཡོན་གྱིས༔ གྱད་ཀྱི་དོར་སྟབས་ཚུལ་དུ་མནན༔ ཨོཾ་མ་ཧཱ་ཤྲཱི་ཧེ་རུ་ཀ་དྲི་ཤྱ་ཧོཿ ས་མ་ཡ་སྟྭཾ༔ མ་ཧཱ་དེ་བ་རུ་དྲ་ཛཿ ཛཿཧཱུྃ༔ ཞེས་ལན་བདུན་བཟླ་ཞིང༌། ཐམས་ཅད་ཀྱིས་ལག་གཡས་ཀྱི་སོར་མོ་གསུམ་སྦྲེང་བ་ཁཊྭཱཾ་གའི་རྒྱས་སྙིང་གར་བསྣུན་ཚུལ་བྱས་ལ། གཟུགས་ཕུང་ཧྲུལ་གྱིས་ཞིག །མ་རིག་སྒོ་ལྔའི་སྦུབ་དྲལ། རྣམ་ཤེས་ཏྲི་ནག་པོར་གནས་པ་ཐུགས་ཀའི་འོད་ཀྱིས་སྦྱངས་པས་ཧཱུྃ་ཡིག་དཀར་པོར་གྱུར་པ་བདག་གི་ཐུགས་ཀར་ཐིམ་ནས་གཉིས་མེད་དུ་གྱུར་པར་བསམ། ལས་རྡོར་གྱིས་མ་ཏྲཾ་གི་ལྷུ་ཚིག་སོ་སོར་ཕྲལ་ནས་སྟེགས་བུའི་ལྷོ་ནུབ་ཏུ་མགོ །ནུབ་ཏུ་སྙིང༌། ནུབ་བྱང་དུ་ལག་གཡོན། བྱང་དུ་རྐང་གཡོན། བྱང་ཤར་དུ་གསང་གནས། ཤར་དུ་རྐང་གཡས། ཤར་ལྷོར་ལག་གཡས། ལྷོར་གློ་བ། དབུས་སུ་ཁོག་པ་བཅས་ཕྱོགས་མཚམས་སོ་སོར་བཀོད། སློབ་དཔོན་ཤར་དུ་གནས་པས། བྷྲཱུྃ་ཛྙཱ་ན་མཎྜ་ལ་བྷྲཱུྃ། ཐུགས་ཀ་ནས་བྷྲཱུྃ་འཕྲོས་ཁོག་པ་ལ་ཐིམ་པས་ཁོག་པ་དུར་ཁྲོད་རོལ་པའི་གཞལ་ཡས་ཁང་དུར་ཁྲོད་བརྒྱད་རྭ་བ་མེ་དང་བཅས་པས་བསྐོར་བར་གྱུར། ཐམས་ཅད་ཀྱི་ལག་གཡས་ཕྱི་དང་གཡོན་ནང་དུ་བྱས་པའི་ཁུ་ཚུར་དཔུང་མགོར་བསྣོལ་ཞིང༌། ཧཱུྃ་པྲ་བེ་ཤ་ཡ་ཕཊ྄༔ ཅེས་ལན་བདུན་བཟླས་ནས་རྒྱ་བཀྲོལ་ཏེ། དཀྱིལ་འཁོར་གྱི་སྒོ་ཤག་གིས་ཕྱེ་བར་གྱུར་པར་བསམ་ལ། དེ་ནས་སློབ་དཔོན་རྡོ་རྗེའི་འགྲོས་གར་གྱིས། ཧཱུྃ་ཧཱུྃ་ཧཱུྃ༔ ཧ་ཧ་ཧ༔ ཕཊ྄་ཕཊ྄་ཕཊ྄༔ ཅེས་བརྗོད་ནས་དཀྱིལ་འཁོར་ལ་གཡས་སུ་ལན་གསུམ་བསྐོར་ནས། དཀྱིལ་འཁོར་གྱི་ནང་དུ་ཚུད་པར་གྱུར། ཞེས་བརྗོད་ལ་སྟེགས་བུའི་དབུས་ཀྱི་ཁྲིའུ་ཁར་སློབ་དཔོན་ཞལ་ཤར་དུ་ཕྱོགས་པར་བཞུགས།  །གཉིས་པ་སྲུང་འཁོར་བསྒོམ་པ་ནི། ཧཱུྃ༔ ང་ནི་མཉམ་ཉིད་ངང་གིས་ཁྲོ༔ ཐུགས་རྗེ་ཁྲོས་པའི་རང་རྩལ་ལས༔ རྡོ་རྗེ་མེ་མཚོན་ཁྲོ་ཚོགས་ཀྱིས༔ བགེགས་ཀྱི་སྦྱོར་བ་མཚམས་བཅད་དོ༔ བཛྲ་ཀྲོ་དྷ་རཀྵ་ཧཱུྃ༔ ཞེས་འདོན་བསྒོམ་བྱའོ།  །གསུམ་པ་སྟ་གོན་བྱ་བ་ནི། ལྷ་དང༌། བུམ་པ་གཉིས་ལས། དང་པོ་ནི། དཀྱིལ་འཁོར་གྱི་གཞི་ལ་མེ་ཏོག་བཀྲམ། སྤོས་བཏུལ་ལ། བདག་ཉིད་ཧེ་རུ་ཀར་གསལ་བའི༔ ཐུགས་ནས་འཕྲོས་པའི་འོད་ཟེར་གྱིས༔ བླ་མ་བདེ་མཆོག་དཀྱིལ་འཁོར་ལྷ༔ མདུན་གྱི་ནམ་མཁར་སྤྱན་དྲངས་བསམ༔ བླ་མ་བདེ་མཆོག་འཁོར་ལོ་དང༔ ཞི་ཁྲོ་རབ་འབྱམས་ལྷ་ཚོགས་རྣམས༔ སྔོན་གྱི་ཐུགས་དམ་རྗེས་དགོངས་ལ༔ དཀྱིལ་འཁོར་དགྱེས་པ་བསྐྱེད་པ་དང༔ སློབ་མ་རྣམས་ལ་སྙིང་བརྩེ་བས༔ གནས་འདིར་དཔལ་ཆེན་ཧེ་རུ་ཀའི༔ ཕོ་བྲང་ཆེན་པོ་འདེབས་འཚལ་ན༔ ཐུགས་རྗེས་དགོངས་ཏེ་གནང་བ་དང༔ སྣོད་བཅུད་བྱིན་གྱིས་བརླབ་མཛད་གསོལ༔ ཞེས་ལན་གསུམ་གྱིས་གསོལ་བ་བཏབ་པས་ཐུགས་དགྱེས་པའི་ཚུལ་གྱིས། རྡོ་རྗེ་སློབ་དཔོན་སྙིང་རྗེ་ཆེ༔ ཁྱེད་ཀྱི་རང་གཞན་ཕན་གདགས་ཕྱིར༔ སྒྲུབ་པའི་ཆོ་ག་ཚུལ་བཞིན་གྱིས༔ བདེ་གཤེགས་རྒྱལ་བས་བྱིན་བརླབ་འགྱུར༔ གནང་བ་བསྩལ་ནས་འོད་དུ་ཞུ༔ བདག་དང་གནས་ལ་ཐིམ་པ་ཡིས༔ ཐ་མལ་སྣང་ཞེན་རབ་སྦྱངས་ཏེ༔ ཡེ་ཤེས་ཆེན་པོས་བྱིན་བརླབས་གྱུར༔ ཞེས་མོས། བླ་མ་བདེ་མཆོག་འཁོར་ལོའི་གཏེར་གཞུང་གི་དབང་ལ་སྟ་གོན་མེད་ཀྱང་འདི་ནི་དཀྱིལ་འཁོར་བྲི་བར་གནང་བ་ཞུ་བའི་དོན་ཡིན་པས་དབང་བསྐུར་དང་མི་འབྲེལ་ཡང་ངེས་པར་བྱ་དགོས་སོ།  །གསུམ་པ་ནི། རིན་པོ་ཆེའི་བུམ་པ་དྲིའི་ཆུ་དང་སོ་ལྔའི་རྫས་སྦྱར་བ་ཁ་རྒྱན་མགུལ་ཆིངས་གཟུངས་རྡོར་ལྡན་པ་དང༌། ལས་ཀྱི་བུམ་པ་བཅས་སྟེགས་ལ་བཀོད་པའི་མདུན་དུ་སྨན་གཏོར་རཀྟ། ཕྱི་མཆོད་བསྐོར་བཤམས་བྱས་ལ། བསང་སྦྱང༌། སྟོང་པའི་ངང་ལས་བུམ་པ་རང་བྱུང་གི་དུར་ཁྲོད་དྲག་པོའི་གཞལ་ཡས་ཁང་མཚན་ཉིད་ཡོངས་སུ་རྫོགས་པའི་ནང་དུ་བླ་མ་བདེ་མཆོག་དཀྱིལ་འཁོར་གྱི་ལྷ་ཚོགས་སྐད་ཅིག་གིས་གསལ་བའི་གནས་གསུམ་རྡོ་རྗེ་གསུམ་གྱིས་བྱིན་གྱིས་བརླབས། ཡེ་ཤེས་ལྔའི་དབང་བསྐུར་བར་གྱུར། ཨོཾ་ཤྲཱི་ཧེ་རུ་ཀ་སརྦ་མཎྜ་ལ་ཧཱུྃ། ཨོཾ་ཨཱཿཧཱུྃ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཧྲཱིཿ་ཧཱུྃ་ཏྲཱྃ་ཨོཾ་ཨཱཿ ཨ་བྷི་ཥིཉྩ་མཾཿ ཤྲཱི་ཧེ་རུ་ཀ་མཎྜ་ལ་ས་པ་རི་ཝཱ་ར་ཨེ་ཧྱེ་ཧིཿ བཛྲ་ས་མཱ་ཛཿ ས་མ་ཡ་ཛྙཱ་ན་ཛཿཧཱུྃ་བྃ་ཧོཿ ཨ་ཏི་པུ་ཧོཿ པྲ་ཏཱིཙྪ་ཧོཿ མཆོད་པ་འབུལ་བ་ནི། ཨོཾ་ཨཱཿཧཱུྃ༔ ལྷ་རྫས་དྲག་པོའི་ཉེར་སྤྱོད་བསམ་མི་ཁྱབ༔ བདེ་སྟོང་ཟུང་འཇུག་ཡེ་ཤེས་དབྱིངས་སུ་སྦྱོར༔ སྨན་རཀ་གཏོར་ཚོགས་མཆོད་པའི་སྤྲིན་ཆེན་པོས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པྲ་ཏཱིཙྪ་སྭཱ་ཧཱ༔ བོ་དྷི་ཙིཏྟ་ག་ཎ་གུ་ཧྱ་པཱུ་ཛ་ཧོཿ མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ བསྟོད་པ་བྱ་བ་ནི། ཧཱུྃ་ཧྲཱིཿ མ་བཅོས་སྤྲོས་བྲལ་བླ་མ་ཆོས་ཀྱི་སྐུ༔ བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ༔ པད་སྡོང་ལས་འཁྲུངས་བླ་མ་སྤྲུལ་པའི་སྐུ༔ སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད༔ གཟུངས་ཐག་བླང་ལ། རང་སྲོག་སྔགས་ཀྱི་འོད་ཟེར་གཟུངས་ཐག་ལ༔ འཁྲིལ་ནས་བུམ་པའི་ལྷ་ཚོགས་ཐུགས་ཀར་ཞུགས༔ དེ་དག་སྐུ་ལས་བྱང་སེམས་བདུད་རྩིའི་རྒྱུན༔ བབ་པས་བུམ་ཆུར་གཉིས་མེད་རོ་གཅིག་གྱུར༔ ཞེས་དམིགས་ལ་བསྙེན་སྒྲུབ་ཀྱི་སྔགས་ཅི་ནུས་བཟླ། ལས་བུམ་དུ་སྐད་ཅིག་གིས་ཁྲོ་བོ་རྟ་མགྲིན་དམར་པོ་གཡས་པདྨའི་དབྱུག་ཏོ་དང༌། གཡོན་མེ་ཡི་ཞགས་པ་ཐོགས་པར་གསལ་བའི་སྐུ་ལས་རྡོ་རྗེ་བདུད་རྩིའི་རྡུལ་ཕྲ་རབ་བབ་པས་བུམ་པ་གང་བར་བསམ་ལ། ཨོཾ་ཧ་ཡ་གྲཱྀ་བ་ཧཱུྃ་ཕཊ྄༔ ཅེས་བཟླས་མཐར་དུང་ཞལ་གྱི་མཆོད་ཡོན་ཕུལ་ལ། ལྷ་རྣམས་བདེ་བ་ཆེན་པོའི་ངོ་བོར་འོད་དུ་ཞུ་ནས་བུམ་པའི་ཆུ་དང་རོ་གཅིག་པར་གྱུར།  །བཞི་པ་རྟེན་གྱི་དཀྱིལ་འཁོར་བཅའ་བ་ལ། དང་པོ་ཆག་ཆག་གདབ་པ་ནི། བདུད་རྩི་ལྔ་ཆང་དང་སྦྱར་བས་དཀྱིལ་འཁོར་གྱི་གཞིར་བྱང་ཤར་ནས་གཡས་བསྐོར་དུ་ཁྱེམས་མེད་པར་བྱུགས་ཤིང༌། ཧཱུྃ༔ ཚེ་མཆོག་འཛིན་པའི་དངོས་གྲུབ་དྲི༔ བྱང་ཆུབ་སེམས་ནི་དཀར་བས་ན༔ མཱཾ་ས་ཡོན་ཏན་ཀུན་དང་ལྡན༔ རཀྟ་ཆགས་པའི་གནས་ཆེན་པོ༔ བདུད་རྩི་གུར་གུམ་དྲི་ཡི་ཆུ༔ གདོད་ནས་དག་པའི་རྩ་བ་ལྔ༔ ཉོན་མོངས་དུག་ལྔ་འཁོར་བའི་རྒྱུ༔ ཡེ་ཤེས་རྣམ་ལྔར་བྱིན་བརླབས་ནས༔ དཀྱིལ་འཁོར་དགུ་རུ་ལྷུན་གྱིས་གྲུབ༔ ཨོཾ་མ་ཧཱ་ཧེ་རུ་ཀ་པཱཉྩཨ་མྲྀ་ཏ་ཛྙཱ་ན་མཎྜ་ལ་ཧཱུྃ༔ ཞེས་བརྗོད། དེ་ནས་ཐིག་ཚོན་གྱི་བྱ་བ་ནི། དེང་སང་ཕལ་ཆེར་གྱིས་མི་འགྲུབ་པ་མང་བས་འདིར་མ་བཀོད་ལ། རས་བྲིས་ཀྱི་དབང་དུ་བྱས་ཏེ་དཀྱིལ་འཁོར་གང་དུ་བྱ་བའི་སྟེགས་བུར་ཞི་དཀྱིལ་སྤྱི་འགྲོའི་རས་བྲིས་བཀྲམ་པ་བཅས་བསྙེན་པའི་ལས་རིམ་ཉིན་དང་པོའི་བྱ་བའོ།  །དེ་ནས་རྒྱན་བཀོད་པ་ནི། སྒྲུབ་རྫས་སྐུ་རྟེན་བདེ་མཆོག་གི་སྐུ་ལི་མ་བྱིན་ལྡན་དང༌། བླ་མ་བདེ་མཆོག་གི་སྐུ་བྲིས་འབུར་གང་རུང༌། གསུང་རྟེན་བདེ་མཆོག་རྩ་རྒྱུད་ཀྱི་གླེགས་བམ་དང༌། མ་འབྱོར་ན་སྔགས་བྱང་དར་དམར་སེར་ལ་གསེར་གྱིས་བྲིས་པ། ཐུགས་རྟེན་རྡོར་དྲིལ། ཡོན་ཏན་གྱི་རྟེན་བདུད་རྩི་ཆོས་སྨན་གྱིས་བཀང་བའི་བྷནྡྷ་ཁ་སྦྱོར། ཕྲིན་ལས་ཀྱི་རྟེན་ཕུར་པ་ཁྲོ་ཞལ་ཅན་དང་བྷནྡྷ་ཞུན་ཆེན་ཆོས་སྨན་གྱིས་སྦགས་པ་སྡོང་བུ་དགུ་བཙུགས་པ་དང༌། རྒྱལ་མཚན་དང༌། བ་དན། རལ་གྲི། མདའ་དར་བཅས་བཞི་བཞི། ཚོན་སྐུད་དྲ་བ། ཉེར་སྤྱོད་སྨན་རཀ་གཏོར་མ་ཚོགས་རྣམས་བརྒྱ་རྩ། སྒྲུབ་པའི་ཡོ་བྱད་ཐོད་རྔ། རྡོར་དྲིལ། རོལ་མོ་སོགས་དང༌། དཀྱིལ་འཁོར་མདུན་དུ་བཀོད་རྒྱུའི་བླ་གཏོར་དམར་པོ། གཡས་སུ་ཡེ་ཤེས་མགོན་པོ་ཕྱག་བཞི་གཙོ་བོར་གྱུར་པའི་ཕོ་རྒྱུད། གཡོན་དུ་སྔགས་སྲུང་སོགས་མོ་རྒྱུད་ཀྱི་གཏོར་མ་རྒྱན་སྤྲོས་ཅན་གྲབས་སུ་ཚུད་པར་བྱས་ནས་སྟེགས་གཞན་དུ་བཀོད། བདག་གི་རྣལ་འབྱོར་སྔོན་དུ་འགྲོ་བས་བཟླས་པ་བསྡུ་ལྡང་བཅས་བྱ། འདུས་པ་རྣམས་ཞྭ་ཆོས་བཅས་དཀྱིལ་འཁོར་མདུན་ཁྲོམ་ཚོགས་སུ་བཞེངས་ལ། ཧཱུྃ་ཧཱུྃ་ཧཱུྃ་བི་ཤྭ་བཛྲ་སོགས་དང༌། སུམྦྷ་ནི་བརྗོད་ཅིང་རོལ་མོ་བཅས་སློབ་དཔོན་གྱིས་ཡུངས་ཐུན་འཐོར། ལས་རྡོར་གྱིས་གུ་གུལ་བདུག་ལ་རྟེན་གྱི་བགེགས་བསལ། རྡོ་རྗེ་སློབ་དཔོན་གྱིས་དྲིལ་སྤོས་བཅས་སྣ་དྲངས། རྒྱལ་ཚབ་པ། ཡུམ་བཟང་མོ། རྒྱལ་ཐེབས་སོགས་ཀྱིས་སྐུ་གསུང་ཐུགས་རྟེན་ནས་མཆོད་རྫས་བར་རིམ་པར་ཐོག །སྒྲུབ་སྔགས་ཀྱི་ཛཔ྄་དབྱངས་དང་འཇམ་རོལ་སྐབས་དཀྱིལ་འཁོར་ལ་གཡས་སུ་ལན་གསུམ་བསྐོར་ནས་མདུན་དུ་འཁོད་ལ་དྲིལ་གདངས་བཅས། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་སྐུ་ནི་མཁའ་དང་མཉམ༔ ཕྱག་རྒྱའི་རྟེན་དང་དབྱེར་མེད་བཞུགས༔ སྐུ་ཡི་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཀཱ་ཡ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཐོད་སྐུ་དཀྱིལ་འཁོར་གྱི་དབུས་སུ་རིན་པོ་ཆེའི་སྣོད་འབྲུས་བཀང་བ་ལ་བཞུགས་སུ་གསོལ། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་གསུང་དབྱངས་མི་ཤིགས་སྒྲ༔ སྔགས་ཀྱི་རྟེན་དང་དབྱེར་མེད་བཞུགས༔ གསུང་གི་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཝཱཀ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་སྔགས་བྱང་ནུབ་ཏུ་བཀོད། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་ཐུགས་ནི་འོད་གསལ་དབྱིངས༔ ཕྱག་མཚན་རྟེན་དང་དབྱེར་མེད་བཞུགས༔ ཐུགས་ཀྱི་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཙིཏྟ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་རྡོར་དྲིལ་ཤར་དུ་དགོད། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་ཡོན་ཏན་ལྷུན་གྱིས་གྲུབ༔ བདུད་རྩིའི་རྟེན་དང་དབྱེར་མེད་བཞུགས༔ ཡོན་ཏན་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། གུ་ཎ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་སྨན་ཐོད་ལྷོར་དགོད། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་ཕྲིན་ལས་ཐོགས་མེད་ཁྱབ༔ ཕུར་བུའི་རྟེན་དང་དབྱེར་མེད་བཞུགས༔ ཕྲིན་ལས་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཀརྨ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་ཕུར་བུ་བྱང་དུ་དགོད། ཧཱུྃ༔ ཆོས་ཉིད་གཅིག་ལས་རིག་རྩལ་དགུ༔ གཟི་བརྗིད་སྒྲོན་མེ་འོད་གསལ་བ༔ ཡེ་ཤེས་ཀློང་དགུའི་རྟེན་དུ་བཞུགས༔ ཡེ་ཤེས་བྱིན་རླབས་དངོས་གྲུབ་སྩོལ༔ བསྙེན་སྒྲུབ་ཀྱི་སྔགས་མཐར། དཱི་པཾ་ཛྙཱ་ན་དྷཱ་ཏུ་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་བྷནྡྷའི་མར་མེ་དབུས་ཀྱི་ཐོད་སྐུའི་མདུན་དུ་དགོད། ཧཱུྃ༔ དཀྱིལ་འཁོར་ཆེན་པོའི་གཞལ་ཡས་ཕོ་བྲང་ནི༔ མཉམ་ཉིད་དོན་གྱི་ཁྱད་པར་དབྱེར་མེད་ཀྱང༔ ཀུན་རྫོབ་རིགས་ལ་ཕྱི་ནང་བྱེ་བྲག་གསལ༔ མ་འདྲེས་ཁ་དོག་སོ་སོར་གསལ་བཀྲ་ཞིང༔ ཁྱད་པར་ཡོན་ཏན་མཛེས་པའི་རྒྱན་བྲེས་པས༔ ཕྱོགས་བཞི་མཚམས་དང་སྟེང་འོག་ཐམས་ཅད་དུ༔ ཕོ་བྲང་རྒྱན་དང་ལྡན་པར་བཞུགས་སུ་གསོལ༔ བྷྲཱུྃ་བི་ཤྭ་བི་ཤུདྡྷེ་རཏྣ་ཏྲཱྃ་ས་མ་ཡ་ལྷན༔ ཞེས་ཕྱོགས་བཅུར་ཕུར་བུ། ཕྱོགས་བཞིར་རལ་གྲི་དང་འཕན་བཞི། མཚམས་བཞིར་མདའ་དར་དང་རྒྱལ་མཚན་བཞི་བཙུགས་ལ་ཚོན་སྐུད་དྲ་བས་སྦྲེལ་བའམ། སྒབ་བསྐོར་དང་གདུགས་ལ་སོགས་པས་བརྒྱན་ཚུལ་མཛད། དེ་ནས་བརྡ་སྒོ་དབྱེ་ཞིང་ཕྱག་འཚལ་བ་ནི། ཧཱུྃ༔ གཉིས་འཛིན་རྟོག་པས་བཅད་པའི་བརྡ་ཡི་སྒོ༔ རིག་པ་ཡེ་ཤེས་ཆེན་པོའི་ངང་དུ་དབྱེ༔ ལྷུན་རྫོགས་བྱང་ཆུབ་སེམས་ཀྱི་དཔལ་ཆེན་པོ༔ མངོན་སུམ་རིག་ངོར་མཇལ་བའི་ཕྱག་གིས་འདུད༔ བྷྲཱུྃ་ཛྙཱ་ན་མཎྜ་ལ་པྲ་བེ་ཤ་ཡ་ཕཊ྄༔ ཨ་ལ་ལ་ཧོཿ ཨ་ཏི་པཱུ་ཧོཿ པྲ་ཏཱིཙྪ་ཧོཿ རྒྱུད་དག་ཅིང་སྣོད་དུ་རུང་བའི་ཕྱིར་བཤགས་པ་བྱ་བ་ནི་གནོང་འགྱོད་གདུང་ཤུགས་དང་བཅས་པས། ཧོཿ དོན་དམ་དམིགས་མེད་སྤྲོས་དང་བྲལ་བ་ལ༔ ཉམས་དང་བཤགས་པར་བྱ་བར་མ་དམིགས་ཀྱང༔ ཀུན་རྫོབ་འཁྲུལ་པའི་དབང་གིས་ལས་བསགས་པ༔ སྙིང་ནས་འགྱོད་པས་མཐོལ་བཤགས་བཟོད་པར་བཞེས༔ ཡི་གེ་བརྒྱ་པ་བརྗོད། སྤྲོ་ན་སྤྱི་བཤགས་ཡེ་ཤེས་སྐུ་མཆོག་སོགས་ཀྱང་བྱའོ། ཧོཿ བདག་གིས་མཁའ་ཁྱབ་འགྲོ་བ་ཀུན་དོན་དུ༔ སྤྱི་དང་ཁྱད་པར་ལྷག་པའི་དམ་ཚིག་གཟུང༔ དཔལ་ཆེན་ལྷ་ཚོགས་རྩེ་གཅིག་བསྒྲུབ་ལགས་ན༔ ཡེ་ཤེས་ཆེན་པོའི་བྱིན་གྱིས་བརླབ་ཏུ་གསོལ༔ སརྦ་མ་ཧཱ་ཡོ་ག་ས་མ་ཡ་བོ་དྷི་ཙིཏྟ་ཨུ་ཏྤཱ་ད་ཡ་མི༔ དབང་མ་ཐོབ་པའི་མཆེད་གསར་བུ་རྣམས་དཀྱིལ་འཁོར་གྱི་བྱང་ཤར་ལྟ་བུར་ལོགས་སུ་དབྱེ། སློབ་དཔོན་གྱི་མདུན་དུ་རྡོར་དྲིལ། བདུད་རྩི། ཡུངས་ཐུན་སོགས་བཀོད་ནས་བདུད་རྩི་བྱིན་རླབས་ཀྱི་སྔགས་ལན་གསུམ་སྔོན་དུ་འགྲོ་བས་ལས་བྱང་ལྟར་སྨན་མཆོད་འབུལ། དེ་ནས་སློབ་དཔོན་གྱིས། བདག་ཉིད་བླ་མ་བདེ་མཆོག་ལྷར་གསལ་བའི་ཐུགས་ཀ་ནས་ཡ་ལས་ལྕགས་སྡིགས་མགོ་དགུ་རྭ་བཅོ་བརྒྱད་པ་སྤྲོས། དེ་ལས་ཡེ་ཤེས་ཀྱི་མེ་འབར་བས་སློབ་བུའི་སྡིག་སྒྲིབ་ཐམས་ཅད་བསྲེགས་པར་བསམ་ཞིང༌། ཨོཾ་ཨཱཿཧཱུྃ་བཛྲ་ཡཀྵ་ཀྲོ་དྷ་ཧ་ན་ཧ་ན་ཧཱུྃ་ཧཱུྃ་ཕཊ྄༔ ཅེས་བཟླ་ཞིང་ཡུངས་ཐུན་གྱིས་བྲབ། བགེགས་ལ་བཀའ་བསྒོ་བ་ནི། ཧཱུྃ༔ རྩ་གསུམ་ལྷ་ཡི་དཀྱིལ་འཁོར་འདིར༔ བགེགས་ཚོགས་འདུག་པའི་སྐབས་མེད་པས༔ རང་རང་གནས་སུ་བདེ་བར་དེངས༔ འདས་ན་བརླག་པར་གདོན་མི་ཟ༔ དྲག་སྔགས་སྤོས་རོལ་གིང་དང་མེ་ཆུའི་ཐུན་སོགས་ཚམས་རྔམས་དང་གྲྭ་མང་གིས་འཇམ་རོལ་དང་བཅས་བགེགས་བསྐྲད། རྡོ་རྗེ་སློབ་དཔོན་སངས་རྒྱས་དཔལ་སོགས་ཀྱི་རྗེས་ཟློས་གསར་བུ་རྣམས་ལ་བྱེད་དུ་བཅུག །སྙིང་གར་རང་འདྲའི་ཡེ་ཤེས་སེམས་དཔའ་ཚོན་གང་བར་བསྒོམས་ལ་བྱིན་གྱིས་བརླབས་པའི་བདུད་རྩི་ལྕེ་ཐོག་ཏུ་ལན་གསུམ་བཞག་ནས། ཧཱུྃ༔ ཇི་སྙེད་སངས་རྒྱས་ཐམས་ཅད་དང༔ བྱང་ཆུབ་སེམས་དཔའ་རྡོ་རྗེ་འཛིན༔ དེ་བཞིན་སྒྲུབ་པའི་རྣལ་འབྱོར་པ༔ དེ་དག་ལ་ནི་སྙིང་རིང་ན༔ རྡོ་རྗེ་ཡཀྵ་གནོད་སྦྱིན་གྱིས༔ ཁྱོད་ཀྱི་སྙིང་ལ་ཞུགས་ཏེ་འཐུང༔ སྙིང་ལ་ཡང་དག་གནས་པའོ༔ འདི་ནི་སེམས་ཅན་དམྱལ་བའི་ཆུ༔ དམ་ཚིག་ཉམས་ན་སྲེག་པར་བྱེད༔ དམ་ཚིག་བསྲུངས་ན་དངོས་གྲུབ་ནི༔ རྡོ་རྗེ་བདུད་རྩིའི་ཆུ་འདིས་འགྲུབ༔ ཅེས་བྱིན་པ། སློབ་མས་ཀྱང༌། ཨི་དན་ན་ར་ཀན་ས་མ་ཡ་ཡཀྵ་ཧཱུྃ༔ ཞེས་མྱངས་པ་སྙིང་གའི་ཡེ་ཤེས་སེམས་པ་ལ་ཐིམ་ནས་དབྱེར་མེད་དུ་གྱུར་པར་བསམ་མོ། །འདྲེས་ཟིན་བསྣན་པ་ནི། རྒྱལ་ཚབ་པས་བདུད་རྩི་གཡོན་བསྐོར་དུ་མཆེད་གསར་རྙིང་ཐམས་ཅད་ལ་བྲིམ་ཞིང༌། སྒྲུབ་སྔགས་ཀྱི་དབྱངས་ལན་གསུམ་མཇུག་ཏུ་འཇམ་རོལ་དང་བཅས་བདུད་རྩི་མྱངས་ནས་ཐམས་ཅད་ཀྱིས། ཨོཾ༔ དཔལ་ལྡན་སངས་རྒྱས་སྐུ་འཆང་བ༔ རྡོ་རྗེ་མི་ཕྱེད་སྐུ་དང་ལྡན༔ དེང་བདག་སངས་རྒྱས་ཐམས་ཅད་ཀྱི༔ རྡོ་རྗེ་སྐུ་ཡི་དངོས་གྲུབ་སྩོལ༔ ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཨཱཿ དཔལ་ལྡན་སངས་རྒྱས་གསུང་འཆང་བ༔ རྡོ་རྗེ་མི་ཕྱེད་གསུང་དང་ལྡན༔ དེང་བདག་སངས་རྒྱས་ཐམས་ཅད་ཀྱི༔ རྡོ་རྗེ་གསུང་གི་དངོས་གྲུབ་སྩོལ༔ ཨཱཿསརྦ་ཏ་ཐཱ་ག་ཏ་ཝཱཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཧཱུྃ༔ དཔལ་ལྡན་སངས་རྒྱས་ཐུགས་འཆང་བ༔ རྡོ་རྗེ་མི་ཕྱེད་ཐུགས་དང་ལྡན༔ དེང་བདག་སངས་རྒྱས་ཐམས་ཅད་ཀྱི༔ རྡོ་རྗེ་ཐུགས་ཀྱི་དངོས་གྲུབ་སྩོལ༔ ཧཱུྃ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་དང༌། སློབ་དཔོན་གྱིས། དེང་ཕྱིན་ཆད་མཆེད་གསར་རྙིང་ཐམས་ཅད་སྐལ་པ་མཉམ་ཞིང་དམ་ཚིག་གཅིག་ཏུ་འདུས་པ་ཡིན་པས་དམ་ཚིག་གཞུང་བཞིན་དུ་བསྲུང་བར་གྱིས་ཤིག །ཅེས་བསྒོ། ཐམས་ཅད་ཀྱིས་ཕྱག་ཐལ་སྦྱར་བར་དུ་མེ་ཏོག་བཟུང་ལ། སྐུ་གསུང་ཐུགས་ཀྱི་རྡོ་རྗེ་སློབ་དཔོན་དང༔ དམ་ཚིག་འབྲེལ་བའི་མཆེད་དང་ལྕམ་དྲལ་གྱིས༔ སྒྲུབ་མཆོག་རྣམས་སུ་བྱིན་གྱིས་བརླབས་པ་ཡི༔ བཀའ་དྲིན་རྗེས་སུ་དྲན་ཕྱིར་གཏོང་རག་གཏོང༔ ཞེས་དྲིན་ལེན་གྱི་མེ་ཏོག་འཐོར། དེ་ནས་རྡོ་རྗེའི་གྲལ་དུ་བཞག་པ་ནི། མཆེད་གསར་བུ་རྣམས་རང་རང་གི་གྲལ་དུ་འཁོད་ནས། རྩ་བ་སྐུ་གསུང་ཐུགས་ཀྱི་དམ་ཚིག་དང༔ བསྙེན་སྒྲུབ་རྣམ་བཞི་བསྟེན་ཅིང་བསྒྲུབ་པ་དང༔ ཡི་དམ་ལྷ་མཆོག་ཛཔ྄་བསྙེན་བགྲང་བའི་ཕྱིར༔ དམ་ཚིག་རྡོ་རྗེའི་གྲལ་དུ་མཆི་བར་གནང༔ ཞེས་བརྗོད་ཅིང་ལྷ་ཡི་ང་རྒྱལ་དང་ལྡན་པས། ཨོཾ་མ་ཧཱ་བཛྲ་ཧཱུྃ༔ ཞེས་རྡོ་རྗེ་ཐུགས་ཀར་གསོར་བ་དང༌། ཨོཾ་བཛྲ་གྷཎྜེ་ཧཱུྃ། ཞེས་དྲིལ་བུ་དཀྲོལ་ཞིང་དཀུར་བསྟེན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཨཱཏྨ་ཀོ྅ཧཾ། ཞེས་ཐུགས་ཀར་འཁྱུད་རྒྱ་བྱས་ལ་དྲིལ་བུ་དཀྲོལ་བ་དང་རོལ་ཆེན་བརྒྱ་བརྡུང་སོགས་རོལ་མོའི་སྒྲ་ཆེར་བསྒྲགས་སོ།  །ལྔ་པ་སྒྲུབ་པ་པོ་རྣམས་མངའ་གསོལ་ཞིང་གནས་སུ་འགོད་པ་ནི། རྒྱལ་ཐེབས་གཙོ་བོས་གཏོང་ཐུན་སྔོན་དུ་འགྲོ་བས་དབྱངས་འོར་ལེན་དང༌། ལས་ཀྱི་རྡོ་རྗེས་ཐོད་ཆང་གཞུང་ཚིག་དང་བསྟུན་སོ་སོར་དྲངས་ལ། ཧོཿ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ རྡོ་རྗེ་རྒྱལ་པོ་དཀྱིལ་འཁོར་འདུས་པའི་གཙོ༔ ཉོན་མོངས་བདུད་འཇོམས་ཡེ་ཤེས་ལྔ་ཡི་བདག༔ བསྟན་པའི་སྒྲོན་མེར་མངའ་གསོལ་དགྱེས་པར་བཞུགས༔ རྡོ་རྗེའི་གདུང་འཚོབ་ཕྲིན་ལས་རྣམ་བཞིའི་བདག༔ རྒྱལ་ཚབ་སློབ་དཔོན་མངའ་གསོལ་དགྱེས་པར་བཞུགས༔ ཤེས་རབ་དབྱིངས་ལས་བདེ་བའི་ཡེ་ཤེས་སྟེར༔ ཀུན་བཟང་ཡུམ་དུ་མངའ་གསོལ་དགྱེས་པར་བཞུགས༔ བསྐྱེད་རིམ་གསལ་སྟོན་ལས་ཀྱི་གཞུང་བསྲང་མཛད༔ རྡོ་རྗེ་ཕྲིན་ལས་མངའ་གསོལ་དགྱེས་པར་བཞུགས༔ མཆོད་པའི་བྱ་བས་དཀྱིལ་འཁོར་དགྱེས་པ་བསྐྱེད༔ ལས་ཀྱི་རྡོ་རྗེར་མངའ་གསོལ་དགྱེས་པར་བཞུགས༔ ཕྱི་ནང་དྲོད་ཚད་དུས་དང་རྟགས་རྣམས་མཁྱེན༔ རྡོ་རྗེ་སྲིན་པོར་མངའ་གསོལ་དགྱེས་པར་བཞུགས༔ དངོས་གྲུབ་ལྟས་མཐོང་བར་ཆད་གཟིར་ཞིང་སྐྲོད༔ རྡོ་རྗེ་སྤྱན་པར་མངའ་གསོལ་དགྱེས་པར་བཞུགས༔ ཕྱི་ནང་ཉུལ་ལེ་འབྱུང་པོ་ཐོགས་མེད་བསྒྲལ༔ རྡོ་རྗེ་གིང་ཆེན་མངའ་གསོལ་དགྱེས་པར་བཞུགས༔ དགྲ་བགེགས་གནས་སྤོར་གཟུགས་ཕུང་ཞལ་དུ་སྟོབ༔ སྒྲོལ་གིང་ལས་མཛད་མངའ་གསོལ་དགྱེས་པར་བཞུགས༔ འདུ་བར་འོས་མིན་སྲུང་བའི་ཕྲིན་ལས་མཛད༔ རྡོ་རྗེ་མཚམས་པར་མངའ་གསོལ་དགྱེས་པར་བཞུགས༔ ཚོགས་ཀྱི་བྱ་བ་གཙང་ཞིང་དག་པར་སྦྱོར༔ རྡོ་རྗེ་ཕྱག་ཚངས་མངའ་གསོལ་དགྱེས་པར་བཞུགས༔ ཕྱི་ཡི་ཉུ་ལེ་བསྐྲོད་ཅིང་ལས་རྣམས་སྒྲུབ༔ རྡོ་རྗེ་རྡུལ་ཕྱག་མངའ་གསོལ་དགྱེས་པར་བཞུགས༔ ཛཔ྄་བསྙེན་གསལ་དག་རྒྱུན་མི་ཆད་པར་སྒྲོགས༔ རྡོ་རྗེ་མཆེད་ལྕམ་མངའ་གསོལ་དགྱེས་པར་བཞུགས༔ ཞེས་མངའ་གསོལ་ཞིང་ལས་ཀྱི་བསྐོས་གདག །རང་གྲལ་དེ་ལས་མ་འཆུག་པར་བྱ་དགོས་སོ།  །བྱིན་དབབ་པ་ནི། སློབ་དཔོན་གྱིས་གཡབ་དྲིལ་ཐོགས་པས་དཀྱིལ་འཁོར་མདུན་དུ་འཁོད། ལས་རྡོར་གྱིས་སྦྱར་སྤོས་དང་གཡབ་དར་ཐོགས་པས་སྣ་དྲངས་ཏེ། ཧཱུྃ༔ བཞེངས་ཤིག་པདྨ་འབྱུང་གནས་སོགས་ཀྱིས་བསྐུལ། ཧཱུྃ༔ ངོ་བོ་ཆོས་སྐུའི་ཕོ་བྲང་ནས༔ རྩ་བརྒྱུད་བླ་མ་གཤེགས་སུ་གསོལ༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ རང་བཞིན་ལོངས་སྐུའི་ཕོ་བྲང་ནས༔ ཡི་དམ་ལྷ་ཚོགས་གཤེགས་སུ་གསོལ༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ ཐུགས་རྗེ་སྤྲུལ་སྐུའི་ཞིང་ཁམས་ནས༔ གནས་གསུམ་དཔའ་བོ་རྣལ་འབྱོར་མས༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ ལེགས་ཉེས་སྟངས་འཛིན་ཕོ་བྲང་ནས༔ ཆོས་སྲུང་དམ་ཅན་རྒྱ་མཚོ་ཡིས༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ སྒྲུབ་མཆོག་རྒྱུད་ལ་བདེ་ཆེན་སྤོར༔ སྒྲུབ་གནས་རྡོ་རྗེའི་ཞིང་དུ་བསྒྱུར༔ སྒྲུབ་རྫས་ཡེ་ཤེས་རོལ་པའི་རྒྱན༔ འདོད་ཡོན་རྒྱ་མཚོར་བྱིན་གྱིས་རློབས༔ ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་སརྦ་ས་མ་ཡ་བཛྲ་ཛྙཱ་ན་ཨ་བེ་ཤ་ཡ་ཨ་ཨ་ཨཿ ཧྲཱིཾ་ཧྲཱིཾ་ཕེཾ་ཕེཾ༔ ཧཱུྃ་ཧཱུྃ་ཧཱུྃ༔ བྱིན་འབེབས་དབྱངས་བཅས་ཀྱི་གཤམ་དུ་བརྒྱུད་གསུམ་རོལ་མོའི་སྐབས་དཀྱིལ་འཁོར་ལ་ལན་གསུམ་བསྐོར་ལ་རང་གྲལ་དུ་འཁོད། བསྔོ་བ་སྨོན་ལམ་བྱས་ལ་གྲོལ། དེ་དག་ནི་ཉེ་བར་བསྙེན་པ་སྟེ་ཉིན་གཉིས་པའི་བྱ་བའོ།  །གཉིས་པ་ཕྲིན་ལས་ཀྱི་གཞུང་བསྲངས་ཏེ་སྒྲུབ་པ་དངོས་ལ་འཇུག་པ་ནི། མཁྱེན་བརྩེའི་སྐུ་ཕྲེང་དང་རྣམ་ཐར་གསོལ་འདེབས་རིགས་རེས་མོས་སུ་བཏང༌། ངོ་མཚར་བླ་བརྒྱུད་དང་བརྒྱུད་འདེབས་སྔོན་དུ་འགྲོ་བས། ལས་བྱང་གི་སྐྱབས་སེམས་ནས་བརྩམས་མཆོད་པ་བྱིན་རླབས་བར་ལྷན་ཐབས་དང་སྦྱར་ནས་མཐར་ཆགས་སུ་བཏང༌། དངོས་གཞིའི་ལས་རིམ་ཏིང་འཛིན་རྣམ་གསུམ་ནས་བཟླས་པའི་བར་གཏེར་གཞུང་དཀྱུས་ལྟར་དང༌། རྣམ་པ་གསལ་བའི་བཟླས་པ་པདྨ་བཛྲ་བརྒྱ་རྩ་ཙམ། ང་རྒྱལ་བརྟན་པ་དང༌། རྣམ་དག་དྲན་པ་གཉིས་མཐར་སྔགས་བཟླ་མི་དགོས། བསྙེན་སྒྲུབ་ལས་སྦྱོར་གྱི་བཟླས་པ་དངོས་ལ། བསྙེན་སྔགས་པདྨ་བཛྲ་སུམ་བརྒྱ། སྒྲུབ་སྔགས་ལྔ་བརྒྱ། ལས་སྦྱོར་ལྔ་སོ་སོར་ཉེར་གཅིག་ཙམ་བཟླས་ལ། ཡེ་ཤེས་ལྷ་ཚོགས་སོགས་ཀྱིས་སྟོང་ཚིག་ཕུལ། སླར་ཡང་ཏིང་འཛིན་རྣམ་གསུམ་གྱི། ཨོཾ༔ ཆོས་རྣམས་སྤྲོས་བྲལ་སོགས་ནས་བརྩམས་མཆོད་བསྟོད་ཀྱི་རིགས་ལྷན་ཐབས་སྦྱར་བས་འགྲེས་ཏེ་བཏང༌། བཟླས་པའི་དབུར་རྣམ་པ་གསལ་བ། ཕྱག་རྒྱ་བརྟན་པ། རྣམ་དག་དྲན་པ་རྣམས་མི་དགོས། བྷྲཱུྃ་བི་ཤྭ་བི་ཤུདྡྷེ་ཧྲཱིཿཧཱུྃ་ཕཊ྄་ཛཿ ཞེས་པས་མདུན་རྟེན་གྱི་གོ་སར་ཛཔ྄་ཁང་དབྱེ། བསྙེན་སྒྲུབ་བཟླས་དམིགས། ཧཱུྃ༔ བདག་ཉིད་པདྨ་བཛྲ་སོགས་མཐར། ཧཱུྃ༔ བདེ་སྟོང་ཐུགས་ཀྱི་དཀྱིལ་འཁོར་ནས༔ ཁྱབ་བདག་པདྨ་བཛྲ་རྩལ༔ སྐུ་ནི་སྣང་སྟོང་གཟི་བྱིད་འབར༔ གསུང་གིས་གྲགས་སྟོང་སྔགས་སྒྲ་སྒྲོགས༔ ཐུགས་མཆོག་རིག་སྟོང་སྲོག་ལྡན་པ༔ བསྙེན་སྒྲུབ་ཛཔ྄་ཀྱི་ཐུགས་དམ་བསྐུལ༔ མ་གྲུབ་བར་དུ་མི་གཏོང་ན༔ མ་གཡེལ་ཐུགས་རྗེའི་དཔུང་བསྐྱེད་ལ༔ བཟླས་པའི་ཕྲིན་ལས་གཡེལ་མེད་པས༔ ལས་བཞི་གྲུབ་པ་ཆེན་པོ་བརྒྱད༔ རིག་འཛིན་མཆོག་གི་དངོས་གྲུབ་རྣམས༔ ད་ལྟ་ཉིད་དུ་སྒྲུབ་མཛད་གསོལ༔ ཞེས་བསྐུལ་ལ་རྩ་བསྙེན་ཆིག་སྟོང་བཟླས་ལ། ཡེ་ཤེས་ལྷ་ཚོགས་སོགས་སྟོང་ཚིག་བརྗོད་ལ་སྨན་རཀ་འཐོར་བ་ཕྱི་མ་རྣམས་ལ་འགྲེ། ཧཱུྃ༔ སླར་ཡང་ཐུགས་སྲོག་ས་བོན་མཐར་སོགས་ཡོངས་རྫོགས་གྲུབ་པའི་བསྙེན་དམིགས་མཐར། ཧཱུྃ༔ རྡོ་རྗེའི་སྐུ་ཡི་དཀྱིལ་འཁོར་ནས། །གཙོ་མཆོག་ཐོད་ཕྲེང་སྡེ་ལྔ་དང༌། །དཔལ་ཆེན་གྲུབ་པའི་རིག་འཛིན་བརྒྱད། །སྙིང་པོའི་རྣལ་འབྱོར་མ་བཞི་དང༌། །གནས་ཡུལ་དཔའ་བོ་མཁའ་འགྲོའི་ཚོགས། །སྒོ་མཚམས་ཌཱ་ཀི་བཞི་སོགས། སྐུ་ནི་སྣང་སྟོང་སོགས་མཐར་ཡོངས་རྫོགས་སྒྲུབ་སྔགས་ཆིག་སྟོང་ལྔ་བརྒྱ་བཟླས་ལ། ཡེ་ཤེས་ལྷ་ཚོགས་སོགས། ཨོཾ་ཧཱུྃ༔ སྐུ་ཡི་གནས་ལྔའི་དཀྱིལ་འཁོར་ནས༔ གུ་རུ་ཐོད་ཕྲེང་རིགས་མཆོག་ལྔ༔ སྐུ་ནི་སྣང་སྟོང་སོགས། ཨོཾ༔ སྤྱི་བོའི་བུདྡྷ་ཐོད་ཕྲེང་སོགས། ལས་སྦྱོར་ལྔ་རེ་རེ་ལ་ཉེར་གཅིག་རེ་བཟླ། མཐར། ཡེ་ཤེས་ལྷ་ཚོགས་སོགས་སྟོང་ཚིག་གཅིག་ཕུལ། ཚེ་སྒྲུབ་ནི། གཙོ་མཆོག་པདྨ་བཛྲ་པདྨ་དང་ཚེ་བུམ་ཐུགས་ཀར་བསྣོལ་བའི་ཡུམ་མནྡཱ་ར་བ་པདྨའི་གྲི་གུག་ཐོད་པ་ཅན་གྱི་སྤྱི་བོར་བླ་མ་རྡོ་རྗེ་ཆོས་དམར་པོ་མཉམ་བཞག་ཚེ་བུམ་ཅན་དུ་དམིགས་པ་བསྒྱུར་ལ། ཧྲཱིཿ ཐུགས་ཀའི་ཡེ་ཤེས་སེམས་དཔའི་ཐུགས་སྲོག་ཉི་ཟླའི་གྭའུའི་དབུས་ཧྲཱིཿམཐར་ཚེའི་རིག་པས་བསྐོར་བའི་འོད་ཟེར་སྤྲོ་བསྡུས་འཁོར་འདས་བརྟན་གཡོའི་དྭངས་བཅུད་རང་གི་བླ་ཚེའི་བཅུད་བསྡུས་པ་རིགས་བདག་གི་ཕྱག་གི་བུམ་པ་ཁེངས་ནས་ཁོལ་ཞིང་ཞུ་བ་ཕྱིར་ལུད་པས་ལུས་དཀྱིལ་གྱི་ལྷ་ལ་ཕོག་པས་ཚེ་དང་ཡེ་ཤེས་ཀྱི་གཟི་བྱིན་མཆོག་ཏུ་རྒྱས་པར་དམིགས་ལ། སྒྲུབ་སྔགས་མཐར། བཛྲ་ཛྙཱ་ན་ཨཱ་ཡུ་ཥེ་སྭཱ་ཧཱ༔ བཏགས་པ་ཉེར་གཅིག་ཙམ་བཟླ། བདག་འཇུག་གི་དོན་དུ། བུམ་པ་བྷྲཱུྃ་ལས་གཞལ་ཡས་ཁང༔ མཚན་ཉིད་ཐམས་ཅད་ཡོངས་རྫོགས་དབུས༔ བླ་མ་བདེ་མཆོག་ལྷ་ཚོགས་རྣམས༔ སྣང་སྟོང་ཆུ་ཟླ་ལྟ་བུར་གསལ༔ རང་གི་ཐུགས་སྲོག་སྔགས་ཕྲེང་ལས༔ འོད་ཟེར་མཆོད་པའི་ཚུལ་དུ་སྤྲོས༔ སྙོམས་འཇུག་བྱང་སེམས་བདུད་རྩི་ཡིས༔ བུམ་པ་ཡོངས་སུ་གང་བར་གྱུར༔ ཞེས་བསྙེན་སྒྲུབ་ལས་སྔགས་ཁྱུག་ཙམ་བཟླས་ལ། ཨོཾ་ཨཱཿཧཱུྃ་གིས་བུམ་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བར་གྱུར། དེས་ཐུན་དང་པོ་གྲུབ། དེ་ནས་ཐུན་དྲུག་བྱེད་ན་ཉིན་མོ་ཕྲིན་ལས་ཚར་གཉིས་དང༌། མཚན་མོ་ཚར་གསུམ་བསྐྱར། ཐུན་བཞི་བྱེད་ན་ཉིན་མོ་ཡང་བསྐྱར་གཅིག་དང༌། མཚན་མོ་ཚར་གཉིས་གཏང་དགོས་པས། མཆོད་པ་བྱིན་བརླབ་ནས་བདག་བསྐྱེད་སོ་སོར་མི་དགོས། མདུན་བསྐྱེད་ཀྱི་ལས་བྱང་རྒྱས་པ་ཉིད་བཟླས་པའི་བར་བསྐྱར་བ་ཡིན་ལ། བཟླས་པ་ནི་བསྐུལ་ཚིག་གི་སྒྲུབ་སྔགས་ཉིད་གཙོ་བོར་བྱ། མཐར་ལས་སྦྱོར་ཅུང་ཟད་བཟླ་ཞིང་སྟོང་ཚིག་སོ་སོར་འབུལ། ཚེ་བསྙེན་ཡང་ཉེར་གཅིག་ཙམ་རེ་བཟླས་པས་ཆོག་གོ  །ཉིན་ཐུན་རྗེས་མར་བསྙེན་པ་གྲུབ་པ་དང༌། དམ་ཅན་སྤྱི་གཏོར་དང་ཕྱག་བཞི་པ་དངོས་གྲུབ་རོལ་མཚོ་དང་རིགས་གསུམ་སྙིང་ཐིག་གི་བཀའ་སྲུང་དུད་སོལ་མ་ལྟ་བུ་དང་མགོན་དཀར་དུར་བདག་བཅས་སྦྱར་ན་ལེགས་པས་ཐུགས་སྒྲུབ་མི་གཡོ་བའི་བཀའ་སྲུང་ལྟར་གཏང༌། སྐབས་འདིར་བསྐང་བཤགས་ནི་གྲུབ་ཐོབ་བཀའ་བརྒྱད་ཀྱི་བསྐང་བཤགས་ཁོལ་བྱུང་ལྟར་སྦྱར། དེ་ནས་ལས་བྱང་ལྟར་ཚོགས་བྱིན་རླབས་ནས་བསྒྲལ་བསྟབ་བར་བྱས་ལ། སྤྲོ་ན་འདིར་ཕྱི་རོལ་ཏུ་ཆ་གསུམ་གཏོར་མ་བཏང༌། ཚོགས་ལ་རོལ་ལྷག་གཏོར་བསྔོས་ལ་ལྷག་མ་བཙོན་འཛིན་བྱ། དམ་ཅན་གཏོར་ཆོག་བྱས་ན་གཏོར་འབུལ་སོགས་མཐར་དབྱུང༌། ལས་བྱང་གི་བསྐུལ་བ་དང་ཆད་བརྟན་རྟ་བྲོ་གཏང་རག་མཆོད་བསྟོད་བཟོད་གསོལ་གྲུབ་ནས་མདུན་བསྐྱེད་བརྟན་བཞུགས། བདག་བསྐྱེད་བསྡུ་ལྡང་བསྔོ་སྨོན་ཤིས་བརྗོད་བཅས་བྱའོ།  །དེ་ནས་བར་གཅོད་ཉུ་ལེ་འདུལ་ཞིང་བསྐྲད་པ་ནི། འདུས་པ་ཐམས་ཅད་ཞྭ་དང་བཅས་བཞེངས། སློབ་དཔོན་སོགས་ཆས་སུ་ཞུགས་པ་རྣམས་དཀྱིལ་འཁོར་གྱི་མདུན་དུ་འཁོད་པའི་དྲུང་དུ་ཉུ་ལེའི་ལིང་ག་བཀོད་ལ། ཨེ་ཡཾཛྭ་ལ་རཾ། བྲུབ་ཁུང་ཡངས་ཤིང་གཏིང་ཟབ་པའི་ནང་དུ་ཏྲི་ལས་དངོས་གྲུབ་ལ་བར་དུ་གཅོད་ཅིང་ལོག་པར་ལྟ་བའི་འབྱུང་པོ་ཉུ་ལེ་བདུད་ཀྱི་རིགས་སུ་གྱུར་པ་ཐམས་ཅད་རིད་ཅིང་ཉམ་ཐག་པའི་ལུས་ཅན་དུ་གྱུར། ཞེས་བྲུབ་ཁུང་བསྐྱེད། ན་མོ། རིག་འཛིན་རྩ་བརྒྱུད་སོགས་བདེན་སྟོབས་བརྗོད་པ་སྔོན་དུ་འགྲོ་བས། ཁྱད་པར་དུ་བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་དངོས་གྲུབ་ལ་བར་དུ་གཅོད་ཅིང་ལོག་པར་འདྲེན་པའི་འབྱུང་པོ་ཉུ་ལེ་བདུད་ཀྱི་རིགས་སུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཏྲི་ཡཾ་ཛཿ ཏྲི་བཛྲ་ཨཾ་ཀུ་ཤ་ཛཿ ཛཿཧཱུྃ་བྃ་ཧོཿ དགུག་གཞུག་དང་གིང་པ་ལས་ཀྱི་ཆེ་མཆོག་ཏུ་གསལ་བའི་ཐུགས་ཀ་ནས་ཕོ་ཉ་མཚོན་ཆའི་ཆར་ཕབ་པས་རྡུལ་དུ་བརླག་པར་བསམ་ཞིང༌། རོལ་མོ་དབྱངས་དང་ཊ་ཀིའི་འཆམ་སྟབས་དང་ཕུར་ཐུན་ཚོམ་བུར་བསྐུལ་བ་ནི། ཧཱུྃ༔ ཆོས་ཀྱི་དབྱིངས་ལས་རང་བྱུང་གྲུབ་པའི་ལྷ༔ ཁྲོ་བོ་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད༔ ཅེས་དང༌། ཧཱུྃ༔ ང་ནི་པདྨ་ཧེ་རུ་ཀ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ བཀའ་བརྒྱད་ལྷ་ཚོགས་དུས་ལ་བབ༔ གཡས་ཀྱི་ཕྱག་ན་ཕུར་བུ་འདྲིལ༔ གཡོན་གྱི་ཕྱག་ན་་ལྕགས་ཀྱུས་འགུགས༔ ལྕགས་ཀྱུས་ཟུངས་ལ་ཕུར་བུས་ཐོབ༔ གནོད་བྱེད་དགྲ་བགེགས་རྡུལ་དུ་རློགས༔ ཞེས་ཕུར་ཐུན་ཚོམ་བུར་བསྐུལ་མཐར་སློབ་དཔོན་གྱིས་དྲག་སྔགས་ཕུར་སྐོར་དང་བཅས་པས་གདབ་ཅིང༌། ཊ་ཀི་རྣམས་ཀྱིས་ཐུན་གྱིས་བྲབ། ཁྱད་པར་དཔལ་གྱི་ཕོ་ཉ་ཀུན་ཐུབ་རྒྱལ་མོ་བསྐུལ་བ་ནི། ཧཱུྃ༔ ཤར་ཕྱོགས་དཀར་མོ་དུང་གི་གཞལ་ཡས་ནས༔ ཁྲག་མདོག་དམར་མོ་བསེ་ཡི་ལན་ཕྲན་ཅན༔ སྤྱན་རྩ་དམར་པོ་ཉི་ཟླ་སྐར་ལྟར་འཕྲོ༔ སྨིན་མ་གློག་འགྱུ་མུན་པའི་གོ་སྐབས་འབྱེད༔ བུ་ཡུག་ཐོག་འབེབ་ཤངས་ནས་རྡོ་རྗེ་འཁྲུགས༔ བཞད་པ་ཧེ་དང་དཔལ་གྱི་སྤུ་གྲིས་གཏམས༔ རྔམས་པའི་ལྗགས་འདྲིལ་བསྐལ་པའི་མེ་ཆེན་འབར༔ ཨག་ཚོམ་མེ་འབར་རབ་འབྱམས་སྲིད་པ་སྲེག༔ བསྐལ་པའི་འབྲུག་སྒྲ་སྙན་ནས་གསུང་སྒྲ་སྒྲོགས༔ ལག་པ་དམར་པོ་སྤུ་གྲི་འབུམ་གྱིས་གཏམས༔ སེན་མོ་ལྕགས་ཀྱུའི་རྩེ་ལ་བསྐལ་པའི་མེ་ཆེན་འབར༔ བ་སྤུ་རྡོ་རྗེ་གནམ་ལྕགས་ཞུན་མ་འཁྲུགས༔ སྨིན་མ་ལྕགས་ཀྱི་ཁྲོ་ཆུང་ཆར་འབེབས་ཤིང༔ ཞབས་ཀྱི་ཕུར་པས་སྲིན་པོ་ལྔ་བརྒྱ་གཟིར༔ རལ་པ་དམར་པོ་ཁྲག་གི་དུག་ཆར་འབེབས༔ ཤིན་ཏུ་མི་བཟད་གཏུམ་ཆེན་ཁྲག་འཐུང་མ༔ སྲིན་མོའི་སྙིང་འབྱིན་ཆང་པར་བཅུག་ནས་གསོལ༔ ཤིན་ཏུ་མི་བཟད་འབར་བའི་སྐུ་གཅིག་མ༔ དཔག་ཚད་ལྔ་བརྒྱར་རྒྱུག་ཅིང་ཀླུ་སྲིན་མ་ལུས་སྒྲོལ༔ ཁྲོས་པའི་ཞལ་མདོག་ཁྲག་གི་མཆིན་པ་ཁ༔ ན་བཟའ་དམར་པོ་སྲིན་གྱི་གཡང་གཞི་གསོལ༔ ཕྱོགས་བཅུར་ཁ་བལྟས་ཕྱོགས་སྐྱོང་ཞབས་ཀྱིས་མནན༔ བདུད་ལ་བབ་ན་སྙིང་ཁྲག་དྲོན་མོ་འཐུང༔ སྲི་ལ་བབ་ན་སྲོག་རྩ་དམར་པོ་གཅོད༔ དགྲ་ལ་བབ་ན་དུག་གི་ཁ་ཆུ་འདེབས༔ བགེགས་ལ་བབ་ན་རཱུ་པ་རྡུལ་དུ་རློག༔ དཔལ་གྱི་ཕོ་ཉ་དཔལ་གྱི་ཐུགས་ལས་སྤྲུལ༔ དམ་ཉམས་དགྲ་དང་འབྱུང་པོ་བགེགས་ཀྱི་ཚོགས༔ ཕུང་པོ་དུམ་བུར་གཏུབ་ཅིང་དོན་སྙིང་མ་ལུས་སྲེག༔ གྲུ་བུ་གྲུ་ཨ་པ་ཙེ་རུ་པ་ཙེ་ནི་ཙ་ར་ན་ཐུན་ན་ཤ་ཡ་སྟྭཾ་བྷ་ཡཀྴ་འབྱིན་ཡཀྴ་འབྱིན་ཕྱེ་མ་ཕྱེ་མ་རྡུལ་ཕྲན་རྡུལ་ཕྲན༔ ཞེས་དྲག་སྔགས་སྤོས་རོལ་དང་ཁྱད་པར་གྱི་དབྱུག་པས་བསྡིགས་ཤིང་ཐུན་གྱིས་བྲབ་པ་སོགས་དྲག་པོའི་ཚམ་རྔམས་དང་བཅས་གཟིར་ལ་བསྐྲད། སྲུང་བའི་འཁོར་ལོ་བརྟན་པར་བསྒོམ། དེ་ནས་བྱིན་དབབ་པ་ནི། སྤོས་རོལ་གཡབ་དྲིལ་སོགས་སྔར་ལྟར་བྱས་ལ་བྱིན་དབབ། བསྙེན་སྒྲུབ་ཀྱི་ཛཔ྄་དབྱངས་ལན་གསུམ་བྱས་པས་གྲུབ། མཚན་ཐུན་དང་པོར་ལས་བྱང་གི་ཚོགས་བསགས་ནས་བཟུང་སྔོན་འགྲོ་ཚང་བ་དང༌། ཐོར་ཐུན་རྗེས་ཚོགས་མཆོད་རེ་མ་ཆག་པར་བཏང༌། གཞན་ཉིན་ཐུན་རྗེས་མ་དང་འདྲ། ཐོར་ཐུན་གྲོལ་རྗེས་ཉུ་ལེ་བསྐྲད། བྱིན་འབེབས་ལས་བྱང་ལྟར་བྱ། སྒྲུབ་ཞག་རྗེས་མ་གསུམ་གྱི་སྔ་དྲོར་ཚེ་བསྙེན་རྗེས་ཟུར་གསལ་ཚེ་འགུགས་ཚར་རེ་སྦྱོར་རྒྱུ་བྱུང་ན་ལེགས། དེ་ལྟ་བུའི་ཚུལ་གྱིས་ཞག་བདུན་ལ་སོགས་པར་གྱེར་བསྒོམ་བཟླས་པ་མ་ཆད་པར་བྱ་སྟེ་སྒྲུབ་པའི་རིམ་པའོ།  །གྲོལ་ཉིན་དགོང་མོར་དབང་གི་སྦྱིན་སྲེག་གྲུབ་ན་ལེགས།  །གསུམ་པ་རྗེས་དངོས་གྲུ་བླངས་བ་ལ། གྲུབ་པའི་རྟགས་རབ་འབྲིང་ཐ་མའི་ཚུལ་དུ་བྱུང་བའམ་སྒྲུབ་ཞག་གྲངས་ཐེམ་པའི་ཚེ། རྫས་བཤམ་པ་ནི། དཀྱིལ་འཁོར་མདུན་དུ་སྟེགས་བུ་ཁེབས་ལྡན་དཀར་པོའི་སྟེང་དུ་འབྲུ་དཀར་པོས་གཡུང་དྲུང་གཡས་འཁྱིལ་བྲིས་པའི་ཁར་མཉྫིའི་སྟེང་དུ་དཀྱིལ་འཁོར་གྱི་རྣམ་བུམ་བླང་ལ་བཞག །གཡས་སུ་རིན་པོ་ཆེའི་སྣོད་དུ་གསེར་གཡུ་སོགས་རིན་པོ་ཆེ་སྣ་ཚོགས་ཀྱི་ཕྱེ་མ་དང་དཀར་མངར་གྱིས་སྦྲུས་པའི་ལས་བཞིའི་འབྲང་རྒྱས་རིལ་བུས་བསྐོར་བ། མཾ་ས། མར། ཐུད། འབྲས་ཆན། ཁུར་བ། ཞོ་དང་ལ་དུ། ཤིང་ཐོག་སྣ་ཚོགས། སུ་ར་སོགས་བཟའ་བཅའ་བཏུང་བའི་བྱེ་བྲག་སྣ་ཚོགས་པས་བསྐོར་བ། གཡོན་དུ་ཆང་བཟང་པོར་མངར་གསུམ་དང་ཨ་མྲྀ་ཏས་སྦགས་པས་བྷཉྫ་བཀང་བ་བཤམས་ལ་དར་གྱིས་གུར་དབུབ་པའི་ཚུལ་དུ་བཀབ། ནང་མོ་ཕྲིན་ལས་ཀྱི་གཞུང་སྔར་ལྟར་བསྲངས་ལ་བཟླས་པའི་རྗེས་ཚེ་འགུགས་སྦྱར། སྟོང་ཚིག་ཐུན་པ་རྣམས་དང་ལྷན་ཅིག་ཕུལ་ལ་སྔགས་རྒྱུན་སྔ་མ་གྲོལ། བསྙེན་སྒྲུབ་སྔགས་ལ། ཀཱ་ཡ་ཝཱཀ་ཙིཏྟ་གུ་ཎ་ཀརྨ་སརྦ་སིདྡྷི་ཕ་ལ་ཧཱུྃ༔ ཞེས་བཏགས་པ་བཟླ། སྲུང་མ་རྣམས་ཀྱི་གཏོར་ཆོག་གྲུབ་པ་དང༌། ལས་བྱང་ལྟར་བགེགས་བསྐྲད། རྒྱལ་ཚབ་པས་དཀྱིལ་འཁོར་ལ་བསྐོར་ཞིང་ཐུན་བྲབ། མཚམས་གཅོད། ལས་རྡོར་དང་རྒྱལ་ཚབ་པས་སྤོས་གཡབ་དྲིལ་བཅས་ཚོགས་པ་དང་དཀྱིལ་འཁོར་ལ་བསྐོར་ཞིང་ལས་བྱང་ལྟར་བྱིན་འབེབས་གྱེར། ཡེ་ཤེས་སྐུ་མཆོག་སོགས་བརྗོད་ལ་ནོངས་པ་བཤགས། བདུད་རྩིའི་སྔགས་ལན་གསུམ་བརྗོད་ལ་རྫས་རྣམས་བྱིན་བརླབས། དཀྱིལ་འཁོར་གྱི་ལྷ་ཚོགས་རྣམས་ཡབ་ཡུམ་སྙོམས་པར་ཞུགས་པའི་སྦྱོར་མཚམས་ནས་འོད་ཟེར་དམར་པོ་ཕྱོགས་བཅུར་འཕྲོས་འགྲོ་བའི་རྒྱུད་སྦྱངས། བདེ་བར་གཤེགས་པ་རྣམས་ལ་ཕོག་དགྱེས་པ་བསྐྱེད་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དངོས་གྲུབ་ཚུར་འདུས་བདག་ལ་ཐིམ། གསལ་ཞིང་བརྟན་པར་བྱས། རྫས་རྣམས་ལ་ཐིམ་པས་འཆི་མེད་ཀྱི་བདུད་རྩི་དངོས་གྲུབ་ཀུན་གྱི་སྙིང་པོར་འཁྱིལ་བར་གྱུར། ཞེས་དམིགས། བསྙེན་སྒྲུབ་སྔགས་ལ་གོང་གི་སྔགས་ཤམ་བཏགས་ལ་བརྒྱའམ་ཉེར་གཅིག་བཟླས་ལ། ལས་བྱང་ལྟར། ཧཱུྃ༔ བདེ་མཆོག་བདེ་སྦྱོར་ནམ་མཁའི་དབྱིངས་སོགས་ཀྱིས་དངོས་གྲུབ་སྤྱིར་བསྐུལ། བྱེ་བྲག་ཏུ། དཀྱིལ་འཁོར་ལྷ་ཚོགས་རྣམས་ཀྱི་གནས་ལྔ་ནས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་ཐམས་ཅད་ཡིག་འབྲུ་ལྔ་དང་འོད་ཟེར་ཐིག་ལེའི་རྣམ་པ་དཔག་ཏུ་མེད་པ་འཕྲོས་ཏེ་རང་གི་གནས་ལྔར་ཐིམ་པས་དབང་དང་བྱིན་རླབས་དངོས་གྲུབ་མ་ལུས་ཐོབ་པར་མོས་ལ། སློབ་དཔོན་གྱིས་གནས་ལྔར་གཏུགས་ལ་གོང་གི་རྒྱན་བཀོད་སྐབས་ཀྱི། ཨོཾ༔ བླ་མ་བདེ་མཆོག་འཁོར་ལོ་ཡི༔ སོགས་ཚིག་བཅད་དང་བསྙེན་སྒྲུབ་སྔགས་མཐར། ཀཱ་ཡ་སིདྡྷི་ཕ་ལ་ཧཱུྃ༔ སོགས་སོ་སོར་བཏགས་ནས་ཤློ་ཀ་ལྔ་བརྗོད་ཅིང་དངོས་གྲུབ་བླང༌། སློབ་དཔོན་ལ་བུམ་ཆུ་དང་དངོས་གྲུབ་ཀྱི་ཕུད་འབུལ། ཧྲཱིཿ པདྨ་བཛྲ་བདེ་ཆེན་ཚེ་ཡི་ལྷ༔ གསང་བའི་ཡུམ་མཆོག་རྡོ་རྗེ་རྣལ་འབྱོར་མ༔ དབྱེར་མེད་རྩ་གསུམ་ཚེ་ལྷ་རབ་འབྱམས་ཀྱིས༔ མི་འགྱུར་ཚེ་དང་ཡེ་ཤེས་དངོས་གྲུབ་སྩོལ༔ སྔགས་མཐར་ཀཱ་ཡ་ཝཱཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ༔ ཞེས་བརྗོད་པས་ཚེ་འབྲང་གིས་དབང་བླང༌། ཚེ་རིལ་ཚེ་ཆང་ཕུལ། དེ་ནས་འདུས་པ་རྣམས་ཀྱིས་བསྙེན་སྒྲུབ་ཛཔ྄་དབྱངས་བྱས་ལ། སློབ་དཔོན་དང་རྒྱལ་ཚབ་པས་རྟེན་རྣམས་དང་ཚེ་བུམ་གྱིས་དབང་བསྐུར། ལས་རྡོར་སོགས་ཀྱིས་རྫས་དང་ཚེ་རིལ་སོགས་བཀྱེ། རྫས་རྣམས་དངོས་གྲུབ་ཏུ་རོལ་པས། ལྷ་དང་བདག་གཉིས་སུ་མེད་པ་བདེ་བ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་གྱི་རང་བཞིན་དུ་གྱུར་པར་མོས་ལ། བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་དངོས་གྲུབ་ཐམས་ཅད་བདག་ཅག་རྣམས་ཀྱིས་ཐོབ་ནས་སྐུ་ལྔ་ཡེ་ཤེས་ལྔའི་ཡོན་ཏན་མ་ལུས་རྩོལ་བ་མེད་པར་ལྷུན་གྱིས་གྲུབ་པར་གྱུར་ཅིག ཧོཿ བདག་ཅག་སྒྲུབ་པ་པོ་རྣམས་ཀྱིས་རྡོ་རྗེའི་ཚེ་གསོལ་བས་ཚེའི་དངོས་གྲུབ་དབང་དུ་གྱུར་ཅིག༔ ཐབས་ཀྱི་མཱཾ་ས་གསོལ་བས་འཁོར་འདས་ཀྱི་ནུས་སྟོབས་དབང་དུ་གྱུར་ཅིག༔ ཤེས་རབ་ཛ་གད་གསོལ་བས་བདེ་བ་ཆེན་པོའི་ཡེ་ཤེས་དབང་དུ་གྱུར་ཅིག༔ ཞལ་ཟས་ཀྱི་བྱེ་བྲག་མང་པོ་གསོལ་བས་ཞི་ཁྲོ་ཕྲིན་ལས་ཀྱི་དངོས་གྲུབ་ཐམས་ཅད་དབང་དུ་གྱུར་ཅིག༔ འདོད་ཡོན་གྱི་རྣམ་པ་ཐམས་ཅད་ལོངས་སྤྱད་པས་འཁོར་འདས་ཀྱི་ལེགས་ཚོགས་ཐམས་ཅད་དབང་དུ་གྱུར་ཅིག༔ སརྦ་ཀརྨ་ཝ་ཤ་མ་ནོ་ཧ་ར་སིདྡྷི་སིདྡྷི་ཧཱུྃ༔ ཞེས་དང༌། ཨཱཿ སྣང་གྲགས་རྟོག་གསུམ་དྭངས་མའི་བཅུད༔ རྩ་གསུམ་ཐིག་ལེའི་དབྱིངས་སུ་ཐིམ༔ མི་འགྱུར་མི་ཤིགས་བློ་ལས་འདས༔ སྐྱེ་མེད་གཉུག་མའི་རྒྱས་གདབ་བོ༔ བཛྲ་ཀཱ་ཡ་ཝཱཀ་ཙིཏྟ་ཛྙཱ་ན་ཨ་ཨ་ཨ༔ ཞེས་པས་སྒྲུབ་པ་ཆེན་པོའི་རིམ་པ་གྲུབ་པའོ།  །སྐབས་འདིར་དཔོན་སློབ་ཁ་ཤས་ཀྱིས་རྒྱས་པའི་སྦྱིན་སྲེག་བྱས་ལ་དངོས་གྲུབ་ཀྱི་ཕུད་འབུལ། སྤྲོས་པ་བསྡུ་ན་སྐབས་འདིར་ཙམ་ལས་སྦྱིན་སྲེག་གཞན་མ་གྲུབ་ཀྱང་ཆད་སྐྱོན་དུ་མི་འགྱུར་རོ།  །གཞན་དོན་དུ་དབང་བསྐུར་ན་སྨིན་བྱེད་རྒྱས་པ་དེའི་སྙིང་པོར་བསྡུས་པ་ཙམ་གྱིས་སྐབས་འདིར་རྗེས་སུ་འཛིན་པར་བྱའོ།  །བཞི་པ་རྗེས་ཀྱི་ལས་རིམ་རྣམས་ཀྱིས་སྒྲུབ་པ་མཐའ་རྒྱས་སུ་བྱ་བ་ནི། ལས་བྱང་ལྟར་ཚོགས་བྱིན་རླབས་ནས་རིམ་པར་བཏང་བའི་ཞལ་བསྟབ་མཇུག་ཏུ་ཉུ་ལེའི་ལིང་ག་མེར་བསྲེག །ལྷག་མ་བསྡུས་ནས་སྔར་བཙོན་འཛིན་བྱས་པའི་ཚོགས་ལྷག་མཆོད་པའི་རས་མ་དང་བཅས་ཕྱི་རོལ་ཏུ་བཏང༌། སྲུང་མའི་གཏོར་འབུལ་ཟུར་དུ་ཡོད་ན་བྱ། བསྐུལ་བ་ཆད་བརྟན་རྟ་བྲོ་ཡན་གྲུབ་ནས། གཏང་རག་མཆོད་བསྟོད་རྒྱས་པར་བྱ། ནོངས་བཤགས་བཟོད་གསོལ་དང༌། དཀྱིལ་འཁོར་གྱི་ཡེ་ཤེས་པ་རས་བྲིས་དང་རྟེན་ལ་བརྟན་བཞུགས་སྤྱི་ལྟར་བྱ། དམ་ཚིག་པ་རང་ལ་བསྡུ་ཞིང་ཐུན་མཚམས་ཀྱི་ལྷར་ལྡང༌། དེ་ནས་ཕྱི་མཚམས་བཀྲོལ་བ་ནི། སྒྲུབ་ཁང་གི་ཤར་ལ་སོགས་པའི་རྒྱལ་ཆེན་བཞི་དང་སྒོ་བྱང་གི་ལྷ་སོ་སོའི་མདུན་དུ་མཆོད་པ་བཤམས། བསང་སྦྱངས་བྱིན་རླབས་དྲངས་བསྟིམས་མཆོད་པ་རྣམས་སྔར་ལྟར་ལས། མཆོད་སྦྱིན་གཏོར་མ་འདི་བཞེས་ལ༔ སོགས་ཀྱིས་ཕྲིན་ལས་བཅོལ། བཛྲ་མུཿས་གཤེགས་སུ་གསོལ། དཀྱིལ་འཁོར་གྱི་མཐའི་ཕུར་བུ་རྣམས། ཨོཾ་བཛྲ་ཀཱི་ལ་ཡ་ཨུཏྐཱི་ལ་ཡ་སརྦ་ཀཱི་ལ་ཡ་བཛྲ་དྷ་རོད་ཨཛྙཱ་པ་ཡ་ཧཱུྃ་ཧཱུྃ་ཧཱུྃ་ཕཊ྄་སྭཱ་ཧཱ༔ ཞེས་ལག་གཉིས་སྐམ་པའི་རྒྱ་དང་བཅས་དང་པོར་གདབ་རིམ་ལས་ལྡོག་ཕྱོགས་སུ་ཕྱུངས་ཏེ། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་ས་དྷ་ནི་སྭཱ་ཧཱས་ཕུར་རྩེ་འོ་མས་བཀྲུ། ཆོས་ཐམས་ཅད་སྐྱེ་བ་མེད་པའི་དོན་ཡིད་ལ་བྱས་ཏེ་དྲིལ་བུ་དཀྲོལ་ཞིང༌། ཨ་ཀཱ་རོའི་སྔགས་བརྗོད་བཞིན་པས་འཇམ་རོལ་དང་བཅས་རས་བྲིས་དཀྱིལ་འཁོར་བསྡུ། སྒྲུབ་རྫས་སོགས་རྗེས་ཤུལ་མི་མངོན་པར་བྱ། དེ་ནས་མར་མེ་སྨོན་ལམ་གྱིས་དགེ་བའི་རྩ་བ་བླ་ན་མེད་པའི་རྒྱུར་བསྔོ་བ་ནི། དཔོན་སློབ་ཐམས་ཅད་ལག་བསྣོལ་བས་སྲིན་ལག་སྦྲེལ། རྡོ་རྗེ་རྒྱལ་ཐེབ་ཀྱིས་སྣམ་སྦྱར་དང་བཅས་བཞེངས་ཏེ་མར་མེའི་སྨོན་ལམ་གཏོང་ཐུན་སྔོན་དུ་འགྲོ་བས། ཧཱུྃ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །སྙིང་པོ་བྱང་ཆུབ་ལམ་ལ་ཞུགས་པ་ཡིས། །འཁོར་བའི་གཡང་སར་ཆེན་པོར་མི་ལྟུང་ཞིང༌། །ཆགས་སྡང་གཅོང་རོང་གནས་སུ་མི་སྐྱེ་དང༌། །ལོག་ལྟ་དམྱལ་བའི་ཟངས་ཁར་རྦབ་མི་འགྲིལ། །འཁོན་འཛིན་གཅན་གཟན་གདུག་པའི་སྐད་མི་ཐོས། །ཉོན་མོངས་མཚོན་རྩེ་གདུག་པའི་ཟེར་མི་འཕོག །དགེ་བའི་བཤེས་གཉེན་བཀའ་དྲིན་ཆེ་བ་དང༌། །སྲོག་གི་འབྲེལ་བའི་མཆེད་དང་ལྕམ་དྲལ་དང༌། །གསུམ་པའི་དབང་གིས་འབྲེལ་བའི་རིག་མ་གསུམ། །སྐྱེ་བ་འདི་དང་ཚེ་རབས་ཐམས་ཅད་དུ། །མི་འབྲལ་རྩེ་གཅིག་འགྲོགས་པའི་ཏིང་འཛིན་གྱིས། །ས་བཅུ་ཁྱད་པར་རིམ་གྱིས་བགྲོད་པར་ཤོག །ནམ་ཞིག་ཚེ་འཕོས་ལུས་བརྗེའི་དུས་བྱུང་ནས། །འཁོར་བའི་གཡང་སར་ལན་གཅིག་ལྟུང་སྲིད་ཀྱང༌། །སྣང་བའི་སྒོ་འབྱེད་ཞུན་མར་མདངས་གསལ་འདིས། །རིག་འཛིན་སྒྲུབ་པ་པོ་ཡིས་ཤུལ་མཚོན་ཅིང༌། །ཀུན་ཏུ་འོད་ཀྱི་ས་ལ་རྒྱུད་སྦྱངས་ནས། །པདྨ་ཆེན་པོའི་ས་ལ་ལྷུན་གྱིས་གྲུབ། །འཁོར་ལོ་ཚོགས་ཆེན་ས་ལ་གཤེགས་པའི་ཚེ། །སྔོན་གྱི་རྒྱལ་བ་རྣམས་ཀྱིས་མདུན་བསུས་ཤིག །ཡི་དམ་ལྷ་ཡིས་རྒྱབ་ནས་སྲོག་བརྟེན་ཅིག །བྱང་ཆུབ་སེམས་དཔའ་རྣམས་ཀྱིས་མཐའ་སྐྱོར་ཅིག  །མཆོད་པའི་ལྷ་མོ་རྣམས་ཀྱིས་སྣ་དྲོངས་ཤིག །མ་ཚོགས་དབང་མོ་རྣམས་ཀྱིས་རྗེས་སྐྱོངས་ཤིག །ལྕང་ལོ་ཅན་གྱི་ས་ལ་ཕྱིན་པའི་ཚེ། །མི་ལྡོག་པ་ཡི་ས་ལ་གནས་ནས་ཀྱང༌། །རྡོ་རྗེ་ཁྲོ་རྒྱལ་ཁྱོད་ཀྱི་ཞལ་མཐོང་ནས། །རིག་འཛིན་རྣམས་དང་དབྱེར་མེད་གྱུར་ནས་ཀྱང༌། །བླ་མེད་སྐུ་གསུང་ཐུགས་སུ་འགྲུབ་པར་ཤོག །ཅེས་ཐམས་ཅད་ཀྱིས་རྗེས་ཟློས་དང་བཅས་སྨོན་ལམ་གདབ། ལས་བྱང་ལྟར་བསྔོ་བ་སྨོན་ལམ་ཤིས་བརྗོད་བཅས་དང༌། གཞན་ཡང་ཞལ་ནས་གསུངས་པའི་ཐོག་དྲངས་ཏེ་བཀྲ་ཤིས་ཀྱི་ཚིགས་སུ་བཅད་པ་རྒྱས་པར་སྤེལ་ལོ།  །གཉིས་པ་འཕྲོས་དོན་ལ། དེ་ལྟར་སྒྲུབ་པའི་འབྲས་བུ་ནི༔ དེ་ལྟར་ཚོགས་སམ་ཚོགས་སྒྲུབ་ཏུ༔ རྩེ་གཅིག་ཉམས་སུ་བླང་བ་ཡིས༔ གནས་སྐབས་གེགས་ཞི་ཚེ་དཔལ་འཕེལ༔ ཡུལ་ཕྱོགས་བཀྲ་ཤིས་བྱིན་ཆེན་འབེབས༔ མཐོང་ཐོས་དྲན་རེག་སྐལ་པ་ལྡན༔ དངོས་གྲུབ་རྣམ་གཉིས་མྱུར་དུ་འཐོབ༔ མཐར་ཐུག་རིག་འཛིན་རྣམ་པ་བཞིའི༔ ལམ་ལས་མི་གནས་ཡེ་ཤེས་མཆོག༔ རྣམ་པར་གྲོལ་བའི་དཔལ་ཐོབ་ཕྱིར༔ བློ་ལྡན་རྣམས་ཀྱིས་བརྩོན་པར་གྱིས༔ ཞེས་དང༌། དེ་ལྟར་འབད་པས་བརྩོན་འགྲུས་དང༔ ཏིང་འཛིན་སྐལ་པའི་ཁྱད་པར་བཞིན༔ རབ་ཀྱིས་རིག་འཛིན་མཆོག་དངོས་འགྲུབ༔ འབྲིང་གིས་སྔགས་ཀྱི་དྲོད་ཚད་འཐོབ༔ གཞན་དུ་ཕྲིན་ལས་ཅི་རིགས་འགྲུབ༔ མདོར་ན་འབྲེལ་ཚད་དོན་ལྡན་པ༔ སྒྲུབ་པ་ཆེན་པོའི་ཕྲིན་ལས་སོ༔ ཞེས་བསླུ་མེད་རྡོ་རྗེའི་གསུང་གིས་ངེས་པ་ལྟར་རོ།  །ལེགས་བྱས་ཁ་འབབ་བཞི་ཡི་རྒྱུན་བཟང་གིས། །ཡིད་ཅན་མཐའ་དག་དངོས་ཀུན་བདག་ཉིད་ཆེ། །འཁོར་ལོ་སྡོམ་པའི་ཐུགས་དབྱིངས་རྒྱ་མཚོ་ཆེར། །འཇུག་ནས་དངོས་གྲུབ་ནོར་བུའི་གཏེར་སྤྱོད་ཤོག  །ཅེས་པའང་ཀུན་མཁྱེན་པདྨ་དཀར་པོའི་རྣམ་འཕྲུལ་ངག་དབང་རྣམ་རྒྱལ་གྱི་ཕྱག་རྗེས་དཔལ་ལྡན་འབྲུག་པ་བཀའ་བརྒྱུད་ཀྱི་གདན་ས་ལྟེ་བ་སྤུངས་ཐང་བདེ་ཆེན་ཕོ་བྲང་དུ་འབྲུག་རྒྱལ་བཞི་པ་འཇིགས་མེད་སེང་གེ་དབང་ཕྱུག་དང་རྒྱལ་ཡུམ་སྐལ་བཟང་ཆོས་སྒྲོན་ཡུམ་སྲས་ནས་དཔལ་འཁོར་ལོ་སྡོམ་པ་ལྷ་བཅུ་གསུམ་གཙོ་བོར་གྱུར་པའི་རྩ་བ་གསུམ་གྱི་གཙུག་ལག་ཁང་གསར་བསྐྲུན་གྱིས་ལོ་བསྟར་ཟབ་ཆོས་འདིའི་ཚོགས་སྒྲུབ་འཛུགས་པའི་ཆེད་དུ་བཀའ་བསྩལ་བ་བཞིན་འགྱུར་མེད་ཐེག་མཆོག་བསྟན་པའི་རྒྱལ་མཚན་པདྨ་དབང་ཆེན་དགྱེས་པ་རྩལ་གྱིས་ཆོག་ཁྲིགས་སུ་བསྟར་བས་ཡིད་ཅན་མཐའ་དག་བདེ་ཆེན་སྒྱུ་འཕྲུལ་དྲ་བའི་དཀྱིལ་འཁོར་དུ་ངལ་འཚོ་ཞིང་དཔལ་ལྡན་འབྲུག་པ་ཕྱོགས་ལས་རྣམ་རྒྱལ་གྱི་ཆོས་སྲིད་ཉི་ཟླའི་སྣང་བ་རྟག་ཏུ་བརྟན་པའི་རྟེན་འབྱུང་དུ་གྱུར་ཅིག །སརྦ་དཱ་མངྒ་ལཾ། །།}}
</onlyinclude>
</onlyinclude>
 
{{TsagliCall}}
</div>
<headertabs/>
== Footnotes ==
<references/>
==Other Information==
{{Footer}}
[[Category:DKR-KABUM-Volume-07-JA]]
[[Category:DKR-KABUM-Volume-07-JA]]
[[Category:Khyentse Lineage Project]]
[[Category:Khyentse Lineage Project]]

Revision as of 13:40, 7 November 2022

Previous Text"JA" is not a number. Back to Volume Page"JA" is not a number.Next Text "JA" is not a number.

Wylie title DKR-KABUM-07-JA-010.pdf
Location dil mgo mkhyen brtse bka' 'bum
Volume Expression error: Unrecognized word "ja"., Text 10, Pages (Folios to )
Author དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre "JA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"JA" is not a number.</li></ul>

[edit]
༄༅། །བླ་མ་བདེ་མཆོག་འཁོར་ལོའི་སྒྲུབ་ཁོག་གྲུབ་གཉིས་མཛོད་བརྒྱའི་ལྡེའུ་མིག་ཅེས་བྱ་བ་བཞུགས་སོ།།


༄༅། །བདེ་ཆེན་དཔྱིད་ཀྱི་ཐིག་ལེའི་འཇོ་སྒེག་ལས། །དངོས་གྲུབ་ལང་ཚོའི་བཅུད་འཛིན་རྩ་གསུམ་ལྷ། །རང་རིག་ངེས་པ་དོན་གྱི་བླ་མ་རུ། །གཉིས་མེད་རོ་མཉམ་ལྟ་བའི་ཕྱག་གིས་འདུད། །ཁྱེད་ཀྱི་གསང་གསུམ་རྡོ་རྗེའི་གྲོང་ཁྱེར་དུ། །བདེ་བླག་བརྩོན་པའི་ཐབས་གཞན་ཚོགས་སྒྲུབ་ཀྱི། །ཕྱག་བཞེས་རིག་འཛིན་གྲུབ་པའི་བཞེད་གཞུང་བཞིན། །བསྡེབས་ལ་གནང་སྩོལ་དོན་གཉིས་ལྷུན་གྲུབ་མཛོད། །དེ་ཡང་གྲུབ་ཐོབ་ཆེན་པོའི་ཐུགས་ཏིག་སྒྲུབ་ཐབས་སྙིང་པོ་སྐོར་ལྔའི་བསྙེན་སྒྲུབ་ལས་ཀྱི་ཕྲེང་བའི་གཏེར་གཞུང་རྡོ་རྗེའི་ཚིག་རྐང་ལས། སྒྲུབ་ཆེན་ཚོམ་བུ་ཚོགས་སྒྲུབ་ཀྱི༔ དངོས་གྲུབ་ངེས་པར་དོན་གཉེར་ན༔ གནས་དུས་སྟོན་འཁོར་ཡོ་བྱད་སོགས༔ ཕུན་སུམ་ཚོགས་པའི་གཞི་བཟུང་ནས༔ བསྙེན་པས་ས་ཡི་ཆོ་ག་དང༔ ཕྱི་ནང་གསང་བའི་མཚམས་རྣམས་བཅད༔ ཉེ་བསྙེན་ལྷག་པར་གནས་པ་དང༔ དཀྱིལ་འཁོར་བཞེངས་ཤིང་རྒྱས་པར་བཀྲམ༔ སྒྲུབ་རྫས་སྒྲུབ་པོ་མངའ་གསོལ་ནས༔ རྟགས་གདབ་གཟི་བྱིན་མཆོག་ཏུ་བསྐྱེད༔ སྒྲུབ་པ་བདག་མདུན་དབྱེར་མེད་ཀྱི༔ ཕྲིན་ལས་གཞུང་བསྲང་ཛཔ྄་ཁང་དབྱེ༔ ཛཔ྄་བསྐུལ་སྒྲུབ་པའི་སྔགས་ཀྱི་སྒྲ༔ བར་མ་ཆོད་ཅིང་ཏིང་འཛིན་གསལ༔ ཚོགས་ཀྱི་མཆོད་པ་དུས་དྲུག་འབུལ༔ བར་ཆད་བགེགས་བསལ་བྱིན་ཆེན་དབབ༔ དེ་ལྟར་ཉམས་བླངས་རྟགས་ཐོན་ནས༔ སྒྲུབ་པ་ཆེན་པོ་རང་དོན་དུ༔ དངོས་གྲུབ་རིམ་པ་ཚུལ་བཞིན་བླང༔ གཞན་དོན་དབང་བསྐུར་རྗེས་འཛིན་བྱ༔ གཉིས་དོན་སྨོན་ལམ་གདབ་པ་སོགས༔ ལས་ཀྱི་ཕྲེང་བ་མཐར་དབྱུང་ངོ༔ ཞེས་གསུངས་པའི་དོན་ཉམས་སུ་ལེན་པའི་ཚུལ་འཆད་པ་ལ། བླ་མ་ལོངས་སྐུ་གསུང་རྡོ་རྗེ་བདེ་མཆོག་འཁོར་ལོའི་ཚོགས་སྒྲུབ་ཀྱི་ལས་རིམ་བསྟན་པ་དང༌། འཕྲོས་དོན་བཤད་པ་གཉིས་ལས། དང་པོ་ཕུན་སུམ་ཚོགས་པ་ལྔས་སྒྲུབ་པའི་གཞི་བཟུང་བ་ནི། རྒྱུད་ལས། བསྙེན་རྫོགས་རྟགས་ལྡན་སྟོན་པ་དང༔ དད་བརྩོན་བརྟུལ་ཞུགས་ལྡན་པའི་འཁོར༔ གནས་དུས་ཡོ་བྱད་ཕུན་ཚོགས་པས༔ ཞེས་དང༌། བསྙེན་སྒྲུབ་ཡན་ལག་རྣམ་པ་བཞིས༔ ཐུན་མོང་མཆོག་གི་དངོས་གྲུབ་ལེན༔ ཞེས་གསུངས་པ་ལྟར་སྔོན་དུ་འགྲོ་བ་བསྙེན་པ་དང་ཉེ་བསྙེན། དངོས་གཞིའི་ལས་རིམ་སྒྲུབ་པ། རྗེས་དངོས་གྲུབ་བླང་བ། སྒྲུབ་པ་མཐའ་རྒྱས་སུ་བྱ་བ་བཞིས་བསྡུས་པ་ལས། དང་པོ་ལ་ལྔ། ས་ཆོག །མཚམས་གཅོད། སྟ་གོན། རྟེན་གྱི་དཀྱིལ་འཁོར་བཅའ་བ། སྒྲུབ་པ་པོ་གནས་སུ་འགོད་པའོ། །དང་པོ་ས་བརྟགས་པ་ནི་སྒྲུབ་གནས་རྙིང་པ་ལ་མི་དགོས། ས་སློང་བ་ནི། དཀྱིལ་འཁོར་གྱི་སྟེགས་བུའི་དབུས་སུ་འབྲུའི་ཚོམ་བུ་གཅིག་བཀོད་པའི་སྟེང་དུ། མཉྫིའི་ཁར་ས་ལྷའི་གཏོར་མ་དཀར་ཟླུམ་མཐེབ་ཀྱུ་དང་རིལ་བུས་མཚན་པ། མདུན་དུ་གསེར་སྐྱེམས་དང་བཅས་པའི་མཐར། བྱང་ཤར་དུ་མཚམས་འཛིན་གྱི་མེ་ཏོག་ནས་བརྩམས་ཏེ་ཆུ་གཉིས་ཉེར་སྤྱོད་དང་བཅས་པས་གཡས་སུ་བསྐོར། ལོགས་གང་བདེར་བདག་བསྐྱེད་མཆོད་པ་བླ་གཏོར་དམར་ཟླུམ་སྨན་རཀ་ཉེར་སྤྱོད་ཕྲེང་ཚར་དུ་བཤམས། ཉེ་བར་མཁོ་བའི་ཡོ་བྱད་ཐམས་ཅད་ཚོགས་པར་བྱས་ལ། བདག་གི་རྣལ་འབྱོར་ནི། བརྒྱུད་འདེབས་དང༌། རྡོ་རྗེ་སློབ་དཔོན་སངས་རྒྱས་དཔལ་སོགས་ཚོགས་བསགས་སྔོན་དུ་འགྲོ་བས། མཆོད་པ་བྱིན་རླབས་ནི། རྃ་ཡྃ་ཁྃ༔ རིན་ཆེན་བྷནྡྷའི་སྣོད་ཡངས་སུ༔ སྨན་གཏོར་རཀྟ་འོད་དུ་འབར༔ ཕྱི་ནང་ཉེར་སྤྱོད་བསམ་མི་ཁྱབ༔ རབ་འབྱམས་ནམ་མཁའ་གང་བར་གྱུར༔ ཨོཾ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ༔ ཨོཾ་བཛྲ་ཨརྒྷཾ་སོགས། ཤབྡ་ཨཱཿཧཱུྃ༔ ཕྱི་སྣོད་ཐམས་ཅད་གཞལ་ཡས་ཁང༔ ཕུང་ཁམས་སྐྱེ་མཆེད་ཡི་དམ་ལྷ༔ སྣང་སྟོང་ཆུ་ཟླ་འཇའ་ཚོན་ལྟར༔ གསལ་ལ་མ་འདྲེས་རྩེ་གཅིག་བསྒོམ༔ ཨོཾ་པདྨ་བཛྲ་ཧཱུྃ༔ ཞེས་བཟླ། ཡེ་ཤེས་ལྷ་ཚོགས་སོགས་ཀྱིས་མཆོད་བསྟོད་ཕུལ། ཨ་ཨ་ཨ༔ ཧཱུྃ་བཛྲ་ཀཱ་ཝཱ་ཙི་རཀྵ་ཧཾ༔ ཞེས་འོད་གསལ་དུ་བསྡུ་ཞིང་གཉུག་མའི་ལྷ་སྐུར་ལྡང༌། ས་ལྷའི་མཆོད་པ་རྣམས་ཨ་མྲྀ་ཏས་བསང༌། རྃ་ཡྃ་ཁྃ་གིས་སྦྱང༌། ཐམས་ཅད་སྟོང་ཉིད་ནམ་མཁའི་ངང༔ བྷྲཱུྃ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་པར་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པཱུ་ཛ་ས་མ་ཡ་ཧཱུྃ༔ ཞེས་དང༌། གཏོར་གཞོང་རཏྣའི་གཞལ་ཡས་སུ༔ གཏོར་མ་འདོད་ཡོན་ཕུང་པོར་སྤུངས༔ ཨོཾ་ཨཱཿཧཱུྃ་ལན་གསུམ་རྒྱ་དང་བཅས་པས་བརླབས། བྷཱུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿ ཞེས་རྡོ་རྗེའི་བསྡུ་རྒྱ་དང་བཅས་སྤྱན་དྲངས། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱའི་བར་སོ་སོའི་ཕྱག་རྒྱ་དང་བཅས་པས་མཆོད། རྡོར་ཐལ་ཕྱེ་བས། བྷཱུ་མི་པ་ཏི་ས་པ་རི་ཝཱ་ར་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུདྒ་ཏེ་སྥ་ར་ཎ་ཨི་མཾ་ག་ག་ཁཾ་སྭཱ་ཧཱ། ལན་གསུམ་གྱིས་གཏོར་མ་ཕུལ་ལ། དགོངས་ཤིག་ས་བདག་ལྷ་ཀླུ་སྡེ་དང་དཔུང༔ གངས་རི་གཡའ་རྩེ་ལུ་མ་སྐྱེད་མོས་ཚལ༔ མཚོ་རྫིང་ལྟེང་ཀ་སོ་སོའི་གནས་རྣམས་ནས༔ ལྷ་ཀླུ་ས་བདག་གནས་འདིར་སྤྱན་འདྲེན་གྱིས༔ ཛམ་གླིང་གྲྭ་བཞིར་སྒྲུབ་པའི་ས་བསླང་ཕྱིར༔ ས་བདག་འཁོར་དང་བཅས་པ་འདིར་གཤེགས་ཏེ༔ བྱིན་བརླབས་བསྔོས་པའི་གཏོར་མ་འདི་བཞེས་ལ༔ རིན་ཆེན་གཏེར་གྱི་ས་འདི་བསྩལ་དུ་གསོལ༔ ཞེས་འདོད་དོན་གསོལ་ནས། དབང་དུ་བྱ་བ་ནི། སྟེགས་བུའི་མདུན་ནས་སློབ་དཔོན་གྱི་དབང་མཆོག་གི་ཕུར་བུ་བཟུང་ལ། བདག་ཉིད་པདྨ་བཛྲ་ཞལ་གཅིག་ཕྱག་གཉིས་པར་གསལ་བའི་ཐུགས་ཀའི་ཧཱུྃ་ལས་འོད་འཕྲོས་ཕུར་བུ་ལ་ཐིམ། དེ་ཉིད་དཔལ་རྟ་མགྲིན་གྱི་སྐུར་གྱུར་པར་བསམ་ལ། ཧཱུྃ་པདྨཱནྟ་ཀྲྀ་ཏ་ཧཱུྃ་ཕཊ྄། ཅེས་བཏབ་སྟེ་ལན་བདུན་བཟླས་པས། ཕུར་བུ་ལས་བྱུང་བའི་འོད་ཟེར་དམར་པོས་ས་གཞི་ཐམས་ཅད་ཁྱབ། བདག་གི་དབང་དུ་གྱུར་པར་བསམ་མོ། །སྦྱོང་བ་ལ། སྔགས་དང་ཕྱག་རྒྱས་སྦྱོང་བ་ནི། སློབ་དཔོན་གྱི་ལག་གཡས་རྡོ་རྗེ་རྩེ་ལྔ་པར་བསམས་ནས་ཕྱག་རྡོ་རྗེ་དང་བཅས་སྟེགས་བུའི་སྟེང་དུ་བཞག །ཐམས་ཅད་ཀྱིས་རྡོ་རྗེ་དང་བཅས་ལག་གཡས་ས་ལ་རེག་པའི་ཚུལ་བྱས་ནས། ཨོཾ་སྭ་བྷཱ་ཝ་ཤུདྡྷཿསརྦ་དྷརྨ་སྭ་བྷཱ་ཝ་ཤུདྡྷོ྅ཧཾ། ལན་གསུམ་གྱིས་ས་ལ་བསྣུན། ཏིང་ངེ་འཛིན་གྱིས་སྦྱོང་བ་ནི། བདག་ཉིད་པདྨ་བཛྲར་གསལ་བའི་ཐུགས་ཀའི་ཧཱུྃ་ལས་ཧཱུྃ་ཕྲ་མོ་གྲངས་མེད་ཕྱོགས་བཅུར་འཕྲོས། འཕགས་པ་མཆོད་སེམས་ཅན་གྱི་དོན་བྱས། ཚུར་འདུས་ཡེ་ཤེས་ཀྱི་མེ་རླུང་ཆུར་གྱུར་པས་མ་དག་པའི་དངོས་འཛིན་ཐམས་ཅད་བསྲེག་གཏོར་སྦྱངས། དུར་ཁྲོད་རོལ་པའི་ཞིང་ཁམས་ཆེན་པོར་གྱུར་པར་བསམ། བསྡུ་ན་དེ་ཙམ་གྱིས་ཆོག་ལ་ཅུང་ཟད་སྤྲོ་ན་བཟུང་བ་ནི། སེང་ལྡེང་གི་ཕུར་པ་ཅོད་པན་ཅན་བཅུ་འབྲུའི་སྣོད་དུ་བཙུགས་པ་སློབ་དཔོན་གྱི་སྟེགས་བུའི་དབུས་ནས་ཞལ་ཤར་དུ་ཕྱོགས་པའི་མདུན་དུ་དང༌། ཕུར་སྟེགས་ཨེ་བཅུ་རྣམས་ཕྱོགས་བཅུར་བཀོད། བདག་གི་ཐུགས་ཀ་ནས་ཧཱུྃ་བཅུ་འཕྲོས། ཨོཾ་ཊཱ་ཀི་རཱ་ཛ་མ་ཧཱ་ཀྲོ་དྷ་ཧཱུྃ་ཕཊ྄། ཅེས་བརྗོད་པས་ཁྲོ་བོ་ལྕགས་ཀྱུ་དང་ཐོ་བ་ཐོགས་པ་སྤྲོས། ཕྱོགས་སྐྱོང་བཅུ་བཀུག་ནས་ཐོ་བས་བསྣུན་ཏེ་གཟིར། ཨེ་བཅུར་བཀོད་པར་གྱུར། ཡང་རང་གི་ཐུགས་ཀ་ནས་ཧཱུྃ་ཡིག་བཅུ་སྤྲོས་པ་ལས་ཕུར་བུ་རྣམས་ཁྲོ་བོ་བཅུ་སྐུ་སྨད་ཕུར་བུའི་དབལ་ཅན་དུ་གྱུར། ཧཱུྃ་བཅུ་བརྗོད། ཕྱོགས་བཅུའི་བགེགས་རྣམས་ཀྱི་སྙིང་གར་བཏབ་པར་གྱུར། སློབ་དཔོན་གྱི་ཕྱག་གཡས་ཐོ་བ་དང༌། གཡོན་པས་སྟེང་གི་ཁྲོ་བོའི་ཕུར་པ་སོགས་རིམ་བཞིན་ཐོགས་ལ། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ། གརྫ་གརྫ་ཧཱུྃ་ཕཊ྄། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཾ་ཧཱུྃ་ཕཊ྄། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ྄། ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ་བཛྲ་དྷ་རོད་ཨཛྙཱ་པ་ཡ་ཏི་སརྦ་བིགྷྣཱཾ་ཀཱ་ཡ་ཝཱཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ྄། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧ་ན་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ། པ་ཙ་པ་ཙ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུྃ། ཧུ་ལུ་ཧུ་ལུ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ། ཚིནྡྷ་ཚིནྡྷ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུྃ། བིནྡྷ་བིནྡྷ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ། ཏིཥྛ་ཏིཥྛ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ། བྷནྡྷ་བྷནྡྷ་ཧཱུྃ་ཕཊ྄། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ། ད་ཧ་ད་ཧ་ཧཱུྃ་ཕཊ྄། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། སྥོ་ཊ་སྥོ་ཊ་ཧཱུྃ་ཕཊ྄། ཅེས་ཁྲོ་བཅུའི་སྔགས་རེ་རེའི་མཐར། ཨོཾ་གྷ་གྷ་གྷཱ་ཏ་སོགས་རྡོ་རྗེ་སྡེར་མོའི་སྔགས་ཧཱུྃ་ཀ་ར་བཞིན་སྦྱར་ཏེ་འབར་བའི་སྟངས་སྟབས་དང་བཅས་ཏེ་སྟེང་གི་ཕུར་བུར་ཤར་གྱི་ཤར་དང༌། ཕྱོགས་བཞི་ཤར་ནས་གཡས་བསྐོར་དང༌། མཚམས་བཞི་བྱང་ཤར་ནས་གཡོན་བསྐོར་དང༌། འོག་གི་ཕུར་བུ་ནུབ་ཀྱི་ནུབ་ཏུ་གདབ་ཅིང༌། ཕྱོགས་བཅུར་ཕུར་བུ་བཏབ་པས་དེ་ལས་བྱུང་བའི་ཡེ་ཤེས་ཀྱི་མེ་དཔུང་ཕྱོགས་ཐམས་ཅད་དུ་ཁྱབ་པར་འབར་བས་བགེགས་རྣམས་བསྲེགས་ཤིང་མི་གནས་པར་གྱུར་པར་བསམ། སྐབས་འདིར་སྤྱི་བཤགས་བྱ་བར་གསུང་པ་ནི། སཱཙྪ་གདབ་པ། སྲོག་བསླུ། ཉེའུ་འདོན། བཤགས་སྐོང༌། སྦྱིན་སྲེག །མགྲོན་བཞི་ལ་མཆོད་སྦྱིན་ཅི་འབྱོར་དང༌། གཟུངས་མདོ་སྒྲོགས། ཁྱད་པར་གནས་ཁང་གི་ཤར་དུ་ཤེར་ཕྱིན། ལྷོར་སྟོབས་པོ་ཆེ། ནུབ་ཏུ་ལང་གཤེགས། བྱང་དུ་ཏོག་གཟུངས་རྣམས་འདོན་པ་སོགས་དགེ་བའི་དཔུང་བསྐྱེད་པའི་ཕྱིར་རང་ངམ་གཞན་གྱིས་ཅི་འགྲུབ་ཏུ་བྱའོ། །གཉིས་པ་མཚམས་བཅད་པ་ལ་གསུམ་ལས། དང་པོ་ཕྱི་མཚམས་ནི་སྒྲུབ་ཁང་གི་ཕྱོགས་བཞིའི་ཐོ་བཞིར་རྒྱལ་ཆེན་སོ་སོའི་སྐུ་རྟེན་རྒྱལ་མཚན་དང་བཅས་པའི་མདུན་དུ་སྟེགས་ཁེབ་ལྡན་གྱི་ཁར་མེ་ཏོག་གི་ཚོམ་བུའི་སྟེང་དུ་གཏོར་མ་དཀར་ཟླུམ་མདུན་དུ་མཐེབ་ཀྱུ་རིལ་བུས་མཚན་པ་རེ་དང༌། དེའི་མདུན་དུ་གཡོན་ནས་བརྩམས་པའི་ཆུ་གཉིས་ཉེར་སྤྱོད་ལྔ་དང་བཅས་པ་བཤམས་ལ། སློབ་དཔོན་འདུས་པ་དང་བཅས་རོལ་ཆ་སེར་སྦྲེང་གིས་ཤར་གྱི་ཐོའི་རྩར་འཁོད་ལ། མཆོད་གཏོར་རྣམས་ཨ་མྲྀ་ཏས་བསང༌། རྃ་ཡྃ་ཁྃ་གིས་སྦྱང༌། ཐམས་ཅད་སྟོང་ཉིད་ནམ་མཁའི་ངང༔ བྷྲཱུྃ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་པར་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པཱུ་ཛ་ས་མ་ཡ་ཧཱུྃ༔ ཞེས་དང༌། གཏོར་གཞོང་རཏྣའི་གཞལ་ཡས་སུ༔ གཏོར་མ་འདོད་ཡོན་ཕུང་པོར་སྤུངས༔ ཨོཾ་ཨཱཿཧཱུྃ་ལན་གསུམ་རྒྱ་དང་བཅས་པས་བརླབས། ཐོ་སྐུ་རྟེན་དང་བཅས་པ། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་ཤར་ཕྱོགས་ནས་རྒྱལ་པོ་ཆེན་པོ་ཡུལ་འཁོར་སྲུང་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་དྷྲྀཥྚ་རཥྚཱ་ཧཱུྃ་ཛཿ ལན་ཉེར་གཅིག་གི་མཐར། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱའི་བར་གྱིས་མཆོད། རྡོར་ཐལ་ཕྱེ་རྒྱས་སྙིང་པོའི་མཐར། བ་ལིཾ་ཏ་ནཱ་ནཱ་ཁ་དནྟུ་གྲྀ་ཧྞ་གྲྀཧྞ་ཧཱུྃ་ཁཱ་ཧི་ཁཱ་ཧི༔ ཞེས་བཏགས་པ་ལན་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་ཤར་ཕྱོགས་ནས༔ ཕྱག་ན་རྡོ་རྗེ་དབང་གི་མཐུས༔ རྒྱལ་པོ་ཆེན་པོ་ཡུལ་འཁོར་སྲུང༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ དཔལ་ལྡན་རྒྱལ་པོ་ཆེན་པོ་ཡུལ་འཁོར་སྲུང༔ ཞི་བའི་ཕྲིན་ལས་མཐར་ཕྱིན་སྐུ་མདོག་དཀར༔ ཐུགས་རྗེའི་དབང་གིས་འགྲོ་དོན་པི་ཝཾ་བསྣམས༔ ཤར་ཕྱོགས་དྲི་ཟའི་འཁོར་ཚོགས་མཚམས་ཆོད་ཅིག༔ ཅེས་ཕྲིན་ལས་གསོལ་བས་སྲུང་བའི་ལས་མཛད་པར་བསམ་ཞིང༌། ཏིཥྛ་བཛྲ་ཞེས་མེ་ཏོག་འཐོར་ལ་བརྟན་བཞུགས་བྱ། དེ་ནས་ལྷོའི་མཆོད་གཏོར་སྔར་ལྟར་བྱིན་གྱིས་བརླབ། ཐོ་བསང་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་ལྷོ་ཕྱོགས་ནས་རྒྱལ་པོ་ཆེན་པོ་འཕགས་སྐྱེས་པོ་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་བཻ་རུ་ཌྷ་ཀ་ཡ་ཧཱུྃ་ཛཿ ཞེས་ལན་ཉེར་གཅིག་དང༌། ཨོཾ་བཛྲ་ཨརྒྷཾ་སོགས་ཀྱིས་མཆོད། སྙིང་པོའི་མཐར། བ་ལིཾ་ཏ་སོགས་བཏགས་པ་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་ལྷོ་ཕྱོགས་ནས༔ ཕྱག་ན་རྡོ་རྗེའི་དབང་གི་མཐུ༔ རྒྱལ་པོ་ཆེན་པོ་འཕགས་སྐྱེས་པོ༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ ཆོས་སྐྱོང་རྒྱལ་པོ་ཆེན་པོ་འཕགས་སྐྱེས་པོ༔ མངོན་སྤྱོད་ཚུལ་གྱིས་འགྲོ་དོན་མཐར་ཕྱིན་སྐུ༔ དུག་གསུམ་འཇོམས་པའི་བེ་ཅོན་རལ་གྲི་བསྣམས༔ ལྷོ་ཕྱོགས་གྲུལ་བུམ་འཁོར་ཚོགས་མཚམས་ཆོད་ཅིག༔ ཅེས་དང༌། ཏིཥྛ་བཛྲས་བརྟན་བཞུགས་བྱ། དེ་ནས་ནུབ་ཀྱི་མཆོད་གཏོར་སྔར་ལྟར་བྱིན་གྱིས་བརླབ། ཐོ་བསང་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་ནུབ་ཕྱོགས་ནས་རྒྱལ་པོ་ཆེན་པོ་སྤྱན་མི་བཟང་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་བཻ་རཱུ་པཀྵ་ཧཱུྃ་ཛཿ ལན་ཉེར་གཅིག་དང་ ཨོཾ་བཛྲ་ཨརྒྷཾ་སོགས་ཀྱིས་མཆོད། སྙིང་པོའི་མཐར། བ་ལིཾ་ཏ་བཏགས་པ་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་ནུབ་ཕྱོགས་ནས༔ ཕྱག་ན་རྡོ་རྗེ་དབང་གི་མཐུས༔ རྒྱལ་པོ་ཆེན་པོ་སྤྱན་མི་བཟང༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ ཆོས་སྐྱོང་རྒྱལ་པོ་ཆེན་པོ་སྤྱན་མི་བཟང༔ དབང་དྲག་དམར་སྨུག་འབར་བ་འཇིགས་པའི་སྐུ༔ བསོད་ནམས་ཚོགས་རྫོགས་རིན་ཆེན་སྦྲུལ་ཞགས་བསྣམས༔ ནུབ་ཕྱོགས་ཀླུ་དབང་འཁོར་ཚོགས་མཚམས་ཆོད་ཅིག༔ ཅེས་དང༌། ཏིཥྛ་བཛྲས་བརྟན་བཞུགས་བྱ། དེ་ནས་བྱང་གི་མཆོད་གཏོར་སྔར་ལྟར་བྱིན་གྱིས་བརླབ། ཐོ་བསང་སྦྱང༌། རང་གི་ཐུགས་ཀ་ནས་འོད་ཟེར་འཕྲོས་པས་རི་རབ་ཀྱི་བྱང་ཕྱོགས་ནས་རྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བྃ་ཧོཿས་རྟེན་ལ་བསྟིམ། ཨོཾ་བཻ་ཤྲ་མ་ཎ་ཧཱུྃ་ཛཿ ཞེས་ལན་ཉེར་གཅིག་དང༌། ཨོཾ་བཛྲ་ཨརྒྷཾ་སོགས་ཀྱིས་མཆོད། སྙིང་པོའི་མཐར། བ་ལིཾ་ཏ་སོགས་བཏགས་པ་གསུམ་གྱིས་གཏོར་མ་ཕུལ། ཧཱུྃ༔ རི་རབ་གླིང་བཞིའི་བྱང་ཕྱོགས་ནས༔ ཕྱག་ན་རྡོ་རྗེ་དབང་གི་མཐུས༔ རྒྱལ་པོ་ཆེན་པོ་རྣམ་ཐོས་སྲས༔ བདག་ཅག་རེ་བ་བསྐང་བའི་ཕྱིར༔ མ་དག་པ་རྣམས་མཚམས་ཆོད་ཅིག༔ ཆོས་སྐྱོང་རྒྱལ་པོ་ཆེན་པོ་རྣམ་ཐོས་སྲས༔ ཆེ་བའི་ཡོན་ཏན་ལོངས་སྤྱོད་མཐར་ཕྱིན་སྐུ༔ རིན་ཆེན་གཏེར་ལྡན་ནེའུ་ལེ་བེ་ཅོན་བསྣམས༔ བྱང་ཕྱོགས་གནོད་སྦྱིན་འཁོར་ཚོགས་མཚམས་ཆོད་ཅིག༔ ཅེས་དང༌། ཏིཥྛ་བཛྲས་བརྟན་བཞུགས་བྱའོ། །གཉིས་པ་བར་མཚམས་ལ་གཉིས་ཀྱི། དང་པོ་དམ་སྲི་མནན་པ་ནི། དུག་ཤོག་ལ་དམ་སྲིའི་ལིངྒ་སྤྱི་མཐུན་གྱི་སྙིང་གར་ཏྲིའི་མཐར། ཡ་མ་དམ་སྲི་གཾ་པ་རི་མཱ་ར་ཡ་ཛཿ ཞེས་བྲིས་ལ་དུག་ཁྲག་བྱུག་པ་བྲུབ་ཁུང་དུ་བཀོད་ནས་བསྐུལ་གསེར་སྐྱེམས་གཟུ་དཔང་དམིགས་བྱ་འགུགས་བསྟིམ་ཐུན་གྱིས་བྲབ་ནས་མནན་ཐོད་དུ་བཅུག་པ་རྣམས་སྔ་ཉིན་ནས་རྡོ་རྗེ་མཚམས་པ་སོགས་ཀྱིས་གྲུབ་པ་ཡོད་ན་དང༌། མ་གྲུབ་ན་ལིང་རྐྱང་སྒྲུབ་ཁང་གི་སྒོ་དྲུང་དུ་དོང་གྲུ་གསུམ་བྲུས་པའི་ནང་དུ་བཀོད་ལ་སློབ་དཔོན་གྱིས་གསེར་སྐྱེམས་ཐོགས་ཏེ། རྃ་ཡྃ་ཁྃ། འདོད་ཡོན་ཟག་པ་མེད་པ་བདུད་རྩིའི་རྒྱ་མཚོར་གྱུར། ཞེས་བྱིན་གྱིས་བརླབས་ནས། ཧཱུྃ༔ བྱིན་རླབས་མཆོག་སྩོལ་རྩ་བརྒྱུད་བླ་མ་དང༔ བླ་མ་བདེ་མཆོག་ཡི་དམ་ཞི་ཁྲོའི་ལྷ༔ སངས་རྒྱས་བྱང་སེམས་དཔའ་བོ་མཁའ་འགྲོ་ལ༔ གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔ མཐུ་སྟོབས་དབང་ཕྱུག་མ་མགོན་ལྕམ་དྲལ་དང༔ དྲེགས་པའི་སྡེ་དཔོན་ཆེན་པོ་སུམ་ཅུ་སོགས༔ ཡེ་ཤེས་ལས་ལས་གྲུབ་པའི་དམ་ཅན་ལ༔ གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔ ཕྱི་ནང་གསང་བ་གབ་སྦས་བསྟན་པ་སྐྱོང༔ དྲེགས་པ་སྡེ་བརྒྱད་ཡུལ་ལྷ་གཞི་བདག་སོགས༔ སྲིད་གསུམ་འབྱུང་པོ་མཐུ་སྟོབས་ཅན་རྣམས་ལ༔ གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔ ཅེས་གསེར་སྐྱེམས་བཏང༌། ཨེ་ཡཾ་རཾ་ཛྭ་ལ་རཾ། བྲུབ་ཁུང་ཡངས་ཤིང་གཏིང་ཟབ་པའི་ནང་དུ་ཏྲི་ལས་དམ་སྲི་ཕོ་མོ་རིད་ཅིང་ཉམ་ཐག་པའི་ལུས་ཅན་དུ་གྱུར། ན་མོ། རིག་འཛིན་སོགས་བདེན་སྟོབས་བརྗོད་པ་སྔོན་དུ་འགྲོ་བས། ཁྱད་པར་དུ་བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་མ་རུངས་པའི་སེམས་ཅན་ཡ་མ་དམ་སྲི་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཏྲི་ཡཾ་ཛཿ ཏྲི་བཛྲ་ཨངྐུ་ཤ་ཛཿ ཛཿཧཱུྃ་བྃ་ཧོཿ ཞེས་འགུགས་གཞུག་བྱས་ལ་སྐྱེར་པའི་ཕུར་ཆུང་གཅིག་མི་གཡོ་བར་བསྐྱེད་པ་སློབ་དཔོན་གྱི་ཕྱག་ཏུ་ཐོགས། ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ་བྷནྡྷ་བྷནྡྷ་ཧཱུྃ་ཕཊ྄༔ ཅེས་ཚར་གསུམ་གྱིས་གཟི་བྱིན་བསྐྱེད་ནས། ཧཱུྃ༔ དུར་ཁྲོད་ཆེན་པོའི་གནས་མཆོག་འདིར༔ སྒྲུབ་པའི་བར་ཆད་བྱེད་པའི་བགེགས༔ བཀའ་ལས་འདས་པའི་དམ་སྲི་རྣམས༔ གསད་ཅིང་གནན་པའི་དུས་ལ་བབ༔ ཧཱུྃ་མཛད་ཧཱུྃ་གི་ཁྲོ་བོ་ཨཱརྻ་ཨ་ཙ་ལ༔ སྤྲུལ་པའི་འོད་ཟེར་རྔམས་བརྗིད་དགྲ་བགེགས་འདུལ༔ དུར་ཁྲོད་བགེགས་ཀྱི་ཚོགས་འཇོམས་བཛྲ་ཀཱི་ལ་ཡ༔ ཡ་མ་དམ་སྲི་ཐལ་བའི་རྡུལ་དུ་རློག༔ ཨཱརྻ་ཨ་ཙ་ལ་དམ་སྲི་བྷནྡྷ་བྷནྡྷ་མཱ་ར་ཡ་ཕཊ྄༔ ཅེས་གནན་ཐོད་དམ་ལིང་ག་ལ་སློབ་དཔོན་གྱིས་སྐྱེར་པའི་ཕུར་ཆུང་བཏབ། ཐུན་རྫས་ཀྱིས་བྲབ། མནན་ཆས་དོང་ནང་དུ་བསྐྱུར། རོ་གཡམ་ལ་རི་གླིང་རྡོ་རྗེ་རྒྱ་གྲམ་བྲིས་པས་བཀབ་པའི་སྟེང་སཱཙྪ་ནག་པོས་མནན་རྗེས། ཐམས་ཅད་ཀྱིས་ཨཱརྻ་ཨ་ཙ་ལའི་སྔགས་བརྗོད་བཞིན་དུ་ས་ཆུ་མེ་རྣམས་ཀྱིས་རྒྱས་བཏབ་ནས་མི་མངོན་པར་བྱས་ལ་སློབ་དཔོན་གྱིས་རྡོ་རྗེས་རྒྱ་གྲམ་མདུན་དུ་མནན་ལ། ཧཱུྃ༔ རི་རབ་ཆེན་པོའི་རྨང་དུ་གནན༔ རྒྱ་མཚོ་ཆེན་པོའི་གཏིང་དུ་བསྐྱུར༔ གཤིན་རྗེ་ནག་པོའི་ལག་ཏུ་གཏད༔ ཆུ་སྲིན་གདུག་པའི་ཁ་རུ་བརྫངས༔ འཁོར་ལོ་འབར་བའི་ཕྱག་རྒྱས་མནན༔ བདུན་བརྒྱུད་རིགས་ནི་བརླག་པར་འགྱུར༔ ནམ་ཡང་ལྡང་བར་མི་ནུས་སོ༔ བྱང་ཆུབ་སེམས་ནི་སྐྱེས་ན་གཏོང༔ ཞེས་བརྗོད་ཅིང་དོན་བསམ་མོ། །དེའི་སྟེང་དུ་ཐམས་ཅད་ཀྱིས་སུམྦྷ་ནི་བརྗོད་བཞིན་ཏུ་ལག་པ་ལུ་གུ་རྒྱུད་དུ་སྦྲེལ་ནས། ཧཱུྃ་ཧཱུྃ༔ ང་ནི་པདྨ་དྲག་པོ་རྩལ༔ དཔལ་གྱི་རྟ་གདོང་རྔམས་བཞད་འཚེར༔ དབང་དྲག་འབར་བས་བྲོ་བརྡུངས་པས༔ ལོག་འདྲེན་འབྱུང་པོ་དབྱིངས་སུ་མནན༔ ཧ་ཧ་ཧི་ཧི་ཧཱུྃ་ཧཱུྃ་སྟྭཾ་བྷ་ཡ་ནན༔ ཞེས་བྲོ་བརྡུང་ངོ༌། །གཉིས་པ་སྒོ་བྱང་གདགས་པ་ནི། ར་སོག་གམ་རོ་རས་ལ་གཤིན་རྗེ་མངོན་རྟོགས་ལྟར་བྲིས་པའི་རྒྱབ་ཏུ་སྙིང་པོ་དང་འདོད་གསོལ་བཅས་བྲིས་པ་སྒོའི་ཐེམ་གྱི་ཕྱི་ངོས་སུ་བཏགས་པའི་མདུན་དུ་གཏོར་མ་གྲུ་གསུམ་དམར་པོ་མཐེབ་རིལ་གྱིས་མཚན་པ་དང༌། ཆུ་གཉིས་ཉེར་སྤྱོད་བཅས་བཤམས་པ་སྔར་ལྟར་བྱིན་གྱིས་བརླབས། སྐུ་རྟེན་ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཧཱུྃ་ལས་གཤིན་རྗེ་ཆོས་ཀྱི་རྒྱལ་པོ་མཐིང་ནག་འཁོར་ལོ་དང་ཐོད་དབྱུག་འཛིན་པ་ཁྲོ་གཏུམ་འཇིགས་པའི་ཆས་ཅན་མ་ཧེ་ལ་དོར་སྟབས་ཀྱིས་གནས་པའོ། །ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ ཞེས་སྤྱན་དྲངས་བསྟིམ། ཨོཾ་བཛྲ་ཀརྨ་ཡ་མ་རཱ་ཛ་ཧཱུྃ་ཕཊ྄༔ ཅེས་ཉེར་གཅིག་བཟླ། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱས་མཆོད་ལ། རང་སྔགས་ཀྱི་མཐར། བ་ལིཾ་ཏ་ནཱ་ནཱ་ཁཱ་དནྟུ་གྲྀ་ཧྞ་གྲྀཧྞཧཱུྃ་ཁཱ་ཧི་ཁཱ་ཧི༔ ཞེས་ལན་གསུམ་གྱིས་རྡོར་ཐལ་ཕྱེ་རྒྱས་གཏོར་མ་ཕུལ་ནས་ཕྲིན་ལས་གསོལ་བ་ནི། ཧཱུྃ༔ གསང་ཆེན་ལྷུན་གྲུབ་ཕོ་བྲང་ནས༔ ལས་ཀྱི་གཤིན་རྗེའི་བདག་པོ་ལ༔ བཅོམ་ལྡན་ཆོས་རྗེས་བཀའ་བསྩལ་ལྟར༔ དེ་བཞིན་རིག་འཛིན་སྒྲུབ་པ་པོས༔ བཀའ་གསང་གཞུང་བཞིན་འདི་བསྒྲུབས་ནས༔ ཡང་དག་དོན་ཆེན་དེང་སྒྲུབ་ན༔ འདི་ལ་གནོད་ཅིང་བར་གཅོད་པ༔ ལྷ་སྲིན་སྡེ་བརྒྱད་འབྱུང་པོ་ཀུན༔ ཁྱོད་ཀྱི་གཡོག་དང་འཁོར་ལགས་པས༔ རྣམ་པར་སྨིན་པའི་ཆོས་ཤོད་ལ༔ གསང་བ་མཆོག་གི་རྣལ་འབྱོར་པས༔ བླ་མེད་འབྲས་བུ་མ་ཐོབ་བར༔ ས་འདི་ཡན་ཆད་མ་བཏང་བར༔ ཕྱི་འཁོར་སྐྱོང་བའི་མུ་རན་ལ༔ རྡོ་རྗེའི་ཡལ་གམ་ཐུབ་པར་མཛོད༔ ཨོཾ་བཛྲ་ཡ་མ་རཱ་ཛ་ས་མ་ཡ་སྟྭཾ༔ ཞེས་རྟེན་ལ་མེ་ཏོག་འཐོར་ནས་བརྟན་བཞུགས་བྱ། སྒོ་ཐེམ་གྱི་ནང་དུ་བྲུབ་ཁུང་ཞིག་གི་ནང་དུ་ཟན་ལིང་ལ་སེང་ལྡེང་ངམ་སྐྱེར་པའི་ཕུར་བུའི་དབལ་ལ་མི་གཡོ་བའི་སྔགས་དང༌། མགུལ་དུ་རྒྱ་ཤོག་ལ་འདི་ཡན་ཆད་སུའང་མ་འདའ་ཞིག་ཅེས་བྲིས་ཏེ་བཏགས་པ་བཏབ། སྒོ་འདི་ཡན་ཆད་སུའང་མ་འདའ་ཞིག༔ ཅེས་བརྗོད། །གསུམ་པ་ནང་མཚམས་ལ་དང་པོ་མ་ཏྲཾ་བསྒྲལ་བ་ནི། དཀྱིལ་འཁོར་གྱི་གཞིར་མ་ཏྲཾ་གི་གཟུགས་བརྙན་མགོ་ལྷོ་ནུབ་ཏུ་བསྟན་པ་གན་རྐྱལ་དུ་བཞག །སྟེགས་བུའི་ཤར་ངོས་སུ་སློབ་དཔོན་ཞལ་ནུབ་བསྟན་གྱིས་ཕྱག་ཏུ་གཡབ་དར་དང་དྲིལ་བུ་བསྣམས་ནས། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀོ྅ཧཾ། བདག་ཉིད་བཛྲ་ཧེ་རུ་ཀའི་སྐུར་གྱུར། ཞེས་བརྗོད་ཅིང་སློབ་དཔོན་གྱིས་ལྕགས་ཀྱུའི་ཕྱག་རྒྱ་བཅིངས་ཏེ། མ་ཏྲཾ་ཀ་རུ་དྲ་ཛཿ ལན་བདུན་བརྗོད། ན་མོ། རིག་འཛིན་རྩ་བརྒྱུད་སོགས་བདེན་སྟོབས་བརྗོད་པ་སྔོན་དུ་འགྲོ་བས། ཁྱད་པར་དུ་བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་ངོ་བོ་དངོས་གྲུབ་ལ་བར་དུ་གཅོད་ཅིང་རྣམ་པ་མ་ཏྲཾ་རུ་དྲ་ཨཱ་ཀརྵ་ཡ་ཛཿ ཏྲི་ཡཾ་ཛཿ ཛཿཧཱུྃ་བྃ་ཧོཿ ཞེས་བཀུག་སྟེ་གཟུགས་ལ་བསྟིམ་ནས། ཧཱུྃ༔ མ་ཏྲཾ་བྱ་བའི་སྡིག་ཅན་ཁྱོད༔ སྔོན་ཡང་སྒྲུབ་པ་ཀུན་ལ་བསྒྲིབས༔ སྔོན་ཚེ་དཔལ་ཆེན་ཧེ་རུ་ཀས༔ བསྒྲལ་ནས་དུར་ཁྲོད་ཆེན་པོ་བྱས༔ ཁུངས་དང་རྫས་བཅས་བདག་ལས་བྱུང༔ བདག་མེད་སྟོང་པའི་ཐོ་བས་གཞོམ༔ ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ མ་ཏྲཾ་རུ་ཏྲ་ཛཿ ཁ་ཏྲཾ་རུ་ཏྲ་ཛཿ ཞེས་པས་ཆོས་དང་གང་ཟག་གི་བདག་ཆད་པར་ལྟ་བ་རྣམས་གཞོམ་པའི་དོན་དང༌། མ་ཏྲཾ་གི་གཟུགས་དེ་ཉིད་སློབ་དཔོན་གྱི་ཞབས་གཡས་པའི་དོར་སྟབས་ཀྱིས་མནན་ལ། ཧཱུྃ༔ མ་ཏྲཾ་བྱ་བའི་སྡིག་ཅན་ཁྱོད༔ རོལ་པའི་སྟབས་ཀྱིས་མནན་པ་ནི༔ འཇིགས་བྱེད་ཆེན་པོ་ཧེ་རུ་ཀས༔ མགོ་ནི་ལྷོ་ནུབ་མཚམས་སུ་བསྟན༔ རྐང་པ་བྱང་ཤར་མཚམས་སུ་བསྟན༔ ཁྲོ་རྒྱལ་ཞབས་ནི་གཡས་གཡོན་གྱིས༔ གྱད་ཀྱི་དོར་སྟབས་ཚུལ་དུ་མནན༔ ཨོཾ་མ་ཧཱ་ཤྲཱི་ཧེ་རུ་ཀ་དྲི་ཤྱ་ཧོཿ ས་མ་ཡ་སྟྭཾ༔ མ་ཧཱ་དེ་བ་རུ་དྲ་ཛཿ ཛཿཧཱུྃ༔ ཞེས་ལན་བདུན་བཟླ་ཞིང༌། ཐམས་ཅད་ཀྱིས་ལག་གཡས་ཀྱི་སོར་མོ་གསུམ་སྦྲེང་བ་ཁཊྭཱཾ་གའི་རྒྱས་སྙིང་གར་བསྣུན་ཚུལ་བྱས་ལ། གཟུགས་ཕུང་ཧྲུལ་གྱིས་ཞིག །མ་རིག་སྒོ་ལྔའི་སྦུབ་དྲལ། རྣམ་ཤེས་ཏྲི་ནག་པོར་གནས་པ་ཐུགས་ཀའི་འོད་ཀྱིས་སྦྱངས་པས་ཧཱུྃ་ཡིག་དཀར་པོར་གྱུར་པ་བདག་གི་ཐུགས་ཀར་ཐིམ་ནས་གཉིས་མེད་དུ་གྱུར་པར་བསམ། ལས་རྡོར་གྱིས་མ་ཏྲཾ་གི་ལྷུ་ཚིག་སོ་སོར་ཕྲལ་ནས་སྟེགས་བུའི་ལྷོ་ནུབ་ཏུ་མགོ །ནུབ་ཏུ་སྙིང༌། ནུབ་བྱང་དུ་ལག་གཡོན། བྱང་དུ་རྐང་གཡོན། བྱང་ཤར་དུ་གསང་གནས། ཤར་དུ་རྐང་གཡས། ཤར་ལྷོར་ལག་གཡས། ལྷོར་གློ་བ། དབུས་སུ་ཁོག་པ་བཅས་ཕྱོགས་མཚམས་སོ་སོར་བཀོད། སློབ་དཔོན་ཤར་དུ་གནས་པས། བྷྲཱུྃ་ཛྙཱ་ན་མཎྜ་ལ་བྷྲཱུྃ། ཐུགས་ཀ་ནས་བྷྲཱུྃ་འཕྲོས་ཁོག་པ་ལ་ཐིམ་པས་ཁོག་པ་དུར་ཁྲོད་རོལ་པའི་གཞལ་ཡས་ཁང་དུར་ཁྲོད་བརྒྱད་རྭ་བ་མེ་དང་བཅས་པས་བསྐོར་བར་གྱུར། ཐམས་ཅད་ཀྱི་ལག་གཡས་ཕྱི་དང་གཡོན་ནང་དུ་བྱས་པའི་ཁུ་ཚུར་དཔུང་མགོར་བསྣོལ་ཞིང༌། ཧཱུྃ་པྲ་བེ་ཤ་ཡ་ཕཊ྄༔ ཅེས་ལན་བདུན་བཟླས་ནས་རྒྱ་བཀྲོལ་ཏེ། དཀྱིལ་འཁོར་གྱི་སྒོ་ཤག་གིས་ཕྱེ་བར་གྱུར་པར་བསམ་ལ། དེ་ནས་སློབ་དཔོན་རྡོ་རྗེའི་འགྲོས་གར་གྱིས། ཧཱུྃ་ཧཱུྃ་ཧཱུྃ༔ ཧ་ཧ་ཧ༔ ཕཊ྄་ཕཊ྄་ཕཊ྄༔ ཅེས་བརྗོད་ནས་དཀྱིལ་འཁོར་ལ་གཡས་སུ་ལན་གསུམ་བསྐོར་ནས། དཀྱིལ་འཁོར་གྱི་ནང་དུ་ཚུད་པར་གྱུར། ཞེས་བརྗོད་ལ་སྟེགས་བུའི་དབུས་ཀྱི་ཁྲིའུ་ཁར་སློབ་དཔོན་ཞལ་ཤར་དུ་ཕྱོགས་པར་བཞུགས། །གཉིས་པ་སྲུང་འཁོར་བསྒོམ་པ་ནི། ཧཱུྃ༔ ང་ནི་མཉམ་ཉིད་ངང་གིས་ཁྲོ༔ ཐུགས་རྗེ་ཁྲོས་པའི་རང་རྩལ་ལས༔ རྡོ་རྗེ་མེ་མཚོན་ཁྲོ་ཚོགས་ཀྱིས༔ བགེགས་ཀྱི་སྦྱོར་བ་མཚམས་བཅད་དོ༔ བཛྲ་ཀྲོ་དྷ་རཀྵ་ཧཱུྃ༔ ཞེས་འདོན་བསྒོམ་བྱའོ། །གསུམ་པ་སྟ་གོན་བྱ་བ་ནི། ལྷ་དང༌། བུམ་པ་གཉིས་ལས། དང་པོ་ནི། དཀྱིལ་འཁོར་གྱི་གཞི་ལ་མེ་ཏོག་བཀྲམ། སྤོས་བཏུལ་ལ། བདག་ཉིད་ཧེ་རུ་ཀར་གསལ་བའི༔ ཐུགས་ནས་འཕྲོས་པའི་འོད་ཟེར་གྱིས༔ བླ་མ་བདེ་མཆོག་དཀྱིལ་འཁོར་ལྷ༔ མདུན་གྱི་ནམ་མཁར་སྤྱན་དྲངས་བསམ༔ བླ་མ་བདེ་མཆོག་འཁོར་ལོ་དང༔ ཞི་ཁྲོ་རབ་འབྱམས་ལྷ་ཚོགས་རྣམས༔ སྔོན་གྱི་ཐུགས་དམ་རྗེས་དགོངས་ལ༔ དཀྱིལ་འཁོར་དགྱེས་པ་བསྐྱེད་པ་དང༔ སློབ་མ་རྣམས་ལ་སྙིང་བརྩེ་བས༔ གནས་འདིར་དཔལ་ཆེན་ཧེ་རུ་ཀའི༔ ཕོ་བྲང་ཆེན་པོ་འདེབས་འཚལ་ན༔ ཐུགས་རྗེས་དགོངས་ཏེ་གནང་བ་དང༔ སྣོད་བཅུད་བྱིན་གྱིས་བརླབ་མཛད་གསོལ༔ ཞེས་ལན་གསུམ་གྱིས་གསོལ་བ་བཏབ་པས་ཐུགས་དགྱེས་པའི་ཚུལ་གྱིས། རྡོ་རྗེ་སློབ་དཔོན་སྙིང་རྗེ་ཆེ༔ ཁྱེད་ཀྱི་རང་གཞན་ཕན་གདགས་ཕྱིར༔ སྒྲུབ་པའི་ཆོ་ག་ཚུལ་བཞིན་གྱིས༔ བདེ་གཤེགས་རྒྱལ་བས་བྱིན་བརླབ་འགྱུར༔ གནང་བ་བསྩལ་ནས་འོད་དུ་ཞུ༔ བདག་དང་གནས་ལ་ཐིམ་པ་ཡིས༔ ཐ་མལ་སྣང་ཞེན་རབ་སྦྱངས་ཏེ༔ ཡེ་ཤེས་ཆེན་པོས་བྱིན་བརླབས་གྱུར༔ ཞེས་མོས། བླ་མ་བདེ་མཆོག་འཁོར་ལོའི་གཏེར་གཞུང་གི་དབང་ལ་སྟ་གོན་མེད་ཀྱང་འདི་ནི་དཀྱིལ་འཁོར་བྲི་བར་གནང་བ་ཞུ་བའི་དོན་ཡིན་པས་དབང་བསྐུར་དང་མི་འབྲེལ་ཡང་ངེས་པར་བྱ་དགོས་སོ། །གསུམ་པ་ནི། རིན་པོ་ཆེའི་བུམ་པ་དྲིའི་ཆུ་དང་སོ་ལྔའི་རྫས་སྦྱར་བ་ཁ་རྒྱན་མགུལ་ཆིངས་གཟུངས་རྡོར་ལྡན་པ་དང༌། ལས་ཀྱི་བུམ་པ་བཅས་སྟེགས་ལ་བཀོད་པའི་མདུན་དུ་སྨན་གཏོར་རཀྟ། ཕྱི་མཆོད་བསྐོར་བཤམས་བྱས་ལ། བསང་སྦྱང༌། སྟོང་པའི་ངང་ལས་བུམ་པ་རང་བྱུང་གི་དུར་ཁྲོད་དྲག་པོའི་གཞལ་ཡས་ཁང་མཚན་ཉིད་ཡོངས་སུ་རྫོགས་པའི་ནང་དུ་བླ་མ་བདེ་མཆོག་དཀྱིལ་འཁོར་གྱི་ལྷ་ཚོགས་སྐད་ཅིག་གིས་གསལ་བའི་གནས་གསུམ་རྡོ་རྗེ་གསུམ་གྱིས་བྱིན་གྱིས་བརླབས། ཡེ་ཤེས་ལྔའི་དབང་བསྐུར་བར་གྱུར། ཨོཾ་ཤྲཱི་ཧེ་རུ་ཀ་སརྦ་མཎྜ་ལ་ཧཱུྃ། ཨོཾ་ཨཱཿཧཱུྃ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཧྲཱིཿ་ཧཱུྃ་ཏྲཱྃ་ཨོཾ་ཨཱཿ ཨ་བྷི་ཥིཉྩ་མཾཿ ཤྲཱི་ཧེ་རུ་ཀ་མཎྜ་ལ་ས་པ་རི་ཝཱ་ར་ཨེ་ཧྱེ་ཧིཿ བཛྲ་ས་མཱ་ཛཿ ས་མ་ཡ་ཛྙཱ་ན་ཛཿཧཱུྃ་བྃ་ཧོཿ ཨ་ཏི་པུ་ཧོཿ པྲ་ཏཱིཙྪ་ཧོཿ མཆོད་པ་འབུལ་བ་ནི། ཨོཾ་ཨཱཿཧཱུྃ༔ ལྷ་རྫས་དྲག་པོའི་ཉེར་སྤྱོད་བསམ་མི་ཁྱབ༔ བདེ་སྟོང་ཟུང་འཇུག་ཡེ་ཤེས་དབྱིངས་སུ་སྦྱོར༔ སྨན་རཀ་གཏོར་ཚོགས་མཆོད་པའི་སྤྲིན་ཆེན་པོས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པྲ་ཏཱིཙྪ་སྭཱ་ཧཱ༔ བོ་དྷི་ཙིཏྟ་ག་ཎ་གུ་ཧྱ་པཱུ་ཛ་ཧོཿ མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ བསྟོད་པ་བྱ་བ་ནི། ཧཱུྃ་ཧྲཱིཿ མ་བཅོས་སྤྲོས་བྲལ་བླ་མ་ཆོས་ཀྱི་སྐུ༔ བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ༔ པད་སྡོང་ལས་འཁྲུངས་བླ་མ་སྤྲུལ་པའི་སྐུ༔ སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད༔ གཟུངས་ཐག་བླང་ལ། རང་སྲོག་སྔགས་ཀྱི་འོད་ཟེར་གཟུངས་ཐག་ལ༔ འཁྲིལ་ནས་བུམ་པའི་ལྷ་ཚོགས་ཐུགས་ཀར་ཞུགས༔ དེ་དག་སྐུ་ལས་བྱང་སེམས་བདུད་རྩིའི་རྒྱུན༔ བབ་པས་བུམ་ཆུར་གཉིས་མེད་རོ་གཅིག་གྱུར༔ ཞེས་དམིགས་ལ་བསྙེན་སྒྲུབ་ཀྱི་སྔགས་ཅི་ནུས་བཟླ། ལས་བུམ་དུ་སྐད་ཅིག་གིས་ཁྲོ་བོ་རྟ་མགྲིན་དམར་པོ་གཡས་པདྨའི་དབྱུག་ཏོ་དང༌། གཡོན་མེ་ཡི་ཞགས་པ་ཐོགས་པར་གསལ་བའི་སྐུ་ལས་རྡོ་རྗེ་བདུད་རྩིའི་རྡུལ་ཕྲ་རབ་བབ་པས་བུམ་པ་གང་བར་བསམ་ལ། ཨོཾ་ཧ་ཡ་གྲཱྀ་བ་ཧཱུྃ་ཕཊ྄༔ ཅེས་བཟླས་མཐར་དུང་ཞལ་གྱི་མཆོད་ཡོན་ཕུལ་ལ། ལྷ་རྣམས་བདེ་བ་ཆེན་པོའི་ངོ་བོར་འོད་དུ་ཞུ་ནས་བུམ་པའི་ཆུ་དང་རོ་གཅིག་པར་གྱུར། །བཞི་པ་རྟེན་གྱི་དཀྱིལ་འཁོར་བཅའ་བ་ལ། དང་པོ་ཆག་ཆག་གདབ་པ་ནི། བདུད་རྩི་ལྔ་ཆང་དང་སྦྱར་བས་དཀྱིལ་འཁོར་གྱི་གཞིར་བྱང་ཤར་ནས་གཡས་བསྐོར་དུ་ཁྱེམས་མེད་པར་བྱུགས་ཤིང༌། ཧཱུྃ༔ ཚེ་མཆོག་འཛིན་པའི་དངོས་གྲུབ་དྲི༔ བྱང་ཆུབ་སེམས་ནི་དཀར་བས་ན༔ མཱཾ་ས་ཡོན་ཏན་ཀུན་དང་ལྡན༔ རཀྟ་ཆགས་པའི་གནས་ཆེན་པོ༔ བདུད་རྩི་གུར་གུམ་དྲི་ཡི་ཆུ༔ གདོད་ནས་དག་པའི་རྩ་བ་ལྔ༔ ཉོན་མོངས་དུག་ལྔ་འཁོར་བའི་རྒྱུ༔ ཡེ་ཤེས་རྣམ་ལྔར་བྱིན་བརླབས་ནས༔ དཀྱིལ་འཁོར་དགུ་རུ་ལྷུན་གྱིས་གྲུབ༔ ཨོཾ་མ་ཧཱ་ཧེ་རུ་ཀ་པཱཉྩཨ་མྲྀ་ཏ་ཛྙཱ་ན་མཎྜ་ལ་ཧཱུྃ༔ ཞེས་བརྗོད། དེ་ནས་ཐིག་ཚོན་གྱི་བྱ་བ་ནི། དེང་སང་ཕལ་ཆེར་གྱིས་མི་འགྲུབ་པ་མང་བས་འདིར་མ་བཀོད་ལ། རས་བྲིས་ཀྱི་དབང་དུ་བྱས་ཏེ་དཀྱིལ་འཁོར་གང་དུ་བྱ་བའི་སྟེགས་བུར་ཞི་དཀྱིལ་སྤྱི་འགྲོའི་རས་བྲིས་བཀྲམ་པ་བཅས་བསྙེན་པའི་ལས་རིམ་ཉིན་དང་པོའི་བྱ་བའོ། །དེ་ནས་རྒྱན་བཀོད་པ་ནི། སྒྲུབ་རྫས་སྐུ་རྟེན་བདེ་མཆོག་གི་སྐུ་ལི་མ་བྱིན་ལྡན་དང༌། བླ་མ་བདེ་མཆོག་གི་སྐུ་བྲིས་འབུར་གང་རུང༌། གསུང་རྟེན་བདེ་མཆོག་རྩ་རྒྱུད་ཀྱི་གླེགས་བམ་དང༌། མ་འབྱོར་ན་སྔགས་བྱང་དར་དམར་སེར་ལ་གསེར་གྱིས་བྲིས་པ། ཐུགས་རྟེན་རྡོར་དྲིལ། ཡོན་ཏན་གྱི་རྟེན་བདུད་རྩི་ཆོས་སྨན་གྱིས་བཀང་བའི་བྷནྡྷ་ཁ་སྦྱོར། ཕྲིན་ལས་ཀྱི་རྟེན་ཕུར་པ་ཁྲོ་ཞལ་ཅན་དང་བྷནྡྷ་ཞུན་ཆེན་ཆོས་སྨན་གྱིས་སྦགས་པ་སྡོང་བུ་དགུ་བཙུགས་པ་དང༌། རྒྱལ་མཚན་དང༌། བ་དན། རལ་གྲི། མདའ་དར་བཅས་བཞི་བཞི། ཚོན་སྐུད་དྲ་བ། ཉེར་སྤྱོད་སྨན་རཀ་གཏོར་མ་ཚོགས་རྣམས་བརྒྱ་རྩ། སྒྲུབ་པའི་ཡོ་བྱད་ཐོད་རྔ། རྡོར་དྲིལ། རོལ་མོ་སོགས་དང༌། དཀྱིལ་འཁོར་མདུན་དུ་བཀོད་རྒྱུའི་བླ་གཏོར་དམར་པོ། གཡས་སུ་ཡེ་ཤེས་མགོན་པོ་ཕྱག་བཞི་གཙོ་བོར་གྱུར་པའི་ཕོ་རྒྱུད། གཡོན་དུ་སྔགས་སྲུང་སོགས་མོ་རྒྱུད་ཀྱི་གཏོར་མ་རྒྱན་སྤྲོས་ཅན་གྲབས་སུ་ཚུད་པར་བྱས་ནས་སྟེགས་གཞན་དུ་བཀོད། བདག་གི་རྣལ་འབྱོར་སྔོན་དུ་འགྲོ་བས་བཟླས་པ་བསྡུ་ལྡང་བཅས་བྱ། འདུས་པ་རྣམས་ཞྭ་ཆོས་བཅས་དཀྱིལ་འཁོར་མདུན་ཁྲོམ་ཚོགས་སུ་བཞེངས་ལ། ཧཱུྃ་ཧཱུྃ་ཧཱུྃ་བི་ཤྭ་བཛྲ་སོགས་དང༌། སུམྦྷ་ནི་བརྗོད་ཅིང་རོལ་མོ་བཅས་སློབ་དཔོན་གྱིས་ཡུངས་ཐུན་འཐོར། ལས་རྡོར་གྱིས་གུ་གུལ་བདུག་ལ་རྟེན་གྱི་བགེགས་བསལ། རྡོ་རྗེ་སློབ་དཔོན་གྱིས་དྲིལ་སྤོས་བཅས་སྣ་དྲངས། རྒྱལ་ཚབ་པ། ཡུམ་བཟང་མོ། རྒྱལ་ཐེབས་སོགས་ཀྱིས་སྐུ་གསུང་ཐུགས་རྟེན་ནས་མཆོད་རྫས་བར་རིམ་པར་ཐོག །སྒྲུབ་སྔགས་ཀྱི་ཛཔ྄་དབྱངས་དང་འཇམ་རོལ་སྐབས་དཀྱིལ་འཁོར་ལ་གཡས་སུ་ལན་གསུམ་བསྐོར་ནས་མདུན་དུ་འཁོད་ལ་དྲིལ་གདངས་བཅས། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་སྐུ་ནི་མཁའ་དང་མཉམ༔ ཕྱག་རྒྱའི་རྟེན་དང་དབྱེར་མེད་བཞུགས༔ སྐུ་ཡི་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཀཱ་ཡ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཐོད་སྐུ་དཀྱིལ་འཁོར་གྱི་དབུས་སུ་རིན་པོ་ཆེའི་སྣོད་འབྲུས་བཀང་བ་ལ་བཞུགས་སུ་གསོལ། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་གསུང་དབྱངས་མི་ཤིགས་སྒྲ༔ སྔགས་ཀྱི་རྟེན་དང་དབྱེར་མེད་བཞུགས༔ གསུང་གི་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཝཱཀ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་སྔགས་བྱང་ནུབ་ཏུ་བཀོད། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་ཐུགས་ནི་འོད་གསལ་དབྱིངས༔ ཕྱག་མཚན་རྟེན་དང་དབྱེར་མེད་བཞུགས༔ ཐུགས་ཀྱི་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཙིཏྟ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་རྡོར་དྲིལ་ཤར་དུ་དགོད། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་ཡོན་ཏན་ལྷུན་གྱིས་གྲུབ༔ བདུད་རྩིའི་རྟེན་དང་དབྱེར་མེད་བཞུགས༔ ཡོན་ཏན་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། གུ་ཎ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་སྨན་ཐོད་ལྷོར་དགོད། ཧཱུྃ༔ བླ་མ་བདེ་མཆོག་འཁོར་ལོ་ཡི༔ རྡོ་རྗེའི་ཕྲིན་ལས་ཐོགས་མེད་ཁྱབ༔ ཕུར་བུའི་རྟེན་དང་དབྱེར་མེད་བཞུགས༔ ཕྲིན་ལས་བྱིན་རླབས་དངོས་གྲུབ་སྩོལ༔ བསྙེན་སྒྲུབ་སྔགས་མཐར། ཀརྨ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་ཕུར་བུ་བྱང་དུ་དགོད། ཧཱུྃ༔ ཆོས་ཉིད་གཅིག་ལས་རིག་རྩལ་དགུ༔ གཟི་བརྗིད་སྒྲོན་མེ་འོད་གསལ་བ༔ ཡེ་ཤེས་ཀློང་དགུའི་རྟེན་དུ་བཞུགས༔ ཡེ་ཤེས་བྱིན་རླབས་དངོས་གྲུབ་སྩོལ༔ བསྙེན་སྒྲུབ་ཀྱི་སྔགས་མཐར། དཱི་པཾ་ཛྙཱ་ན་དྷཱ་ཏུ་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ ཞེས་བྷནྡྷའི་མར་མེ་དབུས་ཀྱི་ཐོད་སྐུའི་མདུན་དུ་དགོད། ཧཱུྃ༔ དཀྱིལ་འཁོར་ཆེན་པོའི་གཞལ་ཡས་ཕོ་བྲང་ནི༔ མཉམ་ཉིད་དོན་གྱི་ཁྱད་པར་དབྱེར་མེད་ཀྱང༔ ཀུན་རྫོབ་རིགས་ལ་ཕྱི་ནང་བྱེ་བྲག་གསལ༔ མ་འདྲེས་ཁ་དོག་སོ་སོར་གསལ་བཀྲ་ཞིང༔ ཁྱད་པར་ཡོན་ཏན་མཛེས་པའི་རྒྱན་བྲེས་པས༔ ཕྱོགས་བཞི་མཚམས་དང་སྟེང་འོག་ཐམས་ཅད་དུ༔ ཕོ་བྲང་རྒྱན་དང་ལྡན་པར་བཞུགས་སུ་གསོལ༔ བྷྲཱུྃ་བི་ཤྭ་བི་ཤུདྡྷེ་རཏྣ་ཏྲཱྃ་ས་མ་ཡ་ལྷན༔ ཞེས་ཕྱོགས་བཅུར་ཕུར་བུ། ཕྱོགས་བཞིར་རལ་གྲི་དང་འཕན་བཞི། མཚམས་བཞིར་མདའ་དར་དང་རྒྱལ་མཚན་བཞི་བཙུགས་ལ་ཚོན་སྐུད་དྲ་བས་སྦྲེལ་བའམ། སྒབ་བསྐོར་དང་གདུགས་ལ་སོགས་པས་བརྒྱན་ཚུལ་མཛད། དེ་ནས་བརྡ་སྒོ་དབྱེ་ཞིང་ཕྱག་འཚལ་བ་ནི། ཧཱུྃ༔ གཉིས་འཛིན་རྟོག་པས་བཅད་པའི་བརྡ་ཡི་སྒོ༔ རིག་པ་ཡེ་ཤེས་ཆེན་པོའི་ངང་དུ་དབྱེ༔ ལྷུན་རྫོགས་བྱང་ཆུབ་སེམས་ཀྱི་དཔལ་ཆེན་པོ༔ མངོན་སུམ་རིག་ངོར་མཇལ་བའི་ཕྱག་གིས་འདུད༔ བྷྲཱུྃ་ཛྙཱ་ན་མཎྜ་ལ་པྲ་བེ་ཤ་ཡ་ཕཊ྄༔ ཨ་ལ་ལ་ཧོཿ ཨ་ཏི་པཱུ་ཧོཿ པྲ་ཏཱིཙྪ་ཧོཿ རྒྱུད་དག་ཅིང་སྣོད་དུ་རུང་བའི་ཕྱིར་བཤགས་པ་བྱ་བ་ནི་གནོང་འགྱོད་གདུང་ཤུགས་དང་བཅས་པས། ཧོཿ དོན་དམ་དམིགས་མེད་སྤྲོས་དང་བྲལ་བ་ལ༔ ཉམས་དང་བཤགས་པར་བྱ་བར་མ་དམིགས་ཀྱང༔ ཀུན་རྫོབ་འཁྲུལ་པའི་དབང་གིས་ལས་བསགས་པ༔ སྙིང་ནས་འགྱོད་པས་མཐོལ་བཤགས་བཟོད་པར་བཞེས༔ ཡི་གེ་བརྒྱ་པ་བརྗོད། སྤྲོ་ན་སྤྱི་བཤགས་ཡེ་ཤེས་སྐུ་མཆོག་སོགས་ཀྱང་བྱའོ། ཧོཿ བདག་གིས་མཁའ་ཁྱབ་འགྲོ་བ་ཀུན་དོན་དུ༔ སྤྱི་དང་ཁྱད་པར་ལྷག་པའི་དམ་ཚིག་གཟུང༔ དཔལ་ཆེན་ལྷ་ཚོགས་རྩེ་གཅིག་བསྒྲུབ་ལགས་ན༔ ཡེ་ཤེས་ཆེན་པོའི་བྱིན་གྱིས་བརླབ་ཏུ་གསོལ༔ སརྦ་མ་ཧཱ་ཡོ་ག་ས་མ་ཡ་བོ་དྷི་ཙིཏྟ་ཨུ་ཏྤཱ་ད་ཡ་མི༔ དབང་མ་ཐོབ་པའི་མཆེད་གསར་བུ་རྣམས་དཀྱིལ་འཁོར་གྱི་བྱང་ཤར་ལྟ་བུར་ལོགས་སུ་དབྱེ། སློབ་དཔོན་གྱི་མདུན་དུ་རྡོར་དྲིལ། བདུད་རྩི། ཡུངས་ཐུན་སོགས་བཀོད་ནས་བདུད་རྩི་བྱིན་རླབས་ཀྱི་སྔགས་ལན་གསུམ་སྔོན་དུ་འགྲོ་བས་ལས་བྱང་ལྟར་སྨན་མཆོད་འབུལ། དེ་ནས་སློབ་དཔོན་གྱིས། བདག་ཉིད་བླ་མ་བདེ་མཆོག་ལྷར་གསལ་བའི་ཐུགས་ཀ་ནས་ཡ་ལས་ལྕགས་སྡིགས་མགོ་དགུ་རྭ་བཅོ་བརྒྱད་པ་སྤྲོས། དེ་ལས་ཡེ་ཤེས་ཀྱི་མེ་འབར་བས་སློབ་བུའི་སྡིག་སྒྲིབ་ཐམས་ཅད་བསྲེགས་པར་བསམ་ཞིང༌། ཨོཾ་ཨཱཿཧཱུྃ་བཛྲ་ཡཀྵ་ཀྲོ་དྷ་ཧ་ན་ཧ་ན་ཧཱུྃ་ཧཱུྃ་ཕཊ྄༔ ཅེས་བཟླ་ཞིང་ཡུངས་ཐུན་གྱིས་བྲབ། བགེགས་ལ་བཀའ་བསྒོ་བ་ནི། ཧཱུྃ༔ རྩ་གསུམ་ལྷ་ཡི་དཀྱིལ་འཁོར་འདིར༔ བགེགས་ཚོགས་འདུག་པའི་སྐབས་མེད་པས༔ རང་རང་གནས་སུ་བདེ་བར་དེངས༔ འདས་ན་བརླག་པར་གདོན་མི་ཟ༔ དྲག་སྔགས་སྤོས་རོལ་གིང་དང་མེ་ཆུའི་ཐུན་སོགས་ཚམས་རྔམས་དང་གྲྭ་མང་གིས་འཇམ་རོལ་དང་བཅས་བགེགས་བསྐྲད། རྡོ་རྗེ་སློབ་དཔོན་སངས་རྒྱས་དཔལ་སོགས་ཀྱི་རྗེས་ཟློས་གསར་བུ་རྣམས་ལ་བྱེད་དུ་བཅུག །སྙིང་གར་རང་འདྲའི་ཡེ་ཤེས་སེམས་དཔའ་ཚོན་གང་བར་བསྒོམས་ལ་བྱིན་གྱིས་བརླབས་པའི་བདུད་རྩི་ལྕེ་ཐོག་ཏུ་ལན་གསུམ་བཞག་ནས། ཧཱུྃ༔ ཇི་སྙེད་སངས་རྒྱས་ཐམས་ཅད་དང༔ བྱང་ཆུབ་སེམས་དཔའ་རྡོ་རྗེ་འཛིན༔ དེ་བཞིན་སྒྲུབ་པའི་རྣལ་འབྱོར་པ༔ དེ་དག་ལ་ནི་སྙིང་རིང་ན༔ རྡོ་རྗེ་ཡཀྵ་གནོད་སྦྱིན་གྱིས༔ ཁྱོད་ཀྱི་སྙིང་ལ་ཞུགས་ཏེ་འཐུང༔ སྙིང་ལ་ཡང་དག་གནས་པའོ༔ འདི་ནི་སེམས་ཅན་དམྱལ་བའི་ཆུ༔ དམ་ཚིག་ཉམས་ན་སྲེག་པར་བྱེད༔ དམ་ཚིག་བསྲུངས་ན་དངོས་གྲུབ་ནི༔ རྡོ་རྗེ་བདུད་རྩིའི་ཆུ་འདིས་འགྲུབ༔ ཅེས་བྱིན་པ། སློབ་མས་ཀྱང༌། ཨི་དན་ན་ར་ཀན་ས་མ་ཡ་ཡཀྵ་ཧཱུྃ༔ ཞེས་མྱངས་པ་སྙིང་གའི་ཡེ་ཤེས་སེམས་པ་ལ་ཐིམ་ནས་དབྱེར་མེད་དུ་གྱུར་པར་བསམ་མོ། །འདྲེས་ཟིན་བསྣན་པ་ནི། རྒྱལ་ཚབ་པས་བདུད་རྩི་གཡོན་བསྐོར་དུ་མཆེད་གསར་རྙིང་ཐམས་ཅད་ལ་བྲིམ་ཞིང༌། སྒྲུབ་སྔགས་ཀྱི་དབྱངས་ལན་གསུམ་མཇུག་ཏུ་འཇམ་རོལ་དང་བཅས་བདུད་རྩི་མྱངས་ནས་ཐམས་ཅད་ཀྱིས། ཨོཾ༔ དཔལ་ལྡན་སངས་རྒྱས་སྐུ་འཆང་བ༔ རྡོ་རྗེ་མི་ཕྱེད་སྐུ་དང་ལྡན༔ དེང་བདག་སངས་རྒྱས་ཐམས་ཅད་ཀྱི༔ རྡོ་རྗེ་སྐུ་ཡི་དངོས་གྲུབ་སྩོལ༔ ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཨཱཿ དཔལ་ལྡན་སངས་རྒྱས་གསུང་འཆང་བ༔ རྡོ་རྗེ་མི་ཕྱེད་གསུང་དང་ལྡན༔ དེང་བདག་སངས་རྒྱས་ཐམས་ཅད་ཀྱི༔ རྡོ་རྗེ་གསུང་གི་དངོས་གྲུབ་སྩོལ༔ ཨཱཿསརྦ་ཏ་ཐཱ་ག་ཏ་ཝཱཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཧཱུྃ༔ དཔལ་ལྡན་སངས་རྒྱས་ཐུགས་འཆང་བ༔ རྡོ་རྗེ་མི་ཕྱེད་ཐུགས་དང་ལྡན༔ དེང་བདག་སངས་རྒྱས་ཐམས་ཅད་ཀྱི༔ རྡོ་རྗེ་ཐུགས་ཀྱི་དངོས་གྲུབ་སྩོལ༔ ཧཱུྃ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་དང༌། སློབ་དཔོན་གྱིས། དེང་ཕྱིན་ཆད་མཆེད་གསར་རྙིང་ཐམས་ཅད་སྐལ་པ་མཉམ་ཞིང་དམ་ཚིག་གཅིག་ཏུ་འདུས་པ་ཡིན་པས་དམ་ཚིག་གཞུང་བཞིན་དུ་བསྲུང་བར་གྱིས་ཤིག །ཅེས་བསྒོ། ཐམས་ཅད་ཀྱིས་ཕྱག་ཐལ་སྦྱར་བར་དུ་མེ་ཏོག་བཟུང་ལ། སྐུ་གསུང་ཐུགས་ཀྱི་རྡོ་རྗེ་སློབ་དཔོན་དང༔ དམ་ཚིག་འབྲེལ་བའི་མཆེད་དང་ལྕམ་དྲལ་གྱིས༔ སྒྲུབ་མཆོག་རྣམས་སུ་བྱིན་གྱིས་བརླབས་པ་ཡི༔ བཀའ་དྲིན་རྗེས་སུ་དྲན་ཕྱིར་གཏོང་རག་གཏོང༔ ཞེས་དྲིན་ལེན་གྱི་མེ་ཏོག་འཐོར། དེ་ནས་རྡོ་རྗེའི་གྲལ་དུ་བཞག་པ་ནི། མཆེད་གསར་བུ་རྣམས་རང་རང་གི་གྲལ་དུ་འཁོད་ནས། རྩ་བ་སྐུ་གསུང་ཐུགས་ཀྱི་དམ་ཚིག་དང༔ བསྙེན་སྒྲུབ་རྣམ་བཞི་བསྟེན་ཅིང་བསྒྲུབ་པ་དང༔ ཡི་དམ་ལྷ་མཆོག་ཛཔ྄་བསྙེན་བགྲང་བའི་ཕྱིར༔ དམ་ཚིག་རྡོ་རྗེའི་གྲལ་དུ་མཆི་བར་གནང༔ ཞེས་བརྗོད་ཅིང་ལྷ་ཡི་ང་རྒྱལ་དང་ལྡན་པས། ཨོཾ་མ་ཧཱ་བཛྲ་ཧཱུྃ༔ ཞེས་རྡོ་རྗེ་ཐུགས་ཀར་གསོར་བ་དང༌། ཨོཾ་བཛྲ་གྷཎྜེ་ཧཱུྃ། ཞེས་དྲིལ་བུ་དཀྲོལ་ཞིང་དཀུར་བསྟེན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཨཱཏྨ་ཀོ྅ཧཾ། ཞེས་ཐུགས་ཀར་འཁྱུད་རྒྱ་བྱས་ལ་དྲིལ་བུ་དཀྲོལ་བ་དང་རོལ་ཆེན་བརྒྱ་བརྡུང་སོགས་རོལ་མོའི་སྒྲ་ཆེར་བསྒྲགས་སོ། །ལྔ་པ་སྒྲུབ་པ་པོ་རྣམས་མངའ་གསོལ་ཞིང་གནས་སུ་འགོད་པ་ནི། རྒྱལ་ཐེབས་གཙོ་བོས་གཏོང་ཐུན་སྔོན་དུ་འགྲོ་བས་དབྱངས་འོར་ལེན་དང༌། ལས་ཀྱི་རྡོ་རྗེས་ཐོད་ཆང་གཞུང་ཚིག་དང་བསྟུན་སོ་སོར་དྲངས་ལ། ཧོཿ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ རྡོ་རྗེ་རྒྱལ་པོ་དཀྱིལ་འཁོར་འདུས་པའི་གཙོ༔ ཉོན་མོངས་བདུད་འཇོམས་ཡེ་ཤེས་ལྔ་ཡི་བདག༔ བསྟན་པའི་སྒྲོན་མེར་མངའ་གསོལ་དགྱེས་པར་བཞུགས༔ རྡོ་རྗེའི་གདུང་འཚོབ་ཕྲིན་ལས་རྣམ་བཞིའི་བདག༔ རྒྱལ་ཚབ་སློབ་དཔོན་མངའ་གསོལ་དགྱེས་པར་བཞུགས༔ ཤེས་རབ་དབྱིངས་ལས་བདེ་བའི་ཡེ་ཤེས་སྟེར༔ ཀུན་བཟང་ཡུམ་དུ་མངའ་གསོལ་དགྱེས་པར་བཞུགས༔ བསྐྱེད་རིམ་གསལ་སྟོན་ལས་ཀྱི་གཞུང་བསྲང་མཛད༔ རྡོ་རྗེ་ཕྲིན་ལས་མངའ་གསོལ་དགྱེས་པར་བཞུགས༔ མཆོད་པའི་བྱ་བས་དཀྱིལ་འཁོར་དགྱེས་པ་བསྐྱེད༔ ལས་ཀྱི་རྡོ་རྗེར་མངའ་གསོལ་དགྱེས་པར་བཞུགས༔ ཕྱི་ནང་དྲོད་ཚད་དུས་དང་རྟགས་རྣམས་མཁྱེན༔ རྡོ་རྗེ་སྲིན་པོར་མངའ་གསོལ་དགྱེས་པར་བཞུགས༔ དངོས་གྲུབ་ལྟས་མཐོང་བར་ཆད་གཟིར་ཞིང་སྐྲོད༔ རྡོ་རྗེ་སྤྱན་པར་མངའ་གསོལ་དགྱེས་པར་བཞུགས༔ ཕྱི་ནང་ཉུལ་ལེ་འབྱུང་པོ་ཐོགས་མེད་བསྒྲལ༔ རྡོ་རྗེ་གིང་ཆེན་མངའ་གསོལ་དགྱེས་པར་བཞུགས༔ དགྲ་བགེགས་གནས་སྤོར་གཟུགས་ཕུང་ཞལ་དུ་སྟོབ༔ སྒྲོལ་གིང་ལས་མཛད་མངའ་གསོལ་དགྱེས་པར་བཞུགས༔ འདུ་བར་འོས་མིན་སྲུང་བའི་ཕྲིན་ལས་མཛད༔ རྡོ་རྗེ་མཚམས་པར་མངའ་གསོལ་དགྱེས་པར་བཞུགས༔ ཚོགས་ཀྱི་བྱ་བ་གཙང་ཞིང་དག་པར་སྦྱོར༔ རྡོ་རྗེ་ཕྱག་ཚངས་མངའ་གསོལ་དགྱེས་པར་བཞུགས༔ ཕྱི་ཡི་ཉུ་ལེ་བསྐྲོད་ཅིང་ལས་རྣམས་སྒྲུབ༔ རྡོ་རྗེ་རྡུལ་ཕྱག་མངའ་གསོལ་དགྱེས་པར་བཞུགས༔ ཛཔ྄་བསྙེན་གསལ་དག་རྒྱུན་མི་ཆད་པར་སྒྲོགས༔ རྡོ་རྗེ་མཆེད་ལྕམ་མངའ་གསོལ་དགྱེས་པར་བཞུགས༔ ཞེས་མངའ་གསོལ་ཞིང་ལས་ཀྱི་བསྐོས་གདག །རང་གྲལ་དེ་ལས་མ་འཆུག་པར་བྱ་དགོས་སོ། །བྱིན་དབབ་པ་ནི། སློབ་དཔོན་གྱིས་གཡབ་དྲིལ་ཐོགས་པས་དཀྱིལ་འཁོར་མདུན་དུ་འཁོད། ལས་རྡོར་གྱིས་སྦྱར་སྤོས་དང་གཡབ་དར་ཐོགས་པས་སྣ་དྲངས་ཏེ། ཧཱུྃ༔ བཞེངས་ཤིག་པདྨ་འབྱུང་གནས་སོགས་ཀྱིས་བསྐུལ། ཧཱུྃ༔ ངོ་བོ་ཆོས་སྐུའི་ཕོ་བྲང་ནས༔ རྩ་བརྒྱུད་བླ་མ་གཤེགས་སུ་གསོལ༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ རང་བཞིན་ལོངས་སྐུའི་ཕོ་བྲང་ནས༔ ཡི་དམ་ལྷ་ཚོགས་གཤེགས་སུ་གསོལ༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ ཐུགས་རྗེ་སྤྲུལ་སྐུའི་ཞིང་ཁམས་ནས༔ གནས་གསུམ་དཔའ་བོ་རྣལ་འབྱོར་མས༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ ལེགས་ཉེས་སྟངས་འཛིན་ཕོ་བྲང་ནས༔ ཆོས་སྲུང་དམ་ཅན་རྒྱ་མཚོ་ཡིས༔ གནས་འདིར་དབང་བསྐུར་བྱིན་ཕོབ་ལ༔ མཆོག་དང་ཐུན་མོང་དངོས་གྲུབ་སྩོལ༔ སྒྲུབ་མཆོག་རྒྱུད་ལ་བདེ་ཆེན་སྤོར༔ སྒྲུབ་གནས་རྡོ་རྗེའི་ཞིང་དུ་བསྒྱུར༔ སྒྲུབ་རྫས་ཡེ་ཤེས་རོལ་པའི་རྒྱན༔ འདོད་ཡོན་རྒྱ་མཚོར་བྱིན་གྱིས་རློབས༔ ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་སརྦ་ས་མ་ཡ་བཛྲ་ཛྙཱ་ན་ཨ་བེ་ཤ་ཡ་ཨ་ཨ་ཨཿ ཧྲཱིཾ་ཧྲཱིཾ་ཕེཾ་ཕེཾ༔ ཧཱུྃ་ཧཱུྃ་ཧཱུྃ༔ བྱིན་འབེབས་དབྱངས་བཅས་ཀྱི་གཤམ་དུ་བརྒྱུད་གསུམ་རོལ་མོའི་སྐབས་དཀྱིལ་འཁོར་ལ་ལན་གསུམ་བསྐོར་ལ་རང་གྲལ་དུ་འཁོད། བསྔོ་བ་སྨོན་ལམ་བྱས་ལ་གྲོལ། དེ་དག་ནི་ཉེ་བར་བསྙེན་པ་སྟེ་ཉིན་གཉིས་པའི་བྱ་བའོ། །གཉིས་པ་ཕྲིན་ལས་ཀྱི་གཞུང་བསྲངས་ཏེ་སྒྲུབ་པ་དངོས་ལ་འཇུག་པ་ནི། མཁྱེན་བརྩེའི་སྐུ་ཕྲེང་དང་རྣམ་ཐར་གསོལ་འདེབས་རིགས་རེས་མོས་སུ་བཏང༌། ངོ་མཚར་བླ་བརྒྱུད་དང་བརྒྱུད་འདེབས་སྔོན་དུ་འགྲོ་བས། ལས་བྱང་གི་སྐྱབས་སེམས་ནས་བརྩམས་མཆོད་པ་བྱིན་རླབས་བར་ལྷན་ཐབས་དང་སྦྱར་ནས་མཐར་ཆགས་སུ་བཏང༌། དངོས་གཞིའི་ལས་རིམ་ཏིང་འཛིན་རྣམ་གསུམ་ནས་བཟླས་པའི་བར་གཏེར་གཞུང་དཀྱུས་ལྟར་དང༌། རྣམ་པ་གསལ་བའི་བཟླས་པ་པདྨ་བཛྲ་བརྒྱ་རྩ་ཙམ། ང་རྒྱལ་བརྟན་པ་དང༌། རྣམ་དག་དྲན་པ་གཉིས་མཐར་སྔགས་བཟླ་མི་དགོས། བསྙེན་སྒྲུབ་ལས་སྦྱོར་གྱི་བཟླས་པ་དངོས་ལ། བསྙེན་སྔགས་པདྨ་བཛྲ་སུམ་བརྒྱ། སྒྲུབ་སྔགས་ལྔ་བརྒྱ། ལས་སྦྱོར་ལྔ་སོ་སོར་ཉེར་གཅིག་ཙམ་བཟླས་ལ། ཡེ་ཤེས་ལྷ་ཚོགས་སོགས་ཀྱིས་སྟོང་ཚིག་ཕུལ། སླར་ཡང་ཏིང་འཛིན་རྣམ་གསུམ་གྱི། ཨོཾ༔ ཆོས་རྣམས་སྤྲོས་བྲལ་སོགས་ནས་བརྩམས་མཆོད་བསྟོད་ཀྱི་རིགས་ལྷན་ཐབས་སྦྱར་བས་འགྲེས་ཏེ་བཏང༌། བཟླས་པའི་དབུར་རྣམ་པ་གསལ་བ། ཕྱག་རྒྱ་བརྟན་པ། རྣམ་དག་དྲན་པ་རྣམས་མི་དགོས། བྷྲཱུྃ་བི་ཤྭ་བི་ཤུདྡྷེ་ཧྲཱིཿཧཱུྃ་ཕཊ྄་ཛཿ ཞེས་པས་མདུན་རྟེན་གྱི་གོ་སར་ཛཔ྄་ཁང་དབྱེ། བསྙེན་སྒྲུབ་བཟླས་དམིགས། ཧཱུྃ༔ བདག་ཉིད་པདྨ་བཛྲ་སོགས་མཐར། ཧཱུྃ༔ བདེ་སྟོང་ཐུགས་ཀྱི་དཀྱིལ་འཁོར་ནས༔ ཁྱབ་བདག་པདྨ་བཛྲ་རྩལ༔ སྐུ་ནི་སྣང་སྟོང་གཟི་བྱིད་འབར༔ གསུང་གིས་གྲགས་སྟོང་སྔགས་སྒྲ་སྒྲོགས༔ ཐུགས་མཆོག་རིག་སྟོང་སྲོག་ལྡན་པ༔ བསྙེན་སྒྲུབ་ཛཔ྄་ཀྱི་ཐུགས་དམ་བསྐུལ༔ མ་གྲུབ་བར་དུ་མི་གཏོང་ན༔ མ་གཡེལ་ཐུགས་རྗེའི་དཔུང་བསྐྱེད་ལ༔ བཟླས་པའི་ཕྲིན་ལས་གཡེལ་མེད་པས༔ ལས་བཞི་གྲུབ་པ་ཆེན་པོ་བརྒྱད༔ རིག་འཛིན་མཆོག་གི་དངོས་གྲུབ་རྣམས༔ ད་ལྟ་ཉིད་དུ་སྒྲུབ་མཛད་གསོལ༔ ཞེས་བསྐུལ་ལ་རྩ་བསྙེན་ཆིག་སྟོང་བཟླས་ལ། ཡེ་ཤེས་ལྷ་ཚོགས་སོགས་སྟོང་ཚིག་བརྗོད་ལ་སྨན་རཀ་འཐོར་བ་ཕྱི་མ་རྣམས་ལ་འགྲེ། ཧཱུྃ༔ སླར་ཡང་ཐུགས་སྲོག་ས་བོན་མཐར་སོགས་ཡོངས་རྫོགས་གྲུབ་པའི་བསྙེན་དམིགས་མཐར། ཧཱུྃ༔ རྡོ་རྗེའི་སྐུ་ཡི་དཀྱིལ་འཁོར་ནས། །གཙོ་མཆོག་ཐོད་ཕྲེང་སྡེ་ལྔ་དང༌། །དཔལ་ཆེན་གྲུབ་པའི་རིག་འཛིན་བརྒྱད། །སྙིང་པོའི་རྣལ་འབྱོར་མ་བཞི་དང༌། །གནས་ཡུལ་དཔའ་བོ་མཁའ་འགྲོའི་ཚོགས། །སྒོ་མཚམས་ཌཱ་ཀི་བཞི་སོགས། སྐུ་ནི་སྣང་སྟོང་སོགས་མཐར་ཡོངས་རྫོགས་སྒྲུབ་སྔགས་ཆིག་སྟོང་ལྔ་བརྒྱ་བཟླས་ལ། ཡེ་ཤེས་ལྷ་ཚོགས་སོགས། ཨོཾ་ཧཱུྃ༔ སྐུ་ཡི་གནས་ལྔའི་དཀྱིལ་འཁོར་ནས༔ གུ་རུ་ཐོད་ཕྲེང་རིགས་མཆོག་ལྔ༔ སྐུ་ནི་སྣང་སྟོང་སོགས། ཨོཾ༔ སྤྱི་བོའི་བུདྡྷ་ཐོད་ཕྲེང་སོགས། ལས་སྦྱོར་ལྔ་རེ་རེ་ལ་ཉེར་གཅིག་རེ་བཟླ། མཐར། ཡེ་ཤེས་ལྷ་ཚོགས་སོགས་སྟོང་ཚིག་གཅིག་ཕུལ། ཚེ་སྒྲུབ་ནི། གཙོ་མཆོག་པདྨ་བཛྲ་པདྨ་དང་ཚེ་བུམ་ཐུགས་ཀར་བསྣོལ་བའི་ཡུམ་མནྡཱ་ར་བ་པདྨའི་གྲི་གུག་ཐོད་པ་ཅན་གྱི་སྤྱི་བོར་བླ་མ་རྡོ་རྗེ་ཆོས་དམར་པོ་མཉམ་བཞག་ཚེ་བུམ་ཅན་དུ་དམིགས་པ་བསྒྱུར་ལ། ཧྲཱིཿ ཐུགས་ཀའི་ཡེ་ཤེས་སེམས་དཔའི་ཐུགས་སྲོག་ཉི་ཟླའི་གྭའུའི་དབུས་ཧྲཱིཿམཐར་ཚེའི་རིག་པས་བསྐོར་བའི་འོད་ཟེར་སྤྲོ་བསྡུས་འཁོར་འདས་བརྟན་གཡོའི་དྭངས་བཅུད་རང་གི་བླ་ཚེའི་བཅུད་བསྡུས་པ་རིགས་བདག་གི་ཕྱག་གི་བུམ་པ་ཁེངས་ནས་ཁོལ་ཞིང་ཞུ་བ་ཕྱིར་ལུད་པས་ལུས་དཀྱིལ་གྱི་ལྷ་ལ་ཕོག་པས་ཚེ་དང་ཡེ་ཤེས་ཀྱི་གཟི་བྱིན་མཆོག་ཏུ་རྒྱས་པར་དམིགས་ལ། སྒྲུབ་སྔགས་མཐར། བཛྲ་ཛྙཱ་ན་ཨཱ་ཡུ་ཥེ་སྭཱ་ཧཱ༔ བཏགས་པ་ཉེར་གཅིག་ཙམ་བཟླ། བདག་འཇུག་གི་དོན་དུ། བུམ་པ་བྷྲཱུྃ་ལས་གཞལ་ཡས་ཁང༔ མཚན་ཉིད་ཐམས་ཅད་ཡོངས་རྫོགས་དབུས༔ བླ་མ་བདེ་མཆོག་ལྷ་ཚོགས་རྣམས༔ སྣང་སྟོང་ཆུ་ཟླ་ལྟ་བུར་གསལ༔ རང་གི་ཐུགས་སྲོག་སྔགས་ཕྲེང་ལས༔ འོད་ཟེར་མཆོད་པའི་ཚུལ་དུ་སྤྲོས༔ སྙོམས་འཇུག་བྱང་སེམས་བདུད་རྩི་ཡིས༔ བུམ་པ་ཡོངས་སུ་གང་བར་གྱུར༔ ཞེས་བསྙེན་སྒྲུབ་ལས་སྔགས་ཁྱུག་ཙམ་བཟླས་ལ། ཨོཾ་ཨཱཿཧཱུྃ་གིས་བུམ་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བར་གྱུར། དེས་ཐུན་དང་པོ་གྲུབ། དེ་ནས་ཐུན་དྲུག་བྱེད་ན་ཉིན་མོ་ཕྲིན་ལས་ཚར་གཉིས་དང༌། མཚན་མོ་ཚར་གསུམ་བསྐྱར། ཐུན་བཞི་བྱེད་ན་ཉིན་མོ་ཡང་བསྐྱར་གཅིག་དང༌། མཚན་མོ་ཚར་གཉིས་གཏང་དགོས་པས། མཆོད་པ་བྱིན་བརླབ་ནས་བདག་བསྐྱེད་སོ་སོར་མི་དགོས། མདུན་བསྐྱེད་ཀྱི་ལས་བྱང་རྒྱས་པ་ཉིད་བཟླས་པའི་བར་བསྐྱར་བ་ཡིན་ལ། བཟླས་པ་ནི་བསྐུལ་ཚིག་གི་སྒྲུབ་སྔགས་ཉིད་གཙོ་བོར་བྱ། མཐར་ལས་སྦྱོར་ཅུང་ཟད་བཟླ་ཞིང་སྟོང་ཚིག་སོ་སོར་འབུལ། ཚེ་བསྙེན་ཡང་ཉེར་གཅིག་ཙམ་རེ་བཟླས་པས་ཆོག་གོ །ཉིན་ཐུན་རྗེས་མར་བསྙེན་པ་གྲུབ་པ་དང༌། དམ་ཅན་སྤྱི་གཏོར་དང་ཕྱག་བཞི་པ་དངོས་གྲུབ་རོལ་མཚོ་དང་རིགས་གསུམ་སྙིང་ཐིག་གི་བཀའ་སྲུང་དུད་སོལ་མ་ལྟ་བུ་དང་མགོན་དཀར་དུར་བདག་བཅས་སྦྱར་ན་ལེགས་པས་ཐུགས་སྒྲུབ་མི་གཡོ་བའི་བཀའ་སྲུང་ལྟར་གཏང༌། སྐབས་འདིར་བསྐང་བཤགས་ནི་གྲུབ་ཐོབ་བཀའ་བརྒྱད་ཀྱི་བསྐང་བཤགས་ཁོལ་བྱུང་ལྟར་སྦྱར། དེ་ནས་ལས་བྱང་ལྟར་ཚོགས་བྱིན་རླབས་ནས་བསྒྲལ་བསྟབ་བར་བྱས་ལ། སྤྲོ་ན་འདིར་ཕྱི་རོལ་ཏུ་ཆ་གསུམ་གཏོར་མ་བཏང༌། ཚོགས་ལ་རོལ་ལྷག་གཏོར་བསྔོས་ལ་ལྷག་མ་བཙོན་འཛིན་བྱ། དམ་ཅན་གཏོར་ཆོག་བྱས་ན་གཏོར་འབུལ་སོགས་མཐར་དབྱུང༌། ལས་བྱང་གི་བསྐུལ་བ་དང་ཆད་བརྟན་རྟ་བྲོ་གཏང་རག་མཆོད་བསྟོད་བཟོད་གསོལ་གྲུབ་ནས་མདུན་བསྐྱེད་བརྟན་བཞུགས། བདག་བསྐྱེད་བསྡུ་ལྡང་བསྔོ་སྨོན་ཤིས་བརྗོད་བཅས་བྱའོ། །དེ་ནས་བར་གཅོད་ཉུ་ལེ་འདུལ་ཞིང་བསྐྲད་པ་ནི། འདུས་པ་ཐམས་ཅད་ཞྭ་དང་བཅས་བཞེངས། སློབ་དཔོན་སོགས་ཆས་སུ་ཞུགས་པ་རྣམས་དཀྱིལ་འཁོར་གྱི་མདུན་དུ་འཁོད་པའི་དྲུང་དུ་ཉུ་ལེའི་ལིང་ག་བཀོད་ལ། ཨེ་ཡཾཛྭ་ལ་རཾ། བྲུབ་ཁུང་ཡངས་ཤིང་གཏིང་ཟབ་པའི་ནང་དུ་ཏྲི་ལས་དངོས་གྲུབ་ལ་བར་དུ་གཅོད་ཅིང་ལོག་པར་ལྟ་བའི་འབྱུང་པོ་ཉུ་ལེ་བདུད་ཀྱི་རིགས་སུ་གྱུར་པ་ཐམས་ཅད་རིད་ཅིང་ཉམ་ཐག་པའི་ལུས་ཅན་དུ་གྱུར། ཞེས་བྲུབ་ཁུང་བསྐྱེད། ན་མོ། རིག་འཛིན་རྩ་བརྒྱུད་སོགས་བདེན་སྟོབས་བརྗོད་པ་སྔོན་དུ་འགྲོ་བས། ཁྱད་པར་དུ་བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་དངོས་གྲུབ་ལ་བར་དུ་གཅོད་ཅིང་ལོག་པར་འདྲེན་པའི་འབྱུང་པོ་ཉུ་ལེ་བདུད་ཀྱི་རིགས་སུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཏྲི་ཡཾ་ཛཿ ཏྲི་བཛྲ་ཨཾ་ཀུ་ཤ་ཛཿ ཛཿཧཱུྃ་བྃ་ཧོཿ དགུག་གཞུག་དང་གིང་པ་ལས་ཀྱི་ཆེ་མཆོག་ཏུ་གསལ་བའི་ཐུགས་ཀ་ནས་ཕོ་ཉ་མཚོན་ཆའི་ཆར་ཕབ་པས་རྡུལ་དུ་བརླག་པར་བསམ་ཞིང༌། རོལ་མོ་དབྱངས་དང་ཊ་ཀིའི་འཆམ་སྟབས་དང་ཕུར་ཐུན་ཚོམ་བུར་བསྐུལ་བ་ནི། ཧཱུྃ༔ ཆོས་ཀྱི་དབྱིངས་ལས་རང་བྱུང་གྲུབ་པའི་ལྷ༔ ཁྲོ་བོ་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད༔ ཅེས་དང༌། ཧཱུྃ༔ ང་ནི་པདྨ་ཧེ་རུ་ཀ༔ སྲས་དང་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ བཀའ་བརྒྱད་ལྷ་ཚོགས་དུས་ལ་བབ༔ གཡས་ཀྱི་ཕྱག་ན་ཕུར་བུ་འདྲིལ༔ གཡོན་གྱི་ཕྱག་ན་་ལྕགས་ཀྱུས་འགུགས༔ ལྕགས་ཀྱུས་ཟུངས་ལ་ཕུར་བུས་ཐོབ༔ གནོད་བྱེད་དགྲ་བགེགས་རྡུལ་དུ་རློགས༔ ཞེས་ཕུར་ཐུན་ཚོམ་བུར་བསྐུལ་མཐར་སློབ་དཔོན་གྱིས་དྲག་སྔགས་ཕུར་སྐོར་དང་བཅས་པས་གདབ་ཅིང༌། ཊ་ཀི་རྣམས་ཀྱིས་ཐུན་གྱིས་བྲབ། ཁྱད་པར་དཔལ་གྱི་ཕོ་ཉ་ཀུན་ཐུབ་རྒྱལ་མོ་བསྐུལ་བ་ནི། ཧཱུྃ༔ ཤར་ཕྱོགས་དཀར་མོ་དུང་གི་གཞལ་ཡས་ནས༔ ཁྲག་མདོག་དམར་མོ་བསེ་ཡི་ལན་ཕྲན་ཅན༔ སྤྱན་རྩ་དམར་པོ་ཉི་ཟླ་སྐར་ལྟར་འཕྲོ༔ སྨིན་མ་གློག་འགྱུ་མུན་པའི་གོ་སྐབས་འབྱེད༔ བུ་ཡུག་ཐོག་འབེབ་ཤངས་ནས་རྡོ་རྗེ་འཁྲུགས༔ བཞད་པ་ཧེ་དང་དཔལ་གྱི་སྤུ་གྲིས་གཏམས༔ རྔམས་པའི་ལྗགས་འདྲིལ་བསྐལ་པའི་མེ་ཆེན་འབར༔ ཨག་ཚོམ་མེ་འབར་རབ་འབྱམས་སྲིད་པ་སྲེག༔ བསྐལ་པའི་འབྲུག་སྒྲ་སྙན་ནས་གསུང་སྒྲ་སྒྲོགས༔ ལག་པ་དམར་པོ་སྤུ་གྲི་འབུམ་གྱིས་གཏམས༔ སེན་མོ་ལྕགས་ཀྱུའི་རྩེ་ལ་བསྐལ་པའི་མེ་ཆེན་འབར༔ བ་སྤུ་རྡོ་རྗེ་གནམ་ལྕགས་ཞུན་མ་འཁྲུགས༔ སྨིན་མ་ལྕགས་ཀྱི་ཁྲོ་ཆུང་ཆར་འབེབས་ཤིང༔ ཞབས་ཀྱི་ཕུར་པས་སྲིན་པོ་ལྔ་བརྒྱ་གཟིར༔ རལ་པ་དམར་པོ་ཁྲག་གི་དུག་ཆར་འབེབས༔ ཤིན་ཏུ་མི་བཟད་གཏུམ་ཆེན་ཁྲག་འཐུང་མ༔ སྲིན་མོའི་སྙིང་འབྱིན་ཆང་པར་བཅུག་ནས་གསོལ༔ ཤིན་ཏུ་མི་བཟད་འབར་བའི་སྐུ་གཅིག་མ༔ དཔག་ཚད་ལྔ་བརྒྱར་རྒྱུག་ཅིང་ཀླུ་སྲིན་མ་ལུས་སྒྲོལ༔ ཁྲོས་པའི་ཞལ་མདོག་ཁྲག་གི་མཆིན་པ་ཁ༔ ན་བཟའ་དམར་པོ་སྲིན་གྱི་གཡང་གཞི་གསོལ༔ ཕྱོགས་བཅུར་ཁ་བལྟས་ཕྱོགས་སྐྱོང་ཞབས་ཀྱིས་མནན༔ བདུད་ལ་བབ་ན་སྙིང་ཁྲག་དྲོན་མོ་འཐུང༔ སྲི་ལ་བབ་ན་སྲོག་རྩ་དམར་པོ་གཅོད༔ དགྲ་ལ་བབ་ན་དུག་གི་ཁ་ཆུ་འདེབས༔ བགེགས་ལ་བབ་ན་རཱུ་པ་རྡུལ་དུ་རློག༔ དཔལ་གྱི་ཕོ་ཉ་དཔལ་གྱི་ཐུགས་ལས་སྤྲུལ༔ དམ་ཉམས་དགྲ་དང་འབྱུང་པོ་བགེགས་ཀྱི་ཚོགས༔ ཕུང་པོ་དུམ་བུར་གཏུབ་ཅིང་དོན་སྙིང་མ་ལུས་སྲེག༔ གྲུ་བུ་གྲུ་ཨ་པ་ཙེ་རུ་པ་ཙེ་ནི་ཙ་ར་ན་ཐུན་ན་ཤ་ཡ་སྟྭཾ་བྷ་ཡཀྴ་འབྱིན་ཡཀྴ་འབྱིན་ཕྱེ་མ་ཕྱེ་མ་རྡུལ་ཕྲན་རྡུལ་ཕྲན༔ ཞེས་དྲག་སྔགས་སྤོས་རོལ་དང་ཁྱད་པར་གྱི་དབྱུག་པས་བསྡིགས་ཤིང་ཐུན་གྱིས་བྲབ་པ་སོགས་དྲག་པོའི་ཚམ་རྔམས་དང་བཅས་གཟིར་ལ་བསྐྲད། སྲུང་བའི་འཁོར་ལོ་བརྟན་པར་བསྒོམ། དེ་ནས་བྱིན་དབབ་པ་ནི། སྤོས་རོལ་གཡབ་དྲིལ་སོགས་སྔར་ལྟར་བྱས་ལ་བྱིན་དབབ། བསྙེན་སྒྲུབ་ཀྱི་ཛཔ྄་དབྱངས་ལན་གསུམ་བྱས་པས་གྲུབ། མཚན་ཐུན་དང་པོར་ལས་བྱང་གི་ཚོགས་བསགས་ནས་བཟུང་སྔོན་འགྲོ་ཚང་བ་དང༌། ཐོར་ཐུན་རྗེས་ཚོགས་མཆོད་རེ་མ་ཆག་པར་བཏང༌། གཞན་ཉིན་ཐུན་རྗེས་མ་དང་འདྲ། ཐོར་ཐུན་གྲོལ་རྗེས་ཉུ་ལེ་བསྐྲད། བྱིན་འབེབས་ལས་བྱང་ལྟར་བྱ། སྒྲུབ་ཞག་རྗེས་མ་གསུམ་གྱི་སྔ་དྲོར་ཚེ་བསྙེན་རྗེས་ཟུར་གསལ་ཚེ་འགུགས་ཚར་རེ་སྦྱོར་རྒྱུ་བྱུང་ན་ལེགས། དེ་ལྟ་བུའི་ཚུལ་གྱིས་ཞག་བདུན་ལ་སོགས་པར་གྱེར་བསྒོམ་བཟླས་པ་མ་ཆད་པར་བྱ་སྟེ་སྒྲུབ་པའི་རིམ་པའོ། །གྲོལ་ཉིན་དགོང་མོར་དབང་གི་སྦྱིན་སྲེག་གྲུབ་ན་ལེགས། །གསུམ་པ་རྗེས་དངོས་གྲུ་བླངས་བ་ལ། གྲུབ་པའི་རྟགས་རབ་འབྲིང་ཐ་མའི་ཚུལ་དུ་བྱུང་བའམ་སྒྲུབ་ཞག་གྲངས་ཐེམ་པའི་ཚེ། རྫས་བཤམ་པ་ནི། དཀྱིལ་འཁོར་མདུན་དུ་སྟེགས་བུ་ཁེབས་ལྡན་དཀར་པོའི་སྟེང་དུ་འབྲུ་དཀར་པོས་གཡུང་དྲུང་གཡས་འཁྱིལ་བྲིས་པའི་ཁར་མཉྫིའི་སྟེང་དུ་དཀྱིལ་འཁོར་གྱི་རྣམ་བུམ་བླང་ལ་བཞག །གཡས་སུ་རིན་པོ་ཆེའི་སྣོད་དུ་གསེར་གཡུ་སོགས་རིན་པོ་ཆེ་སྣ་ཚོགས་ཀྱི་ཕྱེ་མ་དང་དཀར་མངར་གྱིས་སྦྲུས་པའི་ལས་བཞིའི་འབྲང་རྒྱས་རིལ་བུས་བསྐོར་བ། མཾ་ས། མར། ཐུད། འབྲས་ཆན། ཁུར་བ། ཞོ་དང་ལ་དུ། ཤིང་ཐོག་སྣ་ཚོགས། སུ་ར་སོགས་བཟའ་བཅའ་བཏུང་བའི་བྱེ་བྲག་སྣ་ཚོགས་པས་བསྐོར་བ། གཡོན་དུ་ཆང་བཟང་པོར་མངར་གསུམ་དང་ཨ་མྲྀ་ཏས་སྦགས་པས་བྷཉྫ་བཀང་བ་བཤམས་ལ་དར་གྱིས་གུར་དབུབ་པའི་ཚུལ་དུ་བཀབ། ནང་མོ་ཕྲིན་ལས་ཀྱི་གཞུང་སྔར་ལྟར་བསྲངས་ལ་བཟླས་པའི་རྗེས་ཚེ་འགུགས་སྦྱར། སྟོང་ཚིག་ཐུན་པ་རྣམས་དང་ལྷན་ཅིག་ཕུལ་ལ་སྔགས་རྒྱུན་སྔ་མ་གྲོལ། བསྙེན་སྒྲུབ་སྔགས་ལ། ཀཱ་ཡ་ཝཱཀ་ཙིཏྟ་གུ་ཎ་ཀརྨ་སརྦ་སིདྡྷི་ཕ་ལ་ཧཱུྃ༔ ཞེས་བཏགས་པ་བཟླ། སྲུང་མ་རྣམས་ཀྱི་གཏོར་ཆོག་གྲུབ་པ་དང༌། ལས་བྱང་ལྟར་བགེགས་བསྐྲད། རྒྱལ་ཚབ་པས་དཀྱིལ་འཁོར་ལ་བསྐོར་ཞིང་ཐུན་བྲབ། མཚམས་གཅོད། ལས་རྡོར་དང་རྒྱལ་ཚབ་པས་སྤོས་གཡབ་དྲིལ་བཅས་ཚོགས་པ་དང་དཀྱིལ་འཁོར་ལ་བསྐོར་ཞིང་ལས་བྱང་ལྟར་བྱིན་འབེབས་གྱེར། ཡེ་ཤེས་སྐུ་མཆོག་སོགས་བརྗོད་ལ་ནོངས་པ་བཤགས། བདུད་རྩིའི་སྔགས་ལན་གསུམ་བརྗོད་ལ་རྫས་རྣམས་བྱིན་བརླབས། དཀྱིལ་འཁོར་གྱི་ལྷ་ཚོགས་རྣམས་ཡབ་ཡུམ་སྙོམས་པར་ཞུགས་པའི་སྦྱོར་མཚམས་ནས་འོད་ཟེར་དམར་པོ་ཕྱོགས་བཅུར་འཕྲོས་འགྲོ་བའི་རྒྱུད་སྦྱངས། བདེ་བར་གཤེགས་པ་རྣམས་ལ་ཕོག་དགྱེས་པ་བསྐྱེད་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དངོས་གྲུབ་ཚུར་འདུས་བདག་ལ་ཐིམ། གསལ་ཞིང་བརྟན་པར་བྱས། རྫས་རྣམས་ལ་ཐིམ་པས་འཆི་མེད་ཀྱི་བདུད་རྩི་དངོས་གྲུབ་ཀུན་གྱི་སྙིང་པོར་འཁྱིལ་བར་གྱུར། ཞེས་དམིགས། བསྙེན་སྒྲུབ་སྔགས་ལ་གོང་གི་སྔགས་ཤམ་བཏགས་ལ་བརྒྱའམ་ཉེར་གཅིག་བཟླས་ལ། ལས་བྱང་ལྟར། ཧཱུྃ༔ བདེ་མཆོག་བདེ་སྦྱོར་ནམ་མཁའི་དབྱིངས་སོགས་ཀྱིས་དངོས་གྲུབ་སྤྱིར་བསྐུལ། བྱེ་བྲག་ཏུ། དཀྱིལ་འཁོར་ལྷ་ཚོགས་རྣམས་ཀྱི་གནས་ལྔ་ནས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་ཐམས་ཅད་ཡིག་འབྲུ་ལྔ་དང་འོད་ཟེར་ཐིག་ལེའི་རྣམ་པ་དཔག་ཏུ་མེད་པ་འཕྲོས་ཏེ་རང་གི་གནས་ལྔར་ཐིམ་པས་དབང་དང་བྱིན་རླབས་དངོས་གྲུབ་མ་ལུས་ཐོབ་པར་མོས་ལ། སློབ་དཔོན་གྱིས་གནས་ལྔར་གཏུགས་ལ་གོང་གི་རྒྱན་བཀོད་སྐབས་ཀྱི། ཨོཾ༔ བླ་མ་བདེ་མཆོག་འཁོར་ལོ་ཡི༔ སོགས་ཚིག་བཅད་དང་བསྙེན་སྒྲུབ་སྔགས་མཐར། ཀཱ་ཡ་སིདྡྷི་ཕ་ལ་ཧཱུྃ༔ སོགས་སོ་སོར་བཏགས་ནས་ཤློ་ཀ་ལྔ་བརྗོད་ཅིང་དངོས་གྲུབ་བླང༌། སློབ་དཔོན་ལ་བུམ་ཆུ་དང་དངོས་གྲུབ་ཀྱི་ཕུད་འབུལ། ཧྲཱིཿ པདྨ་བཛྲ་བདེ་ཆེན་ཚེ་ཡི་ལྷ༔ གསང་བའི་ཡུམ་མཆོག་རྡོ་རྗེ་རྣལ་འབྱོར་མ༔ དབྱེར་མེད་རྩ་གསུམ་ཚེ་ལྷ་རབ་འབྱམས་ཀྱིས༔ མི་འགྱུར་ཚེ་དང་ཡེ་ཤེས་དངོས་གྲུབ་སྩོལ༔ སྔགས་མཐར་ཀཱ་ཡ་ཝཱཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ༔ ཞེས་བརྗོད་པས་ཚེ་འབྲང་གིས་དབང་བླང༌། ཚེ་རིལ་ཚེ་ཆང་ཕུལ། དེ་ནས་འདུས་པ་རྣམས་ཀྱིས་བསྙེན་སྒྲུབ་ཛཔ྄་དབྱངས་བྱས་ལ། སློབ་དཔོན་དང་རྒྱལ་ཚབ་པས་རྟེན་རྣམས་དང་ཚེ་བུམ་གྱིས་དབང་བསྐུར། ལས་རྡོར་སོགས་ཀྱིས་རྫས་དང་ཚེ་རིལ་སོགས་བཀྱེ། རྫས་རྣམས་དངོས་གྲུབ་ཏུ་རོལ་པས། ལྷ་དང་བདག་གཉིས་སུ་མེད་པ་བདེ་བ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་གྱི་རང་བཞིན་དུ་གྱུར་པར་མོས་ལ། བཅོམ་ལྡན་འདས་བླ་མ་བདེ་མཆོག་འཁོར་ལོའི་ལྷ་ཚོགས་རྣམས་ཀྱི་དངོས་གྲུབ་ཐམས་ཅད་བདག་ཅག་རྣམས་ཀྱིས་ཐོབ་ནས་སྐུ་ལྔ་ཡེ་ཤེས་ལྔའི་ཡོན་ཏན་མ་ལུས་རྩོལ་བ་མེད་པར་ལྷུན་གྱིས་གྲུབ་པར་གྱུར་ཅིག ཧོཿ བདག་ཅག་སྒྲུབ་པ་པོ་རྣམས་ཀྱིས་རྡོ་རྗེའི་ཚེ་གསོལ་བས་ཚེའི་དངོས་གྲུབ་དབང་དུ་གྱུར་ཅིག༔ ཐབས་ཀྱི་མཱཾ་ས་གསོལ་བས་འཁོར་འདས་ཀྱི་ནུས་སྟོབས་དབང་དུ་གྱུར་ཅིག༔ ཤེས་རབ་ཛ་གད་གསོལ་བས་བདེ་བ་ཆེན་པོའི་ཡེ་ཤེས་དབང་དུ་གྱུར་ཅིག༔ ཞལ་ཟས་ཀྱི་བྱེ་བྲག་མང་པོ་གསོལ་བས་ཞི་ཁྲོ་ཕྲིན་ལས་ཀྱི་དངོས་གྲུབ་ཐམས་ཅད་དབང་དུ་གྱུར་ཅིག༔ འདོད་ཡོན་གྱི་རྣམ་པ་ཐམས་ཅད་ལོངས་སྤྱད་པས་འཁོར་འདས་ཀྱི་ལེགས་ཚོགས་ཐམས་ཅད་དབང་དུ་གྱུར་ཅིག༔ སརྦ་ཀརྨ་ཝ་ཤ་མ་ནོ་ཧ་ར་སིདྡྷི་སིདྡྷི་ཧཱུྃ༔ ཞེས་དང༌། ཨཱཿ སྣང་གྲགས་རྟོག་གསུམ་དྭངས་མའི་བཅུད༔ རྩ་གསུམ་ཐིག་ལེའི་དབྱིངས་སུ་ཐིམ༔ མི་འགྱུར་མི་ཤིགས་བློ་ལས་འདས༔ སྐྱེ་མེད་གཉུག་མའི་རྒྱས་གདབ་བོ༔ བཛྲ་ཀཱ་ཡ་ཝཱཀ་ཙིཏྟ་ཛྙཱ་ན་ཨ་ཨ་ཨ༔ ཞེས་པས་སྒྲུབ་པ་ཆེན་པོའི་རིམ་པ་གྲུབ་པའོ། །སྐབས་འདིར་དཔོན་སློབ་ཁ་ཤས་ཀྱིས་རྒྱས་པའི་སྦྱིན་སྲེག་བྱས་ལ་དངོས་གྲུབ་ཀྱི་ཕུད་འབུལ། སྤྲོས་པ་བསྡུ་ན་སྐབས་འདིར་ཙམ་ལས་སྦྱིན་སྲེག་གཞན་མ་གྲུབ་ཀྱང་ཆད་སྐྱོན་དུ་མི་འགྱུར་རོ། །གཞན་དོན་དུ་དབང་བསྐུར་ན་སྨིན་བྱེད་རྒྱས་པ་དེའི་སྙིང་པོར་བསྡུས་པ་ཙམ་གྱིས་སྐབས་འདིར་རྗེས་སུ་འཛིན་པར་བྱའོ། །བཞི་པ་རྗེས་ཀྱི་ལས་རིམ་རྣམས་ཀྱིས་སྒྲུབ་པ་མཐའ་རྒྱས་སུ་བྱ་བ་ནི། ལས་བྱང་ལྟར་ཚོགས་བྱིན་རླབས་ནས་རིམ་པར་བཏང་བའི་ཞལ་བསྟབ་མཇུག་ཏུ་ཉུ་ལེའི་ལིང་ག་མེར་བསྲེག །ལྷག་མ་བསྡུས་ནས་སྔར་བཙོན་འཛིན་བྱས་པའི་ཚོགས་ལྷག་མཆོད་པའི་རས་མ་དང་བཅས་ཕྱི་རོལ་ཏུ་བཏང༌། སྲུང་མའི་གཏོར་འབུལ་ཟུར་དུ་ཡོད་ན་བྱ། བསྐུལ་བ་ཆད་བརྟན་རྟ་བྲོ་ཡན་གྲུབ་ནས། གཏང་རག་མཆོད་བསྟོད་རྒྱས་པར་བྱ། ནོངས་བཤགས་བཟོད་གསོལ་དང༌། དཀྱིལ་འཁོར་གྱི་ཡེ་ཤེས་པ་རས་བྲིས་དང་རྟེན་ལ་བརྟན་བཞུགས་སྤྱི་ལྟར་བྱ། དམ་ཚིག་པ་རང་ལ་བསྡུ་ཞིང་ཐུན་མཚམས་ཀྱི་ལྷར་ལྡང༌། དེ་ནས་ཕྱི་མཚམས་བཀྲོལ་བ་ནི། སྒྲུབ་ཁང་གི་ཤར་ལ་སོགས་པའི་རྒྱལ་ཆེན་བཞི་དང་སྒོ་བྱང་གི་ལྷ་སོ་སོའི་མདུན་དུ་མཆོད་པ་བཤམས། བསང་སྦྱངས་བྱིན་རླབས་དྲངས་བསྟིམས་མཆོད་པ་རྣམས་སྔར་ལྟར་ལས། མཆོད་སྦྱིན་གཏོར་མ་འདི་བཞེས་ལ༔ སོགས་ཀྱིས་ཕྲིན་ལས་བཅོལ། བཛྲ་མུཿས་གཤེགས་སུ་གསོལ། དཀྱིལ་འཁོར་གྱི་མཐའི་ཕུར་བུ་རྣམས། ཨོཾ་བཛྲ་ཀཱི་ལ་ཡ་ཨུཏྐཱི་ལ་ཡ་སརྦ་ཀཱི་ལ་ཡ་བཛྲ་དྷ་རོད་ཨཛྙཱ་པ་ཡ་ཧཱུྃ་ཧཱུྃ་ཧཱུྃ་ཕཊ྄་སྭཱ་ཧཱ༔ ཞེས་ལག་གཉིས་སྐམ་པའི་རྒྱ་དང་བཅས་དང་པོར་གདབ་རིམ་ལས་ལྡོག་ཕྱོགས་སུ་ཕྱུངས་ཏེ། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨརྠ་ས་དྷ་ནི་སྭཱ་ཧཱས་ཕུར་རྩེ་འོ་མས་བཀྲུ། ཆོས་ཐམས་ཅད་སྐྱེ་བ་མེད་པའི་དོན་ཡིད་ལ་བྱས་ཏེ་དྲིལ་བུ་དཀྲོལ་ཞིང༌། ཨ་ཀཱ་རོའི་སྔགས་བརྗོད་བཞིན་པས་འཇམ་རོལ་དང་བཅས་རས་བྲིས་དཀྱིལ་འཁོར་བསྡུ། སྒྲུབ་རྫས་སོགས་རྗེས་ཤུལ་མི་མངོན་པར་བྱ། དེ་ནས་མར་མེ་སྨོན་ལམ་གྱིས་དགེ་བའི་རྩ་བ་བླ་ན་མེད་པའི་རྒྱུར་བསྔོ་བ་ནི། དཔོན་སློབ་ཐམས་ཅད་ལག་བསྣོལ་བས་སྲིན་ལག་སྦྲེལ། རྡོ་རྗེ་རྒྱལ་ཐེབ་ཀྱིས་སྣམ་སྦྱར་དང་བཅས་བཞེངས་ཏེ་མར་མེའི་སྨོན་ལམ་གཏོང་ཐུན་སྔོན་དུ་འགྲོ་བས། ཧཱུྃ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །སྙིང་པོ་བྱང་ཆུབ་ལམ་ལ་ཞུགས་པ་ཡིས། །འཁོར་བའི་གཡང་སར་ཆེན་པོར་མི་ལྟུང་ཞིང༌། །ཆགས་སྡང་གཅོང་རོང་གནས་སུ་མི་སྐྱེ་དང༌། །ལོག་ལྟ་དམྱལ་བའི་ཟངས་ཁར་རྦབ་མི་འགྲིལ། །འཁོན་འཛིན་གཅན་གཟན་གདུག་པའི་སྐད་མི་ཐོས། །ཉོན་མོངས་མཚོན་རྩེ་གདུག་པའི་ཟེར་མི་འཕོག །དགེ་བའི་བཤེས་གཉེན་བཀའ་དྲིན་ཆེ་བ་དང༌། །སྲོག་གི་འབྲེལ་བའི་མཆེད་དང་ལྕམ་དྲལ་དང༌། །གསུམ་པའི་དབང་གིས་འབྲེལ་བའི་རིག་མ་གསུམ། །སྐྱེ་བ་འདི་དང་ཚེ་རབས་ཐམས་ཅད་དུ། །མི་འབྲལ་རྩེ་གཅིག་འགྲོགས་པའི་ཏིང་འཛིན་གྱིས། །ས་བཅུ་ཁྱད་པར་རིམ་གྱིས་བགྲོད་པར་ཤོག །ནམ་ཞིག་ཚེ་འཕོས་ལུས་བརྗེའི་དུས་བྱུང་ནས། །འཁོར་བའི་གཡང་སར་ལན་གཅིག་ལྟུང་སྲིད་ཀྱང༌། །སྣང་བའི་སྒོ་འབྱེད་ཞུན་མར་མདངས་གསལ་འདིས། །རིག་འཛིན་སྒྲུབ་པ་པོ་ཡིས་ཤུལ་མཚོན་ཅིང༌། །ཀུན་ཏུ་འོད་ཀྱི་ས་ལ་རྒྱུད་སྦྱངས་ནས། །པདྨ་ཆེན་པོའི་ས་ལ་ལྷུན་གྱིས་གྲུབ། །འཁོར་ལོ་ཚོགས་ཆེན་ས་ལ་གཤེགས་པའི་ཚེ། །སྔོན་གྱི་རྒྱལ་བ་རྣམས་ཀྱིས་མདུན་བསུས་ཤིག །ཡི་དམ་ལྷ་ཡིས་རྒྱབ་ནས་སྲོག་བརྟེན་ཅིག །བྱང་ཆུབ་སེམས་དཔའ་རྣམས་ཀྱིས་མཐའ་སྐྱོར་ཅིག །མཆོད་པའི་ལྷ་མོ་རྣམས་ཀྱིས་སྣ་དྲོངས་ཤིག །མ་ཚོགས་དབང་མོ་རྣམས་ཀྱིས་རྗེས་སྐྱོངས་ཤིག །ལྕང་ལོ་ཅན་གྱི་ས་ལ་ཕྱིན་པའི་ཚེ། །མི་ལྡོག་པ་ཡི་ས་ལ་གནས་ནས་ཀྱང༌། །རྡོ་རྗེ་ཁྲོ་རྒྱལ་ཁྱོད་ཀྱི་ཞལ་མཐོང་ནས། །རིག་འཛིན་རྣམས་དང་དབྱེར་མེད་གྱུར་ནས་ཀྱང༌། །བླ་མེད་སྐུ་གསུང་ཐུགས་སུ་འགྲུབ་པར་ཤོག །ཅེས་ཐམས་ཅད་ཀྱིས་རྗེས་ཟློས་དང་བཅས་སྨོན་ལམ་གདབ། ལས་བྱང་ལྟར་བསྔོ་བ་སྨོན་ལམ་ཤིས་བརྗོད་བཅས་དང༌། གཞན་ཡང་ཞལ་ནས་གསུངས་པའི་ཐོག་དྲངས་ཏེ་བཀྲ་ཤིས་ཀྱི་ཚིགས་སུ་བཅད་པ་རྒྱས་པར་སྤེལ་ལོ། །གཉིས་པ་འཕྲོས་དོན་ལ། དེ་ལྟར་སྒྲུབ་པའི་འབྲས་བུ་ནི༔ དེ་ལྟར་ཚོགས་སམ་ཚོགས་སྒྲུབ་ཏུ༔ རྩེ་གཅིག་ཉམས་སུ་བླང་བ་ཡིས༔ གནས་སྐབས་གེགས་ཞི་ཚེ་དཔལ་འཕེལ༔ ཡུལ་ཕྱོགས་བཀྲ་ཤིས་བྱིན་ཆེན་འབེབས༔ མཐོང་ཐོས་དྲན་རེག་སྐལ་པ་ལྡན༔ དངོས་གྲུབ་རྣམ་གཉིས་མྱུར་དུ་འཐོབ༔ མཐར་ཐུག་རིག་འཛིན་རྣམ་པ་བཞིའི༔ ལམ་ལས་མི་གནས་ཡེ་ཤེས་མཆོག༔ རྣམ་པར་གྲོལ་བའི་དཔལ་ཐོབ་ཕྱིར༔ བློ་ལྡན་རྣམས་ཀྱིས་བརྩོན་པར་གྱིས༔ ཞེས་དང༌། དེ་ལྟར་འབད་པས་བརྩོན་འགྲུས་དང༔ ཏིང་འཛིན་སྐལ་པའི་ཁྱད་པར་བཞིན༔ རབ་ཀྱིས་རིག་འཛིན་མཆོག་དངོས་འགྲུབ༔ འབྲིང་གིས་སྔགས་ཀྱི་དྲོད་ཚད་འཐོབ༔ གཞན་དུ་ཕྲིན་ལས་ཅི་རིགས་འགྲུབ༔ མདོར་ན་འབྲེལ་ཚད་དོན་ལྡན་པ༔ སྒྲུབ་པ་ཆེན་པོའི་ཕྲིན་ལས་སོ༔ ཞེས་བསླུ་མེད་རྡོ་རྗེའི་གསུང་གིས་ངེས་པ་ལྟར་རོ། །ལེགས་བྱས་ཁ་འབབ་བཞི་ཡི་རྒྱུན་བཟང་གིས། །ཡིད་ཅན་མཐའ་དག་དངོས་ཀུན་བདག་ཉིད་ཆེ། །འཁོར་ལོ་སྡོམ་པའི་ཐུགས་དབྱིངས་རྒྱ་མཚོ་ཆེར། །འཇུག་ནས་དངོས་གྲུབ་ནོར་བུའི་གཏེར་སྤྱོད་ཤོག །ཅེས་པའང་ཀུན་མཁྱེན་པདྨ་དཀར་པོའི་རྣམ་འཕྲུལ་ངག་དབང་རྣམ་རྒྱལ་གྱི་ཕྱག་རྗེས་དཔལ་ལྡན་འབྲུག་པ་བཀའ་བརྒྱུད་ཀྱི་གདན་ས་ལྟེ་བ་སྤུངས་ཐང་བདེ་ཆེན་ཕོ་བྲང་དུ་འབྲུག་རྒྱལ་བཞི་པ་འཇིགས་མེད་སེང་གེ་དབང་ཕྱུག་དང་རྒྱལ་ཡུམ་སྐལ་བཟང་ཆོས་སྒྲོན་ཡུམ་སྲས་ནས་དཔལ་འཁོར་ལོ་སྡོམ་པ་ལྷ་བཅུ་གསུམ་གཙོ་བོར་གྱུར་པའི་རྩ་བ་གསུམ་གྱི་གཙུག་ལག་ཁང་གསར་བསྐྲུན་གྱིས་ལོ་བསྟར་ཟབ་ཆོས་འདིའི་ཚོགས་སྒྲུབ་འཛུགས་པའི་ཆེད་དུ་བཀའ་བསྩལ་བ་བཞིན་འགྱུར་མེད་ཐེག་མཆོག་བསྟན་པའི་རྒྱལ་མཚན་པདྨ་དབང་ཆེན་དགྱེས་པ་རྩལ་གྱིས་ཆོག་ཁྲིགས་སུ་བསྟར་བས་ཡིད་ཅན་མཐའ་དག་བདེ་ཆེན་སྒྱུ་འཕྲུལ་དྲ་བའི་དཀྱིལ་འཁོར་དུ་ངལ་འཚོ་ཞིང་དཔལ་ལྡན་འབྲུག་པ་ཕྱོགས་ལས་རྣམ་རྒྱལ་གྱི་ཆོས་སྲིད་ཉི་ཟླའི་སྣང་བ་རྟག་ཏུ་བརྟན་པའི་རྟེན་འབྱུང་དུ་གྱུར་ཅིག །སརྦ་དཱ་མངྒ་ལཾ། །།
[edit]

@#/__/bla ma bde mchog 'khor lo'i sgrub khog grub gnyis mdzod brgya'i lde'u mig ces bya ba bzhugs so//


@#/__/bde chen dpyid kyi thig le'i 'jo sgeg las/_/dngos grub lang tsho'i bcud 'dzin rtsa gsum lha/_/rang rig nges pa don gyi bla ma ru/_/gnyis med ro mnyam lta ba'i phyag gis 'dud/_/khyed kyi gsang gsum rdo rje'i grong khyer du/_/bde blag brtson pa'i thabs gzhan tshogs sgrub kyi/_/phyag bzhes rig 'dzin grub pa'i bzhed gzhung bzhin/_/bsdebs la gnang stsol don gnyis lhun grub mdzod/_/de yang grub thob chen po'i thugs tig sgrub thabs snying po skor lnga'i bsnyen sgrub las kyi phreng ba'i gter gzhung rdo rje'i tshig rkang las/_sgrub chen tshom bu tshogs sgrub kyi:_dngos grub nges par don gnyer na:_gnas dus ston 'khor yo byad sogs:_phun sum tshogs pa'i gzhi bzung nas:_bsnyen pas sa yi cho ga dang:_phyi nang gsang ba'i mtshams rnams bcad:_nye bsnyen lhag par gnas pa dang:_dkyil 'khor bzhengs shing rgyas par bkram:_sgrub rdzas sgrub po mnga' gsol nas:_rtags gdab gzi byin mchog tu bskyed:_sgrub pa bdag mdun dbyer med kyi:_phrin las gzhung bsrang dzapa? khang dbye:_dzapa? bskul sgrub pa'i sngags kyi sgra:_bar ma chod cing ting 'dzin gsal:_tshogs kyi mchod pa dus drug 'bul:_bar chad bgegs bsal byin chen dbab:_de ltar nyams blangs rtags thon nas:_sgrub pa chen po rang don du:_dngos grub rim pa tshul bzhin blang:_gzhan don dbang bskur rjes 'dzin bya:_gnyis don smon lam gdab pa sogs:_las kyi phreng ba mthar dbyung ngo:_zhes gsungs pa'i don nyams su len pa'i tshul 'chad pa la/_bla ma longs sku gsung rdo rje bde mchog 'khor lo'i tshogs sgrub kyi las rim bstan pa dang*/_'phros don bshad pa gnyis las/_dang po phun sum tshogs pa lngas sgrub pa'i gzhi bzung ba ni/_rgyud las/_bsnyen rdzogs rtags ldan ston pa dang:_dad brtson brtul zhugs ldan pa'i 'khor:_gnas dus yo byad phun tshogs pas:_zhes dang*/_bsnyen sgrub yan lag rnam pa bzhis:_thun mong mchog gi dngos grub len:_zhes gsungs pa ltar sngon du 'gro ba bsnyen pa dang nye bsnyen/_dngos gzhi'i las rim sgrub pa/_rjes dngos grub blang ba/_sgrub pa mtha' rgyas su bya ba bzhis bsdus pa las/_dang po la lnga/_sa chog_/mtshams gcod/_sta gon/_rten gyi dkyil 'khor bca' ba/_sgrub pa po gnas su 'god pa'o/_/dang po sa brtags pa ni sgrub gnas rnying pa la mi dgos/_sa slong ba ni/_dkyil 'khor gyi stegs bu'i dbus su 'bru'i tshom bu gcig bkod pa'i steng du/_many+dzi'i khar sa lha'i gtor ma dkar zlum mtheb kyu dang ril bus mtshan pa/_mdun du gser skyems dang bcas pa'i mthar/_byang shar du mtshams 'dzin gyi me tog nas brtsams te chu gnyis nyer spyod dang bcas pas g.yas su bskor/_logs gang bder bdag bskyed mchod pa bla gtor dmar zlum sman raka nyer spyod phreng tshar du bshams/_nye bar mkho ba'i yo byad thams cad tshogs par byas la/_bdag gi rnal 'byor ni/_brgyud 'debs dang*/_rdo rje slob dpon sangs rgyas dpal sogs tshogs bsags sngon du 'gro bas/_mchod pa byin rlabs ni/_ra~M ya~M kha~M:_rin chen b+han+d+ha'i snod yangs su:_sman gtor rak+ta 'od du 'bar:_phyi nang nyer spyod bsam mi khyab:_rab 'byams nam mkha' gang bar gyur:_oM sarba pany+tsa a mr-i ta rak+ta ba liM ta AHhU~M:_oM badz+ra ar+g+haM sogs/_shab+da AHhU~M:_phyi snod thams cad gzhal yas khang:_phung khams skye mched yi dam lha:_snang stong chu zla 'ja' tshon ltar:_gsal la ma 'dres rtse gcig bsgom:_oM pad+ma badz+ra hU~M:_zhes bzla/_ye shes lha tshogs sogs kyis mchod bstod phul/_a a a:_hU~M badz+ra kA wA tsi rak+Sha haM:_zhes 'od gsal du bsdu zhing gnyug ma'i lha skur ldang*/_sa lha'i mchod pa rnams a mr-i tas bsang*/_ra~M ya~M kha~M gis sbyang*/_thams cad stong nyid nam mkha'i ngang:_b+h+rU~M las rin chen snod nang du:_oM las phyi nang mchod pa'i tshogs:_so so'i lha mo'i rol par bcas:_rab 'byams nam mkha' gang bar gyur:_oM badz+ra puSh+pe d+hU pe A lo ke gan+d+he nai wi d+ya shab+da pU dza sa ma ya hU~M:_zhes dang*/_gtor gzhong rat+na'i gzhal yas su:_gtor ma 'dod yon phung por spungs:_oM AHhU~M lan gsum rgya dang bcas pas brlabs/_b+hU mi pa ti sa pa ri wA ra badz+ra sa mA dzaH_zhes rdo rje'i bsdu rgya dang bcas spyan drangs/_oM badz+ra ar+g+haM nas/_shab+da pra tIts+tsha swA hA'i bar so so'i phyag rgya dang bcas pas mchod/_rdor thal phye bas/_b+hU mi pa ti sa pa ri wA ra na maHsarba ta thA ga ta b+h+yo bi shwa mu khe b+h+yaH_sarba thA khaM ud+ga te s+pha ra Na i maM ga ga khaM swA hA/_lan gsum gyis gtor ma phul la/_dgongs shig sa bdag lha klu sde dang dpung:_gangs ri g.ya' rtse lu ma skyed mos tshal:_mtsho rdzing lteng ka so so'i gnas rnams nas:_lha klu sa bdag gnas 'dir spyan 'dren gyis:_dzam gling grwa bzhir sgrub pa'i sa bslang phyir:_sa bdag 'khor dang bcas pa 'dir gshegs te:_byin brlabs bsngos pa'i gtor ma 'di bzhes la:_rin chen gter gyi sa 'di bstsal du gsol:_zhes 'dod don gsol nas/_dbang du bya ba ni/_stegs bu'i mdun nas slob dpon gyi dbang mchog gi phur bu bzung la/_bdag nyid pad+ma badz+ra zhal gcig phyag gnyis par gsal ba'i thugs ka'i hU~M las 'od 'phros phur bu la thim/_de nyid dpal rta mgrin gyi skur gyur par bsam la/_hU~M pad+mAn+ta kr-i ta hU~M phaTa?/_ces btab ste lan bdun bzlas pas/_phur bu las byung ba'i 'od zer dmar pos sa gzhi thams cad khyab/_bdag gi dbang du gyur par bsam mo/__/sbyong ba la/_sngags dang phyag rgyas sbyong ba ni/_slob dpon gyi lag g.yas rdo rje rtse lnga par bsams nas phyag rdo rje dang bcas stegs bu'i steng du bzhag_/thams cad kyis rdo rje dang bcas lag g.yas sa la reg pa'i tshul byas nas/_oM swa b+hA wa shud+d+haHsarba d+harma swa b+hA wa shud+d+ho\u0f85haM/_lan gsum gyis sa la bsnun/_ting nge 'dzin gyis sbyong ba ni/_bdag nyid pad+ma badz+rar gsal ba'i thugs ka'i hU~M las hU~M phra mo grangs med phyogs bcur 'phros/_'phags pa mchod sems can gyi don byas/_tshur 'dus ye shes kyi me rlung chur gyur pas ma dag pa'i dngos 'dzin thams cad bsreg gtor sbyangs/_dur khrod rol pa'i zhing khams chen por gyur par bsam/_bsdu na de tsam gyis chog la cung zad spro na bzung ba ni/_seng ldeng gi phur pa cod pan can bcu 'bru'i snod du btsugs pa slob dpon gyi stegs bu'i dbus nas zhal shar du phyogs pa'i mdun du dang*/_phur stegs e bcu rnams phyogs bcur bkod/_bdag gi thugs ka nas hU~M bcu 'phros/_oM TA ki rA dza ma hA kro d+ha hU~M phaTa?/_ces brjod pas khro bo lcags kyu dang tho ba thogs pa spros/_phyogs skyong bcu bkug nas tho bas bsnun te gzir/_e bcur bkod par gyur/_yang rang gi thugs ka nas hU~M yig bcu spros pa las phur bu rnams khro bo bcu sku smad phur bu'i dbal can du gyur/_hU~M bcu brjod/_phyogs bcu'i bgegs rnams kyi snying gar btab par gyur/_slob dpon gyi phyag g.yas tho ba dang*/_g.yon pas steng gi khro bo'i phur pa sogs rim bzhin thogs la/_oM badz+ra kro d+ha hU~M ka ra hU~M/_gardza gardza hU~M phaTa?/_oM g+ha g+ha g+hA ta ya g+hA ta ya sarba duSh+TaM hU~M phaTa?/_kI la ya kI la ya sarba pA paM phaTa?/_hU~M hU~M hU~M badz+ra kI la ya badz+ra d+ha rod adz+nyA pa ya ti sarba big+h+nAM kA ya wAka tsit+ta badz+ra kI la ya hU~M phaTa?/_oM badz+ra kro d+ha bi dza ya hU~M/_ha na ha na hU~M phaTa?/_oM badz+ra kro d+ha ya mAn+ta ka hU~M/_pa tsa pa tsa hU~M phaTa?/_oM badz+ra kro d+ha ha ya gr-I ba hU~M/_hu lu hu lu hU~M phaTa?/_oM badz+ra kro d+ha a mr-i ta kuN+Da li hU~M/_tshin+d+ha tshin+d+ha hU~M phaTa?/_oM badz+ra kro d+ha trai lokya bi dza ya hU~M/_bin+d+ha bin+d+ha hU~M phaTa?/_oM badz+ra kro d+ha a pa rA dzi ta hU~M/_tiSh+Tha tiSh+Tha hU~M phaTa?/_oM badz+ra kro d+ha Ar+Ya a tsa la hU~M/_b+han+d+ha b+han+d+ha hU~M phaTa?/_oM badz+ra kro d+ha nI la daN+Da hU~M/_da ha da ha hU~M phaTa?/_oM badz+ra kro d+ha ma hA ba la hU~M/_s+pho Ta s+pho Ta hU~M phaTa?/_ces khro bcu'i sngags re re'i mthar/_oM g+ha g+ha g+hA ta sogs rdo rje sder mo'i sngags hU~M ka ra bzhin sbyar te 'bar ba'i stangs stabs dang bcas te steng gi phur bur shar gyi shar dang*/_phyogs bzhi shar nas g.yas bskor dang*/_mtshams bzhi byang shar nas g.yon bskor dang*/_'og gi phur bu nub kyi nub tu gdab cing*/_phyogs bcur phur bu btab pas de las byung ba'i ye shes kyi me dpung phyogs thams cad du khyab par 'bar bas bgegs rnams bsregs shing mi gnas par gyur par bsam/_skabs 'dir spyi bshags bya bar gsung pa ni/_sAts+tsha gdab pa/_srog bslu/_nye'u 'don/_bshags skong*/_sbyin sreg_/mgron bzhi la mchod sbyin ci 'byor dang*/_gzungs mdo sgrogs/_khyad par gnas khang gi shar du sher phyin/_lhor stobs po che/_nub tu lang gshegs/_byang du tog gzungs rnams 'don pa sogs dge ba'i dpung bskyed pa'i phyir rang ngam gzhan gyis ci 'grub tu bya'o/__/gnyis pa mtshams bcad pa la gsum las/_dang po phyi mtshams ni sgrub khang gi phyogs bzhi'i tho bzhir rgyal chen so so'i sku rten rgyal mtshan dang bcas pa'i mdun du stegs kheb ldan gyi khar me tog gi tshom bu'i steng du gtor ma dkar zlum mdun du mtheb kyu ril bus mtshan pa re dang*/_de'i mdun du g.yon nas brtsams pa'i chu gnyis nyer spyod lnga dang bcas pa bshams la/_slob dpon 'dus pa dang bcas rol cha ser sbreng gis shar gyi tho'i rtsar 'khod la/_mchod gtor rnams a mr-i tas bsang*/_ra~M ya~M kha~M gis sbyang*/_thams cad stong nyid nam mkha'i ngang:_b+h+rU~M las rin chen snod nang du:_oM las phyi nang mchod pa'i tshogs:_so so'i lha mo'i rol par bcas:_rab 'byams nam mkha' gang bar gyur:_oM badz+ra puSh+pe d+hU pe A lo ke gan+d+he nai wi d+ya shab+da pU dza sa ma ya hU~M:_zhes dang*/_gtor gzhong rat+na'i gzhal yas su:_gtor ma 'dod yon phung por spungs:_oM AHhU~M lan gsum rgya dang bcas pas brlabs/_tho sku rten dang bcas pa/_a mr-i tas bsang*/_swa b+hA was sbyang*/_rang gi thugs ka nas 'od zer 'phros pas ri rab kyi shar phyogs nas rgyal po chen po yul 'khor srung 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM d+hr-iSh+Ta raSh+TA hU~M dzaH_lan nyer gcig gi mthar/_oM badz+ra ar+g+haM nas/_shab+da pra tIts+tsha swA hA'i bar gyis mchod/_rdor thal phye rgyas snying po'i mthar/_ba liM ta nA nA kha dan+tu gr-i h+Na gr-ih+Na hU~M khA hi khA hi:_zhes btags pa lan gsum gyis gtor ma phul/_hU~M:_ri rab gling bzhi'i shar phyogs nas:_phyag na rdo rje dbang gi mthus:_rgyal po chen po yul 'khor srung:_bdag cag re ba bskang ba'i phyir:_ma dag pa rnams mtshams chod cig:_dpal ldan rgyal po chen po yul 'khor srung:_zhi ba'i phrin las mthar phyin sku mdog dkar:_thugs rje'i dbang gis 'gro don pi waM bsnams:_shar phyogs dri za'i 'khor tshogs mtshams chod cig:_ces phrin las gsol bas srung ba'i las mdzad par bsam zhing*/_tiSh+Tha badz+ra zhes me tog 'thor la brtan bzhugs bya/_de nas lho'i mchod gtor sngar ltar byin gyis brlab/_tho bsang sbyang*/_rang gi thugs ka nas 'od zer 'phros pas ri rab kyi lho phyogs nas rgyal po chen po 'phags skyes po 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM bai ru D+ha ka ya hU~M dzaH_zhes lan nyer gcig dang*/_oM badz+ra ar+g+haM sogs kyis mchod/_snying po'i mthar/_ba liM ta sogs btags pa gsum gyis gtor ma phul/_hU~M:_ri rab gling bzhi'i lho phyogs nas:_phyag na rdo rje'i dbang gi mthu:_rgyal po chen po 'phags skyes po:_bdag cag re ba bskang ba'i phyir:_ma dag pa rnams mtshams chod cig:_chos skyong rgyal po chen po 'phags skyes po:_mngon spyod tshul gyis 'gro don mthar phyin sku:_dug gsum 'joms pa'i be con ral gri bsnams:_lho phyogs grul bum 'khor tshogs mtshams chod cig:_ces dang*/_tiSh+Tha badz+ras brtan bzhugs bya/_de nas nub kyi mchod gtor sngar ltar byin gyis brlab/_tho bsang sbyang*/_rang gi thugs ka nas 'od zer 'phros pas ri rab kyi nub phyogs nas rgyal po chen po spyan mi bzang 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM bai rU pak+Sha hU~M dzaH_lan nyer gcig dang _oM badz+ra ar+g+haM sogs kyis mchod/_snying po'i mthar/_ba liM ta btags pa gsum gyis gtor ma phul/_hU~M:_ri rab gling bzhi'i nub phyogs nas:_phyag na rdo rje dbang gi mthus:_rgyal po chen po spyan mi bzang:_bdag cag re ba bskang ba'i phyir:_ma dag pa rnams mtshams chod cig:_chos skyong rgyal po chen po spyan mi bzang:_dbang drag dmar smug 'bar ba 'jigs pa'i sku:_bsod nams tshogs rdzogs rin chen sbrul zhags bsnams:_nub phyogs klu dbang 'khor tshogs mtshams chod cig:__ces dang*/_tiSh+Tha badz+ras brtan bzhugs bya/_de nas byang gi mchod gtor sngar ltar byin gyis brlab/_tho bsang sbyang*/_rang gi thugs ka nas 'od zer 'phros pas ri rab kyi byang phyogs nas rgyal po chen po rnam thos sras 'khor dang bcas pa badz+ra sa mA dzaHsa spyan drangs/_dzaHhU~M ba~M hoHsa rten la bstim/_oM bai shra ma Na hU~M dzaH_zhes lan nyer gcig dang*/_oM badz+ra ar+g+haM sogs kyis mchod/_snying po'i mthar/_ba liM ta sogs btags pa gsum gyis gtor ma phul/_hU~M:_ri rab gling bzhi'i byang phyogs nas:_phyag na rdo rje dbang gi mthus:_rgyal po chen po rnam thos sras:_bdag cag re ba bskang ba'i phyir:_ma dag pa rnams mtshams chod cig:_chos skyong rgyal po chen po rnam thos sras:_che ba'i yon tan longs spyod mthar phyin sku:_rin chen gter ldan ne'u le be con bsnams:_byang phyogs gnod sbyin 'khor tshogs mtshams chod cig:_ces dang*/_tiSh+Tha badz+ras brtan bzhugs bya'o/__/gnyis pa bar mtshams la gnyis kyi/_dang po dam sri mnan pa ni/_dug shog la dam sri'i ling+ga spyi mthun gyi snying gar tri'i mthar/_ya ma dam sri gaM pa ri mA ra ya dzaH_zhes bris la dug khrag byug pa brub khung du bkod nas bskul gser skyems gzu dpang dmigs bya 'gugs bstim thun gyis brab nas mnan thod du bcug pa rnams snga nyin nas rdo rje mtshams pa sogs kyis grub pa yod na dang*/_ma grub na ling rkyang sgrub khang gi sgo drung du dong gru gsum brus pa'i nang du bkod la slob dpon gyis gser skyems thogs te/_ra~M ya~M kha~M/_'dod yon zag pa med pa bdud rtsi'i rgya mtshor gyur/_zhes byin gyis brlabs nas/_hU~M:_byin rlabs mchog stsol rtsa brgyud bla ma dang:_bla ma bde mchog yi dam zhi khro'i lha:_sangs rgyas byang sems dpa' bo mkha' 'gro la:_gser skyems mchod pa 'bul lo phrin las mdzod:_mthu stobs dbang phyug ma mgon lcam dral dang:_dregs pa'i sde dpon chen po sum cu sogs:_ye shes las las grub pa'i dam can la:_gser skyems mchod pa 'bul lo phrin las mdzod:_phyi nang gsang ba gab sbas bstan pa skyong:_dregs pa sde brgyad yul lha gzhi bdag sogs:_srid gsum 'byung po mthu stobs can rnams la:_gser skyems mchod pa 'bul lo phrin las mdzod:_ces gser skyems btang*/_e yaM raM dz+wa la raM/_brub khung yangs shing gting zab pa'i nang du tri las dam sri pho mo rid cing nyam thag pa'i lus can du gyur/_na mo/_rig 'dzin sogs bden stobs brjod pa sngon du 'gro bas/_khyad par du bcom ldan 'das bla ma bde mchog 'khor lo'i lha tshogs rnams kyi bka' bden pa dang*/_bden pa chen po'i byin rlabs kyis ma rungs pa'i sems can ya ma dam sri thams cad mtshan ma rdzas kyi rten 'di la mchis par gyur cig_/tri yaM dzaH_tri badz+ra ang+ku sha dzaH_dzaHhU~M ba~M hoH_zhes 'gugs gzhug byas la skyer pa'i phur chung gcig mi g.yo bar bskyed pa slob dpon gyi phyag tu thogs/_oM badz+ra kro d+ha Ar+Ya a tsa la hU~M b+han+d+ha b+han+d+ha hU~M phaTa?:_ces tshar gsum gyis gzi byin bskyed nas/_hU~M:_dur khrod chen po'i gnas mchog 'dir:_sgrub pa'i bar chad byed pa'i bgegs:_bka' las 'das pa'i dam sri rnams:_gsad cing gnan pa'i dus la bab:_hU~M mdzad hU~M gi khro bo Ar+Ya a tsa la:_sprul pa'i 'od zer rngams brjid dgra bgegs 'dul:_dur khrod bgegs kyi tshogs 'joms badz+ra kI la ya:_ya ma dam sri thal ba'i rdul du rlog:_Ar+Ya a tsa la dam sri b+han+d+ha b+han+d+ha mA ra ya phaTa?:_ces gnan thod dam ling ga la slob dpon gyis skyer pa'i phur chung btab/_thun rdzas kyis brab/_mnan chas dong nang du bskyur/_ro g.yam la ri gling rdo rje rgya gram bris pas bkab pa'i steng sAts+tsha nag pos mnan rjes/_thams cad kyis Ar+Ya a tsa la'i sngags brjod bzhin du sa chu me rnams kyis rgyas btab nas mi mngon par byas la slob dpon gyis rdo rjes rgya gram mdun du mnan la/_hU~M:_ri rab chen po'i rmang du gnan:_rgya mtsho chen po'i gting du bskyur:_gshin rje nag po'i lag tu gtad:_chu srin gdug pa'i kha ru brdzangs:_'khor lo 'bar ba'i phyag rgyas mnan:_bdun brgyud rigs ni brlag par 'gyur:_nam yang ldang bar mi nus so:_byang chub sems ni skyes na gtong:_zhes brjod cing don bsam mo/_/de'i steng du thams cad kyis sum+b+ha ni brjod bzhin tu lag pa lu gu rgyud du sbrel nas/_hU~M hU~M:_nga ni pad+ma drag po rtsal:_dpal gyi rta gdong rngams bzhad 'tsher:_dbang drag 'bar bas bro brdungs pas:_log 'dren 'byung po dbyings su mnan:_ha ha hi hi hU~M hU~M s+t+waM b+ha ya nan:_zhes bro brdung ngo*/__/gnyis pa sgo byang gdags pa ni/_ra sog gam ro ras la gshin rje mngon rtogs ltar bris pa'i rgyab tu snying po dang 'dod gsol bcas bris pa sgo'i them gyi phyi ngos su btags pa'i mdun du gtor ma gru gsum dmar po mtheb ril gyis mtshan pa dang*/_chu gnyis nyer spyod bcas bshams pa sngar ltar byin gyis brlabs/_sku rten a mr-i tas bsang*/_swa b+hA was sbyang*/_stong pa'i ngang las hU~M las gshin rje chos kyi rgyal po mthing nag 'khor lo dang thod dbyug 'dzin pa khro gtum 'jigs pa'i chas can ma he la dor stabs kyis gnas pa'o/_/ye shes pa badz+ra sa mA dzaH_dzaHhU~M ba~M hoH_zhes spyan drangs bstim/_oM badz+ra karma ya ma rA dza hU~M phaTa?:_ces nyer gcig bzla/_oM badz+ra ar+g+haM nas/_shab+da pra tIts+tsha swA hAs mchod la/_rang sngags kyi mthar/_ba liM ta nA nA khA dan+tu gr-i h+Na gr-ih+NahU~M khA hi khA hi:_zhes lan gsum gyis rdor thal phye rgyas gtor ma phul nas phrin las gsol ba ni/_hU~M:_gsang chen lhun grub pho brang nas:_las kyi gshin rje'i bdag po la:_bcom ldan chos rjes bka' bstsal ltar:_de bzhin rig 'dzin sgrub pa pos:_bka' gsang gzhung bzhin 'di bsgrubs nas:_yang dag don chen deng sgrub na:_'di la gnod cing bar gcod pa:_lha srin sde brgyad 'byung po kun:_khyod kyi g.yog dang 'khor lags pas:_rnam par smin pa'i chos shod la:_gsang ba mchog gi rnal 'byor pas:_bla med 'bras bu ma thob bar:_sa 'di yan chad ma btang bar:_phyi 'khor skyong ba'i mu ran la:_rdo rje'i yal gam thub par mdzod:_oM badz+ra ya ma rA dza sa ma ya s+t+waM:_zhes rten la me tog 'thor nas brtan bzhugs bya/_sgo them gyi nang du brub khung zhig gi nang du zan ling la seng ldeng ngam skyer pa'i phur bu'i dbal la mi g.yo ba'i sngags dang*/_mgul du rgya shog la 'di yan chad su'ang ma 'da' zhig ces bris te btags pa btab/_sgo 'di yan chad su'ang ma 'da' zhig:_ces brjod/__/gsum pa nang mtshams la dang po ma traM bsgral ba ni/_dkyil 'khor gyi gzhir ma traM gi gzugs brnyan mgo lho nub tu bstan pa gan rkyal du bzhag_/stegs bu'i shar ngos su slob dpon zhal nub bstan gyis phyag tu g.yab dar dang dril bu bsnams nas/_oM badz+ra kro d+ha ma hA shrI he ru ko\u0f85haM/_bdag nyid badz+ra he ru ka'i skur gyur/_zhes brjod cing slob dpon gyis lcags kyu'i phyag rgya bcings te/_ma traM ka ru dra dzaH_lan bdun brjod/_na mo/_rig 'dzin rtsa brgyud sogs bden stobs brjod pa sngon du 'gro bas/_khyad par du bcom ldan 'das bla ma bde mchog 'khor lo'i lha tshogs rnams kyi bka' bden pa dang*/_bden pa chen po'i byin rlabs kyis ngo bo dngos grub la bar du gcod cing rnam pa ma traM ru dra A kar+Sha ya dzaH_tri yaM dzaH_dzaHhU~M ba~M hoH_zhes bkug ste gzugs la bstim nas/_hU~M:_ma traM bya ba'i sdig can khyod:_sngon yang sgrub pa kun la bsgribs:_sngon tshe dpal chen he ru kas:_bsgral nas dur khrod chen po byas:_khungs dang rdzas bcas bdag las byung:_bdag med stong pa'i tho bas gzhom:_oM ma hA shU n+ya tA dz+nyA na badz+ra swa b+hA wa at+ma ko\u0f85haM:_ma traM ru tra dzaH_kha traM ru tra dzaH_zhes pas chos dang gang zag gi bdag chad par lta ba rnams gzhom pa'i don dang*/_ma traM gi gzugs de nyid slob dpon gyi zhabs g.yas pa'i dor stabs kyis mnan la/_hU~M:_ma traM bya ba'i sdig can khyod:_rol pa'i stabs kyis mnan pa ni:_'jigs byed chen po he ru kas:_mgo ni lho nub mtshams su bstan:_rkang pa byang shar mtshams su bstan:_khro rgyal zhabs ni g.yas g.yon gyis:_gyad kyi dor stabs tshul du mnan:_oM ma hA shrI he ru ka dri sh+ya hoH_sa ma ya s+t+waM:_ma hA de ba ru dra dzaH_dzaHhU~M:_zhes lan bdun bzla zhing*/_thams cad kyis lag g.yas kyi sor mo gsum sbreng ba khaT+wAM ga'i rgyas snying gar bsnun tshul byas la/_gzugs phung hrul gyis zhig_/ma rig sgo lnga'i sbub dral/_rnam shes tri nag por gnas pa thugs ka'i 'od kyis sbyangs pas hU~M yig dkar por gyur pa bdag gi thugs kar thim nas gnyis med du gyur par bsam/_las rdor gyis ma traM gi lhu tshig so sor phral nas stegs bu'i lho nub tu mgo_/nub tu snying*/_nub byang du lag g.yon/_byang du rkang g.yon/_byang shar du gsang gnas/_shar du rkang g.yas/_shar lhor lag g.yas/_lhor glo ba/_dbus su khog pa bcas phyogs mtshams so sor bkod/_slob dpon shar du gnas pas/_b+h+rU~M dz+nyA na maN+Da la b+h+rU~M/_thugs ka nas b+h+rU~M 'phros khog pa la thim pas khog pa dur khrod rol pa'i gzhal yas khang dur khrod brgyad rwa ba me dang bcas pas bskor bar gyur/_thams cad kyi lag g.yas phyi dang g.yon nang du byas pa'i khu tshur dpung mgor bsnol zhing*/_hU~M pra be sha ya phaTa?:_ces lan bdun bzlas nas rgya bkrol te/_dkyil 'khor gyi sgo shag gis phye bar gyur par bsam la/_de nas slob dpon rdo rje'i 'gros gar gyis/_hU~M hU~M hU~M:_ha ha ha:_phaTa? phaTa? phaTa?:_ces brjod nas dkyil 'khor la g.yas su lan gsum bskor nas/_dkyil 'khor gyi nang du tshud par gyur/_zhes brjod la stegs bu'i dbus kyi khri'u khar slob dpon zhal shar du phyogs par bzhugs/__/gnyis pa srung 'khor bsgom pa ni/_hU~M:_nga ni mnyam nyid ngang gis khro:_thugs rje khros pa'i rang rtsal las:_rdo rje me mtshon khro tshogs kyis:_bgegs kyi sbyor ba mtshams bcad do:_badz+ra kro d+ha rak+Sha hU~M:_zhes 'don bsgom bya'o/__/gsum pa sta gon bya ba ni/_lha dang*/_bum pa gnyis las/_dang po ni/_dkyil 'khor gyi gzhi la me tog bkram/_spos btul la/_bdag nyid he ru kar gsal ba'i:_thugs nas 'phros pa'i 'od zer gyis:_bla ma bde mchog dkyil 'khor lha:_mdun gyi nam mkhar spyan drangs bsam:_bla ma bde mchog 'khor lo dang:_zhi khro rab 'byams lha tshogs rnams:_sngon gyi thugs dam rjes dgongs la:_dkyil 'khor dgyes pa bskyed pa dang:_slob ma rnams la snying brtse bas:_gnas 'dir dpal chen he ru ka'i:_pho brang chen po 'debs 'tshal na:_thugs rjes dgongs te gnang ba dang:_snod bcud byin gyis brlab mdzad gsol:_zhes lan gsum gyis gsol ba btab pas thugs dgyes pa'i tshul gyis/_rdo rje slob dpon snying rje che:_khyed kyi rang gzhan phan gdags phyir:_sgrub pa'i cho ga tshul bzhin gyis:_bde gshegs rgyal bas byin brlab 'gyur:_gnang ba bstsal nas 'od du zhu:_bdag dang gnas la thim pa yis:_tha mal snang zhen rab sbyangs te:_ye shes chen pos byin brlabs gyur:_zhes mos/_bla ma bde mchog 'khor lo'i gter gzhung gi dbang la sta gon med kyang 'di ni dkyil 'khor bri bar gnang ba zhu ba'i don yin pas dbang bskur dang mi 'brel yang nges par bya dgos so/__/gsum pa ni/_rin po che'i bum pa dri'i chu dang so lnga'i rdzas sbyar ba kha rgyan mgul chings gzungs rdor ldan pa dang*/_las kyi bum pa bcas stegs la bkod pa'i mdun du sman gtor rak+ta/_phyi mchod bskor bshams byas la/_bsang sbyang*/_stong pa'i ngang las bum pa rang byung gi dur khrod drag po'i gzhal yas khang mtshan nyid yongs su rdzogs pa'i nang du bla ma bde mchog dkyil 'khor gyi lha tshogs skad cig gis gsal ba'i gnas gsum rdo rje gsum gyis byin gyis brlabs/_ye shes lnga'i dbang bskur bar gyur/_oM shrI he ru ka sarba maN+Da la hU~M/_oM AHhU~M sarba ta thA ga ta kA ya wAka tsit+ta badz+ra swa b+hA wa At+ma ko\u0f85haM/_hrIH hU~M trA~M oM AH_a b+hi Shiny+tsa maMH_shrI he ru ka maN+Da la sa pa ri wA ra e h+ye hiH_badz+ra sa mA dzaH_sa ma ya dz+nyA na dzaHhU~M ba~M hoH_a ti pu hoH_pra tIts+tsha hoH_mchod pa 'bul ba ni/_oM AHhU~M:_lha rdzas drag po'i nyer spyod bsam mi khyab:_bde stong zung 'jug ye shes dbyings su sbyor:_sman raka gtor tshogs mchod pa'i sprin chen pos:_rtsa gsum dkyil 'khor lha tshogs mnyes gyur cig:_oM badz+ra ar+g+haM pA d+yaM puSh+pe d+hU pe A lo ke gan+d+he nai wi d+ya shab+da pra tIts+tsha swA hA:_bo d+hi tsit+ta ga Na gu h+ya pU dza hoH_ma hA pany+tsa a mr-i ta rak+ta ba liM ta khA hi:_bstod pa bya ba ni/_hU~M hrIH_ma bcos spros bral bla ma chos kyi sku:_bde chen longs spyod bla ma chos kyi rje:_pad sdong las 'khrungs bla ma sprul pa'i sku:_sku gsum rdo rje 'chang la phyag 'tshal bstod:_gzungs thag blang la/_rang srog sngags kyi 'od zer gzungs thag la:_'khril nas bum pa'i lha tshogs thugs kar zhugs:_de dag sku las byang sems bdud rtsi'i rgyun:_bab pas bum chur gnyis med ro gcig gyur:_zhes dmigs la bsnyen sgrub kyi sngags ci nus bzla/_las bum du skad cig gis khro bo rta mgrin dmar po g.yas pad+ma'i dbyug to dang*/_g.yon me yi zhags pa thogs par gsal ba'i sku las rdo rje bdud rtsi'i rdul phra rab bab pas bum pa gang bar bsam la/_oM ha ya gr-I ba hU~M phaTa?:_ces bzlas mthar dung zhal gyi mchod yon phul la/_lha rnams bde ba chen po'i ngo bor 'od du zhu nas bum pa'i chu dang ro gcig par gyur/__/bzhi pa rten gyi dkyil 'khor bca' ba la/_dang po chag chag gdab pa ni/_bdud rtsi lnga chang dang sbyar bas dkyil 'khor gyi gzhir byang shar nas g.yas bskor du khyems med par byugs shing*/_hU~M:_tshe mchog 'dzin pa'i dngos grub dri:_byang chub sems ni dkar bas na:_mAM sa yon tan kun dang ldan:_rak+ta chags pa'i gnas chen po:_bdud rtsi gur gum dri yi chu:_gdod nas dag pa'i rtsa ba lnga:_nyon mongs dug lnga 'khor ba'i rgyu:_ye shes rnam lngar byin brlabs nas:_dkyil 'khor dgu ru lhun gyis grub:_oM ma hA he ru ka pAny+tsa.a mr-i ta dz+nyA na maN+Da la hU~M:_zhes brjod/_de nas thig tshon gyi bya ba ni/_deng sang phal cher gyis mi 'grub pa mang bas 'dir ma bkod la/_ras bris kyi dbang du byas te dkyil 'khor gang du bya ba'i stegs bur zhi dkyil spyi 'gro'i ras bris bkram pa bcas bsnyen pa'i las rim nyin dang po'i bya ba'o/__/de nas rgyan bkod pa ni/_sgrub rdzas sku rten bde mchog gi sku li ma byin ldan dang*/_bla ma bde mchog gi sku bris 'bur gang rung*/_gsung rten bde mchog rtsa rgyud kyi glegs bam dang*/_ma 'byor na sngags byang dar dmar ser la gser gyis bris pa/_thugs rten rdor dril/_yon tan gyi rten bdud rtsi chos sman gyis bkang ba'i b+han+d+ha kha sbyor/_phrin las kyi rten phur pa khro zhal can dang b+han+d+ha zhun chen chos sman gyis sbags pa sdong bu dgu btsugs pa dang*/_rgyal mtshan dang*/_ba dan/_ral gri/_mda' dar bcas bzhi bzhi/_tshon skud dra ba/_nyer spyod sman raka gtor ma tshogs rnams brgya rtsa/_sgrub pa'i yo byad thod rnga/_rdor dril/_rol mo sogs dang*/_dkyil 'khor mdun du bkod rgyu'i bla gtor dmar po/_g.yas su ye shes mgon po phyag bzhi gtso bor gyur pa'i pho rgyud/_g.yon du sngags srung sogs mo rgyud kyi gtor ma rgyan spros can grabs su tshud par byas nas stegs gzhan du bkod/_bdag gi rnal 'byor sngon du 'gro bas bzlas pa bsdu ldang bcas bya/_'dus pa rnams zhwa chos bcas dkyil 'khor mdun khrom tshogs su bzhengs la/_hU~M hU~M hU~M bi shwa badz+ra sogs dang*/_sum+b+ha ni brjod cing rol mo bcas slob dpon gyis yungs thun 'thor/_las rdor gyis gu gul bdug la rten gyi bgegs bsal/_rdo rje slob dpon gyis dril spos bcas sna drangs/_rgyal tshab pa/_yum bzang mo/_rgyal thebs sogs kyis sku gsung thugs rten nas mchod rdzas bar rim par thog_/sgrub sngags kyi dzapa? dbyangs dang 'jam rol skabs dkyil 'khor la g.yas su lan gsum bskor nas mdun du 'khod la dril gdangs bcas/_hU~M:_bla ma bde mchog 'khor lo yi:_rdo rje'i sku ni mkha' dang mnyam:_phyag rgya'i rten dang dbyer med bzhugs:_sku yi byin rlabs dngos grub stsol:_bsnyen sgrub sngags mthar/_kA ya dz+nyA na sa ma ya s+t+waM:_hU~M hU~M hU~M:_thod sku dkyil 'khor gyi dbus su rin po che'i snod 'brus bkang ba la bzhugs su gsol/_hU~M:_bla ma bde mchog 'khor lo yi:_rdo rje'i gsung dbyangs mi shigs sgra:_sngags kyi rten dang dbyer med bzhugs:_gsung gi byin rlabs dngos grub stsol:_bsnyen sgrub sngags mthar/_wAka dz+nyA na sa ma ya s+t+waM:_hU~M hU~M hU~M:_zhes sngags byang nub tu bkod/_hU~M:_bla ma bde mchog 'khor lo yi:_rdo rje'i thugs ni 'od gsal dbyings:_phyag mtshan rten dang dbyer med bzhugs:_thugs kyi byin rlabs dngos grub stsol:_bsnyen sgrub sngags mthar/_tsit+ta dz+nyA na sa ma ya s+t+waM:_hU~M hU~M hU~M:_zhes rdor dril shar du dgod/_hU~M:_bla ma bde mchog 'khor lo yi:_rdo rje'i yon tan lhun gyis grub:_bdud rtsi'i rten dang dbyer med bzhugs:_yon tan byin rlabs dngos grub stsol:_bsnyen sgrub sngags mthar/_gu Na dz+nyA na sa ma ya s+t+waM:_hU~M hU~M hU~M:_zhes sman thod lhor dgod/_hU~M:_bla ma bde mchog 'khor lo yi:_rdo rje'i phrin las thogs med khyab:_phur bu'i rten dang dbyer med bzhugs:_phrin las byin rlabs dngos grub stsol:_bsnyen sgrub sngags mthar/_karma dz+nyA na sa ma ya s+t+waM:_hU~M hU~M hU~M:_zhes phur bu byang du dgod/_hU~M:_chos nyid gcig las rig rtsal dgu:_gzi brjid sgron me 'od gsal ba:_ye shes klong dgu'i rten du bzhugs:_ye shes byin rlabs dngos grub stsol:_bsnyen sgrub kyi sngags mthar/_dI paM dz+nyA na d+hA tu sa ma ya s+t+waM:_hU~M hU~M hU~M:_zhes b+han+d+ha'i mar me dbus kyi thod sku'i mdun du dgod/_hU~M:_dkyil 'khor chen po'i gzhal yas pho brang ni:_mnyam nyid don gyi khyad par dbyer med kyang:_kun rdzob rigs la phyi nang bye brag gsal:_ma 'dres kha dog so sor gsal bkra zhing:_khyad par yon tan mdzes pa'i rgyan bres pas:_phyogs bzhi mtshams dang steng 'og thams cad du:_pho brang rgyan dang ldan par bzhugs su gsol:_b+h+rU~M bi shwa bi shud+d+he rat+na trA~M sa ma ya lhan:_zhes phyogs bcur phur bu/_phyogs bzhir ral gri dang 'phan bzhi/_mtshams bzhir mda' dar dang rgyal mtshan bzhi btsugs la tshon skud dra bas sbrel ba'am/_sgab bskor dang gdugs la sogs pas brgyan tshul mdzad/_de nas brda sgo dbye zhing phyag 'tshal ba ni/_hU~M:_gnyis 'dzin rtog pas bcad pa'i brda yi sgo:_rig pa ye shes chen po'i ngang du dbye:_lhun rdzogs byang chub sems kyi dpal chen po:_mngon sum rig ngor mjal ba'i phyag gis 'dud:_b+h+rU~M dz+nyA na maN+Da la pra be sha ya phaTa?:_a la la hoH_a ti pU hoH_pra tIts+tsha hoH_rgyud dag cing snod du rung ba'i phyir bshags pa bya ba ni gnong 'gyod gdung shugs dang bcas pas/_hoH_don dam dmigs med spros dang bral ba la:_nyams dang bshags par bya bar ma dmigs kyang:_kun rdzob 'khrul pa'i dbang gis las bsags pa:_snying nas 'gyod pas mthol bshags bzod par bzhes:_yi ge brgya pa brjod/_spro na spyi bshags ye shes sku mchog sogs kyang bya'o/_hoH_bdag gis mkha' khyab 'gro ba kun don du:_spyi dang khyad par lhag pa'i dam tshig gzung:_dpal chen lha tshogs rtse gcig bsgrub lags na:_ye shes chen po'i byin gyis brlab tu gsol:_sarba ma hA yo ga sa ma ya bo d+hi tsit+ta u t+pA da ya mi:_dbang ma thob pa'i mched gsar bu rnams dkyil 'khor gyi byang shar lta bur logs su dbye/_slob dpon gyi mdun du rdor dril/_bdud rtsi/_yungs thun sogs bkod nas bdud rtsi byin rlabs kyi sngags lan gsum sngon du 'gro bas las byang ltar sman mchod 'bul/_de nas slob dpon gyis/_bdag nyid bla ma bde mchog lhar gsal ba'i thugs ka nas ya las lcags sdigs mgo dgu rwa bco brgyad pa spros/_de las ye shes kyi me 'bar bas slob bu'i sdig sgrib thams cad bsregs par bsam zhing*/_oM AHhU~M badz+ra yak+Sha kro d+ha ha na ha na hU~M hU~M phaTa?:_ces bzla zhing yungs thun gyis brab/_bgegs la bka' bsgo ba ni/_hU~M:_rtsa gsum lha yi dkyil 'khor 'dir:_bgegs tshogs 'dug pa'i skabs med pas:_rang rang gnas su bde bar dengs:_'das na brlag par gdon mi za:_drag sngags spos rol ging dang me chu'i thun sogs tshams rngams dang grwa mang gis 'jam rol dang bcas bgegs bskrad/_rdo rje slob dpon sangs rgyas dpal sogs kyi rjes zlos gsar bu rnams la byed du bcug_/snying gar rang 'dra'i ye shes sems dpa' tshon gang bar bsgoms la byin gyis brlabs pa'i bdud rtsi lce thog tu lan gsum bzhag nas/_hU~M:_ji snyed sangs rgyas thams cad dang:_byang chub sems dpa' rdo rje 'dzin:_de bzhin sgrub pa'i rnal 'byor pa:_de dag la ni snying ring na:_rdo rje yak+Sha gnod sbyin gyis:_khyod kyi snying la zhugs te 'thung:_snying la yang dag gnas pa'o:_'di ni sems can dmyal ba'i chu:_dam tshig nyams na sreg par byed:_dam tshig bsrungs na dngos grub ni:_rdo rje bdud rtsi'i chu 'dis 'grub:_ces byin pa/_slob mas kyang*/_i dan na ra kan sa ma ya yak+Sha hU~M:_zhes myangs pa snying ga'i ye shes sems pa la thim nas dbyer med du gyur par bsam mo/_/'dres zin bsnan pa ni/_rgyal tshab pas bdud rtsi g.yon bskor du mched gsar rnying thams cad la brim zhing*/_sgrub sngags kyi dbyangs lan gsum mjug tu 'jam rol dang bcas bdud rtsi myangs nas thams cad kyis/_oM:_dpal ldan sangs rgyas sku 'chang ba:_rdo rje mi phyed sku dang ldan:_deng bdag sangs rgyas thams cad kyi:_rdo rje sku yi dngos grub stsol:_oM sarba ta thA ga ta kA ya badz+ra swa b+hA wa At+ma ko\u0f85haM/_AH_dpal ldan sangs rgyas gsung 'chang ba:_rdo rje mi phyed gsung dang ldan:_deng bdag sangs rgyas thams cad kyi:_rdo rje gsung gi dngos grub stsol:_AHsarba ta thA ga ta wAka badz+ra swa b+hA wa At+ma ko\u0f85haM/_hU~M:_dpal ldan sangs rgyas thugs 'chang ba:_rdo rje mi phyed thugs dang ldan:_deng bdag sangs rgyas thams cad kyi:_rdo rje thugs kyi dngos grub stsol:_hU~M sarba ta thA ga ta tsit+ta badz+ra swa b+hA wa At+ma ko\u0f85haM/_zhes dang*/_slob dpon gyis/_deng phyin chad mched gsar rnying thams cad skal pa mnyam zhing dam tshig gcig tu 'dus pa yin pas dam tshig gzhung bzhin du bsrung bar gyis shig_/ces bsgo/_thams cad kyis phyag thal sbyar bar du me tog bzung la/_sku gsung thugs kyi rdo rje slob dpon dang:_dam tshig 'brel ba'i mched dang lcam dral gyis:_sgrub mchog rnams su byin gyis brlabs pa yi:_bka' drin rjes su dran phyir gtong rag gtong:_zhes drin len gyi me tog 'thor/_de nas rdo rje'i gral du bzhag pa ni/_mched gsar bu rnams rang rang gi gral du 'khod nas/_rtsa ba sku gsung thugs kyi dam tshig dang:_bsnyen sgrub rnam bzhi bsten cing bsgrub pa dang:_yi dam lha mchog dzapa? bsnyen bgrang ba'i phyir:_dam tshig rdo rje'i gral du mchi bar gnang:_zhes brjod cing lha yi nga rgyal dang ldan pas/_oM ma hA badz+ra hU~M:_zhes rdo rje thugs kar gsor ba dang*/_oM badz+ra g+haN+De hU~M/_zhes dril bu dkrol zhing dkur bsten/_oM sarba ta thA ga ta ma hA a nu rA ga Na badz+ra swa b+hA At+ma ko\u0f85haM/_zhes thugs kar 'khyud rgya byas la dril bu dkrol ba dang rol chen brgya brdung sogs rol mo'i sgra cher bsgrags so/__/lnga pa sgrub pa po rnams mnga' gsol zhing gnas su 'god pa ni/_rgyal thebs gtso bos gtong thun sngon du 'gro bas dbyangs 'or len dang*/_las kyi rdo rjes thod chang gzhung tshig dang bstun so sor drangs la/_hoH_dus gsum sangs rgyas kun gyi ngo bo nyid:_rdo rje rgyal po dkyil 'khor 'dus pa'i gtso:_nyon mongs bdud 'joms ye shes lnga yi bdag:_bstan pa'i sgron mer mnga' gsol dgyes par bzhugs:_rdo rje'i gdung 'tshob phrin las rnam bzhi'i bdag:_rgyal tshab slob dpon mnga' gsol dgyes par bzhugs:_shes rab dbyings las bde ba'i ye shes ster:_kun bzang yum du mnga' gsol dgyes par bzhugs:_bskyed rim gsal ston las kyi gzhung bsrang mdzad:_rdo rje phrin las mnga' gsol dgyes par bzhugs:_mchod pa'i bya bas dkyil 'khor dgyes pa bskyed:_las kyi rdo rjer mnga' gsol dgyes par bzhugs:_phyi nang drod tshad dus dang rtags rnams mkhyen:_rdo rje srin por mnga' gsol dgyes par bzhugs:_dngos grub ltas mthong bar chad gzir zhing skrod:_rdo rje spyan par mnga' gsol dgyes par bzhugs:_phyi nang nyul le 'byung po thogs med bsgral:_rdo rje ging chen mnga' gsol dgyes par bzhugs:_dgra bgegs gnas spor gzugs phung zhal du stob:_sgrol ging las mdzad mnga' gsol dgyes par bzhugs:_'du bar 'os min srung ba'i phrin las mdzad:_rdo rje mtshams par mnga' gsol dgyes par bzhugs:_tshogs kyi bya ba gtsang zhing dag par sbyor:_rdo rje phyag tshangs mnga' gsol dgyes par bzhugs:_phyi yi nyu le bskrod cing las rnams sgrub:_rdo rje rdul phyag mnga' gsol dgyes par bzhugs:_dzapa? bsnyen gsal dag rgyun mi chad par sgrogs:_rdo rje mched lcam mnga' gsol dgyes par bzhugs:_zhes mnga' gsol zhing las kyi bskos gdag_/rang gral de las ma 'chug par bya dgos so/__/byin dbab pa ni/_slob dpon gyis g.yab dril thogs pas dkyil 'khor mdun du 'khod/_las rdor gyis sbyar spos dang g.yab dar thogs pas sna drangs te/_hU~M:_bzhengs shig pad+ma 'byung gnas sogs kyis bskul/_hU~M:_ngo bo chos sku'i pho brang nas:_rtsa brgyud bla ma gshegs su gsol:_gnas 'dir dbang bskur byin phob la:_mchog dang thun mong dngos grub stsol:_rang bzhin longs sku'i pho brang nas:_yi dam lha tshogs gshegs su gsol:_gnas 'dir dbang bskur byin phob la:_mchog dang thun mong dngos grub stsol:_thugs rje sprul sku'i zhing khams nas:_gnas gsum dpa' bo rnal 'byor mas:_gnas 'dir dbang bskur byin phob la:_mchog dang thun mong dngos grub stsol:_legs nyes stangs 'dzin pho brang nas:_chos srung dam can rgya mtsho yis:_gnas 'dir dbang bskur byin phob la:_mchog dang thun mong dngos grub stsol:_sgrub mchog rgyud la bde chen spor:_sgrub gnas rdo rje'i zhing du bsgyur:_sgrub rdzas ye shes rol pa'i rgyan:_'dod yon rgya mtshor byin gyis rlobs:_oM AHhU~M gu ru de ba DA ki nI sarba sa ma ya badz+ra dz+nyA na a be sha ya a a aH_hrIM hrIM pheM pheM:_hU~M hU~M hU~M:_byin 'bebs dbyangs bcas kyi gsham du brgyud gsum rol mo'i skabs dkyil 'khor la lan gsum bskor la rang gral du 'khod/_bsngo ba smon lam byas la grol/_de dag ni nye bar bsnyen pa ste nyin gnyis pa'i bya ba'o/__/gnyis pa phrin las kyi gzhung bsrangs te sgrub pa dngos la 'jug pa ni/_mkhyen brtse'i sku phreng dang rnam thar gsol 'debs rigs res mos su btang*/_ngo mtshar bla brgyud dang brgyud 'debs sngon du 'gro bas/_las byang gi skyabs sems nas brtsams mchod pa byin rlabs bar lhan thabs dang sbyar nas mthar chags su btang*/_dngos gzhi'i las rim ting 'dzin rnam gsum nas bzlas pa'i bar gter gzhung dkyus ltar dang*/_rnam pa gsal ba'i bzlas pa pad+ma badz+ra brgya rtsa tsam/_nga rgyal brtan pa dang*/_rnam dag dran pa gnyis mthar sngags bzla mi dgos/_bsnyen sgrub las sbyor gyi bzlas pa dngos la/_bsnyen sngags pad+ma badz+ra sum brgya/_sgrub sngags lnga brgya/_las sbyor lnga so sor nyer gcig tsam bzlas la/_ye shes lha tshogs sogs kyis stong tshig phul/_slar yang ting 'dzin rnam gsum gyi/_oM:_chos rnams spros bral sogs nas brtsams mchod bstod kyi rigs lhan thabs sbyar bas 'gres te btang*/_bzlas pa'i dbur rnam pa gsal ba/_phyag rgya brtan pa/_rnam dag dran pa rnams mi dgos/_b+h+rU~M bi shwa bi shud+d+he hrIHhU~M phaTa? dzaH_zhes pas mdun rten gyi go sar dzapa? khang dbye/_bsnyen sgrub bzlas dmigs/_hU~M:_bdag nyid pad+ma badz+ra sogs mthar/_hU~M:_bde stong thugs kyi dkyil 'khor nas:_khyab bdag pad+ma badz+ra rtsal:_sku ni snang stong gzi byid 'bar:_gsung gis grags stong sngags sgra sgrogs:_thugs mchog rig stong srog ldan pa:_bsnyen sgrub dzapa? kyi thugs dam bskul:_ma grub bar du mi gtong na:_ma g.yel thugs rje'i dpung bskyed la:_bzlas pa'i phrin las g.yel med pas:_las bzhi grub pa chen po brgyad:_rig 'dzin mchog gi dngos grub rnams:_da lta nyid du sgrub mdzad gsol:_zhes bskul la rtsa bsnyen chig stong bzlas la/_ye shes lha tshogs sogs stong tshig brjod la sman raka 'thor ba phyi ma rnams la 'gre/_hU~M:_slar yang thugs srog sa bon mthar sogs yongs rdzogs grub pa'i bsnyen dmigs mthar/_hU~M:_rdo rje'i sku yi dkyil 'khor nas/_/gtso mchog thod phreng sde lnga dang*/_/dpal chen grub pa'i rig 'dzin brgyad/_/snying po'i rnal 'byor ma bzhi dang*/_/gnas yul dpa' bo mkha' 'gro'i tshogs/_/sgo mtshams DA ki bzhi sogs/_sku ni snang stong sogs mthar yongs rdzogs sgrub sngags chig stong lnga brgya bzlas la/_ye shes lha tshogs sogs/_oM hU~M:_sku yi gnas lnga'i dkyil 'khor nas:_gu ru thod phreng rigs mchog lnga:_sku ni snang stong sogs/_oM:_spyi bo'i bud+d+ha thod phreng sogs/_las sbyor lnga re re la nyer gcig re bzla/_mthar/_ye shes lha tshogs sogs stong tshig gcig phul/_tshe sgrub ni/_gtso mchog pad+ma badz+ra pad+ma dang tshe bum thugs kar bsnol ba'i yum man+dA ra ba pad+ma'i gri gug thod pa can gyi spyi bor bla ma rdo rje chos dmar po mnyam bzhag tshe bum can du dmigs pa bsgyur la/_hrIH_thugs ka'i ye shes sems dpa'i thugs srog nyi zla'i gwa'u'i dbus hrIHmthar tshe'i rig pas bskor ba'i 'od zer spro bsdus 'khor 'das brtan g.yo'i dwangs bcud rang gi bla tshe'i bcud bsdus pa rigs bdag gi phyag gi bum pa khengs nas khol zhing zhu ba phyir lud pas lus dkyil gyi lha la phog pas tshe dang ye shes kyi gzi byin mchog tu rgyas par dmigs la/_sgrub sngags mthar/_badz+ra dz+nyA na A yu She swA hA:_btags pa nyer gcig tsam bzla/_bdag 'jug gi don du/_bum pa b+h+rU~M las gzhal yas khang:_mtshan nyid thams cad yongs rdzogs dbus:_bla ma bde mchog lha tshogs rnams:_snang stong chu zla lta bur gsal:_rang gi thugs srog sngags phreng las:_'od zer mchod pa'i tshul du spros:_snyoms 'jug byang sems bdud rtsi yis:_bum pa yongs su gang bar gyur:_zhes bsnyen sgrub las sngags khyug tsam bzlas la/_oM AHhU~M gis bum lha bde stong chen po'i ngo bor 'od du zhu bar gyur/_des thun dang po grub/_de nas thun drug byed na nyin mo phrin las tshar gnyis dang*/_mtshan mo tshar gsum bskyar/_thun bzhi byed na nyin mo yang bskyar gcig dang*/_mtshan mo tshar gnyis gtang dgos pas/_mchod pa byin brlab nas bdag bskyed so sor mi dgos/_mdun bskyed kyi las byang rgyas pa nyid bzlas pa'i bar bskyar ba yin la/_bzlas pa ni bskul tshig gi sgrub sngags nyid gtso bor bya/_mthar las sbyor cung zad bzla zhing stong tshig so sor 'bul/_tshe bsnyen yang nyer gcig tsam re bzlas pas chog go__/nyin thun rjes mar bsnyen pa grub pa dang*/_dam can spyi gtor dang phyag bzhi pa dngos grub rol mtsho dang rigs gsum snying thig gi bka' srung dud sol ma lta bu dang mgon dkar dur bdag bcas sbyar na legs pas thugs sgrub mi g.yo ba'i bka' srung ltar gtang*/_skabs 'dir bskang bshags ni grub thob bka' brgyad kyi bskang bshags khol byung ltar sbyar/_de nas las byang ltar tshogs byin rlabs nas bsgral bstab bar byas la/_spro na 'dir phyi rol tu cha gsum gtor ma btang*/_tshogs la rol lhag gtor bsngos la lhag ma btson 'dzin bya/_dam can gtor chog byas na gtor 'bul sogs mthar dbyung*/_las byang gi bskul ba dang chad brtan rta bro gtang rag mchod bstod bzod gsol grub nas mdun bskyed brtan bzhugs/_bdag bskyed bsdu ldang bsngo smon shis brjod bcas bya'o/__/de nas bar gcod nyu le 'dul zhing bskrad pa ni/_'dus pa thams cad zhwa dang bcas bzhengs/_slob dpon sogs chas su zhugs pa rnams dkyil 'khor gyi mdun du 'khod pa'i drung du nyu le'i ling ga bkod la/_e yaMdz+wa la raM/_brub khung yangs shing gting zab pa'i nang du tri las dngos grub la bar du gcod cing log par lta ba'i 'byung po nyu le bdud kyi rigs su gyur pa thams cad rid cing nyam thag pa'i lus can du gyur/_zhes brub khung bskyed/_na mo/_rig 'dzin rtsa brgyud sogs bden stobs brjod pa sngon du 'gro bas/_khyad par du bcom ldan 'das bla ma bde mchog 'khor lo'i lha tshogs rnams kyi bka' bden pa dang*/_bden pa chen po'i byin rlabs kyis dngos grub la bar du gcod cing log par 'dren pa'i 'byung po nyu le bdud kyi rigs su gyur pa thams cad mtshan ma rdzas kyi rten 'di la mchis par gyur cig_/tri yaM dzaH_tri badz+ra aM ku sha dzaH_dzaHhU~M ba~M hoH_dgug gzhug dang ging pa las kyi che mchog tu gsal ba'i thugs ka nas pho nya mtshon cha'i char phab pas rdul du brlag par bsam zhing*/_rol mo dbyangs dang Ta ki'i 'cham stabs dang phur thun tshom bur bskul ba ni/_hU~M:_chos kyi dbyings las rang byung grub pa'i lha:_khro bo rol pa'i dur khrod chen po nas:_shin tu mi bzad rab 'jigs skur ston pa:_dpal chen yongs rdzogs drag po'i phrin las mdzod:_ces dang*/_hU~M:_nga ni pad+ma he ru ka:_sras dang sprul pa bye ba 'bum:_bka' sdod rab 'jigs pho nyar bcas:_bka' brgyad lha tshogs dus la bab:_g.yas kyi phyag na phur bu 'dril:_g.yon gyi phyag na lcags kyus 'gugs:_lcags kyus zungs la phur bus thob:_gnod byed dgra bgegs rdul du rlogs:_zhes phur thun tshom bur bskul mthar slob dpon gyis drag sngags phur skor dang bcas pas gdab cing*/_Ta ki rnams kyis thun gyis brab/_khyad par dpal gyi pho nya kun thub rgyal mo bskul ba ni/_hU~M:_shar phyogs dkar mo dung gi gzhal yas nas:_khrag mdog dmar mo bse yi lan phran can:_spyan rtsa dmar po nyi zla skar ltar 'phro:_smin ma glog 'gyu mun pa'i go skabs 'byed:_bu yug thog 'beb shangs nas rdo rje 'khrugs:_bzhad pa he dang dpal gyi spu gris gtams:_rngams pa'i ljags 'dril bskal pa'i me chen 'bar:_ag tshom me 'bar rab 'byams srid pa sreg:_bskal pa'i 'brug sgra snyan nas gsung sgra sgrogs:_lag pa dmar po spu gri 'bum gyis gtams:_sen mo lcags kyu'i rtse la bskal pa'i me chen 'bar:_ba spu rdo rje gnam lcags zhun ma 'khrugs:_smin ma lcags kyi khro chung char 'bebs shing:_zhabs kyi phur pas srin po lnga brgya gzir:_ral pa dmar po khrag gi dug char 'bebs:_shin tu mi bzad gtum chen khrag 'thung ma:_srin mo'i snying 'byin chang par bcug nas gsol:_shin tu mi bzad 'bar ba'i sku gcig ma:_dpag tshad lnga brgyar rgyug cing klu srin ma lus sgrol:_khros pa'i zhal mdog khrag gi mchin pa kha:_na bza' dmar po srin gyi g.yang gzhi gsol:_phyogs bcur kha bltas phyogs skyong zhabs kyis mnan:_bdud la bab na snying khrag dron mo 'thung:_sri la bab na srog rtsa dmar po gcod:_dgra la bab na dug gi kha chu 'debs:_bgegs la bab na rU pa rdul du rlog:_dpal gyi pho nya dpal gyi thugs las sprul:_dam nyams dgra dang 'byung po bgegs kyi tshogs:_phung po dum bur gtub cing don snying ma lus sreg:_gru bu gru a pa tse ru pa tse ni tsa ra na thun na sha ya s+t+waM b+ha yak+sha 'byin yak+sha 'byin phye ma phye ma rdul phran rdul phran:_zhes drag sngags spos rol dang khyad par gyi dbyug pas bsdigs shing thun gyis brab pa sogs drag po'i tsham rngams dang bcas gzir la bskrad/_srung ba'i 'khor lo brtan par bsgom/_de nas byin dbab pa ni/_spos rol g.yab dril sogs sngar ltar byas la byin dbab/_bsnyen sgrub kyi dzapa? dbyangs lan gsum byas pas grub/_mtshan thun dang por las byang gi tshogs bsags nas bzung sngon 'gro tshang ba dang*/_thor thun rjes tshogs mchod re ma chag par btang*/_gzhan nyin thun rjes ma dang 'dra/_thor thun grol rjes nyu le bskrad/_byin 'bebs las byang ltar bya/_sgrub zhag rjes ma gsum gyi snga dror tshe bsnyen rjes zur gsal tshe 'gugs tshar re sbyor rgyu byung na legs/_de lta bu'i tshul gyis zhag bdun la sogs par gyer bsgom bzlas pa ma chad par bya ste sgrub pa'i rim pa'o/__/grol nyin dgong mor dbang gi sbyin sreg grub na legs/__/gsum pa rjes dngos gru blangs ba la/_grub pa'i rtags rab 'bring tha ma'i tshul du byung ba'am sgrub zhag grangs them pa'i tshe/_rdzas bsham pa ni/_dkyil 'khor mdun du stegs bu khebs ldan dkar po'i steng du 'bru dkar pos g.yung drung g.yas 'khyil bris pa'i khar many+dzi'i steng du dkyil 'khor gyi rnam bum blang la bzhag_/g.yas su rin po che'i snod du gser g.yu sogs rin po che sna tshogs kyi phye ma dang dkar mngar gyis sbrus pa'i las bzhi'i 'brang rgyas ril bus bskor ba/_maM sa/_mar/_thud/_'bras chan/_khur ba/_zho dang la du/_shing thog sna tshogs/_su ra sogs bza' bca' btung ba'i bye brag sna tshogs pas bskor ba/_g.yon du chang bzang por mngar gsum dang a mr-i tas sbags pas b+hany+dza bkang ba bshams la dar gyis gur dbub pa'i tshul du bkab/_nang mo phrin las kyi gzhung sngar ltar bsrangs la bzlas pa'i rjes tshe 'gugs sbyar/_stong tshig thun pa rnams dang lhan cig phul la sngags rgyun snga ma grol/_bsnyen sgrub sngags la/_kA ya wAka tsit+ta gu Na karma sarba sid+d+hi pha la hU~M:_zhes btags pa bzla/_srung ma rnams kyi gtor chog grub pa dang*/_las byang ltar bgegs bskrad/_rgyal tshab pas dkyil 'khor la bskor zhing thun brab/_mtshams gcod/_las rdor dang rgyal tshab pas spos g.yab dril bcas tshogs pa dang dkyil 'khor la bskor zhing las byang ltar byin 'bebs gyer/_ye shes sku mchog sogs brjod la nongs pa bshags/_bdud rtsi'i sngags lan gsum brjod la rdzas rnams byin brlabs/_dkyil 'khor gyi lha tshogs rnams yab yum snyoms par zhugs pa'i sbyor mtshams nas 'od zer dmar po phyogs bcur 'phros 'gro ba'i rgyud sbyangs/_bde bar gshegs pa rnams la phog dgyes pa bskyed sku gsung thugs yon tan phrin las dang bcas pa'i dngos grub tshur 'dus bdag la thim/_gsal zhing brtan par byas/_rdzas rnams la thim pas 'chi med kyi bdud rtsi dngos grub kun gyi snying por 'khyil bar gyur/_zhes dmigs/_bsnyen sgrub sngags la gong gi sngags sham btags la brgya'am nyer gcig bzlas la/_las byang ltar/_hU~M:_bde mchog bde sbyor nam mkha'i dbyings sogs kyis dngos grub spyir bskul/_bye brag tu/_dkyil 'khor lha tshogs rnams kyi gnas lnga nas sku gsung thugs yon tan phrin las kyi dngos grub thams cad yig 'bru lnga dang 'od zer thig le'i rnam pa dpag tu med pa 'phros te rang gi gnas lngar thim pas dbang dang byin rlabs dngos grub ma lus thob par mos la/_slob dpon gyis gnas lngar gtugs la gong gi rgyan bkod skabs kyi/_oM:_bla ma bde mchog 'khor lo yi:_sogs tshig bcad dang bsnyen sgrub sngags mthar/_kA ya sid+d+hi pha la hU~M:_sogs so sor btags nas sh+lo ka lnga brjod cing dngos grub blang*/_slob dpon la bum chu dang dngos grub kyi phud 'bul/_hrIH_pad+ma badz+ra bde chen tshe yi lha:_gsang ba'i yum mchog rdo rje rnal 'byor ma:_dbyer med rtsa gsum tshe lha rab 'byams kyis:_mi 'gyur tshe dang ye shes dngos grub stsol:_sngags mthar kA ya wAka tsit+ta dz+nyA na a b+hi Shiny+tsa oM:_zhes brjod pas tshe 'brang gis dbang blang*/_tshe ril tshe chang phul/_de nas 'dus pa rnams kyis bsnyen sgrub dzapa? dbyangs byas la/_slob dpon dang rgyal tshab pas rten rnams dang tshe bum gyis dbang bskur/_las rdor sogs kyis rdzas dang tshe ril sogs bkye/_rdzas rnams dngos grub tu rol pas/_lha dang bdag gnyis su med pa bde ba chen po de bzhin gshegs pa thams cad kyi rdo rje gsum gyi rang bzhin du gyur par mos la/_bcom ldan 'das bla ma bde mchog 'khor lo'i lha tshogs rnams kyi dngos grub thams cad bdag cag rnams kyis thob nas sku lnga ye shes lnga'i yon tan ma lus rtsol ba med par lhun gyis grub par gyur cig_hoH_bdag cag sgrub pa po rnams kyis rdo rje'i tshe gsol bas tshe'i dngos grub dbang du gyur cig:_thabs kyi mAM sa gsol bas 'khor 'das kyi nus stobs dbang du gyur cig:_shes rab dza gad gsol bas bde ba chen po'i ye shes dbang du gyur cig:_zhal zas kyi bye brag mang po gsol bas zhi khro phrin las kyi dngos grub thams cad dbang du gyur cig:_'dod yon gyi rnam pa thams cad longs spyad pas 'khor 'das kyi legs tshogs thams cad dbang du gyur cig:_sarba karma wa sha ma no ha ra sid+d+hi sid+d+hi hU~M:_zhes dang*/_AH_snang grags rtog gsum dwangs ma'i bcud:_rtsa gsum thig le'i dbyings su thim:_mi 'gyur mi shigs blo las 'das:_skye med gnyug ma'i rgyas gdab bo:_badz+ra kA ya wAka tsit+ta dz+nyA na a a a:_zhes pas sgrub pa chen po'i rim pa grub pa'o/__/skabs 'dir dpon slob kha shas kyis rgyas pa'i sbyin sreg byas la dngos grub kyi phud 'bul/_spros pa bsdu na skabs 'dir tsam las sbyin sreg gzhan ma grub kyang chad skyon du mi 'gyur ro/__/gzhan don du dbang bskur na smin byed rgyas pa de'i snying por bsdus pa tsam gyis skabs 'dir rjes su 'dzin par bya'o/__/bzhi pa rjes kyi las rim rnams kyis sgrub pa mtha' rgyas su bya ba ni/_las byang ltar tshogs byin rlabs nas rim par btang ba'i zhal bstab mjug tu nyu le'i ling ga mer bsreg_/lhag ma bsdus nas sngar btson 'dzin byas pa'i tshogs lhag mchod pa'i ras ma dang bcas phyi rol tu btang*/_srung ma'i gtor 'bul zur du yod na bya/_bskul ba chad brtan rta bro yan grub nas/_gtang rag mchod bstod rgyas par bya/_nongs bshags bzod gsol dang*/_dkyil 'khor gyi ye shes pa ras bris dang rten la brtan bzhugs spyi ltar bya/_dam tshig pa rang la bsdu zhing thun mtshams kyi lhar ldang*/_de nas phyi mtshams bkrol ba ni/_sgrub khang gi shar la sogs pa'i rgyal chen bzhi dang sgo byang gi lha so so'i mdun du mchod pa bshams/_bsang sbyangs byin rlabs drangs bstims mchod pa rnams sngar ltar las/_mchod sbyin gtor ma 'di bzhes la:_sogs kyis phrin las bcol/_badz+ra muHsa gshegs su gsol/_dkyil 'khor gyi mtha'i phur bu rnams/_oM badz+ra kI la ya ut+kI la ya sarba kI la ya badz+ra d+ha rod adz+nyA pa ya hU~M hU~M hU~M phaTa? swA hA:_zhes lag gnyis skam pa'i rgya dang bcas dang por gdab rim las ldog phyogs su phyungs te/_oM ru ru s+phu ru dz+wa la tiSh+Tha sid+d+hi lo tsa ni sarba ar+tha sa d+ha ni swA hAs phur rtse 'o mas bkru/_chos thams cad skye ba med pa'i don yid la byas te dril bu dkrol zhing*/_a kA ro'i sngags brjod bzhin pas 'jam rol dang bcas ras bris dkyil 'khor bsdu/_sgrub rdzas sogs rjes shul mi mngon par bya/_de nas mar me smon lam gyis dge ba'i rtsa ba bla na med pa'i rgyur bsngo ba ni/_dpon slob thams cad lag bsnol bas srin lag sbrel/_rdo rje rgyal theb kyis snam sbyar dang bcas bzhengs te mar me'i smon lam gtong thun sngon du 'gro bas/_hU~M/_dur khrod gsang ba mchog gi dkyil 'khor du/_/snying po byang chub lam la zhugs pa yis/_/'khor ba'i g.yang sar chen por mi ltung zhing*/_/chags sdang gcong rong gnas su mi skye dang*/_/log lta dmyal ba'i zangs khar rbab mi 'gril/_/'khon 'dzin gcan gzan gdug pa'i skad mi thos/_/nyon mongs mtshon rtse gdug pa'i zer mi 'phog_/dge ba'i bshes gnyen bka' drin che ba dang*/_/srog gi 'brel ba'i mched dang lcam dral dang*/_/gsum pa'i dbang gis 'brel ba'i rig ma gsum/_/skye ba 'di dang tshe rabs thams cad du/_/mi 'bral rtse gcig 'grogs pa'i ting 'dzin gyis/_/sa bcu khyad par rim gyis bgrod par shog_/nam zhig tshe 'phos lus brje'i dus byung nas/_/'khor ba'i g.yang sar lan gcig ltung srid kyang*/_/snang ba'i sgo 'byed zhun mar mdangs gsal 'dis/_/rig 'dzin sgrub pa po yis shul mtshon cing*/_/kun tu 'od kyi sa la rgyud sbyangs nas/_/pad+ma chen po'i sa la lhun gyis grub/_/'khor lo tshogs chen sa la gshegs pa'i tshe/_/sngon gyi rgyal ba rnams kyis mdun bsus shig_/yi dam lha yis rgyab nas srog brten cig_/byang chub sems dpa' rnams kyis mtha' skyor cig__/mchod pa'i lha mo rnams kyis sna drongs shig_/ma tshogs dbang mo rnams kyis rjes skyongs shig_/lcang lo can gyi sa la phyin pa'i tshe/_/mi ldog pa yi sa la gnas nas kyang*/_/rdo rje khro rgyal khyod kyi zhal mthong nas/_/rig 'dzin rnams dang dbyer med gyur nas kyang*/_/bla med sku gsung thugs su 'grub par shog_/ces thams cad kyis rjes zlos dang bcas smon lam gdab/_las byang ltar bsngo ba smon lam shis brjod bcas dang*/_gzhan yang zhal nas gsungs pa'i thog drangs te bkra shis kyi tshigs su bcad pa rgyas par spel lo/__/gnyis pa 'phros don la/_de ltar sgrub pa'i 'bras bu ni:_de ltar tshogs sam tshogs sgrub tu:_rtse gcig nyams su blang ba yis:_gnas skabs gegs zhi tshe dpal 'phel:_yul phyogs bkra shis byin chen 'bebs:_mthong thos dran reg skal pa ldan:_dngos grub rnam gnyis myur du 'thob:_mthar thug rig 'dzin rnam pa bzhi'i:_lam las mi gnas ye shes mchog:_rnam par grol ba'i dpal thob phyir:_blo ldan rnams kyis brtson par gyis:_zhes dang*/_de ltar 'bad pas brtson 'grus dang:_ting 'dzin skal pa'i khyad par bzhin:_rab kyis rig 'dzin mchog dngos 'grub:_'bring gis sngags kyi drod tshad 'thob:_gzhan du phrin las ci rigs 'grub:_mdor na 'brel tshad don ldan pa:_sgrub pa chen po'i phrin las so:_zhes bslu med rdo rje'i gsung gis nges pa ltar ro/__/legs byas kha 'bab bzhi yi rgyun bzang gis/_/yid can mtha' dag dngos kun bdag nyid che/_/'khor lo sdom pa'i thugs dbyings rgya mtsho cher/_/'jug nas dngos grub nor bu'i gter spyod shog__/ces pa'ang kun mkhyen pad+ma dkar po'i rnam 'phrul ngag dbang rnam rgyal gyi phyag rjes dpal ldan 'brug pa bka' brgyud kyi gdan sa lte ba spungs thang bde chen pho brang du 'brug rgyal bzhi pa 'jigs med seng ge dbang phyug dang rgyal yum skal bzang chos sgron yum sras nas dpal 'khor lo sdom pa lha bcu gsum gtso bor gyur pa'i rtsa ba gsum gyi gtsug lag khang gsar bskrun gyis lo bstar zab chos 'di'i tshogs sgrub 'dzugs pa'i ched du bka' bstsal ba bzhin 'gyur med theg mchog bstan pa'i rgyal mtshan pad+ma dbang chen dgyes pa rtsal gyis chog khrigs su bstar bas yid can mtha' dag bde chen sgyu 'phrul dra ba'i dkyil 'khor du ngal 'tsho zhing dpal ldan 'brug pa phyogs las rnam rgyal gyi chos srid nyi zla'i snang ba rtag tu brtan pa'i rten 'byung du gyur cig_/sarba dA mang+ga laM/_//

Footnotes

Other Information

Retrieved from "https://khyentselineage.tsadra.org/index.php?title=DKR-KABUM-07-JA-010&oldid=49171"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.