JKW-KABUM-17-TSA-002-032-wylie

🚧 This website is under continued development. We appreciate your patience!

gso rig nyer mkho'i dpe tho/ gso ba rig pa'i skor la/__slob dpon klu sgrub kyi sbyor ba brgya pa dang /__mkhas mchog dpa' bo'i yan lag brgyad pa rtsa 'grel sogs 'phags yul gyi gzhung chen mo rnams ni deng sang 'chad nyan nub pa ltar gyur na'ang /__blo gros dang brtson par ldan pa rnams kyis rang stobs la brten nas shes rab kyi mig bsgrub par bya ba'i 'os yin la/__khyad par sprul pa'i skyes mchog ma hA gu Na'i gzhung gdams rgya mtsho'i snying po dpal ldan rgyud bzhi 'di nyid deng dus tshe rig 'dzin pa rnams kyi snying nor gcig pur gyur pas/__thog mar bla sgrubs sdug bsngal mun sel skor gyi dbang lung smin por nyan nas/__gzod rgyud 'chad nyan la 'jug pa byung na shin tu 'brel chags/__rgyud 'grel gyi skor la/__cha lag bco brgyad kyi nang tshan g.yu thog pa'i gsungs yin nges rnams ni rgyud gzhung dang khyad med du 'dzin dgos la/__gzhan du byang pa rnam rgyal grags bzang gis mdzad pa'i rgyud bzhi'i dka' 'grel/__zur mkhar ba'i 'grel chen pod shal khra mo sogs ngo mtshar byin rlabs dang ldan pa'i legs bshad rmad du byung bar gor ma chags na'ang deng sang dpe tsam yang rnyed par dka' bas der zad/__des na mkhas dbang blo gros rgyal po'i rtsa bshad kyi 'grel pa mes po'i zhal lung dang /__man rgyud dang /__phyi rgyud chu mdo man gyi 'grel pa dar mo sman ram pas mdzad pa/__skyems pa tshe dbang gis mdzad pa'i rgyud bzhi ka'i 'grel pa/__phyi rgyud stag lung 'grel chen/__'bri gung chos grags kyi mchan 'grel/__sde srid rin po ches mdzad pa'i rgyud bzhi'i 'grel pa baiDUr sngon po sogs dang /__lo chen tshe dbang kun khyab kyis mdzad pa'i gso rig gi khog phub chos 'byung khyad 'phags/__nges par thams cad mkhyen pa d+harmA kA ra'i zhal slob bkra 'bum pas mdzad pa'i dka' 'grel dang /__drung 'tsho ba gu ru 'phel gyi zin bris sogs la legs par dpyad nas tshig don gyi sgro 'dogs chod nges su byas nas/__man ngag lag len gyi skor las/__dwags po rin po che'i 'thor 'bum/__a tsAR+Ya phyag rdum gyis 'bum khra tshur/__rdor 'bum gter byon bdud rtsi bum pa/__g.yu thog pa'i shog dril skor gsum/__brang ti'i pod dmar ra khra dang /__gser bre/__dngul bre/__byang pa rnam rgyal grags bzang gi yan lag brgyad pa'i snying po bsdus 120 pa/__zur mkhar d+harmA swA mi'i bye ba ring bsrel grangs can grangs med kha bskangs dang bcas pa/__gong sman pa'i man ngag chen mo dgos pa kun 'byung sogs dang /__de yi snying po nyams yig brgya rtsa/__phyag rdor mgon po'i gces btus 'brang rtse'i man ngag be bum/__skyems pa tshe dbang gi man ngag phan bde brgya rtsa/__sde srid rin po che'i man ngag lhan thabs dang /__rang nyid kyis mdzad pa'i bu yig nyung ngu /__ngag dbang gis mdzad pa'i mkha' 'gro gtad rgya'i rgya mdud zhal shes dang bcas pa/__lab mdo rgyud rgya mtsho'i lhan thabs zur brgyan bcas dwags po 'tsho byed karma kun phan pa'i bye ba ring 'grel zhal shes bcas yod snang bsrel bu yig__/sman ram pa'i man ngag bka' rgya ma/__lho brag lha lung mkhan bo karma bsam 'grub kyi gces btus dgos pa kun 'byung /__kong rong sman bla don grub kyi reg zig ne'u le'i rkyal pa spyi dang /__bye brag phyi rgyud lhan thabs/__gces btus phan bde 'bum phrag__/khyad par 'bri gung pa chos kyi grags pa'i slob ma tshe dbang brtan pa dang /__de yi slob ma dpon tshang ye shes bcas kyis mdzad pa'i gces btus phan bde snying po dang /__phan bde'i char rgyun ma bu le lag dang bcas pa dkar chag zur gsal ltar dang /__kun mkhyen si tu rin po che'i gsungs tha par yod/__thor bu/__de yi zhal slob karma nges legs bstan 'dzin gyis mdzad pa'i man ngag thams cad kyi glegs bam gcig pu sman bsdus chen mo pod gnyis/__'be lo chen tshe dbang kun khyab dang /__bkra 'bum pa'i gces btus bdud rtsi'i bum bzang sogs zin bris sna tshogs bcas la dpyad cing lag len gyi mthil du bya/__gzhan yang bi ji'i rigs 'khrungs de'u dmar dge bshes bstan 'dzin phun tshogs pas gso rig la gsung rtsom skor glegs bam gsum bzhir longs pa las nyer mkho'i skor/__nus pa rkyang sel gyi rgyas bshad shel gong phreng pod/__bshal skyugs kyi lag len nyi ma'i snying po/__gtar ga'i gdams pa nyes 'khrugs drung 'byin/__lus gnad dang byang khog yul thig bcas/__me btsa'i gdams pa shel dkar me long /__dbyugs bcos dang /__rngul 'byin gyi man ngag__/dug bcos skor/__nyer lnga'i sbyor sde shel dkar phreng ba/__bcud len rgyas bshad zag med bde ster/__lag len gces bsdus sogs dang /__'bru tshe b+h+rU~M pa'i man ngag dran 'dzin lcags kyu rnams la'ang legs par dpyad/___yongs 'dzin mkhas dbang d+harma kIrti'i gsungs la/___dngul chu btso bkru/___lcags khams thal bzo/___rin chen ril nag chen mo dang /___tsha sbyor bcas kyi dkar chag___/byis bcos kyi skor/___rtsa chu nad sman sprod tshul sogs las dang po pa la mkho ba'i rigs phra mo sna tshogs pa dang bcas pa ste/___ji skad bshad pa de rnams kyi don la thos bsam dang /__goms pas nyams su blangs na rang gzhan gyi don gnyis 'grub par gdon mi za ba nyid do/__/gzhan du na gangs can gyi ljongs tsam du byung ba'i gso ba rig pa'i glegs bam kho na'i grangs kyang gzhal bar mi bzod na/__de rnams kyi man ngag dang /__lag len gyi nges pa ni 'chi med lam gyi spun zlar song bas ye shes gzigs pa kho na'i spyod yul du rtogs so/__/zhes pa'ang brjed byang zin bris su btab pa shu b+haM//__//_!