DKR-KABUM-02-KHA-004

Previous Text Back to Volume PageNext Text

བླ་མ་མཆོད་པ་གཙོ་ཆེ་བའི་སྐབས་མཆོད་ཕྲེང་རིགས་རྒྱས་པ་སྦྱར་བ་གསུངས་པ་ལྟར་རིགས་མཐུན་གཞན་ནས་འབྱུང་བ་བཞིན།

Wylie title	bla ma mchod pa gtso che ba'i skabs mchod phreng rigs rgyas pa sbyar ba gsungs pa ltar rigs mthun gzhan nas 'byung ba bzhin
Location	dil mgo mkhyen brtse bka' 'bum Volume 2, Text 4, Pages 39-40 (Folios 1a1 to 2b2)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Bla ma mchod pa gtso che ba'i skabs mchod phreng rigs rgyas pa sbyar ba gsungs pa ltar rigs mthun gzhan nas 'byung ba bzhin. In Skyabs rje dil mgo mkhyen brtse rin po che'i bka' 'bum, Vol. 2: 39-40. Delhi: Shechen Publications, 1994.
Genre	Guru Offering Texts- bla ma mchod pa  ·  Guru Yoga Texts - bla ma'i rnal 'byor  ·  Offering Substance Liturgies - mchod phreng

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

བླ་མ་མཆོད་པ་གཙོ་ཆེ་བའི་སྐབས་མཆོད་ཕྲེང་རིགས་རྒྱས་པ་སྦྱར་བ་གསུངས་པ་ལྟར་རིགས་མཐུན་གཞན་ནས་འབྱུང་བ་བཞིན་སྤྲོ་ན། དང་པོ་དངོས་འབྱོར་གྱི་མཆོད་པ་ཉེར་སྤྱོད་ཀྱི་འཇུག་ཏུ་གོས་ཟུང་གི་མཆོད་པ་ནི། སུམྦྷ་ནིས་བསང༌། སྭ་བྷཱ་ཝས་སྦྱངས། སྟོང་པའི་ངང་ལས་ལྷ་རྫས་ལས་གྲུབ་པའི་ན་བཟའ་སྲབ་ལ་འཇམ་པ་ཡང་བ་ཟུང་དུ་སྦྱར་བ་དང་ལྡན་པར་བསམ་ལ། ཁ་དོག་བཟང་ཞིང་དྲི་ཞིམ་རེག་ན་བདེ། །སྲབ་འཇམ་ཡང་མཛེས་ལྷ་ལས་བྱུང་བ་ཡི། །ན་བཟའི་མཆོག་འདིར་རྡོ་རྗེའི་སྐུ་ལ་འབུལ། །བགྲེས་པ་མེད་པ་རྡོ་རྗེའི་སྐུ་ཐོབ་ཤོག །ཨོཾ་རཏྣ་གུ་རུ་ས་པ་རི་ཝཱ་ར་བཛྲ་ཝ་ས་སྱ་ཨཱཿཧཱུྃ། རིན་ཆེན་སྣ་བདུན་གྱི་མཆོད་པ་ནི། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨ་ཝརྟ་ཡ་ཨ་ཝརྟ་ཡ་ཧོཿ བླ་མ་རྒྱལ་བ་སྲས་བཅས་ལ། །འཁོར་ལོ་རིན་ཆེན་འདི་ཕུལ་བས། །སྲིད་པའི་འཁོར་ལོ་རྒྱུན་བཅད་དེ། །ཆོས་ཀྱི་འཁོར་ལོ་བསྐོར་བར་ཤོག །ཨོཾ་རཏྣ་གུ་རུ་ས་པ་རི་ཝཱ་ར་ཙཀྲ་རཏྣ་པཱུ་ཛི་ཏེ་ཨཱཿཧཱུྃ། བླ་མ་རྒྱལ་བ་སྲས་བཅས་ལ། །ནོར་བུ་རིན་ཆེན་འདི་ཕུལ་བས། །བཀྲེན་ཅིང་ཕོངས་པ་རྒྱུན་བཅད་དེ། །འབྱོར་བ་ཕུན་སུམ་ཚོགས་པར་ཤོག །ཨོཾ་རཏྣ་གུ་རུ་ས་པ་རི་ཝཱ་ར་མ་ཎི་རཏྣ་པཱུ་ཛི་ཏེ་ཨཱཿཧཱུྃ། བཙུན་མོ་རིན་ཆེན་འདི་ཕུལ་བས། །མ་རིག་མུན་པ་རྒྱུན་བཅད་དེ། །ཤེས་རབ་དབྱིངས་ཀྱི་དོན་རྟོགས་ནས། །ཐབས་དང་ཤེས་རབ་འབྲེལ་བར་ཤོག །ཨོཾ་རཏྣ་གུ་རུ་ས་པ་རི་ཝཱ་ར་ཝསྟི་རཏྣ་པཱུ་ཛི་ཏེ་ཨཱཿཧཱུྃ། བློན་པོ་རིན་ཆེན་འདི་ཕུལ་བས། །ཕྱི་ནང་གསང་གསུམ་ཐེག་གསུམ་ལྡན། །བསམ་ཡས་བསྟན་པ་རབ་འཛིན་ཅིང༌། །ཡོན་ཏན་ཐམས་ཅད་ལྡན་པར་ཤོག །ཨོཾ་རཏྣ་གུ་རུ་ས་པ་རི་ཝཱ་ར་མ་ཧཱ་ཏ་རཏྣ་པཱུ་ཛི་ཏེ་ཨཱཿཧཱུྃ། གླང་པོ་རིན་ཆེན་འདི་ཕུལ་བས། །ལྟ་ངན་རྣམས་ནི་རབ་བསལ་ནས། །བླ་མེད་ཐེག་པར་རབ་བཞོན་ཏེ། །ཐམས་ཅད་མཁྱེན་གྲོང་བགྲོད་པར་ཤོག །ཨོཾ་རཏྣ་གུ་རུ་ས་པ་རི་ཝཱ་ར་ཧསྟི་རཏྣ་པཱུ་ཛི་ཏེ་ཨཱཿཧཱུྃ། རྟ་མཆོག་རིན་ཆེན་འདི་ཕུལ་བས། །སྲིད་པའི་གཟེབ་ལས་ངེས་གྲོལ་ཏེ། །རྫུ་འཕྲུལ་མཆོག་གི་ཤུགས་ཐོབ་ནས། །སངས་རྒྱས་ཞིང་དུ་བགྲོད་པར་ཤོག །ཨོཾ་རཏྣ་གུ་རུ་ས་པ་རི་ཝཱ་ར་ཏུ་རངྒ་རཏྣ་པཱུ་ཛི་ཏེ་ཨཱཿཧཱུྃ། དམག་དཔོན་རིན་ཆེན་འདི་ཕུལ་བས། །ཉོན་མོངས་དགྲ་ལས་རྒྱལ་གྱུར་ནས། །ཕས་ཀྱི་རྒོལ་བ་ཚར་བཅད་དེ། །སྙེམས་བྲལ་མཆོག་ནི་ཐོབ་པར་ཤོག །ཨོཾ་རཏྣ་གུ་རུ་ས་པ་རི་ཝཱ་ར་ཁངྒ་རཏྣ་པཱུ་ཛི་ཏེ་ཨཱཿཧཱུྃ། འདོད་ཡོན་ལྔ་ཡི་མཆོད་པ་ནི། ཁ་དོག་དབྱིབས་ལེགས་ཡིད་འོང་རྒྱན་ཕྲེང་ལྡན། །ཕྱོགས་དུས་ཀུན་ན་གཟུགས་མཆོག་ཅི་མཆིས་རྣམས། །མོས་བློས་བླ་མ་མཆོག་ལ་བདག་འབུལ་གྱིས། །བཞེས་ཤིག་བླ་མེད་གྲུབ་མཆོག་བསྩལ་དུ་གསོལ། །ཨོཾ་རཏྣ་གུ་རུ་ས་པ་རི་ཝཱ་ར་རཱུ་པ་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། ཕྱོགས་དུས་ཀུན་ན་ཟིན་དང་མ་ཟིན་པའི། །ཡོན་ཏན་ཚིག་མཆོག་སྒྲ་སྙན་ཅི་མཆིས་རྣམས། །མོས་བློས་བླ་མ་མཆོག་ལ་བདག་འབུལ་གྱིས། །བཞེས་ཤིག་བླ་མེད་གྲུབ་མཆོག་བསྩལ་དུ་གསོལ། །ཨོཾ་རཏྣ་གུ་རུ་ས་པ་རི་ཝཱ་ར་ཤབྟ་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། ཕྱོགས་དུས་ཀུན་ན་ཙནྡན་སྤྲུལ་སྙིང་དང༌། །ཨ་གར་ནག་སོགས་དབང་པོ་ཚིམ་བྱེད་རྣམས། །མོས་བློས་བླ་མ་མཆོག་ལ་བདག་འབུལ་གྱིས། །བཞེས་ཤིག་བླ་མེད་མཆོག་གྲུབ་བསྩལ་དུ་གསོལ། །ཨོཾ་རཏྣ་གུ་རུ་ས་པ་རི་ཝཱ་ར་གནྡྷེ་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། ཕྱོགས་དུས་ཀུན་ན་རོ་དང་བཅུད་ལྡན་པའི། །ལུས་སེམས་བརྟས་བྱེད་རོ་མཆོག་ཅི་མཆིས་རྣམས། །མོས་བློས་བླ་མ་མཆོག་ལ་བདག་འབུལ་གྱིས། །བཞེས་ཤིག་བླ་མེད་གྲུབ་མཆོག་བསྩལ་དུ་གསོལ། །ཨོཾ་རཏྣ་གུ་རུ་ས་པ་རི་ཝཱ་ར་རཱ་ས་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། ཕྱོགས་དུས་ཀུན་ན་འཇམ་མཉེན་འཁྲིལ་ཆགས་པའི། །རེག་བྱའི་ཁྱད་པར་ལུས་སེམས་ཚིམ་བྱེད་རྣམས། །མོས་བློས་བླ་མ་མཆོག་ལ་བདག་འབུལ་གྱིས། །བཞེས་ཤིག་བླ་མེད་གྲུབ་མཆོག་བསྩལ་དུ་གསོལ། །ཨོཾ་རཏྣ་གུ་རུ་ས་པ་རི་ཝཱ་ར་སྤརྴེ་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། མཎྜལ་གྱི་མཆོད་པ་ཡང་རྒྱས་པར་ཕུལ། །

[edit]

bla ma mchod pa gtso che ba'i skabs mchod phreng rigs rgyas pa sbyar ba gsungs pa ltar rigs mthun gzhan nas 'byung ba bzhin spro na/__dang po dngos 'byor gyi mchod pa nyer spyod kyi 'jug tu gos zung gi mchod pa ni/__sum+b+ha nis bsang*/__swa b+hA was sbyangs/__stong pa'i ngang las lha rdzas las grub pa'i na bza' srab la 'jam pa yang ba zung du sbyar ba dang ldan par bsam la/__kha dog bzang zhing dri zhim reg na bde/__/srab 'jam yang mdzes lha las byung ba yi/__/na bza'i mchog 'dir rdo rje'i sku la 'bul/__/bgres pa med pa rdo rje'i sku thob shog__/oM rat+na gu ru sa pa ri wA ra badz+ra wa sa s+ya AHhU~M/__rin chen sna bdun gyi mchod pa ni/__oM sarba bid pU ra pU ra/__su ra su ra/__a warta ya a warta ya hoH__bla ma rgyal ba sras bcas la/__/'khor lo rin chen 'di phul bas/__/srid pa'i 'khor lo rgyun bcad de/__/chos kyi 'khor lo bskor bar shog__/oM rat+na gu ru sa pa ri wA ra tsakra rat+na pU dzi te AHhU~M/__bla ma rgyal ba sras bcas la/__/nor bu rin chen 'di phul bas/__/bkren cing phongs pa rgyun bcad de/__/'byor ba phun sum tshogs par shog__/oM rat+na gu ru sa pa ri wA ra ma Ni rat+na pU dzi te AHhU~M/__btsun mo rin chen 'di phul bas/__/ma rig mun pa rgyun bcad de/__/shes rab dbyings kyi don rtogs nas/__/thabs dang shes rab 'brel bar shog__/oM rat+na gu ru sa pa ri wA ra wasti rat+na pU dzi te AHhU~M/__blon po rin chen 'di phul bas/__/phyi nang gsang gsum theg gsum ldan/__/bsam yas bstan pa rab 'dzin cing*/__/yon tan thams cad ldan par shog__/oM rat+na gu ru sa pa ri wA ra ma hA ta rat+na pU dzi te AHhU~M/__glang po rin chen 'di phul bas/__/lta ngan rnams ni rab bsal nas/__/bla med theg par rab bzhon te/__/thams cad mkhyen grong bgrod par shog__/oM rat+na gu ru sa pa ri wA ra hasti rat+na pU dzi te AHhU~M/__rta mchog rin chen 'di phul bas/__/srid pa'i gzeb las nges grol te/__/rdzu 'phrul mchog gi shugs thob nas/__/sangs rgyas zhing du bgrod par shog__/oM rat+na gu ru sa pa ri wA ra tu rang+ga rat+na pU dzi te AHhU~M/__dmag dpon rin chen 'di phul bas/__/nyon mongs dgra las rgyal gyur nas/__/phas kyi rgol ba tshar bcad de/__/snyems bral mchog ni thob par shog__/oM rat+na gu ru sa pa ri wA ra khang+ga rat+na pU dzi te AHhU~M/__'dod yon lnga yi mchod pa ni/__kha dog dbyibs legs yid 'ong rgyan phreng ldan/__/phyogs dus kun na gzugs mchog ci mchis rnams/__/mos blos bla ma mchog la bdag 'bul gyis/__/bzhes shig bla med grub mchog bstsal du gsol/__/oM rat+na gu ru sa pa ri wA ra rU pa kA ma gu Na pU dzi te AHhU~M/__phyogs dus kun na zin dang ma zin pa'i/__/yon tan tshig mchog sgra snyan ci mchis rnams/__/mos blos bla ma mchog la bdag 'bul gyis/__/bzhes shig bla med grub mchog bstsal du gsol/__/oM rat+na gu ru sa pa ri wA ra shab+ta kA ma gu Na pU dzi te AHhU~M/__phyogs dus kun na tsan+dan sprul snying dang*/__/a gar nag sogs dbang po tshim byed rnams/__/mos blos bla ma mchog la bdag 'bul gyis/__/bzhes shig bla med mchog grub bstsal du gsol/__/oM rat+na gu ru sa pa ri wA ra gan+d+he kA ma gu Na pU dzi te AHhU~M/__phyogs dus kun na ro dang bcud ldan pa'i/__/lus sems brtas byed ro mchog ci mchis rnams/__/mos blos bla ma mchog la bdag 'bul gyis/__/bzhes shig bla med grub mchog bstsal du gsol/__/oM rat+na gu ru sa pa ri wA ra rA sa kA ma gu Na pU dzi te AHhU~M/__phyogs dus kun na 'jam mnyen 'khril chags pa'i/__/reg bya'i khyad par lus sems tshim byed rnams/__/mos blos bla ma mchog la bdag 'bul gyis/__/bzhes shig bla med grub mchog bstsal du gsol/__/oM rat+na gu ru sa pa ri wA ra spar+she kA ma gu Na pU dzi te AHhU~M/__maN+Dal gyi mchod pa yang rgyas par phul/__/