JKW-KABUM-03-GA-001-014

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 13, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

གཅོད་ཡུལ་གྱི་དོན་ཉམས་སུ་ལེན་པའི་ཚེ་སོགས། གཅོད་ཡུལ་གྱི་དོན་ཉམས་སུ་ལེན་པའི་ཚེ། ལྷོང་ཚད། ཚར་ཚད། ལྷོང་ཚད་འདྲ་བའི་ཚར་ཚད། ཚར་ཚད་འདྲ་བའི་ལྷོང་ཚད། གཉིས་ཀ་འདྲ་བའི་ལྷོང་ཚད། གཉིས་ཀ་འདྲ་བའི་བག་ཆགས་ཏེ་ལྔ་ལས། དང་པོ་ལའང་། དངོས། ཉམས། རྨི་ལམ་གསུམ་ལ། ལུས་ཐོག་ཏུ་ལྷོངས་པས། ལྷ་འདྲེས་གཟུགས་སྟོན་པ་དང་། གཟུགས་མེད་ལག་པ་རྐྱོང་པ་དང་། བཤུགས་གླུ་འཚེར་བ་དང་། གློ་བུར་དུ་ན་ཚ་དྲག་པོས་བཏབ་པ་སོགས་འབྱུང་བ་ཡིན་ལ། སེམས་ཐོག་ཏུ་ལྷོངས་བས། བྱིང་རྒོད་རྨུགས་གསུམ་གྱི་སྐྱོན་དང་། དགེ་སྦྱོར་ལ་སྐྱོ་བ་དང་། བླ་མ་ལ་དད་པ་ལྡོག་པ་སོགས་འབྱུང་ངོ་། །གཉིས་པ་ནི། གནས་དེའི་ལྷ་འདྲེ་རྣམས་ཀྱིས་ཕྱག་འཚལ་བ་དང་། ལོངས་སྤྱོད་དབུལ་བ་སོགས་དང་། དེའི་ཤུགས་ཀྱིས་མི་རྣམས་ཀྱང་དེ་ལྟར་དུ་བྱེད་པའོ། །གསུམ་པ་ནི། ལུས་ལ་ན་ཚ་དྲག་པོ་སོགས་བྱུང་ནས་དེ་ལ་དམིགས་ནས་དགེ་སྦྱོར་བྱས་པས་སྔར་ལས་བོགས་ཐོབ་པ་འབྱུང་བ་ལྟ་བུ་དང་། བཞི་པ་ནི། བདུད་ཀྱིས་བླ་མ་དང་ཡི་དམ་གྱི་གཟུགས་སུ་བྱས་ནས་ལུང་སྟོན་པ་ལྟ་བུ་དང་། ལྔ་པ་ནི། ཉིན་མོའི་སྤྱོད་ཡུལ་མཚན་མོ་རྨི་ལམ་དུ་ཤར་བའོ། །མདོར་ན་ཚར་ཚད་བྱུང་ནས་རྗེས་སུ་འཛིན་པ་ནི། རང་ཐུགས་རྗེ་ཆེན་པོར་བསྒོམས་ནས་བདུད་རྩི་སྤེལ་སྦྱོང་གིས་ལྷ་འདྲེའི་ཚོགས་ཚིམས་པར་བྱ་བ་དང་། དམིགས་བཅས་དམིགས་མེད་ཀྱི་སྙིང་རྗེ་ཆེན་པོ་བསྒོམ་པར་བྱའོ། །སརྦ་མངྒ་ལཾ།། །། ༈

[edit]

gcod yul gyi don nyams su len pa'i tshe sogs/ gcod yul gyi don nyams su len pa'i tshe/__lhong tshad/__tshar tshad/__lhong tshad 'dra ba'i tshar tshad/__tshar tshad 'dra ba'i lhong tshad/__gnyis ka 'dra ba'i lhong tshad/__gnyis ka 'dra ba'i bag chags te lnga las/__dang po la'ang /__dngos/__nyams/__rmi lam gsum la/__lus thog tu lhongs pas/__lha 'dres gzugs ston pa dang /__gzugs med lag pa rkyong pa dang /__bshugs glu 'tsher ba dang /__glo bur du na tsha drag pos btab pa sogs 'byung ba yin la/__sems thog tu lhongs bas/__bying rgod rmugs gsum gyi skyon dang /__dge sbyor la skyo ba dang /__bla ma la dad pa ldog pa sogs 'byung ngo /__/gnyis pa ni/__gnas de'i lha 'dre rnams kyis phyag 'tshal ba dang /__longs spyod dbul ba sogs dang /__de'i shugs kyis mi rnams kyang de ltar du byed pa'o/__/gsum pa ni/__lus la na tsha drag po sogs byung nas de la dmigs nas dge sbyor byas pas sngar las bogs thob pa 'byung ba lta bu dang /__bzhi pa ni/__bdud kyis bla ma dang yi dam gyi gzugs su byas nas lung ston pa lta bu dang /__lnga pa ni/__nyin mo'i spyod yul mtshan mo rmi lam du shar ba'o/_/mdor na tshar tshad byung nas rjes su 'dzin pa ni/__rang thugs rje chen por bsgoms nas bdud rtsi spel sbyong gis lha 'dre'i tshogs tshims par bya ba dang /__dmigs bcas dmigs med kyi snying rje chen po bsgom par bya'o/__/sarba mang+ga laM//___//_!