https://khyentselineage.tsadra.org/api.php?action=feedcontributions&feedformat=atom&user=Mort 2026-10-01T16:21:09Z User contributions MediaWiki 1.43.9 https://khyentselineage.tsadra.org/index.php?title=JLKO-KABUM-11-DA-005&diff=64215 2026-09-30T21:06:40Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=སྨན་སྒྲུབ་ལག་ལེན་ཟིན་ཐོ།<br /> |fulltitle=sman sgrub lag len zin tho<br /> |citation='jigs med gling pa. ''Sman sgrub lag len zin tho''. In ''Kun mkhyen rig 'dzin 'jigs med gling pa'i gsung 'bum'', Vol. 11: 137-142. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Medicinal Pills - Making and Activating Practices - sman sgrub, Notes - zin bris<br /> |terma=Yes<br /> |cycle=rig 'dzin thugs sgrub dpal chen 'dus pa<br /> |cycletib=རིག་འཛིན་ཐུགས་སྒྲུབ་དཔལ་ཆེན་འདུས་པ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=005<br /> |pagenumbers=137-142<br /> |totalpages=6<br /> |beginfolioline=1a1<br /> |endfolioline=3b3<br /> |totalfolios=3<br /> |multivolumework=No<br /> |rectonotes=lag len<br /> |versonotes=sman sgrub lag len zin tho<br /> |colophontib=།ཞེས་པའང་འབྲི་གུང་ཟུར་སྤྲུལ་རིན་པོ་ཆེའི་དགོངས་བཞེད་བཞིན་ཕྱག་ལེན་གྱི་ཟིན་བྲིས་ཙམ་དུ་འཇིགས་མེད་གླིང་པས་སོ།<br /> |colophonwylie=zhes pa'ang 'bri gung zur sprul rin po che'i dgongs bzhed bzhin phyag len gyi zin bris tsam du 'jigs med gling pas so/<br /> |pdflink=File:JLKO-KABUM-11-DA-005.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༼ཏི༽ {{TibChung|སྨན་སྒྲུབ་ལག་ལེན་ཟིན་ཐོ་བཞུགས།}} བདུད་རྩི་ཡོན་ཏན་གྱི་དཀྱིལ་འཁོར་ལ་ན་མཿ སྤྱིར་སྨན་སྒྲུབ་ཀྱི་ལག་ལེན་ལ། ཤ་ལྔ་བདུད་རྩི་ལྔ་ལ་བརྟེན་པ་རྒྱ་གར་རིག་འཛིན་གྱི་ལུགས། རྩ་བརྒྱད་ཡན་ལག་སྟོང་ལ་བརྟེན་པ་དྲང་སྲོང་སྨན་པའི་ལུགས། སྨན་སྣ་བརྒྱ་དང་རྩ་བརྒྱད་ལ་བརྟེན་པ་ཚངས་པ་ལྷའི་ལུགས་ཞེས་གྲགས་ཀྱང་གླེང་གཞི་ཙམ་དུ་ཟད་ལ། དེ་ལ་རྒྱུད་འབུམ་ནང་གི་བདུད་རྩི་བམ་པོ་བརྒྱད་པ་དང་། བཀའ་བརྒྱད་བདེ་གཤེགས་འདུས་པ་ཁུངས་དང་རྩ་བ་ཉིད་ཀྱང་། དེ་གཉིས་ནས་བཤད་པའི་བྱ་བ་དང་བྱེད་པ་པོ་གཉིས་ཀའི་རྒྱུ་རྐྱེན་ཚོགས་པར་དཀའ་མོད། སྨན་ལ་འབྲུ་རྩམ་བསྲེ་བའི་གཟུ་ལུམས་དང་། སྦྱང་རྟོགས་སྦར་བའི་ནུས་པ་མ་མཆིས་བཞིན་དུ་ཐ་མལ་གྱི་ཟག་རྫས་སྦྱོར་བ་སོགས། རྨེ་བ་བརྩེགས་པའི་ཉམས་གྲིབ་སྒྲུབ་པ་སྤངས་ལ། རིམ་གཉིས་ལ་ནུས་པ་ཐོབ་ངེས་ཀྱི་བདུད་རྩི་ལྔ་དང་། དེ་བཞིན་དུ་སྒྲུབ་པ་པོ་རང་ཉིད་རྟོགས་པས་རང་རྒྱུད་གྲོལ་ནས་གཙང་རྨེའི་བླང་དོར་ཟད་ཅིང་སྦྱང་རྟོགས་སྦར་བའི་ནུས་པ་ཐོབ་པ་ཡིན་ཚེ་ཤ་ལྔ་དངོས་བསྟན་སྦྱར་དུ་རུང་ལ། གཞན་དུ་གོང་མ་ཁྱད་པར་ཅན་གྱིས་བསྒྲུབས་པའི་ཕབས་ལ་གཙོ་བོར་བརྟེན་པ་གཅེས་སོ། །དེ་དག་གི་སྐྱོབ་ཏུ་སྦྱར་བའི་སྨན་ནི་བཟང་དྲུག་གཙོ་བོར་གྱུར་བའི་སྨན་དུག་རིགས་མེད་པ་མཐའ་དག་སྦྱར་དུ་རུང་ཡང་རོ་དང་། ཁ་དོག་དང་། ནུས་པའི་སྤྱང་ཀིར་གྱུར་པ་སྤང་བའི་ཕྱིར་གཞི་མ་ཨ་རུ་ར་གསེར་མདོག་འབྱོར་ན་རབ། དེ་མིན་ཤ་ཆེན་འཕེལ་བྱེད་ལ་སོགས་ཤ་རུས་བྲལ་བའི་ཤ་རྐྱང་ཇི་ཙམ་འབྱོར་བ་དང་། སྐྱུ་རུ་ར་དེའི་ཕྱེད་ཆ་ཙམ། བ་རུ་ར་དེའི་ཡང་གསུམ་ཆ་ཙམ་ལ། ཤིང་ཚྭ། སེང་ལྡེང་གི་སྙིང་ཁུ། ཤིང་མངར། ཁ་ཆེ་གུར་གུམ། སུག་སྨེལ། རུ་རྟ། ཙནྡན་དཀར་དམར། སེ་འབྲུ། ལི་ཤི་སོགས་ཇི་ཙམ་མང་བ་ལེགས་ཤིང་། ཀ་ར། བུ་རམ། སྦྲང་རྩི་སོགས་ཀྱང་དེ་མཚུངས། རོ་ཚ་བ་དང་ཁ་དོག་གནག་པའི་རིགས་མང་པོ་མི་གཏོང་། དེ་ལྟར་སྨན་རྣམས་ཚོགས་པ་དང་། སྒྲུབ་ཆེན་བཀའ་བརྒྱད་ཀྱི་སྒྲུབ་ཁོག་ལྟར། རྒྱལ་ཐོ་གཟུགས་པ་ནས་བཟུང་མ་ཏྲཾ་བསྒྲལ་བ་ཡན་ཟིན་རྗེས། དཀྱིལ་འཁོར་གྱི་གཞི་དེར་མུ་ཁྱུད་རིམ་པ་གཉིས་བསྐོར་བའི་ལྟེ་བར་ཆོས་འབྱུང་། ཟླ་གམ་གསུམ་ལ་རླུང་དཀྱིལ་གཞུའི་དབྱིབས་བ་དན་ཅན། མུ་ཁྱུད་ཕྱི་མ་ལ་ཆོས་འབྱུང་གི་ཟུར་དང་བསྟུན་པའི་ཐོད་སྐམ་གསུམ་དང་། བར་མཚམས་ཐམས་ཅད་མེ་རིས་བསྐོར། ཆོས་འབྱུང་གི་ནང་མར་མེ་རོ་རས་ཀྱི་སྡོང་བུ་ཅན་དགུ་དང་། མེ་རིའི་ཕྱིར་ཁྲོ་བཅུའི་ཕུར་པ་བཀོད། དེའི་སྟེང་དུ་སྒྲོམ་ཁྲི་སྟེང་ཤོད་དང་། ཉིས་བརྩེགས་ཀྱི་འོག་མ་སྨན་འགོང་ཡུལ་ལ་རློན་སྒྲུབ་ལ་མར་མེ་སྤར་དགོས་པས་མེ་ལྕེས་གནོད་པ་བསྲུང་ཕྱིར་རྒྱ་ཁྲ་མིག་མང་རིས་དང་། སྟེང་མའི་ཐོག་སྟེང་རྡུལ་ཚོན་ནམ། རས་བྲིས་འདིང་བ་གང་འོས་བྱ། དཀྱིལ་འཁོར་ལ་དབང་རྫས་བཀོད། དེ་ནས་སྨན་ཁྲོལ་བུར་བསྒྲུབ་ཕྱིར། རྒྱ་ཁྲ་མིག་མང་རིས་ཀྱི་སྟེང་ཐོད་པ་ལྔ་ཚོམ་མམ། སྨན་མང་པོ་ཡོད་ན་སྨན་གཞོང་ཆེན་པོར་མཚོན་པ་ཙམ་དུ་ཐོད་པ་ལྔ་ཚོམ་དང་བཅས་ནང་ཁོངས་ཐམས་ཅད་ཁྲོལ་བུས་བཀང་། དེ་ཡང་ཤ་ལྔ་བདུད་རྩི་ལྔ་སོ་སོའི་སྐྱོབ་དང་བཅས་རིགས་དང་མཐུན་པར་འགོད་ཚུལ་སྒྲུབ་གཞུང་ལྟར་ཏེ། དྲི་ཆེན་གླང་ཤ་ཛཱ་ཏི་ཤར། །ཞེས་པས་མཚོན་ནོ། །དེ་ལྟ་མོད་ཀྱི་ཕྱིས་འབྱུང་སྨན་འབོར་ཆེན་པོ་སྒྲུབ་པའི་སྲོལ་དར་བས་དེ་ལྟར་ན་བཏགས་བཙག་གི་བྱ་བ་ལ་ཡུན་རིང་དུ་འགོར་བས་སྒྲུབ་པ་ཞུད་པའི་ཉེས་པ་འགེགས་ཕྱིར་སྨན་བྱིངས་ནི་ཐོག་མ་ནས་འཐག་པ་ཤས་ཆེ་ཡང་། གཞུང་གི་དགོངས་པ་མི་ཉམས་ཕྱིར་ཤ་ལྔ་བདུད་རྩི་ལྔ་འབྲས་བུ་གསུམ་འོས་རིགས་ཕབ་རྒྱུན་བཟང་དྲུག་དང་བཅས་པ་འགོད་ལུགས་དེ་ལྟར་བྱས་ནས་སྐབས་ལ་བབས་པ་ན་བཏགས་བཙག་གི་བྱ་བ་ལ་འཇུག་གོ །དེ་ལྟར་ཁྲོལ་བུ་དང་ཕྱེ་མ་ཇི་ལྟར་ཡིན་ཀྱང་སྨན་གཞོང་ལ་དར་དམར་པོའི་ཁེབས་བཀབ། དར་ཚོན་ལྔས་རྒྱ་ཆིངས་གདབ། ཐོར་ཚུགས་དང་པྲོག་ཞུ་གསོལ། རྡོར་དྲིལ་བསྣོལ་མར་འཆིང་། གུ་གུལ་གྱིས་བདུག་སྟེ་སྨན་ཁང་དུ་བཞུགས་སུ་གསོལ། དེ་ནས་མཚམས་དམ་པར་བཅད། སྒྲུབ་ཆེན་བཀའ་བརྒྱད་ཀྱི་ལས་གཞུང་བསྲངས་ནས་བདག་བསྐྱེད་ཀྱི་གཙོ་བོའི་བཟླས་པ་སྟོང་ཕྲག་ཙམ་དང་། གཞན་རྣམས་འོས་རིགས་བཟླས་རྗེས་མདུན་བསྐྱེད་ཆེ་མཆོག་བདུད་རྩི་འཁྱིལ་བ་ཡོན་ཏན་འདུས་པའི་སྐམ་སྒྲུབ་ཀྱི་ངག་དོན་དང་། སྒོམ་བཟླས་ཟུང་དུ་འབྲེལ་བ་ལ་ཡིད་གཞུངས་ན་འཇུག་པ་བདེ་ཞིང་བཀའ་བརྒྱད་བདེ་གསང་གཉིས་དང་། བམ་བརྒྱད་ཀྱི་དགོངས་པ་དངོས་བསྟན་ལ་འབྱོར་བ་ཡིན་ནོ། །དེ་ལྟར་ཁྲོལ་སྒྲུབ་ཞག་གསུམ་ནས་ལྔའི་བར་གང་རིགས་ཐུན་བཞིར་བཅད་ནས་བསྒྲུབས་རྗེས། དངོས་གྲུབ་ལེན་ཆོག་གཞུང་བཞིན་དང་། དཀྱིལ་འཁོར་གྱི་ཕྱོགས་སོ་སོར་བཏགས་བཙག་གི་ས་བཅད་གཞུང་ལྟར་བྱ། དེ་ནས་སྨན་ཕྱེ་མ་རྣམས་འདྲེས་པར་སྦོལ། སེང་ལྡེང་དང་རྒྱ་ཇའི་ཁུ་བ་གར་མོ་དྲོད་དང་ལྡན་པ་ལ་ཕབ་རྒྱུན་བཏབ་སྟེ་ཁུ་བར་བཏང་ནས་སྦོལ། བུ་རམ་དང་སྦྲང་རྩི་ལ་སོགས་པའང་ཆང་གར་ལ་སྦྱངས་ཏེ་མཚམས་གཏོང་། ཐགས་ཆེས་ན་ལྡེ་གུར་འདྲིལ་ཤིང་ཆུང་ན་ལྟོ་མི་རླན་པས་རན་པར་བྱེད། ཧ་ལམ་སྦོལ་ཚར་བ་ལ་དྲི་བཟང་། གུར་གུམ། བཟང་དྲུག་གི་ཕྱེ་མ་རྣམས་བཏབ་ནས་འདྲེས་པར་བྱེད། སྨན་མང་ཉུང་དང་བསྟུན་པའི་ཕབ་རྩི་ཞིབ་མོ་ཚགས་ཀྱིས་བཙགས་པ་བཏབ། ནམ་དུས་དང་བསྟུན་པའི་དྲོད་བཏང་། དྲོད་ཆེས་ན་རུལ་སྐྱོན་དང་། ཆུང་ན་མི་ལངས་པའི་སྐྱོན་ཡོད། གོས་ཆེན་དམར་སེར་གྱི་ཁུགས་མར་བླུགས། དར་སྣའི་རྒྱ་ཆིངས་བཏབ། ན་བཟའ་དང་དབུ་རྒྱན་པྲོག་ཞུ་གསོལ། རྡོར་དྲིལ་བསྣོལ་ནས་འཆིང་། གུ་གུལ་བདུག་པ་སྔར་བཞིན་སྨན་ཁང་དུ། གཟུངས་ཐག་དང་རྨུ་ཐག་བཏགས། འོག་ནས་དྲོད་འབེབས་སམ་ཐུགས་དམ་རྒྱུད་བསྐུལ་གྱི་མར་མེ་རྒྱུན་མི་ཆད་དུ་སྦར། བཀའ་བརྒྱད་ཀྱི་བདག་བསྐྱེད་བཟླས་པ་དང་བཅས་པ་སྔར་དང་འདྲ། དེ་ནས་མདུན་བསྐྱེད་དཀྱིལ་འཁོར་བདུན་དང་སྦྱོར་བ་བརྒྱད་ཀྱི་བདག་ཉིད་དུ་ཞལ་བསྒྱུར་བ་ནི། ཨཱཿརང་བྱུང་སྤྲུལ་པའི་ཕོ་བྲང་དབུས། །ཞེས་སོགས་ལ་འཇུག་པ་ནི་ཆེ་མཆོག་བདུད་རྩི་འཁྱིལ་བ་ཡོན་ཏན་འདུས་པའི་དཀྱིལ་འཁོར་ལྟར་རོ། །དེ་ཡང་དུས་དྲུག་ཏུ་ཉུལ་ལེ་བསྐྲད་པ་དང་། དེ་ཁའི་རྗེས་འབྲེལ་དུ་བྱིན་འབེབས་བྱེད་པ་རྡོ་རྗེ་སློབ་དཔོན་ཆོག་རོག་དང་བཅས་ཉུང་ཟད་ཀྱིས་བྱ་ལ། བྱིངས་རྣམས་ནི་བཟླས་པ་ཁོ་ན་ལ་གཙོར་འདོན་དུ་བྱས་ནས་ཉིན་མཚན་གསུང་མི་ཆག་ཏུ་བསྐྱེད་རྫོགས་བཟླས་གསུམ་གྱི་གདེང་དང་མ་བྲལ་བ་མ་བྱུང་ན་རོལ་དབྱངས་གཙོ་བོར་བྱེད་པ་སྒྲུབ་པའི་གཟུགས་བརྙན་དུ་འཁྱམས་པ་ཡིན་ནོ། །རྗེས་ཀྱི་བྱ་བ་ནི་གཞུང་ལས་ཤེས་སོ། །{{TibChung|ཞེས་པའང་འབྲི་གུང་ཟུར་སྤྲུལ་རིན་པོ་ཆེའི་དགོངས་བཞེད་བཞིན་ཕྱག་ལེན་གྱི་ཟིན་བྲིས་ཙམ་དུ་འཇིགས་མེད་གླིང་པས་སོ། །}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-004&diff=64214 2026-09-30T20:58:43Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ ཆེ་མཆོག་བདུད་རྩི་འཁྱིལ་བ་ཡོན་ཏན་འདུས་པའི་དཀྱིལ་འཁོརཿ<br /> |fulltitle=klong chen snying gi thig le las: che mchog bdud rtsi 'khyil ba yon tan 'dus pa'i dkyil 'khor:<br /> |citation='jigs med gling pa. ''Klong chen snying gi thig le las che mchog bdud rtsi 'khyil ba yon tan 'dus pa'i dkyil 'khor''. In ''Kun mkhyen rig 'dzin 'jigs med gling pa'i gsung 'bum'', Vol. 11: 111-135. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Initiations in the Maṇḍala - dkyil 'khor dbang chog - dkyil chog<br /> |terma=Yes<br /> |deity=khro rgyal bdud rtsi 'khyil ba<br /> |cycle=rig 'dzin thugs sgrub dpal chen 'dus pa<br /> |cycletib=རིག་འཛིན་ཐུགས་སྒྲུབ་དཔལ་ཆེན་འདུས་པ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=004<br /> |pagenumbers=111-135<br /> |totalpages=25<br /> |beginfolioline=1a1<br /> |endfolioline=13a6<br /> |totalfolios=13<br /> |multivolumework=No<br /> |rectonotes=bdud rtsi 'khyil ba<br /> |versonotes=yon tan 'dus pa'i dkyil 'khor<br /> |pdflink=File:JLKO-KABUM-11-DA-004.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ ཀློང་ཆེན་སྙིང་གི་ཐིག་ལེ་ལསཿ ཆེ་མཆོག་བདུད་རྩི་འཁྱིལ་བ་ཡོན་ཏན་འདུས་པའི་དཀྱིལ་འཁོར་བཞུགསཿ<br /> <br /> འུྃཿ {{TibChung|སྲིད་གསུམ་གདོད་ནས་བདུད་རྩི་ལྔཿ མ་བཅོས་རང་བཞིན་ལྷུན་གྲུབ་དངཿ དེ་ཉིད་རྒྱལ་བའི་སྐུ་གསུང་ཐུགསཿ འབད་རྩོལ་མེད་པར་ཡེ་སངས་རྒྱསཿ འཇིག་རྟེན་ལོག་རྟོག་ཅན་རྣམས་དངཿ ཐེག་དམན་སྐལ་པ་ཆུང་རྣམས་ནིཿ ང་དང་བདག་ཏུ་འཛིན་པས་འཁྲུལཿ གཙང་དང་དམེ་བའི་རྟོག་པས་བཅིངསཿ རྡོ་རྗེ་འཆང་གི་ཐབས་ཚུལ་ནིཿ སྒྱུ་མ་མཁན་གྱི་བདེ་བླག་བཞིནཿ འདུལ་བའི་ཕྲིན་ལས་ཚད་མེད་པསཿ གཉིས་སུ་འཛིན་པའི་རྣམ་རྟོག་བདུདཿ ཡེ་ཤེས་རྩི་ཡིས་འཇོམས་པའི་ཐབསཿ རྨད་དུ་བྱུང་བ་འདི་བསྟན་ཏོཿ ས་མ་ཡཿ དབང་ཐོབ་དམ་ཚིག་མཆོག་ལ་གནསཿ བསྙེན་རྫོགས་ཏིང་འཛིན་དྲོད་ཚད་བརྙེསཿ དེ་ལས་གཞན་གྱི་བདུད་རྩི་དངཿ བམ་གྱི་སྒྲུབ་པ་མ་ཡིན་ནོཿ དེ་ལ་བྱ་བའི་རིམ་པ་ནིཿ སྒྲུབ་པ་ཆེན་པོའི་ཁོག་ནས་དབྱུངཿ དཀྱིལ་འཁོར་ཆེན་པོའི་ཕྱོགས་དང་དབུསཿ མཚན་ལྡན་ཐོད་པ་ཁ་སྦྱར་ལྔཿ འཁོར་ལོ་རྩིབས་བཞི་མུ་ཁྱུད་ལྡནཿ བཅུད་ནི་སྔོན་ཚེ་དཔལ་ཆེན་པོསཿ ཛྭ་ལ་རཀྴ་བསྒྲལ་བ་ལསཿ བྱུང་བའི་རྩ་བརྒྱད་ཡན་ལག་སྟོངཿ མངོན་པ་ཕྱི་དང་སྦས་པ་ནངཿ རྒྱལ་བློན་སྐྱོབ་དང་བཅས་པ་ཡིཿ གྲངས་དང་དབྱེ་བ་བསམ་ཡས་ཀྱངཿ འདི་ནི་རྒྱ་གར་རིག་འཛིན་ལུགསཿ དྲི་ཆེན་དྲི་ཆུ་རཀྟ་དངཿ མཱཾ་ས་བྱང་སེམས་ཆང་དང་ཆུཿ འོ་མ་རྣམ་པ་བརྒྱད་དག་ལཿ སྒྲོན་མ་ལྔ་ཡི་སྐྱོབ་སྦྱར་ཏེཿ ཡན་ལག་སྟོང་གིས་བུངས་བསྐྱེད་དོཿ དྲི་ཆེན་གླང་ཤ་ཛཱ་ཏི་ཤརཿ ཤ་ཆེན་རྟ་ཤ་ཀ་ཀོ་ལྷོཿ རྡུལ་དང་རྨ་བྱ་ལི་ཤི་ནུབཿ དྲི་ཆུ་ཁྱུང་ཤ་གུར་གུམ་བྱང་ཿ བྱང་སེམས་སེང་ཤ་བཟང་དྲུག་དབུསཿ བདེ་གཤེགས་རྣམས་ཀྱི་བྱིན་རླབས་ལསཿ ས་གཞི་ཡུམ་གྱི་རང་བཞིན་ལཿ བྱང་ཆུབ་སེམས་ཀྱི་ཆར་བབ་པསཿ རྩི་དང་བཅུད་དུ་སྨིན་པར་བྱསཿ ཆུ་བོ་བཅུ་ལས་གྱེས་པ་ཡིསཿ བདུད་རྩིར་གྱུར་ཏེ་རང་བཞིན་རྒྱསཿ རྩ་བ་སྡོང་བུ་ཡལ་ག་དངཿ ལོ་མ་མེ་ཏོག་ཤུན་པ་དངཿ ཁུ་བ་འབྲས་བུ་སྙིང་པོར་བཅསཿ རོ་ནུས་དྲི་དང་ཁ་དོག་ལསཿ རྩ་བ་གཅིག་ལ་ཡན་ལག་བརྒྱདཿ ཡོན་ཏན་སྟོང་དང་བཅས་པ་ཡིསཿ བཞི་བརྒྱ་རྩ་བཞིའི་ནད་སེལ་ཞིངཿ འགྲོ་བ་ཀུན་གྱི་གསོས་སུ་འགྱུརཿ དེ་ཡི་ཕྱིར་ན་སྣང་སྲིད་ཀྱིཿ རྩི་དང་བཅུད་དང་རིན་པོ་ཆེཿ མ་ལུས་ལུས་པ་མེད་པ་ཀུནཿ དུག་ལྔ་སྨན་དུ་བསྒྱུར་བས་ནཿ དགག་བྱ་གང་ཡང་ཡོད་མ་ཡིནཿ མཐུན་པའི་རིགས་ཀྱིས་སོ་སོར་དབྱེཿ སྨན་གྱི་རྒྱལ་པོ་ཨ་རུ་རཿ གཙོ་གྱུར་འབྲས་བུ་གསུམ་དང་ནིཿ ཙན་དན་དཀར་དམར་ཨ་ཀ་རུཿ མུ་ལ་པ་ཏི་བ་ལེ་ཀཿ ག་བུར་ཐང་ཆུ་ཤིང་ཚྭ་དངཿ གྷནྡྷ་པ་ཏྲ་ལི་ག་དུརཿ དུ་རུ་ཀ་དང་ཞོ་ཤ་གསུམཿ སྟར་བུ་རྒུན་འབྲུ་ཐལ་ཀ་རྡོརཿ རུ་རྟ་ཉེ་ཤིང་བུ་རམ་དངཿ སྦྲང་རྩི་སེང་སྡེང་སེ་འབྲུ་སོགསཿ རོ་དང་ནུས་པ་ཁ་དོག་གིསཿ སྐྱོན་དུ་མི་འགྱུར་དུག་བྲལ་སྨནཿ རྙེད་ཚད་ཀུན་གྱིས་གཅེར་ཞིང་གཏམསཿ ཚེ་དང་ཡོན་ཏན་རྒྱས་སྒྲུབ་ཕྱིརཿ ཡུང་བ་ཆུ་རྩ་ལུག་རུ་སེརཿ གི་ཝང་དྲི་བཟང་བུངས་ཆེར་བསྐྱེདཿ ཀུན་ལ་བདུད་རྩི་འཁྱིལ་པའམཿ རྨེ་བརྩེགས་ལ་བརྟེན་སྦྱངས་ཁྲུས་གཅེསཿ སྟེང་ནས་དར་ཚོན་སྣ་ལྔས་དགབཿ ཚོན་སྐུད་རྒྱས་བཅིངས་གཟུངས་ཐག་དྲངསཿ ལས་གཞུང་བསྲང་ལ་བཟླས་པ་བྱཿ དེ་ནས་ཁྲོལ་བུ་སྦྱངས་བའི་ཕྱིརཿ སྤྲོས་པ་ཅན་ལ་རིགས་བརྒྱ་དངཿ རིགས་ལྔ་སོགས་སུ་བསྟན་པ་ཡངཿ གང་ལ་བརྟེན་པའི་དཀྱིལ་འཁོར་དེའིཿ ཞི་ཁྲོའི་རྣམ་པ་མ་ལུས་པཿ ཡོངས་སུ་རྫོགས་པར་བྱ་ཕྱིར་དངཿ གཟུང་འཛིན་རྟོག་ཚོགས་བརྒྱ་ཕྲག་གིཿ གཉེན་པོར་དམ་པ་རིགས་བརྒྱ་དངཿ རྟོག་ཚོགས་དེ་དག་ཉོན་མོངས་ལྔཿ དེ་ཉིད་རིགས་ལྔས་སྦྱོང་བ་དངཿ རིགས་ལ་ཐ་དད་ཞེན་པ་ཡིཿ གཉེན་པོར་གསང་ཆེན་རིགས་གཅིག་གིསཿ སྦྱོང་བར་བསྟན་མོད་དེ་ལས་འདིརཿ ལྷར་འཛིན་རྣམ་པ་ཐ་དད་དངཿ སྨན་གྱི་དངོས་པོ་རང་རྒྱུད་པརཿ འཛིན་པའི་རྟོག་པ་བསམ་ཡས་ཀུནཿ བདུད་རྩི་ཡོན་ཏན་དཀྱིལ་འཁོར་འདིརཿ དུ་མར་སྣང་ཡང་གཅིག་ཏུ་བརྟགཿ}} ཨཱཿ རང་བྱུང་སྤྲུལ་པའི་ཕོ་བྲང་དབུསཿ ཡཾ་ལས་རླུང་གི་དཀྱིལ་འཁོར་ནིཿ འགྱུ་བྱེད་སྟོབས་ལྡན་གཞུ་ཡི་དབྱིབསཿ དེ་སྟེང་རཾ་ལས་བསྐལ་པའི་མེཿ གྲུ་གསུམ་རྣམ་ཐར་གསུམ་དུ་འབརཿ ཀཾ་ལས་མི་མགོའི་སྒྱེད་པུ་ནིཿ སྐུ་གསུམ་མཚོན་པའི་སྟེང་ཉིད་དུཿ ཨ་ལས་བྷནྡྷའི་ཕོ་བྲང་ཆེཿ ཕྱི་དཀར་བྱང་ཆུབ་སེམས་ཉིད་མདངསཿ ནང་དམར་བདེ་སྟོང་ཡེ་ཤེས་མཚོནཿ དེ་ནང་རང་བྱུང་ལྷུན་གྲུབ་རྫསཿ གྷོ་ཀུ་དྷ་ཧ་ན་ལས་ཤཿ བི་མུ་མ་ར་ཤུ་ལས་སྒྲོནཿ ཧཱུྃ་ཨཱོཾ་སཱ་ཨཱཾ་ཧཱ་དང་ནིཿ མཱུྃ་ལཱཾ་མཱཾ་པཱཾ་ཏཱཾ་ཡིག་མཚནཿ འོག་ནས་རླུང་གཡོས་མེ་སྦར་བསཿ གདོད་ནས་དག་པའི་བདུད་རྩིར་གྱུརཿ དེ་དབུས་རིགས་རྣམས་ཀུན་བདག་ཉིདཿ ཆེ་མཆོག་བདུད་རྩི་འཁྱིལ་བའི་སྐུཿ ལྗང་སེར་ཞལ་གཅིག་ཕྱག་གཉིས་པཿ ཡུམ་ལ་འཁྱུད་ནས་ཐལ་མོ་བཟེདཿ བདུད་རྩིས་བཀང་བའི་བུམ་པ་འཛིནཿ རྫས་དང་སྨན་གྱི་རྟོག་པ་སྤྱངསཿ བྱང་ཆུབ་སེམས་ཀྱི་སྤྲིན་ཚོགས་ལསཿ བདེ་གཤེགས་མཆོད་ཅིང་གནས་ངན་སྦྱངསཿ འཁོར་འདས་ཀུན་གྱི་དྭངས་མའི་བཅུདཿ བྷནྡྷའི་ནང་དུ་རོ་གཅིག་འཁྱིལཿ གདོད་ནས་དམ་ཡེ་དབྱེར་མེད་དུཿ {{TibChung|གནས་པ་དེ་ལྟར་ཞལ་བསྒྱུར་རྗེསཿ དྲང་སྲོང་སྨན་སྲུང་སྤྱན་ཡང་དྲོངསཿ}} ཧཱུྃཿ ཚངས་པ་དག་གི་གཙོ་བོ་མཆོགཿ དུང་གི་ཐོར་ཚུགས་ཁོང་སེང་ཅནཿ ཚངས་པ་ཀུན་སྒྲོལ་ཆེན་པོ་དངཿ དྲང་སྲོང་ཆེན་པོ་ལྗང་སྔོན་དངཿ ཙ་ར་ཀ་དང་ནབས་སོ་སྐྱེསཿ ཐ་སྐར་བུ་དང་ལྷ་སྐྱབས་དངཿ རྒྱུན་ཤེས་དང་ནི་གཡོན་ཕྱོགས་ལྷཿ ཐང་ལ་གནས་དང་མེ་བཞིན་འཇུགཿ རྐང་གཉིས་སྤྱོད་དང་ཀ་ཡ་ནཿ ཤིང་ཁྱེར་དང་ནི་ལྗང་སྔོན་བུཿ ཉི་མ་ཟླ་བ་ཀླུ་རུ་བཅསཿ བྲམ་ཟེ་གཞོན་ནུ་སྤྲིན་དང་ནིཿ རིན་པོ་ཆེ་དང་གྷོ་ཏ་ཤནཿ གཞོན་ནུ་སྲེད་དང་མགྲོན་སྐྱབས་དངཿ རྩིབས་ཀྱི་མུ་ཁྱུད་འཛིན་ལ་སོགསཿ ཁྱེད་ཅག་འཁོར་དང་བཅས་པ་ཡིསཿ སྔོན་ཆད་བསྒྲུབས་ནས་གྲུབ་པ་བཞིནཿ འདིར་སྤྱོན་བདུད་རྩིའི་དངོས་གྲུབ་སྩོལཿ {{TibChung|དེ་དག་གཙང་སྦྲ་ལ་གནས་པས་རྟོག་པ་བསལ་བའི་ཆོས་བཤད་པ་ནིཿ ནང་མཆོད་འཐོར་ཞིངཿ}} ཀྱཻཿ སྟོང་གསུམ་འཇིག་རྟེན་ཁམས་འདི་ནཿ ཚངས་དང་དྲང་སྲོང་གཙང་མ་ཟཿ དེ་དག་གྲོལ་བར་ངས་མ་བཤདཿ ཀླུ་དང་བྲམ་ཟེ་གཙང་མ་སྤྱོདཿ དེ་དག་གྲོལ་བར་ངས་མ་བཤདཿ བྱོལ་སོང་རྩྭ་མཆོག་ཟ་བ་ཡངཿ ཇི་སྲིད་འཚོ་ཡི་བར་དུ་སྤྱོདཿ དེ་ཡང་གྲོལ་བར་ངས་མ་བཤདཿ རྒྱུ་དང་འབྲས་བུ་འཁྲུལ་པའི་སྒྲཿ ཐམས་ཅད་བདུད་རྩིའི་རང་བཞིན་ཏེ། དོན་དམ་ངེས་པའི་ལུང་འདི་ཉོནཿ ཐབས་དང་ལྡན་པས་རིག་ཅིང་རྟོགསཿ ཆོས་ཉིད་གཅིག་ལ་ཐ་དད་པསཿ རིགས་ལྔའི་མཚན་ཉིད་ཡོན་ཏན་རྫོགསཿ འདི་ལྟར་རྟོགས་ན་གྲོལ་བར་འགྱུརཿ རང་བཞིན་གདོད་ནས་དག་པ་ཡིཿ མཉམ་ཉིད་དབྱིངས་སུ་རབ་རྟོགས་ཤིངཿ གཉིས་མེད་དོན་གྱིས་ཟིན་པ་ནཿ ཇི་ལྟར་དམིགས་པ་བཞིན་དུ་འགྲུབཿ གཙང་དང་མི་གཙང་རྟོག་པ་ཡིནཿ མཁས་པས་གཉིས་སུ་བྱ་མི་སྤྱོདཿ སྐུ་ལྔ་ཡེ་ཤེས་རྫོགས་པའི་ཕྱིརཿ དྲི་ཆེན་གསེར་མདོག་རྣམ་སྣང་མཛདཿ མངོན་འབྱུང་སྤྲུལ་པ་ཆོས་ཀྱི་སྐུཿ བྱང་ཆུབ་སེམས་ནི་དཀར་བའི་མདོགཿ དྲི་མ་དག་པའི་ཡེ་ཤེས་སྐུཿ མཾ་ས་ཡིད་བཞིན་རིན་ཆེན་འབྱུངཿ སྣ་ཚོགས་འབྱུང་ལྡན་མཉམ་ཉིད་སྐུཿ རཀྟ་ཆགས་མེད་དམར་བ་ནིཿ དྲི་མེད་རྣམ་དག་པདྨའི་སྐུཿ དྲི་ཆུ་དག་བྱེད་ལྗང་ཁུའི་མདོགཿ ཀུན་ཏུ་དོན་གྲུབ་ལས་རབས་སྐུཿ སྐུ་ལ་ལྷུན་གྲུབ་བདུད་རྩི་ལྔཿ རང་གི་ལུས་ལ་ངང་གི་གནསཿ དྲི་ཆེན་དྲི་ཆུ་རཀྟ་དངཿ མཱཾ་ས་བྱང་ཆུབ་སེམས་འདི་རྣམསཿ སེམས་ཅན་རྟོག་པ་ལྡོག་པའི་ཕྱིརཿ གཙོ་བོར་དང་དུ་བླང་ཞིང་སྒྲུབཿ མ་རྟོག་གཙང་དམེ་མེད་པར་སྤྱོདཿ {{TibChung|ཅེས་བརྗོད་སྣོད་བཅུད་ལ་དབང་བའིཿ}} སྨན་གྱི་དྲང་སྲོང་རིག་འཛིན་སོགསཿ གཙང་དམེའི་གཉིས་འཛིན་ཀུན་སྤངས་ནསཿ ཕོ་བྲང་དབྱིངས་ལ་བཞུགས་པ་དེསཿ འདོད་པའི་དངོས་གྲུབ་སྩོལ་བར་བསམཿ དེ་ནས་སྨན་གྱི་འཛབ་ལ་འཇུགཿ བདག་ཉིད་རང་བཞིན་དཀྱིལ་འཁོར་ནསཿ སྔགས་ཀྱི་འོད་ཟེར་གཟུངས་ཐག་ལཿ འཁྲིལ་ཏེ་མདུན་བསྐྱེད་ཐུགས་ཀར་ཞུགསཿ དེ་ལས་འོད་འཕྲོས་འཁོར་འདས་ཀྱིཿ དྭངས་བཅུད་ཕྱག་གི་བུམ་པར་འཁྱིལཿ ཁོལ་ཞིང་ལུད་ནས་ཞལ་དུ་ཞུགསཿ བྱང་ཆུབ་སེམས་ཀྱི་ངོ་བོར་ཞུཿ ཡབ་ཡུམ་བདེ་རོལ་སྦྱོར་མཚམས་ནསཿ བདུད་རྩིའི་ཆར་རྒྱུན་འབེབས་པར་གྱུརཿ ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་ཀུན་དྷ་ལི་ར་ས་ཡ་ན་ཏ་ན་ཛ་ཡ་གུ་ཧྱ་སིད་དྷི་ཧཱུྃ་ཧྲཱིཿཋཱཿ {{TibChung|སྟོང་མཆོད་དཔལ་གྱི་ཕོ་ཉ་བསྐུལཿ ཐུན་གྱིས་བརྡེག་ཅིང་བྲོ་ཡིས་གཟིརཿ བར་གཅོད་ཉུལ་ལེ་བཟློག་ལ་བརྩོནཿ དུར་ཁྲོད་བརྒྱད་ཀྱི་བྱིན་འབེབས་བྱཿ ཚོགས་ཀྱི་འཁོར་ལོས་དགྱེས་པ་སྐོངཿ ཁྲོལ་བུ་ཞག་གསུམ་ཚར་བའི་རྗེསཿ ལྷ་ཡང་འོད་ཞུ་བདུད་རྩིར་བསྟིམཿ ཐམས་ཅད་མཉམ་པ་ཉིད་དུ་སྦྱངསཿ སྨན་ལ་ཆེ་བའི་ཡོན་ཏན་བརྗོདཿ མཚན་དོན་སྦྱར་ནས་མཆོད་པ་ནིཿ ལས་གཞུང་བཞིན་དུ་ཤེས་པར་བྱཿ དེ་ནས་དངོས་གྲུབ་བསྡུ་བ་ནིཿ ཡུམ་གྱི་སྨན་གཞོང་ཁྱོགས་ལས་བཏེགཿ}} ཨེ་མ་ཐབས་ཆེན་ཁྱད་པར་ཆེཿ ཨེ་མ་ཐབས་ཆེན་བླ་ན་མེདཿ ཨེ་མ་ངོ་མཚར་རྨད་བྱུང་བཿ ལྟ་བ་རྨད་བྱུང་ངོ་མཚར་ཆེཿ སྤྱོད་པ་རྨད་བྱུང་ངོ་མཚར་ཆེཿ ཉོན་མོངས་མ་སྤངས་ངོ་མཚར་ཆེཿ ཡེ་ཤེས་ལྔ་རྫོགས་ངོ་མཚར་ཆེཿ སྐུ་ལྔ་ལྷུན་གྲུབ་ངོ་མཚར་ཆེཿ ཆོས་སྐུ་གཅིག་ལ་ཐ་དད་པཿ རིགས་ལྔའི་དངོས་གྲུབ་འདིར་ཐོབ་བོཿ ཡང་དག་འཆི་མེད་དོན་བརྙེས་སོཿ {{TibChung|ཞེས་བརྗོད་རྡོ་རྗེ་རྒྱལ་པོ་ཡིསཿ}} ཨེ་མ་ཧོཿ དམ་རྫས་བདུད་རྩིའི་བཅུད་འདི་ནིཿ མཐོང་ངམ་ཐོས་སམ་རེག་པས་ཀྱངཿ ཐམས་ཅད་དབང་ཕྱུག་བདག་གིས་ཐོབཿ ཐེ་ཚོམ་མི་འཚལ་ཨ་ལ་ལཿ {{TibChung|ཞེས་བརྗོད་གུ་ཧྱ་ལག་གིས་བླངཿ སྒྲུབ་དཀྱིལ་ཤར་དུ་ཞིང་ལྤགས་སྟེངཿ ཐབས་ཤེས་མཚོན་པའི་སྟན་གཏུན་བཞགཿ}} ཡབ་ཡུམ་བདུད་རྩི་འཁྱིལ་བ་ནིཿ ཞལ་གཅིག་ཕྱག་གཉིས་སྐུ་མདོག་དཀརཿ རྡོ་རྗེ་ཐོད་པ་གཡས་གཡོན་བསྣམསཿ ཟུང་འཇུག་སྦྱོར་བའི་མཁའ་ཀློང་དུཿ སྒྲོལ་བ་ཞེ་སྡང་རྡོ་རྗེའི་ལསཿ གནས་ངན་སྦྱངས་ཤིང་ས་ལ་བཀོདཿ ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་ཀུན་དྷ་ལི་ཧ་ན་ཧ་ན་རཾཿ ཞེས་འཐག་ངོ་བོ་བདེ་བའི་སྨནཿ དཀར་དམར་བྱང་ཆུབ་སེམས་ཀྱི་སྤྲིནཿ ཉལ་ཉལ་ལྷུད་ལྷུད་འབབ་པར་བསམཿ {{TibChung|ལྷོ་ཡི་ཕྱོགས་སུ་བཙགས་བྱ་སྟེཿ}} རིག་པ་ཡེ་གྲོལ་རྡོ་རྗེ་དངཿ རྟོག་ཚོགས་ཐ་དད་དབྱེ་བར་བསམཿ ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་མུ་ས་ལ་གྲྀ་ཧ་ན་ཨ་པ་ན་ཧོ་ས་མ་ཡ་ཧཱུྃ་ཕཊཿ {{TibChung|ནུབ་ཏུ་གཉིས་སུ་འཛིན་པའི་སེམསཿ ཐ་དད་མེད་པ་མཚོན་ཕྱིར་སྦྱརཿ ཆང་ཆུ་འོ་མ་རིན་ཆེན་སྦྲེངཿ}} ཨོཾ་ཨམྲྀ་ཏ་ཛ་གད་བྱི་ཏ་བ་ཤྭོ་དྷ་ཡ་རཏྣ་ཙིཏྟ་བི་ཤུདྡྷི་ཀུནྡྷ་ལི་སྭཱ་ཧཱཿ {{TibChung|དབྱིངས་དང་ཡེ་ཤེས་གཅིག་ཏུ་མཚོནཿ མཉམ་པ་ཉིད་དུ་འདྲེེས་པར་སྦོལཿ}} ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་མུ་ས་ལ་ཧཱུྃ་ཧྲཱིཿཋཱཿ {{TibChung|བྱང་དུ་ཆོས་མ་རྡོ་རྗེ་ཡིསཿ དངོས་གྲུབ་སྤེལ་ཕྱིར་ཕབས་ཀྱིས་བྲནཿ མཆོག་ཆེན་རྐང་གིས་དཀྲུགས་ཤིང་བཅལཿ}} ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧ་ཡ་གྷྲྀ་ཝ་ཧུ་ལུ་ཧུ་ལུ་ཧཱུྃ་ཧྲཱིཿཋཿ {{TibChung|རང་བཞིན་བདེ་བ་ཆེན་པོའི་སྣོདཿ ལྷ་རྫས་དམར་པོའི་སྣོད་དུ་སྩལཿ བྷནྡྷའི་བར་བཅུག་རྒྱ་ཆིངས་གདབཿ དྲོད་ཀྱི་ཐབས་ལ་མཁས་བྱས་ཏེཿ སྣ་ཚོགས་དར་གྱི་ན་བཟའ་བཀླུབསཿ དབུ་བརྒྱན་བཅིངས་ཤིང་རྡོ་དྲིལ་བསྣོལཿ ཕོ་བྲང་ཆེན་པོར་མངའ་གསོལ་བྱཿ སྟེང་ནས་གཟུངས་ཐག་དྲོང་བྱ་ཞིངཿ འོག་ཏུ་དྲོད་འབེབས་མར་མེ་སྦརཿ དེ་ཡང་དུར་ཁྲོད་རྫས་ལའོཿ དེ་ནས་མཆོད་པ་བཟང་དུ་བཤམསཿ བདག་དང་མདུན་བསྐྱེད་སྒྲུབ་རྫས་གསུམཿ རོལ་པ་གཅིག་ཏུ་ཤེས་པ་ཡིཿ དཔལ་ཆེན་འདུས་པའི་ལས་གཞུང་བསྲངཿ རྩ་བའི་བཟླས་པ་ཐོན་པ་དངཿ འཛབ་ཁང་དབྱེ་སྟེ་མདུན་བསྐྱེད་ནིཿ དཀྱིལ་འཁོར་དྲུག་དང་སྦྱོར་བ་བརྒྱདཿ འདུས་པའི་རྣམ་པར་ཞལ་སྒྱུར་ནིཿ}} ཕཊ་ཛཿ གཞལ་ཡས་ཕོ་བྲང་ཆེན་པོའི་དབུསཿ ཡཾ་ལས་རླུང་དཀྱིལ་གཞུ་དབྱིབས་ཅནཿ རཾ་ལས་མེ་དཀྱིལ་གྲུ་གསུམ་འབརཿ ཨ་ལས་ནོར་བུ་རིན་པོ་ཆེཿ སྲུབས་མེད་བྷནྡྷ་འབར་བའི་སྣོདཿ བདུད་རྩི་རང་བྱུང་གཞལ་ཡས་ཁངཿ རྒྱ་ཁྱོན་ཆོས་ཀྱི་དབྱིངས་དང་མཉམཿ དེ་དབུས་པདྨོའི་གེ་སར་ལཿ བདེ་སྟོང་ཐབས་ཤེས་ཉི་ཟླའི་གདནཿ འོད་ཟེར་ཀུན་ནས་འབར་བའི་སྟེངཿ དངོས་གྲུབ་ཆེན་པོའི་རང་བཞིན་ནིཿ ཤ་ལྔ་བདུད་རྩི་ལྔ་ཡི་སྟེངཿ ཧཱུྃ་ཨོཾ་སྭཱ་ཨཱྃ་ཧཱ་ལས་ནིཿ རྡོ་རྗེ་འཁོར་ལོ་རིན་པོ་ཆེཿ པདྨ་རྒྱ་གྲམ་ཡིག་འབྲུ་ལྔསཿ མཚན་པ་ཡོངས་གྱུར་སངས་རྒྱས་ལྔཿ ཡབ་ཡུམ་མཉམ་སྦྱོར་བདུད་རྩིར་ཞུཿ དེ་སྟེང་དཔའ་བོ་འབྲུ་ལྔས་མཚནཿ བདུད་རྩི་རང་བྱུང་དཀྱིལ་འཁོར་ནིཿ སྣང་ལ་རང་བཞིན་མེད་པར་གསལཿ ཨོཾ་ཨཱཿཧཱུྃ་སྭཱ་ཧཱཿ དཀྱིལ་འཁོར་བདག་པོ་ཡབ་ཡུམ་གྱིཿ བྱང་ཆུབ་སེམས་ཀྱི་སྤྲིན་ཚོགས་ལསཿ སྟོང་གསུམ་འཇིག་རྟེན་ཁྲོ་བཅུས་གངཿ བགེགས་རྣམས་སྟོངས་ཤིང་ཟད་སར་བསྒྲལཿ སླར་འདུས་བདུད་རྩིའི་ཕོ་བྲང་གིཿ ཕྱོགས་མཚམས་སྟེང་འོག་བཅུར་བཞུགས་ནསཿ བགེགས་འདུལ་བསྲུང་བའི་ལས་མཛད་གྱུརཿ ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃཿ {{TibChung|ཞེས་ཕོ་བྲང་གི་སྟེང་གི་ནམ་མཁར་ཧཱུྃ་མཛད་དངཿ དེ་བཞིན་དུཿ}} བི་ཛ་ཡཿ ནཱི་ལ་དནྜཿ ཡ་མཱནྟ་ཀཿ ཨཱརྱ་ཨ་ཙ་ལཿ ཧྱ་གྷྲྀ་ཝཿ ཨ་པ་ར་ཛཱི་ཏཿ ཨ་མྲྀ་ཏ་ཀུནྜ་ལིཿ ཏྲཻ་ལོ་ཀྱ་བཱི་ཛ་ཡཿ མ་ཧཱ་བཱ་ལ་ཧཱུྃཿ {{TibChung|ཞེས་འོག་གི་མེ་དཀྱིལ་ཀློང་ན་སྟོོབས་པོ་ཆེ་བཞུགས་པར་གསལ་ལོཿ}} རང་བྱུང་བདུད་རྩིའི་ཕོ་བྲང་སྟེངཿ འགྲོ་འདུལ་ཁྲོ་བོའི་དཀྱིལ་འཁོར་གྱིསཿ བསྟེན་པའི་ཚུལ་དུ་ཁྲག་འཐུང་བཞིཿ ཞལ་གཅིག་ཕྱག་གཉིས་ཡུམ་དང་འཁྲིལཿ ལས་མདོག་རང་རྟགས་ཐོད་པ་བསྣམསཿ གཡས་གཡོན་ཞབས་ཀྱིས་ཕྱོགས་མཚམས་ཀྱིཿ ཏ་ཀྲིཏ་བརྒྱད་པོའི་དབུ་ནས་བརྫིསཿ ཁྲོ་བོ་བཞི་ཡི་སྟེང་ཉིད་དུཿ བཛྲ་ཧེ་རུ་ཀ་ཡབ་ཡུམཿ མཐིང་ནག་ཞལ་གསུམ་ཕྱག་དྲུག་པཿ གཡས་གསུམ་རྩེ་དགུ་རྩེ་ལྔ་ཞིངཿ གཡོན་གསུམ་དྲིལ་བྷན་ཁ་ཊྭཱཾ་བསྣམསཿ ཞབས་བཞིས་རིགས་བཞིའི་ཁྲག་འཐུང་མནནཿ སྐུ་གདུང་འབར་བའི་དཀྱིལ་འཁོར་ནིཿ བདེ་ཆེན་ངང་དུ་དགྱེས་པར་བཞུགསཿ དེ་སྟེང་དབྱིངས་མ་བདེ་རོལ་ཉམསཿ གེལ་པའི་འདུག་སྟངས་ཞབས་བརྒྱད་ཀྱིསཿ བཛྲ་ཁྲག་འཐུང་དབུ་གཉིས་བརྫིསཿ རྩ་ཞལ་ཡུམ་གྱི་མཁའ་ལ་རྫོགསཿ ཡེ་ཤེས་སྤྱན་གྱི་ཕྱེད་ནུབ་ཚུལཿ ནམ་མཁའི་མདོག་ཅན་བཅོ་བརྒྱད་ཕྱགཿ རྩ་ཕྱག་རྡོར་དྲིལ་ཐུགས་ཀར་བསྣོལཿ གཡས་བརྒྱད་གནས་ཀྱི་མ་མོ་བརྒྱད། གཡོན་བརྒྱད་ཡུལ་གྱི་ཕྲ་མེན་བརྒྱདཿ ཕྱོགས་མཚམས་བརྒྱད་དུ་གཟིགས་པའི་ཞལཿ བདེ་བའི་ཉམས་བརྒྱད་ཀུན་ཏུ་མཚོནཿ དབུ་མའི་ཞལ་ལ་གསང་མཆོད་རྫོགསཿ མཁའ་མཉམ་ཀློང་གི་དཀྱིལ་འཁོར་ནིཿ གསལ་ལ་མ་འདྲེས་ལྷུན་གྱིས་གྲུབཿ མ་མ་ཀྲོ་ཏི་ཤྭཱ་རི་སྟྭཾཿ དེ་སྟེང་ཆེ་མཆོག་ཧེ་རུ་ཀཿ སྐུ་ནི་སྨུག་ནག་དབུ་ཉེར་གཅིགཿ བཞི་བཅུ་རྩ་གཉིས་ཕྱག་མཐིལ་ནཿ ཐབས་ཤེས་ཞི་བའི་ལྷ་ཚོགས་བསྣམསཿ ཞབས་བརྒྱད་ཡུམ་གྱི་དབུ་བརྒྱད་སྦྱོརཿ ཡུམ་ཞལ་དབུ་མའི་སྨིན་མཚམས་མཁརཿ རྡོ་རྗེ་ནོར་བུའི་སྦྱོར་བ་རྫོགསཿ རྩ་ཞལ་ལྗགས་སྟེང་ཉི་ཟླའི་སྟེངཿ སྲས་མཆོག་ས་ནུ་ཧེ་རུ་ཀཿ མདོག་དཀར་གསང་བ་ཡུམ་དང་བཅསཿ ཞལ་གཅིག་ཕྱག་གཉིས་ཚོན་གང་བཿ ཕྱག་གཉིས་ཉི་ཟླའི་གའུ་སྦྱོརཿ ལྗགས་སྟེང་འབྲུ་དགུའི་སྔགས་ཀྱིས་བསྐོརཿ འཆི་མེད་རྡོ་རྗེའི་དཀྱིལ་འཁོར་ནིཿ གསལ་བརྟན་གཟི་བྱིན་འོད་དུ་འབརཿ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཱཿ སྐུ་གདུང་འབར་བའི་ལྡིང་གུར་འོགཿ བདུད་རྩི་རང་བྱུང་དཀྱིལ་འཁོར་དབུསཿ རྒྱ་གྲམ་འབར་བའི་ལྟེ་བ་རུཿ ཧྲཱིཿལས་དབང་ཆེན་རྟ་གདོང་ཞལཿ མདོག་དམར་ཞལ་གསུམ་ཕྱག་བཞི་པཿ གཡས་གཉིས་པདྨ་བྷཉྫ་དང་ཿ གཡོན་གཉིས་རྒྱ་གྲམ་སྡིགས་མཛུབ་མཛདཿ གྲྭ་བཞིའི་ཡུམ་གྱི་མགུལ་ནས་འཁྱུདཿ མི་ཕམ་ཁྲོ་གཉེར་རལ་གཅིག་མཿ རོ་ལངས་མ་བཞི་ལས་མདོག་ཅནཿ སྐུ་སྨད་བདུད་རྩིའི་ནང་དུ་ནུབཿ གྲི་གུག་ཐོད་འཛིན་བདེ་སྟོང་ཕྱགཿ ཡབ་ཀྱི་བརླ་བཞིར་དགྱེས་པར་འཁྲིལཿ ལྷུམས་དང་ཞབས་བཞི་མཉམ་པར་སྦྱོརཿ ཀུན་ཀྱང་བདེ་བ་ཆེན་པོའི་ཉམསཿ སྦྱོར་བ་བརྒྱད་དུ་འབར་བ་ཡིཿ སྒྲ་དང་འོད་ཀྱི་བརྟུལ་ཞུགས་ཀྱིསཿ བདེ་གཤེགས་མ་ལུས་སྤྱན་དྲངས་ནསཿ ཡེ་ཤེས་ལྔ་ཡི་དབང་བསྐུར་ཞིངཿ རྡོ་རྗེ་གསུམ་དུ་རྒྱས་གདབ་བོཿ ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾཿ {{TibChung|དེ་བཞིན་དུཿ}} ཝཱཀྐ་བཛྲཿ ཙིཏྟཿ ཨ་ནུ་རཱ་གཿ ཀརྨ་བཛྲཿ {{TibChung|ཞེས་སྦྱར་སྤྱན་འདྲེན་མཆོད་བསྟོད་རྣམས་ཡེ་ཤེས་སྐུ་མཆོག་མའི་ཚིག་ཕྱིར་སེམས་གཞོལ་ཏེཿ}} མཉམ་ཉིད་བྱང་ཆུབ་སེམས་ལ་རྟག་ཏུ་འདུདཿ {{TibChung|ཀྱི་བར་བརྗོདཿ སྨན་སྲུང་སྤྱན་དྲངས་རྟོག་པ་བསལཿ ཛབ་བསྐུལ་དམིགས་པའི་ཏིང་འཛིན་ནིཿ མེ་དང་འདྲ་ལ་བཟླས་བརྗོད་ཀྱིཿ རླུང་གིས་བར་མཚམས་མེད་པར་བསྐུལཿ}} དཀྱིལ་འཁོར་བདག་པོ་ཧེ་རུ་ཀའིཿ ཐུགས་ཀར་ཉིད་ཀྱིལ་ཨ་ཡིག་ལཿ དགུ་པའི་སྔགས་ཕྲེང་གཡས་སུ་འཁོརཿ དེ་ལས་འཕྲོས་པའི་འོད་ཟེར་གྱིསཿ རླུང་གཡོས་མེ་སྦར་བདུད་རྩི་ཁོལཿ སྒྲ་དང་བཅས་པའི་ཟེགས་རླངས་ལསཿ བྱང་ཆུབ་སེམས་ཀྱི་འོད་ཟེར་འཕྲོསཿ ཆེ་མཆོག་རྩ་བའི་དཀྱིལ་འཁོར་ལྔཿ མཉེས་བྱས་ཐུགས་དམ་གནད་ནས་བསྐུལཿ ཡོངས་རྫོགས་སྐུ་ཡི་དབྱིབས་བརྒྱུད་དེཿ སྲས་མཆོག་ས་ནུ་ཧེ་རུ་ཀའིཿ ལྗགས་ཀྱི་སྔགས་འཁོར་རབ་ཏུ་བསྐུལཿ དེ་ཡི་འོད་ཀྱིས་ཞིང་ཀུན་གཡོསཿ བདེ་གཤེགས་མ་ལུས་མཆོད་པས་མཉེསཿ མཁྱེན་བརྩེ་ནུས་པའི་ཡོན་ཏན་དངཿ ཡེ་ཤེས་ལྔ་ཡི་བདུད་རྩིའི་བཅུདཿ འོད་ཀྱི་རྣམ་པར་ཚུར་བསྡུས་ནསཿ ལྗགས་ཀྱི་འཁོར་ལོ་ལ་བརྒྱུད་དེཿ དཀྱིལ་འཁོར་ལྔ་ཡི་སྐུའི་དབྱིབས་བརྒྱུདཿ སྦྱོར་བའི་ལམ་ནས་བདུད་རྩིར་བབསཿ དབང་བསྐུར་བྱིན་བརླབས་གསལ་བརྟན་འབརཿ སྦྱོར་བ་བརྒྱད་དུ་རྣམ་པར་རོལཿ ས་མ་ཡ་ཧོཿ ས་མ་ཡ་སྟྭཾཿ རཱ་ག་ཧོཿ རཱ་ག་ཡཱ་མིཿ ཨ་ལ་ལ་ཧོཿ བོ་དྷི་ཙིཏྟ་སྥ་ར་ཎ་ཕཊཿ བརྡ་དང་བརྡ་ལན་གྱིས་བསྐུལ་ཏེཿ སྟོང་པ་ཤིན་ཏུ་ཡོད་མེད་མཐུསཿ སྲིད་པའི་འདོད་པ་རྣམ་དག་པཿ བདེ་མཆོག་བདེ་བའི་རོལ་མོར་འཁྲོལཿ སྦྱོར་མཚམས་བརྒྱད་ནས་བྱང་ཆུབ་སེམསཿ ཞིང་ཁམས་ཀུན་ཏུ་ཁྱབ་པར་འཕྲོསཿ འཕགས་པ་མཆོད་ཅིང་གཞན་དོན་བྱསཿ སྐུ་གསུང་ཐུགས་ཀྱི་དངོས་གྲུབ་དབྱིགཿ འབྱུང་བས་བསྡུས་པའི་དྭངས་མའི་བཅུདཿ ཀུན་ཀྱང་བདུད་རྩིའི་རང་བཞིན་ཏེཿ མུ་ཏིག་དཀར་པོ་དྲི་མེད་ལྟརཿ རང་བཞིན་དཀྱིལ་འཁོར་ལ་ཐིམ་ཞིངཿ སྤྲུལ་པའི་འཁོར་ལོར་འཁྱིལ་བར་གྱུརཿ ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཧཱུྃ་ཧྲཱིཿཋཱཿ {{TibChung|ཆིག་སྒྲིལ་བརྩོན་ཞིང་སྟོང་ཚིག་བརྗོདཿ ཁོར་ཡུག་གསུང་མི་ཆད་དུ་བཟླཿ ཉུལ་ལེ་འོང་བའི་དུས་དྲུག་ལཿ ཕོ་ཉ་བསྐུལ་ཞིང་གཉེན་པོས་བསྐྲདཿ སྤོས་རོལ་དང་བཅས་བྱིན་ཡང་དབབཿ བཞིའམ་དྲུག་ཏུ་ཚོགས་འཁོར་བསྐོརཿ ཐེ་ཚོམ་མེད་ན་ངེས་པར་འགྲུབཿ བསྐྱེད་རིམ་གསལ་ལས་ལྷ་མོར་སྟོནཿ བཟླས་བརྗོད་དག་པས་ཡ་མཚན་སྒྲཿ ཏིང་འཛིན་གསལ་ལས་འོད་དུ་འབརཿ སྨན་ཆ་སྙོམས་ལས་དྲི་དང་རླངསཿ དམ་ཚིག་དག་ལས་མང་དུ་འཕེལཿ རྟགས་ལ་རློམ་སེམས་མི་བསྐྱེད་ཅིངཿ མ་གྲུབ་སྤོགས་པའི་ཆོ་ག་བྱཿ གཡེལ་དང་ཞུད་པ་དམ་པོས་བཅདཿ ཉམས་དང་འདྲེས་པ་ཐབས་ཀྱིས་བསལཿ ཞིག་རལ་གསོ་བ་ཤིན་ཏུ་གཅེསཿ དེ་ནས་གནད་བསྐུལ་སྔགས་ཀྱི་སྒོཿ ཨ་ར་ལི་དང་ཕེཾ་གྱི་མདེའུཿ སྒྲུབ་པའི་སྔགས་ཀྱི་མདའ་ལ་བསྐྱོནཿ སྐལ་པ་རབ་ཀྱིས་ཐང་དང་ཞགཿ འབྲིང་གིས་བདུན་ལ་ཐ་མས་ཀྱངཿ ཉི་ཤུ་གཅིག་ལ་རྟགས་མཚན་རྣམསཿ མཐོང་འགྱུར་འདི་ལ་ཐེ་ཚོམ་མེདཿ དེ་ལྟར་མཐོང་ནས་ཨཱ་བེ་ཤསཿ སྦྱོར་བ་བསྐུལ་ཏེ་བྱང་སེམས་དབབཿ པྲ་བེ་ཤ་ཡིས་གསང་སྒོ་དབྱེཿ ཀུནྡྷ་ལི་ཡིས་སྣོད་དུ་བསྐྱིལཿ}} ཧོཿ ཆེ་མཆོག་བདུད་རྩིའི་དཀྱིལ་འཁོར་འདིརཿ ཡབ་ཡུམ་སྦྱོར་བའི་སྐུའི་དབྱིངས་ལསཿ གཉིས་མེད་བྱང་ཆུབ་སེམས་ཀྱི་སྤྲིནཿ མུ་ཏིག་འཇུ་བའི་ཟིལ་པ་བཞིནཿ འཕོ་ཞིང་གཡོ་བར་འབབ་པ་ཡངཿ འཛག་བདེའི་སྲིད་པ་རྣམ་དག་པསཿ རང་བཞིན་མེད་པར་འཁྱིལ་ཞིང་གནསཿ ཨེ་མ་ཧོཿ འདི་ནི་རྡོ་རྗེའི་དམ་ཚིག་སྟེཿ སྣང་སྲིད་བདུད་རྩིར་སྨིན་པའི་ཕྱིརཿ པདྨོ་ནོར་བུའི་གྲོང་ཁྱེར་ལསཿ དངུལ་ཆུ་བཞིན་དུ་འདར་འཕྲིག་བཅསཿ སྲིད་གསུམ་བྷནྡྷའི་སྣོད་དུ་བསྐྱིལཿ ཆགས་པ་ཀུན་བྲལ་སྐྱེ་མེད་དབྱིངསཿ གཉིས་མེད་དོན་ལ་སྣ་ཚོགས་སྟོནཿ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཨཱ་བེ་ཤ་ཡཿ པྲ་བེ་ཤ་ཡ་ཕཻཾ་ཕཻཾཿ ཀུནྡྷ་ལི་ཧཱུྃ་ཧྲཱིཿཋཱཿ {{TibChung|ཞེས་བཟླ་སྐབས་སུ་འདི་ལྟར་བསྐུལཿ}} ཧཱུྃཿ ང་ནི་དཀྱིལ་འཁོར་ཀུན་བདག་ཉིདཿ རྒྱལ་ཀུན་གསང་བའི་གཏེར་ལ་དབངཿ ཁྲག་འཐུང་དཀྱིལ་འཁོར་ལྷ་ཚོགས་རྣམསཿ ཐུགས་དམ་དབང་གིས་སྤྱན་འདྲེན་གཤེགསཿ བླ་ན་མེད་པ་རྡོ་རྗེ་ཡིཿ དམ་ཚིག་མཆོག་དེ་བདག་བསྒྲུབ་ནཿ ཐུགས་ཀྱི་དགོངས་པར་མི་མཛད་ཅིངཿ སྒྲུབ་པའི་འབྲས་བུ་གང་ཡིན་པཿ འདི་རུ་སྩོལ་བར་མི་མཛད་ནཿ རྡོ་རྗེའི་ཕྱག་རྒྱ་གང་དུ་གཉནཿ སྐུ་གསུང་ཐུགས་ཀྱི་ཡལ་གམ་ལཿ དགོངས་ནས་མཆོག་དང་ཐུན་མོང་གིཿ དངོས་གྲུབ་མ་ལུས་སྩལ་དུ་གསོལཿ {{TibChung|ཅེས་པས་གནད་དབབ་སྦྱར་སྤོས་སྲེགཿ དེ་ནས་བདུད་རྩི་དབང་དུ་བྱཿ ལྷ་སྔགས་ཏིང་འཛིན་ནུས་པས་བསྡུཿ}} ཧཱུྃཿ རྟ་མགྲིན་དབང་གི་དཀྱིལ་འཁོར་ནསཿ རིགས་ཀྱི་ལྷ་མོ་བཞི་དང་བཅསཿ བདུད་རྩི་ལྔ་དང་འབྱུང་ལྔའི་བཅུདཿ མཉམ་སྦྱོར་བྱང་ཆུབ་སེམས་སུ་སྡུདཿ དེ་ཉིད་སྨན་དང་རོ་གཅིག་པཿ འཆི་མེད་བདུད་རྩིའི་དངོས་པོ་ཅནཿ དྭངས་མ་འོད་ཟེར་ལྔའི་རྣམ་པསཿ བདག་གི་སྙིང་དབུས་ཞུགས་པར་གྱུརཿ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧ་ཡ་གྷྲི་ཝ་ཧུ་ལུ་ཧུ་ལུ་བྷནྡྷ་བྷནྡྷ་ཧཱུྃ་ཧྲཱིཿཋཱཿ {{TibChung|བརྒྱ་རྩ་བརྒྱད་བཟླ་དངོས་གྲུབ་ནིཿ གཞན་གྱིས་མི་འཕྲོག་བདག་ཐོབ་བསམཿ དེ་ལྟར་སྒྲུབ་པ་ཐོན་པ་ཡིཿ ནངས་པར་ཚོགས་འཁོར་བཟང་དུ་བཤམསཿ ཆོ་ག་ལ་སོགས་དངོས་གྲུབ་རྫསཿ ཇི་ལྟར་ཚོགས་པ་བཞིན་དུ་བསྡུཿ ཕྲིན་ལས་གཞུང་བསྲང་བཟླས་པའི་རྗེསཿ དངོས་གྲུབ་བསྐུལ་བའི་འཛབ་ལ་འཇུགཿ རྡོ་རྗེ་སློབ་མར་བཅས་པ་ཡིསཿ ཞུན་ཆེན་མར་མེ་ལག་ཏུ་བཏེགཿ}} ཧཱུྃཿ བདག་ཅག་རིག་འཛིན་སྒྲུབ་པ་པོསཿ ལོངས་སྤྱོད་དུར་ཁྲོད་རྫས་ལ་བརྟེནཿ སྡོང་བུ་དུར་ཁྲོད་རས་ལ་གཏམསཿ ཚིལ་ཆེན་མར་མེ་སྐར་ལྟར་བཀྲཿ བསྐྱེད་རིམ་བཟླས་བརྗོད་རྒྱུན་མ་བཅདཿ གདུང་བ་དྲག་པོའི་ངར་དང་ལྡནཿ དཔལ་ཆེན་ལྷ་ཚོགས་ཐུགས་དམ་བསྐངསཿ དམ་ཅན་རྣམས་ཀྱང་དམ་ལ་འདུཿ རྡོ་རྗེའི་དམ་ཚིག་ཆེན་པོ་འདིའིཿ བཀའ་ཡི་སྡུད་པོ་འཇམ་དཔལ་དངཿ ས་ཡི་སྙིང་པོ་ལ་སོགས་ཀྱངཿ ཐུགས་དམ་བསྐུལ་ལོ་བརྟུལ་ཞུགས་བསྐྱེདཿ དངོས་གྲུབ་བསྐུལ་བའི་དུས་ལ་བབཿ སྐུ་གསུང་ཐུགས་དང་ཡོན་ཏན་དངཿ ཕྲིན་ལས་འདུས་པའི་དབྱིག་ཆེན་པོཿ བདུད་རྩིའི་རྫས་ལ་བརྟེན་ནས་སྩོལཿ ཨོཾ་ཨཿཧཱུྃཿ སརྦ་པཉྩ་ཨ་མྲྀ་ཏ་མཉྫུ་ཤྲཱི་བྷྱཱ་བ་ལོ་ཀི་ཏེ་ཧཱུྃ་ཧྲཱིཿཋཱཿ ཨ་ཧོ་སུ་ཁ་དྷརྨཱ་ཀཱ་ཡ་ན་ཨ་མྲིཏ་སིདྡྷི་ཧཱུཾ་ཧྲཱིཿཋཱཿ {{TibChung|བརྒྱ་རྩ་བཟླས་ཏེ་དངོས་གྲུབ་བསྐུལཿ ཚོགས་འཁོར་བསྐོར་ཞིང་བྲོ་བཤགས་བྱཿ དེ་ནས་དངོས་གྲུབ་བླང་བ་ནིཿ དཀྱིལ་འཁོར་བསྐོར་ཞིང་སློབ་དཔོན་གྱིསཿ གཡོན་པའི་མཐེབ་སྲིན་སྦྱར་བྱས་པའིཿ སྙིམ་པ་བདུད་རྩིའི་སྟེང་ནས་བཀབཿ}} ཧོཿ དཔལ་ཆེན་དཀྱིལ་འཁོར་ལྷ་ཚོགས་དགོངས་སུ་གསོལཿ བདུད་རྩི་སྒྲུབ་པའི་ཞག་གྲངས་ད་ནངས་ཐེམཿ བདུད་རྩི་སྒྲུབ་པའི་དམ་ཚིག་དེ་རིང་རྫོགསཿ རྡོ་རྗེའི་ནམ་ལངས་དངོས་གྲུབ་ཉི་ཟླ་ཤརཿ ཐུགས་དམ་དུས་ལ་བབ་བོ་ཐུགས་རྗེ་བསྐྱེདཿ སྐུ་གསུང་ཐུགས་དང་ཡོན་ཏན་ཕྲིན་ལས་ལྔའིཿ གསང་བ་བསམ་གྱིས་མི་ཁྱབ་བདུད་རྩིའི་ཆོསཿ སྐྱེ་འཆི་མེད་པའི་དངོས་གྲུབ་ཆེན་པོའི་དབྱིགཿ རིག་འཛིན་སྒྲུབ་པའི་རྫས་ལ་བརྟེན་ནས་སྩོལཿ གྲུབ་ཆེན་བརྒྱད་དང་ཕྲིན་ལས་རྣམ་པ་བཞིཿ འདུ་བ་གསུམ་དང་འབར་བ་རྣམ་པ་གསུམཿ དཔལ་བཅུའི་ཡོན་ཏན་མངོན་ཤེས་རྫུ་འཕྲུལ་སྟོབསཿ མི་བརྗེད་གཟུངས་དང་གཡུང་དྲུང་ལྟ་བུའི་ཚེཿ རིག་འཛིན་བཞི་དང་སྐུ་ལྔ་ལྷུན་རྫོགས་པཿ མ་ལུས་ལུས་པ་མེད་པའི་དངོས་གྲུབ་ཀུནཿ ད་ལྟ་ཉིད་དུ་བདག་ལ་སྩལ་དུ་གསོལཿ {{TibChung|ཅེས་བརྗོད་བདུད་རྩིའི་ཕོ་བྲང་ལཿ དངོས་སུ་སྤྱད་ཕྱིར་གསང་སྔགས་འདིསཿ རིག་པའི་མེ་ཏོག་དོར་བར་བྱཿ}} ཨོོཾ་བོ་དྷི་ཙིཏྟ་ཀཱ་ཡ་ཝཱཀྐ་ཙིཏྟ་མ་ཧཱ་ས་མ་ཡ་ཧོཿ {{TibChung|དེ་ནས་བདུད་རྩིའི་ཕོ་བྲང་དེཿ}} དངོས་གྲུབ་རྟེན་{{TibChung|རིག་མ།}} གྱིས་སྤྱན་དྲངས་ལཿ རྡོ་རྗེའི་བདེ་ཆེན་་་{{TibChung|རྒྱལ་པོའི་སྤྱི་གཙུག}} གནས་སུ་བཀོདཿ བདག་ཉིད་རང་བཞིན་དཀྱིལ་འཁོར་ལཿ སྤྲུལ་པའི་དཀྱིལ་འཁོར་་་་{{TibChung|མདུན་བསྐྱེད།་་་}}ཐིམ་པར་བསམཿ བདུད་རྩི་དཀྱིལ་འཁོར་ལྷ་ཚོགས་རྣམསཿ བདག་ཉིད་རང་བཞིན་འཁོར་ལོ་ལཿ ཆུ་ལ་ཆུ་བཞག་ལྟ་བུའི་ངངཿ གཉིས་མེད་ཡེ་ཤེས་རང་དབང་བསྐུརཿ དབང་གི་ནང་ནས་དབང་ཆེན་པོཿ སྒོ་གསུམ་སྐུ་གསུང་ཐུགས་དང་འདྲེསཿ བསྐུར་ཐོབ་གཉིས་མེད་བདེ་ཆེན་ངངཿ རང་རིག་དཔལ་ཆེན་རོལ་པར་རྫོགསཿ ཨོཾ་ཨཱཿཧཱུྃཿ སརྦ་པཉྩ་ཨ་མྲྀ་ཏ་ཀཱ་ཡ་ཝཱཀྐ་ཙིཏྟ་ཨཱ་ཡུ་སིདྡྷི་ཕ་ལ་ཨ་བྷི་ཥིཉྩ་ཏུ་མཱཾཿ {{TibChung|ཞེས་ནོད་དཀྱིལ་འཁོར་གཙོ་མཆོག་དངཿ གཉིས་སུ་མེད་པའི་ཐིག་ལེར་བསྒོམསཿ དེ་ནས་བདུད་རྩིའི་ཕོ་བྲང་དབངཿ སློབ་མའི་སྤྱི་བོར་བཞག་སྟེ་བསྐུརཿ}} ཧཱུྃཿ སྣང་སྲིད་རྣམ་དག་དུང་ཆེན་སྣོདཿ རྒྱུ་གཉིས་རྐྱེན་གསུམ་ལས་བྱུང་བའིཿ སྐུ་གསུང་ཐུགས་ཀྱི་དངོས་གྲུབ་འདིཿ བདེ་ཆེན་མཉམ་ཉིད་ཐུགས་ཀྱི་ངངཿ ཆགས་འཛིན་རྣམ་དག་ཤེས་རབ་སྐུཿ གཉིས་མེད་དོན་ལ་སྣ་ཚོགས་སྟོནཿ འདི་ནི་དོན་གྱི་བདུད་རྩིའོཿ མ་སྐྱེས་ཀུན་བཟང་ཆེ་བའི་མཆོགཿ བདེ་ཆེན་ཀློང་ན་དབྱིངས་ཕྱུག་མཿ ཉོན་མོངས་རྣམ་དག་རིགས་ཀྱི་གཙོཿ ཡེ་ཤེས་ལྔར་རྫོགས་སྐུ་ལྔར་གྲུབཿ དུག་ལྔའི་རྟག་པ་རང་སར་གྲོལཿ འདི་ནི་མིང་གི་བདུད་རྩིའོཿ ཕྱི་སྣོད་ནང་བཅུད་ཐམས་ཅད་ཀུནཿ བདུད་རྩི་རྣམ་པ་ལྔ་ཉིད་དེཿ སོ་སོ་རང་རིག་རྩ་བ་བརྒྱདཿ དབྱིབས་དང་ཁ་དོག་ཕྱི་དང་ནངཿ ཐབས་དང་ཤེས་རབ་རོ་དང་མཐུཿ སྐུ་དང་གསུང་དང་ཐུགས་ཉིད་དངཿ ཡོན་ཏན་ཕྲིན་ལས་ཡན་ལག་སྟོངཿ ངང་དང་རང་བཞིན་བདག་ཉིད་སྐུཿ དུས་གསུམ་དེ་ཉིད་ཤེས་པ་སྤྱོདཿ དབང་གི་ནང་ནས་ཆེ་བའི་མཆོགཿ སྐལ་ལྡན་བུ་ལ་སྦྱིན་པ་ཡིསཿ བདུད་བཞི་ཉོན་མོངས་ནད་འཇོམས་སེལཿ ལྟ་སྤྱོད་ཕྲིན་ལས་དམ་ཚིག་དངཿ ཡེ་ཤེས་དཀྱིལ་འཁོར་སྒྲུབ་པའི་ལུངཿ འཁོར་འདས་ཆོས་དང་གཙང་མི་གཙངཿ ལོག་རྟོག་སྤང་ལེན་སེམས་སུ་རྫོགསཿ དུག་ལྔ་མ་སྤངས་ཡེ་ཤེས་ལྔཿ དུག་ལྔ་མ་བསྒྲུབས་རང་བཞིན་ངངཿ སྐྱེ་འཆི་མེད་པའི་གནས་ཐོབ་ཤོགཿ ཨོཾ་ཨཱཿཧཱུྃ་མ་ཧཱ་ཤྲཱི་ཧེ་རུ་ཀ་ཀྲོ་ཏི་ཤྭ་རཱི་སྟྭཾཿ སརྦ་པཉྩ་ཨ་མྲྀ་ཏ་ཨ་བྷི་ཥིཉྩ་ཨཱ་བེ་ཤ་ཡ་ཨ་ཨཱཿ {{TibChung|ཞེས་བསྐུར་དེ་ནས་དཀྱིལ་འཁོར་པསཿ སྡུད་པོ་འཇམ་དཔལ་རྣོན་པོ་ལཿ གནང་བ་སྩལ་ཏེ་གཏད་པར་བསམཿ ཡུམ་དང་ལས་ཀྱི་རྡོ་རྗེ་ཡིསཿ སྔར་བཞིན་ཕོ་བྲང་ཡབ་ལ་དབུལཿ དེས་ཀྱང་རིངས་པའི་ཚུལ་གྱིས་བླངསཿ ཨ་ཧོ་མ་ཧཱ་སུ་ཁ་ཧོཿ དམ་རྫས་བདུད་རྩིའི་བཅུད་འདི་ནིཿ སོགས་ཀྱི་བརྡ་ལན་སྔར་བཞིན་གདབཿ རྒྱ་རྣམས་བཀྲོལ་ཞིང་འདི་སྐད་བརྗོདཿ}} མཁའ་དབྱིངས་ཕྱག་རྒྱ་གཉན་པོ་མཆོགཿ དཔལ་གྱི་ཐ་ཚིག་དམ་པར་དགྲོལཿ པདྨ་ས་མ་ཡ་པྲ་བེ་ཤ་ཡ་ཕཊཿ {{TibChung|སྣོད་ཞལ་ཕྱེ་བའི་དེ་མ་ཐགཿ བདུད་རྩི་སྨན་གྱི་དྭངས་མ་ནིཿ དཀར་དམར་སྔོ་བའི་འོད་ཟེར་གྱིཿ རྣམ་པས་བདག་གིས་གནས་གསུམ་དུཿ ཐིམ་པར་བསམ་ཞིང་འདི་སྐད་དོཿ}} སྲོག་གི་རྒྱུན་གསུམ་ངོ་བོ་གཅིགཿ གནས་གསུམ་བྱང་ཆུབ་སེམས་ལ་ཐིམཿ དོན་དམ་གཉིས་མེད་ཐིག་ལེ་ལསཿ སྐུ་གསུང་ཐུགས་ཀྱི་རྡོ་རྗེར་གྱུརཿ མ་ཧཱ་གུ་ཧྱ་ཀཱ་ཡ་ཝཱཀྐ་ཙིཏྟ་སིད་དྷི་ཧྲཱིཿཧ་ཧཱུྃཿ {{TibChung|འདི་ནི་སངས་རྒྱས་ཐམས་ཅད་ཀྱིཿ དབང་བསྐུར་སྤྱོད་ཡུལ་དམ་པའོཿ ས་ནམ་ས་རུ་འཕར་བ་མཚོནཿ སྨན་གྱི་འཕེལ་རྟགས་དྲིལ་བུར་གཞལཿ བདེ་སྐྱོང་མ་དཱ་ན་ཡིས་བཀངཿ དེ་ལ་བདུད་རྩིའི་ཕུར་མ་བྲནཿ གཞུང་བཞིན་མཚན་དོན་སྦྱར་བས་མཆོདཿ ལྕེ་ཡི་དམ་ཚིག་རྡོ་རྗེས་མྱངཿ དབང་པོའི་སྒོ་དང་ཡན་ལག་ལའངཿ མཐེབ་སྲིན་སྦྱར་བས་ཐིག་ལེ་བྱཿ དེ་ནས་བདུད་རྩིའི་ཆ་ཤས་ནིཿ རཏྣའི་གའུར་གཏེར་དུ་སྩལཿ ཆེ་མཆོག་བདུད་རྩི་འཁྱིལ་བའི་སྐུཿ ཕོ་བྲང་ནང་དུ་བཞུགས་པར་བསྒོམཿ སྤྱི་བོའི་གཙུག་གམ་མགུལ་དུ་གདགསཿ རྩ་གསུམ་དམ་ཅན་སྤྲིན་བཞིན་འདུཿ ཀུན་གྱིས་བསྐུར་ཞིང་གང་འབྲེལ་འཚེངསཿ སྨན་ནི་ཆ་གསུམ་དག་ཏུ་བཅདཿ དང་པོ་རྩ་གསུམ་ལྷ་ལ་བསྔོཿ དེ་ནས་གཞན་གྱི་དོན་ཡང་བྱཿ གཉིས་པ་དཔའ་བོ་རྡོ་རྗེས་བཟུངཿ ཐ་མ་འདུས་པའི་ཚོམ་བུར་སྤེལཿ ཐུན་བཞི་ཀུན་ལ་རྟག་ཏུ་མྱོངཿ མ་གྲུབ་ནངས་པར་རེ་རེ་བཞིནཿ ཐ་མའང་དུས་བཟང་ཚོགས་འཁོར་དངཿ བཟླ་བའི་དུས་ན་ངེས་པར་སྤྱདཿ ཚེ་རིང་ནད་མེད་བདེ་བ་དངཿ ལང་ཚོ་ཁ་དོག་སྟོབས་གཟི་བརྗིདཿ འཕེལ་ཞིང་དབང་པོ་རྣམ་རིག་གསལཿ མཁའ་ལ་འགྲོ་ཞིང་སྦྱོར་ངན་གྱིཿ ནུས་པས་མི་ཚུགས་ཏིང་འཛིན་གསལཿ ཁྱད་པར་ཡོན་ཏན་བསམ་མི་ཁྱབཿ ལུས་ལ་གནས་པའི་བདུད་རྩི་ལྔཿ དྭངས་མར་གྱུར་ནས་འཆི་མེད་འགྲུབཿ འདུ་བའི་ནད་སེལ་བདུད་བཞི་འཇོམསཿ བཅུད་ལེན་ཀུན་གྱི་རྒྱལ་པོ་ཡིནཿ སྤངས་རྟོགས་ཡོན་ཏན་ངང་གི་འཕེལཿ འདི་སྒྲུབ་རྒྱལ་བའི་སྲས་སུ་དགོངསཿ རྟོག་ལ་ཡེ་ཤེས་སྨན་སྦྱར་བསཿ དུག་ལྔ་ཡེ་ཤེས་ལྔ་རུ་རྫོགསཿ གང་དུ་བསྒྲུབ་པའི་གནས་མཆོག་དེཿ ཉི་ཤུ་རྩ་བཞིའི་ཡུལ་དང་མཉམཿ དབའ་བོ་མཁའ་འགྲོ་ཤུགས་ལ་འདུཿ བཀྲ་ཤིས་བྱིན་ཆགས་ཏིང་འཛིན་འཕེལཿ ས་དགྲ་ཞི་ཞིང་ཆར་ཆུ་འབེབསཿ ལྷ་ཀླུ་དགའ་བས་སྣོད་བཅུད་རྒྱསཿ རྩི་དང་ལོ་ཏོག་ཕུན་སུམ་ཚོགསཿ དེ་བས་རྣལ་འབྱོར་ཆེ་རྣམས་ཀྱིསཿ སེམས་བསྐྱེད་ཏིང་འཛིན་དངོས་རྫས་ཀྱིཿ ཆོ་གར་ལྡན་པ་འདི་སྒྲུབས་ཤིགཿ དེ་ཡི་བསོད་ནམས་བརྗོད་མི་ལངཿ རྡོ་རྗེའི་དམ་ཚིག་གནས་ལ་ཡངཿ རང་བཞིན་སྤྱོད་པའི་ཡོན་ཏན་ལསཿ བསྒྲུབས་པའི་ཡོན་ཏན་དེ་ལྟའོཿ རྗེས་ཀྱི་ལས་ཁྲིགས་སྒྲུབ་ཆེན་བཞིནཿ ས་མ་ཡཿ ཀླུ་དང་བྲམ་ཟེ་དྲང་སྲོང་རིགསཿ གཙང་སྦྲ་དཀའ་ཐུབ་བརྟུལ་ཞུགས་ཀྱིཿ རྟོགས་པས་ཀུན་ནས་གཟིར་བ་རྣམསཿ འོག་མིན་གནས་སུ་ཧེ་རུ་ཀསཿ རྡོ་རྗེའི་དམ་ཚིག་ཆེན་པོའི་གནསཿ ལེགས་པར་བསྟན་པའི་བདུད་རྩིས་བཏུལཿ དེ་བཞིན་ཀུན་དཀྲིས་ཉོན་མོངས་ཅནཿ རྡོ་རྗེའི་ལམ་དང་བྲལ་གྱི་དོགསཿ ཕུན་སུམ་ཚོགས་པ་ལྔའི་ཡན་ལགཿ ལྡན་པའི་ལུས་ཀྱི་སྣང་སྲིད་ཀུནཿ ར་ས་ཡ་ནའི་འཁོར་ལོ་རུཿ སྦྱངས་རྟོགས་སྦར་བའི་མན་ངག་བཅུདཿ འཇམ་དཔལ་རྣོན་པོས་རྒྱུད་དུ་བསྡུསཿ དེ་ཡི་བྱ་བའི་རང་བཞིན་རྣམསཿ རྣམ་ཤེས་བྲལ་བའི་སེང་གེ་བཞིནཿ འདྲ་མིན་འཆོལ་བར་དར་བའི་ཚེཿ འཇམ་དཔལ་རྣོན་པོའི་ཐུགས་བསྐྱེད་དངཿ བདག་ཉིད་ཆེན་པོ་པདྨ་ཡིསཿ ཀློང་བྱང་ཌཀྐིའི་བརྡ་རིས་ཀྱིསཿ རྒྱུད་དོན་ཇི་བཞིན་གཏན་ལ་འབེབསཿ རྟེན་འབྲེལ་གསུམ་གྱི་འཁྲུལ་འཁོར་ལསཿ ཚིག་བརྒྱུད་རྡོ་རྗེའི་རོལ་མོར་འཁྲོལཿ ས་མ་ཡཿ རྒྱ་རྒྱ་རྒྱཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-004&diff=64213 2026-09-30T20:52:39Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ ཆེ་མཆོག་བདུད་རྩི་འཁྱིལ་བ་ཡོན་ཏན་འདུས་པའི་དཀྱིལ་འཁོརཿ<br /> |fulltitle=klong chen snying gi thig le las: che mchog bdud rtsi 'khyil ba yon tan 'dus pa'i dkyil 'khor:<br /> |citation='jigs med gling pa. ''Klong chen snying gi thig le las che mchog bdud rtsi 'khyil ba yon tan 'dus pa'i dkyil 'khor''. In ''Kun mkhyen rig 'dzin 'jigs med gling pa'i gsung 'bum'', Vol. 11: 111-135. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Initiations in the Maṇḍala - dkyil 'khor dbang chog - dkyil chog<br /> |terma=Yes<br /> |deity=khro rgyal bdud rtsi 'khyil ba<br /> |cycle=rig 'dzin thugs sgrub dpal chen 'dus pa<br /> |cycletib=རིག་འཛིན་ཐུགས་སྒྲུབ་དཔལ་ཆེན་འདུས་པ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=004<br /> |pagenumbers=111-135<br /> |totalpages=25<br /> |beginfolioline=1a1<br /> |endfolioline=13a6<br /> |totalfolios=13<br /> |multivolumework=No<br /> |rectonotes=bdud rtsi 'khyil ba<br /> |versonotes=yon tan 'dus pa'i dkyil 'khor<br /> |pdflink=File:JLKO-KABUM-11-DA-004.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ ཀློང་ཆེན་སྙིང་གི་ཐིག་ལེ་ལསཿ ཆེ་མཆོག་བདུད་རྩི་འཁྱིལ་བ་ཡོན་ཏན་འདུས་པའི་དཀྱིལ་འཁོར་བཞུགསཿ<br /> <br /> འུྃཿ {{TibChung|སྲིད་གསུམ་གདོད་ནས་བདུད་རྩི་ལྔཿ མ་བཅོས་རང་བཞིན་ལྷུན་གྲུབ་དངཿ དེ་ཉིད་རྒྱལ་བའི་སྐུ་གསུང་ཐུགསཿ འབད་རྩོལ་མེད་པར་ཡེ་སངས་རྒྱསཿ འཇིག་རྟེན་ལོག་རྟོག་ཅན་རྣམས་དངཿ ཐེག་དམན་སྐལ་པ་ཆུང་རྣམས་ནིཿ ང་དང་བདག་ཏུ་འཛིན་པས་འཁྲུལཿ གཙང་དང་དམེ་བའི་རྟོག་པས་བཅིངསཿ རྡོ་རྗེ་འཆང་གི་ཐབས་ཚུལ་ནིཿ སྒྱུ་མ་མཁན་གྱི་བདེ་བླག་བཞིནཿ འདུལ་བའི་ཕྲིན་ལས་ཚད་མེད་པསཿ གཉིས་སུ་འཛིན་པའི་རྣམ་རྟོག་བདུདཿ ཡེ་ཤེས་རྩི་ཡིས་འཇོམས་པའི་ཐབསཿ རྨད་དུ་བྱུང་བ་འདི་བསྟན་ཏོཿ ས་མ་ཡཿ དབང་ཐོབ་དམ་ཚིག་མཆོག་ལ་གནསཿ བསྙེན་རྫོགས་ཏིང་འཛིན་དྲོད་ཚད་བརྙེསཿ དེ་ལས་གཞན་གྱི་བདུད་རྩི་དངཿ བམ་གྱི་སྒྲུབ་པ་མ་ཡིན་ནོཿ དེ་ལ་བྱ་བའི་རིམ་པ་ནིཿ སྒྲུབ་པ་ཆེན་པོའི་ཁོག་ནས་དབྱུངཿ དཀྱིལ་འཁོར་ཆེན་པོའི་ཕྱོགས་དང་དབུསཿ མཚན་ལྡན་ཐོད་པ་ཁ་སྦྱར་ལྔཿ འཁོར་ལོ་རྩིབས་བཞི་མུ་ཁྱུད་ལྡནཿ བཅུད་ནི་སྔོན་ཚེ་དཔལ་ཆེན་པོསཿ ཛྭ་ལ་རཀྴ་བསྒྲལ་བ་ལསཿ བྱུང་བའི་རྩ་བརྒྱད་ཡན་ལག་སྟོངཿ མངོན་པ་ཕྱི་དང་སྦས་པ་ནངཿ རྒྱལ་བློན་སྐྱོབ་དང་བཅས་པ་ཡིཿ གྲངས་དང་དབྱེ་བ་བསམ་ཡས་ཀྱངཿ འདི་ནི་རྒྱ་གར་རིག་འཛིན་ལུགསཿ དྲི་ཆེན་དྲི་ཆུ་རཀྟ་དངཿ མཱཾ་ས་བྱང་སེམས་ཆང་དང་ཆུཿ འོ་མ་རྣམ་པ་བརྒྱད་དག་ལཿ སྒྲོན་མ་ལྔ་ཡི་སྐྱོབ་སྦྱར་ཏེཿ ཡན་ལག་སྟོང་གིས་བུངས་བསྐྱེད་དོཿ དྲི་ཆེན་གླང་ཤ་ཛཱ་ཏི་ཤརཿ ཤ་ཆེན་རྟ་ཤ་ཀ་ཀོ་ལྷོཿ རྡུལ་དང་རྨ་བྱ་ལི་ཤི་ནུབཿ དྲི་ཆུ་ཁྱུང་ཤ་གུར་གུམ་བྱང་ཿ བྱང་སེམས་སེང་ཤ་བཟང་དྲུག་དབུསཿ བདེ་གཤེགས་རྣམས་ཀྱི་བྱིན་རླབས་ལསཿ ས་གཞི་ཡུམ་གྱི་རང་བཞིན་ལཿ བྱང་ཆུབ་སེམས་ཀྱི་ཆར་བབ་པསཿ རྩི་དང་བཅུད་དུ་སྨིན་པར་བྱསཿ ཆུ་བོ་བཅུ་ལས་གྱེས་པ་ཡིསཿ བདུད་རྩིར་གྱུར་ཏེ་རང་བཞིན་རྒྱསཿ རྩ་བ་སྡོང་བུ་ཡལ་ག་དངཿ ལོ་མ་མེ་ཏོག་ཤུན་པ་དངཿ ཁུ་བ་འབྲས་བུ་སྙིང་པོར་བཅསཿ རོ་ནུས་དྲི་དང་ཁ་དོག་ལསཿ རྩ་བ་གཅིག་ལ་ཡན་ལག་བརྒྱདཿ ཡོན་ཏན་སྟོང་དང་བཅས་པ་ཡིསཿ བཞི་བརྒྱ་རྩ་བཞིའི་ནད་སེལ་ཞིངཿ འགྲོ་བ་ཀུན་གྱི་གསོས་སུ་འགྱུརཿ དེ་ཡི་ཕྱིར་ན་སྣང་སྲིད་ཀྱིཿ རྩི་དང་བཅུད་དང་རིན་པོ་ཆེཿ མ་ལུས་ལུས་པ་མེད་པ་ཀུནཿ དུག་ལྔ་སྨན་དུ་བསྒྱུར་བས་ནཿ དགག་བྱ་གང་ཡང་ཡོད་མ་ཡིནཿ མཐུན་པའི་རིགས་ཀྱིས་སོ་སོར་དབྱེཿ སྨན་གྱི་རྒྱལ་པོ་ཨ་རུ་རཿ གཙོ་གྱུར་འབྲས་བུ་གསུམ་དང་ནིཿ ཙན་དན་དཀར་དམར་ཨ་ཀ་རུཿ མུ་ལ་པ་ཏི་བ་ལེ་ཀཿ ག་བུར་ཐང་ཆུ་ཤིང་ཚྭ་དངཿ གྷནྡྷ་པ་ཏྲ་ལི་ག་དུརཿ དུ་རུ་ཀ་དང་ཞོ་ཤ་གསུམཿ སྟར་བུ་རྒུན་འབྲུ་ཐལ་ཀ་རྡོརཿ རུ་རྟ་ཉེ་ཤིང་བུ་རམ་དངཿ སྦྲང་རྩི་སེང་སྡེང་སེ་འབྲུ་སོགསཿ རོ་དང་ནུས་པ་ཁ་དོག་གིསཿ སྐྱོན་དུ་མི་འགྱུར་དུག་བྲལ་སྨནཿ རྙེད་ཚད་ཀུན་གྱིས་གཅེར་ཞིང་གཏམསཿ ཚེ་དང་ཡོན་ཏན་རྒྱས་སྒྲུབ་ཕྱིརཿ ཡུང་བ་ཆུ་རྩ་ལུག་རུ་སེརཿ གི་ཝང་དྲི་བཟང་བུངས་ཆེར་བསྐྱེདཿ ཀུན་ལ་བདུད་རྩི་འཁྱིལ་པའམཿ རྨེ་བརྩེགས་ལ་བརྟེན་སྦྱངས་ཁྲུས་གཅེསཿ སྟེང་ནས་དར་ཚོན་སྣ་ལྔས་དགབཿ ཚོན་སྐུད་རྒྱས་བཅིངས་གཟུངས་ཐག་དྲངསཿ ལས་གཞུང་བསྲང་ལ་བཟླས་པ་བྱཿ དེ་ནས་ཁྲོལ་བུ་སྦྱངས་བའི་ཕྱིརཿ སྤྲོས་པ་ཅན་ལ་རིགས་བརྒྱ་དངཿ རིགས་ལྔ་སོགས་སུ་བསྟན་པ་ཡངཿ གང་ལ་བརྟེན་པའི་དཀྱིལ་འཁོར་དེའིཿ ཞི་ཁྲོའི་རྣམ་པ་མ་ལུས་པཿ ཡོངས་སུ་རྫོགས་པར་བྱ་ཕྱིར་དངཿ གཟུང་འཛིན་རྟོག་ཚོགས་བརྒྱ་ཕྲག་གིཿ གཉེན་པོར་དམ་པ་རིགས་བརྒྱ་དངཿ རྟོག་ཚོགས་དེ་དག་ཉོན་མོངས་ལྔཿ དེ་ཉིད་རིགས་ལྔས་སྦྱོང་བ་དངཿ རིགས་ལ་ཐ་དད་ཞེན་པ་ཡིཿ གཉེན་པོར་གསང་ཆེན་རིགས་གཅིག་གིསཿ སྦྱོང་བར་བསྟན་མོད་དེ་ལས་འདིརཿ ལྷར་འཛིན་རྣམ་པ་ཐ་དད་དངཿ སྨན་གྱི་དངོས་པོ་རང་རྒྱུད་པརཿ འཛིན་པའི་རྟོག་པ་བསམ་ཡས་ཀུནཿ བདུད་རྩི་ཡོན་ཏན་དཀྱིལ་འཁོར་འདིརཿ དུ་མར་སྣང་ཡང་གཅིག་ཏུ་བརྟགཿ}} ཨཱཿ རང་བྱུང་སྤྲུལ་པའི་ཕོ་བྲང་དབུསཿ ཡཾ་ལས་རླུང་གི་དཀྱིལ་འཁོར་ནིཿ འགྱུ་བྱེད་སྟོབས་ལྡན་གཞུ་ཡི་དབྱིབསཿ དེ་སྟེང་རཾ་ལས་བསྐལ་པའི་མེཿ གྲུ་གསུམ་རྣམ་ཐར་གསུམ་དུ་འབརཿ ཀཾ་ལས་མི་མགོའི་སྒྱེད་པུ་ནིཿ སྐུ་གསུམ་མཚོན་པའི་སྟེང་ཉིད་དུཿ ཨ་ལས་བྷནྡྷའི་ཕོ་བྲང་ཆེཿ ཕྱི་དཀར་བྱང་ཆུབ་སེམས་ཉིད་མདངསཿ ནང་དམར་བདེ་སྟོང་ཡེ་ཤེས་མཚོནཿ དེ་ནང་རང་བྱུང་ལྷུན་གྲུབ་རྫསཿ གྷོ་ཀུ་དྷ་ཧ་ན་ལས་ཤཿ བི་མུ་མ་ར་ཤུ་ལས་སྒྲོནཿ ཧཱུྃ་ཨཱོཾ་སཱ་ཨཱཾ་ཧཱ་དང་ནིཿ མཱུྃ་ལཱཾ་མཱཾ་པཱཾ་ཏཱཾ་ཡིག་མཚནཿ འོག་ནས་རླུང་གཡོས་མེ་སྦར་བསཿ གདོད་ནས་དག་པའི་བདུད་རྩིར་གྱུརཿ དེ་དབུས་རིགས་རྣམས་ཀུན་བདག་ཉིདཿ ཆེ་མཆོག་བདུད་རྩི་འཁྱིལ་བའི་སྐུཿ ལྗང་སེར་ཞལ་གཅིག་ཕྱག་གཉིས་པཿ ཡུམ་ལ་འཁྱུད་ནས་ཐལ་མོ་བཟེདཿ བདུད་རྩིས་བཀང་བའི་བུམ་པ་འཛིནཿ རྫས་དང་སྨན་གྱི་རྟོག་པ་སྤྱངསཿ བྱང་ཆུབ་སེམས་ཀྱི་སྤྲིན་ཚོགས་ལསཿ བདེ་གཤེགས་མཆོད་ཅིང་གནས་ངན་སྦྱངསཿ འཁོར་འདས་ཀུན་གྱི་དྭངས་མའི་བཅུདཿ བྷནྡྷའི་ནང་དུ་རོ་གཅིག་འཁྱིལཿ གདོད་ནས་དམ་ཡེ་དབྱེར་མེད་དུཿ {{TibChung|གནས་པ་དེ་ལྟར་ཞལ་བསྒྱུར་རྗེསཿ དྲང་སྲོང་སྨན་སྲུང་སྤྱན་ཡང་དྲོངསཿ}} ཧཱུྃཿ ཚངས་པ་དག་གི་གཙོ་བོ་མཆོགཿ དུང་གི་ཐོར་ཚུགས་ཁོང་སེང་ཅནཿ ཚངས་པ་ཀུན་སྒྲོལ་ཆེན་པོ་དངཿ དྲང་སྲོང་ཆེན་པོ་ལྗང་སྔོན་དངཿ ཙ་ར་ཀ་དང་ནབས་སོ་སྐྱེསཿ ཐ་སྐར་བུ་དང་ལྷ་སྐྱབས་དངཿ རྒྱུན་ཤེས་དང་ནི་གཡོན་ཕྱོགས་ལྷཿ ཐང་ལ་གནས་དང་མེ་བཞིན་འཇུགཿ རྐང་གཉིས་སྤྱོད་དང་ཀ་ཡ་ནཿ ཤིང་ཁྱེར་དང་ནི་ལྗང་སྔོན་བུཿ ཉི་མ་ཟླ་བ་ཀླུ་རུ་བཅསཿ བྲམ་ཟེ་གཞོན་ནུ་སྤྲིན་དང་ནིཿ རིན་པོ་ཆེ་དང་གྷོ་ཏ་ཤནཿ གཞོན་ནུ་སྲེད་དང་མགྲོན་སྐྱབས་དངཿ རྩིབས་ཀྱི་མུ་ཁྱུད་འཛིན་ལ་སོགསཿ ཁྱེད་ཅག་འཁོར་དང་བཅས་པ་ཡིསཿ སྔོན་ཆད་བསྒྲུབས་ནས་གྲུབ་པ་བཞིནཿ འདིར་སྤྱོན་བདུད་རྩིའི་དངོས་གྲུབ་སྩོལཿ {{TibChung|དེ་དག་གཙང་སྦྲ་ལ་གནས་པས་རྟོག་པ་བསལ་བའི་ཆོས་བཤད་པ་ནིཿ ནང་མཆོད་འཐོར་ཞིངཿ}} ཀྱཻཿ སྟོང་གསུམ་འཇིག་རྟེན་ཁམས་འདི་ནཿ ཚངས་དང་དྲང་སྲོང་གཙང་མ་ཟཿ དེ་དག་གྲོལ་བར་ངས་མ་བཤདཿ ཀླུ་དང་བྲམ་ཟེ་གཙང་མ་སྤྱོདཿ དེ་དག་གྲོལ་བར་ངས་མ་བཤདཿ བྱོལ་སོང་རྩྭ་མཆོག་ཟ་བ་ཡངཿ ཇི་སྲིད་འཚོ་ཡི་བར་དུ་སྤྱོདཿ དེ་ཡང་གྲོལ་བར་ངས་མ་བཤདཿ རྒྱུ་དང་འབྲས་བུ་འཁྲུལ་པའི་སྒྲཿ ཐམས་ཅད་བདུད་རྩིའི་རང་བཞིན་ཏེ། དོན་དམ་ངེས་པའི་ལུང་འདི་ཉོནཿ ཐབས་དང་ལྡན་པས་རིག་ཅིང་རྟོགསཿ ཆོས་ཉིད་གཅིག་ལ་ཐ་དད་པསཿ རིགས་ལྔའི་མཚན་ཉིད་ཡོན་ཏན་རྫོགསཿ འདི་ལྟར་རྟོགས་ན་གྲོལ་བར་འགྱུརཿ རང་བཞིན་གདོད་ནས་དག་པ་ཡིཿ མཉམ་ཉིད་དབྱིངས་སུ་རབ་རྟོགས་ཤིངཿ གཉིས་མེད་དོན་གྱིས་ཟིན་པ་ནཿ ཇི་ལྟར་དམིགས་པ་བཞིན་དུ་འགྲུབཿ གཙང་དང་མི་གཙང་རྟོག་པ་ཡིནཿ མཁས་པས་གཉིས་སུ་བྱ་མི་སྤྱོདཿ སྐུ་ལྔ་ཡེ་ཤེས་རྫོགས་པའི་ཕྱིརཿ དྲི་ཆེན་གསེར་མདོག་རྣམ་སྣང་མཛདཿ མངོན་འབྱུང་སྤྲུལ་པ་ཆོས་ཀྱི་སྐུཿ བྱང་ཆུབ་སེམས་ནི་དཀར་བའི་མདོགཿ དྲི་མ་དག་པའི་ཡེ་ཤེས་སྐུཿ མཾ་ས་ཡིད་བཞིན་རིན་ཆེན་འབྱུངཿ སྣ་ཚོགས་འབྱུང་ལྡན་མཉམ་ཉིད་སྐུཿ རཀྟ་ཆགས་མེད་དམར་བ་ནིཿ དྲི་མེད་རྣམ་དག་པདྨའི་སྐུཿ དྲི་ཆུ་དག་བྱེད་ལྗང་ཁུའི་མདོགཿ ཀུན་ཏུ་དོན་གྲུབ་ལས་རབས་སྐུཿ སྐུ་ལ་ལྷུན་གྲུབ་བདུད་རྩི་ལྔཿ རང་གི་ལུས་ལ་ངང་གི་གནསཿ དྲི་ཆེན་དྲི་ཆུ་རཀྟ་དངཿ མཱཾ་ས་བྱང་ཆུབ་སེམས་འདི་རྣམསཿ སེམས་ཅན་རྟོག་པ་ལྡོག་པའི་ཕྱིརཿ གཙོ་བོར་དང་དུ་བླང་ཞིང་སྒྲུབཿ མ་རྟོག་གཙང་དམེ་མེད་པར་སྤྱོདཿ {{TibChung|ཅེས་བརྗོད་སྣོད་བཅུད་ལ་དབང་བའིཿ}} སྨན་གྱི་དྲང་སྲོང་རིག་འཛིན་སོགསཿ གཙང་དམེའི་གཉིས་འཛིན་ཀུན་སྤངས་ནསཿ ཕོ་བྲང་དབྱིངས་ལ་བཞུགས་པ་དེསཿ འདོད་པའི་དངོས་གྲུབ་སྩོལ་བར་བསམཿ དེ་ནས་སྨན་གྱི་འཛབ་ལ་འཇུགཿ བདག་ཉིད་རང་བཞིན་དཀྱིལ་འཁོར་ནསཿ སྔགས་ཀྱི་འོད་ཟེར་གཟུངས་ཐག་ལཿ འཁྲིལ་ཏེ་མདུན་བསྐྱེད་ཐུགས་ཀར་ཞུགསཿ དེ་ལས་འོད་འཕྲོས་འཁོར་འདས་ཀྱིཿ དྭངས་བཅུད་ཕྱག་གི་བུམ་པར་འཁྱིལཿ ཁོལ་ཞིང་ལུད་ནས་ཞལ་དུ་ཞུགསཿ བྱང་ཆུབ་སེམས་ཀྱི་ངོ་བོར་ཞུཿ ཡབ་ཡུམ་བདེ་རོལ་སྦྱོར་མཚམས་ནསཿ བདུད་རྩིའི་ཆར་རྒྱུན་འབེབས་པར་གྱུརཿ ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་ཀུན་དྷ་ལི་ར་ས་ཡ་ན་ཏ་ན་ཛ་ཡ་གུ་ཧྱ་སིད་དྷི་ཧཱུྃ་ཧྲཱིཿཋཱཿ {{TibChung|སྟོང་མཆོད་དཔལ་གྱི་ཕོ་ཉ་བསྐུལཿ ཐུན་གྱིས་བརྡེག་ཅིང་བྲོ་ཡིས་གཟིརཿ བར་གཅོད་ཉུལ་ལེ་བཟློག་ལ་བརྩོནཿ དུར་ཁྲོད་བརྒྱད་ཀྱི་བྱིན་འབེབས་བྱཿ ཚོགས་ཀྱི་འཁོར་ལོས་དགྱེས་པ་སྐོངཿ ཁྲོལ་བུ་ཞག་གསུམ་ཚར་བའི་རྗེསཿ ལྷ་ཡང་འོད་ཞུ་བདུད་རྩིར་བསྟིམཿ ཐམས་ཅད་མཉམ་པ་ཉིད་དུ་སྦྱངསཿ སྨན་ལ་ཆེ་བའི་ཡོན་ཏན་བརྗོདཿ མཚན་དོན་སྦྱར་ནས་མཆོད་པ་ནིཿ ལས་གཞུང་བཞིན་དུ་ཤེས་པར་བྱཿ དེ་ནས་དངོས་གྲུབ་བསྡུ་བ་ནིཿ ཡུམ་གྱི་སྨན་གཞོང་ཁྱོགས་ལས་བཏེགཿ}} ཨེ་མ་ཐབས་ཆེན་ཁྱད་པར་ཆེཿ ཨེ་མ་ཐབས་ཆེན་བླ་ན་མེདཿ ཨེ་མ་ངོ་མཚར་རྨད་བྱུང་བཿ ལྟ་བ་རྨད་བྱུང་ངོ་མཚར་ཆེཿ སྤྱོད་པ་རྨད་བྱུང་ངོ་མཚར་ཆེཿ ཉོན་མོངས་མ་སྤངས་ངོ་མཚར་ཆེཿ ཡེ་ཤེས་ལྔ་རྫོགས་ངོ་མཚར་ཆེཿ སྐུ་ལྔ་ལྷུན་གྲུབ་ངོ་མཚར་ཆེཿ ཆོས་སྐུ་གཅིག་ལ་ཐ་དད་པཿ རིགས་ལྔའི་དངོས་གྲུབ་འདིར་ཐོབ་བོཿ ཡང་དག་འཆི་མེད་དོན་བརྙེས་སོཿ {{TibChung|ཞེས་བརྗོད་རྡོ་རྗེ་རྒྱལ་པོ་ཡིསཿ}} ཨེ་མ་ཧོཿ དམ་རྫས་བདུད་རྩིའི་བཅུད་འདི་ནིཿ མཐོང་ངམ་ཐོས་སམ་རེག་པས་ཀྱངཿ ཐམས་ཅད་དབང་ཕྱུག་བདག་གིས་ཐོབཿ ཐེ་ཚོམ་མི་འཚལ་ཨ་ལ་ལཿ {{TibChung|ཞེས་བརྗོད་གུ་ཧྱ་ལག་གིས་བླངཿ སྒྲུབ་དཀྱིལ་ཤར་དུ་ཞིང་ལྤགས་སྟེངཿ ཐབས་ཤེས་མཚོན་པའི་སྟན་གཏུན་བཞགཿ}} ཡབ་ཡུམ་བདུད་རྩི་འཁྱིལ་བ་ནིཿ ཞལ་གཅིག་ཕྱག་གཉིས་སྐུ་མདོག་དཀརཿ རྡོ་རྗེ་ཐོད་པ་གཡས་གཡོན་བསྣམསཿ ཟུང་འཇུག་སྦྱོར་བའི་མཁའ་ཀློང་དུཿ སྒྲོལ་བ་ཞེ་སྡང་རྡོ་རྗེའི་ལསཿ གནས་ངན་སྦྱངས་ཤིང་ས་ལ་བཀོདཿ ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་ཀུན་དྷ་ལི་ཧ་ན་ཧ་ན་རཾཿ ཞེས་འཐག་ངོ་བོ་བདེ་བའི་སྨནཿ དཀར་དམར་བྱང་ཆུབ་སེམས་ཀྱི་སྤྲིནཿ ཉལ་ཉལ་ལྷུད་ལྷུད་འབབ་པར་བསམཿ {{TibChung|ལྷོ་ཡི་ཕྱོགས་སུ་བཙགས་བྱ་སྟེཿ}} རིག་པ་ཡེ་གྲོལ་རྡོ་རྗེ་དངཿ རྟོག་ཚོགས་ཐ་དད་དབྱེ་བར་བསམཿ ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་མུ་ས་ལ་གྲྀ་ཧ་ན་ཨ་པ་ན་ཧོ་ས་མ་ཡ་ཧཱུྃ་ཕཊཿ {{TibChung|ནུབ་ཏུ་གཉིས་སུ་འཛིན་པའི་སེམསཿ ཐ་དད་མེད་པ་མཚོན་ཕྱིར་སྦྱརཿ ཆང་ཆུ་འོ་མ་རིན་ཆེན་སྦྲེངཿ}} ཨོཾ་ཨམྲྀ་ཏ་ཛ་གད་བྱི་ཏ་བ་ཤྭོ་དྷ་ཡ་རཏྣ་ཙིཏྟ་བི་ཤུདྡྷི་ཀུནྡྷ་ལི་སྭཱ་ཧཱཿ {{TibChung|དབྱིངས་དང་ཡེ་ཤེས་གཅིག་ཏུ་མཚོནཿ མཉམ་པ་ཉིད་དུ་འདྲེེས་པར་སྦོལཿ}} ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་མུ་ས་ལ་ཧཱུྃ་ཧྲཱིཿཋཱཿ {{TibChung|བྱང་དུ་ཆོས་མ་རྡོ་རྗེ་ཡིསཿ དངོས་གྲུབ་སྤེལ་ཕྱིར་ཕབས་ཀྱིས་བྲནཿ མཆོག་ཆེན་རྐང་གིས་དཀྲུགས་ཤིང་བཅལཿ}} ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧ་ཡ་གྷྲྀ་ཝ་ཧུ་ལུ་ཧུ་ལུ་ཧཱུྃ་ཧྲཱིཿཋཿ {{TibChung|རང་བཞིན་བདེ་བ་ཆེན་པོའི་སྣོདཿ ལྷ་རྫས་དམར་པོའི་སྣོད་དུ་སྩལཿ བྷནྡྷའི་བར་བཅུག་རྒྱ་ཆིངས་གདབཿ དྲོད་ཀྱི་ཐབས་ལ་མཁས་བྱས་ཏེཿ སྣ་ཚོགས་དར་གྱི་ན་བཟའ་བཀླུབསཿ དབུ་བརྒྱན་བཅིངས་ཤིང་རྡོ་དྲིལ་བསྣོལཿ ཕོ་བྲང་ཆེན་པོར་མངའ་གསོལ་བྱཿ སྟེང་ནས་གཟུངས་ཐག་དྲོང་བྱ་ཞིངཿ འོག་ཏུ་དྲོད་འབེབས་མར་མེ་སྦརཿ དེ་ཡང་དུར་ཁྲོད་རྫས་ལའོཿ དེ་ནས་མཆོད་པ་བཟང་དུ་བཤམསཿ བདག་དང་མདུན་བསྐྱེད་སྒྲུབ་རྫས་གསུམཿ རོལ་པ་གཅིག་ཏུ་ཤེས་པ་ཡིཿ དཔལ་ཆེན་འདུས་པའི་ལས་གཞུང་བསྲངཿ རྩ་བའི་བཟླས་པ་ཐོན་པ་དངཿ འཛབ་ཁང་དབྱེ་སྟེ་མདུན་བསྐྱེད་ནིཿ དཀྱིལ་འཁོར་དྲུག་དང་སྦྱོར་བ་བརྒྱདཿ འདུས་པའི་རྣམ་པར་ཞལ་སྒྱུར་ནིཿ}} ཕཊ་ཛཿ གཞལ་ཡས་ཕོ་བྲང་ཆེན་པོའི་དབུསཿ ཡཾ་ལས་རླུང་དཀྱིལ་གཞུ་དབྱིབས་ཅནཿ རཾ་ལས་མེ་དཀྱིལ་གྲུ་གསུམ་འབརཿ ཨ་ལས་ནོར་བུ་རིན་པོ་ཆེཿ སྲུབས་མེད་བྷནྡྷ་འབར་བའི་སྣོདཿ བདུད་རྩི་རང་བྱུང་གཞལ་ཡས་ཁངཿ རྒྱ་ཁྱོན་ཆོས་ཀྱི་དབྱིངས་དང་མཉམཿ དེ་དབུས་པདྨོའི་གེ་སར་ལཿ བདེ་སྟོང་ཐབས་ཤེས་ཉི་ཟླའི་གདནཿ འོད་ཟེར་ཀུན་ནས་འབར་བའི་སྟེངཿ དངོས་གྲུབ་ཆེན་པོའི་རང་བཞིན་ནིཿ ཤ་ལྔ་བདུད་རྩི་ལྔ་ཡི་སྟེངཿ ཧཱུྃ་ཨོཾ་སྭཱ་ཨཱྃ་ཧཱ་ལས་ནིཿ རྡོ་རྗེ་འཁོར་ལོ་རིན་པོ་ཆེཿ པདྨ་རྒྱ་གྲམ་ཡིག་འབྲུ་ལྔསཿ མཚན་པ་ཡོངས་གྱུར་སངས་རྒྱས་ལྔཿ ཡབ་ཡུམ་མཉམ་སྦྱོར་བདུད་རྩིར་ཞུཿ དེ་སྟེང་དཔའ་བོ་འབྲུ་ལྔས་མཚནཿ བདུད་རྩི་རང་བྱུང་དཀྱིལ་འཁོར་ནིཿ སྣང་ལ་རང་བཞིན་མེད་པར་གསལཿ ཨོཾ་ཨཱཿཧཱུྃ་སྭཱ་ཧཱཿ དཀྱིལ་འཁོར་བདག་པོ་ཡབ་ཡུམ་གྱིཿ བྱང་ཆུབ་སེམས་ཀྱི་སྤྲིན་ཚོགས་ལསཿ སྟོང་གསུམ་འཇིག་རྟེན་ཁྲོ་བཅུས་གངཿ བགེགས་རྣམས་སྟོངས་ཤིང་ཟད་སར་བསྒྲལཿ སླར་འདུས་བདུད་རྩིའི་ཕོ་བྲང་གིཿ ཕྱོགས་མཚམས་སྟེང་འོག་བཅུར་བཞུགས་ནསཿ བགེགས་འདུལ་བསྲུང་བའི་ལས་མཛད་གྱུརཿ ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃཿ ཞེས་ཕོ་བྲང་གི་སྟེང་གི་ནམ་མཁར་ཧཱུྃ་མཛད་དངཿ དེ་བཞིན་དུཿ བི་ཛ་ཡཿ ནཱི་ལ་དནྜཿ ཡ་མཱནྟ་ཀཿ ཨཱརྱ་ཨ་ཙ་ལཿ ཧྱ་གྷྲྀ་ཝཿ ཨ་པ་ར་ཛཱི་ཏཿ ཨ་མྲྀ་ཏ་ཀུནྜ་ལིཿ ཏྲཻ་ལོ་ཀྱ་བཱི་ཛ་ཡཿ མ་ཧཱ་བཱ་ལ་ཧཱུྃཿ ཞེས་འོག་གི་མེ་དཀྱིལ་ཀློང་ན་སྟོོབས་པོ་ཆེ་བཞུགས་པར་གསལ་ལོཿ རང་བྱུང་བདུད་རྩིའི་ཕོ་བྲང་སྟེངཿ འགྲོ་འདུལ་ཁྲོ་བོའི་དཀྱིལ་འཁོར་གྱིསཿ བསྟེན་པའི་ཚུལ་དུ་ཁྲག་འཐུང་བཞིཿ ཞལ་གཅིག་ཕྱག་གཉིས་ཡུམ་དང་འཁྲིལཿ ལས་མདོག་རང་རྟགས་ཐོད་པ་བསྣམསཿ གཡས་གཡོན་ཞབས་ཀྱིས་ཕྱོགས་མཚམས་ཀྱིཿ ཏ་ཀྲིཏ་བརྒྱད་པོའི་དབུ་ནས་བརྫིསཿ ཁྲོ་བོ་བཞི་ཡི་སྟེང་ཉིད་དུཿ བཛྲ་ཧེ་རུ་ཀ་ཡབ་ཡུམཿ མཐིང་ནག་ཞལ་གསུམ་ཕྱག་དྲུག་པཿ གཡས་གསུམ་རྩེ་དགུ་རྩེ་ལྔ་ཞིངཿ གཡོན་གསུམ་དྲིལ་བྷན་ཁ་ཊྭཱཾ་བསྣམསཿ ཞབས་བཞིས་རིགས་བཞིའི་ཁྲག་འཐུང་མནནཿ སྐུ་གདུང་འབར་བའི་དཀྱིལ་འཁོར་ནིཿ བདེ་ཆེན་ངང་དུ་དགྱེས་པར་བཞུགསཿ དེ་སྟེང་དབྱིངས་མ་བདེ་རོལ་ཉམསཿ གེལ་པའི་འདུག་སྟངས་ཞབས་བརྒྱད་ཀྱིསཿ བཛྲ་ཁྲག་འཐུང་དབུ་གཉིས་བརྫིསཿ རྩ་ཞལ་ཡུམ་གྱི་མཁའ་ལ་རྫོགསཿ ཡེ་ཤེས་སྤྱན་གྱི་ཕྱེད་ནུབ་ཚུལཿ ནམ་མཁའི་མདོག་ཅན་བཅོ་བརྒྱད་ཕྱགཿ རྩ་ཕྱག་རྡོར་དྲིལ་ཐུགས་ཀར་བསྣོལཿ གཡས་བརྒྱད་གནས་ཀྱི་མ་མོ་བརྒྱད། གཡོན་བརྒྱད་ཡུལ་གྱི་ཕྲ་མེན་བརྒྱདཿ ཕྱོགས་མཚམས་བརྒྱད་དུ་གཟིགས་པའི་ཞལཿ བདེ་བའི་ཉམས་བརྒྱད་ཀུན་ཏུ་མཚོནཿ དབུ་མའི་ཞལ་ལ་གསང་མཆོད་རྫོགསཿ མཁའ་མཉམ་ཀློང་གི་དཀྱིལ་འཁོར་ནིཿ གསལ་ལ་མ་འདྲེས་ལྷུན་གྱིས་གྲུབཿ མ་མ་ཀྲོ་ཏི་ཤྭཱ་རི་སྟྭཾཿ དེ་སྟེང་ཆེ་མཆོག་ཧེ་རུ་ཀཿ སྐུ་ནི་སྨུག་ནག་དབུ་ཉེར་གཅིགཿ བཞི་བཅུ་རྩ་གཉིས་ཕྱག་མཐིལ་ནཿ ཐབས་ཤེས་ཞི་བའི་ལྷ་ཚོགས་བསྣམསཿ ཞབས་བརྒྱད་ཡུམ་གྱི་དབུ་བརྒྱད་སྦྱོརཿ ཡུམ་ཞལ་དབུ་མའི་སྨིན་མཚམས་མཁརཿ རྡོ་རྗེ་ནོར་བུའི་སྦྱོར་བ་རྫོགསཿ རྩ་ཞལ་ལྗགས་སྟེང་ཉི་ཟླའི་སྟེངཿ སྲས་མཆོག་ས་ནུ་ཧེ་རུ་ཀཿ མདོག་དཀར་གསང་བ་ཡུམ་དང་བཅསཿ ཞལ་གཅིག་ཕྱག་གཉིས་ཚོན་གང་བཿ ཕྱག་གཉིས་ཉི་ཟླའི་གའུ་སྦྱོརཿ ལྗགས་སྟེང་འབྲུ་དགུའི་སྔགས་ཀྱིས་བསྐོརཿ འཆི་མེད་རྡོ་རྗེའི་དཀྱིལ་འཁོར་ནིཿ གསལ་བརྟན་གཟི་བྱིན་འོད་དུ་འབརཿ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཱཿ སྐུ་གདུང་འབར་བའི་ལྡིང་གུར་འོགཿ བདུད་རྩི་རང་བྱུང་དཀྱིལ་འཁོར་དབུསཿ རྒྱ་གྲམ་འབར་བའི་ལྟེ་བ་རུཿ ཧྲཱིཿལས་དབང་ཆེན་རྟ་གདོང་ཞལཿ མདོག་དམར་ཞལ་གསུམ་ཕྱག་བཞི་པཿ གཡས་གཉིས་པདྨ་བྷཉྫ་དང་ཿ གཡོན་གཉིས་རྒྱ་གྲམ་སྡིགས་མཛུབ་མཛདཿ གྲྭ་བཞིའི་ཡུམ་གྱི་མགུལ་ནས་འཁྱུདཿ མི་ཕམ་ཁྲོ་གཉེར་རལ་གཅིག་མཿ རོ་ལངས་མ་བཞི་ལས་མདོག་ཅནཿ སྐུ་སྨད་བདུད་རྩིའི་ནང་དུ་ནུབཿ གྲི་གུག་ཐོད་འཛིན་བདེ་སྟོང་ཕྱགཿ ཡབ་ཀྱི་བརླ་བཞིར་དགྱེས་པར་འཁྲིལཿ ལྷུམས་དང་ཞབས་བཞི་མཉམ་པར་སྦྱོརཿ ཀུན་ཀྱང་བདེ་བ་ཆེན་པོའི་ཉམསཿ སྦྱོར་བ་བརྒྱད་དུ་འབར་བ་ཡིཿ སྒྲ་དང་འོད་ཀྱི་བརྟུལ་ཞུགས་ཀྱིསཿ བདེ་གཤེགས་མ་ལུས་སྤྱན་དྲངས་ནསཿ ཡེ་ཤེས་ལྔ་ཡི་དབང་བསྐུར་ཞིངཿ རྡོ་རྗེ་གསུམ་དུ་རྒྱས་གདབ་བོཿ ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾཿ དེ་བཞིན་དུཿ ཝཱཀྐ་བཛྲཿ ཙིཏྟཿ ཨ་ནུ་རཱ་གཿ ཀརྨ་བཛྲཿ ཞེས་སྦྱར་སྤྱན་འདྲེན་མཆོད་བསྟོད་རྣམས་ཡེ་ཤེས་སྐུ་མཆོག་མའི་ཚིག་ཕྱིར་སེམས་གཞོལ་ཏེཿ མཉམ་ཉིད་བྱང་ཆུབ་སེམས་ལ་རྟག་ཏུ་འདུདཿ ཀྱི་བར་བརྗོདཿ སྨན་སྲུང་སྤྱན་དྲངས་རྟོག་པ་བསལཿ ཛབ་བསྐུལ་དམིགས་པའི་ཏིང་འཛིན་ནིཿ མེ་དང་འདྲ་ལ་བཟླས་བརྗོད་ཀྱིཿ རླུང་གིས་བར་མཚམས་མེད་པར་བསྐུལཿ དཀྱིལ་འཁོར་བདག་པོ་ཧེ་རུ་ཀའིཿ ཐུགས་ཀར་ཉིད་ཀྱིལ་ཨ་ཡིག་ལཿ དགུ་པའི་སྔགས་ཕྲེང་གཡས་སུ་འཁོརཿ དེ་ལས་འཕྲོས་པའི་འོད་ཟེར་གྱིསཿ རླུང་གཡོས་མེ་སྦར་བདུད་རྩི་ཁོལཿ སྒྲ་དང་བཅས་པའི་ཟེགས་རླངས་ལསཿ བྱང་ཆུབ་སེམས་ཀྱི་འོད་ཟེར་འཕྲོསཿ ཆེ་མཆོག་རྩ་བའི་དཀྱིལ་འཁོར་ལྔཿ མཉེས་བྱས་ཐུགས་དམ་གནད་ནས་བསྐུལཿ ཡོངས་རྫོགས་སྐུ་ཡི་དབྱིབས་བརྒྱུད་དེཿ སྲས་མཆོག་ས་ནུ་ཧེ་རུ་ཀའིཿ ལྗགས་ཀྱི་སྔགས་འཁོར་རབ་ཏུ་བསྐུལཿ དེ་ཡི་འོད་ཀྱིས་ཞིང་ཀུན་གཡོསཿ བདེ་གཤེགས་མ་ལུས་མཆོད་པས་མཉེསཿ མཁྱེན་བརྩེ་ནུས་པའི་ཡོན་ཏན་དངཿ ཡེ་ཤེས་ལྔ་ཡི་བདུད་རྩིའི་བཅུདཿ འོད་ཀྱི་རྣམ་པར་ཚུར་བསྡུས་ནསཿ ལྗགས་ཀྱི་འཁོར་ལོ་ལ་བརྒྱུད་དེཿ དཀྱིལ་འཁོར་ལྔ་ཡི་སྐུའི་དབྱིབས་བརྒྱུདཿ སྦྱོར་བའི་ལམ་ནས་བདུད་རྩིར་བབསཿ དབང་བསྐུར་བྱིན་བརླབས་གསལ་བརྟན་འབརཿ སྦྱོར་བ་བརྒྱད་དུ་རྣམ་པར་རོལཿ ས་མ་ཡ་ཧོཿ ས་མ་ཡ་སྟྭཾཿ རཱ་ག་ཧོཿ རཱ་ག་ཡཱ་མིཿ ཨ་ལ་ལ་ཧོཿ བོ་དྷི་ཙིཏྟ་སྥ་ར་ཎ་ཕཊཿ བརྡ་དང་བརྡ་ལན་གྱིས་བསྐུལ་ཏེཿ སྟོང་པ་ཤིན་ཏུ་ཡོད་མེད་མཐུསཿ སྲིད་པའི་འདོད་པ་རྣམ་དག་པཿ བདེ་མཆོག་བདེ་བའི་རོལ་མོར་འཁྲོལཿ སྦྱོར་མཚམས་བརྒྱད་ནས་བྱང་ཆུབ་སེམསཿ ཞིང་ཁམས་ཀུན་ཏུ་ཁྱབ་པར་འཕྲོསཿ འཕགས་པ་མཆོད་ཅིང་གཞན་དོན་བྱསཿ སྐུ་གསུང་ཐུགས་ཀྱི་དངོས་གྲུབ་དབྱིགཿ འབྱུང་བས་བསྡུས་པའི་དྭངས་མའི་བཅུདཿ ཀུན་ཀྱང་བདུད་རྩིའི་རང་བཞིན་ཏེཿ མུ་ཏིག་དཀར་པོ་དྲི་མེད་ལྟརཿ རང་བཞིན་དཀྱིལ་འཁོར་ལ་ཐིམ་ཞིངཿ སྤྲུལ་པའི་འཁོར་ལོར་འཁྱིལ་བར་གྱུརཿ ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཧཱུྃ་ཧྲཱིཿཋཱཿ ཆིག་སྒྲིལ་བརྩོན་ཞིང་སྟོང་ཚིག་བརྗོདཿ ཁོར་ཡུག་གསུང་མི་ཆད་དུ་བཟླཿ ཉུལ་ལེ་འོང་བའི་དུས་དྲུག་ལཿ ཕོ་ཉ་བསྐུལ་ཞིང་གཉེན་པོས་བསྐྲདཿ སྤོས་རོལ་དང་བཅས་བྱིན་ཡང་དབབཿ བཞིའམ་དྲུག་ཏུ་ཚོགས་འཁོར་བསྐོརཿ ཐེ་ཚོམ་མེད་ན་ངེས་པར་འགྲུབཿ བསྐྱེད་རིམ་གསལ་ལས་ལྷ་མོར་སྟོནཿ བཟླས་བརྗོད་དག་པས་ཡ་མཚན་སྒྲཿ ཏིང་འཛིན་གསལ་ལས་འོད་དུ་འབརཿ སྨན་ཆ་སྙོམས་ལས་དྲི་དང་རླངསཿ དམ་ཚིག་དག་ལས་མང་དུ་འཕེལཿ རྟགས་ལ་རློམ་སེམས་མི་བསྐྱེད་ཅིངཿ མ་གྲུབ་སྤོགས་པའི་ཆོ་ག་བྱཿ གཡེལ་དང་ཞུད་པ་དམ་པོས་བཅདཿ ཉམས་དང་འདྲེས་པ་ཐབས་ཀྱིས་བསལཿ ཞིག་རལ་གསོ་བ་ཤིན་ཏུ་གཅེསཿ དེ་ནས་གནད་བསྐུལ་སྔགས་ཀྱི་སྒོཿ ཨ་ར་ལི་དང་ཕེཾ་གྱི་མདེའུཿ སྒྲུབ་པའི་སྔགས་ཀྱི་མདའ་ལ་བསྐྱོནཿ སྐལ་པ་རབ་ཀྱིས་ཐང་དང་ཞགཿ འབྲིང་གིས་བདུན་ལ་ཐ་མས་ཀྱངཿ ཉི་ཤུ་གཅིག་ལ་རྟགས་མཚན་རྣམསཿ མཐོང་འགྱུར་འདི་ལ་ཐེ་ཚོམ་མེདཿ དེ་ལྟར་མཐོང་ནས་ཨཱ་བེ་ཤསཿ སྦྱོར་བ་བསྐུལ་ཏེ་བྱང་སེམས་དབབཿ པྲ་བེ་ཤ་ཡིས་གསང་སྒོ་དབྱེཿ ཀུནྡྷ་ལི་ཡིས་སྣོད་དུ་བསྐྱིལཿ ཧོཿ ཆེ་མཆོག་བདུད་རྩིའི་དཀྱིལ་འཁོར་འདིརཿ ཡབ་ཡུམ་སྦྱོར་བའི་སྐུའི་དབྱིངས་ལསཿ གཉིས་མེད་བྱང་ཆུབ་སེམས་ཀྱི་སྤྲིནཿ མུ་ཏིག་འཇུ་བའི་ཟིལ་པ་བཞིནཿ འཕོ་ཞིང་གཡོ་བར་འབབ་པ་ཡངཿ འཛག་བདེའི་སྲིད་པ་རྣམ་དག་པསཿ རང་བཞིན་མེད་པར་འཁྱིལ་ཞིང་གནསཿ ཨེ་མ་ཧོཿ འདི་ནི་རྡོ་རྗེའི་དམ་ཚིག་སྟེཿ སྣང་སྲིད་བདུད་རྩིར་སྨིན་པའི་ཕྱིརཿ པདྨོ་ནོར་བུའི་གྲོང་ཁྱེར་ལསཿ དངུལ་ཆུ་བཞིན་དུ་འདར་འཕྲིག་བཅསཿ སྲིད་གསུམ་བྷནྡྷའི་སྣོད་དུ་བསྐྱིལཿ ཆགས་པ་ཀུན་བྲལ་སྐྱེ་མེད་དབྱིངསཿ གཉིས་མེད་དོན་ལ་སྣ་ཚོགས་སྟོནཿ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཨཱ་བེ་ཤ་ཡཿ པྲ་བེ་ཤ་ཡ་ཕཻཾ་ཕཻཾཿ ཀུནྡྷ་ལི་ཧཱུྃ་ཧྲཱིཿཋཱཿ ཞེས་བཟླ་སྐབས་སུ་འདི་ལྟར་བསྐུལཿ ཧཱུྃཿ ང་ནི་དཀྱིལ་འཁོར་ཀུན་བདག་ཉིདཿ རྒྱལ་ཀུན་གསང་བའི་གཏེར་ལ་དབངཿ ཁྲག་འཐུང་དཀྱིལ་འཁོར་ལྷ་ཚོགས་རྣམསཿ ཐུགས་དམ་དབང་གིས་སྤྱན་འདྲེན་གཤེགསཿ བླ་ན་མེད་པ་རྡོ་རྗེ་ཡིཿ དམ་ཚིག་མཆོག་དེ་བདག་བསྒྲུབ་ནཿ ཐུགས་ཀྱི་དགོངས་པར་མི་མཛད་ཅིངཿ སྒྲུབ་པའི་འབྲས་བུ་གང་ཡིན་པཿ འདི་རུ་སྩོལ་བར་མི་མཛད་ནཿ རྡོ་རྗེའི་ཕྱག་རྒྱ་གང་དུ་གཉནཿ སྐུ་གསུང་ཐུགས་ཀྱི་ཡལ་གམ་ལཿ དགོངས་ནས་མཆོག་དང་ཐུན་མོང་གིཿ དངོས་གྲུབ་མ་ལུས་སྩལ་དུ་གསོལཿ ཅེས་པས་གནད་དབབ་སྦྱར་སྤོས་སྲེགཿ དེ་ནས་བདུད་རྩི་དབང་དུ་བྱཿ ལྷ་སྔགས་ཏིང་འཛིན་ནུས་པས་བསྡུཿ ཧཱུྃཿ རྟ་མགྲིན་དབང་གི་དཀྱིལ་འཁོར་ནསཿ རིགས་ཀྱི་ལྷ་མོ་བཞི་དང་བཅསཿ བདུད་རྩི་ལྔ་དང་འབྱུང་ལྔའི་བཅུདཿ མཉམ་སྦྱོར་བྱང་ཆུབ་སེམས་སུ་སྡུདཿ དེ་ཉིད་སྨན་དང་རོ་གཅིག་པཿ འཆི་མེད་བདུད་རྩིའི་དངོས་པོ་ཅནཿ དྭངས་མ་འོད་ཟེར་ལྔའི་རྣམ་པསཿ བདག་གི་སྙིང་དབུས་ཞུགས་པར་གྱུརཿ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧ་ཡ་གྷྲི་ཝ་ཧུ་ལུ་ཧུ་ལུ་བྷནྡྷ་བྷནྡྷ་ཧཱུྃ་ཧྲཱིཿཋཱཿ བརྒྱ་རྩ་བརྒྱད་བཟླ་དངོས་གྲུབ་ནིཿ གཞན་གྱིས་མི་འཕྲོག་བདག་ཐོབ་བསམཿ དེ་ལྟར་སྒྲུབ་པ་ཐོན་པ་ཡིཿ ནངས་པར་ཚོགས་འཁོར་བཟང་དུ་བཤམསཿ ཆོ་ག་ལ་སོགས་དངོས་གྲུབ་རྫསཿ ཇི་ལྟར་ཚོགས་པ་བཞིན་དུ་བསྡུཿ ཕྲིན་ལས་གཞུང་བསྲང་བཟླས་པའི་རྗེསཿ དངོས་གྲུབ་བསྐུལ་བའི་འཛབ་ལ་འཇུགཿ རྡོ་རྗེ་སློབ་མར་བཅས་པ་ཡིསཿ ཞུན་ཆེན་མར་མེ་ལག་ཏུ་བཏེགཿ ཧཱུྃཿ བདག་ཅག་རིག་འཛིན་སྒྲུབ་པ་པོསཿ ལོངས་སྤྱོད་དུར་ཁྲོད་རྫས་ལ་བརྟེནཿ སྡོང་བུ་དུར་ཁྲོད་རས་ལ་གཏམསཿ ཚིལ་ཆེན་མར་མེ་སྐར་ལྟར་བཀྲཿ བསྐྱེད་རིམ་བཟླས་བརྗོད་རྒྱུན་མ་བཅདཿ གདུང་བ་དྲག་པོའི་ངར་དང་ལྡནཿ དཔལ་ཆེན་ལྷ་ཚོགས་ཐུགས་དམ་བསྐངསཿ དམ་ཅན་རྣམས་ཀྱང་དམ་ལ་འདུཿ རྡོ་རྗེའི་དམ་ཚིག་ཆེན་པོ་འདིའིཿ བཀའ་ཡི་སྡུད་པོ་འཇམ་དཔལ་དངཿ ས་ཡི་སྙིང་པོ་ལ་སོགས་ཀྱངཿ ཐུགས་དམ་བསྐུལ་ལོ་བརྟུལ་ཞུགས་བསྐྱེདཿ དངོས་གྲུབ་བསྐུལ་བའི་དུས་ལ་བབཿ སྐུ་གསུང་ཐུགས་དང་ཡོན་ཏན་དངཿ ཕྲིན་ལས་འདུས་པའི་དབྱིག་ཆེན་པོཿ བདུད་རྩིའི་རྫས་ལ་བརྟེན་ནས་སྩོལཿ ཨོཾ་ཨཿཧཱུྃཿ སརྦ་པཉྩ་ཨ་མྲྀ་ཏ་མཉྫུ་ཤྲཱི་བྷྱཱ་བ་ལོ་ཀི་ཏེ་ཧཱུྃ་ཧྲཱིཿཋཱཿ ཨ་ཧོ་སུ་ཁ་དྷརྨཱ་ཀཱ་ཡ་ན་ཨ་མྲིཏ་སིདྡྷི་ཧཱུཾ་ཧྲཱིཿཋཱཿ བརྒྱ་རྩ་བཟླས་ཏེ་དངོས་གྲུབ་བསྐུལཿ ཚོགས་འཁོར་བསྐོར་ཞིང་བྲོ་བཤགས་བྱཿ དེ་ནས་དངོས་གྲུབ་བླང་བ་ནིཿ དཀྱིལ་འཁོར་བསྐོར་ཞིང་སློབ་དཔོན་གྱིསཿ གཡོན་པའི་མཐེབ་སྲིན་སྦྱར་བྱས་པའིཿ སྙིམ་པ་བདུད་རྩིའི་སྟེང་ནས་བཀབཿ ཧོཿ དཔལ་ཆེན་དཀྱིལ་འཁོར་ལྷ་ཚོགས་དགོངས་སུ་གསོལཿ བདུད་རྩི་སྒྲུབ་པའི་ཞག་གྲངས་ད་ནངས་ཐེམཿ བདུད་རྩི་སྒྲུབ་པའི་དམ་ཚིག་དེ་རིང་རྫོགསཿ རྡོ་རྗེའི་ནམ་ལངས་དངོས་གྲུབ་ཉི་ཟླ་ཤརཿ ཐུགས་དམ་དུས་ལ་བབ་བོ་ཐུགས་རྗེ་བསྐྱེདཿ སྐུ་གསུང་ཐུགས་དང་ཡོན་ཏན་ཕྲིན་ལས་ལྔའིཿ གསང་བ་བསམ་གྱིས་མི་ཁྱབ་བདུད་རྩིའི་ཆོསཿ སྐྱེ་འཆི་མེད་པའི་དངོས་གྲུབ་ཆེན་པོའི་དབྱིགཿ རིག་འཛིན་སྒྲུབ་པའི་རྫས་ལ་བརྟེན་ནས་སྩོལཿ གྲུབ་ཆེན་བརྒྱད་དང་ཕྲིན་ལས་རྣམ་པ་བཞིཿ འདུ་བ་གསུམ་དང་འབར་བ་རྣམ་པ་གསུམཿ དཔལ་བཅུའི་ཡོན་ཏན་མངོན་ཤེས་རྫུ་འཕྲུལ་སྟོབསཿ མི་བརྗེད་གཟུངས་དང་གཡུང་དྲུང་ལྟ་བུའི་ཚེཿ རིག་འཛིན་བཞི་དང་སྐུ་ལྔ་ལྷུན་རྫོགས་པཿ མ་ལུས་ལུས་པ་མེད་པའི་དངོས་གྲུབ་ཀུནཿ ད་ལྟ་ཉིད་དུ་བདག་ལ་སྩལ་དུ་གསོལཿ ཅེས་བརྗོད་བདུད་རྩིའི་ཕོ་བྲང་ལཿ དངོས་སུ་སྤྱད་ཕྱིར་གསང་སྔགས་འདིསཿ རིག་པའི་མེ་ཏོག་དོར་བར་བྱཿ ཨོོཾ་བོ་དྷི་ཙིཏྟ་ཀཱ་ཡ་ཝཱཀྐ་ཙིཏྟ་མ་ཧཱ་ས་མ་ཡ་ཧོཿ དེ་ནས་བདུད་རྩིའི་ཕོ་བྲང་དེཿ དངོས་གྲུབ་རྟེན་རིག་མ། གྱིས་སྤྱན་དྲངས་ལཿ རྡོ་རྗེའི་བདེ་ཆེན་་་རྒྱལ་པོའི་སྤྱི་གཙུག གནས་སུ་བཀོདཿ བདག་ཉིད་རང་བཞིན་དཀྱིལ་འཁོར་ལཿ སྤྲུལ་པའི་དཀྱིལ་འཁོར་་་་མདུན་བསྐྱེད།་་་ཐིམ་པར་བསམཿ བདུད་རྩི་དཀྱིལ་འཁོར་ལྷ་ཚོགས་རྣམསཿ བདག་ཉིད་རང་བཞིན་འཁོར་ལོ་ལཿ ཆུ་ལ་ཆུ་བཞག་ལྟ་བུའི་ངངཿ གཉིས་མེད་ཡེ་ཤེས་རང་དབང་བསྐུརཿ དབང་གི་ནང་ནས་དབང་ཆེན་པོཿ སྒོ་གསུམ་སྐུ་གསུང་ཐུགས་དང་འདྲེསཿ བསྐུར་ཐོབ་གཉིས་མེད་བདེ་ཆེན་ངངཿ རང་རིག་དཔལ་ཆེན་རོལ་པར་རྫོགསཿ ཨོཾ་ཨཱཿཧཱུྃཿ སརྦ་པཉྩ་ཨ་མྲྀ་ཏ་ཀཱ་ཡ་ཝཱཀྐ་ཙིཏྟ་ཨཱ་ཡུ་སིདྡྷི་ཕ་ལ་ཨ་བྷི་ཥིཉྩ་ཏུ་མཱཾཿ ཞེས་ནོད་དཀྱིལ་འཁོར་གཙོ་མཆོག་དངཿ གཉིས་སུ་མེད་པའི་ཐིག་ལེར་བསྒོམསཿ དེ་ནས་བདུད་རྩིའི་ཕོ་བྲང་དབངཿ སློབ་མའི་སྤྱི་བོར་བཞག་སྟེ་བསྐུརཿ ཧཱུྃཿ སྣང་སྲིད་རྣམ་དག་དུང་ཆེན་སྣོདཿ རྒྱུ་གཉིས་རྐྱེན་གསུམ་ལས་བྱུང་བའིཿ སྐུ་གསུང་ཐུགས་ཀྱི་དངོས་གྲུབ་འདིཿ བདེ་ཆེན་མཉམ་ཉིད་ཐུགས་ཀྱི་ངངཿ ཆགས་འཛིན་རྣམ་དག་ཤེས་རབ་སྐུཿ གཉིས་མེད་དོན་ལ་སྣ་ཚོགས་སྟོནཿ འདི་ནི་དོན་གྱི་བདུད་རྩིའོཿ མ་སྐྱེས་ཀུན་བཟང་ཆེ་བའི་མཆོགཿ བདེ་ཆེན་ཀློང་ན་དབྱིངས་ཕྱུག་མཿ ཉོན་མོངས་རྣམ་དག་རིགས་ཀྱི་གཙོཿ ཡེ་ཤེས་ལྔར་རྫོགས་སྐུ་ལྔར་གྲུབཿ དུག་ལྔའི་རྟག་པ་རང་སར་གྲོལཿ འདི་ནི་མིང་གི་བདུད་རྩིའོཿ ཕྱི་སྣོད་ནང་བཅུད་ཐམས་ཅད་ཀུནཿ བདུད་རྩི་རྣམ་པ་ལྔ་ཉིད་དེཿ སོ་སོ་རང་རིག་རྩ་བ་བརྒྱདཿ དབྱིབས་དང་ཁ་དོག་ཕྱི་དང་ནངཿ ཐབས་དང་ཤེས་རབ་རོ་དང་མཐུཿ སྐུ་དང་གསུང་དང་ཐུགས་ཉིད་དངཿ ཡོན་ཏན་ཕྲིན་ལས་ཡན་ལག་སྟོངཿ ངང་དང་རང་བཞིན་བདག་ཉིད་སྐུཿ དུས་གསུམ་དེ་ཉིད་ཤེས་པ་སྤྱོདཿ དབང་གི་ནང་ནས་ཆེ་བའི་མཆོགཿ སྐལ་ལྡན་བུ་ལ་སྦྱིན་པ་ཡིསཿ བདུད་བཞི་ཉོན་མོངས་ནད་འཇོམས་སེལཿ ལྟ་སྤྱོད་ཕྲིན་ལས་དམ་ཚིག་དངཿ ཡེ་ཤེས་དཀྱིལ་འཁོར་སྒྲུབ་པའི་ལུངཿ འཁོར་འདས་ཆོས་དང་གཙང་མི་གཙངཿ ལོག་རྟོག་སྤང་ལེན་སེམས་སུ་རྫོགསཿ དུག་ལྔ་མ་སྤངས་ཡེ་ཤེས་ལྔཿ དུག་ལྔ་མ་བསྒྲུབས་རང་བཞིན་ངངཿ སྐྱེ་འཆི་མེད་པའི་གནས་ཐོབ་ཤོགཿ ཨོཾ་ཨཱཿཧཱུྃ་མ་ཧཱ་ཤྲཱི་ཧེ་རུ་ཀ་ཀྲོ་ཏི་ཤྭ་རཱི་སྟྭཾཿ སརྦ་པཉྩ་ཨ་མྲྀ་ཏ་ཨ་བྷི་ཥིཉྩ་ཨཱ་བེ་ཤ་ཡ་ཨ་ཨཱཿ ཞེས་བསྐུར་དེ་ནས་དཀྱིལ་འཁོར་པསཿ སྡུད་པོ་འཇམ་དཔལ་རྣོན་པོ་ལཿ གནང་བ་སྩལ་ཏེ་གཏད་པར་བསམཿ ཡུམ་དང་ལས་ཀྱི་རྡོ་རྗེ་ཡིསཿ སྔར་བཞིན་ཕོ་བྲང་ཡབ་ལ་དབུལཿ དེས་ཀྱང་རིངས་པའི་ཚུལ་གྱིས་བླངསཿ ཨ་ཧོ་མ་ཧཱ་སུ་ཁ་ཧོཿ དམ་རྫས་བདུད་རྩིའི་བཅུད་འདི་ནིཿ སོགས་ཀྱི་བརྡ་ལན་སྔར་བཞིན་གདབཿ རྒྱ་རྣམས་བཀྲོལ་ཞིང་འདི་སྐད་བརྗོདཿ མཁའ་དབྱིངས་ཕྱག་རྒྱ་གཉན་པོ་མཆོགཿ དཔལ་གྱི་ཐ་ཚིག་དམ་པར་དགྲོལཿ པདྨ་ས་མ་ཡ་པྲ་བེ་ཤ་ཡ་ཕཊཿ སྣོད་ཞལ་ཕྱེ་བའི་དེ་མ་ཐགཿ བདུད་རྩི་སྨན་གྱི་དྭངས་མ་ནིཿ དཀར་དམར་སྔོ་བའི་འོད་ཟེར་གྱིཿ རྣམ་པས་བདག་གིས་གནས་གསུམ་དུཿ ཐིམ་པར་བསམ་ཞིང་འདི་སྐད་དོཿ སྲོག་གི་རྒྱུན་གསུམ་ངོ་བོ་གཅིགཿ གནས་གསུམ་བྱང་ཆུབ་སེམས་ལ་ཐིམཿ དོན་དམ་གཉིས་མེད་ཐིག་ལེ་ལསཿ སྐུ་གསུང་ཐུགས་ཀྱི་རྡོ་རྗེར་གྱུརཿ མ་ཧཱ་གུ་ཧྱ་ཀཱ་ཡ་ཝཱཀྐ་ཙིཏྟ་སིད་དྷི་ཧྲཱིཿཧ་ཧཱུྃཿ འདི་ནི་སངས་རྒྱས་ཐམས་ཅད་ཀྱིཿ དབང་བསྐུར་སྤྱོད་ཡུལ་དམ་པའོཿ ས་ནམ་ས་རུ་འཕར་བ་མཚོནཿ སྨན་གྱི་འཕེལ་རྟགས་དྲིལ་བུར་གཞལཿ བདེ་སྐྱོང་མ་དཱ་ན་ཡིས་བཀངཿ དེ་ལ་བདུད་རྩིའི་ཕུར་མ་བྲནཿ གཞུང་བཞིན་མཚན་དོན་སྦྱར་བས་མཆོདཿ ལྕེ་ཡི་དམ་ཚིག་རྡོ་རྗེས་མྱངཿ དབང་པོའི་སྒོ་དང་ཡན་ལག་ལའངཿ མཐེབ་སྲིན་སྦྱར་བས་ཐིག་ལེ་བྱཿ དེ་ནས་བདུད་རྩིའི་ཆ་ཤས་ནིཿ རཏྣའི་གའུར་གཏེར་དུ་སྩལཿ ཆེ་མཆོག་བདུད་རྩི་འཁྱིལ་བའི་སྐུཿ ཕོ་བྲང་ནང་དུ་བཞུགས་པར་བསྒོམཿ སྤྱི་བོའི་གཙུག་གམ་མགུལ་དུ་གདགསཿ རྩ་གསུམ་དམ་ཅན་སྤྲིན་བཞིན་འདུཿ ཀུན་གྱིས་བསྐུར་ཞིང་གང་འབྲེལ་འཚེངསཿ སྨན་ནི་ཆ་གསུམ་དག་ཏུ་བཅདཿ དང་པོ་རྩ་གསུམ་ལྷ་ལ་བསྔོཿ དེ་ནས་གཞན་གྱི་དོན་ཡང་བྱཿ གཉིས་པ་དཔའ་བོ་རྡོ་རྗེས་བཟུངཿ ཐ་མ་འདུས་པའི་ཚོམ་བུར་སྤེལཿ ཐུན་བཞི་ཀུན་ལ་རྟག་ཏུ་མྱོངཿ མ་གྲུབ་ནངས་པར་རེ་རེ་བཞིནཿ ཐ་མའང་དུས་བཟང་ཚོགས་འཁོར་དངཿ བཟླ་བའི་དུས་ན་ངེས་པར་སྤྱདཿ ཚེ་རིང་ནད་མེད་བདེ་བ་དངཿ ལང་ཚོ་ཁ་དོག་སྟོབས་གཟི་བརྗིདཿ འཕེལ་ཞིང་དབང་པོ་རྣམ་རིག་གསལཿ མཁའ་ལ་འགྲོ་ཞིང་སྦྱོར་ངན་གྱིཿ ནུས་པས་མི་ཚུགས་ཏིང་འཛིན་གསལཿ ཁྱད་པར་ཡོན་ཏན་བསམ་མི་ཁྱབཿ ལུས་ལ་གནས་པའི་བདུད་རྩི་ལྔཿ དྭངས་མར་གྱུར་ནས་འཆི་མེད་འགྲུབཿ འདུ་བའི་ནད་སེལ་བདུད་བཞི་འཇོམསཿ བཅུད་ལེན་ཀུན་གྱི་རྒྱལ་པོ་ཡིནཿ སྤངས་རྟོགས་ཡོན་ཏན་ངང་གི་འཕེལཿ འདི་སྒྲུབ་རྒྱལ་བའི་སྲས་སུ་དགོངསཿ རྟོག་ལ་ཡེ་ཤེས་སྨན་སྦྱར་བསཿ དུག་ལྔ་ཡེ་ཤེས་ལྔ་རུ་རྫོགསཿ གང་དུ་བསྒྲུབ་པའི་གནས་མཆོག་དེཿ ཉི་ཤུ་རྩ་བཞིའི་ཡུལ་དང་མཉམཿ དབའ་བོ་མཁའ་འགྲོ་ཤུགས་ལ་འདུཿ བཀྲ་ཤིས་བྱིན་ཆགས་ཏིང་འཛིན་འཕེལཿ ས་དགྲ་ཞི་ཞིང་ཆར་ཆུ་འབེབསཿ ལྷ་ཀླུ་དགའ་བས་སྣོད་བཅུད་རྒྱསཿ རྩི་དང་ལོ་ཏོག་ཕུན་སུམ་ཚོགསཿ དེ་བས་རྣལ་འབྱོར་ཆེ་རྣམས་ཀྱིསཿ སེམས་བསྐྱེད་ཏིང་འཛིན་དངོས་རྫས་ཀྱིཿ ཆོ་གར་ལྡན་པ་འདི་སྒྲུབས་ཤིགཿ དེ་ཡི་བསོད་ནམས་བརྗོད་མི་ལངཿ རྡོ་རྗེའི་དམ་ཚིག་གནས་ལ་ཡངཿ རང་བཞིན་སྤྱོད་པའི་ཡོན་ཏན་ལསཿ བསྒྲུབས་པའི་ཡོན་ཏན་དེ་ལྟའོཿ རྗེས་ཀྱི་ལས་ཁྲིགས་སྒྲུབ་ཆེན་བཞིནཿ ས་མ་ཡཿ ཀླུ་དང་བྲམ་ཟེ་དྲང་སྲོང་རིགསཿ གཙང་སྦྲ་དཀའ་ཐུབ་བརྟུལ་ཞུགས་ཀྱིཿ རྟོགས་པས་ཀུན་ནས་གཟིར་བ་རྣམསཿ འོག་མིན་གནས་སུ་ཧེ་རུ་ཀསཿ རྡོ་རྗེའི་དམ་ཚིག་ཆེན་པོའི་གནསཿ ལེགས་པར་བསྟན་པའི་བདུད་རྩིས་བཏུལཿ དེ་བཞིན་ཀུན་དཀྲིས་ཉོན་མོངས་ཅནཿ རྡོ་རྗེའི་ལམ་དང་བྲལ་གྱི་དོགསཿ ཕུན་སུམ་ཚོགས་པ་ལྔའི་ཡན་ལགཿ ལྡན་པའི་ལུས་ཀྱི་སྣང་སྲིད་ཀུནཿ ར་ས་ཡ་ནའི་འཁོར་ལོ་རུཿ སྦྱངས་རྟོགས་སྦར་བའི་མན་ངག་བཅུདཿ འཇམ་དཔལ་རྣོན་པོས་རྒྱུད་དུ་བསྡུསཿ དེ་ཡི་བྱ་བའི་རང་བཞིན་རྣམསཿ རྣམ་ཤེས་བྲལ་བའི་སེང་གེ་བཞིནཿ འདྲ་མིན་འཆོལ་བར་དར་བའི་ཚེཿ འཇམ་དཔལ་རྣོན་པོའི་ཐུགས་བསྐྱེད་དངཿ བདག་ཉིད་ཆེན་པོ་པདྨ་ཡིསཿ ཀློང་བྱང་ཌཀྐིའི་བརྡ་རིས་ཀྱིསཿ རྒྱུད་དོན་ཇི་བཞིན་གཏན་ལ་འབེབསཿ རྟེན་འབྲེལ་གསུམ་གྱི་འཁྲུལ་འཁོར་ལསཿ ཚིག་བརྒྱུད་རྡོ་རྗེའི་རོལ་མོར་འཁྲོལཿ ས་མ་ཡཿ རྒྱ་རྒྱ་རྒྱཿ ཿ}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-033&diff=64212 2026-09-30T19:46:10Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བ་དང་འབྲེལ་བར་ཚེ་འདས་ཀྱི་ཕུང་པོ་སྦྱོང་ཐབས་སྒྲིབ་གཉིས་རྣམ་གྲོལ།<br /> |fulltitle=zhi khro ngan song sbyong ba dang 'brel bar tshe 'das kyi phung po sbyong thabs sgrib gnyis rnam grol<br /> |citation='jigs med gling pa. ''Zhi khro ngan song sbyong ba dang 'brel bar tshe 'das kyi phung po sbyong thabs sgrib gnyis rnam grol''. In ''Kun mkhyen rig 'dzin 'jigs med gling pa'i gsung 'bum'', Vol. 11: 519-534. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Funerary Rituals - gnas lung - byang chog<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=033<br /> |pagenumbers=519-534<br /> |totalpages=16<br /> |beginfolioline=1a1<br /> |endfolioline=8b6<br /> |totalfolios=8<br /> |multivolumework=No<br /> |rectonotes=ngan song sbyong ba<br /> |versonotes=sreg sbyongs sgrib gnyis rnam grol<br /> |colophontib=ཅེས་རྫོགས་ཆེན་པ་རང་བྱུང་རྡོ་རྗེའི་ཐུགས་ཀྱི་ཏི་ཀའོ།། །།དགེའོ།།<br /> |colophonwylie=ces rdzogs chen pa rang byung rdo rje'i thugs kyi ti ka'o//_//dge'o//<br /> |pdflink=File:JLKO-KABUM-11-DA-033.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །ཞི་ཁྲོ་ངན་སོང་སྦྱོང་བ་དང་འབྲེལ་བར་ཚེ་འདས་ཀྱི་ཕུང་པོ་སྦྱོང་ཐབས་སྒྲིབ་གཉིས་རྣམ་གྲོལ་བཞུགས།།<br /> <br /> ༄། །{{TibChung|བཅོམ་ལྡན་འདས་ངན་སོང་ཐམས་ཅད་རྣམ་པར་སྦྱོང་བ་ལ་ཕྱག་འཚལ་ལོ། །འདིར་མན་ངག་གི་རྒྱུད་སྡེ་རྫོགས་པ་རང་བྱུང་གི་དགོངས་པ་གཙོ་བོར་གྱུར་པའི་ཧོམ་ལྷའི་ཕྲིན་ལས་ཀྱི་གོང་བུ་རྣམས་སྲེག་པ་དང་། ཞུ་རྫས་བླུགས་པ་སྟེ་སྲེག་བླུགས་སམ། བསྲེག་བྱ་རྣམས་ལྷའི་ཞལ་དུ་སྦྱིན་པ་ལ་ཞེ་སར་སྦྱར་བས་འབུལ་བའི་དོན་གྱི་སྦྱིན་སྲེག་གི་སྦྱོར་བས་ཚེ་འདས་ཀྱི་ཕུང་པོ་སྦྱོང་བའི་ཆོ་ག་སྒྲིབ་གཉིས་རྣམ་གྲོལ་རྩོམ་པ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ལ་གསུམ། ཐབ་བརྩིགས་པ། རོ་ཆས་སུ་འཇུག་པ། མཆོད་རྫས་འདུ་བྱ་བའོ། །ཐབ་བརྩིག་པ་ནི། ཕལ་མོ་ཆེ་སྲེག་ཁང་རྙིང་པར་བྱ་བ་མང་བས་འདིར་མ་བཤད་ལ། དམིགས་བསལ་དགོས་ན་མཆོག་དམན་བྱེ་བྲག་ཕྱེད་པར་རྩིག་པའི་ཚུལ་གཞན་དུ་ཤེས་པར་བྱས་ནས། མེ་གདན་རས་སམ་ཤོག་བུ་ལ་ཐིག་ཆེན་བཞི་བཏབ་པའི་དབུས་ནས་མཐོ་གང་ཟླུམ་སྐོར་གྱི་ཕྱི་མ་ཕྱེད་ཕྱེད་ཀྱིས་དམན་པའི་མུ་ཁྱུད་རིམ་པ་གསུམ་བསྐོར། མུ་ཁྱུད་ནང་མའི་གཞི་མཐིང་ཀར་བྱས་པ་ལ་པདྨ་འདབ་བཞི་ལྟེ་བ་དང་བཅས་པའི་འདབ་མ་བཞི་པོར་ཤར་ནས་བརྩམས་ཏེ། གཡས་བསྐོར་གྱིས་རྡོ་རྗེ། རིན་པོ་ཆེ། པདྨ། རྒྱ་གྲམ་རྣམས་བྲི་ཞིང་། དབུས་ཀྱི་ལྟེ་བ་ལ་འཁོར་ལོའོ། །མུ་ཁྱུད་བར་པ་གཞི་དམར་པོ་ལ་སེམས་དཔའ་ཡབ་ཡུམ་བརྒྱད་ཀྱི་གནས་ཐིག་ལེ་ཉིས་བརྩེགས་བརྒྱད། མུ་ཁྱུད་ཕྱི་མ་གཞི་དཀར་པོ་ལ་སྒོ་བ་ཡབ་ཡུམ་གྱི་མཚན་མ་བཀོད། དེའི་སྟེང་དུ་ཕྱི་ཡེ་ཤེས་ལྔའི་མུ་ཁྱུད་ཚོན་སྣ་ཚང་བས་བསྐོར་བའི་ཟུར་བཞིར་ཟླ་ཕྱེད་རྡོ་རྗེས་མཚན་པ་བྲིས་ལ། པུར་ཐབ་ཏུ་བཏིང་། རས་ལ་འཁོར་ལོ་རྩིབས་བརྒྱད་མུ་ཁྱུད་དང་བཅས་པ་བྲིས་ཏེ་བུམ་ཆུ་ལ་དྲངས་པ་མེ་གདན་གྱི་ཁར་བཀབ་བོ། །གཉིས་པ་རོ་ཆས་སུ་གཞུག་པ་ནི། གནས་ལུང་ནས་བཤད་པའི་བུམ་སྒྲུབ་དམིགས་བསལ་དང་། གཞན་ཡང་ཡི་གེ་བརྒྱ་པ་ཅི་རིགས་མི་འཁྲུགས་པའི་གཟུངས་ལ་སོགས་ཀྱིས་བཞུ་བཏུལ་བྱས་པའི་བུམ་ཆུས་རོ་ལེགས་པར་འཁྲུད་ཅིང་རས་ཀྱིས་ཕྱིས་པ་ག་བུར་སོགས་དྲི་བཟང་དང་སྨན་སྣའི་འདག་པས་ཁྱབ་པར་བྱུག་ཅིང་ཁ་སོགས་དབང་པོའི་སྒོར་ཡང་ལྡུགས། རྒྱ་ཤོག་ལ་གསེར་རམ་དྲི་བཟང་གིས།}} ཧཱུྃ་བཛྲ་དྷྲིཀ །མུཾ་དྷཱ་ཏེ་ཤྭ་རཱི། ཨོཾ་ཛི་ན་ཛིཀ །ལཱཾ་དྭེ་ཥ་ར་ཏི། སྭཱ་རཏྣ་དྷྲིཀ །མཾ་མོ་ཧཱ་ར་ཏི། ཨཱཾ་ཨ་རོ་ལིཀ །པཱཾ་རཱ་ག་ར་ཏི། ཧཱ་པྲཛྙཱ་དྷྲིཀ །ཏཱཾ་བཛྲ་ར་ཏི། ཚེ་ལས་འདས་པ་ཆེ་གེ་མོའི་སརྦ་དུརྒ་ཏེ་སརྦ་པཱ་པཾ་བི་ཤྭ་དྷ་ནི་ཧཱུྃ་ཕཊ། {{TibChung|ཅེས་པ་ཚར་གསུམ་ནོར་འཁྲུལ་ལྷག་ཆད་མེད་པར་བྲིས་ཏེ། སྤྱི་བོ། མགྲིན་པ། སྙིང་ཁ་གསུམ་དུ་སྦྲང་རྩིས་སྦྱར། རྡོ་རྗེ་ཁུ་ཚུར་དང་བཅས།}} ཨོཾ་སརྦ་བིད་བཛྲ་ཨ་དྷིཥྛ་ཛྙཱ་ན་ས་མ་ཡེ་ཧཱུྃཿ {{TibChung|གིས་བྱིན་གྱིས་བརླབས། སྤྲོ་ན་བདེར་འདུས་ལས། རོ་ཡི་ཕྱི་ཤུན་ཐམས་ཅད་ལ། །འཁོར་བའི་བག་ཆགས་ཀུན་བཀོད་དེ། །ཞེས་པ་ལ་སོགས་པས་གནས་དྲུག་ཏུ་རིགས་དྲུག་གི་ས་བོན་ཡི་གེ་དྲུག་དང་ལྟེ་བ་སྲིད་པ་སྐྱེད་བྱེད་ལ་རྟེན་འབྲེལ་བཅུ་གཉིས་ཀྱི་བག་ཆགས་བསྲེགས་ཕྱིར་དེའི་བརྡ་ཚུལ་ལམ། མིང་ཡིག་ཅི་བདེ་བའང་བཀོད་ན་ལེགས་མོད། དེ་བཞིན་དུ་སྦྱོང་རྒྱུད་ལས། རོ་ལ་སྔགས་ཀྱིས་བཏབ་ནས་ཀྱང་། །ཆུ་མཆོག་གིས་ནི་བཀྲུས་ནས་ནི། །བཟླས་པའི་དྲི་ཡིས་བྱུག་པར་བྱ། །གོས་དང་རྒྱན་གྱིས་བཀླུབས་ནས་ནི། །སྔགས་ཀྱིས་བཏབ་པའི་དུད་པས་བདུག །མེ་ཏོག་ཕྲེང་བ་ལ་སོགས་མཆོད། །ཅེས་གསུངས་པས་རབ་བྱུང་ལ་ཆོས་གོས་དང་། ཁྱིམ་པ་ལ་གོས་དཀར་པོའམ། དམར་པོས་བླ་ཁེབས་གཡོགས། མགོ་ལ་མེ་ཏོག་གི་ཕྲེང་བ་བཅིངས། རོལ་མོའི་བྱེ་བྲག་དང་བཅས་པས་སྲེགས་ཁང་དུ་བཅུག་ཅིང་བགེགས་བསྐྲད། དེ་ཡང་སྲེག་ཁང་གི་གཡས་གཡོན་དུ་རླུང་སེང་གི་བུག་པ་འཇོག་པ་དང་། སྙིང་གའི་ཐད་དུ་སྲེག་རྫས་འབུལ་བའི་རྫས་ཁུང་སོགས་ཐབ་རྩིག་དུས་ནས་ཉེར་བསྡོགས་ཤེས་ཡོད་ཀྱིས། འཇིག་རྟེན་པ་རྣམས་བློ་གྲོས་རྨོངས་པས་རོ་ཐབ་ནང་དུ་ཧ་ཅང་དྲང་པོར་བསྲང་ན་འཚིག་པར་དཀའ་བས། མགོ་ཁུང་དུ་དཔྲལ་བ་གཏུགས་ལ་འཐིང་རྡོ་སྤྲད། ཁོག་པ་ཅུང་ཟད་སྒུར་སྟབས་སུ་བཞག་པའི་སྙིང་ཁའི་ཐད་ལ་མེའི་སྙིང་པོ་བཅར་་་་རྒྱག་ཕོག་པར་བྱ། དེ་བཞིན་དུ་རྐང་པ་གཉིས་ཀྱང་ཤད་དེ་བརྐྱངས་པའི་མཐེ་བོང་ལ་རས་ལྡེ་སྣུམ་ཅན་བསྡམ། ཁྱད་པར་དམུ་ཆུ་ཅན་ལ་འོག་ཏུ་རྫ་སྣོད་མར་ནག་གིས་བཀང་བར་མུ་ཟི་དང་སྤོས་དཀར་བཏབ་པ་བཞག་པས་ཆུ་ཡང་མེ་འབར་བ་སོགས་ཞུགས་སྤྱོད་བདེ་བའི་མན་ངག་གོ། །གསུམ་པ་ནི། སྲེག་རྫས་གཡས་དང་། མཆོད་རྫས་གཡོན་དུ་བཤམ་པའི་སྲེག་རྫས་ནི། ཡམ་ཤིང་གི་རྒྱུ་འོ་མ་ཅན་གྱི་ཤིང་ལྔ་བོད་དུ་མེད་མོད། རུང་མཐུན་བལ་བུ། ལྕང་མ་ལ་སོགས་ཡོགས་ཤུན་བྲལ་སོགས་མ་ཡིན་པ་སོར་བཅུ་གཉིས་པ་མང་བ་དང་། མར་ཞུན་བཟང་པོ། ཏིལ་དང་ཡུངས་ཀར་གཉིས་ལྷག་པར་ཕོན་ཆེ་བ། ཞོ་ཟན། འབྲས་མ་བྲུབས་པ། སོ་བ་གྲ་མ་མེད་པ། གྲོ་ནས་སྲན་གསུམ་སོགས་རང་རང་གི་བསླད་དང་མ་འདྲེས་ཤིང་རྒྱུ་དག་པ། ཀུ་ཤ་ཤིང་ཏོག་ལ་སོགས་པ་ཤིན་ཏུ་གཙང་བར་བཀྲུས་པ་དང་། གོས་ཟུང་། འཇིག་རྟེན་པའི་གཏོར་མ་གཉིས། སོ་རྩི་གཉིས། ལས་ཐམས་ཅད་པའི་བུམ་ཆུ་རྣམས་དང་། མཆོད་རྫས་ཉེར་སྤྱོད་ལྔ། སྨན་རཀ་གཏོར་གསུམ་དང་བཅས་པ་མ་ཚང་པ་མེད་པ་ཆོ་གའི་གཞུང་གི་རྩིས་མགོ་བསྡུས་ལ་བསགས་པར་བྱའོ། །དེ་ཡང་སྦྱོང་རྒྱུད་ལས་ལྟུང་བ་སློང་བའི་ཕྱག་རྒྱ་རྡོ་རྗེའི་ཁུ་ཚུར་གཉིས་ཀྱི་ནང་དུ་མཛུབ་མོ་ལྕགས་སྒྲོགས་ལྟར་བཅིངས་ནས་གྱེན་དུ་འཕངས་ཤིང་།}} ཨོཾ་སརྦ་ཨ་པ་ཡ་ཨརྵ་ཎ་བི་ཤྭ་དྷ་ན་བཛྲ་ས་མ་ཡ་ཧཱུྃ་ཕཊ། {{TibChung|ཅེས་དང་འདོད་རྒྱལ་གྱི་རྒྱས།}} ཨོཾ་ཤྭ་དྷ་ནི་ཤྭ་དྷ་ནི་སརྦ་པཱ་པཾ་ཨ་ན་ཡ་ཧཱུྃ་ཕཊ། ཅེས་བརྗོད་པས་ངན་སོང་གསུམ་དང་སྡིག་སྒྲིབ་ཐམས་ཅད་སྲེག་རྫས་ལ་ཐིམ་པར་བསམས་{{TibChung|པ་ཡང་མན་ངག་ཏུ་ཆེའོ། །གཉིས་པ་དངོས་གཞི་ལ། བདག་བསྐྱེད། མདུན་བསྐྱེད། མཇུག་བསྡུ་བ་གསུམ་ལས། དང་པོ་བདག་བསྐྱེད་ནི་ལས་གཞུང་ལྟར་བྱའོ། །གཉིས་པ་ནི། གང་ཟག་མཆོག་ལ་ཛྭ་ལའི་སྔགས་ཙམ་གྱིས་མེ་སྤར། ཕལ་པ་ལ།}} གསོན་ཅིག་དགོངས་ཤིག་རིགས་ཀྱི་བུ། །ཕུང་པོ་ལྔ་ཡི་བུད་ཤིང་ལ། །རྒྱལ་བ་རིགས་ལྔའི་མེ་སྦར་རོ། །འབྱུང་བ་བཞི་ཡི་བུད་ཤིང་ལ། །ལྷ་མོ་བཞི་ཡི་མེ་སྤར་རོ། །དབང་པོ་དྲུག་གི་བུད་ཤིང་ལ། །བྱང་ཆུབ་སེམས་ཀྱི་མེ་སྤར་རོ། །ཡུལ་རྣམ་དྲུག་གི་བུད་ཤིང་ལ། །རྒྱལ་བའི་སྐུ་གསུམ་མེ་སྤར་རོ། །སྐུ་གསུམ་ཡེ་ཤེས་ལྔ་ལྡན་དུ། །འགྲོ་བའི་དོན་གཉིས་འགྲུབ་པར་ཤོག །ཨོཾ་བཛྲ་ཛྭ་ལ་རཾ་ཛྭ་ལ་རཾ། {{TibChung|ཞེེེས་པས་སྤར། དེ་ནས་མཆོད་སྲེག་གི་རྫས་རྣམས་བྱིན་གྱིས་བརླབ་པ་ནི། བསང་ཆུ་འཐོར་ཞིང་།}} ཨོཾ་སྭ་བྷཱ་ཝ{{TibChung|ས་སྦྱངས།}} སྟོང་པའི་ངང་ལས་མཆོད་རྫས་དང་སྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་དངོས་པོ་བདུད་རྩི་ཆེན་པོའི་རང་བཞིན་ཟད་མི་ཤེས་པར་གྱུར། ཨོཾ་བཛྲ་ཨརྒྷཾ་{{TibChung|སོགས་དང་།}} སརྦ་པཉྩ་རཀྟ་བྷ་ལིངྟ་ག་ན་ཙཀྲ་པཱུ་ཛ་ཨཱཿཧཱུྃ། {{TibChung|ལན་བདུན།}} མ་ཧཱ་བཛྲ་ཧཱུྃ། གཎྜེ་ཧཱུྃ་གིས་{{TibChung|རྡོར་དྲིལ་བརླབ། དགང་བླུགས་ཐོགས་ལ།}} ཨོཾ་ཧཱུྃ་ཏྲཱཾ་ཧྲཱི་ཨཿ མཱུཾ་ལཱཾ་མཱཾ་པཱཾ་ཏཱཾ་{{TibChung|གྱིས་ཁ་སྦྱོར་ཞིང་།}} ཛྙཱ་ན་པཉྩ་ཨ་མྲྀ་ཏ་ཤུདྡྷེ་ཤུདྡྷེ་སྭཱ་ཧཱ། {{TibChung|ཞེས་དེ་བཞིན་གཤེགས་པ་ཐམས་ཅད་ཀྱི་ཞལ་འདུས་པའི་ངོ་བོར་བསམ།}} ཨོཾ་བོ་དྷི་བྲིཀྵ་ཡེ། ཨགྣ་ཡེ། སརྦ་པཱ་པཾ་ད་ཧ་ན་བཛྲ་ཡེ། བཛྲ་སིདྡྷི་ཡེ། སརྦ་སཾ་བྷ་ཏེ། བཛྲ་པུཥྚ་ཡ། ཨ་པྲ་ཏི་ཧ་ཏ་བཛྲ། བཛྲ་གྷསྨ་རི། བཛྲ་བི་ཛ་ཡེ། མ་ཧཱ་བཱ་ལ་ཡ། བཛྲ་ཤྲཱི་བ་ཡེ་སྭཱ་ཧཱ། {{TibChung|ཞེས་ལན་གསུམ་གྱིས་རྫས་རྣམས་}}ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་ཚེ་འདས་ཀྱི་སྡིག་སྒྲིབ་ཉེས་ལྟུང་བསྲེག་བྱའི་མཆོད་རྫས་སུ་གྱུར། {{TibChung|དེ་ནས་མེ་ཐབ་བསྐྱེད་པ་ནི་བསང་ཆུ་འཐོར་ཞིང་།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས་རིན་པོ་ཆེའི་ཐབ་ཡངས་ཤིང་རྒྱ་ཆེ་བ་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། ར་སྐྱེས་སྟེང་ན་རཾ་ལས་མེ་ལྷ་དཀར་པོ་ཞལ་གཅིག་ཕྱག་བཞི་པ། གཡས་དང་པོ་པདྨ་དང་། གཉིས་པ་ནོར་བུའི་ཕྲེང་བ། གཡོན་དང་པོས་དབྱུག་པ་དང་། གཉིས་པས་རིལ་བ་སྤྱི་བླུགས་འཛིན་པའོ། །{{TibChung|དབྱུག་གུའི་ཕྱག་རྒྱ་དང་བཅས།}} ཨོཾ་ཚུར་བྱོན་ཚུར་བྱོན་འབྱུང་པོ་ཆེ། །མེ་ལྷ་དྲང་སྲོང་བྲམ་ཟེ་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་གཤེགས་སུ་གསོལ། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ། །ཨོཾ་ཨགྣེ་མ་ཧཱ་ཏེ་ཛ་ཨེ་ཧྱེ་ཧི་ས་མ་ཡ་ཛ་ཛཿ ཛཿཧཱུྃ་བཾ་ཧོཿ{{TibChung|ས་གཉིས་སུ་མེད་པར་གྱུར།}} ཨོཾ་ཨགྣ་ཡེ་པདྨ་ཀ་མ་ལཱ་ཡེ་སྟྭཾ། {{TibChung|ཞེས་གདན་ཕུལ། ཀུ་ཤ་ཐོགས་ཏེ།}} ཀུ་ཤ་འདི་ནི་གཙང་ཞིང་དགེ །ས་ལས་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཡིན། །ཚངས་པའི་ཡང་དག་བྱེད་པ་སྟེ། །དེ་ཡིས་བདག་ཅག་འཁོར་བཅས་ལ། །བགེགས་རྣམས་མེད་ཅིང་ཞི་བར་མཛོད། །{{TibChung|ཅེས་བཀྲམ།}} ཨོཾ་ཨགྣེ་ཡེ་སྭཱ་ཧཱཿ{{TibChung|ས་མར་ཁུ་བླུགས་གཟར་བདུན་གྱིས་བཀང་བའི་དགང་བླུགས་ཁ་སྦྱར་བ་འབུལ་ཞིང་།}} ཨོཾ་ཨགྣ་ཡེ་དི་བྱ་དི་བྱ་བི་ཤུདྡྷེ་མ་ཧཱ་ཤྲཱི་ཧ་བྱ་ཀ་བྱ་བྷ་ཧ་ན་ཡ་ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་དབུལ། དེ་ནས།}} གཙང་ཞིང་གཙང་མར་སྦྱར་བ་ཡི། །ལྷ་རྫས་དམ་པའི་མཆོད་ཡོན་འདི། །དྲང་སྲོང་འཁོར་དང་བཅས་ལ་འབུལ། །ཚེ་འདས་དོན་དུ་བཞེས་སུ་གསོལ། །ཨོཾ་ཨགྣེ་ཡེ་མ་ཧཱ་ཏེ་ཛྭ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། {{TibChung|ཞེས་པ་ནས་ཤབྡའི་བར་ཕུལ། དེ་ནས་སྲེག་རྫས་རྣམས།}} ཨོཾ་ཨགྣ་ཡེ་ཆེ་གེ་མོའི་སྡིག་པ་སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པ་ཁོ་ནས་རྫས་སོ་སོ་ནས་ཉི་ཤུ་རྩ་གྲངས་རེ་ཕུལ་མཐར།}} ཨོཾ་ཨགྣེ་ཡེ་མ་ཧཱ་ཏེ་ཛ་ཨརྒྷཾ་སོགས་ཀྱིས་མཆོད། {{TibChung|བསྟོད་པ་ནི།}} འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིའི་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །{{TibChung|དེ་ནས་ཡེ་ཤེས་ཀྱི་ལྷ་ལ་མཆོད་ཅིང་བསྟོད་པ་ནི། གང་ཟག་མཆོག་ལ་རོ་དང་ལྷ་དབྱེར་མེད་དུ་བསྐྱེད་ལ། ཚོགས་བསག་གི་ཕྱིར་དུ་བྱ། ཕལ་པ་ལ་ཕུང་པོ་བུད་ཤིང་ངམ། ཤ་ཁྲག་རུས་པ་རྣམས་བདུད་རྩིར་བསམ་ལ་དབུལ་བ་སྟེ། དེ་ཡང་འདི་ལྟར།}} ཨོཾ་སྭ་བྷཱ་ཝ་{{TibChung|སོགས་དང་།}} མེ་ལྷའི་ལྟོ་བ་ཡངས་ཤིང་རྒྱ་ཆེ་བའི་ནང་དུ་ཧྲཱིཿལས་དཔའ་བོ་རྟ་མགྲིན་ཞལ་གཅིག་ཕྱག་གཉིས་དབྱུག་ཏོ་དང་སྡིགས་མཛུབ་མཛད་པའི་པང་ན་ཡུམ་རྡོ་རྗེ་ཕག་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། གཉིས་ཀའང་རིན་པོ་ཆེ་དང་རུས་པ་ཐོད་པའི་ཕྲེང་བས་རབ་ཏུ་བརྒྱན་པ། སྤྱན་གསུམ་ཁྲོ་བོའི་ལྟ་སྟངས་ཆེན་པོས་བསྐལ་པའི་མེ་རི་མེ་དཔུང་གི་དབུས་ན་བཞུགས་པར་གྱུར། ཧཱུཾ། ཡེ་ཤེས་བསྐལ་པའི་མེ་ལྟར་འབར་བའི་འོད། །མ་རིག་འདོད་པའི་མུན་ཁང་ཐམས་ཅད་བསྲེགས། །ཞེ་སྡང་གཤིན་རྗེའི་འཇིགས་པ་ཐམས་ཅད་འཇོམས། །ལོག་འདྲེན་སྲིན་པོའི་མཐའ་གནོན་དགྲ་འདུལ་བ། །རིག་པའི་རྒྱལ་པོ་ཁྲོ་བོ་བཞུགས་སོ་འཚལ། །ལོག་འདྲེན་འདུལ་བའི་སླད་དུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །ཨོཾ་བཛྲ་ཀྲོ་དྷ་ཧྱ་གྷྲི་ཝ་ཧུ་ལུ་ཧུ་ལུ་ས་མ་ཡ་ཛཿ {{TibChung|ཅེས་སྤྱན་དྲངས།}} ཨོཾ་བཛྲ་ཀྲོ་དྷ་ཧྱ་གྷྲི་ཝ་ཧུ་ལུ་ཧུ་ལུ་ཨརྒྷཾ་སོགས་ཀྱིས་མཆོད། དབང་ཆེན་བསྐལ་པའི་མེ་ལྟར་གཟི་བརྗིད་འབར། །འཇིགས་བྱེད་ཆེན་པོ་རལ་པ་གྱེན་དུ་བརྫེས། །ཁྲོ་བོའི་རྒྱན་རྣམས་མ་ལུས་རབ་རྫོགས་པའི། །ཁྲོ་རྒྱལ་རྟ་མཆོག་དཔལ་ལ་ཕྱག་འཚལ་བསྟོད། །{{TibChung|ཅེས་པའི་རྗེས་ལ་སྲེག་རྫས་རྣམས།}} ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པས་ཕུལ་བའི་རྗེས་ལ།}} ཧཱུཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པ། །བླ་མེད་དཀོན་མཆོག་གསུམ་པོ་གནས་འདིར་གཤེགས། །ཨོཾ་ན་མོ་རཏྣ་ཏྲ་ཡཱ་ཡ། བུདྡྷ་དྷརྨཱ་སངྒ་ས་མ་ཡ་ཛཿ {{TibChung|ཞེས་བརྗོད་པས།}} རྒྱལ་བ་སྲས་དང་བཅས་པ་ཁྲོ་བོའི་མདུན་དུ་བཞུགས་པར་གྱུར། ཨོཾ་བཛྲ་ཨརྒྷཾ་{{TibChung|སོགས་ཀྱིས་མཆོད།}} མགོན་པོ་ཐུགས་རྗེ་ཆེར་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པས་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་སྒྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །{{TibChung|ཞེས་པའི་རྗེས་ལ་སྲེག་རྫས་རྣམས།}} ན་མོ་རཏྣ་ཏྲ་ཡཱ་ཡ་བུདྡྷ་དྷརྨ་སངྒ་བྷྱ། ཆེ་གེ་མོའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པས་ཇི་ལྟར་རིགས་པ་ཕུལ་རྗེས་སྔར་ལྟར་མཆོད་ཅིང་བསྟོད། དེ་ནས་ཞི་ཁྲོའི་དཀྱིལ་འཁོར་མཆོད་པ་ནི། མཆོད་པ་རྣམས་ཁ་གསོས་ལ།}} ཁྲོ་བོའི་རྒྱལ་པོ་རྟ་མགྲིན་ཡབ་ཡུམ་གྱི་ཐུགས་དག་ཆེན་ཡེ་ཤེས་ཀྱི་ཀློང་ཆེན་པོར་འོག་མིན་ལྷུན་གྱིས་གྲུབ་པའི་གཞལ་མེད་ཁང་ཤིན་ཏུ་ཉམས་དགའ་བ། ཕྱི་མཆོད་རྟེན་གྱི་རང་བཞིན་རྩེ་ལྔ་པ་ལ་ནང་རང་བྱུང་རྡོ་རྗེའི་གཞལ་ཡས་ཁང་། {{TibChung|ཞེས་གཞུང་ལྟར་ལས།}} སྐད་ཅིག་དྲན་རྫོགས་སུ་གསལ་བར་གྱུར། {{TibChung|སྤོས་རོལ་དང་བཅས།}} ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་བཞིན་བཞུགས་སུ་གསོལ། །བཛྲ་ས་མ་ཡ་ཛཿ བཛྲ་ས་མ་ཡ་ཏིཥྛ་ལྷན། ཨཱཿ བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱི་ཙྪ་ཧོ། ཧཱུཾ། དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་ཡོངས་བཀོད་དེ། །ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །ཨོཾ་བཛྲ་ཨརྒྷཾ་སོགས་ནས་རཱུ་པ་ཤབྡ་གྷནྡྷེ་རཱ་ས་པརྴེ་ཨཱཿཧཱུཾ། སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིངྟ་པཱུ་ཙ་ཨཱཿཧཱུཾ། {{TibChung|དེ་ནས་སྲེག་རྫས་འབུལ་བ་ནི།}} དགང་བླུགས་ཀྱི་ཁ་དང་དཀྱིལ་འཁོར་པའི་ལྷ་ཚོགས་རྣམས་ཀྱི་ལྗགས་ལ་ཧཱུྃ་དང་རཾ་ཡིག་སོ་སོའི་མཚན་པས་སྲེག་རྫས་ཀྱི་བདུད་རྩི་དགྱེས་བཞིན་དུ་བཞེས་པར་གྱུར། ན་མཿས་མནྟ་བུདྡྷ་ནཱཾཿཨོཾ་ཨགྣ་ཡེ་སྭཱ་ཧཱ་{{TibChung|ཞེས་མར་ཁུ་དང་། རྗས་གཞན་རྣམས་ལ།}} ཨོཾ་ཧཱུྃ་ཏྲཱཾ་ཧྲཱིཿཨཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ {{TibChung|ཆེ་གེ་མོའི་}}སྡིག་སྒྲིབ་ཉེས་ལྟུང་སརྦ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པ་ཁོ་ནས་དབུལ་ཞིང་། སླར་ཡང་།}} ཨོཾ་ན་མོ་བྷ་ག་ཝ་ཏེ་སརྦ་དུརྒ་ཏེ་པ་རི་ཤོ་དྷ་ནི་རཱ་ཛ་ཡཿ ཏ་ཐཱ་ག་ཏ་ཡཿ ཨརྷ་ཏེ་སཾ་མྱཀ་སཾ་བུདྡྷ་ཡཿ ཏདྱ་ཐཱཿ ཨོཾ་ཤོ་དྷ་ནི་ཤོ་དྷ་ནི་སརྦ་པཱ་བཾ་བི་ཤོ་དྷ་ནི་སྭཱ་ཧཱ། {{TibChung|ཞེས་པ་ཁོ་ནས་ཏིལ་དང་ཡུངས་ཀར་བུང་བསྐྱེད་ལ་འབུལ། རྫས་རྫོགས་རྗེས།}} ཨོཾ་བཛྲ་ཏཾ་བུ་ལ་ཡེ་སྭཱ་ཧཱཿ {{TibChung|ཞེས་སོ་རྩི་དང་།}} དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དག་ཀྱང་དབུལ་བར་བགྱི། །ཨོཾ་བཛྲ་ཝསྟྲ་ཡེ་སྭཱ་ཧཱ། {{TibChung|གོས་དབུལ། གྲུབ་ན་རྡོ་རྗེའི་ལྷ་མོ་བཅུ་དྲུག་གིས་མཆོད། བསྡུ་ན།}} ཨརྒྷཾ་{{TibChung|སོགས་ཀྱི་མཐར། བསྟོད་པ་ནི།}} ཧཱུཾ། ཆོས་ཉིད་ཡེ་ཤེས་མཉམ་པའི་ངང་། །རང་བཞིན་ཡོན་ཏན་ལྷུན་གྱིས་གྲུབ། །ཐུགས་རྗེ་ཡིད་བཞིན་ནོར་བུ་འདྲ། །ཕྱག་འཚལ་གདོད་མའི་མགོན་པོ་ལ། །ཡེ་ཤེས་ལྔ་ཡི་ངོ་བོ་ཉིད། །ཉོན་མོངས་དུག་ལྔ་རྣམས་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་རྒྱལ་བ་རིགས་ལྔ་ལ། །བཅུ་དྲུག་ཡེ་ཤེས་ངོ་བོ་ཉིད། །གཟུང་འཛིན་དྲི་མ་རྣམ་སྦྱོང་ཞིང་། །རྣམ་ཤེས་ཚོགས་བརྒྱད་གནས་དག་པ། །ཕྱག་འཚལ་སེམས་དཔའ་ཡབ་ཡུམ་ལ། །ཚད་མེད་ཡེ་ཤེས་ངོ་བོ་ཉིད། །སྐྱེ་གནས་དྲི་མ་རྣམས་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་སྒོ་བ་ཡབ་ཡུམ་ལ། །ཕ་རོལ་ཕྱིན་དྲུག་ངོ་བོ་ཉིད། །ཁམས་དྲུག་དྲི་མ་རྣམས་སྦྱོང་ཞིང་། །ཚོགས་དྲུག་རྣམ་ཤེས་རྣམ་པར་དག །ཕྱག་འཚལ་ཐུབ་པ་དྲུག་ལའོ། །ཞི་ལས་ཡེ་ཤེས་རྣམ་འཕྲོས་པ། །འཇིགས་གཟུགས་ཁྲོ་བོའི་དཀྱིལ་འཁོར་ནི། །ལྔ་བཅུ་རྩ་བརྒྱད་འབར་བའི་སྐུ། །ཕྱག་འཚལ་དབྱིངས་ཀྱི་དཀྱིལ་འཁོར་ལ། །ས་དང་ཡེ་ཤེས་ཞིང་ཁམས་ལ། །འཇིག་རྟེན་འདས་དང་མ་འདས་ཚུལ། །དུར་ཁྲོད་ཆེན་པོའི་གནས་བརྒྱད་ན། །བཞུགས་པའི་འགྲོ་བ་ཀུན་ལ་འདུད། །{{TibChung|ཅེས་བསྟོད་ནས་ཕྲིན་ལས་བཅོལ་བ་ནི།}} དཀྱིལ་འཁོར་གྱི་ལྷ་ཚོགས་རྣམས་ཀྱི་ཚད་མེད་པའི་ཐུགས་རྗེ་ཆེན་པོས་འཇིག་རྟེན་འདི་ནས་ཕ་རོལ་ཏུ་ཚེ་ལས་འདས་པ་ཆེ་གེ་མོའི་ཚེ་རབས་འཁོར་བ་ཐོག་མེད་ནས་བསགས་པའི་སྡིག་སྒྲིབ་ཉེས་ལྟུང་ཐམས་ཅད་ལྷག་མ་མེད་པར་བྱང་ཞིང་དག་ནས་ཐར་པ་དང་ཐམས་ཅད་མཁྱེན་པའི་གོ་འཕང་མཆོག་ལ་འགོད་པར་མཛད་དུ་གསོལ། །{{TibChung|ཞེས་ལན་གསུམ།}} མ་འབྱོར་པ་དང་ཉམས་པ་དང་། །{{TibChung|སོགས་ཀྱི་མཐར་ཡི་གེ་བརྒྱ་པས་ནོངས་པ་བཤགས།}} ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །{{TibChung|སོགས་ནས་བཛྲ་མུཿས་ཡེ་ཤེས་ཀྱི་དཀྱིལ་འཁོར་གཤེགས་སུ་གསོལ། དེ་ནས། མེ་ལྷའི་ལྟོ་བར་མཁའ་འགྲོ་ཆོས་སྐྱོང་ཡུལ་ལྷ་གཞི་བདག་དང་བཅས་པ་ཁྲོམ་ཚོགས་སུ་རང་གི་ཐུགས་ཀའི་འོད་ཀྱིས་སྤྱན་དྲངས་པ་ལ།}} ཨོཾ་ཨ་ཀཱ་རོ་མུ་ཁཾ་{{TibChung|སོགས་ཀྱིས་སྲེག་རྫས་གཏོར་མ་ཕུལ།}} མཆོད་སྦྱིན་གཏོར་མ་འདི་ཕུལ་བས། །རྣལ་འབྱོར་བདག་ཅག་འཁོར་བཅས་ལ། །{{TibChung|སོགས་ཀྱིས་ཕྲིན་ལས་བཅོལ། མཐར་}}བཛྲ་མུཿ{{TibChung|ས་གཤེགས། མར་ཁུ་དང་བཅས།}} ཨོཾ་ཨགྣ་ཡེ་ཛྭ་ལ་རཾ། {{TibChung|ཞེས་པས་མེ་ལྷ་ཤིན་ཏུ་གསལ་བར་བྱས་ཏེ། སྲེག་རྫས་ལྷག་མ་རྣམས།}} ཨོཾ་ཨགྣ་ཡེ་སྡིག་སྒྲིབ་ཉེས་ལྟུང་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པས་གཏང་རག་གི་ཚུལ་དུ་ཕུལ།}} ཨོཾ་ཨགྣ་ཡེ་ཨི་དཾ་བྷ་ལིངྟ་ཁ་ཁ་ཁཱ་ཧི། {{TibChung|གཏོར་མ་ཕུལ།}} བཛྲ་ཏམྦུ་ལ{{TibChung|ས་སོ་རྩི་དང་། གོས་ཟུང་སྔར་བཞིན་དབུལ།}} མེ་སྟེ་སྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །{{TibChung|ཞེས་པས་བསྟོད། ཡིག་བརྒྱས་ནོངས་པ་བཤགས།}} བདག་གི་དོན་དང་གཞན་གྱི་དོན། །སྒྲུབ་བྱེད་སྲེག་བྱ་ཟ་བ་གཤེགས། །ཇི་ལྟའི་དུས་སུ་ཚུར་སྤྱོན་ལ། །ལས་ཀྱི་འབྲས་བུ་མཆིས་པར་མཛོད། །བཛྲ་མུཿ{{TibChung|ས།}} ཡེ་ཤེས་པ་ཤར་ལྷོར་གཤེགས། དམ་ཚིག་པ་མེ་འབར་བའི་ཀློང་དུ་ཐིམ་པར་བསམས་{{TibChung|ལ་བསྔོ་སྨོན་གྱིས་རྒྱས་གདབ།}} ཨོཾ་ཨཱཿཧཱུྃ་{{TibChung|གིས་བདག་ཉིད་བསྲུངས་ནས་གསོན་པོའི་དོན་དུ་ཤིས་པ་བརྗོད། །གསུམ་པ་མཇུག་བསྡུ་བ་ནི། བདག་ཉིད་ལྷའི་རྣལ་འབྱོར་དང་ལྡན་པས་ལག་གཉིས་དཔུང་པར་བསྣོལ་བའི་སེ་གོལ་གཏོགས་ཤིང་།}} ཨོཾ་བཛྲ་ས་མ་ཡ་ཛཿ ཛཿཧཱུྃ་བཾ་ཧོ{{TibChung|ས་རུས་བུ་བསྡུ། རུས་ཆོག་གནད་དུ་འགྲོ་བས་སཱཙྪ་ལ་སོགས་བཞེངས་ཤིང་སྨོན་ལམ་དང་བཅས་པས་རྒྱ་མཚོར་འབབས་པའི་ཆུ་ཀླུང་ལ་དོར་བས་ཕྱོགས་དེར་བདེན་ཚིག་གྲུབ་པའི་དྲང་སྲོང་རྣམས་ཀྱི་མངོན་ཤེས་ཀྱིས་བཏེག་སྟེ་ཇི་ལྟར་བཏབ་པའི་སྨོན་ལམ་གྱི་མཐུན་འགྱུར་བྱེད་པར་བཤད་པ་ཡིན་ནོ། །ཅེས་འོད་གསལ་གྱི་རྒྱུད་སྡེ་རྫོགས་པ་རང་བྱུང་གི་རྒྱུད་དོན་གསལ་བར་བྱས་ཤིང་། ངན་སོང་སྦྱོང་བའི་མན་ངག་གིས་ཟུར་བརྒྱན་པའི། སྲེག་སྦྱོངས་ཀྱི་ཆོ་ག་འདི་ནི་ཀུན་ལས་ཁྱད་པར་དུ་འཕགས་པའི་མན་ངག་ཡིན་ནོ།}} །ས་མ་ཡཿ རྒྱ་རྒྱ་རྒྱཿ {{TibChung|ཅེས་རྫོགས་ཆེན་པ་རང་བྱུང་རྡོ་རྗེའི་ཐུགས་ཀྱི་ཏི་ཀའོ།། །།དགེའོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-003&diff=64211 2026-09-30T17:50:31Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=དཔལ་ཆེན་སྲུང་བཟློག་འཁོར་ལོ་ཡི། །ཞལ་ཤེས་གནད་དོན་གསལ་བྱེད།<br /> |fulltitle=dpal chen srung bzlog 'khor lo yi/ /zhal shes gnad don gsal byed<br /> |citation='jigs med gling pa. ''Dpal chen srung bzlog 'khor lo yi zhal shes gnad don gsal byed''. In ''Kun mkhyen rig 'dzin 'jigs med gling pa'i gsung 'bum'', Vol. 11: 101-109. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Cakra and Amulet Designs - 'khor lo - srung 'khor<br /> |terma=Yes<br /> |cycle=rig 'dzin thugs sgrub dpal chen 'dus pa<br /> |cycletib=རིག་འཛིན་ཐུགས་སྒྲུབ་དཔལ་ཆེན་འདུས་པ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=003<br /> |pagenumbers=101-109<br /> |totalpages=9<br /> |beginfolioline=1a1<br /> |endfolioline=5a4<br /> |totalfolios=5<br /> |multivolumework=No<br /> |rectonotes=srung bzlog 'khor lo<br /> |versonotes=zhal shes gnad don gsal byed<br /> |pdflink=File:JLKO-KABUM-11-DA-003.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །དཔལ་ཆེན་སྲུང་བཟློག་འཁོར་ལོ་ཡི། །ཞལ་ཤེས་གནད་དོན་གསལ་བྱེད་བཞུགས། །<br /> <br /> ༄༅། །{{TibChung|ཁྱབ་བདག་པདྨཱ་ཀ་ར་ཡི། །གསང་གསུམ་མི་ཟད་ནོར་བུའི་མཛོད། །དབང་བསྒྱུར་ཀུན་མཁྱེན་འཇིགས་མེད་གླིང་། །རྣམ་ཀུན་བདེ་ཆེན་འཁོར་ལོར་སྦ། །འདི་ན་རོལ་པ་ཆེན་པོ་ཡི། །སྲུང་དང་བཟློག་པའི་ཙཀྲ་ཉིད། །ཇི་ལྟར་འབྲི་བའི་རིམ་པ་ཡི། །ཞལ་ཤེས་གནད་དོན་གསལ་བྱེད་སྤེལ། །དེ་ཡང་རས་ཤོག་གང་ཡང་རུང་། །ཆེ་ཆུང་འཚམས་པའི་གཞི་ངོས་སུ། །དང་པོ་བསྲུང་བའི་འཁོར་ལོ་ལ། །དབུས་དང་པདྨ་པད་ཤུན་དང་། །འཁོར་ལོ་རྩིབས་བརྒྱད་ལིང་ཚེ་ལྔ། །རིན་ཆེན་ཟུར་བརྒྱད་དབྱངས་རྟེན་སྙིང་། །རྡོ་ར་མེ་རིའི་ས་ཆོད་དེ། །མུ་ཁྱུད་དགུ་པའི་ལྟོ་བ་རུ། །འབྲུ་གསུམ་བརྩེགས་པའི་སྟེང་ནས་བརྩམས། །ཡིག་མགོ་ཕྱིར་བསྟན་སྔགས་ཤམ་བཅས། །གཡས་བསྐོར་འགྲོས་ཀྱིས་མཐའ་ནང་འཇུག}} །ཨོཾ་གུ་རུ་ཤྲཱི་བཛྲ་ཡཀྴ་ཀྲོ་ཏ་ཙིཏྟ་ཧཱུཾ། མ་མ་ཀྲོ་ཏི་ཤྭ་རཱི་སྟྭཾ། བདེ་གཤེགས་བཀའ་བརྒྱད་རོལ་པའི་བྱིན་རླབས་ཀྱིས་བདག་ཅག་རྒྱུ་སྦྱོར་དང་བཅས་པར་ནད་གདོན་བར་གཅོད་ཆག་ཆེ་ཉམ་ང་བྱད་ཕུར་རྦོད་གཏོང་ལོ་ཟླའི་ཀེག་ཆག་ངན་པ་སརྦ་རཀྵཿ {{TibChung|དེའི་ཕྱི་འདབ་བཞི་ཕྱོགས་མདོག་ལ། །ཤར་ནས་བརྩམས་ཏེ་གཡས་བསྐོར་དུ།}} །ཨོཾ་བཛྲ་ཤྲཱི་ཧེ་རུ་ཀཿ བཛྲ་ཀྲོ་ཏི་ཤྭ་རཱི་སྟྭཾཿ མ་མ་སརྦ་རཀྵཿ {{TibChung|དེ་བཞིན་དུ་ལྷོརཿ}} ཨོཾ་རཏྣ་ཤྲཱི་ཧེ་རུ་ཀཿ རཏྣ་ཀྲོ་ཏི་ཤྭ་རཱི་སྟྭཾཿ མ་མ་སརྦ་རཀྵཿ {{TibChung|ནུབ་ཏུ།}} ཨོཾ་པདྨ་ཤྲཱི་ཧེ་རུ་ཀཿ པདྨ་ཀྲོ་ཏི་ཤྭ་རཱི་སྟྭཾཿ མ་མ་སརྦ་རཀྵཿ {{TibChung|བྱང་དུ།}} ཨོཾ་ཀརྨཱ་ཤྲཱི་ཧེ་རུ་ཀཿ ཀརྨཱ་ཀྲོ་ཏི་ཤྭ་རཱི་སྟྭཾཿ མ་མ་སརྦ་རཀྵཿ རེ་ཁཱ་དམར་སེར་པད་ཤུན་དཀར། །དེའི་ཕྱི་མཚོན་འཁོར་རྩིབས་བརྒྱད་སྔོ། །ཤར་ནས་བརྩམས་པས་གཡས་བསྐོར་དུ། །ཨོཾ་བཛྲ་ཙཎྜ་རུ་ལུ་རུ་ལུ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ {{TibChung|དེ་བཞིན་དུ་ཤར་ལྷོར།}} ཨོཾ་བཛྲ་ཙཎྜ་མ་མ་ཡོ་གི་ནི་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ {{TibChung|ལྷོར།}} ཨོཾ་བཛྲ་ཙཎྜ་ཡ་མཱནྟ་ཀ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ {{TibChung|ལྷོ་ནུབ་ཏུ།}} ཨོཾ་བཛྲ་ཙཎྜ་མ་ཧཱ་གུ་རུ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ {{TibChung|ནུབ་ཏུ།}} ཨོཾ་བཛྲ་ཙཎྜ་ཧྱ་གྷྲྀ་ཝ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ {{TibChung|ནུབ་བྱང་དུ།}} ཨོཾ་བཛྲ་ཙཎྜ་བི་ཤྭ་ཀཱ་ལ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ {{TibChung|བྱང་དུ།}} ཨོཾ་བཛྲ་ཙཎྜ་ཀཱི་ལི་ཀཱི་ལ་ཡ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ {{TibChung|བྱང་ཤར་དུ།}} ཨོཾ་བཛྲ་ཙཎྜ་རཱུ་དྲ་ཏནྟྲ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ ཅེས་དང་རྩིབས་མཆན་བརྒྱད་དམར་པོར། །སྲུང་བའི་སྔགས་ནི་ཚར་བརྒྱད་བཀོད། ཨོཾ་ཨཱཿཨུཥྞི་ཥ་བཛྲ་ཙཀྲ་ཝཱརྟི་བྷྲཱཾ་སརྦ་ལོ་ཀི་སྭཱ་ཧཱ། {{TibChung|དེའི་ཕྱི་ལིང་ཚེ་ལྗང་གུ་ལྔར། །མདུན་ནས་བརྩམས་ཏེ་རིམ་པ་བཞིན།}} །ཁྲོཾ་བུདྡྷ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ འཆང་བ་ལ་རཀྵཿ {{TibChung|མདུན་གཡས་སུ།}} ཁྲོཾ་བཛྲ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ འཆང་བ་ལ་རཀྵཿ {{TibChung|རྒྱབ་གཡས་སུ།}} ཁྲོཾ་རཏྣ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ འཆང་བ་ལ་རཀྵཿ {{TibChung|རྒྱབ་གཡོན་དུ།}} ཁྲོཾ་པདྨ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ འཆང་བ་ལ་རཀྵཿ {{TibChung|མདུན་གཡོན་དུ།}} ཁྲོཾ་ཀརྨཱ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ འཆང་བ་ལ་རཀྵཿ {{TibChung|དེ་ཡི་ཕྱི་རིམ་རིན་པོ་ཆེ། །ཟུར་བརྒྱད་གསེར་མདོག་མཆན་དམར་སེར། །སོ་སོའི་རྩིབས་དང་ཕྱག་མཚན་སྤྲད། །ཤར་ནས་རིམ་པར་རྡོ་རྗེ་མཐིང་། །བྱ་ཁྱུང་དམར་པོ་གཤོག་སྔོན་དང་། །བེ་ཅོན་དམར་པོ་ཐོད་དབྱུག་དཀར། །རལ་གྲི་ཐོ་བ་ཕུར་བུ་དང་། །ལྕགས་ཀྱུ་རྣམས་སྔོན་རྩེ་ཕྱིར་བསྟན། །ཁྱུང་གི་ཁ་ན་རོ་ཉེ་འདྲེན། །གཞན་རྣམས་དར་འཕྱངས་སྔོན་པོས་བརྒྱན། །དེའི་ཕྱི་མུ་ཁྱུད་ལྗང་གུ་ལ། །མདུན་ནས་བརྩམས་ཏེ་གཡས་བསྐོར་དུ།}} །ཨ་ཨཱཿ ཨི་ཨཱིཿ ཨུ་ཨཱུཿ རྀ་རཱྀཿ ལྀ་ལཱྀཿ ཨེ་ཨཻཿ ཨོ་ཨཽཿ ཨཾ་ཨཿ ཀ་ཁ་ག་གྷ་ངཿ ཙ་ཚ་ཛ་ཛྷ་ཉཿ ཊ་ཋ་ཌ་ཌྷ་ཎཿ ཏ་ཐ་ད་དྷ་ནཿ པ་ཕ་བ་བྷ་མཿ ཡ་ར་ལ་ཝཿ ཤ་ཥ་ས་ཧ་ཀྵཿ ཡེ་དྷརྨཱ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱནྟ་ཐཱ་ག་ཏྭ་ཧྱ་ཝ་དཏཿ ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲཱ་མ་ཎཿ བདེ་གཤེགས་བཀའ་བརྒྱད་རོལ་པའི་བྱིན་རླབས་ཀྱིས་བདག་ཅག་རྒྱུ་སྦྱོར་དང་བཅས་པར་ནད་གདོན་བར་གཅོད་ཆག་ཆེ་ཉམ་ང་བྱད་ཕུར་རྦོད་གཏོང་ལོ་ཟླའི་ཀེག་ཆགས་ངན་པ་སརྦ་རཀྵཿ {{TibChung|དེ་རྒྱབ་རྡོ་རྗེའི་ཕྲེང་བ་སེར། །ཕྱི་རིམ་མེ་རི་ཆོས་བསྐོར་བྲི། །གི་ཧཾ་གླ་རྩི་གུ་གུལ་དང་། །བདུད་རྩི་ཨ་མྲྀ་ཏ་ཡིས་བྱུག །གཏོར་ཆེན་ཕྲག་པ་གཡས་སུ་འཕྱར། །གྲོལ་ནས་བསྲུང་བྱའི་མགུལ་དུ་བཏག}} ༈ {{TibChung|།གཉིས་པ་བཟློག་པའི་འཁོར་ལོ་ནི། །མུ་ཁྱུད་རིམ་པ་སྔར་བཞིན་ལས། །པདྨའི་ཚབ་ཏུ་རྩིབས་བཞི་དང་། །ཟུར་བརྒྱད་སྤངས་ལ་ཕྱག་མཚན་བཀོད། །ལྟེ་བ་མཐིང་གར་ས་བོན་ཁྲོཾ། །དེ་མདུན་ནས་བརྩམས་གཡོན་བསྐོར་དུ། །ཡིག་མགོ་ནང་བསྟན་མཐའ་ཕྱིར་འཇུག}} །ཨོཾ་གུ་རུ་ཤྲཱི་བཛྲ་ཡཀྴ་ཀྲོ་ཏ་ཙིཏྟ་ཧཱུྃཿ མ་མ་ཀྲོ་ཏི་ཤྭ་རཱི་ཧཱུྃ་ཕཊཿ བདག་ཅག་དཔོན་སློབ་ཡོན་མཆོད་ལ་ནད་གདོན་ཆག་ཆེ་ཉམ་ང་བཀྲ་མི་ཤིས་པའི་རིགས་དང་ཕ་རོལ་གྱི་བྱད་ཕུར་རྦོད་གཏོང་ཧོམ་པར་བསྡེབས་གཤོར་རླུང་འཁོར་དབྱེ་བསྐྲད་རྨོངས་རེངས་མནན་གཏད་མདོ་སྒྲུབ་བཙོ་ཐན་མི་ཁ་དམོད་མཆུ་ངན་པ་ཐམས་ཅད་དམ་ཉམས་དགྲ་བོའི་སྟེང་དུ་བྷྱོ་བྷྱོ་བཟློག །{{TibChung|དེའི་ཕྱི་རྩིབས་བཞི་ཕྱོགས་ཀྱི་མདོག །མདུན་ནས་གཡས་བསྐོར་མགོ་ནང་བསྟན།}} །ཨོཾ་བཛྲ་ཤཱི་ཧེ་རུ་ཀཿ བཛྲ་ཀྲོ་ཏི་ཤྭ་རཱི་ཧཱུྃ་ཕཊཿ {{TibChung|དེ་བཞིན་དུ་ལྷོར།}} ཨོཾ་རཏྣ་ཤྲཱི་ཧེ་རུ་ཀཿ རཏྣ་ཀྲོ་ཏི་ཤྭ་རཱི་ཧཱུྃ་ཕཊཿ {{TibChung|ནུབ་ཏུ།}} ཨོཾ་པདྨ་ཤྲཱི་ཧེ་རུ་ཀཿ པདྨ་ཀྲོ་ཏི་ཤྭ་རཱི་ཧཱུྃ་ཕཊཿ {{TibChung|བྱང་དུ།}} ཨོཾ་ཀརྨ་ཤྲཱི་ཧེ་རུ་ཀཿ ཀརྨཱ་ཀྲོ་ཏི་ཤྭ་རཱི་ཧཱུྃ་ཕཊཿ {{TibChung|རྩིབས་མཆན་དམར་པོར་མགོ་ནང་བསྟན། །བྷྱོ་ཁྲོཾ་རྦད་བྲི་རྩིབས་ཤུན་སྨུག །དེའི་ཕྱི་རྩིབས་བརྒྱད་མཐིང་ཀ་ཡི། །ཤར་ནས་གཡས་བསྐོར་མགོ་ནང་བསྟན།}} །ཨོཾ་བཛྲ་ཙཎྜ་རུ་ལུ་རུ་ལུ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊཿ ནང་པ་སངས་རྒྱས་པའི་བདེན་མཐུ་དགྲ་ལ་བྷྱོ་བཟློགཿ {{TibChung|དེ་བཞིན་དུ་ཤར་ལྷོར།}} ཨོཾ་བཛྲ་ཙཎྜ་མ་མ་ཡོ་གི་ནི་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊཿ མ་མོའི་ནད་དལ་དགྲ་ལ་བྷྱོ་བཟློག །{{TibChung|ལྷོར།}} ཨོཾ་བཛྲ་ཙཎྜ་ཡ་མཱནྟ་ཀ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊཿ གཤིན་རྗེའི་གཏད་ཁྲམ་དགྲ་ལ་བྷྱོ་ཟློག །{{TibChung|ལྷོ་ནུབ་ཏུ།}} ཨོཾ་བཛྲ་ཙཎྜ་མ་ཧཱ་གུ་རུ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊཿ ཉན་ཐོས་ཀྱི་མདོ་སྒྲུབ་དགྲ་ལ་བྷྱོ་བཟློག །{{TibChung|ནུབ་ཏུ།}} ཨོཾ་བཛྲ་ཙཎྜ་ཧྱ་གྷྲི་ཝ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ གཟའ་ཀླུའི་གདོན་ཚོགས་དགྲ་ལ་བྷྱོ་བཟློག །{{TibChung|ནུབ་བྱང་དུ།}} ཨོཾ་བཛྲ་ཙཎྜ་བི་ཤྭ་ཀཱ་ལ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ དྲང་སྲོང་གི་དམོད་པ་དགྲ་ལ་བྷྱོ་བཟློག །{{TibChung|བྱང་དུ།}} ཨོཾ་བཛྲ་ཙཎྜ་ཀཱི་ལི་ཀཱི་ལ་ཡ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ ཕུར་པའི་གདབ་ཁ་དགྲ་ལ་བྷྱོ་བཟློག །{{TibChung|བྱང་ཤར་དུ།}} ཨོཾ་བཛྲ་ཙཎྜ་རཱུ་ཏྲ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿ ཕ་རོལ་བན་བོན་གྱི་དམོད་སྔགས་དགྲ་ལ་བྷྱོ་བཟློག །རྩིབས་མཆན་དམར་སེར་བརྒྱད་དག་ལ། །རིམ་བཞིན་སྔགས་འདི་ཚར་བརྒྱད་བཀོད། །ཁྲོཾ་མཱ་ར་ཡ་བྷྱོ་བྷྱོ་བཟློག་བཟློག །{{TibChung|དེའི་ཕྱི་ལིང་ཚེ་ལྗང་གུ་ལྔར། །མདུན་ནས་བརྩམས་ཏེ་རིམ་པ་བཞིན།}} །ཁྲོཾ་བུདྡྷ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ བྱད་ཕུར་རྦོད་གཏོང་ཐན་ལྟས་ངན་པ་དགྲ་ལ་བྷྱོ་བཟློག །{{TibChung|མདུན་གཡས་སུ།}} ཁྲོཾ་བཛྲ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ བྱད་ཕུར་རྦོད་གཏོང་ཐན་ལྟས་ངན་པ་དགྲ་ལ་བྷྱོ་བཟློག །{{TibChung|རྒྱབ་གཡས་སུ།}} ཁྲོཾ་རཏྣ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ བྱད་ཕུར་རྦོད་གཏོང་ཐན་ལྟས་ངན་པ་དགྲ་ལ་བྷྱོ་བཟློག །{{TibChung|རྒྱབ་གཡོན་དུ།}} ཁྲོཾ་པདྨ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ བྱད་ཕུར་རྦོད་གཏོང་ཐན་ལྟས་ངན་པ་དགྲ་ལ་བྷྱོ་བཟློག །{{TibChung|མདུན་གཡོན་དུ།}} ཁྲོཾ་ཀརྨ་ག་རུ་ཊ་ཙ་ལེ་ཙ་ལེ་ཧཱུཾ་ཕཊཿ བྱད་ཕུར་རྦོད་གཏོང་ཐན་ལྟས་ངན་པ་དགྲ་ལ་བྷྱོ་བཟློག །{{TibChung|དེའི་ཕྱི་ཟླུམ་འཁྱིལ་དམར་པོ་རུ། །ཕྱག་མཚན་སྔ་མའི་འགྲོས་ལྟར་ལ། །ཁྱུང་གི་གདོང་དང་ཕུར་བུའི་དབལ། །ཕྱི་ངོས་བསྟན་པ་ཁྱད་པར་ཡིན། །དེ་རྒྱབ་མུ་ཁྱུད་ལྗང་གུ་ལ། །མདུན་ནས་བརྩམས་ཏེ་གཡོན་བསྐོར་དུ།}} །ཨོཾ་བཛྲ་མཧཱ་ཀྲོ་ཏ་པདྨ་ཀྲོ་ཏི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྴ་ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུཾ་ཕཊཿ གནོད་བྱེད་གདོན་བགེགས་འབྱུང་པོའི་སྙིང་རྩ་ལ་དུཥྚཾ་ཧཱུཾ་ཕཊཿ ནང་པ་སངས་རྒྱས་པའི་བདེན་མཐུ་དགྲ་ལ་བཟློག །ཕྱི་པ་མུ་སྟེགས་པའི་ངན་སྔགས་དགྲ་ལ་བཟློག །གཉིས་ཀའི་དྲང་སྲོང་གི་དམོད་པ་དགྲ་ལ་ཟློག །སྔགས་པའི་བྱད་ཕུར་རྦོད་གཏོང་དགྲ་ལ་བཟློག །བནྡེའི་མདོ་སྒྲུབ་བདེན་བདར་དགྲ་ལ་བཟློག །བོན་པོའི་དབྱེ་བསྐྲད་བཙོ་ཟོར་དགྲ་ལ་བཟློག །ཕྲ་མེན་ཀླ་ཀློའི་ངན་སྦྱོར་དགྲ་ལ་ཟློག །སྡེ་བརྒྱད་ཟ་ཁ་ཟུག་པ་དགྲ་ལ་བཟློག །བུད་མེད་ཚོགས་པའི་སྨྲ་མཆུ་དགྲ་ལ་ཟློག །བགེགས་རིགས་སྟོང་ཕྲག་བརྒྱད་ཅུ་དགྲ་ལ་ཟློག །གདོན་རིགས་སུམ་བརྒྱ་དྲུག་ཅུ་དགྲ་ལ་ཟློག །{{TibChung|དེ་རྒྱབ་རྡོ་རྗེའི་ཕྲེང་བ་སྔོ། །ཕྱི་རིམ་དམར་ནག་མེ་བོན་བསྐོར། །གྲི་ལྕགས་དམེ་བསྣོལ་མཛེ་ཁྲག་བྱུག །གཏོར་ཆེན་ཕྲག་པ་གཡོན་དུ་འཕྱར། །གྲོལ་དུས་ཟོར་དང་ལྷན་གཅིག་བརྡེག །གང་གི་གསུང་ཟབ་ནམ་མཁའི་ཁམས། །བློ་ཆུང་འདོམ་གྱིས་གཞལ་མིན་ཀྱང་། །ནན་གྱིས་ཞལ་ཁྲིད་ཉི་གཞོན་ལས། །ཐོབ་པའི་ཕྲ་ཟེར་འདིར་བསགས་པས། །འདྲ་མིན་སྨག་ཏུ་མི་འཕྱན་པར། །གཅིག་ཏུ་ངེས་པའི་ལམ་གྲོགས་སུ། །སེམས་ཏེ་ཨ་བྷཱ་ཡ་མ་ཏིས། །བཀོད་ལ་ཉེས་པས་མི་ནོངས་ཤིང་། །དགེ་བས་མཐའ་ཡས་འགྲོ་བ་ཀུན། །རྣམ་བྱང་ཐོབ་པའི་རྒྱུར་གྱུར་ཅིག །དགེའོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-002&diff=64210 2026-09-30T17:33:59Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཐུགས་སྒྲུབ་དཔལ་ཆེན་འདུས་པ་ལསཿ རོལ་པ་ཆེན་པོའི་གཏོར་ཟློག་གི་གཟེར་ཁ་ཟབ་མོ་གུད་དུ་ཕྱུང་བཿ<br /> |fulltitle=thugs sgrub dpal chen 'dus pa las: rol pa chen po'i gtor zlog gi gzer kha zab mo gud du phyung ba:<br /> |citation='jigs med gling pa. ''Thugs sgrub dpal chen 'dus pa las rol pa chen po'i gtor zlog gi gzer kha zab mo gud du phyung ba''. In ''Kun mkhyen rig 'dzin 'jigs med gling pa'i gsung 'bum'', Vol. 11: 87-99. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Averting or Dispelling Rites- zlog pa<br /> |terma=Yes<br /> |cycle=rig 'dzin thugs sgrub dpal chen 'dus pa<br /> |cycletib=རིག་འཛིན་ཐུགས་སྒྲུབ་དཔལ་ཆེན་འདུས་པ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=002<br /> |pagenumbers=87-99<br /> |totalpages=13<br /> |beginfolioline=1a1<br /> |endfolioline=7a5<br /> |totalfolios=7<br /> |multivolumework=No<br /> |rectonotes=gtor zlog<br /> |versonotes=rol pa chen po'i gtor zlog gud du phyung ba<br /> |colophontib=ཅེས་བརྗོད་དགྲ་ཡུལ་མཐོང་སར་བསྐྱལཿ གཤིན་རྗེ་གཤེད་ཀྱི་སྤྲུལ་པ་སྟེཿ གྲོང་ཡུལ་གྱེར་ན་ཤིན་ཏུ་གཉནཿ ཏནྟྲའི་བཅུད་དང་མན་ངག་གནདཿ དགོངས་པར་ལྡན་པའི་རྣལ་འབྱོར་གྱིསཿ བསྟན་འགྲོའི་ཆེད་དུ་བྱ་བ་ལསཿ བོན་གྱེར་བྱས་ན་རང་ལ་སྡིགསཿ དེ་ཕྱིར་གུད་དུ་སྦས་པའོཿ ས་མ་ཡཿ རྒྱ་རྒྱ་རྒྱཿ གུ་ཧྱཿ དྷ་ཐིམཿ<br /> |colophonwylie=ces brjod dgra yul mthong sar bskyal: gshin rje gshed kyi sprul pa ste: grong yul gyer na shin tu gnyan: tan+t+ra'i bcud dang man ngag gnad: dgongs par ldan pa'i rnal 'byor gyis: bstan 'gro'i ched du bya ba las: bon gyer byas na rang la sdigs: de phyir gud du sbas pa'o: sa ma yaH_rgya rgya rgya: gu h+ya: d+ha thim:<br /> |pdflink=File:JLKO-KABUM-11-DA-002.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ ཐུགས་སྒྲུབ་དཔལ་ཆེན་འདུས་པ་ལསཿ རོལ་པ་ཆེན་པོའི་གཏོར་ཟློག་གི་གཟེར་ཁ་ཟབ་མོ་གུད་དུ་ཕྱུང་བ་བཞུགསཿ<br /> <br /> འུྃཿ {{TibChung|རོལ་པ་ཆེན་པོའི་གཏོར་ཟློག་ལསཿ གཟེར་ཁ་རྣམ་པ་གསུམ་སྟོན་ཏེཿ རྒྱལ་མཚན་རྔ་ཁྱུང་ཟ་ལམ་མོཿ ཀུན་ལ་སོ་སོའི་བཅའ་ག་རྣམསཿ འོག་གི་གྱེར་དང་མཐུན་པར་སྒྲིགས༔ དང་པོ་རྒྱལ་མཚན་རྣམ་དགུ་ཡིསཿ བགེགས་ཆེན་ཟློག་པའི་གཟེར་ཁ་ནིཿ}} ཧཱུྃཿ དཔལ་ཆེན་ཐུགས་ལས་སྤྲུལ་པའི་ཁྱུངཿ མཐུ་སྟོབས་རྫུ་འཕྲུལ་སྟོབས་པོ་ཆེཿ ཁྱོད་ཀྱིས་མི་འདུལ་གཅིག་ཀྱང་མེདཿ ཆེ་མཆོག་སྐུ་དང་གཉིས་སུ་མེདཿ དབུ་ལ་རིན་ཆེན་འབར་བ་ཡིསཿ མུ་གེའི་བསྐལ་པ་ངན་པ་ཟློགཿ གཤོག་པ་མེ་རུ་འབར་བ་ཡིསཿ ཀླུ་བདུད་ཧུ་ལུ་ཧུ་ལུ་དངཿ ཐག་བཟངས་རིས་ཀྱི་དམག་དཔུང་ཟློགཿ གདོང་པས་གཞན་འཕྲུལ་དབང་བྱེད་དངཿ མཆུ་ཡིས་ཚངས་པའི་དམག་དཔུང་ཟློགཿ རྭ་ཡིས་སྒྲ་གཅན་གདོང་ཐུག་དངཿ སྡེར་མོས་དུས་མཚན་གཟའ་སྐར་བྱདཿ མཇུག་མས་ལྟོ་འཕྱེའི་གནོད་པ་ཟློགཿ ཧཱུྃཿ ཤར་ཕྱོགས་ཡང་དག་གཏོར་མའི་སྟེངཿ ཤེལ་གྱི་བྱ་ཁྱུང་ཟངས་མཆུ་ཅནཿ རྟ་མགོ་ཅན་གྱི་གདོན་བརྫིས་ནསཿ ལག་པ་བཞི་པས་ནོར་སྙིང་འབྱིནཿ ཤར་གྱི་གདོན་ཚོགས་བཟློག་ཏུ་གསོལཿ ཧཱུྃཿ ལྷོ་ཕྱོགས་གཤིན་རྗེའི་གཏོར་མའི་སྟེངཿ གསེར་གྱི་བྱ་ཁྱུང་ལྕགས་མཆུ་ཅནཿ གྲུལ་བུམ་སྤྱིའུ་ཚུགས་གདོན་བརྫིས་ནསཿ ཆུ་སྲིན་གཟུགས་ཅན་མིག་ཚིལ་འདྲུཿ ལྷོ་ཡི་གདོན་ཚོགས་བཟློག་ཏུ་གསོལཿ ཧཱུྃཿ ནུབ་ཕྱོགས་རྟ་མགྲིན་གཏོར་མའི་སྟེངཿ མེ་ཡི་བྱ་ཁྱུང་གསེར་མཆུ་ཅནཿ འདབ་བཟང་ལྦ་བ་གསུམ་པ་བརྫིསཿ ལུས་ཕྱེད་ལྡན་པའི་གདོན་ལ་ཟཿ ནུབ་ཀྱི་གདོན་ཚོགས་བཟློག་ཏུ་གསོལཿ ཧཱུྃཿ བྱང་ཕྱོགས་ཕུར་པའི་གཏོར་མའི་སྟེངཿ གཡུ་ཡི་བྱ་ཁྱུང་རྡོ་རྗེའི་མཆུཿ གནོད་སྦྱིན་འཕྲོག་མ་བརྫིས་ནས་ཀྱངཿ སྟག་གི་གཟུགས་ཅན་གདོན་ལ་ཟཿ བྱང་གི་གདོན་ཚོགས་བཟློག་ཏུ་གསོལཿ ཧཱུྃཿ ཤར་ལྷོ་མ་མོའི་གཏོར་མའི་སྟེངཿ དུང་གི་བྱ་ཁྱུང་གསེར་མིག་ཅནཿ རྣ་བོ་ཆེ་ཡི་གདོན་བརྫིས་ནསཿ ཝ་ཡི་གཟུགས་ཅན་བརྗེད་བྱེད་ཟཿ ཤར་ལྷོའི་གདོན་ཚོགས་བཟློག་ཏུ་གསོལཿ ཧཱུྃཿ ལྷོ་ནུབ་རིག་འཛིན་གཏོར་མའི་སྟེངཿ ར་གན་བྱ་ཁྱུང་དངུལ་མཆུ་ཅནཿ རྐང་པ་གཅིག་པའི་གདོན་བརྫིས་ནསཿ མ་ཧེའི་གཟུགས་ཅན་རྒྱུ་མ་འདྲེནཿ ལྷོ་ནུབ་གདོན་ཚོགས་བཟློག་ཏུ་གསོལཿ ཧཱུྃཿ ནུབ་བྱང་མཆོད་བསྟོད་གཏོར་མའི་སྟེངཿ བྱུ་རུའི་བྱ་ཁྱུང་ལྕགས་མཆུ་ཅནཿ མགྲིན་བཅུའི་གདོན་ལ་བརྫིས་ནས་ཀྱངཿ རྔ་བོང་གཟུགས་ཅན་མགོ་ལུས་འདྲལཿ ནུབ་བྱང་གདོན་ཚོགས་བཟློག་ཏུ་གསོལཿ ཧཱུྃཿ བྱང་ཤར་དྲག་སྔགས་གཏོར་མའི་སྟེངཿ ལྕགས་ཀྱི་བྱ་ཁྱུང་ཟངས་མཆུ་ཅནཿ མིག་མང་གདོན་ལ་བརྫིས་ནས་ཀྱངཿ སྨྱོ་བྱེད་རྐང་མང་ནང་ཁྲོལ་འབྱིནཿ བྱང་ཤར་གདོན་ཚོགས་བཟློག་ཏུ་གསོལཿ {{TibChung|གདོན་གྱི་གནོད་པ་ཆེས་ཆེ་ནཿ འདི་ཉིད་བྱ་ཡིས་གཞན་དུ་གཉནཿ ས་མ་ཡཿ རྒྱ་རྒྱ་རྒྱཿ གཉིས་པ་རྔ་བོང་ཟློག་པ་ནིཿ}} ཧཱུྃཿ བཅོམ་ལྡན་དཔལ་ཆེན་རོལ་པ་ཡིཿ ལྟས་ངན་བཟློག་པའི་ཕྱི་མོ་ནིཿ ཅི་མི་འདྲ་བའི་རྔ་བོང་ཡིནཿ རྨིག་པས་གླང་པོའི་འཇིགས་པ་ཟློགཿ རྐང་བཞིས་རྟ་དྲེའུ་གོད་ཁ་ཟློགཿ མཇུག་མས་ཕྱུགས་ལུག་གོད་ཁ་ཟློགཿ ལྟོ་བས་ས་ནད་གློ་གོར་ཟློགཿ མགྲིན་པས་དུག་སྦྲུལ་འཇིགས་པ་ཟློགཿ གདོང་པས་གདོང་ཅན་ལྟས་ངན་ཟློགཿ ཟློག་བྱེད་རྔ་བོང་དཔྲལ་བ་ནཿ གླང་ཆེན་མགོ་དགུ་སྣ་ཞགས་{{TibChung|རྩིབ་འཁོར་བཏགས་པ་མན་ངག་ཡིན།་་་}}རྡེབཿ དམག་དཔུང་གཡུལ་ངོ་ལངས་པ་ཟློགཿ དཔུང་གཡས་བྱི་ལ་དཀར་པོ་བརྒྱདཿ ནམ་རྒྱང་མདའ་་་{{TibChung|དཀར་པོ་་་}}འཕང་བརྒྱད་བརྒྱད་ཀྱིསཿ རྒྱལ་པོའི་གདོན་དང་འགོང་པོ་ཟློགཿ དཔུང་གཡོན་དམུ་བྱ་ཕུག་རོག་བརྒྱདཿ ནམ་རྒྱང་མདའ་་་{{TibChung|སྔོན་པོ་་་་}}འཕང་བརྒྱད་བརྒྱད་ཀྱིསཿ དམུ་ཡི་གནམ་རྡོ་ཕབས་པ་ཟློགཿ དབྱི་གཡས་སྟག་མོ་ཕྲུག་གུ་ཟཿ སྔགས་པ་ནང་དམེ་བྱེད་པ་ཟློགཿ དཔྱི་གཡོན་བྱ་མིག་ཐོད་ནག་འཁུནཿ ཡ་རབས་རིགས་བརྒྱུད་ཆད་པ་ཟློགཿ རྩིབས་ལོགས་གཉིས་ཀྱི་གཡས་པ་ནཿ མི་དམར་རྟ་དམར་ཞོན་པ་བརྒྱདཿ ནམ་རྒྱང་མདའ་འཕང་བརྒྱད་བརྒྱད་་་{{TibChung|དམར་པོ་་་}}ཀྱིསཿ བཙན་གྱི་ཁྲག་མདའ་འཕེན་པ་ཟློགཿ གཡོན་ལ་སྤྲེའུ་གར་བྱེད་བརྒྱདཿ ནམ་རྒྱད་མདའ་འཕང་་་{{TibChung|སེར་པོ་་་}}བརྒྱད་བརྒྱད་ཀྱིསཿ གཉན་ནད་ཅིར་ཡང་བརྫུ་བ་ཟློགཿ ཧཱུྃཿ དེ་ལ་ཞོན་པའི་ཐན་ཁྱུང་གིསཿ རལ་པ་ལན་གསུམ་སྤྲུགས་པ་ལསཿ ལྷག་པའི་དམ་ཚིག་ཉི་ཤུ་དངཿ འགལ་བའི་ལྟས་ངན་དགྲ་ལ་ཟློགཿ རལ་པའི་ལན་ཕྲན་དང་པོ་ལཿ སྤྱང་ཀིས་སེངྒེར་རྒོལ་བ་་་{{TibChung|བླ་མ་ལ་རྒོལ་བ་་་་}}དངཿ ཟ་མ་ཏོག་ཏུ་དུག་སྦྱར་་་{{TibChung|ཡུམ་ལ་བརྟེན་པ་་་}}གཡོསཿ གཉིས་པར་རིན་ཆེན་ལྕུག་མ་་་{{TibChung|རྡོ་རྗེའིསྤུན་ལ་ཁྲོས་པ་་་}}བཅདཿ གངས་རི་ཞུ་བའི་ཞུན་ཆུ་་་{{TibChung|བླ་མ་དང་དཀོན་མཆོག་གི་དཀོར་ལ་འབག་པ་་་}}བཏུངསཿ གསུམ་པར་པདྨའི་ཟེའུ་འབྲུ་་་{{TibChung|ཚངས་སྤྱོད་ཅན་ལ་སྤྱོད་པ་་་}}དབྲལཿ བུག་རྡོལ་སྣོད་དུ་བདུད་རྩི་་་{{TibChung|སྣོད་མིན་ལ་གདམས་ངག་སྟོན་པ་་་}}བླུགསཿ བཞི་པར་མ་བརྟགས་འདྲེ་ཅན་་་{{TibChung|བྱིན་གྱིས་མ་བརླབས་པར་ཆང་འཐུངས་པ་་་}}བསྲེལཿ ཤེལ་དཀར་འདམ་རྫབ་ཁྲོད་དུ་་་{{TibChung|གཞན་དོན་སྤངས་བ་}}བསྒྱུརཿ ལྔ་པར་སེངྒེའི་འོ་མ་་་{{TibChung|བྱང་ཆུབ་ཀྱི་སེམས་སྤངས་པ་་་}}ཕོཿ ཡིད་བཞིན་ནོར་བུ་ཐབ་ཏུ་་་{{TibChung|ཆོས་དང་གང་ཟག་བཟང་པོ་ལ་སྐུར་པ་་་}}བསྲེགསཿ དྲུག་པར་ཁྱུང་གི་གཤོག་པ་་་{{TibChung|ཐབས་ཤེས་ཡ་བྲལ་གྱི་ཉམས་ལེན་་་}}བཅགཿ གནམ་ལྕགས་སྡེར་མོ་ས་ལ་་་{{TibChung|བཀའ་ལ་གཟུ་ལུམས་རས་ཆོད་་་}}བྲད། བདུན་པར་གཅན་གཟན་ལྷག་་་{{TibChung|ཚོགས་གཏོར་ལ་འབགས་རྩོག་དང་ཕུད་ཉམས་པ་་་}}ལ་ཟོསཿ རྡོ་རྗེས་གཏམས་པའི་བྲག་ཆེན་་་{{TibChung|བསྐྱེདརིམ་མི་སྒོམ་པ་་་}}བཤིགཿ བརྒྱད་པར་རྡོ་རྗེའི་གོ་ཆ་་་{{TibChung|དམ་བཅའ་རལ་དུ་འཇུག་པ་་་}}དབྲལཿ སྒྲོན་མེ་འབར་བ་རླུང་གིས་་་{{TibChung|ཏིང་འཛིན་མི་གསལ་བ་་་}}བསདཿ དགུ་པར་འབབ་ཆུའི་འོལ་ཀ་་་{{TibChung|བཟླས་བརྗོད་རྒྱུན་བཅད་པ་་་}}བཅདཿ རིགས་ལྔའི་ཕྱག་རྒྱ་འདམ་དུ་་་{{TibChung|ཕུང་ཁམས་ལ་བརྙས་པ་བྱེད་པ་་་}}བཅུགཿ བཅུ་པར་རྡོ་རྗེའི་མཁར་རྫོང་་་{{TibChung|རྟོག་གེ་པ་ལ་སྔགས་ཀྱི་ལྟ་སྤྱོད་སྟོན་པ་་་}}བཤིགཿ རྒྱལ་མཚན་རྩེ་ཡི་ནོར་བུ་་་{{TibChung|བླ་མ་ལ་མོས་གུས་ཡལ་བ་་་}}དབོགཿ འདི་དག་སྔགས་པ་ཐུར་ལྟུང་བའིཿ ལྟས་ངན་ཆེན་པོ་དགྲ་ལ་ཟློགཿ ཧཱུྃཿ གཤོག་རུ་གཡས་ཀྱི་དང་པོ་ལཿ སེང་གེ་གསང་ཀྱི་སྟོངས་སུ་ལྷུངཿ རྒྱལ་པོ་དམངས་སུ་བབས་པ་ཟློགཿ གཉིས་པར་ཁྱུང་དང་གཡུ་འབྲུག་འཐབསཿ བློན་པོ་ནང་འཐབས་བྱེད་པ་ཟློགཿ གསུམ་པར་རྨ་བྱ་སྒོ་ང་བཅོགཿ རྗེ་མོ་བྱིན་ལ་བྱེད་པ་ཟློགཿ བཞི་པར་ལོ་ཐོག་སེར་བས་འཇོམསཿ རྗེ་བོས་འབངས་ལ་མནར་བ་ཟློགཿ ལྔ་པར་བྲག་ལ་སྒོ་ང་བརྡབསཿ རྒྱལ་ཁྲིམས་ཞིག་པའི་ལྟས་ངན་རྣམསཿ བཟློག་གོ་བསྒྱུར་རོ་ཁྱུང་གིས་ཟློགཿ གཤོག་རུ་གཡོན་གྱི་དང་པོ་ལཿ དགེ་སྦྱོང་འཁར་གསིལ་ཐུར་དུ་སྦུབསཿ བསླབ་པ་ཁྱད་དུ་གསོད་པ་ཟློགཿ གཉིས་པར་མི་རིང་གཅེར་རྒྱུག་བྱེདཿ ཕན་ཚུན་ངོ་ཚ་ཁྲེལ་ཉམས་ཟློགཿ གསུམ་པར་དུག་སྦྲུལ་རྒྱ་མཚོར་འཁྱིལཿ བསམ་སྦྱོར་ངན་པའི་གཡོ་འཁྲུགས་ཟློགཿ བཞི་པར་བུད་མེད་བྱད་ལ་འགེབསཿ ཕུང་སྦྱོར་དུག་གཡོས་བྱེད་པ་ཟློགཿ ལྔ་པར་ཤྭ་བུད་ཁྱིམ་དུ་འཇུགཿ ཆག་ཆེ་ཉམ་ང་ཐོག་ཏུ་བབསཿ འཇིག་རྟེན་མི་དགེར་བྱེད་པ་ཡིཿ ཐན་ལྟས་ངན་པ་དགྲ་ལ་ཟློགཿ ཧཱུྃཿ ཁྱུང་གི་འཇུག་སྒྲོ་བརྒྱད་པོ་ཡིསཿ སྤྲིན་ལ་མེ་ཆེན་མཆེད་པ་ཟློགཿ ཉ་ཆེན་མཇུག་མ་གཡོ་བ་ཟློགཿ ཉི་ཟླ་གཟའ་ཡིས་བཟུང་བ་ཟློགཿ ཁྲག་གི་སེར་བ་འབབ་པ་ཟློགཿ རླུང་ནག་འཚུབས་མ་འཁྱིལ་བ་ཟློགཿ ཤིང་རྟ་གཤོག་པ་ཆག་པ་ཟློགཿ རི་ཆེན་གྲོད་པ་བརྡོལ་བ་ཟློགཿ ཕན་ཚུན་རྒྱབ་ཀྱིས་ཕྱོགས་པ་ཡིསཿ བདེ་སྐྱིད་འཇོམས་པའི་ལྟས་ངན་ཀུནཿ བཟློག་གོ་དམར་ཆེན་གཏོར་མས་ཟློགཿ བསྒྱུར་རོ་ཐན་ཁྱུང་འབར་བས་སྒྱུརཿ ཞེས་བརྗོད་ཐན་ཁྱུང་ཞལ་ཁ་བསྒྱུརཿ {{TibChung|ས་མ་ཡཿ རྒྱ་རྒྱ་རྒྱཿ གསུམ་པ་སྲིན་མོའི་སྡེ་དཔོན་ནིཿ ལྕགས་ཐག་མགོ་དགུའི་ཟ་ལམ་བསྟནཿ ཡས་རྣམས་གཞུང་བཞིན་ཚོགས་བགྱིས་ལཿ}} ཧཱུྃཿ བདུད་ཀྱི་ཡུམ་ལ་གཤིན་རྗེའི་ལྕམཿ དམ་ཉམས་སྒྲོལ་བའི་ཕྲ་མེན་མཿ སྒྱུར་བྱེད་ཆེན་མོ་སྤྱན་འདྲེན་ནོཿ སྲིན་མོ་ལྕགས་ཐག་མགོ་དགུ་ཡིཿ མིང་ནས་ཕྱུང་གིས་གཤེགས་སུ་གསོལཿ དབུ་དགུ་སྟེང་ཞལ་བྱ་ཡི་དབུཿ དུར་བྱ་ཁྲ་དང་བཞད་ཀྱི་མགོཿ ནང་ཁྲོལ་གློ་སྙིང་ཟ་ཞིང་རྔམསཿ བར་གྱི་དབུ་གསུམ་དུད་འགྲོའི་མགོཿ དོམ་དང་དྲེད་དང་ཆུ་སྲིན་གདོངཿ རྩ་བཅད་ཁྲག་དང་ནང་ཁྲོལ་ཟཿ རྩ་བའི་དབུ་གསུམ་ཁྲོ་མོ་སྟེཿ གཡས་དཀར་གཡོན་དམར་དབུས་མཐིང་ནགཿ མཆེ་བ་ཟང་ཡག་མི་རོ་ཟཿ སྐུ་སྟོད་ཞིང་ལྤགས་ཐོད་སྦྲུལ་བརྒྱནཿ སྐུ་སྨད་རེ་ལྡེའི་ཤམ་ཐབས་ཅནཿ གཡས་དགུ་སྔོན་བསྒྲལ་སྙིང་འདྲད་འཛིནཿ གཡོན་པ་དགུ་ན་ཐོད་ཟོར་བསྣམསཿ སྟག་དང་སྤྱང་ཀི་གླ་བ་མོནཿ དྲེད་མོ་མནོལ་གྲི་ཁྱི་ནག་གཡགཿ ཞབས་བརྒྱད་དྲེགས་པའི་སྙིང་གར་བརྫིསཿ འགྲོ་བ་འདུལ་ཕྱིར་གར་སྟབས་འགྱིངཿ སྐྲ་དང་ཁ་སྤུ་མེ་རུ་འབརཿ བྷྱོཿ ཁྱོད་ཀྱི་སྤྲུལ་པ་བཤད་ཙ་ནཿ སེམས་ཉིད་མ་བཅོས་མུ་ཁ་ལེཿ སེམས་ལས་སྐྱེས་པའི་བུ་མོ་བཅུ་གསུམ་དངཿ དབྱིངས་ལས་སྐྱེས་པའི་མ་མོ་བཅུ་བཞི་དངཿ ཡེ་ཤེས་མ་མོ་ཉི་ཤུའོཿ སྣང་སྲིད་ཀུན་ཁྱབ་ཤྭ་རཱི་མཿ ཐམས་ཅད་དགྱེས་སྐོང་ཡུམ་ཆེན་ལྔཿ དགྲ་རྣམས་སྒྲོལ་བའི་ཤུགས་སྒྲོལ་དྲུགཿ དྲག་ཤུལ་དབང་ཆེན་མ་མོ་བདུནཿ གནོད་སྦྱིན་སྙིང་གཅོད་སྲིན་མོ་བརྒྱདཿ བཀའ་སྡོད་བློན་མོ་ཆེན་མོ་དགུཿ ཡང་གབ་དབང་གི་རྒྱལ་མོ་བཞིཿ སེམས་ལས་སྐྱེས་པའི་མ་མོ་བཞིཿ དམ་ལ་གནས་པའི་སྲིན་མོ་བཞིཿ ཡིད་ལ་གདུང་བའི་མཛའ་ན་བཞིཿ ལུས་ལས་སྐྱེས་པའི་བུ་མོ་བཞིཿ མ་མོ་ཀུན་གྱི་གཙོ་མོ་བཞིཿ བདུད་རྩི་སྒྲུབ་པའི་རྒྱལ་མོ་བཞིཿ ཕུར་བུ་སྒྲུབ་པའི་བློན་མོ་བཞིཿ མ་མོ་ཐུན་གྱི་བདག་མོ་བཞིཿ ལས་ལ་གཤིན་པའི་བྲན་མོ་བཞིཿ དར་དབུགས་འཕྲོག་པའི་ལྷ་མོ་བཞིཿ མ་མོ་རྩ་ཁྲོ་བདག་མོ་བཞིཿ དགྲ་བོའི་སྙིང་འབྱིན་ལྷ་མོ་བཞིཿ ཀུན་གཞི་གནས་འགྱུར་བུ་གཅིག་མཿ གླིང་བཞིར་དབང་བསྒྱུར་དྲག་མོ་རྒྱལཿ སྟོང་གསུམ་དབང་བསྒྱུར་ཛ་ཛ་ཤྭ་རཱི་མཿ དགྲ་ལ་དབང་བསྒྱུར་དཔལ་ལྡན་རེ་མ་ཏིཿ འཇིག་རྟེན་དབང་ཅན་སྨན་མོའི་ཚོགསཿ གཤིན་རྗེའི་ལྕམ་མོ་ཉི་ཤུ་གཅིགཿ ལས་མཁན་མ་མོ་བརྒྱད་ཅུ་གཅིགཿ བྱང་ཤར་མཚམས་ཀྱི་སྲིང་གཅིག་མཿ ཐུགས་ཀྱི་སྤྲུལ་པ་ནག་མོ་བདུནཿ ཚོགས་ཀྱི་ནག་མོ་ཉི་ཁྲིའི་ཚོགསཿ སྐུ་ཡི་སྤྲུལ་པ་དཀར་མོ་བདུནཿ ཚོགས་ཀྱི་དཀར་མོ་ཉི་ཁྲིའི་ཚོགསཿ གསུང་གི་སྤྲུལ་པ་དམར་མོ་བདུནཿ ཚོགས་ཀྱི་དམར་མོ་ཉི་ཁྲིའི་ཚོགསཿ ཡོན་ཏན་མ་མོ་སེར་ནག་བདུནཿ ཚོགས་ཀྱི་སེར་མོ་ཉི་ཁྲིའི་ཚོགསཿ ཕྲིན་ལས་སྤྲུལ་པ་ལྗང་ནག་བདུནཿ ཚོགས་ཀྱི་ལྗང་ནག་ཉི་ཁྲིའི་ཚོགསཿ ཤ་ཁྲག་དམར་གཏོར་འདི་བཞེས་ལཿ བྱད་ཕུར་རང་གི་གཤེད་དུ་ཕོབཿ ལྟས་ངན་དམ་ཉམས་དགྲ་ལ་སྒྱུརཿ ནད་དལ་ཆག་ཆེ་ཉམ་ང་ཀུནཿ ཟོར་ཁ་འདི་དང་ལྷན་ཅིག་ཏུཿ བཟློག་བསྒྱུར་ཕྲིན་ལས་འགྲུབ་པར་མཛོདཿ {{TibChung|ཅེས་ཤ་ཁྲག་དང་གཏོར་མ་འབུལཿ གལ་ཏེ་ལྟ་དགོངས་དང་ལྡན་པས་བསྟན་དགྲ་དམིགས་བསལ་ལ་རྦད་ནཿ སྔོན་ལ་སྤུ་གྲིའི་སྔགས་འདི་བཟླའོཿ}} ཨེ་བཾ་རཾ་ཁཾ་ཤིག་ཙིཏྟ་གཏུབསཿ དགྲ་བོའི་སྲོག་ལ་ཐུནཿ རྨུག་ལིང་ཤག་རྦདཿ བཾ་རཾ་ཁཾ་ཤགཿ ཙིཏྟ་རྡུབསཿ དགྲ་བོའི་སྲོག་ལ་བྲེང་བྲེངཿ ཡམ་ཡམ་ཐུམ་རི་ལི་ལི་བྷྱོཿ ཙིཏྟ་གཟེར་ཐུནཿ སྟྭམ་བྷ་ཡ་ནནཿ {{TibChung|ཞེས་བཟླ་ཞིང་མཆིལ་མ་ཕྱིར་བསྒྱུར་རོཿ དེ་ནས་བསྐུལ་ནིཿ}} ཧཱུྃཿ གཤིན་རྗེ་ཀུན་གྱི་ལྕམ་མོ་ནིཿ ཐུགས་ཀྱི་སྤྲུལ་པ་མགོ་དགུ་མཿ ཡང་སྤྲུལ་མ་བདུན་ཤ་ཟའི་ཚོགསཿ མ་ལུས་འཇོམས་པའི་མཐུ་མོ་ཆེཿ ཁྲག་དང་དུག་གི་མཚོ་དཀྱིལ་ནསཿ དུག་རླངས་མུན་ནག་འཐིབས་པ་ལསཿ སྲིན་མོ་ཁ་འདར་མགོ་དགུ་མཿ བདུད་དང་མུ་སྟེགས་བྲན་དུ་འཁོལཿ སྲིན་མོ་ཆེན་མོ་ལས་ལ་བསྐུལཿ དོམ་དང་ཁྱི་མོ་བླ་ལ་ཁྱེཿ དྲག་ཏུ་བསྐུལ་ཞིང་མཆིས་ཙ་ནཿ སྟོང་གསུམ་ཤ་ལ་རོལ་ཞིང་གསོལཿ ང་ཡི་ཤ་སྐལ་གང་ན་ཡོདཿ སྟོང་གསུམ་ཁྲག་ལ་མོས་ཤིང་འཐུངསཿ ང་ཡི་ཁྲག་སྐལ་གང་ན་ཡོདཿ སྟོང་གསུམ་ཟོས་ཀྱང་ཁྱོད་མ་འགྲངསཿ དགྲ་བོའི་ཤ་དང་ཁྲག་ལ་རོལཿ དྲག་ཏུ་བསྐུལ་ཞིང་མཆིས་ཙ་ནཿ རི་རབ་རྩེ་ནས་སྙིལ་ཀྱིན་འོངཿ རྒྱ་མཚོའི་གཏིང་ནས་རླབས་ཀྱིན་འོངཿ དམ་ཉམས་ཤ་ལ་རོལ་ལས་ཤོགཿ དྲག་ཏུ་བསྐུལ་ཞིང་མཆིས་ཙ་ནཿ རང་ཤ་རང་གིས་ཟ་ཡིན་འོངཿ རང་ཁྲག་རང་གིས་འཐུང་གིན་འོངཿ རང་ཤ་ཟོས་ཀྱང་ཁྱོད་མ་འགྲངསཿ རང་ཁྲག་བཏུངས་ཀྱང་ཁྱོད་མ་ངོམསཿ དགྲ་བོའི་ཤ་དང་ཁྲག་ལ་རོལཿ དྲག་ཏུ་བསྐུལ་ཞིང་མཆིས་ཙ་ནཿ གནམ་ས་རི་ཀླུང་བཟློག་ཅིང་འོངཿ རྒྱ་མཚོ་ཟོར་དུ་འཕེན་གྱིན་འོངཿ དམ་ཉམས་དགྲ་ལ་ཟོར་དུ་རྒྱོབཿ དྲག་ཏུ་བསྐུལ་ཞིང་རྦད་ཙ་ནཿ ལུས་ཅན་མ་ལུས་བྲན་དུ་འཁོལཿ དམ་ལས་འདས་པའི་ཙིཏྟ་འབྱིནཿ དགྲ་བོའི་ཁོང་ནས་ཙིཏྟ་ཕྱུངསཿ དྲག་ཏུ་བསྐུལ་ཞིང་མཆིས་ཙ་ནཿ སྣང་སྲིད་བྷྱོ་བཟློག་མེ་ཡིས་བསྲེགསཿ དགྲ་བོའི་ལུས་སྲོག་བག་ཆགས་བསྲེགསཿ དྲག་ཏུ་བསྐུལ་ཞིང་མཆིས་ཙ་ནཿ ལུས་ཅན་བླ་ལ་རྒྱུག་ཅིང་འོངཿ སྤྲུལ་པའི་ཁྱི་མོ་ནག་མོ་དགུཿ དགྲ་ལ་རྦོད་ལ་བླ་དང་ཕྲོལཿ དྲག་ཏུ་བསྐུལ་ཞིང་མཆིས་ཙ་ནཿ སྟོང་གསུམ་ནད་ཀྱི་དྲ་བར་འཆངཿ དམ་ཉམས་དགྲ་ལ་རིམས་དལ་ཕོབཿ དྲག་ཏུ་བསྐུལ་ཞིང་མཆིས་ཙ་ནཿ སྣང་སྲིད་ལུས་སྲོག་དྭངས་སྙིགས་འབྱེདཿ ཚེ་སྲོག་བསྡུས་ལ་རྩ་རྒྱུད་ཆོདཿ སྲིན་མོ་ལྕགས་ཐག་མགོ་དགུ་མཿ སྤྱན་ནས་ཁྲག་འཛག་ཟུ་ལུ་ལུཿ ཤངས་ནས་དུག་རླངས་བུན་ནེ་བུནཿ སྙན་ནས་འབྲུག་སྒྲ་དི་རི་རིཿ ཞལ་གྱི་རྔམ་སྒྲས་སྟོང་གསུམ་ཕུངཿ གཡས་པ་དགུ་ན་སྙིང་སྒྲོམ་དགུཿ ཐོགས་ནས་དགྲ་བོའི་ཙིཏྟ་འབྱིནཿ གཡོན་པ་དགུ་ན་ཐོད་པ་དགུཿ དགྲ་ལ་ཁྲག་མདའ་དུག་གཟེར་འཕེནཿ དགྲ་བོའི་ཁོང་དུ་དུག་མདའ་རྒྱོབཿ ཀླད་པ་གཤོགས་ལ་ཀླད་ཁྲག་འཐུངཿ ལུས་ཀྱི་སྲོག་ཕྲོལ་ཙིཏྟ་གཏུབསཿ ཁྲག་མདའ་དུག་ཕུར་ཐུན་ཟོར་རྒྱོབཿ སྔགས་པའི་སྐུ་དགྲ་སྒྲོལ་ལ་ཤོགཿ མ་མོའི་ཁྲམ་སྣ་དགྲ་ལ་སྒྱུརཿ བཅོལ་བའི་ཕྲིན་ལས་འགྲུབ་པར་མཛོདཿ {{TibChung|ཅེས་བརྗོད་དགྲ་ཡུལ་མཐོང་སར་བསྐྱལཿ གཤིན་རྗེ་གཤེད་ཀྱི་སྤྲུལ་པ་སྟེཿ གྲོང་ཡུལ་གྱེར་ན་ཤིན་ཏུ་གཉནཿ ཏནྟྲའི་བཅུད་དང་མན་ངག་གནདཿ དགོངས་པར་ལྡན་པའི་རྣལ་འབྱོར་གྱིསཿ བསྟན་འགྲོའི་ཆེད་དུ་བྱ་བ་ལསཿ བོན་གྱེར་བྱས་ན་རང་ལ་སྡིགསཿ དེ་ཕྱིར་གུད་དུ་སྦས་པའོཿ ས་མ་ཡཿ རྒྱ་རྒྱ་རྒྱཿ གུ་ཧྱཿ དྷ་ཐིམཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=DKR-KABUM-24-YA-001&diff=64209 2026-09-30T17:05:57Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=རྒྱལ་བཀའ་རིན་པོ་ཆེ་གངས་ལྗོངས་སུ་འགྱུར་རོ་ཅོག་ལས་ཇི་ཙམ་ཐོབ་པའི་ཡི་གེ་མཛེས་པའི་གཟུགས་བརྙན་འབུམ་བཀྲའི་བཻ་ཌཱུར་དྭངས་པའི་ཨ་དར་ཤ།<br /> |fulltitle=rgyal bka' rin po che gangs ljongs su 'gyur ro cog las ji tsam thob pa'i yi ge mdzes pa'i gzugs brnyan 'bum bkra'i bai DUr dwangs pa'i a dar sha<br /> |citation=[[Khyentse, Dilgo]]. ''Rgyal bka' rin po che gangs ljongs su 'gyur ro cog las ji tsam thob pa'i yi ge mdzes pa'i gzugs brnyan 'bum bkra'i bai DUr dwangs pa'i a dar sha''. In ''Skyabs rje dil mgo mkhyen brtse rin po che'i bka' 'bum'', Vol. 24: 1-98. Delhi: Shechen Publications, 1994.<br /> |collectiontitletib=དིལ་མགོ་མཁྱེན་བརྩེ་བཀའ་འབུམ།<br /> |collectiontitle=dil mgo mkhyen brtse bka' 'bum<br /> |author=Khyentse, Dilgo<br /> |authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་<br /> |tibgenre=Records of Teachings Received - thob yig - gsan yig<br /> |terma=No<br /> |dkroutline=Ten<br /> |volumenumber=024<br /> |volnumtib=༢༤<br /> |volyigtib=ཡ་<br /> |totalvolumes=25<br /> |textnuminvol=001<br /> |pagenumbers=1-98<br /> |totalpages=196<br /> |beginfolioline=1a<br /> |endfolioline=98b2<br /> |totalfolios=98<br /> |multivolumework=No<br /> |rectonotes=gsan yig<br /> |versonotes=bka' 'gyur<br /> |colophontib=།དེ་ལྟར་རྒྱལ་བའི་བཀའ་འགྱུར་རིན་པོ་ཆེ་འཇམ་མགོན་རྡོ་རྗེ་འཆང་གུ་ཎའི་བར་གོང་བཞིན་ནོ། །དེ་དག་གིས་ལེགས་པར་ཐོབ་པའི་ཚུལ་རྒྱས་པར་སྨོས་ཟིན་ལ་གོང་གི་ལུང་རྒྱུན་མེད་པ་རྣམས་མཆན་བུ་ལྟར་རིང་བརྒྱུད་མི་བཞུགས་ཀྱང༌། རྗེ་ཟུར་མང་དྲུང་པ་རིན་པོ་ཆེ་ཀརྨ་ཆོས་ཀྱི་ཉིན་བྱེད་དེ་ཉིད་ཀྱི་བཀའ་འགྱུར་དག་ཚར་གསུང་སྐབས། སྟོན་པ་རྫོགས་པའི་སངས་རྒྱས་ཀྱི་ཞལ་སྔ་ནས་བཀའ་འགྱུར་གསལ་དག་ཆ་ཚང་གསན་པའི་དག་སྣང་བྱུང་བ་ཡིན་པས། སླད་བཀའ་འགྱུར་ནང་གང་བཞུགས་ཐམས་ཅད་ཀྱི་ལུང་རྒྱུན་བསྩལ་གནང་མཛད་པ་བཞིན། རྗེ་དེ་ཉིད་ནས་ལྷ་ཐོག་དཀར་ལེགས་བླ་མ་ཀརྨ་ལྷུན་གྲུབ་ཀྱི་གསན། དེ་ལས་འདན་དཀར་པོ་ནང་དུ་རང་ཉིད་བཅད་རྒྱར་གནས་སྐབས་སྒྲ་གསལ་དག་སྙན་གསུམ་དང་ལྡན་པའི་སྒོ་ནས་ཉེ་རིང་ཆུ་བོ་གཅིག་འདྲེས་ཀྱི་ཚུལ་དུ། ལེགས་པར་ནོད་པའི་སྐལ་བཟང་ཉམས་སུ་མྱོང་ངོ༌། །སླར་སྨྲས་པ། བསྐལ་བཟང་རྣམ་འདྲེན་བཞི་པའི་ལེགས་གསུང་བཀའ། །གངས་རིའི་ལྗོངས་འདིར་འགྱུར་རོ་ཅོག་གི་ཚོགས། ཉེ་དང་རིང་བརྒྱུད་མ་ཉམས་དེང་འདིར་ཡང༌། །ཐོབ་པའི་སྐལ་བཟང་འདི་ཀོ་ཨེ་མ་རྨད། །བཀའ་འགྱུར་རོ་ཅོག་ཐོབ་པའི་ཚུལ་ཅུང་ཟད་བསྡུས་ཏེ་བཀོད་པ་རེ་ཞིག་རྫོགས་སོ།།<br /> |colophonwylie=/de ltar rgyal ba'i bka' 'gyur rin po che 'jam mgon rdo rje 'chang gu Na'i bar gong bzhin no/__/de dag gis legs par thob pa'i tshul rgyas par smos zin la gong gi lung rgyun med pa rnams mchan bu ltar ring brgyud mi bzhugs kyang*/_rje zur mang drung pa rin po che karma chos kyi nyin byed de nyid kyi bka' 'gyur dag tshar gsung skabs/_ston pa rdzogs pa'i sangs rgyas kyi zhal snga nas bka' 'gyur gsal dag cha tshang gsan pa'i dag snang byung ba yin pas/_slad bka' 'gyur nang gang bzhugs thams cad kyi lung rgyun bstsal gnang mdzad pa bzhin/_rje de nyid nas lha thog dkar legs bla ma karma lhun grub kyi gsan/_de las 'dan dkar po nang du rang nyid bcad rgyar gnas skabs sgra gsal dag snyan gsum dang ldan pa'i sgo nas nye ring chu bo gcig 'dres kyi tshul du/_legs par nod pa'i skal bzang nyams su myong ngo*/__/slar smras pa/_bskal bzang rnam 'dren bzhi pa'i legs gsung bka'/_/gangs ri'i ljongs 'dir 'gyur ro cog gi tshogs/_nye dang ring brgyud ma nyams deng 'dir yang*/_/thob pa'i skal bzang 'di ko e ma rmad/_/bka' 'gyur ro cog thob pa'i tshul cung zad bsdus te bkod pa re zhig rdzogs so//<br /> |pdflink=File:DKR-KABUM-24-YA-001.pdf<br /> }}<br /> {{Header}}<br /> &lt;h1 style=&quot;font-size: 24px !important;&quot;&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|༄༅། །རྒྱལ་བཀའ་རིན་པོ་ཆེ་གངས་ལྗོངས་སུ་འགྱུར་རོ་ཅོག་ལས་ཇི་ཙམ་ཐོབ་པའི་ཡི་གེ་མཛེས་པའི་གཟུགས་བརྙན་འབུམ་བཀྲའི་བཻ་ཌཱུར་དྭངས་པའི་ཨ་དར་ཤ་བཞུགས་སོ།།&lt;br&gt;&lt;br&gt;<br /> ༄༅། །སྟོབས་བཅུའི་ལང་ཚོ་དཔལ་དུ་འབར་བའི་མཛེས་སྡུག་གིས། སྲིད་ཞིའི་ཆོས་ཚུལ་བགྲངས་ཡས་རི་དྭགས་མིག་ཅན་ཡིད། །དབང་མེད་འགུགས་པའི་རྨད་བྱུང་སྒྱུ་མའི་རོལ་རྩལ་ཅན། མི་མཇེད་ཞིང་གི་འདྲེན་པ་མཚུངས་མེད་དེས་ལ་འདུད། །པྲེ་ཏ་པུ་རིའི་མིང་གིས་སྨ་ཕབ་བྱང་ཕྱོགས་མུན་པའི་སྨག་རུམ་དུ། །བསྟན་པའི་སྒྲོན་མེ་གསར་དུ་འདྲེན་པའི་ཐུགས་བསྐྱེད་སྐྱ་རེངས་དང་པོ་ཡིས། །རིན་ཆེན་གསུམ་གྱི་སྣང་བའི་གོ་འབྱེད་རིགས་གསུམ་རྣམ་རོལ་མེས་དབོན་གསུམ། །བཀའ་དྲིན་བསམ་གྱིན་སྒོ་གསུམ་གུས་པའི་དད་ཕྱག་བརྩེགས། །གངས་ཅན་ཐོག་མའི་མཆོད་གནས་གཅིག་པུ་འདུལ་བའི་སྲོལ་གཏོད་ཞི་བ་འཚོ། །སྟོབས་བཅུའི་རྩལ་གྱིས་ལོག་འདྲེན་བདུད་འདུལ་གྲུབ་བརྒྱའི་མེས་པོ་པདྨ་འབྱུང༌། །འཇའ་ལུས་རྡོ་རྗེའི་ལམ་སྟོན་མཚུངས་མེད་པཎ་ཆེན་བི་མ་མི་ཏྲ་དང༌། །སྐ་ཅོག་ཞང་སོགས་བསྟན་པའི་སྲོལ་འབྱེད་ལོ་པཎ་ཚོགས་རྣམས་སྤྱི་བོར་མཆོད། །གང་ལ་བརྟེན་ན་སྡུག་བསྔལ་རྒྱུར་བཅས་དྲུང་འབྱིན་ཞིང༌། །གང་འདོད་བདེ་དགེ་མི་ཟད་ཡིད་བཞིན་རྟག་འཇོ་བའི། །གང་ཞིག་སྔོན་མེད་ས་བརྟོལ་ལྗོན་བཟང་དམ་པའི་ཆོས། །གང་ལ་དངོས་པོ་ཀུན་གྱིས་རབ་ཏུ་གུས་པས་འདུད། །མ་ལུས་འགྲོ་ལ་བུ་གཅིག་ལྟར་བརྩེ་སྲས་བཅས་རྒྱལ་བའི་ཐུགས་རྗེ་ཡིས། །གདུལ་བྱའི་སྤྱོད་ཡུལ་མ་གྱུར་ཤིན་དུ་གདུལ་དཀའ་སྙིགས་དུས་བྱིས་པ་རྣམས། །ཐབས་མཁས་ཐུགས་རྗེའི་ཕྱག་གིས་ཉེར་བླངས་བྱམས་པའི་ནུ་ཞོ་ཁར་བླུད་ཅིང༌། །སྐུ་བཞིའི་རྒྱལ་ཐབས་ཕ་ཕོག་སྦྱིན་མཛད་བཤེས་གཉེན་ཚོགས་རྣམས་ཅིས་མི་གུས། །གང་གི་ཚད་མེད་ཐུགས་རྗེའི་འཇུག་པ་ལས། །ཟབ་རྒྱས་གདམས་པའི་བདུད་རྩི་བགོ་སྐལ་གྱིས། །སྐལ་བཟང་བློ་གྲོས་བུམ་པ་འགེངས་བྱས་པའི། །བཀའ་དྲིན་རྗེས་དྲན་ཡིད་ཀྱིས་ཕྱག་འཚལ་ནས། །གང་ཞིག་རྨད་བྱུང་ཆོས་ཀྱི་དབྱིག་མཛོད་ལས། །སྐལ་བཟང་བཙས་སུ་ཐོབ་པའི་ཟེགས་ཕྲེང་རྣམས། །ཅུང་ཟད་རྒྱུ་མཚན་ཤེས་པའི་བློ་གྲོས་ཀྱིས། ཐོབ་ཚུལ་བསྐྱུད་བྱང་མགུལ་པའི་རྒྱན་དུ་སྤེལ། །དེ་ཡང་ནང་པ་སངས་རྒྱས་པའི་ཆོས་ཚུལ་མཐའ་ཡས་རྒྱ་མཚོ་ལྟར་ཟབ་ཅིང་རྒྱ་ཆེ་ལ་བསམ་གྱིས་མི་ཁྱབ་པར་བཞུགས་པ་ཐམས་ཅད་ཀྱི་རྩ་བ་འམ། རྒྱལ་བའི་གསུང་རབ་རིན་པོ་ཆེ། བཀའ་ཡང་དག་པའི་སྐོར། བོད་ཀྱི་བརྡ་སྐད་དུ་འགྱུར་རོ་ཅོག་རྣམས་ཐོག་མར་མདོ་སྡེ་བསྐལ་པ་བཟང་པོ་ནས་དབུ་བརྩམས་ཏེ་ཐོབ་ཚུལ་དངོས་ལ། དེ་ཡང་བདག་ཅག་གི་སྟོན་པ་རྫོགས་པའི་སངས་རྒྱས་དེ་ཉིད། གྲངས་མེད་བསྐལ་པའི་ཕ་རོལ་ནས་སྤང་རྟོགས་ཀྱི་ཡོན་ཏན་རྒྱ་མཚོའི་ཕ་མཐར་སོན་ཀྱང༌། རིམ་གྱིས་མངོན་པར་བྱང་ཆུབ་པའི་ཚུལ་བསྟན་ནས། གདུལ་བྱའི་ཁམས་དབང་བསམ་པ་དང་མཐུན་པའི་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལ་སོགས་པ་བསམ་གྱིས་མི་ཁྱབ་པར་བསྟན་པ་ཡང༌། རྒྱུ་མཚན་ཉིད་ཀྱི་ཐེག་པ་ཆོས་འཁོར་རིམ་པ་གསུམ་ཞེས་གྲགས་པའི། བཀའ་དང་པོ་བདེན་པ་བཞིའི་ཆོས་འཁོར་གྱི་ནང་ཚན། བསླབ་པ་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པ། དམ་ཆོས་འདུལ་བའི་གཞུང་ཤློ་ཀ་ཆིག་འབུམ་བཞི་སྟོང་བརྒྱད་བརྒྱ། བཀའ་བར་པ་མཚན་ཉིད་མེད་པའི་ཆོས་འཁོར་གྱི་ནང་ཚན་ཡུམ་ཆེན་མོ་རྒྱས་པ་བྱེ་བ་བརྒྱ་པ། འབྲིང་པོ་འབུམ་ཕྲག་བརྒྱ་པ། འཕགས་པ་དཀོན་མཆོག་སྤྲིན་ཆེན་པོའི་མདོ་ལེའུ་འབུམ་པ་སོགས་དང༌། ངེས་དོན་བདེ་བར་གཤེགས་པའི་སྙིང་པོ་གསལ་བ་འཁོར་ལོ་ཐ་མའི་ནང་ཚན། དམ་ཆོས་དཀོན་མཆོག་བརྩེགས་པ་ལེའུ་སྟོང་ཕྲག་བརྒྱ་པ། སངས་རྒྱས་ཕལ་པོ་ཆེ་གཞུང་ཚད་འབུམ་པ་སོགས་དང༌། འབྲས་བུ་རྡོ་རྗེ་ཐེག་པ་ལ་ཡང་དཔལ་དུས་ཀྱི་འཁོར་ལོ་རྩ་རྒྱུད་སྟོང་ཕྲག་བཅུ་གཉིས། ཧེ་རུ་ཀ་པ་མངོན་པར་འབྱུང་བའི་རྒྱུད་འབུམ་ཕྲག་གསུམ་པ། ཀྱཻ་རྡོར་རྩ་རྒྱུད་འབུམ་ཕྲག་བདུན་པ། དཔལ་གསང་བ་འདུས་པ་སྟོང་ཕྲག་གཅིག་པ། འཇིག་བྱེད་ཆེན་པོ་རྒྱུད་འབུམ་པ། སངས་རྒྱས་ཐམས་ཅད་དང་གཉིས་སུ་མེད་པ་དཔལ་སྒྱུ་འཕྲུལ་དྲྭ་བ་ཆེན་པོ་ལེའུ་སྟོང་ཕྲག་བརྒྱ་པ། རང་བཞིན་རྫོགས་པ་ཆེན་པོའི་རྒྱུད་འབུམ་ཕྲག་དྲུག་བཅུ་རྩ་བཞི་སོགས་སུ་བཞུགས་པར་གྲགས་པ་ལས། བྱང་ནས་བྱང་དུ་དར་བར་སྟོན་པ་ཉིད་ཀྱིས་ལུང་བསྟན་པ་བཞིན། གངས་ལྗོངས་བོད་ཀྱི་ཡུལ་འདིར་སྤྲུལ་པའི་ཆོས་རྒྱལ་མེས་དབོན་གསུམ་གྱི་ཐུགས་བསྐྱེད་སྐྱ་རེངས་དང་པོས་ཉེ་བར་བསུས་ཏེ། རིག་གསུམ་རྣམ་སྤྲུལ་མཁན་སློབ་ཆོས་རྒྱལ་རྣམ་གསུམ་དང༌། པཎ་ཆེན་བི་མ་ལ་སོགས་ལོ་པཎ་བྱང་ཆུབ་སེམས་དཔའི་ཚོགས་ཀྱི་ཐུགས་རྗེ་དང༌། ཡེ་ཤེས་ཀྱི་སྣང་བ་སྟོང་གིས་ཐོག་མེད་ལུས་པའི་སྨག་རུམ་དྲུང་ནས་ཕྱུངས་ཏེ། དམ་པ་ཆོས་ཀྱི་སྣང་བ་དཀར་འཇམ་ཡུག་གཅིག་ཏུ་བརྡལ་བ་ལས། གངས་ཅན་པའི་སྐད་དང་བརྡར་གྲགས་པའི་རྒྱལ་བའི་གསུང་རབ་ཇི་སྙེད་མཆིས་པ་ཀུན་ལྷན་གཅིག་ཏུ་བསྡུས་པ་བཀའ་འགྱུར་རིན་པོ་ཆེ་ཞེས་ཡོངས་སུ་གྲགས་པར་གྱུར་ལ། དེ་ལའང་ནང་གསེས་མདོར་བསྡུས་ཏེ་དབྱེ་ན་རྒྱུ་མཚན་ཉིད་ཀྱི་ཐེག་པ་དང་འབྲས་བུ་རྡོ་རྗེའི་ཐེག་པ་གཉིས་སུ་ཡོད་པ་ལས། དང་པོ་ལ། བཀའ་འཁོར་ལོ་དང་པོར་གཏོག་པ་འདུལ་བ་ལུང་གི་སྐོར། འཁོར་ལོ་བར་པ་ཤེར་ཕྱིན་གྱི་སྐོར། འཁོར་ལོ་ཐ་མའི་མདོ་བཞུགས་ཚོགས་ཆེ་བའི་སྐོར། མདོ་མང་ཞེས་གྲགས་པའི་ཐེག་པ་ཆེ་ཆུང་ཅི་རིགས་ཕྱོགས་གཅིག་ཏུ་བསྒྲིགས་པའི་སྐོར་དང་བཞི་ལས། དང་པོ་འདུལ་བ་ལུང་སྡེ་བཞི་སྟེ། ལུང་གི་གཞི་སོ་ཐར་གྱི་མདོ་དང་རྣམ་དབྱེ། ཕྲན་ཚེགས། གཞུང་བླ་མའམ་དམ་པའོ། ༌།བཀའ་དང་པོ་འདུལ་བ་གཞི་ལ་ཤློ་ཀ་སུམ་ཁྲི་ཉིས་སྟོང་བདུན་བརྒྱ། བམ་པོ་བརྒྱ་དང་དགུ་བཞུགས་པའི་ཐོག་མར། ༼ཀ༽ པ་ལ། རབ་བྱུང་གི་གཞི། གསོ་སྦྱོང་གི་གཞི། དགག་དབྱེའི་གཞི། དབྱར་གྱི་གཞི། ཀོ་ལྤགས་ཀྱི་གཞིའི་སྟོད་ཆ་བཅས་བམ་པོ་དང་པོ་ནས་ཉེར་གཅིག་བར། ༼ཁ༽ པ་ལ། ཀོ་ལྤགས་ཀྱི་སྨད་དང༌། སྨན་གྱི་གཞིའི་སྟོད་ཆ་བཅས། བམ་པོ་ཉེར་གཉིས་ནས་ང་བཞིའི་བར། ༼ག༽ པ་ལ། སྨན་གྱི་གཞིའི་འཕྲོས་སྨད་ཆ་ནས། གོས་ཀྱི་གཞི། སྲ་བརྐྱང་གི་གཞི། ཀོ་ཤམ་བྷའི་གཞི། ལས་ཀྱི་གཞི། དམར་སེར་ཅན་གྱི་གཞི། གང་ཟག་གི་གཞི། སྤོ་བའི་གཞི། གསོ་སྦྱོང་གི་གཞི། གནས་མལ་གྱི་གཞི། རྩོད་པའི་གཞི། དབྱེན་གྱི་གཞིའི་སྟོད་ཆ་བཅས། བམ་པོ་ང་ལྔ་ནས་གྱ་གཉིས་བར། ༼ང༽ པ་ལ། དབྱེན་གྱི་གཞིའི་མཇུག་བམ་པོ། གྱ་གསུམ་ནས། བརྒྱ་དང་དགུས་རྫོགས་བར་པཎྜི་ཏ་སརྦ་ཛྙཱ་དཱེ་ཝ་དང༌། བིདྱཱ་ཀ་ར་པྲ་བྷ་དང༌། དྷརྨཱ་ཀ་ར། བོད་ཀྱི་ལོ་ཙཱ་བ་དཔལ་གྱི་ལྷུན་པོས་བསྒྱུར་ཅིང༌། སླད་ཀྱི་པཎྜི་ཏ་བིདྱཱ་ཀ་ར་པྲ་བྷ་དང༌། ལོ་ཙཱ་བ་བནྡྷེ་དཔལ་བརྩེགས་ཀྱིས་གཏན་ལ་ཕབ་པ། ༼ཅ༽ པ་ལ། དགེ་སློང་ཕའི་ཁྲིམས་ཉིས་བརྒྱ་ལྔ་བཅུ་རྩ་གསུམ་མདོར་བསྡུས་ཏེ་བསྟན་པ། སོ་སོ་ཐར་པའི་མདོ་ཤློ་ཀ་བདུན་བརྒྱ། བམ་པོ་གཉིས་པ། ཁ་ཆེ་བྱེ་བྲག་སྨྲ་བའི་སློབ་དཔོན་ཛི་ན་མི་ཏྲ་དང༌། ཞུ་ཆེན་གྱི་ལོ་ཙཱ་བ་བནྡེ་ཀླུའི་རྒྱལ་མཚན་གྱིས་གཏན་ལ་ཕབ་པ། དེའི་དོན་རྒྱ་ཆེར་སྟོན་པའི་རྣམ་འབྱེད་ལ་ཤློ་ཀ་ཉི་ཁྲི་བཞི་སྟོང་དགུ་བརྒྱ་དང་གསུམ་ལས། ཕམ་པ་བཞི་དང༌། ལྷག་མ་བཅུ་གསུམ་ནས་དབྱེན་གྱི་བར་ལ། བམ་པོ་དང་པོ་ཉེར་གཅིག་བར། ༼ཆ༽ པ་ལ། དབྱེན་ནས་མ་ངེས་པའི་ཆོས་གཉིས། སྤང་ལྟུང་སུམ་ཅུ། ལྟུང་བྱེད་འབའ་ཞིག་པ་དགུ་བཅུ་ལས། སྐྱེ་བ་འཇིག་པ་ཡན། བམ་པོ་ཉེར་གཉིས་ནས་ཞེ་བཞིའི་བར། ༼ཇ༽ པ་ལ། འཕྱ་བའི་ལྟུང་བྱེད་ནས། བདུན་ཅུ་དོན་གཉིས་པ་ཉི་ཤུ་མ་ལོན་པ་བསྙེན་པར་རྫོགས་པའི་ལྟུང་བྱེད་ཡན། བམ་པོ་ཞེ་གསུམ་ནས་རེ་གཉིས་པར། ༼ཉ༽ པ་ལ། བདུན་ཅུ་གསུམ་པ་བརྐོ་བའི་ལྟུང་བྱེད་མན་དང༌། སོར་བཤགས་བཞི། བསླབ་བྱའི་ཆོས་མང་པོ། རྩོད་པ་ཞི་བར་བྱེད་པའི་ཆོས་བདུན་རྣམས། བམ་པོ་རེ་གསུམ་ནས་བརྒྱ་དང་གསུམ་རྫོགས་བར། སརྦ་ཛྙཱ་དཱེ་ཝ་དང༌། བིདྱཱ་ཀ་ར་པྲ་བྷ་དང༌། ལོ་ཙཱ་བ་དཔལ་གྱི་ལྷུན་པོས་བསྒྱུར་བ། སླད་བིདྱཱ་ཀ་ར་པྲ་བྷ་དང༌། དཔལ་བརྩེགས་ཀྱིས་གཏན་ལ་ཕབ་པ། ༼ཏ༽ པ་ལ། དགེ་སློང་མའི་ཁྲིམས་སུམ་བརྒྱ་དྲུག་ཅུ་རྩ་བཞི་བསྡུས་ནས་སྟོན་པ། སོ་སོ་ཐར་པ་ཤློ་ཀ་བརྒྱ་དང་བམ་པོ་གཉིས་པ་བསྒྱུར་བྱེད་ལོ་པཎ་གོང་དང་འདྲ། དེའི་དོན་རྒྱས་པར་སྟོན་པ་རྣམ་འབྱེད་ཤློ་ཀ་བརྒྱད་སྟོང་བཞི་བརྒྱ་བམ་པོ་ཉི་ཤུ་རྩ་བརྒྱད་པ། པཎྜི་ཏ་སརྦ་ཛྙཱ་དཱེ་ཝ་དང༌། དྷརྨཱ་ཀ་ར་བིདྱཱ་ཀ་ར་པྲ་བྷ་དང༌། ལོ་ཙཱ་བ་དཔལ་གྱི་ལྷུན་པོས་བསྒྱུར་ཅིང༌། སླད་བིདྱཱ་ཀ་ར་དང༌། དཔལ་བརྩེགས་ཀྱིས་གཏན་ལ་ཕབ་པ། ༼ཐ༽ པ་ལ། ཕྲན་ཚེགས་སྒོ་བརྒྱད་ཀ་རྫོགས་པ་ཤློ་ཀ་ཆིག་ཁྲི་བདུན་སྟོང་བདུན་བརྒྱ། བམ་པོ་ལྔ་བཅུ་རྩ་དགུ་ཡོད་པར། བམ་པོ་ཉེར་བདུན་བར། སྟོད་སྨད་ཀུན་ལ་གཏུག་ཅིང་འདུལ་འཛིན་བྱང་སེང་དང༌། ཕྱིས་མཆིམས་ཆུང་སོགས་ཀྱི་བསྡུས་ཤིང༌། སྔ་ཕྱི་བསྡོམས་བུ་སྟོན་ཐམས་ཅད་མཁྱེན་པས་ཞུ་དག་མཛད་པ། ༼ད༽ པ་ལ། བམ་པོ་ཉེར་བརྒྱད་ནས་ང་དགུ་བར་པཎྜི་ཏ་བིདྱཱ་ཀ་ར་པྲ་བྷ་དང༌། དྷརྨ་ཤྲཱི་པྲ་བྷ་དང༌། དཔལ་བརྩེགས་ཀྱིས་གཏན་ལ་ཕབ་པ། ༼ན༽ པ་ལ། གཞུང་བླ་མའི་ཞུ་བ་མ་རྫོགས་པ་ཤློ་ཀ་བདུན་སྟོང་བདུན་བརྒྱ། བམ་པོ་བཅུ་གཉིས་པ། བནྡེ་ཀླུའི་རྒྱལ་མཚན་སོགས་ཀྱིས་བསྒྱུར་བ། ཞུ་བ་རྫོགས་པ་ཤློ་ཀ་ཆིག་ཁྲི་ལྔ་སྟོང་དགུ་བརྒྱ་དང༌། བམ་པོ་ལྔ་བཅུ་ང་གསུམ་ཡོད་པ་འགྱུར་གོང་འདྲ། བམ་པོ་ཉེར་གཉིས་བར། ༼པ༽ པ་ལ། སྔ་མའི་འཕྲོས་བམ་པོ་ཉེར་གསུམ་ནས་ལྔ་བཅུ་རྩ་གསུམ་གྱིས་རྫོགས་པའི་བར་འགྱུར་གོང་དང་འདྲ་བར་བཞུགས་ཏེ། གཞུང་བླ་མ་དང༌། དམ་པ་འདི་རྣམས་ཡོངས་རྫོགས་མ་ཚང་ཞིང༌། ཚིག་ཀྱང་འདྲ་མིན་སྣ་ཚོགས་སྣང་བ་ལོ་རྒྱུས་ལྟར་ན། འཕགས་ཡུལ་དུ་མུ་སྟེགས་ཀྱི་རྒྱལ་པོ་རྒྱལ་བཤེས་ཀྱི་རྒྱ་བལ་བསྟན་པ་ལ་གནོད་པ་བྱས་དུས་གླེགས་བམ་ཕལ་ཆེར་མེས་ཚིག་པའི་ཁྲོད་ནས་གཞུང་བླ་མ་དུམ་བུར་རྙེད་པ་དང༌། ཡུལ་དབུས་ཀྱི་དགེ་སློང་འགའ་ཞིག་གི་བློ་ལ་བཞུགས་པ། གྲོང་ཁྱེར་བཅོམ་བླག་ཏུ་བསྡུ་བ་མཛད་པའི་ཞུ་བ་མ་རྫོགས་པ་དང༌། ཞུ་བ་རྫོགས་པ་ཁ་ཆེའི་དགེ་སློང་ཞིག་གིས་བློ་ལ་བཏོན་པ་ལྟར་བྲིས་པ་ལ་མ་དག་པ་ཡོད་ཅེས་གྲགས་ཤིང༌། དེ་ལྟར་འདུལ་བའི་སྐོར་ལ་ལུང་སྡེ་བཞིའི་དང་པོ་སོ་ཐར་གྱི་མདོ་གཉིས་བཅས་གཅིག་ཏུ་དྲིལ་བའི་གཞུང་ཚད་བམ་པོ་སུམ་བརྒྱ་ཞེ་བཞི་སུམ་ཆ་བཅས་ལ་ཤློ་ཀ་ཆིག་འབུམ་བཞི་སྟོང་བརྒྱད་བརྒྱ་ཡོད་པ་གླེགས་བམ་བཅུ་གསུམ་དུ་བྱས་པ་ཇི་ལྟར་ཐོབ་པའི་བརྒྱུད་པ་ནི། སམྱཀྶཾ་བུདྡྷ། མ་ཧཱ་ཀཱ་ཤོ། ཨ་ནནྟ། ཤཱ་ན་ཝསྲཾ་བ། ཨུ་པ་གུཔྟ། བྷ་ཝཱ་ནནྟ། རྡོ་རྗེ་གདན་པའི་གསན་ཡིག་ཏུ་དྷི་ཏི་ཀ་མཆན། མེ་ཙཱ་ཀ པུརྞ་སྡེ་དགྲ་བཅོམ་པ་བདུན། ཨཱ་ཙརྻ་ཨ་ཤྭ་གྷོ་ཥ། ཀུ་མཱ་ར་ལ་ལཱི་ཏ། ཤྲཱི་མ་ཏི། ཧ་རི་བྷ་དྲ། ཤུ་ར་བ་བ་སུ་མི་ཏྲ། བ་སུ་ལི་སྟེ་རྒྱ་གར་ཡུལ་དབུས་ཀྱི་པཎྜི་ཏ་བདུན། སཾ་གྷ་བྷ་དྲ། ཨི་ཤྭ་ར། ཀནྡྷ་ལི། སཾ་གྷ་བ་སུ། པུརྞ་མི་ཏྲ། དྷརྨ་དཏྟ། བུདྡྷ་དཱེ་ཝ། དྷ་ར་དཏྟ་སྟེ་ཁ་ཆེའི་པཎྜི་ཏ་བརྒྱད། པུཎྱེ་ཡེ་ན། སཾ་གྷ་སེ་ན། པུཎྱཱེ་ནནྟ། ཛྙཱ་ན་ཙནྡྲ། ཛྙཱ་ན་སོ་མ། ཨ་ཤྭ་རཀྵི་ཏ། སརྦ་རཀྵི་ཏ། དྷརྨ་ཀོ་ཥ། དྷརྨ་རཀྵི་ཏ། ཀ་ལྱ་ཎ་རཀྵི་ཏ། པྲཛྙཱ་རཀྵི་ཏ། ཤྲཱི་མངྒོ་པ་དེ་ཤ། མོཀྵ་རཀྵི་ཏ། བི་ཛི་ན་པྲ་བྷ་ཝ། ཨ་མྲྀ་ཏ་ཝརྨ། པྲ་བྷ་ཀཱ་ར་སེ་ན། པྲ་ནཱ་ཀཱ་ར་སེ་ན། ཨི་དི་དྱ་སེ་ན། མགྒོ་པ་དེ་ཤ། སཾ་གྷ་སེ་ན་སྟེ་ཡུ་གུར་གྱི་སློབ་དཔོན་ཉི་ཤུ། ཤཱི་ལ་དཱ་པ། ཡ་ཤ་དཱ་པ། བུདྡྷ་དཱ་པ། ཤཀྵི་བྷ་དྲ། གུ་ཎ་སོ་མ། ཨ་ཤྭ་ཀ་མི་ཏྲ། ཤུ་ལ་མི་ཏྲ། ཤཱཀྱ་མི་ཏྲ་སྟེ་ཁུ་དབོན་སེན་གྱི་སློབ་དཔོན་བརྒྱད། དེ་ནས་ཀ་ཡོལ་ཤཱི་ལ་མི་ཏྲ། བོད་ཀྱི་བཤེས་གཉེན་དབུས་པ་བློ་གསལ་སངས་རྒྱས་འབུམ། དགའ་ལྡན་བཀྲ་ཤིས་དཔལ། སློབ་དཔོན་ཚུལ་ཁྲིམས་བཤེས་གཉེན། སྐྱོ་ལུང་མཁན་པོ་ཐམས་ཅད་མཁྱེན་པ། ཡང་དབེན་ཐམས་ཅད་མཁྱེན་པ། ཐང་ཆེན་འདུལ་འཛིན་པ། མཁན་པོ་རིན་ཆེན་བཟང་པོ། ཁུ་སྟོན་བཀྲ་ཤིས་དཔལ་བཟང༌། ཆོས་སྒོ་བ་ཤཱི་ལ་བྷ་དྲ། གུ་རུ་སེང་གེའི་མཚན་ཅན། ཚལ་གྲགས་སྟོན་པ་རྗེ་ཤཱཀྱ་རྒྱལ་མཚན། ཐུ་སྟོན་རྡོ་རྗེ་གདན་པ། ཆག་ལོ་རིན་ཆེན་ཆོས་རྒྱལ། ཚོགས་མཁན་ཆོས་འགྲུབ་སེང་གེ །དོལ་ཆོས་འཁོར་སྒང༌། ཆོས་རྗེ་རྣམ་པར་རྒྱལ་བ། ཚོགས་མཁན་རིན་ཆེན་ཀུན་ལྡན། འདུལ་འཛིན་རྡོ་རྗེ་གྲགས་པ། ཡོངས་འཛིན་དགེ་འདུན་ལེགས་གྲུབ། ཁུ་སྟོན་ངག་དབང་རྣམ་རྒྱལ། བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། རྡོར་བྲག་རིག་འཛིན་པདྨ་ཕྲིན་ལས། ཡར་ཀླུང་པ་བཀའ་ཆེན་ངག་དབང་རབ་བརྟན། གྲུབ་དབོན་ངག་དབང་བསྟན་འཛིན་ཕུན་ཚོགས། གྲྭ་ཐང་མཁན་ངག་དབང་ཀུན་དགའ། མཁྱེན་བརྩེའི་དབང་ཕྱུག །འགྱུར་མེད་བཀྲ་ཤིས་རྒྱ་མཚོ། རྡོར་འཛིན་མཁན་པོ། རྗེ་འགྱུར་མེད་མཐུ་སྟོབས་རྣམ་རྒྱལ། འཇམ་མགོན་རྡོ་རྗེ་འཆང་པདྨ་གར་དབང་བློ་གྲོས་མཐའ་ཡས་ཀྱི་གསན། དེ་ནས་དཔལ་སྤུངས་རྫ་དགེ་བླ་མ་བཀྲ་ཤིས་ལྷ་དར་གྱིས་གསན། དེ་ལས་ཟུར་མང་དྲུང་པ་རིན་པོ་ཆེ་ཀརྨ་ཆོས་ཀྱི་ཉིན་བྱེད། དེ་ལས་བླ་མ་ཀརྨ་ལྷུན་གྲུབ། དེ་ལས་བདག་མངྒ་ལར་ཐོབ་པའོ། །ཡང་ན་རིག་འཛིན་པདྨ་ཕྲིན་ལས་ནས། རབ་འབྱམས་ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་ཀྱི་འབྱུང་གནས། རྒྱལ་དབང་བདུད་འདུལ་རྡོ་རྗེ། ཀརྨ་ཐེག་མཆོག་བསྟན་འཕེལ། འཇམ་མགོན་རྡོ་རྗེ་འཆང་པདྨ་གར་དབང་བློ་གྲོས་མཐའ་ཡས་མན་གོང་ལྟར་རོ། །ད་ནི་ཆོས་འཁོར་གསུམ་གྱི་བཀའ་བར་པ་མཚན་ཉིད་མེད་པའི་ཆོས་འཁོར་རམ་མ་མོའམ་ཤེས་རབ་ཀྱི་བསླབ་པ་གཙོ་བོར་བསྟན་པ་སྟོན་པ་ཐུགས་རྗེ་ཅན་གྱིས་བཀའ་འཁོར་ལོ་བར་པ་བཀའ་བསྩལ་པ་ཉིད་འཕགས་ཡུལ་དུ་བསྟན་པ་འཕེལ་འགྲིབ་དབང་གིས། བསྟན་པ་ལ་དགྲ་ལན་གསུམ་དུ་བྱུང་བར་བཤད་ཅིང༌། གངས་རིའི་ལྗོངས་སུ་བསྟན་པ་སྔ་དར་གྱི་དུས་སུ་རྒྱལ་བློན་བྱང་ཆུབ་སེམས་དཔའི་ཐུགས་བསྐྱེད་ཀྱི་མཐུས་འཕགས་ཡུལ་དུ་རྒྱུན་བཞུགས་སོ་འཚལ་གྱི་བཀའ་དང་བསྟན་བཅོས་ཕལ་ཆེར་བསྒྱུར་མོད་ཀྱང༌། བཀའ་ཐ་མའི་ཕྱོགས་ཀྱི་མངོན་པ་ནི་ཆེར་མ་འགྱུར་ཞིང༌། བཀའ་བར་པའི་ཕྱོགས་སུ་གཏོགས་པ་ཤེས་རབ་ཀྱི་ཕ་རོལ་དུ་ཕྱིན་པའི་དོན་རྒྱ་ཆེར་བསྟན་པ་རྒྱལ་བའི་ཡུམ་རྒྱས་འབྲིང་བསྡུས་གསུམ་དུ་གྲགས་པའི་ཐོག་མར་ཡུམ་རྒྱས་པ་ཤེར་ཕྱིན་སྟོང་ཕྲག་བརྒྱ་པ། བམ་པོ་སུམ་བརྒྱ་དང་ལེའུ་བདུན་ཅུ་རྩ་གཉིས་ཡོད་པ། གླེགས་བམ་གྱི་གྲངས་བཅུ་དྲུག་དང་བཅུ་གཉིས་ཅི་རིགས་བཞུགས་ཀྱང༌། གངས་ལྗོངས་འདིར་རླངས་ཁམས་པ་གོ་ཆའི་ཐུགས་འགྱུར་དང༌། དབས་མཉྫུ་ཤྲཱི་དང༌། ཉང་ཨིནྡྲ་ཝ་རོས་རྒྱ་དཔེ་བླངས་ནས་འགྱུར་བ་དང༌། འཇིག་རྟེན་མིག་གཅིག་བཻ་རོ་ཙཱ་ནའི་འགྱུར་ཏེ་གཞི་འགྱུར་གསུམ་དང༌། ཉང་དང༌། ལྕེ་ཁྱི་འབྲུག །རྔོག་ལོ་གསུམ་གྱི་འགྱུར་བ་བཅས། འགྱུར་དྲུག་ཞུ་དག་གི་སི་ཏུའི་སྡེ་སྤར་ལྟར་ནོས་ཉི་ཁྲི་དང་ཁྲི་བརྒྱད་ལས་ཁ་བཀང་བའང་ནོས།པའི་བརྒྱུད་པ་ནི། རྫོགས་པའི་སངས་རྒྱས། རྗེ་བཙུན་བྱམས་པ་མགོན་པོ། འཕགས་པ་ཐོགས་མེད། དབྱིག་གཉེན། བློ་གྲོས་བརྟན་པ། རིག་པའི་ཁུ་བྱུག །འགྲེལ་མཛད་མཆེ་བའི་སྡེ། ཁ་ཆེ་བཟང་པོའི་ཞབས། མར་མེ་མཛད་བཟང་པོ། ཁ་ཆེ་ག་ཡཱ་དྷ་ར། པཎ་ཆེན་ཀ་ནི་ཀ་ཤྲཱི། པུཎྱེ་ཤྲཱི་མི་ཏྲ། ཁ་ཆེན་དགོན་པ་བ་སྤྱན་གཅིག །ཁ་ཆེ་དྷརྨ་ཤྲཱི། བ་རོག་ལོ་ཙཱ་བ་བསོད་ནམས་རྒྱལ་མཚན། དེ་སྲས་བ་རོག་སྟོན་སྐྱབས། དགེ་བསྙེན་དགའ་བ་རཱ་ཛ། བླ་མ་བཀྲ་ཤིས་རྡོ་རྗེ། བླ་མ་འོད་ཟེར་ཤེས་རབ། སྟག་སྟོན་སྤྱིལ་ཕུ་བ། བླ་མ་དར་མ་འོད་ཟེར། ཞང་ཆོས་ཀྱི་བླ་མ། ཇོ་བཙུན། སློབ་དཔོན་བསམ་གཏན་གྲུབ། འདུལ་འཛིན་སེའུ་པ་བློ་གྲོས་བཟང་པོ། མཉྫུ་གྷོ་ཥ་རཏྣ། འདུལ་འཛིན་གདན་གཅིག་པ་བློ་གྲོས་བྱང་ཆུབ་སློབ་དཔོན་ཤཱི་ལ་བྷ་དྲ། སློབ་དཔོན་བསོད་ནམས་སེང་གེ །ཚལ་རིན་ཆེན་གྲགས་དོན་པ། བླ་མ་རིན་ཆེན་གྲགས་པ། བཀའ་འགྱུར་བ་ཤཱཀྱ་རྒྱལ་མཚན། ཐུ་སྟོན་ཀུན་དགའ་རྣམ་རྒྱལ། སྲས་ཀུན་དགའ་རྒྱལ་པོ། འབུམ་རམས་པ་རིན་ཆེན་ཆོས་དབང༌། ཆོས་རྗེ་ཚུལ་ཁྲིམས་དབང་ཕྱུག །མང་ཐོས་ཆོས་རྒྱལ་དོན་འགྲུབ། སྤྱན་སྔ་བ་དཀོན་མཆོག་འབངས། རྒྱལ་ཚབ་གྲགས་པ་དོན་གྲུབ། བླ་མ་ཚོགས་གཉིས་དཔལ་གྲུབ། དྷི་ཚ་སྤྲུལ་སྐུ་འཇིག་རྟེན་དབང་ཕྱུག །ཁྲ་ཚང་པ་བློ་མཆོག་རྡོ་རྗེ། མགོན་པོ་བསོད་ནམས་མཆོག་ལྡན། རིག་འཛིན་པདྨ་ཕྲིན་ལས། བཀའ་ཆེན་ངག་དབང་རབ་བརྟན། ངག་དབང་བསྟན་འཛིན་ཕུན་ཚོགས། མཁན་ཆེན་མཁྱེན་བརྩེའི་དབང་ཕྱུག །འགྱུར་མེད་བཀྲ་ཤིས་རྒྱ་མཚོ། འགྱུར་མེད་བསྟན་འཛིན་ནོར་བུ། འགྱུར་མེད་མཐུ་སྟོབས་རྣམ་རྒྱལ། འཇམ་མགོན་རྡོ་རྗེ་འཆང་པདྨ་གར་གྱི་དབང་ཕྱུག །ཡང་ན་རིག་འཛིན་པདྨ་ཕྲིན་ལས། རབ་འབྱམས་ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་ཀྱི་འབྱུང་གནས། རྒྱལ་དབང་བདུད་འདུལ་རྡོ་རྗེ། པདྨ་ཉིན་བྱེད་དབང་པོ། འཇམ་མགོན་བློ་གྲོས་མཐའ་ཡས། དཔལ་སྤུངས་རྫ་དགེ་བླ་མ། དྲུང་ཀརྨ་ཆོས་ཀྱི་ཉིན་བྱེད། བླ་མ་ཀརྨ་ལྷུན་གྲུབ་ལས་ཐོབ་བོ། །ཡང་ན་མགོན་པོ་བསོད་ནམས་མཆོག་ལྡན་ཡན་གོང་ལྟར་ལ། པད་ཕྲིན། དེ་ལས་ཆོས་རྗེ་རྒྱལ་མཚན། ཀུན་དགའ་བསྟན་པ་དར་རྒྱས། ཨོ་རྒྱན་རྣམ་གྲོལ། ཀུན་བཟང་བློ་གྲོས། འགྱུར་མེད་ཐེག་མཆོག་བསྟན་འཛིན། རྗེ་མཐུ་སྟོབས་རྣམ་རྒྱལ་མན་གོང་ལྟར་རོ། །ཡུམ་འབྲིང་པོའི་རྒྱས་པ་སྟོང་ཕྲག་ཉི་ཤུ་ལྔ་པ་ཆོས་ཀྱི་བཤེས་གཉེན་གྱི་འབྲིང་པོའི་རྒྱས་པར་གསུངས།བམ་པོ་དོན་བརྒྱད་པ། ལྔ་པའི་གསན་ཡིག་ཏུ་བམ་པོ་བརྒྱད་ཅུ་ཞེས་པའང་འདུག་མཆན། ལེའུ་དོན་དྲུག་པ། ཇི་ལྟར་ཐོབ་པའི་བརྒྱུད་པ་ནི། སློབ་དཔོན་དབྱིག་གཉེན་བར་གོང་ལྟར་ལ། དེས་འཕགས་པ་གྲོལ་སྡེ། མཆོག་གི་སྡེ། དུལ་བའི་སྡེ། མཁན་པོ་རྣམ་སྣང་མཛད། སེང་གེ་བཟང་པོ། སངས་རྒྱས་ཡེ་ཤེས། གུ་ཎ་མི་ཏྲ། རཏྣ་སརྦ་ཐཱ། ཤནྟི་པ། འབུམ་ཕྲག་གསུམ་པ། རྔོག་ལོ་བློ་ལྡན་ཤེས་རབ། ཤེས་རབ་འབར། བྱང་ཆུབ་ཡེ་ཤེས། འདུ་ཤེས་བརྩོན་འགྲུས། དཀར་ཆུང་རིང་མོ། ཞང་བདེ་བ་ཅན་པ། གཉལ་ཞིག་འཇམ་དཔལ་རྡོ་རྗེ། ཤེས་རབ་དབང་ཕྱུག །ཆུ་མིག་པ་སེང་གེ་དཔལ། བཤེས་གཉེན་ལྷོ་བྲག་པ། མཁས་པ་དབེན་དགེ་པ། རོང་བླ་རྡོ་རྗེ་རིན་ཆེན། མཐར་རྩའི་སློབ་དཔོན་ཆོས་དཔལ། ཚུལ་ཁྲིམས་བཟང་པོ། བསོད་ནམས་སེང་གེ །ཚལ་གྲགས་དོན་པ། རྗེ་ཤཱཀྱ་རྒྱལ་མཚན། རིན་ཆེན་ཟླ་བ། རྡོ་རྗེ་གདན་པ་སོགས་ལས་བརྒྱུད་པ་དང༌། འགྱུར་མེད་བཀྲ་ཤིས་རྒྱ་མཚོ། འགྱུར་མེད་བསྟན་འཛིན། རྗེ་མཐུ་སྟོབས་རྣམ་རྒྱལ་ནས། རྗེ་གུ་ཎ་སོགས། ཡང་ན་ཀར་ལུགས་ལྟར་རོ། །ཡང་ན་སློབ་དཔོན་སངས་རྒྱས་ཡེ་ཤེས། དཔལ་སྦས། རིན་འབྱུང་ཞི་བ། ཝ་ལ་ཙནྡྲ། དྷི་ར་པ་ལ། རྔོག་ལོ་སོགས་ལས་བརྒྱུད་པའང་འདིར་ཡོད་དོ། ༈ ཡུམ་འབྲིང་པོ་ཁྲི་བརྒྱད་སྟོང་པའི་གླེགས་བམ་གསུམ་མམ་ཕྱེད་གསུམ་དུ་བྱས་པ་བམ་པོ་དྲུག་ཅུ་ལེའུ་དོན་བརྒྱད་ཡོད་པ། ལོ་ཙཱ་བ་ཡེ་ཤེས་སྡེ་ལ་སོགས་པས་བསྒྱུར་བ་ཇི་ལྟར་ནོད་པའི་བརྒྱུད་པ་ནི། ཤནྟི་པ་ཡན་ཉི་ཁྲི་ལྟར་ལ། དེ་ནས་སུ་མ་ཏི་ཀིརྟི་ལྔ་གསན་དུ་ཛྙཱ་ན་ཀིརྟི་ཞེས་འབྱུང༌། རོང་ཟོམ་ཆོས་བཟང༌། མངའ་རིས་པ་ཚུལ་ཁྲིམས་ཤེས་རབ། ལ་སྟོད་པ་དབང་རིན། བླ་མ་བཀྲ་ཤིས་རྡོ་རྗེ། འདུལ་འཛིན་ཡང་ཁྲོད་པ་ཆེན་པོ། འཇང་ར་སྔ་བ་ཤེས་ཚེ། དར་མ་འོད་ཟེར། བློ་གྲོས་རྒྱལ་མཚན། མཁས་པ་བྱང་ཆུབ་འབུམ། མཚོ་དཀར་བ། ཁམས་པ་བྱང་རྒྱལ། ཡར་ལུང་བསོད་ནམས་ཤེས་རབ། མཐར་རྩ་བ་བླ་མ་གཞོན་ནུ་དར། ཚལ་གྲགས་དོན་པ། རྗེ་ཤཱཀྱ་མན་ཡུམ་རྒྱས་པ་ལྟར་རོ། ༈ ཡུམ་འབྲིང་བསྡུས་ཁྲི་པ། པུསྟ་ཀ་གཅིག་གམ་ཕྱེད་གཉིས་ཅི་རིགས་ཏེ་བམ་པོ་སོ་བཞི། ལེའུ་སོ་གསུམ་པ། ཛི་ན་མི་ཏྲ། པྲཛྙཱ་ཝརྨ། ཡེ་ཤེས་སྡེ་གསུམ་གྱིས་བསྒྱུར་བ་ཇི་ལྟར་ཐོབ་པའི་ཚུལ་ལ། སློབ་དཔོན་སེང་གེ་བཟང་པོ་ཡན་ཉི་ཁྲི་ལྟར་ལ། དེ་ནས་ཀུ་ས་ལི་ཆེ་ཆུང༌། གསེར་གླིང་པ་ཆོས་གྲགས། ཇོ་བོ་ཨ་ཏི་ཤ། འབྲོམ་སྟོན། ནམ་མཁའ་གོ་ཆ། ཆགས་བྱུང་བ་རྒྱལ་མཚན། ལ་སྟོད་པ་དཀོན་མཆོག་འབར། བཀྲ་ཤིས་རྡོ་རྗེ། ཡང་ཁྲོད་འདུལ་འཛིན་པ། རྟ་ནག་སྒོམ་ཤེས། བླ་མ་དར་མ་འོད་ཟེར་མན་ཁྲི་བརྒྱད་སྟོང་པ་དང་འདྲའོ། ༈ ཡུམ་བསྡུས་པ་བརྒྱད་སྟོང་པ་བམ་པོ་ཉེར་བཞི། ལེའུ་སོ་གཉིས། ཤཱཀྱ་སེ་ན་དང༌། ཛྙཱ་ན་སིདྡྷི་དང༌། ཆོས་ཉིད་ཚུལ་ཁྲིམས་གསུམ་གྱིས་བསྒྱུར་བ། འདི་ལ་ཕྲེང་བ་ཅན། བཟོ་སྦྱངས། སྡེ་ཅན་ཞེས་གསུམ་དུ་བྱུང་བ་སྙིགས་དུས་ཀྱི་ཐམས་ཅད་མཁྱེན་པའི་འཇིག་རྟེན་མིག་གཅིག་ཞྭ་ལུ་ལོ་ཙཱ་བ་ཆོས་སྐྱོང་བཟང་པོ་རྒྱ་དཔེར་དཱེ་ཝི་ནིཀྵ་ཞེས་སྡེ་ཅན་དང༌། པྲཀཱིནྟ་ཞེས་ཕྲེང་བ་ཅན་དང༌། ཀ་ནིཀྵ་ཞེས་བཟོ་སྦྱང་དུ་བསྒྱུར་བ་ཡིན་ལ། མིང་མི་གཅིག་པ་ཕྲེང་བ་ཅན་ལ་ལྷའི་མེ་ཏོག་དང༌། ལྷ་ཡི་བདུག་སྤོས། གཞན་གཉིས་ལ་ལྷའི་མེ་ཏོག་དང༌། བདུག་པ་ཞེས་ཚིག་ཉུང་བར་གསུངས་པ་ཁུང་བཙུན་པར་སྣང༌། ཡུམ་རྒྱས་འབྲིང་གཉིས་ལ་ཕྲེང་ཅན་དང༌། ཁྲི་བརྒྱད་སྟོང་པ་ལ་བཟོ་སྦྱངས་ཞེས་བསྒྱུར་བ་ཤེར་ཕྱིན་ཕྱོགས་ཕལ་ཆེར་ལུགས་གསུམ་ཡོད་པ་དོན་གྱིས་ཤེས་དགོས་ཞེས་གསུངས། མཆན། སླར་སུ་བྷ་ན་ཏ་དང༌། ལོ་ཆེན་རིན་བཟང་གི་འགྲེལ་བ་དང་མཐུན་པར་བསྒྱུར་བ། ཡང་དཔལ་མར་མེ་མཛད་དང༌། རིན་བཟང་གིས། ཡུལ་དབུས་ཀྱི་འགྲེལ་བ་ལ་གཏུགས་ནས་བཅོས་ཤིང༌། སྙེ་ཐང་ན་མོ་ཆེར་ཇོ་འབྲོམ་ཡབ་སྲས་ཀྱིས་ཆེ་ལོང་གཏན་ལ་ཕབ། སླར་རྭ་སྒྲེང་དུ་རྒྱལ་བའི་འབྱུང་གནས་ཀྱིས་རྒྱ་དཔེ་གསུམ་ལ་གཏུགས་ནས་ལན་གཉིས་སུ་ཞུས་དག་མཛད་ཅིང༌། དེ་རྗེས་རྔོག་ལོས་ཀྱང་ཡུལ་དབུས་དང་ཁ་ཆེའི་དཔེ་དུ་མ་ལ་གཏུག་ནས་ཞུས་དག་མཛད་པའི་རྒྱུན་བྲིས་སྤར་ཇི་སྙེད་བྱུང་བར། ཕྲེང་ཅན། བཟོ་སྦྱངས་སྡེ་ཅན་གསུམ་དུ་ཡོད་ལ། ལུང་གི་སྐབས་སུའང་འཕྲལ་དུ་བསྒྱུར་ཏེ་མཛད་པ་ཕྱག་བཞེས་སུ་སྣང་ངོ༌། །བརྒྱུད་པ་ནི། སློབ་དཔོན་སེང་གེ་བཟང་པོ་ཡན་ཉི་ཁྲི་ལྟར་ལ་དེ་ནས་ཡོན་ཏན་བཤེས་གཉེན། རིན་ཆེན་རི་བོ། པཎ་ཆེན་ཟླ་བཟང༌། འབུམ་ཕྲག་གསུམ་པ་ནས། ཤཱཀྱ་རྒྱལ་མཚན་བར་ཉི་ཁྲི་ལྟར་དང༌། དེ་ནས་རྡོ་རྗེ་གདན་པ། བྱང་ཆུབ་དབང་རྒྱལ། མཁྱེན་དབོན་ཚེ་དབང་ཀུན་བཟང༌། ཀུན་བཟང་རྩེ་པ་བྱང་ཆུབ་རྒྱལ་མཚན། དཔལ་འབྱོར་གླིང་པ་ངག་དབང་རྣམ་རྒྱལ། མགོན་པོ་བསོད་ནམས་མཆོག་ལྡན། ཀུན་བཟང་པདྨ་ཕྲིན་ལས། བཀའ་ཆེན་ངག་དབང་རབ་བརྟན། གྲུབ་མཆོག་བསྟན་འཛིན་ཕུན་ཚོགས་མན་གོང་དང་འདྲའོ། །ཤེར་ཕྱིན་སྣ་ཚོགས་པའི་ནང་ཚན་སྡུད་པ་ཚིགས་སུ་བཅད་པ། བམ་པོ་གཅིག་པ། བིདྱཱ་ཀ་ར་དང་དཔལ་བརྩེགས་ཀྱི་འགྱུར། རབ་རྩལ་རྣམ་གནོན་གྱིས་ཞུས་པ་བམ་པོ་བདུན་ཤློ་ཀ་དྲུག་ཅུ་ལེའུ་བདུན་པ། ཤཱི་ལེནྡྲ་བོ་དྷི། ཛི་ན་མི་ཏྲ། ཡེ་ཤེས་སྡེ་གསུམ་གྱི་འགྱུར། ཤེར་ཕྱིན་བདུན་བརྒྱ་པ་བམ་པོ་གཉིས་པ་འགྱུར་གོང་དང་འདྲ། ཤེར་ཕྱིན་ལྔ་བརྒྱ་པ་བམ་པོ་གཅིག་པ་འགྱུར་གོང་འདྲ། ཤེར་ཕྱིན་སུམ་བརྒྱ་པའི་རྡོ་རྗེ་གཅོད་པ་ཤཱི་ལེནྡྲ་བོ་དྷི་དང༌། ཡེ་ཤེས་སྡེས་འགྱུར། ཤེར་ཕྱིན་བརྒྱ་རྩ་བརྒྱད་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཚུལ་བརྒྱ་ལྔ་བཅུ་པ། རྒྱུད་ནའང་ཡོད་མཆན། སྒོ་ཉེར་ལྔ་པ། ཡི་གེ་ཉུང་ངུ༌། ཡི་གེ་གཅིག་མ། ཤེས་རབ་སྙིང་པོ། ཤེར་ཕྱིན་ཉི་མའི་སྙིང་པོ། ཟླ་བའི་སྙིང་པོ། ཀུན་ཏུ་བཟང་པོ། ལག་ན་རྡོ་རྗེ། རྡོ་རྗེ་རྒྱལ་མཚན་རྣམས་ལས། ཤེར་སྙིང་ཡན་གྱི་བརྒྱུད་པ་ནི། ཁ་ཆེ་ཛྙཱ་ན་ཤྲཱི། སུ་མ་ཏི་ཀིརྟི། སྨྲྀ་ཏི་ཛྙཱ་ན་ཀིརྟི། རོང་ཟོམ་ཆོས་བཟང༌། ཉང་སྟོན་ཆོས་འཁོར། སྲས་ཉང་རལ་ཉི་མ་འོད་ཟེར། གསན་ཡིག་ལས་མངའ་བདག་ཉང་གི་ཡབ་སྡང་སྟོན་ཆོས་འཁོར་གྱི་མཚན་གྱི་རྣམ་གྲངས་ཏེ་བི་མ་ལའི་སློབ་མ་ཉང་ཏིང་འཛིན་བཟང་པོ་མིན་གསུངས། མཆན། ལྷོ་པ་ཐམས་ཅད་མཁྱེན་པ། འདི་ས་པཎ་གྱི་དངོས་སློབ་ཡིན་ཏེ་སྨྲྀ་ཏི་ཛྙཱ་ན་དང་དུས་མཚུངས་ཀྱང༌། ཏིང་འཛིན་བཟང་པོ་དགུང་ལོ་བརྒྱའམ་སུམ་བརྒྱ་སོགས་འདྲ་མིན་ལ། ལ་ཡག་པ་བྱང་ཆུབ་དངོས་གྲུབ་ལ་ལྷོ་པ་ཐམས་ཅད་མཁྱེན་པར་གྲགས་པས་བུས་འགྲིགས་པར་སྣང༌། ཞེས་དཔའ་བོའི་གསན་ཡིག་ཏུ་འདུག་མཆན། བླ་མ་གྲགས་པ་སེང་གེ །སྤྱིལ་ཕུ་བ་འོད་ཟེར་ཤེས་རབ། བླ་མ་དར་མ་འོད་ཟེར། བྱང་ཆུབ་རྡོ་རྗེ། བདེ་ཅན་ཡེ་ཤེས་མགོན་པོ། བདེ་ཅན་ཡེ་ཤེས་རྒྱལ་མཚན། གར་ཐིག་པ་བསོད་རྒྱལ། མཁན་ཆེན་ཤེས་རྡོར། ཆོས་སྒོ་བ་ཆོས་དཔལ་བཟང་པོ། བསོད་ནམས་སེང་གེ་མན་འབུམ་དང་འདྲའོ། ༈ ཤེར་སྙིང་ནི། ཐུབ་དབང༌། ཀུན་དགའ་བོ། ཀྲྀཥྞའི་གོས། ཤ་ནའི་གོས་ཅན། ཉི་མའི་གུང༌། ཐམས་ཅད་མཁྱེན་པའི་བཤེས་གཉེན། ཀླུ་སྒྲུབ། ཨརྻ་དཱེ་ཝ། འཇམ་དཔལ་གྲགས་པ། ཤནྟི་པ། རྡོ་རྗེ་གདན་པ་གསུམ། ཁ་ཆེ་པཎ་ཆེན། དཔྱལ་ཆོས་བཟང༌། དཔྱལ་པདྨ་ཅན། གཞོན་ནུ་ཡེ་ཤེས། རོང་པ་ཤེར་སེང༌། བག་སྟོན་མགོན་པོ་འབུམ། སྤུག་སྟོན་ཤེས་རྡོར་བ། ཆོས་སྒོ་བ་བསོད་ནམས་སེང་གེ །ཚལ་གྲགས་དོན་པ། རིན་ཆེན་གྲགས་པ། ཤཱཀྱ་རྒྱལ་མཚན། རྡོ་རྗེ་གདན་པ། བློ་གྲོས་རྒྱལ་མཚན། འབུམ་རམས་པ་མན་གོང་དང་འདྲ། བླ་མ་ཚོགས་གཉིས་དང་དྷི་ཚ་སྤྲུལ་སྐུ་གཉིས་ལས། སྨན་ལུགས་པས་གསན་པ་དང༌། །ཡང་ན་ཚལ་གྲགས་དོན་པ་ལས། རྔོག་བྱང་ཆུབ་དཔལ། མཁན་ཆེན་ཀུན་དགའ་རྒྱལ་མཚན། སྨན་རྒྱལ་ནམ་མཁའ་དབང་ཕྱུག །འབུམ་རམས་པ་མན་འདྲ། ཡང་ན། སངས་རྒྱས་ཤཱཀྱའི་དབང་པོ། འཇམ་དབྱངས། ཀླུ་སྒྲུབ་ཡབ་སྲས། འཇམ་དཔལ་གྲགས་པ། ཤཱནྟི་པ། སེའུ་རི་པ། ཨ་བྷ་ཡཱ་ཀ་ར། དགེ་བའི་འབྱུང་གནས། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་པ་ལོ་ཙཱ། སོ་ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཐམས་ཅད་མཁྱེན་པ། ཀོ་ནག་རལ་གྲི། ཤངས་པ་གྲགས་སེང༌། ཞང་དཀོན་མཆོག་འབུམ། ཕག་ཁུར་བ་དཀོན་ཡེ། བག་སྟོན་གཞོན་མན་གོང་དང་འདྲ། ཡང་ན་གྲགས་སེང་ནས། རིན་ཆེན་འབུམ། དཀོན་མཆོག་ཡེ་ཤེས། ཡེ་ཤེས་མགོན་པོ། དར་མ་བཟང་པོ། རྗེ་རི་པ། ཚལ་གྲགས་དོན་པ། རྔོག་བྱང་ཆུབ་དཔལ་མན་འདྲའོ། །ཡང་ན། ཐུབ་པའི་དབང་པོ། ཕྱག་རྡོར། ཛེ་ཏཱ་རི་པ། རྡོ་རྗེ་གདན་པ་གསུམ། བ་རི་ལོ་ཙཱ། ས་ཆེན་ཡབ་སྲས། ཆོས་རྗེ་ཁུ་དབོན་གཉིས་སྒ་ལོ་ཡབ་སྲས་གཉིས། བག་སྟོན་མན་འདྲའོ། །ཡང་ན་རྡོ་རྗེ་གདན་པ་གསུམ། མཁལ་གྲུབ་རིག་པའི་ཀློག་འཕྲེང༌། བསྟན་པ་རྒྱ་མཚོ། ངག་དབང་ཆོས་རྒྱལ། ངག་གི་དབང་ཕྱུག །ངག་དབང་ནོར་བུ། ལྷ་རྩེ་བ་ངག་དབང་བཟང་པོ། བླ་མ་ཀུན་དགའ་བློ་གྲོས། དཔལ་འབྱོར་གླིང་པ། ངག་དབང་རྣམ་རྒྱལ། བཀའ་འགྱུར་བ་མགོན་པོ་བསོད་ནམས་མཆོག་ལྡན་མན་འདྲའོ། །ཡང་ན་ཚལ་གྲགས་དོན་པ་ལས། རྔོག་བྱང་ཆུབ་དཔལ། ཀུན་དགའ་རྒྱལ་མཚན། ནམ་མཁའ་དབང་ཕྱུག །འབུམ་རམས་པ་བླ་མ་བསྟན་པ་རྒྱ་མཚོ་མན་འདྲའོ། །ཤེར་ཕྱིན་བདུན་བརྒྱ་པའི་ལུགས་གཅིག་ནི། སེའུ་རི་པ་ཡན་ཤེར་སྙིང་གི་བརྒྱུད་པ་ལྟར་ལ། རྡོ་རྗེ་གདན་པ་ཆུང་བ། བ་རི་ལོ་ཙཱ་བ། མཆིམས་བརྩོན་སེང༌། རྗེ་ས་ཆེན། ལྷོ་པ་ཁྱུང་སྟོན། སྤྲུ་སྟོན། ཀོ་ནག་པ། གྲགས་སེང༌། ཤང་ཚུལ། ཡོན་ཏན་དཔལ། སྙེ་མདོ་ཀུན་དགའ་དོན་གྲུབ། རབ་བྱུང་རྡོ་རྗེ། རྒྱལ་བ་དཔལ། བརྩོན་འགྲུས་སེང་གེ །བློ་གྲོས་སེང་གེ །འཇམ་དཔལ་ཆོས་རྡོར། ཚལ་གྲགས་དོན་པ། ཤཱཀྱ་རྒྱལ་མཚན་མན་འབུམ་དང་འདྲ། དྷི་ཚ་སྤྲུལ་སྐུ་མི་དགོས། ཡང་ན། ལྷོ་པ་སྟོན་པ། གཙང་སྟོན་གྲགས་པ། གཡེར་པོ་གཟུགས། ཉང་ཆོས་དབང༌། དྷརྨ་ཤྲཱི། དཀོན་མཆོག་དཔལ། གྲགས་པ་སེང་གེ །སྟག་སྟོན། ལོ་མཆོག་པ། བག་སྟོན་པ། མགོན་པོ་འབུམ། སྤྲུ་སྟོན། ཤེས་རྡོར་བ། ཆོས་དཔལ་ཤེས་རབ། བསོད་ནམས་སེང་གེ །གྲགས་དོན་པ་མན་འདྲའོ། །ཡང་ན། རྫོགས་པའི་སངས་རྒྱས། བྱམས་པ། ཐོགས་མེད་སྐུ་མཆེད། བློ་བརྟན། རིག་པའི་ཁུ་བྱུག །ཁ་ཆེ་དགོན་པ་བ། བིདྱ་སེ་ན། མར་མཛད་བཟང་པོ། བི་མ་ལ་གུཔྟ། རིན་ཆེན་རྡོ་རྗེ། ཤཱནྟི་པ། སུ་མ་ཏི་ཀིརྟི། སྨྲྀ་ཏི་ཛྙཱ་ན་ཀིརྟི། རོང་ཟོམ་ཆོས་བཟང༌། ཉང་ཏིང་འཛིན་བཟང་པོ། ལྷོ་པ་ཐམས་ཅད་མཁྱེན་པ། དཀོན་མཆོག་དཔལ། གྲགས་པ་རྒྱལ་མཚན། གྲགས་པ་བསོད་ནམས། སྟག་སྟོན་མན་འདྲའོ། །ཡང་ན། སངས་རྒྱས་ནས། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་པ་ལོ་ཙཱ་བ། སོ་ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་རལ་གྲི་མན་འདྲའོ། །ཤིན་ཏུ་རྒྱས་པ་བཀའ་འཁོར་ལོ་ཐ་མའི་སྐོར་དུ་གཏོགས་པ་སངས་རྒྱས་ཕལ་པོ་ཆེ་སྙན་གྱི་གོང་རྒྱན་དུ་གྲགས་པ་བམ་པོ་བརྒྱ་དང་བཅོ་ལྔ་པ། དེ་བཞིན་གཤེགས་པ་ཕལ་པོ་ཆེའི་ལེའུ་རྡོ་རྗེ་རྒྱལ་མཚན་གྱི་བསྔོ་བ། ས་བཅུ་བསྟན་པ། ཀུན་བཟང་གི་སྤྱོད་པ་བསྟན་པ། དེ་བཞིན་གཤེགས་པའི་སྐྱེ་བ་དང་འབྱུང་བ་བསྟན་པ། འཇིག་རྟེན་ལས་འདས་པའི་ལེའུ། སྡོང་པོ་བརྒྱན་པའི་ལེའུ་སྟེ་བདུན་ལ་སོ་སོའི་ནང་གསེས་ཀྱི་དབྱེ་བའི་ལེའུ་ཞེ་ལྔ། པུསྟི་ལྔའམ་དྲུག་ཏུ་བྱས་པའང་ཡོད་ལ། འདིར་སྡེ་སྤར་ལྟར་པོད་བཞི་རྒྱ་ནག་གི་འགྱུར་ལ་སུ་རེནྡྲ་བོ་དྷི་དང༌། བཻ་རོ་ཙ་ན་རཀྵི་ཏའི་ཞུ་ཆེན་མཛད་པའི་བརྒྱུད་པ་ནི། རྫོགས་པའི་སངས་རྒྱས། འཇམ་དཔལ། ཀླུ་སྒྲུབ། ཨཱརྻ་དཱེ་ཝ། མཉྫུ་ཀིརྟི། དྷརྨ་རཀྵི་ཏ། སཻརི་པ། རྡོ་རྗེ་གདན་པ་སྔ་ཕྱི་གསུམ། བ་རི་ལོ་ཙཱ་བ། མཆིམས་བརྩོན་སེང༌། རྗེ་བཙུན་ས་སྐྱ་པ། སུམ་པ་ལོ་ཙཱ། ལྷོ་པ་ཁྱུང་སྟོན། གཙང་པ་སྟོན་གྲགས། གཡུང་པོ་སྤུག་སྟོན། ཉང་བསོད་ནམས་དབང་པོ། ཇོ་བསྟན་ཟས་གཙང༌། ཤངས་སྟོན་གྲགས་སེང༌། ཞང་ཀུན་དགའ་འབུམ། ཕག་ཁུར་བ་དཀོན་མཆོག་བླ་མ། བག་སྟོན་གཞོན་ཚུལ། བླ་མ་མགོན་པོ་འབུམ། སྤུག་སྟོན་ཤེས་རྡོར། ཆོས་སྒོ་བ་དཔལ་ལྡན་ཤེས་རབ། མཐར་རྩ་མཁན་ཆེན་གྲགས་པ་རྡོ་རྗེ། ཚལ་གྲགས་དོན་པ། དགྲ་བཅོམ་རིན་ཆེན་གྲགས། བླ་མ་ཤཱཀྱ་རྒྱལ་མཚན། རྡོ་རྗེ་གདན་པ། སྔགས་འཆང་འཇིགས་མེད་དཔའ་བོ། ཚར་བློ་གྲོས་རྒྱལ་མཚན། འབུམ་རམས་རིན་ཆེན་ཆོས་དབང༌། ཚུལ་ཁྲིམས་དབང་ཕྱུག །ཆོས་རྒྱལ་དོན་འགྲུབ། དཀོན་མཆོག་འབངས། གྲགས་པ་དོན་འགྲུབ། ཚོགས་གཉིས་དཔལ་གྲུབ། དྷི་ཚ་སྤྲུལ་སྐུ། ཚོགས་གཉིས་དང་དྷི་ཚ་སྤྲུལ་སྐུ་གཉིས་ཀ་ལས་གསན། ཁྲ་ཚང་པ་བློ་མཆོག་རྡོ་རྗེ། བཀའ་འགྱུར་བ་མགོན་པོ་བསོད་ནམས་མཆོག་ལྡན། རིག་འཛིན་ཆེན་པོ་པདྨ་ཕྲིན་ལས། སྤྱན་གཡས་མཁན་པོ་བསྟན་འཛིན་རྒྱ་མཚོ། རིན་ཆེན་རྒྱ་མཚོ། དམ་ཆོས་རྒྱལ་མཚན། ཨ་ག་བསོད་ནམས་བཟང་པོ། མང་ཐོས་ཐབས་མཁས་རྒྱ་མཚོ། གྲུབ་མཆོག་ངག་དབང་བློ་བཟང༌། སྔགས་རམས་འགྱུར་མེད་སྐྱེས་མཆོག །རྗེ་བཙུན་ཕྲིན་ལས་ཆོས་སྒྲོན་དང༌། རྗེ་མཐུ་སྟོབས་རྣམ་རྒྱལ་གཉིས་ནས་འཇམ་མགོན་རྡོ་རྗེ་འཆང་པདྨ་གར་དབང་ནས་སྔར་ལྟར་རོ། །ཡང་ན་རིག་འཛིན་པདྨ་ཕྲིན་ལས་ནས། རབ་འབྱམས་ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་འབྱུང༌། བདུད་འདུལ་རྡོ་རྗེ། ཐེག་མཆོག་བསྟན་འཕེལ། འཇམ་མགོན་ཡོན་ཏན་རྒྱ་མཚོ་ནས་སྔར་ལྟར་རོ། །ཡང་ན་མཁན་ཆེན། འབྲི་གུང་ལོ་ཙཱ་བ། ཁམས་པ་མཚོ་དཀར་བ། བྱང་རྒྱལ། བླ་མ་བསོད་ནམས་ཤེས་རབ། མཐར་རྩ་གཞོན་ནུ་དར། ཚལ་གྲགས་དོན་མན་འདྲའོ། །རྒྱ་ནག་ལུགས་ཀྱི་བརྒྱུད་པ་ནི། སྟོན་པ་སངས་རྒྱས། འཇམ་དབྱངས། ཀླུ་སྒྲུབ། དེ་ནས་པཎྜི་ཏ་བྷོ་དྷི་བྷ་དྲ་དང༌། དགའ་བ་གཉིས་ཀྱིས་ཞུས་ཏེ་རྒྱ་ནག་ཏུ་འགྱུར། དེ་ནས་ཧ་ཤང་ཐུ་ཐུ་ཞུན། གྱིམ་བཙུན་གྱ། ཏན་ཞན་དུ་གོ་ཞི། ཚིང་ལིང་གོ་ཞི། གྱི་ཧུང༌། ཧའི་ཧྲི་ཐའི་གྱི་ཞུ། པོན་ཆེན་གྱིན། སིང་ག་སང༌། གྱིང་ཞུ། དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན་ལེགས་པའི་བློ་གྲོས། བསོད་ནམས་སེང་གེ །གར་ཐིག་པ་བསོད་ནམས་རྒྱལ་མཚན། མཁན་ཆེན་ཤེས་རྡོར་བ་མན་འདྲའོ། །བཟང་སྤྱོད་བརྒྱུད་པ་ལུགས་གཅིག་ནི། ཐུབ་དབང༌། འཇམ་དཔལ། ཀླུ་སྒྲུབ། ཀླུའི་བྱང་ཆུབ། ཌོམ་བྷི་པ། འཇམ་དཔལ་གྲགས་པ། རིན་འབྱུང་ཞི་བ། རྡོ་རྗེ་གདན་པ་གསུམ། ཟླ་བ་དཔལ་བཟང༌། བི་མ་ལ་ཤྲཱི། བྷེ་ན་དུ་ཤྲཱི། གནུབས་ལོ་བྱམས་པ་དཔལ། ལྷོ་པ་ཀུན་མཁྱེན། སྤང་ཁང་པ་གྲགས་པ་རྒྱལ་མཚན། ཤངས་པ་གྲགས་སེང༌། ཞལ་སྔ་བ་བསོད་ནམས་རིན་ཆེན། མཁན་ཆེན་གངས་པ། ཤེས་རབ་དཔལ། དགེ་སློང་ཀུན་ཉི། བག་སྟོན་མགོན་པོ་འབུམ། སྤྲུ་སྟོན། མཁན་ཆེན་ཤེས་རྡོར་བ། ཆོས་སྒོ་བ། བསོད་ནམས་སེང་གེ །ཚལ་གྲགས་དོན་པ་མན་གོང་དང་འདྲའོ། ༈ འཕགས་པ་དཀོན་མཆོག་བརྩེགས་པ་ཆེན་པོ་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། ༼ཀ༽ པ་ལ། སྡོམ་པ་གསུམ་བསྟན་པ་བམ་པོ་གསུམ་པ། ཛི་ན་མི་ཏྲ་དང༌། སུ་རེནྡྲཱབོ་དྷི་དང༌། ཡེ་ཤེས་སྡེའི་འགྱུར། སྒོ་མཐའ་ཡས་པ་བསྟན་པ་བམ་པོ་བཞི་པ། སུ་རེནྡྲ་བོ་དྷི་དང༌། དཔལ་བརྩེགས་ཀྱི་འགྱུར། གསང་བ་བསམ་གྱིས་མི་ཁྱབ་པར་བསྟན་པ་བམ་པོ་བཅུ་ལེའུ་ཉེར་ལྔ་པ། ཛི་ན་མི་ཏྲ་དང༌། དཱ་ན་ཤཱི་ལ་དང༌། མུ་ནི་ཝརྨ། ཡེ་ཤེས་སྡེ་བཞིའི་འགྱུར། རྨི་ལམ་བསྟན་པ་བམ་པོ་གསུམ་པ། བདེ་བ་ཅན་གྱི་ཞིང་བཀོད་བམ་པོ་གསུམ་པ། ཛི་ན་མི་ཏྲ་དང༌། དཱ་ན་ཤཱི་ལ་དང༌། ཡེ་ཤེས་སྡེ་གསུམ་གྱི་འགྱུར་རྣམས་སོ། ༼ཁ༽ པ་ལ། མི་འཁྲུག་པའི་བཀོད་པ་བསྟན་པ་བམ་པོ་ལྔ་པ་ལེའུ་དྲུག་པ་ཛི་ན་མི་ཏྲ་དང༌། སུ་རེནྡྲ་བོ་དྷི་དང༌། ཡེ་ཤེས་སྡེས་འགྱུར། གོ་ཆའི་བཀོད་པ་བསྟན་པ་བམ་པོ་དྲུག །འགོས་ཆོས་འགྲུབ་ཀྱི་རྒྱ་དཔེ་ལས་བསྒྱུར་བ། ཆོས་དབྱིངས་རང་བཞིན་དབྱེར་མེད་པར་བསྟན་པ་བམ་པོ་གཉིས་དང་ཤློ་ཀ་ལྔ་བཅུ། ཆོས་བཅུ་བསྟན་པ་བམ་པོ་གཉིས་པ། ཀུན་ནས་སྒོའི་ལེའུ་བམ་པོ་གཅིག་པ་སྟེ་གསུམ་ཀ ཛི་ན་མི་ཏྲ། སུ་རེནྡྲ་བྷོ་དྷི། ཡེ་ཤེས་སྡེ་གསུམ་གྱི་འགྱུར། འོད་ཟེར་ཀུན་ནས་བཀྱེ་བ་བསྟན་པ་བམ་པོ་ལྔ་པ་རྣམས་སོ། །འགྱུར་གོང་འདྲ། ༼ག༽ པ་ལ། བྱང་ཆུབ་སེམས་དཔའི་སྡེ་བསྟན་པ་བམ་པོ་ཉི་ཤུ། ལེའུ་བཅུ་གཉིས་པ། སུ་རེནྡྲ་བོ་དྷི། ཤཱི་ལེནྡྲ། ཆོས་ཉིད་ཚུལ་ཁྲིམས་གསུམ་གྱི་འགྱུར། དགའ་བོ་མངལ་གནས་བསྟན་པ་བམ་པོ་གསུམ་པ། དགའ་བོ་མངལ་འཇུག་བསྟན་པ་བམ་པོ་གཅིག་རྣམས་སོ། ༼ང༽ པ་ལ། འཇམ་དཔལ་གྱི་ཞིང་གི་བཀོད་པ་བསྟན་པ་བམ་པོ་ཕྱེད་བཞི་པ། ཤི་ལེནྡྲ་བོ་དྷི་དང༌། ཛི་ན་མི་ཏྲ། ཡེ་ཤེས་སྡེ་གསུམ་གྱི་འགྱུར། ཡབ་སྲས་མཇལ་བ་དེ་ཁོ་ན་ཉིད་ངེས་པར་བསྟན་པའི་མདོ་བམ་པོ་བཅོ་ལྔ་པ་ཤཱི་ལེནྡྲ། ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་བཞིའི་འགྱུར། གང་པོས་ཞུས་པ་བམ་པོ་སོ་དྲུག་ལེའུ་བརྒྱད་པ། ཡུལ་འཁོར་སྐྱོང་གིས་ཞུས་པའི་མདོ་བམ་པོ་གསུམ་པ། འགྱུར་གསང་བ་བསམ་གྱིས་མི་ཁྱབ་པ་དང་འདྲ། ༼ཅ༽ པ་ལ། ཁྱིམ་བདག་དྲག་ཤུལ་ཅན་གྱིས་ཞུས་པ་བམ་པོ་གསུམ་པ། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། ཀློག་ཐོབ་ཀྱིས་ཞུས་པ་བམ་པོ་གཉིས། སྒྱུ་མ་བཟང་པོ་ལུང་བསྟན་པའི་མདོ་བམ་པོ་གཅིག །ཛི་ན་མི་ཏྲ། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། ཆོ་འཕྲུལ་ཆེན་པོ་བསྟན་པ་ལྷའི་བུ་དེད་དཔོན་གྱིས་ཞུས་པ་བམ་པོ་གསུམ་པ། བྱམས་པ་སེང་གེ་སྒྲ་སྒྲོགས་པའི་མདོ་བམ་པོ་བཞི་པ་འགྱུར་གོང་འདྲ། འདུལ་བ་གཏན་ལ་ཕབ་པ་ཉེ་བར་འཁོར་གྱིས་ཞུས་པའི་མདོ་གཉིས་པ། སུ་རེནྡྲ་བོ་དྷི། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། ལྷག་བཟང་གིས་ཞུས་པའི་མདོ་བམ་པོ་གཉིས་པ། ཛི་ན་མི་ཏྲ། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། ལག་བཟང་གིས་ཞུས་པའི་མདོ་བམ་པོ་གཉིས། དཱ་ན་ཤཱི་ལ། ཛི་ན་མི་ཏྲ། སུ་རེནྡྲ་བོ་དྷི། ཡེ་ཤེས་སྡེ་གསུམ་གྱི་འགྱུར། དེས་པས་ཞུས་པ་བམ་པོ་གཅིག་འགྱུར་གོང་འདྲ། པད་སའི་རྒྱལ་པོ་འཆར་བྱེད་ཀྱིས་ཞུས་པ་བམ་པོ་གཅིག་པ་འགྱུར་གོང་འདྲ། བུ་མོ་བློ་གྲོས་བཟང་མོས་ཞུས་པ་བམ་པོ་ཕྱེད་འགྱུར་གོང་འདྲ། གངྒ་མཆོག་གིས་ཞུས་པ་བམ་པོ་ཕྱེད་ཤློ་ཀ་བརྒྱད་ཅུ་འགྱུར་གོང་འདྲ། མྱ་ངན་མེད་ཀྱི་བྱིན་ལུང་བསྟན་པ་བམ་པོ་གཅིག་འགྱུར་གོང་འདྲ། ཡོན་ཏན་མེ་ཏོག་ཀུན་ཏུ་རྒྱས་པའི་མདོ་འགྱུར་གོང་འདྲ། སངས་རྒྱས་ཀྱི་ཡུལ་བསམ་གྱིས་མི་ཁྱབ་པར་བསྟན་པ་འགྱུར་གོང་དང་འདྲ། ༼ཆ༽ པ་ལ། ལྷ་བུ་བློ་གྲོས་རབ་གནས་ཀྱིས་ཞུས་པ་བམ་པོ་བཞི་པ་ཀླུའི་རྒྱལ་མཚན་གྱི་འགྱུར། སེང་གེས་ཞུས་པའི་མདོ་དཱ་ན་ཤཱི་ལ། མུ་ནེ་ཝརྨ། ཡེ་ཤེས་སྡེ་གསུམ་གྱི་འགྱུར། གསང་ཆེན་ཐབས་ལ་མཁས་པ་ཡེ་ཤེས་དམ་པས་ཞུས་པ་བམ་པོ་བཞི་པ་འགྱུར་གོང་འདྲ། ཚོང་དཔོན་བཟང་སྐྱོང་གིས་ཞུས་པ་བམ་པོ་གཉིས་པ། ཛི་ན་མི་ཏྲ། སུརེནྡྲ་བོ་དྷི་དང༌། ཡེ་ཤེས་སྡེའི་འགྱུར། བུ་མོ་རྣམ་དག་གིས་ཞུས་པ་བམ་པོ་གཅིག །བྱམས་པས་ཞུས་པ་འགྱུར་བཟང་སྐྱོང་གིས་ཞུས་པ་དང་འདྲ། བྱམས་པས་ཞུས་པ་ཆོས་བརྒྱད་འགྱུར་བློ་གྲོས་རབ་གནས་ཀྱིས་ཞུས་པ་དང་འདྲ། འོད་སྲུང་གིས་ཞུས་པ་བམ་པོ་གསུམ་པ། འགྱུར་འཇམ་དཔལ་ཞིང་བཀོད་དང་འདྲ། རིན་པོ་ཆེ་ཕུང་པོ་ལུང་བསྟན་པ་བམ་པོ་གཉིས་ལེའུ་བདུན། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། བློ་གྲོས་མི་ཟད་པས་ཞུས་པ་ལུང་བསྟན་པ་བམ་པོ་གཅིག་ཤློ་ཀ་ཉིས་བརྒྱ་འགྱུར་གོང་དང་འདྲ་ལ། ལོ་ཙཱ་བ་དྷ་རྨ་ཤཱི་ལའི་སྐད་གསར་བཅད་ཀྱིས་བཅོས་པ། ཤེར་ཕྱིན་བདུན་བརྒྱ་པ་བམ་པོ་གཉིས་ཤློ་ཀ་བརྒྱ་པ། འགྱུར་རིན་པོ་ཆེའི་ཕུང་པོ་དང་འདྲ། གཙུག་ན་རིན་པོ་ཆེས་ཞུས་པ་བམ་པོ་གསུམ་པ་ཀ་མ་ཤཱི་ལ་དང༌། ཆོས་ཉིད་ཚུལ་ཁྲིམས་ཀྱི་འགྱུར། དཔལ་ཕྲེང་གིས་སེང་གེའི་ང་རོའི་སྒྲ་བསྟན་པའི་ལེའུ། བམ་པོ་གཉིས་ཤློ་ཀ་དྲུག་ཅུ་འགྱུར་བཟང་སྐྱོང་གིས་ཞུས་པ་དང་འདྲ། དྲང་སྲོང་རྒྱས་པས་ཞུས་པ་བམ་པོ་གཉིས་པ་ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར་བ་རྣམས་སོ། །དེ་ལྟར་འདུས་པ་བཞི་བཅུ་རྩ་དགུ་པ་ཡོངས་སུ་རྫོགས་པའི་བརྒྱུད་པ་ནི། རྫོགས་པའི་སངས་རྒྱས། མཉྫུ་ཤྲཱི། ནཱ་གཱ་རྫུ་ན། ཨརྻ་དཱེ་ཝ། འཇམ་དཔལ་གྲགས་པ། རིན་འབྱུང་ཞི་བ། སེའུ་རི་པ། དོན་ཡོད་རྡོ་རྗེ། བ་རི་ལོ་ཙཱ་བ་རིན་ཆེན་གྲགས། མཆིམས་བརྩོན་སེང༌། ས་སྐྱ་བ་ཆེན་པོ། ལྷོ་པ་ཁྱུང་སྟོན་གྲགས། སྤྲུ་སྟོན་བསོད་དབང༌། ཀོ་ནག་རལ་གྲི། གྲགས་སེང༌། ཤང་ཚུལ། ཡོན་ཏན་དཔལ། སྙེ་མདོ་པ་ཀུན་དགའ་དོན་འགྲུབ། རྗེ་རང་བྱུང་རྡོ་རྗེ། སློབ་དཔོན་རྒྱལ་བ་དཔལ། སློབ་དཔོན་བརྩོན་སེང༌། བློ་གྲོས་སེང་གེ །འཇམ་དཔལ་ཆོས་ཀྱི་རྡོ་རྗེ། ཚལ་རིན་ཆེན་གྲགས་དོན། རྗེ་ཤཱཀྱ་རྒྱལ་མཚན། ཐུ་སྟོན་འཇིགས་མེད་དཔའ་བོ། རྡོར་གདན་ཀུན་དགའ་རྣམ་རྒྱལ། བློ་གྲོས་རྒྱལ་མཚན། འབུམ་རམས་རིན་ཆེན་ཆོས་དབང༌། ཚུལ་ཁྲིམས་དབང་ཕྱུག །ཆོས་རྒྱལ་དོན་གྲུབ། དཀོན་མཆོག་འབངས། གྲགས་པ་དོན་འགྲུབ། ཚོགས་གཉིས་དཔལ་གྲུབ། དྷི་ཚ་སྤྲུལ་སྐུ། ཁྲ་ཚང་པ་བློ་མཆོག་རྡོ་རྗེ། མགོན་པོ་བསོད་ནམས་མཆོག་ལྡན། རིག་འཛིན་ཆེན་པོ་པདྨ་ཕྲིན་ལས། མཁན་ཆེན་ངག་དབང་རབ་བརྟན། བསྟན་འཛིན་ཕུན་ཚོགས། ཀུན་དགའ་མཁྱེན་བརྩེ། འགྱུར་མེད་བཀྲ་ཤིས་རྒྱ་མཚོ། རྗེ་མཐུ་སྟོབས་རྣམ་རྒྱལ། རྗེ་གུ་ཎ་སོགས་དང༌། པད་ཕྲིན་ནས་ཀར་ལུགས་སུ་སོང་བ་བཅས་ནོས་སོ། །ཡང་ན་རིན་འབྱུང་ཞི་བ་ནས། རྡོ་རྗེ་གདན་པ། བཻ་རོ་ཙཱ་ན་རཀྵི་ཏ། དོན་ཡོད་རྡོ་རྗེ་མན་འདྲ། ཡང་ན་ལྷོ་པ་ཁྱུང་སྟོན་ནས། གཙང་སྟོན། གཡོར་པ་ཟུར་སྟོན། ཉང་སྟོན་བསོད་དབང༌། རྒྱལ་སྟོན་ཆོས་དཔལ། དཀོན་མཆོག་དཔལ། གྲགས་པ་སེང་གེ །སྟག་སྟོན་པ་སྤྱིལ་ཕུ་བ། ལོ་ཙཱ་བ་མཆོག་ལྡན་ལེགས་པའི་བློ་གྲོས། བག་སྟོན། མགོན་པོ་འབུམ། སྤྲུ་སྟོན། མཁན་ཆེན་ཤེས་རྡོར་བ། ཆོས་སྒོ་བ། བསོད་ནམས་སེང་གེ །ཚལ་གྲགས་དོན་མན་འདྲའོ། །ཡང་ན། རྫོགས་པའི་སངས་རྒྱས། བྱམས་པ། ཐོགས་མེད་སྐུ་མཆེད། བློ་གྲོས་བརྟན་པ། རིག་པའི་ཁུ་བྱུག །ཁ་ཆེན་དགོན་པ་བ། དཔའ་བོའི་སྡེ། མར་མེ་མཛད་བཟང་པོ། དྲི་མེད་སྦས་པ། རིན་ཆེན་རྡོ་རྗེ། ཤཱནྟི་པ། སུ་མ་ཏི་ཀིརྟི། སྨྲྀ་ཏི་ཛྙཱ་ན་ཀིརྟི། རོང་ཟོམ་ཆོས་བཟང༌། ལྷོ་པ་ཀུན་མཁྱེན། དཀོན་མཆོག་དཔལ། སྤང་ཁང་པ། གྲགས་སེང༌། ཤངས་ཚུལ་སྟག་སྟོན་མན་འདྲ། ཡང་ན་བློ་བསྟན་ནས། གང་བ་སྤེལ། རིན་ཆེན་ཞི་བ་མན་འདྲ། ཡང་ན་རྫོགས་པའི་སངས་རྒྱས། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་ལོ། སོ་ཀུན་མཁྱེན། སོ་འཛམ་གླིང་རྒྱན། ལྷོ་པ་ཀུན་མཁྱེན་ཀོ་ནག་རལ་གྲི་མན་འདྲའོ། །ཡང་ན་ལྷོ་པ་ཀུན་མཁྱེན་ནས། དཀོན་མཆོག་དཔལ་མན་འདྲའོ། །ཕུང་པོ་གསུམ་པའི་བརྒྱུད་པ་ལུགས་གཅིག་ནི། ཐུབ་དབང༌། ཀུན་དགའ་བོ། ཀྲྀ་ཥྞིའི་གོས་ཅན། ཤཱ་ནའི་གོས། ཉི་མའི་གུང༌། ཐམས་ཅད་མཁྱེན་པའི་བཤེས་གཉེན། ནཱ་གཱ་རྫུ་ན། འཕགས་པ་ལྷ། ཤྲཱི་མཉྫུ་ཀིརྟི། ཤཱནྟི་པ། རྡོ་རྗེ་གདན་པ་གསུམ། ཁ་ཆེ་པཎ་ཆེན། དཔྱལ་ཆོས་བཟང༌། དཔྱལ་པདྨ་ཅན་གཞོན་ནུ་ཡེ་ཤེས། ཤེས་རབ་སེང་གེ །བག་སྟོན་པ། མགོན་པོ་འབུམ། སྤྲུ་སྟོན། མཁན་ཆེན་ཤེས་རྡོར་བ། ཆོས་སྒོ་བ་ཆོས་ཤེས། སློབ་དཔོན་བསོད་ནམས་སེང་གེ །ཚལ་གྲགས་དོན་པ། རིན་ཆེན་གྲགས་པ། བཀའ་འགྱུར་བ་ཤཱཀྱ་རྒྱལ་མཚན་མན་འདྲ། ཡང་ན་ཁ་ཆེ་པཎ་ཆེན་ནས། ལྷོ་པ་ཀུན་མཁྱེན། ཀོ་ནག་པ། ཟས་གཙང་པ། གྲགས་སེང༌། བསོད་རིན། མཁན་པོ་གཞོན་ཡེ། འབྱུང་ལྡན་འོད། བྱང་ཆུབ་སེང་གེ །ཞང་ཀུན་འོད། བག་སྟོན་མན་གོང་དང་འདྲ། ཡང་ན། ཐུབ་དབང༌། བྱམས་པ། ཐོགས་མེད་སྐུ་མཆེད། སངས་རྒྱས་བསྐྱང༌། ཡེ་ཤེས་ཞབས། མར་མེ་མཛད། དྲི་མེད་སྦས་པ། རིན་ཆེན་རྡོ་རྗེ། ཆོས་འབྱུང་ཞི་བ། ཛྙཱ་ན་ཤྲཱི། པུཎྱཻ་ཤྲཱི་གཉིས་ཀས་གསན། དེ་གཉིས་ལས་སུ་མ་ཏི་ཀིརྟི། སྨྲྀ་ཏི་ཛྙཱ་ན། རོང་ཟོམ་པཎྜི་ཏ། ཏིང་འཛིན་བཟང་པོ། ཉང་ཉི་མ་འོད་ཟེར། ལྷོ་པ་ཀུན་མཁྱེན། སྤང་ཁང་པ་གྲགས་སེང༌། སྟག་སྟོན། བློ་ཆེན་པ། བག་སྟོན་མན་འདྲ། ཡང་ན། རྫོགས་པའི་སངས་རྒྱས། འཇམ་དཔལ། ཀླུ་སྒྲུབ་ཡབ་སྲས། འཇམ་དཔལ་གྲགས་པ། རིན་ཆེན་ཞི་བ། སེའུ་རི་པ། ཨ་བྷ་ཡ། དགེ་འབྱུང་སྦས་པ། རྡོ་རྗེ་གདན་པ་གསུམ། པུཎྱཻ་ཤྲཱི། སྟེང་ལོ། སོ་ཀུན་མཁྱེན། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་པ། གྲགས་སེང༌། ཞང་ཀུན་དགའ་འབུམ། ཕག་ཁུར་བ། བག་སྟོན་མན་འདྲའོ། །ཡང་ན། སྟོན་མཆོག་དོན་ཀུན་གྲུབ། འཇམ་དཔལ་དབྱངས། ཡེ་ཤེས་ཞབས། མར་མེ་མཛད། སྨན་ཞབས་པ། རྒྱལ་བའི་བྱིན། རཏྣ་ཤྲཱི། ཤཱནྟིཾ་བཛྲ། ཀརྨ་བཛྲ། པུཎྱཻ་ཤྲཱི། བི་ཛ་ཡ། རཀྵི་ཏ། ཐར་ལོ་ཉི་མ་རྒྱལ་མཚན། ཕག་ཁུར་བ། བག་སྟོན་གཞོན་ནུ་ཚུལ་ཁྲིམས་མན་སྔ་མ་དང་འདྲའོ། །ད་ནི་ཐེག་པ་སྣ་ཚོགས་ལས་མདོ་སྡེའི་སྐོར་ཇི་ལྟར་ཐོབ་པའི་ཚུལ་ལ། ཐེག་ཆེན་དང་ཐེག་དམན་གཉིས་ལས། ཐེག་པ་ཆེན་པོར། གླེགས་བམ། ༼ཀ༽ པར། འཕགས་པ་བསྐལ་པ་བཟང་པོའི་མདོ་ པྲ༽ ལྷོ༽ ཉང་༽ སོ༽ ཁ༽ བམ་པོ་ཉེར་དྲུག་པ། བིདྱཱ་ཀ་ར་སྡེ་དང་དཔལ་དབྱངས་ཀྱི་འགྱུར། དཔལ་བརྩེགས་ཀྱིས་ཞུས་པ། ༼ཁ༽ པར། རྒྱ་ཆེ་རོལ་པ་ པྲ༽ ལྷོ༽ ཉང་༽ སོ༽ ཁ༽ བམ་པོ་བཅོ་ལྔ་དང་ལེའུ་ཉེར་བདུན་པ། ཛི་ན་མི་ཏྲ། དཱ་ན་ཤཱི་ལ། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། འཇམ་དཔལ་རྣམ་པར་རོལ་པ། པྲ༽ ལྷོ༽ ཉང་༽ སོ༽ བམ་པོ་གཉིས་པ། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། འཇམ་དཔལ་གྱི་རྣམ་པར་འཕྲུལ་པ། པྲ༽ ལྷོ༽ ཉང་༽ སོ༽ ལེའུ་བདུན་བམ་པོ་གཅིག་དང་ཤློ་ཀ་གཅིག་པ། ཤཱི་ལེནྡྲ་བོ་དྷི། པྲཛྙཱ་ཝརྨ་དང༌། ཡེ་ཤེས་སྡེའི་འགྱུར། དེ་བཞིན་གཤེགས་པ་ཐམས་ཅད་ཀྱི་བྱིན་རླབས་སེམས་ཅན་ཐམས་ཅད་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་བསྟན་པ། པྲ༽ ལྷོ༽ ཉང་༽ སོ༽ བམ་པོ་གཉིས་པ། ཛི་ན་མི་ཏྲ། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། ༼ག༽ པར། ཡེ་ཤེས་རྒྱས་པའི་མདོ་སྡེ་རིན་ཆེན་མཐར་ཕྱིན་པ། པྲ༽ ལྷོ༽ ཉང་༽ སོ༽ ཁོ༽ བམ་པོ་ཉེར་ལྔ་པ། པྲཛྙཱ་ཝརྨ་དང༌། ཡེ་ཤེས་སྡེའི་འགྱུར་ལ་སླར་ལོ་པཎ་གསུམ་གྱིས་ཞུས་པ། སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བ་རྒྱན་གྱི་མདོ། པྲ༽ ལྷོ༽ ཉང་༽ སོ༽ ཁོ༽ ཆ༽ བམ་པོ་གསུམ་དང་ཤློ་ཀ་ལྔ་བཅུ་པ། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། ༼ང༽ པར། དགེ་བའི་རྩ་བ་ཡོངས་སུ་འཛིན་པའི་མདོ། པྲ༽ ལྷོ༽ ཉང་༽ སོ༽ ཁ༽ བམ་པོ་བཅོ་བརྒྱད་དང་ལེའུ་བཅོ་ལྔ་པ། པྲཛྙཱ་ཝརྨ་དང༌། ལེགས་པའི་བསྒྱུར་བ། སླར་ལོ་པཎ་གསུམ་གྱིས་གཏན་ལ་ཕབ་པ། ཟུང་གི་མདོའི་ཆོས་ཀྱི་རྣམ་གྲངས། པྲ༽ ལྷོ༽ ཉང་༽ སོ༽ ཁ༽ བམ་པོ་བཞི་ཛི་ན་མི་ཏྲ་དང་དཱ་ན་ཤཱི་ལ་ཡེ་ཤེས་སྡེ་གསུམ་གྱི་འགྱུར། ཁྱེའུ་སྣང་བ་བསམ་གྱིས་མི་ཁྱབ་པ་བསྟན་པའི་ཆོས་ཀྱི་རྣམ་གྲངས། པྲ༽ ལྷོ༽ ཉང་༽ སོ༽ ཁ༽ ཤློ་ཀ་ཉིས་བརྒྱ་བདུན་ཅུ། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། དེ་བཞིན་གཤེགས་པ་རྣམས་ཀྱི་སངས་རྒྱས་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས། ཛི་ནི་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། དཀྱིལ་འཁོར་བརྒྱད་པ་ཞེས་བྱ་བའི་ཆོས་ཀྱི་རྣམ་གྲངས། སོ༽ ཤློ་ཀ་དྲུག་ཅུ། སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། ༼ཅ༽ པར། དགོངས་པ་ངེས་འགྲེལ། པྲ༽ ལྷོ༽ ཉང་༽ སོ༽ ཁ༽ བམ་པོ་བཞི་ལེའུ་བཅུ་པ་སྐད་གསར་བཅད་ཀྱིས་བཅོས་པ། ལང་ཀར་གཤེགས་པའི་མདོ་ཇི་སྙེད་པ། ལྷོ༽ ཉང་༽ སོ༽ ཁ༽ བམ་པོ་དགུ་པ་ལེའུ་ཉེར་བརྒྱད་པ་རྒྱ་གར་ནས་བསྒྱུར་བར་གྲགས་ཀྱང་བསྒྱུར་མཁན་གྱི་གསལ་ཁ་མ་བྱུང༌། ལང་ཀར་གཤེགས་པ་རིན་པོ་ཆེའི་མདོ་ལས་སངས་རྒྱས་ཐམས་ཅད་གསུང་གི་སྙིང་པོའི་ལེའུ། ཏ༽ བམ་བརྒྱད་མ་འགོས་ཆོས་འགྲུབ་ཀྱིས་རྒྱ་ནག་ནས་བསྒྱུར་བ། ག་ཡ་མགོ་རིའི་མདོ། པྲ༽ ལྷོ༽ ཉང་༽ སོ༽ ཁ༽ ཤློ་ཀ་བརྒྱད་ཅུ་རྩ་བརྒྱད་པ། སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། ༼ཆ༽ པར། རྒྱན་སྟུག་པོ་བཀོད་པ་ཇི་སྙེད་པ། པྲ༽ ལྷོ༽ ཉང་༽ སོ༽ ཁ༽ བམ་པོ་བཞི་ལེའུ་དགུ་ཛི་ན་མི་ཏྲ་དང་ཤཱི་ལེནྡྲ་བོ་དྷི་ཡེ་ཤེས་སྡེ་གསུམ་གྱི་འགྱུར། སྙིང་རྗེ་པདྨ་དཀར་པོ། པྲ༽ ལྷོ༽ ཉང་༽ ས༽ ཙ༽ བམ་པོ་དྲུག་ལེའུ་བཅུ་གསུམ་འགྱུར་གོང་འདྲ། སྙིང་རྗེ་པད་དཀར། པྲ༽ ལྷོ༽ ཉང་༽ ས༽ ཅ༽ བམ་པོ་བཅོ་ལྔ། ལེའུ་དྲུག་པ་ཛི་ན་མི་ཏྲ་སུ་རེནྡྲ་བོ་དྷི། པྲཛྙཱ་ཝརྨ་དང་ཡེ་ཤེས་སྡེ་བཞིའི་འགྱུར། ༼ཇ༽ པར། དམ་ཆོས་པད་དཀར། པྲ༽ ལྷོ༽ ཉང་༽ སོ༽ ཅ༽ བམ་པོ་བཅུ་གསུམ་ལེའུ་བདུན། སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ། སོ༽ བམ་པོ་དྲུག་པ། པྲཛྙཱ་ཝརྨ། སུ་རེནྡྲ་བོ་དྷི། ཡེ་ཤེས་སྡེ་གསུམ་གྱི་འགྱུར། བདེ་བ་ཅན་གྱི་བཀོད་པ། པྲ༽ ལྷོ༽ ཉང་༽ སོ༽ ཤློ་ཀ་སུམ་ཅུ་འགྱུར་གོང་འདྲ། ཟ་མ་ཏོག་བཀོད་པ། པྲ༽ ལྷོ༽ ཉང་༽ སོ༽ ཆ༽ བམ་པོ་ཕྱེད་ལྔ་དང་ལེའུ་གཉིས་པ། དཀོན་མཆོག་གི་ཟ་མ་ཏོག པྲ༽ ལྷོ༽ ཉང་༽ སོ༽ ཅ༽ བམ་བཞི་མ། རཏྣ་རཀྵི་ཏས་བསྒྱུར་ཅིང་སྐད་གསར་བཅད་ཀྱིས་བཅོས་པ། རིན་པོ་ཆེའི་མཐའ་ཤློ་ཀ་བརྒྱད་ཅུ་པ་ཛི་ན་མི་ཏྲ། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། ༼ཉ༽ པར། མྱང་འདས་ཆེན་པོའི་མདོ། བམ་པོ་ལྔ་བཅུ་རྩ་ལྔ་དང་ལེའུ་བཅོ་ལྔ་པ་ལས་བམ་པོ་ཉེར་བརྒྱད་དང་ལེའུ་དགུ་པ་ཡན། ༼ཏ༽ པར། དེའི་འཕྲོས་ཡོངས་སུ་རྫོགས་པ་མུ་སྟེགས་ཀྱི་རྒྱལ་པོ་ས་ལ་ཤས་གདུང་མ་ཐོབ་པ་ཡན་རྒྱ་ནག་གི་མཁན་པོ་ཝང་ཕན་ཞུན་དང༌། དྷརྨའི་གཞི་འཛིན་དགེ་བའི་བློ་གྲོས། ལོ་ཙཱ་བ་རྒྱ་མཚོའི་སྡེས་བསྒྱུར་བ། ༼ཐ༽ པར། ཡོངས་སུ་མྱ་ངན་འདས་པ་ཆེན་པོ་ལེའུ་ཉི་ཁྲི་ལྔ་སྟོང་ལས་ལྷ་དང་མི་ལ་སོགས་པས་ཞུས་པའི་ལེའུ། པྲ༽ ལྷོ༽ ཉང་༽ སོ༽ བ༽ ཉི་ཚེ་བ་བམ་པོ་བཅུ་གསུམ་དང་ལེའུ་ལྔ་ཤློ་ཀ་སུམ་སྟོང་དགུ་བརྒྱ། ཛི་ན་མི་ཏྲ། ཛྙཱ་ན་གརྦྷ། ལོ་ཙཱ་བ་ལྷ་ཡི་ཟླ་བ་གསུམ་གྱི་བསྒྱུར་བ། འཕགས་པ་ཡོངས་སུ་མྱ་ངན་ལས་འདས་པའི་མདོ་ཆུང་བ་རྒྱ་གར་གྱི་མཁན་པོ་ཀ་མ་ལ་གུཔྟ་དང༌། ལོ་ཙཱ་བ་རིན་ཆེན་བཟང་པོའི་འགྱུར། འདི་ལ་ལུང་རྒྱུན་མེད། འཕགས་པ་འདའ་ཀ་ཡེ་ཤེས་ཤློ་ཀ་བཅུ་པ། པྲ༽ ལྷོ༽ ཉང་༽ སོ༽ རྒྱ་ནག་གི་འགྱུར། སངས་རྒྱས་ཀྱི་ཆོས་ཀྱི་མཛོད་བམ་པོ་བཞི་ལེའུ་བཅུ་གཅིག ཉང་༽ སོ༽ རྒྱ་ནག་གི་འགྱུར། འཕགས་པ་དཀོན་མཆོག་འབྱུང་གནས། པྲ༽ ལྷོ༽ ཉང་༽ སོ༽ ཁ༽ བམ་པོ་བདུན་ཛི་ན་མི་ཏྲ་དང་དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། འཕགས་པ་གསེར་གྱི་མདོ། པྲ༽ ལྷོ༽ ཉང་༽ སོ༽ ཆ༽ འགྱུར་བྱང་མེད་པ། གསེར་གྱི་བྱེ་མ་ལྟ་བུའི་མདོ། པྲ༽ ལྷོ༽ ཉང་༽ སོ༽ ཆ༽ ༼ད༽ པར། ཏིང་ངེ་འཛིན་རྒྱལ་པོའི་མདོ། པྲ༽ ལྷོ༽ ཉང་༽ སོ༽ ཀ༽ བམ་པོ་བཅོ་ལྔ་དང་ལེའུ་སོ་དགུ་པ། ཤཱི་ལེནྡྲ་བོ་དྷི་དང༌། ཆོས་ཉིད་ཚུལ་ཁྲིམས་ཀྱི་འགྱུར། ཆོས་ཉིད་རང་གི་ངོ་བོ་ལས་མི་གཡོ་བའི་མདོ། སོ༽ ཤློ་ཀ་དགུ་བཅུ། དཱ་ན་ཤཱི་ལ་དང་ཡེ་ཤེས་སྡེའི་འགྱུར། རབ་ཏུ་ཞི་བ་རྣམ་པར་ངེས་པ་ཆོ་འཕྲུལ་གྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་གསུམ་མ། ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། སྒྱུ་མ་ལྟ་བུའི་ཏིང་ངེ་འཛིན་གྱི་མདོ། པྲ༽ གློ༽ ཉང་༽ སོ༽ ཅ༽ བམ་པོ་ཕྱེད་དང་གཉིས་པ། སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། དེ་བཞིན་གཤེགས་པའི་ཡེ་ཤེས་ཕྱག་རྒྱའི་ཏིང་ངེ་འཛིན་གྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་གཉིས་དང་ཤློ་ཀ་དྲུག་ཅུ་འགྱུར་གོང་འདྲ། དཔའ་བར་འགྲོ་བའི་ཏིང་ངེ་འཛིན་གྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་ལྔ་ལེའུ་བཅུ་དགུ །ཤཱཀྱ་པྲ་བྷ་དང༌། རཏྣ་རཀྵི་ཏའི་འགྱུར། ༼ན༽ པ་ལ། ད་ལྟར་གྱི་སངས་རྒྱས་མངོན་སུམ་བཞུགས་པའི་ཏིང་ངེ་འཛིན་གྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་བདུན་ལེའུ་ཉེར་ལྔ་པ་འགྱུར་གོང་འདྲ། བསོད་ནམས་ཐམས་ཅད་སྡུད་པའི་ཏིང་ངེ་འཛིན་གྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་བཞི། པྲཛྙཱ་ཝརྨ། ཤི་ལནྡྲེ་བོ་དྷི། ཡེ་ཤེས་སྡེ་གསུམ་གྱི་འགྱུར། རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་བམ་པོ་གཉིས་པ་འགྱུར་བྱང་མེད་པ། འཕགས་པ་ཁྱེའུ་བཞིའི་ཏིང་ངེ་འཛིན་གྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་གསུམ་ཛི་ན་མི་ཏྲ། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། ཏིང་ངེ་འཛིན་མཆོག་དམ་པའི་མདོ། ཉང་༽ སོ༽ ཅ༽ བམ་པོ་གཅིག་མ་འགྱུར་བྱང་མེད། འདུས་པ་རིན་པོ་ཆེ་ཏོག་གི་གཟུངས། ཇ༽ བམ་བརྒྱད་མ་ལེའུ་བཅུ་གསུམ། ཤཱི་ལེནྡྲ་བོ་དྷི་དང་ཡེ་ཤེས་སྡེའི་འགྱུར། རྡོ་རྗེ་སྙིང་པོའི་གཟུངས། པྲ༽ ལྷོ༽ ཉང་༽ སོ༽ ཁ༽ བམ་པོ་གཅིག་འགྱུར་གོང་འདྲ། སྒོ་མཐའ་ཡས་པ་སྒྲུབ་པའི་གཟུངས། སོ༽ ཤློ་ཀ་ཉིས་བརྒྱ་ལྔ་བཅུ། སྒོ་དྲུག་པའི་གཟུངས། སོ༽ སྒོ༽ ཤློ་ཀ་བཅོ་བརྒྱད། ༼པ༽ པར། རྣམ་པར་མི་རྟོག་པ་ལ་འཇུག་པའི་གཟུངས། ཉང་༽ སོ༽ ཤློ་ཀ་ཉི་ཤུ་པ་ཛི་ན་མི་ཏྲ་དང༌། དཱ་ན་ཤཱི་ལ། དཔལ་བརྩེགས་གསུམ་གྱི་འགྱུར། ཚིགས་སུ་བཅད་པ་གཉིས་པའི་གཟུངས། སོ༽ འགྱུར་བྱང་མེད་པ། ཐེག་པ་ཆེན་པོ་ལ་དད་པ་རབ་ཏུ་བསྒོམ་པའི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་གཉིས་ལེའུ་བཞི་ཛི་ན་མི་ཏྲ་དང༌། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། བྱང་ཆུབ་སེམས་དཔའི་སྤྱོད་ཡུལ་ཐབས་ཀྱི་ཡུལ་རྣམ་པར་འཕྲུལ་པ་བསྟན་པའི་མདོ། པྲ༽ ལྷོ༽ ཉང་༽ སོ༽ ཁ༽ བམ་པོ་ལྔ་ལེའུ་བཅུ་པྲཛྙཱ་ཝརྨ་ཡེ་ཤེས་སྡེའི་འགྱུར། དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་དུ་བསྟན་པའི་མདོ། པྲ༽ ལྷོ༽ ཉང་༽ སོ༽ ཅ༽ གཟུངས་ཀྱི་དབང་ཕྱུག་རྒྱལ་པོས་ཞུས་པ་བམ་པོ་བདུན། ཤཱི་ལེནྡྲ་བོ་དྷི་དང་ཡེ་ཤེས་སྡེའི་འགྱུར། འཕགས་པ་ནམ་མཁའ་མཛོད་ཀྱིས་ཞུས་པའི་མདོ། པྲ༽ ལྷོ༽ ཉང་༽ སོ༽ བམ་པོ་བརྒྱད། དཱ་ན་ཤཱི་ལ། ཤཱི་ལེནྡྲ་བོ་དྷི་དང་ཡེ་ཤེས་སྡེ་གསུམ་གྱི་འགྱུར། བྱམས་པས་ཞུས་པའི་མདོ། ཤློ་ཀ་བདུན་ཅུ་པ་འགྱུར་བྱང་མེད་པ། འཕགས་པ་སྤྱན་རས་གཟིགས་ཀྱིས་ཞུས་པའི་ཆོས་བདུན་མ། ཉང་༽ སོ༽ དཱི་པཾ་ཀ་ར་དང༌། དགེ་བློའི་འགྱུར། སྤོབས་པའི་བློ་གྲོས་ཀྱིས་ཞུས་པའི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་གཅིག་པ་པྲཛྙཱ་ཝརྨ་དང་ཡེ་ཤེས་སྡེའི་འགྱུར། ༼ཕ༽ པར། བློ་གྲོས་རྒྱ་མཚོས་ཞུས་པའི་མདོ། པྲ༽ ལྷོ༽ ཉང་༽ ཆ༽ བམ་པོ་བཅུ་གཉིས་པ་ཛི་ན་མི་ཏྲ། དཱ་ན་ཤཱི་ལ། བུདྡྷ་པྲ་བྷ་དང༌། ཡེ་ཤེས་སྡེ་བཅས་ཀྱི་འགྱུར། ཀླུའི་རྒྱལ་པོ་རྒྱ་མཚོས་ཞུས་པ་རྒྱས་པའི་མདོ། པྲ༽ ལྷོ༽ ཉང་༽ སོ༽ ཆ༽ ལེའུ་བཅུ་པ་བམ་པོ་བདུན་པ། ཛི་ན་མི་ཏྲ་དང༌། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། ཀླུའི་རྒྱལ་པོ་རྒྱ་མཚོས་ཞུས་པ་འབྲིང་པོ་ལ་ཤློ་ཀ་ཉིས་བརྒྱ། ཛི་ན་མི་ཏྲ། མུ་ནི་ཝརྨ། ཡེ་ཤེས་སྡེ་ལ་སོགས་པས་བསྒྱུར་ཅིང་སྐད་གསར་བཅད་ཀྱིས་བཅོས་པ། པྲ༽ ལྷོ༽ ཉང་༽ ཆ༽ བསྡུས་པ་ཤློ་ཀ་བཅུ་གཉིས། སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། ཀླུའི་རྒྱལ་པོ་མ་དྲོས་པས་ཞུས་པའི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་བཞི་པ། ཛི་ན་མི་ཏྲ་དང་དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། མིའི་ཅིའི་སྡོང་པོ་ལྗོན་པས་ཞུས་པ། པྲ༽ ལྷོ༽ ཉང་༽ སོ༽ ཆ༽ དཔལ་གྱི་ལྷུན་པོ་དང་དཔལ་བརྩེགས་ཀྱི་འགྱུར། ༼བ༽ པ་ལ། ཚངས་པས་ཞུས་པའི་མདོ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་ཉིས་བརྒྱ། ཛི་ན་མི་ཏྲ་དང་ཡེ་ཤེས་སྡེའི་འགྱུར། ཚངས་པས་བྱིན་གྱིས་ཞུས་པའི་མདོ། པྲ༽ ལྷོ༽ ཉང་༽ ང་༽ བམ་གཅིག་མ་སུ་རེནྡྲ་བོ་དྷི་དང༌། པྲཛྙཱ་ཝརྨ། བནྡྷེ་ཡེ་ཤེས་གསུམ་གྱི་འགྱུར། ཚངས་པ་ཁྱད་པར་སེམས་ཀྱིས་ཞུས་པའི་མདོ། པྲ༽ ལྷོ༽ ཉང་༽ སོ༽ ཅ༽ བམ་པོ་དྲུག་པ། ཤཱཀྱ་པྲ་བྷ་དང༌། དྷརྨ་པཱ་ལ། ཛི་ན་མི་ཏྲ། ལོ་ཙཱ་བ་དྷརྨ་ཏ་ཤཱི་ལ་སོགས་ཀྱི་འགྱུར། ལྷའི་བུ་རབ་རྩལ་སེམས་ཀྱིས་ཞུས་པ། པྲ༽ ལྷོ༽ ཉང་༽ སོ༽ བམ་པོ་གསུམ་པ་པྲཛྙཱ་ཝརྨ་དང་ཡེ་ཤེས་སྡེའི་འགྱུར། དཔལ་དབྱིག་གིས་ཞུས་པ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བརྒྱ་དང་བཅོ་ལྔ་འགྱུར་གོང་འདྲ། རིན་ཆེན་དྲ་བ་ཅན་གྱིས་ཞུས་པ། པྲ༽ ལྷོ༽ སོ༽ ཁ༽ བམ་པོ་གཅིག་དང་ཤློ་ཀ་དྲུག་ཅུ། ཛྙཱ་ན་གརྦྷ་དང་དཔལ་བརྩེགས་ཀྱི་འགྱུར། རིན་ཆེན་ཟླ་བས་ཞུས་པ། པྲ༽ ལྷོ༽ ཉང་༽ སོ༽ ང་༽ ཤློ་ཀ་ཉིས་བརྒྱ་དང་རེ་བདུན། བི་ཤུདྡྷ་སེང་ཧ་དང་དགེ་དཔལ་གྱི་འགྱུར་ལ། དེ་ཝ་ཙནྡྲས་ཞུས་པ། འཕགས་པ་བདེ་བྱེད་ཀྱིས་ཞུས་པའི་མདོ། པྲ༽ ལྷོ༽ ཉང་༽ སོ༽ ཤློ་ཀ་བརྒྱད་ཅུ་པྲཛྙཱ་ཝརྨ་དང་ཡེ་ཤེས་སྡེའི་འགྱུར། ཡུལ་འཁོར་སྐྱོང་གིས་ཞུས་པ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བདུན་ཅུ་རྩ་གསུམ་པ་ཛི་ན་མི་ཏྲ་ལ་སོགས་པ་དང༌། བནྡེ་ཡེ་ཤེས་སྡེའི་འགྱུར། རྣམ་པར་འཕྲུལ་པའི་རྒྱལ་པོས་ཞུས་པ། པྲ༽ ལྷོ༽ ཉང་༽ སོ༽ ཅ༽ བམ་པོ་གསུམ་པ་པྲཛྙཱ་ཝརྨ་དང་ཡེ་ཤེས་སྡེའི་འགྱུར། ལྷ་མོ་དྲི་མ་མེད་པའི་འོད་ཀྱིས་ཞུས་པ། པྲ༽ ལྷོ༽ ཉང༽ སོ༽ ཅ༽ བམ་པོ་དང་འགྱུར་བྱང་མེད་པ། ཐེག་ཆེན་མན་ངག་བུ་མོ་རིན་ཆེན་གྱིས་ཞུས་པ། པྲ༽ ལྷོ༽ ཉང་༽ སོ༽ ཁ༽ ཅ༽ བམ་པོ་བཞི་ཛི་ན་མི་ཏྲ་དང༌། ད་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། བྲམ་ཟེ་མོ་དཔལ་ལྡན་གྱིས་ཞུས་པ། པྲ༽ ལྷོ༽ ཉང་༽ སོ༽ ང༽ ཤློ་ཀ་བཅུ་དགུ་སུ་རེནྡྲ་བོ་དྷི་དང༌། པྲཛྙཱ་ཝརྨ། ལོ་ཙཱ་བ་ཡེ་ཤེས་སྡེ་ལ་སོགས་པས་བསྒྱུར་བ། བགྲེས་མོས་ཞུས་པ། པྲ༽ ལྷོ༽ ཉང་༽ སོ༽ ཁ༽ ཅ༽ ཤློ་ཀ་བརྒྱ་དང་བཅུ་པ་ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། ༼མ༽ པར། འཇམ་དཔལ་གྱིས་དྲིས་པའི་མདོ། པྲ༽ ལྷོ༽ ཉང་༽ སོ༽ ང་༽ བམ་པོ་གཅིག་འགྱུར་བྱང་མེད་པ། བདག་མེད་པ་དྲིས་པ། པྲ༽ ལྷོ༽ ཉང་༽ སོ༽ ང་༽ ཀ་མ་ལ་གུཔྟ་དང༌། རིན་བཟང་གི་འགྱུར། འཇིག་རྟེན་འཛིན་གྱིས་དྲིས་པ། པྲ༽ ལྷོ༽ ཉང་༽ སོ༽ ང་༽ བམ་བཞི་མ་ལེའུ་བཅུ་གཉིས་པ་འགྱུར་བྱང་མེད་པ། བློ་གྲོས་མི་ཟད་པས་བསྟན་པ། པྲ༽ ལྷོ༽ ཉང་༽ སོ༽ ཆ༽ བམ་བདུན་པ་ཆོས་ཉིད་ཚུལ་ཁྲིམས་ཀྱི་འགྱུར། ལི་ཙཱ་བི་དྲི་མ་མེད་པ་གྲགས་པས་བསྟན་པ། པྲ༽ ལྷོ༽ ཉང་༽ སོ༽ ང་༽ བམ་པོ་དྲུག་ལེའུ་བཅུ་གཉིས་པ་འགྱུར་གོང་འདྲ། འཇམ་དཔལ་གྱིས་བསྟན་པ། པྲ༽ ལྷོ༽ ཉང་༽ སོ༽ ང་༽ ཤློ་ཀ་ཕྱེད་དང་བཅོ་ལྔ་པ། སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། བྱང་ཆུབ་ཀྱི་ཕྱོགས་བསྟན་པ་ཤློ་ཀ་དགུ་བཅུ་རྩ་གཉིས། ཛི་ན་མི་ཏྲ། ཛྙཱ་ན་སིདྡྷི། ཡེ་ཤེས་སྡེ་གསུམ་གྱི་འགྱུར། ཀུན་རྫོབ་དང་དོན་དམ་པའི་བདེན་པ་བསྟན་པ་བམ་པོ་གཉིས། པྲ༽ ལྷོ༽ ཉང་༽ སོ༽ ཤཱཀྱ་པྲ་བྷ། ཛི་ན་མི་ཏྲ། ཆོས་ཉིད་ཚུལ་ཁྲིམས་གསུམ་གྱི་འགྱུར། ཆོས་ཐམས་ཅད་འབྱུང་བ་མེད་པར་བསྟན་པ། པྲ༽ ལྷོ༽ ཉང་༽ ས༽ ཆ༽ བམ་པོ་གསུམ་རིན་ཆེན་འཚོའི་འགྱུར། ༼ཙ༽ པར། ཕར་ཕྱིན་ལྔ་བསྟན་པ། པྲ༽ ལྷོ༽ ཉང་༽ སོ༽ ཆ༽ བམ་པོ་དྲུག་ལེའུ་ཉེར་བཞི་ཛི་ན་མི་ཏྲ་དང༌། ཡེ་ཤེས་སྡེ་གསུམ་གྱི་འགྱུར། སྦྱིན་པའི་ཕར་ཕྱིན་བསྟན་པ། པྲ༽ ལྷོ༽ ཉང་༽ སོ༽ ཆ༽ བམ་པོ་གཉིས་ལེའུ་བཞི་པྲཛྙཱ་ཝརྨ་དང་ཡེ་ཤེས་སྡེའི་འགྱུར། སྦྱིན་པའི་ཕན་ཡོན་བསྟན་པ། པྲ༽ ལྷོ༽ ཉང་༽ སོ༽ ཅ༽ ཆ༽ ཤློ་ཀ་སུམ་ཅུ་པ་སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། བྱང་ཆུབ་སེམས་དཔའི་སྤྱོད་པ་བསྟན་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་ཉིས་བརྒྱ་ཉི་ཤུ་པ་ཛི་ན་མི་ཏྲ། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། དེ་བཞིན་གཤེགས་པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པར་བསྟན་པ། པྲ༽ ལྷོ༽ ཉང་༽ སོ༽ ང་༽ བམ་པོ་གསུམ་པ་ཛྙཱ་ན་གརྦྷ་དང་ཡེ་ཤེས་སྡེའི་འགྱུར། སངས་རྒྱས་ཀྱི་སྟོབས་སྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པ། ཉང་༽ སོ༽ བམ་པོ་གཅིག་འགྱུར་བྱང་མི་གསལ་བ། སངས་རྒྱས་ཀྱི་ཆོས་བསམ་གྱིས་མི་ཁྱབ་པར་བསྟན་པ། བམ་པོ་གསུམ་པ་ཕལ་པོ་ཆེ་འབུམ་པ་ལས་ཁོལ་དུ་ཕྱུང་བར་གྲགས་ཤིང་འགྱུར་བྱང་མི་གསལ་བ། མར་མེ་མཛད་ཀྱིས་ལུང་བསྟན་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་ཉིས་བརྒྱ་བཅུ་པ། བི་ཤུདྡྷ་སེང་ཧ་དང་དགེ་བློའི་འགྱུར་ལ་ཀླུའི་རྒྱལ་མཚན་གྱིས་ཞུས་པ། ཚངས་པའི་དཔལ་ལུང་བསྟན་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་བཞི་བཅུ་འགྱུར་གོང་འདྲ་ལ་ལྷའི་ཟླ་བས་བཅོས་པ། བུད་མེད་འགྱུར་བ་ལུང་བསྟན་པ། པྲ༽ ལྷོ༽ ཉང་༽ སོ༽ ཆ༽ བམ་པོ་གཉིས་ཛི་ན་མི་ཏྲ་དང་ཡེ་ཤེས་སྡེའི་འགྱུར། བུ་མོ་ཟླ་མཆོག་ལུང་བསྟན་པ། པྲ༽ ལྷོ༽ ཉང་༽ སོ༽ ཆ༽ བམ་པོ་གཉིས་འགྱུར་གོང་འདྲ། བདེ་ལྡན་མ་ལུང་བསྟན་པ། པྲ༽ ལྷོ༽ ཉང་༽ སོ༽ ཤློ་ཀ་བདུན་ཅུ་འགྱུར་བྱང་མེད་པ། ལྷ་མོ་དཔལ་ལུང་བསྟན་པ། ས༽ ཤློ་ཀ་བརྒྱ་པ་འགྱུར་བྱང་མེད་པ། འཕགས་པ་རྒྱལ་བའི་བློ་གྲོས། སོ༽ ཤློ་ཀ་བཅུ་གཅིག་པ་འགྱུར་བྱང་མེད་པ། སྤྱན་རས་གཟིགས་ཀྱི་མདོ། པྲ༽ ལྷོ༽ ཉང་༽ སོ༽ ཁ༽ བམ་པོ་གཅིག་དང་ཤློ་ཀ་དྲུག་ཅུ་ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། འཇམ་དཔལ་གནས་པ་ཞེས་པའི་མདོ། པྲ༽ ལྷོ༽ ཉང་༽ སོ༽ ཤློ་ཀ་བརྒྱ་བཞི་བཅུ་པ་སུ་རེནྡྲ་བོ་དྷི་དང༌། ཡེ་ཤེས་སྡེའི་འགྱུར། བྱམས་པ་བདུད་རྩི་བརྗོད་པ་ཞེས་པའི་མདོ། པྲ༽ ལྷོ༽ ཉང་༽ སོ༽ ཤློ་ཀ་བརྒྱད་ཅུ་པ་པྲཛྙཱ་ཝརྨ་ཡེ་ཤེས་སྡེའི་འགྱུར། བྱམས་པ་ལ་འཇུག་པ་ཞེས་པའི་མདོ། པྲ༽ ལྷོ༽ ཉང་༽ སོ༽ བམ་པོ་གཉིས་པ་པྲཛྙཱ་ཝརྨ་དང༌། ཛི་ན་མི་ཏྲ། སུ་རེནྡྲ་བོ་དྷི། ཡེ་ཤེས་སྡེ་བཞིའི་འགྱུར། ཆོས་ཀྱི་རྗེས་སུ་མཐུན་པར་འཇུག་པའི་འཇིག་རྟེན་མཐུན་འཇུག་ལ་ཤློ་ཀ་བརྒྱ་དང་བཅུ་གཅིག པྲ༽ ལྷོ༽ ཉང་༽ སོ༽ ང་༽ ཛི་ན་མི་ཏྲ་དང༌། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། ༼ཚ༽ པར། དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱ །པྲ༽ ལྷོ༽ ཉང་༽ སོ༽ ཆ༽ བམ་པོ་ལྔ་དང་ཤློ་ཀ་བདུན་ཅུ། སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། ངེས་པ་དང་མ་ངེས་པ་ལ་འགྲོ་བའི་ཕྱག་རྒྱ་ལ་འཇུག་པ། པྲ༽ ལྷོ༽ ཉང་༽ སོ༽ ཆ༽ བམ་པོ་གཅིག་པ་པྲཛྙཱ་ཝརྨ་དང༌། སུ་རེནྡྲ་བོ་དྷི། ཡེ་ཤེས་སྡེ་གསུམ་གྱི་འགྱུར། ཆོས་ཀྱི་ཕྱག་རྒྱ་ཞེས་པའི་མདོ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་བརྒྱད་ཅུ་འགྱུར་གོང་འདྲ། མར་མེ་འབུལ་བ་ཞེས་པའི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་གཅིག་འགྱུར་གོང་འདྲ། གྲོང་ཁྱེར་གྱི་འཚོ་བ་ཞེས་པའི་མདོ། པྲ༽ ལྷོ༽ ཉང་༽ སོ༽ ཁ༽ ཤློ་ཀ་བརྒྱ་པ་ཛྙཱ་ན་གརྦྷ་དང་ཀླུའི་དབང་པོའི་འགྱུར་ལ་དེ་ཝ་ཙནྡྲས་ཞུས་པ། ཟས་ཀྱི་འཚོ་བ་རྣམ་པར་དག་པ། པྲ༽ ལྷོ༽ ཉང་༽ ས༽ ཅ༽ ཤློ་ཀ་སུམ་ཅུ་པ་འགྱུར་བྱང་མེད་པ། གླང་པོའི་རྩལ་གྱི་མདོ། པྲ༽ ལྷོ༽ ཉང་༽ ས༽ ཆ༽ བམ་པོ་གཅིག་ཤློ་ཀ་དྲུག་པ་འགྱུར་བྱང་མེད་པ། སྒྲ་ཆེན་པོའི་མདོ། པྲ༽ ལྷོ༽ ཉང་༽ སོ༽ ག༽ ཤློ་ཀ་རེ་བཞི་པ་བི་ཤུདྡྷ་སེང་ཧ་དང༌། དགེ་དཔལ་གྱི་འགྱུར་ལ་དེ་ཝ་ཙནྡྲས་ཞུས་པ། སེང་གེའི་རྩལ་གྱི་མདོ། པྲ༽ ལྷོ༽ ཉང་༽ སོ༽ ཁ༽ བིདྱཱ་ཀ་ར་སེང་ཧ་དང༌། རྦ་ཡེ་ཤེས་སྙིང་པོའི་འགྱུར། སཱ་ལུ་ལྗང་པའི་མདོ། པྲ༽ ལྷོ༽ ཉང་༽ སོ༽ ཆ༽ ཐ༽ ཤློ་ཀ་ཉིས་བརྒྱ་ཉེར་དྲུག་འགྱུར་བྱང་མེད་པ། རྟེན་ཅིང་འབྲེལ་བར་འབྱུང་བ་བསྟན་པ། ཉང་༽ སོ༽ ཤློ་ཀ་སུམ་ཅུ་པ་བནྡེ་ཡེ་ཤེས་སྡེའི་འགྱུར། རྟེན་ཅིང་འབྲེལ་བར་འབྱུང་བའི་མདོ། པྲ༽ ལྷོ༽ ཁ༽ ཆ༽ ཤློ་ཀ་བཅུ་གསུམ་པ་སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། སོར་མོའི་ཕྲེང་བ་ལ་ཕན་པའི་མདོ། པྲ༽ ལྷོ༽ ཉང་༽ སོ༽ བམ་པོ་བདུན་པ། ཤཱཀྱ་པྲ་བྷ་དང༌། དྷརྨཱ་ཏ་ཤཱི་ལ། རྒྱ་ནག་ཝང་ཧའི་འགྱུར། རྒྱལ་པོ་གཟུགས་ཅན་སྙིང་པོ་ལ་གདམས་པ། པྲ༽ ལྷོ༽ ཉང་༽ ས༽ དཱ་ན་ཤཱི་ལ་དང་ཡེ་ཤེས་སྡེའི་འགྱུར། པད་སའི་རྒྱལ་པོ་འཆར་བྱེད་ལ་གདམས་པ། སོ༽ འགྱུར་གོང་འདྲ། མ་སྐྱེས་དགྲའི་འགྱོད་པ་བསལ་བའི་མདོ། པྲ༽ ལྷོ༽ ཉང་༽སོ༽ ཆ༽ བམ་པོ་ལྔ་མཉྫུ་ཤྲཱི་གརྦྷ་དང་རིན་ཆེན་མཚོའི་འགྱུར། དཔལ་སྦས་ཀྱི་མདོ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་ཉིས་བརྒྱ་སུམ་ཅུ་པ་འགྱུར་གོང་འདྲ། ལས་སྒྲིབ་རྣམ་པར་དག་པ། སོ༽ བམ་པོ་གཅིག་འགྱུར་གོང་འདྲ། ལས་སྒྲིབ་རྒྱུན་གཅོད་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་ཉིས་བརྒྱ་སུམ་ཅུ་པ་འགྱུར་གོང་འདྲ། ༼ཛ༽ པར། སངས་རྒྱས་ཀྱི་སྡེ་སྣོད་ཚུལ་ཁྲིམས་འཆལ་བ་ཚར་གཅོད་པ། པྲ༽ ལྷོ༽ ཉང་༽ སོ༽ ཆ༽ བམ་པོ་བདུན་པ་ལེའུ་དགུ་པ་དྷརྨ་ཤྲཱི་བྷ་དྲ་དང༌། དཔལ་གྱི་ལྷུན་པོའི་འགྱུར། རྒྱལ་པོ་གསལ་རྒྱལ་ལ་གདམས་པ། པྲ༽ ལྷོ༽ ཉང་༽ སོ༽ ང་༽ ཤློ་ཀ་དྲུག་ཅུ་པ་ཛི་ན་མི་ཏྲ་ཤཱི་ལེནྡྲ་བོ་དྷི་ལོ་ཙཱ་བ་བནྡེ་ཡེ་ཤེས་སྡེ་ལ་སོགས་ཀྱིས་འགྱུར་བ། རྔ་བོ་ཆེ་ཆེན་པོའི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་ལྔ་པ་ལེའུ་ལྔ་བིདྱཱ་ཀ་ར་པྲ་བྷ་དང་དཔལ་གྱི་ལྷུན་པོའི་འགྱུར། སུམ་ཅུ་རྩ་གསུམ་པའི་ལེའུ། པྲ༽ ལྷོ༽ ཉང་༽ སོ༽ ང་༽ བམ་པོ་གསུམ་པྲཛྙཱ་ཝརྨ་དང་ཡེ་ཤེས་སྡེའི་འགྱུར། ལྷག་བསམ་བསྟན་པའི་མདོ། པྲ༽ ལྷོ༽ ཉང་༽ སོ༽ ང་༽ བམ་པོ་གཅིག་ལེའུ་གཉིས་སུ་ལེནྡྲ་བོ་དྷི་པྲཛྙཱ་ཝརྨ་ཡེ་ཤེས་གསུམ་གྱི་འགྱུར། གསུམ་ལ་སྐྱབས་སུ་འགྲོ་བའི་མདོ། སོ༽ ཤློ་ཀ་སུམ་ཅུ་སརྦ་ཛྙཱ་དེ་ཝ་དང་དཔལ་བརྩེགས་ཀྱི་འགྱུར། སྲིད་པ་འཕོ་བ་ཤློ་ཀ་བདུན་ཅུ་པ་ཛི་ན་མི་ཏྲ། དཱ་ན་ཤཱི་ལ་ཡེ་ཤེས་སྡེ་གསུམ་གྱི་འགྱུར། རྣམ་པར་འཐག་པ་ཐམས་ཅད་སྡུད་པ། པྲ༽ ལྷོ༽ ཉང་༽ སོ༽ ཆ༽ བམ་པོ་གཅིག་འགྱུར་གོང་འདྲ། སངས་རྒྱས་བགྲོ་བ། ཁ༽ ཆ༽ བམ་པོ་གསུམ་པ་བནྡེ་དཔལ་དབྱངས་དང༌། དཔལ་བརྩེགས་ཀྱི་འགྱུར། དེ་བཞིན་གཤེགས་པ་བགྲོ་བ། པྲ༽ ལྷོ༽ ཉང་༽ སོ༽ ཁ༽ བམ་པོ་གསུམ་ཛྙཱ་ན་གརྦྷ་དང་དཔལ་དབྱངས་ཀྱི་འགྱུར་ལ་དཔལ་བརྩེགས་ཀྱི་ཞུས་པ། འདུས་པ་ཆེན་པོའི་མདོ་ལས་དེ་བཞིན་གཤེགས་པའི་དཔལ་གྱི་དམ་ཚིག པྲ༽ ལྷོ༽ ཉང་༽ སོ༽ ཆ༽ བམ་པོ་གསུམ་ལེའུ་བཞི་སརྦ་ཛྙཱ་དཱེ་ཝ་དང་དཔལ་བརྩེགས་ཀྱི་འགྱུར། ༼ཝ༽ པར། དཀོན་མཆོག་སྤྲིན། པྲ༽ ལྷོ༽ ཉང་༽ སོ༽ ཁ༽ བམ་པོ་བདུན་རིན་ཆེན་འཚོ་དང་ཆོས་ཉིད་ཚུལ་ཁྲིམས་ཀྱི་འགྱུར། སྤྲིན་ཆེན་པོའི་མདོ། པྲ༽ ལྷོ༽ ཉང་༽ སོ༽ ཁ༽ བམ་པོ་བཅུ་ལེའུ་སོ་བདུན་སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། སྤྲིན་ཆེན་པོ་ལས་ཕྱོགས་བཅུའི་བྱང་ཆུབ་སེམས་དཔའ་རྒྱ་མཚོ་འདུས་པའི་དགའ་སྟོན་ཆེན་པོ་རྣམ་པར་བརྩེ་བའི་ལེའུ་སོ་བདུན་དང༌། བམ་པོ་གསུམ། པྲ༽ ལྷོ༽ ཉང་༽ སོ༽ ཁ༽ འགྱུར་གོང་འདྲ། སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ། པྲ༽ ལྷོ༽ ཉང་༽ སོ༽ བམ་པོ་གཅིག་ཛི་ན་མི་ཏྲ་སུ་རེནྡྲ་བོ་དྷི་ཡེ་ཤེས་སྡེའི་འགྱུར། སྤྲིན་ཆེན་པོ་རླུང་གི་དཀྱིལ་འཁོར་ལས། གྲུབ༽ ཆར་བབ་པའི་ལེའུ་དྲུག་ཅུ་རྩ་བཞི་ཆོ་ག་དང་བཅས་པ་བམ་པོ་ཕྱེད་དང་གསུམ་འགྱུར་གོང་འདྲ། བཅོམ་ལྡན་འདས་ཀྱི་གཙུག་ཏོར་ཆེན་པོ་དེ་བཞིན་གཤེགས་པའི་གསང་བ་སྒྲུབ་པ། པྲ༽ ལྷོ༽ ཉང་༽ སོ༽ ཅ༽ བམ་པོ་གཉིས་འགྱུར་བྱང་མེད་པ། གཙུག་ཏོར་བམ་དགུ་ལས་བདུད་ཀྱི་ལེའུ་ཉི་ཚེ་ཕྱུང་བ། པྲ༽ ལྷོ༽ ཉང་༽ སོ༽ ཏ༽ བམ་པོ་གཉིས་རྒྱ་ནག་གི་འགྱུར། ༼ཞ༽ པར། ཆོས་ཡང་དག་པར་སྡུད་པ། པྲ༽ ལྷོ༽ ཉང་༽ སོ༽ ཁ༽ བམ་བདུན་ལེའུ་བཅུ་གཉིས་མཉྫུ་ཤྲཱི་གརྦྷ་དང་བི་ཛ་ཡ་ཤཱི་ལ། ཤཱི་ལེནྡྲ་བོ་དྷི། ཡེ་ཤེས་སྡེ་བཞིའི་འགྱུར། ས་སྙིང་འཁོར་ལོ་བཅུ་པ། པྲ༽ ལྷོ༽ ཉང་༽ སོ༽ ཅ༽ བམ་པོ་བཅུ་དང་ལེའུ་བརྒྱད་རྒྱ་ནག་གི་འགྱུར། ཕྱིར་མི་ལྡོག་པའི་འཁོར་ལོ། པྲ༽ ལྷོ༽ ཉང་༽ སོ༽ ཆ༽ བམ་པོ་དྲུག །ཛི་ན་མི་ཏྲ། དཱ་ན་ཤཱི་ལ། མུ་ནེ་ཝརྨ། ཡེ་ཤེས་སྡེ་བཞིའི་འགྱུར། ཏིང་ངེ་འཛིན་གྱི་འཁོར་ལོའི་མདོ་རྒྱ་ནག་གི་འགྱུར། ཡོངས་སུ་བསྔོ་བའི་འཁོར་ལོ། པྲ༽ ལྷོ༽ ཉང་༽ སོ༽ ཅ༽ བམ་པོ་གཉིས། རྒྱ་ནག་གི་འགྱུར། ༼ཟ༽ པར། འདིར་དམ་པའི་ཆོས་ཀྱི་རྒྱ་མོ་ཞེས་པ་ཡོད་ཀྱང་ལུང་མ་ཐོབ། ཆོས་ཀྱི་ཚུལ། པྲ༽ ལྷོ༽ ཉང་༽ ས༽ ཅ༽ བམ་པོ་གཅིག་པ་པྲཛྙཱ་ཝརྨ་དང་ཡེ་ཤེས་སྡེའི་འགྱུར། ཆོས་ཀྱི་ཕུང་པོ། པྲ༽ ལྷོ༽ ཉང་༽ སོ༽ ཤློ་ཀ་བརྒྱ་ལྔ་བཅུ་འགྱུར་གོང་འདྲ། དོན་དམ་པའི་ཆོས་ཀྱི་རྣམ་པར་རྒྱལ་བ། པྲ༽ ལྷོ༽ ཉང་༽ སོ༽ ཤློ་ཀ་ཉིས་བརྒྱ་བརྒྱད་ཅུ། ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར་བ། ཆོས་དང་དོན་རྣམ་པར་འབྱེད་པ། པྲ༽ ལྷོ༽ ཉང་༽ སོ༽ ག༽ ཤློ་ཀ་བཅུ་འགྱུར་གོང་འདྲ། བྱང་ཆུབ་སེམས་དཔའི་སོ་ཐར་ཆོས་བཞི་སྒྲུབ་པའི་མདོ་ པྲ༽ ལྷོ༽ ཉང་༽ སོ༽ བམ་པོ་གཅིག་དཱི་པཾ་ཀཱ་ར་དང༌། ལོ་ཙཱ་བ་ཤཱཀྱ་བློ་དང༌། དགེ་བློའི་འགྱུར། ཆོས་བཞི་བསྟན་པ། པྲ༽ ལྷོ༽ ཉང་༽ སོ༽ ཙ༽ ཤློ་ཀ་བཅུ་གསུམ་སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། ཆོས་བཞི་བསྟན་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་བཅུ་འགྱུར་བྱང་མེད་པ། ཆོས་བཞི་མི་གཏོང་བའི་མདོ། སོ༽ འགྱུར་བྱང་མེད་པ། བཞི་སྒྲུབ་པ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་ཉིས་བརྒྱ་དང་དྲུག་ཅུ་འགྱུར་བྱང་མེད་པ། ཆོས་གསུམ་པའི་མདོ། སོ༽ ཛི་ན་མི་ཏྲ། དེ་ཝ་ཙནྡྲའི་འགྱུར་ལ་དཔལ་བརྩེགས་ཀྱིས་ཞུས་པ། ཆོས་ཀྱི་རྒྱལ་མཚན་གྱི་མདོ། སོ༽ འགྱུར་བྱང་མེད་པ། ཆོས་ཀྱི་རྒྱ་མཚོ། ཉང་༽ སོ༽ ཤློ་ཀ་བརྒྱད་ཅུ་རྒྱ་ལས་འགྱུར་བ་སྐད་གསར་བཅད་ཀྱིས་བཅོས་པ། ཆོས་ཀྱི་རྒྱ་མོ། པྲ༽ ལྷོ༽ ཉང་༽ སོ༽ བམ་པོ་གཉིས་པ། རྒྱ་ལས་བསྒྱུར་བ། མདོ་སྡེའི་ཉི་མའི་སྙིང་པོ། པྲ༽ ལྷོ༽ ཉང་༽ སོ༽ ཅ༽ བམ་པོ་བཅུ་གསུམ་དང་ལེའུ་བཅུ་གཉིས་པ་སརྦ་ཛྙཱ་དཱེ་ཝ་དང་བིདྱཱ་ཀ་ར་པྲ་བྷ། དྷརྨཱ་ཀ་ར། བཟང་སྐྱོང་རྣམས་ཀྱི་འགྱུར་ལ་དཔལ་བརྩེགས་ཀྱིས་ཞུས་པ། དེ་བཞིན་གཤེགས་པའི་སྙིང་པོའི་མདོ། པྲ༽ ལྷོ༽ ཉང་༽ སོ༽ ཀ༽ ག༽ བམ་པོ་གཅིག་པ་ཤཱཀྱ་པྲ་བྷ་དང་ཡེ་ཤེས་སྡེའི་འགྱུར། ཡི་གེ་མེད་པའི་ཟ་མ་ཏོག །པྲ༽ ལྷོ༽ ཉང་༽ སོ༽ ཆ༽ རྣམ་པར་སྣང་མཛད་ཀྱི་སྙིང་པོ་ཤློ་ཀ་བརྒྱ་པ། ཛི་ན་མི་ཏྲ་དཱ་ན་ཤཱི་ལ་མུ་ནི་ཝརྨ་ཡེ་ཤེས་སྡེ་བཞིའི་འགྱུར། ནམ་མཁའི་སྙིང་པོའི་མདོ། སོ༽ བམ་གཅིག་མ་ཤཱཀྱ་པྲ་བྷ་དང༌། རིན་ཆེན་མཚོའི་འགྱུར། ཐབས་ལ་མཁས་པའི་མདོ། ཉང་༽ ས༽ བམ་པོ་གཉིས་པ་འགྱུར་བྱང་མེད་པ། ༼འ༽ པར། སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། པྲ༽ ལྷོ༽ ཉང་༽ སོ༽ ཅ༽ བམ་པོ་བརྒྱད་འགྱུར་བྱང་མེད་པ། ཡང་དག་པར་སྤྱོད་ཚུལ་ནམ་མཁའི་མདོག་གི་འདུལ་བའི་བཟོད་པ་བསྟན་པ། པྲ༽ ལྷོ༽ཉང་༽ སོ༽ ཅ༽ བམ་པོ་བཅུ་གཅིག་དང་ལེའུ་བཅུ་གཉིས་རྒྱ་ནག་ནས་འགྱུར་བ། ཐར་པ་ཆེན་པོ་ཕྱོགས་སུ་རྒྱས་པ། པྲ༽ ལྷོ༽ ཉང་༽ སོ༽ ཁ༽ འགྱོད་ཚངས་ཀྱིས་སྡིག་སྦྱངས་ཏེ་སངས་རྒྱས་སུ་སྒྲུབ་པ་རྣམ་པར་བཀོད་པ་བམ་གཉིས་མ་རྒྱ་ནག་འགྱུར། འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ་ལས། ང༽ ཕྱག་འཚལ་བའི་ཆོ་ག་དང་མཚན་ནས་བརྗོད་པའི་གླེང་གཞི་མེ་ཏོག་ཚོགས་ཀྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་གསུམ་ཛྙཱ་ན་སིདྡྷི་དང་ཆོས་ཉིད་ཚུལ་ཁྲིམས་ཀྱི་འགྱུར། ༼ཡ༽ པར། དཔང་སྐོང་ཕྱག་བརྒྱ་པ་ཐུ་མའི་འགྱུར། བསམ་གྱིས་མི་ཁྱབ་པའི་རྒྱལ་པོ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་དོན་ལྔ་འགྱུར་བྱང་མེད་པ། ཕྱོགས་བཅུ་མུན་སེལ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བརྒྱ་ལྔ་བཅུ། བི་ཤུདྡྷ་སེང་ཧ་དང༌། དེ་ཝེནྡྲ་རཀྵི་ཏའི་འགྱུར་ལ་ཀླུའི་རྒྱལ་མཚན་གྱིས་ཞུས་པ། སངས་རྒྱས་བདུན་པ། ཉང་༽ སེ༽ ཤློ་ཀ་བརྒྱ་རྩ་ལྔ་པ་ཤཱཀྱ་སེང་ཧ་དང༌། དེ་ཝེནྡྲ་རཀྵི་ཏའི་འགྱུར། སངས་རྒྱས་བརྒྱད་པ། སོ༽ ཤློ་ཀ་དགུ་བཅུ་འགྱུར་གོང་འདྲ། སངས་རྒྱས་བཅུ་པ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བརྒྱ་བཞི་པ་འགྱུར་གོང་འདྲ། སངས་རྒྱས་བཅུ་གཉིས་པ། སོ༽ ཤློ་ཀ་བདུན་ཅུ་རྩ་བདུན་ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། སངས་རྒྱས་ཀྱི་དབུ་རྒྱན། པྲ༽ ལྷོ༽ ཉ༽ སོ༽ ཅ༽ ཤློ་ཀ་ཉིས་བརྒྱ་པ་ཤཱཀྱ་སེང་ཧ་དང༌། དེ་ཝེནྡྲའི་འགྱུར། སངས་རྒྱས་མི་སྤོང་བ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བརྒྱ་དང་ཉི་ཤུ་ཛི་ན་མི་ཏྲ། པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། སངས་རྒྱས་ཀྱི་ས། པྲ༽ ལྷོ༽ ཉང་༽ སོ༽ ཀ༽ ཅ༽ ཤློ་ཀ་ཉིས་བརྒྱ་ཛི་ན་མི་ཏྲ། དཱ་ན་ཤཱི་ལ། ཤཱི་ལེནྡྲ་བོ་དྷི། ཡེ་ཤེས་སྡེ་བཞིའི་འགྱུར། དཀྱིལ་འཁོར་བརྒྱད་པ། སོ༽ ཤློ་ཀ་བདུན་ཅུ་འགྱུར་གོང་འདྲ། བཀྲ་ཤིས་བརྒྱད་པ། པྲ༽ ལྷོ༽ ཉང་༽ སོ༽ ག༽ ཤློ་ཀ་ལྔ་བཅུ་རྩ་གཅིག་པ་འགྱུར་བྱང་སྔ་མ་དང་འདྲ། དཀོན་མཆོག་གསུམ་རྗེས་སུ་དྲན་པའི་ སོ༽ མདོ། བསླབ་པ་གསུམ་གྱི། སོ༽ མདོ། སྐུ་གསུམ་གྱི་ སོ༽ མདོ་བཅས་འགྱུར་བྱང་མེད་པ། ཕུང་པོ་གསུམ་པའི་མདོ། པྲ༽ ལྷོ༽ ཉང་༽སོ༽ ཎྜ༽ ཤློ་ཀ་ལྔ་བརྒྱ་དང་སུམ་ཅུ་ཡེ་ཤེས་སྡེའི་འགྱུར། བསམ་པ་ཡོངས་སུ་རྫོགས་པར་བྱེད་པའི་བསྔོ་བ། པྲ༽ ལྷོ༽ ཉང་༽ སོ༽ ང་༽ ཤློ་ཀ་བརྒྱ་ལྔ་བཅུ་པ་འགྱུར་བྱང་མེད་པ། འགྲོ་བ་ཐམས་ཅད་ཡོངས་སུ་སྐྱོབ་པའི་བསྔོ་བ། སོ༽ ཤློ་ཀ་བཞི་བཅུ་བིདྱཱ་ཀ་ར་པྲ་བྷ་དང་ཡེ་ཤེས་སྙིང་པོའི་འགྱུར་དཔལ་བརྩེགས་ཀྱིས་ཞུས་པ། གཉིས་པ་ཐེག་དམན་གྱི་མདོ་མང་ལ། མདོ་དྲན་པ་ཉེར་གཞག །པྲ༽ ལྷོ༽ ཉང་༽ སོ༽ ག༽ ང་༽ བམ་པོ་ཉི་ཤུ་ཡན། ༼ར༽ པར། གོང་གི་འཕྲོས་བམ་པོ་ཞེ་ལྔ་ཡན། ༼ལ༽ པར། བམ་པོ་ཞེ་དྲུག་ནས་ཞེ་དགུ་པའི་བར་དང༌། འཐབ་བྲལ་གྱི་ལྷ་རྣམས་ཀྱི་ལས་རྟག་ཏུ་བདེ་བའི་ས་སྟེ་བརྒྱད་པའི་སྐབས་ཡན་དང་འཐབ་བྲལ་གྱི་བདག་པོ་མུ་སུ་ལུནྡྷའི་རྫུ་འཕྲུལ་ཆེན་པོའི་རྫོགས་པའི་བར། ༼ཤ༽ པར། གོང་གི་འཕྲོས་དྲན་པ་ཉེར་གཞག་ཇི་ཙམ་འགྱུར་བ་རྫོགས་པ། ཤཱནྟ་ཀ་ར་གུཔྟ། ཨ་ཀ་ར་གུཔྟ། ཤཱཀྱ་རཀྵི་ཏ། བྷཱུ་ཏི་ཙནྡྲ། ཨ་རི་ཏ་ཙནྡྲ། པ་ཚབ་ཚུལ་ཁྲིམས་རྒྱལ་མཚན་རྣམས་ཀྱི་འགྱུར། མདོ་ཆེན་མོ་སྒྱུ་མའི་དྲ་བ། པྲ༽ ལྷོ༽ ཉང་༽ སོ༽ ཅ༽ བམ་པོ་གཅིག་ཛི་ན་མི་ཏྲ་པྲཛྙཱ་ཝརྨ། ཡེ་ཤེས་སྡེ་གསུམ་གྱི་འགྱུར། མདོ་སྡེ་ཆེན་པོ་གཟུགས་ཅན་སྙིང་པོས་བསུ་བ། པྲ༽ ལྷོ༽ ཉང་༽ སོ༽ ག༽ བམ་པོ་ཕྱེད་འགྱུར་གོང་འདྲ། མདོ་ཆེན་པོ་སྟོང་པ་ཉིད། པྲ༽ ལྷོ༽ ཉང་༽ སོ༽ ཅ༽ ཤློ་ཀ་དགུ་བཅུ་པ། མདོ་ཆེན་པོ་སྟོང་པ་ཉིད་ཆེན་པོ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་ཉིས་བརྒྱ་ཉི་ཤུ་པ་རྣམས་ཀྱང་ཛི་ན་མི་ཏྲ། པྲཛྙཱ་ཝརྨ། ལོ་ཙཱ་བ་ཡེ་ཤེས་སྡེས་བསྒྱུར་བ། རྡོ་འཕང་པའི་མདོ། ཉང་༽ སོ༽ བམ་པོ་གཉིས་པ་བཟང་སྐྱོང་དང་དཔལ་བརྩེགས་ཀྱི་འགྱུར། གཞོན་ནུ་དཔེའི་མདོ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་ཉི་ཤུ་པ་འགྱུར་བྱང་མེད་པ། ཁམས་མང་པོའི་མདོ་ཤློ་ཀ་ཉིས་བརྒྱ་པ་འགྱུར་བྱང་མེད་པ། གཎྜིའི་མདོ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བཅུ་པ་དྷརྨ་ཤྲཱི་བྷ་དྲ་དང་ཚུལ་ཁྲིམས་ཡོན་ཏན་གྱི་འགྱུར་ལ་རིན་བཟང་གིས་བཅོས་པ། གཎྜིའི་དུས་ཀྱི་མདོ། སོ༽ དཱི་པཾ་ཀ་ར་དང་དགེ་བློའི་འགྱུར། དགེ་བའི་བཤེས་གཉེན་བསྟན་པའི་མདོ། སོ༽ དྷརྨཱ་ཀ་ར་དང་བཟང་སྐྱོང་གི་འགྱུར། ༼ས༽ པར། མངོན་པར་འབྱུང་བའི་མདོ། པྲ༽ ལྷོ༽ ཉང་༽ སོ༽ ཆ༽ དྷརྨ་ཤྲཱི་བྷ་དྲ་དང་རིན་བཟང་གི་འགྱུར། དགེ་སློང་ལ་རབ་ཏུ་གཅེས་པའི་མདོ། ས༽ ཚུལ་ཁྲིམས་ཡང་དག་པར་ལྡན་པའི་མདོ། པྲ༽ ལྷོ༽ ཉང་༽ སོ༽ ཆ༽ འདི་གཉིས་ཀར་འགྱུར་བྱང་མེད་པ ལྟུང་བ་སྡེ་ལྔའི་དགེ་བ་དང་མི་དགེ་བའི་འབྲས་བུ་ལུང་བསྟན་པའི་མདོ། སོ༽ ཛྙཱ་ན་ཤྲཱི་གུཔྟ་དང་ཤཱཀ་བློའི་འགྱུར། མཆོག་ཏུ་འཕགས་པའི་མདོ། པྲ༽ ལྷོ༽ ཉང་༽ སོ༽ ཆ༽ འགྱུར་བྱང་མེད་པ། རྣམ་པར་གྲོལ་བའི་ལམ་ལ་སྦྱངས་པའི་ཡོན་ཏན་བསྟན་པའི་མདོ། སོ༽ བིདྱཱ་ཀ་ར་པྲ་བྷ་དང་དཔལ་བརྩེགས་ཀྱི་འགྱུར། ཚེའི་མཐའི་མདོ། པྲ༽ ལྷོ༽ ཉང་༽ སོ༽ ག༽ ཤློ་ཀ་ཉིས་བརྒྱ་དང་ལྔ་པ། བི་ཤུདྡྷ་སེང་ཧ་དང་བནྡེ་དགེ་དཔལ་གྱིས་བསྒྱུར་བ་ལ་སླར་བིདྱཱ་ཀ་ར་སེང་ཧ་དང་དཔལ་བརྩེགས་ཀྱིས་ཞུས་པ། འཆི་འཕོ་བ་ཇི་ལྟར་བསྟན་པའི་མདོ། སོ༽ འགྱུར་བྱང་མི་གསལ་བ། མི་རྟག་པ་ཉིད་ཀྱི་མདོ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བཅོ་ལྔ་སུ་རེནྡྲ་བོ་དྷི་དང་ཡེ་ཤེས་སྡེའི་འགྱུར། མི་རྟག་པ་པྲ༽ ལྷོ༽ ཉང་༽ སོ༽ཉིད་ཀྱི་མདོ་ཤློ་ཀ་བརྒྱད་པ། འདུ་ཤེས་བཅུ་གཅིག་བསྟན་པ། སོ༽ ཤློ་ཀ་བཅུ་གཅིག་པ། ཡངས་པའི་གྲོང་ཁྱེར་དུ་འཇུག་པའི་མདོ་ཤློ་ཀ་བརྒྱ་པ་འགྱུར་བྱང་མེད་པ། མཚན་མོ་བཟང་པོའི་མདོ། ཉང་༽ སོ༽ ཤློ་ཀ་ལྔ་བཅུ་རྩ་གཉིས་པ་ཛི་ན་མི་ཏྲ། དཱ་ན་ཤཱི་ལ། ཡེ་ཤེས་སྡེ་གསུམ་གྱི་འགྱུར། མུན་པའི་ནགས་ཚལ་གྱི་མདོ། སོ༽ ཕ་མའི་མདོ། བདེན་བཞིའི་མདོ། སོ༽ རྣམས་འགྱུར་བྱང་མེད་པ། དོན་རྣམ་པར་ངེས་པའི་ཆོས་ཀྱི་རྣམ་གྲངས་བམ་པོ་གཅིག །པྲ༽ ལྷོ༽ ཉང་༽ སོ༽ ག༽ ཅ༽ ཛི་ན་མི་ཏྲ། པྲཛྙཱ་ཝརྨ་ཡེ་ཤེས་སྡེ་གསུམ་གྱི་འགྱུར། རྨད་དུ་བྱུང་བའི་ཆོས་ཀྱི་རྣམ་གྲངས། པྲ༽ ལྷོ༽ ཉང་༽ སོ༽ ག༽ ད༽ ཤློ་ཀ་བདུན་ཅུ་ཛི་ན་མི་ཏྲ། སུ་རེནྡྲ་བོ་དྷི། ཡེ་ཤེས་སྡེ་གསུམ་གྱི་འགྱུར། དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་ཡང་དག་པར་བསྟན་པའི་ཆོས་ཀྱི་རྣམ་གྲངས། པྲ༽ ལྷོ༽ ཉང་༽ སོ༽ ཅ༽ ཤློ་ཀ་དྲུག་ཅུ་དྷརྨཱ་ཀ་ར་དང་ཡེ་ཤེས་སྙིང་པོའི་འགྱུར་ལ་དཔལ་བརྩེགས་ཀྱིས་ཞུས་པ། མཆོད་རྟེན་བསྐོར་བའི་ཚིགས་བཅད། སོ༽ ཤློ་ཀ་བདུན་ཅུ། གསལ་རྒྱལ་གྱི་ཚིགས་སུ་བཅད་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་བརྒྱ་པ། ཚིགས་སུ་བཅད་པ་གཅིག་པ། སོ༽ ཚིགས་སུ་བཅད་པ་བཞི་པ། སོ༽ ཀླུའི་རྒྱལ་པོ་རྔ་སྒྲའི་ཚིགས་སུ་བཅད་པ། ཉང་༽ སོ༽ ཤློ་ཀ་བརྒྱ་པ་རྣམས་འགྱུར་བྱང་མེད་པ། ཆེད་དུ་བརྗོད་པའི་ཚོམས། པྲ༽ ལྷོ༽ ཉང་༽ སོ༽ ཆ༽ བམ་པོ་བཞི་བིདྱཱ་ཀ་ར་པྲ་བྷ་དང༌། རིན་ཆེན་མཆོག་གི་འགྱུར་ལ་དཔལ་བརྩེགས་ཀྱིས་ཞུས་པ། དགའ་བོ་རབ་ཏུ་བྱུང་བའི་མདོ། པྲ༽ ལྷོ༽ ཉང་༽ སོ༽ ག༽ ཤློ་ཀ་ལྔ་བཅུ། དེ་ཝེནྡྲའི་འགྱུར། ལྷའི་མདོ་ཤློ་ཀ་སུམ་ཅུ་རྩ་བདུན་པ། པྲ༽ ལྷོ༽ ཉང་༽ སོ༽ ཅ༽ འགྱུར་བྱང་མེད་པ། ལྷའི་མདོ་ཉུང་དུ། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བཅུ་བདུན་པ་ཡེ་ཤེས་སྡེའི་འགྱུར། ཟླ་བའི་མདོ་ཤློ་ཀ་བཅུ་གསུམ་པ། སོ༽ འགྱུར་བྱང་མེད་པ། ཁང་བུ་བརྩེགས་པའི་མདོ་ཤློ་ཀ་དྲུག་ཅུ། སོ༽ རིན་ཆེན་མཚོའི་འགྱུར། གནས་འཇོག་གི་མདོ་ཤློ་ཀ་ཉི་ཤུ། པྲ༽ ལྷོ༽ ཉང་༽ སོ༽ ཆ༽ སརྦ་ཛྙཱ་དཱེ་ཝ་དང་དཔལ་བརྩེགས་ཀྱི་འགྱུར། དགའ་བ་ཅན་གྱི་མདོ། པྲ༽ ལྷོ༽ ཉང་༽ སོ༽ ང་༽ ཤློ་ཀ་ཉིས་བརྒྱ། ཤཱཀྱ་སེང་ཧ་དང་བནྡེ་བྱིན་གྱི་སྙིང་པོས་བསྒྱུར་བ་ལ་དེ་བ་ཙནྡྲས་ཞུས་པ། འཁར་གསིལ་གྱི་མདོ། པྲ༽ ལྷོ༽ ཉང་༽ སོ༽ ཅ༽ འཁར་གསིལ་འཆང་བའི། སོ༽ ཀུན་ཏུ་སྤྱོད་པ་བསྟན་པའི་ཆོ་ག་གཉིས་འགྱུར་བྱང་མེད་པ། ཆོས་ཀྱི་འཁོར་ལོའི་མདོ། སོ༽ འགྱུར་བྱང་མེད་པ། ལས་ཀྱི་རྣམ་སྨིན་གྱི་འབྲས་བུ་བསྟན་པའི་མདོ། སོ༽ རྒྱ་ནག་ཆོས་རིན་གྱི་འགྱུར། ལས་རྣམ་འབྱེད། པྲ༽ ལྷོ༽ ཉང་༽ སོ༽ ཆ༽ བམ་པོ་གཉིས་པ་ཛི་ན་མི་ཏྲ། དཱ་ན་ཤཱི་ལ། མུ་ནི་ཝཱརྨ་ཡེ་ཤེས་སྡེ་བཞིའི་འགྱུར། ལས་ཀྱི་རྣམ་པར་འགྱུར་བ་ཞེས་པའི་མདོ། སོ༽ ཤློ་ཀ་ཉིས་བརྒྱ་བདུན་ཅུ་འགྱུར་བྱང་མེད་པ། ༼ཧ༽ པར། མདོ་སྡེ་ལས་བརྒྱ་པའི་པྲ༽ ལྷོ༽ ཉང་༽ སོ༽ ཅ༽ བམ་པོ་ཉེར་དྲུག་ཡན་དང་སྡོམ་གྱི་ཚིགས་སུ་བཅད་པ་བདུན་པའི་གཏམ་རྒྱུད་དང་པོ་ཡན། ༼ཨ༽ པར། གོང་གི་འཕྲོས་བམ་པོ་ཉེར་བདུན་ནས་སོ་བདུན་བར་ཡོངས་རྫོགས་འགྱུར་བྱང་མེད་པ། མཛངས་བླུན་བམ་པོ་བཅུ་གཉིས། པྲ༽ ལྷོ༽ ཉང་༽ སོ༽ ཅ༽ ལེའུ་ལྔ་བཅུ་རྩ་གཅིག་རྒྱ་ནག་གི་འགྱུར། ཀུན་ཏུ་རྒྱུ་སེན་རིང་གིས་ཞུས་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་སོ་བདུན་འགྱུར་བྱང་མེད་པ། ༼ཨཾ༽ པ་ལ། གང་པོ་ལ་སོགས་པའི་རྟོགས་བརྗོད་བརྒྱ་པ། པྲ༽ ལྷོ༽ ཉང་༽ སོ༽ ཆ༽ བམ་པོ་ཉེར་གཉིས་ཛི་ན་མི་ཏྲ་དང་དེ་ཝེནྡྲའི་འགྱུར། སངས་རྒྱས་ཀྱི་རྟོགས་བརྗོད་ཤེས་ལྡན་གྱི་མདོ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་བཅོ་ལྔ་བིདྱཱ་ཀ་ར་སེང་ཧ་དང༌། སརྦ་ཛྙཱ་དེ་ཝ། དཔལ་བརྩེགས་གསུམ་གྱི་འགྱུར། ཕག་མོའི་རྟོགས་བརྗོད། པྲ༽ ལྷོ༽ ཉང་༽ སོ༽ ཅ༽ ཤློ་ཀ་བརྒྱ་པ་ཛི་ན་མི་ཏྲ་དང་ཡེ་ཤེས་སྡེའི་འགྱུར། མ་ག་དྷ་བཟང་མོའི་རྟོགས་བརྗོད། སོ༽ དྷརྨཱ་ཤྲཱི་བྷ་དྲ་དང་ཚུལ་ཁྲིམས་ཡོན་ཏན་འགྱུར་ལ་རིན་བཟང་གིས་ཞུས་པ། ༼ཨཿ༽ པར། བསོད་ནམས་སྟོབས་ཀྱི་རྟོགས་བརྗོད། པྲ༽ ལྷོ༽ ཉང་༽ སོ༽ ཅ༽ བམ་པོ་གཉིས་ཛི་ན་མི་ཏྲ་དང་ལྷའི་ཟླ་བའི་འགྱུར། ཟླ་འོད་ཀྱི་རྟོགས་བརྗོད། སོ༽ དྷརྨ་ཤྲཱི་བྷ་དྲ་དང༌། ཤེས་རབ་ལེགས་པའི་འགྱུར་ལ་རིན་བཟང་གིས་ཞུས་པ། དཔལ་གྱི་སྡེའི་རྟོགས་བརྗོད། སོ༽ འགྱུར་གོང་འདྲ། གསེར་མདོག་གི་སྔོན་གྱི་སྦྱོར་བ་བསྟན་པ། པྲ༽ ལྷོ༽ ཉང་༽ སོ༽ ཆ༽ ཤློ་ཀ་བཅུ་བདུན་འགྱུར་བྱང་མེད་པ། རྒྱལ་བུ་དོན་གྲུབ་ཀྱི་མདོ། པྲ༽ ལྷོ༽ ཉང་༽ སོ༽ ཆ༽ བམ་པོ་གཅིག་རྒྱ་ལས་འགྱུར་བའི་བརྡ་རྙིང་ཅན། མདོ་ཚངས་པའི་དྲྭ་བ། ཉང་༽ སོ༽ བམ་པོ་གཉིས་པ་ཡེ་ཤེས་སྡེའི་འགྱུར། ཐབས་ལ་མཁས་པ་ཆེན་པོ་སངས་རྒྱས་ཀྱི་དྲིན་ལན་བསབ་པའི་མདོ། པྲ༽ ལྷོ༽ ཉང་༽ སོ༽ ཆ༽ ཏ༽ བམ་པོ་བདུན་ལེའུ་དགུ་རྒྱ་ནག་གི་འགྱུར། ལེགས་ཉེས་ཀྱི་རྒྱུ་འབྲས་བསྟན་པ། པྲ༽ ལྷོ༽ ཉང་༽ སོ༽ འགོས་ཆོས་འགྲུབ་ཀྱིས་རྒྱ་ནག་གི་དཔེ་ལས་འགྱུར་བ། དགེ་མི་དགེའི་ལས་ཀྱི་རྣམ་སྨིན་བསྟན་པ། བམ་པོ་གཅིག་འགྱུར་བྱང་མེད་པ། ཟླ་བའི་སྙིང་པོས་ཞུས་པའི་མདོ་ལས་བསྟན་པའི་གནས་འཇིག་ལུང་བསྟན་པ། སོ༽ བམ་པོ་གཅིག་འགྱུར་བྱང་མེད་པ། རི་གླང་རུ་ལུང་བསྟན་པ། པྲ༽ ལྷོ༽ ཉང་༽ སོ༽ ཆ༽ བམ་པོ་གཅིག་འགྱུར་བྱང་མེད་པ། སྟག་རྣའི་རྟོགས་བརྗོད། སོ༽ བམ་པོ་གཉིས་པ་ཨརྦི་ཏ་ཤྲཱི་བྷ་དྲ་དང༌། ཤཱཀྱ་འོད་ཀྱི་འགྱུར། མིག་བཅུ་གཉིས་པ། པྲ༽ ལྷོ༽ ཉང་༽ སོ༽ ཆ༽ འགྱུར་བྱང་མེད་པ། མདོ་གསར་འགྱུར་གྱི་སྐོར་ནི་ཤེས་རབ་ཚོགས་ཀྱི་པུསྟིའི་གཤམ་དུ་བཞུགས་ལ། དེ་ཡང་ཆོས་ཀྱི་འཁོར་ལོ་བསྐོར་བའི་མདོ། ཆ༽ སྐྱེས་རབས་ཀྱི་གླེང་གཞིའི་མདོ། ལྕང་ལོ་ཅན་གྱི་ཕོ་བྲང་གི་མདོ། ཆ༽ འདུས་པ་ཆེན་པོའི་མདོ། ཆ༽ བྱམས་པའི་མདོ། ཆ༽ བྱམས་པ་བསྒོམ་པའི་མདོ། ཆ༽ ཚུལ་ཁྲིམས་ལྔ་ཡི་ཕན་ཡོན་བསྟན་པའི་མདོ། ཆ༽ ཚེ་དང་ལྡན་པ་རིའི་ཀུན་དགའ་བོའི་མདོ། ཆ༽ ཀླུའི་རྒྱལ་པོ་དགའ་བོ་དང་ཉེ་དགའ་བཏུལ་བའི་མདོ། ཆ༽ གནས་བརྟན་འོད་སྲུང་ཆེན་པོའི་མདོ། ཆ༽ ཉི་མའི་མདོ། ཆ༽ ཟླ་བའི་མདོ། ཆ༽ བཀྲ་ཤིས་ཆེན་པོའི་མདོ། ཆ༽ སྟེ་བཅུ་གསུམ་པོ་ཨ་ནན་ཤྲཱི་དང་ཐར་ལོ་ཉི་མ་རྒྱལ་མཚན་གྱི་འགྱུར་བཅས་ལེགས་པར་ཐོབ་པ་ལ་གྲངས་གསལ་བརྒྱ་དང་བརྒྱད་ཅུ་རྩ་དྲུག་གི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། ཀུན་དགའ་བོ། ཆེད་དུ་བརྗོད་པའི་ཚོམས། བསྟོད་པ། རྟོགས་བརྗོད་རྣམས་འདིའི་བར་ན་དགྲ་བཅོམ་པ་ཆོས་སྐྱབས་དགོས་ཞེས་རྡོ་རྗེ་གདན་པའི་གསན་ཡིག་ལས་གསུངས། ཤ་ནའི་གོས་ཅན། ཉི་མ་གུང་པ། རྒྱལ་རིགས་ཐམས་ཅད་མཁྱེན་པའི་བཤེས་གཉེན། དཔལ་མགོན་ཀླུ་སྒྲུབ། སློབ་དཔོན་ཨཱརྻ་དེ་ཝ། འཇམ་དཔལ་གྲགས་པ། རཏྣ་ཨཱ་ར་ཤཱནྟི་པ། རྡོ་རྗེ་གདན་པ་ཆེ་འབྲིང་ཆུང་གསུམ། པཎ་ཆེན་ཤཱཀྱ་ཤྲཱི། དཔྱལ་ཆོས་ཀྱི་བཟང་པོ། དཔྱལ་པདྨ་ཅན། མཁན་པོ་གཞོན་ནུ་ཡེ་ཤེས། རོང་པ་ཤེས་རབ་སེང་གེ །བག་སྟོན་གཞོན་ནུ་ཚུལ་ཁྲིམས། བླ་མ་མགོན་པོ་འབུམ། སྤུག་སྟོན་བསོད་རྒྱལ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། སློབ་དཔོན་བསོད་ནམས་སེང་གེ །ཚལ་རིན་ཆེན་གྲགས་སྟོན་པ། དགྲ་བཅོམ་པ་རིན་ཆེན་གྲགས། བཀའ་འགྱུར་བ་ཤཱཀྱ་རྒྱལ་མཚན། རྡོ་རྗེ་གདན་པ་ཆེན་པོ་ཀུན་དགའ་རྣམ་རྒྱལ། ཚར་ཆེན་བློ་གྲོས་རྒྱལ་མཚན། འབུམ་རབ་འབྱམས་རིན་ཆེན་ཆོས་དབང༌། ཆོས་རྗེ་ཚུལ་ཁྲིམས་དབང་ཕྱུག །དཔལ་ལྡན་གཙུག་ལག་ཕྲེང་བ། ཞྭ་དམར་དཀོན་མཆོག་ཡན་ལག །སེམས་དཔའ་གྲགས་པ་དོན་གྲུབ། སྡོམ་བརྩོན་ཚོགས་གཉིས་དཔལ་གྲུབ། སྨན་ལུང་པ་བློ་མཆོག་རིག་པའི་རྡོ་རྗེ། བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། ཞབས་དྲུང་རིན་པོ་ཆེ་པདྨ་ཕྲིན་ལས། སྡེ་སྣོད་འཛིན་པ་ཀརྨ་སྨོན་ལམ། གར་དབང་བརྒྱད་པ་དཔལ་ཆེན་ཆོས་ཀྱི་དོན་གྲུབ། སི་ཏུ་ཐམས་ཅད་མཁྱེན་པ་ཆོས་ཀྱི་འབྱུང་གནས། དཔལ་ཀརྨ་པ་ཆེན་པོ་བདུད་ཚོགས་འདུལ་བའི་རྡོ་རྗེ། བློ་གྲོས་མཐའ་ཡས་སོགས་གོང་ལྟར་རོ། །ཡང་བརྒྱུད་པ་འདི་ལ་ནོར་ཁོངས་ཡོད་ཚུལ་ལ་བརྟེན་ནས་བག་སྟོན་པས་ཞང་ཀུན་དགའ་འོད་ཟེར་ལ་གསན་པའི་གྲངས་གོང་གསལ་གྱི་བརྒྱུད་པ་ནི། པཎ་ཆེན་ཤཱཀྱ་ཤྲཱི་ནས་ལྷོ་པ་ཐམས་ཅད་མཁྱེན་པ། ཀོ་ནག་རལ་གྲི། ཇོ་སྟོན་ཟས་གཙང༌། ཤངས་པ་གྲགས་སེང༌། ཞལ་སྔ་བ་བསོད་ནམས་རིན་ཆེན། མཁན་པོ་གཞོན་ནུ་ཡེ་ཤེས། སེ་སྟོན་འབྱུང་ལྡ་ན་འོད། མང་མཁར་བ་བྱང་ཆུབ་སེང་གེ །ཞང་ཀུན་དགའ་འོད་ཟེར། བག་སྟོན་མན་འདྲ། འདི་ལ་ཡང་གསན་ཡིག་ངེས་ཏིག་ཞིག་མ་བྱུང་བར་བརྟེན་བག་སྟོན་རིན་པོ་ཆེ་ནས་ས་སྐྱ་ཡང་དགོན་པ་བློ་ཆེན་པར་གསན་པས་གོང་གསལ་བརྒྱ་དང་བརྒྱད་ཅུ་རྩ་དྲུག་གི་སྟེང་གསར་དུ་བཅོ་ལྔ་དང་བཅས་ཉིས་བརྒྱ་རྩ་གཅིག་གི་བརྒྱུད་པ་ནི། ཐུབ་པའི་དབང་པོ། རྒྱལ་ཚབ་མ་ཕམ་པ། འཕགས་པ་ཐོགས་མེད། མཁས་པ་དབྱིག་གཉེན། སློབ་དཔོན་སངས་རྒྱས་བསྐྱངས། སངས་རྒྱས་ཡེ་ཤེས་ཞབས། མར་མེ་མཛད་བཟང་པོ། དྲི་མེད་སྦས་པ་རིན་ཆེན་རྡོ་རྗེ། དྷརྨ་ཨ་ཀ་ར་ཤཱནྟི་པ། དེ་ལ་པཎྜི་ཏ་ཛྙཱ་ན་ཤྲཱི་དང་ཇོ་བོ་པུཎྱེ་ཤྲཱི་གཉིས་ཀྱིས་གསན། གཉིས་ཀ་ལས་བྷི་ཏ་སུ་མ་ཏི་ཀིརྟི། དེ་ནས་རོང་ཟོམ་ལོ་ཙཱ་བ་ཆོས་ཀྱི་བཟང་པོ། མངའ་བདག་ཏིང་ངེ་འཛིན་བཟང་པོ། སྲས་ཉི་མ་འོད་ཟེར། ལྷོ་པ་ཐམས་ཅད་མཁྱེན་པ། སྤང་ཁང་པ་གྲགས་པ་རྒྱལ་མཚན། ཤངས་པ་གྲགས་པ་སེང་གེ །སྤྱིལ་བུ་བ་སྟག་སྟོན་ཤེས་རབ་འོད་ཟེར། ས་སྐྱ་ཡང་དགོན་པ་བློ་ཆེན་སངས་རྒྱས་གྲགས། བག་སྟོན་གཞོན་ཚུལ་མན་གོང་གསལ་ལྟར་རོ། །ཡང་སྟེང་ལོ་ནས་བརྒྱུད་པ་ཕག་ཁུར་བ་ལས་བག་སྟོན་པས་བསྐྱར་ནས་གསན་པ་གོང་གསལ་བརྒྱ་དང་བརྒྱད་ཅུ་རྩ་དྲུག་དང་ཁྱོན་བསྡོམས་ཉིས་བརྒྱ་ཞེ་དྲུག་གི་བརྒྱུད་པ་ནི། ཟས་གཙང་སྲས། མགོན་པོ་འཇམ་དབྱངས། འཕགས་པ་ཀླུ་སྒྲུབ། ཨཱརྻ་དེ་ཝ། འཇམ་དཔལ་གྲགས་པ། རཏྣ་ཨ་ཀ་ར་ཤཱནྟི་པ། སོའུ་རི་པ། ཨ་བྷྱཱ་ཀ་ར་གུཔྟ། དགེ་བའི་འབྱུང་གནས་སྦས་པ། རྡོ་རྗེ་གདན་པ་ཆེ་འབྲིང་ཆུང་གསུམ། པཎ་ཆེན་པུཎྱེ་ཤྲཱི། སྟེང་པ་ལོ་ཙཱ་བ་ཚུལ་ཁྲིམས་འབྱུང་གནས། སོ་ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཐམས་ཅད་མཁྱེན་པ། ཀོ་ནག་རལ་གྲི། ཤངས་པ་གྲགས་སེང༌། ཞང་ཀུན་དགའ་འབུམ། ཕག་ཁུར་བ་དཀོན་མཆོག་ཡེ་ཤེས། བག་སྟོན་གཞོན་ནུ་ཚུལ་ཁྲིམས་མན་གོང་གསལ་ལྟར་རོ། །གོང་གི་གྲངས་གསལ་ལ་མི་གཏོགས་པ། ལང་གཤེགས་བམ་པོ་བརྒྱད་པ་འགོས་ཆོས་འགྲུབ་ཀྱིས་རྒྱ་ནག་ལས་བསྒྱུར་བ། མྱང་འདས་ཆེ་བ་བམ་པོ་ལྔ་བཅུ་རྩ་དྲུག་པ། སངས་རྒྱས་དྲིན་ལན་བསབ་པ་བམ་པོ་ཕྱེད་དང་བརྒྱད་པ་གསུམ་གྱི་བརྒྱུད་པ་ནི། ཐུབ་པའི་དབང་པོ། འཕགས་པ་འཇམ་དཔལ། ཀླུ་སྒྲུབ། པཎྜི་ཏ་བྱང་ཆུབ་བཟང་པོ། འཇམ་དཔལ་སྤྲུལ་པ་ཞུ་ཐུན། གྱིམ་བཙུན་ཇ་སྟེང་ཞི་དུ་གོ་བཞི། ཚིང་ལང་གོ་བཞི། གྱིའུ་ཧུང་ཧའི་ཧྲི་ཐའི། གྱིང་ཇུ། སོན་ཆེན་གྱིང༌། སིང་ག་སང༌། གྱིང་ཇུ། དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན། ར་པ་སྟོན་ཤཱཀ །བག་སྟོན་པ། མགོན་པོ་འབུམ། ཐམས་ཅད་མཁྱེན་པ་བསོད་ནམས་རྒྱལ་མཚན། མཁན་ཤེས་རྡོར་བ་མན་ཆད་ཐོག་མའི་བརྒྱུད་པ་བཞིན་ནོ། །ཡང་ན་འདུས་པ་རིན་པོ་ཆེ་ཏོག་གི་གཟུངས་བམ་པོ་བརྒྱད་པའི་བརྒྱུད་པ་ཐུབ་པའི་དབང་པོ་ནས། ཕྱག་ན་རྡོ་རྗེ། སློབ་དཔོན་ཛེ་ཏཱ་རི། རྡོ་རྗེ་གདན་པ་གསུམ་པ། བ་རི་ལོ་ཙཱ་བ། གཉན་སྟོན་རིན་ཆེན་གྲགས་པ། གནས་བརྟན་དཀོན་མཆོག་སེང་གེ །དེའི་སྲས་རྔོག་དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན། བློ་ཆེན་སངས་རྒྱས་ཡབ་སྲས། བདེ་བ་ཅན་ཡེ་ཤེས་མགོན་པོ། བདེ་བ་ཅན་སེང་གེ་རྒྱལ་མཚན། གར་ཐིག་བསོད་རྒྱལ། མཁན་ཤེས་རྡོར་བ་མན་གོང་གསལ་བརྒྱ་དང་བརྒྱད་ཅུ་རྩ་དྲུག་གི་བརྒྱུད་པ་ལྟར་རོ། །ཡང་སྙན་གྱི་གོང་རྒྱན་རྒྱས་པ་ཆེན་པོའི་མདོའི་ལེའུ་སོ་དགུ་པ་སངས་རྒྱས་ཀྱི་ཆོས་བསམ་གྱིས་མི་ཁྱབ་པར་བསྟན་པ། སངས་རྒྱས་ཀྱི་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས། ཏིང་ངེ་འཛིན་གྱི་འཁོར་ལོའི་མདོ་རྒྱ་ནག་ལས་བསྒྱུར་བ་གསུམ་གྱི་བརྒྱུད་པ་ནི། ལོ་ཙཱ་བ་མཆོག་ལྡན་མན་བཤད་མ་ཐག་པ་ལྟར་ལ། དེ་ནས་བསོད་ནམས་སེང་གེ །གར་ཐིག་པ་མཁན་ཤེས་རྡོར་བ། ཆོས་དཔལ་ཤེས་རབ། ཐར་རྩེའི་མཁན་ཆེན་གྲགས་པ་རྡོ་རྗེ། ཚལ་གྲགས་དོན་པ་མན་སྔར་བཞིན་ནོ། །གཞན་ཡང་གསར་འགྱུར་ཐར་ལོའི་འགྱུར་ཆུང་བཅུ་གསུམ་དང༌། ཀླུའི་རྒྱལ་པོ་རྒྱ་མཚོས་ཞུས་པ་ཆུང་བ་རྣམས་ཀྱིས་གཙོས་པའི་མདོ་ཁ་ཤས་ཀྱི་བརྒྱུད་པ་ནི། རྫོགས་པའི་སངས་རྒྱས། འཕགས་པ་འཇམ་དཔལ། སློབ་དཔོན་སངས་རྒྱས་ཡེ་ཤེས། མར་མེ་མཛད་བཟང་པོ། སྨན་པའི་ཞབས། རྒྱལ་བས་བྱིན། རཏྣ་ཤྲཱི། ཤཱནྟ་བཛྲ། ཀརྨ་བཛྲ། པུཎྱེ་ཤྲཱི། ཛ་ཡ་ཤྲཱི། བི་ཛ་ཡ་རཀྵི་ཏ། ཐར་ལོ་ཉི་མ་རྒྱལ་མཚན། ཕག་ཁུར་བ། དཀོན་མཆོག་བླ་མ། བག་སྟོན་པ། མགོན་པོ་འབུམ། སྤྲུ་སྟོན་པ། མཁན་ཤེས་རྡོར་བ་མན་གོང་གསལ་བརྒྱ་དང་བརྒྱད་ཅུ་རྩ་དྲུག་གི་བརྒྱུད་པ་བཞིན་ནོ། །ཡང་འཇམ་དཔལ་རྣམ་པར་རོལ་པ་སོགས་གྲངས་གསལ་མདོ་སྣ་ཉེར་གསུམ་གྱི་བརྒྱུད་པ་ནི། ཐུབ་པའི་དབང་པོ། འཇམ་དབྱངས། ཀླུ་སྒྲུབ། ཀླུའི་བྱང་ཆུབ། ཌོམྦི་པ། འཇམ་དཔལ་གྲགས་པ། རཏྣ་ཨཱ་ཀ་ར་ཤཱནྟི། རྡོ་རྗེ་གདན་པ་གསུམ། ས་མ་ཤྲཱི་བྷ་དྲ། བི་མ་ལ་ཤྲཱི། བྷི་ནེ་དྷུ་ཤྲཱི། པཎ་ཆེན་ཤཱཀྱ་ཤྲཱི། ཁྲོ་ལོ་བྱམས་པའི་དཔལ། ལྷོ་པ་ཐམས་ཅད་མཁྱེན་པ། སྤང་ཁང་པ་གྲགས་རྒྱན། ཤངས་པ་གྲགས་སེང༌། ཞལ་སྔ་བ་བསོད་རིན། མཁན་ཆེན་གངས་པ། ཤེས་རབ་དཔལ། དགེ་སློང་ཀུན་དགའ་ཉི་མ། བག་སྟོན་པ། མགོན་པོ་འབུམ། སྤྲུ་སྟོན་བསོད་རྒྱལ། མཁན་ཤེས་རྡོར་བ་མན་གོང་ལྟར་རོ། །ཡང་ན་དེ་དག་ལས། པྲ༽ རྟགས་ཅན་རྣམས་ཀྱི་བརྒྱུད་པ་ནི། མཉམ་མེད་ཤཱཀྱའི་རྒྱལ་པོ། འཕགས་པ་ཀུན་དགའ་བོ། ཤ་ནའི་གསོ་ཅན་སོགས་ནས་བཀའ་འགྱུར་བ་ཆེན་པོ་བསོད་ནམས་མཆོག་ལྡན་གྱི་བར་གོང་གི་བརྒྱུད་ཚུལ་ཐོག་མ་ལྟར་ལ། དེ་ནས་རབ་འབྱམས་ཆོས་རྗེ་རིན་ཆེན་རྒྱ་མཚོ། ཀུན་དགའ་བསྟན་པ་དར་རྒྱས། རྡོ་རྗེ་འཛིན་པ་ཀུན་དགའ་དར་རྒྱས། སྡེ་སྣོད་འཛིན་པ་འབུམ་རམས་པ་ཨོ་རྒྱན་སྐལ་བཟང༌། འགྱུར་མེད་སྐལ་བཟང་འཕེལ་རྒྱས་བཟང་པོ། འགྱུར་མེད་ཐེག་མཆོག་བསྟན་འཛིན། འགྱུར་མེད་ཀུན་བཟང་རྣམ་རྒྱལ། འདྲེན་མཆོག་པདྨ་རིན་ཆེན། པདྨ་གསང་སྔགས་བསྟན་འཛིན། འགྱུར་མེད་བསྟན་འཛིན་འཕེལ་རྒྱས། རྗེ་གུ་ཎ་མན་གོང་ལྟར་རོ། །ཡང་ན་བརྒྱུད་པ་འདི་ལ་ནོར་ཁོངས་ཡོད་ཚུལ་ལ་བརྟེན་བག་སྟོན་པས་ཞང་ཀུན་དགའ་འོད་ཟེར་ལས་གསན་པ། ལྷོ༽ རྟགས་ཅན་གྱི་བརྒྱུད་པ་ནི་པཎ་ཆེན་ཤཱཀྱ་ཤྲཱི་ནས། བག་སྟོན་ཡན་ཀར་ལུགས་ཀྱི་བརྒྱུད་ཚུལ་དེ་དང་འདྲ་ལ། ཕྱིན་ཆད་པྲ༽རྟགས་ཅན་ལྟར་རོ། །ཡང་བག་སྟོན་གྱིས་ས་སྐྱ་ཡང་དགོན་པ་བློ་ཆེན་སངས་རྒྱས་སྲས་ལ་གསན་པ། ཉང་༽ རྟགས་ཅན་གྱི་བརྒྱུད་པ་ནི། ཐུབ་པའི་དབང་པོ་སོགས་ནས། བག་སྟོན་ཡན་ཆད་ཀར་ལུགས་ཀྱི་བརྒྱུད་ཚུལ་དེ་དང་གཅིག་ལ། ཕྱིན་ཆད་པྲ༽རྟགས་ཅན་ལྟར་རོ། །སྟེང་པ་ལོ་ཙཱ་ནས་བརྒྱུད་སྲང་ཕག་ཁུར་བ་ལ། བག་སྟོན་གྱིས་བསྐྱར་ནས་གསན་པའི་སོ རྟགས་ཅན་གྱི་བརྒྱུད་པ་ཡང་བག་སྟོན་ཡན་ཆད་ཀར་ལུགས་དང་འདྲ་ལ། དེ་ནས་པྲ༽ རྟགས་ཅན་ལྟར་རོ། གྲུབ༽ རྟགས་ཅན་རྣམས་ཀྱི་བརྒྱུད་པའི་ཁྱད་པར་ནི་ཚོགས་གཉིས་དཔལ་གྲུབ་དང་སྨན་ལུང་པའི་བར་ན་གྲུབ་པ་རྡོ་རྗེ་བཞུགས། གཞན་ཡང་བརྒྱུད་པའི་རྣམ་གྲངས་ལ་བག་སྟོན་གྱིས་ལུང་རྣམ་པར་དག་པར་བྱ་བའི་ཕྱིར་མདོ་སྡེ་བྱེ་བྲག་ཏུ་གསན་པར། གཞི་གཙོ་བོར་སྟོན་པ་དེ་བཞིན་གཤེགས་པའི་སྙིང་པོ། ལམ་ལ་ཐབས་ཀྱི་ཆ་གཙོ་བོར་སྟོན་པ་ས་བཅུ་པ་དང་གསང་ཆེན་ཐབས་ལ་མཁས་པ། ཤེས་རབ་ཀྱི་ཆ་གཙོ་བོར་སྟོན་པ་ཏིང་ངེ་འཛིན་རྒྱལ་པོ། འབྲས་བུ་གཙོ་བོར་སྟོན་པ་སངས་རྒྱས་ཀྱི་ས་སྟེ་ཟབ་མོ་མདོ་ལྔའི་བརྒྱུད་པ་ལུགས་གཅིག་ནི། ཐུབ་པའི་དབང་པོ། འཇམ་དཔལ། རིན་ཆེན་འབྱུང་གནས་ཞི་བ། བལ་པོ་པཎ་ཆེན། ཞི་བ་བཟང་པོ། འབྲོ་ཤཱཀྱ་འོད། ཁྱུང་པོ་གྲགས་སེང༌། ཤེས་མགོན་པ། བྱང་ཆེན་པ་དཀོན་མཆོག་ཤེས་རབ། མང་མཁར་དཀོན་མཆོག་སྐྱབས། བརྡ་སྟོན་བསོད་ནམས་ཡོན་ཏན། གྲུབ་ཐོབ་ཡོན་ཏན་དཔལ། འགྲོ་མགོན་འཕགས་པ། སྣུར་ཡེ་ཤེས་རྒྱལ་མཚན། བག་སྟོན་པ། མགོན་པོ་འབུམ། བསོད་ནམས་རྒྱལ་མཚན། ཤེས་རྡོར་བ་མན། པྲ༽ རྟགས་ཅན་དང་འདྲ། ཡང་ན་འཕགས་པ་རིན་པོ་ཆེ། ཚད་མའི་སྐྱེས་བུ་བུ་སྟོན་རིན་ཆེན་གྲུབ། མཁན་ཆེན་ཤེར་རྡོར་བ་མན་གོང་དང་འདྲ། ཁ༽ རྟག་ཅན་གྱི་བརྒྱུད་ལུགས་གཅིག་ནི། ཐུབ་པའི་དབང་པོ། བྱམས་པ་མགོན་པོ། ཐོགས་མེད། དབྱིག་གཉེན། རྣམ་གྲོལ་སྡེ། སེང་བཟང༌། སངས་རྒྱས་ཡེ་ཤེས་ཞབས། ཤཱནྟི་པ། པུཎྱེ་ཤྲཱི། སྟེང་པ་ལོ་ཙཱ། ཁྱུང་པོ་གྲགས་ཤེ། ལྷ་རྗེ་གྲགས་སྐྱབས། འོར་སྟོན་ལྷ་དབང༌། སོ་སྟོན་ཆོས་ཤེས། དབུས་པ་སངས་རྒྱས་འབུམ། ལོ་མཆོག་པ། རས་པ་སྟོན་ཤཱཀ །བག་སྟོན་གཞོན་ཚུལ། བླ་མ་མགོན་པོ་འབུམ། བླ་མ་བསོད་ནམས་རྒྱལ་མཚན། མཁར་ཤེས་རྡོར་བ་མན། པྲ༽ རྟགས་ཅན་ལྟར་རོ། ག༽ རྟགས་ཅན་རྣམས་ཀྱི་བརྒྱུད་པའི་ལུགས་ནི། སྟོན་པ་ཉི་མའི་གཉེན། སྤྱན་རས་གཟིགས། བྱམས་མགོན། གསེར་གླིང་པ་ཆོས་གྲགས། ཇོ་བོ་དི་པཾ་ཀཱ་ར། ནག་ཚོ་ཚུལ་ཁྲིམས་རྒྱལ་བ། པོ་ཏོ་བ། ཤ་ར་བ། བྱ་ཡུལ་བ། ལུས་སྨན་པ། དཔལ་ལྡན་གྲོ་མོ་ཆེ། མཆིམས་ཆེན་པོ། བྱང་ཆེན་པ། བག་སྟོན་པ། མགོན་པོ་འབུམ། བླ་མ་དམ་པ། མཁན་ཤེས་རྡོར་བ་མན། པྲ༽ རྟགས་ཅན་དང་འདྲ། ང༽ རྟགས་ཅན་རྣམས་ཀྱི་བརྒྱུད་ཚུལ་གཅིག་ནི། ཐུབ་པའི་སོགས་ནས། མཁན་ཤེས་རྡོར་བའི་བར་ཀར་ལུགས་འཇམ་དཔལ་རྣམ་པར་རོལ་པ་སོགས་ཀྱི་བརྒྱུད་པ་དང་འདྲ་ཞིང༌། དེ་ནས་པྲ༽རྟགས་ཅན་ལྟར་རོ། ཅ༽ རྟགས་ཅན་རྣམས་ཀྱི་བརྒྱུད་པ་ནི། སངས་རྒྱས། བྱམས་པ། ཀླུ་སྒྲུབ། སྐལ་ལྡན་གྲགས་པ། ཟླ་བ་གྲགས་པ། འཇམ་དཔལ་གྲགས་པ། ཆོས་ཀྱི་གྲགས་པ། ཏེ་ལོ། ནཱ་རོ། ཞི་བའི་གཉེན། ཛྙཱ་ན་ཤྲཱི། གཉན་ལོ། རྨ་གྲགས། ཁྱུང་པོ་གྲགས་སེང༌། འོར་སྟོན་ལྷ་དབང༌། སོ་སྟོན་ཆོས་ཤེས། ཞང་དར་མ་སེང་གེ །རོལ་པ་ཆོས་མགོན། དབུས་པ་སངས་རྒྱས་འབུམ། ལོ་མཆོག་པ། བག་སྟོན་པ། མགོན་པོ་འབུམ། སྤུག་སྟོན། མཁན་ཤེས་རྡོར་བ་མན་པྲ༽ཅན་ལྟར་རོ། ཆ༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། དེ་བཞིན་གཤེགས་པ་སོགས་ནས་མཁན་ཤེས་རྡོར་བའི་བར་ཀར་ལུགས་ཀྱི་ཐར་ལོའི་གསར་འགྱུར་བཅུ་གསུམ་གྱི་བརྒྱུད་པ་དང་མཚུངས་ལ། ཕྱིན་ཆད་པྲ༽ རྟགས་ཅན་ལྟར་རོ། །སཱ་ལུ་ལྗང་པའི་མདོ་ཡི་བརྒྱུད་ལུགས་གཅིག་ནི། སངས་རྒྱས། བྱམས་པ། ཐོགས་མེད་སྐུ་མཆེད། རྣམ་གྲོལ་སྡེ། སེང་བཟང༌། ཡེ་ཤེས་ཞབས། ཤཱནྟི་པ། པུཎྱེ་ཤྲཱི། སྟེང་པ་ལོ་ཙཱ། དར་པོ་བ་ཁྱུང་པོ་གྲགས་སེང༌། གྲགས་སྐྱབས། འོད་སྟོན། སོ་ཆོས་ཤེས། དབུས་པ་སངས་རྒྱས་འབུམ། འཕགས་པ་རིན་པོ་ཆེ། ཚད་མའི་སྐྱེས་བུ་བུ་སྟོན་རིན་ཆེན་གྲུབ། མཁན་ཤེས་རྡོར་བ་མན་ཆད། པྲ༽ རྟགས་ཅན་ལྟར་རོ། ཇ༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། ཐུབ་པའི་དབང་པོ་སོགས་ནས། མཁན་ཤེས་རྡོར་བའི་བར་ཀར་ལུགས་སུ་སོང་བའི་འདུས་པ་རིན་པོ་ཆེ་ཏོག་གི་གཟུངས་ཀྱི་བརྒྱུད་པ་ལྟར་ལ། དེ་ནས་པྲ༽ རྟགས་ཅན་ལྟར་རོ། ཉ༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། སངས་རྒྱས། ཕྱག་རྡོར། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་པ་ལོ་ཙཱ། སོ་ཀུན་མཁྱེན། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་རལ་གྲི། ཇོ་སྟོན་ཟས་གཙང༌། ཤངས་པ་གྲགས་སེང༌། རིན་ཆེན་འབུམ། བདེ་ཆེན་པ་ཡེ་མགོན། གར་ཐིག་པ། ཤེས་རྡོར་བ་མན། པྲ༽ རྟགས་ཅན་ལྟར་རོ། སྒོ༽ །རྟགས་ཅན་རྣམས་ཀྱི་བརྒྱུད་ལུགས་གཅིག་ནི། གོང་དཀར་རྡོ་རྗེ་གདན་པ་ཡན་གོང་ལྟར་ལས། མཁས་གྲུབ་རིག་པའི་གློག་ཕྲེང༌། བླ་མ་བསྟན་པ་རྒྱ་མཚོ། འབྲུག་པ་ངག་དབང་ཆོས་རྒྱལ། གཅུང་ངག་གི་དབང་ཕྱུག །རྗེ་ངག་དབང་ནོར་བུ། ལྷ་རྩེ་བ་ངག་དབང་བཟང་པོ། བླ་མ་ཀུན་དགའ་བློ་གྲོས། དཔལ་འབྱོར་གླིང་པ་ངག་དབང་རྣམ་རྒྱལ། རྗེ་བཀའ་འགྱུར་བ་མན་འདྲ། ཡང་ན་ཚལ་གྲགས་དོན་པ་ནས། རྔོག་བྱང་ཆུབ་དཔལ། མཁན་ཆེན་ཀུན་རྒྱལ་བ། སྨན་རྒྱལ་བ་ནམ་མཁའ་དབང་ཕྱུག །འབུམ་རམས་པ་མན། པྲ༽ རྟགས་ཅན་སོགས་སྤྱི་ལྟར་ལས། བླ་མ་ཚོགས་གཉིས་པ་དང་སྨན་ལུང་པའི་བར་ན་དྷཱི་ཚ་སྤྲུལ་སྐུ་འཇིག་རྟེན་དབང་ཕྱུག་བཞུགས། ཏ༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། ཐུབ་དབང་སོགས་ནས། མཁན་ཤེས་རྡོར་བའི་བར་ཀར་ལུགས་ཀྱི་ལང་ཀར་གཤེགས་ཀྱི་བརྒྱུད་པ་ལྟར་ལ། དེ་ནས་པྲ༽ རྟགས་ཅན་ལྟར་རོ། །མྱང་འདས་རྒྱ་ནག་འགྱུར་གྱི་བརྒྱུད་ལུགས་གཅིག་ནི། མགོན་པོ་འབུམ་ཡན་བཤད་མ་ཐག་པ་ལྟར་ལ། དེ་ནས་སྤྲུ་སྟོན། མཁན་ཆེན་ཤེས་རྡོར་བ། ཆོས་དཔལ་ཤེས་རབ་དཔལ། མཐར་རྩའི་མཁན་ཆེན་གྲགས་པ་རྡོ་རྗེ། ཚལ་གྲགས་དོན་པ་མན། པྲ༽ རྟགས་ཅན་ལྟར་རོ། །ཡང་ན་མཁན་ཤེས་རྡོར་བ་ནས། འབྲི་ཁུང་ལོ་ཙཱ་བ། མཚོ་དཀར་བ། ཁམས་པ་བྱང་རྒྱལ། བླ་མ་བསོད་ཤེ། བླ་མ་གཞོན་ནུ་དར། ཚལ་གྲགས་དོན་པ་མན། པྲ༽ རྟགས་ཅན་ལྟར་རོ། གཡུང་དྲུང་༽ གི་རྟགས་ཅན་གྱི་བརྒྱུད་ལུགས་གཅིག་ནི། ལོ་ཙཱ་བ་མཆོག་ལྡན་ཡན་གོང་ལྟར་ལ། དེ་ནས་བསོད་ནམས་སེང་གེ །གར་ཐིག་པ། མཁན་ཆེན་ཤེས་རྡོར་བ་མན་གྱི་ལུགས་གཉིས་ཀ་མྱང་འདས་རྒྱ་ནག་འགྱུར་དང་འདྲ། རཏྣའི༽ རྟགས་ཅན་གྱི་བརྒྱུད་ལུགས་གཅིག་ནི། སངས་རྒྱས། བྱམས་པ། ཐོགས་མེད་སྐུ་མཆེད། པཎ་ཆེན་བློ་བརྟན། རིག་པའི་ཁུ་བྱུག །ཁ་ཆེ་དགོན་པ་བ། དཔའ་བོའི་སྡེ། དཱི་པཾ་ཀ་ར་བྷ་དྲ། བི་མ་ལ་གུཔྟ། རཏྣ་བཛྲ། ཤཱཏྣི་པ། སུ་མ་ཏི་ཀིརྟི། སྨྲྀ་ཏི་ཛྙཱ་ན། རོང་ཟོམ་ལོ་ཙཱ་བ། མངའ་བདག་ཏིང་ངེ་འཛིན་བཟང་པོ། ལྷོ་པ་ཀུན་མཁྱེན། དཀོན་མཆོག་དཔལ། སྤར་ཁང་པ། ཤངས་པ་གྲགས་སེང༌། སྟག་སྟོན་སྤྱིལ་བུ། བླ་མ་མཆོག་ལྡན། བག་སྟོན། མགོན་པོ་འབུམ། སྤྲུ་སྟོན། མཁན་ཤེས་རྡོར་བ་མན། པྲ༽ རྟགས་ལྟར་རོ། །ཡང་ན། སངས་རྒྱས། འཇམ་དཔལ། ཀླུ་སྒྲུབ། འཕགས་པ་ལྷ། འཇམ་དཔལ་གྲགས་པ། རིན་འབྱུང་ཞི་བ། སོའུ་རི་པ། དོན་ཡོད་རྡོ་རྗེ། བ་རི་ལོ་ཙཱ། ལྷོ་ཁྱུང་སྟོན་གྲགས། སྤྲུ་སྟོན་བསོད་དབང༌། ཀོ་ནག་པ། བླ་མ་གྲགས་སེང༌། བླ་མ་ཤངས་ཚུལ། སློབ་དཔོན་ཡོན་ཏན་དཔལ། སྙེ་མདོ་ཀུན་དགའ་དོན་གྲུབ། རྗེ་རང་བྱུང་རྡོ་རྗེ། རྗེ་རྒྱལ་བ་དཔལ། སློབ་དཔོན་བརྩོན་སེང༌། བློ་གྲོས་སེང་གེ །འཇམ་དཔལ་ཆོས་རྡོར། ཚལ་གྲགས་སྟོན་པ་མན་བཤད་མ་ཐག་པ་ལྟར་རོ། །དེ་དག་གིས་མདོ་ཡི་ཐེག་པའི་འཁོར་ལོ་རིམ་པ་གསུམ་གྱི་ཆོས་ཇི་ལྟར་ཐོབ་ཚུལ་ལོ། །རྩ་བའི་ས་བཅད་གཉིས་པ་གསང་སྔགས་རྒྱུད་འབུམ་དུ་གྲགས་པའི་སྐོར་ལ་གཉིས། ཕྱི་འགྱུར་གསར་མའི་རྒྱུད་དང༌། སྔ་འགྱུར་རྙིང་མའི་རྒྱུད་དོ། །དང་པོ་ནི། སྤྱིའི་གོ་རིམ་ཚལ་པ་བཀའ་འགྱུར་ལྟར་གཙོ་ཕལ་གྱི་རིམ་པ་ལྟར་བཀོད་ཅིང༌། བྱེ་བྲག་ཏུ་རྒྱུད་སྡེ་སོ་སོའི་སྒྲིག་ཚུལ་ཀུན་མཁྱེན་བུ་སྟོན་སོགས་ཀྱིས་མཛད་པ་ལྟར་ལེགས་པར་མངོན་པས་དེ་བཞིན་དུ་དགོད་པ་ལ་ལྔ། རྣལ་འབྱོར་བླ་ན་མེད་པའི་རྒྱུད། རྣལ་འབྱོར་གྱི་རྒྱུད། སྤྱོད་པའི་རྒྱུད། བྱ་བའི་རྒྱུད། མཇུག་ཏུ་ཡོངས་སུ་བསྔོ་བའོ། །དང་པོ་བླ་མེད་རྒྱུད་ལ། ཕ་མའི་རྒྱུད་གཉིས་ལས་གཉིས་མེད་ཟུར་དུ་བཀོལ་མི་དགོས་ནའང་འདི་སྐབས་བུ་སྟོན་བཞེད་པ་ལྟར། ཟུང་འཇུག་གཙོ་བོར་སྟོན་པ་གཉིས་མེད་ཀྱི་རྒྱུད་དང༌། ཤེས་རབ་གཙོ་བོར་སྟོན་པ་མའི་རྒྱུད་དང༌། ཐབས་གཙོ་བོར་སྟོན་པ་ཕའི་རྒྱུད་དེ་གསུམ་དུ་དབྱེ་བ་ལས། དང་པོ་ནི། གླེགས་བམ། ༼ཀ༽ པར་འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ། ཀ་མ་ལ་གུཔྟ་དང་རིན་བཟང་གི་འགྱུར་ལ་བློ་གྲོས་བརྟན་པས་བཅོས་པ། རྩ་རྒྱུད་ཀྱི་དུམ་བུ་དབང་མདོར་བསྟན་འབྲོ་འགྱུར་ལ་སྒྲ་ཚད་པ་རིན་རྒྱལ་གྱིས་དག་པར་བཅོས་པ། དུས་ཀྱི་འཁོར་ལོའི་བསྡུས་རྒྱུད་པཎྜི་ཏ་སཽ་མ་ནཱ་ཐ་འབྲོ་ཤེས་རབ་གྲགས་ཀྱིས་བསྒྱུར་ཅིང༌། ཤོང་སྟོན་རྡོ་རྗེ་རྒྱལ་མཚན་གྱིས་སླར་ཡང་ཞུས་པ། རྒྱུད་ཀྱི་སྙིང་པོ་ཕྱི་མ་གཉན་ལོ་དར་མ་གྲགས་ཀྱི་འགྱུར། དབང་གི་རབ་ཏུ་བྱེད་པར་ཆོས་རབ་ཀྱི་འགྱུར་རྣམས་ཀྱི་ལུང་ནོས་པའི་བརྒྱུད་པ་ནི། དང་པོའི་སངས་རྒྱས། ཆོས་རྒྱལ་རིགས་ལྡན་སུམ་ཅུ་རྩ་གཉིས། སེང་གེ་རྣམ་རྒྱལ། དུས་འཁོར་ཞབས་ཡབ་སྲས་གཉིས། རྒྱལ་སྲས་ནཱ་ལེནྡྲ་པ། པཎ་ཆེན་སཽ་མ་ནཱ་ཐ། འབྲོ་ལོ་ཙཱ་བ་ཤེས་རབ་གྲགས་པ། བྲག་སྒོམ་དཀོན་མཆོག་སྲུང༌། སྒྲོ་སྟོན་གནམ་ལ་བརྩེགས། ཡུ་མོ་མི་བསྐྱོད་རྡོ་རྗེ། རྒྱལ་སྲས་ཆོས་ཀྱི་དབང་ཕྱུག །མ་གཅིག་སྤྲུལ་སྐུ་ཇོ་འབུམ་ནམ་མཁའ་འོད་ཟེར། སོ་མོ་ཆེ་པ། ནམ་མཁའ་རྒྱལ་མཚན། འཇམ་གསར་བ་ཤེས་རབ་འོད། བོ་དོང་རིན་ཆེན་རྩེ་མོ། འཇམ་པ་རིན་ཆེན་ཤེས་རབ། བློ་ཆེན་སངས་རྒྱས། མཁན་པོ་རྒྱལ་བཟང་དཔལ། གངས་ཁྲོད་པ་གྲགས་དཔལ། ས་བཟང་མ་ཏི་པཎ་ཆེན། འཕགས་པ་གཞོན་ནུ་བློ་གྲོས། བླ་མ་འཇམ་དབྱངས་གྲགས་པ། བྱང་ཆེན་རི་ཁྲོད་པ་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། ཆོས་རྗེ་དཀོན་མཆོག་འཕེལ། རྗེ་ལྷ་མཆོག་སེང་གེ །ཆོས་རྗེ་དགེ་ལེགས་བཤེས་གཉེན། ངོར་ཤར་ཁང་པ་ཤེས་རབ་རྒྱལ་མཚན། བྲང་ཏི་ནམ་མཁའ་དཔལ་བཟང༌། དེ་དབོན་ནམ་མཁའ་སངས་རྒྱས། ཁྱབ་བདག་བཀའ་འགྱུར་མགོན་པོ་བསོད་ནམས་མཆོག་ལྡན། རྡོར་བྲག་པདྨ་ཕྲིན་ལས། རབ་འབྱམས་ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་ཀྱི་འབྱུང་གནས། རྒྱལ་དབང་བདུད་འདུལ་རྡོ་རྗེ། པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ། འཇམ་མགོན་རྡོ་རྗེ་འཆང་པདྨ་གར་དབང་བློ་གྲོས་མཐའ་ཡས་སམ་ཀརྨ་ངག་དབང་ཡོན་ཏན་རྒྱ་མཚོ་སོགས་གོང་ལྟར་རོ། །ཡང་ན་འཇམ་གསར་བ་ནས། ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་བ་ཡེ་ཤེས། མཁས་བཙུན་ཡོན་ཏན་རྒྱ་མཚོ། ཀུན་མཁྱེན་དོལ་པོ་པ་ཤེས་རབ་རྒྱལ་མཚན། ས་བཟང་མ་ཏི་མན་འདྲ། ཡང་མཚན་བརྗོད་ཀྱི་བརྒྱུད་ཚུལ་ལུགས་གཅིག་ལ། མཁས་གྲུབ་དཔལ་ལྡན་རྡོ་རྗེ་ཡན་འདྲ་བ་ལ། དེ་ནས་བྱ་འགྱུར་བ་བསོད་ནམས་སེང་གེ །རྗེ་རྡོ་རྗེ་རྒྱལ་མཚན། རུ་ཐོག་པ་སྔ་རིས་བླ་ཆེན། ཀུན་མཁྱེན་མཁྱེན་བརྩེའི་དབང་ཕྱུག །མཆོད་དཔོན་ཀུན་དགའ་ལེགས་པ། ཁྱབ་བདག་དབང་ཕྱུག་རབ་བརྟན། རྗེ་བཀའ་འགྱུར་བ་ཆེན་པོ། རིག་འཛིན་པདྨ་ཕྲིན་ལས་མན་ཆད་སྤྱི་ལྟར་རོ། །ཡང་ན། འཇམ་དབྱངས། སློབ་དཔོན་དགེ་བའི་བཤེས་གཉེན། སངས་རྒྱས་ཡེ་ཤེས་ཞབས། ནཱ་རོ་པ། སློབ་དཔོན་ཤེས་རབ་བཟང་པོ་ཆེ་ཆུང་གཉིས། མཉྫུ་ཀིརྟི། པཎྜི་ས་མནྟ་ཤྲཱི། ར་ལོ་ཙཱ་བ་ཆོས་རབ། ར་ཡེ་ཤེས་སེང་གེ །ར་འབུམ་སེང༌། རྒ་ལོ་རྣམ་རྒྱལ་རྡོ་རྗེ། དེའི་སྲས་ཤེས་རབ་སེང་གེ །སྐྱི་སྟོན་འཇམ་དབྱངས། ཀུན་མཁྱེན་ཆོས་སྐུ་འོད་ཟེར་མན་གོང་ལྟར་རོ། །ཡང་ན་རྒྱུད་ལྔ་པོ་དེ་དག་གི་བརྒྱུད་པ། མགོན་པོ་བསོད་ནམས་མཆོག་ལྡན་ཡན་གོང་གི་དང་པོ་ཉིད་དུ་བཤད་པའི་བརྒྱུད་ཚུལ་དེ་ལྟར་ལ། དེ་ནས། རིན་ཆེན་རྒྱ་མཚོ། ཀུན་དགའ་བསྟན་དར། ཀུན་དགའ་དར་རྒྱས། ཨོ་རྒྱན་སྐལ་བཟང༌། སྐལ་བཟང་འཕེལ་རྒྱས། འགྱུར་མེད་ཐེག་བསྟན། ཀུན་བཟང་རྣམ་རྒྱལ། པདྨ་རིན་ཆེན། གསང་སྔགས་བསྟན་འཛིན། འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོའི་ཞལ་སྔ་ནས་གུ་ཎས་ལེགས་པར་ནོས་པའོ། །ཡང་ན་འཇམ་གསར་བ་སོགས་ནས་མ་ཏི་པཎ་ཆེན་ཡན་ཀར་ལུགས་སུ་སོང་བ་ལྟར་ལ། ཕྱིན་ཆད་གོང་མ་ལྟར་རོ། །འདིའི་ལུགས་ཀྱི་བསྡུས་རྒྱུད་ས་ལུགས་ཀྱི་བརྒྱུད་པའང་ཀར་ལུགས་སུ་སོང་བ་ལྟར་ལ། འཇམ་དབྱངས་གྲགས་པ་མན་འདྲ། ར་ལུགས་ཀྱང་ཀུན་མཁྱེན་ཆོས་སྐུ་འོད་ཟེར་ཡན་ཀར་ལུགས་ལྟར་ལ་མན་ཆད་འདྲ། འཇམ་དཔལ་མཚན་བརྗོད་ཀྱི་སྒོས་རྒྱུད་ནི། རོང་པ་རྒ་ལོ་ནས། རོང་པ་ཤར་སེང༌། རྡོ་རྗེ་རྒྱལ་མཚན། བུ་སྟོན་པ། གཞོན་ནུ་མགོན་པོ། པུཎྱེ་བོ་དྷི། བྱ་བྲལ་པ་ཆོས་རྗེ། སྨོན་ལམ་མཐའ་ཡས། ཡོན་ཏན་བཟང་པོ། སྦྲ་སྣ་བ་གྲགས་འབྱོར། ཆོས་ཀྱི་ཤེས་རབ། སྣ་ཚོགས་རང་གྲོལ། པདྨ་རིན་ཆེན། ཨོ་རྒྱན་དཔལ་འབར། མདོ་སྔགས་བསྟན་འཛིན། ཕྲིན་ལས་ལྷུན་གྲུབ། འགྱུར་མེད་རྡོ་རྗེ། དྷརྨ་ཤྲཱི། འབུམ་རམས་པ། ཐེག་མཆོག་བསྟན་འཛིན་སོགས་ནས་འགྱུར་མེད་མཐུ་སྟོབས་རྣམ་རྒྱལ་གྱི་ཞལ་སྔ་ནས་གུ་ཎས་ནོས་པའི་བར་སྔར་བཞིན་ནོ། །ཡང་ན། སངས་རྒྱས། ཀླུ་སྒྲུབ་ཡབ་སྲས། འཇམ་དཔལ་གྲགས་པ། རིན་འབྱུང་ཞི་བ། ཏི་པུ་པ། ཨ་བྷ་ཡ། ཡོན་ཏན་རྒྱ་མཚོ། དགེ་འབྱུང་སྦས་པ། རྡོ་རྗེ་གདན་པ་ཆུང་བ། པུཎྱེ་ཤྲཱི། སྟེང་པ་ལོ་ཙཱ། སོ་ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་རལ་གྲི། ཤངས་པ་གྲགས་སེང༌། ཞང་ཀུན་སོ། རབ་ཏུ་གསང་བ། པཎྜི་ཏ་སུ་བཛྲ། ལོ་ཙཱ་བ་ཤེས་དཀར། ཆོས་ཀྱི་ཤེས་རབ། སྐལ་ལྡན་བྱང་ཆུབ་བློ་གྲོས། འགར་སྟོན་རྡོ་རྗེ་སྙིང་པོ། ཉང་སྟོད་ལྕེ་འབར། ལོ་མཆོག་པ། སྐྱི་ཤོད་པ། ལུག་འགོ་བ། རྐྱང་པ་གྲགས་པ་དར། ཁྲོ་སྟོན་ཀུན་དགའ་འོད་ཟེར། མཁན་ཆེན་ཆོས་རིན། བླ་མ་ཆོས་སྐུ་འོད་ཟེར། ཀུན་མཁྱེན་འཕགས་འོད། ཤེས་རབ་རྒྱལ་མཚན། མ་ཏི་པཎ་ཆེན་མན་གོང་ལྟར་རོ། །ཡང་ན་མཁས་གྲུབ་དཔལ་ལྡན་རྡོ་རྗེ་ནས་ར་ཡོན་ཏན་དཔལ། གློ་བོ་མཁན་ཆེན་བསོད་ནམས་ལྷུན་གྲུབ། ངོར་ཆེན་དཀོན་མཆོག་ལྷུན་གྲུབ། ཐར་རྩེ་བ་ནམ་མཁའ་དཔལ་བཟང་མན་འདྲ། ཡང་ན་ཤཱཀྱ་སེང་གེ །དབང་པོའི་གཙུག་རྒྱན། པདྨའི་རྗེ། མཁས་པའི་རྗེ། སངས་རྒྱས་ཡེ་ཤེས་ལེགས་སྐྱེས། བཀྲ་ཤིས་བློ་བརྟན། ཕྱོགས་ཀྱི་ཐར་པ། ཆོས་ཀྱི་བསྲུང་བ། ཡེ་ཤེས་རྒྱ་མཚོ། ཆོས་ཀྱི་རྒྱལ་མཚན། སྲིད་པའི་གསུང་གཅིག །གྲགས་པའི་རྡོ་རྗེ། ཆོས་ཀྱི་གྲགས་པ། སངས་རྒྱས་དབྱངས། མ་ཧཱ་པཎྜི་ཏ་ནགས་ཀྱི་རིན་ཆེན། བྱང་པ་རིགས་ལྡན་རྣམ་རྒྱལ་གྲགས་བཟང༌། ཤངས་སྟོན་ཀུན་གྲགས་པ། རུ་ཐོག་པ་ནམ་མཁའ་གཟི་བརྗིད་ཡན་གོང་འདྲ། ཉེ་བརྒྱུད་ནི། རྡོ་རྗེ་འཆང༌། ཤཱ་བ་རི་པ། པཎ་ཆེན་ནགས་རིན་མན་འདྲ། ཡང་དུས་འཁོར་རྒྱུད་ས་ལུགས་ཀྱི་བརྒྱུད་པ་ནི། དུས་ཀྱི་འཁོར་ལོ། རྡོ་རྗེ་སྙིང་པོ། རྡོ་རྗེ་མཁའ་འགྲོ་མ། ཙི་ལུ་པཎྜི་ཏ། དུས་ཞབས་ཆེ་ཆུང་གཉིས། དཔེ་མེད་འཚོ། ས་དྷུ་པུ་ཏྲ། དྷརྨཱ་ཀ་ར། དྷརྨ་མི་ཏྲ། བི་ཁྱཱ་ཏ་དེ་ཝ། པཎ་ཆེན་ཤཱཀྱ་ཤྲཱི། ཆོས་རྗེ་ས་སྐྱ་པཎྜི་ཏ། ཆོས་རྒྱལ་འཕགས་པ། དབུ་མ་ཤེས་རབ་འབུམ། ཞང་དགའ་ལྡན་པ། ཤངས་པ་དཔལ་གྱི་ཡེ་ཤེས། བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་རྒྱལ་པ། དཔལ་ལྡན་ཆོས་རྗེ། འཇམ་དབྱངས་གྲགས་པ། རི་ཁྲོད་པ་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ་མན་གོང་དང་མཚུངས་སོ། །ར་ལུགས་ཀྱི་བརྒྱུད་ཚུལ་ནི། དང་པོའི་སངས་རྒྱས། ཟླ་བ་བཟང་པོ། ཆོས་རྒྱལ་སུམ་ཅུ་རྩ་གཉིས། འཇམ་དབྱངས་སྤྲུལ་པ་ཙི་ལུ་པཎྜི་ཏ། པོ་ཏོ་པ། དུས་ཞབས་པ་ཆེ་བ། དཀོན་མཆོག་ཡེ་ཤེས། དཀོན་མཆོག་བླ་མ། གཞོན་ཚུལ། ཀུན་སྤངས་ཆོས་གྲགས། ས་བཟང་མ་ཏི། དགྲ་བཅོམ་ཡོན་བློ། སྨོན་ལམ་མཐའ་ཡས་མན་འདྲ། ཡང་རྔོག་ལུགས་ནི། འཇམ་དཔལ། འཇམ་དཔལ་བཤེས་གཉེན། སྒེག་པའི་རྡོ་རྗེ། ཉི་མ་སེང་གེ །ཆོས་ཀྱི་སེང་གེ །ཕྱག་རྒྱ་གྲུབ་པ། ལྷའི་དབང་ཕྱུག །ཤཱིནྟཾ་གརྦྷ། སྨྲྀ་ཏི། སཱུརྻ་སེངྷ། ཆོས་ཀྱི་སེང་གེ །རྔོག་ཆོས་རྡོར། རྔོག་མདོ་སྡེ། ཀུན་དགའ་གཟི་བརྗིད། རིན་བཟང་ཆོས་རྒྱལ། དོན་གྲུབ་དཔལ། དབང་ཕྱུག་དཔལ་རྣམས་རྔོག་བརྒྱུད། དེ་ནས་ཀརྨ་ཆོས་གྲགས་རྒྱ་མཚོ། ཞྭ་དམར་བ་ཆོས་གྲགས། ཆོས་ཀྱི་ཤེས་རབ། སྣ་ཚོགས་རང་གྲོལ་མན་འདྲ། ཡང་ན་མཁས་གྲུབ་དཔལ་ལྡན་རྗེ་ཡན་གོང་ལྟར་ལ། བྱ་འགྱུར་བ་སོགས་ནས། རྗེ་བཀའ་འགྱུར་བའི་བར་ཀར་ལུགས་སུ་སོང་བ་ལྟར་ལ། དེ་ནས་ཀརྨ་འབྱོར་ལྡན། གཏེར་བདག་གླིང་པ་མན་འདྲ། ཡང་ན། འཇམ་དབྱངས་སོགས་ནས། མ་ཏི་པཎ་ཆེན་གྱི་བར་ཡང་ཀར་ལུགས་སུ་འབྱུང་བ་ལྟར་ལ་མན་ཆད་སྔ་མ་བཞིན་ནོ། །ཡང་ན་དཔལ་ལྡན་རྡོ་རྗེ་སོགས་ནས། ནམ་མཁའ་དཔལ་བཟང་བར་དང༌། ཡང་ན་ཤཱཀྱ་སེང་གེ་སོགས་ནས། རུ་ཐོག་པའི་བར་དང༌། ཡང་ཉེ་བརྒྱུད་རྡོ་རྗེ་འཆང་སོགས་ནས་ནགས་རིན་གྱི་བར་རྣམས་ཀར་ལུགས་སུ་བཀོད་ཟིན་པ་བཞིན་ལ་ཕྱིན་ཆད། ཟེ་ཆེན་པཎྜི་ཏའི་མདུན་ནས་ནོས་པའི་བརྒྱུད་པ་ཉིད་དོ། །གཉིས་པ་རྣལ་འབྱོར་མའི་རྒྱུད་ལ་རིགས་དྲུག་ཀ་མཉམ་པར་སྦྱོར་བའི་རྒྱུད། ཧེ་རུ་ཀའི་རིགས་ཀྱི་རྒྱུད། རྣམ་སྣང་གི་རིགས་ཀྱི་རྒྱུད། རྡོ་རྗེ་ཉི་མའི་རིགས་ཀྱི་རྒྱུད། པདྨ་གར་དབང་གི་རིགས་ཀྱི་རྒྱུད། རྟ་མཆོག་གི་རིགས་ཀྱི་རྒྱུད། རིགས་དྲུག་པ་རྡོ་རྗེ་འཆང་གི་རིགས་རྒྱུད་དང་བདུན་གྱི། དང་པོ་ནི། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བའི་རྒྱུད། རྒྱུད་ཕྱི་མའི་ཕྱི་མ་དང་བཅས་པ་སྨྲྀ་ཏིའི་རང་འགྱུར་གྱི་ལུང་ཐོབ་པའི་བརྒྱུད་པ་ནི། རྡོ་རྗེ་འཆང༌། ཕྱག་ན་རྡོ་རྗེ། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། འབྲིང་པོ་ལ་ལཱི་ཏ་བཛྲ། ཆུང་བ་ཨ་མོ་གྷ་བཛྲ། པུཎྱེ་ཤྲཱི་མི་ཏྲ། སྟེང་ལོ་ཚུལ་ཁྲིམས་རྒྱལ་མཚན། སོ་ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཐམས་ཅད་མཁྱེན་པ། གླན་བང་སོ་བ། རྒྱ་ཕོ་བ་ལུང་པ། གཉལ་པ་ཆོས་ཀྱི་གྲགས་པ། དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན་ལེགས་པའི་བློ་གྲོས། བློ་ཆེན་སངས་རྒྱས་སྲས། མཁན་པོ་རྒྱལ་བཟང་དཔལ། སྤར་ཁང་པ་གྲགས་པ་དཔལ། མ་ཏི་པཎ་ཆེན། ས་བཟང་གཞོན་ནུ་བློ་གྲོས། རྗེ་འཇམ་དབྱངས་གྲགས་པ། རི་ཁྲོད་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། ཡོངས་འཛིན་རཏྣ་ཝརྡ། ངོར་ཆེན་ལྷ་མཆོག་སེང་གེ །རྗེ་དགེ་ལེགས་བཤེས་གཉེན། ནམ་མཁའ་དཔལ་བཟང༌། ནམ་མཁའ་སངས་རྒྱས། མགོན་པོ་བསོད་ནམས། པདྨ་ཕྲིན་ལས། ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་འབྱུང༌། བདུད་འདུལ་རྡོ་རྗེ། པདྨ་ཉིན་བྱེད། ཀརྨ་ཐེག་བསྟན། འཇམ་མགོན་ཡོན་ཏན་རྒྱ་མཚོ་མན་འདྲ། ཡང་ན། རྡོ་རྗེ་འཆང༌། རྟ་མཆོག །བི་ན་པ་ཏ། ཨིནྡྲ་བོ་དྷི། ལྕམ་ལཀྵྨཱི་ཀ་ར། པདྨ་བཛྲ། མགོན་པོ་ཀླུ་སྒྲུབ། ཨཱརྻ་དེ་ཝ། ནཱ་ག་བོ་དྷི། ཨ་མོ་གྷ་པ་ཤ། རྣལ་འབྱོར་མ་ཀ་མ་ལ་ཝ་རི། སུ་ཁ་བཛྲ། བྷྲིཾ་ཀ་ར་ཝ་ཏི། རཏྣ་བཛྲ། ཛྙཱ་ན་ཤྲཱི། འགོས་ཁུག་པ་ལྷས་བཙས། དམ་པ་བྱང་ཆུབ་རྒྱལ་མཚན། མེས་པ་ཆེན་པོ། རྩ་སྐྱ་པ་ཤཱཀྱ་ཡེ་ཤེས། རྒྱ་ཐམས་ཅད་མཁྱེན་པ། ཤཱཀྱ་རྡོ་རྗེ། ཆོས་ཀྱི་གྲགས་པ། དབུས་པ་སངས་རྒྱས་འབུམ་མན་འདྲ། ཡང་ན། རྡོ་རྗེ་འཆང༌། ཛྙཱ་ན་ཌཱ་ཀི །སྤྱོད་མཛད་ཆོས་ཀྱི་རྡོ་རྗེ། འགྲོ་བཟང་སྙིང་པོ། རཏྣ་བཛྲ། ཏེ་ཛ་དེ་ཝ། ཟངས་དཀར་ལོ་ཙཱ་བ། བླ་མ་ཚུལ་ཁྲིམས་འབར། ཁྲི་བཟང་འབར། གཞོན་ནུ་སེང་གེ །དབང་ཕྱུག་རིན་ཆེན། ཤཱཀྱ་རྡོ་རྗེ་མན་གོང་བཞིན་ནོ། །ཡང་ན། རྡོ་རྗེ་འཆང་སོགས་ནས་རྗེ་བཀའ་འགྱུར་བའི་བར་དང༌། ཡང་ན། རྡོ་རྗེ་འཆང་སོགས་ནས། ཤཱཀྱ་རྡོ་རྗེའི་བར་གོང་མ་གཉིས་པོ་ལྟར་ལ། དེ་ནས། རིན་ཆེན་རྒྱ་མཚོ་སོགས་ནས་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོའི་ཞལ་སྔ་ནས་ནོས་པའི་བར་སྔར་བཤད་པ་དག་གིས་རིགས་འགྲེ་བར་བྱའོ། །གཉིས་པ་ཧེ་རུ་ཀའི་རིགས་ཀྱི་རྒྱུད་ལ། བདེ་མཆོག་དགྱེས་རྡོར། སངས་རྒྱས་ཐོད་པ་མ་ཧཱ་མ་ཡ། ཨ་ར་ལི་དང་ལྔ། དང་པོ་ལ་རྩ་བཤད་གཉིས་ལས། དང་པོ་ནི། བདེ་མཆོག་རྩ་རྒྱུད་ཉུང་ངུར་གྲགས་པ་པདྨཱ་ཀ་ར་དང་རིན་བཟང་གི་འགྱུར། གཉིས་པ་ནི་བདེ་མཆོག་ངེས་པར་བརྗོད་པའི་རྒྱུད་བླ་མ་དཱི་པཾ་ཀ་ར་དང་རིན་ཆེན་བཟང་གི་འགྱུར་ལ་ཕྱིས་ལོ་ཆུང་གི་ཆད་ལྷག་བསབ་པ། དེ་གཉིས་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང༌། ཕྱག་ན་རྡོ་རྗེ། ས་ར་ཧ། ཀླུ་སྒྲུབ། ཤཱ་ཝ་རི་པ། ལུ་ཧི་པ། དཱ་རི་ཀ་པ། རྡོ་རྗེ་དྲིལ་བུ་པ། རུས་སྦལ་ཞབས། འབར་བ་འཛིན། ཀྲིཥྞ་པ། གུ་ཧྱ་པ། རྣམ་རྒྱལ་ཞབས། བར་མའི་སློབ་དཔོན། ཏཻ་ལོ་པ། ནཱ་རོ་པ། ཕམ་ཐིང་པ་སྐུ་མཆེད། གློག་སྐྱ་ཤེས་རབ་བརྩེགས། མལ་ལོ་ཙཱ་བ། ས་ཆེན་གོང་མ་ལྔ། ཞང་དཀོན་མཆོག་པ། བྲག་ཕུག་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་པ་རྡོ་རྗེ་འཆང༌། རཏྣ་ཝརྡྷ། ལྷ་མཆོག་སེང་གེ་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་གྱི་དྲུང་ནས་གུ་ཎས་ནོས་པའི་བར་ཀར་ལུགས་ཀྱི་དུས་འཁོར་བརྒྱུད་པ་ལྟར་རོ། །ཡང་ན། ས་པཎ་ནས་ཞང་སྟོན་འོད་ཟེར་རྒྱལ་མཚན། བློ་ཆེན་སངས་རྒྱས་སྲས། སངས་རྒྱས་མཉམ་སྦྱོར་དང་འདྲ། ཡང་ན། ཟེ་ཆེན་པའི་དྲུང་ནས་ཐོབ་པའང་མགོན་པོ་བསོད་ནམས་མཆོག་ལྡན་ཡན་གོང་མ་ལྟར་ལ། རིན་ཆེན་རྒྱ་མཚོ་སོགས་ནས། འཇམ་མགོན་མཐུ་སྟོབས་རྣམ་རྒྱལ་གྱི་ཞལ་སྔ་ནས་རྗེ་གུ་ཎའི་བར་འདི་ཉིད་ཀྱི་དཀྱིལ་འཁོར་བརྒྱུད་པ་བཞིན་ནོ། །ཡང་ན། ས་པཎ་སོགས་ནས། བློ་ཆེན་སངས་རྒྱས་མན་ཆད་འདི་ཉིད་ཀྱི་ལུགས་སངས་རྒྱས་མཉམ་སྦྱོར་དང་འདྲ། ཁ༽ པ་ལ། དཔལ་རྡོ་རྗེ་མཁའ་འགྲོའི་རྒྱུད་ཤྲཱི་ག་ཡ་དྷ་ར་དང༌། གྱི་ཇོ་ཟླ་བའི་འོད་ཟེར་གྱི་འགྱུར་གྱི་བརྒྱུད་པ་ནི། རྡོ་རྗེ་འཆང༌། རྡོ་རྗེ་རྣལ་འབྱོར་མ། ལུ་ཧི་པ། ཌེཾ་གི་པ། དཱ་རི་ཀ་པ །ཀ་ཙ་ཏ་པ། བཛྲ་གྷཎྜ་པ། ལྭ་བ་པ། ཛཱལནྡྷ་ར། ཀཧྣ་པ། ཀུ་ཤ་ལ་ནཱ་ཐ། ཏཻ་ལོ་པ། ནཱ་རོ་པ། ཕམ་ཐིང་པ་སྐུ་མཆེད་གཉིས། མ་ཎི་ཀ་ཤྲཱི་ཛྙཱ་ན། ཁ་ཆེ་བྱང་ཆུབ་བཟང་པོ། དེ་བཞི་ཀ་ལས་མར་དོ་ལོ་ཙཱ་བ་ཆོས་ཀྱི་དབང་ཕྱུག་གིས་གསན། དེས་ནགས་ཟེ་བ་བློ་ལྡན། དེས་སྲས་དོན་གྲུབ་ཡེ་ཤེས། ས་ཕུག་པ་ཤཱཀྱ་རྡོ་རྗེ། དབུས་པ་སངས་རྒྱས་འབུམ། མཆོག་ལྡན་ལེགས་པའི་བློ་གྲོས། འཁོན་སྟོན་ཐུགས་རྗེ་རིན་ཆེན། འཇམ་དབྱངས་རིན་ཆེན་རྒྱལ་མཚན། བློ་ཆེན་པ་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་བསྟན་གྱི་མདུན་ནས་ཐོབ་པའི་བར་སངས་རྒྱས་མཉམ་སྦྱོར་སོར་བཞག་གོ །ཡང་ན་བློ་ཆེན་པ་ཡན་གོང་ལྟར་ལ། དེ་ནས། འགྱུར་མེད་མཐུ་སྟོབས་རྣམ་རྒྱལ་གྱི་བར་འདིའི་ལུགས་ཀྱི་སངས་རྒྱས་མཉམ་སྦྱོར་དང་འདྲ། བདེ་མཆོག་མཁའ་འགྲོ་རྒྱ་མཚོའི་རྒྱུད་པཎྜི་ཏ་རྒྱལ་བའི་སྡེ་དང་ལོ་ཙཱ་བ་དྷརྨ་ཡོན་ཏན་གྱིས་འགྱུར་བའི་བརྒྱུད་པ་ནི། རྡོ་རྗེ་འཆང༌། རྡོ་རྗེ་རྣལ་འབྱོར་མ། སྤྱན་རས་གཟིགས། བྱང་སེམས་བློ་གྲོས་རིན་ཆེན། ཤཱ་བ་རི་པ། མཻ་ཏྲི་པ། གུཔྟ། རྒྱ་གར་ཕྱག་ན། ཀ་མ་ལ་བཛྲ། ཛ་ཡ་སེ་ན། སུམ་པ་ལོ་ཙཱ་བ་དྷརྨ་ཡོན་ཏན། རྗེ་བཙུན་གྲགས་པ། ས་སྐྱ་པཎ་ཆེན། རིན་པོ་ཆེ་སྐྱོབ་པ་དཔལ། རྒྱ་ཚ་ཆོས་ཀྱི་དབང་ཕྱུག །ལོ་ཙཱ་མཆོག་ལྡན། བློ་ཆེན་སངས་རྒྱས་སྲས། བླ་མ་ཡེ་ཤེས་མགོན་པོ། བླ་མ་དར་མ་བཟང་པོ། དོན་རི་པ་གྲགས་པ་དཔལ། སྤང་ཁང་པ་གྲགས་པ། ས་བཟང་མ་ཏི་པཎ་ཆེན་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་བསྟན། རྗེ་གུ་ཎས་གསན་པའི་སངས་རྒྱས་མཉམ་སྦྱོར་ལྟར་རོ། །ཡང་ན། མ་ཏི་པཎ་ཆེན་ཡན་གོང་ལྟར་ལ། དེ་ནས་བཟུང་ཟེ་ཆེན་པཎྜི་ཏའི་ཞལ་སྔ་ནས། རྗེ་གུ་ཎའི་བར་འདི་ཉིད་ལུགས་ཀྱི་སངས་རྒྱས་མཉམ་སྦྱོར་དང་འདྲའོ། །དཔལ་བདེ་མཆོག་སྡོམ་པ་འབྱུང་བ་ཞེས་བྱ་བའི་རྒྱུད་ཀྱི་རྒྱལ་པོ་རྒྱ་གར་གྱི་མཁན་པོ་གཞན་ཕན་མཐའ་ཡས་དང༌། ལོ་ཙཱ་བ་རྒྱུས་སྨོན་ལམ་གྲགས་ཀྱིས་བསྒྱུར་བ་ཤོང་ལོས་དག་པར་བཅོས་པའི་བརྒྱུད་པ་ནི། རྡོ་རྗེ་འཆང༌། རྡོ་རྗེ་རྣལ་འབྱོར། ལུ་ཧི་པ། དཱ་རི་ཀ་པ། རྡོ་རྗེ་དྲིལ་བུ་པ། ཀརྨ་པཱ་དཱ། འབར་བ་འཛིན། ཨ་ནུ་སཱ་ལ་རཀྵི་ཏ། སཻའུ་རི་པ། ཨ་བྷ་ཡ་ཀ་ར། ཤུ་བྷམ་ཀ་ར་གུཔྟ། སུ་ཙ་ར་པ་དང༌། རཏྣ་རཀྵི་ཏ། ཆག་ལོ་ཆོས་རྗེ་དཔལ། གྲོ་ལུང་པ་མདོ་སྡེ་དཔལ། ཤོང་བློ་གྲོས་བརྟན་པ། ལོ་མཆོག་པ། བློ་ཆེན་སངས་རྒྱས་སྲས་སོགས་ནས་པདྨ་ཉིན་བྱེད་དབང་པོའི་བར་མཁའ་འགྲོ་རྒྱ་མཚོ་བཞིན་ནོ། །ཡང་ན་བློ་ཆེན་སངས་རྒྱས་སྲས་ཡན་ཆད་གོང་ལྟར་ལ། དེ་ནས་བླ་མ་ཡེ་ཤེས་མགོན་པོ། བླ་མ་དར་མ་བཟང་པོ། བླ་མ་གྲགས་ཆེན་པ། སྤང་ཁང་པ་གྲགས་པ་དཔལ། མ་ཏི་པཎ་ཆེན་སོགས་ནས་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོའི་བར་འདིའི་ལུགས་ཀྱི་སངས་རྒྱས་མཉམ་སྦྱོར་དང་འདྲ། ཡང་ན། རྡོ་རྗེ་འཆང༌། རྡོ་རྗེ་རྣལ་འབྱོར། རཏྣ་ཤྲཱི་ཀ་ལྱཱ་ན། ཤཱནྟ་མ་ནི། ཝ་ནི་དྷེ་བ་དྲ། བྷཱུ་མི་ཤྲཱི། བི་མ་ལ་ཤྲཱི། ཤོང་བློ་བརྟན་མན་བཤད་མ་ཐག་པ་དང་འདྲ། ག༽ པ་ལ། དཔལ་ཁྲག་འཐུང་མངོན་པར་འབྱུང་བ་པཎྜི་ཏ་ཨ་དྭ་ཨ་བཛྲ་དང༌། ལོ་ཙཱ་བ་ཆིངས་ཡོན་ཏན་འབར་གྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཡེ་ཤེས་ཀྱི་ཌཱ་ཀི་མ། ནག་པོ་སྤྱོད་པའི་རྡོ་རྗེ། བིནྡྷ་པ། རྗེ་དྷརྨ་པ། རྗེ་བྷཱུ་བ་པ། ཛེ་ཏཱ་རི་པ། ཨ་ནཾ་ག་བཛྲ། དྷརྨཱ་ཀ་ར་མ་ནི། མོཉྫ་གླིང་པ་ཐུགས་རྗེ་ཆེན་པོ། ར་ལོ་རྡོ་རྗེ་གྲགས། ར་ཆོས་རབ། ར་དྷརྨ་སེང་གེ །ར་དཀོན་མཆོག་སེང་གེ །ར་ཤེས་རབ་རྒྱལ་མཚན། བློ་ཆེན་སངས་རྒྱས་སྲས། བདེ་བ་ཅན་པ་ཡེ་ཤེས་མགོན་པོ། བླ་མ་དར་མ་བཟང་པོ། བླ་མ་གྲགས་ཆེན་པ། སྤང་ཁང་པ་གྲགས་པ་དཔལ། ས་བཟང་མ་ཏི་པཎ་ཆེན་སོགས་ནས་ཁྱབ་བདག་པདྨ་ཉིན་བྱེད་དབང་པོ། ཀརྨ་ཐེག་བསྟན་ནས། འཇམ་མགོན་བློ་གྲོས་མཐའ་ཡས་ཀྱི་གསན་པ་རྣམས་སངས་རྒྱས་མཉམ་སྦྱོར་དང་མཚུངས་སོ། །ཡང་ན་མ་ཏི་པཎ་ཆེན་ཡན་གོང་ལྟར་ལ། དེ་ནས་རིམ་པར་འགྱུར་མེད་མཐུ་སྟོབས་རྣམ་རྒྱལ་ནས། རྗེ་གུ་ཎས་གསན་པའི་བར་འདིའི་ལུགས་ཀྱི་སངས་རྒྱས་མཉམ་སྦྱོར་དང་འདྲ། ཡང་ན། རྡོ་རྗེ་འཆང༌། ཕྱག་ན་རྡོ་རྗེ། ས་ར་ཧ། ཀླུ་སྒྲུབ། ཤཱ་བ་རི་པ། ལུ་ཧི་པ། དཱ་རི་ཀ་པ། རྡོ་རྗེ་དྲིལ་བུ་པ། རུས་སྦལ་ཞབས། ཛ་ལནྡྷ་ར། ནག་པོ་པ། གུ་ཧྱ་པ། རྣམ་རྒྱལ་ཞབས། ཏཻ་ལོ་པ། ནཱ་རོ་པ། ཕམ་ཐིང་པ་སྐུ་མཆེད། ཀློག་སྐྱ་ཤེས་རབ་བརྩེགས། མལ་ཇོ་ཡབ་སྲས་གསུམ། ཆོས་རྗེ་ས་པཎ། ཁང་སྟོན་འོད་ཟེར་འབར། བློ་ཆེན་པ་མན་བཤད་མ་ཐག་པ་བཞིན་ནོ། །ཡང་ན་ས་པཎ་ནས། བསོད་ནམས་སེང་གེ །སངས་རྒྱས་འབུམ། ལོ་མཆོག་པ། བློ་ཆེན་མན་འདྲ། རྣལ་འབྱོར་མ་ཀུན་ཏུ་སྤྱོད་པའི་རྒྱུད་འགོས་ལྷས་བཙས་ཀྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། རྡོ་རྗེ་མཁའ་འགྲོ་མ། ལུ་ཧི་པ། རྒྱལ་པོ་ཨུདྨ་པ། ཀ་པ་ད་ར། ཨོརྨན་ཌཱ་ཀི །ཏཻ་ལོ་པ། ནཱ་རོ་པ། ཀྲིཥྞ་པཎྜི་ཏ། གཉོས་ལོ་ཙཱ་བ། གཉོས་བླ་མ་དཔལ། ཕུག་པ་ཤེས་རབ་གྲགས། ཕུག་པ་ཇོ་འབུམ། སེང་གེ་རྒྱལ་མཚན། སངས་རྒྱས་འབུམ། ལོ་མཆོག་པ་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་བསྟན་པའི་དྲུང་ནས་ཐོབ་ཀྱི་བར་དང༌། འགྱུར་མེད་མཐུ་སྟོབས་རྣམ་རྒྱལ་གྱི་བར་ཏེ་གཉིས་ཀ་ཁྲག་འཐུང་མངོན་འབྱུང་གི་བརྒྱུད་པ་དང་འདྲ་བས་སོ་སོར་སྦྱར་ཤེས་པར་བྱའོ། །རྣལ་འབྱོར་མ་བཞི་ཁ་སྦྱོར་བའི་རྒྱུད་བརྟག་པ་བདུན་པ་ཆིངས་ཡོན་ཏན་འབར་གྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། བློ་གྲོས་རིན་ཆེན། ས་ར་ཧ། ཀླུ་སྒྲུབ། ཤཱ་བ་རི་པ། གཉིས་མེད་རྡོ་རྗེ། རྒྱ་གར་ཕྱག་ན། བ་རེག་ལོ་ཙཱ་བ། སུམ་པ་འཇམ་དབྱངས་མགོན། བ་རེག་རཏྣ་འབར། བ་རེག་འོད་ཟེར། བ་རེག་ཇོ་འབུམ། སྟེང་ཕུ་ལུང་པ། ནམ་མཁའ་འགྲོ། བ་རེག་བཀྲ་ཤིས། ལོ་ཙཱ་བ་མཆོག་ལྡན། བླ་ཆེན་སངས་རྒྱས་སྲས། མཁན་པོ་རྒྱལ་བཟང་པ་སོགས་ནས་པདྨ་ཉིན་བྱེད་དབང་པོ། ཀར་ཐེག་བསྟན་པ། རྗེ་གུ་ཎས་གསན་པའི་བར་སངས་རྒྱས་མཉམ་སྦྱོར་བཞིན་ནོ། །ཡང་ན། རྡོ་རྗེ་འཆང༌། ཕྱག་རྡོར། ས་ར་ཧ། ཀླུ་སྒྲུབ། ཤཱ་ཝ་རི་པ། ལུ་ཧི་པ། དཱ་རི་ཀ་པ། གྷནྡྷ་པ། རུས་སྦལ་ཞབས། ཛ་ལནྡྷ་ར། ཀཧྞ་པ། གུ་ཧྱ་པ། རྣམ་རྒྱལ་ཞབས། བར་མའི་སློབ་དཔོན། ཏཻ་ལོ་པ། ནཱ་རོ་པ། ཕམ་ཐིང་པ་སྐུ་མཆེད། ཀློག་སྐྱ་ཤེས་རབ་བརྩེགས། མལ་ཇོ་ཡབ་སྲས་གསུམ། ས་པཎ། བླ་མ་བསོད་ནམས་སེང་གེ །དབུས་པ་སངས་རྒྱས་འབུམ། ལོ་མཆོག་པ། བློ་ཆེན་སངས་རྒྱས་ཡབ་སྲས་ཡན་འདྲ། ཡང་ན་མནན་པོ་རྒྱལ་བཟང་པ་ཡན་གོང་མའི་གོང་མ་ལྟར་ལ། དེ་ནས་སྤང་ཁང་གྲགས་པ་དཔལ་སོགས་ནས་འཇམ་མགོན་མཐུ་སྟོབས་རྣམ་རྒྱལ་གྱི་བར་དུ་འདིའི་ལུགས་ཀྱི་སངས་རྒྱས་མཉམ་སྦྱོར་དང་འདྲ། ཡང་ན་བློ་ཆེན་སངས་རྒྱས་སྲས་ཡན་ཀར་ལུགས་སུ་སོང་བའི་བརྒྱུད་ཚུལ་གཉིས་པ་ལྟར་ལ། ཕྱིན་ཆད་འདྲ། སྐབས་འདིར་ཕག་མོ་མངོན་པར་འབྱུང་བ་རྩ་བའི་རྒྱུད་ཅེས་པ་ཕྱི་མ་དང་བཅས་པ་ག་ཡ་དྷ་ར་དང༌། གྱི་ཇོས་བསྒྱུར་བ་ཡོད་ཀྱང་རིང་བརྒྱུད་ལྟར་ལུང་མེད། རྡོ་རྗེ་རྣལ་འབྱོར་མའི་སྒྲུབ་ཐབས་ཀྱི་རྒྱུད་ཛ་ཡ་སེ་ན་དང༌། དར་མ་ཡོན་ཏན་གྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། རྡོ་རྗེ་རྣལ་འབྱོར་མ། ལོ་ཀི་ཤྭ་ར། བློ་གྲོས་རིན་ཆེན། ཤཱ་ཝ་རི། གཉིས་མེད་རྡོ་རྗེ། མ་ལ་བའི་པཎྜི་ཏ། ཨ་བྷ་ཡཱ་ཀ་ར། ཤཱཀྱ་རཀྵི་ཏ། ཀ་ན་ཡ་ཤྲཱི། ཛ་ཡ་སེ་ན། སུམ་པ་ལོ་ཙཱ་བ། རྗེ་བཙུན་རི་པོ་ཆེ། ས་པཎ། འཕགས་པ་ཞང་དཀོན་མཆོག་དཔལ། བླ་མ་དམ་པ། ཐེག་ཆེན་ཆོས་རྗེ། ནམ་མཁའ་བཟང་པོ། ངག་དབང་གྲགས་པ། ཤེས་རབ་རྒྱལ་མཚན། བདག་ཆེན་རྡོ་རྗེ། རྡོ་རིང་པ། ཚར་ཆེན། མཁྱེན་བརྩེ། དབང་རབ། བཀའ་འགྱུར་བ་སོགས་ནས། པདྨ་ཉིན་བྱེད་དབང་པོ། ཀརྨ་ཐེག་བསྟན་བར་དུ་གོང་མ་རྣམས་ལྟར་ལ། ཡང་ཟེ་ཆེན་པའི་དྲུང་ནས་ཐོབ་པའི་བཀའ་འགྱུར་བ་ཡན་གོང་ལྟར་ལ། ཕྱིན་ཆད་ཟེ་ཆེན་པའི་དྲུང་ནས་རྗེ་གུ་ཎས་གསན་པའི་བརྒྱུད་པ་གཞན་དག་དང་སྦྱར་ཏེ་རྟོགས་པར་བྱའོ། །ཡང་ན། བྲག་ཕུག་པ་ནས། རི་ཁྲོད་པ་བློ་ལྡན། དཔལ་ཚུལ་པ། ངོར་ཆེན། མུས་དཀོན་མཆོག་རྒྱལ་མཚན། མཁྱེན་རབ་ཆོས་རྗེ་རཏྣ་ཤྲཱི་ལ། སངས་རྒྱས་དཔལ། སྒོ་རུམ་ཀུན་ལེགས། འཇམ་དབྱངས་མཁྱེན་བརྩེ་མན་གཉིས་ཀ་སོ་སོ་དང་འདྲ། ཡང་ན་འཕགས་པ་རིན་པོ་ཆེ་ནས། དགའ་ལྡན་པ་ཀུན་བསོད། དཔལ་ལྡན་བླ་མ་དམ་པ་མན་འདྲ། ཡང་ན་བླ་མ་དམ་པ་ནས། མ་ཏི་པཎྜི་ཏ། ཐེག་ཆེན་ཆོས་རྗེ་མན་འདྲ། ཡང་ན་ཐེག་ཆེན་ཆོས་རྗེ་ནས་བླ་མ་ལུང་རིགས་རྒྱ་མཚོ། མཁན་ཆེན་སེང་གེ་དཔལ་བཟང༌། བྲག་ཐོག་པ་བསོད་ནམས་བཟང་པོ། རྡོ་རྗེ་གདན་པ། སྲས་ཀུན་དགའ་རྒྱལ་པོ། སྔགས་འཆང་ཚེ་དབང་བཀྲ་ཤིས། རྗེ་རྣམ་རྒྱལ་བཀྲ་ཤིས། ངག་དབང་ཀུན་བསོད། བླ་མ་ངག་དབང་རྣམ་རྒྱལ། བཀའ་འགྱུར་བ་མན་ཆད་འདྲ། ཡང་ན། རྡོ་རྗེ་རྣལ་འབྱོར་མ། མཻ་ཏྲི་པ། ནམ་མཁའི་པཎྜི་ཏ། བླ་མ་ཨ། ཤཱཀྱ་རཀྵི་ཏ། ཀ་ན་ཀ་ཤྲཱི། ཛ་ཡ་སེ་ན་མན་འདྲ། ཡང་ན། མཻ་ཏྲི་པ། རྒྱ་གར་ཕྱག་ན། ཀ་མ་ལ་བཛྲ། ཛ་ཡ་སེ་ན་མན་འདྲ། ཡང་ན། སྤྱན་རས་གཟིགས། རི་ཁྲོད་དབང་ཕྱུག །ཨ་བ་དྷཱུ་ཏི་པ། སྨྲྀ་ཏི། ཀ་མ་ལ་བཛྲ། ལི་ལ་ཡ་བཛྲ། སུམ་པ་ལོ་ཙཱ་མན་འདྲ། གཉིས་པ་དཔལ་ཡང་དག་པར་སྦྱོར་བའི་རྒྱུད་བརྟག་པ་བཅུ་པ་དང༌། ཨ་ལ་ལ་བཛྲ། ནགས་ཁྲོད་པ། གརྦྷ་རི་པ། ཛ་ཡ་ཤྲཱི་ཛྙཱ་ན། མི་ཐུབ་ཟླ་བ། དཔའ་བོ་རྡོ་རྗེ། འབྲོག་མི་ལོ་ཙཱ་བ། མངའ་རིས་པ་གསལ་བ་སྙིང་པོ། སྐྱི་ཆུ་བ་དགྲ་ལྷ་འབར། ས་ཆེན་གོང་མ་ལྔ། བསོད་ནམས་སེང་གེ །རི་ཕུག་ཤཱཀ་སེང༌། བླ་མ་དབང་རྒྱལ། ས་བཟང་པཎ་ཆེན། ས་བཟང་འཕགས་པ་གཞོན་ནུ། ངོར་ཆེན་ཀུན་དགའ་བཟང་པོ། ཀུན་དགའ་དབང་ཕྱུག །ངོར་པ་དཀོན་མཆོག་འཕེལ། རྗེ་ལྷ་མཆོག་སེང་གེ །ཆོས་རྗེ་དགེ་ལེགས་བཤེས་གཉེན། ཤར་ཁང་པ་ཤེས་རབ་རྒྱལ་མཚན། བྲང་ཏི་ནམ་མཁའ་དཔལ་བཟང༌། དེད་དཔོན་ནམ་མཁའ་སངས་རྒྱས། མགོན་པོ་བསོད་ནམས་མཆོག་ལྡན། ཁྱབ་བདག་པདྨ་ཕྲིན་ལས། རབ་འབྱམས་ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་འབྱུང༌། བདུད་འདུལ་རྡོ་རྗེ། པདྨ་ཉིན་བྱེད། ཀརྨ་ཐེག་བསྟན། འཇམ་མགོན་ཡོན་ཏན་རྒྱ་མཚོ་སོགས་གོང་ལྟར་རོ། །ཡང་ན་འབྲོག་མི་ཡན་བརྟག་གཉིས་ལྟར་ལ། དེ་ནས་འཁོན་དཀོན་མཆོག་རྒྱལ་པོ། ས་ཆེན་མན་བརྟག་གཉིས་ལྟར་རོ། །ཡང་ན། ངོར་པ་དཀོན་མཆོག་འཕེལ་གྱི་བར་གོང་ལྟར་ལ། དེ་ནས་རིམ་པར་བརྒྱུད་དེ་འཇམ་མགོན་མཐུ་སྟོབས་རྣམ་རྒྱལ་གྱི་མདུན་ནས་རྗེ་གུ་ཎའི་བར་འདི་ཡི་ལུགས་ཀྱི་དུས་འཁོར་བརྒྱུད་ཚུལ་སྔོན་མ་དང་འདྲ། ཡང་ན། འབྲོག་མི་སོགས་ནས། ས་ཆེན་གྱི་བར་གོང་མའི་གོང་མ་ལྟར་རོ། །རྒྱུད་ཀྱི་རྒྱལ་པོ་རྙོག་པ་མེད་པ་ག་ཡ་དྷ་ར་དང་ཤཱཀྱ་ཡེ་ཤེས་ཀྱི་འགྱུར་གྱི་བརྒྱུད་པ་ནི། རྡོ་རྗེ་འཆང༌། ཡེ་ཤེས་མཁའ་འགྲོ། ཨོ་རྒྱན་ཨ་རཱལླི། སེང་གེ་གླིང་གི་བྲམ་ཟེ་མོ། ག་ཡ་དྷ་ར། འབྲོག་མི་ལོ་ཙཱ། མཚུར་དབང་གི་རྡོ་རྗེ། སྦུག་ཐམས་ཅད་མཁྱེན་པ། སྦུག་དྷརྨ་ཀེ་རུ། བྱ་རིན་ཆེན་འོད། བློ་ཆེན་པ་སོགས་ནས། པདྨ་ཉིན་བྱེད་དང༌། མཐུ་སྟོབས་རྣམ་རྒྱལ་གཉིས་ཀྱི་བར་བརྒྱུད་ཚུལ་གཉིས་ཀ་སོ་སོའི་ཕག་མོ་མངོན་འབྱུང་དང་འདྲ། ཡང་ན་བློ་ཆེན་ནས། རྒྱལ་བཟང་དཔལ། ཀིརྟི་ཤྲཱི། མ་ཏི་པཎ་ཆེན་མན་སྔར་དང་འདྲ། ཡང་ན། རྡོ་རྗེ་འཆང༌། བདག་མེད་མ། ཀླུ་སྒྲུབ། ཏཻ་ལོ་པ། ནཱ་རོ་པ། མར་པ་ལོ་ཙཱ། མེས་སྟོན་བསོད་ནམས་རྒྱལ་མཚན། རྩ་སྐྱ་ཤཱཀ་ཡེ། རྒྱ་སྟོན་བཟང་པོ། ཤཱཀྱ་རྡོ་རྗེ། སངས་རྒྱས་འབུམ། ལོ་མཆོག་པ། བློ་ཆེན་མན་འདྲ། ཡང་ན་རྡོ་རྗེ་འཆང༌། རྣལ་འབྱོར་མ། ལུ་ཧི་པ། ཏཻ་རོ་པ། ནཱ་རོ་པ། དྷ་ར་ཤྲཱི། ག་ཡ་དྷ་ར་མན་འདྲ། སྐབས་འདིར་བདེ་མཆོག་ནམ་མཁའ་མཉམ་པ་དང་མགོན་པོ་དངོས་གྲུབ་འབྱུང་བའི་རྒྱུད་དེ་གཉིས་ཡོད་ཀྱང་ལུང་རྒྱུན་རིང་བརྒྱུད་མེད་ཀྱང་ཉེ་བརྒྱུད་བཞུགས། གཉིས་པ་ཀྱཻ་རྡོར་གྱི་སྐོར་ལ་རྩ་རྒྱུད་སོགས་བདུན་ལས། ང༽ པ་ལ། ཀྱཻ་རྡོར་རྩ་རྒྱུད་ལས་བཏུས་པ་བརྟག་པ་གཉིས་པ་ཁྱོན་ལེའུ་ཉེར་གསུམ་པ་ག་ཡ་དྷ་ར་དང་འབྲོག་མིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། བདག་མེད་མ། རྣལ་འབྱོར་དབང་ཕྱུག་བིརཝ་པ། སློབ་དཔོན་ཌོམྦི་པ། ཨ་ལ་ལ་བཛྲ། ཝ་ན་སི་པ། གརྦྷ་རི་པ། བསོད་སྙོམས་པ་ཛ་ཡ་ཤྲཱི་ཛྙཱ་ན། སློབ་དཔོན་མི་ཐུབ་ཟླ་བ། གྲུབ་ཆེན་དཔའ་བོ་རྡོ་རྗེ། ལོ་ཆེན་འབྲོག་མི། མངའ་རིས་པ་གསལ་བའི་སྙིང་པོ། འཁོན་སྐྱི་ཆུ་བ་དགྲ་ལྷ་འབར། རྗེ་བཙུན་ས་ཆེན། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ། ས་པཎ་འཕགས་པ་རིན་ཆེན། སློབ་དཔོན་གཞོན་སྟོན། བླ་མ་རྡོ་རྗེ་རྒྱལ་མཚན། རི་ཕུག་མཁན་ཆེན་དར་མ་རྒྱལ་མཚན། ས་བཟང་མ་ཏི་པཎ་ཆེན། ས་བཟང་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་མཆོག་འཕེལ། རྗེ་ལྷ་མཆོག་སེང་གེ །ཆོས་རྗེ་དགེ་ལེགས་བཤེས་གཉེན། ཤར་ཁང་པ་ཤེས་རབ་རྒྱལ་མཚན། པཎ་ཆེན་ནམ་མཁའ་དཔལ་བཟང༌། དེ་དབོན་ནམ་མཁའ་སངས་རྒྱས། བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། ཞབས་དྲུང་པདྨ་ཕྲིན་ལས། བླ་མ་བློ་བཟང་རིན་ཆེན། རབ་འབྱམས་ཀརྨ་སྨོན་ལམ། དཔལ་ལྡན་གར་དབང་བརྒྱད་པ། ཆོས་ཀྱི་འབྱུང་གནས། བདུད་འདུལ་རྡོ་རྗེ། པདྨ་ཉིན་བྱེད་དབང་པོ། ཀརྨ་ཐེག་བསྟན། འཇམ་མགོན་བློ་གྲོས་མཐའ་ཡས་སོགས་གོང་ལྟར་རོ། །ཡང་ན། འཕགས་པ་རིན་པོ་ཆེ་ཡན་གོང་ལྟར་ལ། དེ་ནས་དགའ་ལྡན་པ་བཀྲ་ཤིས་དཔལ། བྲག་ཕུག་པ་བསོད་ནམས་དཔལ། རི་ཁྲོད་པ་བློ་གྲོས་བརྟན་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ་མན་གོང་མ་ལྟར་རོ། །ཡང་ན། འབྲོག་མི་ནས་འཁོན་དཀོན་མཆོག་རྒྱལ་པོ། ས་ཆེན་མན་འདྲ། ཡང་ན། ཁྱབ་བདག་བཀའ་འགྱུར་བ་ཡན་གོང་ལྟར་ལ། དེ་ནས་རིམ་པར་བརྒྱུད་དེ་འཇམ་མགོན་མཐུ་སྟོབས་རྣམ་རྒྱལ་གྱི་ཞལ་སྔ་ནས་རྗེ་གུ་ཎའི་བར་འདི་ཡི་ལུགས་ཀྱི་དུས་འཁོར་བརྒྱུད་པ་དང་འདྲ། ཡང་ན། བློ་ཆེན་འཕགས་པ་སོགས་ནས། ཀུན་དགའ་བཟང་པོ་ཡན་གོང་མའི་གོང་མ་དང་འདྲ་ལ། མན་ཆད་གོང་མ་ལྟར་རོ། །ཡང་ན་འཁོན་དཀོན་མཆོག་རྒྱལ་པོ། དེ་ནས་ས་ཆེན་མན་ཆད་འདྲའོ། །དེའི་བཤད་རྒྱུད་ཐུན་མོང་མ་ཡིན་པ་རྡོ་རྗེ་གུར་འགྱུར་གོང་བཞིན་གྱི་བརྒྱུད་པ་ནི། ཆོས་རྒྱལ་འཕགས་པ་ཡན་བརྟག་གཉིས་ལྟར་ལ། དེ་ནས་འོ་ཡུག་པ་བསོད་ནམས་སེང་གེ །རི་ཕུག་པ་ཤཱཀ་སེང༌། བླ་མ་རྒྱལ་མཚན། མ་ཏི་པཎ་ཆེན་མན་བརྟག་གཉིས་ལྟར་རོ། །ཞེ་ཆེན་པའི་དྲུང་ནས་ཐོབ་པའང་མ་ཏི་ཡན་ཆད་སྔ་མ་དང་འདྲ་ཞིང༌། ཕྱིན་ཆད་གོང་གི་འདི་ཡི་ལུགས་ཀྱི་བརྟག་གཉིས་ལྟར་རོ། །རྒྱུད་ཕྱི་མ་ཕྱག་ཆེན་ཐིག་ལེ། པྲཛྙཱ་གུ་ཧྱ་དང༌། ཀམ་ཆོས་ཀྱི་ཡེ་ཤེས། ཕྱུགས་དགྲ་བཅོམ་གསུམ་གྱི་འགྱུར། དེའི་ཕྱི་མའི་ཕྱི་མ་དཔལ་ཡེ་ཤེས་སྙིང་པོ་ཞེས་བྱ་བ་ཤེས་རབ་གསང་བའི་རང་འགྱུར། ཡེ་ཤེས་ཐིག་ལེ་རྣལ་འབྱོར་མའི་རྒྱུད་ཤྲཱི་པྲཛྙཱ་གུཔྟས་བསྒྱུར་བ་སྟེ། དེ་གསུམ་གྱི་བརྒྱུད་པ་ནི། རྡོ་རྗེ་འཆང༌། ཡེ་ཤེས་མཁའ་འགྲོ། ཨིནྡྲ་བྷཱུ་ཏི། ཤྲཱི་བྷ་ཡ་ཏི། སིདྡྷི་བཛྲ། དབུ་མ་པ། ཛྙཱ་ན་བོ་དྷི། ཤྲཱི་ཡ་བྷཱུ་ཏི། ཌོམྦྷི་པ། ཡན་ལག་བར་མའི་ཞབས། བུང་བའི་པདྨ། ཨིནྡྲ་བྷཱུ་ཏི། ལཀྵྨཱི་ཀ་ར། རཏྣ་བཛྲ། པྲཛྙཱ་གུ་ཧྱ། འཁོན་དཀོན་མཆོག་རྒྱལ་པོ། དཀར་པོ་རྣམ་གསུམ། ས་པཎ། ཁང་སྟོན། བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་སོགས་ནས། པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་གྱི་བར་འདི་ཡི་ལུགས་ཀྱི་དུས་འཁོར་བརྒྱུད་པ་དང་འདྲ། ཡང་ན། མ་ཏི་པཎ་ཆེན་ཡན་གོང་ལྟར་ལ། དེ་ནས་རིམ་པར་བརྒྱུད་དེ་འཇམ་མགོན་མཐུ་སྟོབས་རྣམ་རྒྱལ་གྱི་མདུན་ནས་རྗེ་གུ་ཎའི་བར་ཡང་འདི་ཡི་ལུགས་ཀྱི་དུས་འཁོར་བརྒྱུད་པ་དང་འདྲ། ཡང་ན། བརྟག་གཉིས་ཀྱི་བརྒྱུད་པ་ས་པཎ་ཡོད་པ་ལྟར་ན། དར་སྟོན། བློ་ཆེན་མན་འདྲ། འབྲས་བུའི་རྒྱུད་དེ་ཁོ་ན་ཉིད་ཀྱི་སྒྲོན་མ་ཤེས་རབ་གསང་བའི་རང་འགྱུར་གྱི་བརྒྱུད་པ་ནི། རྡོ་རྗེ་འཆང༌། བློ་གྲོས་རིན་ཆེན། ས་ར་ཧ། ཀླུ་སྒྲུབ། ཤཱ་བ་རི། མཻ་ཏྲི་པ། རྒྱ་གར་ཕྱག་ན། གཙང་ཤོད་པ། སུམ་པ་འཇམ་མགོན། རཏྣ་འབར། བ་རེག་འོད་ཟེར། ཇོ་འབུམ། སྟེང་ཕུ་ལུང་པ། བ་རེག་བཀྲ་ཤིས། ལོ་མཆོག །བློ་ཆེན། རྒྱལ་བཟང་པ། སྤང་ཁང་པ། མ་ཏི་པཎ་ཆེན་སོགས་ནས་རིམ་པར་པདྨ་ཉིན་བྱེད་དབང་པོ་དང༌། འགྱུར་མེད་མཐུ་སྟོབས་རྣལ་རྒྱལ་ཏེ་བརྒྱུད་སྲོལ་དེ་གཉིས་རང་རང་གི་ལུགས་སུ་སངས་རྒྱས་མཉམ་སྦྱོར་རམ་ཕྱག་ཆེན་ཐིག་ལེ་ལྟར་དེད་པས་ཆོག་གོ །གསུམ་པ་སངས་རྒྱས་ཐོད་པའི་སྐོར་ལ། དཔལ་སངས་རྒྱས་ཐོད་པ་ཞེས་བྱ་བའི་རྒྱུད་ག་ཡ་དྷ་ར་དང༌། གྱི་ཇོས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཛྙཱ་ན་ཌཱ་ཀི །ལུ་ཧི་པ། ཏཻ་ལོ་པ། ནཱ་རོ་པ། དྷ་ར་ཤྲཱི། ག་ཡ་དྷ་ར། དེ་ལ་འབྲོག་མི་ལོ་ཆེན་དང་འགོས་ཁུག་པ་ལྷས་བཙས་གཉིས་ཀྱིས་གསན། དེ་གཉིས་ཀ་ལ་དོལ་གྱི་མཚུར་སྟོན་དབང་ངེ༌། དེ་ནས་སྤུག་སྟོན་ཐམས་ཅད་མཁྱེན་པ། སྤུག་དྷརྨ་ཀེ་རུ། ཇོ་བརྟན་གཉལ་པ། བློ་ཆེན་སངས་རྒྱས་སྲས། ལྷ་སྡིང་པ་དབང་ཕྱུག་རྒྱལ་མཚན། སྤང་ཁང་པ་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་མཆོག་མདུན་ནས་རྗེ་གུ་ཎའི་བར་སངས་རྒྱས་མཉམ་སྦྱོར་བཞིན་ནོ། །ཡང་ན། རྡོ་རྗེ་འཆང༌། བྱང་སེམས་བློ་གྲོས་རིན་ཆེན། ཀླུ་སྒྲུབ། ཤཱ་ཝ་རི། མཻ་ཏྲི་གུཔྟ། མར་པ་ཆོས་ཀྱི་བློ་གྲོས། ལྷོ་བྲག་གི་རོ་མཉམ་རྡོ་རྗེ། རྒྱ་སྟོན་རྣལ་འབྱོར་མི་མཉམ་རྡོ་རྗེ། ཡོན་ཏན་གྲགས། བར་ཐང་པ་ཤཱཀྱ་རྡོ་རྗེ། སྲས་ཆོས་ཀྱི་གྲགས་པ། བྱང་ཆུབ་དཔལ། སྣར་ཐང་པ་བསོད་ནམས་འཕེལ། བདེ་བ་ཅན་པ་ཡེ་ཤེས་མགོན་པོ། གཡས་རུ་པ་རིན་ཆེན་རྒྱལ་མཚན། སྤང་ཁང་པ་གྲགས་པ་དཔལ་མན་བཤད་མ་ཐག་པ་ལྟར་རོ། །ཡང་ན་སྤང་ཁང་པ་ཡན་གོང་ལྟར། དེ་ནས་མ་ཏི་པཎ་ཆེན་སོགས་ནས། འཇམ་མགོན་མཐུ་སྟོབས་རྣམ་རྒྱལ། ཀུན་མཁྱེན་བློ་གྲོས་མཐའ་ཡས་བར་འདིའི་ལུགས་ཀྱི་སངས་རྒྱས་མཉམ་སྦྱོར་ཇི་ལྟ་བའོ། །ཡང་ན་མ་ཏི་པཎ་ཆེན་ཡན་གོང་མའི་གོང་མ་ལྟར་ལ། བཞི་པ་མ་ཧཱ་མ་ཡའི་སྐོར་ལ། སྒྱུ་འཕྲུལ་ཆེན་མོ་ཞེས་བྱ་བའི་རྒྱུད་ཀྱི་རྒྱལ་པོ་ཤཱནྟ་བྷ་དྲ་དང་འགོས་ཀྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། བྱང་སེམས་རྡོ་རྗེ་སྙིང་པོ། ཡེ་ཤེས་ཀྱི་ཌཱ་ཀི་མ། ཀུ་ཀུ་རི་པ། མཚོ་སྐྱེས་རྡོ་རྗེ། ཌོམྦི་པ། ཏཻ་ལོ་པ། ནཱ་རོ་པ། བལ་པོ་ཤཱནྟ་བྷ་དྲ། མར་ལོ་ཆོས་ཀྱི་བློ་གྲོས། རྔོག་ཆོས་སྐུ་རྡོ་རྗེ། རྔོག་མདོ་སྡེ། རྔོག་ཚ་ཆོས་སྐུ། རྔོག་ཚ་དཀོན་མཆོག་དཔལ། ཀློག་སྐྱ་དབང་ཕྱུག་གྲགས། ལྡོང་སྟོན་ཤེས་རབ་དཔལ། འཕགས་པ་རིན་པོ་ཆེ། བློ་ཆེན་སངས་རྒྱས་སྲས། མཁན་པོ་རྒྱལ་བཟང་སོགས་ནས་པདྨ་ཉིན་བྱེད་དབང་པོ། རྗེ་གུ་ཎའི་བར་སངས་རྒྱས་མཉམ་སྦྱོར་བཞིན་ནོ། །ཡང་ན་མཁན་པོ་རྒྱལ་བཟང་ཡན་གོང་མ་ལྟར་ལ། དེ་ནས་སྤང་ཁང་པ་གྲགས་པ་དཔལ། མ་ཏི་པཎ་ཆེན་སོགས་ནས་འགྱུར་མེད་མཐུ་སྟོབས་རྣམ་རྒྱལ། རྗེ་གུ་ཎ་ས་མུ་དྲའི་བར་འདིའི་ལུགས་ཀྱི་སངས་རྒྱས་མཉམ་སྦྱོར་དང་འདྲའོ། །ལྔ་པ་ཨཱ་ར་ལིའི་སྐོར་ལ། བཛྲ་ཨཱ་ར་ལི་དང༌། རི་གི་ཨཱ་ར་ལིའི་རྒྱུད་གཉིས་ག་ཡ་དྷ་ར་དང་འབྲོག་མིའི་འགྱུར་གྱི་བརྒྱུད་པ་ནི་པདྨ་ཉིན་བྱེད་དང༌། འགྱུར་མེད་མཐུ་སྟོབས་རྣམ་རྒྱལ་གཉིས་ཀ་ལས་གུ་ཎས་གསན་པ་བཅས་གོང་དུ་སོང་བའི་རྙོག་པ་མེད་པའི་རྒྱུད་དང་གཅིག་པས་སོ་སོར་སྦྱར་ཏེ་ཤེས་པར་བྱའོ། །གསུམ་པ་རྣམ་སྣང་གི་རིགས་ཀྱི་རྒྱུད་ལ་གདན་བཞིའི་གདན་རེ་ལ་བཞི་བཞི་སྟེ་བཅུ་དྲུག་པ་ག་ཡ་དྷ་ར་དང་འགོས་ཀྱི་འགྱུར། དེའི་རྒྱུད་སྔགས་ཀྱི་ཆ་ཞེས་བྱ་བ་སྨྲྀ་ཏིའི་རང་འགྱུར་གཉིས་ཀའི་བརྒྱུད་པ་ནི། རྡོ་རྗེ་འཆང༌། ཏཻ་ལོ་པ། ནཱ་རོ་པ། མར་པ་ལོ་ཙཱ། རྔོག་ཆོས་སྐུ་རྡོ་རྗེ། རྔོག་མདོ་སྡེ། ཙག་དྷརྨ་རཱ་ཛ། ཙག་མུ་ཏྲ་སཾ་ཧ། རྒྱ་གར་པ་རིན་ཆེན་འབུམ། རྣ་བསོད་ནམས་འབུམ། བླ་མ་བྱ་ནག་རིན་ཆེན་འོད། བློ་ཆེན་སངས་རྒྱས་སྲས། མཁན་པོ་རྒྱལ་བཟང་དཔལ་སོགས་ནས་བརྒྱུད་དེ་པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ། རྗེ་གུ་ཎའི་བར་འདི་ཉིད་ནས་བརྒྱུད་པའི་སངས་རྒྱས་མཉམ་སྦྱོར་དང་འདྲའོ། །ཡང་ན། རྡོ་རྗེ་འཆང༌། ཛྙཱ་ན་ཌཱ་ཀི །ཀླུ་སྒྲུབ། ཨཱརྻ་དེ་ཝ། རུས་པའི་ཕྲེང་བ་ཅན། བལ་པོ་སྤྱི་ཐེར། མར་པ་ལོ་ཙཱ་མན་བཤད་མ་ཐག་པ་ལྟར་རོ། །ཡང་ན། བློ་ཆེན་ཡན་གོང་ལྟར་ལ། དེ་ནས་རིམ་པར་འགྱུར་མེད་མཐུ་སྟོབས་རྣམ་རྒྱལ། རྗེ་གུ་ཎའི་ཞལ་སྔ་ནས་ཐོབ་པའི་བར་འདིའི་ལུགས་ཀྱི་མ་ཧཱ་མ་ཡ་དང་འདྲ། ཡང་ན། མར་པ་ལོ་ཙཱ་ཡན་གོང་མའི་གོང་མ་ལྟར་ལ། མན་ཆད་གོང་མ་ལྟར་རོ། །འདིར་དཔལ་གདན་བཞི་པའི་རྣམ་པར་བཤད་པའི་རྒྱུད་ཀྱི་རྒྱལ་པོ་འདུག་ཀྱང་ལུང་མེད། དཔལ་གཏུམ་ཁྲོ་བོ་ཆེན་པོའི་རྒྱུད་རཏྣ་ཤྲཱི་དང་གྲགས་པ་རྒྱལ་མཚན་གྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། པཎྜི་ཏ་བི་ཛ་རཀྵི་ཏ། ཛོ་ཀི་པཎྜི་ཏ། དེ་གཉིས་ཀ་ལ་པཎྜི་ཏ་རཏྣ་ཤྲཱི། དེ་ནས་ཤུད་ཀེ་ལོ་ཙཱ། མཆོག་ལྡན་ལེགས་པའི་བློ་གྲོས། བློ་ཆེན་སངས་རྒྱས་སྲས། མཁན་པོ་རྒྱལ་བཟང་དཔལ་སོགས་ནས། རིགས་ཀུན་ཁྱབ་བདག་པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་མན་སངས་རྒྱས་མཉམ་སྦྱོར་དང་འདྲ། ཡང་ན་བློ་ཆེན་པ་ནས། བླ་མ་གཞོན་ནུ་ཚུལ་ཁྲིམས། བླ་མ་མགོན་པོ་འབུམ། བྲང་ཏི་ནམ་མཁའ་རྒྱལ་མཚན། ས་བཟང་མ་ཏི་པཎ་ཆེན་མན་འདྲ། ཡང་ཞལ་གཟིགས་བརྒྱུད་པ་ནི། མི་གཡོ་བ། གནས་བརྟན་རཱ་ཧུ་ལ། རཱ་ཧུ་ལ་གཉིས་པ། རཏྣ་ཤྲི་མན་བཤད་མ་ཐག་པ་ལྟར་རོ། །ཡང་ན། མ་ཏི་པཎ་ཆེན་ཡན་གོང་ལྟར་ལ། དེ་ནས་རིམ་པར་བརྒྱུད་དེ་འཇམ་མགོན་མཐུ་སྟོབས་རྣམ་རྒྱལ་མན་སངས་རྒྱས་མཉམ་སྦྱོར་ལྟར་རོ། །ཡང་ན། བློ་ཆེན་པ་སོགས་ནས། ས་བཟང་ཡན་གོང་གི་ཀར་ལུགས་སུ་སོང་བ་ལྟར་རོ། །ཕྱིན་ཆད་སྔ་མ་བཞིན་ནོ། །ཡང་འདིའི་ལུགས་ཀྱི་ཞལ་གཟིགས་བརྒྱུད་པའང་ཀར་ལུགས་སུ་བཀོད་པ་ལྟར་ཏེ། རཏྣ་ཤྲི་མན་འདྲ། ༼ཅ༽ པར། མི་གཡོ་བའི་རྒྱུད་ཨ་ར་ལི་བཛྲ་དང༌། མར་དོ་ཆོས་དབང་གི་འགྱུར། འདིར་མི་གཡོ་བའི་གསང་རྒྱུད་ལེའུ་ལྔ་པ་འགྱུར་བྱང་མེད་པ་ཡོད་ཀྱང་ལུང་མ་ཐོབ། ཁྲོ་བོའི་རྒྱལ་པོ་ཐམས་ཅད་གསང་བའི་རྒྱུད་ལེའུ་བཞི་པ་གཉིས་ཀྱི་བརྒྱུད་པ་ནི། རྡོ་རྗེ་འཆང༌། ཕྱག་ན་རྡོ་རྗེ། ཛེ་ཏཱ་རི། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། འབྲིང་པོ་རོལ་པའི་རྡོ་རྗེ། ཆུང་བ་དོན་ཡོད་རྡོ་རྗེ། བ་རི་ལོ་ཙཱ། རྗེ་བཙུན་ཡབ་སྲས། ཆོས་རྗེ་ཁུ་དབོན། ཁང་སྟོན་འོད་ཟེར་རྒྱལ་མཚན། བློ་ཆེན་སངས་རྒྱས་སྲས། ལྷ་ལྡིང་པ་དབང་ཕྱུག་རྒྱལ་མཚན། གངས་ཁྲོད་པ་གྲགས་པ་དཔལ་སོགས་ནས། པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་མན་སངས་རྒྱས་མཉམ་སྦྱོར་དང་འདྲ། ཡང་ན་བ་རི་ལོ་ཙཱ་བ་ནས། མཆིམས་བརྩོན་སེང༌། མཆིམས་བློ་གྲོས་བརྟན་པ། མཆིམས་ནམ་མཁའ་གྲགས། ཁང་སྟོན་འོད་ཟེར་རྒྱལ་མཚན་མན་འདྲ། ཡང་ན། རྡོ་རྗེ་འཆང༌། སེང་གེ་རྩལ། ཌོམྦི་པ། གསེང་གླིང་པ་དྷརྨ་ཀིརྟི། ཇོ་བོ་རྗེ། འབྲོམ་རྒྱལ་བའི་འབྱུང་གནས། སྣེ་ཟུར་པ། བྱ་ཡུལ་གཞོན་ནུ་འོད། བལ་པོ་པུཎྱེ་སིཾ་ཧ། མགོན་པོ་གྲགས་པ། དབང་ཕྱུག་མགོན་པོ། སངས་རྒྱས་འབུམ། ལོ་མཆོག་པ། བློ་ཆེན་མན་འདྲ། ཡང་ན། གངས་ཁྲོད་པ་གྲགས་པ་དཔལ་ཡན་གོང་ལྟར་ལ། དེ་ནས་རིམ་པར་འཇམ་མགོན་མཐུ་སྟོབས་རྣམ་རྒྱལ་བར་སངས་རྒྱས་མཉམ་སྦྱོར་བཞིན་ནོ། །ཡང་ན། བློ་ཆེན་པ་ནས། གཞོན་ནུ་ཚུལ་ཁྲིམས། བླ་མ་ཚུལ་རྒྱལ་བ། དཔལ་ལྡན་ཆོས་ཤེ། འཇམ་དབྱངས་གྲགས་པ། བསོད་ནམས་རྒྱ་མཚོ། ཤེས་རབ་རྒྱ་མཚོ། དཔལ་ལྡན་རྡོ་རྗེ། དཀོན་མཆོག་འཕེལ་མན་འདྲ། ཡང་ན། བ་རི་ལོ་ཙཱ་ནས། སུམ་པ་ལོ་ཙཱ། བུམ་ལྔ་ལོ་ཙཱ། ཀོ་ནག་རལ་གྲི། གྲགས་པ་སེང་གེ །འོད་ཟེར་རྒྱལ་མཚན་མན་འདྲ། ཡང་ན། ཁང་སྟོན་པ་ནས། དཀོན་མཆོག་ཡེ་ཤེས། དཀོན་མཆོག་བླ་མ། བག་སྟོན་མན་འདྲ། ཡང་ན་འཕགས་པ་རིན་པོ་ཆེ། རྒྭ་ལོ་ཡབ་སྲས། བག་སྟོན་མན་འདྲ། ཡང་ན་བ་རི་ལོ་ཙཱ་སོགས་ནས་ཁང་སྟོན་ཡན་ཀར་ལུགས་ཀྱི་བརྒྱུད་ཚུལ་གཉིས་པ་ལྟར་ལ། གཤམ་སྔར་ལྟར་རོ། །ཡང་ན། རྡོ་རྗེ་འཆང་སོགས་ནས་བློ་ཆེན་ཡན་ཀར་ལུགས་ཀྱི་བརྒྱུད་ཚུལ་གསུམ་པ་དེ་དང་འདྲ་ཞིང༌། མན་ཆད་སྔ་མ་རྣམས་དང་འདྲའོ། །བཞི་པ་རྡོ་རྗེ་ཉི་མའི་རིགས་ཀྱི་རྒྱུད་ལ། རྡོ་རྗེ་བདུད་རྩིའི་རྒྱུད་གྱི་ཇོས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཛྙཱ་ན་ཌཱ་ཀི །ཛ་ལནྡྷ་ར། ཀཧྞ་པ། ཀུ་ཤ་ལ་ནཱཐ། བི་ཛ་ཡ་སྭ་ད། ཏཻ་ལོ་པ། ནཱ་རོ་པ། སནྟ་པ། མར་པ་ལོ་ཙཱ། རོ་མཉམ་རྡོ་རྗེ། གསེར་སྡེ་དགོན་པ་བ། དྭགས་པོ་ཤ་བ་གླིང་པ། ཞང་རོང་ཀམ། སྤྲག་གཙང་པ། རྒྱ་གར་གྲགས་པ། སྲས་ཡོན་ཏན་གྲགས་པ། ས་ཕུག་པ་ཤཱཀྱ་རྡོ་རྗེ། སྲས་ཆོས་གྲགས། དབུས་པ་སངས་རྒྱས་འབུམ། ལོ་མཆོག་པ། བློ་ཆེན་སངས་རྒྱས་སྲས་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་མན་སངས་རྒྱས་མཉམ་སྦྱོར་ལྟར་འདྲའོ། །ཡང་ན་བློ་ཆེན་ཡན་གོང་ལྟར་ལ། དེ་ནས་རིམ་པར་འགྱུར་མེད་མཐུ་སྟོབས་རྣམ་རྒྱལ་བར་མ་ཧཱ་མ་ཡ་ལྟར་རོ། །ལྔ་པ་པདྨ་གར་དབང་གི་རིགས་གཏད་ལ། སྒྲོལ་མ་ཀུ་རུ་ཀུལླེའི་རྟོགས་པ་ཀྲིཥྞ་པཎ་ཆེན་དང་ནག་ཚོའི་འགྱུར་གྱི་བརྒྱུད་པ་ནི། སངས་རྒྱས། སྤྱན་རས་གཟིགས། ཀུ་ལི་ཀ་ཛ་ཧི། ཀྲིཥྞ་པ་ཆེ་ཆུང༌། ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། སྤུག་རྒྱ་གར་རྒྱལ་པོ། སྤུག་ཕྱི་མ་ལོ་མཆོག་པ། བློ་ཆེན་པ། རྒྱལ་བཟང་དཔལ། སྤང་ཁང་པ་སོགས་ནས། པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་གྱི་ཞལ་སྔ་ནས་རྗེ་གུ་ཎབའི་བར་འདི་ནས་བརྒྱུད་པའི་སངས་རྒྱས་མཉམ་སྦྱོར་སོར་བཞག་གོ །ཡང་ན། སངས་རྒྱས། སྒྲོལ་མ། ཀུན་དགའ་བོ། ཉི་མ་གུང་པ། ཤ་ནའི་གོས་ཅན། ཀྲིཥྞ་པ། ཉི་མ་སྦས་པ། རཱ་ཧུ་ལ་ཤྲཱི། བོ་དྷི་ཤྲཱི། པཎ་ཆེན་ཤཱཀྱ་ཤྲཱི། ཁྲོ་ཕུ་ལོ་ཙཱ་བ་བྱམས་པ་དཔལ། རིན་ཆེན་འབུམ། སངས་རྒྱས་འབུམ། ལོ་མཆོག་པ། བློ་ཆེན་པ་མན་འདྲ། ཡང་ན། སངས་རྒྱས། ཕྱག་རྡོར། ཛེ་ཏཱ་རི། མྱ་ངན་མེད་པའི་དཔལ། དོན་ཡོད་རྡོ་རྗེ། བ་རི་ལོ་ཙཱ། ས་ཆེན། རྗེ་བཙུན་སྐུ་མཆེད་གཉིས། ས་པཎ། རྒྱལ་ཚབ་ཆོས་ཀྱི་དབང་ཕྱུག །རོང་པ་ཤེར་སེང༌། བླ་མ་གཞོན་ནུ་ཚུལ་ཁྲིམས། བླ་མ་མགོན་པོ་འབུམ། བྲམ་ནམ་མཁའ་རྒྱལ་མཚན། ས་བཟང་མ་ཏི་མན་གོང་ལྟར་རོ། །ཡང་ན། སྤང་ཁང་པ་ཡན་གོང་ལྟར་ལ། མ་ཏི་པཎ་ཆེན་ནས་མཐུ་སྟོབས་རྣམ་རྒྱལ་མན་དུས་འཁོར་ལྟར་རོ། །ཡང་ན་སངས་རྒྱས་སོགས་ནས། བློ་ཆེན་པ་ཡན་ཀར་ལུགས་སུ་སོང་བའི་བརྒྱུད་ཚུལ་གཉིས་པ་ལྟར་ལ་ཕྱིན་ཆད་སྔ་མ་བཞིན་ནོ། །ཡང་ན། སངས་རྒྱས། ཕྱག་རྡོར་སོགས་ནས། མ་ཏི་པཎཎ་ཆེན་གྱི་བར་གོང་གི་ཀར་ལུགས་ཀྱི་བརྒྱུད་ཚུལ་གསུམ་པ་ལྟར་ལ། གཤམ་སྔ་མ་བཞིན་ནོ། །ཡང་ན། བ་རི་བ་ནས་སུམ་པ་ལོ་ཙཱ། འབུམ་ལྔ་ལོ་ཙཱ་བ། སྤང་ཁང་པ་གྲགས་པ་སེང་གེ །བསོད་ནམས་རིན་ཆེན། མཁན་པོ་གཞོན་ཡེ། རོང་པ་ཤེར་སེང༌། བག་སྟོན་མན་འདྲ། དྲུག་པ་རྟ་མཆོག་རིགས་ཀྱི་རྒྱུད་ལ། སྒྲོལ་མ་ཕྱག་འཚལ་ཉེར་གཅིག་གི་བསྟོད་པ་ཕན་ཡོན་དང་བཅས་པ་འགྱུར་བྱང་མ་འཁོད་པའི་བརྒྱུད་པ་ནི། རྗེ་བཙུན་སྒྲོལ་བ། ཀྲིཥྞ་པ། ཁམ་གུ་པཎྜི་ཏ། དཱ་ན་ཤཱི་ལ། ཁུ་རྣལ་འབྱོར་པ། ཟུང་ཁང་པ་གཞོན་ནུ་དབང་ཕྱུག །དགེ་སློང་བསོད་ནམས་ལྷུན་གྲུབ། ལོ་ཙཱ་བ་མཆོག་ལྡན། བློ་ཆེན་སངས་རྒྱས་སྲས། མཁན་ཆེན་རྒྱལ་བཟང་དཔལ། གངས་ཁྲོད་པ་གྲགས་པ་དཔལ། ས་བཟང་མ་ཏི། ས་བཟང་འཕགས་པ། སྣར་ཐང་པ། མཁན་ཆེན་ཀུན་དགའ་རྒྱལ་མཚན། རི་ཁྲོད་པ་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། གྲུབ་ཆེན་བསོད་ནམས་སེང་གེ །རྗེ་རྡོ་རྗེ་རྒྱལ་མཚན། རུ་ཐོག་བླ་ཆེན་ནམ་མཁའ་གཟི་བརྗིད། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །སྔགས་འཆང་བསོད་ནམས་ཆོས་འཕེལ། ཡབ་སྲས་གཉིས་ཀ་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་གསན། དེ་གཉིས་ཀ་ལ་མགོན་པོ་བསོད་ནམས་མཆོག་ལྡན། པདྨ་ཕྲིན་ལས། ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་འབྱུང༌། ཀརྨ་བདུད་འདུལ་རྡོ་རྗེ། པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་མན་འདྲ། ཡང་ན། རྫོགས་པའི་སངས་རྒྱས། ཀུན་དགའ་བོ། ཤ་ནའི་གོས་ཅན། ཉི་མ་གུང་པ། ཐམས་ཅད་མཁྱེན་པའི་བཤེས་གཉེན། ཉི་མ་སྦས་པ། རྒྱ་མཚོ་སྐྱོང༌། ཛེ་ཏཱ་རི། པཎ་ཆེན་ངག་དབང་གྲགས་པ། མ་ན་ཀཱ་ཤི། མལ་ལོ་ཙཱ་བ། མཆིམས་བརྩོན་སེང༌། འབྱུང་ཐམས་ཅད་མཁྱེན་པ། མཆིམས་བློ་བརྟན། དབང་ཕྱུག་རིན་ཆེན། ས་ཕུག་པ་ཤཱཀྱ་རྡོ་རྗེ། དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན་མན་གོང་འདྲ། ཡང་ན་བཀའ་འགྱུར་པ་ཡན་གོང་མའི་གོང་མ་ལྟར་ལ། དེ་ནས་རིམ་པར་འཇམ་མགོན་མཐུ་སྟོབས་རྣམ་རྒྱལ་མན་ཀུ་རུ་ཀུལླེའི་བརྒྱུད་པ་བཞིན་ནོ། །ཡང་ན། སངས་རྒྱས་སོགས་ནས་ལོ་ཆེན་ཡན་སྔ་མའི་སྔ་མ་དང་འདྲ་ལ། ཕྱིན་ཆད་སྔ་མ་བཞིན་ནོ། །ཡང་ན། ཀུ་རུ་ཀུལླེའི་བརྒྱུད་པ་བར་མ་དང་འདྲ། ཡང་ན། བླ་ཆེན་ནས་བག་སྟོན། མཁན་ཤེས་རབ་རྡོ་རྗེ། ཆོས་དཔལ་ཤེས་རབ། མཁན་གྲགས་རྡོར་པ། གྲགས་པ་དོན་གྲུབ། རྔོག་བྱང་ཆུབ་དཔལ། ཀུན་དགའ་རྒྱལ་མཚན། སྨན་རྒྱལ་ནམ་མཁའ་དབང་ཕྱུག །འབུམ་རམས་པ་རིན་ཆེན་ཆོས་དབང་མན་སྤྱི་དང་འདྲ། ཕུར་པ་རྩ་དུམ་ས་པཎ་གྱིས་བསྒྱུར་བའི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། ཨོ་རྒྱན་ཆེན་པོ། སྣ་ནམ་རྡོ་རྗེ་བདུད་འཇོམས། འཁོན་ཀླུའི་བྱང་ཆུབ། འཁོན་དགེ་སྐྱབས། འཁོན་དགེ་མཆོག །བལ་པོ་ཤཱཀྱ་བློ་གྲོས། འཁོན་དཀོན་མཆོག་རྒྱལ་པོ། ས་ཆེན། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ། ས་པཎ། ཁང་སྟོན་འོད་ཟེར་རྒྱལ་མཚན། རྗེ་སྐྱོབ་པ་དཔལ། རྒྱལ་ཚ་ཆོས་ཀྱི་དང་ཕྱུག །ལོ་མཆོག་པ། བློ་ཆེན་པ། མཁན་པོ་རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་ནས་པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ་གྱི་བར་འདི་ཉིད་ཀྱི་དུས་འཁོར་བརྒྱུད་པ་སྔ་མ་བཞིན་ནོ། །ཡང་ན། ཁང་སྟོན་ནས། བློ་ཆེན་པ་མན་འདྲ། ཡང་ན་སྣ་ནམ་རྡོ་རྗེ་བདུད་འཇོམས་ནས། ཁམས་གོམ་མཆོག་གི་ལེགས་པ། འཁོན་ཤེས་རབ་ཚུལ་ཁྲིམས། འཁོན་དཀོན་མཆོག་རྒྱལ་པོ་མན་འདྲ། ཡང་ན། རྡོ་རྗེ་འཆང༌། བཛྲ་པཱ་ཎི། ས་ར་ཧ། མགོན་པོ་ཀླུ་སྒྲུབ། མ་ཏཾ་གི་པ། བི་ཁྱཱ་ཏ་དེ་བ། པཎ་ཆེན་ཤཱཀྱ་ཤྲཱི། སུ་ག་ཏ་ཤྲཱི། རྗེ་ས་པཎ་མན་གོང་དང་འདྲ། ཡང་ན། ཀུན་ཏུ་བཟང་པོ། རྒྱལ་བ་རིགས་ལྔ། ཕྱག་ན་རྡོ་རྗེ། ཨིནྡྲ་བྷུ་ཏི། ཟ་ཧོར་གྱི་རྒྱལ་པོ་པྲ་ཧསྟི། སློབ་དཔོན་པདྨ་མན་འདྲ། ཡང་ན། ཕྱག་ན་རྡོ་རྗེ་ནས། དམ་པའི་རིགས་ཅན་དྲྭ་མ་ལྔ། ཀུ་ཀུ་རཱ་ཛ། རྒྱལ་པོ་ཛཿ ཨིནྡྲ་བོ་དྷི་མན་གོང་བཞིན་ནོ། །ཡང་ན། མ་ཏི་པཎ་ཆེན་ཡན་སྔར་ལྟར་ལ། མཐུ་སྟོབས་རྣམ་རྒྱལ་ནས་འཇམ་མགོན་རིན་པོ་ཆེས་གསན་པའི་བར་དུས་འཁོར་བརྒྱུད་ཚུལ་སྔ་མ་བཞིན་ནོ། །ཡང་ན་ས་པཎ། འཕགས་པ་དགའ་ལྡན་པ་ཀུན་བསོད། གན་པ་རིན་རྒྱལ། བླ་མ་དམ་པ། ཀུན་དགའ་རིན་ཆེན། རྡོ་རྗེ་རིན་ཆེན། ཟུར་ཤཱཀྱ་མི་ཏྲ། སོག་པོ་དཔལ་ཡེ། སྨུལ་ཀུན་བཟང་དཔལ། ཀཿཐོག་པ་བསོད་ནམས་རྒྱལ་མཚན། རྣམ་གྲོལ་ཡེ་ཤེས་བཟང་པོ། ཀཿཐོག་པ་ཆོས་སེང༌། ཆོས་ཀྱི་དབང་པོ། ཀརྨ་ཆོས་སྐྱོང༌། བཀྲ་ཤིས་ལྷུན་གྲུབ། ཁྲ་ཚང་པ། བསོད་ནམས་མཆོག་ལྡན་མན་འདྲ། གཞན་ཡང་བརྒྱུད་ཚུལ་མི་འདྲ་བ་མང་ཡང་ཀར་ལུགས་ལྟར་རོ། །ནག་པོ་ཆེན་པོ་མངོན་པར་འབྱུང་བའི་རྒྱུད་ལེའུ་ལྔ་བཅུ་པ་ས་མནྟ་ཤྲཱི་དང༌། ར་ཆོས་རབ་ཀྱི་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཡེ་ཤེས་ཀྱི་མཁའ་འགྲོ་མ། ཀླུ་སྒྲུབ། སནྟ་པ་ཆེ་བ། ཆུང་བ། ཏཻ་ལོ་པ། ནཱ་རོ་པ། པྲཛྙཱ་རཀྵི་ཏ། རཏྣ་རཀྵི་ཏ། མཉྫུ་ཀིརྟི། ས་མནྟ་ཤྲཱི་བྷ་དྲ། ར་ཆོས་རབ། ར་དར་མ་སེང་གེ །ར་དཀོན་མཆོག་སེང་གེ །ར་ཤེས་རབ་རྒྱལ་མཚན། ལོ་མཆོག་པ། བློ་ཆེན་པ། རྒྱལ་བཟང་དཔལ། སྤང་ཁང་པ། མ་ཏི་མན་ཆད་རིམ་པར་པདྨ་ཉིན་བྱེད་ནས་དུས་འཁོར་བརྒྱུད་ཚུལ་ལྟར་རོ། །ཡང་ན། ར་དཀོན་མཆོག་སེང་གེ་ཡན་གོང་ལྟར་ལ། དེ་ནས་རོང་པ་རྒྭ་ལོ། ར་ཤེས་རབ་རྒྱལ་མཚན། ཞེ་ཆེན་པར་བརྒྱུད་པ་མགོན་པོ་མངོན་འབྱུང་ལྟར་ལ། ཁྱད་པར་ཅུང་ཟད་ནི་རོང་པ་རྒྭ་ལོ་ནས། ཤེས་རབ་རྒྱལ་མཚན་མན་འདྲ་བ་ཙམ་མོ། །བདུན་པ་རྡོ་རྗེ་འཆང་གི་རིགས་རྒྱུད་ལ། ཇི་བཞིན་བརྙེས་པ་ནམ་མཁའ་དང་མཉམ་པའི་རྒྱུད་ལ་ལུང་རྒྱུན་མེད། གསུམ་པ་ཐབས་གཙོ་བོར་སྟོན་པ་ཕའི་རྒྱུད་ལ་དྲུག །མི་བསྐྱོད་པ། རྣམ་སྣང༌། རིན་འབྱུང༌། འོད་དཔག་མེད། དོན་ཡོད་གྲུབ་པ། དྲུག་པ་རྡོ་རྗེ་འཆང་གི་རིགས་གཙོ་བོར་སྟོན་པའི་རྒྱུད་དོ། །དང་པོ་ནི། གསང་བ་འདུས་པ་རྩ་བའི་རྒྱུད་དང་རྒྱུད་ཕྱི་མ་ཤྲདྡྷཱ་ཀ་ར་དང་རིན་བཟང་གི་འགྱུར་གྱི་བརྒྱུད་པ་ནི། རྡོ་རྗེ་འཆང༌། ཨིནྡྲ་བྷཱུ་ཏི། ཌཱ་ཀི་བདེ་བའི་ཞབས། ཌོམྦི་པ། དྲིལ་བུ་པ། ཨ་ན་ད་ཀ་བཛྲ། ཀ་མཱ་ལ་པ། ནག་པོ་པ། ནཱ་རོ་པ། མར་པ་ལོ་ཙཱ། མཚུར་སྟོན་དབང་རྡོར། འཁོན་གད་པ་ཀིརྟི། འགར་སྟོན་ཇོ་སྲས། ཨང་ཕུག་རི་སྟོན། སེང་གེ་རྫོང་པ། དྲོད་ཆུང་གི་ཁྱུང་སྟོན། ཞིག་པོ་དྲོད་ཆུང༌། མཁན་ཆེན་ཚུལ་ཁྲིམས་སྙིང་པོ། ཆོས་སྡིང་པ། མཁན་པོ་རྡོ་རྗེ་སྙིང་པོ། ཆོས་སྡིང་འོག་མ། ཤྲཱི་ཟུར་ཕུག་པ་དར་མ་བཟང་པོ། མཁན་པོ་བཀྲ་ཤིས་རྒྱལ་མཚན། ས་བཟང་པཎ་ཆེན། འཕགས་པ་གཞོན་ནུ་བློ་གྲོས། བླ་མ་འཇམ་དབྱངས་གྲགས་པ། བྱང་ཆེན་རི་ཁྲོད་པ་བསོད་ནམས་རྒྱལ་མཚན། འཇམ་དབྱངས་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། ཆོས་རྗེ་དཀོན་མཆོག་འཕེལ། རྗེ་ལྷ་མཆོག་སེང་གེ །ཆོས་རྗེ་དགེ་ལེགས་བཤེས་གཉེན། ཤར་ཁང་ཤེས་རབ་རྒྱལ་མཚན། བྲང་ཏི་ནམ་མཁའ་དཔལ་བཟང༌། དེ་དབོན་ནམ་མཁའ་སངས་རྒྱས། མགོན་པོ་བསོད་ནམས་མཆོག་ལྡན། པདྨ་ཕྲིན་ལས། ཀརྨ་སྨོན་ལམ། གར་དབང་བརྒྱད་པ། སི་ཏུ་ཆོས་འབྱུང༌། ཀརྨ་པ་བདུད་འདུལ་རྡོ་རྗེ། པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ། འཇམ་མགོན་བློ་གྲོས་མན་འདྲ། ཡང་བརྒྱུད་ཚུལ་གཅིག་ནི། འོག་གི་བཤད་རྒྱུད་དགོངས་པ་ལུང་སྟོན་སོགས་དང་མཚུངས་སོ། །ཡང་ན། རྡོ་རྗེ་འཆང༌། ཕྱག་ན་རྡོ་རྗེ། ས་ར་ཧ། ཀླུ་སྒྲུབ། ཨཱརྻ་དེ་ཝ། ཏཻ་ལོ་པ། ནཱ་རོ་པ། མར་པ། མཚུར་སྟོན་དབང་རྡོར། འཁོན་གད་པ་ཀིརྟི། འགར་སྟོན་ཇོ་སྲས། ཨང་ཕུག་རི་སྟོན། སེང་གེ་རྫོང་པ། ཁྱུང་སྟོན་ཞིག་པོ། མཁན་པོ་ཚུལ་ཁྲིམས་སྙིང་པོ། ཆོས་སྡིང་མཁན་པོ་རྡོ་རྗེ་སྙིང་པོ། ཆོས་སྡིང་པ་འོག་མ། ཤྲཱི་ཟུར་ཕུག་པ་དར་མ་བཟང་པོ། མཁན་པོ་བཀྲ་ཤིས་རྒྱལ་མཚན། ས་བཟང་མ་ཏི་སོགས་ནས། ཞེ་ཆེན་རིན་པོ་ཆེ་ནས་དུས་འཁོར་ལྟར་རོ། །ཡང་ན། རྡོ་རྗེ་འཆང༌། ཨིནྡྲ་བྷཱུ་དྷི། ཌཱཀི་བདེ་བའི་ཞབས། ཌོམྦི་པ། དྲིལ་བུ་པ། ཨ་ནཾ་ག་བཛྲ། ཀམྤ་ལ། ནག་པོ་བ། ཏཻ་ལོ་པ་མན་འདྲ། ཡང་ན་རྡོ་རྗེ་འཆང༌། བློ་གྲོས་རིན་ཆེན། མ་ཏཾ་གི་པ། ཏཻ་ལོ་པ་མན་འདྲ། ཡང་ན་ཀླུ་སྒྲུབ། ཟླ་གྲགས། རིག་པའི་ཁུ་བྱུག །ཨ་ཝ་དྷུ་ཏི་པ། སྤྱོད་པའི་རྡོ་རྗེ། ནག་པོའི་ཞབས། དྲི་མེད་བློ་གྲོས། ཡེ་ཤེས་སྙིང་པོ། མར་པ་ནས་འདྲ། གཞན་ཡང་འདི་ལ་བརྒྱུད་པའི་ཁྱད་པར་དུ་མ་འདུག་ཀྱང་རེ་ཞིག་དེ་ཙམ་མོ། །དཔལ་གསང་བ་འདུས་པའི་བཤད་རྒྱུད་དགོངས་པ་ལུང་བསྟན་ལེའུ་བཅུ་གཉིས་པ་འགྱུར་གོང་འདྲ། བཤད་རྒྱུད་རྡོ་རྗེ་ཕྲེང་བ་མངོན་པར་བརྗོད་པ་རྣལ་འབྱོར་ཆེན་པོའི་རྒྱུད་སུ་ཛ་ན་ཤྲཱི་དང་ལྷ་བཙུན་ཞི་བ་འོད་ཀྱི་འགྱུར། ལྷ་མོ་བཞིས་ཞུས་སྨྲྀ་ཏིའི་འགྱུར། ཡེ་ཤེས་རྡོ་རྗེ་ཀུན་ལས་བཏུས་པ་ཛྙཱ་ན་ཀཱ་ར་དང་ཁུ་དངོས་གྲུབ་ཀྱིས་བསྒྱུར་བ་རྣམས་ཀྱི་བརྒྱུད་པ་ནི། ༼ཆ༽ པར། ཡེ་ཤེས་རྡོ་རྗེ་ཀུན་ལས་བཏུས་པའི་རབ་བྱེད་བཞི་བཅུ་ཞེ་གཅིག །རྡོ་རྗེ་སྙིང་པོ་རྒྱན་གྱི་རྒྱུད། གཉིས་མེད་རྣམ་རྒྱལ་གྱི་རྒྱུད་གཉིས་བཅས་ཀྱི་ལུང་མ་ཐོབ། རྡོ་རྗེ་འཆང༌། ཕྱག་ན་རྡོ་རྗེ། བྲམ་ཟེ་ཆེན་པོ་ས་ར་ཧ། ཀླུ་སྒྲུབ། ཨཱརྻ་དེ་ཝ། ཏཻ་ལོ་པ། ནཱ་རོ་པ། མར་པ་ལོ་ཙཱ་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ། རྗེ་གུ་ཎའི། བར་གསང་འདུས་རྩ་རྒྱུད་འདི་ཡི་ལུགས་ལྟར་རོ། །ཞེ་ཆེན་མདུན་ནས་རྗེ་གུ་ཎས་གསན་པའང་དེ་དང་འདྲའོ། ༼ཇ༽ པར། གོས་སྔོན་ཅན་དྲག་པོ་གསུམ་འདུལ་དང་དེའི་བཤད་རྒྱུད་དྲག་པོ་གསུམ་འདུལ་གྱི་བརྒྱུད་པ་ནི། རྡོ་རྗེ་འཆང༌། མཁའ་འགྲོ་མ་སེང་ཧ་མུ་ཁ། ཤཱ་བ་རི་པ། ཛ་བ་རི་པ། དེ་ཝ་སུརྞ་མ་ཏི། མགར་ལོ་ཙཱ་བ་ཆོས་ཀྱི་བཟང་པོ། གཤེན་རིན་ཆེན་དངོས་གྲུབ། དམར་ཆོས་ཀྱི་རྒྱལ་མཚན། དམར་ཤེས་རབ་རྡོ་རྗེ། དམར་ཐུབ་པ་ཤེས་རབ། དམར་བརྩོན་འགྲུས་རྡོ་རྗེ། དམར་ཆོས་ཀྱི་རྒྱལ་པོ། གན་ཆགས་པ་དབང་ཕྱུག་རྒྱལ་མཚན། འཛིན་པ་རྒྱལ་མཚན་དཔལ་བཟང༌། ཀུན་སྤངས་ཆོས་གྲགས་དཔལ། ས་བཟང་པཎ་ཆེན་མན་བརྒྱུད་ཚུལ་གཉིས་ཀ་སོ་སོའི་སངས་རྒྱས་མཉམ་སྦྱོར་བཞིན་ནོ། །གོས་སྔོན་ཅན་གྱི་གོ་ཆ་རྡོ་རྗེ་བེ་ཅོན་གྱི་རྒྱུད། དེའི་བཤད་རྒྱུད་རྡོ་རྗེ་གདེངས་པའི་རྒྱུད་པཎྜི་ཏ་ཨ་ཌཱ་ཡ་ཤྲཱི་མ་ཏི། ལོ་ཙཱ་བ་བནྡེ་ཆོས་དབང་གྲགས་ཀྱིས་བསྒྱུར་བའི་བརྒྱུད་པ་ནི། རྫོགས་པའི་སངས་རྒྱས། ཕྱག་ན་རྡོ་རྗེ། ཡེ་ཤེས་དབང་ཕྱུག་ལས་ཀྱི་རྡོ་རྗེ། ཐང་ལོ་པ། ཤིང་ལོ་པ། ཀ⁽14c7⁾་རི་པ། ཝ་ལ་ཙཎྜ། རས་ཆུང་པ། འབྲོམ་སྒོམ། ཟངས་རི་རྒྱ་རས། རླུང་རིང་འབུམ་ཕྲག །ཤེས་རབ་རྒྱལ་མཚན། བྱ་རིན་ཆེན་འོད། བློ་ཆེན་པ། མཁན་པོ་རྒྱལ་བཟང་དཔལ། སྤང་ཁང་པ། ས་བཟང་པ་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་བསྟན་གྱི་བར་སངས་རྒྱས་མཉམ་སྦྱོར་སོར་བཞག་གོ །ཡང་ན་ས་བཟང་ཡན་སྔ་མ་ལྟར་ལ། དེ་ནས་རིམ་པར་རྗེ་མཐུ་སྟོབས་རྣམ་རྒྱལ་བར་སངས་རྒྱས་མཉམ་སྦྱོར་ལྟར་རོ། །གཏུམ་པོ་གསང་རྒྱུད་ཕྱི་མའི་ཕྱི་མ་བཅས་དང༌། རྨི་ལམ་མཐོང་བའི་གཟུངས་རྣམས་ལུང་མེད། གོས་སྔོན་ཅན་དྲག་པོ་མེ་ལྕེའི་རྒྱུད་རཏྣ་ཀིརྟི་དང༌། དགེ་ཚུལ་ཁྱུང་གྲགས་ཀྱིས་བསྒྱུར་བའི་བརྒྱུད་ཚུལ་གཉིས་ཀ་གོང་ལྟར་རོ། །འདིར་མེ་ལྕེ་དབབ་པ་ཕྱག་ན་རྡོ་རྗེའི་གསང་བ་བསྟན་པ། བདེ་ཁྲོས་རྣལ་འབྱོར་ཆེན་མོ། གསང་བ་མངོན་བསྟན། རྡོ་རྗེ་བདེ་ཁྲོད་ཀྱི་བར་ཚན་པ་ལྔ་ཡོད་པ་ལུང་མ་ཐོབ། གཉིས་པ་རྣམ་སྣང་གི་རིགས་སུ་གཏོགས་པའི་རྒྱུད་ནི། རྣམ་སྣང་སྒྱུ་འཕྲུལ་དྲྭ་བའི་རྒྱུད་རིན་བཟང་གིས་བསྒྱུར་བའི་བརྒྱུད་པ་ནི། རྫོགས་པའི་སངས་རྒྱས། ཕྱག་ན་རྡོ་རྗེ། རྒྱལ་པོ་རབ་གསལ་ཟླ་བ། ཛྙཱ་ན་བཛྲ། ཀུན་དགའ་སྙིང་པོ། པྲཛྙཱ་བོ་དྷི། མུཀྟི་ཀོ་ཥ། ཤདྡྷཱ་ཀ་ར་ཝརྨ། ལོ་ཆེན་རིན་བཟང༌། ལོ་ཆུང་ལེགས་པའི་ཤེས་རབ། སུམ་སྟོན་ཡེ་ཤེས་འབར། འོད་སྟོན་ལྷའི་དབང་ཕྱུག །འོད་སྟོན་སངས་རྒྱས་འབར། ལྷོ་པ་ཐམས་ཅད་མཁྱེན་པ། རྗེ་ཆོས་ཀྱི་སེང་གེ །ཀག་སྟོན་ཆོས་མགོན། དབུས་པ་སངས་རྒྱས་འབུམ། ལོ་མཆོག་པ། བློ་ཆེན་པ། མཁན་པོ་རྒྱལ་བཟང་དཔལ། སྤང་ཁང་པ། ས་བཟང་པཎ་ཆེན་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་བསྟན་ནས་སངས་རྒྱས་མཉམ་སྦྱོར་དང་འདྲ། ཡང་ན། བློ་མཆོག་པ་ཡན་འདྲ་ལ། དེ་ནས་རིམ་པར་བརྒྱུད་དེ་འགྱུར་མེད་མཐུ་སྟོབས་རྣམ་རྒྱལ་འཇམ་མགོན་གུ་ཎའི་བར་མ་རྒྱུད་རྣམ་སྣང་གི་གཏུམ་པོ་ཁྲོ་ཆེན་དང་འདྲ། རྣམ་སྣང་རིགས་ཀྱི་ཁྲོ་བོའི་སྐོར་ལ། གཤིན་རྗེ་གཤེད་ནག་པོ་ཞེས་བྱ་བའི་རྒྱུད་དཱི་པཾ་ཀ་ར་དང་ཚུལ་ཁྲིམས་རྒྱལ་བའི་འགྱུར་གྱི་བརྒྱུད་པ་ནི། རྡོ་རྗེ་འཆང༌། ཛྙཱ་ན་ཌཱ་ཀི། ལ་ལི་ཏ་བཛྲ། ཏཻ་ལོ་པ། ནཱ་རོ་པ། པྲཛྙཱ་རཀྵི་ཏ། མེཉྫ་གླིང་པ། ཐུགས་རྗེ་ཆེན་པོ། ར་ལོ་ཙཱ་བ་རྡོ་རྗེ་གྲགས། ར་ཆོས་རབ། ར་དྷརྨ་སེང་གེ །ར་དཀོན་མཆོག་སེང་གེ །ར་ཤེས་རབ་རྒྱལ་མཚན། བློ་ཆེན་སངས་རྒྱས་སྲས། མཁན་པོ་རྒྱལ་བཟང་པ། སྤང་ཁང་པ་སོགས་ནས་པདྨ་ཉིན་བྱེད་ཀྱི་བར་འདིའི་ལུགས་ཀྱི་གསང་འདུས་རྩ་རྒྱུད་ལྟར་རོ། །ཡང་ན། རྡོ་རྗེ་འཆང༌། འཇམ་དཔལ་དབྱངས། སངས་རྒྱས་ཡེ་ཤེས་ཞབས། དཱི་པཾ་ཀ་ར། གྲུབ་ཆེན་དཔལ་འཛིན། ཛ་མ་རི་པ། རྣལ་འབྱོར་ན་རི་པ། ཨ་རུ་ལ་བཛྲ། བྷ་རོ་ཕྱག་རྡུམ་པ། ར་ལོ་ཙཱ་བ་མན་བཤད་མ་ཐག་པ་བཞིན་ནོ། །ཡང་ན། སྤང་ཁང་ཡན་གོང་ལྟར་ལ་མ་ཏི་པཎ་ཆེན་ནས་རིམ་པར་བརྒྱུད་དེ་མཐུ་སྟོབས་རྣམ་རྒྱལ་བར་དུས་འཁོར་བརྒྱུད་པ་སྔ་མ་དང་འདྲའོ། །གཤེད་ནག་ལས་གྲུབ་འཁོར་ལོའི་རྒྱུད་བྷ་རོ་དང་ར་འགྱུར། རྟོག་པ་གསུམ་པ་དང༌། དངོས་གྲུབ་ཀྱི་རྟོག་པ། གཏམ་རྒྱུད་ཀྱི་རྟོག་པ་རྣམས་ཀྱི་བརྒྱུད་པ་ནི། རྡོ་རྗེ་འཇིགས་བྱེད། ལ་ལཱི་ཏ་བཛྲ། ཡེ་འབྱུང་སྦས་པ། པདྨ་བཛྲ། བལ་པོ་བྷ་རོ། རྗེ་བཙུན་རས་ཆེན། ར་ཆོས་རབ། ར་ཡེ་ཤེས་སེང་གེ །རྒྭ་ལོ་རྣམ་རྒྱལ་རྡོ་རྗེ། དེ་སྲས་ཤེས་རབ་སེང་གེ །བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། ཀུན་མཁྱེན་ཤེས་རབ་དཔལ་བཟང༌། ར་ལོ་གཉིས་པ་དགེ་བ་རྒྱལ་མཚན། གྲ་ཐང་པ་ཤེས་རབ་ཟླ་བ། རྗེ་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེ་དབང་ཕྱུག །དེ་ལ་མཁན་ཆེན་བསླབ་གསུམ་རྒྱལ་མཚན། རྟ་ར་བ་བསོད་ནམས་ཆོས་འཕེལ་གཉིས་ཀྱིས་གསན། དེ་གཉིས་ཀ་ལ་རྡོར་འཆང་དབང་ཕྱུག་རབ་བརྟན་གྱིས་གསན། དེ་ལ་བསོད་ནམས་མཆོག་ལྡན་གྱིས་གསན། དེ་ནས་པདྨ་ཕྲིན་ལས། ཀརྨ་སྨོན་ལམ། གར་དབང་བརྒྱད་པ། ཀུན་མཁྱེན་ཆོས་འབྱུང༌། བདུད་འདུལ་རྡོ་རྗེ། པདྨ་ཉིན་བྱེད། ཀརྨ་ཐེག་བསྟན། རྗེ་གུ་ཎ། ཡང་རྟོག་བདུན་དང་རྟོག་གསུམ་གཉིས་ཀྱི་བརྒྱུད་ཚུལ་ནི། སངས་རྒྱས། འཇམ་དབྱངས། ཛྙཱ་ན་ཌཱ་ཀི །ལ་ལཱི་ཏ་བཛྲ། ཨ་མོ་གྷ་བཛྲ་ཆེ་ཆུང་གཉིས། སྐྱོ་འོད་འབྱུང༌། སྐྱོ་འཇམ་དཔལ། སྐྱོ་པདྨ། གཉན་རིན་ཆེན་བརྟན་པ། གཉན་འོད་སྲུང༌། གཉན་ཆོས་རྒྱལ། བློ་ཆེན་སངས་རྒྱས་སྲས། མཁན་པོ་རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་མན་གསང་འདུས་རྩ་རྒྱུད་ལྟར་རོ། །ཡང་ལས་གྲུབ་འཁོར་ལོའི་བརྒྱུད་པ་ནི། རྡོ་རྗེ་འཆང༌། འཇམ་དཔལ། བུདྡྷ་ཛྙཱ་ན། དི་པ་དྷི་པ་ཡ། ལ་ལཱི་ཏ་བཛྲ། སཽ་སུ་ར་པ། ཤེ་ན་པ། ཨ་བ་ལི་ན་པ། གུ་ཎ་བྷ་དྲ། བཱ་གི་ཤྭ་ར་ཀིརྟི། དེ་ཝ་ཀ་ར་ཙནྡྲ། ཨ་མོ་གྷ་བཛྲ། ཞང་ལོ་ཙཱ་བ། པྲཛྙཱ་གུ་རུ། སྲས་སཾ་གྷ་བྷ་དྲ། ཞང་གཙང་འོད་པོ་ཆེ། ཞང་རྡོ་རྗེ་རྩེ་མོ། ཞང་རྩེ་རི་བ་ཉི་མ་འོད། བརྟན་བཟང་པ་རིན་ཆེན་རྣམ་རྒྱལ། ཞང་གཡུལ་ལས་རྣམ་རྒྱལ་བྱང་ཆུབ། འཛིན་པ་རིན་ཆེན་ཤེས་རབ། བླ་མ་སངས་རྒྱས་བཟང་པོ། བློ་ཆེན་པ། དེ་གཉིས་ཀ་ལ་མཁན་པོ་རྒྱལ་བཟང་དཔལ་གྱིས་གསན། དེ་ནས། སྤང་ཁང་པ། ས་བཟང་མ་ཏི་མན་གསང་འདུས་རྩ་རྒྱུད་ལྟར་རོ། །ཡང་ན། རྡོ་རྗེ་འཆང༌། ཌཱཀི་མ། ཏཻ་ལོ་པ། ནཱ་རོ་པ། པྲཛྙཱ་རཀྵི་ཏ། མཻཉྫ་གླིང་པ། ར་ཆེན་རྡོ་རྗེ་གྲགས། དེ་དབོན་ཆོས་རབ། དེ་སྲས་དྷརྨ་སེང་གེ །ར་དཀོན་མཆོག་སེང་གེ །ར་ཤེས་རབ་རྒྱལ་མཚན། ཁམས་པ་བྱང་ཆུབ་དཔལ། ལོ་མཆོག་པ། བློ་མཆོག་པ་མན་བཤད་མ་ཐག་པ་ལྟར་རོ། །ཡང་ན། ས་བཟང་མ་ཏི་ཡན་གོང་ལྟར་ལ། དེ་ནས་རིམ་པར་བརྒྱུད་དེ་འཇམ་མགོན་མཐུ་སྟོབས་རྣམ་རྒྱལ་བར་དུས་འཁོར་བརྒྱུད་པ་སྔ་མ་དང་འདྲ་ལ། རྟོག་བདུན་པ་དང་རྟོག་བཞི། རྟོག་པ་གསུམ་པ། གཏམ་རྒྱུད་ཀྱི་རྟོག་པ་བཅས་ཀྱི་བརྒྱུད་ལུགས་གཅིག་ནི། འཇིགས་བྱེད་སོགས་ནས། བཀའ་འགྱུར་བ་མན་ཀར་ལུགས་སུ་སོང་བ་ལྟར་ལ། གཤམ་སྔ་མ་དང་འདྲ། ཡང་ན། མ་ཏི་པཎ་ཆེན་ཡན་ཀར་ལུགས་སུ་སོང་བའི་རྟོག་བདུན་དང་རྟོག་གཉིས་ཀྱི་བརྒྱུད་ཚུལ་ལྟར་ལ། ཕྱིན་ཆད་སྔ་མའི་རྗེས་སུ་འབྲང་བར་བྱའོ། །ཡང་ན་སྐྱོ་འོད་འབྱུང༌། གཙང་ཡང་དག་འབར། ཡང་དག་རྡོ་རྗེ། རྔོག་རྡོ་རྗེ་རྒྱལ་པོ། གཟེ་བ་དོན་གྲུབ་ཡེ་ཤེས། ཤཱཀྱ་རྡོ་རྗེ། སྲས་ཆོས་གྲགས། སངས་རྒྱས་འབུམ། ལོ་མཆོག །བློ་ཆེན་མན་འདྲ། གཤེད་དམར་གྱི་རྒྱུད་ཙནྡྲ་ཀཱིརྟི་དང་གྲགས་པ་རྒྱལ་མཚན་གྱིས་བསྒྱུར་བའི་བརྒྱུད་པ་ནི། གཤིན་རྗེ་གཤེད། བྲམ་ཟེ་དཔལ་འཛིན། བི་ར་ཌི་པ། གམྦྷི་ར་མ་ཏི། ནིརྐ་ལམ་ཀ་དེ་ཝ། དེ་ཝིནྡྲ་པྲ་བྷ། ཆག་ལོ་ཆོས་རྗེ་དཔལ། བླ་མ་དཔལ་གྱི་རྒྱལ་མཚན། ཀློག་སྐྱ་པ། དོན་རི་བ་གྲགས་པ་དཔལ། སྤང་ཁང་པ་གྲགས་པ་དཔལ། ས་བཟང་མ་ཏི་པཎ་ཆེན་སོགས་ནས་པདྨ་ཉིན་བྱེད་དབང་པོ། ཀརྨ་ཐེག་བསྟན་བར་གསང་འདུས་རྩ་རྒྱུད་ལྟར་རོ། །ཡང་ན་མ་ཏི་ཡན་གོང་ལྟར་ལ། དེ་ནས་འགྱུར་མེད་མཐུ་སྟོབས་རྣམ་རྒྱལ་གྱི་བར་དུས་འཁོར་བརྒྱུད་པ་སྔ་མ་དང་འདྲ། བུ་སྟོན་གྱིས་བསྒྱུར་བ་ཡོད་ཀྱང་ལུང་མེད། གསུམ་པ་རིན་ཆེན་རིགས་ཀྱི་རྒྱུད་ནི་བོད་དུ་འགྱུར་བ་མ་རྙེད་ཅེས་བུ་སྟོན་གྱིས་གསུངས་སོ། བཞི་པ་པདྨའི་རིགས་ཀྱི་རྒྱུད་ནི། དཔལ་རལ་པ་གཅིག་པའི་རྟོགས་པའི་རྒྱུད། ཤྲཱི་ཁ་ལ་རུ་ཏྲ་དང་ཁྲོ་ལོ་ཙཱ་བས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཁ་སརྤ་ཎི། བློ་གྲོས་རིན་ཆེན། ཏཻ་ལོ། ནིསྐ་ལཾ་ཀ་ཤྲཱི། མི་ཏྲ་ཛྭ་ཀི །ཁྲོ་ལོ་བྱམས་པ་དཔལ། དབོན་སྟོན་པ། རིན་ཆེན་སེང་གེ །བུ་སྟོན། གཞོན་ནུ་བསོད་ནམས། རིན་ཆེན་དོན་གྲུབ་ལེགས་པ། ཚུལ་ཁྲིམས་རྒྱལ་མཚན། མཁྱེན་རབ་ཆོས་རྗེ། རིན་ཆེན་མཆོག་གྲུབ། ཚུལ་ཁྲིམས་བཟང་པོ། མངའ་རིས་ལེགས་ལྡན་རྗེ། བླ་མ་ཨོ་རྒྱན་རྒྱལ་པོ། པཎ་ཆེན་ཀུན་བཀྲས་པ། བཀའ་འགྱུར་བ། རིག་འཛིན་པདྨ་ཕྲིན་ལས་སོགས་ནས་པདྨ་ཉིན་བྱེད། ཀརྨ་ཐེག་བསྟན་གྱི་བར་སྤྱི་ལྟར་རོ། །ཡང་ན། ཀུན་བཀྲས་དང༌། བཀའ་འགྱུར་བ་གཉིས་ཀ་ལ་རིན་ཆེན་རྒྱ་མཚོས་གསན། དེ་ནས་རིམ་པར་འགྱུར་མེད་མཐུ་སྟོབས་རྣམ་རྒྱལ་གྱི་བར་གཤེད་དམར་བརྒྱུད་པ་ལྟར་རོ། །ལྔ་པ་ལས་ཀྱི་རིགས་ཀྱི་རྒྱུད་མི་བཞུགས། དྲུག་པ་རྡོ་རྗེ་འཆང་གི་རིགས་ཀྱི་རྒྱུད་ལ། ཟླ་གསང་ཐིག་ལེ་རིན་བཟང་གི་འགྱུར་གྱི་བརྒྱུད་པ་ནི་ཀར་ལུགས་གསང་འདུས་རྩ་རྒྱུད་ལྟར་ལ། སྨིན་ལུགས་ནི་སངས་རྒྱས་མཉམ་སྦྱོར་བཞིན་ནོ། །རྩ་བའི་ས་བཅད་གཉིས་པ་རྣལ་འབྱོར་གྱི་རྒྱུད་ལ་ཐབས་གཙོ་བོར་སྟོན་པའི་རྒྱུད་དང༌། ཤེས་རབ་གཙོ་བོར་སྟོན་པའི་རྒྱུད་གཉིས། དང་པོ་ལ་རྩ་བཤད་ཆ་མཐུན་གྱི་རྒྱུད་གསུམ་ལས། གླེགས་བམ། ༼ཉ༽ པ་ལ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ། རྒྱུད་ཕྱི་མ། ཕྱི་མའི་ཕྱི་མ། རྒྱུད་ཉེ་བར་བསྡུ་བ་དང་བཅས་པ་རིན་བཟང་གིས་བསྒྱུར་བའི་བརྒྱུད་པ་ནི། རྫོགས་པའི་སངས་རྒྱས། ཕྱག་ན་རྡོ་རྗེ། རབ་གསལ་ཟླ་བ། རྒྱལ་པོ་སྒྲ་གཅན་འཛིན་བཟང་པོ། སྭསྟི་ཕ་ལ། ཡེ་ཤེས་རྡོ་རྗེ། པྲཛྙཱ་སིདྡྷི། དེ་བཞི་ཀ་ལ་སློབ་དཔོན་ཀུན་དགའ་སྙིང་པོས་གསན། དེ་ནས་པྲཛྙཱ་ལ་ལཱི་ཏ། པྲཛྙཱ་བོ་དྷི། རབ་འབྱོར་སྐྱོང༌། དྷརྨ་ཕ་ལ། ལོ་ཙཱ་བ་རིན་ཆེན་བཟང་པོ། ཡང་ན་གུར་ཤིང་བརྩོན་འགྲུས་རྒྱལ་མཚན། གཉལ་པ་ཉི་མ་ཤེས་རབ། སྣུར་ཉི་མ་སེང་གེ །རྩ་སྐྱ་སྟོན་གྲགས། མཉམ་གད་པ་ཆེན་པོ། གླན་ཆོས་འབྱུང༌། རྩྭ་སྐྱ་ཤཱཀྱ་འབུམ། དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན། བློ་ཆེན་སངས་རྒྱས་སྲས། རྒྱལ་བཟང་དཔལ། གྲགས་པ་དཔལ། མ་ཏི་པཎ་ཆེན་སོགས་ནས་པདྨ་ཉིན་བྱེད། ཀརྨ་ཐེག་བསྟན་གྱི་བར་རང་ལུགས་ཀྱི་སངས་རྒྱས་མཉམ་སྦྱོར་ལྟར་རོ། །ཡང་ན་མ་ཏི་པཎ་ཆེན་ཡན་གོང་ལྟར་རོ། །མཐུ་སྟོབས་རྣམ་རྒྱལ་བར་སངས་རྒྱས་མཉམ་སྦྱོར་ལྟར་རོ། །གཉིས་པ་ནི། བཤད་རྒྱུད་རྡོ་རྗེ་རྩེ་མོ་རྟོག་པ་བཅུ་པ་ལས་ཕྱེད་དང་ལྔ་མ་ཚང་བ་ལས་ཀྱི་རྡོ་རྗེ་དང་གཞོན་ནུ་ཚུལ་ཁྲིམས་ཀྱི་བསྒྱུར་བའི་བརྒྱུད་པ་ནི། སངས་རྒྱས། བྱམས་པ། གཾ་ག་དྷ་ར། ས་མནྟ་བྷ་དྲ། ཁ་ཆེ་ཛྙཱ་ན་ཤྲཱི། གཉལ་པ་ཉི་མ་ཤེས་རབ། སྣུར་ཉི་མ་སེང་གེ །སྣུར་རྡོ་རྗེ་སེང་གེ །གླན་ཆོས་འབྱུང༌། རྩ་སྐྱ་ཤཱཀྱ་འབུམ། འཛིན་པ་རིན་ཆེན་ཤེས་རབ། ལོ་ཙཱ་བ་མཆོག་ལྡན། བློ་ཆེན་སྲས་སོགས་ནས་པདྨ་ཉིན་བྱེད། ཀརྨ་ཐེག་བསྟན་གྱི་བར་དུ་གོང་གི་དེ་ཉིད་བསྡུས་པ་དང་འདྲ། ཡང་ན། བློ་ཆེན་པ་ཡན་གོང་ལྟར་ལ་རིམ་པར་ཞེ་ཆེན་པའི་བར་དེ་ཉིད་བསྡུས་པ་དང་འདྲ། ༼ཏ༽ པར། ཐམས་ཅད་གསང་བའི་རྒྱུད་པདྨཱ་ཀ་ར་ཝརྨ་དང་རིན་བཟང་གིས་བསྒྱུར་བའི་བརྒྱུད་པ་ནི། སངས་རྒྱས། ཕྱག་རྡོར། རབ་གསལ་ཟླ་བ། དེའི་སློབ་མ་པད་དཀར་ཡེ་ཤེས། ཛྙཱ་ན་ཤྲཱི། སྒྲ་གཅན་འཛིན། ཉི་མའི་སྙིང་པོ། རྒྱལ་རིགས་ས་ར་ཧ། དེ་ལྔ་ཀ་ལ་སློབ་དཔོན་ཀུན་དགའ་སྙིང་པོས་གསན། དེ་ནས་ཏ་ཐཱ་ག་ཏ་བཛྲ། ཤྲདྡྷཱ་ཀ་ར་ཝརྨ། རིན་ཆེན་བཟང་པོ། ལེགས་པའི་ཤེས་རབ། ས་ཆེན་གོང་མ་ལྔ། བློ་ཆེན་སོགས་ནས་པདྨ་ཉིན་བྱེད། ཀརྨ་ཐེག་བསྟན་པའི་བར་དེ་ཉིད་བསྡུས་པ་དང་འདྲ། ཡང་ན། དེ་ཉིད་བསྡུས་པའི་བརྒྱུད་པ་ཡོངས་རྫོགས་དྲངས་ཆོག་གོ །ཞེ་ཆེན་པའི་དྲུང་ནས་ཐོབ་པའང་སྔ་མ་ལྟར་རང་ལུགས་ཀྱི་དེ་ཉིད་བསྡུས་པ་སོར་བཞག་གོ །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་རྒྱུད་ཕྱི་མ་དང་བཅས་པ་རྨ་དགེ་བློས་བསྒྱུར་བའི་བརྒྱུད་པ་ནི། རྩ་སྐྱ་ཤཱཀྱ་འབུམ་ཡན་དེ་ཉིད་བསྡུས་པ་ལྟར་ལ། དེ་ནས་འཛིན་པ་རིན་ཆེན་བཤེས་གཉེན། བླ་ཆེན། བག་སྟོན། རྡོར་གླིང་པ། མགོན་པོ་འབུམ། བྲམ་ནམ་མཁའ་རྒྱལ་མཚན། མ་ཏི་མན་བརྒྱུད་ཚུལ་གཉིས་ཀ་རང་རང་གི་དེ་ཉིད་བསྡུས་པ་དང་འདྲ། གསུམ་པ་ནི། ངན་སོང་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོ། བརྟག་པ་གཉིས་པ་ཤཱིནྟཾ་གརྦྷ་ཛ་ཡ་རཀྵི་ཏའི་འགྱུར་གྱི་བརྒྱུད་པ་ནི། ཤཱཀྱའི་རྒྱལ་པོ། ཕྱག་ན་རྡོ་རྗེ། རབ་གསལ་ཟླ་བ། རབ་འབྱོར་སྐྱོང༌། ཀུན་དགའ་སྙིང་པོ། ཤེས་རབ་སྐྱོང༌། ཞི་བའི་སྙིང་པོ། དགེ་མཚན་བཤེས་གཉེན། བདེ་བ་རྡོ་རྗེ། དད་བྱེད་ཆོ་ག །ལོ་ཆེན་རིན་བཟང༌། བྲག་སྟེང་པ་ཡོན་ཏན་ཚུལ་ཁྲིམས། མལ་ལོ་ཙཱ་བ། རྗེ་ས་ཆེན། གཉག་སྟོན་དབང་རྒྱལ། རྗེ་བཙུན་གྲགས་པ། ས་པཎ། འཕགས་པ། ཞང་དཀོན་མཆོག་དཔལ། རྒྱལ་བ་བྲག་ཕུག་པ། རི་ཁྲོད་པ་བློ་བརྟན། དཔལ་ལྡན་ཚུལ་ཁྲིམས། ཤར་ཆེན། ངོར་ཆེན་ཀུན་དགའ་བཟང་པོ། རྒྱལ་ཚབ་ཀུན་དབང༌། ཡོངས་འཛིན་དཀོན་མཆོག་འཕེལ། རྗེ་ལྷ་མཆོག་སེང་གེ་མན་བརྒྱུད་ཚུལ་གཉིས་ཀ་རང་རང་གི་སངས་རྒྱས་མཉམ་སྦྱོར་དང་འདྲ། ངན་སོང་ཐམས་ཅད་སྦྱོང་བ་གཟི་བརྗིད་ཀྱི་རྒྱལ་པོའི་བརྟག་པ་ཕྱོགས་གཅིག་པ་དེ་ཝིནྡྲ་དེ་ཝ་དང༌། མ་ནི་ཀ་ཤྲཱི་ཛྙཱ་ན་དང༌། ཆག་ལོས་བསྒྱུར་བའི་བརྒྱུད་པ་ནི། རྩ་སྐྱ་ཤཱཀ་འབུམ་ཡན་དེ་ཉིད་བསྡུས་པ་དང་འདྲ་ལ། དེ་ནས་འཛིན་པ་རིན་ཆེན་ཤེས་རབ། བླ་མ་འཇམ་དབྱངས་པ། སེང་གེ་རྒྱལ་མཚན་ནས་རྡོ་རྗེ་གདན་པ་ཡན་གཏུམ་པོ་གསང་རྒྱུད་ཀྱི་བརྒྱུད་པ་ཕྱི་མ་དང་འདྲ། དེ་ནས་མཁས་གྲུབ་རིག་པའི་གློག་ཕྲེང༌། བླ་མ་བསྟན་པ་རྒྱ་མཚོ། རྗེ་ངག་དབང་ཆོས་རྒྱལ། རྒྱ་ངག་གྲགས་པ་རྒྱལ་མཚན། འབྲུག་པ་པདྨ་དཀར་པོ། ངག་དབང་བཟང་པོ། བླ་མ་ཀུན་དགའ་བློ་གྲོས། དཔལ་འབྱོར་གླིང་པ། རྗེ་བཀའ་འགྱུར་བ་མན་གོང་གི་ངན་སོང་ཡོངས་སྦྱོང་དང་བརྒྱུད་ཚུལ་གཉིས་ཀ་འདྲ། ཡང་ན། ཆོས་རྗེ་གྲགས་དོན་པ། རྔོག་བྱང་ཆུབ་དཔལ། མཁན་ཆེན་ཀུན་དགའ་རྒྱལ་མཚན། རྗེ་ནམ་མཁའ་དབང་ཕྱུག །འབུམ་རམས་པ་རིན་ཆེན་ཆོས་དབང་མན་འདྲ། རབ་ཏུ་གནས་པ་མདོར་བསྡུས་པའི་རྒྱུད་པཎྜི་ཏ་ཛྙཱ་ན་བཛྲ་དང་འབྲོ་ལོ་ཙཱ་བ་ཤེས་རབ་གྲགས་ཀྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཕྱག་ན་རྡོ་རྗེ། རབ་གསལ་ཟླ་བ། རཱ་ཧུ་ལ་བྷདྲ་དང༌། སྭསྟི་ཕ་ལ། ཡེ་ཤེས་རྡོ་རྗེ། པྲཛྙཱ་སིདྡྷི། ཨཱནནྡ་གརྦྷ། པྲཛྙཱ་ལ་ལཱི་ཏ། རབ་འབྱོར་སྐྱོང༌། དྷརྨ་ཕ་ལ། ལོ་ཆེན་རིན་ཆེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། མལ་ལོ་ཙཱ་བ། རྗེ་བཙུན་ཡབ་སྲས་གསུམ། ཆོས་རྗེ་ཁུ་དབོན་གཉིས། འུ་ཡུག་པ་བསོད་ནམས་སེང་གེ །ཁུ་སྟོན་ལོ་མཆོག །བློ་ཆེན་སངས་རྒྱས་ཡབ་སྲས་མན་བརྒྱུད་ཚུལ་གཉིས་ཀ་སོ་སོའི་སངས་རྒྱས་མཉམ་སྦྱོར་དང་འདྲ། ཡང་ན་འཛིན་པ་རིན་ཆེན་ཤེས་རབ་ཡན་རྡོ་རྗེ་རྩེ་མོ་ལྟར་ལ། དེ་ནས་ཤར་པ་འཇམ་དབྱངས་ཆེན་པོ། བག་སྟོན་མན་འཇིག་རྟེན་གསུམ་ལས་རྣམ་རྒྱལ་དང་འདྲ། གཉིས་པ་ཤེས་རབ་གཙོ་བོར་སྟོན་པའི་རྒྱུད་ལ། དེ་ཉིད་བསྡུས་པའི་ཆ་མཐུན་གྱི་རྒྱུད། དཔལ་མཆོག་དང་པོ་ཞེས་བྱ་བ་དུམ་བུ་དང་པོ་ཤེར་དུམ་ཤྲདྡྷཱ་ཀ་ར་དང་རིན་བཟང་གི་འགྱུར། དུམ་བུ་གཞན་རྣམས་མཎྜ་ཀ་ལཱ་ཤ་དང་བཙད་པོ་ཞི་བ་འོད་ཀྱིས་བསྒྱུར་བ་གཉིས་ཀྱི་བརྒྱུད་པ་ནི། དཔལ་ལྡན་བླ་མ་དམ་པ་ཟུང་ནས་རྗེ་གུ་ཎས་གསན་པའི་དེ་ཉིད་བསྡུས་པ་དང་འདྲ། ཤེར་ཕྱིན་ཚུལ་བརྒྱ་ལྔ་བཅུ་པའི་བརྒྱུད་པ་ནི། ཁྲི་སྣ་ཚོགས་དང་འདྲ། ༼ཐ༽ པར། རྡོ་རྗེ་སྙིང་པོ་རྒྱན་གྱི་རྒྱུད་ས་པཎ་གྱི་འགྱུར་འཕྲོ་དཔང་བློ་བརྟན་པས་བསྒྱུར་བ། ཤེར་ཕྱིན་སྒོ་ཉེར་ལྔ་པ། སྐུ་གསུང་ཐུགས་གསང་བ་རྒྱན་གྱི་བཀོད་པ་ས་པཎ་གྱིས་བསྒྱུར་བ། གསང་བ་ནོར་བུའི་ཐིག་ལེ་སུ་ག་ཏ་ཤྲཱི་དང་ས་པཎ་གྱི་འགྱུར་ཏེ་བཞི་ཀའི་བརྒྱུད་པ་ནི། ས་བཟང་མ་ཏི་ཡན་ཕུར་པ་རྩ་དུམ་པཎ་ཆེན་ཤཱཀྱ་ཤྲཱི་བཞུགས་པ་དང་འདྲ་ལ། དེ་མན་བརྒྱུད་ཚུལ་གཉིས་སངས་རྒྱས་མཉམ་སྦྱོར་ལྟར་ཤེས་པར་བྱའོ། །རྩ་བའི་ས་བཅད་གསུམ་པ་སྤྱོད་པའི་རྒྱུད་ལ་གསུམ་གྱི། དང་པོ་དེ་བཞིན་གཤེགས་པའི་རིགས་ནི། རྣམ་སྣང་མངོན་བྱང་རིམ་པར་ཕྱེ་བ་ཉི་ཤུ་རྩ་དྲུག་དང་ཕྱི་མ་གསང་བ་མཆོག་གི་རིམ་པར་ཕྱེ་བ་བདུན་པ་ཤྲཱི་ལེནྡྲ་བོ་དྷི་དང་དཔལ་བརྩེགས་ཀྱི་བསྒྱུར་བའི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། མྱ་ངན་མེད་དཔལ། རོལ་པའི་རྡོ་རྗེ། བ་རི་ལོ་ཙཱ། ས་ཆེན་གོང་མ་ལྔ། བློ་ཆེན། སེང་གེ་རྒྱལ་མཚན། གར་ཐིག་པ་བསོད་རྒྱན། མཁན་ཤེས་རྡོར་བ། ཆོས་སྒོ་བ་ཆོས་ཤེ། ཐེལ་གྲགས་རྡོར། དབུས་གླིང་པ་གྲགས་དོན། རྔོག་བྱང་ཆུབ་དཔལ་མན་བརྒྱུད་ཚུལ་གཉིས་ཀ་ངན་སོང་སྦྱོང་བ་བརྟག་པ་ཕྱོགས་གཅིག་པའི་བརྒྱུད་པ་དང་འདྲ་བའི་རང་རང་གི་ལུང་ཁུངས་སུ་སྦྱར་དགོས་སོ། །ཡང་ན། བ་རི་ནས། མཆིམས་བརྩོན་སེང༌། དོན་ནེ། ཆོས་སེང༌། བློ་བརྟན། ནམ་མཁའ་གྲགས། འཕགས་པ། ཁང་སར་པ། བློ་ཆེན་པ་མན་གཉིས་ཀ་བཤད་མ་ཐག་པ་ལྟར་རོ། །ཁྲོ་བོའི་རྒྱལ་པོ་མི་གཡོ་བའི་སྟོབས་དཔག་ཏུ་མེད་པ་བརྟུལ་ཕོད་པ་ཞེས་བྱ་བའི་རྟོག་པ་ཨུ་པ་ཤ་མ་རཀྵི་ཏ་དང་གླན་དར་མ་བློ་གྲོས་ཀྱིས་བསྒྱུར་བའི་བརྒྱུད་པ་ནི། རྫོགས་པའི་སངས་རྒྱས། འཇམ་དཔལ། ཛེ་ཏཱ་རེ་པ། ཨ་ཤྭ་ཀ་ཤྲཱི། ལ་ལཱི་ཏ་བཛྲ། ཨ་མོ་གྷ་བཛྲ། བ་རི་ལོ་ཙཱ། མཆིམས་བརྩོན་འགྲུས་སེང་གེ །མཆིམས་དོན་གྲུབ་རྒྱལ་བ། མཆིམས་བློ་གྲོས་བརྟན་པ། དབུས་པ་བློ་གསལ། ལོ་ཙཱ་བ་མཆོག་ལྡན། བློ་ཆེན་པ། བག་སྟོན་གཞོན་ཚུལ། རྡོར་གླིང་པ་མགོན་པོ་འབུམ། ཏི་ཕུག་པ། ས་བཟང་མ་ཏི་སོགས་ནས་པདྨ་ཉིན་བྱེད་དབང་པོའི་བར་རྩ་རྒྱུད་དེ་ཉིད་བསྡུས་པ་ལྟར་རོ། །ཡང་ན། རྡོ་རྗེ་འཆང༌། ཕྱག་ན་རྡོ་རྗེ། སྤྱོད་མཛད་རྡོ་རྗེ། ས་མཱནྟ་བྷ་དྲ། འགྲོ་བཟང་སྙིང་པོ། རཏྣ་བཛྲ། ཏེ་ཛ་དེ་ཝ། ཟངས་དཀར་ལོ་ཙཱ་བ་འཕགས་པ་ཤེས་རབ། སྨུས་ནག་བདེ་གཤེགས། སྨྲས་དཀར་སངས་རྒྱས། ལུང་པ་སྟོན་ནག །ལྷ་རྗེ་དཔལ་གྱི་རྒྱལ་མཚན། གློ་བོ་ལོ་ཙཱ་བ་ཤེར་རིན། ལོ་མཆོག་པ། བློ་ཆེན་མན་བཤད་མ་ཐག་པ་ལྟར་རོ། །ཡང་ན། བློ་ཆེན་པ་ནས། རྒྱལ་བཟང་དཔལ་གངས་ཁྲོད་པ། མ་ཏི་པཎ་ཆེན་མན་གོང་བཞིན་ནོ། །ཡང་ན་བ་རི་ལོ་ཙཱ་ཡན་རྡོ་རྗེ་ས་འོག་གི་བརྒྱུད་པ་སྔ་མ་དང་འདྲ་ཞིང༌། དེ་ནས་སྨུས་ནག་བདེ་གཤེགས་པ་ནས་བློ་ཆེན་གྱི་བར་གོང་གི་བརྒྱུད་པ་ལྟར་ལ། དེ་ནས་རིམ་པར་འགྱུར་མེད་མཐུ་སྟོབས་རྣམ་རྒྱལ་གྱི་བར་དུ་ཡང་རྡོ་རྗེ་ས་འོག་དང་འདྲ། ཡང་ན། བློ་ཆེན་རྒྱལ་བཟང་དཔལ། སྤང་ཁང་པ་མ་ཏི་མན་འདྲ། གཉིས་པ་པདྨའི་རིགས་ཀྱི་རྒྱུད་མི་བཞུགས། གསུམ་པ་རྡོ་རྗེའི་རིགས་ཀྱི་རྒྱུད་ནི། གླེགས་བམ། ༼ད༽ པར། ཕྱག་ན་རྡོ་རྗེ་དབང་བསྐུར་བའི་རྒྱུད་ཆེན་པོ་བམ་པོ་བཅུ་གཉིས་པ། ཤཱི་ལེནྡྲ་བོ་དྷི་དང་ཡེ་ཤེས་སྡེའི་འགྱུར་གྱི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། མྱ་ངན་མེད་པའི་དཔལ་རོལ་པའི་རྡོ་རྗེ། པུཎྱ་ཤྲཱི། སྟེང་པ་ལོ་ཙཱ་བ། སོ་ཆོས་ཀྱི་ཤེས་རབ། ལྷོ་པ་ཀུན་མཁྱེན། ཏིང་འཛིན་དཔལ་བཟང༌། སངས་རྒྱས་འབུམ། རྒྱལ་མཚན་ཆོས་དབང༌། གཉིས་ཀ་ལ་ལོ་མཆོག་པས་གསན། དེ་ནས་ར་སྟོན་ཤཱཀྱ། བག་སྟོན། མགོན་པོ་འབུམ། བྲམ་ནམ་མཁའ་རྒྱལ་མཚན། མ་ཏི་པཎ་ཆེན་མན་ཆད་བརྒྱུད་ཚུལ་གཉིས་ཀ་དེ་ཉིད་བསྡུས་པ་དང་འདྲ་བས་སོ་སོའི་ལུགས་སུ་དྲང་བར་བྱའོ། །ལྷ་མོ་བརྒྱད་ཀྱི་གཟུངས་དང༌། ཕྱག་རྡོར་གོས་སྔོན་པོ་ཅན་རྡོ་རྗེ་ས་འོག་གི་རྒྱུད་ལུང་མེད། །གོས་སྔོན་ཅན་རྡོ་རྗེ་ས་འོག་ཅེས་བྱ་བའི་རྒྱུད་དཱི་པཾ་ཀཱ་ར་དང་དགེ་སློང་བྱའི་གདོང་པ་ཅན་གྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཕྱག་རྡོར། སྤྱོད་མཛད་ཆོས་ཀྱི་རྡོ་རྗེ། ཀུན་ཏུ་བཟང་པོ། འགྲོ་བཟང་སྙིང་པོ། རཏྣ་བཛྲ། བྲམ་ཟེ་དཔལ་ལྡན། ཏེ་ཛ་དེ་ཝ། ཟངས་དཀར་ལོ་ཙཱ། གྲགས་པ་སེང་གེ །སངས་རྒྱས་དོན་གྲུབ། དཔལ་ལྡན་སེང་གེ །རྒྱལ་མཚན་ལུང་མང་བ། ལོ་མཆོག་མན་བརྒྱུད་ཚུལ་གཉིས་ཀ་རང་རང་གི་དེ་ཉིད་བསྡུས་པ་དང་འདྲ། ཡང་ན། བློ་ཆེན་ཡན་གཉིས་ཀ་རྣམ་སྣང་མངོན་བྱང་དང་འདྲ། ཡང་ན་གཉིས་ཀ་རྡོ་རྗེ་སྙིང་པོ་རྒྱན་གྱི་བརྒྱུད་པ་དང་འདྲ། འདིར་རྡོ་རྗེ་ས་གསུམ་དུ་རྒྱུ་བ་དང༌། འཇིག་རྟེན་གསུམ་འདུལ་ཞེས་པ་གཉིས་ཡོད་ཀྱང་ལུང་མ་ནོས། རྩ་བའི་ས་བཅད་བཞི་པ་བྱ་བའི་རྒྱུད་ལ་བྱ་བ་སོ་སོའི་རྒྱུད་དང༌། སྤྱིའི་རྒྱུད་གཉིས། དང་པོ་ལ། དེ་བཞིན་གཤེགས་པའི་རིགས། པདྨ་རིགས། རྡོ་རྗེའི་རིགས། ནོར་ཅན་གྱི་རིགས། རྒྱས་པའི་རིགས། འཇིག་རྟེན་པའི་རིགས། ཕྱོགས་མ་བརྟགས་པའི་གཟུངས་ཕྲན་འགའ་ཞིག་ཕྱོགས་གཅིག་ཏུ་བཀོད་པ་སྡེ་བདུན། དང་པོ་ལའང་རིགས་ཀྱི་གཙོ་བོ་སོགས་བརྒྱད་ལས། དང་པོ་ནི། དམ་ཚིག་གསུམ་བཀོད་པའི་རྒྱུད་ཀྲིཥྞ་པཎྜི་ཏ་དང་ནག་ཚོས་བསྒྱུར་བའི་བརྒྱུད་པ་ནི། སངས་རྒྱས། ཕྱག་རྡོར། རབ་གསལ་ཟླ་བ། ཡེ་ཤེས་རྡོ་རྗེ། ཀུན་སྙིང༌། པྲཛྙཱ་བྷོ་དྷི། མུཀྟི་ཀོ་ཥ། ཤྲདྡྷཱ་ཀ་ར། རིན་བཟང༌། རྔོག་ལོ། ཡེ་ཤེས་འབར། འོར་སྟོན་དབང་ཕྱུག །སངས་རྒྱས་འབར། ཏིང་འཛིན་དཔལ་བཟང༌། ཆོས་སེང༌། ཆོས་མགོན། སངས་རྒྱས་འབུམ། ལོ་མཆོག །བློ་ཆེན་པ། བདེ་ཆེན་པ། གར་ཐིག་པ། ཤེས་རྡོར་པ། ཆོས་སྒོ་བ། གྲགས་རྡོར་བ། གྲགས་དོན་པ། ཤཱཀྱ་རྒྱལ་མཚན། ཀུན་མཁྱེན་རྡོ་རྗེ་གདན་པ། རྔོག་ཤེས་རབ་གྲགས་པ། ཁམས་པ་གྲགས་པོ་ཆེ་བ་ཀུན་རྒྱལ། རྔོག་དཔལ་འབྱོར་དོན་གྲུབ། རྔོག་འཇམ་དབྱངས་འོད་ཟེར། མགོན་པོ་བསོད་ནམས་མཆོག་ལྡན། ཞབས་དྲུང་པདྨ་ཕྲིན་ལས། རབ་འབྱམས་ཀརྨ་སྨོན་ལམ། ཞྭ་དམར་བརྒྱད་པ། སི་ཏུ་ཆོས་འབྱུང༌། ཀརྨ་པ་བདུད་འདུལ་རྡོ་རྗེ། ཁྱབ་བདག་པདྨ་ཉིན་བྱེད་དབང་པོ། ཀརྨ་ཐེག་བསྟན། རྗེ་གུ་ཎ། ཡང་ན་སངས་རྒྱས། འཇམ་དབྱངས། ཛེ་ཏཱ་རི་པ། རྡོ་རྗེ་གདན་པ་གསུམ། བ་རི་ལོ་ཙཱ་བ། རྗེ་བཙུན་ཡབ་སྲས་གསུམ། པཎ་ཆེན། ཁང་སྟོན་འོད་ཟེར་རྒྱལ་མཚན། པདྨ་ཕྲིན་ལས་ཡན་གོང་མའི་གོང་མ་ལྟར་ལ། དེ་ནས་རིན་ཆེན་རྒྱ་མཚོ་ནས་མཐུ་སྟོབས་རྣམ་རྒྱལ་བར་འདིའི་ལུགས་ཀྱི་བརྒྱུད་པ་སྤྱི་ལྟར་རོ། །སྨན་མདོ་བརྒྱད་བརྒྱ་པ། ༼ར༽ སྨན་མདོ་ཆུང་བ། བཻ་ཌཱུརྻའི་འོད་ཅེས་བྱ་བའི་གཟུངས་༼ཤྲཱི་༽ ༼ང༽ གསུམ་ཛི་ན་མི་ཏྲ་དཱ་ན་ཤཱི་ལ་ཤཱི་ལེནྡྲ་བོ་དྷི་ཡེ་ཤེས་སྡེ་སོགས་ཀྱི་འགྱུར། སྨན་མདོ་གཉིས་ཀྱི་བརྒྱུད་པ་ནི། སངས་རྒྱས། ཀུན་དགའ་བོ། ཀྲིཥྞའི་གོས་ཅན། ཤ་ནའི་གོས་ཅན། ཉི་མ་གུང་པ། ཐམས་ཅད་མཁྱེན་པའི་བཤེས་གཉེན། ཀླུ་སྒྲུབ། ཨརྻ་དཱེ་ཝ། འཇམ་དཔལ་གྲགས་པ། རིན་འབྱུང་ཞི་བ། རྡོ་རྗེ་གདན་པ་གསུམ། ཁ་ཆེ་པཎ་ཆེན། དཔྱལ་ཆོས་བཟང༌། དཔྱལ་པདྨ་ཅན། མཁན་པོ་གཞོན་ཡེ། རོང་པ་ཤར་སེང༌། བག་སྟོན། མགོན་པོ་འབུམ། སྤུག་སྟོན་བསོད་རྒྱལ། མཁན་ཤེས་རྡོར། ཆོས་དཔལ་ཤེས་རབ། བསོད་ནམས་སེང་གེ །ཚལ་གྲགས་དོན་པ། རཏྣ་ཀིརྟི། ཤཱཀྱ་རྒྱལ་མཚན། རྡོ་རྗེ་གདན་པ་ཆེན་པོ། ཆེན་པོ་བློ་གྲོས་རྒྱལ་མཚན། འབུམ་རམས་པ་རིན་ཆེན་ཆོས་དབང༌། རབ་འབྱམས་པ་ཚུལ་ཁྲིམས་དབང་ཕྱུག །དཔལ་ལྡན་གཙུག་ལག་ཕྲེང་བ། རྒྱལ་བ་དཀོན་མཆོག་ཡན་ལག །རྒྱལ་ཚབ་གྲགས་པ་དོན་གྲུབ། སྡོམ་བརྩོན་ཚོགས་གཉིས་དཔལ་གྲུབ། ཁྱབ་བདག་བློ་མཆོག་རྡོ་རྗེ། མགོན་པོ་བསོད་ནམས་མཆོག་ལྡན། ཞབས་དྲུང་པདྨ་ཕྲིན་ལས། རབ་འབྱམས་ཀརྨ་སྨོན་ལམ། ཞྭ་དམར་བརྒྱད་པ། སི་ཏུ་ཆོས་འབྱུང༌། ཀརྨ་པ་བདུད་འདུལ་རྡོ་རྗེ། པདྨ་ཉིན་བྱེད་དབང་པོ། ཀརྨ་ཐེག་མཆོག་བསྟན་འཕེལ། རྗེ་གུ་ཎའི་བར་དང༌། ཡང་ན། རྫོགས་པའི་སངས་རྒྱས། བྱམས་པ། ཐོགས་མེད། དབྱིག་གཉེན། སངས་རྒྱས་བསྐྱངས། ཡེ་ཤེས་ཞབས། དཱི་པཾ་ཀ་ར་བྷ་དྲ། བི་མ་ལ་གུཔྟ། རིན་ཆེན་རྡོ་རྗེ། ཆོས་འབྱུང་ཞི་བ། པུཎྱེ་ཤྲཱི། སུ་མ་ཏི་ཀིརྟི། སྨྲྀ་ཏི། རོང་ཟོམ་ཆོས་བཟང༌། ཏིང་འཛིན་བཟང་པོ། ཉང་ཉི་མ་འོད། ལྷོ་པ་ཀུན་མཁྱེན། སྤང་ཁང་པ་གྲགས་རྒྱན། ཤངས་པ་གྲགས་སེང༌། སྟག་སྟོན་ཤེར་འོད། བློ་ཆེན་པ། བག་སྟོན་པ་མན་འདྲ། ཡང་ན། སངས་རྒྱས། ཕྱག་རྡོར། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་ལོ། སོ་ཀུན་མཁྱེན། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་པ། ཇོ་སྟན་ཟས་གཙང༌། ཤངས་པ་གྲགས་སེང༌། རིན་ཆེན་འབུམ། སེང་གེ་རྒྱལ་མཚན། གར་ཐིག་པ། ཤེས་རྡོར་མན་གོང་བཞིན་ནོ། །ཡང་ན། དོན་ཡོད་རྡོ་རྗེ་ཡན་གོང་ལྟར་ལ། དེ་ནས་བ་རི་ལོ་ཙཱ་བ། འབུམ་ལྔ་ལོ་ཙཱ་བ། ཀོ་ནག་རལ་གྲི་མན་འདྲ། ཡང་ན། རྡོ་རྗེ་གདན་པ་ཡན་གོང་ལྟར་ལ། དེ་ནས་རིམ་པར་མཐུ་སྟོབས་རྣམ་རྒྱལ་བར་ཤེར་ཕྱིན་བརྒྱ་ལྔ་བཅུ་བ་དང་འདྲ། ཡང་སངས་རྒྱས། བྱམས་པ་སོགས་ནས། བག་སྟོན་ཡན་གོང་ལྟར་ལ་ཕྱིན་ཆད་འདྲ། ཡང༌། སངས་རྒྱས། ཕྱག་རྡོར་སོགས་ནས། ཤེས་རྡོར་མན་གོང་དུ་བཀོད་པ་ལྟར་ལ་གཤམ་འདྲ། །ཡང་ན། བ་རི་ལོ་ཙཱ་སོགས་ནས་ཀོ་ནག་རལ་གྲིའི་བར་སྔར་སོང་ཟིན་པ་བཞིན་ལ་མཇུག་སྔ་མ་དང་འདྲ། ཡང་ན། ཞང་སྟོན་ཡབ་སྲས་ནས། མཁོན་དཀོན་ཡེ། དཀོན་མཆོག་བླ་མ། བག་སྟོན། མཁན་ཆེན་ཤེས་རྡོར་བ་མན་འདྲ། སྨན་མདོ་ཆུང་བའི་བརྒྱུད་ལུགས་གཅིག་ནི། འཇམ་དབྱངས་ཤེས་རབ་རྒྱ་མཚོ་ཡན་སླར་ཚོལ། དེ་ནས་སློབ་དཔོན་དོན་གྲུབ་བཤེས་གཉེན། ལྷ་མཆོག་སེང་གེ །སངས་རྒྱས་སེང་གེ །ནམ་མཁའ་དཔལ་བཟང༌། དཔལ་ལྡན་དོན་གྲུབ། རྗེ་བཀའ་འགྱུར་བ་མན་འདྲ། ནོར་བུ་རྒྱས་པའི་གཞལ་མེད་ཁང་གི་ཆོ་ག་ཞིབ་མོ་བིདྱཱ་ཀ་ར་པྲ་བྷ་དང༌། དཔལ་གྱི་ལྷུན་པོ་དང་དཔལ་བརྩེགས་ཀྱི་འགྱུར། འདིའི་སྒོས་བརྒྱུད་ནི། རྡོ་རྗེ་གདན་པ་ཡན་སྨན་མདོ་དང༌། དེ་ནས་རིག་པའི་གློག་ཕྲེང་ནས་ངན་སོང་སྦྱོང་བ་བརྟག་པ་ཕྱོགས་གཅིག་པའི་བརྒྱུད་པ་སྔ་མ་དང་འདྲ། ༼ན༽ པ་ལ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསང་བ་རིང་བསྲེལ་གྱི་ཟ་མ་ཏོག་བིདྱཱ་ཀ་ར་པྲ་བྷ་དང༌། དེ་ཝེནྡྲ་རཀྵི་ཏའི་འགྱུར། བྱང་ཆུབ་སྙིང་པོའི་རྒྱན་འབུམ་ལས་བཏུས་པའི་གཟུངས་འགྱུར་བྱང་མེད་པ་གཉིས་ཀའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི་པ། རྡོ་རྗེ་གདན་པ་གསུམ། བ་རི་ལོ་ཙཱ། ས་སྐྱ་གོང་མ་ལྔ། རྒྭ་ལོ་རྣམ་རྒྱལ་རྡོ་རྗེ། ཤེས་རབ་སེང་གེ །བག་སྟོན། མགོན་པོ་འབུམ། སྤྲུག་སྟོན་བསོད་རྒྱལ། མཁན་ཆེན་ཤེས་རྡོར། ཆོས་སྒོ་བ་ཆོས་ཤེས། སློབ་དཔོན་བསོད་སེང༌། ཚལ་གྲགས་སྟོན་པ་རིན་ཆེན་གྲགས། ཤཱཀྱ་རྒྱལ་མཚན། རྡོ་རྗེ་གདན་པ། བྱང་ཆུབ་དབང་རྒྱལ། མཁྱེན་པའི་རྩེ་མོ། ཀུན་བཟང་རྩེ་པ་དབང་ཕྱུག་རྒྱལ་མཚན། ཉི་མའི་གླིང་པ། ཚུལ་ཁྲིམས་བཀྲ་ཤིས། རྗེ་བཀའ་འགྱུར་བ་མན་བརྒྱུད་ཚུལ་གཉིས་ཀ་རང་རང་གི་ངན་སོང་སྦྱོང་བ་བརྟག་པ་ཕྱོགས་གཅིག་པའི་བརྒྱུད་པ་སྔ་མ་དང་འདྲ། ཡང་ན་ས་པཎ་ནས། རྒྱལ་མཚན་ཆོས་དབང༌། ཤེར་སེང་མན་འདྲ། ཡང་ན་བ་རི་ལོ་ཙཱ་བ། སུམ་པ་ལོ་ཙཱ། འབུམ་ལྔ་ལོ་ཙཱ། སྤང་ཁང་གྲགས་སེང༌། ཞལ་སྔ་བ་བསོད་རིན། མཁན་པོ་གཞོན་ཡེ། ཤེར་སེང་མན་འདྲ། འོད་ཟེར་དྲི་མེད་ ༼ཤྲཱི༽ ༼ཁུ༽ ཀྱི་གཟུངས་བིདྱཱ་ཀ་ར་དང༌། དཔལ་གྱི་ལྷུན་པོའི་འགྱུར། སངས་རྒྱས་བཅུ་གཉིས་པའི་གཟུངས། ཤྲཱི༽ ཁུ༽ ཝཾ༽ ཛི་ན་མི་ཏྲ་ལ་སོགས་པས་བསྒྱུར་བ། སངས་རྒྱས་བདུན་པ་ཞེས་བྱ་བའི་མདོ། ཤྲཱི༽ ཁུ༽ ཝཾ༽ འགྱུར་བྱང་མེད་པ། སངས་རྒྱས་ཡན་ལག་ ཤྲཱི༽ ཁུ༽ ཝཾ༽ འགྱུར་གོང་མའི་གོང་མ་འདྲ། སངས་རྒྱས་ཀྱི་སྙིང་པོ། ཤྲཱི༽ ཁུ༽ ཝཾ༽ འགྱུར་གོང་འདྲ། མེ་ཏོག་བརྩེགས་པ། ཤྲཱི༽ ཁུ༽ ཝཾ༽ དྲི་མ་མེད་པའི་གཟུངས། ཤྲཱི༽ ཁུ༽ ཝཾ༽ ཙན་དན་གྱི་ཡན་ལག་ ཤྲཱི༽ ཁུ༽ ཝཾ༽ ཛི་ན་མི་ཏྲ་སོགས་ཀྱི་འགྱུར། རྟེན་འབྲེལ་སྙིང་པོའི་གཟུངས། ཤྲཱི༽ དྷི༽ ཁུ༽ ཝཾ༽ རྟེན་ཅིང་འབྲེལ་བར་འབྱུང་བ། ཤྲཱི༽ དྷི༽ ཁུ༽ ཝཾ༽ རྟེན་འབྲེལ་སྙིང༌། ཤྲཱི༽ ཁུ༽བྷི༽ ཝཾ༽ ཡེ་ཤེས་ཏཱ་ལ་ལུང་མེད། པོའི་སྙིང་པོའི་གཟུངས། ཤྲཱི༽ ཁུ༽ ཝཾ༽ ཡེ་ཤེས་སྡེའི་འགྱུར། གདོན་མི་ཟ་བའི་གཟུངས་ལུང་མེད། སྒོ་མཐའ་ཡས་པ་སྒྲུབ་པའི་གཟུངས། སྒོ་དྲུག་པའི་གཟུངས། ཤྲཱི༽ ཁུ༽ ཝཾ༽ འདི་གཉིས་མདོ་མང་དུ་ཡོད། འཕགས་པ་ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་པྲཛྙཱ་ཝརྨ་སོགས་ཀྱི་འགྱུར། འདི་གསུམ་མདོ་མང་ཁྲོད་དུ་སོང་བས་བརྒྱུད་པ་ལོགས་སུ་མི་དགོས་སོ། །སྒྲོལ་མ་མཆོག་གི་གཟུངས། ཤྲཱི༽ ཁུ༽ ཝཾ༽ ཛི་ན་མི་ཏྲ་སོགས་ཀྱི་འགྱུར། ཤེར་ཕྱིན་ཡི་གེ་ཉུང་ངུའི་བརྒྱུད་པ་ཤེས་རབ་སྣ་ཚོགས་དང་འདྲ། ཤེས་རབ་སྙིང་པོ་ དྷི༽ ཝཾ༽ བི་མ་ལ་མི་ཏྲ་སོགས་ཀྱི་འགྱུར་བའི་བརྒྱུད་པ་ནི་མདོ་མང་དུ་ཡོད་པ་ལྟར་རོ། །སངས་རྒྱས་ཀྱི་མཚན་ ཤྲཱི༽ ཁུ༽ ཝཾ༽ ཡ༽ བརྒྱ་རྩ་བརྒྱད་པ། ཤཱཀྱ་ཐུབ་པའི་སྙིང་པོའི་གཟུངས། ཤྲཱི༽ ཁུ༽ ཝཾ༽ རྣམ་པར་སྣང་མཛད་ཀྱི་སྙིང་པོའི་གཟུངས། ཤྲཱི༽ ཁུ༽ ཝཾ༽ ཟླ་འོད་ཀྱི་མཚན། ཤྲཱི༽ ཁུ༽ ཝཾ༽ རྗེས་སུ་དྲན་པའི་གཟུངས། དེ་བཞིན་གཤེགས་པ་སྤྱིའི་སྙིང་པོ་ ཤྲཱི༽ ཁུ༽ ཝཾ༽ རྗེས་སུ་དྲན་པའི་གཟུངས། རིན་ཆེན་གཙུག་ཏོར་གྱི་མཚན་རྗེས་སུ་དྲན་པའི་ ཤྲཱི༽ ཁུ༽ ཝཾ༽ གཟུངས། མཆོད་པའི་སྤྲིན་གྱི་ ཤྲཱི༽ ཝཾ༽ གཟུངས། འདིའི་སྒོས་བརྒྱུད་ནི། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་ཆེ་ཆུང༌། བ་རི་བ། སུམ་པ་ལོ་ཙཱ་བ། འབུམ་ལྔ་ལོ་ཙཱ། ཀོ་ནག་པ། གྲགས་སེང༌། ཞང་སྟོན་ཡབ་སྲས། དཀོན་མཆོག་བླ་མ། བག་སྟོན་པ། མགོན་པོ་འབུམ། རྗེ་ཆོས་དཔལ་ཤེས་རབ། གྲགས་རྡོར་བ། གྲགས་དོན་པ་མན་རྟེན་འབྲེལ་སྙིང་པོའི་བརྒྱུད་པ་རྗེ་སྨན་ལུང་པ་བཞུགས་པ་དང་གཅིག །ཡང་ན་རྡོ་རྗེ་གདན་པ་གསུམ་ནས་པུཎྱེ་ཤྲཱི། སྟེང་ལོ། སོ་ཀུན་མཁྱེན། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་པ། ཇོ་སྟན་ཟས་གཙང༌། གྲགས་སེང་པ། རིན་ཆེན་འབུམ། དཀོན་མཆོག་ཡེ་ཤེས། ཡེ་ཤེས་མགོན་པོ། དར་མ་བཟང་པོ། རྗེ་རི་པ། གྲགས་པ་མན་གོང་ལྟར་རོ། །ཡང་ན། རྡོ་རྗེ་འཆང༌། ཕྱག་རྡོར། ས་ར་ཧ། བདེ་བའི་རྡོ་རྗེ། དད་བྱེད་གོ་ཆ། ལོ་ཆེན་པ། རྐྱང་པོ་ཆོས་བློ། བྲའོ་ལྷ་འབུམ། བྲའོ་ཆོས་ཚུལ། བྲའོ་མི་མཉམ་རྡོ་རྗེ། ཐང་སྟོན་ཡེ་རྡོར་ཞང་བྱང་ཆུབ་པ། བློ་ཆེན་པ། སེང་རྒྱན་པ། གར་ཐིག་པ། ཤེས་རྡོར་བ། ཆོས་དཔལ་ཤེས་རབ། གྲགས་རྡོར་པ། གྲགས་དོན་མན་བཤད་མ་ཐག་པ་བཞིན་ནོ། །ཤྲཱི༽ ཁུ༽ ད༽ པདྨའི་སྤྱན་ཞེས་པ་མ་ཐོབ། སུ་རུ་པའི་གཟུངས། འཇིགས་པ་ཆེན་པོ་བརྒྱད་ལས་སྒྲོལ་བའི་གཟུངས། དེ་བཞིན་གཤེགས་པའི་ཡི་གེ་བརྒྱ་པ་གོང་གསལ་གཉིས་ཀྱི་སྔོན་མའི་བརྒྱུད་པ་ནི་སྒོས་བརྒྱུད་དང་ཕྱི་མའི་བརྒྱུད་པ་གསང་བ་རིང་བསྲེལ་གྱི་བརྒྱུད་ཚུལ་གསུམ་སོ་སོར་བཞག་གོ །ཁྱད་པར་ཅན་གྱི་གཟུངས། ཤྲཱི༽ ཁུ༽ ཝཾ༽ གཉིས་པ་དེ་བཞིན་གཤེགས་པའི་རིགས་ཀྱི་བདག་པོ་འཁོར་ལོས་བསྒྱུར་བའི་རྒྱུད་ལ། འཇམ་དཔལ་གྱི་རྟོག་པ་སུམ་ཅུ་རྩ་དྲུག་པ་པཎྜི་ཏ་གཞོན་ནུ་འབུམ་དང༌། ལོ་ཙཱ་བ་ཤཱཀྱ་བློ་གྲོས་ཀྱིས་བསྒྱུར་བའི་བརྒྱུད་པ་ནི། སངས་རྒྱས། འཇམ་དཔལ། རབ་གསལ་ཟླ་བ། བྲམ་ཟེ་རཱ་ཧུ་ལ། སྭསྟི་ཕ་ལ། ཛྙཱ་ན་བཛྲ། པྲཛྙཱ་སིདྡྷི། ཨཱ་ནནྡ་གརྦྷ། པྲ་བྷཱུ་ཏི་པ་ལ། པྲཛྙཱ་ཝ་ཏི། ཤཱིནྟཾ་གརྦྷ། ཀ་ལྱཱན་མི་ཏ། སུ་ཁ་བཛྲ། ཤྲདྡྷཱ་ཀ་ར། ལོ་ཆེན་རིན་བཟང༌། རྐྱང་པོ་ཆོས་བློ། བྲའོ་ལྷ་འབུམ་སོགས་ནས་བློ་ཆེན་གྱི་བར་ཡངས་པའི་གྲོང་ཁྱེར་དུ་འཇུག་པའི་བརྒྱུད་པ་ཕྱི་མ་དང་འདྲ་ལ། དེ་ནས་རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་མན་དབང་མདོར་བསྟན་གྱི་བརྒྱུད་པ་སྔ་མ་རེ་རེ་དང་གཉིས་ཀ་འདྲ། ཡང་ན། བློ་ཆེན་ནས། སེང་གེ་རྒྱལ་མཚན། གར་ཐིག་པ། མཁན་ཤེས་རྡོར་བ། ཆོས་དཔལ་ཤེས་རབ། བསོད་ནམས་སེང་གེ །གྲགས་དོན་པ་མན་ཀྱང་གོང་འདྲ། ཡང་ན། རྡོ་རྗེ་འཆང༌། ཕྱག་ན་རྡོ་རྗེ། ས་ར་ཧ། བདེ་བའི་རྡོ་རྗེ་མན་འདྲ། ༼པ༽ པ་ལ། འཇམ་དཔལ་དཔའ་བོ་གཅིག་གྲུབ་དཱི་པཾ་ཀ་ར་དང་དགེ་བའི་བློ་གྲོས་ཀྱིས་བསྒྱུར་བའི་བརྒྱུད་པ་ནི། སངས་རྒྱས། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། ས་ཆེན་གོང་མ་ལྔ། བློ་ཆེན་རྒྱལ་བཟང༌། སྤང་ཁང་པ། མ་ཏི་པཎ་ཆེན་མན་མཉམ་སྦྱོར་དང་འདྲ། བི་ཁྱཱ་ཏ་དེ་ཝ། ཤཱཀྱ་ཤྲཱི། གློ་བོ་ལོ་ཙཱ་བ། འཕགས་པ་རིན་པོ་ཆེ་མན་འདྲ། འཇམ་དཔལ་གྱི་ཞལ་ནས་གསུངས་པ་ཛྙཱ་ན་གརྦྷ་དང༌། ཀླུའི་དབང་པོས་བསྒྱུར་བ། འཇམ་དཔལ་གྱི་དམོད་བཙུག་པ། དམ་བཅའ་བ། འཇམ་དཔལ་གྱི་མཚན། ཤེས་རབ་བློ་འཕེལ། ཡི་གེ་འབྲུ་གཅིག་པ། འཇམ་དཔལ་རྣོན་པོ། ྈ༽ སངས་རྒྱས་ཀྱིས་བསྟོད་པ། འཇམ་དཔལ་བུ་མོ་བརྒྱད་ཀྱིས། ྈ༽ བསྟོད་པ་ཞེས་བྱ་བ་རྣམས་ཀྱི་བརྒྱུད་པ་ནི། ཚལ་གྲགས་དོན་པ་ཡན་ཤེར་སྙིང་གི་སྒོས་བརྒྱུད་བར་མ་འདྲ། དེ་ནས་འཇམ་དཔལ་རྩ་རྒྱུད་ཀྱི་བརྒྱུད་པ་ཕྱི་མ་དང་འདྲ། ྈ་རྟགས་ཅན་མ་གཏོགས་བརྒྱུད་ལུགས་གཅིག་ནི། སངས་རྒྱས། ཕྱག་རྡོར། རྡོ་རྗེ་གདན་པ་གསུམ། བ་རི་ལོ་ཙཱ། གོང་མ་ལྔ། རྒྭ་ལོ་ཡབ་སྲས། བག་སྟོན། མགོན་པོ་འབུམ། སྤྲུག་སྟོན། མཁན་ཆེན་ཤེས་རྡོར་བ་མན་གོང་དང་འདྲ། རྒྱལ་ཚ་ལུང་མང་པ། རོང་པ་ཤེས་སེང་མན་འདྲ། གསུམ་པ་གཤེགས་རིགས་ཀྱི་ཡུམ་ལ། ཤེར་ཕྱིན་མཚན་བརྒྱ་རྩ་བརྒྱད་པ་དང་ཤེར་ཕྱིན་ཀོའུ་ཤི་ཀ་གཉིས་ལ་ལུང་མེད། འཕགས་པ་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ་ལེའུ་སོ་གཅིག་པ་འགོས་ཆོས་འགྲུབ་ཀྱིས་རྒྱ་ནག་ནས་བསྒྱུར་བའི་བརྒྱུད་པ་ནི། སངས་རྒྱས། བྱམས་པ། ཐོགས་མེད། དབྱིག་གཉེན། སངས་རྒྱས་བསྐྱངས། སངས་རྒྱས་ཡེ་ཤེས་ཞབས། མར་མེ་མཛད་བཟང་པོ། དྲི་མེད་སྦས་པ། རིན་ཆེན་རྡོ་རྗེ། དྷརྨཱ་ཀ་ར་ཤཱནྟི། དེ་ལ་ཛྙཱ་ན་ཤྲཱི་དང་པུཎྱེ་ཤྲཱི་གཉིས་ཀྱི་གསན། གཉིས་ཀ་ལ་སུ་མ་ཏི་ཀིརྟི། སྨྲྀ་ཏི། རོང་ཟོམ། ཏིང་འཛིན་བཟང་པོ། ཉང་རལ་པ་ཅན། ལྷོ་པ་ཀུན་མཁྱེན། སྤང་ཁང་པ། ཤངས་པ་གྲགས་སེང༌། སྟག་སྟོན་བློ་ཆེན། བག་སྟོན། མགོན་པོ་འབུམ། སྤྲུ་སྟོན། མཁན་ཤེས་རྡོར། ཆོས་དཔལ་ཤེས་རབ། བསོད་ནམས་སེང་གེ །ཚལ་གྲགས་དོན་པ་མན་བརྒྱུད་ཚུལ་གཉིས་ཀ་འཇམ་དཔལ་གྱི་མདོ་ཆུང་བ་དང་འདྲ། གཞན་ཡང་བརྒྱུད་པའི་ཁྱད་པར་མང་དུ་ཡོད་ཀྱང་རེ་ཞིག་དེ་ཙམ་མོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཛི་ན་མི་ཏྲ་དང༌། ཡེ་ཤེས་སྡེས་བསྒྱུར་བའི་བརྒྱུད་པ་ནི། འཇམ་དཔལ་གྱི་མདོ་ཆུང་བརྒྱད་དང་འདྲ། ༼ཕ༽ པ་ལ། གསེར་འོད་དམ་པའི་མདོ་ལེའུ་ཉེར་གཅིག་འགྱུར་བྱང་མ་འཁོད་པའི་བརྒྱུད་པ་ནི་བཤད་མ་ཐག་པ་དང་འདྲ། སྟོང་ཆེན་མོ་རབ་ཏུ་འཇོམས་པ་བམ་པོ་གཉིས་ཤཱི་ལེནྡྲ་བོ་དྷི་ཛྙཱ་ན་སིདྡྷི་ཡེ་ཤེས་སྡེ་གསུམ་གྱི་འགྱུར། རྨ་བྱ་ཆེན་མོ་འགྱུར་གོང་འདྲ། སོ་སོར་འབྲང་མ་ཛི་ན་མི་ཏྲ་དང༌། དཱ་ན་ཤཱི་ལ་ཡེ་ཤེས་སྡེ་གསུམ་གྱི་འགྱུར། བསིལ་བའི་ཚལ་གྱི་མདོ་ཆེན་མོ་དང༌། གསང་སྔགས་རྗེས་འཛིན་གཉིས་འགྱུར་སྟོང་ཆེན་མོ་དང་འདྲ། ལྔ་ཀའི་བརྒྱུད་པ་ནི། བྷཱུ་མི་ཀཱིརྟི་ཡན་མ་རྙེད་ཅིང༌། དེ་ནས་མར་དོ་ཆོས་དབང༌། གཟེ་པ་བློ་ལྡན། གཟེ་ཇོ་བ་དོ། དོན་ཡེ་པ། གཉིས་ཀར་ཁམས་ཤཱཀ་རྡོར་གྱིས་གསན། དེ་ནས་དབུས་པ་སངས་རྒྱས་འབུམ། ལོ་མཆོག །རིན་རྣམ། ཆོས་རྒྱལ་པ། གར་ཐིག་པ། མཁན་ཤེས་རྡོར། ཆོས་ཤར། གྲགས་རྡོར། གྲགས་དོན་པ་མན་འཇམ་དཔལ་རྩ་རྒྱུད་ཕྱི་མ་ལྟར་རོ། །འོད་ཟེར་ཅན་གྱི་གཟུངས། ཤྲཱི༽ ཨ་མོ་གྷ་བཛྲ་དང༌། རིན་ཆེན་གྲགས་ཀྱིས་བསྒྱུར་བའི་བརྒྱུད་པ་ནི་གསང་བ་རིང་བསྲེལ་དང་འདྲ། འདིའི་རྗེས་སུ་འཕགས་མ་འོད་ཟེར་ཅན་འབྱུང་བའི་རྒྱུད་ལས་ཕྱུང་བའི་རྟོག་པ་ཇི་སྙེད་པ་དང༌། སྒྱུ་མ་འོད་ཟེར་ཅན་གྱི་དཀྱིལ་ཆོག་གཉིས་ཡོད་ཀྱང་ལུང་མེད། རིགས་སྔགས་ཀྱི་རྒྱལ་མོ་རྒྱལ་བ་ཅན། ཤྲཱི༽ ཁུ༽ ཝཾ༽ ཛི་ན་མི་ཏྲ། དཱ་ན་ཤཱི་ལ། བནྡེ་ཡེ་ཤེས་སྡེས་བསྒྱུར་བ། འཕགས་པ་རྒྱལ་བ་ཅན་ ཤྲཱི༽ ཝཾ༽ གྱི་གཟུངས། དབང་བསྐུར་བའི་གཟུངས། ཤྲཱི༽ ཁུ༽ ཝཾ༽ ཛི་ན་དཱ་ན་ཡེ་ཤེས་སྡེ་གསུམ་གྱི་འགྱུར། དབྱིག་དང་ལྡན་པའི་ཤྲཱི༽ ཁུ༽ ཝཾ༽ གཟུངས། འཕགས་པ་དུག་སེལ་བའི་རིག་སྔགས། ཤྲཱི༽ ཁུ༽ འདིའི་འོག་ཏུ་སོར་མོ་ཅན་དང༌། ཆོས་ཐམས་ཅད་ཀྱི་ཡུམ་འདུག་པ་མ་ཐོབ། འདིའི་སྒོས་བརྒྱུད་རྟེན་འབྲེལ་སྙིང་པོའི་སྒོས་བརྒྱུད་བཞིན་ནོ། །གཙུག་གི་ནོར་བུའི་གཟུངས། ཤྲཱི༽ ཁུ༽ ཝཾ༽ ཛི་ན་ཤྲཱི་ལེནྡྲ་ཡེ་ཤེས་སྡེ་གསུམ་གྱི་འགྱུར། ཡི་གེ་དྲུག་པའི་ ཤྲཱི༽ ཁུ༽ ཝཾ༽ རིགས་སྔགས། ཤེར་ཕྱིན་སྟོང་ཕྲག་བརྒྱ་པའི་ ཤྲཱི༽ ཁུ༽ ཝཾ༽ གཟུངས། ཉི་ཤུ་ལྔ་པའི་གཟུངས། ཤྲཱི༽ ཁུ༽ ཝཾ༽ འཕགས་པ་བརྒྱད་སྟོང་པའི་ ཤྲཱི༽ ཁུ༽ ཝཾ༽ གཟུངས། ཕར་ཕྱིན་དྲུག་གི་སྙིང་པོའི་ ཤྲཱི༽ ཁུ༽ ཝཾ༽ གཟུངས། ཕར་ཕྱིན་དྲུག་གཟུང་བའི་ ཤྲཱི༽ ཁུ༽ ཝཾ༽ གཟུངས། ཕར་ཕྱིན་བཅུ་ཐོབ་པའི་ ཤྲཱི༽ ཁུ༽ ཝཾ༽ གཟུངས། ཚད་མེད་བཞི་ཐོབ་པའི་ ཤྲཱི༽ ཁུ༽ ཝཾ༽ གཟུངས། ཕར་ཕྱིན་སྟོང་ཕྲག་བརྒྱ་པ་གཟུང་བའི་ ཤྲཱི༽ ཁུ༽ ཝཾ༽ གཟུངས། ཕལ་པོ་ཆེ་གཟུང་བའི་ ཤྲཱི༽ ཁུ༽ ཝཾ༽ གཟུངས། སྡོང་པོ་བཀོད་པ་གཟུང་བར་འགྱུར་བའི་ ཤྲཱི༽ ཁུ༽ ཝཾ༽ གཟུངས། ཏིང་འཛིན་རྒྱལ་པོ་གཟུང་བར་འགྱུར་བའི་ ཤྲཱི༽ ཁུ༽ ཝཾ༽ གཟུངས། རྨ་བྱ་ཆེན་མོ། ཤྲཱི༽ ཁུ༽ ཝཾ༽ སོ་སོར་འབྲང་མ་ ཤྲཱི༽ ཁུ༽ ཝཾ༽ བཅས་གཟུང་བར་འགྱུར་བའི་གཟུངས། ལང་གཤེགས་བཀླག་པར་འགྱུར་བའི་ ཤྲཱི༽ ཁུ༽ ཝཾ༽ གཟུངས། བཞི་པ་གཤེགས་རིགས་ཀྱི་གཙུག་ཏོར་ལ། གཙུག་ཏོར་གདུགས་དཀར་མོ་ཅན་གཞན་གྱིས་མི་ཐུབ་པ། ཤྲཱི༽ ྈ༽ འགྱུར་བྱང་མ་འཁོད་པ། གདུགས་དཀར་མོ་ཅན་མཆོག་ཏུ་གྲུབ་པའི་གཟུངས་པཎྜི་ཏ་ས་ར་ཧེ་ཏ་དང༌། ལོ་ཙཱ་བ་གཟུ་དགའ་རྡོར་གྱིས་བསྒྱུར་བ་རྣམས་ཀྱི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། གོང་མ་ལྔ། དགའ་ལྡན་པ་བཀྲ་ཤིས་དཔལ། ཀུན་བསོད་པ། བག་སྟོན། འདིའི་རྗེས་སུ་གཞན་གྱིས་མི་ཐུབ་པའི་གཟུངས་ཡོད་ཀྱང་ལུང་མེད། ཤེས་རྡོར་མན་རྣམ་རྒྱལ་ངན་འགྲོ་ཡོངས་སྦྱོང་དང་འདྲ། ཡང་ན། ས་པཎ་ནས་རྒྱལ་ཚ་ཆོས་དབང༌། རོང་པ་ཤེར་སེང༌། བག་སྟོན་མན་འདྲ། ཡང་བག་སྟོན་ནས། མགོན་པོ་འབུམ། ནམ་མཁའ་རྒྱལ་མཚན། ས་བཟང་མ་ཏི། འཕགས་པ། འཇམ་དབྱངས་གྲགས་པ། བསོད་ནམས། ཤེས་རྡོར། ཤེས་རྒྱལ། དཔལ་ལྡན་རྡོ་རྗེ། དཀོན་མཆོག་འཕེལ། ལྷ་མཆོག་སེང་གེ །དགེ་ལེགས་བཤེས་གཉེན། ཤར་ཁང་པ། ཐར་རྩེ་ཁུ་དབོན། བཀའ་འགྱུར་བ་མན་འདྲ། ཡང་ན། བ་རི་བ་ནས་སུམ་པ་ལོ་ཙཱ། འབུམ་ལྔ་ལོ་ཙཱ། སྤང་ཁང་པ། གྲགས་སེང༌། བསོད་རིན་མཁན་པོ་གཞོན་ཡེ། རོང་པ་ཤེར་སེང་མན་འདྲ། ལྷ་ཡུལ་མ་ཆེ་བ་ལུང་མེད། གདུགས་དཀར་ལྷ་ཡུལ་མ་ཆུང་བ། ཤྲཱི༽ ཁུ༽ ྈ༽ མ་ཧཱ་ཛ་ནའི་རང་འགྱུར། གོང་དུ་ྈ་རྟགས་ཅན་གཉིས་ཀྱི་སྒོས་བརྒྱུད་ནི། བག་སྟོན་ཡན་ངན་འགྲོ་ཡོངས་སྦྱོང་ལྟར་ལ། དེ་ནས་མགོན་པོ་འབུམ། སྤུག་སྟོན། མཁན་ཤེས་རྡོར་མན་ཤྲཱི་རྟགས་ཅན་སྤྱི་དང་འདྲ། ཡང་ན། བྲམ་ཟེ་རིན་རྡོར། སཛྫ་ན། སྲས་མ་ཧཱ་ཛ་ན། གཉན་སྟོན། ཡེ་དབང༌། གདོང་སྔོན་པ། འབར་ཐོག་པ། ཕོ་རོག་ཆོས་རྡོར། མདོ་སྡེ་མགོན། ཡོལ་ཉི་འབུམ། ཡོལ་ལྕགས་སངས་རྒྱས། ཤེས་རྡོར་བ་མན་འདྲ། གཙུག་ཏོར་རྣམ་རྒྱལ་མའི་གཟུངས། ཤྲཱི༽ རྟོགས་པ་དང་བཅས་པ། ཡང་རྣམ་རྒྱལ་མའི་གཟུངས་ ཤྲཱི༽ རྟོགས་པ་དང་བཅས་པ་གཉིས་ཀྱི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་པ་གསུམ། བ་རི་བ། གོང་མ་ལྔ། རྒྭ་ལོ་ཡབ་སྲས། བག་སྟོན། ཤེས་རྡོར། ཆོས་ཤེར། བསོད་སེང༌། ཚལ་གྲགས་དོན་པ། རྔོག་བྱང་དཔལ། ཀུན་རྒྱལ། ནམ་མཁའ་དབང་ཕྱུག །འབུམ་རམ། མཚུལ་དབང༌། ཆོས་རྒྱལ་དོན་གྲུབ། དཀོན་མཆོག་ཡན་ལག །གྲགས་དོན་པ། ཚོགས་གཉིས་དཔལ་གྲུབ་མན་བ་རིས་བསྒྱུར་བའི་གཙུག་ཏོར་རྣམ་རྒྱལ་མའི་བརྒྱུད་པ་དང་འདྲ། ཡང་ན། སངས་རྒྱས། བྱམས་པ། ཐོགས་མེད་སྐུ་མཆེད། བྷ་གི་ཀིརྟི། ཚུལ་འབྱུང༌། བཻ་རོ་མན་གོང་དང་འདྲ། འདིའི་རྗེས་སུ་ཐར་ལོས་བསྒྱུར་བ་ཡོད་ཀྱང་མ་ཐོབ། ཀུན་ནས་སྒོར་འཇུག་པ་གཙུག་ཏོར་དྲི་མེད་དམ་ཚིག་ལ་རྣམ་པར་ལྟ་བའི་གཟུངས། ཛི་ན་དཱ་ན་ཡེ་ཤེས་སྡེ་གསུམ་གྱི་འགྱུར་གྱི་བརྒྱུད་པ་ནི་གསང་བའི་རིང་བསྲེལ་སོར་བཞག་གོ །གཙུག་ཏོར་འབར་བའི་ ཤྲཱི༽ ཁུ༽ ཝཾ༽ གཟུངས། ཤེས་རབ་ཐམས་ཅད་མཐར་ཕྱིན་པའི་ ཤྲཱི༽ ཁུ༽ ཝཾ༽ གཟུངས། མཆོད་རྟེན་གཅིག་བཏབ་ན་བྱེ་བར་འགྱུར་བའི་ ཤྲཱི༽ ཁུ༽ ཝཾ༽ གཟུངས། སྙིང་རྗེ་མཆོག་ཅེས་བྱ་བའི་ ཤྲཱི༽ ཁུ༽ ཝཾ༽ གཟུངས། ལྔ་པ་གཤེགས་རིགས་ཀྱི་ཁྲོ་བོ་ཁྲོ་མོའི་རྒྱུད་ལ། ཁྲོ་བོ་རྣམ་པར་རྒྱལ་བ་ཤིན་ཏུ་གསང་བའི་རྩ་རྒྱུད་དམ་གཤིན་རྗེ་སྤྲ་ཁོག་ཏུ་གྲགས་པ་རིམ་པར་ཕྱེ་བ་བདུན་པ་ཡན། ༼བ༽ པ་ལ། དེའི་འཕྲོས་རིམ་པར་ཕྱེ་བ་བཅུ་པ། ཕྱི་མའི་ཡང་ཕྱི་མ་དང་བཅས་པ་བསྡོམས་པས་ལེའུ་ཉེར་གཉིས་པ་འགྱུར་མ་བཀོད་པའི་བརྒྱུད་པ་ནི། རྡོ་རྗེ་འཆང༌། ཛྙཱ་ན་ཌཱཀི །ལ་ལཱི་ཏ་བཛྲ། ཨ་མོ་གྷ་བཛྲ་ཆེ་ཆུང༌། སྐྱོ་འོད་འབྱུང༌། གཙང་ཡང་དག་འབར། རྔོག་རྡོ་རྗེ་རྒྱལ་མཚན། གཟེ་དོན་ཡོད། ཁམས་ཤཱཀ་རྡོར། དབུས་པ་སངས་རྒྱས་འབུམ། ལོ་མཆོག་པ། བློ་ཆེན་པ། རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་མན་སངས་རྒྱས་མཉམ་སྦྱོར་དང་གཅིག །ཡང་ན། གཤིན་རྗེ་གཤེད། འཇམ་དཔལ་བཤེས་གཉེན། དྷ་ན་སཾ་སྐྲྀ། བ་སུ་དྷ་ར། སངས་རྒྱས་ཡེ་ཤེས། ཡོན་ཏན་རྒྱ་མཚོ། ཁྲོན་སྔགས་ཡོན་རྒྱམ་པ། ཁམས་པ་མི་ནུབ་རྒྱལ་བ་རྡོ་རྗེ་ ནང་མཆིམས་སྒོམ་པ། རྩ་སྐྱ་དཀོན་མཆོག་གྲགས། མཉམ་གད་པ། རྒྱ་གར་ཕན། སྲས་རྒྱ་གར་གྲགས། རྩ་སྐྱ་ཁྲི་བརྟན། དབུས་པ་སངས་རྒྱས་མན་གོང་དང་འདྲ། རྡོ་རྗེ་འཇིགས་བྱེད་ཀྱི་གཟུངས། ཤྲཱི༽ ཁུ༽ ཝཾ༽ པཎྜི་ཏ་དོན་ཡོད་རྡོ་རྗེའི་འགྱུར། བེ་ཅོན་ཆེན་པོའི་གཟུངས། ཤྲཱི༽ ཝཾ༽ ཛི་ནཱ་དཱ་ན་ཡེ་ཤེས་སྡེ་གསུམ་གྱི་འགྱུར། གཞན་གྱིས་མི་ཐུབ་པ་རིན་པོ་ཆེའི་ཕྲེང་བའི་གཟུངས། ཤྲཱི༽ ཁུ༽ ཝཾ༽ སུ་རེནྡྲ་བོ་དྷི་དང་ལོ་ཙཱ་བ་ཡེ་ཤེས་སྡེའི་འགྱུར། བར་དུ་གཅོད་པ་ཐམས་ཅད་ ཤྲཱི༽ ཁུ༽ ཝཾ༽ སྦྱོང་བའི་གཟུངས་ཛི་ནཱ་དཱ་ན་ཡེ་ཤེས་སྡེ་གསུམ་གྱི་འགྱུར། མི་འཇིགས་པ་སྦྱིན་པ། ཤྲཱི༽ ཁུ༽ ཝཾ༽ འགྱུར་བྱང་གོང་འདྲ། འགྲོ་ལྡིང་བའི་གཟུངས། ཤྲཱི༽ ཁུ༽ ཝཾ༽ འགྱུར་གོང་འདྲ། ཚིགས་སུ་བཅད་པ། ཤྲཱི༽ ཁུ༽ ཝཾ༽ གཉིས་པའི་གཟུངས། ཁྲོ་མོའི་སྐོར་ལ། རྒྱལ་མཚན་རྩེ་མོའི་དཔུང་རྒྱན་ཅེས་བྱ་བའི་གཟུངས་འགྱུར་གོང་མཚུངས་འདིའི་བརྒྱུད་པ་ནི། སངས་རྒྱས། འཇམ་དཔལ། ས་མནྟ་ཤྲཱི། ར་ཆོས་རབ། ར་ཡེ་ཤེས་སེང་གེ །ར་འབུམ་སེང༌། རྒྭ་ལོ་ཡབ་སྲས་གཉིས། སྲས་ཨཱ་ཀར་སིདྡྷི། སངས་རྒྱས་རིན་ཆེན། མཁན་ཤེས་རབ་རྡོ་རྗེ་ནས་བླ་མ་ཚོགས་གཉིས་དཔལ་གྲུབ་ཀྱི་བར་གསེར་འོད་ལྟར་ལ། དེ་ནས་གྲུབ་པ་རྡོ་རྗེ། སྨན་ལུང་པ། རྗེ་བཀའ་འགྱུར་བ་མན་འདྲ། གཞན་ཡང་བརྒྱུད་པའི་ཁྱད་པར་ཡོད་ཀྱང་རེ་ཞིག་དེ་ཙམ་མོ། །ལྷ་མོ་སྐུལ་བྱེད་མའི་གཟུངས། ཤྲཱི༽ ཁུ༽ ཝཾ༽ འགྱུར་བྱང་མེད་པ་རྣམས་སོ། །དྲུག་པ་གཤེགས་རིགས་ཀྱི་ཕོ་ཉ་ཕོ་མོའི་རྒྱུད་ལ། འཕགས་པ་སྒོ་བཟང་པོའི་གཟུངས། ཤྲཱི༽ ཁུ༽ ཝཾ༽ ཛི་ན་དཱ་ན་ཡེ་ཤེས་སྡེ་གསུམ་གྱི་འགྱུར། བུ་མང་པོ་རྟོན་པའི་གཟུངས། ཨེ༽ ཛྙཱ༽ ཉི༽ ཁྲ༽ འགྱུར་གོང་འདྲ། རོ་ལངས་བདུན་མའི་གཟུངས་མ་ཐོབ། མཚན་མོ་བཟང་པོའི་མདོ། ཤྲཱི༽ ཁུ༽ ཝཾ༽ ཛི་ན་དཱ་ན་ཡེ་ཤེས་སྡེ་གསུམ་གྱི་འགྱུར། མདངས་ཕྱིར་མི་འཕྲོག་པའི་ ཤྲཱི༽ ཝཾ༽ གཟུངས། མིག་རྣམ་པར་སྦྱོང་བའི་ ཤྲཱི༽ ཛྙཱ༽ ཉི༽ ཁྲ༽ རིགས་སྔགས། མིག་ནད་ ཨེ༽ ཛྙཱ༽ ཉི༽ ཁྲ༽ ྈ༽ ཞི་བྱེད། གཞང་འབྲུམ་ ཨེ༽ ཛྙཱ༽ ཉི༽ ཁྲ༽ ྈ༽ ཞི་བྱེད། ནད་ཐམས་ཅད་ ཨེ༽ ཛྙཱ༽ ཉི༽ ཁྲ༽ ཞི་བྱེད། རིམས་ནད་ཞི་བར་ དྷི༽ བྱེད་པའི་གཟུངས་རྣམས་འགྱུར་བྱང་མེད་པ། འཕགས་པ་རིམས་ནད་རབ་ཏུ་ཞི་བར་བྱེད་པའི་གཟུངས། ཨེ༽ ཛྙཱ༽ ཉི༽ ཁྲ༽ ྈ༽ དཱ་ན་ཛི་ན་ ཡེ་ཤེས་སྡེ་གསུམ་གྱི་འགྱུར། འབྲུམ་ནད་ཞི་བྱེད་མ་ཐོབ། མདངས་ཕྱིར་མི་འཕྲོག་པའི་གཟུངས། ཤྲཱི༽ ཁུ༽ ཝཾ༽ འགྱུར་བྱང་མ་འཁོད་པ། ཡངས་པའི་གྲོང་ཁྱེར་འཇུག་པའི་མདོ་སུ་རེནྡྲ་བོ་དྷི། ཡེ་ཤེས་སྡེའི་འགྱུར། འདིའི་བརྒྱུད་པ་ནི་མཆོད་པའི་སྤྲིན་ལྟར་རོ། །མི་རྒོད་རྣམ་པར་འཇོམས་པ ཨེ༽ ཛྙཱ༽ ཉི༽ ཁྲ༽ ྈ༽ ཞེས་བྱ་བའི་གཟུངས་དང༌། བར་དུ་གཅོད་པ་ཐམས་ཅད་སེལ་ ཤྲཱི༽ ཝཾ༽ བའི་གཟུངས་གཉིས་འགྱུར་བྱང་མ་འཁོད་པ། ཕོ་ཉའི་འཁོར་དུ་གཏོགས་པ་བཀའ་ཉན་ཕོ་མོ་ལ་མི་གཡོ་བའི་གཟུངས། དྷརྨ་ཤྲཱི་མི་ཏྲ་དང་ཆོས་བཟང་གི་འགྱུར་གྱི་བརྒྱུད་པ་ནི། སྤྱན་རས་གཟིགས། ཨ་ཝ་དྷཱུ་ཏི་པ། ཨ་དྷྭ་གུཔྟ། ཨ་ཤྭ་ཀ་ཤྲཱི། དྷརྨ་ཤྲཱི། འགར་ལོ། སྟོན་པ་ཤེར་རྒྱན་རྒྱ་ཡོན་བཟང༌། ས་ཕུག་པ་ཤཱཀ་ནོར། སངས་རྒྱས་འབུམ། ལོ་མཆོག །བློ་ཆེན། བག་སྟོན། ཤེས་རྡོར། ཆོས་སྒོ་བ། གྲགས་རྡོར་བ། ཚལ་གྲགས་དོན་པ་མན་ཆད་བརྒྱུད་ཚུལ་གཉིས་ཀ་རང་རང་གི་ལོ་གྱོན་མ་དང་འདྲ། ཡང་ན། ཐུབ་པ། འཇམ་དཔལ། ཛེ་ཏཱ་རི། རྡོ་རྗེ་གདན་པ་གསུམ། བ་རི་བ། མཆིམས་བརྩོན་སེང༌། གོན་ནེ་ཆོས་སེང༌། བློ་བརྟན། སངས་རྒྱས་འབུམ་མན་འདྲ། ཁྲོ་བོའི་རྒྱལ་པོ་རྟག་པ་བསྡུས་པའི་རྒྱུད་འགྱུར་བྱང་མེད་པའི་བརྒྱུད་པ་ནི། རྡོ་རྗེ་འཆང༌། སེང་ཧ་ད་ཡཾ། ཌོམྦི་པ། དྷརྨ་ཀིརྟི། ཇོ་བོ་རྗེ། འབྲོམ། དགོན་པ་བ། སྣེའུ་ཟུར་པ། བྱ་ཡུལ་པ། བསོད་སེང༌། མགོན་གྲགས། དབང་ཕྱུག་མགོན་པོ། སངས་རྒྱས་འབུམ་མན་མི་གཡོ་བའི་གཟུངས་དང་འདྲ། འཕགས་པ་གསེར་ཅན་གྱི་གཟུངས། ཤྲཱི༽ ཁུ༽ ཝཾ༽ ཛི་ན་དཱན་ཡེ་ཤེས་སྡེ་གསུམ་གྱི་འགྱུར། བདུན་པ་དེ་བཞིན་གཤེགས་སུ་བསྡུ་བའི་བྱང་སེམས་ལ། སྤྱན་རས་གཟིགས། བྱམས་པ། ནམ་སྙིང༌། ཀུན་ཏུ་བཟང་པོ། ལག་ན་རྡོ་རྗེ། འཇམ་དཔལ། སྒྲིབ་སེལ་པའི་སྙིང་པོ་རྣམས་ཀྱི་མཚན་བརྒྱ་རྩ་བརྒྱད་པ་ ཤྲཱི༽ ཁུ༽ ཝཾ༽ ཡ༽ གཟུངས་སྔགས་དང་བཅས་པ་རྣམས་ཀྱི་ནང་ནས། ལག་ན་རྡོ་རྗེའི་མཚན་བརྒྱ་རྩ་བརྒྱད་པའི་སྒོས་བརྒྱུད་ནི། སངས་རྒྱས། ཕྱག་རྡོར། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་ལོ། སོ་ཀུན་མཁྱེན། འཛམ་གླིང་རྒྱན་སོགས་ནས་ཆོས་དཔལ་ཤེས་རབ་ཀྱི་བར་སྨན་མདོའི་བརྒྱུད་ཚུལ་གསུམ་པ་སྟེང་ལོ་ཡོད་པ་ལྟར་ལ། དེ་ནས། གྲགས་རྡོར་གྲགས་དོན། ཤཱཀྱ་རྒྱལ་མཚན། རྡོ་གདན་པ། རྔོག་ཤེར་གྲགས། ཁམས་པ་དྲག་པོ་ཆེ་བ། ཀུན་རྒྱལ་པ། རྔོག་དཔལ་དོན། རྔོག་འཇམ་འོད། རྗེ་བཀའ་འགྱུར་བ་མན་ཆད་སྤྱི་དང་འདྲ། འཇམ་དཔལ་གྱི་མཚན་བརྒྱ་རྩའི་བརྒྱུད་པ་ནི་འཇམ་དཔལ་གྱི་མདོ་ཆུང་བརྒྱད་དང་འདྲ། བྱམས་པ་དམ་བཅས་པའི་གཟུངས་བཛྲ་པ་ཎི་དང་ཆོས་ཀྱི་ཤེས་རབ་ཀྱི་འགྱུར་གྱི་བརྒྱུད་པ་བག་སྟོན་ཡན་གཙུག་ཏོར་རྣམ་རྒྱལ་བ་རིའི་འགྱུར་དང་གཅིག་ལ། དེ་ནས། མགོན་འབུམ། སྤྲུག་སྟོན། ཤེས་རྡོར། ཆོས་སྒོ་བ། བསོད་སེང༌། ཚལ་གྲགས་དོན་པ་མན་མི་གཡོ་བའི་གཟུངས་དང་འདྲའོ། །དཀྱིལ་འཁོར་བརྒྱད་པའི་ ཡ༽ གཟུངས། ཛི་ན་དཱ་ན་ཡེ་ཤེས་སྡེ་གསུམ་གྱིས་བསྒྱུར་བའི་སྒོས་བརྒྱུད་ནི་ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་བཞིན་ནོ། །བདུད་རྩི་འབྱུང་བའི་གཟུངས་མ་ཐོབ། ཁ་ལ་མེ་འབར་སྐྱབས་མཛད་པའི། ཤྲཱི༽ ཁུ༽ ཝཾ༽ ཁ་ལ་མེ་འབར་དབུགས་དབྱུང་བའི་གཟུངས། འཇུར་གེགས་སེལ་བའི་གསུངས་ ཤྲཱི༽ ཝཾ༽ ཡེ་ཤེས་སྐར་མདའི་སྙིང་པོ། ཤྲཱི༽ ཁུ༽ ཝཾ༽ ཤེས་རབ་ ཤྲཱི༽ ཁུ༽ དྷི༽ ཝཾ༽ བསྐྱེད་པ། ཐོས་པ་འཛིན་ ཤྲཱི༽ ཁུ༽ དྷི༽ ང་༽ པའི་གཟུངས། རྒྱལ་བའི་བླ་མའི་ ཤྲཱི༽ ཁུ༽ ཡ༽ གཟུངས། བརྒྱད་པ་གནས་གཙང་མའི་ལྷ་ལ་སོགས་པའི་རྒྱུད་ལ། འདུས་པ་ཆེན་པོའི་མདོ་མ་ཐོབ། འཕགས་པ་ཆོས་ཀྱི་རྒྱ་མཚོ་ཞེས་པའི་གཟུངས། ཤྲཱི༽ ཁུ༽ ཝཾ༽ སུ་རེནྡྲ་བོ་དྷི་པྲཛྙཱ་ཝརྨ་སྡེ་གསུམ་གྱི་འགྱུར། གེགས་སེལ་བའི་གཟུངས། ཤྲཱི༽ མདོ་ཆེན་པོ་ཀུན་ཏུ་རྒྱུ་བ་དང་ཀུན་རྒྱུ་མ་ཡིན་པ་ལུང་མེད། སྤྲིན་ཆེན་མོ་ལས་ཆར་དབབ་པའི་ལེའུ་ཆོ་ག་དང་བཅས་པ་ཛི་ན་སུ་རེནྡྲ་ཡེ་ཤེས་སྡེ་གསུམ་གྱིས་བསྒྱུར་བ་དང༌། སྤྲིན་ཆེན་མོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་སྙིང་པོ་འགྱུར་གོང་དང་འདྲ་བ་གཉིས་ཀྱི་བརྒྱུད་པ་ནི་མདོ་མང་དུ་སྟོན་པ་བཞིན་ནོ། །ཀླུའི་རྒྱལ་པོ་གཟི་ཅན་གྱིས་ ཤྲཱི༽ ཁུ༽ ཝཾ༽ ཞུས་པའི་གཟུངས། གཟའ་ཡུམ། ཁུ༽ ཝཾ༽ འགྱུར་འདྲ་མིན་གཉིས་ནོར་རྒྱུན་མའི་ ཁུ༽ ཝཾ༽ གཟུངས་ཏེ་འདི་གཉིས་ཀྱི་སྒོས་བརྒྱུད་ནི། སངས་རྒྱས། ཕྱག་རྡོར། དགྲ་ལས་རྣམ་རྒྱལ། རྡོ་རྗེ་གདན་པ་གསུམ། བ་རི་བ། གོང་མ་ལྔ། རྒྭ་ལོ་ཡབ་སྲས། བག་སྟོན་མན་མི་གཡོ་བའི་གཟུངས་ལེའུ་དགུ་པ་ལྟར་རོ། །ནོར་རྒྱུན་མའི་ ཤྲཱི༽ ཝཾ༽ རྟོག་པའི་བརྒྱུད་པ་ནི། རྒྱལ་མཚན་རྩེ་མོའི་དཔུང་རྒྱན་གྱི་བརྒྱུད་ཚུལ་ཕྱི་མ་གཉིས་པོ་ལྟར་རོ། །ནོར་རྒྱུན་མའི་རྟོག་པ་ཆུང་བའི་ལུང་མེད། ཚོགས་ཀྱི་བདག་པོའི་ ཝཾ༽ སྙིང་པོ། དེའི་རྒྱུད་ཇོ་བོ་དང་འབྲོམ་གྱིས་བསྒྱུར་བ་གཉིས་ཀའི་བརྒྱུད་པ་ནི། རྒྱལ་པོ་ཨིནྡྲ་བོ་དྷི། རྒྱལ་པོ་གྲགས་པ། བོ་དྷི་ཨ་ཀ། རིན་ཆེན་འོད། ཡང་དག་སྦྱིན། རིན་འབྱུང་ཞི་བ། དཔལ་མར་མེ་མཛད། རྒྱ་བརྩོན་སེང༌། གྲུབ་ཐོབ་ཤོལ་པོ་བ། སངས་རྒྱས་དབོན་སྟོན། སངས་རྒྱས་སྟོན་ཚུལ། ཁྱུང་ཚང་པ་ཚུལ་ཁྲིམས་རྒྱལ་མཚན། ཉི་མ་རྒྱལ་མཚན། གྲུབ་བརྩོན། དཀའ་གཞོན་སེང༌། བཀྲ་ཤིས་བཟང་པོ། བསོད་ནམས་བཟང་པོ། སེང་དཔལ། བྲག་ཐོག་པ། བསོད་ནམས་བཟང་པོ། རྡོ་རྗེ་གདན་པ། ཀུན་རྒྱལ། ཚེ་དབང་བཀྲ་ཤིས། ཚར་པ་ཆོས་རྗེ། མཁྱེན་བརྩེའི་དབང་ཕྱུག །བསོད་ནམས་ཆོས་འཕེལ། དབང་ཕྱུག་རབ་བརྟན། རྗེ་བཀའ་འགྱུར་བ་མན་ཆད་འདྲའོ། །ནག་པོ་ཆེན་པོའི་རྒྱུད་དོན་ཡོད་རྡོ་རྗེ་དང་ལོ་ཙཱ་བ་ཕུར་བུ་འོད་ཀྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཤཱ་བ་རི། མཻ་ཏྲི་པ། ཁྱུང་པོ་རྣལ་འབྱོར། རྨོག་ལྕོག་པ། སྐྱེར་སྒང་པ། གཉན་སྟོན། སངས་རྒྱས་སྟོན་པ། ཤངས་སྟོན། རྒྱལ་མཚན་འབུམ། འཇག་ཆེན་བྱམས་དཔལ། བློ་གྲོས་དཔལ། ངག་དབང་བློ་གྲོས། མར་སྟོན་སེམས་དཔའ་ཆེན་པོ། དགེ་འདུན་བཀྲ་ཤིས་མན་བཙལ་དགོས་སོ། །ནག་པོ་ཆེན་པོ་ ཝཾ༽ ཞེས་བྱ་བའི་གཟུངས། འཕགས་པ་ནག་པོ་ཆེན་པོའི་གཟུངས། ཝཾ༽ རིམས་ནད་ཐམས་ཅད་ལས་ཐར་བར་བྱེད་པ། ལྷ་མོ་ནག་མོའི་ ཟུར༽ ཝཾ༽ གཟུངས། བསྟོད་པའི་རྒྱུད་ ཟུར༽ ཝཾ༽ མཚན་བརྒྱ་རྩ་བརྒྱད། ཟུར༽ ཝཾ༽ བརྒྱ་བྱིན་གྱིས་བསྟོད་པ། ཟུར༽ ཝཾ༽ དེ་རྣམས་ལས་ ཟུར༽ རྟགས་ཅན་གྱི་སྒོས་བརྒྱུད་ནི། སངས་རྒྱས། མཁའ་འགྲོ་མ་རྡོ་རྗེ་གུར། བྲམ་ཟེ་མཆོག་སྲེད། བདེ་བའི་རྡོ་རྗེ། ཤྲདྡྷཱ་ཀ་ར། ལོ་ཆེན་རིན་བཟང༌། ཡོན་ཏན་ཚུལ་ཁྲིམས། མལ་ལོ། གོང་མ་ལྔ། རྒྭ་ཨཱ་ནན་དམ་པ། བླ་མ་བདག་ཉིད་ཆེན་པོ། ནམ་མཁའ་ལེགས་པ། བླ་མ་དམ་པ། མཁན་ཤེས་རྡོར་བ། ཆོས་སྒོ་བ། བྲག་ཐོག་པ་མན་ཚོགས་བདག་དང་འདྲ། ཡང་ན། རྡོ་རྗེ་འཆང༌། བྲེམ་ཟེ་མཆོག་སྲེད། ལ་ལཱི་ཏི། ནག་པོ་རོ་ཟན། གྱི་ལྗང་ལོ་ཙཱ། རྡོ་རྗེ་སེང་གེ །རྡོ་རྗེ་རྒྱལ་མཚན། རིན་ཆེན་སེང་གེ །སེང་གེ་དཔལ། ཆོས་རིན། དམར་བསོད་འཕེལ། སངས་རྒྱས་འབུམ། དགའ་ལྡན་པ་བཀྲ་ཤིས་དཔལ་མན་གདུགས་དཀར་མཆོག་གྲུབ་བཞིན་ནོ། །གཉིས་པ་པདྨའི་རིགས་ཀྱི་རྒྱུད་ལ། རིགས་ཀྱི་གཙོ་བོ་སོགས་ལྔ་ལས། དང་པོ་ལ་ཚེ་དཔག་མེད་ཀྱི་མདོ་པུཎྱེ་སཾ་བྷ་དང་པ་ཚབ་ཀྱིས་བསྒྱུར་བའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། དོན་ཡོད་རྡོ་རྗེ་མཆེད། བ་རི་ལོ་ཙཱ། གོང་མ་ལྔ། རྒྱལ་མཚན་ཆོས་དབང༌། རོང་པ་ཤེར་སེང༌། བག་སྟོན། མགོན་པོ་འབུམ། རྣམ་རྒྱལ་བ། མ་ཏི་བ། འཕགས་པ། ངོར་ཆེན། ཀུན་དགའ་དབང་ཕྱུག །དཀོན་མཆོག་འཕེལ། དཀོན་མཆོག་ལྷུན་གྲུབ། ནམ་མཁའ་དཔལ་བཟང༌། དཔལ་ལྡན་དོན་གྲུབ། བཀའ་འགྱུར་བ་མན་འདྲ། གཞན་ཡང་བརྒྱུད་པའི་རྣམ་གྲངས་ཡོད་ཀྱང་རེ་ཞིག་དེ་ཙམ་མོ། །ཚེ་མདོ་ཆུང་བ་ཨོཾ་གཉིས་ ཤྲཱི༽ དང༌། ཨོཾ་གསུམ་མ། འཆི་མེད་རྔ་སྒྲ་རྣམས་ཀྱི་བརྒྱུད་པ་ནི། ཚེ་མདོ་སོར་བཞག་གོ །སྣང་བ་མཐའ་ཡས་ཀྱི་གཟུངས། ྈ༽ སྣང་མཐའ་རྗེས་སུ་དྲན་པའི་གཟུངས། ྈ༽ ཡོན་ཏན་བསླབ་པ་དཔག་ཏུ་མེད་པའི་ ཤྲཱི༽ དུ༽ གཟུངས། བདེ་ལྡན་སྙིང་པོའི་གཟུངས། ྈ༽ རྣམས་འགྱུར་བྱང་མ་འཁོད་པ། དེ་དག་ལས་ྈ་རྟགས་ཅན་གསུམ་གྱི་བརྒྱུད་པ་ནི། སྣང་མཐའ། ཛེ་ཏཱ་རི། བྱང་ཆུབ་བཟང་པོ། ཏིང་ངེ་འཛིན་བཟང་པོ། རྡོ་རྗེ་གདན་པ། བ་རི་ལོ་ཙཱ། མཆིམས་བརྩོན་སེང༌། མཆིམས་ཀུན་མཁྱེན། བདེ་བའི་རྡོ་རྗེ། དབུས་པ་བློ་གསལ། ལོ་མཆོག །བློ་ཆེན། བག་སྟོན་མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་ཇི་ལྟ་བའོ། །གཉིས་པ་རིགས་ཀྱི་འཁོར་ལོའི་བསྒྱུར་བ་ལ། སྤྱན་རས་གཟིགས་ཀྱི་རྩ་རྒྱུད་པདྨ་དྲྭ་བ་སོ་མ་ཤྲཱི་བྷ་དྲ་དང༌། ཀྱུ་ར་ཚུལ་ཁྲིམས་འོད་ཟེར་གྱིས་བསྒྱུར་བའི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། མཆིམས་པ་ལྔ། སངས་རྒྱས་འབུམ། ལོ་མཆོག །བློ་ཆེན། གར་ཐིག་པ། ཤེས་རྡོར་བ་མན། ལོ་གྱོན་མ་དང་འདྲ། ཡང་ན། སྤྱན་རས་གཟིགས། བྱམས་པ། གསེར་གླིང་པ། དྷརྨ་ཤྲཱི་བྷ་དྲ། འགར་ཆོས་བཟང༌། གླན་ཤེས་རྒྱལ། དབས་བྱང་སེམས། གར་དམར་བ། དར་མ་ཡེ་ཤེས། ཡོལ་ཆོས་དབང༌། ལོ་མཆོག་མན་འདྲ། ཡང་ན། ཐུགས་རྗེ་ཆེན་པོ། ཚུལ་ཁྲིམས་འབྱུང་གནས། བཻ་རོ་ཙ་ན། རྡོ་རྗེ་གདན་པ་ཆེ་ཆུང༌། བི་ཁྱཱ་ཏ་དེ་ཝ། ཤཱཀྱ་ཤྲཱི། ཡུག་དར་བྱང༌། ཞང་ཆོས་རྒྱལ། བྱ་རིན་འོད། བློ་ཆེན་མན་གོང་འདྲ། དོན་ཡོད་ཞགས་པའི་སྙིང་པོ་ཞེས་བྱ་བ་ཨ་མོ་གྷ་བཛྲ་དང་བ་རི་ལོ་ཙཱའི་འགྱུར། དོན་ཡོད་ཞགས་པའི་སྙིང་པོ་ཞེས་བྱ་བའི་གཟུངས་འགྱུར་བྱང་མ་འཁོད་པ། ༼མ༽ པ་ལ། དོན་ཡོད་ཞགས་པའི་ཆོ་ག་ཞིབ་མོ་འགྱུར་འཕྲོས་བམ་པོ་ཉེར་བཞི་པ་ཧོར་ཁོངས་རྣམས་བསབས་ཤིང་འཕྲོས་བུ་སྟོན་རིན་པོ་ཆེས་བསྒྱུར་བ་སྟེ་བམ་པོ་ཉེར་ལྔ་པ་ཡིན། ༼ཙ༽ པ་ལ། དེའི་འཕྲོས་ཡོངས་སུ་རྫོགས་པ་ཚང་བར་བཞུགས་པའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། སུམ་པ་ལོ་ཙཱ། ཞང་གྲགས་སེང༌། རིན་ཆེན་འབུམ། དཀོན་བློ། བག་སྟོན། མཁན་ཤེས་རྡོར་བ་མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་བཞིན་ནོ། །དོན་ཡོད་ཞགས་པའི་ཕར་ཕྱིན་དྲུག་རྫོགས་པར་བྱེད་པའི་གཟུངས་མཉྫུ་ཤྲཱི་ཝརྨ་དང་བློ་ལྡན་ཤེས་རབ་ཀྱི་འགྱུར། གོང་གསལ་དོན་ཡོད་ཞགས་པའི་སྙིང་པོ་དང༌། སྙིང་པོའི་གཟུངས་ཕྱིན་དྲུག་རྫོགས་བྱེད་བཅས་གསུམ་གྱི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་ཆེ་ཆུང༌། བ་རི་ལོ་ཙཱ། ས་ཆེན། གྲགས་པ་པཎྜི་ཏ། རྒྱལ་ཚ་ཆོས་དབང༌། རོང་པ་ཤེར་སེང༌། ལོ་མཆོག །བློ་ཆེན། བག་སྟོན། མཁན་ཤེས་རྡོར་བ་མན་མི་གཡོ་བའི་གཟུངས་ལེའུ་དགུ་པ་དང་གཅིག་པ། ས་བཅུ་པའི་གཟུངས་ཕན་ཡོན་དང་བཅས་པ། དོན་ཞགས་ཀྱི་རྟོག་པའི་རྒྱལ་པོ་གཉིས་མ་ཐོབ། སྤྱན་རས་གཟིགས་དབང་ཕྱུག་ལག་སྟོང་མིག་སྟོང་གི་ཆོ་ག་ཞིབ་མོ། །འདིའི་བརྒྱུད་པ་ནི་དོན་ཞགས་སྙིང་པོའི་མདོ་སོགས་ཀྱི་བརྒྱུད་པ་དང་གཅིག་གོ །སྤྱན་རས་གཟིགས་ཕྱག་སྟོང་སྤྱན་སྟོང་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས་འགོས་ཆོས་འགྲུབ་འགྱུར་གྱི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། རྡོར་གདན་པ་ཆེ་ཆུང༌། བ་རི་ལོ་ཙཱ། སུམ་པ་ལོ་ཙཱ། རྒྱ་དྷརྨ། ཞང་གྲགས་སེང༌། རིན་འབུམ། ཕག་ཁུར་བ། དཀོན་མཆོག་བླ་མ། བག་སྟོན་པ་མན་མི་གཡོ་བའི་གཟུངས་ལེའུ་དགུ་པ་སོར་བཞག་གོ །འཕགས་པ་སྤྱན་རས་གཟིགས་དབང་ཕྱུག་གསང་བའི་མཛོད་ཐོགས་པ་མེད་པ་ཡིད་བཞིན་གྱི་འཁོར་ལོའི་སྙིང་པོ་ལེའུ་དྲུག་པ་འགྱུར་གོང་འདྲ། ཞལ་བཅུ་གཅིག་པ་ཞེས་བྱ་བའི་གཟུངས། བཅུ་གཅིག་ཞལ་གྱི་རིག་སྔགས་ཀྱི་སྙིང་པོ། ཡང་དེའི་སྙིང་པོ་དང་གཟུངས། ནི་ལ་ཀཥྛའི་གཟུངས་ཏེ་བཞི་པོ་ལུང་མ་ཐོབ། གོང་གསལ་གཉིས་ཀྱི་བརྒྱུད་པ་ནི། སྤྱན་རས་གཟིགས། ཀླུ་སྒྲུབ་ཡབ་སྲས། ཟླ་གྲགས། ལ་ལཱི་ཏ། ཙརྻ་བཛྲ། ཇོ་བོ་རྗེ། ནག་ཚོ་ལོ་ཙཱ། རྒྱ་ལྕགས་རི་བ། ནལ་པ་ཙ་རི་གོང་མ། ཡོལ་ཆོས་དབང༌། གཉན་སྟོན་ཁུག་པ། གནས་བརྟན་གཞོན་སེང༌། ལ་སྟོད་དབང་རིན། ཤཱཀ་རྡོར། སངས་རྒྱས་འབུམ། ལོ་མཆོག་པ། བློ་ཆེན་པ། བག་སྟོན་གཞོན་ཚུལ་མན་མི་གཡོ་བའི་གཟུངས་ལེའུ་དགུ་པ་དང་གཅིག་གོ །སྙིང་རྗེ་མི་བཤོལ་བའི་གཟུངས། ཀུན་ཏུ་བཟང་པོ་ཞེས་བའི་གཟུངས། འཇིག་རྟེན་དབང་ཕྱུག་གི་རྟོག་པ་མ་ཐོབ། གོང་གསལ་གཉིས་ཀྱི་བརྒྱུད་པ་ནི་དོན་ཞགས་ཀྱི་སྙིང་པོའི་མདོ་སོགས་ཀྱི་བརྒྱུད་པ་དང་གཅིག་གོ། །པདྨ་ཅོད་པན་གྱི་རྒྱུད་དྷརྨ་མི་ཏྲ་དང་ལོ་ཙཱ་བ་ཆོས་ཀྱི་བཟང་པོའི་འགྱུར་གྱི་བརྒྱུད་པ་ནི་དམ་ཚིག་གསུམ་བཀོད་སོར་བཞག་གོ། །སྤྱན་རས་གཟིགས་སེང་གེའི་སྒྲའི་རྒྱུད། ཤྲཱི༽ ཁུ༽ པྲཛྙཱ་ཀ་ར་དང་འགོས་ཀྱི་འགྱུར། སེང་གེའི་སྒྲའི་གཟུངས། ཤྲཱི༽ ཁུ༽ རྡོ་རྗེ་སེམས་མ་དང་འགར་ཤེས་འབྱུང་གི་འགྱུར། སེང་གེའི་སྒྲས་དམ་བཅས་པའི་གཟུངས་ངག་གི་དབང་ཕྱུག་དང་ཀློག་སྐྱ་ཤེར་བརྩེགས་ཀྱིས་བསྒྱུར་བ་ནི། སྤྱན་རས་གཟིགས། ཙནྡྲ་གོ་མི། ནཱ་རོ་པ། ཕམ་ཐིང་སྐུ་མཆེད། ཨ་དྷཱུ་ལ་དྷ་ས་བཛྲ། མེཉྫུ་གླིང་པ། མལ་ལོ་ཙཱ་བ། རྗེ་བཙུན་ཡབ་སྲས། ས་པཎ། རྒྱལ་ཚ་ཆོས་དབང༌། རོང་པ་ཤེར་སེང༌། བག་སྟོན་མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་དང་གཅིག་གོ། །སྤྱན་རས་གཟིགས་ཀྱི་མཚན་བརྒྱ་རྩ་བརྒྱད་ནི། ཤྲཱི༽ ཁུ༽ ཝཾ༽ འགྱུར་བྱང་མ་འཁོད་པ། ཡང་ཚིག་ལྷུག་པ་ཅན་ཞིག་ཡོད་ཀྱང་གོང་དཀར་བའི་གསན་ཡིག་ན་ལུང་རྒྱུན་མེད་ཅེས་གསུངས། ལུས་ཀྱི་དབྱིབས་མཛེས་པའི་ ཤྲཱི༽ ཁུ༽ ཝཾ༽ གཟུངས་པྲཛྙཱ་ཝརྨ་དང་ཡེ་ཤེས་སྡེའི་འགྱུར། གཞན་གྱིས་མི་ཐུབ་པ། ཤྲཱི༽ ཁུ༽ ཝཾ༽ མི་འཇིགས་སྦྱིན་པ་ཞེས་བྱ་བའི་གཟུངས་འགྱུར་གོང་འདྲ། སྟོང་འགྱུར་ ཨེ༽ ཛྙཱ༽ ཉི༽ ཁྲ༽ གྱི་གཟུངས། ཤློ་ཀ་བརྒྱ་ལོབས་པའི་གཟུངས། ཨེ༽ ཛྙཱ༽ ཉི༽ ཁྲ༽ སྟོང་ལོབས་པའི་ ཨེ༽ ཛྙཱ༽ ཉི༽ ཁྲ༽ གཟུངས། སུམ་སྟོང་ལོབས་པའི་ ཛྙཱ༽ ཉི༽ ཁྲ༽ གཟུངས། མི་བརྗེད་པའི་ ཤྲཱི༽ ཁུ༽ ཝཾ༽ ཝཾ༽ གཟུངས། ཤེས་རབ་བསྐྱེད་པའི་ ཨེ༽ ཛྙཱ༽ ཉི༽ ཁྲ༽ གཟུངས། འདི་འོག་ཏུ་ཤེས་རབ་བསྐྱེད་པའི་གཟུངས་ཟུར་པ་ཞིག་འདུག་པ་མ་ཐོབ། ཐོས་པ་འཛིན་པའི་ ཨེ༽ ཛྙཱ༽ ཉི༽ ཁྲ༽ གཟུངས། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་སེམས་ཅན་ཐམས་ཅད་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་ཀུན་ཏུ་སྟོན་པ་ཞེས་བྱ་བའི་གཟུངས་ཛི་ན་མི་ཏྲ་སུ་རེནྡྲ་བོ་དྷི་ཡེ་ཤེས་སྡེ་གསུམ་གྱི་འགྱུར། ཡིད་བཞིན་ནོར་བུའི་རྟོག་པ་ལས་བྱུང་བའི་སྨོན་ལམ་མ་ཐོབ། འདིའི་བརྒྱུད་པ་ནི། སངས་རྒྱས། འཇམ་དཔལ། ཀླུ་སྒྲུབ་ཡབ་སྲས། འཇམ་དཔལ་གྲགས་པ། རིན་འབྱུང་ཞི་བ། སཽ་རི་པ། ཨ་བྷ་ཡ། དགེ་འབྱུང་སྦས་པ། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་ལོ། སོ་ཀུན་ཤེས། སོ་འཛམ་གླིང་རྒྱན། ལྷོ་ཀུན་མཁྱེན། ཀོ་ནག་པ། ཤངས་གྲགས་སེང༌། ཞང་ཀུན་འབུམ། ཕག་ཀུན་ཡེ། བག་སྟོན། མགོན་པོ་འབུམ། སྤྲུ་སྟོན། ཤེས་རྡོར། ཆོས་སྒོ་བ། བསོད་སེང༌། གྲགས་དོན། རིན་གྲགས། བཀའ་འགྱུར་བ་མན་ཆད་འདྲ། ཐུགས་རྗེ་ཆེན་པོའི་གཟུངས། ཁུ༽ ཕན་ཡོན་དང་བཅས་པ་འབྲོག་མིའི་འགྱུར། གསུམ་པ་རིགས་ཀྱི་ཡུམ་ལ། ༼ཙ༽ པའི་མཐར་སྒྲོལ་མ་རལ་པ་གྱེན་བརྫེས་ཀྱི་རྒྱུད་ཡོད་པ་ལུང་མེད། ༼ཚ༽ པའི་མཐར་དེའི་འཕྲོས་ཚང་བ་དང༌། སྤྱན་རས་གཟིགས་ཀྱི་ཡུམ་ཛི་ན་དཱ་ན་ཡེ་ཤེས་སྡེའི་འགྱུར་གྱི་བརྒྱུད་པ་ནི་དོན་ཞགས་ཕར་ཕྱིན་དྲུག་རྫོགས་པ་དང་འདྲ། སྒྲོལ་མ་ལས་སྣ་ཚོགས་འབྱུང་བ་དྷརྨ་ཤྲཱི་མི་ཏྲ་དང༌། ཆོས་ཀྱི་བཟང་པོས་བསྒྱུར་བའི་བརྒྱུད་པ་ནི། རྗེ་བཙུན་མ། ཀླུ་སྒྲུབ། པཱ་ལི་ཏ་པ། སངས་རྒྱས་ཡེ་ཤེས། མར་མེ་མཛད། ཤྲཱི་སུ་ཁ། བི་མ་ལ་གུཔྟ། ཁ་ཆེ་རིན་རྡོར། རཏྣ་ཀིརྟི། སེནྡ་པ་ཆེན་པོ། གཉན་དར་མ་གྲགས། གནམ་ཁའུ་པ། ས་ཆེན་ཡབ་སྲས་གསུམ། ས་པཎ། བྱང་དཔལ། བདེ་དཔལ། ཀ་གྲགས་གཞོན། བསོད་གྲགས། གྲགས་ཚུལ། ཤེས་རྡོར། རྒྱལ་བཟང་པ། བྱང་སེང༌། ཡེ་རྒྱན། ངོར་ཆེན། ཀུན་དབང༌། དཀོན་འཕེལ། དཀོན་ལྷུན། ཐར་རྩེ་ནམ་མཁའ་དཔལ་བཟང༌། བདེ་ལྡན་རྡོ་རྗེ། བཀའ་འགྱུར་བ་མན་འདྲ། ཡང་མཚན་བརྒྱ་རྩ་བརྒྱད་སྒྲོལ་མ་མཆོག་ཅེས་པའི་གཟུངས་ཆོ་ག་དང་བཅས་པ། སྒྲོལ་མའི་གཟུངས། སྒྲོལ་མས་དམ་བཅས་པའི་གཟུངས་གསུམ་གྱི་བརྒྱུད་པ་ནི། དབུས་པ་སངས་རྒྱས་འབུམ་ཡན་ལས་སྣ་ཚོགས་འབྱུང་བའི་བརྒྱུད་པ་དང་པོ་ལྟར་ལ། དེ་ནས་ལོ་མཆོག །བློ་ཆེན། བག་སྟོན། ཤེས་རྡོར་པ་མན་མི་གཡོ་བའི་གཟུངས་ལེའུ་དགུ་པ་དང་འདྲ། ཡང་ན། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་པ་ཆེ་ཆུང༌། བ་རི་བ། ས་སྐྱ་པ་དཀར་པོ་གསུམ། ས་པཎ། རྒྱལ་ཚ་ཆོས་དབང༌། རོང་པ་ཤེར་སེང༌། བག་སྟོན་མན་འདྲ། ཡང་ན། བ་རི་བ། སུམ་ལོ། འབུམ་ལོ། གྲགས་རྒྱལ། གྲགས་སེང༌། བསོད་རིན། དོན་རིན། གཞོན་ཡེ། རོང་པ་ཤེར་སེང་མན་འདྲ། ཡང་ན། སངས་རྒྱས། ཕྱག་རྡོར། ཀྲིཥྞའི་གོས་ཅན། ཉི་སྦས། རྒྱ་མཚོ་སྐྱོང༌། དགྲ་ལས་རྣམ་རྒྱལ། ངག་དབང་གྲགས་པ། དད་བྱེད་གོ་ཆ། ཏ་ཐཱ་ག་ཏ་རཀྵི་ཏ། སུ་ཅར་ལོ་ཙཱ། དབང་རིན། བློ་བརྟན། ནམ་གྲགས་པ། ལོ་མཆོག་པ། བག་སྟོན་མན་གོང་བཞིན་ནོ། །གྲགས་ལྡན་མའི་ ཤྲཱི༽ ཁུ༽ ཝཾ༽ གཟུངས། བཞི་པ་རིགས་ཀྱི་ཁྲོ་བོ་ཁྲོ་མོ་ལ། ཧ་ཡ་གྲཱི་བའི་གཟུངས་ཀྱི་བརྒྱུད་པ་ནི། དོན་ཞགས་སྙིང་པོའི་མདོ་དང་གཅིག་གོ། །པརྞ་ཤ་བ་རིའི་གཟུངས་མ་ཐོབ། ལོ་གྱོན་མའི་གཟུངས་སྠ་བིར་དང་བ་རིའི་འགྱུར་གྱི་བརྒྱུད་པ་ནི། རིག་པའི་ལྷ་མོ། དེས་བྱིན་གྱིས་བརླབས་པ་རཏྣ་ཀ་ར་གུཔྟ། མཉྫུ་ཀིརྟི། ས་མཱནྟ་ཤྲཱི། ར་ཆོས་རབ། ར་ཡེ་སེང༌། ར་འབུམ་སེང༌། རྒྭ་ལོ་ཡབ་སྲས། བག་སྟོན། ཤེས་རྡོར། ཆོས་སྒོ་བ། བསོད་སེང༌། ཚལ་གྲགས་དོན་པ་མན་མི་གཡོ་བའི་གཟུངས་ལེའུ་དགུ་པ་དང་གཅིག་གོ། །ལྔ་པ་རིགས་ཀྱི་བཀའ་ཉན་ཕོ་མོ་ལ། ཕྱིར་ཟློག་པ་སྟོབས་ཅན་ ཤྲཱི༽ ཁུ༽ ཝཾ༽ ཞེས་པའི་གཟུངས། ལྷ་མོ་སྒྲ་དབྱངས་ལ་ ཤྲཱི༽ ཁུ༽ ཝཾ༽ བསྟོད་པ། ལྷ་མོ་དཔལ་ལུང་ ཤྲཱི༽ ཁུ༽ ཝཾ༽ དཔལ་ཆེན་མོའི་ ཤྲཱི༽ ཝཾ༽ མདོ། མཚན་བཅུ་གཉིས་ ཤྲཱི༽ ཁུ༽ ཝཾ༽ པ་ཛི་ན་སོགས་ཀྱི་འགྱུར། མཆོག་ཐོབ་པའི་རིག་སྔགས་ ཤྲཱི༽ ཝཾ༽ ཞེས་བྱ་བ། ལྷ་མོ་དུང་ཅན་མའི་སྙིང་པོ། གསུམ་པ་རྡོ་རྗེ་རིགས་ཀྱི་རྒྱུད་ལ། རིགས་གཙོ་སོགས་ལྔ་ལས། དང་པོ་ནི། ལས་སྒྲིབ་སྦྱོང་བའི་མི་འཁྲུགས་པའི་གཟུངས་འགྱུར་བྱང་མ་འཁོད་པའི་བརྒྱུད་པ་ནི་ལས་སྒྲིབ་སྦྱོང་བའམ། གསང་བ་རིང་བསྲེལ་ཇི་ལྟ་བའོ། །གཉིས་པ་རིགས་ཀྱི་བདག་པོའི་རྒྱུད་ལ། རྡོ་རྗེ་ས་འོག་གི་རྒྱུད་ས་པཎ་གྱིས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ཕྱག་ན་རྡོ་རྗེ། ས་ར་ཧ། ཀླུ་སྒྲུབ་ཡབ་སྲས། མ་ཏཾ་གི་པ། བི་ཁྱཱ་ཏ་དེ་ཝ། ཁ་ཆེ་པཎ་ཆེན། སུ་ག་ཏ་ཤྲཱི། ས་པཎ། སྐྱོབ་པ་དཔལ། རྒྱལ་བ་ལུང་མང་པོ། ལོ་མཆོག །བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་མན་མཉམ་སྦྱོར་བཞིན་ནོ། ༼ཛ༽ །པ་ལ། ཕྱག་ན་རྡོ་རྗེ་རིག་པ་མཆོག་གི་རྒྱུད་བིདྱཱ་ཀ་ར་པྲ་བྷ་དང་དཔལ་བརྩེགས་ཀྱི་འགྱུར་གྱི་བརྒྱུད་པ་ནི། ས་པཎ་ཡན་རྡོ་རྗེ་ས་འོག་གི་བརྒྱུད་པ་ལྟར་ལ། དེ་ནས་སློབ་དཔོན་མགོན། སངས་རྒྱས་འབུམ། ལོ་མཆོག །བློ་ཆེན། བག་སྟོན། མགོན་པོ་འབུམ། འབྲོམ་ནམ་རྒྱལ་བ། མ་ཏི་མན་སངས་རྒྱས་མཉམ་སྦྱོར་སོར་བཞག་གོ། །ཡང་ན། སངས་རྒྱས། ཕྱག་རྡོར། རབ་གསལ་ཟླ་བ། ཛྙཱ་ན་བཛྲ། ཨཱ་ནནྟ་གརྦྷ། པྲཛྙཱ་བོ་དྷི། མུཀྟི་ཀོ་ཥ། ཤྲཱདྡྷ་ཀ་ར། ལོ་ཆེན་རིན་བཟང༌། ལོ་ཆུང་ལེགས་ཤེར། སུམ་སྟོན་ཡེ་འབར། འོད་སྟོན་ལྷ་དབང༌། འོར་སངས་འབར། ལྷོ་ཏིང་དཔལ། ཀིག་ཆོས་སེང༌། ཀིག་ཆོས་མགོན། སངས་རྒྱས་འབུམ་མན་གོང་དང་འདྲ། འབྱུང་པོ་འདུལ་བྱེད་ཀྱི་རྒྱུད་བུདྡྷཱ་ཀ་ར་ཝརྨ་དང་ཆོས་ཤེར་གྱིས་བསྒྱུར་བའི་བརྒྱུད་པ་ནི་ལག་ན་རྡོ་རྗེ་བེ་ཅོན་ཅན་དང་འདྲ། གོས་སྔོན་ཅན་གྱི་ཆོ་ག་དང་བཅས་པའི་གཟུངས་ཛྙཱ་ན་གརྦྷ་དང་ཀླུའི་དབང་པོས་བསྒྱུར་བའི་བརྒྱུད་པ་ནི། རྡོ་རྗེ་འཆང༌། ལག་ན་རྡོ་རྗེ། ཇོ་བོ། རྒྱ་བརྩོན་སེང༌། རོང་འགར་དགེ །འཛད་ཉང་ཕུ་བ། མལ་ལོ་ཙཱ་བ། རྗེ་བཙུན་ཡབ་སྲས། ཆོས་རྗེ་ཁུ་དབོན། རྒྱ་ཚ་ཆོས་དབང༌། ཤེར་སེང༌། བག་སྟོན་མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་དང་གཅིག་གོ །གོས་སྔོན་པོའི་མཚན་བརྒྱ་རྩ་བརྒྱད་པ། ཤྲཱི༽ འགྱུར་བྱང་མ་འཁོད་པ། རྡོ་རྗེ་སྙིང་པོ་རྒྱུད་ཀྱི་ཡ་གྱལ་རྡོ་རྗེ་རྣམ་འཇོམས་ཞེས་བྱ་བ་ཛི་ན་སོགས་ཀྱི་བསྒྱུར་བའི་བརྒྱུད་པ་ནི། ཐུབ་པ། འཇམ་དཔལ། ཛེ་ཏཱ་རི། རྡོ་རྗེ་གདན་པ་ཆེ་ཆུང༌། བ་རི་བ། གོང་མ་ལྔ། འུ་ཡུག་པ་བསོད་སེང༌། རི་ཤཱཀ་སེང༌། ལྷ་སྡིང་པ་དབང་ཕྱུག་རྒྱལ་མཚན། ས་བཟང་མ་ཏི། འཕགས་པ་འཇམ་དཔལ་གྲགས་པ། བསོད་རྒྱལ། འཇམ་དབྱངས་ཆོས་རྗེ། དཔལ་ལྡན་རྡོ་རྗེ། བྱ་འགྱུར་བ་བསོད་སེང༌། རུ་ཐོག་པ་ནམ་བརྗིད། དབང་ཕྱུག་རབ་བརྟན། རྗེ་བཀའ་འགྱུར་བ་མན་འདྲ། བཤད་རྒྱུད་རི་རབ་ཆེན་པོའི་རྩེ་མོར་ཁང་པ་བརྩེགས་པའི་གཟུངས་ཤཱི་ལེནྡྲ་སོགས་ཀྱིས་བསྒྱུར་བའི་བརྒྱུད་པ་ནི། སངས་རྒྱས། འཇམ་དཔལ། ཀླུ་སྒྲུབ་ཡབ་སྲས། འཇམ་དཔལ་གྲགས་པ། ཤཱནྟི་པ། སཽ་རི་པ། ཨ་བྷ་ཡཱ་ཀ་ར། དགེ་འབྱུང༌། རྡོར་གདན་པ་གསུམ། བ་རི་བ། གོང་མ་ལྔ། རྒྭ་ལོ་ཡབ་སྲས། བག་སྟོན། ཐོག་སྟོན། མཁན་རིན་པ། རྒྱ་མ་བ། རྒྱ་སྟོན་ཟླ་ལྷ། རིན་བསོད་རྒྱལ། འོམ་ཤེར་རྒྱལ། དཔལ་ལྡན་རྡོ་རྗེ་མན་རྣམ་འཇོམས་དང་འདྲ། ཡང་ན། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་པ་ཆེ་ཆུང༌། བ་རི་མན་གོང་བཞིན་ནོ། །གསུམ་པ་རིགས་ཀྱི་ཡུམ་ལ། ༼ཝ༽ པ་ལ། རྡོ་རྗེ་མི་ཕམ་མེ་ལྟར་འབར་བ་རབ་ཏུ་རྨོངས་ཞེས་པའི་གཟུངས་ཛི་ན་མི་ཏྲ་དཱ་ན་ཡེ་ཤེས་སྡེའི་འགྱུར་གྱི་བརྒྱུད་པ་ནི། བག་སྟོན་ཡན་རྣམ་འཇོམས་བཤད་རྒྱུད་ཀྱི་བརྒྱུད་ཚུལ་ཕྱི་མ་ལྟར་དང༌། དེ་ནས་ཤེས་རྡོར་བ། ཆོས་སྒོ་བ། གྲགས་རྡོར་བ། གྲགས་དོན་པ་མན་མི་གཡོ་བའི་གཟུངས་ལེའུ་དགུ་པ་དང་མཚུངས། བཞི་པ་རིགས་ཀྱི་ཁྲོ་བོ་ཁྲོ་མོ་ལ། རྡོ་རྗེ་ཐོགས་མེད་ཕྲ་མོ། ལག་ན་རྡོ་རྗེ་བཅུའི་སྙིང་པོ། བདུད་རྩི་ཐབ་སྦྱོར་གསུམ་མ་ཐོབ། ལྔ་པ་རིགས་ཀྱི་ཕོ་ཉ་དང་བཀའ་ཉན་ཕོ་མོ་ལ། སྨེ་བརྩེགས་ཀྱི་བསྟོད་པ་སྔགས་དང་བཅས་པ་ལུང་མེད། སྟོབས་པོ་ཆེའི་མདོ་ནི་རྒྱལ་མཚན་རྩེ་མོའི་དཔུང་རྒྱན་གྱི་བརྒྱུད་པ་སྔ་མ་བཞིན་ནོ། །རྡོ་རྗེ་ལུ་གུ་རྒྱུད་ཀྱི་རྟོག་པ་ཨ་ཏུ་ལ་བཛྲ་དང་མར་པ་ཆོས་དབང་གིས་བསྒྱུར་བའི་བརྒྱུད་པ་ནི། སངས་རྒྱས། ཕྱག་རྡོར། སྤྱོད་མཛད་ཆོས་རྡོར། འགྲོ་བཟང་སྙིང་པོ། མ་ཎི་བཛྲ། ཁ་ཆེ་ཏེ་ཛ་དེ་བ། ཟངས་དཀར་ལོ་ཙཱ། གཉན་ཚུལ་འབར། འགོས་ཁྲི་བཟང་འབར། རི་ནང་པ་གཞོན་ནུ་སེང་གེ །ལ་སྟོད་དབང་རིན། དབུས་པ་སངས་རྒྱས་འབུམ། ལོ་མཆོག་པ། བློ་ཆེན་པ། བག་སྟོན། ཤེས་རྡོར་བ་མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་བཞིན་ནོ། །རྡོ་རྗེ་མཆུ། ཝཾ༽ གནམ་ལྕགས་མཆུ། ཝཾ༽ ལྕགས་ཀྱི་མཆུ། ཝཾ༽ ལྕགས་མཆུ་ནག་པོ་ ཝཾ༽ རྣམས་འགྱུར་བྱང་མ་འཁོད་པ། དེ་དག་གི་སྒོས་བརྒྱུད་ནི། སངས་རྒྱས། ཕྱག་རྡོར། ཛེ་ཏཱ་རི། རྡོར་གདན་པ་གསུམ། བ་རི་བ། གོང་མ་ལྔ། རྒྭ་ལོ་ཡབ་སྲས། བག་སྟོན། ཤེས་རྡོར་བ་མན་མི་གཡོ་བའི་གཟུངས་ལེའུ་དགུ་པ་ལྟར་རོ། །བཞི་པ་ནོར་ཅན་གྱི་རིགས་ལ། ནོར་བུ་བཟང་པོའི་གཟུངས། ཝཾ༽ བིདྱཱ་ཀ་ར་སེངྷ་དང་ཀླུའི་དབང་པོའི་འགྱུར་གྱི་སྒོས་བརྒྱུད་ནི། རྨུགས་འཛིན། ཛ་མ་རི་པ། བ་རི་བ། ཨ་དྷཱུ་ལ། དྷ་པ་བཛྲ། བལ་པོ་ཐུགས་རྗེ་ཆེན་པོ། ར་ལོ། ར་ཆོས་རབ། ར་ཆོས་སེང༌། ར་དཀོན་སེང༌། ར་ཤེས་རྒྱན། བློ་ཆེན། བག་སྟོན། ཤེས་རྡོར་མན་མི་གཡོ་བའི་གཟུངས་ལེའུ་དགུ་པ་དང་གཅིག་གོ། །ནོར་བུ་བཟང་པོའི་རྟོག་པ། ཤྲཱི༽ ཁུ༽ མཉྫུ་ཤྲཱི་དང་བ་རིའི་འགྱུར། གར་མཁན་མཆོག་གི་བརྟག་པ། ཤྲཱི༽ ཁུ༽ སྔ་ཕྱི་གཉིས་དྷ་ན་གུཔྟ་དང་རབ་ཞིའི་འགྱུར། གནོད་འཛིན་དཔལ་ཞེས་པའི་གཟུངས་ཀྱི་བརྒྱུད་པ་ནི་ནོར་བུ་བཟང་པོའི་གཟུངས་ཀྱི་སྒོས་བརྒྱུད་བཞིན་ནོ། །གནོད་འཛིན་ཆུ་དབང་སྙིང་རྗེ་ཅན་གྱི་གཟུངས་ཀྱི་བརྒྱུད་པ་ནི། གོང་དཀར་བ་ཡན་སྨན་མདོ་ཉིད་ཀྱི་བརྒྱུད་པ་དང་པོ་ལྟར་ལ། དེ་ནས་བློ་གྲོས་རྒྱལ་མཚན། འབུམ་རམས་པ་ཁུ་དབོན། གཙུག་ལག་ཕྲེང་བ་མན་བཀའ་འགྱུར་སྤྱི་དང་འདྲ། ཡང་ན། རྨུགས་འཛིན། ཛ་མ་རི་བ། ན་རི་པ། ཨ་དྷུ་ལ། དྷ་པ་བཛྲ། བལ་པོ་ཐུགས་རྗེ་ཆེན་པོ། ར་ས་ལྔ། བློ་ཆེན། བག་སྟོན། ཤེས་རྡོར་བ་མི་གཡོ་བའི་གཟུངས་ལེའུ་དགུ་པ་དང་འདྲ། གནོད་གནས་དབང་པོ་ཇི་ལྟར་འབྱུང་བའི་རྟོག་པ། ཤྲཱི༽ ཁུ༽ སྒེག་རྡོར་དང་ར་ལོའི་འགྱུར། གནོད་འཛིན་གྱི་མཚན་བརྒྱ་རྩ་བརྒྱད་པ། འདིའི་བརྒྱུད་པ་ནི། ནོར་བུ་བཟང་པོའི་གཟུངས་ཀྱི་སྒོས་བརྒྱུད་སོར་བཞག་གོ། །ལྔ་པ་རྒྱས་པའི་རིགས་ལ། མེ་ཁ་ལའི་གཟུངས་འདུག་པ་མ་ཐོབ། དྲུག་པ་འཇིག་རྟེན་པའི་རིགས་ལ། དབུགས་ཆེན་པོ། ཤྲཱི༽ ཁུ༽ ཝཾ༽ པྲཛྙཱ་ཝརྨ་དང༌། ཡེ་ཤེས་སྡེ་གཉིས་ཀྱི་འགྱུར། བདུན་པ་ཕྱོགས་གང་དུའང་ངོས་བཟུང་དཀའ་བའི་གཟུངས་ཕྲན་སྣ་ཚོགས་ཕྱོགས་གཅིག་ཏུ་བྱས་པའི་སྐོར་ལ། རིན་པོ་ཆེ་བརྡར་ ཨེ༽ ཛྙཱ༽ ཉི༽ པའི། བསྐོར་བ་བྱ་ ཨེ༽ ཛྙཱ༽ ཉི༽ བའི། མཆོད་རྟེན་བསྐོར་ ཨེ༽ ཛྙཱ༽ ཉི༽ བའི། ཡོན་སྦྱོར་ ཨེ༽ ཛྙཱ༽ ཉི༽ བའི། འདི་ཉིད་ཀྱི་སྒོས་བརྒྱུད་རྡོ་རྗེ་རི་རབ་དང་འདྲ། ཕྱག་བྱ་ ཨེ༽ ཛྙཱ༽ ཉི༽ བའི། གོས་བརྒྱ་ཐོབ་ ཨེ༽ ཛྙཱ༽ ཉི༽ པའི། མི་དགའ་བྱེད་པའི། ཛྙཱ༽ ཉི༽ སྤྱན་དག་ ཤྲཱི༽ ཁུ༽ པའི། ངན་སོང་སྦྱོང་བའི། ཛྙཱ༽ ཉི༽ སྐྲན་ཞི། ཨེ༽ ཛྙཱ༽ ཉི༽ བའི། མ་ཞུ་བ་སྦྱང་ ཨེ༽ ཛྙཱ༽ ཉི༽ བའི། སྡང་བ་ཞི་ ཨེ༽ ཛྙཱ༽ ཉི༽ བྱེད། སྡིག་པ་ཞི་བྱེད། ཨེ༽ ཛྙཱ༽ ཉི༽ ཁྲོ་བ་ཞི་བྱེད། ཨེ༽ ཛྙཱ༽ ཉི༽ ཚིག་བཙན་ ཨེ༽ ཛྙཱ༽ ཉི༽ པའི། བདག་སྲུང་ ཨེ༽ ཛྙཱ༽ ཉི༽ བའི། ཡིད་དུ་འོང་ ཨེ༽ ཛྙཱ༽ ཉི༽ བའི། མགྲིན་པ་སྙན་ ཨེ༽ ཛྙཱ༽ ཉི༽ པའི། དོན་གྲུབ་ ཨེ༽ ཛྙཱ༽ ཉི༽ པའི། ལས་གྲུབ་ ཨེ༽ ཛྙཱ༽ ཉི༽ པའི། དུག་ཞི་ ཨེ་༽ ཛྙཱ༽ ཉི༽ བའི། བཅིངས་པ་འགྲོལ་ ཨེ༽ ཛྙཱ༽ ཉི༽ བའི། བདུད་སྐྲག་ ཨེ༽ ཛྙཱ༽ ཉི༽ པའི། རྨ་འབྱོར་ ཨེ༽ ཛྙཱ༽ ཉི༽ བའི། མེ་ཟུག་ཞི་ ཨེ༽ ཛྙཱ༽ ཉི༽ བའི། མཁྲིས་ནད་སེལ་ ཨེ༽ ཛྙཱ༽ ཉི༽ བའི། བད་ཀན་གྱི་ནད་སེལ་ ཨེ༽ ཛྙཱ༽ ཉི༽ བའི། ཀྵ་ཡའི་ནད་སེལ་ ཤྲཱི༽ ཁུ༽ ཝཾ༽ བའི། རིམས་དང་སྲོག་ཆགས་ཀྱིས་མི་ཚུགས་པའི་གཟུངས་ ཤྲཱི༽ ཁུ༽ ཝཾ༽ རྣམས་འགྱུར་བྱང་མ་འཁོད། མཆིལ་མ་སྣབས་དྲི་ཆེན་དྲི་ཆུ་རྣམས་སྦྱིན་པ་བཏང་བའི་གཟུངས་མ་ཐོབ། གོང་གསལ་རྟགས་ཅན་རྣམས་ལས། ཤྲཱི༽ རྟགས་ཅན་རྣམས་ཀྱི་བརྒྱུད་པ་ནི། སངས་རྒྱས། ཕྱག་ན་རྡོ་རྗེ། རྡོ་རྗེ་གདན་པ་གསུམ། པུཎྱེ་ཤྲཱི། སྟེང་པ་ལོ་ཙཱ་བ། སོ་ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཐམས་ཅད་མཁྱེན་པ། ཀོ་ནག་རལ་གྲི། ཇོ་སྟོན་ཟས་གཙང༌། ཤངས་པ་གྲགས་སེང༌། བླ་མ་རིན་ཆེན་འབུམ། བདེ་བ་ཅན་པ་སེང་གེ་རྒྱལ་མཚན། གར་ཐིག་པ་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། རྗེ་གྲགས་པ་རྡོ་རྗེ། དབུས་གླིང་པ་གྲགས་པ་དོན་གྲུབ། བཀའ་འགྱུར་བ་ཤཱཀྱ་རྒྱལ་མཚན། གོང་དཀར་རྡོ་རྗེ་གདན་པ། མཁས་གྲུབ་རིག་པའི་གློག་ཕྲེང༌། བླ་མ་བསྟན་པ་རྒྱ་མཚོ། རྒྱལ་སྟོན་ངག་དབང་ཆོས་རྒྱལ། ངག་དབང་གྲགས་པ་རྒྱལ་མཚན། མང་ཐོས་ངག་དབང་ནོར་བུ། གྲུབ་ཆེན་ངག་དབང་བཟང་པོ། བླ་མ་ཀུན་དགའ་བློ་གྲོས། ཁུང་སྟོན་ངག་དབང་རྣམ་རྒྱལ། མགོན་པོ་བསོད་ནམས་མཆོག་ལྡན་མན་སྔར་བཞིན་ནོ། །ཡང་ན། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། སུམ་པ་ལོ་ཙཱ། འབུམ་ལྔ་ལོ་ཙཱ། ཀོ་ནག་རལ་གྲི། ཞང་སྟོན་ཡབ་སྲས། མཁན་པོ་དཀོན་ཡེ། དཀོན་མཆོག་བླ་མ། བག་སྟོན་གཞོན་ཚུལ། མཁན་ཤེས་རྡོར་བ་མན་གོང་ལྟར་རོ། །ཡང་ན། ཚལ་གྲགས་དོན་པ་ནས། རྔོག་བྱང་དཔལ། མཁན་ཀུན་རྒྱལ། སྨན་རྒྱལ་ནམ་མཁའ་དབང་ཕྱུག །འབུམ་རམས་པ། བླ་མ་སྟོན་པ་རྒྱ་མཚོ་མན་འདྲ། ཁུའི༽ རྟགས་ཅན་རྣམས་ཀྱི་བརྒྱུད་པ་ནི། ཁུ་སྟོན་ངག་དབང་རྣམ་རྒྱལ་ནས། རབ་འབྱམས་ཆོས་རྗེ་རིན་ཆེན་རྒྱ་མཚོ་མན་འདྲ། དྷཱི༽ རྟགས་ཅན་རྣམས་ཀྱི་བརྒྱུད་པ་ནི། འབུམ་རམས་རིན་ཆེན་ཆོས་དཔལ་ནས། ལྷ་ལུང་པ་ཚུལ་ཁྲིམས་དབང་ཕྱུག །དཔའ་བོ་གཙུག་ཕྲེང་བ། ཞྭ་དམར་དཀོན་མཆོག་ཡན་ལག །སེམས་དཔའ་གྲགས་པ་དོན་གྲུབ། དྷཱི་ཚ་སྤྲུལ་སྐུ་འཇིག་རྟེན་དབང་ཕྱུག །སྨན་ལུང་པ་བློ་མཆོག་རྡོ་རྗེ། རྗེ་བཀའ་འགྱུར་བ་མན་འདྲ། ཝཾ༽ རྟགས་ཡོད་པའི་བརྒྱུད་པ་ནི། བ་རི་ལོ་ཙཱ་ནས། ས་སྐྱ་པ་དཀར་པོ་གསུམ། ས་པཎ། དེ་ལ་རྒྱ་ཚ་ལུང་མང་པོ་དང༌། རྒྭ་ལོ་རྣམ་རྒྱལ་རྡོ་རྗེ་གཉིས་ཀྱིས་གསན། གཉིས་ཀ་ལ་རོང་པ་ཤེས་སེང་གིས་གསན། དེ་ནས་བག་སྟོན་མན་གོང་ལྟར་རོ། །ཡང་ན། འབུམ་ལྔ་ལོ་ཙཱ་ནས། སྤང་ཁང་གྲགས་པ་རྒྱལ་མཚན། གྲགས་སེང༌། ཞལ་སྔ་བ་བསོད་རིན། མཁན་པོ་གཞོན་ཡེ། རོང་པ་ཤེར་སེང་མན་འདྲ། ཡ༽ རྟགས་ཡོད་པའི་བརྒྱུད་པ་ནི། སངས་རྒྱས། ཀུན་དགའ་བོ། དགྲ་བཅོམ་པ་རཀྵི་ཏ། ཀྲིཥྞའི་གོས་ཅན། ཤ་ནའི་གོས་ཅན། ཉི་མ་གུང་པ། ཐམས་ཅད་མཁྱེན་པའི་བཤེས་གཉེན། ཀླུ་སྒྲུབ་ཡབ་སྲས། མཉྫུ་ཀཱིརྟི། ཆོས་འབྱུང་ཞི་བ། རྡོ་རྗེ་གདན་པ། བི་ཁྱཱ་ཏ་དེ་ཝ། ཁ་ཆེ་པཎ་ཆེན། དཔྱལ་ཆོས་བཟང༌། དཔྱལ་ཨ་མོ་གྷཱ། མཁན་པོ་གཞོན་ཡེ། རོང་པ་ཤེར་སེང༌། བག་སྟོན་མན་གོང་ལྟར་རོ། ཛྙཱ༽ །རྟགས་ཅན་གྱི་བརྒྱུད་པ་ནི། བག་སྟོན་གཞོན་ཚུལ་ཡན་གོང་ལྟར་ལ། དེ་ནས། རྔོག་སྟོན་ཤེས་རབ་རྡོ་རྗེ། མཁན་རིན་ཆེན་འཕེལ། རྒྱ་མ་ཡོན་ཏན་འོད། མཁན་ཆེན་གྲུབ་ཤེར། རྒྱལ་སྟོན་ལྷ་ཟླ། རི་ཁྲོད་པ་བསོད་རྒྱམ། འཇམ་དབྱངས་ཤར་རྒྱལ། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་སེང༌། འགོས་སྟོན་རྡོར་སེང༌། རུ་ཐོག་བླ་ཆེན་གཟི་བརྗིད། འཇམ་དབྱངས་མཁྱེན་བརྩེའི་དབང་ཕྱུག །མཆོད་དཔོན་ཀུན་ལེགས། རྡོར་འཆང་དབང་ཕྱུག་རབ་བརྟན། རྗེ་བཀའ་འགྱུར་བ་མན་འདྲ། ཡང་ན། སངས་རྒྱས། འཇམ་དཔལ། ཀླུ་སྒྲུབ་ཡབ་སྲས། མཉྫུ་ཀཱིརྟི། རིན་འབྱུང་ཞི་བ། སཽ་རི་པ། ཨ་བྷ་ཡཱ་ཀ་ར་གུཔྟ། ཤུབྷཱཾ་ཀ་ར་གུཔྟ། བ་རི་ལོ་ཙཱ་མན་འདྲ། ཨེ༽ རྟགས་ཡོད་པའི་བརྒྱུད་པ་ནི། བག་སྟོན་ནས། བླ་མ་མགོན་པོ་འབུམ། བྲམ་ནམ་རྒྱལ་བ། ས་བཟང་པཎ་ཆེན། འཕགས་པ། ངོར་ཆེན། འཇམ་དབྱངས་ཤར་རྒྱམ། ཡོངས་འཛིན་དཀོན་འཕེལ། ངོར་དཀོན་ལྷུན། ཐར་རྩེ་ནམ་མཁའ་དཔལ་བཟང༌། སྒྲུབ་ཁང་པ་དཔལ་ལྡན་དོན་སྒྲུབ། བཀའ་འགྱུར་བ་མན་འདྲ། ཉི༽ རྟགས་ཅན་གྱི་བརྒྱུད་པ་ནི། རྡོ་རྗེ་གདན་པ་ཡན། ཤྲཱི༽ རྟགས་ཅན་དང་འདྲ་བ་ལས། དེ་ནས། རྒྱ་སྟོན་བྱང་ཆུབ་དབང་རྒྱལ། མཁྱེན་པའི་རྩེ་མོ། ཀུན་བཟང་རྩེ་པ། དབང་ཕྱུག་རྒྱལ་མཚན། ཉི་གླིང་པ་ཚུལ་ཁྲིམས་བཀྲ་ཤིས། བཀའ་འགྱུར་བ་མན་འདྲ། ཡང་ན། དབང་ཕྱུག་རྒྱལ་མཚན་ནས། ཁུ་སྟོན་ངག་དབང་རྣམ་རྒྱལ། བཀའ་འགྱུར་བ་མན་འདྲ། ཁུ༽ རྟགས་ཅན་གྱི་བརྒྱུད་པ་ནི། རྡོ་རྗེ་འཆང༌། བྲམ་ཟེ་སཛྫ་ན། པྲ་མ་ཧཱ་ཛ། གཉལ་སྟོན། སྟོན་པ་ཡེ་དབང༌། སྟག་ཚལ་གདོང་སྔོན་པ། སྤྲུག་སྟོན་འབར་ཐོག །ཕོ་རོག་དྷརྨ་བཛྲ། མདོ་སྡེ་བཙན། མདོ་སྡེ་མགོན། ཡོལ་ཉི་འབུམ། ཡོལ་སངས་རྒྱན། བྲའོ་མཁན་ཆེན་ཤེས་རྡོར་བ་མན། དྷཱི༽ རྟགས་ཅན་ཇི་བཞིན་ནོ། །ཡང་ན། དྷཱི༽ རྟགས་ཅན་ཡོངས་རྫོགས་དང་འདྲ། གཉིས་པ་བྱ་བ་སྤྱིའི་རྒྱུད་ལ། དཔུང་བཟང་གིས་ཞུས་པ་འགོས་ལྷས་བཙས་ཀྱིས་བསྒྱུར་བའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། ཤུ་ནྱ་ཏ་ས་མ་དྷཱ། རྡོ་རྗེ་གདན་པ་ཆེ་ཆུང༌། བི་ཁྱཱ་ཏ། ཁ་ཆེ་པཎ་ཆེན། དཱ་ན་ཤཱི་ལ། ལོ་མཆོག །བློ་ཆེན། བག་སྟོན། མགོན་པོ་འབུམ། བྲམ་ནམ་མཁའ་རྒྱལ་མཚན། མ་ཏི་མན་སངས་རྒྱས་མཉམ་སྦྱོར་དང་འདྲ། ཡང་ན། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་ཆེ་ཆུང༌། བ་རི་ལོ་ཙཱ། གོང་མ་ལྔ། བློ་ཆེན་མན་གོང་ལྟར་རོ། །ཡང་ན། བ་རི་བ་ནས། མཆིམས་བརྩོན་སེང༌། མཆིམས་དོན་ནེ། མཆིམས་ཆོས་སེང༌། མཆིམས་བློ་བསྟན། སངས་རྒྱས་འབུམ། ལོ་མཆོག་པ། བློ་ཆེན་མན་གོང་འདྲ། བྱ་རྒྱུད་ཀྱི་དཀྱིལ་འཁོར་སུམ་སྟོང་དང་ལྔ་བརྒྱ་སྤྱིའི་ཆོ་ག་སྟོན་པ་གསང་བ་སྤྱི་རྒྱུད་ཀྱི་བརྒྱུད་པ་ནི། སངས་རྒྱས། ཕྱག་རྡོར། པྲ་ཀཱ་ཤ་ཙནྡྲ། རྒྱལ་བུ་རཱ་ཧུ་ལ། ཨཱ་ནནྟ་གརྦྷ། ཏ་ཐཱ་ག་ཏ་བཛྲ། ཤྲདྡྷཱ་ཀ་ར་ཝརྨ། ལོ་ཆེན་རིན་བཟང༌། ལེགས་ཤེས། གྲགས་ཤེས། རྗེ་བཙུན་ཡབ་སྲས། ཆོས་རྗེ་ཁུ་དབོན། བློ་ཆེན་པ། རྒྱལ་བཟང་དཔལ། སྤང་ཁང་པ། མ་ཏི་མན་དཔུང་བཟང་གི་བརྒྱུད་ཚུལ་ལེ་ཚན་དང་འདྲ། ཡང་ན། སངས་རྒྱས། ཕྱག་རྡོར། རྡོ་རྗེ་གདན་པ་གསུམ། བ་རི་ལོ་ཙཱ། རྗེ་བཙུན་ཡབ་སྲས། ཆོས་རྗེ་ཁུ་དབོན། སྤང་སྟོན། བློ་ཆེན་མན་འདྲ། ཏིང་ངེ་འཛིན་གྱི་སྤྱོད་པ་ཁྱད་པར་ཅན་སྟོན་པ། བསམ་གཏན་ཕྱི་མ་རིམ་པར་ཕྱེ་བའི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། སྐྱུར་ར་ཨ་སྐྱབས། རྡོ་རྗེ་རྒྱལ་པོ། དོན་གྲུབ་ཡེ་ཤེས། ཤཱཀྱ་རྡོ་རྗེ། སངས་རྒྱས་འབུམ། ལོ་མཆོག་པ། བློ་ཆེན་པ། རྒྱལ་བཟང་དཔལ། གངས་ཁྲོད་པ། མ་ཏི་མན་དཔུང་བཟང་དང་འདྲ། ཡང་ན། དཔུང་བཟང་གི་བརྒྱུད་པ་བར་མ་ཇི་ལྟ་བའོ། །ཡང་ན་བློ་ཆེན་འཕགས་པ་ནས། ཁང་སྟོན་འོད་རྒྱན། བློ་ཆེན་པ་མན་འདྲ། སྒྲུབ་པའི་སྤྱོད་པ་ལེགས་པར་སྟོན་པ། ལེགས་པར་གྲུབ་པར་བྱེད་པའི་རྒྱུད་ཆེན་པོའི་བརྒྱུད་པ་ནི། བ་རི་བ་ཡན་བསམ་གཏན་ཕྱི་མ་དང་འདྲ་ལ། དེ་ནས་ས་ཆེན་ཡབ་སྲས། ཆོས་རྗེ་ཁུ་དབོན། པདྨ་མགོན་པོ། ལོ་མཆོག །བློ་ཆེན། རྒྱལ་བཟང་དཔལ། སྤང་ཁང་པ། ས་བཟང་མ་ཏི་མན་དཔུང་བཟང་གི་བརྒྱུད་ཚུལ་དང་འདྲ། ལྔ་པ་ཕུན་སུམ་ཚོགས་པའི་ཡན་ལག་ཏུ་བསྔོ་སྨོན་ཤིས་བརྗོད་ཀྱི་སྐོར་ལ། དགོངས་པའི་རྒྱུད་ཀྱི་ཕྲེང་བའི་ཡོངས་སུ་བསྔོ་བ་ཆེན་པོ་བིདྱཱ་ཀ་ར་པྲ་བྷ་དང་དཔལ་བརྩེགས་ཀྱིས་བསྒྱུར་བའི་བརྒྱུད་པ་ནི། སངས་རྒྱས། བྱམས་པ། ཀླུ་སྒྲུབ། སྐལ་ལྡན་གྲགས་པ། ཟླ་གྲགས། འཇམ་དཔལ་གྲགས་པ། ཆོས་ཀྱི་གྲགས་པ། ཏཻ་ལོ། ནཱ་རོ། ཞི་བའི་བཤེས་གཉེན། ཛྙཱ་ན་ཤྲཱི། གཉན་ལོ། ཁྱུང་པོ་གྲགས་སེང༌། འོར་སྟོན་ལྷ་དབང༌། སོ་སྟོན་ཆོས་སྟོན། ཞང་དར་སེང༌། རོང་པ་ཆོས་མགོན། སངས་རྒྱས་འབུམ། ལོ་མཆོག བག་སྟོན། མགོན་པོ་འབུམ། སྤྲུ་སྟོན་བསོད་རྒྱལ། མཁན་ཤེས་རྡོར་བ། ཆོས་སྒོ་བ། བསོད་སེང༌། ཚལ་གྲགས་དོན་པ། རིན་ཆེན་གྲགས། ཤཱཀྱ་རྒྱལ་མཚན། ཐུ་སྟོན་རྡོ་རྗེ་གདན་པ། ཆེན་པོ་བློ་གྲོས་རྒྱལ་མཚན། འབུམ་རམས་པ་རིན་ཆེན་ཆོས་དབང་མན། དྷཱི༽ རྟགས་ཅན་ལྟར་རོ། །ཡང་ན། སངས་རྒྱས། བྱམས་པ། ཐོགས་མེད་སྐུ་མཆེད། སངས་རྒྱས་བསྐྱངས། ཡེ་ཤེས་ཞབས། མར་མེ་མཛད་བཟང་པོ། དྲི་མེད་སྦས་པ། རིན་ཆེན་རྡོ་རྗེ། ཆོས་འབྱུང་ཞི་བ། པུཎྱེ་ཤྲཱི། སུ་མ་ཏི་ཀིརྟི། སྨྲྀ་ཏི། རོང་ཟོམ་ལོ་ཙཱ་བ། ཉང་ཏིང་འཛིན་བཟང་པོ། ཉང་རལ། ལྷོ་པ་ཀུན་མཁྱེན། སྤང་ཁང་པ། ཤངས་པ་གྲགས་སེང༌། སྟག་སྟོན་ཤེས་འོད། བློ་ཆེན་པ། བག་སྟོན་མན་འདྲ། ཡང་ན་པུཎྱེ་ཤྲཱི་ནས། སྟེང་ལོ། སོ་ཀུན་མཁྱེན། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་རལ་གྲི། ཤངས་པ་གྲགས་སེང་མན་འདྲ། ཡང་ན། ཤངས་པ་གྲགས་སེང་ནས། ཞང་ཀུན་འབུམ། ཕག་ཁུར། དཀོན་ཡེ། བག་སྟོན་མན་འདྲ། ཡོངས་སུ་བསྔོ་བའི་རྒྱལ་པོ་སྔགས་དང་བཅས་པ་ཡེ་ཤེས་སྡེའི་འགྱུར་གྱི་བརྒྱུད་པ་ནི་བསམ་གཏན་ཕྱི་མ་དང་འདྲ། ལེགས་གྲུབ་ལས་བྱུང་བའི་སྨོན་ལམ་སོགས་ལྔ། ཡངས་པའི་གྲོང་ཁྱེར་དུ་འཇུག་པའི་མདོ་ལས་བྱུང་བའི་བདེ་ལེགས་ཀྱི་ཚིགས་སུ་བཅད་པ་སོགས་ཤིས་བརྗོད་བཅུ་གཉིས་པ་རྣམས་ཀྱི་བརྒྱུད་པ་ནི། སོ་སོའི་མདོ་རྒྱུད་ལས་བྱུང་བ་དེ་ཡི་རྗེས་སུ་མཐུན་ཅིང་སྤྱི་ཙམ་དུ་བཀའ་འགྱུར་ཡོངས་རྫོགས་ལྟར་རོ། །དེ་ལྟར་རྒྱལ་བའི་བཀའ་འགྱུར་རིན་པོ་ཆེ་འཇམ་མགོན་རྡོ་རྗེ་འཆང་གུ་ཎའི་བར་གོང་བཞིན་ནོ། །དེ་དག་གིས་ལེགས་པར་ཐོབ་པའི་ཚུལ་རྒྱས་པར་སྨོས་ཟིན་ལ་གོང་གི་ལུང་རྒྱུན་མེད་པ་རྣམས་མཆན་བུ་ལྟར་རིང་བརྒྱུད་མི་བཞུགས་ཀྱང༌། རྗེ་ཟུར་མང་དྲུང་པ་རིན་པོ་ཆེ་ཀརྨ་ཆོས་ཀྱི་ཉིན་བྱེད་དེ་ཉིད་ཀྱི་བཀའ་འགྱུར་དག་ཚར་གསུང་སྐབས། སྟོན་པ་རྫོགས་པའི་སངས་རྒྱས་ཀྱི་ཞལ་སྔ་ནས་བཀའ་འགྱུར་གསལ་དག་ཆ་ཚང་གསན་པའི་དག་སྣང་བྱུང་བ་ཡིན་པས། སླད་བཀའ་འགྱུར་ནང་གང་བཞུགས་ཐམས་ཅད་ཀྱི་ལུང་རྒྱུན་བསྩལ་གནང་མཛད་པ་བཞིན། རྗེ་དེ་ཉིད་ནས་ལྷ་ཐོག་དཀར་ལེགས་བླ་མ་ཀརྨ་ལྷུན་གྲུབ་ཀྱི་གསན། དེ་ལས་འདན་དཀར་པོ་ནང་དུ་རང་ཉིད་བཅད་རྒྱར་གནས་སྐབས་སྒྲ་གསལ་དག་སྙན་གསུམ་དང་ལྡན་པའི་སྒོ་ནས་ཉེ་རིང་ཆུ་བོ་གཅིག་འདྲེས་ཀྱི་ཚུལ་དུ། ལེགས་པར་ནོད་པའི་སྐལ་བཟང་ཉམས་སུ་མྱོང་ངོ༌། །སླར་སྨྲས་པ། བསྐལ་བཟང་རྣམ་འདྲེན་བཞི་པའི་ལེགས་གསུང་བཀའ། །གངས་རིའི་ལྗོངས་འདིར་འགྱུར་རོ་ཅོག་གི་ཚོགས། ཉེ་དང་རིང་བརྒྱུད་མ་ཉམས་དེང་འདིར་ཡང༌། །ཐོབ་པའི་སྐལ་བཟང་འདི་ཀོ་ཨེ་མ་རྨད། །བཀའ་འགྱུར་རོ་ཅོག་ཐོབ་པའི་ཚུལ་ཅུང་ཟད་བསྡུས་ཏེ་བཀོད་པ་རེ་ཞིག་རྫོགས་སོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;<br /> == Footnotes ==<br /> &lt;references/&gt;<br /> ==Other Information==<br /> {{Footer}}<br /> [[Category:DKR-KABUM-Volume-24-YA]]<br /> [[Category:Khyentse Lineage Project]]</div>

Mort https://khyentselineage.tsadra.org/index.php?title=JKW-KABAB-03-GA-024&diff=64208 2026-09-30T17:05:18Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |fulltitletib=རྒྱུད་སྡེ་བཞི་དང་རྗེས་སུ་འབྲེལ་བའི་རྗེ་བཙུན་སྒྲོལ་མའི་སྒྲུབ་ཐབས་རྒྱུན་ཁྱེར་སྙིང་པོར་དྲིལ་བ།<br /> |fulltitle=rgyud sde bzhi dang rjes su 'brel ba'i rje btsun sgrol ma'i sgrub thabs rgyun khyer snying por dril ba<br /> |citation=[['jam dbyangs mkhyen brtse'i dbang po]]. ''rgyud sde bzhi dang rjes su 'brel ba'i rje btsun sgrol ma'i sgrub thabs rgyun khyer snying por dril ba''. In ''Rdzong sar 'jam dbyangs mkhyen brtse'i dbang po'i bka' babs'', Vol. 3: 471-481. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.<br /> |collectiontitletib=མཁྱེན་བརྩེའི་བཀའ་བབས་<br /> |collectiontitle=mkhyen brtse'i bka' babs<br /> |author='jam dbyangs mkhyen brtse'i dbang po<br /> |authortib=འཇམ་དབྱངས་མཁྱེན་བརྩེའི་དབང་པོ་<br /> |sourcerevealer='jam dbyangs mkhyen brtse'i dbang po<br /> |sourcerevealertib=འཇམ་དབྱངས་མཁྱེན་བརྩེའི་དབང་པོ་<br /> |tibgenre=Daily Practice - rgyun khyer, Revelations - gter ma, Root Treasure - gter gzhung, Sadhanas - Evocation Ritual - sgrub thabs<br /> |terma=Yes<br /> |transmissiontype=dgongs gter - Mind Treasure<br /> |deity=sgrol ma<br /> |cycle=rgyud sde bzhi dang rjes su 'brel ba'i rje btsun sgrol ma<br /> |cycletib=རྒྱུད་སྡེ་བཞི་དང་རྗེས་སུ་འབྲེལ་བའི་རྗེ་བཙུན་སྒྲོལ་མ་<br /> |language=Tibetan<br /> |volumenumber=003<br /> |volnumtib=༣<br /> |volyigtib=ག་<br /> |totalvolumes=22<br /> |textnuminvol=024<br /> |pagenumbers=471-481<br /> |totalpages=11<br /> |beginfolioline=1a<br /> |endfolioline=6a2<br /> |totalfolios=6<br /> |multivolumework=No<br /> |versonotes=mkhyen brtse'i bka' babs<br /> |colophontib=* '''Colophon page 480:''' ཞེས་པའང་མཁྱེན་བརྩེའི་དབང་པོས་བྲིས་པ་བི་ཛ་ཡནྟུ་<br /> |colophonwylie=* '''Colophon page 480:''' zhes pa'ang mkhyen brtse'i dbang pos bris pa bi dza yan+tu<br /> |rtzlink=Terdzo-CHI-032<br /> |recensionlink=JKW-KABUM-15-BA-009-001<br /> |pdflink=File:JKW-KABAB-03-GA-024.pdf<br /> }}<br /> {{Header}}<br /> &lt;h1 style=&quot;font-size: 24px !important;&quot;&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|རྒྱུད་སྡེ་བཞི་དང་རྗེས་སུ་འབྲེལ་བའི་རྗེ་བཙུན་སྒྲོལ་མའི་སྒྲུབ་ཐབས་རྒྱུན་ཁྱེར་སྙིང་པོར་དྲིལ་བ་བཞུགས་སོ།། །།ན་མོ་གུ་རུ་ཨཱརྻ་ཏཱ་རཱ་ཡཻ། འདིར་མཆོག་དང་ཐུན་མོང་གི་དངོས་གྲུབ་རྣམ་གཉིས་མྱུར་དུ་འགྲུབ་པར་འདོད་པས་བསྡུས་པའི་ཚུལ་གྱིས་རྗེ་བཙུན་སྒྲོལ་མ་བསྒོམ་པ་ནི། མདུན་གྱི་ནམ་མཁར་སྐྱབས་ཡུལ་རྣམས་མངོན་སུམ་དུ་གསལ་བའི་སྤྱན་སྔར། ན་མོ། བདག་སོགས་འགྲོ་ཀུན་བྱང་ཆུབ་བར། །དཀོན་མཆོག་གསུམ་ལ་སྐྱབས་སུ་མཆི། །གཞན་དོན་སངས་རྒྱས་ཐོབ་བྱའི་ཕྱིར། །འཕགས་མ་སྒྲོལ་མ་བསྒོམ་པར་བགྱི། ལན་གསུམ། མདུན་གྱི་ནམ་མཁའ་རྗེ་བཙུན་མ། །འཁོར་བཅས་མངོན་སུམ་བཞུགས་པའི་མདུན། །བདག་དང་མཐའ་ཡས་སེམས་ཅན་རྣམས། །གུས་པས་བསྟོད་ཅིང་མཆོད་པར་གྱུར། ཨོཾ། རྗེ་བཙུན་མ་འཕགས་མ་སྒྲོལ་མ་ལ་ཕྱོགས་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སྤྱན་ནི་སྐད་ཅིག་གློག་དང་འདྲ་མ། །འཇིག་རྟེན་གསུམ་མགོན་ཆུ་སྐྱེས་ཞལ་གྱི། །གེ་སར་བྱེ་བ་ལས་ནི་བྱུང་མ། །ཕྱག་འཚལ་སྟོན་ཀའི་ཟླ་བ་ཀུན་ཏུ། །གང་བ་བརྒྱ་ནི་བརྩེགས་པའི་ཞལ་མ། །སྐར་མ་སྟོང་ཕྲག་ཚོགས་པ་རྣམས་ཀྱིས། །རབ་ཏུ་ཕྱེ་བའི་འོད་རབ་འབར་མ། །ཕྱག་འཚལ་གསེར་སྔོ་ཆུ་ནས་སྐྱེས་ཀྱི། །པདྨས་ཕྱག་ནི་རྣམ་པར་བརྒྱན་མ། །སྤྱིན་པ་བརྩོན་འགྲུས་དཀའ་ཐུབ་ཞི་བ། །བཟོད་པ་བསམ་གཏན་སྤྱོད་ཡུལ་ཉིད་མ། །ཕྱག་འཚལ་དེ་བཞིན་གཤེགས་པའི་གཙུག་ཏོར། །མཐའ་ཡས་རྣམ་པར་རྒྱལ་བར་སྤྱོད་མ། །མ་ལུས་ཕ་རོལ་ཕྱིན་པ་ཐོབ་པའི། །རྒྱལ་བའི་སྲས་ཀྱིས་ཤིན་ཏུ་བསྟེན་མ། །ཕྱག་འཚལ་ཏུཏྟཱ་ར་ཧཱུྃ་ཡི་གེས། །འདོད་དང་ཕྱོགས་དང་ནམ་མཁའ་གང་མ། །འཇིག་རྟེན་བདུན་པོ་ཞབས་ཀྱིས་མནན་ཏེ། །ལུས་པ་མེད་པར་འགུགས་པར་ནུས་མ། །ཕྱག་འཚལ་བརྒྱ་བྱིན་མེ་ལྷ་ཚངས་པ། །རླུང་ལྷ་སྣ་ཚོགས་དབང་ཕྱུག་མཆོད་མ། །འབྱུང་པོ་རོ་ལངས་དྲི་ཟ་རྣམས་དང༌། །གནོད་སྦྱིན་ཚོགས་ཀྱིས་མདུན་ནས་བསྟོད་མ། །ཕྱག་འཚལ་ཏྲཊ་ཅེས་བྱ་དང་ཕཊ་ཀྱིས། །ཕ་རོལ་འཁྲུལ་འཁོར་རབ་ཏུ་འཇོམས་མ། །གཡས་བསྐུམ་གཡོན་བརྐྱང་ཞབས་ཀྱིས་མནན་ཏེ། །མེ་འབར་འཁྲུག་པ་ཤིན་ཏུ་འབར་མ། །ཕྱག་འཚལ་ཏུ་རེས་འཇིགས་པ་ཆེན་མོ། །བདུད་ཀྱི་དཔའ་བོ་རྣམ་པར་འཇོམས་མ། །ཆུ་སྐྱེས་ཞལ་ནི་ཁྲོ་གཉེར་ལྡན་མཛད། །དགྲ་བོ་ཐམས་ཅད་མ་ལུས་གསོད་མ། །ཕྱག་འཚལ་དཀོན་མཆོག་གསུམ་ཚོན་ཕྱག་རྒྱའི། །སོར་མོས་ཐུགས་ཀར་རྣམ་པར་བརྒྱན་མ། །མ་ལུས་ཕྱོགས་ཀྱི་འཁོར་ལོས་བརྒྱན་པའི། །རང་གི་འོད་ཀྱི་ཚོགས་རྣམས་འཁྲུགས་མ། །ཕྱག་འཚལ་རབ་ཏུ་དགའ་བ་བགྱིད་པའི། །དབུ་རྒྱན་འོད་ཀྱི་ཕྲེང་བ་སྤེལ་མ། །བཞད་པ་རབ་བཞད་ཏུཏྟཱ་ར་ཡིས། །བདུད་དང་འཇིག་རྟེན་དབང་དུ་མཛད་མ། །ཕྱག་འཚལ་ས་གཞི་སྐྱོང་བའི་ཚོགས་རྣམས། །ཐམས་ཅད་འགུགས་པར་ནུས་པ་ཉིད་མ། །ཁྲོ་གཉེར་གཡོ་བའི་ཡི་གེ་ཧཱུྃ་གིས། །ཕོངས་པ་ཐམས་ཅད་རྣམ་པར་སྒྲོལ་མ། །ཕྱག་འཚལ་ཟླ་བའི་དུམ་བུས་དབུ་བརྒྱན། །བརྒྱན་པ་ཐམས་ཅད་ཤིན་ཏུ་འབར་མ། །རལ་པའི་ཁྲོད་ནས་འོད་དཔག་མེད་ལས། །རྟག་པར་ཤིན་ཏུ་འོད་ནི་མཛད་མ། །ཕྱག་འཚལ་བསྐལ་པ་ཐ་མའི་མེ་ལྟར། །འབར་བའི་ཕྲེང་བའི་དབུས་ན་གནས་མ། །གཡས་བརྐྱང་གཡོན་བསྐུམ་ཀུན་ནས་བསྐོར་དགའི། །དགྲ་ཡི་དཔུང་ནི་རྣམ་པར་འཇོམས་མ། །ཕྱག་འཚལ་ས་གཞིའི་ངོས་ལ་ཕྱག་གི །མཐིལ་གྱིས་བསྣུན་ཅིང་ཞབས་ཀྱིས་བརྡུང་མ། །ཁྲོ་གཉེར་ཅན་མཛད་ཡི་གེ་ཧཱུྃ་གིས། །རིམ་པ་བདུན་པོ་རྣམས་ནི་འགེམས་མ། །ཕྱག་འཚལ་བདེ་མ་དགེ་མ་ཞི་མ། །མྱ་ངན་འདས་ཞི་སྤྱོད་ཡུལ་ཉིད་མ། །སྭཱ་ཧཱ་ཨོཾ་དང་ཡང་དག་ལྡན་མས། །སྡིག་པ་ཆེན་པོ་འཇོམས་པ་ཉིད་མ། །ཕྱག་འཚལ་ཀུན་ནས་བསྐོར་རབ་དགའ་བའི། །དགྲ་ཡི་ལུས་ནི་རབ་ཏུ་འགེམས་མ། །ཡི་གེ་བཅུ་པའི་ངག་ནི་བཀོད་པའི། །རིག་པ་ཧཱུྃ་ལས་སྒྲོལ་མ་ཉིད་མ། །ཕྱག་འཚལ་ཏུ་རེའི་ཞབས་ནི་བརྡབས་པས། །ཧཱུྃ་གི་རྣམ་པའི་ས་བོན་ཉིད་མ། །རི་རབ་མན་དཱ་ར་དང་འབིགས་བྱེད། །འཇིག་རྟེན་གསུམ་རྣམས་གཡོ་བ་ཉིད་མ། །ཕྱག་འཚལ་ལྷ་ཡི་མཚོ་ཡི་རྣམ་པའི། །རི་དྭགས་རྟགས་ཅན་ཕྱག་ན་བསྣམས་མ། །ཏཱ་ར་གཉིས་བརྗོད་ཕཊ་ཀྱི་ཡི་གེས། །དུག་རྣམས་མ་ལུས་པར་ནི་སེལ་མ། །ཕྱག་འཚལ་ལྷ་ཡི་ཚོགས་རྣམས་རྒྱལ་པོ། །ལྷ་དང་མིའམ་ཅི་ཡིས་བསྟེན་མ། །ཀུན་ནས་གོ་ཆ་དགའ་བའི་བརྗིད་ཀྱིས། །རྩོད་དང་རྨི་ལམ་ངན་པ་སེལ་མ། །ཕྱག་འཚལ་ཉི་མ་ཟླ་བ་རྒྱས་པའི། །སྤྱ་གཉིས་པོ་ལ་འོད་རབ་གསལ་མ། །ཧ་ར་གཉིས་བརྗོད་ཏུཏྟཱ་ར་ཡིས། །ཤིན་ཏུ་དྲག་པོའི་རིམས་ནད་སེལ་མ། །ཕྱག་འཚལ་དེ་ཉིད་གསུམ་རྣམས་བཀོད་པས། །ཞི་བའི་མཐུ་དང་ཡང་དག་ལྡན་མ། །གདོན་དང་རོ་ལངས་གནོད་སྦྱིན་ཚོགས་རྣམས། །འཇོམས་པ་ཏུ་རེ་རབ་མཆོག་ཉིད་མ། །རྩ་བའི་སྔགས་ཀྱི་བསྟོད་པ་འདི་དང༌། །ཕྱག་འཚལ་བ་ནི་ཉི་ཤུ་རྩ་གཅིག །ཅེས་པའི་བར་ཚར་ཅི་ནུས་དང༌། ལྷ་མོ་ལ་གུས་ཡང་དག་ལྡན་པའི། །བློ་ལྡན་གང་གིས་རབ་དང་བརྗོད་དེ། །སྲོད་དང་ཐོ་རངས་ལངས་པར་བྱས་ནས། །དྲན་པས་མི་འཇིགས་ཐམས་ཅད་རབ་སྟེར། །སྡིག་པ་ཐམས་ཅད་རབ་ཏུ་ཞི་བ། །ངན་འགྲོ་ཐམས་ཅད་འཇོམས་པ་ཉིད་དོ། །རྒྱལ་བ་བྱེ་བ་ཕྲག་བདུན་རྣམས་ཀྱིས། །མྱུར་དུ་དབང་ནི་བསྐུར་བར་འགྱུར་ལ། །འདི་ལས་ཆེ་བ་ཉིད་ནི་ཐོབ་ཅིང༌། །སངས་རྒྱས་གོ་འཕང་མཐར་ཐུག་དེར་འགྲོ། །དེ་ཡི་དུག་ནི་དྲག་པོ་ཆེན་པོ། །བརྟན་གནས་པའམ་གཞན་ཡང་འགྲོ་བ། །ཟོས་པ་དང་ནི་འཐུངས་པ་ཉིད་ཀྱང༌། །དྲན་པས་རབ་ཏུ་སེལ་བ་ཉིད་ཐོབ། །གདོན་དང་རིམས་དང་དུག་གིས་གཟིར་བའི། །སྡུག་བསྔལ་ཚོགས་ནི་རྣམ་པར་སྤོང་སྟེ། །སེམས་ཅན་གཞན་པ་རྣམས་ལ་ཡང་ངོ༌། །གཉིས་གསུམ་བདུན་དུ་མངོན་པར་བརྗོད་ན། །བུ་འདོད་པས་ནི་བུ་ཐོབ་འགྱུར་ཞིང༌། །ནོར་འདོད་པས་ནི་ནོར་རྣམས་ཉིད་ཐོབ། །འདོད་པ་ཐམས་ཅད་ཐོབ་པར་འགྱུར་ཏེ། །བགེགས་རྣམས་མེད་ཅིང་སོ་སོར་འཇོམས་འགྱུར། །རྗེ་བཙུན་འཕགས་མ་སྒྲོལ་མ་དང༌། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དང་བས་ཕྱག་འཚལ་ལོ། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །ཉན་ཐོས་རང་རྒྱལ་བྱང་ཆུབ་སེམས། །སོ་སོ་སྐྱེ་བོ་ལ་སོགས་པའི། །དུས་གསུམ་དགེ་བ་ཅི་བསགས་པ། །བསོད་ནམས་ལ་ནི་བདག་ཡི་རངས། །སེམས་ཅན་རྣམས་ཀྱི་བསམ་པ་དང༌། །བློ་ཡི་བྱེ་བྲག་ཇི་ལྟར་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོང་པར། །མྱ་ངན་མི་འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱིང་བ་ཡི། །སེམས་ཅན་རྣམས་ལ་གཟིགས་སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །རིང་པོར་མི་ཐོགས་འགྲོ་བ་ཡི། །འདྲེན་པའི་དཔལ་དུ་བདག་གྱུར་ཅིག །བར་ཚར་གཅིག །དེ་ནས་མདུན་གྱི་རྗེ་བཙུན་མ། །འོད་ཞུ་རང་ཐིམ་གཉིས་མེད་ངང༌། །རང་ཉིད་སྐད་ཅིག་དྲན་རྫོགས་སུ། །རྗེ་བཙུན་སྒྲོལ་མ་སྐུ་མདོག་ལྗང༌། །ཕྱག་གཡས་མཆོག་སྦྱིན་གཡོན་པ་ནི། །དཀོན་མཆོག་གསུམ་མཚོན་སྐྱབས་སྦྱིན་རྒྱས། །ཨུཏྤལ་གསར་པའི་སྡོང་བུ་བསྣམས། །དར་དང་རིན་ཆེན་རྒྱན་གྱིས་མཛེས། །ཞབས་ཟུང་སེམས་མའི་སྐྱིལ་ཀྲུང་གིས། །པད་དཀར་ཟླ་བའི་སྟེང་ན་བཞུགས། །གནས་གསུམ་ཨོཾ་ཨཱཿཧཱུྃ་གསུམ་དང༌། །ཐུགས་དབུས་ཟླ་སྟེང་ཏཱྃ་ལྗང་གུ། །དེ་ལས་འཕྲོས་པའི་འོད་ཟེར་གྱིས། །རང་འདྲའི་ཡེ་ཤེས་སེམས་དཔའི་སྐུ། །མདུན་གྱི་ནམ་མཁར་སྤྱན་དྲངས་གྱུར། །བདག་གི་ཐུགས་ཀར་ཏཱྃ་ཡིག་མཐར། །སྔགས་ཕྲེང་འཁོར་ལས་གཉིས་པ་བྱུང༌། །མདུན་གྱི་འཕགས་མའི་ཤངས་བུག་ཞུགས། །ཐུགས་སྲོག་ལ་ཐིམ་ཐུགས་བརྒྱུད་བསྐུལ། །སླར་ཡང་སྔགས་ཕྲེང་ལྟེ་བ་ནས། །ཐོན་ཏེ་རང་གི་ལྟེ་བར་ཞུགས། །བར་མེད་འཁོར་བའི་སྣང་བ་ཡིས། །དངོས་གྲུབ་རྣམ་གཉིས་ཐོབ་པར་གྱུར། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། བརྒྱ་རྩ་སོགས་ཅི་ནུས་བཟླས་མཐར། ཡེ་ཤེས་སེམས་དཔའ་རང་ལ་ཐིམ། །ཛཿཧཱུྃ་བྃ་ཧོཿདབྱེར་མེད་ངང༌། །ཐུགས་ནས་འཇིགས་པ་བརྒྱད་སྐྱོབ་པའི། །སྒྲོལ་མ་ནམ་མཁའ་གང་བར་སྤྲོས། །འགྲོ་རྣམས་གནས་སྐབས་མཐར་ཐུག་གི །འཇིགས་པ་བརྒྱད་ལས་དབུགས་དབྱུང་གྱུར། ཨོཾ་ཏཱ་རེ་ཏཱྃ་སྭཱ་ཧཱ། །ཅེས་པའང་ཅུང་ཟད་བཟླས། སླར་ཡང་རང་ཉིད་གཟོད་མ་ནས། །དམ་ཚིག་ཡེ་ཤེས་དབྱེར་མེད་པའི། །གཉུག་མ་དོན་གྱི་འཕགས་མའི་སྐུའི། །ཐུགས་སྲོག་ལས་བྱུང་འོད་ཟེར་གྱིས། །ཐ་མལ་སྣང་ཞེན་རྒྱུར་བཅས་སྦྱངས། །སྣང་གྲག་རིག་གསུམ་རྗེ་བཙུན་མའི། །གསང་བ་གསུམ་གྱི་རོལ་པར་སད། །ཞེས་བརྗོད་ཅིང་བསམས་ལ་དག་པར་རབ་འབྱམས་ཀྱི་བསྐྱེད་རིམ་ལ་བསླབ་ཅིང་སེམས་བཟུང༌། །དེ་ལས་ལྡང་བ་ན། དགེ་བ་འདི་ཡིས་མྱུར་དུ་བདག །རྗེ་བཙུན་སྒྲོལ་མ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །སྒྲིབ་གཉིས་བྱང་ཞིང་ཚོགས་གཉིས་མྱུར་རྫོགས་ནས། །རྫོགས་པའི་སངས་རྒྱས་ཐོབ་པར་མཛད་དུ་གསོལ། །དེ་མ་ཐོབ་ཀྱི་ཚེ་རབས་ཀུན་ཏུ་ཡང༌། །ལྷ་དང་མི་ཡི་བདེ་བ་མཆོག་ཐོབ་ནས། །ཐམས་ཅད་མཁྱེན་པ་སྒྲུབ་པར་བྱེད་པ་ལ། །བར་ཆད་གདོན་བགེགས་རིམས་དང་ནད་ལ་སོགས། །དུས་མིན་འཆི་བར་གྱུར་པ་སྣ་ཚོགས་དང༌། །རྨི་ལམ་ངན་དང་མཚན་མ་ངན་པ་དང༌། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་དུ་གསོལ། །འཇིག་རྟེན་འཇིག་རྟེན་ལས་ནི་འདས་པ་ཡི། །བཀྲ་ཤིས་བདེ་ལེགས་ཕུན་སུམ་ཚོགས་པ་རྣམས། །འཕེལ་ཞིང་རྒྱས་པའི་དོན་རྣམས་མ་ལུས་པ། །འབད་མེད་ལྷུན་གྱིས་གྲུབ་པར་མཛད་དུ་གསོལ། །སྒྲུབ་ལ་བརྩོན་ཞིང་དམ་ཆོས་འཕེལ་བ་དང༌། །རྟག་ཏུ་ཁྱེད་སྒྲུབ་ཞལ་མཆོག་མཐོང་བ་དང༌། །སྟོང་ཉིད་དོན་རྟོགས་བྱང་སེམས་རིན་པོ་ཆེ། །ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །བདག་གིས་ཚེ་རབས་སྔོན་ནས་བསྒྲུབས་པའི་ལྷ། །དུས་གསུམ་སངས་རྒྱས་ཀུན་གྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་མྱུར་ཞི་དཔའ། །ཡུམ་གྱུར་ཨུཏྤལ་བསྣམས་མའི་བཀྲ་ཤིས་ཤོག །རྒྱལ་ཡུམ་སྒྲོལ་མ་ཁྱེད་སྐུ་ཅི་འདྲ་དང༌། །འཁོར་དང་སྐུ་ཚེའི་ཚད་དང་ཞིང་ཁམས་སོགས། །ཁྱེད་ཀྱི་མཚན་མཆོག་བཟང་པོ་ཅི་འདྲ་བ། །དེ་འདྲ་ཁོ་ནར་བདག་སོགས་འགྱུར་བར་ཤོག །ཁྱེད་ལ་བསྟོད་ཅིང་གསོལ་བ་བཏབ་པའི་མཐུས། །བདག་སོགས་གང་དུ་གནས་པའི་ས་ཕྱོགས་སུ། །ནད་གདོན་དབུལ་ཕོངས་འཐབ་རྩོད་ཞི་བ་དང༌། །ཆོས་དང་བཀྲ་ཤིས་འཕེལ་བར་མཛད་དུ་གསོལ། །ཞེས་སོགས་གསོལ་འདེབས་ཤིས་བརྗོད་ཀྱིས་མཚམས་སྦྱར་ཏེ་སྤྱོད་ལམ་ལ་འཇུག་པར་བྱའོ། །ཞེས་པའང་མཁྱེན་བརྩེའི་དབང་པོས་བྲིས་པ་བི་ཛ་ཡནྟུ། ༈ །སྒྲོལ་མའི་རྩ་སྔགས་སམ་གཟུངས་རིང་ནི། ན་མོ་རཏྣ་ཏྲ་ཡཱ་ཡ། །ན་མོ་ཨཱརྻ་ཨ་བ་ལོ་ཀི་ཏེ་ཤྭ་ར་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་སརྦ་དུཥྟཱན། པྲ་དུཥྟཱན། མ་མ་ཀྲྀ་ཏེ། ཛཾ་བྷ་ཡ། སྟྭཾ་བྷ་ཡ། མོ་ཧ་ཡ། བྷནྡྷ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སརྦ་དུཥྟཱན། སྟྭྃ་བྷ་ནི་ཏཱ་རེ་སྭཱ་ཧཱ། ཞེས་དང༌། ཡང་སྙིང་ནི། ཨོཾ་ཏཱྃ་སྭཱ་ཧཱ། ཞེས་སོ།། །། <br /> <br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;<br /> == Footnotes ==<br /> &lt;references/&gt;<br /> ==Other Information==<br /> {{Footer}}<br /> [[Category:JKW-KABAB-Volume-03-GA]]<br /> [[Category:Khyentse Lineage Project]]</div>

Mort https://khyentselineage.tsadra.org/index.php?title=JLKO-KABUM-11-DA-025&diff=64207 2026-09-30T16:58:50Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ།<br /> |fulltitle=zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa<br /> |citation='jigs med gling pa. ''Zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa''. In ''Kun mkhyen rig 'dzin 'jigs med gling pa'i gsung 'bum'', Vol. 11: 407-468. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Confessions - bshags pa, Mending Rituals - bskang chog, Ritual and Liturgical Texts - cho ga phyag len<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=025<br /> |pagenumbers=407-468<br /> |totalpages=62<br /> |beginfolioline=1a1<br /> |endfolioline=31b3<br /> |totalfolios=31<br /> |multivolumework=No<br /> |rectonotes=ngan song sbyong ba<br /> |versonotes=chog sgrigs khrom dkrugs gsal ba'i rgyan<br /> |colophontib=ཅེས་པའང་རང་བྱུང་རྡོ་རྗེས་སོཿ<br /> |colophonwylie=ces pa'ang rang byung rdo rjes so:<br /> |pdflink=File:JLKO-KABUM-11-DA-025.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ་བཞུགས། <br /> <br /> ༄༅། །{{TibChung|བཅོམ་ལྡན་འདས་རྒྱལ་བ་ཞི་ཁྲོའི་ལྷ་ཚོགས་ལ་ཕྱག་འཚལ་ལོ། །བཀའ་གཏེར་ཟུང་དུ་འཇུག་པའི་ཞི་ཁྲོའི་སྐོང་བཤགས་འདི་ལ་སྔོན་འགྲོ་དངོས་གཞི། རྗེས་གསུམ་གྱི། དང་པོ་ལའང་བཞི་ལས། དང་པོ་ཕྱི་རོལ་པ་བསྐྲད་པ་ནི། སྔོན་གཏོར་}}ཨ་ཀཱ་རོ{{TibChung|ས་བརླབས་ལ།}} ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། །ཨོཾ་ཤྲཱི་བཛྲ་ཧྱ་གྷྲི་ཝ་རཱ་ཙ་ཧྲི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊཿ བགེགས་རྣམས་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། {{TibChung|གཉིས་པ་མཆོད་རྫས་རྣམས་ལ་བསང་ཆུས་འཐོར་ཞིང་།}} ཨོཾ་བཛྲ་ཀྲོ་དྷ་ཧྱ་གྷྲྀ་ཝ་ཧུ་ལུ་ཧུ་ལུ་ཧཱུྃ་ཕཊཿ ཨརྒྷཾ་ པཱ་དྱཾ་ པུཥྤེ་ དྷུ་པེ་ ཨཱ་ལོ་ཀེ་ གྷནྡྷེ་ ནཻ་ཝི་དྱཱ་ ཤབྟ་ཨོཾ་ཨཱཿཧཱུྃ། {{TibChung|ཡོངས་སུ་གྱུར་པ་ལས་ཕྱི་ནང་གི་མཆོད་པ་རྣམས་དངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྤྲིན་གྱིས་གང་བར་གྱུར། སྨན་གཏོར་རཀྟའི་སྔགས་ཀྱང་བརྗོད། གསུམ་པ་སྐྱབས་འགྲོ་ནི།}} ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །{{TibChung|བཞི་པ་སེམས་བསྐྱེད་ནི།}} ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། {{TibChung|ལན་གསུམ།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །{{TibChung|ལན་གསུམ། གཉིས་པ་དངོས་གཞི་ལ་བདག་མདུན་གཉིས་ལས། དང་པོ་བདག་བསྐྱེད་ནི།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྟོང་ཞིང་བདག་མེད་པ་མཐའ་དབུས་ལས་འདས་པའི་དག་ཆེན་ཡེ་ཤེས་ཀྱི་ཀློང་ཆེན་པོར་འོག་མིན་ལྷུན་གྱིས་གྲུབ་པའི་གཞལ་མེད་ཁང་ཤིན་ཏུ་ཉམས་དགའ་བ་ཕྱི་མཆོད་རྟེན་གྱི་རང་བཞིན་རྩེ་ལྔ་པ་ནང་རང་བྱུང་རྡོ་རྗེའི་གཞལ་ཡས་ཁང་། མནན་ན་ནེམ་ཞིང་། བཏེག་ན་འཕར་བ། ཕྱི་གསལ་ནང་གསལ། ཡེ་ཤེས་རིན་པོ་ཆེའི་ངོ་བོ་ལས་གྲུབ་པ། རྒྱ་ཁྱོན་དང་བཀོད་པ་བསམ་གྱིས་མི་ཁྱབ་པའི་མཐའ་བསྐོར་དུ་མཆོད་རྟེན་ཤིང་མེ་ཆུ་སྤྲིན་གྲུབ་པའི་རིག་འཛིན་ཞིང་སྐྱོང་གི་མཁའ་འགྲོ་མ་ལ་སོགས་པ་རྣམ་པ་བརྒྱད་ཀྱིས་མཚན་པའི་དུར་ཁྲོད་ཆེན་པོ་བརྒྱད་ཀྱི་རང་བཞིན་འཇིགས་སུ་རུང་ཞིང་སྐྱི་གཡའ་བ། དེའི་མཐའ་བསྐོར་རྡོ་རྗེའི་རྭ་བ་དང་ཡེ་ཤེས་ཀྱི་མེ་དཔུང་ཆེན་པོ་འཁྲིགས་པའི་གཞལ་མེད་ཁང་ཆེན་པོ་དེའི་དབུས་སུ། རང་བཞིན་གཞིའི་ཀུན་ཏུ་བཟང་པོ་སྐུ་མདོག་མཐིང་ཁ་ཡབ་ཡུམ་མཉམ་སྦྱོར་རྡོ་རྗེ་སྐྱིལ་ཀྲུང་མཉམ་གཞག་གིས་མཚན་པའི་ཐུགས་ཡེ་ཤེས་ཆེན་པོའི་ཀློང་དུ། མི་འཇིགས་སེང་གེའི་ཁྲི་སྟེང་པད་ཟླའི་གདན་ལ་བཅོམ་ལྡན་འདས་ཀུན་རིག་རྣམ་པར་སྣང་མཛད་སྐུ་མདོག་དཀར་པོ། ཞལ་བཞིའི་རྩ་ཞལ་དཀར་པོ། གཡས་ཞལ་སེར་བ། གཡོན་ཞལ་དམར་བ། རྒྱབ་ཞལ་ལྗང་ཁུ། འཁོར་ལོ་འཛིན་པའི་ཕྱག་གཉིས་མཉམ་པར་བཞག་ཅིང་སྐྱིལ་ཀྲུང་དུ་བཞུགས་པའི་ཤར་དུ་གླང་པོ་ཆེ། ལྷོར་རྟ་མཆོག །ནུབ་ཏུ་རྨ་བྱ། བྱང་དུ་ཤང་ཤང་གི་ཁྲི་སྟེགས་རྣམས་སུ་པདྨ་དང་ཟླ་བའི་དབུས་སུ་དེ་བཞིན་གཤེགས་པ་རིགས་བཞི་ཞལ་གཅིག་ཕྱག་གཉིས་གཡས་སོ་སོའི་རིགས་ཀྱིས་ཡུ་བ་བྱས་པའི་རྡོ་རྗེ་དང་། གཡོན་རྣམས་དྲིལ་བུ་འཛིན་པ། ལྔ་ཀའང་དར་དང་རིན་པོ་ཆེའི་རྒྱན་གྱིས་མཛེས་ཤིང་གྲི་ཐོད་འཛིན་པའི་རང་འོད་ཀྱི་ཡུམ་དང་འཁྲིལ་བ། དེ་དག་གི་ཕྱི་ནང་གི་གྲྭ་ཟུར་བཞིར་ནམ་མཁའི་སྙིང་པོ་ལ་སོགས་པ་ཕྱི་ནང་གི་སེམས་དཔའ་བརྒྱད་ལ་རྡོ་རྗེ་སྒེག་མོ་མ་ལ་སོགས་པའི་ཕྱི་ནང་གི་སེམས་མ་བརྒྱད་ཀྱིས་འཁྲིལ་བ་ཀུན་ཀྱང་སེམས་དཔའི་སྐྱིལ་མོ་ཀྲུང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པའོ། །དེ་དག་གི་ཐུགས་རྗེའི་རྩལ་ལས་ཕྱོག་པ་བཞིའི་སྣམ་བུ་དང་སྟེང་འོག་གཉིས་སུ་ཐག་བཟངས་རིས་ལ་སོགས་པའི་སྤྲུལ་སྐུ་ཐུབ་པ་དྲུག་འགྲོ་བའི་དོན་ལ་གཤེགས་པའི་བརྡར་འགྲེང་བུར་བཞུགས་པ། སྒོ་བཞིར་སྒོ་བ་ཡབ་ཡུམ་རྣམས་ཁྲོ་བོ་ཆེན་པོའི་སྟངས་སྟབས་ཀྱིས་རོལ་ཞིང་མེ་དཔུང་འབར་བའི་ཀློང་ན་བཞུགས་པའོ། །དེ་དག་གི་སྐུའི་གསལ་སྣང་ལས་སྟེང་གི་ཆར་ཡེ་ཤེས་བསྐལ་པའི་མེ་དཔུང་རབ་ཏུ་འཁྲུགས་པའི་ཀློང་ན་ཁྲག་འཐུང་ལྔ་བཅུ་རྩ་བརྒྱད་ཀྱི་ཚོམ་བུའི་དཀྱིལ་འཁོར་ཤིན་ཏུ་འཇིགས་སུ་རུང་བ། ཐམས་ཅད་ཀྱང་སྐུ་མདོག་དང་ཕྱག་མཚན་གཅིག་ཏུ་མ་ངེས་ཤིང་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟར་སྐད་ཅིག་དྲན་རྫོགས་སུ་གསལ་བར་གྱུར། {{TibChung|ཅེས་པས་གསལ་གདབ་བོ། །གལ་ཏེ་སློབ་མ་རྗེས་འཛིན་ནམ། ཚེ་འདས་ཀྱི་སྦྱོང་བ་ལ་སོགས་པའི་དོན་དུ་ཡིན་ན་དབང་དོན་བུམ་པའི་དཀྱིལ་འཁོར་སྤྲུལ་པའང་ཆོ་ག་གཅིག་པོ་དེའི་སྒྲོམ་ནས་བསྐྱེད་པའི་ཚུལ་ཁོང་དུ་ཆུད་པར་བྱའོ། །གཉིས་པ་ཚོགས་བསག་པའི་སླད་དུ་མདུན་བསྐྱེད་བསྒྲུབ་པ་ལ་སྦྱོར་བ་སེམས་བསྐྱེད་དང་། དངོས་གཞིའི་རིམ་པ་གཉིས་ལས། དང་པོ་ལ་ཀུན་རྫོབ་པ་ནི།}} བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་མོད་ཀྱང་། །རྟོག་པའི་དབང་གིས་འཁོར་བ་ལས། །བྱང་ཆུབ་མཆོག་ཏུ་སེམས་བསྐྱེད་དོ། །{{TibChung|དོན་དམ་ནི།}} ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགགས། །འགགས་པ་ཉིད་ན་འགགས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །{{TibChung|གཉིས་པ་ལ་ཏིང་འཛིན་རྣམ་གསུམ། རྟེན་གཞལ་ཡས། བརྟེན་པ་ལྷ་བསྒོམ་པ། ཚོགས་བསག་པ་དང་བཞིའི། དང་པོ་ལའང་གསུམ་ལས། དེ་བཞིན་ཉིད་ནི།}} དངོས་རྣམས་ཉིད་ན་དངོས་མེད་པ། །རྟོག་པའི་སྨྲ་བསམ་ཡུལ་ལས་འདས། །དེ་བཞིན་ཉིད་དབྱིངས་ཡེ་ཤེས་ཏེ། །དེ་ཕྱིར་དངོས་པོ་མེད་པའོ། །{{TibChung|ཀུན་སྣང་ནི།}} དེ་བཞིན་ཉིད་ནི་སྤྲོས་མེད་ཀྱང་། །རང་བཞིན་ཀུན་ཏུ་སྣང་བའི་དབྱིངས། །སེམས་ཅན་ཀུན་ལ་སྙིང་བརྩེའི་ཕྱིར། །ནམ་མཁའ་ལ་ནི་ནམ་མཁའ་བསྒོམ། །{{TibChung|རྒྱུའི་ཏིང་འཛིན་ནི།}} དངོས་པོ་མེད་ལས་དངོས་པོའི་སྤྲིན། །སྣ་ཚོགས་རྣམ་པར་འབྱུང་ཞིང་འགྱུར། །གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གི་ཡིད་བཞིན་རིན་ཆེན་སྤྲིན། །ཡི་གེ་མཆོག་ནི་བསྒོམ་པར་བྱ། །{{TibChung|གཉིས་པ་རྟེན་གཞལ་ཡས་ཁང་བསྒོམ་པ་ནི།}} སེམས་ཉིད་ཨ་དཀར་པོ་དྲི་མ་མེད་པར་གསལ་བ་ལས། ཨེ་ཡཾ་ཝཾ་ལཾ་སུཾ་རཾ་རྣམས་ཆད། སྥ་ར་ཎ་ཕཊཿ སཾ་ཧ་ར་ཎ་ཧཱུྃ། འཕྲོས་འདུས་ཡོངས་སུ་གྱུར་པ་ལས། །ནམ་མཁའ་ཡིད་ཀྱི་ནམ་མཁའ་ལ། །འབྱུང་ཆེན་བརྩེགས་པར་ལྷུན་གྱིས་གྲུབ། །དེ་སྟེང་རིན་ཆེན་སྣ་བཞི་ལས། །ལྷུན་གྱིས་གྲུབ་པ་ཚད་དཔག་མེད། །དེ་ལ་བརྟེན་པའི་ས་གཞི་ནི། །རིན་ཆེན་སྣ་ཚོགས་གཅལ་དུ་བཀྲམ། །མནན་ནེམ་བཏེག་འཕར་མཛེས་པའི་གཞི། །དེ་ལ་ཕོ་བྲང་གཞལ་ཡས་ཁང་། །གྲུ་བཞི་ལྷམ་པ་མཛེས་པར་སྣང་། །རིན་ཆེན་སྣ་བཞིའི་རྒྱུ་ལས་གྲུབ། །གློ་འབུར་བཞི་ཡང་འཁར་ཐབས་ཚུལ། །རིན་ཆེན་བཞི་ལས་གྲུབ་པའོ། །བུམ་པའི་རྩེ་མོ་ཆོས་ཀྱི་ཏོག །རྨ་བྱའི་མདོངས་ལྟར་བཀྲ་བའོ། །སྒོ་བཞི་སྒོ་ཁྱུད་རྣམས་ཀྱིས་བརྒྱན། །རྟ་བབས་བརྒྱད་དང་ཡང་དག་ལྡན། །དབུས་ན་འཁོར་ལོ་རྩིབས་བཞི་པ། །ལྟེ་བར་བཅས་ཤིང་རྩིབས་རྟེན་ལྡན། །གྲུ་ཆད་བར་ཁྱམས་མཛེས་པར་འབར། །རིན་ཆེན་འོད་ཟེར་འབར་བས་འཁྱིལ། །སེམས་ཅན་པདྨ་ཉི་ཟླ་དང་། །རིན་ཆེན་འབར་བའི་གདན་མཆོག་དང་། །རིན་ཆེན་ཁྲི་རྐང་རྣམ་བརྟེན་མཛེས། །ཕོ་བྲང་དེ་ཡི་རྒྱན་མཆོག་ཀྱང་། །ཉི་ཟླ་ནོར་བུ་རིན་ཆེན་འབར། །བླ་རེ་རྒྱལ་མཚན་ན་བཟའ་གདུགས། །དར་དང་དོ་ཤལ་མུ་ཏིག་ཕྲེང་། །དྲིལ་བུ་དང་ནི་རྔ་ཡབ་ཚོགས། །རོལ་མོའི་ཆ་བྱད་སྣ་ཚོགས་བརྒྱན། །འཇིག་རྟེན་ལྷ་ཚོགས་མཛེས་པ་དང་། །དེ་ལ་སོགས་ཏེ་རྒྱན་རྣམས་དང་། །བསམ་གྱིས་མི་ཁྱབ་མཐའ་ཡས་མཆོག །གཞལ་ཡས་དེ་ཡི་སྒོ་བཞི་ན། །གླང་ཆེན་རྣམས་ཀྱིས་མཛེས་པར་བྱས། །རྟ་བབས་རྣམས་ཀྱིས་ཙོང་ཙོང་ལ། །གསེར་གྱི་དྲིལ་བུ་འབར་བ་དང་། །དཀོན་མཆོག་གསུམ་གྱི་མཚན་ཡང་སྒྲོག །སྒོ་དྲུང་དེ་དག་རེ་རེ་ན། །ཏཱ་ལའི་སྐྱེ་ཤིང་ཙོང་ཙོང་བྲེས། །དྲི་དང་གཟུགས་དང་འོད་དུ་ལྡན། །ཏཱ་ལའི་སྐྱེ་ཤིང་དེ་དག་ལ། །ཁུ་བྱུག་ལ་སོགས་བཀྲ་ཤིས་པའི། །བྱ་རྣམས་སྙན་པའི་སྐད་ཀྱང་སྒྲོག །སྒོ་དྲུང་དེ་དག་རེ་རེ་ན། །ཁྲུས་ཀྱི་རྫིང་བུ་དབྱིབས་ལེགས་པ། །བྲོ་མཆོག་ཡན་ལག་བརྒྱད་ལྡན་ཆུ། །གྲངས་མེད་དེ་དག་རེ་རེ་ན། །ལྷ་དང་ལྷ་མོ་བསམ་མི་ཁྱབ། །ཕྱི་རོལ་ཁོ་ར་ཁོར་ཡུག་ན། །རྩེ་ས་འཆགས་ས་བརྗོད་མི་ལོང་། །དེ་ལ་སོགས་ཏེ་བསམ་ཡས་མཆོག །མ་བཙལ་ཡེ་ནས་ལྷུན་གྱིས་གྲུབ། །དེ་ལྟའི་གཞལ་མེད་ཁང་ཆེན་དབུས། །སེང་གེ་བརྒྱད་ཀྱིས་རྣམ་བཏེག་ཅིང་། །ཤར་ལྷོ་ནུབ་བྱང་གླང་ཆེན་རྟ། །ཁྱུང་དང་མཁའ་ལྡིང་གིས་བཏེག་པའི། །རིན་ཆེན་ཁྲི་རྐང་མཛེས་པའི་སྟེང་། པཾ་པདྨ་མཎྜ་ལ། མ་སཱུརྱ་མཎྜ་ལ། ཨ་ཙཎྜ་མཎྜ་ལ། གཙོ་བོ་ལྔ་ལ་ལྔ་བརྩེགས་གདན། །བྱ་བྱེད་གཉིས་ལ་བཞི་བརྩེགས་དང་། །སེམས་དཔའ་སུམ་བརྩེགས་ཉི་རྐྱང་སྒོ། །ཐུབ་པ་དྲུག་ལ་པད་རྐྱང་ངོ་། །{{TibChung|གསུམ་པ་བརྟེན་པ་ལྷའི་འཁོར་ལོ་སྒྲུབ་པའི་རིམ་པ་བཅུ་གསུམ་ལས། དང་པོ་མངོན་རྟོགས་སྒོམ་པ་ནི།}} རང་གི་སེམས་ཉིད་ཨ་དཀར་པོ་དྲི་མ་མེད་པ་ལས་རིགས་བརྒྱའི་རང་བཞིན་ཡི་གེའི་སྤྲིན་བྱུང་ནས་མདུན་བསྐྱེད་ཀྱི་གཙོ་བོའི་གནས་པདྨའི་ལྟེ་བ་ལ་ཡིག་འབྲུ་དང་པོ་གཉིས་གནས་ཤིང་། དེའི་ཕྱི་རོལ་ནས་པདྨ་འདབ་བཞི། འདབ་བརྒྱད། བཅུ་དྲུག །སུམ་ཅུ་རྩ་གཉིས། བཞི་བཅུ་པ་རྣམས་ལ་ཤར་ནས་རིམ་པས་གཡས་བསྐོར་གྱིས། ཨོཾ། བ། ཛྲ། ས། ཏྭ། ས། མ། ཡ། མ། ནུ། པཱ། ལ། ཡ། བ། ཛྲ། ས། ཏྭ། ཏྭེ། ནོ། པ། ཏིཥ། ཋ། དྲྀ། ཌྷོ། མེ། བྷ། ཝ། སུ། པོ། ཥྱོ། མེ། བྷ། ཝ། ཨ། ནུ། རཀ། ཏོ། མེ། བྷ། ཝ། སར། བ། སིད། དྷི། མྨེ། པྲ། ཡཙ། ཚ། སར། བ། ཀར། མ། སུ། ཙ། མེ། ཙིཏ། ཏཾ། ཤྲེ། ཡ། ཀུ། རུ། ཧཱུྃ། ཧ། ཧ། ཧ། ཧ། ཧོ། བྷ། ག། ཝཱན། སར། བ། ཏ། ཐཱ། ག། ཏ། བ། ཛྲ། མཱ། མེ། མུན། ཙ། བ། ཛྲཱི། བྷ། ཝ། མ། ཧཱ། ས། མ། ཡ། ས། ཏྭ། ཨཱ། ཧཱུྃ། ཕཊ། ཅེས་མུ་ཏིག་གི་ཕྲེང་བ་ལྟ་བུར་གསལ་བར་གྱུར་པ་ལ། ཨ་ཞེས་བརྗོད་པས་གཞིའི་ཨ་དེ་འོད་དུ་ཞུ་ནས་ཡིག་འབྲུ་རྣམས་ལ་ཁྱབ་པར་ཐིམ་པས་ཤིན་ཏུ་གསལ་ཞིང་འབར་བར་གྱུར། སྥ་ར་ཎ་ཕཊ། ཡིག་འབྲུ་རྣམས་ལས་འོད་ཟེར་འཕྲོས་སངས་རྒྱས་ཀྱི་མཛད་པ་བསྒྲུབས། སཾ་ཧ་ར་ཎ་ཧཱུྃ། སླར་འདུས་ནས་ཡིག་འབྲུ་རྣམས་ལ་ཐིམ་པ་འོད་དུ་ཞུ་བ་ལས་ཞི་ཁྲོ་རིགས་བརྒྱའི་དཀྱིལ་འཁོར་གྱི་འཁོར་ལོར་གྱུར་པ་ནི། ཧཱུྃ་བཛྲ་སཏྭ། རང་ཉིད་དཀྱིལ་འཁོར་གྱི་དབུས་སུ་བཅོམ་ལྡན་འདས་དཔལ་རྡོ་རྗེ་སེམས་དཔའ་སྐུ་མདོག་མཐིང་ག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་དང་པོ་རྡོ་རྗེ་ཐུགས་ཀར་འཛིན་ཅིང་། གཡོན་དང་པོ་དྲིལ་བུ་དཀུར་བརྟེན་པས་ཡུམ་ལ་འཁྱུད་པ། བར་པ་གཉིས་འཁོར་ལོ་དང་རིན་པོ་ཆེ། ཐ་མ་གཉིས་ཀྱིས་པདྨ་དང་རལ་གྲི་འཛིན་པ། དབུ་སྐྲ་རལ་པའི་ཐོར་ཚུགས་ཅན། ཞབས་གཉིས་རྫོགས་པའི་སྐྱིལ་མོ་ཀྲུང་གིས་བཞུགས་པའོ། །མཱུཾ་དྷཱ་ཏྭེ་ཤྭ་རཱི། ཡབ་ཀྱི་གཡོན་ཕྱོགས་ཉེ་བའི་འཕང་དུ་ཡུམ་རྡོ་རྗེ་དབྱིངས་ཕྱུག་མ་སྔོན་མོ་ཕྱག་གཡས་དྲིལ་བུ་འཛིན་པས་ཡབ་ལ་འཁྱུད་ཅིང་གཡོན་རྡོ་རྗེ་ཐུགས་ཀར་འཛིན་པ། བརྟུལ་ཞུགས་ཀྱི་སྐྱིལ་མོ་ཀྲུང་གིས་འཁྲིལ་བ། གཉིས་ཀའང་ལྷ་རྫས་ཀྱི་དར་དཀར་པོ་གསེར་གྱི་ངང་རིས་ཅན་གྱི་སྟོད་གཡོགས་དང་། ཚི་གུའི་སྨད་དཀྲིས། ཁ་དོག་སྣ་ཚོགས་པའི་ཅོད་པན་ཟི་ལྡིར། གར་གྱི་ཕུ་དུང་སྟེ་དར་གྱི་ཆས་གོས་ལྔ་དང་། རིན་པོ་ཆེའི་དབུ་རྒྱན། སྙན་ཆ། མགུལ་རྒྱན། སེ་མོ་དོ། དོ་ཤལ། སྐ་རགས། ཕྱག་ཞབས་ཀྱི་གདུ་བུ་སྟེ་རིན་པོ་ཆེའི་རྒྱན་བརྒྱད་ཀྱིས་མཛེས་པར་སྤྲས་པ། མཉེན་ལྕུག་འཁྲིལ་ལྡེམ་གཞོན་ཚུལ་ཅན། གསལ་འཚེར་ལྷུན་སྡུག་གཟི་བྱིན་ལྡན་པ་སྟེ་ཞི་བའི་ཉམས་དགུས་བརྒྱན་པ། སངས་རྒྱས་ཀྱི་སྤྲིན་ཕུང་མཐའ་ཡས་པར་འཆར་པའི་འོད་ཟེར་ཁ་དོག་དྲུག་གི་སྣང་བ་རེ་རེ་ཡང་བྱེ་བ་ཕྲག་དྲུག་དྲུག་ཏུ་འཕྲོ་ཞིང་འབར་བའི་ཀློང་ན་བདེ་སྟོང་གཉིས་སུ་མེད་པའི་ངོ་བོར་བཞུགས་པའོ། །དེའི་ཕྱི་རོལ་གྱི་འདབ་མ་བཞི་ལ། ཧཱུྃ་བཛྲ་དྷྲིཀ ཤར་དུ་མི་བསྐྱོད་པ་སྔོན་པོ་གཡས་རྡོ་རྗེ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། མུཾ་དྷཱ་ཏྭེ་ཤྭ་རཱི། ལྷོར་རྡོ་རྗེ་དབྱིངས་ཀྱི་དབང་ཕྱུག་མ་སྔོན་མོ་གཡས་དྲིལ་བུ་དཀུར་བརྟེན་ཅིང་གཡོན་རྡོ་རྗེ་ཐུགས་ཀར་འཛིན་པ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ནུབ་ཏུ་ཀུན་ཏུ་བཟང་པོ་མཐིང་ག་མཉམ་གཞག་གི་ཕྱག་རྒྱ་ཅན། ཨ་ཨ་ཨ་བཛྲི་བྷ་དྲ་ས་མནྟ་ཨཾ། བྱང་དུ་ཀུན་ཏུ་བཟང་མོ་མཐིང་ག་ཐལ་མོ་ཐུགས་ཀར་སྦྱར་བའོ། །དེའི་ཕྱི་རོལ་གྱི་འདབ་མ་བརྒྱད་ལ་ཤར་ནས་རིམ་པ་བཞིན། ཨོཾ་ཛི་ན་ཛིཀ །རྣམ་སྣང་དཀར་པོ་གཡས་འཁོར་ལོ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། ལྭཾ་དེ་ཥ་ར་ཏི། སྤྱན་མ་དཀར་མོ་གཡས་དྲིལ་བུ་དཀུར་བརྟེན་ཅིང་། གཡོན་འཁོར་ལོ་ཐུགས་ཀར་འཛིན་པ། སྭཱཾ་རཏྣ་དྷྲིཀ །རིན་འབྱུང་སེར་པོ་གཡས་རིན་པོ་ཆེ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། མྭཾ་མོ་ཧ་ར་ཏི། མཱ་མ་ཀཱི་སེར་མོ་གཡས་དྲིལ་བུ་དཀུར་བརྟེན་ཅིང་། གཡོན་རིན་པོ་ཆེ་ཐུགས་ཀར་འཛིན་པ། ཨཱཾ་ཨ་རོ་ལྀ་ཀ །སྣང་མཐའ་དམར་པོ་གཡས་པདྨ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། པཱཾ་རཱ་ག་ར་ཏི། གོས་དཀར་མོ་དམར་མོ་གཡས་དྲིལ་བུ་དཀུར་བརྟེན་ཅིང་། གཡོན་པདྨ་ཐུགས་ཀར་འཛིན་པ། ཧཱཾ་པྲ་ཛྙཱ་དྷི་ཀ །དོན་གྲུབ་ལྗང་གུ་གཡས་རྒྱ་གྲམ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། ཏཱཾ་བཛྲ་ར་ཏི། དམ་ཚིག་སྒྲོལ་མ་ལྗང་གུ་གཡས་དྲིལ་བུ་དཀུར་བརྟེན་ཅིང་། གཡོན་རྒྱ་གྲམ་ཐུགས་ཀར་འཛིན་པ། རིགས་ལྔ་ཡབ་རྣམས་རྫོགས་པའི་སྐྱིལ་མོ་ཀྲུང་དང་། ཡུམ་རྣམས་བརྟུལ་ཞུགས་ཀྱི་སྐྱིལ་མོ་ཀྲུང་ཀུན་ཏུ་བཟང་པོ་རྡོ་རྗེའི་སྐྱིལ་ཀྲུང་དང་བཟང་མོ་པདྨའི་སྐྱིལ་ཀྲུང་གིས་བཞུགས་པ། ཐམས་ཅད་ཀྱང་རྒྱན་དང་ཆ་ལུགས་གཙོ་བོ་དང་མཚུངས་པའོ། །དེའི་ཕྱི་རོལ་གྱི་འདབ་མ་བཅུ་དྲུག་ལ། ཀྵིཾ་ཧི་རཱ་ཛ་ཡ། ས་སྙིང་དཀར་པོ་གཡས་རིན་པོ་ཆེའི་མྱུ་གུ་དང་། གཡོན་དྲིལ་བུ་འཛིན་པ། ཧཱུྃ་ལཱ་སྱེ་ས་མ་ཡ་སྟྭཾ། སྒེག་མོ་དཀར་མོ་ཁུ་ཚུར་གྱི་རྒྱས་མེ་ལོང་བསྣམས་པ། ཏྲཱཾ་ཨཱ་གརྦྷ་ཡ། ནམ་སྙིང་སེར་པོ་གཡས་རལ་གྲི་དང་གཡོན་དྲིལ་བུ་འཛིན་པ། ཏྲཱཾ་མཱ་ལྱེ་ས་མ་ཡ་ཧོ། ཕྲེང་བ་མ་སེར་མོ་རིན་པོ་ཆེའི་ཕྲེང་བ་བསྣམས་པ། ཧྲཱིཿཧཱ་ཧཱུྃ་པདྨ་པྲ་དམ། སྤྱན་རས་གཟིགས་དམར་པོ་གཡས་པདྨ་དང་གཡོན་དྲིལ་བུ་འཛིན་པ། ཧྲཱིཾ་གཱི་ཏི་རཱ་གོ྅་ཧཾ། གླུ་མ་དམར་མོ་པི་ཝཾ་བསྣམས་པ། ཛྲིཾ་ཀུ་རུ་པཱ་ཎི། ཕྱག་རྡོར་མཐིང་ག་གཡས་རྒྱ་གྲམ་དང་གཡོན་དྲིལ་བུ་འཛིན་པ། ཨཱཾ་ནིརྟི་རཱ་ག་ཡ་མེ། གར་མ་ལྗང་གུ་གར་རྒྱ་མཛད་པ། མཻ་དྷཱ་ར་ནི་སྭཱ་ཧཱ། བྱམས་པ་དཀར་སེར་གཡས་ཀླུ་ཤིང་དང་གཡོན་དྲིལ་བུ་འཛིན་པ། ཛཿདྷུ་པེ་པྲ་བེ་ཤ །སྤོས་མ་དཀར་སེར་སྤོས་ཁང་བསྣམས་པ། ཐིཾལྷ་ནིསྶ་རཾ་བྷ་ཡ་སྭཱ་ཧཱ། སྒྲིབ་སེལ་དམར་སེར་གཡས་གླེགས་བམ་དང་གཡོན་དྲིལ་བུ་འཛིན་པ། ཧཱུྃ་པུཥྤེ་ཨཱ་བེ་ཤ། མེ་ཏོག་མ་དམར་སེར་མེ་ཏོག་གི་ཕྲེང་བ་བསྣམས་པ། ཧཱུྃ་སྭཱ་རཱ་ཛ་ཡ་སྭཱ་ཧཱ། ཀུན་བཟང་དམར་ལྗང་གཡས་རིན་པོ་ཆེའི་སྙེ་མ་དང་གཡོན་དྲིལ་བུ་འཛིན་པ། བཾ་དཱི་པ་སུ་ཀི་རཱི། མར་མེ་མ་དམར་ལྗང་མར་མེ་བསྣམས་པ། མཱུཾ་ཤྲཱི་ཨཾ་རཱ་ག་སྭཱ་ཧཱ། འཇམ་དཔལ་དཀར་ལྗང་གཡས་ཨུཏྤལ་དང་གཡོན་དྲིལ་བུ་འཛིན་པ། ཧོཿགནྡྷེ་ཙིཏྟ། དྲི་ཆབ་མ་ལྗང་དཀར་དྲིའི་དུང་ཕོར་བསྣམས་པ་སྟེ་ཡབ་རྣམས་གཡས་བརྐྱངས་པའི་ཕྱེད་སྐྱིལ་དང་། ཡུམ་རྣམས་གཡོན་བརྐྱངས་པའི་ཕྱེད་སྐྱིལ་གྱིས་བཞུགས་པ། ཐམས་ཅད་ཀྱང་དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པའོ། །དེའི་ཕྱི་རོལ་གྱི་འདབ་མ་སོ་གཉིས་ལ། ཧཱུྃ་ཡ་མཱནྟ་ཀྲིཏ་ཕཊ། གཤིན་རྗེ་གཤེད་སྨུག་ནག་ྈྈ་ནྲྀ་མགོ་གདེངས་པ་འཛིན་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ལྕགས་ཀྱུ་མ་སྨུག་ནག་ལྕགས་ཀྱུ་འཛིན་པ། ཧཱུྃ་པྲ་ཛྙཱནྟ་ཀྲིཏ་ཕཊ། སྟོབས་པོ་ཆེ་སེར་ནག་རྡོ་རྗེ་འཛིན་པ། ཨོཾ་མ་ཧཱ་རཏྣ་དྷ་ར་ཕཊ། ཞགས་པ་མ་སེར་ནག་ཞགས་པ་འཛིན་པ། ཧཱུྃ་པདྨནྟ་ཀྲིཏ་ཕཊ། རྟ་མགྲིན་དམར་ནག་ཐོད་དབྱུག་སྦྲུལ་གྱིས་དཀྲིས་པ་འཛིན་པ། ཨོཾ་མ་ཧཱ་པདྨ་དྷ་ར་ཕཊ། ལྕགས་སྒྲོག་མ་དམར་ནག་ལྕགས་སྒྲོག་འཛིན་པ། ཧཱུྃ་བིགྷྣནྟ་ཀྲིཏ་ཕཊ། བདུད་རྩི་འཁྱིལ་པ་ལྗང་ནག་རྒྱ་གྲམ་འཛིན་པ། ཨོཾ་མ་ཧཱ་ཀརྨ་ཏ་ཀྲིཏ་ཕཊ། དྲིལ་བུ་མ་ལྗང་ནག་དྲིལ་བུ་འཛིན་པ། ཐམས་ཅད་ཀྱང་ཁྲོ་གཏུམ་མི་བཟད་པའི་ཉམས་ཅན་གྱད་ཀྱི་འདོར་སྟབས་སུ་བཞུགས་པའོ། །ཨོཾ་མུ་ནེ་ཀྲེཾ་སྭཱ་ཧཱ། ལྷའི་ཐུབ་པ་དཀར་པོ་པི་ཝཾ་འཛིན་པ། ཨོཾ་མུ་ནེ་ཧཱུྃ་ཏྲུཾ་སྭཱ་ཧཱ། ལྷ་མིན་གྱི་ཐུབ་པ་མཐིང་ག་གོ་ཆ་འཛིན་པ། ཨོཾ་མུ་ནེ་སྲུཾ་སྭཱ་ཧཱ། མིའི་ཐུབ་པ་སེར་པོ་གསེག་པར་འཛིན་པ། ཨོཾ་མུ་ནེ་བྲཾ་སྭཱ་ཧཱ། བྱོལ་སོང་གི་ཐུབ་པ་དམར་ནག་པུ་སྟི་འཛིན་པ། ཨོཾ་མུ་ནེ་ཀྵཾ་སྭཱ་ཧཱ། ཡི་དྭགས་ཀྱི་ཐུབ་པ་སེར་ནག་རིན་པོ་ཆེའི་སྒྲོམ་བུ་འཛིན་པ། ཨོཾ་མུ་ནེ་ཡེ་སྭཱ་ཧཱ། དམྱལ་བའི་ཐུབ་པ་དུད་ཁ་མེ་ཆུ་འཛིན་པ། ཐམས་ཅད་ཀྱང་མཆོག་གི་སྤྲུལ་སྐུའི་ཆ་བྱད་ཅན་འགྲོ་བའི་དོན་ལ་བཞེངས་སྟབས་ཀྱིས་གནས་པའོ། །ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཾ་ཧཱུྃ་ཧཱུྃ་ཕཊ། རྡོ་རྗེ་ཁྲག་འཐུང་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་རྡོ་རྗེ་རྩེ་དགུ་དང་དྲིལ་བུ། ལྷག་མ་གཡས་གཉིས་རྩེ་ལྔ་དང་ཏི་ར། གཡོན་གཉིས་དུང་དམར་དང་འཇིག་རྟེན། ཞབས་གཉིས་རུ་ཏྲ་ཕོ་མོའི་གདན་ལ་རོལ་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། རྡོ་རྗེ་ཁྲག་འཐུང་མ་སྔོན་མོ་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། སངས་རྒྱས་ཁྲག་འཐུང་སྨུག་ནག་སྨུག་ལྗང་སེར་བའི་ཞལ་གསུམ་ཕྱག་དྲུག་གི་དང་པོ་གཉིས་འཁོར་ལོ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་ཁ་ཊྭཱཾ་ཀ །ཞབས་བཞི་དྲི་ཟ་ཕོ་མོའི་གདན་ལ་རོལ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཀྲོ་ཏི་ཤྭ་རཱི་སརྦ་དུཥྚན་ཧཱུྃ་ཕཊ། སངས་རྒྱས་ཁྲག་འཐུང་མ་སྨུག་ནག་གཡས་དྲིལ་བུ་དང་། གཡོན་དུང་དམར་སྟོབ་པ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། རིན་ཆེན་ཁྲག་འཐུང་སེང་ནག་སེར་སྨུག་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་རིན་པོ་ཆེ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་དགྲ་སྟྭ། ཞབས་བཞི་གཤིན་རྗེ་ཕོ་མོའི་གདན་ལ་རོལ་པ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷི་ཤྭ་རཱི་བི་ད་མ་ཧཱུྃ་ཕཊ། རིན་ཆེན་ཁྲག་འཐུང་མ་སེར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། པདྨ་ཁྲག་འཐུང་མ་དམར་ནག་དམར་སེར་ལྗང་བའི་ཞལ་གསུམ་ཕྱག་དྲུག་གི་དང་པོ་གཉིས་པདྨ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་རྔེའུ་ཆུང་། ཞབས་བཞི་ཀླུ་དབང་ཕོ་མོའི་གདན་ལ་རོལ་པ། ཨོཾ་ཧྲཱི་ཧུ་ཏ་ས་མ་ཏ་པདྨ་མ་ཧཱ་ཀྲོ་དྷི་ཤྭ་རཱི་ཁཱ་ཧི་ཧཱུྃ་ཕཊ། པདྨ་ཁྲག་འཐུང་མ་དམར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ལས་ཀྱི་ཁྲག་འཐུང་ལྗང་ནག་ལྗང་དམར་སྨུག་པའི་ཞལ་གསུམ་ཕྱག་དྲུག་གི་དང་པོ་གཉིས་རྒྱ་གྲམ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར་གཡོན་གཉིས་དུང་དམར་དང་ཐོང་གཤོལ། ཞབས་བཞི་གནོད་སྦྱིན་ཕོ་མོའི་གདན་ལ་རོལ་པ། ཨོཾ་སརྦ་ཨ་མོ་གྷ་མ་ཧཱ་ཀྲོ་དྷི་ཤྭ་རཱི་བི་ཤྭ་ཧཱུྃ་ཕཊ། ལས་ཀྱི་ཁྲག་འཐུང་མ་ལྗང་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཡབ་རྣམས་ཞབས་གཡས་བརྐྱངས་དང་ཡུམ་རྣམས་གཡོན་བརྐྱངས་པའི་དོར་སྟབས་ཀྱི་ཚུལ་ཅན། ཐམས་ཅད་ཀྱང་གར་དགུའི་རོས་སྒེག་ཅིང་དུར་ཁྲོད་རོལ་པའི་ཆས་ཀྱིས་བརྒྱན་པའོ། །ཨོཾ་བཛྲ་གཽ་རཱི་ཧ། གཽ་རཱི་སྔོན་མོ་གཡས་ཞིང་དབྱུག་དང་གཡོན་བྷན་དམར་འཛིན་པ། ཨོཾ་བཛྲ་ཙཽ་རཱི་ཧ། ཙཽ་རཱི་མ་སེར་མོ་མདའ་གཞུ་འགེངས་པ། ཨོཾ་བཛྲ་པྲ་མོ་ཧེ་ཧ། པྲ་མོ་དམར་མོ་ཆུ་སྲིན་གྱི་རྒྱལ་མཚན་ཕྱར་བ། ཨོཾ་བཛྲ་བཻ་ཏ་ལཱི་ཧ། བེ་ཏ་ལི་ནག་མོ་རྡོ་རྗེ་དང་ཞིང་ཆུང་འཛིན་པ། ཨོཾ་བཛྲ་པུཀྐ་སཱི་ཧ། པུཀྐ་སཱི་དམར་སེར་ཞིང་ཆུང་གི་རྒྱུ་མ་འདྲེན་པ། ཨོཾ་བཛྲ་གྷསྨ་རཱི་ཧ། གྷསྨ་རཱི་ལྗང་གུ་གཡོན་དུང་ཁྲག་གཡས་པའི་རྡོ་རྗེས་དཀྲུགས་པ། ཨོཾ་བཛྲ་སྨེ་ཤ་ནཱི་ཧ། སྨེ་ཤ་མཐིང་ནག་བྱིས་པའི་རོ་བཟུང་ནས་སྙིང་ཟ་བ། ཨོཾ་བཛྲ་ཙཎྜ་ལཱི་ཧ། ཙཎྜ་ལཱི་སེར་སྐྱ་ཞིང་ཆུང་གི་མགོ་ལུས་འདྲལ་བ། ཐམས་ཅད་ཀྱང་གཅེར་བུ་ལང་ཚོས་སྒེག་ཅིང་ཁྲོ་འཛུམ་བཞད་པ་དུར་ཁྲོད་རོལ་པའི་ཆས་ཅན་གཡོན་བརྐྱངས་པའི་སྟབས་ཀྱིས་གནས་པའོ། །དེའི་ཕྱི་རོལ་གྱི་འདབ་མ་བཞི་བཅུ་ལ། ཨོཾ་བཛྲ་སིདྷ་མུ་ཁཱི་ཧེ། སེང་གདོང་མ་སེར་མོ་རོ་ཟ་ཞིང་ལག་གཉིས་ཐུགས་ཀར་བསྣོལ་བ། ཨོཾ་བཛྲ་བྱ་གྷྲི་མུ་ཁཱི་ཧེ། སྟག་གདོང་མ་དམར་མོ་ལག་གཉིས་ཐུར་དུ་བསྣོལ་བས་རོ་བཟུང་བ། ཨོཾ་བཛྲ་ཤྲཱི་གཱ་ལ་མུ་ཁཱི་ཧེ། ཝ་གདོང་མ་ནག་མོ་ཞིང་ཆུང་ལྕེས་ལྡག་པ། ཨོཾ་བཛྲ་ཤྭ་ན་མུ་ཁཱི་ཧེ། སྤྱང་གདོང་མ་དམར་ནག་ཞིང་ཆུང་གི་ཁོག་པ་འདྲལ་བ་སྟེ། མཆེ་བ་ཅན་བཞི། ཨོཾ་བཛྲ་གྲྀ་ཌྷ་མུ་ཁཱི་ཧེ། རྒོད་གདོང་མ་དམར་མོ་ཞིང་གི་རྒྱུ་མ་འདྲེན་པ། ཨོཾ་བཛྲ་ཀངྐ་མུ་ཁཱི་ཧེ། ཀངྐའི་གདོང་མ་དམར་སྐྱ་བམ་རོ་ཕྲག་པར་ཁུར་བ། ཨོཾ་བཛྲ་ཀཱ་ཀ་མུ་ཁཱི་ཧེ། བྱ་རོག་གདོང་ཅན་ནག་མོ་རལ་གྲི་དང་བྷན་དམར་འཛིན་པ། ཨོཾ་བཛྲ་ཨུ་ལུ་ཀ་མུ་ཁཱི་ཧེ། འུག་གདོང་མ་མཐིང་ནག་རྡོ་རྗེའི་དབྱུག་པ་འཛིན་པ་སྟེ་གཤོག་པ་ཅན་བཞིའོ། །ཨོཾ་བཛྲ་ཨཱརྱ་ཏེ་ཛ་ཏེ་ང་ཛ། རྟ་གདོང་མ་སྔོན་མོ་ལྕགས་ཀྱུ་འཛིན་པ། ཨོཾ་བཛྲ་ཨ་མུ་ཁེ་ཧཱུྃ། ཕག་གདོང་མ་ནག་མོ་ཞགས་པ་འཛིན་པ། ཨོཾ་བཛྲ་ལོ་ཀ་བཾ། སེང་གདོང་མ་དམར་མོ་ལྕགས་སྒྲོག་འཛིན་པ། ཨོཾ་བཛྲ་བྷསྨི་བཱ་ལ་ཡ་བ་ཏུ་ཧོ། སྤྱང་གདོང་མ་ལྗང་གུ་དྲིལ་བུ་འཛིན་པ། ཐམས་ཅད་ཀྱང་གཅེར་བུ་རང་དང་ཁྲོས་པའི་ཞལ་ཅན་དུར་ཁྲོད་འབར་པའི་ཆས་དང་ལྡན་པའོ། །མ་ནུ་རཀྵ་སཱི་བྷྱོ། བྲཧྨ་ཎཱི་བྷྱོ། རཽ་ཏྲི་བྷྱོ། ཀུ་མ་རཱི་བྷྱོ། བེཥྞ་བཻ་བྷྱོ། ཨིནྡྲ་ཎི་བྷྱོ། སྲིན་མོ་དམར་སེར་གཡག་གདོང་ཏྲི་ཤུལ་འཛིན་པ། ཚངས་པ་དམར་སྐྱ་སྦྲུལ་གདོང་རྡོ་རྗེ་རྩེ་ལྔ་འཛིན་པ། འཁྲུག་མོ་སེར་ནག་གཟིག་གདོང་དབྱུག་ཏོ་དང་སྡིག་མཛུབ། བརྒྱ་བྱིན་མ་དཀར་དམར་སྲེ་མོང་མགོ་ཅན་དུང་དམར་འཛིན་པ། ཁྱབ་འཇུག་མ་སེར་མོ་ཕ་ཝང་མགོ་ཅན་འཁོར་ལོ་འཛིན་པ། དབང་མོ་དམར་སྐྱ་དྲེད་གདོང་བམ་དབྱུག་འཛིན་པའོ། །ཨོཾ་བཛྲ་པིངྒ་ལཾ་བྷྱོ། ཨ་མྲྀ་ཏ་བྷྱོ། སཽ་མྱ་བྷྱོ། དཎྜ་དམ་བྷྱོ། རཀྵ་སཱི་བྷྱོ། བྷཀྵ་སཱི་བྷྱོ། ཞི་བ་དམར་མོ་དོམ་མགོ་ཅན་རྒྱུ་ཞགས་འཛིན་པ། བདུད་རྩི་མ་སྔོན་མོ་ཆུ་སྲིན་མགོ་ཅན་བུམ་པ་འཛིན་པ། ཞི་བ་མ་སྔོ་སྐྱ་སྡིགས་པའི་མགོ་ཅན་པུཎྜ་རི་ཀ་འཛིན་པ། བེ་ཅོན་མ་ནག་མོ་ཁྲ་མགོ་ཅན་ཐོད་རློན་འཛིན་པ། སྲིན་མོ་དམར་ནག་ཝ་གདོང་རྒྱུ་ཞགས་འཛིན་པ། ཟ་བྱེད་ནག་མོ་སྟག་མགོ་བམ་ཆེན་འཛིན་པའོ། །ར་ཏི་བཛྲ་བྷྱོ། རུ་དྷི་ར་མཱཏྟ་བྷྱོ། ཨེ་ཀ་ཙ་རི་ཎི་བྷྱོ། མ་ནོ་ཧ་ར་མ་བྷྱོ། སིདྡྷིི་ཀ་མ་བྷྱོ། ཝ་ཡ་ཝི་བྷྱོ། དགའ་བྱེད་དམར་མོ་རྒོད་གདོང་ཁོག་ཆེན་འཛིན་པ། ཁྲག་འཐུང་མ་དམར་ནག་རྟ་གདོང་རྡོ་རྗེའི་དབྱུག་པ་འཛིན་པ། གཅིག་སྤྱོད་མ་དཀར་དམར་ཁྱུང་གདོང་བྷན་དམར་འཛིན་པ། འདོད་པ་དམར་སེར་ཁྱི་གདོང་བྱིས་བམ་འཛིན་པ། ནོར་སྲུང་དཀར་དམར་པུ་ཤུད་མགོ་ཅན་པདྨ་འཛིན་པ། རླུང་མོ་དམར་སྐྱ་ཤ་བའི་མགོ་ཅན་བ་དན་འཛིན་པའོ། །མ་ཧཱ་མ་ར་ཎ་བཛྲ་བྷྱོ། ཨགྣེ་བྷྱོ། ཝ་ར་ཧི་བྷྱོ། ཙ་མུཎྜི་བྷྱོ། སུ་ཏ་ནི་བྷྱོ། ཝ་རུ་ཎི་བྷྱོ། གསོད་བྱེད་མ་ལྗང་ནག་སྤྱང་གདོང་རྔེའུ་ཆུང་འཛིན་པ། མེ་མོ་དམར་སེར་སྐྱིན་གདོང་མེ་སྒྲོན་འཛིན་པ། ཕག་མོ་ལྗང་སེར་ཕག་གདོང་མཆེ་བ་འཛིན་པ། རྒན་བྱེད་ལྗང་སྔོན་ཁྭ་ཏའི་མགོ་ཅན་དུང་ཁྲག་འཛིན་པ། སྣ་ཆེན་ལྗང་དམར་བ་ལང་མགོ་ཅན་བམ་ཆེན་འཛིན་པ། ཆུ་ལྷ་མ་ལྗང་ནག་སྦྲུལ་གདོང་བདུད་རྩིའི་ཐོད་པ་འཛིན་པའོ། །བཛྲ་མ་ཧཱ་ཀཱ་ལི་བྷྱོ། བཛྲ་ཙ་ཀཱ་ལ་བྷྱོ། བཛྲ་ཀུམྦྷ་ཀརྞ་བྷྱོ། བཛྲ་ལམྦྷོ་དྷ་ར་བྷྱོ། ནག་མོ་ཆེན་པོ་ཁུ་བྱུག་མགོ་ཅན་ལྕགས་ཀྱུ་འཛིན་པ། རྡོ་རྗེ་སྔོན་མོ་ར་གདོང་རྒྱུ་ཞགས་འཛིན་པ། བུམ་རྣམ་དམར་མོ་སེང་གདོང་ལྕགས་སྒྲོག་འཛིན་པ། གསུས་འཛིན་མ་ལྗང་ནག་སྐྱེ་ཀའི་མགོ་ཅན་དྲིལ་བུ་འཛིན་པ། ཐམས་ཅད་ཀྱང་དྲག་མོའི་གཟུགས་ཅན་དུར་ཁྲོད་འབར་བའི་ཆས་ཀྱིས་བརྒྱན་ཏེ་ཞིང་གི་གདན་ལ་རོལ་པའོ། །གཞན་ཡང་དཀྱིལ་འཁོར་ཆེན་པོའི་ཕྱིའི་ཁོར་ཡུག་ལ་སྤྲུལ་པ་དང་ཡང་སྤྲུལ་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱང་རང་རང་གི་རྒྱན་དང་ཆ་ལུགས་དང་ལྡན་ཞིང་སོ་སོའི་འཁོར་གྱིས་བསྐོར་བའི་དཀྱིལ་འཁོར་གྱི་འཁོར་ལོ་ཉི་མ་དང་འོད་ཟེར་གྱི་ཚུལ་དུ་མངོན་པར་སྣང་བའི་སྒྱུ་འཕྲུལ་གྱི་རོལ་མོ་བསམ་གྱིས་མི་ཁྱབ་པ་དམ་ཚིག་གི་འཁོར་ལོར་རྫོགས་པར་གྱུར། དེ་ལྟར་དུ་གསལ་བའི་ལྷ་ཚོགས་རྣམས་ཀྱི་སྲོག་གི་་་གོར་རང་དང་རྣམ་པ་མཐུན་པའི་ཡེ་ཤེས་སེམས་དཔའ་རྒྱན་དང་ཕྱག་མཚན་སྤངས་པ་རེ་རེའི་ཐུགས་ཀར་སོ་སོའི་ས་བོན་གྱིས་མཚན་པར་གྱུར། {{TibChung|གཉིས་པ་བྱིན་གྱིས་བརླབ་པ་ནི། ལྷ་རྣམས་སོ་སོའི་སྤྱི་བོར་ཟླ་བ་ལ་གནས་པའི་ཨོཾ་དཀར་པོ། མགྲིན་པར་པདྨ་ལ་གནས་པའི་ཨཱཿདམར་པོ། སྙིང་གར་ཉི་མ་ལ་གནས་པའི་ཧཱུྃ་སྔོན་པོ་སོ་སོའི་འོད་ཟེར་གྱིས་རྒྱལ་བ་རབ་འབྱམས་ཀྱི་ཐུགས་རྒྱུད་བསྐུལ་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་བྱོན། ཡི་གེ་གསུམ་ལ་ཐིམ་པ་ཡོངས་སུ་གྱུར་པ་ལས་སྤྱི་བོར་རྣམ་སྣང་དཀར་པོ་འཁོར་ལོ་འཛིན་པ། མགྲིན་པར་སྣང་མཐའ་དམར་པོ་པདྨ་འཛིན་པ། སྙིང་ཁར་མི་བསྐྱོད་པ་སྔོན་པོ་རྡོ་རྗེ་འཛིན་པ་རྣམས་ཀྱིས་རྒྱས་བཏབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་དང་གཉིས་སུ་མེད་པར་གྱུར། རྡོ་རྗེ་རྩེ་ལྔ་པའི་ཕྱག་རྒྱ་གནས་སོ་སོར་གཏུགས་པ་དང་བསྟུན་ནས།}} ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅་ཧཾ། {{TibChung|མགྲིན་པ་ལ་ཀཱ་ཡའི་གནས་སུ་ཝཱཀྐ་དང་སྙིང་ཁར་ཙིཏྟ་སྦྱར་རོ། །གསུམ་པ་དབང་བསྐུར་བ་ནི། ལྷ་ཚོགས་དེ་རྣམས་སོ་སོའི་ཐུགས་ཀའི་ས་བོན་ལས་འོད་ཟེར་འཕྲོས་ཕྱོགས་བཅུ་དུས་བཞིའི་རྒྱལ་བ་རབ་འབྱམས་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་ལྷའི་རྣམ་པར་བཛྲ་ས་མཱ་ཛཿས་སྤྱན་དྲངས།}} ཨོཾ་སརྦ་ཏ་ཐཱ་ག་ཏ་མ་ཧཱ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་བསྐུལ་བས་དེ་རྣམས་གཉིས་མེད་དུ་མཉམ་པར་རོལ། རྗེས་ཆགས་ཀྱིས་མེས་ཞུ་བས་ཡེ་ཤེས་ལྔའི་ཆུ་རྒྱུན་ལྷ་སོ་སོའི་དབུའི་གནས་ལྔར་བབས་ཏེ་དབང་བསྐུར་བར་གྱུར། {{TibChung|རྡོ་རྗེ་སྤྱི་བསྡམས་ལས་གུང་མོ་གཉིས་བརྐྱངས་པ་སྤྱི་བོར་བཞག་སྟེ།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|དེ་བཞིན་དུ་མཛུབ་མོ་བརྐྱངས་པ་དཔྲལ་བར།}} ཨོཾ་མ་ཧཱ་ཨ་དརྴ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ། {{TibChung|སྲིན་ལག་བརྐྱངས་པ་རྣ་ལྟག་གཡས་པར།}} ཨོཾ་མ་ཧཱ་ས་མ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|མཐེ་བོང་བརྐྱངས་པ་ལྟག་པར།}} ཨོཾ་མ་ཧཱ་པྲ་ཏྱ་བེ་ཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|མཐེའུ་ཆུང་བརྐྱངས་པ་རྣ་ལྟག་གཡོན་པར།}} ཨོཾ་མ་ཧཱ་ཀྲྀ་ཏྱཱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་དབང་བསྐུར་བས་ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་བསྒྱུར། ཆུ་ལྷག་མ་སྤྱི་བོར་བརྟེན་པ་ཡོངས་སུ་གྱུར་པ་ལས་མི་བསྐྱོད་པ་བདག་པོར་གྱུར་པའི་རིགས་ལྔ་སྤྲུལ་སྐུའི་ཆ་བྱད་ཅན་གྱིས་དབུ་བརྒྱན་པར་གྱུར། {{TibChung|བཞི་པ་སྤྱན་འདྲེན་ནི།}} ཨོཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿ {{TibChung|ལྔ་པ་བཞུགས་གསོལ་ནི།}} ཨཱཿ ཡེ་ཤེས་སྤྲུལ་པའི་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་བཞིན་བཞུགས་སུ་གསོལ། །ས་མ་ཡ་ཏིཥྛ་ལྷན། {{TibChung|དྲུག་པ་ཕྱག་འཚལ་བ་ནི།}} ཧཱུྃ། བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱིཙྪ་ཧོ། {{TibChung|བདུན་པ་སྣང་བ་ཡབ་ཀྱི་མཆོད་སྤྲིན་ནི།}} ཨོཾ་དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨོཾ་བཛྲ་ཨརྒྷཾ་སོགས་ནས་རཱུ་པ་ཤབྟ་གྷནྡྷེ་རཱ་ས་པརྴེ་ཨཱཿཧཱུྃ། སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིང་ཏ་པཱུ་ཙ་ཨཱཿཧཱུྃཿ {{TibChung|བརྒྱད་པ་སྟོང་པ་ཡུམ་གྱི་མཆོད་པ་ནི།}} ཨཱཿ ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་རབ་འབྱམས་མ་ལུས་ཀུན། །འདུ་འབྲལ་མེད་པའི་ངང་དུ་རོ་གཅིག་པས། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །ཛཿཧཱུྃ་བཾ་ཧོཿ མ་ཧཱ་སུ་ཁ་ཨ་ནུ་རཱ་ག་ཡ་མི། {{TibChung|དགུ་པ་ཟུང་འཇུག་ཆོས་སྐུའི་མཆོད་པ་ནི།}} ཧཱུྃ། སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་བརྗོད་ལས་འདས། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །བོ་དྷི་ཙིཏྟ་ཨ་ལ་ལ་ཧོ། {{TibChung|བཅུ་པ་བསྟོད་པ་ནི།}} ཧཱུྃ། ཆོས་དབྱིངས་ཡེ་ཤེས་མཉམ་པའི་ངང་། །རང་བཞིན་ཡོན་ཏན་ལྷུན་གྱིས་གྲུབ། །ཐུགས་རྗེ་ཡིད་བཞིན་ནོར་བུ་འདྲ། །ཕྱག་འཚལ་གདོད་མའི་མགོན་པོ་ལ། །ཡེ་ཤེས་ལྔ་ཡི་ངོ་བོ་ཉིད། །ཉོན་མོངས་དུག་ལྔ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་རྒྱལ་བ་རིགས་ལྔ་ལ། །བཅུ་དྲུག་ཡེ་ཤེས་ངོ་བོ་ཉིད། །གཟུང་འཛིན་དྲི་མ་རྣམ་སྦྱོང་ཞིང་། །རྣམ་ཤེས་ཚོགས་བརྒྱད་གནས་དག་པ། །ཕྱག་འཚལ་སེམས་དཔའ་ཡབ་ཡུམ་ལ། །ཚད་མེད་ཡེ་ཤེས་ངོ་བོ་ཉིད། །སྐྱེ་གནས་དྲི་མ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་སྒོ་བ་ཡབ་ཡུམ་ལ། །ཕ་རོལ་ཕྱིན་དྲུག་ངོ་བོ་ཉིད། །ཁམས་དྲུག་དྲི་མ་རྣམ་སྦྱོང་ཞིང་། །ཚོགས་དྲུག་རྣམ་ཤེས་རྣམ་པར་དག །ཕྱག་འཚལ་ཐུབ་པ་དྲུག་ལའོ། །ཞི་ལས་ཡེ་ཤེས་རྣམ་འཕྲོས་པས། །འཇིགས་གཟུགས་ཁྲོ་བོའི་དཀྱིལ་འཁོར་ནི། །ལྔ་བཅུ་རྩ་བརྒྱད་འབར་བའི་སྐུ། །ཕྱག་འཚལ་དབྱིངས་ཀྱི་དཀྱིལ་འཁོར་ལ། །ས་དང་ཡེ་ཤེས་ཞིང་ཁམས་ལ། །འཇིག་རྟེན་འདས་དང་མ་འདས་ཚུལ། །དུར་ཁྲོད་ཆེན་པོའི་གནས་བརྒྱད་ན། །བཞུགས་པའི་འགྲོ་བ་ཀུན་ལ་འདུད། །{{TibChung|བཅུ་གཅིག་པ་ཛབ་ལ་བདག་མདུན་བུམ་གསུམ་ལས། དང་པོ་ནི།}} རྣམ་སྣང་ཐུགས་ཀྱི་དཀྱིལ་འཁོར་དུ། །གསེར་གྱི་རྡོ་རྗེ་རྩེ་ལྔ་པའི། །ལྟེ་བར་ཉི་ཟླ་ཁ་སྦྱོར་དབུས། །སྲོག་གི་སྙིང་པོ་ཡི་གེ་ཨོཾ། །དེ་མཐར་སྔགས་ཕྲེང་གཡས་སུ་འཁོར། །འོད་ཟེར་འཕྲོས་པས་འཕགས་པ་མཆོད། །རིགས་དྲུག་སྡུག་བསྔལ་གཏན་ནས་སྦྱངས། །སྣོད་བཅུད་འོག་མིན་ཞིང་དུ་བསྒྱུར། །ཚུར་འདུས་བདག་ལ་ཐིམ་པ་ཡིས། །མཆོག་ཐུན་དངོས་གྲུབ་ཐོབ་པར་དམིགས། །ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃ། {{TibChung|ཞི་པ་ཡོངས་རྫོགས་སྙིང་པོ་སྟེ། །བསྙེན་པའི་ཚུལ་དུ་བཟླས་པ་བྱ། །འབུམ་ཕྲག་བཅོ་ལྔ་ཐོན་རྗེས་སུ། །དྲག་པོར་སྒྲུབ་པ་འདི་ལྟ་སྟེ།}} །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། {{TibChung|རུ་ལུ་བཟླ་སྐབས་རྣམ་སྣང་སྔགས། །རྡོ་རྗེ་རྩེ་གསུམ་དམར་པོ་ཡི། །ལྟེ་བར་ཨཱཿདམར་རུ་ལུས་བསྐོར། །དེ་ལས་འོད་འཕྲོས་སྟེང་ཕྱོགས་ཀྱི། །ཁྲོ་བོའི་དཀྱིལ་འཁོར་གསལ་བར་བྱས། །དེ་དག་ཐུགས་དམ་རྒྱུད་བསྐུལ་ཏེ། །རུ་ལུ་གྲགས་སྟོང་སྐྱེ་མེད་སྒྲ། །འབྲུག་སྟོང་བཞིན་དུ་སྒྲོགས་པར་བསམ། །བྱེ་བ་གསུམ་དུ་བཟླས་གྱུར་ན། །བྲིས་སྐུ་བཞད་ཅིང་བདུད་རྩི་ཁོལ། །སྣང་བ་ཞི་ཁྲོའི་སྐུ་རུ་འཆར། །གྲགས་པ་གསུང་དུ་ལྷང་གིས་འགྱུར། །རིག་པ་ཆོས་ཉིད་དོན་དང་མཇལ། །མཆོག་ཐུན་དངོས་གྲུབ་འབད་མེད་འབྱུང་། །དེ་ནས་ལས་ལ་སྦྱོར་བ་ནི། །སྦྱང་གཞི་ང་རུ་འཛིན་པའི་བདུད། །ལས་ངན་སྒྲིབ་པའི་ཕུང་པོ་ལ། །སྦྱོང་བྱེད་རྩ་རིག་ཟབ་མོ་ནི།}} །ཨོཾ་ན་མོ་་་་{{TibChung|ཕྱག་འཚལ་ལོ།}} བྷ་ག་ཝ་ཏེ་་་་{{TibChung|བཅོམ་ལྡན་འདས་}}སརྦ་དུརྒ་ཏེ་་་་{{TibChung|ངན་སོང་ཐམས་ཅད།}} པཱ་རི་ཤྭ་དྷ་ནི་རཱ་ཛ་ཡ།་་{{TibChung|་ཡོངས་སུ་སྦྱོང་བའི་རྒྱལ་པོ།}} ཏ་ཐཱ་ག་ཏ་ཡ།་་་{{TibChung|དེ་བཞིན་གཤེགས་པ།}} ཨརྷ་ཏེ།་་་{{TibChung|དགྲ་བཅོམ་པ།}} སཾ་མྱཀ་སཾ་བུདྡྷ་ཡ།་་་་{{TibChung|ཡང་དག་པར་རྫོགས་པའི་སངས་རྒྱས།}} ཏདྱ་ཐཱ།་་་{{TibChung|འདི་ལྟ་སྟེ།}} ཨོཾ་ཤྭ་་་{{TibChung|སྦྱོང་}}དྷ་ནེ་{{TibChung|སྦྱོང་}}ཤྭ་དྷ་ནེ། སརྦ་་་{{TibChung|ལས་སྒྲིབ་ཐམས་ཅད་རྣམ་པར་སྦྱོང་་་}}པཱ་པཾ་བི་ཤྭ་དྷ་ན་སྭཱ་ཧཱ། {{TibChung|བཟླས་དམིགས་}}ཐུགས་ཀར་སྔགས་ཕྲེང་འཁོར་བ་ལས་འོད་ཟེར་བུན་བུན་འཕྲོས། ཞལ་ཕྱོགས་བཞིར་གཟིགས་པའི་སྨིན་མཚམས་ལས་ཐོན། ངན་སོང་ན་གནས་པ་དང་དམིགས་བྱའི་དོན་བྱས། སྡིག་སྒྲིབ་ཐམས་ཅད་སྦྱངས། དེ་དག་གི་རྣམ་ཤེས་འོད་ཀྱི་རྣམ་པར་གྱུར་པ་དང་། ལྷན་ཅིག་ཐུགས་ཀར་བསྡུས་{{TibChung|ཏེ་མཉམ་པར་འཇོག་པ་མན་ངག་ཡིན། འབུམ་ཕྲག་གཅིག་ནི་སུས་བཟླས་པ། །མཚམས་མེད་ལྔ་ཡི་ལས་ཀྱང་བྱང་། །བླ་མེད་ཐེག་པའི་སྤྱི་ཁྲུས་དང་། །ཡོ་ག་ངན་སོང་སྦྱོང་བའི་བཅུད། །གཉིས་མེད་ཟུང་འཇུག་མན་ངག་སྟེ། །ཡེ་ཤེས་ལྷ་ལ་རང་རྒྱུད་དང་། །ཐེག་པ་མཐོ་དམན་རྩིས་གདབ་མེད། །བདེ་གཤེགས་གཅིག་སྒྲུབ་ཀུན་གྱི་ངང་། །འདི་ནི་ངེས་གསང་ཐེག་པ་ཡི། །ཁྱད་ཆོས་བླ་ན་མེད་པའོ། །ས་མ་ཡ། གཉིས་པ་ནི། དབང་དོན་བུམ་པའི་དཀྱིལ་འཁོར་སྤྲུལ་པ་ཡིན་ན་གཟུངས་ཐག་ལ་འཇུས་ནས།}} བདག་གི་ཐུགས་ཁ་ནས་སྤྲོས་པའི་འོད་ཟེར་གཟུངས་ཐག་ལ་འཁྲིལ་ཏེ་སོང་། རྣམ་རྒྱལ་བུམ་པ་མཚན་ཉིད་ཚང་བའི་ནང་གཞལ་མེད་ཁང་གི་རྣམ་པར་རྫོགས་པའི་བརྟེན་པའི་ལྷ་ཚོགས་ཐམས་ཅད་ཀྱི་ཐུགས་རྒྱུད་བསྐུལ། སོ་སོའི་ཐུགས་ཀར་ཨཱཿཡིག་རེ་རེ་དང་། གཙོ་བོ་རྣམ་སྣང་གི་ཐུགས་ཀར་ཟླ་གདན་ལ་ཨཱ་ལི་ཀཱ་ལིའི་ཕྲེང་བ་གཡས་སུ་འཁོར་བ་ལས་འཕྲོས་པའི་འོད་ཟེར་གྱིས་དམིགས་བྱའི་སྡིག་སྒྲིབ་སྦྱངས་པར་བསམ་ལ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། {{TibChung|ཞེས་བཏགས་པ་བཟླས་མཐར་ཨོཾ་ཨཱཿཧཱུྃ་གིས་དུང་ཆོས་ཀྱི་མཆོད་ཡོན་ཕུལ་ལ་ལྷ་འོད་ཞུ་བྱ། གསུམ་པ་མདུན་བསྐྱེད་ཀྱི་བཟླས་པ་ནི།}} མདུན་བསྐྱེད་ཀྱི་གཙོ་བོ་རྡོ་རྗེ་སེམས་དཔའ་ཡབ་ཡུམ་དང་བཅས་པའི་དམ་པ་རིགས་བརྒྱ་ཐམས་ཅད་ཀྱང་རང་འདྲའི་ཡེ་ཤེས་སེམས་དཔའ་དང་ལྡན་པའི་ཐུགས་ཀར་རང་རང་གི་ཏིང་འཛིན་སེམས་དཔའི་ངོ་བོ་ཡི་གེ་བརྒྱ་པའི་ཡིག་འབྲུ་རེ་རེ་གསལ་བ་ལས་བདག་གི་ཐུགས་ཀའི་འོད་ཟེར་གྱིས་བསྐུལ། སྥ་ར་ཎ་ཕཊ། ཅེས་བརྗོད་པས་ཡིག་འབྲུ་སོ་སོ་ལས་འོད་ཟེར་དཔག་ཏུ་མེད་པ་འཕྲོས། རྒྱལ་བ་སྲས་དང་བཅས་པའི་ཐུགས་རྒྱུད་བསྐུལ། བདེ་སྟོང་གི་མཆོད་པས་དགྱེས་པ་བསྐྱེད། སཾ་ཧ་ར་ཎ་ཧཱུྃ། ཞེས་བརྗོད་པས་བྱིན་རླབས་དང་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས། མདུན་བསྐྱེད་ཀྱི་ལྷ་ཚོགས་རྣམས་ལ་ཐིམ་པས་གསལ་བརྟན་གྱི་གཟི་བྱིན་འབར། ལྷ་ཚོགས་རྣམས་ཀྱི་ཞལ་ནས་གསང་སྔགས་ཀྱི་སྒྲ་དང་། ཐུགས་ལས་འོད་ཟེར་འཕྲོས་པས་ཁམས་གསུམ་ཐམས་ཅད་སྣང་བར་བྱས། ངན་སོང་དང་འཁོར་བའི་སྡུག་བསྔལ་གྱི་རྒྱུ་དང་འབྲས་བུར་བཅས་པ་ཐམས་ཅད་སྦྱངས། མ་དག་པའི་བརྟན་གཡོ་དག་པའི་སྣོད་བཅུད་དུ་གནས་བསྒྱུར། དམིགས་ཡུལ་གཙོ་བོར་གྱུར་པའི་ལམ་ལྔའི་རྒྱུད་ལྡན་གྱི་སེམས་ཅན་ཐམས་ཅད་ཀྱི་གློ་བུར་གྱི་དྲི་མ་ཆ་དང་བཅས་པ་སྐད་ཅིག་ལ་སྦྱངས་ནས་བདེ་ཆེན་གྱི་ས་ལ་བཀོད་པར་བསམ་ལ། ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏྭ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཾ་ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩཿ བཛྲཱི་བྷ་ཝ། མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། {{TibChung|ཅི་ནུས་བཟླས། བཅུ་གཉིས་པ་རྡོ་རྗེ་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་ནི།}} པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོ། །སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག གུ་རུ༴ བཛྲ་མཱ་ལྱེ་ཏྲཱཾ། འཇམ་མཉེན་པུནྡྷ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །བཛྲ་གིརྟི་ཧྲཱིཿ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་སྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །བཛྲ་ནཱིརྟི་ཨཱཿ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །བཛྲ་དྷཱུ་པེ་ཧཱུྃཿ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །བཛྲ་པུཥྤེ་ཏྲཱཾ། ཡིད་འོང་བལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །བཛྲ་ཨ་ལོ་ཀེ་ཧྲཱིཿ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུག་པས་དགྱེས་པ་སྐོང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །བཛྲ་གྷནྡྷེ་ཨཱཿ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅིར་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །བཛྲ་རཱུ་པ་ཨོཾཿ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །བཛྲ་མྲྀ་ཏཾ་གི་ཧྲཱིཿ །རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏཾ་བུ་ར། །རྣ་བའི་དཔྱིད་དུ་སྦྲེངས་པའི་ཡིད་འཕྲོག་མ། །རྡོ་རྗེ་པི་ཝཾ་མ་ཡིས་མཉེས་གྱུར་ཅིག །བཛྲ་ཝི་ནི་ཧཱུྃཿ དགའ་བ་བཅུ་དྲུག་རླུང་གི་རྟར་བསྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །བཛྲ་ཝཾ་སེ་ཏྲཱཾཿ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །བཛྲ་མུ་རཉྫེ་ཨཱཿ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །བཛྲ་པརྴེ་ཏྲཱཾཿ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །བཛྲ་རཱ་ས་ཧྲཱིཿ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨཱ་དྷཱརྟུ་ཨཱཿཔྲ་ཏཱིཙྪ་ཧོཿ {{TibChung|བཅུ་གསུམ་པ་བསྟོད་པ་ནི།}} བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་བསྟོད། །{{TibChung|བཞི་པ་ཚོགས་བསགས་པ་ལ་གཉིས། སྒྲིབ་པ་སྦྱོང་བ་དང་། སྐོང་གི་རིམ་པའོ། །དང་པོའི་ལས་རིམ་ནི། གཞུང་ལས། དེ་ནས་དམ་སྐོང་དོང་སྤྲུགས་ཀྱི། །གཞུང་ལ་འཇུག་པའི་དང་པོ་ནི། །ལུས་ཀྱི་མ་ལྔ་ས་ལ་བརྡེབ། །གདུང་ཤུགས་དྲག་པོས་བརྐྱངས་ཕྱག་འཚལ།}} །ཨ་ལ་ལ་ཧོཿ ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་ཿ བྱ་བ་བྱེད་དང་ཡིད་ཆོས་རྣམ་པར་དགཿ ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོཿ ཆོས་སྐུ་ནམ་མཁའ་བཞིན་དུ་དབྱེར་མེད་ཀྱངཿ གཟུགས་སྐུ་འཇའ་ཚོན་བཞིན་དུ་སོ་སོར་གསལཿ ཐབས་དང་ཤེས་རབ་མཆོག་ལ་མངའ་བརྙེས་པའིཿ རིགས་ལྔ་བདེ་བར་གཤེགས་ལ་ཕྱག་འཚལ་ལོཿ ངོ་མཚར་ཕོ་བྲང་བདེ་བར་གཤེགས་པའི་ཡུམཿ དུས་གསུམ་རྒྱལ་བ་ཐམས་ཅད་བསྐྱེད་མཛད་མཿ རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོཿ རྣམ་ཤེས་དབང་པོ་དག་པ་སྐུ་གསུང་ཐུགསཿ བདེ་བར་གཤེགས་པ་རྣམས་ཀྱི་སྲས་མཆོག་སྟེཿ སེམས་དཔའ་ཆེན་པོ་བརྒྱད་ལ་ཕྱག་འཚལ་ལོཿ སྒེག་མོ་ཕྲེང་ཐོགས་རིན་ཆེན་གླུ་གར་ཅནཿ ནམ་མཁའ་མཉམ་པའི་མཆོད་པས་རྒྱལ་བ་མཆོདཿ བྱང་ཆུབ་ལྷ་མོའི་ཚོགས་ལ་ཕྱག་འཚལ་ལོཿ བདུག་པ་མེ་ཏོག་མར་མེ་དྲི་ཆབ་མཿ རྒྱལ་བ་རྒྱ་མཚོ་རྣམས་ལ་མཆོད་འབུལ་མཿ མཆོད་པའི་ལྷ་མོ་རྣམས་ལ་ཕྱག་འཚལ་ལོཿ དྲག་ཤུལ་ཐབས་ཀྱིས་འགྲོ་བ་འདུལ་མཛད་པཿ ཚད་མེད་བཞི་ལྡན་སྒོ་བཞི་ཐུབ་པར་སྲུངཿ ཏ་ཀྲིཏ་སྒོ་བ་བཞི་ལ་ཕྱག་འཚལ་ལོཿ རྟག་ཆད་མཐར་ཕྱིན་གསང་བ་ཡུམ་གྱི་ངངཿ ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མཿ སྒོ་མ་ཆེན་མོ་བཞི་ལ་ཕྱག་འཚལ་ལོཿ སྟེང་འོག་ཕྱོགས་བཞི་འཇིག་རྟེན་འདུལ་མཛད་གཙོཿ ཉོན་མོངས་དྲུག་འཇོམས་རྒྱུད་དྲུག་དག་པར་སྦྱོང་ཿ བཅོམ་ལྡན་ཐུབ་པ་དྲུག་ལ་ཕྱག་འཚལ་ལོཿ འཇིགས་བྱེད་འདས་པའི་དུས་ན་མངོན་བྱུང་པཿ གདུག་པ་འདུལ་ཕྱིར་དུས་ལས་མི་འདའ་བའིཿ དཔལ་ཆེན་ཧེ་རུ་ཀ་ལ་ཕྱག་འཚལ་ལོཿ ཁྲོ་མོ་དབང་ཕྱུག་སྐུ་ལ་འཁྲིལ་མཛད་ཅིངཿ མཁའ་འགྲོ་མི་བཟད་འབར་བའི་སྤྲིན་འཕྲོ་མཿ གདུག་པ་འདུལ་མཛད་ཡུམ་ལ་ཕྱག་འཚལ་ལོཿ བསྐལ་པ་མེ་ལྟར་འབར་བའི་ཀློང་དཀྱིལ་ནསཿ ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བཞུགསཿ ཁྲོ་མོ་ཆེན་མོ་བརྒྱད་ལ་ཕྱག་འཚལ་ལོཿ ནམ་མཁའི་ལུས་ཅན་གར་ཡང་ཐོགས་མེད་ཅིང་ཿ འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེཿ ཕྲ་མེན་ཆེན་མོ་བརྒྱད་ལ་ཕྱག་འཚལ་ལོཿ རྡོ་རྗེ་གདོང་མོ་ཕོ་ཉ་མགྱོགས་མ་བཞིཿ ཤར་ལྷོ་ནུབ་བྱང་སྒོ་བཞི་ཐུབ་པར་སྲུངཿ སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོཿ དཔལ་གྱི་འཁོར་ཚོགས་བཛྲ་ཨ་ར་ལིཿ མཁའ་ལ་ཤུགས་འགྲོ་མ་ཚོགས་དབང་ཕྱུག་མཿ རྣལ་འབྱོར་ཉི་ཤུ་བརྒྱད་ལ་ཕྱག་འཚལ་ལོཿ ཕྱོགས་བཅུའི་དྲེགས་པ་བསྣོལ་བའི་གདན་སྟེངས་སུཿ ཡེ་ཤེས་བསྐལ་པའི་མེ་དཔུང་འབར་བའི་སྐུཿ བདུད་འདུལ་ཡབ་ཡུམ་རྣམས་ལ་ཕྱག་འཚལ་ལོཿ དམིགས་མེད་ཆོས་ཀྱི་སྐུ་ལ་ཕྱག་འཚལ་ལོཿ ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོཿ ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོཿ མི་འགྱུར་རྡོ་རྗེའི་སྐུ་ལ་ཕྱག་འཚལ་ལོཿ མངོན་པར་བྱང་ཆུབ་སྐུ་ལ་ཕྱག་འཚལ་ལོཿ དུས་གསུམ་རྒྱལ་བ་ཀུན་གྱིས་བསྒྲུབས་པ་ཡིཿ ཚོགས་གཉིས་རྫོགས་པའི་ཡོན་ཏན་མཐར་ཕྱིན་པཿ སྐུ་དང་ཡེ་ཤེས་ཚོགས་ལ་ཕྱག་འཚལ་ལོཿ {{TibChung|ཞེས་བརྗོད་མཚན་དོན་ཡིད་ལ་བསམཿ དེས་ནི་ལུས་ཀྱི་སྡིག་སྒྲིབ་དགཿ སྐུ་ཡི་དམ་ཚིག་ཉམས་པ་བསྐངཿ གཉིས་པ་རྡོ་རྗེ་སེམས་དཔའ་བསྒོམཿ}} ཨཱཿ བདག་ཉིད་ཐ་མལ་སྤྱི་བོ་རུཿ པད་དཀར་ཟླ་བའི་གདན་གྱི་དབུསཿ ཧཱུྃ་ལས་བླ་མ་རྡོ་རྗེ་སེམསཿ དཀར་གསལ་ལོངས་སྤྱོད་རྫོགས་པའི་སྐུཿ རྡོ་རྗེ་དྲིལ་འཛིན་སྙེམས་མ་འཁྲིལཿ ཁྱོད་ལ་སྐྱབས་གསོལ་སྡིག་པ་སྦྱོངཿ འགྱོད་སེམས་དྲག་པོས་མཐོལ་ལོ་བཤགསཿ ཕྱིན་ཆད་སྲོག་ལ་བབ་ཀྱང་སྡོམཿ ཁྱོད་ཐུགས་ཟླ་བ་རྒྱས་པའི་སྟེངཿ ཧཱུྃ་ཡིག་མཐའ་མར་སྔགས་ཀྱིས་བསྐོརཿ བཟླས་པ་སྔགས་ཀྱིས་རྒྱུད་བསྐུལ་བསཿ ཡབ་ཡུམ་བདེ་རོལ་སྦྱོར་མཚམས་ནསཿ བདུད་རྩི་བྱང་ཆུབ་སེམས་ཀྱི་སྤྲིནཿ ག་བུར་རྡུལ་ལྟར་འཛགས་པ་ཡིསཿ བདག་དང་ཁམས་གསུམ་སེམས་ཅན་གྱིཿ ལས་དང་ཉོན་མོངས་སྡུག་བསྔལ་རྒྱུཿ ནད་གདོན་སྡིག་སྒྲིབ་ཉེས་ལྟུང་གྲིབཿ མ་ལུས་བྱང་བར་མཛད་དུ་གསོལཿ ཨོཾ་བཛྲ་སཏྭ་ས་མ་ཡ་{{TibChung|སོགས། ཡི་གེ་བརྒྱ་པ་དུས་གཅིག་ལཿ བརྒྱ་རྩ་བརྒྱད་དུ་བཟླས་པ་ཡིསཿ ངག་གི་སྒྲིབ་པ་རྣམ་སྦྱོང་ཞིངཿ གསུང་གི་དམ་ཚིག་ཉམས་པ་བསྐངཿ དེ་རྗེས་རྡོ་རྗེ་སེམས་དཔའ་ལཿ མོས་གུས་གདུང་ཞིང་མཆི་མ་སློངཿ རཱུ་ཏྲའི་སྨྲེ་སྔགས་འདི་ཡིས་བཤགསཿ}} ཧོཿ ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམསཿ དྲི་མེད་དུང་མདོག་མཆོག་ཏུ་གཟུགས་བཟང་བཿ རྣམ་དག་འོད་གསལ་ཉི་ཟླ་འབུམ་བརྡལ་ཞིངཿ དཔའ་བོ་འོད་ཟེར་སྟོང་ཁམས་ལམ་མེ་བཿ སྲིད་པ་གསུམ་གྱི་ས་མཁན་སྟོན་པར་གྲགསཿ ཁམས་གསུམ་འགྲོ་བ་ཀུན་གྱི་གཉེན་གཅིག་པུཿ བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལཿ བདག་ནི་ཐོག་མ་མེད་པའི་དུས་མཐའ་ནསཿ ལམ་ལོག་ལམ་སྟོར་སྲིད་པའི་གོ་རར་འཁྱམསཿ སྔོན་ཚེ་ལམ་ལོག་སྡིག་པ་བྱས་པས་ནོངསཿ སྡིག་པའི་ལས་རྣམས་ཅི་སྤྱད་གནོང་ཞིང་འགྱོདཿ དར་ཅིག་དྲག་པོའི་ལས་དབང་དེ་བཙན་པསཿ འཁོར་བ་སྡུག་བསྔལ་རྒྱ་མཚོར་བྱིང་གྱུར་ཏེཿ ཞེ་སྡང་འབར་བའི་མེས་ནི་རང་རྒྱུད་བསྲེགསཿ གཏི་མུག་མུན་པ་འཐིབས་པས་ཤེས་རབ་རྨོངསཿ འདོད་ཆགས་རྒྱ་མཚོའི་འགྲམ་དུ་རྣམ་ཤེས་བྱིང་ཿ ང་རྒྱལ་དྲག་པོའི་རི་བོས་ངན་འགྲོར་མནནཿ ཕྲག་དོག་རླུང་དམར་འཚུབས་པས་འཁོར་བར་བྱིང་ཿ བདག་ཏུ་ལྟ་བའི་མདུད་པ་དམ་པོས་བཅིངསཿ འདོད་པ་མེ་དོང་འདྲ་བའི་འོབས་སུ་ལྷུངཿ སྡུག་བསྔལ་མི་བཟོད་དྲག་པོ་ཆར་ལྟར་བབཿ འདི་འདྲའི་སྡུག་བསྔལ་ཤིན་ཏུ་མི་བཟོད་ཅིངཿ སྡིག་པའི་ལས་དབང་དྲག་པོ་མེ་འབར་བསཿ རྣམ་ཤེས་དབང་པོའི་མྱུ་གུ་གདུངས་གྱུར་ཏེཿ ཕུང་པོ་སྒྱུ་མའི་ལུས་ཀྱིས་མི་བཟོད་ནཿ བྱམས་མགོན་ཐུགས་རྗེ་ཅན་གྱིས་བཟོད་ལགས་སམཿ བདག་ནི་བླུན་རྨོངས་ལས་ངན་སྡིག་པོ་ཆེཿ ལས་ཀྱི་དབང་གིས་ཁམས་གསུམ་འཁོར་བར་སྐྱེསཿ སྐྱེས་པས་འགྱོད་དེ་ལས་ལ་ཡི་རེ་ཆདཿ ཡི་ཆད་འགྱོད་ཀྱང་ལས་ལ་བཅོས་སུ་མེདཿ ལས་ཀྱི་ཤུགས་ནི་ཆུ་བོའི་གཞུང་དང་འདྲཿ ལས་དབང་ཆུ་ཀླུང་འཕྲལ་དུ་ག་ལ་ཟློགཿ རྣམ་སྨིན་ཐམས་ཅད་རང་གི་ལས་ལས་བྱུངཿ ལས་ཀྱི་རླུང་དམར་དྲག་པོ་དེས་བདས་པསཿ བདག་ནི་སྔོན་དུས་བསྐལ་པ་གྲངས་མེད་དུཿ འཁོར་བའི་བཙོན་ར་མུན་པར་འཁྱམས་པ་ལཿ བྱམས་མགོན་ཁྱོད་ཀྱི་ཐུགས་རྗེའི་བྱིན་རླབས་ཀྱིསཿ ལས་དང་ཉོན་མོངས་སྒྲིབ་པ་ཀུན་སྦྱངས་ནསཿ མ་ལྟར་བྱམས་པའི་ཞབས་དྲུང་ད་ལྟ་འཁོདཿ ཉི་ལྟར་འོད་འབར་ཟླ་ལྟར་མདངས་གསལ་བའིཿ ཐུགས་རྗེའི་ཞལ་ཉིད་བལྟ་བས་མི་ངོམས་པཿ ཐོག་མ་མེད་ནས་མ་རིག་ལིང་རྟོག་གིསཿ ལྡོངས་ཏེ་ཆུ་བུར་མིག་གིས་མ་མཐོང་ནཿ འགྲོ་བའི་མགོན་ཁྱོད་ད་ལྟ་གང་ན་བཞུགསཿ ལས་ངན་དྲག་པོ་ཤིན་ཏུ་མི་བཟོད་པསཿ ཤིན་ཏུ་སྐྲག་ཅིང་སྐྱི་གཡའ་རབ་འཇིགས་ནསཿ དུང་དུང་གདུང་བའི་སྨྲེ་སྔགས་འདི་འདོན་ཞིངཿ ཉམ་ཐག་ཕོངས་པའི་ང་རོ་འདོན་ལགས་ནཿ བྱམས་མགོན་ཐུགས་རྗེས་དུས་འདིར་མི་དགོངས་སམཿ ནམ་ཞིག་འཆི་འཕོས་ལུས་སེམས་འབྲལ་བའི་ཚེཿ མཛའ་བཤེས་གྲོགས་དང་བྲལ་ནས་གཤིན་རྗེས་ཁྲིདཿ དེ་ཚེ་འཇིག་རྟེན་ཉེ་དུས་མི་བསྟོངས་ཏེཿ ལས་ཀྱི་དབང་གིས་བདག་ཉིད་གཅིག་པོར་ཁྲིདཿ དུས་དེར་བདག་ལ་མགོན་སྐྱབས་མ་མཆིས་ཀྱིཿ གང་གིས་ཕྱི་བཤོལ་དུས་ལ་མ་བཞེས་པརཿ ད་ལྟ་ཉིད་དུ་ཐུགས་རྗེའི་སྤྱན་གྱིས་གཟིགསཿ ལས་ཀྱིས་མནར་བའི་སྐྱེ་བོ་བདག་འདྲ་བཿ ཐོག་མ་མེད་པའི་དུས་ནས་ལོག་བརྟགས་པསཿ ཁམས་གསུམ་འཁོར་བའི་གནས་ལས་མ་ཐར་སྟེཿ བསྐལ་པ་གྲངས་མེད་སྐྱེ་བ་ཇི་སྙེད་དུཿ རྡོས་བཅས་ལུས་ནི་གྲངས་མེད་ཞིག་གྱུར་སྟེཿ ཤ་རུས་བསགས་ན་འཇིག་རྟེན་གཏོས་དང་མཉམཿ རྣག་ཁྲག་བསགས་ན་རྒྱ་མཚོ་ཆེན་པོ་ཙམཿ ལས་འཕྲོ་བསགས་ན་བསམ་འདས་བརྗོད་མི་ལང་ཿ ཁམས་གསུམ་བསྒྲངས་ཤིང་སྐྱེ་ཤིའི་ཁ་རྒྱུད་ཀྱངཿ བྱས་པའི་ལས་རྣམས་དོན་མེད་ཆུད་རེ་ཟོསཿ སྐྱེ་བ་གྲངས་མེད་ཇི་སྙེད་དེ་ཙམ་ལཿ སྐྱེ་བ་གཅིག་གཅིག་ཁོ་ན་ཙམ་གྱི་ལསཿ བླ་མེད་བྱང་ཆུབ་དོན་དུ་རབ་སྤྱད་ནཿ དེ་ཙམ་བྱས་པའི་ལས་ལ་དོན་ཡོད་པསཿ དོན་གྱི་ཡོང་ཡེ་མྱ་ངན་འདས་ཟིན་ནཿ ལས་ཀྱི་དབང་བཙན་ཉོན་མོངས་སྟོབས་ཆེ་བསཿ ཤ་ཁྲག་དྲ་བའི་ལུས་བླངས་འཁོར་བར་འཁྱམསཿ སྡུག་བསྔལ་བཟོད་དཀའ་སྲིད་པའི་བཙོན་རར་ཚུདཿ མི་བཟོད་དྲག་པོའི་སྡུག་བསྔལ་འདི་ལྟ་བུཿ ཉེས་བྱས་ཐམས་ཅད་རང་གི་ལས་ལས་བྱུངཿ ཐུགས་རྗེ་ཆེན་པོས་ལས་ཀྱི་རྒྱུན་བཅད་དོཿ ཉོན་མོངས་ལས་ཀྱི་རླུང་ནི་བཟློག་ཏུ་གསོལཿ མ་རིག་ལོག་པའི་ལས་འདི་དབང་བཙན་ནསཿ མི་ཤེས་མུན་པའི་ནང་དུ་གཏན་འཁྱམས་ནཿ ཡེ་ཤེས་སྒྲོན་མེའི་ཟེར་གྱིས་མི་གཏོང་ངམཿ ཉེས་བྱས་ལས་ཀྱི་རྣམ་སྨིན་མི་བཟོད་ནཿ ཐུགས་རྗེ་ཆེན་པོས་ཕྲིན་ལས་མི་མཛད་དམཿ ཕྱིན་ཅི་ལོག་གི་གཡང་སར་ལྟུང་ལགས་ནཿ ཐུགས་རྗེས་མྱུར་མགྱོགས་ཕྱག་གིས་མི་འཛིན་ནམཿ དུག་གསུམ་བཟོད་དཀའི་ནད་ཀྱིས་གདུངས་ལགས་ནཿ ཐབས་མཁས་ཐུགས་རྗེའི་སྨན་གྱིས་མི་གསོ་འམཿ ལས་ཀྱི་རྣམ་སྨིན་སྡུག་བསྔལ་མེ་འབར་ནཿ ཐུགས་རྗེ་བསིལ་བའི་ཆར་རྒྱུན་མི་འབེབས་སམཿ སྡུག་བསྔལ་འཁོར་བའི་འདམ་དུ་བྱིང་གྱུར་ནཿ ཐབས་མཁས་ཐུགས་རྗེའི་ལྕགས་ཀྱུས་མི་འདྲེན་ནམཿ ཁམས་གསུམ་འཁོར་བའི་གནས་སུ་སྦྱངས་བྱས་ནསཿ ནམ་ཞིག་རང་གི་འབྲས་བུ་ཐོབ་པའི་ཚེཿ འཕགས་པའི་ཐུགས་རྗེ་ཅི་འཚལ་དོན་མ་མཆིསཿ བདག་ཉིད་ལས་འཕྲོ་དབང་བཙན་བཞག་ན་ལྟཿ ཐུགས་རྗེ་ཆེ་ཞེས་སུ་ལ་ཅི་ཞིག་བགྱིཿ དཔའ་བོ་ཁྱེད་ལ་ཐུགས་རྗེའི་སྟོབས་མངའ་ཞིང་ཿ སྔོན་བྱུང་འབྲེལ་བའི་ལས་ཀྱི་འཕྲོ་བཙན་ནཿ ཡལ་ཡོལ་བཏང་སྙོམས་ལེ་ལོ་མ་མཛད་པརཿ སྙིང་ནས་ད་གཟིགས་ཐུགས་རྗེ་རྒྱལ་བའི་ལྷཿ {{TibChung|ཞེས་བརྗོད་རྡོ་རྗེ་སེམས་དཔའ་ཡིསཿ ཚངས་པར་སྩོལ་བ་ཞལ་བཞེས་ནསཿ བདག་དང་རོ་གཅིག་འདྲེས་པའི་ངངཿ མཉམ་པར་གཞག་པ་སྒྲིབ་སྦྱོང་གནདཿ འདིས་ནི་ཉེས་ཚོགས་རྣམ་དག་ཅིང་ཿ མཚམས་མེད་ལས་ཀྱང་དོང་ནས་དཀྲུགསཿ ས་མ་ཡཿ གསུམ་པ་ལྟ་བའི་ཀློང་བཤགས་སྒོམཿ}} ཨཱཿ འཁོར་འདས་བྱེད་པོ་བྱང་ཆུབ་སེམསཿ གཞི་མེད་རྩ་བྲལ་རྫོགས་ཆེན་དོནཿ བརྗོད་བྲལ་བློ་འདས་ཆེན་པོ་ལཿ ཉམས་དང་བཤགས་པའི་མཁན་པོ་མེདཿ ཡེ་བསྲུངས་ཐིག་ལེ་ཉག་གཅིག་པུཿ སྤང་བླང་ཡོངས་གྲོལ་ཕྱལ་བ་ཆེཿ རང་ཤར་ལྷུན་གྲུབ་ཆོས་ཀྱི་སྐུཿ དེ་ལྟར་རྟོགས་ན་བཤགས་པའི་རྒྱལཿ {{TibChung|ཞེས་བརྗོད་དགོངས་པ་དབྱིངས་ལ་གཏདཿ འ་ཨ་ཧ་ཤ་ས་མཿ སྟོང་ཉིད་ངང་ནས་ཡིག་དྲུག་བཟླཿ ཉེས་རྣམས་མ་ལུས་ཀུན་རྫོབ་ཕྱིརཿ མེ་ལོང་བག་རྡུལ་ཕྱིས་བཞིན་བྱཿ ཡིད་སྒྲིབ་དག་ཅིང་ཐུགས་དམ་བསྐངཿ ས་མ་ཡཿ བཞི་པ་དོང་སྤྲུགས་སྤྱི་བཤགས་ནིཿ}} ཧོཿ དགོངས་ཤིག་སྟོན་པ་རྡོ་རྗེ་འཆངཿ གཟིགས་ཤིག་རིགས་ལྔ་བདེ་བར་གཤེགསཿ སྒྱུ་འཕྲུལ་ཞི་ཁྲོ་རབ་འབྱམས་ལྷཿ བདག་ལ་གསན་ཅིང་དགོངས་སུ་གསོལཿ བདག་ཅག་གསང་སྔགས་སྒོར་ཞུགས་ཀྱངཿ ལས་དང་ཉོན་མོངས་སྟོབས་ཆེ་བསཿ ལྟ་སྒོམ་གདེངས་སུ་མ་གྱུར་ཅིངཿ མཛད་སྤྱོད་ཀླུངས་སུ་མ་ཆུད་པསཿ གསང་སྔགས་ཟབ་མོ་སྤྱད་ཉེས་ཏེཿ རྩ་བ་ཡན་ལག་དམ་ཚིག་རྣམསཿ ཉམས་འགལ་རལ་དང་འདས་པ་སོགསཿ རྒྱལ་བ་ཞི་ཁྲོའི་སྤྱན་སྔར་བཤགསཿ དངོས་གྲུབ་ཀུན་གྱི་འབྱུང་གནས་ཆེཿ རྡོ་རྗེ་སློབ་དཔོན་མི་རུ་བཟུངཿ སྐུ་མཆོག་བརྙས་ཤིང་བཀའ་གསང་བརྐུསཿ གཤེ་སྐུར་བཏབ་ཅིང་ཡ་བོ་བཟུངཿ སྐུ་ལ་བརྡོ་བའི་སྔགས་བཟློག་བྱསཿ གཟུངས་མ་སྲས་ལ་ཆགས་སྡང་ཤོརཿ ཐུགས་དཀྲུགས་ཐུགས་སུན་ཕྱུང་བའི་ལསཿ རྒྱལ་བ་ཞི་ཁྲོའི་སྤྱན་སྔར་བཤགསཿ ལྷ་དང་སྔགས་ཀྱི་དེ་ཉིད་སོགསཿ བཀའ་དྲིན་ནོད་ཀྱང་དོན་ལ་གཡེལཿ ཏིང་འཛིན་མ་བསྒོམས་བཟླས་བརྗོད་ཆགཿ བསྙེན་སྒྲུབ་གཡེལ་ཞིང་ཚོགས་མཆོད་ཆུང་ཿ དུས་མཆོད་ཆག་དང་ལོ་ཟླར་འདསཿ ཟབ་མོའི་ལྟ་སྤྱོད་མངོན་དུ་ཕྱུངཿ སྤྱིར་གསང་བཞི་དང་བར་གསང་བཞིཿ གསང་བར་འོས་དང་གཉེར་གཏད་པའིཿ གསང་སྒོ་ཡལ་བར་འདོར་བ་སོགསཿ སྐུ་གསུང་ཐུགས་ཀྱི་དམ་ཉམས་པསཿ མནར་མེད་དམྱལ་བའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ གཞན་ཡང་བདུད་ཀྱི་དབང་གྱུར་ནསཿ རང་ལ་དབང་མེད་བླ་མའི་སཿ བཟུང་ནས་ཟབ་མོའི་དབང་ཟོས་ཤིངཿ བཀའ་ལ་གཟུ་ལུམས་རས་ཆོད་བྱསཿ གབ་པའི་གསང་བ་མ་རྟོགས་པརཿ སྦས་པའི་གསང་བར་མངོན་འཆེལ་ཏེཿ གསང་སྔགས་ཟབ་མོའི་སྤྱོད་པ་རྣམསཿ བབ་ཆོལ་རུ་ཏྲ་ལྟ་བུར་སྤྱདཿ སྤྱི་སྒོས་ཉེ་བའི་མཆེད་རྣམས་དངཿ ཁྱད་པར་རྡོ་རྗེའི་སྤུན་གྲོགས་ལཿ ངན་སེམས་དཔྱ་སེམས་བརྐུ་འཕྲོག་དང་ཿ རྡེག་བཙོག་ངན་སྨྲས་གནོད་པ་ཤོརཿ འདོད་ལ་སྲེད་ཅིང་བརྐམ་པ་ཡིསཿ དཀོན་མཆོག་གསུམ་གྱི་དཀོར་འཕྲོགས་ཤིངཿ སྒྲུབ་མཆོད་ཚོགས་ཀྱི་སྤྱང་ཀི་བྱསཿ གཙང་སྦྲ་ཉམས་དང་དམ་ཉམས་འདྲེསཿ ཕ་མ་དབུལ་ཕོངས་ནད་པའི་ཟསཿ དཀའ་ཐུབ་དབེན་པའི་སྒྲུབ་རྒྱགས་ལཿ ཚོད་ཡོད་པྲེ་ཏའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ ཡན་ལག་དམ་ཚིག་ཉི་ཤུ་ལྔའིཿ སྤྱད་པར་བྱ་བའི་དམ་ཚིག་ནིཿ ཞིང་བཅུ་སྒྲོལ་དང་བདེ་སྟོང་སྦྱོརཿ འཇུར་གེགས་ཅན་གྱི་ཟས་དང་ནོརཿ མཆོད་སྦྱིན་སླད་དུ་མ་བྱིན་བླངཿ ཟབ་མོ་གསང་ཕྱིར་རྫུན་དུ་སྨྲཿ དོན་ཆེན་སྒྲུབ་པའི་ངག་འཁྱལ་རྣམསཿ བརྟུལ་ཞུགས་ཆུང་བས་ལམ་མ་ལོངསཿ སྤྱོད་པ་རྩིངས་པས་ཐ་མལ་གོལཿ དེ་ཡང་ཞི་ཁྲོའི་སྤྱན་སྔར་བཤགསཿ མི་སྤང་བ་ཡི་དམ་ཚིག་ལྔཿ འདོད་ཆགས་ཞེ་སྡང་གཏི་མུག་དངཿ ང་རྒྱལ་ཕྲག་དོག་རྣམ་པ་ལྔཿ ཡེ་ཤེས་རིགས་ལྔའི་རང་བཞིན་ལཿ ཐེག་དམན་བློ་ཡིས་སྤངས་པ་དངཿ ངོ་བོར་མ་གྲོལ་རང་རྒྱུད་ཤོརཿ དེ་ཡང་ཞི་ཁྲོའི་སྤྱན་སྔར་བ་ཤགསཿ དང་དུ་བླང་བའི་དམ་ཚིག་ལྔཿ དྲི་ཆེན་དྲི་ཆུ་མཱཾ་ས་དངཿ རཀྟ་རྡོ་རྗེའི་ཟིལ་པ་ལྔཿ དངོས་གྲུབ་ཆེན་པོ་སྒྲུབ་པའི་རྫསཿ ཡེ་ནས་བདུད་རྩིའི་རང་བཞིན་ལཿ གཙང་དམེའི་བློ་ཡིས་བྲམ་ཟེར་གོལཿ ཡང་ན་བག་མེད་སྨྱོ་ཐབས་སྤྱདཿ ཆོས་ཉིད་མཉམ་པར་མ་རྟོགས་པཿ དེ་ཡང་ཞི་ཁྲོའི་སྤྱན་སྔར་བཤགསཿ ཤེས་པར་བྱ་བའི་དམ་ཚིག་ལྔཿ ཕུང་པོ་རྒྱལ་བ་ལྔར་མ་ཤེསཿ འབྱུང་ལྔ་རིགས་ཀྱི་ཡུམ་ལྔ་དངཿ དབང་ཡུལ་སེམས་དཔའ་སེམས་མ་སོགསཿ གནས་འགྱུར་རང་བཞིན་མ་ཤེས་པསཿ རང་གར་བལྟས་ཤིང་བརྙས་པ་ཤོརཿ དེ་ཡང་ཞི་ཁྲོའི་སྤྱན་སྔར་བཤགསཿ བསྒྲུབ་པར་བྱ་བའི་དམ་ཚིག་ལྔཿ རྡོ་རྗེ་རིན་ཆེན་པདྨ་དངཿ ཕྲིན་ལས་དེ་བཞིན་གཤེགས་པའི་རིགསཿ སྣོད་བཅུད་ཆེན་པོར་ཡེ་སངས་རྒྱསཿ ཀུན་གཞིའི་དབྱིངས་ལ་དངོས་གྲུབ་རྒྱུནཿ བཞུགས་ཀྱང་སྒྲུབ་པ་རྔོ་མ་ཐོགསཿ ཀློང་དུ་མ་གྱུར་རྩལ་ཤུགས་ཆུངཿ དེ་ཡང་ཞི་ཁྲོའི་སྤྱན་སྔར་བཤགསཿ གཞན་ཡང་ངེས་གསང་ཐེག་པ་ཡིཿ ཁྱད་པར་དམ་ཚིག་ཉི་ཤུ་དངཿ སྤྱོད་པ་རྒྱུན་གྱི་དམ་ཚིག་བཞིཿ རང་བཞིན་ལྟ་བའི་དམ་ཚིག་བཞིཿ གལ་མདོ་ངེས་པའི་དམ་ཚིག་གསུམཿ ལྷག་པའི་དམ་ཚིག་ཉམས་པ་སོགསཿ གསང་སྔགས་སྤྱི་ཡི་དམ་ཚིག་དངཿ མདོར་ན་ཁ་ན་མ་ཐོའི་ལསཿ འཇིག་རྟེན་ཁྲེལ་དང་ངོ་ཚ་ཉམསཿ ཉན་ཐོས་རང་རྒྱལ་བྱང་སེམས་ཀྱིཿ བཅས་དང་རང་བཞིན་ལས་ཉམས་པསཿ ངན་སོང་འཁོར་བའི་རྒྱུ་བསགས་པཿ མ་ལུས་མཐོལ་ཞིང་བཤགས་ལགས་ནཿ འཕགས་པ་ལགས་པས་གནང་བར་མཛོདཿ སེམས་ཅན་ལགས་པས་ནོར་འཁྲུལ་མཆིསཿ སྒྱུ་མ་ལགས་པས་ཚངས་པར་སྩོལཿ ཐབས་ལ་མཁས་པས་བྱང་བར་མཛོདཿ ཧོཿ དམ་ཚིག་ཉམས་པའི་ཆད་པ་མི་བཟོད་པསཿ རྡོ་རྗེ་མཁའ་འགྲོས་སྙིང་ཁྲག་འཐུངས་པ་དངཿ ཚེ་ཐུང་ནད་མང་ནོར་ཡལ་དགྲས་འཇིགས་དངཿ མནར་མེད་དམྱལ་བ་ཤིན་ཏུ་སྐྱི་གཡའ་བརཿ སྡུག་བསྔལ་མི་བཟོད་ཡུན་རིང་གནས་པ་རྣམསཿ བདག་གི་དམ་ཚིག་བཤགས་པར་བགྱིས་པ་ཡིསཿ ཉམས་ཤིང་ཆགས་པ་ཐམས་ཅད་སོར་ཆུད་དེཿ གོ་འཕང་ཆེན་པོའི་འབྲས་བུ་ཐོབ་པར་ཤོགཿ {{TibChung|གཉིས་པ་སྐོང་ལ་རྣམ་གྲངས་བདུནཿ དང་པོ་ཀུན་བཟང་མཆོད་སྤྲིན་ནིཿ}} ཧོཿ སྣང་སྲིད་ཡོངས་རྫོགས་དམ་པ་རིགས་བརྒྱའི་ལྷཿ སྣོད་བཅུད་མ་ལུས་འདོད་ཡོན་རོལ་པའི་རྒྱནཿ ཀུན་བཟང་མཆོད་པའི་སྤྲིན་ཕུང་འབྱམས་ཀླས་པཿ ཆོས་ཉིད་མངོན་སུམ་དོན་གྱི་ལྷ་ལ་འབུལཿ ཉམས་སྣང་གོང་འཕེལ་ངང་དུ་བཞེས་ནས་ཀྱངཿ རིག་པ་ཚད་ཕེབས་ཀློང་དུ་ཚོགས་རྫོགས་ཤིངཿ ཆོས་ཟད་བློ་འདས་ཆེན་པོར་སངས་རྒྱས་ཏེཿ འཁོར་བ་དོང་ནས་སྤྲུགས་པའི་དངོས་གྲུབ་སྩོལཿ {{TibChung|ནམ་མཁའ་མཛོད་ཀྱི་སྔགས་རྒྱ་བརྗོདཿ གཉིས་པ་སྦྱོར་བ་སྨན་གྱི་སྐོངཿ མཐེབ་སྲིན་ཉི་ཟླའི་གའུས་འབུལཿ}} ཧཱུྃཿ བདེ་ཆེན་འཁོར་ལོའི་བྷནྡྷ་རུཿ ཧཾ་ཡིག་རང་བྱུང་བདུད་རྩིར་བསྐྱིལཿ སྲོག་འཛིན་ཡེ་ཤེས་ཐིག་ལེ་འདིསཿ སྤྲུལ་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལོངས་སྤྱོད་འཁོར་ལོའི་བྷནྡྷ་རུཿ བཟའ་བཏུང་ལྷུན་གྲུབ་བདུད་རྩིར་བསྐྱིལཿ རྩ་མདུད་རང་གྲོལ་ཐིག་ལེ་འདིསཿ ལོངས་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྤྲུལ་པའི་འཁོར་ལོའི་བྷནྡྷ་རུཿ འབར་འཛག་བཅུད་ཀྱི་བདུད་རྩིར་བསྐྱིལཿ བདེ་བ་ཆེན་པོའི་ཐིག་ལེ་འདིསཿ མི་འགྱུར་རྡོ་རྗེའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེ་སྐྱོང་འཁོར་ལོའི་བྷནྡྷ་རུཿ བྱང་ཆུབ་སེམས་མཆོག་བདུད་རྩིར་བསྐྱིལཿ དགའ་བཞི་དབྱིངས་གྲོལ་ཐིག་ལེ་འདིསཿ མངོན་པར་བྱང་ཆུབ་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|གསུམ་པ་སྒྲོལ་བ་རཀྟའི་སྐོངཿ}} ཧཱུྃཿ ཀློང་ལྔ་དབྱིངས་ཀྱི་ཀ་པཱ་ལརཿ སྣང་སྲིད་ཡུམ་གྱི་རཀྟར་བསྐྱིལཿ ཀུན་ཏུ་བཟང་པོའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྟོང་ཆེན་ཡུམ་གྱི་ཀ་པཱ་ལརཿ སྣང་སྲིད་བཅུད་ཀྱི་རཀྟར་བསྐྱིལཿ གཙང་དམེ་བྲལ་བའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབུ་མ་རྩ་ཡི་ཀ་པཱ་ལརཿ དུག་གསུམ་རྣམ་རྟོག་རཀྟར་བསྐྱིལཿ རྒྱུད་དྲུག་ཀུན་གྲོལ་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྒྲ་གཅན་རླུང་གི་ཀ་པཱ་ལརཿ ཙནྜ་ལཱི་ཡི་རཀྟར་བསྐྱིལཿ དགའ་བཞི་བདེ་སྟོང་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|བཞི་པ་ཟུང་འཇུག་གཏོར་མའི་སྐོངཿ}} ཧཱུྃ་ཧྲཱིཿ མ་བཅོས་ཀློང་ཡངས་གཏོར་གཞོང་དུཿ སྣང་སྲིད་ཡོངས་གྲོལ་གཏོར་མར་བཤམསཿ དངོས་འཛིན་བྲལ་བའི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེན་མེད་སྒྱུ་མའི་གཏོར་གཞོང་དུཿ གཏད་མེད་ཆོས་སྐུའི་གཏོར་མར་བཤམསཿ ཚོགས་དྲུག་རང་ཡན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྷུན་གྲུབ་ཕུང་པོའི་གཏོར་གཞོང་དུཿ དོན་སྣོད་རང་བྱུང་གཏོར་མར་བཤམསཿ ཁྱད་པར་རྨད་བྱུང་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྔ་ཕུང་སྒྱུ་མའི་གཏོར་གཞོང་དུཿ བདུད་རྩི་ལྔ་ཡི་གཏོར་མར་བཤམསཿ རིགས་ལྔ་བཅུད་ཀྱི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བྷ་ག་དབྱིངས་ཀྱི་གཏོར་གཞོང་དུཿ ལིང་ག་རིག་པའི་གཏོར་མར་བཤམསཿ ཟུང་འཇུག་བདེ་ཆེན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|ལྔ་པ་སྦྱོར་སྒྲོལ་ཚོགས་ཀྱི་སྐོངཿ དང་པོ་བྱིན་གྱིས་བརླབ་པ་ནིཿ}} ཧཱུྃཿ བདག་ཉིད་ཐུགས་ལས་རཾ་ཡཾ་ཁཾཿ འཕྲོས་པས་ཚོགས་ཀྱི་ཉེས་སྐྱོན་སྦྱངསཿ ཨོཾ་ཨཱཿཧཱུྃ་གིས་བདུད་རྩིར་བསྒྱུརཿ འདོད་ཡོན་ནམ་མཁའ་མཉམ་པར་སྤེལཿ རཾ་ཡཾ་ཁཾཿ ཨོཾ་ཨཱཿཧཱུྃཿ {{TibChung|གཉིས་པ་ཚོགས་ཞིང་སྤྱན་འདྲེན་ནིཿ}} ཧཱུྃཿ འོག་མིན་བདེ་ཆེན་ཞིང་ཁམས་དངཿ ནུབ་ཕྱོགས་ཨུ་རྒྱན་སྤྲུལ་པའི་གླིངཿ ཁྱད་པར་རྔ་ཡབ་དཔལ་གྱི་རིཿ གནས་ཡུལ་དུར་ཁྲོད་བརྒྱད་སོགས་ནསཿ རིག་འཛིན་འདུས་པའི་ལྷ་ཚོགས་རྣམསཿ ཚོགས་ལ་སྤྱན་འདྲེན་གཤེགས་སུ་གསོལཿ དུར་ཁྲོད་ཚོགས་ཁང་ཉམས་རེ་དགའཿ མཁའ་འགྲོའི་འདུ་བ་བག་རེ་བྲོཿ རྣལ་འབྱོར་ཕོ་མོ་དམ་རེ་གཙངཿ འདོད་ཡོན་ཚོགས་མཆོད་མདངས་དང་ལྡནཿ འདིར་གཤེགས་ཚོགས་ལ་བྱིན་ཆེན་ཕོབཿ མཆོག་དང་ཐུན་མོང་དངོས་གྲུབ་སྩོལཿ {{TibChung|གསུམ་པ་ཚོགས་ཕུད་ཕུལ་བ་ནིཿ}} ཧཱུྃཿ རྩ་གསུམ་རིག་འཛིན་རྒྱ་མཚོ་དངཿ ཌཱཀྐི་ཆོས་སྲུང་དམ་ཅན་ལཿ འདོད་ཡོན་ལོངས་སྤྱོད་ཚོགས་མཆོད་འབུལཿ མཆོག་དང་ཐུན་མོང་དངོས་གྲུབ་སྩོལཿ གྷ་ན་ཙཀྲ་པཱུ་ཙ་ཁཱ་ཧིཿ {{TibChung|བཞི་པ་བར་པ་བཤགས་པ་ནིཿ}} ཧཱུྃ་བདག་གིས་ཚེ་རབས་ཐོག་མེད་ནསཿ གསང་སྔགས་ཐེག་ཆེན་སྒོར་ཞུགས་ཏེཿ རྩ་བ་ཡན་ལག་དམ་ཉམས་པཿ འདོད་ཡོན་ཚོགས་ཀྱི་མཆོད་པས་བཤགསཿ བཛྲ་ས་མ་ཡ་ཨཱཿ {{TibChung|ལྔ་པ་བསྒྲལ་ཞིང་བསྟབ་པ་ནིཿ}} ཧཱུྃཿ མ་རིག་ལས་ཉོན་གཟུང་འཛིན་གྱིསཿ བསྐྱེད་པའི་བདག་འཛིན་རཱུ་ཏྲ་ཀུནཿ གཟུགས་ལ་ཕོབ་ཅིག་ྈྈ་ནྲྀ་ཏྲི་ཛཿ རྣམ་ཤེས་ཆོས་དབྱིངས་ཀློང་དུ་ཕཊཿ གཟུགས་ཕུང་ཚོགས་ཀྱི་འཁོར་ལོར་རོལཿ རཱུ་ཏྲ་སརྦ་ཧ་ལ་པཉྩ་པཱུ་ཙ་ཁཱ་ཧིཿ {{TibChung|དྲུག་པ་ལྷག་མ་བསྔོ་བ་ནིཿ}} ཧཱུྃཿ དཀྱིལ་འཁོར་ཆེན་པོའི་མུ་རན་ལཿ གནས་པའི་དབང་ཕྱུག་གིང་ལངྐཿ ལྷག་མའི་གཏོར་མ་འདི་བཞེས་ལཿ རྣལ་འབྱོར་སྒྲུབ་པའི་བར་ཆད་སྲུངསཿ ཨུཥ་ཙི་ྈྈཊ་བྷ་ལིངྟ་ཁཱ་ཧིཿ {{TibChung|བདུན་པ་སྣང་གསལ་མར་མེའི་སྐོངཿ}} ཨཱཿ ཀུན་གཞི་རང་བྱུང་ཀོང་བུ་རུཿ རྣམ་ཤེས་རྣམ་དག་སྡོང་བུ་བཙུགསཿ ཆོས་དབྱིངས་ཡེ་ཤེས་མར་ཁུས་གཏམསཿ རིག་པ་རང་གསལ་སྒྲོན་མེ་སྤརཿ ཀ་དག་གཞི་ཡི་སྣང་བ་འདིསཿ མི་བསྐྱོད་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབྱིངས་རིག་སྟོང་པའི་ཀོང་བུ་རུཿ ལྷུན་གྲུབ་གཟུགས་སྣང་སྡོང་བུ་བཙུགསཿ མེ་ལོང་ཡེ་ཤེས་མར་ཁུས་གཏམསཿ ཤེས་རབ་རང་བྱུང་སྒྲོན་མེ་སྦརཿ ཆོས་ཉིད་མངོན་སུམ་སྣང་བ་འདིསཿ རྣམ་སྣང་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཀ་ཏི་ཤེལ་གྱི་ཀོང་བུ་རུཿ ཚོར་བ་རྣམ་དག་སྡོང་བུ་བཙུགསཿ མཉམ་ཉིད་ཡེ་ཤེས་མར་ཁུས་གཏམསཿ རྒྱངས་ཞགས་འོད་གསལ་སྒྲོན་མེ་སྦརཿ ཉམས་སྣང་གོང་འཕེལ་སྣང་བ་འདིསཿ རིན་ཆེན་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ འཇའ་ཟེར་ཐིག་ལེའི་ཀོང་བུ་རུཿ འདུ་ཤེས་རྣམ་དག་སྡོང་བུ་བཙུགསཿ སོར་རྟོག་ཡེ་ཤེས་མར་ཁུས་གཏམསཿ དག་པ་དབྱིངས་ཀྱི་སྒྲོན་མེ་སྦརཿ རིག་པ་ཚད་ཕེབས་སྣང་བ་འདིསཿ སྣང་མཐའི་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ གཞོན་ནུ་བུམ་སྐུའི་ཀོང་བུ་རུཿ འདུ་བྱེད་རྣམ་དག་སྡོང་བུ་བཙུགསཿ བྱ་གྲུབ་ཡེ་ཤེས་མར་ཁུས་གཏམསཿ ཐིག་ལེ་སྟོང་པའི་སྒྲོན་མེ་སྦརཿ བློ་བྲལ་ཆོས་ཟད་སྣང་བ་འདིསཿ དོན་གྲུབ་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|མར་མེའི་སྨོན་ལམ་ནིཿ}} ཧཱུྃཿ རིག་པ་བྱང་ཆུབ་སེམས་ཀྱི་དཀྱིལ་འཁོར་དུཿ རིག་གདངས་སློབ་དཔོན་གཉེན་གྱིས་དབུ་བཟུང་ནསཿ རིག་རྩལ་ལུ་གུ་རྒྱུད་ཀྱི་མཆེད་ལྕམ་རྣམསཿ རིག་སྟོང་རྗེན་པའི་གཤིས་ལ་མི་འདའ་ཤོགཿ ནམ་ཞིག་གདོད་མའི་ལྷུམས་སུ་ཞུགས་པའི་ཚེཿ མ་རིག་འཁྲུལ་པའི་གཡང་སར་མི་བཏང་ཞིངཿ འཁོར་བ་ལུ་གུ་རྒྱུད་དུ་མི་ལྷུང་བརཿ འཁོར་བ་ཀ་ནས་དག་པ་གཞི་དབྱིངས་ཆེརཿ གཞི་སྣང་གཞོན་ནུ་བུམ་སྐུར་གྲོལ་བར་ཤོགཿ གལ་ཏེ་གདོད་མའི་ས་ལ་མ་གྲོལ་ནཿ ལྷུན་གྲུབ་ཞི་ཁྲོའི་སྣང་བ་འཆར་བའི་ཚེཿ རང་སྣང་ཡེ་ཤེས་ཆེན་པོར་ངོ་འཕྲོད་ནསཿ བར་དོ་ལོངས་སྤྱོད་རྫོགས་སྐུར་གྲོལ་བར་ཤོགཿ ཡེ་གདངས་གསལ་སྟོང་དག་པ་གཉིས་ལྡན་ཆེཿ སྟོང་གཟུགས་དྭངས་མ་ལྔ་ལྡན་རིགས་ལྔའི་ཞིངཿ རང་སྣང་རྣམ་དག་ལོངས་སྐུའི་ཞིང་ཁམས་སུཿ དག་པ་གསུམ་གྱི་འཁོར་ལ་ཆོས་སྟོན་ཤོགཿ གལ་ཏེ་ལོངས་སྐུའི་ཞིང་དུ་མ་གྲོལ་ནཿ རང་བཞིན་སྤྲུལ་སྐུའི་ཞིང་ཁམས་ལྔ་ཚོམ་དངཿ རིགས་འདུས་རྔ་ཡབ་དཔལ་རིའི་ཕོ་བྲང་ཆེརཿ སྐད་ཅིག་ཉིད་ལ་བརྫུས་ཏེ་སྐྱེས་ནས་ཀྱངཿ རིག་འཛིན་རྣམ་བཞིའི་གྲལ་དུ་སྨིན་པར་ཤོགཿ ཐེག་པ་རིམ་དགུའི་ཡངས་རྩེ་ཡོ་ག་གསུམཿ དེ་ལས་རྣམ་པར་འདས་པ་མན་ངག་སྡེའིཿ དགོངས་ཀློང་བྱ་རྩོལ་བྲལ་བའི་གཤིས་ལུགས་སུཿ བློས་བྱས་བདེན་ཞེན་དྲི་མ་དག་པར་ཤོགཿ རང་རིག་གདོད་ནས་དག་པའི་རང་མདངས་སུཿ རང་རྩལ་དམ་པ་རིགས་བརྒྱ་ཞི་ཁྲོའི་སྐུཿ སྣང་ལ་རང་བཞིན་མེད་པའི་དལ་བཀྲམ་སྟེཿ ཡེ་ཤེས་མཐོང་བ་དག་པའི་མར་མེ་འབུལཿ ཉོན་མོངས་འཁོར་བའི་ཆོས་ཀྱི་མུན་པ་སངསཿ བཟང་ཞེན་ཤེས་བྱའི་སྨག་རུམ་བསལ་ནས་ཀྱངཿ བརྗོད་མེད་ལྷག་མཐོང་ཡེ་ཤེས་ཆེན་པོའི་ཀློངཿ ཉམས་རྟོགས་རིག་པའི་རྩལ་ཆེན་རྫོགས་པར་ཤོགཿ ཕུང་པོ་ལྔ་དག་རིགས་ལྔའི་ཞིང་དུ་གྲོཿ འབྱུང་ལྔ་གནས་དག་རིགས་ཀྱི་ཡུམ་ལྔར་སྨིནཿ རྣམ་ཤེས་དབང་དག་སེམས་དཔའ་བརྒྱད་དུ་གྲོལཿ སྣང་བཞི་ཟད་ནས་འཇའ་ལུས་འགྲུབ་པར་ཤོགཿ དྲན་རིག་འོད་གསལ་ཆེན་པོའི་མར་མེ་འདིཿ རྒྱུན་ཆད་མེད་པར་སྦར་བའི་བསོད་ནམས་མཐུསཿ ལས་རླུང་བག་ཆགས་མུན་པ་དྲུངས་ཕྱུང་ནསཿ ཀུན་བཟང་དགོངས་ཀློང་ཆམ་གཅིག་གྲོལ་བར་ཤོགཿ བདུན་པ་དབྱིངས་གྲོལ་ལྟ་བའི་སྐོངཿ ཧོཿ མཆོད་དུ་མེད་དེ་ལྟ་བའི་ཀློངཿ རྟག་ལྟ་ཆོས་སྐུའི་ཀློང་དུ་བསྐངཿ བསྐང་དུ་མེད་དེ་སྒོམ་པའི་ངངཿ ཆད་ལྟ་གཟུགས་སྐུའི་ཀློང་དུ་བསྐངཿ སྤྱོད་དུ་མེད་དེ་ཆོས་ཉིད་གཤིསཿ མ་བཅོས་རྫོགས་པ་ཆེན་པོར་བསྐངཿ སྦྱོར་དུ་མེད་དེ་ཟུང་འཇུག་ཀློངཿ སྡུག་བསྔལ་བདེ་བ་ཆེན་པོར་བསྐངཿ བསྒྲལ་དུ་མེད་དེ་མཉམ་ཉིད་དབྱིངསཿ ཡེ་སྒྲོལ་ཡེ་སྦྱོར་ཆེན་པོར་བསྐངཿ མདོར་ན་ཉམས་ཆག་ཉེས་ལྟུང་དངཿ ཁམས་གསུམ་རྒྱུད་དྲུག་སྡུག་བསྔལ་གྱིཿ རྒྱུ་དང་འབྲས་བུར་བཅས་པ་རྣམསཿ ཀུན་བཟང་ཡངས་པ་ཆེན་པོའི་ཀློངཿ བྱང་ཞིང་དག་ནས་སོར་ཆུད་དེཿ བདེ་བ་ཆེན་པོའི་ཀློང་དུ་ཨཱཿ {{TibChung|གསུམ་པ་རྗེས་ཀྱི་རིམ་པ་ལ་དགུ་ལསཿ དང་པོ་ཐུགས་དམ་བསྐུལ་བ་ནིཿ}} ཧཱུྃ་བཞེངས་ཤིག་རིག་འཛིན་འདུས་པའི་ལྷཿ ཆོས་ཀྱི་དབྱིངས་ནས་སྐུར་བཞེངས་ལཿ བྱང་ཆུབ་སྒྲུབ་པའི་བར་ཆད་ཐུལཿ སྣོད་བཅུད་འབྱུང་བའི་རྒུད་པ་སོལཿ རྩ་རླུང་དབང་ཐང་ཉམས་པ་གསོསཿ སྒྲུབ་པའི་འབྲས་བུ་མཆིས་པར་མཛོདཿ {{TibChung|གཉིས་པ་ཆད་ཐོ་བྱ་བ་ནིཿ}} ཧཱུྃཿ སྔོན་ཚེ་འོག་མིན་བདེ་ཆེན་ཞིངཿ ལྷ་གནས་གསུམ་སོགས་ཉམས་དགའ་བརཿ གསང་ཆེན་རྒྱུད་སྡེའི་གནས་བསྟན་ཚེཿ རྡོ་རྗེ་ཐེག་པའི་བཀའ་སྲུང་རྣམསཿ དམ་ཚིག་གཉན་པོའི་གྲལ་དུ་བཞགཿ བར་དུ་གངས་ཅན་བོད་ཀྱི་ཡུལཿ ཨོ་རྒྱན་པདྨ་ཐོད་ཕྲེང་གིསཿ གསང་སྔགས་ཆོས་འཁོར་བསྐོར་བའི་ཚེཿ སྲིད་པའི་ལྷ་འདྲེ་ཆེ་དགུ་ཡིསཿ སྲོག་སྙིང་ཕུལ་ཏེ་རྩིས་སུ་ཕབཿ ཐ་མ་འོད་གསལ་དག་པའི་ཞིངཿ བདེ་བ་ཆེན་པོའི་ཕོ་བྲང་དུཿ རིག་འཛིན་པདྨ་དབང་ཆེན་ལཿ པད་འབྱུང་དྲི་མེད་འོད་ཟེར་གྱིསཿ ཀློང་ཆེན་ཟབ་རྒྱའི་དབུགས་དབྱུང་ཞིངཿ ཡེ་ཤེས་དབྱིངས་ཀྱི་མཁའ་འགྲོ་མསཿ ཀློང་གསལ་བརྡ་རིས་སྤྲད་པའི་ཚེཿ གཟའ་རྒོད་སྲོག་གི་སྤུ་གྲི་སོགསཿ བཀའ་སྲུང་གཉན་པོས་ཁས་བླངས་བཞིནཿ མཆོད་གཏོར་རྒྱན་ལྡན་འདི་བཞེས་ལཿ ལས་བཞིའི་ཕྲིན་ལས་སྒྲུབ་པར་མཛོདཿ {{TibChung|གསུམ་པ་བསྟན་མ་སྐྱོང་བ་ནིཿ}} ཧཱུྃཿ དཔལ་གྱི་བཀའ་ཉན་བོད་ཁམས་སྐྱོངཿ མ་སྲིང་བསྟན་མ་བཅུ་གཉིས་རྣམསཿ འདིར་བྱོན་གཏོར་མའི་བཤལ་ཆུ་བཞེསཿ བཅོལ་བའི་ཕྲིན་ལས་གྲུབ་པར་མཛོདཿ མ་མ་ཧྲིཾ་ཧྲིཾ་བྷ་ལིངྟ་ཁཱ་ཧིཿ {{TibChung|བཞི་པ་རྟ་བྲོ་བྱ་བ་ནིཿ}} ཧཱུྃཿ རིག་འཛིན་རྒྱལ་བའི་དཀྱིལ་འཁོར་འདིརཿ ལོག་པར་འདྲེན་པའི་དམ་སྲི་ཀུནཿ མནན་ནོ་ཐེག་པ་རིམ་དགུའི་རྒྱཿ ནམ་ཡང་ལྡང་བར་མ་གྱུར་ཅིགཿ སྟྭཾ་བྷ་ཡ་ནནཿ {{TibChung|ལྔ་པ་དངོས་གྲུབ་བླང་བ་ནིཿ}} ཧོཿ རིག་འཛིན་དཀྱིལ་འཁོར་ལྷ་ཚོགས་རྣམསཿ བསྙེན་ཅིང་སྒྲུབ་པའི་དམ་ཚིག་ཐེམསཿ རྡོ་རྗེ་སྲིན་པོའི་ནམ་ཡང་ལངསཿ དངོས་གྲུབ་སྩོལ་བའི་དུས་ལ་བབཿ སྐུ་གསུང་ཐུགས་ཀྱི་དཀྱིལ་འཁོར་ནསཿ མི་གནས་ཡེ་ཤེས་གསང་བ་མཆོགཿ རྡོ་རྗེ་གསུམ་གྱིས་བྱིན་རློབས་ལཿ མཆོག་དང་ཐུན་མོང་དངོས་གྲུབ་ཀུནཿ ད་ལྟ་ཉིད་དུ་ཐོབ་པར་སྩོལཿ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ ཀཱ་ཡ་ཝཱཀྐ་ཙིཏྟ་ཨ་ལ་ལཿ སིདྡྷི་ཕ་ལ་ཧཱུྃཿ {{TibChung|དྲུག་པ་ནོངས་པ་བཤགས་པ་ནིཿ}} ཧཱུྃཿ རིག་འཛིན་འདུས་པའི་དཀྱིལ་འཁོར་དུཿ མཆོད་རྫས་མ་ཚང་སྒྲུབ་པ་གཡེལཿ ཏིང་འཛིན་བྱིང་རྨུགས་འཐིབས་པ་སོགསཿ འགལ་འཁྲུལ་ནོངས་པ་བཟོད་པར་གསོལཿ ཨོཾ་བཛྲ་སཏྭ་སོགས་བརྗོདཿ {{TibChung|བདུན་པ་རྫོགས་རིམ་བསྡུ་བ་ནིཿ}} ཧོཿ ཆུ་ལས་ཆུ་བུར་ཐིམ་བཞིན་དུཿ རང་ལས་སྤྲུལ་པའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ {{TibChung|བརྒྱད་པ་བསྔོ་སྨོན་མཚམས་སྦྱོར་ནིཿ}} ཧོཿ དུས་གསུམ་བསགས་པའི་དགེ་རྩ་ཀུནཿ རྣམ་མཁྱེན་གདོད་མའི་རྒྱུ་རུ་བསྔོཿ བདག་སོགས་འདུས་པར་བཅས་པ་རྣམསཿ ཚོམ་བུ་གཅིག་ཏུ་སངས་རྒྱས་ཤོགཿ {{TibChung|དགུ་པ་བཀྲ་ཤིས་བརྗོད་པ་ནིཿ}} ཧོཿ རིག་འཛིན་བརྒྱུད་པའི་བྱིན་རླབས་དངཿ དཀོན་མཆོག་གསུམ་གྱི་བདེན་པ་དངཿ གསང་སྔགས་ཟབ་མོའི་རྟེན་འབྲེལ་གྱིསཿ འཇིགས་བརྒྱད་ཞི་བའི་བཀྲ་ཤིས་ཤོགཿ ཚེ་བསོད་རྒྱས་པའི་བཀྲ་ཤིས་ཤོགཿ སྣང་བ་དབང་འདུས་བཀྲ་ཤིས་ཤོགཿ ལོག་འདྲེན་ཚར་གཅོད་བཀྲ་ཤིས་ཤོགཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ སྒྲར་གྲགས་བདེ་ཆེན་སྔགས་སུ་དགཿ དྲན་རྟོགས་འོད་གསལ་ཆོས་སྐུར་སྨིནཿ འཇའ་ལུས་ཟང་ཐལ་བཀྲ་ཤིས་ཤོགཿ {{TibChung|བི་མ་ལ་དང་གསང་ཞབས་སོགསཿ པཎ་གྲུབ་རྣམས་ལ་གྲགས་པ་ཡིཿ ཞི་ཁྲོ་ཁྲོམ་དཀྲུགས་ཞེས་བྱ་བའིཿ སྔ་འགྱུར་བཀའ་མའི་གཞུང་བཟང་པོཿ དངོས་ལ་མིང་བཏགས་མཐུ་ཆེ་བསཿ ནུབ་ལ་ཉེ་བ་མ་བཟོད་དེཿ ན་རག་གདོང་སྤྲུགས་གང་ཡིན་པའིཿ དངོས་དོན་འཁྲུལ་པ་མེད་པར་བསྡེབསཿ བཀའ་གཏེར་ཟུང་དུ་འཇུག་པ་ལཿ པདྨའི་རིང་ལུགས་ཞེས་སུ་གྲགསཿ འགྲོ་ཀུན་ཆོས་ཀྱི་མིག་ལྡན་པསཿ ཡང་དག་ལམ་ལ་འཇུག་པར་ཤོགཿ ཅེས་པའང་རང་བྱུང་རྡོ་རྗེས་སོཿ ཿ}}<br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-025&diff=64206 2026-09-30T16:56:17Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ།<br /> |fulltitle=zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa<br /> |citation='jigs med gling pa. ''Zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa''. In ''Kun mkhyen rig 'dzin 'jigs med gling pa'i gsung 'bum'', Vol. 11: 407-468. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Confessions - bshags pa, Mending Rituals - bskang chog, Ritual and Liturgical Texts - cho ga phyag len<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=025<br /> |pagenumbers=407-468<br /> |totalpages=62<br /> |beginfolioline=1a1<br /> |endfolioline=31b3<br /> |totalfolios=31<br /> |multivolumework=No<br /> |rectonotes=ngan song sbyong ba<br /> |versonotes=chog sgrigs khrom dkrugs gsal ba'i rgyan<br /> |colophontib=ཅེས་པའང་རང་བྱུང་རྡོ་རྗེས་སོཿ<br /> |colophonwylie=ces pa'ang rang byung rdo rjes so:<br /> |pdflink=File:JLKO-KABUM-11-DA-025.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ་བཞུགས། <br /> <br /> ༄༅། །{{TibChung|བཅོམ་ལྡན་འདས་རྒྱལ་བ་ཞི་ཁྲོའི་ལྷ་ཚོགས་ལ་ཕྱག་འཚལ་ལོ། །བཀའ་གཏེར་ཟུང་དུ་འཇུག་པའི་ཞི་ཁྲོའི་སྐོང་བཤགས་འདི་ལ་སྔོན་འགྲོ་དངོས་གཞི། རྗེས་གསུམ་གྱི། དང་པོ་ལའང་བཞི་ལས། དང་པོ་ཕྱི་རོལ་པ་བསྐྲད་པ་ནི། སྔོན་གཏོར་}}ཨ་ཀཱ་རོ{{TibChung|ས་བརླབས་ལ།}} ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། །ཨོཾ་ཤྲཱི་བཛྲ་ཧྱ་གྷྲི་ཝ་རཱ་ཙ་ཧྲི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊཿ བགེགས་རྣམས་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། {{TibChung|གཉིས་པ་མཆོད་རྫས་རྣམས་ལ་བསང་ཆུས་འཐོར་ཞིང་།}} ཨོཾ་བཛྲ་ཀྲོ་དྷ་ཧྱ་གྷྲྀ་ཝ་ཧུ་ལུ་ཧུ་ལུ་ཧཱུྃ་ཕཊཿ ཨརྒྷཾ་ པཱ་དྱཾ་ པུཥྤེ་ དྷུ་པེ་ ཨཱ་ལོ་ཀེ་ གྷནྡྷེ་ ནཻ་ཝི་དྱཱ་ ཤབྟ་ཨོཾ་ཨཱཿཧཱུྃ། {{TibChung|ཡོངས་སུ་གྱུར་པ་ལས་ཕྱི་ནང་གི་མཆོད་པ་རྣམས་དངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྤྲིན་གྱིས་གང་བར་གྱུར། སྨན་གཏོར་རཀྟའི་སྔགས་ཀྱང་བརྗོད། གསུམ་པ་སྐྱབས་འགྲོ་ནི།}} ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །{{TibChung|བཞི་པ་སེམས་བསྐྱེད་ནི།}} ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། {{TibChung|ལན་གསུམ།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །{{TibChung|ལན་གསུམ། གཉིས་པ་དངོས་གཞི་ལ་བདག་མདུན་གཉིས་ལས། དང་པོ་བདག་བསྐྱེད་ནི།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྟོང་ཞིང་བདག་མེད་པ་མཐའ་དབུས་ལས་འདས་པའི་དག་ཆེན་ཡེ་ཤེས་ཀྱི་ཀློང་ཆེན་པོར་འོག་མིན་ལྷུན་གྱིས་གྲུབ་པའི་གཞལ་མེད་ཁང་ཤིན་ཏུ་ཉམས་དགའ་བ་ཕྱི་མཆོད་རྟེན་གྱི་རང་བཞིན་རྩེ་ལྔ་པ་ནང་རང་བྱུང་རྡོ་རྗེའི་གཞལ་ཡས་ཁང་། མནན་ན་ནེམ་ཞིང་། བཏེག་ན་འཕར་བ། ཕྱི་གསལ་ནང་གསལ། ཡེ་ཤེས་རིན་པོ་ཆེའི་ངོ་བོ་ལས་གྲུབ་པ། རྒྱ་ཁྱོན་དང་བཀོད་པ་བསམ་གྱིས་མི་ཁྱབ་པའི་མཐའ་བསྐོར་དུ་མཆོད་རྟེན་ཤིང་མེ་ཆུ་སྤྲིན་གྲུབ་པའི་རིག་འཛིན་ཞིང་སྐྱོང་གི་མཁའ་འགྲོ་མ་ལ་སོགས་པ་རྣམ་པ་བརྒྱད་ཀྱིས་མཚན་པའི་དུར་ཁྲོད་ཆེན་པོ་བརྒྱད་ཀྱི་རང་བཞིན་འཇིགས་སུ་རུང་ཞིང་སྐྱི་གཡའ་བ། དེའི་མཐའ་བསྐོར་རྡོ་རྗེའི་རྭ་བ་དང་ཡེ་ཤེས་ཀྱི་མེ་དཔུང་ཆེན་པོ་འཁྲིགས་པའི་གཞལ་མེད་ཁང་ཆེན་པོ་དེའི་དབུས་སུ། རང་བཞིན་གཞིའི་ཀུན་ཏུ་བཟང་པོ་སྐུ་མདོག་མཐིང་ཁ་ཡབ་ཡུམ་མཉམ་སྦྱོར་རྡོ་རྗེ་སྐྱིལ་ཀྲུང་མཉམ་གཞག་གིས་མཚན་པའི་ཐུགས་ཡེ་ཤེས་ཆེན་པོའི་ཀློང་དུ། མི་འཇིགས་སེང་གེའི་ཁྲི་སྟེང་པད་ཟླའི་གདན་ལ་བཅོམ་ལྡན་འདས་ཀུན་རིག་རྣམ་པར་སྣང་མཛད་སྐུ་མདོག་དཀར་པོ། ཞལ་བཞིའི་རྩ་ཞལ་དཀར་པོ། གཡས་ཞལ་སེར་བ། གཡོན་ཞལ་དམར་བ། རྒྱབ་ཞལ་ལྗང་ཁུ། འཁོར་ལོ་འཛིན་པའི་ཕྱག་གཉིས་མཉམ་པར་བཞག་ཅིང་སྐྱིལ་ཀྲུང་དུ་བཞུགས་པའི་ཤར་དུ་གླང་པོ་ཆེ། ལྷོར་རྟ་མཆོག །ནུབ་ཏུ་རྨ་བྱ། བྱང་དུ་ཤང་ཤང་གི་ཁྲི་སྟེགས་རྣམས་སུ་པདྨ་དང་ཟླ་བའི་དབུས་སུ་དེ་བཞིན་གཤེགས་པ་རིགས་བཞི་ཞལ་གཅིག་ཕྱག་གཉིས་གཡས་སོ་སོའི་རིགས་ཀྱིས་ཡུ་བ་བྱས་པའི་རྡོ་རྗེ་དང་། གཡོན་རྣམས་དྲིལ་བུ་འཛིན་པ། ལྔ་ཀའང་དར་དང་རིན་པོ་ཆེའི་རྒྱན་གྱིས་མཛེས་ཤིང་གྲི་ཐོད་འཛིན་པའི་རང་འོད་ཀྱི་ཡུམ་དང་འཁྲིལ་བ། དེ་དག་གི་ཕྱི་ནང་གི་གྲྭ་ཟུར་བཞིར་ནམ་མཁའི་སྙིང་པོ་ལ་སོགས་པ་ཕྱི་ནང་གི་སེམས་དཔའ་བརྒྱད་ལ་རྡོ་རྗེ་སྒེག་མོ་མ་ལ་སོགས་པའི་ཕྱི་ནང་གི་སེམས་མ་བརྒྱད་ཀྱིས་འཁྲིལ་བ་ཀུན་ཀྱང་སེམས་དཔའི་སྐྱིལ་མོ་ཀྲུང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པའོ། །དེ་དག་གི་ཐུགས་རྗེའི་རྩལ་ལས་ཕྱོག་པ་བཞིའི་སྣམ་བུ་དང་སྟེང་འོག་གཉིས་སུ་ཐག་བཟངས་རིས་ལ་སོགས་པའི་སྤྲུལ་སྐུ་ཐུབ་པ་དྲུག་འགྲོ་བའི་དོན་ལ་གཤེགས་པའི་བརྡར་འགྲེང་བུར་བཞུགས་པ། སྒོ་བཞིར་སྒོ་བ་ཡབ་ཡུམ་རྣམས་ཁྲོ་བོ་ཆེན་པོའི་སྟངས་སྟབས་ཀྱིས་རོལ་ཞིང་མེ་དཔུང་འབར་བའི་ཀློང་ན་བཞུགས་པའོ། །དེ་དག་གི་སྐུའི་གསལ་སྣང་ལས་སྟེང་གི་ཆར་ཡེ་ཤེས་བསྐལ་པའི་མེ་དཔུང་རབ་ཏུ་འཁྲུགས་པའི་ཀློང་ན་ཁྲག་འཐུང་ལྔ་བཅུ་རྩ་བརྒྱད་ཀྱི་ཚོམ་བུའི་དཀྱིལ་འཁོར་ཤིན་ཏུ་འཇིགས་སུ་རུང་བ། ཐམས་ཅད་ཀྱང་སྐུ་མདོག་དང་ཕྱག་མཚན་གཅིག་ཏུ་མ་ངེས་ཤིང་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟར་སྐད་ཅིག་དྲན་རྫོགས་སུ་གསལ་བར་གྱུར། {{TibChung|ཅེས་པས་གསལ་གདབ་བོ། །གལ་ཏེ་སློབ་མ་རྗེས་འཛིན་ནམ། ཚེ་འདས་ཀྱི་སྦྱོང་བ་ལ་སོགས་པའི་དོན་དུ་ཡིན་ན་དབང་དོན་བུམ་པའི་དཀྱིལ་འཁོར་སྤྲུལ་པའང་ཆོ་ག་གཅིག་པོ་དེའི་སྒྲོམ་ནས་བསྐྱེད་པའི་ཚུལ་ཁོང་དུ་ཆུད་པར་བྱའོ། །གཉིས་པ་ཚོགས་བསག་པའི་སླད་དུ་མདུན་བསྐྱེད་བསྒྲུབ་པ་ལ་སྦྱོར་བ་སེམས་བསྐྱེད་དང་། དངོས་གཞིའི་རིམ་པ་གཉིས་ལས། དང་པོ་ལ་ཀུན་རྫོབ་པ་ནི།}} བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་མོད་ཀྱང་། །རྟོག་པའི་དབང་གིས་འཁོར་བ་ལས། །བྱང་ཆུབ་མཆོག་ཏུ་སེམས་བསྐྱེད་དོ། །{{TibChung|དོན་དམ་ནི།}} ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགགས། །འགགས་པ་ཉིད་ན་འགགས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །{{TibChung|གཉིས་པ་ལ་ཏིང་འཛིན་རྣམ་གསུམ། རྟེན་གཞལ་ཡས། བརྟེན་པ་ལྷ་བསྒོམ་པ། ཚོགས་བསག་པ་དང་བཞིའི། དང་པོ་ལའང་གསུམ་ལས། དེ་བཞིན་ཉིད་ནི།}} དངོས་རྣམས་ཉིད་ན་དངོས་མེད་པ། །རྟོག་པའི་སྨྲ་བསམ་ཡུལ་ལས་འདས། །དེ་བཞིན་ཉིད་དབྱིངས་ཡེ་ཤེས་ཏེ། །དེ་ཕྱིར་དངོས་པོ་མེད་པའོ། །{{TibChung|ཀུན་སྣང་ནི།}} དེ་བཞིན་ཉིད་ནི་སྤྲོས་མེད་ཀྱང་། །རང་བཞིན་ཀུན་ཏུ་སྣང་བའི་དབྱིངས། །སེམས་ཅན་ཀུན་ལ་སྙིང་བརྩེའི་ཕྱིར། །ནམ་མཁའ་ལ་ནི་ནམ་མཁའ་བསྒོམ། །{{TibChung|རྒྱུའི་ཏིང་འཛིན་ནི།}} དངོས་པོ་མེད་ལས་དངོས་པོའི་སྤྲིན། །སྣ་ཚོགས་རྣམ་པར་འབྱུང་ཞིང་འགྱུར། །གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གི་ཡིད་བཞིན་རིན་ཆེན་སྤྲིན། །ཡི་གེ་མཆོག་ནི་བསྒོམ་པར་བྱ། །{{TibChung|གཉིས་པ་རྟེན་གཞལ་ཡས་ཁང་བསྒོམ་པ་ནི།}} སེམས་ཉིད་ཨ་དཀར་པོ་དྲི་མ་མེད་པར་གསལ་བ་ལས། ཨེ་ཡཾ་ཝཾ་ལཾ་སུཾ་རཾ་རྣམས་ཆད། སྥ་ར་ཎ་ཕཊཿ སཾ་ཧ་ར་ཎ་ཧཱུྃ། འཕྲོས་འདུས་ཡོངས་སུ་གྱུར་པ་ལས། །ནམ་མཁའ་ཡིད་ཀྱི་ནམ་མཁའ་ལ། །འབྱུང་ཆེན་བརྩེགས་པར་ལྷུན་གྱིས་གྲུབ། །དེ་སྟེང་རིན་ཆེན་སྣ་བཞི་ལས། །ལྷུན་གྱིས་གྲུབ་པ་ཚད་དཔག་མེད། །དེ་ལ་བརྟེན་པའི་ས་གཞི་ནི། །རིན་ཆེན་སྣ་ཚོགས་གཅལ་དུ་བཀྲམ། །མནན་ནེམ་བཏེག་འཕར་མཛེས་པའི་གཞི། །དེ་ལ་ཕོ་བྲང་གཞལ་ཡས་ཁང་། །གྲུ་བཞི་ལྷམ་པ་མཛེས་པར་སྣང་། །རིན་ཆེན་སྣ་བཞིའི་རྒྱུ་ལས་གྲུབ། །གློ་འབུར་བཞི་ཡང་འཁར་ཐབས་ཚུལ། །རིན་ཆེན་བཞི་ལས་གྲུབ་པའོ། །བུམ་པའི་རྩེ་མོ་ཆོས་ཀྱི་ཏོག །རྨ་བྱའི་མདོངས་ལྟར་བཀྲ་བའོ། །སྒོ་བཞི་སྒོ་ཁྱུད་རྣམས་ཀྱིས་བརྒྱན། །རྟ་བབས་བརྒྱད་དང་ཡང་དག་ལྡན། །དབུས་ན་འཁོར་ལོ་རྩིབས་བཞི་པ། །ལྟེ་བར་བཅས་ཤིང་རྩིབས་རྟེན་ལྡན། །གྲུ་ཆད་བར་ཁྱམས་མཛེས་པར་འབར། །རིན་ཆེན་འོད་ཟེར་འབར་བས་འཁྱིལ། །སེམས་ཅན་པདྨ་ཉི་ཟླ་དང་། །རིན་ཆེན་འབར་བའི་གདན་མཆོག་དང་། །རིན་ཆེན་ཁྲི་རྐང་རྣམ་བརྟེན་མཛེས། །ཕོ་བྲང་དེ་ཡི་རྒྱན་མཆོག་ཀྱང་། །ཉི་ཟླ་ནོར་བུ་རིན་ཆེན་འབར། །བླ་རེ་རྒྱལ་མཚན་ན་བཟའ་གདུགས། །དར་དང་དོ་ཤལ་མུ་ཏིག་ཕྲེང་། །དྲིལ་བུ་དང་ནི་རྔ་ཡབ་ཚོགས། །རོལ་མོའི་ཆ་བྱད་སྣ་ཚོགས་བརྒྱན། །འཇིག་རྟེན་ལྷ་ཚོགས་མཛེས་པ་དང་། །དེ་ལ་སོགས་ཏེ་རྒྱན་རྣམས་དང་། །བསམ་གྱིས་མི་ཁྱབ་མཐའ་ཡས་མཆོག །གཞལ་ཡས་དེ་ཡི་སྒོ་བཞི་ན། །གླང་ཆེན་རྣམས་ཀྱིས་མཛེས་པར་བྱས། །རྟ་བབས་རྣམས་ཀྱིས་ཙོང་ཙོང་ལ། །གསེར་གྱི་དྲིལ་བུ་འབར་བ་དང་། །དཀོན་མཆོག་གསུམ་གྱི་མཚན་ཡང་སྒྲོག །སྒོ་དྲུང་དེ་དག་རེ་རེ་ན། །ཏཱ་ལའི་སྐྱེ་ཤིང་ཙོང་ཙོང་བྲེས། །དྲི་དང་གཟུགས་དང་འོད་དུ་ལྡན། །ཏཱ་ལའི་སྐྱེ་ཤིང་དེ་དག་ལ། །ཁུ་བྱུག་ལ་སོགས་བཀྲ་ཤིས་པའི། །བྱ་རྣམས་སྙན་པའི་སྐད་ཀྱང་སྒྲོག །སྒོ་དྲུང་དེ་དག་རེ་རེ་ན། །ཁྲུས་ཀྱི་རྫིང་བུ་དབྱིབས་ལེགས་པ། །བྲོ་མཆོག་ཡན་ལག་བརྒྱད་ལྡན་ཆུ། །གྲངས་མེད་དེ་དག་རེ་རེ་ན། །ལྷ་དང་ལྷ་མོ་བསམ་མི་ཁྱབ། །ཕྱི་རོལ་ཁོ་ར་ཁོར་ཡུག་ན། །རྩེ་ས་འཆགས་ས་བརྗོད་མི་ལོང་། །དེ་ལ་སོགས་ཏེ་བསམ་ཡས་མཆོག །མ་བཙལ་ཡེ་ནས་ལྷུན་གྱིས་གྲུབ། །དེ་ལྟའི་གཞལ་མེད་ཁང་ཆེན་དབུས། །སེང་གེ་བརྒྱད་ཀྱིས་རྣམ་བཏེག་ཅིང་། །ཤར་ལྷོ་ནུབ་བྱང་གླང་ཆེན་རྟ། །ཁྱུང་དང་མཁའ་ལྡིང་གིས་བཏེག་པའི། །རིན་ཆེན་ཁྲི་རྐང་མཛེས་པའི་སྟེང་། པཾ་པདྨ་མཎྜ་ལ། མ་སཱུརྱ་མཎྜ་ལ། ཨ་ཙཎྜ་མཎྜ་ལ། གཙོ་བོ་ལྔ་ལ་ལྔ་བརྩེགས་གདན། །བྱ་བྱེད་གཉིས་ལ་བཞི་བརྩེགས་དང་། །སེམས་དཔའ་སུམ་བརྩེགས་ཉི་རྐྱང་སྒོ། །ཐུབ་པ་དྲུག་ལ་པད་རྐྱང་ངོ་། །{{TibChung|གསུམ་པ་བརྟེན་པ་ལྷའི་འཁོར་ལོ་སྒྲུབ་པའི་རིམ་པ་བཅུ་གསུམ་ལས། དང་པོ་མངོན་རྟོགས་སྒོམ་པ་ནི།}} རང་གི་སེམས་ཉིད་ཨ་དཀར་པོ་དྲི་མ་མེད་པ་ལས་རིགས་བརྒྱའི་རང་བཞིན་ཡི་གེའི་སྤྲིན་བྱུང་ནས་མདུན་བསྐྱེད་ཀྱི་གཙོ་བོའི་གནས་པདྨའི་ལྟེ་བ་ལ་ཡིག་འབྲུ་དང་པོ་གཉིས་གནས་ཤིང་། དེའི་ཕྱི་རོལ་ནས་པདྨ་འདབ་བཞི། འདབ་བརྒྱད། བཅུ་དྲུག །སུམ་ཅུ་རྩ་གཉིས། བཞི་བཅུ་པ་རྣམས་ལ་ཤར་ནས་རིམ་པས་གཡས་བསྐོར་གྱིས། ཨོཾ། བ། ཛྲ། ས། ཏྭ། ས། མ། ཡ། མ། ནུ། པཱ། ལ། ཡ། བ། ཛྲ། ས། ཏྭ། ཏྭེ། ནོ། པ། ཏིཥ། ཋ། དྲྀ། ཌྷོ། མེ། བྷ། ཝ། སུ། པོ། ཥྱོ། མེ། བྷ། ཝ། ཨ། ནུ། རཀ། ཏོ། མེ། བྷ། ཝ། སར། བ། སིད། དྷི། མྨེ། པྲ། ཡཙ། ཚ། སར། བ། ཀར། མ། སུ། ཙ། མེ། ཙིཏ། ཏཾ། ཤྲེ། ཡ། ཀུ། རུ། ཧཱུྃ། ཧ། ཧ། ཧ། ཧ། ཧོ། བྷ། ག། ཝཱན། སར། བ། ཏ། ཐཱ། ག། ཏ། བ། ཛྲ། མཱ། མེ། མུན། ཙ། བ། ཛྲཱི། བྷ། ཝ། མ། ཧཱ། ས། མ། ཡ། ས། ཏྭ། ཨཱ། ཧཱུྃ། ཕཊ། ཅེས་མུ་ཏིག་གི་ཕྲེང་བ་ལྟ་བུར་གསལ་བར་གྱུར་པ་ལ། ཨ་ཞེས་བརྗོད་པས་གཞིའི་ཨ་དེ་འོད་དུ་ཞུ་ནས་ཡིག་འབྲུ་རྣམས་ལ་ཁྱབ་པར་ཐིམ་པས་ཤིན་ཏུ་གསལ་ཞིང་འབར་བར་གྱུར། སྥ་ར་ཎ་ཕཊ། ཡིག་འབྲུ་རྣམས་ལས་འོད་ཟེར་འཕྲོས་སངས་རྒྱས་ཀྱི་མཛད་པ་བསྒྲུབས། སཾ་ཧ་ར་ཎ་ཧཱུྃ། སླར་འདུས་ནས་ཡིག་འབྲུ་རྣམས་ལ་ཐིམ་པ་འོད་དུ་ཞུ་བ་ལས་ཞི་ཁྲོ་རིགས་བརྒྱའི་དཀྱིལ་འཁོར་གྱི་འཁོར་ལོར་གྱུར་པ་ནི། ཧཱུྃ་བཛྲ་སཏྭ། རང་ཉིད་དཀྱིལ་འཁོར་གྱི་དབུས་སུ་བཅོམ་ལྡན་འདས་དཔལ་རྡོ་རྗེ་སེམས་དཔའ་སྐུ་མདོག་མཐིང་ག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་དང་པོ་རྡོ་རྗེ་ཐུགས་ཀར་འཛིན་ཅིང་། གཡོན་དང་པོ་དྲིལ་བུ་དཀུར་བརྟེན་པས་ཡུམ་ལ་འཁྱུད་པ། བར་པ་གཉིས་འཁོར་ལོ་དང་རིན་པོ་ཆེ། ཐ་མ་གཉིས་ཀྱིས་པདྨ་དང་རལ་གྲི་འཛིན་པ། དབུ་སྐྲ་རལ་པའི་ཐོར་ཚུགས་ཅན། ཞབས་གཉིས་རྫོགས་པའི་སྐྱིལ་མོ་ཀྲུང་གིས་བཞུགས་པའོ། །མཱུཾ་དྷཱ་ཏྭེ་ཤྭ་རཱི། ཡབ་ཀྱི་གཡོན་ཕྱོགས་ཉེ་བའི་འཕང་དུ་ཡུམ་རྡོ་རྗེ་དབྱིངས་ཕྱུག་མ་སྔོན་མོ་ཕྱག་གཡས་དྲིལ་བུ་འཛིན་པས་ཡབ་ལ་འཁྱུད་ཅིང་གཡོན་རྡོ་རྗེ་ཐུགས་ཀར་འཛིན་པ། བརྟུལ་ཞུགས་ཀྱི་སྐྱིལ་མོ་ཀྲུང་གིས་འཁྲིལ་བ། གཉིས་ཀའང་ལྷ་རྫས་ཀྱི་དར་དཀར་པོ་གསེར་གྱི་ངང་རིས་ཅན་གྱི་སྟོད་གཡོགས་དང་། ཚི་གུའི་སྨད་དཀྲིས། ཁ་དོག་སྣ་ཚོགས་པའི་ཅོད་པན་ཟི་ལྡིར། གར་གྱི་ཕུ་དུང་སྟེ་དར་གྱི་ཆས་གོས་ལྔ་དང་། རིན་པོ་ཆེའི་དབུ་རྒྱན། སྙན་ཆ། མགུལ་རྒྱན། སེ་མོ་དོ། དོ་ཤལ། སྐ་རགས། ཕྱག་ཞབས་ཀྱི་གདུ་བུ་སྟེ་རིན་པོ་ཆེའི་རྒྱན་བརྒྱད་ཀྱིས་མཛེས་པར་སྤྲས་པ། མཉེན་ལྕུག་འཁྲིལ་ལྡེམ་གཞོན་ཚུལ་ཅན། གསལ་འཚེར་ལྷུན་སྡུག་གཟི་བྱིན་ལྡན་པ་སྟེ་ཞི་བའི་ཉམས་དགུས་བརྒྱན་པ། སངས་རྒྱས་ཀྱི་སྤྲིན་ཕུང་མཐའ་ཡས་པར་འཆར་པའི་འོད་ཟེར་ཁ་དོག་དྲུག་གི་སྣང་བ་རེ་རེ་ཡང་བྱེ་བ་ཕྲག་དྲུག་དྲུག་ཏུ་འཕྲོ་ཞིང་འབར་བའི་ཀློང་ན་བདེ་སྟོང་གཉིས་སུ་མེད་པའི་ངོ་བོར་བཞུགས་པའོ། །དེའི་ཕྱི་རོལ་གྱི་འདབ་མ་བཞི་ལ། ཧཱུྃ་བཛྲ་དྷྲིཀ ཤར་དུ་མི་བསྐྱོད་པ་སྔོན་པོ་གཡས་རྡོ་རྗེ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། མུཾ་དྷཱ་ཏྭེ་ཤྭ་རཱི། ལྷོར་རྡོ་རྗེ་དབྱིངས་ཀྱི་དབང་ཕྱུག་མ་སྔོན་མོ་གཡས་དྲིལ་བུ་དཀུར་བརྟེན་ཅིང་གཡོན་རྡོ་རྗེ་ཐུགས་ཀར་འཛིན་པ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ནུབ་ཏུ་ཀུན་ཏུ་བཟང་པོ་མཐིང་ག་མཉམ་གཞག་གི་ཕྱག་རྒྱ་ཅན། ཨ་ཨ་ཨ་བཛྲི་བྷ་དྲ་ས་མནྟ་ཨཾ། བྱང་དུ་ཀུན་ཏུ་བཟང་མོ་མཐིང་ག་ཐལ་མོ་ཐུགས་ཀར་སྦྱར་བའོ། །དེའི་ཕྱི་རོལ་གྱི་འདབ་མ་བརྒྱད་ལ་ཤར་ནས་རིམ་པ་བཞིན། ཨོཾ་ཛི་ན་ཛིཀ །རྣམ་སྣང་དཀར་པོ་གཡས་འཁོར་ལོ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། ལྭཾ་དེ་ཥ་ར་ཏི། སྤྱན་མ་དཀར་མོ་གཡས་དྲིལ་བུ་དཀུར་བརྟེན་ཅིང་། གཡོན་འཁོར་ལོ་ཐུགས་ཀར་འཛིན་པ། སྭཱཾ་རཏྣ་དྷྲིཀ །རིན་འབྱུང་སེར་པོ་གཡས་རིན་པོ་ཆེ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། མྭཾ་མོ་ཧ་ར་ཏི། མཱ་མ་ཀཱི་སེར་མོ་གཡས་དྲིལ་བུ་དཀུར་བརྟེན་ཅིང་། གཡོན་རིན་པོ་ཆེ་ཐུགས་ཀར་འཛིན་པ། ཨཱཾ་ཨ་རོ་ལྀ་ཀ །སྣང་མཐའ་དམར་པོ་གཡས་པདྨ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། པཱཾ་རཱ་ག་ར་ཏི། གོས་དཀར་མོ་དམར་མོ་གཡས་དྲིལ་བུ་དཀུར་བརྟེན་ཅིང་། གཡོན་པདྨ་ཐུགས་ཀར་འཛིན་པ། ཧཱཾ་པྲ་ཛྙཱ་དྷི་ཀ །དོན་གྲུབ་ལྗང་གུ་གཡས་རྒྱ་གྲམ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། ཏཱཾ་བཛྲ་ར་ཏི། དམ་ཚིག་སྒྲོལ་མ་ལྗང་གུ་གཡས་དྲིལ་བུ་དཀུར་བརྟེན་ཅིང་། གཡོན་རྒྱ་གྲམ་ཐུགས་ཀར་འཛིན་པ། རིགས་ལྔ་ཡབ་རྣམས་རྫོགས་པའི་སྐྱིལ་མོ་ཀྲུང་དང་། ཡུམ་རྣམས་བརྟུལ་ཞུགས་ཀྱི་སྐྱིལ་མོ་ཀྲུང་ཀུན་ཏུ་བཟང་པོ་རྡོ་རྗེའི་སྐྱིལ་ཀྲུང་དང་བཟང་མོ་པདྨའི་སྐྱིལ་ཀྲུང་གིས་བཞུགས་པ། ཐམས་ཅད་ཀྱང་རྒྱན་དང་ཆ་ལུགས་གཙོ་བོ་དང་མཚུངས་པའོ། །དེའི་ཕྱི་རོལ་གྱི་འདབ་མ་བཅུ་དྲུག་ལ། ཀྵིཾ་ཧི་རཱ་ཛ་ཡ། ས་སྙིང་དཀར་པོ་གཡས་རིན་པོ་ཆེའི་མྱུ་གུ་དང་། གཡོན་དྲིལ་བུ་འཛིན་པ། ཧཱུྃ་ལཱ་སྱེ་ས་མ་ཡ་སྟྭཾ། སྒེག་མོ་དཀར་མོ་ཁུ་ཚུར་གྱི་རྒྱས་མེ་ལོང་བསྣམས་པ། ཏྲཱཾ་ཨཱ་གརྦྷ་ཡ། ནམ་སྙིང་སེར་པོ་གཡས་རལ་གྲི་དང་གཡོན་དྲིལ་བུ་འཛིན་པ། ཏྲཱཾ་མཱ་ལྱེ་ས་མ་ཡ་ཧོ། ཕྲེང་བ་མ་སེར་མོ་རིན་པོ་ཆེའི་ཕྲེང་བ་བསྣམས་པ། ཧྲཱིཿཧཱ་ཧཱུྃ་པདྨ་པྲ་དམ། སྤྱན་རས་གཟིགས་དམར་པོ་གཡས་པདྨ་དང་གཡོན་དྲིལ་བུ་འཛིན་པ། ཧྲཱིཾ་གཱི་ཏི་རཱ་གོ྅་ཧཾ། གླུ་མ་དམར་མོ་པི་ཝཾ་བསྣམས་པ། ཛྲིཾ་ཀུ་རུ་པཱ་ཎི། ཕྱག་རྡོར་མཐིང་ག་གཡས་རྒྱ་གྲམ་དང་གཡོན་དྲིལ་བུ་འཛིན་པ། ཨཱཾ་ནིརྟི་རཱ་ག་ཡ་མེ། གར་མ་ལྗང་གུ་གར་རྒྱ་མཛད་པ། མཻ་དྷཱ་ར་ནི་སྭཱ་ཧཱ། བྱམས་པ་དཀར་སེར་གཡས་ཀླུ་ཤིང་དང་གཡོན་དྲིལ་བུ་འཛིན་པ། ཛཿདྷུ་པེ་པྲ་བེ་ཤ །སྤོས་མ་དཀར་སེར་སྤོས་ཁང་བསྣམས་པ། ཐིཾལྷ་ནིསྶ་རཾ་བྷ་ཡ་སྭཱ་ཧཱ། སྒྲིབ་སེལ་དམར་སེར་གཡས་གླེགས་བམ་དང་གཡོན་དྲིལ་བུ་འཛིན་པ། ཧཱུྃ་པུཥྤེ་ཨཱ་བེ་ཤ། མེ་ཏོག་མ་དམར་སེར་མེ་ཏོག་གི་ཕྲེང་བ་བསྣམས་པ། ཧཱུྃ་སྭཱ་རཱ་ཛ་ཡ་སྭཱ་ཧཱ། ཀུན་བཟང་དམར་ལྗང་གཡས་རིན་པོ་ཆེའི་སྙེ་མ་དང་གཡོན་དྲིལ་བུ་འཛིན་པ། བཾ་དཱི་པ་སུ་ཀི་རཱི། མར་མེ་མ་དམར་ལྗང་མར་མེ་བསྣམས་པ། མཱུཾ་ཤྲཱི་ཨཾ་རཱ་ག་སྭཱ་ཧཱ། འཇམ་དཔལ་དཀར་ལྗང་གཡས་ཨུཏྤལ་དང་གཡོན་དྲིལ་བུ་འཛིན་པ། ཧོཿགནྡྷེ་ཙིཏྟ། དྲི་ཆབ་མ་ལྗང་དཀར་དྲིའི་དུང་ཕོར་བསྣམས་པ་སྟེ་ཡབ་རྣམས་གཡས་བརྐྱངས་པའི་ཕྱེད་སྐྱིལ་དང་། ཡུམ་རྣམས་གཡོན་བརྐྱངས་པའི་ཕྱེད་སྐྱིལ་གྱིས་བཞུགས་པ། ཐམས་ཅད་ཀྱང་དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པའོ། །དེའི་ཕྱི་རོལ་གྱི་འདབ་མ་སོ་གཉིས་ལ། ཧཱུྃ་ཡ་མཱནྟ་ཀྲིཏ་ཕཊ། གཤིན་རྗེ་གཤེད་སྨུག་ནག་ྈྈ་ནྲྀ་མགོ་གདེངས་པ་འཛིན་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ལྕགས་ཀྱུ་མ་སྨུག་ནག་ལྕགས་ཀྱུ་འཛིན་པ། ཧཱུྃ་པྲ་ཛྙཱནྟ་ཀྲིཏ་ཕཊ། སྟོབས་པོ་ཆེ་སེར་ནག་རྡོ་རྗེ་འཛིན་པ། ཨོཾ་མ་ཧཱ་རཏྣ་དྷ་ར་ཕཊ། ཞགས་པ་མ་སེར་ནག་ཞགས་པ་འཛིན་པ། ཧཱུྃ་པདྨནྟ་ཀྲིཏ་ཕཊ། རྟ་མགྲིན་དམར་ནག་ཐོད་དབྱུག་སྦྲུལ་གྱིས་དཀྲིས་པ་འཛིན་པ། ཨོཾ་མ་ཧཱ་པདྨ་དྷ་ར་ཕཊ། ལྕགས་སྒྲོག་མ་དམར་ནག་ལྕགས་སྒྲོག་འཛིན་པ། ཧཱུྃ་བིགྷྣནྟ་ཀྲིཏ་ཕཊ། བདུད་རྩི་འཁྱིལ་པ་ལྗང་ནག་རྒྱ་གྲམ་འཛིན་པ། ཨོཾ་མ་ཧཱ་ཀརྨ་ཏ་ཀྲིཏ་ཕཊ། དྲིལ་བུ་མ་ལྗང་ནག་དྲིལ་བུ་འཛིན་པ། ཐམས་ཅད་ཀྱང་ཁྲོ་གཏུམ་མི་བཟད་པའི་ཉམས་ཅན་གྱད་ཀྱི་འདོར་སྟབས་སུ་བཞུགས་པའོ། །ཨོཾ་མུ་ནེ་ཀྲེཾ་སྭཱ་ཧཱ། ལྷའི་ཐུབ་པ་དཀར་པོ་པི་ཝཾ་འཛིན་པ། ཨོཾ་མུ་ནེ་ཧཱུྃ་ཏྲུཾ་སྭཱ་ཧཱ། ལྷ་མིན་གྱི་ཐུབ་པ་མཐིང་ག་གོ་ཆ་འཛིན་པ། ཨོཾ་མུ་ནེ་སྲུཾ་སྭཱ་ཧཱ། མིའི་ཐུབ་པ་སེར་པོ་གསེག་པར་འཛིན་པ། ཨོཾ་མུ་ནེ་བྲཾ་སྭཱ་ཧཱ། བྱོལ་སོང་གི་ཐུབ་པ་དམར་ནག་པུ་སྟི་འཛིན་པ། ཨོཾ་མུ་ནེ་ཀྵཾ་སྭཱ་ཧཱ། ཡི་དྭགས་ཀྱི་ཐུབ་པ་སེར་ནག་རིན་པོ་ཆེའི་སྒྲོམ་བུ་འཛིན་པ། ཨོཾ་མུ་ནེ་ཡེ་སྭཱ་ཧཱ། དམྱལ་བའི་ཐུབ་པ་དུད་ཁ་མེ་ཆུ་འཛིན་པ། ཐམས་ཅད་ཀྱང་མཆོག་གི་སྤྲུལ་སྐུའི་ཆ་བྱད་ཅན་འགྲོ་བའི་དོན་ལ་བཞེངས་སྟབས་ཀྱིས་གནས་པའོ། །ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཾ་ཧཱུྃ་ཧཱུྃ་ཕཊ། རྡོ་རྗེ་ཁྲག་འཐུང་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་རྡོ་རྗེ་རྩེ་དགུ་དང་དྲིལ་བུ། ལྷག་མ་གཡས་གཉིས་རྩེ་ལྔ་དང་ཏི་ར། གཡོན་གཉིས་དུང་དམར་དང་འཇིག་རྟེན། ཞབས་གཉིས་རུ་ཏྲ་ཕོ་མོའི་གདན་ལ་རོལ་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། རྡོ་རྗེ་ཁྲག་འཐུང་མ་སྔོན་མོ་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། སངས་རྒྱས་ཁྲག་འཐུང་སྨུག་ནག་སྨུག་ལྗང་སེར་བའི་ཞལ་གསུམ་ཕྱག་དྲུག་གི་དང་པོ་གཉིས་འཁོར་ལོ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་ཁ་ཊྭཱཾ་ཀ །ཞབས་བཞི་དྲི་ཟ་ཕོ་མོའི་གདན་ལ་རོལ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཀྲོ་ཏི་ཤྭ་རཱི་སརྦ་དུཥྚན་ཧཱུྃ་ཕཊ། སངས་རྒྱས་ཁྲག་འཐུང་མ་སྨུག་ནག་གཡས་དྲིལ་བུ་དང་། གཡོན་དུང་དམར་སྟོབ་པ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། རིན་ཆེན་ཁྲག་འཐུང་སེང་ནག་སེར་སྨུག་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་རིན་པོ་ཆེ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་དགྲ་སྟྭ། ཞབས་བཞི་གཤིན་རྗེ་ཕོ་མོའི་གདན་ལ་རོལ་པ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷི་ཤྭ་རཱི་བི་ད་མ་ཧཱུྃ་ཕཊ། རིན་ཆེན་ཁྲག་འཐུང་མ་སེར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། པདྨ་ཁྲག་འཐུང་མ་དམར་ནག་དམར་སེར་ལྗང་བའི་ཞལ་གསུམ་ཕྱག་དྲུག་གི་དང་པོ་གཉིས་པདྨ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་རྔེའུ་ཆུང་། ཞབས་བཞི་ཀླུ་དབང་ཕོ་མོའི་གདན་ལ་རོལ་པ། ཨོཾ་ཧྲཱི་ཧུ་ཏ་ས་མ་ཏ་པདྨ་མ་ཧཱ་ཀྲོ་དྷི་ཤྭ་རཱི་ཁཱ་ཧི་ཧཱུྃ་ཕཊ། པདྨ་ཁྲག་འཐུང་མ་དམར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ལས་ཀྱི་ཁྲག་འཐུང་ལྗང་ནག་ལྗང་དམར་སྨུག་པའི་ཞལ་གསུམ་ཕྱག་དྲུག་གི་དང་པོ་གཉིས་རྒྱ་གྲམ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར་གཡོན་གཉིས་དུང་དམར་དང་ཐོང་གཤོལ། ཞབས་བཞི་གནོད་སྦྱིན་ཕོ་མོའི་གདན་ལ་རོལ་པ། ཨོཾ་སརྦ་ཨ་མོ་གྷ་མ་ཧཱ་ཀྲོ་དྷི་ཤྭ་རཱི་བི་ཤྭ་ཧཱུྃ་ཕཊ། ལས་ཀྱི་ཁྲག་འཐུང་མ་ལྗང་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཡབ་རྣམས་ཞབས་གཡས་བརྐྱངས་དང་ཡུམ་རྣམས་གཡོན་བརྐྱངས་པའི་དོར་སྟབས་ཀྱི་ཚུལ་ཅན། ཐམས་ཅད་ཀྱང་གར་དགུའི་རོས་སྒེག་ཅིང་དུར་ཁྲོད་རོལ་པའི་ཆས་ཀྱིས་བརྒྱན་པའོ། །ཨོཾ་བཛྲ་གཽ་རཱི་ཧ། གཽ་རཱི་སྔོན་མོ་གཡས་ཞིང་དབྱུག་དང་གཡོན་བྷན་དམར་འཛིན་པ། ཨོཾ་བཛྲ་ཙཽ་རཱི་ཧ། ཙཽ་རཱི་མ་སེར་མོ་མདའ་གཞུ་འགེངས་པ། ཨོཾ་བཛྲ་པྲ་མོ་ཧེ་ཧ། པྲ་མོ་དམར་མོ་ཆུ་སྲིན་གྱི་རྒྱལ་མཚན་ཕྱར་བ། ཨོཾ་བཛྲ་བཻ་ཏ་ལཱི་ཧ། བེ་ཏ་ལི་ནག་མོ་རྡོ་རྗེ་དང་ཞིང་ཆུང་འཛིན་པ། ཨོཾ་བཛྲ་པུཀྐ་སཱི་ཧ། པུཀྐ་སཱི་དམར་སེར་ཞིང་ཆུང་གི་རྒྱུ་མ་འདྲེན་པ། ཨོཾ་བཛྲ་གྷསྨ་རཱི་ཧ། གྷསྨ་རཱི་ལྗང་གུ་གཡོན་དུང་ཁྲག་གཡས་པའི་རྡོ་རྗེས་དཀྲུགས་པ། ཨོཾ་བཛྲ་སྨེ་ཤ་ནཱི་ཧ། སྨེ་ཤ་མཐིང་ནག་བྱིས་པའི་རོ་བཟུང་ནས་སྙིང་ཟ་བ། ཨོཾ་བཛྲ་ཙཎྜ་ལཱི་ཧ། ཙཎྜ་ལཱི་སེར་སྐྱ་ཞིང་ཆུང་གི་མགོ་ལུས་འདྲལ་བ། ཐམས་ཅད་ཀྱང་གཅེར་བུ་ལང་ཚོས་སྒེག་ཅིང་ཁྲོ་འཛུམ་བཞད་པ་དུར་ཁྲོད་རོལ་པའི་ཆས་ཅན་གཡོན་བརྐྱངས་པའི་སྟབས་ཀྱིས་གནས་པའོ། །དེའི་ཕྱི་རོལ་གྱི་འདབ་མ་བཞི་བཅུ་ལ། ཨོཾ་བཛྲ་སིདྷ་མུ་ཁཱི་ཧེ། སེང་གདོང་མ་སེར་མོ་རོ་ཟ་ཞིང་ལག་གཉིས་ཐུགས་ཀར་བསྣོལ་བ། ཨོཾ་བཛྲ་བྱ་གྷྲི་མུ་ཁཱི་ཧེ། སྟག་གདོང་མ་དམར་མོ་ལག་གཉིས་ཐུར་དུ་བསྣོལ་བས་རོ་བཟུང་བ། ཨོཾ་བཛྲ་ཤྲཱི་གཱ་ལ་མུ་ཁཱི་ཧེ། ཝ་གདོང་མ་ནག་མོ་ཞིང་ཆུང་ལྕེས་ལྡག་པ། ཨོཾ་བཛྲ་ཤྭ་ན་མུ་ཁཱི་ཧེ། སྤྱང་གདོང་མ་དམར་ནག་ཞིང་ཆུང་གི་ཁོག་པ་འདྲལ་བ་སྟེ། མཆེ་བ་ཅན་བཞི། ཨོཾ་བཛྲ་གྲྀ་ཌྷ་མུ་ཁཱི་ཧེ། རྒོད་གདོང་མ་དམར་མོ་ཞིང་གི་རྒྱུ་མ་འདྲེན་པ། ཨོཾ་བཛྲ་ཀངྐ་མུ་ཁཱི་ཧེ། ཀངྐའི་གདོང་མ་དམར་སྐྱ་བམ་རོ་ཕྲག་པར་ཁུར་བ། ཨོཾ་བཛྲ་ཀཱ་ཀ་མུ་ཁཱི་ཧེ། བྱ་རོག་གདོང་ཅན་ནག་མོ་རལ་གྲི་དང་བྷན་དམར་འཛིན་པ། ཨོཾ་བཛྲ་ཨུ་ལུ་ཀ་མུ་ཁཱི་ཧེ། འུག་གདོང་མ་མཐིང་ནག་རྡོ་རྗེའི་དབྱུག་པ་འཛིན་པ་སྟེ་གཤོག་པ་ཅན་བཞིའོ། །ཨོཾ་བཛྲ་ཨཱརྱ་ཏེ་ཛ་ཏེ་ང་ཛ། རྟ་གདོང་མ་སྔོན་མོ་ལྕགས་ཀྱུ་འཛིན་པ། ཨོཾ་བཛྲ་ཨ་མུ་ཁེ་ཧཱུྃ། ཕག་གདོང་མ་ནག་མོ་ཞགས་པ་འཛིན་པ། ཨོཾ་བཛྲ་ལོ་ཀ་བཾ། སེང་གདོང་མ་དམར་མོ་ལྕགས་སྒྲོག་འཛིན་པ། ཨོཾ་བཛྲ་བྷསྨི་བཱ་ལ་ཡ་བ་ཏུ་ཧོ། སྤྱང་གདོང་མ་ལྗང་གུ་དྲིལ་བུ་འཛིན་པ། ཐམས་ཅད་ཀྱང་གཅེར་བུ་རང་དང་ཁྲོས་པའི་ཞལ་ཅན་དུར་ཁྲོད་འབར་པའི་ཆས་དང་ལྡན་པའོ། །མ་ནུ་རཀྵ་སཱི་བྷྱོ། བྲཧྨ་ཎཱི་བྷྱོ། རཽ་ཏྲི་བྷྱོ། ཀུ་མ་རཱི་བྷྱོ། བེཥྞ་བཻ་བྷྱོ། ཨིནྡྲ་ཎི་བྷྱོ། སྲིན་མོ་དམར་སེར་གཡག་གདོང་ཏྲི་ཤུལ་འཛིན་པ། ཚངས་པ་དམར་སྐྱ་སྦྲུལ་གདོང་རྡོ་རྗེ་རྩེ་ལྔ་འཛིན་པ། འཁྲུག་མོ་སེར་ནག་གཟིག་གདོང་དབྱུག་ཏོ་དང་སྡིག་མཛུབ། བརྒྱ་བྱིན་མ་དཀར་དམར་སྲེ་མོང་མགོ་ཅན་དུང་དམར་འཛིན་པ། ཁྱབ་འཇུག་མ་སེར་མོ་ཕ་ཝང་མགོ་ཅན་འཁོར་ལོ་འཛིན་པ། དབང་མོ་དམར་སྐྱ་དྲེད་གདོང་བམ་དབྱུག་འཛིན་པའོ། །ཨོཾ་བཛྲ་པིངྒ་ལཾ་བྷྱོ། ཨ་མྲྀ་ཏ་བྷྱོ། སཽ་མྱ་བྷྱོ། དཎྜ་དམ་བྷྱོ། རཀྵ་སཱི་བྷྱོ། བྷཀྵ་སཱི་བྷྱོ། ཞི་བ་དམར་མོ་དོམ་མགོ་ཅན་རྒྱུ་ཞགས་འཛིན་པ། བདུད་རྩི་མ་སྔོན་མོ་ཆུ་སྲིན་མགོ་ཅན་བུམ་པ་འཛིན་པ། ཞི་བ་མ་སྔོ་སྐྱ་སྡིགས་པའི་མགོ་ཅན་པུཎྜ་རི་ཀ་འཛིན་པ། བེ་ཅོན་མ་ནག་མོ་ཁྲ་མགོ་ཅན་ཐོད་རློན་འཛིན་པ། སྲིན་མོ་དམར་ནག་ཝ་གདོང་རྒྱུ་ཞགས་འཛིན་པ། ཟ་བྱེད་ནག་མོ་སྟག་མགོ་བམ་ཆེན་འཛིན་པའོ། །ར་ཏི་བཛྲ་བྷྱོ། རུ་དྷི་ར་མཱཏྟ་བྷྱོ། ཨེ་ཀ་ཙ་རི་ཎི་བྷྱོ། མ་ནོ་ཧ་ར་མ་བྷྱོ། སིདྡྷིི་ཀ་མ་བྷྱོ། ཝ་ཡ་ཝི་བྷྱོ། དགའ་བྱེད་དམར་མོ་རྒོད་གདོང་ཁོག་ཆེན་འཛིན་པ། ཁྲག་འཐུང་མ་དམར་ནག་རྟ་གདོང་རྡོ་རྗེའི་དབྱུག་པ་འཛིན་པ། གཅིག་སྤྱོད་མ་དཀར་དམར་ཁྱུང་གདོང་བྷན་དམར་འཛིན་པ། འདོད་པ་དམར་སེར་ཁྱི་གདོང་བྱིས་བམ་འཛིན་པ། ནོར་སྲུང་དཀར་དམར་པུ་ཤུད་མགོ་ཅན་པདྨ་འཛིན་པ། རླུང་མོ་དམར་སྐྱ་ཤ་བའི་མགོ་ཅན་བ་དན་འཛིན་པའོ། །མ་ཧཱ་མ་ར་ཎ་བཛྲ་བྷྱོ། ཨགྣེ་བྷྱོ། ཝ་ར་ཧི་བྷྱོ། ཙ་མུཎྜི་བྷྱོ། སུ་ཏ་ནི་བྷྱོ། ཝ་རུ་ཎི་བྷྱོ། གསོད་བྱེད་མ་ལྗང་ནག་སྤྱང་གདོང་རྔེའུ་ཆུང་འཛིན་པ། མེ་མོ་དམར་སེར་སྐྱིན་གདོང་མེ་སྒྲོན་འཛིན་པ། ཕག་མོ་ལྗང་སེར་ཕག་གདོང་མཆེ་བ་འཛིན་པ། རྒན་བྱེད་ལྗང་སྔོན་ཁྭ་ཏའི་མགོ་ཅན་དུང་ཁྲག་འཛིན་པ། སྣ་ཆེན་ལྗང་དམར་བ་ལང་མགོ་ཅན་བམ་ཆེན་འཛིན་པ། ཆུ་ལྷ་མ་ལྗང་ནག་སྦྲུལ་གདོང་བདུད་རྩིའི་ཐོད་པ་འཛིན་པའོ། །བཛྲ་མ་ཧཱ་ཀཱ་ལི་བྷྱོ། བཛྲ་ཙ་ཀཱ་ལ་བྷྱོ། བཛྲ་ཀུམྦྷ་ཀརྞ་བྷྱོ། བཛྲ་ལམྦྷོ་དྷ་ར་བྷྱོ། ནག་མོ་ཆེན་པོ་ཁུ་བྱུག་མགོ་ཅན་ལྕགས་ཀྱུ་འཛིན་པ། རྡོ་རྗེ་སྔོན་མོ་ར་གདོང་རྒྱུ་ཞགས་འཛིན་པ། བུམ་རྣམ་དམར་མོ་སེང་གདོང་ལྕགས་སྒྲོག་འཛིན་པ། གསུས་འཛིན་མ་ལྗང་ནག་སྐྱེ་ཀའི་མགོ་ཅན་དྲིལ་བུ་འཛིན་པ། ཐམས་ཅད་ཀྱང་དྲག་མོའི་གཟུགས་ཅན་དུར་ཁྲོད་འབར་བའི་ཆས་ཀྱིས་བརྒྱན་ཏེ་ཞིང་གི་གདན་ལ་རོལ་པའོ། །གཞན་ཡང་དཀྱིལ་འཁོར་ཆེན་པོའི་ཕྱིའི་ཁོར་ཡུག་ལ་སྤྲུལ་པ་དང་ཡང་སྤྲུལ་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱང་རང་རང་གི་རྒྱན་དང་ཆ་ལུགས་དང་ལྡན་ཞིང་སོ་སོའི་འཁོར་གྱིས་བསྐོར་བའི་དཀྱིལ་འཁོར་གྱི་འཁོར་ལོ་ཉི་མ་དང་འོད་ཟེར་གྱི་ཚུལ་དུ་མངོན་པར་སྣང་བའི་སྒྱུ་འཕྲུལ་གྱི་རོལ་མོ་བསམ་གྱིས་མི་ཁྱབ་པ་དམ་ཚིག་གི་འཁོར་ལོར་རྫོགས་པར་གྱུར། དེ་ལྟར་དུ་གསལ་བའི་ལྷ་ཚོགས་རྣམས་ཀྱི་སྲོག་གི་་་གོར་རང་དང་རྣམ་པ་མཐུན་པའི་ཡེ་ཤེས་སེམས་དཔའ་རྒྱན་དང་ཕྱག་མཚན་སྤངས་པ་རེ་རེའི་ཐུགས་ཀར་སོ་སོའི་ས་བོན་གྱིས་མཚན་པར་གྱུར། {{TibChung|གཉིས་པ་བྱིན་གྱིས་བརླབ་པ་ནི། ལྷ་རྣམས་སོ་སོའི་སྤྱི་བོར་ཟླ་བ་ལ་གནས་པའི་ཨོཾ་དཀར་པོ། མགྲིན་པར་པདྨ་ལ་གནས་པའི་ཨཱཿདམར་པོ། སྙིང་གར་ཉི་མ་ལ་གནས་པའི་ཧཱུྃ་སྔོན་པོ་སོ་སོའི་འོད་ཟེར་གྱིས་རྒྱལ་བ་རབ་འབྱམས་ཀྱི་ཐུགས་རྒྱུད་བསྐུལ་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་བྱོན། ཡི་གེ་གསུམ་ལ་ཐིམ་པ་ཡོངས་སུ་གྱུར་པ་ལས་སྤྱི་བོར་རྣམ་སྣང་དཀར་པོ་འཁོར་ལོ་འཛིན་པ། མགྲིན་པར་སྣང་མཐའ་དམར་པོ་པདྨ་འཛིན་པ། སྙིང་ཁར་མི་བསྐྱོད་པ་སྔོན་པོ་རྡོ་རྗེ་འཛིན་པ་རྣམས་ཀྱིས་རྒྱས་བཏབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་དང་གཉིས་སུ་མེད་པར་གྱུར། རྡོ་རྗེ་རྩེ་ལྔ་པའི་ཕྱག་རྒྱ་གནས་སོ་སོར་གཏུགས་པ་དང་བསྟུན་ནས།}} ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅་ཧཾ། {{TibChung|མགྲིན་པ་ལ་ཀཱ་ཡའི་གནས་སུ་ཝཱཀྐ་དང་སྙིང་ཁར་ཙིཏྟ་སྦྱར་རོ། །གསུམ་པ་དབང་བསྐུར་བ་ནི། ལྷ་ཚོགས་དེ་རྣམས་སོ་སོའི་ཐུགས་ཀའི་ས་བོན་ལས་འོད་ཟེར་འཕྲོས་ཕྱོགས་བཅུ་དུས་བཞིའི་རྒྱལ་བ་རབ་འབྱམས་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་ལྷའི་རྣམ་པར་བཛྲ་ས་མཱ་ཛཿས་སྤྱན་དྲངས།}} ཨོཾ་སརྦ་ཏ་ཐཱ་ག་ཏ་མ་ཧཱ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་བསྐུལ་བས་དེ་རྣམས་གཉིས་མེད་དུ་མཉམ་པར་རོལ། རྗེས་ཆགས་ཀྱིས་མེས་ཞུ་བས་ཡེ་ཤེས་ལྔའི་ཆུ་རྒྱུན་ལྷ་སོ་སོའི་དབུའི་གནས་ལྔར་བབས་ཏེ་དབང་བསྐུར་བར་གྱུར། {{TibChung|རྡོ་རྗེ་སྤྱི་བསྡམས་ལས་གུང་མོ་གཉིས་བརྐྱངས་པ་སྤྱི་བོར་བཞག་སྟེ།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|དེ་བཞིན་དུ་མཛུབ་མོ་བརྐྱངས་པ་དཔྲལ་བར།}} ཨོཾ་མ་ཧཱ་ཨ་དརྴ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ། {{TibChung|སྲིན་ལག་བརྐྱངས་པ་རྣ་ལྟག་གཡས་པར།}} ཨོཾ་མ་ཧཱ་ས་མ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|མཐེ་བོང་བརྐྱངས་པ་ལྟག་པར།}} ཨོཾ་མ་ཧཱ་པྲ་ཏྱ་བེ་ཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|མཐེའུ་ཆུང་བརྐྱངས་པ་རྣ་ལྟག་གཡོན་པར།}} ཨོཾ་མ་ཧཱ་ཀྲྀ་ཏྱཱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་དབང་བསྐུར་བས་ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་བསྒྱུར། ཆུ་ལྷག་མ་སྤྱི་བོར་བརྟེན་པ་ཡོངས་སུ་གྱུར་པ་ལས་མི་བསྐྱོད་པ་བདག་པོར་གྱུར་པའི་རིགས་ལྔ་སྤྲུལ་སྐུའི་ཆ་བྱད་ཅན་གྱིས་དབུ་བརྒྱན་པར་གྱུར། {{TibChung|བཞི་པ་སྤྱན་འདྲེན་ནི།}} ཨོཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿ {{TibChung|ལྔ་པ་བཞུགས་གསོལ་ནི།}} ཨཱཿ ཡེ་ཤེས་སྤྲུལ་པའི་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་བཞིན་བཞུགས་སུ་གསོལ། །ས་མ་ཡ་ཏིཥྛ་ལྷན། {{TibChung|དྲུག་པ་ཕྱག་འཚལ་བ་ནི།}} ཧཱུྃ། བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱིཙྪ་ཧོ། {{TibChung|བདུན་པ་སྣང་བ་ཡབ་ཀྱི་མཆོད་སྤྲིན་ནི།}} ཨོཾ་དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨོཾ་བཛྲ་ཨརྒྷཾ་སོགས་ནས་རཱུ་པ་ཤབྟ་གྷནྡྷེ་རཱ་ས་པརྴེ་ཨཱཿཧཱུྃ། སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིང་ཏ་པཱུ་ཙ་ཨཱཿཧཱུྃཿ {{TibChung|བརྒྱད་པ་སྟོང་པ་ཡུམ་གྱི་མཆོད་པ་ནི།}} ཨཱཿ ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་རབ་འབྱམས་མ་ལུས་ཀུན། །འདུ་འབྲལ་མེད་པའི་ངང་དུ་རོ་གཅིག་པས། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །ཛཿཧཱུྃ་བཾ་ཧོཿ མ་ཧཱ་སུ་ཁ་ཨ་ནུ་རཱ་ག་ཡ་མི། {{TibChung|དགུ་པ་ཟུང་འཇུག་ཆོས་སྐུའི་མཆོད་པ་ནི།}} ཧཱུྃ། སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་བརྗོད་ལས་འདས། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །བོ་དྷི་ཙིཏྟ་ཨ་ལ་ལ་ཧོ། {{TibChung|བཅུ་པ་བསྟོད་པ་ནི།}} ཧཱུྃ། ཆོས་དབྱིངས་ཡེ་ཤེས་མཉམ་པའི་ངང་། །རང་བཞིན་ཡོན་ཏན་ལྷུན་གྱིས་གྲུབ། །ཐུགས་རྗེ་ཡིད་བཞིན་ནོར་བུ་འདྲ། །ཕྱག་འཚལ་གདོད་མའི་མགོན་པོ་ལ། །ཡེ་ཤེས་ལྔ་ཡི་ངོ་བོ་ཉིད། །ཉོན་མོངས་དུག་ལྔ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་རྒྱལ་བ་རིགས་ལྔ་ལ། །བཅུ་དྲུག་ཡེ་ཤེས་ངོ་བོ་ཉིད། །གཟུང་འཛིན་དྲི་མ་རྣམ་སྦྱོང་ཞིང་། །རྣམ་ཤེས་ཚོགས་བརྒྱད་གནས་དག་པ། །ཕྱག་འཚལ་སེམས་དཔའ་ཡབ་ཡུམ་ལ། །ཚད་མེད་ཡེ་ཤེས་ངོ་བོ་ཉིད། །སྐྱེ་གནས་དྲི་མ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་སྒོ་བ་ཡབ་ཡུམ་ལ། །ཕ་རོལ་ཕྱིན་དྲུག་ངོ་བོ་ཉིད། །ཁམས་དྲུག་དྲི་མ་རྣམ་སྦྱོང་ཞིང་། །ཚོགས་དྲུག་རྣམ་ཤེས་རྣམ་པར་དག །ཕྱག་འཚལ་ཐུབ་པ་དྲུག་ལའོ། །ཞི་ལས་ཡེ་ཤེས་རྣམ་འཕྲོས་པས། །འཇིགས་གཟུགས་ཁྲོ་བོའི་དཀྱིལ་འཁོར་ནི། །ལྔ་བཅུ་རྩ་བརྒྱད་འབར་བའི་སྐུ། །ཕྱག་འཚལ་དབྱིངས་ཀྱི་དཀྱིལ་འཁོར་ལ། །ས་དང་ཡེ་ཤེས་ཞིང་ཁམས་ལ། །འཇིག་རྟེན་འདས་དང་མ་འདས་ཚུལ། །དུར་ཁྲོད་ཆེན་པོའི་གནས་བརྒྱད་ན། །བཞུགས་པའི་འགྲོ་བ་ཀུན་ལ་འདུད། །{{TibChung|བཅུ་གཅིག་པ་ཛབ་ལ་བདག་མདུན་བུམ་གསུམ་ལས། དང་པོ་ནི།}} རྣམ་སྣང་ཐུགས་ཀྱི་དཀྱིལ་འཁོར་དུ། །གསེར་གྱི་རྡོ་རྗེ་རྩེ་ལྔ་པའི། །ལྟེ་བར་ཉི་ཟླ་ཁ་སྦྱོར་དབུས། །སྲོག་གི་སྙིང་པོ་ཡི་གེ་ཨོཾ། །དེ་མཐར་སྔགས་ཕྲེང་གཡས་སུ་འཁོར། །འོད་ཟེར་འཕྲོས་པས་འཕགས་པ་མཆོད། །རིགས་དྲུག་སྡུག་བསྔལ་གཏན་ནས་སྦྱངས། །སྣོད་བཅུད་འོག་མིན་ཞིང་དུ་བསྒྱུར། །ཚུར་འདུས་བདག་ལ་ཐིམ་པ་ཡིས། །མཆོག་ཐུན་དངོས་གྲུབ་ཐོབ་པར་དམིགས། །ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃ། {{TibChung|ཞི་པ་ཡོངས་རྫོགས་སྙིང་པོ་སྟེ། །བསྙེན་པའི་ཚུལ་དུ་བཟླས་པ་བྱ། །འབུམ་ཕྲག་བཅོ་ལྔ་ཐོན་རྗེས་སུ། །དྲག་པོར་སྒྲུབ་པ་འདི་ལྟ་སྟེ།}} །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། རུ་ལུ་བཟླ་སྐབས་རྣམ་སྣང་སྔགས། །རྡོ་རྗེ་རྩེ་གསུམ་དམར་པོ་ཡི། །ལྟེ་བར་ཨཱཿདམར་རུ་ལུས་བསྐོར། །དེ་ལས་འོད་འཕྲོས་སྟེང་ཕྱོགས་ཀྱི། །ཁྲོ་བོའི་དཀྱིལ་འཁོར་གསལ་བར་བྱས། །དེ་དག་ཐུགས་དམ་རྒྱུད་བསྐུལ་ཏེ། །རུ་ལུ་གྲགས་སྟོང་སྐྱེ་མེད་སྒྲ། །འབྲུག་སྟོང་བཞིན་དུ་སྒྲོགས་པར་བསམ། །བྱེ་བ་གསུམ་དུ་བཟླས་གྱུར་ན། །བྲིས་སྐུ་བཞད་ཅིང་བདུད་རྩི་ཁོལ། །སྣང་བ་ཞི་ཁྲོའི་སྐུ་རུ་འཆར། །གྲགས་པ་གསུང་དུ་ལྷང་གིས་འགྱུར། །རིག་པ་ཆོས་ཉིད་དོན་དང་མཇལ། །མཆོག་ཐུན་དངོས་གྲུབ་འབད་མེད་འབྱུང་། །དེ་ནས་ལས་ལ་སྦྱོར་བ་ནི། །སྦྱང་གཞི་ང་རུ་འཛིན་པའི་བདུད། །ལས་ངན་སྒྲིབ་པའི་ཕུང་པོ་ལ། །སྦྱོང་བྱེད་རྩ་རིག་ཟབ་མོ་ནི།}} །ཨོཾ་ན་མོ་་་་{{TibChung|ཕྱག་འཚལ་ལོ།}} བྷ་ག་ཝ་ཏེ་་་་{{TibChung|བཅོམ་ལྡན་འདས་}}སརྦ་དུརྒ་ཏེ་་་་{{TibChung|ངན་སོང་ཐམས་ཅད།}} པཱ་རི་ཤྭ་དྷ་ནི་རཱ་ཛ་ཡ།་་{{TibChung|་ཡོངས་སུ་སྦྱོང་བའི་རྒྱལ་པོ།}} ཏ་ཐཱ་ག་ཏ་ཡ།་་་{{TibChung|དེ་བཞིན་གཤེགས་པ།}} ཨརྷ་ཏེ།་་་{{TibChung|དགྲ་བཅོམ་པ།}} སཾ་མྱཀ་སཾ་བུདྡྷ་ཡ།་་་་{{TibChung|ཡང་དག་པར་རྫོགས་པའི་སངས་རྒྱས།}} ཏདྱ་ཐཱ།་་་{{TibChung|འདི་ལྟ་སྟེ།}} ཨོཾ་ཤྭ་་་{{TibChung|སྦྱོང་}}དྷ་ནེ་{{TibChung|སྦྱོང་}}ཤྭ་དྷ་ནེ། སརྦ་་་{{TibChung|ལས་སྒྲིབ་ཐམས་ཅད་རྣམ་པར་སྦྱོང་་་}}པཱ་པཾ་བི་ཤྭ་དྷ་ན་སྭཱ་ཧཱ། {{TibChung|བཟླས་དམིགས་}}ཐུགས་ཀར་སྔགས་ཕྲེང་འཁོར་བ་ལས་འོད་ཟེར་བུན་བུན་འཕྲོས། ཞལ་ཕྱོགས་བཞིར་གཟིགས་པའི་སྨིན་མཚམས་ལས་ཐོན། ངན་སོང་ན་གནས་པ་དང་དམིགས་བྱའི་དོན་བྱས། སྡིག་སྒྲིབ་ཐམས་ཅད་སྦྱངས། དེ་དག་གི་རྣམ་ཤེས་འོད་ཀྱི་རྣམ་པར་གྱུར་པ་དང་། ལྷན་ཅིག་ཐུགས་ཀར་བསྡུས་{{TibChung|ཏེ་མཉམ་པར་འཇོག་པ་མན་ངག་ཡིན། འབུམ་ཕྲག་གཅིག་ནི་སུས་བཟླས་པ། །མཚམས་མེད་ལྔ་ཡི་ལས་ཀྱང་བྱང་། །བླ་མེད་ཐེག་པའི་སྤྱི་ཁྲུས་དང་། །ཡོ་ག་ངན་སོང་སྦྱོང་བའི་བཅུད། །གཉིས་མེད་ཟུང་འཇུག་མན་ངག་སྟེ། །ཡེ་ཤེས་ལྷ་ལ་རང་རྒྱུད་དང་། །ཐེག་པ་མཐོ་དམན་རྩིས་གདབ་མེད། །བདེ་གཤེགས་གཅིག་སྒྲུབ་ཀུན་གྱི་ངང་། །འདི་ནི་ངེས་གསང་ཐེག་པ་ཡི། །ཁྱད་ཆོས་བླ་ན་མེད་པའོ། །ས་མ་ཡ། གཉིས་པ་ནི། དབང་དོན་བུམ་པའི་དཀྱིལ་འཁོར་སྤྲུལ་པ་ཡིན་ན་གཟུངས་ཐག་ལ་འཇུས་ནས།}} བདག་གི་ཐུགས་ཁ་ནས་སྤྲོས་པའི་འོད་ཟེར་གཟུངས་ཐག་ལ་འཁྲིལ་ཏེ་སོང་། རྣམ་རྒྱལ་བུམ་པ་མཚན་ཉིད་ཚང་བའི་ནང་གཞལ་མེད་ཁང་གི་རྣམ་པར་རྫོགས་པའི་བརྟེན་པའི་ལྷ་ཚོགས་ཐམས་ཅད་ཀྱི་ཐུགས་རྒྱུད་བསྐུལ། སོ་སོའི་ཐུགས་ཀར་ཨཱཿཡིག་རེ་རེ་དང་། གཙོ་བོ་རྣམ་སྣང་གི་ཐུགས་ཀར་ཟླ་གདན་ལ་ཨཱ་ལི་ཀཱ་ལིའི་ཕྲེང་བ་གཡས་སུ་འཁོར་བ་ལས་འཕྲོས་པའི་འོད་ཟེར་གྱིས་དམིགས་བྱའི་སྡིག་སྒྲིབ་སྦྱངས་པར་བསམ་ལ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། {{TibChung|ཞེས་བཏགས་པ་བཟླས་མཐར་ཨོཾ་ཨཱཿཧཱུྃ་གིས་དུང་ཆོས་ཀྱི་མཆོད་ཡོན་ཕུལ་ལ་ལྷ་འོད་ཞུ་བྱ། གསུམ་པ་མདུན་བསྐྱེད་ཀྱི་བཟླས་པ་ནི།}} མདུན་བསྐྱེད་ཀྱི་གཙོ་བོ་རྡོ་རྗེ་སེམས་དཔའ་ཡབ་ཡུམ་དང་བཅས་པའི་དམ་པ་རིགས་བརྒྱ་ཐམས་ཅད་ཀྱང་རང་འདྲའི་ཡེ་ཤེས་སེམས་དཔའ་དང་ལྡན་པའི་ཐུགས་ཀར་རང་རང་གི་ཏིང་འཛིན་སེམས་དཔའི་ངོ་བོ་ཡི་གེ་བརྒྱ་པའི་ཡིག་འབྲུ་རེ་རེ་གསལ་བ་ལས་བདག་གི་ཐུགས་ཀའི་འོད་ཟེར་གྱིས་བསྐུལ། སྥ་ར་ཎ་ཕཊ། ཅེས་བརྗོད་པས་ཡིག་འབྲུ་སོ་སོ་ལས་འོད་ཟེར་དཔག་ཏུ་མེད་པ་འཕྲོས། རྒྱལ་བ་སྲས་དང་བཅས་པའི་ཐུགས་རྒྱུད་བསྐུལ། བདེ་སྟོང་གི་མཆོད་པས་དགྱེས་པ་བསྐྱེད། སཾ་ཧ་ར་ཎ་ཧཱུྃ། ཞེས་བརྗོད་པས་བྱིན་རླབས་དང་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས། མདུན་བསྐྱེད་ཀྱི་ལྷ་ཚོགས་རྣམས་ལ་ཐིམ་པས་གསལ་བརྟན་གྱི་གཟི་བྱིན་འབར། ལྷ་ཚོགས་རྣམས་ཀྱི་ཞལ་ནས་གསང་སྔགས་ཀྱི་སྒྲ་དང་། ཐུགས་ལས་འོད་ཟེར་འཕྲོས་པས་ཁམས་གསུམ་ཐམས་ཅད་སྣང་བར་བྱས། ངན་སོང་དང་འཁོར་བའི་སྡུག་བསྔལ་གྱི་རྒྱུ་དང་འབྲས་བུར་བཅས་པ་ཐམས་ཅད་སྦྱངས། མ་དག་པའི་བརྟན་གཡོ་དག་པའི་སྣོད་བཅུད་དུ་གནས་བསྒྱུར། དམིགས་ཡུལ་གཙོ་བོར་གྱུར་པའི་ལམ་ལྔའི་རྒྱུད་ལྡན་གྱི་སེམས་ཅན་ཐམས་ཅད་ཀྱི་གློ་བུར་གྱི་དྲི་མ་ཆ་དང་བཅས་པ་སྐད་ཅིག་ལ་སྦྱངས་ནས་བདེ་ཆེན་གྱི་ས་ལ་བཀོད་པར་བསམ་ལ། ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏྭ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཾ་ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩཿ བཛྲཱི་བྷ་ཝ། མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། {{TibChung|ཅི་ནུས་བཟླས། བཅུ་གཉིས་པ་རྡོ་རྗེ་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་ནི།}} པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོ། །སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག གུ་རུ༴ བཛྲ་མཱ་ལྱེ་ཏྲཱཾ། འཇམ་མཉེན་པུནྡྷ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །བཛྲ་གིརྟི་ཧྲཱིཿ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་སྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །བཛྲ་ནཱིརྟི་ཨཱཿ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །བཛྲ་དྷཱུ་པེ་ཧཱུྃཿ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །བཛྲ་པུཥྤེ་ཏྲཱཾ། ཡིད་འོང་བལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །བཛྲ་ཨ་ལོ་ཀེ་ཧྲཱིཿ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུག་པས་དགྱེས་པ་སྐོང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །བཛྲ་གྷནྡྷེ་ཨཱཿ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅིར་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །བཛྲ་རཱུ་པ་ཨོཾཿ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །བཛྲ་མྲྀ་ཏཾ་གི་ཧྲཱིཿ །རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏཾ་བུ་ར། །རྣ་བའི་དཔྱིད་དུ་སྦྲེངས་པའི་ཡིད་འཕྲོག་མ། །རྡོ་རྗེ་པི་ཝཾ་མ་ཡིས་མཉེས་གྱུར་ཅིག །བཛྲ་ཝི་ནི་ཧཱུྃཿ དགའ་བ་བཅུ་དྲུག་རླུང་གི་རྟར་བསྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །བཛྲ་ཝཾ་སེ་ཏྲཱཾཿ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །བཛྲ་མུ་རཉྫེ་ཨཱཿ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །བཛྲ་པརྴེ་ཏྲཱཾཿ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །བཛྲ་རཱ་ས་ཧྲཱིཿ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨཱ་དྷཱརྟུ་ཨཱཿཔྲ་ཏཱིཙྪ་ཧོཿ {{TibChung|བཅུ་གསུམ་པ་བསྟོད་པ་ནི།}} བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་བསྟོད། །{{TibChung|བཞི་པ་ཚོགས་བསགས་པ་ལ་གཉིས། སྒྲིབ་པ་སྦྱོང་བ་དང་། སྐོང་གི་རིམ་པའོ། །དང་པོའི་ལས་རིམ་ནི། གཞུང་ལས། དེ་ནས་དམ་སྐོང་དོང་སྤྲུགས་ཀྱི། །གཞུང་ལ་འཇུག་པའི་དང་པོ་ནི། །ལུས་ཀྱི་མ་ལྔ་ས་ལ་བརྡེབ། །གདུང་ཤུགས་དྲག་པོས་བརྐྱངས་ཕྱག་འཚལ།}} །ཨ་ལ་ལ་ཧོཿ ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་ཿ བྱ་བ་བྱེད་དང་ཡིད་ཆོས་རྣམ་པར་དགཿ ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོཿ ཆོས་སྐུ་ནམ་མཁའ་བཞིན་དུ་དབྱེར་མེད་ཀྱངཿ གཟུགས་སྐུ་འཇའ་ཚོན་བཞིན་དུ་སོ་སོར་གསལཿ ཐབས་དང་ཤེས་རབ་མཆོག་ལ་མངའ་བརྙེས་པའིཿ རིགས་ལྔ་བདེ་བར་གཤེགས་ལ་ཕྱག་འཚལ་ལོཿ ངོ་མཚར་ཕོ་བྲང་བདེ་བར་གཤེགས་པའི་ཡུམཿ དུས་གསུམ་རྒྱལ་བ་ཐམས་ཅད་བསྐྱེད་མཛད་མཿ རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོཿ རྣམ་ཤེས་དབང་པོ་དག་པ་སྐུ་གསུང་ཐུགསཿ བདེ་བར་གཤེགས་པ་རྣམས་ཀྱི་སྲས་མཆོག་སྟེཿ སེམས་དཔའ་ཆེན་པོ་བརྒྱད་ལ་ཕྱག་འཚལ་ལོཿ སྒེག་མོ་ཕྲེང་ཐོགས་རིན་ཆེན་གླུ་གར་ཅནཿ ནམ་མཁའ་མཉམ་པའི་མཆོད་པས་རྒྱལ་བ་མཆོདཿ བྱང་ཆུབ་ལྷ་མོའི་ཚོགས་ལ་ཕྱག་འཚལ་ལོཿ བདུག་པ་མེ་ཏོག་མར་མེ་དྲི་ཆབ་མཿ རྒྱལ་བ་རྒྱ་མཚོ་རྣམས་ལ་མཆོད་འབུལ་མཿ མཆོད་པའི་ལྷ་མོ་རྣམས་ལ་ཕྱག་འཚལ་ལོཿ དྲག་ཤུལ་ཐབས་ཀྱིས་འགྲོ་བ་འདུལ་མཛད་པཿ ཚད་མེད་བཞི་ལྡན་སྒོ་བཞི་ཐུབ་པར་སྲུངཿ ཏ་ཀྲིཏ་སྒོ་བ་བཞི་ལ་ཕྱག་འཚལ་ལོཿ རྟག་ཆད་མཐར་ཕྱིན་གསང་བ་ཡུམ་གྱི་ངངཿ ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མཿ སྒོ་མ་ཆེན་མོ་བཞི་ལ་ཕྱག་འཚལ་ལོཿ སྟེང་འོག་ཕྱོགས་བཞི་འཇིག་རྟེན་འདུལ་མཛད་གཙོཿ ཉོན་མོངས་དྲུག་འཇོམས་རྒྱུད་དྲུག་དག་པར་སྦྱོང་ཿ བཅོམ་ལྡན་ཐུབ་པ་དྲུག་ལ་ཕྱག་འཚལ་ལོཿ འཇིགས་བྱེད་འདས་པའི་དུས་ན་མངོན་བྱུང་པཿ གདུག་པ་འདུལ་ཕྱིར་དུས་ལས་མི་འདའ་བའིཿ དཔལ་ཆེན་ཧེ་རུ་ཀ་ལ་ཕྱག་འཚལ་ལོཿ ཁྲོ་མོ་དབང་ཕྱུག་སྐུ་ལ་འཁྲིལ་མཛད་ཅིངཿ མཁའ་འགྲོ་མི་བཟད་འབར་བའི་སྤྲིན་འཕྲོ་མཿ གདུག་པ་འདུལ་མཛད་ཡུམ་ལ་ཕྱག་འཚལ་ལོཿ བསྐལ་པ་མེ་ལྟར་འབར་བའི་ཀློང་དཀྱིལ་ནསཿ ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བཞུགསཿ ཁྲོ་མོ་ཆེན་མོ་བརྒྱད་ལ་ཕྱག་འཚལ་ལོཿ ནམ་མཁའི་ལུས་ཅན་གར་ཡང་ཐོགས་མེད་ཅིང་ཿ འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེཿ ཕྲ་མེན་ཆེན་མོ་བརྒྱད་ལ་ཕྱག་འཚལ་ལོཿ རྡོ་རྗེ་གདོང་མོ་ཕོ་ཉ་མགྱོགས་མ་བཞིཿ ཤར་ལྷོ་ནུབ་བྱང་སྒོ་བཞི་ཐུབ་པར་སྲུངཿ སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོཿ དཔལ་གྱི་འཁོར་ཚོགས་བཛྲ་ཨ་ར་ལིཿ མཁའ་ལ་ཤུགས་འགྲོ་མ་ཚོགས་དབང་ཕྱུག་མཿ རྣལ་འབྱོར་ཉི་ཤུ་བརྒྱད་ལ་ཕྱག་འཚལ་ལོཿ ཕྱོགས་བཅུའི་དྲེགས་པ་བསྣོལ་བའི་གདན་སྟེངས་སུཿ ཡེ་ཤེས་བསྐལ་པའི་མེ་དཔུང་འབར་བའི་སྐུཿ བདུད་འདུལ་ཡབ་ཡུམ་རྣམས་ལ་ཕྱག་འཚལ་ལོཿ དམིགས་མེད་ཆོས་ཀྱི་སྐུ་ལ་ཕྱག་འཚལ་ལོཿ ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོཿ ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོཿ མི་འགྱུར་རྡོ་རྗེའི་སྐུ་ལ་ཕྱག་འཚལ་ལོཿ མངོན་པར་བྱང་ཆུབ་སྐུ་ལ་ཕྱག་འཚལ་ལོཿ དུས་གསུམ་རྒྱལ་བ་ཀུན་གྱིས་བསྒྲུབས་པ་ཡིཿ ཚོགས་གཉིས་རྫོགས་པའི་ཡོན་ཏན་མཐར་ཕྱིན་པཿ སྐུ་དང་ཡེ་ཤེས་ཚོགས་ལ་ཕྱག་འཚལ་ལོཿ {{TibChung|ཞེས་བརྗོད་མཚན་དོན་ཡིད་ལ་བསམཿ དེས་ནི་ལུས་ཀྱི་སྡིག་སྒྲིབ་དགཿ སྐུ་ཡི་དམ་ཚིག་ཉམས་པ་བསྐངཿ གཉིས་པ་རྡོ་རྗེ་སེམས་དཔའ་བསྒོམཿ}} ཨཱཿ བདག་ཉིད་ཐ་མལ་སྤྱི་བོ་རུཿ པད་དཀར་ཟླ་བའི་གདན་གྱི་དབུསཿ ཧཱུྃ་ལས་བླ་མ་རྡོ་རྗེ་སེམསཿ དཀར་གསལ་ལོངས་སྤྱོད་རྫོགས་པའི་སྐུཿ རྡོ་རྗེ་དྲིལ་འཛིན་སྙེམས་མ་འཁྲིལཿ ཁྱོད་ལ་སྐྱབས་གསོལ་སྡིག་པ་སྦྱོངཿ འགྱོད་སེམས་དྲག་པོས་མཐོལ་ལོ་བཤགསཿ ཕྱིན་ཆད་སྲོག་ལ་བབ་ཀྱང་སྡོམཿ ཁྱོད་ཐུགས་ཟླ་བ་རྒྱས་པའི་སྟེངཿ ཧཱུྃ་ཡིག་མཐའ་མར་སྔགས་ཀྱིས་བསྐོརཿ བཟླས་པ་སྔགས་ཀྱིས་རྒྱུད་བསྐུལ་བསཿ ཡབ་ཡུམ་བདེ་རོལ་སྦྱོར་མཚམས་ནསཿ བདུད་རྩི་བྱང་ཆུབ་སེམས་ཀྱི་སྤྲིནཿ ག་བུར་རྡུལ་ལྟར་འཛགས་པ་ཡིསཿ བདག་དང་ཁམས་གསུམ་སེམས་ཅན་གྱིཿ ལས་དང་ཉོན་མོངས་སྡུག་བསྔལ་རྒྱུཿ ནད་གདོན་སྡིག་སྒྲིབ་ཉེས་ལྟུང་གྲིབཿ མ་ལུས་བྱང་བར་མཛད་དུ་གསོལཿ ཨོཾ་བཛྲ་སཏྭ་ས་མ་ཡ་{{TibChung|སོགས། ཡི་གེ་བརྒྱ་པ་དུས་གཅིག་ལཿ བརྒྱ་རྩ་བརྒྱད་དུ་བཟླས་པ་ཡིསཿ ངག་གི་སྒྲིབ་པ་རྣམ་སྦྱོང་ཞིངཿ གསུང་གི་དམ་ཚིག་ཉམས་པ་བསྐངཿ དེ་རྗེས་རྡོ་རྗེ་སེམས་དཔའ་ལཿ མོས་གུས་གདུང་ཞིང་མཆི་མ་སློངཿ རཱུ་ཏྲའི་སྨྲེ་སྔགས་འདི་ཡིས་བཤགསཿ}} ཧོཿ ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམསཿ དྲི་མེད་དུང་མདོག་མཆོག་ཏུ་གཟུགས་བཟང་བཿ རྣམ་དག་འོད་གསལ་ཉི་ཟླ་འབུམ་བརྡལ་ཞིངཿ དཔའ་བོ་འོད་ཟེར་སྟོང་ཁམས་ལམ་མེ་བཿ སྲིད་པ་གསུམ་གྱི་ས་མཁན་སྟོན་པར་གྲགསཿ ཁམས་གསུམ་འགྲོ་བ་ཀུན་གྱི་གཉེན་གཅིག་པུཿ བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལཿ བདག་ནི་ཐོག་མ་མེད་པའི་དུས་མཐའ་ནསཿ ལམ་ལོག་ལམ་སྟོར་སྲིད་པའི་གོ་རར་འཁྱམསཿ སྔོན་ཚེ་ལམ་ལོག་སྡིག་པ་བྱས་པས་ནོངསཿ སྡིག་པའི་ལས་རྣམས་ཅི་སྤྱད་གནོང་ཞིང་འགྱོདཿ དར་ཅིག་དྲག་པོའི་ལས་དབང་དེ་བཙན་པསཿ འཁོར་བ་སྡུག་བསྔལ་རྒྱ་མཚོར་བྱིང་གྱུར་ཏེཿ ཞེ་སྡང་འབར་བའི་མེས་ནི་རང་རྒྱུད་བསྲེགསཿ གཏི་མུག་མུན་པ་འཐིབས་པས་ཤེས་རབ་རྨོངསཿ འདོད་ཆགས་རྒྱ་མཚོའི་འགྲམ་དུ་རྣམ་ཤེས་བྱིང་ཿ ང་རྒྱལ་དྲག་པོའི་རི་བོས་ངན་འགྲོར་མནནཿ ཕྲག་དོག་རླུང་དམར་འཚུབས་པས་འཁོར་བར་བྱིང་ཿ བདག་ཏུ་ལྟ་བའི་མདུད་པ་དམ་པོས་བཅིངསཿ འདོད་པ་མེ་དོང་འདྲ་བའི་འོབས་སུ་ལྷུངཿ སྡུག་བསྔལ་མི་བཟོད་དྲག་པོ་ཆར་ལྟར་བབཿ འདི་འདྲའི་སྡུག་བསྔལ་ཤིན་ཏུ་མི་བཟོད་ཅིངཿ སྡིག་པའི་ལས་དབང་དྲག་པོ་མེ་འབར་བསཿ རྣམ་ཤེས་དབང་པོའི་མྱུ་གུ་གདུངས་གྱུར་ཏེཿ ཕུང་པོ་སྒྱུ་མའི་ལུས་ཀྱིས་མི་བཟོད་ནཿ བྱམས་མགོན་ཐུགས་རྗེ་ཅན་གྱིས་བཟོད་ལགས་སམཿ བདག་ནི་བླུན་རྨོངས་ལས་ངན་སྡིག་པོ་ཆེཿ ལས་ཀྱི་དབང་གིས་ཁམས་གསུམ་འཁོར་བར་སྐྱེསཿ སྐྱེས་པས་འགྱོད་དེ་ལས་ལ་ཡི་རེ་ཆདཿ ཡི་ཆད་འགྱོད་ཀྱང་ལས་ལ་བཅོས་སུ་མེདཿ ལས་ཀྱི་ཤུགས་ནི་ཆུ་བོའི་གཞུང་དང་འདྲཿ ལས་དབང་ཆུ་ཀླུང་འཕྲལ་དུ་ག་ལ་ཟློགཿ རྣམ་སྨིན་ཐམས་ཅད་རང་གི་ལས་ལས་བྱུངཿ ལས་ཀྱི་རླུང་དམར་དྲག་པོ་དེས་བདས་པསཿ བདག་ནི་སྔོན་དུས་བསྐལ་པ་གྲངས་མེད་དུཿ འཁོར་བའི་བཙོན་ར་མུན་པར་འཁྱམས་པ་ལཿ བྱམས་མགོན་ཁྱོད་ཀྱི་ཐུགས་རྗེའི་བྱིན་རླབས་ཀྱིསཿ ལས་དང་ཉོན་མོངས་སྒྲིབ་པ་ཀུན་སྦྱངས་ནསཿ མ་ལྟར་བྱམས་པའི་ཞབས་དྲུང་ད་ལྟ་འཁོདཿ ཉི་ལྟར་འོད་འབར་ཟླ་ལྟར་མདངས་གསལ་བའིཿ ཐུགས་རྗེའི་ཞལ་ཉིད་བལྟ་བས་མི་ངོམས་པཿ ཐོག་མ་མེད་ནས་མ་རིག་ལིང་རྟོག་གིསཿ ལྡོངས་ཏེ་ཆུ་བུར་མིག་གིས་མ་མཐོང་ནཿ འགྲོ་བའི་མགོན་ཁྱོད་ད་ལྟ་གང་ན་བཞུགསཿ ལས་ངན་དྲག་པོ་ཤིན་ཏུ་མི་བཟོད་པསཿ ཤིན་ཏུ་སྐྲག་ཅིང་སྐྱི་གཡའ་རབ་འཇིགས་ནསཿ དུང་དུང་གདུང་བའི་སྨྲེ་སྔགས་འདི་འདོན་ཞིངཿ ཉམ་ཐག་ཕོངས་པའི་ང་རོ་འདོན་ལགས་ནཿ བྱམས་མགོན་ཐུགས་རྗེས་དུས་འདིར་མི་དགོངས་སམཿ ནམ་ཞིག་འཆི་འཕོས་ལུས་སེམས་འབྲལ་བའི་ཚེཿ མཛའ་བཤེས་གྲོགས་དང་བྲལ་ནས་གཤིན་རྗེས་ཁྲིདཿ དེ་ཚེ་འཇིག་རྟེན་ཉེ་དུས་མི་བསྟོངས་ཏེཿ ལས་ཀྱི་དབང་གིས་བདག་ཉིད་གཅིག་པོར་ཁྲིདཿ དུས་དེར་བདག་ལ་མགོན་སྐྱབས་མ་མཆིས་ཀྱིཿ གང་གིས་ཕྱི་བཤོལ་དུས་ལ་མ་བཞེས་པརཿ ད་ལྟ་ཉིད་དུ་ཐུགས་རྗེའི་སྤྱན་གྱིས་གཟིགསཿ ལས་ཀྱིས་མནར་བའི་སྐྱེ་བོ་བདག་འདྲ་བཿ ཐོག་མ་མེད་པའི་དུས་ནས་ལོག་བརྟགས་པསཿ ཁམས་གསུམ་འཁོར་བའི་གནས་ལས་མ་ཐར་སྟེཿ བསྐལ་པ་གྲངས་མེད་སྐྱེ་བ་ཇི་སྙེད་དུཿ རྡོས་བཅས་ལུས་ནི་གྲངས་མེད་ཞིག་གྱུར་སྟེཿ ཤ་རུས་བསགས་ན་འཇིག་རྟེན་གཏོས་དང་མཉམཿ རྣག་ཁྲག་བསགས་ན་རྒྱ་མཚོ་ཆེན་པོ་ཙམཿ ལས་འཕྲོ་བསགས་ན་བསམ་འདས་བརྗོད་མི་ལང་ཿ ཁམས་གསུམ་བསྒྲངས་ཤིང་སྐྱེ་ཤིའི་ཁ་རྒྱུད་ཀྱངཿ བྱས་པའི་ལས་རྣམས་དོན་མེད་ཆུད་རེ་ཟོསཿ སྐྱེ་བ་གྲངས་མེད་ཇི་སྙེད་དེ་ཙམ་ལཿ སྐྱེ་བ་གཅིག་གཅིག་ཁོ་ན་ཙམ་གྱི་ལསཿ བླ་མེད་བྱང་ཆུབ་དོན་དུ་རབ་སྤྱད་ནཿ དེ་ཙམ་བྱས་པའི་ལས་ལ་དོན་ཡོད་པསཿ དོན་གྱི་ཡོང་ཡེ་མྱ་ངན་འདས་ཟིན་ནཿ ལས་ཀྱི་དབང་བཙན་ཉོན་མོངས་སྟོབས་ཆེ་བསཿ ཤ་ཁྲག་དྲ་བའི་ལུས་བླངས་འཁོར་བར་འཁྱམསཿ སྡུག་བསྔལ་བཟོད་དཀའ་སྲིད་པའི་བཙོན་རར་ཚུདཿ མི་བཟོད་དྲག་པོའི་སྡུག་བསྔལ་འདི་ལྟ་བུཿ ཉེས་བྱས་ཐམས་ཅད་རང་གི་ལས་ལས་བྱུངཿ ཐུགས་རྗེ་ཆེན་པོས་ལས་ཀྱི་རྒྱུན་བཅད་དོཿ ཉོན་མོངས་ལས་ཀྱི་རླུང་ནི་བཟློག་ཏུ་གསོལཿ མ་རིག་ལོག་པའི་ལས་འདི་དབང་བཙན་ནསཿ མི་ཤེས་མུན་པའི་ནང་དུ་གཏན་འཁྱམས་ནཿ ཡེ་ཤེས་སྒྲོན་མེའི་ཟེར་གྱིས་མི་གཏོང་ངམཿ ཉེས་བྱས་ལས་ཀྱི་རྣམ་སྨིན་མི་བཟོད་ནཿ ཐུགས་རྗེ་ཆེན་པོས་ཕྲིན་ལས་མི་མཛད་དམཿ ཕྱིན་ཅི་ལོག་གི་གཡང་སར་ལྟུང་ལགས་ནཿ ཐུགས་རྗེས་མྱུར་མགྱོགས་ཕྱག་གིས་མི་འཛིན་ནམཿ དུག་གསུམ་བཟོད་དཀའི་ནད་ཀྱིས་གདུངས་ལགས་ནཿ ཐབས་མཁས་ཐུགས་རྗེའི་སྨན་གྱིས་མི་གསོ་འམཿ ལས་ཀྱི་རྣམ་སྨིན་སྡུག་བསྔལ་མེ་འབར་ནཿ ཐུགས་རྗེ་བསིལ་བའི་ཆར་རྒྱུན་མི་འབེབས་སམཿ སྡུག་བསྔལ་འཁོར་བའི་འདམ་དུ་བྱིང་གྱུར་ནཿ ཐབས་མཁས་ཐུགས་རྗེའི་ལྕགས་ཀྱུས་མི་འདྲེན་ནམཿ ཁམས་གསུམ་འཁོར་བའི་གནས་སུ་སྦྱངས་བྱས་ནསཿ ནམ་ཞིག་རང་གི་འབྲས་བུ་ཐོབ་པའི་ཚེཿ འཕགས་པའི་ཐུགས་རྗེ་ཅི་འཚལ་དོན་མ་མཆིསཿ བདག་ཉིད་ལས་འཕྲོ་དབང་བཙན་བཞག་ན་ལྟཿ ཐུགས་རྗེ་ཆེ་ཞེས་སུ་ལ་ཅི་ཞིག་བགྱིཿ དཔའ་བོ་ཁྱེད་ལ་ཐུགས་རྗེའི་སྟོབས་མངའ་ཞིང་ཿ སྔོན་བྱུང་འབྲེལ་བའི་ལས་ཀྱི་འཕྲོ་བཙན་ནཿ ཡལ་ཡོལ་བཏང་སྙོམས་ལེ་ལོ་མ་མཛད་པརཿ སྙིང་ནས་ད་གཟིགས་ཐུགས་རྗེ་རྒྱལ་བའི་ལྷཿ {{TibChung|ཞེས་བརྗོད་རྡོ་རྗེ་སེམས་དཔའ་ཡིསཿ ཚངས་པར་སྩོལ་བ་ཞལ་བཞེས་ནསཿ བདག་དང་རོ་གཅིག་འདྲེས་པའི་ངངཿ མཉམ་པར་གཞག་པ་སྒྲིབ་སྦྱོང་གནདཿ འདིས་ནི་ཉེས་ཚོགས་རྣམ་དག་ཅིང་ཿ མཚམས་མེད་ལས་ཀྱང་དོང་ནས་དཀྲུགསཿ ས་མ་ཡཿ གསུམ་པ་ལྟ་བའི་ཀློང་བཤགས་སྒོམཿ}} ཨཱཿ འཁོར་འདས་བྱེད་པོ་བྱང་ཆུབ་སེམསཿ གཞི་མེད་རྩ་བྲལ་རྫོགས་ཆེན་དོནཿ བརྗོད་བྲལ་བློ་འདས་ཆེན་པོ་ལཿ ཉམས་དང་བཤགས་པའི་མཁན་པོ་མེདཿ ཡེ་བསྲུངས་ཐིག་ལེ་ཉག་གཅིག་པུཿ སྤང་བླང་ཡོངས་གྲོལ་ཕྱལ་བ་ཆེཿ རང་ཤར་ལྷུན་གྲུབ་ཆོས་ཀྱི་སྐུཿ དེ་ལྟར་རྟོགས་ན་བཤགས་པའི་རྒྱལཿ {{TibChung|ཞེས་བརྗོད་དགོངས་པ་དབྱིངས་ལ་གཏདཿ འ་ཨ་ཧ་ཤ་ས་མཿ སྟོང་ཉིད་ངང་ནས་ཡིག་དྲུག་བཟླཿ ཉེས་རྣམས་མ་ལུས་ཀུན་རྫོབ་ཕྱིརཿ མེ་ལོང་བག་རྡུལ་ཕྱིས་བཞིན་བྱཿ ཡིད་སྒྲིབ་དག་ཅིང་ཐུགས་དམ་བསྐངཿ ས་མ་ཡཿ བཞི་པ་དོང་སྤྲུགས་སྤྱི་བཤགས་ནིཿ}} ཧོཿ དགོངས་ཤིག་སྟོན་པ་རྡོ་རྗེ་འཆངཿ གཟིགས་ཤིག་རིགས་ལྔ་བདེ་བར་གཤེགསཿ སྒྱུ་འཕྲུལ་ཞི་ཁྲོ་རབ་འབྱམས་ལྷཿ བདག་ལ་གསན་ཅིང་དགོངས་སུ་གསོལཿ བདག་ཅག་གསང་སྔགས་སྒོར་ཞུགས་ཀྱངཿ ལས་དང་ཉོན་མོངས་སྟོབས་ཆེ་བསཿ ལྟ་སྒོམ་གདེངས་སུ་མ་གྱུར་ཅིངཿ མཛད་སྤྱོད་ཀླུངས་སུ་མ་ཆུད་པསཿ གསང་སྔགས་ཟབ་མོ་སྤྱད་ཉེས་ཏེཿ རྩ་བ་ཡན་ལག་དམ་ཚིག་རྣམསཿ ཉམས་འགལ་རལ་དང་འདས་པ་སོགསཿ རྒྱལ་བ་ཞི་ཁྲོའི་སྤྱན་སྔར་བཤགསཿ དངོས་གྲུབ་ཀུན་གྱི་འབྱུང་གནས་ཆེཿ རྡོ་རྗེ་སློབ་དཔོན་མི་རུ་བཟུངཿ སྐུ་མཆོག་བརྙས་ཤིང་བཀའ་གསང་བརྐུསཿ གཤེ་སྐུར་བཏབ་ཅིང་ཡ་བོ་བཟུངཿ སྐུ་ལ་བརྡོ་བའི་སྔགས་བཟློག་བྱསཿ གཟུངས་མ་སྲས་ལ་ཆགས་སྡང་ཤོརཿ ཐུགས་དཀྲུགས་ཐུགས་སུན་ཕྱུང་བའི་ལསཿ རྒྱལ་བ་ཞི་ཁྲོའི་སྤྱན་སྔར་བཤགསཿ ལྷ་དང་སྔགས་ཀྱི་དེ་ཉིད་སོགསཿ བཀའ་དྲིན་ནོད་ཀྱང་དོན་ལ་གཡེལཿ ཏིང་འཛིན་མ་བསྒོམས་བཟླས་བརྗོད་ཆགཿ བསྙེན་སྒྲུབ་གཡེལ་ཞིང་ཚོགས་མཆོད་ཆུང་ཿ དུས་མཆོད་ཆག་དང་ལོ་ཟླར་འདསཿ ཟབ་མོའི་ལྟ་སྤྱོད་མངོན་དུ་ཕྱུངཿ སྤྱིར་གསང་བཞི་དང་བར་གསང་བཞིཿ གསང་བར་འོས་དང་གཉེར་གཏད་པའིཿ གསང་སྒོ་ཡལ་བར་འདོར་བ་སོགསཿ སྐུ་གསུང་ཐུགས་ཀྱི་དམ་ཉམས་པསཿ མནར་མེད་དམྱལ་བའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ གཞན་ཡང་བདུད་ཀྱི་དབང་གྱུར་ནསཿ རང་ལ་དབང་མེད་བླ་མའི་སཿ བཟུང་ནས་ཟབ་མོའི་དབང་ཟོས་ཤིངཿ བཀའ་ལ་གཟུ་ལུམས་རས་ཆོད་བྱསཿ གབ་པའི་གསང་བ་མ་རྟོགས་པརཿ སྦས་པའི་གསང་བར་མངོན་འཆེལ་ཏེཿ གསང་སྔགས་ཟབ་མོའི་སྤྱོད་པ་རྣམསཿ བབ་ཆོལ་རུ་ཏྲ་ལྟ་བུར་སྤྱདཿ སྤྱི་སྒོས་ཉེ་བའི་མཆེད་རྣམས་དངཿ ཁྱད་པར་རྡོ་རྗེའི་སྤུན་གྲོགས་ལཿ ངན་སེམས་དཔྱ་སེམས་བརྐུ་འཕྲོག་དང་ཿ རྡེག་བཙོག་ངན་སྨྲས་གནོད་པ་ཤོརཿ འདོད་ལ་སྲེད་ཅིང་བརྐམ་པ་ཡིསཿ དཀོན་མཆོག་གསུམ་གྱི་དཀོར་འཕྲོགས་ཤིངཿ སྒྲུབ་མཆོད་ཚོགས་ཀྱི་སྤྱང་ཀི་བྱསཿ གཙང་སྦྲ་ཉམས་དང་དམ་ཉམས་འདྲེསཿ ཕ་མ་དབུལ་ཕོངས་ནད་པའི་ཟསཿ དཀའ་ཐུབ་དབེན་པའི་སྒྲུབ་རྒྱགས་ལཿ ཚོད་ཡོད་པྲེ་ཏའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ ཡན་ལག་དམ་ཚིག་ཉི་ཤུ་ལྔའིཿ སྤྱད་པར་བྱ་བའི་དམ་ཚིག་ནིཿ ཞིང་བཅུ་སྒྲོལ་དང་བདེ་སྟོང་སྦྱོརཿ འཇུར་གེགས་ཅན་གྱི་ཟས་དང་ནོརཿ མཆོད་སྦྱིན་སླད་དུ་མ་བྱིན་བླངཿ ཟབ་མོ་གསང་ཕྱིར་རྫུན་དུ་སྨྲཿ དོན་ཆེན་སྒྲུབ་པའི་ངག་འཁྱལ་རྣམསཿ བརྟུལ་ཞུགས་ཆུང་བས་ལམ་མ་ལོངསཿ སྤྱོད་པ་རྩིངས་པས་ཐ་མལ་གོལཿ དེ་ཡང་ཞི་ཁྲོའི་སྤྱན་སྔར་བཤགསཿ མི་སྤང་བ་ཡི་དམ་ཚིག་ལྔཿ འདོད་ཆགས་ཞེ་སྡང་གཏི་མུག་དངཿ ང་རྒྱལ་ཕྲག་དོག་རྣམ་པ་ལྔཿ ཡེ་ཤེས་རིགས་ལྔའི་རང་བཞིན་ལཿ ཐེག་དམན་བློ་ཡིས་སྤངས་པ་དངཿ ངོ་བོར་མ་གྲོལ་རང་རྒྱུད་ཤོརཿ དེ་ཡང་ཞི་ཁྲོའི་སྤྱན་སྔར་བ་ཤགསཿ དང་དུ་བླང་བའི་དམ་ཚིག་ལྔཿ དྲི་ཆེན་དྲི་ཆུ་མཱཾ་ས་དངཿ རཀྟ་རྡོ་རྗེའི་ཟིལ་པ་ལྔཿ དངོས་གྲུབ་ཆེན་པོ་སྒྲུབ་པའི་རྫསཿ ཡེ་ནས་བདུད་རྩིའི་རང་བཞིན་ལཿ གཙང་དམེའི་བློ་ཡིས་བྲམ་ཟེར་གོལཿ ཡང་ན་བག་མེད་སྨྱོ་ཐབས་སྤྱདཿ ཆོས་ཉིད་མཉམ་པར་མ་རྟོགས་པཿ དེ་ཡང་ཞི་ཁྲོའི་སྤྱན་སྔར་བཤགསཿ ཤེས་པར་བྱ་བའི་དམ་ཚིག་ལྔཿ ཕུང་པོ་རྒྱལ་བ་ལྔར་མ་ཤེསཿ འབྱུང་ལྔ་རིགས་ཀྱི་ཡུམ་ལྔ་དངཿ དབང་ཡུལ་སེམས་དཔའ་སེམས་མ་སོགསཿ གནས་འགྱུར་རང་བཞིན་མ་ཤེས་པསཿ རང་གར་བལྟས་ཤིང་བརྙས་པ་ཤོརཿ དེ་ཡང་ཞི་ཁྲོའི་སྤྱན་སྔར་བཤགསཿ བསྒྲུབ་པར་བྱ་བའི་དམ་ཚིག་ལྔཿ རྡོ་རྗེ་རིན་ཆེན་པདྨ་དངཿ ཕྲིན་ལས་དེ་བཞིན་གཤེགས་པའི་རིགསཿ སྣོད་བཅུད་ཆེན་པོར་ཡེ་སངས་རྒྱསཿ ཀུན་གཞིའི་དབྱིངས་ལ་དངོས་གྲུབ་རྒྱུནཿ བཞུགས་ཀྱང་སྒྲུབ་པ་རྔོ་མ་ཐོགསཿ ཀློང་དུ་མ་གྱུར་རྩལ་ཤུགས་ཆུངཿ དེ་ཡང་ཞི་ཁྲོའི་སྤྱན་སྔར་བཤགསཿ གཞན་ཡང་ངེས་གསང་ཐེག་པ་ཡིཿ ཁྱད་པར་དམ་ཚིག་ཉི་ཤུ་དངཿ སྤྱོད་པ་རྒྱུན་གྱི་དམ་ཚིག་བཞིཿ རང་བཞིན་ལྟ་བའི་དམ་ཚིག་བཞིཿ གལ་མདོ་ངེས་པའི་དམ་ཚིག་གསུམཿ ལྷག་པའི་དམ་ཚིག་ཉམས་པ་སོགསཿ གསང་སྔགས་སྤྱི་ཡི་དམ་ཚིག་དངཿ མདོར་ན་ཁ་ན་མ་ཐོའི་ལསཿ འཇིག་རྟེན་ཁྲེལ་དང་ངོ་ཚ་ཉམསཿ ཉན་ཐོས་རང་རྒྱལ་བྱང་སེམས་ཀྱིཿ བཅས་དང་རང་བཞིན་ལས་ཉམས་པསཿ ངན་སོང་འཁོར་བའི་རྒྱུ་བསགས་པཿ མ་ལུས་མཐོལ་ཞིང་བཤགས་ལགས་ནཿ འཕགས་པ་ལགས་པས་གནང་བར་མཛོདཿ སེམས་ཅན་ལགས་པས་ནོར་འཁྲུལ་མཆིསཿ སྒྱུ་མ་ལགས་པས་ཚངས་པར་སྩོལཿ ཐབས་ལ་མཁས་པས་བྱང་བར་མཛོདཿ ཧོཿ དམ་ཚིག་ཉམས་པའི་ཆད་པ་མི་བཟོད་པསཿ རྡོ་རྗེ་མཁའ་འགྲོས་སྙིང་ཁྲག་འཐུངས་པ་དངཿ ཚེ་ཐུང་ནད་མང་ནོར་ཡལ་དགྲས་འཇིགས་དངཿ མནར་མེད་དམྱལ་བ་ཤིན་ཏུ་སྐྱི་གཡའ་བརཿ སྡུག་བསྔལ་མི་བཟོད་ཡུན་རིང་གནས་པ་རྣམསཿ བདག་གི་དམ་ཚིག་བཤགས་པར་བགྱིས་པ་ཡིསཿ ཉམས་ཤིང་ཆགས་པ་ཐམས་ཅད་སོར་ཆུད་དེཿ གོ་འཕང་ཆེན་པོའི་འབྲས་བུ་ཐོབ་པར་ཤོགཿ {{TibChung|གཉིས་པ་སྐོང་ལ་རྣམ་གྲངས་བདུནཿ དང་པོ་ཀུན་བཟང་མཆོད་སྤྲིན་ནིཿ}} ཧོཿ སྣང་སྲིད་ཡོངས་རྫོགས་དམ་པ་རིགས་བརྒྱའི་ལྷཿ སྣོད་བཅུད་མ་ལུས་འདོད་ཡོན་རོལ་པའི་རྒྱནཿ ཀུན་བཟང་མཆོད་པའི་སྤྲིན་ཕུང་འབྱམས་ཀླས་པཿ ཆོས་ཉིད་མངོན་སུམ་དོན་གྱི་ལྷ་ལ་འབུལཿ ཉམས་སྣང་གོང་འཕེལ་ངང་དུ་བཞེས་ནས་ཀྱངཿ རིག་པ་ཚད་ཕེབས་ཀློང་དུ་ཚོགས་རྫོགས་ཤིངཿ ཆོས་ཟད་བློ་འདས་ཆེན་པོར་སངས་རྒྱས་ཏེཿ འཁོར་བ་དོང་ནས་སྤྲུགས་པའི་དངོས་གྲུབ་སྩོལཿ {{TibChung|ནམ་མཁའ་མཛོད་ཀྱི་སྔགས་རྒྱ་བརྗོདཿ གཉིས་པ་སྦྱོར་བ་སྨན་གྱི་སྐོངཿ མཐེབ་སྲིན་ཉི་ཟླའི་གའུས་འབུལཿ}} ཧཱུྃཿ བདེ་ཆེན་འཁོར་ལོའི་བྷནྡྷ་རུཿ ཧཾ་ཡིག་རང་བྱུང་བདུད་རྩིར་བསྐྱིལཿ སྲོག་འཛིན་ཡེ་ཤེས་ཐིག་ལེ་འདིསཿ སྤྲུལ་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལོངས་སྤྱོད་འཁོར་ལོའི་བྷནྡྷ་རུཿ བཟའ་བཏུང་ལྷུན་གྲུབ་བདུད་རྩིར་བསྐྱིལཿ རྩ་མདུད་རང་གྲོལ་ཐིག་ལེ་འདིསཿ ལོངས་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྤྲུལ་པའི་འཁོར་ལོའི་བྷནྡྷ་རུཿ འབར་འཛག་བཅུད་ཀྱི་བདུད་རྩིར་བསྐྱིལཿ བདེ་བ་ཆེན་པོའི་ཐིག་ལེ་འདིསཿ མི་འགྱུར་རྡོ་རྗེའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེ་སྐྱོང་འཁོར་ལོའི་བྷནྡྷ་རུཿ བྱང་ཆུབ་སེམས་མཆོག་བདུད་རྩིར་བསྐྱིལཿ དགའ་བཞི་དབྱིངས་གྲོལ་ཐིག་ལེ་འདིསཿ མངོན་པར་བྱང་ཆུབ་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|གསུམ་པ་སྒྲོལ་བ་རཀྟའི་སྐོངཿ}} ཧཱུྃཿ ཀློང་ལྔ་དབྱིངས་ཀྱི་ཀ་པཱ་ལརཿ སྣང་སྲིད་ཡུམ་གྱི་རཀྟར་བསྐྱིལཿ ཀུན་ཏུ་བཟང་པོའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྟོང་ཆེན་ཡུམ་གྱི་ཀ་པཱ་ལརཿ སྣང་སྲིད་བཅུད་ཀྱི་རཀྟར་བསྐྱིལཿ གཙང་དམེ་བྲལ་བའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབུ་མ་རྩ་ཡི་ཀ་པཱ་ལརཿ དུག་གསུམ་རྣམ་རྟོག་རཀྟར་བསྐྱིལཿ རྒྱུད་དྲུག་ཀུན་གྲོལ་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྒྲ་གཅན་རླུང་གི་ཀ་པཱ་ལརཿ ཙནྜ་ལཱི་ཡི་རཀྟར་བསྐྱིལཿ དགའ་བཞི་བདེ་སྟོང་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|བཞི་པ་ཟུང་འཇུག་གཏོར་མའི་སྐོངཿ}} ཧཱུྃ་ཧྲཱིཿ མ་བཅོས་ཀློང་ཡངས་གཏོར་གཞོང་དུཿ སྣང་སྲིད་ཡོངས་གྲོལ་གཏོར་མར་བཤམསཿ དངོས་འཛིན་བྲལ་བའི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེན་མེད་སྒྱུ་མའི་གཏོར་གཞོང་དུཿ གཏད་མེད་ཆོས་སྐུའི་གཏོར་མར་བཤམསཿ ཚོགས་དྲུག་རང་ཡན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྷུན་གྲུབ་ཕུང་པོའི་གཏོར་གཞོང་དུཿ དོན་སྣོད་རང་བྱུང་གཏོར་མར་བཤམསཿ ཁྱད་པར་རྨད་བྱུང་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྔ་ཕུང་སྒྱུ་མའི་གཏོར་གཞོང་དུཿ བདུད་རྩི་ལྔ་ཡི་གཏོར་མར་བཤམསཿ རིགས་ལྔ་བཅུད་ཀྱི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བྷ་ག་དབྱིངས་ཀྱི་གཏོར་གཞོང་དུཿ ལིང་ག་རིག་པའི་གཏོར་མར་བཤམསཿ ཟུང་འཇུག་བདེ་ཆེན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|ལྔ་པ་སྦྱོར་སྒྲོལ་ཚོགས་ཀྱི་སྐོངཿ དང་པོ་བྱིན་གྱིས་བརླབ་པ་ནིཿ}} ཧཱུྃཿ བདག་ཉིད་ཐུགས་ལས་རཾ་ཡཾ་ཁཾཿ འཕྲོས་པས་ཚོགས་ཀྱི་ཉེས་སྐྱོན་སྦྱངསཿ ཨོཾ་ཨཱཿཧཱུྃ་གིས་བདུད་རྩིར་བསྒྱུརཿ འདོད་ཡོན་ནམ་མཁའ་མཉམ་པར་སྤེལཿ རཾ་ཡཾ་ཁཾཿ ཨོཾ་ཨཱཿཧཱུྃཿ {{TibChung|གཉིས་པ་ཚོགས་ཞིང་སྤྱན་འདྲེན་ནིཿ}} ཧཱུྃཿ འོག་མིན་བདེ་ཆེན་ཞིང་ཁམས་དངཿ ནུབ་ཕྱོགས་ཨུ་རྒྱན་སྤྲུལ་པའི་གླིངཿ ཁྱད་པར་རྔ་ཡབ་དཔལ་གྱི་རིཿ གནས་ཡུལ་དུར་ཁྲོད་བརྒྱད་སོགས་ནསཿ རིག་འཛིན་འདུས་པའི་ལྷ་ཚོགས་རྣམསཿ ཚོགས་ལ་སྤྱན་འདྲེན་གཤེགས་སུ་གསོལཿ དུར་ཁྲོད་ཚོགས་ཁང་ཉམས་རེ་དགའཿ མཁའ་འགྲོའི་འདུ་བ་བག་རེ་བྲོཿ རྣལ་འབྱོར་ཕོ་མོ་དམ་རེ་གཙངཿ འདོད་ཡོན་ཚོགས་མཆོད་མདངས་དང་ལྡནཿ འདིར་གཤེགས་ཚོགས་ལ་བྱིན་ཆེན་ཕོབཿ མཆོག་དང་ཐུན་མོང་དངོས་གྲུབ་སྩོལཿ {{TibChung|གསུམ་པ་ཚོགས་ཕུད་ཕུལ་བ་ནིཿ}} ཧཱུྃཿ རྩ་གསུམ་རིག་འཛིན་རྒྱ་མཚོ་དངཿ ཌཱཀྐི་ཆོས་སྲུང་དམ་ཅན་ལཿ འདོད་ཡོན་ལོངས་སྤྱོད་ཚོགས་མཆོད་འབུལཿ མཆོག་དང་ཐུན་མོང་དངོས་གྲུབ་སྩོལཿ གྷ་ན་ཙཀྲ་པཱུ་ཙ་ཁཱ་ཧིཿ {{TibChung|བཞི་པ་བར་པ་བཤགས་པ་ནིཿ}} ཧཱུྃ་བདག་གིས་ཚེ་རབས་ཐོག་མེད་ནསཿ གསང་སྔགས་ཐེག་ཆེན་སྒོར་ཞུགས་ཏེཿ རྩ་བ་ཡན་ལག་དམ་ཉམས་པཿ འདོད་ཡོན་ཚོགས་ཀྱི་མཆོད་པས་བཤགསཿ བཛྲ་ས་མ་ཡ་ཨཱཿ {{TibChung|ལྔ་པ་བསྒྲལ་ཞིང་བསྟབ་པ་ནིཿ}} ཧཱུྃཿ མ་རིག་ལས་ཉོན་གཟུང་འཛིན་གྱིསཿ བསྐྱེད་པའི་བདག་འཛིན་རཱུ་ཏྲ་ཀུནཿ གཟུགས་ལ་ཕོབ་ཅིག་ྈྈ་ནྲྀ་ཏྲི་ཛཿ རྣམ་ཤེས་ཆོས་དབྱིངས་ཀློང་དུ་ཕཊཿ གཟུགས་ཕུང་ཚོགས་ཀྱི་འཁོར་ལོར་རོལཿ རཱུ་ཏྲ་སརྦ་ཧ་ལ་པཉྩ་པཱུ་ཙ་ཁཱ་ཧིཿ {{TibChung|དྲུག་པ་ལྷག་མ་བསྔོ་བ་ནིཿ}} ཧཱུྃཿ དཀྱིལ་འཁོར་ཆེན་པོའི་མུ་རན་ལཿ གནས་པའི་དབང་ཕྱུག་གིང་ལངྐཿ ལྷག་མའི་གཏོར་མ་འདི་བཞེས་ལཿ རྣལ་འབྱོར་སྒྲུབ་པའི་བར་ཆད་སྲུངསཿ ཨུཥ་ཙི་ྈྈཊ་བྷ་ལིངྟ་ཁཱ་ཧིཿ {{TibChung|བདུན་པ་སྣང་གསལ་མར་མེའི་སྐོངཿ}} ཨཱཿ ཀུན་གཞི་རང་བྱུང་ཀོང་བུ་རུཿ རྣམ་ཤེས་རྣམ་དག་སྡོང་བུ་བཙུགསཿ ཆོས་དབྱིངས་ཡེ་ཤེས་མར་ཁུས་གཏམསཿ རིག་པ་རང་གསལ་སྒྲོན་མེ་སྤརཿ ཀ་དག་གཞི་ཡི་སྣང་བ་འདིསཿ མི་བསྐྱོད་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབྱིངས་རིག་སྟོང་པའི་ཀོང་བུ་རུཿ ལྷུན་གྲུབ་གཟུགས་སྣང་སྡོང་བུ་བཙུགསཿ མེ་ལོང་ཡེ་ཤེས་མར་ཁུས་གཏམསཿ ཤེས་རབ་རང་བྱུང་སྒྲོན་མེ་སྦརཿ ཆོས་ཉིད་མངོན་སུམ་སྣང་བ་འདིསཿ རྣམ་སྣང་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཀ་ཏི་ཤེལ་གྱི་ཀོང་བུ་རུཿ ཚོར་བ་རྣམ་དག་སྡོང་བུ་བཙུགསཿ མཉམ་ཉིད་ཡེ་ཤེས་མར་ཁུས་གཏམསཿ རྒྱངས་ཞགས་འོད་གསལ་སྒྲོན་མེ་སྦརཿ ཉམས་སྣང་གོང་འཕེལ་སྣང་བ་འདིསཿ རིན་ཆེན་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ འཇའ་ཟེར་ཐིག་ལེའི་ཀོང་བུ་རུཿ འདུ་ཤེས་རྣམ་དག་སྡོང་བུ་བཙུགསཿ སོར་རྟོག་ཡེ་ཤེས་མར་ཁུས་གཏམསཿ དག་པ་དབྱིངས་ཀྱི་སྒྲོན་མེ་སྦརཿ རིག་པ་ཚད་ཕེབས་སྣང་བ་འདིསཿ སྣང་མཐའི་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ གཞོན་ནུ་བུམ་སྐུའི་ཀོང་བུ་རུཿ འདུ་བྱེད་རྣམ་དག་སྡོང་བུ་བཙུགསཿ བྱ་གྲུབ་ཡེ་ཤེས་མར་ཁུས་གཏམསཿ ཐིག་ལེ་སྟོང་པའི་སྒྲོན་མེ་སྦརཿ བློ་བྲལ་ཆོས་ཟད་སྣང་བ་འདིསཿ དོན་གྲུབ་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ {{TibChung|མར་མེའི་སྨོན་ལམ་ནིཿ}} ཧཱུྃཿ རིག་པ་བྱང་ཆུབ་སེམས་ཀྱི་དཀྱིལ་འཁོར་དུཿ རིག་གདངས་སློབ་དཔོན་གཉེན་གྱིས་དབུ་བཟུང་ནསཿ རིག་རྩལ་ལུ་གུ་རྒྱུད་ཀྱི་མཆེད་ལྕམ་རྣམསཿ རིག་སྟོང་རྗེན་པའི་གཤིས་ལ་མི་འདའ་ཤོགཿ ནམ་ཞིག་གདོད་མའི་ལྷུམས་སུ་ཞུགས་པའི་ཚེཿ མ་རིག་འཁྲུལ་པའི་གཡང་སར་མི་བཏང་ཞིངཿ འཁོར་བ་ལུ་གུ་རྒྱུད་དུ་མི་ལྷུང་བརཿ འཁོར་བ་ཀ་ནས་དག་པ་གཞི་དབྱིངས་ཆེརཿ གཞི་སྣང་གཞོན་ནུ་བུམ་སྐུར་གྲོལ་བར་ཤོགཿ གལ་ཏེ་གདོད་མའི་ས་ལ་མ་གྲོལ་ནཿ ལྷུན་གྲུབ་ཞི་ཁྲོའི་སྣང་བ་འཆར་བའི་ཚེཿ རང་སྣང་ཡེ་ཤེས་ཆེན་པོར་ངོ་འཕྲོད་ནསཿ བར་དོ་ལོངས་སྤྱོད་རྫོགས་སྐུར་གྲོལ་བར་ཤོགཿ ཡེ་གདངས་གསལ་སྟོང་དག་པ་གཉིས་ལྡན་ཆེཿ སྟོང་གཟུགས་དྭངས་མ་ལྔ་ལྡན་རིགས་ལྔའི་ཞིངཿ རང་སྣང་རྣམ་དག་ལོངས་སྐུའི་ཞིང་ཁམས་སུཿ དག་པ་གསུམ་གྱི་འཁོར་ལ་ཆོས་སྟོན་ཤོགཿ གལ་ཏེ་ལོངས་སྐུའི་ཞིང་དུ་མ་གྲོལ་ནཿ རང་བཞིན་སྤྲུལ་སྐུའི་ཞིང་ཁམས་ལྔ་ཚོམ་དངཿ རིགས་འདུས་རྔ་ཡབ་དཔལ་རིའི་ཕོ་བྲང་ཆེརཿ སྐད་ཅིག་ཉིད་ལ་བརྫུས་ཏེ་སྐྱེས་ནས་ཀྱངཿ རིག་འཛིན་རྣམ་བཞིའི་གྲལ་དུ་སྨིན་པར་ཤོགཿ ཐེག་པ་རིམ་དགུའི་ཡངས་རྩེ་ཡོ་ག་གསུམཿ དེ་ལས་རྣམ་པར་འདས་པ་མན་ངག་སྡེའིཿ དགོངས་ཀློང་བྱ་རྩོལ་བྲལ་བའི་གཤིས་ལུགས་སུཿ བློས་བྱས་བདེན་ཞེན་དྲི་མ་དག་པར་ཤོགཿ རང་རིག་གདོད་ནས་དག་པའི་རང་མདངས་སུཿ རང་རྩལ་དམ་པ་རིགས་བརྒྱ་ཞི་ཁྲོའི་སྐུཿ སྣང་ལ་རང་བཞིན་མེད་པའི་དལ་བཀྲམ་སྟེཿ ཡེ་ཤེས་མཐོང་བ་དག་པའི་མར་མེ་འབུལཿ ཉོན་མོངས་འཁོར་བའི་ཆོས་ཀྱི་མུན་པ་སངསཿ བཟང་ཞེན་ཤེས་བྱའི་སྨག་རུམ་བསལ་ནས་ཀྱངཿ བརྗོད་མེད་ལྷག་མཐོང་ཡེ་ཤེས་ཆེན་པོའི་ཀློངཿ ཉམས་རྟོགས་རིག་པའི་རྩལ་ཆེན་རྫོགས་པར་ཤོགཿ ཕུང་པོ་ལྔ་དག་རིགས་ལྔའི་ཞིང་དུ་གྲོཿ འབྱུང་ལྔ་གནས་དག་རིགས་ཀྱི་ཡུམ་ལྔར་སྨིནཿ རྣམ་ཤེས་དབང་དག་སེམས་དཔའ་བརྒྱད་དུ་གྲོལཿ སྣང་བཞི་ཟད་ནས་འཇའ་ལུས་འགྲུབ་པར་ཤོགཿ དྲན་རིག་འོད་གསལ་ཆེན་པོའི་མར་མེ་འདིཿ རྒྱུན་ཆད་མེད་པར་སྦར་བའི་བསོད་ནམས་མཐུསཿ ལས་རླུང་བག་ཆགས་མུན་པ་དྲུངས་ཕྱུང་ནསཿ ཀུན་བཟང་དགོངས་ཀློང་ཆམ་གཅིག་གྲོལ་བར་ཤོགཿ བདུན་པ་དབྱིངས་གྲོལ་ལྟ་བའི་སྐོངཿ ཧོཿ མཆོད་དུ་མེད་དེ་ལྟ་བའི་ཀློངཿ རྟག་ལྟ་ཆོས་སྐུའི་ཀློང་དུ་བསྐངཿ བསྐང་དུ་མེད་དེ་སྒོམ་པའི་ངངཿ ཆད་ལྟ་གཟུགས་སྐུའི་ཀློང་དུ་བསྐངཿ སྤྱོད་དུ་མེད་དེ་ཆོས་ཉིད་གཤིསཿ མ་བཅོས་རྫོགས་པ་ཆེན་པོར་བསྐངཿ སྦྱོར་དུ་མེད་དེ་ཟུང་འཇུག་ཀློངཿ སྡུག་བསྔལ་བདེ་བ་ཆེན་པོར་བསྐངཿ བསྒྲལ་དུ་མེད་དེ་མཉམ་ཉིད་དབྱིངསཿ ཡེ་སྒྲོལ་ཡེ་སྦྱོར་ཆེན་པོར་བསྐངཿ མདོར་ན་ཉམས་ཆག་ཉེས་ལྟུང་དངཿ ཁམས་གསུམ་རྒྱུད་དྲུག་སྡུག་བསྔལ་གྱིཿ རྒྱུ་དང་འབྲས་བུར་བཅས་པ་རྣམསཿ ཀུན་བཟང་ཡངས་པ་ཆེན་པོའི་ཀློངཿ བྱང་ཞིང་དག་ནས་སོར་ཆུད་དེཿ བདེ་བ་ཆེན་པོའི་ཀློང་དུ་ཨཱཿ {{TibChung|གསུམ་པ་རྗེས་ཀྱི་རིམ་པ་ལ་དགུ་ལསཿ དང་པོ་ཐུགས་དམ་བསྐུལ་བ་ནིཿ}} ཧཱུྃ་བཞེངས་ཤིག་རིག་འཛིན་འདུས་པའི་ལྷཿ ཆོས་ཀྱི་དབྱིངས་ནས་སྐུར་བཞེངས་ལཿ བྱང་ཆུབ་སྒྲུབ་པའི་བར་ཆད་ཐུལཿ སྣོད་བཅུད་འབྱུང་བའི་རྒུད་པ་སོལཿ རྩ་རླུང་དབང་ཐང་ཉམས་པ་གསོསཿ སྒྲུབ་པའི་འབྲས་བུ་མཆིས་པར་མཛོདཿ {{TibChung|གཉིས་པ་ཆད་ཐོ་བྱ་བ་ནིཿ}} ཧཱུྃཿ སྔོན་ཚེ་འོག་མིན་བདེ་ཆེན་ཞིངཿ ལྷ་གནས་གསུམ་སོགས་ཉམས་དགའ་བརཿ གསང་ཆེན་རྒྱུད་སྡེའི་གནས་བསྟན་ཚེཿ རྡོ་རྗེ་ཐེག་པའི་བཀའ་སྲུང་རྣམསཿ དམ་ཚིག་གཉན་པོའི་གྲལ་དུ་བཞགཿ བར་དུ་གངས་ཅན་བོད་ཀྱི་ཡུལཿ ཨོ་རྒྱན་པདྨ་ཐོད་ཕྲེང་གིསཿ གསང་སྔགས་ཆོས་འཁོར་བསྐོར་བའི་ཚེཿ སྲིད་པའི་ལྷ་འདྲེ་ཆེ་དགུ་ཡིསཿ སྲོག་སྙིང་ཕུལ་ཏེ་རྩིས་སུ་ཕབཿ ཐ་མ་འོད་གསལ་དག་པའི་ཞིངཿ བདེ་བ་ཆེན་པོའི་ཕོ་བྲང་དུཿ རིག་འཛིན་པདྨ་དབང་ཆེན་ལཿ པད་འབྱུང་དྲི་མེད་འོད་ཟེར་གྱིསཿ ཀློང་ཆེན་ཟབ་རྒྱའི་དབུགས་དབྱུང་ཞིངཿ ཡེ་ཤེས་དབྱིངས་ཀྱི་མཁའ་འགྲོ་མསཿ ཀློང་གསལ་བརྡ་རིས་སྤྲད་པའི་ཚེཿ གཟའ་རྒོད་སྲོག་གི་སྤུ་གྲི་སོགསཿ བཀའ་སྲུང་གཉན་པོས་ཁས་བླངས་བཞིནཿ མཆོད་གཏོར་རྒྱན་ལྡན་འདི་བཞེས་ལཿ ལས་བཞིའི་ཕྲིན་ལས་སྒྲུབ་པར་མཛོདཿ {{TibChung|གསུམ་པ་བསྟན་མ་སྐྱོང་བ་ནིཿ}} ཧཱུྃཿ དཔལ་གྱི་བཀའ་ཉན་བོད་ཁམས་སྐྱོངཿ མ་སྲིང་བསྟན་མ་བཅུ་གཉིས་རྣམསཿ འདིར་བྱོན་གཏོར་མའི་བཤལ་ཆུ་བཞེསཿ བཅོལ་བའི་ཕྲིན་ལས་གྲུབ་པར་མཛོདཿ མ་མ་ཧྲིཾ་ཧྲིཾ་བྷ་ལིངྟ་ཁཱ་ཧིཿ {{TibChung|བཞི་པ་རྟ་བྲོ་བྱ་བ་ནིཿ}} ཧཱུྃཿ རིག་འཛིན་རྒྱལ་བའི་དཀྱིལ་འཁོར་འདིརཿ ལོག་པར་འདྲེན་པའི་དམ་སྲི་ཀུནཿ མནན་ནོ་ཐེག་པ་རིམ་དགུའི་རྒྱཿ ནམ་ཡང་ལྡང་བར་མ་གྱུར་ཅིགཿ སྟྭཾ་བྷ་ཡ་ནནཿ {{TibChung|ལྔ་པ་དངོས་གྲུབ་བླང་བ་ནིཿ}} ཧོཿ རིག་འཛིན་དཀྱིལ་འཁོར་ལྷ་ཚོགས་རྣམསཿ བསྙེན་ཅིང་སྒྲུབ་པའི་དམ་ཚིག་ཐེམསཿ རྡོ་རྗེ་སྲིན་པོའི་ནམ་ཡང་ལངསཿ དངོས་གྲུབ་སྩོལ་བའི་དུས་ལ་བབཿ སྐུ་གསུང་ཐུགས་ཀྱི་དཀྱིལ་འཁོར་ནསཿ མི་གནས་ཡེ་ཤེས་གསང་བ་མཆོགཿ རྡོ་རྗེ་གསུམ་གྱིས་བྱིན་རློབས་ལཿ མཆོག་དང་ཐུན་མོང་དངོས་གྲུབ་ཀུནཿ ད་ལྟ་ཉིད་དུ་ཐོབ་པར་སྩོལཿ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ ཀཱ་ཡ་ཝཱཀྐ་ཙིཏྟ་ཨ་ལ་ལཿ སིདྡྷི་ཕ་ལ་ཧཱུྃཿ {{TibChung|དྲུག་པ་ནོངས་པ་བཤགས་པ་ནིཿ}} ཧཱུྃཿ རིག་འཛིན་འདུས་པའི་དཀྱིལ་འཁོར་དུཿ མཆོད་རྫས་མ་ཚང་སྒྲུབ་པ་གཡེལཿ ཏིང་འཛིན་བྱིང་རྨུགས་འཐིབས་པ་སོགསཿ འགལ་འཁྲུལ་ནོངས་པ་བཟོད་པར་གསོལཿ ཨོཾ་བཛྲ་སཏྭ་སོགས་བརྗོདཿ {{TibChung|བདུན་པ་རྫོགས་རིམ་བསྡུ་བ་ནིཿ}} ཧོཿ ཆུ་ལས་ཆུ་བུར་ཐིམ་བཞིན་དུཿ རང་ལས་སྤྲུལ་པའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ {{TibChung|བརྒྱད་པ་བསྔོ་སྨོན་མཚམས་སྦྱོར་ནིཿ}} ཧོཿ དུས་གསུམ་བསགས་པའི་དགེ་རྩ་ཀུནཿ རྣམ་མཁྱེན་གདོད་མའི་རྒྱུ་རུ་བསྔོཿ བདག་སོགས་འདུས་པར་བཅས་པ་རྣམསཿ ཚོམ་བུ་གཅིག་ཏུ་སངས་རྒྱས་ཤོགཿ {{TibChung|དགུ་པ་བཀྲ་ཤིས་བརྗོད་པ་ནིཿ}} ཧོཿ རིག་འཛིན་བརྒྱུད་པའི་བྱིན་རླབས་དངཿ དཀོན་མཆོག་གསུམ་གྱི་བདེན་པ་དངཿ གསང་སྔགས་ཟབ་མོའི་རྟེན་འབྲེལ་གྱིསཿ འཇིགས་བརྒྱད་ཞི་བའི་བཀྲ་ཤིས་ཤོགཿ ཚེ་བསོད་རྒྱས་པའི་བཀྲ་ཤིས་ཤོགཿ སྣང་བ་དབང་འདུས་བཀྲ་ཤིས་ཤོགཿ ལོག་འདྲེན་ཚར་གཅོད་བཀྲ་ཤིས་ཤོགཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ སྒྲར་གྲགས་བདེ་ཆེན་སྔགས་སུ་དགཿ དྲན་རྟོགས་འོད་གསལ་ཆོས་སྐུར་སྨིནཿ འཇའ་ལུས་ཟང་ཐལ་བཀྲ་ཤིས་ཤོགཿ {{TibChung|བི་མ་ལ་དང་གསང་ཞབས་སོགསཿ པཎ་གྲུབ་རྣམས་ལ་གྲགས་པ་ཡིཿ ཞི་ཁྲོ་ཁྲོམ་དཀྲུགས་ཞེས་བྱ་བའིཿ སྔ་འགྱུར་བཀའ་མའི་གཞུང་བཟང་པོཿ དངོས་ལ་མིང་བཏགས་མཐུ་ཆེ་བསཿ ནུབ་ལ་ཉེ་བ་མ་བཟོད་དེཿ ན་རག་གདོང་སྤྲུགས་གང་ཡིན་པའིཿ དངོས་དོན་འཁྲུལ་པ་མེད་པར་བསྡེབསཿ བཀའ་གཏེར་ཟུང་དུ་འཇུག་པ་ལཿ པདྨའི་རིང་ལུགས་ཞེས་སུ་གྲགསཿ འགྲོ་ཀུན་ཆོས་ཀྱི་མིག་ལྡན་པསཿ ཡང་དག་ལམ་ལ་འཇུག་པར་ཤོགཿ ཅེས་པའང་རང་བྱུང་རྡོ་རྗེས་སོཿ ཿ}}<br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-025&diff=64205 2026-09-30T16:07:51Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ།<br /> |fulltitle=zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa<br /> |citation='jigs med gling pa. ''Zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa''. In ''Kun mkhyen rig 'dzin 'jigs med gling pa'i gsung 'bum'', Vol. 11: 407-468. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Confessions - bshags pa, Mending Rituals - bskang chog, Ritual and Liturgical Texts - cho ga phyag len<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=025<br /> |pagenumbers=407-468<br /> |totalpages=62<br /> |beginfolioline=1a1<br /> |endfolioline=31b3<br /> |totalfolios=31<br /> |multivolumework=No<br /> |rectonotes=ngan song sbyong ba<br /> |versonotes=chog sgrigs khrom dkrugs gsal ba'i rgyan<br /> |colophontib=ཅེས་པའང་རང་བྱུང་རྡོ་རྗེས་སོཿ<br /> |colophonwylie=ces pa'ang rang byung rdo rjes so:<br /> |pdflink=File:JLKO-KABUM-11-DA-025.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ་བཞུགས། <br /> <br /> ༄༅། །{{TibChung|བཅོམ་ལྡན་འདས་རྒྱལ་བ་ཞི་ཁྲོའི་ལྷ་ཚོགས་ལ་ཕྱག་འཚལ་ལོ། །བཀའ་གཏེར་ཟུང་དུ་འཇུག་པའི་ཞི་ཁྲོའི་སྐོང་བཤགས་འདི་ལ་སྔོན་འགྲོ་དངོས་གཞི། རྗེས་གསུམ་གྱི། དང་པོ་ལའང་བཞི་ལས། དང་པོ་ཕྱི་རོལ་པ་བསྐྲད་པ་ནི། སྔོན་གཏོར་}}ཨ་ཀཱ་རོ{{TibChung|ས་བརླབས་ལ།}} ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། །ཨོཾ་ཤྲཱི་བཛྲ་ཧྱ་གྷྲི་ཝ་རཱ་ཙ་ཧྲི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊཿ བགེགས་རྣམས་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། {{TibChung|གཉིས་པ་མཆོད་རྫས་རྣམས་ལ་བསང་ཆུས་འཐོར་ཞིང་།}} ཨོཾ་བཛྲ་ཀྲོ་དྷ་ཧྱ་གྷྲྀ་ཝ་ཧུ་ལུ་ཧུ་ལུ་ཧཱུྃ་ཕཊཿ ཨརྒྷཾ་ པཱ་དྱཾ་ པུཥྤེ་ དྷུ་པེ་ ཨཱ་ལོ་ཀེ་ གྷནྡྷེ་ ནཻ་ཝི་དྱཱ་ ཤབྟ་ཨོཾ་ཨཱཿཧཱུྃ། {{TibChung|ཡོངས་སུ་གྱུར་པ་ལས་ཕྱི་ནང་གི་མཆོད་པ་རྣམས་དངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྤྲིན་གྱིས་གང་བར་གྱུར། སྨན་གཏོར་རཀྟའི་སྔགས་ཀྱང་བརྗོད། གསུམ་པ་སྐྱབས་འགྲོ་ནི།}} ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །{{TibChung|བཞི་པ་སེམས་བསྐྱེད་ནི།}} ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། {{TibChung|ལན་གསུམ།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །{{TibChung|ལན་གསུམ། གཉིས་པ་དངོས་གཞི་ལ་བདག་མདུན་གཉིས་ལས། དང་པོ་བདག་བསྐྱེད་ནི།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྟོང་ཞིང་བདག་མེད་པ་མཐའ་དབུས་ལས་འདས་པའི་དག་ཆེན་ཡེ་ཤེས་ཀྱི་ཀློང་ཆེན་པོར་འོག་མིན་ལྷུན་གྱིས་གྲུབ་པའི་གཞལ་མེད་ཁང་ཤིན་ཏུ་ཉམས་དགའ་བ་ཕྱི་མཆོད་རྟེན་གྱི་རང་བཞིན་རྩེ་ལྔ་པ་ནང་རང་བྱུང་རྡོ་རྗེའི་གཞལ་ཡས་ཁང་། མནན་ན་ནེམ་ཞིང་། བཏེག་ན་འཕར་བ། ཕྱི་གསལ་ནང་གསལ། ཡེ་ཤེས་རིན་པོ་ཆེའི་ངོ་བོ་ལས་གྲུབ་པ། རྒྱ་ཁྱོན་དང་བཀོད་པ་བསམ་གྱིས་མི་ཁྱབ་པའི་མཐའ་བསྐོར་དུ་མཆོད་རྟེན་ཤིང་མེ་ཆུ་སྤྲིན་གྲུབ་པའི་རིག་འཛིན་ཞིང་སྐྱོང་གི་མཁའ་འགྲོ་མ་ལ་སོགས་པ་རྣམ་པ་བརྒྱད་ཀྱིས་མཚན་པའི་དུར་ཁྲོད་ཆེན་པོ་བརྒྱད་ཀྱི་རང་བཞིན་འཇིགས་སུ་རུང་ཞིང་སྐྱི་གཡའ་བ། དེའི་མཐའ་བསྐོར་རྡོ་རྗེའི་རྭ་བ་དང་ཡེ་ཤེས་ཀྱི་མེ་དཔུང་ཆེན་པོ་འཁྲིགས་པའི་གཞལ་མེད་ཁང་ཆེན་པོ་དེའི་དབུས་སུ། རང་བཞིན་གཞིའི་ཀུན་ཏུ་བཟང་པོ་སྐུ་མདོག་མཐིང་ཁ་ཡབ་ཡུམ་མཉམ་སྦྱོར་རྡོ་རྗེ་སྐྱིལ་ཀྲུང་མཉམ་གཞག་གིས་མཚན་པའི་ཐུགས་ཡེ་ཤེས་ཆེན་པོའི་ཀློང་དུ། མི་འཇིགས་སེང་གེའི་ཁྲི་སྟེང་པད་ཟླའི་གདན་ལ་བཅོམ་ལྡན་འདས་ཀུན་རིག་རྣམ་པར་སྣང་མཛད་སྐུ་མདོག་དཀར་པོ། ཞལ་བཞིའི་རྩ་ཞལ་དཀར་པོ། གཡས་ཞལ་སེར་བ། གཡོན་ཞལ་དམར་བ། རྒྱབ་ཞལ་ལྗང་ཁུ། འཁོར་ལོ་འཛིན་པའི་ཕྱག་གཉིས་མཉམ་པར་བཞག་ཅིང་སྐྱིལ་ཀྲུང་དུ་བཞུགས་པའི་ཤར་དུ་གླང་པོ་ཆེ། ལྷོར་རྟ་མཆོག །ནུབ་ཏུ་རྨ་བྱ། བྱང་དུ་ཤང་ཤང་གི་ཁྲི་སྟེགས་རྣམས་སུ་པདྨ་དང་ཟླ་བའི་དབུས་སུ་དེ་བཞིན་གཤེགས་པ་རིགས་བཞི་ཞལ་གཅིག་ཕྱག་གཉིས་གཡས་སོ་སོའི་རིགས་ཀྱིས་ཡུ་བ་བྱས་པའི་རྡོ་རྗེ་དང་། གཡོན་རྣམས་དྲིལ་བུ་འཛིན་པ། ལྔ་ཀའང་དར་དང་རིན་པོ་ཆེའི་རྒྱན་གྱིས་མཛེས་ཤིང་གྲི་ཐོད་འཛིན་པའི་རང་འོད་ཀྱི་ཡུམ་དང་འཁྲིལ་བ། དེ་དག་གི་ཕྱི་ནང་གི་གྲྭ་ཟུར་བཞིར་ནམ་མཁའི་སྙིང་པོ་ལ་སོགས་པ་ཕྱི་ནང་གི་སེམས་དཔའ་བརྒྱད་ལ་རྡོ་རྗེ་སྒེག་མོ་མ་ལ་སོགས་པའི་ཕྱི་ནང་གི་སེམས་མ་བརྒྱད་ཀྱིས་འཁྲིལ་བ་ཀུན་ཀྱང་སེམས་དཔའི་སྐྱིལ་མོ་ཀྲུང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པའོ། །དེ་དག་གི་ཐུགས་རྗེའི་རྩལ་ལས་ཕྱོག་པ་བཞིའི་སྣམ་བུ་དང་སྟེང་འོག་གཉིས་སུ་ཐག་བཟངས་རིས་ལ་སོགས་པའི་སྤྲུལ་སྐུ་ཐུབ་པ་དྲུག་འགྲོ་བའི་དོན་ལ་གཤེགས་པའི་བརྡར་འགྲེང་བུར་བཞུགས་པ། སྒོ་བཞིར་སྒོ་བ་ཡབ་ཡུམ་རྣམས་ཁྲོ་བོ་ཆེན་པོའི་སྟངས་སྟབས་ཀྱིས་རོལ་ཞིང་མེ་དཔུང་འབར་བའི་ཀློང་ན་བཞུགས་པའོ། །དེ་དག་གི་སྐུའི་གསལ་སྣང་ལས་སྟེང་གི་ཆར་ཡེ་ཤེས་བསྐལ་པའི་མེ་དཔུང་རབ་ཏུ་འཁྲུགས་པའི་ཀློང་ན་ཁྲག་འཐུང་ལྔ་བཅུ་རྩ་བརྒྱད་ཀྱི་ཚོམ་བུའི་དཀྱིལ་འཁོར་ཤིན་ཏུ་འཇིགས་སུ་རུང་བ། ཐམས་ཅད་ཀྱང་སྐུ་མདོག་དང་ཕྱག་མཚན་གཅིག་ཏུ་མ་ངེས་ཤིང་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟར་སྐད་ཅིག་དྲན་རྫོགས་སུ་གསལ་བར་གྱུར། {{TibChung|ཅེས་པས་གསལ་གདབ་བོ། །གལ་ཏེ་སློབ་མ་རྗེས་འཛིན་ནམ། ཚེ་འདས་ཀྱི་སྦྱོང་བ་ལ་སོགས་པའི་དོན་དུ་ཡིན་ན་དབང་དོན་བུམ་པའི་དཀྱིལ་འཁོར་སྤྲུལ་པའང་ཆོ་ག་གཅིག་པོ་དེའི་སྒྲོམ་ནས་བསྐྱེད་པའི་ཚུལ་ཁོང་དུ་ཆུད་པར་བྱའོ། །གཉིས་པ་ཚོགས་བསག་པའི་སླད་དུ་མདུན་བསྐྱེད་བསྒྲུབ་པ་ལ་སྦྱོར་བ་སེམས་བསྐྱེད་དང་། དངོས་གཞིའི་རིམ་པ་གཉིས་ལས། དང་པོ་ལ་ཀུན་རྫོབ་པ་ནི།}} བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་མོད་ཀྱང་། །རྟོག་པའི་དབང་གིས་འཁོར་བ་ལས། །བྱང་ཆུབ་མཆོག་ཏུ་སེམས་བསྐྱེད་དོ། །{{TibChung|དོན་དམ་ནི།}} ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགགས། །འགགས་པ་ཉིད་ན་འགགས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །{{TibChung|གཉིས་པ་ལ་ཏིང་འཛིན་རྣམ་གསུམ། རྟེན་གཞལ་ཡས། བརྟེན་པ་ལྷ་བསྒོམ་པ། ཚོགས་བསག་པ་དང་བཞིའི། དང་པོ་ལའང་གསུམ་ལས། དེ་བཞིན་ཉིད་ནི།}} དངོས་རྣམས་ཉིད་ན་དངོས་མེད་པ། །རྟོག་པའི་སྨྲ་བསམ་ཡུལ་ལས་འདས། །དེ་བཞིན་ཉིད་དབྱིངས་ཡེ་ཤེས་ཏེ། །དེ་ཕྱིར་དངོས་པོ་མེད་པའོ། །{{TibChung|ཀུན་སྣང་ནི།}} དེ་བཞིན་ཉིད་ནི་སྤྲོས་མེད་ཀྱང་། །རང་བཞིན་ཀུན་ཏུ་སྣང་བའི་དབྱིངས། །སེམས་ཅན་ཀུན་ལ་སྙིང་བརྩེའི་ཕྱིར། །ནམ་མཁའ་ལ་ནི་ནམ་མཁའ་བསྒོམ། །{{TibChung|རྒྱུའི་ཏིང་འཛིན་ནི།}} དངོས་པོ་མེད་ལས་དངོས་པོའི་སྤྲིན། །སྣ་ཚོགས་རྣམ་པར་འབྱུང་ཞིང་འགྱུར། །གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གི་ཡིད་བཞིན་རིན་ཆེན་སྤྲིན། །ཡི་གེ་མཆོག་ནི་བསྒོམ་པར་བྱ། །{{TibChung|གཉིས་པ་རྟེན་གཞལ་ཡས་ཁང་བསྒོམ་པ་ནི།}} སེམས་ཉིད་ཨ་དཀར་པོ་དྲི་མ་མེད་པར་གསལ་བ་ལས། ཨེ་ཡཾ་ཝཾ་ལཾ་སུཾ་རཾ་རྣམས་ཆད། སྥ་ར་ཎ་ཕཊཿ སཾ་ཧ་ར་ཎ་ཧཱུྃ། འཕྲོས་འདུས་ཡོངས་སུ་གྱུར་པ་ལས། །ནམ་མཁའ་ཡིད་ཀྱི་ནམ་མཁའ་ལ། །འབྱུང་ཆེན་བརྩེགས་པར་ལྷུན་གྱིས་གྲུབ། །དེ་སྟེང་རིན་ཆེན་སྣ་བཞི་ལས། །ལྷུན་གྱིས་གྲུབ་པ་ཚད་དཔག་མེད། །དེ་ལ་བརྟེན་པའི་ས་གཞི་ནི། །རིན་ཆེན་སྣ་ཚོགས་གཅལ་དུ་བཀྲམ། །མནན་ནེམ་བཏེག་འཕར་མཛེས་པའི་གཞི། །དེ་ལ་ཕོ་བྲང་གཞལ་ཡས་ཁང་། །གྲུ་བཞི་ལྷམ་པ་མཛེས་པར་སྣང་། །རིན་ཆེན་སྣ་བཞིའི་རྒྱུ་ལས་གྲུབ། །གློ་འབུར་བཞི་ཡང་འཁར་ཐབས་ཚུལ། །རིན་ཆེན་བཞི་ལས་གྲུབ་པའོ། །བུམ་པའི་རྩེ་མོ་ཆོས་ཀྱི་ཏོག །རྨ་བྱའི་མདོངས་ལྟར་བཀྲ་བའོ། །སྒོ་བཞི་སྒོ་ཁྱུད་རྣམས་ཀྱིས་བརྒྱན། །རྟ་བབས་བརྒྱད་དང་ཡང་དག་ལྡན། །དབུས་ན་འཁོར་ལོ་རྩིབས་བཞི་པ། །ལྟེ་བར་བཅས་ཤིང་རྩིབས་རྟེན་ལྡན། །གྲུ་ཆད་བར་ཁྱམས་མཛེས་པར་འབར། །རིན་ཆེན་འོད་ཟེར་འབར་བས་འཁྱིལ། །སེམས་ཅན་པདྨ་ཉི་ཟླ་དང་། །རིན་ཆེན་འབར་བའི་གདན་མཆོག་དང་། །རིན་ཆེན་ཁྲི་རྐང་རྣམ་བརྟེན་མཛེས། །ཕོ་བྲང་དེ་ཡི་རྒྱན་མཆོག་ཀྱང་། །ཉི་ཟླ་ནོར་བུ་རིན་ཆེན་འབར། །བླ་རེ་རྒྱལ་མཚན་ན་བཟའ་གདུགས། །དར་དང་དོ་ཤལ་མུ་ཏིག་ཕྲེང་། །དྲིལ་བུ་དང་ནི་རྔ་ཡབ་ཚོགས། །རོལ་མོའི་ཆ་བྱད་སྣ་ཚོགས་བརྒྱན། །འཇིག་རྟེན་ལྷ་ཚོགས་མཛེས་པ་དང་། །དེ་ལ་སོགས་ཏེ་རྒྱན་རྣམས་དང་། །བསམ་གྱིས་མི་ཁྱབ་མཐའ་ཡས་མཆོག །གཞལ་ཡས་དེ་ཡི་སྒོ་བཞི་ན། །གླང་ཆེན་རྣམས་ཀྱིས་མཛེས་པར་བྱས། །རྟ་བབས་རྣམས་ཀྱིས་ཙོང་ཙོང་ལ། །གསེར་གྱི་དྲིལ་བུ་འབར་བ་དང་། །དཀོན་མཆོག་གསུམ་གྱི་མཚན་ཡང་སྒྲོག །སྒོ་དྲུང་དེ་དག་རེ་རེ་ན། །ཏཱ་ལའི་སྐྱེ་ཤིང་ཙོང་ཙོང་བྲེས། །དྲི་དང་གཟུགས་དང་འོད་དུ་ལྡན། །ཏཱ་ལའི་སྐྱེ་ཤིང་དེ་དག་ལ། །ཁུ་བྱུག་ལ་སོགས་བཀྲ་ཤིས་པའི། །བྱ་རྣམས་སྙན་པའི་སྐད་ཀྱང་སྒྲོག །སྒོ་དྲུང་དེ་དག་རེ་རེ་ན། །ཁྲུས་ཀྱི་རྫིང་བུ་དབྱིབས་ལེགས་པ། །བྲོ་མཆོག་ཡན་ལག་བརྒྱད་ལྡན་ཆུ། །གྲངས་མེད་དེ་དག་རེ་རེ་ན། །ལྷ་དང་ལྷ་མོ་བསམ་མི་ཁྱབ། །ཕྱི་རོལ་ཁོ་ར་ཁོར་ཡུག་ན། །རྩེ་ས་འཆགས་ས་བརྗོད་མི་ལོང་། །དེ་ལ་སོགས་ཏེ་བསམ་ཡས་མཆོག །མ་བཙལ་ཡེ་ནས་ལྷུན་གྱིས་གྲུབ། །དེ་ལྟའི་གཞལ་མེད་ཁང་ཆེན་དབུས། །སེང་གེ་བརྒྱད་ཀྱིས་རྣམ་བཏེག་ཅིང་། །ཤར་ལྷོ་ནུབ་བྱང་གླང་ཆེན་རྟ། །ཁྱུང་དང་མཁའ་ལྡིང་གིས་བཏེག་པའི། །རིན་ཆེན་ཁྲི་རྐང་མཛེས་པའི་སྟེང་། པཾ་པདྨ་མཎྜ་ལ། མ་སཱུརྱ་མཎྜ་ལ། ཨ་ཙཎྜ་མཎྜ་ལ། གཙོ་བོ་ལྔ་ལ་ལྔ་བརྩེགས་གདན། །བྱ་བྱེད་གཉིས་ལ་བཞི་བརྩེགས་དང་། །སེམས་དཔའ་སུམ་བརྩེགས་ཉི་རྐྱང་སྒོ། །ཐུབ་པ་དྲུག་ལ་པད་རྐྱང་ངོ་། །{{TibChung|གསུམ་པ་བརྟེན་པ་ལྷའི་འཁོར་ལོ་སྒྲུབ་པའི་རིམ་པ་བཅུ་གསུམ་ལས། དང་པོ་མངོན་རྟོགས་སྒོམ་པ་ནི།}} རང་གི་སེམས་ཉིད་ཨ་དཀར་པོ་དྲི་མ་མེད་པ་ལས་རིགས་བརྒྱའི་རང་བཞིན་ཡི་གེའི་སྤྲིན་བྱུང་ནས་མདུན་བསྐྱེད་ཀྱི་གཙོ་བོའི་གནས་པདྨའི་ལྟེ་བ་ལ་ཡིག་འབྲུ་དང་པོ་གཉིས་གནས་ཤིང་། དེའི་ཕྱི་རོལ་ནས་པདྨ་འདབ་བཞི། འདབ་བརྒྱད། བཅུ་དྲུག །སུམ་ཅུ་རྩ་གཉིས། བཞི་བཅུ་པ་རྣམས་ལ་ཤར་ནས་རིམ་པས་གཡས་བསྐོར་གྱིས། ཨོཾ། བ། ཛྲ། ས། ཏྭ། ས། མ། ཡ། མ། ནུ། པཱ། ལ། ཡ། བ། ཛྲ། ས། ཏྭ། ཏྭེ། ནོ། པ། ཏིཥ། ཋ། དྲྀ། ཌྷོ། མེ། བྷ། ཝ། སུ། པོ། ཥྱོ། མེ། བྷ། ཝ། ཨ། ནུ། རཀ། ཏོ། མེ། བྷ། ཝ། སར། བ། སིད། དྷི། མྨེ། པྲ། ཡཙ། ཚ། སར། བ། ཀར། མ། སུ། ཙ། མེ། ཙིཏ། ཏཾ། ཤྲེ། ཡ། ཀུ། རུ། ཧཱུྃ། ཧ། ཧ། ཧ། ཧ། ཧོ། བྷ། ག། ཝཱན། སར། བ། ཏ། ཐཱ། ག། ཏ། བ། ཛྲ། མཱ། མེ། མུན། ཙ། བ། ཛྲཱི། བྷ། ཝ། མ། ཧཱ། ས། མ། ཡ། ས། ཏྭ། ཨཱ། ཧཱུྃ། ཕཊ། ཅེས་མུ་ཏིག་གི་ཕྲེང་བ་ལྟ་བུར་གསལ་བར་གྱུར་པ་ལ། ཨ་ཞེས་བརྗོད་པས་གཞིའི་ཨ་དེ་འོད་དུ་ཞུ་ནས་ཡིག་འབྲུ་རྣམས་ལ་ཁྱབ་པར་ཐིམ་པས་ཤིན་ཏུ་གསལ་ཞིང་འབར་བར་གྱུར། སྥ་ར་ཎ་ཕཊ། ཡིག་འབྲུ་རྣམས་ལས་འོད་ཟེར་འཕྲོས་སངས་རྒྱས་ཀྱི་མཛད་པ་བསྒྲུབས། སཾ་ཧ་ར་ཎ་ཧཱུྃ། སླར་འདུས་ནས་ཡིག་འབྲུ་རྣམས་ལ་ཐིམ་པ་འོད་དུ་ཞུ་བ་ལས་ཞི་ཁྲོ་རིགས་བརྒྱའི་དཀྱིལ་འཁོར་གྱི་འཁོར་ལོར་གྱུར་པ་ནི། ཧཱུྃ་བཛྲ་སཏྭ། རང་ཉིད་དཀྱིལ་འཁོར་གྱི་དབུས་སུ་བཅོམ་ལྡན་འདས་དཔལ་རྡོ་རྗེ་སེམས་དཔའ་སྐུ་མདོག་མཐིང་ག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་དང་པོ་རྡོ་རྗེ་ཐུགས་ཀར་འཛིན་ཅིང་། གཡོན་དང་པོ་དྲིལ་བུ་དཀུར་བརྟེན་པས་ཡུམ་ལ་འཁྱུད་པ། བར་པ་གཉིས་འཁོར་ལོ་དང་རིན་པོ་ཆེ། ཐ་མ་གཉིས་ཀྱིས་པདྨ་དང་རལ་གྲི་འཛིན་པ། དབུ་སྐྲ་རལ་པའི་ཐོར་ཚུགས་ཅན། ཞབས་གཉིས་རྫོགས་པའི་སྐྱིལ་མོ་ཀྲུང་གིས་བཞུགས་པའོ། །མཱུཾ་དྷཱ་ཏྭེ་ཤྭ་རཱི། ཡབ་ཀྱི་གཡོན་ཕྱོགས་ཉེ་བའི་འཕང་དུ་ཡུམ་རྡོ་རྗེ་དབྱིངས་ཕྱུག་མ་སྔོན་མོ་ཕྱག་གཡས་དྲིལ་བུ་འཛིན་པས་ཡབ་ལ་འཁྱུད་ཅིང་གཡོན་རྡོ་རྗེ་ཐུགས་ཀར་འཛིན་པ། བརྟུལ་ཞུགས་ཀྱི་སྐྱིལ་མོ་ཀྲུང་གིས་འཁྲིལ་བ། གཉིས་ཀའང་ལྷ་རྫས་ཀྱི་དར་དཀར་པོ་གསེར་གྱི་ངང་རིས་ཅན་གྱི་སྟོད་གཡོགས་དང་། ཚི་གུའི་སྨད་དཀྲིས། ཁ་དོག་སྣ་ཚོགས་པའི་ཅོད་པན་ཟི་ལྡིར། གར་གྱི་ཕུ་དུང་སྟེ་དར་གྱི་ཆས་གོས་ལྔ་དང་། རིན་པོ་ཆེའི་དབུ་རྒྱན། སྙན་ཆ། མགུལ་རྒྱན། སེ་མོ་དོ། དོ་ཤལ། སྐ་རགས། ཕྱག་ཞབས་ཀྱི་གདུ་བུ་སྟེ་རིན་པོ་ཆེའི་རྒྱན་བརྒྱད་ཀྱིས་མཛེས་པར་སྤྲས་པ། མཉེན་ལྕུག་འཁྲིལ་ལྡེམ་གཞོན་ཚུལ་ཅན། གསལ་འཚེར་ལྷུན་སྡུག་གཟི་བྱིན་ལྡན་པ་སྟེ་ཞི་བའི་ཉམས་དགུས་བརྒྱན་པ། སངས་རྒྱས་ཀྱི་སྤྲིན་ཕུང་མཐའ་ཡས་པར་འཆར་པའི་འོད་ཟེར་ཁ་དོག་དྲུག་གི་སྣང་བ་རེ་རེ་ཡང་བྱེ་བ་ཕྲག་དྲུག་དྲུག་ཏུ་འཕྲོ་ཞིང་འབར་བའི་ཀློང་ན་བདེ་སྟོང་གཉིས་སུ་མེད་པའི་ངོ་བོར་བཞུགས་པའོ། །དེའི་ཕྱི་རོལ་གྱི་འདབ་མ་བཞི་ལ། ཧཱུྃ་བཛྲ་དྷྲིཀ ཤར་དུ་མི་བསྐྱོད་པ་སྔོན་པོ་གཡས་རྡོ་རྗེ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། མུཾ་དྷཱ་ཏྭེ་ཤྭ་རཱི། ལྷོར་རྡོ་རྗེ་དབྱིངས་ཀྱི་དབང་ཕྱུག་མ་སྔོན་མོ་གཡས་དྲིལ་བུ་དཀུར་བརྟེན་ཅིང་གཡོན་རྡོ་རྗེ་ཐུགས་ཀར་འཛིན་པ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ནུབ་ཏུ་ཀུན་ཏུ་བཟང་པོ་མཐིང་ག་མཉམ་གཞག་གི་ཕྱག་རྒྱ་ཅན། ཨ་ཨ་ཨ་བཛྲི་བྷ་དྲ་ས་མནྟ་ཨཾ། བྱང་དུ་ཀུན་ཏུ་བཟང་མོ་མཐིང་ག་ཐལ་མོ་ཐུགས་ཀར་སྦྱར་བའོ། །དེའི་ཕྱི་རོལ་གྱི་འདབ་མ་བརྒྱད་ལ་ཤར་ནས་རིམ་པ་བཞིན། ཨོཾ་ཛི་ན་ཛིཀ །རྣམ་སྣང་དཀར་པོ་གཡས་འཁོར་ལོ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། ལྭཾ་དེ་ཥ་ར་ཏི། སྤྱན་མ་དཀར་མོ་གཡས་དྲིལ་བུ་དཀུར་བརྟེན་ཅིང་། གཡོན་འཁོར་ལོ་ཐུགས་ཀར་འཛིན་པ། སྭཱཾ་རཏྣ་དྷྲིཀ །རིན་འབྱུང་སེར་པོ་གཡས་རིན་པོ་ཆེ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། མྭཾ་མོ་ཧ་ར་ཏི། མཱ་མ་ཀཱི་སེར་མོ་གཡས་དྲིལ་བུ་དཀུར་བརྟེན་ཅིང་། གཡོན་རིན་པོ་ཆེ་ཐུགས་ཀར་འཛིན་པ། ཨཱཾ་ཨ་རོ་ལྀ་ཀ །སྣང་མཐའ་དམར་པོ་གཡས་པདྨ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། པཱཾ་རཱ་ག་ར་ཏི། གོས་དཀར་མོ་དམར་མོ་གཡས་དྲིལ་བུ་དཀུར་བརྟེན་ཅིང་། གཡོན་པདྨ་ཐུགས་ཀར་འཛིན་པ། ཧཱཾ་པྲ་ཛྙཱ་དྷི་ཀ །དོན་གྲུབ་ལྗང་གུ་གཡས་རྒྱ་གྲམ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། ཏཱཾ་བཛྲ་ར་ཏི། དམ་ཚིག་སྒྲོལ་མ་ལྗང་གུ་གཡས་དྲིལ་བུ་དཀུར་བརྟེན་ཅིང་། གཡོན་རྒྱ་གྲམ་ཐུགས་ཀར་འཛིན་པ། རིགས་ལྔ་ཡབ་རྣམས་རྫོགས་པའི་སྐྱིལ་མོ་ཀྲུང་དང་། ཡུམ་རྣམས་བརྟུལ་ཞུགས་ཀྱི་སྐྱིལ་མོ་ཀྲུང་ཀུན་ཏུ་བཟང་པོ་རྡོ་རྗེའི་སྐྱིལ་ཀྲུང་དང་བཟང་མོ་པདྨའི་སྐྱིལ་ཀྲུང་གིས་བཞུགས་པ། ཐམས་ཅད་ཀྱང་རྒྱན་དང་ཆ་ལུགས་གཙོ་བོ་དང་མཚུངས་པའོ། །དེའི་ཕྱི་རོལ་གྱི་འདབ་མ་བཅུ་དྲུག་ལ། ཀྵིཾ་ཧི་རཱ་ཛ་ཡ། ས་སྙིང་དཀར་པོ་གཡས་རིན་པོ་ཆེའི་མྱུ་གུ་དང་། གཡོན་དྲིལ་བུ་འཛིན་པ། ཧཱུྃ་ལཱ་སྱེ་ས་མ་ཡ་སྟྭཾ། སྒེག་མོ་དཀར་མོ་ཁུ་ཚུར་གྱི་རྒྱས་མེ་ལོང་བསྣམས་པ། ཏྲཱཾ་ཨཱ་གརྦྷ་ཡ། ནམ་སྙིང་སེར་པོ་གཡས་རལ་གྲི་དང་གཡོན་དྲིལ་བུ་འཛིན་པ། ཏྲཱཾ་མཱ་ལྱེ་ས་མ་ཡ་ཧོ། ཕྲེང་བ་མ་སེར་མོ་རིན་པོ་ཆེའི་ཕྲེང་བ་བསྣམས་པ། ཧྲཱིཿཧཱ་ཧཱུྃ་པདྨ་པྲ་དམ། སྤྱན་རས་གཟིགས་དམར་པོ་གཡས་པདྨ་དང་གཡོན་དྲིལ་བུ་འཛིན་པ། ཧྲཱིཾ་གཱི་ཏི་རཱ་གོ྅་ཧཾ། གླུ་མ་དམར་མོ་པི་ཝཾ་བསྣམས་པ། ཛྲིཾ་ཀུ་རུ་པཱ་ཎི། ཕྱག་རྡོར་མཐིང་ག་གཡས་རྒྱ་གྲམ་དང་གཡོན་དྲིལ་བུ་འཛིན་པ། ཨཱཾ་ནིརྟི་རཱ་ག་ཡ་མེ། གར་མ་ལྗང་གུ་གར་རྒྱ་མཛད་པ། མཻ་དྷཱ་ར་ནི་སྭཱ་ཧཱ། བྱམས་པ་དཀར་སེར་གཡས་ཀླུ་ཤིང་དང་གཡོན་དྲིལ་བུ་འཛིན་པ། ཛཿདྷུ་པེ་པྲ་བེ་ཤ །སྤོས་མ་དཀར་སེར་སྤོས་ཁང་བསྣམས་པ། ཐིཾལྷ་ནིསྶ་རཾ་བྷ་ཡ་སྭཱ་ཧཱ། སྒྲིབ་སེལ་དམར་སེར་གཡས་གླེགས་བམ་དང་གཡོན་དྲིལ་བུ་འཛིན་པ། ཧཱུྃ་པུཥྤེ་ཨཱ་བེ་ཤ། མེ་ཏོག་མ་དམར་སེར་མེ་ཏོག་གི་ཕྲེང་བ་བསྣམས་པ། ཧཱུྃ་སྭཱ་རཱ་ཛ་ཡ་སྭཱ་ཧཱ། ཀུན་བཟང་དམར་ལྗང་གཡས་རིན་པོ་ཆེའི་སྙེ་མ་དང་གཡོན་དྲིལ་བུ་འཛིན་པ། བཾ་དཱི་པ་སུ་ཀི་རཱི། མར་མེ་མ་དམར་ལྗང་མར་མེ་བསྣམས་པ། མཱུཾ་ཤྲཱི་ཨཾ་རཱ་ག་སྭཱ་ཧཱ། འཇམ་དཔལ་དཀར་ལྗང་གཡས་ཨུཏྤལ་དང་གཡོན་དྲིལ་བུ་འཛིན་པ། ཧོཿགནྡྷེ་ཙིཏྟ། དྲི་ཆབ་མ་ལྗང་དཀར་དྲིའི་དུང་ཕོར་བསྣམས་པ་སྟེ་ཡབ་རྣམས་གཡས་བརྐྱངས་པའི་ཕྱེད་སྐྱིལ་དང་། ཡུམ་རྣམས་གཡོན་བརྐྱངས་པའི་ཕྱེད་སྐྱིལ་གྱིས་བཞུགས་པ། ཐམས་ཅད་ཀྱང་དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པའོ། །དེའི་ཕྱི་རོལ་གྱི་འདབ་མ་སོ་གཉིས་ལ། ཧཱུྃ་ཡ་མཱནྟ་ཀྲིཏ་ཕཊ། གཤིན་རྗེ་གཤེད་སྨུག་ནག་ྈྈ་ནྲྀ་མགོ་གདེངས་པ་འཛིན་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ལྕགས་ཀྱུ་མ་སྨུག་ནག་ལྕགས་ཀྱུ་འཛིན་པ། ཧཱུྃ་པྲ་ཛྙཱནྟ་ཀྲིཏ་ཕཊ། སྟོབས་པོ་ཆེ་སེར་ནག་རྡོ་རྗེ་འཛིན་པ། ཨོཾ་མ་ཧཱ་རཏྣ་དྷ་ར་ཕཊ། ཞགས་པ་མ་སེར་ནག་ཞགས་པ་འཛིན་པ། ཧཱུྃ་པདྨནྟ་ཀྲིཏ་ཕཊ། རྟ་མགྲིན་དམར་ནག་ཐོད་དབྱུག་སྦྲུལ་གྱིས་དཀྲིས་པ་འཛིན་པ། ཨོཾ་མ་ཧཱ་པདྨ་དྷ་ར་ཕཊ། ལྕགས་སྒྲོག་མ་དམར་ནག་ལྕགས་སྒྲོག་འཛིན་པ། ཧཱུྃ་བིགྷྣནྟ་ཀྲིཏ་ཕཊ། བདུད་རྩི་འཁྱིལ་པ་ལྗང་ནག་རྒྱ་གྲམ་འཛིན་པ། ཨོཾ་མ་ཧཱ་ཀརྨ་ཏ་ཀྲིཏ་ཕཊ། དྲིལ་བུ་མ་ལྗང་ནག་དྲིལ་བུ་འཛིན་པ། ཐམས་ཅད་ཀྱང་ཁྲོ་གཏུམ་མི་བཟད་པའི་ཉམས་ཅན་གྱད་ཀྱི་འདོར་སྟབས་སུ་བཞུགས་པའོ། །ཨོཾ་མུ་ནེ་ཀྲེཾ་སྭཱ་ཧཱ། ལྷའི་ཐུབ་པ་དཀར་པོ་པི་ཝཾ་འཛིན་པ། ཨོཾ་མུ་ནེ་ཧཱུྃ་ཏྲུཾ་སྭཱ་ཧཱ། ལྷ་མིན་གྱི་ཐུབ་པ་མཐིང་ག་གོ་ཆ་འཛིན་པ། ཨོཾ་མུ་ནེ་སྲུཾ་སྭཱ་ཧཱ། མིའི་ཐུབ་པ་སེར་པོ་གསེག་པར་འཛིན་པ། ཨོཾ་མུ་ནེ་བྲཾ་སྭཱ་ཧཱ། བྱོལ་སོང་གི་ཐུབ་པ་དམར་ནག་པུ་སྟི་འཛིན་པ། ཨོཾ་མུ་ནེ་ཀྵཾ་སྭཱ་ཧཱ། ཡི་དྭགས་ཀྱི་ཐུབ་པ་སེར་ནག་རིན་པོ་ཆེའི་སྒྲོམ་བུ་འཛིན་པ། ཨོཾ་མུ་ནེ་ཡེ་སྭཱ་ཧཱ། དམྱལ་བའི་ཐུབ་པ་དུད་ཁ་མེ་ཆུ་འཛིན་པ། ཐམས་ཅད་ཀྱང་མཆོག་གི་སྤྲུལ་སྐུའི་ཆ་བྱད་ཅན་འགྲོ་བའི་དོན་ལ་བཞེངས་སྟབས་ཀྱིས་གནས་པའོ། །ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཾ་ཧཱུྃ་ཧཱུྃ་ཕཊ། རྡོ་རྗེ་ཁྲག་འཐུང་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་རྡོ་རྗེ་རྩེ་དགུ་དང་དྲིལ་བུ། ལྷག་མ་གཡས་གཉིས་རྩེ་ལྔ་དང་ཏི་ར། གཡོན་གཉིས་དུང་དམར་དང་འཇིག་རྟེན། ཞབས་གཉིས་རུ་ཏྲ་ཕོ་མོའི་གདན་ལ་རོལ་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། རྡོ་རྗེ་ཁྲག་འཐུང་མ་སྔོན་མོ་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། སངས་རྒྱས་ཁྲག་འཐུང་སྨུག་ནག་སྨུག་ལྗང་སེར་བའི་ཞལ་གསུམ་ཕྱག་དྲུག་གི་དང་པོ་གཉིས་འཁོར་ལོ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་ཁ་ཊྭཱཾ་ཀ །ཞབས་བཞི་དྲི་ཟ་ཕོ་མོའི་གདན་ལ་རོལ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཀྲོ་ཏི་ཤྭ་རཱི་སརྦ་དུཥྚན་ཧཱུྃ་ཕཊ། སངས་རྒྱས་ཁྲག་འཐུང་མ་སྨུག་ནག་གཡས་དྲིལ་བུ་དང་། གཡོན་དུང་དམར་སྟོབ་པ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། རིན་ཆེན་ཁྲག་འཐུང་སེང་ནག་སེར་སྨུག་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་རིན་པོ་ཆེ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་དགྲ་སྟྭ། ཞབས་བཞི་གཤིན་རྗེ་ཕོ་མོའི་གདན་ལ་རོལ་པ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷི་ཤྭ་རཱི་བི་ད་མ་ཧཱུྃ་ཕཊ། རིན་ཆེན་ཁྲག་འཐུང་མ་སེར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། པདྨ་ཁྲག་འཐུང་མ་དམར་ནག་དམར་སེར་ལྗང་བའི་ཞལ་གསུམ་ཕྱག་དྲུག་གི་དང་པོ་གཉིས་པདྨ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་རྔེའུ་ཆུང་། ཞབས་བཞི་ཀླུ་དབང་ཕོ་མོའི་གདན་ལ་རོལ་པ། ཨོཾ་ཧྲཱི་ཧུ་ཏ་ས་མ་ཏ་པདྨ་མ་ཧཱ་ཀྲོ་དྷི་ཤྭ་རཱི་ཁཱ་ཧི་ཧཱུྃ་ཕཊ། པདྨ་ཁྲག་འཐུང་མ་དམར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ལས་ཀྱི་ཁྲག་འཐུང་ལྗང་ནག་ལྗང་དམར་སྨུག་པའི་ཞལ་གསུམ་ཕྱག་དྲུག་གི་དང་པོ་གཉིས་རྒྱ་གྲམ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར་གཡོན་གཉིས་དུང་དམར་དང་ཐོང་གཤོལ། ཞབས་བཞི་གནོད་སྦྱིན་ཕོ་མོའི་གདན་ལ་རོལ་པ། ཨོཾ་སརྦ་ཨ་མོ་གྷ་མ་ཧཱ་ཀྲོ་དྷི་ཤྭ་རཱི་བི་ཤྭ་ཧཱུྃ་ཕཊ། ལས་ཀྱི་ཁྲག་འཐུང་མ་ལྗང་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཡབ་རྣམས་ཞབས་གཡས་བརྐྱངས་དང་ཡུམ་རྣམས་གཡོན་བརྐྱངས་པའི་དོར་སྟབས་ཀྱི་ཚུལ་ཅན། ཐམས་ཅད་ཀྱང་གར་དགུའི་རོས་སྒེག་ཅིང་དུར་ཁྲོད་རོལ་པའི་ཆས་ཀྱིས་བརྒྱན་པའོ། །ཨོཾ་བཛྲ་གཽ་རཱི་ཧ། གཽ་རཱི་སྔོན་མོ་གཡས་ཞིང་དབྱུག་དང་གཡོན་བྷན་དམར་འཛིན་པ། ཨོཾ་བཛྲ་ཙཽ་རཱི་ཧ། ཙཽ་རཱི་མ་སེར་མོ་མདའ་གཞུ་འགེངས་པ། ཨོཾ་བཛྲ་པྲ་མོ་ཧེ་ཧ། པྲ་མོ་དམར་མོ་ཆུ་སྲིན་གྱི་རྒྱལ་མཚན་ཕྱར་བ། ཨོཾ་བཛྲ་བཻ་ཏ་ལཱི་ཧ། བེ་ཏ་ལི་ནག་མོ་རྡོ་རྗེ་དང་ཞིང་ཆུང་འཛིན་པ། ཨོཾ་བཛྲ་པུཀྐ་སཱི་ཧ། པུཀྐ་སཱི་དམར་སེར་ཞིང་ཆུང་གི་རྒྱུ་མ་འདྲེན་པ། ཨོཾ་བཛྲ་གྷསྨ་རཱི་ཧ། གྷསྨ་རཱི་ལྗང་གུ་གཡོན་དུང་ཁྲག་གཡས་པའི་རྡོ་རྗེས་དཀྲུགས་པ། ཨོཾ་བཛྲ་སྨེ་ཤ་ནཱི་ཧ། སྨེ་ཤ་མཐིང་ནག་བྱིས་པའི་རོ་བཟུང་ནས་སྙིང་ཟ་བ། ཨོཾ་བཛྲ་ཙཎྜ་ལཱི་ཧ། ཙཎྜ་ལཱི་སེར་སྐྱ་ཞིང་ཆུང་གི་མགོ་ལུས་འདྲལ་བ། ཐམས་ཅད་ཀྱང་གཅེར་བུ་ལང་ཚོས་སྒེག་ཅིང་ཁྲོ་འཛུམ་བཞད་པ་དུར་ཁྲོད་རོལ་པའི་ཆས་ཅན་གཡོན་བརྐྱངས་པའི་སྟབས་ཀྱིས་གནས་པའོ། །དེའི་ཕྱི་རོལ་གྱི་འདབ་མ་བཞི་བཅུ་ལ། ཨོཾ་བཛྲ་སིདྷ་མུ་ཁཱི་ཧེ། སེང་གདོང་མ་སེར་མོ་རོ་ཟ་ཞིང་ལག་གཉིས་ཐུགས་ཀར་བསྣོལ་བ། ཨོཾ་བཛྲ་བྱ་གྷྲི་མུ་ཁཱི་ཧེ། སྟག་གདོང་མ་དམར་མོ་ལག་གཉིས་ཐུར་དུ་བསྣོལ་བས་རོ་བཟུང་བ། ཨོཾ་བཛྲ་ཤྲཱི་གཱ་ལ་མུ་ཁཱི་ཧེ། ཝ་གདོང་མ་ནག་མོ་ཞིང་ཆུང་ལྕེས་ལྡག་པ། ཨོཾ་བཛྲ་ཤྭ་ན་མུ་ཁཱི་ཧེ། སྤྱང་གདོང་མ་དམར་ནག་ཞིང་ཆུང་གི་ཁོག་པ་འདྲལ་བ་སྟེ། མཆེ་བ་ཅན་བཞི། ཨོཾ་བཛྲ་གྲྀ་ཌྷ་མུ་ཁཱི་ཧེ། རྒོད་གདོང་མ་དམར་མོ་ཞིང་གི་རྒྱུ་མ་འདྲེན་པ། ཨོཾ་བཛྲ་ཀངྐ་མུ་ཁཱི་ཧེ། ཀངྐའི་གདོང་མ་དམར་སྐྱ་བམ་རོ་ཕྲག་པར་ཁུར་བ། ཨོཾ་བཛྲ་ཀཱ་ཀ་མུ་ཁཱི་ཧེ། བྱ་རོག་གདོང་ཅན་ནག་མོ་རལ་གྲི་དང་བྷན་དམར་འཛིན་པ། ཨོཾ་བཛྲ་ཨུ་ལུ་ཀ་མུ་ཁཱི་ཧེ། འུག་གདོང་མ་མཐིང་ནག་རྡོ་རྗེའི་དབྱུག་པ་འཛིན་པ་སྟེ་གཤོག་པ་ཅན་བཞིའོ། །ཨོཾ་བཛྲ་ཨཱརྱ་ཏེ་ཛ་ཏེ་ང་ཛ། རྟ་གདོང་མ་སྔོན་མོ་ལྕགས་ཀྱུ་འཛིན་པ། ཨོཾ་བཛྲ་ཨ་མུ་ཁེ་ཧཱུྃ། ཕག་གདོང་མ་ནག་མོ་ཞགས་པ་འཛིན་པ། ཨོཾ་བཛྲ་ལོ་ཀ་བཾ། སེང་གདོང་མ་དམར་མོ་ལྕགས་སྒྲོག་འཛིན་པ། ཨོཾ་བཛྲ་བྷསྨི་བཱ་ལ་ཡ་བ་ཏུ་ཧོ། སྤྱང་གདོང་མ་ལྗང་གུ་དྲིལ་བུ་འཛིན་པ། ཐམས་ཅད་ཀྱང་གཅེར་བུ་རང་དང་ཁྲོས་པའི་ཞལ་ཅན་དུར་ཁྲོད་འབར་པའི་ཆས་དང་ལྡན་པའོ། །མ་ནུ་རཀྵ་སཱི་བྷྱོ། བྲཧྨ་ཎཱི་བྷྱོ། རཽ་ཏྲི་བྷྱོ། ཀུ་མ་རཱི་བྷྱོ། བེཥྞ་བཻ་བྷྱོ། ཨིནྡྲ་ཎི་བྷྱོ། སྲིན་མོ་དམར་སེར་གཡག་གདོང་ཏྲི་ཤུལ་འཛིན་པ། ཚངས་པ་དམར་སྐྱ་སྦྲུལ་གདོང་རྡོ་རྗེ་རྩེ་ལྔ་འཛིན་པ། འཁྲུག་མོ་སེར་ནག་གཟིག་གདོང་དབྱུག་ཏོ་དང་སྡིག་མཛུབ། བརྒྱ་བྱིན་མ་དཀར་དམར་སྲེ་མོང་མགོ་ཅན་དུང་དམར་འཛིན་པ། ཁྱབ་འཇུག་མ་སེར་མོ་ཕ་ཝང་མགོ་ཅན་འཁོར་ལོ་འཛིན་པ། དབང་མོ་དམར་སྐྱ་དྲེད་གདོང་བམ་དབྱུག་འཛིན་པའོ། །ཨོཾ་བཛྲ་པིངྒ་ལཾ་བྷྱོ། ཨ་མྲྀ་ཏ་བྷྱོ། སཽ་མྱ་བྷྱོ། དཎྜ་དམ་བྷྱོ། རཀྵ་སཱི་བྷྱོ། བྷཀྵ་སཱི་བྷྱོ། ཞི་བ་དམར་མོ་དོམ་མགོ་ཅན་རྒྱུ་ཞགས་འཛིན་པ། བདུད་རྩི་མ་སྔོན་མོ་ཆུ་སྲིན་མགོ་ཅན་བུམ་པ་འཛིན་པ། ཞི་བ་མ་སྔོ་སྐྱ་སྡིགས་པའི་མགོ་ཅན་པུཎྜ་རི་ཀ་འཛིན་པ། བེ་ཅོན་མ་ནག་མོ་ཁྲ་མགོ་ཅན་ཐོད་རློན་འཛིན་པ། སྲིན་མོ་དམར་ནག་ཝ་གདོང་རྒྱུ་ཞགས་འཛིན་པ། ཟ་བྱེད་ནག་མོ་སྟག་མགོ་བམ་ཆེན་འཛིན་པའོ། །ར་ཏི་བཛྲ་བྷྱོ། རུ་དྷི་ར་མཱཏྟ་བྷྱོ། ཨེ་ཀ་ཙ་རི་ཎི་བྷྱོ། མ་ནོ་ཧ་ར་མ་བྷྱོ། སིདྡྷིི་ཀ་མ་བྷྱོ། ཝ་ཡ་ཝི་བྷྱོ། དགའ་བྱེད་དམར་མོ་རྒོད་གདོང་ཁོག་ཆེན་འཛིན་པ། ཁྲག་འཐུང་མ་དམར་ནག་རྟ་གདོང་རྡོ་རྗེའི་དབྱུག་པ་འཛིན་པ། གཅིག་སྤྱོད་མ་དཀར་དམར་ཁྱུང་གདོང་བྷན་དམར་འཛིན་པ། འདོད་པ་དམར་སེར་ཁྱི་གདོང་བྱིས་བམ་འཛིན་པ། ནོར་སྲུང་དཀར་དམར་པུ་ཤུད་མགོ་ཅན་པདྨ་འཛིན་པ། རླུང་མོ་དམར་སྐྱ་ཤ་བའི་མགོ་ཅན་བ་དན་འཛིན་པའོ། །མ་ཧཱ་མ་ར་ཎ་བཛྲ་བྷྱོ། ཨགྣེ་བྷྱོ། ཝ་ར་ཧི་བྷྱོ། ཙ་མུཎྜི་བྷྱོ། སུ་ཏ་ནི་བྷྱོ། ཝ་རུ་ཎི་བྷྱོ། གསོད་བྱེད་མ་ལྗང་ནག་སྤྱང་གདོང་རྔེའུ་ཆུང་འཛིན་པ། མེ་མོ་དམར་སེར་སྐྱིན་གདོང་མེ་སྒྲོན་འཛིན་པ། ཕག་མོ་ལྗང་སེར་ཕག་གདོང་མཆེ་བ་འཛིན་པ། རྒན་བྱེད་ལྗང་སྔོན་ཁྭ་ཏའི་མགོ་ཅན་དུང་ཁྲག་འཛིན་པ། སྣ་ཆེན་ལྗང་དམར་བ་ལང་མགོ་ཅན་བམ་ཆེན་འཛིན་པ། ཆུ་ལྷ་མ་ལྗང་ནག་སྦྲུལ་གདོང་བདུད་རྩིའི་ཐོད་པ་འཛིན་པའོ། །བཛྲ་མ་ཧཱ་ཀཱ་ལི་བྷྱོ། བཛྲ་ཙ་ཀཱ་ལ་བྷྱོ། བཛྲ་ཀུམྦྷ་ཀརྞ་བྷྱོ། བཛྲ་ལམྦྷོ་དྷ་ར་བྷྱོ། ནག་མོ་ཆེན་པོ་ཁུ་བྱུག་མགོ་ཅན་ལྕགས་ཀྱུ་འཛིན་པ། རྡོ་རྗེ་སྔོན་མོ་ར་གདོང་རྒྱུ་ཞགས་འཛིན་པ། བུམ་རྣམ་དམར་མོ་སེང་གདོང་ལྕགས་སྒྲོག་འཛིན་པ། གསུས་འཛིན་མ་ལྗང་ནག་སྐྱེ་ཀའི་མགོ་ཅན་དྲིལ་བུ་འཛིན་པ། ཐམས་ཅད་ཀྱང་དྲག་མོའི་གཟུགས་ཅན་དུར་ཁྲོད་འབར་བའི་ཆས་ཀྱིས་བརྒྱན་ཏེ་ཞིང་གི་གདན་ལ་རོལ་པའོ། །གཞན་ཡང་དཀྱིལ་འཁོར་ཆེན་པོའི་ཕྱིའི་ཁོར་ཡུག་ལ་སྤྲུལ་པ་དང་ཡང་སྤྲུལ་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱང་རང་རང་གི་རྒྱན་དང་ཆ་ལུགས་དང་ལྡན་ཞིང་སོ་སོའི་འཁོར་གྱིས་བསྐོར་བའི་དཀྱིལ་འཁོར་གྱི་འཁོར་ལོ་ཉི་མ་དང་འོད་ཟེར་གྱི་ཚུལ་དུ་མངོན་པར་སྣང་བའི་སྒྱུ་འཕྲུལ་གྱི་རོལ་མོ་བསམ་གྱིས་མི་ཁྱབ་པ་དམ་ཚིག་གི་འཁོར་ལོར་རྫོགས་པར་གྱུར། དེ་ལྟར་དུ་གསལ་བའི་ལྷ་ཚོགས་རྣམས་ཀྱི་སྲོག་གི་་་གོར་རང་དང་རྣམ་པ་མཐུན་པའི་ཡེ་ཤེས་སེམས་དཔའ་རྒྱན་དང་ཕྱག་མཚན་སྤངས་པ་རེ་རེའི་ཐུགས་ཀར་སོ་སོའི་ས་བོན་གྱིས་མཚན་པར་གྱུར། {{TibChung|གཉིས་པ་བྱིན་གྱིས་བརླབ་པ་ནི། ལྷ་རྣམས་སོ་སོའི་སྤྱི་བོར་ཟླ་བ་ལ་གནས་པའི་ཨོཾ་དཀར་པོ། མགྲིན་པར་པདྨ་ལ་གནས་པའི་ཨཱཿདམར་པོ། སྙིང་གར་ཉི་མ་ལ་གནས་པའི་ཧཱུྃ་སྔོན་པོ་སོ་སོའི་འོད་ཟེར་གྱིས་རྒྱལ་བ་རབ་འབྱམས་ཀྱི་ཐུགས་རྒྱུད་བསྐུལ་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་བྱོན། ཡི་གེ་གསུམ་ལ་ཐིམ་པ་ཡོངས་སུ་གྱུར་པ་ལས་སྤྱི་བོར་རྣམ་སྣང་དཀར་པོ་འཁོར་ལོ་འཛིན་པ། མགྲིན་པར་སྣང་མཐའ་དམར་པོ་པདྨ་འཛིན་པ། སྙིང་ཁར་མི་བསྐྱོད་པ་སྔོན་པོ་རྡོ་རྗེ་འཛིན་པ་རྣམས་ཀྱིས་རྒྱས་བཏབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་དང་གཉིས་སུ་མེད་པར་གྱུར། རྡོ་རྗེ་རྩེ་ལྔ་པའི་ཕྱག་རྒྱ་གནས་སོ་སོར་གཏུགས་པ་དང་བསྟུན་ནས།}} ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅་ཧཾ། {{TibChung|མགྲིན་པ་ལ་ཀཱ་ཡའི་གནས་སུ་ཝཱཀྐ་དང་སྙིང་ཁར་ཙིཏྟ་སྦྱར་རོ། །གསུམ་པ་དབང་བསྐུར་བ་ནི། ལྷ་ཚོགས་དེ་རྣམས་སོ་སོའི་ཐུགས་ཀའི་ས་བོན་ལས་འོད་ཟེར་འཕྲོས་ཕྱོགས་བཅུ་དུས་བཞིའི་རྒྱལ་བ་རབ་འབྱམས་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་ལྷའི་རྣམ་པར་བཛྲ་ས་མཱ་ཛཿས་སྤྱན་དྲངས།}} ཨོཾ་སརྦ་ཏ་ཐཱ་ག་ཏ་མ་ཧཱ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་བསྐུལ་བས་དེ་རྣམས་གཉིས་མེད་དུ་མཉམ་པར་རོལ། རྗེས་ཆགས་ཀྱིས་མེས་ཞུ་བས་ཡེ་ཤེས་ལྔའི་ཆུ་རྒྱུན་ལྷ་སོ་སོའི་དབུའི་གནས་ལྔར་བབས་ཏེ་དབང་བསྐུར་བར་གྱུར། {{TibChung|རྡོ་རྗེ་སྤྱི་བསྡམས་ལས་གུང་མོ་གཉིས་བརྐྱངས་པ་སྤྱི་བོར་བཞག་སྟེ།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|དེ་བཞིན་དུ་མཛུབ་མོ་བརྐྱངས་པ་དཔྲལ་བར།}} ཨོཾ་མ་ཧཱ་ཨ་དརྴ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ། {{TibChung|སྲིན་ལག་བརྐྱངས་པ་རྣ་ལྟག་གཡས་པར།}} ཨོཾ་མ་ཧཱ་ས་མ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|མཐེ་བོང་བརྐྱངས་པ་ལྟག་པར།}} ཨོཾ་མ་ཧཱ་པྲ་ཏྱ་བེ་ཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། {{TibChung|མཐེའུ་ཆུང་བརྐྱངས་པ་རྣ་ལྟག་གཡོན་པར།}} ཨོཾ་མ་ཧཱ་ཀྲྀ་ཏྱཱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་དབང་བསྐུར་བས་ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་བསྒྱུར། ཆུ་ལྷག་མ་སྤྱི་བོར་བརྟེན་པ་ཡོངས་སུ་གྱུར་པ་ལས་མི་བསྐྱོད་པ་བདག་པོར་གྱུར་པའི་རིགས་ལྔ་སྤྲུལ་སྐུའི་ཆ་བྱད་ཅན་གྱིས་དབུ་བརྒྱན་པར་གྱུར། {{TibChung|བཞི་པ་སྤྱན་འདྲེན་ནི།}} ཨོཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿ {{TibChung|ལྔ་པ་བཞུགས་གསོལ་ནི།}} ཨཱཿ ཡེ་ཤེས་སྤྲུལ་པའི་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་བཞིན་བཞུགས་སུ་གསོལ། །ས་མ་ཡ་ཏིཥྛ་ལྷན། {{TibChung|དྲུག་པ་ཕྱག་འཚལ་བ་ནི།}} ཧཱུྃ། བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱིཙྪ་ཧོ། {{TibChung|བདུན་པ་སྣང་བ་ཡབ་ཀྱི་མཆོད་སྤྲིན་ནི།}} ཨོཾ་དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨོཾ་བཛྲ་ཨརྒྷཾ་སོགས་ནས་རཱུ་པ་ཤབྟ་གྷནྡྷེ་རཱ་ས་པརྴེ་ཨཱཿཧཱུྃ། སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིང་ཏ་པཱུ་ཙ་ཨཱཿཧཱུྃཿ {{TibChung|བརྒྱད་པ་སྟོང་པ་ཡུམ་གྱི་མཆོད་པ་ནི།}} ཨཱཿ ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་རབ་འབྱམས་མ་ལུས་ཀུན། །འདུ་འབྲལ་མེད་པའི་ངང་དུ་རོ་གཅིག་པས། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །ཛཿཧཱུྃ་བཾ་ཧོཿ མ་ཧཱ་སུ་ཁ་ཨ་ནུ་རཱ་ག་ཡ་མི། {{TibChung|དགུ་པ་ཟུང་འཇུག་ཆོས་སྐུའི་མཆོད་པ་ནི།}} ཧཱུྃ། སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་བརྗོད་ལས་འདས། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །བོ་དྷི་ཙིཏྟ་ཨ་ལ་ལ་ཧོ། {{TibChung|བཅུ་པ་བསྟོད་པ་ནི།}} ཧཱུྃ། ཆོས་དབྱིངས་ཡེ་ཤེས་མཉམ་པའི་ངང་། །རང་བཞིན་ཡོན་ཏན་ལྷུན་གྱིས་གྲུབ། །ཐུགས་རྗེ་ཡིད་བཞིན་ནོར་བུ་འདྲ། །ཕྱག་འཚལ་གདོད་མའི་མགོན་པོ་ལ། །ཡེ་ཤེས་ལྔ་ཡི་ངོ་བོ་ཉིད། །ཉོན་མོངས་དུག་ལྔ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་རྒྱལ་བ་རིགས་ལྔ་ལ། །བཅུ་དྲུག་ཡེ་ཤེས་ངོ་བོ་ཉིད། །གཟུང་འཛིན་དྲི་མ་རྣམ་སྦྱོང་ཞིང་། །རྣམ་ཤེས་ཚོགས་བརྒྱད་གནས་དག་པ། །ཕྱག་འཚལ་སེམས་དཔའ་ཡབ་ཡུམ་ལ། །ཚད་མེད་ཡེ་ཤེས་ངོ་བོ་ཉིད། །སྐྱེ་གནས་དྲི་མ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་སྒོ་བ་ཡབ་ཡུམ་ལ། །ཕ་རོལ་ཕྱིན་དྲུག་ངོ་བོ་ཉིད། །ཁམས་དྲུག་དྲི་མ་རྣམ་སྦྱོང་ཞིང་། །ཚོགས་དྲུག་རྣམ་ཤེས་རྣམ་པར་དག །ཕྱག་འཚལ་ཐུབ་པ་དྲུག་ལའོ། །ཞི་ལས་ཡེ་ཤེས་རྣམ་འཕྲོས་པས། །འཇིགས་གཟུགས་ཁྲོ་བོའི་དཀྱིལ་འཁོར་ནི། །ལྔ་བཅུ་རྩ་བརྒྱད་འབར་བའི་སྐུ། །ཕྱག་འཚལ་དབྱིངས་ཀྱི་དཀྱིལ་འཁོར་ལ། །ས་དང་ཡེ་ཤེས་ཞིང་ཁམས་ལ། །འཇིག་རྟེན་འདས་དང་མ་འདས་ཚུལ། །དུར་ཁྲོད་ཆེན་པོའི་གནས་བརྒྱད་ན། །བཞུགས་པའི་འགྲོ་བ་ཀུན་ལ་འདུད། །{{TibChung|བཅུ་གཅིག་པ་ཛབ་ལ་བདག་མདུན་བུམ་གསུམ་ལས། དང་པོ་ནི།}} རྣམ་སྣང་ཐུགས་ཀྱི་དཀྱིལ་འཁོར་དུ། །གསེར་གྱི་རྡོ་རྗེ་རྩེ་ལྔ་པའི། །ལྟེ་བར་ཉི་ཟླ་ཁ་སྦྱོར་དབུས། །སྲོག་གི་སྙིང་པོ་ཡི་གེ་ཨོཾ། །དེ་མཐར་སྔགས་ཕྲེང་གཡས་སུ་འཁོར། །འོད་ཟེར་འཕྲོས་པས་འཕགས་པ་མཆོད། །རིགས་དྲུག་སྡུག་བསྔལ་གཏན་ནས་སྦྱངས། །སྣོད་བཅུད་འོག་མིན་ཞིང་དུ་བསྒྱུར། །ཚུར་འདུས་བདག་ལ་ཐིམ་པ་ཡིས། །མཆོག་ཐུན་དངོས་གྲུབ་ཐོབ་པར་དམིགས། །ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃ། {{TibChung|ཞི་པ་ཡོངས་རྫོགས་སྙིང་པོ་སྟེ། །བསྙེན་པའི་ཚུལ་དུ་བཟླས་པ་བྱ། །འབུམ་ཕྲག་བཅོ་ལྔ་ཐོན་རྗེས་སུ། །དྲག་པོར་སྒྲུབ་པ་འདི་ལྟ་སྟེ།}} །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། རུ་ལུ་བཟླ་སྐབས་རྣམ་སྣང་སྔགས། །རྡོ་རྗེ་རྩེ་གསུམ་དམར་པོ་ཡི། །ལྟེ་བར་ཨཱཿདམར་རུ་ལུས་བསྐོར། །དེ་ལས་འོད་འཕྲོས་སྟེང་ཕྱོགས་ཀྱི། །ཁྲོ་བོའི་དཀྱིལ་འཁོར་གསལ་བར་བྱས། །དེ་དག་ཐུགས་དམ་རྒྱུད་བསྐུལ་ཏེ། །རུ་ལུ་གྲགས་སྟོང་སྐྱེ་མེད་སྒྲ། །འབྲུག་སྟོང་བཞིན་དུ་སྒྲོགས་པར་བསམ། །བྱེ་བ་གསུམ་དུ་བཟླས་གྱུར་ན། །བྲིས་སྐུ་བཞད་ཅིང་བདུད་རྩི་ཁོལ། །སྣང་བ་ཞི་ཁྲོའི་སྐུ་རུ་འཆར། །གྲགས་པ་གསུང་དུ་ལྷང་གིས་འགྱུར། །རིག་པ་ཆོས་ཉིད་དོན་དང་མཇལ། །མཆོག་ཐུན་དངོས་གྲུབ་འབད་མེད་འབྱུང་། །དེ་ནས་ལས་ལ་སྦྱོར་བ་ནི། །སྦྱང་གཞི་ང་རུ་འཛིན་པའི་བདུད། །ལས་ངན་སྒྲིབ་པའི་ཕུང་པོ་ལ། །སྦྱོང་བྱེད་རྩ་རིག་ཟབ་མོ་ནི།}} །ཨོཾ་ན་མོ་་་་{{TibChung|ཕྱག་འཚལ་ལོ།}} བྷ་ག་ཝ་ཏེ་་་་{{TibChung|བཅོམ་ལྡན་འདས་}}སརྦ་དུརྒ་ཏེ་་་་{{TibChung|ངན་སོང་ཐམས་ཅད།}} པཱ་རི་ཤྭ་དྷ་ནི་རཱ་ཛ་ཡ།་་{{TibChung|་ཡོངས་སུ་སྦྱོང་བའི་རྒྱལ་པོ།}} ཏ་ཐཱ་ག་ཏ་ཡ།་་་{{TibChung|དེ་བཞིན་གཤེགས་པ།}} ཨརྷ་ཏེ།་་་{{TibChung|དགྲ་བཅོམ་པ།}} སཾ་མྱཀ་སཾ་བུདྡྷ་ཡ།་་་་{{TibChung|ཡང་དག་པར་རྫོགས་པའི་སངས་རྒྱས།}} ཏདྱ་ཐཱ།་་་{{TibChung|འདི་ལྟ་སྟེ།}} ཨོཾ་ཤྭ་་་{{TibChung|སྦྱོང་}}དྷ་ནེ་{{TibChung|སྦྱོང་}}ཤྭ་དྷ་ནེ། སརྦ་་་{{TibChung|ལས་སྒྲིབ་ཐམས་ཅད་རྣམ་པར་སྦྱོང་་་}}པཱ་པཾ་བི་ཤྭ་དྷ་ན་སྭཱ་ཧཱ། {{TibChung|བཟླས་དམིགས་}}ཐུགས་ཀར་སྔགས་ཕྲེང་འཁོར་བ་ལས་འོད་ཟེར་བུན་བུན་འཕྲོས། ཞལ་ཕྱོགས་བཞིར་གཟིགས་པའི་སྨིན་མཚམས་ལས་ཐོན། ངན་སོང་ན་གནས་པ་དང་དམིགས་བྱའི་དོན་བྱས། སྡིག་སྒྲིབ་ཐམས་ཅད་སྦྱངས། དེ་དག་གི་རྣམ་ཤེས་འོད་ཀྱི་རྣམ་པར་གྱུར་པ་དང་། ལྷན་ཅིག་ཐུགས་ཀར་བསྡུས་{{TibChung|ཏེ་མཉམ་པར་འཇོག་པ་མན་ངག་ཡིན། འབུམ་ཕྲག་གཅིག་ནི་སུས་བཟླས་པ། །མཚམས་མེད་ལྔ་ཡི་ལས་ཀྱང་བྱང་། །བླ་མེད་ཐེག་པའི་སྤྱི་ཁྲུས་དང་། །ཡོ་ག་ངན་སོང་སྦྱོང་བའི་བཅུད། །གཉིས་མེད་ཟུང་འཇུག་མན་ངག་སྟེ། །ཡེ་ཤེས་ལྷ་ལ་རང་རྒྱུད་དང་། །ཐེག་པ་མཐོ་དམན་རྩིས་གདབ་མེད། །བདེ་གཤེགས་གཅིག་སྒྲུབ་ཀུན་གྱི་ངང་། །འདི་ནི་ངེས་གསང་ཐེག་པ་ཡི། །ཁྱད་ཆོས་བླ་ན་མེད་པའོ། །ས་མ་ཡ། གཉིས་པ་ནི། དབང་དོན་བུམ་པའི་དཀྱིལ་འཁོར་སྤྲུལ་པ་ཡིན་ན་གཟུངས་ཐག་ལ་འཇུས་ནས།}} བདག་གི་ཐུགས་ཁ་ནས་སྤྲོས་པའི་འོད་ཟེར་གཟུངས་ཐག་ལ་འཁྲིལ་ཏེ་སོང་། རྣམ་རྒྱལ་བུམ་པ་མཚན་ཉིད་ཚང་བའི་ནང་གཞལ་མེད་ཁང་གི་རྣམ་པར་རྫོགས་པའི་བརྟེན་པའི་ལྷ་ཚོགས་ཐམས་ཅད་ཀྱི་ཐུགས་རྒྱུད་བསྐུལ། སོ་སོའི་ཐུགས་ཀར་ཨཱཿཡིག་རེ་རེ་དང་། གཙོ་བོ་རྣམ་སྣང་གི་ཐུགས་ཀར་ཟླ་གདན་ལ་ཨཱ་ལི་ཀཱ་ལིའི་ཕྲེང་བ་གཡས་སུ་འཁོར་བ་ལས་འཕྲོས་པའི་འོད་ཟེར་གྱིས་དམིགས་བྱའི་སྡིག་སྒྲིབ་སྦྱངས་པར་བསམ་ལ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། {{TibChung|ཞེས་བཏགས་པ་བཟླས་མཐར་ཨོཾ་ཨཱཿཧཱུྃ་གིས་དུང་ཆོས་ཀྱི་མཆོད་ཡོན་ཕུལ་ལ་ལྷ་འོད་ཞུ་བྱ། གསུམ་པ་མདུན་བསྐྱེད་ཀྱི་བཟླས་པ་ནི།}} མདུན་བསྐྱེད་ཀྱི་གཙོ་བོ་རྡོ་རྗེ་སེམས་དཔའ་ཡབ་ཡུམ་དང་བཅས་པའི་དམ་པ་རིགས་བརྒྱ་ཐམས་ཅད་ཀྱང་རང་འདྲའི་ཡེ་ཤེས་སེམས་དཔའ་དང་ལྡན་པའི་ཐུགས་ཀར་རང་རང་གི་ཏིང་འཛིན་སེམས་དཔའི་ངོ་བོ་ཡི་གེ་བརྒྱ་པའི་ཡིག་འབྲུ་རེ་རེ་གསལ་བ་ལས་བདག་གི་ཐུགས་ཀའི་འོད་ཟེར་གྱིས་བསྐུལ། སྥ་ར་ཎ་ཕཊ། ཅེས་བརྗོད་པས་ཡིག་འབྲུ་སོ་སོ་ལས་འོད་ཟེར་དཔག་ཏུ་མེད་པ་འཕྲོས། རྒྱལ་བ་སྲས་དང་བཅས་པའི་ཐུགས་རྒྱུད་བསྐུལ། བདེ་སྟོང་གི་མཆོད་པས་དགྱེས་པ་བསྐྱེད། སཾ་ཧ་ར་ཎ་ཧཱུྃ། ཞེས་བརྗོད་པས་བྱིན་རླབས་དང་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས། མདུན་བསྐྱེད་ཀྱི་ལྷ་ཚོགས་རྣམས་ལ་ཐིམ་པས་གསལ་བརྟན་གྱི་གཟི་བྱིན་འབར། ལྷ་ཚོགས་རྣམས་ཀྱི་ཞལ་ནས་གསང་སྔགས་ཀྱི་སྒྲ་དང་། ཐུགས་ལས་འོད་ཟེར་འཕྲོས་པས་ཁམས་གསུམ་ཐམས་ཅད་སྣང་བར་བྱས། ངན་སོང་དང་འཁོར་བའི་སྡུག་བསྔལ་གྱི་རྒྱུ་དང་འབྲས་བུར་བཅས་པ་ཐམས་ཅད་སྦྱངས། མ་དག་པའི་བརྟན་གཡོ་དག་པའི་སྣོད་བཅུད་དུ་གནས་བསྒྱུར། དམིགས་ཡུལ་གཙོ་བོར་གྱུར་པའི་ལམ་ལྔའི་རྒྱུད་ལྡན་གྱི་སེམས་ཅན་ཐམས་ཅད་ཀྱི་གློ་བུར་གྱི་དྲི་མ་ཆ་དང་བཅས་པ་སྐད་ཅིག་ལ་སྦྱངས་ནས་བདེ་ཆེན་གྱི་ས་ལ་བཀོད་པར་བསམ་ལ། ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏྭ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཾ་ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩཿ བཛྲཱི་བྷ་ཝ། མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། ཅི་ནུས་བཟླས། བཅུ་གཉིས་པ་རྡོ་རྗེ་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་ནི། པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོ། །སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག གུ་རུ༴ བཛྲ་མཱ་ལྱེ་ཏྲཱཾ། འཇམ་མཉེན་པུནྡྷ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །བཛྲ་གིརྟི་ཧྲཱིཿ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་སྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །བཛྲ་ནཱིརྟི་ཨཱཿ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །བཛྲ་དྷཱུ་པེ་ཧཱུྃཿ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །བཛྲ་པུཥྤེ་ཏྲཱཾ། ཡིད་འོང་བལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །བཛྲ་ཨ་ལོ་ཀེ་ཧྲཱིཿ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུག་པས་དགྱེས་པ་སྐོང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །བཛྲ་གྷནྡྷེ་ཨཱཿ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅིར་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །བཛྲ་རཱུ་པ་ཨོཾཿ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །བཛྲ་མྲྀ་ཏཾ་གི་ཧྲཱིཿ །རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏཾ་བུ་ར། །རྣ་བའི་དཔྱིད་དུ་སྦྲེངས་པའི་ཡིད་འཕྲོག་མ། །རྡོ་རྗེ་པི་ཝཾ་མ་ཡིས་མཉེས་གྱུར་ཅིག །བཛྲ་ཝི་ནི་ཧཱུྃཿ དགའ་བ་བཅུ་དྲུག་རླུང་གི་རྟར་བསྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །བཛྲ་ཝཾ་སེ་ཏྲཱཾཿ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །བཛྲ་མུ་རཉྫེ་ཨཱཿ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །བཛྲ་པརྴེ་ཏྲཱཾཿ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །བཛྲ་རཱ་ས་ཧྲཱིཿ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨཱ་དྷཱརྟུ་ཨཱཿཔྲ་ཏཱིཙྪ་ཧོཿ བཅུ་གསུམ་པ་བསྟོད་པ་ནི། བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་བསྟོད། །བཞི་པ་ཚོགས་བསགས་པ་ལ་གཉིས། སྒྲིབ་པ་སྦྱོང་བ་དང་། སྐོང་གི་རིམ་པའོ། །དང་པོའི་ལས་རིམ་ནི། གཞུང་ལས། དེ་ནས་དམ་སྐོང་དོང་སྤྲུགས་ཀྱི། །གཞུང་ལ་འཇུག་པའི་དང་པོ་ནི། །ལུས་ཀྱི་མ་ལྔ་ས་ལ་བརྡེབ། །གདུང་ཤུགས་དྲག་པོས་བརྐྱངས་ཕྱག་འཚལ། །ཨ་ལ་ལ་ཧོཿ ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་ཿ བྱ་བ་བྱེད་དང་ཡིད་ཆོས་རྣམ་པར་དགཿ ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོཿ ཆོས་སྐུ་ནམ་མཁའ་བཞིན་དུ་དབྱེར་མེད་ཀྱངཿ གཟུགས་སྐུ་འཇའ་ཚོན་བཞིན་དུ་སོ་སོར་གསལཿ ཐབས་དང་ཤེས་རབ་མཆོག་ལ་མངའ་བརྙེས་པའིཿ རིགས་ལྔ་བདེ་བར་གཤེགས་ལ་ཕྱག་འཚལ་ལོཿ ངོ་མཚར་ཕོ་བྲང་བདེ་བར་གཤེགས་པའི་ཡུམཿ དུས་གསུམ་རྒྱལ་བ་ཐམས་ཅད་བསྐྱེད་མཛད་མཿ རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོཿ རྣམ་ཤེས་དབང་པོ་དག་པ་སྐུ་གསུང་ཐུགསཿ བདེ་བར་གཤེགས་པ་རྣམས་ཀྱི་སྲས་མཆོག་སྟེཿ སེམས་དཔའ་ཆེན་པོ་བརྒྱད་ལ་ཕྱག་འཚལ་ལོཿ སྒེག་མོ་ཕྲེང་ཐོགས་རིན་ཆེན་གླུ་གར་ཅནཿ ནམ་མཁའ་མཉམ་པའི་མཆོད་པས་རྒྱལ་བ་མཆོདཿ བྱང་ཆུབ་ལྷ་མོའི་ཚོགས་ལ་ཕྱག་འཚལ་ལོཿ བདུག་པ་མེ་ཏོག་མར་མེ་དྲི་ཆབ་མཿ རྒྱལ་བ་རྒྱ་མཚོ་རྣམས་ལ་མཆོད་འབུལ་མཿ མཆོད་པའི་ལྷ་མོ་རྣམས་ལ་ཕྱག་འཚལ་ལོཿ དྲག་ཤུལ་ཐབས་ཀྱིས་འགྲོ་བ་འདུལ་མཛད་པཿ ཚད་མེད་བཞི་ལྡན་སྒོ་བཞི་ཐུབ་པར་སྲུངཿ ཏ་ཀྲིཏ་སྒོ་བ་བཞི་ལ་ཕྱག་འཚལ་ལོཿ རྟག་ཆད་མཐར་ཕྱིན་གསང་བ་ཡུམ་གྱི་ངངཿ ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མཿ སྒོ་མ་ཆེན་མོ་བཞི་ལ་ཕྱག་འཚལ་ལོཿ སྟེང་འོག་ཕྱོགས་བཞི་འཇིག་རྟེན་འདུལ་མཛད་གཙོཿ ཉོན་མོངས་དྲུག་འཇོམས་རྒྱུད་དྲུག་དག་པར་སྦྱོང་ཿ བཅོམ་ལྡན་ཐུབ་པ་དྲུག་ལ་ཕྱག་འཚལ་ལོཿ འཇིགས་བྱེད་འདས་པའི་དུས་ན་མངོན་བྱུང་པཿ གདུག་པ་འདུལ་ཕྱིར་དུས་ལས་མི་འདའ་བའིཿ དཔལ་ཆེན་ཧེ་རུ་ཀ་ལ་ཕྱག་འཚལ་ལོཿ ཁྲོ་མོ་དབང་ཕྱུག་སྐུ་ལ་འཁྲིལ་མཛད་ཅིངཿ མཁའ་འགྲོ་མི་བཟད་འབར་བའི་སྤྲིན་འཕྲོ་མཿ གདུག་པ་འདུལ་མཛད་ཡུམ་ལ་ཕྱག་འཚལ་ལོཿ བསྐལ་པ་མེ་ལྟར་འབར་བའི་ཀློང་དཀྱིལ་ནསཿ ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བཞུགསཿ ཁྲོ་མོ་ཆེན་མོ་བརྒྱད་ལ་ཕྱག་འཚལ་ལོཿ ནམ་མཁའི་ལུས་ཅན་གར་ཡང་ཐོགས་མེད་ཅིང་ཿ འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེཿ ཕྲ་མེན་ཆེན་མོ་བརྒྱད་ལ་ཕྱག་འཚལ་ལོཿ རྡོ་རྗེ་གདོང་མོ་ཕོ་ཉ་མགྱོགས་མ་བཞིཿ ཤར་ལྷོ་ནུབ་བྱང་སྒོ་བཞི་ཐུབ་པར་སྲུངཿ སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོཿ དཔལ་གྱི་འཁོར་ཚོགས་བཛྲ་ཨ་ར་ལིཿ མཁའ་ལ་ཤུགས་འགྲོ་མ་ཚོགས་དབང་ཕྱུག་མཿ རྣལ་འབྱོར་ཉི་ཤུ་བརྒྱད་ལ་ཕྱག་འཚལ་ལོཿ ཕྱོགས་བཅུའི་དྲེགས་པ་བསྣོལ་བའི་གདན་སྟེངས་སུཿ ཡེ་ཤེས་བསྐལ་པའི་མེ་དཔུང་འབར་བའི་སྐུཿ བདུད་འདུལ་ཡབ་ཡུམ་རྣམས་ལ་ཕྱག་འཚལ་ལོཿ དམིགས་མེད་ཆོས་ཀྱི་སྐུ་ལ་ཕྱག་འཚལ་ལོཿ ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོཿ ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོཿ མི་འགྱུར་རྡོ་རྗེའི་སྐུ་ལ་ཕྱག་འཚལ་ལོཿ མངོན་པར་བྱང་ཆུབ་སྐུ་ལ་ཕྱག་འཚལ་ལོཿ དུས་གསུམ་རྒྱལ་བ་ཀུན་གྱིས་བསྒྲུབས་པ་ཡིཿ ཚོགས་གཉིས་རྫོགས་པའི་ཡོན་ཏན་མཐར་ཕྱིན་པཿ སྐུ་དང་ཡེ་ཤེས་ཚོགས་ལ་ཕྱག་འཚལ་ལོཿ ཞེས་བརྗོད་མཚན་དོན་ཡིད་ལ་བསམཿ དེས་ནི་ལུས་ཀྱི་སྡིག་སྒྲིབ་དགཿ སྐུ་ཡི་དམ་ཚིག་ཉམས་པ་བསྐངཿ གཉིས་པ་རྡོ་རྗེ་སེམས་དཔའ་བསྒོམཿ ཨཱཿ བདག་ཉིད་ཐ་མལ་སྤྱི་བོ་རུཿ པད་དཀར་ཟླ་བའི་གདན་གྱི་དབུསཿ ཧཱུྃ་ལས་བླ་མ་རྡོ་རྗེ་སེམསཿ དཀར་གསལ་ལོངས་སྤྱོད་རྫོགས་པའི་སྐུཿ རྡོ་རྗེ་དྲིལ་འཛིན་སྙེམས་མ་འཁྲིལཿ ཁྱོད་ལ་སྐྱབས་གསོལ་སྡིག་པ་སྦྱོངཿ འགྱོད་སེམས་དྲག་པོས་མཐོལ་ལོ་བཤགསཿ ཕྱིན་ཆད་སྲོག་ལ་བབ་ཀྱང་སྡོམཿ ཁྱོད་ཐུགས་ཟླ་བ་རྒྱས་པའི་སྟེངཿ ཧཱུྃ་ཡིག་མཐའ་མར་སྔགས་ཀྱིས་བསྐོརཿ བཟླས་པ་སྔགས་ཀྱིས་རྒྱུད་བསྐུལ་བསཿ ཡབ་ཡུམ་བདེ་རོལ་སྦྱོར་མཚམས་ནསཿ བདུད་རྩི་བྱང་ཆུབ་སེམས་ཀྱི་སྤྲིནཿ ག་བུར་རྡུལ་ལྟར་འཛགས་པ་ཡིསཿ བདག་དང་ཁམས་གསུམ་སེམས་ཅན་གྱིཿ ལས་དང་ཉོན་མོངས་སྡུག་བསྔལ་རྒྱུཿ ནད་གདོན་སྡིག་སྒྲིབ་ཉེས་ལྟུང་གྲིབཿ མ་ལུས་བྱང་བར་མཛད་དུ་གསོལཿ ཨོཾ་བཛྲ་སཏྭ་ས་མ་ཡ་སོགས། ཡི་གེ་བརྒྱ་པ་དུས་གཅིག་ལཿ བརྒྱ་རྩ་བརྒྱད་དུ་བཟླས་པ་ཡིསཿ ངག་གི་སྒྲིབ་པ་རྣམ་སྦྱོང་ཞིངཿ གསུང་གི་དམ་ཚིག་ཉམས་པ་བསྐངཿ དེ་རྗེས་རྡོ་རྗེ་སེམས་དཔའ་ལཿ མོས་གུས་གདུང་ཞིང་མཆི་མ་སློངཿ རཱུ་ཏྲའི་སྨྲེ་སྔགས་འདི་ཡིས་བཤགསཿ ཧོཿ ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམསཿ དྲི་མེད་དུང་མདོག་མཆོག་ཏུ་གཟུགས་བཟང་བཿ རྣམ་དག་འོད་གསལ་ཉི་ཟླ་འབུམ་བརྡལ་ཞིངཿ དཔའ་བོ་འོད་ཟེར་སྟོང་ཁམས་ལམ་མེ་བཿ སྲིད་པ་གསུམ་གྱི་ས་མཁན་སྟོན་པར་གྲགསཿ ཁམས་གསུམ་འགྲོ་བ་ཀུན་གྱི་གཉེན་གཅིག་པུཿ བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལཿ བདག་ནི་ཐོག་མ་མེད་པའི་དུས་མཐའ་ནསཿ ལམ་ལོག་ལམ་སྟོར་སྲིད་པའི་གོ་རར་འཁྱམསཿ སྔོན་ཚེ་ལམ་ལོག་སྡིག་པ་བྱས་པས་ནོངསཿ སྡིག་པའི་ལས་རྣམས་ཅི་སྤྱད་གནོང་ཞིང་འགྱོདཿ དར་ཅིག་དྲག་པོའི་ལས་དབང་དེ་བཙན་པསཿ འཁོར་བ་སྡུག་བསྔལ་རྒྱ་མཚོར་བྱིང་གྱུར་ཏེཿ ཞེ་སྡང་འབར་བའི་མེས་ནི་རང་རྒྱུད་བསྲེགསཿ གཏི་མུག་མུན་པ་འཐིབས་པས་ཤེས་རབ་རྨོངསཿ འདོད་ཆགས་རྒྱ་མཚོའི་འགྲམ་དུ་རྣམ་ཤེས་བྱིང་ཿ ང་རྒྱལ་དྲག་པོའི་རི་བོས་ངན་འགྲོར་མནནཿ ཕྲག་དོག་རླུང་དམར་འཚུབས་པས་འཁོར་བར་བྱིང་ཿ བདག་ཏུ་ལྟ་བའི་མདུད་པ་དམ་པོས་བཅིངསཿ འདོད་པ་མེ་དོང་འདྲ་བའི་འོབས་སུ་ལྷུངཿ སྡུག་བསྔལ་མི་བཟོད་དྲག་པོ་ཆར་ལྟར་བབཿ འདི་འདྲའི་སྡུག་བསྔལ་ཤིན་ཏུ་མི་བཟོད་ཅིངཿ སྡིག་པའི་ལས་དབང་དྲག་པོ་མེ་འབར་བསཿ རྣམ་ཤེས་དབང་པོའི་མྱུ་གུ་གདུངས་གྱུར་ཏེཿ ཕུང་པོ་སྒྱུ་མའི་ལུས་ཀྱིས་མི་བཟོད་ནཿ བྱམས་མགོན་ཐུགས་རྗེ་ཅན་གྱིས་བཟོད་ལགས་སམཿ བདག་ནི་བླུན་རྨོངས་ལས་ངན་སྡིག་པོ་ཆེཿ ལས་ཀྱི་དབང་གིས་ཁམས་གསུམ་འཁོར་བར་སྐྱེསཿ སྐྱེས་པས་འགྱོད་དེ་ལས་ལ་ཡི་རེ་ཆདཿ ཡི་ཆད་འགྱོད་ཀྱང་ལས་ལ་བཅོས་སུ་མེདཿ ལས་ཀྱི་ཤུགས་ནི་ཆུ་བོའི་གཞུང་དང་འདྲཿ ལས་དབང་ཆུ་ཀླུང་འཕྲལ་དུ་ག་ལ་ཟློགཿ རྣམ་སྨིན་ཐམས་ཅད་རང་གི་ལས་ལས་བྱུངཿ ལས་ཀྱི་རླུང་དམར་དྲག་པོ་དེས་བདས་པསཿ བདག་ནི་སྔོན་དུས་བསྐལ་པ་གྲངས་མེད་དུཿ འཁོར་བའི་བཙོན་ར་མུན་པར་འཁྱམས་པ་ལཿ བྱམས་མགོན་ཁྱོད་ཀྱི་ཐུགས་རྗེའི་བྱིན་རླབས་ཀྱིསཿ ལས་དང་ཉོན་མོངས་སྒྲིབ་པ་ཀུན་སྦྱངས་ནསཿ མ་ལྟར་བྱམས་པའི་ཞབས་དྲུང་ད་ལྟ་འཁོདཿ ཉི་ལྟར་འོད་འབར་ཟླ་ལྟར་མདངས་གསལ་བའིཿ ཐུགས་རྗེའི་ཞལ་ཉིད་བལྟ་བས་མི་ངོམས་པཿ ཐོག་མ་མེད་ནས་མ་རིག་ལིང་རྟོག་གིསཿ ལྡོངས་ཏེ་ཆུ་བུར་མིག་གིས་མ་མཐོང་ནཿ འགྲོ་བའི་མགོན་ཁྱོད་ད་ལྟ་གང་ན་བཞུགསཿ ལས་ངན་དྲག་པོ་ཤིན་ཏུ་མི་བཟོད་པསཿ ཤིན་ཏུ་སྐྲག་ཅིང་སྐྱི་གཡའ་རབ་འཇིགས་ནསཿ དུང་དུང་གདུང་བའི་སྨྲེ་སྔགས་འདི་འདོན་ཞིངཿ ཉམ་ཐག་ཕོངས་པའི་ང་རོ་འདོན་ལགས་ནཿ བྱམས་མགོན་ཐུགས་རྗེས་དུས་འདིར་མི་དགོངས་སམཿ ནམ་ཞིག་འཆི་འཕོས་ལུས་སེམས་འབྲལ་བའི་ཚེཿ མཛའ་བཤེས་གྲོགས་དང་བྲལ་ནས་གཤིན་རྗེས་ཁྲིདཿ དེ་ཚེ་འཇིག་རྟེན་ཉེ་དུས་མི་བསྟོངས་ཏེཿ ལས་ཀྱི་དབང་གིས་བདག་ཉིད་གཅིག་པོར་ཁྲིདཿ དུས་དེར་བདག་ལ་མགོན་སྐྱབས་མ་མཆིས་ཀྱིཿ གང་གིས་ཕྱི་བཤོལ་དུས་ལ་མ་བཞེས་པརཿ ད་ལྟ་ཉིད་དུ་ཐུགས་རྗེའི་སྤྱན་གྱིས་གཟིགསཿ ལས་ཀྱིས་མནར་བའི་སྐྱེ་བོ་བདག་འདྲ་བཿ ཐོག་མ་མེད་པའི་དུས་ནས་ལོག་བརྟགས་པསཿ ཁམས་གསུམ་འཁོར་བའི་གནས་ལས་མ་ཐར་སྟེཿ བསྐལ་པ་གྲངས་མེད་སྐྱེ་བ་ཇི་སྙེད་དུཿ རྡོས་བཅས་ལུས་ནི་གྲངས་མེད་ཞིག་གྱུར་སྟེཿ ཤ་རུས་བསགས་ན་འཇིག་རྟེན་གཏོས་དང་མཉམཿ རྣག་ཁྲག་བསགས་ན་རྒྱ་མཚོ་ཆེན་པོ་ཙམཿ ལས་འཕྲོ་བསགས་ན་བསམ་འདས་བརྗོད་མི་ལང་ཿ ཁམས་གསུམ་བསྒྲངས་ཤིང་སྐྱེ་ཤིའི་ཁ་རྒྱུད་ཀྱངཿ བྱས་པའི་ལས་རྣམས་དོན་མེད་ཆུད་རེ་ཟོསཿ སྐྱེ་བ་གྲངས་མེད་ཇི་སྙེད་དེ་ཙམ་ལཿ སྐྱེ་བ་གཅིག་གཅིག་ཁོ་ན་ཙམ་གྱི་ལསཿ བླ་མེད་བྱང་ཆུབ་དོན་དུ་རབ་སྤྱད་ནཿ དེ་ཙམ་བྱས་པའི་ལས་ལ་དོན་ཡོད་པསཿ དོན་གྱི་ཡོང་ཡེ་མྱ་ངན་འདས་ཟིན་ནཿ ལས་ཀྱི་དབང་བཙན་ཉོན་མོངས་སྟོབས་ཆེ་བསཿ ཤ་ཁྲག་དྲ་བའི་ལུས་བླངས་འཁོར་བར་འཁྱམསཿ སྡུག་བསྔལ་བཟོད་དཀའ་སྲིད་པའི་བཙོན་རར་ཚུདཿ མི་བཟོད་དྲག་པོའི་སྡུག་བསྔལ་འདི་ལྟ་བུཿ ཉེས་བྱས་ཐམས་ཅད་རང་གི་ལས་ལས་བྱུངཿ ཐུགས་རྗེ་ཆེན་པོས་ལས་ཀྱི་རྒྱུན་བཅད་དོཿ ཉོན་མོངས་ལས་ཀྱི་རླུང་ནི་བཟློག་ཏུ་གསོལཿ མ་རིག་ལོག་པའི་ལས་འདི་དབང་བཙན་ནསཿ མི་ཤེས་མུན་པའི་ནང་དུ་གཏན་འཁྱམས་ནཿ ཡེ་ཤེས་སྒྲོན་མེའི་ཟེར་གྱིས་མི་གཏོང་ངམཿ ཉེས་བྱས་ལས་ཀྱི་རྣམ་སྨིན་མི་བཟོད་ནཿ ཐུགས་རྗེ་ཆེན་པོས་ཕྲིན་ལས་མི་མཛད་དམཿ ཕྱིན་ཅི་ལོག་གི་གཡང་སར་ལྟུང་ལགས་ནཿ ཐུགས་རྗེས་མྱུར་མགྱོགས་ཕྱག་གིས་མི་འཛིན་ནམཿ དུག་གསུམ་བཟོད་དཀའི་ནད་ཀྱིས་གདུངས་ལགས་ནཿ ཐབས་མཁས་ཐུགས་རྗེའི་སྨན་གྱིས་མི་གསོ་འམཿ ལས་ཀྱི་རྣམ་སྨིན་སྡུག་བསྔལ་མེ་འབར་ནཿ ཐུགས་རྗེ་བསིལ་བའི་ཆར་རྒྱུན་མི་འབེབས་སམཿ སྡུག་བསྔལ་འཁོར་བའི་འདམ་དུ་བྱིང་གྱུར་ནཿ ཐབས་མཁས་ཐུགས་རྗེའི་ལྕགས་ཀྱུས་མི་འདྲེན་ནམཿ ཁམས་གསུམ་འཁོར་བའི་གནས་སུ་སྦྱངས་བྱས་ནསཿ ནམ་ཞིག་རང་གི་འབྲས་བུ་ཐོབ་པའི་ཚེཿ འཕགས་པའི་ཐུགས་རྗེ་ཅི་འཚལ་དོན་མ་མཆིསཿ བདག་ཉིད་ལས་འཕྲོ་དབང་བཙན་བཞག་ན་ལྟཿ ཐུགས་རྗེ་ཆེ་ཞེས་སུ་ལ་ཅི་ཞིག་བགྱིཿ དཔའ་བོ་ཁྱེད་ལ་ཐུགས་རྗེའི་སྟོབས་མངའ་ཞིང་ཿ སྔོན་བྱུང་འབྲེལ་བའི་ལས་ཀྱི་འཕྲོ་བཙན་ནཿ ཡལ་ཡོལ་བཏང་སྙོམས་ལེ་ལོ་མ་མཛད་པརཿ སྙིང་ནས་ད་གཟིགས་ཐུགས་རྗེ་རྒྱལ་བའི་ལྷཿ ཞེས་བརྗོད་རྡོ་རྗེ་སེམས་དཔའ་ཡིསཿ ཚངས་པར་སྩོལ་བ་ཞལ་བཞེས་ནསཿ བདག་དང་རོ་གཅིག་འདྲེས་པའི་ངངཿ མཉམ་པར་གཞག་པ་སྒྲིབ་སྦྱོང་གནདཿ འདིས་ནི་ཉེས་ཚོགས་རྣམ་དག་ཅིང་ཿ མཚམས་མེད་ལས་ཀྱང་དོང་ནས་དཀྲུགསཿ ས་མ་ཡཿ གསུམ་པ་ལྟ་བའི་ཀློང་བཤགས་སྒོམཿ ཨཱཿ འཁོར་འདས་བྱེད་པོ་བྱང་ཆུབ་སེམསཿ གཞི་མེད་རྩ་བྲལ་རྫོགས་ཆེན་དོནཿ བརྗོད་བྲལ་བློ་འདས་ཆེན་པོ་ལཿ ཉམས་དང་བཤགས་པའི་མཁན་པོ་མེདཿ ཡེ་བསྲུངས་ཐིག་ལེ་ཉག་གཅིག་པུཿ སྤང་བླང་ཡོངས་གྲོལ་ཕྱལ་བ་ཆེཿ རང་ཤར་ལྷུན་གྲུབ་ཆོས་ཀྱི་སྐུཿ དེ་ལྟར་རྟོགས་ན་བཤགས་པའི་རྒྱལཿ ཞེས་བརྗོད་དགོངས་པ་དབྱིངས་ལ་གཏདཿ འ་ཨ་ཧ་ཤ་ས་མཿ སྟོང་ཉིད་ངང་ནས་ཡིག་དྲུག་བཟླཿ ཉེས་རྣམས་མ་ལུས་ཀུན་རྫོབ་ཕྱིརཿ མེ་ལོང་བག་རྡུལ་ཕྱིས་བཞིན་བྱཿ ཡིད་སྒྲིབ་དག་ཅིང་ཐུགས་དམ་བསྐངཿ ས་མ་ཡཿ བཞི་པ་དོང་སྤྲུགས་སྤྱི་བཤགས་ནིཿ ཧོཿ དགོངས་ཤིག་སྟོན་པ་རྡོ་རྗེ་འཆངཿ གཟིགས་ཤིག་རིགས་ལྔ་བདེ་བར་གཤེགསཿ སྒྱུ་འཕྲུལ་ཞི་ཁྲོ་རབ་འབྱམས་ལྷཿ བདག་ལ་གསན་ཅིང་དགོངས་སུ་གསོལཿ བདག་ཅག་གསང་སྔགས་སྒོར་ཞུགས་ཀྱངཿ ལས་དང་ཉོན་མོངས་སྟོབས་ཆེ་བསཿ ལྟ་སྒོམ་གདེངས་སུ་མ་གྱུར་ཅིངཿ མཛད་སྤྱོད་ཀླུངས་སུ་མ་ཆུད་པསཿ གསང་སྔགས་ཟབ་མོ་སྤྱད་ཉེས་ཏེཿ རྩ་བ་ཡན་ལག་དམ་ཚིག་རྣམསཿ ཉམས་འགལ་རལ་དང་འདས་པ་སོགསཿ རྒྱལ་བ་ཞི་ཁྲོའི་སྤྱན་སྔར་བཤགསཿ དངོས་གྲུབ་ཀུན་གྱི་འབྱུང་གནས་ཆེཿ རྡོ་རྗེ་སློབ་དཔོན་མི་རུ་བཟུངཿ སྐུ་མཆོག་བརྙས་ཤིང་བཀའ་གསང་བརྐུསཿ གཤེ་སྐུར་བཏབ་ཅིང་ཡ་བོ་བཟུངཿ སྐུ་ལ་བརྡོ་བའི་སྔགས་བཟློག་བྱསཿ གཟུངས་མ་སྲས་ལ་ཆགས་སྡང་ཤོརཿ ཐུགས་དཀྲུགས་ཐུགས་སུན་ཕྱུང་བའི་ལསཿ རྒྱལ་བ་ཞི་ཁྲོའི་སྤྱན་སྔར་བཤགསཿ ལྷ་དང་སྔགས་ཀྱི་དེ་ཉིད་སོགསཿ བཀའ་དྲིན་ནོད་ཀྱང་དོན་ལ་གཡེལཿ ཏིང་འཛིན་མ་བསྒོམས་བཟླས་བརྗོད་ཆགཿ བསྙེན་སྒྲུབ་གཡེལ་ཞིང་ཚོགས་མཆོད་ཆུང་ཿ དུས་མཆོད་ཆག་དང་ལོ་ཟླར་འདསཿ ཟབ་མོའི་ལྟ་སྤྱོད་མངོན་དུ་ཕྱུངཿ སྤྱིར་གསང་བཞི་དང་བར་གསང་བཞིཿ གསང་བར་འོས་དང་གཉེར་གཏད་པའིཿ གསང་སྒོ་ཡལ་བར་འདོར་བ་སོགསཿ སྐུ་གསུང་ཐུགས་ཀྱི་དམ་ཉམས་པསཿ མནར་མེད་དམྱལ་བའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ གཞན་ཡང་བདུད་ཀྱི་དབང་གྱུར་ནསཿ རང་ལ་དབང་མེད་བླ་མའི་སཿ བཟུང་ནས་ཟབ་མོའི་དབང་ཟོས་ཤིངཿ བཀའ་ལ་གཟུ་ལུམས་རས་ཆོད་བྱསཿ གབ་པའི་གསང་བ་མ་རྟོགས་པརཿ སྦས་པའི་གསང་བར་མངོན་འཆེལ་ཏེཿ གསང་སྔགས་ཟབ་མོའི་སྤྱོད་པ་རྣམསཿ བབ་ཆོལ་རུ་ཏྲ་ལྟ་བུར་སྤྱདཿ སྤྱི་སྒོས་ཉེ་བའི་མཆེད་རྣམས་དངཿ ཁྱད་པར་རྡོ་རྗེའི་སྤུན་གྲོགས་ལཿ ངན་སེམས་དཔྱ་སེམས་བརྐུ་འཕྲོག་དང་ཿ རྡེག་བཙོག་ངན་སྨྲས་གནོད་པ་ཤོརཿ འདོད་ལ་སྲེད་ཅིང་བརྐམ་པ་ཡིསཿ དཀོན་མཆོག་གསུམ་གྱི་དཀོར་འཕྲོགས་ཤིངཿ སྒྲུབ་མཆོད་ཚོགས་ཀྱི་སྤྱང་ཀི་བྱསཿ གཙང་སྦྲ་ཉམས་དང་དམ་ཉམས་འདྲེསཿ ཕ་མ་དབུལ་ཕོངས་ནད་པའི་ཟསཿ དཀའ་ཐུབ་དབེན་པའི་སྒྲུབ་རྒྱགས་ལཿ ཚོད་ཡོད་པྲེ་ཏའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ ཡན་ལག་དམ་ཚིག་ཉི་ཤུ་ལྔའིཿ སྤྱད་པར་བྱ་བའི་དམ་ཚིག་ནིཿ ཞིང་བཅུ་སྒྲོལ་དང་བདེ་སྟོང་སྦྱོརཿ འཇུར་གེགས་ཅན་གྱི་ཟས་དང་ནོརཿ མཆོད་སྦྱིན་སླད་དུ་མ་བྱིན་བླངཿ ཟབ་མོ་གསང་ཕྱིར་རྫུན་དུ་སྨྲཿ དོན་ཆེན་སྒྲུབ་པའི་ངག་འཁྱལ་རྣམསཿ བརྟུལ་ཞུགས་ཆུང་བས་ལམ་མ་ལོངསཿ སྤྱོད་པ་རྩིངས་པས་ཐ་མལ་གོལཿ དེ་ཡང་ཞི་ཁྲོའི་སྤྱན་སྔར་བཤགསཿ མི་སྤང་བ་ཡི་དམ་ཚིག་ལྔཿ འདོད་ཆགས་ཞེ་སྡང་གཏི་མུག་དངཿ ང་རྒྱལ་ཕྲག་དོག་རྣམ་པ་ལྔཿ ཡེ་ཤེས་རིགས་ལྔའི་རང་བཞིན་ལཿ ཐེག་དམན་བློ་ཡིས་སྤངས་པ་དངཿ ངོ་བོར་མ་གྲོལ་རང་རྒྱུད་ཤོརཿ དེ་ཡང་ཞི་ཁྲོའི་སྤྱན་སྔར་བ་ཤགསཿ དང་དུ་བླང་བའི་དམ་ཚིག་ལྔཿ དྲི་ཆེན་དྲི་ཆུ་མཱཾ་ས་དངཿ རཀྟ་རྡོ་རྗེའི་ཟིལ་པ་ལྔཿ དངོས་གྲུབ་ཆེན་པོ་སྒྲུབ་པའི་རྫསཿ ཡེ་ནས་བདུད་རྩིའི་རང་བཞིན་ལཿ གཙང་དམེའི་བློ་ཡིས་བྲམ་ཟེར་གོལཿ ཡང་ན་བག་མེད་སྨྱོ་ཐབས་སྤྱདཿ ཆོས་ཉིད་མཉམ་པར་མ་རྟོགས་པཿ དེ་ཡང་ཞི་ཁྲོའི་སྤྱན་སྔར་བཤགསཿ ཤེས་པར་བྱ་བའི་དམ་ཚིག་ལྔཿ ཕུང་པོ་རྒྱལ་བ་ལྔར་མ་ཤེསཿ འབྱུང་ལྔ་རིགས་ཀྱི་ཡུམ་ལྔ་དངཿ དབང་ཡུལ་སེམས་དཔའ་སེམས་མ་སོགསཿ གནས་འགྱུར་རང་བཞིན་མ་ཤེས་པསཿ རང་གར་བལྟས་ཤིང་བརྙས་པ་ཤོརཿ དེ་ཡང་ཞི་ཁྲོའི་སྤྱན་སྔར་བཤགསཿ བསྒྲུབ་པར་བྱ་བའི་དམ་ཚིག་ལྔཿ རྡོ་རྗེ་རིན་ཆེན་པདྨ་དངཿ ཕྲིན་ལས་དེ་བཞིན་གཤེགས་པའི་རིགསཿ སྣོད་བཅུད་ཆེན་པོར་ཡེ་སངས་རྒྱསཿ ཀུན་གཞིའི་དབྱིངས་ལ་དངོས་གྲུབ་རྒྱུནཿ བཞུགས་ཀྱང་སྒྲུབ་པ་རྔོ་མ་ཐོགསཿ ཀློང་དུ་མ་གྱུར་རྩལ་ཤུགས་ཆུངཿ དེ་ཡང་ཞི་ཁྲོའི་སྤྱན་སྔར་བཤགསཿ གཞན་ཡང་ངེས་གསང་ཐེག་པ་ཡིཿ ཁྱད་པར་དམ་ཚིག་ཉི་ཤུ་དངཿ སྤྱོད་པ་རྒྱུན་གྱི་དམ་ཚིག་བཞིཿ རང་བཞིན་ལྟ་བའི་དམ་ཚིག་བཞིཿ གལ་མདོ་ངེས་པའི་དམ་ཚིག་གསུམཿ ལྷག་པའི་དམ་ཚིག་ཉམས་པ་སོགསཿ གསང་སྔགས་སྤྱི་ཡི་དམ་ཚིག་དངཿ མདོར་ན་ཁ་ན་མ་ཐོའི་ལསཿ འཇིག་རྟེན་ཁྲེལ་དང་ངོ་ཚ་ཉམསཿ ཉན་ཐོས་རང་རྒྱལ་བྱང་སེམས་ཀྱིཿ བཅས་དང་རང་བཞིན་ལས་ཉམས་པསཿ ངན་སོང་འཁོར་བའི་རྒྱུ་བསགས་པཿ མ་ལུས་མཐོལ་ཞིང་བཤགས་ལགས་ནཿ འཕགས་པ་ལགས་པས་གནང་བར་མཛོདཿ སེམས་ཅན་ལགས་པས་ནོར་འཁྲུལ་མཆིསཿ སྒྱུ་མ་ལགས་པས་ཚངས་པར་སྩོལཿ ཐབས་ལ་མཁས་པས་བྱང་བར་མཛོདཿ ཧོཿ དམ་ཚིག་ཉམས་པའི་ཆད་པ་མི་བཟོད་པསཿ རྡོ་རྗེ་མཁའ་འགྲོས་སྙིང་ཁྲག་འཐུངས་པ་དངཿ ཚེ་ཐུང་ནད་མང་ནོར་ཡལ་དགྲས་འཇིགས་དངཿ མནར་མེད་དམྱལ་བ་ཤིན་ཏུ་སྐྱི་གཡའ་བརཿ སྡུག་བསྔལ་མི་བཟོད་ཡུན་རིང་གནས་པ་རྣམསཿ བདག་གི་དམ་ཚིག་བཤགས་པར་བགྱིས་པ་ཡིསཿ ཉམས་ཤིང་ཆགས་པ་ཐམས་ཅད་སོར་ཆུད་དེཿ གོ་འཕང་ཆེན་པོའི་འབྲས་བུ་ཐོབ་པར་ཤོགཿ གཉིས་པ་སྐོང་ལ་རྣམ་གྲངས་བདུནཿ དང་པོ་ཀུན་བཟང་མཆོད་སྤྲིན་ནིཿ ཧོཿ སྣང་སྲིད་ཡོངས་རྫོགས་དམ་པ་རིགས་བརྒྱའི་ལྷཿ སྣོད་བཅུད་མ་ལུས་འདོད་ཡོན་རོལ་པའི་རྒྱནཿ ཀུན་བཟང་མཆོད་པའི་སྤྲིན་ཕུང་འབྱམས་ཀླས་པཿ ཆོས་ཉིད་མངོན་སུམ་དོན་གྱི་ལྷ་ལ་འབུལཿ ཉམས་སྣང་གོང་འཕེལ་ངང་དུ་བཞེས་ནས་ཀྱངཿ རིག་པ་ཚད་ཕེབས་ཀློང་དུ་ཚོགས་རྫོགས་ཤིངཿ ཆོས་ཟད་བློ་འདས་ཆེན་པོར་སངས་རྒྱས་ཏེཿ འཁོར་བ་དོང་ནས་སྤྲུགས་པའི་དངོས་གྲུབ་སྩོལཿ ནམ་མཁའ་མཛོད་ཀྱི་སྔགས་རྒྱ་བརྗོདཿ གཉིས་པ་སྦྱོར་བ་སྨན་གྱི་སྐོངཿ མཐེབ་སྲིན་ཉི་ཟླའི་གའུས་འབུལཿ ཧཱུྃཿ བདེ་ཆེན་འཁོར་ལོའི་བྷནྡྷ་རུཿ ཧཾ་ཡིག་རང་བྱུང་བདུད་རྩིར་བསྐྱིལཿ སྲོག་འཛིན་ཡེ་ཤེས་ཐིག་ལེ་འདིསཿ སྤྲུལ་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལོངས་སྤྱོད་འཁོར་ལོའི་བྷནྡྷ་རུཿ བཟའ་བཏུང་ལྷུན་གྲུབ་བདུད་རྩིར་བསྐྱིལཿ རྩ་མདུད་རང་གྲོལ་ཐིག་ལེ་འདིསཿ ལོངས་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྤྲུལ་པའི་འཁོར་ལོའི་བྷནྡྷ་རུཿ འབར་འཛག་བཅུད་ཀྱི་བདུད་རྩིར་བསྐྱིལཿ བདེ་བ་ཆེན་པོའི་ཐིག་ལེ་འདིསཿ མི་འགྱུར་རྡོ་རྗེའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེ་སྐྱོང་འཁོར་ལོའི་བྷནྡྷ་རུཿ བྱང་ཆུབ་སེམས་མཆོག་བདུད་རྩིར་བསྐྱིལཿ དགའ་བཞི་དབྱིངས་གྲོལ་ཐིག་ལེ་འདིསཿ མངོན་པར་བྱང་ཆུབ་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ གསུམ་པ་སྒྲོལ་བ་རཀྟའི་སྐོངཿ ཧཱུྃཿ ཀློང་ལྔ་དབྱིངས་ཀྱི་ཀ་པཱ་ལརཿ སྣང་སྲིད་ཡུམ་གྱི་རཀྟར་བསྐྱིལཿ ཀུན་ཏུ་བཟང་པོའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྟོང་ཆེན་ཡུམ་གྱི་ཀ་པཱ་ལརཿ སྣང་སྲིད་བཅུད་ཀྱི་རཀྟར་བསྐྱིལཿ གཙང་དམེ་བྲལ་བའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབུ་མ་རྩ་ཡི་ཀ་པཱ་ལརཿ དུག་གསུམ་རྣམ་རྟོག་རཀྟར་བསྐྱིལཿ རྒྱུད་དྲུག་ཀུན་གྲོལ་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྒྲ་གཅན་རླུང་གི་ཀ་པཱ་ལརཿ ཙནྜ་ལཱི་ཡི་རཀྟར་བསྐྱིལཿ དགའ་བཞི་བདེ་སྟོང་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བཞི་པ་ཟུང་འཇུག་གཏོར་མའི་སྐོངཿ ཧཱུྃ་ཧྲཱིཿ མ་བཅོས་ཀློང་ཡངས་གཏོར་གཞོང་དུཿ སྣང་སྲིད་ཡོངས་གྲོལ་གཏོར་མར་བཤམསཿ དངོས་འཛིན་བྲལ་བའི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེན་མེད་སྒྱུ་མའི་གཏོར་གཞོང་དུཿ གཏད་མེད་ཆོས་སྐུའི་གཏོར་མར་བཤམསཿ ཚོགས་དྲུག་རང་ཡན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྷུན་གྲུབ་ཕུང་པོའི་གཏོར་གཞོང་དུཿ དོན་སྣོད་རང་བྱུང་གཏོར་མར་བཤམསཿ ཁྱད་པར་རྨད་བྱུང་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྔ་ཕུང་སྒྱུ་མའི་གཏོར་གཞོང་དུཿ བདུད་རྩི་ལྔ་ཡི་གཏོར་མར་བཤམསཿ རིགས་ལྔ་བཅུད་ཀྱི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བྷ་ག་དབྱིངས་ཀྱི་གཏོར་གཞོང་དུཿ ལིང་ག་རིག་པའི་གཏོར་མར་བཤམསཿ ཟུང་འཇུག་བདེ་ཆེན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྔ་པ་སྦྱོར་སྒྲོལ་ཚོགས་ཀྱི་སྐོངཿ དང་པོ་བྱིན་གྱིས་བརླབ་པ་ནིཿ ཧཱུྃཿ བདག་ཉིད་ཐུགས་ལས་རཾ་ཡཾ་ཁཾཿ འཕྲོས་པས་ཚོགས་ཀྱི་ཉེས་སྐྱོན་སྦྱངསཿ ཨོཾ་ཨཱཿཧཱུྃ་གིས་བདུད་རྩིར་བསྒྱུརཿ འདོད་ཡོན་ནམ་མཁའ་མཉམ་པར་སྤེལཿ རཾ་ཡཾ་ཁཾཿ ཨོཾ་ཨཱཿཧཱུྃཿ གཉིས་པ་ཚོགས་ཞིང་སྤྱན་འདྲེན་ནིཿ ཧཱུྃཿ འོག་མིན་བདེ་ཆེན་ཞིང་ཁམས་དངཿ ནུབ་ཕྱོགས་ཨུ་རྒྱན་སྤྲུལ་པའི་གླིངཿ ཁྱད་པར་རྔ་ཡབ་དཔལ་གྱི་རིཿ གནས་ཡུལ་དུར་ཁྲོད་བརྒྱད་སོགས་ནསཿ རིག་འཛིན་འདུས་པའི་ལྷ་ཚོགས་རྣམསཿ ཚོགས་ལ་སྤྱན་འདྲེན་གཤེགས་སུ་གསོལཿ དུར་ཁྲོད་ཚོགས་ཁང་ཉམས་རེ་དགའཿ མཁའ་འགྲོའི་འདུ་བ་བག་རེ་བྲོཿ རྣལ་འབྱོར་ཕོ་མོ་དམ་རེ་གཙངཿ འདོད་ཡོན་ཚོགས་མཆོད་མདངས་དང་ལྡནཿ འདིར་གཤེགས་ཚོགས་ལ་བྱིན་ཆེན་ཕོབཿ མཆོག་དང་ཐུན་མོང་དངོས་གྲུབ་སྩོལཿ གསུམ་པ་ཚོགས་ཕུད་ཕུལ་བ་ནིཿ ཧཱུྃཿ རྩ་གསུམ་རིག་འཛིན་རྒྱ་མཚོ་དངཿ ཌཱཀྐི་ཆོས་སྲུང་དམ་ཅན་ལཿ འདོད་ཡོན་ལོངས་སྤྱོད་ཚོགས་མཆོད་འབུལཿ མཆོག་དང་ཐུན་མོང་དངོས་གྲུབ་སྩོལཿ གྷ་ན་ཙཀྲ་པཱུ་ཙ་ཁཱ་ཧིཿ བཞི་པ་བར་པ་བཤགས་པ་ནིཿ ཧཱུྃ་བདག་གིས་ཚེ་རབས་ཐོག་མེད་ནསཿ གསང་སྔགས་ཐེག་ཆེན་སྒོར་ཞུགས་ཏེཿ རྩ་བ་ཡན་ལག་དམ་ཉམས་པཿ འདོད་ཡོན་ཚོགས་ཀྱི་མཆོད་པས་བཤགསཿ བཛྲ་ས་མ་ཡ་ཨཱཿ ལྔ་པ་བསྒྲལ་ཞིང་བསྟབ་པ་ནིཿ ཧཱུྃཿ མ་རིག་ལས་ཉོན་གཟུང་འཛིན་གྱིསཿ བསྐྱེད་པའི་བདག་འཛིན་རཱུ་ཏྲ་ཀུནཿ གཟུགས་ལ་ཕོབ་ཅིག་ྈྈ་ནྲྀ་ཏྲི་ཛཿ རྣམ་ཤེས་ཆོས་དབྱིངས་ཀློང་དུ་ཕཊཿ གཟུགས་ཕུང་ཚོགས་ཀྱི་འཁོར་ལོར་རོལཿ རཱུ་ཏྲ་སརྦ་ཧ་ལ་པཉྩ་པཱུ་ཙ་ཁཱ་ཧིཿ དྲུག་པ་ལྷག་མ་བསྔོ་བ་ནིཿ ཧཱུྃཿ དཀྱིལ་འཁོར་ཆེན་པོའི་མུ་རན་ལཿ གནས་པའི་དབང་ཕྱུག་གིང་ལངྐཿ ལྷག་མའི་གཏོར་མ་འདི་བཞེས་ལཿ རྣལ་འབྱོར་སྒྲུབ་པའི་བར་ཆད་སྲུངསཿ ཨུཥ་ཙི་ྈྈཊ་བྷ་ལིངྟ་ཁཱ་ཧིཿ བདུན་པ་སྣང་གསལ་མར་མེའི་སྐོངཿ ཨཱཿ ཀུན་གཞི་རང་བྱུང་ཀོང་བུ་རུཿ རྣམ་ཤེས་རྣམ་དག་སྡོང་བུ་བཙུགསཿ ཆོས་དབྱིངས་ཡེ་ཤེས་མར་ཁུས་གཏམསཿ རིག་པ་རང་གསལ་སྒྲོན་མེ་སྤརཿ ཀ་དག་གཞི་ཡི་སྣང་བ་འདིསཿ མི་བསྐྱོད་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབྱིངས་རིག་སྟོང་པའི་ཀོང་བུ་རུཿ ལྷུན་གྲུབ་གཟུགས་སྣང་སྡོང་བུ་བཙུགསཿ མེ་ལོང་ཡེ་ཤེས་མར་ཁུས་གཏམསཿ ཤེས་རབ་རང་བྱུང་སྒྲོན་མེ་སྦརཿ ཆོས་ཉིད་མངོན་སུམ་སྣང་བ་འདིསཿ རྣམ་སྣང་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཀ་ཏི་ཤེལ་གྱི་ཀོང་བུ་རུཿ ཚོར་བ་རྣམ་དག་སྡོང་བུ་བཙུགསཿ མཉམ་ཉིད་ཡེ་ཤེས་མར་ཁུས་གཏམསཿ རྒྱངས་ཞགས་འོད་གསལ་སྒྲོན་མེ་སྦརཿ ཉམས་སྣང་གོང་འཕེལ་སྣང་བ་འདིསཿ རིན་ཆེན་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ འཇའ་ཟེར་ཐིག་ལེའི་ཀོང་བུ་རུཿ འདུ་ཤེས་རྣམ་དག་སྡོང་བུ་བཙུགསཿ སོར་རྟོག་ཡེ་ཤེས་མར་ཁུས་གཏམསཿ དག་པ་དབྱིངས་ཀྱི་སྒྲོན་མེ་སྦརཿ རིག་པ་ཚད་ཕེབས་སྣང་བ་འདིསཿ སྣང་མཐའི་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ གཞོན་ནུ་བུམ་སྐུའི་ཀོང་བུ་རུཿ འདུ་བྱེད་རྣམ་དག་སྡོང་བུ་བཙུགསཿ བྱ་གྲུབ་ཡེ་ཤེས་མར་ཁུས་གཏམསཿ ཐིག་ལེ་སྟོང་པའི་སྒྲོན་མེ་སྦརཿ བློ་བྲལ་ཆོས་ཟད་སྣང་བ་འདིསཿ དོན་གྲུབ་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ མར་མེའི་སྨོན་ལམ་ནིཿ ཧཱུྃཿ རིག་པ་བྱང་ཆུབ་སེམས་ཀྱི་དཀྱིལ་འཁོར་དུཿ རིག་གདངས་སློབ་དཔོན་གཉེན་གྱིས་དབུ་བཟུང་ནསཿ རིག་རྩལ་ལུ་གུ་རྒྱུད་ཀྱི་མཆེད་ལྕམ་རྣམསཿ རིག་སྟོང་རྗེན་པའི་གཤིས་ལ་མི་འདའ་ཤོགཿ ནམ་ཞིག་གདོད་མའི་ལྷུམས་སུ་ཞུགས་པའི་ཚེཿ མ་རིག་འཁྲུལ་པའི་གཡང་སར་མི་བཏང་ཞིངཿ འཁོར་བ་ལུ་གུ་རྒྱུད་དུ་མི་ལྷུང་བརཿ འཁོར་བ་ཀ་ནས་དག་པ་གཞི་དབྱིངས་ཆེརཿ གཞི་སྣང་གཞོན་ནུ་བུམ་སྐུར་གྲོལ་བར་ཤོགཿ གལ་ཏེ་གདོད་མའི་ས་ལ་མ་གྲོལ་ནཿ ལྷུན་གྲུབ་ཞི་ཁྲོའི་སྣང་བ་འཆར་བའི་ཚེཿ རང་སྣང་ཡེ་ཤེས་ཆེན་པོར་ངོ་འཕྲོད་ནསཿ བར་དོ་ལོངས་སྤྱོད་རྫོགས་སྐུར་གྲོལ་བར་ཤོགཿ ཡེ་གདངས་གསལ་སྟོང་དག་པ་གཉིས་ལྡན་ཆེཿ སྟོང་གཟུགས་དྭངས་མ་ལྔ་ལྡན་རིགས་ལྔའི་ཞིངཿ རང་སྣང་རྣམ་དག་ལོངས་སྐུའི་ཞིང་ཁམས་སུཿ དག་པ་གསུམ་གྱི་འཁོར་ལ་ཆོས་སྟོན་ཤོགཿ གལ་ཏེ་ལོངས་སྐུའི་ཞིང་དུ་མ་གྲོལ་ནཿ རང་བཞིན་སྤྲུལ་སྐུའི་ཞིང་ཁམས་ལྔ་ཚོམ་དངཿ རིགས་འདུས་རྔ་ཡབ་དཔལ་རིའི་ཕོ་བྲང་ཆེརཿ སྐད་ཅིག་ཉིད་ལ་བརྫུས་ཏེ་སྐྱེས་ནས་ཀྱངཿ རིག་འཛིན་རྣམ་བཞིའི་གྲལ་དུ་སྨིན་པར་ཤོགཿ ཐེག་པ་རིམ་དགུའི་ཡངས་རྩེ་ཡོ་ག་གསུམཿ དེ་ལས་རྣམ་པར་འདས་པ་མན་ངག་སྡེའིཿ དགོངས་ཀློང་བྱ་རྩོལ་བྲལ་བའི་གཤིས་ལུགས་སུཿ བློས་བྱས་བདེན་ཞེན་དྲི་མ་དག་པར་ཤོགཿ རང་རིག་གདོད་ནས་དག་པའི་རང་མདངས་སུཿ རང་རྩལ་དམ་པ་རིགས་བརྒྱ་ཞི་ཁྲོའི་སྐུཿ སྣང་ལ་རང་བཞིན་མེད་པའི་དལ་བཀྲམ་སྟེཿ ཡེ་ཤེས་མཐོང་བ་དག་པའི་མར་མེ་འབུལཿ ཉོན་མོངས་འཁོར་བའི་ཆོས་ཀྱི་མུན་པ་སངསཿ བཟང་ཞེན་ཤེས་བྱའི་སྨག་རུམ་བསལ་ནས་ཀྱངཿ བརྗོད་མེད་ལྷག་མཐོང་ཡེ་ཤེས་ཆེན་པོའི་ཀློངཿ ཉམས་རྟོགས་རིག་པའི་རྩལ་ཆེན་རྫོགས་པར་ཤོགཿ ཕུང་པོ་ལྔ་དག་རིགས་ལྔའི་ཞིང་དུ་གྲོཿ འབྱུང་ལྔ་གནས་དག་རིགས་ཀྱི་ཡུམ་ལྔར་སྨིནཿ རྣམ་ཤེས་དབང་དག་སེམས་དཔའ་བརྒྱད་དུ་གྲོལཿ སྣང་བཞི་ཟད་ནས་འཇའ་ལུས་འགྲུབ་པར་ཤོགཿ དྲན་རིག་འོད་གསལ་ཆེན་པོའི་མར་མེ་འདིཿ རྒྱུན་ཆད་མེད་པར་སྦར་བའི་བསོད་ནམས་མཐུསཿ ལས་རླུང་བག་ཆགས་མུན་པ་དྲུངས་ཕྱུང་ནསཿ ཀུན་བཟང་དགོངས་ཀློང་ཆམ་གཅིག་གྲོལ་བར་ཤོགཿ བདུན་པ་དབྱིངས་གྲོལ་ལྟ་བའི་སྐོངཿ ཧོཿ མཆོད་དུ་མེད་དེ་ལྟ་བའི་ཀློངཿ རྟག་ལྟ་ཆོས་སྐུའི་ཀློང་དུ་བསྐངཿ བསྐང་དུ་མེད་དེ་སྒོམ་པའི་ངངཿ ཆད་ལྟ་གཟུགས་སྐུའི་ཀློང་དུ་བསྐངཿ སྤྱོད་དུ་མེད་དེ་ཆོས་ཉིད་གཤིསཿ མ་བཅོས་རྫོགས་པ་ཆེན་པོར་བསྐངཿ སྦྱོར་དུ་མེད་དེ་ཟུང་འཇུག་ཀློངཿ སྡུག་བསྔལ་བདེ་བ་ཆེན་པོར་བསྐངཿ བསྒྲལ་དུ་མེད་དེ་མཉམ་ཉིད་དབྱིངསཿ ཡེ་སྒྲོལ་ཡེ་སྦྱོར་ཆེན་པོར་བསྐངཿ མདོར་ན་ཉམས་ཆག་ཉེས་ལྟུང་དངཿ ཁམས་གསུམ་རྒྱུད་དྲུག་སྡུག་བསྔལ་གྱིཿ རྒྱུ་དང་འབྲས་བུར་བཅས་པ་རྣམསཿ ཀུན་བཟང་ཡངས་པ་ཆེན་པོའི་ཀློངཿ བྱང་ཞིང་དག་ནས་སོར་ཆུད་དེཿ བདེ་བ་ཆེན་པོའི་ཀློང་དུ་ཨཱཿ གསུམ་པ་རྗེས་ཀྱི་རིམ་པ་ལ་དགུ་ལསཿ དང་པོ་ཐུགས་དམ་བསྐུལ་བ་ནིཿ ཧཱུྃ་བཞེངས་ཤིག་རིག་འཛིན་འདུས་པའི་ལྷཿ ཆོས་ཀྱི་དབྱིངས་ནས་སྐུར་བཞེངས་ལཿ བྱང་ཆུབ་སྒྲུབ་པའི་བར་ཆད་ཐུལཿ སྣོད་བཅུད་འབྱུང་བའི་རྒུད་པ་སོལཿ རྩ་རླུང་དབང་ཐང་ཉམས་པ་གསོསཿ སྒྲུབ་པའི་འབྲས་བུ་མཆིས་པར་མཛོདཿ གཉིས་པ་ཆད་ཐོ་བྱ་བ་ནིཿ ཧཱུྃཿ སྔོན་ཚེ་འོག་མིན་བདེ་ཆེན་ཞིངཿ ལྷ་གནས་གསུམ་སོགས་ཉམས་དགའ་བརཿ གསང་ཆེན་རྒྱུད་སྡེའི་གནས་བསྟན་ཚེཿ རྡོ་རྗེ་ཐེག་པའི་བཀའ་སྲུང་རྣམསཿ དམ་ཚིག་གཉན་པོའི་གྲལ་དུ་བཞགཿ བར་དུ་གངས་ཅན་བོད་ཀྱི་ཡུལཿ ཨོ་རྒྱན་པདྨ་ཐོད་ཕྲེང་གིསཿ གསང་སྔགས་ཆོས་འཁོར་བསྐོར་བའི་ཚེཿ སྲིད་པའི་ལྷ་འདྲེ་ཆེ་དགུ་ཡིསཿ སྲོག་སྙིང་ཕུལ་ཏེ་རྩིས་སུ་ཕབཿ ཐ་མ་འོད་གསལ་དག་པའི་ཞིངཿ བདེ་བ་ཆེན་པོའི་ཕོ་བྲང་དུཿ རིག་འཛིན་པདྨ་དབང་ཆེན་ལཿ པད་འབྱུང་དྲི་མེད་འོད་ཟེར་གྱིསཿ ཀློང་ཆེན་ཟབ་རྒྱའི་དབུགས་དབྱུང་ཞིངཿ ཡེ་ཤེས་དབྱིངས་ཀྱི་མཁའ་འགྲོ་མསཿ ཀློང་གསལ་བརྡ་རིས་སྤྲད་པའི་ཚེཿ གཟའ་རྒོད་སྲོག་གི་སྤུ་གྲི་སོགསཿ བཀའ་སྲུང་གཉན་པོས་ཁས་བླངས་བཞིནཿ མཆོད་གཏོར་རྒྱན་ལྡན་འདི་བཞེས་ལཿ ལས་བཞིའི་ཕྲིན་ལས་སྒྲུབ་པར་མཛོདཿ གསུམ་པ་བསྟན་མ་སྐྱོང་བ་ནིཿ ཧཱུྃཿ དཔལ་གྱི་བཀའ་ཉན་བོད་ཁམས་སྐྱོངཿ མ་སྲིང་བསྟན་མ་བཅུ་གཉིས་རྣམསཿ འདིར་བྱོན་གཏོར་མའི་བཤལ་ཆུ་བཞེསཿ བཅོལ་བའི་ཕྲིན་ལས་གྲུབ་པར་མཛོདཿ མ་མ་ཧྲིཾ་ཧྲིཾ་བྷ་ལིངྟ་ཁཱ་ཧིཿ བཞི་པ་རྟ་བྲོ་བྱ་བ་ནིཿ ཧཱུྃཿ རིག་འཛིན་རྒྱལ་བའི་དཀྱིལ་འཁོར་འདིརཿ ལོག་པར་འདྲེན་པའི་དམ་སྲི་ཀུནཿ མནན་ནོ་ཐེག་པ་རིམ་དགུའི་རྒྱཿ ནམ་ཡང་ལྡང་བར་མ་གྱུར་ཅིགཿ སྟྭཾ་བྷ་ཡ་ནནཿ ལྔ་པ་དངོས་གྲུབ་བླང་བ་ནིཿ ཧོཿ རིག་འཛིན་དཀྱིལ་འཁོར་ལྷ་ཚོགས་རྣམསཿ བསྙེན་ཅིང་སྒྲུབ་པའི་དམ་ཚིག་ཐེམསཿ རྡོ་རྗེ་སྲིན་པོའི་ནམ་ཡང་ལངསཿ དངོས་གྲུབ་སྩོལ་བའི་དུས་ལ་བབཿ སྐུ་གསུང་ཐུགས་ཀྱི་དཀྱིལ་འཁོར་ནསཿ མི་གནས་ཡེ་ཤེས་གསང་བ་མཆོགཿ རྡོ་རྗེ་གསུམ་གྱིས་བྱིན་རློབས་ལཿ མཆོག་དང་ཐུན་མོང་དངོས་གྲུབ་ཀུནཿ ད་ལྟ་ཉིད་དུ་ཐོབ་པར་སྩོལཿ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ ཀཱ་ཡ་ཝཱཀྐ་ཙིཏྟ་ཨ་ལ་ལཿ སིདྡྷི་ཕ་ལ་ཧཱུྃཿ དྲུག་པ་ནོངས་པ་བཤགས་པ་ནིཿ ཧཱུྃཿ རིག་འཛིན་འདུས་པའི་དཀྱིལ་འཁོར་དུཿ མཆོད་རྫས་མ་ཚང་སྒྲུབ་པ་གཡེལཿ ཏིང་འཛིན་བྱིང་རྨུགས་འཐིབས་པ་སོགསཿ འགལ་འཁྲུལ་ནོངས་པ་བཟོད་པར་གསོལཿ ཨོཾ་བཛྲ་སཏྭ་སོགས་བརྗོདཿ བདུན་པ་རྫོགས་རིམ་བསྡུ་བ་ནིཿ ཧོཿ ཆུ་ལས་ཆུ་བུར་ཐིམ་བཞིན་དུཿ རང་ལས་སྤྲུལ་པའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ བརྒྱད་པ་བསྔོ་སྨོན་མཚམས་སྦྱོར་ནིཿ ཧོཿ དུས་གསུམ་བསགས་པའི་དགེ་རྩ་ཀུནཿ རྣམ་མཁྱེན་གདོད་མའི་རྒྱུ་རུ་བསྔོཿ བདག་སོགས་འདུས་པར་བཅས་པ་རྣམསཿ ཚོམ་བུ་གཅིག་ཏུ་སངས་རྒྱས་ཤོགཿ དགུ་པ་བཀྲ་ཤིས་བརྗོད་པ་ནིཿ ཧོཿ རིག་འཛིན་བརྒྱུད་པའི་བྱིན་རླབས་དངཿ དཀོན་མཆོག་གསུམ་གྱི་བདེན་པ་དངཿ གསང་སྔགས་ཟབ་མོའི་རྟེན་འབྲེལ་གྱིསཿ འཇིགས་བརྒྱད་ཞི་བའི་བཀྲ་ཤིས་ཤོགཿ ཚེ་བསོད་རྒྱས་པའི་བཀྲ་ཤིས་ཤོགཿ སྣང་བ་དབང་འདུས་བཀྲ་ཤིས་ཤོགཿ ལོག་འདྲེན་ཚར་གཅོད་བཀྲ་ཤིས་ཤོགཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ སྒྲར་གྲགས་བདེ་ཆེན་སྔགས་སུ་དགཿ དྲན་རྟོགས་འོད་གསལ་ཆོས་སྐུར་སྨིནཿ འཇའ་ལུས་ཟང་ཐལ་བཀྲ་ཤིས་ཤོགཿ བི་མ་ལ་དང་གསང་ཞབས་སོགསཿ པཎ་གྲུབ་རྣམས་ལ་གྲགས་པ་ཡིཿ ཞི་ཁྲོ་ཁྲོམ་དཀྲུགས་ཞེས་བྱ་བའིཿ སྔ་འགྱུར་བཀའ་མའི་གཞུང་བཟང་པོཿ དངོས་ལ་མིང་བཏགས་མཐུ་ཆེ་བསཿ ནུབ་ལ་ཉེ་བ་མ་བཟོད་དེཿ ན་རག་གདོང་སྤྲུགས་གང་ཡིན་པའིཿ དངོས་དོན་འཁྲུལ་པ་མེད་པར་བསྡེབསཿ བཀའ་གཏེར་ཟུང་དུ་འཇུག་པ་ལཿ པདྨའི་རིང་ལུགས་ཞེས་སུ་གྲགསཿ འགྲོ་ཀུན་ཆོས་ཀྱི་མིག་ལྡན་པསཿ ཡང་དག་ལམ་ལ་འཇུག་པར་ཤོགཿ ཅེས་པའང་རང་བྱུང་རྡོ་རྗེས་སོཿ ཿ<br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-025&diff=64204 2026-09-30T15:23:18Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ།<br /> |fulltitle=zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa<br /> |citation='jigs med gling pa. ''Zhi khro ngan song sbyong ba'i chog sgrigs khrom dkrugs gsal ba'i rgyan zhes bya ba bklag chog mar bkod pa''. In ''Kun mkhyen rig 'dzin 'jigs med gling pa'i gsung 'bum'', Vol. 11: 407-468. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Confessions - bshags pa, Mending Rituals - bskang chog, Ritual and Liturgical Texts - cho ga phyag len<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=025<br /> |pagenumbers=407-468<br /> |totalpages=62<br /> |beginfolioline=1a1<br /> |endfolioline=31b3<br /> |totalfolios=31<br /> |multivolumework=No<br /> |rectonotes=ngan song sbyong ba<br /> |versonotes=chog sgrigs khrom dkrugs gsal ba'i rgyan<br /> |colophontib=ཅེས་པའང་རང་བྱུང་རྡོ་རྗེས་སོཿ<br /> |colophonwylie=ces pa'ang rang byung rdo rjes so:<br /> |pdflink=File:JLKO-KABUM-11-DA-025.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །ཞི་ཁྲོ་ངན་སོང་སྦྱོང་བའི་ཆོག་སྒྲིགས་ཁྲོམ་དཀྲུགས་གསལ་བའི་རྒྱན་ཞེས་བྱ་བ་བཀླག་ཆོག་མར་བཀོད་པ་བཞུགས། <br /> <br /> ༄༅། །{{TibChung|བཅོམ་ལྡན་འདས་རྒྱལ་བ་ཞི་ཁྲོའི་ལྷ་ཚོགས་ལ་ཕྱག་འཚལ་ལོ། །བཀའ་གཏེར་ཟུང་དུ་འཇུག་པའི་ཞི་ཁྲོའི་སྐོང་བཤགས་འདི་ལ་སྔོན་འགྲོ་དངོས་གཞི། རྗེས་གསུམ་གྱི། དང་པོ་ལའང་བཞི་ལས། དང་པོ་ཕྱི་རོལ་པ་བསྐྲད་པ་ནི། སྔོན་གཏོར་}}ཨ་ཀཱ་རོ{{TibChung|ས་བརླབས་ལ།}} ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། །ཨོཾ་ཤྲཱི་བཛྲ་ཧྱ་གྷྲི་ཝ་རཱ་ཙ་ཧྲི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊཿ བགེགས་རྣམས་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། {{TibChung|གཉིས་པ་མཆོད་རྫས་རྣམས་ལ་བསང་ཆུས་འཐོར་ཞིང་།}} ཨོཾ་བཛྲ་ཀྲོ་དྷ་ཧྱ་གྷྲྀ་ཝ་ཧུ་ལུ་ཧུ་ལུ་ཧཱུྃ་ཕཊཿ ཨརྒྷཾ་ པཱ་དྱཾ་ པུཥྤེ་ དྷུ་པེ་ ཨཱ་ལོ་ཀེ་ གྷནྡྷེ་ ནཻ་ཝི་དྱཱ་ ཤབྟ་ཨོཾ་ཨཱཿཧཱུྃ། {{TibChung|ཡོངས་སུ་གྱུར་པ་ལས་ཕྱི་ནང་གི་མཆོད་པ་རྣམས་དངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྤྲིན་གྱིས་གང་བར་གྱུར། སྨན་གཏོར་རཀྟའི་སྔགས་ཀྱང་བརྗོད། གསུམ་པ་སྐྱབས་འགྲོ་ནི།}} ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །{{TibChung|བཞི་པ་སེམས་བསྐྱེད་ནི།}} ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། {{TibChung|ལན་གསུམ།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །{{TibChung|ལན་གསུམ། གཉིས་པ་དངོས་གཞི་ལ་བདག་མདུན་གཉིས་ལས། དང་པོ་བདག་བསྐྱེད་ནི།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྟོང་ཞིང་བདག་མེད་པ་མཐའ་དབུས་ལས་འདས་པའི་དག་ཆེན་ཡེ་ཤེས་ཀྱི་ཀློང་ཆེན་པོར་འོག་མིན་ལྷུན་གྱིས་གྲུབ་པའི་གཞལ་མེད་ཁང་ཤིན་ཏུ་ཉམས་དགའ་བ་ཕྱི་མཆོད་རྟེན་གྱི་རང་བཞིན་རྩེ་ལྔ་པ་ནང་རང་བྱུང་རྡོ་རྗེའི་གཞལ་ཡས་ཁང་། མནན་ན་ནེམ་ཞིང་། བཏེག་ན་འཕར་བ། ཕྱི་གསལ་ནང་གསལ། ཡེ་ཤེས་རིན་པོ་ཆེའི་ངོ་བོ་ལས་གྲུབ་པ། རྒྱ་ཁྱོན་དང་བཀོད་པ་བསམ་གྱིས་མི་ཁྱབ་པའི་མཐའ་བསྐོར་དུ་མཆོད་རྟེན་ཤིང་མེ་ཆུ་སྤྲིན་གྲུབ་པའི་རིག་འཛིན་ཞིང་སྐྱོང་གི་མཁའ་འགྲོ་མ་ལ་སོགས་པ་རྣམ་པ་བརྒྱད་ཀྱིས་མཚན་པའི་དུར་ཁྲོད་ཆེན་པོ་བརྒྱད་ཀྱི་རང་བཞིན་འཇིགས་སུ་རུང་ཞིང་སྐྱི་གཡའ་བ། དེའི་མཐའ་བསྐོར་རྡོ་རྗེའི་རྭ་བ་དང་ཡེ་ཤེས་ཀྱི་མེ་དཔུང་ཆེན་པོ་འཁྲིགས་པའི་གཞལ་མེད་ཁང་ཆེན་པོ་དེའི་དབུས་སུ། རང་བཞིན་གཞིའི་ཀུན་ཏུ་བཟང་པོ་སྐུ་མདོག་མཐིང་ཁ་ཡབ་ཡུམ་མཉམ་སྦྱོར་རྡོ་རྗེ་སྐྱིལ་ཀྲུང་མཉམ་གཞག་གིས་མཚན་པའི་ཐུགས་ཡེ་ཤེས་ཆེན་པོའི་ཀློང་དུ། མི་འཇིགས་སེང་གེའི་ཁྲི་སྟེང་པད་ཟླའི་གདན་ལ་བཅོམ་ལྡན་འདས་ཀུན་རིག་རྣམ་པར་སྣང་མཛད་སྐུ་མདོག་དཀར་པོ། ཞལ་བཞིའི་རྩ་ཞལ་དཀར་པོ། གཡས་ཞལ་སེར་བ། གཡོན་ཞལ་དམར་བ། རྒྱབ་ཞལ་ལྗང་ཁུ། འཁོར་ལོ་འཛིན་པའི་ཕྱག་གཉིས་མཉམ་པར་བཞག་ཅིང་སྐྱིལ་ཀྲུང་དུ་བཞུགས་པའི་ཤར་དུ་གླང་པོ་ཆེ། ལྷོར་རྟ་མཆོག །ནུབ་ཏུ་རྨ་བྱ། བྱང་དུ་ཤང་ཤང་གི་ཁྲི་སྟེགས་རྣམས་སུ་པདྨ་དང་ཟླ་བའི་དབུས་སུ་དེ་བཞིན་གཤེགས་པ་རིགས་བཞི་ཞལ་གཅིག་ཕྱག་གཉིས་གཡས་སོ་སོའི་རིགས་ཀྱིས་ཡུ་བ་བྱས་པའི་རྡོ་རྗེ་དང་། གཡོན་རྣམས་དྲིལ་བུ་འཛིན་པ། ལྔ་ཀའང་དར་དང་རིན་པོ་ཆེའི་རྒྱན་གྱིས་མཛེས་ཤིང་གྲི་ཐོད་འཛིན་པའི་རང་འོད་ཀྱི་ཡུམ་དང་འཁྲིལ་བ། དེ་དག་གི་ཕྱི་ནང་གི་གྲྭ་ཟུར་བཞིར་ནམ་མཁའི་སྙིང་པོ་ལ་སོགས་པ་ཕྱི་ནང་གི་སེམས་དཔའ་བརྒྱད་ལ་རྡོ་རྗེ་སྒེག་མོ་མ་ལ་སོགས་པའི་ཕྱི་ནང་གི་སེམས་མ་བརྒྱད་ཀྱིས་འཁྲིལ་བ་ཀུན་ཀྱང་སེམས་དཔའི་སྐྱིལ་མོ་ཀྲུང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པའོ། །དེ་དག་གི་ཐུགས་རྗེའི་རྩལ་ལས་ཕྱོག་པ་བཞིའི་སྣམ་བུ་དང་སྟེང་འོག་གཉིས་སུ་ཐག་བཟངས་རིས་ལ་སོགས་པའི་སྤྲུལ་སྐུ་ཐུབ་པ་དྲུག་འགྲོ་བའི་དོན་ལ་གཤེགས་པའི་བརྡར་འགྲེང་བུར་བཞུགས་པ། སྒོ་བཞིར་སྒོ་བ་ཡབ་ཡུམ་རྣམས་ཁྲོ་བོ་ཆེན་པོའི་སྟངས་སྟབས་ཀྱིས་རོལ་ཞིང་མེ་དཔུང་འབར་བའི་ཀློང་ན་བཞུགས་པའོ། །དེ་དག་གི་སྐུའི་གསལ་སྣང་ལས་སྟེང་གི་ཆར་ཡེ་ཤེས་བསྐལ་པའི་མེ་དཔུང་རབ་ཏུ་འཁྲུགས་པའི་ཀློང་ན་ཁྲག་འཐུང་ལྔ་བཅུ་རྩ་བརྒྱད་ཀྱི་ཚོམ་བུའི་དཀྱིལ་འཁོར་ཤིན་ཏུ་འཇིགས་སུ་རུང་བ། ཐམས་ཅད་ཀྱང་སྐུ་མདོག་དང་ཕྱག་མཚན་གཅིག་ཏུ་མ་ངེས་ཤིང་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟར་སྐད་ཅིག་དྲན་རྫོགས་སུ་གསལ་བར་གྱུར། {{TibChung|ཅེས་པས་གསལ་གདབ་བོ། །གལ་ཏེ་སློབ་མ་རྗེས་འཛིན་ནམ། ཚེ་འདས་ཀྱི་སྦྱོང་བ་ལ་སོགས་པའི་དོན་དུ་ཡིན་ན་དབང་དོན་བུམ་པའི་དཀྱིལ་འཁོར་སྤྲུལ་པའང་ཆོ་ག་གཅིག་པོ་དེའི་སྒྲོམ་ནས་བསྐྱེད་པའི་ཚུལ་ཁོང་དུ་ཆུད་པར་བྱའོ། །གཉིས་པ་ཚོགས་བསག་པའི་སླད་དུ་མདུན་བསྐྱེད་བསྒྲུབ་པ་ལ་སྦྱོར་བ་སེམས་བསྐྱེད་དང་། དངོས་གཞིའི་རིམ་པ་གཉིས་ལས། དང་པོ་ལ་ཀུན་རྫོབ་པ་ནི།}} བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་མོད་ཀྱང་། །རྟོག་པའི་དབང་གིས་འཁོར་བ་ལས། །བྱང་ཆུབ་མཆོག་ཏུ་སེམས་བསྐྱེད་དོ། །{{TibChung|དོན་དམ་ནི།}} ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགགས། །འགགས་པ་ཉིད་ན་འགགས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། ཨེ་མ་འོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །{{TibChung|གཉིས་པ་ལ་ཏིང་འཛིན་རྣམ་གསུམ། རྟེན་གཞལ་ཡས། བརྟེན་པ་ལྷ་བསྒོམ་པ། ཚོགས་བསག་པ་དང་བཞིའི། དང་པོ་ལའང་གསུམ་ལས། དེ་བཞིན་ཉིད་ནི།}} དངོས་རྣམས་ཉིད་ན་དངོས་མེད་པ། །རྟོག་པའི་སྨྲ་བསམ་ཡུལ་ལས་འདས། །དེ་བཞིན་ཉིད་དབྱིངས་ཡེ་ཤེས་ཏེ། །དེ་ཕྱིར་དངོས་པོ་མེད་པའོ། །{{TibChung|ཀུན་སྣང་ནི།}} དེ་བཞིན་ཉིད་ནི་སྤྲོས་མེད་ཀྱང་། །རང་བཞིན་ཀུན་ཏུ་སྣང་བའི་དབྱིངས། །སེམས་ཅན་ཀུན་ལ་སྙིང་བརྩེའི་ཕྱིར། །ནམ་མཁའ་ལ་ནི་ནམ་མཁའ་བསྒོམ། །{{TibChung|རྒྱུའི་ཏིང་འཛིན་ནི།}} དངོས་པོ་མེད་ལས་དངོས་པོའི་སྤྲིན། །སྣ་ཚོགས་རྣམ་པར་འབྱུང་ཞིང་འགྱུར། །གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གི་ཡིད་བཞིན་རིན་ཆེན་སྤྲིན། །ཡི་གེ་མཆོག་ནི་བསྒོམ་པར་བྱ། །{{TibChung|གཉིས་པ་རྟེན་གཞལ་ཡས་ཁང་བསྒོམ་པ་ནི།}} སེམས་ཉིད་ཨ་དཀར་པོ་དྲི་མ་མེད་པར་གསལ་བ་ལས། ཨེ་ཡཾ་ཝཾ་ལཾ་སུཾ་རཾ་རྣམས་ཆད། སྥ་ར་ཎ་ཕཊཿ སཾ་ཧ་ར་ཎ་ཧཱུྃ། འཕྲོས་འདུས་ཡོངས་སུ་གྱུར་པ་ལས། །ནམ་མཁའ་ཡིད་ཀྱི་ནམ་མཁའ་ལ། །འབྱུང་ཆེན་བརྩེགས་པར་ལྷུན་གྱིས་གྲུབ། །དེ་སྟེང་རིན་ཆེན་སྣ་བཞི་ལས། །ལྷུན་གྱིས་གྲུབ་པ་ཚད་དཔག་མེད། །དེ་ལ་བརྟེན་པའི་ས་གཞི་ནི། །རིན་ཆེན་སྣ་ཚོགས་གཅལ་དུ་བཀྲམ། །མནན་ནེམ་བཏེག་འཕར་མཛེས་པའི་གཞི། །དེ་ལ་ཕོ་བྲང་གཞལ་ཡས་ཁང་། །གྲུ་བཞི་ལྷམ་པ་མཛེས་པར་སྣང་། །རིན་ཆེན་སྣ་བཞིའི་རྒྱུ་ལས་གྲུབ། །གློ་འབུར་བཞི་ཡང་འཁར་ཐབས་ཚུལ། །རིན་ཆེན་བཞི་ལས་གྲུབ་པའོ། །བུམ་པའི་རྩེ་མོ་ཆོས་ཀྱི་ཏོག །རྨ་བྱའི་མདོངས་ལྟར་བཀྲ་བའོ། །སྒོ་བཞི་སྒོ་ཁྱུད་རྣམས་ཀྱིས་བརྒྱན། །རྟ་བབས་བརྒྱད་དང་ཡང་དག་ལྡན། །དབུས་ན་འཁོར་ལོ་རྩིབས་བཞི་པ། །ལྟེ་བར་བཅས་ཤིང་རྩིབས་རྟེན་ལྡན། །གྲུ་ཆད་བར་ཁྱམས་མཛེས་པར་འབར། །རིན་ཆེན་འོད་ཟེར་འབར་བས་འཁྱིལ། །སེམས་ཅན་པདྨ་ཉི་ཟླ་དང་། །རིན་ཆེན་འབར་བའི་གདན་མཆོག་དང་། །རིན་ཆེན་ཁྲི་རྐང་རྣམ་བརྟེན་མཛེས། །ཕོ་བྲང་དེ་ཡི་རྒྱན་མཆོག་ཀྱང་། །ཉི་ཟླ་ནོར་བུ་རིན་ཆེན་འབར། །བླ་རེ་རྒྱལ་མཚན་ན་བཟའ་གདུགས། །དར་དང་དོ་ཤལ་མུ་ཏིག་ཕྲེང་། །དྲིལ་བུ་དང་ནི་རྔ་ཡབ་ཚོགས། །རོལ་མོའི་ཆ་བྱད་སྣ་ཚོགས་བརྒྱན། །འཇིག་རྟེན་ལྷ་ཚོགས་མཛེས་པ་དང་། །དེ་ལ་སོགས་ཏེ་རྒྱན་རྣམས་དང་། །བསམ་གྱིས་མི་ཁྱབ་མཐའ་ཡས་མཆོག །གཞལ་ཡས་དེ་ཡི་སྒོ་བཞི་ན། །གླང་ཆེན་རྣམས་ཀྱིས་མཛེས་པར་བྱས། །རྟ་བབས་རྣམས་ཀྱིས་ཙོང་ཙོང་ལ། །གསེར་གྱི་དྲིལ་བུ་འབར་བ་དང་། །དཀོན་མཆོག་གསུམ་གྱི་མཚན་ཡང་སྒྲོག །སྒོ་དྲུང་དེ་དག་རེ་རེ་ན། །ཏཱ་ལའི་སྐྱེ་ཤིང་ཙོང་ཙོང་བྲེས། །དྲི་དང་གཟུགས་དང་འོད་དུ་ལྡན། །ཏཱ་ལའི་སྐྱེ་ཤིང་དེ་དག་ལ། །ཁུ་བྱུག་ལ་སོགས་བཀྲ་ཤིས་པའི། །བྱ་རྣམས་སྙན་པའི་སྐད་ཀྱང་སྒྲོག །སྒོ་དྲུང་དེ་དག་རེ་རེ་ན། །ཁྲུས་ཀྱི་རྫིང་བུ་དབྱིབས་ལེགས་པ། །བྲོ་མཆོག་ཡན་ལག་བརྒྱད་ལྡན་ཆུ། །གྲངས་མེད་དེ་དག་རེ་རེ་ན། །ལྷ་དང་ལྷ་མོ་བསམ་མི་ཁྱབ། །ཕྱི་རོལ་ཁོ་ར་ཁོར་ཡུག་ན། །རྩེ་ས་འཆགས་ས་བརྗོད་མི་ལོང་། །དེ་ལ་སོགས་ཏེ་བསམ་ཡས་མཆོག །མ་བཙལ་ཡེ་ནས་ལྷུན་གྱིས་གྲུབ། །དེ་ལྟའི་གཞལ་མེད་ཁང་ཆེན་དབུས། །སེང་གེ་བརྒྱད་ཀྱིས་རྣམ་བཏེག་ཅིང་། །ཤར་ལྷོ་ནུབ་བྱང་གླང་ཆེན་རྟ། །ཁྱུང་དང་མཁའ་ལྡིང་གིས་བཏེག་པའི། །རིན་ཆེན་ཁྲི་རྐང་མཛེས་པའི་སྟེང་། པཾ་པདྨ་མཎྜ་ལ། མ་སཱུརྱ་མཎྜ་ལ། ཨ་ཙཎྜ་མཎྜ་ལ། གཙོ་བོ་ལྔ་ལ་ལྔ་བརྩེགས་གདན། །བྱ་བྱེད་གཉིས་ལ་བཞི་བརྩེགས་དང་། །སེམས་དཔའ་སུམ་བརྩེགས་ཉི་རྐྱང་སྒོ། །ཐུབ་པ་དྲུག་ལ་པད་རྐྱང་ངོ་། །གསུམ་པ་བརྟེན་པ་ལྷའི་འཁོར་ལོ་སྒྲུབ་པའི་རིམ་པ་བཅུ་གསུམ་ལས། དང་པོ་མངོན་རྟོགས་སྒོམ་པ་ནི། རང་གི་སེམས་ཉིད་ཨ་དཀར་པོ་དྲི་མ་མེད་པ་ལས་རིགས་བརྒྱའི་རང་བཞིན་ཡི་གེའི་སྤྲིན་བྱུང་ནས་མདུན་བསྐྱེད་ཀྱི་གཙོ་བོའི་གནས་པདྨའི་ལྟེ་བ་ལ་ཡིག་འབྲུ་དང་པོ་གཉིས་གནས་ཤིང་། དེའི་ཕྱི་རོལ་ནས་པདྨ་འདབ་བཞི། འདབ་བརྒྱད། བཅུ་དྲུག །སུམ་ཅུ་རྩ་གཉིས། བཞི་བཅུ་པ་རྣམས་ལ་ཤར་ནས་རིམ་པས་གཡས་བསྐོར་གྱིས། ཨོཾ། བ། ཛྲ། ས། ཏྭ། ས། མ། ཡ། མ། ནུ། པཱ། ལ། ཡ། བ། ཛྲ། ས། ཏྭ། ཏྭེ། ནོ། པ། ཏིཥ། ཋ། དྲྀ། ཌྷོ། མེ། བྷ། ཝ། སུ། པོ། ཥྱོ། མེ། བྷ། ཝ། ཨ། ནུ། རཀ། ཏོ། མེ། བྷ། ཝ། སར། བ། སིད། དྷི། མྨེ། པྲ། ཡཙ། ཚ། སར། བ། ཀར། མ། སུ། ཙ། མེ། ཙིཏ། ཏཾ། ཤྲེ། ཡ། ཀུ། རུ། ཧཱུྃ། ཧ། ཧ། ཧ། ཧ། ཧོ། བྷ། ག། ཝཱན། སར། བ། ཏ། ཐཱ། ག། ཏ། བ། ཛྲ། མཱ། མེ། མུན། ཙ། བ། ཛྲཱི། བྷ། ཝ། མ། ཧཱ། ས། མ། ཡ། ས། ཏྭ། ཨཱ། ཧཱུྃ། ཕཊ། ཅེས་མུ་ཏིག་གི་ཕྲེང་བ་ལྟ་བུར་གསལ་བར་གྱུར་པ་ལ། ཨ་ཞེས་བརྗོད་པས་གཞིའི་ཨ་དེ་འོད་དུ་ཞུ་ནས་ཡིག་འབྲུ་རྣམས་ལ་ཁྱབ་པར་ཐིམ་པས་ཤིན་ཏུ་གསལ་ཞིང་འབར་བར་གྱུར། སྥ་ར་ཎ་ཕཊ། ཡིག་འབྲུ་རྣམས་ལས་འོད་ཟེར་འཕྲོས་སངས་རྒྱས་ཀྱི་མཛད་པ་བསྒྲུབས། སཾ་ཧ་ར་ཎ་ཧཱུྃ། སླར་འདུས་ནས་ཡིག་འབྲུ་རྣམས་ལ་ཐིམ་པ་འོད་དུ་ཞུ་བ་ལས་ཞི་ཁྲོ་རིགས་བརྒྱའི་དཀྱིལ་འཁོར་གྱི་འཁོར་ལོར་གྱུར་པ་ནི། ཧཱུྃ་བཛྲ་སཏྭ། རང་ཉིད་དཀྱིལ་འཁོར་གྱི་དབུས་སུ་བཅོམ་ལྡན་འདས་དཔལ་རྡོ་རྗེ་སེམས་དཔའ་སྐུ་མདོག་མཐིང་ག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་དང་པོ་རྡོ་རྗེ་ཐུགས་ཀར་འཛིན་ཅིང་། གཡོན་དང་པོ་དྲིལ་བུ་དཀུར་བརྟེན་པས་ཡུམ་ལ་འཁྱུད་པ། བར་པ་གཉིས་འཁོར་ལོ་དང་རིན་པོ་ཆེ། ཐ་མ་གཉིས་ཀྱིས་པདྨ་དང་རལ་གྲི་འཛིན་པ། དབུ་སྐྲ་རལ་པའི་ཐོར་ཚུགས་ཅན། ཞབས་གཉིས་རྫོགས་པའི་སྐྱིལ་མོ་ཀྲུང་གིས་བཞུགས་པའོ། །མཱུཾ་དྷཱ་ཏྭེ་ཤྭ་རཱི། ཡབ་ཀྱི་གཡོན་ཕྱོགས་ཉེ་བའི་འཕང་དུ་ཡུམ་རྡོ་རྗེ་དབྱིངས་ཕྱུག་མ་སྔོན་མོ་ཕྱག་གཡས་དྲིལ་བུ་འཛིན་པས་ཡབ་ལ་འཁྱུད་ཅིང་གཡོན་རྡོ་རྗེ་ཐུགས་ཀར་འཛིན་པ། བརྟུལ་ཞུགས་ཀྱི་སྐྱིལ་མོ་ཀྲུང་གིས་འཁྲིལ་བ། གཉིས་ཀའང་ལྷ་རྫས་ཀྱི་དར་དཀར་པོ་གསེར་གྱི་ངང་རིས་ཅན་གྱི་སྟོད་གཡོགས་དང་། ཚི་གུའི་སྨད་དཀྲིས། ཁ་དོག་སྣ་ཚོགས་པའི་ཅོད་པན་ཟི་ལྡིར། གར་གྱི་ཕུ་དུང་སྟེ་དར་གྱི་ཆས་གོས་ལྔ་དང་། རིན་པོ་ཆེའི་དབུ་རྒྱན། སྙན་ཆ། མགུལ་རྒྱན། སེ་མོ་དོ། དོ་ཤལ། སྐ་རགས། ཕྱག་ཞབས་ཀྱི་གདུ་བུ་སྟེ་རིན་པོ་ཆེའི་རྒྱན་བརྒྱད་ཀྱིས་མཛེས་པར་སྤྲས་པ། མཉེན་ལྕུག་འཁྲིལ་ལྡེམ་གཞོན་ཚུལ་ཅན། གསལ་འཚེར་ལྷུན་སྡུག་གཟི་བྱིན་ལྡན་པ་སྟེ་ཞི་བའི་ཉམས་དགུས་བརྒྱན་པ། སངས་རྒྱས་ཀྱི་སྤྲིན་ཕུང་མཐའ་ཡས་པར་འཆར་པའི་འོད་ཟེར་ཁ་དོག་དྲུག་གི་སྣང་བ་རེ་རེ་ཡང་བྱེ་བ་ཕྲག་དྲུག་དྲུག་ཏུ་འཕྲོ་ཞིང་འབར་བའི་ཀློང་ན་བདེ་སྟོང་གཉིས་སུ་མེད་པའི་ངོ་བོར་བཞུགས་པའོ། །དེའི་ཕྱི་རོལ་གྱི་འདབ་མ་བཞི་ལ། ཧཱུྃ་བཛྲ་དྷྲིཀ ཤར་དུ་མི་བསྐྱོད་པ་སྔོན་པོ་གཡས་རྡོ་རྗེ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། མུཾ་དྷཱ་ཏྭེ་ཤྭ་རཱི། ལྷོར་རྡོ་རྗེ་དབྱིངས་ཀྱི་དབང་ཕྱུག་མ་སྔོན་མོ་གཡས་དྲིལ་བུ་དཀུར་བརྟེན་ཅིང་གཡོན་རྡོ་རྗེ་ཐུགས་ཀར་འཛིན་པ། ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ནུབ་ཏུ་ཀུན་ཏུ་བཟང་པོ་མཐིང་ག་མཉམ་གཞག་གི་ཕྱག་རྒྱ་ཅན། ཨ་ཨ་ཨ་བཛྲི་བྷ་དྲ་ས་མནྟ་ཨཾ། བྱང་དུ་ཀུན་ཏུ་བཟང་མོ་མཐིང་ག་ཐལ་མོ་ཐུགས་ཀར་སྦྱར་བའོ། །དེའི་ཕྱི་རོལ་གྱི་འདབ་མ་བརྒྱད་ལ་ཤར་ནས་རིམ་པ་བཞིན། ཨོཾ་ཛི་ན་ཛིཀ །རྣམ་སྣང་དཀར་པོ་གཡས་འཁོར་ལོ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། ལྭཾ་དེ་ཥ་ར་ཏི། སྤྱན་མ་དཀར་མོ་གཡས་དྲིལ་བུ་དཀུར་བརྟེན་ཅིང་། གཡོན་འཁོར་ལོ་ཐུགས་ཀར་འཛིན་པ། སྭཱཾ་རཏྣ་དྷྲིཀ །རིན་འབྱུང་སེར་པོ་གཡས་རིན་པོ་ཆེ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། མྭཾ་མོ་ཧ་ར་ཏི། མཱ་མ་ཀཱི་སེར་མོ་གཡས་དྲིལ་བུ་དཀུར་བརྟེན་ཅིང་། གཡོན་རིན་པོ་ཆེ་ཐུགས་ཀར་འཛིན་པ། ཨཱཾ་ཨ་རོ་ལྀ་ཀ །སྣང་མཐའ་དམར་པོ་གཡས་པདྨ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བརྟེན་པ། པཱཾ་རཱ་ག་ར་ཏི། གོས་དཀར་མོ་དམར་མོ་གཡས་དྲིལ་བུ་དཀུར་བརྟེན་ཅིང་། གཡོན་པདྨ་ཐུགས་ཀར་འཛིན་པ། ཧཱཾ་པྲ་ཛྙཱ་དྷི་ཀ །དོན་གྲུབ་ལྗང་གུ་གཡས་རྒྱ་གྲམ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པ། ཏཱཾ་བཛྲ་ར་ཏི། དམ་ཚིག་སྒྲོལ་མ་ལྗང་གུ་གཡས་དྲིལ་བུ་དཀུར་བརྟེན་ཅིང་། གཡོན་རྒྱ་གྲམ་ཐུགས་ཀར་འཛིན་པ། རིགས་ལྔ་ཡབ་རྣམས་རྫོགས་པའི་སྐྱིལ་མོ་ཀྲུང་དང་། ཡུམ་རྣམས་བརྟུལ་ཞུགས་ཀྱི་སྐྱིལ་མོ་ཀྲུང་ཀུན་ཏུ་བཟང་པོ་རྡོ་རྗེའི་སྐྱིལ་ཀྲུང་དང་བཟང་མོ་པདྨའི་སྐྱིལ་ཀྲུང་གིས་བཞུགས་པ། ཐམས་ཅད་ཀྱང་རྒྱན་དང་ཆ་ལུགས་གཙོ་བོ་དང་མཚུངས་པའོ། །དེའི་ཕྱི་རོལ་གྱི་འདབ་མ་བཅུ་དྲུག་ལ། ཀྵིཾ་ཧི་རཱ་ཛ་ཡ། ས་སྙིང་དཀར་པོ་གཡས་རིན་པོ་ཆེའི་མྱུ་གུ་དང་། གཡོན་དྲིལ་བུ་འཛིན་པ། ཧཱུྃ་ལཱ་སྱེ་ས་མ་ཡ་སྟྭཾ། སྒེག་མོ་དཀར་མོ་ཁུ་ཚུར་གྱི་རྒྱས་མེ་ལོང་བསྣམས་པ། ཏྲཱཾ་ཨཱ་གརྦྷ་ཡ། ནམ་སྙིང་སེར་པོ་གཡས་རལ་གྲི་དང་གཡོན་དྲིལ་བུ་འཛིན་པ། ཏྲཱཾ་མཱ་ལྱེ་ས་མ་ཡ་ཧོ། ཕྲེང་བ་མ་སེར་མོ་རིན་པོ་ཆེའི་ཕྲེང་བ་བསྣམས་པ། ཧྲཱིཿཧཱ་ཧཱུྃ་པདྨ་པྲ་དམ། སྤྱན་རས་གཟིགས་དམར་པོ་གཡས་པདྨ་དང་གཡོན་དྲིལ་བུ་འཛིན་པ། ཧྲཱིཾ་གཱི་ཏི་རཱ་གོ྅་ཧཾ། གླུ་མ་དམར་མོ་པི་ཝཾ་བསྣམས་པ། ཛྲིཾ་ཀུ་རུ་པཱ་ཎི། ཕྱག་རྡོར་མཐིང་ག་གཡས་རྒྱ་གྲམ་དང་གཡོན་དྲིལ་བུ་འཛིན་པ། ཨཱཾ་ནིརྟི་རཱ་ག་ཡ་མེ། གར་མ་ལྗང་གུ་གར་རྒྱ་མཛད་པ། མཻ་དྷཱ་ར་ནི་སྭཱ་ཧཱ། བྱམས་པ་དཀར་སེར་གཡས་ཀླུ་ཤིང་དང་གཡོན་དྲིལ་བུ་འཛིན་པ། ཛཿདྷུ་པེ་པྲ་བེ་ཤ །སྤོས་མ་དཀར་སེར་སྤོས་ཁང་བསྣམས་པ། ཐིཾལྷ་ནིསྶ་རཾ་བྷ་ཡ་སྭཱ་ཧཱ། སྒྲིབ་སེལ་དམར་སེར་གཡས་གླེགས་བམ་དང་གཡོན་དྲིལ་བུ་འཛིན་པ། ཧཱུྃ་པུཥྤེ་ཨཱ་བེ་ཤ། མེ་ཏོག་མ་དམར་སེར་མེ་ཏོག་གི་ཕྲེང་བ་བསྣམས་པ། ཧཱུྃ་སྭཱ་རཱ་ཛ་ཡ་སྭཱ་ཧཱ། ཀུན་བཟང་དམར་ལྗང་གཡས་རིན་པོ་ཆེའི་སྙེ་མ་དང་གཡོན་དྲིལ་བུ་འཛིན་པ། བཾ་དཱི་པ་སུ་ཀི་རཱི། མར་མེ་མ་དམར་ལྗང་མར་མེ་བསྣམས་པ། མཱུཾ་ཤྲཱི་ཨཾ་རཱ་ག་སྭཱ་ཧཱ། འཇམ་དཔལ་དཀར་ལྗང་གཡས་ཨུཏྤལ་དང་གཡོན་དྲིལ་བུ་འཛིན་པ། ཧོཿགནྡྷེ་ཙིཏྟ། དྲི་ཆབ་མ་ལྗང་དཀར་དྲིའི་དུང་ཕོར་བསྣམས་པ་སྟེ་ཡབ་རྣམས་གཡས་བརྐྱངས་པའི་ཕྱེད་སྐྱིལ་དང་། ཡུམ་རྣམས་གཡོན་བརྐྱངས་པའི་ཕྱེད་སྐྱིལ་གྱིས་བཞུགས་པ། ཐམས་ཅད་ཀྱང་དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པའོ། །དེའི་ཕྱི་རོལ་གྱི་འདབ་མ་སོ་གཉིས་ལ། ཧཱུྃ་ཡ་མཱནྟ་ཀྲིཏ་ཕཊ། གཤིན་རྗེ་གཤེད་སྨུག་ནག་ྈྈ་ནྲྀ་མགོ་གདེངས་པ་འཛིན་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ལྕགས་ཀྱུ་མ་སྨུག་ནག་ལྕགས་ཀྱུ་འཛིན་པ། ཧཱུྃ་པྲ་ཛྙཱནྟ་ཀྲིཏ་ཕཊ། སྟོབས་པོ་ཆེ་སེར་ནག་རྡོ་རྗེ་འཛིན་པ། ཨོཾ་མ་ཧཱ་རཏྣ་དྷ་ར་ཕཊ། ཞགས་པ་མ་སེར་ནག་ཞགས་པ་འཛིན་པ། ཧཱུྃ་པདྨནྟ་ཀྲིཏ་ཕཊ། རྟ་མགྲིན་དམར་ནག་ཐོད་དབྱུག་སྦྲུལ་གྱིས་དཀྲིས་པ་འཛིན་པ། ཨོཾ་མ་ཧཱ་པདྨ་དྷ་ར་ཕཊ། ལྕགས་སྒྲོག་མ་དམར་ནག་ལྕགས་སྒྲོག་འཛིན་པ། ཧཱུྃ་བིགྷྣནྟ་ཀྲིཏ་ཕཊ། བདུད་རྩི་འཁྱིལ་པ་ལྗང་ནག་རྒྱ་གྲམ་འཛིན་པ། ཨོཾ་མ་ཧཱ་ཀརྨ་ཏ་ཀྲིཏ་ཕཊ། དྲིལ་བུ་མ་ལྗང་ནག་དྲིལ་བུ་འཛིན་པ། ཐམས་ཅད་ཀྱང་ཁྲོ་གཏུམ་མི་བཟད་པའི་ཉམས་ཅན་གྱད་ཀྱི་འདོར་སྟབས་སུ་བཞུགས་པའོ། །ཨོཾ་མུ་ནེ་ཀྲེཾ་སྭཱ་ཧཱ། ལྷའི་ཐུབ་པ་དཀར་པོ་པི་ཝཾ་འཛིན་པ། ཨོཾ་མུ་ནེ་ཧཱུྃ་ཏྲུཾ་སྭཱ་ཧཱ། ལྷ་མིན་གྱི་ཐུབ་པ་མཐིང་ག་གོ་ཆ་འཛིན་པ། ཨོཾ་མུ་ནེ་སྲུཾ་སྭཱ་ཧཱ། མིའི་ཐུབ་པ་སེར་པོ་གསེག་པར་འཛིན་པ། ཨོཾ་མུ་ནེ་བྲཾ་སྭཱ་ཧཱ། བྱོལ་སོང་གི་ཐུབ་པ་དམར་ནག་པུ་སྟི་འཛིན་པ། ཨོཾ་མུ་ནེ་ཀྵཾ་སྭཱ་ཧཱ། ཡི་དྭགས་ཀྱི་ཐུབ་པ་སེར་ནག་རིན་པོ་ཆེའི་སྒྲོམ་བུ་འཛིན་པ། ཨོཾ་མུ་ནེ་ཡེ་སྭཱ་ཧཱ། དམྱལ་བའི་ཐུབ་པ་དུད་ཁ་མེ་ཆུ་འཛིན་པ། ཐམས་ཅད་ཀྱང་མཆོག་གི་སྤྲུལ་སྐུའི་ཆ་བྱད་ཅན་འགྲོ་བའི་དོན་ལ་བཞེངས་སྟབས་ཀྱིས་གནས་པའོ། །ཨོཾ་བཛྲ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཾ་ཧཱུྃ་ཧཱུྃ་ཕཊ། རྡོ་རྗེ་ཁྲག་འཐུང་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་རྡོ་རྗེ་རྩེ་དགུ་དང་དྲིལ་བུ། ལྷག་མ་གཡས་གཉིས་རྩེ་ལྔ་དང་ཏི་ར། གཡོན་གཉིས་དུང་དམར་དང་འཇིག་རྟེན། ཞབས་གཉིས་རུ་ཏྲ་ཕོ་མོའི་གདན་ལ་རོལ་པ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། རྡོ་རྗེ་ཁྲག་འཐུང་མ་སྔོན་མོ་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། སངས་རྒྱས་ཁྲག་འཐུང་སྨུག་ནག་སྨུག་ལྗང་སེར་བའི་ཞལ་གསུམ་ཕྱག་དྲུག་གི་དང་པོ་གཉིས་འཁོར་ལོ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་ཁ་ཊྭཱཾ་ཀ །ཞབས་བཞི་དྲི་ཟ་ཕོ་མོའི་གདན་ལ་རོལ་པ། ཨོཾ་སརྦ་ཏ་ཐཱ་ག་ཏ་མ་ཧཱ་ཀྲོ་ཏི་ཤྭ་རཱི་སརྦ་དུཥྚན་ཧཱུྃ་ཕཊ། སངས་རྒྱས་ཁྲག་འཐུང་མ་སྨུག་ནག་གཡས་དྲིལ་བུ་དང་། གཡོན་དུང་དམར་སྟོབ་པ། ཨོཾ་རཏྣ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། རིན་ཆེན་ཁྲག་འཐུང་སེང་ནག་སེར་སྨུག་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་རིན་པོ་ཆེ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་དགྲ་སྟྭ། ཞབས་བཞི་གཤིན་རྗེ་ཕོ་མོའི་གདན་ལ་རོལ་པ། ཨོཾ་མ་ཧཱ་སཱུརྱ་རཏྣ་མ་ཧཱ་ཀྲོ་དྷི་ཤྭ་རཱི་བི་ད་མ་ཧཱུྃ་ཕཊ། རིན་ཆེན་ཁྲག་འཐུང་མ་སེར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་པདྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། པདྨ་ཁྲག་འཐུང་མ་དམར་ནག་དམར་སེར་ལྗང་བའི་ཞལ་གསུམ་ཕྱག་དྲུག་གི་དང་པོ་གཉིས་པདྨ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར། གཡོན་གཉིས་དུང་དམར་དང་རྔེའུ་ཆུང་། ཞབས་བཞི་ཀླུ་དབང་ཕོ་མོའི་གདན་ལ་རོལ་པ། ཨོཾ་ཧྲཱི་ཧུ་ཏ་ས་མ་ཏ་པདྨ་མ་ཧཱ་ཀྲོ་དྷི་ཤྭ་རཱི་ཁཱ་ཧི་ཧཱུྃ་ཕཊ། པདྨ་ཁྲག་འཐུང་མ་དམར་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཨོཾ་ཀརྨ་མ་ཧཱ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚནྟ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ལས་ཀྱི་ཁྲག་འཐུང་ལྗང་ནག་ལྗང་དམར་སྨུག་པའི་ཞལ་གསུམ་ཕྱག་དྲུག་གི་དང་པོ་གཉིས་རྒྱ་གྲམ་དང་དྲིལ་བུ། ལྷག་མ་གཡས་གཉིས་རྡོ་རྗེ་དང་ཏི་ར་གཡོན་གཉིས་དུང་དམར་དང་ཐོང་གཤོལ། ཞབས་བཞི་གནོད་སྦྱིན་ཕོ་མོའི་གདན་ལ་རོལ་པ། ཨོཾ་སརྦ་ཨ་མོ་གྷ་མ་ཧཱ་ཀྲོ་དྷི་ཤྭ་རཱི་བི་ཤྭ་ཧཱུྃ་ཕཊ། ལས་ཀྱི་ཁྲག་འཐུང་མ་ལྗང་ནག་གཡས་དྲིལ་བུ་དང་གཡོན་དུང་དམར་སྟོབ་པ། ཡབ་རྣམས་ཞབས་གཡས་བརྐྱངས་དང་ཡུམ་རྣམས་གཡོན་བརྐྱངས་པའི་དོར་སྟབས་ཀྱི་ཚུལ་ཅན། ཐམས་ཅད་ཀྱང་གར་དགུའི་རོས་སྒེག་ཅིང་དུར་ཁྲོད་རོལ་པའི་ཆས་ཀྱིས་བརྒྱན་པའོ། །ཨོཾ་བཛྲ་གཽ་རཱི་ཧ། གཽ་རཱི་སྔོན་མོ་གཡས་ཞིང་དབྱུག་དང་གཡོན་བྷན་དམར་འཛིན་པ། ཨོཾ་བཛྲ་ཙཽ་རཱི་ཧ། ཙཽ་རཱི་མ་སེར་མོ་མདའ་གཞུ་འགེངས་པ། ཨོཾ་བཛྲ་པྲ་མོ་ཧེ་ཧ། པྲ་མོ་དམར་མོ་ཆུ་སྲིན་གྱི་རྒྱལ་མཚན་ཕྱར་བ། ཨོཾ་བཛྲ་བཻ་ཏ་ལཱི་ཧ། བེ་ཏ་ལི་ནག་མོ་རྡོ་རྗེ་དང་ཞིང་ཆུང་འཛིན་པ། ཨོཾ་བཛྲ་པུཀྐ་སཱི་ཧ། པུཀྐ་སཱི་དམར་སེར་ཞིང་ཆུང་གི་རྒྱུ་མ་འདྲེན་པ། ཨོཾ་བཛྲ་གྷསྨ་རཱི་ཧ། གྷསྨ་རཱི་ལྗང་གུ་གཡོན་དུང་ཁྲག་གཡས་པའི་རྡོ་རྗེས་དཀྲུགས་པ། ཨོཾ་བཛྲ་སྨེ་ཤ་ནཱི་ཧ། སྨེ་ཤ་མཐིང་ནག་བྱིས་པའི་རོ་བཟུང་ནས་སྙིང་ཟ་བ། ཨོཾ་བཛྲ་ཙཎྜ་ལཱི་ཧ། ཙཎྜ་ལཱི་སེར་སྐྱ་ཞིང་ཆུང་གི་མགོ་ལུས་འདྲལ་བ། ཐམས་ཅད་ཀྱང་གཅེར་བུ་ལང་ཚོས་སྒེག་ཅིང་ཁྲོ་འཛུམ་བཞད་པ་དུར་ཁྲོད་རོལ་པའི་ཆས་ཅན་གཡོན་བརྐྱངས་པའི་སྟབས་ཀྱིས་གནས་པའོ། །དེའི་ཕྱི་རོལ་གྱི་འདབ་མ་བཞི་བཅུ་ལ། ཨོཾ་བཛྲ་སིདྷ་མུ་ཁཱི་ཧེ། སེང་གདོང་མ་སེར་མོ་རོ་ཟ་ཞིང་ལག་གཉིས་ཐུགས་ཀར་བསྣོལ་བ། ཨོཾ་བཛྲ་བྱ་གྷྲི་མུ་ཁཱི་ཧེ། སྟག་གདོང་མ་དམར་མོ་ལག་གཉིས་ཐུར་དུ་བསྣོལ་བས་རོ་བཟུང་བ། ཨོཾ་བཛྲ་ཤྲཱི་གཱ་ལ་མུ་ཁཱི་ཧེ། ཝ་གདོང་མ་ནག་མོ་ཞིང་ཆུང་ལྕེས་ལྡག་པ། ཨོཾ་བཛྲ་ཤྭ་ན་མུ་ཁཱི་ཧེ། སྤྱང་གདོང་མ་དམར་ནག་ཞིང་ཆུང་གི་ཁོག་པ་འདྲལ་བ་སྟེ། མཆེ་བ་ཅན་བཞི། ཨོཾ་བཛྲ་གྲྀ་ཌྷ་མུ་ཁཱི་ཧེ། རྒོད་གདོང་མ་དམར་མོ་ཞིང་གི་རྒྱུ་མ་འདྲེན་པ། ཨོཾ་བཛྲ་ཀངྐ་མུ་ཁཱི་ཧེ། ཀངྐའི་གདོང་མ་དམར་སྐྱ་བམ་རོ་ཕྲག་པར་ཁུར་བ། ཨོཾ་བཛྲ་ཀཱ་ཀ་མུ་ཁཱི་ཧེ། བྱ་རོག་གདོང་ཅན་ནག་མོ་རལ་གྲི་དང་བྷན་དམར་འཛིན་པ། ཨོཾ་བཛྲ་ཨུ་ལུ་ཀ་མུ་ཁཱི་ཧེ། འུག་གདོང་མ་མཐིང་ནག་རྡོ་རྗེའི་དབྱུག་པ་འཛིན་པ་སྟེ་གཤོག་པ་ཅན་བཞིའོ། །ཨོཾ་བཛྲ་ཨཱརྱ་ཏེ་ཛ་ཏེ་ང་ཛ། རྟ་གདོང་མ་སྔོན་མོ་ལྕགས་ཀྱུ་འཛིན་པ། ཨོཾ་བཛྲ་ཨ་མུ་ཁེ་ཧཱུྃ། ཕག་གདོང་མ་ནག་མོ་ཞགས་པ་འཛིན་པ། ཨོཾ་བཛྲ་ལོ་ཀ་བཾ། སེང་གདོང་མ་དམར་མོ་ལྕགས་སྒྲོག་འཛིན་པ། ཨོཾ་བཛྲ་བྷསྨི་བཱ་ལ་ཡ་བ་ཏུ་ཧོ། སྤྱང་གདོང་མ་ལྗང་གུ་དྲིལ་བུ་འཛིན་པ། ཐམས་ཅད་ཀྱང་གཅེར་བུ་རང་དང་ཁྲོས་པའི་ཞལ་ཅན་དུར་ཁྲོད་འབར་པའི་ཆས་དང་ལྡན་པའོ། །མ་ནུ་རཀྵ་སཱི་བྷྱོ། བྲཧྨ་ཎཱི་བྷྱོ། རཽ་ཏྲི་བྷྱོ། ཀུ་མ་རཱི་བྷྱོ། བེཥྞ་བཻ་བྷྱོ། ཨིནྡྲ་ཎི་བྷྱོ། སྲིན་མོ་དམར་སེར་གཡག་གདོང་ཏྲི་ཤུལ་འཛིན་པ། ཚངས་པ་དམར་སྐྱ་སྦྲུལ་གདོང་རྡོ་རྗེ་རྩེ་ལྔ་འཛིན་པ། འཁྲུག་མོ་སེར་ནག་གཟིག་གདོང་དབྱུག་ཏོ་དང་སྡིག་མཛུབ། བརྒྱ་བྱིན་མ་དཀར་དམར་སྲེ་མོང་མགོ་ཅན་དུང་དམར་འཛིན་པ། ཁྱབ་འཇུག་མ་སེར་མོ་ཕ་ཝང་མགོ་ཅན་འཁོར་ལོ་འཛིན་པ། དབང་མོ་དམར་སྐྱ་དྲེད་གདོང་བམ་དབྱུག་འཛིན་པའོ། །ཨོཾ་བཛྲ་པིངྒ་ལཾ་བྷྱོ། ཨ་མྲྀ་ཏ་བྷྱོ། སཽ་མྱ་བྷྱོ། དཎྜ་དམ་བྷྱོ། རཀྵ་སཱི་བྷྱོ། བྷཀྵ་སཱི་བྷྱོ། ཞི་བ་དམར་མོ་དོམ་མགོ་ཅན་རྒྱུ་ཞགས་འཛིན་པ། བདུད་རྩི་མ་སྔོན་མོ་ཆུ་སྲིན་མགོ་ཅན་བུམ་པ་འཛིན་པ། ཞི་བ་མ་སྔོ་སྐྱ་སྡིགས་པའི་མགོ་ཅན་པུཎྜ་རི་ཀ་འཛིན་པ། བེ་ཅོན་མ་ནག་མོ་ཁྲ་མགོ་ཅན་ཐོད་རློན་འཛིན་པ། སྲིན་མོ་དམར་ནག་ཝ་གདོང་རྒྱུ་ཞགས་འཛིན་པ། ཟ་བྱེད་ནག་མོ་སྟག་མགོ་བམ་ཆེན་འཛིན་པའོ། །ར་ཏི་བཛྲ་བྷྱོ། རུ་དྷི་ར་མཱཏྟ་བྷྱོ། ཨེ་ཀ་ཙ་རི་ཎི་བྷྱོ། མ་ནོ་ཧ་ར་མ་བྷྱོ། སིདྡྷིི་ཀ་མ་བྷྱོ། ཝ་ཡ་ཝི་བྷྱོ། དགའ་བྱེད་དམར་མོ་རྒོད་གདོང་ཁོག་ཆེན་འཛིན་པ། ཁྲག་འཐུང་མ་དམར་ནག་རྟ་གདོང་རྡོ་རྗེའི་དབྱུག་པ་འཛིན་པ། གཅིག་སྤྱོད་མ་དཀར་དམར་ཁྱུང་གདོང་བྷན་དམར་འཛིན་པ། འདོད་པ་དམར་སེར་ཁྱི་གདོང་བྱིས་བམ་འཛིན་པ། ནོར་སྲུང་དཀར་དམར་པུ་ཤུད་མགོ་ཅན་པདྨ་འཛིན་པ། རླུང་མོ་དམར་སྐྱ་ཤ་བའི་མགོ་ཅན་བ་དན་འཛིན་པའོ། །མ་ཧཱ་མ་ར་ཎ་བཛྲ་བྷྱོ། ཨགྣེ་བྷྱོ། ཝ་ར་ཧི་བྷྱོ། ཙ་མུཎྜི་བྷྱོ། སུ་ཏ་ནི་བྷྱོ། ཝ་རུ་ཎི་བྷྱོ། གསོད་བྱེད་མ་ལྗང་ནག་སྤྱང་གདོང་རྔེའུ་ཆུང་འཛིན་པ། མེ་མོ་དམར་སེར་སྐྱིན་གདོང་མེ་སྒྲོན་འཛིན་པ། ཕག་མོ་ལྗང་སེར་ཕག་གདོང་མཆེ་བ་འཛིན་པ། རྒན་བྱེད་ལྗང་སྔོན་ཁྭ་ཏའི་མགོ་ཅན་དུང་ཁྲག་འཛིན་པ། སྣ་ཆེན་ལྗང་དམར་བ་ལང་མགོ་ཅན་བམ་ཆེན་འཛིན་པ། ཆུ་ལྷ་མ་ལྗང་ནག་སྦྲུལ་གདོང་བདུད་རྩིའི་ཐོད་པ་འཛིན་པའོ། །བཛྲ་མ་ཧཱ་ཀཱ་ལི་བྷྱོ། བཛྲ་ཙ་ཀཱ་ལ་བྷྱོ། བཛྲ་ཀུམྦྷ་ཀརྞ་བྷྱོ། བཛྲ་ལམྦྷོ་དྷ་ར་བྷྱོ། ནག་མོ་ཆེན་པོ་ཁུ་བྱུག་མགོ་ཅན་ལྕགས་ཀྱུ་འཛིན་པ། རྡོ་རྗེ་སྔོན་མོ་ར་གདོང་རྒྱུ་ཞགས་འཛིན་པ། བུམ་རྣམ་དམར་མོ་སེང་གདོང་ལྕགས་སྒྲོག་འཛིན་པ། གསུས་འཛིན་མ་ལྗང་ནག་སྐྱེ་ཀའི་མགོ་ཅན་དྲིལ་བུ་འཛིན་པ། ཐམས་ཅད་ཀྱང་དྲག་མོའི་གཟུགས་ཅན་དུར་ཁྲོད་འབར་བའི་ཆས་ཀྱིས་བརྒྱན་ཏེ་ཞིང་གི་གདན་ལ་རོལ་པའོ། །གཞན་ཡང་དཀྱིལ་འཁོར་ཆེན་པོའི་ཕྱིའི་ཁོར་ཡུག་ལ་སྤྲུལ་པ་དང་ཡང་སྤྲུལ་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱང་རང་རང་གི་རྒྱན་དང་ཆ་ལུགས་དང་ལྡན་ཞིང་སོ་སོའི་འཁོར་གྱིས་བསྐོར་བའི་དཀྱིལ་འཁོར་གྱི་འཁོར་ལོ་ཉི་མ་དང་འོད་ཟེར་གྱི་ཚུལ་དུ་མངོན་པར་སྣང་བའི་སྒྱུ་འཕྲུལ་གྱི་རོལ་མོ་བསམ་གྱིས་མི་ཁྱབ་པ་དམ་ཚིག་གི་འཁོར་ལོར་རྫོགས་པར་གྱུར། དེ་ལྟར་དུ་གསལ་བའི་ལྷ་ཚོགས་རྣམས་ཀྱི་སྲོག་གི་་་གོར་རང་དང་རྣམ་པ་མཐུན་པའི་ཡེ་ཤེས་སེམས་དཔའ་རྒྱན་དང་ཕྱག་མཚན་སྤངས་པ་རེ་རེའི་ཐུགས་ཀར་སོ་སོའི་ས་བོན་གྱིས་མཚན་པར་གྱུར། གཉིས་པ་བྱིན་གྱིས་བརླབ་པ་ནི། ལྷ་རྣམས་སོ་སོའི་སྤྱི་བོར་ཟླ་བ་ལ་གནས་པའི་ཨོཾ་དཀར་པོ། མགྲིན་པར་པདྨ་ལ་གནས་པའི་ཨཱཿདམར་པོ། སྙིང་གར་ཉི་མ་ལ་གནས་པའི་ཧཱུྃ་སྔོན་པོ་སོ་སོའི་འོད་ཟེར་གྱིས་རྒྱལ་བ་རབ་འབྱམས་ཀྱི་ཐུགས་རྒྱུད་བསྐུལ་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་བྱོན། ཡི་གེ་གསུམ་ལ་ཐིམ་པ་ཡོངས་སུ་གྱུར་པ་ལས་སྤྱི་བོར་རྣམ་སྣང་དཀར་པོ་འཁོར་ལོ་འཛིན་པ། མགྲིན་པར་སྣང་མཐའ་དམར་པོ་པདྨ་འཛིན་པ། སྙིང་ཁར་མི་བསྐྱོད་པ་སྔོན་པོ་རྡོ་རྗེ་འཛིན་པ་རྣམས་ཀྱིས་རྒྱས་བཏབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་དང་གཉིས་སུ་མེད་པར་གྱུར། རྡོ་རྗེ་རྩེ་ལྔ་པའི་ཕྱག་རྒྱ་གནས་སོ་སོར་གཏུགས་པ་དང་བསྟུན་ནས། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅་ཧཾ། མགྲིན་པ་ལ་ཀཱ་ཡའི་གནས་སུ་ཝཱཀྐ་དང་སྙིང་ཁར་ཙིཏྟ་སྦྱར་རོ། །གསུམ་པ་དབང་བསྐུར་བ་ནི། ལྷ་ཚོགས་དེ་རྣམས་སོ་སོའི་ཐུགས་ཀའི་ས་བོན་ལས་འོད་ཟེར་འཕྲོས་ཕྱོགས་བཅུ་དུས་བཞིའི་རྒྱལ་བ་རབ་འབྱམས་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་ལྷའི་རྣམ་པར་བཛྲ་ས་མཱ་ཛཿས་སྤྱན་དྲངས། ཨོཾ་སརྦ་ཏ་ཐཱ་ག་ཏ་མ་ཧཱ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་བསྐུལ་བས་དེ་རྣམས་གཉིས་མེད་དུ་མཉམ་པར་རོལ། རྗེས་ཆགས་ཀྱིས་མེས་ཞུ་བས་ཡེ་ཤེས་ལྔའི་ཆུ་རྒྱུན་ལྷ་སོ་སོའི་དབུའི་གནས་ལྔར་བབས་ཏེ་དབང་བསྐུར་བར་གྱུར། རྡོ་རྗེ་སྤྱི་བསྡམས་ལས་གུང་མོ་གཉིས་བརྐྱངས་པ་སྤྱི་བོར་བཞག་སྟེ། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། དེ་བཞིན་དུ་མཛུབ་མོ་བརྐྱངས་པ་དཔྲལ་བར། ཨོཾ་མ་ཧཱ་ཨ་དརྴ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ། སྲིན་ལག་བརྐྱངས་པ་རྣ་ལྟག་གཡས་པར། ཨོཾ་མ་ཧཱ་ས་མ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། མཐེ་བོང་བརྐྱངས་པ་ལྟག་པར། ཨོཾ་མ་ཧཱ་པྲ་ཏྱ་བེ་ཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། མཐེའུ་ཆུང་བརྐྱངས་པ་རྣ་ལྟག་གཡོན་པར། ཨོཾ་མ་ཧཱ་ཀྲྀ་ཏྱཱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་དབང་བསྐུར་བས་ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་བསྒྱུར། ཆུ་ལྷག་མ་སྤྱི་བོར་བརྟེན་པ་ཡོངས་སུ་གྱུར་པ་ལས་མི་བསྐྱོད་པ་བདག་པོར་གྱུར་པའི་རིགས་ལྔ་སྤྲུལ་སྐུའི་ཆ་བྱད་ཅན་གྱིས་དབུ་བརྒྱན་པར་གྱུར། བཞི་པ་སྤྱན་འདྲེན་ནི། ཨོཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿ ལྔ་པ་བཞུགས་གསོལ་ནི། ཨཱཿ ཡེ་ཤེས་སྤྲུལ་པའི་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་བཞིན་བཞུགས་སུ་གསོལ། །ས་མ་ཡ་ཏིཥྛ་ལྷན། དྲུག་པ་ཕྱག་འཚལ་བ་ནི། ཧཱུྃ། བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱིཙྪ་ཧོ། བདུན་པ་སྣང་བ་ཡབ་ཀྱི་མཆོད་སྤྲིན་ནི། ཨོཾ་དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨོཾ་བཛྲ་ཨརྒྷཾ་སོགས་ནས་རཱུ་པ་ཤབྟ་གྷནྡྷེ་རཱ་ས་པརྴེ་ཨཱཿཧཱུྃ། སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིང་ཏ་པཱུ་ཙ་ཨཱཿཧཱུྃཿ བརྒྱད་པ་སྟོང་པ་ཡུམ་གྱི་མཆོད་པ་ནི། ཨཱཿ ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་རབ་འབྱམས་མ་ལུས་ཀུན། །འདུ་འབྲལ་མེད་པའི་ངང་དུ་རོ་གཅིག་པས། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །ཛཿཧཱུྃ་བཾ་ཧོཿ མ་ཧཱ་སུ་ཁ་ཨ་ནུ་རཱ་ག་ཡ་མི། དགུ་པ་ཟུང་འཇུག་ཆོས་སྐུའི་མཆོད་པ་ནི། ཧཱུྃ། སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་བརྗོད་ལས་འདས། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །བོ་དྷི་ཙིཏྟ་ཨ་ལ་ལ་ཧོ། བཅུ་པ་བསྟོད་པ་ནི། ཧཱུྃ། ཆོས་དབྱིངས་ཡེ་ཤེས་མཉམ་པའི་ངང་། །རང་བཞིན་ཡོན་ཏན་ལྷུན་གྱིས་གྲུབ། །ཐུགས་རྗེ་ཡིད་བཞིན་ནོར་བུ་འདྲ། །ཕྱག་འཚལ་གདོད་མའི་མགོན་པོ་ལ། །ཡེ་ཤེས་ལྔ་ཡི་ངོ་བོ་ཉིད། །ཉོན་མོངས་དུག་ལྔ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་རྒྱལ་བ་རིགས་ལྔ་ལ། །བཅུ་དྲུག་ཡེ་ཤེས་ངོ་བོ་ཉིད། །གཟུང་འཛིན་དྲི་མ་རྣམ་སྦྱོང་ཞིང་། །རྣམ་ཤེས་ཚོགས་བརྒྱད་གནས་དག་པ། །ཕྱག་འཚལ་སེམས་དཔའ་ཡབ་ཡུམ་ལ། །ཚད་མེད་ཡེ་ཤེས་ངོ་བོ་ཉིད། །སྐྱེ་གནས་དྲི་མ་རྣམ་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་སྒོ་བ་ཡབ་ཡུམ་ལ། །ཕ་རོལ་ཕྱིན་དྲུག་ངོ་བོ་ཉིད། །ཁམས་དྲུག་དྲི་མ་རྣམ་སྦྱོང་ཞིང་། །ཚོགས་དྲུག་རྣམ་ཤེས་རྣམ་པར་དག །ཕྱག་འཚལ་ཐུབ་པ་དྲུག་ལའོ། །ཞི་ལས་ཡེ་ཤེས་རྣམ་འཕྲོས་པས། །འཇིགས་གཟུགས་ཁྲོ་བོའི་དཀྱིལ་འཁོར་ནི། །ལྔ་བཅུ་རྩ་བརྒྱད་འབར་བའི་སྐུ། །ཕྱག་འཚལ་དབྱིངས་ཀྱི་དཀྱིལ་འཁོར་ལ། །ས་དང་ཡེ་ཤེས་ཞིང་ཁམས་ལ། །འཇིག་རྟེན་འདས་དང་མ་འདས་ཚུལ། །དུར་ཁྲོད་ཆེན་པོའི་གནས་བརྒྱད་ན། །བཞུགས་པའི་འགྲོ་བ་ཀུན་ལ་འདུད། །བཅུ་གཅིག་པ་ཛབ་ལ་བདག་མདུན་བུམ་གསུམ་ལས། དང་པོ་ནི། རྣམ་སྣང་ཐུགས་ཀྱི་དཀྱིལ་འཁོར་དུ། །གསེར་གྱི་རྡོ་རྗེ་རྩེ་ལྔ་པའི། །ལྟེ་བར་ཉི་ཟླ་ཁ་སྦྱོར་དབུས། །སྲོག་གི་སྙིང་པོ་ཡི་གེ་ཨོཾ། །དེ་མཐར་སྔགས་ཕྲེང་གཡས་སུ་འཁོར། །འོད་ཟེར་འཕྲོས་པས་འཕགས་པ་མཆོད། །རིགས་དྲུག་སྡུག་བསྔལ་གཏན་ནས་སྦྱངས། །སྣོད་བཅུད་འོག་མིན་ཞིང་དུ་བསྒྱུར། །ཚུར་འདུས་བདག་ལ་ཐིམ་པ་ཡིས། །མཆོག་ཐུན་དངོས་གྲུབ་ཐོབ་པར་དམིགས། །ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃ། ཞི་པ་ཡོངས་རྫོགས་སྙིང་པོ་སྟེ། །བསྙེན་པའི་ཚུལ་དུ་བཟླས་པ་བྱ། །འབུམ་ཕྲག་བཅོ་ལྔ་ཐོན་རྗེས་སུ། །དྲག་པོར་སྒྲུབ་པ་འདི་ལྟ་སྟེ། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། རུ་ལུ་བཟླ་སྐབས་རྣམ་སྣང་སྔགས། །རྡོ་རྗེ་རྩེ་གསུམ་དམར་པོ་ཡི། །ལྟེ་བར་ཨཱཿདམར་རུ་ལུས་བསྐོར། །དེ་ལས་འོད་འཕྲོས་སྟེང་ཕྱོགས་ཀྱི། །ཁྲོ་བོའི་དཀྱིལ་འཁོར་གསལ་བར་བྱས། །དེ་དག་ཐུགས་དམ་རྒྱུད་བསྐུལ་ཏེ། །རུ་ལུ་གྲགས་སྟོང་སྐྱེ་མེད་སྒྲ། །འབྲུག་སྟོང་བཞིན་དུ་སྒྲོགས་པར་བསམ། །བྱེ་བ་གསུམ་དུ་བཟླས་གྱུར་ན། །བྲིས་སྐུ་བཞད་ཅིང་བདུད་རྩི་ཁོལ། །སྣང་བ་ཞི་ཁྲོའི་སྐུ་རུ་འཆར། །གྲགས་པ་གསུང་དུ་ལྷང་གིས་འགྱུར། །རིག་པ་ཆོས་ཉིད་དོན་དང་མཇལ། །མཆོག་ཐུན་དངོས་གྲུབ་འབད་མེད་འབྱུང་། །དེ་ནས་ལས་ལ་སྦྱོར་བ་ནི། །སྦྱང་གཞི་ང་རུ་འཛིན་པའི་བདུད། །ལས་ངན་སྒྲིབ་པའི་ཕུང་པོ་ལ། །སྦྱོང་བྱེད་རྩ་རིག་ཟབ་མོ་ནི། །ཨོཾ་ན་མོ་་་་ཕྱག་འཚལ་ལོ། བྷ་ག་ཝ་ཏེ་་་་བཅོམ་ལྡན་འདས་སརྦ་དུརྒ་ཏེ་་་་ངན་སོང་ཐམས་ཅད། པཱ་རི་ཤྭ་དྷ་ནི་རཱ་ཛ་ཡ།་་་ཡོངས་སུ་སྦྱོང་བའི་རྒྱལ་པོ། ཏ་ཐཱ་ག་ཏ་ཡ།་་་དེ་བཞིན་གཤེགས་པ། ཨརྷ་ཏེ།་་་དགྲ་བཅོམ་པ། སཾ་མྱཀ་སཾ་བུདྡྷ་ཡ།་་་་ཡང་དག་པར་རྫོགས་པའི་སངས་རྒྱས། ཏདྱ་ཐཱ།་་་འདི་ལྟ་སྟེ། ཨོཾ་ཤྭ་་་སྦྱོང་དྷ་ནེ་སྦྱོང་ཤྭ་དྷ་ནེ། སརྦ་་་ལས་སྒྲིབ་ཐམས་ཅད་རྣམ་པར་སྦྱོང་་་པཱ་པཾ་བི་ཤྭ་དྷ་ན་སྭཱ་ཧཱ། བཟླས་དམིགས་ཐུགས་ཀར་སྔགས་ཕྲེང་འཁོར་བ་ལས་འོད་ཟེར་བུན་བུན་འཕྲོས། ཞལ་ཕྱོགས་བཞིར་གཟིགས་པའི་སྨིན་མཚམས་ལས་ཐོན། ངན་སོང་ན་གནས་པ་དང་དམིགས་བྱའི་དོན་བྱས། སྡིག་སྒྲིབ་ཐམས་ཅད་སྦྱངས། དེ་དག་གི་རྣམ་ཤེས་འོད་ཀྱི་རྣམ་པར་གྱུར་པ་དང་། ལྷན་ཅིག་ཐུགས་ཀར་བསྡུས་ཏེ་མཉམ་པར་འཇོག་པ་མན་ངག་ཡིན། འབུམ་ཕྲག་གཅིག་ནི་སུས་བཟླས་པ། །མཚམས་མེད་ལྔ་ཡི་ལས་ཀྱང་བྱང་། །བླ་མེད་ཐེག་པའི་སྤྱི་ཁྲུས་དང་། །ཡོ་ག་ངན་སོང་སྦྱོང་བའི་བཅུད། །གཉིས་མེད་ཟུང་འཇུག་མན་ངག་སྟེ། །ཡེ་ཤེས་ལྷ་ལ་རང་རྒྱུད་དང་། །ཐེག་པ་མཐོ་དམན་རྩིས་གདབ་མེད། །བདེ་གཤེགས་གཅིག་སྒྲུབ་ཀུན་གྱི་ངང་། །འདི་ནི་ངེས་གསང་ཐེག་པ་ཡི། །ཁྱད་ཆོས་བླ་ན་མེད་པའོ། །ས་མ་ཡ། གཉིས་པ་ནི། དབང་དོན་བུམ་པའི་དཀྱིལ་འཁོར་སྤྲུལ་པ་ཡིན་ན་གཟུངས་ཐག་ལ་འཇུས་ནས། བདག་གི་ཐུགས་ཁ་ནས་སྤྲོས་པའི་འོད་ཟེར་གཟུངས་ཐག་ལ་འཁྲིལ་ཏེ་སོང་། རྣམ་རྒྱལ་བུམ་པ་མཚན་ཉིད་ཚང་བའི་ནང་གཞལ་མེད་ཁང་གི་རྣམ་པར་རྫོགས་པའི་བརྟེན་པའི་ལྷ་ཚོགས་ཐམས་ཅད་ཀྱི་ཐུགས་རྒྱུད་བསྐུལ། སོ་སོའི་ཐུགས་ཀར་ཨཱཿཡིག་རེ་རེ་དང་། གཙོ་བོ་རྣམ་སྣང་གི་ཐུགས་ཀར་ཟླ་གདན་ལ་ཨཱ་ལི་ཀཱ་ལིའི་ཕྲེང་བ་གཡས་སུ་འཁོར་བ་ལས་འཕྲོས་པའི་འོད་ཟེར་གྱིས་དམིགས་བྱའི་སྡིག་སྒྲིབ་སྦྱངས་པར་བསམ་ལ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། ཞེས་བཏགས་པ་བཟླས་མཐར་ཨོཾ་ཨཱཿཧཱུྃ་གིས་དུང་ཆོས་ཀྱི་མཆོད་ཡོན་ཕུལ་ལ་ལྷ་འོད་ཞུ་བྱ། གསུམ་པ་མདུན་བསྐྱེད་ཀྱི་བཟླས་པ་ནི། མདུན་བསྐྱེད་ཀྱི་གཙོ་བོ་རྡོ་རྗེ་སེམས་དཔའ་ཡབ་ཡུམ་དང་བཅས་པའི་དམ་པ་རིགས་བརྒྱ་ཐམས་ཅད་ཀྱང་རང་འདྲའི་ཡེ་ཤེས་སེམས་དཔའ་དང་ལྡན་པའི་ཐུགས་ཀར་རང་རང་གི་ཏིང་འཛིན་སེམས་དཔའི་ངོ་བོ་ཡི་གེ་བརྒྱ་པའི་ཡིག་འབྲུ་རེ་རེ་གསལ་བ་ལས་བདག་གི་ཐུགས་ཀའི་འོད་ཟེར་གྱིས་བསྐུལ། སྥ་ར་ཎ་ཕཊ། ཅེས་བརྗོད་པས་ཡིག་འབྲུ་སོ་སོ་ལས་འོད་ཟེར་དཔག་ཏུ་མེད་པ་འཕྲོས། རྒྱལ་བ་སྲས་དང་བཅས་པའི་ཐུགས་རྒྱུད་བསྐུལ། བདེ་སྟོང་གི་མཆོད་པས་དགྱེས་པ་བསྐྱེད། སཾ་ཧ་ར་ཎ་ཧཱུྃ། ཞེས་བརྗོད་པས་བྱིན་རླབས་དང་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས། མདུན་བསྐྱེད་ཀྱི་ལྷ་ཚོགས་རྣམས་ལ་ཐིམ་པས་གསལ་བརྟན་གྱི་གཟི་བྱིན་འབར། ལྷ་ཚོགས་རྣམས་ཀྱི་ཞལ་ནས་གསང་སྔགས་ཀྱི་སྒྲ་དང་། ཐུགས་ལས་འོད་ཟེར་འཕྲོས་པས་ཁམས་གསུམ་ཐམས་ཅད་སྣང་བར་བྱས། ངན་སོང་དང་འཁོར་བའི་སྡུག་བསྔལ་གྱི་རྒྱུ་དང་འབྲས་བུར་བཅས་པ་ཐམས་ཅད་སྦྱངས། མ་དག་པའི་བརྟན་གཡོ་དག་པའི་སྣོད་བཅུད་དུ་གནས་བསྒྱུར། དམིགས་ཡུལ་གཙོ་བོར་གྱུར་པའི་ལམ་ལྔའི་རྒྱུད་ལྡན་གྱི་སེམས་ཅན་ཐམས་ཅད་ཀྱི་གློ་བུར་གྱི་དྲི་མ་ཆ་དང་བཅས་པ་སྐད་ཅིག་ལ་སྦྱངས་ནས་བདེ་ཆེན་གྱི་ས་ལ་བཀོད་པར་བསམ་ལ། ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏྭ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཾ་ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩཿ བཛྲཱི་བྷ་ཝ། མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། ཅི་ནུས་བཟླས། བཅུ་གཉིས་པ་རྡོ་རྗེ་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་ནི། པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོ། །སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག གུ་རུ༴ བཛྲ་མཱ་ལྱེ་ཏྲཱཾ། འཇམ་མཉེན་པུནྡྷ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །བཛྲ་གིརྟི་ཧྲཱིཿ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་སྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །བཛྲ་ནཱིརྟི་ཨཱཿ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །བཛྲ་དྷཱུ་པེ་ཧཱུྃཿ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །བཛྲ་པུཥྤེ་ཏྲཱཾ། ཡིད་འོང་བལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །བཛྲ་ཨ་ལོ་ཀེ་ཧྲཱིཿ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུག་པས་དགྱེས་པ་སྐོང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །བཛྲ་གྷནྡྷེ་ཨཱཿ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅིར་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །བཛྲ་རཱུ་པ་ཨོཾཿ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །བཛྲ་མྲྀ་ཏཾ་གི་ཧྲཱིཿ །རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏཾ་བུ་ར། །རྣ་བའི་དཔྱིད་དུ་སྦྲེངས་པའི་ཡིད་འཕྲོག་མ། །རྡོ་རྗེ་པི་ཝཾ་མ་ཡིས་མཉེས་གྱུར་ཅིག །བཛྲ་ཝི་ནི་ཧཱུྃཿ དགའ་བ་བཅུ་དྲུག་རླུང་གི་རྟར་བསྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །བཛྲ་ཝཾ་སེ་ཏྲཱཾཿ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །བཛྲ་མུ་རཉྫེ་ཨཱཿ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །བཛྲ་པརྴེ་ཏྲཱཾཿ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །བཛྲ་རཱ་ས་ཧྲཱིཿ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨཱ་དྷཱརྟུ་ཨཱཿཔྲ་ཏཱིཙྪ་ཧོཿ བཅུ་གསུམ་པ་བསྟོད་པ་ནི། བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་བསྟོད། །བཞི་པ་ཚོགས་བསགས་པ་ལ་གཉིས། སྒྲིབ་པ་སྦྱོང་བ་དང་། སྐོང་གི་རིམ་པའོ། །དང་པོའི་ལས་རིམ་ནི། གཞུང་ལས། དེ་ནས་དམ་སྐོང་དོང་སྤྲུགས་ཀྱི། །གཞུང་ལ་འཇུག་པའི་དང་པོ་ནི། །ལུས་ཀྱི་མ་ལྔ་ས་ལ་བརྡེབ། །གདུང་ཤུགས་དྲག་པོས་བརྐྱངས་ཕྱག་འཚལ། །ཨ་ལ་ལ་ཧོཿ ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་ཿ བྱ་བ་བྱེད་དང་ཡིད་ཆོས་རྣམ་པར་དགཿ ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོཿ ཆོས་སྐུ་ནམ་མཁའ་བཞིན་དུ་དབྱེར་མེད་ཀྱངཿ གཟུགས་སྐུ་འཇའ་ཚོན་བཞིན་དུ་སོ་སོར་གསལཿ ཐབས་དང་ཤེས་རབ་མཆོག་ལ་མངའ་བརྙེས་པའིཿ རིགས་ལྔ་བདེ་བར་གཤེགས་ལ་ཕྱག་འཚལ་ལོཿ ངོ་མཚར་ཕོ་བྲང་བདེ་བར་གཤེགས་པའི་ཡུམཿ དུས་གསུམ་རྒྱལ་བ་ཐམས་ཅད་བསྐྱེད་མཛད་མཿ རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོཿ རྣམ་ཤེས་དབང་པོ་དག་པ་སྐུ་གསུང་ཐུགསཿ བདེ་བར་གཤེགས་པ་རྣམས་ཀྱི་སྲས་མཆོག་སྟེཿ སེམས་དཔའ་ཆེན་པོ་བརྒྱད་ལ་ཕྱག་འཚལ་ལོཿ སྒེག་མོ་ཕྲེང་ཐོགས་རིན་ཆེན་གླུ་གར་ཅནཿ ནམ་མཁའ་མཉམ་པའི་མཆོད་པས་རྒྱལ་བ་མཆོདཿ བྱང་ཆུབ་ལྷ་མོའི་ཚོགས་ལ་ཕྱག་འཚལ་ལོཿ བདུག་པ་མེ་ཏོག་མར་མེ་དྲི་ཆབ་མཿ རྒྱལ་བ་རྒྱ་མཚོ་རྣམས་ལ་མཆོད་འབུལ་མཿ མཆོད་པའི་ལྷ་མོ་རྣམས་ལ་ཕྱག་འཚལ་ལོཿ དྲག་ཤུལ་ཐབས་ཀྱིས་འགྲོ་བ་འདུལ་མཛད་པཿ ཚད་མེད་བཞི་ལྡན་སྒོ་བཞི་ཐུབ་པར་སྲུངཿ ཏ་ཀྲིཏ་སྒོ་བ་བཞི་ལ་ཕྱག་འཚལ་ལོཿ རྟག་ཆད་མཐར་ཕྱིན་གསང་བ་ཡུམ་གྱི་ངངཿ ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མཿ སྒོ་མ་ཆེན་མོ་བཞི་ལ་ཕྱག་འཚལ་ལོཿ སྟེང་འོག་ཕྱོགས་བཞི་འཇིག་རྟེན་འདུལ་མཛད་གཙོཿ ཉོན་མོངས་དྲུག་འཇོམས་རྒྱུད་དྲུག་དག་པར་སྦྱོང་ཿ བཅོམ་ལྡན་ཐུབ་པ་དྲུག་ལ་ཕྱག་འཚལ་ལོཿ འཇིགས་བྱེད་འདས་པའི་དུས་ན་མངོན་བྱུང་པཿ གདུག་པ་འདུལ་ཕྱིར་དུས་ལས་མི་འདའ་བའིཿ དཔལ་ཆེན་ཧེ་རུ་ཀ་ལ་ཕྱག་འཚལ་ལོཿ ཁྲོ་མོ་དབང་ཕྱུག་སྐུ་ལ་འཁྲིལ་མཛད་ཅིངཿ མཁའ་འགྲོ་མི་བཟད་འབར་བའི་སྤྲིན་འཕྲོ་མཿ གདུག་པ་འདུལ་མཛད་ཡུམ་ལ་ཕྱག་འཚལ་ལོཿ བསྐལ་པ་མེ་ལྟར་འབར་བའི་ཀློང་དཀྱིལ་ནསཿ ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བཞུགསཿ ཁྲོ་མོ་ཆེན་མོ་བརྒྱད་ལ་ཕྱག་འཚལ་ལོཿ ནམ་མཁའི་ལུས་ཅན་གར་ཡང་ཐོགས་མེད་ཅིང་ཿ འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེཿ ཕྲ་མེན་ཆེན་མོ་བརྒྱད་ལ་ཕྱག་འཚལ་ལོཿ རྡོ་རྗེ་གདོང་མོ་ཕོ་ཉ་མགྱོགས་མ་བཞིཿ ཤར་ལྷོ་ནུབ་བྱང་སྒོ་བཞི་ཐུབ་པར་སྲུངཿ སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོཿ དཔལ་གྱི་འཁོར་ཚོགས་བཛྲ་ཨ་ར་ལིཿ མཁའ་ལ་ཤུགས་འགྲོ་མ་ཚོགས་དབང་ཕྱུག་མཿ རྣལ་འབྱོར་ཉི་ཤུ་བརྒྱད་ལ་ཕྱག་འཚལ་ལོཿ ཕྱོགས་བཅུའི་དྲེགས་པ་བསྣོལ་བའི་གདན་སྟེངས་སུཿ ཡེ་ཤེས་བསྐལ་པའི་མེ་དཔུང་འབར་བའི་སྐུཿ བདུད་འདུལ་ཡབ་ཡུམ་རྣམས་ལ་ཕྱག་འཚལ་ལོཿ དམིགས་མེད་ཆོས་ཀྱི་སྐུ་ལ་ཕྱག་འཚལ་ལོཿ ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོཿ ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོཿ མི་འགྱུར་རྡོ་རྗེའི་སྐུ་ལ་ཕྱག་འཚལ་ལོཿ མངོན་པར་བྱང་ཆུབ་སྐུ་ལ་ཕྱག་འཚལ་ལོཿ དུས་གསུམ་རྒྱལ་བ་ཀུན་གྱིས་བསྒྲུབས་པ་ཡིཿ ཚོགས་གཉིས་རྫོགས་པའི་ཡོན་ཏན་མཐར་ཕྱིན་པཿ སྐུ་དང་ཡེ་ཤེས་ཚོགས་ལ་ཕྱག་འཚལ་ལོཿ ཞེས་བརྗོད་མཚན་དོན་ཡིད་ལ་བསམཿ དེས་ནི་ལུས་ཀྱི་སྡིག་སྒྲིབ་དགཿ སྐུ་ཡི་དམ་ཚིག་ཉམས་པ་བསྐངཿ གཉིས་པ་རྡོ་རྗེ་སེམས་དཔའ་བསྒོམཿ ཨཱཿ བདག་ཉིད་ཐ་མལ་སྤྱི་བོ་རུཿ པད་དཀར་ཟླ་བའི་གདན་གྱི་དབུསཿ ཧཱུྃ་ལས་བླ་མ་རྡོ་རྗེ་སེམསཿ དཀར་གསལ་ལོངས་སྤྱོད་རྫོགས་པའི་སྐུཿ རྡོ་རྗེ་དྲིལ་འཛིན་སྙེམས་མ་འཁྲིལཿ ཁྱོད་ལ་སྐྱབས་གསོལ་སྡིག་པ་སྦྱོངཿ འགྱོད་སེམས་དྲག་པོས་མཐོལ་ལོ་བཤགསཿ ཕྱིན་ཆད་སྲོག་ལ་བབ་ཀྱང་སྡོམཿ ཁྱོད་ཐུགས་ཟླ་བ་རྒྱས་པའི་སྟེངཿ ཧཱུྃ་ཡིག་མཐའ་མར་སྔགས་ཀྱིས་བསྐོརཿ བཟླས་པ་སྔགས་ཀྱིས་རྒྱུད་བསྐུལ་བསཿ ཡབ་ཡུམ་བདེ་རོལ་སྦྱོར་མཚམས་ནསཿ བདུད་རྩི་བྱང་ཆུབ་སེམས་ཀྱི་སྤྲིནཿ ག་བུར་རྡུལ་ལྟར་འཛགས་པ་ཡིསཿ བདག་དང་ཁམས་གསུམ་སེམས་ཅན་གྱིཿ ལས་དང་ཉོན་མོངས་སྡུག་བསྔལ་རྒྱུཿ ནད་གདོན་སྡིག་སྒྲིབ་ཉེས་ལྟུང་གྲིབཿ མ་ལུས་བྱང་བར་མཛད་དུ་གསོལཿ ཨོཾ་བཛྲ་སཏྭ་ས་མ་ཡ་སོགས། ཡི་གེ་བརྒྱ་པ་དུས་གཅིག་ལཿ བརྒྱ་རྩ་བརྒྱད་དུ་བཟླས་པ་ཡིསཿ ངག་གི་སྒྲིབ་པ་རྣམ་སྦྱོང་ཞིངཿ གསུང་གི་དམ་ཚིག་ཉམས་པ་བསྐངཿ དེ་རྗེས་རྡོ་རྗེ་སེམས་དཔའ་ལཿ མོས་གུས་གདུང་ཞིང་མཆི་མ་སློངཿ རཱུ་ཏྲའི་སྨྲེ་སྔགས་འདི་ཡིས་བཤགསཿ ཧོཿ ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམསཿ དྲི་མེད་དུང་མདོག་མཆོག་ཏུ་གཟུགས་བཟང་བཿ རྣམ་དག་འོད་གསལ་ཉི་ཟླ་འབུམ་བརྡལ་ཞིངཿ དཔའ་བོ་འོད་ཟེར་སྟོང་ཁམས་ལམ་མེ་བཿ སྲིད་པ་གསུམ་གྱི་ས་མཁན་སྟོན་པར་གྲགསཿ ཁམས་གསུམ་འགྲོ་བ་ཀུན་གྱི་གཉེན་གཅིག་པུཿ བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལཿ བདག་ནི་ཐོག་མ་མེད་པའི་དུས་མཐའ་ནསཿ ལམ་ལོག་ལམ་སྟོར་སྲིད་པའི་གོ་རར་འཁྱམསཿ སྔོན་ཚེ་ལམ་ལོག་སྡིག་པ་བྱས་པས་ནོངསཿ སྡིག་པའི་ལས་རྣམས་ཅི་སྤྱད་གནོང་ཞིང་འགྱོདཿ དར་ཅིག་དྲག་པོའི་ལས་དབང་དེ་བཙན་པསཿ འཁོར་བ་སྡུག་བསྔལ་རྒྱ་མཚོར་བྱིང་གྱུར་ཏེཿ ཞེ་སྡང་འབར་བའི་མེས་ནི་རང་རྒྱུད་བསྲེགསཿ གཏི་མུག་མུན་པ་འཐིབས་པས་ཤེས་རབ་རྨོངསཿ འདོད་ཆགས་རྒྱ་མཚོའི་འགྲམ་དུ་རྣམ་ཤེས་བྱིང་ཿ ང་རྒྱལ་དྲག་པོའི་རི་བོས་ངན་འགྲོར་མནནཿ ཕྲག་དོག་རླུང་དམར་འཚུབས་པས་འཁོར་བར་བྱིང་ཿ བདག་ཏུ་ལྟ་བའི་མདུད་པ་དམ་པོས་བཅིངསཿ འདོད་པ་མེ་དོང་འདྲ་བའི་འོབས་སུ་ལྷུངཿ སྡུག་བསྔལ་མི་བཟོད་དྲག་པོ་ཆར་ལྟར་བབཿ འདི་འདྲའི་སྡུག་བསྔལ་ཤིན་ཏུ་མི་བཟོད་ཅིངཿ སྡིག་པའི་ལས་དབང་དྲག་པོ་མེ་འབར་བསཿ རྣམ་ཤེས་དབང་པོའི་མྱུ་གུ་གདུངས་གྱུར་ཏེཿ ཕུང་པོ་སྒྱུ་མའི་ལུས་ཀྱིས་མི་བཟོད་ནཿ བྱམས་མགོན་ཐུགས་རྗེ་ཅན་གྱིས་བཟོད་ལགས་སམཿ བདག་ནི་བླུན་རྨོངས་ལས་ངན་སྡིག་པོ་ཆེཿ ལས་ཀྱི་དབང་གིས་ཁམས་གསུམ་འཁོར་བར་སྐྱེསཿ སྐྱེས་པས་འགྱོད་དེ་ལས་ལ་ཡི་རེ་ཆདཿ ཡི་ཆད་འགྱོད་ཀྱང་ལས་ལ་བཅོས་སུ་མེདཿ ལས་ཀྱི་ཤུགས་ནི་ཆུ་བོའི་གཞུང་དང་འདྲཿ ལས་དབང་ཆུ་ཀླུང་འཕྲལ་དུ་ག་ལ་ཟློགཿ རྣམ་སྨིན་ཐམས་ཅད་རང་གི་ལས་ལས་བྱུངཿ ལས་ཀྱི་རླུང་དམར་དྲག་པོ་དེས་བདས་པསཿ བདག་ནི་སྔོན་དུས་བསྐལ་པ་གྲངས་མེད་དུཿ འཁོར་བའི་བཙོན་ར་མུན་པར་འཁྱམས་པ་ལཿ བྱམས་མགོན་ཁྱོད་ཀྱི་ཐུགས་རྗེའི་བྱིན་རླབས་ཀྱིསཿ ལས་དང་ཉོན་མོངས་སྒྲིབ་པ་ཀུན་སྦྱངས་ནསཿ མ་ལྟར་བྱམས་པའི་ཞབས་དྲུང་ད་ལྟ་འཁོདཿ ཉི་ལྟར་འོད་འབར་ཟླ་ལྟར་མདངས་གསལ་བའིཿ ཐུགས་རྗེའི་ཞལ་ཉིད་བལྟ་བས་མི་ངོམས་པཿ ཐོག་མ་མེད་ནས་མ་རིག་ལིང་རྟོག་གིསཿ ལྡོངས་ཏེ་ཆུ་བུར་མིག་གིས་མ་མཐོང་ནཿ འགྲོ་བའི་མགོན་ཁྱོད་ད་ལྟ་གང་ན་བཞུགསཿ ལས་ངན་དྲག་པོ་ཤིན་ཏུ་མི་བཟོད་པསཿ ཤིན་ཏུ་སྐྲག་ཅིང་སྐྱི་གཡའ་རབ་འཇིགས་ནསཿ དུང་དུང་གདུང་བའི་སྨྲེ་སྔགས་འདི་འདོན་ཞིངཿ ཉམ་ཐག་ཕོངས་པའི་ང་རོ་འདོན་ལགས་ནཿ བྱམས་མགོན་ཐུགས་རྗེས་དུས་འདིར་མི་དགོངས་སམཿ ནམ་ཞིག་འཆི་འཕོས་ལུས་སེམས་འབྲལ་བའི་ཚེཿ མཛའ་བཤེས་གྲོགས་དང་བྲལ་ནས་གཤིན་རྗེས་ཁྲིདཿ དེ་ཚེ་འཇིག་རྟེན་ཉེ་དུས་མི་བསྟོངས་ཏེཿ ལས་ཀྱི་དབང་གིས་བདག་ཉིད་གཅིག་པོར་ཁྲིདཿ དུས་དེར་བདག་ལ་མགོན་སྐྱབས་མ་མཆིས་ཀྱིཿ གང་གིས་ཕྱི་བཤོལ་དུས་ལ་མ་བཞེས་པརཿ ད་ལྟ་ཉིད་དུ་ཐུགས་རྗེའི་སྤྱན་གྱིས་གཟིགསཿ ལས་ཀྱིས་མནར་བའི་སྐྱེ་བོ་བདག་འདྲ་བཿ ཐོག་མ་མེད་པའི་དུས་ནས་ལོག་བརྟགས་པསཿ ཁམས་གསུམ་འཁོར་བའི་གནས་ལས་མ་ཐར་སྟེཿ བསྐལ་པ་གྲངས་མེད་སྐྱེ་བ་ཇི་སྙེད་དུཿ རྡོས་བཅས་ལུས་ནི་གྲངས་མེད་ཞིག་གྱུར་སྟེཿ ཤ་རུས་བསགས་ན་འཇིག་རྟེན་གཏོས་དང་མཉམཿ རྣག་ཁྲག་བསགས་ན་རྒྱ་མཚོ་ཆེན་པོ་ཙམཿ ལས་འཕྲོ་བསགས་ན་བསམ་འདས་བརྗོད་མི་ལང་ཿ ཁམས་གསུམ་བསྒྲངས་ཤིང་སྐྱེ་ཤིའི་ཁ་རྒྱུད་ཀྱངཿ བྱས་པའི་ལས་རྣམས་དོན་མེད་ཆུད་རེ་ཟོསཿ སྐྱེ་བ་གྲངས་མེད་ཇི་སྙེད་དེ་ཙམ་ལཿ སྐྱེ་བ་གཅིག་གཅིག་ཁོ་ན་ཙམ་གྱི་ལསཿ བླ་མེད་བྱང་ཆུབ་དོན་དུ་རབ་སྤྱད་ནཿ དེ་ཙམ་བྱས་པའི་ལས་ལ་དོན་ཡོད་པསཿ དོན་གྱི་ཡོང་ཡེ་མྱ་ངན་འདས་ཟིན་ནཿ ལས་ཀྱི་དབང་བཙན་ཉོན་མོངས་སྟོབས་ཆེ་བསཿ ཤ་ཁྲག་དྲ་བའི་ལུས་བླངས་འཁོར་བར་འཁྱམསཿ སྡུག་བསྔལ་བཟོད་དཀའ་སྲིད་པའི་བཙོན་རར་ཚུདཿ མི་བཟོད་དྲག་པོའི་སྡུག་བསྔལ་འདི་ལྟ་བུཿ ཉེས་བྱས་ཐམས་ཅད་རང་གི་ལས་ལས་བྱུངཿ ཐུགས་རྗེ་ཆེན་པོས་ལས་ཀྱི་རྒྱུན་བཅད་དོཿ ཉོན་མོངས་ལས་ཀྱི་རླུང་ནི་བཟློག་ཏུ་གསོལཿ མ་རིག་ལོག་པའི་ལས་འདི་དབང་བཙན་ནསཿ མི་ཤེས་མུན་པའི་ནང་དུ་གཏན་འཁྱམས་ནཿ ཡེ་ཤེས་སྒྲོན་མེའི་ཟེར་གྱིས་མི་གཏོང་ངམཿ ཉེས་བྱས་ལས་ཀྱི་རྣམ་སྨིན་མི་བཟོད་ནཿ ཐུགས་རྗེ་ཆེན་པོས་ཕྲིན་ལས་མི་མཛད་དམཿ ཕྱིན་ཅི་ལོག་གི་གཡང་སར་ལྟུང་ལགས་ནཿ ཐུགས་རྗེས་མྱུར་མགྱོགས་ཕྱག་གིས་མི་འཛིན་ནམཿ དུག་གསུམ་བཟོད་དཀའི་ནད་ཀྱིས་གདུངས་ལགས་ནཿ ཐབས་མཁས་ཐུགས་རྗེའི་སྨན་གྱིས་མི་གསོ་འམཿ ལས་ཀྱི་རྣམ་སྨིན་སྡུག་བསྔལ་མེ་འབར་ནཿ ཐུགས་རྗེ་བསིལ་བའི་ཆར་རྒྱུན་མི་འབེབས་སམཿ སྡུག་བསྔལ་འཁོར་བའི་འདམ་དུ་བྱིང་གྱུར་ནཿ ཐབས་མཁས་ཐུགས་རྗེའི་ལྕགས་ཀྱུས་མི་འདྲེན་ནམཿ ཁམས་གསུམ་འཁོར་བའི་གནས་སུ་སྦྱངས་བྱས་ནསཿ ནམ་ཞིག་རང་གི་འབྲས་བུ་ཐོབ་པའི་ཚེཿ འཕགས་པའི་ཐུགས་རྗེ་ཅི་འཚལ་དོན་མ་མཆིསཿ བདག་ཉིད་ལས་འཕྲོ་དབང་བཙན་བཞག་ན་ལྟཿ ཐུགས་རྗེ་ཆེ་ཞེས་སུ་ལ་ཅི་ཞིག་བགྱིཿ དཔའ་བོ་ཁྱེད་ལ་ཐུགས་རྗེའི་སྟོབས་མངའ་ཞིང་ཿ སྔོན་བྱུང་འབྲེལ་བའི་ལས་ཀྱི་འཕྲོ་བཙན་ནཿ ཡལ་ཡོལ་བཏང་སྙོམས་ལེ་ལོ་མ་མཛད་པརཿ སྙིང་ནས་ད་གཟིགས་ཐུགས་རྗེ་རྒྱལ་བའི་ལྷཿ ཞེས་བརྗོད་རྡོ་རྗེ་སེམས་དཔའ་ཡིསཿ ཚངས་པར་སྩོལ་བ་ཞལ་བཞེས་ནསཿ བདག་དང་རོ་གཅིག་འདྲེས་པའི་ངངཿ མཉམ་པར་གཞག་པ་སྒྲིབ་སྦྱོང་གནདཿ འདིས་ནི་ཉེས་ཚོགས་རྣམ་དག་ཅིང་ཿ མཚམས་མེད་ལས་ཀྱང་དོང་ནས་དཀྲུགསཿ ས་མ་ཡཿ གསུམ་པ་ལྟ་བའི་ཀློང་བཤགས་སྒོམཿ ཨཱཿ འཁོར་འདས་བྱེད་པོ་བྱང་ཆུབ་སེམསཿ གཞི་མེད་རྩ་བྲལ་རྫོགས་ཆེན་དོནཿ བརྗོད་བྲལ་བློ་འདས་ཆེན་པོ་ལཿ ཉམས་དང་བཤགས་པའི་མཁན་པོ་མེདཿ ཡེ་བསྲུངས་ཐིག་ལེ་ཉག་གཅིག་པུཿ སྤང་བླང་ཡོངས་གྲོལ་ཕྱལ་བ་ཆེཿ རང་ཤར་ལྷུན་གྲུབ་ཆོས་ཀྱི་སྐུཿ དེ་ལྟར་རྟོགས་ན་བཤགས་པའི་རྒྱལཿ ཞེས་བརྗོད་དགོངས་པ་དབྱིངས་ལ་གཏདཿ འ་ཨ་ཧ་ཤ་ས་མཿ སྟོང་ཉིད་ངང་ནས་ཡིག་དྲུག་བཟླཿ ཉེས་རྣམས་མ་ལུས་ཀུན་རྫོབ་ཕྱིརཿ མེ་ལོང་བག་རྡུལ་ཕྱིས་བཞིན་བྱཿ ཡིད་སྒྲིབ་དག་ཅིང་ཐུགས་དམ་བསྐངཿ ས་མ་ཡཿ བཞི་པ་དོང་སྤྲུགས་སྤྱི་བཤགས་ནིཿ ཧོཿ དགོངས་ཤིག་སྟོན་པ་རྡོ་རྗེ་འཆངཿ གཟིགས་ཤིག་རིགས་ལྔ་བདེ་བར་གཤེགསཿ སྒྱུ་འཕྲུལ་ཞི་ཁྲོ་རབ་འབྱམས་ལྷཿ བདག་ལ་གསན་ཅིང་དགོངས་སུ་གསོལཿ བདག་ཅག་གསང་སྔགས་སྒོར་ཞུགས་ཀྱངཿ ལས་དང་ཉོན་མོངས་སྟོབས་ཆེ་བསཿ ལྟ་སྒོམ་གདེངས་སུ་མ་གྱུར་ཅིངཿ མཛད་སྤྱོད་ཀླུངས་སུ་མ་ཆུད་པསཿ གསང་སྔགས་ཟབ་མོ་སྤྱད་ཉེས་ཏེཿ རྩ་བ་ཡན་ལག་དམ་ཚིག་རྣམསཿ ཉམས་འགལ་རལ་དང་འདས་པ་སོགསཿ རྒྱལ་བ་ཞི་ཁྲོའི་སྤྱན་སྔར་བཤགསཿ དངོས་གྲུབ་ཀུན་གྱི་འབྱུང་གནས་ཆེཿ རྡོ་རྗེ་སློབ་དཔོན་མི་རུ་བཟུངཿ སྐུ་མཆོག་བརྙས་ཤིང་བཀའ་གསང་བརྐུསཿ གཤེ་སྐུར་བཏབ་ཅིང་ཡ་བོ་བཟུངཿ སྐུ་ལ་བརྡོ་བའི་སྔགས་བཟློག་བྱསཿ གཟུངས་མ་སྲས་ལ་ཆགས་སྡང་ཤོརཿ ཐུགས་དཀྲུགས་ཐུགས་སུན་ཕྱུང་བའི་ལསཿ རྒྱལ་བ་ཞི་ཁྲོའི་སྤྱན་སྔར་བཤགསཿ ལྷ་དང་སྔགས་ཀྱི་དེ་ཉིད་སོགསཿ བཀའ་དྲིན་ནོད་ཀྱང་དོན་ལ་གཡེལཿ ཏིང་འཛིན་མ་བསྒོམས་བཟླས་བརྗོད་ཆགཿ བསྙེན་སྒྲུབ་གཡེལ་ཞིང་ཚོགས་མཆོད་ཆུང་ཿ དུས་མཆོད་ཆག་དང་ལོ་ཟླར་འདསཿ ཟབ་མོའི་ལྟ་སྤྱོད་མངོན་དུ་ཕྱུངཿ སྤྱིར་གསང་བཞི་དང་བར་གསང་བཞིཿ གསང་བར་འོས་དང་གཉེར་གཏད་པའིཿ གསང་སྒོ་ཡལ་བར་འདོར་བ་སོགསཿ སྐུ་གསུང་ཐུགས་ཀྱི་དམ་ཉམས་པསཿ མནར་མེད་དམྱལ་བའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ གཞན་ཡང་བདུད་ཀྱི་དབང་གྱུར་ནསཿ རང་ལ་དབང་མེད་བླ་མའི་སཿ བཟུང་ནས་ཟབ་མོའི་དབང་ཟོས་ཤིངཿ བཀའ་ལ་གཟུ་ལུམས་རས་ཆོད་བྱསཿ གབ་པའི་གསང་བ་མ་རྟོགས་པརཿ སྦས་པའི་གསང་བར་མངོན་འཆེལ་ཏེཿ གསང་སྔགས་ཟབ་མོའི་སྤྱོད་པ་རྣམསཿ བབ་ཆོལ་རུ་ཏྲ་ལྟ་བུར་སྤྱདཿ སྤྱི་སྒོས་ཉེ་བའི་མཆེད་རྣམས་དངཿ ཁྱད་པར་རྡོ་རྗེའི་སྤུན་གྲོགས་ལཿ ངན་སེམས་དཔྱ་སེམས་བརྐུ་འཕྲོག་དང་ཿ རྡེག་བཙོག་ངན་སྨྲས་གནོད་པ་ཤོརཿ འདོད་ལ་སྲེད་ཅིང་བརྐམ་པ་ཡིསཿ དཀོན་མཆོག་གསུམ་གྱི་དཀོར་འཕྲོགས་ཤིངཿ སྒྲུབ་མཆོད་ཚོགས་ཀྱི་སྤྱང་ཀི་བྱསཿ གཙང་སྦྲ་ཉམས་དང་དམ་ཉམས་འདྲེསཿ ཕ་མ་དབུལ་ཕོངས་ནད་པའི་ཟསཿ དཀའ་ཐུབ་དབེན་པའི་སྒྲུབ་རྒྱགས་ལཿ ཚོད་ཡོད་པྲེ་ཏའི་རྒྱུ་བསགས་པཿ རྒྱལ་བ་ཞི་ཁྲོའི་སྤྱན་སྔར་བཤགསཿ ཡན་ལག་དམ་ཚིག་ཉི་ཤུ་ལྔའིཿ སྤྱད་པར་བྱ་བའི་དམ་ཚིག་ནིཿ ཞིང་བཅུ་སྒྲོལ་དང་བདེ་སྟོང་སྦྱོརཿ འཇུར་གེགས་ཅན་གྱི་ཟས་དང་ནོརཿ མཆོད་སྦྱིན་སླད་དུ་མ་བྱིན་བླངཿ ཟབ་མོ་གསང་ཕྱིར་རྫུན་དུ་སྨྲཿ དོན་ཆེན་སྒྲུབ་པའི་ངག་འཁྱལ་རྣམསཿ བརྟུལ་ཞུགས་ཆུང་བས་ལམ་མ་ལོངསཿ སྤྱོད་པ་རྩིངས་པས་ཐ་མལ་གོལཿ དེ་ཡང་ཞི་ཁྲོའི་སྤྱན་སྔར་བཤགསཿ མི་སྤང་བ་ཡི་དམ་ཚིག་ལྔཿ འདོད་ཆགས་ཞེ་སྡང་གཏི་མུག་དངཿ ང་རྒྱལ་ཕྲག་དོག་རྣམ་པ་ལྔཿ ཡེ་ཤེས་རིགས་ལྔའི་རང་བཞིན་ལཿ ཐེག་དམན་བློ་ཡིས་སྤངས་པ་དངཿ ངོ་བོར་མ་གྲོལ་རང་རྒྱུད་ཤོརཿ དེ་ཡང་ཞི་ཁྲོའི་སྤྱན་སྔར་བ་ཤགསཿ དང་དུ་བླང་བའི་དམ་ཚིག་ལྔཿ དྲི་ཆེན་དྲི་ཆུ་མཱཾ་ས་དངཿ རཀྟ་རྡོ་རྗེའི་ཟིལ་པ་ལྔཿ དངོས་གྲུབ་ཆེན་པོ་སྒྲུབ་པའི་རྫསཿ ཡེ་ནས་བདུད་རྩིའི་རང་བཞིན་ལཿ གཙང་དམེའི་བློ་ཡིས་བྲམ་ཟེར་གོལཿ ཡང་ན་བག་མེད་སྨྱོ་ཐབས་སྤྱདཿ ཆོས་ཉིད་མཉམ་པར་མ་རྟོགས་པཿ དེ་ཡང་ཞི་ཁྲོའི་སྤྱན་སྔར་བཤགསཿ ཤེས་པར་བྱ་བའི་དམ་ཚིག་ལྔཿ ཕུང་པོ་རྒྱལ་བ་ལྔར་མ་ཤེསཿ འབྱུང་ལྔ་རིགས་ཀྱི་ཡུམ་ལྔ་དངཿ དབང་ཡུལ་སེམས་དཔའ་སེམས་མ་སོགསཿ གནས་འགྱུར་རང་བཞིན་མ་ཤེས་པསཿ རང་གར་བལྟས་ཤིང་བརྙས་པ་ཤོརཿ དེ་ཡང་ཞི་ཁྲོའི་སྤྱན་སྔར་བཤགསཿ བསྒྲུབ་པར་བྱ་བའི་དམ་ཚིག་ལྔཿ རྡོ་རྗེ་རིན་ཆེན་པདྨ་དངཿ ཕྲིན་ལས་དེ་བཞིན་གཤེགས་པའི་རིགསཿ སྣོད་བཅུད་ཆེན་པོར་ཡེ་སངས་རྒྱསཿ ཀུན་གཞིའི་དབྱིངས་ལ་དངོས་གྲུབ་རྒྱུནཿ བཞུགས་ཀྱང་སྒྲུབ་པ་རྔོ་མ་ཐོགསཿ ཀློང་དུ་མ་གྱུར་རྩལ་ཤུགས་ཆུངཿ དེ་ཡང་ཞི་ཁྲོའི་སྤྱན་སྔར་བཤགསཿ གཞན་ཡང་ངེས་གསང་ཐེག་པ་ཡིཿ ཁྱད་པར་དམ་ཚིག་ཉི་ཤུ་དངཿ སྤྱོད་པ་རྒྱུན་གྱི་དམ་ཚིག་བཞིཿ རང་བཞིན་ལྟ་བའི་དམ་ཚིག་བཞིཿ གལ་མདོ་ངེས་པའི་དམ་ཚིག་གསུམཿ ལྷག་པའི་དམ་ཚིག་ཉམས་པ་སོགསཿ གསང་སྔགས་སྤྱི་ཡི་དམ་ཚིག་དངཿ མདོར་ན་ཁ་ན་མ་ཐོའི་ལསཿ འཇིག་རྟེན་ཁྲེལ་དང་ངོ་ཚ་ཉམསཿ ཉན་ཐོས་རང་རྒྱལ་བྱང་སེམས་ཀྱིཿ བཅས་དང་རང་བཞིན་ལས་ཉམས་པསཿ ངན་སོང་འཁོར་བའི་རྒྱུ་བསགས་པཿ མ་ལུས་མཐོལ་ཞིང་བཤགས་ལགས་ནཿ འཕགས་པ་ལགས་པས་གནང་བར་མཛོདཿ སེམས་ཅན་ལགས་པས་ནོར་འཁྲུལ་མཆིསཿ སྒྱུ་མ་ལགས་པས་ཚངས་པར་སྩོལཿ ཐབས་ལ་མཁས་པས་བྱང་བར་མཛོདཿ ཧོཿ དམ་ཚིག་ཉམས་པའི་ཆད་པ་མི་བཟོད་པསཿ རྡོ་རྗེ་མཁའ་འགྲོས་སྙིང་ཁྲག་འཐུངས་པ་དངཿ ཚེ་ཐུང་ནད་མང་ནོར་ཡལ་དགྲས་འཇིགས་དངཿ མནར་མེད་དམྱལ་བ་ཤིན་ཏུ་སྐྱི་གཡའ་བརཿ སྡུག་བསྔལ་མི་བཟོད་ཡུན་རིང་གནས་པ་རྣམསཿ བདག་གི་དམ་ཚིག་བཤགས་པར་བགྱིས་པ་ཡིསཿ ཉམས་ཤིང་ཆགས་པ་ཐམས་ཅད་སོར་ཆུད་དེཿ གོ་འཕང་ཆེན་པོའི་འབྲས་བུ་ཐོབ་པར་ཤོགཿ གཉིས་པ་སྐོང་ལ་རྣམ་གྲངས་བདུནཿ དང་པོ་ཀུན་བཟང་མཆོད་སྤྲིན་ནིཿ ཧོཿ སྣང་སྲིད་ཡོངས་རྫོགས་དམ་པ་རིགས་བརྒྱའི་ལྷཿ སྣོད་བཅུད་མ་ལུས་འདོད་ཡོན་རོལ་པའི་རྒྱནཿ ཀུན་བཟང་མཆོད་པའི་སྤྲིན་ཕུང་འབྱམས་ཀླས་པཿ ཆོས་ཉིད་མངོན་སུམ་དོན་གྱི་ལྷ་ལ་འབུལཿ ཉམས་སྣང་གོང་འཕེལ་ངང་དུ་བཞེས་ནས་ཀྱངཿ རིག་པ་ཚད་ཕེབས་ཀློང་དུ་ཚོགས་རྫོགས་ཤིངཿ ཆོས་ཟད་བློ་འདས་ཆེན་པོར་སངས་རྒྱས་ཏེཿ འཁོར་བ་དོང་ནས་སྤྲུགས་པའི་དངོས་གྲུབ་སྩོལཿ ནམ་མཁའ་མཛོད་ཀྱི་སྔགས་རྒྱ་བརྗོདཿ གཉིས་པ་སྦྱོར་བ་སྨན་གྱི་སྐོངཿ མཐེབ་སྲིན་ཉི་ཟླའི་གའུས་འབུལཿ ཧཱུྃཿ བདེ་ཆེན་འཁོར་ལོའི་བྷནྡྷ་རུཿ ཧཾ་ཡིག་རང་བྱུང་བདུད་རྩིར་བསྐྱིལཿ སྲོག་འཛིན་ཡེ་ཤེས་ཐིག་ལེ་འདིསཿ སྤྲུལ་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལོངས་སྤྱོད་འཁོར་ལོའི་བྷནྡྷ་རུཿ བཟའ་བཏུང་ལྷུན་གྲུབ་བདུད་རྩིར་བསྐྱིལཿ རྩ་མདུད་རང་གྲོལ་ཐིག་ལེ་འདིསཿ ལོངས་སྐུའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྤྲུལ་པའི་འཁོར་ལོའི་བྷནྡྷ་རུཿ འབར་འཛག་བཅུད་ཀྱི་བདུད་རྩིར་བསྐྱིལཿ བདེ་བ་ཆེན་པོའི་ཐིག་ལེ་འདིསཿ མི་འགྱུར་རྡོ་རྗེའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེ་སྐྱོང་འཁོར་ལོའི་བྷནྡྷ་རུཿ བྱང་ཆུབ་སེམས་མཆོག་བདུད་རྩིར་བསྐྱིལཿ དགའ་བཞི་དབྱིངས་གྲོལ་ཐིག་ལེ་འདིསཿ མངོན་པར་བྱང་ཆུབ་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ གསུམ་པ་སྒྲོལ་བ་རཀྟའི་སྐོངཿ ཧཱུྃཿ ཀློང་ལྔ་དབྱིངས་ཀྱི་ཀ་པཱ་ལརཿ སྣང་སྲིད་ཡུམ་གྱི་རཀྟར་བསྐྱིལཿ ཀུན་ཏུ་བཟང་པོའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྟོང་ཆེན་ཡུམ་གྱི་ཀ་པཱ་ལརཿ སྣང་སྲིད་བཅུད་ཀྱི་རཀྟར་བསྐྱིལཿ གཙང་དམེ་བྲལ་བའི་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཨེ་དབྱིངས་ཆོས་འབྱུང་ཀ་པཱ་ལརཿ ཞིང་བཅུའི་སྙིང་ཁྲག་རཀྟར་བསྐྱིལཿ འཁོར་བ་ལུགས་ལྡོག་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབུ་མ་རྩ་ཡི་ཀ་པཱ་ལརཿ དུག་གསུམ་རྣམ་རྟོག་རཀྟར་བསྐྱིལཿ རྒྱུད་དྲུག་ཀུན་གྲོལ་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ སྒྲ་གཅན་རླུང་གི་ཀ་པཱ་ལརཿ ཙནྜ་ལཱི་ཡི་རཀྟར་བསྐྱིལཿ དགའ་བཞི་བདེ་སྟོང་རྫས་མཆོག་འདིསཿ ཞི་ཁྲོའི་ལྷ་ཚོགས་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བཞི་པ་ཟུང་འཇུག་གཏོར་མའི་སྐོངཿ ཧཱུྃ་ཧྲཱིཿ མ་བཅོས་ཀློང་ཡངས་གཏོར་གཞོང་དུཿ སྣང་སྲིད་ཡོངས་གྲོལ་གཏོར་མར་བཤམསཿ དངོས་འཛིན་བྲལ་བའི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བདེན་མེད་སྒྱུ་མའི་གཏོར་གཞོང་དུཿ གཏད་མེད་ཆོས་སྐུའི་གཏོར་མར་བཤམསཿ ཚོགས་དྲུག་རང་ཡན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྷུན་གྲུབ་ཕུང་པོའི་གཏོར་གཞོང་དུཿ དོན་སྣོད་རང་བྱུང་གཏོར་མར་བཤམསཿ ཁྱད་པར་རྨད་བྱུང་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྔ་ཕུང་སྒྱུ་མའི་གཏོར་གཞོང་དུཿ བདུད་རྩི་ལྔ་ཡི་གཏོར་མར་བཤམསཿ རིགས་ལྔ་བཅུད་ཀྱི་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ བྷ་ག་དབྱིངས་ཀྱི་གཏོར་གཞོང་དུཿ ལིང་ག་རིག་པའི་གཏོར་མར་བཤམསཿ ཟུང་འཇུག་བདེ་ཆེན་དམ་རྫས་འདིསཿ རང་སྣང་ཞི་ཁྲོའི་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ལྔ་པ་སྦྱོར་སྒྲོལ་ཚོགས་ཀྱི་སྐོངཿ དང་པོ་བྱིན་གྱིས་བརླབ་པ་ནིཿ ཧཱུྃཿ བདག་ཉིད་ཐུགས་ལས་རཾ་ཡཾ་ཁཾཿ འཕྲོས་པས་ཚོགས་ཀྱི་ཉེས་སྐྱོན་སྦྱངསཿ ཨོཾ་ཨཱཿཧཱུྃ་གིས་བདུད་རྩིར་བསྒྱུརཿ འདོད་ཡོན་ནམ་མཁའ་མཉམ་པར་སྤེལཿ རཾ་ཡཾ་ཁཾཿ ཨོཾ་ཨཱཿཧཱུྃཿ གཉིས་པ་ཚོགས་ཞིང་སྤྱན་འདྲེན་ནིཿ ཧཱུྃཿ འོག་མིན་བདེ་ཆེན་ཞིང་ཁམས་དངཿ ནུབ་ཕྱོགས་ཨུ་རྒྱན་སྤྲུལ་པའི་གླིངཿ ཁྱད་པར་རྔ་ཡབ་དཔལ་གྱི་རིཿ གནས་ཡུལ་དུར་ཁྲོད་བརྒྱད་སོགས་ནསཿ རིག་འཛིན་འདུས་པའི་ལྷ་ཚོགས་རྣམསཿ ཚོགས་ལ་སྤྱན་འདྲེན་གཤེགས་སུ་གསོལཿ དུར་ཁྲོད་ཚོགས་ཁང་ཉམས་རེ་དགའཿ མཁའ་འགྲོའི་འདུ་བ་བག་རེ་བྲོཿ རྣལ་འབྱོར་ཕོ་མོ་དམ་རེ་གཙངཿ འདོད་ཡོན་ཚོགས་མཆོད་མདངས་དང་ལྡནཿ འདིར་གཤེགས་ཚོགས་ལ་བྱིན་ཆེན་ཕོབཿ མཆོག་དང་ཐུན་མོང་དངོས་གྲུབ་སྩོལཿ གསུམ་པ་ཚོགས་ཕུད་ཕུལ་བ་ནིཿ ཧཱུྃཿ རྩ་གསུམ་རིག་འཛིན་རྒྱ་མཚོ་དངཿ ཌཱཀྐི་ཆོས་སྲུང་དམ་ཅན་ལཿ འདོད་ཡོན་ལོངས་སྤྱོད་ཚོགས་མཆོད་འབུལཿ མཆོག་དང་ཐུན་མོང་དངོས་གྲུབ་སྩོལཿ གྷ་ན་ཙཀྲ་པཱུ་ཙ་ཁཱ་ཧིཿ བཞི་པ་བར་པ་བཤགས་པ་ནིཿ ཧཱུྃ་བདག་གིས་ཚེ་རབས་ཐོག་མེད་ནསཿ གསང་སྔགས་ཐེག་ཆེན་སྒོར་ཞུགས་ཏེཿ རྩ་བ་ཡན་ལག་དམ་ཉམས་པཿ འདོད་ཡོན་ཚོགས་ཀྱི་མཆོད་པས་བཤགསཿ བཛྲ་ས་མ་ཡ་ཨཱཿ ལྔ་པ་བསྒྲལ་ཞིང་བསྟབ་པ་ནིཿ ཧཱུྃཿ མ་རིག་ལས་ཉོན་གཟུང་འཛིན་གྱིསཿ བསྐྱེད་པའི་བདག་འཛིན་རཱུ་ཏྲ་ཀུནཿ གཟུགས་ལ་ཕོབ་ཅིག་ྈྈ་ནྲྀ་ཏྲི་ཛཿ རྣམ་ཤེས་ཆོས་དབྱིངས་ཀློང་དུ་ཕཊཿ གཟུགས་ཕུང་ཚོགས་ཀྱི་འཁོར་ལོར་རོལཿ རཱུ་ཏྲ་སརྦ་ཧ་ལ་པཉྩ་པཱུ་ཙ་ཁཱ་ཧིཿ དྲུག་པ་ལྷག་མ་བསྔོ་བ་ནིཿ ཧཱུྃཿ དཀྱིལ་འཁོར་ཆེན་པོའི་མུ་རན་ལཿ གནས་པའི་དབང་ཕྱུག་གིང་ལངྐཿ ལྷག་མའི་གཏོར་མ་འདི་བཞེས་ལཿ རྣལ་འབྱོར་སྒྲུབ་པའི་བར་ཆད་སྲུངསཿ ཨུཥ་ཙི་ྈྈཊ་བྷ་ལིངྟ་ཁཱ་ཧིཿ བདུན་པ་སྣང་གསལ་མར་མེའི་སྐོངཿ ཨཱཿ ཀུན་གཞི་རང་བྱུང་ཀོང་བུ་རུཿ རྣམ་ཤེས་རྣམ་དག་སྡོང་བུ་བཙུགསཿ ཆོས་དབྱིངས་ཡེ་ཤེས་མར་ཁུས་གཏམསཿ རིག་པ་རང་གསལ་སྒྲོན་མེ་སྤརཿ ཀ་དག་གཞི་ཡི་སྣང་བ་འདིསཿ མི་བསྐྱོད་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ དབྱིངས་རིག་སྟོང་པའི་ཀོང་བུ་རུཿ ལྷུན་གྲུབ་གཟུགས་སྣང་སྡོང་བུ་བཙུགསཿ མེ་ལོང་ཡེ་ཤེས་མར་ཁུས་གཏམསཿ ཤེས་རབ་རང་བྱུང་སྒྲོན་མེ་སྦརཿ ཆོས་ཉིད་མངོན་སུམ་སྣང་བ་འདིསཿ རྣམ་སྣང་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ ཀ་ཏི་ཤེལ་གྱི་ཀོང་བུ་རུཿ ཚོར་བ་རྣམ་དག་སྡོང་བུ་བཙུགསཿ མཉམ་ཉིད་ཡེ་ཤེས་མར་ཁུས་གཏམསཿ རྒྱངས་ཞགས་འོད་གསལ་སྒྲོན་མེ་སྦརཿ ཉམས་སྣང་གོང་འཕེལ་སྣང་བ་འདིསཿ རིན་ཆེན་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ འཇའ་ཟེར་ཐིག་ལེའི་ཀོང་བུ་རུཿ འདུ་ཤེས་རྣམ་དག་སྡོང་བུ་བཙུགསཿ སོར་རྟོག་ཡེ་ཤེས་མར་ཁུས་གཏམསཿ དག་པ་དབྱིངས་ཀྱི་སྒྲོན་མེ་སྦརཿ རིག་པ་ཚད་ཕེབས་སྣང་བ་འདིསཿ སྣང་མཐའི་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ གཞོན་ནུ་བུམ་སྐུའི་ཀོང་བུ་རུཿ འདུ་བྱེད་རྣམ་དག་སྡོང་བུ་བཙུགསཿ བྱ་གྲུབ་ཡེ་ཤེས་མར་ཁུས་གཏམསཿ ཐིག་ལེ་སྟོང་པའི་སྒྲོན་མེ་སྦརཿ བློ་བྲལ་ཆོས་ཟད་སྣང་བ་འདིསཿ དོན་གྲུབ་རིགས་མཆོག་ཐུགས་དམ་སྐོངཿ བསྐངས་གྱུར་དབང་དང་དངོས་གྲུབ་སྩོལཿ མར་མེའི་སྨོན་ལམ་ནིཿ ཧཱུྃཿ རིག་པ་བྱང་ཆུབ་སེམས་ཀྱི་དཀྱིལ་འཁོར་དུཿ རིག་གདངས་སློབ་དཔོན་གཉེན་གྱིས་དབུ་བཟུང་ནསཿ རིག་རྩལ་ལུ་གུ་རྒྱུད་ཀྱི་མཆེད་ལྕམ་རྣམསཿ རིག་སྟོང་རྗེན་པའི་གཤིས་ལ་མི་འདའ་ཤོགཿ ནམ་ཞིག་གདོད་མའི་ལྷུམས་སུ་ཞུགས་པའི་ཚེཿ མ་རིག་འཁྲུལ་པའི་གཡང་སར་མི་བཏང་ཞིངཿ འཁོར་བ་ལུ་གུ་རྒྱུད་དུ་མི་ལྷུང་བརཿ འཁོར་བ་ཀ་ནས་དག་པ་གཞི་དབྱིངས་ཆེརཿ གཞི་སྣང་གཞོན་ནུ་བུམ་སྐུར་གྲོལ་བར་ཤོགཿ གལ་ཏེ་གདོད་མའི་ས་ལ་མ་གྲོལ་ནཿ ལྷུན་གྲུབ་ཞི་ཁྲོའི་སྣང་བ་འཆར་བའི་ཚེཿ རང་སྣང་ཡེ་ཤེས་ཆེན་པོར་ངོ་འཕྲོད་ནསཿ བར་དོ་ལོངས་སྤྱོད་རྫོགས་སྐུར་གྲོལ་བར་ཤོགཿ ཡེ་གདངས་གསལ་སྟོང་དག་པ་གཉིས་ལྡན་ཆེཿ སྟོང་གཟུགས་དྭངས་མ་ལྔ་ལྡན་རིགས་ལྔའི་ཞིངཿ རང་སྣང་རྣམ་དག་ལོངས་སྐུའི་ཞིང་ཁམས་སུཿ དག་པ་གསུམ་གྱི་འཁོར་ལ་ཆོས་སྟོན་ཤོགཿ གལ་ཏེ་ལོངས་སྐུའི་ཞིང་དུ་མ་གྲོལ་ནཿ རང་བཞིན་སྤྲུལ་སྐུའི་ཞིང་ཁམས་ལྔ་ཚོམ་དངཿ རིགས་འདུས་རྔ་ཡབ་དཔལ་རིའི་ཕོ་བྲང་ཆེརཿ སྐད་ཅིག་ཉིད་ལ་བརྫུས་ཏེ་སྐྱེས་ནས་ཀྱངཿ རིག་འཛིན་རྣམ་བཞིའི་གྲལ་དུ་སྨིན་པར་ཤོགཿ ཐེག་པ་རིམ་དགུའི་ཡངས་རྩེ་ཡོ་ག་གསུམཿ དེ་ལས་རྣམ་པར་འདས་པ་མན་ངག་སྡེའིཿ དགོངས་ཀློང་བྱ་རྩོལ་བྲལ་བའི་གཤིས་ལུགས་སུཿ བློས་བྱས་བདེན་ཞེན་དྲི་མ་དག་པར་ཤོགཿ རང་རིག་གདོད་ནས་དག་པའི་རང་མདངས་སུཿ རང་རྩལ་དམ་པ་རིགས་བརྒྱ་ཞི་ཁྲོའི་སྐུཿ སྣང་ལ་རང་བཞིན་མེད་པའི་དལ་བཀྲམ་སྟེཿ ཡེ་ཤེས་མཐོང་བ་དག་པའི་མར་མེ་འབུལཿ ཉོན་མོངས་འཁོར་བའི་ཆོས་ཀྱི་མུན་པ་སངསཿ བཟང་ཞེན་ཤེས་བྱའི་སྨག་རུམ་བསལ་ནས་ཀྱངཿ བརྗོད་མེད་ལྷག་མཐོང་ཡེ་ཤེས་ཆེན་པོའི་ཀློངཿ ཉམས་རྟོགས་རིག་པའི་རྩལ་ཆེན་རྫོགས་པར་ཤོགཿ ཕུང་པོ་ལྔ་དག་རིགས་ལྔའི་ཞིང་དུ་གྲོཿ འབྱུང་ལྔ་གནས་དག་རིགས་ཀྱི་ཡུམ་ལྔར་སྨིནཿ རྣམ་ཤེས་དབང་དག་སེམས་དཔའ་བརྒྱད་དུ་གྲོལཿ སྣང་བཞི་ཟད་ནས་འཇའ་ལུས་འགྲུབ་པར་ཤོགཿ དྲན་རིག་འོད་གསལ་ཆེན་པོའི་མར་མེ་འདིཿ རྒྱུན་ཆད་མེད་པར་སྦར་བའི་བསོད་ནམས་མཐུསཿ ལས་རླུང་བག་ཆགས་མུན་པ་དྲུངས་ཕྱུང་ནསཿ ཀུན་བཟང་དགོངས་ཀློང་ཆམ་གཅིག་གྲོལ་བར་ཤོགཿ བདུན་པ་དབྱིངས་གྲོལ་ལྟ་བའི་སྐོངཿ ཧོཿ མཆོད་དུ་མེད་དེ་ལྟ་བའི་ཀློངཿ རྟག་ལྟ་ཆོས་སྐུའི་ཀློང་དུ་བསྐངཿ བསྐང་དུ་མེད་དེ་སྒོམ་པའི་ངངཿ ཆད་ལྟ་གཟུགས་སྐུའི་ཀློང་དུ་བསྐངཿ སྤྱོད་དུ་མེད་དེ་ཆོས་ཉིད་གཤིསཿ མ་བཅོས་རྫོགས་པ་ཆེན་པོར་བསྐངཿ སྦྱོར་དུ་མེད་དེ་ཟུང་འཇུག་ཀློངཿ སྡུག་བསྔལ་བདེ་བ་ཆེན་པོར་བསྐངཿ བསྒྲལ་དུ་མེད་དེ་མཉམ་ཉིད་དབྱིངསཿ ཡེ་སྒྲོལ་ཡེ་སྦྱོར་ཆེན་པོར་བསྐངཿ མདོར་ན་ཉམས་ཆག་ཉེས་ལྟུང་དངཿ ཁམས་གསུམ་རྒྱུད་དྲུག་སྡུག་བསྔལ་གྱིཿ རྒྱུ་དང་འབྲས་བུར་བཅས་པ་རྣམསཿ ཀུན་བཟང་ཡངས་པ་ཆེན་པོའི་ཀློངཿ བྱང་ཞིང་དག་ནས་སོར་ཆུད་དེཿ བདེ་བ་ཆེན་པོའི་ཀློང་དུ་ཨཱཿ གསུམ་པ་རྗེས་ཀྱི་རིམ་པ་ལ་དགུ་ལསཿ དང་པོ་ཐུགས་དམ་བསྐུལ་བ་ནིཿ ཧཱུྃ་བཞེངས་ཤིག་རིག་འཛིན་འདུས་པའི་ལྷཿ ཆོས་ཀྱི་དབྱིངས་ནས་སྐུར་བཞེངས་ལཿ བྱང་ཆུབ་སྒྲུབ་པའི་བར་ཆད་ཐུལཿ སྣོད་བཅུད་འབྱུང་བའི་རྒུད་པ་སོལཿ རྩ་རླུང་དབང་ཐང་ཉམས་པ་གསོསཿ སྒྲུབ་པའི་འབྲས་བུ་མཆིས་པར་མཛོདཿ གཉིས་པ་ཆད་ཐོ་བྱ་བ་ནིཿ ཧཱུྃཿ སྔོན་ཚེ་འོག་མིན་བདེ་ཆེན་ཞིངཿ ལྷ་གནས་གསུམ་སོགས་ཉམས་དགའ་བརཿ གསང་ཆེན་རྒྱུད་སྡེའི་གནས་བསྟན་ཚེཿ རྡོ་རྗེ་ཐེག་པའི་བཀའ་སྲུང་རྣམསཿ དམ་ཚིག་གཉན་པོའི་གྲལ་དུ་བཞགཿ བར་དུ་གངས་ཅན་བོད་ཀྱི་ཡུལཿ ཨོ་རྒྱན་པདྨ་ཐོད་ཕྲེང་གིསཿ གསང་སྔགས་ཆོས་འཁོར་བསྐོར་བའི་ཚེཿ སྲིད་པའི་ལྷ་འདྲེ་ཆེ་དགུ་ཡིསཿ སྲོག་སྙིང་ཕུལ་ཏེ་རྩིས་སུ་ཕབཿ ཐ་མ་འོད་གསལ་དག་པའི་ཞིངཿ བདེ་བ་ཆེན་པོའི་ཕོ་བྲང་དུཿ རིག་འཛིན་པདྨ་དབང་ཆེན་ལཿ པད་འབྱུང་དྲི་མེད་འོད་ཟེར་གྱིསཿ ཀློང་ཆེན་ཟབ་རྒྱའི་དབུགས་དབྱུང་ཞིངཿ ཡེ་ཤེས་དབྱིངས་ཀྱི་མཁའ་འགྲོ་མསཿ ཀློང་གསལ་བརྡ་རིས་སྤྲད་པའི་ཚེཿ གཟའ་རྒོད་སྲོག་གི་སྤུ་གྲི་སོགསཿ བཀའ་སྲུང་གཉན་པོས་ཁས་བླངས་བཞིནཿ མཆོད་གཏོར་རྒྱན་ལྡན་འདི་བཞེས་ལཿ ལས་བཞིའི་ཕྲིན་ལས་སྒྲུབ་པར་མཛོདཿ གསུམ་པ་བསྟན་མ་སྐྱོང་བ་ནིཿ ཧཱུྃཿ དཔལ་གྱི་བཀའ་ཉན་བོད་ཁམས་སྐྱོངཿ མ་སྲིང་བསྟན་མ་བཅུ་གཉིས་རྣམསཿ འདིར་བྱོན་གཏོར་མའི་བཤལ་ཆུ་བཞེསཿ བཅོལ་བའི་ཕྲིན་ལས་གྲུབ་པར་མཛོདཿ མ་མ་ཧྲིཾ་ཧྲིཾ་བྷ་ལིངྟ་ཁཱ་ཧིཿ བཞི་པ་རྟ་བྲོ་བྱ་བ་ནིཿ ཧཱུྃཿ རིག་འཛིན་རྒྱལ་བའི་དཀྱིལ་འཁོར་འདིརཿ ལོག་པར་འདྲེན་པའི་དམ་སྲི་ཀུནཿ མནན་ནོ་ཐེག་པ་རིམ་དགུའི་རྒྱཿ ནམ་ཡང་ལྡང་བར་མ་གྱུར་ཅིགཿ སྟྭཾ་བྷ་ཡ་ནནཿ ལྔ་པ་དངོས་གྲུབ་བླང་བ་ནིཿ ཧོཿ རིག་འཛིན་དཀྱིལ་འཁོར་ལྷ་ཚོགས་རྣམསཿ བསྙེན་ཅིང་སྒྲུབ་པའི་དམ་ཚིག་ཐེམསཿ རྡོ་རྗེ་སྲིན་པོའི་ནམ་ཡང་ལངསཿ དངོས་གྲུབ་སྩོལ་བའི་དུས་ལ་བབཿ སྐུ་གསུང་ཐུགས་ཀྱི་དཀྱིལ་འཁོར་ནསཿ མི་གནས་ཡེ་ཤེས་གསང་བ་མཆོགཿ རྡོ་རྗེ་གསུམ་གྱིས་བྱིན་རློབས་ལཿ མཆོག་དང་ཐུན་མོང་དངོས་གྲུབ་ཀུནཿ ད་ལྟ་ཉིད་དུ་ཐོབ་པར་སྩོལཿ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱརྟུ་ཨཱཿཧཱུྃཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ ཀཱ་ཡ་ཝཱཀྐ་ཙིཏྟ་ཨ་ལ་ལཿ སིདྡྷི་ཕ་ལ་ཧཱུྃཿ དྲུག་པ་ནོངས་པ་བཤགས་པ་ནིཿ ཧཱུྃཿ རིག་འཛིན་འདུས་པའི་དཀྱིལ་འཁོར་དུཿ མཆོད་རྫས་མ་ཚང་སྒྲུབ་པ་གཡེལཿ ཏིང་འཛིན་བྱིང་རྨུགས་འཐིབས་པ་སོགསཿ འགལ་འཁྲུལ་ནོངས་པ་བཟོད་པར་གསོལཿ ཨོཾ་བཛྲ་སཏྭ་སོགས་བརྗོདཿ བདུན་པ་རྫོགས་རིམ་བསྡུ་བ་ནིཿ ཧོཿ ཆུ་ལས་ཆུ་བུར་ཐིམ་བཞིན་དུཿ རང་ལས་སྤྲུལ་པའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ བརྒྱད་པ་བསྔོ་སྨོན་མཚམས་སྦྱོར་ནིཿ ཧོཿ དུས་གསུམ་བསགས་པའི་དགེ་རྩ་ཀུནཿ རྣམ་མཁྱེན་གདོད་མའི་རྒྱུ་རུ་བསྔོཿ བདག་སོགས་འདུས་པར་བཅས་པ་རྣམསཿ ཚོམ་བུ་གཅིག་ཏུ་སངས་རྒྱས་ཤོགཿ དགུ་པ་བཀྲ་ཤིས་བརྗོད་པ་ནིཿ ཧོཿ རིག་འཛིན་བརྒྱུད་པའི་བྱིན་རླབས་དངཿ དཀོན་མཆོག་གསུམ་གྱི་བདེན་པ་དངཿ གསང་སྔགས་ཟབ་མོའི་རྟེན་འབྲེལ་གྱིསཿ འཇིགས་བརྒྱད་ཞི་བའི་བཀྲ་ཤིས་ཤོགཿ ཚེ་བསོད་རྒྱས་པའི་བཀྲ་ཤིས་ཤོགཿ སྣང་བ་དབང་འདུས་བཀྲ་ཤིས་ཤོགཿ ལོག་འདྲེན་ཚར་གཅོད་བཀྲ་ཤིས་ཤོགཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ སྒྲར་གྲགས་བདེ་ཆེན་སྔགས་སུ་དགཿ དྲན་རྟོགས་འོད་གསལ་ཆོས་སྐུར་སྨིནཿ འཇའ་ལུས་ཟང་ཐལ་བཀྲ་ཤིས་ཤོགཿ བི་མ་ལ་དང་གསང་ཞབས་སོགསཿ པཎ་གྲུབ་རྣམས་ལ་གྲགས་པ་ཡིཿ ཞི་ཁྲོ་ཁྲོམ་དཀྲུགས་ཞེས་བྱ་བའིཿ སྔ་འགྱུར་བཀའ་མའི་གཞུང་བཟང་པོཿ དངོས་ལ་མིང་བཏགས་མཐུ་ཆེ་བསཿ ནུབ་ལ་ཉེ་བ་མ་བཟོད་དེཿ ན་རག་གདོང་སྤྲུགས་གང་ཡིན་པའིཿ དངོས་དོན་འཁྲུལ་པ་མེད་པར་བསྡེབསཿ བཀའ་གཏེར་ཟུང་དུ་འཇུག་པ་ལཿ པདྨའི་རིང་ལུགས་ཞེས་སུ་གྲགསཿ འགྲོ་ཀུན་ཆོས་ཀྱི་མིག་ལྡན་པསཿ ཡང་དག་ལམ་ལ་འཇུག་པར་ཤོགཿ ཅེས་པའང་རང་བྱུང་རྡོ་རྗེས་སོཿ ཿ<br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-009&diff=64203 2026-09-30T15:01:14Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ།<br /> |fulltitle=dkyil 'khor thams cad kyi ngo bo bla ma mchod pa'i cho ga dngos grub rgya mtsho<br /> |citation='jigs med gling pa. ''Dkyil 'khor thams cad kyi ngo bo bla ma mchod pa'i cho ga dngos grub rgya mtsho''. In ''Kun mkhyen rig 'dzin 'jigs med gling pa'i gsung 'bum'', Vol. 10: 133-195. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Guru Offering Texts- bla ma mchod pa, Ritual and Liturgical Texts - cho ga phyag len<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=009<br /> |pagenumbers=133-195<br /> |totalpages=63<br /> |beginfolioline=1a1<br /> |endfolioline=32a4<br /> |totalfolios=32<br /> |multivolumework=No<br /> |rectonotes=bla ma mchod chog<br /> |versonotes=bla ma mchod pa'i cho ga dngos grub rgya mtsho<br /> |colophontib=།ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།།<br /> |colophonwylie=ces pa'ang slob dpon bai ro tsa na'i sgrub gnas rgyal rong brag lha mgon po dang nye ba'i rdo yul zhes bya bar sngon gyi legs smon stobs su gyur pa'i las can gyi slob ma 'jigs med phrin las 'od zer gyis nye bar len pa'i rten 'brel gyis mtshams sbyar te/_bla sgrub rtsa ba'i gter gzhung la mkha' 'gro'i brda bsgyur ji ltar gnas pa bzhin rig 'dzin 'jigs med gling pas dpal ldan pad+ma 'od gling du sbyar bas 'gro kun bla ma'i go 'phang la reg pa'i rgyur gyur cig/__//dge'o/_/dge'o/_/dge'o//<br /> |pdflink=File:JLKO-KABUM-10-THA-009.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ་ཞེས་བྱ་བ་བཞུགས།<br /> <br /> ༄༅། །{{TibChung|གང་ཞིག་བསམ་གྱིས་མི་ཁྱབ་པའི། །ཡེ་ཤེས་ལྷན་ཅིག་སྐྱེས་པ་ནི། །བླ་མའི་བྱིན་གྱིས་ཐོབ་པའི་ཕྱིར། །དེ་ཉིད་མཆོད་པའི་ཆོ་ག་བཤད། །དེ་ལ་དུས་གསུམ་གྱི་སངས་རྒྱས་ཐམས་ཅད་ཀྱང་བླ་མའི་ཐུགས་རྗེ་དང་བྱིན་རླབས་ལ་བརྟེན་ནས་གྲོལ་ཞིང་དགྲོལ་བར་འགྱུར་བ་འབའ་ཞིག་ལས་སྟེས་དབང་དང་རང་བཟོས་གྲོལ་བ་མ་ཡིན་པའི་ཚུལ་ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུས་ཀྱང་ཕ་རོལ་ཕྱིན་མི་འགྱུར། །ཡོན་ཏན་ཐམས་ཅད་ཀུན་རྫོགས་ཀྱང་། །བླ་མ་མེད་ན་སྲིད་མཐའ་མིན། །ཞེས་སོ། །དེ་བས་ན་སྒོམ་པ་ཐམས་ཅད་ཀྱི་ནང་ནས་བླ་མ་སྒོམ་པ་དང་། མཆོད་པ་ཐམས་ཅད་ཀྱི་ནང་ནས་བླ་མ་མཆོད་པ་ལས་ལྷག་པའི་བསོད་ནམས་མེད་པའི་ཚུལ་ནམ་མཁའ་ཀློང་ཡངས་ལས། ལྷ་སྐུ་འབུམ་ཕྲག་སྟོང་བསྒོམས་པས། །བླ་མའི་མོས་པ་ཁྱད་པར་འཕགས། །ཞེས་དང་། དེའི་ཚུལ་ཡང་བསྐྱེད་རྫོགས་གཞན་དག་བསྙེན་སྒྲུབ་ལས་སྦྱོར་དང་བོགས་འདོན་གྱི་གྲོགས་རྐྱེན་ལ་ལྟོས་པ་ལས་རང་ངོ་དེས་མི་གྲོལ་ལ། འདིར་ནི། བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཞེས་དང་། རྒྱུད་སྡེ་ལྔ་བཅུ་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གི་ས་ཐོབ་འགྱུར། །ཞེས་པ་ལ་དགོངས་ནས། སྡོམ་འབྱུང་ལས། མཆོད་པ་ཐམས་ཅད་ཡོངས་སྤངས་ཏེ། །བླ་མ་མཆོད་པ་ཡང་དག་བརྩམ། །འདི་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་པས་འདིར་དེའི་ཚུལ་ལག་ཏུ་བླང་བའི་ཆོ་ག་ལ་སྦྱོར་དངོས་རྗེས་གསུམ་ལས། དང་པོ་ནི། དབང་དང་འབྲེལ་ན་ཚོན་དཀྱིལ་གཉིས་གང་རུང་གི་དཀྱིལ་འཁོར་སྒོ་རྫོགས་ཅན་སྤྱི་དང་མཐུན་པ་ལ་དབུས་ནས་རིམ་པར། རིན་ཆེན་ཟུར་བརྒྱད། རིག་འཛིན་སྣམ་བུ། པད་འདབ་བཅུ་བཞི། ཉེར་བཞི། ཞེ་ལྔ་པ་རྣམས་ལ་ལྷ་གནས་ཀྱི་དྲིའི་ཐིག་ལེ་བཀོད་པའི་ཤར་སྒོའི་གཡས་གཡོན་དུ་དབང་རྫས་ཀྱང་བཤམ། ཚོགས་གསོག་སྤྱིར་བཏང་ཙམ་ལ་དཀྱིལ་འཁོར་མ་གྲུབ་ན་བྲིས་སྐུ་ལ་སོགས་པའི་རྟེན་དང་སྤྱན་གཟིགས་དགྲམ། མཆོད་གཏོར་དང་ཚོགས་ཀྱི་འཁོར་ལོའི་ལོངས་སྤྱོད་རྒྱ་ཆེན་པོ་འདུ་བྱ་བ་ནི་ཅི་ནས་ཀྱང་གལ་ཆེའོ། །གཉིས་པ་དངོས་གཞི་ལ་རྣམ་གྲངས་ཉེར་གཅིག་ལས། དང་པོ་སྐྱབས་སེམས་ནི། སངས་རྒྱས་ཆོས་དང་ཚོགས་སོགས་ལན་གསུམ། གཉིས་པ་བླ་མའི་མོས་གུས་ལ་བརྟེན་ནས་རྒྱུད་སྦྱོང་བ་ནི། མོས་གུས་དྲག་པོས།}} སྙིང་དབུས་དད་པའི་གེ་སར་བཞད་པ་ནས། །སྐྱབས་གཅིག་དྲིན་ཅན་བླ་མ་ཡར་ལ་བཞེངས། །ལས་དང་ཉོན་མོངས་དྲག་པོས་གཟིར་བ་ཡི། །སྐལ་པ་ངན་པ་བདག་ལ་སྐྱོབ་པའི་ཕྱིར། །སྤྱི་བོ་བདེ་ཆེན་འཁོར་ལོའི་རྒྱན་དུ་བཞུགས། །དྲན་དང་ཤེས་བཞིན་ཀུན་ཀྱང་བཞེངས་སུ་གསོལ། །ད་རེས་དམྱལ་བ་ཡི་དྭགས་དུད་འགྲོ་དང་། །ཚེ་རིང་ལྷ་དང་ཀླ་ཀློ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །མི་ཁོམ་བརྒྱད་ལས་ཐར་པའི་དལ་བ་ཐོབ། །མིར་གྱུར་དབང་པོ་ཚང་དང་ཡུལ་དབུས་སྐྱེས། །ལས་མཐའ་མ་ལོག་བསྟན་ལ་དད་པ་སྟེ། །རང་ཉིད་འབྱོར་པ་ལྔ་ཚང་སངས་རྒྱས་བྱོན། །ཆོས་གསུང་བསྟན་པ་གནས་དང་དེ་ལ་ཞུགས། །བཤེས་གཉེན་དམ་པས་ཟིན་དང་གཞན་འབྱོར་ལྔ། །ཐམས་ཅད་རང་ལ་ཚང་བའི་གནས་ཐོབ་ཀྱང་། །རྐྱེན་མང་ངེས་པ་མེད་པའི་ཚེས་སྤངས་ནས། །འཇིག་རྟེན་ཕ་རོལ་ཉིད་དུ་སོན་པར་འགྱུར། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་རེས་དལ་རྟེན་དོན་ཡོད་མ་བྱས་ན། །ཕྱི་ནས་ཐར་པ་བསྒྲུབ་པའི་རྟེན་མི་རྙེད། །བདེ་འགྲོའི་རྟེན་ལ་བསོད་ནམས་ཟད་གྱུར་ནས། །ཤི་བའི་འོག་ཏུ་ངན་སོང་ངན་འགྲོར་འཁྱམ། །དགེ་སྡིག་མི་ཤེས་ཆོས་ཀྱི་སྒྲ་མི་ཐོས། །དགེ་བའི་བཤེས་དང་མི་མཇལ་མཚང་རེ་ཆེ། །སེམས་ཅན་ཙམ་གྱི་གྲངས་དང་རིམ་པ་ལ། །བསམས་ན་མི་ལུས་ཐོབ་པ་སྲིད་མཐའ་ཙམ། །མི་ཡང་ཆོས་མེད་སྡིག་ལ་སྤྱོད་མཐོང་ན། །ཆོས་བཞིན་སྤྱོད་པ་ཉིན་མོའི་སྐར་མ་ཙམ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །གལ་ཏེ་མི་ལུས་རིན་ཆེན་གླིང་ཕྱིན་ཡང་། །ལུས་རྟེན་བཟང་ལ་བྱུར་པོ་ཆེ་ཡི་སེམས། །ཐར་པ་བསྒྲུབ་པའི་རྟེན་དུ་མི་རུང་ཞིང་། །ཁྱད་པར་བདུད་ཀྱིས་ཟིན་དང་དུག་ལྔ་འཁྲུགས། །ལས་ངན་ཐོག་ཏུ་བབས་དང་ལེ་ལོས་གཡེང་། །གཞན་ཁོལ་བྲན་གཡོག་འཇིགས་སྐྱོབ་ཆོས་ལྟར་བཅོས། །རྨོངས་སོགས་འཕྲལ་བྱུང་རྐྱེན་གྱི་མི་ཁོམ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །སྐྱོ་ཤས་ཆུང་ཞིང་དད་པའི་ནོར་དང་བྲལ། །འདོད་སྲེད་ཞགས་པས་བཅིངས་དང་ཀུན་སྤྱོད་རྩུབ། །མི་དགེ་སྡིག་ལ་མི་འཛེམ་ལས་མཐའ་ལོག །སྡོམ་པ་ཉམས་ཤིང་དམ་ཚིག་རལ་པ་སྟེ། །རིས་ཆད་བློ་ཡི་མི་ཁོམ་རྣམ་པ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་ལྟ་ནད་དང་སྡུག་བསྔལ་གྱིས་མ་གཟིར། །བྲན་ཁོལ་ལ་སོགས་གཞན་དབང་མ་གྱུར་པས། །རང་དབང་ཐོབ་པའི་རྟེན་འབྲེལ་འགྲིགས་དུས་འདིར། །སྙོམས་ལས་ངང་དུ་དལ་འབྱོར་ཆུད་གསོན་ན། །འཁོར་དང་ལོངས་སྤྱོད་ཉེ་དུ་འབྲེལ་པ་ལྟ། །ལྟ་ཅི་གཅེས་པར་བཟུང་བའི་ལུས་འདི་ཡང་། །མལ་གྱི་ནང་ནས་ས་ཕྱོགས་སྟོང་པར་བསྐྱལ། །ཝ་དང་བྱ་རྒོད་ཁྱི་ཡིས་འདྲད་པའི་དུས། །བར་དོའི་ཡུལ་ན་འཇིགས་པ་ཤིན་ཏུ་ཆེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དགེ་སྡིག་ལས་ཀྱི་རྣམ་སྨིན་ཕྱི་བཞིན་འབྲང་། །ཁྱད་པར་དམྱལ་བའི་འཇིག་རྟེན་ཉིད་སོན་ན། །ལྕགས་བསྲེགས་ས་གཞིར་མཚོན་གྱིས་མགོ་ལུས་འབྲལ། །སོག་ལེས་གཤོག་དང་ཐོ་ལུམ་འབར་བས་འཚིར། །སྒོ་མེད་ལྕགས་ཁྱིམ་འཐུམས་པར་འོ་དོད་འབོད། །འབར་བའི་གསལ་ཤིང་གིས་འབུགས་ཁྲོ་ཆུར་འཚོད། །ཀུན་ནས་ཚ་བའི་མེས་བསྲེགས་བརྒྱད་ཚན་གཅིག །གངས་རི་སྟུག་པོའི་འདབས་དང་ཆུ་འཁྱགས་ཀྱི། །གཅོང་རོང་ཡ་ངའི་གནས་སུ་བུ་ཡུག་སྦྲེབས། །གྲང་རེག་རླུང་གིས་བཏབ་པའི་ལང་ཚོ་ནི། །ཆུ་བུར་ཅན་དང་ལྷག་པར་བརྡོལ་བ་ཅན། །སྨྲེ་སྔགས་རྒྱུན་མི་ཆད་པར་འདོན་པ་ཡང་། །ཚོར་བའི་སྡུག་བསྔལ་བརྣག་པར་དཀའ་བ་ཡིས། །ཟུངས་ཀྱིས་རབ་བཏང་འཆི་ཁའི་ནད་པ་བཞིན། །ཤུགས་རིང་འདོན་ཞིང་སོ་ཐམ་པགས་པ་འགས། །ཤ་འུ་ཐོན་ནས་ལྷག་པར་འགས་ཏེ་བརྒྱད། །དེ་བཞིན་སྤུ་གྲིའི་ཐང་ལ་རྐང་པ་གཤོགས། །རལ་གྲིའི་ཚལ་དུ་ལུས་ལ་བཅད་གཏུབས་བྱེད། །རོ་མྱགས་འདམ་ཚུད་ཐལ་ཚན་རབས་མེད་ཀློང་། །མནར་བའི་ཉེ་འཁོར་བ་དང་འགྱུར་བ་ཅན། །སྒོ་དང་ཀ་བ་ཐབ་དང་ཐག་པ་སོགས། །རྟག་ཏུ་བཀོལ་ཞིང་སྤྱོད་པའི་ཉི་ཚེ་བ། །རྣམ་གྲངས་བཅོ་བརྒྱད་གང་ལས་འབྱུང་བའི་རྒྱུ། །ཞེ་སྡང་དྲག་པོའི་ཀུན་སློང་སྐྱེས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དེ་བཞིན་ཕོངས་ལ་ཉམས་མི་དགའ་བའི་ཡུལ། །བཟའ་བཏུང་ལོངས་སྤྱོད་མིང་ཡང་མི་གྲགས་པར། །ཟས་སྐོམ་ལོ་ཟླར་མི་རྙེད་ཡི་དྭགས་ལུས། །རིད་ཅིང་ལྡང་བའི་སྟོབས་ཉམས་རྣམ་པ་གསུམ། །གང་ལས་འབྱུང་བའི་རྒྱུ་ནི་སེར་སྣ་ཡིན། །གཅིག་ལ་གཅིག་བཟའ་གསོད་པའི་འཇིགས་པ་ཆེ། །བཀོལ་ཞིང་སྤྱོད་པས་ཉམ་ཐག་བླང་དོར་རྨོངས། །ཕ་མཐའ་མེད་པའི་སྡུག་བསྔལ་གྱིས་གཟིར་བའི། །ས་བོན་གཏི་མུག་མུན་པར་འཁྱམས་པ་བདག །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ཆོས་ལམ་ཞུགས་ཀྱང་ཉེས་སྤྱོད་མི་སྡོམ་ཞིང་། །ཐེག་ཆེན་སྒོར་ཞུགས་གཞན་ཕན་སེམས་དང་བྲལ། །དབང་བཞི་ཐོབ་ཀྱང་བསྐྱེད་རྫོགས་མི་སྒོམ་པའི། །ལམ་གོལ་འདི་ལས་བླ་མས་བསྒྲལ་དུ་གསོལ། །ལྟ་བ་མ་རྟོགས་ཐོ་ཅོའི་སྤྱོད་པ་ཅན། །སྒོམ་པ་ཡེངས་ཀྱང་གོ་ཡུལ་འུད་གོག་འཐག །སྤྱོད་པ་ནོར་ཀྱང་རང་སྐྱོན་མི་སེམས་པའི། །ཆོས་དྲེད་འདི་ལས་བླ་མས་བསྒྲལ་དུ་གསོལ། །ནངས་པར་འཆི་ཡང་གནས་གོས་ནོར་ལ་སྲེད། །ན་ཚོད་ཡོལ་ཡང་ངེས་འབྱུང་སྐྱོ་ཤས་བྲལ། །ཐོས་པ་ཆུང་ཡང་ཡོན་ཏན་ཅན་དུ་རློམ། །མ་རིག་འདི་ལས་བླ་མས་བསྒྲལ་དུ་གསོལ། །རྐྱེན་ཁར་འཆོར་ཡང་འདུ་འཛི་གནས་སྐོར་སེམས། །དབེན་པ་བསྟེན་ཀྱང་རང་རྒྱུད་ཤིང་ལྟར་རེངས། །དུལ་བར་སྨྲ་ཡང་ཆགས་སྡང་མ་ཞིག་པའི། །ཆོས་བརྒྱད་འདི་ལས་བླ་མས་བསྒྲལ་དུ་གསོལ། །གཉིད་འཐུག་འདི་ལས་མྱུར་དུ་སད་དུ་གསོལ། ཁྲི་མུན་འདི་ལས་མྱུར་དུ་དབྱུང་དུ་གསོལ། །{{TibChung|ཞེས་འབོད་པ་དྲག་པོས་ཐུགས་རྗེ་ལྷོངས་པར་བྱའོ། །གསུམ་པ་ཐེག་པ་ཆེན་པོའི་ལམ་གྱི་རྩ་བ་བྱང་སྡོམ་བླང་བའི་ཐོག་མར་ཚོགས་གསོག་ནི།}} གང་ཞིག་ལུས་པ་མེད་པའི་སེམས་ཅན་གྱི། །མགོན་དང་དཔུང་གཉེན་གྱུར་ཀྱང་བདུད་སྡེའི་དགྲ། །ཇི་ལྟ་ཇི་སྙེད་མཁྱེན་ཅིང་གཟིགས་པ་ཡི། །བཅོམ་ལྡན་བདག་གི་སྡུམ་པར་མཆིས་སུ་གསོལ། །ལས་ཀྱིས་སྤྲུལ་པ་མ་ཡིན་འབྱོན་པའི་ཤུལ། །ཁྲུས་ཀྱི་ཁང་བུ་བརྩེགས་པ་དྲི་བསུང་ཅན། །ཤེལ་དང་ནོར་བུའི་ས་གཞི་ཀ་བར་ལྡན། །གཡུ་དམར་མུ་ཏིག་བླ་བྲེ་དཔྱངས་པ་དེར། །བདེ་གཤེགས་རིགས་ཀྱི་བུ་མཆོག་བཅས་པ་ལ། །སྤོས་ཆུས་གང་བའི་ནོར་བུའི་བུམ་པ་ནས། །ཁྲུས་ཀྱི་རིམ་གྲོ་བགྱིད་པའི་སྨིན་ལེགས་མ། །གླུ་གར་རོལ་མོའི་འགྱུར་བ་འགྲན་ལ་བརྩོན། །ཉེ་རེག་ཆོ་ག་མཁས་པའི་རི་དྭགས་མིག །དྲིལ་ཕྱིས་བསྐུ་མཉེའི་སྲི་ཞུས་གཡེང་བ་ཡང་། །ཁ་དོག་གཅིག་ཏུ་མི་གནས་དབང་པོའི་ཚོན། །ཐགས་སུ་བཏགས་པ་མེད་པའི་ལྷ་རྫས་ཉོ། །དཔག་བསམ་ལྗོན་པས་བཙོང་པའི་པཉྩ་ལི། །ལྕིད་ཀྱིས་ནོན་སྤངས་སྲབ་འཇམ་ཡང་པའི་གོས། །དྲི་དང་སྤོས་ཆུས་བགོས་ཤིང་བྱུགས་པ་དང་། །རིན་ཐང་བརྗོད་ལ་ཁྲེལ་བའི་རིན་ཆེན་རྒྱན། །གདུ་བུ་དཔུང་རྒྱན་སྙན་ཆ་ཅོད་པན་སོགས། །འདོད་པའི་ཡོན་ཏན་སྤངས་པའི་ཐུབ་དབང་ཡང་། །བཀྲེན་ལྡན་བསོད་ནམས་སླད་དུ་བདག་གིར་བཞེས། །འཇིག་རྟེན་དབང་ཕྱུག་ལ་སོགས་ཉེ་བའི་སྲས། །ངན་སོང་ཀུན་འདྲེན་ལ་སོགས་བསྐལ་བཟང་གི། །སེམས་དཔའ་བཅུ་དྲུག་དང་ནི་ཁྱིམ་པའི་ཚུལ། །ཆོས་འཕགས་རྟག་ཏུ་ངུ་དང་ལི་ཙ་བྱི། །དྲི་མ་མེད་པར་གྲགས་ལའང་དབུལ་བར་བགྱི། །སྟོང་གསུམ་ཅིག་ཅར་ཁྱབ་པའི་དྲིའི་བཞོན་པར། །འཁྱུད་པའི་ཙན་དན་སྤོས་ཀྱི་བསུང་ཞིམ་དྲིས། །བསོད་ནམས་བྱེ་བའི་འབྱུང་གནས་མཚན་དཔེའི་བྱད། །གསེར་སྦྱངས་བརྟན་པ་འཕྲོག་ལ་བྱུག་པར་བགྱི། །བཏང་སྙོམས་ཡངས་པའི་ཤེལ་གྱི་ས་གཞི་ལ། །བྱམས་པའི་པདྨོ་གེ་སར་སྟོང་བརྡལ་བར། །སྙིང་རྗེའི་ཉི་ཟླ་བཀྲག་ཏུ་འཚེར་བ་བསྟར། །དགའ་ཆེན་བཅོམ་ལྡན་སྲས་བཅས་བཞུགས་སུ་གསོལ། །བབས་ཅོལ་གོམས་པ་མིན་པའི་ལུས་བཏུད་ཀྱིས། །སྙིང་ཁར་གུས་བཅས་མངོན་རྟོགས་ངོམ་པ་ལ། །མེ་ཏོག་དོག་པས་རབ་བཟུང་སྙིམ་པའི་སྣོད། །ག་བུ་ཆུང་གི་བརྟུལ་ཞུགས་འཛིན་པ་ཡིན། །རིག་དང་ཞབས་སུ་ལྡན་སོགས་བདེ་གཤེགས་ཀྱི། །ཡོན་ཏན་མཐའ་དག་གནས་ཀྱིས་བསྐལ་པ་བཞིན། །དད་པའི་སྐྱེད་མོས་ཚལ་དུ་འོངས་པའི་མོད། །སྐྱོ་བ་མིན་པའི་བ་སྤུ་གཅིག་ཏུ་ཟིང་། །ཟླ་གཞོན་ཁྲུས་ལ་འཇུག་པའི་རྫིང་བུའི་ནང་། །རྨ་བྱའི་བུ་མོ་འཇོ་སྒེག་རོལ་པ་ལྟའི། །ལང་ཚོའི་གྲངས་སྙེད་རྡུལ་གྱི་རྣམ་གྲངས་དང་། །ཤིན་ཏུ་འཕྲུལ་པ་སྐྱེད་བྱེད་ཕྱག་གིས་བྲེལ། །གཏོང་བའི་ཡན་ལག་རྫོགས་པའི་དངོས་འབྱོར་དང་། །དེས་ཀྱང་མཚོན་པ་དཔེ་མེད་ཡིད་ཀྱིས་སྤྲུལ། །བླ་ན་མཆིས་པ་མ་ཡིན་མཆོད་པའི་སྤྲིན། །ཀུན་ཏུ་བཟང་པོའི་ཡོན་ལ་ཕྲག་དོག་བགྱིད། །མུ་ཅོར་སྨྲ་བའི་ལས་དང་བག་ཆགས་སྡིག །དགེ་ལ་འཇིགས་ནས་གཞན་དུ་བྲོས་པའི་གཟུགས། །སྲིད་པའི་མུན་ནག་སྟུག་པོར་འཆབ་པ་ཀུན། །སྟོབས་བཞིའི་ཉིན་བྱེད་འབར་བས་སྦྱངས་ཤིང་བཤགས། །སྦྱོར་བ་གང་གིས་བདག་ཉིད་མ་འཁྲུགས་བཞིན། །བསམ་པའི་ཁྱད་པར་གཅིག་གིས་གཞན་དག་གི། །རྣམ་དཀར་ཡུད་ལ་འཕྲོག་པའི་ཆོམ་རྐུན་གྱི། །བརྟུལ་ཞུགས་རྗེས་སུ་ཡི་རང་ཁོ་ནས་བྱས། །ཐར་མེད་འཁོར་བའི་སྤྱོད་པ་མ་དུལ་ཞིང་། །རྣམ་པར་སྲ་མཁྲེགས་ཐ་བ་གང་གིས་ཀྱང་། །གདུལ་ཐབས་བརྟན་པ་བྲལ་ལ་ཆོས་འཁོར་གྱི། །རྩིབས་རྣོན་མུ་ཁྱུད་འཛིན་དེ་བསྐོར་བར་བསྐུལ། །རྒྱལ་དང་དེ་སྲས་རྣམས་ཀྱིས་སྤངས་གྱུར་པའི། །འགྲོ་འདིས་སྡུག་བསྔལ་གནས་སྐབས་རྟེན་མཐོང་ནས། །མྱ་ངན་འདའ་བ་མེད་པའི་གདན་ཁྲི་ལ། །དངོས་པོ་ཀུན་གྱི་རིན་ཐང་གཅིག་ཏུ་སྤུངས། །བདག་ཏུ་བལྟ་བས་འདར་བའི་རྣམ་དཀར་ཡང་། །སྲིད་པར་ལན་ཅིག་མཐོ་བའི་ཆོ་ངེ་སྟེ། །བྱང་ཆུབ་བསྔོ་བའི་གསེར་འགྱུར་རྩིས་ཐེབས་པ། །འདི་ནི་སྟོན་པ་གཞན་གྱི་ལུགས་ལ་མེད། །ཆོག་ཤེས་བདུད་རྩིའི་བཏུང་བས་མ་ངོམས་ན། །སྐྱེས་བུའི་ཡིད་ལ་མ་བཟུང་མཆོད་སྤྲིན་ཡང་། །ཚིག་གི་ཕ་མཐར་འཁྱམ་ལ་སྐྲག་གྱུར་ནས། །བདག་ལུས་སྟན་དུ་དབུལ་ལའང་དོ་གལ་བགྱིད། །དཀོན་མཆོག་གསུམ་གྱི་འབངས་སུ་དམ་བཅས་པའི། །གྲིབ་བསིལ་སོ་ཀའི་མེ་ཏོག་འཇོ་སྒེག་ཅན། །རྣམ་ཀུན་འཁྲུགས་པའི་གཤིན་རྗེའི་མདུན་སར་ཡང་། །ཁྲོ་གཉེར་འཇིག་པའི་རིན་ཐང་ཟད་མི་ཤེས། །དེས་ནི་གཏི་མུག་མཐུས་ནོན་སྡིག་ལྡན་བདག །བྱི་དོར་ཤིན་ཏུ་བསྟེན་པའི་དྭངས་ཤེལ་ལྟར། །བསོད་ནམས་རྙོག་པ་དྭངས་པའི་སེམས་ཀྱི་ནང་། །སེམས་བསྐྱེད་ཆོ་གས་ཐོབ་པའི་གཟུགས་བརྙན་རྔོམ། །ཉེས་པ་བརྒྱ་ཕྲག་གཡང་སར་ལྷུང་བ་ཡི། །རིམས་ཀྱིས་ཤིན་ཏུ་བཏབ་པའི་ནད་པ་རྣམས། །གསོ་དཔྱད་ཕལ་པའི་མདུན་སར་དབུགས་མི་ཕྱིན། །སྨན་པ་མཆོག་ལ་སྐྱབས་སུ་ལྷག་པར་དོང་། །མོས་པ་གང་གི་སླད་དུ་འདིར་གཤེགས་ནས། །སེམས་ཅན་ཁམས་ལ་དགོངས་པའི་སྟོན་མཆོག་ནི། །ཐེག་པ་ཆེན་པོའི་སྐྱེས་བུ་འབའ་ཞིག་པའི། །ཚོགས་ཀྱི་དབུས་ན་ལྷམ་མེར་མཛེས་པ་ལ། །སྐྱབས་སུ་འགྲོ་བ་གསུམ་གྱིས་གཞི་བཅས་ལ། །དགོངས་སུ་གསོལ་བ་གསུམ་གྱིས་སད་བྱས་ནས། །རྒྱལ་བ་སྲས་དང་བཅས་པའི་ཐུགས་བསྐྱེད་དང་། །བསླབ་པའི་བརྟུལ་ཞུགས་མཐའ་དག་བླང་བ་ཡིན། །ཉོན་སྒྲིབ་ཟུག་རྔུའི་དུམ་བུ་བཅད་གྱུར་ཀྱང་། །ཤེས་སྒྲིབ་ཡུལ་གྱི་རོ་ལ་བཅགས་པ་ཡི། །ཉན་རང་དགྲ་བཅོམ་མ་བསྒྲལ་བ་ལས་བསྒྲལ། །གཉིས་ཀའི་འཆིང་བས་ཀུན་ནས་དཀྲིགས་པ་ཡི། །ཚངས་པ་ལ་སོགས་སོ་སོའི་སྐྱེ་བོ་ནས། །སློབ་པ་འཕགས་པའི་བར་ལ་གནས་པ་ཡི། །སེམས་ཅན་མ་གྲོལ་བ་རྣམས་དགྲོལ་བ་དང་། །ཤིན་ཏུ་སྡུག་བསྔལ་དྲག་པོའི་ཤུགས་རིང་ལས། །དབུགས་འབྱིན་ཐོབ་པ་མེད་པའི་ངན་སོང་གསུམ། །དབུགས་འབྱིན་ཆེན་པོའི་གནས་ལ་སྦྱར་བ་དང་། །མདོར་ན་རྟེན་ཅིང་འབྲེལ་འབྱུང་བཅུ་གཉིས་ཀྱི། །འཁོར་ལོའི་རྒྱར་ཆུད་སེམས་ཅན་ཡོད་དོ་ཅོག །མི་གནས་ཡེ་ཤེས་མྱ་ངན་འདས་པའི་གྲོང་། །འགོད་བྱེད་ཆོ་གས་བཟུང་བའི་བརྗོད་པ་ནི། །སྔོན་བྱོན་དྲང་སྲོང་རྣམས་ཀྱི་ལུགས་ལ་བརྟེན། །{{TibChung|བཞི་པ་ཚད་མེད་བཞི་བསྒོམ་པ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ལན་གསུམ། {{TibChung|ལྔ་པ་སྨོན་འཇུག་སྟབས་གཅིག་ཏུ་བླང་བ་ནི།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་བསླབ་པར་བགྱི། །{{TibChung|ལན་གསུམ། དྲུག་པ་སེམས་གཟེངས་བསྟོད་པ་ནི།}} སྔོན་ཆད་གཞན་གྱི་དོན་ལ་ལྟ་ཅི་སྨོས། །རང་དོན་ཉིད་དུ་རྨི་བའང་མ་མྱོང་བའི། །རིན་ཆེན་སེམས་ཀྱི་ཁྱད་པར་དམ་པ་འདིས། །བདག་གི་སྲིད་པ་རིན་ཐང་མེད་པ་བྱས། །རིགས་ལས་ཉམས་པ་གང་ཞིག་ཆོ་རིགས་ཀྱིས། །ལྷག་པར་བཙུན་པའི་གནས་ཐོབ་ཇི་བཞིན་དུ། །རྒྱལ་བ་ཀུན་གྱི་སྲས་སུ་དེང་གྱུར་པས། །བྱང་ཆུབ་སེམས་དཔའི་མིང་གི་ཅོད་པན་འཐོབ། །སྲིད་གསུམ་བདག་པོ་བྱས་དང་དེ་ཉིད་ཀྱིས། །རྨོངས་པའི་བླ་དྭགས་དཔྱངས་ལའང་དགའ་བྱེད་ན། །བྱང་ཆུབ་སེམས་དཔའི་གནས་ཐོབ་དེ་རིང་ཙམ། །དགའ་བའི་འཁྲི་ཤིང་སློང་ལ་ལྷ་ཡང་ཕྱོགས། །འཆི་བདག་འཇོམས་པའི་བདུད་རྩི་མི་ཟད་གཏེར། །དབུལ་བ་སེལ་བའི་ནོར་དང་ནད་ཞིའི་སྨན། །སྲིད་ལམ་དུབ་པའི་མགྲོན་པོའི་ངལ་སྟེགས་ཕྱིར། །བདག་ནི་དེང་ནས་འགྲོ་བའི་ཉེར་འཚོར་གྱུར། །{{TibChung|བདུན་པ་བགེགས་ལ་བཀའ་བསྒོ་བ་ནི།}} ཨེ་མ་ང་ནི་རང་བྱུང་བ། །ཁྲོ་རྒྱལ་དཔལ་ཆེན་ཉིད་ཀྱི་སྐུ། །དངོས་གྲུབ་བར་ཆད་བྱེད་པའི་བགེགས། །འདི་རུ་མ་འདུག་གཞན་དུ་སོང་། །ཅི་སྟེ་འགྲོ་བར་མི་བྱེད་ན། །མགོ་བོ་ཚལ་པ་བརྒྱར་འགས་ཤིང་། །ལུས་ནི་དུམ་བུ་སྟོང་དུ་གཏུབས། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། {{TibChung|བརྒྱད་པ་མཚམས་གཅོད་་ནི།}} ཧཱུྃ། སྟེང་འོག་ཕྱོགས་མཚམས་ཡེ་ཤེས་མེ་དཔུང་འབར། །རྡོ་རྗེའི་རྭ་བ་དྲྭ་བ་གུར་དང་ནི། །བླ་རེ་མཚོན་ཆའི་འཁོར་ལོས་ནམ་མཁའ་ཁྱབ། །ཁྲོ་བོ་ཁྲོ་མོ་དཔལ་ཆེན་རྔམ་པའི་ཚོགས། །སྤྲིན་ཕུང་འཁྲིགས་ཤིང་ཧཱུྃ་སྒྲ་དི་རི་རི། །ཧཱུྃ་ཧཱུྃ་ཧཱུྃ། {{TibChung|དགུ་པ་མཆོད་རྫས་བྱིན་གྱིས་རློབ་པ་ནི།}} ཨ་མྲྀ་ཏས་བསང་སྦྱངས། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ན་མཿསརྦ་ཏ་ཐཱ་ག་ཏ་{{TibChung|སོགས་དང་། སྨན་གཏོར་རཀྟའི་སྔགས་ཀྱིས་བརླབ། བཅུ་པ་ཚོགས་ཞིང་བསྒྲུབ་པ་ནི། བདག་མདུན་བླ་འོག་ལྟར་གསལ་ཀྱང་སྤྱི་བོ་ཆེར་སོན་པ་དང་། ཚོགས་ཞིང་ཆུང་ངུར་སོན་པའི་ཀུན་རྟོག་རང་རྒྱུད་པ་སྤངས་ཏེ་ཏིང་ངེ་འཛིན་གྱི་རྣམ་འཕྲུལ་བསམ་གྱིས་མི་ཁྱབ་པ་ཉམས་འོག་ཏུ་ཆུད་པས།}} ཨོཾ་སྭཱ་བྷཱ་ཝ{{TibChung|ས་སྟོང་པར་སྦྱངས།}} རང་སྣང་ལྷུན་གྲུབ་དག་པ་རབ་འབྱམས་ཞིང་། །བཀོད་པ་རབ་རྫོགས་ཟངས་མདོག་དཔལ་རིའི་དབུས། །རང་ཉིད་རྗེ་བཙུན་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་དམར་གསལ་གྲི་ཐོད་འཛིན། །ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགས། །སྤྱི་བོར་པདྨ་འབུམ་བརྡལ་ཉི་ཟླའི་སྟེང་། །སྐྱབས་གནས་ཀུན་འདུས་རྩ་བའི་བླ་མ་དང་། །དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུ། །དཀར་དམར་མདངས་ལྡན་གཞོན་ནུའི་ཤ་ཚུགས་ཅན། །ཕོད་ཁ་ཆོས་གོས་ཟབ་བེར་འདུང་མ་གསོལ། །ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབས། །ཕྱག་གཡས་རྡོ་རྗེ་གཡོན་པ་ཐོད་བུམ་བསྣམས། །དབུ་ལ་འདབ་ལྡན་པདྨའི་མཉེན་ཞུ་གསོལ། །མཆན་ཁུང་གཡོན་ན་བདེ་སྟོང་ཡུམ་མཆོག་མ། །སྦས་པའི་ཚུལ་གྱིས་ཁ་ཊྭཱཾ་རྩེ་གསུམ་བསྣམས། །འཇའ་ཟེར་ཐིག་ལེ་འོད་ཕུང་ཀློང་ན་བཞུགས། །ཕྱི་འཁོར་འོད་ལྔའི་དྲ་བས་མཛེས་པའི་ཀློང་། །སྤྲུལ་པའི་རྗེ་འབངས་ཉི་ཤུ་རྩ་ལྔ་དང་། །རྒྱ་བོད་པཎ་གྲུབ་རིག་འཛིན་ཡི་དམ་ལྷ། །མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབས། །གསལ་སྟོང་མཉམ་གནས་ཆེན་པོའི་ངང་དུ་གསལ། །{{TibChung|ཞེས་མོས་པས་བསྐྱེད་ནས། རྣམ་པ་བྱེ་བྲག་ཏུ་གསལ་གདབ་པ་ནི}} ཧཱུྃ། སངས་རྒྱས་ཀུན་གྱི་ངོ་བོ་བླ་མ་རྗེའི། །ཐུགས་ཀ་ཆོས་ཀྱི་འཁོར་ལོའི་ལྟེ་བ་ལ། །མི་འཇིགས་སེང་གེ་བརྒྱད་ཀྱིས་བཏེག་པའི་ཁྲིར། །དང་པོའི་སངས་རྒྱས་ཀུན་བཟང་ཡབ་ཡུམ་བཞུགས། །པད་འདབ་བཞི་ལ་མདུན་ནས་རིམ་པ་བཞིན། །བདེ་གཤེགས་རི་རབ་མར་མེ་རྒྱལ་མཚན་ནི། །དྲུག་པ་རྡོ་རྗེ་འཆང་གི་རྣམ་པ་དང་། །དགའ་རབ་ཤྲཱི་་་{{TibChung|ཧེ་རུ་ཀའི་ཆས།་་་}}སིང་ཛྙཱ་ན་སུ་ཏྲས་བསྐོར། །རྒྱལ་རིག་གང་ཟག་ལས་སྐྱེས་འགོག་ལམ་གྱི། །བདེན་གཉིས་ལུང་གི་ཆོས་ཚུལ་མ་ལུས་པ། །བདེན་པ་དབྱེར་མེད་རྟོགས་པའི་ངོ་བོར་རྫོགས། །དཀོན་མཆོག་གསུམ་གྱི་བདག་ཉིད་ཨེ་མ་ཧོ། ༈ །རང་ཉིད་རྡོ་རྗེ་རྣལ་འབྱོར་མའི། །སྤྱི་བོར་པདྨ་འབུམ་བརྡལ་ནི། །ཟང་ཐལ་སྒྲིབ་གཡོགས་བྲལ་པའི་གཞིའི། །ནང་རིམ་རིན་ཆེན་ཟུར་བརྒྱད་ཀྱི། །ཤར་དུ་ཧཱུྃ་ཀཱར་རྡོ་རྗེ་གདེངས། །ལྷོ་རུ་བཤེས་གཉེན་རིན་ཆེན་འཛིན། །ནུབ་ཏུ་ཀླུ་སྒྲུབ་པདྨ་བསྣམས། །བྱང་དུ་པྲ་ཆེན་རྒྱ་གྲམ་གདེངས། །ཤར་ལྷོ་ནས་བརྩམས་མཚམས་བཞི་རུ། །དྷ་ན་སཾ་སྐྲྀ་ཐོད་རྔ་འཁྲོལ། །བི་མ་མི་ཏྲ་ཚེ་བུམ་འཛིན། །གུ་ཧྱ་ཙནྟྲ་མཆོད་སྡོང་བསྣམས། །ཤཱནྟིང་གརྦྷ་འཁོར་ལོ་གདེངས། །ཀུན་ཀྱང་གཡོན་པ་དྲིལ་བུ་འཛིན། །འཁོར་ལོས་སྒྱུར་བའི་ཆས་ཀྱིས་རོལ། །དེའི་ཕྱི་རིག་འཛིན་སྣམ་བུ་ལ། །རྒྱལ་གསུང་ལམ་བདེན་སེང་གེའི་སྒྲ། །རྡོ་རྗེའི་ཐེག་པ་རིམ་པ་དགུས། །འདྲེན་པའི་ཤིང་རྟ་ཆེན་པོ་ནི། །དཔལ་ཆེན་གྲུབ་པ་དགུ་ལ་སོགས། །སྤྲུལ་པའི་རྗེ་འབངས་ཉི་ཤུ་ལྔ། །ཕྱོགས་ལས་རྣམ་རྒྱལ་བརྟུལ་ཞུགས་སྤྱོད། །བར་མཚམས་ཏིང་འཛིན་བཟང་པོ་ནས། །དྲིན་ཅན་བླ་མ་ཡན་ཆོད་ཀྱི། །རྫོགས་ཆེན་བརྒྱུད་པ་སྤྲིན་ལྟར་གཏིབས། ༈ །དེའི་ཕྱི་པད་འདབ་བཅུ་བཞི་ལ། {{TibChung|སྤྱིར་བརྒྱད་ཅུ་རྩ་ལྔ་ལས་སློབ་དཔོན་པདྨ་དང་ཀླུ་སྒྲུབ་སྙིང་པོ་གོང་དུ་ཡོད་པ་རིག་པར་བྱའོ།་་་་}}།གྲུབ་བརྒྱའི་སྤྱི་མེས་ས་ར་ཧ། །མུ་སྟེགས་ཚར་གཅོད་འཕགས་པ་ལྷ། །ཉ་ལྟོ་ཟ་བ་ལཱུ་ཡི་པ། །ཡི་དམ་ཞལ་གཟིགས་ཡེ་ཤེས་ཞབས། །རིག་མ་ཁྱེར་སྤྲུལ་ཀུ་ཀུ་རི། །ཆུ་བོ་གྱེན་ལྡོག་བི་རཱུ་པ། །རྩོད་པའི་ཁྱུ་མཆོག་ཆོས་ཀྱི་གྲགས། །མཚོ་སྐྱེས་རྡོ་རྗེ་པདྨར་རོལ། །ནམ་མཁར་སྤྱོད་པ་ན་ལནྟྲ། །དགའ་ལྡན་གནས་གཤེགས་ཐོགས་མེད་ཞབས། །རྡོ་རྗེ་དྲིལ་བུ་བུ་སྨད་ཅན། །སྟག་ཞོན་གང་བརྒལ་ཌོཾ་བྷི་པ། །རྩོམ་མཁས་མཁར་གཤེགས་ཞི་བའི་ལྷ། །པདྨ་བཛྲ་ཁྱིམ་པའི་ཚུལ། །དེའི་ཕྱི་པད་འདབ་ཉེར་བཞི་ལ། །འཕགས་པས་ཞལ་བསྟན་བྷ་ཡ་ནི། །དབུ་མའི་དོན་གཟིགས་ཟླ་བ་གྲགས། །ནག་པོ་རྡོ་རྗེ་དཀའ་ཐུབ་ཅན། །རམས་མཁན་ཚངས་སྤྱོད་ནི་ལ་བ། །ཨིནྡྲ་བྷུ་ཏི་འདོད་ཡོན་སྤྱོད། །བྱིའུ་གསོད་པ་གྷུཎྜ་རི། །མཁའ་འགྲོས་བྱིན་རླབས་ས་ར་སུ། །རྒྱ་མཚོར་དཀའ་སྤྱད་སེང་གེ་པ། །རྒྱལ་བཏུལ་མཁར་གཤེགས་ཀ་ལ་ཀ །དགྱེས་རྡོར་ཞལ་གཟིགས་གླིང་བུ་པ། །ཀ་ལ་ལམ་པ་གཤེད་དམར་གྲུབ། །མ་གར་རྒྱལ་བཏུལ་མེ་ཏོག་པ། །སྡོམ་པའི་ཞལ་གཟིགས་ཀུ་བུ་ཙ། །རྣལ་འབྱོར་རྒྱུད་འགྲེལ་ཀུན་དགའ་སྙིང་། །ཐབས་ལམ་དབང་ཐོབ་ཙརྱ་པ། །བྱ་ལམ་རྒྱུ་བ་ཙ་པ་རི། །དབང་རྫོགས་མཁར་གཤེགས་ད་སི་རི། །མཉན་པའི་ཚུལ་འཛིན་ཀ་རུ་ཀ །རིགས་ངན་སེང་ཞོན་སེངྷ་པ། །གནས་ལུགས་དོན་གཟིགས་སྒྲ་མཁན་ཞབས། །སྒྲོལ་མས་རྗེས་བཟུང་ཙནྡྲ་གོ །གཏི་མུག་ལམ་ལོངས་ལྭ་ཝ་པ། །ཉི་ཟེར་ལ་ཞོན་ངག་གི་དབང་། །བྷཾ་ག་ལ་པ་སྦྱངས་ཡོན་ཅན། །དེའི་ཕྱི་པད་འདབ་ཞེ་ལྔ་ལ། །གདོལ་བའི་རྣམ་འགྱུར་ཐ་ག་པ། །སྡེ་སྣོད་མཁྱེན་པ་གསེར་གླིང་ཞབས། །བྱང་ཆུབ་སེམས་འབྱོངས་མར་མེ་མཛད། །ཐུགས་དམ་ཞལ་གཟིགས་ས་ར་ཀ །དཔལ་གྱི་རི་བསྐོར་ན་ད་པ། །དུར་ཁྲོད་ཉུལ་བའི་ཀོན་ཏཾ་ལི། །མཛེ་མོ་ཆུར་སྒྲོལ་ཚེམ་བུ་པ། །ཨ་ཝ་དྷཱུ་ཏི་འཇིགས་བརྒྱད་ཐར། །རྩོད་པ་ལས་རྒྱལ་ཛེ་ཏ་རི། །བྷ་ལིང་མཁར་དགྲོལ་བཟང་པོ་པ། །དུར་ཁྲོད་ཉུལ་བའི་སྨད་དཀྲིས་ཅན། །མགར་པའི་སྤྱོད་ཅན་ཏམ་པ་ཀ །མདའ་འཚོང་བདག་པོ་ད་ཀི་པ། །སུ་ཏ་ལོ་ཀི་སྨད་འཚོང་ཁོལ། །ནམ་མཁའི་ལྷར་བགྲོ་སྤྲིན་ཤུགས་ཅན། །ཐགས་ཀྱིས་འཚོ་བ་ཏནྟྲ་པ། །རྫོགས་པའི་ཚུལ་འཛིན་ཟླ་བ་བཟང་། །ཤཱཀྱ་བཤེས་གཉེན་ཤིང་ཐུན་ལུས། །ཉ་པའི་རིགས་ཅན་ཙཎྜ་ལཱི། །ནམ་མཁར་གཤེགས་པ་གླུ་དབྱངས་ཅན། །གདོལ་པ་ཏིལ་བརྡུང་བྷ་ཝ་པ། །ཉ་དོལ་འདྲུད་པ་མི་ན་ར། །བརྟུལ་ཞུགས་སྤྱོད་པ་ཨ་ནནྟ། །རིགས་ངན་མར་སྤྱོད་ཀརྞ་པ། །འཚོ་བ་སྟན་གཅིག་ཧི་ལ་པ། །འབྲས་སོ་ཟ་བ་ཀནྟྲ་པ། །རྔོན་པའི་ཚུལ་འཛིན་ཤ་ཝ་རི། །དྲི་མ་འཁྲུད་པའི་སེང་གེ་པ། །ཛ་ལན་དྷ་རི་གསད་གསོ་ནུས། །བར་དོར་གྲོལ་བ་ནག་པོ་སྤྱོད། །སྐྱོང་བྱེད་ཚུལ་འཛིན་ཕག་ཚང་པ། །ཡུམ་བཅས་འབུད་དཀྲོལ་བི་ན་ས། །སྤྱོད་པ་མཐར་ཕྱིན་ཤཱནྟི་བ། །སྣ་ཚོགས་ལུས་ཅན་མར་མེ་ལྷ། །ཏིལ་བརྡུང་གྱིས་འཚོ་ཏེ་ལོ་པ། །ནཱ་རོ་རང་གི་སྲིང་མོ་བརྟེན། ཁྱོ་ཤུག་མཁར་གཤེགས་ཀཾ་ཀ་ན། །དཱ་རི་ཀ་པ་སྨད་འཚོང་སྤྱོད། །མཆིལ་ལྷྭམ་མཁན་པོ་ཀུ་མཱ་ར། །ཞིང་པའི་ལུས་ཅན་ཏོག་ཙེ་པ། །ནཱ་ག་བོ་དྷི་བ་ལང་སྐྱོང་། །ལྐུགས་པའི་སྤྱོད་ཅན་པ་ཀ་པ། །ཤ་ཆེན་ཟ་བ་སི་ལ་ལི། །སྒྲོལ་མའི་ཞལ་གཟིགས་ཉི་མ་སྦས། །ཚེ་ལ་དབང་ཐོབ་ཀ་མ་ལ། །མདོར་ན་སྔགས་ཀྱི་བརྟུལ་ཞུགས་ཀྱིས། །རྣམ་གྲོལ་ཐོབ་བོ་འཚལ་རྣམས་ཀུན། །གདན་གསུམ་ཚང་བའི་དཀྱིལ་འཁོར་གྱི། །བདག་ཉིད་སངས་རྒྱས་ཀུན་གྱི་དངོས། །མོས་པའི་ཡིད་ཀྱིས་སྤྱན་དྲངས་ནས། །ཚོམ་བུ་གཅིག་ཏུ་གསལ་བ་ཡི། །གསེར་ཁྱམས་དཔའ་བོ་མཁའ་འགྲོ་དང་། །ཁྲག་ཁྱམས་དཔལ་མགོན་བདུན་ཅུ་ལ། །སྒོ་བཞིར་འཇིག་རྟེན་སྐྱོང་བ་བཞི། །འདོད་སྣམ་མཆོད་པའི་ལྷ་མོས་གཏིབས། །བརྟན་གཡོ་སྣོད་བཅུད་མ་ལུས་པ། །བླ་མའི་དཀྱིལ་འཁོར་གཅིག་ཏུ་རྫོགས། །{{TibChung|བཅུ་གཅིག་པ་བྱིན་གྱིས་རློབ་པ་ནི།}} དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་ལས་འཁོར་ལོ་དཀར་པོ་ཨོཾ་གྱིས་མཚན་པ། མགྲིན་པར་ཨཱཿལས་པདྨ་དམར་པོ་ཨཱས་མཚན་པ། ཐུགས་ཀར་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པར་གྱུར། {{TibChung|སྤྱི་བོ་ནས་རིམ་པར་རྡོ་རྗེའི་ཕྱག་རྒྱ་གནས་གསུམ་དུ་བཞག་ཅིང་།}} ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། {{TibChung|དེ་བཞིན་ལས་མགྲིན་པར་}}ཝཱཀྐ། {{TibChung|སྙིང་གར་}}ཙིཏྟ། {{TibChung|ཞེས་སྦྱོར། བཅུ་གཉིས་པ་དབང་བསྐུར་བ་ནི།}} གཙོ་བོའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་འོད་ཀྱིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་གདན་གསུམ་ཚང་བའི་དཀྱིལ་འཁོར་དུ་སྤྲུལ་པ་མདུན་གྱི་ནམ་མཁའ་ལ་བྱོན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། {{TibChung|ཞེས་བསྐུལ་བས།}} ལྷ་ཚོགས་རྣམས་བདེ་སྟོང་གི་རོས་ཚིམ། རྗེས་ཆགས་ཞུ་བདེའི་ཆུ་རྒྱུན་གྱིས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔ་སྦྱངས། ཕུང་པོ་ལྔ་རིགས་ལྔའི་སངས་རྒྱས་དང་། ཁམས་དང་སྐྱེ་མཆེད་ལྷའི་རང་བཞིན་དུ་རྣམ་པར་དག །ཆུ་ལྷག་མ་གྱེན་དུ་བརྟན་པ་ཡོངས་སུ་གྱུར་པ་ལས་གཙོ་བོ་ལ་འོད་དཔག་མེད་དང་། གཞན་རྣམས་ལ་སོ་སོའི་རིགས་ཀྱི་བདག་པོས་དབུ་བརྒྱན་པར་གྱུར། {{TibChung|བཅུ་གསུམ་པ་སྤྱན་དྲང་བ་ནི།}} དེ་ལྟར་དུ་གསལ་བའི་ལྷ་ཚོགས་རྣམས་ཀྱི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོས་པས་རང་བཞིན་གྱི་གནས་དང་། རྔ་ཡབ་དཔལ་རི་སྤྲུལ་པའི་ཞིང་ནས་རིག་འཛིན་བླ་མའི་དཀྱིལ་འཁོར་མ་ལུས་ཤིང་ལུས་པ་མེད་པ་བཛྲ་ས་མཱ་ཛཿ ཧཱུྃཿ ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིཿ བྱིན་གྱིས་བརླབ་ཕྱིར་གཤེགས་སུ་གསོལཿ གུ་རུ་པདྨ་སིདྡྷི་ཧཱུྃཿ ཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ རབ་ཏུ་དགའ་དང་དྲི་མ་མེདཿ གནས་དང་ཉེ་བའི་གནས་ཡིན་ཏེཿ དེ་བཞིན་འོད་བྱེད་འོད་འཕྲོ་ལཿ ཞིང་དང་ཉེ་ཞིང་ཞེས་སུ་གྲགསཿ སྦྱང་དཀའ་བ་དང་མངོན་གྱུར་པཿ ཚནྡྷོ་ཉེ་བའི་ཚནྡྷོ་སྟེཿ རིང་དུ་སོང་དང་མི་གཡོ་བཿ འདུ་དང་ཉེ་བའི་འདུ་བའོཿ ལེགས་པའི་བློ་གྲོས་ཆོས་ཀྱི་སྤྲིནཿ འཐུང་སྤྱོད་ཉེ་བའི་འཐུང་སྤྱོད་དེཿ དཔེ་མེད་དཔེ་མེད་ཡེ་ཤེས་ཆེཿ རྡོ་རྗེ་འཛིན་དབང་ས་རྣམས་ནསཿ རིག་འཛིན་བླ་མའི་ཚོགས་རྣམས་དང་ཿ དཔའ་བོ་དང་ནི་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ མ་ལུས་འདིར་སྤྱོན་དགྱེས་པར་བཞུགསཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་སྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ {{TibChung|བཅུ་བཞི་པ་རིག་པའི་མེ་ཏོག་དོར་ནས་རང་སྣང་གི་དཀྱིལ་འཁོར་དུ་འཇུག་ཅིང་དབང་བླང་བ་ནི།}} ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། {{TibChung|ཞེས་བརྗོད་པས་རང་བཞིན་ཡེ་ཤེས་ཀྱི་དཀྱིལ་འཁོར་དང་། ཏིང་ངེ་འཛིན་ལས་སྤྲུལ་པའི་དཀྱིལ་འཁོར་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔ་སོ་སོ་མ་ཡིན་ཐ་མི་དད་པའི་ཚུལ་གྱིས་བཞུགས་ནས་དབྱེར་མེད་དུ་བྱ་བའི་ཕྱིར།}} ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ་{{TibChung|གིས་ཡེ་ཤེས་པ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ།}} ཨོཾ་བཛྲ་ས་མ་ཡ་སྟྭཾ་{{TibChung|གྱིས་རང་ཉིད་ལྷའི་དཀྱིལ་འཁོར་དུ་སངས་མ་རྒྱས་ཀྱི་བར་དུ་བརྟན་པར་བཞུགས།}} ཨོཾ་བཛྲ་ས་མ་ཡ་ཧོ{{TibChung|ས་དབང་དུ་གྱུར་ཅིང་དགྱེས་པར་བསམ་མོ། །བཅོ་ལྔ་པ་ཡན་ལག་བདུན་པ་ཕུལ་ནས་གསོལ་བ་གདབ་པ་ནི།}} ཧྲཱིཿ བདག་ལུས་ཞིང་གི་རྡུལ་སྙེད་དུཿ རྣམ་པར་འཕྲུལ་པས་ཕྱག་འཚལ་ལོཿ དངོས་བཤམས་ཡིད་སྤྲུལ་ཏིང་འཛིན་མཐུསཿ སྣང་སྲིད་མཆོད་པའི་ཕྱག་རྒྱར་འབུལཿ སྒོ་གསུམ་མི་དགེའི་ལས་རྣམས་ཀུནཿ འོད་གསལ་ཆོས་སྐུའི་ངང་དུ་བཤགསཿ བདེན་པ་གཉིས་ཀྱིས་བསྡུས་པ་ཡིཿ དགེ་ཚོགས་ཀུན་ལ་རྗེས་ཡི་རངསཿ ཐེག་གསུམ་ཆོས་འཁོར་བསྐོར་བར་བསྐུལཿ ཇི་སྲིད་འཁོར་བ་མ་སྟོངས་བརཿ མྱ་ངན་མི་འདའ་བཞུགས་གསོལ་འདེབསཿ དུས་གསུམ་བསགས་པའི་དགེ་རྩ་ཀུནཿ བྱང་ཆུབ་ཆེན་པོའི་རྒྱུ་རུ་བསྔོཿ རྗེ་བཙུན་གུ་རུ་རིན་པོ་ཆེཿ ཁྱེད་ནི་སངས་རྒྱས་ཐམས་ཅད་ཀྱིཿ ཐུགས་རྗེ་བྱིན་རླབས་འདུས་པའི་དཔལཿ སེམས་ཅན་ཡོངས་ཀྱི་མགོན་གཅིག་པུཿ ལུས་དང་ལོངས་སྤྱོད་བློ་སྙིང་བྲངཿ ལྟོས་པ་མེད་པར་ཁྱེད་ལ་འབུལཿ འདི་ནས་བྱང་ཆུབ་མ་ཐོབ་བརཿ སྐྱིད་སྡུག་ལེགས་ཉེས་མཐོ་དམན་ཀུནཿ རྗེ་བཙུན་ཆེན་པོ་པད་འབྱུང་མཁྱེནཿ བདག་ལ་རེ་ས་གཞན་ན་མེདཿ ད་ལྟ་དུས་ངན་སྙིགས་མའི་འགྲོཿ མི་བཟད་སྡུག་བསྔལ་འདམ་དུ་བྱིངཿ འདི་ལས་སྐྱོབས་ཤིག་མ་ཧཱ་གུ་རུཿ དབང་བཞི་སྐུར་ཅིག་བྱིན་རླབས་ཅནཿ རྟོགས་པ་སྤོར་ཅིག་ཐུགས་རྗེ་ཅནཿ སྒྲིབ་གཉིས་སྦྱོངས་ཤིག་ནུས་མཐུ་ཅནཿ ནམ་ཞིག་ཚེ་ཡི་དུས་བྱས་ཚེཿ རང་སྣང་རྔ་ཡབ་དཔལ་རིའི་ཞིངཿ ཟུང་འཇུག་སྤྲུལ་པའི་ཞིང་ཁམས་སུཿ གཞི་ལུས་རྡོ་རྗེ་རྣལ་འབྱོར་མཿ གསལ་འཚེར་འོད་ཀྱི་གོང་བུ་རུཿ གྱུར་ནས་རྗེ་བཙུན་པད་འབྱུང་དངཿ དབྱེར་མེད་ཆེན་པོར་སངས་རྒྱས་ཏེཿ བདེ་དང་སྟོང་པའི་ཆོ་འཕྲུལ་གྱིཿ ཡེ་ཤེས་ཆེན་པོའི་རོལ་པ་ལསཿ ཁམས་གསུམ་སེམས་ཅན་མ་ལུས་པཿ འདྲེན་པའི་དེད་དཔོན་དམ་པ་རུཿ རྗེ་བཙུན་པདྨས་དབུགས་དབྱུང་གསོལཿ གསོལ་བ་སྙིང་གི་དཀྱིལ་ནས་འདེབསཿ ཁ་ཙམ་ཚིག་ཙམ་མ་ཡིན་ནོཿ བྱིན་རླབས་ཐུགས་ཀྱི་ཀློང་ནས་སྩོལཿ བསམ་དོན་འགྲུབ་པར་མཛད་དུ་གསོལཿ {{TibChung|བཅུ་དྲུག་པ་གསོལ་འདེབས་བསྙེན་པས་ཐུགས་རྒྱུད་བསྐུལ་ནས་ཏིང་ངེ་འཛིན་གྱི་དབང་བླང་བ་ནི།}} ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ {{TibChung|རིག་འཛིན་སྤྱིའི་སྙིང་པོ།}} ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཛྙཱ་ན་སིདྡྷི་ཧཱུྃཿ {{TibChung|ཞེས་བཟླ་ཞིངཿ}} གུ་རུའི་སྨིན་མཚམས་ན་ཨོཾ་ཡིག་ཆུ་ཤེལ་ལྟར་འཚེར་བ་ལས་འོད་ཟེར་འཕྲོསཿ རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུརཿ རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །མགྲིན་པ་ན་ཨཱ་ཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་ཐོབ། བཟླས་བརྗོད་ཀྱི་སྣོད་དུ་གྱུར། ཚེ་དབང་རིག་འཛིན་གྱི་ས་བོན་ཐེབས། ལོངས་སྤྱོད་རྫོགས་པའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་སོང་། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ །{{TibChung|ཞེས་འདོན་སྒོམ་ཟུང་དུ་འཇུག་པས་ལམ་དབང་ལ་འབད་པར་བྱའོ། །གལ་ཏེ་སྤྲོས་པ་ལ་དགའ་བས་དབང་བཞི་ལེན་པར་སྤྲོ་ན། བུམ་པ་གཞལ་མེད་ཁང་དུ་གསལ་བའི་ནང་དུ། རིགས་ལྔ་ཡབ་ཡུམ་བསྒོམ་ལ།}} ཨོཾ་ཨཱཿཧཱུྃ་སྭཱ་ཧཱཿ {{TibChung|ཞེས་པ་ཅི་ནུས་དང་། ལས་བུམ་དུ་བདུད་རྩི་འཁྱིལ་པ་བསྒོམ་ལ་ཀུཎྜ་ལི་ཇི་ལྟར་འོས་པ་བཟླས་རྗེས་འོད་ཞུ་ཡང་བྱའོ། །བཅུ་བདུན་པ་མཆོད་པ་ལ་བཞི་ལས། དང་པོ་མཎྜལ་ནི།}} ཨོཾ་བཛྲ་བྷཱུ་མི་{{TibChung|སོགས་བླ་མ་འཕགས་པའི་ལུགས་ལྟར་ཕུལ། གཉིས་པ་ལྷ་མོ་བཅུ་དྲུག་ནི།}} པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོཿ སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་པྲ་ཏཱིཙྪ་ཧོཿ འཇམ་མཉེན་པུཎྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་གཱིརྟི་ཧྲཱིཿ༴ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་ནཱིརྟི་ཨཿ༴ ༈ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །གུ་རུ༴ བཛྲ་དྷུ་པེ་ཧཱུྃ་པྲ༴ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །གུ་རུ༴ བཛྲ་པུཥྤེ་ཏྲཱཾ་པྲ༴ ཡིད་འོང་ལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །གུ་རུ༴ བཛྲ་ཨཱ་ལོ་ཀེ་ཧྲཱིཿ༴ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུགས་པས་དགྱེས་པ་བསྐང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །གུ་རུ༴ བཛྲ་གྷནྡྷེ་ཨཿ༴ ༈ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅི་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །གུ་རུ༴ བཛྲ་རཱུ་པ་ཨོཾ༴ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །གུ་རུ༴ བཛྲ་མྲྀ་ཏཾ་གི་ཧྲཱིཿཔྲ༴ རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏམྦུ་ར། །རྣ་བའི་དཔྱིད་དུ་སྦྲེང་བའི་ཡིད་འཕྲོག་མ། །རྡོ་རྗེ་པི་ཝང་མ་ཡིས་མཉེས་གྱུར་ཅིག །གུ་རུ༴ བཛྲ་ཝི་ནི་ཧཱུྃ་པྲ༴ དགའ་བ་བཅུ་དྲུག་རླུང་གི་རྟར་སྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །གུ་རུ༴ བཛྲ་ཝཾ་སེ་ཏྲཱྃ༴ ༈ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །གུ་རུ༴ བཛྲ་མུ་རཉྫཻ་ཨཿཔྲ༴ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །གུ་རུ༴ བཛྲ་པརྴེ་ཏྲཱཾ༴ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་རཱ་ས་ཧྲཱིཿ༴ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨ་དྷཱརྟུ་ཨཿཔྲ་ཏཱིཙྪ་ཧོཿ {{TibChung|གསུམ་པ་གསང་མཆོད་ནི། དེ་མ་ཐག་པའི་ལྷ་མོ་རྣམས་དང་མཉམ་པར་རོལ་པའི་རྗེས་ཆགས་དགའ་བ་བཞིའི་ཡེ་ཤེས་སུ་ཤར་པའི་གཟུགས། ཆོས་ཉིད་ཀྱི་གླུ་སིད་དང་ཧ་ལ་སོགས་པའི་སྒྲ། ཚོར་བ་བདེ་བ་ལས་འདས་པས་འཛག་བདེའི་རྒྱུན་ལམ་ཁྱབ་པའི་ཚུལ་ཁྲིམས་ཀྱི་དྲི། ལྷན་ཅིག་སྐྱེས་པའི་ཡེ་ཤེས་ལ་ཀུན་ནས་ཉམས་བརྟས་པའི་རོ། དཔེ་དོན་འབྲེལ་བའི་ཆོས་ཉིད་ཀྱིས་འཁོར་འདས་ཀུན་ལ་ཁྱབ་པའི་རེག་བྱ་སྟེ། ནང་གི་འདོད་ཡོན་བླ་ན་མེད་པས་མཉེས་པར་བསམས་ལ།}} ཨཱཿ ཐབས་དང་ཤེས་རབ་འདུ་འབྲལ་མེད་པའི་ངང་། །བདེ་ཆེན་ཡེ་ཤེས་ཡུམ་གྱི་བྷ་གའི་ཀློང་། །བྱང་ཆུབ་སྙིང་པོ་དགྱེས་མཉམ་མཆོད་པ་ཡིས། །རྒྱལ་བ་རྒྱ་མཚོའི་ཚོགས་རྣམས་མཉེས་གྱུར་ཅིག །ཨ་ནུ་རཱ་ག་སརྦ་པཉྩ་ཧཱུྃ་ཧྲཱིཿཋཱཿ {{TibChung|བཞི་བ་ཀུན་བཟང་མཆོད་སྤྲིན་ནི།}} ཨོཾ མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱི། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་དང་། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་བྲེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རབ་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ལྷ་ལ་རྒྱས་པར་འབུལ། །སྐལ་ལྡན་གསལ་བའི་ཁྱད་པར་གྱི། །རིམ་གྱིས་ཡང་ན་ཅིག་ཅར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོ་བསྒོམ། །{{TibChung|བཅོ་བརྒྱད་པ་བསྟོད་པ་ནི།}} ༈ གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་འཆང་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །བླ་མའི་སྐུ་གསུང་ཐུགས་ལ་འདུད། །འདྲེན་པ་རྣམས་ཀྱིས་ཡོངས་སྤངས་ཤིང་། །ངན་འགྲོའི་གཡང་སར་ཕྱོགས་པ་བདག །ཐར་པའི་ལམ་དང་རབ་སྤྲོད་པའི། །དེད་དཔོན་ཆེན་པོ་ཁྱོད་ལ་འདུད། །གནས་དང་གནས་མིན་མི་ཤེས་ཤིང་། །ལམ་དང་ལམ་མིན་གྱི་ནར་འཕྱན། །མུན་པ་ལས་ཀྱང་མུན་ནག་ཅན། །བདག་ལྟའི་སྒྲོན་མ་ཁྱོད་ལ་བསྟོད། །གང་སྐུ་མཐོང་བས་སྣང་བ་འགྱུར། །ཞི་བར་གཟིམས་པའི་སྙིགས་མས་ཀྱང་། །མཚམས་མེད་བྱང་ཞེས་མདོ་་་{{TibChung|རྒྱན་སྟུག་པོ་བཀོད་པ་ལས། འཇམ་དཔལ་ཕྱོགས་གང་ན་ཆོས་སྨྲ་བ་དེ་འདུག་གམ་དེའི་རུས་བུའམ། རོ་བམ་པ་ཞིག་ཡོད་པ་མཐོང་ན་ཡང་མཚམས་མེད་པའི་ལས་ལྔ་རྣམ་པར་བྱང་བར་འགྱུར་རོ། །ཞེས་སོ། །མཆན།་་་}}ལས་གསུངས། །འབྲེལ་ཚད་དོན་ལྡན་ཆེན་པོར་འདུད། །ཁྱེད་གསུང་ཐོས་པས་བླང་དོར་ཤེས། །ཉེས་སྤྱོད་ཆེན་པོའི་གཡང་ལས་སྐྱོབ། །འགོག་ལམ་བདེན་པའི་ངོ་བོ་ཉིད། །ཐོས་གྲོལ་ཆེན་པོའི་དབྱངས་ལ་བསྟོད། །བདག་གིས་འབད་ཀྱང་མི་ཐར་བ། ཁྱེད་ཐུགས་གཏད་པས་ཡུད་ལ་སྨིན། །མོས་གུས་ཐོབ་ན་རྟོགས་པ་འཆར། །སྤྲོས་བྲལ་བསམ་མི་ཁྱབ་ལ་འདུད། །གྲངས་མེད་གསུམ་དུ་དཀའ་ཐུབ་ཀྱིས། །གདུངས་བས་དབང་པོ་ཚར་བཅད་ཀྱང་། །ཐོབ་པར་དཀའ་བའི་རྡོ་རྗེ་སེམས། །མ་ནོར་མངོན་སུམ་སྟོན་ལ་འདུད། །{{TibChung|བླ་མ་ཡང་ཏིག}} །བླ་མ་སངས་རྒྱས་རིན་པོ་ཆེ། །བདག་ལ་རེ་ས་གཞན་ན་མེད། །ཐུགས་རྗེའི་སྤྱན་གྱིས་གཟིགས་མཛོད་ལ། །འཁོར་བའི་མཚོ་ལས་བསྒྲལ་དུ་གསོལ། །ཚེ་འདིའི་ལེགས་པ་ཀུན་འགྲུབ་ཅིང་། །བགེགས་དང་བར་ཆད་མེད་པ་དང་། །འཆི་ཁར་ཟབ་མོའི་འོད་གསལ་ཟིན། །བར་དོའི་འཕྲང་ལས་སྒྲོལ་བར་མཛོད། །ལུས་དང་ངག་ཡིད་རྩོམ་པ་ཀུན། །རྟག་ཏུ་གཞན་ལ་ཕན་པ་དང་། །རྐྱེན་རྣམས་བྱང་ཆུབ་ལམ་མཆོག་ཏུ། །དེ་རིང་ཉིད་ནས་བསྒྱུར་དུ་གསོལ། །བདག་གིས་འབད་ཀྱང་ཐར་བར་དཀའ། །མགོན་པོ་ཁྱེད་ཀྱི་ཐུགས་རྗེའི་གྲུས། །མགོན་མེད་བདག་དང་འགྲོ་བ་ཀུན། །ཐར་པའི་གླིང་དུ་ཕྱིན་པར་མཛོད། །གང་དག་བདག་ལ་དད་གྱུར་ཏམ། །སྨོད་དམ་སྐུར་པ་འདེབས་ཀྱང་རུང་། །དེ་དག་སྡིག་ཟད་ཉོན་མོངས་མེད། །སྲིད་པའི་ཆུ་བོ་སྤང་བར་ཤོག །ནམ་ཞིག་བདག་གི་མིང་ཙམ་གྱིས། །འགྲོ་བའི་འདོད་དགུ་རབ་འགྲུབ་ཅིང་། །ཕྱོགས་བཅུ་གང་བའི་ཞིང་རྣམས་སུ། །མཆོད་པའི་སྤྲིན་གྱི་ཆར་འབེབས་ཤོག །དགེ་བ་འདི་ཡིས་ལུས་ཅན་ཀུན། །ཐམས་ཅད་སྲིད་ལས་རྣམ་གྲོལ་ནས། །ཡེ་ཤེས་དམ་པ་གཉིས་ཐོབ་སྟེ། །དོན་གཉིས་ལྷུན་གྱིས་གྲུབ་པར་མཛོད། །{{TibChung|བཅུ་དགུ་པ་བཤགས་པ་ནི།}} དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་དང་ཕྱོགས་བཅུའི་རྒྱལ་བ་སྲས་དང་བཅས་པ་བདག་ལ་དགོངས་སུ་གསོལ། བདག་ཆེ་གེ་མོ་ཐོག་མར་འཁྲུལ་པ་ནས་བཟུང་སྟེ་དུས་དེ་རིང་ལ་ཐུག་གི་བར་དུ་མ་རིག་པའི་གཞན་དབང་དུ་སོང་སྟེ། ཀུན་འབྱུང་གི་ཉེ་བར་ལེན་པའི་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་མངོན་པར་འདུ་བྱས་ཏེ། ལུས་ཀྱི་སྒོ་ནས་སྲོག་བཅད་པ་དང་གསོད་སེམས་སྐྱེས་པ། མ་བྱིན་བླངས་པ་དང་། འདོད་པས་ལོག་པར་གཡེམ་པའི་རིགས། ངག་གི་སྒོ་ནས་རྫུན། ཕྲ་མ་ཚིག་རྩུབ་ངག་ཀྱལ། ཡིད་ཀྱི་སྒོ་ནས་བརྣབ་སེམས། གནོད་སེམས། ལོག་ལྟ་སྟེ་མི་དགེ་བ་བཅུ། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་པ་ལ་སོགས་ཏེ་མཚམས་མེད་པ་ལྔ། དེ་དང་ཉེ་བ་ལྔ་ལ་སོགས་ཏེ་མི་དགེ་བའི་ཕྱི་མོ་རྣམས་ཀྱི་སྟེང་། བཅས་པའི་ཁྲིམས་དགེ་བསྙེན་དང་། དགེ་ཚུལ་དང་། དགེ་སློང་སྟེ་སོ་སོར་ཐར་པའི་སྡོམ་པ་རིགས་བདུན་ལ་ཕམ་ལྟུང་དང་ཉེས་བྱས་བྱུང་བ་དང་། བྱང་ཆུབ་སེམས་དཔའི་སྨོན་འཇུག་གི་བསླབ་བྱ་སྤྱི་དང་། རྩ་ལྟུང་དང་སྦོམ་པོའི་རྣམ་གྲངས་ཐ་དད་པ་དང་འགལ་བ་དང་། ཁྱད་པར་དུ་རིག་པ་འཛིན་པའི་ཚུལ་ཁྲིམས་ཀྱི་བསླབ་པའི་གཞི་ལས། རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་སྨོད་པ་ལ་སོགས་པའི་རྩ་བའི་ལྟུང་བ་བཅུ་བཞི་དང་། ཡན་ལག་སྦོམ་པོའི་རྣམ་གྲངས་བརྒྱད་ལས་ཕས་ཕམ་པ་དང་། ཁ་ན་མ་ཐོ་བའི་མཐུས་བཅོམ་སྟེ་གསང་སྔགས་ཀྱི་དམ་ཚིག་སྤྱི་དང་བྱེ་བྲག་པ་ཕྲ་ཞིབ་བསྲུང་དཀའ་བ་ལས་འདས་པ་ཐམས་ཅད་དང་། རང་བཞིན་དུ་ཉོན་མོངས་པའི་གཞན་དབང་གིས་སེམས་ཟིལ་གྱིས་ནོན་ནས་དཀོན་མཆོག་གསུམ་དང་བླ་མ་ལ་བརྙས་པ་དང་། དམ་པའི་ཆོས་སྤངས་པ་དང་། མཁན་པོ་ལ་མ་གུས་པ་དང་། བྱང་ཆུབ་སེམས་དཔའ་ལ་སྐུར་བ་བཏབ་པ་དང་། ཕ་མའི་དྲིན་ལན་མ་བཅལ་བ་དང་། དཀོན་མཆོག་གི་དཀོར་ཕྲོགས་པ་དང་། ཚངས་པར་མཚུངས་སྤྱོད་སུན་ཕྱུང་བ་དང་། བསམ་གཏན་སྒོམ་པའི་ཐུགས་དཀྲུགས་པ་དང་། དགེ་བ་ཅན་གྱི་ཚོགས་བཅག་པ་དང་། དད་པ་ཅན་སུན་ཕྱུང་བ་དང་། རྒྱུ་འབྲས་ལ་སྐུར་པ་བཏབ་པ་དང་། སེམས་ཅན་ལ་གནོད་པའི་ལས་བྱས་པ་དང་། ཁྲེལ་དང་ངོ་ཚ་སྤངས་པ་ལ་སོགས་ཏེ་མདོར་ན་སྡིག་པ་མི་དགེ་བའི་ལས་རང་གིས་བགྱིས་པ་དང་གཞན་ལ་བྱེད་དུ་བཅུག་པ་དང་། བྱས་པ་ལ་རྗེས་སུ་ཡི་རང་བ་ལ་སོགས་པ་དེ་དག་ཀྱང་རྟག་པའི་སེམས་དང་། མངོན་པར་ཞེན་པ་དང་། གཉེན་པོ་སྟོབས་ཞན་པ་དང་། ཡུལ་ཁྱད་པར་ཅན་དང་བཞི་ལས་བྱུང་བ་ལ་སོགས་པས་ཁ་ན་མ་ཐོ་བ་ཆེན་པོར་གྱུར་པས་མཚོན། མདོར་ན་མངོན་པར་མཐོ་བ་དང་། ངེས་པར་ལེགས་པའི་གོ་འཕང་ཐོབ་པ་ལ་བར་དུ་གཅོད་ཅིང་། འཁོར་བ་དང་ངན་སོང་གི་རྒྱུར་གྱུར་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་ཏུ་ཐོགས་མེད་ཀྱི་གཟིགས་པར་ལྡན་པ་རྣམས་ཀྱི་སྤྱན་སྔར་ཤིན་ཏུ་གནོང་ཞིང་འགྱོད་པས་མཐོལ་ལོ་བཤགས་སོ། །སྔོན་ཆད་ནི་བཀའ་ལས་འདས་སོ། །ད་ནི་ཉེས་པ་ལ་ཉེས་པར་མཐོང་ལགས་པས་མི་འཆབ་བོ། །མངོན་གྱུར་དུ་སྒྲོག་པས་མི་སྦེད་དོ། །ཕྱིན་ཆད་སྲོག་ལ་བབ་ཀྱང་སྡོམ་ལགས་སོ། །མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སྡིག་ལྡན་བདག་ལ་དགོངས་ཤིག །དེང་བདག་གི་འགྱོད་ཚངས་དང་དུ་མ་བཞེས་ན་སྐྱབས་མེད་དོ། །མགོན་མེད་དོ། །དཔུང་གཉེན་དང་བྲལ་ལོ། །དེ་བས་ན་སེམས་ཅན་གྱི་རང་བཞིན་ལས་དང་ཉོན་མོངས་པའི་གཞན་དབང་ཅན་ལགས་པས་དེ་ལ་དགོངས་ཏེ་ཚངས་པར་སྩལ་དུ་གསོལ། །{{TibChung|ཉི་ཤུ་པ་དབང་བླང་བར་མོས་ན།}} ཇི་ལྟར་བལྟམས་པ་{{TibChung|སོགས་ཀྱིས་ཁྲུས་བྱ། བགེགས་གཏོར་གཏང་། ཐོག་མར་སྡོམ་བཟུང་ནི།}} ཀྱེ་བླ་མ་རྡོ་རྗེ་འཛིན་པ་དང་། །རིགས་ལྔ་བདེ་བར་གཤེགས་པ་ནི། །ཐམས་ཅད་བདག་ལ་དགོངས་སུ་གསོལ། །དེང་ནས་བྱང་ཆུབ་སྙིང་པོའི་བར། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །བླ་མ་ལ་ཡང་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང་། །བྱང་ཆུབ་སེམས་ནི་བསྐྱེད་པར་བགྱི། །རིགས་ལྔའི་དམ་ཚིག་ལེགས་བཟུང་སྟེ། །རྡོ་རྗེ་དྲིལ་བུ་ལ་སོགས་པ། །དམ་ཚིག་རྫས་རྣམས་བཟུང་བར་བགྱི། །བླ་ན་མེད་པའི་དཀོན་མཆོག་གསུམ། །ནམ་དུ་ཡང་ནི་མི་གཏང་ཞིང་། །རྡོ་རྗེ་སློབ་དཔོན་མི་གཏོང་ངོ་། །རྡོ་རྗེ་སྤུན་སྲིང་རྣམས་ལ་ཡང་། །ནམ་ཡང་སྨད་པར་མི་བྱའོ། །སེམས་ཅན་རྣམས་ལ་འཚེ་བ་སྤང་། །འཕགས་པ་རྣམས་ལ་སྨད་མི་བགྱི། །ཐེག་པ་དམན་ལ་མི་བརྙས་ཤིང་། །སྔགས་འཆང་སྤང་བར་མི་བྱའོ། །བསྙེན་སྒྲུབ་ལས་ཀྱི་མཐའ་གཟུང་ཞིང་། །དཀྱིལ་འཁོར་འཁོར་ལོ་བསྒོམ་པར་བགྱི། །དམ་ཚིག་སྡོམ་པ་ལ་གནས་ཤིང་། །འཁྲུལ་པའི་བྱ་བ་མི་བགྱིའོ། །རང་གི་སེམས་ནི་ཡོངས་གདུལ་ཞིང་། །ཕྱོགས་མཐའ་གཏུགས་པའི་སེམས་ཅན་གྱི། །དོན་ནི་བླ་མེད་བདག་གིས་བསྒྲུབ། །མ་གྲོལ་བ་རྣམས་དགྲོལ་བ་དང་། །མ་སྒྲལ་བ་རྣམས་བསྒྲལ་བར་བགྱི། །དབུགས་མ་ཕྱུང་རྣམས་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །{{TibChung|ལན་གསུམ། དེ་ནས་འཇུག་པའི་བྱ་བ་རྣམས་ནི་སྔོན་དུ་རིག་པའི་མེ་ཏོག་དོར་བ་ལ་དོན་གྱིས་ཚང་བར་མ་ཟད་གཟོད་ནས་སྣང་བ་བླ་མའི་དཀྱིལ་འཁོར་དུ་སྦྱངས་ཤིང་གསལ་སྣང་དག་པ་རབ་འབྱམས་སུ་སློབ་པའི་རང་བཞིན་ཡེ་ཤེས་ཀྱི་དཀྱིལ་འཁོར་ལ་ད་གདོད་ཀྱི་འཇུག་ཡུལ་མེད་པས། ལམ་དབང་ཐོད་རྒལ་དུ་བླང་བ་ནི།}} དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། {{TibChung|མཆོད་ཅིང་བསྟོད།}} རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །{{TibChung|ཞེས་གསོལ་བ་བཏབ་པས།}} གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་ཀུན་ཀྱང་དབང་གི་བྱ་བ་ལ་དགྱེས་པར་གྱུར། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །{{TibChung|དེ་ཡང་ཆོས་ཉིད་མ་འཁྲུལ་པའི་བདེ་གཤེགས་སྙིང་པོ་ནི་རྡོ་རྗེ་སློབ་དཔོན་སྤྲུལ་པར་བཅས་པའི་དཀྱིལ་འཁོར་དུ་རྫོགས་པ་ལ། ཚོགས་བརྒྱད་འདུས་བྱས་པ་སློབ་མའི་ཚུལ་དུ་ཤར་བའི་ཕུང་ཁམས་སྐྱེ་མཆེད་དང་། ཉོན་མོངས་པ་ལྔའི་སྦྱང་གཞི་སྦྱོང་བྱེད་སྦྱངས་འབྲས་སོ་སོའི་རང་བཞིན་ཁོང་དུ་ཆུད་པས་རིགས་དབང་ལྔའི་དང་པོར་སློབ་མ་མི་བསྐྱོད་པར་གསལ་ལ། རྣམ་བུམ་བཏེག་ནས།}} ཧཱུྃ། རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་རིན་འབྱུང་དུ་གསལ་ཞིང་དབུ་རྒྱན་བསྐོན་ལ།}} ཧཱུྃ། ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾཿ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་།}} ཧཱུྃ། འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱི་གསུང་འགགས་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་དོན་གྲུབ་ཏུ་གསལ། དྲིལ་བུ་འཛིན་པས།}} ཧཱུྃ། འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨཱ་ཨ་བྷི་ཥིཉྩ་ཨཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ།}} ཧཱུྃ གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུ་ཡི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །{{TibChung|རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། གསུང་གི་དམ་ཚིག་དྲིལ་བུ་འཁྲོལ་བ་དང་། སྐུའི་དམ་ཚིག་འཁྱུད་རྒྱ་བྱེད་པ་སྟེ་དམ་ཚིག་གསུམ་བྱིན་ལ།}} ཨོཾ་ཨཱཿཧཱུྃ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །{{TibChung|སླར་ཡང་རྣམ་རྒྱལ་བུམ་པ་བཟུང་ལ།}} ཧཱུྃ་བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །{{TibChung|རྩ་སྔགས་དང་།}} ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས་སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས་ཕྱི་ནང་ཐམས་ཅད་ལ་བརྙས་པ་བྱས་ན་ལྟུང་བར་གྱུར་པ་ཡིན་པས་དག་སྣང་དང་མོས་པ་གྱིས་ཤིག །དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །{{TibChung|གསང་རྫས་མགྲིན་པར་བཞག་སྟེ།}} ཧཱུྃ། ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །{{TibChung|རྩ་སྔགས་དང་།}} ཝཱཀྐ་ཨ་བྷི་ཥིཉྩ་ཨཱ། {{TibChung|རྗེས་འབྲེལ་དུ་བཟླས་ལུང་སྦྱིན་པ་ནི།}} སློབ་དཔོན་གྱི་ཐུགས་ཀ་ནས་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས། སྙིང་གར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ། {{TibChung|རྩ་སྔགས་ཀྱི་རྗེས་ཟློས་ལན་གསུམ།}} དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །{{TibChung|རིག་ཙག་གཏད་ལ།}} ཧོཿ ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །{{TibChung|རྩ་སྔགས་དང་།}} ཙིཏྟ་ཨ་བྷི་ཥིཉྩ་ཧཱུྃ། {{TibChung|ཞེས་གཏད་པས། རིག་མ་དེས་}}པདྨ་བྷཉྫ་མོཀྵ་ཧོཿ ཞེས་པའི་སྒྲས་ཐར་པ་བརྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ །{{TibChung|དབང་བཞི་པ་ལ་མེ་ལོང་དང་ཤེལ་རྡོ་མཚོན་པའི་བརྡ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ།}} ཧོཿ ཀ་དག་མེ་ལོང་གཙང་མའི་ངོགས། །ལྷུན་གྲུབ་དྭངས་ཤེལ་དྲི་མེད་གསལ། །བརྡ་རྟགས་རྫོགས་པའི་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །{{TibChung|རྩ་སྔགས་དང་།}} དྷརྨ་དྷཱརྟུ་ཨ་བྷི་ཥིཉྩ་ཨཱཿ {{TibChung|ཞེས་པའི་མཐར། རང་བཞིན་མེད་པའི་ཆོས་ཉིད་ལ་མཉམ་པར་གཞག །རྗེས་ལ་དམ་ཚིག་ཁས་བླང་པ་ནི།}} གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱེད་ལ་བདག་ནི་འབུལ་ལགས་ན། །ཁྱེད་ཀྱི་སློབ་མར་གཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །{{TibChung|གཏང་རག་གི་མཎྜལ་ཕུལ། ཉེར་གཅིག་པ་སྨན་གཏོར་རཀྟ་དང་། ཚོགས་ཀྱི་འཁོར་ལོ་ཕྱི་ནང་གི་འདོད་ཡོན་ལ་བརྟེན་པའི་དམ་ཚིག་སྐོང་བཤགས་ཆེན་མོ་ནི། རིག་འཛིན་གྱི་ཚོམ་བུ་དེ་དག་གི་ཐུགས་རྒྱུད་ཀྱི་སྤངས་རྟོགས་ཐེག་པ་རིམ་པ་དགུའི་དཀྱིལ་འཁོར་གྱི་ངོ་བོ་ཉིད་ཡིན་པས་རྣམ་སྤྲུལ་ཀྱང་མདུན་གྱི་ནམ་མཁའ་ལ་མགྲོན་ཐབས་ཀྱི་རྣམ་པར་སད་པར་བྱ་བ་ནི།}} བདེ་གཤེགས་སྙིང་པོས་འགྲོ་བ་ཡོངས་ལ་ཁྱབཿ སེམས་ནི་རྒྱ་ཆེན་མཆོག་ཏུ་རབ་བསྐྱེད་ཅིངཿ འགྲོ་བ་འདི་དག་མ་ལུས་སངས་རྒྱས་རྒྱུཿ འདི་ན་སྣོད་མིན་སེམས་ཅན་གང་ཡང་མེདཿ བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷཿ དུས་ལས་མི་འདའ་ཐུགས་རྗེའི་དབང་གིས་ནཿ སེམས་ཅན་དོན་ལ་དགོངས་པའི་དཀོན་མཆོག་གསུམཿ ཡིད་ཀྱིས་སྤྲུལ་ཞིང་བཤམས་པའི་གནས་འདི་རུཿ རྒྱལ་བ་འཁོར་བཅས་མ་ལུས་གཤེགས་སུ་གསོལཿ བཛྲ་ས་མཱ་ཛཿ {{TibChung|ཞེས་སྤྱན་དྲངས།}} པདྨ་ཀ་མ་ལཱ་ཡ་སྟྭཾཿ {{TibChung|གྱིས་གདན་འབུལ། དེ་ནས་གཏོར་ཚོགས་རྣམས་ལ་ནང་མཆོད་བྲན་ནས།}} ཨོཾ་ཀུན་བརྟགས་སྣང་བ་སྣོད་ཀྱི་གཏོར་གཞོང་དུཿ གཞན་དབང་སྲིད་པ་བཅུད་ཀྱི་གཏོར་མར་སྦྱངསཿ ཡོངས་གྲུབ་ཆོས་དབྱིངས་ཀློང་ཆེན་དགོངས་པ་ཡིསཿ སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིནཿ འཕོ་མེད་ནམ་མཁའ་མཛོད་དུ་མངའ་དབང་བསྒྱུརཿ ཨོཾ་ཨཱཿཧཱུྃ། {{TibChung|ལན་བདུན་གྱིས་ངོ་བོ་ཡེ་ཤེས་ཀྱི་བདུད་རྩི་དང་། ནམ་མཁའ་མཛོད་ཀྱི་སྔགས་རྒྱས་ཀུན་ཏུ་བཟང་པོའི་མཆོད་སྤྲིན་དུ་བྱིན་གྱིས་བརླབས།}} ཨཱཿ རང་བྱུང་ལྷུན་གྲུབ་འཇའ་ཟེར་ལུས་ཀྱི་སྦུབསཿ སྒྱུ་འཕྲུལ་ཚོགས་བརྒྱད་རོལ་པ་སྲིན་པོའི་གྲོངཿ སྙིང་དབུས་ཟངས་མདོག་དཔལ་རིའི་ཕོ་བྲང་ནསཿ རིགས་འདུས་མ་ཧཱ་གུ་རུའི་ཐུགས་དམ་བསྐངཿ གཞི་དབྱིངས་སྟོང་གསལ་ཀུན་ཏུ་བཟང་པོ་ཡིཿ གཞི་སྣང་ལོངས་སྐུའི་རྩལ་ལ་དགོངས་པ་འཕོས༔ བརྡ་ཚིག་བློ་ལས་འདས་པའི་དཀྱིལ་འཁོར་ནསཿ དགོངས་བརྒྱུད་དག་པ་གཉིས་ལྡན་ཐུགས་དམ་བསྐངཿ ངེས་པ་ལྔ་ལྡན་ལྷུན་གྲུབ་ལོངས་སྐུའི་རྩལཿ རིག་འཛིན་རིག་པའི་འཁོར་ལ་བརྡ་སྟོན་ཅིངཿ དགོངས་བརྡའི་དོན་རྒྱུད་ཆིག་རྫོགས་སྤྲུལ་པའི་གརཿ སྙན་བརྒྱུད་ཐོས་གྲོལ་ཆེན་པོའི་ཐུགས་དམ་བསྐངཿ མཚོན་བྱེད་རྟགས་ཀྱི་བརྡ་ཤོག་ཆེན་པོའི་དབངཿ ལས་ཅན་སྐྱེས་བུའི་སྙིང་ལ་བསྐུར་བ་ལསཿ མཚོན་བྱ་དོན་གྱི་དགོངས་པའི་གསང་མཛོད་བརྡོལཿ གཏད་རྒྱ་སྨོན་ལམ་དབང་རྒྱུད་ཐུགས་དམ་བསྐངཿ གདོད་ནས་ཀུན་ཏུ་བཟང་པོ་རང་རིག་ལཿ ཁྱབ་གདལ་དགོངས་པ་གུད་དུ་བཅད་པ་དང་༔ སངས་རྒྱས་གཞན་དུ་བཙལ་བའི་ནོངས་པ་ཀུནཿ དག་ནས་བྱ་རྩོལ་བྲལ་བའི་ས་ལ་སྐྱོལཿ ཀ་དག་ཕྱོགས་ཡན་ཆེན་པོའི་དགོངས་པ་ལཿ བགྲང་བྱའི་ཐེག་པ་ཐ་དད་མ་གྲུབ་ཀྱང་། །ཀུན་རྟོག་གདུལ་བྱའི་ཁམས་དབང་བསམ་པའི་ཕྱིརཿ ཐེག་པ་རིམ་དགུར་ཤར་བའི་ཐུགས་དམ་བསྐངཿ འཁོར་བ་སྡུག་བསྔལ་ཆེན་པོར་ཤེས་པ་ཡིསཿ ཀུན་རྫོབ་བདེན་བཞིའི་ལམ་ལ་རབ་ཞུགས་ནསཿ བདག་འཛིན་འཆིང་བ་གཅོད་པ་ཉན་ཐོས་ཀྱིཿ ཚོམ་བུའི་དཀྱིལ་འཁོར་ལྔ་ཡི་ཐུགས་དམ་བསྐངཿ སོ་ཐར་འདུལ་བའི་སྡེ་སྣོད་ཆེན་པོ་ཡིསཿ བཅས་དང་རང་བཞིན་འགལ་བའི་ཉེས་པ་ཀུནཿ མི་འཆབ་མི་སྦེད་སྙིང་ནས་བཤགས་པར་བགྱིཿ བདག་ལ་འཕགས་པ་དགྲ་བཅོམ་བྱིན་གྱིས་རློབསཿ ལྷག་པའི་ཚུལ་ཁྲིམས་བསླབ་པས་རྒྱུད་བསྡམས་ཤིངཿ ཕུང་སོགས་རང་བཞིན་མེད་པར་རྟོགས་པ་དངཿ རྟེན་འབྲེལ་བཅུ་གཉིས་ལུགས་ལས་ལྡོག་པ་ཡིཿ རང་རྒྱལ་དཀྱིལ་འཁོར་བཞི་ཡི་ཐུགས་དམ་བསྐངཿ རྣམ་དག་ཚུལ་ཁྲིམས་མི་གཡོ་ཏིང་འཛིན་གྱིཿ བསླབ་པ་མདོ་སྡེའི་སྲུང་མཚམས་ཉམས་པ་ཀུནཿ འགྱོད་པས་བཤགས་སོ་བྱང་ཞིང་དག་པ་དངཿ ཚོགས་དང་བསེ་རུའི་རང་རྒྱལ་དངོས་གྲུབ་སྩོལཿ ཆོས་ཀུན་སྒྱུ་མ་ལྟ་བུར་ཤེས་པའི་ངངཿ སྙིང་རྗེས་གཞན་དོན་སྒྲུབ་ལ་ཆེས་དཔའ་ཞིངཿ བདེན་གཉིས་ལམ་འཁྱེར་མངོན་པའི་སྡེ་སྣོད་ཀྱིཿ དཀྱིལ་འཁོར་ཕྱོགས་ཀྱི་གྲངས་ལྡན་ཐུགས་དམ་བསྐངཿ སོ་སོར་རྟོག་པའི་ཤེས་རབ་ཏིང་ངེ་འཛིནཿ རྟག་ཆད་མུ་བཞིའི་ལམ་དུ་གོལ་བ་དངཿ སྙིང་རྗེའི་མྱུ་གུ་སྐམས་པའི་ནོངས་པ་ཀུནཿ དག་ནས་ཀུན་ཏུ་འོད་ཀྱི་ས་ལ་སྐྱོལཿ དག་པ་གསུམ་དང་གཙང་སྦྲ་གསུམ་སྤྱོད་ཅིངཿ དམ་ཡེ་ཐ་དད་རྗེ་ཁོལ་རྣམ་པར་བསྒྲུབཿ བལྟས་པས་བདེ་བ་ལམ་བྱེད་བྱ་རྒྱུད་ཀྱིཿ དཀྱིལ་འཁོར་དྲུག་གི་ལྷ་ཚོགས་ཐུགས་དམ་བསྐངཿ ཀྲི་ཡའི་ཐབས་དང་ཡོ་གའི་རྣལ་འབྱོར་ལཿ ཆ་མཉམ་སྤྱད་པས་མ་ནིང་ཐེག་པ་སྟེཿ མངོན་བྱང་ལྔ་ཡིས་དཀྱིལ་འཁོར་རྒྱལ་མཆོག་བསྒྲུབཿ སྤྱོད་རྒྱུད་དཀྱིལ་འཁོར་རྒྱ་མཚོའི་ཐུགས་དམ་བསྐངཿ བྱ་སྤྱོད་རྒྱུད་སྡེའི་ལྷ་སྔགས་ཏིང་འཛིན་དངཿ ཕྲ་རགས་དམ་ཚིག་ཉམས་པ་མཐོལ་ལོ་བཤགསཿ མཁའ་སྤྱོད་ལ་སོགས་གྲུབ་ཆེན་རྣམ་བརྒྱད་ཀྱིཿ ཐུན་མོང་དངོས་གྲུབ་འཛད་མེད་ཆར་དུ་སྙིལཿ ཕྱི་ནང་གསང་གསུམ་རྣམ་དག་བདེན་པ་ཡིཿ ལྷ་དང་རྣལ་འབྱོར་གཉིས་མེད་ཆེན་པོར་རྟོགསཿ ཕྱག་རྒྱ་བཞི་དང་ཟབ་གསལ་ཏིང་འཛིན་བརྙེསཿ ལིང་ཚེ་དགུ་ལྡན་ཡོ་གའི་ཐུགས་དམ་བསྐངཿ བདག་དང་ལྷ་ལ་བཟང་ངན་བལྟས་པ་དངཿ བསྙེན་སྒྲུབ་མཆོད་པ་སྦྱིན་བསྲེག་ཆག་པ་དངཿ དཀྱིལ་འཁོར་སྒྲུབ་པའི་ཡན་ལག་ཉམས་པ་ཀུནཿ བཟོད་པར་བཞེས་ནས་མཆོག་གི་དངོས་གྲུབ་སྩོལཿ {{TibChung|ཞེས་པའི་མཚམས་ཚོགས་ཕུད་རིམ་པ་གསུམ་ལྷག་མ་དང་བཅས་པར་སྤེལ་ཞིང་སྨན་རཀ་འཐོར་བཞིན་པསཿ}} བདེ་སྟོང་ཀློང་ཡངས་ཏིང་འཛིན་གསུམ་གྱི་སྦུབསཿ བསྐྱེད་རིམ་སྣོད་བཅུད་དག་པ་རབ་འབྱམས་སུ། །ཡོངས་ཤར་སྒྱུ་འཕྲུལ་ཞི་ཁྲོ་བཀའ་བརྒྱད་སོགསཿ ཚོམ་བུའི་དཀྱིལ་འཁོར་བཅུ་གཉིས་ཐུགས་དམ་བསྐངཿ ཤེས་བྱ་ལྔ་དང་མི་སྤང་དང་དུ་བླངཿ སྒྲུབ་དང་སྤྱད་བྱའི་དམ་ཚིག་ཉི་ཤུ་ལྔཿ གསང་བཅུ་ལ་སོགས་ཉམས་ཆག་སྡིག་སྒྲིབ་ཀུནཿ བཤགས་སོ་རིག་འཛིན་རྣམ་བཞིའི་ས་ལ་སྐྱོལཿ བཀོད་པ་ལུས་ཀྱི་གཞལ་མེད་ཁང་ཆེན་ནངཿ རྩ་གསུམ་འཁོར་ལོ་ལྔ་ཡི་འཇའ་ཟེར་སྦུབསཿ དབྱིངས་དང་ཡེ་ཤེས་མཉམ་སྦྱོར་རིག་པའི་རྩལཿ ཨ་ནུ་ཡོ་གའི་དཀྱིལ་འཁོར་ཐུགས་དམ་བསྐངཿ རྣམ་ཤེས་ཚོགས་བརྒྱད་ཉེ་ཉོན་ཉི་ཤུ་དངཿ སེམས་བྱུང་ལྔ་བཅུ་བརྒྱད་ཁྲི་བཞི་སྟོང་གིཿ རྟོག་ཚོགས་དག་ནས་དྲན་རྫོགས་ཕྱག་རྒྱའི་སྐུཿ ལྷན་སྐྱེས་བདེ་བ་ཆེན་པོའི་ས་ལ་སྐྱོལཿ ཤེས་རིག་ཟང་ཐལ་གཉུག་མའི་གཞལ་ཡས་སུཿ ཡེ་གདངས་སྒྲོན་དྲུག་འཇའ་ཟེར་ཐིག་ལེའི་ཀློངཿ རིག་པ་བཅུད་དུ་སྨིན་པ་ཨ་ཏིའི་ལྷཿ ཞལ་ཕྱག་འཛིན་པ་དག་པའི་ཐུགས་དམ་བསྐངཿ རང་གྲོལ་རིག་པ་རྡོ་རྗེ་ལུ་གུ་རྒྱུདཿ བཞུགས་སྟངས་གསུམ་དང་གཟིགས་སྟངས་རྣམ་གསུམ་གྱིསཿ གཅུན་ཏེ་སྣང་བཞི་ཆོས་ཟད་གདོད་མའི་དབྱིངསཿ ལྷུན་གྲུབ་རྫོགས་པ་ཆེན་པོའི་ས་ལ་སྐྱོལཿ མདོར་ན་རབ་འབྱམས་དཀྱིལ་འཁོར་རྒྱ་མཚོའི་ཀློངཿ ཐ་དད་རིག་པས་བཏགས་པའི་སྲི་ཞུའི་མགྲོནཿ རྡུལ་སྙེད་མ་ཚང་མེད་པ་ཐམས་ཅད་དངཿ སྣང་བ་ཡབ་ཀྱི་རང་བཞིན་རཱ་ཧུ་ལཿ སྟོང་པ་ཡུམ་གྱི་ངོ་བོ་ཨེ་ཀ་ཙཿ ཟུང་འཇུག་ཐུགས་རྗེ་བཛྲ་ས་དྷུ་སོགསཿ སྙིང་ཐིག་གཉན་པོའི་བཀའ་སྲུང་ཐམས་ཅད་དངཿ ཨོ་རྒྱན་རྒྱ་གར་བལ་ཡུལ་ཁ་ཆེའི་གླིངཿ འ་ཞའི་ཡུལ་དང་བྲུ་ཤ་ཟངས་གླིང་ཡུལཿ གསེར་གླིང་རྔ་ཡབ་ལངྐའི་གླིང་ཕྲན་དངཿ རྒྱ་ནག་ལྗོངས་ཡུལ་གེ་སར་དམག་གི་གླིངཿ ཙ་རི་ཏྲ་དང་ལྷོ་མོན་འབྲས་མོའི་གཤོངསཿ མངའ་རིས་བསྐོར་གསུམ་དབུས་གཙང་རུ་བཞི་དངཿ མདོ་ཁམས་སྒང་དྲུག་སྦས་གནས་གཉན་པོའི་ཡུལཿ ལྗོངས་ལྔ་གླིང་དྲུག་གསེར་རི་ལྷུན་པོའི་སྤོཿ སུམ་ཅུ་རྩ་གསུམ་གནས་ཡུལ་དུར་ཁྲོད་གཉནཿ ཆོས་འཁོར་གཙུག་ལག་སྒྲུབ་གནས་དབེན་གནས་ཀྱིཿ འཁོར་ཡུག་ལྗོན་ཤིང་བྲག་རི་མཚོ་གླིང་ལཿ གནས་པའི་དཔའ་བོ་ཌཱཀྐི་ཆོས་སྲུང་ཚོགསཿ ཞལ་ནས་གསུངས་དང་རྗེས་སུ་གནང་བ་དངཿ བྱིན་བརླབས་ལུང་བསྟན་དག་སྣང་བསྟན་བཅོས་དངཿ ཐུགས་གཏེར་དགོངས་གཏེར་ཟབ་གཏེར་རྫས་གཏེར་སོགསཿ གཏེར་རིགས་བཅོ་བརྒྱད་ཆོས་ཀྱི་བཀའ་གཏད་ཅིངཿ དཀྱིལ་འཁོར་རྒྱ་མཚོའི་མུ་རན་ལ་གནས་པའིཿ དམ་ཅན་ཌཱཀྐི་བསྟན་སྲུང་རྒྱ་མཚོ་ཡིཿ ཐུགས་དང་འགལ་གྱུར་ནོངས་པ་ཅི་མཆིས་པཿ སྙིང་ནས་བཤགས་སོ་ཚངས་པའི་ཞལ་རས་སྟོནཿ རྟག་ཆད་མཐའ་བྲལ་དབུ་མ་ཆེན་པོའི་སྦུབསཿ འཁོར་འདས་རོ་རྐྱང་ཟུང་འཇུག་ཕྱག་རྒྱ་ཆེརཿ སྦྱར་བས་སྣང་སེམས་ཞེན་གྲོལ་རྫོགས་པ་ཆེའིཿ ཏིང་འཛིན་ནམ་མཁའ་མཛོད་ཀྱི་སྒྱུ་འཕྲུལ་ལསཿ གཟུང་འཛིན་ཕཊ་ཀྱིས་གཏོར་བའི་རྗེས་གཞིག་ཆེརཿ བློ་བྲལ་ཐུག་ཕྲད་ཤེས་པའི་ངོ་བོ་རུཿ ཚོགས་བརྒྱད་ཀ་ནས་དག་པའི་བཀྲ་ཤིས་རྟགསཿ སྣང་བ་རྒྱན་དུ་ཤར་བའི་རྒྱལ་སྲིད་བདུནཿ རིག་སྟོང་རྗེན་པར་གྲོལ་བའི་འདོད་ཡོན་ལྔཿ རྐྱེན་ངན་ལམ་དུ་ལོངས་པའི་ཕྱག་རྒྱ་གརཿ འབུལ་ལོ་མཆོག་ཐུན་དངོས་གྲུབ་རྒྱ་མཚོར་བསྐྱིལཿ ཀློང་ཆེན་གཞོན་ནུ་བུམ་སྐུའི་ཀ་པཱ་ལརཿ དུག་གསུམ་རྣམ་རྟོག་དྲེགས་པ་བཏུལ་བའི་ཁྲགཿ སྐུ་གསུམ་ཡོངས་གྲོལ་ཆེན་པོའི་བ་ལིང་ཏཿ རེ་དོགས་ཚར་གཅོད་ཤ་ལྔ་བདུད་རྩི་ལྔཿ ཉི་ཟླའི་དྭངས་མ་རྩ་བརྒྱད་ཡན་ལག་སྟོངཿ རང་བྱུང་ལྷུན་གྲུབ་ནང་གི་དམ་རྫས་ཀུནཿ འབུལ་ལོ་བརྟུལ་ཞུགས་མཐར་ཕྱིན་དངོས་གྲུབ་སྩོལཿ གདོད་མའི་སྟོང་ཆེན་དབྱིངས་ཀྱི་བྷ་གའི་ཀློངཿ རྣམ་ཀུན་མཆོག་ལྡན་རིག་པའི་རྡོ་རྗེ་ཡིསཿ རྟེན་འབྲེལ་ལུགས་ལྡོག་འཁོར་བའི་བག་ཆགས་བསྒྲལཿ བདེ་སྟོང་དགའ་བཞིའི་ཉམས་རྩལ་རྫོགས་པའི་གརཿ སྦྱོར་སྒྲོལ་བརྟུལ་ཞུགས་མཐར་ཕྱིན་གསང་བའི་རྫསཿ འབུལ་ལོ་གཞན་སྣང་དབང་འདུས་དངོས་གྲུབ་སྩོལཿ མཚན་མ་རྫས་དང་མཚན་མེད་ཏིང་འཛིན་གྱིཿ ལས་བཞིའི་ཕྲིན་ལས་བསྒྲུབ་པའི་ཕྱག་རྒྱ་དངཿ ཤུགས་སྒྲོལ་དམོད་པའི་མཚོན་ཆ་ཁྱོད་ལ་འབུལཿ སྨོན་འཇུག་སེམས་བསྐྱེད་ཕྲག་ཕུག་ཞྭ་ལྟར་གྱོནཿ ཆགས་མེད་འཁོར་བ་སྤངས་པའི་རྣལ་འབྱོར་ལཿ མ་ཉེས་ཁ་ཡོགས་ཅལ་སྒྲོག་ངན་སྦྱོར་གཤོམཿ སྒྲུབ་ལ་བར་གཅོད་ཐུགས་རྒྱུད་དཀྲུགས་པ་ཡིཿ སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུངསཿ མཐོན་མཐིང་རལ་པའི་གླེགས་བམ་མན་ཆད་ནསཿ བདོག་པའི་ཉེར་སྤྱད་ཕྲ་མོ་ཡན་ཆོད་དུཿ མདོར་ན་རྣལ་འབྱོར་ཡིད་ལ་མཛའ་བའི་རྫསཿ རྩ་གསུམ་དམ་ཅན་ཌཱཀྐིའི་བླ་རྡོར་འབུལཿ ནགས་ཁྲོད་བས་མཐའ་མཚོ་གླིང་བྲག་སྐྱིབས་སོགསཿ ངེས་མེད་གནས་སུ་བྱང་ཆུབ་བསྒྲུབ་པའི་ཕྱིརཿ སྟག་མོ་རི་སུལ་འགྲིམ་ལྟར་རྒྱུ་བའི་ཚེཿ རྣལ་འབྱོར་ལུས་ལ་གྲིབ་མ་བཞིན་དུ་འགྲོགསཿ བརྟན་གཡོ་སྣང་སེམས་ཞེན་པས་བཅིངས་པ་ཡིཿ ཕྲ་རགས་རྣམ་རྟོག་གྱ་གྱུའི་སྒྱུ་འཕྲུལ་ཅནཿ སྲིད་ཞི་གཉིས་མེད་ཤར་གྲོལ་དུས་མཉམ་ཀློངཿ འབུལ་ལོ་ཆོས་ཉིད་ཟད་སར་འཁྱོལ་བར་ཤོགཿ ཀུན་གཞིའི་ངང་ནས་ལས་རླུང་གཡོས་པའི་འཕྲུལཿ བག་ཆགས་སེམས་ཉིད་མངལ་རྒྱར་འཐུམས་པ་ལསཿ བྱུང་བའི་ཤ་ཁྲག་དྲོད་དབུགས་ཕུང་པོའི་ཁམསཿ འབུལ་ལོ་བདག་གིས་འཇའ་ལུས་འགྲུབ་པར་ཤོགཿ འདིས་མཚོན་དུས་གསུམ་བསགས་པའི་དགེ་རྩ་ཀུནཿ དྲན་རིག་ཟག་པ་མེད་པའི་ཡེ་ཤེས་ཀྱིསཿ འཁོར་གསུམ་ཡོངས་དག་ཆེན་པོར་རྒྱས་བཏབ་ནསཿ གནས་ལུགས་རྫོགས་པ་ཆེན་པོའི་ཀློང་དུ་ཨཱཿ {{TibChung|ཞེས་པའི་མཐར། ལྷག་མ་ཕྱི་རོལ་དུ་གཤེགས། གསུམ་པ་རྗེས་ཀྱི་བྱ་བ་ལ་བརྒྱད་ལས། དང་པོ་དངོས་གྲུབ་ཀྱི་དམ་རྫས་ཚོགས་ལ་རོལ་བ་ནི། ལས་སློབ་ཀྱིས་འདུས་པའི་གཙོ་བོ་ལ་བཏུད་དེ་ཕྱག་བྱས་ནས་རྣམ་ལྔ་འདོད་སྐོར་གྱི་ཕྱག་རྒྱ་དང་སྦྲགས།}} ཧོཿ བླ་མ་དཔའ་བོ་ཆེན་པོ་དགོངས་སུ་གསོལ། །འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཡང་། །རང་བཞིན་གཅིག་ཏུ་དགོངས་ཏེ་རོལ། །{{TibChung|ཞེས་པའི་ལན་དུ་སློབ་དཔོན་གྱིས་ཀྱང་ཕྱག་རྒྱ་དེ་ཉིད་དང་བཅས།}} བདེ་བར་གཤེགས་པ་ཆོས་ཀྱི་སྐུ། །འདོད་ཆགས་ལ་སོགས་དྲི་མ་སྤངས། །གཟུང་འཛིན་རྣམ་པར་བྲལ་བ་ཡི། །དེ་བཞིན་ཉིད་ལ་བདག་ཀྱང་འཚལ། །ཨ་ལ་ལ་ཧོ། {{TibChung|ཞེས་པས་བླང་ཞིང་། ལག་སོར་གཡས་གཡོན་རིགས་ལྔ་ཡབ་ཡུམ་དུ་མོས་ནས་རྡོ་རྗེ་ལུས་ཀྱི་དཀྱིལ་འཁོར་ལ་ནང་གི་སྦྱིན་སྲེག་ལྟར་དབུལ་བ་ནི། སློབ་དཔོན་གྱིས་བསྐུལ་ལ་ཚོགས་པ་ཐམས་ཅད་ཀྱིས།}} ཧོཿ བདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པར་མི་འགྱུར་ཞིང་། །གཏན་པ་མེད་པའི་སྦྱིན་བདག་ཀྱང་། །ཐེག་ཆེན་འབྲས་བུར་སྤྱོད་པར་ཤོག །{{TibChung|ཅེས་བརྗོད་ཅིང་ཐ་མལ་གྱི་རྟོག་པ་སྤངས་ལ་རང་ལུས་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་གྱི་བདག་ཉིད་དུ་མོས་པ་ལ་མཆོད་པའི་ཚུལ་གྱིས་ཚིམ་པར་རོལ་རྗེས།}} ཧེ་རུ་ཀ་དཔལ་གྲོང་ཁྱེར་དུ། །{{TibChung|སོགས་ཀྱིས་སྨོན་ལམ་གདབ། དེའི་ཚེ་ཚོགས་ཀྱི་དམ་རྫས་ལ་སྨོད་པ་དང་། ཐེག་དམན་གྱི་བློས་བླང་དོར་དུ་བལྟ་བ་དང་། འཐབ་རྩོད་དང་། ཀུ་ཅོ་དང་། ཤགས་ལ་སོགས་པ་ནི་སྦོམ་པོ་བརྒྱད་ཀྱི་ཡ་གྱལ་ཡིན་པས་སྤང་བར་བྱའོ། །གཉིས་པ་རྡོ་རྗེའི་གླུ་གར་བྱ་བར་མོས་ན། སྐྱེ་བོ་ཐ་མལ་པས་དབེན་པའི་གནས་སུ། ལས་སློབ་ཀྱིས་སློབ་དཔོན་ལ་ཕྱག་བྱས་ཏེ།}} ཧོཿ དགོངས་སུ་གསོལ། མངའ་དབང་རྫོགས་པའི་དཀྱིལ་འཁོར་ཆེན་པོར་ཀུན་ཏུ་བཟང་པོའི་ཚོགས་མཆོད་རྒྱ་མཚོས་ཕྱི་ནང་གི་འདུ་བ་དང་ཉེ་བའི་འདུ་བ་ལེགས་པར་མཆོད་ཟིན་པའི་གནས་སྐབས་འདིར་ནི་མུ་ཏིག་ཕྲེང་བ་ལས། ཚོགས་དང་དབང་བསྐུར་དཀྱིལ་འཁོར་འཇུག །དེ་ནས་གླུ་ལ་བརྩོན་པར་བྱ། །ཞེས་པའི་དོན་ལྟར་ཆོས་ཉིད་བསམ་གྱིས་མི་ཁྱབ་པའི་དགོངས་སྤྱོད་རྒྱ་མཚོས་རྡོ་རྗེའི་གླུ་གར་ལ་ཐུགས་གཏད་པ་ཞུ། {{TibChung|ཞེས་གསོལ་ནས། དཔོན་སློབ་ཐམས་ཅད་འཁོར་ལོས་སྒྱུར་བའམ། ཧེ་རུ་ཀའི་ཆས་སུ་ཞུགས་ནས་བསམ་གཏན་གྱི་ངང་ལས་ལངས་ཏེ་རིག་པ་བརྟུལ་ཞུགས་ཀྱི་སྤྱོད་པ་བྱུང་རྒྱལ་དུ་བསྐྱང་བའམ། མོས་པས་སྤྱོད་པ་རྣམས་ནི་རང་བཞིན་གྱི་བསམ་གཏན་ལ་གནས་པས་ཆོས་ཉིད་ཀྱི་གླུ། ཨ་དཱི་ཀ་དཱི་རིང་པོ་དང་། ཐུང་ངུ་དང་། འཁྱོག་པོར་སྤེལ་བའི་དབྱངས་སྙན་པོས་བླང་ཞིང་། དེ་ནས་}}ཨོཾ་{{TibChung|དང་།}} ཨེ་{{TibChung|དང་།}} ཧཱུྃ་{{TibChung|དང་།}} ཧེ་{{TibChung|དང་།}} ལྱཱཻ་ཤག་{{TibChung|སོགས་པས་སྣ་དྲངས་ཏེ་ཐོད་རྔ་དང་ཅང་ཏེའུའི་སྒྲ་དང་བཅས།}} ཨེ་མ་ཀཱི་རི་ཀཱི་རི། མསྟ་བཱ་ལི་བཱ་ལི། ས་མི་ཏ་སུ་རུ་སུ་རུ། ཀུ་ཏ་ལི། མ་སུ་མ་སུ། ཨི་ཀ་རཱ་སུ་ལི་བྷ་ཏ་ཡཱེ། ཙི་ཀི་ར་བྷུ་ལི་པ་ལ་ཡེ། ས་མུན་ཏ་ཙརྱ་སུ་གྷ་ཡ། བྷི་ཏ་ས་ན་བྷྱ་ཀུ་ལ་ཡཱི། ས་ཀ་རི་དྷཱུ་ཀ་ན། མ་ཏ་རི་བཱཻ་ཏ་ན། པ་ར་ལི་ཧི་སཱ་ན། མ་ཁརྟ་ཀེ་ལ་ནཱཾ། སཾ་བྷུ་ར་ར་མེ་ཀ་ཙ་དྷི་པ། སུརྱ་བྷ་ཏ་ར་ཨེ་པ་ཤ་ན་པ། ར་ན་བྷི་ཏི་ས་གྷུ་ར་ལཱ་པ། མ་སྨིན་ས་གུ་ལི་ཏ་ཡ་བ། འགུ་ར་འགུ་ར་ས་ག་ཁ་ར་ན་ལཾ། ན་ར་ན་ར། ཨི་ཐ་ར་པ་ཀཱ་ལཾ། སི་ར་ཎ་སི་ར་ཎ། བྷེ་ས་ར་ས་པ་ལ། བྷུན་དྷ་བྷུན་དྷ། ཚི་ཥ་ས་ཀེ་ལཾ། ས་སཱ། རི་རཱི། ལི་ལཱི། ཨི་ཨཱི། མི་མཱི། ར་ར་རཱ། མ་སྐྱེས་པས་ན་མི་འགགས་ཅིང་། །འགྲོ་དང་འོངས་མེད་ཀུན་ཏུ་ཁྱབ། །བདེ་ཆེན་ཆོས་མཆོག་མི་གཡོ་བ། །མཁའ་མཉམ་རྣམ་གྲོལ་གོས་པ་མེད། །རྩ་བ་མེད་ཅིང་རྟེན་མེད་ལ། །གནས་མེད་ལེན་མེད་ཆོས་ཆེན་པོ། །ཡེ་གྲོལ་ལྷུན་འབྱམས་ཡངས་པ་ཆེའི། །བཅིངས་མེད་རྣམ་པར་འགྲོལ་མེད་པ། ཁྱབ་གདལ་ཁང་བཟང་ཡེ་ཡོད་ཉིད། ཁྱབ་མཉམ་པ་ལས་རྣམ་འདས་པ། །ཡངས་སོ་ཆེའོ་ནམ་མཁའི་དབྱིངས། །ཆོས་ཆེན་འབར་བ་ཉི་ཟླའི་དཀྱིལ། །ལྷུན་གྱིས་གྲུབ་དང་མངོན་སུམ་པ། །རྡོ་རྗེ་རི་བོ་པདྨ་ཆེ། །ཉི་མ་སེང་གེ་ཡེ་ཤེས་གླུ། །སྒྲ་ཆེན་རོལ་མོ་མཚུངས་པ་མེད། །ནམ་མཁའི་མཐའ་ལ་ལོངས་སྤྱོད་པ། །སངས་རྒྱས་སངས་རྒྱས་ཀུན་མཉམ་ཞིང་། །ཀུན་བཟང་ཡངས་པ་ཆོས་ཀྱི་རྩེ། །མཁའ་དབྱིངས་བཟང་མོའི་དབྱིངས་རུམ་དུ། །ཀློང་གསལ་ལྷུན་གྲུབ་ཡེ་རྫོགས་ཆེ། །{{TibChung|ཞེས་བླང་ངོ་། །ཕན་ཡོན་ནི་ཉི་ཟླ་ཁ་སྦྱོར་ལས། ཟག་པ་མེད་པའི་རྡོ་རྗེའི་གླུས། །སངས་རྒྱས་ཀུན་གྱི་ཡིད་ཀྱང་ཚིམ། །རྣལ་འབྱོར་ང་ཡི་ཉམས་ཀྱི་གྲོགས། །མཁའ་འགྲོ་མ་ཡི་ཡིད་རྣམས་འཕྲོག །རིགས་དྲུག་འཁོར་བའི་ཞེན་པ་བཟློག །ཅེས་པ་ལ་སོགས་རྒྱ་ཆེར་གསུངས་སོ། །གསུམ་པ་བཤགས་པ་ནི།}} མ་འབྱོར་པ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །{{TibChung|ཡི་གེ་བརྒྱ་པའི་མཐར་བརྗོད་མེད་དོན་བཤགས་ནི།}} ཧོཿ རང་བཞིན་ངང་ལ་ཉེས་པའི་སྐྱོན་མེད་པས། །བཤགས་དང་བཤགས་པར་བྱེད་པ་ཅུང་ཟད་མེད། །ཀུན་རྫོབ་སྒྱུ་མ་ཙམ་དུ་བཤགས་ན་ཡང་། །གཉིས་མེད་སེམས་ཀྱི་ངང་དུ་དག་གྱུར་ཅིག །{{TibChung|ཅེས་རྟོག་པ་བསྐྱེད། བཞི་པ་གཤེགས་གསོལ་ནི།}} ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །{{TibChung|སོགས་བརྗོད་ལ།}} བཛྲ་མུཿ {{TibChung|ཡེ་ཤེས་པ་དབྱིངས་སུ་གཤེགས། དམ་ཚིག་པ་རང་ལ་བསྡུ། འཇིག་རྟེན་པའི་མགྲོན་རྣམས་རང་གནས་སུ་བཏང་། རས་བྲིས་ཡིན་ན་བརྟན་བཞུགས་བྱའོ། །ལྔ་པ་བསྔོ་བ་ནི།}} དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །{{TibChung|སོགས་ཤློ་ཀ་གཉིས་བརྗོད། དྲུག་པ་སྨོན་ལམ་གདབ་པ་ནི།}} ཧོཿ སྣང་སྲིད་ཐམས་ཅད་བླ་མའི་དཀྱིལ་འཁོར་དུ། །ཡོངས་གྲུབ་ཆེན་པོའི་མོས་གུས་ལ་གོམས་པས། །འོད་སྣང་མཐའ་ཡས་བདེ་ལྡན་ཞིང་གི་མགོན། །མངོན་སུམ་འགྲུབ་ནས་འགྲོ་ཀུན་འདྲེན་པར་ཤོག །{{TibChung|ཅེས་དང་།}} དེ་མ་ཐོབ་པའི་ཚེ་རབས་ཀུན། །འཁྲུལ་པ་ལས་ཀྱང་ཉིང་འཁྲུལ་ཅན། །འཁོར་བ་སྡུག་བསྔལ་ཅན་ཕུང་པོར། །རྟག་འཛིན་འཆིང་བ་ལས་གྲོལ་ཤོག །སྙིགས་མ་ལྔ་ཡི་མཐར་སྐྱེས་པའི། །ཉོན་མོངས་གདོན་གྱིས་གཟིར་བ་རྣམས། །རྒྱུ་འབྲས་སྔ་ཕྱི་ལྟར་སྨིན་པའི། །དྲང་དོན་ལམ་གྱིས་རྒྱུད་སྦྱངས་མཐར། །ཐེག་པ་གཞན་གྱིས་མི་འདུལ་བས། །གསང་ཆེན་རྡོ་རྗེའི་ཐེག་པ་མཆོག །མ་ནོར་ཚུལ་བཞིན་སྟོན་ནུས་པའི། །བླ་མ་དམ་པ་མཇལ་བར་ཤོག །མཇལ་ནས་ཀུན་ཏུ་མཉེས་བྱེད་ཅིང་། །བར་གཅོད་རྐྱེན་གྱིས་མི་བརྫི་བར། །ཚུལ་བཞིན་བསྒྲུབ་པའི་རང་དབང་དང་། །དབང་བཞིས་རང་རྒྱུད་སྨིན་པར་ཤོག །བསྐྱེད་རྫོགས་གནད་ལ་མ་འཁྲུལ་བས། །སྣང་བའི་བདེན་ཞེན་ཞིག་པ་དང་། །རྩ་རླུང་ཐིག་ལེ་ལས་རུང་ནས། །མཐོང་ལམ་མྱུར་དུ་སྐྱེ་བར་ཤོག །བདེན་པ་མཐོང་བའི་ཆོས་ཉིད་ལ། །གཟུང་འཛིན་འཁྲུལ་པ་མི་གནས་པས། །རྒྱུ་འབྲས་དག་གྲོལ་ལ་ཞེན་རྣམས། །བརྟུལ་ཞུགས་སྤྱོད་པས་འདུལ་བར་ཤོག །བདག་ལ་གཤེའམ་སྨོད་ཀྱང་རུང་། །སེམས་ཅན་ཉོན་མོངས་རང་བཞིན་ལ། །བཟོད་པ་ཐོབ་པའི་བྱང་ཆུབ་སེམས། །མི་སློབ་ལམ་གྱི་འབྲས་བུར་ཤོག །{{TibChung|བདུན་པ་ཤིས་བརྗོད་ནི།}} གདོད་མའི་མགོན་པོ་རིགས་ལྔ་གང་ཆེན་མཚོཿ སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལཿ བསྐལ་བཟང་སངས་རྒྱས་སྟོང་རྩ་བྱོན་པ་ཡིསཿ སྒྲོན་མེའི་བསྐལ་པ་བཟང་པོའི་བཀྲ་ཤིས་ཤོགཿ སྟོང་གསུམ་མི་མཇེད་རྡོ་རྗེ་ཐེག་པའི་ཞིངཿ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལཿ གངས་རིའི་ཁྲོད་དུ་འབོད་པ་ཁྲི་སྲོང་རྗེའིཿ ཐུགས་བསྐྱེད་བསྟན་པ་མཐར་རྒྱས་བཀྲ་ཤིས་ཤོགཿ འཛམ་གླིང་ས་ཡི་ལྟེ་བ་རྡོ་རྗེའི་གདནཿ པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམཿ མདོ་སྔགས་བསྟན་པ་དར་བ་གངས་ཅན་ལྗོངསཿ རྒྱལ་བསྟན་ཡུན་དུ་གནས་པའི་བཀྲ་ཤིས་ཤོགཿ {{TibChung|བརྒྱད་པ་ཕན་ཡོན་བསྟན་པ་ནི། སྒྱུ་འཕྲུལ་དྲྭ་བའི་རྒྱུད་ལས། བླ་མ་དཀྱིལ་འཁོར་ཐམས་ཅད་ཀྱི། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་པས་དཀྱིལ་འཁོར་གྱི་འཁོར་ལོ་ནི་བླ་མའི་ཏིང་ངེ་འཛིན་གྱི་རྣམ་པར་སྤྲུལ་པ་ཙམ་ཡིན་ལ། བླ་མ་ནི་དཀྱིལ་འཁོར་གང་གི་དབང་ཕྱུག་གམ་སྤྲུལ་གཞིའི་ངོ་བོ་ཉིད་ཡིན་པས་རྡོ་རྗེ་ཐེག་པའི་ལམ་གྱི་སྨིན་གྲོལ་ཟབ་མོའི་བྱིན་རླབས་ཐམས་ཅད་དང་པོར་བླ་མ་ལ་མ་བརྟེན་པར་མི་འགྲུབ་སྟེ། འདི་ལྟར་གཟུགས་བརྙན་ནམ། རས་བྲིས་སམ། རྡུལ་ཚོན་ནམ། གློས་བླང་ལ་སོགས་པའི་མདུན་དུ་རང་བཟོ་དང་ཡིད་བྱེད་ཀྱིས་གྲོལ་བ་ཐོབ་པའི་གཏན་ཚིགས་གཅིག་ཀྱང་མེད་པའི་ཕྱིར། དེ་ཁོ་ན་ཉིད་བསྡུས་པར་ཡང་། ལོང་བས་རང་དགར་རི་བོ་ལ། །འཛེགས་པས་བདེ་བར་འགྱུར་མ་ཡིན། །ཞེས་པ་ལྟར་རོ། །རྒྱུ་དེས་ན་སྤྱི་མདོ་ལས། བསྐལ་པ་འབུམ་གྱི་སངས་རྒྱས་ལས། །བླ་མ་གཉན་པར་ཤེས་པར་བྱ། །ཞེས་སོ། །གཉན་པའི་རྒྱུ་ཅིས་ཤེ་ན། དུས་གསུམ་དུ་གཤེགས་ཤིང་འབྱོན་པའི་སངས་རྒྱས་རྣམས་ཀྱི་ཐུགས་རྗེ་དང་ཡེ་ཤེས་ལ་སྒྲིབ་པ་མེད་ཅིང་། ཉེ་རིང་དང་ཕྱོགས་ཆ་མེད་ཀྱང་རང་ངོ་ནས་ཡོད་ལོ་དང་མོས་པ་ཙམ་བྱེད་པ་ལས་དངོས་སུ་ཞལ་སྐྱིན་མི་མཇལ། གསུང་མ་ཐོས་པས་ལམ་བདེན་མངོན་སུམ་པར་འདོམས་པའི་མཐུ་མེད་ལ། བླ་མ་ནི་དུས་གསུམ་སངས་རྒྱས་ཐམས་ཅད་ཀྱི་བདག་ཉིད་ཡིན་བཞིན་དུ་རང་དང་སྤྱོད་ཡུལ་མཐུན་པ་ལྟར་གྱི་འགྲོ་བའི་གཟུགས་སུ་བྱོན་ནས་འགོག་ལམ་གཉིས་ཀྱི་བདེན་པ་མངོན་སུམ་དུ་འདོམས་པས་ཉི་མའི་སྔ་འདྲེས་ལའང་སེམས་ཅན་སངས་རྒྱས་སུ་གནས་བསྒྱུར་བ་མཐོང་ཆོས་ལ་གནས་པའི་ཕྱིར་ཏེ། འཇམ་དཔལ་རྩ་རྒྱུད་ལས། གང་ཕྱིར་སངས་རྒྱས་ཐམས་ཅད་ནི། །འདས་དང་མ་བྱོན་ད་ལྟར་གྱི། །ཐམས་ཅད་མི་ཡི་འཇིག་རྟེན་དུ། །མི་ཡི་ལུས་སུ་ཡང་དག་འབྱུང་། །ཞེས་དང་། གུར་ལས། གང་ཞིག་རྡོ་རྗེ་སེམས་དཔའ་ཞེས། །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་གཟུགས་སུ་སྤྲུལ། །ཞེས་གསུངས་པས་དད་པའི་ཁམས་གསོས་པའི་གང་ཟག་ལ་རྣམ་པར་བསྒྱུར་བ་ཡང་མ་བཤད་དོ། །དེ་ལྟར་ཡིན་པས་ཕྱོགས་བཅུའི་སངས་རྒྱས་ཐམས་ཅད་ཀྱང་བླ་མ་ལ་དུས་གསུམ་དུ་ཕྱག་མཛད་ན། རང་ཅག་འཁོར་བའི་བཙོན་རར་ནི་ཆུད། ཉོན་མོངས་པའི་ལྕགས་སྒྲོག་གིས་བཅིངས་པ་རྣམས་ནི་ཅིའི་ཕྱིར་བླ་མ་མཆོད་པའི་ཆོ་ག་ལ་བརྩོན་པར་མི་བྱེད། དེ་སྐད་དུ་རྡོ་རྗེ་གཙུག་གཏོར་གྱི་རྒྱུད་ལས། སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པ། །དུས་གསུམ་དུ་ནི་མོས་ཕྱག་འཚལ། །ཞེས་སོ། །མདོར་ན་སངས་རྒྱས་ཐོབ་པར་འདོད་པ་རྣམས་ཀྱིས་ནི་བསྟི་སྟང་དང་། རིམ་གྲོ་བསྐྱེད་ཅིང་། བསྒོམ་ཞིང་མཆོད་པར་བྱ་བའི་ཡུལ་བླ་མ་གཅིག་པོ་ལ་རག་ལས་པའི་ཚུལ་སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །ཞེས་པ་ལ་སོགས་པའི་བརྗོད་བྱ་ཟད་མི་ཤེས་པ་ཡོད་དོ། །འདི་ནི་མདོ་ཁམས་རྫོགས་ཆེན་སྤྲུལ་པའི་སྐུ། །གཞོན་ནུ་སངས་རྒྱས་སྨོན་ལམ་འོད་ཟེར་དེའི། །རིགས་ཀྱི་བདག་པོ་བྲལ་ཐོབ་མེད་པའི་ལྷ། །སྟོན་པའི་ཞལ་སྐྱིན་གཅིག་ཏུ་མངོན་པར་གྲུབ། །རྒ་བས་ནོན་པའི་ལང་ཚོས་མ་བརྟོལ་ཡང་། །འཕེལ་འགྲིབ་སྤངས་པ་བསྟན་པའི་ཉི་མ་ནི། །བདེན་པ་གཉིས་ཀྱི་ཤིང་རྟའི་བཞོན་པ་ཅན། །དམ་པའི་བློ་གྲོས་ཉིན་མོའི་དཔལ་དུ་སྤྱོན། །ཐུགས་ཡིད་འདྲེས་པའི་སྨོན་པ་དུས་གསུམ་ཀུན། །འདུ་འབྲལ་དབྱེན་གྱིས་མི་ཕྱེད་དམ་ཆོས་མཛོད། །གདན་གསུམ་མངོན་རྟོགས་ངོམ་པའི་རྣམ་སྣང་ཞལ། །མངོན་སུམ་མཐོང་བའི་དགེ་མཚན་འགྲུབ་གྱུར་ཅིག །ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-009&diff=64202 2026-09-30T14:50:19Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ།<br /> |fulltitle=dkyil 'khor thams cad kyi ngo bo bla ma mchod pa'i cho ga dngos grub rgya mtsho<br /> |citation='jigs med gling pa. ''Dkyil 'khor thams cad kyi ngo bo bla ma mchod pa'i cho ga dngos grub rgya mtsho''. In ''Kun mkhyen rig 'dzin 'jigs med gling pa'i gsung 'bum'', Vol. 10: 133-195. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Guru Offering Texts- bla ma mchod pa, Ritual and Liturgical Texts - cho ga phyag len<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=009<br /> |pagenumbers=133-195<br /> |totalpages=63<br /> |beginfolioline=1a1<br /> |endfolioline=32a4<br /> |totalfolios=32<br /> |multivolumework=No<br /> |rectonotes=bla ma mchod chog<br /> |versonotes=bla ma mchod pa'i cho ga dngos grub rgya mtsho<br /> |colophontib=།ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།།<br /> |colophonwylie=ces pa'ang slob dpon bai ro tsa na'i sgrub gnas rgyal rong brag lha mgon po dang nye ba'i rdo yul zhes bya bar sngon gyi legs smon stobs su gyur pa'i las can gyi slob ma 'jigs med phrin las 'od zer gyis nye bar len pa'i rten 'brel gyis mtshams sbyar te/_bla sgrub rtsa ba'i gter gzhung la mkha' 'gro'i brda bsgyur ji ltar gnas pa bzhin rig 'dzin 'jigs med gling pas dpal ldan pad+ma 'od gling du sbyar bas 'gro kun bla ma'i go 'phang la reg pa'i rgyur gyur cig/__//dge'o/_/dge'o/_/dge'o//<br /> |pdflink=File:JLKO-KABUM-10-THA-009.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ་ཞེས་བྱ་བ་བཞུགས།<br /> <br /> ༄༅། །{{TibChung|གང་ཞིག་བསམ་གྱིས་མི་ཁྱབ་པའི། །ཡེ་ཤེས་ལྷན་ཅིག་སྐྱེས་པ་ནི། །བླ་མའི་བྱིན་གྱིས་ཐོབ་པའི་ཕྱིར། །དེ་ཉིད་མཆོད་པའི་ཆོ་ག་བཤད། །དེ་ལ་དུས་གསུམ་གྱི་སངས་རྒྱས་ཐམས་ཅད་ཀྱང་བླ་མའི་ཐུགས་རྗེ་དང་བྱིན་རླབས་ལ་བརྟེན་ནས་གྲོལ་ཞིང་དགྲོལ་བར་འགྱུར་བ་འབའ་ཞིག་ལས་སྟེས་དབང་དང་རང་བཟོས་གྲོལ་བ་མ་ཡིན་པའི་ཚུལ་ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུས་ཀྱང་ཕ་རོལ་ཕྱིན་མི་འགྱུར། །ཡོན་ཏན་ཐམས་ཅད་ཀུན་རྫོགས་ཀྱང་། །བླ་མ་མེད་ན་སྲིད་མཐའ་མིན། །ཞེས་སོ། །དེ་བས་ན་སྒོམ་པ་ཐམས་ཅད་ཀྱི་ནང་ནས་བླ་མ་སྒོམ་པ་དང་། མཆོད་པ་ཐམས་ཅད་ཀྱི་ནང་ནས་བླ་མ་མཆོད་པ་ལས་ལྷག་པའི་བསོད་ནམས་མེད་པའི་ཚུལ་ནམ་མཁའ་ཀློང་ཡངས་ལས། ལྷ་སྐུ་འབུམ་ཕྲག་སྟོང་བསྒོམས་པས། །བླ་མའི་མོས་པ་ཁྱད་པར་འཕགས། །ཞེས་དང་། དེའི་ཚུལ་ཡང་བསྐྱེད་རྫོགས་གཞན་དག་བསྙེན་སྒྲུབ་ལས་སྦྱོར་དང་བོགས་འདོན་གྱི་གྲོགས་རྐྱེན་ལ་ལྟོས་པ་ལས་རང་ངོ་དེས་མི་གྲོལ་ལ། འདིར་ནི། བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཞེས་དང་། རྒྱུད་སྡེ་ལྔ་བཅུ་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གི་ས་ཐོབ་འགྱུར། །ཞེས་པ་ལ་དགོངས་ནས། སྡོམ་འབྱུང་ལས། མཆོད་པ་ཐམས་ཅད་ཡོངས་སྤངས་ཏེ། །བླ་མ་མཆོད་པ་ཡང་དག་བརྩམ། །འདི་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་པས་འདིར་དེའི་ཚུལ་ལག་ཏུ་བླང་བའི་ཆོ་ག་ལ་སྦྱོར་དངོས་རྗེས་གསུམ་ལས། དང་པོ་ནི། དབང་དང་འབྲེལ་ན་ཚོན་དཀྱིལ་གཉིས་གང་རུང་གི་དཀྱིལ་འཁོར་སྒོ་རྫོགས་ཅན་སྤྱི་དང་མཐུན་པ་ལ་དབུས་ནས་རིམ་པར། རིན་ཆེན་ཟུར་བརྒྱད། རིག་འཛིན་སྣམ་བུ། པད་འདབ་བཅུ་བཞི། ཉེར་བཞི། ཞེ་ལྔ་པ་རྣམས་ལ་ལྷ་གནས་ཀྱི་དྲིའི་ཐིག་ལེ་བཀོད་པའི་ཤར་སྒོའི་གཡས་གཡོན་དུ་དབང་རྫས་ཀྱང་བཤམ། ཚོགས་གསོག་སྤྱིར་བཏང་ཙམ་ལ་དཀྱིལ་འཁོར་མ་གྲུབ་ན་བྲིས་སྐུ་ལ་སོགས་པའི་རྟེན་དང་སྤྱན་གཟིགས་དགྲམ། མཆོད་གཏོར་དང་ཚོགས་ཀྱི་འཁོར་ལོའི་ལོངས་སྤྱོད་རྒྱ་ཆེན་པོ་འདུ་བྱ་བ་ནི་ཅི་ནས་ཀྱང་གལ་ཆེའོ། །གཉིས་པ་དངོས་གཞི་ལ་རྣམ་གྲངས་ཉེར་གཅིག་ལས། དང་པོ་སྐྱབས་སེམས་ནི། སངས་རྒྱས་ཆོས་དང་ཚོགས་སོགས་ལན་གསུམ། གཉིས་པ་བླ་མའི་མོས་གུས་ལ་བརྟེན་ནས་རྒྱུད་སྦྱོང་བ་ནི། མོས་གུས་དྲག་པོས།}} སྙིང་དབུས་དད་པའི་གེ་སར་བཞད་པ་ནས། །སྐྱབས་གཅིག་དྲིན་ཅན་བླ་མ་ཡར་ལ་བཞེངས། །ལས་དང་ཉོན་མོངས་དྲག་པོས་གཟིར་བ་ཡི། །སྐལ་པ་ངན་པ་བདག་ལ་སྐྱོབ་པའི་ཕྱིར། །སྤྱི་བོ་བདེ་ཆེན་འཁོར་ལོའི་རྒྱན་དུ་བཞུགས། །དྲན་དང་ཤེས་བཞིན་ཀུན་ཀྱང་བཞེངས་སུ་གསོལ། །ད་རེས་དམྱལ་བ་ཡི་དྭགས་དུད་འགྲོ་དང་། །ཚེ་རིང་ལྷ་དང་ཀླ་ཀློ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །མི་ཁོམ་བརྒྱད་ལས་ཐར་པའི་དལ་བ་ཐོབ། །མིར་གྱུར་དབང་པོ་ཚང་དང་ཡུལ་དབུས་སྐྱེས། །ལས་མཐའ་མ་ལོག་བསྟན་ལ་དད་པ་སྟེ། །རང་ཉིད་འབྱོར་པ་ལྔ་ཚང་སངས་རྒྱས་བྱོན། །ཆོས་གསུང་བསྟན་པ་གནས་དང་དེ་ལ་ཞུགས། །བཤེས་གཉེན་དམ་པས་ཟིན་དང་གཞན་འབྱོར་ལྔ། །ཐམས་ཅད་རང་ལ་ཚང་བའི་གནས་ཐོབ་ཀྱང་། །རྐྱེན་མང་ངེས་པ་མེད་པའི་ཚེས་སྤངས་ནས། །འཇིག་རྟེན་ཕ་རོལ་ཉིད་དུ་སོན་པར་འགྱུར། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་རེས་དལ་རྟེན་དོན་ཡོད་མ་བྱས་ན། །ཕྱི་ནས་ཐར་པ་བསྒྲུབ་པའི་རྟེན་མི་རྙེད། །བདེ་འགྲོའི་རྟེན་ལ་བསོད་ནམས་ཟད་གྱུར་ནས། །ཤི་བའི་འོག་ཏུ་ངན་སོང་ངན་འགྲོར་འཁྱམ། །དགེ་སྡིག་མི་ཤེས་ཆོས་ཀྱི་སྒྲ་མི་ཐོས། །དགེ་བའི་བཤེས་དང་མི་མཇལ་མཚང་རེ་ཆེ། །སེམས་ཅན་ཙམ་གྱི་གྲངས་དང་རིམ་པ་ལ། །བསམས་ན་མི་ལུས་ཐོབ་པ་སྲིད་མཐའ་ཙམ། །མི་ཡང་ཆོས་མེད་སྡིག་ལ་སྤྱོད་མཐོང་ན། །ཆོས་བཞིན་སྤྱོད་པ་ཉིན་མོའི་སྐར་མ་ཙམ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །གལ་ཏེ་མི་ལུས་རིན་ཆེན་གླིང་ཕྱིན་ཡང་། །ལུས་རྟེན་བཟང་ལ་བྱུར་པོ་ཆེ་ཡི་སེམས། །ཐར་པ་བསྒྲུབ་པའི་རྟེན་དུ་མི་རུང་ཞིང་། །ཁྱད་པར་བདུད་ཀྱིས་ཟིན་དང་དུག་ལྔ་འཁྲུགས། །ལས་ངན་ཐོག་ཏུ་བབས་དང་ལེ་ལོས་གཡེང་། །གཞན་ཁོལ་བྲན་གཡོག་འཇིགས་སྐྱོབ་ཆོས་ལྟར་བཅོས། །རྨོངས་སོགས་འཕྲལ་བྱུང་རྐྱེན་གྱི་མི་ཁོམ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །སྐྱོ་ཤས་ཆུང་ཞིང་དད་པའི་ནོར་དང་བྲལ། །འདོད་སྲེད་ཞགས་པས་བཅིངས་དང་ཀུན་སྤྱོད་རྩུབ། །མི་དགེ་སྡིག་ལ་མི་འཛེམ་ལས་མཐའ་ལོག །སྡོམ་པ་ཉམས་ཤིང་དམ་ཚིག་རལ་པ་སྟེ། །རིས་ཆད་བློ་ཡི་མི་ཁོམ་རྣམ་པ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་ལྟ་ནད་དང་སྡུག་བསྔལ་གྱིས་མ་གཟིར། །བྲན་ཁོལ་ལ་སོགས་གཞན་དབང་མ་གྱུར་པས། །རང་དབང་ཐོབ་པའི་རྟེན་འབྲེལ་འགྲིགས་དུས་འདིར། །སྙོམས་ལས་ངང་དུ་དལ་འབྱོར་ཆུད་གསོན་ན། །འཁོར་དང་ལོངས་སྤྱོད་ཉེ་དུ་འབྲེལ་པ་ལྟ། །ལྟ་ཅི་གཅེས་པར་བཟུང་བའི་ལུས་འདི་ཡང་། །མལ་གྱི་ནང་ནས་ས་ཕྱོགས་སྟོང་པར་བསྐྱལ། །ཝ་དང་བྱ་རྒོད་ཁྱི་ཡིས་འདྲད་པའི་དུས། །བར་དོའི་ཡུལ་ན་འཇིགས་པ་ཤིན་ཏུ་ཆེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དགེ་སྡིག་ལས་ཀྱི་རྣམ་སྨིན་ཕྱི་བཞིན་འབྲང་། །ཁྱད་པར་དམྱལ་བའི་འཇིག་རྟེན་ཉིད་སོན་ན། །ལྕགས་བསྲེགས་ས་གཞིར་མཚོན་གྱིས་མགོ་ལུས་འབྲལ། །སོག་ལེས་གཤོག་དང་ཐོ་ལུམ་འབར་བས་འཚིར། །སྒོ་མེད་ལྕགས་ཁྱིམ་འཐུམས་པར་འོ་དོད་འབོད། །འབར་བའི་གསལ་ཤིང་གིས་འབུགས་ཁྲོ་ཆུར་འཚོད། །ཀུན་ནས་ཚ་བའི་མེས་བསྲེགས་བརྒྱད་ཚན་གཅིག །གངས་རི་སྟུག་པོའི་འདབས་དང་ཆུ་འཁྱགས་ཀྱི། །གཅོང་རོང་ཡ་ངའི་གནས་སུ་བུ་ཡུག་སྦྲེབས། །གྲང་རེག་རླུང་གིས་བཏབ་པའི་ལང་ཚོ་ནི། །ཆུ་བུར་ཅན་དང་ལྷག་པར་བརྡོལ་བ་ཅན། །སྨྲེ་སྔགས་རྒྱུན་མི་ཆད་པར་འདོན་པ་ཡང་། །ཚོར་བའི་སྡུག་བསྔལ་བརྣག་པར་དཀའ་བ་ཡིས། །ཟུངས་ཀྱིས་རབ་བཏང་འཆི་ཁའི་ནད་པ་བཞིན། །ཤུགས་རིང་འདོན་ཞིང་སོ་ཐམ་པགས་པ་འགས། །ཤ་འུ་ཐོན་ནས་ལྷག་པར་འགས་ཏེ་བརྒྱད། །དེ་བཞིན་སྤུ་གྲིའི་ཐང་ལ་རྐང་པ་གཤོགས། །རལ་གྲིའི་ཚལ་དུ་ལུས་ལ་བཅད་གཏུབས་བྱེད། །རོ་མྱགས་འདམ་ཚུད་ཐལ་ཚན་རབས་མེད་ཀློང་། །མནར་བའི་ཉེ་འཁོར་བ་དང་འགྱུར་བ་ཅན། །སྒོ་དང་ཀ་བ་ཐབ་དང་ཐག་པ་སོགས། །རྟག་ཏུ་བཀོལ་ཞིང་སྤྱོད་པའི་ཉི་ཚེ་བ། །རྣམ་གྲངས་བཅོ་བརྒྱད་གང་ལས་འབྱུང་བའི་རྒྱུ། །ཞེ་སྡང་དྲག་པོའི་ཀུན་སློང་སྐྱེས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དེ་བཞིན་ཕོངས་ལ་ཉམས་མི་དགའ་བའི་ཡུལ། །བཟའ་བཏུང་ལོངས་སྤྱོད་མིང་ཡང་མི་གྲགས་པར། །ཟས་སྐོམ་ལོ་ཟླར་མི་རྙེད་ཡི་དྭགས་ལུས། །རིད་ཅིང་ལྡང་བའི་སྟོབས་ཉམས་རྣམ་པ་གསུམ། །གང་ལས་འབྱུང་བའི་རྒྱུ་ནི་སེར་སྣ་ཡིན། །གཅིག་ལ་གཅིག་བཟའ་གསོད་པའི་འཇིགས་པ་ཆེ། །བཀོལ་ཞིང་སྤྱོད་པས་ཉམ་ཐག་བླང་དོར་རྨོངས། །ཕ་མཐའ་མེད་པའི་སྡུག་བསྔལ་གྱིས་གཟིར་བའི། །ས་བོན་གཏི་མུག་མུན་པར་འཁྱམས་པ་བདག །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ཆོས་ལམ་ཞུགས་ཀྱང་ཉེས་སྤྱོད་མི་སྡོམ་ཞིང་། །ཐེག་ཆེན་སྒོར་ཞུགས་གཞན་ཕན་སེམས་དང་བྲལ། །དབང་བཞི་ཐོབ་ཀྱང་བསྐྱེད་རྫོགས་མི་སྒོམ་པའི། །ལམ་གོལ་འདི་ལས་བླ་མས་བསྒྲལ་དུ་གསོལ། །ལྟ་བ་མ་རྟོགས་ཐོ་ཅོའི་སྤྱོད་པ་ཅན། །སྒོམ་པ་ཡེངས་ཀྱང་གོ་ཡུལ་འུད་གོག་འཐག །སྤྱོད་པ་ནོར་ཀྱང་རང་སྐྱོན་མི་སེམས་པའི། །ཆོས་དྲེད་འདི་ལས་བླ་མས་བསྒྲལ་དུ་གསོལ། །ནངས་པར་འཆི་ཡང་གནས་གོས་ནོར་ལ་སྲེད། །ན་ཚོད་ཡོལ་ཡང་ངེས་འབྱུང་སྐྱོ་ཤས་བྲལ། །ཐོས་པ་ཆུང་ཡང་ཡོན་ཏན་ཅན་དུ་རློམ། །མ་རིག་འདི་ལས་བླ་མས་བསྒྲལ་དུ་གསོལ། །རྐྱེན་ཁར་འཆོར་ཡང་འདུ་འཛི་གནས་སྐོར་སེམས། །དབེན་པ་བསྟེན་ཀྱང་རང་རྒྱུད་ཤིང་ལྟར་རེངས། །དུལ་བར་སྨྲ་ཡང་ཆགས་སྡང་མ་ཞིག་པའི། །ཆོས་བརྒྱད་འདི་ལས་བླ་མས་བསྒྲལ་དུ་གསོལ། །གཉིད་འཐུག་འདི་ལས་མྱུར་དུ་སད་དུ་གསོལ། ཁྲི་མུན་འདི་ལས་མྱུར་དུ་དབྱུང་དུ་གསོལ། །{{TibChung|ཞེས་འབོད་པ་དྲག་པོས་ཐུགས་རྗེ་ལྷོངས་པར་བྱའོ། །གསུམ་པ་ཐེག་པ་ཆེན་པོའི་ལམ་གྱི་རྩ་བ་བྱང་སྡོམ་བླང་བའི་ཐོག་མར་ཚོགས་གསོག་ནི།}} གང་ཞིག་ལུས་པ་མེད་པའི་སེམས་ཅན་གྱི། །མགོན་དང་དཔུང་གཉེན་གྱུར་ཀྱང་བདུད་སྡེའི་དགྲ། །ཇི་ལྟ་ཇི་སྙེད་མཁྱེན་ཅིང་གཟིགས་པ་ཡི། །བཅོམ་ལྡན་བདག་གི་སྡུམ་པར་མཆིས་སུ་གསོལ། །ལས་ཀྱིས་སྤྲུལ་པ་མ་ཡིན་འབྱོན་པའི་ཤུལ། །ཁྲུས་ཀྱི་ཁང་བུ་བརྩེགས་པ་དྲི་བསུང་ཅན། །ཤེལ་དང་ནོར་བུའི་ས་གཞི་ཀ་བར་ལྡན། །གཡུ་དམར་མུ་ཏིག་བླ་བྲེ་དཔྱངས་པ་དེར། །བདེ་གཤེགས་རིགས་ཀྱི་བུ་མཆོག་བཅས་པ་ལ། །སྤོས་ཆུས་གང་བའི་ནོར་བུའི་བུམ་པ་ནས། །ཁྲུས་ཀྱི་རིམ་གྲོ་བགྱིད་པའི་སྨིན་ལེགས་མ། །གླུ་གར་རོལ་མོའི་འགྱུར་བ་འགྲན་ལ་བརྩོན། །ཉེ་རེག་ཆོ་ག་མཁས་པའི་རི་དྭགས་མིག །དྲིལ་ཕྱིས་བསྐུ་མཉེའི་སྲི་ཞུས་གཡེང་བ་ཡང་། །ཁ་དོག་གཅིག་ཏུ་མི་གནས་དབང་པོའི་ཚོན། །ཐགས་སུ་བཏགས་པ་མེད་པའི་ལྷ་རྫས་ཉོ། །དཔག་བསམ་ལྗོན་པས་བཙོང་པའི་པཉྩ་ལི། །ལྕིད་ཀྱིས་ནོན་སྤངས་སྲབ་འཇམ་ཡང་པའི་གོས། །དྲི་དང་སྤོས་ཆུས་བགོས་ཤིང་བྱུགས་པ་དང་། །རིན་ཐང་བརྗོད་ལ་ཁྲེལ་བའི་རིན་ཆེན་རྒྱན། །གདུ་བུ་དཔུང་རྒྱན་སྙན་ཆ་ཅོད་པན་སོགས། །འདོད་པའི་ཡོན་ཏན་སྤངས་པའི་ཐུབ་དབང་ཡང་། །བཀྲེན་ལྡན་བསོད་ནམས་སླད་དུ་བདག་གིར་བཞེས། །འཇིག་རྟེན་དབང་ཕྱུག་ལ་སོགས་ཉེ་བའི་སྲས། །ངན་སོང་ཀུན་འདྲེན་ལ་སོགས་བསྐལ་བཟང་གི། །སེམས་དཔའ་བཅུ་དྲུག་དང་ནི་ཁྱིམ་པའི་ཚུལ། །ཆོས་འཕགས་རྟག་ཏུ་ངུ་དང་ལི་ཙ་བྱི། །དྲི་མ་མེད་པར་གྲགས་ལའང་དབུལ་བར་བགྱི། །སྟོང་གསུམ་ཅིག་ཅར་ཁྱབ་པའི་དྲིའི་བཞོན་པར། །འཁྱུད་པའི་ཙན་དན་སྤོས་ཀྱི་བསུང་ཞིམ་དྲིས། །བསོད་ནམས་བྱེ་བའི་འབྱུང་གནས་མཚན་དཔེའི་བྱད། །གསེར་སྦྱངས་བརྟན་པ་འཕྲོག་ལ་བྱུག་པར་བགྱི། །བཏང་སྙོམས་ཡངས་པའི་ཤེལ་གྱི་ས་གཞི་ལ། །བྱམས་པའི་པདྨོ་གེ་སར་སྟོང་བརྡལ་བར། །སྙིང་རྗེའི་ཉི་ཟླ་བཀྲག་ཏུ་འཚེར་བ་བསྟར། །དགའ་ཆེན་བཅོམ་ལྡན་སྲས་བཅས་བཞུགས་སུ་གསོལ། །བབས་ཅོལ་གོམས་པ་མིན་པའི་ལུས་བཏུད་ཀྱིས། །སྙིང་ཁར་གུས་བཅས་མངོན་རྟོགས་ངོམ་པ་ལ། །མེ་ཏོག་དོག་པས་རབ་བཟུང་སྙིམ་པའི་སྣོད། །ག་བུ་ཆུང་གི་བརྟུལ་ཞུགས་འཛིན་པ་ཡིན། །རིག་དང་ཞབས་སུ་ལྡན་སོགས་བདེ་གཤེགས་ཀྱི། །ཡོན་ཏན་མཐའ་དག་གནས་ཀྱིས་བསྐལ་པ་བཞིན། །དད་པའི་སྐྱེད་མོས་ཚལ་དུ་འོངས་པའི་མོད། །སྐྱོ་བ་མིན་པའི་བ་སྤུ་གཅིག་ཏུ་ཟིང་། །ཟླ་གཞོན་ཁྲུས་ལ་འཇུག་པའི་རྫིང་བུའི་ནང་། །རྨ་བྱའི་བུ་མོ་འཇོ་སྒེག་རོལ་པ་ལྟའི། །ལང་ཚོའི་གྲངས་སྙེད་རྡུལ་གྱི་རྣམ་གྲངས་དང་། །ཤིན་ཏུ་འཕྲུལ་པ་སྐྱེད་བྱེད་ཕྱག་གིས་བྲེལ། །གཏོང་བའི་ཡན་ལག་རྫོགས་པའི་དངོས་འབྱོར་དང་། །དེས་ཀྱང་མཚོན་པ་དཔེ་མེད་ཡིད་ཀྱིས་སྤྲུལ། །བླ་ན་མཆིས་པ་མ་ཡིན་མཆོད་པའི་སྤྲིན། །ཀུན་ཏུ་བཟང་པོའི་ཡོན་ལ་ཕྲག་དོག་བགྱིད། །མུ་ཅོར་སྨྲ་བའི་ལས་དང་བག་ཆགས་སྡིག །དགེ་ལ་འཇིགས་ནས་གཞན་དུ་བྲོས་པའི་གཟུགས། །སྲིད་པའི་མུན་ནག་སྟུག་པོར་འཆབ་པ་ཀུན། །སྟོབས་བཞིའི་ཉིན་བྱེད་འབར་བས་སྦྱངས་ཤིང་བཤགས། །སྦྱོར་བ་གང་གིས་བདག་ཉིད་མ་འཁྲུགས་བཞིན། །བསམ་པའི་ཁྱད་པར་གཅིག་གིས་གཞན་དག་གི། །རྣམ་དཀར་ཡུད་ལ་འཕྲོག་པའི་ཆོམ་རྐུན་གྱི། །བརྟུལ་ཞུགས་རྗེས་སུ་ཡི་རང་ཁོ་ནས་བྱས། །ཐར་མེད་འཁོར་བའི་སྤྱོད་པ་མ་དུལ་ཞིང་། །རྣམ་པར་སྲ་མཁྲེགས་ཐ་བ་གང་གིས་ཀྱང་། །གདུལ་ཐབས་བརྟན་པ་བྲལ་ལ་ཆོས་འཁོར་གྱི། །རྩིབས་རྣོན་མུ་ཁྱུད་འཛིན་དེ་བསྐོར་བར་བསྐུལ། །རྒྱལ་དང་དེ་སྲས་རྣམས་ཀྱིས་སྤངས་གྱུར་པའི། །འགྲོ་འདིས་སྡུག་བསྔལ་གནས་སྐབས་རྟེན་མཐོང་ནས། །མྱ་ངན་འདའ་བ་མེད་པའི་གདན་ཁྲི་ལ། །དངོས་པོ་ཀུན་གྱི་རིན་ཐང་གཅིག་ཏུ་སྤུངས། །བདག་ཏུ་བལྟ་བས་འདར་བའི་རྣམ་དཀར་ཡང་། །སྲིད་པར་ལན་ཅིག་མཐོ་བའི་ཆོ་ངེ་སྟེ། །བྱང་ཆུབ་བསྔོ་བའི་གསེར་འགྱུར་རྩིས་ཐེབས་པ། །འདི་ནི་སྟོན་པ་གཞན་གྱི་ལུགས་ལ་མེད། །ཆོག་ཤེས་བདུད་རྩིའི་བཏུང་བས་མ་ངོམས་ན། །སྐྱེས་བུའི་ཡིད་ལ་མ་བཟུང་མཆོད་སྤྲིན་ཡང་། །ཚིག་གི་ཕ་མཐར་འཁྱམ་ལ་སྐྲག་གྱུར་ནས། །བདག་ལུས་སྟན་དུ་དབུལ་ལའང་དོ་གལ་བགྱིད། །དཀོན་མཆོག་གསུམ་གྱི་འབངས་སུ་དམ་བཅས་པའི། །གྲིབ་བསིལ་སོ་ཀའི་མེ་ཏོག་འཇོ་སྒེག་ཅན། །རྣམ་ཀུན་འཁྲུགས་པའི་གཤིན་རྗེའི་མདུན་སར་ཡང་། །ཁྲོ་གཉེར་འཇིག་པའི་རིན་ཐང་ཟད་མི་ཤེས། །དེས་ནི་གཏི་མུག་མཐུས་ནོན་སྡིག་ལྡན་བདག །བྱི་དོར་ཤིན་ཏུ་བསྟེན་པའི་དྭངས་ཤེལ་ལྟར། །བསོད་ནམས་རྙོག་པ་དྭངས་པའི་སེམས་ཀྱི་ནང་། །སེམས་བསྐྱེད་ཆོ་གས་ཐོབ་པའི་གཟུགས་བརྙན་རྔོམ། །ཉེས་པ་བརྒྱ་ཕྲག་གཡང་སར་ལྷུང་བ་ཡི། །རིམས་ཀྱིས་ཤིན་ཏུ་བཏབ་པའི་ནད་པ་རྣམས། །གསོ་དཔྱད་ཕལ་པའི་མདུན་སར་དབུགས་མི་ཕྱིན། །སྨན་པ་མཆོག་ལ་སྐྱབས་སུ་ལྷག་པར་དོང་། །མོས་པ་གང་གི་སླད་དུ་འདིར་གཤེགས་ནས། །སེམས་ཅན་ཁམས་ལ་དགོངས་པའི་སྟོན་མཆོག་ནི། །ཐེག་པ་ཆེན་པོའི་སྐྱེས་བུ་འབའ་ཞིག་པའི། །ཚོགས་ཀྱི་དབུས་ན་ལྷམ་མེར་མཛེས་པ་ལ། །སྐྱབས་སུ་འགྲོ་བ་གསུམ་གྱིས་གཞི་བཅས་ལ། །དགོངས་སུ་གསོལ་བ་གསུམ་གྱིས་སད་བྱས་ནས། །རྒྱལ་བ་སྲས་དང་བཅས་པའི་ཐུགས་བསྐྱེད་དང་། །བསླབ་པའི་བརྟུལ་ཞུགས་མཐའ་དག་བླང་བ་ཡིན། །ཉོན་སྒྲིབ་ཟུག་རྔུའི་དུམ་བུ་བཅད་གྱུར་ཀྱང་། །ཤེས་སྒྲིབ་ཡུལ་གྱི་རོ་ལ་བཅགས་པ་ཡི། །ཉན་རང་དགྲ་བཅོམ་མ་བསྒྲལ་བ་ལས་བསྒྲལ། །གཉིས་ཀའི་འཆིང་བས་ཀུན་ནས་དཀྲིགས་པ་ཡི། །ཚངས་པ་ལ་སོགས་སོ་སོའི་སྐྱེ་བོ་ནས། །སློབ་པ་འཕགས་པའི་བར་ལ་གནས་པ་ཡི། །སེམས་ཅན་མ་གྲོལ་བ་རྣམས་དགྲོལ་བ་དང་། །ཤིན་ཏུ་སྡུག་བསྔལ་དྲག་པོའི་ཤུགས་རིང་ལས། །དབུགས་འབྱིན་ཐོབ་པ་མེད་པའི་ངན་སོང་གསུམ། །དབུགས་འབྱིན་ཆེན་པོའི་གནས་ལ་སྦྱར་བ་དང་། །མདོར་ན་རྟེན་ཅིང་འབྲེལ་འབྱུང་བཅུ་གཉིས་ཀྱི། །འཁོར་ལོའི་རྒྱར་ཆུད་སེམས་ཅན་ཡོད་དོ་ཅོག །མི་གནས་ཡེ་ཤེས་མྱ་ངན་འདས་པའི་གྲོང་། །འགོད་བྱེད་ཆོ་གས་བཟུང་བའི་བརྗོད་པ་ནི། །སྔོན་བྱོན་དྲང་སྲོང་རྣམས་ཀྱི་ལུགས་ལ་བརྟེན། །{{TibChung|བཞི་པ་ཚད་མེད་བཞི་བསྒོམ་པ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ལན་གསུམ། {{TibChung|ལྔ་པ་སྨོན་འཇུག་སྟབས་གཅིག་ཏུ་བླང་བ་ནི།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་བསླབ་པར་བགྱི། །{{TibChung|ལན་གསུམ། དྲུག་པ་སེམས་གཟེངས་བསྟོད་པ་ནི།}} སྔོན་ཆད་གཞན་གྱི་དོན་ལ་ལྟ་ཅི་སྨོས། །རང་དོན་ཉིད་དུ་རྨི་བའང་མ་མྱོང་བའི། །རིན་ཆེན་སེམས་ཀྱི་ཁྱད་པར་དམ་པ་འདིས། །བདག་གི་སྲིད་པ་རིན་ཐང་མེད་པ་བྱས། །རིགས་ལས་ཉམས་པ་གང་ཞིག་ཆོ་རིགས་ཀྱིས། །ལྷག་པར་བཙུན་པའི་གནས་ཐོབ་ཇི་བཞིན་དུ། །རྒྱལ་བ་ཀུན་གྱི་སྲས་སུ་དེང་གྱུར་པས། །བྱང་ཆུབ་སེམས་དཔའི་མིང་གི་ཅོད་པན་འཐོབ། །སྲིད་གསུམ་བདག་པོ་བྱས་དང་དེ་ཉིད་ཀྱིས། །རྨོངས་པའི་བླ་དྭགས་དཔྱངས་ལའང་དགའ་བྱེད་ན། །བྱང་ཆུབ་སེམས་དཔའི་གནས་ཐོབ་དེ་རིང་ཙམ། །དགའ་བའི་འཁྲི་ཤིང་སློང་ལ་ལྷ་ཡང་ཕྱོགས། །འཆི་བདག་འཇོམས་པའི་བདུད་རྩི་མི་ཟད་གཏེར། །དབུལ་བ་སེལ་བའི་ནོར་དང་ནད་ཞིའི་སྨན། །སྲིད་ལམ་དུབ་པའི་མགྲོན་པོའི་ངལ་སྟེགས་ཕྱིར། །བདག་ནི་དེང་ནས་འགྲོ་བའི་ཉེར་འཚོར་གྱུར། །{{TibChung|བདུན་པ་བགེགས་ལ་བཀའ་བསྒོ་བ་ནི།}} ཨེ་མ་ང་ནི་རང་བྱུང་བ། །ཁྲོ་རྒྱལ་དཔལ་ཆེན་ཉིད་ཀྱི་སྐུ། །དངོས་གྲུབ་བར་ཆད་བྱེད་པའི་བགེགས། །འདི་རུ་མ་འདུག་གཞན་དུ་སོང་། །ཅི་སྟེ་འགྲོ་བར་མི་བྱེད་ན། །མགོ་བོ་ཚལ་པ་བརྒྱར་འགས་ཤིང་། །ལུས་ནི་དུམ་བུ་སྟོང་དུ་གཏུབས། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། {{TibChung|བརྒྱད་པ་མཚམས་གཅོད་་ནི།}} ཧཱུྃ། སྟེང་འོག་ཕྱོགས་མཚམས་ཡེ་ཤེས་མེ་དཔུང་འབར། །རྡོ་རྗེའི་རྭ་བ་དྲྭ་བ་གུར་དང་ནི། །བླ་རེ་མཚོན་ཆའི་འཁོར་ལོས་ནམ་མཁའ་ཁྱབ། །ཁྲོ་བོ་ཁྲོ་མོ་དཔལ་ཆེན་རྔམ་པའི་ཚོགས། །སྤྲིན་ཕུང་འཁྲིགས་ཤིང་ཧཱུྃ་སྒྲ་དི་རི་རི། །ཧཱུྃ་ཧཱུྃ་ཧཱུྃ། {{TibChung|དགུ་པ་མཆོད་རྫས་བྱིན་གྱིས་རློབ་པ་ནི།}} ཨ་མྲྀ་ཏས་བསང་སྦྱངས། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ན་མཿསརྦ་ཏ་ཐཱ་ག་ཏ་{{TibChung|སོགས་དང་། སྨན་གཏོར་རཀྟའི་སྔགས་ཀྱིས་བརླབ། བཅུ་པ་ཚོགས་ཞིང་བསྒྲུབ་པ་ནི། བདག་མདུན་བླ་འོག་ལྟར་གསལ་ཀྱང་སྤྱི་བོ་ཆེར་སོན་པ་དང་། ཚོགས་ཞིང་ཆུང་ངུར་སོན་པའི་ཀུན་རྟོག་རང་རྒྱུད་པ་སྤངས་ཏེ་ཏིང་ངེ་འཛིན་གྱི་རྣམ་འཕྲུལ་བསམ་གྱིས་མི་ཁྱབ་པ་ཉམས་འོག་ཏུ་ཆུད་པས།}} ཨོཾ་སྭཱ་བྷཱ་ཝ{{TibChung|ས་སྟོང་པར་སྦྱངས།}} རང་སྣང་ལྷུན་གྲུབ་དག་པ་རབ་འབྱམས་ཞིང་། །བཀོད་པ་རབ་རྫོགས་ཟངས་མདོག་དཔལ་རིའི་དབུས། །རང་ཉིད་རྗེ་བཙུན་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་དམར་གསལ་གྲི་ཐོད་འཛིན། །ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགས། །སྤྱི་བོར་པདྨ་འབུམ་བརྡལ་ཉི་ཟླའི་སྟེང་། །སྐྱབས་གནས་ཀུན་འདུས་རྩ་བའི་བླ་མ་དང་། །དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུ། །དཀར་དམར་མདངས་ལྡན་གཞོན་ནུའི་ཤ་ཚུགས་ཅན། །ཕོད་ཁ་ཆོས་གོས་ཟབ་བེར་འདུང་མ་གསོལ། །ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབས། །ཕྱག་གཡས་རྡོ་རྗེ་གཡོན་པ་ཐོད་བུམ་བསྣམས། །དབུ་ལ་འདབ་ལྡན་པདྨའི་མཉེན་ཞུ་གསོལ། །མཆན་ཁུང་གཡོན་ན་བདེ་སྟོང་ཡུམ་མཆོག་མ། །སྦས་པའི་ཚུལ་གྱིས་ཁ་ཊྭཱཾ་རྩེ་གསུམ་བསྣམས། །འཇའ་ཟེར་ཐིག་ལེ་འོད་ཕུང་ཀློང་ན་བཞུགས། །ཕྱི་འཁོར་འོད་ལྔའི་དྲ་བས་མཛེས་པའི་ཀློང་། །སྤྲུལ་པའི་རྗེ་འབངས་ཉི་ཤུ་རྩ་ལྔ་དང་། །རྒྱ་བོད་པཎ་གྲུབ་རིག་འཛིན་ཡི་དམ་ལྷ། །མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབས། །གསལ་སྟོང་མཉམ་གནས་ཆེན་པོའི་ངང་དུ་གསལ། །{{TibChung|ཞེས་མོས་པས་བསྐྱེད་ནས། རྣམ་པ་བྱེ་བྲག་ཏུ་གསལ་གདབ་པ་ནི}} ཧཱུྃ། སངས་རྒྱས་ཀུན་གྱི་ངོ་བོ་བླ་མ་རྗེའི། །ཐུགས་ཀ་ཆོས་ཀྱི་འཁོར་ལོའི་ལྟེ་བ་ལ། །མི་འཇིགས་སེང་གེ་བརྒྱད་ཀྱིས་བཏེག་པའི་ཁྲིར། །དང་པོའི་སངས་རྒྱས་ཀུན་བཟང་ཡབ་ཡུམ་བཞུགས། །པད་འདབ་བཞི་ལ་མདུན་ནས་རིམ་པ་བཞིན། །བདེ་གཤེགས་རི་རབ་མར་མེ་རྒྱལ་མཚན་ནི། །དྲུག་པ་རྡོ་རྗེ་འཆང་གི་རྣམ་པ་དང་། །དགའ་རབ་ཤྲཱི་་་{{TibChung|ཧེ་རུ་ཀའི་ཆས།་་་}}སིང་ཛྙཱ་ན་སུ་ཏྲས་བསྐོར། །རྒྱལ་རིག་གང་ཟག་ལས་སྐྱེས་འགོག་ལམ་གྱི། །བདེན་གཉིས་ལུང་གི་ཆོས་ཚུལ་མ་ལུས་པ། །བདེན་པ་དབྱེར་མེད་རྟོགས་པའི་ངོ་བོར་རྫོགས། །དཀོན་མཆོག་གསུམ་གྱི་བདག་ཉིད་ཨེ་མ་ཧོ། ༈ །རང་ཉིད་རྡོ་རྗེ་རྣལ་འབྱོར་མའི། །སྤྱི་བོར་པདྨ་འབུམ་བརྡལ་ནི། །ཟང་ཐལ་སྒྲིབ་གཡོགས་བྲལ་པའི་གཞིའི། །ནང་རིམ་རིན་ཆེན་ཟུར་བརྒྱད་ཀྱི། །ཤར་དུ་ཧཱུྃ་ཀཱར་རྡོ་རྗེ་གདེངས། །ལྷོ་རུ་བཤེས་གཉེན་རིན་ཆེན་འཛིན། །ནུབ་ཏུ་ཀླུ་སྒྲུབ་པདྨ་བསྣམས། །བྱང་དུ་པྲ་ཆེན་རྒྱ་གྲམ་གདེངས། །ཤར་ལྷོ་ནས་བརྩམས་མཚམས་བཞི་རུ། །དྷ་ན་སཾ་སྐྲྀ་ཐོད་རྔ་འཁྲོལ། །བི་མ་མི་ཏྲ་ཚེ་བུམ་འཛིན། །གུ་ཧྱ་ཙནྟྲ་མཆོད་སྡོང་བསྣམས། །ཤཱནྟིང་གརྦྷ་འཁོར་ལོ་གདེངས། །ཀུན་ཀྱང་གཡོན་པ་དྲིལ་བུ་འཛིན། །འཁོར་ལོས་སྒྱུར་བའི་ཆས་ཀྱིས་རོལ། །དེའི་ཕྱི་རིག་འཛིན་སྣམ་བུ་ལ། །རྒྱལ་གསུང་ལམ་བདེན་སེང་གེའི་སྒྲ། །རྡོ་རྗེའི་ཐེག་པ་རིམ་པ་དགུས། །འདྲེན་པའི་ཤིང་རྟ་ཆེན་པོ་ནི། །དཔལ་ཆེན་གྲུབ་པ་དགུ་ལ་སོགས། །སྤྲུལ་པའི་རྗེ་འབངས་ཉི་ཤུ་ལྔ། །ཕྱོགས་ལས་རྣམ་རྒྱལ་བརྟུལ་ཞུགས་སྤྱོད། །བར་མཚམས་ཏིང་འཛིན་བཟང་པོ་ནས། །དྲིན་ཅན་བླ་མ་ཡན་ཆོད་ཀྱི། །རྫོགས་ཆེན་བརྒྱུད་པ་སྤྲིན་ལྟར་གཏིབས། ༈ །དེའི་ཕྱི་པད་འདབ་བཅུ་བཞི་ལ། {{TibChung|སྤྱིར་བརྒྱད་ཅུ་རྩ་ལྔ་ལས་སློབ་དཔོན་པདྨ་དང་ཀླུ་སྒྲུབ་སྙིང་པོ་གོང་དུ་ཡོད་པ་རིག་པར་བྱའོ།་་་་}}།གྲུབ་བརྒྱའི་སྤྱི་མེས་ས་ར་ཧ། །མུ་སྟེགས་ཚར་གཅོད་འཕགས་པ་ལྷ། །ཉ་ལྟོ་ཟ་བ་ལཱུ་ཡི་པ། །ཡི་དམ་ཞལ་གཟིགས་ཡེ་ཤེས་ཞབས། །རིག་མ་ཁྱེར་སྤྲུལ་ཀུ་ཀུ་རི། །ཆུ་བོ་གྱེན་ལྡོག་བི་རཱུ་པ། །རྩོད་པའི་ཁྱུ་མཆོག་ཆོས་ཀྱི་གྲགས། །མཚོ་སྐྱེས་རྡོ་རྗེ་པདྨར་རོལ། །ནམ་མཁར་སྤྱོད་པ་ན་ལནྟྲ། །དགའ་ལྡན་གནས་གཤེགས་ཐོགས་མེད་ཞབས། །རྡོ་རྗེ་དྲིལ་བུ་བུ་སྨད་ཅན། །སྟག་ཞོན་གང་བརྒལ་ཌོཾ་བྷི་པ། །རྩོམ་མཁས་མཁར་གཤེགས་ཞི་བའི་ལྷ། །པདྨ་བཛྲ་ཁྱིམ་པའི་ཚུལ། །དེའི་ཕྱི་པད་འདབ་ཉེར་བཞི་ལ། །འཕགས་པས་ཞལ་བསྟན་བྷ་ཡ་ནི། །དབུ་མའི་དོན་གཟིགས་ཟླ་བ་གྲགས། །ནག་པོ་རྡོ་རྗེ་དཀའ་ཐུབ་ཅན། །རམས་མཁན་ཚངས་སྤྱོད་ནི་ལ་བ། །ཨིནྡྲ་བྷུ་ཏི་འདོད་ཡོན་སྤྱོད། །བྱིའུ་གསོད་པ་གྷུཎྜ་རི། །མཁའ་འགྲོས་བྱིན་རླབས་ས་ར་སུ། །རྒྱ་མཚོར་དཀའ་སྤྱད་སེང་གེ་པ། །རྒྱལ་བཏུལ་མཁར་གཤེགས་ཀ་ལ་ཀ །དགྱེས་རྡོར་ཞལ་གཟིགས་གླིང་བུ་པ། །ཀ་ལ་ལམ་པ་གཤེད་དམར་གྲུབ། །མ་གར་རྒྱལ་བཏུལ་མེ་ཏོག་པ། །སྡོམ་པའི་ཞལ་གཟིགས་ཀུ་བུ་ཙ། །རྣལ་འབྱོར་རྒྱུད་འགྲེལ་ཀུན་དགའ་སྙིང་། །ཐབས་ལམ་དབང་ཐོབ་ཙརྱ་པ། །བྱ་ལམ་རྒྱུ་བ་ཙ་པ་རི། །དབང་རྫོགས་མཁར་གཤེགས་ད་སི་རི། །མཉན་པའི་ཚུལ་འཛིན་ཀ་རུ་ཀ །རིགས་ངན་སེང་ཞོན་སེངྷ་པ། །གནས་ལུགས་དོན་གཟིགས་སྒྲ་མཁན་ཞབས། །སྒྲོལ་མས་རྗེས་བཟུང་ཙནྡྲ་གོ །གཏི་མུག་ལམ་ལོངས་ལྭ་ཝ་པ། །ཉི་ཟེར་ལ་ཞོན་ངག་གི་དབང་། །བྷཾ་ག་ལ་པ་སྦྱངས་ཡོན་ཅན། །དེའི་ཕྱི་པད་འདབ་ཞེ་ལྔ་ལ། །གདོལ་བའི་རྣམ་འགྱུར་ཐ་ག་པ། །སྡེ་སྣོད་མཁྱེན་པ་གསེར་གླིང་ཞབས། །བྱང་ཆུབ་སེམས་འབྱོངས་མར་མེ་མཛད། །ཐུགས་དམ་ཞལ་གཟིགས་ས་ར་ཀ །དཔལ་གྱི་རི་བསྐོར་ན་ད་པ། །དུར་ཁྲོད་ཉུལ་བའི་ཀོན་ཏཾ་ལི། །མཛེ་མོ་ཆུར་སྒྲོལ་ཚེམ་བུ་པ། །ཨ་ཝ་དྷཱུ་ཏི་འཇིགས་བརྒྱད་ཐར། །རྩོད་པ་ལས་རྒྱལ་ཛེ་ཏ་རི། །བྷ་ལིང་མཁར་དགྲོལ་བཟང་པོ་པ། །དུར་ཁྲོད་ཉུལ་བའི་སྨད་དཀྲིས་ཅན། །མགར་པའི་སྤྱོད་ཅན་ཏམ་པ་ཀ །མདའ་འཚོང་བདག་པོ་ད་ཀི་པ། །སུ་ཏ་ལོ་ཀི་སྨད་འཚོང་ཁོལ། །ནམ་མཁའི་ལྷར་བགྲོ་སྤྲིན་ཤུགས་ཅན། །ཐགས་ཀྱིས་འཚོ་བ་ཏནྟྲ་པ། །རྫོགས་པའི་ཚུལ་འཛིན་ཟླ་བ་བཟང་། །ཤཱཀྱ་བཤེས་གཉེན་ཤིང་ཐུན་ལུས། །ཉ་པའི་རིགས་ཅན་ཙཎྜ་ལཱི། །ནམ་མཁར་གཤེགས་པ་གླུ་དབྱངས་ཅན། །གདོལ་པ་ཏིལ་བརྡུང་བྷ་ཝ་པ། །ཉ་དོལ་འདྲུད་པ་མི་ན་ར། །བརྟུལ་ཞུགས་སྤྱོད་པ་ཨ་ནནྟ། །རིགས་ངན་མར་སྤྱོད་ཀརྞ་པ། །འཚོ་བ་སྟན་གཅིག་ཧི་ལ་པ། །འབྲས་སོ་ཟ་བ་ཀནྟྲ་པ། །རྔོན་པའི་ཚུལ་འཛིན་ཤ་ཝ་རི། །དྲི་མ་འཁྲུད་པའི་སེང་གེ་པ། །ཛ་ལན་དྷ་རི་གསད་གསོ་ནུས། །བར་དོར་གྲོལ་བ་ནག་པོ་སྤྱོད། །སྐྱོང་བྱེད་ཚུལ་འཛིན་ཕག་ཚང་པ། །ཡུམ་བཅས་འབུད་དཀྲོལ་བི་ན་ས། །སྤྱོད་པ་མཐར་ཕྱིན་ཤཱནྟི་བ། །སྣ་ཚོགས་ལུས་ཅན་མར་མེ་ལྷ། །ཏིལ་བརྡུང་གྱིས་འཚོ་ཏེ་ལོ་པ། །ནཱ་རོ་རང་གི་སྲིང་མོ་བརྟེན། ཁྱོ་ཤུག་མཁར་གཤེགས་ཀཾ་ཀ་ན། །དཱ་རི་ཀ་པ་སྨད་འཚོང་སྤྱོད། །མཆིལ་ལྷྭམ་མཁན་པོ་ཀུ་མཱ་ར། །ཞིང་པའི་ལུས་ཅན་ཏོག་ཙེ་པ། །ནཱ་ག་བོ་དྷི་བ་ལང་སྐྱོང་། །ལྐུགས་པའི་སྤྱོད་ཅན་པ་ཀ་པ། །ཤ་ཆེན་ཟ་བ་སི་ལ་ལི། །སྒྲོལ་མའི་ཞལ་གཟིགས་ཉི་མ་སྦས། །ཚེ་ལ་དབང་ཐོབ་ཀ་མ་ལ། །མདོར་ན་སྔགས་ཀྱི་བརྟུལ་ཞུགས་ཀྱིས། །རྣམ་གྲོལ་ཐོབ་བོ་འཚལ་རྣམས་ཀུན། །གདན་གསུམ་ཚང་བའི་དཀྱིལ་འཁོར་གྱི། །བདག་ཉིད་སངས་རྒྱས་ཀུན་གྱི་དངོས། །མོས་པའི་ཡིད་ཀྱིས་སྤྱན་དྲངས་ནས། །ཚོམ་བུ་གཅིག་ཏུ་གསལ་བ་ཡི། །གསེར་ཁྱམས་དཔའ་བོ་མཁའ་འགྲོ་དང་། །ཁྲག་ཁྱམས་དཔལ་མགོན་བདུན་ཅུ་ལ། །སྒོ་བཞིར་འཇིག་རྟེན་སྐྱོང་བ་བཞི། །འདོད་སྣམ་མཆོད་པའི་ལྷ་མོས་གཏིབས། །བརྟན་གཡོ་སྣོད་བཅུད་མ་ལུས་པ། །བླ་མའི་དཀྱིལ་འཁོར་གཅིག་ཏུ་རྫོགས། །{{TibChung|བཅུ་གཅིག་པ་བྱིན་གྱིས་རློབ་པ་ནི།}} དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་ལས་འཁོར་ལོ་དཀར་པོ་ཨོཾ་གྱིས་མཚན་པ། མགྲིན་པར་ཨཱཿལས་པདྨ་དམར་པོ་ཨཱས་མཚན་པ། ཐུགས་ཀར་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པར་གྱུར། {{TibChung|སྤྱི་བོ་ནས་རིམ་པར་རྡོ་རྗེའི་ཕྱག་རྒྱ་གནས་གསུམ་དུ་བཞག་ཅིང་།}} ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། {{TibChung|དེ་བཞིན་ལས་མགྲིན་པར་}}ཝཱཀྐ། {{TibChung|སྙིང་གར་}}ཙིཏྟ། {{TibChung|ཞེས་སྦྱོར། བཅུ་གཉིས་པ་དབང་བསྐུར་བ་ནི།}} གཙོ་བོའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་འོད་ཀྱིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་གདན་གསུམ་ཚང་བའི་དཀྱིལ་འཁོར་དུ་སྤྲུལ་པ་མདུན་གྱི་ནམ་མཁའ་ལ་བྱོན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། {{TibChung|ཞེས་བསྐུལ་བས།}} ལྷ་ཚོགས་རྣམས་བདེ་སྟོང་གི་རོས་ཚིམ། རྗེས་ཆགས་ཞུ་བདེའི་ཆུ་རྒྱུན་གྱིས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔ་སྦྱངས། ཕུང་པོ་ལྔ་རིགས་ལྔའི་སངས་རྒྱས་དང་། ཁམས་དང་སྐྱེ་མཆེད་ལྷའི་རང་བཞིན་དུ་རྣམ་པར་དག །ཆུ་ལྷག་མ་གྱེན་དུ་བརྟན་པ་ཡོངས་སུ་གྱུར་པ་ལས་གཙོ་བོ་ལ་འོད་དཔག་མེད་དང་། གཞན་རྣམས་ལ་སོ་སོའི་རིགས་ཀྱི་བདག་པོས་དབུ་བརྒྱན་པར་གྱུར། {{TibChung|བཅུ་གསུམ་པ་སྤྱན་དྲང་བ་ནི།}} དེ་ལྟར་དུ་གསལ་བའི་ལྷ་ཚོགས་རྣམས་ཀྱི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོས་པས་རང་བཞིན་གྱི་གནས་དང་། རྔ་ཡབ་དཔལ་རི་སྤྲུལ་པའི་ཞིང་ནས་རིག་འཛིན་བླ་མའི་དཀྱིལ་འཁོར་མ་ལུས་ཤིང་ལུས་པ་མེད་པ་བཛྲ་ས་མཱ་ཛཿ ཧཱུྃཿ ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིཿ བྱིན་གྱིས་བརླབ་ཕྱིར་གཤེགས་སུ་གསོལཿ གུ་རུ་པདྨ་སིདྡྷི་ཧཱུྃཿ ཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ རབ་ཏུ་དགའ་དང་དྲི་མ་མེདཿ གནས་དང་ཉེ་བའི་གནས་ཡིན་ཏེཿ དེ་བཞིན་འོད་བྱེད་འོད་འཕྲོ་ལཿ ཞིང་དང་ཉེ་ཞིང་ཞེས་སུ་གྲགསཿ སྦྱང་དཀའ་བ་དང་མངོན་གྱུར་པཿ ཚནྡྷོ་ཉེ་བའི་ཚནྡྷོ་སྟེཿ རིང་དུ་སོང་དང་མི་གཡོ་བཿ འདུ་དང་ཉེ་བའི་འདུ་བའོཿ ལེགས་པའི་བློ་གྲོས་ཆོས་ཀྱི་སྤྲིནཿ འཐུང་སྤྱོད་ཉེ་བའི་འཐུང་སྤྱོད་དེཿ དཔེ་མེད་དཔེ་མེད་ཡེ་ཤེས་ཆེཿ རྡོ་རྗེ་འཛིན་དབང་ས་རྣམས་ནསཿ རིག་འཛིན་བླ་མའི་ཚོགས་རྣམས་དང་ཿ དཔའ་བོ་དང་ནི་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ མ་ལུས་འདིར་སྤྱོན་དགྱེས་པར་བཞུགསཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་སྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ {{TibChung|བཅུ་བཞི་པ་རིག་པའི་མེ་ཏོག་དོར་ནས་རང་སྣང་གི་དཀྱིལ་འཁོར་དུ་འཇུག་ཅིང་དབང་བླང་བ་ནི།}} ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། {{TibChung|ཞེས་བརྗོད་པས་རང་བཞིན་ཡེ་ཤེས་ཀྱི་དཀྱིལ་འཁོར་དང་། ཏིང་ངེ་འཛིན་ལས་སྤྲུལ་པའི་དཀྱིལ་འཁོར་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔ་སོ་སོ་མ་ཡིན་ཐ་མི་དད་པའི་ཚུལ་གྱིས་བཞུགས་ནས་དབྱེར་མེད་དུ་བྱ་བའི་ཕྱིར།}} ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ་{{TibChung|གིས་ཡེ་ཤེས་པ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ།}} ཨོཾ་བཛྲ་ས་མ་ཡ་སྟྭཾ་{{TibChung|གྱིས་རང་ཉིད་ལྷའི་དཀྱིལ་འཁོར་དུ་སངས་མ་རྒྱས་ཀྱི་བར་དུ་བརྟན་པར་བཞུགས།}} ཨོཾ་བཛྲ་ས་མ་ཡ་ཧོ{{TibChung|ས་དབང་དུ་གྱུར་ཅིང་དགྱེས་པར་བསམ་མོ། །བཅོ་ལྔ་པ་ཡན་ལག་བདུན་པ་ཕུལ་ནས་གསོལ་བ་གདབ་པ་ནི།}} ཧྲཱིཿ བདག་ལུས་ཞིང་གི་རྡུལ་སྙེད་དུཿ རྣམ་པར་འཕྲུལ་པས་ཕྱག་འཚལ་ལོཿ དངོས་བཤམས་ཡིད་སྤྲུལ་ཏིང་འཛིན་མཐུསཿ སྣང་སྲིད་མཆོད་པའི་ཕྱག་རྒྱར་འབུལཿ སྒོ་གསུམ་མི་དགེའི་ལས་རྣམས་ཀུནཿ འོད་གསལ་ཆོས་སྐུའི་ངང་དུ་བཤགསཿ བདེན་པ་གཉིས་ཀྱིས་བསྡུས་པ་ཡིཿ དགེ་ཚོགས་ཀུན་ལ་རྗེས་ཡི་རངསཿ ཐེག་གསུམ་ཆོས་འཁོར་བསྐོར་བར་བསྐུལཿ ཇི་སྲིད་འཁོར་བ་མ་སྟོངས་བརཿ མྱ་ངན་མི་འདའ་བཞུགས་གསོལ་འདེབསཿ དུས་གསུམ་བསགས་པའི་དགེ་རྩ་ཀུནཿ བྱང་ཆུབ་ཆེན་པོའི་རྒྱུ་རུ་བསྔོཿ རྗེ་བཙུན་གུ་རུ་རིན་པོ་ཆེཿ ཁྱེད་ནི་སངས་རྒྱས་ཐམས་ཅད་ཀྱིཿ ཐུགས་རྗེ་བྱིན་རླབས་འདུས་པའི་དཔལཿ སེམས་ཅན་ཡོངས་ཀྱི་མགོན་གཅིག་པུཿ ལུས་དང་ལོངས་སྤྱོད་བློ་སྙིང་བྲངཿ ལྟོས་པ་མེད་པར་ཁྱེད་ལ་འབུལཿ འདི་ནས་བྱང་ཆུབ་མ་ཐོབ་བརཿ སྐྱིད་སྡུག་ལེགས་ཉེས་མཐོ་དམན་ཀུནཿ རྗེ་བཙུན་ཆེན་པོ་པད་འབྱུང་མཁྱེནཿ བདག་ལ་རེ་ས་གཞན་ན་མེདཿ ད་ལྟ་དུས་ངན་སྙིགས་མའི་འགྲོཿ མི་བཟད་སྡུག་བསྔལ་འདམ་དུ་བྱིངཿ འདི་ལས་སྐྱོབས་ཤིག་མ་ཧཱ་གུ་རུཿ དབང་བཞི་སྐུར་ཅིག་བྱིན་རླབས་ཅནཿ རྟོགས་པ་སྤོར་ཅིག་ཐུགས་རྗེ་ཅནཿ སྒྲིབ་གཉིས་སྦྱོངས་ཤིག་ནུས་མཐུ་ཅནཿ ནམ་ཞིག་ཚེ་ཡི་དུས་བྱས་ཚེཿ རང་སྣང་རྔ་ཡབ་དཔལ་རིའི་ཞིངཿ ཟུང་འཇུག་སྤྲུལ་པའི་ཞིང་ཁམས་སུཿ གཞི་ལུས་རྡོ་རྗེ་རྣལ་འབྱོར་མཿ གསལ་འཚེར་འོད་ཀྱི་གོང་བུ་རུཿ གྱུར་ནས་རྗེ་བཙུན་པད་འབྱུང་དངཿ དབྱེར་མེད་ཆེན་པོར་སངས་རྒྱས་ཏེཿ བདེ་དང་སྟོང་པའི་ཆོ་འཕྲུལ་གྱིཿ ཡེ་ཤེས་ཆེན་པོའི་རོལ་པ་ལསཿ ཁམས་གསུམ་སེམས་ཅན་མ་ལུས་པཿ འདྲེན་པའི་དེད་དཔོན་དམ་པ་རུཿ རྗེ་བཙུན་པདྨས་དབུགས་དབྱུང་གསོལཿ གསོལ་བ་སྙིང་གི་དཀྱིལ་ནས་འདེབསཿ ཁ་ཙམ་ཚིག་ཙམ་མ་ཡིན་ནོཿ བྱིན་རླབས་ཐུགས་ཀྱི་ཀློང་ནས་སྩོལཿ བསམ་དོན་འགྲུབ་པར་མཛད་དུ་གསོལཿ {{TibChung|བཅུ་དྲུག་པ་གསོལ་འདེབས་བསྙེན་པས་ཐུགས་རྒྱུད་བསྐུལ་ནས་ཏིང་ངེ་འཛིན་གྱི་དབང་བླང་བ་ནི།}} ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ {{TibChung|རིག་འཛིན་སྤྱིའི་སྙིང་པོ།}} ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཛྙཱ་ན་སིདྡྷི་ཧཱུྃཿ {{TibChung|ཞེས་བཟླ་ཞིངཿ}} གུ་རུའི་སྨིན་མཚམས་ན་ཨོཾ་ཡིག་ཆུ་ཤེལ་ལྟར་འཚེར་བ་ལས་འོད་ཟེར་འཕྲོསཿ རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུརཿ རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །མགྲིན་པ་ན་ཨཱ་ཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་ཐོབ། བཟླས་བརྗོད་ཀྱི་སྣོད་དུ་གྱུར། ཚེ་དབང་རིག་འཛིན་གྱི་ས་བོན་ཐེབས། ལོངས་སྤྱོད་རྫོགས་པའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་སོང་། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ །{{TibChung|ཞེས་འདོན་སྒོམ་ཟུང་དུ་འཇུག་པས་ལམ་དབང་ལ་འབད་པར་བྱའོ། །གལ་ཏེ་སྤྲོས་པ་ལ་དགའ་བས་དབང་བཞི་ལེན་པར་སྤྲོ་ན། བུམ་པ་གཞལ་མེད་ཁང་དུ་གསལ་བའི་ནང་དུ། རིགས་ལྔ་ཡབ་ཡུམ་བསྒོམ་ལ།}} ཨོཾ་ཨཱཿཧཱུྃ་སྭཱ་ཧཱཿ {{TibChung|ཞེས་པ་ཅི་ནུས་དང་། ལས་བུམ་དུ་བདུད་རྩི་འཁྱིལ་པ་བསྒོམ་ལ་ཀུཎྜ་ལི་ཇི་ལྟར་འོས་པ་བཟླས་རྗེས་འོད་ཞུ་ཡང་བྱའོ། །བཅུ་བདུན་པ་མཆོད་པ་ལ་བཞི་ལས། དང་པོ་མཎྜལ་ནི།}} ཨོཾ་བཛྲ་བྷཱུ་མི་{{TibChung|སོགས་བླ་མ་འཕགས་པའི་ལུགས་ལྟར་ཕུལ། གཉིས་པ་ལྷ་མོ་བཅུ་དྲུག་ནི།}} པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོཿ སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་པྲ་ཏཱིཙྪ་ཧོཿ འཇམ་མཉེན་པུཎྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་གཱིརྟི་ཧྲཱིཿ༴ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་ནཱིརྟི་ཨཿ༴ ༈ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །གུ་རུ༴ བཛྲ་དྷུ་པེ་ཧཱུྃ་པྲ༴ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །གུ་རུ༴ བཛྲ་པུཥྤེ་ཏྲཱཾ་པྲ༴ ཡིད་འོང་ལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །གུ་རུ༴ བཛྲ་ཨཱ་ལོ་ཀེ་ཧྲཱིཿ༴ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུགས་པས་དགྱེས་པ་བསྐང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །གུ་རུ༴ བཛྲ་གྷནྡྷེ་ཨཿ༴ ༈ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅི་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །གུ་རུ༴ བཛྲ་རཱུ་པ་ཨོཾ༴ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །གུ་རུ༴ བཛྲ་མྲྀ་ཏཾ་གི་ཧྲཱིཿཔྲ༴ རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏམྦུ་ར། །རྣ་བའི་དཔྱིད་དུ་སྦྲེང་བའི་ཡིད་འཕྲོག་མ། །རྡོ་རྗེ་པི་ཝང་མ་ཡིས་མཉེས་གྱུར་ཅིག །གུ་རུ༴ བཛྲ་ཝི་ནི་ཧཱུྃ་པྲ༴ དགའ་བ་བཅུ་དྲུག་རླུང་གི་རྟར་སྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །གུ་རུ༴ བཛྲ་ཝཾ་སེ་ཏྲཱྃ༴ ༈ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །གུ་རུ༴ བཛྲ་མུ་རཉྫཻ་ཨཿཔྲ༴ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །གུ་རུ༴ བཛྲ་པརྴེ་ཏྲཱཾ༴ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་རཱ་ས་ཧྲཱིཿ༴ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨ་དྷཱརྟུ་ཨཿཔྲ་ཏཱིཙྪ་ཧོཿ {{TibChung|གསུམ་པ་གསང་མཆོད་ནི། དེ་མ་ཐག་པའི་ལྷ་མོ་རྣམས་དང་མཉམ་པར་རོལ་པའི་རྗེས་ཆགས་དགའ་བ་བཞིའི་ཡེ་ཤེས་སུ་ཤར་པའི་གཟུགས། ཆོས་ཉིད་ཀྱི་གླུ་སིད་དང་ཧ་ལ་སོགས་པའི་སྒྲ། ཚོར་བ་བདེ་བ་ལས་འདས་པས་འཛག་བདེའི་རྒྱུན་ལམ་ཁྱབ་པའི་ཚུལ་ཁྲིམས་ཀྱི་དྲི། ལྷན་ཅིག་སྐྱེས་པའི་ཡེ་ཤེས་ལ་ཀུན་ནས་ཉམས་བརྟས་པའི་རོ། དཔེ་དོན་འབྲེལ་བའི་ཆོས་ཉིད་ཀྱིས་འཁོར་འདས་ཀུན་ལ་ཁྱབ་པའི་རེག་བྱ་སྟེ། ནང་གི་འདོད་ཡོན་བླ་ན་མེད་པས་མཉེས་པར་བསམས་ལ།}} ཨཱཿ ཐབས་དང་ཤེས་རབ་འདུ་འབྲལ་མེད་པའི་ངང་། །བདེ་ཆེན་ཡེ་ཤེས་ཡུམ་གྱི་བྷ་གའི་ཀློང་། །བྱང་ཆུབ་སྙིང་པོ་དགྱེས་མཉམ་མཆོད་པ་ཡིས། །རྒྱལ་བ་རྒྱ་མཚོའི་ཚོགས་རྣམས་མཉེས་གྱུར་ཅིག །ཨ་ནུ་རཱ་ག་སརྦ་པཉྩ་ཧཱུྃ་ཧྲཱིཿཋཱཿ {{TibChung|བཞི་བ་ཀུན་བཟང་མཆོད་སྤྲིན་ནི།}} ཨོཾ མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱི། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་དང་། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་བྲེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རབ་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ལྷ་ལ་རྒྱས་པར་འབུལ། །སྐལ་ལྡན་གསལ་བའི་ཁྱད་པར་གྱི། །རིམ་གྱིས་ཡང་ན་ཅིག་ཅར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོ་བསྒོམ། །{{TibChung|བཅོ་བརྒྱད་པ་བསྟོད་པ་ནི།}} ༈ གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་འཆང་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །བླ་མའི་སྐུ་གསུང་ཐུགས་ལ་འདུད། །འདྲེན་པ་རྣམས་ཀྱིས་ཡོངས་སྤངས་ཤིང་། །ངན་འགྲོའི་གཡང་སར་ཕྱོགས་པ་བདག །ཐར་པའི་ལམ་དང་རབ་སྤྲོད་པའི། །དེད་དཔོན་ཆེན་པོ་ཁྱོད་ལ་འདུད། །གནས་དང་གནས་མིན་མི་ཤེས་ཤིང་། །ལམ་དང་ལམ་མིན་གྱི་ནར་འཕྱན། །མུན་པ་ལས་ཀྱང་མུན་ནག་ཅན། །བདག་ལྟའི་སྒྲོན་མ་ཁྱོད་ལ་བསྟོད། །གང་སྐུ་མཐོང་བས་སྣང་བ་འགྱུར། །ཞི་བར་གཟིམས་པའི་སྙིགས་མས་ཀྱང་། །མཚམས་མེད་བྱང་ཞེས་མདོ་་་{{TibChung|རྒྱན་སྟུག་པོ་བཀོད་པ་ལས། འཇམ་དཔལ་ཕྱོགས་གང་ན་ཆོས་སྨྲ་བ་དེ་འདུག་གམ་དེའི་རུས་བུའམ། རོ་བམ་པ་ཞིག་ཡོད་པ་མཐོང་ན་ཡང་མཚམས་མེད་པའི་ལས་ལྔ་རྣམ་པར་བྱང་བར་འགྱུར་རོ། །ཞེས་སོ། །མཆན།་་་}}ལས་གསུངས། །འབྲེལ་ཚད་དོན་ལྡན་ཆེན་པོར་འདུད། །ཁྱེད་གསུང་ཐོས་པས་བླང་དོར་ཤེས། །ཉེས་སྤྱོད་ཆེན་པོའི་གཡང་ལས་སྐྱོབ། །འགོག་ལམ་བདེན་པའི་ངོ་བོ་ཉིད། །ཐོས་གྲོལ་ཆེན་པོའི་དབྱངས་ལ་བསྟོད། །བདག་གིས་འབད་ཀྱང་མི་ཐར་བ། ཁྱེད་ཐུགས་གཏད་པས་ཡུད་ལ་སྨིན། །མོས་གུས་ཐོབ་ན་རྟོགས་པ་འཆར། །སྤྲོས་བྲལ་བསམ་མི་ཁྱབ་ལ་འདུད། །གྲངས་མེད་གསུམ་དུ་དཀའ་ཐུབ་ཀྱིས། །གདུངས་བས་དབང་པོ་ཚར་བཅད་ཀྱང་། །ཐོབ་པར་དཀའ་བའི་རྡོ་རྗེ་སེམས། །མ་ནོར་མངོན་སུམ་སྟོན་ལ་འདུད། །{{TibChung|བླ་མ་ཡང་ཏིག}} །བླ་མ་སངས་རྒྱས་རིན་པོ་ཆེ། །བདག་ལ་རེ་ས་གཞན་ན་མེད། །ཐུགས་རྗེའི་སྤྱན་གྱིས་གཟིགས་མཛོད་ལ། །འཁོར་བའི་མཚོ་ལས་བསྒྲལ་དུ་གསོལ། །ཚེ་འདིའི་ལེགས་པ་ཀུན་འགྲུབ་ཅིང་། །བགེགས་དང་བར་ཆད་མེད་པ་དང་། །འཆི་ཁར་ཟབ་མོའི་འོད་གསལ་ཟིན། །བར་དོའི་འཕྲང་ལས་སྒྲོལ་བར་མཛོད། །ལུས་དང་ངག་ཡིད་རྩོམ་པ་ཀུན། །རྟག་ཏུ་གཞན་ལ་ཕན་པ་དང་། །རྐྱེན་རྣམས་བྱང་ཆུབ་ལམ་མཆོག་ཏུ། །དེ་རིང་ཉིད་ནས་བསྒྱུར་དུ་གསོལ། །བདག་གིས་འབད་ཀྱང་ཐར་བར་དཀའ། །མགོན་པོ་ཁྱེད་ཀྱི་ཐུགས་རྗེའི་གྲུས། །མགོན་མེད་བདག་དང་འགྲོ་བ་ཀུན། །ཐར་པའི་གླིང་དུ་ཕྱིན་པར་མཛོད། །གང་དག་བདག་ལ་དད་གྱུར་ཏམ། །སྨོད་དམ་སྐུར་པ་འདེབས་ཀྱང་རུང་། །དེ་དག་སྡིག་ཟད་ཉོན་མོངས་མེད། །སྲིད་པའི་ཆུ་བོ་སྤང་བར་ཤོག །ནམ་ཞིག་བདག་གི་མིང་ཙམ་གྱིས། །འགྲོ་བའི་འདོད་དགུ་རབ་འགྲུབ་ཅིང་། །ཕྱོགས་བཅུ་གང་བའི་ཞིང་རྣམས་སུ། །མཆོད་པའི་སྤྲིན་གྱི་ཆར་འབེབས་ཤོག །དགེ་བ་འདི་ཡིས་ལུས་ཅན་ཀུན། །ཐམས་ཅད་སྲིད་ལས་རྣམ་གྲོལ་ནས། །ཡེ་ཤེས་དམ་པ་གཉིས་ཐོབ་སྟེ། །དོན་གཉིས་ལྷུན་གྱིས་གྲུབ་པར་མཛོད། །{{TibChung|བཅུ་དགུ་པ་བཤགས་པ་ནི།}} དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་དང་ཕྱོགས་བཅུའི་རྒྱལ་བ་སྲས་དང་བཅས་པ་བདག་ལ་དགོངས་སུ་གསོལ། བདག་ཆེ་གེ་མོ་ཐོག་མར་འཁྲུལ་པ་ནས་བཟུང་སྟེ་དུས་དེ་རིང་ལ་ཐུག་གི་བར་དུ་མ་རིག་པའི་གཞན་དབང་དུ་སོང་སྟེ། ཀུན་འབྱུང་གི་ཉེ་བར་ལེན་པའི་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་མངོན་པར་འདུ་བྱས་ཏེ། ལུས་ཀྱི་སྒོ་ནས་སྲོག་བཅད་པ་དང་གསོད་སེམས་སྐྱེས་པ། མ་བྱིན་བླངས་པ་དང་། འདོད་པས་ལོག་པར་གཡེམ་པའི་རིགས། ངག་གི་སྒོ་ནས་རྫུན། ཕྲ་མ་ཚིག་རྩུབ་ངག་ཀྱལ། ཡིད་ཀྱི་སྒོ་ནས་བརྣབ་སེམས། གནོད་སེམས། ལོག་ལྟ་སྟེ་མི་དགེ་བ་བཅུ། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་པ་ལ་སོགས་ཏེ་མཚམས་མེད་པ་ལྔ། དེ་དང་ཉེ་བ་ལྔ་ལ་སོགས་ཏེ་མི་དགེ་བའི་ཕྱི་མོ་རྣམས་ཀྱི་སྟེང་། བཅས་པའི་ཁྲིམས་དགེ་བསྙེན་དང་། དགེ་ཚུལ་དང་། དགེ་སློང་སྟེ་སོ་སོར་ཐར་པའི་སྡོམ་པ་རིགས་བདུན་ལ་ཕམ་ལྟུང་དང་ཉེས་བྱས་བྱུང་བ་དང་། བྱང་ཆུབ་སེམས་དཔའི་སྨོན་འཇུག་གི་བསླབ་བྱ་སྤྱི་དང་། རྩ་ལྟུང་དང་སྦོམ་པོའི་རྣམ་གྲངས་ཐ་དད་པ་དང་འགལ་བ་དང་། ཁྱད་པར་དུ་རིག་པ་འཛིན་པའི་ཚུལ་ཁྲིམས་ཀྱི་བསླབ་པའི་གཞི་ལས། རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་སྨོད་པ་ལ་སོགས་པའི་རྩ་བའི་ལྟུང་བ་བཅུ་བཞི་དང་། ཡན་ལག་སྦོམ་པོའི་རྣམ་གྲངས་བརྒྱད་ལས་ཕས་ཕམ་པ་དང་། ཁ་ན་མ་ཐོ་བའི་མཐུས་བཅོམ་སྟེ་གསང་སྔགས་ཀྱི་དམ་ཚིག་སྤྱི་དང་བྱེ་བྲག་པ་ཕྲ་ཞིབ་བསྲུང་དཀའ་བ་ལས་འདས་པ་ཐམས་ཅད་དང་། རང་བཞིན་དུ་ཉོན་མོངས་པའི་གཞན་དབང་གིས་སེམས་ཟིལ་གྱིས་ནོན་ནས་དཀོན་མཆོག་གསུམ་དང་བླ་མ་ལ་བརྙས་པ་དང་། དམ་པའི་ཆོས་སྤངས་པ་དང་། མཁན་པོ་ལ་མ་གུས་པ་དང་། བྱང་ཆུབ་སེམས་དཔའ་ལ་སྐུར་བ་བཏབ་པ་དང་། ཕ་མའི་དྲིན་ལན་མ་བཅལ་བ་དང་། དཀོན་མཆོག་གི་དཀོར་ཕྲོགས་པ་དང་། ཚངས་པར་མཚུངས་སྤྱོད་སུན་ཕྱུང་བ་དང་། བསམ་གཏན་སྒོམ་པའི་ཐུགས་དཀྲུགས་པ་དང་། དགེ་བ་ཅན་གྱི་ཚོགས་བཅག་པ་དང་། དད་པ་ཅན་སུན་ཕྱུང་བ་དང་། རྒྱུ་འབྲས་ལ་སྐུར་པ་བཏབ་པ་དང་། སེམས་ཅན་ལ་གནོད་པའི་ལས་བྱས་པ་དང་། ཁྲེལ་དང་ངོ་ཚ་སྤངས་པ་ལ་སོགས་ཏེ་མདོར་ན་སྡིག་པ་མི་དགེ་བའི་ལས་རང་གིས་བགྱིས་པ་དང་གཞན་ལ་བྱེད་དུ་བཅུག་པ་དང་། བྱས་པ་ལ་རྗེས་སུ་ཡི་རང་བ་ལ་སོགས་པ་དེ་དག་ཀྱང་རྟག་པའི་སེམས་དང་། མངོན་པར་ཞེན་པ་དང་། གཉེན་པོ་སྟོབས་ཞན་པ་དང་། ཡུལ་ཁྱད་པར་ཅན་དང་བཞི་ལས་བྱུང་བ་ལ་སོགས་པས་ཁ་ན་མ་ཐོ་བ་ཆེན་པོར་གྱུར་པས་མཚོན། མདོར་ན་མངོན་པར་མཐོ་བ་དང་། ངེས་པར་ལེགས་པའི་གོ་འཕང་ཐོབ་པ་ལ་བར་དུ་གཅོད་ཅིང་། འཁོར་བ་དང་ངན་སོང་གི་རྒྱུར་གྱུར་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་ཏུ་ཐོགས་མེད་ཀྱི་གཟིགས་པར་ལྡན་པ་རྣམས་ཀྱི་སྤྱན་སྔར་ཤིན་ཏུ་གནོང་ཞིང་འགྱོད་པས་མཐོལ་ལོ་བཤགས་སོ། །སྔོན་ཆད་ནི་བཀའ་ལས་འདས་སོ། །ད་ནི་ཉེས་པ་ལ་ཉེས་པར་མཐོང་ལགས་པས་མི་འཆབ་བོ། །མངོན་གྱུར་དུ་སྒྲོག་པས་མི་སྦེད་དོ། །ཕྱིན་ཆད་སྲོག་ལ་བབ་ཀྱང་སྡོམ་ལགས་སོ། །མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སྡིག་ལྡན་བདག་ལ་དགོངས་ཤིག །དེང་བདག་གི་འགྱོད་ཚངས་དང་དུ་མ་བཞེས་ན་སྐྱབས་མེད་དོ། །མགོན་མེད་དོ། །དཔུང་གཉེན་དང་བྲལ་ལོ། །དེ་བས་ན་སེམས་ཅན་གྱི་རང་བཞིན་ལས་དང་ཉོན་མོངས་པའི་གཞན་དབང་ཅན་ལགས་པས་དེ་ལ་དགོངས་ཏེ་ཚངས་པར་སྩལ་དུ་གསོལ། །{{TibChung|ཉི་ཤུ་པ་དབང་བླང་བར་མོས་ན།}} ཇི་ལྟར་བལྟམས་པ་{{TibChung|སོགས་ཀྱིས་ཁྲུས་བྱ། བགེགས་གཏོར་གཏང་། ཐོག་མར་སྡོམ་བཟུང་ནི།}} ཀྱེ་བླ་མ་རྡོ་རྗེ་འཛིན་པ་དང་། །རིགས་ལྔ་བདེ་བར་གཤེགས་པ་ནི། །ཐམས་ཅད་བདག་ལ་དགོངས་སུ་གསོལ། །དེང་ནས་བྱང་ཆུབ་སྙིང་པོའི་བར། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །བླ་མ་ལ་ཡང་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང་། །བྱང་ཆུབ་སེམས་ནི་བསྐྱེད་པར་བགྱི། །རིགས་ལྔའི་དམ་ཚིག་ལེགས་བཟུང་སྟེ། །རྡོ་རྗེ་དྲིལ་བུ་ལ་སོགས་པ། །དམ་ཚིག་རྫས་རྣམས་བཟུང་བར་བགྱི། །བླ་ན་མེད་པའི་དཀོན་མཆོག་གསུམ། །ནམ་དུ་ཡང་ནི་མི་གཏང་ཞིང་། །རྡོ་རྗེ་སློབ་དཔོན་མི་གཏོང་ངོ་། །རྡོ་རྗེ་སྤུན་སྲིང་རྣམས་ལ་ཡང་། །ནམ་ཡང་སྨད་པར་མི་བྱའོ། །སེམས་ཅན་རྣམས་ལ་འཚེ་བ་སྤང་། །འཕགས་པ་རྣམས་ལ་སྨད་མི་བགྱི། །ཐེག་པ་དམན་ལ་མི་བརྙས་ཤིང་། །སྔགས་འཆང་སྤང་བར་མི་བྱའོ། །བསྙེན་སྒྲུབ་ལས་ཀྱི་མཐའ་གཟུང་ཞིང་། །དཀྱིལ་འཁོར་འཁོར་ལོ་བསྒོམ་པར་བགྱི། །དམ་ཚིག་སྡོམ་པ་ལ་གནས་ཤིང་། །འཁྲུལ་པའི་བྱ་བ་མི་བགྱིའོ། །རང་གི་སེམས་ནི་ཡོངས་གདུལ་ཞིང་། །ཕྱོགས་མཐའ་གཏུགས་པའི་སེམས་ཅན་གྱི། །དོན་ནི་བླ་མེད་བདག་གིས་བསྒྲུབ། །མ་གྲོལ་བ་རྣམས་དགྲོལ་བ་དང་། །མ་སྒྲལ་བ་རྣམས་བསྒྲལ་བར་བགྱི། །དབུགས་མ་ཕྱུང་རྣམས་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །{{TibChung|ལན་གསུམ། དེ་ནས་འཇུག་པའི་བྱ་བ་རྣམས་ནི་སྔོན་དུ་རིག་པའི་མེ་ཏོག་དོར་བ་ལ་དོན་གྱིས་ཚང་བར་མ་ཟད་གཟོད་ནས་སྣང་བ་བླ་མའི་དཀྱིལ་འཁོར་དུ་སྦྱངས་ཤིང་གསལ་སྣང་དག་པ་རབ་འབྱམས་སུ་སློབ་པའི་རང་བཞིན་ཡེ་ཤེས་ཀྱི་དཀྱིལ་འཁོར་ལ་ད་གདོད་ཀྱི་འཇུག་ཡུལ་མེད་པས། ལམ་དབང་ཐོད་རྒལ་དུ་བླང་བ་ནི།}} དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། {{TibChung|མཆོད་ཅིང་བསྟོད།}} རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །{{TibChung|ཞེས་གསོལ་བ་བཏབ་པས།}} གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་ཀུན་ཀྱང་དབང་གི་བྱ་བ་ལ་དགྱེས་པར་གྱུར། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །{{TibChung|དེ་ཡང་ཆོས་ཉིད་མ་འཁྲུལ་པའི་བདེ་གཤེགས་སྙིང་པོ་ནི་རྡོ་རྗེ་སློབ་དཔོན་སྤྲུལ་པར་བཅས་པའི་དཀྱིལ་འཁོར་དུ་རྫོགས་པ་ལ། ཚོགས་བརྒྱད་འདུས་བྱས་པ་སློབ་མའི་ཚུལ་དུ་ཤར་བའི་ཕུང་ཁམས་སྐྱེ་མཆེད་དང་། ཉོན་མོངས་པ་ལྔའི་སྦྱང་གཞི་སྦྱོང་བྱེད་སྦྱངས་འབྲས་སོ་སོའི་རང་བཞིན་ཁོང་དུ་ཆུད་པས་རིགས་དབང་ལྔའི་དང་པོར་སློབ་མ་མི་བསྐྱོད་པར་གསལ་ལ། རྣམ་བུམ་བཏེག་ནས།}} ཧཱུྃ། རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་རིན་འབྱུང་དུ་གསལ་ཞིང་དབུ་རྒྱན་བསྐོན་ལ།}} ཧཱུྃ། ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾཿ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་།}} ཧཱུྃ། འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱི་གསུང་འགགས་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་དོན་གྲུབ་ཏུ་གསལ། དྲིལ་བུ་འཛིན་པས།}} ཧཱུྃ། འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨཱ་ཨ་བྷི་ཥིཉྩ་ཨཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ།}} ཧཱུྃ གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུ་ཡི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །{{TibChung|རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། གསུང་གི་དམ་ཚིག་དྲིལ་བུ་འཁྲོལ་བ་དང་། སྐུའི་དམ་ཚིག་འཁྱུད་རྒྱ་བྱེད་པ་སྟེ་དམ་ཚིག་གསུམ་བྱིན་ལ།}} ཨོཾ་ཨཱཿཧཱུྃ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །{{TibChung|སླར་ཡང་རྣམ་རྒྱལ་བུམ་པ་བཟུང་ལ།}} ཧཱུྃ་བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །{{TibChung|རྩ་སྔགས་དང་།}} ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས་སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས་ཕྱི་ནང་ཐམས་ཅད་ལ་བརྙས་པ་བྱས་ན་ལྟུང་བར་གྱུར་པ་ཡིན་པས་དག་སྣང་དང་མོས་པ་གྱིས་ཤིག །དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །{{TibChung|གསང་རྫས་མགྲིན་པར་བཞག་སྟེ།}} ཧཱུྃ། ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །{{TibChung|རྩ་སྔགས་དང་།}} ཝཱཀྐ་ཨ་བྷི་ཥིཉྩ་ཨཱ། {{TibChung|རྗེས་འབྲེལ་དུ་བཟླས་ལུང་སྦྱིན་པ་ནི།}} སློབ་དཔོན་གྱི་ཐུགས་ཀ་ནས་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས། སྙིང་གར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ། {{TibChung|རྩ་སྔགས་ཀྱི་རྗེས་ཟློས་ལན་གསུམ།}} དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །{{TibChung|རིག་ཙག་གཏད་ལ།}} ཧོཿ ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། ཞེས་གཏད་པས། རིག་མ་དེས་པདྨ་བྷཉྫ་མོཀྵ་ཧོཿ ཞེས་པའི་སྒྲས་ཐར་པ་བརྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ །དབང་བཞི་པ་ལ་མེ་ལོང་དང་ཤེལ་རྡོ་མཚོན་པའི་བརྡ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ། ཧོཿ ཀ་དག་མེ་ལོང་གཙང་མའི་ངོགས། །ལྷུན་གྲུབ་དྭངས་ཤེལ་དྲི་མེད་གསལ། །བརྡ་རྟགས་རྫོགས་པའི་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང་། དྷརྨ་དྷཱརྟུ་ཨ་བྷི་ཥིཉྩ་ཨཱཿ ཞེས་པའི་མཐར། རང་བཞིན་མེད་པའི་ཆོས་ཉིད་ལ་མཉམ་པར་གཞག །རྗེས་ལ་དམ་ཚིག་ཁས་བླང་པ་ནི། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱེད་ལ་བདག་ནི་འབུལ་ལགས་ན། །ཁྱེད་ཀྱི་སློབ་མར་གཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །གཏང་རག་གི་མཎྜལ་ཕུལ། ཉེར་གཅིག་པ་སྨན་གཏོར་རཀྟ་དང་། ཚོགས་ཀྱི་འཁོར་ལོ་ཕྱི་ནང་གི་འདོད་ཡོན་ལ་བརྟེན་པའི་དམ་ཚིག་སྐོང་བཤགས་ཆེན་མོ་ནི། རིག་འཛིན་གྱི་ཚོམ་བུ་དེ་དག་གི་ཐུགས་རྒྱུད་ཀྱི་སྤངས་རྟོགས་ཐེག་པ་རིམ་པ་དགུའི་དཀྱིལ་འཁོར་གྱི་ངོ་བོ་ཉིད་ཡིན་པས་རྣམ་སྤྲུལ་ཀྱང་མདུན་གྱི་ནམ་མཁའ་ལ་མགྲོན་ཐབས་ཀྱི་རྣམ་པར་སད་པར་བྱ་བ་ནི། བདེ་གཤེགས་སྙིང་པོས་འགྲོ་བ་ཡོངས་ལ་ཁྱབཿ སེམས་ནི་རྒྱ་ཆེན་མཆོག་ཏུ་རབ་བསྐྱེད་ཅིངཿ འགྲོ་བ་འདི་དག་མ་ལུས་སངས་རྒྱས་རྒྱུཿ འདི་ན་སྣོད་མིན་སེམས་ཅན་གང་ཡང་མེདཿ བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷཿ དུས་ལས་མི་འདའ་ཐུགས་རྗེའི་དབང་གིས་ནཿ སེམས་ཅན་དོན་ལ་དགོངས་པའི་དཀོན་མཆོག་གསུམཿ ཡིད་ཀྱིས་སྤྲུལ་ཞིང་བཤམས་པའི་གནས་འདི་རུཿ རྒྱལ་བ་འཁོར་བཅས་མ་ལུས་གཤེགས་སུ་གསོལཿ བཛྲ་ས་མཱ་ཛཿ ཞེས་སྤྱན་དྲངས། པདྨ་ཀ་མ་ལཱ་ཡ་སྟྭཾཿ གྱིས་གདན་འབུལ། དེ་ནས་གཏོར་ཚོགས་རྣམས་ལ་ནང་མཆོད་བྲན་ནས། ཨོཾ་ཀུན་བརྟགས་སྣང་བ་སྣོད་ཀྱི་གཏོར་གཞོང་དུཿ གཞན་དབང་སྲིད་པ་བཅུད་ཀྱི་གཏོར་མར་སྦྱངསཿ ཡོངས་གྲུབ་ཆོས་དབྱིངས་ཀློང་ཆེན་དགོངས་པ་ཡིསཿ སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིནཿ འཕོ་མེད་ནམ་མཁའ་མཛོད་དུ་མངའ་དབང་བསྒྱུརཿ ཨོཾ་ཨཱཿཧཱུྃ། ལན་བདུན་གྱིས་ངོ་བོ་ཡེ་ཤེས་ཀྱི་བདུད་རྩི་དང་། ནམ་མཁའ་མཛོད་ཀྱི་སྔགས་རྒྱས་ཀུན་ཏུ་བཟང་པོའི་མཆོད་སྤྲིན་དུ་བྱིན་གྱིས་བརླབས། ཨཱཿ རང་བྱུང་ལྷུན་གྲུབ་འཇའ་ཟེར་ལུས་ཀྱི་སྦུབསཿ སྒྱུ་འཕྲུལ་ཚོགས་བརྒྱད་རོལ་པ་སྲིན་པོའི་གྲོངཿ སྙིང་དབུས་ཟངས་མདོག་དཔལ་རིའི་ཕོ་བྲང་ནསཿ རིགས་འདུས་མ་ཧཱ་གུ་རུའི་ཐུགས་དམ་བསྐངཿ གཞི་དབྱིངས་སྟོང་གསལ་ཀུན་ཏུ་བཟང་པོ་ཡིཿ གཞི་སྣང་ལོངས་སྐུའི་རྩལ་ལ་དགོངས་པ་འཕོས༔ བརྡ་ཚིག་བློ་ལས་འདས་པའི་དཀྱིལ་འཁོར་ནསཿ དགོངས་བརྒྱུད་དག་པ་གཉིས་ལྡན་ཐུགས་དམ་བསྐངཿ ངེས་པ་ལྔ་ལྡན་ལྷུན་གྲུབ་ལོངས་སྐུའི་རྩལཿ རིག་འཛིན་རིག་པའི་འཁོར་ལ་བརྡ་སྟོན་ཅིངཿ དགོངས་བརྡའི་དོན་རྒྱུད་ཆིག་རྫོགས་སྤྲུལ་པའི་གརཿ སྙན་བརྒྱུད་ཐོས་གྲོལ་ཆེན་པོའི་ཐུགས་དམ་བསྐངཿ མཚོན་བྱེད་རྟགས་ཀྱི་བརྡ་ཤོག་ཆེན་པོའི་དབངཿ ལས་ཅན་སྐྱེས་བུའི་སྙིང་ལ་བསྐུར་བ་ལསཿ མཚོན་བྱ་དོན་གྱི་དགོངས་པའི་གསང་མཛོད་བརྡོལཿ གཏད་རྒྱ་སྨོན་ལམ་དབང་རྒྱུད་ཐུགས་དམ་བསྐངཿ གདོད་ནས་ཀུན་ཏུ་བཟང་པོ་རང་རིག་ལཿ ཁྱབ་གདལ་དགོངས་པ་གུད་དུ་བཅད་པ་དང་༔ སངས་རྒྱས་གཞན་དུ་བཙལ་བའི་ནོངས་པ་ཀུནཿ དག་ནས་བྱ་རྩོལ་བྲལ་བའི་ས་ལ་སྐྱོལཿ ཀ་དག་ཕྱོགས་ཡན་ཆེན་པོའི་དགོངས་པ་ལཿ བགྲང་བྱའི་ཐེག་པ་ཐ་དད་མ་གྲུབ་ཀྱང་། །ཀུན་རྟོག་གདུལ་བྱའི་ཁམས་དབང་བསམ་པའི་ཕྱིརཿ ཐེག་པ་རིམ་དགུར་ཤར་བའི་ཐུགས་དམ་བསྐངཿ འཁོར་བ་སྡུག་བསྔལ་ཆེན་པོར་ཤེས་པ་ཡིསཿ ཀུན་རྫོབ་བདེན་བཞིའི་ལམ་ལ་རབ་ཞུགས་ནསཿ བདག་འཛིན་འཆིང་བ་གཅོད་པ་ཉན་ཐོས་ཀྱིཿ ཚོམ་བུའི་དཀྱིལ་འཁོར་ལྔ་ཡི་ཐུགས་དམ་བསྐངཿ སོ་ཐར་འདུལ་བའི་སྡེ་སྣོད་ཆེན་པོ་ཡིསཿ བཅས་དང་རང་བཞིན་འགལ་བའི་ཉེས་པ་ཀུནཿ མི་འཆབ་མི་སྦེད་སྙིང་ནས་བཤགས་པར་བགྱིཿ བདག་ལ་འཕགས་པ་དགྲ་བཅོམ་བྱིན་གྱིས་རློབསཿ ལྷག་པའི་ཚུལ་ཁྲིམས་བསླབ་པས་རྒྱུད་བསྡམས་ཤིངཿ ཕུང་སོགས་རང་བཞིན་མེད་པར་རྟོགས་པ་དངཿ རྟེན་འབྲེལ་བཅུ་གཉིས་ལུགས་ལས་ལྡོག་པ་ཡིཿ རང་རྒྱལ་དཀྱིལ་འཁོར་བཞི་ཡི་ཐུགས་དམ་བསྐངཿ རྣམ་དག་ཚུལ་ཁྲིམས་མི་གཡོ་ཏིང་འཛིན་གྱིཿ བསླབ་པ་མདོ་སྡེའི་སྲུང་མཚམས་ཉམས་པ་ཀུནཿ འགྱོད་པས་བཤགས་སོ་བྱང་ཞིང་དག་པ་དངཿ ཚོགས་དང་བསེ་རུའི་རང་རྒྱལ་དངོས་གྲུབ་སྩོལཿ ཆོས་ཀུན་སྒྱུ་མ་ལྟ་བུར་ཤེས་པའི་ངངཿ སྙིང་རྗེས་གཞན་དོན་སྒྲུབ་ལ་ཆེས་དཔའ་ཞིངཿ བདེན་གཉིས་ལམ་འཁྱེར་མངོན་པའི་སྡེ་སྣོད་ཀྱིཿ དཀྱིལ་འཁོར་ཕྱོགས་ཀྱི་གྲངས་ལྡན་ཐུགས་དམ་བསྐངཿ སོ་སོར་རྟོག་པའི་ཤེས་རབ་ཏིང་ངེ་འཛིནཿ རྟག་ཆད་མུ་བཞིའི་ལམ་དུ་གོལ་བ་དངཿ སྙིང་རྗེའི་མྱུ་གུ་སྐམས་པའི་ནོངས་པ་ཀུནཿ དག་ནས་ཀུན་ཏུ་འོད་ཀྱི་ས་ལ་སྐྱོལཿ དག་པ་གསུམ་དང་གཙང་སྦྲ་གསུམ་སྤྱོད་ཅིངཿ དམ་ཡེ་ཐ་དད་རྗེ་ཁོལ་རྣམ་པར་བསྒྲུབཿ བལྟས་པས་བདེ་བ་ལམ་བྱེད་བྱ་རྒྱུད་ཀྱིཿ དཀྱིལ་འཁོར་དྲུག་གི་ལྷ་ཚོགས་ཐུགས་དམ་བསྐངཿ ཀྲི་ཡའི་ཐབས་དང་ཡོ་གའི་རྣལ་འབྱོར་ལཿ ཆ་མཉམ་སྤྱད་པས་མ་ནིང་ཐེག་པ་སྟེཿ མངོན་བྱང་ལྔ་ཡིས་དཀྱིལ་འཁོར་རྒྱལ་མཆོག་བསྒྲུབཿ སྤྱོད་རྒྱུད་དཀྱིལ་འཁོར་རྒྱ་མཚོའི་ཐུགས་དམ་བསྐངཿ བྱ་སྤྱོད་རྒྱུད་སྡེའི་ལྷ་སྔགས་ཏིང་འཛིན་དངཿ ཕྲ་རགས་དམ་ཚིག་ཉམས་པ་མཐོལ་ལོ་བཤགསཿ མཁའ་སྤྱོད་ལ་སོགས་གྲུབ་ཆེན་རྣམ་བརྒྱད་ཀྱིཿ ཐུན་མོང་དངོས་གྲུབ་འཛད་མེད་ཆར་དུ་སྙིལཿ ཕྱི་ནང་གསང་གསུམ་རྣམ་དག་བདེན་པ་ཡིཿ ལྷ་དང་རྣལ་འབྱོར་གཉིས་མེད་ཆེན་པོར་རྟོགསཿ ཕྱག་རྒྱ་བཞི་དང་ཟབ་གསལ་ཏིང་འཛིན་བརྙེསཿ ལིང་ཚེ་དགུ་ལྡན་ཡོ་གའི་ཐུགས་དམ་བསྐངཿ བདག་དང་ལྷ་ལ་བཟང་ངན་བལྟས་པ་དངཿ བསྙེན་སྒྲུབ་མཆོད་པ་སྦྱིན་བསྲེག་ཆག་པ་དངཿ དཀྱིལ་འཁོར་སྒྲུབ་པའི་ཡན་ལག་ཉམས་པ་ཀུནཿ བཟོད་པར་བཞེས་ནས་མཆོག་གི་དངོས་གྲུབ་སྩོལཿ ཞེས་པའི་མཚམས་ཚོགས་ཕུད་རིམ་པ་གསུམ་ལྷག་མ་དང་བཅས་པར་སྤེལ་ཞིང་སྨན་རཀ་འཐོར་བཞིན་པསཿ བདེ་སྟོང་ཀློང་ཡངས་ཏིང་འཛིན་གསུམ་གྱི་སྦུབསཿ བསྐྱེད་རིམ་སྣོད་བཅུད་དག་པ་རབ་འབྱམས་སུ། །ཡོངས་ཤར་སྒྱུ་འཕྲུལ་ཞི་ཁྲོ་བཀའ་བརྒྱད་སོགསཿ ཚོམ་བུའི་དཀྱིལ་འཁོར་བཅུ་གཉིས་ཐུགས་དམ་བསྐངཿ ཤེས་བྱ་ལྔ་དང་མི་སྤང་དང་དུ་བླངཿ སྒྲུབ་དང་སྤྱད་བྱའི་དམ་ཚིག་ཉི་ཤུ་ལྔཿ གསང་བཅུ་ལ་སོགས་ཉམས་ཆག་སྡིག་སྒྲིབ་ཀུནཿ བཤགས་སོ་རིག་འཛིན་རྣམ་བཞིའི་ས་ལ་སྐྱོལཿ བཀོད་པ་ལུས་ཀྱི་གཞལ་མེད་ཁང་ཆེན་ནངཿ རྩ་གསུམ་འཁོར་ལོ་ལྔ་ཡི་འཇའ་ཟེར་སྦུབསཿ དབྱིངས་དང་ཡེ་ཤེས་མཉམ་སྦྱོར་རིག་པའི་རྩལཿ ཨ་ནུ་ཡོ་གའི་དཀྱིལ་འཁོར་ཐུགས་དམ་བསྐངཿ རྣམ་ཤེས་ཚོགས་བརྒྱད་ཉེ་ཉོན་ཉི་ཤུ་དངཿ སེམས་བྱུང་ལྔ་བཅུ་བརྒྱད་ཁྲི་བཞི་སྟོང་གིཿ རྟོག་ཚོགས་དག་ནས་དྲན་རྫོགས་ཕྱག་རྒྱའི་སྐུཿ ལྷན་སྐྱེས་བདེ་བ་ཆེན་པོའི་ས་ལ་སྐྱོལཿ ཤེས་རིག་ཟང་ཐལ་གཉུག་མའི་གཞལ་ཡས་སུཿ ཡེ་གདངས་སྒྲོན་དྲུག་འཇའ་ཟེར་ཐིག་ལེའི་ཀློངཿ རིག་པ་བཅུད་དུ་སྨིན་པ་ཨ་ཏིའི་ལྷཿ ཞལ་ཕྱག་འཛིན་པ་དག་པའི་ཐུགས་དམ་བསྐངཿ རང་གྲོལ་རིག་པ་རྡོ་རྗེ་ལུ་གུ་རྒྱུདཿ བཞུགས་སྟངས་གསུམ་དང་གཟིགས་སྟངས་རྣམ་གསུམ་གྱིསཿ གཅུན་ཏེ་སྣང་བཞི་ཆོས་ཟད་གདོད་མའི་དབྱིངསཿ ལྷུན་གྲུབ་རྫོགས་པ་ཆེན་པོའི་ས་ལ་སྐྱོལཿ མདོར་ན་རབ་འབྱམས་དཀྱིལ་འཁོར་རྒྱ་མཚོའི་ཀློངཿ ཐ་དད་རིག་པས་བཏགས་པའི་སྲི་ཞུའི་མགྲོནཿ རྡུལ་སྙེད་མ་ཚང་མེད་པ་ཐམས་ཅད་དངཿ སྣང་བ་ཡབ་ཀྱི་རང་བཞིན་རཱ་ཧུ་ལཿ སྟོང་པ་ཡུམ་གྱི་ངོ་བོ་ཨེ་ཀ་ཙཿ ཟུང་འཇུག་ཐུགས་རྗེ་བཛྲ་ས་དྷུ་སོགསཿ སྙིང་ཐིག་གཉན་པོའི་བཀའ་སྲུང་ཐམས་ཅད་དངཿ ཨོ་རྒྱན་རྒྱ་གར་བལ་ཡུལ་ཁ་ཆེའི་གླིངཿ འ་ཞའི་ཡུལ་དང་བྲུ་ཤ་ཟངས་གླིང་ཡུལཿ གསེར་གླིང་རྔ་ཡབ་ལངྐའི་གླིང་ཕྲན་དངཿ རྒྱ་ནག་ལྗོངས་ཡུལ་གེ་སར་དམག་གི་གླིངཿ ཙ་རི་ཏྲ་དང་ལྷོ་མོན་འབྲས་མོའི་གཤོངསཿ མངའ་རིས་བསྐོར་གསུམ་དབུས་གཙང་རུ་བཞི་དངཿ མདོ་ཁམས་སྒང་དྲུག་སྦས་གནས་གཉན་པོའི་ཡུལཿ ལྗོངས་ལྔ་གླིང་དྲུག་གསེར་རི་ལྷུན་པོའི་སྤོཿ སུམ་ཅུ་རྩ་གསུམ་གནས་ཡུལ་དུར་ཁྲོད་གཉནཿ ཆོས་འཁོར་གཙུག་ལག་སྒྲུབ་གནས་དབེན་གནས་ཀྱིཿ འཁོར་ཡུག་ལྗོན་ཤིང་བྲག་རི་མཚོ་གླིང་ལཿ གནས་པའི་དཔའ་བོ་ཌཱཀྐི་ཆོས་སྲུང་ཚོགསཿ ཞལ་ནས་གསུངས་དང་རྗེས་སུ་གནང་བ་དངཿ བྱིན་བརླབས་ལུང་བསྟན་དག་སྣང་བསྟན་བཅོས་དངཿ ཐུགས་གཏེར་དགོངས་གཏེར་ཟབ་གཏེར་རྫས་གཏེར་སོགསཿ གཏེར་རིགས་བཅོ་བརྒྱད་ཆོས་ཀྱི་བཀའ་གཏད་ཅིངཿ དཀྱིལ་འཁོར་རྒྱ་མཚོའི་མུ་རན་ལ་གནས་པའིཿ དམ་ཅན་ཌཱཀྐི་བསྟན་སྲུང་རྒྱ་མཚོ་ཡིཿ ཐུགས་དང་འགལ་གྱུར་ནོངས་པ་ཅི་མཆིས་པཿ སྙིང་ནས་བཤགས་སོ་ཚངས་པའི་ཞལ་རས་སྟོནཿ རྟག་ཆད་མཐའ་བྲལ་དབུ་མ་ཆེན་པོའི་སྦུབསཿ འཁོར་འདས་རོ་རྐྱང་ཟུང་འཇུག་ཕྱག་རྒྱ་ཆེརཿ སྦྱར་བས་སྣང་སེམས་ཞེན་གྲོལ་རྫོགས་པ་ཆེའིཿ ཏིང་འཛིན་ནམ་མཁའ་མཛོད་ཀྱི་སྒྱུ་འཕྲུལ་ལསཿ གཟུང་འཛིན་ཕཊ་ཀྱིས་གཏོར་བའི་རྗེས་གཞིག་ཆེརཿ བློ་བྲལ་ཐུག་ཕྲད་ཤེས་པའི་ངོ་བོ་རུཿ ཚོགས་བརྒྱད་ཀ་ནས་དག་པའི་བཀྲ་ཤིས་རྟགསཿ སྣང་བ་རྒྱན་དུ་ཤར་བའི་རྒྱལ་སྲིད་བདུནཿ རིག་སྟོང་རྗེན་པར་གྲོལ་བའི་འདོད་ཡོན་ལྔཿ རྐྱེན་ངན་ལམ་དུ་ལོངས་པའི་ཕྱག་རྒྱ་གརཿ འབུལ་ལོ་མཆོག་ཐུན་དངོས་གྲུབ་རྒྱ་མཚོར་བསྐྱིལཿ ཀློང་ཆེན་གཞོན་ནུ་བུམ་སྐུའི་ཀ་པཱ་ལརཿ དུག་གསུམ་རྣམ་རྟོག་དྲེགས་པ་བཏུལ་བའི་ཁྲགཿ སྐུ་གསུམ་ཡོངས་གྲོལ་ཆེན་པོའི་བ་ལིང་ཏཿ རེ་དོགས་ཚར་གཅོད་ཤ་ལྔ་བདུད་རྩི་ལྔཿ ཉི་ཟླའི་དྭངས་མ་རྩ་བརྒྱད་ཡན་ལག་སྟོངཿ རང་བྱུང་ལྷུན་གྲུབ་ནང་གི་དམ་རྫས་ཀུནཿ འབུལ་ལོ་བརྟུལ་ཞུགས་མཐར་ཕྱིན་དངོས་གྲུབ་སྩོལཿ གདོད་མའི་སྟོང་ཆེན་དབྱིངས་ཀྱི་བྷ་གའི་ཀློངཿ རྣམ་ཀུན་མཆོག་ལྡན་རིག་པའི་རྡོ་རྗེ་ཡིསཿ རྟེན་འབྲེལ་ལུགས་ལྡོག་འཁོར་བའི་བག་ཆགས་བསྒྲལཿ བདེ་སྟོང་དགའ་བཞིའི་ཉམས་རྩལ་རྫོགས་པའི་གརཿ སྦྱོར་སྒྲོལ་བརྟུལ་ཞུགས་མཐར་ཕྱིན་གསང་བའི་རྫསཿ འབུལ་ལོ་གཞན་སྣང་དབང་འདུས་དངོས་གྲུབ་སྩོལཿ མཚན་མ་རྫས་དང་མཚན་མེད་ཏིང་འཛིན་གྱིཿ ལས་བཞིའི་ཕྲིན་ལས་བསྒྲུབ་པའི་ཕྱག་རྒྱ་དངཿ ཤུགས་སྒྲོལ་དམོད་པའི་མཚོན་ཆ་ཁྱོད་ལ་འབུལཿ སྨོན་འཇུག་སེམས་བསྐྱེད་ཕྲག་ཕུག་ཞྭ་ལྟར་གྱོནཿ ཆགས་མེད་འཁོར་བ་སྤངས་པའི་རྣལ་འབྱོར་ལཿ མ་ཉེས་ཁ་ཡོགས་ཅལ་སྒྲོག་ངན་སྦྱོར་གཤོམཿ སྒྲུབ་ལ་བར་གཅོད་ཐུགས་རྒྱུད་དཀྲུགས་པ་ཡིཿ སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུངསཿ མཐོན་མཐིང་རལ་པའི་གླེགས་བམ་མན་ཆད་ནསཿ བདོག་པའི་ཉེར་སྤྱད་ཕྲ་མོ་ཡན་ཆོད་དུཿ མདོར་ན་རྣལ་འབྱོར་ཡིད་ལ་མཛའ་བའི་རྫསཿ རྩ་གསུམ་དམ་ཅན་ཌཱཀྐིའི་བླ་རྡོར་འབུལཿ ནགས་ཁྲོད་བས་མཐའ་མཚོ་གླིང་བྲག་སྐྱིབས་སོགསཿ ངེས་མེད་གནས་སུ་བྱང་ཆུབ་བསྒྲུབ་པའི་ཕྱིརཿ སྟག་མོ་རི་སུལ་འགྲིམ་ལྟར་རྒྱུ་བའི་ཚེཿ རྣལ་འབྱོར་ལུས་ལ་གྲིབ་མ་བཞིན་དུ་འགྲོགསཿ བརྟན་གཡོ་སྣང་སེམས་ཞེན་པས་བཅིངས་པ་ཡིཿ ཕྲ་རགས་རྣམ་རྟོག་གྱ་གྱུའི་སྒྱུ་འཕྲུལ་ཅནཿ སྲིད་ཞི་གཉིས་མེད་ཤར་གྲོལ་དུས་མཉམ་ཀློངཿ འབུལ་ལོ་ཆོས་ཉིད་ཟད་སར་འཁྱོལ་བར་ཤོགཿ ཀུན་གཞིའི་ངང་ནས་ལས་རླུང་གཡོས་པའི་འཕྲུལཿ བག་ཆགས་སེམས་ཉིད་མངལ་རྒྱར་འཐུམས་པ་ལསཿ བྱུང་བའི་ཤ་ཁྲག་དྲོད་དབུགས་ཕུང་པོའི་ཁམསཿ འབུལ་ལོ་བདག་གིས་འཇའ་ལུས་འགྲུབ་པར་ཤོགཿ འདིས་མཚོན་དུས་གསུམ་བསགས་པའི་དགེ་རྩ་ཀུནཿ དྲན་རིག་ཟག་པ་མེད་པའི་ཡེ་ཤེས་ཀྱིསཿ འཁོར་གསུམ་ཡོངས་དག་ཆེན་པོར་རྒྱས་བཏབ་ནསཿ གནས་ལུགས་རྫོགས་པ་ཆེན་པོའི་ཀློང་དུ་ཨཱཿ ཞེས་པའི་མཐར། ལྷག་མ་ཕྱི་རོལ་དུ་གཤེགས། གསུམ་པ་རྗེས་ཀྱི་བྱ་བ་ལ་བརྒྱད་ལས། དང་པོ་དངོས་གྲུབ་ཀྱི་དམ་རྫས་ཚོགས་ལ་རོལ་བ་ནི། ལས་སློབ་ཀྱིས་འདུས་པའི་གཙོ་བོ་ལ་བཏུད་དེ་ཕྱག་བྱས་ནས་རྣམ་ལྔ་འདོད་སྐོར་གྱི་ཕྱག་རྒྱ་དང་སྦྲགས། ཧོཿ བླ་མ་དཔའ་བོ་ཆེན་པོ་དགོངས་སུ་གསོལ། །འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཡང་། །རང་བཞིན་གཅིག་ཏུ་དགོངས་ཏེ་རོལ། །ཞེས་པའི་ལན་དུ་སློབ་དཔོན་གྱིས་ཀྱང་ཕྱག་རྒྱ་དེ་ཉིད་དང་བཅས། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་ལ་སོགས་དྲི་མ་སྤངས། །གཟུང་འཛིན་རྣམ་པར་བྲལ་བ་ཡི། །དེ་བཞིན་ཉིད་ལ་བདག་ཀྱང་འཚལ། །ཨ་ལ་ལ་ཧོ། ཞེས་པས་བླང་ཞིང་། ལག་སོར་གཡས་གཡོན་རིགས་ལྔ་ཡབ་ཡུམ་དུ་མོས་ནས་རྡོ་རྗེ་ལུས་ཀྱི་དཀྱིལ་འཁོར་ལ་ནང་གི་སྦྱིན་སྲེག་ལྟར་དབུལ་བ་ནི། སློབ་དཔོན་གྱིས་བསྐུལ་ལ་ཚོགས་པ་ཐམས་ཅད་ཀྱིས། ཧོཿ བདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པར་མི་འགྱུར་ཞིང་། །གཏན་པ་མེད་པའི་སྦྱིན་བདག་ཀྱང་། །ཐེག་ཆེན་འབྲས་བུར་སྤྱོད་པར་ཤོག །ཅེས་བརྗོད་ཅིང་ཐ་མལ་གྱི་རྟོག་པ་སྤངས་ལ་རང་ལུས་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་གྱི་བདག་ཉིད་དུ་མོས་པ་ལ་མཆོད་པའི་ཚུལ་གྱིས་ཚིམ་པར་རོལ་རྗེས། ཧེ་རུ་ཀ་དཔལ་གྲོང་ཁྱེར་དུ། །སོགས་ཀྱིས་སྨོན་ལམ་གདབ། དེའི་ཚེ་ཚོགས་ཀྱི་དམ་རྫས་ལ་སྨོད་པ་དང་། ཐེག་དམན་གྱི་བློས་བླང་དོར་དུ་བལྟ་བ་དང་། འཐབ་རྩོད་དང་། ཀུ་ཅོ་དང་། ཤགས་ལ་སོགས་པ་ནི་སྦོམ་པོ་བརྒྱད་ཀྱི་ཡ་གྱལ་ཡིན་པས་སྤང་བར་བྱའོ། །གཉིས་པ་རྡོ་རྗེའི་གླུ་གར་བྱ་བར་མོས་ན། སྐྱེ་བོ་ཐ་མལ་པས་དབེན་པའི་གནས་སུ། ལས་སློབ་ཀྱིས་སློབ་དཔོན་ལ་ཕྱག་བྱས་ཏེ། ཧོཿ དགོངས་སུ་གསོལ། མངའ་དབང་རྫོགས་པའི་དཀྱིལ་འཁོར་ཆེན་པོར་ཀུན་ཏུ་བཟང་པོའི་ཚོགས་མཆོད་རྒྱ་མཚོས་ཕྱི་ནང་གི་འདུ་བ་དང་ཉེ་བའི་འདུ་བ་ལེགས་པར་མཆོད་ཟིན་པའི་གནས་སྐབས་འདིར་ནི་མུ་ཏིག་ཕྲེང་བ་ལས། ཚོགས་དང་དབང་བསྐུར་དཀྱིལ་འཁོར་འཇུག །དེ་ནས་གླུ་ལ་བརྩོན་པར་བྱ། །ཞེས་པའི་དོན་ལྟར་ཆོས་ཉིད་བསམ་གྱིས་མི་ཁྱབ་པའི་དགོངས་སྤྱོད་རྒྱ་མཚོས་རྡོ་རྗེའི་གླུ་གར་ལ་ཐུགས་གཏད་པ་ཞུ། ཞེས་གསོལ་ནས། དཔོན་སློབ་ཐམས་ཅད་འཁོར་ལོས་སྒྱུར་བའམ། ཧེ་རུ་ཀའི་ཆས་སུ་ཞུགས་ནས་བསམ་གཏན་གྱི་ངང་ལས་ལངས་ཏེ་རིག་པ་བརྟུལ་ཞུགས་ཀྱི་སྤྱོད་པ་བྱུང་རྒྱལ་དུ་བསྐྱང་བའམ། མོས་པས་སྤྱོད་པ་རྣམས་ནི་རང་བཞིན་གྱི་བསམ་གཏན་ལ་གནས་པས་ཆོས་ཉིད་ཀྱི་གླུ། ཨ་དཱི་ཀ་དཱི་རིང་པོ་དང་། ཐུང་ངུ་དང་། འཁྱོག་པོར་སྤེལ་བའི་དབྱངས་སྙན་པོས་བླང་ཞིང་། དེ་ནས་ཨོཾ་དང་། ཨེ་དང་། ཧཱུྃ་དང་། ཧེ་དང་། ལྱཱཻ་ཤག་སོགས་པས་སྣ་དྲངས་ཏེ་ཐོད་རྔ་དང་ཅང་ཏེའུའི་སྒྲ་དང་བཅས། ཨེ་མ་ཀཱི་རི་ཀཱི་རི། མསྟ་བཱ་ལི་བཱ་ལི། ས་མི་ཏ་སུ་རུ་སུ་རུ། ཀུ་ཏ་ལི། མ་སུ་མ་སུ། ཨི་ཀ་རཱ་སུ་ལི་བྷ་ཏ་ཡཱེ། ཙི་ཀི་ར་བྷུ་ལི་པ་ལ་ཡེ། ས་མུན་ཏ་ཙརྱ་སུ་གྷ་ཡ། བྷི་ཏ་ས་ན་བྷྱ་ཀུ་ལ་ཡཱི། ས་ཀ་རི་དྷཱུ་ཀ་ན། མ་ཏ་རི་བཱཻ་ཏ་ན། པ་ར་ལི་ཧི་སཱ་ན། མ་ཁརྟ་ཀེ་ལ་ནཱཾ། སཾ་བྷུ་ར་ར་མེ་ཀ་ཙ་དྷི་པ། སུརྱ་བྷ་ཏ་ར་ཨེ་པ་ཤ་ན་པ། ར་ན་བྷི་ཏི་ས་གྷུ་ར་ལཱ་པ། མ་སྨིན་ས་གུ་ལི་ཏ་ཡ་བ། འགུ་ར་འགུ་ར་ས་ག་ཁ་ར་ན་ལཾ། ན་ར་ན་ར། ཨི་ཐ་ར་པ་ཀཱ་ལཾ། སི་ར་ཎ་སི་ར་ཎ། བྷེ་ས་ར་ས་པ་ལ། བྷུན་དྷ་བྷུན་དྷ། ཚི་ཥ་ས་ཀེ་ལཾ། ས་སཱ། རི་རཱི། ལི་ལཱི། ཨི་ཨཱི། མི་མཱི། ར་ར་རཱ། མ་སྐྱེས་པས་ན་མི་འགགས་ཅིང་། །འགྲོ་དང་འོངས་མེད་ཀུན་ཏུ་ཁྱབ། །བདེ་ཆེན་ཆོས་མཆོག་མི་གཡོ་བ། །མཁའ་མཉམ་རྣམ་གྲོལ་གོས་པ་མེད། །རྩ་བ་མེད་ཅིང་རྟེན་མེད་ལ། །གནས་མེད་ལེན་མེད་ཆོས་ཆེན་པོ། །ཡེ་གྲོལ་ལྷུན་འབྱམས་ཡངས་པ་ཆེའི། །བཅིངས་མེད་རྣམ་པར་འགྲོལ་མེད་པ། ཁྱབ་གདལ་ཁང་བཟང་ཡེ་ཡོད་ཉིད། ཁྱབ་མཉམ་པ་ལས་རྣམ་འདས་པ། །ཡངས་སོ་ཆེའོ་ནམ་མཁའི་དབྱིངས། །ཆོས་ཆེན་འབར་བ་ཉི་ཟླའི་དཀྱིལ། །ལྷུན་གྱིས་གྲུབ་དང་མངོན་སུམ་པ། །རྡོ་རྗེ་རི་བོ་པདྨ་ཆེ། །ཉི་མ་སེང་གེ་ཡེ་ཤེས་གླུ། །སྒྲ་ཆེན་རོལ་མོ་མཚུངས་པ་མེད། །ནམ་མཁའི་མཐའ་ལ་ལོངས་སྤྱོད་པ། །སངས་རྒྱས་སངས་རྒྱས་ཀུན་མཉམ་ཞིང་། །ཀུན་བཟང་ཡངས་པ་ཆོས་ཀྱི་རྩེ། །མཁའ་དབྱིངས་བཟང་མོའི་དབྱིངས་རུམ་དུ། །ཀློང་གསལ་ལྷུན་གྲུབ་ཡེ་རྫོགས་ཆེ། །ཞེས་བླང་ངོ་། །ཕན་ཡོན་ནི་ཉི་ཟླ་ཁ་སྦྱོར་ལས། ཟག་པ་མེད་པའི་རྡོ་རྗེའི་གླུས། །སངས་རྒྱས་ཀུན་གྱི་ཡིད་ཀྱང་ཚིམ། །རྣལ་འབྱོར་ང་ཡི་ཉམས་ཀྱི་གྲོགས། །མཁའ་འགྲོ་མ་ཡི་ཡིད་རྣམས་འཕྲོག །རིགས་དྲུག་འཁོར་བའི་ཞེན་པ་བཟློག །ཅེས་པ་ལ་སོགས་རྒྱ་ཆེར་གསུངས་སོ། །གསུམ་པ་བཤགས་པ་ནི། མ་འབྱོར་པ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཡི་གེ་བརྒྱ་པའི་མཐར་བརྗོད་མེད་དོན་བཤགས་ནི། ཧོཿ རང་བཞིན་ངང་ལ་ཉེས་པའི་སྐྱོན་མེད་པས། །བཤགས་དང་བཤགས་པར་བྱེད་པ་ཅུང་ཟད་མེད། །ཀུན་རྫོབ་སྒྱུ་མ་ཙམ་དུ་བཤགས་ན་ཡང་། །གཉིས་མེད་སེམས་ཀྱི་ངང་དུ་དག་གྱུར་ཅིག །ཅེས་རྟོག་པ་བསྐྱེད། བཞི་པ་གཤེགས་གསོལ་ནི། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སོགས་བརྗོད་ལ། བཛྲ་མུཿ ཡེ་ཤེས་པ་དབྱིངས་སུ་གཤེགས། དམ་ཚིག་པ་རང་ལ་བསྡུ། འཇིག་རྟེན་པའི་མགྲོན་རྣམས་རང་གནས་སུ་བཏང་། རས་བྲིས་ཡིན་ན་བརྟན་བཞུགས་བྱའོ། །ལྔ་པ་བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །སོགས་ཤློ་ཀ་གཉིས་བརྗོད། དྲུག་པ་སྨོན་ལམ་གདབ་པ་ནི། ཧོཿ སྣང་སྲིད་ཐམས་ཅད་བླ་མའི་དཀྱིལ་འཁོར་དུ། །ཡོངས་གྲུབ་ཆེན་པོའི་མོས་གུས་ལ་གོམས་པས། །འོད་སྣང་མཐའ་ཡས་བདེ་ལྡན་ཞིང་གི་མགོན། །མངོན་སུམ་འགྲུབ་ནས་འགྲོ་ཀུན་འདྲེན་པར་ཤོག །ཅེས་དང་། དེ་མ་ཐོབ་པའི་ཚེ་རབས་ཀུན། །འཁྲུལ་པ་ལས་ཀྱང་ཉིང་འཁྲུལ་ཅན། །འཁོར་བ་སྡུག་བསྔལ་ཅན་ཕུང་པོར། །རྟག་འཛིན་འཆིང་བ་ལས་གྲོལ་ཤོག །སྙིགས་མ་ལྔ་ཡི་མཐར་སྐྱེས་པའི། །ཉོན་མོངས་གདོན་གྱིས་གཟིར་བ་རྣམས། །རྒྱུ་འབྲས་སྔ་ཕྱི་ལྟར་སྨིན་པའི། །དྲང་དོན་ལམ་གྱིས་རྒྱུད་སྦྱངས་མཐར། །ཐེག་པ་གཞན་གྱིས་མི་འདུལ་བས། །གསང་ཆེན་རྡོ་རྗེའི་ཐེག་པ་མཆོག །མ་ནོར་ཚུལ་བཞིན་སྟོན་ནུས་པའི། །བླ་མ་དམ་པ་མཇལ་བར་ཤོག །མཇལ་ནས་ཀུན་ཏུ་མཉེས་བྱེད་ཅིང་། །བར་གཅོད་རྐྱེན་གྱིས་མི་བརྫི་བར། །ཚུལ་བཞིན་བསྒྲུབ་པའི་རང་དབང་དང་། །དབང་བཞིས་རང་རྒྱུད་སྨིན་པར་ཤོག །བསྐྱེད་རྫོགས་གནད་ལ་མ་འཁྲུལ་བས། །སྣང་བའི་བདེན་ཞེན་ཞིག་པ་དང་། །རྩ་རླུང་ཐིག་ལེ་ལས་རུང་ནས། །མཐོང་ལམ་མྱུར་དུ་སྐྱེ་བར་ཤོག །བདེན་པ་མཐོང་བའི་ཆོས་ཉིད་ལ། །གཟུང་འཛིན་འཁྲུལ་པ་མི་གནས་པས། །རྒྱུ་འབྲས་དག་གྲོལ་ལ་ཞེན་རྣམས། །བརྟུལ་ཞུགས་སྤྱོད་པས་འདུལ་བར་ཤོག །བདག་ལ་གཤེའམ་སྨོད་ཀྱང་རུང་། །སེམས་ཅན་ཉོན་མོངས་རང་བཞིན་ལ། །བཟོད་པ་ཐོབ་པའི་བྱང་ཆུབ་སེམས། །མི་སློབ་ལམ་གྱི་འབྲས་བུར་ཤོག །བདུན་པ་ཤིས་བརྗོད་ནི། གདོད་མའི་མགོན་པོ་རིགས་ལྔ་གང་ཆེན་མཚོཿ སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལཿ བསྐལ་བཟང་སངས་རྒྱས་སྟོང་རྩ་བྱོན་པ་ཡིསཿ སྒྲོན་མེའི་བསྐལ་པ་བཟང་པོའི་བཀྲ་ཤིས་ཤོགཿ སྟོང་གསུམ་མི་མཇེད་རྡོ་རྗེ་ཐེག་པའི་ཞིངཿ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལཿ གངས་རིའི་ཁྲོད་དུ་འབོད་པ་ཁྲི་སྲོང་རྗེའིཿ ཐུགས་བསྐྱེད་བསྟན་པ་མཐར་རྒྱས་བཀྲ་ཤིས་ཤོགཿ འཛམ་གླིང་ས་ཡི་ལྟེ་བ་རྡོ་རྗེའི་གདནཿ པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམཿ མདོ་སྔགས་བསྟན་པ་དར་བ་གངས་ཅན་ལྗོངསཿ རྒྱལ་བསྟན་ཡུན་དུ་གནས་པའི་བཀྲ་ཤིས་ཤོགཿ བརྒྱད་པ་ཕན་ཡོན་བསྟན་པ་ནི། སྒྱུ་འཕྲུལ་དྲྭ་བའི་རྒྱུད་ལས། བླ་མ་དཀྱིལ་འཁོར་ཐམས་ཅད་ཀྱི། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་པས་དཀྱིལ་འཁོར་གྱི་འཁོར་ལོ་ནི་བླ་མའི་ཏིང་ངེ་འཛིན་གྱི་རྣམ་པར་སྤྲུལ་པ་ཙམ་ཡིན་ལ། བླ་མ་ནི་དཀྱིལ་འཁོར་གང་གི་དབང་ཕྱུག་གམ་སྤྲུལ་གཞིའི་ངོ་བོ་ཉིད་ཡིན་པས་རྡོ་རྗེ་ཐེག་པའི་ལམ་གྱི་སྨིན་གྲོལ་ཟབ་མོའི་བྱིན་རླབས་ཐམས་ཅད་དང་པོར་བླ་མ་ལ་མ་བརྟེན་པར་མི་འགྲུབ་སྟེ། འདི་ལྟར་གཟུགས་བརྙན་ནམ། རས་བྲིས་སམ། རྡུལ་ཚོན་ནམ། གློས་བླང་ལ་སོགས་པའི་མདུན་དུ་རང་བཟོ་དང་ཡིད་བྱེད་ཀྱིས་གྲོལ་བ་ཐོབ་པའི་གཏན་ཚིགས་གཅིག་ཀྱང་མེད་པའི་ཕྱིར། དེ་ཁོ་ན་ཉིད་བསྡུས་པར་ཡང་། ལོང་བས་རང་དགར་རི་བོ་ལ། །འཛེགས་པས་བདེ་བར་འགྱུར་མ་ཡིན། །ཞེས་པ་ལྟར་རོ། །རྒྱུ་དེས་ན་སྤྱི་མདོ་ལས། བསྐལ་པ་འབུམ་གྱི་སངས་རྒྱས་ལས། །བླ་མ་གཉན་པར་ཤེས་པར་བྱ། །ཞེས་སོ། །གཉན་པའི་རྒྱུ་ཅིས་ཤེ་ན། དུས་གསུམ་དུ་གཤེགས་ཤིང་འབྱོན་པའི་སངས་རྒྱས་རྣམས་ཀྱི་ཐུགས་རྗེ་དང་ཡེ་ཤེས་ལ་སྒྲིབ་པ་མེད་ཅིང་། ཉེ་རིང་དང་ཕྱོགས་ཆ་མེད་ཀྱང་རང་ངོ་ནས་ཡོད་ལོ་དང་མོས་པ་ཙམ་བྱེད་པ་ལས་དངོས་སུ་ཞལ་སྐྱིན་མི་མཇལ། གསུང་མ་ཐོས་པས་ལམ་བདེན་མངོན་སུམ་པར་འདོམས་པའི་མཐུ་མེད་ལ། བླ་མ་ནི་དུས་གསུམ་སངས་རྒྱས་ཐམས་ཅད་ཀྱི་བདག་ཉིད་ཡིན་བཞིན་དུ་རང་དང་སྤྱོད་ཡུལ་མཐུན་པ་ལྟར་གྱི་འགྲོ་བའི་གཟུགས་སུ་བྱོན་ནས་འགོག་ལམ་གཉིས་ཀྱི་བདེན་པ་མངོན་སུམ་དུ་འདོམས་པས་ཉི་མའི་སྔ་འདྲེས་ལའང་སེམས་ཅན་སངས་རྒྱས་སུ་གནས་བསྒྱུར་བ་མཐོང་ཆོས་ལ་གནས་པའི་ཕྱིར་ཏེ། འཇམ་དཔལ་རྩ་རྒྱུད་ལས། གང་ཕྱིར་སངས་རྒྱས་ཐམས་ཅད་ནི། །འདས་དང་མ་བྱོན་ད་ལྟར་གྱི། །ཐམས་ཅད་མི་ཡི་འཇིག་རྟེན་དུ། །མི་ཡི་ལུས་སུ་ཡང་དག་འབྱུང་། །ཞེས་དང་། གུར་ལས། གང་ཞིག་རྡོ་རྗེ་སེམས་དཔའ་ཞེས། །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་གཟུགས་སུ་སྤྲུལ། །ཞེས་གསུངས་པས་དད་པའི་ཁམས་གསོས་པའི་གང་ཟག་ལ་རྣམ་པར་བསྒྱུར་བ་ཡང་མ་བཤད་དོ། །དེ་ལྟར་ཡིན་པས་ཕྱོགས་བཅུའི་སངས་རྒྱས་ཐམས་ཅད་ཀྱང་བླ་མ་ལ་དུས་གསུམ་དུ་ཕྱག་མཛད་ན། རང་ཅག་འཁོར་བའི་བཙོན་རར་ནི་ཆུད། ཉོན་མོངས་པའི་ལྕགས་སྒྲོག་གིས་བཅིངས་པ་རྣམས་ནི་ཅིའི་ཕྱིར་བླ་མ་མཆོད་པའི་ཆོ་ག་ལ་བརྩོན་པར་མི་བྱེད། དེ་སྐད་དུ་རྡོ་རྗེ་གཙུག་གཏོར་གྱི་རྒྱུད་ལས། སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པ། །དུས་གསུམ་དུ་ནི་མོས་ཕྱག་འཚལ། །ཞེས་སོ། །མདོར་ན་སངས་རྒྱས་ཐོབ་པར་འདོད་པ་རྣམས་ཀྱིས་ནི་བསྟི་སྟང་དང་། རིམ་གྲོ་བསྐྱེད་ཅིང་། བསྒོམ་ཞིང་མཆོད་པར་བྱ་བའི་ཡུལ་བླ་མ་གཅིག་པོ་ལ་རག་ལས་པའི་ཚུལ་སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །ཞེས་པ་ལ་སོགས་པའི་བརྗོད་བྱ་ཟད་མི་ཤེས་པ་ཡོད་དོ། །འདི་ནི་མདོ་ཁམས་རྫོགས་ཆེན་སྤྲུལ་པའི་སྐུ། །གཞོན་ནུ་སངས་རྒྱས་སྨོན་ལམ་འོད་ཟེར་དེའི། །རིགས་ཀྱི་བདག་པོ་བྲལ་ཐོབ་མེད་པའི་ལྷ། །སྟོན་པའི་ཞལ་སྐྱིན་གཅིག་ཏུ་མངོན་པར་གྲུབ། །རྒ་བས་ནོན་པའི་ལང་ཚོས་མ་བརྟོལ་ཡང་། །འཕེལ་འགྲིབ་སྤངས་པ་བསྟན་པའི་ཉི་མ་ནི། །བདེན་པ་གཉིས་ཀྱི་ཤིང་རྟའི་བཞོན་པ་ཅན། །དམ་པའི་བློ་གྲོས་ཉིན་མོའི་དཔལ་དུ་སྤྱོན། །ཐུགས་ཡིད་འདྲེས་པའི་སྨོན་པ་དུས་གསུམ་ཀུན། །འདུ་འབྲལ་དབྱེན་གྱིས་མི་ཕྱེད་དམ་ཆོས་མཛོད། །གདན་གསུམ་མངོན་རྟོགས་ངོམ་པའི་རྣམ་སྣང་ཞལ། །མངོན་སུམ་མཐོང་བའི་དགེ་མཚན་འགྲུབ་གྱུར་ཅིག །ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-009&diff=64201 2026-09-30T14:33:51Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ།<br /> |fulltitle=dkyil 'khor thams cad kyi ngo bo bla ma mchod pa'i cho ga dngos grub rgya mtsho<br /> |citation='jigs med gling pa. ''Dkyil 'khor thams cad kyi ngo bo bla ma mchod pa'i cho ga dngos grub rgya mtsho''. In ''Kun mkhyen rig 'dzin 'jigs med gling pa'i gsung 'bum'', Vol. 10: 133-195. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Guru Offering Texts- bla ma mchod pa, Ritual and Liturgical Texts - cho ga phyag len<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=009<br /> |pagenumbers=133-195<br /> |totalpages=63<br /> |beginfolioline=1a1<br /> |endfolioline=32a4<br /> |totalfolios=32<br /> |multivolumework=No<br /> |rectonotes=bla ma mchod chog<br /> |versonotes=bla ma mchod pa'i cho ga dngos grub rgya mtsho<br /> |colophontib=།ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།།<br /> |colophonwylie=ces pa'ang slob dpon bai ro tsa na'i sgrub gnas rgyal rong brag lha mgon po dang nye ba'i rdo yul zhes bya bar sngon gyi legs smon stobs su gyur pa'i las can gyi slob ma 'jigs med phrin las 'od zer gyis nye bar len pa'i rten 'brel gyis mtshams sbyar te/_bla sgrub rtsa ba'i gter gzhung la mkha' 'gro'i brda bsgyur ji ltar gnas pa bzhin rig 'dzin 'jigs med gling pas dpal ldan pad+ma 'od gling du sbyar bas 'gro kun bla ma'i go 'phang la reg pa'i rgyur gyur cig/__//dge'o/_/dge'o/_/dge'o//<br /> |pdflink=File:JLKO-KABUM-10-THA-009.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ་ཞེས་བྱ་བ་བཞུགས།<br /> <br /> ༄༅། །{{TibChung|གང་ཞིག་བསམ་གྱིས་མི་ཁྱབ་པའི། །ཡེ་ཤེས་ལྷན་ཅིག་སྐྱེས་པ་ནི། །བླ་མའི་བྱིན་གྱིས་ཐོབ་པའི་ཕྱིར། །དེ་ཉིད་མཆོད་པའི་ཆོ་ག་བཤད། །དེ་ལ་དུས་གསུམ་གྱི་སངས་རྒྱས་ཐམས་ཅད་ཀྱང་བླ་མའི་ཐུགས་རྗེ་དང་བྱིན་རླབས་ལ་བརྟེན་ནས་གྲོལ་ཞིང་དགྲོལ་བར་འགྱུར་བ་འབའ་ཞིག་ལས་སྟེས་དབང་དང་རང་བཟོས་གྲོལ་བ་མ་ཡིན་པའི་ཚུལ་ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུས་ཀྱང་ཕ་རོལ་ཕྱིན་མི་འགྱུར། །ཡོན་ཏན་ཐམས་ཅད་ཀུན་རྫོགས་ཀྱང་། །བླ་མ་མེད་ན་སྲིད་མཐའ་མིན། །ཞེས་སོ། །དེ་བས་ན་སྒོམ་པ་ཐམས་ཅད་ཀྱི་ནང་ནས་བླ་མ་སྒོམ་པ་དང་། མཆོད་པ་ཐམས་ཅད་ཀྱི་ནང་ནས་བླ་མ་མཆོད་པ་ལས་ལྷག་པའི་བསོད་ནམས་མེད་པའི་ཚུལ་ནམ་མཁའ་ཀློང་ཡངས་ལས། ལྷ་སྐུ་འབུམ་ཕྲག་སྟོང་བསྒོམས་པས། །བླ་མའི་མོས་པ་ཁྱད་པར་འཕགས། །ཞེས་དང་། དེའི་ཚུལ་ཡང་བསྐྱེད་རྫོགས་གཞན་དག་བསྙེན་སྒྲུབ་ལས་སྦྱོར་དང་བོགས་འདོན་གྱི་གྲོགས་རྐྱེན་ལ་ལྟོས་པ་ལས་རང་ངོ་དེས་མི་གྲོལ་ལ། འདིར་ནི། བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཞེས་དང་། རྒྱུད་སྡེ་ལྔ་བཅུ་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གི་ས་ཐོབ་འགྱུར། །ཞེས་པ་ལ་དགོངས་ནས། སྡོམ་འབྱུང་ལས། མཆོད་པ་ཐམས་ཅད་ཡོངས་སྤངས་ཏེ། །བླ་མ་མཆོད་པ་ཡང་དག་བརྩམ། །འདི་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་པས་འདིར་དེའི་ཚུལ་ལག་ཏུ་བླང་བའི་ཆོ་ག་ལ་སྦྱོར་དངོས་རྗེས་གསུམ་ལས། དང་པོ་ནི། དབང་དང་འབྲེལ་ན་ཚོན་དཀྱིལ་གཉིས་གང་རུང་གི་དཀྱིལ་འཁོར་སྒོ་རྫོགས་ཅན་སྤྱི་དང་མཐུན་པ་ལ་དབུས་ནས་རིམ་པར། རིན་ཆེན་ཟུར་བརྒྱད། རིག་འཛིན་སྣམ་བུ། པད་འདབ་བཅུ་བཞི། ཉེར་བཞི། ཞེ་ལྔ་པ་རྣམས་ལ་ལྷ་གནས་ཀྱི་དྲིའི་ཐིག་ལེ་བཀོད་པའི་ཤར་སྒོའི་གཡས་གཡོན་དུ་དབང་རྫས་ཀྱང་བཤམ། ཚོགས་གསོག་སྤྱིར་བཏང་ཙམ་ལ་དཀྱིལ་འཁོར་མ་གྲུབ་ན་བྲིས་སྐུ་ལ་སོགས་པའི་རྟེན་དང་སྤྱན་གཟིགས་དགྲམ། མཆོད་གཏོར་དང་ཚོགས་ཀྱི་འཁོར་ལོའི་ལོངས་སྤྱོད་རྒྱ་ཆེན་པོ་འདུ་བྱ་བ་ནི་ཅི་ནས་ཀྱང་གལ་ཆེའོ། །གཉིས་པ་དངོས་གཞི་ལ་རྣམ་གྲངས་ཉེར་གཅིག་ལས། དང་པོ་སྐྱབས་སེམས་ནི། སངས་རྒྱས་ཆོས་དང་ཚོགས་སོགས་ལན་གསུམ། གཉིས་པ་བླ་མའི་མོས་གུས་ལ་བརྟེན་ནས་རྒྱུད་སྦྱོང་བ་ནི། མོས་གུས་དྲག་པོས།}} སྙིང་དབུས་དད་པའི་གེ་སར་བཞད་པ་ནས། །སྐྱབས་གཅིག་དྲིན་ཅན་བླ་མ་ཡར་ལ་བཞེངས། །ལས་དང་ཉོན་མོངས་དྲག་པོས་གཟིར་བ་ཡི། །སྐལ་པ་ངན་པ་བདག་ལ་སྐྱོབ་པའི་ཕྱིར། །སྤྱི་བོ་བདེ་ཆེན་འཁོར་ལོའི་རྒྱན་དུ་བཞུགས། །དྲན་དང་ཤེས་བཞིན་ཀུན་ཀྱང་བཞེངས་སུ་གསོལ། །ད་རེས་དམྱལ་བ་ཡི་དྭགས་དུད་འགྲོ་དང་། །ཚེ་རིང་ལྷ་དང་ཀླ་ཀློ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །མི་ཁོམ་བརྒྱད་ལས་ཐར་པའི་དལ་བ་ཐོབ། །མིར་གྱུར་དབང་པོ་ཚང་དང་ཡུལ་དབུས་སྐྱེས། །ལས་མཐའ་མ་ལོག་བསྟན་ལ་དད་པ་སྟེ། །རང་ཉིད་འབྱོར་པ་ལྔ་ཚང་སངས་རྒྱས་བྱོན། །ཆོས་གསུང་བསྟན་པ་གནས་དང་དེ་ལ་ཞུགས། །བཤེས་གཉེན་དམ་པས་ཟིན་དང་གཞན་འབྱོར་ལྔ། །ཐམས་ཅད་རང་ལ་ཚང་བའི་གནས་ཐོབ་ཀྱང་། །རྐྱེན་མང་ངེས་པ་མེད་པའི་ཚེས་སྤངས་ནས། །འཇིག་རྟེན་ཕ་རོལ་ཉིད་དུ་སོན་པར་འགྱུར། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་རེས་དལ་རྟེན་དོན་ཡོད་མ་བྱས་ན། །ཕྱི་ནས་ཐར་པ་བསྒྲུབ་པའི་རྟེན་མི་རྙེད། །བདེ་འགྲོའི་རྟེན་ལ་བསོད་ནམས་ཟད་གྱུར་ནས། །ཤི་བའི་འོག་ཏུ་ངན་སོང་ངན་འགྲོར་འཁྱམ། །དགེ་སྡིག་མི་ཤེས་ཆོས་ཀྱི་སྒྲ་མི་ཐོས། །དགེ་བའི་བཤེས་དང་མི་མཇལ་མཚང་རེ་ཆེ། །སེམས་ཅན་ཙམ་གྱི་གྲངས་དང་རིམ་པ་ལ། །བསམས་ན་མི་ལུས་ཐོབ་པ་སྲིད་མཐའ་ཙམ། །མི་ཡང་ཆོས་མེད་སྡིག་ལ་སྤྱོད་མཐོང་ན། །ཆོས་བཞིན་སྤྱོད་པ་ཉིན་མོའི་སྐར་མ་ཙམ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །གལ་ཏེ་མི་ལུས་རིན་ཆེན་གླིང་ཕྱིན་ཡང་། །ལུས་རྟེན་བཟང་ལ་བྱུར་པོ་ཆེ་ཡི་སེམས། །ཐར་པ་བསྒྲུབ་པའི་རྟེན་དུ་མི་རུང་ཞིང་། །ཁྱད་པར་བདུད་ཀྱིས་ཟིན་དང་དུག་ལྔ་འཁྲུགས། །ལས་ངན་ཐོག་ཏུ་བབས་དང་ལེ་ལོས་གཡེང་། །གཞན་ཁོལ་བྲན་གཡོག་འཇིགས་སྐྱོབ་ཆོས་ལྟར་བཅོས། །རྨོངས་སོགས་འཕྲལ་བྱུང་རྐྱེན་གྱི་མི་ཁོམ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །སྐྱོ་ཤས་ཆུང་ཞིང་དད་པའི་ནོར་དང་བྲལ། །འདོད་སྲེད་ཞགས་པས་བཅིངས་དང་ཀུན་སྤྱོད་རྩུབ། །མི་དགེ་སྡིག་ལ་མི་འཛེམ་ལས་མཐའ་ལོག །སྡོམ་པ་ཉམས་ཤིང་དམ་ཚིག་རལ་པ་སྟེ། །རིས་ཆད་བློ་ཡི་མི་ཁོམ་རྣམ་པ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་ལྟ་ནད་དང་སྡུག་བསྔལ་གྱིས་མ་གཟིར། །བྲན་ཁོལ་ལ་སོགས་གཞན་དབང་མ་གྱུར་པས། །རང་དབང་ཐོབ་པའི་རྟེན་འབྲེལ་འགྲིགས་དུས་འདིར། །སྙོམས་ལས་ངང་དུ་དལ་འབྱོར་ཆུད་གསོན་ན། །འཁོར་དང་ལོངས་སྤྱོད་ཉེ་དུ་འབྲེལ་པ་ལྟ། །ལྟ་ཅི་གཅེས་པར་བཟུང་བའི་ལུས་འདི་ཡང་། །མལ་གྱི་ནང་ནས་ས་ཕྱོགས་སྟོང་པར་བསྐྱལ། །ཝ་དང་བྱ་རྒོད་ཁྱི་ཡིས་འདྲད་པའི་དུས། །བར་དོའི་ཡུལ་ན་འཇིགས་པ་ཤིན་ཏུ་ཆེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དགེ་སྡིག་ལས་ཀྱི་རྣམ་སྨིན་ཕྱི་བཞིན་འབྲང་། །ཁྱད་པར་དམྱལ་བའི་འཇིག་རྟེན་ཉིད་སོན་ན། །ལྕགས་བསྲེགས་ས་གཞིར་མཚོན་གྱིས་མགོ་ལུས་འབྲལ། །སོག་ལེས་གཤོག་དང་ཐོ་ལུམ་འབར་བས་འཚིར། །སྒོ་མེད་ལྕགས་ཁྱིམ་འཐུམས་པར་འོ་དོད་འབོད། །འབར་བའི་གསལ་ཤིང་གིས་འབུགས་ཁྲོ་ཆུར་འཚོད། །ཀུན་ནས་ཚ་བའི་མེས་བསྲེགས་བརྒྱད་ཚན་གཅིག །གངས་རི་སྟུག་པོའི་འདབས་དང་ཆུ་འཁྱགས་ཀྱི། །གཅོང་རོང་ཡ་ངའི་གནས་སུ་བུ་ཡུག་སྦྲེབས། །གྲང་རེག་རླུང་གིས་བཏབ་པའི་ལང་ཚོ་ནི། །ཆུ་བུར་ཅན་དང་ལྷག་པར་བརྡོལ་བ་ཅན། །སྨྲེ་སྔགས་རྒྱུན་མི་ཆད་པར་འདོན་པ་ཡང་། །ཚོར་བའི་སྡུག་བསྔལ་བརྣག་པར་དཀའ་བ་ཡིས། །ཟུངས་ཀྱིས་རབ་བཏང་འཆི་ཁའི་ནད་པ་བཞིན། །ཤུགས་རིང་འདོན་ཞིང་སོ་ཐམ་པགས་པ་འགས། །ཤ་འུ་ཐོན་ནས་ལྷག་པར་འགས་ཏེ་བརྒྱད། །དེ་བཞིན་སྤུ་གྲིའི་ཐང་ལ་རྐང་པ་གཤོགས། །རལ་གྲིའི་ཚལ་དུ་ལུས་ལ་བཅད་གཏུབས་བྱེད། །རོ་མྱགས་འདམ་ཚུད་ཐལ་ཚན་རབས་མེད་ཀློང་། །མནར་བའི་ཉེ་འཁོར་བ་དང་འགྱུར་བ་ཅན། །སྒོ་དང་ཀ་བ་ཐབ་དང་ཐག་པ་སོགས། །རྟག་ཏུ་བཀོལ་ཞིང་སྤྱོད་པའི་ཉི་ཚེ་བ། །རྣམ་གྲངས་བཅོ་བརྒྱད་གང་ལས་འབྱུང་བའི་རྒྱུ། །ཞེ་སྡང་དྲག་པོའི་ཀུན་སློང་སྐྱེས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དེ་བཞིན་ཕོངས་ལ་ཉམས་མི་དགའ་བའི་ཡུལ། །བཟའ་བཏུང་ལོངས་སྤྱོད་མིང་ཡང་མི་གྲགས་པར། །ཟས་སྐོམ་ལོ་ཟླར་མི་རྙེད་ཡི་དྭགས་ལུས། །རིད་ཅིང་ལྡང་བའི་སྟོབས་ཉམས་རྣམ་པ་གསུམ། །གང་ལས་འབྱུང་བའི་རྒྱུ་ནི་སེར་སྣ་ཡིན། །གཅིག་ལ་གཅིག་བཟའ་གསོད་པའི་འཇིགས་པ་ཆེ། །བཀོལ་ཞིང་སྤྱོད་པས་ཉམ་ཐག་བླང་དོར་རྨོངས། །ཕ་མཐའ་མེད་པའི་སྡུག་བསྔལ་གྱིས་གཟིར་བའི། །ས་བོན་གཏི་མུག་མུན་པར་འཁྱམས་པ་བདག །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ཆོས་ལམ་ཞུགས་ཀྱང་ཉེས་སྤྱོད་མི་སྡོམ་ཞིང་། །ཐེག་ཆེན་སྒོར་ཞུགས་གཞན་ཕན་སེམས་དང་བྲལ། །དབང་བཞི་ཐོབ་ཀྱང་བསྐྱེད་རྫོགས་མི་སྒོམ་པའི། །ལམ་གོལ་འདི་ལས་བླ་མས་བསྒྲལ་དུ་གསོལ། །ལྟ་བ་མ་རྟོགས་ཐོ་ཅོའི་སྤྱོད་པ་ཅན། །སྒོམ་པ་ཡེངས་ཀྱང་གོ་ཡུལ་འུད་གོག་འཐག །སྤྱོད་པ་ནོར་ཀྱང་རང་སྐྱོན་མི་སེམས་པའི། །ཆོས་དྲེད་འདི་ལས་བླ་མས་བསྒྲལ་དུ་གསོལ། །ནངས་པར་འཆི་ཡང་གནས་གོས་ནོར་ལ་སྲེད། །ན་ཚོད་ཡོལ་ཡང་ངེས་འབྱུང་སྐྱོ་ཤས་བྲལ། །ཐོས་པ་ཆུང་ཡང་ཡོན་ཏན་ཅན་དུ་རློམ། །མ་རིག་འདི་ལས་བླ་མས་བསྒྲལ་དུ་གསོལ། །རྐྱེན་ཁར་འཆོར་ཡང་འདུ་འཛི་གནས་སྐོར་སེམས། །དབེན་པ་བསྟེན་ཀྱང་རང་རྒྱུད་ཤིང་ལྟར་རེངས། །དུལ་བར་སྨྲ་ཡང་ཆགས་སྡང་མ་ཞིག་པའི། །ཆོས་བརྒྱད་འདི་ལས་བླ་མས་བསྒྲལ་དུ་གསོལ། །གཉིད་འཐུག་འདི་ལས་མྱུར་དུ་སད་དུ་གསོལ། ཁྲི་མུན་འདི་ལས་མྱུར་དུ་དབྱུང་དུ་གསོལ། །{{TibChung|ཞེས་འབོད་པ་དྲག་པོས་ཐུགས་རྗེ་ལྷོངས་པར་བྱའོ། །གསུམ་པ་ཐེག་པ་ཆེན་པོའི་ལམ་གྱི་རྩ་བ་བྱང་སྡོམ་བླང་བའི་ཐོག་མར་ཚོགས་གསོག་ནི།}} གང་ཞིག་ལུས་པ་མེད་པའི་སེམས་ཅན་གྱི། །མགོན་དང་དཔུང་གཉེན་གྱུར་ཀྱང་བདུད་སྡེའི་དགྲ། །ཇི་ལྟ་ཇི་སྙེད་མཁྱེན་ཅིང་གཟིགས་པ་ཡི། །བཅོམ་ལྡན་བདག་གི་སྡུམ་པར་མཆིས་སུ་གསོལ། །ལས་ཀྱིས་སྤྲུལ་པ་མ་ཡིན་འབྱོན་པའི་ཤུལ། །ཁྲུས་ཀྱི་ཁང་བུ་བརྩེགས་པ་དྲི་བསུང་ཅན། །ཤེལ་དང་ནོར་བུའི་ས་གཞི་ཀ་བར་ལྡན། །གཡུ་དམར་མུ་ཏིག་བླ་བྲེ་དཔྱངས་པ་དེར། །བདེ་གཤེགས་རིགས་ཀྱི་བུ་མཆོག་བཅས་པ་ལ། །སྤོས་ཆུས་གང་བའི་ནོར་བུའི་བུམ་པ་ནས། །ཁྲུས་ཀྱི་རིམ་གྲོ་བགྱིད་པའི་སྨིན་ལེགས་མ། །གླུ་གར་རོལ་མོའི་འགྱུར་བ་འགྲན་ལ་བརྩོན། །ཉེ་རེག་ཆོ་ག་མཁས་པའི་རི་དྭགས་མིག །དྲིལ་ཕྱིས་བསྐུ་མཉེའི་སྲི་ཞུས་གཡེང་བ་ཡང་། །ཁ་དོག་གཅིག་ཏུ་མི་གནས་དབང་པོའི་ཚོན། །ཐགས་སུ་བཏགས་པ་མེད་པའི་ལྷ་རྫས་ཉོ། །དཔག་བསམ་ལྗོན་པས་བཙོང་པའི་པཉྩ་ལི། །ལྕིད་ཀྱིས་ནོན་སྤངས་སྲབ་འཇམ་ཡང་པའི་གོས། །དྲི་དང་སྤོས་ཆུས་བགོས་ཤིང་བྱུགས་པ་དང་། །རིན་ཐང་བརྗོད་ལ་ཁྲེལ་བའི་རིན་ཆེན་རྒྱན། །གདུ་བུ་དཔུང་རྒྱན་སྙན་ཆ་ཅོད་པན་སོགས། །འདོད་པའི་ཡོན་ཏན་སྤངས་པའི་ཐུབ་དབང་ཡང་། །བཀྲེན་ལྡན་བསོད་ནམས་སླད་དུ་བདག་གིར་བཞེས། །འཇིག་རྟེན་དབང་ཕྱུག་ལ་སོགས་ཉེ་བའི་སྲས། །ངན་སོང་ཀུན་འདྲེན་ལ་སོགས་བསྐལ་བཟང་གི། །སེམས་དཔའ་བཅུ་དྲུག་དང་ནི་ཁྱིམ་པའི་ཚུལ། །ཆོས་འཕགས་རྟག་ཏུ་ངུ་དང་ལི་ཙ་བྱི། །དྲི་མ་མེད་པར་གྲགས་ལའང་དབུལ་བར་བགྱི། །སྟོང་གསུམ་ཅིག་ཅར་ཁྱབ་པའི་དྲིའི་བཞོན་པར། །འཁྱུད་པའི་ཙན་དན་སྤོས་ཀྱི་བསུང་ཞིམ་དྲིས། །བསོད་ནམས་བྱེ་བའི་འབྱུང་གནས་མཚན་དཔེའི་བྱད། །གསེར་སྦྱངས་བརྟན་པ་འཕྲོག་ལ་བྱུག་པར་བགྱི། །བཏང་སྙོམས་ཡངས་པའི་ཤེལ་གྱི་ས་གཞི་ལ། །བྱམས་པའི་པདྨོ་གེ་སར་སྟོང་བརྡལ་བར། །སྙིང་རྗེའི་ཉི་ཟླ་བཀྲག་ཏུ་འཚེར་བ་བསྟར། །དགའ་ཆེན་བཅོམ་ལྡན་སྲས་བཅས་བཞུགས་སུ་གསོལ། །བབས་ཅོལ་གོམས་པ་མིན་པའི་ལུས་བཏུད་ཀྱིས། །སྙིང་ཁར་གུས་བཅས་མངོན་རྟོགས་ངོམ་པ་ལ། །མེ་ཏོག་དོག་པས་རབ་བཟུང་སྙིམ་པའི་སྣོད། །ག་བུ་ཆུང་གི་བརྟུལ་ཞུགས་འཛིན་པ་ཡིན། །རིག་དང་ཞབས་སུ་ལྡན་སོགས་བདེ་གཤེགས་ཀྱི། །ཡོན་ཏན་མཐའ་དག་གནས་ཀྱིས་བསྐལ་པ་བཞིན། །དད་པའི་སྐྱེད་མོས་ཚལ་དུ་འོངས་པའི་མོད། །སྐྱོ་བ་མིན་པའི་བ་སྤུ་གཅིག་ཏུ་ཟིང་། །ཟླ་གཞོན་ཁྲུས་ལ་འཇུག་པའི་རྫིང་བུའི་ནང་། །རྨ་བྱའི་བུ་མོ་འཇོ་སྒེག་རོལ་པ་ལྟའི། །ལང་ཚོའི་གྲངས་སྙེད་རྡུལ་གྱི་རྣམ་གྲངས་དང་། །ཤིན་ཏུ་འཕྲུལ་པ་སྐྱེད་བྱེད་ཕྱག་གིས་བྲེལ། །གཏོང་བའི་ཡན་ལག་རྫོགས་པའི་དངོས་འབྱོར་དང་། །དེས་ཀྱང་མཚོན་པ་དཔེ་མེད་ཡིད་ཀྱིས་སྤྲུལ། །བླ་ན་མཆིས་པ་མ་ཡིན་མཆོད་པའི་སྤྲིན། །ཀུན་ཏུ་བཟང་པོའི་ཡོན་ལ་ཕྲག་དོག་བགྱིད། །མུ་ཅོར་སྨྲ་བའི་ལས་དང་བག་ཆགས་སྡིག །དགེ་ལ་འཇིགས་ནས་གཞན་དུ་བྲོས་པའི་གཟུགས། །སྲིད་པའི་མུན་ནག་སྟུག་པོར་འཆབ་པ་ཀུན། །སྟོབས་བཞིའི་ཉིན་བྱེད་འབར་བས་སྦྱངས་ཤིང་བཤགས། །སྦྱོར་བ་གང་གིས་བདག་ཉིད་མ་འཁྲུགས་བཞིན། །བསམ་པའི་ཁྱད་པར་གཅིག་གིས་གཞན་དག་གི། །རྣམ་དཀར་ཡུད་ལ་འཕྲོག་པའི་ཆོམ་རྐུན་གྱི། །བརྟུལ་ཞུགས་རྗེས་སུ་ཡི་རང་ཁོ་ནས་བྱས། །ཐར་མེད་འཁོར་བའི་སྤྱོད་པ་མ་དུལ་ཞིང་། །རྣམ་པར་སྲ་མཁྲེགས་ཐ་བ་གང་གིས་ཀྱང་། །གདུལ་ཐབས་བརྟན་པ་བྲལ་ལ་ཆོས་འཁོར་གྱི། །རྩིབས་རྣོན་མུ་ཁྱུད་འཛིན་དེ་བསྐོར་བར་བསྐུལ། །རྒྱལ་དང་དེ་སྲས་རྣམས་ཀྱིས་སྤངས་གྱུར་པའི། །འགྲོ་འདིས་སྡུག་བསྔལ་གནས་སྐབས་རྟེན་མཐོང་ནས། །མྱ་ངན་འདའ་བ་མེད་པའི་གདན་ཁྲི་ལ། །དངོས་པོ་ཀུན་གྱི་རིན་ཐང་གཅིག་ཏུ་སྤུངས། །བདག་ཏུ་བལྟ་བས་འདར་བའི་རྣམ་དཀར་ཡང་། །སྲིད་པར་ལན་ཅིག་མཐོ་བའི་ཆོ་ངེ་སྟེ། །བྱང་ཆུབ་བསྔོ་བའི་གསེར་འགྱུར་རྩིས་ཐེབས་པ། །འདི་ནི་སྟོན་པ་གཞན་གྱི་ལུགས་ལ་མེད། །ཆོག་ཤེས་བདུད་རྩིའི་བཏུང་བས་མ་ངོམས་ན། །སྐྱེས་བུའི་ཡིད་ལ་མ་བཟུང་མཆོད་སྤྲིན་ཡང་། །ཚིག་གི་ཕ་མཐར་འཁྱམ་ལ་སྐྲག་གྱུར་ནས། །བདག་ལུས་སྟན་དུ་དབུལ་ལའང་དོ་གལ་བགྱིད། །དཀོན་མཆོག་གསུམ་གྱི་འབངས་སུ་དམ་བཅས་པའི། །གྲིབ་བསིལ་སོ་ཀའི་མེ་ཏོག་འཇོ་སྒེག་ཅན། །རྣམ་ཀུན་འཁྲུགས་པའི་གཤིན་རྗེའི་མདུན་སར་ཡང་། །ཁྲོ་གཉེར་འཇིག་པའི་རིན་ཐང་ཟད་མི་ཤེས། །དེས་ནི་གཏི་མུག་མཐུས་ནོན་སྡིག་ལྡན་བདག །བྱི་དོར་ཤིན་ཏུ་བསྟེན་པའི་དྭངས་ཤེལ་ལྟར། །བསོད་ནམས་རྙོག་པ་དྭངས་པའི་སེམས་ཀྱི་ནང་། །སེམས་བསྐྱེད་ཆོ་གས་ཐོབ་པའི་གཟུགས་བརྙན་རྔོམ། །ཉེས་པ་བརྒྱ་ཕྲག་གཡང་སར་ལྷུང་བ་ཡི། །རིམས་ཀྱིས་ཤིན་ཏུ་བཏབ་པའི་ནད་པ་རྣམས། །གསོ་དཔྱད་ཕལ་པའི་མདུན་སར་དབུགས་མི་ཕྱིན། །སྨན་པ་མཆོག་ལ་སྐྱབས་སུ་ལྷག་པར་དོང་། །མོས་པ་གང་གི་སླད་དུ་འདིར་གཤེགས་ནས། །སེམས་ཅན་ཁམས་ལ་དགོངས་པའི་སྟོན་མཆོག་ནི། །ཐེག་པ་ཆེན་པོའི་སྐྱེས་བུ་འབའ་ཞིག་པའི། །ཚོགས་ཀྱི་དབུས་ན་ལྷམ་མེར་མཛེས་པ་ལ། །སྐྱབས་སུ་འགྲོ་བ་གསུམ་གྱིས་གཞི་བཅས་ལ། །དགོངས་སུ་གསོལ་བ་གསུམ་གྱིས་སད་བྱས་ནས། །རྒྱལ་བ་སྲས་དང་བཅས་པའི་ཐུགས་བསྐྱེད་དང་། །བསླབ་པའི་བརྟུལ་ཞུགས་མཐའ་དག་བླང་བ་ཡིན། །ཉོན་སྒྲིབ་ཟུག་རྔུའི་དུམ་བུ་བཅད་གྱུར་ཀྱང་། །ཤེས་སྒྲིབ་ཡུལ་གྱི་རོ་ལ་བཅགས་པ་ཡི། །ཉན་རང་དགྲ་བཅོམ་མ་བསྒྲལ་བ་ལས་བསྒྲལ། །གཉིས་ཀའི་འཆིང་བས་ཀུན་ནས་དཀྲིགས་པ་ཡི། །ཚངས་པ་ལ་སོགས་སོ་སོའི་སྐྱེ་བོ་ནས། །སློབ་པ་འཕགས་པའི་བར་ལ་གནས་པ་ཡི། །སེམས་ཅན་མ་གྲོལ་བ་རྣམས་དགྲོལ་བ་དང་། །ཤིན་ཏུ་སྡུག་བསྔལ་དྲག་པོའི་ཤུགས་རིང་ལས། །དབུགས་འབྱིན་ཐོབ་པ་མེད་པའི་ངན་སོང་གསུམ། །དབུགས་འབྱིན་ཆེན་པོའི་གནས་ལ་སྦྱར་བ་དང་། །མདོར་ན་རྟེན་ཅིང་འབྲེལ་འབྱུང་བཅུ་གཉིས་ཀྱི། །འཁོར་ལོའི་རྒྱར་ཆུད་སེམས་ཅན་ཡོད་དོ་ཅོག །མི་གནས་ཡེ་ཤེས་མྱ་ངན་འདས་པའི་གྲོང་། །འགོད་བྱེད་ཆོ་གས་བཟུང་བའི་བརྗོད་པ་ནི། །སྔོན་བྱོན་དྲང་སྲོང་རྣམས་ཀྱི་ལུགས་ལ་བརྟེན། །{{TibChung|བཞི་པ་ཚད་མེད་བཞི་བསྒོམ་པ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ལན་གསུམ། {{TibChung|ལྔ་པ་སྨོན་འཇུག་སྟབས་གཅིག་ཏུ་བླང་བ་ནི།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་བསླབ་པར་བགྱི། །{{TibChung|ལན་གསུམ། དྲུག་པ་སེམས་གཟེངས་བསྟོད་པ་ནི།}} སྔོན་ཆད་གཞན་གྱི་དོན་ལ་ལྟ་ཅི་སྨོས། །རང་དོན་ཉིད་དུ་རྨི་བའང་མ་མྱོང་བའི། །རིན་ཆེན་སེམས་ཀྱི་ཁྱད་པར་དམ་པ་འདིས། །བདག་གི་སྲིད་པ་རིན་ཐང་མེད་པ་བྱས། །རིགས་ལས་ཉམས་པ་གང་ཞིག་ཆོ་རིགས་ཀྱིས། །ལྷག་པར་བཙུན་པའི་གནས་ཐོབ་ཇི་བཞིན་དུ། །རྒྱལ་བ་ཀུན་གྱི་སྲས་སུ་དེང་གྱུར་པས། །བྱང་ཆུབ་སེམས་དཔའི་མིང་གི་ཅོད་པན་འཐོབ། །སྲིད་གསུམ་བདག་པོ་བྱས་དང་དེ་ཉིད་ཀྱིས། །རྨོངས་པའི་བླ་དྭགས་དཔྱངས་ལའང་དགའ་བྱེད་ན། །བྱང་ཆུབ་སེམས་དཔའི་གནས་ཐོབ་དེ་རིང་ཙམ། །དགའ་བའི་འཁྲི་ཤིང་སློང་ལ་ལྷ་ཡང་ཕྱོགས། །འཆི་བདག་འཇོམས་པའི་བདུད་རྩི་མི་ཟད་གཏེར། །དབུལ་བ་སེལ་བའི་ནོར་དང་ནད་ཞིའི་སྨན། །སྲིད་ལམ་དུབ་པའི་མགྲོན་པོའི་ངལ་སྟེགས་ཕྱིར། །བདག་ནི་དེང་ནས་འགྲོ་བའི་ཉེར་འཚོར་གྱུར། །{{TibChung|བདུན་པ་བགེགས་ལ་བཀའ་བསྒོ་བ་ནི།}} ཨེ་མ་ང་ནི་རང་བྱུང་བ། །ཁྲོ་རྒྱལ་དཔལ་ཆེན་ཉིད་ཀྱི་སྐུ། །དངོས་གྲུབ་བར་ཆད་བྱེད་པའི་བགེགས། །འདི་རུ་མ་འདུག་གཞན་དུ་སོང་། །ཅི་སྟེ་འགྲོ་བར་མི་བྱེད་ན། །མགོ་བོ་ཚལ་པ་བརྒྱར་འགས་ཤིང་། །ལུས་ནི་དུམ་བུ་སྟོང་དུ་གཏུབས། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། {{TibChung|བརྒྱད་པ་མཚམས་གཅོད་་ནི།}} ཧཱུྃ། སྟེང་འོག་ཕྱོགས་མཚམས་ཡེ་ཤེས་མེ་དཔུང་འབར། །རྡོ་རྗེའི་རྭ་བ་དྲྭ་བ་གུར་དང་ནི། །བླ་རེ་མཚོན་ཆའི་འཁོར་ལོས་ནམ་མཁའ་ཁྱབ། །ཁྲོ་བོ་ཁྲོ་མོ་དཔལ་ཆེན་རྔམ་པའི་ཚོགས། །སྤྲིན་ཕུང་འཁྲིགས་ཤིང་ཧཱུྃ་སྒྲ་དི་རི་རི། །ཧཱུྃ་ཧཱུྃ་ཧཱུྃ། {{TibChung|དགུ་པ་མཆོད་རྫས་བྱིན་གྱིས་རློབ་པ་ནི།}} ཨ་མྲྀ་ཏས་བསང་སྦྱངས། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ན་མཿསརྦ་ཏ་ཐཱ་ག་ཏ་{{TibChung|སོགས་དང་། སྨན་གཏོར་རཀྟའི་སྔགས་ཀྱིས་བརླབ། བཅུ་པ་ཚོགས་ཞིང་བསྒྲུབ་པ་ནི། བདག་མདུན་བླ་འོག་ལྟར་གསལ་ཀྱང་སྤྱི་བོ་ཆེར་སོན་པ་དང་། ཚོགས་ཞིང་ཆུང་ངུར་སོན་པའི་ཀུན་རྟོག་རང་རྒྱུད་པ་སྤངས་ཏེ་ཏིང་ངེ་འཛིན་གྱི་རྣམ་འཕྲུལ་བསམ་གྱིས་མི་ཁྱབ་པ་ཉམས་འོག་ཏུ་ཆུད་པས།}} ཨོཾ་སྭཱ་བྷཱ་ཝ{{TibChung|ས་སྟོང་པར་སྦྱངས།}} རང་སྣང་ལྷུན་གྲུབ་དག་པ་རབ་འབྱམས་ཞིང་། །བཀོད་པ་རབ་རྫོགས་ཟངས་མདོག་དཔལ་རིའི་དབུས། །རང་ཉིད་རྗེ་བཙུན་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་དམར་གསལ་གྲི་ཐོད་འཛིན། །ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགས། །སྤྱི་བོར་པདྨ་འབུམ་བརྡལ་ཉི་ཟླའི་སྟེང་། །སྐྱབས་གནས་ཀུན་འདུས་རྩ་བའི་བླ་མ་དང་། །དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུ། །དཀར་དམར་མདངས་ལྡན་གཞོན་ནུའི་ཤ་ཚུགས་ཅན། །ཕོད་ཁ་ཆོས་གོས་ཟབ་བེར་འདུང་མ་གསོལ། །ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབས། །ཕྱག་གཡས་རྡོ་རྗེ་གཡོན་པ་ཐོད་བུམ་བསྣམས། །དབུ་ལ་འདབ་ལྡན་པདྨའི་མཉེན་ཞུ་གསོལ། །མཆན་ཁུང་གཡོན་ན་བདེ་སྟོང་ཡུམ་མཆོག་མ། །སྦས་པའི་ཚུལ་གྱིས་ཁ་ཊྭཱཾ་རྩེ་གསུམ་བསྣམས། །འཇའ་ཟེར་ཐིག་ལེ་འོད་ཕུང་ཀློང་ན་བཞུགས། །ཕྱི་འཁོར་འོད་ལྔའི་དྲ་བས་མཛེས་པའི་ཀློང་། །སྤྲུལ་པའི་རྗེ་འབངས་ཉི་ཤུ་རྩ་ལྔ་དང་། །རྒྱ་བོད་པཎ་གྲུབ་རིག་འཛིན་ཡི་དམ་ལྷ། །མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབས། །གསལ་སྟོང་མཉམ་གནས་ཆེན་པོའི་ངང་དུ་གསལ། །{{TibChung|ཞེས་མོས་པས་བསྐྱེད་ནས། རྣམ་པ་བྱེ་བྲག་ཏུ་གསལ་གདབ་པ་ནི}} ཧཱུྃ། སངས་རྒྱས་ཀུན་གྱི་ངོ་བོ་བླ་མ་རྗེའི། །ཐུགས་ཀ་ཆོས་ཀྱི་འཁོར་ལོའི་ལྟེ་བ་ལ། །མི་འཇིགས་སེང་གེ་བརྒྱད་ཀྱིས་བཏེག་པའི་ཁྲིར། །དང་པོའི་སངས་རྒྱས་ཀུན་བཟང་ཡབ་ཡུམ་བཞུགས། །པད་འདབ་བཞི་ལ་མདུན་ནས་རིམ་པ་བཞིན། །བདེ་གཤེགས་རི་རབ་མར་མེ་རྒྱལ་མཚན་ནི། །དྲུག་པ་རྡོ་རྗེ་འཆང་གི་རྣམ་པ་དང་། །དགའ་རབ་ཤྲཱི་་་{{TibChung|ཧེ་རུ་ཀའི་ཆས།་་་}}སིང་ཛྙཱ་ན་སུ་ཏྲས་བསྐོར། །རྒྱལ་རིག་གང་ཟག་ལས་སྐྱེས་འགོག་ལམ་གྱི། །བདེན་གཉིས་ལུང་གི་ཆོས་ཚུལ་མ་ལུས་པ། །བདེན་པ་དབྱེར་མེད་རྟོགས་པའི་ངོ་བོར་རྫོགས། །དཀོན་མཆོག་གསུམ་གྱི་བདག་ཉིད་ཨེ་མ་ཧོ། ༈ །རང་ཉིད་རྡོ་རྗེ་རྣལ་འབྱོར་མའི། །སྤྱི་བོར་པདྨ་འབུམ་བརྡལ་ནི། །ཟང་ཐལ་སྒྲིབ་གཡོགས་བྲལ་པའི་གཞིའི། །ནང་རིམ་རིན་ཆེན་ཟུར་བརྒྱད་ཀྱི། །ཤར་དུ་ཧཱུྃ་ཀཱར་རྡོ་རྗེ་གདེངས། །ལྷོ་རུ་བཤེས་གཉེན་རིན་ཆེན་འཛིན། །ནུབ་ཏུ་ཀླུ་སྒྲུབ་པདྨ་བསྣམས། །བྱང་དུ་པྲ་ཆེན་རྒྱ་གྲམ་གདེངས། །ཤར་ལྷོ་ནས་བརྩམས་མཚམས་བཞི་རུ། །དྷ་ན་སཾ་སྐྲྀ་ཐོད་རྔ་འཁྲོལ། །བི་མ་མི་ཏྲ་ཚེ་བུམ་འཛིན། །གུ་ཧྱ་ཙནྟྲ་མཆོད་སྡོང་བསྣམས། །ཤཱནྟིང་གརྦྷ་འཁོར་ལོ་གདེངས། །ཀུན་ཀྱང་གཡོན་པ་དྲིལ་བུ་འཛིན། །འཁོར་ལོས་སྒྱུར་བའི་ཆས་ཀྱིས་རོལ། །དེའི་ཕྱི་རིག་འཛིན་སྣམ་བུ་ལ། །རྒྱལ་གསུང་ལམ་བདེན་སེང་གེའི་སྒྲ། །རྡོ་རྗེའི་ཐེག་པ་རིམ་པ་དགུས། །འདྲེན་པའི་ཤིང་རྟ་ཆེན་པོ་ནི། །དཔལ་ཆེན་གྲུབ་པ་དགུ་ལ་སོགས། །སྤྲུལ་པའི་རྗེ་འབངས་ཉི་ཤུ་ལྔ། །ཕྱོགས་ལས་རྣམ་རྒྱལ་བརྟུལ་ཞུགས་སྤྱོད། །བར་མཚམས་ཏིང་འཛིན་བཟང་པོ་ནས། །དྲིན་ཅན་བླ་མ་ཡན་ཆོད་ཀྱི། །རྫོགས་ཆེན་བརྒྱུད་པ་སྤྲིན་ལྟར་གཏིབས། ༈ །དེའི་ཕྱི་པད་འདབ་བཅུ་བཞི་ལ། {{TibChung|སྤྱིར་བརྒྱད་ཅུ་རྩ་ལྔ་ལས་སློབ་དཔོན་པདྨ་དང་ཀླུ་སྒྲུབ་སྙིང་པོ་གོང་དུ་ཡོད་པ་རིག་པར་བྱའོ།་་་་}}།གྲུབ་བརྒྱའི་སྤྱི་མེས་ས་ར་ཧ། །མུ་སྟེགས་ཚར་གཅོད་འཕགས་པ་ལྷ། །ཉ་ལྟོ་ཟ་བ་ལཱུ་ཡི་པ། །ཡི་དམ་ཞལ་གཟིགས་ཡེ་ཤེས་ཞབས། །རིག་མ་ཁྱེར་སྤྲུལ་ཀུ་ཀུ་རི། །ཆུ་བོ་གྱེན་ལྡོག་བི་རཱུ་པ། །རྩོད་པའི་ཁྱུ་མཆོག་ཆོས་ཀྱི་གྲགས། །མཚོ་སྐྱེས་རྡོ་རྗེ་པདྨར་རོལ། །ནམ་མཁར་སྤྱོད་པ་ན་ལནྟྲ། །དགའ་ལྡན་གནས་གཤེགས་ཐོགས་མེད་ཞབས། །རྡོ་རྗེ་དྲིལ་བུ་བུ་སྨད་ཅན། །སྟག་ཞོན་གང་བརྒལ་ཌོཾ་བྷི་པ། །རྩོམ་མཁས་མཁར་གཤེགས་ཞི་བའི་ལྷ། །པདྨ་བཛྲ་ཁྱིམ་པའི་ཚུལ། །དེའི་ཕྱི་པད་འདབ་ཉེར་བཞི་ལ། །འཕགས་པས་ཞལ་བསྟན་བྷ་ཡ་ནི། །དབུ་མའི་དོན་གཟིགས་ཟླ་བ་གྲགས། །ནག་པོ་རྡོ་རྗེ་དཀའ་ཐུབ་ཅན། །རམས་མཁན་ཚངས་སྤྱོད་ནི་ལ་བ། །ཨིནྡྲ་བྷུ་ཏི་འདོད་ཡོན་སྤྱོད། །བྱིའུ་གསོད་པ་གྷུཎྜ་རི། །མཁའ་འགྲོས་བྱིན་རླབས་ས་ར་སུ། །རྒྱ་མཚོར་དཀའ་སྤྱད་སེང་གེ་པ། །རྒྱལ་བཏུལ་མཁར་གཤེགས་ཀ་ལ་ཀ །དགྱེས་རྡོར་ཞལ་གཟིགས་གླིང་བུ་པ། །ཀ་ལ་ལམ་པ་གཤེད་དམར་གྲུབ། །མ་གར་རྒྱལ་བཏུལ་མེ་ཏོག་པ། །སྡོམ་པའི་ཞལ་གཟིགས་ཀུ་བུ་ཙ། །རྣལ་འབྱོར་རྒྱུད་འགྲེལ་ཀུན་དགའ་སྙིང་། །ཐབས་ལམ་དབང་ཐོབ་ཙརྱ་པ། །བྱ་ལམ་རྒྱུ་བ་ཙ་པ་རི། །དབང་རྫོགས་མཁར་གཤེགས་ད་སི་རི། །མཉན་པའི་ཚུལ་འཛིན་ཀ་རུ་ཀ །རིགས་ངན་སེང་ཞོན་སེངྷ་པ། །གནས་ལུགས་དོན་གཟིགས་སྒྲ་མཁན་ཞབས། །སྒྲོལ་མས་རྗེས་བཟུང་ཙནྡྲ་གོ །གཏི་མུག་ལམ་ལོངས་ལྭ་ཝ་པ། །ཉི་ཟེར་ལ་ཞོན་ངག་གི་དབང་། །བྷཾ་ག་ལ་པ་སྦྱངས་ཡོན་ཅན། །དེའི་ཕྱི་པད་འདབ་ཞེ་ལྔ་ལ། །གདོལ་བའི་རྣམ་འགྱུར་ཐ་ག་པ། །སྡེ་སྣོད་མཁྱེན་པ་གསེར་གླིང་ཞབས། །བྱང་ཆུབ་སེམས་འབྱོངས་མར་མེ་མཛད། །ཐུགས་དམ་ཞལ་གཟིགས་ས་ར་ཀ །དཔལ་གྱི་རི་བསྐོར་ན་ད་པ། །དུར་ཁྲོད་ཉུལ་བའི་ཀོན་ཏཾ་ལི། །མཛེ་མོ་ཆུར་སྒྲོལ་ཚེམ་བུ་པ། །ཨ་ཝ་དྷཱུ་ཏི་འཇིགས་བརྒྱད་ཐར། །རྩོད་པ་ལས་རྒྱལ་ཛེ་ཏ་རི། །བྷ་ལིང་མཁར་དགྲོལ་བཟང་པོ་པ། །དུར་ཁྲོད་ཉུལ་བའི་སྨད་དཀྲིས་ཅན། །མགར་པའི་སྤྱོད་ཅན་ཏམ་པ་ཀ །མདའ་འཚོང་བདག་པོ་ད་ཀི་པ། །སུ་ཏ་ལོ་ཀི་སྨད་འཚོང་ཁོལ། །ནམ་མཁའི་ལྷར་བགྲོ་སྤྲིན་ཤུགས་ཅན། །ཐགས་ཀྱིས་འཚོ་བ་ཏནྟྲ་པ། །རྫོགས་པའི་ཚུལ་འཛིན་ཟླ་བ་བཟང་། །ཤཱཀྱ་བཤེས་གཉེན་ཤིང་ཐུན་ལུས། །ཉ་པའི་རིགས་ཅན་ཙཎྜ་ལཱི། །ནམ་མཁར་གཤེགས་པ་གླུ་དབྱངས་ཅན། །གདོལ་པ་ཏིལ་བརྡུང་བྷ་ཝ་པ། །ཉ་དོལ་འདྲུད་པ་མི་ན་ར། །བརྟུལ་ཞུགས་སྤྱོད་པ་ཨ་ནནྟ། །རིགས་ངན་མར་སྤྱོད་ཀརྞ་པ། །འཚོ་བ་སྟན་གཅིག་ཧི་ལ་པ། །འབྲས་སོ་ཟ་བ་ཀནྟྲ་པ། །རྔོན་པའི་ཚུལ་འཛིན་ཤ་ཝ་རི། །དྲི་མ་འཁྲུད་པའི་སེང་གེ་པ། །ཛ་ལན་དྷ་རི་གསད་གསོ་ནུས། །བར་དོར་གྲོལ་བ་ནག་པོ་སྤྱོད། །སྐྱོང་བྱེད་ཚུལ་འཛིན་ཕག་ཚང་པ། །ཡུམ་བཅས་འབུད་དཀྲོལ་བི་ན་ས། །སྤྱོད་པ་མཐར་ཕྱིན་ཤཱནྟི་བ། །སྣ་ཚོགས་ལུས་ཅན་མར་མེ་ལྷ། །ཏིལ་བརྡུང་གྱིས་འཚོ་ཏེ་ལོ་པ། །ནཱ་རོ་རང་གི་སྲིང་མོ་བརྟེན། ཁྱོ་ཤུག་མཁར་གཤེགས་ཀཾ་ཀ་ན། །དཱ་རི་ཀ་པ་སྨད་འཚོང་སྤྱོད། །མཆིལ་ལྷྭམ་མཁན་པོ་ཀུ་མཱ་ར། །ཞིང་པའི་ལུས་ཅན་ཏོག་ཙེ་པ། །ནཱ་ག་བོ་དྷི་བ་ལང་སྐྱོང་། །ལྐུགས་པའི་སྤྱོད་ཅན་པ་ཀ་པ། །ཤ་ཆེན་ཟ་བ་སི་ལ་ལི། །སྒྲོལ་མའི་ཞལ་གཟིགས་ཉི་མ་སྦས། །ཚེ་ལ་དབང་ཐོབ་ཀ་མ་ལ། །མདོར་ན་སྔགས་ཀྱི་བརྟུལ་ཞུགས་ཀྱིས། །རྣམ་གྲོལ་ཐོབ་བོ་འཚལ་རྣམས་ཀུན། །གདན་གསུམ་ཚང་བའི་དཀྱིལ་འཁོར་གྱི། །བདག་ཉིད་སངས་རྒྱས་ཀུན་གྱི་དངོས། །མོས་པའི་ཡིད་ཀྱིས་སྤྱན་དྲངས་ནས། །ཚོམ་བུ་གཅིག་ཏུ་གསལ་བ་ཡི། །གསེར་ཁྱམས་དཔའ་བོ་མཁའ་འགྲོ་དང་། །ཁྲག་ཁྱམས་དཔལ་མགོན་བདུན་ཅུ་ལ། །སྒོ་བཞིར་འཇིག་རྟེན་སྐྱོང་བ་བཞི། །འདོད་སྣམ་མཆོད་པའི་ལྷ་མོས་གཏིབས། །བརྟན་གཡོ་སྣོད་བཅུད་མ་ལུས་པ། །བླ་མའི་དཀྱིལ་འཁོར་གཅིག་ཏུ་རྫོགས། །{{TibChung|བཅུ་གཅིག་པ་བྱིན་གྱིས་རློབ་པ་ནི།}} དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་ལས་འཁོར་ལོ་དཀར་པོ་ཨོཾ་གྱིས་མཚན་པ། མགྲིན་པར་ཨཱཿལས་པདྨ་དམར་པོ་ཨཱས་མཚན་པ། ཐུགས་ཀར་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པར་གྱུར། {{TibChung|སྤྱི་བོ་ནས་རིམ་པར་རྡོ་རྗེའི་ཕྱག་རྒྱ་གནས་གསུམ་དུ་བཞག་ཅིང་།}} ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། {{TibChung|དེ་བཞིན་ལས་མགྲིན་པར་}}ཝཱཀྐ། {{TibChung|སྙིང་གར་}}ཙིཏྟ། {{TibChung|ཞེས་སྦྱོར། བཅུ་གཉིས་པ་དབང་བསྐུར་བ་ནི།}} གཙོ་བོའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་འོད་ཀྱིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་གདན་གསུམ་ཚང་བའི་དཀྱིལ་འཁོར་དུ་སྤྲུལ་པ་མདུན་གྱི་ནམ་མཁའ་ལ་བྱོན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། {{TibChung|ཞེས་བསྐུལ་བས།}} ལྷ་ཚོགས་རྣམས་བདེ་སྟོང་གི་རོས་ཚིམ། རྗེས་ཆགས་ཞུ་བདེའི་ཆུ་རྒྱུན་གྱིས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔ་སྦྱངས། ཕུང་པོ་ལྔ་རིགས་ལྔའི་སངས་རྒྱས་དང་། ཁམས་དང་སྐྱེ་མཆེད་ལྷའི་རང་བཞིན་དུ་རྣམ་པར་དག །ཆུ་ལྷག་མ་གྱེན་དུ་བརྟན་པ་ཡོངས་སུ་གྱུར་པ་ལས་གཙོ་བོ་ལ་འོད་དཔག་མེད་དང་། གཞན་རྣམས་ལ་སོ་སོའི་རིགས་ཀྱི་བདག་པོས་དབུ་བརྒྱན་པར་གྱུར། {{TibChung|བཅུ་གསུམ་པ་སྤྱན་དྲང་བ་ནི།}} དེ་ལྟར་དུ་གསལ་བའི་ལྷ་ཚོགས་རྣམས་ཀྱི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོས་པས་རང་བཞིན་གྱི་གནས་དང་། རྔ་ཡབ་དཔལ་རི་སྤྲུལ་པའི་ཞིང་ནས་རིག་འཛིན་བླ་མའི་དཀྱིལ་འཁོར་མ་ལུས་ཤིང་ལུས་པ་མེད་པ་བཛྲ་ས་མཱ་ཛཿ ཧཱུྃཿ ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིཿ བྱིན་གྱིས་བརླབ་ཕྱིར་གཤེགས་སུ་གསོལཿ གུ་རུ་པདྨ་སིདྡྷི་ཧཱུྃཿ ཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ རབ་ཏུ་དགའ་དང་དྲི་མ་མེདཿ གནས་དང་ཉེ་བའི་གནས་ཡིན་ཏེཿ དེ་བཞིན་འོད་བྱེད་འོད་འཕྲོ་ལཿ ཞིང་དང་ཉེ་ཞིང་ཞེས་སུ་གྲགསཿ སྦྱང་དཀའ་བ་དང་མངོན་གྱུར་པཿ ཚནྡྷོ་ཉེ་བའི་ཚནྡྷོ་སྟེཿ རིང་དུ་སོང་དང་མི་གཡོ་བཿ འདུ་དང་ཉེ་བའི་འདུ་བའོཿ ལེགས་པའི་བློ་གྲོས་ཆོས་ཀྱི་སྤྲིནཿ འཐུང་སྤྱོད་ཉེ་བའི་འཐུང་སྤྱོད་དེཿ དཔེ་མེད་དཔེ་མེད་ཡེ་ཤེས་ཆེཿ རྡོ་རྗེ་འཛིན་དབང་ས་རྣམས་ནསཿ རིག་འཛིན་བླ་མའི་ཚོགས་རྣམས་དང་ཿ དཔའ་བོ་དང་ནི་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ མ་ལུས་འདིར་སྤྱོན་དགྱེས་པར་བཞུགསཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་སྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ {{TibChung|བཅུ་བཞི་པ་རིག་པའི་མེ་ཏོག་དོར་ནས་རང་སྣང་གི་དཀྱིལ་འཁོར་དུ་འཇུག་ཅིང་དབང་བླང་བ་ནི།}} ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། {{TibChung|ཞེས་བརྗོད་པས་རང་བཞིན་ཡེ་ཤེས་ཀྱི་དཀྱིལ་འཁོར་དང་། ཏིང་ངེ་འཛིན་ལས་སྤྲུལ་པའི་དཀྱིལ་འཁོར་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔ་སོ་སོ་མ་ཡིན་ཐ་མི་དད་པའི་ཚུལ་གྱིས་བཞུགས་ནས་དབྱེར་མེད་དུ་བྱ་བའི་ཕྱིར།}} ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ་{{TibChung|གིས་ཡེ་ཤེས་པ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ།}} ཨོཾ་བཛྲ་ས་མ་ཡ་སྟྭཾ་{{TibChung|གྱིས་རང་ཉིད་ལྷའི་དཀྱིལ་འཁོར་དུ་སངས་མ་རྒྱས་ཀྱི་བར་དུ་བརྟན་པར་བཞུགས།}} ཨོཾ་བཛྲ་ས་མ་ཡ་ཧོ{{TibChung|ས་དབང་དུ་གྱུར་ཅིང་དགྱེས་པར་བསམ་མོ། །བཅོ་ལྔ་པ་ཡན་ལག་བདུན་པ་ཕུལ་ནས་གསོལ་བ་གདབ་པ་ནི།}} ཧྲཱིཿ བདག་ལུས་ཞིང་གི་རྡུལ་སྙེད་དུཿ རྣམ་པར་འཕྲུལ་པས་ཕྱག་འཚལ་ལོཿ དངོས་བཤམས་ཡིད་སྤྲུལ་ཏིང་འཛིན་མཐུསཿ སྣང་སྲིད་མཆོད་པའི་ཕྱག་རྒྱར་འབུལཿ སྒོ་གསུམ་མི་དགེའི་ལས་རྣམས་ཀུནཿ འོད་གསལ་ཆོས་སྐུའི་ངང་དུ་བཤགསཿ བདེན་པ་གཉིས་ཀྱིས་བསྡུས་པ་ཡིཿ དགེ་ཚོགས་ཀུན་ལ་རྗེས་ཡི་རངསཿ ཐེག་གསུམ་ཆོས་འཁོར་བསྐོར་བར་བསྐུལཿ ཇི་སྲིད་འཁོར་བ་མ་སྟོངས་བརཿ མྱ་ངན་མི་འདའ་བཞུགས་གསོལ་འདེབསཿ དུས་གསུམ་བསགས་པའི་དགེ་རྩ་ཀུནཿ བྱང་ཆུབ་ཆེན་པོའི་རྒྱུ་རུ་བསྔོཿ རྗེ་བཙུན་གུ་རུ་རིན་པོ་ཆེཿ ཁྱེད་ནི་སངས་རྒྱས་ཐམས་ཅད་ཀྱིཿ ཐུགས་རྗེ་བྱིན་རླབས་འདུས་པའི་དཔལཿ སེམས་ཅན་ཡོངས་ཀྱི་མགོན་གཅིག་པུཿ ལུས་དང་ལོངས་སྤྱོད་བློ་སྙིང་བྲངཿ ལྟོས་པ་མེད་པར་ཁྱེད་ལ་འབུལཿ འདི་ནས་བྱང་ཆུབ་མ་ཐོབ་བརཿ སྐྱིད་སྡུག་ལེགས་ཉེས་མཐོ་དམན་ཀུནཿ རྗེ་བཙུན་ཆེན་པོ་པད་འབྱུང་མཁྱེནཿ བདག་ལ་རེ་ས་གཞན་ན་མེདཿ ད་ལྟ་དུས་ངན་སྙིགས་མའི་འགྲོཿ མི་བཟད་སྡུག་བསྔལ་འདམ་དུ་བྱིངཿ འདི་ལས་སྐྱོབས་ཤིག་མ་ཧཱ་གུ་རུཿ དབང་བཞི་སྐུར་ཅིག་བྱིན་རླབས་ཅནཿ རྟོགས་པ་སྤོར་ཅིག་ཐུགས་རྗེ་ཅནཿ སྒྲིབ་གཉིས་སྦྱོངས་ཤིག་ནུས་མཐུ་ཅནཿ ནམ་ཞིག་ཚེ་ཡི་དུས་བྱས་ཚེཿ རང་སྣང་རྔ་ཡབ་དཔལ་རིའི་ཞིངཿ ཟུང་འཇུག་སྤྲུལ་པའི་ཞིང་ཁམས་སུཿ གཞི་ལུས་རྡོ་རྗེ་རྣལ་འབྱོར་མཿ གསལ་འཚེར་འོད་ཀྱི་གོང་བུ་རུཿ གྱུར་ནས་རྗེ་བཙུན་པད་འབྱུང་དངཿ དབྱེར་མེད་ཆེན་པོར་སངས་རྒྱས་ཏེཿ བདེ་དང་སྟོང་པའི་ཆོ་འཕྲུལ་གྱིཿ ཡེ་ཤེས་ཆེན་པོའི་རོལ་པ་ལསཿ ཁམས་གསུམ་སེམས་ཅན་མ་ལུས་པཿ འདྲེན་པའི་དེད་དཔོན་དམ་པ་རུཿ རྗེ་བཙུན་པདྨས་དབུགས་དབྱུང་གསོལཿ གསོལ་བ་སྙིང་གི་དཀྱིལ་ནས་འདེབསཿ ཁ་ཙམ་ཚིག་ཙམ་མ་ཡིན་ནོཿ བྱིན་རླབས་ཐུགས་ཀྱི་ཀློང་ནས་སྩོལཿ བསམ་དོན་འགྲུབ་པར་མཛད་དུ་གསོལཿ བཅུ་དྲུག་པ་གསོལ་འདེབས་བསྙེན་པས་ཐུགས་རྒྱུད་བསྐུལ་ནས་ཏིང་ངེ་འཛིན་གྱི་དབང་བླང་བ་ནི། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ རིག་འཛིན་སྤྱིའི་སྙིང་པོ། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཛྙཱ་ན་སིདྡྷི་ཧཱུྃཿ ཞེས་བཟླ་ཞིངཿ གུ་རུའི་སྨིན་མཚམས་ན་ཨོཾ་ཡིག་ཆུ་ཤེལ་ལྟར་འཚེར་བ་ལས་འོད་ཟེར་འཕྲོསཿ རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུརཿ རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །མགྲིན་པ་ན་ཨཱ་ཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་ཐོབ། བཟླས་བརྗོད་ཀྱི་སྣོད་དུ་གྱུར། ཚེ་དབང་རིག་འཛིན་གྱི་ས་བོན་ཐེབས། ལོངས་སྤྱོད་རྫོགས་པའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་སོང་། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ །ཞེས་འདོན་སྒོམ་ཟུང་དུ་འཇུག་པས་ལམ་དབང་ལ་འབད་པར་བྱའོ། །གལ་ཏེ་སྤྲོས་པ་ལ་དགའ་བས་དབང་བཞི་ལེན་པར་སྤྲོ་ན། བུམ་པ་གཞལ་མེད་ཁང་དུ་གསལ་བའི་ནང་དུ། རིགས་ལྔ་ཡབ་ཡུམ་བསྒོམ་ལ། ཨོཾ་ཨཱཿཧཱུྃ་སྭཱ་ཧཱཿ ཞེས་པ་ཅི་ནུས་དང་། ལས་བུམ་དུ་བདུད་རྩི་འཁྱིལ་པ་བསྒོམ་ལ་ཀུཎྜ་ལི་ཇི་ལྟར་འོས་པ་བཟླས་རྗེས་འོད་ཞུ་ཡང་བྱའོ། །བཅུ་བདུན་པ་མཆོད་པ་ལ་བཞི་ལས། དང་པོ་མཎྜལ་ནི། ཨོཾ་བཛྲ་བྷཱུ་མི་སོགས་བླ་མ་འཕགས་པའི་ལུགས་ལྟར་ཕུལ། གཉིས་པ་ལྷ་མོ་བཅུ་དྲུག་ནི། པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོཿ སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་པྲ་ཏཱིཙྪ་ཧོཿ འཇམ་མཉེན་པུཎྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་གཱིརྟི་ཧྲཱིཿ༴ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་ནཱིརྟི་ཨཿ༴ ༈ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །གུ་རུ༴ བཛྲ་དྷུ་པེ་ཧཱུྃ་པྲ༴ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །གུ་རུ༴ བཛྲ་པུཥྤེ་ཏྲཱཾ་པྲ༴ ཡིད་འོང་ལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །གུ་རུ༴ བཛྲ་ཨཱ་ལོ་ཀེ་ཧྲཱིཿ༴ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུགས་པས་དགྱེས་པ་བསྐང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །གུ་རུ༴ བཛྲ་གྷནྡྷེ་ཨཿ༴ ༈ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅི་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །གུ་རུ༴ བཛྲ་རཱུ་པ་ཨོཾ༴ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །གུ་རུ༴ བཛྲ་མྲྀ་ཏཾ་གི་ཧྲཱིཿཔྲ༴ རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏམྦུ་ར། །རྣ་བའི་དཔྱིད་དུ་སྦྲེང་བའི་ཡིད་འཕྲོག་མ། །རྡོ་རྗེ་པི་ཝང་མ་ཡིས་མཉེས་གྱུར་ཅིག །གུ་རུ༴ བཛྲ་ཝི་ནི་ཧཱུྃ་པྲ༴ དགའ་བ་བཅུ་དྲུག་རླུང་གི་རྟར་སྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །གུ་རུ༴ བཛྲ་ཝཾ་སེ་ཏྲཱྃ༴ ༈ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །གུ་རུ༴ བཛྲ་མུ་རཉྫཻ་ཨཿཔྲ༴ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །གུ་རུ༴ བཛྲ་པརྴེ་ཏྲཱཾ༴ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་རཱ་ས་ཧྲཱིཿ༴ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨ་དྷཱརྟུ་ཨཿཔྲ་ཏཱིཙྪ་ཧོཿ གསུམ་པ་གསང་མཆོད་ནི། དེ་མ་ཐག་པའི་ལྷ་མོ་རྣམས་དང་མཉམ་པར་རོལ་པའི་རྗེས་ཆགས་དགའ་བ་བཞིའི་ཡེ་ཤེས་སུ་ཤར་པའི་གཟུགས། ཆོས་ཉིད་ཀྱི་གླུ་སིད་དང་ཧ་ལ་སོགས་པའི་སྒྲ། ཚོར་བ་བདེ་བ་ལས་འདས་པས་འཛག་བདེའི་རྒྱུན་ལམ་ཁྱབ་པའི་ཚུལ་ཁྲིམས་ཀྱི་དྲི། ལྷན་ཅིག་སྐྱེས་པའི་ཡེ་ཤེས་ལ་ཀུན་ནས་ཉམས་བརྟས་པའི་རོ། དཔེ་དོན་འབྲེལ་བའི་ཆོས་ཉིད་ཀྱིས་འཁོར་འདས་ཀུན་ལ་ཁྱབ་པའི་རེག་བྱ་སྟེ། ནང་གི་འདོད་ཡོན་བླ་ན་མེད་པས་མཉེས་པར་བསམས་ལ། ཨཱཿ ཐབས་དང་ཤེས་རབ་འདུ་འབྲལ་མེད་པའི་ངང་། །བདེ་ཆེན་ཡེ་ཤེས་ཡུམ་གྱི་བྷ་གའི་ཀློང་། །བྱང་ཆུབ་སྙིང་པོ་དགྱེས་མཉམ་མཆོད་པ་ཡིས། །རྒྱལ་བ་རྒྱ་མཚོའི་ཚོགས་རྣམས་མཉེས་གྱུར་ཅིག །ཨ་ནུ་རཱ་ག་སརྦ་པཉྩ་ཧཱུྃ་ཧྲཱིཿཋཱཿ བཞི་བ་ཀུན་བཟང་མཆོད་སྤྲིན་ནི། ཨོཾ མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱི། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་དང་། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་བྲེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རབ་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ལྷ་ལ་རྒྱས་པར་འབུལ། །སྐལ་ལྡན་གསལ་བའི་ཁྱད་པར་གྱི། །རིམ་གྱིས་ཡང་ན་ཅིག་ཅར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོ་བསྒོམ། །བཅོ་བརྒྱད་པ་བསྟོད་པ་ནི། ༈ གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་འཆང་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །བླ་མའི་སྐུ་གསུང་ཐུགས་ལ་འདུད། །འདྲེན་པ་རྣམས་ཀྱིས་ཡོངས་སྤངས་ཤིང་། །ངན་འགྲོའི་གཡང་སར་ཕྱོགས་པ་བདག །ཐར་པའི་ལམ་དང་རབ་སྤྲོད་པའི། །དེད་དཔོན་ཆེན་པོ་ཁྱོད་ལ་འདུད། །གནས་དང་གནས་མིན་མི་ཤེས་ཤིང་། །ལམ་དང་ལམ་མིན་གྱི་ནར་འཕྱན། །མུན་པ་ལས་ཀྱང་མུན་ནག་ཅན། །བདག་ལྟའི་སྒྲོན་མ་ཁྱོད་ལ་བསྟོད། །གང་སྐུ་མཐོང་བས་སྣང་བ་འགྱུར། །ཞི་བར་གཟིམས་པའི་སྙིགས་མས་ཀྱང་། །མཚམས་མེད་བྱང་ཞེས་མདོ་་་རྒྱན་སྟུག་པོ་བཀོད་པ་ལས། འཇམ་དཔལ་ཕྱོགས་གང་ན་ཆོས་སྨྲ་བ་དེ་འདུག་གམ་དེའི་རུས་བུའམ། རོ་བམ་པ་ཞིག་ཡོད་པ་མཐོང་ན་ཡང་མཚམས་མེད་པའི་ལས་ལྔ་རྣམ་པར་བྱང་བར་འགྱུར་རོ། །ཞེས་སོ། །མཆན།་་་ལས་གསུངས། །འབྲེལ་ཚད་དོན་ལྡན་ཆེན་པོར་འདུད། །ཁྱེད་གསུང་ཐོས་པས་བླང་དོར་ཤེས། །ཉེས་སྤྱོད་ཆེན་པོའི་གཡང་ལས་སྐྱོབ། །འགོག་ལམ་བདེན་པའི་ངོ་བོ་ཉིད། །ཐོས་གྲོལ་ཆེན་པོའི་དབྱངས་ལ་བསྟོད། །བདག་གིས་འབད་ཀྱང་མི་ཐར་བ། ཁྱེད་ཐུགས་གཏད་པས་ཡུད་ལ་སྨིན། །མོས་གུས་ཐོབ་ན་རྟོགས་པ་འཆར། །སྤྲོས་བྲལ་བསམ་མི་ཁྱབ་ལ་འདུད། །གྲངས་མེད་གསུམ་དུ་དཀའ་ཐུབ་ཀྱིས། །གདུངས་བས་དབང་པོ་ཚར་བཅད་ཀྱང་། །ཐོབ་པར་དཀའ་བའི་རྡོ་རྗེ་སེམས། །མ་ནོར་མངོན་སུམ་སྟོན་ལ་འདུད། །བླ་མ་ཡང་ཏིག །བླ་མ་སངས་རྒྱས་རིན་པོ་ཆེ། །བདག་ལ་རེ་ས་གཞན་ན་མེད། །ཐུགས་རྗེའི་སྤྱན་གྱིས་གཟིགས་མཛོད་ལ། །འཁོར་བའི་མཚོ་ལས་བསྒྲལ་དུ་གསོལ། །ཚེ་འདིའི་ལེགས་པ་ཀུན་འགྲུབ་ཅིང་། །བགེགས་དང་བར་ཆད་མེད་པ་དང་། །འཆི་ཁར་ཟབ་མོའི་འོད་གསལ་ཟིན། །བར་དོའི་འཕྲང་ལས་སྒྲོལ་བར་མཛོད། །ལུས་དང་ངག་ཡིད་རྩོམ་པ་ཀུན། །རྟག་ཏུ་གཞན་ལ་ཕན་པ་དང་། །རྐྱེན་རྣམས་བྱང་ཆུབ་ལམ་མཆོག་ཏུ། །དེ་རིང་ཉིད་ནས་བསྒྱུར་དུ་གསོལ། །བདག་གིས་འབད་ཀྱང་ཐར་བར་དཀའ། །མགོན་པོ་ཁྱེད་ཀྱི་ཐུགས་རྗེའི་གྲུས། །མགོན་མེད་བདག་དང་འགྲོ་བ་ཀུན། །ཐར་པའི་གླིང་དུ་ཕྱིན་པར་མཛོད། །གང་དག་བདག་ལ་དད་གྱུར་ཏམ། །སྨོད་དམ་སྐུར་པ་འདེབས་ཀྱང་རུང་། །དེ་དག་སྡིག་ཟད་ཉོན་མོངས་མེད། །སྲིད་པའི་ཆུ་བོ་སྤང་བར་ཤོག །ནམ་ཞིག་བདག་གི་མིང་ཙམ་གྱིས། །འགྲོ་བའི་འདོད་དགུ་རབ་འགྲུབ་ཅིང་། །ཕྱོགས་བཅུ་གང་བའི་ཞིང་རྣམས་སུ། །མཆོད་པའི་སྤྲིན་གྱི་ཆར་འབེབས་ཤོག །དགེ་བ་འདི་ཡིས་ལུས་ཅན་ཀུན། །ཐམས་ཅད་སྲིད་ལས་རྣམ་གྲོལ་ནས། །ཡེ་ཤེས་དམ་པ་གཉིས་ཐོབ་སྟེ། །དོན་གཉིས་ལྷུན་གྱིས་གྲུབ་པར་མཛོད། །བཅུ་དགུ་པ་བཤགས་པ་ནི། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་དང་ཕྱོགས་བཅུའི་རྒྱལ་བ་སྲས་དང་བཅས་པ་བདག་ལ་དགོངས་སུ་གསོལ། བདག་ཆེ་གེ་མོ་ཐོག་མར་འཁྲུལ་པ་ནས་བཟུང་སྟེ་དུས་དེ་རིང་ལ་ཐུག་གི་བར་དུ་མ་རིག་པའི་གཞན་དབང་དུ་སོང་སྟེ། ཀུན་འབྱུང་གི་ཉེ་བར་ལེན་པའི་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་མངོན་པར་འདུ་བྱས་ཏེ། ལུས་ཀྱི་སྒོ་ནས་སྲོག་བཅད་པ་དང་གསོད་སེམས་སྐྱེས་པ། མ་བྱིན་བླངས་པ་དང་། འདོད་པས་ལོག་པར་གཡེམ་པའི་རིགས། ངག་གི་སྒོ་ནས་རྫུན། ཕྲ་མ་ཚིག་རྩུབ་ངག་ཀྱལ། ཡིད་ཀྱི་སྒོ་ནས་བརྣབ་སེམས། གནོད་སེམས། ལོག་ལྟ་སྟེ་མི་དགེ་བ་བཅུ། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་པ་ལ་སོགས་ཏེ་མཚམས་མེད་པ་ལྔ། དེ་དང་ཉེ་བ་ལྔ་ལ་སོགས་ཏེ་མི་དགེ་བའི་ཕྱི་མོ་རྣམས་ཀྱི་སྟེང་། བཅས་པའི་ཁྲིམས་དགེ་བསྙེན་དང་། དགེ་ཚུལ་དང་། དགེ་སློང་སྟེ་སོ་སོར་ཐར་པའི་སྡོམ་པ་རིགས་བདུན་ལ་ཕམ་ལྟུང་དང་ཉེས་བྱས་བྱུང་བ་དང་། བྱང་ཆུབ་སེམས་དཔའི་སྨོན་འཇུག་གི་བསླབ་བྱ་སྤྱི་དང་། རྩ་ལྟུང་དང་སྦོམ་པོའི་རྣམ་གྲངས་ཐ་དད་པ་དང་འགལ་བ་དང་། ཁྱད་པར་དུ་རིག་པ་འཛིན་པའི་ཚུལ་ཁྲིམས་ཀྱི་བསླབ་པའི་གཞི་ལས། རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་སྨོད་པ་ལ་སོགས་པའི་རྩ་བའི་ལྟུང་བ་བཅུ་བཞི་དང་། ཡན་ལག་སྦོམ་པོའི་རྣམ་གྲངས་བརྒྱད་ལས་ཕས་ཕམ་པ་དང་། ཁ་ན་མ་ཐོ་བའི་མཐུས་བཅོམ་སྟེ་གསང་སྔགས་ཀྱི་དམ་ཚིག་སྤྱི་དང་བྱེ་བྲག་པ་ཕྲ་ཞིབ་བསྲུང་དཀའ་བ་ལས་འདས་པ་ཐམས་ཅད་དང་། རང་བཞིན་དུ་ཉོན་མོངས་པའི་གཞན་དབང་གིས་སེམས་ཟིལ་གྱིས་ནོན་ནས་དཀོན་མཆོག་གསུམ་དང་བླ་མ་ལ་བརྙས་པ་དང་། དམ་པའི་ཆོས་སྤངས་པ་དང་། མཁན་པོ་ལ་མ་གུས་པ་དང་། བྱང་ཆུབ་སེམས་དཔའ་ལ་སྐུར་བ་བཏབ་པ་དང་། ཕ་མའི་དྲིན་ལན་མ་བཅལ་བ་དང་། དཀོན་མཆོག་གི་དཀོར་ཕྲོགས་པ་དང་། ཚངས་པར་མཚུངས་སྤྱོད་སུན་ཕྱུང་བ་དང་། བསམ་གཏན་སྒོམ་པའི་ཐུགས་དཀྲུགས་པ་དང་། དགེ་བ་ཅན་གྱི་ཚོགས་བཅག་པ་དང་། དད་པ་ཅན་སུན་ཕྱུང་བ་དང་། རྒྱུ་འབྲས་ལ་སྐུར་པ་བཏབ་པ་དང་། སེམས་ཅན་ལ་གནོད་པའི་ལས་བྱས་པ་དང་། ཁྲེལ་དང་ངོ་ཚ་སྤངས་པ་ལ་སོགས་ཏེ་མདོར་ན་སྡིག་པ་མི་དགེ་བའི་ལས་རང་གིས་བགྱིས་པ་དང་གཞན་ལ་བྱེད་དུ་བཅུག་པ་དང་། བྱས་པ་ལ་རྗེས་སུ་ཡི་རང་བ་ལ་སོགས་པ་དེ་དག་ཀྱང་རྟག་པའི་སེམས་དང་། མངོན་པར་ཞེན་པ་དང་། གཉེན་པོ་སྟོབས་ཞན་པ་དང་། ཡུལ་ཁྱད་པར་ཅན་དང་བཞི་ལས་བྱུང་བ་ལ་སོགས་པས་ཁ་ན་མ་ཐོ་བ་ཆེན་པོར་གྱུར་པས་མཚོན། མདོར་ན་མངོན་པར་མཐོ་བ་དང་། ངེས་པར་ལེགས་པའི་གོ་འཕང་ཐོབ་པ་ལ་བར་དུ་གཅོད་ཅིང་། འཁོར་བ་དང་ངན་སོང་གི་རྒྱུར་གྱུར་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་ཏུ་ཐོགས་མེད་ཀྱི་གཟིགས་པར་ལྡན་པ་རྣམས་ཀྱི་སྤྱན་སྔར་ཤིན་ཏུ་གནོང་ཞིང་འགྱོད་པས་མཐོལ་ལོ་བཤགས་སོ། །སྔོན་ཆད་ནི་བཀའ་ལས་འདས་སོ། །ད་ནི་ཉེས་པ་ལ་ཉེས་པར་མཐོང་ལགས་པས་མི་འཆབ་བོ། །མངོན་གྱུར་དུ་སྒྲོག་པས་མི་སྦེད་དོ། །ཕྱིན་ཆད་སྲོག་ལ་བབ་ཀྱང་སྡོམ་ལགས་སོ། །མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སྡིག་ལྡན་བདག་ལ་དགོངས་ཤིག །དེང་བདག་གི་འགྱོད་ཚངས་དང་དུ་མ་བཞེས་ན་སྐྱབས་མེད་དོ། །མགོན་མེད་དོ། །དཔུང་གཉེན་དང་བྲལ་ལོ། །དེ་བས་ན་སེམས་ཅན་གྱི་རང་བཞིན་ལས་དང་ཉོན་མོངས་པའི་གཞན་དབང་ཅན་ལགས་པས་དེ་ལ་དགོངས་ཏེ་ཚངས་པར་སྩལ་དུ་གསོལ། །ཉི་ཤུ་པ་དབང་བླང་བར་མོས་ན། ཇི་ལྟར་བལྟམས་པ་སོགས་ཀྱིས་ཁྲུས་བྱ། བགེགས་གཏོར་གཏང་། ཐོག་མར་སྡོམ་བཟུང་ནི། ཀྱེ་བླ་མ་རྡོ་རྗེ་འཛིན་པ་དང་། །རིགས་ལྔ་བདེ་བར་གཤེགས་པ་ནི། །ཐམས་ཅད་བདག་ལ་དགོངས་སུ་གསོལ། །དེང་ནས་བྱང་ཆུབ་སྙིང་པོའི་བར། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །བླ་མ་ལ་ཡང་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང་། །བྱང་ཆུབ་སེམས་ནི་བསྐྱེད་པར་བགྱི། །རིགས་ལྔའི་དམ་ཚིག་ལེགས་བཟུང་སྟེ། །རྡོ་རྗེ་དྲིལ་བུ་ལ་སོགས་པ། །དམ་ཚིག་རྫས་རྣམས་བཟུང་བར་བགྱི། །བླ་ན་མེད་པའི་དཀོན་མཆོག་གསུམ། །ནམ་དུ་ཡང་ནི་མི་གཏང་ཞིང་། །རྡོ་རྗེ་སློབ་དཔོན་མི་གཏོང་ངོ་། །རྡོ་རྗེ་སྤུན་སྲིང་རྣམས་ལ་ཡང་། །ནམ་ཡང་སྨད་པར་མི་བྱའོ། །སེམས་ཅན་རྣམས་ལ་འཚེ་བ་སྤང་། །འཕགས་པ་རྣམས་ལ་སྨད་མི་བགྱི། །ཐེག་པ་དམན་ལ་མི་བརྙས་ཤིང་། །སྔགས་འཆང་སྤང་བར་མི་བྱའོ། །བསྙེན་སྒྲུབ་ལས་ཀྱི་མཐའ་གཟུང་ཞིང་། །དཀྱིལ་འཁོར་འཁོར་ལོ་བསྒོམ་པར་བགྱི། །དམ་ཚིག་སྡོམ་པ་ལ་གནས་ཤིང་། །འཁྲུལ་པའི་བྱ་བ་མི་བགྱིའོ། །རང་གི་སེམས་ནི་ཡོངས་གདུལ་ཞིང་། །ཕྱོགས་མཐའ་གཏུགས་པའི་སེམས་ཅན་གྱི། །དོན་ནི་བླ་མེད་བདག་གིས་བསྒྲུབ། །མ་གྲོལ་བ་རྣམས་དགྲོལ་བ་དང་། །མ་སྒྲལ་བ་རྣམས་བསྒྲལ་བར་བགྱི། །དབུགས་མ་ཕྱུང་རྣམས་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ལན་གསུམ། དེ་ནས་འཇུག་པའི་བྱ་བ་རྣམས་ནི་སྔོན་དུ་རིག་པའི་མེ་ཏོག་དོར་བ་ལ་དོན་གྱིས་ཚང་བར་མ་ཟད་གཟོད་ནས་སྣང་བ་བླ་མའི་དཀྱིལ་འཁོར་དུ་སྦྱངས་ཤིང་གསལ་སྣང་དག་པ་རབ་འབྱམས་སུ་སློབ་པའི་རང་བཞིན་ཡེ་ཤེས་ཀྱི་དཀྱིལ་འཁོར་ལ་ད་གདོད་ཀྱི་འཇུག་ཡུལ་མེད་པས། ལམ་དབང་ཐོད་རྒལ་དུ་བླང་བ་ནི། དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། མཆོད་ཅིང་བསྟོད། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །ཞེས་གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་ཀུན་ཀྱང་དབང་གི་བྱ་བ་ལ་དགྱེས་པར་གྱུར། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །དེ་ཡང་ཆོས་ཉིད་མ་འཁྲུལ་པའི་བདེ་གཤེགས་སྙིང་པོ་ནི་རྡོ་རྗེ་སློབ་དཔོན་སྤྲུལ་པར་བཅས་པའི་དཀྱིལ་འཁོར་དུ་རྫོགས་པ་ལ། ཚོགས་བརྒྱད་འདུས་བྱས་པ་སློབ་མའི་ཚུལ་དུ་ཤར་བའི་ཕུང་ཁམས་སྐྱེ་མཆེད་དང་། ཉོན་མོངས་པ་ལྔའི་སྦྱང་གཞི་སྦྱོང་བྱེད་སྦྱངས་འབྲས་སོ་སོའི་རང་བཞིན་ཁོང་དུ་ཆུད་པས་རིགས་དབང་ལྔའི་དང་པོར་སློབ་མ་མི་བསྐྱོད་པར་གསལ་ལ། རྣམ་བུམ་བཏེག་ནས། ཧཱུྃ། རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་གསལ་ཞིང་དབུ་རྒྱན་བསྐོན་ལ། ཧཱུྃ། ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾཿ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་། ཧཱུྃ། འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱི་གསུང་འགགས་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ། དྲིལ་བུ་འཛིན་པས། ཧཱུྃ། འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨཱ་ཨ་བྷི་ཥིཉྩ་ཨཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ། ཧཱུྃ གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུ་ཡི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། གསུང་གི་དམ་ཚིག་དྲིལ་བུ་འཁྲོལ་བ་དང་། སྐུའི་དམ་ཚིག་འཁྱུད་རྒྱ་བྱེད་པ་སྟེ་དམ་ཚིག་གསུམ་བྱིན་ལ། ཨོཾ་ཨཱཿཧཱུྃ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །སླར་ཡང་རྣམ་རྒྱལ་བུམ་པ་བཟུང་ལ། ཧཱུྃ་བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང་། ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས་སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས་ཕྱི་ནང་ཐམས་ཅད་ལ་བརྙས་པ་བྱས་ན་ལྟུང་བར་གྱུར་པ་ཡིན་པས་དག་སྣང་དང་མོས་པ་གྱིས་ཤིག །དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །གསང་རྫས་མགྲིན་པར་བཞག་སྟེ། ཧཱུྃ། ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང་། ཝཱཀྐ་ཨ་བྷི་ཥིཉྩ་ཨཱ། རྗེས་འབྲེལ་དུ་བཟླས་ལུང་སྦྱིན་པ་ནི། སློབ་དཔོན་གྱི་ཐུགས་ཀ་ནས་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས། སྙིང་གར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ། རྩ་སྔགས་ཀྱི་རྗེས་ཟློས་ལན་གསུམ། དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །རིག་ཙག་གཏད་ལ། ཧོཿ ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། ཞེས་གཏད་པས། རིག་མ་དེས་པདྨ་བྷཉྫ་མོཀྵ་ཧོཿ ཞེས་པའི་སྒྲས་ཐར་པ་བརྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ །དབང་བཞི་པ་ལ་མེ་ལོང་དང་ཤེལ་རྡོ་མཚོན་པའི་བརྡ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ། ཧོཿ ཀ་དག་མེ་ལོང་གཙང་མའི་ངོགས། །ལྷུན་གྲུབ་དྭངས་ཤེལ་དྲི་མེད་གསལ། །བརྡ་རྟགས་རྫོགས་པའི་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང་། དྷརྨ་དྷཱརྟུ་ཨ་བྷི་ཥིཉྩ་ཨཱཿ ཞེས་པའི་མཐར། རང་བཞིན་མེད་པའི་ཆོས་ཉིད་ལ་མཉམ་པར་གཞག །རྗེས་ལ་དམ་ཚིག་ཁས་བླང་པ་ནི། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱེད་ལ་བདག་ནི་འབུལ་ལགས་ན། །ཁྱེད་ཀྱི་སློབ་མར་གཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །གཏང་རག་གི་མཎྜལ་ཕུལ། ཉེར་གཅིག་པ་སྨན་གཏོར་རཀྟ་དང་། ཚོགས་ཀྱི་འཁོར་ལོ་ཕྱི་ནང་གི་འདོད་ཡོན་ལ་བརྟེན་པའི་དམ་ཚིག་སྐོང་བཤགས་ཆེན་མོ་ནི། རིག་འཛིན་གྱི་ཚོམ་བུ་དེ་དག་གི་ཐུགས་རྒྱུད་ཀྱི་སྤངས་རྟོགས་ཐེག་པ་རིམ་པ་དགུའི་དཀྱིལ་འཁོར་གྱི་ངོ་བོ་ཉིད་ཡིན་པས་རྣམ་སྤྲུལ་ཀྱང་མདུན་གྱི་ནམ་མཁའ་ལ་མགྲོན་ཐབས་ཀྱི་རྣམ་པར་སད་པར་བྱ་བ་ནི། བདེ་གཤེགས་སྙིང་པོས་འགྲོ་བ་ཡོངས་ལ་ཁྱབཿ སེམས་ནི་རྒྱ་ཆེན་མཆོག་ཏུ་རབ་བསྐྱེད་ཅིངཿ འགྲོ་བ་འདི་དག་མ་ལུས་སངས་རྒྱས་རྒྱུཿ འདི་ན་སྣོད་མིན་སེམས་ཅན་གང་ཡང་མེདཿ བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷཿ དུས་ལས་མི་འདའ་ཐུགས་རྗེའི་དབང་གིས་ནཿ སེམས་ཅན་དོན་ལ་དགོངས་པའི་དཀོན་མཆོག་གསུམཿ ཡིད་ཀྱིས་སྤྲུལ་ཞིང་བཤམས་པའི་གནས་འདི་རུཿ རྒྱལ་བ་འཁོར་བཅས་མ་ལུས་གཤེགས་སུ་གསོལཿ བཛྲ་ས་མཱ་ཛཿ ཞེས་སྤྱན་དྲངས། པདྨ་ཀ་མ་ལཱ་ཡ་སྟྭཾཿ གྱིས་གདན་འབུལ། དེ་ནས་གཏོར་ཚོགས་རྣམས་ལ་ནང་མཆོད་བྲན་ནས། ཨོཾ་ཀུན་བརྟགས་སྣང་བ་སྣོད་ཀྱི་གཏོར་གཞོང་དུཿ གཞན་དབང་སྲིད་པ་བཅུད་ཀྱི་གཏོར་མར་སྦྱངསཿ ཡོངས་གྲུབ་ཆོས་དབྱིངས་ཀློང་ཆེན་དགོངས་པ་ཡིསཿ སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིནཿ འཕོ་མེད་ནམ་མཁའ་མཛོད་དུ་མངའ་དབང་བསྒྱུརཿ ཨོཾ་ཨཱཿཧཱུྃ། ལན་བདུན་གྱིས་ངོ་བོ་ཡེ་ཤེས་ཀྱི་བདུད་རྩི་དང་། ནམ་མཁའ་མཛོད་ཀྱི་སྔགས་རྒྱས་ཀུན་ཏུ་བཟང་པོའི་མཆོད་སྤྲིན་དུ་བྱིན་གྱིས་བརླབས། ཨཱཿ རང་བྱུང་ལྷུན་གྲུབ་འཇའ་ཟེར་ལུས་ཀྱི་སྦུབསཿ སྒྱུ་འཕྲུལ་ཚོགས་བརྒྱད་རོལ་པ་སྲིན་པོའི་གྲོངཿ སྙིང་དབུས་ཟངས་མདོག་དཔལ་རིའི་ཕོ་བྲང་ནསཿ རིགས་འདུས་མ་ཧཱ་གུ་རུའི་ཐུགས་དམ་བསྐངཿ གཞི་དབྱིངས་སྟོང་གསལ་ཀུན་ཏུ་བཟང་པོ་ཡིཿ གཞི་སྣང་ལོངས་སྐུའི་རྩལ་ལ་དགོངས་པ་འཕོས༔ བརྡ་ཚིག་བློ་ལས་འདས་པའི་དཀྱིལ་འཁོར་ནསཿ དགོངས་བརྒྱུད་དག་པ་གཉིས་ལྡན་ཐུགས་དམ་བསྐངཿ ངེས་པ་ལྔ་ལྡན་ལྷུན་གྲུབ་ལོངས་སྐུའི་རྩལཿ རིག་འཛིན་རིག་པའི་འཁོར་ལ་བརྡ་སྟོན་ཅིངཿ དགོངས་བརྡའི་དོན་རྒྱུད་ཆིག་རྫོགས་སྤྲུལ་པའི་གརཿ སྙན་བརྒྱུད་ཐོས་གྲོལ་ཆེན་པོའི་ཐུགས་དམ་བསྐངཿ མཚོན་བྱེད་རྟགས་ཀྱི་བརྡ་ཤོག་ཆེན་པོའི་དབངཿ ལས་ཅན་སྐྱེས་བུའི་སྙིང་ལ་བསྐུར་བ་ལསཿ མཚོན་བྱ་དོན་གྱི་དགོངས་པའི་གསང་མཛོད་བརྡོལཿ གཏད་རྒྱ་སྨོན་ལམ་དབང་རྒྱུད་ཐུགས་དམ་བསྐངཿ གདོད་ནས་ཀུན་ཏུ་བཟང་པོ་རང་རིག་ལཿ ཁྱབ་གདལ་དགོངས་པ་གུད་དུ་བཅད་པ་དང་༔ སངས་རྒྱས་གཞན་དུ་བཙལ་བའི་ནོངས་པ་ཀུནཿ དག་ནས་བྱ་རྩོལ་བྲལ་བའི་ས་ལ་སྐྱོལཿ ཀ་དག་ཕྱོགས་ཡན་ཆེན་པོའི་དགོངས་པ་ལཿ བགྲང་བྱའི་ཐེག་པ་ཐ་དད་མ་གྲུབ་ཀྱང་། །ཀུན་རྟོག་གདུལ་བྱའི་ཁམས་དབང་བསམ་པའི་ཕྱིརཿ ཐེག་པ་རིམ་དགུར་ཤར་བའི་ཐུགས་དམ་བསྐངཿ འཁོར་བ་སྡུག་བསྔལ་ཆེན་པོར་ཤེས་པ་ཡིསཿ ཀུན་རྫོབ་བདེན་བཞིའི་ལམ་ལ་རབ་ཞུགས་ནསཿ བདག་འཛིན་འཆིང་བ་གཅོད་པ་ཉན་ཐོས་ཀྱིཿ ཚོམ་བུའི་དཀྱིལ་འཁོར་ལྔ་ཡི་ཐུགས་དམ་བསྐངཿ སོ་ཐར་འདུལ་བའི་སྡེ་སྣོད་ཆེན་པོ་ཡིསཿ བཅས་དང་རང་བཞིན་འགལ་བའི་ཉེས་པ་ཀུནཿ མི་འཆབ་མི་སྦེད་སྙིང་ནས་བཤགས་པར་བགྱིཿ བདག་ལ་འཕགས་པ་དགྲ་བཅོམ་བྱིན་གྱིས་རློབསཿ ལྷག་པའི་ཚུལ་ཁྲིམས་བསླབ་པས་རྒྱུད་བསྡམས་ཤིངཿ ཕུང་སོགས་རང་བཞིན་མེད་པར་རྟོགས་པ་དངཿ རྟེན་འབྲེལ་བཅུ་གཉིས་ལུགས་ལས་ལྡོག་པ་ཡིཿ རང་རྒྱལ་དཀྱིལ་འཁོར་བཞི་ཡི་ཐུགས་དམ་བསྐངཿ རྣམ་དག་ཚུལ་ཁྲིམས་མི་གཡོ་ཏིང་འཛིན་གྱིཿ བསླབ་པ་མདོ་སྡེའི་སྲུང་མཚམས་ཉམས་པ་ཀུནཿ འགྱོད་པས་བཤགས་སོ་བྱང་ཞིང་དག་པ་དངཿ ཚོགས་དང་བསེ་རུའི་རང་རྒྱལ་དངོས་གྲུབ་སྩོལཿ ཆོས་ཀུན་སྒྱུ་མ་ལྟ་བུར་ཤེས་པའི་ངངཿ སྙིང་རྗེས་གཞན་དོན་སྒྲུབ་ལ་ཆེས་དཔའ་ཞིངཿ བདེན་གཉིས་ལམ་འཁྱེར་མངོན་པའི་སྡེ་སྣོད་ཀྱིཿ དཀྱིལ་འཁོར་ཕྱོགས་ཀྱི་གྲངས་ལྡན་ཐུགས་དམ་བསྐངཿ སོ་སོར་རྟོག་པའི་ཤེས་རབ་ཏིང་ངེ་འཛིནཿ རྟག་ཆད་མུ་བཞིའི་ལམ་དུ་གོལ་བ་དངཿ སྙིང་རྗེའི་མྱུ་གུ་སྐམས་པའི་ནོངས་པ་ཀུནཿ དག་ནས་ཀུན་ཏུ་འོད་ཀྱི་ས་ལ་སྐྱོལཿ དག་པ་གསུམ་དང་གཙང་སྦྲ་གསུམ་སྤྱོད་ཅིངཿ དམ་ཡེ་ཐ་དད་རྗེ་ཁོལ་རྣམ་པར་བསྒྲུབཿ བལྟས་པས་བདེ་བ་ལམ་བྱེད་བྱ་རྒྱུད་ཀྱིཿ དཀྱིལ་འཁོར་དྲུག་གི་ལྷ་ཚོགས་ཐུགས་དམ་བསྐངཿ ཀྲི་ཡའི་ཐབས་དང་ཡོ་གའི་རྣལ་འབྱོར་ལཿ ཆ་མཉམ་སྤྱད་པས་མ་ནིང་ཐེག་པ་སྟེཿ མངོན་བྱང་ལྔ་ཡིས་དཀྱིལ་འཁོར་རྒྱལ་མཆོག་བསྒྲུབཿ སྤྱོད་རྒྱུད་དཀྱིལ་འཁོར་རྒྱ་མཚོའི་ཐུགས་དམ་བསྐངཿ བྱ་སྤྱོད་རྒྱུད་སྡེའི་ལྷ་སྔགས་ཏིང་འཛིན་དངཿ ཕྲ་རགས་དམ་ཚིག་ཉམས་པ་མཐོལ་ལོ་བཤགསཿ མཁའ་སྤྱོད་ལ་སོགས་གྲུབ་ཆེན་རྣམ་བརྒྱད་ཀྱིཿ ཐུན་མོང་དངོས་གྲུབ་འཛད་མེད་ཆར་དུ་སྙིལཿ ཕྱི་ནང་གསང་གསུམ་རྣམ་དག་བདེན་པ་ཡིཿ ལྷ་དང་རྣལ་འབྱོར་གཉིས་མེད་ཆེན་པོར་རྟོགསཿ ཕྱག་རྒྱ་བཞི་དང་ཟབ་གསལ་ཏིང་འཛིན་བརྙེསཿ ལིང་ཚེ་དགུ་ལྡན་ཡོ་གའི་ཐུགས་དམ་བསྐངཿ བདག་དང་ལྷ་ལ་བཟང་ངན་བལྟས་པ་དངཿ བསྙེན་སྒྲུབ་མཆོད་པ་སྦྱིན་བསྲེག་ཆག་པ་དངཿ དཀྱིལ་འཁོར་སྒྲུབ་པའི་ཡན་ལག་ཉམས་པ་ཀུནཿ བཟོད་པར་བཞེས་ནས་མཆོག་གི་དངོས་གྲུབ་སྩོལཿ ཞེས་པའི་མཚམས་ཚོགས་ཕུད་རིམ་པ་གསུམ་ལྷག་མ་དང་བཅས་པར་སྤེལ་ཞིང་སྨན་རཀ་འཐོར་བཞིན་པསཿ བདེ་སྟོང་ཀློང་ཡངས་ཏིང་འཛིན་གསུམ་གྱི་སྦུབསཿ བསྐྱེད་རིམ་སྣོད་བཅུད་དག་པ་རབ་འབྱམས་སུ། །ཡོངས་ཤར་སྒྱུ་འཕྲུལ་ཞི་ཁྲོ་བཀའ་བརྒྱད་སོགསཿ ཚོམ་བུའི་དཀྱིལ་འཁོར་བཅུ་གཉིས་ཐུགས་དམ་བསྐངཿ ཤེས་བྱ་ལྔ་དང་མི་སྤང་དང་དུ་བླངཿ སྒྲུབ་དང་སྤྱད་བྱའི་དམ་ཚིག་ཉི་ཤུ་ལྔཿ གསང་བཅུ་ལ་སོགས་ཉམས་ཆག་སྡིག་སྒྲིབ་ཀུནཿ བཤགས་སོ་རིག་འཛིན་རྣམ་བཞིའི་ས་ལ་སྐྱོལཿ བཀོད་པ་ལུས་ཀྱི་གཞལ་མེད་ཁང་ཆེན་ནངཿ རྩ་གསུམ་འཁོར་ལོ་ལྔ་ཡི་འཇའ་ཟེར་སྦུབསཿ དབྱིངས་དང་ཡེ་ཤེས་མཉམ་སྦྱོར་རིག་པའི་རྩལཿ ཨ་ནུ་ཡོ་གའི་དཀྱིལ་འཁོར་ཐུགས་དམ་བསྐངཿ རྣམ་ཤེས་ཚོགས་བརྒྱད་ཉེ་ཉོན་ཉི་ཤུ་དངཿ སེམས་བྱུང་ལྔ་བཅུ་བརྒྱད་ཁྲི་བཞི་སྟོང་གིཿ རྟོག་ཚོགས་དག་ནས་དྲན་རྫོགས་ཕྱག་རྒྱའི་སྐུཿ ལྷན་སྐྱེས་བདེ་བ་ཆེན་པོའི་ས་ལ་སྐྱོལཿ ཤེས་རིག་ཟང་ཐལ་གཉུག་མའི་གཞལ་ཡས་སུཿ ཡེ་གདངས་སྒྲོན་དྲུག་འཇའ་ཟེར་ཐིག་ལེའི་ཀློངཿ རིག་པ་བཅུད་དུ་སྨིན་པ་ཨ་ཏིའི་ལྷཿ ཞལ་ཕྱག་འཛིན་པ་དག་པའི་ཐུགས་དམ་བསྐངཿ རང་གྲོལ་རིག་པ་རྡོ་རྗེ་ལུ་གུ་རྒྱུདཿ བཞུགས་སྟངས་གསུམ་དང་གཟིགས་སྟངས་རྣམ་གསུམ་གྱིསཿ གཅུན་ཏེ་སྣང་བཞི་ཆོས་ཟད་གདོད་མའི་དབྱིངསཿ ལྷུན་གྲུབ་རྫོགས་པ་ཆེན་པོའི་ས་ལ་སྐྱོལཿ མདོར་ན་རབ་འབྱམས་དཀྱིལ་འཁོར་རྒྱ་མཚོའི་ཀློངཿ ཐ་དད་རིག་པས་བཏགས་པའི་སྲི་ཞུའི་མགྲོནཿ རྡུལ་སྙེད་མ་ཚང་མེད་པ་ཐམས་ཅད་དངཿ སྣང་བ་ཡབ་ཀྱི་རང་བཞིན་རཱ་ཧུ་ལཿ སྟོང་པ་ཡུམ་གྱི་ངོ་བོ་ཨེ་ཀ་ཙཿ ཟུང་འཇུག་ཐུགས་རྗེ་བཛྲ་ས་དྷུ་སོགསཿ སྙིང་ཐིག་གཉན་པོའི་བཀའ་སྲུང་ཐམས་ཅད་དངཿ ཨོ་རྒྱན་རྒྱ་གར་བལ་ཡུལ་ཁ་ཆེའི་གླིངཿ འ་ཞའི་ཡུལ་དང་བྲུ་ཤ་ཟངས་གླིང་ཡུལཿ གསེར་གླིང་རྔ་ཡབ་ལངྐའི་གླིང་ཕྲན་དངཿ རྒྱ་ནག་ལྗོངས་ཡུལ་གེ་སར་དམག་གི་གླིངཿ ཙ་རི་ཏྲ་དང་ལྷོ་མོན་འབྲས་མོའི་གཤོངསཿ མངའ་རིས་བསྐོར་གསུམ་དབུས་གཙང་རུ་བཞི་དངཿ མདོ་ཁམས་སྒང་དྲུག་སྦས་གནས་གཉན་པོའི་ཡུལཿ ལྗོངས་ལྔ་གླིང་དྲུག་གསེར་རི་ལྷུན་པོའི་སྤོཿ སུམ་ཅུ་རྩ་གསུམ་གནས་ཡུལ་དུར་ཁྲོད་གཉནཿ ཆོས་འཁོར་གཙུག་ལག་སྒྲུབ་གནས་དབེན་གནས་ཀྱིཿ འཁོར་ཡུག་ལྗོན་ཤིང་བྲག་རི་མཚོ་གླིང་ལཿ གནས་པའི་དཔའ་བོ་ཌཱཀྐི་ཆོས་སྲུང་ཚོགསཿ ཞལ་ནས་གསུངས་དང་རྗེས་སུ་གནང་བ་དངཿ བྱིན་བརླབས་ལུང་བསྟན་དག་སྣང་བསྟན་བཅོས་དངཿ ཐུགས་གཏེར་དགོངས་གཏེར་ཟབ་གཏེར་རྫས་གཏེར་སོགསཿ གཏེར་རིགས་བཅོ་བརྒྱད་ཆོས་ཀྱི་བཀའ་གཏད་ཅིངཿ དཀྱིལ་འཁོར་རྒྱ་མཚོའི་མུ་རན་ལ་གནས་པའིཿ དམ་ཅན་ཌཱཀྐི་བསྟན་སྲུང་རྒྱ་མཚོ་ཡིཿ ཐུགས་དང་འགལ་གྱུར་ནོངས་པ་ཅི་མཆིས་པཿ སྙིང་ནས་བཤགས་སོ་ཚངས་པའི་ཞལ་རས་སྟོནཿ རྟག་ཆད་མཐའ་བྲལ་དབུ་མ་ཆེན་པོའི་སྦུབསཿ འཁོར་འདས་རོ་རྐྱང་ཟུང་འཇུག་ཕྱག་རྒྱ་ཆེརཿ སྦྱར་བས་སྣང་སེམས་ཞེན་གྲོལ་རྫོགས་པ་ཆེའིཿ ཏིང་འཛིན་ནམ་མཁའ་མཛོད་ཀྱི་སྒྱུ་འཕྲུལ་ལསཿ གཟུང་འཛིན་ཕཊ་ཀྱིས་གཏོར་བའི་རྗེས་གཞིག་ཆེརཿ བློ་བྲལ་ཐུག་ཕྲད་ཤེས་པའི་ངོ་བོ་རུཿ ཚོགས་བརྒྱད་ཀ་ནས་དག་པའི་བཀྲ་ཤིས་རྟགསཿ སྣང་བ་རྒྱན་དུ་ཤར་བའི་རྒྱལ་སྲིད་བདུནཿ རིག་སྟོང་རྗེན་པར་གྲོལ་བའི་འདོད་ཡོན་ལྔཿ རྐྱེན་ངན་ལམ་དུ་ལོངས་པའི་ཕྱག་རྒྱ་གརཿ འབུལ་ལོ་མཆོག་ཐུན་དངོས་གྲུབ་རྒྱ་མཚོར་བསྐྱིལཿ ཀློང་ཆེན་གཞོན་ནུ་བུམ་སྐུའི་ཀ་པཱ་ལརཿ དུག་གསུམ་རྣམ་རྟོག་དྲེགས་པ་བཏུལ་བའི་ཁྲགཿ སྐུ་གསུམ་ཡོངས་གྲོལ་ཆེན་པོའི་བ་ལིང་ཏཿ རེ་དོགས་ཚར་གཅོད་ཤ་ལྔ་བདུད་རྩི་ལྔཿ ཉི་ཟླའི་དྭངས་མ་རྩ་བརྒྱད་ཡན་ལག་སྟོངཿ རང་བྱུང་ལྷུན་གྲུབ་ནང་གི་དམ་རྫས་ཀུནཿ འབུལ་ལོ་བརྟུལ་ཞུགས་མཐར་ཕྱིན་དངོས་གྲུབ་སྩོལཿ གདོད་མའི་སྟོང་ཆེན་དབྱིངས་ཀྱི་བྷ་གའི་ཀློངཿ རྣམ་ཀུན་མཆོག་ལྡན་རིག་པའི་རྡོ་རྗེ་ཡིསཿ རྟེན་འབྲེལ་ལུགས་ལྡོག་འཁོར་བའི་བག་ཆགས་བསྒྲལཿ བདེ་སྟོང་དགའ་བཞིའི་ཉམས་རྩལ་རྫོགས་པའི་གརཿ སྦྱོར་སྒྲོལ་བརྟུལ་ཞུགས་མཐར་ཕྱིན་གསང་བའི་རྫསཿ འབུལ་ལོ་གཞན་སྣང་དབང་འདུས་དངོས་གྲུབ་སྩོལཿ མཚན་མ་རྫས་དང་མཚན་མེད་ཏིང་འཛིན་གྱིཿ ལས་བཞིའི་ཕྲིན་ལས་བསྒྲུབ་པའི་ཕྱག་རྒྱ་དངཿ ཤུགས་སྒྲོལ་དམོད་པའི་མཚོན་ཆ་ཁྱོད་ལ་འབུལཿ སྨོན་འཇུག་སེམས་བསྐྱེད་ཕྲག་ཕུག་ཞྭ་ལྟར་གྱོནཿ ཆགས་མེད་འཁོར་བ་སྤངས་པའི་རྣལ་འབྱོར་ལཿ མ་ཉེས་ཁ་ཡོགས་ཅལ་སྒྲོག་ངན་སྦྱོར་གཤོམཿ སྒྲུབ་ལ་བར་གཅོད་ཐུགས་རྒྱུད་དཀྲུགས་པ་ཡིཿ སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུངསཿ མཐོན་མཐིང་རལ་པའི་གླེགས་བམ་མན་ཆད་ནསཿ བདོག་པའི་ཉེར་སྤྱད་ཕྲ་མོ་ཡན་ཆོད་དུཿ མདོར་ན་རྣལ་འབྱོར་ཡིད་ལ་མཛའ་བའི་རྫསཿ རྩ་གསུམ་དམ་ཅན་ཌཱཀྐིའི་བླ་རྡོར་འབུལཿ ནགས་ཁྲོད་བས་མཐའ་མཚོ་གླིང་བྲག་སྐྱིབས་སོགསཿ ངེས་མེད་གནས་སུ་བྱང་ཆུབ་བསྒྲུབ་པའི་ཕྱིརཿ སྟག་མོ་རི་སུལ་འགྲིམ་ལྟར་རྒྱུ་བའི་ཚེཿ རྣལ་འབྱོར་ལུས་ལ་གྲིབ་མ་བཞིན་དུ་འགྲོགསཿ བརྟན་གཡོ་སྣང་སེམས་ཞེན་པས་བཅིངས་པ་ཡིཿ ཕྲ་རགས་རྣམ་རྟོག་གྱ་གྱུའི་སྒྱུ་འཕྲུལ་ཅནཿ སྲིད་ཞི་གཉིས་མེད་ཤར་གྲོལ་དུས་མཉམ་ཀློངཿ འབུལ་ལོ་ཆོས་ཉིད་ཟད་སར་འཁྱོལ་བར་ཤོགཿ ཀུན་གཞིའི་ངང་ནས་ལས་རླུང་གཡོས་པའི་འཕྲུལཿ བག་ཆགས་སེམས་ཉིད་མངལ་རྒྱར་འཐུམས་པ་ལསཿ བྱུང་བའི་ཤ་ཁྲག་དྲོད་དབུགས་ཕུང་པོའི་ཁམསཿ འབུལ་ལོ་བདག་གིས་འཇའ་ལུས་འགྲུབ་པར་ཤོགཿ འདིས་མཚོན་དུས་གསུམ་བསགས་པའི་དགེ་རྩ་ཀུནཿ དྲན་རིག་ཟག་པ་མེད་པའི་ཡེ་ཤེས་ཀྱིསཿ འཁོར་གསུམ་ཡོངས་དག་ཆེན་པོར་རྒྱས་བཏབ་ནསཿ གནས་ལུགས་རྫོགས་པ་ཆེན་པོའི་ཀློང་དུ་ཨཱཿ ཞེས་པའི་མཐར། ལྷག་མ་ཕྱི་རོལ་དུ་གཤེགས། གསུམ་པ་རྗེས་ཀྱི་བྱ་བ་ལ་བརྒྱད་ལས། དང་པོ་དངོས་གྲུབ་ཀྱི་དམ་རྫས་ཚོགས་ལ་རོལ་བ་ནི། ལས་སློབ་ཀྱིས་འདུས་པའི་གཙོ་བོ་ལ་བཏུད་དེ་ཕྱག་བྱས་ནས་རྣམ་ལྔ་འདོད་སྐོར་གྱི་ཕྱག་རྒྱ་དང་སྦྲགས། ཧོཿ བླ་མ་དཔའ་བོ་ཆེན་པོ་དགོངས་སུ་གསོལ། །འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཡང་། །རང་བཞིན་གཅིག་ཏུ་དགོངས་ཏེ་རོལ། །ཞེས་པའི་ལན་དུ་སློབ་དཔོན་གྱིས་ཀྱང་ཕྱག་རྒྱ་དེ་ཉིད་དང་བཅས། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་ལ་སོགས་དྲི་མ་སྤངས། །གཟུང་འཛིན་རྣམ་པར་བྲལ་བ་ཡི། །དེ་བཞིན་ཉིད་ལ་བདག་ཀྱང་འཚལ། །ཨ་ལ་ལ་ཧོ། ཞེས་པས་བླང་ཞིང་། ལག་སོར་གཡས་གཡོན་རིགས་ལྔ་ཡབ་ཡུམ་དུ་མོས་ནས་རྡོ་རྗེ་ལུས་ཀྱི་དཀྱིལ་འཁོར་ལ་ནང་གི་སྦྱིན་སྲེག་ལྟར་དབུལ་བ་ནི། སློབ་དཔོན་གྱིས་བསྐུལ་ལ་ཚོགས་པ་ཐམས་ཅད་ཀྱིས། ཧོཿ བདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པར་མི་འགྱུར་ཞིང་། །གཏན་པ་མེད་པའི་སྦྱིན་བདག་ཀྱང་། །ཐེག་ཆེན་འབྲས་བུར་སྤྱོད་པར་ཤོག །ཅེས་བརྗོད་ཅིང་ཐ་མལ་གྱི་རྟོག་པ་སྤངས་ལ་རང་ལུས་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་གྱི་བདག་ཉིད་དུ་མོས་པ་ལ་མཆོད་པའི་ཚུལ་གྱིས་ཚིམ་པར་རོལ་རྗེས། ཧེ་རུ་ཀ་དཔལ་གྲོང་ཁྱེར་དུ། །སོགས་ཀྱིས་སྨོན་ལམ་གདབ། དེའི་ཚེ་ཚོགས་ཀྱི་དམ་རྫས་ལ་སྨོད་པ་དང་། ཐེག་དམན་གྱི་བློས་བླང་དོར་དུ་བལྟ་བ་དང་། འཐབ་རྩོད་དང་། ཀུ་ཅོ་དང་། ཤགས་ལ་སོགས་པ་ནི་སྦོམ་པོ་བརྒྱད་ཀྱི་ཡ་གྱལ་ཡིན་པས་སྤང་བར་བྱའོ། །གཉིས་པ་རྡོ་རྗེའི་གླུ་གར་བྱ་བར་མོས་ན། སྐྱེ་བོ་ཐ་མལ་པས་དབེན་པའི་གནས་སུ། ལས་སློབ་ཀྱིས་སློབ་དཔོན་ལ་ཕྱག་བྱས་ཏེ། ཧོཿ དགོངས་སུ་གསོལ། མངའ་དབང་རྫོགས་པའི་དཀྱིལ་འཁོར་ཆེན་པོར་ཀུན་ཏུ་བཟང་པོའི་ཚོགས་མཆོད་རྒྱ་མཚོས་ཕྱི་ནང་གི་འདུ་བ་དང་ཉེ་བའི་འདུ་བ་ལེགས་པར་མཆོད་ཟིན་པའི་གནས་སྐབས་འདིར་ནི་མུ་ཏིག་ཕྲེང་བ་ལས། ཚོགས་དང་དབང་བསྐུར་དཀྱིལ་འཁོར་འཇུག །དེ་ནས་གླུ་ལ་བརྩོན་པར་བྱ། །ཞེས་པའི་དོན་ལྟར་ཆོས་ཉིད་བསམ་གྱིས་མི་ཁྱབ་པའི་དགོངས་སྤྱོད་རྒྱ་མཚོས་རྡོ་རྗེའི་གླུ་གར་ལ་ཐུགས་གཏད་པ་ཞུ། ཞེས་གསོལ་ནས། དཔོན་སློབ་ཐམས་ཅད་འཁོར་ལོས་སྒྱུར་བའམ། ཧེ་རུ་ཀའི་ཆས་སུ་ཞུགས་ནས་བསམ་གཏན་གྱི་ངང་ལས་ལངས་ཏེ་རིག་པ་བརྟུལ་ཞུགས་ཀྱི་སྤྱོད་པ་བྱུང་རྒྱལ་དུ་བསྐྱང་བའམ། མོས་པས་སྤྱོད་པ་རྣམས་ནི་རང་བཞིན་གྱི་བསམ་གཏན་ལ་གནས་པས་ཆོས་ཉིད་ཀྱི་གླུ། ཨ་དཱི་ཀ་དཱི་རིང་པོ་དང་། ཐུང་ངུ་དང་། འཁྱོག་པོར་སྤེལ་བའི་དབྱངས་སྙན་པོས་བླང་ཞིང་། དེ་ནས་ཨོཾ་དང་། ཨེ་དང་། ཧཱུྃ་དང་། ཧེ་དང་། ལྱཱཻ་ཤག་སོགས་པས་སྣ་དྲངས་ཏེ་ཐོད་རྔ་དང་ཅང་ཏེའུའི་སྒྲ་དང་བཅས། ཨེ་མ་ཀཱི་རི་ཀཱི་རི། མསྟ་བཱ་ལི་བཱ་ལི། ས་མི་ཏ་སུ་རུ་སུ་རུ། ཀུ་ཏ་ལི། མ་སུ་མ་སུ། ཨི་ཀ་རཱ་སུ་ལི་བྷ་ཏ་ཡཱེ། ཙི་ཀི་ར་བྷུ་ལི་པ་ལ་ཡེ། ས་མུན་ཏ་ཙརྱ་སུ་གྷ་ཡ། བྷི་ཏ་ས་ན་བྷྱ་ཀུ་ལ་ཡཱི། ས་ཀ་རི་དྷཱུ་ཀ་ན། མ་ཏ་རི་བཱཻ་ཏ་ན། པ་ར་ལི་ཧི་སཱ་ན། མ་ཁརྟ་ཀེ་ལ་ནཱཾ། སཾ་བྷུ་ར་ར་མེ་ཀ་ཙ་དྷི་པ། སུརྱ་བྷ་ཏ་ར་ཨེ་པ་ཤ་ན་པ། ར་ན་བྷི་ཏི་ས་གྷུ་ར་ལཱ་པ། མ་སྨིན་ས་གུ་ལི་ཏ་ཡ་བ། འགུ་ར་འགུ་ར་ས་ག་ཁ་ར་ན་ལཾ། ན་ར་ན་ར། ཨི་ཐ་ར་པ་ཀཱ་ལཾ། སི་ར་ཎ་སི་ར་ཎ། བྷེ་ས་ར་ས་པ་ལ། བྷུན་དྷ་བྷུན་དྷ། ཚི་ཥ་ས་ཀེ་ལཾ། ས་སཱ། རི་རཱི། ལི་ལཱི། ཨི་ཨཱི། མི་མཱི། ར་ར་རཱ། མ་སྐྱེས་པས་ན་མི་འགགས་ཅིང་། །འགྲོ་དང་འོངས་མེད་ཀུན་ཏུ་ཁྱབ། །བདེ་ཆེན་ཆོས་མཆོག་མི་གཡོ་བ། །མཁའ་མཉམ་རྣམ་གྲོལ་གོས་པ་མེད། །རྩ་བ་མེད་ཅིང་རྟེན་མེད་ལ། །གནས་མེད་ལེན་མེད་ཆོས་ཆེན་པོ། །ཡེ་གྲོལ་ལྷུན་འབྱམས་ཡངས་པ་ཆེའི། །བཅིངས་མེད་རྣམ་པར་འགྲོལ་མེད་པ། ཁྱབ་གདལ་ཁང་བཟང་ཡེ་ཡོད་ཉིད། ཁྱབ་མཉམ་པ་ལས་རྣམ་འདས་པ། །ཡངས་སོ་ཆེའོ་ནམ་མཁའི་དབྱིངས། །ཆོས་ཆེན་འབར་བ་ཉི་ཟླའི་དཀྱིལ། །ལྷུན་གྱིས་གྲུབ་དང་མངོན་སུམ་པ། །རྡོ་རྗེ་རི་བོ་པདྨ་ཆེ། །ཉི་མ་སེང་གེ་ཡེ་ཤེས་གླུ། །སྒྲ་ཆེན་རོལ་མོ་མཚུངས་པ་མེད། །ནམ་མཁའི་མཐའ་ལ་ལོངས་སྤྱོད་པ། །སངས་རྒྱས་སངས་རྒྱས་ཀུན་མཉམ་ཞིང་། །ཀུན་བཟང་ཡངས་པ་ཆོས་ཀྱི་རྩེ། །མཁའ་དབྱིངས་བཟང་མོའི་དབྱིངས་རུམ་དུ། །ཀློང་གསལ་ལྷུན་གྲུབ་ཡེ་རྫོགས་ཆེ། །ཞེས་བླང་ངོ་། །ཕན་ཡོན་ནི་ཉི་ཟླ་ཁ་སྦྱོར་ལས། ཟག་པ་མེད་པའི་རྡོ་རྗེའི་གླུས། །སངས་རྒྱས་ཀུན་གྱི་ཡིད་ཀྱང་ཚིམ། །རྣལ་འབྱོར་ང་ཡི་ཉམས་ཀྱི་གྲོགས། །མཁའ་འགྲོ་མ་ཡི་ཡིད་རྣམས་འཕྲོག །རིགས་དྲུག་འཁོར་བའི་ཞེན་པ་བཟློག །ཅེས་པ་ལ་སོགས་རྒྱ་ཆེར་གསུངས་སོ། །གསུམ་པ་བཤགས་པ་ནི། མ་འབྱོར་པ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཡི་གེ་བརྒྱ་པའི་མཐར་བརྗོད་མེད་དོན་བཤགས་ནི། ཧོཿ རང་བཞིན་ངང་ལ་ཉེས་པའི་སྐྱོན་མེད་པས། །བཤགས་དང་བཤགས་པར་བྱེད་པ་ཅུང་ཟད་མེད། །ཀུན་རྫོབ་སྒྱུ་མ་ཙམ་དུ་བཤགས་ན་ཡང་། །གཉིས་མེད་སེམས་ཀྱི་ངང་དུ་དག་གྱུར་ཅིག །ཅེས་རྟོག་པ་བསྐྱེད། བཞི་པ་གཤེགས་གསོལ་ནི། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སོགས་བརྗོད་ལ། བཛྲ་མུཿ ཡེ་ཤེས་པ་དབྱིངས་སུ་གཤེགས། དམ་ཚིག་པ་རང་ལ་བསྡུ། འཇིག་རྟེན་པའི་མགྲོན་རྣམས་རང་གནས་སུ་བཏང་། རས་བྲིས་ཡིན་ན་བརྟན་བཞུགས་བྱའོ། །ལྔ་པ་བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །སོགས་ཤློ་ཀ་གཉིས་བརྗོད། དྲུག་པ་སྨོན་ལམ་གདབ་པ་ནི། ཧོཿ སྣང་སྲིད་ཐམས་ཅད་བླ་མའི་དཀྱིལ་འཁོར་དུ། །ཡོངས་གྲུབ་ཆེན་པོའི་མོས་གུས་ལ་གོམས་པས། །འོད་སྣང་མཐའ་ཡས་བདེ་ལྡན་ཞིང་གི་མགོན། །མངོན་སུམ་འགྲུབ་ནས་འགྲོ་ཀུན་འདྲེན་པར་ཤོག །ཅེས་དང་། དེ་མ་ཐོབ་པའི་ཚེ་རབས་ཀུན། །འཁྲུལ་པ་ལས་ཀྱང་ཉིང་འཁྲུལ་ཅན། །འཁོར་བ་སྡུག་བསྔལ་ཅན་ཕུང་པོར། །རྟག་འཛིན་འཆིང་བ་ལས་གྲོལ་ཤོག །སྙིགས་མ་ལྔ་ཡི་མཐར་སྐྱེས་པའི། །ཉོན་མོངས་གདོན་གྱིས་གཟིར་བ་རྣམས། །རྒྱུ་འབྲས་སྔ་ཕྱི་ལྟར་སྨིན་པའི། །དྲང་དོན་ལམ་གྱིས་རྒྱུད་སྦྱངས་མཐར། །ཐེག་པ་གཞན་གྱིས་མི་འདུལ་བས། །གསང་ཆེན་རྡོ་རྗེའི་ཐེག་པ་མཆོག །མ་ནོར་ཚུལ་བཞིན་སྟོན་ནུས་པའི། །བླ་མ་དམ་པ་མཇལ་བར་ཤོག །མཇལ་ནས་ཀུན་ཏུ་མཉེས་བྱེད་ཅིང་། །བར་གཅོད་རྐྱེན་གྱིས་མི་བརྫི་བར། །ཚུལ་བཞིན་བསྒྲུབ་པའི་རང་དབང་དང་། །དབང་བཞིས་རང་རྒྱུད་སྨིན་པར་ཤོག །བསྐྱེད་རྫོགས་གནད་ལ་མ་འཁྲུལ་བས། །སྣང་བའི་བདེན་ཞེན་ཞིག་པ་དང་། །རྩ་རླུང་ཐིག་ལེ་ལས་རུང་ནས། །མཐོང་ལམ་མྱུར་དུ་སྐྱེ་བར་ཤོག །བདེན་པ་མཐོང་བའི་ཆོས་ཉིད་ལ། །གཟུང་འཛིན་འཁྲུལ་པ་མི་གནས་པས། །རྒྱུ་འབྲས་དག་གྲོལ་ལ་ཞེན་རྣམས། །བརྟུལ་ཞུགས་སྤྱོད་པས་འདུལ་བར་ཤོག །བདག་ལ་གཤེའམ་སྨོད་ཀྱང་རུང་། །སེམས་ཅན་ཉོན་མོངས་རང་བཞིན་ལ། །བཟོད་པ་ཐོབ་པའི་བྱང་ཆུབ་སེམས། །མི་སློབ་ལམ་གྱི་འབྲས་བུར་ཤོག །བདུན་པ་ཤིས་བརྗོད་ནི། གདོད་མའི་མགོན་པོ་རིགས་ལྔ་གང་ཆེན་མཚོཿ སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལཿ བསྐལ་བཟང་སངས་རྒྱས་སྟོང་རྩ་བྱོན་པ་ཡིསཿ སྒྲོན་མེའི་བསྐལ་པ་བཟང་པོའི་བཀྲ་ཤིས་ཤོགཿ སྟོང་གསུམ་མི་མཇེད་རྡོ་རྗེ་ཐེག་པའི་ཞིངཿ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལཿ གངས་རིའི་ཁྲོད་དུ་འབོད་པ་ཁྲི་སྲོང་རྗེའིཿ ཐུགས་བསྐྱེད་བསྟན་པ་མཐར་རྒྱས་བཀྲ་ཤིས་ཤོགཿ འཛམ་གླིང་ས་ཡི་ལྟེ་བ་རྡོ་རྗེའི་གདནཿ པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམཿ མདོ་སྔགས་བསྟན་པ་དར་བ་གངས་ཅན་ལྗོངསཿ རྒྱལ་བསྟན་ཡུན་དུ་གནས་པའི་བཀྲ་ཤིས་ཤོགཿ བརྒྱད་པ་ཕན་ཡོན་བསྟན་པ་ནི། སྒྱུ་འཕྲུལ་དྲྭ་བའི་རྒྱུད་ལས། བླ་མ་དཀྱིལ་འཁོར་ཐམས་ཅད་ཀྱི། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་པས་དཀྱིལ་འཁོར་གྱི་འཁོར་ལོ་ནི་བླ་མའི་ཏིང་ངེ་འཛིན་གྱི་རྣམ་པར་སྤྲུལ་པ་ཙམ་ཡིན་ལ། བླ་མ་ནི་དཀྱིལ་འཁོར་གང་གི་དབང་ཕྱུག་གམ་སྤྲུལ་གཞིའི་ངོ་བོ་ཉིད་ཡིན་པས་རྡོ་རྗེ་ཐེག་པའི་ལམ་གྱི་སྨིན་གྲོལ་ཟབ་མོའི་བྱིན་རླབས་ཐམས་ཅད་དང་པོར་བླ་མ་ལ་མ་བརྟེན་པར་མི་འགྲུབ་སྟེ། འདི་ལྟར་གཟུགས་བརྙན་ནམ། རས་བྲིས་སམ། རྡུལ་ཚོན་ནམ། གློས་བླང་ལ་སོགས་པའི་མདུན་དུ་རང་བཟོ་དང་ཡིད་བྱེད་ཀྱིས་གྲོལ་བ་ཐོབ་པའི་གཏན་ཚིགས་གཅིག་ཀྱང་མེད་པའི་ཕྱིར། དེ་ཁོ་ན་ཉིད་བསྡུས་པར་ཡང་། ལོང་བས་རང་དགར་རི་བོ་ལ། །འཛེགས་པས་བདེ་བར་འགྱུར་མ་ཡིན། །ཞེས་པ་ལྟར་རོ། །རྒྱུ་དེས་ན་སྤྱི་མདོ་ལས། བསྐལ་པ་འབུམ་གྱི་སངས་རྒྱས་ལས། །བླ་མ་གཉན་པར་ཤེས་པར་བྱ། །ཞེས་སོ། །གཉན་པའི་རྒྱུ་ཅིས་ཤེ་ན། དུས་གསུམ་དུ་གཤེགས་ཤིང་འབྱོན་པའི་སངས་རྒྱས་རྣམས་ཀྱི་ཐུགས་རྗེ་དང་ཡེ་ཤེས་ལ་སྒྲིབ་པ་མེད་ཅིང་། ཉེ་རིང་དང་ཕྱོགས་ཆ་མེད་ཀྱང་རང་ངོ་ནས་ཡོད་ལོ་དང་མོས་པ་ཙམ་བྱེད་པ་ལས་དངོས་སུ་ཞལ་སྐྱིན་མི་མཇལ། གསུང་མ་ཐོས་པས་ལམ་བདེན་མངོན་སུམ་པར་འདོམས་པའི་མཐུ་མེད་ལ། བླ་མ་ནི་དུས་གསུམ་སངས་རྒྱས་ཐམས་ཅད་ཀྱི་བདག་ཉིད་ཡིན་བཞིན་དུ་རང་དང་སྤྱོད་ཡུལ་མཐུན་པ་ལྟར་གྱི་འགྲོ་བའི་གཟུགས་སུ་བྱོན་ནས་འགོག་ལམ་གཉིས་ཀྱི་བདེན་པ་མངོན་སུམ་དུ་འདོམས་པས་ཉི་མའི་སྔ་འདྲེས་ལའང་སེམས་ཅན་སངས་རྒྱས་སུ་གནས་བསྒྱུར་བ་མཐོང་ཆོས་ལ་གནས་པའི་ཕྱིར་ཏེ། འཇམ་དཔལ་རྩ་རྒྱུད་ལས། གང་ཕྱིར་སངས་རྒྱས་ཐམས་ཅད་ནི། །འདས་དང་མ་བྱོན་ད་ལྟར་གྱི། །ཐམས་ཅད་མི་ཡི་འཇིག་རྟེན་དུ། །མི་ཡི་ལུས་སུ་ཡང་དག་འབྱུང་། །ཞེས་དང་། གུར་ལས། གང་ཞིག་རྡོ་རྗེ་སེམས་དཔའ་ཞེས། །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་གཟུགས་སུ་སྤྲུལ། །ཞེས་གསུངས་པས་དད་པའི་ཁམས་གསོས་པའི་གང་ཟག་ལ་རྣམ་པར་བསྒྱུར་བ་ཡང་མ་བཤད་དོ། །དེ་ལྟར་ཡིན་པས་ཕྱོགས་བཅུའི་སངས་རྒྱས་ཐམས་ཅད་ཀྱང་བླ་མ་ལ་དུས་གསུམ་དུ་ཕྱག་མཛད་ན། རང་ཅག་འཁོར་བའི་བཙོན་རར་ནི་ཆུད། ཉོན་མོངས་པའི་ལྕགས་སྒྲོག་གིས་བཅིངས་པ་རྣམས་ནི་ཅིའི་ཕྱིར་བླ་མ་མཆོད་པའི་ཆོ་ག་ལ་བརྩོན་པར་མི་བྱེད། དེ་སྐད་དུ་རྡོ་རྗེ་གཙུག་གཏོར་གྱི་རྒྱུད་ལས། སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པ། །དུས་གསུམ་དུ་ནི་མོས་ཕྱག་འཚལ། །ཞེས་སོ། །མདོར་ན་སངས་རྒྱས་ཐོབ་པར་འདོད་པ་རྣམས་ཀྱིས་ནི་བསྟི་སྟང་དང་། རིམ་གྲོ་བསྐྱེད་ཅིང་། བསྒོམ་ཞིང་མཆོད་པར་བྱ་བའི་ཡུལ་བླ་མ་གཅིག་པོ་ལ་རག་ལས་པའི་ཚུལ་སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །ཞེས་པ་ལ་སོགས་པའི་བརྗོད་བྱ་ཟད་མི་ཤེས་པ་ཡོད་དོ། །འདི་ནི་མདོ་ཁམས་རྫོགས་ཆེན་སྤྲུལ་པའི་སྐུ། །གཞོན་ནུ་སངས་རྒྱས་སྨོན་ལམ་འོད་ཟེར་དེའི། །རིགས་ཀྱི་བདག་པོ་བྲལ་ཐོབ་མེད་པའི་ལྷ། །སྟོན་པའི་ཞལ་སྐྱིན་གཅིག་ཏུ་མངོན་པར་གྲུབ། །རྒ་བས་ནོན་པའི་ལང་ཚོས་མ་བརྟོལ་ཡང་། །འཕེལ་འགྲིབ་སྤངས་པ་བསྟན་པའི་ཉི་མ་ནི། །བདེན་པ་གཉིས་ཀྱི་ཤིང་རྟའི་བཞོན་པ་ཅན། །དམ་པའི་བློ་གྲོས་ཉིན་མོའི་དཔལ་དུ་སྤྱོན། །ཐུགས་ཡིད་འདྲེས་པའི་སྨོན་པ་དུས་གསུམ་ཀུན། །འདུ་འབྲལ་དབྱེན་གྱིས་མི་ཕྱེད་དམ་ཆོས་མཛོད། །གདན་གསུམ་མངོན་རྟོགས་ངོམ་པའི་རྣམ་སྣང་ཞལ། །མངོན་སུམ་མཐོང་བའི་དགེ་མཚན་འགྲུབ་གྱུར་ཅིག །ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-009&diff=64200 2026-09-30T13:44:31Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ།<br /> |fulltitle=dkyil 'khor thams cad kyi ngo bo bla ma mchod pa'i cho ga dngos grub rgya mtsho<br /> |citation='jigs med gling pa. ''Dkyil 'khor thams cad kyi ngo bo bla ma mchod pa'i cho ga dngos grub rgya mtsho''. In ''Kun mkhyen rig 'dzin 'jigs med gling pa'i gsung 'bum'', Vol. 10: 133-195. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Guru Offering Texts- bla ma mchod pa, Ritual and Liturgical Texts - cho ga phyag len<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=009<br /> |pagenumbers=133-195<br /> |totalpages=63<br /> |beginfolioline=1a1<br /> |endfolioline=32a4<br /> |totalfolios=32<br /> |multivolumework=No<br /> |rectonotes=bla ma mchod chog<br /> |versonotes=bla ma mchod pa'i cho ga dngos grub rgya mtsho<br /> |colophontib=།ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།།<br /> |colophonwylie=ces pa'ang slob dpon bai ro tsa na'i sgrub gnas rgyal rong brag lha mgon po dang nye ba'i rdo yul zhes bya bar sngon gyi legs smon stobs su gyur pa'i las can gyi slob ma 'jigs med phrin las 'od zer gyis nye bar len pa'i rten 'brel gyis mtshams sbyar te/_bla sgrub rtsa ba'i gter gzhung la mkha' 'gro'i brda bsgyur ji ltar gnas pa bzhin rig 'dzin 'jigs med gling pas dpal ldan pad+ma 'od gling du sbyar bas 'gro kun bla ma'i go 'phang la reg pa'i rgyur gyur cig/__//dge'o/_/dge'o/_/dge'o//<br /> |pdflink=File:JLKO-KABUM-10-THA-009.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ་ཞེས་བྱ་བ་བཞུགས།<br /> <br /> ༄༅། །{{TibChung|གང་ཞིག་བསམ་གྱིས་མི་ཁྱབ་པའི། །ཡེ་ཤེས་ལྷན་ཅིག་སྐྱེས་པ་ནི། །བླ་མའི་བྱིན་གྱིས་ཐོབ་པའི་ཕྱིར། །དེ་ཉིད་མཆོད་པའི་ཆོ་ག་བཤད། །དེ་ལ་དུས་གསུམ་གྱི་སངས་རྒྱས་ཐམས་ཅད་ཀྱང་བླ་མའི་ཐུགས་རྗེ་དང་བྱིན་རླབས་ལ་བརྟེན་ནས་གྲོལ་ཞིང་དགྲོལ་བར་འགྱུར་བ་འབའ་ཞིག་ལས་སྟེས་དབང་དང་རང་བཟོས་གྲོལ་བ་མ་ཡིན་པའི་ཚུལ་ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུས་ཀྱང་ཕ་རོལ་ཕྱིན་མི་འགྱུར། །ཡོན་ཏན་ཐམས་ཅད་ཀུན་རྫོགས་ཀྱང་། །བླ་མ་མེད་ན་སྲིད་མཐའ་མིན། །ཞེས་སོ། །དེ་བས་ན་སྒོམ་པ་ཐམས་ཅད་ཀྱི་ནང་ནས་བླ་མ་སྒོམ་པ་དང་། མཆོད་པ་ཐམས་ཅད་ཀྱི་ནང་ནས་བླ་མ་མཆོད་པ་ལས་ལྷག་པའི་བསོད་ནམས་མེད་པའི་ཚུལ་ནམ་མཁའ་ཀློང་ཡངས་ལས། ལྷ་སྐུ་འབུམ་ཕྲག་སྟོང་བསྒོམས་པས། །བླ་མའི་མོས་པ་ཁྱད་པར་འཕགས། །ཞེས་དང་། དེའི་ཚུལ་ཡང་བསྐྱེད་རྫོགས་གཞན་དག་བསྙེན་སྒྲུབ་ལས་སྦྱོར་དང་བོགས་འདོན་གྱི་གྲོགས་རྐྱེན་ལ་ལྟོས་པ་ལས་རང་ངོ་དེས་མི་གྲོལ་ལ། འདིར་ནི། བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཞེས་དང་། རྒྱུད་སྡེ་ལྔ་བཅུ་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གི་ས་ཐོབ་འགྱུར། །ཞེས་པ་ལ་དགོངས་ནས། སྡོམ་འབྱུང་ལས། མཆོད་པ་ཐམས་ཅད་ཡོངས་སྤངས་ཏེ། །བླ་མ་མཆོད་པ་ཡང་དག་བརྩམ། །འདི་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་པས་འདིར་དེའི་ཚུལ་ལག་ཏུ་བླང་བའི་ཆོ་ག་ལ་སྦྱོར་དངོས་རྗེས་གསུམ་ལས། དང་པོ་ནི། དབང་དང་འབྲེལ་ན་ཚོན་དཀྱིལ་གཉིས་གང་རུང་གི་དཀྱིལ་འཁོར་སྒོ་རྫོགས་ཅན་སྤྱི་དང་མཐུན་པ་ལ་དབུས་ནས་རིམ་པར། རིན་ཆེན་ཟུར་བརྒྱད། རིག་འཛིན་སྣམ་བུ། པད་འདབ་བཅུ་བཞི། ཉེར་བཞི། ཞེ་ལྔ་པ་རྣམས་ལ་ལྷ་གནས་ཀྱི་དྲིའི་ཐིག་ལེ་བཀོད་པའི་ཤར་སྒོའི་གཡས་གཡོན་དུ་དབང་རྫས་ཀྱང་བཤམ། ཚོགས་གསོག་སྤྱིར་བཏང་ཙམ་ལ་དཀྱིལ་འཁོར་མ་གྲུབ་ན་བྲིས་སྐུ་ལ་སོགས་པའི་རྟེན་དང་སྤྱན་གཟིགས་དགྲམ། མཆོད་གཏོར་དང་ཚོགས་ཀྱི་འཁོར་ལོའི་ལོངས་སྤྱོད་རྒྱ་ཆེན་པོ་འདུ་བྱ་བ་ནི་ཅི་ནས་ཀྱང་གལ་ཆེའོ། །གཉིས་པ་དངོས་གཞི་ལ་རྣམ་གྲངས་ཉེར་གཅིག་ལས། དང་པོ་སྐྱབས་སེམས་ནི། སངས་རྒྱས་ཆོས་དང་ཚོགས་སོགས་ལན་གསུམ། གཉིས་པ་བླ་མའི་མོས་གུས་ལ་བརྟེན་ནས་རྒྱུད་སྦྱོང་བ་ནི། མོས་གུས་དྲག་པོས།}} སྙིང་དབུས་དད་པའི་གེ་སར་བཞད་པ་ནས། །སྐྱབས་གཅིག་དྲིན་ཅན་བླ་མ་ཡར་ལ་བཞེངས། །ལས་དང་ཉོན་མོངས་དྲག་པོས་གཟིར་བ་ཡི། །སྐལ་པ་ངན་པ་བདག་ལ་སྐྱོབ་པའི་ཕྱིར། །སྤྱི་བོ་བདེ་ཆེན་འཁོར་ལོའི་རྒྱན་དུ་བཞུགས། །དྲན་དང་ཤེས་བཞིན་ཀུན་ཀྱང་བཞེངས་སུ་གསོལ། །ད་རེས་དམྱལ་བ་ཡི་དྭགས་དུད་འགྲོ་དང་། །ཚེ་རིང་ལྷ་དང་ཀླ་ཀློ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །མི་ཁོམ་བརྒྱད་ལས་ཐར་པའི་དལ་བ་ཐོབ། །མིར་གྱུར་དབང་པོ་ཚང་དང་ཡུལ་དབུས་སྐྱེས། །ལས་མཐའ་མ་ལོག་བསྟན་ལ་དད་པ་སྟེ། །རང་ཉིད་འབྱོར་པ་ལྔ་ཚང་སངས་རྒྱས་བྱོན། །ཆོས་གསུང་བསྟན་པ་གནས་དང་དེ་ལ་ཞུགས། །བཤེས་གཉེན་དམ་པས་ཟིན་དང་གཞན་འབྱོར་ལྔ། །ཐམས་ཅད་རང་ལ་ཚང་བའི་གནས་ཐོབ་ཀྱང་། །རྐྱེན་མང་ངེས་པ་མེད་པའི་ཚེས་སྤངས་ནས། །འཇིག་རྟེན་ཕ་རོལ་ཉིད་དུ་སོན་པར་འགྱུར། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་རེས་དལ་རྟེན་དོན་ཡོད་མ་བྱས་ན། །ཕྱི་ནས་ཐར་པ་བསྒྲུབ་པའི་རྟེན་མི་རྙེད། །བདེ་འགྲོའི་རྟེན་ལ་བསོད་ནམས་ཟད་གྱུར་ནས། །ཤི་བའི་འོག་ཏུ་ངན་སོང་ངན་འགྲོར་འཁྱམ། །དགེ་སྡིག་མི་ཤེས་ཆོས་ཀྱི་སྒྲ་མི་ཐོས། །དགེ་བའི་བཤེས་དང་མི་མཇལ་མཚང་རེ་ཆེ། །སེམས་ཅན་ཙམ་གྱི་གྲངས་དང་རིམ་པ་ལ། །བསམས་ན་མི་ལུས་ཐོབ་པ་སྲིད་མཐའ་ཙམ། །མི་ཡང་ཆོས་མེད་སྡིག་ལ་སྤྱོད་མཐོང་ན། །ཆོས་བཞིན་སྤྱོད་པ་ཉིན་མོའི་སྐར་མ་ཙམ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །གལ་ཏེ་མི་ལུས་རིན་ཆེན་གླིང་ཕྱིན་ཡང་། །ལུས་རྟེན་བཟང་ལ་བྱུར་པོ་ཆེ་ཡི་སེམས། །ཐར་པ་བསྒྲུབ་པའི་རྟེན་དུ་མི་རུང་ཞིང་། །ཁྱད་པར་བདུད་ཀྱིས་ཟིན་དང་དུག་ལྔ་འཁྲུགས། །ལས་ངན་ཐོག་ཏུ་བབས་དང་ལེ་ལོས་གཡེང་། །གཞན་ཁོལ་བྲན་གཡོག་འཇིགས་སྐྱོབ་ཆོས་ལྟར་བཅོས། །རྨོངས་སོགས་འཕྲལ་བྱུང་རྐྱེན་གྱི་མི་ཁོམ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །སྐྱོ་ཤས་ཆུང་ཞིང་དད་པའི་ནོར་དང་བྲལ། །འདོད་སྲེད་ཞགས་པས་བཅིངས་དང་ཀུན་སྤྱོད་རྩུབ། །མི་དགེ་སྡིག་ལ་མི་འཛེམ་ལས་མཐའ་ལོག །སྡོམ་པ་ཉམས་ཤིང་དམ་ཚིག་རལ་པ་སྟེ། །རིས་ཆད་བློ་ཡི་མི་ཁོམ་རྣམ་པ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་ལྟ་ནད་དང་སྡུག་བསྔལ་གྱིས་མ་གཟིར། །བྲན་ཁོལ་ལ་སོགས་གཞན་དབང་མ་གྱུར་པས། །རང་དབང་ཐོབ་པའི་རྟེན་འབྲེལ་འགྲིགས་དུས་འདིར། །སྙོམས་ལས་ངང་དུ་དལ་འབྱོར་ཆུད་གསོན་ན། །འཁོར་དང་ལོངས་སྤྱོད་ཉེ་དུ་འབྲེལ་པ་ལྟ། །ལྟ་ཅི་གཅེས་པར་བཟུང་བའི་ལུས་འདི་ཡང་། །མལ་གྱི་ནང་ནས་ས་ཕྱོགས་སྟོང་པར་བསྐྱལ། །ཝ་དང་བྱ་རྒོད་ཁྱི་ཡིས་འདྲད་པའི་དུས། །བར་དོའི་ཡུལ་ན་འཇིགས་པ་ཤིན་ཏུ་ཆེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དགེ་སྡིག་ལས་ཀྱི་རྣམ་སྨིན་ཕྱི་བཞིན་འབྲང་། །ཁྱད་པར་དམྱལ་བའི་འཇིག་རྟེན་ཉིད་སོན་ན། །ལྕགས་བསྲེགས་ས་གཞིར་མཚོན་གྱིས་མགོ་ལུས་འབྲལ། །སོག་ལེས་གཤོག་དང་ཐོ་ལུམ་འབར་བས་འཚིར། །སྒོ་མེད་ལྕགས་ཁྱིམ་འཐུམས་པར་འོ་དོད་འབོད། །འབར་བའི་གསལ་ཤིང་གིས་འབུགས་ཁྲོ་ཆུར་འཚོད། །ཀུན་ནས་ཚ་བའི་མེས་བསྲེགས་བརྒྱད་ཚན་གཅིག །གངས་རི་སྟུག་པོའི་འདབས་དང་ཆུ་འཁྱགས་ཀྱི། །གཅོང་རོང་ཡ་ངའི་གནས་སུ་བུ་ཡུག་སྦྲེབས། །གྲང་རེག་རླུང་གིས་བཏབ་པའི་ལང་ཚོ་ནི། །ཆུ་བུར་ཅན་དང་ལྷག་པར་བརྡོལ་བ་ཅན། །སྨྲེ་སྔགས་རྒྱུན་མི་ཆད་པར་འདོན་པ་ཡང་། །ཚོར་བའི་སྡུག་བསྔལ་བརྣག་པར་དཀའ་བ་ཡིས། །ཟུངས་ཀྱིས་རབ་བཏང་འཆི་ཁའི་ནད་པ་བཞིན། །ཤུགས་རིང་འདོན་ཞིང་སོ་ཐམ་པགས་པ་འགས། །ཤ་འུ་ཐོན་ནས་ལྷག་པར་འགས་ཏེ་བརྒྱད། །དེ་བཞིན་སྤུ་གྲིའི་ཐང་ལ་རྐང་པ་གཤོགས། །རལ་གྲིའི་ཚལ་དུ་ལུས་ལ་བཅད་གཏུབས་བྱེད། །རོ་མྱགས་འདམ་ཚུད་ཐལ་ཚན་རབས་མེད་ཀློང་། །མནར་བའི་ཉེ་འཁོར་བ་དང་འགྱུར་བ་ཅན། །སྒོ་དང་ཀ་བ་ཐབ་དང་ཐག་པ་སོགས། །རྟག་ཏུ་བཀོལ་ཞིང་སྤྱོད་པའི་ཉི་ཚེ་བ། །རྣམ་གྲངས་བཅོ་བརྒྱད་གང་ལས་འབྱུང་བའི་རྒྱུ། །ཞེ་སྡང་དྲག་པོའི་ཀུན་སློང་སྐྱེས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དེ་བཞིན་ཕོངས་ལ་ཉམས་མི་དགའ་བའི་ཡུལ། །བཟའ་བཏུང་ལོངས་སྤྱོད་མིང་ཡང་མི་གྲགས་པར། །ཟས་སྐོམ་ལོ་ཟླར་མི་རྙེད་ཡི་དྭགས་ལུས། །རིད་ཅིང་ལྡང་བའི་སྟོབས་ཉམས་རྣམ་པ་གསུམ། །གང་ལས་འབྱུང་བའི་རྒྱུ་ནི་སེར་སྣ་ཡིན། །གཅིག་ལ་གཅིག་བཟའ་གསོད་པའི་འཇིགས་པ་ཆེ། །བཀོལ་ཞིང་སྤྱོད་པས་ཉམ་ཐག་བླང་དོར་རྨོངས། །ཕ་མཐའ་མེད་པའི་སྡུག་བསྔལ་གྱིས་གཟིར་བའི། །ས་བོན་གཏི་མུག་མུན་པར་འཁྱམས་པ་བདག །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ཆོས་ལམ་ཞུགས་ཀྱང་ཉེས་སྤྱོད་མི་སྡོམ་ཞིང་། །ཐེག་ཆེན་སྒོར་ཞུགས་གཞན་ཕན་སེམས་དང་བྲལ། །དབང་བཞི་ཐོབ་ཀྱང་བསྐྱེད་རྫོགས་མི་སྒོམ་པའི། །ལམ་གོལ་འདི་ལས་བླ་མས་བསྒྲལ་དུ་གསོལ། །ལྟ་བ་མ་རྟོགས་ཐོ་ཅོའི་སྤྱོད་པ་ཅན། །སྒོམ་པ་ཡེངས་ཀྱང་གོ་ཡུལ་འུད་གོག་འཐག །སྤྱོད་པ་ནོར་ཀྱང་རང་སྐྱོན་མི་སེམས་པའི། །ཆོས་དྲེད་འདི་ལས་བླ་མས་བསྒྲལ་དུ་གསོལ། །ནངས་པར་འཆི་ཡང་གནས་གོས་ནོར་ལ་སྲེད། །ན་ཚོད་ཡོལ་ཡང་ངེས་འབྱུང་སྐྱོ་ཤས་བྲལ། །ཐོས་པ་ཆུང་ཡང་ཡོན་ཏན་ཅན་དུ་རློམ། །མ་རིག་འདི་ལས་བླ་མས་བསྒྲལ་དུ་གསོལ། །རྐྱེན་ཁར་འཆོར་ཡང་འདུ་འཛི་གནས་སྐོར་སེམས། །དབེན་པ་བསྟེན་ཀྱང་རང་རྒྱུད་ཤིང་ལྟར་རེངས། །དུལ་བར་སྨྲ་ཡང་ཆགས་སྡང་མ་ཞིག་པའི། །ཆོས་བརྒྱད་འདི་ལས་བླ་མས་བསྒྲལ་དུ་གསོལ། །གཉིད་འཐུག་འདི་ལས་མྱུར་དུ་སད་དུ་གསོལ། ཁྲི་མུན་འདི་ལས་མྱུར་དུ་དབྱུང་དུ་གསོལ། །{{TibChung|ཞེས་འབོད་པ་དྲག་པོས་ཐུགས་རྗེ་ལྷོངས་པར་བྱའོ། །གསུམ་པ་ཐེག་པ་ཆེན་པོའི་ལམ་གྱི་རྩ་བ་བྱང་སྡོམ་བླང་བའི་ཐོག་མར་ཚོགས་གསོག་ནི།}} གང་ཞིག་ལུས་པ་མེད་པའི་སེམས་ཅན་གྱི། །མགོན་དང་དཔུང་གཉེན་གྱུར་ཀྱང་བདུད་སྡེའི་དགྲ། །ཇི་ལྟ་ཇི་སྙེད་མཁྱེན་ཅིང་གཟིགས་པ་ཡི། །བཅོམ་ལྡན་བདག་གི་སྡུམ་པར་མཆིས་སུ་གསོལ། །ལས་ཀྱིས་སྤྲུལ་པ་མ་ཡིན་འབྱོན་པའི་ཤུལ། །ཁྲུས་ཀྱི་ཁང་བུ་བརྩེགས་པ་དྲི་བསུང་ཅན། །ཤེལ་དང་ནོར་བུའི་ས་གཞི་ཀ་བར་ལྡན། །གཡུ་དམར་མུ་ཏིག་བླ་བྲེ་དཔྱངས་པ་དེར། །བདེ་གཤེགས་རིགས་ཀྱི་བུ་མཆོག་བཅས་པ་ལ། །སྤོས་ཆུས་གང་བའི་ནོར་བུའི་བུམ་པ་ནས། །ཁྲུས་ཀྱི་རིམ་གྲོ་བགྱིད་པའི་སྨིན་ལེགས་མ། །གླུ་གར་རོལ་མོའི་འགྱུར་བ་འགྲན་ལ་བརྩོན། །ཉེ་རེག་ཆོ་ག་མཁས་པའི་རི་དྭགས་མིག །དྲིལ་ཕྱིས་བསྐུ་མཉེའི་སྲི་ཞུས་གཡེང་བ་ཡང་། །ཁ་དོག་གཅིག་ཏུ་མི་གནས་དབང་པོའི་ཚོན། །ཐགས་སུ་བཏགས་པ་མེད་པའི་ལྷ་རྫས་ཉོ། །དཔག་བསམ་ལྗོན་པས་བཙོང་པའི་པཉྩ་ལི། །ལྕིད་ཀྱིས་ནོན་སྤངས་སྲབ་འཇམ་ཡང་པའི་གོས། །དྲི་དང་སྤོས་ཆུས་བགོས་ཤིང་བྱུགས་པ་དང་། །རིན་ཐང་བརྗོད་ལ་ཁྲེལ་བའི་རིན་ཆེན་རྒྱན། །གདུ་བུ་དཔུང་རྒྱན་སྙན་ཆ་ཅོད་པན་སོགས། །འདོད་པའི་ཡོན་ཏན་སྤངས་པའི་ཐུབ་དབང་ཡང་། །བཀྲེན་ལྡན་བསོད་ནམས་སླད་དུ་བདག་གིར་བཞེས། །འཇིག་རྟེན་དབང་ཕྱུག་ལ་སོགས་ཉེ་བའི་སྲས། །ངན་སོང་ཀུན་འདྲེན་ལ་སོགས་བསྐལ་བཟང་གི། །སེམས་དཔའ་བཅུ་དྲུག་དང་ནི་ཁྱིམ་པའི་ཚུལ། །ཆོས་འཕགས་རྟག་ཏུ་ངུ་དང་ལི་ཙ་བྱི། །དྲི་མ་མེད་པར་གྲགས་ལའང་དབུལ་བར་བགྱི། །སྟོང་གསུམ་ཅིག་ཅར་ཁྱབ་པའི་དྲིའི་བཞོན་པར། །འཁྱུད་པའི་ཙན་དན་སྤོས་ཀྱི་བསུང་ཞིམ་དྲིས། །བསོད་ནམས་བྱེ་བའི་འབྱུང་གནས་མཚན་དཔེའི་བྱད། །གསེར་སྦྱངས་བརྟན་པ་འཕྲོག་ལ་བྱུག་པར་བགྱི། །བཏང་སྙོམས་ཡངས་པའི་ཤེལ་གྱི་ས་གཞི་ལ། །བྱམས་པའི་པདྨོ་གེ་སར་སྟོང་བརྡལ་བར། །སྙིང་རྗེའི་ཉི་ཟླ་བཀྲག་ཏུ་འཚེར་བ་བསྟར། །དགའ་ཆེན་བཅོམ་ལྡན་སྲས་བཅས་བཞུགས་སུ་གསོལ། །བབས་ཅོལ་གོམས་པ་མིན་པའི་ལུས་བཏུད་ཀྱིས། །སྙིང་ཁར་གུས་བཅས་མངོན་རྟོགས་ངོམ་པ་ལ། །མེ་ཏོག་དོག་པས་རབ་བཟུང་སྙིམ་པའི་སྣོད། །ག་བུ་ཆུང་གི་བརྟུལ་ཞུགས་འཛིན་པ་ཡིན། །རིག་དང་ཞབས་སུ་ལྡན་སོགས་བདེ་གཤེགས་ཀྱི། །ཡོན་ཏན་མཐའ་དག་གནས་ཀྱིས་བསྐལ་པ་བཞིན། །དད་པའི་སྐྱེད་མོས་ཚལ་དུ་འོངས་པའི་མོད། །སྐྱོ་བ་མིན་པའི་བ་སྤུ་གཅིག་ཏུ་ཟིང་། །ཟླ་གཞོན་ཁྲུས་ལ་འཇུག་པའི་རྫིང་བུའི་ནང་། །རྨ་བྱའི་བུ་མོ་འཇོ་སྒེག་རོལ་པ་ལྟའི། །ལང་ཚོའི་གྲངས་སྙེད་རྡུལ་གྱི་རྣམ་གྲངས་དང་། །ཤིན་ཏུ་འཕྲུལ་པ་སྐྱེད་བྱེད་ཕྱག་གིས་བྲེལ། །གཏོང་བའི་ཡན་ལག་རྫོགས་པའི་དངོས་འབྱོར་དང་། །དེས་ཀྱང་མཚོན་པ་དཔེ་མེད་ཡིད་ཀྱིས་སྤྲུལ། །བླ་ན་མཆིས་པ་མ་ཡིན་མཆོད་པའི་སྤྲིན། །ཀུན་ཏུ་བཟང་པོའི་ཡོན་ལ་ཕྲག་དོག་བགྱིད། །མུ་ཅོར་སྨྲ་བའི་ལས་དང་བག་ཆགས་སྡིག །དགེ་ལ་འཇིགས་ནས་གཞན་དུ་བྲོས་པའི་གཟུགས། །སྲིད་པའི་མུན་ནག་སྟུག་པོར་འཆབ་པ་ཀུན། །སྟོབས་བཞིའི་ཉིན་བྱེད་འབར་བས་སྦྱངས་ཤིང་བཤགས། །སྦྱོར་བ་གང་གིས་བདག་ཉིད་མ་འཁྲུགས་བཞིན། །བསམ་པའི་ཁྱད་པར་གཅིག་གིས་གཞན་དག་གི། །རྣམ་དཀར་ཡུད་ལ་འཕྲོག་པའི་ཆོམ་རྐུན་གྱི། །བརྟུལ་ཞུགས་རྗེས་སུ་ཡི་རང་ཁོ་ནས་བྱས། །ཐར་མེད་འཁོར་བའི་སྤྱོད་པ་མ་དུལ་ཞིང་། །རྣམ་པར་སྲ་མཁྲེགས་ཐ་བ་གང་གིས་ཀྱང་། །གདུལ་ཐབས་བརྟན་པ་བྲལ་ལ་ཆོས་འཁོར་གྱི། །རྩིབས་རྣོན་མུ་ཁྱུད་འཛིན་དེ་བསྐོར་བར་བསྐུལ། །རྒྱལ་དང་དེ་སྲས་རྣམས་ཀྱིས་སྤངས་གྱུར་པའི། །འགྲོ་འདིས་སྡུག་བསྔལ་གནས་སྐབས་རྟེན་མཐོང་ནས། །མྱ་ངན་འདའ་བ་མེད་པའི་གདན་ཁྲི་ལ། །དངོས་པོ་ཀུན་གྱི་རིན་ཐང་གཅིག་ཏུ་སྤུངས། །བདག་ཏུ་བལྟ་བས་འདར་བའི་རྣམ་དཀར་ཡང་། །སྲིད་པར་ལན་ཅིག་མཐོ་བའི་ཆོ་ངེ་སྟེ། །བྱང་ཆུབ་བསྔོ་བའི་གསེར་འགྱུར་རྩིས་ཐེབས་པ། །འདི་ནི་སྟོན་པ་གཞན་གྱི་ལུགས་ལ་མེད། །ཆོག་ཤེས་བདུད་རྩིའི་བཏུང་བས་མ་ངོམས་ན། །སྐྱེས་བུའི་ཡིད་ལ་མ་བཟུང་མཆོད་སྤྲིན་ཡང་། །ཚིག་གི་ཕ་མཐར་འཁྱམ་ལ་སྐྲག་གྱུར་ནས། །བདག་ལུས་སྟན་དུ་དབུལ་ལའང་དོ་གལ་བགྱིད། །དཀོན་མཆོག་གསུམ་གྱི་འབངས་སུ་དམ་བཅས་པའི། །གྲིབ་བསིལ་སོ་ཀའི་མེ་ཏོག་འཇོ་སྒེག་ཅན། །རྣམ་ཀུན་འཁྲུགས་པའི་གཤིན་རྗེའི་མདུན་སར་ཡང་། །ཁྲོ་གཉེར་འཇིག་པའི་རིན་ཐང་ཟད་མི་ཤེས། །དེས་ནི་གཏི་མུག་མཐུས་ནོན་སྡིག་ལྡན་བདག །བྱི་དོར་ཤིན་ཏུ་བསྟེན་པའི་དྭངས་ཤེལ་ལྟར། །བསོད་ནམས་རྙོག་པ་དྭངས་པའི་སེམས་ཀྱི་ནང་། །སེམས་བསྐྱེད་ཆོ་གས་ཐོབ་པའི་གཟུགས་བརྙན་རྔོམ། །ཉེས་པ་བརྒྱ་ཕྲག་གཡང་སར་ལྷུང་བ་ཡི། །རིམས་ཀྱིས་ཤིན་ཏུ་བཏབ་པའི་ནད་པ་རྣམས། །གསོ་དཔྱད་ཕལ་པའི་མདུན་སར་དབུགས་མི་ཕྱིན། །སྨན་པ་མཆོག་ལ་སྐྱབས་སུ་ལྷག་པར་དོང་། །མོས་པ་གང་གི་སླད་དུ་འདིར་གཤེགས་ནས། །སེམས་ཅན་ཁམས་ལ་དགོངས་པའི་སྟོན་མཆོག་ནི། །ཐེག་པ་ཆེན་པོའི་སྐྱེས་བུ་འབའ་ཞིག་པའི། །ཚོགས་ཀྱི་དབུས་ན་ལྷམ་མེར་མཛེས་པ་ལ། །སྐྱབས་སུ་འགྲོ་བ་གསུམ་གྱིས་གཞི་བཅས་ལ། །དགོངས་སུ་གསོལ་བ་གསུམ་གྱིས་སད་བྱས་ནས། །རྒྱལ་བ་སྲས་དང་བཅས་པའི་ཐུགས་བསྐྱེད་དང་། །བསླབ་པའི་བརྟུལ་ཞུགས་མཐའ་དག་བླང་བ་ཡིན། །ཉོན་སྒྲིབ་ཟུག་རྔུའི་དུམ་བུ་བཅད་གྱུར་ཀྱང་། །ཤེས་སྒྲིབ་ཡུལ་གྱི་རོ་ལ་བཅགས་པ་ཡི། །ཉན་རང་དགྲ་བཅོམ་མ་བསྒྲལ་བ་ལས་བསྒྲལ། །གཉིས་ཀའི་འཆིང་བས་ཀུན་ནས་དཀྲིགས་པ་ཡི། །ཚངས་པ་ལ་སོགས་སོ་སོའི་སྐྱེ་བོ་ནས། །སློབ་པ་འཕགས་པའི་བར་ལ་གནས་པ་ཡི། །སེམས་ཅན་མ་གྲོལ་བ་རྣམས་དགྲོལ་བ་དང་། །ཤིན་ཏུ་སྡུག་བསྔལ་དྲག་པོའི་ཤུགས་རིང་ལས། །དབུགས་འབྱིན་ཐོབ་པ་མེད་པའི་ངན་སོང་གསུམ། །དབུགས་འབྱིན་ཆེན་པོའི་གནས་ལ་སྦྱར་བ་དང་། །མདོར་ན་རྟེན་ཅིང་འབྲེལ་འབྱུང་བཅུ་གཉིས་ཀྱི། །འཁོར་ལོའི་རྒྱར་ཆུད་སེམས་ཅན་ཡོད་དོ་ཅོག །མི་གནས་ཡེ་ཤེས་མྱ་ངན་འདས་པའི་གྲོང་། །འགོད་བྱེད་ཆོ་གས་བཟུང་བའི་བརྗོད་པ་ནི། །སྔོན་བྱོན་དྲང་སྲོང་རྣམས་ཀྱི་ལུགས་ལ་བརྟེན། །{{TibChung|བཞི་པ་ཚད་མེད་བཞི་བསྒོམ་པ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ལན་གསུམ། {{TibChung|ལྔ་པ་སྨོན་འཇུག་སྟབས་གཅིག་ཏུ་བླང་བ་ནི།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་བསླབ་པར་བགྱི། །{{TibChung|ལན་གསུམ། དྲུག་པ་སེམས་གཟེངས་བསྟོད་པ་ནི།}} སྔོན་ཆད་གཞན་གྱི་དོན་ལ་ལྟ་ཅི་སྨོས། །རང་དོན་ཉིད་དུ་རྨི་བའང་མ་མྱོང་བའི། །རིན་ཆེན་སེམས་ཀྱི་ཁྱད་པར་དམ་པ་འདིས། །བདག་གི་སྲིད་པ་རིན་ཐང་མེད་པ་བྱས། །རིགས་ལས་ཉམས་པ་གང་ཞིག་ཆོ་རིགས་ཀྱིས། །ལྷག་པར་བཙུན་པའི་གནས་ཐོབ་ཇི་བཞིན་དུ། །རྒྱལ་བ་ཀུན་གྱི་སྲས་སུ་དེང་གྱུར་པས། །བྱང་ཆུབ་སེམས་དཔའི་མིང་གི་ཅོད་པན་འཐོབ། །སྲིད་གསུམ་བདག་པོ་བྱས་དང་དེ་ཉིད་ཀྱིས། །རྨོངས་པའི་བླ་དྭགས་དཔྱངས་ལའང་དགའ་བྱེད་ན། །བྱང་ཆུབ་སེམས་དཔའི་གནས་ཐོབ་དེ་རིང་ཙམ། །དགའ་བའི་འཁྲི་ཤིང་སློང་ལ་ལྷ་ཡང་ཕྱོགས། །འཆི་བདག་འཇོམས་པའི་བདུད་རྩི་མི་ཟད་གཏེར། །དབུལ་བ་སེལ་བའི་ནོར་དང་ནད་ཞིའི་སྨན། །སྲིད་ལམ་དུབ་པའི་མགྲོན་པོའི་ངལ་སྟེགས་ཕྱིར། །བདག་ནི་དེང་ནས་འགྲོ་བའི་ཉེར་འཚོར་གྱུར། །བདུན་པ་བགེགས་ལ་བཀའ་བསྒོ་བ་ནི། ཨེ་མ་ང་ནི་རང་བྱུང་བ། །ཁྲོ་རྒྱལ་དཔལ་ཆེན་ཉིད་ཀྱི་སྐུ། །དངོས་གྲུབ་བར་ཆད་བྱེད་པའི་བགེགས། །འདི་རུ་མ་འདུག་གཞན་དུ་སོང་། །ཅི་སྟེ་འགྲོ་བར་མི་བྱེད་ན། །མགོ་བོ་ཚལ་པ་བརྒྱར་འགས་ཤིང་། །ལུས་ནི་དུམ་བུ་སྟོང་དུ་གཏུབས། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། བརྒྱད་པ་མཚམས་གཅོད་་ནི། ཧཱུྃ། སྟེང་འོག་ཕྱོགས་མཚམས་ཡེ་ཤེས་མེ་དཔུང་འབར། །རྡོ་རྗེའི་རྭ་བ་དྲྭ་བ་གུར་དང་ནི། །བླ་རེ་མཚོན་ཆའི་འཁོར་ལོས་ནམ་མཁའ་ཁྱབ། །ཁྲོ་བོ་ཁྲོ་མོ་དཔལ་ཆེན་རྔམ་པའི་ཚོགས། །སྤྲིན་ཕུང་འཁྲིགས་ཤིང་ཧཱུྃ་སྒྲ་དི་རི་རི། །ཧཱུྃ་ཧཱུྃ་ཧཱུྃ། དགུ་པ་མཆོད་རྫས་བྱིན་གྱིས་རློབ་པ་ནི། ཨ་མྲྀ་ཏས་བསང་སྦྱངས། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ན་མཿསརྦ་ཏ་ཐཱ་ག་ཏ་སོགས་དང་། སྨན་གཏོར་རཀྟའི་སྔགས་ཀྱིས་བརླབ། བཅུ་པ་ཚོགས་ཞིང་བསྒྲུབ་པ་ནི། བདག་མདུན་བླ་འོག་ལྟར་གསལ་ཀྱང་སྤྱི་བོ་ཆེར་སོན་པ་དང་། ཚོགས་ཞིང་ཆུང་ངུར་སོན་པའི་ཀུན་རྟོག་རང་རྒྱུད་པ་སྤངས་ཏེ་ཏིང་ངེ་འཛིན་གྱི་རྣམ་འཕྲུལ་བསམ་གྱིས་མི་ཁྱབ་པ་ཉམས་འོག་ཏུ་ཆུད་པས། ཨོཾ་སྭཱ་བྷཱ་ཝས་སྟོང་པར་སྦྱངས། རང་སྣང་ལྷུན་གྲུབ་དག་པ་རབ་འབྱམས་ཞིང་། །བཀོད་པ་རབ་རྫོགས་ཟངས་མདོག་དཔལ་རིའི་དབུས། །རང་ཉིད་རྗེ་བཙུན་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་དམར་གསལ་གྲི་ཐོད་འཛིན། །ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགས། །སྤྱི་བོར་པདྨ་འབུམ་བརྡལ་ཉི་ཟླའི་སྟེང་། །སྐྱབས་གནས་ཀུན་འདུས་རྩ་བའི་བླ་མ་དང་། །དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུ། །དཀར་དམར་མདངས་ལྡན་གཞོན་ནུའི་ཤ་ཚུགས་ཅན། །ཕོད་ཁ་ཆོས་གོས་ཟབ་བེར་འདུང་མ་གསོལ། །ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབས། །ཕྱག་གཡས་རྡོ་རྗེ་གཡོན་པ་ཐོད་བུམ་བསྣམས། །དབུ་ལ་འདབ་ལྡན་པདྨའི་མཉེན་ཞུ་གསོལ། །མཆན་ཁུང་གཡོན་ན་བདེ་སྟོང་ཡུམ་མཆོག་མ། །སྦས་པའི་ཚུལ་གྱིས་ཁ་ཊྭཱཾ་རྩེ་གསུམ་བསྣམས། །འཇའ་ཟེར་ཐིག་ལེ་འོད་ཕུང་ཀློང་ན་བཞུགས། །ཕྱི་འཁོར་འོད་ལྔའི་དྲ་བས་མཛེས་པའི་ཀློང་། །སྤྲུལ་པའི་རྗེ་འབངས་ཉི་ཤུ་རྩ་ལྔ་དང་། །རྒྱ་བོད་པཎ་གྲུབ་རིག་འཛིན་ཡི་དམ་ལྷ། །མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབས། །གསལ་སྟོང་མཉམ་གནས་ཆེན་པོའི་ངང་དུ་གསལ། །ཞེས་མོས་པས་བསྐྱེད་ནས། རྣམ་པ་བྱེ་བྲག་ཏུ་གསལ་གདབ་པ་ནི། ཧཱུྃ། སངས་རྒྱས་ཀུན་གྱི་ངོ་བོ་བླ་མ་རྗེའི། །ཐུགས་ཀ་ཆོས་ཀྱི་འཁོར་ལོའི་ལྟེ་བ་ལ། །མི་འཇིགས་སེང་གེ་བརྒྱད་ཀྱིས་བཏེག་པའི་ཁྲིར། །དང་པོའི་སངས་རྒྱས་ཀུན་བཟང་ཡབ་ཡུམ་བཞུགས། །པད་འདབ་བཞི་ལ་མདུན་ནས་རིམ་པ་བཞིན། །བདེ་གཤེགས་རི་རབ་མར་མེ་རྒྱལ་མཚན་ནི། །དྲུག་པ་རྡོ་རྗེ་འཆང་གི་རྣམ་པ་དང་། །དགའ་རབ་ཤྲཱི་་་ཧེ་རུ་ཀའི་ཆས།་་་སིང་ཛྙཱ་ན་སུ་ཏྲས་བསྐོར། །རྒྱལ་རིག་གང་ཟག་ལས་སྐྱེས་འགོག་ལམ་གྱི། །བདེན་གཉིས་ལུང་གི་ཆོས་ཚུལ་མ་ལུས་པ། །བདེན་པ་དབྱེར་མེད་རྟོགས་པའི་ངོ་བོར་རྫོགས། །དཀོན་མཆོག་གསུམ་གྱི་བདག་ཉིད་ཨེ་མ་ཧོ། ༈ །རང་ཉིད་རྡོ་རྗེ་རྣལ་འབྱོར་མའི། །སྤྱི་བོར་པདྨ་འབུམ་བརྡལ་ནི། །ཟང་ཐལ་སྒྲིབ་གཡོགས་བྲལ་པའི་གཞིའི། །ནང་རིམ་རིན་ཆེན་ཟུར་བརྒྱད་ཀྱི། །ཤར་དུ་ཧཱུྃ་ཀཱར་རྡོ་རྗེ་གདེངས། །ལྷོ་རུ་བཤེས་གཉེན་རིན་ཆེན་འཛིན། །ནུབ་ཏུ་ཀླུ་སྒྲུབ་པདྨ་བསྣམས། །བྱང་དུ་པྲ་ཆེན་རྒྱ་གྲམ་གདེངས། །ཤར་ལྷོ་ནས་བརྩམས་མཚམས་བཞི་རུ། །དྷ་ན་སཾ་སྐྲྀ་ཐོད་རྔ་འཁྲོལ། །བི་མ་མི་ཏྲ་ཚེ་བུམ་འཛིན། །གུ་ཧྱ་ཙནྟྲ་མཆོད་སྡོང་བསྣམས། །ཤཱནྟིང་གརྦྷ་འཁོར་ལོ་གདེངས། །ཀུན་ཀྱང་གཡོན་པ་དྲིལ་བུ་འཛིན། །འཁོར་ལོས་སྒྱུར་བའི་ཆས་ཀྱིས་རོལ། །དེའི་ཕྱི་རིག་འཛིན་སྣམ་བུ་ལ། །རྒྱལ་གསུང་ལམ་བདེན་སེང་གེའི་སྒྲ། །རྡོ་རྗེའི་ཐེག་པ་རིམ་པ་དགུས། །འདྲེན་པའི་ཤིང་རྟ་ཆེན་པོ་ནི། །དཔལ་ཆེན་གྲུབ་པ་དགུ་ལ་སོགས། །སྤྲུལ་པའི་རྗེ་འབངས་ཉི་ཤུ་ལྔ། །ཕྱོགས་ལས་རྣམ་རྒྱལ་བརྟུལ་ཞུགས་སྤྱོད། །བར་མཚམས་ཏིང་འཛིན་བཟང་པོ་ནས། །དྲིན་ཅན་བླ་མ་ཡན་ཆོད་ཀྱི། །རྫོགས་ཆེན་བརྒྱུད་པ་སྤྲིན་ལྟར་གཏིབས། ༈ །དེའི་ཕྱི་པད་འདབ་བཅུ་བཞི་ལ། སྤྱིར་བརྒྱད་ཅུ་རྩ་ལྔ་ལས་སློབ་དཔོན་པདྨ་དང་ཀླུ་སྒྲུབ་སྙིང་པོ་གོང་དུ་ཡོད་པ་རིག་པར་བྱའོ།་་་་།གྲུབ་བརྒྱའི་སྤྱི་མེས་ས་ར་ཧ། །མུ་སྟེགས་ཚར་གཅོད་འཕགས་པ་ལྷ། །ཉ་ལྟོ་ཟ་བ་ལཱུ་ཡི་པ། །ཡི་དམ་ཞལ་གཟིགས་ཡེ་ཤེས་ཞབས། །རིག་མ་ཁྱེར་སྤྲུལ་ཀུ་ཀུ་རི། །ཆུ་བོ་གྱེན་ལྡོག་བི་རཱུ་པ། །རྩོད་པའི་ཁྱུ་མཆོག་ཆོས་ཀྱི་གྲགས། །མཚོ་སྐྱེས་རྡོ་རྗེ་པདྨར་རོལ། །ནམ་མཁར་སྤྱོད་པ་ན་ལནྟྲ། །དགའ་ལྡན་གནས་གཤེགས་ཐོགས་མེད་ཞབས། །རྡོ་རྗེ་དྲིལ་བུ་བུ་སྨད་ཅན། །སྟག་ཞོན་གང་བརྒལ་ཌོཾ་བྷི་པ། །རྩོམ་མཁས་མཁར་གཤེགས་ཞི་བའི་ལྷ། །པདྨ་བཛྲ་ཁྱིམ་པའི་ཚུལ། །དེའི་ཕྱི་པད་འདབ་ཉེར་བཞི་ལ། །འཕགས་པས་ཞལ་བསྟན་བྷ་ཡ་ནི། །དབུ་མའི་དོན་གཟིགས་ཟླ་བ་གྲགས། །ནག་པོ་རྡོ་རྗེ་དཀའ་ཐུབ་ཅན། །རམས་མཁན་ཚངས་སྤྱོད་ནི་ལ་བ། །ཨིནྡྲ་བྷུ་ཏི་འདོད་ཡོན་སྤྱོད། །བྱིའུ་གསོད་པ་གྷུཎྜ་རི། །མཁའ་འགྲོས་བྱིན་རླབས་ས་ར་སུ། །རྒྱ་མཚོར་དཀའ་སྤྱད་སེང་གེ་པ། །རྒྱལ་བཏུལ་མཁར་གཤེགས་ཀ་ལ་ཀ །དགྱེས་རྡོར་ཞལ་གཟིགས་གླིང་བུ་པ། །ཀ་ལ་ལམ་པ་གཤེད་དམར་གྲུབ། །མ་གར་རྒྱལ་བཏུལ་མེ་ཏོག་པ། །སྡོམ་པའི་ཞལ་གཟིགས་ཀུ་བུ་ཙ། །རྣལ་འབྱོར་རྒྱུད་འགྲེལ་ཀུན་དགའ་སྙིང་། །ཐབས་ལམ་དབང་ཐོབ་ཙརྱ་པ། །བྱ་ལམ་རྒྱུ་བ་ཙ་པ་རི། །དབང་རྫོགས་མཁར་གཤེགས་ད་སི་རི། །མཉན་པའི་ཚུལ་འཛིན་ཀ་རུ་ཀ །རིགས་ངན་སེང་ཞོན་སེངྷ་པ། །གནས་ལུགས་དོན་གཟིགས་སྒྲ་མཁན་ཞབས། །སྒྲོལ་མས་རྗེས་བཟུང་ཙནྡྲ་གོ །གཏི་མུག་ལམ་ལོངས་ལྭ་ཝ་པ། །ཉི་ཟེར་ལ་ཞོན་ངག་གི་དབང་། །བྷཾ་ག་ལ་པ་སྦྱངས་ཡོན་ཅན། །དེའི་ཕྱི་པད་འདབ་ཞེ་ལྔ་ལ། །གདོལ་བའི་རྣམ་འགྱུར་ཐ་ག་པ། །སྡེ་སྣོད་མཁྱེན་པ་གསེར་གླིང་ཞབས། །བྱང་ཆུབ་སེམས་འབྱོངས་མར་མེ་མཛད། །ཐུགས་དམ་ཞལ་གཟིགས་ས་ར་ཀ །དཔལ་གྱི་རི་བསྐོར་ན་ད་པ། །དུར་ཁྲོད་ཉུལ་བའི་ཀོན་ཏཾ་ལི། །མཛེ་མོ་ཆུར་སྒྲོལ་ཚེམ་བུ་པ། །ཨ་ཝ་དྷཱུ་ཏི་འཇིགས་བརྒྱད་ཐར། །རྩོད་པ་ལས་རྒྱལ་ཛེ་ཏ་རི། །བྷ་ལིང་མཁར་དགྲོལ་བཟང་པོ་པ། །དུར་ཁྲོད་ཉུལ་བའི་སྨད་དཀྲིས་ཅན། །མགར་པའི་སྤྱོད་ཅན་ཏམ་པ་ཀ །མདའ་འཚོང་བདག་པོ་ད་ཀི་པ། །སུ་ཏ་ལོ་ཀི་སྨད་འཚོང་ཁོལ། །ནམ་མཁའི་ལྷར་བགྲོ་སྤྲིན་ཤུགས་ཅན། །ཐགས་ཀྱིས་འཚོ་བ་ཏནྟྲ་པ། །རྫོགས་པའི་ཚུལ་འཛིན་ཟླ་བ་བཟང་། །ཤཱཀྱ་བཤེས་གཉེན་ཤིང་ཐུན་ལུས། །ཉ་པའི་རིགས་ཅན་ཙཎྜ་ལཱི། །ནམ་མཁར་གཤེགས་པ་གླུ་དབྱངས་ཅན། །གདོལ་པ་ཏིལ་བརྡུང་བྷ་ཝ་པ། །ཉ་དོལ་འདྲུད་པ་མི་ན་ར། །བརྟུལ་ཞུགས་སྤྱོད་པ་ཨ་ནནྟ། །རིགས་ངན་མར་སྤྱོད་ཀརྞ་པ། །འཚོ་བ་སྟན་གཅིག་ཧི་ལ་པ། །འབྲས་སོ་ཟ་བ་ཀནྟྲ་པ། །རྔོན་པའི་ཚུལ་འཛིན་ཤ་ཝ་རི། །དྲི་མ་འཁྲུད་པའི་སེང་གེ་པ། །ཛ་ལན་དྷ་རི་གསད་གསོ་ནུས། །བར་དོར་གྲོལ་བ་ནག་པོ་སྤྱོད། །སྐྱོང་བྱེད་ཚུལ་འཛིན་ཕག་ཚང་པ། །ཡུམ་བཅས་འབུད་དཀྲོལ་བི་ན་ས། །སྤྱོད་པ་མཐར་ཕྱིན་ཤཱནྟི་བ། །སྣ་ཚོགས་ལུས་ཅན་མར་མེ་ལྷ། །ཏིལ་བརྡུང་གྱིས་འཚོ་ཏེ་ལོ་པ། །ནཱ་རོ་རང་གི་སྲིང་མོ་བརྟེན། ཁྱོ་ཤུག་མཁར་གཤེགས་ཀཾ་ཀ་ན། །དཱ་རི་ཀ་པ་སྨད་འཚོང་སྤྱོད། །མཆིལ་ལྷྭམ་མཁན་པོ་ཀུ་མཱ་ར། །ཞིང་པའི་ལུས་ཅན་ཏོག་ཙེ་པ། །ནཱ་ག་བོ་དྷི་བ་ལང་སྐྱོང་། །ལྐུགས་པའི་སྤྱོད་ཅན་པ་ཀ་པ། །ཤ་ཆེན་ཟ་བ་སི་ལ་ལི། །སྒྲོལ་མའི་ཞལ་གཟིགས་ཉི་མ་སྦས། །ཚེ་ལ་དབང་ཐོབ་ཀ་མ་ལ། །མདོར་ན་སྔགས་ཀྱི་བརྟུལ་ཞུགས་ཀྱིས། །རྣམ་གྲོལ་ཐོབ་བོ་འཚལ་རྣམས་ཀུན། །གདན་གསུམ་ཚང་བའི་དཀྱིལ་འཁོར་གྱི། །བདག་ཉིད་སངས་རྒྱས་ཀུན་གྱི་དངོས། །མོས་པའི་ཡིད་ཀྱིས་སྤྱན་དྲངས་ནས། །ཚོམ་བུ་གཅིག་ཏུ་གསལ་བ་ཡི། །གསེར་ཁྱམས་དཔའ་བོ་མཁའ་འགྲོ་དང་། །ཁྲག་ཁྱམས་དཔལ་མགོན་བདུན་ཅུ་ལ། །སྒོ་བཞིར་འཇིག་རྟེན་སྐྱོང་བ་བཞི། །འདོད་སྣམ་མཆོད་པའི་ལྷ་མོས་གཏིབས། །བརྟན་གཡོ་སྣོད་བཅུད་མ་ལུས་པ། །བླ་མའི་དཀྱིལ་འཁོར་གཅིག་ཏུ་རྫོགས། །བཅུ་གཅིག་པ་བྱིན་གྱིས་རློབ་པ་ནི། དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་ལས་འཁོར་ལོ་དཀར་པོ་ཨོཾ་གྱིས་མཚན་པ། མགྲིན་པར་ཨཱཿལས་པདྨ་དམར་པོ་ཨཱས་མཚན་པ། ཐུགས་ཀར་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པར་གྱུར། སྤྱི་བོ་ནས་རིམ་པར་རྡོ་རྗེའི་ཕྱག་རྒྱ་གནས་གསུམ་དུ་བཞག་ཅིང་། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་ལས་མགྲིན་པར་ཝཱཀྐ། སྙིང་གར་ཙིཏྟ། ཞེས་སྦྱོར། བཅུ་གཉིས་པ་དབང་བསྐུར་བ་ནི། གཙོ་བོའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་འོད་ཀྱིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་གདན་གསུམ་ཚང་བའི་དཀྱིལ་འཁོར་དུ་སྤྲུལ་པ་མདུན་གྱི་ནམ་མཁའ་ལ་བྱོན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བསྐུལ་བས། ལྷ་ཚོགས་རྣམས་བདེ་སྟོང་གི་རོས་ཚིམ། རྗེས་ཆགས་ཞུ་བདེའི་ཆུ་རྒྱུན་གྱིས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔ་སྦྱངས། ཕུང་པོ་ལྔ་རིགས་ལྔའི་སངས་རྒྱས་དང་། ཁམས་དང་སྐྱེ་མཆེད་ལྷའི་རང་བཞིན་དུ་རྣམ་པར་དག །ཆུ་ལྷག་མ་གྱེན་དུ་བརྟན་པ་ཡོངས་སུ་གྱུར་པ་ལས་གཙོ་བོ་ལ་འོད་དཔག་མེད་དང་། གཞན་རྣམས་ལ་སོ་སོའི་རིགས་ཀྱི་བདག་པོས་དབུ་བརྒྱན་པར་གྱུར། བཅུ་གསུམ་པ་སྤྱན་དྲང་བ་ནི། དེ་ལྟར་དུ་གསལ་བའི་ལྷ་ཚོགས་རྣམས་ཀྱི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོས་པས་རང་བཞིན་གྱི་གནས་དང་། རྔ་ཡབ་དཔལ་རི་སྤྲུལ་པའི་ཞིང་ནས་རིག་འཛིན་བླ་མའི་དཀྱིལ་འཁོར་མ་ལུས་ཤིང་ལུས་པ་མེད་པ་བཛྲ་ས་མཱ་ཛཿ ཧཱུྃཿ ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིཿ བྱིན་གྱིས་བརླབ་ཕྱིར་གཤེགས་སུ་གསོལཿ གུ་རུ་པདྨ་སིདྡྷི་ཧཱུྃཿ ཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ རབ་ཏུ་དགའ་དང་དྲི་མ་མེདཿ གནས་དང་ཉེ་བའི་གནས་ཡིན་ཏེཿ དེ་བཞིན་འོད་བྱེད་འོད་འཕྲོ་ལཿ ཞིང་དང་ཉེ་ཞིང་ཞེས་སུ་གྲགསཿ སྦྱང་དཀའ་བ་དང་མངོན་གྱུར་པཿ ཚནྡྷོ་ཉེ་བའི་ཚནྡྷོ་སྟེཿ རིང་དུ་སོང་དང་མི་གཡོ་བཿ འདུ་དང་ཉེ་བའི་འདུ་བའོཿ ལེགས་པའི་བློ་གྲོས་ཆོས་ཀྱི་སྤྲིནཿ འཐུང་སྤྱོད་ཉེ་བའི་འཐུང་སྤྱོད་དེཿ དཔེ་མེད་དཔེ་མེད་ཡེ་ཤེས་ཆེཿ རྡོ་རྗེ་འཛིན་དབང་ས་རྣམས་ནསཿ རིག་འཛིན་བླ་མའི་ཚོགས་རྣམས་དང་ཿ དཔའ་བོ་དང་ནི་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ མ་ལུས་འདིར་སྤྱོན་དགྱེས་པར་བཞུགསཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་སྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ བཅུ་བཞི་པ་རིག་པའི་མེ་ཏོག་དོར་ནས་རང་སྣང་གི་དཀྱིལ་འཁོར་དུ་འཇུག་ཅིང་དབང་བླང་བ་ནི། ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། ཞེས་བརྗོད་པས་རང་བཞིན་ཡེ་ཤེས་ཀྱི་དཀྱིལ་འཁོར་དང་། ཏིང་ངེ་འཛིན་ལས་སྤྲུལ་པའི་དཀྱིལ་འཁོར་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔ་སོ་སོ་མ་ཡིན་ཐ་མི་དད་པའི་ཚུལ་གྱིས་བཞུགས་ནས་དབྱེར་མེད་དུ་བྱ་བའི་ཕྱིར། ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ་གིས་ཡེ་ཤེས་པ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ། ཨོཾ་བཛྲ་ས་མ་ཡ་སྟྭཾ་གྱིས་རང་ཉིད་ལྷའི་དཀྱིལ་འཁོར་དུ་སངས་མ་རྒྱས་ཀྱི་བར་དུ་བརྟན་པར་བཞུགས། ཨོཾ་བཛྲ་ས་མ་ཡ་ཧོས་དབང་དུ་གྱུར་ཅིང་དགྱེས་པར་བསམ་མོ། །བཅོ་ལྔ་པ་ཡན་ལག་བདུན་པ་ཕུལ་ནས་གསོལ་བ་གདབ་པ་ནི། ཧྲཱིཿ བདག་ལུས་ཞིང་གི་རྡུལ་སྙེད་དུཿ རྣམ་པར་འཕྲུལ་པས་ཕྱག་འཚལ་ལོཿ དངོས་བཤམས་ཡིད་སྤྲུལ་ཏིང་འཛིན་མཐུསཿ སྣང་སྲིད་མཆོད་པའི་ཕྱག་རྒྱར་འབུལཿ སྒོ་གསུམ་མི་དགེའི་ལས་རྣམས་ཀུནཿ འོད་གསལ་ཆོས་སྐུའི་ངང་དུ་བཤགསཿ བདེན་པ་གཉིས་ཀྱིས་བསྡུས་པ་ཡིཿ དགེ་ཚོགས་ཀུན་ལ་རྗེས་ཡི་རངསཿ ཐེག་གསུམ་ཆོས་འཁོར་བསྐོར་བར་བསྐུལཿ ཇི་སྲིད་འཁོར་བ་མ་སྟོངས་བརཿ མྱ་ངན་མི་འདའ་བཞུགས་གསོལ་འདེབསཿ དུས་གསུམ་བསགས་པའི་དགེ་རྩ་ཀུནཿ བྱང་ཆུབ་ཆེན་པོའི་རྒྱུ་རུ་བསྔོཿ རྗེ་བཙུན་གུ་རུ་རིན་པོ་ཆེཿ ཁྱེད་ནི་སངས་རྒྱས་ཐམས་ཅད་ཀྱིཿ ཐུགས་རྗེ་བྱིན་རླབས་འདུས་པའི་དཔལཿ སེམས་ཅན་ཡོངས་ཀྱི་མགོན་གཅིག་པུཿ ལུས་དང་ལོངས་སྤྱོད་བློ་སྙིང་བྲངཿ ལྟོས་པ་མེད་པར་ཁྱེད་ལ་འབུལཿ འདི་ནས་བྱང་ཆུབ་མ་ཐོབ་བརཿ སྐྱིད་སྡུག་ལེགས་ཉེས་མཐོ་དམན་ཀུནཿ རྗེ་བཙུན་ཆེན་པོ་པད་འབྱུང་མཁྱེནཿ བདག་ལ་རེ་ས་གཞན་ན་མེདཿ ད་ལྟ་དུས་ངན་སྙིགས་མའི་འགྲོཿ མི་བཟད་སྡུག་བསྔལ་འདམ་དུ་བྱིངཿ འདི་ལས་སྐྱོབས་ཤིག་མ་ཧཱ་གུ་རུཿ དབང་བཞི་སྐུར་ཅིག་བྱིན་རླབས་ཅནཿ རྟོགས་པ་སྤོར་ཅིག་ཐུགས་རྗེ་ཅནཿ སྒྲིབ་གཉིས་སྦྱོངས་ཤིག་ནུས་མཐུ་ཅནཿ ནམ་ཞིག་ཚེ་ཡི་དུས་བྱས་ཚེཿ རང་སྣང་རྔ་ཡབ་དཔལ་རིའི་ཞིངཿ ཟུང་འཇུག་སྤྲུལ་པའི་ཞིང་ཁམས་སུཿ གཞི་ལུས་རྡོ་རྗེ་རྣལ་འབྱོར་མཿ གསལ་འཚེར་འོད་ཀྱི་གོང་བུ་རུཿ གྱུར་ནས་རྗེ་བཙུན་པད་འབྱུང་དངཿ དབྱེར་མེད་ཆེན་པོར་སངས་རྒྱས་ཏེཿ བདེ་དང་སྟོང་པའི་ཆོ་འཕྲུལ་གྱིཿ ཡེ་ཤེས་ཆེན་པོའི་རོལ་པ་ལསཿ ཁམས་གསུམ་སེམས་ཅན་མ་ལུས་པཿ འདྲེན་པའི་དེད་དཔོན་དམ་པ་རུཿ རྗེ་བཙུན་པདྨས་དབུགས་དབྱུང་གསོལཿ གསོལ་བ་སྙིང་གི་དཀྱིལ་ནས་འདེབསཿ ཁ་ཙམ་ཚིག་ཙམ་མ་ཡིན་ནོཿ བྱིན་རླབས་ཐུགས་ཀྱི་ཀློང་ནས་སྩོལཿ བསམ་དོན་འགྲུབ་པར་མཛད་དུ་གསོལཿ བཅུ་དྲུག་པ་གསོལ་འདེབས་བསྙེན་པས་ཐུགས་རྒྱུད་བསྐུལ་ནས་ཏིང་ངེ་འཛིན་གྱི་དབང་བླང་བ་ནི། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ རིག་འཛིན་སྤྱིའི་སྙིང་པོ། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཛྙཱ་ན་སིདྡྷི་ཧཱུྃཿ ཞེས་བཟླ་ཞིངཿ གུ་རུའི་སྨིན་མཚམས་ན་ཨོཾ་ཡིག་ཆུ་ཤེལ་ལྟར་འཚེར་བ་ལས་འོད་ཟེར་འཕྲོསཿ རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུརཿ རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །མགྲིན་པ་ན་ཨཱ་ཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་ཐོབ། བཟླས་བརྗོད་ཀྱི་སྣོད་དུ་གྱུར། ཚེ་དབང་རིག་འཛིན་གྱི་ས་བོན་ཐེབས། ལོངས་སྤྱོད་རྫོགས་པའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་སོང་། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ །ཞེས་འདོན་སྒོམ་ཟུང་དུ་འཇུག་པས་ལམ་དབང་ལ་འབད་པར་བྱའོ། །གལ་ཏེ་སྤྲོས་པ་ལ་དགའ་བས་དབང་བཞི་ལེན་པར་སྤྲོ་ན། བུམ་པ་གཞལ་མེད་ཁང་དུ་གསལ་བའི་ནང་དུ། རིགས་ལྔ་ཡབ་ཡུམ་བསྒོམ་ལ། ཨོཾ་ཨཱཿཧཱུྃ་སྭཱ་ཧཱཿ ཞེས་པ་ཅི་ནུས་དང་། ལས་བུམ་དུ་བདུད་རྩི་འཁྱིལ་པ་བསྒོམ་ལ་ཀུཎྜ་ལི་ཇི་ལྟར་འོས་པ་བཟླས་རྗེས་འོད་ཞུ་ཡང་བྱའོ། །བཅུ་བདུན་པ་མཆོད་པ་ལ་བཞི་ལས། དང་པོ་མཎྜལ་ནི། ཨོཾ་བཛྲ་བྷཱུ་མི་སོགས་བླ་མ་འཕགས་པའི་ལུགས་ལྟར་ཕུལ། གཉིས་པ་ལྷ་མོ་བཅུ་དྲུག་ནི། པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོཿ སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་པྲ་ཏཱིཙྪ་ཧོཿ འཇམ་མཉེན་པུཎྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་གཱིརྟི་ཧྲཱིཿ༴ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་ནཱིརྟི་ཨཿ༴ ༈ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །གུ་རུ༴ བཛྲ་དྷུ་པེ་ཧཱུྃ་པྲ༴ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །གུ་རུ༴ བཛྲ་པུཥྤེ་ཏྲཱཾ་པྲ༴ ཡིད་འོང་ལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །གུ་རུ༴ བཛྲ་ཨཱ་ལོ་ཀེ་ཧྲཱིཿ༴ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱི་བྱུགས་པས་དགྱེས་པ་བསྐང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །གུ་རུ༴ བཛྲ་གྷནྡྷེ་ཨཿ༴ ༈ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅི་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །གུ་རུ༴ བཛྲ་རཱུ་པ་ཨོཾ༴ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །གུ་རུ༴ བཛྲ་མྲྀ་ཏཾ་གི་ཧྲཱིཿཔྲ༴ རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏམྦུ་ར། །རྣ་བའི་དཔྱིད་དུ་སྦྲེང་བའི་ཡིད་འཕྲོག་མ། །རྡོ་རྗེ་པི་ཝང་མ་ཡིས་མཉེས་གྱུར་ཅིག །གུ་རུ༴ བཛྲ་ཝི་ནི་ཧཱུྃ་པྲ༴ དགའ་བ་བཅུ་དྲུག་རླུང་གི་རྟར་སྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །གུ་རུ༴ བཛྲ་ཝཾ་སེ་ཏྲཱྃ༴ ༈ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །གུ་རུ༴ བཛྲ་མུ་རཉྫཻ་ཨཿཔྲ༴ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །གུ་རུ༴ བཛྲ་པརྴེ་ཏྲཱཾ༴ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །གུ་རུ༴ བཛྲ་རཱ་ས་ཧྲཱིཿ༴ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨ་དྷཱརྟུ་ཨཿཔྲ་ཏཱིཙྪ་ཧོཿ གསུམ་པ་གསང་མཆོད་ནི། དེ་མ་ཐག་པའི་ལྷ་མོ་རྣམས་དང་མཉམ་པར་རོལ་པའི་རྗེས་ཆགས་དགའ་བ་བཞིའི་ཡེ་ཤེས་སུ་ཤར་པའི་གཟུགས། ཆོས་ཉིད་ཀྱི་གླུ་སིད་དང་ཧ་ལ་སོགས་པའི་སྒྲ། ཚོར་བ་བདེ་བ་ལས་འདས་པས་འཛག་བདེའི་རྒྱུན་ལམ་ཁྱབ་པའི་ཚུལ་ཁྲིམས་ཀྱི་དྲི། ལྷན་ཅིག་སྐྱེས་པའི་ཡེ་ཤེས་ལ་ཀུན་ནས་ཉམས་བརྟས་པའི་རོ། དཔེ་དོན་འབྲེལ་བའི་ཆོས་ཉིད་ཀྱིས་འཁོར་འདས་ཀུན་ལ་ཁྱབ་པའི་རེག་བྱ་སྟེ། ནང་གི་འདོད་ཡོན་བླ་ན་མེད་པས་མཉེས་པར་བསམས་ལ། ཨཱཿ ཐབས་དང་ཤེས་རབ་འདུ་འབྲལ་མེད་པའི་ངང་། །བདེ་ཆེན་ཡེ་ཤེས་ཡུམ་གྱི་བྷ་གའི་ཀློང་། །བྱང་ཆུབ་སྙིང་པོ་དགྱེས་མཉམ་མཆོད་པ་ཡིས། །རྒྱལ་བ་རྒྱ་མཚོའི་ཚོགས་རྣམས་མཉེས་གྱུར་ཅིག །ཨ་ནུ་རཱ་ག་སརྦ་པཉྩ་ཧཱུྃ་ཧྲཱིཿཋཱཿ བཞི་བ་ཀུན་བཟང་མཆོད་སྤྲིན་ནི། ཨོཾ མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱི། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་དང་། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་བྲེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རབ་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ལྷ་ལ་རྒྱས་པར་འབུལ། །སྐལ་ལྡན་གསལ་བའི་ཁྱད་པར་གྱི། །རིམ་གྱིས་ཡང་ན་ཅིག་ཅར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོ་བསྒོམ། །བཅོ་བརྒྱད་པ་བསྟོད་པ་ནི། ༈ གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་འཆང་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །བླ་མའི་སྐུ་གསུང་ཐུགས་ལ་འདུད། །འདྲེན་པ་རྣམས་ཀྱིས་ཡོངས་སྤངས་ཤིང་། །ངན་འགྲོའི་གཡང་སར་ཕྱོགས་པ་བདག །ཐར་པའི་ལམ་དང་རབ་སྤྲོད་པའི། །དེད་དཔོན་ཆེན་པོ་ཁྱོད་ལ་འདུད། །གནས་དང་གནས་མིན་མི་ཤེས་ཤིང་། །ལམ་དང་ལམ་མིན་གྱི་ནར་འཕྱན། །མུན་པ་ལས་ཀྱང་མུན་ནག་ཅན། །བདག་ལྟའི་སྒྲོན་མ་ཁྱོད་ལ་བསྟོད། །གང་སྐུ་མཐོང་བས་སྣང་བ་འགྱུར། །ཞི་བར་གཟིམས་པའི་སྙིགས་མས་ཀྱང་། །མཚམས་མེད་བྱང་ཞེས་མདོ་་་རྒྱན་སྟུག་པོ་བཀོད་པ་ལས། འཇམ་དཔལ་ཕྱོགས་གང་ན་ཆོས་སྨྲ་བ་དེ་འདུག་གམ་དེའི་རུས་བུའམ། རོ་བམ་པ་ཞིག་ཡོད་པ་མཐོང་ན་ཡང་མཚམས་མེད་པའི་ལས་ལྔ་རྣམ་པར་བྱང་བར་འགྱུར་རོ། །ཞེས་སོ། །མཆན།་་་ལས་གསུངས། །འབྲེལ་ཚད་དོན་ལྡན་ཆེན་པོར་འདུད། །ཁྱེད་གསུང་ཐོས་པས་བླང་དོར་ཤེས། །ཉེས་སྤྱོད་ཆེན་པོའི་གཡང་ལས་སྐྱོབ། །འགོག་ལམ་བདེན་པའི་ངོ་བོ་ཉིད། །ཐོས་གྲོལ་ཆེན་པོའི་དབྱངས་ལ་བསྟོད། །བདག་གིས་འབད་ཀྱང་མི་ཐར་བ། ཁྱེད་ཐུགས་གཏད་པས་ཡུད་ལ་སྨིན། །མོས་གུས་ཐོབ་ན་རྟོགས་པ་འཆར། །སྤྲོས་བྲལ་བསམ་མི་ཁྱབ་ལ་འདུད། །གྲངས་མེད་གསུམ་དུ་དཀའ་ཐུབ་ཀྱིས། །གདུངས་བས་དབང་པོ་ཚར་བཅད་ཀྱང་། །ཐོབ་པར་དཀའ་བའི་རྡོ་རྗེ་སེམས། །མ་ནོར་མངོན་སུམ་སྟོན་ལ་འདུད། །བླ་མ་ཡང་ཏིག །བླ་མ་སངས་རྒྱས་རིན་པོ་ཆེ། །བདག་ལ་རེ་ས་གཞན་ན་མེད། །ཐུགས་རྗེའི་སྤྱན་གྱིས་གཟིགས་མཛོད་ལ། །འཁོར་བའི་མཚོ་ལས་བསྒྲལ་དུ་གསོལ། །ཚེ་འདིའི་ལེགས་པ་ཀུན་འགྲུབ་ཅིང་། །བགེགས་དང་བར་ཆད་མེད་པ་དང་། །འཆི་ཁར་ཟབ་མོའི་འོད་གསལ་ཟིན། །བར་དོའི་འཕྲང་ལས་སྒྲོལ་བར་མཛོད། །ལུས་དང་ངག་ཡིད་རྩོམ་པ་ཀུན། །རྟག་ཏུ་གཞན་ལ་ཕན་པ་དང་། །རྐྱེན་རྣམས་བྱང་ཆུབ་ལམ་མཆོག་ཏུ། །དེ་རིང་ཉིད་ནས་བསྒྱུར་དུ་གསོལ། །བདག་གིས་འབད་ཀྱང་ཐར་བར་དཀའ། །མགོན་པོ་ཁྱེད་ཀྱི་ཐུགས་རྗེའི་གྲུས། །མགོན་མེད་བདག་དང་འགྲོ་བ་ཀུན། །ཐར་པའི་གླིང་དུ་ཕྱིན་པར་མཛོད། །གང་དག་བདག་ལ་དད་གྱུར་ཏམ། །སྨོད་དམ་སྐུར་པ་འདེབས་ཀྱང་རུང་། །དེ་དག་སྡིག་ཟད་ཉོན་མོངས་མེད། །སྲིད་པའི་ཆུ་བོ་སྤང་བར་ཤོག །ནམ་ཞིག་བདག་གི་མིང་ཙམ་གྱིས། །འགྲོ་བའི་འདོད་དགུ་རབ་འགྲུབ་ཅིང་། །ཕྱོགས་བཅུ་གང་བའི་ཞིང་རྣམས་སུ། །མཆོད་པའི་སྤྲིན་གྱི་ཆར་འབེབས་ཤོག །དགེ་བ་འདི་ཡིས་ལུས་ཅན་ཀུན། །ཐམས་ཅད་སྲིད་ལས་རྣམ་གྲོལ་ནས། །ཡེ་ཤེས་དམ་པ་གཉིས་ཐོབ་སྟེ། །དོན་གཉིས་ལྷུན་གྱིས་གྲུབ་པར་མཛོད། །བཅུ་དགུ་པ་བཤགས་པ་ནི། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་དང་ཕྱོགས་བཅུའི་རྒྱལ་བ་སྲས་དང་བཅས་པ་བདག་ལ་དགོངས་སུ་གསོལ། བདག་ཆེ་གེ་མོ་ཐོག་མར་འཁྲུལ་པ་ནས་བཟུང་སྟེ་དུས་དེ་རིང་ལ་ཐུག་གི་བར་དུ་མ་རིག་པའི་གཞན་དབང་དུ་སོང་སྟེ། ཀུན་འབྱུང་གི་ཉེ་བར་ལེན་པའི་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་མངོན་པར་འདུ་བྱས་ཏེ། ལུས་ཀྱི་སྒོ་ནས་སྲོག་བཅད་པ་དང་གསོད་སེམས་སྐྱེས་པ། མ་བྱིན་བླངས་པ་དང་། འདོད་པས་ལོག་པར་གཡེམ་པའི་རིགས། ངག་གི་སྒོ་ནས་རྫུན། ཕྲ་མ་ཚིག་རྩུབ་ངག་ཀྱལ། ཡིད་ཀྱི་སྒོ་ནས་བརྣབ་སེམས། གནོད་སེམས། ལོག་ལྟ་སྟེ་མི་དགེ་བ་བཅུ། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་པ་ལ་སོགས་ཏེ་མཚམས་མེད་པ་ལྔ། དེ་དང་ཉེ་བ་ལྔ་ལ་སོགས་ཏེ་མི་དགེ་བའི་ཕྱི་མོ་རྣམས་ཀྱི་སྟེང་། བཅས་པའི་ཁྲིམས་དགེ་བསྙེན་དང་། དགེ་ཚུལ་དང་། དགེ་སློང་སྟེ་སོ་སོར་ཐར་པའི་སྡོམ་པ་རིགས་བདུན་ལ་ཕམ་ལྟུང་དང་ཉེས་བྱས་བྱུང་བ་དང་། བྱང་ཆུབ་སེམས་དཔའི་སྨོན་འཇུག་གི་བསླབ་བྱ་སྤྱི་དང་། རྩ་ལྟུང་དང་སྦོམ་པོའི་རྣམ་གྲངས་ཐ་དད་པ་དང་འགལ་བ་དང་། ཁྱད་པར་དུ་རིག་པ་འཛིན་པའི་ཚུལ་ཁྲིམས་ཀྱི་བསླབ་པའི་གཞི་ལས། རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་སྨོད་པ་ལ་སོགས་པའི་རྩ་བའི་ལྟུང་བ་བཅུ་བཞི་དང་། ཡན་ལག་སྦོམ་པོའི་རྣམ་གྲངས་བརྒྱད་ལས་ཕས་ཕམ་པ་དང་། ཁ་ན་མ་ཐོ་བའི་མཐུས་བཅོམ་སྟེ་གསང་སྔགས་ཀྱི་དམ་ཚིག་སྤྱི་དང་བྱེ་བྲག་པ་ཕྲ་ཞིབ་བསྲུང་དཀའ་བ་ལས་འདས་པ་ཐམས་ཅད་དང་། རང་བཞིན་དུ་ཉོན་མོངས་པའི་གཞན་དབང་གིས་སེམས་ཟིལ་གྱིས་ནོན་ནས་དཀོན་མཆོག་གསུམ་དང་བླ་མ་ལ་བརྙས་པ་དང་། དམ་པའི་ཆོས་སྤངས་པ་དང་། མཁན་པོ་ལ་མ་གུས་པ་དང་། བྱང་ཆུབ་སེམས་དཔའ་ལ་སྐུར་བ་བཏབ་པ་དང་། ཕ་མའི་དྲིན་ལན་མ་བཅལ་བ་དང་། དཀོན་མཆོག་གི་དཀོར་ཕྲོགས་པ་དང་། ཚངས་པར་མཚུངས་སྤྱོད་སུན་ཕྱུང་བ་དང་། བསམ་གཏན་སྒོམ་པའི་ཐུགས་དཀྲུགས་པ་དང་། དགེ་བ་ཅན་གྱི་ཚོགས་བཅག་པ་དང་། དད་པ་ཅན་སུན་ཕྱུང་བ་དང་། རྒྱུ་འབྲས་ལ་སྐུར་པ་བཏབ་པ་དང་། སེམས་ཅན་ལ་གནོད་པའི་ལས་བྱས་པ་དང་། ཁྲེལ་དང་ངོ་ཚ་སྤངས་པ་ལ་སོགས་ཏེ་མདོར་ན་སྡིག་པ་མི་དགེ་བའི་ལས་རང་གིས་བགྱིས་པ་དང་གཞན་ལ་བྱེད་དུ་བཅུག་པ་དང་། བྱས་པ་ལ་རྗེས་སུ་ཡི་རང་བ་ལ་སོགས་པ་དེ་དག་ཀྱང་རྟག་པའི་སེམས་དང་། མངོན་པར་ཞེན་པ་དང་། གཉེན་པོ་སྟོབས་ཞན་པ་དང་། ཡུལ་ཁྱད་པར་ཅན་དང་བཞི་ལས་བྱུང་བ་ལ་སོགས་པས་ཁ་ན་མ་ཐོ་བ་ཆེན་པོར་གྱུར་པས་མཚོན། མདོར་ན་མངོན་པར་མཐོ་བ་དང་། ངེས་པར་ལེགས་པའི་གོ་འཕང་ཐོབ་པ་ལ་བར་དུ་གཅོད་ཅིང་། འཁོར་བ་དང་ངན་སོང་གི་རྒྱུར་གྱུར་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་ཏུ་ཐོགས་མེད་ཀྱི་གཟིགས་པར་ལྡན་པ་རྣམས་ཀྱི་སྤྱན་སྔར་ཤིན་ཏུ་གནོང་ཞིང་འགྱོད་པས་མཐོལ་ལོ་བཤགས་སོ། །སྔོན་ཆད་ནི་བཀའ་ལས་འདས་སོ། །ད་ནི་ཉེས་པ་ལ་ཉེས་པར་མཐོང་ལགས་པས་མི་འཆབ་བོ། །མངོན་གྱུར་དུ་སྒྲོག་པས་མི་སྦེད་དོ། །ཕྱིན་ཆད་སྲོག་ལ་བབ་ཀྱང་སྡོམ་ལགས་སོ། །མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སྡིག་ལྡན་བདག་ལ་དགོངས་ཤིག །དེང་བདག་གི་འགྱོད་ཚངས་དང་དུ་མ་བཞེས་ན་སྐྱབས་མེད་དོ། །མགོན་མེད་དོ། །དཔུང་གཉེན་དང་བྲལ་ལོ། །དེ་བས་ན་སེམས་ཅན་གྱི་རང་བཞིན་ལས་དང་ཉོན་མོངས་པའི་གཞན་དབང་ཅན་ལགས་པས་དེ་ལ་དགོངས་ཏེ་ཚངས་པར་སྩལ་དུ་གསོལ། །ཉི་ཤུ་པ་དབང་བླང་བར་མོས་ན། ཇི་ལྟར་བལྟམས་པ་སོགས་ཀྱིས་ཁྲུས་བྱ། བགེགས་གཏོར་གཏང་། ཐོག་མར་སྡོམ་བཟུང་ནི། ཀྱེ་བླ་མ་རྡོ་རྗེ་འཛིན་པ་དང་། །རིགས་ལྔ་བདེ་བར་གཤེགས་པ་ནི། །ཐམས་ཅད་བདག་ལ་དགོངས་སུ་གསོལ། །དེང་ནས་བྱང་ཆུབ་སྙིང་པོའི་བར། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །བླ་མ་ལ་ཡང་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང་། །བྱང་ཆུབ་སེམས་ནི་བསྐྱེད་པར་བགྱི། །རིགས་ལྔའི་དམ་ཚིག་ལེགས་བཟུང་སྟེ། །རྡོ་རྗེ་དྲིལ་བུ་ལ་སོགས་པ། །དམ་ཚིག་རྫས་རྣམས་བཟུང་བར་བགྱི། །བླ་ན་མེད་པའི་དཀོན་མཆོག་གསུམ། །ནམ་དུ་ཡང་ནི་མི་གཏང་ཞིང་། །རྡོ་རྗེ་སློབ་དཔོན་མི་གཏོང་ངོ་། །རྡོ་རྗེ་སྤུན་སྲིང་རྣམས་ལ་ཡང་། །ནམ་ཡང་སྨད་པར་མི་བྱའོ། །སེམས་ཅན་རྣམས་ལ་འཚེ་བ་སྤང་། །འཕགས་པ་རྣམས་ལ་སྨད་མི་བགྱི། །ཐེག་པ་དམན་ལ་མི་བརྙས་ཤིང་། །སྔགས་འཆང་སྤང་བར་མི་བྱའོ། །བསྙེན་སྒྲུབ་ལས་ཀྱི་མཐའ་གཟུང་ཞིང་། །དཀྱིལ་འཁོར་འཁོར་ལོ་བསྒོམ་པར་བགྱི། །དམ་ཚིག་སྡོམ་པ་ལ་གནས་ཤིང་། །འཁྲུལ་པའི་བྱ་བ་མི་བགྱིའོ། །རང་གི་སེམས་ནི་ཡོངས་གདུལ་ཞིང་། །ཕྱོགས་མཐའ་གཏུགས་པའི་སེམས་ཅན་གྱི། །དོན་ནི་བླ་མེད་བདག་གིས་བསྒྲུབ། །མ་གྲོལ་བ་རྣམས་དགྲོལ་བ་དང་། །མ་སྒྲལ་བ་རྣམས་བསྒྲལ་བར་བགྱི། །དབུགས་མ་ཕྱུང་རྣམས་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ལན་གསུམ། དེ་ནས་འཇུག་པའི་བྱ་བ་རྣམས་ནི་སྔོན་དུ་རིག་པའི་མེ་ཏོག་དོར་བ་ལ་དོན་གྱིས་ཚང་བར་མ་ཟད་གཟོད་ནས་སྣང་བ་བླ་མའི་དཀྱིལ་འཁོར་དུ་སྦྱངས་ཤིང་གསལ་སྣང་དག་པ་རབ་འབྱམས་སུ་སློབ་པའི་རང་བཞིན་ཡེ་ཤེས་ཀྱི་དཀྱིལ་འཁོར་ལ་ད་གདོད་ཀྱི་འཇུག་ཡུལ་མེད་པས། ལམ་དབང་ཐོད་རྒལ་དུ་བླང་བ་ནི། དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། མཆོད་ཅིང་བསྟོད། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །ཞེས་གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་ཀུན་ཀྱང་དབང་གི་བྱ་བ་ལ་དགྱེས་པར་གྱུར། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །དེ་ཡང་ཆོས་ཉིད་མ་འཁྲུལ་པའི་བདེ་གཤེགས་སྙིང་པོ་ནི་རྡོ་རྗེ་སློབ་དཔོན་སྤྲུལ་པར་བཅས་པའི་དཀྱིལ་འཁོར་དུ་རྫོགས་པ་ལ། ཚོགས་བརྒྱད་འདུས་བྱས་པ་སློབ་མའི་ཚུལ་དུ་ཤར་བའི་ཕུང་ཁམས་སྐྱེ་མཆེད་དང་། ཉོན་མོངས་པ་ལྔའི་སྦྱང་གཞི་སྦྱོང་བྱེད་སྦྱངས་འབྲས་སོ་སོའི་རང་བཞིན་ཁོང་དུ་ཆུད་པས་རིགས་དབང་ལྔའི་དང་པོར་སློབ་མ་མི་བསྐྱོད་པར་གསལ་ལ། རྣམ་བུམ་བཏེག་ནས། ཧཱུྃ། རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་གསལ་ཞིང་དབུ་རྒྱན་བསྐོན་ལ། ཧཱུྃ། ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾཿ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་། ཧཱུྃ། འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱི་གསུང་འགགས་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ། དྲིལ་བུ་འཛིན་པས། ཧཱུྃ། འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨཱ་ཨ་བྷི་ཥིཉྩ་ཨཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ། ཧཱུྃ གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུ་ཡི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། གསུང་གི་དམ་ཚིག་དྲིལ་བུ་འཁྲོལ་བ་དང་། སྐུའི་དམ་ཚིག་འཁྱུད་རྒྱ་བྱེད་པ་སྟེ་དམ་ཚིག་གསུམ་བྱིན་ལ། ཨོཾ་ཨཱཿཧཱུྃ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །སླར་ཡང་རྣམ་རྒྱལ་བུམ་པ་བཟུང་ལ། ཧཱུྃ་བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང་། ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས་སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས་ཕྱི་ནང་ཐམས་ཅད་ལ་བརྙས་པ་བྱས་ན་ལྟུང་བར་གྱུར་པ་ཡིན་པས་དག་སྣང་དང་མོས་པ་གྱིས་ཤིག །དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །གསང་རྫས་མགྲིན་པར་བཞག་སྟེ། ཧཱུྃ། ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང་། ཝཱཀྐ་ཨ་བྷི་ཥིཉྩ་ཨཱ། རྗེས་འབྲེལ་དུ་བཟླས་ལུང་སྦྱིན་པ་ནི། སློབ་དཔོན་གྱི་ཐུགས་ཀ་ནས་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས། སྙིང་གར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ། རྩ་སྔགས་ཀྱི་རྗེས་ཟློས་ལན་གསུམ། དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །རིག་ཙག་གཏད་ལ། ཧོཿ ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། ཞེས་གཏད་པས། རིག་མ་དེས་པདྨ་བྷཉྫ་མོཀྵ་ཧོཿ ཞེས་པའི་སྒྲས་ཐར་པ་བརྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ །དབང་བཞི་པ་ལ་མེ་ལོང་དང་ཤེལ་རྡོ་མཚོན་པའི་བརྡ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ། ཧོཿ ཀ་དག་མེ་ལོང་གཙང་མའི་ངོགས། །ལྷུན་གྲུབ་དྭངས་ཤེལ་དྲི་མེད་གསལ། །བརྡ་རྟགས་རྫོགས་པའི་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང་། དྷརྨ་དྷཱརྟུ་ཨ་བྷི་ཥིཉྩ་ཨཱཿ ཞེས་པའི་མཐར། རང་བཞིན་མེད་པའི་ཆོས་ཉིད་ལ་མཉམ་པར་གཞག །རྗེས་ལ་དམ་ཚིག་ཁས་བླང་པ་ནི། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱེད་ལ་བདག་ནི་འབུལ་ལགས་ན། །ཁྱེད་ཀྱི་སློབ་མར་གཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །གཏང་རག་གི་མཎྜལ་ཕུལ། ཉེར་གཅིག་པ་སྨན་གཏོར་རཀྟ་དང་། ཚོགས་ཀྱི་འཁོར་ལོ་ཕྱི་ནང་གི་འདོད་ཡོན་ལ་བརྟེན་པའི་དམ་ཚིག་སྐོང་བཤགས་ཆེན་མོ་ནི། རིག་འཛིན་གྱི་ཚོམ་བུ་དེ་དག་གི་ཐུགས་རྒྱུད་ཀྱི་སྤངས་རྟོགས་ཐེག་པ་རིམ་པ་དགུའི་དཀྱིལ་འཁོར་གྱི་ངོ་བོ་ཉིད་ཡིན་པས་རྣམ་སྤྲུལ་ཀྱང་མདུན་གྱི་ནམ་མཁའ་ལ་མགྲོན་ཐབས་ཀྱི་རྣམ་པར་སད་པར་བྱ་བ་ནི། བདེ་གཤེགས་སྙིང་པོས་འགྲོ་བ་ཡོངས་ལ་ཁྱབཿ སེམས་ནི་རྒྱ་ཆེན་མཆོག་ཏུ་རབ་བསྐྱེད་ཅིངཿ འགྲོ་བ་འདི་དག་མ་ལུས་སངས་རྒྱས་རྒྱུཿ འདི་ན་སྣོད་མིན་སེམས་ཅན་གང་ཡང་མེདཿ བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷཿ དུས་ལས་མི་འདའ་ཐུགས་རྗེའི་དབང་གིས་ནཿ སེམས་ཅན་དོན་ལ་དགོངས་པའི་དཀོན་མཆོག་གསུམཿ ཡིད་ཀྱིས་སྤྲུལ་ཞིང་བཤམས་པའི་གནས་འདི་རུཿ རྒྱལ་བ་འཁོར་བཅས་མ་ལུས་གཤེགས་སུ་གསོལཿ བཛྲ་ས་མཱ་ཛཿ ཞེས་སྤྱན་དྲངས། པདྨ་ཀ་མ་ལཱ་ཡ་སྟྭཾཿ གྱིས་གདན་འབུལ། དེ་ནས་གཏོར་ཚོགས་རྣམས་ལ་ནང་མཆོད་བྲན་ནས། ཨོཾ་ཀུན་བརྟགས་སྣང་བ་སྣོད་ཀྱི་གཏོར་གཞོང་དུཿ གཞན་དབང་སྲིད་པ་བཅུད་ཀྱི་གཏོར་མར་སྦྱངསཿ ཡོངས་གྲུབ་ཆོས་དབྱིངས་ཀློང་ཆེན་དགོངས་པ་ཡིསཿ སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིནཿ འཕོ་མེད་ནམ་མཁའ་མཛོད་དུ་མངའ་དབང་བསྒྱུརཿ ཨོཾ་ཨཱཿཧཱུྃ། ལན་བདུན་གྱིས་ངོ་བོ་ཡེ་ཤེས་ཀྱི་བདུད་རྩི་དང་། ནམ་མཁའ་མཛོད་ཀྱི་སྔགས་རྒྱས་ཀུན་ཏུ་བཟང་པོའི་མཆོད་སྤྲིན་དུ་བྱིན་གྱིས་བརླབས། ཨཱཿ རང་བྱུང་ལྷུན་གྲུབ་འཇའ་ཟེར་ལུས་ཀྱི་སྦུབསཿ སྒྱུ་འཕྲུལ་ཚོགས་བརྒྱད་རོལ་པ་སྲིན་པོའི་གྲོངཿ སྙིང་དབུས་ཟངས་མདོག་དཔལ་རིའི་ཕོ་བྲང་ནསཿ རིགས་འདུས་མ་ཧཱ་གུ་རུའི་ཐུགས་དམ་བསྐངཿ གཞི་དབྱིངས་སྟོང་གསལ་ཀུན་ཏུ་བཟང་པོ་ཡིཿ གཞི་སྣང་ལོངས་སྐུའི་རྩལ་ལ་དགོངས་པ་འཕོས༔ བརྡ་ཚིག་བློ་ལས་འདས་པའི་དཀྱིལ་འཁོར་ནསཿ དགོངས་བརྒྱུད་དག་པ་གཉིས་ལྡན་ཐུགས་དམ་བསྐངཿ ངེས་པ་ལྔ་ལྡན་ལྷུན་གྲུབ་ལོངས་སྐུའི་རྩལཿ རིག་འཛིན་རིག་པའི་འཁོར་ལ་བརྡ་སྟོན་ཅིངཿ དགོངས་བརྡའི་དོན་རྒྱུད་ཆིག་རྫོགས་སྤྲུལ་པའི་གརཿ སྙན་བརྒྱུད་ཐོས་གྲོལ་ཆེན་པོའི་ཐུགས་དམ་བསྐངཿ མཚོན་བྱེད་རྟགས་ཀྱི་བརྡ་ཤོག་ཆེན་པོའི་དབངཿ ལས་ཅན་སྐྱེས་བུའི་སྙིང་ལ་བསྐུར་བ་ལསཿ མཚོན་བྱ་དོན་གྱི་དགོངས་པའི་གསང་མཛོད་བརྡོལཿ གཏད་རྒྱ་སྨོན་ལམ་དབང་རྒྱུད་ཐུགས་དམ་བསྐངཿ གདོད་ནས་ཀུན་ཏུ་བཟང་པོ་རང་རིག་ལཿ ཁྱབ་གདལ་དགོངས་པ་གུད་དུ་བཅད་པ་དང་༔ སངས་རྒྱས་གཞན་དུ་བཙལ་བའི་ནོངས་པ་ཀུནཿ དག་ནས་བྱ་རྩོལ་བྲལ་བའི་ས་ལ་སྐྱོལཿ ཀ་དག་ཕྱོགས་ཡན་ཆེན་པོའི་དགོངས་པ་ལཿ བགྲང་བྱའི་ཐེག་པ་ཐ་དད་མ་གྲུབ་ཀྱང་། །ཀུན་རྟོག་གདུལ་བྱའི་ཁམས་དབང་བསམ་པའི་ཕྱིརཿ ཐེག་པ་རིམ་དགུར་ཤར་བའི་ཐུགས་དམ་བསྐངཿ འཁོར་བ་སྡུག་བསྔལ་ཆེན་པོར་ཤེས་པ་ཡིསཿ ཀུན་རྫོབ་བདེན་བཞིའི་ལམ་ལ་རབ་ཞུགས་ནསཿ བདག་འཛིན་འཆིང་བ་གཅོད་པ་ཉན་ཐོས་ཀྱིཿ ཚོམ་བུའི་དཀྱིལ་འཁོར་ལྔ་ཡི་ཐུགས་དམ་བསྐངཿ སོ་ཐར་འདུལ་བའི་སྡེ་སྣོད་ཆེན་པོ་ཡིསཿ བཅས་དང་རང་བཞིན་འགལ་བའི་ཉེས་པ་ཀུནཿ མི་འཆབ་མི་སྦེད་སྙིང་ནས་བཤགས་པར་བགྱིཿ བདག་ལ་འཕགས་པ་དགྲ་བཅོམ་བྱིན་གྱིས་རློབསཿ ལྷག་པའི་ཚུལ་ཁྲིམས་བསླབ་པས་རྒྱུད་བསྡམས་ཤིངཿ ཕུང་སོགས་རང་བཞིན་མེད་པར་རྟོགས་པ་དངཿ རྟེན་འབྲེལ་བཅུ་གཉིས་ལུགས་ལས་ལྡོག་པ་ཡིཿ རང་རྒྱལ་དཀྱིལ་འཁོར་བཞི་ཡི་ཐུགས་དམ་བསྐངཿ རྣམ་དག་ཚུལ་ཁྲིམས་མི་གཡོ་ཏིང་འཛིན་གྱིཿ བསླབ་པ་མདོ་སྡེའི་སྲུང་མཚམས་ཉམས་པ་ཀུནཿ འགྱོད་པས་བཤགས་སོ་བྱང་ཞིང་དག་པ་དངཿ ཚོགས་དང་བསེ་རུའི་རང་རྒྱལ་དངོས་གྲུབ་སྩོལཿ ཆོས་ཀུན་སྒྱུ་མ་ལྟ་བུར་ཤེས་པའི་ངངཿ སྙིང་རྗེས་གཞན་དོན་སྒྲུབ་ལ་ཆེས་དཔའ་ཞིངཿ བདེན་གཉིས་ལམ་འཁྱེར་མངོན་པའི་སྡེ་སྣོད་ཀྱིཿ དཀྱིལ་འཁོར་ཕྱོགས་ཀྱི་གྲངས་ལྡན་ཐུགས་དམ་བསྐངཿ སོ་སོར་རྟོག་པའི་ཤེས་རབ་ཏིང་ངེ་འཛིནཿ རྟག་ཆད་མུ་བཞིའི་ལམ་དུ་གོལ་བ་དངཿ སྙིང་རྗེའི་མྱུ་གུ་སྐམས་པའི་ནོངས་པ་ཀུནཿ དག་ནས་ཀུན་ཏུ་འོད་ཀྱི་ས་ལ་སྐྱོལཿ དག་པ་གསུམ་དང་གཙང་སྦྲ་གསུམ་སྤྱོད་ཅིངཿ དམ་ཡེ་ཐ་དད་རྗེ་ཁོལ་རྣམ་པར་བསྒྲུབཿ བལྟས་པས་བདེ་བ་ལམ་བྱེད་བྱ་རྒྱུད་ཀྱིཿ དཀྱིལ་འཁོར་དྲུག་གི་ལྷ་ཚོགས་ཐུགས་དམ་བསྐངཿ ཀྲི་ཡའི་ཐབས་དང་ཡོ་གའི་རྣལ་འབྱོར་ལཿ ཆ་མཉམ་སྤྱད་པས་མ་ནིང་ཐེག་པ་སྟེཿ མངོན་བྱང་ལྔ་ཡིས་དཀྱིལ་འཁོར་རྒྱལ་མཆོག་བསྒྲུབཿ སྤྱོད་རྒྱུད་དཀྱིལ་འཁོར་རྒྱ་མཚོའི་ཐུགས་དམ་བསྐངཿ བྱ་སྤྱོད་རྒྱུད་སྡེའི་ལྷ་སྔགས་ཏིང་འཛིན་དངཿ ཕྲ་རགས་དམ་ཚིག་ཉམས་པ་མཐོལ་ལོ་བཤགསཿ མཁའ་སྤྱོད་ལ་སོགས་གྲུབ་ཆེན་རྣམ་བརྒྱད་ཀྱིཿ ཐུན་མོང་དངོས་གྲུབ་འཛད་མེད་ཆར་དུ་སྙིལཿ ཕྱི་ནང་གསང་གསུམ་རྣམ་དག་བདེན་པ་ཡིཿ ལྷ་དང་རྣལ་འབྱོར་གཉིས་མེད་ཆེན་པོར་རྟོགསཿ ཕྱག་རྒྱ་བཞི་དང་ཟབ་གསལ་ཏིང་འཛིན་བརྙེསཿ ལིང་ཚེ་དགུ་ལྡན་ཡོ་གའི་ཐུགས་དམ་བསྐངཿ བདག་དང་ལྷ་ལ་བཟང་ངན་བལྟས་པ་དངཿ བསྙེན་སྒྲུབ་མཆོད་པ་སྦྱིན་བསྲེག་ཆག་པ་དངཿ དཀྱིལ་འཁོར་སྒྲུབ་པའི་ཡན་ལག་ཉམས་པ་ཀུནཿ བཟོད་པར་བཞེས་ནས་མཆོག་གི་དངོས་གྲུབ་སྩོལཿ ཞེས་པའི་མཚམས་ཚོགས་ཕུད་རིམ་པ་གསུམ་ལྷག་མ་དང་བཅས་པར་སྤེལ་ཞིང་སྨན་རཀ་འཐོར་བཞིན་པསཿ བདེ་སྟོང་ཀློང་ཡངས་ཏིང་འཛིན་གསུམ་གྱི་སྦུབསཿ བསྐྱེད་རིམ་སྣོད་བཅུད་དག་པ་རབ་འབྱམས་སུ། །ཡོངས་ཤར་སྒྱུ་འཕྲུལ་ཞི་ཁྲོ་བཀའ་བརྒྱད་སོགསཿ ཚོམ་བུའི་དཀྱིལ་འཁོར་བཅུ་གཉིས་ཐུགས་དམ་བསྐངཿ ཤེས་བྱ་ལྔ་དང་མི་སྤང་དང་དུ་བླངཿ སྒྲུབ་དང་སྤྱད་བྱའི་དམ་ཚིག་ཉི་ཤུ་ལྔཿ གསང་བཅུ་ལ་སོགས་ཉམས་ཆག་སྡིག་སྒྲིབ་ཀུནཿ བཤགས་སོ་རིག་འཛིན་རྣམ་བཞིའི་ས་ལ་སྐྱོལཿ བཀོད་པ་ལུས་ཀྱི་གཞལ་མེད་ཁང་ཆེན་ནངཿ རྩ་གསུམ་འཁོར་ལོ་ལྔ་ཡི་འཇའ་ཟེར་སྦུབསཿ དབྱིངས་དང་ཡེ་ཤེས་མཉམ་སྦྱོར་རིག་པའི་རྩལཿ ཨ་ནུ་ཡོ་གའི་དཀྱིལ་འཁོར་ཐུགས་དམ་བསྐངཿ རྣམ་ཤེས་ཚོགས་བརྒྱད་ཉེ་ཉོན་ཉི་ཤུ་དངཿ སེམས་བྱུང་ལྔ་བཅུ་བརྒྱད་ཁྲི་བཞི་སྟོང་གིཿ རྟོག་ཚོགས་དག་ནས་དྲན་རྫོགས་ཕྱག་རྒྱའི་སྐུཿ ལྷན་སྐྱེས་བདེ་བ་ཆེན་པོའི་ས་ལ་སྐྱོལཿ ཤེས་རིག་ཟང་ཐལ་གཉུག་མའི་གཞལ་ཡས་སུཿ ཡེ་གདངས་སྒྲོན་དྲུག་འཇའ་ཟེར་ཐིག་ལེའི་ཀློངཿ རིག་པ་བཅུད་དུ་སྨིན་པ་ཨ་ཏིའི་ལྷཿ ཞལ་ཕྱག་འཛིན་པ་དག་པའི་ཐུགས་དམ་བསྐངཿ རང་གྲོལ་རིག་པ་རྡོ་རྗེ་ལུ་གུ་རྒྱུདཿ བཞུགས་སྟངས་གསུམ་དང་གཟིགས་སྟངས་རྣམ་གསུམ་གྱིསཿ གཅུན་ཏེ་སྣང་བཞི་ཆོས་ཟད་གདོད་མའི་དབྱིངསཿ ལྷུན་གྲུབ་རྫོགས་པ་ཆེན་པོའི་ས་ལ་སྐྱོལཿ མདོར་ན་རབ་འབྱམས་དཀྱིལ་འཁོར་རྒྱ་མཚོའི་ཀློངཿ ཐ་དད་རིག་པས་བཏགས་པའི་སྲི་ཞུའི་མགྲོནཿ རྡུལ་སྙེད་མ་ཚང་མེད་པ་ཐམས་ཅད་དངཿ སྣང་བ་ཡབ་ཀྱི་རང་བཞིན་རཱ་ཧུ་ལཿ སྟོང་པ་ཡུམ་གྱི་ངོ་བོ་ཨེ་ཀ་ཙཿ ཟུང་འཇུག་ཐུགས་རྗེ་བཛྲ་ས་དྷུ་སོགསཿ སྙིང་ཐིག་གཉན་པོའི་བཀའ་སྲུང་ཐམས་ཅད་དངཿ ཨོ་རྒྱན་རྒྱ་གར་བལ་ཡུལ་ཁ་ཆེའི་གླིངཿ འ་ཞའི་ཡུལ་དང་བྲུ་ཤ་ཟངས་གླིང་ཡུལཿ གསེར་གླིང་རྔ་ཡབ་ལངྐའི་གླིང་ཕྲན་དངཿ རྒྱ་ནག་ལྗོངས་ཡུལ་གེ་སར་དམག་གི་གླིངཿ ཙ་རི་ཏྲ་དང་ལྷོ་མོན་འབྲས་མོའི་གཤོངསཿ མངའ་རིས་བསྐོར་གསུམ་དབུས་གཙང་རུ་བཞི་དངཿ མདོ་ཁམས་སྒང་དྲུག་སྦས་གནས་གཉན་པོའི་ཡུལཿ ལྗོངས་ལྔ་གླིང་དྲུག་གསེར་རི་ལྷུན་པོའི་སྤོཿ སུམ་ཅུ་རྩ་གསུམ་གནས་ཡུལ་དུར་ཁྲོད་གཉནཿ ཆོས་འཁོར་གཙུག་ལག་སྒྲུབ་གནས་དབེན་གནས་ཀྱིཿ འཁོར་ཡུག་ལྗོན་ཤིང་བྲག་རི་མཚོ་གླིང་ལཿ གནས་པའི་དཔའ་བོ་ཌཱཀྐི་ཆོས་སྲུང་ཚོགསཿ ཞལ་ནས་གསུངས་དང་རྗེས་སུ་གནང་བ་དངཿ བྱིན་བརླབས་ལུང་བསྟན་དག་སྣང་བསྟན་བཅོས་དངཿ ཐུགས་གཏེར་དགོངས་གཏེར་ཟབ་གཏེར་རྫས་གཏེར་སོགསཿ གཏེར་རིགས་བཅོ་བརྒྱད་ཆོས་ཀྱི་བཀའ་གཏད་ཅིངཿ དཀྱིལ་འཁོར་རྒྱ་མཚོའི་མུ་རན་ལ་གནས་པའིཿ དམ་ཅན་ཌཱཀྐི་བསྟན་སྲུང་རྒྱ་མཚོ་ཡིཿ ཐུགས་དང་འགལ་གྱུར་ནོངས་པ་ཅི་མཆིས་པཿ སྙིང་ནས་བཤགས་སོ་ཚངས་པའི་ཞལ་རས་སྟོནཿ རྟག་ཆད་མཐའ་བྲལ་དབུ་མ་ཆེན་པོའི་སྦུབསཿ འཁོར་འདས་རོ་རྐྱང་ཟུང་འཇུག་ཕྱག་རྒྱ་ཆེརཿ སྦྱར་བས་སྣང་སེམས་ཞེན་གྲོལ་རྫོགས་པ་ཆེའིཿ ཏིང་འཛིན་ནམ་མཁའ་མཛོད་ཀྱི་སྒྱུ་འཕྲུལ་ལསཿ གཟུང་འཛིན་ཕཊ་ཀྱིས་གཏོར་བའི་རྗེས་གཞིག་ཆེརཿ བློ་བྲལ་ཐུག་ཕྲད་ཤེས་པའི་ངོ་བོ་རུཿ ཚོགས་བརྒྱད་ཀ་ནས་དག་པའི་བཀྲ་ཤིས་རྟགསཿ སྣང་བ་རྒྱན་དུ་ཤར་བའི་རྒྱལ་སྲིད་བདུནཿ རིག་སྟོང་རྗེན་པར་གྲོལ་བའི་འདོད་ཡོན་ལྔཿ རྐྱེན་ངན་ལམ་དུ་ལོངས་པའི་ཕྱག་རྒྱ་གརཿ འབུལ་ལོ་མཆོག་ཐུན་དངོས་གྲུབ་རྒྱ་མཚོར་བསྐྱིལཿ ཀློང་ཆེན་གཞོན་ནུ་བུམ་སྐུའི་ཀ་པཱ་ལརཿ དུག་གསུམ་རྣམ་རྟོག་དྲེགས་པ་བཏུལ་བའི་ཁྲགཿ སྐུ་གསུམ་ཡོངས་གྲོལ་ཆེན་པོའི་བ་ལིང་ཏཿ རེ་དོགས་ཚར་གཅོད་ཤ་ལྔ་བདུད་རྩི་ལྔཿ ཉི་ཟླའི་དྭངས་མ་རྩ་བརྒྱད་ཡན་ལག་སྟོངཿ རང་བྱུང་ལྷུན་གྲུབ་ནང་གི་དམ་རྫས་ཀུནཿ འབུལ་ལོ་བརྟུལ་ཞུགས་མཐར་ཕྱིན་དངོས་གྲུབ་སྩོལཿ གདོད་མའི་སྟོང་ཆེན་དབྱིངས་ཀྱི་བྷ་གའི་ཀློངཿ རྣམ་ཀུན་མཆོག་ལྡན་རིག་པའི་རྡོ་རྗེ་ཡིསཿ རྟེན་འབྲེལ་ལུགས་ལྡོག་འཁོར་བའི་བག་ཆགས་བསྒྲལཿ བདེ་སྟོང་དགའ་བཞིའི་ཉམས་རྩལ་རྫོགས་པའི་གརཿ སྦྱོར་སྒྲོལ་བརྟུལ་ཞུགས་མཐར་ཕྱིན་གསང་བའི་རྫསཿ འབུལ་ལོ་གཞན་སྣང་དབང་འདུས་དངོས་གྲུབ་སྩོལཿ མཚན་མ་རྫས་དང་མཚན་མེད་ཏིང་འཛིན་གྱིཿ ལས་བཞིའི་ཕྲིན་ལས་བསྒྲུབ་པའི་ཕྱག་རྒྱ་དངཿ ཤུགས་སྒྲོལ་དམོད་པའི་མཚོན་ཆ་ཁྱོད་ལ་འབུལཿ སྨོན་འཇུག་སེམས་བསྐྱེད་ཕྲག་ཕུག་ཞྭ་ལྟར་གྱོནཿ ཆགས་མེད་འཁོར་བ་སྤངས་པའི་རྣལ་འབྱོར་ལཿ མ་ཉེས་ཁ་ཡོགས་ཅལ་སྒྲོག་ངན་སྦྱོར་གཤོམཿ སྒྲུབ་ལ་བར་གཅོད་ཐུགས་རྒྱུད་དཀྲུགས་པ་ཡིཿ སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུངསཿ མཐོན་མཐིང་རལ་པའི་གླེགས་བམ་མན་ཆད་ནསཿ བདོག་པའི་ཉེར་སྤྱད་ཕྲ་མོ་ཡན་ཆོད་དུཿ མདོར་ན་རྣལ་འབྱོར་ཡིད་ལ་མཛའ་བའི་རྫསཿ རྩ་གསུམ་དམ་ཅན་ཌཱཀྐིའི་བླ་རྡོར་འབུལཿ ནགས་ཁྲོད་བས་མཐའ་མཚོ་གླིང་བྲག་སྐྱིབས་སོགསཿ ངེས་མེད་གནས་སུ་བྱང་ཆུབ་བསྒྲུབ་པའི་ཕྱིརཿ སྟག་མོ་རི་སུལ་འགྲིམ་ལྟར་རྒྱུ་བའི་ཚེཿ རྣལ་འབྱོར་ལུས་ལ་གྲིབ་མ་བཞིན་དུ་འགྲོགསཿ བརྟན་གཡོ་སྣང་སེམས་ཞེན་པས་བཅིངས་པ་ཡིཿ ཕྲ་རགས་རྣམ་རྟོག་གྱ་གྱུའི་སྒྱུ་འཕྲུལ་ཅནཿ སྲིད་ཞི་གཉིས་མེད་ཤར་གྲོལ་དུས་མཉམ་ཀློངཿ འབུལ་ལོ་ཆོས་ཉིད་ཟད་སར་འཁྱོལ་བར་ཤོགཿ ཀུན་གཞིའི་ངང་ནས་ལས་རླུང་གཡོས་པའི་འཕྲུལཿ བག་ཆགས་སེམས་ཉིད་མངལ་རྒྱར་འཐུམས་པ་ལསཿ བྱུང་བའི་ཤ་ཁྲག་དྲོད་དབུགས་ཕུང་པོའི་ཁམསཿ འབུལ་ལོ་བདག་གིས་འཇའ་ལུས་འགྲུབ་པར་ཤོགཿ འདིས་མཚོན་དུས་གསུམ་བསགས་པའི་དགེ་རྩ་ཀུནཿ དྲན་རིག་ཟག་པ་མེད་པའི་ཡེ་ཤེས་ཀྱིསཿ འཁོར་གསུམ་ཡོངས་དག་ཆེན་པོར་རྒྱས་བཏབ་ནསཿ གནས་ལུགས་རྫོགས་པ་ཆེན་པོའི་ཀློང་དུ་ཨཱཿ ཞེས་པའི་མཐར། ལྷག་མ་ཕྱི་རོལ་དུ་གཤེགས། གསུམ་པ་རྗེས་ཀྱི་བྱ་བ་ལ་བརྒྱད་ལས། དང་པོ་དངོས་གྲུབ་ཀྱི་དམ་རྫས་ཚོགས་ལ་རོལ་བ་ནི། ལས་སློབ་ཀྱིས་འདུས་པའི་གཙོ་བོ་ལ་བཏུད་དེ་ཕྱག་བྱས་ནས་རྣམ་ལྔ་འདོད་སྐོར་གྱི་ཕྱག་རྒྱ་དང་སྦྲགས། ཧོཿ བླ་མ་དཔའ་བོ་ཆེན་པོ་དགོངས་སུ་གསོལ། །འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཡང་། །རང་བཞིན་གཅིག་ཏུ་དགོངས་ཏེ་རོལ། །ཞེས་པའི་ལན་དུ་སློབ་དཔོན་གྱིས་ཀྱང་ཕྱག་རྒྱ་དེ་ཉིད་དང་བཅས། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་ལ་སོགས་དྲི་མ་སྤངས། །གཟུང་འཛིན་རྣམ་པར་བྲལ་བ་ཡི། །དེ་བཞིན་ཉིད་ལ་བདག་ཀྱང་འཚལ། །ཨ་ལ་ལ་ཧོ། ཞེས་པས་བླང་ཞིང་། ལག་སོར་གཡས་གཡོན་རིགས་ལྔ་ཡབ་ཡུམ་དུ་མོས་ནས་རྡོ་རྗེ་ལུས་ཀྱི་དཀྱིལ་འཁོར་ལ་ནང་གི་སྦྱིན་སྲེག་ལྟར་དབུལ་བ་ནི། སློབ་དཔོན་གྱིས་བསྐུལ་ལ་ཚོགས་པ་ཐམས་ཅད་ཀྱིས། ཧོཿ བདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པར་མི་འགྱུར་ཞིང་། །གཏན་པ་མེད་པའི་སྦྱིན་བདག་ཀྱང་། །ཐེག་ཆེན་འབྲས་བུར་སྤྱོད་པར་ཤོག །ཅེས་བརྗོད་ཅིང་ཐ་མལ་གྱི་རྟོག་པ་སྤངས་ལ་རང་ལུས་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་གྱི་བདག་ཉིད་དུ་མོས་པ་ལ་མཆོད་པའི་ཚུལ་གྱིས་ཚིམ་པར་རོལ་རྗེས། ཧེ་རུ་ཀ་དཔལ་གྲོང་ཁྱེར་དུ། །སོགས་ཀྱིས་སྨོན་ལམ་གདབ། དེའི་ཚེ་ཚོགས་ཀྱི་དམ་རྫས་ལ་སྨོད་པ་དང་། ཐེག་དམན་གྱི་བློས་བླང་དོར་དུ་བལྟ་བ་དང་། འཐབ་རྩོད་དང་། ཀུ་ཅོ་དང་། ཤགས་ལ་སོགས་པ་ནི་སྦོམ་པོ་བརྒྱད་ཀྱི་ཡ་གྱལ་ཡིན་པས་སྤང་བར་བྱའོ། །གཉིས་པ་རྡོ་རྗེའི་གླུ་གར་བྱ་བར་མོས་ན། སྐྱེ་བོ་ཐ་མལ་པས་དབེན་པའི་གནས་སུ། ལས་སློབ་ཀྱིས་སློབ་དཔོན་ལ་ཕྱག་བྱས་ཏེ། ཧོཿ དགོངས་སུ་གསོལ། མངའ་དབང་རྫོགས་པའི་དཀྱིལ་འཁོར་ཆེན་པོར་ཀུན་ཏུ་བཟང་པོའི་ཚོགས་མཆོད་རྒྱ་མཚོས་ཕྱི་ནང་གི་འདུ་བ་དང་ཉེ་བའི་འདུ་བ་ལེགས་པར་མཆོད་ཟིན་པའི་གནས་སྐབས་འདིར་ནི་མུ་ཏིག་ཕྲེང་བ་ལས། ཚོགས་དང་དབང་བསྐུར་དཀྱིལ་འཁོར་འཇུག །དེ་ནས་གླུ་ལ་བརྩོན་པར་བྱ། །ཞེས་པའི་དོན་ལྟར་ཆོས་ཉིད་བསམ་གྱིས་མི་ཁྱབ་པའི་དགོངས་སྤྱོད་རྒྱ་མཚོས་རྡོ་རྗེའི་གླུ་གར་ལ་ཐུགས་གཏད་པ་ཞུ། ཞེས་གསོལ་ནས། དཔོན་སློབ་ཐམས་ཅད་འཁོར་ལོས་སྒྱུར་བའམ། ཧེ་རུ་ཀའི་ཆས་སུ་ཞུགས་ནས་བསམ་གཏན་གྱི་ངང་ལས་ལངས་ཏེ་རིག་པ་བརྟུལ་ཞུགས་ཀྱི་སྤྱོད་པ་བྱུང་རྒྱལ་དུ་བསྐྱང་བའམ། མོས་པས་སྤྱོད་པ་རྣམས་ནི་རང་བཞིན་གྱི་བསམ་གཏན་ལ་གནས་པས་ཆོས་ཉིད་ཀྱི་གླུ། ཨ་དཱི་ཀ་དཱི་རིང་པོ་དང་། ཐུང་ངུ་དང་། འཁྱོག་པོར་སྤེལ་བའི་དབྱངས་སྙན་པོས་བླང་ཞིང་། དེ་ནས་ཨོཾ་དང་། ཨེ་དང་། ཧཱུྃ་དང་། ཧེ་དང་། ལྱཱཻ་ཤག་སོགས་པས་སྣ་དྲངས་ཏེ་ཐོད་རྔ་དང་ཅང་ཏེའུའི་སྒྲ་དང་བཅས། ཨེ་མ་ཀཱི་རི་ཀཱི་རི། མསྟ་བཱ་ལི་བཱ་ལི། ས་མི་ཏ་སུ་རུ་སུ་རུ། ཀུ་ཏ་ལི། མ་སུ་མ་སུ། ཨི་ཀ་རཱ་སུ་ལི་བྷ་ཏ་ཡཱེ། ཙི་ཀི་ར་བྷུ་ལི་པ་ལ་ཡེ། ས་མུན་ཏ་ཙརྱ་སུ་གྷ་ཡ། བྷི་ཏ་ས་ན་བྷྱ་ཀུ་ལ་ཡཱི། ས་ཀ་རི་དྷཱུ་ཀ་ན། མ་ཏ་རི་བཱཻ་ཏ་ན། པ་ར་ལི་ཧི་སཱ་ན། མ་ཁརྟ་ཀེ་ལ་ནཱཾ། སཾ་བྷུ་ར་ར་མེ་ཀ་ཙ་དྷི་པ། སུརྱ་བྷ་ཏ་ར་ཨེ་པ་ཤ་ན་པ། ར་ན་བྷི་ཏི་ས་གྷུ་ར་ལཱ་པ། མ་སྨིན་ས་གུ་ལི་ཏ་ཡ་བ། འགུ་ར་འགུ་ར་ས་ག་ཁ་ར་ན་ལཾ། ན་ར་ན་ར། ཨི་ཐ་ར་པ་ཀཱ་ལཾ། སི་ར་ཎ་སི་ར་ཎ། བྷེ་ས་ར་ས་པ་ལ། བྷུན་དྷ་བྷུན་དྷ། ཚི་ཥ་ས་ཀེ་ལཾ། ས་སཱ། རི་རཱི། ལི་ལཱི། ཨི་ཨཱི། མི་མཱི། ར་ར་རཱ། མ་སྐྱེས་པས་ན་མི་འགགས་ཅིང་། །འགྲོ་དང་འོངས་མེད་ཀུན་ཏུ་ཁྱབ། །བདེ་ཆེན་ཆོས་མཆོག་མི་གཡོ་བ། །མཁའ་མཉམ་རྣམ་གྲོལ་གོས་པ་མེད། །རྩ་བ་མེད་ཅིང་རྟེན་མེད་ལ། །གནས་མེད་ལེན་མེད་ཆོས་ཆེན་པོ། །ཡེ་གྲོལ་ལྷུན་འབྱམས་ཡངས་པ་ཆེའི། །བཅིངས་མེད་རྣམ་པར་འགྲོལ་མེད་པ། ཁྱབ་གདལ་ཁང་བཟང་ཡེ་ཡོད་ཉིད། ཁྱབ་མཉམ་པ་ལས་རྣམ་འདས་པ། །ཡངས་སོ་ཆེའོ་ནམ་མཁའི་དབྱིངས། །ཆོས་ཆེན་འབར་བ་ཉི་ཟླའི་དཀྱིལ། །ལྷུན་གྱིས་གྲུབ་དང་མངོན་སུམ་པ། །རྡོ་རྗེ་རི་བོ་པདྨ་ཆེ། །ཉི་མ་སེང་གེ་ཡེ་ཤེས་གླུ། །སྒྲ་ཆེན་རོལ་མོ་མཚུངས་པ་མེད། །ནམ་མཁའི་མཐའ་ལ་ལོངས་སྤྱོད་པ། །སངས་རྒྱས་སངས་རྒྱས་ཀུན་མཉམ་ཞིང་། །ཀུན་བཟང་ཡངས་པ་ཆོས་ཀྱི་རྩེ། །མཁའ་དབྱིངས་བཟང་མོའི་དབྱིངས་རུམ་དུ། །ཀློང་གསལ་ལྷུན་གྲུབ་ཡེ་རྫོགས་ཆེ། །ཞེས་བླང་ངོ་། །ཕན་ཡོན་ནི་ཉི་ཟླ་ཁ་སྦྱོར་ལས། ཟག་པ་མེད་པའི་རྡོ་རྗེའི་གླུས། །སངས་རྒྱས་ཀུན་གྱི་ཡིད་ཀྱང་ཚིམ། །རྣལ་འབྱོར་ང་ཡི་ཉམས་ཀྱི་གྲོགས། །མཁའ་འགྲོ་མ་ཡི་ཡིད་རྣམས་འཕྲོག །རིགས་དྲུག་འཁོར་བའི་ཞེན་པ་བཟློག །ཅེས་པ་ལ་སོགས་རྒྱ་ཆེར་གསུངས་སོ། །གསུམ་པ་བཤགས་པ་ནི། མ་འབྱོར་པ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཡི་གེ་བརྒྱ་པའི་མཐར་བརྗོད་མེད་དོན་བཤགས་ནི། ཧོཿ རང་བཞིན་ངང་ལ་ཉེས་པའི་སྐྱོན་མེད་པས། །བཤགས་དང་བཤགས་པར་བྱེད་པ་ཅུང་ཟད་མེད། །ཀུན་རྫོབ་སྒྱུ་མ་ཙམ་དུ་བཤགས་ན་ཡང་། །གཉིས་མེད་སེམས་ཀྱི་ངང་དུ་དག་གྱུར་ཅིག །ཅེས་རྟོག་པ་བསྐྱེད། བཞི་པ་གཤེགས་གསོལ་ནི། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སོགས་བརྗོད་ལ། བཛྲ་མུཿ ཡེ་ཤེས་པ་དབྱིངས་སུ་གཤེགས། དམ་ཚིག་པ་རང་ལ་བསྡུ། འཇིག་རྟེན་པའི་མགྲོན་རྣམས་རང་གནས་སུ་བཏང་། རས་བྲིས་ཡིན་ན་བརྟན་བཞུགས་བྱའོ། །ལྔ་པ་བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །སོགས་ཤློ་ཀ་གཉིས་བརྗོད། དྲུག་པ་སྨོན་ལམ་གདབ་པ་ནི། ཧོཿ སྣང་སྲིད་ཐམས་ཅད་བླ་མའི་དཀྱིལ་འཁོར་དུ། །ཡོངས་གྲུབ་ཆེན་པོའི་མོས་གུས་ལ་གོམས་པས། །འོད་སྣང་མཐའ་ཡས་བདེ་ལྡན་ཞིང་གི་མགོན། །མངོན་སུམ་འགྲུབ་ནས་འགྲོ་ཀུན་འདྲེན་པར་ཤོག །ཅེས་དང་། དེ་མ་ཐོབ་པའི་ཚེ་རབས་ཀུན། །འཁྲུལ་པ་ལས་ཀྱང་ཉིང་འཁྲུལ་ཅན། །འཁོར་བ་སྡུག་བསྔལ་ཅན་ཕུང་པོར། །རྟག་འཛིན་འཆིང་བ་ལས་གྲོལ་ཤོག །སྙིགས་མ་ལྔ་ཡི་མཐར་སྐྱེས་པའི། །ཉོན་མོངས་གདོན་གྱིས་གཟིར་བ་རྣམས། །རྒྱུ་འབྲས་སྔ་ཕྱི་ལྟར་སྨིན་པའི། །དྲང་དོན་ལམ་གྱིས་རྒྱུད་སྦྱངས་མཐར། །ཐེག་པ་གཞན་གྱིས་མི་འདུལ་བས། །གསང་ཆེན་རྡོ་རྗེའི་ཐེག་པ་མཆོག །མ་ནོར་ཚུལ་བཞིན་སྟོན་ནུས་པའི། །བླ་མ་དམ་པ་མཇལ་བར་ཤོག །མཇལ་ནས་ཀུན་ཏུ་མཉེས་བྱེད་ཅིང་། །བར་གཅོད་རྐྱེན་གྱིས་མི་བརྫི་བར། །ཚུལ་བཞིན་བསྒྲུབ་པའི་རང་དབང་དང་། །དབང་བཞིས་རང་རྒྱུད་སྨིན་པར་ཤོག །བསྐྱེད་རྫོགས་གནད་ལ་མ་འཁྲུལ་བས། །སྣང་བའི་བདེན་ཞེན་ཞིག་པ་དང་། །རྩ་རླུང་ཐིག་ལེ་ལས་རུང་ནས། །མཐོང་ལམ་མྱུར་དུ་སྐྱེ་བར་ཤོག །བདེན་པ་མཐོང་བའི་ཆོས་ཉིད་ལ། །གཟུང་འཛིན་འཁྲུལ་པ་མི་གནས་པས། །རྒྱུ་འབྲས་དག་གྲོལ་ལ་ཞེན་རྣམས། །བརྟུལ་ཞུགས་སྤྱོད་པས་འདུལ་བར་ཤོག །བདག་ལ་གཤེའམ་སྨོད་ཀྱང་རུང་། །སེམས་ཅན་ཉོན་མོངས་རང་བཞིན་ལ། །བཟོད་པ་ཐོབ་པའི་བྱང་ཆུབ་སེམས། །མི་སློབ་ལམ་གྱི་འབྲས་བུར་ཤོག །བདུན་པ་ཤིས་བརྗོད་ནི། གདོད་མའི་མགོན་པོ་རིགས་ལྔ་གང་ཆེན་མཚོཿ སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལཿ བསྐལ་བཟང་སངས་རྒྱས་སྟོང་རྩ་བྱོན་པ་ཡིསཿ སྒྲོན་མེའི་བསྐལ་པ་བཟང་པོའི་བཀྲ་ཤིས་ཤོགཿ སྟོང་གསུམ་མི་མཇེད་རྡོ་རྗེ་ཐེག་པའི་ཞིངཿ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལཿ གངས་རིའི་ཁྲོད་དུ་འབོད་པ་ཁྲི་སྲོང་རྗེའིཿ ཐུགས་བསྐྱེད་བསྟན་པ་མཐར་རྒྱས་བཀྲ་ཤིས་ཤོགཿ འཛམ་གླིང་ས་ཡི་ལྟེ་བ་རྡོ་རྗེའི་གདནཿ པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམཿ མདོ་སྔགས་བསྟན་པ་དར་བ་གངས་ཅན་ལྗོངསཿ རྒྱལ་བསྟན་ཡུན་དུ་གནས་པའི་བཀྲ་ཤིས་ཤོགཿ བརྒྱད་པ་ཕན་ཡོན་བསྟན་པ་ནི། སྒྱུ་འཕྲུལ་དྲྭ་བའི་རྒྱུད་ལས། བླ་མ་དཀྱིལ་འཁོར་ཐམས་ཅད་ཀྱི། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་པས་དཀྱིལ་འཁོར་གྱི་འཁོར་ལོ་ནི་བླ་མའི་ཏིང་ངེ་འཛིན་གྱི་རྣམ་པར་སྤྲུལ་པ་ཙམ་ཡིན་ལ། བླ་མ་ནི་དཀྱིལ་འཁོར་གང་གི་དབང་ཕྱུག་གམ་སྤྲུལ་གཞིའི་ངོ་བོ་ཉིད་ཡིན་པས་རྡོ་རྗེ་ཐེག་པའི་ལམ་གྱི་སྨིན་གྲོལ་ཟབ་མོའི་བྱིན་རླབས་ཐམས་ཅད་དང་པོར་བླ་མ་ལ་མ་བརྟེན་པར་མི་འགྲུབ་སྟེ། འདི་ལྟར་གཟུགས་བརྙན་ནམ། རས་བྲིས་སམ། རྡུལ་ཚོན་ནམ། གློས་བླང་ལ་སོགས་པའི་མདུན་དུ་རང་བཟོ་དང་ཡིད་བྱེད་ཀྱིས་གྲོལ་བ་ཐོབ་པའི་གཏན་ཚིགས་གཅིག་ཀྱང་མེད་པའི་ཕྱིར། དེ་ཁོ་ན་ཉིད་བསྡུས་པར་ཡང་། ལོང་བས་རང་དགར་རི་བོ་ལ། །འཛེགས་པས་བདེ་བར་འགྱུར་མ་ཡིན། །ཞེས་པ་ལྟར་རོ། །རྒྱུ་དེས་ན་སྤྱི་མདོ་ལས། བསྐལ་པ་འབུམ་གྱི་སངས་རྒྱས་ལས། །བླ་མ་གཉན་པར་ཤེས་པར་བྱ། །ཞེས་སོ། །གཉན་པའི་རྒྱུ་ཅིས་ཤེ་ན། དུས་གསུམ་དུ་གཤེགས་ཤིང་འབྱོན་པའི་སངས་རྒྱས་རྣམས་ཀྱི་ཐུགས་རྗེ་དང་ཡེ་ཤེས་ལ་སྒྲིབ་པ་མེད་ཅིང་། ཉེ་རིང་དང་ཕྱོགས་ཆ་མེད་ཀྱང་རང་ངོ་ནས་ཡོད་ལོ་དང་མོས་པ་ཙམ་བྱེད་པ་ལས་དངོས་སུ་ཞལ་སྐྱིན་མི་མཇལ། གསུང་མ་ཐོས་པས་ལམ་བདེན་མངོན་སུམ་པར་འདོམས་པའི་མཐུ་མེད་ལ། བླ་མ་ནི་དུས་གསུམ་སངས་རྒྱས་ཐམས་ཅད་ཀྱི་བདག་ཉིད་ཡིན་བཞིན་དུ་རང་དང་སྤྱོད་ཡུལ་མཐུན་པ་ལྟར་གྱི་འགྲོ་བའི་གཟུགས་སུ་བྱོན་ནས་འགོག་ལམ་གཉིས་ཀྱི་བདེན་པ་མངོན་སུམ་དུ་འདོམས་པས་ཉི་མའི་སྔ་འདྲེས་ལའང་སེམས་ཅན་སངས་རྒྱས་སུ་གནས་བསྒྱུར་བ་མཐོང་ཆོས་ལ་གནས་པའི་ཕྱིར་ཏེ། འཇམ་དཔལ་རྩ་རྒྱུད་ལས། གང་ཕྱིར་སངས་རྒྱས་ཐམས་ཅད་ནི། །འདས་དང་མ་བྱོན་ད་ལྟར་གྱི། །ཐམས་ཅད་མི་ཡི་འཇིག་རྟེན་དུ། །མི་ཡི་ལུས་སུ་ཡང་དག་འབྱུང་། །ཞེས་དང་། གུར་ལས། གང་ཞིག་རྡོ་རྗེ་སེམས་དཔའ་ཞེས། །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་གཟུགས་སུ་སྤྲུལ། །ཞེས་གསུངས་པས་དད་པའི་ཁམས་གསོས་པའི་གང་ཟག་ལ་རྣམ་པར་བསྒྱུར་བ་ཡང་མ་བཤད་དོ། །དེ་ལྟར་ཡིན་པས་ཕྱོགས་བཅུའི་སངས་རྒྱས་ཐམས་ཅད་ཀྱང་བླ་མ་ལ་དུས་གསུམ་དུ་ཕྱག་མཛད་ན། རང་ཅག་འཁོར་བའི་བཙོན་རར་ནི་ཆུད། ཉོན་མོངས་པའི་ལྕགས་སྒྲོག་གིས་བཅིངས་པ་རྣམས་ནི་ཅིའི་ཕྱིར་བླ་མ་མཆོད་པའི་ཆོ་ག་ལ་བརྩོན་པར་མི་བྱེད། དེ་སྐད་དུ་རྡོ་རྗེ་གཙུག་གཏོར་གྱི་རྒྱུད་ལས། སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པ། །དུས་གསུམ་དུ་ནི་མོས་ཕྱག་འཚལ། །ཞེས་སོ། །མདོར་ན་སངས་རྒྱས་ཐོབ་པར་འདོད་པ་རྣམས་ཀྱིས་ནི་བསྟི་སྟང་དང་། རིམ་གྲོ་བསྐྱེད་ཅིང་། བསྒོམ་ཞིང་མཆོད་པར་བྱ་བའི་ཡུལ་བླ་མ་གཅིག་པོ་ལ་རག་ལས་པའི་ཚུལ་སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །ཞེས་པ་ལ་སོགས་པའི་བརྗོད་བྱ་ཟད་མི་ཤེས་པ་ཡོད་དོ། །འདི་ནི་མདོ་ཁམས་རྫོགས་ཆེན་སྤྲུལ་པའི་སྐུ། །གཞོན་ནུ་སངས་རྒྱས་སྨོན་ལམ་འོད་ཟེར་དེའི། །རིགས་ཀྱི་བདག་པོ་བྲལ་ཐོབ་མེད་པའི་ལྷ། །སྟོན་པའི་ཞལ་སྐྱིན་གཅིག་ཏུ་མངོན་པར་གྲུབ། །རྒ་བས་ནོན་པའི་ལང་ཚོས་མ་བརྟོལ་ཡང་། །འཕེལ་འགྲིབ་སྤངས་པ་བསྟན་པའི་ཉི་མ་ནི། །བདེན་པ་གཉིས་ཀྱི་ཤིང་རྟའི་བཞོན་པ་ཅན། །དམ་པའི་བློ་གྲོས་ཉིན་མོའི་དཔལ་དུ་སྤྱོན། །ཐུགས་ཡིད་འདྲེས་པའི་སྨོན་པ་དུས་གསུམ་ཀུན། །འདུ་འབྲལ་དབྱེན་གྱིས་མི་ཕྱེད་དམ་ཆོས་མཛོད། །གདན་གསུམ་མངོན་རྟོགས་ངོམ་པའི་རྣམ་སྣང་ཞལ། །མངོན་སུམ་མཐོང་བའི་དགེ་མཚན་འགྲུབ་གྱུར་ཅིག །ཅེས་པའང་སློབ་དཔོན་བཻ་རོ་ཙ་ནའི་སྒྲུབ་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག། །།དགེའོ། །དགེའོ། །དགེའོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-002&diff=64199 2026-09-30T13:23:35Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=གསང་བ་ཆེན་པོ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན།<br /> |fulltitle=gsang ba chen po nyams snang gi rtogs brjod chu zla'i gar mkhan<br /> |citation='jigs med gling pa. ''Gsang ba chen po nyams snang gi rtogs brjod chu zla'i gar mkhan''. In ''Kun mkhyen rig 'dzin 'jigs med gling pa'i gsung 'bum'', Vol. 10: 13-61. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Autobiographies - Expressions of Realization - rtogs brjod<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=002<br /> |pagenumbers=13-61<br /> |totalpages=49<br /> |beginfolioline=1a1<br /> |endfolioline=25a4<br /> |totalfolios=25<br /> |multivolumework=No<br /> |rectonotes=nyams snang rtogs brjod<br /> |versonotes=rtogs brjod chu zla'i gar mkhan<br /> |pdflink=File:JLKO-KABUM-10-THA-002.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །གསང་བ་ཆེན་པོ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན་ཞེས་བྱ་བ་བཞུགས། །<br /> <br /> ༄༅། །དཔལ་གདོད་མའི་མགོན་པོ་ལ་ཕྱག་འཚལ་ལོ། །མ་སྐྱེས་མི་འགག་རང་བཞིན་སྤྲོས་དང་བྲལ། །དམིགས་མེད་རང་གྲོལ་འོད་གསལ་འདུས་མ་བྱས། །ཤིན་ཏུ་རྣམ་དག་ཐ་མལ་རིག་པ་ལ། །དུས་གསུམ་འཕོ་མེད་དགོངས་པས་ཕྱག་བགྱིའོ། །ཀུན་བཟང་དགེ་བ་རྡུལ་ཙམ་མ་བརྟེན་ཀྱང་། །ཟག་མེད་རང་ངོ་ཤེས་པའི་དགེ་ཚོགས་ཀྱིས། །མངོན་པར་བྱང་ཆུབ་ཁམས་གསུམ་ཡིད་ཅན་རྣམས། །སྡིག་པའི་ས་བོན་མེད་བཞིན་འཁོར་བར་འཁྱམས། །དེ་ཕྱིར་རིག་དང་མ་རིག་ཆོ་འཕྲུལ་གྱིས། །འཁོར་འདས་སོ་སོར་ཕྱེ་བའི་མཚང་རིག་ཀྱང་། །འདི་ན་ལྷན་སྐྱེས་བག་ཆགས་གཡོ་འཕྲུལ་པོས། །ད་དུང་བློ་བྲིད་བྱེད་པ་སེམས་པ་སྐྱོ། །གཞི་དབྱིངས་ཁྱད་ཆོས་དྲུག་ལྡན་མ་ལགས་པ། །ཐམས་ཅད་རྫུན་པའི་རྣམ་འགྱུར་ཆེན་པོ་རུ། །གོ་ཡང་དད་ལྡན་གདུལ་བྱ་དྲང་བའི་སླད། །ཉམས་སྣང་ཆུ་ཟླའི་གར་མཁན་འདིར་གསལ་བྱ། །དེ་ཡང་མདོ་ལས། རབ་འབྱོར་ཆོས་ཐམས་ཅད་རྨི་ལམ་ལྟ་བུ། མྱ་ངན་ལས་འདས་པའི་ཆོས་ལས་ལྷག་པའི་ཆོས་ཤིག་ཡོད་ན་དེ་ཡང་རྨི་ལམ་ལྟ་བུ་སྒྱུ་མ་ལྟ་བུ་ཞེས་ངས་བསྟན་ཏོ། །རབ་འབྱོར་ཆོས་ཐམས་ཅད་ཡང་དག་པ་མ་ཡིན་པ་ཀུན་ཏུ་བརྟགས་པ་མེད་བཞིན་དུ་སྣང་བ་རྨི་ལམ་ལྟ་བུ་སྒྱུ་མ་ལྟ་བུའོ། །ཞེས་དང་། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། སྟག་དང་སེང་གེ་གླང་ཆེན་དྲེད། །སྦྲུལ་དང་དགྲ་རྣམས་ཐམས་ཅད་དང་། །སེམས་ཅན་དམྱལ་བའི་སྲུང་མ་དང་། །བྱད་མ་དེ་བཞིན་སྲིན་པོ་རྣམས། །སེམས་འདི་གཅིག་པུ་བརྟགས་པ་ཡིས། །དེ་དག་ཐམས་ཅད་བརྟགས་པར་འགྱུར། །ཞེས་འཁོར་འདས་ལམ་གསུམ་ཐམས་ཅད་རང་སྣང་ཁོ་ནའི་ལྡོག་ཆས་ཕྱེ་བ་ཉིད་ལས་དོན་དམ་པར་བདེན་པར་གྲུབ་པ་སྤུ་ཙམ་མ་མཆིས་ན། དེ་ལས་ཀྱང་ཉིང་འཁྲུལ་དུ་གྱུར་པའི་རྨི་ལམ་བག་ཆགས་ཀྱི་སྣང་ཆ་ནི་ཤིན་ཏུ་ཡ་མ་བརླ་སྟེ་ཤཱནྟ་དེ་ཝས། འགྲོ་བ་རྨི་ལམ་ལྟ་བུ་སྟེ། །རྣམ་པར་དཔྱད་ན་ཆུ་ཤིང་འདྲ། །ཞེས་སོ། །དེ་ལྟ་ནའང་ཆོས་ཐམས་ཅད་རྨི་ལམ་དང་འདྲ་བའི་རྟེན་དེ་ལ་དགེ་མི་དགེའི་འཇུག་ལྡོག་བྱེད་པའི་མཁན་པོ་ནི་ལས་དང་དེའི་རྣམ་པར་སྨིན་པ་ཁོ་ན་ལས་བྱེད་པོ་གཞན་མེད་པ་ནི་ཨོ་རྒྱན་ཆེན་པོས། གནོད་པའི་དམྱལ་དཔོན་ཆེན་པོ་དེ། །གལ་ཏེ་སེམས་ཅན་ཡིན་གྱུར་ན། །དེ་ཡི་སྡིག་པ་གང་དུ་འགྲོ། །ཞེས་སོ། །རྒྱུ་མཚན་དེས་ན་སོ་སོའི་སྐྱེ་བོ་རྨོངས་པའི་རབ་རིབ་ཀྱིས་ལྡོངས་པ་དག་གིས་ཕྱིན་ཅི་ལོག་གི་ལས་ཐབས་སྒྲིབ་པའི་ཕུང་པོ་ཅན་ལའང་གཏན་ཚིགས་དང་ཤོག་ཁྲར་བྱས་ཏེ་ངོ་མཚར་གྱི་གླེང་གཞིར་བྱེད་ན། འདིར་བླ་ན་མེད་པའི་བྱང་ཆུབ་ཀྱི་སྤྱོད་པ་ལ་བསླབས་ཤིང་། མྱུར་ལམ་རྡོ་རྗེ་ཐེག་པའི་རྣལ་འབྱོར་གྱི་སྒོ་ནས་རང་རྒྱུད་ལ་གདོད་ནས་བཞུགས་པའི་རྡོ་རྗེ་བཞིའི་གནས་ལུགས་མངོན་སུམ་སད་པའི་རྟེན་འབྲེལ་དང་། སངས་རྒྱས་རྣམས་ཀྱི་ཐུགས་རྗེ་དང་བྱིན་རླབས་རང་གི་ཀུན་རྟོག་དང་འདྲེས་ནས་འཇུག་པའི་ཆོ་འཕྲུལ་ཆེན་པོ་ལ་སྣང་ཆའི་གཟུགས་བརྙན་ཅི་ཡང་སྲིད་པའི་ཕྱིར། དེ་ཉིད་ལ་དག་པ་ཡེ་ཤེས་ཀྱི་འཁོར་ལོའི་བརྡར་བཏགས་པ་སྟེ། དེའང་ནང་དགོངས་པའི་བརྟུལ་ཞུགས་ཀྱི་ན་འཕར་ཞིང་འཁོར་འདས་མཉམ་པ་ཉིད་དུ་རྩལ་རྫོགས་པའི་ཕྲིན་ལས་ཀྱི་རོལ་པ་ཚད་མེད་པས་མ་ཡིན་པར། ཐ་མལ་གྱི་རྟོག་པ་ལ་བྲལ་ཐོབ་མེད་བཞིན་དུ་ལྷ་འདྲེས་བྱིན་གྱིས་བརླབས་པའི་དག་སྣང་དང་མངོན་ཤེས་རྫུ་འཕྲུལ་ལ་མཆོག་ཏུ་རློམ་པ་དག་ལ་གནས་སྐབས་སུ་སོ་སོ་སྐྱེ་བོ་དགའ་བའི་ནུས་པ་དང་། མཐོན་པའི་གོ་ས་ལ་སྙེགས་པའི་རང་སྟོབས་ཡོད་ཀྱང་མཐར་ཐུག་གྲོལ་བ་འགྲུབ་པའི་རྟེན་འབྲེལ་མེད་པས་ཚུལ་དེ་དག་དང་བདག་ཅག་གྲུབ་ཐོབ་བརྒྱུད་པའི་བུ་སྦས་པའི་རྣལ་འབྱོར་སྤྱོད་ཡུལ་མཉམ་པར་ནི་བལྟ་བར་མི་བྱའོ། །ཨེ་མ། །སྤྲང་འཇིགས་མེད་ནམ་མཁའི་རྣལ་འབྱོར་གྱིས། །ཆོས་འདི་བྱའི་གཟའ་གཏད་མ་མཐོང་བར། །བློ་གང་ཤར་རང་གྲོལ་ཆེན་པོའི་ཀློང་། །ཉམས་རྟོགས་པའི་བག་ཆགས་ཁོང་ནས་སད། །ཕ་རྒྱལ་སྲས་པདྨའི་རང་ཞལ་མཇལ། །དོན་གདམས་པ་ཟབ་དགུའི་སྙིང་ཁུ་ཐོབ། །དེ་ཐོབ་ཙམ་མ་ལགས་རྒྱུད་ལ་ཤར། །ཚིག་ཁ་ཁྱེར་མ་ཡིན་གནད་ལ་ཕེབས། །ཚེ་ངེས་མེད་སྙིང་ལ་བརྣགས་པ་ཡིས། །ལས་འཁོར་བར་ཡི་ཆད་དྲག་པོ་ཤར། །དོན་སྙིང་པོའི་སྒྲུབ་པ་ལྷུར་བླངས་ཚེ། །ཡིད་ཤེས་ཀྱི་ཆུ་མཚོར་འདི་ལྟར་མངོན། །ཕ་བཀའ་དྲིན་འཁོར་མེད་མཚོ་སྐྱེས་རྗེས། །མི་ལས་ཅན་གྱི་ཕ་ཕོགས་སུ་བྱིན་པ་ཡི། །ཆོས་པདྨ་སྙིང་ཐིག་ཧཱུྃ་སྒྲུབ་དེས། །སྣང་སྲིད་ཧཱུྃ་གླུར་བླངས་པའི་ཚེ། །ཤར་ཉིན་བྱེད་དབང་པོའི་འོད་ཟེར་དེ། །སྒྲུབ་ཁང་གི་ཐོད་ལ་འཆིང་བའི་སྐབས། །ཉམས་སྣང་ཤེས་ཟང་ཐལ་གྱི་འཆར་སྒོ་ལ། །ལྷོ་མོན་ཁའི་བྲག་གི་སྐུ་རྗེས་མཐོང་། །བྲག་དབྱིབས་ནི་མཆིམས་ཕུའི་ཇག་ཧུག་འདྲ། །བྲག་ཁ་དོག་གནག་སྣུམ་བག་ཆགས་ངོས། ཁྱོན་ཞགས་ཚད་ཙམ་བེར་གྱི་སུལ་དང་བཅས། །ཤིན་ཏུ་གསལ་བའི་ངང་ཚུལ་མཇལ། །དེར་མོས་གུས་བཟོད་བླག་མེད་པའི་ངང་། །མིག་མཆི་མའི་དབའ་རླབས་ཅིར་ཡང་གཡོ། །ཕ་ཨོ་རྒྱན་དྲན་ནས་ཚུགས་ཐབས་མེད། །གནས་དེ་རུ་ད་ལྟ་སླེབས་ན་སྙམ། །ཉམས་བདེ་སྟོང་གི་རྣམ་རོལ་ཅིར་ཡང་རྩེ། །ཡང་དེ་ནས་མི་རིང་ཞག་འགའ་ན། །བྲག་ལྗང་ནག་མེ་ལོང་ལྟ་བུའི་ངོར། །སུ་ཝརྞས་བྱུགས་འདྲའི་ཞབས་རྗེས་གཉིས། །འོད་གསལ་གཉུག་མའི་ངང་ནས་མཐོང་། །འདི་ཆེ་ཆུང་བློ་ཡིས་དཔྱད་མ་བཟོད། །སྤྱིར་མཐོང་སྣང་རིག་པའི་རྩལ་ཡིན་པར་མ་ཟད་ལྷོ་མོན་ཕྱོགས་ལ་བྲག་ལ་ཕྲང་སོགས་སྐུ་རྗེས་བརྒྱ་ཙམ་ཡོད་པར་བཤད་པས་གང་ཡིན་ངོ་མ་འཚལ། ཞབས་རྗེས་ནི་ཕྱོགས་བཞིའི་བྲག་ལ་ཆེ་བ་བཞི་དང་། གཞན་ནི་ཤིན་ཏུ་མང་ངོ་། ༈ །དུས་དེའི་ཚེ་འཁྲུལ་པའི་རྨི་ལམ་ལ། །རང་བེམ་རིག་བྲལ་དུ་ཉེ་བ་ལ། །ཉེ་འབྲེལ་གྱིས་བསྐོར་ནས་གདུང་བར་བྱེད། །དེར་འཆི་བྲོད་ཀྱི་གདེང་ཆེན་རྙེད་སྙམ་པས། ཁོང་དེ་དག་ལ་ཐིམ་རིམ་གཤོད་པའི་ངང་། །ཆོས་ཉིད་ཀྱི་ངང་དུ་དྲན་པ་སྟོར། །སྐབས་ཤིག་ཏུ་དྲན་པ་རྙེད་ཙ་ན། །རང་སྲིད་པ་བར་དོར་སླེབས་ནས་གདའ། །ཕུང་པོ་ཞུགས་ལ་སྤར་བ་མཐོང་། །ཀྱེ་ཕ་དེས་མྱ་ངན་ཆེན་པོ་བྱེད། །ང་བག་ཆགས་ཤ་གཟུགས་ཀྱི་ཡིད་ངོ་ལ། །སེམས་དངོས་མེད་ལ་སྐྱེ་འཆིའི་མིང་འདོགས་བྲལ། །ངས་བདེན་པ་མཐོང་བས་བདེ་སྡུག་རྫུན། །ཕ་ཁོ་རང་སྙིང་རྗེ་བསམས་ཙ་ན། །གཉིད་སད་ནས་བདེ་གསལ་ངང་ལ་འབྱམས། །རྗེ་པདྨས་འགྲོ་བ་རིགས་དྲུག་གི། །ས་བོན་བསྲེགས་པར་ལུང་བསྟན་མཛད། །དུས་འདི་ནས་ལུས་ཀྱི་ཤིག་སྲོ་རྣམས། །གར་སོང་ཆ་མེད་དུ་དག་པར་གྱུར། །སྤྱིར་བར་དོ་ལ་རྣམ་གྲངས་བཞིར་འཆད་པ་དང་། ལ་ལར་དྲུག་ཏུ་དབྱེ་བ་སོགས་སྣང་ཞིང་། ཁྱད་པར་ཆོས་ཉིད་དང་སྲིད་པའི་བར་དོ་འདིར་གསང་སྔགས་གསར་རྙིང་བཞེད་པ་ཅུང་ཟད་མ་མཐུན་ཞིང་། དེའི་དབང་གིས་རང་ལུགས་འཐད་ལྡན་དུ་སྒྲུབ་པ་དང་། གཞན་ཕྱོགས་ཚུལ་མིན་དུ་དགག་པ་སོགས་ཇི་སྙེད་ཅིག་འཆད་སྣང་སྟེ། སྐབས་འདིར་ཡང་དགོན་པའི་བར་དོ་འཕྲང་སྒྲོལ་དུ་གྲགས་པར། རོ་བསྲེགས་པ་ལ་སོགས་བྱེད་ན་མྱུར་དུ་ཚིག་ན་དགའ། མ་ཚིག་ན་མི་དགའ། མྱུར་དུ་མི་སྣང་བར་སོང་ན་དགའ། ཡུན་རིང་དུ་ལུས་ན་ཡང་ཁ་སྣར་འཚངས། རུལ་བ་དང་དྲི་སྣོམ་ན་སྡུག་བསྔལ་ཆེན་པོ་བྱེད། རང་ལ་གདུང་བ་མེད་པ་ཀུན་ལ་ཞེ་སྡང་ཆེན་པོ་བྱེད་ཅིང་མི་དགའ་བའི་སྣང་བ་འོང་བར་འདུག །སྔར་གྱི་ཁྱིམ་དང་མལ་ལ་སོགས་པར་འཁོར་ཞིང་ཉེ་བ་ཉེ་འབྲེལ་རྣམས་ཁོ་རང་ཟས་ཟ་ཞིང་བདག་ལ་མི་སྟེར་བ་དང་། མིང་ནས་བཏོན་ཅིང་ངུ་བ་དང་། ཤི་བའི་གཏམ་བརྗོད་པ་ལ་སོགས་པས་ཤིན་ཏུ་མི་དགའ་བར་གྱུར་ཏེ། གར་འགྲོ་གཏད་མེད་དུ་འགྲོ་བར་འདུག །ཅེས་སྲིད་པ་བར་དོའི་རང་བཞིན་རྒྱས་པར་དབྱེ་བ་ལྟར་ད་ལྟའི་རྨི་ལམ་དང་ཕྱིན་ཆད་ཀྱི་བར་དོ་གནད་གཅིག་པས་འཆད་ཚུལ་སྣ་ཚོགས་ལ་ཀླན་ཀ་མི་དགོས་པར་རྟོགས་སོ། །ཨ་ཧོ། དུས་དེ་ཡི་གནས་སྐབས་ཐམས་ཅད་དུ། །ཕྱི་བཟུང་ཡུལ་རགས་པའི་རྣམ་རྟོག་འགགས། །ནང་འཛིན་བྱེད་ཤེས་པ་གཏད་མེད་གྲོལ། །སེམས་བདེ་སྟོང་གི་ནམ་མཁའ་དྭངས་པའི་ཀློང་། །ལམ་མངོན་སུམ་རིག་མདངས་ལྷག་མཐོང་གིས། །དཔལ་མ་ཧཱ་གུ་རུའི་ཞལ་སྐྱིན་མཇལ། །ཉམས་རྟོགས་འབུལ་ཞིབ་རྒྱས་ཞུས་པ་ན། །སྒོམ་ཡལ་གྲབས་ཡིན་འདུག་གསུངས་པ་ཐོས། །སྒོམ་བྱས་ཚད་ཉམས་ཞེན་རྣམ་རྟོག་ཡིན། །དེ་ཡལ་ན་ཉམས་ཡལ་རྟོགས་པ་ཤར། །དོན་སྤྲོས་བྲལ་བདེན་པ་མཐོང་བའི་བརྡ། །ཆོས་ཡང་གསང་ཐུགས་ཀྱི་སྒྲུབ་པ་ཡི། །བསྙེན་སྒྲུབ་ལས་སྦྱོར་ཕ་མཐར་ཕྱིན། །མཚན་མ་རྫས་ཀྱི་སྐུ་རྟེན་དེ། །དངོས་གྲུབ་ལེན་ཁར་འགུལ་བ་སྙམ། །ནང་རིག་པ་དབྱིངས་ཀྱི་ཧེ་རུ་ཀ །གསལ་བརྟན་གྱི་ཡུལ་གསུམ་གྱད་དུ་གྱུར། །སེམས་ཡི་དམ་གྱི་ཕྱག་རྒྱར་རྩལ་རྫོགས་པས། །རྣམ་སྨིན་རིགས་འཛིན་གྱི་ལྡང་ཚད་ཤེས། །དེ་ནང་ལྟར་སྒྲུབ་པ་རྟ་གདོང་ཞལ། །ཕྱག་རྒྱར་བསྒྱུར་ནས་བསྒྲུབས་པའི་ཚེ། །གཉིད་མི་རྟོག་ཀུན་གཞིའི་མུན་པ་ནས། །ཡིད་གཅིག་པུར་ལངས་པའི་གསལ་སྣང་ལ། །གནས་འོག་མིན་དཔལ་གྱི་མཆིམས་ཕུ་ཡི། །བྲག་དམར་གྱི་ཀེའུ་ཚང་དུ་སླེབས། །དབྱིབས་རྣམ་འགྱུར་ཇི་བཞིན་མ་ཡིན་པའི། །རང་བྱུང་གི་བྲག་སྐྱིབས་ཆེན་པོའི་ནང་། །ཕ་མཚོ་སྐྱེས་རྡོ་རྗེའི་སྣང་བརྙན་ལ། །འཁོར་རྒྱལ་བ་རིགས་ལྔས་མཛེས་པ་དེའི། །སྐུ་ཆེ་ཆུང་མི་ཚད་ཉིས་འགྱུར་ཙམ། །རིགས་གཙོ་དང་ཨོ་རྒྱན་གཉིས་ཀའི་ཕྱག །རཏྣའི་པྲོག་ཞུས་མཚན་པར་སྣང་། །དེར་རིག་འཛིན་ཧཱུྃ་ཆེན་འགྲོ་འདུལ་དང་། །མིག་འཕྲུལ་ལྟ་བུར་མཇལ་བ་ན། །བྲག་འདི་ལ་གུ་རུའི་ཞབས་རྗེས་ཡོད། །བདག་ཅག་གཉིས་འཚོལ་ལོ་གསུངས་པ་ལ། །གཉིས་ཀས་འཚོལ་བའི་འདུ་ཤེས་དང་། །གནས་དེ་ཡི་དཀོན་གཉེར་ཡིན་སྙམ་པའི། །བན་རྒན་སོང་ཞིག་ཁྱམས་དེར་འདུག་པ་དེས། །མཛུབ་རིས་དང་བཅས་བསྟན་བྱུང་བར། །དེ་ན་ཞབས་རྗེས་ཁྲུ་དོ་ཙམ། །འདམ་ལ་རྒྱབ་ལྟར་ཤིན་ཏུ་གསལ། །དེར་རང་ཉམས་འུར་ཏེ་ཏིང་འཛིན་གྱིས། །དབང་བཞི་བླངས་པའི་ནུས་པ་དེ། །ཐ་མལ་གྱི་བློ་ཡིས་དཔག་པར་དཀའ། །སེམས་གྱ་གྱུའི་ཀུན་རྟོག་འཆིང་བ་ཅན། །བཙན་ཐབས་སུ་གཏད་མེད་ཆེན་པོར་གྲོལ། །གཉིད་རྨི་ལམ་གྱི་འཆར་སྒོ་རྫུན་པ་དེ། །ནང་དབྱིངས་སུ་ནུབ་པའི་ཟླ་བ་ལྟར། །མི་རྟོག་དབུ་མའི་གཤིས་ལ་ཐིམ། །དེ་ལུང་མ་བསྟན་དུ་མ་འབྱམས་པར། །རྩ་ཤེལ་སྦུག་ཅན་དུ་ཞུགས་པ་ལས། །གཉིད་གཏི་མུག་གི་འཆིང་བ་ལས་བརྒལ་ཏེ། །བུམ་ནང་དུ་མར་མེ་སྦར་བ་བཞིན། །འོད་གསལ་གྱི་གོ་ཡང་མ་འགགས་ལ། །འཁོར་འདས་སོ་སོའི་མཚང་རིག་ཅིང་། །བློ་དེར་འཛིན་གྱི་ཀུན་རྟོག་དང་བྲལ་བའི། །དབྱིངས་གཞོན་ནུ་བུམ་སྐུའི་ཞིང་ཁམས་མཐོང་། །ངས་སྔོན་ཆད་མ་མཐོང་དགུ་མཐོང་ཡང་། །འོད་གསལ་ལྷུན་གྲུབ་ཀྱི་ཞིང་མ་མཐོང་། །ཕ་པདྨའི་ཐུགས་རྗེ་བསམ་མི་ཁྱབ། །དོན་རང་རིག་རྩལ་གྱི་དབང་ཆེན་ཐོབ། །དེ་སླར་ཡང་ནམ་མཁར་འདྲེས་པ་ལྟར། །ལྷག་མཐོང་གི་རིག་པ་སད་པ་ལས། །སྟོང་པའི་གསལ་མདངས་ཆེར་འབར་ནས། །སྣང་སྲིད་ཀུན་རྟོག་མེད་འོད་གསལ་ངང་། །མེ་ལོང་ནང་གི་གཟུགས་བརྙན་ནམ། །རྒྱ་མཚོར་གཟའ་སྐར་བཀྲམ་པ་བཞིན། །དེར་འཛིན་མེད་པའི་བལྟད་མོ་མཐོང་། །དེ་ཕྱིར་གསལ་ཕྲ་མོའི་ཀུན་རྟོག་ལས། །གཉིས་སྣང་གི་ཞེན་པ་ཤར་བ་ན། །ཡུལ་དཔལ་གྱི་གྲུ་འཛིན་པོ་ཏ་ལ། །སྒོ་སྐར་ཁུང་བསམ་ལས་འདས་པ་དང་། །དེའི་སྟེང་གི་ནམ་མཁར་འཕགས་མའི་སྐུ། །བཻ་ཌཱུར་གྱི་མདངས་ཅན་འོད་ཀྱི་སྐུ། །ཧ་ཅང་གསལ་འཚེར་མིན་པ་ཞིག །སྣང་བས་དེ་ལ་དེར་འཛིན་གྱི། །གཉིས་སྣང་དུ་ཞེན་པས་རྐྱེན་བྱས་ཏེ། །འོད་གསལ་གྱི་སྣང་བ་རང་སར་འགགས། །གཉིད་སད་རྒྱུ་མེད་ལ་སད་འདྲའི་ངང་། །ད་ལྟའི་ཤེས་པ་རྗེན་པར་འདུག །ཨེ་མ། རྗེ་རང་བྱུང་པདྨའི་བྱིན་རླབས་མཐུས། །ངས་རྫོགས་པ་ཆེན་པོའི་གཞི་དབྱིངས་དོན། །ཉམས་མྱོང་དུ་རྡོ་རུས་ཐུག་པར་མཇལ། །འོད་གསལ་རྫོགས་པ་ཆེན་པོ་ཡི། །རྒྱུད་སྡེ་དང་ཞུས་དག་ཕེར་བར་ཤེས། །འདིར་བརྗོད་བྱའི་གནས་ཚུལ་མ་ལགས་ཏེ། །དུས་མ་འོངས་རིག་འཛིན་སྤྲུལ་པའི་གར། །དགོངས་བརྒྱུད་ཀྱི་འཕོ་བ་ཐོབ་ངེས་པ། །འགའ་སྲིད་ན་དེ་དག་ངོ་མཚར་ཞིང་། །ངེས་ཤེས་ཀྱི་དང་བ་འདྲེན་པའི་ཕྱིར། །འདིར་རྟོགས་པའི་འདྲ་འབག་ཡི་གེར་བཞག །སྤྱིར་འོད་གསལ་ལ་འཆད་ཚུལ་མང་ན་ཡང་། ཀུན་གཞིའི་དྲི་མ་དག་ཅིང་གཞིའི་གནས་ལུགས་ལུང་མ་བསྟན་ལས་ཁྱད་ཆོས་དྲུག་གིས་འཕགས་པའི་གདོད་མའི་ནང་དབྱིངས་གཞོན་ནུ་བུམ་པའི་སྐུར་གྲགས་པ་འདི་ངེས་གསང་རྫོགས་པ་ཆེན་པོ་སྙིང་ཏིག་ཐུན་མོང་མ་ཡིན་པའི་དགོངས་པ་ཡིན་ལ། དེ་ལྟ་ནའང་ཀུན་ཏུ་བཟང་པོ་དང་ཞལ་མི་གཉིས་པ་ཀུན་མཁྱེན་ཀློང་ཆེན་པས་དགོངས་པའི་རྩལ་གྱིས་ཉམས་སུ་མྱོང་། བཤད་པའི་ལམ་ནས་གཏན་ལ་ཕབ་པས་འདི་དག་གི་བཤད་ཚུལ་གོལ་འཕྱུགས་མེད་པ་གང་གི་དགོངས་གཏེར་བསྟན་བཅོས་ཆེན་པོ་རྣམས་སུ་སྣང་བ་ནི། སུམ་ཅུ་རྩ་གསུམ་དུ་བགྲོད་མ་མྱོང་བའི་གང་ཟག་ཆེ་གེ་མོ་ཞིག་ལ་དེའི་དངོས་གནས་ཞིབ་པར་བཤད་ཀྱང་དེ་འདྲ་ཞིག་གོ་སྙམ་པའི་འོལ་སྤྱི་ཙམ་ལས་ངེས་ཤེས་མི་སྐྱེ་ཞིང་ཡིན་ཚུལ་ཇི་བཞིན་པ་བློ་ཡུལ་དུ་སྣང་དཀའ་བ་ཙམ་དུའང་མ་ཟད། ཕྱི་རབས་ཀྱི་གང་ཟག་རྣམས་ཚིག་ཙམ་དང་གྲགས་པའི་རྗེས་སུ་འབྲང་བས་གསང་བ་ཆེན་པོ་འདི་ལྟ་བུ་བཤད་པ་ལས་ལྷ་མཐོང་འདྲེ་མཐོང་ཅུང་ཞིག་སྨྲས་ན་མགུ་བར་བྱེད་མོད། རྒྱུ་མཚན་དེས་ད་ལྟ་གངས་ཅན་འདིར་རྟོགས་པ་མཐོན་པོར་རློམ་ཞིང་སྒོམ་ཉིན་མཚན་འདྲེས་པའི་ཁས་ལེན་སྤྱི་བརྟོལ་དུ་བྱེད་པ་སྣང་ནའང་། ནང་དབྱིངས་གྲོལ་ས་ཆེན་པོ་འདིའི་གནད་རྟོགས་ཤིང་མྱོང་བ་ལྟ་ཅི། གོ་བས་གཏན་ལ་ཕེབས་པ་ཡང་དཀོན་པར་སྣང་ངོ་། །དེ་ཡང་མཁའ་འགྲོ་ཡང་ཐིག་གི་མཐོང་སྣང་རིན་པོ་ཆེ་འོད་ཀྱི་དྲྭ་བར། སང་ཉིན་ཐོ་རངས་བླ་མ་གཟིམས་དུས་ཐུགས་འོད་གསལ་ལ་འབྱམས་ཏེ། ཡར་ཀ་དག་གི་སྣང་བ། བར་ལོངས་སྐུའི་ཚོམ་བུ། མར་འགྲོ་དྲུག་གི་འཆར་ཚུལ། སྒྲ་སྐད་སྣ་ཚོགས་པ་ཐོས་པ་ལ་ཐུགས་ཀྱིས་རིག་ཅིང་རགས་པར་མེད་པར་སྣང་བ་དང་། དེའི་སྐད་ཅིག་མ་སྔ་མ་ན་དྲན་བསམ་རྒྱུན་ཆད་ནས། སྣང་བ་དམར་ལ་མཐིང་པ་ཙམ་གྱི་ངང་ལ་བརྒྱལ་བ་བཞིན་འབྱམས་སོ། །དལ་གཅིག་ན་རྣལ་འབྱོར་མ་དེས་འོངས་ནས། སྔ་མའི་དེ་ནི་གདོད་མའི་ཀ་དག་ཏུ་ནང་གསལ་ཐིམ་ལ་མ་རྨུགས་པར་བཞུགས་པའི་ངོ་སྤྲོད་ཡིན་ནོ། །བརྒྱལ་བ་ཞེས་བྱ་སྟེ་ཆོས་ཉིད་ཀྱི་ངང་དུ་བརྒྱལ་བས་སློང་དགོས་པ་ཡིན་ནོ། །ཕྱི་མ་ནི་ཕྱིར་གསལ་དུ་སྤྲུལ་སྐུ་འགྱེད་ཚུལ་དང་། འཁྲུལ་པ་རིམ་གྱིས་སྣང་ཚུལ་རང་སར་ཤར་བའི་ངོ་སྤྲོད་ཡིན་ནོ་གསུངས་སོ། །ཞེས་བཤད་པ་དང་དོན་གཉིས་སུ་མེད་པར་འབྱོར་པས་རང་གིས་མྱོང་བ་ལ་ངེས་ཤེས་འདྲོངས་ཤིང་ཀུན་མཁྱེན་ཆེན་པོ་ལ་མོས་པའི་སྲོག་མཁར་གཞིག་ཏུ་མེད་པ་ཚུགས་པར་གྱུར་ཏོ། ༈ །ལྷ་དེ་ཡི་ལས་སྦྱོར་ལ་བབས་ཚེ། །ཉམས་རྨི་ལམ་དྭངས་པའི་མེ་ལོང་ངོར། །ཁོ་གནོད་སྦྱིན་བྲག་བཙན་དམར་པོ་དེ། །མི་གཞན་གྱིས་བདག་ལ་རྦད་པ་མཐོང་། །ངས་སྟོང་ཉིད་སྙིང་རྗེར་ཁྲོས་པའི་ངང་། །ཁོ་སྲིད་པ་རུ་ལོག་སྙིང་ཁ་རུ། །གནད་རང་གཤེད་དབབ་པའི་མཚོན་ཆས་གཟིར། །ཞག་གཉིས་ནས་སྒྲུབ་གཡོག་ས་མནྟས། །རྡོ་ཕ་ཝང་ལོང་བུ་སྟར་རློན་ཙམ། །མངོན་སུམ་དུ་ཕྱིན་པ་བླ་རྡོར་བསྔགས། །གཅུན་པ་དང་ཤི་ས་བསྟན་པའི་ཕྱིར། །མལ་ཞབས་སུ་ཟིལ་གནོན་དགོངས་པས་གཟིར། །བཀའ་ནན་ཆད་མདོ་ལ་གནས་པའི། །སྲུང་མའང་ངོ་སྲུང་ཟས་ཕྱིར་འཕྲེང་། །འདི་དག་ལ་གཏོར་མ་བྱིན་པ་ལས། །གནམ་ལྕགས་སྤུ་གྲིའི་གནད་དབབ་ཟབ། །འདྲེ་གནོད་སྦྱིན་གྱི་ཀུན་སྤྱོད་ཉམས་རེ་དགའ། །དུས་དེ་ཚེ་སྨིན་དྲུག་ཟླ་བའི་ནུབ། །དམྱལ་བ་ཡིན་ནོ་སྐད་པ་ཡི། །ཟབས་རིང་པོར་ལྷུང་པའི་སྣང་བ་ལ། །ཚེ་འདིར་ནི་ལས་ངན་བསགས་པ་མེད། །བཅས་པ་དང་རང་བཞིན་ལས་འདས་པའི། །ཕྲ་མོའི་སྡིག་པ་དག་ལ་ཡང་། །སྟོབས་བཞི་དང་བཅས་པས་བཤགས་མོད་དེ། །ཚེ་ཐོག་མེད་ནས་བསགས་པའི་རྣམ་སྨིན་ཞིག །དུས་ད་རེས་སྐབས་སུ་བབ་པ་ལ། ཁོང་སངས་རྒྱས་བྱོན་ཀྱང་རང་གིས་ནོངས། །དེ་འོན་ཏེ་དམྱལ་བའང་སེམས་ཀྱིས་བཟོས། །ནང་དྲན་རིག་གི་ངོ་བོར་ལྟ་སྙམ་ཚེ། །འདིས་དམྱལ་བའི་སྐལ་པ་ཐེངས་པ་ཡིན། ཁྱོད་ད་ལམ་སོང་ཟེར་སྒྲ་ཞིག་ཐོས། །གཉིད་སད་དེ་སྐྱོ་ཤས་ངང་ལ་འབྱམས། །རྐྱེན་དེ་ཡིས་ནངས་པར་སྔོན་འགྲོ་ཡི། །ལམ་ཟབ་མོ་བླ་མའི་རྣལ་འབྱོར་ཚེ། །ལས་དེ་འདྲ་མྱོང་བའི་སེམས་ཅན་ལ། །བཟོད་བླག་དང་བྲལ་བའི་སྙིང་རྗེ་སྐྱེས། །དབང་མེད་དུ་མཆི་མའི་ཆར་པ་བབས། །སྐྱོ་ཤས་ཀྱི་སྣང་བ་སངས་པའི་ཚེ། །བརྗོད་མེད་ཀྱི་ཉམས་རྟོགས་གསར་དུ་འཁྲུངས། །ཕ་བླ་མ་དྲན་པའི་མགུར་ཡང་བླངས། །སྡུག་བསྔལ་ཀུན་སྒྲིབ་པའི་བུད་ཤིང་དུ། །གསུངས་པ་དེ་ངོ་མཚར་ཅན་དུ་གདའ། །དཔེ་རྨི་ལམ་ཙམ་གྱི་དུཿཁས་ཀྱང་། །ཉམས་རྟོགས་འགུགས་པའི་ཕོ་ཉར་བྱུང་། །དེ་ཕྱིན་ཆད་སྡུག་བསྔལ་དང་གཏམ་ངན་ལ། །དངོས་གྲུབ་ཆེན་པོར་ལྟ་བ་ཡིན། །དེར་སླར་ཡང་ཅུང་ཟད་མནལ་བ་ན། །ཐུགས་རྒྱུད་རྟོགས་པའི་བྱིན་རླབས་མཐུས། །ཀུན་གཞིའི་རྣམ་རྟོག་ཆོས་སྐུར་སངས། །གསལ་བ་ལ་རྟོག་པ་མེད་པ་ཡི། །སྟོང་པའི་འོད་གསལ་གྱི་ལྟད་མོར་འབྱམས། །དེར་མཆེད་པའི་ཕྱིར་གསལ་དུ་གཡོས་པ་ལས། །སྣང་བའི་འོད་གསལ་གྱི་རིག་གདངས་སུ། །བྲག་ཉི་མ་ཤར་བའི་ལྡེབས་ཤིག་ལ། །རང་བྱོན་གྱི་བཀོད་པ་འགའ་ཞིག་མཐོང་། །རྐྱེན་དེ་ཉིད་ཀྱིས་ཡིད་ཤེས་ལངས་པ་ལས། །གཉིད་ཡིན་མིན་རྟོག་དཔྱོད་ཕྲ་མོ་ཤར། །དེས་སྒོ་ལྔའི་རྩ་ནང་རླུང་ཞུགས་པས། །གཉིད་སད་རྒྱུར་སྣང་ཡང་འཁྲུལ་འབྱམས་མེད། །གཤིས་མི་རྟོག་རྗེན་པའི་ངང་ལ་གནས། །ཕྱིས་འོད་གསལ་ལ་སློབ་པའི་རྗེས་འཇུག་རྣམས། །དྲན་པ་རྒྱ་འབྱམས་ཀྱི་ཀུན་རྟོག་དང་། །མུན་པ་ལྟ་བུའི་གཏི་མུག་ལ། །འོད་གསལ་གྱི་མིང་འདོགས་མ་བྱེད་པར། །གནད་འདི་དག་ཁོང་དུ་ཆུད་པར་གྱིས། །འདི་དགོངས་བརྒྱུད་འཕོ་བ་ཐོབ་པའི་མཐུ། །དུས་གཏན་དུ་ཟིན་པ་དཀའ་བ་སྟེ། །རླུང་དབུ་མར་ཞུགས་གནས་ཐིམ་གསུམ་གྱི། །རྩལ་ཡོངས་སུ་རྫོགས་ལས་གཞན་དུ་མིན། །དེའི་ཐོ་རངས་ལྡངས་པའི་རྣལ་འབྱོར་ཚེ། །གཞི་སྣང་བའི་འོད་གསལ་དྭངས་པའི་ངོར། །རང་གནས་པའི་སྨིན་མཚམས་ནམ་མཁའི་ཐད། །འཇའ་ཚོན་སྣ་ལྔ་པའི་གུར་ཁྱིམ་ནང་། །སྐྱབས་ཀུན་འདུས་མཚོ་སྐྱེས་རྡོ་རྗེ་མཇལ། །དེ་བལྟ་བྱ་དང་ལྟ་མཁན་དབྱེར་མེད་པས། །རེ་དོགས་ཀྱི་འཆིང་བ་གང་ཡང་མེད། །དེའི་ངང་ལ་དེ་ཉིད་གནས་འགྱུར་ཏེ། །ཡུལ་སིངྒ་ལ་ཡི་ཨཱ་ཙརྱ། །འཇམ་དཔལ་བཤེས་གཉེན་དུ་ལམ་གྱིས་སོང་། །སྐུ་དམར་སྨུག་མཆོང་ལྟར་དྭངས་པ་ཡི། །ཕྱག་གཡས་ན་བེ་ཅོན་ཁྱད་འཕགས་བསྣམས། །གཡོན་བདག་གི་སྙིང་ཁར་སྡིགས་མཛུབ་ཀྱི། །ཕྱག་རྒྱས་བརྡ་ཐབས་སྟོན་པའི་མོད། །ཕྱག་མཚན་གྱི་བེ་ཅོན་བདག་ཉིད་ལ། །བྱིན་ཏེ་རང་ལ་དབྱེར་མེད་ཐིམ། །སྐུ་སྒྱུ་མ་ལྟ་བུའི་གསལ་སྣང་དེ། །ཀ་དག་གི་དབྱིངས་སུ་གཏད་མེད་ཡལ། །དུས་འདི་ནས་དགོངས་པའི་གསང་མཛོད་རྡོལ། །གསུང་རབ་ཀུན་གྱི་དགོངས་པ་ཁྲོལ། །ཀློང་ཆེན་རིག་པའི་རྩལ་ཆེན་རྫོགས། །སྣང་ཡུལ་བརྡ་དང་དཔེ་ཆར་ཤར། །མཆོག་གི་དངོས་གྲུབ་རྒྱུད་ལ་བཞག །གང་ཚེ་ལོངས་སྐུའི་ཆས་གྱོན་ཞིང་། །ལུས་རྣམ་སྣང་ཆོས་བདུན་དྲང་པོའི་ངང་། །ནམ་མཁར་བྱ་ལྟར་ལྡིང་བ་དང་། །གཅེར་བུར་རྒོད་ལྟར་འཕུར་་་་བ་སོགས།་་་་་{{TibChung|རྒྱ་གར་ཡིན་རྒྱུའི་སྨན་ལྗོངས་ཤིན་ཏུ་ཁུལ་ཡངས་པ་ཞིག་ཏུ་སླེབས་པ་ན། བནྡེ་གཙོ་བོར་གྱུར་པའི་ཁྲོམ་དམར་ནག་འཁྱིལ་བ་མདུན་ངོས་ནས་ཡོང་བར་སྣང་བ་ལ་གྲྭ་པ་རྟོག་གེ་བའི་རིགས་གསང་སྔགས་ཟབ་མོ་ལ་ལྷག་པར་སྡང་སེམས་དང་ལྡན་ཞིང་གྲུབ་པའི་ཆ་ལུགས་ཙམ་ལའང་ལོག་རྟོག་མི་བཟད་པ་ཡོད་འདུག་པས་ད་ལམ་སྣང་བ་སྤྲུལ་བསྒྱུར་ཞིག་བྱེད་དགོས་བསམ་ནས། འདི་སྐད་དུ། ང་རྣལ་འབྱོར་དབང་ཕྱུག་བི་རུ་པ། །ནམ་མཁར་འཕུར་ན་འདི་ལྟར་འཕུར། །ས་ལ་འཛུལ་ན་འདི་ལྟར་འཛུལ། །ཞེས་ནམ་མཁར་གཞུ་འདོམ་ལྔ་བརྒྱ་ཙམ་ཤུགས་ཀྱིས་འཕར་ཞིང་། ས་ལ་འཛུལ་དགོས་སྙམ་པ་ན་གཉིད་སད།་་་}} །རྨི་ལམ་གྱི་རང་གཟུགས་ཅིར་ཡང་རྩེ། །འདི་ནམ་མཁའི་རླུང་ཟིན་ལྟས་སུ་ངེས། །ས་ནོན་ཅེས་བཤད་པའི་གཞུང་ཡང་ཡོད། །དེ་ཡན་ཆད་རང་ལོ་ཉེར་བརྒྱད་པའི། །འཁྲུལ་སྣང་སྒྱུ་མའི་མེ་ལོང་ངོ་། །ཞིང་བཀོད་ལ་ཌཱཀྐིའི་གསང་གཏམ་ཆེན་མོ་འདིར་འགོད། མེ་གོས་སུ་བཀླུབས་པའི་གླང་གི་ལོའི། །དུས་ཆོ་འཕྲུལ་ཟླ་བའི་ཚེས་བཅུའི་ཉིན། །ཕ་རྗེ་བཙུན་ཨོ་རྒྱན་སྙིང་ནས་དྲན། །མིག་མཆི་མའི་དབའ་རླབས་གཡོ་བཞིན་དུ། །ངག་གདུང་བའི་འོ་དོད་ལྷང་ལྷང་སྙིལ། །ཕ་སངས་རྒྱས་གཉིས་པ་དེ་ཉིད་ཀྱི། །རྣམ་ཐར་དང་བཀའ་དྲིན་དྲན་པའི་མོད། །ཚེས་བཅུའི་དུས་དྲན་གསོལ་འདེབས་བརྩམས། །དེས་ཐུན་མཚམས་ཀུན་ཏུ་གསོལ་བཏབ་པས། །ཞག་གསུམ་འདས་པའི་ཐོ་རངས་ཁར། །སྒོ་ལྔའི་གསལ་སྣང་ནུབ་པ་ཡིས། །ཀུན་གཞིའི་རྣམ་ཤེས་ཀྱི་མེ་ལོང་ངོར། །ལྗོངས་འདི་ཡིན་ངོ་མི་འཚལ་བའི་སར། །མདུན་ངོས་ནས་ལྷག་པར་ལྟར་སྣང་བའི། །གདུགས་རྒྱལ་མཚན་བ་དན་འཕན་ཕུར་སོགས། །བློས་དཔག་ཏུ་མེད་པས་སྔོན་བསུས་ཏེ། །སྤྲུལ་པའི་གུ་རུ་མཚན་བརྒྱད་རྣམས། །སྐུ་ཆེ་ཆུང་མི་ཚད་ཉིས་འགྱུར་ཙམ། །ལྷམ་མེ་ལྷན་ནེ་འབྱོན་པ་མཇལ། །དེར་མིག་འཕྲུལ་ལྟ་བུའི་གསལ་སྣང་ལ། །འཇའ་འོད་ཟླུམ་འཁྱིལ་དྭངས་པའི་ནང་། །སྐས་གདང་བུ་ལྔ་ལྡན་བཙན་ཐབས་སུ། །ནམ་མཁའི་ངོས་སུ་བཙུགས་པ་མཐོང་། །དེར་རྟོག་མེད་དུ་འཛེགས་ཏེ་འགྲོ་བའི་ངང་། །ཕ་ཨོ་རྒྱན་དང་མཇལ་ལོ་སྙམ་ཙ་ན། །བུ་མ་ཆགས་པདྨའི་ས་ལ་ཤོག །ཅེས་གསུངས་པ་རྣ་བར་ལྷང་གིས་གོ། །དེའི་མོད་ལ་རང་སྣང་རྔ་ཡབ་གླིང་། །དཔལ་གཡོ་རུའི་ཁྲ་འབྲུག་ཡིན་སྙམ་པའི། །ངོ་མཚར་གྱི་གཞལ་མེད་ཁང་དུ་སླེབས། །དབུས་འཇའ་ཚོན་གྱི་ལྡིང་གུར་བཀྲ་བའི་ཀློང་། །ཡབ་རིག་འཛིན་པདྨ་འབྱུང་གནས་དེ། །སྐུ་གསུམ་རིགས་འདུས་ཀྱི་རྣམ་རོལ་ཅན། །རྟེན་མེད་དུ་བར་སྣང་དབྱིངས་ལ་བཞུགས། །གཡས་གཡོན་ན་བི་མ་པ་གོར་ཞབས། །འཁོར་དཔའ་བོ་ཌཱཀྐིའི་ཚོམ་བུས་མཛེས། །དབུས་རྡོ་ཡི་བཞུགས་ཁྲི་ཆེན་པོའི་སྟེང་། །རྟོག་མེད་ལ་རང་ཉིད་སླེབས་པའི་མོད། །མོས་གུས་ཀྱིས་དྲན་པ་དབང་མེད་སྟོར། །རིག་པ་སྐར་མདའ་འཕངས་པ་བཞིན། །རྗེ་བཙུན་གུ་རུའི་ཐུགས་ཀར་ཐིམ། །དེར་རིག་པ་རྩལ་གྱི་དབང་ཆེན་ཐོབ། །ལམ་རྫོགས་པ་ཆེན་པོའི་གནད་ཤེས་ཤིང་། །དབྱིངས་གཞོན་ནུ་བུམ་སྐུའི་ཞིང་ཁམས་དེ། །རྒྱ་ཆད་དང་ཕྱོགས་ལྷུང་མེད་པར་མཐོང་། །ཞག་གཅིག་འདས་པའི་ཉམས་སྣང་བྱུང་། །དེ་སད་པའི་ཤེས་པ་སྐད་ཅིག་མར། །གསང་མཆོག་བདེ་བ་ཆེན་པོ་ནི། །ཡུམ་ཡེ་ཤེས་ཌཱཀྐི་འཚོ་རྒྱལ་མ། །བུ་མོ་མཛེས་མའི་ཆ་བྱད་ཅན། །དེས་མཚན་ལྡན་གྱི་བནྡྷ་སྲུབས་མེད་ཅིག །བདག་ཉིད་ཀྱི་ལག་ཏུ་སྤྲོད་པ་དང་། །འདི་ཆོས་རྒྱལ་ཁྲི་སྲོང་ལྡེ་བཙན་གྱི། །དབུ་ཐོད་ངོ་མ་ཡིན་ནོ་གསུངས། །ཡང་ཅུང་ཞིག་དགོངས་ནས་ཐོད་པ་དེ། །རེ་ཞིག་ཕར་ལ་བླངས་པའི་མོད། །མིག་འཕྲུལ་ལྟ་བུའི་སྣང་ཆ་ལ། །སྔ་མ་དང་དབྱེ་བར་མི་བཟོད་པའི། །ཐོད་པ་ཞིག་དེ་ཡི་ཟླ་ལ་སྦྱར། །གཉིས་ཀ་ལྷན་ཅིག་སྩོལ་བ་དང་། །ད་འདི་གཉིས་དབྱེ་བ་ཨི་ཕྱེད་གསུངས། །དེ་དཔྱད་དུ་མ་བཟོད་ནེམ་ནུར་དང་། །གསལ་སྣང་དེ་ནམ་མཁའི་འཇའ་ལྟར་ཡལ། །རྗེ་ཡབ་ཡུམ་དེ་སྙིང་ལ་དྲན་དྲགས་ནས། །སྐྱོ་ཤས་ཀྱིས་གདུང་བ་བཟོད་ཐབས་བྲལ། །རིག་པ་བདུན་པའི་ཏནྟྲ་ལས། །བརྡ་དང་བརྡ་མཚོན་གོ་བ་ནི། །དབང་གི་ནང་ནས་དབང་ཀའོ། །ཞེས་པའི་དོན་ལ་ངེས་ཤེས་རྙེད། །ལོ་དེ་ཡི་ས་ག་ཉ་བའི་ཟླར། །ལྷ་དཔལ་ཆེན་རྡོ་རྗེ་གཞོན་ནུ་ཡི། །ཡན་ལག་བཞི་ལྡན་གྱི་སྒྲུབ་ཆེན་བཙུགས། །སྲོད་ཐུན་དང་པོའི་བྱིན་འབེབས་ཚེ། །ཉམས་གཏད་མེད་ངང་ནས་ཤེས་པ་འུར། །དཀྱིལ་འཁོར་གསུམ་ལྡན་གྱི་ཏིང་འཛིན་དང་། །ཆོས་ཉིད་ཀྱི་ངང་དུ་དྲན་པ་མྱོས། །དེར་སྤྲོས་བྲལ་ནམ་མཁའི་རྣལ་འབྱོར་པ། །རྗེ་ལྷ་བཙུན་མཁའ་འགྲོའི་དབང་ཕྱུག་དེ། །སྐུ་ཧ་ཅང་མི་བགྲེས་དར་ཡོལ་ཙམ། །མིག་འཕྲུལ་ལྟ་བུའི་ངང་དུ་མཐོང་། །ཉམས་རྟོགས་ཀྱི་བགྲོ་བས་མཉེས་པར་བྱས། །དུས་དེ་ཚེ་བཀོད་མཛེས་ཀྱི་ཁང་པའི་ནང་། །བཻ་རོའི་རྣམ་འཕྲུལ་གཏེར་བདག་གླིང་། །མཇལ་ཏེ་གསུང་ལས་འདི་ལྟར་ཐོས། །འགྲོ་བའི་དོན་དུ་སྲིད་མེས་རྔ། །བསྐུལ་མཁན་བྱུང་ན་སྐད་སྙན་ཡོད། །ཅེས་གསུངས་པ་གང་གི་རྟེན་འབྲེལ་ལས། །རིག་འཛིན་དེ་ཡི་མགུར་ཕུར་དུ། །གྲགས་པའི་ཕུར་པ་ངོ་མཚར་ཅན། །འདི་ཀོ་དངོས་གྲུབ་ཀྱི་རྫས་སུ་འབྱོར། །དེའང་སྙིགས་མའི་དུས་ན་རྩོད་པ་དང་བྲལ་བའི་གཏེར་སྟོན་ཆོས་རྗེ་གླིང་པས་ཁ་རེག་མགོ་དགུ་བདུད་མཚོའི་ཀློང་ནས་ཁྲོམ་གཏེར་དུ་སྤྱན་དྲངས་པའི་ལུང་བསྟན་ལས། དབུས་གཡོར་གཞུང་དུ་བྱང་སེམས་པདྨའི་མིངཿ {{TibChung|སྤྱིར་བསོད་ནམས་དང་དབང་ཐང་གིས་བརྒྱན་ལ་གོ་ས་ཆེ་བ་ཞིག་ལ་ངོས་འཛིན་པས། བདག་འདྲ་བ་མ་ཡིན་ཀྱང་། པདྨའི་མིང་ཙམ་ལ་མིང་འདྲ་དང་དུས་འདྲའི་ཐེ་ཚོམ་བཅད་པའི་དཔང་པོ་ནི། བླ་མ་དགོངས་འདུས་ཀྱི་ལུང་བསྟན་བཀའ་རྒྱ་མ་ནས། མ་འོངས་པའི་ཚེ་ལུང་ཟིན་ཐམས་ཅད་ལ་མི་འགྱུར་བའི་བརྡ་རྟགས་གསུམ་གྱིས་གཟེར་ཡོད་པ་དེ་ཉིད་ལས། གར་ཡང་མི་འགྱུར་བརྡ་རྟགས་གསུམ་དང་ལྡནཿ ལུས་ལ་ལྟེ་སྨེ་སྙིང་ཁར་ཤ་མཚན་ཏེཿ ངག་གིས་སྙན་མགུར་སྔགས་ཚིག་རྩོལ་བ་ཅནཿ པདྨ་ལས་བྱུང་པདྨའི་མིང་ཅན་གཉིསཿ ཡིད་ནི་རྩེ་གཅིག་གདུང་ཤུགས་ང་ཉིད་དྲནཿ ཕུར་ཚུགས་འདི་མིན་ཡིད་ལ་མི་བྱེད་གསུམཿ དེ་གསུམ་འཛོམ་ན་མཆོག་ཡིན་གཉིས་འཛོམ་འབྲིངཿ གཅིག་འཛོམ་ཐ་མ་གང་ཡང་ལས་ཅན་ཏེཿ ཞེས་པས་བསྟན་པ་ལྟར་ཁོ་བོའི་སྙིང་ཁར་ཕྱི་རྡོ་རྗེའི་དབྱིབས་སུ་མཚན་པའི་སྨེ་བ་དམར་པོའི་ཐིག་ལེ་བཅུ་ཕྲག་གསུམ་དང་། ལྟེ་བར་དྲིལ་བུའི་དབྱིབས་ཀྱིས་མཚན་པའི་སྨེ་བ་དམར་པོ་སུམ་ཅུ་ཙམ་ཡོད་པས་འདྲ་ཚོད་འོས་ཚོད་ཀྱི་ཞེ་འདོད་བསྒྲུབ་ན་དེ་ཙམ་མོ།།}} བཀའ་རྙིང་བསྟན་སྐྱོང་ཐབས་མཁས་འགྲོ་བ་འདུལཿ ཞེས་བཀའ་རྙིང་མའི་བསྟན་པ་བཤད་སྒྲུབ་ཀྱིས་འཛིན་པར་ལུང་གིས་བསྔགས་པ་ལྟར་ཚེ་འདི་ཉིད་ལ་དགེ་བའི་བཤེས་གཉེན་བསྟེན་ནས་ཐ་སྙད་དང་གཞུང་ལུགས་ལ་བཅད་བརྡར་གྱིས་ངལ་དུབ་སོགས་ཅི་ཡང་མ་དགོས་པར་སྔོན་སྦྱངས་ཀྱི་རང་སྟོབས་སྟོན་པའི་རྩལ་རྫོགས་པས་རིག་པ་ཕྱོགས་ཡན་དུ་གྲོལ་བས་རེ་དོགས་ཀྱི་འཕྲང་ལས་གྲོལ། གང་བྱུང་དེས་ཆོག་ཏུ་ལ་བཟླ་བས་ཞེ་འདོད་ཀྱི་མཚང་བརྡོལ་ནས་སུའི་ཁ་ལའང་མི་ཉན་ཞིང་གུ་ཡངས་བྱུང་རྒྱལ་ཆེན་པོར་སྦྱོར་ལ་སྣང་བ་དཔེ་ཆར་ཤར་བས་བྱས་ཚད་མན་ངག་ཏུ་གོ་བ་དེས་བླ་མ་དགོངས་འདུས་ཀྱི་ཆོ་གའི་རྣམ་བཤད་མཁྱེན་བརྩེའི་མེ་ལོང་རྩོམ་པའི་སྒང་ཡོལ་ལ་ཐུག་པའི་ཚེ། ཐོ་རངས་ཀྱི་ཆ་ཞིག་ན་གཉིད་སད་དེ་ཤེས་རིག་སྤྲོས་བྲལ་གྱི་ངང་དུ་ལ་བཟློ་བའི་མ། སྨིན་མཚམས་ཀྱི་ནམ་མཁའ་ནས་རྟ་སྐད་མངོན་སུམ་དུ་འཚེར་བ་ཐོས་པས་སྐད་ཅིག་མ་དང་པོ་ལ་ཤེས་པ་དགའ་ཡལ་ཡལ་བ་དང་འཇིགས་ཆུམ་ཆུམ་པ་གཉིས་ཀ་བྱུང་ངོ་། །ཨེ་མ། འདིའི་བསྟན་པ་འཛིན་པར་ལུང་བསྟན་པའི། །ཁོང་པདྨའི་ལྗགས་ལྡན་མཆེད་དྲུག་ལས། །རྗེ་མ་ཧཱ་གུ་རུས་མིང་གི་དབང་། །པདྨ་དབང་ཆེན་དུ་བྱིན་གྱིས་བརླབས། །དབྱིངས་ལྷན་ཅིག་སྐྱེས་པའི་ཌཱཀྐི་མས། །ལྷ་དབང་ཆེན་པདྨའི་སྲོག་གི་སྙིང་། །མངོན་སུམ་དུ་ལག་པའི་རི་་་{{TibChung|མཐེ་བོང་གཡས་ལ་ཧྱ་དང་ཧྲཱི་སོགས་མཐོང་ཕྱོགས་ཐ་དད་པའི་རི་མོ་གསལ་བར་འདུག་་་}}མོ་ལ། །རྩོད་པ་མེད་པར་བཞུགས་ཞེས་བཤད། །སྐབས་དེ་ཚེ་དགོངས་འདུས་སྲུང་བའི་མ། །མི་བསྲུན་ཤ་ཟ་ཧོར་མོ་ཆེ། །གསུང་མཆིམས་ཕུའི་གནས་ནས་ལྷགས་སོ་སྙམ། །སྨན་བཙུན་གཡུ་ཡི་ལན་ཚར་ཅན། །དཔག་ཏུ་མེད་པའི་འཁོར་དང་བཅས། །མི་ཁོ་བོའི་མདུན་དུ་ཁྲོང་གིས་བྱུང་། །ངག་ཅི་ཡང་མི་སྨྲ་འཛུམ་པའི་ངང་། །དུང་དཀར་པོ་ཡིད་དུ་འོང་བ་ཞིག །ངེད་ལ་སྤྲོད་པར་རྩོམ་པ་ན། །དེ་འགྱེལ་སྟབས་སུ་ཅུང་ཟད་སོང་བ་ལས། །དུང་ཆག་གིས་དོགས་ནས་སྤོང་སྤོང་ཚེ། །དེས་ཧར་གྱིས་ལངས་ནས་སླར་ལ་སྤྲད། ཁོ་བོས་དཔལ་གྱི་རི་བོ་ཡི། །གཙུག་ལག་གི་སྟེང་ནས་འབུད་སྙམ་ཚེ། །གཉིད་སད་པས་རྟེན་འབྲེལ་དེ་ཙམ་མོ། །དུས་རེ་ཞིག་བསྙེན་བསྒྲུབ་དམ་པོའི་ཚེ། །རང་གཉུག་མའི་བསྟི་གནས་ཡིན་སྙམ་པའི། །ཁང་པ་བཀོད་མཛེས་ཞིག་གི་ནང་། །རྗེ་རིག་འཛིན་ཧཱུྃ་ཆེན་ཀཱ་ར་དེ། །ཞལ་ཁྱིམ་ཟླ་བ་ལྟ་བུ་ལ། །སྐུ་ཤ་ཡང་རྒྱགས་པ་ལྟར་སྣང་བའི། །གཟི་བྱིན་མཚུངས་པ་མེད་པ་ཞིག །སྒྱུ་མ་ལྟ་བུའི་སྣང་ཆར་མཇལ། །ཉམས་རྟོགས་ཀྱི་གླེང་མོ་མང་ཞུས་མཐར། །ད་ངེད་ཀྱི་སྒྲུབ་ཁང་འདི་ཉིད་དུ། །བློས་བླང་གི་དཀྱིལ་འཁོར་ཞིག་བཞེངས་ཞུས་པས། །ད་བློས་བླང་གསར་དུ་བཞེངས་པ་ལས། །ཆུང་ངུ་ཞིག་གསོ་དགོས་པ་ཞིག །གནས་གཞན་ན་འདུག་པ་ངས་བླངས་ཏེ། །བུ་ཁྱོད་ལ་སྤྲད་ཀྱི་ཞིག་གསོ་གྱིས། །ཞེས་གསུངས་ཏེ་མི་སྣང་གཞན་དུ་ཐལ། །ཡང་མཚོ་སྣ་ཕྱོགས་ནས་ཡིན་སྙམ་པའི། །བུད་མེད་མོན་མོའི་ཆ་བྱད་ཅན། །སྐྲ་ཐམས་ཅད་སྤོས་ཤེལ་གྱི་ལན་ཚར་ཅན། །ངོ་ཤེས་ཤེས་འདྲ་བ་གཅིག་ན་རེ། །གཏམ་སྙན་པའི་ངག་གིས་སྔོན་བསུས་ནས། །དཔེ་བམ་པོ་ཞིག་ལག་ཏུ་སྤྲད་བྱུང་བ། །ཁ་ཕྱེ་བས་གསོལ་འདེབས་ལེའུ་བདུན་མ། །ཁ་གསར་པ་ཆེ་ཆུང་གསུམ་དུ་སྣང་། །སྔར་འདས་པའི་སྲིད་པ་མང་པོ་ལ། །ཆོས་འདི་ཡི་བདག་པོར་གྱུར་པ་དང་། །ཀློང་ཆེན་གྱི་རིག་རྩལ་རྫོགས་པའི་བརྡར། །མ་མཁའ་འགྲོས་གནང་བ་བྱིན་ནམ་སྙམ། །ཀྱེ་ཧོཿ ལོ་དེ་ཡི་ཆུ་སྟོད་ཟླ་བའི་ཉིན། །རྗེ་མཆོག་སྤྲུལ་མངའ་རིས་པཎ་ཆེན་གྱིས། །གཏེར་གནས་གསུམ་ནས་སྤྱན་དྲངས་པའི། །བཙན་གནོད་སྦྱིན་ཡ་བ་རྐྱ་བདུན་གྱི། །སྲོག་གཏད་དང་རྒྱུད་ལུང་ནོད་པའི་ནུབ། །ནམ་ཐོ་རེངས་ཐུན་གྱི་སྨད་ཆ་ནས། །གཉིད་ཡིན་མིན་དཔྱད་དུ་མ་བཟོད་པའི། །ཉམས་འཁྲུལ་པའི་སྣང་བ་རྫུན་པོ་ཆེར། །ཁོང་གནོད་སྦྱིན་ཆེན་པོ་བན་དྷེའི་གཟུགས། །ན་ཆེར་ཡོལ་གྱོན་པ་སྣུམ་བག་ཅན། །འཁོར་དང་བཅས་པ་བདག་དྲུང་ལྷགས། །ཕྱག་ཕུ་དུད་ཆེན་པོས་འཚལ་བ་ལ། །བདག་ཀུན་རྟོག་རང་ཁའི་བག་ཆགས་བློར། །རང་ན་ཚོད་ཆུང་ངུའི་བན་གཞོན་ལ། །ཁོང་ཆེ་བགྲེས་ཀྱིས་གུས་ཕྱག་མི་འཐད་སྙམ། །ཁྱེད་དེ་ལྟར་བགྱི་བར་མི་འོས་ཞེས། །ནན་ཆེན་པོས་ལྡོག་ཀྱང་བཙལ་བ་ན། །དེའི་རྐེ་ནས་འུབས་ཀྱིས་བསྡམས་པ་ལས། །ཡིད་གུས་པའི་ཚུལ་གྱིས་འདི་སྐད་ཟེར། ཁྱེད་ལ་གཏེར་སྟོན་་་{{TibChung|མངའ་རིས་པཎ་ཆེན།་་་}}རིན་པོ་ཆེས། །གཅུང་དགའ་བོའི་སྐྱེ་བ་ཡིན་གསུངས་་་{{TibChung|ཤཱཀྱ་ཐུབ་པའི་མཆེད་དུ་སྒྱུ་འཕྲུལ་མའི་བུ། ལོ་རྒྱུས་དཀོན་བརྩེགས་ལས་དགའ་བོ་མངལ་འཇུག་གི་མདོ་དང་། དགའ་བོ་ལ་མངལ་ན་གནས་པ་བསྟན་པ་སོགས་ལས་གསལ།་་་}}པས། །དེས་གུས་པས་ལྷ་ཕྱག་བཙལ་བ་ཡིན། །སྔར་བྱང་པ་རིག་འཛིན་སྤྲུལ་པའི་སྐུས། །ཁྱེད་དབུ་བླར་བཞེས་ཤིང་གུས་འདུད་དང་། །བདག་རྐྱེན་དེ་འདྲ་མཛད་མོད་ཟེར། །དེར་ད་ལྟའི་རྣམ་རྟོག་རང་སར་ཡལ། །བག་ཆགས་འགའ་ཞིག་བློ་ལ་སྣང་། །ཤེས་པ་གཏད་མེད་དུ་ཡོད་ཙ་ན། །ཡང་ཁོ་ཡིས་ངག་ནས་འདི་སྐད་ཟེར། །ཁྱེད་ལ་གཏེར་སྟོན་རིན་པོ་ཆེས། །ལོ་བཅོ་ལྔ་ཚེ་ཚད་ཡིན་ནོ་གསུངས། །ཞེས་སྨྲས་ཏེ་བདག་ལ་ཆེ་རེ་ལྟ། །ཕྱིས་རྩེ་ཆེན་བྲག་གི་བཀོད་པའང་བསྟན། །སྐྱབས་རིག་འཛིན་པདྨ་འབྱུང་གནས་དང་། །རྗེ་ཁྲི་སྲོང་ཡང་སྤྲུལ་མངའ་རིས་པ། ཁོང་རིག་འཛིན་བརྒྱུད་པའི་ཐ་ཚིག་ལ། །ལྷ་འདི་ཡིས་མི་འདར་ཆད་ཐོ་བཙན། །ཚུལ་དེ་ལ་བརྟེན་ནས་འདི་ཉིད་ཀྱི། །གསོལ་ཀ་དུས་ཀྱི་ཕོ་ཉའང་བརྩམས། །ཚེ་མི་རྟག་ལུང་བསྟན་གློག་དང་འདྲ། །གཤིས་གདོད་ནས་དག་པའི་དག་པ་ལ། །དགྲ་སྐྱེ་འཆིའི་བག་ཆགས་མི་མངའ་ཡང་། །འདུ་བྱེད་ཀྱི་རྟ་བདུན་ཆུ་ལྷར་ཕྱོགས། །འདི་ཟབ་ལམ་རྡོ་རྗེའི་རྣལ་འབྱོར་དང་། །རྟེན་འབྲེལ་གྱི་བདེན་པས་མ་ཟིན་ན། །མཁའ་དབྱིངས་ལ་ཤར་བའི་རྒན་ཐིག་འདྲ། །ལོ་དེ་ཡི་སྨིན་དྲུག་ཟླ་བའི་ནང་། །དུས་ཡར་ངོའི་ཚེས་བཅུའི་ཐོ་རེངས་ཁར། །དབྱིངས་འོད་གསལ་གྱི་ནམ་མཁའ་དྭངས་པ་ལ། །བོད་གངས་ཅན་གྱི་ལྷ་གཅིག་སྙིང་རྗེའི་གཏེར། །ལྷ་འཕགས་མཆོག་ཕྱག་ན་པདྨའི་སྐུ་{{TibChung|་་སྡུག་བསྔལ་རང་གྲོལ།་་་}}། །ཤར་ནམ་མཁས་གར་ཁྱབ་སྐུས་ཁྱབ་པའི། །མཚན་དཔེའི་སྣང་བརྙན་བཞེངས་སྟབས་ཅན། །དེ་མཐོང་བས་མོས་གུས་ཀྱི་མཆི་མ་འཁྲུགས། །གསོལ་འདེབས་ཀྱི་ཚིགས་བཅད་གསར་དུ་བརྩམས། །དུས་དེ་ནས་རང་ལོ་སུམ་ཅུ་པ། །མགོ་ཟླ་བའི་ཡར་ངོའི་ཚེས་བཅུའི་ནུབ། །བདག་གཅུང་གཞོན་དང་བསྡེབས་ནས་ཕྱིན་པའི་མོད། །ཁང་པ་ཡིན་ནོ་སྙམ་པ་ཡི། །སྒོ་སྤུས་འབྱེད་ཞིག་ཕྱེ་ནས་སོང་ཙ་ན། །དཔལ་མཆིམས་ཕུའི་ལུང་པ་སྐྱིད་ཉམས་ཅན། །ལྗོངས་རྩི་ཤིང་ནགས་ཚལ་སྨན་དྲིས་ཁེངས། །དབྱར་གུང་ཆེན་ལྟ་བུར་སྣང་ཉམས་སྤྲོ། །དབུས་དགེའུ་འོག་གི་ས་འཛིན་དེ། །དབྱིབས་ཕུར་པ་བཙུགས་པ་ལྟ་བུ་ལ། །གཅོང་རོང་ཟབ་པའི་རྣམ་པར་སྣང་། །བྲག་དེའི་ཤར་སྒོའི་སྐེད་པ་ན། །མ་འཚོ་རྒྱལ་གཟིམས་ཕུག་ཡིན་སྙམ་པའི། །སྒྲུབ་ཕུག་གི་སྒོ་ཁུང་ཧ་རེ་མཐོང་། །དེར་འགྲོ་བའི་ལམ་པོ་ཡིན་རྒྱུ་བའི། །རྡོ་རིང་ལྟ་བུའི་ཐེམ་སྐས་ལ། །མི་དཀྱུས་མས་ཐར་ས་མེད་པར་མངོན། །དེར་ཤེས་པ་གཏད་མེད་དེ་ཁའི་ངང་། །རྡོ་སྐས་ལ་འཛེགས་ཏེ་འགྲོ་སྙམ་ཚེ། །ཐར་བའི་རེ་བ་མ་བྱུང་བས། །ཡིད་སྐྱོ་ཤས་ཀྱི་སྣང་བར་འདི་ལྟར་སེམས། །སྔར་ཡིན་ན་འདི་འདྲར་འགྲོ་བཞིན་ལ། །ད་ཐར་པའི་རེ་བ་ཟད་པ་འདི། །ལས་ཉོན་མོངས་ཀྱི་སྒྲིབ་པས་ཡིན་ནོ་སྙམ། །སེམས་མ་དགའ་ཏིང་ངེ་ཡོད་པའི་ངང་། །རིག་པ་ཕུག་པའི་ནང་དུ་གཏད། །འོད་གསལ་གྱི་དགོངས་པས་བལྟས་ཙ་ན། །རྗེ་ལྷ་གཅིག་ཚངས་པ་ལྷའི་མེ་ཏོག །སྐུ་རྡོས་བཅས་མ་ཡིན་འོད་ཀྱི་ལུས། །ཕྱག་གཉིས་མཉམ་གཞག་གི་ཕྱག་རྒྱ་ཅན། །གཟི་བྱིན་མཚུངས་པ་མེད་པ་ཞིག །རང་སྣང་འོད་གསལ་གྱི་ངང་དུ་མཇལ། །འདི་མངའ་བདག་གིས་མྱང་བན་ཏིང་འཛིན་ལ། །ཆོས་རྫོགས་ཆེན་ཞུས་ནས་བསྒོམས་པའི་ཕུག །ཡིན་སྙམ་པའི་བག་ཆགས་ཝ་ལེར་དྲན། །ཕྱིས་བྲག་སྒོ་སེ་བས་འགགས་པ་ཡིས། །མི་ཀུན་གྱི་སྣང་ངོར་མ་གྱུར་ཅིང་། །མདུན་ངོས་ཀྱི་བྲག་ལ་བྱང་སེམས་ཀྱི། །སྐུ་དོང་བརྐོས་འདུག་པ་སས་ནོན་ནས། །དབུ་རིབ་རིབ་ཙམ་ཡང་མི་འདུག་མོད། །ཉེ་འདབས་ན་རྡོ་ཡི་གཏུན་ཁུང་དང་། །ནང་ངོས་ལ་དུ་བའི་དྲེག་པ་སོགས། །སྔར་སྒྲུབ་ཕུག་ཡུན་རིང་བྱས་པའི་ཤུལ། །འདི་གསང་ཆེན་ཕུག་པར་འདུག་པའི་ཕྱིར། །ས་མོ་ཡོས་ལ་གནས་སྒོ་ཕྱེ།་་་{{TibChung|སྟག་ཚང་ཕུར་པའི་ལུང་བསྟན་ལས།}} །བི་མའི་སྤྲུལ་པ་པདྨའི་མིང་འཛིན་ལཿ ཡེ་ཤེས་རྩལ་རྡོལ་དག་སྣང་གནས་སྒོ་འབྱེདཿ {{TibChung|ཅེས་སོ།}} མིང་ཡང་མེ་ཏོག་ཕུག་པར་བཏགས། །ལོ་གསུམ་སྒྲུབ་པའི་རྒྱལ་མཚན་བཙུགས། །མི་ཁོ་བོས་འོད་གསལ་བསྒོམས་པའི་མཐུས། །ཕྱིས་སུ་བསྡད་མི་ལ་ཏིང་འཛིན་འཆར། །བཀྲ་ཤིས་བྱིན་ཆགས་ཀྱི་སྒྲུབ་ཕུག་ཡིན། །དེ་འོན་ཀྱང་ཡུལ་དེར་རང་ཕྱོགས་པ། །སྔར་འདྲིས་ཀྱི་མཉམ་འགྲོགས་ཚོད་ཡོད་དང་། །འགའ་འགའི་སྡང་ཞེན་མཐུ་ཆེས་པས། །ཕྱུགས་རྫིས་ཆར་ཡིབས་རྙེད་པ་བཞིན། །སྟབས་ལེགས་ཙམ་དུ་འཛིན་པ་ལས། །མེད་ཕྱིར་བདེན་དང་རྫུན་པ་ཡི། །དག་སངས་ནི་ཅི་ཡང་བྱ་དོན་མེད། །དུས་དེ་ཚེ་འཁྲུལ་པའི་སྣང་ཆ་ལ། །དཔལ་མཆིམས་ཕུའི་ནང་ནས་འོངས་སྐད་པའི། །སྐྱེ་མཆེད་དྭངས་པའི་གཞོན་ནུ་ཞིག །ཤིན་ཏུ་འཛུམ་པའི་མདངས་དང་བཅས། །ཤོག་དྲིལ་ཞིག་ལག་པར་སྤྲོད་དུ་བྱུང་། །ཁ་ཕྱེ་ནས་དེ་ཉིད་བཀླགས་པ་ན། །ཡི་གེ་ལེ་ཚན་གཉིས་སྣང་བའི། །ཡིག་ཕྲེང་གཅིག་འབྱར་གྱི་སྐེད་པ་ན། །ཁྱོད་སྤྲུལ་པའི་དགེ་སློང་ཨ་ཀར་མའི།་་་{{TibChung|ཆོས་རྒྱལ་སྲོང་བཙན་སྒམ་པོའི་སྨིན་མཚམས་ལས་སྤྲུལ་ཏེ་ཙནྡན་གོར་ཤི་ཤ་ལེན་དུ་རྒྱ་གར་འཕགས་པའི་ཡུལ་ལ་བགྲོད། རྒྱལ་སྲས་ལྷ་རྗེ་དང་ཐུགས་རྒྱུད་གཅིག་པ་ཡིན་པར་གོ།་་་}} །སྐྱེ་བ་ཡིན་ནོ་ཞེས་པ་དང་། །གཞན་ལུང་བསྟན་གྱི་རྣམ་པ་འགའ་ཞིག་སྣང་། །དེ་ནས་རང་ལོ་སོ་གཅིག་པ། །ས་མོ་ཡོས་ཀྱི་བགྲང་བྱ་ལ། །ལོ་གསུམ་གྱི་སྒྲུབ་པ་མཐའ་རུ་ཕྱིན། །དཔལ་གྱི་བསམ་ཡས་མཆིམས་ཕུ་རུ། །སྒྲུབ་པའི་རྒྱལ་མཚན་འཛུགས་སུ་ཕྱིན། །མཚུངས་མེད་རིག་འཛིན་བླ་མའི་དྲུང་། །སྨིན་གྲོལ་ཟབ་མོའི་བཅུད་འཐུངས་ཤིང་། །རིགས་བསྡུས་པདྨ་གུ་རུ་ཡི། །བྱིན་རླབས་ཉེ་བརྒྱུད་ཐོབ་པ་ལ། །རྟེན་འབྲེལ་ཟབ་མོའི་ཕྲིན་ལས་སྒོ། །དཔལ་མགོན་རིག་འཛིན་བླ་མས་ཕྱེ། །དེ་ཚེ་བླ་མའི་གཟིམས་ཁང་གི། །ཡང་ཐོག་ཉིད་དུ་མནལ་བ་ལ། །གཉེན་ཟུར་ཕུད་ལྔ་པ་ཡིན་སྙམ་པའི། ཁྱེའུ་དར་གྱི་གོ་ཟུ་ཅན། །ཡིད་དུ་འོང་བ་གཅིག་ན་རེ། ཁྱེད་ཆོས་རྒྱལ་ཕུན་ཚོགས་ཡིན་ཨཱ་ཟེར། །ངས་བཀྲ་ཤིས་སྟོབས་རྒྱལ་ཨེ་ཡིན་བྱས། །དེས་འོ་འོ་ཆོས་རྒྱལ་ཕུན་ཚོགས་ཟེར། །གཏམ་དེ་ཀོ་གཉིས་ཀས་ལན་གསུམ་བསྐྱར། །དམ་ཆོས་གྲོལ་བའི་ཐིག་ལེ་ཡི། །བཀའ་ཡི་སྲུང་མ་ཡིན་པར་རྟོགས། །རྗེ་བཙུན་པདྨའི་བཀའ་ལུང་བཞིན། །ཆོས་འདི་ནམ་མཁའི་ཕ་མཐའ་རུ། །བརྡལ་བའི་རྟེན་འབྲེལ་བསྒྲིགས་ན་ཡང་། །སྨོན་ལམ་མི་བསྲུན་སྐྱེ་བོ་འགས། །འདུན་པ་གཞན་དུ་བསྒྱུར་བ་ལས། །རེ་ཞིག་ཕྲིན་ལས་དེ་ཙམ་མོ། །དེ་ནས་དཔལ་གྱི་མཆིམས་ཕུ་ཡི། །འོག་མིན་རྡོ་རྗེའི་ཀེའུ་ཚང་དུ། །ལོ་གསུམ་སྒྲུབ་པའི་དམ་བཅའ་བཟུང་། །མུ་ཏོའི་བརྟུལ་ཞུགས་ལ་གནས་ཚེ། །རྨི་ལམ་སྒྱུ་མའི་བཀོད་པ་ལ། །ནེ་ཙོ་འདྲ་བའི་འདབ་ཆགས་ཀྱིས། །དཀྱིལ་འཁོར་ཡིད་འོང་བཞེངས་པ་མཐོང་། །དཀྱིལ་འཁོར་གྲུབ་མ་ཐག་པ་ལ། །ཆོ་ག་བཏང་བའི་སེམས་བསྐྱེད་དེར། །སངས་རྒྱས་མེད་ལ་སེམས་ཅན་མེད། །ཡིན་པ་མེད་ལ་མིན་པ་མེད། །སོ་མ་རང་གདངས་ལྷུག་པའི་ངང་། །རང་གྲོལ་ཆེན་པོར་སེམས་བསྐྱེད་དོ། །ཟེར་མུར་རྨི་ལམ་ཉམས་དེ་སད། །ཡང་གསང་བླ་མའི་སྒྲུབ་པ་དེ། །སྙིང་གི་དབུས་ན་ལྷམ་མེར་གསལ། །ཡང་གཅིག་ཤ་ཟ་ཌཱཀྐི་མ། །བུ་མོ་གཞོན་ནུའི་རྣམ་འགྱུར་ཅན། །ལག་ཏུ་ཟབ་ལམ་ཕོ་ཉའི་སྐོར། །དཔེ་ཆ་ཤོག་ལྡེབས་གཅིག་ཁྱེར་ནས། །འདི་ཡི་བདེ་སྟོང་ཆེན་པོའི་ཉམས། །གང་ཡིན་རྒྱུད་ལ་མ་འཚལ་བས། །ཚིག་གིས་མ་ཡིན་རྒྱུད་ཐོག་ཏུ། །ངོ་སྤྲོད་གནད་སྨིན་ཞུ་ཟེར་བར། །དོན་དམ་ཤེས་རབ་ཡེ་ཤེས་ཀྱི། །དབང་བསྐུར་བྱས་པའི་རྗེས་ཐོབ་ཏུ། །ཟབ་མོའི་སྙན་བརྒྱུད་གདམས་པ་འདི། །ཀློང་ཆེན་ཉམས་ཀྱི་ཚུལ་དུ་གདམས། །ཀྱེ་ཧོཿ བརྗོད་མེད་བློ་འདས་ཀྱི་ཁང་མཛེས་ན། །དབྱིངས་ཆེན་རྣམ་དག་གི་ལུས་ཕྲ་མོ། །མཐའ་བརྒྱད་སྤྲོས་བྲལ་གྱི་བཞིན་རས་མཛེས། །ཡེ་གྲོལ་མཉམ་ཉིད་ཀྱི་རྒྱན་ཆ་བཏགས། །མ་བཅོས་རང་བྱུང་གི་སྤྱོད་ལམ་དལ། །སྨན་དེ་ལ་བདག་གིར་སུ་ཡིས་བྱེད། །སྤྱིར་གྲུབ་ཐོབ་ཡོངས་ཀྱི་མཛའ་ན་མོ། །སྒོས་རིག་པའི་དཔའ་བོ་གཞོན་ནུ་ངས། །སྦྱོར་ཚེ་ཟུང་འཇུག་ཡངས་པར་སྦྱོར། །སྒྲོལ་ཚེ་དུག་ལྔའི་རྣམ་རྟོག་སྒྲོལ། །ཏ་ན་ག་ནའི་གསང་སྤྱོད་འདི། །མཛད་མཁན་ཤིན་ཏུ་མང་ལགས་ཏེ། །མཁྱེན་མཁན་མེ་ལོང་རྡོ་རྗེ་ཙམ། །ང་མེ་ལོང་རྡོ་རྗེའི་བརྒྱུད་པ་འཛིན། །དབྱངས་དེ་ལ་བསྐྱར་བཟློས་བྱེད་སྙིང་འདོད། །ཙིཏྟ་རང་བྱུང་གི་གུར་ཁང་ནང་། །བུ་རིག་པའི་རྒྱལ་པོ་དཔའ་བརྟུལ་ཆེ། །རྩ་ཡོ་འཁྱོག་མེད་པ་དབུ་མའི་ནང་། །འབངས་སྲོག་རྩོལ་གཉིས་པོ་རང་བཙོན་འཛིན། །ནོར་ཉི་ཟླ་སོ་སོས་བདག་གིར་བྱེད། །རླུང་ནུས་པ་ཅན་གཉིས་མ་འཆམས་པས། །ནད་འདུ་བ་རྣམ་བཞིའི་ཁ་རླངས་གཏོང་། །དུས་མ་ཡིན་པར་སྲོག་ལ་ཧུར་ཐུམ་བྱེད། །རླུང་ཕྲ་མོའི་ཚོགས་རྣམས་ཡན་དྲགས་པས། །འོད་གསལ་འཇའ་སྤྲིན་གྱི་ཁང་མཛེས་བཤིག །འགྱུ་དྲན་མཐའ་མེད་ཀྱི་རྡུལ་ཕྲན་གཡོ། །རྣམ་མཁྱེན་བྱང་ཆུབ་ཀྱི་ཞལ་རས་བསྒྲིབས། །དུས་དེ་ཚེ་རིག་པའི་རྒྱལ་པོ་ངས། །སྙན་བརྒྱུད་མན་ངག་གི་ཕོ་ཉ་བཏང་། །རྩ་ཨ་ཝ་དྷཱུ་ཏིའི་ཁྲི་མུན་དུ། །རླུང་ནུས་པ་ཅན་གཉིས་བཙོན་ལ་བཅུག །ཁོང་རྒྱལ་པོའི་དཔའ་ཟིལ་མ་བཟོད་ནས། །གཟུང་འཛིན་གཉིས་ཟླ་སྒྲིལ་བྱེད་པར་འཆམས། །དེར་མི་དབང་གིས་བློན་པོ་རོ་རྐྱང་གཉིས། །ཁྲི་མུན་དུ་ཞལ་ལྕེ་གཅོད་ལ་མངགས། །བཙོན་པ་གཉིས་གཅིག་ཏུ་ཁ་འདྲིལ་བས། །རྩ་ཕྲན་གྱི་རླུང་རྣམས་དབང་མེད་འདུས། །ཁོང་ཐམས་ཅད་འདོད་པ་གཅིག་ཏུ་དྲིལ། །རྩོལ་བས་གཏུམ་མོའི་མེ་སྤར་ཞིང་། །སྲོག་གི་བདུད་རྩིའི་ཐིགས་པ་གཏིགས། །དེ་ལུགས་འབྱུང་བཞི་ཡི་ཕོ་ཉས་ཕབ། །ཆོས་དབྱིངས་ཡེ་ཤེས་ཀྱི་རྫིང་དུ་བསྐྱིལ། །ལུགས་ལྡོག་བཞི་ཡི་གནས་སུ་སྐྱོལ། །འབྲམ་པར་སོར་རྟོག་ཡེ་ཤེས་སླེབས། །དེས་ཟག་བཅས་ཀྱི་སྡོམ་པ་རྣམ་པ་གསུམ། །རྡོ་རྗེ་གསུམ་དུ་རྣམ་པར་དག །འཁོར་འདས་ཡེ་གྲོལ་གྱི་མནའ་གན་ཕུལ། །སྣང་སེམས་རོ་གཅིག་གི་རྟེན་འབྲེལ་བསྒྲིགས། །དུས་མིན་གྱི་འཆི་བ་ཕ་མཐར་བསྐྲད། །ལམ་རྟགས་ཀྱི་ཡོན་ཏན་མཐའ་ནས་རྒྱས། །དཔའ་བོ་དང་མཁའ་འགྲོ་ཚོགས་ཀྱིས་མཉེས། །སྒོམ་གསལ་འགྲིབ་མེད་པའི་མར་མེ་སྤར། །སྣང་སེམས་དབྱེར་མེད་ཀྱི་སྲོག་མཁར་ཚུགས། །དེ་སེང་གེའི་འོ་མ་མངར་པོ་ཡིན། །མྱོང་མཁན་ཨུ་དུམ་ཝ་ར་ཙམ། །དབང་རིམ་པ་གསུམ་པའི་གསོབ་གྱོན་ཏེ། །ཉོན་མོངས་བྱུང་རྒྱལ་དུ་སྤྱོད་པ་དང་། །ཐུར་མའི་ཕྱག་རྒྱ་རྔོམ་པ་རྣམས། །འབྱུང་འཇུག་རླུང་གི་རྟེན་འབྲེལ་གྱིས། །ཀུནྡ་བཙན་ཐབས་སུ་འཆིངས་ན་ཡང་། །འབྲས་བུ་དབྱུང་བའི་ཤུགས་འགྲོ་དང་། །དབྱེ་བ་མེད་པར་རྒྱུད་ལས་བཤད། །ཀྱེ་མ་དུས་མཐར་དེ་འདྲ་མང་། །ཤལ་མ་རི་ཡིས་འཇིགས་པ་ཆེ། །མི་བདག་ལ་འདྲི་བའི་དོན་གཉེར་མ། །དབྱིངས་ཀུན་ཏུ་བཟང་མོའི་མཁའ་ཀློང་དུ། །རིག་པ་བརྗོད་བྲལ་གྱི་དཔའ་བོས་སྦྱོར། །བདེ་སྟོང་བློ་འདས་ཀྱི་ངང་ལ་ཞོགས། །འཇིག་རྟེན་པའི་སྙིང་སྡུག་ལ་རེ་མ་དགོས། །ཁྱིམ་ཐབས་དང་ཟང་ཟིང་མེད་པ་ལ། །སྐལ་བ་དང་མན་ངག་མེད་དོ་སྙམ། །དེ་མནོ་མཁན་འདུ་ཤེས་འཁྲུལ་ཚབས་ཆེ། །མྱུར་ལམ་རྡོ་རྗེའི་ཐེག་པ་ལ། །འཇུག་སྒོའི་དབང་ནི་རྣམ་བཞི་ཡོད། །དེ་ཀུན་ལ་གསང་ལམ་ཁྱད་འཕགས་རེ། །ཉམས་ལེན་ལྷོད་མེད་ཀྱི་གནམ་རུ་འགུགས། །དམ་ཚིག་ཟོལ་མེད་ཀྱི་གཞུ་རྒྱུད་སྒྲོན། །རྟེན་འབྲེལ་སྨོན་ལམ་གྱི་མཐེབ་ལྟོང་སྤྲོད། །མདའ་འཕེན་པ་རྒྱལ་ཁམས་ཀུན་ལ་འཕེན། །འཕོག་པ་ལས་འབྲེལ་ཅན་ལ་འཕོག །འཚེངས་པ་གཏན་འདུན་འཚེངས་པ་ཡིན། །འགྲུབ་པ་ཚེ་གཅིག་སངས་རྒྱས་འགྲུབ། །ཀུན་གྱིས་སྤྱོད་ཡུལ་མ་ལགས་པས། །རྐུན་ནོར་བཞིན་དུ་ཨ་ཐམ་རྒྱ། །ཞེས་སྨྲས་པས་མོ་ཡི་སེམས་དགའ་ནས། །སྐྱེས་རབས་དང་འབྲེལ་བའི་ཞབས་བརྟན་བརྩམས། །དགའ་བའི་རྣམ་འགྱུར་སྟོན་བཞིན་དུ། །རང་སྣང་སྟོང་པའི་ངང་ལ་ཡལ། །དེ་ཚེ་རླངས་ཆེན་དཔལ་སེང་གི། །ཡང་སྲིད་པདྨ་ཚེ་དབང་རྩལ།་་་{{TibChung|འདི་རླངས་དཔལ་སེང་དངོས་ཀྱི་ཕུར་པ་རྒྱུད་ལུགས་ཀྱི་དོན་དབང་བསྐུར་བ་ཡིན་ཀྱང་། དེ་དུས་བཀའ་རྒྱ་མ་གྲོལ་ཞིང་གཞན་སྣང་དང་བསྟུན་པའི་གསང་རྒྱའི་རྫུ་འཕྲུལ་གྱི་ངག་ཡིན་ནོ།་་་}}། །མཇལ་ཏེ་རང་གཏེར་སྟག་ཚང་གི། །རྡོ་རྗེ་ཕུར་པའི་དབང་བསྐུར་རྨིས། །ཨེ་དབྱིངས་ཉི་གཞོན་འཆར་ཀའི་ཕོ་བྲང་ཆེར། །ཝཾ་ཡིག་ཟླ་ཞུན་འཁྱིལ་པ་རྡོ་རྗེའི་ཁམས། །ཟུང་འཇུག་དཔལ་ལྡན་དང་པོའི་སངས་རྒྱས་སུ། །བསྒྲུབ་པའི་རྟེན་འབྲེལ་སྨོན་ལམ་འཛོམས་པའི་ཚེ། །རྡོ་རྗེ་ཕུང་པོའི་གྲོང་ཁྱེར་འཛམ་གླིང་དབུས། །སྒྲ་གཅན་ས་ཡི་ཐིག་ལེར་བྱང་ཆུབ་སེམས། །བདེ་སྟོང་གཉིས་མེད་ཆེན་པོར་སངས་རྒྱས་པ། །གཏི་མུག་ཆོས་དབྱིངས་ཡེ་ཤེས་ངོ་བོར་གྲུབ། །དེ་ཚེ་ཐ་མལ་རང་ཁའི་ཀུན་རྟོག་ཀུན། །མཐའ་བྲལ་གཉུག་མའི་རྒྱལ་སར་འཛེགས་པ་ལ། །འགྱུར་དྲན་སྣང་བའི་འཆར་སྒོས་ཕྱག་བྱས་ཤིང་། །ལྔ་བཅུར་འཚོ་བའི་རྟེན་འབྲེལ་སྲོག་ཤིང་ཚུགས། །གདོད་མའི་གསང་ལམ་སྟོན་པའི་ཆོ་ག་མཁན། །དམ་ཚིག་སེམས་དཔའ་གཡུང་དྲུང་འཁྱིལ་པ་ལ། །དབྱིངས་ཕྱུག་ཨེ་ཀ་ཙ་ཏིའི་སྲོག་འདྲེས་ནས། །སློབ་བརྒྱུད་ཟླ་བ་ཉ་བའི་ཚོམ་བུ་བཀོད། །ལོ་དམར་སེར་ཅན་གྱི་དབྱུག་གུ་ཟླའི། །དུས་ཡར་ངོའི་ཚེས་བཅུའི་ནུབ་མོ་དེ། །ཡིད་ཀུན་རྟོག་གི་མེ་ལོང་དྭངས་པའི་ངོས། །དཔལ་ཨཽ་ཌཱི་ཡ་ནའི་སངས་རྒྱས་ཆེ། །སྐུ་གཞོན་མཛེས་གཡས་ན་ཧཱུྃ་ཀཱ་ར། །གཡོན་ཕྱོགས་ན་རང་ཉིད་འདུག་པའི་མོད། །དེས་ཕྱག་རྒྱའི་བརྡ་ཐབས་ནམ་མཁར་གདེངས། །མ་དབྱིངས་ཕྱུག་བདེ་ཆེན་འཚོ་རྒྱལ་དང་། །རྒྱ་གར་གྱི་རིག་འཛིན་ཧཱུྃ་ཀཱ་ར། །ཐུགས་ཡེ་ཤེས་ཆེན་པོར་གཉིས་སུ་མེད། །ཧཱུྃ་ཀཱ་ར་གསང་འཛིན་རྡོ་རྗེ་འཆང་། །བདག་ཉིད་ནི་འཕགས་མཆོག་སྙིང་རྗེའི་གཏེར། །ངེད་རྣམ་གསུམ་རིགས་གསུམ་སྤྲུལ་པའི་གར། །ཞེས་གསུངས་པའི་མོད་ལ་གཏད་མེད་ཡལ། །ཡང་ཁྱུ་མཆོག་དབྱུག་གུའི་ཟླ་བ་ལ། །འོག་མིན་གྱི་ལྗོན་པའི་བསིལ་གྲིབ་འོག །ལྭ་ཝའི་ལྡིང་གུར་ལ་བརྟེན་ནས། །དགོངས་འདུས་ཀྱི་དཀྱིལ་འཁོར་ཆེན་པོ་རུ། །བདུད་རྩིའི་སྒྲུབ་ཆེན་བཙུགས་པའི་ཚེ། །ཤིན་ཏུ་གྲང་བའི་ནམ་ཟླ་ལ། །མེ་ཏོག་པད་སྡོང་ཁ་བྱེ་ཞིང་། །ཐོ་རེངས་འོད་གསལ་གྱི་སྣང་ཆ་ལ། །རི་དོ་ཆད་ཅིག་གི་རྩེ་མོ་རུ། །རྒྱ་གར་གྱི་ཛོ་ཀི་གཉིས་དང་ཕྲད། །དེ་ལ་བདག་གིས་འདི་སྐད་དུ། །རི་འདི་ལ་བསྐོར་བ་བྱས་པ་ན། །གྲུབ་ཐོབ་བརྒྱད་ཅུ་མཇལ་ཡོང་སྨྲས། །ཛོ་ཀི་དེས་ཅུང་ཞིག་བསམས་ནས་སུ། །རི་འདི་འདྲའི་རྒྱུས་ལ་ང་རང་ཞིབ། །གྲུབ་ཐོབ་བརྒྱད་ཅུ་དང་ལོས་ཀྱང་མཇལ། །ཁྱེད་གཡས་ཀྱི་ཕྱག་ན་ནེའུ་ལེ་འཛིན། །མཆན་ན་མཚན་ལྡན་གཟུངས་མ་བརྟེན། །གཡོན་གྱིས་འགྲམ་པ་གཟེངས་བསྟོད་ནས། །མགུར་ཡིད་ཁ་འཕྲོག་པར་ལེན་པ་མཐོང་། །དུས་ད་རེས་ཇི་བཞིན་ངོ་འཕྲོད་ཀྱང་། །མི་གཞན་གྱི་བློ་ལ་མ་ཤོང་དོགས། ཁ་རོག་འདུག་པ་ལགས་སོ་ཟེར། །དེར་ངེད་ཀྱིས་ལན་དུ་གྲུབ་ཐོབ་དེའི། །མཚན་ཅི་འདྲ་བྱ་བ་ལགས་དྲིས་པས། །བྲག་ཁུང་པ་ཞེས་པར་གྲགས་སོ་ལོ། །ཤ་བ་ཁྱི་ཁྲིད་ཀྱི་གདམས་པའི་གནད། །དེར་ངེད་ལ་ཞུ་འོ་ཟེར་བ་ན། །ངས་དེ་འདྲའི་དཔེ་ཆ་མེད་ཀྱང་མེད། །སྤྱིར་རྣལ་འབྱོར་གྱི་རི་ཁྲོད་འགྲིམ་པ་ལ། །མཐུ་ངན་སྔགས་ཀྱི་བསམ་པ་མི་རིག་བྱས། །དེར་རྣལ་འབྱོར་ཟླ་བོ་ཞིག་བྱུང་ནས། །དེས་བསྟན་ལ་ཕན་ན་དགོས་སོ་ཟེར། །དེའི་མོད་ལ་ཉམས་སྣང་དེ་སད་དོ། །གང་ཚེ་རྡོ་རྗེ་གཡུ་ཡི་སྒྲོན་མ་དེས། །རྣམ་དཀར་ཡིད་དུ་འོང་བ་རྣམ་པ་གཉིས། །ཤིན་ཏུ་བརྩེ་བའི་འཛུམ་གྱིས་སྔོན་བསུས་ནས། །བདག་ལ་བྱིན་ནས་རིག་འཛིན་བུ་ཁྱོད་ཀྱི། །གྱོན་པའི་བསྣོན་མ་གྱིས་ཞེས་ཟེར་བ་དང་། །བརྩེ་དུང་མོས་པར་ལྡན་པའི་གླུ་འདི་བླངས། །རྒྱལ་སྲས་ལྷ་རྗེའི་སྤྲུལ་པ་བརྒྱ་རྩ་བརྒྱད། །ཡ་གྱལ་གཅིག་ནི་ཡར་རྗེ་ཨོ་རྒྱན་གླིང་། །འོད་གསལ་བླ་མ་ཨོ་རྒྱན་བསམ་གཏན་གླིང་། །ཞལ་མཇལ་འབྲེལ་པ་ཐོགས་པ་ཀུན་ལ་མཛོད། །ཅེས་པའི་མོད་ལ་གཏད་མེད་ཆོས་སྐུར་འཁྱིལ། རེ་ཞིག་གི་ཚེ་ཐོར་ཐུན་གྱི་སྒང་ལ་གཉིད་དུ་ཅུང་ཟད་ཤོར་བའི་སྣང་བ་ལ། གནས་བསྐོར་དུ་འོངས་པ་ཡིན་སྙམ་པའི་བུད་མེད་ལྔ་དང་སྦྲགས་ནས་ཕྱིན་པ་ལས། དེའི་ཁྲོད་ནས་རང་གི་མ་ཡིན་སྙམ་པའི་བུད་མེད་རྒན་སོང་ཞིག་གིས་ངོ་ཚ་དང་ཚུལ་འཆོས་བཤིག་ནས་ངེད་ལ་ཤིན་ཏུ་བརྩེ་བའི་རྣམ་འགྱུར་མས་བུ་ཆུང་ལ་བྱེད་པ་ལྟར་བཞིན་གཏུགས་པ་དང་། ཁ་སྦྱར་བ་མང་པོ་བྱེད་པའི་ངང་ནས་བྲག་ཕུག་ཡིད་དུ་འོང་བ་ཨོ་རྒྱན་ཆེན་པོའི་དབུ་རྗེས་ཡོད་པ་ཞིག་ཏུ་ཁྲིད། དེར་གནས་བཤད་ཀྱི་ཚུལ་དུ་འདི་འཚོ་རྒྱལ་གྱིས་ཕུར་པ་བསྒྲུབས་པའི་གཟིམས་ཕུག་ཡིན་ཟེར། ཁོང་རང་རྣམས་ཀྱིས་སྐད་སྒྲ་སྙན་པོས་མཎྜལ་དང་། གསོལ་འདེབས་ཡིད་འཕྲོག་པ་ཞིག་བྱས་སོང་། དེའི་མོད་ལ་བུད་མེད་ཅུང་གཟུགས་མི་སྡུག་པ་ཞིག་འདུག་པ་དེས་བསྐུལ་ནས་ངེད་རང་ལ་ཁ་གཏད་ནས། བླ་མ་སྐུ་ཁམས་བཟང་བར་གསོལ་བ་འདེབས། །ཞེས་པའི་ཤོ་ལོ་ཀ་ཚར་གསུམ་རྒྱ་གླིང་ལས་སྙན་པའི་དབྱངས་རྟ་ལ་དྲངས་ནས་ཟེར་བྱུང་བས་སྣང་བ་ཟི་བུན་པ་ཞིག་བྱུང་། དེའི་ཚེ་ལྷན་སྐྱེས་ཀྱི་ཤེས་པ་སྐད་ཅིག་མར། ད་ཁོང་རྣམས་ཡར་ཀླུངས་རྟེན་གསུམ་མཇལ་དུ་འགྲོ་ཡོང་བས་སྨོན་ལམ་འདེབས་ལུགས་ཞིག་བསླབ་དགོས་བསམ་པ་དང་། སྐད་ཅིག་ལ་རང་གི་ཕུ་བོ་ཡིན་སྙམ་པ་ཞིག་ཁྲོང་ངེ་བྱུང་ནས་དེས་བྱང་དྲངས་ཏེ། ཆོས་རྔ་ཆེན་པོའི་སྒྲ་ཡིས་ནི། །ཞེས་སོགས་ཤོ་ལོ་ཀ་བརྗོད་མཐར་ནམ་མཁའ་ལ་བྱ་ཁྱུ་འགྲོགས་པ་བཞིན་ཅོ་དིར་གྱིས་གྱེས་སོང་། དེར་སྤུན་ཡིན་སྙམ་པའི་བུད་མེད་གཅིག་ད་དུང་བསྡད་ནས་བསླབ་དོན་ཞུ་རྒྱུ་འདྲ་ཡོད་དེ་འགོལ་འགོལ་ཞིག་གཏན་ནས་མ་བྱུང་ཟེར་ཞིང་། ངེད་ཀྱི་རྣ་བ་གཡོན་པ་ལ་ཁ་སྦྱར་ནས་གཏམ་ཤབ་ཤུབ་ཐོས་རྒྱུ་རང་མེད་པ་མང་ཞིག་ཟེར་བའི་ཐོས་པ་ཞིག་ལ་མི་ཆེན་ཚོ་ལའང་ངོ་འཛིན་རང་ཆེར་གནང་ཞན་འདྲ་ཟེར་བ་དང་། ཡང་ཤབ་བི་ཤུབ་བི་ཁོ་ན་ཟེར་བའི་སྒྲ་མ་གོ། །ཡང་ཐོས་པ་ཞིག་ལ། ཉིད་རང་ལུས་དབེན་པར་བཞུགས་དང་། སྟོན་དཔྱིད་ལ་སོགས་པའི་འཚོ་ཆས་ནི་འབད་མེད་དུ་ཡོང་། ངག་དབེན་པར་བཞུགས་དང་ཟེར་བའི་མོད་ལ་སྐད་ཤུགས་ཆུང་དུ་རང་བཏང་བྱུང་བས། དེ་དག་མ་གོ། །དེ་ལས་སྒྲ་དག་པར་གྱིས་དང་བྱས་པས་ད་དུད་སྐད་ཤུགས་དེ་བས་ཀྱང་ཇེ་ཆུང་དུ་སོང་བས་ཁོ་བོས་རྨི་ལམ་ཡིན་པར་ཤེས་ཏེ་དགོངས་པ་དབྱིངས་ལ་གཏད་པས་གཉིད་ལས་སད་དེ། དྲན་པ་བདེ་སྟོང་ཆེན་པོའི་ངང་དུ་རིང་ཞིག་འདས། ལུང་བསྟན་དེ་ལ་བརྟེན་ནས་མི་ཆེན་སྡིག་ཏོ་ཅན་རྣམས་ཀྱི་ངོ་སྲུང་མ་བགྱིས་སོ། །དེའི་ཚེ་ཟླ་བ་བརྒྱད་པའི་ཚེས་བཅུ་དྲུག་གི་ཉིན་སྒྲུབ་གནས་ཆེན་པོ་ཉིད་ལ་གནས་བསྟོད་ཅིག་བརྩམས་ཏེ་འོད་གསལ་འགྲོ་འོང་མེད་པའི་ངང་དུ་མནལ་བ་ན། དབང་པོ་ཡུལ་ལྔའི་ཐ་མལ་གྱི་འཛིན་པ་དྭངས། གཟུང་ཡུལ་རགས་པ་ཡིད་ཤེས་ཀྱི་ཆུ་མཚོར་ཐིམ། ཀུན་གཞི་མི་རྟོག་པའི་ངང་དུ་སྣང་ཆའི་རྟེན་འབྲེལ་ནུབ་པ་དང་། ལྷག་མཐོང་གསལ་བའི་ཡེ་ཤེས་ཀྱི་སྣང་བའི་འོད་གསལ་གྱི་མེ་ལོང་ཕྱིས་པའི་ངོས་ཤིན་ཏུ་དངས་པར་མ་བྱོན་བདེ་གཤེགས་སྙིང་པོ་རི་རབ་མར་མེའི་རྒྱལ་མཚན་སྣང་བའི་གྲོང་ཁྱེར་དུ་ཁམས་དྲུག་ལྡན་གྱི་མིའི་ཟོལ་ལ་བརྟེན་པ། དཔལ་བསམ་ཡས་པ་ཀུན་མཁྱེན་ངག་གི་དབང་པོ་སྐུ་གཟུགས་བཟང་ལ་ན་བཟའ་ཆོས་གོས་རྣམ་གསུམ་གྱིས་མཛེས་ཤིང་། སྐུ་ན་ཅུང་ཟད་སྨིན་པ། དེ་བཞིན་གཤེགས་པ་ལྟར་མཐོང་ན་མི་མཐུན་པ་མེད་པ་ཞིག་དང་མིག་འཕྲུལ་ལྟ་བུར་མཇལ་ཏེ། བརྗོད་བྱ་དོན་གྱི་ཐུགས་རྒྱུད་འཕོ་བར་གྱུར་ཅིག །འཕོ་བར་གྱུར་ཅིག །རྗོད་བྱེད་ཚིག་གི་བརྒྱུད་པ་རྫོགས་པར་གྱུར་ཅིག །རྫོགས་པར་གྱུར་ཅིག །ཞེས་གསུང་སྒྲ་ལྷང་ལྷང་ཞལ་འདོན་མཛད་པ་ཐོས། དེར་དྲན་པ་འཐོར་འགྲོ་བ་ལྟ་བུའི་དད་པ་དང་མོས་གུས་བཟོད་བླག་མེད་པ་ཞིག་སྐྱེས། ཕྱག་འཚལ་ལོང་མེད་པར་ཀུན་མཁྱེན་བླ་མའི་ཕྱག་གཉིས་ནས་འུབ་ཀྱིས་འཇུས། སྤྱི་བོ་བདེ་ཆེན་གྱི་འཁོར་ལོའི་ཅོད་པན་དུ་བཏགས་ནས། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཞེས་མོས་གུས་ཀྱིས་བརྒྱལ་བ་ཙམ་དུ་གསོལ་བ་བཏབ། ཁོ་བོ་ལ་དུས་ཕྱིས་དེ་སྐད་ཟེར་མཁན་ཡོང་ཕེབས། དེར་སྣང་བ་ལ། ཁམས་འདུས་མེ་ཏོག་ཕྲེང་ལྡན་ལ་སོགས་པར་གསུངས་པ་ལྟར་སེམས་ཅན་བསོད་ནམས་དམན་པས་སྐུ་དངོས་སུ་བཞུགས་དུས་དད་མོས་མེད་ཅིང་ལོག་སྒྲུབ་ཆེ་བའི་ཤུགས་ཀྱིས་ཐུགས་མུག་པར་བྱུང་འདུག་པའི་གསུང་གཅོང་ཡིན་པར་གོ་སྟེ། ངོས་ནས་ཁྱོད་ཀྱི་མཛོད་བདུན་དང་། སྙིང་ཐིག་རྣམས་ཀྱི་དགོངས་གཏེར་གཅིག་པུའི་སྒོ་ནས་བསྟན་པ་དང་སེམས་ཅན་ལ་ཕན་བཏགས་པའི་བཀའ་དྲིན་དྲན་ཅིང་། ཆེ་བའི་ཡོན་ཏན་སངས་རྒྱས་དངོས་དང་མཚུངས་པའི་མོས་གུས་རྒྱུན་གཏན་བྱེད་བཞིན་པར་ལགས་མོད་ཞུས་པས། ང་ལ་སྤྱན་ཧུར་གྱིས་གཟིགས་ནས། རིགས་ཀྱི་བུ་ཁྱོད་ལ་ད་ཅི་སྨོན་ལམ་གཏད་རྒྱའི་སྒོ་ནས་དོན་རྒྱུད་ཀྱི་དགོངས་པ་འཕོས་པ་ཡིན་པས། སྒྲུབ་པའི་སྲོག་མཁར་ཚུགས་ལ་སྐལ་ལྡན་ལ་རྒྱ་ཆེར་སྟོན་ཅིག །ཁྱོད་རང་གི་མགུར་མ་ཡང་ཤིན་ཏུ་ལེགས་པ་བྱུང་འདུག །གསུང་པའི་མོད་ལ་བསླབ་སྟོན་འདྲ་ཞུ་སྙམ་པ་དང་། སྐུ་གསུམ་གྱི་སྣང་ཆ་མིག་འཕྲུལ་ལྟ་བུར་དབྱིངས་སུ་ནུབ་སྟེ། ཀུན་མཁྱེན་བླ་མ་དྲན་པ་ལ་ཚུགས་ཐབས་མེད་པ་ཞིག་བྱུང་ངོ་། །བྲག་ཕུག་འགྲིམ་པའི་སྤྲང་བཙུན་བྷུ་སུ་ཀུ། །དབེན་པར་གནས་ནས་ན་ཚོད་མ་རྒས་པས། །རྟོགས་པ་སྐྱེ་བ་ཤེས་བྱར་མི་སྲིད་སྙམ། །དྲེགས་རློམ་ཅན་གྱིས་ག་ཞ་བྱེད་ན་ཡང་། །རྒྱལ་སྲས་པདྨ་དགེ་བའི་བཤེས་གཉེན་གྱི། །རྫུ་ལ་ཞུགས་པ་ཀློང་གསལ་དྲི་མེད་ཀྱི། །ཞལ་མཐོང་ཙམ་གྱིས་བག་ཆགས་སྡིག་སྒྲིབ་ཟད། །གསུང་ཐོས་ཙམ་གྱིས་རྟོགས་པའི་ཀློང་ཆེན་རྡོལ། །ཐ་སྙད་ཆོས་ལ་བསླབ་གཉེར་མ་བགྱིས་ཀྱང་། །དཔེ་མཐོང་ཙམ་གྱིས་གདམས་པའི་གནད་མཚང་རིག །ཉིན་ཞག་གཅིག་ལ་སེམས་ཅན་སངས་རྒྱས་སུ། །བསྒྱུར་བའི་བཀའ་དྲིན་བསམ་གྱིན་བླ་མ་དྲན། །ཕྱི་ལྟར་ཧཱུྃ་ཆེན་འགྲོ་འདུལ་དྲི་མེད་རྗེ། །ནང་ལྟར་སིངྒའི་སློབ་དཔོན་མཉྫུ་ཤྲཱི། །གསང་བ་ཡེ་ཤེས་སྐུ་ཅན་ཀློང་ཆེན་པས། །བརྡ་ཐབས་རྟེན་འབྲེལ་དུ་མས་དོན་རྒྱུད་བྱིན། །མཐོང་སྣང་ཟ་ཟི་ནམ་མཁའི་གློག་དང་འདྲ། །རྡོ་ལ་ཞབས་རྗེས་མུ་སྟེགས་ནག་པོས་འཇོག །ཉམས་རྟོགས་དབང་པོའི་ཡུལ་དུ་མི་སྣང་བས། །གཞན་ལ་རྟག་བརྟན་ཐེར་ཟུག་སྨྲ་དོན་ཅི། །སྐུ་ཡི་བྱིན་གྱིས་བརླབས་པ་སྟེ་དང་པོའོ།། །།འདི་གནས་ཡིག་རྙིང་པར་ཉང་ཕུག་གོང་མར་གྲགས་པའི་དོན་ལ་ཉང་ཏིང་འཛིན་བཟང་པོའི་སྒྲུབ་ཕུག་བྱ་གཡབས་ཕུག་པ་ལྟ་བུའི་སྒོ་ལོགས་གཡས་ཟུར་ན་ད་ལྟ་བྲག་གསེང་དུ་ཤིང་སྒྲོ་དཀར་སྐྱེས་ཤིང་། བྲག་ལོགས་ལ་མཆོད་རྟེན་གྱི་རི་མོ་གསུམ་ཡོད་པའི་བྲག་ཞོལ་འདེབས་དེར་འཇག་མའི་ལྷགས་སྐྱོབ་ཙམ་ལ་བརྟེན་ནས་འདུག་པའི་སྐབས་ཡིན་ནོ། །དེ་ནས་ཉང་ཕུག་འོག་མའི་ཐ་སྙད་གྲགས་པ་ལ་བརྟེན་ནས་སྔ་རབས་པ་དག་གིས་ལྷོ་ཕྱོགས་ཀྱི་ཕྱིས་བྱུང་གི་བྲག་ཕུག་དེ་ལ་ཉང་ཕུག་གི་ཁ་བྱང་བྲིས་འདུག་ཀྱང་། སྔར་བཤད་པ་ལྟར་གསལ་སྣང་གི་བདེན་པས་ངེས་ཤེས་རྙེད་པའི་སྔོན་ཆོས་རྒྱལ་ཚངས་པ་ལྷའི་མེ་ཏོག་དང་། དེ་རྗེས་མངའ་བདག་ཉང་་་{{TibChung|མངའ་བདག་ཉང་གི་སྐྱེ་བ་བཅུ་གསུམ་དྲན།་་་}}གི་སྒྲུབ་ཕུག་ཡིན་པས་ཉང་ཕུག་འོག་མར་གྲགས་པ་ངེད་རང་གིས་ངོས་བཟུང་ཞིང་མེ་ཏོག་ཕུག་ཏུ་བཏགས་པའི་གནས་སུ་བཅད་མཚམས་ཤིན་ཏུ་དམ་ཞིང་ངེས་འབྱུང་གིས་རྒྱུད་རླན་པ་ཞིག་གི་ཚེ། ཨ་འཐས་གཟུང་ཡུལ་གྱི་འཛིན་ཆ་ཞིག་པའི་སྣང་ངོར་ཡང་གཅིག་ཀུན་མཁྱེན་སངས་རྒྱས་གཉིས་པ་དང་མཇལ་བ་ན། དཔེ་ཆ་བམ་པོ་ཞིག་གནང་ནས་འདིས་ཤིང་རྟ་ཆེན་མོ་ན་གབ་པའི་ཚུལ་དུ་ཡོད་པ་མཐའ་དག་གསལ་བ་ཡོད། ཅེས་དང་། གསང་མཛོད་ཆེན་མོའི་བརྡ་འགྲོལ་གྱི་སྐོར་སྐབས་འདིར་གསུངས་པ་ཡིན། ཡང་འདི་ཁྱེད་རང་གི་སྐྱེ་བརྒྱུད་ལུང་བྱང་ཡིན་ནོ་ཞེས་ཤོག་དྲིལ་ཞིག་གནང་བྱུང་བ་ཁ་ཕྱེ་བས། ཡི་གེ་གོང་འོག་རིམ་པ་གཉིས་ཀྱི་རྣམ་པར་འདུག་པའི་གོང་མར། སྐྱེ་བ་སྔོན་མ་ནི་ཀུན་མཁྱེན་ཆོས་རྗེའོ། །ཞེས་འདུག །ཕྱི་མ་རྣམས་ཀློག་པར་རྩོམ་པ་ན། གསལ་སྣང་དེ་ནམ་མཁའ་ལ་སྤྲིན་དེངས་པ་བཞིན་སོང་ལ། འདིའི་ཚེ་སྐུའི་བྱད་དབྱིབས་སོགས་འདི་ལྟར་འདུག་སྙམ་པའི་འཛིན་ཤེས་རགས་པ་གང་ཡང་མ་བྱུང་ངོ་། །གསུང་གི་བྱིན་གྱིས་བརླབས་ནས་བསྟན་བཅོས་བརྩམ་པར་རྗེས་སུ་གནང་བ་སྟེ་ཞལ་མཐོང་གཉིས་པའོ། །དེ་ནས་ཟླ་ཤས་སོང་ཙ་ན། ཀུན་མཁྱེན་བླ་མ་ཉིད་པཎྜི་ཏའི་ཆ་བྱད་སྣུམ་བག་དང་ལྡན་ཞིང་། ཤིན་ཏུ་གཞོན་ཤ་ཆགས་པ་དགུང་ལོ་ཉི་ཤུ་རྩ་གྲངས་པའི་སྐུ་ན་ཅན། དབུ་ལ་པཎ་ཞྭ་རྣ་རིང་བཞེས་པ་ཞིག་དང་མཇལ་ཏེ། རྡོ་རྗེ་ཕུང་པོའི་དཀྱིལ་འཁོར་་་{{TibChung|ལུས་དཀྱིལ་་་}}རྨད་དུ་བྱུང་བའི་རྟ་བབས་གོང་མ་གཉིས་ཀྱི་འཕྱང་འཕྲུལ་ལ་བརྟེན། ལྷུན་གྲུབ་རིགས་ལྔ་ཡབ་ཡུམ་ཟུང་དུ་འཇུག་པའི་བརྡས། འོད་གསལ་དག་པ་རབ་འབྱམས་ཀྱི་དབང་བསྐུར་ནས། ཅི་ཡང་མི་གསུང་པར་ཤིན་ཏུ་དགྱེས་པ་ཆེན་པོའི་ཞལ་འཛུམ་མུ་ལེ་བའི་ངང་ལ། དག་ཆེན་ཡེ་ཤེས་ཀྱི་སྣང་ཆ་དབྱིངས་སུ་ཐིམ་པར་གྱུར་པ་ནི་ཐུགས་ཀྱི་བྱིན་གྱིས་བརླབས་ནས་དོན་རྒྱུད་རྟོགས་པའི་བདག་པོར་རྗེས་སུ་གནང་བ་སྟེ་ཞལ་མཐོང་གསུམ་པའོ། །དེའི་ཚེ་ཕྱི་ཡུལ་གྱི་སྣང་བ་གཏད་མེད་དུ་གྲོལ་ཏེ་མཉམ་གཞག་གི་དགོངས་པ་ལ་ཕྱོགས་ལྷུང་གི་རིས་མེད། ནང་འཛིན་པའི་འདུ་ཤེས་པ་ལ་རྩིས་གདབ་ཀྱི་རིས་མེད་པས་རང་གྲོལ་ཕྱོགས་ཡན་དུ་སོངས། རྗེས་ཐོབ་ཤེས་རབ་ཀྱི་སྣང་ཆར་དགའ་བ་དང་སྐྱོ་བའི་ཡིད་ཀྱིས་དུས་འདས་ཏེ། དད་པ་དང་གདུང་ཤུགས་དྲག་པོའི་རྐྱེན་གྱིས་བསྟོད་པ་དཔྱིད་ཀྱི་རྒྱལ་མོའི་རྒྱང་གླུ་ཞེས་བྱ་བ་དེ་ཡང་བརྩམས། ཤིང་རྟ་གསུམ་དང་མཛོད་ཆེན་བདུན་གྱི་བརྗོད་བྱའི་དོན་སྙིང་ལ་ཤར་བས་ཀུན་མཁྱེན་ཞལ་ལུང་། པདྨ་དཀར་པོ། གོལ་ཤོར་ཚར་གཅོད་སོགས་མན་ངག་གི་གནད། ལྟ་སྒོམ་གྱི་བཅུད། ཉམས་ལེན་གྱི་མཆོང་ལྟ་བུའི་གནད་ལག་བཅངས་མ་ཚིག་ཉུང་དོན་གསལ་མང་པོ་ཡང་བྲིས། དེ་ཡང་སྒོམ་ཆེན་པ་ནི་བཤད་རལ་དང་རྟོག་དཔྱོད་ལ་གཙོར་འདོན་མི་བྱེད་ཅིང་། ཁྱད་པར་དུ་ཐོས་བསམ་ཙམ་ལ་བརྟེན་པའི་ཐ་སྙད་དང་གནས་ལུགས་བརྗོད་བྲལ་གྱི་དོན་གོ་བའི་ཕོ་ཚོད་ཙམ་གྱིས་གཏན་ལ་ཕབ་པའི་བསྟན་བཅོས་དང་མི་འདྲ་བར་འཁོར་འདས་ཀྱི་ཆོས་ཐམས་ཅད་ལ་རྫོགས་པའི་སངས་རྒྱས་དང་། ཨོ་རྒྱན་ཆོས་རྗེ། བི་མ་ལ། མགོན་པོ་ཀླུ་སྒྲུབ་ལྟར་དབང་སྒྱུར་ནུས་པའི་བརྟུལ་ཞུགས་ཀྱིས་བསྟན་པའི་སྲོག་ཤིང་དུ་བསྒྲུབས་པ་ཀུན་མཁྱེན་ཆེན་པོའི་བསྟན་བཅོས་ཉི་ཟླའི་སྣང་བ་ལྟ་བུ་རྩོད་པ་དང་རྒོལ་ངན་གྱིས་གླགས་ལྟ་བར་མི་བཟོད་པ་འདི་དག་ཡོད་བཞིན་དུ། རང་ཅག་གི་སྲིན་བུའི་མེ་འོད་ལྟ་བུའི་གླེགས་བམ་ཆེན་པོ་བཅོས་པ་ལ་དགོས་པ་མེད་སྙམ་ནས་ལྷོད་དེ་སྡོད་པ་ལ་འདུན་ནོ། །འོན་ཀྱང་དགོངས་གཏེར་ཆེན་པོ་དེ་དག་གི་དོན་ལ་ཐོས་པ་དང་། བསམ་པ་དང་། སྒོམ་པ་དང་། བཀུར་སྟི་དང་། རི་མོར་བྱ་བ་དང་། བཤད་པ་དང་། སྒྲུབ་པའི་སྒོ་ནས་རང་རྒྱུད་སྨིན་གྲོལ་དུ་བསྒྲུབ་ཅིང་གཞན་དག་ལའང་བསྔགས་པར་བརྗོད་པ་དང་། རྒྱ་ཆེར་འདོམས་པའི་སྤྱོད་པ་ལ་བསླབ་པར་དམ་བཅས་ཤིང་། དེ་ཡང་གཞོན་ནུ་ནོར་བཟང་གིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་སྨོན་ལམ་དུ་བཏབ་པར། ལན་ཅིག་ཙམ་ཡང་དད་པ་སྐྱེས་པ་ནི། །བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་བཤད་པ་ལྟར། གདུལ་བར་བྱ་བ་གང་ཟག་གི་དད་པའི་མྱུ་གུ་གསར་དུ་བསྐྱེད་པ་དང་། བྱིན་རླབས་དོན་གྱི་ཉེ་བརྒྱུད་ལག་པའི་མཐིལ་དུ་ཟིན་པའི་རྟེན་འབྲེལ་གྱི་བདེན་པ་མི་འགོག་པའི་ཕྱིར་དུ། ཆོས་ཀྱི་རྣམ་གྲངས་དེ་དག་གི་དོན་ཟབ་པ་དང་རྒྱ་ཆེ་བ་ཇི་སྙེད་ཅིག་དགོངས་པའི་ཀློང་ནས་རང་ཤར་བའི་ཚུལ་དུ་བཀོད་པ་མན་ངག་གི་བསྟན་བཅོས་རིན་པོ་ཆེ་ལུང་གི་གཏེར་མཛོད་ལ་སོགས་པའང་བགྱིས་ནས་རྡོ་རྗེའི་གནས་ཆེན་པོ་རྣམས་གསལ་བར་བགྱིས་པ་ཡིན་ནོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-002&diff=64198 2026-09-30T13:08:21Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=གསང་བ་ཆེན་པོ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན།<br /> |fulltitle=gsang ba chen po nyams snang gi rtogs brjod chu zla'i gar mkhan<br /> |citation='jigs med gling pa. ''Gsang ba chen po nyams snang gi rtogs brjod chu zla'i gar mkhan''. In ''Kun mkhyen rig 'dzin 'jigs med gling pa'i gsung 'bum'', Vol. 10: 13-61. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Autobiographies - Expressions of Realization - rtogs brjod<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=002<br /> |pagenumbers=13-61<br /> |totalpages=49<br /> |beginfolioline=1a1<br /> |endfolioline=25a4<br /> |totalfolios=25<br /> |multivolumework=No<br /> |rectonotes=nyams snang rtogs brjod<br /> |versonotes=rtogs brjod chu zla'i gar mkhan<br /> |pdflink=File:JLKO-KABUM-10-THA-002.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །གསང་བ་ཆེན་པོ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན་ཞེས་བྱ་བ་བཞུགས། །<br /> <br /> ༄༅། །དཔལ་གདོད་མའི་མགོན་པོ་ལ་ཕྱག་འཚལ་ལོ། །མ་སྐྱེས་མི་འགག་རང་བཞིན་སྤྲོས་དང་བྲལ། །དམིགས་མེད་རང་གྲོལ་འོད་གསལ་འདུས་མ་བྱས། །ཤིན་ཏུ་རྣམ་དག་ཐ་མལ་རིག་པ་ལ། །དུས་གསུམ་འཕོ་མེད་དགོངས་པས་ཕྱག་བགྱིའོ། །ཀུན་བཟང་དགེ་བ་རྡུལ་ཙམ་མ་བརྟེན་ཀྱང་། །ཟག་མེད་རང་ངོ་ཤེས་པའི་དགེ་ཚོགས་ཀྱིས། །མངོན་པར་བྱང་ཆུབ་ཁམས་གསུམ་ཡིད་ཅན་རྣམས། །སྡིག་པའི་ས་བོན་མེད་བཞིན་འཁོར་བར་འཁྱམས། །དེ་ཕྱིར་རིག་དང་མ་རིག་ཆོ་འཕྲུལ་གྱིས། །འཁོར་འདས་སོ་སོར་ཕྱེ་བའི་མཚང་རིག་ཀྱང་། །འདི་ན་ལྷན་སྐྱེས་བག་ཆགས་གཡོ་འཕྲུལ་པོས། །ད་དུང་བློ་བྲིད་བྱེད་པ་སེམས་པ་སྐྱོ། །གཞི་དབྱིངས་ཁྱད་ཆོས་དྲུག་ལྡན་མ་ལགས་པ། །ཐམས་ཅད་རྫུན་པའི་རྣམ་འགྱུར་ཆེན་པོ་རུ། །གོ་ཡང་དད་ལྡན་གདུལ་བྱ་དྲང་བའི་སླད། །ཉམས་སྣང་ཆུ་ཟླའི་གར་མཁན་འདིར་གསལ་བྱ། །དེ་ཡང་མདོ་ལས། རབ་འབྱོར་ཆོས་ཐམས་ཅད་རྨི་ལམ་ལྟ་བུ། མྱ་ངན་ལས་འདས་པའི་ཆོས་ལས་ལྷག་པའི་ཆོས་ཤིག་ཡོད་ན་དེ་ཡང་རྨི་ལམ་ལྟ་བུ་སྒྱུ་མ་ལྟ་བུ་ཞེས་ངས་བསྟན་ཏོ། །རབ་འབྱོར་ཆོས་ཐམས་ཅད་ཡང་དག་པ་མ་ཡིན་པ་ཀུན་ཏུ་བརྟགས་པ་མེད་བཞིན་དུ་སྣང་བ་རྨི་ལམ་ལྟ་བུ་སྒྱུ་མ་ལྟ་བུའོ། །ཞེས་དང་། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། སྟག་དང་སེང་གེ་གླང་ཆེན་དྲེད། །སྦྲུལ་དང་དགྲ་རྣམས་ཐམས་ཅད་དང་། །སེམས་ཅན་དམྱལ་བའི་སྲུང་མ་དང་། །བྱད་མ་དེ་བཞིན་སྲིན་པོ་རྣམས། །སེམས་འདི་གཅིག་པུ་བརྟགས་པ་ཡིས། །དེ་དག་ཐམས་ཅད་བརྟགས་པར་འགྱུར། །ཞེས་འཁོར་འདས་ལམ་གསུམ་ཐམས་ཅད་རང་སྣང་ཁོ་ནའི་ལྡོག་ཆས་ཕྱེ་བ་ཉིད་ལས་དོན་དམ་པར་བདེན་པར་གྲུབ་པ་སྤུ་ཙམ་མ་མཆིས་ན། དེ་ལས་ཀྱང་ཉིང་འཁྲུལ་དུ་གྱུར་པའི་རྨི་ལམ་བག་ཆགས་ཀྱི་སྣང་ཆ་ནི་ཤིན་ཏུ་ཡ་མ་བརླ་སྟེ་ཤཱནྟ་དེ་ཝས། འགྲོ་བ་རྨི་ལམ་ལྟ་བུ་སྟེ། །རྣམ་པར་དཔྱད་ན་ཆུ་ཤིང་འདྲ། །ཞེས་སོ། །དེ་ལྟ་ནའང་ཆོས་ཐམས་ཅད་རྨི་ལམ་དང་འདྲ་བའི་རྟེན་དེ་ལ་དགེ་མི་དགེའི་འཇུག་ལྡོག་བྱེད་པའི་མཁན་པོ་ནི་ལས་དང་དེའི་རྣམ་པར་སྨིན་པ་ཁོ་ན་ལས་བྱེད་པོ་གཞན་མེད་པ་ནི་ཨོ་རྒྱན་ཆེན་པོས། གནོད་པའི་དམྱལ་དཔོན་ཆེན་པོ་དེ། །གལ་ཏེ་སེམས་ཅན་ཡིན་གྱུར་ན། །དེ་ཡི་སྡིག་པ་གང་དུ་འགྲོ། །ཞེས་སོ། །རྒྱུ་མཚན་དེས་ན་སོ་སོའི་སྐྱེ་བོ་རྨོངས་པའི་རབ་རིབ་ཀྱིས་ལྡོངས་པ་དག་གིས་ཕྱིན་ཅི་ལོག་གི་ལས་ཐབས་སྒྲིབ་པའི་ཕུང་པོ་ཅན་ལའང་གཏན་ཚིགས་དང་ཤོག་ཁྲར་བྱས་ཏེ་ངོ་མཚར་གྱི་གླེང་གཞིར་བྱེད་ན། འདིར་བླ་ན་མེད་པའི་བྱང་ཆུབ་ཀྱི་སྤྱོད་པ་ལ་བསླབས་ཤིང་། མྱུར་ལམ་རྡོ་རྗེ་ཐེག་པའི་རྣལ་འབྱོར་གྱི་སྒོ་ནས་རང་རྒྱུད་ལ་གདོད་ནས་བཞུགས་པའི་རྡོ་རྗེ་བཞིའི་གནས་ལུགས་མངོན་སུམ་སད་པའི་རྟེན་འབྲེལ་དང་། སངས་རྒྱས་རྣམས་ཀྱི་ཐུགས་རྗེ་དང་བྱིན་རླབས་རང་གི་ཀུན་རྟོག་དང་འདྲེས་ནས་འཇུག་པའི་ཆོ་འཕྲུལ་ཆེན་པོ་ལ་སྣང་ཆའི་གཟུགས་བརྙན་ཅི་ཡང་སྲིད་པའི་ཕྱིར། དེ་ཉིད་ལ་དག་པ་ཡེ་ཤེས་ཀྱི་འཁོར་ལོའི་བརྡར་བཏགས་པ་སྟེ། དེའང་ནང་དགོངས་པའི་བརྟུལ་ཞུགས་ཀྱི་ན་འཕར་ཞིང་འཁོར་འདས་མཉམ་པ་ཉིད་དུ་རྩལ་རྫོགས་པའི་ཕྲིན་ལས་ཀྱི་རོལ་པ་ཚད་མེད་པས་མ་ཡིན་པར། ཐ་མལ་གྱི་རྟོག་པ་ལ་བྲལ་ཐོབ་མེད་བཞིན་དུ་ལྷ་འདྲེས་བྱིན་གྱིས་བརླབས་པའི་དག་སྣང་དང་མངོན་ཤེས་རྫུ་འཕྲུལ་ལ་མཆོག་ཏུ་རློམ་པ་དག་ལ་གནས་སྐབས་སུ་སོ་སོ་སྐྱེ་བོ་དགའ་བའི་ནུས་པ་དང་། མཐོན་པའི་གོ་ས་ལ་སྙེགས་པའི་རང་སྟོབས་ཡོད་ཀྱང་མཐར་ཐུག་གྲོལ་བ་འགྲུབ་པའི་རྟེན་འབྲེལ་མེད་པས་ཚུལ་དེ་དག་དང་བདག་ཅག་གྲུབ་ཐོབ་བརྒྱུད་པའི་བུ་སྦས་པའི་རྣལ་འབྱོར་སྤྱོད་ཡུལ་མཉམ་པར་ནི་བལྟ་བར་མི་བྱའོ། །ཨེ་མ། །སྤྲང་འཇིགས་མེད་ནམ་མཁའི་རྣལ་འབྱོར་གྱིས། །ཆོས་འདི་བྱའི་གཟའ་གཏད་མ་མཐོང་བར། །བློ་གང་ཤར་རང་གྲོལ་ཆེན་པོའི་ཀློང་། །ཉམས་རྟོགས་པའི་བག་ཆགས་ཁོང་ནས་སད། །ཕ་རྒྱལ་སྲས་པདྨའི་རང་ཞལ་མཇལ། །དོན་གདམས་པ་ཟབ་དགུའི་སྙིང་ཁུ་ཐོབ། །དེ་ཐོབ་ཙམ་མ་ལགས་རྒྱུད་ལ་ཤར། །ཚིག་ཁ་ཁྱེར་མ་ཡིན་གནད་ལ་ཕེབས། །ཚེ་ངེས་མེད་སྙིང་ལ་བརྣགས་པ་ཡིས། །ལས་འཁོར་བར་ཡི་ཆད་དྲག་པོ་ཤར། །དོན་སྙིང་པོའི་སྒྲུབ་པ་ལྷུར་བླངས་ཚེ། །ཡིད་ཤེས་ཀྱི་ཆུ་མཚོར་འདི་ལྟར་མངོན། །ཕ་བཀའ་དྲིན་འཁོར་མེད་མཚོ་སྐྱེས་རྗེས། །མི་ལས་ཅན་གྱི་ཕ་ཕོགས་སུ་བྱིན་པ་ཡི། །ཆོས་པདྨ་སྙིང་ཐིག་ཧཱུྃ་སྒྲུབ་དེས། །སྣང་སྲིད་ཧཱུྃ་གླུར་བླངས་པའི་ཚེ། །ཤར་ཉིན་བྱེད་དབང་པོའི་འོད་ཟེར་དེ། །སྒྲུབ་ཁང་གི་ཐོད་ལ་འཆིང་བའི་སྐབས། །ཉམས་སྣང་ཤེས་ཟང་ཐལ་གྱི་འཆར་སྒོ་ལ། །ལྷོ་མོན་ཁའི་བྲག་གི་སྐུ་རྗེས་མཐོང་། །བྲག་དབྱིབས་ནི་མཆིམས་ཕུའི་ཇག་ཧུག་འདྲ། །བྲག་ཁ་དོག་གནག་སྣུམ་བག་ཆགས་ངོས། ཁྱོན་ཞགས་ཚད་ཙམ་བེར་གྱི་སུལ་དང་བཅས། །ཤིན་ཏུ་གསལ་བའི་ངང་ཚུལ་མཇལ། །དེར་མོས་གུས་བཟོད་བླག་མེད་པའི་ངང་། །མིག་མཆི་མའི་དབའ་རླབས་ཅིར་ཡང་གཡོ། །ཕ་ཨོ་རྒྱན་དྲན་ནས་ཚུགས་ཐབས་མེད། །གནས་དེ་རུ་ད་ལྟ་སླེབས་ན་སྙམ། །ཉམས་བདེ་སྟོང་གི་རྣམ་རོལ་ཅིར་ཡང་རྩེ། །ཡང་དེ་ནས་མི་རིང་ཞག་འགའ་ན། །བྲག་ལྗང་ནག་མེ་ལོང་ལྟ་བུའི་ངོར། །སུ་ཝརྞས་བྱུགས་འདྲའི་ཞབས་རྗེས་གཉིས། །འོད་གསལ་གཉུག་མའི་ངང་ནས་མཐོང་། །འདི་ཆེ་ཆུང་བློ་ཡིས་དཔྱད་མ་བཟོད། །སྤྱིར་མཐོང་སྣང་རིག་པའི་རྩལ་ཡིན་པར་མ་ཟད་ལྷོ་མོན་ཕྱོགས་ལ་བྲག་ལ་ཕྲང་སོགས་སྐུ་རྗེས་བརྒྱ་ཙམ་ཡོད་པར་བཤད་པས་གང་ཡིན་ངོ་མ་འཚལ། ཞབས་རྗེས་ནི་ཕྱོགས་བཞིའི་བྲག་ལ་ཆེ་བ་བཞི་དང་། གཞན་ནི་ཤིན་ཏུ་མང་ངོ་། ༈ །དུས་དེའི་ཚེ་འཁྲུལ་པའི་རྨི་ལམ་ལ། །རང་བེམ་རིག་བྲལ་དུ་ཉེ་བ་ལ། །ཉེ་འབྲེལ་གྱིས་བསྐོར་ནས་གདུང་བར་བྱེད། །དེར་འཆི་བྲོད་ཀྱི་གདེང་ཆེན་རྙེད་སྙམ་པས། ཁོང་དེ་དག་ལ་ཐིམ་རིམ་གཤོད་པའི་ངང་། །ཆོས་ཉིད་ཀྱི་ངང་དུ་དྲན་པ་སྟོར། །སྐབས་ཤིག་ཏུ་དྲན་པ་རྙེད་ཙ་ན། །རང་སྲིད་པ་བར་དོར་སླེབས་ནས་གདའ། །ཕུང་པོ་ཞུགས་ལ་སྤར་བ་མཐོང་། །ཀྱེ་ཕ་དེས་མྱ་ངན་ཆེན་པོ་བྱེད། །ང་བག་ཆགས་ཤ་གཟུགས་ཀྱི་ཡིད་ངོ་ལ། །སེམས་དངོས་མེད་ལ་སྐྱེ་འཆིའི་མིང་འདོགས་བྲལ། །ངས་བདེན་པ་མཐོང་བས་བདེ་སྡུག་རྫུན། །ཕ་ཁོ་རང་སྙིང་རྗེ་བསམས་ཙ་ན། །གཉིད་སད་ནས་བདེ་གསལ་ངང་ལ་འབྱམས། །རྗེ་པདྨས་འགྲོ་བ་རིགས་དྲུག་གི། །ས་བོན་བསྲེགས་པར་ལུང་བསྟན་མཛད། །དུས་འདི་ནས་ལུས་ཀྱི་ཤིག་སྲོ་རྣམས། །གར་སོང་ཆ་མེད་དུ་དག་པར་གྱུར། །སྤྱིར་བར་དོ་ལ་རྣམ་གྲངས་བཞིར་འཆད་པ་དང་། ལ་ལར་དྲུག་ཏུ་དབྱེ་བ་སོགས་སྣང་ཞིང་། ཁྱད་པར་ཆོས་ཉིད་དང་སྲིད་པའི་བར་དོ་འདིར་གསང་སྔགས་གསར་རྙིང་བཞེད་པ་ཅུང་ཟད་མ་མཐུན་ཞིང་། དེའི་དབང་གིས་རང་ལུགས་འཐད་ལྡན་དུ་སྒྲུབ་པ་དང་། གཞན་ཕྱོགས་ཚུལ་མིན་དུ་དགག་པ་སོགས་ཇི་སྙེད་ཅིག་འཆད་སྣང་སྟེ། སྐབས་འདིར་ཡང་དགོན་པའི་བར་དོ་འཕྲང་སྒྲོལ་དུ་གྲགས་པར། རོ་བསྲེགས་པ་ལ་སོགས་བྱེད་ན་མྱུར་དུ་ཚིག་ན་དགའ། མ་ཚིག་ན་མི་དགའ། མྱུར་དུ་མི་སྣང་བར་སོང་ན་དགའ། ཡུན་རིང་དུ་ལུས་ན་ཡང་ཁ་སྣར་འཚངས། རུལ་བ་དང་དྲི་སྣོམ་ན་སྡུག་བསྔལ་ཆེན་པོ་བྱེད། རང་ལ་གདུང་བ་མེད་པ་ཀུན་ལ་ཞེ་སྡང་ཆེན་པོ་བྱེད་ཅིང་མི་དགའ་བའི་སྣང་བ་འོང་བར་འདུག །སྔར་གྱི་ཁྱིམ་དང་མལ་ལ་སོགས་པར་འཁོར་ཞིང་ཉེ་བ་ཉེ་འབྲེལ་རྣམས་ཁོ་རང་ཟས་ཟ་ཞིང་བདག་ལ་མི་སྟེར་བ་དང་། མིང་ནས་བཏོན་ཅིང་ངུ་བ་དང་། ཤི་བའི་གཏམ་བརྗོད་པ་ལ་སོགས་པས་ཤིན་ཏུ་མི་དགའ་བར་གྱུར་ཏེ། གར་འགྲོ་གཏད་མེད་དུ་འགྲོ་བར་འདུག །ཅེས་སྲིད་པ་བར་དོའི་རང་བཞིན་རྒྱས་པར་དབྱེ་བ་ལྟར་ད་ལྟའི་རྨི་ལམ་དང་ཕྱིན་ཆད་ཀྱི་བར་དོ་གནད་གཅིག་པས་འཆད་ཚུལ་སྣ་ཚོགས་ལ་ཀླན་ཀ་མི་དགོས་པར་རྟོགས་སོ། །ཨ་ཧོ། དུས་དེ་ཡི་གནས་སྐབས་ཐམས་ཅད་དུ། །ཕྱི་བཟུང་ཡུལ་རགས་པའི་རྣམ་རྟོག་འགགས། །ནང་འཛིན་བྱེད་ཤེས་པ་གཏད་མེད་གྲོལ། །སེམས་བདེ་སྟོང་གི་ནམ་མཁའ་དྭངས་པའི་ཀློང་། །ལམ་མངོན་སུམ་རིག་མདངས་ལྷག་མཐོང་གིས། །དཔལ་མ་ཧཱ་གུ་རུའི་ཞལ་སྐྱིན་མཇལ། །ཉམས་རྟོགས་འབུལ་ཞིབ་རྒྱས་ཞུས་པ་ན། །སྒོམ་ཡལ་གྲབས་ཡིན་འདུག་གསུངས་པ་ཐོས། །སྒོམ་བྱས་ཚད་ཉམས་ཞེན་རྣམ་རྟོག་ཡིན། །དེ་ཡལ་ན་ཉམས་ཡལ་རྟོགས་པ་ཤར། །དོན་སྤྲོས་བྲལ་བདེན་པ་མཐོང་བའི་བརྡ། །ཆོས་ཡང་གསང་ཐུགས་ཀྱི་སྒྲུབ་པ་ཡི། །བསྙེན་སྒྲུབ་ལས་སྦྱོར་ཕ་མཐར་ཕྱིན། །མཚན་མ་རྫས་ཀྱི་སྐུ་རྟེན་དེ། །དངོས་གྲུབ་ལེན་ཁར་འགུལ་བ་སྙམ། །ནང་རིག་པ་དབྱིངས་ཀྱི་ཧེ་རུ་ཀ །གསལ་བརྟན་གྱི་ཡུལ་གསུམ་གྱད་དུ་གྱུར། །སེམས་ཡི་དམ་གྱི་ཕྱག་རྒྱར་རྩལ་རྫོགས་པས། །རྣམ་སྨིན་རིགས་འཛིན་གྱི་ལྡང་ཚད་ཤེས། །དེ་ནང་ལྟར་སྒྲུབ་པ་རྟ་གདོང་ཞལ། །ཕྱག་རྒྱར་བསྒྱུར་ནས་བསྒྲུབས་པའི་ཚེ། །གཉིད་མི་རྟོག་ཀུན་གཞིའི་མུན་པ་ནས། །ཡིད་གཅིག་པུར་ལངས་པའི་གསལ་སྣང་ལ། །གནས་འོག་མིན་དཔལ་གྱི་མཆིམས་ཕུ་ཡི། །བྲག་དམར་གྱི་ཀེའུ་ཚང་དུ་སླེབས། །དབྱིབས་རྣམ་འགྱུར་ཇི་བཞིན་མ་ཡིན་པའི། །རང་བྱུང་གི་བྲག་སྐྱིབས་ཆེན་པོའི་ནང་། །ཕ་མཚོ་སྐྱེས་རྡོ་རྗེའི་སྣང་བརྙན་ལ། །འཁོར་རྒྱལ་བ་རིགས་ལྔས་མཛེས་པ་དེའི། །སྐུ་ཆེ་ཆུང་མི་ཚད་ཉིས་འགྱུར་ཙམ། །རིགས་གཙོ་དང་ཨོ་རྒྱན་གཉིས་ཀའི་ཕྱག །རཏྣའི་པྲོག་ཞུས་མཚན་པར་སྣང་། །དེར་རིག་འཛིན་ཧཱུྃ་ཆེན་འགྲོ་འདུལ་དང་། །མིག་འཕྲུལ་ལྟ་བུར་མཇལ་བ་ན། །བྲག་འདི་ལ་གུ་རུའི་ཞབས་རྗེས་ཡོད། །བདག་ཅག་གཉིས་འཚོལ་ལོ་གསུངས་པ་ལ། །གཉིས་ཀས་འཚོལ་བའི་འདུ་ཤེས་དང་། །གནས་དེ་ཡི་དཀོན་གཉེར་ཡིན་སྙམ་པའི། །བན་རྒན་སོང་ཞིག་ཁྱམས་དེར་འདུག་པ་དེས། །མཛུབ་རིས་དང་བཅས་བསྟན་བྱུང་བར། །དེ་ན་ཞབས་རྗེས་ཁྲུ་དོ་ཙམ། །འདམ་ལ་རྒྱབ་ལྟར་ཤིན་ཏུ་གསལ། །དེར་རང་ཉམས་འུར་ཏེ་ཏིང་འཛིན་གྱིས། །དབང་བཞི་བླངས་པའི་ནུས་པ་དེ། །ཐ་མལ་གྱི་བློ་ཡིས་དཔག་པར་དཀའ། །སེམས་གྱ་གྱུའི་ཀུན་རྟོག་འཆིང་བ་ཅན། །བཙན་ཐབས་སུ་གཏད་མེད་ཆེན་པོར་གྲོལ། །གཉིད་རྨི་ལམ་གྱི་འཆར་སྒོ་རྫུན་པ་དེ། །ནང་དབྱིངས་སུ་ནུབ་པའི་ཟླ་བ་ལྟར། །མི་རྟོག་དབུ་མའི་གཤིས་ལ་ཐིམ། །དེ་ལུང་མ་བསྟན་དུ་མ་འབྱམས་པར། །རྩ་ཤེལ་སྦུག་ཅན་དུ་ཞུགས་པ་ལས། །གཉིད་གཏི་མུག་གི་འཆིང་བ་ལས་བརྒལ་ཏེ། །བུམ་ནང་དུ་མར་མེ་སྦར་བ་བཞིན། །འོད་གསལ་གྱི་གོ་ཡང་མ་འགགས་ལ། །འཁོར་འདས་སོ་སོའི་མཚང་རིག་ཅིང་། །བློ་དེར་འཛིན་གྱི་ཀུན་རྟོག་དང་བྲལ་བའི། །དབྱིངས་གཞོན་ནུ་བུམ་སྐུའི་ཞིང་ཁམས་མཐོང་། །ངས་སྔོན་ཆད་མ་མཐོང་དགུ་མཐོང་ཡང་། །འོད་གསལ་ལྷུན་གྲུབ་ཀྱི་ཞིང་མ་མཐོང་། །ཕ་པདྨའི་ཐུགས་རྗེ་བསམ་མི་ཁྱབ། །དོན་རང་རིག་རྩལ་གྱི་དབང་ཆེན་ཐོབ། །དེ་སླར་ཡང་ནམ་མཁར་འདྲེས་པ་ལྟར། །ལྷག་མཐོང་གི་རིག་པ་སད་པ་ལས། །སྟོང་པའི་གསལ་མདངས་ཆེར་འབར་ནས། །སྣང་སྲིད་ཀུན་རྟོག་མེད་འོད་གསལ་ངང་། །མེ་ལོང་ནང་གི་གཟུགས་བརྙན་ནམ། །རྒྱ་མཚོར་གཟའ་སྐར་བཀྲམ་པ་བཞིན། །དེར་འཛིན་མེད་པའི་བལྟད་མོ་མཐོང་། །དེ་ཕྱིར་གསལ་ཕྲ་མོའི་ཀུན་རྟོག་ལས། །གཉིས་སྣང་གི་ཞེན་པ་ཤར་བ་ན། །ཡུལ་དཔལ་གྱི་གྲུ་འཛིན་པོ་ཏ་ལ། །སྒོ་སྐར་ཁུང་བསམ་ལས་འདས་པ་དང་། །དེའི་སྟེང་གི་ནམ་མཁར་འཕགས་མའི་སྐུ། །བཻ་ཌཱུར་གྱི་མདངས་ཅན་འོད་ཀྱི་སྐུ། །ཧ་ཅང་གསལ་འཚེར་མིན་པ་ཞིག །སྣང་བས་དེ་ལ་དེར་འཛིན་གྱི། །གཉིས་སྣང་དུ་ཞེན་པས་རྐྱེན་བྱས་ཏེ། །འོད་གསལ་གྱི་སྣང་བ་རང་སར་འགགས། །གཉིད་སད་རྒྱུ་མེད་ལ་སད་འདྲའི་ངང་། །ད་ལྟའི་ཤེས་པ་རྗེན་པར་འདུག །ཨེ་མ། རྗེ་རང་བྱུང་པདྨའི་བྱིན་རླབས་མཐུས། །ངས་རྫོགས་པ་ཆེན་པོའི་གཞི་དབྱིངས་དོན། །ཉམས་མྱོང་དུ་རྡོ་རུས་ཐུག་པར་མཇལ། །འོད་གསལ་རྫོགས་པ་ཆེན་པོ་ཡི། །རྒྱུད་སྡེ་དང་ཞུས་དག་ཕེར་བར་ཤེས། །འདིར་བརྗོད་བྱའི་གནས་ཚུལ་མ་ལགས་ཏེ། །དུས་མ་འོངས་རིག་འཛིན་སྤྲུལ་པའི་གར། །དགོངས་བརྒྱུད་ཀྱི་འཕོ་བ་ཐོབ་ངེས་པ། །འགའ་སྲིད་ན་དེ་དག་ངོ་མཚར་ཞིང་། །ངེས་ཤེས་ཀྱི་དང་བ་འདྲེན་པའི་ཕྱིར། །འདིར་རྟོགས་པའི་འདྲ་འབག་ཡི་གེར་བཞག །སྤྱིར་འོད་གསལ་ལ་འཆད་ཚུལ་མང་ན་ཡང་། ཀུན་གཞིའི་དྲི་མ་དག་ཅིང་གཞིའི་གནས་ལུགས་ལུང་མ་བསྟན་ལས་ཁྱད་ཆོས་དྲུག་གིས་འཕགས་པའི་གདོད་མའི་ནང་དབྱིངས་གཞོན་ནུ་བུམ་པའི་སྐུར་གྲགས་པ་འདི་ངེས་གསང་རྫོགས་པ་ཆེན་པོ་སྙིང་ཏིག་ཐུན་མོང་མ་ཡིན་པའི་དགོངས་པ་ཡིན་ལ། དེ་ལྟ་ནའང་ཀུན་ཏུ་བཟང་པོ་དང་ཞལ་མི་གཉིས་པ་ཀུན་མཁྱེན་ཀློང་ཆེན་པས་དགོངས་པའི་རྩལ་གྱིས་ཉམས་སུ་མྱོང་། བཤད་པའི་ལམ་ནས་གཏན་ལ་ཕབ་པས་འདི་དག་གི་བཤད་ཚུལ་གོལ་འཕྱུགས་མེད་པ་གང་གི་དགོངས་གཏེར་བསྟན་བཅོས་ཆེན་པོ་རྣམས་སུ་སྣང་བ་ནི། སུམ་ཅུ་རྩ་གསུམ་དུ་བགྲོད་མ་མྱོང་བའི་གང་ཟག་ཆེ་གེ་མོ་ཞིག་ལ་དེའི་དངོས་གནས་ཞིབ་པར་བཤད་ཀྱང་དེ་འདྲ་ཞིག་གོ་སྙམ་པའི་འོལ་སྤྱི་ཙམ་ལས་ངེས་ཤེས་མི་སྐྱེ་ཞིང་ཡིན་ཚུལ་ཇི་བཞིན་པ་བློ་ཡུལ་དུ་སྣང་དཀའ་བ་ཙམ་དུའང་མ་ཟད། ཕྱི་རབས་ཀྱི་གང་ཟག་རྣམས་ཚིག་ཙམ་དང་གྲགས་པའི་རྗེས་སུ་འབྲང་བས་གསང་བ་ཆེན་པོ་འདི་ལྟ་བུ་བཤད་པ་ལས་ལྷ་མཐོང་འདྲེ་མཐོང་ཅུང་ཞིག་སྨྲས་ན་མགུ་བར་བྱེད་མོད། རྒྱུ་མཚན་དེས་ད་ལྟ་གངས་ཅན་འདིར་རྟོགས་པ་མཐོན་པོར་རློམ་ཞིང་སྒོམ་ཉིན་མཚན་འདྲེས་པའི་ཁས་ལེན་སྤྱི་བརྟོལ་དུ་བྱེད་པ་སྣང་ནའང་། ནང་དབྱིངས་གྲོལ་ས་ཆེན་པོ་འདིའི་གནད་རྟོགས་ཤིང་མྱོང་བ་ལྟ་ཅི། གོ་བས་གཏན་ལ་ཕེབས་པ་ཡང་དཀོན་པར་སྣང་ངོ་། །དེ་ཡང་མཁའ་འགྲོ་ཡང་ཐིག་གི་མཐོང་སྣང་རིན་པོ་ཆེ་འོད་ཀྱི་དྲྭ་བར། སང་ཉིན་ཐོ་རངས་བླ་མ་གཟིམས་དུས་ཐུགས་འོད་གསལ་ལ་འབྱམས་ཏེ། ཡར་ཀ་དག་གི་སྣང་བ། བར་ལོངས་སྐུའི་ཚོམ་བུ། མར་འགྲོ་དྲུག་གི་འཆར་ཚུལ། སྒྲ་སྐད་སྣ་ཚོགས་པ་ཐོས་པ་ལ་ཐུགས་ཀྱིས་རིག་ཅིང་རགས་པར་མེད་པར་སྣང་བ་དང་། དེའི་སྐད་ཅིག་མ་སྔ་མ་ན་དྲན་བསམ་རྒྱུན་ཆད་ནས། སྣང་བ་དམར་ལ་མཐིང་པ་ཙམ་གྱི་ངང་ལ་བརྒྱལ་བ་བཞིན་འབྱམས་སོ། །དལ་གཅིག་ན་རྣལ་འབྱོར་མ་དེས་འོངས་ནས། སྔ་མའི་དེ་ནི་གདོད་མའི་ཀ་དག་ཏུ་ནང་གསལ་ཐིམ་ལ་མ་རྨུགས་པར་བཞུགས་པའི་ངོ་སྤྲོད་ཡིན་ནོ། །བརྒྱལ་བ་ཞེས་བྱ་སྟེ་ཆོས་ཉིད་ཀྱི་ངང་དུ་བརྒྱལ་བས་སློང་དགོས་པ་ཡིན་ནོ། །ཕྱི་མ་ནི་ཕྱིར་གསལ་དུ་སྤྲུལ་སྐུ་འགྱེད་ཚུལ་དང་། འཁྲུལ་པ་རིམ་གྱིས་སྣང་ཚུལ་རང་སར་ཤར་བའི་ངོ་སྤྲོད་ཡིན་ནོ་གསུངས་སོ། །ཞེས་བཤད་པ་དང་དོན་གཉིས་སུ་མེད་པར་འབྱོར་པས་རང་གིས་མྱོང་བ་ལ་ངེས་ཤེས་འདྲོངས་ཤིང་ཀུན་མཁྱེན་ཆེན་པོ་ལ་མོས་པའི་སྲོག་མཁར་གཞིག་ཏུ་མེད་པ་ཚུགས་པར་གྱུར་ཏོ། ༈ །ལྷ་དེ་ཡི་ལས་སྦྱོར་ལ་བབས་ཚེ། །ཉམས་རྨི་ལམ་དྭངས་པའི་མེ་ལོང་ངོར། །ཁོ་གནོད་སྦྱིན་བྲག་བཙན་དམར་པོ་དེ། །མི་གཞན་གྱིས་བདག་ལ་རྦད་པ་མཐོང་། །ངས་སྟོང་ཉིད་སྙིང་རྗེར་ཁྲོས་པའི་ངང་། །ཁོ་སྲིད་པ་རུ་ལོག་སྙིང་ཁ་རུ། །གནད་རང་གཤེད་དབབ་པའི་མཚོན་ཆས་གཟིར། །ཞག་གཉིས་ནས་སྒྲུབ་གཡོག་ས་མནྟས། །རྡོ་ཕ་ཝང་ལོང་བུ་སྟར་རློན་ཙམ། །མངོན་སུམ་དུ་ཕྱིན་པ་བླ་རྡོར་བསྔགས། །གཅུན་པ་དང་ཤི་ས་བསྟན་པའི་ཕྱིར། །མལ་ཞབས་སུ་ཟིལ་གནོན་དགོངས་པས་གཟིར། །བཀའ་ནན་ཆད་མདོ་ལ་གནས་པའི། །སྲུང་མའང་ངོ་སྲུང་ཟས་ཕྱིར་འཕྲེང་། །འདི་དག་ལ་གཏོར་མ་བྱིན་པ་ལས། །གནམ་ལྕགས་སྤུ་གྲིའི་གནད་དབབ་ཟབ། །འདྲེ་གནོད་སྦྱིན་གྱི་ཀུན་སྤྱོད་ཉམས་རེ་དགའ། །དུས་དེ་ཚེ་སྨིན་དྲུག་ཟླ་བའི་ནུབ། །དམྱལ་བ་ཡིན་ནོ་སྐད་པ་ཡི། །ཟབས་རིང་པོར་ལྷུང་པའི་སྣང་བ་ལ། །ཚེ་འདིར་ནི་ལས་ངན་བསགས་པ་མེད། །བཅས་པ་དང་རང་བཞིན་ལས་འདས་པའི། །ཕྲ་མོའི་སྡིག་པ་དག་ལ་ཡང་། །སྟོབས་བཞི་དང་བཅས་པས་བཤགས་མོད་དེ། །ཚེ་ཐོག་མེད་ནས་བསགས་པའི་རྣམ་སྨིན་ཞིག །དུས་ད་རེས་སྐབས་སུ་བབ་པ་ལ། ཁོང་སངས་རྒྱས་བྱོན་ཀྱང་རང་གིས་ནོངས། །དེ་འོན་ཏེ་དམྱལ་བའང་སེམས་ཀྱིས་བཟོས། །ནང་དྲན་རིག་གི་ངོ་བོར་ལྟ་སྙམ་ཚེ། །འདིས་དམྱལ་བའི་སྐལ་པ་ཐེངས་པ་ཡིན། ཁྱོད་ད་ལམ་སོང་ཟེར་སྒྲ་ཞིག་ཐོས། །གཉིད་སད་དེ་སྐྱོ་ཤས་ངང་ལ་འབྱམས། །རྐྱེན་དེ་ཡིས་ནངས་པར་སྔོན་འགྲོ་ཡི། །ལམ་ཟབ་མོ་བླ་མའི་རྣལ་འབྱོར་ཚེ། །ལས་དེ་འདྲ་མྱོང་བའི་སེམས་ཅན་ལ། །བཟོད་བླག་དང་བྲལ་བའི་སྙིང་རྗེ་སྐྱེས། །དབང་མེད་དུ་མཆི་མའི་ཆར་པ་བབས། །སྐྱོ་ཤས་ཀྱི་སྣང་བ་སངས་པའི་ཚེ། །བརྗོད་མེད་ཀྱི་ཉམས་རྟོགས་གསར་དུ་འཁྲུངས། །ཕ་བླ་མ་དྲན་པའི་མགུར་ཡང་བླངས། །སྡུག་བསྔལ་ཀུན་སྒྲིབ་པའི་བུད་ཤིང་དུ། །གསུངས་པ་དེ་ངོ་མཚར་ཅན་དུ་གདའ། །དཔེ་རྨི་ལམ་ཙམ་གྱི་དུཿཁས་ཀྱང་། །ཉམས་རྟོགས་འགུགས་པའི་ཕོ་ཉར་བྱུང་། །དེ་ཕྱིན་ཆད་སྡུག་བསྔལ་དང་གཏམ་ངན་ལ། །དངོས་གྲུབ་ཆེན་པོར་ལྟ་བ་ཡིན། །དེར་སླར་ཡང་ཅུང་ཟད་མནལ་བ་ན། །ཐུགས་རྒྱུད་རྟོགས་པའི་བྱིན་རླབས་མཐུས། །ཀུན་གཞིའི་རྣམ་རྟོག་ཆོས་སྐུར་སངས། །གསལ་བ་ལ་རྟོག་པ་མེད་པ་ཡི། །སྟོང་པའི་འོད་གསལ་གྱི་ལྟད་མོར་འབྱམས། །དེར་མཆེད་པའི་ཕྱིར་གསལ་དུ་གཡོས་པ་ལས། །སྣང་བའི་འོད་གསལ་གྱི་རིག་གདངས་སུ། །བྲག་ཉི་མ་ཤར་བའི་ལྡེབས་ཤིག་ལ། །རང་བྱོན་གྱི་བཀོད་པ་འགའ་ཞིག་མཐོང་། །རྐྱེན་དེ་ཉིད་ཀྱིས་ཡིད་ཤེས་ལངས་པ་ལས། །གཉིད་ཡིན་མིན་རྟོག་དཔྱོད་ཕྲ་མོ་ཤར། །དེས་སྒོ་ལྔའི་རྩ་ནང་རླུང་ཞུགས་པས། །གཉིད་སད་རྒྱུར་སྣང་ཡང་འཁྲུལ་འབྱམས་མེད། །གཤིས་མི་རྟོག་རྗེན་པའི་ངང་ལ་གནས། །ཕྱིས་འོད་གསལ་ལ་སློབ་པའི་རྗེས་འཇུག་རྣམས། །དྲན་པ་རྒྱ་འབྱམས་ཀྱི་ཀུན་རྟོག་དང་། །མུན་པ་ལྟ་བུའི་གཏི་མུག་ལ། །འོད་གསལ་གྱི་མིང་འདོགས་མ་བྱེད་པར། །གནད་འདི་དག་ཁོང་དུ་ཆུད་པར་གྱིས། །འདི་དགོངས་བརྒྱུད་འཕོ་བ་ཐོབ་པའི་མཐུ། །དུས་གཏན་དུ་ཟིན་པ་དཀའ་བ་སྟེ། །རླུང་དབུ་མར་ཞུགས་གནས་ཐིམ་གསུམ་གྱི། །རྩལ་ཡོངས་སུ་རྫོགས་ལས་གཞན་དུ་མིན། །དེའི་ཐོ་རངས་ལྡངས་པའི་རྣལ་འབྱོར་ཚེ། །གཞི་སྣང་བའི་འོད་གསལ་དྭངས་པའི་ངོར། །རང་གནས་པའི་སྨིན་མཚམས་ནམ་མཁའི་ཐད། །འཇའ་ཚོན་སྣ་ལྔ་པའི་གུར་ཁྱིམ་ནང་། །སྐྱབས་ཀུན་འདུས་མཚོ་སྐྱེས་རྡོ་རྗེ་མཇལ། །དེ་བལྟ་བྱ་དང་ལྟ་མཁན་དབྱེར་མེད་པས། །རེ་དོགས་ཀྱི་འཆིང་བ་གང་ཡང་མེད། །དེའི་ངང་ལ་དེ་ཉིད་གནས་འགྱུར་ཏེ། །ཡུལ་སིངྒ་ལ་ཡི་ཨཱ་ཙརྱ། །འཇམ་དཔལ་བཤེས་གཉེན་དུ་ལམ་གྱིས་སོང་། །སྐུ་དམར་སྨུག་མཆོང་ལྟར་དྭངས་པ་ཡི། །ཕྱག་གཡས་ན་བེ་ཅོན་ཁྱད་འཕགས་བསྣམས། །གཡོན་བདག་གི་སྙིང་ཁར་སྡིགས་མཛུབ་ཀྱི། །ཕྱག་རྒྱས་བརྡ་ཐབས་སྟོན་པའི་མོད། །ཕྱག་མཚན་གྱི་བེ་ཅོན་བདག་ཉིད་ལ། །བྱིན་ཏེ་རང་ལ་དབྱེར་མེད་ཐིམ། །སྐུ་སྒྱུ་མ་ལྟ་བུའི་གསལ་སྣང་དེ། །ཀ་དག་གི་དབྱིངས་སུ་གཏད་མེད་ཡལ། །དུས་འདི་ནས་དགོངས་པའི་གསང་མཛོད་རྡོལ། །གསུང་རབ་ཀུན་གྱི་དགོངས་པ་ཁྲོལ། །ཀློང་ཆེན་རིག་པའི་རྩལ་ཆེན་རྫོགས། །སྣང་ཡུལ་བརྡ་དང་དཔེ་ཆར་ཤར། །མཆོག་གི་དངོས་གྲུབ་རྒྱུད་ལ་བཞག །གང་ཚེ་ལོངས་སྐུའི་ཆས་གྱོན་ཞིང་། །ལུས་རྣམ་སྣང་ཆོས་བདུན་དྲང་པོའི་ངང་། །ནམ་མཁར་བྱ་ལྟར་ལྡིང་བ་དང་། །གཅེར་བུར་རྒོད་ལྟར་འཕུར་་་་བ་སོགས།་་་་་{{TibChung|རྒྱ་གར་ཡིན་རྒྱུའི་སྨན་ལྗོངས་ཤིན་ཏུ་ཁུལ་ཡངས་པ་ཞིག་ཏུ་སླེབས་པ་ན། བནྡེ་གཙོ་བོར་གྱུར་པའི་ཁྲོམ་དམར་ནག་འཁྱིལ་བ་མདུན་ངོས་ནས་ཡོང་བར་སྣང་བ་ལ་གྲྭ་པ་རྟོག་གེ་བའི་རིགས་གསང་སྔགས་ཟབ་མོ་ལ་ལྷག་པར་སྡང་སེམས་དང་ལྡན་ཞིང་གྲུབ་པའི་ཆ་ལུགས་ཙམ་ལའང་ལོག་རྟོག་མི་བཟད་པ་ཡོད་འདུག་པས་ད་ལམ་སྣང་བ་སྤྲུལ་བསྒྱུར་ཞིག་བྱེད་དགོས་བསམ་ནས། འདི་སྐད་དུ། ང་རྣལ་འབྱོར་དབང་ཕྱུག་བི་རུ་པ། །ནམ་མཁར་འཕུར་ན་འདི་ལྟར་འཕུར། །ས་ལ་འཛུལ་ན་འདི་ལྟར་འཛུལ། །ཞེས་ནམ་མཁར་གཞུ་འདོམ་ལྔ་བརྒྱ་ཙམ་ཤུགས་ཀྱིས་འཕར་ཞིང་། ས་ལ་འཛུལ་དགོས་སྙམ་པ་ན་གཉིད་སད།་་་}} །རྨི་ལམ་གྱི་རང་གཟུགས་ཅིར་ཡང་རྩེ། །འདི་ནམ་མཁའི་རླུང་ཟིན་ལྟས་སུ་ངེས། །ས་ནོན་ཅེས་བཤད་པའི་གཞུང་ཡང་ཡོད། །དེ་ཡན་ཆད་རང་ལོ་ཉེར་བརྒྱད་པའི། །འཁྲུལ་སྣང་སྒྱུ་མའི་མེ་ལོང་ངོ་། །ཞིང་བཀོད་ལ་ཌཱཀྐིའི་གསང་གཏམ་ཆེན་མོ་འདིར་འགོད། མེ་གོས་སུ་བཀླུབས་པའི་གླང་གི་ལོའི། །དུས་ཆོ་འཕྲུལ་ཟླ་བའི་ཚེས་བཅུའི་ཉིན། །ཕ་རྗེ་བཙུན་ཨོ་རྒྱན་སྙིང་ནས་དྲན། །མིག་མཆི་མའི་དབའ་རླབས་གཡོ་བཞིན་དུ། །ངག་གདུང་བའི་འོ་དོད་ལྷང་ལྷང་སྙིལ། །ཕ་སངས་རྒྱས་གཉིས་པ་དེ་ཉིད་ཀྱི། །རྣམ་ཐར་དང་བཀའ་དྲིན་དྲན་པའི་མོད། །ཚེས་བཅུའི་དུས་དྲན་གསོལ་འདེབས་བརྩམས། །དེས་ཐུན་མཚམས་ཀུན་ཏུ་གསོལ་བཏབ་པས། །ཞག་གསུམ་འདས་པའི་ཐོ་རངས་ཁར། །སྒོ་ལྔའི་གསལ་སྣང་ནུབ་པ་ཡིས། །ཀུན་གཞིའི་རྣམ་ཤེས་ཀྱི་མེ་ལོང་ངོར། །ལྗོངས་འདི་ཡིན་ངོ་མི་འཚལ་བའི་སར། །མདུན་ངོས་ནས་ལྷག་པར་ལྟར་སྣང་བའི། །གདུགས་རྒྱལ་མཚན་བ་དན་འཕན་ཕུར་སོགས། །བློས་དཔག་ཏུ་མེད་པས་སྔོན་བསུས་ཏེ། །སྤྲུལ་པའི་གུ་རུ་མཚན་བརྒྱད་རྣམས། །སྐུ་ཆེ་ཆུང་མི་ཚད་ཉིས་འགྱུར་ཙམ། །ལྷམ་མེ་ལྷན་ནེ་འབྱོན་པ་མཇལ། །དེར་མིག་འཕྲུལ་ལྟ་བུའི་གསལ་སྣང་ལ། །འཇའ་འོད་ཟླུམ་འཁྱིལ་དྭངས་པའི་ནང་། །སྐས་གདང་བུ་ལྔ་ལྡན་བཙན་ཐབས་སུ། །ནམ་མཁའི་ངོས་སུ་བཙུགས་པ་མཐོང་། །དེར་རྟོག་མེད་དུ་འཛེགས་ཏེ་འགྲོ་བའི་ངང་། །ཕ་ཨོ་རྒྱན་དང་མཇལ་ལོ་སྙམ་ཙ་ན། །བུ་མ་ཆགས་པདྨའི་ས་ལ་ཤོག །ཅེས་གསུངས་པ་རྣ་བར་ལྷང་གིས་གོ། །དེའི་མོད་ལ་རང་སྣང་རྔ་ཡབ་གླིང་། །དཔལ་གཡོ་རུའི་ཁྲ་འབྲུག་ཡིན་སྙམ་པའི། །ངོ་མཚར་གྱི་གཞལ་མེད་ཁང་དུ་སླེབས། །དབུས་འཇའ་ཚོན་གྱི་ལྡིང་གུར་བཀྲ་བའི་ཀློང་། །ཡབ་རིག་འཛིན་པདྨ་འབྱུང་གནས་དེ། །སྐུ་གསུམ་རིགས་འདུས་ཀྱི་རྣམ་རོལ་ཅན། །རྟེན་མེད་དུ་བར་སྣང་དབྱིངས་ལ་བཞུགས། །གཡས་གཡོན་ན་བི་མ་པ་གོར་ཞབས། །འཁོར་དཔའ་བོ་ཌཱཀྐིའི་ཚོམ་བུས་མཛེས། །དབུས་རྡོ་ཡི་བཞུགས་ཁྲི་ཆེན་པོའི་སྟེང་། །རྟོག་མེད་ལ་རང་ཉིད་སླེབས་པའི་མོད། །མོས་གུས་ཀྱིས་དྲན་པ་དབང་མེད་སྟོར། །རིག་པ་སྐར་མདའ་འཕངས་པ་བཞིན། །རྗེ་བཙུན་གུ་རུའི་ཐུགས་ཀར་ཐིམ། །དེར་རིག་པ་རྩལ་གྱི་དབང་ཆེན་ཐོབ། །ལམ་རྫོགས་པ་ཆེན་པོའི་གནད་ཤེས་ཤིང་། །དབྱིངས་གཞོན་ནུ་བུམ་སྐུའི་ཞིང་ཁམས་དེ། །རྒྱ་ཆད་དང་ཕྱོགས་ལྷུང་མེད་པར་མཐོང་། །ཞག་གཅིག་འདས་པའི་ཉམས་སྣང་བྱུང་། །དེ་སད་པའི་ཤེས་པ་སྐད་ཅིག་མར། །གསང་མཆོག་བདེ་བ་ཆེན་པོ་ནི། །ཡུམ་ཡེ་ཤེས་ཌཱཀྐི་འཚོ་རྒྱལ་མ། །བུ་མོ་མཛེས་མའི་ཆ་བྱད་ཅན། །དེས་མཚན་ལྡན་གྱི་བནྡྷ་སྲུབས་མེད་ཅིག །བདག་ཉིད་ཀྱི་ལག་ཏུ་སྤྲོད་པ་དང་། །འདི་ཆོས་རྒྱལ་ཁྲི་སྲོང་ལྡེ་བཙན་གྱི། །དབུ་ཐོད་ངོ་མ་ཡིན་ནོ་གསུངས། །ཡང་ཅུང་ཞིག་དགོངས་ནས་ཐོད་པ་དེ། །རེ་ཞིག་ཕར་ལ་བླངས་པའི་མོད། །མིག་འཕྲུལ་ལྟ་བུའི་སྣང་ཆ་ལ། །སྔ་མ་དང་དབྱེ་བར་མི་བཟོད་པའི། །ཐོད་པ་ཞིག་དེ་ཡི་ཟླ་ལ་སྦྱར། །གཉིས་ཀ་ལྷན་ཅིག་སྩོལ་བ་དང་། །ད་འདི་གཉིས་དབྱེ་བ་ཨི་ཕྱེད་གསུངས། །དེ་དཔྱད་དུ་མ་བཟོད་ནེམ་ནུར་དང་། །གསལ་སྣང་དེ་ནམ་མཁའི་འཇའ་ལྟར་ཡལ། །རྗེ་ཡབ་ཡུམ་དེ་སྙིང་ལ་དྲན་དྲགས་ནས། །སྐྱོ་ཤས་ཀྱིས་གདུང་བ་བཟོད་ཐབས་བྲལ། །རིག་པ་བདུན་པའི་ཏནྟྲ་ལས། །བརྡ་དང་བརྡ་མཚོན་གོ་བ་ནི། །དབང་གི་ནང་ནས་དབང་ཀའོ། །ཞེས་པའི་དོན་ལ་ངེས་ཤེས་རྙེད། །ལོ་དེ་ཡི་ས་ག་ཉ་བའི་ཟླར། །ལྷ་དཔལ་ཆེན་རྡོ་རྗེ་གཞོན་ནུ་ཡི། །ཡན་ལག་བཞི་ལྡན་གྱི་སྒྲུབ་ཆེན་བཙུགས། །སྲོད་ཐུན་དང་པོའི་བྱིན་འབེབས་ཚེ། །ཉམས་གཏད་མེད་ངང་ནས་ཤེས་པ་འུར། །དཀྱིལ་འཁོར་གསུམ་ལྡན་གྱི་ཏིང་འཛིན་དང་། །ཆོས་ཉིད་ཀྱི་ངང་དུ་དྲན་པ་མྱོས། །དེར་སྤྲོས་བྲལ་ནམ་མཁའི་རྣལ་འབྱོར་པ། །རྗེ་ལྷ་བཙུན་མཁའ་འགྲོའི་དབང་ཕྱུག་དེ། །སྐུ་ཧ་ཅང་མི་བགྲེས་དར་ཡོལ་ཙམ། །མིག་འཕྲུལ་ལྟ་བུའི་ངང་དུ་མཐོང་། །ཉམས་རྟོགས་ཀྱི་བགྲོ་བས་མཉེས་པར་བྱས། །དུས་དེ་ཚེ་བཀོད་མཛེས་ཀྱི་ཁང་པའི་ནང་། །བཻ་རོའི་རྣམ་འཕྲུལ་གཏེར་བདག་གླིང་། །མཇལ་ཏེ་གསུང་ལས་འདི་ལྟར་ཐོས། །འགྲོ་བའི་དོན་དུ་སྲིད་མེས་རྔ། །བསྐུལ་མཁན་བྱུང་ན་སྐད་སྙན་ཡོད། །ཅེས་གསུངས་པ་གང་གི་རྟེན་འབྲེལ་ལས། །རིག་འཛིན་དེ་ཡི་མགུར་ཕུར་དུ། །གྲགས་པའི་ཕུར་པ་ངོ་མཚར་ཅན། །འདི་ཀོ་དངོས་གྲུབ་ཀྱི་རྫས་སུ་འབྱོར། །དེའང་སྙིགས་མའི་དུས་ན་རྩོད་པ་དང་བྲལ་བའི་གཏེར་སྟོན་ཆོས་རྗེ་གླིང་པས་ཁ་རེག་མགོ་དགུ་བདུད་མཚོའི་ཀློང་ནས་ཁྲོམ་གཏེར་དུ་སྤྱན་དྲངས་པའི་ལུང་བསྟན་ལས། དབུས་གཡོར་གཞུང་དུ་བྱང་སེམས་པདྨའི་མིངཿ {{TibChung|སྤྱིར་བསོད་ནམས་དང་དབང་ཐང་གིས་བརྒྱན་ལ་གོ་ས་ཆེ་བ་ཞིག་ལ་ངོས་འཛིན་པས། བདག་འདྲ་བ་མ་ཡིན་ཀྱང་། པདྨའི་མིང་ཙམ་ལ་མིང་འདྲ་དང་དུས་འདྲའི་ཐེ་ཚོམ་བཅད་པའི་དཔང་པོ་ནི། བླ་མ་དགོངས་འདུས་ཀྱི་ལུང་བསྟན་བཀའ་རྒྱ་མ་ནས། མ་འོངས་པའི་ཚེ་ལུང་ཟིན་ཐམས་ཅད་ལ་མི་འགྱུར་བའི་བརྡ་རྟགས་གསུམ་གྱིས་གཟེར་ཡོད་པ་དེ་ཉིད་ལས། གར་ཡང་མི་འགྱུར་བརྡ་རྟགས་གསུམ་དང་ལྡནཿ ལུས་ལ་ལྟེ་སྨེ་སྙིང་ཁར་ཤ་མཚན་ཏེཿ ངག་གིས་སྙན་མགུར་སྔགས་ཚིག་རྩོལ་བ་ཅནཿ པདྨ་ལས་བྱུང་པདྨའི་མིང་ཅན་གཉིསཿ ཡིད་ནི་རྩེ་གཅིག་གདུང་ཤུགས་ང་ཉིད་དྲནཿ ཕུར་ཚུགས་འདི་མིན་ཡིད་ལ་མི་བྱེད་གསུམཿ དེ་གསུམ་འཛོམ་ན་མཆོག་ཡིན་གཉིས་འཛོམ་འབྲིངཿ གཅིག་འཛོམ་ཐ་མ་གང་ཡང་ལས་ཅན་ཏེཿ ཞེས་པས་བསྟན་པ་ལྟར་ཁོ་བོའི་སྙིང་ཁར་ཕྱི་རྡོ་རྗེའི་དབྱིབས་སུ་མཚན་པའི་སྨེ་བ་དམར་པོའི་ཐིག་ལེ་བཅུ་ཕྲག་གསུམ་དང་། ལྟེ་བར་དྲིལ་བུའི་དབྱིབས་ཀྱིས་མཚན་པའི་སྨེ་བ་དམར་པོ་སུམ་ཅུ་ཙམ་ཡོད་པས་འདྲ་ཚོད་འོས་ཚོད་ཀྱི་ཞེ་འདོད་བསྒྲུབ་ན་དེ་ཙམ་མོ།།}} བཀའ་རྙིང་བསྟན་སྐྱོང་ཐབས་མཁས་འགྲོ་བ་འདུལཿ ཞེས་བཀའ་རྙིང་མའི་བསྟན་པ་བཤད་སྒྲུབ་ཀྱིས་འཛིན་པར་ལུང་གིས་བསྔགས་པ་ལྟར་ཚེ་འདི་ཉིད་ལ་དགེ་བའི་བཤེས་གཉེན་བསྟེན་ནས་ཐ་སྙད་དང་གཞུང་ལུགས་ལ་བཅད་བརྡར་གྱིས་ངལ་དུབ་སོགས་ཅི་ཡང་མ་དགོས་པར་སྔོན་སྦྱངས་ཀྱི་རང་སྟོབས་སྟོན་པའི་རྩལ་རྫོགས་པས་རིག་པ་ཕྱོགས་ཡན་དུ་གྲོལ་བས་རེ་དོགས་ཀྱི་འཕྲང་ལས་གྲོལ། གང་བྱུང་དེས་ཆོག་ཏུ་ལ་བཟླ་བས་ཞེ་འདོད་ཀྱི་མཚང་བརྡོལ་ནས་སུའི་ཁ་ལའང་མི་ཉན་ཞིང་གུ་ཡངས་བྱུང་རྒྱལ་ཆེན་པོར་སྦྱོར་ལ་སྣང་བ་དཔེ་ཆར་ཤར་བས་བྱས་ཚད་མན་ངག་ཏུ་གོ་བ་དེས་བླ་མ་དགོངས་འདུས་ཀྱི་ཆོ་གའི་རྣམ་བཤད་མཁྱེན་བརྩེའི་མེ་ལོང་རྩོམ་པའི་སྒང་ཡོལ་ལ་ཐུག་པའི་ཚེ། ཐོ་རངས་ཀྱི་ཆ་ཞིག་ན་གཉིད་སད་དེ་ཤེས་རིག་སྤྲོས་བྲལ་གྱི་ངང་དུ་ལ་བཟློ་བའི་མ། སྨིན་མཚམས་ཀྱི་ནམ་མཁའ་ནས་རྟ་སྐད་མངོན་སུམ་དུ་འཚེར་བ་ཐོས་པས་སྐད་ཅིག་མ་དང་པོ་ལ་ཤེས་པ་དགའ་ཡལ་ཡལ་བ་དང་འཇིགས་ཆུམ་ཆུམ་པ་གཉིས་ཀ་བྱུང་ངོ་། །ཨེ་མ། འདིའི་བསྟན་པ་འཛིན་པར་ལུང་བསྟན་པའི། །ཁོང་པདྨའི་ལྗགས་ལྡན་མཆེད་དྲུག་ལས། །རྗེ་མ་ཧཱ་གུ་རུས་མིང་གི་དབང་། །པདྨ་དབང་ཆེན་དུ་བྱིན་གྱིས་བརླབས། །དབྱིངས་ལྷན་ཅིག་སྐྱེས་པའི་ཌཱཀྐི་མས། །ལྷ་དབང་ཆེན་པདྨའི་སྲོག་གི་སྙིང་། །མངོན་སུམ་དུ་ལག་པའི་རི་་་མཐེ་བོང་གཡས་ལ་ཧྱ་དང་ཧྲཱི་སོགས་མཐོང་ཕྱོགས་ཐ་དད་པའི་རི་མོ་གསལ་བར་འདུག་་་མོ་ལ། །རྩོད་པ་མེད་པར་བཞུགས་ཞེས་བཤད། །སྐབས་དེ་ཚེ་དགོངས་འདུས་སྲུང་བའི་མ། །མི་བསྲུན་ཤ་ཟ་ཧོར་མོ་ཆེ། །གསུང་མཆིམས་ཕུའི་གནས་ནས་ལྷགས་སོ་སྙམ། །སྨན་བཙུན་གཡུ་ཡི་ལན་ཚར་ཅན། །དཔག་ཏུ་མེད་པའི་འཁོར་དང་བཅས། །མི་ཁོ་བོའི་མདུན་དུ་ཁྲོང་གིས་བྱུང་། །ངག་ཅི་ཡང་མི་སྨྲ་འཛུམ་པའི་ངང་། །དུང་དཀར་པོ་ཡིད་དུ་འོང་བ་ཞིག །ངེད་ལ་སྤྲོད་པར་རྩོམ་པ་ན། །དེ་འགྱེལ་སྟབས་སུ་ཅུང་ཟད་སོང་བ་ལས། །དུང་ཆག་གིས་དོགས་ནས་སྤོང་སྤོང་ཚེ། །དེས་ཧར་གྱིས་ལངས་ནས་སླར་ལ་སྤྲད། ཁོ་བོས་དཔལ་གྱི་རི་བོ་ཡི། །གཙུག་ལག་གི་སྟེང་ནས་འབུད་སྙམ་ཚེ། །གཉིད་སད་པས་རྟེན་འབྲེལ་དེ་ཙམ་མོ། །དུས་རེ་ཞིག་བསྙེན་བསྒྲུབ་དམ་པོའི་ཚེ། །རང་གཉུག་མའི་བསྟི་གནས་ཡིན་སྙམ་པའི། །ཁང་པ་བཀོད་མཛེས་ཞིག་གི་ནང་། །རྗེ་རིག་འཛིན་ཧཱུྃ་ཆེན་ཀཱ་ར་དེ། །ཞལ་ཁྱིམ་ཟླ་བ་ལྟ་བུ་ལ། །སྐུ་ཤ་ཡང་རྒྱགས་པ་ལྟར་སྣང་བའི། །གཟི་བྱིན་མཚུངས་པ་མེད་པ་ཞིག །སྒྱུ་མ་ལྟ་བུའི་སྣང་ཆར་མཇལ། །ཉམས་རྟོགས་ཀྱི་གླེང་མོ་མང་ཞུས་མཐར། །ད་ངེད་ཀྱི་སྒྲུབ་ཁང་འདི་ཉིད་དུ། །བློས་བླང་གི་དཀྱིལ་འཁོར་ཞིག་བཞེངས་ཞུས་པས། །ད་བློས་བླང་གསར་དུ་བཞེངས་པ་ལས། །ཆུང་ངུ་ཞིག་གསོ་དགོས་པ་ཞིག །གནས་གཞན་ན་འདུག་པ་ངས་བླངས་ཏེ། །བུ་ཁྱོད་ལ་སྤྲད་ཀྱི་ཞིག་གསོ་གྱིས། །ཞེས་གསུངས་ཏེ་མི་སྣང་གཞན་དུ་ཐལ། །ཡང་མཚོ་སྣ་ཕྱོགས་ནས་ཡིན་སྙམ་པའི། །བུད་མེད་མོན་མོའི་ཆ་བྱད་ཅན། །སྐྲ་ཐམས་ཅད་སྤོས་ཤེལ་གྱི་ལན་ཚར་ཅན། །ངོ་ཤེས་ཤེས་འདྲ་བ་གཅིག་ན་རེ། །གཏམ་སྙན་པའི་ངག་གིས་སྔོན་བསུས་ནས། །དཔེ་བམ་པོ་ཞིག་ལག་ཏུ་སྤྲད་བྱུང་བ། །ཁ་ཕྱེ་བས་གསོལ་འདེབས་ལེའུ་བདུན་མ། །ཁ་གསར་པ་ཆེ་ཆུང་གསུམ་དུ་སྣང་། །སྔར་འདས་པའི་སྲིད་པ་མང་པོ་ལ། །ཆོས་འདི་ཡི་བདག་པོར་གྱུར་པ་དང་། །ཀློང་ཆེན་གྱི་རིག་རྩལ་རྫོགས་པའི་བརྡར། །མ་མཁའ་འགྲོས་གནང་བ་བྱིན་ནམ་སྙམ། །ཀྱེ་ཧོཿ ལོ་དེ་ཡི་ཆུ་སྟོད་ཟླ་བའི་ཉིན། །རྗེ་མཆོག་སྤྲུལ་མངའ་རིས་པཎ་ཆེན་གྱིས། །གཏེར་གནས་གསུམ་ནས་སྤྱན་དྲངས་པའི། །བཙན་གནོད་སྦྱིན་ཡ་བ་རྐྱ་བདུན་གྱི། །སྲོག་གཏད་དང་རྒྱུད་ལུང་ནོད་པའི་ནུབ། །ནམ་ཐོ་རེངས་ཐུན་གྱི་སྨད་ཆ་ནས། །གཉིད་ཡིན་མིན་དཔྱད་དུ་མ་བཟོད་པའི། །ཉམས་འཁྲུལ་པའི་སྣང་བ་རྫུན་པོ་ཆེར། །ཁོང་གནོད་སྦྱིན་ཆེན་པོ་བན་དྷེའི་གཟུགས། །ན་ཆེར་ཡོལ་གྱོན་པ་སྣུམ་བག་ཅན། །འཁོར་དང་བཅས་པ་བདག་དྲུང་ལྷགས། །ཕྱག་ཕུ་དུད་ཆེན་པོས་འཚལ་བ་ལ། །བདག་ཀུན་རྟོག་རང་ཁའི་བག་ཆགས་བློར། །རང་ན་ཚོད་ཆུང་ངུའི་བན་གཞོན་ལ། །ཁོང་ཆེ་བགྲེས་ཀྱིས་གུས་ཕྱག་མི་འཐད་སྙམ། །ཁྱེད་དེ་ལྟར་བགྱི་བར་མི་འོས་ཞེས། །ནན་ཆེན་པོས་ལྡོག་ཀྱང་བཙལ་བ་ན། །དེའི་རྐེ་ནས་འུབས་ཀྱིས་བསྡམས་པ་ལས། །ཡིད་གུས་པའི་ཚུལ་གྱིས་འདི་སྐད་ཟེར། ཁྱེད་ལ་གཏེར་སྟོན་་་མངའ་རིས་པཎ་ཆེན།་་་རིན་པོ་ཆེས། །གཅུང་དགའ་བོའི་སྐྱེ་བ་ཡིན་གསུངས་་་ཤཱཀྱ་ཐུབ་པའི་མཆེད་དུ་སྒྱུ་འཕྲུལ་མའི་བུ། ལོ་རྒྱུས་དཀོན་བརྩེགས་ལས་དགའ་བོ་མངལ་འཇུག་གི་མདོ་དང་། དགའ་བོ་ལ་མངལ་ན་གནས་པ་བསྟན་པ་སོགས་ལས་གསལ།་་་པས། །དེས་གུས་པས་ལྷ་ཕྱག་བཙལ་བ་ཡིན། །སྔར་བྱང་པ་རིག་འཛིན་སྤྲུལ་པའི་སྐུས། །ཁྱེད་དབུ་བླར་བཞེས་ཤིང་གུས་འདུད་དང་། །བདག་རྐྱེན་དེ་འདྲ་མཛད་མོད་ཟེར། །དེར་ད་ལྟའི་རྣམ་རྟོག་རང་སར་ཡལ། །བག་ཆགས་འགའ་ཞིག་བློ་ལ་སྣང་། །ཤེས་པ་གཏད་མེད་དུ་ཡོད་ཙ་ན། །ཡང་ཁོ་ཡིས་ངག་ནས་འདི་སྐད་ཟེར། །ཁྱེད་ལ་གཏེར་སྟོན་རིན་པོ་ཆེས། །ལོ་བཅོ་ལྔ་ཚེ་ཚད་ཡིན་ནོ་གསུངས། །ཞེས་སྨྲས་ཏེ་བདག་ལ་ཆེ་རེ་ལྟ། །ཕྱིས་རྩེ་ཆེན་བྲག་གི་བཀོད་པའང་བསྟན། །སྐྱབས་རིག་འཛིན་པདྨ་འབྱུང་གནས་དང་། །རྗེ་ཁྲི་སྲོང་ཡང་སྤྲུལ་མངའ་རིས་པ། ཁོང་རིག་འཛིན་བརྒྱུད་པའི་ཐ་ཚིག་ལ། །ལྷ་འདི་ཡིས་མི་འདར་ཆད་ཐོ་བཙན། །ཚུལ་དེ་ལ་བརྟེན་ནས་འདི་ཉིད་ཀྱི། །གསོལ་ཀ་དུས་ཀྱི་ཕོ་ཉའང་བརྩམས། །ཚེ་མི་རྟག་ལུང་བསྟན་གློག་དང་འདྲ། །གཤིས་གདོད་ནས་དག་པའི་དག་པ་ལ། །དགྲ་སྐྱེ་འཆིའི་བག་ཆགས་མི་མངའ་ཡང་། །འདུ་བྱེད་ཀྱི་རྟ་བདུན་ཆུ་ལྷར་ཕྱོགས། །འདི་ཟབ་ལམ་རྡོ་རྗེའི་རྣལ་འབྱོར་དང་། །རྟེན་འབྲེལ་གྱི་བདེན་པས་མ་ཟིན་ན། །མཁའ་དབྱིངས་ལ་ཤར་བའི་རྒན་ཐིག་འདྲ། །ལོ་དེ་ཡི་སྨིན་དྲུག་ཟླ་བའི་ནང་། །དུས་ཡར་ངོའི་ཚེས་བཅུའི་ཐོ་རེངས་ཁར། །དབྱིངས་འོད་གསལ་གྱི་ནམ་མཁའ་དྭངས་པ་ལ། །བོད་གངས་ཅན་གྱི་ལྷ་གཅིག་སྙིང་རྗེའི་གཏེར། །ལྷ་འཕགས་མཆོག་ཕྱག་ན་པདྨའི་སྐུ་་་སྡུག་བསྔལ་རང་གྲོལ།་་་། །ཤར་ནམ་མཁས་གར་ཁྱབ་སྐུས་ཁྱབ་པའི། །མཚན་དཔེའི་སྣང་བརྙན་བཞེངས་སྟབས་ཅན། །དེ་མཐོང་བས་མོས་གུས་ཀྱི་མཆི་མ་འཁྲུགས། །གསོལ་འདེབས་ཀྱི་ཚིགས་བཅད་གསར་དུ་བརྩམས། །དུས་དེ་ནས་རང་ལོ་སུམ་ཅུ་པ། །མགོ་ཟླ་བའི་ཡར་ངོའི་ཚེས་བཅུའི་ནུབ། །བདག་གཅུང་གཞོན་དང་བསྡེབས་ནས་ཕྱིན་པའི་མོད། །ཁང་པ་ཡིན་ནོ་སྙམ་པ་ཡི། །སྒོ་སྤུས་འབྱེད་ཞིག་ཕྱེ་ནས་སོང་ཙ་ན། །དཔལ་མཆིམས་ཕུའི་ལུང་པ་སྐྱིད་ཉམས་ཅན། །ལྗོངས་རྩི་ཤིང་ནགས་ཚལ་སྨན་དྲིས་ཁེངས། །དབྱར་གུང་ཆེན་ལྟ་བུར་སྣང་ཉམས་སྤྲོ། །དབུས་དགེའུ་འོག་གི་ས་འཛིན་དེ། །དབྱིབས་ཕུར་པ་བཙུགས་པ་ལྟ་བུ་ལ། །གཅོང་རོང་ཟབ་པའི་རྣམ་པར་སྣང་། །བྲག་དེའི་ཤར་སྒོའི་སྐེད་པ་ན། །མ་འཚོ་རྒྱལ་གཟིམས་ཕུག་ཡིན་སྙམ་པའི། །སྒྲུབ་ཕུག་གི་སྒོ་ཁུང་ཧ་རེ་མཐོང་། །དེར་འགྲོ་བའི་ལམ་པོ་ཡིན་རྒྱུ་བའི། །རྡོ་རིང་ལྟ་བུའི་ཐེམ་སྐས་ལ། །མི་དཀྱུས་མས་ཐར་ས་མེད་པར་མངོན། །དེར་ཤེས་པ་གཏད་མེད་དེ་ཁའི་ངང་། །རྡོ་སྐས་ལ་འཛེགས་ཏེ་འགྲོ་སྙམ་ཚེ། །ཐར་བའི་རེ་བ་མ་བྱུང་བས། །ཡིད་སྐྱོ་ཤས་ཀྱི་སྣང་བར་འདི་ལྟར་སེམས། །སྔར་ཡིན་ན་འདི་འདྲར་འགྲོ་བཞིན་ལ། །ད་ཐར་པའི་རེ་བ་ཟད་པ་འདི། །ལས་ཉོན་མོངས་ཀྱི་སྒྲིབ་པས་ཡིན་ནོ་སྙམ། །སེམས་མ་དགའ་ཏིང་ངེ་ཡོད་པའི་ངང་། །རིག་པ་ཕུག་པའི་ནང་དུ་གཏད། །འོད་གསལ་གྱི་དགོངས་པས་བལྟས་ཙ་ན། །རྗེ་ལྷ་གཅིག་ཚངས་པ་ལྷའི་མེ་ཏོག །སྐུ་རྡོས་བཅས་མ་ཡིན་འོད་ཀྱི་ལུས། །ཕྱག་གཉིས་མཉམ་གཞག་གི་ཕྱག་རྒྱ་ཅན། །གཟི་བྱིན་མཚུངས་པ་མེད་པ་ཞིག །རང་སྣང་འོད་གསལ་གྱི་ངང་དུ་མཇལ། །འདི་མངའ་བདག་གིས་མྱང་བན་ཏིང་འཛིན་ལ། །ཆོས་རྫོགས་ཆེན་ཞུས་ནས་བསྒོམས་པའི་ཕུག །ཡིན་སྙམ་པའི་བག་ཆགས་ཝ་ལེར་དྲན། །ཕྱིས་བྲག་སྒོ་སེ་བས་འགགས་པ་ཡིས། །མི་ཀུན་གྱི་སྣང་ངོར་མ་གྱུར་ཅིང་། །མདུན་ངོས་ཀྱི་བྲག་ལ་བྱང་སེམས་ཀྱི། །སྐུ་དོང་བརྐོས་འདུག་པ་སས་ནོན་ནས། །དབུ་རིབ་རིབ་ཙམ་ཡང་མི་འདུག་མོད། །ཉེ་འདབས་ན་རྡོ་ཡི་གཏུན་ཁུང་དང་། །ནང་ངོས་ལ་དུ་བའི་དྲེག་པ་སོགས། །སྔར་སྒྲུབ་ཕུག་ཡུན་རིང་བྱས་པའི་ཤུལ། །འདི་གསང་ཆེན་ཕུག་པར་འདུག་པའི་ཕྱིར། །ས་མོ་ཡོས་ལ་གནས་སྒོ་ཕྱེ།་་་སྟག་ཚང་ཕུར་པའི་ལུང་བསྟན་ལས། །བི་མའི་སྤྲུལ་པ་པདྨའི་མིང་འཛིན་ལཿ ཡེ་ཤེས་རྩལ་རྡོལ་དག་སྣང་གནས་སྒོ་འབྱེདཿ ཅེས་སོ། མིང་ཡང་མེ་ཏོག་ཕུག་པར་བཏགས། །ལོ་གསུམ་སྒྲུབ་པའི་རྒྱལ་མཚན་བཙུགས། །མི་ཁོ་བོས་འོད་གསལ་བསྒོམས་པའི་མཐུས། །ཕྱིས་སུ་བསྡད་མི་ལ་ཏིང་འཛིན་འཆར། །བཀྲ་ཤིས་བྱིན་ཆགས་ཀྱི་སྒྲུབ་ཕུག་ཡིན། །དེ་འོན་ཀྱང་ཡུལ་དེར་རང་ཕྱོགས་པ། །སྔར་འདྲིས་ཀྱི་མཉམ་འགྲོགས་ཚོད་ཡོད་དང་། །འགའ་འགའི་སྡང་ཞེན་མཐུ་ཆེས་པས། །ཕྱུགས་རྫིས་ཆར་ཡིབས་རྙེད་པ་བཞིན། །སྟབས་ལེགས་ཙམ་དུ་འཛིན་པ་ལས། །མེད་ཕྱིར་བདེན་དང་རྫུན་པ་ཡི། །དག་སངས་ནི་ཅི་ཡང་བྱ་དོན་མེད། །དུས་དེ་ཚེ་འཁྲུལ་པའི་སྣང་ཆ་ལ། །དཔལ་མཆིམས་ཕུའི་ནང་ནས་འོངས་སྐད་པའི། །སྐྱེ་མཆེད་དྭངས་པའི་གཞོན་ནུ་ཞིག །ཤིན་ཏུ་འཛུམ་པའི་མདངས་དང་བཅས། །ཤོག་དྲིལ་ཞིག་ལག་པར་སྤྲོད་དུ་བྱུང་། །ཁ་ཕྱེ་ནས་དེ་ཉིད་བཀླགས་པ་ན། །ཡི་གེ་ལེ་ཚན་གཉིས་སྣང་བའི། །ཡིག་ཕྲེང་གཅིག་འབྱར་གྱི་སྐེད་པ་ན། །ཁྱོད་སྤྲུལ་པའི་དགེ་སློང་ཨ་ཀར་མའི།་་་ཆོས་རྒྱལ་སྲོང་བཙན་སྒམ་པོའི་སྨིན་མཚམས་ལས་སྤྲུལ་ཏེ་ཙནྡན་གོར་ཤི་ཤ་ལེན་དུ་རྒྱ་གར་འཕགས་པའི་ཡུལ་ལ་བགྲོད། རྒྱལ་སྲས་ལྷ་རྗེ་དང་ཐུགས་རྒྱུད་གཅིག་པ་ཡིན་པར་གོ།་་་ །སྐྱེ་བ་ཡིན་ནོ་ཞེས་པ་དང་། །གཞན་ལུང་བསྟན་གྱི་རྣམ་པ་འགའ་ཞིག་སྣང་། །དེ་ནས་རང་ལོ་སོ་གཅིག་པ། །ས་མོ་ཡོས་ཀྱི་བགྲང་བྱ་ལ། །ལོ་གསུམ་གྱི་སྒྲུབ་པ་མཐའ་རུ་ཕྱིན། །དཔལ་གྱི་བསམ་ཡས་མཆིམས་ཕུ་རུ། །སྒྲུབ་པའི་རྒྱལ་མཚན་འཛུགས་སུ་ཕྱིན། །མཚུངས་མེད་རིག་འཛིན་བླ་མའི་དྲུང་། །སྨིན་གྲོལ་ཟབ་མོའི་བཅུད་འཐུངས་ཤིང་། །རིགས་བསྡུས་པདྨ་གུ་རུ་ཡི། །བྱིན་རླབས་ཉེ་བརྒྱུད་ཐོབ་པ་ལ། །རྟེན་འབྲེལ་ཟབ་མོའི་ཕྲིན་ལས་སྒོ། །དཔལ་མགོན་རིག་འཛིན་བླ་མས་ཕྱེ། །དེ་ཚེ་བླ་མའི་གཟིམས་ཁང་གི། །ཡང་ཐོག་ཉིད་དུ་མནལ་བ་ལ། །གཉེན་ཟུར་ཕུད་ལྔ་པ་ཡིན་སྙམ་པའི། ཁྱེའུ་དར་གྱི་གོ་ཟུ་ཅན། །ཡིད་དུ་འོང་བ་གཅིག་ན་རེ། ཁྱེད་ཆོས་རྒྱལ་ཕུན་ཚོགས་ཡིན་ཨཱ་ཟེར། །ངས་བཀྲ་ཤིས་སྟོབས་རྒྱལ་ཨེ་ཡིན་བྱས། །དེས་འོ་འོ་ཆོས་རྒྱལ་ཕུན་ཚོགས་ཟེར། །གཏམ་དེ་ཀོ་གཉིས་ཀས་ལན་གསུམ་བསྐྱར། །དམ་ཆོས་གྲོལ་བའི་ཐིག་ལེ་ཡི། །བཀའ་ཡི་སྲུང་མ་ཡིན་པར་རྟོགས། །རྗེ་བཙུན་པདྨའི་བཀའ་ལུང་བཞིན། །ཆོས་འདི་ནམ་མཁའི་ཕ་མཐའ་རུ། །བརྡལ་བའི་རྟེན་འབྲེལ་བསྒྲིགས་ན་ཡང་། །སྨོན་ལམ་མི་བསྲུན་སྐྱེ་བོ་འགས། །འདུན་པ་གཞན་དུ་བསྒྱུར་བ་ལས། །རེ་ཞིག་ཕྲིན་ལས་དེ་ཙམ་མོ། །དེ་ནས་དཔལ་གྱི་མཆིམས་ཕུ་ཡི། །འོག་མིན་རྡོ་རྗེའི་ཀེའུ་ཚང་དུ། །ལོ་གསུམ་སྒྲུབ་པའི་དམ་བཅའ་བཟུང་། །མུ་ཏོའི་བརྟུལ་ཞུགས་ལ་གནས་ཚེ། །རྨི་ལམ་སྒྱུ་མའི་བཀོད་པ་ལ། །ནེ་ཙོ་འདྲ་བའི་འདབ་ཆགས་ཀྱིས། །དཀྱིལ་འཁོར་ཡིད་འོང་བཞེངས་པ་མཐོང་། །དཀྱིལ་འཁོར་གྲུབ་མ་ཐག་པ་ལ། །ཆོ་ག་བཏང་བའི་སེམས་བསྐྱེད་དེར། །སངས་རྒྱས་མེད་ལ་སེམས་ཅན་མེད། །ཡིན་པ་མེད་ལ་མིན་པ་མེད། །སོ་མ་རང་གདངས་ལྷུག་པའི་ངང་། །རང་གྲོལ་ཆེན་པོར་སེམས་བསྐྱེད་དོ། །ཟེར་མུར་རྨི་ལམ་ཉམས་དེ་སད། །ཡང་གསང་བླ་མའི་སྒྲུབ་པ་དེ། །སྙིང་གི་དབུས་ན་ལྷམ་མེར་གསལ། །ཡང་གཅིག་ཤ་ཟ་ཌཱཀྐི་མ། །བུ་མོ་གཞོན་ནུའི་རྣམ་འགྱུར་ཅན། །ལག་ཏུ་ཟབ་ལམ་ཕོ་ཉའི་སྐོར། །དཔེ་ཆ་ཤོག་ལྡེབས་གཅིག་ཁྱེར་ནས། །འདི་ཡི་བདེ་སྟོང་ཆེན་པོའི་ཉམས། །གང་ཡིན་རྒྱུད་ལ་མ་འཚལ་བས། །ཚིག་གིས་མ་ཡིན་རྒྱུད་ཐོག་ཏུ། །ངོ་སྤྲོད་གནད་སྨིན་ཞུ་ཟེར་བར། །དོན་དམ་ཤེས་རབ་ཡེ་ཤེས་ཀྱི། །དབང་བསྐུར་བྱས་པའི་རྗེས་ཐོབ་ཏུ། །ཟབ་མོའི་སྙན་བརྒྱུད་གདམས་པ་འདི། །ཀློང་ཆེན་ཉམས་ཀྱི་ཚུལ་དུ་གདམས། །ཀྱེ་ཧོཿ བརྗོད་མེད་བློ་འདས་ཀྱི་ཁང་མཛེས་ན། །དབྱིངས་ཆེན་རྣམ་དག་གི་ལུས་ཕྲ་མོ། །མཐའ་བརྒྱད་སྤྲོས་བྲལ་གྱི་བཞིན་རས་མཛེས། །ཡེ་གྲོལ་མཉམ་ཉིད་ཀྱི་རྒྱན་ཆ་བཏགས། །མ་བཅོས་རང་བྱུང་གི་སྤྱོད་ལམ་དལ། །སྨན་དེ་ལ་བདག་གིར་སུ་ཡིས་བྱེད། །སྤྱིར་གྲུབ་ཐོབ་ཡོངས་ཀྱི་མཛའ་ན་མོ། །སྒོས་རིག་པའི་དཔའ་བོ་གཞོན་ནུ་ངས། །སྦྱོར་ཚེ་ཟུང་འཇུག་ཡངས་པར་སྦྱོར། །སྒྲོལ་ཚེ་དུག་ལྔའི་རྣམ་རྟོག་སྒྲོལ། །ཏ་ན་ག་ནའི་གསང་སྤྱོད་འདི། །མཛད་མཁན་ཤིན་ཏུ་མང་ལགས་ཏེ། །མཁྱེན་མཁན་མེ་ལོང་རྡོ་རྗེ་ཙམ། །ང་མེ་ལོང་རྡོ་རྗེའི་བརྒྱུད་པ་འཛིན། །དབྱངས་དེ་ལ་བསྐྱར་བཟློས་བྱེད་སྙིང་འདོད། །ཙིཏྟ་རང་བྱུང་གི་གུར་ཁང་ནང་། །བུ་རིག་པའི་རྒྱལ་པོ་དཔའ་བརྟུལ་ཆེ། །རྩ་ཡོ་འཁྱོག་མེད་པ་དབུ་མའི་ནང་། །འབངས་སྲོག་རྩོལ་གཉིས་པོ་རང་བཙོན་འཛིན། །ནོར་ཉི་ཟླ་སོ་སོས་བདག་གིར་བྱེད། །རླུང་ནུས་པ་ཅན་གཉིས་མ་འཆམས་པས། །ནད་འདུ་བ་རྣམ་བཞིའི་ཁ་རླངས་གཏོང་། །དུས་མ་ཡིན་པར་སྲོག་ལ་ཧུར་ཐུམ་བྱེད། །རླུང་ཕྲ་མོའི་ཚོགས་རྣམས་ཡན་དྲགས་པས། །འོད་གསལ་འཇའ་སྤྲིན་གྱི་ཁང་མཛེས་བཤིག །འགྱུ་དྲན་མཐའ་མེད་ཀྱི་རྡུལ་ཕྲན་གཡོ། །རྣམ་མཁྱེན་བྱང་ཆུབ་ཀྱི་ཞལ་རས་བསྒྲིབས། །དུས་དེ་ཚེ་རིག་པའི་རྒྱལ་པོ་ངས། །སྙན་བརྒྱུད་མན་ངག་གི་ཕོ་ཉ་བཏང་། །རྩ་ཨ་ཝ་དྷཱུ་ཏིའི་ཁྲི་མུན་དུ། །རླུང་ནུས་པ་ཅན་གཉིས་བཙོན་ལ་བཅུག །ཁོང་རྒྱལ་པོའི་དཔའ་ཟིལ་མ་བཟོད་ནས། །གཟུང་འཛིན་གཉིས་ཟླ་སྒྲིལ་བྱེད་པར་འཆམས། །དེར་མི་དབང་གིས་བློན་པོ་རོ་རྐྱང་གཉིས། །ཁྲི་མུན་དུ་ཞལ་ལྕེ་གཅོད་ལ་མངགས། །བཙོན་པ་གཉིས་གཅིག་ཏུ་ཁ་འདྲིལ་བས། །རྩ་ཕྲན་གྱི་རླུང་རྣམས་དབང་མེད་འདུས། །ཁོང་ཐམས་ཅད་འདོད་པ་གཅིག་ཏུ་དྲིལ། །རྩོལ་བས་གཏུམ་མོའི་མེ་སྤར་ཞིང་། །སྲོག་གི་བདུད་རྩིའི་ཐིགས་པ་གཏིགས། །དེ་ལུགས་འབྱུང་བཞི་ཡི་ཕོ་ཉས་ཕབ། །ཆོས་དབྱིངས་ཡེ་ཤེས་ཀྱི་རྫིང་དུ་བསྐྱིལ། །ལུགས་ལྡོག་བཞི་ཡི་གནས་སུ་སྐྱོལ། །འབྲམ་པར་སོར་རྟོག་ཡེ་ཤེས་སླེབས། །དེས་ཟག་བཅས་ཀྱི་སྡོམ་པ་རྣམ་པ་གསུམ། །རྡོ་རྗེ་གསུམ་དུ་རྣམ་པར་དག །འཁོར་འདས་ཡེ་གྲོལ་གྱི་མནའ་གན་ཕུལ། །སྣང་སེམས་རོ་གཅིག་གི་རྟེན་འབྲེལ་བསྒྲིགས། །དུས་མིན་གྱི་འཆི་བ་ཕ་མཐར་བསྐྲད། །ལམ་རྟགས་ཀྱི་ཡོན་ཏན་མཐའ་ནས་རྒྱས། །དཔའ་བོ་དང་མཁའ་འགྲོ་ཚོགས་ཀྱིས་མཉེས། །སྒོམ་གསལ་འགྲིབ་མེད་པའི་མར་མེ་སྤར། །སྣང་སེམས་དབྱེར་མེད་ཀྱི་སྲོག་མཁར་ཚུགས། །དེ་སེང་གེའི་འོ་མ་མངར་པོ་ཡིན། །མྱོང་མཁན་ཨུ་དུམ་ཝ་ར་ཙམ། །དབང་རིམ་པ་གསུམ་པའི་གསོབ་གྱོན་ཏེ། །ཉོན་མོངས་བྱུང་རྒྱལ་དུ་སྤྱོད་པ་དང་། །ཐུར་མའི་ཕྱག་རྒྱ་རྔོམ་པ་རྣམས། །འབྱུང་འཇུག་རླུང་གི་རྟེན་འབྲེལ་གྱིས། །ཀུནྡ་བཙན་ཐབས་སུ་འཆིངས་ན་ཡང་། །འབྲས་བུ་དབྱུང་བའི་ཤུགས་འགྲོ་དང་། །དབྱེ་བ་མེད་པར་རྒྱུད་ལས་བཤད། །ཀྱེ་མ་དུས་མཐར་དེ་འདྲ་མང་། །ཤལ་མ་རི་ཡིས་འཇིགས་པ་ཆེ། །མི་བདག་ལ་འདྲི་བའི་དོན་གཉེར་མ། །དབྱིངས་ཀུན་ཏུ་བཟང་མོའི་མཁའ་ཀློང་དུ། །རིག་པ་བརྗོད་བྲལ་གྱི་དཔའ་བོས་སྦྱོར། །བདེ་སྟོང་བློ་འདས་ཀྱི་ངང་ལ་ཞོགས། །འཇིག་རྟེན་པའི་སྙིང་སྡུག་ལ་རེ་མ་དགོས། །ཁྱིམ་ཐབས་དང་ཟང་ཟིང་མེད་པ་ལ། །སྐལ་བ་དང་མན་ངག་མེད་དོ་སྙམ། །དེ་མནོ་མཁན་འདུ་ཤེས་འཁྲུལ་ཚབས་ཆེ། །མྱུར་ལམ་རྡོ་རྗེའི་ཐེག་པ་ལ། །འཇུག་སྒོའི་དབང་ནི་རྣམ་བཞི་ཡོད། །དེ་ཀུན་ལ་གསང་ལམ་ཁྱད་འཕགས་རེ། །ཉམས་ལེན་ལྷོད་མེད་ཀྱི་གནམ་རུ་འགུགས། །དམ་ཚིག་ཟོལ་མེད་ཀྱི་གཞུ་རྒྱུད་སྒྲོན། །རྟེན་འབྲེལ་སྨོན་ལམ་གྱི་མཐེབ་ལྟོང་སྤྲོད། །མདའ་འཕེན་པ་རྒྱལ་ཁམས་ཀུན་ལ་འཕེན། །འཕོག་པ་ལས་འབྲེལ་ཅན་ལ་འཕོག །འཚེངས་པ་གཏན་འདུན་འཚེངས་པ་ཡིན། །འགྲུབ་པ་ཚེ་གཅིག་སངས་རྒྱས་འགྲུབ། །ཀུན་གྱིས་སྤྱོད་ཡུལ་མ་ལགས་པས། །རྐུན་ནོར་བཞིན་དུ་ཨ་ཐམ་རྒྱ། །ཞེས་སྨྲས་པས་མོ་ཡི་སེམས་དགའ་ནས། །སྐྱེས་རབས་དང་འབྲེལ་བའི་ཞབས་བརྟན་བརྩམས། །དགའ་བའི་རྣམ་འགྱུར་སྟོན་བཞིན་དུ། །རང་སྣང་སྟོང་པའི་ངང་ལ་ཡལ། །དེ་ཚེ་རླངས་ཆེན་དཔལ་སེང་གི། །ཡང་སྲིད་པདྨ་ཚེ་དབང་རྩལ།་་་འདི་རླངས་དཔལ་སེང་དངོས་ཀྱི་ཕུར་པ་རྒྱུད་ལུགས་ཀྱི་དོན་དབང་བསྐུར་བ་ཡིན་ཀྱང་། དེ་དུས་བཀའ་རྒྱ་མ་གྲོལ་ཞིང་གཞན་སྣང་དང་བསྟུན་པའི་གསང་རྒྱའི་རྫུ་འཕྲུལ་གྱི་ངག་ཡིན་ནོ།་་་། །མཇལ་ཏེ་རང་གཏེར་སྟག་ཚང་གི། །རྡོ་རྗེ་ཕུར་པའི་དབང་བསྐུར་རྨིས། །ཨེ་དབྱིངས་ཉི་གཞོན་འཆར་ཀའི་ཕོ་བྲང་ཆེར། །ཝཾ་ཡིག་ཟླ་ཞུན་འཁྱིལ་པ་རྡོ་རྗེའི་ཁམས། །ཟུང་འཇུག་དཔལ་ལྡན་དང་པོའི་སངས་རྒྱས་སུ། །བསྒྲུབ་པའི་རྟེན་འབྲེལ་སྨོན་ལམ་འཛོམས་པའི་ཚེ། །རྡོ་རྗེ་ཕུང་པོའི་གྲོང་ཁྱེར་འཛམ་གླིང་དབུས། །སྒྲ་གཅན་ས་ཡི་ཐིག་ལེར་བྱང་ཆུབ་སེམས། །བདེ་སྟོང་གཉིས་མེད་ཆེན་པོར་སངས་རྒྱས་པ། །གཏི་མུག་ཆོས་དབྱིངས་ཡེ་ཤེས་ངོ་བོར་གྲུབ། །དེ་ཚེ་ཐ་མལ་རང་ཁའི་ཀུན་རྟོག་ཀུན། །མཐའ་བྲལ་གཉུག་མའི་རྒྱལ་སར་འཛེགས་པ་ལ། །འགྱུར་དྲན་སྣང་བའི་འཆར་སྒོས་ཕྱག་བྱས་ཤིང་། །ལྔ་བཅུར་འཚོ་བའི་རྟེན་འབྲེལ་སྲོག་ཤིང་ཚུགས། །གདོད་མའི་གསང་ལམ་སྟོན་པའི་ཆོ་ག་མཁན། །དམ་ཚིག་སེམས་དཔའ་གཡུང་དྲུང་འཁྱིལ་པ་ལ། །དབྱིངས་ཕྱུག་ཨེ་ཀ་ཙ་ཏིའི་སྲོག་འདྲེས་ནས། །སློབ་བརྒྱུད་ཟླ་བ་ཉ་བའི་ཚོམ་བུ་བཀོད། །ལོ་དམར་སེར་ཅན་གྱི་དབྱུག་གུ་ཟླའི། །དུས་ཡར་ངོའི་ཚེས་བཅུའི་ནུབ་མོ་དེ། །ཡིད་ཀུན་རྟོག་གི་མེ་ལོང་དྭངས་པའི་ངོས། །དཔལ་ཨཽ་ཌཱི་ཡ་ནའི་སངས་རྒྱས་ཆེ། །སྐུ་གཞོན་མཛེས་གཡས་ན་ཧཱུྃ་ཀཱ་ར། །གཡོན་ཕྱོགས་ན་རང་ཉིད་འདུག་པའི་མོད། །དེས་ཕྱག་རྒྱའི་བརྡ་ཐབས་ནམ་མཁར་གདེངས། །མ་དབྱིངས་ཕྱུག་བདེ་ཆེན་འཚོ་རྒྱལ་དང་། །རྒྱ་གར་གྱི་རིག་འཛིན་ཧཱུྃ་ཀཱ་ར། །ཐུགས་ཡེ་ཤེས་ཆེན་པོར་གཉིས་སུ་མེད། །ཧཱུྃ་ཀཱ་ར་གསང་འཛིན་རྡོ་རྗེ་འཆང་། །བདག་ཉིད་ནི་འཕགས་མཆོག་སྙིང་རྗེའི་གཏེར། །ངེད་རྣམ་གསུམ་རིགས་གསུམ་སྤྲུལ་པའི་གར། །ཞེས་གསུངས་པའི་མོད་ལ་གཏད་མེད་ཡལ། །ཡང་ཁྱུ་མཆོག་དབྱུག་གུའི་ཟླ་བ་ལ། །འོག་མིན་གྱི་ལྗོན་པའི་བསིལ་གྲིབ་འོག །ལྭ་ཝའི་ལྡིང་གུར་ལ་བརྟེན་ནས། །དགོངས་འདུས་ཀྱི་དཀྱིལ་འཁོར་ཆེན་པོ་རུ། །བདུད་རྩིའི་སྒྲུབ་ཆེན་བཙུགས་པའི་ཚེ། །ཤིན་ཏུ་གྲང་བའི་ནམ་ཟླ་ལ། །མེ་ཏོག་པད་སྡོང་ཁ་བྱེ་ཞིང་། །ཐོ་རེངས་འོད་གསལ་གྱི་སྣང་ཆ་ལ། །རི་དོ་ཆད་ཅིག་གི་རྩེ་མོ་རུ། །རྒྱ་གར་གྱི་ཛོ་ཀི་གཉིས་དང་ཕྲད། །དེ་ལ་བདག་གིས་འདི་སྐད་དུ། །རི་འདི་ལ་བསྐོར་བ་བྱས་པ་ན། །གྲུབ་ཐོབ་བརྒྱད་ཅུ་མཇལ་ཡོང་སྨྲས། །ཛོ་ཀི་དེས་ཅུང་ཞིག་བསམས་ནས་སུ། །རི་འདི་འདྲའི་རྒྱུས་ལ་ང་རང་ཞིབ། །གྲུབ་ཐོབ་བརྒྱད་ཅུ་དང་ལོས་ཀྱང་མཇལ། །ཁྱེད་གཡས་ཀྱི་ཕྱག་ན་ནེའུ་ལེ་འཛིན། །མཆན་ན་མཚན་ལྡན་གཟུངས་མ་བརྟེན། །གཡོན་གྱིས་འགྲམ་པ་གཟེངས་བསྟོད་ནས། །མགུར་ཡིད་ཁ་འཕྲོག་པར་ལེན་པ་མཐོང་། །དུས་ད་རེས་ཇི་བཞིན་ངོ་འཕྲོད་ཀྱང་། །མི་གཞན་གྱི་བློ་ལ་མ་ཤོང་དོགས། ཁ་རོག་འདུག་པ་ལགས་སོ་ཟེར། །དེར་ངེད་ཀྱིས་ལན་དུ་གྲུབ་ཐོབ་དེའི། །མཚན་ཅི་འདྲ་བྱ་བ་ལགས་དྲིས་པས། །བྲག་ཁུང་པ་ཞེས་པར་གྲགས་སོ་ལོ། །ཤ་བ་ཁྱི་ཁྲིད་ཀྱི་གདམས་པའི་གནད། །དེར་ངེད་ལ་ཞུ་འོ་ཟེར་བ་ན། །ངས་དེ་འདྲའི་དཔེ་ཆ་མེད་ཀྱང་མེད། །སྤྱིར་རྣལ་འབྱོར་གྱི་རི་ཁྲོད་འགྲིམ་པ་ལ། །མཐུ་ངན་སྔགས་ཀྱི་བསམ་པ་མི་རིག་བྱས། །དེར་རྣལ་འབྱོར་ཟླ་བོ་ཞིག་བྱུང་ནས། །དེས་བསྟན་ལ་ཕན་ན་དགོས་སོ་ཟེར། །དེའི་མོད་ལ་ཉམས་སྣང་དེ་སད་དོ། །གང་ཚེ་རྡོ་རྗེ་གཡུ་ཡི་སྒྲོན་མ་དེས། །རྣམ་དཀར་ཡིད་དུ་འོང་བ་རྣམ་པ་གཉིས། །ཤིན་ཏུ་བརྩེ་བའི་འཛུམ་གྱིས་སྔོན་བསུས་ནས། །བདག་ལ་བྱིན་ནས་རིག་འཛིན་བུ་ཁྱོད་ཀྱི། །གྱོན་པའི་བསྣོན་མ་གྱིས་ཞེས་ཟེར་བ་དང་། །བརྩེ་དུང་མོས་པར་ལྡན་པའི་གླུ་འདི་བླངས། །རྒྱལ་སྲས་ལྷ་རྗེའི་སྤྲུལ་པ་བརྒྱ་རྩ་བརྒྱད། །ཡ་གྱལ་གཅིག་ནི་ཡར་རྗེ་ཨོ་རྒྱན་གླིང་། །འོད་གསལ་བླ་མ་ཨོ་རྒྱན་བསམ་གཏན་གླིང་། །ཞལ་མཇལ་འབྲེལ་པ་ཐོགས་པ་ཀུན་ལ་མཛོད། །ཅེས་པའི་མོད་ལ་གཏད་མེད་ཆོས་སྐུར་འཁྱིལ། རེ་ཞིག་གི་ཚེ་ཐོར་ཐུན་གྱི་སྒང་ལ་གཉིད་དུ་ཅུང་ཟད་ཤོར་བའི་སྣང་བ་ལ། གནས་བསྐོར་དུ་འོངས་པ་ཡིན་སྙམ་པའི་བུད་མེད་ལྔ་དང་སྦྲགས་ནས་ཕྱིན་པ་ལས། དེའི་ཁྲོད་ནས་རང་གི་མ་ཡིན་སྙམ་པའི་བུད་མེད་རྒན་སོང་ཞིག་གིས་ངོ་ཚ་དང་ཚུལ་འཆོས་བཤིག་ནས་ངེད་ལ་ཤིན་ཏུ་བརྩེ་བའི་རྣམ་འགྱུར་མས་བུ་ཆུང་ལ་བྱེད་པ་ལྟར་བཞིན་གཏུགས་པ་དང་། ཁ་སྦྱར་བ་མང་པོ་བྱེད་པའི་ངང་ནས་བྲག་ཕུག་ཡིད་དུ་འོང་བ་ཨོ་རྒྱན་ཆེན་པོའི་དབུ་རྗེས་ཡོད་པ་ཞིག་ཏུ་ཁྲིད། དེར་གནས་བཤད་ཀྱི་ཚུལ་དུ་འདི་འཚོ་རྒྱལ་གྱིས་ཕུར་པ་བསྒྲུབས་པའི་གཟིམས་ཕུག་ཡིན་ཟེར། ཁོང་རང་རྣམས་ཀྱིས་སྐད་སྒྲ་སྙན་པོས་མཎྜལ་དང་། གསོལ་འདེབས་ཡིད་འཕྲོག་པ་ཞིག་བྱས་སོང་། དེའི་མོད་ལ་བུད་མེད་ཅུང་གཟུགས་མི་སྡུག་པ་ཞིག་འདུག་པ་དེས་བསྐུལ་ནས་ངེད་རང་ལ་ཁ་གཏད་ནས། བླ་མ་སྐུ་ཁམས་བཟང་བར་གསོལ་བ་འདེབས། །ཞེས་པའི་ཤོ་ལོ་ཀ་ཚར་གསུམ་རྒྱ་གླིང་ལས་སྙན་པའི་དབྱངས་རྟ་ལ་དྲངས་ནས་ཟེར་བྱུང་བས་སྣང་བ་ཟི་བུན་པ་ཞིག་བྱུང་། དེའི་ཚེ་ལྷན་སྐྱེས་ཀྱི་ཤེས་པ་སྐད་ཅིག་མར། ད་ཁོང་རྣམས་ཡར་ཀླུངས་རྟེན་གསུམ་མཇལ་དུ་འགྲོ་ཡོང་བས་སྨོན་ལམ་འདེབས་ལུགས་ཞིག་བསླབ་དགོས་བསམ་པ་དང་། སྐད་ཅིག་ལ་རང་གི་ཕུ་བོ་ཡིན་སྙམ་པ་ཞིག་ཁྲོང་ངེ་བྱུང་ནས་དེས་བྱང་དྲངས་ཏེ། ཆོས་རྔ་ཆེན་པོའི་སྒྲ་ཡིས་ནི། །ཞེས་སོགས་ཤོ་ལོ་ཀ་བརྗོད་མཐར་ནམ་མཁའ་ལ་བྱ་ཁྱུ་འགྲོགས་པ་བཞིན་ཅོ་དིར་གྱིས་གྱེས་སོང་། དེར་སྤུན་ཡིན་སྙམ་པའི་བུད་མེད་གཅིག་ད་དུང་བསྡད་ནས་བསླབ་དོན་ཞུ་རྒྱུ་འདྲ་ཡོད་དེ་འགོལ་འགོལ་ཞིག་གཏན་ནས་མ་བྱུང་ཟེར་ཞིང་། ངེད་ཀྱི་རྣ་བ་གཡོན་པ་ལ་ཁ་སྦྱར་ནས་གཏམ་ཤབ་ཤུབ་ཐོས་རྒྱུ་རང་མེད་པ་མང་ཞིག་ཟེར་བའི་ཐོས་པ་ཞིག་ལ་མི་ཆེན་ཚོ་ལའང་ངོ་འཛིན་རང་ཆེར་གནང་ཞན་འདྲ་ཟེར་བ་དང་། ཡང་ཤབ་བི་ཤུབ་བི་ཁོ་ན་ཟེར་བའི་སྒྲ་མ་གོ། །ཡང་ཐོས་པ་ཞིག་ལ། ཉིད་རང་ལུས་དབེན་པར་བཞུགས་དང་། སྟོན་དཔྱིད་ལ་སོགས་པའི་འཚོ་ཆས་ནི་འབད་མེད་དུ་ཡོང་། ངག་དབེན་པར་བཞུགས་དང་ཟེར་བའི་མོད་ལ་སྐད་ཤུགས་ཆུང་དུ་རང་བཏང་བྱུང་བས། དེ་དག་མ་གོ། །དེ་ལས་སྒྲ་དག་པར་གྱིས་དང་བྱས་པས་ད་དུད་སྐད་ཤུགས་དེ་བས་ཀྱང་ཇེ་ཆུང་དུ་སོང་བས་ཁོ་བོས་རྨི་ལམ་ཡིན་པར་ཤེས་ཏེ་དགོངས་པ་དབྱིངས་ལ་གཏད་པས་གཉིད་ལས་སད་དེ། དྲན་པ་བདེ་སྟོང་ཆེན་པོའི་ངང་དུ་རིང་ཞིག་འདས། ལུང་བསྟན་དེ་ལ་བརྟེན་ནས་མི་ཆེན་སྡིག་ཏོ་ཅན་རྣམས་ཀྱི་ངོ་སྲུང་མ་བགྱིས་སོ། །དེའི་ཚེ་ཟླ་བ་བརྒྱད་པའི་ཚེས་བཅུ་དྲུག་གི་ཉིན་སྒྲུབ་གནས་ཆེན་པོ་ཉིད་ལ་གནས་བསྟོད་ཅིག་བརྩམས་ཏེ་འོད་གསལ་འགྲོ་འོང་མེད་པའི་ངང་དུ་མནལ་བ་ན། དབང་པོ་ཡུལ་ལྔའི་ཐ་མལ་གྱི་འཛིན་པ་དྭངས། གཟུང་ཡུལ་རགས་པ་ཡིད་ཤེས་ཀྱི་ཆུ་མཚོར་ཐིམ། ཀུན་གཞི་མི་རྟོག་པའི་ངང་དུ་སྣང་ཆའི་རྟེན་འབྲེལ་ནུབ་པ་དང་། ལྷག་མཐོང་གསལ་བའི་ཡེ་ཤེས་ཀྱི་སྣང་བའི་འོད་གསལ་གྱི་མེ་ལོང་ཕྱིས་པའི་ངོས་ཤིན་ཏུ་དངས་པར་མ་བྱོན་བདེ་གཤེགས་སྙིང་པོ་རི་རབ་མར་མེའི་རྒྱལ་མཚན་སྣང་བའི་གྲོང་ཁྱེར་དུ་ཁམས་དྲུག་ལྡན་གྱི་མིའི་ཟོལ་ལ་བརྟེན་པ། དཔལ་བསམ་ཡས་པ་ཀུན་མཁྱེན་ངག་གི་དབང་པོ་སྐུ་གཟུགས་བཟང་ལ་ན་བཟའ་ཆོས་གོས་རྣམ་གསུམ་གྱིས་མཛེས་ཤིང་། སྐུ་ན་ཅུང་ཟད་སྨིན་པ། དེ་བཞིན་གཤེགས་པ་ལྟར་མཐོང་ན་མི་མཐུན་པ་མེད་པ་ཞིག་དང་མིག་འཕྲུལ་ལྟ་བུར་མཇལ་ཏེ། བརྗོད་བྱ་དོན་གྱི་ཐུགས་རྒྱུད་འཕོ་བར་གྱུར་ཅིག །འཕོ་བར་གྱུར་ཅིག །རྗོད་བྱེད་ཚིག་གི་བརྒྱུད་པ་རྫོགས་པར་གྱུར་ཅིག །རྫོགས་པར་གྱུར་ཅིག །ཞེས་གསུང་སྒྲ་ལྷང་ལྷང་ཞལ་འདོན་མཛད་པ་ཐོས། དེར་དྲན་པ་འཐོར་འགྲོ་བ་ལྟ་བུའི་དད་པ་དང་མོས་གུས་བཟོད་བླག་མེད་པ་ཞིག་སྐྱེས། ཕྱག་འཚལ་ལོང་མེད་པར་ཀུན་མཁྱེན་བླ་མའི་ཕྱག་གཉིས་ནས་འུབ་ཀྱིས་འཇུས། སྤྱི་བོ་བདེ་ཆེན་གྱི་འཁོར་ལོའི་ཅོད་པན་དུ་བཏགས་ནས། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཞེས་མོས་གུས་ཀྱིས་བརྒྱལ་བ་ཙམ་དུ་གསོལ་བ་བཏབ། ཁོ་བོ་ལ་དུས་ཕྱིས་དེ་སྐད་ཟེར་མཁན་ཡོང་ཕེབས། དེར་སྣང་བ་ལ། ཁམས་འདུས་མེ་ཏོག་ཕྲེང་ལྡན་ལ་སོགས་པར་གསུངས་པ་ལྟར་སེམས་ཅན་བསོད་ནམས་དམན་པས་སྐུ་དངོས་སུ་བཞུགས་དུས་དད་མོས་མེད་ཅིང་ལོག་སྒྲུབ་ཆེ་བའི་ཤུགས་ཀྱིས་ཐུགས་མུག་པར་བྱུང་འདུག་པའི་གསུང་གཅོང་ཡིན་པར་གོ་སྟེ། ངོས་ནས་ཁྱོད་ཀྱི་མཛོད་བདུན་དང་། སྙིང་ཐིག་རྣམས་ཀྱི་དགོངས་གཏེར་གཅིག་པུའི་སྒོ་ནས་བསྟན་པ་དང་སེམས་ཅན་ལ་ཕན་བཏགས་པའི་བཀའ་དྲིན་དྲན་ཅིང་། ཆེ་བའི་ཡོན་ཏན་སངས་རྒྱས་དངོས་དང་མཚུངས་པའི་མོས་གུས་རྒྱུན་གཏན་བྱེད་བཞིན་པར་ལགས་མོད་ཞུས་པས། ང་ལ་སྤྱན་ཧུར་གྱིས་གཟིགས་ནས། རིགས་ཀྱི་བུ་ཁྱོད་ལ་ད་ཅི་སྨོན་ལམ་གཏད་རྒྱའི་སྒོ་ནས་དོན་རྒྱུད་ཀྱི་དགོངས་པ་འཕོས་པ་ཡིན་པས། སྒྲུབ་པའི་སྲོག་མཁར་ཚུགས་ལ་སྐལ་ལྡན་ལ་རྒྱ་ཆེར་སྟོན་ཅིག །ཁྱོད་རང་གི་མགུར་མ་ཡང་ཤིན་ཏུ་ལེགས་པ་བྱུང་འདུག །གསུང་པའི་མོད་ལ་བསླབ་སྟོན་འདྲ་ཞུ་སྙམ་པ་དང་། སྐུ་གསུམ་གྱི་སྣང་ཆ་མིག་འཕྲུལ་ལྟ་བུར་དབྱིངས་སུ་ནུབ་སྟེ། ཀུན་མཁྱེན་བླ་མ་དྲན་པ་ལ་ཚུགས་ཐབས་མེད་པ་ཞིག་བྱུང་ངོ་། །བྲག་ཕུག་འགྲིམ་པའི་སྤྲང་བཙུན་བྷུ་སུ་ཀུ། །དབེན་པར་གནས་ནས་ན་ཚོད་མ་རྒས་པས། །རྟོགས་པ་སྐྱེ་བ་ཤེས་བྱར་མི་སྲིད་སྙམ། །དྲེགས་རློམ་ཅན་གྱིས་ག་ཞ་བྱེད་ན་ཡང་། །རྒྱལ་སྲས་པདྨ་དགེ་བའི་བཤེས་གཉེན་གྱི། །རྫུ་ལ་ཞུགས་པ་ཀློང་གསལ་དྲི་མེད་ཀྱི། །ཞལ་མཐོང་ཙམ་གྱིས་བག་ཆགས་སྡིག་སྒྲིབ་ཟད། །གསུང་ཐོས་ཙམ་གྱིས་རྟོགས་པའི་ཀློང་ཆེན་རྡོལ། །ཐ་སྙད་ཆོས་ལ་བསླབ་གཉེར་མ་བགྱིས་ཀྱང་། །དཔེ་མཐོང་ཙམ་གྱིས་གདམས་པའི་གནད་མཚང་རིག །ཉིན་ཞག་གཅིག་ལ་སེམས་ཅན་སངས་རྒྱས་སུ། །བསྒྱུར་བའི་བཀའ་དྲིན་བསམ་གྱིན་བླ་མ་དྲན། །ཕྱི་ལྟར་ཧཱུྃ་ཆེན་འགྲོ་འདུལ་དྲི་མེད་རྗེ། །ནང་ལྟར་སིངྒའི་སློབ་དཔོན་མཉྫུ་ཤྲཱི། །གསང་བ་ཡེ་ཤེས་སྐུ་ཅན་ཀློང་ཆེན་པས། །བརྡ་ཐབས་རྟེན་འབྲེལ་དུ་མས་དོན་རྒྱུད་བྱིན། །མཐོང་སྣང་ཟ་ཟི་ནམ་མཁའི་གློག་དང་འདྲ། །རྡོ་ལ་ཞབས་རྗེས་མུ་སྟེགས་ནག་པོས་འཇོག །ཉམས་རྟོགས་དབང་པོའི་ཡུལ་དུ་མི་སྣང་བས། །གཞན་ལ་རྟག་བརྟན་ཐེར་ཟུག་སྨྲ་དོན་ཅི། །སྐུ་ཡི་བྱིན་གྱིས་བརླབས་པ་སྟེ་དང་པོའོ།། །།འདི་གནས་ཡིག་རྙིང་པར་ཉང་ཕུག་གོང་མར་གྲགས་པའི་དོན་ལ་ཉང་ཏིང་འཛིན་བཟང་པོའི་སྒྲུབ་ཕུག་བྱ་གཡབས་ཕུག་པ་ལྟ་བུའི་སྒོ་ལོགས་གཡས་ཟུར་ན་ད་ལྟ་བྲག་གསེང་དུ་ཤིང་སྒྲོ་དཀར་སྐྱེས་ཤིང་། བྲག་ལོགས་ལ་མཆོད་རྟེན་གྱི་རི་མོ་གསུམ་ཡོད་པའི་བྲག་ཞོལ་འདེབས་དེར་འཇག་མའི་ལྷགས་སྐྱོབ་ཙམ་ལ་བརྟེན་ནས་འདུག་པའི་སྐབས་ཡིན་ནོ། །དེ་ནས་ཉང་ཕུག་འོག་མའི་ཐ་སྙད་གྲགས་པ་ལ་བརྟེན་ནས་སྔ་རབས་པ་དག་གིས་ལྷོ་ཕྱོགས་ཀྱི་ཕྱིས་བྱུང་གི་བྲག་ཕུག་དེ་ལ་ཉང་ཕུག་གི་ཁ་བྱང་བྲིས་འདུག་ཀྱང་། སྔར་བཤད་པ་ལྟར་གསལ་སྣང་གི་བདེན་པས་ངེས་ཤེས་རྙེད་པའི་སྔོན་ཆོས་རྒྱལ་ཚངས་པ་ལྷའི་མེ་ཏོག་དང་། དེ་རྗེས་མངའ་བདག་ཉང་་་མངའ་བདག་ཉང་གི་སྐྱེ་བ་བཅུ་གསུམ་དྲན།་་་གི་སྒྲུབ་ཕུག་ཡིན་པས་ཉང་ཕུག་འོག་མར་གྲགས་པ་ངེད་རང་གིས་ངོས་བཟུང་ཞིང་མེ་ཏོག་ཕུག་ཏུ་བཏགས་པའི་གནས་སུ་བཅད་མཚམས་ཤིན་ཏུ་དམ་ཞིང་ངེས་འབྱུང་གིས་རྒྱུད་རླན་པ་ཞིག་གི་ཚེ། ཨ་འཐས་གཟུང་ཡུལ་གྱི་འཛིན་ཆ་ཞིག་པའི་སྣང་ངོར་ཡང་གཅིག་ཀུན་མཁྱེན་སངས་རྒྱས་གཉིས་པ་དང་མཇལ་བ་ན། དཔེ་ཆ་བམ་པོ་ཞིག་གནང་ནས་འདིས་ཤིང་རྟ་ཆེན་མོ་ན་གབ་པའི་ཚུལ་དུ་ཡོད་པ་མཐའ་དག་གསལ་བ་ཡོད། ཅེས་དང་། གསང་མཛོད་ཆེན་མོའི་བརྡ་འགྲོལ་གྱི་སྐོར་སྐབས་འདིར་གསུངས་པ་ཡིན། ཡང་འདི་ཁྱེད་རང་གི་སྐྱེ་བརྒྱུད་ལུང་བྱང་ཡིན་ནོ་ཞེས་ཤོག་དྲིལ་ཞིག་གནང་བྱུང་བ་ཁ་ཕྱེ་བས། ཡི་གེ་གོང་འོག་རིམ་པ་གཉིས་ཀྱི་རྣམ་པར་འདུག་པའི་གོང་མར། སྐྱེ་བ་སྔོན་མ་ནི་ཀུན་མཁྱེན་ཆོས་རྗེའོ། །ཞེས་འདུག །ཕྱི་མ་རྣམས་ཀློག་པར་རྩོམ་པ་ན། གསལ་སྣང་དེ་ནམ་མཁའ་ལ་སྤྲིན་དེངས་པ་བཞིན་སོང་ལ། འདིའི་ཚེ་སྐུའི་བྱད་དབྱིབས་སོགས་འདི་ལྟར་འདུག་སྙམ་པའི་འཛིན་ཤེས་རགས་པ་གང་ཡང་མ་བྱུང་ངོ་། །གསུང་གི་བྱིན་གྱིས་བརླབས་ནས་བསྟན་བཅོས་བརྩམ་པར་རྗེས་སུ་གནང་བ་སྟེ་ཞལ་མཐོང་གཉིས་པའོ། །དེ་ནས་ཟླ་ཤས་སོང་ཙ་ན། ཀུན་མཁྱེན་བླ་མ་ཉིད་པཎྜི་ཏའི་ཆ་བྱད་སྣུམ་བག་དང་ལྡན་ཞིང་། ཤིན་ཏུ་གཞོན་ཤ་ཆགས་པ་དགུང་ལོ་ཉི་ཤུ་རྩ་གྲངས་པའི་སྐུ་ན་ཅན། དབུ་ལ་པཎ་ཞྭ་རྣ་རིང་བཞེས་པ་ཞིག་དང་མཇལ་ཏེ། རྡོ་རྗེ་ཕུང་པོའི་དཀྱིལ་འཁོར་་་ལུས་དཀྱིལ་་་རྨད་དུ་བྱུང་བའི་རྟ་བབས་གོང་མ་གཉིས་ཀྱི་འཕྱང་འཕྲུལ་ལ་བརྟེན། ལྷུན་གྲུབ་རིགས་ལྔ་ཡབ་ཡུམ་ཟུང་དུ་འཇུག་པའི་བརྡས། འོད་གསལ་དག་པ་རབ་འབྱམས་ཀྱི་དབང་བསྐུར་ནས། ཅི་ཡང་མི་གསུང་པར་ཤིན་ཏུ་དགྱེས་པ་ཆེན་པོའི་ཞལ་འཛུམ་མུ་ལེ་བའི་ངང་ལ། དག་ཆེན་ཡེ་ཤེས་ཀྱི་སྣང་ཆ་དབྱིངས་སུ་ཐིམ་པར་གྱུར་པ་ནི་ཐུགས་ཀྱི་བྱིན་གྱིས་བརླབས་ནས་དོན་རྒྱུད་རྟོགས་པའི་བདག་པོར་རྗེས་སུ་གནང་བ་སྟེ་ཞལ་མཐོང་གསུམ་པའོ། །དེའི་ཚེ་ཕྱི་ཡུལ་གྱི་སྣང་བ་གཏད་མེད་དུ་གྲོལ་ཏེ་མཉམ་གཞག་གི་དགོངས་པ་ལ་ཕྱོགས་ལྷུང་གི་རིས་མེད། ནང་འཛིན་པའི་འདུ་ཤེས་པ་ལ་རྩིས་གདབ་ཀྱི་རིས་མེད་པས་རང་གྲོལ་ཕྱོགས་ཡན་དུ་སོངས། རྗེས་ཐོབ་ཤེས་རབ་ཀྱི་སྣང་ཆར་དགའ་བ་དང་སྐྱོ་བའི་ཡིད་ཀྱིས་དུས་འདས་ཏེ། དད་པ་དང་གདུང་ཤུགས་དྲག་པོའི་རྐྱེན་གྱིས་བསྟོད་པ་དཔྱིད་ཀྱི་རྒྱལ་མོའི་རྒྱང་གླུ་ཞེས་བྱ་བ་དེ་ཡང་བརྩམས། ཤིང་རྟ་གསུམ་དང་མཛོད་ཆེན་བདུན་གྱི་བརྗོད་བྱའི་དོན་སྙིང་ལ་ཤར་བས་ཀུན་མཁྱེན་ཞལ་ལུང་། པདྨ་དཀར་པོ། གོལ་ཤོར་ཚར་གཅོད་སོགས་མན་ངག་གི་གནད། ལྟ་སྒོམ་གྱི་བཅུད། ཉམས་ལེན་གྱི་མཆོང་ལྟ་བུའི་གནད་ལག་བཅངས་མ་ཚིག་ཉུང་དོན་གསལ་མང་པོ་ཡང་བྲིས། དེ་ཡང་སྒོམ་ཆེན་པ་ནི་བཤད་རལ་དང་རྟོག་དཔྱོད་ལ་གཙོར་འདོན་མི་བྱེད་ཅིང་། ཁྱད་པར་དུ་ཐོས་བསམ་ཙམ་ལ་བརྟེན་པའི་ཐ་སྙད་དང་གནས་ལུགས་བརྗོད་བྲལ་གྱི་དོན་གོ་བའི་ཕོ་ཚོད་ཙམ་གྱིས་གཏན་ལ་ཕབ་པའི་བསྟན་བཅོས་དང་མི་འདྲ་བར་འཁོར་འདས་ཀྱི་ཆོས་ཐམས་ཅད་ལ་རྫོགས་པའི་སངས་རྒྱས་དང་། ཨོ་རྒྱན་ཆོས་རྗེ། བི་མ་ལ། མགོན་པོ་ཀླུ་སྒྲུབ་ལྟར་དབང་སྒྱུར་ནུས་པའི་བརྟུལ་ཞུགས་ཀྱིས་བསྟན་པའི་སྲོག་ཤིང་དུ་བསྒྲུབས་པ་ཀུན་མཁྱེན་ཆེན་པོའི་བསྟན་བཅོས་ཉི་ཟླའི་སྣང་བ་ལྟ་བུ་རྩོད་པ་དང་རྒོལ་ངན་གྱིས་གླགས་ལྟ་བར་མི་བཟོད་པ་འདི་དག་ཡོད་བཞིན་དུ། རང་ཅག་གི་སྲིན་བུའི་མེ་འོད་ལྟ་བུའི་གླེགས་བམ་ཆེན་པོ་བཅོས་པ་ལ་དགོས་པ་མེད་སྙམ་ནས་ལྷོད་དེ་སྡོད་པ་ལ་འདུན་ནོ། །འོན་ཀྱང་དགོངས་གཏེར་ཆེན་པོ་དེ་དག་གི་དོན་ལ་ཐོས་པ་དང་། བསམ་པ་དང་། སྒོམ་པ་དང་། བཀུར་སྟི་དང་། རི་མོར་བྱ་བ་དང་། བཤད་པ་དང་། སྒྲུབ་པའི་སྒོ་ནས་རང་རྒྱུད་སྨིན་གྲོལ་དུ་བསྒྲུབ་ཅིང་གཞན་དག་ལའང་བསྔགས་པར་བརྗོད་པ་དང་། རྒྱ་ཆེར་འདོམས་པའི་སྤྱོད་པ་ལ་བསླབ་པར་དམ་བཅས་ཤིང་། དེ་ཡང་གཞོན་ནུ་ནོར་བཟང་གིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་སྨོན་ལམ་དུ་བཏབ་པར། ལན་ཅིག་ཙམ་ཡང་དད་པ་སྐྱེས་པ་ནི། །བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་བཤད་པ་ལྟར། གདུལ་བར་བྱ་བ་གང་ཟག་གི་དད་པའི་མྱུ་གུ་གསར་དུ་བསྐྱེད་པ་དང་། བྱིན་རླབས་དོན་གྱི་ཉེ་བརྒྱུད་ལག་པའི་མཐིལ་དུ་ཟིན་པའི་རྟེན་འབྲེལ་གྱི་བདེན་པ་མི་འགོག་པའི་ཕྱིར་དུ། ཆོས་ཀྱི་རྣམ་གྲངས་དེ་དག་གི་དོན་ཟབ་པ་དང་རྒྱ་ཆེ་བ་ཇི་སྙེད་ཅིག་དགོངས་པའི་ཀློང་ནས་རང་ཤར་བའི་ཚུལ་དུ་བཀོད་པ་མན་ངག་གི་བསྟན་བཅོས་རིན་པོ་ཆེ་ལུང་གི་གཏེར་མཛོད་ལ་སོགས་པའང་བགྱིས་ནས་རྡོ་རྗེའི་གནས་ཆེན་པོ་རྣམས་གསལ་བར་བགྱིས་པ་ཡིན་ནོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-035&diff=64197 2026-09-29T19:56:28Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ།<br /> |fulltitle=bde ba can du bgrod pa'i cho ga dpag med myur lam<br /> |citation='jigs med gling pa. ''Bde ba can du bgrod pa'i cho ga dpag med myur lam''. In ''Kun mkhyen rig 'dzin 'jigs med gling pa'i gsung 'bum'', Vol. 10: 427-460. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Ritual and Liturgical Texts - cho ga phyag len<br /> |terma=Yes<br /> |cycle=yum bka' bde chen rgyal mo<br /> |cycletib=ཡུམ་བཀའ་བདེ་ཆེན་རྒྱལ་མོ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=035<br /> |pagenumbers=427-460<br /> |totalpages=34<br /> |beginfolioline=1a1<br /> |endfolioline=17b4<br /> |totalfolios=17<br /> |multivolumework=No<br /> |rectonotes=cho ga<br /> |versonotes=bde can cho ga dpag med myur lam<br /> |colophontib=།ཅེས་པའང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོས་བསྐུལ་བའི་ངོར་རང་བྱུང་རྡོ་རྗེས་དཔལ་ལྡན་ཚེ་རིང་ལྗོངས་སུ་སྦྱར་བའོ།།<br /> |colophonwylie=ces pa'ang mdo khams pa 'jigs med phrin las 'od zer gyis nan tan chen pos bskul ba'i ngor rang byung rdo rjes dpal ldan tshe ring ljongs su sbyar ba'o//<br /> |pdflink=File:JLKO-KABUM-10-THA-035.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་པ་བཞུགས།། །། <br /> <br /> ༄༅། །{{TibChung|བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་བྱ་བ། སངས་རྒྱས་སྣང་བ་མཐའ་ཡས་ལ་ཕྱག་འཚལ་ལོ། །འདི་ལ་སྦྱོར་བ་དངོས་གཞི་རྗེས་གསུམ་ལས་དང་པོ་སྦྱོར་བ་ལའང་དྲུག་གི། དང་པོ་ཤོམ་ནི་གང་དུ་བྱ་བའི་གནས་ཁང་བྱི་དོར་བྱས་ཞིང་རྒྱན་བཀོད་དང་། སྐུ་གསུང་ཐུགས་རྟེན་དགྲམ། མཆོད་པ་སྣ་ལྔ་བརྒྱ་རྩ་འབྱོར་ན་རབ། མ་མཐའ་ཡང་བཅུ་ཕྲག་རེ་ལས་མི་ཉུང་བ་བཤམ། གཞན་དོན་སྦྱོང་བ་དང་འབྲེལ་ན་བུམ་སྟེགས་པདྨ་འདབ་བརྒྱད་ལ་ཁྲུས་བུམ་ལ་སོགས་འོག་ཏུ་དགོས་པ་རྣམས་ཀྱང་བཤམ། གཉིས་པ་ནི། གྲུབ་ན་དཀར་ཆ་བཞི་དང་། མ་ནུས་ན་གཞི་བགེགས་སོ་སོར་གཏོར་མ་བཤམ་ལ། བགེགས་ལ།}} ཨ་ཀཱ་རོ་{{TibChung|དང་། གཞི་བདག་ལ།}} མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་པ་ཀུན་འགྲུབ་ཤོག །{{TibChung|ཅེས་པས་བསྔོ། གསུམ་པ་སྐྱབས་སུ་འགྲོ་བ་དང་སྨོན་སེམས་བསྐྱེད་པ་ནི།}} སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །{{TibChung|སོགས་ལན་གསུམ། བཞི་པ་འཇུག་པའི་དོན་དུ་ཚད་མེད་བཞི་བསྒོམ་པ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་{{TibChung|སོགས་ལན་གསུམ། ལྔ་པ་བྱང་སྡོམ་བླངས་པ་དངོས་ནི།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་སློབ་པར་བགྱི། །{{TibChung|ལན་གསུམ།}} དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་བགྱི། །{{TibChung|ལན་གསུམ། དྲུག་པ་ས་གཞི་བྱིན་བརླབ་ནི།}} ཐམས་ཅད་དུ་ཡང་ས་གཞི་དག །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུརྱའི། །རང་བཞིན་འཇམ་པོར་གནས་གྱུར་ཅིག །{{TibChung|ཅེས་བརྗོད་ཅིང་བསམ་མོ། །གཉིས་པ་དངོས་གཞི་ལ། བདག་མདུན་གཉིས་ལས། དང་པོ་བདག་བསྐྱེད་ནི། པདྨ་དྲ་བའི་རྒྱུད་ཀྱི་དགོངས་པ།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། ཧྲཱིཿམཁའ་ཁྱབ་གཞལ་ཡས་ཞིང་གི་བཀོད་པ་ནི། །ཞིང་ཁམས་ཆེན་པོ་གསེར་གྱི་ས་གཞིའི་དབུས། །འབྱུང་བ་ཡོངས་རྫོགས་དྭངས་མའི་རིན་ཆེན་མཚོ། །ཡོངས་སུ་རྒྱས་པའི་དབུས་སུ་སྐྱེས་པ་ཡི། །པདྨའི་སྡོང་པོ་ཁྲི་འཕང་གསུམ་དང་ལྡན། །ཡལ་ག་མེ་ཏོག་འབྲས་བུའི་ཕུར་གྱི་ལྡིང་། །ཆུ་བྱ་སྣ་ཚོགས་ཐེག་གསུམ་ཆོས་སྒྲ་སྒྲོག །ཕན་ཚུན་ཆོས་ཀྱི་རོས་ཚིམས་གར་སྟབས་བསྒྱུར། །ཡལ་འདབ་རེ་རེའང་མཆོད་པའི་ལྷ་མོས་བརྒྱན། །སྙན་པའི་གླུ་དབྱངས་མཛེས་པའི་གར་གྱིས་མཆོད། །རིག་འཛིན་དུ་མ་གསེར་གཡུ་བྱུ་རུ་ཡི། །མདོག་མཚུངས་བུང་བའི་ཚུལ་བཟུང་ཐེག་ཆེན་ཆོས། །བརྡ་དང་སྟོབས་ཀྱིས་སྐལ་ལྡན་རྣམས་ལ་སྒྲོགས། །རིན་ཆེན་ནེའུ་སེང་བྲག་རིའི་ཚལ་གྱིས་བསྐོར། །དེ་དག་རྣམས་ལ་དྲང་སྲོང་རིག་འཛིན་གནས། །མ་ཡེངས་བསམ་གཏན་ཏིང་འཛིན་རོས་གང་བའི། །ཡེ་ཤེས་རྒྱ་མཚོ་ལྷུན་གྱིས་གྲུབ་པར་བཞུགས། །ཕྱོགས་མཚམས་མ་ལུས་ཡེ་ཤེས་འོད་ཀྱི་གུར། །རབ་མཛེས་མདངས་བཀྲ་རིམ་གསུམ་རྣམ་པར་གསལ། །སྟེང་ཕྱོགས་ནམ་མཁའི་འོད་ཀྱི་སྤྲིན་ཕུང་ན། །རིག་འཛིན་ལྷ་དང་མཁའ་འགྲོ་དཔག་མེད་ཀྱིས། །བདུད་རྩིའི་ཁྲུས་གསོལ་མེ་ཏོག་མནྡྷ་ར། །ཁ་དོག་སྣ་ཚོགས་ཆར་འབེབས་རོལ་མོ་སྒྲོག །རི་བོ་ཆེན་པོ་པོ་ཏ་ལ་འདྲ་ཡི། །ཇི་ལྟར་རབ་འབྱམས་དག་པའི་ཞིང་གི་དབུས། །འོད་སྣང་དཀྱིལ་འཁོར་ཆུ་སྐྱེས་ཟླ་བའི་སྟེང་། །སྐད་ཅིག་དྲན་རྫོགས་ཆུ་ལས་ཉ་འཕར་ལྟར། །བདག་ཉིད་ཧྲཱིཿདཀར་མདངས་ལྡན་འོད་འཕྲོས་པས། །རྒྱལ་བ་སྲས་བཅས་སྤྱན་དྲངས་ཧྲཱིཿལ་ཐིམ། །སླར་འཕྲོས་འགྲོ་དྲུག་སྡུག་བསྔལ་སེལ་བྱས་ནས། །དེ་ལྟར་འཕྲོ་འདུས་ཡོངས་སུ་གྱུར་པ་ལས། །བདག་ཉིད་ཐུགས་རྗེ་ཆེན་པོ་སྤྱན་རས་གཟིགས། །སེམས་ཉིད་ངལ་བསོ་ཞལ་གཅིག་ཕྱག་གཉིས་པ། །དཀར་གསལ་མདངས་ལྡན་ཞི་འཛུམ་བཞད་པའི་ཚུལ། །ཕྱག་གཡས་མཆོག་སྦྱིན་དགོས་འདོད་རེ་བ་སྐོང་། །གཡོན་པ་སྟ་ཟུར་ནས་བརྐྱངས་གདན་བརྟེན་མཛད། །པད་དཀར་ཡུ་བ་མཐེབ་མཛུབ་ལ་གནས་པའི། །ཡལ་ག་ལོ་འདབ་སྙན་ཤལ་ཕྱོགས་ཀུན་མཛེས། །སྲིད་ཞིར་མི་གནས་ཞབས་གཉིས་བརྐྱང་བསྐུམ་ཚུལ། །ཡིད་འོང་མཚན་དང་དཔེ་བྱད་ལྷུན་གྱིས་གྲུབ། །སྨིན་མཚམས་མཛོད་སྤུར་འོད་ལྔའི་ཐིག་ལེར་འཁྱིལ། །ཞི་ཚུལ་དགུ་ལྡན་རྒྱན་ཆ་བཅུ་གསུམ་འཆང་། །དབུ་སྐྲ་ཐོར་ཚུགས་ཟུར་ཕུད་ནོར་བུས་སྤྲས། །ཀུན་ནས་བཀྲག་མདངས་འོད་དང་གཟི་བརྗིད་འབར། །ཐུགས་རྗེས་བརྩེ་བས་འགྲོ་ལ་ལྷག་གེར་གཟིགས། །འོད་ཕུང་སྟུག་པོ་སྤྲིན་ལྟར་འཁྲིགས་པའི་ནང་། །འགགས་མེད་ཆོས་ཀྱི་སྐུ་དང་དབྱེར་མེད་བཞུགས། །{{TibChung|ཞེས་གསལ་བཏབ་ལ་བཟླ་བ་ནི།}} ཨོཾ་མ་ཎི་པདྨེ་ཧཱུྃ་ཧྲཱིཿ {{TibChung|ཞེས་ཅི་རིགས་བཟླའོ། །གཉིས་པ་མདུན་བསྐྱེད་ལ་བདུན་ལས། དང་པོ་མཆོད་པ་བྱིན་བརླབ་ནི། དངོས་འཛིན་དང་འབགས་བཙོག་ཏུ་གྱུར་པ།}} སྭ་བྷ་ཝ{{TibChung|ས་སྦྱངས།}} སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བར་ལྷ་རྫས་ལས་གྲུབ་པའི་མཆོད་སྤྲིན་འཕགས་པ་ཀུན་ཏུ་བཟང་པོའི་ཏིང་ངེ་འཛིན་གྱི་རྣམ་པར་འཕྲུལ་པ་རྒྱ་མཚོ་དང་གཉིས་སུ་མེད་པར་གྱུར། ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝཱ་ཏེ། བཛྲ་སཱ་ར་པྲ་མརྟ་ནེ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛྭ་བཛྲེ། མ་ཧཱ་བིདྱ་སྭཱ་ཧཱ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲེ། སརྦ་ཀརྨཱ་ཨ་ཝ་ར་ཎ་བི་ཤོ་དྷ་ན་བཛྲེ་སྭཱ་ཧཱ། {{TibChung|ཞེས་ལན་གསུམ། གཉིས་པ་ཚོགས་ཞིང་བསྒྲུབ་པ་ལ། རྣམ་བྱང་དང་མཐུན་པའི་མོས་པ་ལམ་བྱེད་ཀྱིས་བསྐྱེད་ཆོག་ནི།}} ཨོཾ་མ་ཧཱ་ཤུ་ནྱ་ཏཱ་{{TibChung|སོགས་དང་།}} གཟུང་འཛིན་ལྟར་སྣང་བའི་ཡུལ་ལྔ་ཡིད་ཤེས་དང་བཅས་པ་འཆི་སྲིད་ཆོས་སྐུ་དང་གཉིས་སུ་མེད་པའི་སྟོང་པ་ཉིད་དུ་གྱུར། སྟོང་པའི་ངང་ལས་བར་དོའི་སྲིད་པ་དང་། ཡིད་ཤེས་རྫུས་སྐྱེས་ཀྱི་གནས་ངན་ལེན་ཀུན་ནས་རྣམ་པར་དག་པ་བདེ་བ་ཅན་གྱི་ཞིང་ཁམས་ས་གཞི་ཐམས་ཅད་ལག་མཐིལ་ལྟར་ཀུན་ཏུ་མཉམ་ཞིང་ཆུ་ཞེང་དང་སྲིད་དུ་མི་མངོན་པའི་ཐ་གྲུ་ཀུན་ནས་ཡངས་པ་ལ་འཇིག་རྟེན་ན་མི་སྤྱོད་པའི་རིན་པོ་ཆེ་རྣམ་པ་སྣ་ཚོགས་གཅལ་དུ་བཀྲམ་པས་བཀྲག་ཏུ་བརྟས་པ། རི་ནག་པོ་དང་། ལྷུན་པོ་དང་། ཆུ་གཏེར་དང་། འཁོར་ཡུག་ལ་སོགས་པའི་བསྟི་གནས་ཕལ་པ་མེད་པས་ཀུན་ནས་ཉམས་དགའ་ཞིང་ཤིན་ཏུའང་བལྟ་ན་སྡུག་པ། འབྱོར་པ་རྒྱས་པ། བདེ་བ་ལོ་ལེགས་པ་ལྷ་དང་མི་འབའ་ཞིག་པ་ལས་ངན་སོང་དང་ལྷ་མིན་མེད་པ། རིན་པོ་ཆེའི་རིགས་ཁ་དོག་སྣ་ཚོགས་ལས་གྲུབ་པའི་ཤིང་ལྗོན་པ་རྩ་བ་དང་། ཡལ་ག་དང་། ལོ་འདབ་དང་། མེ་ཏོག་དང་འབྲས་བུ་རྣམས་གསེར་དང་། དངུལ་དང་། བཻ་ཌཱུརྱ་དང་། སྤུག་དང་། མུ་ཏིག་དམར་པོ་དང་། ཤེལ་དང་། རྡོའི་སྙིང་པོ་སྟེ་རིན་པོ་ཆེ་སྣ་བདུན་ལས་བྱས་ཤིང་བལྟ་ན་སྡུག་པ་དཔག་ཚད་སྟོང་དང་དྲུག་བརྒྱའི་དཔངས་དང་ལྡན་པ། གསེར་གྱི་དྲྭ་བས་བརྒྱན་པ་རྣམས་རླུང་གིས་བསྐྱོད་པ་ལས། སྙན་པ་དང་། མཐུན་པ་དང་། ཡིད་དུ་འོང་བའི་སྒྲ་དབྱངས་ཆོག་མི་ཤེས་ཤིང་། དྲི་བསུང་རྒྱས་པའི་མེ་ཏོག་གིས་མི་འགྲེང་བདུན་གྱི་སྲིད་དུ་ཀུན་ནས་བཀྲམ་པ་རྣམས་ནི་མནན་ན་སོར་བཞིས་ནེམ་ཞིང་། བཏེག་ན་དེ་སྙེད་ཀྱིས་མཐོ་བ། གཞན་ཡང་ལྷའི་མེ་ཏོག་ཨུཏྤལ་དང་། པདྨ་དང་། ཀུ་མུད་ཏ་དང་། པདྨ་དཀར་པོའི་ཚལ་ཡིད་དུ་འོང་ཞིང་། འདམ་རྫབ་སྤངས་པའི་གསེར་གྱི་བྱེ་མ་བརྡལ་བ་ལ་སྤྲུལ་པའི་བྱ་ངང་པ་དང་། བཞད་དང་། ཁྲུང་ཁྲུང་དང་། ངུར་པ་དང་། ཀ་རན་ད་དང་། ནེ་ཙོ་དང་། རི་སྐེགས་དང་། ཀུ་ལན་དང་། ཀ་ལ་པིངྐ་དང་། རྨ་བྱ་སོགས་པས་མགྲིན་པའི་རྒྱུད་མངས་འཁྲོལ་བ་སྤོས་ཆུའི་ཀླུང་ཀུན་ཏུ་བཀྲམ་པ་དག་ཀྱང་འབབ་སྟེགས་བདེ་བས་ཅ་ཅོའི་སྒྲ་གཏན་ནས་མི་འབྱུང་ཞིང་རྣམ་པར་བདེ་བ་དང་། ཡིད་ལ་འབབ་པ་དང་། མཉན་པས་ཆོག་མི་ཤེས་པ་དང་། མི་རྟག་པ་དང་། ཞི་བ་དང་། བདག་མེད་པ་དང་། ཚད་མེད་བཞི་དང་། དཀོན་མཆོག་གསུམ་དང་ས་དང་ཕ་རོལ་ཏུ་ཕྱིན་པ་དང་། སྟོབས་བཅུ་དང་། མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། རྣམ་པར་ཐར་པའི་སྒོ་གསུམ་དང་། མངོན་པར་ཤེས་པ་ལྔ་དང་། འོད་ཟེར་ཆེན་པོའི་དབང་བསྐུར་བ་ཐོབ་པའི་སྒྲ་འབྱུང་བས་མཆོག་ཏུ་དགའ་བ་རྒྱ་ཆེན་པོ་ཐོབ་ཅིང་། སྡུག་བསྔལ་བ་དང་། ཀུན་འབྱུང་བ་དང་། སྒྲིབ་པ་དང་། ངན་སོང་དང་། ངན་འགྲོ་ལ་སོགས་པ་ཚོར་བ་སྡུག་བསྔལ་བའི་སྒྲ་ཙམ་ཡང་མེད་པར་དགྲ་བཅོམ་འགོག་པའི་སྙོམས་པར་ཞུགས་པ་ལྟ་བུའི་བདེ་བ་དང་ལྡན་པས་བདེ་བ་ཅན་ཞེས་བྱ་ལ། དེ་བཞིན་དུ་གོས་དང་། རྒྱན་དང་། སྐྱེད་མོས་ཚལ་དང་། བར་སྣང་ལ་འབྱུང་བའི་གཞལ་མེད་ཁང་དང་། རོལ་མོའི་བྱེ་བྲག་དང་། མཆོད་རྫས་ལ་སོགས་པ་ཡོངས་སུ་སྤྱད་པར་བྱ་བའི་འདོད་པའི་ཡོན་ཏན་རྣམ་པ་ཐམས་ཅད་པ་གཞན་འཕྲུལ་དབང་བྱེད་ཀྱི་གནས་དང་མཚུངས་པར་ལྡན་ཞིང་དྭངས་མའི་ཟས་ཀྱིས་ཚིམས་པར་འགྱུར་བ། གཟའ་དང་། རྒྱུ་སྐར་དང་། ཉིན་མཚན་དུ་གདགས་པ་དང་། ཁྱིམ་ཡོངས་སུ་འཛིན་པའི་འདུ་ཤེས་ཀྱང་མེད་ལ་དུས་དང་དུས་སུ་སྤོས་ཆུའི་སྤྲིན་ཆར་མངོན་པར་འབབ་ཅིང་ལྷའི་མེ་ཏོག་དང་། རིན་པོ་ཆེ་དང་། གདུགས་དང་། རྒྱལ་མཚན་དང་། བ་དན་དང་། བླ་རེ་དང་། རྔ་མའི་བསིལ་ཡབ་ལ་སོགས་པ་ནམ་མཁའ་ལ་འཛིན་ཅིང་། ལྷའི་བུ་མོ་དག་ཀྱང་རོལ་མོའི་སྒྲ་དབྱངས་དང་བཅས་གར་བྱེད་པ། མདོར་ན་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱི་གྲངས་དང་ཕ་རོལ་དུ་སོན་པས་ཀྱང་འཇིག་རྟེན་གྱི་ཁམས་བདེ་བ་ཅན་གྱི་བདེ་བའི་རྒྱུ་དང་ཡོན་ཏན་གྱི་ཚོགས་བསྐལ་པར་བརྗོད་ཀྱང་ཟད་མི་ཤེས་པ་དེའི་བླ་དཔག་ཚད་བརྒྱད་སྟོང་པའི་གཞལ་མེད་ཁང་གིས་མཛེས་པའི་དབུས་སུ་རིན་པོ་ཆེ་སྣ་བདུན་ལས་གྲུབ་པའི་ཁྲི་སྟེགས་རབ་ཏུ་མཐོ་བ་རྨ་བྱ་ཟློས་གར་རྩེན་པའི་དབུས་སུ་པཾ་ལས་པདྨ་དམར་པོ་འདབ་མ་སྟོང་དུ་བརྡལ་བ། དེའི་སྟེང་རཾ་ལས་ཉི་མའི་དཀྱིལ་འཁོར་གྱི་དབུས་སུ་རང་གི་རྣམ་པར་ཤེས་པའི་ངོ་བོ་ཡི་གེ་ཧྲཱིཿདམར་པོ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་ས་བོན་ལ་ཐིམ། དེ་ཡོངས་སུ་གྱུར་པ་ལས་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱིས་རྒྱལ་བའི་དབང་པོ་དེའི་མཚན་ཡོངས་སུ་བརྗོད་ཅིང་བསྔགས་པ་བརྗོད་པ་ལ་ཞུགས་པའི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྣང་མཐའ་ཡས་ཚེ་དང་ཡེ་ཤེས་དཔག་ཏུ་མེད་ཅིང་རྡུལ་བྲལ་ཤིན་ཏུ་རྣམ་པར་དག་པ་སྐུ་མདོག་པདྨ་རཱ་གའི་ལྷུན་པོ་ལ་ཉི་མ་བྱེ་བས་འཁྱུད་པའི་གཟི་བྱིན་ཅན། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྟེང་དུ་ལྷུང་བཟེད་ཀྱིས་མཚན་པའི་ཕྱག་གཉིས་མཉམ་པར་བཞག་ཅིང་དར་དམར་སེར་གྱི་ཤམ་ཐབས། སྔོན་པོའི་བླ་གོས། དམར་པོའི་སྣམ་སྦྱར་ཅན། དབུའི་གཙུག་ཏོར་བལྟར་མི་མངོན་པ་ལ་སོགས་པའི་མཚན་དཔེའི་རྒྱན་མ་ཚང་བ་མེད་པས་བརྒྱན་པའོ། །དེའི་གཡས་སུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། གཡོན་དུ་མཐུ་ཆེན་ཐོབ་གཉིས་གཙོ་བོ་ལ་ཞལ་ཕྱོགས་པས་འདུག་པ། མཐའ་བསྐོར་དུ་སངས་རྒྱས་ཀྱི་ཞིང་འདི་དང་། ཞིང་གཞན་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བའི་དགེ་བའི་རྩ་བ་དང་། རྒྱལ་བའི་ཡེ་ཤེས་ཆགས་པ་མེད་པ་ལ་ནེམ་ནུར་གྱི་བློས་བར་དུ་གཅོད་པ་དང་མ་ཡིན་པའི་ཁྱད་པར་ལས། ཉན་ཐོས་འགོག་པའི་ཆོས་ཅན་ལ་སོགས་ཏེ་པདྨའི་མངལ་ལ་སྐྱེད་མོས་ཚལ་དང་གཞལ་མེད་ཁང་དུ་འདུ་ཤེས་ཤིང་བཤང་གཅི་མེད་པར་ལོ་ལྔ་བརྒྱར་གནས་ནས་འབྱུང་ལ། ཉེས་པ་ཟད་པ་རྣམས་ནི་སེམས་དང་བ་ཙམ་ལ་པདྨ་རྣམས་ལ་སྐྱིལ་མོ་ཀྲུང་བཅས་ཏེ་སྐད་ཅིག་ལ་རྫུས་ཏེ་འབྱུང་བའི་བྱང་ཆུབ་སེམས་དཔའ་ཡོངས་སུ་གྲུབ་པ་གྲངས་དང་བློས་མི་ཐུག་པ་དང་། ཉན་ཐོས་དང་རང་སངས་རྒྱས་དང་། ལྷ་དང་མིའི་རྣམ་པ་ཅན་བར་སྣང་ལ་ཆགས་ཐོགས་མེད་པར་འགྲོ་བ། དེ་དག་ཀྱང་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ། ལུས་ཡོངས་སུ་རྫོགས་པ་བསམ་གཏན་དང་མངོན་པར་ཤེས་པ་ལ་མཁས་པ། ཤེས་རབ་ཀྱི་རབ་ཏུ་དབྱེ་བ་བཟོད་པ། དབང་པོ་རྣོ་བ། མ་བསྡམས་པ་མེད་པ། ཀུན་ཤེས་པ། མ་ཞུམ་པ། དབང་པོ་མི་གཡོ་བ། བཟོད་པ་ཐོབ་པ། སངས་རྒྱས་མཐོང་བ་དང་། ཆོས་ཉན་པ་དང་མི་འབྲལ་བ། ལོག་པར་མི་ལྟུང་བ། ཡོན་ཏན་མཐའ་ཡས་མུ་མེད་པ་ཤ་སྟག་གོ། །དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་གྱི་གནས་དང་། བདེ་བ་ཅན་གྱི་ཞིང་ཁམས་ནས་མགོན་པོ་འོད་དཔག་ཏུ་མེད་པ་ལ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་དང་། བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས་པར་གྱུར། {{TibChung|ཞེས་སྙན་བརྣན་ལ། གསུམ་པ་སྤྱན་དྲང་བ་ནི།}} མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མཱ་ཛཿ {{TibChung|ཞེས་པས་སྤྱན་དྲངས། བཞི་པ་བཞུགས་གསོལ་ནི།}} བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། {{TibChung|གྱིས་གཙོ་འཁོར་རྣམས་ལ་གདན་འབུལ་ནས་བཞུགས་གསོལ་བྱ། ལྔ་པ་མཆོད་བསྟོད་ལ་སོགས་པ་སྤྱོད་འཇུག་ལས།}} དེ་བཞིན་གཤེགས་པ་རྣམས་དང་དམ་པའི་ཆོས། །དཀོན་མཆོག་དྲི་མ་མེད་དང་སངས་རྒྱས་སྲས། །ཡོན་ཏན་རྒྱ་མཚོ་རྣམས་ལ་ལེགས་པར་མཆོད། །མེ་ཏོག་འབྲས་བུ་ཇི་སྙེད་ཡོད་པ་དང་། །སྨན་གྱི་རྣམ་པ་གང་ཞིག་ཡོད་པ་དང་། །འཇིག་རྟེན་རིན་ཆེན་ཇི་སྙེད་ཡོད་པ་དང་། །ཆུ་གཙང་ཡིད་དུ་འོང་བ་ཅི་ཡོད་དང་། །རིན་ཆེན་རི་བོ་དང་ནི་དེ་བཞིན་དུ། །ནགས་ཚལ་ས་ཕྱོགས་དབེན་ཞིང་ཉམས་དགའ་དང་། །ལྗོན་ཤིང་མེ་ཏོག་རྒྱན་སྤྲས་སྤུད་པ་དང་། །ཤིང་གང་འབྲས་བཟང་ཡལ་ག་དུད་པ་དང་། །ལྷ་སོགས་འཇིག་རྟེན་ན་ཡང་དྲི་དང་ནི། །སྤོས་དང་དཔག་བསམ་ཤིང་དང་རིན་ཆེན་ཤིང་། །མ་རྨོས་འཁྲུངས་པའི་ལོ་ཏོག་རྣམ་པ་དང་། །གཞན་ཡང་མཆོད་པར་འོས་པའི་རྒྱན་རྣམས་ནི། །མཚོ་དང་རྫིང་བུ་པདྨས་བརྒྱན་པ་དག །ངང་པ་ཤིན་ཏུ་སྐད་སྙན་ཡིད་འོང་ལྡན། །ནམ་མཁའ་རབ་འབྱམས་ཁམས་ཀྱི་མཐས་གཏུགས་ནས། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཆེ་རྣམས་ཀྱིས། །བདག་ལ་བརྩེར་དགོངས་བདག་གི་འདི་དག་བཞེས། །རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་འདི་གཏན་དུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་འཆི་བར་བགྱི། །བདག་ནི་ཁྱེད་ཀྱིས་ཡོངས་སུ་བཟུང་བས་ན། །སྲིད་ན་མི་འཇིགས་སེམས་ཅན་ཕན་པར་བགྱི། །སྔོན་གྱི་སྡིག་ལས་ཡང་དག་འདའ་བགྱིད་ཅིང་། །སྡིག་པ་གཞན་ཡང་སླན་ཆད་མི་བགྱིད་དོ། །ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བར་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡྷ་ར་དང་པདྨ་དང་། །ཨུཏྤལ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་པ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །{{TibChung|དྲུག་པ་བསྙེན་པ་བྱ་བ་ནི།}} མདུན་བསྐྱེད་གསུང་རྡོ་རྗེ་འོད་དཔག་མེད་དུ་གསལ་བའི་ཐུགས་ཀར་ཉི་གདན་ལ་ཧྲཱིཿཡིག་དམར་པོས་མཚན་པའི་མཐའ་བསྐོར་དུ་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས་པས་དོན་གཉིས་བྱས་པར་དམིགས་ལ། ཨོཾ་ཨ་མི་ཏ་བྷ་ཧྲཱིཿ ཨཱཾ་ཨ་རོ་ལི་ཀ་ཧཱུྃ། {{TibChung|ཞེས་བཟླ། བདུན་པ་ལས་སྦྱོར་ལ་གཉིས་ལས་དང་པོ་གསོན་པོའི་དོན་དུ་ཚེ་སྒྲུབ་བྱེད་ན་ཕྱག་མཚན་ཚེ་བུམ་དུ་སྒྱུར།}} སྙིང་གར་པདྨ་འདབ་བཞིའི་དབུས་སུ་ཉི་སྟེང་ཧྲཱིཿདམར་པོ་ལས་འོད་ཟེར་ཀུན་ཏུ་འཕྲོས་པས་ཕྱོགས་བཅུའི་སངས་རྒྱས་བྱང་སེམས་ཉི་ཟླ་ལ་སོགས་པའི་ཚེ་དང་བསོད་ནམས་གཟི་བརྗིད་ཐམས་ཅད་བསྡུས་པས་རང་ལུས་གང་བར་བསམས་ཏེ། {{TibChung|རླུང་ཁ་སྦྱར་ནས་ཐུགས་སྲོག་ལ་ཡིད་བཟླས་བྱ། ཐུན་བསྡུ་བ་ན་}}སྣོད་བཅུད་འོད་དུ་ཞུ་བའི་དངས་མ་ཧྲཱིཿཡིག་ལ་བསྡུས་པས་རྡོ་རྗེའི་སྲོག་ཐོབ་པར་{{TibChung|བསམ་ལ་དགེ་བ་བསྔོ་བར་བྱའོ། །གཉིས་པ་ཁྲུས་ཆོག་འབྲེལ་བར་གཤིན་པོ་ལ་ལམ་བསྟན་བྱེད་ན།}} ཁྲུས་བུམ་དུ་བྱང་ཆུབ་སེམས་དཔའ་ནམ་མཁའི་སྙིང་པོ་རལ་གྲི་དང་དྲིལ་བུ་འཛིན་པ་བསྐྱེད་ལ། ཏྲཱཾ་ཨ་གརྦྷ་ཡ་སརྦ་དུརྒ་ཏེ་སརྦ་པཱ་པཾ་ཤཱནྟིཾཀུ་རུ་སྭཱ་ཧཱ། {{TibChung|ཞེས་བཟླས་ལ་མཐར་ཡེ་ཤེས་པ་གཤེགས།}} དམ་ཚིག་པ་འོད་ཞུ་བྱའོ། །{{TibChung|རང་གཞན་གང་གི་དོན་ཡིན་ཡང་། འདི་ནི་ཚོགས་བསག་པ་དང་། ཞིང་ཁམས་སྦྱོང་བ་གཙོ་བོར་གྱུར་པའི་ལམ་ཡིན་པས་བཟླས་པ་བརྒྱ་འཁོར་རེའི་མཚམས་སུ་ཡན་ལག་བདུན་་་་་་་༼ཨོཾ་ཨཱཿཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ།༽ པ་དང་བཟང་སྤྱོད་སྦྲེལ་ནས་གྲངས་གསོག་བྱ་བ་གསོན་གཤིན་གཉིས་ཀའི་དོན་ལ་འདྲའོ། །གཤིན་པོ་ལ་ལམ་བསྟན་གྱི་ཚེ་དང་པོ་རྟེན་ལ་རྣམ་ཤེས་དགུག་པ་ནི།}} སྟོང་པའི་ངང་ལས་པདྨ་དང་ཟླ་བའི་གདན་ལ་ནྲྀ་ཡོངས་སུ་གྱུར་པ་ལས་ཚེ་འདས་ཀྱི་ཕུང་པོ་དང་སྐྱེ་མཆེད་ལ་སོགས་པ་གསོན་གྱི་གནས་སྐབས་ཇི་ལྟ་བར་གྱུར། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཆོས་ཉིད་རང་བཞིན་གྱི་རྣམ་པར་དག་པའི་བདེན་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུ་བཅོམ་ལྡན་འདས་མགོན་པོ་འོད་དཔག་མེད་འཁོར་དང་བཅས་པའི་བདེན་པ་དང་། ཐུགས་བསྐྱེད་དང་སྨོན་ལམ་བསམ་གྱིས་མི་ཁྱབ་པའི་བྱིན་རླབས་ལ་བརྟེན་ནས་ཚེ་ལས་འདས་པ་ྖྒཻ་མོའི་རྣམ་པར་ཤེས་པ་འགྲོ་བ་རིགས་དྲུག་སྲིད་པ་བར་དོ་གང་ན་གནས་ཀྱང་རྟེན་འདི་ལ་མཆིས་པར་གྱུར་ཅིག །{{TibChung|ལན་གསུམ། གཉིས་པ་བགེགས་ལ་གཏོར་མ་སྦྱིན་པ་ནི།}} ཨོཾ་སརྦ་བིགྷ་ནན་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཏད་ཁཾ་ཨུཏྒ་ཏེ་སྥ་ར་ཎ་ཧི་མཾ་ག་ག་ན་ཁཾ་ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་བགེགས་རྣམས་གཏོར་མ་འདིས་བརྔན་གྱིས་ལ་སོང་ཞིག །{{TibChung|ལན་གསུམ། ཏིང་ལོ་ཆང་བུ་དང་བཅས་བསྐོར་ཞིང་།}} ཨོཾ་སུཾ་བྷ་ནི་སུཾ་བྷ་ཧཱུྃཿ གྲྀ་ཧྞཱ་གྲྀ་ཧྞཱ་ཧཱུྃཿ གྲྀ་ཧྞཱ་པཱ་ཡ་གྲྀ་ཧྞཱ་པཱ་ཡ་ཧཱུྃཿ ཨཱ་ན་ཡ་ཧོཿ བྷ་ག་ཝཱན་བིདྱཱ་རཱ་ཛ་ཡ་ཧཱུྃ་ཕཊཿ ཏིང་ལོས་སྣང་བ་དང་ཆང་བུས་བཟའ་བ་གྱིས་ལ་སོང་ཞིག །{{TibChung|གསུམ་པ་མཚམས་བཅད་པ་ནི། མེའི་རྒྱ་བསྟན་ཏེ།}} ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་རྟྞ་ཧཱུྃ་ཕཊཿ {{TibChung|བཞི་པ་སྡིག་པ་སྦྱོང་བ་ལ་ལྔ་ལས། དང་པོ་རིག་སྔགས་ཀྱིས་སྦྱོང་བ་ནི་རྣམ་རྒྱལ་མའི་རྩ་རིག་ཡིག་བརྒྱ་སོགས་བཟླས་པའི་བྱེ་མ་དང་ཡུངས་ཀར་གྱིས་བྲབ་ཅིང་།}} ཨོཾ་ཤྭ་དྷ་ནི་ཤྭ་དྷ་ནི་སརྦ་པཱ་པཾ་བི་ཤོ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨཱ་ཨཱ་ཝ་ར་ནི་བི་ཤུདྡྷེ་སྭཱ་ཧཱ། ཨོཾ་ན་མོ་བྷ་ག་ཝཱ་ཏེ་སརྦ་དུརྒ་ཏེ་པ་རི་ཤྭ་དྷ་ནི་རཱ་ཛ་ཡ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་ཤྭ་དྷ་ནི་ཤྭ་དྷ་ནི། བི་ཤྭ་དྷ་ནི་བི་ཤྭ་དྷ་ནི། སརྦ་པཱ་པཾ་བི་ཤྭ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨཱ་ཨ་བ་ར་ཎ་བི་ཤུདྡྷེ་སྭཱ་ཧཱ། ཨོཾ་སརྦ་བིདྱཱ་སརྦ་ཨཱ་ཝ་ར་ཎ་བི་ཤྭ་དྷ་ཡ་ཧ་ན་ཧཱུྃ་ཕཊཿ ཨོཾ་སརྦ་བིད་ཧཱུྃ། ཨོཾ་སརྦ་བིད་ཕཊཿ ཨོཾ་སརྦ་བིད་ཨཱཿ ཨོཾ་སརྦ་བིད་ཏྲཊཿ ཨོཾ་སརྦ་བིད་ཨོཾཿ ཨོཾ་སརྦ་བིད་སྭཱཿ ཨོཾ་སརྦ་བིད་ཨཱཿ ཨོཾ་སརྦ་བིད་ཧཱུྃཿ ཨོཾ་སརྦ་བིད་ཏྲཊཿ ཨོཾ་ཤཿ ཨོཾ་བྷཿ རིག་པ་ཆེན་པོ་འདིའི་བྱིན་རླབས་ཀྱིས་ཚེ་ལས་འདས་པའི་སྡིག་སྒྲིབ་དང་ངན་སོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ། {{TibChung|ཞེས་གང་མང་བརྗོད། གཉིས་པ་བུམ་ཆུས་མེ་ལོང་ངོས་སམ། རུས་བུ་སོགས་ལ་དངོས་སུ་བཀྲུ་ཞིང་།}} འོད་དཔག་མེད་མགོན་སྨོན་ལམ་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །སྦྱིན་པའི་ཆུ་བོ་ལ་བརྟེན་ནས། །སེར་སྣའི་རྒྱུ་འབྲས་དག་པར་ཤོག །ཨོཾ་ཨ་མི་ཏེ་ཨ་མི་ཏེ། ཨ་མི་ཏོད་བྷ་བེ། ཨ་མི་ཏ་སཾ་བྷ་བེ། ཨ་མི་ཏ་བི་ཀྲནྟེ། ཨ་མི་ཏ་བི་ཀྲནྟེ་ག་མི་ནི་སརྦ་ཀརྨ་ཀླེ་ཤ་ཀྵ་ཡཾ་ཀ་ར་སྭཱ་ཧཱ། ན་མཿས་མནྟ་བུདྡྷཱ་ནཱཾ། ཨཱ་ཀ་ཤ་ས་མ་ཏ་ནུ་ག་ཏ་པི་ཙི་ཏྲཾ་བ་ར་དྷ་ར་སྭཱ་ཧཱ། སྤྱན་རས་གཟིགས་ཀྱི་སྙིང་རྗེ་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །ཚུལ་ཁྲིམས་ཆུ་བོ་ལ་བརྟེན་ནས། །ཁྲིམས་འཆལ་རྒྱུ་འབྲས་དག་པར་ཤོག །ན་མཿས་མནྟ་བུདྡྷཱ་ནཱཾཿ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཀཱ་རུ་ཎ་མཱ་ཡ་ར་ར་ར་ཧཱུྃ་ཛ་སྭཱ་ཧཱ། མཐུ་ཆེན་ཐོབ་པའི་ནུས་སྟོབས་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བཟོད་པའི་ཆུ་བོ་ལ་བརྟེན་ནས། ཁོང་ཁྲོའི་རྒྱུ་འབྲས་དག་པར་ཤོག །ན་མཿས་མནྟ་བུདྡྷ་ནཱཾ་ཛིཾ་ཛིཾ་སྭཱ་ཧཱ། སྒྲིབ་པ་རྣམ་སེལ་བྱིན་རླབས་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བརྩོན་འགྲུས་ཆུ་བོ་ལ་བརྟེན་ནས། །ལེ་ལོའི་རྒྱུ་འབྲས་དག་པར་ཤོག །ན་མཿས་མནྟ་བུདྡྷ་ནཱཾ། ཨཥྚ་ས་ཏྭ་ཧི་ཏ་ཨ་བྷྱ་ག་ཏ་ཏཾ་ཏཾ་རཾ་རཾ་སྭཱ་ཧཱ། བྱམས་པ་དང་ནི་སའི་སྙིང་པོ། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བསམ་གཏན་ཆུ་བོ་ལ་བརྟེན་ནས། །རྣམ་གཡེང་རྒྱུ་འབྲས་དག་པར་ཤོག །ན་མཿས་མནྟ་བུདྡྷ་ནཱཾ། ཨ་ཛི་ཏཉྫ་ཡ་སརྦ་ཏྭ་ཤ་ཡ་ཨ་ནུ་ག་ཏ་སྭཱ་ཧཱ། ཧ་ཧ་ཧ་བུ་ན་ཏ་ནུ་སྭཱ་ཧཱ། འཇམ་དཔལ་དབྱངས་དང་ཀུན་ཏུ་བཟང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །ཤེས་རབ་ཆུ་བོ་ལ་བརྟེན་ནས། །རྨོངས་པའི་དྲི་མ་དག་པར་ཤོག །ན་མཿས་མནྟ་བུདྡྷ་ནཱཾ། ཧེ་ཧེ་ཀུ་མ་རཱ་ཀ་ནི་མུྒྟེ་པ་ཐ་པ་ཐ་ཏ་སྨ་ར་སྨ་ར་པྲ་ཏི་ཛྙཱ་ན་སྭཱ་ཧཱ། ས་མནྟ་ནུ་ཀ་ཏ་བི་རཱ་ག་དྷརྨཱ་ནི་རཱ་ཛ་ཏ་མ་ཧཱ་མ་ཧཱ་སྭཱ་ཧཱ། {{TibChung|གསུམ་པ་མཆོག་གསུམ་གྱི་བདེན་པས་སྦྱོང་བ་ནི།}} འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་སངས་རྒྱས་དུག་མི་མངའ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དམ་ཆོས་དུག་མི་མངའ། །དམ་ཆོས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་བདེན་པས་དུག་བཅོམ་མོ། །{{TibChung|བཞི་པ་འབྱུང་བཞིའི་དུག་སྦྱོང་བ་ནི། སོ་སོའི་སྟེང་དུ་ཀུ་ཤས་དབྱུང་བའི་ཚུལ་དུ།}} ས་ནི་དུག་གི་ཕ་ཡིན་ཏེ། །ས་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ས་ཡི་ནང་དུ་སོང་། །ཆུ་ནི་དུག་གི་ཕ་ཡིན་ཏེ། །ཆུ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ཆུ་ཡི་ནང་དུ་སོང་། །མེ་ནི་དུག་གི་ཕ་ཡིན་ཏེ། །མེ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་མེ་ཡི་ནང་དུ་སོང་། །རླུང་ནི་དུག་གི་ཕ་ཡིན་ཏེ། །རླུང་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་རླུང་གི་ནང་དུ་སོང་། །ལྔ་པ་ཤིས་པ་བརྗོད་པ་ནི། བྱང་ཆུབ་སྙིང་པོར་གཤེགས་པ་ན། །ས་རྣམས་དྲུག་པོ་གཡོས་གྱུར་ཅིང་། །བདུད་ཡིད་མི་བདེར་གྱུར་པ་དེས། །ཁྱེད་ལ་བདེ་ལེགས་མཛད་པར་གྱུར། །ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་རྣམས་གསུང་ཞིང་། །ཐུབ་པའི་སྙན་པ་གང་བྱུང་དེས། །ཁྱེད་ལ་བདེ་ལེགས་མཛད་པར་གྱུར། །ཡིད་འཕྲོག་གང་ཞིག་མུ་སྟེགས་བྱེད། །ཐམས་ཅད་ཆོས་ཀྱིས་ཕམ་མཛད་ཅིང་། །ཚོགས་ཀུན་དབང་དུ་མཛད་པ་དེས། །ཁྱེད་ལ་བདེ་ལེགས་མཛད་པར་གྱུར། །{{TibChung|དེ་ནས་ཟས་བསྔོ་བ་ནི། བཟའ་བཏུང་གྱ་ནོམ་པ་དང་། དྲི་བསུང་ཞིམ་པོའང་སྦྱང་ལ།}} ཨ་ཀཱ་རོ{{TibChung|ས་བསྔོས་ལ།}} འགྲོ་བ་གང་དག་སྔ་མའི་ལུས་རྟེན་བོར་ཕྱི་མའི་ལུས་མ་རྙེད། སྲིད་པ་བར་དོར་ཉམ་ང་བའི་འཕྲང་ལ་སྐྱབས་དང་སྐྱོབ་པ་མེད་པ། མགོན་དང་དཔུང་གཉེན་བྲལ་བ། མིང་བཞི་འདུས་པའི་ཕུང་པོ། ཚོར་བ་སྡུག་བསྔལ་གྱི་རང་བཞིན། འཇིགས་སྐྲག་འཁྲུལ་སྣང་གིས་མནར་བ་གར་འགྲོའི་གཏད་པ་དང་བྲལ་བའི་བར་དོའི་སེམས་ཅན་ྖྒཻ་མོས་གཙོ་བྱས་པ་རྣམས་ལ་འབུལ་ལོ། །བར་དོའི་སྡུག་བསྔལ་དང་བྲལ་ནས་མྱུར་དུ་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ན་མོ། བདག་གི་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་རྣམས་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པར་འགྲུབ་གྱུར་ཅིག །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །{{TibChung|གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་བཤགས་པ་དང་འབྲེལ་བར་ཐུགས་རྗེ་བསྐུལ་བ་ནི།}} ཕྱོགས་རྣམས་ཀུན་ན་བཞུགས་པ་ཡི། །རྫོགས་སངས་རྒྱས་དང་དེ་ཡི་སྲས། །ཐུགས་རྗེ་ཆེན་པོ་མངའ་རྣམས་ལ། །ཐལ་མོ་སྦྱར་ཏེ་གསོལ་བ་ནི། །ཐོག་མ་མེད་ལྡན་འཁོར་བ་ནས། །ཚེ་རབས་འདིའམ་གཞན་དག་ཏུ། །བདག་གིས་མ་འཚལ་སྡིག་བགྱིས་པ། །བགྱིད་དུ་སྩལ་བ་ཉིད་དང་ནི། །གཏི་མུག་འཁྲུལ་པས་བདག་ནོན་ཏེ། །རྗེས་སུ་ཡི་རང་གང་ཡིན་པ། །ནོངས་པ་དེ་ནི་མཐོང་བགྱིས་ནས། །བསམ་པ་ཐག་པས་མགོན་ལ་བཤགས། །བདག་གིས་དཀོན་མཆོག་གསུམ་དང་ནི། །ཕ་མའམ་བླ་མ་གཞན་དག་ལ། །ཉོན་མོངས་སྒོ་ནས་ལུས་ངག་དང་། །ཡིད་ཀྱིས་གནོད་བགྱིས་གང་ལགས་དང་། །ཉེས་པ་དུ་མས་སྐྱོན་ཆགས་པའི། །སྡིག་ཅན་བདག་གི་སྡིག་པ་གང་། །ཤིན་ཏུ་མི་བཟད་བགྱིས་པ་དེ། །ཐམས་ཅད་འདྲེན་པ་རྣམས་ལ་བཤགས། །བདག་གི་སྡིག་པ་མ་བྱང་བར། །སྔོན་དུ་འགུམ་པར་འགྱུར་དུ་མཆི། །དེ་བས་འདི་ལས་ངེས་ཐར་བྱ། །མྱུར་བའི་ཚུལ་གྱིས་བསྐྱབ་ཏུ་གསོལ། །ཡིད་བརྟན་མི་རུང་འཆི་བདག་འདི། །བྱས་དང་མ་བྱས་མི་སྡོད་པས། །ན་དང་མི་ན་ཀུན་གྱིས་ཀྱང་། །གློ་བུར་ཚེ་ལ་ཡིད་མི་བརྟན། །ཐམས་ཅད་བོར་ཏེ་ཆ་དགོས་པར། །བདག་གིས་དེ་ལྟར་མ་ཤེས་པས། །མཛའ་དང་མི་མཛའི་དོན་གྱི་ཕྱིར། །སྡིག་པ་རྣམ་པ་སྣ་ཚོགས་བྱས། །མི་མཛའ་རྣམས་ཀྱང་མེད་འགྱུར་ཞིང་། །མཛའ་བ་རྣམས་ཀྱང་མེད་པར་འགྱུར། །རྨི་ལམ་ཉམས་སུ་མྱོང་བ་བཞིན། །དངོས་པོ་གང་དང་གང་སྤྱད་པ། །དེ་དེ་དྲན་པའི་ཡུལ་དུ་འགྱུར། །འདས་པ་ཐམས་ཅད་མཐོང་མི་འགྱུར། །རེ་ཞིག་གསོན་ཚེ་འདི་ཉིད་ལ། །མཛའ་དང་མི་མཛའ་དུ་མ་འདས། །དེ་དག་དོན་དུ་བྱས་པའི་སྡིག །མི་བཟད་གང་ཡིན་མདུན་ན་གནས། །དེ་ལྟར་བདག་ནི་གློ་བུར་ཞེས། །བདག་གིས་རྟོགས་པར་མ་གྱུར་པས། །གཏི་མུག་ཆགས་དང་ཞེ་སྡང་གིས། །སྡིག་པ་རྣམ་པ་དུ་མ་བྱས། །ཉིན་མཚན་སྡོད་ས་ཡོད་མེད་པར། །ཚེ་འདི་རྟག་ཏུ་གོད་འགྱུར་ཞིང་། །བསྣོན་པ་གུད་ནས་འོང་མེད་ན། །བདག་ལྟ་འཆི་བར་ཅིས་མི་འགྱུར། །བདག་ནི་མལ་ན་འདུག་བཞིན་དུ། །གཉེན་བཤེས་ཀུན་གྱིས་མཐའ་བསྐོར་ཀྱང་། །སྲོག་འཆད་པ་ཡི་ཚོར་བ་དག །བདག་ཉིད་གཅིག་པུས་མྱོང་བར་འགྱུར། །གཤིན་རྗེའི་ཕོ་ཉས་ཟིན་པ་ལ། །གཉེན་གྱིས་ཅི་ཕན་བཤེས་ཅི་ཕན། །དེ་ཚེ་བསོད་ནམས་སྐྱབས་གཅིག་པ། །དེ་ཡང་བདག་གིས་མ་བསྟེན་ཏོ། །མགོན་པོ་བག་མེད་བདག་གིས་ནི། །འཇིགས་པ་འདི་འདྲ་མ་འཚལ་ནས། །མི་རྟག་ཚེ་འདིའི་ཆེད་དག་ཏུ། །སྡིག་པ་མང་པོ་ཉེ་བར་བསྒྲུབས། །སྐྱེ་བོ་ཡན་ལག་བཅད་པའི་སར། །དེ་རིང་ཁྲིད་པའང་བྲེད་གྱུར་ཏེ། །ཁ་སྐམ་མིག་རྩ་ངན་ལ་སོགས། །སྔ་ལས་གཞན་དུ་འགྱུར་སྣང་ན། །གཤིན་རྗེའི་ཕོ་ཉ་འཇིགས་འཇིགས་ལྟའི། །ཤ་ཚུགས་ཅན་གྱིས་བཟུང་འགྱུར་ཞིང་། །འཇིགས་ཆེན་ནད་ཀྱིས་ཐེབས་གྱུར་པ། །རབ་ཏུ་ཉམ་ཐག་སྨོས་ཅི་དགོས། །སུ་ཞིག་འཇིགས་ཆེན་འདི་ལས་བདག །ལེགས་པར་སྐྱོབ་པར་བྱེད་འགྱུར་ཞེས། །བྲེད་ཤ་ཐོན་པའི་མིག་བགྲད་ནས། །ཕྱོགས་བཞིར་སྐྱབས་དག་འཚོལ་བར་བྱེད། །ཕྱོགས་བཞིར་སྐྱབས་མེད་མཐོང་ནས་ནི། །དེ་ནས་ཀུན་ཏུ་ཡི་མུག་འགྱུར། །གནས་དེར་སྐྱབས་ཡོད་མ་ཡིན་ན། །དེ་ཚེ་བདག་གིས་ཇི་ལྟར་བྱ། །དེ་བས་རྒྱལ་བ་འགྲོ་བའི་མགོན། །འགྲོ་བ་སྐྱོབ་པའི་དོན་བརྩོན་པ། །སྟོབས་ཆེན་འཇིགས་པ་ཀུན་སེལ་ལ། །དེ་རིང་ཉིད་ནས་སྐྱབས་སུ་མཆི། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་བ་དང་། །བྱང་ཆུབ་སེམས་དཔའི་ཚོགས་ལ་ཡང་། །དེ་བཞིན་ཡང་དག་སྐྱབས་སུ་མཆི། །བདག་ནི་འཇིགས་པས་རྣམ་སྐྲག་པས། །ཀུན་ཏུ་བཟང་ལ་བདག་ཉིད་དབུལ། །འཇམ་པའི་དབྱངས་ལའང་བདག་ཉིད་ཀྱིས། །བདག་གི་ལུས་འདི་དབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་བའི། །སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །སྡིག་ལྡན་བདག་ལ་བསྐྱབ་ཏུ་གསོལ། །འཕགས་པ་ནམ་མཁའི་སྙིང་པོ་དང་། །ས་ཡི་སྙིང་པོ་དག་དང་ནི། །ཐུགས་རྗེ་ཆེ་མགོན་ཐམས་ཅད་ལ། །སྐྱབས་འཚོལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཅུར་འབྱེར་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱོད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། །ཁྱེད་ལ་སྐྱབས་སུ་མཆི་ལགས་ཀྱིས། །འཇིགས་པ་མྱུར་དུ་བསལ་དུ་གསོལ། །{{TibChung|ཞེས་གཞན་དོན་ལ་ཚིག་ཕྲད་བསྒྱུར། དེ་ནས་སྦྱོང་བ་དང་འབྲེལ་ན་ལམ་བསྟན་པ་ནི།}} ཉོན་ཅིག་ཚེ་འདས་རིགས་ཀྱི་བུ། །འཁོར་བ་སྡུག་བསྔལ་ཅན་ཕུང་པོར། །འགྱུར་དང་འདུ་བྱེད་ཉིང་འཁྲུལ་ཅན། །ལས་ལ་སྐྱེ་ཞིང་ལས་ལ་བརྟེན། །དེ་ཕྱིར་དེ་ལ་མ་ཆགས་པར། །བླ་མ་དཀོན་མཆོག་རྣམས་ཀྱི་མཐུ། །དད་པའི་ཡུལ་ལ་ཤིན་ཏུ་སྣང་། །མོས་གུས་སྐྱེད་ཅིག་རིགས་ཀྱི་བུ། །འདི་ནས་ནུབ་ཀྱི་ཕྱོགས་རོལ་ན། །བདེ་བ་ཅན་གྱི་ཞིང་ཁམས་ཡོད། །མགོན་པོ་འོད་དཔག་མེད་པ་བཞུགས། །གང་ཞིག་ཡིད་ལ་དྲན་པའི་མོད། ཁྱེད་ཀྱང་དེ་རུ་ཕྱིན་འགྱུར་བས། །མགོན་པོ་དེ་ཡི་མཚན་ཟུང་ལ། །ཡིད་གཉིས་སྤོངས་ལ་དེར་གཤེགས་ཤིག །{{TibChung|སྦྱང་བྱའི་རྣམ་ཤེས་ཧཱུྃ་གི་རྣམ་པ་བདེ་བ་ཅན་དུ་འཕངས་པའི་དེ་མ་ཐག་བྱང་བུ་བསྲེག་ཅིང་།}} རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །{{TibChung|སོགས་ཀྱིས་སྨོན་ལམ་བཏབ། གཉིས་པ་ཐུན་མཚམས་ཀྱི་རྣལ་འབྱོར་ནི། སྔགས་སྤྱིའི་བསྐྱེད་རིམ་ལྟར་རྟག་ཆད་ཀྱི་མཐའ་བསལ་བའི་དོན་ལ་འཇུག་མི་དགོས་ཏེ། འཇིག་རྟེན་གྱི་ཁམས་བདེ་བ་ཅན་ནི་ད་ལྟ་འཚོ་ཞིང་གཞེས་པའི་སངས་རྒྱས་ཀྱི་ཞིང་ཡིན་པས་རྣམ་པ་ཐམས་ཅད་དུ་དེ་སྒོམ་ཞིང་ཡིད་ལ་བྱེད་པ་དང་མི་འབྲལ་བས་ཐ་མལ་གྱི་སྣང་བ་ཞིང་ཁམས་སུ་གོམས་པ་ལ་སློབ་པའི་ཚུལ། གང་ཞིག་སྟོན་པའི་མདོ་སྡེ་ལས། ཀུན་དགའ་བོ་གང་དག་ཡང་དེ་བཞིན་གཤེགས་པ་དེ་ཡིད་ལ་བྱེད་ཅིང་དགེ་བའི་རྩ་བ་མང་པོ་དཔག་ཏུ་མེད་པ་རྒྱུན་དུ་བསྐྱེད་ལ་སངས་རྒྱས་ཀྱི་ཞིང་དེ་ན་སེམས་ཡང་དག་པར་གཏོད་པ་དེ་དག་འཆི་བའི་དུས་ཉེ་བར་གནས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེའི་ཁ་དོག་དང་། དབྱིབས་དང་། ཆུ་ཞིང་དང་། ཞབས་འབྲིང་བ་དགེ་སློང་གི་དགེ་འདུན་ནི་འདྲ་བས་སངས་རྒྱས་ཀྱི་སྤྲུལ་པ་དག་མདུན་དུ་གནས་པར་གྱུར་ཏེ། དེ་དག་དེ་བཞིན་གཤེགས་པ་མཐོང་བའི་རབ་ཏུ་དང་བ་ལ་དམིགས་པའི་ཏིང་ངེ་འཛིན་དེ་དང་བརྗོད་པ་མེད་པའི་དྲན་པས་ཤི་འཕོས་ནས་སངས་རྒྱས་ཀྱི་ཞིང་དེ་ཉིད་དུ་སྐྱེ་བར་འགྱུར་རོ། །ཞེས་སོ། །དེ་བས་ན་དགེ་སློང་ཆོས་ཀྱི་འབྱུང་གནས་སྨོན་ལམ་ཕུན་སུམ་ཚོགས་པ་དེའི་དམ་བཅའ་བསྐུལ་བའི་ཕྱིར།}} གལ་ཏེ་བདག་གིས་བྱང་ཆུབ་ཐོབ་ཚེ་སྨོན་ལམ་མཆོག །ཁྱད་པར་འཕགས་པ་རྣམ་པ་འདི་འདྲར་མ་གྱུར་ན། །སྟོབས་བཅུ་མངའ་བ་མཚུངས་པ་མ་མཆིས་སྦྱིན་པའི་གནས། །མི་ཡི་སེང་གེ་སེམས་ཅན་སྙིང་པོར་བདག་མ་གྱུར། །སེམས་ཅན་གང་དག་ང་ཡི་མིང་ཐོས་ནས། །ང་ཡི་ཞིང་དུ་རྟག་ཏུ་འོང་བར་ཤོག །ང་ཡི་སྨོན་ལམ་བཟང་པོ་དེ་རྫོགས་པས། །འཇིག་རྟེན་ཁམས་མང་དག་ནས་སེམས་ཅན་འོང་། །དེ་དག་ང་ཡི་ཞིང་དུ་ལྷགས་ནས་ནི། །དེ་དག་སྐྱེ་བ་གཅིག་ལས་ཕྱིར་མི་ལྡོག །དེ་ཕྱིར་བྱང་ཆུབ་སེམས་དཔའ་གང་ཞིག་འདིར། །བདག་གི་ཞིང་ཡང་འདི་འདྲར་གྱུར་པ་དང་། །བདག་གི་སྒྲ་དང་མིང་དང་ལྟ་བས་ཀྱང་། །སེམས་ཅན་མང་པོ་གྲོལ་བར་བྱ་ཞེས་པའི། །བདེན་པའི་གསུང་ལ་ཡིད་གཉིས་གནས་མེད་ན། །ཚེ་འདིའི་འདུ་བྱེད་སྟོངས་པར་ཕྱོགས་པའི་ཚེ། །འོད་ནི་དཔག་མེད་གཟི་བརྗིད་དཔག་མེད་པ། །སྐུ་ཚེ་དཔག་མེད་དགེ་འདུན་དཔག་མེད་པ། །བྱང་ཆུབ་སེམས་དཔས་བསྐོར་ཞིང་མཛེས་གྱུར་པའི། །སངས་རྒྱས་བསོད་ནམས་ཕུང་པོ་མཐོང་བར་ཤོག །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །{{TibChung|གསུམ་པ་བསྔོ་བ་ནི།}} འགྲོ་ཀུན་དགེ་བ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དག །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ནས་ཀུན་ཀྱང་བཟང་པོ་རེད་གྱུར་ཅིག །{{TibChung|རྣམ་སྣང་མངོན་བྱང་ལས།}} སེམས་ཅན་ཐམས་ཅད་བདེ་གྱུར་ཅིག །ཐམས་ཅད་ནད་ཀྱང་མེད་པར་ཤོག །ཡང་ན་དེ་བཞིན་གཤེགས་བསྔགས་པའི། །འདོད་པ་ཕུན་སུམ་ཚོགས་གྱུར་ཅིག །ཡང་ན་སེམས་ཅན་ཐམས་ཅད་ཀྱང་། །རེ་བ་ཐམས་ཅད་ཡོངས་རྫོགས་པ། །སྒྲིབ་པ་མེད་པའི་ཚུལ་གྱིས་སུ། །མ་ཐོགས་པར་ནི་འགྲུབ་པར་ཤོག །དུད་འགྲོ་གཅིག་ལ་གཅིག་ཟ་བའི། །སྡུག་བསྔལ་ནམ་ཡང་འབྱུང་མ་གྱུར། །ཡི་དྭགས་རྣམས་ལ་ཟས་སྐོམ་སོགས། །ཐོགས་པ་མེད་པར་འབྱུང་བར་ཤོག །སེམས་ཅན་དམྱལ་བའི་སྡུག་བསྔལ་གང་། །མི་བཟད་རྣམ་པ་སྣ་ཚོགས་པ། །བདག་གི་བསོད་ནམས་མཐུ་ཡིས་ནི། །དེ་དག་མྱུར་དུ་ཞི་བར་གྱུར། །སེམས་ཅན་སྡུག་བསྔལ་ཐམས་ཅད་ལས། །སྙིང་རྗེ་ཆེན་པོ་སྐྱེས་ནས་ནི། །བསྒྲུབས་པ་དེ་དང་གཞན་དག་ཀྱང་། །དེས་ནི་ཡང་དང་ཡང་དུ་བསམས། །ཇི་ལྟར་བསམ་པ་འགྲུབ་པར་ཤོག །{{TibChung|བཞི་པ་བཀྲ་ཤིས་ནི།}} ཕུན་སུམ་ཚོགས་པ་མངའ་བ་གསེར་གྱི་རི་བོ་སོགས་བརྗོད། {{TibChung|ལྔ་པ་ཕན་ཡོན་ནི། འོད་མདོ་ལས། གང་གིས་ཕྲ་རབ་རྡུལ་གྱི་འཇིག་རྟེན་ཁམས། །བཤིག་ཅིང་བཏགས་ཏེ་རྡུལ་དུ་བྱས་གྱུར་པར། །དེ་བས་མང་བའི་འཇིག་རྟེན་རྣམས་ཀྱི་ཁམས། །རིན་ཆེན་བཀང་སྟེ་སྦྱིན་པ་བྱིན་པ་ལས། །གང་གིས་འོད་དཔག་མེད་པའི་འོད་མཚན་དང་། །བདེ་བ་ཅན་གྱི་ཡོན་ཏན་ཁྱད་འཕགས་རྣམས། །ཐོས་ནས་དགའ་སྟེ་ཐལ་མོ་སྦྱོར་བྱེད་པ། །བསོད་ནམས་འདི་ཡིས་ཆར་ཡང་འགྱུར་མ་ཡིན། །དེ་ལྟ་བས་ན་དེ་བཞིན་གཤེགས་པ་དེའི། །ཡོན་ཏན་ཐོས་ནས་མགུ་དང་དད་བསྐྱེད་ལ། །བདེ་བ་ཅན་གྱི་འཇིག་རྟེན་ཁམས་མཆོག་ཏུ། །འགྲོ་བར་བྱ་ཕྱིར་མོས་པ་དྲག་པོ་བསྐྱེད། །གང་གིས་བདེ་བ་ཅན་གྱི་འཇིག་རྟེན་གྱི། །མིང་ཐོས་པ་ཡི་བསོད་ནམས་དེ་ལ་ནི། །ཞིང་མཆོག་ཐ་གྲུ་ཆེན་པོ་དེ་དག་ཀུན། །ཆ་དང་དཔེར་ཡང་འགྱུར་བ་མ་ཡིན་ནོ། །ཞེས་དང་། ཀུན་དགའ་བོ་ལོངས་ལ་ནུབ་ཕྱོགས་སུ་ཕྱོགས་ཏེ། མེ་ཏོག་གཏོར་ལ་ཐལ་མོ་སྦྱར་ཏེ། གང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རྡུལ་མེད་ཅིང་རྣམ་པར་དག་པ་བཞུགས་ཤིང་འཚོ་ལ་གཞེས་ཤིང་ཆོས་ཀྱང་སྟོན་པའི་ཕྱོགས་དེར་ཕྱག་འཚོལ་ཞིག །དེ་ཡི་མཚན་ཡང་སྒྲིབ་པ་མེད་པར་ཕྱོགས་བཅུར་གྲགས་ཏེ། ཕྱོགས་རེ་རེ་ན་ཡང་སངས་རྒྱས་བཅོམ་ལྡན་འདས་གསུང་ཆགས་པ་མི་མངའ་ཞིང་གསུང་ཐོགས་པ་མི་མངའ་བ་གངྒཱའི་ཀླུང་གི་བྱེ་མ་སྙེད་དག་ལན་འགའ་མ་ཡིན་པར་བསྔགས་པ་བརྗོད་ཅིང་བསྟོད་དེ་སྙན་པ་གསུངས་སོ། །ཞེས་སོགས་རྒྱ་ཆེར་ཡོད་པས་འདི་ཁོ་ན་ལ་བརྩོན་པར་བྱའོ། །མདོ་ལས་ཆོ་ག་དངོས་བསྟན་གབ་ན་ཡང་། །དོན་ལ་རྟོན་པ་རྒྱལ་བའི་ཕྲིན་ལས་ཕྱིར། །སྡོམ་པའི་ཀུན་སྤྱོད་མཚུངས་པ་ཡོ་ག་ལྟར། །བཀྲོལ་བས་སེམས་ཅན་ཀུན་ལ་སྨན་གྱུར་ཅིག །ཅེས་པའང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོས་བསྐུལ་བའི་ངོར་རང་བྱུང་རྡོ་རྗེས་དཔལ་ལྡན་ཚེ་རིང་ལྗོངས་སུ་སྦྱར་བའོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-035&diff=64196 2026-09-29T19:46:33Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ།<br /> |fulltitle=bde ba can du bgrod pa'i cho ga dpag med myur lam<br /> |citation='jigs med gling pa. ''Bde ba can du bgrod pa'i cho ga dpag med myur lam''. In ''Kun mkhyen rig 'dzin 'jigs med gling pa'i gsung 'bum'', Vol. 10: 427-460. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Ritual and Liturgical Texts - cho ga phyag len<br /> |terma=Yes<br /> |cycle=yum bka' bde chen rgyal mo<br /> |cycletib=ཡུམ་བཀའ་བདེ་ཆེན་རྒྱལ་མོ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=035<br /> |pagenumbers=427-460<br /> |totalpages=34<br /> |beginfolioline=1a1<br /> |endfolioline=17b4<br /> |totalfolios=17<br /> |multivolumework=No<br /> |rectonotes=cho ga<br /> |versonotes=bde can cho ga dpag med myur lam<br /> |colophontib=།ཅེས་པའང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོས་བསྐུལ་བའི་ངོར་རང་བྱུང་རྡོ་རྗེས་དཔལ་ལྡན་ཚེ་རིང་ལྗོངས་སུ་སྦྱར་བའོ།།<br /> |colophonwylie=ces pa'ang mdo khams pa 'jigs med phrin las 'od zer gyis nan tan chen pos bskul ba'i ngor rang byung rdo rjes dpal ldan tshe ring ljongs su sbyar ba'o//<br /> |pdflink=File:JLKO-KABUM-10-THA-035.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་པ་བཞུགས།། །། <br /> <br /> ༄༅། །{{TibChung|བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་བྱ་བ། སངས་རྒྱས་སྣང་བ་མཐའ་ཡས་ལ་ཕྱག་འཚལ་ལོ། །འདི་ལ་སྦྱོར་བ་དངོས་གཞི་རྗེས་གསུམ་ལས་དང་པོ་སྦྱོར་བ་ལའང་དྲུག་གི། དང་པོ་ཤོམ་ནི་གང་དུ་བྱ་བའི་གནས་ཁང་བྱི་དོར་བྱས་ཞིང་རྒྱན་བཀོད་དང་། སྐུ་གསུང་ཐུགས་རྟེན་དགྲམ། མཆོད་པ་སྣ་ལྔ་བརྒྱ་རྩ་འབྱོར་ན་རབ། མ་མཐའ་ཡང་བཅུ་ཕྲག་རེ་ལས་མི་ཉུང་བ་བཤམ། གཞན་དོན་སྦྱོང་བ་དང་འབྲེལ་ན་བུམ་སྟེགས་པདྨ་འདབ་བརྒྱད་ལ་ཁྲུས་བུམ་ལ་སོགས་འོག་ཏུ་དགོས་པ་རྣམས་ཀྱང་བཤམ། གཉིས་པ་ནི། གྲུབ་ན་དཀར་ཆ་བཞི་དང་། མ་ནུས་ན་གཞི་བགེགས་སོ་སོར་གཏོར་མ་བཤམ་ལ། བགེགས་ལ།}} ཨ་ཀཱ་རོ་{{TibChung|དང་། གཞི་བདག་ལ།}} མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་པ་ཀུན་འགྲུབ་ཤོག །{{TibChung|ཅེས་པས་བསྔོ། གསུམ་པ་སྐྱབས་སུ་འགྲོ་བ་དང་སྨོན་སེམས་བསྐྱེད་པ་ནི།}} སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །{{TibChung|སོགས་ལན་གསུམ། བཞི་པ་འཇུག་པའི་དོན་དུ་ཚད་མེད་བཞི་བསྒོམ་པ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་{{TibChung|སོགས་ལན་གསུམ། ལྔ་པ་བྱང་སྡོམ་བླངས་པ་དངོས་ནི།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་སློབ་པར་བགྱི། །{{TibChung|ལན་གསུམ།}} དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་བགྱི། །{{TibChung|ལན་གསུམ། དྲུག་པ་ས་གཞི་བྱིན་བརླབ་ནི།}} ཐམས་ཅད་དུ་ཡང་ས་གཞི་དག །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུརྱའི། །རང་བཞིན་འཇམ་པོར་གནས་གྱུར་ཅིག །{{TibChung|ཅེས་བརྗོད་ཅིང་བསམ་མོ། །གཉིས་པ་དངོས་གཞི་ལ། བདག་མདུན་གཉིས་ལས། དང་པོ་བདག་བསྐྱེད་ནི། པདྨ་དྲ་བའི་རྒྱུད་ཀྱི་དགོངས་པ།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། ཧྲཱིཿམཁའ་ཁྱབ་གཞལ་ཡས་ཞིང་གི་བཀོད་པ་ནི། །ཞིང་ཁམས་ཆེན་པོ་གསེར་གྱི་ས་གཞིའི་དབུས། །འབྱུང་བ་ཡོངས་རྫོགས་དྭངས་མའི་རིན་ཆེན་མཚོ། །ཡོངས་སུ་རྒྱས་པའི་དབུས་སུ་སྐྱེས་པ་ཡི། །པདྨའི་སྡོང་པོ་ཁྲི་འཕང་གསུམ་དང་ལྡན། །ཡལ་ག་མེ་ཏོག་འབྲས་བུའི་ཕུར་གྱི་ལྡིང་། །ཆུ་བྱ་སྣ་ཚོགས་ཐེག་གསུམ་ཆོས་སྒྲ་སྒྲོག །ཕན་ཚུན་ཆོས་ཀྱི་རོས་ཚིམས་གར་སྟབས་བསྒྱུར། །ཡལ་འདབ་རེ་རེའང་མཆོད་པའི་ལྷ་མོས་བརྒྱན། །སྙན་པའི་གླུ་དབྱངས་མཛེས་པའི་གར་གྱིས་མཆོད། །རིག་འཛིན་དུ་མ་གསེར་གཡུ་བྱུ་རུ་ཡི། །མདོག་མཚུངས་བུང་བའི་ཚུལ་བཟུང་ཐེག་ཆེན་ཆོས། །བརྡ་དང་སྟོབས་ཀྱིས་སྐལ་ལྡན་རྣམས་ལ་སྒྲོགས། །རིན་ཆེན་ནེའུ་སེང་བྲག་རིའི་ཚལ་གྱིས་བསྐོར། །དེ་དག་རྣམས་ལ་དྲང་སྲོང་རིག་འཛིན་གནས། །མ་ཡེངས་བསམ་གཏན་ཏིང་འཛིན་རོས་གང་བའི། །ཡེ་ཤེས་རྒྱ་མཚོ་ལྷུན་གྱིས་གྲུབ་པར་བཞུགས། །ཕྱོགས་མཚམས་མ་ལུས་ཡེ་ཤེས་འོད་ཀྱི་གུར། །རབ་མཛེས་མདངས་བཀྲ་རིམ་གསུམ་རྣམ་པར་གསལ། །སྟེང་ཕྱོགས་ནམ་མཁའི་འོད་ཀྱི་སྤྲིན་ཕུང་ན། །རིག་འཛིན་ལྷ་དང་མཁའ་འགྲོ་དཔག་མེད་ཀྱིས། །བདུད་རྩིའི་ཁྲུས་གསོལ་མེ་ཏོག་མནྡྷ་ར། །ཁ་དོག་སྣ་ཚོགས་ཆར་འབེབས་རོལ་མོ་སྒྲོག །རི་བོ་ཆེན་པོ་པོ་ཏ་ལ་འདྲ་ཡི། །ཇི་ལྟར་རབ་འབྱམས་དག་པའི་ཞིང་གི་དབུས། །འོད་སྣང་དཀྱིལ་འཁོར་ཆུ་སྐྱེས་ཟླ་བའི་སྟེང་། །སྐད་ཅིག་དྲན་རྫོགས་ཆུ་ལས་ཉ་འཕར་ལྟར། །བདག་ཉིད་ཧྲཱིཿདཀར་མདངས་ལྡན་འོད་འཕྲོས་པས། །རྒྱལ་བ་སྲས་བཅས་སྤྱན་དྲངས་ཧྲཱིཿལ་ཐིམ། །སླར་འཕྲོས་འགྲོ་དྲུག་སྡུག་བསྔལ་སེལ་བྱས་ནས། །དེ་ལྟར་འཕྲོ་འདུས་ཡོངས་སུ་གྱུར་པ་ལས། །བདག་ཉིད་ཐུགས་རྗེ་ཆེན་པོ་སྤྱན་རས་གཟིགས། །སེམས་ཉིད་ངལ་བསོ་ཞལ་གཅིག་ཕྱག་གཉིས་པ། །དཀར་གསལ་མདངས་ལྡན་ཞི་འཛུམ་བཞད་པའི་ཚུལ། །ཕྱག་གཡས་མཆོག་སྦྱིན་དགོས་འདོད་རེ་བ་སྐོང་། །གཡོན་པ་སྟ་ཟུར་ནས་བརྐྱངས་གདན་བརྟེན་མཛད། །པད་དཀར་ཡུ་བ་མཐེབ་མཛུབ་ལ་གནས་པའི། །ཡལ་ག་ལོ་འདབ་སྙན་ཤལ་ཕྱོགས་ཀུན་མཛེས། །སྲིད་ཞིར་མི་གནས་ཞབས་གཉིས་བརྐྱང་བསྐུམ་ཚུལ། །ཡིད་འོང་མཚན་དང་དཔེ་བྱད་ལྷུན་གྱིས་གྲུབ། །སྨིན་མཚམས་མཛོད་སྤུར་འོད་ལྔའི་ཐིག་ལེར་འཁྱིལ། །ཞི་ཚུལ་དགུ་ལྡན་རྒྱན་ཆ་བཅུ་གསུམ་འཆང་། །དབུ་སྐྲ་ཐོར་ཚུགས་ཟུར་ཕུད་ནོར་བུས་སྤྲས། །ཀུན་ནས་བཀྲག་མདངས་འོད་དང་གཟི་བརྗིད་འབར། །ཐུགས་རྗེས་བརྩེ་བས་འགྲོ་ལ་ལྷག་གེར་གཟིགས། །འོད་ཕུང་སྟུག་པོ་སྤྲིན་ལྟར་འཁྲིགས་པའི་ནང་། །འགགས་མེད་ཆོས་ཀྱི་སྐུ་དང་དབྱེར་མེད་བཞུགས། །{{TibChung|ཞེས་གསལ་བཏབ་ལ་བཟླ་བ་ནི།}} ཨོཾ་མ་ཎི་པདྨེ་ཧཱུྃ་ཧྲཱིཿ {{TibChung|ཞེས་ཅི་རིགས་བཟླའོ། །གཉིས་པ་མདུན་བསྐྱེད་ལ་བདུན་ལས། དང་པོ་མཆོད་པ་བྱིན་བརླབ་ནི། དངོས་འཛིན་དང་འབགས་བཙོག་ཏུ་གྱུར་པ།}} སྭ་བྷ་ཝ{{TibChung|ས་སྦྱངས།}} སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བར་ལྷ་རྫས་ལས་གྲུབ་པའི་མཆོད་སྤྲིན་འཕགས་པ་ཀུན་ཏུ་བཟང་པོའི་ཏིང་ངེ་འཛིན་གྱི་རྣམ་པར་འཕྲུལ་པ་རྒྱ་མཚོ་དང་གཉིས་སུ་མེད་པར་གྱུར། ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝཱ་ཏེ། བཛྲ་སཱ་ར་པྲ་མརྟ་ནེ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛྭ་བཛྲེ། མ་ཧཱ་བིདྱ་སྭཱ་ཧཱ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲེ། སརྦ་ཀརྨཱ་ཨ་ཝ་ར་ཎ་བི་ཤོ་དྷ་ན་བཛྲེ་སྭཱ་ཧཱ། {{TibChung|ཞེས་ལན་གསུམ། གཉིས་པ་ཚོགས་ཞིང་བསྒྲུབ་པ་ལ། རྣམ་བྱང་དང་མཐུན་པའི་མོས་པ་ལམ་བྱེད་ཀྱིས་བསྐྱེད་ཆོག་ནི།}} ཨོཾ་མ་ཧཱ་ཤུ་ནྱ་ཏཱ་{{TibChung|སོགས་དང་།}} གཟུང་འཛིན་ལྟར་སྣང་བའི་ཡུལ་ལྔ་ཡིད་ཤེས་དང་བཅས་པ་འཆི་སྲིད་ཆོས་སྐུ་དང་གཉིས་སུ་མེད་པའི་སྟོང་པ་ཉིད་དུ་གྱུར། སྟོང་པའི་ངང་ལས་བར་དོའི་སྲིད་པ་དང་། ཡིད་ཤེས་རྫུས་སྐྱེས་ཀྱི་གནས་ངན་ལེན་ཀུན་ནས་རྣམ་པར་དག་པ་བདེ་བ་ཅན་གྱི་ཞིང་ཁམས་ས་གཞི་ཐམས་ཅད་ལག་མཐིལ་ལྟར་ཀུན་ཏུ་མཉམ་ཞིང་ཆུ་ཞེང་དང་སྲིད་དུ་མི་མངོན་པའི་ཐ་གྲུ་ཀུན་ནས་ཡངས་པ་ལ་འཇིག་རྟེན་ན་མི་སྤྱོད་པའི་རིན་པོ་ཆེ་རྣམ་པ་སྣ་ཚོགས་གཅལ་དུ་བཀྲམ་པས་བཀྲག་ཏུ་བརྟས་པ། རི་ནག་པོ་དང་། ལྷུན་པོ་དང་། ཆུ་གཏེར་དང་། འཁོར་ཡུག་ལ་སོགས་པའི་བསྟི་གནས་ཕལ་པ་མེད་པས་ཀུན་ནས་ཉམས་དགའ་ཞིང་ཤིན་ཏུའང་བལྟ་ན་སྡུག་པ། འབྱོར་པ་རྒྱས་པ། བདེ་བ་ལོ་ལེགས་པ་ལྷ་དང་མི་འབའ་ཞིག་པ་ལས་ངན་སོང་དང་ལྷ་མིན་མེད་པ། རིན་པོ་ཆེའི་རིགས་ཁ་དོག་སྣ་ཚོགས་ལས་གྲུབ་པའི་ཤིང་ལྗོན་པ་རྩ་བ་དང་། ཡལ་ག་དང་། ལོ་འདབ་དང་། མེ་ཏོག་དང་འབྲས་བུ་རྣམས་གསེར་དང་། དངུལ་དང་། བཻ་ཌཱུརྱ་དང་། སྤུག་དང་། མུ་ཏིག་དམར་པོ་དང་། ཤེལ་དང་། རྡོའི་སྙིང་པོ་སྟེ་རིན་པོ་ཆེ་སྣ་བདུན་ལས་བྱས་ཤིང་བལྟ་ན་སྡུག་པ་དཔག་ཚད་སྟོང་དང་དྲུག་བརྒྱའི་དཔངས་དང་ལྡན་པ། གསེར་གྱི་དྲྭ་བས་བརྒྱན་པ་རྣམས་རླུང་གིས་བསྐྱོད་པ་ལས། སྙན་པ་དང་། མཐུན་པ་དང་། ཡིད་དུ་འོང་བའི་སྒྲ་དབྱངས་ཆོག་མི་ཤེས་ཤིང་། དྲི་བསུང་རྒྱས་པའི་མེ་ཏོག་གིས་མི་འགྲེང་བདུན་གྱི་སྲིད་དུ་ཀུན་ནས་བཀྲམ་པ་རྣམས་ནི་མནན་ན་སོར་བཞིས་ནེམ་ཞིང་། བཏེག་ན་དེ་སྙེད་ཀྱིས་མཐོ་བ། གཞན་ཡང་ལྷའི་མེ་ཏོག་ཨུཏྤལ་དང་། པདྨ་དང་། ཀུ་མུད་ཏ་དང་། པདྨ་དཀར་པོའི་ཚལ་ཡིད་དུ་འོང་ཞིང་། འདམ་རྫབ་སྤངས་པའི་གསེར་གྱི་བྱེ་མ་བརྡལ་བ་ལ་སྤྲུལ་པའི་བྱ་ངང་པ་དང་། བཞད་དང་། ཁྲུང་ཁྲུང་དང་། ངུར་པ་དང་། ཀ་རན་ད་དང་། ནེ་ཙོ་དང་། རི་སྐེགས་དང་། ཀུ་ལན་དང་། ཀ་ལ་པིངྐ་དང་། རྨ་བྱ་སོགས་པས་མགྲིན་པའི་རྒྱུད་མངས་འཁྲོལ་བ་སྤོས་ཆུའི་ཀླུང་ཀུན་ཏུ་བཀྲམ་པ་དག་ཀྱང་འབབ་སྟེགས་བདེ་བས་ཅ་ཅོའི་སྒྲ་གཏན་ནས་མི་འབྱུང་ཞིང་རྣམ་པར་བདེ་བ་དང་། ཡིད་ལ་འབབ་པ་དང་། མཉན་པས་ཆོག་མི་ཤེས་པ་དང་། མི་རྟག་པ་དང་། ཞི་བ་དང་། བདག་མེད་པ་དང་། ཚད་མེད་བཞི་དང་། དཀོན་མཆོག་གསུམ་དང་ས་དང་ཕ་རོལ་ཏུ་ཕྱིན་པ་དང་། སྟོབས་བཅུ་དང་། མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། རྣམ་པར་ཐར་པའི་སྒོ་གསུམ་དང་། མངོན་པར་ཤེས་པ་ལྔ་དང་། འོད་ཟེར་ཆེན་པོའི་དབང་བསྐུར་བ་ཐོབ་པའི་སྒྲ་འབྱུང་བས་མཆོག་ཏུ་དགའ་བ་རྒྱ་ཆེན་པོ་ཐོབ་ཅིང་། སྡུག་བསྔལ་བ་དང་། ཀུན་འབྱུང་བ་དང་། སྒྲིབ་པ་དང་། ངན་སོང་དང་། ངན་འགྲོ་ལ་སོགས་པ་ཚོར་བ་སྡུག་བསྔལ་བའི་སྒྲ་ཙམ་ཡང་མེད་པར་དགྲ་བཅོམ་འགོག་པའི་སྙོམས་པར་ཞུགས་པ་ལྟ་བུའི་བདེ་བ་དང་ལྡན་པས་བདེ་བ་ཅན་ཞེས་བྱ་ལ། དེ་བཞིན་དུ་གོས་དང་། རྒྱན་དང་། སྐྱེད་མོས་ཚལ་དང་། བར་སྣང་ལ་འབྱུང་བའི་གཞལ་མེད་ཁང་དང་། རོལ་མོའི་བྱེ་བྲག་དང་། མཆོད་རྫས་ལ་སོགས་པ་ཡོངས་སུ་སྤྱད་པར་བྱ་བའི་འདོད་པའི་ཡོན་ཏན་རྣམ་པ་ཐམས་ཅད་པ་གཞན་འཕྲུལ་དབང་བྱེད་ཀྱི་གནས་དང་མཚུངས་པར་ལྡན་ཞིང་དྭངས་མའི་ཟས་ཀྱིས་ཚིམས་པར་འགྱུར་བ། གཟའ་དང་། རྒྱུ་སྐར་དང་། ཉིན་མཚན་དུ་གདགས་པ་དང་། ཁྱིམ་ཡོངས་སུ་འཛིན་པའི་འདུ་ཤེས་ཀྱང་མེད་ལ་དུས་དང་དུས་སུ་སྤོས་ཆུའི་སྤྲིན་ཆར་མངོན་པར་འབབ་ཅིང་ལྷའི་མེ་ཏོག་དང་། རིན་པོ་ཆེ་དང་། གདུགས་དང་། རྒྱལ་མཚན་དང་། བ་དན་དང་། བླ་རེ་དང་། རྔ་མའི་བསིལ་ཡབ་ལ་སོགས་པ་ནམ་མཁའ་ལ་འཛིན་ཅིང་། ལྷའི་བུ་མོ་དག་ཀྱང་རོལ་མོའི་སྒྲ་དབྱངས་དང་བཅས་གར་བྱེད་པ། མདོར་ན་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱི་གྲངས་དང་ཕ་རོལ་དུ་སོན་པས་ཀྱང་འཇིག་རྟེན་གྱི་ཁམས་བདེ་བ་ཅན་གྱི་བདེ་བའི་རྒྱུ་དང་ཡོན་ཏན་གྱི་ཚོགས་བསྐལ་པར་བརྗོད་ཀྱང་ཟད་མི་ཤེས་པ་དེའི་བླ་དཔག་ཚད་བརྒྱད་སྟོང་པའི་གཞལ་མེད་ཁང་གིས་མཛེས་པའི་དབུས་སུ་རིན་པོ་ཆེ་སྣ་བདུན་ལས་གྲུབ་པའི་ཁྲི་སྟེགས་རབ་ཏུ་མཐོ་བ་རྨ་བྱ་ཟློས་གར་རྩེན་པའི་དབུས་སུ་པཾ་ལས་པདྨ་དམར་པོ་འདབ་མ་སྟོང་དུ་བརྡལ་བ། དེའི་སྟེང་རཾ་ལས་ཉི་མའི་དཀྱིལ་འཁོར་གྱི་དབུས་སུ་རང་གི་རྣམ་པར་ཤེས་པའི་ངོ་བོ་ཡི་གེ་ཧྲཱིཿདམར་པོ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་ས་བོན་ལ་ཐིམ། དེ་ཡོངས་སུ་གྱུར་པ་ལས་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱིས་རྒྱལ་བའི་དབང་པོ་དེའི་མཚན་ཡོངས་སུ་བརྗོད་ཅིང་བསྔགས་པ་བརྗོད་པ་ལ་ཞུགས་པའི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྣང་མཐའ་ཡས་ཚེ་དང་ཡེ་ཤེས་དཔག་ཏུ་མེད་ཅིང་རྡུལ་བྲལ་ཤིན་ཏུ་རྣམ་པར་དག་པ་སྐུ་མདོག་པདྨ་རཱ་གའི་ལྷུན་པོ་ལ་ཉི་མ་བྱེ་བས་འཁྱུད་པའི་གཟི་བྱིན་ཅན། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྟེང་དུ་ལྷུང་བཟེད་ཀྱིས་མཚན་པའི་ཕྱག་གཉིས་མཉམ་པར་བཞག་ཅིང་དར་དམར་སེར་གྱི་ཤམ་ཐབས། སྔོན་པོའི་བླ་གོས། དམར་པོའི་སྣམ་སྦྱར་ཅན། དབུའི་གཙུག་ཏོར་བལྟར་མི་མངོན་པ་ལ་སོགས་པའི་མཚན་དཔེའི་རྒྱན་མ་ཚང་བ་མེད་པས་བརྒྱན་པའོ། །དེའི་གཡས་སུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། གཡོན་དུ་མཐུ་ཆེན་ཐོབ་གཉིས་གཙོ་བོ་ལ་ཞལ་ཕྱོགས་པས་འདུག་པ། མཐའ་བསྐོར་དུ་སངས་རྒྱས་ཀྱི་ཞིང་འདི་དང་། ཞིང་གཞན་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བའི་དགེ་བའི་རྩ་བ་དང་། རྒྱལ་བའི་ཡེ་ཤེས་ཆགས་པ་མེད་པ་ལ་ནེམ་ནུར་གྱི་བློས་བར་དུ་གཅོད་པ་དང་མ་ཡིན་པའི་ཁྱད་པར་ལས། ཉན་ཐོས་འགོག་པའི་ཆོས་ཅན་ལ་སོགས་ཏེ་པདྨའི་མངལ་ལ་སྐྱེད་མོས་ཚལ་དང་གཞལ་མེད་ཁང་དུ་འདུ་ཤེས་ཤིང་བཤང་གཅི་མེད་པར་ལོ་ལྔ་བརྒྱར་གནས་ནས་འབྱུང་ལ། ཉེས་པ་ཟད་པ་རྣམས་ནི་སེམས་དང་བ་ཙམ་ལ་པདྨ་རྣམས་ལ་སྐྱིལ་མོ་ཀྲུང་བཅས་ཏེ་སྐད་ཅིག་ལ་རྫུས་ཏེ་འབྱུང་བའི་བྱང་ཆུབ་སེམས་དཔའ་ཡོངས་སུ་གྲུབ་པ་གྲངས་དང་བློས་མི་ཐུག་པ་དང་། ཉན་ཐོས་དང་རང་སངས་རྒྱས་དང་། ལྷ་དང་མིའི་རྣམ་པ་ཅན་བར་སྣང་ལ་ཆགས་ཐོགས་མེད་པར་འགྲོ་བ། དེ་དག་ཀྱང་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ། ལུས་ཡོངས་སུ་རྫོགས་པ་བསམ་གཏན་དང་མངོན་པར་ཤེས་པ་ལ་མཁས་པ། ཤེས་རབ་ཀྱི་རབ་ཏུ་དབྱེ་བ་བཟོད་པ། དབང་པོ་རྣོ་བ། མ་བསྡམས་པ་མེད་པ། ཀུན་ཤེས་པ། མ་ཞུམ་པ། དབང་པོ་མི་གཡོ་བ། བཟོད་པ་ཐོབ་པ། སངས་རྒྱས་མཐོང་བ་དང་། ཆོས་ཉན་པ་དང་མི་འབྲལ་བ། ལོག་པར་མི་ལྟུང་བ། ཡོན་ཏན་མཐའ་ཡས་མུ་མེད་པ་ཤ་སྟག་གོ། །དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་གྱི་གནས་དང་། བདེ་བ་ཅན་གྱི་ཞིང་ཁམས་ནས་མགོན་པོ་འོད་དཔག་ཏུ་མེད་པ་ལ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་དང་། བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས་པར་གྱུར། {{TibChung|ཞེས་སྙན་བརྣན་ལ། གསུམ་པ་སྤྱན་དྲང་བ་ནི།}} མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མཱ་ཛཿ {{TibChung|ཞེས་པས་སྤྱན་དྲངས། བཞི་པ་བཞུགས་གསོལ་ནི།}} བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། {{TibChung|གྱིས་གཙོ་འཁོར་རྣམས་ལ་གདན་འབུལ་ནས་བཞུགས་གསོལ་བྱ། ལྔ་པ་མཆོད་བསྟོད་ལ་སོགས་པ་སྤྱོད་འཇུག་ལས།}} དེ་བཞིན་གཤེགས་པ་རྣམས་དང་དམ་པའི་ཆོས། །དཀོན་མཆོག་དྲི་མ་མེད་དང་སངས་རྒྱས་སྲས། །ཡོན་ཏན་རྒྱ་མཚོ་རྣམས་ལ་ལེགས་པར་མཆོད། །མེ་ཏོག་འབྲས་བུ་ཇི་སྙེད་ཡོད་པ་དང་། །སྨན་གྱི་རྣམ་པ་གང་ཞིག་ཡོད་པ་དང་། །འཇིག་རྟེན་རིན་ཆེན་ཇི་སྙེད་ཡོད་པ་དང་། །ཆུ་གཙང་ཡིད་དུ་འོང་བ་ཅི་ཡོད་དང་། །རིན་ཆེན་རི་བོ་དང་ནི་དེ་བཞིན་དུ། །ནགས་ཚལ་ས་ཕྱོགས་དབེན་ཞིང་ཉམས་དགའ་དང་། །ལྗོན་ཤིང་མེ་ཏོག་རྒྱན་སྤྲས་སྤུད་པ་དང་། །ཤིང་གང་འབྲས་བཟང་ཡལ་ག་དུད་པ་དང་། །ལྷ་སོགས་འཇིག་རྟེན་ན་ཡང་དྲི་དང་ནི། །སྤོས་དང་དཔག་བསམ་ཤིང་དང་རིན་ཆེན་ཤིང་། །མ་རྨོས་འཁྲུངས་པའི་ལོ་ཏོག་རྣམ་པ་དང་། །གཞན་ཡང་མཆོད་པར་འོས་པའི་རྒྱན་རྣམས་ནི། །མཚོ་དང་རྫིང་བུ་པདྨས་བརྒྱན་པ་དག །ངང་པ་ཤིན་ཏུ་སྐད་སྙན་ཡིད་འོང་ལྡན། །ནམ་མཁའ་རབ་འབྱམས་ཁམས་ཀྱི་མཐས་གཏུགས་ནས། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཆེ་རྣམས་ཀྱིས། །བདག་ལ་བརྩེར་དགོངས་བདག་གི་འདི་དག་བཞེས། །རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་འདི་གཏན་དུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་འཆི་བར་བགྱི། །བདག་ནི་ཁྱེད་ཀྱིས་ཡོངས་སུ་བཟུང་བས་ན། །སྲིད་ན་མི་འཇིགས་སེམས་ཅན་ཕན་པར་བགྱི། །སྔོན་གྱི་སྡིག་ལས་ཡང་དག་འདའ་བགྱིད་ཅིང་། །སྡིག་པ་གཞན་ཡང་སླན་ཆད་མི་བགྱིད་དོ། །ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བར་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡྷ་ར་དང་པདྨ་དང་། །ཨུཏྤལ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་པ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །{{TibChung|དྲུག་པ་བསྙེན་པ་བྱ་བ་ནི།}} མདུན་བསྐྱེད་གསུང་རྡོ་རྗེ་འོད་དཔག་མེད་དུ་གསལ་བའི་ཐུགས་ཀར་ཉི་གདན་ལ་ཧྲཱིཿཡིག་དམར་པོས་མཚན་པའི་མཐའ་བསྐོར་དུ་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས་པས་དོན་གཉིས་བྱས་པར་དམིགས་ལ། ཨོཾ་ཨ་མི་ཏ་བྷ་ཧྲཱིཿ ཨཱཾ་ཨ་རོ་ལི་ཀ་ཧཱུྃ། {{TibChung|ཞེས་བཟླ། བདུན་པ་ལས་སྦྱོར་ལ་གཉིས་ལས་དང་པོ་གསོན་པོའི་དོན་དུ་ཚེ་སྒྲུབ་བྱེད་ན་ཕྱག་མཚན་ཚེ་བུམ་དུ་སྒྱུར།}} སྙིང་གར་པདྨ་འདབ་བཞིའི་དབུས་སུ་ཉི་སྟེང་ཧྲཱིཿདམར་པོ་ལས་འོད་ཟེར་ཀུན་ཏུ་འཕྲོས་པས་ཕྱོགས་བཅུའི་སངས་རྒྱས་བྱང་སེམས་ཉི་ཟླ་ལ་སོགས་པའི་ཚེ་དང་བསོད་ནམས་གཟི་བརྗིད་ཐམས་ཅད་བསྡུས་པས་རང་ལུས་གང་བར་བསམས་ཏེ། {{TibChung|རླུང་ཁ་སྦྱར་ནས་ཐུགས་སྲོག་ལ་ཡིད་བཟླས་བྱ། ཐུན་བསྡུ་བ་ན་}}སྣོད་བཅུད་འོད་དུ་ཞུ་བའི་དངས་མ་ཧྲཱིཿཡིག་ལ་བསྡུས་པས་རྡོ་རྗེའི་སྲོག་ཐོབ་པར་{{TibChung|བསམ་ལ་དགེ་བ་བསྔོ་བར་བྱའོ། །གཉིས་པ་ཁྲུས་ཆོག་འབྲེལ་བར་གཤིན་པོ་ལ་ལམ་བསྟན་བྱེད་ན།}} ཁྲུས་བུམ་དུ་བྱང་ཆུབ་སེམས་དཔའ་ནམ་མཁའི་སྙིང་པོ་རལ་གྲི་དང་དྲིལ་བུ་འཛིན་པ་བསྐྱེད་ལ། ཏྲཱཾ་ཨ་གརྦྷ་ཡ་སརྦ་དུརྒ་ཏེ་སརྦ་པཱ་པཾ་ཤཱནྟིཾཀུ་རུ་སྭཱ་ཧཱ། {{TibChung|ཞེས་བཟླས་ལ་མཐར་ཡེ་ཤེས་པ་གཤེགས།}} དམ་ཚིག་པ་འོད་ཞུ་བྱའོ། །{{TibChung|རང་གཞན་གང་གི་དོན་ཡིན་ཡང་། འདི་ནི་ཚོགས་བསག་པ་དང་། ཞིང་ཁམས་སྦྱོང་བ་གཙོ་བོར་གྱུར་པའི་ལམ་ཡིན་པས་བཟླས་པ་བརྒྱ་འཁོར་རེའི་མཚམས་སུ་ཡན་ལག་བདུན་་་་་་་༼ཨོཾ་ཨཱཿཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ།༽ པ་དང་བཟང་སྤྱོད་སྦྲེལ་ནས་གྲངས་གསོག་བྱ་བ་གསོན་གཤིན་གཉིས་ཀའི་དོན་ལ་འདྲའོ། །གཤིན་པོ་ལ་ལམ་བསྟན་གྱི་ཚེ་དང་པོ་རྟེན་ལ་རྣམ་ཤེས་དགུག་པ་ནི།}} སྟོང་པའི་ངང་ལས་པདྨ་དང་ཟླ་བའི་གདན་ལ་ནྲྀ་ཡོངས་སུ་གྱུར་པ་ལས་ཚེ་འདས་ཀྱི་ཕུང་པོ་དང་སྐྱེ་མཆེད་ལ་སོགས་པ་གསོན་གྱི་གནས་སྐབས་ཇི་ལྟ་བར་གྱུར། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཆོས་ཉིད་རང་བཞིན་གྱི་རྣམ་པར་དག་པའི་བདེན་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུ་བཅོམ་ལྡན་འདས་མགོན་པོ་འོད་དཔག་མེད་འཁོར་དང་བཅས་པའི་བདེན་པ་དང་། ཐུགས་བསྐྱེད་དང་སྨོན་ལམ་བསམ་གྱིས་མི་ཁྱབ་པའི་བྱིན་རླབས་ལ་བརྟེན་ནས་ཚེ་ལས་འདས་པ་ྖྒཻ་མོའི་རྣམ་པར་ཤེས་པ་འགྲོ་བ་རིགས་དྲུག་སྲིད་པ་བར་དོ་གང་ན་གནས་ཀྱང་རྟེན་འདི་ལ་མཆིས་པར་གྱུར་ཅིག །{{TibChung|ལན་གསུམ། གཉིས་པ་བགེགས་ལ་གཏོར་མ་སྦྱིན་པ་ནི།}} ཨོཾ་སརྦ་བིགྷ་ནན་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཏད་ཁཾ་ཨུཏྒ་ཏེ་སྥ་ར་ཎ་ཧི་མཾ་ག་ག་ན་ཁཾ་ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་བགེགས་རྣམས་གཏོར་མ་འདིས་བརྔན་གྱིས་ལ་སོང་ཞིག །ལན་གསུམ། ཏིང་ལོ་ཆང་བུ་དང་བཅས་བསྐོར་ཞིང་། ཨོཾ་སུཾ་བྷ་ནི་སུཾ་བྷ་ཧཱུྃཿ གྲྀ་ཧྞཱ་གྲྀ་ཧྞཱ་ཧཱུྃཿ གྲྀ་ཧྞཱ་པཱ་ཡ་གྲྀ་ཧྞཱ་པཱ་ཡ་ཧཱུྃཿ ཨཱ་ན་ཡ་ཧོཿ བྷ་ག་ཝཱན་བིདྱཱ་རཱ་ཛ་ཡ་ཧཱུྃ་ཕཊཿ ཏིང་ལོས་སྣང་བ་དང་ཆང་བུས་བཟའ་བ་གྱིས་ལ་སོང་ཞིག །གསུམ་པ་མཚམས་བཅད་པ་ནི། མེའི་རྒྱ་བསྟན་ཏེ། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་རྟྞ་ཧཱུྃ་ཕཊཿ བཞི་པ་སྡིག་པ་སྦྱོང་བ་ལ་ལྔ་ལས། དང་པོ་རིག་སྔགས་ཀྱིས་སྦྱོང་བ་ནི་རྣམ་རྒྱལ་མའི་རྩ་རིག་ཡིག་བརྒྱ་སོགས་བཟླས་པའི་བྱེ་མ་དང་ཡུངས་ཀར་གྱིས་བྲབ་ཅིང་། ཨོཾ་ཤྭ་དྷ་ནི་ཤྭ་དྷ་ནི་སརྦ་པཱ་པཾ་བི་ཤོ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨཱ་ཨཱ་ཝ་ར་ནི་བི་ཤུདྡྷེ་སྭཱ་ཧཱ། ཨོཾ་ན་མོ་བྷ་ག་ཝཱ་ཏེ་སརྦ་དུརྒ་ཏེ་པ་རི་ཤྭ་དྷ་ནི་རཱ་ཛ་ཡ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་ཤྭ་དྷ་ནི་ཤྭ་དྷ་ནི། བི་ཤྭ་དྷ་ནི་བི་ཤྭ་དྷ་ནི། སརྦ་པཱ་པཾ་བི་ཤྭ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨཱ་ཨ་བ་ར་ཎ་བི་ཤུདྡྷེ་སྭཱ་ཧཱ། ཨོཾ་སརྦ་བིདྱཱ་སརྦ་ཨཱ་ཝ་ར་ཎ་བི་ཤྭ་དྷ་ཡ་ཧ་ན་ཧཱུྃ་ཕཊཿ ཨོཾ་སརྦ་བིད་ཧཱུྃ། ཨོཾ་སརྦ་བིད་ཕཊཿ ཨོཾ་སརྦ་བིད་ཨཱཿ ཨོཾ་སརྦ་བིད་ཏྲཊཿ ཨོཾ་སརྦ་བིད་ཨོཾཿ ཨོཾ་སརྦ་བིད་སྭཱཿ ཨོཾ་སརྦ་བིད་ཨཱཿ ཨོཾ་སརྦ་བིད་ཧཱུྃཿ ཨོཾ་སརྦ་བིད་ཏྲཊཿ ཨོཾ་ཤཿ ཨོཾ་བྷཿ རིག་པ་ཆེན་པོ་འདིའི་བྱིན་རླབས་ཀྱིས་ཚེ་ལས་འདས་པའི་སྡིག་སྒྲིབ་དང་ངན་སོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ཞེས་གང་མང་བརྗོད། གཉིས་པ་བུམ་ཆུས་མེ་ལོང་ངོས་སམ། རུས་བུ་སོགས་ལ་དངོས་སུ་བཀྲུ་ཞིང་། འོད་དཔག་མེད་མགོན་སྨོན་ལམ་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །སྦྱིན་པའི་ཆུ་བོ་ལ་བརྟེན་ནས། །སེར་སྣའི་རྒྱུ་འབྲས་དག་པར་ཤོག །ཨོཾ་ཨ་མི་ཏེ་ཨ་མི་ཏེ། ཨ་མི་ཏོད་བྷ་བེ། ཨ་མི་ཏ་སཾ་བྷ་བེ། ཨ་མི་ཏ་བི་ཀྲནྟེ། ཨ་མི་ཏ་བི་ཀྲནྟེ་ག་མི་ནི་སརྦ་ཀརྨ་ཀླེ་ཤ་ཀྵ་ཡཾ་ཀ་ར་སྭཱ་ཧཱ། ན་མཿས་མནྟ་བུདྡྷཱ་ནཱཾ། ཨཱ་ཀ་ཤ་ས་མ་ཏ་ནུ་ག་ཏ་པི་ཙི་ཏྲཾ་བ་ར་དྷ་ར་སྭཱ་ཧཱ། སྤྱན་རས་གཟིགས་ཀྱི་སྙིང་རྗེ་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །ཚུལ་ཁྲིམས་ཆུ་བོ་ལ་བརྟེན་ནས། །ཁྲིམས་འཆལ་རྒྱུ་འབྲས་དག་པར་ཤོག །ན་མཿས་མནྟ་བུདྡྷཱ་ནཱཾཿ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཀཱ་རུ་ཎ་མཱ་ཡ་ར་ར་ར་ཧཱུྃ་ཛ་སྭཱ་ཧཱ། མཐུ་ཆེན་ཐོབ་པའི་ནུས་སྟོབས་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བཟོད་པའི་ཆུ་བོ་ལ་བརྟེན་ནས། ཁོང་ཁྲོའི་རྒྱུ་འབྲས་དག་པར་ཤོག །ན་མཿས་མནྟ་བུདྡྷ་ནཱཾ་ཛིཾ་ཛིཾ་སྭཱ་ཧཱ། སྒྲིབ་པ་རྣམ་སེལ་བྱིན་རླབས་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བརྩོན་འགྲུས་ཆུ་བོ་ལ་བརྟེན་ནས། །ལེ་ལོའི་རྒྱུ་འབྲས་དག་པར་ཤོག །ན་མཿས་མནྟ་བུདྡྷ་ནཱཾ། ཨཥྚ་ས་ཏྭ་ཧི་ཏ་ཨ་བྷྱ་ག་ཏ་ཏཾ་ཏཾ་རཾ་རཾ་སྭཱ་ཧཱ། བྱམས་པ་དང་ནི་སའི་སྙིང་པོ། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བསམ་གཏན་ཆུ་བོ་ལ་བརྟེན་ནས། །རྣམ་གཡེང་རྒྱུ་འབྲས་དག་པར་ཤོག །ན་མཿས་མནྟ་བུདྡྷ་ནཱཾ། ཨ་ཛི་ཏཉྫ་ཡ་སརྦ་ཏྭ་ཤ་ཡ་ཨ་ནུ་ག་ཏ་སྭཱ་ཧཱ། ཧ་ཧ་ཧ་བུ་ན་ཏ་ནུ་སྭཱ་ཧཱ། འཇམ་དཔལ་དབྱངས་དང་ཀུན་ཏུ་བཟང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །ཤེས་རབ་ཆུ་བོ་ལ་བརྟེན་ནས། །རྨོངས་པའི་དྲི་མ་དག་པར་ཤོག །ན་མཿས་མནྟ་བུདྡྷ་ནཱཾ། ཧེ་ཧེ་ཀུ་མ་རཱ་ཀ་ནི་མུྒྟེ་པ་ཐ་པ་ཐ་ཏ་སྨ་ར་སྨ་ར་པྲ་ཏི་ཛྙཱ་ན་སྭཱ་ཧཱ། ས་མནྟ་ནུ་ཀ་ཏ་བི་རཱ་ག་དྷརྨཱ་ནི་རཱ་ཛ་ཏ་མ་ཧཱ་མ་ཧཱ་སྭཱ་ཧཱ། གསུམ་པ་མཆོག་གསུམ་གྱི་བདེན་པས་སྦྱོང་བ་ནི། འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་སངས་རྒྱས་དུག་མི་མངའ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དམ་ཆོས་དུག་མི་མངའ། །དམ་ཆོས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་བདེན་པས་དུག་བཅོམ་མོ། །བཞི་པ་འབྱུང་བཞིའི་དུག་སྦྱོང་བ་ནི། སོ་སོའི་སྟེང་དུ་ཀུ་ཤས་དབྱུང་བའི་ཚུལ་དུ། ས་ནི་དུག་གི་ཕ་ཡིན་ཏེ། །ས་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ས་ཡི་ནང་དུ་སོང་། །ཆུ་ནི་དུག་གི་ཕ་ཡིན་ཏེ། །ཆུ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ཆུ་ཡི་ནང་དུ་སོང་། །མེ་ནི་དུག་གི་ཕ་ཡིན་ཏེ། །མེ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་མེ་ཡི་ནང་དུ་སོང་། །རླུང་ནི་དུག་གི་ཕ་ཡིན་ཏེ། །རླུང་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་རླུང་གི་ནང་དུ་སོང་། །ལྔ་པ་ཤིས་པ་བརྗོད་པ་ནི། བྱང་ཆུབ་སྙིང་པོར་གཤེགས་པ་ན། །ས་རྣམས་དྲུག་པོ་གཡོས་གྱུར་ཅིང་། །བདུད་ཡིད་མི་བདེར་གྱུར་པ་དེས། །ཁྱེད་ལ་བདེ་ལེགས་མཛད་པར་གྱུར། །ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་རྣམས་གསུང་ཞིང་། །ཐུབ་པའི་སྙན་པ་གང་བྱུང་དེས། །ཁྱེད་ལ་བདེ་ལེགས་མཛད་པར་གྱུར། །ཡིད་འཕྲོག་གང་ཞིག་མུ་སྟེགས་བྱེད། །ཐམས་ཅད་ཆོས་ཀྱིས་ཕམ་མཛད་ཅིང་། །ཚོགས་ཀུན་དབང་དུ་མཛད་པ་དེས། །ཁྱེད་ལ་བདེ་ལེགས་མཛད་པར་གྱུར། །དེ་ནས་ཟས་བསྔོ་བ་ནི། བཟའ་བཏུང་གྱ་ནོམ་པ་དང་། དྲི་བསུང་ཞིམ་པོའང་སྦྱང་ལ། ཨ་ཀཱ་རོས་བསྔོས་ལ། འགྲོ་བ་གང་དག་སྔ་མའི་ལུས་རྟེན་བོར་ཕྱི་མའི་ལུས་མ་རྙེད། སྲིད་པ་བར་དོར་ཉམ་ང་བའི་འཕྲང་ལ་སྐྱབས་དང་སྐྱོབ་པ་མེད་པ། མགོན་དང་དཔུང་གཉེན་བྲལ་བ། མིང་བཞི་འདུས་པའི་ཕུང་པོ། ཚོར་བ་སྡུག་བསྔལ་གྱི་རང་བཞིན། འཇིགས་སྐྲག་འཁྲུལ་སྣང་གིས་མནར་བ་གར་འགྲོའི་གཏད་པ་དང་བྲལ་བའི་བར་དོའི་སེམས་ཅན་ྖྒཻ་མོས་གཙོ་བྱས་པ་རྣམས་ལ་འབུལ་ལོ། །བར་དོའི་སྡུག་བསྔལ་དང་བྲལ་ནས་མྱུར་དུ་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ན་མོ། བདག་གི་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་རྣམས་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པར་འགྲུབ་གྱུར་ཅིག །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་བཤགས་པ་དང་འབྲེལ་བར་ཐུགས་རྗེ་བསྐུལ་བ་ནི། ཕྱོགས་རྣམས་ཀུན་ན་བཞུགས་པ་ཡི། །རྫོགས་སངས་རྒྱས་དང་དེ་ཡི་སྲས། །ཐུགས་རྗེ་ཆེན་པོ་མངའ་རྣམས་ལ། །ཐལ་མོ་སྦྱར་ཏེ་གསོལ་བ་ནི། །ཐོག་མ་མེད་ལྡན་འཁོར་བ་ནས། །ཚེ་རབས་འདིའམ་གཞན་དག་ཏུ། །བདག་གིས་མ་འཚལ་སྡིག་བགྱིས་པ། །བགྱིད་དུ་སྩལ་བ་ཉིད་དང་ནི། །གཏི་མུག་འཁྲུལ་པས་བདག་ནོན་ཏེ། །རྗེས་སུ་ཡི་རང་གང་ཡིན་པ། །ནོངས་པ་དེ་ནི་མཐོང་བགྱིས་ནས། །བསམ་པ་ཐག་པས་མགོན་ལ་བཤགས། །བདག་གིས་དཀོན་མཆོག་གསུམ་དང་ནི། །ཕ་མའམ་བླ་མ་གཞན་དག་ལ། །ཉོན་མོངས་སྒོ་ནས་ལུས་ངག་དང་། །ཡིད་ཀྱིས་གནོད་བགྱིས་གང་ལགས་དང་། །ཉེས་པ་དུ་མས་སྐྱོན་ཆགས་པའི། །སྡིག་ཅན་བདག་གི་སྡིག་པ་གང་། །ཤིན་ཏུ་མི་བཟད་བགྱིས་པ་དེ། །ཐམས་ཅད་འདྲེན་པ་རྣམས་ལ་བཤགས། །བདག་གི་སྡིག་པ་མ་བྱང་བར། །སྔོན་དུ་འགུམ་པར་འགྱུར་དུ་མཆི། །དེ་བས་འདི་ལས་ངེས་ཐར་བྱ། །མྱུར་བའི་ཚུལ་གྱིས་བསྐྱབ་ཏུ་གསོལ། །ཡིད་བརྟན་མི་རུང་འཆི་བདག་འདི། །བྱས་དང་མ་བྱས་མི་སྡོད་པས། །ན་དང་མི་ན་ཀུན་གྱིས་ཀྱང་། །གློ་བུར་ཚེ་ལ་ཡིད་མི་བརྟན། །ཐམས་ཅད་བོར་ཏེ་ཆ་དགོས་པར། །བདག་གིས་དེ་ལྟར་མ་ཤེས་པས། །མཛའ་དང་མི་མཛའི་དོན་གྱི་ཕྱིར། །སྡིག་པ་རྣམ་པ་སྣ་ཚོགས་བྱས། །མི་མཛའ་རྣམས་ཀྱང་མེད་འགྱུར་ཞིང་། །མཛའ་བ་རྣམས་ཀྱང་མེད་པར་འགྱུར། །རྨི་ལམ་ཉམས་སུ་མྱོང་བ་བཞིན། །དངོས་པོ་གང་དང་གང་སྤྱད་པ། །དེ་དེ་དྲན་པའི་ཡུལ་དུ་འགྱུར། །འདས་པ་ཐམས་ཅད་མཐོང་མི་འགྱུར། །རེ་ཞིག་གསོན་ཚེ་འདི་ཉིད་ལ། །མཛའ་དང་མི་མཛའ་དུ་མ་འདས། །དེ་དག་དོན་དུ་བྱས་པའི་སྡིག །མི་བཟད་གང་ཡིན་མདུན་ན་གནས། །དེ་ལྟར་བདག་ནི་གློ་བུར་ཞེས། །བདག་གིས་རྟོགས་པར་མ་གྱུར་པས། །གཏི་མུག་ཆགས་དང་ཞེ་སྡང་གིས། །སྡིག་པ་རྣམ་པ་དུ་མ་བྱས། །ཉིན་མཚན་སྡོད་ས་ཡོད་མེད་པར། །ཚེ་འདི་རྟག་ཏུ་གོད་འགྱུར་ཞིང་། །བསྣོན་པ་གུད་ནས་འོང་མེད་ན། །བདག་ལྟ་འཆི་བར་ཅིས་མི་འགྱུར། །བདག་ནི་མལ་ན་འདུག་བཞིན་དུ། །གཉེན་བཤེས་ཀུན་གྱིས་མཐའ་བསྐོར་ཀྱང་། །སྲོག་འཆད་པ་ཡི་ཚོར་བ་དག །བདག་ཉིད་གཅིག་པུས་མྱོང་བར་འགྱུར། །གཤིན་རྗེའི་ཕོ་ཉས་ཟིན་པ་ལ། །གཉེན་གྱིས་ཅི་ཕན་བཤེས་ཅི་ཕན། །དེ་ཚེ་བསོད་ནམས་སྐྱབས་གཅིག་པ། །དེ་ཡང་བདག་གིས་མ་བསྟེན་ཏོ། །མགོན་པོ་བག་མེད་བདག་གིས་ནི། །འཇིགས་པ་འདི་འདྲ་མ་འཚལ་ནས། །མི་རྟག་ཚེ་འདིའི་ཆེད་དག་ཏུ། །སྡིག་པ་མང་པོ་ཉེ་བར་བསྒྲུབས། །སྐྱེ་བོ་ཡན་ལག་བཅད་པའི་སར། །དེ་རིང་ཁྲིད་པའང་བྲེད་གྱུར་ཏེ། །ཁ་སྐམ་མིག་རྩ་ངན་ལ་སོགས། །སྔ་ལས་གཞན་དུ་འགྱུར་སྣང་ན། །གཤིན་རྗེའི་ཕོ་ཉ་འཇིགས་འཇིགས་ལྟའི། །ཤ་ཚུགས་ཅན་གྱིས་བཟུང་འགྱུར་ཞིང་། །འཇིགས་ཆེན་ནད་ཀྱིས་ཐེབས་གྱུར་པ། །རབ་ཏུ་ཉམ་ཐག་སྨོས་ཅི་དགོས། །སུ་ཞིག་འཇིགས་ཆེན་འདི་ལས་བདག །ལེགས་པར་སྐྱོབ་པར་བྱེད་འགྱུར་ཞེས། །བྲེད་ཤ་ཐོན་པའི་མིག་བགྲད་ནས། །ཕྱོགས་བཞིར་སྐྱབས་དག་འཚོལ་བར་བྱེད། །ཕྱོགས་བཞིར་སྐྱབས་མེད་མཐོང་ནས་ནི། །དེ་ནས་ཀུན་ཏུ་ཡི་མུག་འགྱུར། །གནས་དེར་སྐྱབས་ཡོད་མ་ཡིན་ན། །དེ་ཚེ་བདག་གིས་ཇི་ལྟར་བྱ། །དེ་བས་རྒྱལ་བ་འགྲོ་བའི་མགོན། །འགྲོ་བ་སྐྱོབ་པའི་དོན་བརྩོན་པ། །སྟོབས་ཆེན་འཇིགས་པ་ཀུན་སེལ་ལ། །དེ་རིང་ཉིད་ནས་སྐྱབས་སུ་མཆི། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་བ་དང་། །བྱང་ཆུབ་སེམས་དཔའི་ཚོགས་ལ་ཡང་། །དེ་བཞིན་ཡང་དག་སྐྱབས་སུ་མཆི། །བདག་ནི་འཇིགས་པས་རྣམ་སྐྲག་པས། །ཀུན་ཏུ་བཟང་ལ་བདག་ཉིད་དབུལ། །འཇམ་པའི་དབྱངས་ལའང་བདག་ཉིད་ཀྱིས། །བདག་གི་ལུས་འདི་དབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་བའི། །སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །སྡིག་ལྡན་བདག་ལ་བསྐྱབ་ཏུ་གསོལ། །འཕགས་པ་ནམ་མཁའི་སྙིང་པོ་དང་། །ས་ཡི་སྙིང་པོ་དག་དང་ནི། །ཐུགས་རྗེ་ཆེ་མགོན་ཐམས་ཅད་ལ། །སྐྱབས་འཚོལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཅུར་འབྱེར་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱོད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། །ཁྱེད་ལ་སྐྱབས་སུ་མཆི་ལགས་ཀྱིས། །འཇིགས་པ་མྱུར་དུ་བསལ་དུ་གསོལ། །ཞེས་གཞན་དོན་ལ་ཚིག་ཕྲད་བསྒྱུར། དེ་ནས་སྦྱོང་བ་དང་འབྲེལ་ན་ལམ་བསྟན་པ་ནི། ཉོན་ཅིག་ཚེ་འདས་རིགས་ཀྱི་བུ། །འཁོར་བ་སྡུག་བསྔལ་ཅན་ཕུང་པོར། །འགྱུར་དང་འདུ་བྱེད་ཉིང་འཁྲུལ་ཅན། །ལས་ལ་སྐྱེ་ཞིང་ལས་ལ་བརྟེན། །དེ་ཕྱིར་དེ་ལ་མ་ཆགས་པར། །བླ་མ་དཀོན་མཆོག་རྣམས་ཀྱི་མཐུ། །དད་པའི་ཡུལ་ལ་ཤིན་ཏུ་སྣང་། །མོས་གུས་སྐྱེད་ཅིག་རིགས་ཀྱི་བུ། །འདི་ནས་ནུབ་ཀྱི་ཕྱོགས་རོལ་ན། །བདེ་བ་ཅན་གྱི་ཞིང་ཁམས་ཡོད། །མགོན་པོ་འོད་དཔག་མེད་པ་བཞུགས། །གང་ཞིག་ཡིད་ལ་དྲན་པའི་མོད། ཁྱེད་ཀྱང་དེ་རུ་ཕྱིན་འགྱུར་བས། །མགོན་པོ་དེ་ཡི་མཚན་ཟུང་ལ། །ཡིད་གཉིས་སྤོངས་ལ་དེར་གཤེགས་ཤིག །སྦྱང་བྱའི་རྣམ་ཤེས་ཧཱུྃ་གི་རྣམ་པ་བདེ་བ་ཅན་དུ་འཕངས་པའི་དེ་མ་ཐག་བྱང་བུ་བསྲེག་ཅིང་། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །སོགས་ཀྱིས་སྨོན་ལམ་བཏབ། གཉིས་པ་ཐུན་མཚམས་ཀྱི་རྣལ་འབྱོར་ནི། སྔགས་སྤྱིའི་བསྐྱེད་རིམ་ལྟར་རྟག་ཆད་ཀྱི་མཐའ་བསལ་བའི་དོན་ལ་འཇུག་མི་དགོས་ཏེ། འཇིག་རྟེན་གྱི་ཁམས་བདེ་བ་ཅན་ནི་ད་ལྟ་འཚོ་ཞིང་གཞེས་པའི་སངས་རྒྱས་ཀྱི་ཞིང་ཡིན་པས་རྣམ་པ་ཐམས་ཅད་དུ་དེ་སྒོམ་ཞིང་ཡིད་ལ་བྱེད་པ་དང་མི་འབྲལ་བས་ཐ་མལ་གྱི་སྣང་བ་ཞིང་ཁམས་སུ་གོམས་པ་ལ་སློབ་པའི་ཚུལ། གང་ཞིག་སྟོན་པའི་མདོ་སྡེ་ལས། ཀུན་དགའ་བོ་གང་དག་ཡང་དེ་བཞིན་གཤེགས་པ་དེ་ཡིད་ལ་བྱེད་ཅིང་དགེ་བའི་རྩ་བ་མང་པོ་དཔག་ཏུ་མེད་པ་རྒྱུན་དུ་བསྐྱེད་ལ་སངས་རྒྱས་ཀྱི་ཞིང་དེ་ན་སེམས་ཡང་དག་པར་གཏོད་པ་དེ་དག་འཆི་བའི་དུས་ཉེ་བར་གནས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེའི་ཁ་དོག་དང་། དབྱིབས་དང་། ཆུ་ཞིང་དང་། ཞབས་འབྲིང་བ་དགེ་སློང་གི་དགེ་འདུན་ནི་འདྲ་བས་སངས་རྒྱས་ཀྱི་སྤྲུལ་པ་དག་མདུན་དུ་གནས་པར་གྱུར་ཏེ། དེ་དག་དེ་བཞིན་གཤེགས་པ་མཐོང་བའི་རབ་ཏུ་དང་བ་ལ་དམིགས་པའི་ཏིང་ངེ་འཛིན་དེ་དང་བརྗོད་པ་མེད་པའི་དྲན་པས་ཤི་འཕོས་ནས་སངས་རྒྱས་ཀྱི་ཞིང་དེ་ཉིད་དུ་སྐྱེ་བར་འགྱུར་རོ། །ཞེས་སོ། །དེ་བས་ན་དགེ་སློང་ཆོས་ཀྱི་འབྱུང་གནས་སྨོན་ལམ་ཕུན་སུམ་ཚོགས་པ་དེའི་དམ་བཅའ་བསྐུལ་བའི་ཕྱིར། གལ་ཏེ་བདག་གིས་བྱང་ཆུབ་ཐོབ་ཚེ་སྨོན་ལམ་མཆོག །ཁྱད་པར་འཕགས་པ་རྣམ་པ་འདི་འདྲར་མ་གྱུར་ན། །སྟོབས་བཅུ་མངའ་བ་མཚུངས་པ་མ་མཆིས་སྦྱིན་པའི་གནས། །མི་ཡི་སེང་གེ་སེམས་ཅན་སྙིང་པོར་བདག་མ་གྱུར། །སེམས་ཅན་གང་དག་ང་ཡི་མིང་ཐོས་ནས། །ང་ཡི་ཞིང་དུ་རྟག་ཏུ་འོང་བར་ཤོག །ང་ཡི་སྨོན་ལམ་བཟང་པོ་དེ་རྫོགས་པས། །འཇིག་རྟེན་ཁམས་མང་དག་ནས་སེམས་ཅན་འོང་། །དེ་དག་ང་ཡི་ཞིང་དུ་ལྷགས་ནས་ནི། །དེ་དག་སྐྱེ་བ་གཅིག་ལས་ཕྱིར་མི་ལྡོག །དེ་ཕྱིར་བྱང་ཆུབ་སེམས་དཔའ་གང་ཞིག་འདིར། །བདག་གི་ཞིང་ཡང་འདི་འདྲར་གྱུར་པ་དང་། །བདག་གི་སྒྲ་དང་མིང་དང་ལྟ་བས་ཀྱང་། །སེམས་ཅན་མང་པོ་གྲོལ་བར་བྱ་ཞེས་པའི། །བདེན་པའི་གསུང་ལ་ཡིད་གཉིས་གནས་མེད་ན། །ཚེ་འདིའི་འདུ་བྱེད་སྟོངས་པར་ཕྱོགས་པའི་ཚེ། །འོད་ནི་དཔག་མེད་གཟི་བརྗིད་དཔག་མེད་པ། །སྐུ་ཚེ་དཔག་མེད་དགེ་འདུན་དཔག་མེད་པ། །བྱང་ཆུབ་སེམས་དཔས་བསྐོར་ཞིང་མཛེས་གྱུར་པའི། །སངས་རྒྱས་བསོད་ནམས་ཕུང་པོ་མཐོང་བར་ཤོག །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །གསུམ་པ་བསྔོ་བ་ནི། འགྲོ་ཀུན་དགེ་བ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དག །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ནས་ཀུན་ཀྱང་བཟང་པོ་རེད་གྱུར་ཅིག །རྣམ་སྣང་མངོན་བྱང་ལས། སེམས་ཅན་ཐམས་ཅད་བདེ་གྱུར་ཅིག །ཐམས་ཅད་ནད་ཀྱང་མེད་པར་ཤོག །ཡང་ན་དེ་བཞིན་གཤེགས་བསྔགས་པའི། །འདོད་པ་ཕུན་སུམ་ཚོགས་གྱུར་ཅིག །ཡང་ན་སེམས་ཅན་ཐམས་ཅད་ཀྱང་། །རེ་བ་ཐམས་ཅད་ཡོངས་རྫོགས་པ། །སྒྲིབ་པ་མེད་པའི་ཚུལ་གྱིས་སུ། །མ་ཐོགས་པར་ནི་འགྲུབ་པར་ཤོག །དུད་འགྲོ་གཅིག་ལ་གཅིག་ཟ་བའི། །སྡུག་བསྔལ་ནམ་ཡང་འབྱུང་མ་གྱུར། །ཡི་དྭགས་རྣམས་ལ་ཟས་སྐོམ་སོགས། །ཐོགས་པ་མེད་པར་འབྱུང་བར་ཤོག །སེམས་ཅན་དམྱལ་བའི་སྡུག་བསྔལ་གང་། །མི་བཟད་རྣམ་པ་སྣ་ཚོགས་པ། །བདག་གི་བསོད་ནམས་མཐུ་ཡིས་ནི། །དེ་དག་མྱུར་དུ་ཞི་བར་གྱུར། །སེམས་ཅན་སྡུག་བསྔལ་ཐམས་ཅད་ལས། །སྙིང་རྗེ་ཆེན་པོ་སྐྱེས་ནས་ནི། །བསྒྲུབས་པ་དེ་དང་གཞན་དག་ཀྱང་། །དེས་ནི་ཡང་དང་ཡང་དུ་བསམས། །ཇི་ལྟར་བསམ་པ་འགྲུབ་པར་ཤོག །བཞི་པ་བཀྲ་ཤིས་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་སོགས་བརྗོད། ལྔ་པ་ཕན་ཡོན་ནི། འོད་མདོ་ལས། གང་གིས་ཕྲ་རབ་རྡུལ་གྱི་འཇིག་རྟེན་ཁམས། །བཤིག་ཅིང་བཏགས་ཏེ་རྡུལ་དུ་བྱས་གྱུར་པར། །དེ་བས་མང་བའི་འཇིག་རྟེན་རྣམས་ཀྱི་ཁམས། །རིན་ཆེན་བཀང་སྟེ་སྦྱིན་པ་བྱིན་པ་ལས། །གང་གིས་འོད་དཔག་མེད་པའི་འོད་མཚན་དང་། །བདེ་བ་ཅན་གྱི་ཡོན་ཏན་ཁྱད་འཕགས་རྣམས། །ཐོས་ནས་དགའ་སྟེ་ཐལ་མོ་སྦྱོར་བྱེད་པ། །བསོད་ནམས་འདི་ཡིས་ཆར་ཡང་འགྱུར་མ་ཡིན། །དེ་ལྟ་བས་ན་དེ་བཞིན་གཤེགས་པ་དེའི། །ཡོན་ཏན་ཐོས་ནས་མགུ་དང་དད་བསྐྱེད་ལ། །བདེ་བ་ཅན་གྱི་འཇིག་རྟེན་ཁམས་མཆོག་ཏུ། །འགྲོ་བར་བྱ་ཕྱིར་མོས་པ་དྲག་པོ་བསྐྱེད། །གང་གིས་བདེ་བ་ཅན་གྱི་འཇིག་རྟེན་གྱི། །མིང་ཐོས་པ་ཡི་བསོད་ནམས་དེ་ལ་ནི། །ཞིང་མཆོག་ཐ་གྲུ་ཆེན་པོ་དེ་དག་ཀུན། །ཆ་དང་དཔེར་ཡང་འགྱུར་བ་མ་ཡིན་ནོ། །ཞེས་དང་། ཀུན་དགའ་བོ་ལོངས་ལ་ནུབ་ཕྱོགས་སུ་ཕྱོགས་ཏེ། མེ་ཏོག་གཏོར་ལ་ཐལ་མོ་སྦྱར་ཏེ། གང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རྡུལ་མེད་ཅིང་རྣམ་པར་དག་པ་བཞུགས་ཤིང་འཚོ་ལ་གཞེས་ཤིང་ཆོས་ཀྱང་སྟོན་པའི་ཕྱོགས་དེར་ཕྱག་འཚོལ་ཞིག །དེ་ཡི་མཚན་ཡང་སྒྲིབ་པ་མེད་པར་ཕྱོགས་བཅུར་གྲགས་ཏེ། ཕྱོགས་རེ་རེ་ན་ཡང་སངས་རྒྱས་བཅོམ་ལྡན་འདས་གསུང་ཆགས་པ་མི་མངའ་ཞིང་གསུང་ཐོགས་པ་མི་མངའ་བ་གངྒཱའི་ཀླུང་གི་བྱེ་མ་སྙེད་དག་ལན་འགའ་མ་ཡིན་པར་བསྔགས་པ་བརྗོད་ཅིང་བསྟོད་དེ་སྙན་པ་གསུངས་སོ། །ཞེས་སོགས་རྒྱ་ཆེར་ཡོད་པས་འདི་ཁོ་ན་ལ་བརྩོན་པར་བྱའོ། །མདོ་ལས་ཆོ་ག་དངོས་བསྟན་གབ་ན་ཡང་། །དོན་ལ་རྟོན་པ་རྒྱལ་བའི་ཕྲིན་ལས་ཕྱིར། །སྡོམ་པའི་ཀུན་སྤྱོད་མཚུངས་པ་ཡོ་ག་ལྟར། །བཀྲོལ་བས་སེམས་ཅན་ཀུན་ལ་སྨན་གྱུར་ཅིག །ཅེས་པའང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོས་བསྐུལ་བའི་ངོར་རང་བྱུང་རྡོ་རྗེས་དཔལ་ལྡན་ཚེ་རིང་ལྗོངས་སུ་སྦྱར་བའོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-027&diff=64195 2026-09-29T17:25:01Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན།<br /> |fulltitle=sgrol ma maN+Dal bzhi pa'i cho ga klu dbang dgongs rgyan<br /> |citation='jigs med gling pa. ''Sgrol ma maN+Dal bzhi pa'i cho ga klu dbang dgongs rgyan''. In ''Kun mkhyen rig 'dzin 'jigs med gling pa'i gsung 'bum'', Vol. 10: 339-368. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Mandala Offerings - maN+Dal 'bul chog<br /> |terma=Yes<br /> |deity=sgrol ma<br /> |cycle=yum bka' bde chen rgyal mo<br /> |cycletib=ཡུམ་བཀའ་བདེ་ཆེན་རྒྱལ་མོ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=027<br /> |pagenumbers=339-368<br /> |totalpages=30<br /> |beginfolioline=1a1<br /> |endfolioline=15b6<br /> |totalfolios=15<br /> |multivolumework=No<br /> |rectonotes=maN+Dal bzhi chog<br /> |versonotes=cho ga klu dbang dgongs rgyan<br /> |colophontib=།དེ་ལྟར་སྒྲོལ་མ་མཎྜལ་བཞི་པར་གྲགས་པའི་ཆོ་ག་ལ་ཡིག་ཆ་མང་དུ་སྣང་ཡང་། རྩ་བའི་ཁུངས་ནི་སློབ་དཔོན་ཀླུ་སྒྲུབ་ཀྱིས་སྒྲོལ་མ་མངོན་པར་འབྱུང་བའི་རྒྱུད་ལ་བརྟེན་ནས་བསྡུ་བ་མཛད་པ་ཉིད་ཀྱང་དེ་ཉིད་ཀྱི་མངོན་རྟོགས་རང་ས་མ་ཟིན་པ་དང་། ཚིག་ཚོགས་ལ་ཐལ་བ་རྣམས་བཏང་སྙོམས་སུ་བྱས་ཤིང་། མན་ངག་ལས་བྱུང་བ་འགའ་ཞིག་གསར་དུ་བསྣན་ནས་བཀླག་ཆོག་ཏུ་བཀོད་པ་འདི་ཡང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ།<br /> |colophonwylie=de ltar sgrol ma maN+Dal bzhi par grags pa'i cho ga la yig cha mang du snang yang /_rtsa ba'i khungs ni slob dpon klu sgrub kyis sgrol ma mngon par 'byung ba'i rgyud la brten nas bsdu ba mdzad pa nyid kyang de nyid kyi mngon rtogs rang sa ma zin pa dang /_tshig tshogs la thal ba rnams btang snyoms su byas shing /_man ngag las byung ba 'ga' zhig gsar du bsnan nas bklag chog tu bkod pa 'di yang mdo khams pa 'jigs med phrin las 'od zer gyis nan tan chen po'i ngor rgyal ba'i myu gu mkhyen brtse'i lhas so/<br /> |pdflink=File:JLKO-KABUM-10-THA-027.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན་བཞུགས། །<br /> <br /> ༄། །{{TibChung|དེ་མཚན་དེ་ཡི་ཨུཏྤ་ལ། །རྣ་ལུང་དཔྱངས་པའི་གདེངས་ཀ་ནི། །འཇིགས་པ་བརྒྱད་ཀྱི་མི་མཐུན་ཕྱོགས། །ཁོ་ནར་ངེས་པས་ཕྱག་བགྱིའོ། །འདིར་འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པའི་འགལ་རྐྱེན་ཐམས་ཅད་ཞི་བར་བྱེད་པ་སྒྲོལ་མ་མཎྜལ་བཞི་པའི་ཆོ་ག་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི་གཙུག་ལག་ཁང་དང་དགོན་པ་སོགས་གནས་གཙང་ཞིང་ཡིད་དུ་འོང་བར་རྟེན་གསུམ་སྤྱི་དང་། ཁྱད་པར་རྗེ་བཙུན་མའི་སྣང་བརྙན་བྱིན་རླབས་ཅན་བཤམས་པའི་ཟུར་བཞིར་མཎྜལ་བཞི་དང་། ལོགས་བཞིར་མཆོད་པ་སྣ་ལྔ་བྲེང་ཆགས་རེ། ཅི་རིགས་པར་གཏོར་མ་དཀར་ཟླུམ། དཀར་གསུམ་མངར་གསུམ་གྱིས་བརྒྱན་པ་ཚར་བཞི་ཡང་བཤམས། གཞན་ཡང་བུམ་པ་བཅུད་ལྡན་ལ་སོགས་པའི་ཁྲུས་ཀྱི་ཡོ་བྱད་དང་། ཚར་རེ་བཞིན་གསོ་རྒྱུའི་མཆོད་པ་སོགས་ཉེ་བར་འདུ་བྱའོ། །གཉིས་པ་དངོས་གཞི་ལ་གཉིས། དཀོན་མཆོག་སྤྱི་ལ་བརྟེན་ནས་ཚོགས་བསག་པ་དང་། རྗེ་བཙུན་མ་སྒོས་ལ་བརྟེན་ནས་ཚོགས་བསག་པའོ། །དང་པོ་ལའང་རྣམ་གྲངས་བཅུ་གཅིག་ལས། དང་པོ་ནི་རང་ཉིད་ཀྱང་ཁྲུས་བྱ་ཞིང་གཙང་སྦྲ་ལ་གནས་པས་སྐྱབས་སུ་འགྲོ་བ་དང་སྨོན་སེམས་ནི།}} སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །{{TibChung|སོགས་ཀྱི་ཤློ་ཀ་ལན་གསུམ། གཉིས་པ་བྱང་སྡོམ་བླང་བ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །{{TibChung|སོགས་ཚད་མེད་བཞི་བསྒོམ་པ་ལན་གསུམ་གྱི་མཐར།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །{{TibChung|ཞེས་ལན་གསུམ་གྱིས་སྐྱབས་སུ་འགྲོ་བ་སྔོན་དུ་བཏང་ནས།}} ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། །{{TibChung|གསུམ་གྱི་མཐར།}} དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་བགྱི། །{{TibChung|ཞེས་པས་དགའ་བ་སྒོམ། གསུམ་པ་ས་གཞི་བྱིན་བརླབ་ནི།}} ཐམས་ཅད་དུ་ཡང་ས་གཞི་དག །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུརྱའི། །རང་བཞིན་འཇམ་པོར་གནས་གྱུར་ཅིག །{{TibChung|བཞི་པ་མཆོད་པ་བྱིན་རླབས་ནི།}} ཨོཾ་ཧཱུྃ་ཏྲཱྃ་ཧྲཱིཿཨཱཿ ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝིདྱ་ཤབྡ་ཨཱཿཧཱུྃཿ {{TibChung|དང་སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། ལྔ་པ་སྤྱན་འདྲེན་གྱི་སྔ་རོལ་དུ་དཀོན་མཆོག་གི་ཡོན་ཏན་རྗེས་སུ་དྲན་པར་བྱ་བ་ནི།}} འདི་ལྟར་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཏེ་དེ་བཞིན་གཤེགས་པ་དེ་ནི་བསོད་ནམས་དག་གི་རྒྱུ་མཐུན་པ། དགེ་བའི་རྩ་བ་རྣམས་ཆུད་མི་ཟ་བ། བཟོད་པས་རབ་ཏུ་བརྒྱན་པ། བསོད་ནམས་ཀྱི་གཏེར་རྣམས་ཀྱི་གཞི། དཔེ་བྱད་བཟང་པོ་རྣམས་ཀྱིས་སྤྲས་པ། མཚན་རྣམས་ཀྱི་མེ་ཏོག་རྒྱས་པ། སྤྱོད་ཡུལ་རན་པར་མཐུན་པ། མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་པོ། མྱ་ངན་ལས་འདས་པའི་གྲོང་ཁྱེར་དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ། སྤོབས་པ་བསམ་གྱིས་མི་ཁྱབ་པ། གསུང་རྣམ་པར་དག་པ། དབྱངས་སྙན་པ། སྐུ་བྱད་བལྟ་བས་ཆོག་མི་ཤེས་པ། སྐུ་མཚུངས་པ་མེད་པ། འདོད་པ་དག་གིས་མ་གོས་པ། གཟུགས་དག་གིས་ཉེ་བར་མ་གོས་པ། གཟུགས་མེད་པ་དག་དང་མ་འདྲེས་པ། སྡུག་བསྔལ་དག་ལས་རྣམ་པར་གྲོལ་བ། ཕུང་པོ་དག་ལས་རབ་ཏུ་རྣམ་པར་གྲོལ་བ། ཁམས་རྣམས་དང་མི་ལྡན་པ། སྐྱེ་མཆེད་རྣམས་བསྡམས་པ། མདུད་པ་རྣམས་ཤིན་ཏུ་བཅད་པ། ཡོངས་སུ་གདུང་བ་དག་ལས་རྣམ་པར་གྲོལ་བ། སྲིད་པ་ལས་གྲོལ་བ། ཆུ་བོ་ལས་བརྒལ་བ། ཡེ་ཤེས་ཡོངས་སུ་རྫོགས་པ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བའི་ཡོན་ཏན་ཡང་དག་པ་རྣམས་སོ། །དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། བཅོམ་ལྡན་འདས་ཀྱིས་ཆོས་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་བསྟོད་པ། འདི་མཐོང་བ་ལ་དོན་ཡོད་པ། མཁས་པ་རྣམས་ཀྱིས་སོ་སོ་རང་གིས་རིག་པར་བྱ་བ། བཅོམ་ལྡན་འདས་ཀྱིས་གསུངས་པའི་ཆོས་འདུལ་བ་ལ་ལེགས་པར་བརྟེན་པ། ངེས་པར་འབྱུང་བ། རྫོགས་པའི་བྱང་ཆུབ་ཏུ་འགྲོ་བར་བྱེད་པ། མི་མཐུན་པ་མེད་ཅིང་འདུས་པ་དང་ལྡན་པ། རྟེན་པ་ཡོད་པ། རྒྱུ་བ་བཅད་པའོ། །ཐེག་པ་ཆེན་པོའི་དགེ་འདུན་ནི་ལེགས་པར་ཞུགས་པ། རིག་པར་ཞུགས་པ། དྲང་པོར་ཞུགས་པ། མཐུན་པར་ཞུགས་པ། ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ། བསོད་ནམས་ཀྱི་དཔལ་གྱི་ཞིང་། ཡོན་ཡོངས་སུ་བྱང་བ་ཆེན་པོ། སྦྱིན་པའི་གནས་སུ་གྱུར་པ། ཀུན་ཏུ་ཡང་སྦྱིན་པའི་གནས་སུ་གྱུར་པ་ཆེན་པོའོ། །དྲུག་པ་སྤྱན་འདྲེན་དངོས་ནི། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེའི་རྣམས་དགོངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱོད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡང་དག་འཁོར་དང་བཅས་ཏེ་གཤེགས་སུ་གསོལ། །བཛྲ་ས་མཱ་ཛཿ {{TibChung|ཞེས་རོལ་ཆེན་བྱ། བདུན་པ་བཞུགས་གསོལ་ནི།}} བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། {{TibChung|ཞེས་གདན་དབུལ། བརྒྱད་པ་ཁྲུས་གསོལ་ནི།}} ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡིས། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །{{TibChung|ཞེས་བརྗོད་ཅིང་ཚིག་དོན་འབྲེལ་པར་གོས་ཟུང་འབུལ་བ་དང་། དྲིའི་བྱུག་པ་འགྱེད་པར་ཡང་བྱའོ། །བརྒྱད་པ་མཆོད་པ་ནི།}} ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །{{TibChung|སོགས་ཕལ་པོ་ཆེ་ལས་བྱུང་བའི་ཡན་ལག་བདུན་པ་དང་། སྤྲོ་ན།}} ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡ་ར་དང་པདྨ་དང་། །ཨུཏྤ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་བ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་ཚིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་འཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །དུས་གསུམ་གཤེགས་པའི་སངས་རྒྱས་ཀུན། །ཆོས་དང་ཚོགས་ཀྱི་མཆོག་བཅས་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་བདག་ཕྱག་འཚལ། །བྱང་ཆུབ་སེམས་ཀྱི་གཞི་རྣམས་དང་། །མཆོད་རྟེན་རྣམས་ལ་བདག་ཕྱག་འཚལ། །མཁན་པོ་དེ་བཞིན་སློབ་དཔོན་དང་། །བརྟུལ་ཞུགས་མཆོག་ལ་ཕྱག་འཚལ་ལོ། །{{TibChung|དགུ་པ་བསྟོད་པ་ནི།}} མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་གྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་རྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །{{TibChung|སྤྲོ་ན།}} དགའ་བ་བརྒྱ་ལྡན་འཆི་མེད་གྲོང་ཁྱེར་ནས། །བྱང་ཆུབ་སེམས་ཀྱི་དམ་པ་ཏོག་དཀར་པོ། །ཤཱཀྱའི་རིགས་ཀྱི་ཐིག་ལེར་འཛིན་པའི་སྣོད། །སྒྱུ་འཕྲུལ་ལྷ་མོ་རི་དྭགས་མིག་ཅན་ཡིན། །འོད་སྟོང་ཤར་གྱི་རི་ལ་ཆས་པ་བཞིན། །ལྷུམས་ཀྱི་གེ་སར་བཞད་པ་ལུམྦིའི་ཚལ། །ཚངས་དང་དབང་པོས་སྲི་ཞུས་མཛེས་བྱས་ཤིང་། །བྱང་ཆུབ་རིགས་སུ་ལུང་བསྟན་ལ་ཕྱག་འཚལ། །ལང་ཚོས་དྲེགས་པའི་ཤཱཀྱ་གཞོན་ནུའི་དབུས། །སྒྱུ་རྩལ་དྲུག་ཅུ་རྩ་བཞིའི་རོལ་རྩེད་མཐུ། །ཀུན་གྱིས་ཁྱོད་ལ་བཏུད་ཅིང་གྲགས་པ་ཡིས། །སྐྱེ་དགུའི་རྣམ་ཤེས་མིག་དང་རྣ་བར་རྫོགས། །འདོད་སྲེད་ཞགས་པས་གཞན་དབང་མ་གྱུར་བཞིན། །ཡབ་གཅིག་དགྱེས་སླད་བཙུན་མོའི་སྒྱུ་མ་ལ། །སྒྱུ་མའི་ལྟ་བས་བལྟས་ནས་རྒྱལ་པོའི་ཁབ། །བསྐྱངས་པས་དོན་ཀུན་གྲུབ་པ་ལ་ཕྱག་འཚལ། །ཤིན་ཏུ་གཡོ་ཞིང་འཇིགས་པ་རྒྱལ་སྲིད་ཀྱི། །ལྕགས་ཀྱུའི་དབང་དུ་མ་གྱུར་འགའ་མེད་ཀྱང་། །ངེས་པར་འབྱུང་བའི་རྐྱེན་བཞིས་ཁྱོད་ཀྱི་ཐུགས། །ཕྲོགས་ནས་རང་བྱུང་དགེ་སློང་ཉིད་དུ་བསྟན། །བརྩོན་འགྲུས་རླབས་ཀྱིས་མི་ངལ་ནཻ་རཉྫར། །དཀའ་ཐུབ་གདུང་བ་བཟོད་པའི་སྙིང་སྟོབས་དང་། །ཀུན་རྟོག་འདུལ་བ་འཛིན་པའི་བསམ་གཏན་ལ། །ཕྱོགས་བཅུའི་བདེ་གཤེགས་དགྱེས་ལ་ཕྱག་འཚལ་ལོ། །གྲངས་མེད་གསུམ་གྱི་སྲིད་དུ་རྣམ་རིག་ཀུན། །ཚོགས་གཉིས་ཐ་གུས་བཅིངས་པ་དོན་ཡོད་ཕྱིར། །བྱང་ཆུབ་ཤིང་དྲུང་བདུད་རྣམས་སྐྲག་བྱས་ནས། །མངོན་པར་རྫོགས་སངས་རྒྱ་བ་རྒྱལ་ཀུན་གཤིས། །འཁོར་བ་གཏིང་མཐའ་མེད་པའི་གཡང་ས་ལ། །རྒྱུག་པའི་འགྲོ་བ་འཁོར་ལོ་གསུམ་གྱི་གྲུས། །བསྒྲལ་ནས་ཐར་པ་དང་ནི་རྣམ་མཁྱེན་གྱི། །གོ་འཕང་དཀྲི་བ་ཁྱོད་ལ་ཕྱག་འཚལ་ལོ། །རྟོག་ཅིང་དཔྱོད་ཀྱང་སྡོམ་པ་མིན་པའི་ཆང་། །འཐུངས་པས་ཆེས་བཟིས་མུ་སྟེགས་སྟོན་པའི་ལྕེ། །མཉན་དུ་ཡོད་པའི་ཆོ་འཕྲུལ་མཐུས་བཅད་པས། །སྐྱེངས་དང་གཟི་བརྗིད་ཉམས་པའི་ཆོ་ག་རྫོགས། །རྫུ་འཕྲུལ་རྐང་པ་བཞི་ལ་མཆོག་ཐོབ་ཁྱོད། །སྐྱེ་རྒ་ན་འཆིའི་ཚོར་བ་མི་མྱོང་ཡང་། །ངེས་པར་ཕ་རོལ་འགྲོ་འདི་མི་སེམས་རྣམས། །སྐྱོ་སླད་མྱ་ངན་འདའ་སྟོན་དེར་ཕྱག་འཚལ། །བསོད་ནམས་ཉམ་ཆུང་གྱུར་པའི་འགྲོ་བ་རྣམས། །དཀར་པོའི་ཆོས་རབ་འཕེལ་བའི་ཚོང་ཟོང་ནི། །འཛད་པ་མེད་པའི་རིང་བསྲེལ་ཆ་བརྒྱད་དུ། །བཞག་སྟེ་ཆོས་ཀྱི་དབྱིངས་སུ་གཟིམས་པ་ལྟར། །བདག་ཀྱང་རྫོགས་སྨིན་སྦྱངས་གསུམ་མཐར་ཕྱིན་ནས། །ཁམས་གསུམ་ལས་འདས་འོག་མིན་ཆེན་པོ་རུ། །མངོན་པར་སངས་རྒྱས་སྤྲུལ་པའི་མཛད་པ་བཅུས། །ཀུན་མཁྱེན་ཁྱེད་དང་འགྲོ་དོན་མཉམ་པར་ཤོག །{{TibChung|བཅུ་པ་མཎྜལ་འབུལ་བ་ནི།}} ཨོཾ་བཛྲ་བྷཱུ་མི་ཨཱཿཧཱུྃ་{{TibChung|སོགས་ཀྱིས་དབུལ། བཅུ་གཅིག་པ་འདོད་དོན་གསོལ་བ་ནི།}} ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེའི་རྒྱལ་མཚན་བརྟན་གྱུར་ཅིག །འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང་། །བཅས་ཏེ་ཡུན་རིང་གནས་གྱུར་ཅིག །གཙུག་ལག་རྣམས་ནི་ཀློགས་པ་དང་། །ཁ་ཏོན་གྱིས་བརྒྱན་ལེགས་གནས་ཤིང་། །རྟག་ཏུ་དགེ་འདུན་མཐུན་པར་ཤོག །དགེ་འདུན་དོན་ཡང་འགྲུབ་པར་ཤོག །ཕྱོགས་རྣམས་ཀུན་ན་ལུས་དང་སེམས། །སྡུག་བསྔལ་ནད་པ་ཇི་སྙེད་པ། །དེ་དག་བདག་གི་བསོད་ནམས་ཀྱིས། །བདེ་དགའ་རྒྱ་མཚོ་ཐོབ་པར་ཤོག །དེ་དག་འཁོར་བ་ཇི་སྲིད་དུ། །ནམ་ཡང་བདེ་ལས་ཉམས་མ་གྱུར། །འགྲོ་བས་བྱང་ཆུབ་སེམས་དཔའ་ཡི། །བདེ་བ་རྒྱུན་མི་འཆད་ཐོབ་ཤོག །འཇིག་རྟེན་ཁམས་ན་དམྱལ་བ་དག །གང་དག་ཇི་སྙེད་ཡོད་པ་རྣམས། །དེ་དག་ཏུ་ནི་ལུས་ཅན་རྣམས། །བདེ་ཅན་བདེ་བས་དགའ་བར་ཤོག །གྲང་བས་ཉམ་ཐག་དྲོ་ཐོབ་ཤོག །བྱང་ཆུབ་སེམས་དཔའི་སྤྲིན་ཆེན་ལས། །འབྱུང་བའི་ཆུ་བོ་མཐའ་ཡས་ཀྱིས། །ཚ་བས་ཉམ་ཐག་བསིལ་བར་ཤོག །དུད་འགྲོ་རྣམས་ནི་གཅིག་ལ་གཅིག །ཟ་བའི་འཇིགས་དང་བྲལ་བར་ཤོག །སྒྲ་མི་སྙན་པའི་མི་བཞིན་དུ། །ཡི་དྭགས་རྣམས་ནི་བདེ་བར་གྱུར། །ལོང་བ་རྣམས་ཀྱིས་མིག་མཐོང་ཞིང་། །འོན་པས་རྟག་ཏུ་སྒྲ་ཐོས་ཤོག །ལྷ་མོ་སྒྱུ་འཕྲུལ་ཇི་བཞིན་དུ། །སྦྲུམ་མའང་གནོད་མེད་བཙའ་བར་ཤོག །གཅེར་བུ་རྣམས་ཀྱིས་གོས་དག་དང་། །བཀྲེས་པ་རྣམས་ཀྱིས་ཟས་དང་ནི། །སྐོམ་པ་རྣམས་ཀྱིས་ཆུ་དག་དང་། །བཏུང་བ་ཞིམ་པོ་ཐོབ་པར་ཤོག །བཀྲེན་པ་རྣམས་ཀྱིས་ནོར་ཐོབ་ཤོག །མྱ་ངན་ཉམ་ཐག་དགའ་ཐོབ་ཤོག །ཡི་ཆད་རྣམས་ཀྱང་ཡིད་སོས་ཤིང་། །བརྟན་པ་ཕུན་སུམ་ཚོགས་པར་ཤོག །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག །འགྲོ་བའི་ནད་ནི་མ་ལུས་པ། །རྟག་ཏུ་འབྱུང་བ་མེད་པར་ཤོག །སྐྲག་པ་རྣམས་ནི་འཇིགས་མེད་ཤོག །བཅིངས་པ་རྣམས་ནི་གྲོལ་བར་གྱུར། །མཐུ་མེད་རྣམས་ནི་མཐུ་ལྡན་ཞིང་། །སེམས་ནི་ཕན་ཚུན་བསྙེན་གྱུར་ཅིག །མགྲོན་པོ་དག་ནི་ཐམས་ཅད་ལ། །ཕྱོགས་རྣམས་ཐམས་ཅད་བདེ་བར་ཤོག །གང་གི་དོན་དུ་འགྲོ་བྱེད་པ། །དེ་འབད་མི་དགོས་འགྲུབ་གྱུར་ཅིག །གྲུ་དང་གྲུ་ཆེན་ཞུགས་པ་རྣམས། །ཡིད་ལ་བསམ་པ་འགྲུབ་གྱུར་ཏེ། །ཆུ་ཡི་ངོགས་སུ་བདེར་ཕྱིན་ནས། །གཉེན་དང་ལྷན་ཅིག་དགའ་བར་ཤོག །མྱ་ངན་ལམ་གོལ་འཁྱམས་པ་རྣམས། །མགྲོན་པོ་དག་དང་འཕྲད་གྱུར་ནས། །ཆོམ་རྐུན་སྟག་སོགས་འཇིགས་མེད་པར། །མི་ངལ་བདེ་བླག་འདོང་བར་ཤོག །དགོན་སོགས་ལམ་མེད་ཉམ་ང་བར། །བྱིས་པ་རྒན་པོ་མགོན་མེད་པ། །གཉིད་ལོག་མྱོས་ཤིང་རབ་མྱོས་རྣམས། །ལྷ་དག་སྲུང་བ་བྱེད་པར་ཤོག །ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་གྱུར་ཅིག །འཇིག་རྟེན་དག་ཀྱང་དར་བར་ཤོག །སྨན་རྣམས་མཐུ་དང་ལྡན་པ་དང་། །གསང་སྔགས་བཟླས་བརྗོད་འགྲུབ་པར་ཤོག །མཁའ་འགྲོ་སྲིན་པོ་ལ་སོགས་པ། །སྙིང་རྗེའི་སེམས་དང་ལྡན་གྱུར་ཅིག །ངན་སོང་སྡུག་བསྔལ་མི་མྱོང་ཞིང་། །དཀའ་བ་སྤྱད་པ་མེད་པར་ཡང་། །ལྷ་བས་ལྷག་པའི་ལུས་ཀྱིས་ནི། །དེ་དག་སངས་རྒྱས་མྱུར་ཐོབ་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །{{TibChung|ཅེས་བརྗོད། གཉིས་པ་མཎྜལ་བསྙེན་པ་ཚར་གསུམ་གྱི་དང་པོ་ལ་རྣམ་གྲངས་བཅུ་གཉིས་ལས། དང་པོ་རྟེན་བསྐྱེད་པ་ནི།}} ཨོཾ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ་་་་་་{{TibChung|གྲངས་གསོག་གི་ཚེ་རྟེན་བསྐྱེད་ཚར་གཅིག་སོང་རྗེས་པོ་ཏ་ལ་ཡི་སོགས་ནས་སྤྱན་འདྲེན་གྱིས་འཐུས། ཞེས་པས་ཆོས་ཐམས་ཅད་དེ་བཞིན་ཉིད་དུ་རྟོགས་པས་ཡེ་ཤེས་ཀྱི་ཚོགས་དང་། དེ་ལྟར་མ་རྟོགས་པ་རྣམས་ལ་སྙིང་རྗེ་ཆེན་པོའི་ངང་ནས་སྒྱུ་མ་ལྟ་བུའི་ལྷ་སྐུར་ལངས་ཏེ་གཞན་དོན་བྱེད་པ་བསོད་ནམས་ཀྱི་ཚོགས་སུ་ངེས་པས།}} སྟོང་པའི་ངང་ལས་པཾ་ལས་པདྨ་དང་། ཨ་ལས་ཟླ་བའི་དལ་གྱི་སྟེང་དུ་ཏཱཾ་ལས་ཨུཏྤལ་ཏཱཾ་གྱིས་མཚན་པ་དེ་ལས་འོད་ཟེར་འཕྲོས་འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་པ་ལས་མདུན་གྱི་རྟེན་རྗེ་བཙུན་སྒྲོལ་མ་སྐུ་མདོག་ལྗང་གུ་བཅུ་དྲུག་ལོན་པའི་རྣམ་པ་མཛེས་ཤིང་། རིན་པོ་ཆེའི་རྒྱན་དང་དར་སྣ་ཚོགས་ཀྱི་ཤམ་ཐབས་ཅན་སྟོད་གཡོགས་དང་དར་སྲབ་མོས་ནུ་མ་བཀབ་པ། དབུ་སྐྲ་ལི་བའི་གཡོན་ཕྱོགས་གྱེན་དུ་བརྫེས་ཤིང་གཡས་ངོས་ནས་ཐུར་དུ་ཅུང་ཟད་འཕྱང་བ། ཕྱག་གཡས་མཆོག་སྦྱིན་དང་གཡོན་པ་ཐུགས་ཀར་ཨུཏྤ་ལའི་རྩ་བ་ནས་བཟུང་བའི་མེ་ཏོག་འཁོར་ལོས་མཚན་པ་རྣ་བའི་ཐད་ཀར་སླེབ་པ། ཟླ་བའི་རྒྱབ་ཡོལ་ཅན། དེའི་མཐའ་སྐོར་དུ་པད་འདབ་བཅུ་པ་ཉིས་རིམ་ལ་སྒྲོལ་མ་གཞན་ཉི་ཤུ་པོ་བཞུགས་སྟངས་གཙོ་མོ་དང་འདྲ་བ་ལ་སྐུ་མདོག་དང་ཕྱག་མཚན་གྱི་ཁྱད་པར་མདུན་ནས་རིམ་པས་གཡས་བསྐོར་དུ་མྱུར་མ་དཔའ་མོ་དམར་ལ་ཁྲོ་འཛུམ་ཆགས་པའི་ཉམས་ཅན་ཨུཏྤ་ལའི་སྟེང་ན་དུང་གཡས་འཁྱིལ་འཛིན་པ། དེ་བཞིན་དུ་དབྱངས་ཅན་མ་སྟོན་ཟླའི་ཞལ་མེ་ལོང་ཧྲཱིཾཿགྱིས་མཚན་པ། སེར་སྔོ་བསོད་ནམས་མཆོག་སྟེར་རིན་པོ་ཆེ། གཙུག་ཏོར་རྣམ་རྒྱལ་གསེར་མདོག་ཚེ་བུམ། རིག་བྱེད་མ་ལེ་བརྒན་མདོག་མདའ་གཞུ། འཇིགས་བྱེད་ཆེན་མོ་དམར་ནག་ཕུར་བུ། གཞན་གྱིས་མི་ཐུབ་མ་ནག་མོ་ཁྲོ་གཉེར་ཅན་རལ་གྲི། གཞན་མི་རྒྱལ་བ་དམར་ནག་ཁྲོ་གཉེར་ཅན་རྡོ་རྗེ། འཇིག་རྟེན་གསུམ་རྒྱལ་དམར་མོ་རྒྱལ་མཚན། ནོར་གཏེར་དམར་མོ་ཁྲོ་གཉེར་ཅན་གཏེར་བུམ། བཀྲ་ཤིས་དོན་བྱེད་མ་སེར་མོ་དཔལ་བེ། དགྲ་དཔུང་འཇོམ་མ་དམར་མོ་རྡོ་རྗེ་རྭ་གདེངས། ཁྲོ་གཉེར་ཅན་མཛད་ནག་མོ་གཏུན་ཤིང་། རབ་ཏུ་ཞི་བ་དཀར་གསལ་སྤྱི་བླུགས། འབར་བའི་འོད་ཅན་དམར་མོ་རྒྱ་གྲམ། དཔག་མེད་གནོན་མ་ངུར་སྨྲིག་མཆོད་རྟེན། རྨ་བྱ་ཆེན་མོ་དཀར་གསལ་ཟླ་བ། མི་ཕམ་རྒྱལ་མོ་དཀར་གསལ་གདུགས་དཀར། རི་ཁྲོད་ལྷ་མོ་དམར་སེར་ཟ་མ་ཏོག །འོད་ཟེར་ཅན་མ་དཀར་དམར་གསེར་ཉ་འཛིན་པ། ཐམས་ཅད་ཀྱང་རྟ་བབས་ཀྱི་སྐྱིལ་མོ་ཀྲུང་དང་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་རེ་རེས་མཚན་པ་དེའི་འོད་ཟེར་གྱིས་རི་བོ་པོ་ཏ་ལ་ནས་རྗེ་བཙུན་མ་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་བཛྲ་ས་མཱ་ཛཿ {{TibChung|གཉིས་པ་སྤྱན་འདྲེན་པ་ནི།}} པོ་ཏ་ལ་ཡི་གནས་མཆོག་ནས། །ཏཱཾ་ཡིག་ལྗང་གུ་ལས་འཁྲུངས་ཤིང་། །འོད་དཔག་མེད་པས་དབུ་ལ་བརྒྱན། །དུས་གསུམ་སངས་རྒྱས་ཕྲིན་ལས་མ། །འགྲོ་བའི་དོན་ཕྱིར་གཤེགས་སུ་གསོལ། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །བཛྲ་ས་མ་ཡ་ཛཿ {{TibChung|གསུམ་པ་དབང་བསྐུར་བ་ནི།}} མེ་ཏོག་དམ་པ་ཕྲེང་བ་དམ་པ་{{TibChung|སོགས་ཤློ་ཀའི་མཐར། པུཥྤེ་སོགས་དང་། གསོལ་བ་གདབ་པ་ནི།}} བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་རང་བཞིན་ཅན་རྣམས་ཀྱིས། །བདག་ལ་དབང་བསྐུར་མཛད་དུ་གསོལ། །{{TibChung|ཅེས་བརྗོད་པས།}} དེ་བཞིན་གཤེགས་པ་རྣམས་ཀྱིས་བུམ་པ་བདུད་རྩིས་གང་བ་ཕྱག་ན་བསྣམས་ནས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དབང་བསྐུར་བས་སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས་གཙོ་མོ་ལ་དོན་ཡོད་གྲུབ་པ་དང་། གཞན་རྣམས་ལ་སོ་སོའི་རིགས་ཀྱིས་དབུ་བརྒྱན། དབང་གི་ལྷ་རྣམས་སྒྲོལ་མར་གྱུར་ནས་ཛཿཧཱུྃ་བྃ་ཧོཿ {{TibChung|ཞེས་པས་}}གཉིས་མེད་དུ་ཐིམ་པར་གྱུར། {{TibChung|བཞི་པ་ཕྱག་རྒྱ་བཅིང་པས་རྒྱས་གདབ་པ་ནི། ཐལ་མོ་ཁ་སྦྱར་ནས་གུང་མོ་གཡས་པས་ཅིག་ཤོས་ཀྱི་སེན་མོ་བཀབ། སྲིན་ལག་གཉིས་ནང་དུ་བཀུག་ལ་མཐེ་བོང་མནན་པ་ཨུཏྤ་ལ་ཁ་ཕྱེ་བའི་རྒྱ་དཔྲལ་བ། མགྲིན་པ། སྙིང་ག པུས་མོ་གཡས་གཡོན་དུ་འཇོག་པ་དང་སྦྲགས།}} ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། {{TibChung|ཞེས་ལན་རེ་བརྗོད། ལྔ་པ་ཡན་ལག་བདུན་པ་ནི།}} ལྷ་དང་ལྷ་མིན་ཅོད་པན་གྱིས། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་ལོ། །རྗེ་བཙུན་འཕགས་མ་སྒྲོལ་མ་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དང་བས་ཕྱག་བགྱིའོ། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །ཉན་ཐོས་རང་རྒྱལ་བྱང་ཆུབ་སེམས། །སོ་སོ་སྐྱེ་བོ་ལ་སོགས་པས། །དུས་གསུམ་དགེ་བ་ཅི་བསགས་པ། །བསོད་ནམས་ལ་ནི་བདག་ཡི་རང་། །སེམས་ཅན་རྣམས་ཀྱི་བསམ་པ་དང་། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོངས་བར། །མྱ་ངན་མི་འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱིངས་པ་ཡི། །སེམས་ཅན་རྣམས་ལ་གཟིགས་སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །རིང་པོར་མི་ཐོགས་འགྲོ་བ་ཡི། །འདྲེན་པའི་དཔལ་དུ་བདག་གྱུར་ཅིག །{{TibChung|དྲུག་པ་ཁྲུས་གསོལ་ནི།}} དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །{{TibChung|བདུན་པ་མཆོད་པ་ནི་་་་གྲངས་གསོག་གི་ཚེ་མེ་ཏོག་དམ་པ་སོགས་ཤློ་ཀ་གསུམ་གྱིས་འཐུས།་་་ལྷ་མོ་བཅུ་དྲུག་གི་མཆོད་ཕྲེང་བྱ། བརྒྱད་པ་ནི་མཎྜལ་རྒྱས་པ་འབུལ། དགུ་པ་བསྟོད་པ་ནི།}} ཐུགས་རྗེ་ཆེན་པོའི་བདག་ཉིད་ནི། །ཆུ་སྐྱེས་ཞལ་གྱི་གེ་སར་ལས། །རྣམ་སྤྲུལ་ལྷ་མོ་མྱུར་དཔའ་སྒྲོལ། །འཇིགས་པ་ཐམས་ཅད་སྐྱོབ་ལ་འདུད། །ཉོན་མོངས་ཆུ་གཏེར་ཆེན་པོའི་ཀློང་། །རྣམ་པར་འཁྱམས་པའི་སེམས་ཅན་ཀུན། །གཏི་མུག་གླང་པོའི་གཞན་དབང་གིས། །ཟིལ་གྱིས་ནོན་སྐྱོབ་མ་ལ་འདུད། །འདོད་སྲེད་གོམས་དང་ཆོས་ཉིད་དོན། །ཡུལ་ལ་འཆིང་བའི་ལྕགས་སྒྲོག་དང་། །ཀུན་ནས་དཀྲིས་པའི་ཐེ་ཚོམ་གྱི། །ཤ་ཟའི་འཇིགས་པ་སྐྱོབ་ལ་འདུད། །འདོད་པ་ཆུ་བོའི་དབའ་རླབས་དང་། །དེ་བཞིན་ཞེ་སྡང་གོམས་པ་ལས། །གྱུར་པའི་རྒྱུ་མཐུན་གཏུམ་མོའི་མེ། །ཅིག་ཅར་གསོད་མཛད་མ་ལ་འདུད། །གོ་འཕང་མཆོག་ལ་ཆོམ་རྐུན་གྱི། །བརྟུལ་ཞུགས་འཇིག་ཚོགས་ལ་བལྟ་དང་། །སྣང་བ་དགྲར་གྱུར་ཕྲག་དོག་གི། །ལྟོ་འགྲོའི་འཇིགས་པ་སྐྱོབ་ལ་འདུད། །ང་རྒྱལ་སེང་གེའི་སྡེར་མོ་ཡིས། །ཚུལ་ཁྲིམས་ལྟ་བ་མཆོག་འཛིན་དང་། །རྒྱལ་པོའི་ཆད་པ་དགྲ་གདོན་མཛེ། །བཤེས་བྲལ་དབུལ་ཕོངས་གནམ་ལྕགས་ཐོག །དོན་ཉམས་ལ་སོགས་འཇིགས་པའི་ཚོགས། །མ་ལུས་སྐྱོབ་ལ་བདག་བསྟོད་དོ། །{{TibChung|ཞེས་དང་། བཅུ་པ་ཕྱག་འཚལ་བ་ནི། ཕན་ཡོན་དྲན་པའི་སྒོ་ནས་ཕྱག་དང་བཅས།}} ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །{{TibChung|སོགས་ནས།}} འཇོམས་པ་ཏུ་རེའི་རབ་མཆོག་ཉིད་མ། །{{TibChung|ཞེས་པའི་བར་གྱི་ཕྱག་འཚལ་ཚར་གཉིས་བྱ། བཅུ་གཅིག་པ་མཎྜལ་བསྙེན་པ་ནི།}} རྗེ་བཙུན་མའི་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་ལྗང་གུའི་མཐར་སྔགས་ཕྲེང་གིས་བསྐོར་བ་ལ་དམིགས་ནས། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། {{TibChung|ཞེས་པ་ཡི་གེ་བཅུ་པའི་བསྙེན་པ་སྟོང་ཕྲག་བཅུ་སྔོན་དུ་སོང་ན་རབ། མ་སོང་ན་སྟོང་ཕྲག་གཅིག་བཟླས་རྗེས། ཕྲིན་ལས་ཁ་བསྒྱུར་གྱི་བཟླས་པ་ནི། དང་པོར་བསོད་ནམས་འཕེལ་བའི་རྒྱུ་བྱང་ཆུབ་ཀྱི་སེམས་རྒྱས་པར་འདོད་ན། རྩ་སྔགས་ལ།}} བོ་དྷི་ཙིཏྟ་སྭཱ་ཧཱ། {{TibChung|ཞེས་པ་དང་། དེ་བཞིན་དུ་འཇིགས་པ་ཆེན་པོ་བརྒྱད་སྐྱོབ་པར་འདོད་ན་}}སྭཱ་ཧཱའི་{{TibChung|གོང་དུ།}} དཱ་ན་ཏྲ་ཡ་སྦྱར། {{TibChung|ཤེས་རབ་འཕེལ་བ་ལ།}} པྲཛྙཱ་ཧྲཱིཾ་ཧྲཱིཾ། {{TibChung|བསོད་ནམས་བསྐྱེད་པ་ལ།}} མ་ཧཱ་པུཎྱེ། {{TibChung|ཚེ་སྒྲུབ་ན།}} ཨཱ་ཡུར་དཱ་ཏེ་བྷྲཱུྃ། {{TibChung|དབང་བྱེད་ལ།}} ཀུ་རུ་ཀུལླེ་ནྲྀ་ཛཿ {{TibChung|གདོན་ལ།}} སརྦ་བིག་ནན་བཾ་ཧཱུྃ་ཕཊཿ {{TibChung|གཡུལ་ངོ་སོགས་ལ།}} བཛྲ་ཏ་ཀ་ཧ་ན་ལི་ཙ་ཕཊཿ {{TibChung|མཚང་འབྲུ་བ་ལ།}} ད་ཧ་པ་ཙ་ཧཱུྃ་ཕཊཿ {{TibChung|འཇིག་རྟེན་དབང་དུ་བྱེད་ན།}} ལོ་ཀ་པཱ་ཤཾ་ཀུ་རུ། {{TibChung|དབུལ་བ་སེལ་ན།}} མ་མ་བ་སུ་པུཥྚིཾ་ཀུ་རུ། {{TibChung|བུ་དཔལ་ཆར་ཆུ་སྤེལ་ན།}} མངྒ་ལ་ཤྲཱི་མ་ཧཱ་པཱ་ཎི། {{TibChung|འགྱེད་པ་ལ།}} བཛྲ་ཛྭ་ལ་ཕཊ་ཕཊ་རཀྵ་རཀྵཿ {{TibChung|ཕུང་བྱེད་ལ།}} ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊཿ {{TibChung|སྡིག་པ་ལ།}} སརྦ་པཱ་པཾ་ག་ཏེ་ག་ཏེ། {{TibChung|བྱད་ཕུར་ལ།}} ཏྲཾ་དུ་ཏྲི་ན་ཏྲཾ་དུ་ཕཊཿ {{TibChung|དགྲ་ཇག་དང་གཅན་གཟན་ལ།}} ཧཱུྃ་ཧཱུྃ་བཾ་ཧོཿ {{TibChung|དུག་རིགས་ལ།}} སརྦ་བི་ཥ་ཏ་ར་ཕཊཿ {{TibChung|རྩོད་པ་དང་རྨི་ལམ་ངན་པ་ལ།}} ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱཾ། {{TibChung|རིམས་ནད་ལ།}} ནཱ་མ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱ། {{TibChung|ནད་པའི་བླ་ཚེ་བླུ་ན།}} མ་རི་ཙྱེ་ཚེ་བྷྲཱུྃ་ནྲྀ་ཛ་སྭཱ་ཧཱ། {{TibChung|དེ་དག་གི་དམིགས་གནད་ཁྱད་པར་བ་ནི་བདེ་སྙིང་གཏེར་བུམ་ལས་རྟོགས་པར་བྱ་ཞིང་། ལས་སྒྲུབ་སོ་སོའི་ཕྱག་འཚལ་ཁོལ་བཏོན་བརྒྱ་རྩ་བརྗོད་པ་མན་ངག་གོ། །བཅུ་གཉིས་པ་གསོལ་བ་བཏབ་པ་ནི།}} ཏཱ་རེ། {{TibChung|ཞེས་མཚན་སྔགས་བརྒྱ་ཕྲག་གསུམ་གྱིས་བོས་ནས།}} རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །སྒྲིབ་གཉིས་བྱང་ཞིང་ཚོགས་གཉིས་མྱུར་རྫོགས་ནས། །རྫོགས་པའི་སངས་རྒྱས་ཐོབ་པར་མཛད་དུ་གསོལ། །དེ་མ་ཐོབ་ཀྱི་ཚེ་རབས་ཀུན་ཏུ་ཡང་། །ལྷ་དང་མི་ཡི་བདེ་བ་མཆོག་ཐོབ་ནས། །ཐམས་ཅད་མཁྱེན་པ་སྒྲུབ་པར་བྱེད་པ་ལ། །བར་གཅོད་གདོན་བགེགས་རིམས་དང་ནད་ལ་སོགས། །དུས་མིན་འཆི་བར་གྱུར་པའི་ནད་རྣམས་དང་། །རྨི་ལམ་ངན་དང་མཚན་མ་ངན་པ་དང་། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་དུ་གསོལ། །འཇིག་རྟེན་འཇིག་རྟེན་ལས་ནི་འདས་པ་ཡི། །བཀྲ་ཤིས་བདེ་ལེགས་ཕུན་སུམ་ཚོགས་པ་རྣམས། །འཕེལ་ཞིང་རྒྱས་པའི་དོན་རྣམས་མ་ལུས་ཀུན། །འབད་མེད་ལྷུན་གྱིས་གྲུབ་པར་མཛད་དུ་གསོལ། །སྒྲུབ་ལ་བརྩོན་ཞིང་དམ་ཆོས་འཕེལ་བ་དང་། །རྟག་ཏུ་ཁྱེད་བསྒྲུབ་ཞལ་མཆོག་མཐོང་བ་དང་། །སྟོང་ཉིད་དོན་རྟོགས་བྱང་སེམས་རིན་པོ་ཆེ། །ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །བདག་གིས་ཚེ་རབས་ཀུན་ཏུ་བསྒྲུབས་པའི་ལྷ། །དུས་གསུམ་སངས་རྒྱས་ཀུན་གྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་མྱུར་ཞི་དཔལ། །ཡུམ་གྱུར་ཨུཏྤལ་བསྣམས་པའི་བཀྲ་ཤིས་ཤོག །{{TibChung|ཅེས་དང་།}} ཕན་བདེ་འབྱུང་བའི་གནས་གཅིག་པུ། །{{TibChung|སོགས་དང་།}} ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང་། །འཇིག་རྟེན་དག་ཀྱང་དར་བར་ཤོག །{{TibChung|སོགས་ཀྱིས་སྨོན་ལམ་གདབ་པོ། །མཎྜལ་གཉིས་པ་ནི།}} ལྷ་དང་ལྷ་མིན་ཅོད་པན་གྱིས། །{{TibChung|སོགས་དང་།}} རྗེ་བཙུན་འཕགས་མ་སྒྲོལ་མ་དང་། །{{TibChung|སོགས་པའི་ཡན་ལག་བདུན་པ་ནས། ཁྲུས་གསོལ། མཆོད་ཕྲེང་། མཎྜལ། བསྟོད་པ། ཕྱག་འཚལ་ཉེར་གཅིག་ཚར་གསུམ་བཟླས་པ། གསོལ་གདབ་སྨོན་ལམ་གྱི་བར་སྔར་བཞིན་བལྡབ། དེ་བཞིན་དུ་མཎྜལ་གསུམ་པ་ལའང་ཕྱག་འཚལ་ཉེར་གཅིག་ཚར་བདུན་སྤར་བའི་ཁྱད་པར་ཙམ་མོ། །གྲངས་གསོག་བྱེད་ན་འདི་ཡན་ཆད་བལྡབ། གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་གཏོར་མ་འབུལ་བ་ལ། ཆ་བཞིའི་དང་པོ་རྗེ་བཙུན་མ་ལ་འབུལ་བ་ནི། ཁ་པོ་ཏ་ལར་བལྟས་པའམ། འདུན་པ་བཅོས་ཏེ། ལག་པ་རྡོ་རྗེ་ཐལ་མོ་སྙིང་ཁར་སྦྱར་ནས། གཏོར་མ་བསང་སྦྱངས།}} སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་དུ་ཨོཾ་ཨཱཿཧཱུྃ་འོད་དུ་ཞུ་བ་ལས་བྱུང་བའི་ལྷ་རྫས་འདོད་ཡོན་གྱི་ཕུང་པོ་ཟད་མི་ཤེས་པར་གྱུར། {{TibChung|འབྲུ་གསུམ་ལན་བདུན་གྱིས་བརླབས། ལྗགས་རྡོ་རྗེའི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་བསམ།}} ན་མཿསརྦ་བུདྡྷ་བོ་དྷི་ས་ཏྭཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཧེ་ཧེ་བྷ་ག་ཝ་ཏེ་མ་ཧཱ་ས་ཏྭ། སརྦ་བུདྡྷ་ཨ་ཝ་ལོ་ཀི་ཏེ། མ་བི་ལཾ་བ། མ་བི་ལཾ་པ། ཨི་དཾ་བ་ལིངྟ་གྲིཧྞཱ་པ་ཡ་གྲྀཧྞཱ་པ་ཡ་ཧཱུྃ་ཧཱུྃ་ཛ་ཛ་སརྦ་བི་པཉྩ་རེ་སྭཱ་ཧཱ། {{TibChung|ཞེས་ལན་གསུམ་གྱི་མཐར།}} རྗེ་བཙུན་མ་སྒྲོལ་མས་བདག་ལ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩོལ་བ་དང་། འཇིགས་པ་ཆེན་པོ་བརྒྱད་ལ་སོགས་པ་ལས་ཐར་བར་མཛད་དུ་གསོལ། སྲིད་པའི་དུཿཁ་ཐམས་ཅད་ཞི་བར་མཛད་དུ་གསོལ། {{TibChung|ཆ་གཉིས་པ།}} ཨ་ཀཱ་རོ་མུ་ཁཾ་{{TibChung|གསུམ་གྱིས་རྡོ་རྗེའི་ཆོས་སྐྱོང་རྣམས་ལ་འབུལ་ལོ།}} །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་བ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་པ་ཀུན་འགྲུབ་ཤོག །{{TibChung|གིས་ཕྲིན་ལས་བཅོལ། ཆ་གསུམ་པ་}}ཨ་ཀཱ་རོ་མུ་ཁཾ་{{TibChung|གསུམ་དང་།}} གཞི་བདག་གཉུག་མར་གནས་པ་ལ་འབུལ་ལོ། །གནས་མགྲོན་གྱི་དམ་ཚིག་བསྲུང་བ་དང་འགོ་ཞིང་སྡོང་གྲོགས་གཉན་པོ་མཛད་དུ་གསོལ། {{TibChung|ཆ་བཞི་པ།}} ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་{{TibChung|སོགས་གསུམ།}} རིགས་དྲུག་སྙིང་རྗེའི་མགྲོན་ལ་བསྔོའོ། །མྱུར་དུ་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །སྡིག་པ་ཅི་ཡང་མི་བྱ་ཞིང་། །{{TibChung|སོགས་དང་།}} སྦྱིན་པ་རྒྱ་ཆེན་གྱུར་པ་འདི་ཡིས་ནི། །{{TibChung|སོགས་སྨོན་ལམ་གདབ། གཉིས་པ་ནོངས་བཤགས་ནི།}} མ་འབྱོར་པ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཆད་པ་དང་ནི་ལྷག་པ་དང་། །ཆོ་གའི་ཡན་ལག་ཉམས་པ་སོགས། །བདག་གི་བརྗེད་ངས་ཅི་མཆིས་པ། །དེ་ཀུན་ཁྱེད་ཀྱིས་བཟོད་པར་གསོལ། །{{TibChung|ཅེས་དང་། ཡི་གེ་བརྒྱ་པ་ལན་གསུམ་བརྗོད། གསུམ་པ་ནི་རྟེན་ལ་བརྟན་བཞུགས་དང་། གློ་བུར་བ་རྣམས་ལ།}} ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །{{TibChung|སོགས་ཀྱིས་གཤེགས་གསོལ་བྱ། བཞི་པ་དགེ་བ་བསྔོ་བ་ནི།}} དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །བསོད་ནམས་སྟོབས་ཆེན་འདི་ཡི་མཐུས། །སྦྱིན་བདག་འཁོར་དང་བཅས་རྣམས་ལ། །ཚེ་འདིར་བསམ་པའི་དོན་གྲུབ་ཅིང་། །བར་ཆད་ཞི་ནས་བཀྲ་ཤིས་པ། །བསམ་པ་འགྲུབ་པའི་བཀྲ་ཤིས་ཤོག །གཞན་ཡང་སྐྱེ་བ་འདི་ཉིད་དུ། །མི་མཐུན་ཕྱོགས་ཀུན་ཞི་བ་དང་། །ཚེ་རིང་ནད་མེད་ཕུན་སུམ་ཚོགས། །གཏན་དུ་བདེ་བ་ཐོབ་པར་ཤོག །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །{{TibChung|ལྔ་པ་ཤིས་བརྗོད་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །ཞེས་སོགས་ཀྱིས་མཐའ་རྒྱས་སུ་བྱའོ། །དེ་ལྟར་སྒྲོལ་མ་མཎྜལ་བཞི་པར་གྲགས་པའི་ཆོ་ག་ལ་ཡིག་ཆ་མང་དུ་སྣང་ཡང་། རྩ་བའི་ཁུངས་ནི་སློབ་དཔོན་ཀླུ་སྒྲུབ་ཀྱིས་སྒྲོལ་མ་མངོན་པར་འབྱུང་བའི་རྒྱུད་ལ་བརྟེན་ནས་བསྡུ་བ་མཛད་པ་ཉིད་ཀྱང་དེ་ཉིད་ཀྱི་མངོན་རྟོགས་རང་ས་མ་ཟིན་པ་དང་། ཚིག་ཚོགས་ལ་ཐལ་བ་རྣམས་བཏང་སྙོམས་སུ་བྱས་ཤིང་། མན་ངག་ལས་བྱུང་བ་འགའ་ཞིག་གསར་དུ་བསྣན་ནས་བཀླག་ཆོག་ཏུ་བཀོད་པ་འདི་ཡང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ། །}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-027&diff=64194 2026-09-29T17:11:44Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན།<br /> |fulltitle=sgrol ma maN+Dal bzhi pa'i cho ga klu dbang dgongs rgyan<br /> |citation='jigs med gling pa. ''Sgrol ma maN+Dal bzhi pa'i cho ga klu dbang dgongs rgyan''. In ''Kun mkhyen rig 'dzin 'jigs med gling pa'i gsung 'bum'', Vol. 10: 339-368. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Mandala Offerings - maN+Dal 'bul chog<br /> |terma=Yes<br /> |deity=sgrol ma<br /> |cycle=yum bka' bde chen rgyal mo<br /> |cycletib=ཡུམ་བཀའ་བདེ་ཆེན་རྒྱལ་མོ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=027<br /> |pagenumbers=339-368<br /> |totalpages=30<br /> |beginfolioline=1a1<br /> |endfolioline=15b6<br /> |totalfolios=15<br /> |multivolumework=No<br /> |rectonotes=maN+Dal bzhi chog<br /> |versonotes=cho ga klu dbang dgongs rgyan<br /> |colophontib=།དེ་ལྟར་སྒྲོལ་མ་མཎྜལ་བཞི་པར་གྲགས་པའི་ཆོ་ག་ལ་ཡིག་ཆ་མང་དུ་སྣང་ཡང་། རྩ་བའི་ཁུངས་ནི་སློབ་དཔོན་ཀླུ་སྒྲུབ་ཀྱིས་སྒྲོལ་མ་མངོན་པར་འབྱུང་བའི་རྒྱུད་ལ་བརྟེན་ནས་བསྡུ་བ་མཛད་པ་ཉིད་ཀྱང་དེ་ཉིད་ཀྱི་མངོན་རྟོགས་རང་ས་མ་ཟིན་པ་དང་། ཚིག་ཚོགས་ལ་ཐལ་བ་རྣམས་བཏང་སྙོམས་སུ་བྱས་ཤིང་། མན་ངག་ལས་བྱུང་བ་འགའ་ཞིག་གསར་དུ་བསྣན་ནས་བཀླག་ཆོག་ཏུ་བཀོད་པ་འདི་ཡང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ།<br /> |colophonwylie=de ltar sgrol ma maN+Dal bzhi par grags pa'i cho ga la yig cha mang du snang yang /_rtsa ba'i khungs ni slob dpon klu sgrub kyis sgrol ma mngon par 'byung ba'i rgyud la brten nas bsdu ba mdzad pa nyid kyang de nyid kyi mngon rtogs rang sa ma zin pa dang /_tshig tshogs la thal ba rnams btang snyoms su byas shing /_man ngag las byung ba 'ga' zhig gsar du bsnan nas bklag chog tu bkod pa 'di yang mdo khams pa 'jigs med phrin las 'od zer gyis nan tan chen po'i ngor rgyal ba'i myu gu mkhyen brtse'i lhas so/<br /> |pdflink=File:JLKO-KABUM-10-THA-027.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན་བཞུགས། །<br /> <br /> ༄། །{{TibChung|དེ་མཚན་དེ་ཡི་ཨུཏྤ་ལ། །རྣ་ལུང་དཔྱངས་པའི་གདེངས་ཀ་ནི། །འཇིགས་པ་བརྒྱད་ཀྱི་མི་མཐུན་ཕྱོགས། །ཁོ་ནར་ངེས་པས་ཕྱག་བགྱིའོ། །འདིར་འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པའི་འགལ་རྐྱེན་ཐམས་ཅད་ཞི་བར་བྱེད་པ་སྒྲོལ་མ་མཎྜལ་བཞི་པའི་ཆོ་ག་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི་གཙུག་ལག་ཁང་དང་དགོན་པ་སོགས་གནས་གཙང་ཞིང་ཡིད་དུ་འོང་བར་རྟེན་གསུམ་སྤྱི་དང་། ཁྱད་པར་རྗེ་བཙུན་མའི་སྣང་བརྙན་བྱིན་རླབས་ཅན་བཤམས་པའི་ཟུར་བཞིར་མཎྜལ་བཞི་དང་། ལོགས་བཞིར་མཆོད་པ་སྣ་ལྔ་བྲེང་ཆགས་རེ། ཅི་རིགས་པར་གཏོར་མ་དཀར་ཟླུམ། དཀར་གསུམ་མངར་གསུམ་གྱིས་བརྒྱན་པ་ཚར་བཞི་ཡང་བཤམས། གཞན་ཡང་བུམ་པ་བཅུད་ལྡན་ལ་སོགས་པའི་ཁྲུས་ཀྱི་ཡོ་བྱད་དང་། ཚར་རེ་བཞིན་གསོ་རྒྱུའི་མཆོད་པ་སོགས་ཉེ་བར་འདུ་བྱའོ། །གཉིས་པ་དངོས་གཞི་ལ་གཉིས། དཀོན་མཆོག་སྤྱི་ལ་བརྟེན་ནས་ཚོགས་བསག་པ་དང་། རྗེ་བཙུན་མ་སྒོས་ལ་བརྟེན་ནས་ཚོགས་བསག་པའོ། །དང་པོ་ལའང་རྣམ་གྲངས་བཅུ་གཅིག་ལས། དང་པོ་ནི་རང་ཉིད་ཀྱང་ཁྲུས་བྱ་ཞིང་གཙང་སྦྲ་ལ་གནས་པས་སྐྱབས་སུ་འགྲོ་བ་དང་སྨོན་སེམས་ནི།}} སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །{{TibChung|སོགས་ཀྱི་ཤློ་ཀ་ལན་གསུམ། གཉིས་པ་བྱང་སྡོམ་བླང་བ་ནི།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །{{TibChung|སོགས་ཚད་མེད་བཞི་བསྒོམ་པ་ལན་གསུམ་གྱི་མཐར།}} བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །{{TibChung|ཞེས་ལན་གསུམ་གྱིས་སྐྱབས་སུ་འགྲོ་བ་སྔོན་དུ་བཏང་ནས།}} ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། །{{TibChung|གསུམ་གྱི་མཐར།}} དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་བགྱི། །{{TibChung|ཞེས་པས་དགའ་བ་སྒོམ། གསུམ་པ་ས་གཞི་བྱིན་བརླབ་ནི།}} ཐམས་ཅད་དུ་ཡང་ས་གཞི་དག །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུརྱའི། །རང་བཞིན་འཇམ་པོར་གནས་གྱུར་ཅིག །{{TibChung|བཞི་པ་མཆོད་པ་བྱིན་རླབས་ནི།}} ཨོཾ་ཧཱུྃ་ཏྲཱྃ་ཧྲཱིཿཨཱཿ ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝིདྱ་ཤབྡ་ཨཱཿཧཱུྃཿ {{TibChung|དང་སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། ལྔ་པ་སྤྱན་འདྲེན་གྱི་སྔ་རོལ་དུ་དཀོན་མཆོག་གི་ཡོན་ཏན་རྗེས་སུ་དྲན་པར་བྱ་བ་ནི།}} འདི་ལྟར་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཏེ་དེ་བཞིན་གཤེགས་པ་དེ་ནི་བསོད་ནམས་དག་གི་རྒྱུ་མཐུན་པ། དགེ་བའི་རྩ་བ་རྣམས་ཆུད་མི་ཟ་བ། བཟོད་པས་རབ་ཏུ་བརྒྱན་པ། བསོད་ནམས་ཀྱི་གཏེར་རྣམས་ཀྱི་གཞི། དཔེ་བྱད་བཟང་པོ་རྣམས་ཀྱིས་སྤྲས་པ། མཚན་རྣམས་ཀྱི་མེ་ཏོག་རྒྱས་པ། སྤྱོད་ཡུལ་རན་པར་མཐུན་པ། མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་པོ། མྱ་ངན་ལས་འདས་པའི་གྲོང་ཁྱེར་དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ། སྤོབས་པ་བསམ་གྱིས་མི་ཁྱབ་པ། གསུང་རྣམ་པར་དག་པ། དབྱངས་སྙན་པ། སྐུ་བྱད་བལྟ་བས་ཆོག་མི་ཤེས་པ། སྐུ་མཚུངས་པ་མེད་པ། འདོད་པ་དག་གིས་མ་གོས་པ། གཟུགས་དག་གིས་ཉེ་བར་མ་གོས་པ། གཟུགས་མེད་པ་དག་དང་མ་འདྲེས་པ། སྡུག་བསྔལ་དག་ལས་རྣམ་པར་གྲོལ་བ། ཕུང་པོ་དག་ལས་རབ་ཏུ་རྣམ་པར་གྲོལ་བ། ཁམས་རྣམས་དང་མི་ལྡན་པ། སྐྱེ་མཆེད་རྣམས་བསྡམས་པ། མདུད་པ་རྣམས་ཤིན་ཏུ་བཅད་པ། ཡོངས་སུ་གདུང་བ་དག་ལས་རྣམ་པར་གྲོལ་བ། སྲིད་པ་ལས་གྲོལ་བ། ཆུ་བོ་ལས་བརྒལ་བ། ཡེ་ཤེས་ཡོངས་སུ་རྫོགས་པ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བའི་ཡོན་ཏན་ཡང་དག་པ་རྣམས་སོ། །དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། བཅོམ་ལྡན་འདས་ཀྱིས་ཆོས་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་བསྟོད་པ། འདི་མཐོང་བ་ལ་དོན་ཡོད་པ། མཁས་པ་རྣམས་ཀྱིས་སོ་སོ་རང་གིས་རིག་པར་བྱ་བ། བཅོམ་ལྡན་འདས་ཀྱིས་གསུངས་པའི་ཆོས་འདུལ་བ་ལ་ལེགས་པར་བརྟེན་པ། ངེས་པར་འབྱུང་བ། རྫོགས་པའི་བྱང་ཆུབ་ཏུ་འགྲོ་བར་བྱེད་པ། མི་མཐུན་པ་མེད་ཅིང་འདུས་པ་དང་ལྡན་པ། རྟེན་པ་ཡོད་པ། རྒྱུ་བ་བཅད་པའོ། །ཐེག་པ་ཆེན་པོའི་དགེ་འདུན་ནི་ལེགས་པར་ཞུགས་པ། རིག་པར་ཞུགས་པ། དྲང་པོར་ཞུགས་པ། མཐུན་པར་ཞུགས་པ། ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ། བསོད་ནམས་ཀྱི་དཔལ་གྱི་ཞིང་། ཡོན་ཡོངས་སུ་བྱང་བ་ཆེན་པོ། སྦྱིན་པའི་གནས་སུ་གྱུར་པ། ཀུན་ཏུ་ཡང་སྦྱིན་པའི་གནས་སུ་གྱུར་པ་ཆེན་པོའོ། །དྲུག་པ་སྤྱན་འདྲེན་དངོས་ནི། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེའི་རྣམས་དགོངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱོད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡང་དག་འཁོར་དང་བཅས་ཏེ་གཤེགས་སུ་གསོལ། །བཛྲ་ས་མཱ་ཛཿ {{TibChung|ཞེས་རོལ་ཆེན་བྱ། བདུན་པ་བཞུགས་གསོལ་ནི།}} བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། {{TibChung|ཞེས་གདན་དབུལ། བརྒྱད་པ་ཁྲུས་གསོལ་ནི།}} ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡིས། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །{{TibChung|ཞེས་བརྗོད་ཅིང་ཚིག་དོན་འབྲེལ་པར་གོས་ཟུང་འབུལ་བ་དང་། དྲིའི་བྱུག་པ་འགྱེད་པར་ཡང་བྱའོ། །བརྒྱད་པ་མཆོད་པ་ནི།}} ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །{{TibChung|སོགས་ཕལ་པོ་ཆེ་ལས་བྱུང་བའི་ཡན་ལག་བདུན་པ་དང་། སྤྲོ་ན།}} ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡ་ར་དང་པདྨ་དང་། །ཨུཏྤ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་བ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་ཚིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་འཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །དུས་གསུམ་གཤེགས་པའི་སངས་རྒྱས་ཀུན། །ཆོས་དང་ཚོགས་ཀྱི་མཆོག་བཅས་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་བདག་ཕྱག་འཚལ། །བྱང་ཆུབ་སེམས་ཀྱི་གཞི་རྣམས་དང་། །མཆོད་རྟེན་རྣམས་ལ་བདག་ཕྱག་འཚལ། །མཁན་པོ་དེ་བཞིན་སློབ་དཔོན་དང་། །བརྟུལ་ཞུགས་མཆོག་ལ་ཕྱག་འཚལ་ལོ། །{{TibChung|དགུ་པ་བསྟོད་པ་ནི།}} མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་གྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་རྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །{{TibChung|སྤྲོ་ན།}} དགའ་བ་བརྒྱ་ལྡན་འཆི་མེད་གྲོང་ཁྱེར་ནས། །བྱང་ཆུབ་སེམས་ཀྱི་དམ་པ་ཏོག་དཀར་པོ། །ཤཱཀྱའི་རིགས་ཀྱི་ཐིག་ལེར་འཛིན་པའི་སྣོད། །སྒྱུ་འཕྲུལ་ལྷ་མོ་རི་དྭགས་མིག་ཅན་ཡིན། །འོད་སྟོང་ཤར་གྱི་རི་ལ་ཆས་པ་བཞིན། །ལྷུམས་ཀྱི་གེ་སར་བཞད་པ་ལུམྦིའི་ཚལ། །ཚངས་དང་དབང་པོས་སྲི་ཞུས་མཛེས་བྱས་ཤིང་། །བྱང་ཆུབ་རིགས་སུ་ལུང་བསྟན་ལ་ཕྱག་འཚལ། །ལང་ཚོས་དྲེགས་པའི་ཤཱཀྱ་གཞོན་ནུའི་དབུས། །སྒྱུ་རྩལ་དྲུག་ཅུ་རྩ་བཞིའི་རོལ་རྩེད་མཐུ། །ཀུན་གྱིས་ཁྱོད་ལ་བཏུད་ཅིང་གྲགས་པ་ཡིས། །སྐྱེ་དགུའི་རྣམ་ཤེས་མིག་དང་རྣ་བར་རྫོགས། །འདོད་སྲེད་ཞགས་པས་གཞན་དབང་མ་གྱུར་བཞིན། །ཡབ་གཅིག་དགྱེས་སླད་བཙུན་མོའི་སྒྱུ་མ་ལ། །སྒྱུ་མའི་ལྟ་བས་བལྟས་ནས་རྒྱལ་པོའི་ཁབ། །བསྐྱངས་པས་དོན་ཀུན་གྲུབ་པ་ལ་ཕྱག་འཚལ། །ཤིན་ཏུ་གཡོ་ཞིང་འཇིགས་པ་རྒྱལ་སྲིད་ཀྱི། །ལྕགས་ཀྱུའི་དབང་དུ་མ་གྱུར་འགའ་མེད་ཀྱང་། །ངེས་པར་འབྱུང་བའི་རྐྱེན་བཞིས་ཁྱོད་ཀྱི་ཐུགས། །ཕྲོགས་ནས་རང་བྱུང་དགེ་སློང་ཉིད་དུ་བསྟན། །བརྩོན་འགྲུས་རླབས་ཀྱིས་མི་ངལ་ནཻ་རཉྫར། །དཀའ་ཐུབ་གདུང་བ་བཟོད་པའི་སྙིང་སྟོབས་དང་། །ཀུན་རྟོག་འདུལ་བ་འཛིན་པའི་བསམ་གཏན་ལ། །ཕྱོགས་བཅུའི་བདེ་གཤེགས་དགྱེས་ལ་ཕྱག་འཚལ་ལོ། །གྲངས་མེད་གསུམ་གྱི་སྲིད་དུ་རྣམ་རིག་ཀུན། །ཚོགས་གཉིས་ཐ་གུས་བཅིངས་པ་དོན་ཡོད་ཕྱིར། །བྱང་ཆུབ་ཤིང་དྲུང་བདུད་རྣམས་སྐྲག་བྱས་ནས། །མངོན་པར་རྫོགས་སངས་རྒྱ་བ་རྒྱལ་ཀུན་གཤིས། །འཁོར་བ་གཏིང་མཐའ་མེད་པའི་གཡང་ས་ལ། །རྒྱུག་པའི་འགྲོ་བ་འཁོར་ལོ་གསུམ་གྱི་གྲུས། །བསྒྲལ་ནས་ཐར་པ་དང་ནི་རྣམ་མཁྱེན་གྱི། །གོ་འཕང་དཀྲི་བ་ཁྱོད་ལ་ཕྱག་འཚལ་ལོ། །རྟོག་ཅིང་དཔྱོད་ཀྱང་སྡོམ་པ་མིན་པའི་ཆང་། །འཐུངས་པས་ཆེས་བཟིས་མུ་སྟེགས་སྟོན་པའི་ལྕེ། །མཉན་དུ་ཡོད་པའི་ཆོ་འཕྲུལ་མཐུས་བཅད་པས། །སྐྱེངས་དང་གཟི་བརྗིད་ཉམས་པའི་ཆོ་ག་རྫོགས། །རྫུ་འཕྲུལ་རྐང་པ་བཞི་ལ་མཆོག་ཐོབ་ཁྱོད། །སྐྱེ་རྒ་ན་འཆིའི་ཚོར་བ་མི་མྱོང་ཡང་། །ངེས་པར་ཕ་རོལ་འགྲོ་འདི་མི་སེམས་རྣམས། །སྐྱོ་སླད་མྱ་ངན་འདའ་སྟོན་དེར་ཕྱག་འཚལ། །བསོད་ནམས་ཉམ་ཆུང་གྱུར་པའི་འགྲོ་བ་རྣམས། །དཀར་པོའི་ཆོས་རབ་འཕེལ་བའི་ཚོང་ཟོང་ནི། །འཛད་པ་མེད་པའི་རིང་བསྲེལ་ཆ་བརྒྱད་དུ། །བཞག་སྟེ་ཆོས་ཀྱི་དབྱིངས་སུ་གཟིམས་པ་ལྟར། །བདག་ཀྱང་རྫོགས་སྨིན་སྦྱངས་གསུམ་མཐར་ཕྱིན་ནས། །ཁམས་གསུམ་ལས་འདས་འོག་མིན་ཆེན་པོ་རུ། །མངོན་པར་སངས་རྒྱས་སྤྲུལ་པའི་མཛད་པ་བཅུས། །ཀུན་མཁྱེན་ཁྱེད་དང་འགྲོ་དོན་མཉམ་པར་ཤོག །{{TibChung|བཅུ་པ་མཎྜལ་འབུལ་བ་ནི།}} ཨོཾ་བཛྲ་བྷཱུ་མི་ཨཱཿཧཱུྃ་{{TibChung|སོགས་ཀྱིས་དབུལ། བཅུ་གཅིག་པ་འདོད་དོན་གསོལ་བ་ནི།}} ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེའི་རྒྱལ་མཚན་བརྟན་གྱུར་ཅིག །འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང་། །བཅས་ཏེ་ཡུན་རིང་གནས་གྱུར་ཅིག །གཙུག་ལག་རྣམས་ནི་ཀློགས་པ་དང་། །ཁ་ཏོན་གྱིས་བརྒྱན་ལེགས་གནས་ཤིང་། །རྟག་ཏུ་དགེ་འདུན་མཐུན་པར་ཤོག །དགེ་འདུན་དོན་ཡང་འགྲུབ་པར་ཤོག །ཕྱོགས་རྣམས་ཀུན་ན་ལུས་དང་སེམས། །སྡུག་བསྔལ་ནད་པ་ཇི་སྙེད་པ། །དེ་དག་བདག་གི་བསོད་ནམས་ཀྱིས། །བདེ་དགའ་རྒྱ་མཚོ་ཐོབ་པར་ཤོག །དེ་དག་འཁོར་བ་ཇི་སྲིད་དུ། །ནམ་ཡང་བདེ་ལས་ཉམས་མ་གྱུར། །འགྲོ་བས་བྱང་ཆུབ་སེམས་དཔའ་ཡི། །བདེ་བ་རྒྱུན་མི་འཆད་ཐོབ་ཤོག །འཇིག་རྟེན་ཁམས་ན་དམྱལ་བ་དག །གང་དག་ཇི་སྙེད་ཡོད་པ་རྣམས། །དེ་དག་ཏུ་ནི་ལུས་ཅན་རྣམས། །བདེ་ཅན་བདེ་བས་དགའ་བར་ཤོག །གྲང་བས་ཉམ་ཐག་དྲོ་ཐོབ་ཤོག །བྱང་ཆུབ་སེམས་དཔའི་སྤྲིན་ཆེན་ལས། །འབྱུང་བའི་ཆུ་བོ་མཐའ་ཡས་ཀྱིས། །ཚ་བས་ཉམ་ཐག་བསིལ་བར་ཤོག །དུད་འགྲོ་རྣམས་ནི་གཅིག་ལ་གཅིག །ཟ་བའི་འཇིགས་དང་བྲལ་བར་ཤོག །སྒྲ་མི་སྙན་པའི་མི་བཞིན་དུ། །ཡི་དྭགས་རྣམས་ནི་བདེ་བར་གྱུར། །ལོང་བ་རྣམས་ཀྱིས་མིག་མཐོང་ཞིང་། །འོན་པས་རྟག་ཏུ་སྒྲ་ཐོས་ཤོག །ལྷ་མོ་སྒྱུ་འཕྲུལ་ཇི་བཞིན་དུ། །སྦྲུམ་མའང་གནོད་མེད་བཙའ་བར་ཤོག །གཅེར་བུ་རྣམས་ཀྱིས་གོས་དག་དང་། །བཀྲེས་པ་རྣམས་ཀྱིས་ཟས་དང་ནི། །སྐོམ་པ་རྣམས་ཀྱིས་ཆུ་དག་དང་། །བཏུང་བ་ཞིམ་པོ་ཐོབ་པར་ཤོག །བཀྲེན་པ་རྣམས་ཀྱིས་ནོར་ཐོབ་ཤོག །མྱ་ངན་ཉམ་ཐག་དགའ་ཐོབ་ཤོག །ཡི་ཆད་རྣམས་ཀྱང་ཡིད་སོས་ཤིང་། །བརྟན་པ་ཕུན་སུམ་ཚོགས་པར་ཤོག །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག །འགྲོ་བའི་ནད་ནི་མ་ལུས་པ། །རྟག་ཏུ་འབྱུང་བ་མེད་པར་ཤོག །སྐྲག་པ་རྣམས་ནི་འཇིགས་མེད་ཤོག །བཅིངས་པ་རྣམས་ནི་གྲོལ་བར་གྱུར། །མཐུ་མེད་རྣམས་ནི་མཐུ་ལྡན་ཞིང་། །སེམས་ནི་ཕན་ཚུན་བསྙེན་གྱུར་ཅིག །མགྲོན་པོ་དག་ནི་ཐམས་ཅད་ལ། །ཕྱོགས་རྣམས་ཐམས་ཅད་བདེ་བར་ཤོག །གང་གི་དོན་དུ་འགྲོ་བྱེད་པ། །དེ་འབད་མི་དགོས་འགྲུབ་གྱུར་ཅིག །གྲུ་དང་གྲུ་ཆེན་ཞུགས་པ་རྣམས། །ཡིད་ལ་བསམ་པ་འགྲུབ་གྱུར་ཏེ། །ཆུ་ཡི་ངོགས་སུ་བདེར་ཕྱིན་ནས། །གཉེན་དང་ལྷན་ཅིག་དགའ་བར་ཤོག །མྱ་ངན་ལམ་གོལ་འཁྱམས་པ་རྣམས། །མགྲོན་པོ་དག་དང་འཕྲད་གྱུར་ནས། །ཆོམ་རྐུན་སྟག་སོགས་འཇིགས་མེད་པར། །མི་ངལ་བདེ་བླག་འདོང་བར་ཤོག །དགོན་སོགས་ལམ་མེད་ཉམ་ང་བར། །བྱིས་པ་རྒན་པོ་མགོན་མེད་པ། །གཉིད་ལོག་མྱོས་ཤིང་རབ་མྱོས་རྣམས། །ལྷ་དག་སྲུང་བ་བྱེད་པར་ཤོག །ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་གྱུར་ཅིག །འཇིག་རྟེན་དག་ཀྱང་དར་བར་ཤོག །སྨན་རྣམས་མཐུ་དང་ལྡན་པ་དང་། །གསང་སྔགས་བཟླས་བརྗོད་འགྲུབ་པར་ཤོག །མཁའ་འགྲོ་སྲིན་པོ་ལ་སོགས་པ། །སྙིང་རྗེའི་སེམས་དང་ལྡན་གྱུར་ཅིག །ངན་སོང་སྡུག་བསྔལ་མི་མྱོང་ཞིང་། །དཀའ་བ་སྤྱད་པ་མེད་པར་ཡང་། །ལྷ་བས་ལྷག་པའི་ལུས་ཀྱིས་ནི། །དེ་དག་སངས་རྒྱས་མྱུར་ཐོབ་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །{{TibChung|ཅེས་བརྗོད། གཉིས་པ་མཎྜལ་བསྙེན་པ་ཚར་གསུམ་གྱི་དང་པོ་ལ་རྣམ་གྲངས་བཅུ་གཉིས་ལས། དང་པོ་རྟེན་བསྐྱེད་པ་ནི།}} ཨོཾ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ་་་་་་{{TibChung|གྲངས་གསོག་གི་ཚེ་རྟེན་བསྐྱེད་ཚར་གཅིག་སོང་རྗེས་པོ་ཏ་ལ་ཡི་སོགས་ནས་སྤྱན་འདྲེན་གྱིས་འཐུས། ཞེས་པས་ཆོས་ཐམས་ཅད་དེ་བཞིན་ཉིད་དུ་རྟོགས་པས་ཡེ་ཤེས་ཀྱི་ཚོགས་དང་། དེ་ལྟར་མ་རྟོགས་པ་རྣམས་ལ་སྙིང་རྗེ་ཆེན་པོའི་ངང་ནས་སྒྱུ་མ་ལྟ་བུའི་ལྷ་སྐུར་ལངས་ཏེ་གཞན་དོན་བྱེད་པ་བསོད་ནམས་ཀྱི་ཚོགས་སུ་ངེས་པས།}} སྟོང་པའི་ངང་ལས་པཾ་ལས་པདྨ་དང་། ཨ་ལས་ཟླ་བའི་དལ་གྱི་སྟེང་དུ་ཏཱཾ་ལས་ཨུཏྤལ་ཏཱཾ་གྱིས་མཚན་པ་དེ་ལས་འོད་ཟེར་འཕྲོས་འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་པ་ལས་མདུན་གྱི་རྟེན་རྗེ་བཙུན་སྒྲོལ་མ་སྐུ་མདོག་ལྗང་གུ་བཅུ་དྲུག་ལོན་པའི་རྣམ་པ་མཛེས་ཤིང་། རིན་པོ་ཆེའི་རྒྱན་དང་དར་སྣ་ཚོགས་ཀྱི་ཤམ་ཐབས་ཅན་སྟོད་གཡོགས་དང་དར་སྲབ་མོས་ནུ་མ་བཀབ་པ། དབུ་སྐྲ་ལི་བའི་གཡོན་ཕྱོགས་གྱེན་དུ་བརྫེས་ཤིང་གཡས་ངོས་ནས་ཐུར་དུ་ཅུང་ཟད་འཕྱང་བ། ཕྱག་གཡས་མཆོག་སྦྱིན་དང་གཡོན་པ་ཐུགས་ཀར་ཨུཏྤ་ལའི་རྩ་བ་ནས་བཟུང་བའི་མེ་ཏོག་འཁོར་ལོས་མཚན་པ་རྣ་བའི་ཐད་ཀར་སླེབ་པ། ཟླ་བའི་རྒྱབ་ཡོལ་ཅན། དེའི་མཐའ་སྐོར་དུ་པད་འདབ་བཅུ་པ་ཉིས་རིམ་ལ་སྒྲོལ་མ་གཞན་ཉི་ཤུ་པོ་བཞུགས་སྟངས་གཙོ་མོ་དང་འདྲ་བ་ལ་སྐུ་མདོག་དང་ཕྱག་མཚན་གྱི་ཁྱད་པར་མདུན་ནས་རིམ་པས་གཡས་བསྐོར་དུ་མྱུར་མ་དཔའ་མོ་དམར་ལ་ཁྲོ་འཛུམ་ཆགས་པའི་ཉམས་ཅན་ཨུཏྤ་ལའི་སྟེང་ན་དུང་གཡས་འཁྱིལ་འཛིན་པ། དེ་བཞིན་དུ་དབྱངས་ཅན་མ་སྟོན་ཟླའི་ཞལ་མེ་ལོང་ཧྲཱིཾཿགྱིས་མཚན་པ། སེར་སྔོ་བསོད་ནམས་མཆོག་སྟེར་རིན་པོ་ཆེ། གཙུག་ཏོར་རྣམ་རྒྱལ་གསེར་མདོག་ཚེ་བུམ། རིག་བྱེད་མ་ལེ་བརྒན་མདོག་མདའ་གཞུ། འཇིགས་བྱེད་ཆེན་མོ་དམར་ནག་ཕུར་བུ། གཞན་གྱིས་མི་ཐུབ་མ་ནག་མོ་ཁྲོ་གཉེར་ཅན་རལ་གྲི། གཞན་མི་རྒྱལ་བ་དམར་ནག་ཁྲོ་གཉེར་ཅན་རྡོ་རྗེ། འཇིག་རྟེན་གསུམ་རྒྱལ་དམར་མོ་རྒྱལ་མཚན། ནོར་གཏེར་དམར་མོ་ཁྲོ་གཉེར་ཅན་གཏེར་བུམ། བཀྲ་ཤིས་དོན་བྱེད་མ་སེར་མོ་དཔལ་བེ། དགྲ་དཔུང་འཇོམ་མ་དམར་མོ་རྡོ་རྗེ་རྭ་གདེངས། ཁྲོ་གཉེར་ཅན་མཛད་ནག་མོ་གཏུན་ཤིང་། རབ་ཏུ་ཞི་བ་དཀར་གསལ་སྤྱི་བླུགས། འབར་བའི་འོད་ཅན་དམར་མོ་རྒྱ་གྲམ། དཔག་མེད་གནོན་མ་ངུར་སྨྲིག་མཆོད་རྟེན། རྨ་བྱ་ཆེན་མོ་དཀར་གསལ་ཟླ་བ། མི་ཕམ་རྒྱལ་མོ་དཀར་གསལ་གདུགས་དཀར། རི་ཁྲོད་ལྷ་མོ་དམར་སེར་ཟ་མ་ཏོག །འོད་ཟེར་ཅན་མ་དཀར་དམར་གསེར་ཉ་འཛིན་པ། ཐམས་ཅད་ཀྱང་རྟ་བབས་ཀྱི་སྐྱིལ་མོ་ཀྲུང་དང་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་རེ་རེས་མཚན་པ་དེའི་འོད་ཟེར་གྱིས་རི་བོ་པོ་ཏ་ལ་ནས་རྗེ་བཙུན་མ་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་བཛྲ་ས་མཱ་ཛཿ {{TibChung|གཉིས་པ་སྤྱན་འདྲེན་པ་ནི།}} པོ་ཏ་ལ་ཡི་གནས་མཆོག་ནས། །ཏཱཾ་ཡིག་ལྗང་གུ་ལས་འཁྲུངས་ཤིང་། །འོད་དཔག་མེད་པས་དབུ་ལ་བརྒྱན། །དུས་གསུམ་སངས་རྒྱས་ཕྲིན་ལས་མ། །འགྲོ་བའི་དོན་ཕྱིར་གཤེགས་སུ་གསོལ། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །བཛྲ་ས་མ་ཡ་ཛཿ {{TibChung|གསུམ་པ་དབང་བསྐུར་བ་ནི།}} མེ་ཏོག་དམ་པ་ཕྲེང་བ་དམ་པ་{{TibChung|སོགས་ཤློ་ཀའི་མཐར། པུཥྤེ་སོགས་དང་། གསོལ་བ་གདབ་པ་ནི།}} བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་རང་བཞིན་ཅན་རྣམས་ཀྱིས། །བདག་ལ་དབང་བསྐུར་མཛད་དུ་གསོལ། །{{TibChung|ཅེས་བརྗོད་པས།}} དེ་བཞིན་གཤེགས་པ་རྣམས་ཀྱིས་བུམ་པ་བདུད་རྩིས་གང་བ་ཕྱག་ན་བསྣམས་ནས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དབང་བསྐུར་བས་སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས་གཙོ་མོ་ལ་དོན་ཡོད་གྲུབ་པ་དང་། གཞན་རྣམས་ལ་སོ་སོའི་རིགས་ཀྱིས་དབུ་བརྒྱན། དབང་གི་ལྷ་རྣམས་སྒྲོལ་མར་གྱུར་ནས་ཛཿཧཱུྃ་བྃ་ཧོཿ {{TibChung|ཞེས་པས་}}གཉིས་མེད་དུ་ཐིམ་པར་གྱུར། {{TibChung|བཞི་པ་ཕྱག་རྒྱ་བཅིང་པས་རྒྱས་གདབ་པ་ནི། ཐལ་མོ་ཁ་སྦྱར་ནས་གུང་མོ་གཡས་པས་ཅིག་ཤོས་ཀྱི་སེན་མོ་བཀབ། སྲིན་ལག་གཉིས་ནང་དུ་བཀུག་ལ་མཐེ་བོང་མནན་པ་ཨུཏྤ་ལ་ཁ་ཕྱེ་བའི་རྒྱ་དཔྲལ་བ། མགྲིན་པ། སྙིང་ག པུས་མོ་གཡས་གཡོན་དུ་འཇོག་པ་དང་སྦྲགས།}} ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། {{TibChung|ཞེས་ལན་རེ་བརྗོད། ལྔ་པ་ཡན་ལག་བདུན་པ་ནི།}} ལྷ་དང་ལྷ་མིན་ཅོད་པན་གྱིས། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་ལོ། །རྗེ་བཙུན་འཕགས་མ་སྒྲོལ་མ་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དང་བས་ཕྱག་བགྱིའོ། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །ཉན་ཐོས་རང་རྒྱལ་བྱང་ཆུབ་སེམས། །སོ་སོ་སྐྱེ་བོ་ལ་སོགས་པས། །དུས་གསུམ་དགེ་བ་ཅི་བསགས་པ། །བསོད་ནམས་ལ་ནི་བདག་ཡི་རང་། །སེམས་ཅན་རྣམས་ཀྱི་བསམ་པ་དང་། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོངས་བར། །མྱ་ངན་མི་འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱིངས་པ་ཡི། །སེམས་ཅན་རྣམས་ལ་གཟིགས་སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །རིང་པོར་མི་ཐོགས་འགྲོ་བ་ཡི། །འདྲེན་པའི་དཔལ་དུ་བདག་གྱུར་ཅིག །དྲུག་པ་ཁྲུས་གསོལ་ནི། དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །བདུན་པ་མཆོད་པ་ནི་་་་གྲངས་གསོག་གི་ཚེ་མེ་ཏོག་དམ་པ་སོགས་ཤློ་ཀ་གསུམ་གྱིས་འཐུས།་་་ལྷ་མོ་བཅུ་དྲུག་གི་མཆོད་ཕྲེང་བྱ། བརྒྱད་པ་ནི་མཎྜལ་རྒྱས་པ་འབུལ། དགུ་པ་བསྟོད་པ་ནི། ཐུགས་རྗེ་ཆེན་པོའི་བདག་ཉིད་ནི། །ཆུ་སྐྱེས་ཞལ་གྱི་གེ་སར་ལས། །རྣམ་སྤྲུལ་ལྷ་མོ་མྱུར་དཔའ་སྒྲོལ། །འཇིགས་པ་ཐམས་ཅད་སྐྱོབ་ལ་འདུད། །ཉོན་མོངས་ཆུ་གཏེར་ཆེན་པོའི་ཀློང་། །རྣམ་པར་འཁྱམས་པའི་སེམས་ཅན་ཀུན། །གཏི་མུག་གླང་པོའི་གཞན་དབང་གིས། །ཟིལ་གྱིས་ནོན་སྐྱོབ་མ་ལ་འདུད། །འདོད་སྲེད་གོམས་དང་ཆོས་ཉིད་དོན། །ཡུལ་ལ་འཆིང་བའི་ལྕགས་སྒྲོག་དང་། །ཀུན་ནས་དཀྲིས་པའི་ཐེ་ཚོམ་གྱི། །ཤ་ཟའི་འཇིགས་པ་སྐྱོབ་ལ་འདུད། །འདོད་པ་ཆུ་བོའི་དབའ་རླབས་དང་། །དེ་བཞིན་ཞེ་སྡང་གོམས་པ་ལས། །གྱུར་པའི་རྒྱུ་མཐུན་གཏུམ་མོའི་མེ། །ཅིག་ཅར་གསོད་མཛད་མ་ལ་འདུད། །གོ་འཕང་མཆོག་ལ་ཆོམ་རྐུན་གྱི། །བརྟུལ་ཞུགས་འཇིག་ཚོགས་ལ་བལྟ་དང་། །སྣང་བ་དགྲར་གྱུར་ཕྲག་དོག་གི། །ལྟོ་འགྲོའི་འཇིགས་པ་སྐྱོབ་ལ་འདུད། །ང་རྒྱལ་སེང་གེའི་སྡེར་མོ་ཡིས། །ཚུལ་ཁྲིམས་ལྟ་བ་མཆོག་འཛིན་དང་། །རྒྱལ་པོའི་ཆད་པ་དགྲ་གདོན་མཛེ། །བཤེས་བྲལ་དབུལ་ཕོངས་གནམ་ལྕགས་ཐོག །དོན་ཉམས་ལ་སོགས་འཇིགས་པའི་ཚོགས། །མ་ལུས་སྐྱོབ་ལ་བདག་བསྟོད་དོ། །ཞེས་དང་། བཅུ་པ་ཕྱག་འཚལ་བ་ནི། ཕན་ཡོན་དྲན་པའི་སྒོ་ནས་ཕྱག་དང་བཅས། ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སོགས་ནས། འཇོམས་པ་ཏུ་རེའི་རབ་མཆོག་ཉིད་མ། །ཞེས་པའི་བར་གྱི་ཕྱག་འཚལ་ཚར་གཉིས་བྱ། བཅུ་གཅིག་པ་མཎྜལ་བསྙེན་པ་ནི། རྗེ་བཙུན་མའི་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་ལྗང་གུའི་མཐར་སྔགས་ཕྲེང་གིས་བསྐོར་བ་ལ་དམིགས་ནས། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་པ་ཡི་གེ་བཅུ་པའི་བསྙེན་པ་སྟོང་ཕྲག་བཅུ་སྔོན་དུ་སོང་ན་རབ། མ་སོང་ན་སྟོང་ཕྲག་གཅིག་བཟླས་རྗེས། ཕྲིན་ལས་ཁ་བསྒྱུར་གྱི་བཟླས་པ་ནི། དང་པོར་བསོད་ནམས་འཕེལ་བའི་རྒྱུ་བྱང་ཆུབ་ཀྱི་སེམས་རྒྱས་པར་འདོད་ན། རྩ་སྔགས་ལ། བོ་དྷི་ཙིཏྟ་སྭཱ་ཧཱ། ཞེས་པ་དང་། དེ་བཞིན་དུ་འཇིགས་པ་ཆེན་པོ་བརྒྱད་སྐྱོབ་པར་འདོད་ན་སྭཱ་ཧཱའི་གོང་དུ། དཱ་ན་ཏྲ་ཡ་སྦྱར། ཤེས་རབ་འཕེལ་བ་ལ། པྲཛྙཱ་ཧྲཱིཾ་ཧྲཱིཾ། བསོད་ནམས་བསྐྱེད་པ་ལ། མ་ཧཱ་པུཎྱེ། ཚེ་སྒྲུབ་ན། ཨཱ་ཡུར་དཱ་ཏེ་བྷྲཱུྃ། དབང་བྱེད་ལ། ཀུ་རུ་ཀུལླེ་ནྲྀ་ཛཿ གདོན་ལ། སརྦ་བིག་ནན་བཾ་ཧཱུྃ་ཕཊཿ གཡུལ་ངོ་སོགས་ལ། བཛྲ་ཏ་ཀ་ཧ་ན་ལི་ཙ་ཕཊཿ མཚང་འབྲུ་བ་ལ། ད་ཧ་པ་ཙ་ཧཱུྃ་ཕཊཿ འཇིག་རྟེན་དབང་དུ་བྱེད་ན། ལོ་ཀ་པཱ་ཤཾ་ཀུ་རུ། དབུལ་བ་སེལ་ན། མ་མ་བ་སུ་པུཥྚིཾ་ཀུ་རུ། བུ་དཔལ་ཆར་ཆུ་སྤེལ་ན། མངྒ་ལ་ཤྲཱི་མ་ཧཱ་པཱ་ཎི། འགྱེད་པ་ལ། བཛྲ་ཛྭ་ལ་ཕཊ་ཕཊ་རཀྵ་རཀྵཿ ཕུང་བྱེད་ལ། ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊཿ སྡིག་པ་ལ། སརྦ་པཱ་པཾ་ག་ཏེ་ག་ཏེ། བྱད་ཕུར་ལ། ཏྲཾ་དུ་ཏྲི་ན་ཏྲཾ་དུ་ཕཊཿ དགྲ་ཇག་དང་གཅན་གཟན་ལ། ཧཱུྃ་ཧཱུྃ་བཾ་ཧོཿ དུག་རིགས་ལ། སརྦ་བི་ཥ་ཏ་ར་ཕཊཿ རྩོད་པ་དང་རྨི་ལམ་ངན་པ་ལ། ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱཾ། རིམས་ནད་ལ། ནཱ་མ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱ། ནད་པའི་བླ་ཚེ་བླུ་ན། མ་རི་ཙྱེ་ཚེ་བྷྲཱུྃ་ནྲྀ་ཛ་སྭཱ་ཧཱ། དེ་དག་གི་དམིགས་གནད་ཁྱད་པར་བ་ནི་བདེ་སྙིང་གཏེར་བུམ་ལས་རྟོགས་པར་བྱ་ཞིང་། ལས་སྒྲུབ་སོ་སོའི་ཕྱག་འཚལ་ཁོལ་བཏོན་བརྒྱ་རྩ་བརྗོད་པ་མན་ངག་གོ། །བཅུ་གཉིས་པ་གསོལ་བ་བཏབ་པ་ནི། ཏཱ་རེ། ཞེས་མཚན་སྔགས་བརྒྱ་ཕྲག་གསུམ་གྱིས་བོས་ནས། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །སྒྲིབ་གཉིས་བྱང་ཞིང་ཚོགས་གཉིས་མྱུར་རྫོགས་ནས། །རྫོགས་པའི་སངས་རྒྱས་ཐོབ་པར་མཛད་དུ་གསོལ། །དེ་མ་ཐོབ་ཀྱི་ཚེ་རབས་ཀུན་ཏུ་ཡང་། །ལྷ་དང་མི་ཡི་བདེ་བ་མཆོག་ཐོབ་ནས། །ཐམས་ཅད་མཁྱེན་པ་སྒྲུབ་པར་བྱེད་པ་ལ། །བར་གཅོད་གདོན་བགེགས་རིམས་དང་ནད་ལ་སོགས། །དུས་མིན་འཆི་བར་གྱུར་པའི་ནད་རྣམས་དང་། །རྨི་ལམ་ངན་དང་མཚན་མ་ངན་པ་དང་། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་དུ་གསོལ། །འཇིག་རྟེན་འཇིག་རྟེན་ལས་ནི་འདས་པ་ཡི། །བཀྲ་ཤིས་བདེ་ལེགས་ཕུན་སུམ་ཚོགས་པ་རྣམས། །འཕེལ་ཞིང་རྒྱས་པའི་དོན་རྣམས་མ་ལུས་ཀུན། །འབད་མེད་ལྷུན་གྱིས་གྲུབ་པར་མཛད་དུ་གསོལ། །སྒྲུབ་ལ་བརྩོན་ཞིང་དམ་ཆོས་འཕེལ་བ་དང་། །རྟག་ཏུ་ཁྱེད་བསྒྲུབ་ཞལ་མཆོག་མཐོང་བ་དང་། །སྟོང་ཉིད་དོན་རྟོགས་བྱང་སེམས་རིན་པོ་ཆེ། །ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །བདག་གིས་ཚེ་རབས་ཀུན་ཏུ་བསྒྲུབས་པའི་ལྷ། །དུས་གསུམ་སངས་རྒྱས་ཀུན་གྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་མྱུར་ཞི་དཔལ། །ཡུམ་གྱུར་ཨུཏྤལ་བསྣམས་པའི་བཀྲ་ཤིས་ཤོག །ཅེས་དང་། ཕན་བདེ་འབྱུང་བའི་གནས་གཅིག་པུ། །སོགས་དང་། ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང་། །འཇིག་རྟེན་དག་ཀྱང་དར་བར་ཤོག །སོགས་ཀྱིས་སྨོན་ལམ་གདབ་པོ། །མཎྜལ་གཉིས་པ་ནི། ལྷ་དང་ལྷ་མིན་ཅོད་པན་གྱིས། །སོགས་དང་། རྗེ་བཙུན་འཕགས་མ་སྒྲོལ་མ་དང་། །སོགས་པའི་ཡན་ལག་བདུན་པ་ནས། ཁྲུས་གསོལ། མཆོད་ཕྲེང་། མཎྜལ། བསྟོད་པ། ཕྱག་འཚལ་ཉེར་གཅིག་ཚར་གསུམ་བཟླས་པ། གསོལ་གདབ་སྨོན་ལམ་གྱི་བར་སྔར་བཞིན་བལྡབ། དེ་བཞིན་དུ་མཎྜལ་གསུམ་པ་ལའང་ཕྱག་འཚལ་ཉེར་གཅིག་ཚར་བདུན་སྤར་བའི་ཁྱད་པར་ཙམ་མོ། །གྲངས་གསོག་བྱེད་ན་འདི་ཡན་ཆད་བལྡབ། གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་གཏོར་མ་འབུལ་བ་ལ། ཆ་བཞིའི་དང་པོ་རྗེ་བཙུན་མ་ལ་འབུལ་བ་ནི། ཁ་པོ་ཏ་ལར་བལྟས་པའམ། འདུན་པ་བཅོས་ཏེ། ལག་པ་རྡོ་རྗེ་ཐལ་མོ་སྙིང་ཁར་སྦྱར་ནས། གཏོར་མ་བསང་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་དུ་ཨོཾ་ཨཱཿཧཱུྃ་འོད་དུ་ཞུ་བ་ལས་བྱུང་བའི་ལྷ་རྫས་འདོད་ཡོན་གྱི་ཕུང་པོ་ཟད་མི་ཤེས་པར་གྱུར། འབྲུ་གསུམ་ལན་བདུན་གྱིས་བརླབས། ལྗགས་རྡོ་རྗེའི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་བསམ། ན་མཿསརྦ་བུདྡྷ་བོ་དྷི་ས་ཏྭཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཧེ་ཧེ་བྷ་ག་ཝ་ཏེ་མ་ཧཱ་ས་ཏྭ། སརྦ་བུདྡྷ་ཨ་ཝ་ལོ་ཀི་ཏེ། མ་བི་ལཾ་བ། མ་བི་ལཾ་པ། ཨི་དཾ་བ་ལིངྟ་གྲིཧྞཱ་པ་ཡ་གྲྀཧྞཱ་པ་ཡ་ཧཱུྃ་ཧཱུྃ་ཛ་ཛ་སརྦ་བི་པཉྩ་རེ་སྭཱ་ཧཱ། ཞེས་ལན་གསུམ་གྱི་མཐར། རྗེ་བཙུན་མ་སྒྲོལ་མས་བདག་ལ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩོལ་བ་དང་། འཇིགས་པ་ཆེན་པོ་བརྒྱད་ལ་སོགས་པ་ལས་ཐར་བར་མཛད་དུ་གསོལ། སྲིད་པའི་དུཿཁ་ཐམས་ཅད་ཞི་བར་མཛད་དུ་གསོལ། ཆ་གཉིས་པ། ཨ་ཀཱ་རོ་མུ་ཁཾ་གསུམ་གྱིས་རྡོ་རྗེའི་ཆོས་སྐྱོང་རྣམས་ལ་འབུལ་ལོ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་བ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་པ་ཀུན་འགྲུབ་ཤོག །གིས་ཕྲིན་ལས་བཅོལ། ཆ་གསུམ་པ་ཨ་ཀཱ་རོ་མུ་ཁཾ་གསུམ་དང་། གཞི་བདག་གཉུག་མར་གནས་པ་ལ་འབུལ་ལོ། །གནས་མགྲོན་གྱི་དམ་ཚིག་བསྲུང་བ་དང་འགོ་ཞིང་སྡོང་གྲོགས་གཉན་པོ་མཛད་དུ་གསོལ། ཆ་བཞི་པ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས་གསུམ། རིགས་དྲུག་སྙིང་རྗེའི་མགྲོན་ལ་བསྔོའོ། །མྱུར་དུ་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །སྡིག་པ་ཅི་ཡང་མི་བྱ་ཞིང་། །སོགས་དང་། སྦྱིན་པ་རྒྱ་ཆེན་གྱུར་པ་འདི་ཡིས་ནི། །སོགས་སྨོན་ལམ་གདབ། གཉིས་པ་ནོངས་བཤགས་ནི། མ་འབྱོར་པ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཆད་པ་དང་ནི་ལྷག་པ་དང་། །ཆོ་གའི་ཡན་ལག་ཉམས་པ་སོགས། །བདག་གི་བརྗེད་ངས་ཅི་མཆིས་པ། །དེ་ཀུན་ཁྱེད་ཀྱིས་བཟོད་པར་གསོལ། །ཅེས་དང་། ཡི་གེ་བརྒྱ་པ་ལན་གསུམ་བརྗོད། གསུམ་པ་ནི་རྟེན་ལ་བརྟན་བཞུགས་དང་། གློ་བུར་བ་རྣམས་ལ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སོགས་ཀྱིས་གཤེགས་གསོལ་བྱ། བཞི་པ་དགེ་བ་བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །བསོད་ནམས་སྟོབས་ཆེན་འདི་ཡི་མཐུས། །སྦྱིན་བདག་འཁོར་དང་བཅས་རྣམས་ལ། །ཚེ་འདིར་བསམ་པའི་དོན་གྲུབ་ཅིང་། །བར་ཆད་ཞི་ནས་བཀྲ་ཤིས་པ། །བསམ་པ་འགྲུབ་པའི་བཀྲ་ཤིས་ཤོག །གཞན་ཡང་སྐྱེ་བ་འདི་ཉིད་དུ། །མི་མཐུན་ཕྱོགས་ཀུན་ཞི་བ་དང་། །ཚེ་རིང་ནད་མེད་ཕུན་སུམ་ཚོགས། །གཏན་དུ་བདེ་བ་ཐོབ་པར་ཤོག །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ལྔ་པ་ཤིས་བརྗོད་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །ཞེས་སོགས་ཀྱིས་མཐའ་རྒྱས་སུ་བྱའོ། །དེ་ལྟར་སྒྲོལ་མ་མཎྜལ་བཞི་པར་གྲགས་པའི་ཆོ་ག་ལ་ཡིག་ཆ་མང་དུ་སྣང་ཡང་། རྩ་བའི་ཁུངས་ནི་སློབ་དཔོན་ཀླུ་སྒྲུབ་ཀྱིས་སྒྲོལ་མ་མངོན་པར་འབྱུང་བའི་རྒྱུད་ལ་བརྟེན་ནས་བསྡུ་བ་མཛད་པ་ཉིད་ཀྱང་དེ་ཉིད་ཀྱི་མངོན་རྟོགས་རང་ས་མ་ཟིན་པ་དང་། ཚིག་ཚོགས་ལ་ཐལ་བ་རྣམས་བཏང་སྙོམས་སུ་བྱས་ཤིང་། མན་ངག་ལས་བྱུང་བ་འགའ་ཞིག་གསར་དུ་བསྣན་ནས་བཀླག་ཆོག་ཏུ་བཀོད་པ་འདི་ཡང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ། །}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-007&diff=64193 2026-09-29T16:59:07Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལས། དབང་གི་སྤྱི་དོན་སྙིང་པོ་དོན་གསལ།<br /> |fulltitle=klong chen snying gi thig le las/ dbang gi spyi don snying po don gsal/<br /> |citation='jigs med gling pa. ''Klong chen snying gi thig le las dbang gi spyi don snying po don gsal''. In ''Kun mkhyen rig 'dzin 'jigs med gling pa'i gsung 'bum'', Vol. 10: 87-121. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Empowerment Ritual - dbang chog - dbang skur, Overviews - spyi don<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=007<br /> |pagenumbers=87-121<br /> |totalpages=35<br /> |beginfolioline=1a1<br /> |endfolioline=18a3<br /> |totalfolios=18<br /> |multivolumework=No<br /> |rectonotes=dbang gi spyi don<br /> |versonotes=dbang gi spyi don snying po don gsal<br /> |colophontib=།ཞེས་རྫོགས་ཆེན་པ་རང་བྱུང་རྡོ་རྗེས་སོ།།<br /> |colophonwylie=zhes rdzogs chen pa rang byung rdo rjes so//<br /> |pdflink=File:JLKO-KABUM-10-THA-007.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །ཀློང་ཆེན་སྙིང་གི་ཐིག་ལེ་ལས། དབང་གི་སྤྱི་དོན་སྙིང་པོ་དོན་གསལ་བཞུགས། །<br /> <br /> ༄༅། །{{TibChung|དབང་གི་སྤྱི་དོན་སྙིང་པོ་དོན་གསལ་ཞེས་བྱ་བ། དྲི་མེད་སངས་རྒྱས་ཀུན་གྱི་ཡེ་ཤེས་ནི། །ཀུན་འབྱུང་ཁམས་ལས་གྲོལ་བའི་འོད་ཟེར་ཅན། །གྲགས་ཆེན་ཞིང་ཁམས་རྒྱ་མཚོའི་སྟོན་པ་རུ། །མངའ་དབང་རྫོགས་པ་བཅུ་གཉིས་སྤྱི་བོས་བསྙེན། །སློབ་མ་རྗེས་སུ་འཛིན་པའི་ཆོ་ག་འདིས་དབང་ཐམས་ཅད་ཀྱི་ཁོག་དབུབ་པར་བྱ་སྟེ། དེ་ལ་སྔོན་འགྲོ། དངོས་གཞི། རྗེས་སོ། །དང་པོ་ལ་བཞི། ས་ཆོག །ཐིག་ལས། སྟ་གོན། རེ་ཁཱ་འབྱེད་པའོ། །དང་པོ་ས་ཆོག་ནི། གཞི་དེར་མཎྜལ་ཟླུམ་པོ་ཁྲུ་གང་བ། བ་བྱུང་དང་དྲིས་བྱུགས་པར་མེ་ཏོག་གི་ཚོམ་བུ་བཀོད། དེའི་མདུན་དུ་ཆུ་གཅིག་སྔོན་དུ་འགྲོ་བའི་མཆོད་པ་ལྔ། སའི་ལྷ་མོ་དང་། གཉུག་མར་གནས་པ་སོ་སོ་ལ་གཏོར་མ་རེ་བཤམ། བདག་གི་རྣལ་འབྱོར་དང་ལྡན་པས་བསང་སྦྱངས། འབྲུ་གསུམ་གྱི་བྱིན་གྱིས་བརླབ། སེ་གོལ་གཏོགས་པ་དང་བཅས།}} པྲི་ཐཱི་དྷེ་ཝཱི་ས་མཱ་ཛཿ ཞེས་བརྗོད་པས་སའི་ལྷ་མོ་སེར་མོ་བུམ་པ་འཛིན་པ་དོ་ཤལ་དང་རྐང་གདུབ་ཀྱི་སྒྲ་སྒྲོགས་པ་ས་བདག་ཀླུ་གཉན་གྱི་འཁོར་དང་བཅས་པ་སྤྱན་དྲངས། ཨོཾ་པྲི་ཐཱི་དྷེ་ཝཱི་ཨརྒྷཾ། པུཥྤེ་{{TibChung|སོགས་ཀྱིས་མཆོད།}} སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང་། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དཔང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །བདག་རྡོ་རྗེ་འཛིན་པས་སེམས་ཅན་ཐམས་ཅད་ཀྱི་དོན་དུ་ས་ཕྱོགས་འདིར་དཀྱིལ་འཁོར་ཆེན་པོ་བཞེང་གིས། སའི་ཕྱོགས་འདི་བདག་ལ་གནང་བར་མཛོད་ཅིག །{{TibChung|ཅེས་བརྗོད་པས།}} དེས་ཀྱང་རིག་པ་འཛིན་པ་ཁྱོད་ཅི་དགའ་བར་བྱོས་ཤིག །ཅེས་གནང་བ་བྱིན་པར་བསམ། {{TibChung|གཉུག་མར་གནས་པ་ལ་}}ཨ་ཀཱ་རོ་མུ་{{TibChung|སོགས་ལན་གསུམ་གྱིས་བསྔོས་ལ།}} གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གིས་བསླང་བར་བགྱི། །དཀྱིལ་འཁོར་དོན་དུ་སྩལ་དུ་གསོལ། །{{TibChung|ཅེས་དང་སྤྲོ་ན།}} མཆོད་སྦྱིན་གཏོར་མ་འདི་བཞེས་ལ། །{{TibChung|སོགས་ཀྱང་བརྗོད།}} བཛྲ་མུ{{TibChung|ས་མགྲོན་རྣམས་རང་གནས་སུ་གཏང་། གཞི་དེའམ་སྟེགས་བུའི་སྟེང་དང་ཁོར་ཡུག་ཏུ་ལག་མཐིལ་གཡས་ཀྱི་སོར་མོ་རྣམས་ཕྲལ་བསྐོར་ཞིང་།}} ཨོཾ་ཧ་ན་ཧ་ན་ཧཱུྃ་ཕཊཿ ཅེས་བརྗོད་པས་དེ་ལས་འོད་ཟེར་བྱུང་སྟེ་མ་དག་པ་ཐམས་ཅད་སྦྱངས་པར་བསམ། ཨོཾ་བྷུ་ཁཾ་གྱིས་ས་ཕྱོགས་ཐམས་ཅད་ནམ་མཁའི་རང་བཞིན་དུ་བསམ། ཨོཾ་མེ་དི་ནི་བཛྲ་བྷནྡྷ་བྷནྡྷ་ཧཱུྃ་ཕཊཿ {{TibChung|ཀྱིས་རྡོ་རྗེའི་གཞིར་གྱུར།}} ཨོཾ་བཛྲ་རཀྵ་རཀྵ་ཧཱུྃ་ཕཊ་{{TibChung|ཀྱིས་བསྲུང་བར་བྱའོ། །དེའང་རས་བྲིས་ལ་བརྟེན་ཚེ་དཀྱིལ་ཁང་རྙིང་པར། ས་གཞི་རྡོ་རྗེར་བརླབས་ནས་བཟུང་བ་དང་།}} བཛྲ་རཀྵ{{TibChung|ས་བསྲུང་བ་ཙམ་གྱིས་ཀྱང་ཆོག་གོ །གཉིས་པ་ཐིག་ལས་ནི། སློབ་དཔོན་ཡབ་ཡུམ་གཙོ་བོའི་ང་རྒྱལ་ལ་གནས་པས་ཡབ་ཤར་ཡུམ་ནུབ་ཏུ་བལྟས་ཏེ།}} ཨོཾ་ཧཱུྃ་ཏྲཱཾ་ཧྲཱིཿཨཱཿ{{TibChung|བརྗོད་པས། ཐིག་སྐུད་རིགས་ལྔའི་ངོ་བོར་གྱུར་པ་བཟུང་སྟེ།}} བྷྲཱུྃ་ཛྙཱ་ན་མ་ད་ལ་ཧཱུྃ་{{TibChung|ཞེས་ལན་གསུམ་བརྗོད་ཅིང་ནམ་མཁའི་དབྱིངས་ལ་ཡེ་ཤེས་ཀྱི་ཐིག་བརྒྱད་དམ། ཚངས་ཐིག་གཉིས་ཙམ་གདབ་པའི་སྒྲས་སངས་རྒྱས་ཐམས་ཅད་སད་དེ་ཐིག་སྐུད་ལ་ཐིམ། དེ་ལས་ཐིག་སྐུད་གཉིས་པ་ཞིག་ཆད་པར་བསམ་ལ། ཐིག་གི་མེས་པོ་ཚངས་པའི་ཐིག །དེ་ལ་བྱ་རྗེས་ཀྱིས་ཐོན་པའི། །ཐིག་ཆེན་བརྒྱད་པོ་ལག་ཁྲིད་བཞིན། །བཏབ་ནས་ཆ་ཆེན་བཅུ་དྲུག་བགོ །ཚངས་ཐིག་གཉིས་པོའི་གཡས་གཡོན་ནས། །དང་པོར་ཕྱེད་གདབ་ཕྱི་མའང་གདབ། །གཉིས་པ་ཆ་ཕྲན་བཞི་རུ་བགོ །གསུམ་བཞི་མི་གདབ་ལྔ་དབུས་དོར། །དྲུག་པ་ཕྱེད་གདབ་ཕྱི་མ་གདབ། །བདུན་པ་བཞི་བགོ་བརྒྱད་དབུས་དོར། །ཕྱི་རིམ་སྣ་ཚོགས་པདྨ་ནི། །མཚན་བཟང་གྲངས་ལ་ཆ་ཆེན་ཕྱེད། །འོད་ལྔའི་མུ་ཁྱུད་ཆ་ཕྲན་གཅིག །དུར་ཁྲོད་ཆ་ཆེན་རྡོ་ར་ཕྱེད། །མེ་རི་ཆ་ཆེན་གཅིག་རྣམས་བསྐོར། །གསུམ་པ་སྟ་གོན་ལ་ཡང་གསུམ། །དང་པོ་ལྷ་ཡི་སྟ་གོན་ནི། །ལྷ་གནས་རྣམས་སུ་དྲིའི་ཐིག་ལེར། །ཚོམ་བུ་བཀོད་ལ་མཆོད་པ་བཤམ། །བདག་བསྐྱེད་ལྡན་པས་ལྷ་ཚོགས་རྣམས། །ཆོ་གས་བསྒྲུབ་ཅིང་མ་ནུས་ན། །སྔགས་ཀྱིས་བསྐྱེད་ལ་མཆོད་བསྟོད་འབུལ། །བཟླས་པ་ཅི་རིགས་བགྱིས་པའི་རྗེས། །ཧཱུྃ་ལས་ལྕེ་ནི་རྡོ་རྗེར་བསྒོམ།}} །རྒྱལ་བ་སྲས་བཅས་དགོངས་སུ་གསོལ། །ཁྱེད་རྣམས་མཆོད་དང་སེམས་ཅན་དོན། །ནངས་པར་དཀྱིལ་འཁོར་བྲི་འཚལ་བས། །ཐུགས་ཀྱིས་དགོངས་ཏེ་གནང་བར་མཛོད། །{{TibChung|ཅེས་གསོལ་གནང་བ་སྩལ་བར་བསམ། །སེམས་མ་རྡོ་རྗེ་མ་ཡི་རྒྱས། །ཡེ་ཤེས་དཀྱིལ་འཁོར་ནམ་མཁར་བཏེགས།}} །བཛྲོད་ཏིཥྛ་ལྷན་{{TibChung|ཞེས་བརྗོད། །དམ་ཚིག་བསྡུས་ཏེ་ཡིག་བརྒྱ་བརྗོད། །ཚོམ་བུ་མཆོད་བཅས་རེ་ཞིག་བསྡུ། །གཉིས་པ་བུམ་པ་བཅུད་ལྡན་ལ། །ཆོ་ག་སྔ་མ་ཇི་བཞིན་ལས། །བུམ་ལྷ་འོད་དུ་ཞུ་བ་ཙམ། །བུམ་པའི་སྟ་གོན་ཁྱད་པར་རོ། །གསུམ་པ་སློབ་མ་སྟ་གོན་ནི། །ཁྲུས་བྱས་བགེགས་བསྐྲད་མཎྜལ་དབུལ། །སློབ་བུའི་བློ་ནི་འདི་ལྟར་བཅོས།}} །གསང་སྔགས་དངོས་གྲུབ་དོན་གཉེར་ན། །འཇིག་རྟེན་ཚེ་འདིའི་ཞེན་པ་དོར། །ཕ་རོལ་ལ་ནི་འདུན་པ་བསྐྱེད། །འདི་འབྲས་གཉེར་ན་ཕྱི་མ་འཇིག །ཕྱི་མ་གཉེར་ན་འདི་འབྲས་འགྲུབ། །དེ་བས་རང་གཞན་དོན་བྱའི་ཕྱིར། །བསམ་པ་བཟང་པོ་མཆོག་ལ་སྦྱོར། །{{TibChung|ཅེས་དང་སླར་ཡང་བཀྲོལ་ལ་བཤད། །སློབ་མས་སྙིམ་པ་མེ་ཏོག་བཅས།}} །ཨེ་མ་དུས་གསུམ་རྒྱལ་བ་ཀུན་ཏུ་བཟང་། །རིགས་ལྔའི་སངས་རྒྱས་དགོངས་སུ་གསོལ། །དཀོན་མཆོག་གསུམ་ལ་སྐྱབས་འགྲོ་དང་། །སོ་ཐར་བྱང་སེམས་སྔགས་སྡོམ་རྣམས། །མགོན་པོས་བདག་ལ་གནང་དུ་གསོལ། །{{TibChung|ལན་གསུམ་ཞུ་ཞིང་དེའི་ལན་དུ།}} ཨེ་མ་སྣོད་དང་ལྡན་པའི་བུ། །གསང་སྔགས་ཆོ་ག་ཁྱོད་ལ་བསྟན། །འདས་དང་མ་བྱོན་ད་ལྟར་གྱི། །སངས་རྒྱས་མ་ལུས་ཐམས་ཅད་ཀྱང་། །གསང་སྔགས་ཆོ་ག་འདི་མཁྱེན་ནས། །རྫོགས་པའི་བྱང་ཆུབ་བརྙེས་པ་ཡིན། །བདུད་ཀྱི་དཔུང་ཡང་འདི་ཡིས་བཅོམ། །དེ་ལྟར་ཁྱེད་ཀྱང་རྗེས་སུ་ཞུགས། །{{TibChung|ཞེས་བརྗོད་སྡོམ་པ་བྱིན་པ་ནི།}} །སྐྱེས་བུ་གསུམ་གྱི་བློ་རྩལ་རྣམས། །གང་ནས་གོང་དུ་སྤར་བའི་བློས། །ཀུན་བཟང་རིགས་ལྔའི་ལྷ་ཚོགས་ལ། །འདིར་བཟུང་བླ་མེད་བྱང་ཆུབ་བར། །གུས་པ་ཡིས་ནི་སྐྱབས་སུ་མཆི། །བླ་མ་ཀུན་བཟང་སྤྱན་སྔ་རུ། །ལུས་ངག་ཡིད་ཀྱིས་གཞན་རྣམས་ལ། །གནོད་པ་ལས་བཟློག་དགེ་བ་བསྒྲུབ། །དགེ་ཚུལ་དགེ་སློང་བྱང་ཆུབ་སེམས། །སོ་སོ་ཐར་པའི་སྡོམ་པ་ལ། །བདག་ནི་རྒྱུན་དུ་གནས་ཤིང་བསྲུང་། །{{TibChung|ཞེས་པ་གསུམ་གྱིས་ཐུན་མོང་གི་སྡོམ་པ་དང་། ཁྱད་པར་ཐེག་ཆེན་གྱི་རིགས་ལ་ནུས་པ་སད་པ་དང་། སྨོན་སེམས་བརྟན་ཅིང་སྤྱོད་པ་ལ་སློབ་པའི་འདུན་པ་དྲག་པོས།}} ཧོཿ བླ་མ་ཀུན་བཟང་དགོངས་སུ་གསོལ། །འདི་བཟུང་བྱང་ཆུབ་མ་ཐོབ་བར། །འགྲོ་དྲུག་སེམས་ཅན་ཐམས་ཅད་ལ། །མ་དང་བུ་ཡི་འདུ་ཤེས་ཀྱིས། །མ་བསྒྲལ་བ་རྣམས་བསྒྲལ་བ་དང་། །མ་གྲོལ་དགྲོལ་དང་དབུགས་དབྱུང་ཕྱིར། །སྨོན་པའི་བྱང་ཆུབ་སེམས་བསྐྱེད་དོ། །སྔོན་གྱི་རྒྱལ་བ་ཐམས་ཅད་ཀྱང་། །སྡོམ་པ་ལ་ནི་གནས་པ་ལྟར། །འདི་བཟུང་འཁོར་བ་མ་སྟོངས་བར། །བླ་མེད་འཇུག་པའི་བྱང་ཆུབ་སེམས། །ཕ་རོལ་ཕྱིན་དྲུག་སློབ་ཅིང་བསྒྲུབ། །ཀུན་དོན་ཚུལ་ཁྲིམས་གསུམ་གྱི་དངོས། །ཐ་མལ་སྣང་ཞེན་ཉེས་སྤྱོད་སྡོམ། །བསྐྱེད་རྫོགས་ཟབ་མོས་དགེ་ཆོས་སྡུད། །རྣམ་བཞིའི་ཕྲིན་ལས་གཞན་ཕན་སྤྱོད། །སྔགས་ཀྱི་ཆོ་གས་བསྡམས་པར་བགྱི། །{{TibChung|ཞེས་ལན་གསུམ། དེ་ནས་སློབ་མ་རྡོ་རྗེ་སེམས་དཔར་གསལ་བ་ལ་ལས་ཆུས་འཐོར་ཞིང་། གནས་གསུམ་དུ་དྲིའི་ཐིག་ལེ་བྱ་བ་དང་ལྷན་ཅིག}} །ཨོཾ་ཨཱཿཧཱུྃ་{{TibChung|ཞེས་དང་མས་ནས་རིམ་བཞིན།}} ཧཱུྃ་ཨཱཿཨོཾ་{{TibChung|ཞེས་བྱིན་གྱིས་རློབ། དེ་བཞིན་དུ་དྲིའི་ཐིག་ལེ་གདབ་ཅིང་། རྣ་བར་}}ཏྲཱཾཿ {{TibChung|ལྕེ་ལ་}}ཧྲཱིཿ {{TibChung|སྙིང་ལ་}}ཧཱུྃ། {{TibChung|ཡན་ལག་བཞིར་}}ཧྲཱིཿ {{TibChung|སྙིང་ཁར་}}ཧཱཿ {{TibChung|ཞེས་བརྗོད་ནས་སྐྱེ་མཆེད་རྣམས་རིགས་ལྔར་བྱིན་གྱིས་རློབ། དེ་ནས་སོ་ཤིང་བྱིན་ལ། པདྨ་འདབ་བརྒྱད་རེ་ཁཱ་ཅན་ནམ་མཎྜལ་དྲི་དང་བ་བྱུང་གིས་སྦགས་པའི་ཚོམ་བུར་ཤར་མཚན་བཀོད་པ་ལ། དངོས་གྲུབ་ཀྱི་ལྟས་བརྟགས་པའི་འདུན་པས།}} བཛྲ་ཧ་ས་ཧ། {{TibChung|ཞེས་མིག་བཙུམ་ལ་དོར།}} ཕྱོགས་བཞི་དབུས་དང་ལྔར་བབས་ན། །རིགས་ལྔ་གང་ཡིན་དངོས་གྲུབ་ཐོབ། །{{TibChung|སོགས་པའི་མཚན་མ་བཤད། དེ་ནས་དུང་ཞལ་དུ་གནས་པའི་ཁྱོར་ཆུ་འབྲུ་གསུམ་གྱིས་བྱིན་གྱིས་བརླབས་ལ་བྱིན་ཅིང་།}} ཆོས་ཐམས་ཅད་རྣམ་པར་དག་པ་ཡིན་པས། ཕུང་པོ་འདིའི་སྡིག་པ་ཐམས་ཅད་རྣམ་པར་སྦྱོངས་ཤིག །རྣམ་པར་རྟོག་པ་ཐམས་ཅད་བསལ་བར་མཛོད། ཨོཾ་ཧྲཱིཿབི་ཤུདྡྷ་སརྦ་དྷརྨཱ་པཱ་པཾ་བི་ཤུདྡྷ་ནི་ཙ་སྱ་བི་ཤྭ་དྷ་ཡ་སརྦ་བི་ཀ་ལྤནྡ་ཨ་ན་ཡ་ཧཱུྃ། {{TibChung|ཞེས་ལག་པ་གཡས་སུ་ལན་གསུམ་བྱིན་ནས་བཏུང་བའི་ལྷག་མ་དཔུང་པ་གཡོན་རྒྱབ་ཏུ་དོར་བས་སྡིག་སྒྲིབ་དག་པར་བསམ། དེ་ནས་ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་པ་ལས་ཆུས་བསངས་ནས་སྐྱེས་པའི་དཔུང་པ་གཡོན། བུད་མེད་ཀྱི་གཡས་སུ་བཅིངས་ཤིང་།}} ཨོཾ་སརྦ་བུདྡྷ་མཻ་ཏྲི་རཀྵ་རཀྵ་སརྦ་སྭཱ་ཧཱ། {{TibChung|ཞེས་བཟླ། རྡོ་རྗེ་དང་བཅས་པའི་དྲི་ཆུས་རྒྱ་གྲམ་དུ་རེག་ནས།}} བཛྲ་རཀྵ་རཀྵ་སྭཱ་ཧཱ། {{TibChung|ཞེས་བརྗོད། ཀུ་ཤ་ལས་ཆུས་བསང་།}} སྟོང་པའི་ངང་ལས་ཧཱུྃ་དང་། དྷཱི་ལས་བྱུང་བའི་ཀུ་ཤ་ཆེ་ཆུང་སློབ་མ་ལ་བྱིན་ནས། ཨོཾ་བཛྲ་ཏིཀྵྞ་དྷཱིཿ ཨོཾ་བཛྲ་རཀྵ་ཧཾཿ {{TibChung|ཞེས་བདུན་བཟླ།}} འོ་དོ་ནུབ་རྨི་ལམ་མི་འཁྲུགས་པའི་ནུས་པ་ཅན་གྱི་ཀུ་ཤ་ཆེ་བ་སྟན་དང་། ཆུང་བ་སྔས་སུ་གྱིས་ལ་བླ་མ་དང་དཀྱིལ་འཁོར་གྱི་ལྷ་ཚོགས་ལ་མོས་པ་རྩེ་གཅིག་པས་གློ་གཡས་སར་ཕོབ་ལ་ཉོལ། ནངས་པར་དགེ་མི་དགེའི་རྨི་ལམ་ང་ལ་སྨྲོས་ཤིག །{{TibChung|ཅེས་དང་། སྤྲོ་བ་བསྐྱེད་པ་ནི།}} འཇིག་རྟེན་ན་རྙེད་པར་དཀའ་བ་མེ་ཏོག་ཨུ་དུམ་ཝཱ་ར། དེ་བས་ཀྱང་སངས་རྒྱས་རྙེད་པར་དཀའ། དེ་བས་ཀྱང་གསང་སྔགས་ཀྱི་ཆོས་རྙེད་པར་དཀའ་སྟེ། རྒྱུའི་ཐེག་པར་བསྐལ་པ་གྲངས་མེད་གསུམ་དུ་ངལ་དུབ་ཀྱི་མཐའ་དང་། རྨོངས་པའི་སྒྲིབ་པ་ཕྱོགས་གཅིག་པ་ཉིད། གསང་སྔགས་སུ་ཐབས་མང་བ་དང་། དཀའ་བ་མེད་པ་དང་། བྱིན་རླབས་མྱུར་བ་དང་། དབང་པོ་རྣོན་པོའི་ཡེ་ཤེས་ལ་སྤྱོད་པས་ཚེ་གཅིག་ལ་སོགས་པར་མིག་འཕྲུལ་ལྟར་གྲོལ་བའི་ལམ་ཡིན་ཏེ། འདི་ལྟར་དཀྱིལ་འཁོར་གྱི་ཚོན་རྩི་མཐོང་བས་ཀྱང་སྡིག་པའི་ལས་ཇི་སྙེད་པ་ཟད་པར་འགྱུར་ན། སང་ནངས་པར་དཀྱིལ་འཁོར་ཆེན་པོར་ཞུགས་ནས་སྨིན་ཅིང་གྲོལ་བའི་ནུས་པ་རྒྱུད་ལ་འཇོག་པ་འོག་མིན་དུ་ཐར་ལམ་ལ་ཞུགས་པ་དང་སྐལ་བ་མཉམ་པ་ཡིན་པས་སྤྲོ་བ་ཁྱད་པར་ཅན་སྐྱེད་ཅིག །{{TibChung|ཅེས་བརྗོད་ནས་དགེ་བ་བསྔོ། །བཞི་པ་རེ་ཁཱ་འབྱེད་པ་ནི། ཚོན་རྣམས་དཔའ་བོ་འབྲུ་ལྔ་ལས། །རིགས་ལྔར་བསྐྱེད་ལ་མཆོད་བསྟོད་རྗེས། །ལྷ་རྣམས་འོད་ཞུའི་ངོ་བོར་བསམ། །དེ་ནས་ཚོན་གྱི་རེ་ཁཱ་དབྱེ། །དབུས་སུ་འདབ་བརྒྱད་མུ་ཁྱུད་གསུམ། །དབུས་མཐིང་ཕྱོགས་བཞི་ཕྱོགས་ཀྱི་མདོག །མཚམས་བཞི་ཤར་ལྷོ་ནས་བརྩམས་ཏེ། །དམར་ལྗང་དཀར་སེར་མུ་ཁྱུད་གསུམ། །མཐིང་དམར་དཀར་ལ་གྲྭ་ཕྱོགས་མདོག །རྩིག་པ་ལྔ་ནི་ནང་རིམ་བཞིན། །མཐིང་ཀ་ལྗང་དང་དམར་སེར་དཀར། །འདོད་སྣམ་དམར་ལ་ཕ་གུ་སེར། །དྲ་ཕྱེད་སྔོ་ལ་མདའ་ཡབ་དམར། །པུ་ཤུ་མཛེས་ཚོན་ཞིང་ཁམས་ལྗང་། །རྒྱུ་འབྲས་རྟ་བབས་མཛེས་ཚོན་ལ། །ཆུ་སྲིན་དམར་པོ་རྡོ་རྭ་དང་། །དུར་ཁྲོད་བརྒྱད་སོགས་ཕྱོགས་ཀྱི་མདོག །པདྨ་སྣ་ཚོགས་འོད་ཕྲེང་དང་། །རྡོ་རྗེ་མཐིང་ལ་མེ་འོད་ལྔ། །སྲབ་འཐུག་མེད་ཅིང་མཉམ་པར་བྲི། །དཀྱིལ་འཁོར་སོ་སོའི་སྒོས་ཆོས་ནི། །ལྷ་ཡི་གནས་དང་རྟ་བབས་ཁྱད། །བླ་མའི་ཞལ་ལས་ཤེས་པར་བྱ། །སྟ་གོན་གྱི་ནི་ཡེ་ཤེས་པ། །སྔགས་རྒྱ་བཞི་ཡིས་དལ་ལ་བསྟིམ། །ཐིག་ཚོན་ལྷག་མའི་ཡེ་ཤེས་གཤེགས། །དཀྱིལ་འཁོར་རྒྱན་དགོད་མཆོད་གཏོར་དང་། །བུམ་པ་གཉིས་སོགས་དབང་རྫས་རྣམས། །མ་ཚང་མེད་པར་འདུ་བྱའོ། །གཉིས་པ་དངོས་གཞི་ལ་གསུམ། དཀྱིལ་འཁོར་སྒྲུབ་མཆོད། བདག་ཉིད་འཇུག་པ། སློབ་མ་རྗེས་སུ་འཛིན་པའོ། །དང་པོ་ནི། དཔལ་ཆེན་འདུས་པའི་སྒོས་དབང་གི་ཚེའང་དབང་བྱང་འདི་ཉིད་ལ་བརྟེན་ནས་སྐབས་འདིར་དཀྱིལ་འཁོར་སྒྲུབ་མཆོད་རང་གཞུང་ལྟར་བྱ་ཞིང་། ཞི་ཁྲོའི་སྒོས་ཆོས་རྣམས་དོར། འདིར་དང་པོའི་སྨིན་བྱེད་གདན་གསུམ་ཚང་བའི་དཀྱིལ་འཁོར་ཞི་ཁྲོ་ལ་བརྟེན་པ་ཡིན་པས། བགེགས་ལ་གཏོར་མ་བྱིན་ནས།}} ཧཱུྃ་ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། །ཨོཾ་ཤྲཱི་བཛྲ་ཧྱ་གྷྲི་ཝ་ར་ཙ་ཧྲཱི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊཿ བགེགས་ཐམས་ཅད་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། {{TibChung|དེ་ནས་མཆོད་རྫས་རྣམས་ལ་བསང་ཆུས་འཐོར་ཞིང་།}} ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱཱ། ཤཔྟ། ཨོཾ་ཨཱཿཧཱུྃ། ཡོངས་སུ་གྱུར་པ་ལས། ཕྱི་ནང་གི་མཆོད་པ་རྣམས་དྭངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྤྲིན་གྱིས་གང་བར་གྱུར། {{TibChung|སྨན་གཏོར་རཀྟའི་སྔགས་ཀྱང་བརྗོད།}} ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། {{TibChung|ལན་གསུམ།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་འཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །{{TibChung|ལན་གསུམ། དེ་ནས་བདག་མདུན་བུམ་གསུམ་འཇུག་པ་གཅིག་པས་ཞི་ཁྲོའི་དཀྱིལ་འཁོར་ཆེན་པོར་སྒོམ་པ་ནི།}} ཨོཾ་མ་ཧཱ་ཤུ་ནྱ་ཏ་{{TibChung|སོགས་ངན་སོང་སྦྱོང་བ་བཞིན་ལ། བཟླས་པའི་ཚེ་ཞི་ཁྲོ་སོ་སོའི་སྙིང་པོ་ཅི་ནུས་དང་། བུམ་པ་ལ་དམིགས་ནས།}} བདག་གི་སྙིང་ག་ནས་འོད་ཟེར་གཟུངས་ཐག་ལ་འཁྲིལ་ཏེ་སོང་བས་རྣམ་པར་རྒྱལ་བའི་ལྷ་རྣམས་ལ་ཕོག །བདེ་བའི་སྒྲས་བསྐུལ་སྙོམས་པར་ཞུགས་པའི་སྦྱོར་མཚམས་ནས་བདུད་རྩིའི་རྒྱུན་བབས་པར་བསམ་ལ། ཨོཾ་ཧཱུྃ་ཏྲཱཾ་ཧྲཱིཿཨ{{TibChung|ས་མགོ་དྲངས་པའི་དབྱངས་གསལ་ཅི་ནུས་བཟླ། དེ་བཞིན་དུ།}} ལས་བུམ་དུ་རྟ་མགྲིན་དམར་པོ་གཡས་དབྱུག་ཏོ་དང་། གཡོན་མེའི་ཞགས་པ་ཐོགས་པ་གསལ་ལ། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊཿ {{TibChung|ཁྲུས་སྔགས།}} ཨ་བྷི་ཥེ་ཀ{{TibChung|འང་བཟླའོ། །ཐུན་མཐར་དཀྱིལ་འཁོར་བ་དང་བུམ་པའི་ལྷ་གཉིས་ཆར་ལ་དམིགས་ཏེ་མཆོད་བསྟོད་དང་།}} ཨོཾ་ཨཱཿཧཱུྃ་{{TibChung|གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་ལ།}} བུམ་པའི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བ་བུམ་ཆུ་དང་རོ་གཅིག་པར་གྱུར། {{TibChung|ཅེས་བརྗོད། གཉིས་པ་བདག་འཇུག་ནི། སློབ་མ་ལ་ཇི་ལྟར་བྱ་བ་བཞིན་དུ་བླང་ངོ་། །གལ་ཏེ་བསྐྱེད་རྫོགས་ལ་གོམས་པ་བརྟན་པོར་སོན་པས་རིག་པའི་མེ་ཏོག་དོར་བས་འཇུག་ན།}} ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃཿ སྭཱ་བཛྲ་ས་མ་ཡ་སྭཱཿ ཧཱ་བཛྲ་ས་མ་ཡ་ཧཱཿ ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཿ {{TibChung|ཞེས་ཏིང་ངེ་འཛིན་གྱིས་འཇུག་གོ། །གསུམ་པ་སློབ་མ་རྗེས་སུ་འཛིན་པའི་ཆོ་ག་ལ། དཀྱིལ་འཁོར་དུ་འཇུག་པ་དང་། དབང་གིས་སྨིན་པར་བྱ་བ་གཉིས་ལས། དང་པོ་ནི། ལས་བུམ་གྱི་ཆུས་བཀྲུ་ཞིང་། བདུད་རྩི་འཁྱིལ་བའི་སྔགས་བཟླ།}} ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ། {{TibChung|ཞེས་མིག་དར་འཆིང་།}} ཨ་ཁཾ་ཝཱི་ར་ཧཱུྃ་གི{{TibChung|ས་རིགས་ལྔའི་ས་བོན་སོ་སོ་ལས་སྐྱེས་པའི་མེ་ཏོག་གཏད། གསོལ་བ་གདབ་པ་ནི།}} ཀྱེ་ཁྲོ་བོ་མི་བཟད་འཇིགས་པའི་སྐུ། །མཚོན་ཆ་སྣ་ཚོགས་ཕྱག་ན་བསྣམས། །བདག་ཅག་འཁོར་བ་ལས་བསྒྲལ་ཕྱིར། །ཁྱེད་ཀྱིས་གནང་སྟེ་གཏང་དུ་གསོལ། །{{TibChung|ཅེས་པའི་ལན།}} ཁྱེད་རྣམས་སུ་ཡིན་ཅི་ལ་དགའ། །ལས་དང་སྐལ་བར་ལྡན་ནམ་ཅི། །{{TibChung|སློབ་མས།}} བླ་མ་རྡོ་རྗེ་འཛིན་པ་དང་། །དཀྱིལ་འཁོར་ལྷ་ཚོགས་སྤངས་ནས་ནི། །སྐྱོབ་པ་གཞན་ན་མ་མཆིས་པས། །སྒོ་ཕྱེ་ཐར་བའི་གྲོང་བསྟན་འཚལ། །{{TibChung|ལན་གསུམ།}} ཁྱེད་ནི་སྣོད་མཆོག་དམ་པ་སྟེ། །ཁྱོད་འདོད་པ་ནི་བདག་གིས་སྦྱིན། །སྤྲོ་བ་བསྐྱེད་ལ་ནང་དུ་ཤོག །{{TibChung|ཅེས་བརྗོད་ལ་ཕྱིར་འབྲང་གི་བགེགས་བསྐྲད། སྲུང་བའི་འཁོར་ལོ་སྒོམ།}} ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་སེམས་བསྐྱེད་དེ་གསན་འཚལ། དེ་ལ་རང་ཅག་རྣམས་ཀྱིས་མི་ལུས་ཁྱད་པར་ཅན་འདི་སླན་ཆད་རྙེད་པར་དཀའ་ཞིང་། ཆོས་བསྒྲུབ་པའི་རྟེན་དལ་འབྱོར་ཚང་བ་འབའ་ཞིག་ལ་ལྟོས་དགོས་པའང་། འཕྲལ་བྱུང་གི་རྐྱེན་བརྒྱད་དང་། རིས་ཆད་ཀྱི་བློ་བརྒྱད་ཀྱིས་ཡུད་ཙམ་ལ་མི་ཁོམ་པར་འགྱུར་ཞིང་། ལས་མཐའ་ལོག་པའི་རིགས་ལ་ལྟོས་ན་འབྱོར་པ་བཅུ་ཡང་འདུ་འབྲལ་དང་བཅས་པས་ཡོན་ཏན་ཐམས་ཅད་ཚོགས་པའི་མི་ལུས་རིན་པོ་ཆེ་ཡིན་པར་དཀའ་ཞིང་། སྤྱི་མཐུན་དུ་སྐྱེས་པའི་ནངས་པར་ནས་གཤིན་རྗེའི་ཕོ་ཉ་དང་འགྲོགས་པ། འབྱོར་རྒུད་དང་བདེ་སྡུག་སྣ་ཚོགས་པའི་རྟེན་འབྲེལ་ཚོགས་པ་ལས་ཀྱི་གཞན་དབང་ཅན་འགྱུར་བ་དང་། ཁྱབ་པ་འདུ་བྱེད་ཀྱི་སྡུག་བསྔལ་བལྟར་མི་མངོན་པ་དང་འགྲོགས་པས་མཐོ་རིས་ཀྱི་བདེ་འབྲས་ནི་རྩྭ་རྩེའི་ཟིལ་པ་ལྟ་བུ་ཤིན་ཏུ་ཡིད་བརྟན་མི་རུང་བ་ཡིན་པས། ངེས་འབྱུང་གི་བློ་ཁྱད་པར་ཅན་བསྐུལ་ཏེ་ཐར་པ་དང་ཐམས་ཅད་མཁྱེན་པ་བསྒྲུབ་པའི་ཐབས་ལ་འབད་དགོས། དེ་ལ་སངས་རྒྱས་རྣམས་ནི་ཐུགས་རྗེ་ཚད་མེད་པས་སེམས་ཅན་ཡལ་བར་མི་འདོར་ཞིང་། ཕྲིན་ལས་ཚད་མེད་པས་གདུལ་བྱའི་ཁམས་དང་། དབང་པོ་དང་བསམ་པ་ལ་འཚམས་པའི་ཆོས་སྒོ་ཇི་སྙེད་པ་གསུངས་པ་རྣམས་ཀྱི་ནང་ནས་མཆོག་ཏུ་གྱུར་པ་ནི་འབྲས་བུའི་ཐེག་པ་ཡིན་ཏེ། དེའི་ཆོས་འཁོར་གྱི་གྲངས་ངེས་དང་རྣམ་དབྱེ་བསམ་པར་མི་ནུས་ཀྱང་། གངས་ཅན་པ་རྣམས་ཀྱིས་འགྱུར་གྱི་བྱེ་བྲག་ལས་གསར་རྙིང་དུ་སྒྲོ་བཏགས་པའི་རྡོ་རྗེ་ཐེག་པ་སྔ་འགྱུར་ལ་མདོ་སྒྱུ་སེམས་གསུམ་གྱི་གྲུབ་པའི་མཐའ་ཆེན་པོ་གསུམ་འཆའ་བ་ལས། འདི་ནི་སེམས་ཕྱོགས་ཀྱི་གྲུབ་མཐའི་སྙིང་པོ་གཙོ་བོར་འདོན་པས་རྫོགས་པ་ཆེན་པོ་ཀློང་ཆེན་སྙིང་ཐིག་ཞེས་གྲགས་ལ། ནང་གསེས་ཀྱི་དབང་དུ་ན། སྔགས་འོག་མ་ལྟར་ཁམས་ཀྱི་དྲི་མ་བླང་དོར་དང་བཅས་པའི་ངལ་དུབ་ཀྱིས་སྦྱོང་བ་མ་ཡིན་ཀྱང་། སྣང་གྲགས་རིག་པའི་ཆོ་འཕྲུལ་དུ་མངོན་བྱང་ཆུབ་པ་དཔལ་ལྡན་སྒྱུ་འཕྲུལ་དྲྭ་བའི་སྙིང་པོ་དཔལ་ཆེན་ཞལ་ལུང་དང་ཧེ་རུ་ཀ་འདུས་པའི་བསྐྱེད་རིམ། དག་པའི་སྣོད་བཅུད་ཀྱང་འཕོ་མེད་བདེ་བ་ཆེན་པོའི་ཡེ་ཤེས་གཞན་དུ་མི་འགྱུར་བ་ཨ་ནུའི་མདོ་ལུང་གི་སྙིང་པོ་རིགས་བརྒྱ་དང་རིག་འཛིན་གྱི་བསྐྱེད་རྫོགས་རྒྱུད་ལུང་གབ་བྱང་དང་བཅས། རྒྱུ་རྐྱེན་དང་རྩོལ་སྒྲུབ་ལ་མ་ལྟོས་པ་ཕྱི་སེམས་སྡེ། སྐུ་གསུམ་རང་ཆས་ཀྱི་དབྱིངས་ལ་མི་འགྱུར་བ་ནང་ཀློང་སྡེ། མངོན་སུམ་རང་གནས་སུ་སྟོན་པ་གསང་བ་མན་ངག་གི་སྡེ། གནད་ལས་གནད་དུ་བསྡུས་པས་ཡིད་དཔྱོད་དང་འབྲས་བུ་ཕྱི་དུས་ལ་ལྟོས་མི་འཆའ་བ་ཡང་གསང་བླ་ན་མེད་པའི་སྡེ་སྟེ་སེམས་ཕྱོགས་རྒྱ་མཚོའི་སྙིང་པོ་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལ་སོགས་པས་མན་ངག་གི་ཐུས་ཀ་ཚང་ལ་མ་ནོར་བ་སྟོན་ལ། དེ་ཉིད་ཀྱང་བདེ་བར་གཤེགས་པའི་བཀའ་་་{{TibChung|རྒྱུད་དོན་དང་འབྲེལ་བས།་་་}}ཚད་མ། རྡོ་རྗེ་འཛིན་་་བརྒྱུད་ལྡན་ལས་ཐོས།་་་པའི་མན་ངག་ཚད་མ། རྣལ་འབྱོར་དབང་ཕྱུག་གི་ཉམས་མྱོང་ཚད་མ། རྟེན་ཅིང་འབྲེལ་འབྱུང་གི་ལོ་རྒྱུས་ཚད་མ་དང་། དབང་་་{{TibChung|བཀའ་མ་དང་འབྲེལ།་་་}}གི་ཆུ་བོ་མ་ནུབ་པ། བྱིན་རླབས་ཀྱི་བརྒྱུད་པ་མ་ཉམས་པ། མན་ངག་གི་སྣ་ཁ་མ་ལོག་པ་དག་ལ་མ་བརྟེན་ན། ཟབ་མོར་བཏགས་པ་ཙམ་ཡང་དག་དང་ལྟར་སྣང་གང་ཡིན་མ་འཚལ་བའི་རྨོངས་པ་ལམ་ནོར་བས་ངལ་བ་འབྲས་མེད་དུ་བྱས་ལ། དེའི་ཕྱིར་གཏེར་ལུང་ལས། རྒྱལ་བས་དགོངས་པ་ཉིད་ཀྱི་ཚུལ། །དགོངས་པ་བབས་པ་དབང་གི་མཆོག །ཅེས་གདོད་མའི་མགོན་པོ་སྲས་དང་བཅས་པས་ཆོས་ཀྱི་བདག་པོ་ལ་དགོངས་པས་གནས་ལུགས་ཆོས་སྐུར་རྟོགས་པའི་དབང་ཐོབ། བརྡ་དང་བརྡ་མཚོན་གོ་བ་ནི། །དབང་གི་ནང་ནས་དབང་བཀའ་འོ། །ཞེས་པ་ལྟར་ཡེ་ཤེས་ཀྱི་མཁའ་འགྲོ་མས་བརྡ་སྒྱུར་གྱི་ཤོག་སེར་དབྱིབས་དང་རྣམ་པ་ཐམས་ཅད་པ་བྱིན། རྫོགས་པའི་སངས་རྒྱས་དྲི་མེད་འོད་ཟེར་དང་དངོས་ཞལ་མཇལ་ཏེ། སྙན་བརྒྱུད་ཀྱི་ཕ་ཕོགས་སྩལ་བའི་བརྒྱུད་པ་གསུམ་ལྡན་གྱི་སྟེང་། གོང་འོག་གི་བདག་པོ་རྣམ་གཉིས་ལ་སོགས་ཏེ། སྔོན་གྱི་དུས་ན་བྱོན་པའི་ལམ་སྟོན་ཆེན་པོ་རྣམས་ཀྱིས་བཞེད་པ་བཞིན་རྒྱུད་སྡེ་བཀའ་མ་དང་། སྒྲུབ་སྡེ་བཀའ་བརྒྱད་ལ་སོགས་པའི་དབང་གི་ཆུ་བོ་མ་ནུབ་པའང་ཉན་ཅིང་འདྲེས་པར་བྱས་ནས། ཇི་སྐད་དུ་སྡུད་པ་ལས། རྒྱལ་བའི་ཉན་ཐོས་པ་དག་ཆོས་སྟོན་དང་། །འཆད་དང་རིག་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་པ་ལ་སོགས་པ་དང་། གཞན་དུ། བྱང་ཆུབ་སེམས་དཔའ་བསམ་པ་རྣམ་པར་དག་པ་ལ་ནི་རང་གིས་ཡིད་ཀྱིས་སྤྱོད་པ་ཉིད་ལས། མན་ངག་དང་རྗེས་སུ་བསྟན་པ་ཐམས་ཅད་འབྱུང་ངོ་། །ཞེས་པ་ལྟར་རྒྱལ་བའི་ཡེ་ཤེས་རྣམ་པ་ཐམས་ཅད་པས་དགོངས་ཤིང་མཁའ་འགྲོའི་གསང་མཛོད་ལ་མངའ་སྒྱུར་བ་བྱིན་གྱིས་བརླབས་པ་དང་རྗེས་སུ་གནང་བའི་བཀར་རྩོད་པ་མེད་ཅིང་། སངས་རྒྱས་གཉིས་པ་སློབ་དཔོན་ཆེན་པོས་ཞལ་ནས་གསུངས་པའི་བཀར་བསྙོན་མེད་དུ་གྲུབ་པ་ལ་ཟབ་མོ་གཏེར་གྱི་རིང་ལུགས་མ་ནོར་བ་ཞེས་བྱ་སྟེ། མཆོག་གཟིགས་ཀྱི་བརྒྱུད་པ་མ་ཆད་པ་དང་། ཉམས་པ་དང་འདྲེས་ཁྱེར་གྱིས་བར་མ་ཆོད་པ་དང་། ཚིག་ལ་གྲིམས་པའི་སློབ་པ་སོ་སོ་སྐྱེ་བོས་བསླད་པ་མ་སོང་བས་བྱིན་རླབས་ཆེ་ཞིང་། སྒྲུབ་ཐག་ཉེ་བ་ཡིན་ནོ། །དེ་ལྟ་བུའི་སྔགས་ཀྱི་ཉེ་ལམ་དམ་པ་ལ་དབང་། བསྐྱེད་རིམ། རྫོགས་རིམ། བཤད་པ་སྟེ་སྔ་འགྱུར་བཀའ་བབས་ཀྱི་ཆུ་བོ་བཞིའི་ཞལ་ལུང་དང་ལྡན་པ་ལས། དེང་རིམ་པར་དབང་གི་ཆོ་ག་ལས་ཞི་ཁྲོའི་དཀྱིལ་འཁོར་ཆེན་པོར་སྨིན་པར་བྱ་བའི་སྐབས་སུ་བབས་པས་སྙིམ་པ་མེ་ཏོག་དང་བཅས་འདིའི་རྗེས་ཟློས། ཨེ་མ་དུས་གསུམ་རྒྱལ་བ་ཀུན་ཏུ་བཟང་། །རིགས་ལྔའི་སངས་རྒྱས་དགོངས་སུ་གསོལ། །{{TibChung|ཞེས་པ་ནས། ཐུན་མོང་དང་ཁྱད་པར་གྱི་སྡོམ་པ་བྱིན་པ།}} སྔགས་ཀྱི་ཆོ་གས་བསྡམ་པར་བགྱི། །{{TibChung|ཞེས་པའི་བར་སྟ་གོན་བཞིན་ལ། ཐམས་ཅད་རྣལ་འབྱོར་དུ་སེམས་བསྐྱེད་པའི་ཕྱིར། སློབ་མའི་སྙིང་གར་རྡོ་རྗེ་བཞག་ལ།}} སེམས་ཅན་ཐམས་ཅད་ཀྱི་དོན་དུ་སངས་རྒྱས་བསྒྲུབ་པའི་བློ་བཅོས་མིན་དེ་ཉིད། སྙིང་གར་ཀུན་རྫོབ་བྱང་སེམས་ཀྱི་ངོ་བོ་ཟླ་བ་ཉ་གང་བའི་སྟེང་། དོན་དམ་བྱང་སེམས་ཀྱི་རང་བཞིན་རྡོ་རྗེ་རྩེ་ལྔ་པ་འོད་དང་འོད་ཟེར་དུ་འབར་བར་གྱུར་པར་བསམ་ལ་འདིའི་རྗེས་ཟློས། ཨོཾ་སརྦ་ཡོ་ག་ཙིཏྟ་ཨུ་པ་ཏ་ཡ་མི། {{TibChung|ལན་གསུམ། དམ་གཞག་ནི། ནང་མཆོད་བྱིན་ལ།}} འདི་ནི་ཁྱོད་ཀྱི་དམ་ཚིག་ཆུ། །དམ་ཚིག་ཉམས་ན་བསྲེག་པར་བྱེད། །བསྲུངས་ན་དངོས་གྲུབ་ཐམས་ཅད་ཐོབ། །དམ་ཚིག་བདུད་རྩིའི་ཆུ་འདི་འཐུངས། །ས་མ་ཡ་ཨི་དན་ན་རཀྐནཿ རིགས་ལྔའི་སྡོམ་བཟུང་ཁྱད་པར་བ་ལ་དམིགས་ནས་འདིའི་རྗེས་ཟློས། སངས་རྒྱས་རིགས་ཀྱི་དམ་ཚིག་ཏུ། །རྒྱལ་སྲས་སངས་རྒྱས་ཐམས་ཅད་དང་། །དཔའ་བོ་རྣལ་འབྱོར་མ་རྣམས་བསྙེན། །རྡོ་རྗེའི་རིགས་ཀྱི་དམ་ཚིག་ཏུ། །རྡོ་རྗེ་དྲིལ་བུའི་ཕྱག་རྒྱ་དང་། །བྱང་ཆུབ་སེམས་ནི་སྤང་མི་བྱ། །རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །པདྨ་རིགས་ཀྱི་དམ་ཚིག་ཏུ། །ཐེག་པ་གསུམ་དང་ཆོས་རྣམས་བཤད། །ལས་ཀྱི་རིགས་ཀྱི་དམ་ཚིག་ཏུ། །འགྲོ་བའི་དོན་ལ་བརྩོན་པར་བྱ། །ལྷ་ཡི་ཕྱག་རྒྱ་བླ་མའི་སྟན། །བཞོན་པ་ལ་སོགས་མི་སྨད་ཅིང་། །བསྟན་པ་སྐྱོང་རྣམས་བརྙས་མི་བྱ། །བླ་མ་སངས་རྒྱས་དྲན་བྱེད་ཅིང་། །བརྟན་གཡོ་ལྷ་དང་མཉམ་པར་སྦྱོར། །མདོར་ན་རྒྱལ་བས་གར་བསྒྲགས་པ། །དེ་དག་ཐམས་ཅད་བདག་གིས་བཟུང་། །{{TibChung|ལན་གསུམ།}} དེ་ནས་ལྷ་དང་སྐལ་བ་མཉམ་པའི་ཕྱིར་དཀྱིལ་འཁོར་དུ་འཇུག་པ་ཡིན་པས་འདིའི་རྗེས་ཟློས། ཀྱེ་རིགས་ལྔ་བདེ་བར་གཤེགས་པ་དང་། །བླ་མ་ཡི་དམ་མཁའ་འགྲོ་དགོངས། །སྒོ་བ་ཆེན་པོ་ཁྱེད་རྣམས་ཀྱིས། །སྒོ་ཕྱེ་ཐར་པའི་གྲོང་བསྟན་འཚལ། །{{TibChung|ལན་གསུམ་གྱི་རྗེས་ལ། བླ་མས་}}ཨཱ་ཁཾ་ཝཱི་ར་ཧཱུྃཿ {{TibChung|བརྗོད་ལ་བཅུག་པར་བསམ།}} སློབ་མས་གནས་གསུམ་དུ་ཐལ་མོ་སྦྱར་བའི་སྐུ་གསུང་ཐུགས་ཕྱག་བྱེད་བཞིན་པར། ཨོཾ་ན་མ་ཏེ་ཧཱུྃ། ཨོཾ་ན་མ་མེ་ཧཱུྃ། ཨོཾ་ན་མ་ན་མ་ཧཱུྃ། {{TibChung|བརྗོད་ནས་ཕྱི་འཇུག་བྱ། ནང་ལྟར་འཇུག་པ།}} སློབ་དཔོན་དང་དཀྱིལ་འཁོར་གྱི་བདག་པོ་གཉིས་སུ་མེད་པའི་སྲས་སུ་བྱ་བའི་ཕྱིར་དམིགས་པ་འདི་བཞིན་དུ་མཛོད། གཙོ་བོའི་མདུན་ཐད་ཤར་སྒོའི་དབང་སྟེགས་ལ་འཁོད་པས། དཀྱིལ་འཁོར་གྱི་བདག་པོའི་ཐུགས་ཀ་ནས་འོད་ཟེར་བྱུང་། སློབ་མའི་རྣམ་སྨིན་གྱི་ཕུང་པོ་སྦྱངས། རྣམ་པར་ཤེས་པ་ཧཱུྃ་དུ་གྱུར་པ་ཡབ་ཀྱི་ཞལ་ནས་དྲངས། རྗེས་སུ་ཆགས་པའི་ཡེ་ཤེས་ཀྱིས་བསྐུལ་ཏེ་ཡུམ་གྱི་པདྨོར་ལྷུང་། སྲས་ཀྱི་ཚུལ་དུ་གཙོ་བོའི་རྣམ་པ་གཉིས་པ་ཞིག་བྱུང་བ་སྔར་གྱི་དབང་སྟེགས་ལ་འཁོད་པའི་གནས་གསུམ་དུ་ཕྱག་མཚན་གསུམ་དང་། ཡི་གེ་གསུམ་གྱིས་མཚན་པ་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དཀྱིལ་འཁོར་གྱི་ལྷའི་རྣམ་པས་སྙིང་ནང་དུ་ཐིམ་པར་བསམ་ལ། {{TibChung|རོལ་མོའི་སྒྲ་དང་བཅས་བབས་དྲུག་གིས་བྱིན་འབེབས་སམ།}} ཨོཾ་བཛྲ་པྲ་བེ་ཤ་ཡ་པྲ་བེ་ཤ་ཡ་ཧཱུྃ་ཧཱུྃ། {{TibChung|མང་དུ་བརྗོད་ལ་ནན་ཏན་བྱ།}} ལུས་ངག་ཡིད་ལ་ཕེབས་པའི་རྟགས། །འདར་ཞིང་འཕར་གཡོ་སཾ་སྐྲྀ་ཏའི། །བརྡ་སྐད་གླུ་ལེན་ངུ་བ་དང་། །བདེ་གསལ་མི་རྟོག་ལྷག་པའི་ལྷས། །སྦོག་ན་རྡོ་རྗེའི་འདུག་སྟངས་ཀྱི། །སྙིང་གར་གཡུང་དྲུང་འཁོར་བར་སྒོམ། །ཧཱུྃ་དང་ཨ་ར་ལི་ཕེཾ་གྱི། །གླུ་ཡིས་བསྐུལ་ཞིང་ལྟ་བས་གཅུན། །ཏིཥྛ་བཛྲ{{TibChung|ས་བརྟན་པར་བྱ། །དེ་ནས་མེ་ཏོག་དོར་བ་ནི།}} ཀྱེ་བདེ་གཤེགས་རིགས་ལྔའི་ཕོ་བྲང་དུ། །འབྲེལ་བའི་མེ་ཏོག་འདི་དོར་བས། །ལས་འཕྲོ་གང་ཡོད་ལྷ་དང་མཇལ་བར་ཤོག །ཨོཾ་པུཥྤ་སིདྡྷི་སྟྭཾ། ལྷུང་ན་བསྐྱར་ཞིང་སྤྱི་བོར་བཅིང་། །པ་ཏི་གྷྲི་ཧ་ན་ཨི་མཾ་ས་ཏྭ་མ་ཧཱ་བྷ་ལ། ལྷག་ལྷ་སྤྱི་བོར་ཐིམ་པར་བསམ། །{{TibChung|གདོང་གཡོགས་ཕྱེ་ཞིང་དཀྱིལ་འཁོར་བསྟན།}} སྟོན་པ་རིགས་ལྔའི་སངས་རྒྱས་ཀྱིས། །ཁྱོད་ཀྱི་མ་རིག་འཁོར་བའི་མིག །ཡེ་ཤེས་སྤྱན་དུ་དབྱེ་བ་ལྟར། །དེ་བཞིན་ཁྱེད་ཀྱིས་འགྲོ་བ་རྣམས། །ཡེ་ཤེས་སྤྱན་དུ་འབྱེད་པར་ཤོག །ཙཀྵུ་པྲ་བེ་ཤ་ཡ་ཕཊཿ ཨེ་མ་སྐལ་ལྡན་རིགས་ཀྱི་བུ། །ཁྱེད་ནི་སྡིག་པ་ཀུན་ལས་གྲོལ། །དཀྱིལ་འཁོར་ཆེན་པོ་འདི་ལ་ལྟོས། །ལུས་ངག་ཡིད་ཀྱི་དད་པ་བསྐྱེད། །དངོས་གྲུབ་ཐམས་ཅད་ཁྱེད་ཀྱིས་ཐོབ། །དམ་ཚིག་སྔགས་ལ་བརྩོན་པར་གྱིས། །ཀྱེ་རིགས་ཀྱི་བུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་སངས་རྒྱས་ཀྱི་སྐུ་དང་ཡེ་ཤེས་བརྡ་དོན་རྟགས་ཀྱིས་མཚོན་པའི་རྡུལ་ཚོན་གྱི་དཀྱིལ་འཁོར་འདི་ནི་རྟེན་གཞལ་ཡས་ཁང་སྟེ། ནང་ལྟར་ཕུང་པོ་ཁམས་དང་སྐྱེ་མཆེད་མཚོན་ལ། དེ་ན་བཞུགས་པའི་བརྟེན་པ་ཡེ་ཤེས་ཀྱི་ལྷ་ནི་རང་གི་སེམས་རྣམ་ཤེས་ཚོགས་བརྒྱད་སེམས་བྱུང་དང་བཅས་པ་དམ་པ་རིགས་བརྒྱའི་ལྷ་ཚོགས་སུ་བཞུགས་པ་དེ་དྲན་པར་གྱིས་ཤིག །{{TibChung|འཇུག་པའི་ཆོ་ག་འོ། །གཉིས་པ་དབང་བསྐུར་བ་ནི།}} ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། {{TibChung|མཆོད་ཅིང་བསྟོད།}} རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །ཅེས་གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་སྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ། ཀུན་ཀྱང་དབང་གི་བྱ་བ་ལ་དགྱེས་པར་གྱུར། {{TibChung|སློབ་མ་མི་བསྐྱོད་པར་གསལ་ལ། བུམ་པ་བཏེག་ནས།}} ཧཱུྃ་རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃཿ རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་རིན་འབྱུང་དུ་གསལ་ལ། དབུ་རྒྱན་ཐོགས་ནས།}} ཧཱུྃ་ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་།}} ཧཱུྃ་འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ། སངས་རྒྱས་པདྨའི་རིགས་ཀྱི་གསུང་འགག་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་དོན་གྲུབ་ཏུ་གསལ། དྲིལ་བུ་འཛིན་པས།}} ཧཱུྃ་འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨ་ཨ་བྷི་ཥིཉྩ་ཨཱཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །{{TibChung|སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ།}} ཧཱུྃ་གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུའི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །{{TibChung|ཞེས་རིགས་དབང་ལྔས་གསང་སྔགས་ཕྱི་པའི་དབང་ཡང་ཞར་བྱུང་དུ་རྫོགས་པའོ། །རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། གསུང་གི་དམ་ཚིག་དྲིལ་བུ་འཁྲོལ་བ་དང་། སྐུ་ཡི་དམ་ཚིག་འཁྱུད་རྒྱ་བྱེད་པ་སྟེ། དམ་ཚིག་གསུམ་བྱིན་ལ།}} ཨོཾ་ཨཱཿཧཱུྃ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ན་མཆོག་ཏུ་གྱུར་པ། རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པར་མཛད་ནུས་པར་གྱུར་ཅིག །{{TibChung|ཅེས་བརྗོད། རྒྱལ་ཚབ་ཏུ་འོས་པའི་སློབ་བུ་ཡིན་ན། པོ་ཏི། དུང་དཀར། ཕྱག་ཤིང་། འཁོར་ལོ་ལ་སོགས་པ་སྤྲད་ཅིང་ཁྲི་ལ་མངའ་གསོལ་བ་གཞན་དང་མཐུན། སླར་ཡང་རྣམ་རྒྱལ་བུམ་པ་བཟུང་ལ།}} ཧཱུྃ་བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །{{TibChung|རྩ་སྔགས་དང་།}} ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟེན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས། སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས། ཕྱི་ནང་ཐམས་ཅད་ལ་བརྙས་པར་བྱས་ན་ལྟུང་བར་གྱུར་པ་ཡིན་པས། དག་སྣང་དང་མོས་པ་གྱིས་ཤིག །{{TibChung|སྐབས་འདིར་རིགས་བརྒྱའི་ལྷ་དབང་བསྐུར་ན། སོ་སོའི་ཙཀླི་གཏུགས་ལ།}} ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་། །བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ཀྱི་དབང་བསྐུར་རོ། །ཨོཾ་ཨཱཿཧཱུྃ་ཨ་བྷི་ཥིཉྩ་ཧཱུྃ། {{TibChung|ཞེས་ཀུན་ལ་འགྲེས་སྦྱར་ཞི་ཁྲོའི་ཕྱག་གི་བཀོལ་བྱང་བཞིན་ནོ། །དཔལ་ཆེན་འདུས་པའི་ཚེ། སྤྱི་བོར།}} ཆེ་མཆོག་ལྷ་ཚོགས་དབང་བསྐུར་བས། །ཆོས་དབྱིངས་ཡེ་ཤེས་རྟོགས་པར་ཤོག །ཨོཾ་གུ་རུ་ཤྲཱི་བཛྲ་ཡཀྴ་ཀྲོ་ཏ་ཙིཏྟ་ཨ་བྷི་ཥིཉྩ་ཧཱུྃ། {{TibChung|དཔྲལ་བར།}} འཇམ་དཔལ་སྐུ་ཡི་དབང་བསྐུར་བས། །མཉམ་ཉིད་ཡེ་ཤེས་རྟོགས་པར་ཤོག །ཨོཾ་ཧྲཱིཿཥྚི་ཝི་ཀྲི་ཏཱ་ན་ན་ཨ་བྷི་ཥིཉྩ་ཧཱུྃ། {{TibChung|མགྲིན་པར།}} པདྨ་གསུང་གི་དབང་བསྐུར་བས། །སོར་རྟོག་ཡེ་ཤེས་རྟོགས་པར་ཤོག །ཨོཾ་པདྨ་ཏ་ཀྲི་ཏ་ཧྱ་གྷྲི་ཝ་ཨ་བྷི་ཥིཉྩ་ཧཱུྃ། {{TibChung|སྙིང་གར།}} ཡང་དག་ཐུགས་ཀྱི་དབང་བསྐུར་བས། །མེ་ལོང་ཡེ་ཤེས་རྟོགས་པར་ཤོག །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཨ་བྷི་ཥིཉྩ་ཧཱུྃ། {{TibChung|ལྟེ་བར།}} ཕུར་པ་ཕྲིན་ལས་དབང་བསྐུར་བས། །བྱ་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཕཊ་ཨ་བྷི་ཥིཉྩ་ཧཱུྃ། {{TibChung|གསང་གནས།}} མ་མོ་རྦོད་གཏོང་དབང་བསྐུར་བས། །དབྱིངས་གྲོལ་ཡེ་ཤེས་རྟོགས་པར་ཤོག །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་སརྦ་ས་མ་ཡ་ཨ་བྷི་ཥིཉྩ་ཧཱུྃ། {{TibChung|བརླ་གཡས།}} འཇིག་རྟེན་མཆོད་བསྟོད་དབང་བསྐུར་བས། །ཀློང་གྱུར་ཡེ་ཤེས་རྟོགས་པར་ཤོག །ཨོཾ་བཛྲ་ཙཎྜ་སརྦ་དུཥྚཾ་ཨ་བྷི་ཥིཉྩ་ཧཱུྃ། {{TibChung|བརླ་གཡོན།}} དམོད་པ་དྲག་སྔགས་དབང་བསྐུར་བས། །ལྷུན་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་སརྦ་དུཥྚཾ་ཨ་བྷི་ཥིཉྩ་ཧཱུྃ། {{TibChung|སྤྱི་བོར།}} རིག་འཛིན་སློབ་དཔོན་དབང་བསྐུར་བས། །འདའ་ཀ་ཡེ་ཤེས་རྟོགས་པར་ཤོག །ཨོཾ་བཛྲ་མ་ཧཱ་གུ་རུ་ཨ་བྷི་ཥིཉྩ་ཧཱུྃ། {{TibChung|དཔུང་པ་གཉིས།}} ཚོགས་བརྒྱད་གདུག་པ་ཀླུ་ཡི་གདོན། །ཟ་བྱེད་ཁྱུང་གིས་དབང་བསྐུར་རོ། །ཁྲོཾ་ག་རུ་ཌ་ཨ་བྷི་ཥིཉྩ་ཧཱུྃ། དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ། །{{TibChung|གསང་རྫས་མགྲིན་པར་བཞག་སྟེ།}} ཧཱུྃ་ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །{{TibChung|རྩ་སྔགས་དང་།}} ཝཱཀྐ་ཨ་བྷི་ཥིཉྩ་ཨཱཿ {{TibChung|རྗེས་འབྲེལ་དུ་བཟླས་ལུང་བྱིན་པ་ནི།}} སློབ་དཔོན་གྱི་ཐུགས་ཀ་ནས་རྩ་བའི་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས་སྙིང་གར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ་ལ། {{TibChung|རྩ་སྔགས་ཀྱི་རྗེས་ཟློས་ལན་གསུམ།}} དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག །{{TibChung|རིག་ཙག་གཏད་ལ།}} ཧོཿ ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །{{TibChung|རྩ་སྔགས་དང་།}} ཙིཏྟ་ཨ་བྷི་ཥིཉྩ་ཧཱུྃ། {{TibChung|ཞེས་གཏད་པས། རིག་མ་དེས།}} པདྨ་བྷཉྫ་མོཀྵ་ཧོཿ ཞེས་པའི་སྒྲས་ཐར་པ་བསྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །{{TibChung|དབང་བཞི་པ་ལ་མེ་ལོང་དང་ཤེལ་རྡོ་ནི་མཚོན་པའི་བརྡ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ།}} ཧོཿཀ་དག་མེ་ལོང་གཙང་མའི་ངོགས། །ལྷུན་གྲུབ་དང་ཤེལ་དྲི་མེད་གསལ། །བརྡ་རྟགས་རྫོགས་པས་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །{{TibChung|རྩ་སྔགས་དང་།}} དྷརྨཱ་དྷརྟུ་ཨ་བྷི་ཥིཉྩ་ཨཱཿ {{TibChung|ཞེས་པའི་རྗེས་ལ། སློབ་མ་ལུས་གནད་དང་ལྡན་པས་མཉམ་པར་འཇོག་ཏུ་བཅུག །དེའི་ངང་ལ་ཕཊ་དྲག་པོ་ཞིག་བརྗོད་ལ།}} སེམས་གང་ཡིན་ཅེས་ཏབ་ཏབ་ཏུ་དྲིས་པས་སྣང་བ་ཧད་དེ། ཕྱད་དེ། ཅི་ཟེར་ཆ་མི་དོད་པ་བྱུང་ཚོར་གྱི་སྤྲོས་པ་འགགས་པ་དེ་ཉིད་རིག་པ་རང་གནས་ཀྱི་ཡེ་ཤེས་སུ་ངོ་སྤྲད། དེའང་ལྟ་བ་ལུང་རིགས་དང་འབྲེལ་བ་ཞེས་བྱ་བ་ཡིན་པས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་གྱུར་རྫོགས་པ་ཆེ། །{{TibChung|ཞེས་པའི་ལུང་གིས་སྐྱོར། སློབ་དཔོན་ལྟ་དགོངས་ཅན་ཡིན་ན།}} ཐུགས་ཀར་ཨ་གཅིག་བསམ་པ་ལ་སློབ་མས་རིག་པ་གཏད་དེ་གཉིས་ཀས་མཉམ་པར་གཞག །སྒོམ་པ་ཉམས་མྱོང་དང་འབྲེལ་པའི་གཤིས་ནས། ཨ་ཉི་ཤུ་རྩ་གཅིག་བརྩེགས་མར་བརྗོད། དེས་ཀུན་གཞི་དང་ཤེས་བྱའི་སྒྲིབ་པ་དག །རྫོགས་པ་ཆེན་པོ་བསམ་གྱིས་མི་ཁྱབ་པའི་ཡེ་ཤེས་བསྒོམ་པ་ལ་དབང་། ངོ་བོ་ཉིད་སྐུ་ཐོབ་པའི་སྐལ་བ་རྒྱུད་ལ་བཞག །{{TibChung|དེ་ནས་བཀའ་རྫོགས་ལུང་རྫོགས་ཕྱིར། །གླེགས་བམ་སྤྱི་བོར་བཞག་བྱས་ལ།}} །ཧོཿ ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རིག་འཛིན་ཤྲཱི་སེང་ཧ། པཎ་ཆེན་བི་མ་ལ་མི་ཏྲ། ཨོ་རྒྱན་པདྨ་ཐོད་ཕྲེང་། མཁའ་འགྲོ་ཡེ་ཤེས་འཚོ་རྒྱལ། མངའ་བདག་ཁྲི་སྲོང་ལྡེའུ་བཙན། རྒྱལ་སྲས་དྲི་མེད་འོད་ཟེར། ཀློང་ཆེན་ནམ་མཁའི་རྣལ་འབྱོར་ལ་སོགས། རང་བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལ་མགོན་རིག་འཛིན་བླ་མ། ཡི་དམ་མཁའ་འགྲོ་རྒྱ་མཚོ། ཆོས་སྲུང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱིས་དེང་འདིར་རྡོ་རྗེའི་སློབ་མ་རྣམས་ལ་དབང་བསྐུར་དུ་གསོལ། བྱིན་གྱིས་བརླབ་ཏུ་གསོལ། རྟོགས་པ་སྤར་དུ་གསོལ། བརྟུལ་ཞུགས་བསྐྱེད་དུ་གསོལ། བྱ་རྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ། ཚེ་གཅིག་ལུས་གཅིག་ལ་འཇའ་ལུས་འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལ། {{TibChung|ཞེས་ལན་གསུམ་དང་། བཤད་སྒྲུབ་ཀྱི་བརྒྱུད་པ་འཛིན་པ་དག་ལ་ཐོད་རྒལ་རིག་པའི་རྩལ་དབང་བསྐུར་བ་ཡེ་ཤེས་བླ་མ་ལས་ཤེས་སོ། །དེ་ནས་དམ་ཚིག་བསྒྲགས་པ་ནི། གྲངས་དང་རིམ་པའི་རྣམ་དབྱེ་བཤད་ལ།}} རྩ་བ་སྐུ་གསུང་ཐུགས་མཆོག་དང་། །ཡན་ལག་དམ་ཚིག་ཉི་ཤུ་ལྔ། །མེད་དང་གཅིག་པུ་ཕྱལ་བ་སོགས། །ཆོ་ག་བཞིན་དུ་བསྲུང་བར་བགྱི། །{{TibChung|ལན་གསུམ། གཏང་རག་གི་མཎྜལ་ཕུལ།}} སླར་ཡང་ལུས་དང་ལོངས་སྤྱོད་བླ་མའི་ཕྱོགས་སུ་བསྔོ་བ་ནི། དམ་ཚིག་གི་ཐ་ཚིག་ཡིན་པས་འདིའི་རྗེས་ཟློས། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱོད་ལ་བདག་ཀྱང་ཡོངས་སུ་འབུལ། །སློབ་མར་བཟུང་ནས་སྤྱད་དུ་གསོལ། །{{TibChung|གསུམ་གྱི་རྗེས་ལ་དགེ་བ་བསྔོ། །གསུམ་པ་རྗེས་ཀྱི་ལས་ཁྲིགས་ནི། ཚོགས་འཁོར་བསྐོར། རྡོ་རྗེའི་གླུ་གར་བྱ། གཏང་རག་དང་དངོས་གྲུབ་བླང་། རྡུལ་ཚོན་ཡིན་ན་ཨ་ཀཱ་རོས་བསྡུ་ཞིང་ཆུ་ཀླུང་ལ་གཤེགས། རས་བྲིས་ལ་བརྟན་བཞུགས་བྱ། བསྔོ་སྨོན་དང་། ཤིས་བརྗོད་ཀྱིས་མཐའ་བརྟེན་པ་སོགས་སྤྱི་ལྟར་བྱའོ། །དེའང་རང་བཞིན་བརྒྱད་ལྡན་གྱི་རྡོ་རྗེ་སློབ་དཔོན་དག་ལ་ནི་ཡི་གེ་འདི་ཙམ་གྱིས་མཚོན་ལ། གཞན་དུ་ལྷོངས་སུ་མ་གྱུར་པའི་གང་ཟག་རྣམས་ལ་ནི་མདོ་སྔགས་ཀྱི་ལམ་སྤྱི་དང་བྱེ་བྲག་པ་དབང་གི་སྒྲོམ་ནས་ཁོང་དུ་ཆུད་པའི་སྐལ་བ་ཅན་ཉུང་པས་རང་དང་སློབ་མའི་དངོས་གྲུབ་ཀྱི་གེགས་སུ་འགྱུར་ཕྱིར་མདོ་སྒྱུ་སེམས་གསུམ་གྱི་རྒྱུད་སྡེའི་གནད་ལ་ངེས་པ་རྙེད་པར་མ་ནུས་ཀྱང་། ཁོ་བོས་བྱས་པའི་གྲོལ་ཏིག་གི་དབང་ཆོག་མཁྱེན་བརྩེའི་དགོངས་རྒྱན་ལས་སྤྱི་དོན་ཤེས་པར་བྱ་བ་ཁོ་ནའོ། །འདི་ལྟར་ཞི་ཁྲོ་དང་། དཔལ་ཆེན་ཅི་རིགས་པའི་དཀྱིལ་འཁོར་ཆེན་པོ་གཅིག་ཏུ་འཇུག་སྨིན་གྱི་ཆོ་ག་རྫོགས་པ་དག་ལ། རིག་འཛིན་དང་། ཐུགས་རྗེ་ཆེན་པོ་ལ་སོགས་པའི་སྒོས་དབང་ནི། སོ་སོའི་ལས་གཞུང་གིས་བདག་མདུན་བུམ་གསུམ་སྒྲུབ་ཅིང་། རྩ་དབང་རྒྱལ་ཐབས་སྤྱི་བླུགས་ལྟར་ནང་ནུས་པ་འཇུག་པའི་དབང་གིས་ཆོག་པ་ཡིན་ནོ། །ཞེས་རྫོགས་ཆེན་པ་རང་བྱུང་རྡོ་རྗེས་སོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-007&diff=64192 2026-09-29T15:54:57Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལས། དབང་གི་སྤྱི་དོན་སྙིང་པོ་དོན་གསལ།<br /> |fulltitle=klong chen snying gi thig le las/ dbang gi spyi don snying po don gsal/<br /> |citation='jigs med gling pa. ''Klong chen snying gi thig le las dbang gi spyi don snying po don gsal''. In ''Kun mkhyen rig 'dzin 'jigs med gling pa'i gsung 'bum'', Vol. 10: 87-121. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Empowerment Ritual - dbang chog - dbang skur, Overviews - spyi don<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=007<br /> |pagenumbers=87-121<br /> |totalpages=35<br /> |beginfolioline=1a1<br /> |endfolioline=18a3<br /> |totalfolios=18<br /> |multivolumework=No<br /> |rectonotes=dbang gi spyi don<br /> |versonotes=dbang gi spyi don snying po don gsal<br /> |colophontib=།ཞེས་རྫོགས་ཆེན་པ་རང་བྱུང་རྡོ་རྗེས་སོ།།<br /> |colophonwylie=zhes rdzogs chen pa rang byung rdo rjes so//<br /> |pdflink=File:JLKO-KABUM-10-THA-007.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །ཀློང་ཆེན་སྙིང་གི་ཐིག་ལེ་ལས། དབང་གི་སྤྱི་དོན་སྙིང་པོ་དོན་གསལ་བཞུགས། །<br /> <br /> ༄༅། །{{TibChung|དབང་གི་སྤྱི་དོན་སྙིང་པོ་དོན་གསལ་ཞེས་བྱ་བ། དྲི་མེད་སངས་རྒྱས་ཀུན་གྱི་ཡེ་ཤེས་ནི། །ཀུན་འབྱུང་ཁམས་ལས་གྲོལ་བའི་འོད་ཟེར་ཅན། །གྲགས་ཆེན་ཞིང་ཁམས་རྒྱ་མཚོའི་སྟོན་པ་རུ། །མངའ་དབང་རྫོགས་པ་བཅུ་གཉིས་སྤྱི་བོས་བསྙེན། །སློབ་མ་རྗེས་སུ་འཛིན་པའི་ཆོ་ག་འདིས་དབང་ཐམས་ཅད་ཀྱི་ཁོག་དབུབ་པར་བྱ་སྟེ། དེ་ལ་སྔོན་འགྲོ། དངོས་གཞི། རྗེས་སོ། །དང་པོ་ལ་བཞི། ས་ཆོག །ཐིག་ལས། སྟ་གོན། རེ་ཁཱ་འབྱེད་པའོ། །དང་པོ་ས་ཆོག་ནི། གཞི་དེར་མཎྜལ་ཟླུམ་པོ་ཁྲུ་གང་བ། བ་བྱུང་དང་དྲིས་བྱུགས་པར་མེ་ཏོག་གི་ཚོམ་བུ་བཀོད། དེའི་མདུན་དུ་ཆུ་གཅིག་སྔོན་དུ་འགྲོ་བའི་མཆོད་པ་ལྔ། སའི་ལྷ་མོ་དང་། གཉུག་མར་གནས་པ་སོ་སོ་ལ་གཏོར་མ་རེ་བཤམ། བདག་གི་རྣལ་འབྱོར་དང་ལྡན་པས་བསང་སྦྱངས། འབྲུ་གསུམ་གྱི་བྱིན་གྱིས་བརླབ། སེ་གོལ་གཏོགས་པ་དང་བཅས།}} པྲི་ཐཱི་དྷེ་ཝཱི་ས་མཱ་ཛཿ ཞེས་བརྗོད་པས་སའི་ལྷ་མོ་སེར་མོ་བུམ་པ་འཛིན་པ་དོ་ཤལ་དང་རྐང་གདུབ་ཀྱི་སྒྲ་སྒྲོགས་པ་ས་བདག་ཀླུ་གཉན་གྱི་འཁོར་དང་བཅས་པ་སྤྱན་དྲངས། ཨོཾ་པྲི་ཐཱི་དྷེ་ཝཱི་ཨརྒྷཾ། པུཥྤེ་{{TibChung|སོགས་ཀྱིས་མཆོད།}} སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང་། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དཔང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །བདག་རྡོ་རྗེ་འཛིན་པས་སེམས་ཅན་ཐམས་ཅད་ཀྱི་དོན་དུ་ས་ཕྱོགས་འདིར་དཀྱིལ་འཁོར་ཆེན་པོ་བཞེང་གིས། སའི་ཕྱོགས་འདི་བདག་ལ་གནང་བར་མཛོད་ཅིག །{{TibChung|ཅེས་བརྗོད་པས།}} དེས་ཀྱང་རིག་པ་འཛིན་པ་ཁྱོད་ཅི་དགའ་བར་བྱོས་ཤིག །ཅེས་གནང་བ་བྱིན་པར་བསམ། {{TibChung|གཉུག་མར་གནས་པ་ལ་}}ཨ་ཀཱ་རོ་མུ་{{TibChung|སོགས་ལན་གསུམ་གྱིས་བསྔོས་ལ།}} གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གིས་བསླང་བར་བགྱི། །དཀྱིལ་འཁོར་དོན་དུ་སྩལ་དུ་གསོལ། །{{TibChung|ཅེས་དང་སྤྲོ་ན།}} མཆོད་སྦྱིན་གཏོར་མ་འདི་བཞེས་ལ། །{{TibChung|སོགས་ཀྱང་བརྗོད།}} བཛྲ་མུ{{TibChung|ས་མགྲོན་རྣམས་རང་གནས་སུ་གཏང་། གཞི་དེའམ་སྟེགས་བུའི་སྟེང་དང་ཁོར་ཡུག་ཏུ་ལག་མཐིལ་གཡས་ཀྱི་སོར་མོ་རྣམས་ཕྲལ་བསྐོར་ཞིང་།}} ཨོཾ་ཧ་ན་ཧ་ན་ཧཱུྃ་ཕཊཿ ཅེས་བརྗོད་པས་དེ་ལས་འོད་ཟེར་བྱུང་སྟེ་མ་དག་པ་ཐམས་ཅད་སྦྱངས་པར་བསམ། ཨོཾ་བྷུ་ཁཾ་གྱིས་ས་ཕྱོགས་ཐམས་ཅད་ནམ་མཁའི་རང་བཞིན་དུ་བསམ། ཨོཾ་མེ་དི་ནི་བཛྲ་བྷནྡྷ་བྷནྡྷ་ཧཱུྃ་ཕཊཿ {{TibChung|ཀྱིས་རྡོ་རྗེའི་གཞིར་གྱུར།}} ཨོཾ་བཛྲ་རཀྵ་རཀྵ་ཧཱུྃ་ཕཊ་{{TibChung|ཀྱིས་བསྲུང་བར་བྱའོ། །དེའང་རས་བྲིས་ལ་བརྟེན་ཚེ་དཀྱིལ་ཁང་རྙིང་པར། ས་གཞི་རྡོ་རྗེར་བརླབས་ནས་བཟུང་བ་དང་།}} བཛྲ་རཀྵ{{TibChung|ས་བསྲུང་བ་ཙམ་གྱིས་ཀྱང་ཆོག་གོ །གཉིས་པ་ཐིག་ལས་ནི། སློབ་དཔོན་ཡབ་ཡུམ་གཙོ་བོའི་ང་རྒྱལ་ལ་གནས་པས་ཡབ་ཤར་ཡུམ་ནུབ་ཏུ་བལྟས་ཏེ།}} ཨོཾ་ཧཱུྃ་ཏྲཱཾ་ཧྲཱིཿཨཱཿ{{TibChung|བརྗོད་པས། ཐིག་སྐུད་རིགས་ལྔའི་ངོ་བོར་གྱུར་པ་བཟུང་སྟེ།}} བྷྲཱུྃ་ཛྙཱ་ན་མ་ད་ལ་ཧཱུྃ་{{TibChung|ཞེས་ལན་གསུམ་བརྗོད་ཅིང་ནམ་མཁའི་དབྱིངས་ལ་ཡེ་ཤེས་ཀྱི་ཐིག་བརྒྱད་དམ། ཚངས་ཐིག་གཉིས་ཙམ་གདབ་པའི་སྒྲས་སངས་རྒྱས་ཐམས་ཅད་སད་དེ་ཐིག་སྐུད་ལ་ཐིམ། དེ་ལས་ཐིག་སྐུད་གཉིས་པ་ཞིག་ཆད་པར་བསམ་ལ། ཐིག་གི་མེས་པོ་ཚངས་པའི་ཐིག །དེ་ལ་བྱ་རྗེས་ཀྱིས་ཐོན་པའི། །ཐིག་ཆེན་བརྒྱད་པོ་ལག་ཁྲིད་བཞིན། །བཏབ་ནས་ཆ་ཆེན་བཅུ་དྲུག་བགོ །ཚངས་ཐིག་གཉིས་པོའི་གཡས་གཡོན་ནས། །དང་པོར་ཕྱེད་གདབ་ཕྱི་མའང་གདབ། །གཉིས་པ་ཆ་ཕྲན་བཞི་རུ་བགོ །གསུམ་བཞི་མི་གདབ་ལྔ་དབུས་དོར། །དྲུག་པ་ཕྱེད་གདབ་ཕྱི་མ་གདབ། །བདུན་པ་བཞི་བགོ་བརྒྱད་དབུས་དོར། །ཕྱི་རིམ་སྣ་ཚོགས་པདྨ་ནི། །མཚན་བཟང་གྲངས་ལ་ཆ་ཆེན་ཕྱེད། །འོད་ལྔའི་མུ་ཁྱུད་ཆ་ཕྲན་གཅིག །དུར་ཁྲོད་ཆ་ཆེན་རྡོ་ར་ཕྱེད། །མེ་རི་ཆ་ཆེན་གཅིག་རྣམས་བསྐོར། །གསུམ་པ་སྟ་གོན་ལ་ཡང་གསུམ། །དང་པོ་ལྷ་ཡི་སྟ་གོན་ནི། །ལྷ་གནས་རྣམས་སུ་དྲིའི་ཐིག་ལེར། །ཚོམ་བུ་བཀོད་ལ་མཆོད་པ་བཤམ། །བདག་བསྐྱེད་ལྡན་པས་ལྷ་ཚོགས་རྣམས། །ཆོ་གས་བསྒྲུབ་ཅིང་མ་ནུས་ན། །སྔགས་ཀྱིས་བསྐྱེད་ལ་མཆོད་བསྟོད་འབུལ། །བཟླས་པ་ཅི་རིགས་བགྱིས་པའི་རྗེས། །ཧཱུྃ་ལས་ལྕེ་ནི་རྡོ་རྗེར་བསྒོམ།}} །རྒྱལ་བ་སྲས་བཅས་དགོངས་སུ་གསོལ། །ཁྱེད་རྣམས་མཆོད་དང་སེམས་ཅན་དོན། །ནངས་པར་དཀྱིལ་འཁོར་བྲི་འཚལ་བས། །ཐུགས་ཀྱིས་དགོངས་ཏེ་གནང་བར་མཛོད། །{{TibChung|ཅེས་གསོལ་གནང་བ་སྩལ་བར་བསམ། །སེམས་མ་རྡོ་རྗེ་མ་ཡི་རྒྱས། །ཡེ་ཤེས་དཀྱིལ་འཁོར་ནམ་མཁར་བཏེགས།}} །བཛྲོད་ཏིཥྛ་ལྷན་{{TibChung|ཞེས་བརྗོད། །དམ་ཚིག་བསྡུས་ཏེ་ཡིག་བརྒྱ་བརྗོད། །ཚོམ་བུ་མཆོད་བཅས་རེ་ཞིག་བསྡུ། །གཉིས་པ་བུམ་པ་བཅུད་ལྡན་ལ། །ཆོ་ག་སྔ་མ་ཇི་བཞིན་ལས། །བུམ་ལྷ་འོད་དུ་ཞུ་བ་ཙམ། །བུམ་པའི་སྟ་གོན་ཁྱད་པར་རོ། །གསུམ་པ་སློབ་མ་སྟ་གོན་ནི། །ཁྲུས་བྱས་བགེགས་བསྐྲད་མཎྜལ་དབུལ། །སློབ་བུའི་བློ་ནི་འདི་ལྟར་བཅོས།}} །གསང་སྔགས་དངོས་གྲུབ་དོན་གཉེར་ན། །འཇིག་རྟེན་ཚེ་འདིའི་ཞེན་པ་དོར། །ཕ་རོལ་ལ་ནི་འདུན་པ་བསྐྱེད། །འདི་འབྲས་གཉེར་ན་ཕྱི་མ་འཇིག །ཕྱི་མ་གཉེར་ན་འདི་འབྲས་འགྲུབ། །དེ་བས་རང་གཞན་དོན་བྱའི་ཕྱིར། །བསམ་པ་བཟང་པོ་མཆོག་ལ་སྦྱོར། །{{TibChung|ཅེས་དང་སླར་ཡང་བཀྲོལ་ལ་བཤད། །སློབ་མས་སྙིམ་པ་མེ་ཏོག་བཅས།}} །ཨེ་མ་དུས་གསུམ་རྒྱལ་བ་ཀུན་ཏུ་བཟང་། །རིགས་ལྔའི་སངས་རྒྱས་དགོངས་སུ་གསོལ། །དཀོན་མཆོག་གསུམ་ལ་སྐྱབས་འགྲོ་དང་། །སོ་ཐར་བྱང་སེམས་སྔགས་སྡོམ་རྣམས། །མགོན་པོས་བདག་ལ་གནང་དུ་གསོལ། །{{TibChung|ལན་གསུམ་ཞུ་ཞིང་དེའི་ལན་དུ།}} ཨེ་མ་སྣོད་དང་ལྡན་པའི་བུ། །གསང་སྔགས་ཆོ་ག་ཁྱོད་ལ་བསྟན། །འདས་དང་མ་བྱོན་ད་ལྟར་གྱི། །སངས་རྒྱས་མ་ལུས་ཐམས་ཅད་ཀྱང་། །གསང་སྔགས་ཆོ་ག་འདི་མཁྱེན་ནས། །རྫོགས་པའི་བྱང་ཆུབ་བརྙེས་པ་ཡིན། །བདུད་ཀྱི་དཔུང་ཡང་འདི་ཡིས་བཅོམ། །དེ་ལྟར་ཁྱེད་ཀྱང་རྗེས་སུ་ཞུགས། །{{TibChung|ཞེས་བརྗོད་སྡོམ་པ་བྱིན་པ་ནི།}} །སྐྱེས་བུ་གསུམ་གྱི་བློ་རྩལ་རྣམས། །གང་ནས་གོང་དུ་སྤར་བའི་བློས། །ཀུན་བཟང་རིགས་ལྔའི་ལྷ་ཚོགས་ལ། །འདིར་བཟུང་བླ་མེད་བྱང་ཆུབ་བར། །གུས་པ་ཡིས་ནི་སྐྱབས་སུ་མཆི། །བླ་མ་ཀུན་བཟང་སྤྱན་སྔ་རུ། །ལུས་ངག་ཡིད་ཀྱིས་གཞན་རྣམས་ལ། །གནོད་པ་ལས་བཟློག་དགེ་བ་བསྒྲུབ། །དགེ་ཚུལ་དགེ་སློང་བྱང་ཆུབ་སེམས། །སོ་སོ་ཐར་པའི་སྡོམ་པ་ལ། །བདག་ནི་རྒྱུན་དུ་གནས་ཤིང་བསྲུང་། །{{TibChung|ཞེས་པ་གསུམ་གྱིས་ཐུན་མོང་གི་སྡོམ་པ་དང་། ཁྱད་པར་ཐེག་ཆེན་གྱི་རིགས་ལ་ནུས་པ་སད་པ་དང་། སྨོན་སེམས་བརྟན་ཅིང་སྤྱོད་པ་ལ་སློབ་པའི་འདུན་པ་དྲག་པོས།}} ཧོཿ བླ་མ་ཀུན་བཟང་དགོངས་སུ་གསོལ། །འདི་བཟུང་བྱང་ཆུབ་མ་ཐོབ་བར། །འགྲོ་དྲུག་སེམས་ཅན་ཐམས་ཅད་ལ། །མ་དང་བུ་ཡི་འདུ་ཤེས་ཀྱིས། །མ་བསྒྲལ་བ་རྣམས་བསྒྲལ་བ་དང་། །མ་གྲོལ་དགྲོལ་དང་དབུགས་དབྱུང་ཕྱིར། །སྨོན་པའི་བྱང་ཆུབ་སེམས་བསྐྱེད་དོ། །སྔོན་གྱི་རྒྱལ་བ་ཐམས་ཅད་ཀྱང་། །སྡོམ་པ་ལ་ནི་གནས་པ་ལྟར། །འདི་བཟུང་འཁོར་བ་མ་སྟོངས་བར། །བླ་མེད་འཇུག་པའི་བྱང་ཆུབ་སེམས། །ཕ་རོལ་ཕྱིན་དྲུག་སློབ་ཅིང་བསྒྲུབ། །ཀུན་དོན་ཚུལ་ཁྲིམས་གསུམ་གྱི་དངོས། །ཐ་མལ་སྣང་ཞེན་ཉེས་སྤྱོད་སྡོམ། །བསྐྱེད་རྫོགས་ཟབ་མོས་དགེ་ཆོས་སྡུད། །རྣམ་བཞིའི་ཕྲིན་ལས་གཞན་ཕན་སྤྱོད། །སྔགས་ཀྱི་ཆོ་གས་བསྡམས་པར་བགྱི། །{{TibChung|ཞེས་ལན་གསུམ། དེ་ནས་སློབ་མ་རྡོ་རྗེ་སེམས་དཔར་གསལ་བ་ལ་ལས་ཆུས་འཐོར་ཞིང་། གནས་གསུམ་དུ་དྲིའི་ཐིག་ལེ་བྱ་བ་དང་ལྷན་ཅིག}} །ཨོཾ་ཨཱཿཧཱུྃ་{{TibChung|ཞེས་དང་མས་ནས་རིམ་བཞིན།}} ཧཱུྃ་ཨཱཿཨོཾ་{{TibChung|ཞེས་བྱིན་གྱིས་རློབ། དེ་བཞིན་དུ་དྲིའི་ཐིག་ལེ་གདབ་ཅིང་། རྣ་བར་}}ཏྲཱཾཿ {{TibChung|ལྕེ་ལ་}}ཧྲཱིཿ {{TibChung|སྙིང་ལ་}}ཧཱུྃ། {{TibChung|ཡན་ལག་བཞིར་}}ཧྲཱིཿ {{TibChung|སྙིང་ཁར་}}ཧཱཿ {{TibChung|ཞེས་བརྗོད་ནས་སྐྱེ་མཆེད་རྣམས་རིགས་ལྔར་བྱིན་གྱིས་རློབ། དེ་ནས་སོ་ཤིང་བྱིན་ལ། པདྨ་འདབ་བརྒྱད་རེ་ཁཱ་ཅན་ནམ་མཎྜལ་དྲི་དང་བ་བྱུང་གིས་སྦགས་པའི་ཚོམ་བུར་ཤར་མཚན་བཀོད་པ་ལ། དངོས་གྲུབ་ཀྱི་ལྟས་བརྟགས་པའི་འདུན་པས།}} བཛྲ་ཧ་ས་ཧ། {{TibChung|ཞེས་མིག་བཙུམ་ལ་དོར།}} ཕྱོགས་བཞི་དབུས་དང་ལྔར་བབས་ན། །རིགས་ལྔ་གང་ཡིན་དངོས་གྲུབ་ཐོབ། །{{TibChung|སོགས་པའི་མཚན་མ་བཤད། དེ་ནས་དུང་ཞལ་དུ་གནས་པའི་ཁྱོར་ཆུ་འབྲུ་གསུམ་གྱིས་བྱིན་གྱིས་བརླབས་ལ་བྱིན་ཅིང་།}} ཆོས་ཐམས་ཅད་རྣམ་པར་དག་པ་ཡིན་པས། ཕུང་པོ་འདིའི་སྡིག་པ་ཐམས་ཅད་རྣམ་པར་སྦྱོངས་ཤིག །རྣམ་པར་རྟོག་པ་ཐམས་ཅད་བསལ་བར་མཛོད། ཨོཾ་ཧྲཱིཿབི་ཤུདྡྷ་སརྦ་དྷརྨཱ་པཱ་པཾ་བི་ཤུདྡྷ་ནི་ཙ་སྱ་བི་ཤྭ་དྷ་ཡ་སརྦ་བི་ཀ་ལྤནྡ་ཨ་ན་ཡ་ཧཱུྃ། {{TibChung|ཞེས་ལག་པ་གཡས་སུ་ལན་གསུམ་བྱིན་ནས་བཏུང་བའི་ལྷག་མ་དཔུང་པ་གཡོན་རྒྱབ་ཏུ་དོར་བས་སྡིག་སྒྲིབ་དག་པར་བསམ། དེ་ནས་ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་པ་ལས་ཆུས་བསངས་ནས་སྐྱེས་པའི་དཔུང་པ་གཡོན། བུད་མེད་ཀྱི་གཡས་སུ་བཅིངས་ཤིང་།}} ཨོཾ་སརྦ་བུདྡྷ་མཻ་ཏྲི་རཀྵ་རཀྵ་སརྦ་སྭཱ་ཧཱ། {{TibChung|ཞེས་བཟླ། རྡོ་རྗེ་དང་བཅས་པའི་དྲི་ཆུས་རྒྱ་གྲམ་དུ་རེག་ནས།}} བཛྲ་རཀྵ་རཀྵ་སྭཱ་ཧཱ། {{TibChung|ཞེས་བརྗོད། ཀུ་ཤ་ལས་ཆུས་བསང་།}} སྟོང་པའི་ངང་ལས་ཧཱུྃ་དང་། དྷཱི་ལས་བྱུང་བའི་ཀུ་ཤ་ཆེ་ཆུང་སློབ་མ་ལ་བྱིན་ནས། ཨོཾ་བཛྲ་ཏིཀྵྞ་དྷཱིཿ ཨོཾ་བཛྲ་རཀྵ་ཧཾཿ {{TibChung|ཞེས་བདུན་བཟླ།}} འོ་དོ་ནུབ་རྨི་ལམ་མི་འཁྲུགས་པའི་ནུས་པ་ཅན་གྱི་ཀུ་ཤ་ཆེ་བ་སྟན་དང་། ཆུང་བ་སྔས་སུ་གྱིས་ལ་བླ་མ་དང་དཀྱིལ་འཁོར་གྱི་ལྷ་ཚོགས་ལ་མོས་པ་རྩེ་གཅིག་པས་གློ་གཡས་སར་ཕོབ་ལ་ཉོལ། ནངས་པར་དགེ་མི་དགེའི་རྨི་ལམ་ང་ལ་སྨྲོས་ཤིག །{{TibChung|ཅེས་དང་། སྤྲོ་བ་བསྐྱེད་པ་ནི།}} འཇིག་རྟེན་ན་རྙེད་པར་དཀའ་བ་མེ་ཏོག་ཨུ་དུམ་ཝཱ་ར། དེ་བས་ཀྱང་སངས་རྒྱས་རྙེད་པར་དཀའ། དེ་བས་ཀྱང་གསང་སྔགས་ཀྱི་ཆོས་རྙེད་པར་དཀའ་སྟེ། རྒྱུའི་ཐེག་པར་བསྐལ་པ་གྲངས་མེད་གསུམ་དུ་ངལ་དུབ་ཀྱི་མཐའ་དང་། རྨོངས་པའི་སྒྲིབ་པ་ཕྱོགས་གཅིག་པ་ཉིད། གསང་སྔགས་སུ་ཐབས་མང་བ་དང་། དཀའ་བ་མེད་པ་དང་། བྱིན་རླབས་མྱུར་བ་དང་། དབང་པོ་རྣོན་པོའི་ཡེ་ཤེས་ལ་སྤྱོད་པས་ཚེ་གཅིག་ལ་སོགས་པར་མིག་འཕྲུལ་ལྟར་གྲོལ་བའི་ལམ་ཡིན་ཏེ། འདི་ལྟར་དཀྱིལ་འཁོར་གྱི་ཚོན་རྩི་མཐོང་བས་ཀྱང་སྡིག་པའི་ལས་ཇི་སྙེད་པ་ཟད་པར་འགྱུར་ན། སང་ནངས་པར་དཀྱིལ་འཁོར་ཆེན་པོར་ཞུགས་ནས་སྨིན་ཅིང་གྲོལ་བའི་ནུས་པ་རྒྱུད་ལ་འཇོག་པ་འོག་མིན་དུ་ཐར་ལམ་ལ་ཞུགས་པ་དང་སྐལ་བ་མཉམ་པ་ཡིན་པས་སྤྲོ་བ་ཁྱད་པར་ཅན་སྐྱེད་ཅིག །{{TibChung|ཅེས་བརྗོད་ནས་དགེ་བ་བསྔོ། །བཞི་པ་རེ་ཁཱ་འབྱེད་པ་ནི། ཚོན་རྣམས་དཔའ་བོ་འབྲུ་ལྔ་ལས། །རིགས་ལྔར་བསྐྱེད་ལ་མཆོད་བསྟོད་རྗེས། །ལྷ་རྣམས་འོད་ཞུའི་ངོ་བོར་བསམ། །དེ་ནས་ཚོན་གྱི་རེ་ཁཱ་དབྱེ། །དབུས་སུ་འདབ་བརྒྱད་མུ་ཁྱུད་གསུམ། །དབུས་མཐིང་ཕྱོགས་བཞི་ཕྱོགས་ཀྱི་མདོག །མཚམས་བཞི་ཤར་ལྷོ་ནས་བརྩམས་ཏེ། །དམར་ལྗང་དཀར་སེར་མུ་ཁྱུད་གསུམ། །མཐིང་དམར་དཀར་ལ་གྲྭ་ཕྱོགས་མདོག །རྩིག་པ་ལྔ་ནི་ནང་རིམ་བཞིན། །མཐིང་ཀ་ལྗང་དང་དམར་སེར་དཀར། །འདོད་སྣམ་དམར་ལ་ཕ་གུ་སེར། །དྲ་ཕྱེད་སྔོ་ལ་མདའ་ཡབ་དམར། །པུ་ཤུ་མཛེས་ཚོན་ཞིང་ཁམས་ལྗང་། །རྒྱུ་འབྲས་རྟ་བབས་མཛེས་ཚོན་ལ། །ཆུ་སྲིན་དམར་པོ་རྡོ་རྭ་དང་། །དུར་ཁྲོད་བརྒྱད་སོགས་ཕྱོགས་ཀྱི་མདོག །པདྨ་སྣ་ཚོགས་འོད་ཕྲེང་དང་། །རྡོ་རྗེ་མཐིང་ལ་མེ་འོད་ལྔ། །སྲབ་འཐུག་མེད་ཅིང་མཉམ་པར་བྲི། །དཀྱིལ་འཁོར་སོ་སོའི་སྒོས་ཆོས་ནི། །ལྷ་ཡི་གནས་དང་རྟ་བབས་ཁྱད། །བླ་མའི་ཞལ་ལས་ཤེས་པར་བྱ། །སྟ་གོན་གྱི་ནི་ཡེ་ཤེས་པ། །སྔགས་རྒྱ་བཞི་ཡིས་དལ་ལ་བསྟིམ། །ཐིག་ཚོན་ལྷག་མའི་ཡེ་ཤེས་གཤེགས། །དཀྱིལ་འཁོར་རྒྱན་དགོད་མཆོད་གཏོར་དང་། །བུམ་པ་གཉིས་སོགས་དབང་རྫས་རྣམས། །མ་ཚང་མེད་པར་འདུ་བྱའོ། །གཉིས་པ་དངོས་གཞི་ལ་གསུམ། དཀྱིལ་འཁོར་སྒྲུབ་མཆོད། བདག་ཉིད་འཇུག་པ། སློབ་མ་རྗེས་སུ་འཛིན་པའོ། །དང་པོ་ནི། དཔལ་ཆེན་འདུས་པའི་སྒོས་དབང་གི་ཚེའང་དབང་བྱང་འདི་ཉིད་ལ་བརྟེན་ནས་སྐབས་འདིར་དཀྱིལ་འཁོར་སྒྲུབ་མཆོད་རང་གཞུང་ལྟར་བྱ་ཞིང་། ཞི་ཁྲོའི་སྒོས་ཆོས་རྣམས་དོར། འདིར་དང་པོའི་སྨིན་བྱེད་གདན་གསུམ་ཚང་བའི་དཀྱིལ་འཁོར་ཞི་ཁྲོ་ལ་བརྟེན་པ་ཡིན་པས། བགེགས་ལ་གཏོར་མ་བྱིན་ནས།}} ཧཱུྃ་ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། །ཨོཾ་ཤྲཱི་བཛྲ་ཧྱ་གྷྲི་ཝ་ར་ཙ་ཧྲཱི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊཿ བགེགས་ཐམས་ཅད་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། {{TibChung|དེ་ནས་མཆོད་རྫས་རྣམས་ལ་བསང་ཆུས་འཐོར་ཞིང་།}} ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱཱ། ཤཔྟ། ཨོཾ་ཨཱཿཧཱུྃ། ཡོངས་སུ་གྱུར་པ་ལས། ཕྱི་ནང་གི་མཆོད་པ་རྣམས་དྭངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྤྲིན་གྱིས་གང་བར་གྱུར། {{TibChung|སྨན་གཏོར་རཀྟའི་སྔགས་ཀྱང་བརྗོད།}} ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། {{TibChung|ལན་གསུམ།}} སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་འཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །{{TibChung|ལན་གསུམ། དེ་ནས་བདག་མདུན་བུམ་གསུམ་འཇུག་པ་གཅིག་པས་ཞི་ཁྲོའི་དཀྱིལ་འཁོར་ཆེན་པོར་སྒོམ་པ་ནི།}} ཨོཾ་མ་ཧཱ་ཤུ་ནྱ་ཏ་{{TibChung|སོགས་ངན་སོང་སྦྱོང་བ་བཞིན་ལ། བཟླས་པའི་ཚེ་ཞི་ཁྲོ་སོ་སོའི་སྙིང་པོ་ཅི་ནུས་དང་། བུམ་པ་ལ་དམིགས་ནས།}} བདག་གི་སྙིང་ག་ནས་འོད་ཟེར་གཟུངས་ཐག་ལ་འཁྲིལ་ཏེ་སོང་བས་རྣམ་པར་རྒྱལ་བའི་ལྷ་རྣམས་ལ་ཕོག །བདེ་བའི་སྒྲས་བསྐུལ་སྙོམས་པར་ཞུགས་པའི་སྦྱོར་མཚམས་ནས་བདུད་རྩིའི་རྒྱུན་བབས་པར་བསམ་ལ། ཨོཾ་ཧཱུྃ་ཏྲཱཾ་ཧྲཱིཿཨ{{TibChung|ས་མགོ་དྲངས་པའི་དབྱངས་གསལ་ཅི་ནུས་བཟླ། དེ་བཞིན་དུ།}} ལས་བུམ་དུ་རྟ་མགྲིན་དམར་པོ་གཡས་དབྱུག་ཏོ་དང་། གཡོན་མེའི་ཞགས་པ་ཐོགས་པ་གསལ་ལ། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊཿ {{TibChung|ཁྲུས་སྔགས།}} ཨ་བྷི་ཥེ་ཀ{{TibChung|འང་བཟླའོ། །ཐུན་མཐར་དཀྱིལ་འཁོར་བ་དང་བུམ་པའི་ལྷ་གཉིས་ཆར་ལ་དམིགས་ཏེ་མཆོད་བསྟོད་དང་།}} ཨོཾ་ཨཱཿཧཱུྃ་{{TibChung|གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་ལ།}} བུམ་པའི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བ་བུམ་ཆུ་དང་རོ་གཅིག་པར་གྱུར། {{TibChung|ཅེས་བརྗོད། གཉིས་པ་བདག་འཇུག་ནི། སློབ་མ་ལ་ཇི་ལྟར་བྱ་བ་བཞིན་དུ་བླང་ངོ་། །གལ་ཏེ་བསྐྱེད་རྫོགས་ལ་གོམས་པ་བརྟན་པོར་སོན་པས་རིག་པའི་མེ་ཏོག་དོར་བས་འཇུག་ན།}} ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃཿ སྭཱ་བཛྲ་ས་མ་ཡ་སྭཱཿ ཧཱ་བཛྲ་ས་མ་ཡ་ཧཱཿ ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཿ {{TibChung|ཞེས་ཏིང་ངེ་འཛིན་གྱིས་འཇུག་གོ། །གསུམ་པ་སློབ་མ་རྗེས་སུ་འཛིན་པའི་ཆོ་ག་ལ། དཀྱིལ་འཁོར་དུ་འཇུག་པ་དང་། དབང་གིས་སྨིན་པར་བྱ་བ་གཉིས་ལས། དང་པོ་ནི། ལས་བུམ་གྱི་ཆུས་བཀྲུ་ཞིང་། བདུད་རྩི་འཁྱིལ་བའི་སྔགས་བཟླ།}} ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ། {{TibChung|ཞེས་མིག་དར་འཆིང་།}} ཨ་ཁཾ་ཝཱི་ར་ཧཱུྃ་གི{{TibChung|ས་རིགས་ལྔའི་ས་བོན་སོ་སོ་ལས་སྐྱེས་པའི་མེ་ཏོག་གཏད། གསོལ་བ་གདབ་པ་ནི།}} ཀྱེ་ཁྲོ་བོ་མི་བཟད་འཇིགས་པའི་སྐུ། །མཚོན་ཆ་སྣ་ཚོགས་ཕྱག་ན་བསྣམས། །བདག་ཅག་འཁོར་བ་ལས་བསྒྲལ་ཕྱིར། །ཁྱེད་ཀྱིས་གནང་སྟེ་གཏང་དུ་གསོལ། །{{TibChung|ཅེས་པའི་ལན།}} ཁྱེད་རྣམས་སུ་ཡིན་ཅི་ལ་དགའ། །ལས་དང་སྐལ་བར་ལྡན་ནམ་ཅི། །{{TibChung|སློབ་མས།}} བླ་མ་རྡོ་རྗེ་འཛིན་པ་དང་། །དཀྱིལ་འཁོར་ལྷ་ཚོགས་སྤངས་ནས་ནི། །སྐྱོབ་པ་གཞན་ན་མ་མཆིས་པས། །སྒོ་ཕྱེ་ཐར་བའི་གྲོང་བསྟན་འཚལ། །{{TibChung|ལན་གསུམ།}} ཁྱེད་ནི་སྣོད་མཆོག་དམ་པ་སྟེ། །ཁྱོད་འདོད་པ་ནི་བདག་གིས་སྦྱིན། །སྤྲོ་བ་བསྐྱེད་ལ་ནང་དུ་ཤོག །{{TibChung|ཅེས་བརྗོད་ལ་ཕྱིར་འབྲང་གི་བགེགས་བསྐྲད། སྲུང་བའི་འཁོར་ལོ་སྒོམ།}} ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་སེམས་བསྐྱེད་དེ་གསན་འཚལ། དེ་ལ་རང་ཅག་རྣམས་ཀྱིས་མི་ལུས་ཁྱད་པར་ཅན་འདི་སླན་ཆད་རྙེད་པར་དཀའ་ཞིང་། ཆོས་བསྒྲུབ་པའི་རྟེན་དལ་འབྱོར་ཚང་བ་འབའ་ཞིག་ལ་ལྟོས་དགོས་པའང་། འཕྲལ་བྱུང་གི་རྐྱེན་བརྒྱད་དང་། རིས་ཆད་ཀྱི་བློ་བརྒྱད་ཀྱིས་ཡུད་ཙམ་ལ་མི་ཁོམ་པར་འགྱུར་ཞིང་། ལས་མཐའ་ལོག་པའི་རིགས་ལ་ལྟོས་ན་འབྱོར་པ་བཅུ་ཡང་འདུ་འབྲལ་དང་བཅས་པས་ཡོན་ཏན་ཐམས་ཅད་ཚོགས་པའི་མི་ལུས་རིན་པོ་ཆེ་ཡིན་པར་དཀའ་ཞིང་། སྤྱི་མཐུན་དུ་སྐྱེས་པའི་ནངས་པར་ནས་གཤིན་རྗེའི་ཕོ་ཉ་དང་འགྲོགས་པ། འབྱོར་རྒུད་དང་བདེ་སྡུག་སྣ་ཚོགས་པའི་རྟེན་འབྲེལ་ཚོགས་པ་ལས་ཀྱི་གཞན་དབང་ཅན་འགྱུར་བ་དང་། ཁྱབ་པ་འདུ་བྱེད་ཀྱི་སྡུག་བསྔལ་བལྟར་མི་མངོན་པ་དང་འགྲོགས་པས་མཐོ་རིས་ཀྱི་བདེ་འབྲས་ནི་རྩྭ་རྩེའི་ཟིལ་པ་ལྟ་བུ་ཤིན་ཏུ་ཡིད་བརྟན་མི་རུང་བ་ཡིན་པས། ངེས་འབྱུང་གི་བློ་ཁྱད་པར་ཅན་བསྐུལ་ཏེ་ཐར་པ་དང་ཐམས་ཅད་མཁྱེན་པ་བསྒྲུབ་པའི་ཐབས་ལ་འབད་དགོས། དེ་ལ་སངས་རྒྱས་རྣམས་ནི་ཐུགས་རྗེ་ཚད་མེད་པས་སེམས་ཅན་ཡལ་བར་མི་འདོར་ཞིང་། ཕྲིན་ལས་ཚད་མེད་པས་གདུལ་བྱའི་ཁམས་དང་། དབང་པོ་དང་བསམ་པ་ལ་འཚམས་པའི་ཆོས་སྒོ་ཇི་སྙེད་པ་གསུངས་པ་རྣམས་ཀྱི་ནང་ནས་མཆོག་ཏུ་གྱུར་པ་ནི་འབྲས་བུའི་ཐེག་པ་ཡིན་ཏེ། དེའི་ཆོས་འཁོར་གྱི་གྲངས་ངེས་དང་རྣམ་དབྱེ་བསམ་པར་མི་ནུས་ཀྱང་། གངས་ཅན་པ་རྣམས་ཀྱིས་འགྱུར་གྱི་བྱེ་བྲག་ལས་གསར་རྙིང་དུ་སྒྲོ་བཏགས་པའི་རྡོ་རྗེ་ཐེག་པ་སྔ་འགྱུར་ལ་མདོ་སྒྱུ་སེམས་གསུམ་གྱི་གྲུབ་པའི་མཐའ་ཆེན་པོ་གསུམ་འཆའ་བ་ལས། འདི་ནི་སེམས་ཕྱོགས་ཀྱི་གྲུབ་མཐའི་སྙིང་པོ་གཙོ་བོར་འདོན་པས་རྫོགས་པ་ཆེན་པོ་ཀློང་ཆེན་སྙིང་ཐིག་ཞེས་གྲགས་ལ། ནང་གསེས་ཀྱི་དབང་དུ་ན། སྔགས་འོག་མ་ལྟར་ཁམས་ཀྱི་དྲི་མ་བླང་དོར་དང་བཅས་པའི་ངལ་དུབ་ཀྱིས་སྦྱོང་བ་མ་ཡིན་ཀྱང་། སྣང་གྲགས་རིག་པའི་ཆོ་འཕྲུལ་དུ་མངོན་བྱང་ཆུབ་པ་དཔལ་ལྡན་སྒྱུ་འཕྲུལ་དྲྭ་བའི་སྙིང་པོ་དཔལ་ཆེན་ཞལ་ལུང་དང་ཧེ་རུ་ཀ་འདུས་པའི་བསྐྱེད་རིམ། དག་པའི་སྣོད་བཅུད་ཀྱང་འཕོ་མེད་བདེ་བ་ཆེན་པོའི་ཡེ་ཤེས་གཞན་དུ་མི་འགྱུར་བ་ཨ་ནུའི་མདོ་ལུང་གི་སྙིང་པོ་རིགས་བརྒྱ་དང་རིག་འཛིན་གྱི་བསྐྱེད་རྫོགས་རྒྱུད་ལུང་གབ་བྱང་དང་བཅས། རྒྱུ་རྐྱེན་དང་རྩོལ་སྒྲུབ་ལ་མ་ལྟོས་པ་ཕྱི་སེམས་སྡེ། སྐུ་གསུམ་རང་ཆས་ཀྱི་དབྱིངས་ལ་མི་འགྱུར་བ་ནང་ཀློང་སྡེ། མངོན་སུམ་རང་གནས་སུ་སྟོན་པ་གསང་བ་མན་ངག་གི་སྡེ། གནད་ལས་གནད་དུ་བསྡུས་པས་ཡིད་དཔྱོད་དང་འབྲས་བུ་ཕྱི་དུས་ལ་ལྟོས་མི་འཆའ་བ་ཡང་གསང་བླ་ན་མེད་པའི་སྡེ་སྟེ་སེམས་ཕྱོགས་རྒྱ་མཚོའི་སྙིང་པོ་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལ་སོགས་པས་མན་ངག་གི་ཐུས་ཀ་ཚང་ལ་མ་ནོར་བ་སྟོན་ལ། དེ་ཉིད་ཀྱང་བདེ་བར་གཤེགས་པའི་བཀའ་་་{{TibChung|རྒྱུད་དོན་དང་འབྲེལ་བས།་་་}}ཚད་མ། རྡོ་རྗེ་འཛིན་་་བརྒྱུད་ལྡན་ལས་ཐོས།་་་པའི་མན་ངག་ཚད་མ། རྣལ་འབྱོར་དབང་ཕྱུག་གི་ཉམས་མྱོང་ཚད་མ། རྟེན་ཅིང་འབྲེལ་འབྱུང་གི་ལོ་རྒྱུས་ཚད་མ་དང་། དབང་་་{{TibChung|བཀའ་མ་དང་འབྲེལ།་་་}}གི་ཆུ་བོ་མ་ནུབ་པ། བྱིན་རླབས་ཀྱི་བརྒྱུད་པ་མ་ཉམས་པ། མན་ངག་གི་སྣ་ཁ་མ་ལོག་པ་དག་ལ་མ་བརྟེན་ན། ཟབ་མོར་བཏགས་པ་ཙམ་ཡང་དག་དང་ལྟར་སྣང་གང་ཡིན་མ་འཚལ་བའི་རྨོངས་པ་ལམ་ནོར་བས་ངལ་བ་འབྲས་མེད་དུ་བྱས་ལ། དེའི་ཕྱིར་གཏེར་ལུང་ལས། རྒྱལ་བས་དགོངས་པ་ཉིད་ཀྱི་ཚུལ། །དགོངས་པ་བབས་པ་དབང་གི་མཆོག །ཅེས་གདོད་མའི་མགོན་པོ་སྲས་དང་བཅས་པས་ཆོས་ཀྱི་བདག་པོ་ལ་དགོངས་པས་གནས་ལུགས་ཆོས་སྐུར་རྟོགས་པའི་དབང་ཐོབ། བརྡ་དང་བརྡ་མཚོན་གོ་བ་ནི། །དབང་གི་ནང་ནས་དབང་བཀའ་འོ། །ཞེས་པ་ལྟར་ཡེ་ཤེས་ཀྱི་མཁའ་འགྲོ་མས་བརྡ་སྒྱུར་གྱི་ཤོག་སེར་དབྱིབས་དང་རྣམ་པ་ཐམས་ཅད་པ་བྱིན། རྫོགས་པའི་སངས་རྒྱས་དྲི་མེད་འོད་ཟེར་དང་དངོས་ཞལ་མཇལ་ཏེ། སྙན་བརྒྱུད་ཀྱི་ཕ་ཕོགས་སྩལ་བའི་བརྒྱུད་པ་གསུམ་ལྡན་གྱི་སྟེང་། གོང་འོག་གི་བདག་པོ་རྣམ་གཉིས་ལ་སོགས་ཏེ། སྔོན་གྱི་དུས་ན་བྱོན་པའི་ལམ་སྟོན་ཆེན་པོ་རྣམས་ཀྱིས་བཞེད་པ་བཞིན་རྒྱུད་སྡེ་བཀའ་མ་དང་། སྒྲུབ་སྡེ་བཀའ་བརྒྱད་ལ་སོགས་པའི་དབང་གི་ཆུ་བོ་མ་ནུབ་པའང་ཉན་ཅིང་འདྲེས་པར་བྱས་ནས། ཇི་སྐད་དུ་སྡུད་པ་ལས། རྒྱལ་བའི་ཉན་ཐོས་པ་དག་ཆོས་སྟོན་དང་། །འཆད་དང་རིག་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་པ་ལ་སོགས་པ་དང་། གཞན་དུ། བྱང་ཆུབ་སེམས་དཔའ་བསམ་པ་རྣམ་པར་དག་པ་ལ་ནི་རང་གིས་ཡིད་ཀྱིས་སྤྱོད་པ་ཉིད་ལས། མན་ངག་དང་རྗེས་སུ་བསྟན་པ་ཐམས་ཅད་འབྱུང་ངོ་། །ཞེས་པ་ལྟར་རྒྱལ་བའི་ཡེ་ཤེས་རྣམ་པ་ཐམས་ཅད་པས་དགོངས་ཤིང་མཁའ་འགྲོའི་གསང་མཛོད་ལ་མངའ་སྒྱུར་བ་བྱིན་གྱིས་བརླབས་པ་དང་རྗེས་སུ་གནང་བའི་བཀར་རྩོད་པ་མེད་ཅིང་། སངས་རྒྱས་གཉིས་པ་སློབ་དཔོན་ཆེན་པོས་ཞལ་ནས་གསུངས་པའི་བཀར་བསྙོན་མེད་དུ་གྲུབ་པ་ལ་ཟབ་མོ་གཏེར་གྱི་རིང་ལུགས་མ་ནོར་བ་ཞེས་བྱ་སྟེ། མཆོག་གཟིགས་ཀྱི་བརྒྱུད་པ་མ་ཆད་པ་དང་། ཉམས་པ་དང་འདྲེས་ཁྱེར་གྱིས་བར་མ་ཆོད་པ་དང་། ཚིག་ལ་གྲིམས་པའི་སློབ་པ་སོ་སོ་སྐྱེ་བོས་བསླད་པ་མ་སོང་བས་བྱིན་རླབས་ཆེ་ཞིང་། སྒྲུབ་ཐག་ཉེ་བ་ཡིན་ནོ། །དེ་ལྟ་བུའི་སྔགས་ཀྱི་ཉེ་ལམ་དམ་པ་ལ་དབང་། བསྐྱེད་རིམ། རྫོགས་རིམ། བཤད་པ་སྟེ་སྔ་འགྱུར་བཀའ་བབས་ཀྱི་ཆུ་བོ་བཞིའི་ཞལ་ལུང་དང་ལྡན་པ་ལས། དེང་རིམ་པར་དབང་གི་ཆོ་ག་ལས་ཞི་ཁྲོའི་དཀྱིལ་འཁོར་ཆེན་པོར་སྨིན་པར་བྱ་བའི་སྐབས་སུ་བབས་པས་སྙིམ་པ་མེ་ཏོག་དང་བཅས་འདིའི་རྗེས་ཟློས། ཨེ་མ་དུས་གསུམ་རྒྱལ་བ་ཀུན་ཏུ་བཟང་། །རིགས་ལྔའི་སངས་རྒྱས་དགོངས་སུ་གསོལ། །{{TibChung|ཞེས་པ་ནས། ཐུན་མོང་དང་ཁྱད་པར་གྱི་སྡོམ་པ་བྱིན་པ།}} སྔགས་ཀྱི་ཆོ་གས་བསྡམ་པར་བགྱི། །ཞེས་པའི་བར་སྟ་གོན་བཞིན་ལ། ཐམས་ཅད་རྣལ་འབྱོར་དུ་སེམས་བསྐྱེད་པའི་ཕྱིར། སློབ་མའི་སྙིང་གར་རྡོ་རྗེ་བཞག་ལ། སེམས་ཅན་ཐམས་ཅད་ཀྱི་དོན་དུ་སངས་རྒྱས་བསྒྲུབ་པའི་བློ་བཅོས་མིན་དེ་ཉིད། སྙིང་གར་ཀུན་རྫོབ་བྱང་སེམས་ཀྱི་ངོ་བོ་ཟླ་བ་ཉ་གང་བའི་སྟེང་། དོན་དམ་བྱང་སེམས་ཀྱི་རང་བཞིན་རྡོ་རྗེ་རྩེ་ལྔ་པ་འོད་དང་འོད་ཟེར་དུ་འབར་བར་གྱུར་པར་བསམ་ལ་འདིའི་རྗེས་ཟློས། ཨོཾ་སརྦ་ཡོ་ག་ཙིཏྟ་ཨུ་པ་ཏ་ཡ་མི། ལན་གསུམ། དམ་གཞག་ནི། ནང་མཆོད་བྱིན་ལ། འདི་ནི་ཁྱོད་ཀྱི་དམ་ཚིག་ཆུ། །དམ་ཚིག་ཉམས་ན་བསྲེག་པར་བྱེད། །བསྲུངས་ན་དངོས་གྲུབ་ཐམས་ཅད་ཐོབ། །དམ་ཚིག་བདུད་རྩིའི་ཆུ་འདི་འཐུངས། །ས་མ་ཡ་ཨི་དན་ན་རཀྐནཿ རིགས་ལྔའི་སྡོམ་བཟུང་ཁྱད་པར་བ་ལ་དམིགས་ནས་འདིའི་རྗེས་ཟློས། སངས་རྒྱས་རིགས་ཀྱི་དམ་ཚིག་ཏུ། །རྒྱལ་སྲས་སངས་རྒྱས་ཐམས་ཅད་དང་། །དཔའ་བོ་རྣལ་འབྱོར་མ་རྣམས་བསྙེན། །རྡོ་རྗེའི་རིགས་ཀྱི་དམ་ཚིག་ཏུ། །རྡོ་རྗེ་དྲིལ་བུའི་ཕྱག་རྒྱ་དང་། །བྱང་ཆུབ་སེམས་ནི་སྤང་མི་བྱ། །རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །པདྨ་རིགས་ཀྱི་དམ་ཚིག་ཏུ། །ཐེག་པ་གསུམ་དང་ཆོས་རྣམས་བཤད། །ལས་ཀྱི་རིགས་ཀྱི་དམ་ཚིག་ཏུ། །འགྲོ་བའི་དོན་ལ་བརྩོན་པར་བྱ། །ལྷ་ཡི་ཕྱག་རྒྱ་བླ་མའི་སྟན། །བཞོན་པ་ལ་སོགས་མི་སྨད་ཅིང་། །བསྟན་པ་སྐྱོང་རྣམས་བརྙས་མི་བྱ། །བླ་མ་སངས་རྒྱས་དྲན་བྱེད་ཅིང་། །བརྟན་གཡོ་ལྷ་དང་མཉམ་པར་སྦྱོར། །མདོར་ན་རྒྱལ་བས་གར་བསྒྲགས་པ། །དེ་དག་ཐམས་ཅད་བདག་གིས་བཟུང་། །ལན་གསུམ། དེ་ནས་ལྷ་དང་སྐལ་བ་མཉམ་པའི་ཕྱིར་དཀྱིལ་འཁོར་དུ་འཇུག་པ་ཡིན་པས་འདིའི་རྗེས་ཟློས། ཀྱེ་རིགས་ལྔ་བདེ་བར་གཤེགས་པ་དང་། །བླ་མ་ཡི་དམ་མཁའ་འགྲོ་དགོངས། །སྒོ་བ་ཆེན་པོ་ཁྱེད་རྣམས་ཀྱིས། །སྒོ་ཕྱེ་ཐར་པའི་གྲོང་བསྟན་འཚལ། །ལན་གསུམ་གྱི་རྗེས་ལ། བླ་མས་ཨཱ་ཁཾ་ཝཱི་ར་ཧཱུྃཿ བརྗོད་ལ་བཅུག་པར་བསམ། སློབ་མས་གནས་གསུམ་དུ་ཐལ་མོ་སྦྱར་བའི་སྐུ་གསུང་ཐུགས་ཕྱག་བྱེད་བཞིན་པར། ཨོཾ་ན་མ་ཏེ་ཧཱུྃ། ཨོཾ་ན་མ་མེ་ཧཱུྃ། ཨོཾ་ན་མ་ན་མ་ཧཱུྃ། བརྗོད་ནས་ཕྱི་འཇུག་བྱ། ནང་ལྟར་འཇུག་པ། སློབ་དཔོན་དང་དཀྱིལ་འཁོར་གྱི་བདག་པོ་གཉིས་སུ་མེད་པའི་སྲས་སུ་བྱ་བའི་ཕྱིར་དམིགས་པ་འདི་བཞིན་དུ་མཛོད། གཙོ་བོའི་མདུན་ཐད་ཤར་སྒོའི་དབང་སྟེགས་ལ་འཁོད་པས། དཀྱིལ་འཁོར་གྱི་བདག་པོའི་ཐུགས་ཀ་ནས་འོད་ཟེར་བྱུང་། སློབ་མའི་རྣམ་སྨིན་གྱི་ཕུང་པོ་སྦྱངས། རྣམ་པར་ཤེས་པ་ཧཱུྃ་དུ་གྱུར་པ་ཡབ་ཀྱི་ཞལ་ནས་དྲངས། རྗེས་སུ་ཆགས་པའི་ཡེ་ཤེས་ཀྱིས་བསྐུལ་ཏེ་ཡུམ་གྱི་པདྨོར་ལྷུང་། སྲས་ཀྱི་ཚུལ་དུ་གཙོ་བོའི་རྣམ་པ་གཉིས་པ་ཞིག་བྱུང་བ་སྔར་གྱི་དབང་སྟེགས་ལ་འཁོད་པའི་གནས་གསུམ་དུ་ཕྱག་མཚན་གསུམ་དང་། ཡི་གེ་གསུམ་གྱིས་མཚན་པ་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དཀྱིལ་འཁོར་གྱི་ལྷའི་རྣམ་པས་སྙིང་ནང་དུ་ཐིམ་པར་བསམ་ལ། རོལ་མོའི་སྒྲ་དང་བཅས་བབས་དྲུག་གིས་བྱིན་འབེབས་སམ། ཨོཾ་བཛྲ་པྲ་བེ་ཤ་ཡ་པྲ་བེ་ཤ་ཡ་ཧཱུྃ་ཧཱུྃ། མང་དུ་བརྗོད་ལ་ནན་ཏན་བྱ། ལུས་ངག་ཡིད་ལ་ཕེབས་པའི་རྟགས། །འདར་ཞིང་འཕར་གཡོ་སཾ་སྐྲྀ་ཏའི། །བརྡ་སྐད་གླུ་ལེན་ངུ་བ་དང་། །བདེ་གསལ་མི་རྟོག་ལྷག་པའི་ལྷས། །སྦོག་ན་རྡོ་རྗེའི་འདུག་སྟངས་ཀྱི། །སྙིང་གར་གཡུང་དྲུང་འཁོར་བར་སྒོམ། །ཧཱུྃ་དང་ཨ་ར་ལི་ཕེཾ་གྱི། །གླུ་ཡིས་བསྐུལ་ཞིང་ལྟ་བས་གཅུན། །ཏིཥྛ་བཛྲས་བརྟན་པར་བྱ། །དེ་ནས་མེ་ཏོག་དོར་བ་ནི། ཀྱེ་བདེ་གཤེགས་རིགས་ལྔའི་ཕོ་བྲང་དུ། །འབྲེལ་བའི་མེ་ཏོག་འདི་དོར་བས། །ལས་འཕྲོ་གང་ཡོད་ལྷ་དང་མཇལ་བར་ཤོག །ཨོཾ་པུཥྤ་སིདྡྷི་སྟྭཾ། ལྷུང་ན་བསྐྱར་ཞིང་སྤྱི་བོར་བཅིང་། །པ་ཏི་གྷྲི་ཧ་ན་ཨི་མཾ་ས་ཏྭ་མ་ཧཱ་བྷ་ལ། ལྷག་ལྷ་སྤྱི་བོར་ཐིམ་པར་བསམ། །གདོང་གཡོགས་ཕྱེ་ཞིང་དཀྱིལ་འཁོར་བསྟན། སྟོན་པ་རིགས་ལྔའི་སངས་རྒྱས་ཀྱིས། །ཁྱོད་ཀྱི་མ་རིག་འཁོར་བའི་མིག །ཡེ་ཤེས་སྤྱན་དུ་དབྱེ་བ་ལྟར། །དེ་བཞིན་ཁྱེད་ཀྱིས་འགྲོ་བ་རྣམས། །ཡེ་ཤེས་སྤྱན་དུ་འབྱེད་པར་ཤོག །ཙཀྵུ་པྲ་བེ་ཤ་ཡ་ཕཊཿ ཨེ་མ་སྐལ་ལྡན་རིགས་ཀྱི་བུ། །ཁྱེད་ནི་སྡིག་པ་ཀུན་ལས་གྲོལ། །དཀྱིལ་འཁོར་ཆེན་པོ་འདི་ལ་ལྟོས། །ལུས་ངག་ཡིད་ཀྱི་དད་པ་བསྐྱེད། །དངོས་གྲུབ་ཐམས་ཅད་ཁྱེད་ཀྱིས་ཐོབ། །དམ་ཚིག་སྔགས་ལ་བརྩོན་པར་གྱིས། །ཀྱེ་རིགས་ཀྱི་བུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་སངས་རྒྱས་ཀྱི་སྐུ་དང་ཡེ་ཤེས་བརྡ་དོན་རྟགས་ཀྱིས་མཚོན་པའི་རྡུལ་ཚོན་གྱི་དཀྱིལ་འཁོར་འདི་ནི་རྟེན་གཞལ་ཡས་ཁང་སྟེ། ནང་ལྟར་ཕུང་པོ་ཁམས་དང་སྐྱེ་མཆེད་མཚོན་ལ། དེ་ན་བཞུགས་པའི་བརྟེན་པ་ཡེ་ཤེས་ཀྱི་ལྷ་ནི་རང་གི་སེམས་རྣམ་ཤེས་ཚོགས་བརྒྱད་སེམས་བྱུང་དང་བཅས་པ་དམ་པ་རིགས་བརྒྱའི་ལྷ་ཚོགས་སུ་བཞུགས་པ་དེ་དྲན་པར་གྱིས་ཤིག །འཇུག་པའི་ཆོ་ག་འོ། །གཉིས་པ་དབང་བསྐུར་བ་ནི། ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། མཆོད་ཅིང་བསྟོད། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །ཅེས་གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་སྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ། ཀུན་ཀྱང་དབང་གི་བྱ་བ་ལ་དགྱེས་པར་གྱུར། སློབ་མ་མི་བསྐྱོད་པར་གསལ་ལ། བུམ་པ་བཏེག་ནས། ཧཱུྃ་རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃཿ རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་གསལ་ལ། དབུ་རྒྱན་ཐོགས་ནས། ཧཱུྃ་ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་། ཧཱུྃ་འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ། སངས་རྒྱས་པདྨའི་རིགས་ཀྱི་གསུང་འགག་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ། དྲིལ་བུ་འཛིན་པས། ཧཱུྃ་འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨ་ཨ་བྷི་ཥིཉྩ་ཨཱཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ། ཧཱུྃ་གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུའི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །ཞེས་རིགས་དབང་ལྔས་གསང་སྔགས་ཕྱི་པའི་དབང་ཡང་ཞར་བྱུང་དུ་རྫོགས་པའོ། །རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། གསུང་གི་དམ་ཚིག་དྲིལ་བུ་འཁྲོལ་བ་དང་། སྐུ་ཡི་དམ་ཚིག་འཁྱུད་རྒྱ་བྱེད་པ་སྟེ། དམ་ཚིག་གསུམ་བྱིན་ལ། ཨོཾ་ཨཱཿཧཱུྃ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ན་མཆོག་ཏུ་གྱུར་པ། རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པར་མཛད་ནུས་པར་གྱུར་ཅིག །ཅེས་བརྗོད། རྒྱལ་ཚབ་ཏུ་འོས་པའི་སློབ་བུ་ཡིན་ན། པོ་ཏི། དུང་དཀར། ཕྱག་ཤིང་། འཁོར་ལོ་ལ་སོགས་པ་སྤྲད་ཅིང་ཁྲི་ལ་མངའ་གསོལ་བ་གཞན་དང་མཐུན། སླར་ཡང་རྣམ་རྒྱལ་བུམ་པ་བཟུང་ལ། ཧཱུྃ་བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང་། ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟེན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས། སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས། ཕྱི་ནང་ཐམས་ཅད་ལ་བརྙས་པར་བྱས་ན་ལྟུང་བར་གྱུར་པ་ཡིན་པས། དག་སྣང་དང་མོས་པ་གྱིས་ཤིག །སྐབས་འདིར་རིགས་བརྒྱའི་ལྷ་དབང་བསྐུར་ན། སོ་སོའི་ཙཀླི་གཏུགས་ལ། ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་། །བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ཀྱི་དབང་བསྐུར་རོ། །ཨོཾ་ཨཱཿཧཱུྃ་ཨ་བྷི་ཥིཉྩ་ཧཱུྃ། ཞེས་ཀུན་ལ་འགྲེས་སྦྱར་ཞི་ཁྲོའི་ཕྱག་གི་བཀོལ་བྱང་བཞིན་ནོ། །དཔལ་ཆེན་འདུས་པའི་ཚེ། སྤྱི་བོར། ཆེ་མཆོག་ལྷ་ཚོགས་དབང་བསྐུར་བས། །ཆོས་དབྱིངས་ཡེ་ཤེས་རྟོགས་པར་ཤོག །ཨོཾ་གུ་རུ་ཤྲཱི་བཛྲ་ཡཀྴ་ཀྲོ་ཏ་ཙིཏྟ་ཨ་བྷི་ཥིཉྩ་ཧཱུྃ། དཔྲལ་བར། འཇམ་དཔལ་སྐུ་ཡི་དབང་བསྐུར་བས། །མཉམ་ཉིད་ཡེ་ཤེས་རྟོགས་པར་ཤོག །ཨོཾ་ཧྲཱིཿཥྚི་ཝི་ཀྲི་ཏཱ་ན་ན་ཨ་བྷི་ཥིཉྩ་ཧཱུྃ། མགྲིན་པར། པདྨ་གསུང་གི་དབང་བསྐུར་བས། །སོར་རྟོག་ཡེ་ཤེས་རྟོགས་པར་ཤོག །ཨོཾ་པདྨ་ཏ་ཀྲི་ཏ་ཧྱ་གྷྲི་ཝ་ཨ་བྷི་ཥིཉྩ་ཧཱུྃ། སྙིང་གར། ཡང་དག་ཐུགས་ཀྱི་དབང་བསྐུར་བས། །མེ་ལོང་ཡེ་ཤེས་རྟོགས་པར་ཤོག །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཨ་བྷི་ཥིཉྩ་ཧཱུྃ། ལྟེ་བར། ཕུར་པ་ཕྲིན་ལས་དབང་བསྐུར་བས། །བྱ་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཕཊ་ཨ་བྷི་ཥིཉྩ་ཧཱུྃ། གསང་གནས། མ་མོ་རྦོད་གཏོང་དབང་བསྐུར་བས། །དབྱིངས་གྲོལ་ཡེ་ཤེས་རྟོགས་པར་ཤོག །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་སརྦ་ས་མ་ཡ་ཨ་བྷི་ཥིཉྩ་ཧཱུྃ། བརླ་གཡས། འཇིག་རྟེན་མཆོད་བསྟོད་དབང་བསྐུར་བས། །ཀློང་གྱུར་ཡེ་ཤེས་རྟོགས་པར་ཤོག །ཨོཾ་བཛྲ་ཙཎྜ་སརྦ་དུཥྚཾ་ཨ་བྷི་ཥིཉྩ་ཧཱུྃ། བརླ་གཡོན། དམོད་པ་དྲག་སྔགས་དབང་བསྐུར་བས། །ལྷུན་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་སརྦ་དུཥྚཾ་ཨ་བྷི་ཥིཉྩ་ཧཱུྃ། སྤྱི་བོར། རིག་འཛིན་སློབ་དཔོན་དབང་བསྐུར་བས། །འདའ་ཀ་ཡེ་ཤེས་རྟོགས་པར་ཤོག །ཨོཾ་བཛྲ་མ་ཧཱ་གུ་རུ་ཨ་བྷི་ཥིཉྩ་ཧཱུྃ། དཔུང་པ་གཉིས། ཚོགས་བརྒྱད་གདུག་པ་ཀླུ་ཡི་གདོན། །ཟ་བྱེད་ཁྱུང་གིས་དབང་བསྐུར་རོ། །ཁྲོཾ་ག་རུ་ཌ་ཨ་བྷི་ཥིཉྩ་ཧཱུྃ། དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ། །གསང་རྫས་མགྲིན་པར་བཞག་སྟེ། ཧཱུྃ་ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང་། ཝཱཀྐ་ཨ་བྷི་ཥིཉྩ་ཨཱཿ རྗེས་འབྲེལ་དུ་བཟླས་ལུང་བྱིན་པ་ནི། སློབ་དཔོན་གྱི་ཐུགས་ཀ་ནས་རྩ་བའི་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས་སྙིང་གར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ་ལ། རྩ་སྔགས་ཀྱི་རྗེས་ཟློས་ལན་གསུམ། དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག །རིག་ཙག་གཏད་ལ། ཧོཿ ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། ཞེས་གཏད་པས། རིག་མ་དེས། པདྨ་བྷཉྫ་མོཀྵ་ཧོཿ ཞེས་པའི་སྒྲས་ཐར་པ་བསྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །དབང་བཞི་པ་ལ་མེ་ལོང་དང་ཤེལ་རྡོ་ནི་མཚོན་པའི་བརྡ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ། ཧོཿཀ་དག་མེ་ལོང་གཙང་མའི་ངོགས། །ལྷུན་གྲུབ་དང་ཤེལ་དྲི་མེད་གསལ། །བརྡ་རྟགས་རྫོགས་པས་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང་། དྷརྨཱ་དྷརྟུ་ཨ་བྷི་ཥིཉྩ་ཨཱཿ ཞེས་པའི་རྗེས་ལ། སློབ་མ་ལུས་གནད་དང་ལྡན་པས་མཉམ་པར་འཇོག་ཏུ་བཅུག །དེའི་ངང་ལ་ཕཊ་དྲག་པོ་ཞིག་བརྗོད་ལ། སེམས་གང་ཡིན་ཅེས་ཏབ་ཏབ་ཏུ་དྲིས་པས་སྣང་བ་ཧད་དེ། ཕྱད་དེ། ཅི་ཟེར་ཆ་མི་དོད་པ་བྱུང་ཚོར་གྱི་སྤྲོས་པ་འགགས་པ་དེ་ཉིད་རིག་པ་རང་གནས་ཀྱི་ཡེ་ཤེས་སུ་ངོ་སྤྲད། དེའང་ལྟ་བ་ལུང་རིགས་དང་འབྲེལ་བ་ཞེས་བྱ་བ་ཡིན་པས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་གྱུར་རྫོགས་པ་ཆེ། །ཞེས་པའི་ལུང་གིས་སྐྱོར། སློབ་དཔོན་ལྟ་དགོངས་ཅན་ཡིན་ན། ཐུགས་ཀར་ཨ་གཅིག་བསམ་པ་ལ་སློབ་མས་རིག་པ་གཏད་དེ་གཉིས་ཀས་མཉམ་པར་གཞག །སྒོམ་པ་ཉམས་མྱོང་དང་འབྲེལ་པའི་གཤིས་ནས། ཨ་ཉི་ཤུ་རྩ་གཅིག་བརྩེགས་མར་བརྗོད། དེས་ཀུན་གཞི་དང་ཤེས་བྱའི་སྒྲིབ་པ་དག །རྫོགས་པ་ཆེན་པོ་བསམ་གྱིས་མི་ཁྱབ་པའི་ཡེ་ཤེས་བསྒོམ་པ་ལ་དབང་། ངོ་བོ་ཉིད་སྐུ་ཐོབ་པའི་སྐལ་བ་རྒྱུད་ལ་བཞག །དེ་ནས་བཀའ་རྫོགས་ལུང་རྫོགས་ཕྱིར། །གླེགས་བམ་སྤྱི་བོར་བཞག་བྱས་ལ། །ཧོཿ ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རིག་འཛིན་ཤྲཱི་སེང་ཧ། པཎ་ཆེན་བི་མ་ལ་མི་ཏྲ། ཨོ་རྒྱན་པདྨ་ཐོད་ཕྲེང་། མཁའ་འགྲོ་ཡེ་ཤེས་འཚོ་རྒྱལ། མངའ་བདག་ཁྲི་སྲོང་ལྡེའུ་བཙན། རྒྱལ་སྲས་དྲི་མེད་འོད་ཟེར། ཀློང་ཆེན་ནམ་མཁའི་རྣལ་འབྱོར་ལ་སོགས། རང་བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལ་མགོན་རིག་འཛིན་བླ་མ། ཡི་དམ་མཁའ་འགྲོ་རྒྱ་མཚོ། ཆོས་སྲུང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱིས་དེང་འདིར་རྡོ་རྗེའི་སློབ་མ་རྣམས་ལ་དབང་བསྐུར་དུ་གསོལ། བྱིན་གྱིས་བརླབ་ཏུ་གསོལ། རྟོགས་པ་སྤར་དུ་གསོལ། བརྟུལ་ཞུགས་བསྐྱེད་དུ་གསོལ། བྱ་རྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ། ཚེ་གཅིག་ལུས་གཅིག་ལ་འཇའ་ལུས་འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལ། ཞེས་ལན་གསུམ་དང་། བཤད་སྒྲུབ་ཀྱི་བརྒྱུད་པ་འཛིན་པ་དག་ལ་ཐོད་རྒལ་རིག་པའི་རྩལ་དབང་བསྐུར་བ་ཡེ་ཤེས་བླ་མ་ལས་ཤེས་སོ། །དེ་ནས་དམ་ཚིག་བསྒྲགས་པ་ནི། གྲངས་དང་རིམ་པའི་རྣམ་དབྱེ་བཤད་ལ། རྩ་བ་སྐུ་གསུང་ཐུགས་མཆོག་དང་། །ཡན་ལག་དམ་ཚིག་ཉི་ཤུ་ལྔ། །མེད་དང་གཅིག་པུ་ཕྱལ་བ་སོགས། །ཆོ་ག་བཞིན་དུ་བསྲུང་བར་བགྱི། །ལན་གསུམ། གཏང་རག་གི་མཎྜལ་ཕུལ། སླར་ཡང་ལུས་དང་ལོངས་སྤྱོད་བླ་མའི་ཕྱོགས་སུ་བསྔོ་བ་ནི། དམ་ཚིག་གི་ཐ་ཚིག་ཡིན་པས་འདིའི་རྗེས་ཟློས། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱོད་ལ་བདག་ཀྱང་ཡོངས་སུ་འབུལ། །སློབ་མར་བཟུང་ནས་སྤྱད་དུ་གསོལ། །གསུམ་གྱི་རྗེས་ལ་དགེ་བ་བསྔོ། །གསུམ་པ་རྗེས་ཀྱི་ལས་ཁྲིགས་ནི། ཚོགས་འཁོར་བསྐོར། རྡོ་རྗེའི་གླུ་གར་བྱ། གཏང་རག་དང་དངོས་གྲུབ་བླང་། རྡུལ་ཚོན་ཡིན་ན་ཨ་ཀཱ་རོས་བསྡུ་ཞིང་ཆུ་ཀླུང་ལ་གཤེགས། རས་བྲིས་ལ་བརྟན་བཞུགས་བྱ། བསྔོ་སྨོན་དང་། ཤིས་བརྗོད་ཀྱིས་མཐའ་བརྟེན་པ་སོགས་སྤྱི་ལྟར་བྱའོ། །དེའང་རང་བཞིན་བརྒྱད་ལྡན་གྱི་རྡོ་རྗེ་སློབ་དཔོན་དག་ལ་ནི་ཡི་གེ་འདི་ཙམ་གྱིས་མཚོན་ལ། གཞན་དུ་ལྷོངས་སུ་མ་གྱུར་པའི་གང་ཟག་རྣམས་ལ་ནི་མདོ་སྔགས་ཀྱི་ལམ་སྤྱི་དང་བྱེ་བྲག་པ་དབང་གི་སྒྲོམ་ནས་ཁོང་དུ་ཆུད་པའི་སྐལ་བ་ཅན་ཉུང་པས་རང་དང་སློབ་མའི་དངོས་གྲུབ་ཀྱི་གེགས་སུ་འགྱུར་ཕྱིར་མདོ་སྒྱུ་སེམས་གསུམ་གྱི་རྒྱུད་སྡེའི་གནད་ལ་ངེས་པ་རྙེད་པར་མ་ནུས་ཀྱང་། ཁོ་བོས་བྱས་པའི་གྲོལ་ཏིག་གི་དབང་ཆོག་མཁྱེན་བརྩེའི་དགོངས་རྒྱན་ལས་སྤྱི་དོན་ཤེས་པར་བྱ་བ་ཁོ་ནའོ། །འདི་ལྟར་ཞི་ཁྲོ་དང་། དཔལ་ཆེན་ཅི་རིགས་པའི་དཀྱིལ་འཁོར་ཆེན་པོ་གཅིག་ཏུ་འཇུག་སྨིན་གྱི་ཆོ་ག་རྫོགས་པ་དག་ལ། རིག་འཛིན་དང་། ཐུགས་རྗེ་ཆེན་པོ་ལ་སོགས་པའི་སྒོས་དབང་ནི། སོ་སོའི་ལས་གཞུང་གིས་བདག་མདུན་བུམ་གསུམ་སྒྲུབ་ཅིང་། རྩ་དབང་རྒྱལ་ཐབས་སྤྱི་བླུགས་ལྟར་ནང་ནུས་པ་འཇུག་པའི་དབང་གིས་ཆོག་པ་ཡིན་ནོ། །ཞེས་རྫོགས་ཆེན་པ་རང་བྱུང་རྡོ་རྗེས་སོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-034&diff=64191 2026-09-29T15:25:39Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་མ་མགོན་ལྕམ་དྲལཿ<br /> |fulltitle=klong chen snying gi thig le las: bka' srung ma mgon lcam dral:<br /> |citation='jigs med gling pa. ''Klong chen snying gi thig le las bka' srung ma mgon lcam dral''. In ''Kun mkhyen rig 'dzin 'jigs med gling pa'i gsung 'bum'', Vol. 11: 535-558. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Protector Rituals - gsol mchod, Torma-offering Rituals - gtor chog<br /> |terma=Yes<br /> |deity=bka' srung<br /> |cycle=bka' srung ma mgon lcam dral<br /> |cycletib=བཀའ་སྲུང་མ་མགོན་ལྕམ་དྲལ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=034<br /> |pagenumbers=535-558<br /> |totalpages=24<br /> |beginfolioline=1a1<br /> |endfolioline=12b1<br /> |totalfolios=12<br /> |multivolumework=No<br /> |rectonotes=ma mgon lcam dral<br /> |versonotes=bka' srung ma mgon lcam dral<br /> |pdflink=File:JLKO-KABUM-11-DA-034.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་མ་མགོན་ལྕམ་དྲལ་བཞུགསཿ<br /> <br /> འུཾཿ {{TibChung|དཔལ་ཆེན་ཁྲག་འཐུང་སྐུ་ལ་འདུདཿ བླ་རྫོགས་ཐུགས་གསུམ་ཡོངས་རྫོགས་ཀྱིཿ ཐུན་མོང་མ་ཡིན་བཀའ་སྲུང་ཆེཿ ལྕམ་དྲལ་གསུམ་གྱི་ཕྲིན་ལས་བསྟནཿ བྲག་དམར་མཚོ་གླིང་དུར་ཁྲོད་དངཿ སྒྲུབ་གནས་བྱིན་ཆེན་ལ་སོགས་པརཿ རང་རང་མཐུན་རྫས་མཆོད་གཏོར་བཤམཿ ལྟ་བ་གྱབ་ཀྱི་ངར་ལྡན་པསཿ རང་ཉིད་དཔལ་ཆེན་པོར་གསལ་བའི་ཐུགས་ཀ་ནས་འོད་ཟེར་འཕྲོསཿ}} རཾ་ཡཾ་ཁཾ་དུ་གྱུར་པ་མཆོད་རྫས་དང་གཏོར་མ་ལ་ཕོགཿ རཾ་ལས་མེས་མ་དག་པ་ཐམས་ཅད་བསྲེགསཿ ཁཾ་ལས་ཆུ་བྱུང་བས་སྦྱངསཿ ཡཾ་ལས་རླུང་བྱུང་བས་གཏོར་ཏེ་སྟོང་པའི་ངང་ལསཿ ཀཾ་ལས་མི་མགོའི་སྒྱེད་པོ་གསུམ་གྱི་སྟེང་དུཿ ཐོད་པ་ཕྱི་དཀར་ལ་ནང་དམར་བ་སྟོང་གསུམ་ཙམ་གྱི་ནང་དུ་གཏོར་མ་སོ་སོར་ཨོཾ་ཨཱཿཧཱུྃ་ལས་ཤ་ལྔ་དང་བདུད་རྩི་ལྔའི་རང་བཞིན་རི་རབ་དང་རྒྱ་མཚོ་མཉམ་པས་ཁེངསཿ ཡཾ་ལས་རླུང་གཡོསཿ རཾ་ལས་མེ་འབར་བས་ཐོད་པའི་བདུད་རྩི་ཁོལཿ ཟླ་བའི་ཁ་ཆོད་རྡོ་རྗེ་རྩེ་ལྔ་པས་བརྒྱན་པའི་ལྟེ་བ་ལཿ ཨོཾ་ཨཱཿཧཱུྃ་གིས་མཚན་པ་ལས་འོད་འཕྲོསཿ ཕྱོགས་བཅུའི་སངས་རྒྱས་ཐམས་ཅད་ཀྱི་ཡེ་ཤེས་ཀྱི་བདུད་རྩི་སྤྱན་དྲངསཿ ཐོད་པའི་བདུད་རྩི་ལ་ཐིམ་པས་ཡེ་ཤེས་ཀྱི་བདུད་རྩི་འདོད་དགུ་ཐམས་ཅད་འབྱུང་བའི་རང་བཞིན་དུ་གྱུརཿ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཿ {{TibChung|ལན་གསུམཿ}} མ་ཧཱ་བ་ལིཾ་ཏ་ཧཱུྃ་ཧྲཱིཿཋཿ {{TibChung|ལན་གསུམཿ}} མ་ཧཱ་རཀྟ་ཧཱུྃ་ཧྲཱིཿཋཿ {{TibChung|ལན་གསུམཿ}} རང་གི་མདུན་དུ་སྣང་སྲིད་ཐམས་ཅད་སྲིད་པ་མ་མོའི་དཀྱིལ་འཁོར་ཁྲག་ཞག་གི་དབའ་ཀློང་རབ་ཏུ་འཁྲུགས་པའི་ཀློང་བྷནྡྷ་འབར་བའི་གཞལ་ཡས་ཁངཿ ཕྱོགས་མཚམས་སྐྱོང་བ་བཅུའི་མགོ་བོས་ཕྱོགས་ཕྱོགས་ཀྱི་རྩིག་པ་བྱས་པ་ལ་གནམ་ལྕགས་ཀྱི་གཟེར་བཏབ་ཅིང་ལྷ་ཆེན་པོ་བརྒྱད་ཀྱི་ཀ་བ་ལ་ཀླུ་ཆེན་པོ་བརྒྱད་གདུང་དུ་བྲེས་པཿ གཟའ་ཆེན་པོ་བརྒྱད་ཀྱི་ཕྱམ་དངཿ རྒྱུ་སྐར་གྱི་དྲལ་ཟེབཿ རུ་ཏྲའི་ཐོག་དང་ཆུ་སྲིན་གྱི་རྟ་བབསཿ ཆོས་འཁོར་སྨུག་ནག་གདུགས་ཕུབ་པའི་གཡས་གཡོན་ནས་ཆུ་སྲིན་གྱི་ཕྲུ་གུ་བལྟ་བཿ སྟག་དོམ་སེང་གེ་ལ་སོགས་པ་གཅན་གཟན་གདུག་པ་ཅན་གྱི་མགོ་བོས་ཁ་བད་བྱས་ཤིངཿ ཞེ་སྡང་སྦྲུལ་གྱི་ཆུན་པོ་ལ་ཐོད་པ་ཚལ་བུར་བརྒྱུས་པའི་དྲ་བ་དང་དྲ་ཕྱེད་དཔྱངས་པཿ འདོད་སྣམ་ལ་མཆོད་པའི་ལྷ་མོ་རྣམས་གར་བྱེད་ཅིངཿ བྱང་ཤར་ནས་རིམ་པའི་ཟུར་བཞིར་རྡོ་རྗེ་དངཿ གནམ་ལྕགས་དངཿ དར་ཟབ་དངཿ ཁྲག་གི་རྒྱལ་མཚན་ཆེན་པོ་བཞི་གནས་པའོཿ ཕོ་བྲང་ཆེན་པོ་དེའི་ཕྱི་རིམ་ཐོད་པ་ལྕགས་ཀྱི་གྲོང་ཁྱེར་ལ་གཤིན་རྗེ་དངཿ བདུད་དངཿ སྲིན་པོའི་ཚོགས་གནས་ཤིང་མཐའ་ལྕགས་རི་ནག་པོས་བསྐོར་བའི་ནང་ཁོངས་སུ་དུར་ཁྲོད་ཆེན་པོ་བརྒྱད་ལ་རོ་རྣམ་པ་སྣ་ཚོགས་བམ་པ་དངཿ རུལ་བ་དངཿ མྱགས་པ་དངཿ སྟག་དང་གཟིག་དང་དོམ་དྲེད་ལ་སོགས་པའི་གཅན་གཟན་དང་དུར་བྱ་ཀངྐ་དངཿ བཞད་ལ་སོགས་པའི་ཤ་ཟན་མང་པོས་གང་བཿ དུར་ཤིང་དངཿ བརྩུབས་ཤིང་དངཿ ཚེར་མ་ཅན་གྱི་ནགས་འདབས་ལ་གནོད་སྦྱིན་དངཿ ཤ་ཟ་དངཿ རོ་ལངས་དངཿ ཕྲ་མེན་དངཿ མ་མོ་མཁའ་འགྲོའི་ཚོགས་དཔག་ཏུ་མེད་པ་མདོར་ན་དུར་ཁྲོད་ཀྱི་ཆོས་མ་ཚང་བ་མེད་པས་འཇིགས་པར་བྱས་པའི་མཐའ་མེ་དཔུང་དང་རྡོ་རྗེའི་ར་བས་རྒྱ་ཡོངས་སུ་མ་ཆད་པ་དེའི་ལྟོ་བ་ཕྲིན་ལས་རྣམ་པ་བཞི་ལྷུན་གྱིས་གྲུབ་པའི་གནསཿ ཐོད་མཁར་གྲུ་གསུམ་རྒྱ་ཁྱོན་ཆོས་ཀྱི་དབྱིངས་དང་མཉམ་པའི་དབུས་སུ་སྣ་ཚོགས་རོའི་གདན་ལཿ དཔལ་སྔགས་ཀྱི་བདག་མོ་ནག་མོ་ཁྲོས་མའི་རྒྱལ་མོཿ ཀུན་ཏུ་བཟང་མོའི་སྤྲུལ་པཿ འཁོར་འདས་ཐམས་ཅད་ཀྱི་བདག་ཉིད་ཆེན་མོ་ལ་ཉིད་ལས་མི་གཞན་པའི་འཁོར་དཀར་མོའི་ཚོགས་དངཿ སེར་མོའི་ཚོགས་དངཿ དམར་མོའི་ཚོགས་དངཿ མཐིང་ནག་ལ་སོགས་པ་གྲངས་དང་མཐས་མི་གཏུགས་པཿ ལ་ལ་མཛེས་པའི་ཆ་བྱད་ཅནཿ ལ་ལ་ཁྲོ་ཞིང་གཏུམ་པཿ ལ་ལ་ཆགས་ཤིང་བཞད་པ་ལ་སོགསཿ མདོར་ན་ཡེ་ཤེས་དང་ལས་ལ་གྲུབ་པའི་མ་མོ་མཁའ་འགྲོའི་ཚོགས་རྣམ་འགྱུར་དང་མིང་གིས་ཐ་དད་དུ་གྲུབ་པའི་རིགས་ཐམས་ཅད་དངཿ འཁོར་ལོ་རྒྱས་འདེབས་མའི་སྐུའི་སྤྲུལ་པ་དམ་ཅན་མ་མོ་བཅུ་གཉིསཿ གསུང་སྤྲུལ་མཁའ་འགྲོ་ཆེན་མོ་ལྔཿ ཕྲིན་ལས་ཀྱི་སྤྲུལ་པ་བསྟན་མ་བཅུ་གཉིས་གཡས་སུ་སྦྱོར་བའི་གིང་ཆེནཿ དཔལ་ལྡན་ཡེ་ཤེས་མགོན་པོ་སྤྲུལ་པའི་མགོན་པོ་སྡེ་ལྔཿ དཔལ་མགོན་བདུན་ཅུའི་ཚོགས་སྤྲུལ་པ་ཡང་འཁོར་དང་བཅས་པཿ གཡོན་དུ་སྒྲོལ་བའི་གིང་ཆེན་སྐྱེས་མཆོག་རྡོ་རྗེ་ལེགས་པ་ཐེའུ་བྲང་སྟོང་སྡེ་དང་བཅས་པཿ རྒྱབ་ཏུ་གསང་བའི་སྒྲོལ་གིང་གཟའ་བདུད་སྲོག་གི་སྤུ་གྲི་གཟའ་བརྒྱད་གདོང་མོ་བཞི་དང་བཅས་པཿ མདུན་དུ་སྦས་པའི་དཀོར་སྲུང་དུར་ཁྲོད་ལྷ་མོ་གཙུག་ལག་ཁང་དང་དགོན་གནས་རྣམས་ཀྱི་དཀོར་ཆ་སྲུང་ཞིང་ནོར་ལ་ཀླུཿ རྫས་ལ་གནོད་སྦྱིནཿ ཟས་ལ་འདྲེ་མོར་རྫུ་ཞིང་ངན་པའི་ངན་ནེ་མ་དམར་མོ་དར་ནག་གི་གོ་ཟུ་ཅན་གཡས་ལྕགས་ཀྱུ་དངཿ གཡོན་མེ་ལོང་བསྣམས་པཿ མིང་སྲིང་བརྒྱད་དང་བཅས་པ་མདོར་ན་སྲིད་པ་མ་མོའི་དཀྱིལ་འཁོར་དུ་དམ་ཚིག་དང་ཐུགས་རྗེས་འཁོད་པའི་སྔགས་སྲུང་དྲེགས་པའི་ཚོགས་དང་བཅས་པ་རང་བཞིན་གར་བཞུགས་ཀྱི་གནས་ནས་སྤྱན་དྲངས་པར་གྱུརཿ {{TibChung|སྲོག་སྔགས་བཟླ་ཞིང་དབྱངས་རོལ་དང་བཅས་སྤྱན་དྲངསཿ}} བྷྱོཿ ཁྲག་མཚོ་ལྕགས་ཀྱི་ར་བ་ཅནཿ དུར་ཁྲོད་རོལ་པའི་གཞལ་ཡས་ཁངཿ ཐོད་མཁར་གྲུ་གསུམ་རོ་གདན་དབུསཿ ཁྲོས་མ་ནག་མོ་འབར་བའི་གདོངཿ ཨེ་ཀ་ཙ་ཊི་རལ་གཅིག་མཿ སྤྱན་གཅིག་དུས་གསུམ་ཀུན་ལ་གཟིགསཿ ཚེམས་གཅིག་དགྲ་བོའི་སྲོག་ལ་རྔམསཿ མཐིང་ནག་གཡུ་ཡི་རལ་པ་ཅནཿ གཡས་ན་དགྲ་སྙིང་དྲོན་མོ་འཆངཿ གཡོན་པས་གཡུ་སྤྱང་ཁྲ་ཐབས་འགྱེདཿ ཞབས་གཉིས་གྱད་ཀྱི་དོར་སྟབས་ཅནཿ སྐུ་ཡི་སྤྲུལ་པ་བལ་མོ་འབུམཿ གསུང་སྤྲུལ་མ་སྲིང་མཁའ་འགྲོ་འགྱེདཿ ཐུགས་སྤྲུལ་མོན་མོ་ནག་མོ་དངཿ ཡོན་ཏན་ཕྲིན་ལས་བསམ་མི་ཁྱབཿ འཁོར་དང་བཅས་པ་གཤེགས་སུ་གསོལཿ གཡས་སུ་སྤྲུལ་པ་བལ་མོ་འབུམཿ གསུང་སྤྲུལ་མ་སྲིང་མཁའ་འགྲོ་འགྱེདཿ ཐུགས་སྤྲུལ་མོན་མོ་ནག་མོ་དངཿ གཡས་སུ་སྦྱོར་བའི་གིང་ཆེན་ནིཿ ལྷ་ཆེན་དཔལ་འབར་མ་ནིང་ནགཿ རབ་ཏུ་ཁྲོས་པ་སྲིན་པོའི་གདོངཿ སྤྱན་གསུམ་ཐོད་སྐམ་དབུ་རྒྱན་ཅནཿ སྦྲུལ་ནག་གསོན་མའི་རལ་པ་འཕྱོཿ གཡས་གཡོན་རུ་མཚོན་སྙིང་ཞགས་འཕྱརཿ སྐུ་ཡི་མགོན་པོ་སྟག་ཞོན་དངཿ གསུང་གི་མགོན་པོ་བིང་དམར་པོཿ ཐུགས་ཀྱི་མགོན་པོ་གྲི་གུག་ཅནཿ ཡོན་ཏན་མགོན་པོ་ལེགས་ལྡན་ནགཿ ཕྲིན་ལས་མགོན་པོ་ཏྲག་ཤད་དངཿ ལྷ་ཀླུ་གཟའ་སྐར་ཕྱོགས་སྐྱོང་བཅུཿ འཇིགས་བྱེད་དགུ་དང་རྒྱལ་ཆེན་བཞིཿ དཔལ་མགོན་བདུན་ཅུ་ཡང་འཁོར་བཅསཿ འོག་མིན་གནས་དང་བསིལ་བ་ཚལཿ རི་རབ་ཟོམ་དང་གོ་ལའི་ངོསཿ རང་བཞིན་གནས་ནས་གཤེགས་སུ་གསོལཿ གཡོན་དུ་སྒྲོལ་བའི་གིང་ཆེན་ནིཿ སྐྱེས་མཆོག་བཛྲ་ཐིག་ལེ་རྩལཿ སྐུ་མདོག་མེ་ཡི་ཕུང་པོ་འདྲཿ དར་དཀར་རལ་གུ་སྟག་ཤམ་ཅནཿ གཡས་གཡོན་རྡོ་རྗེ་དགྲ་སྙིང་བསྣམསཿ ཆིབས་སུ་སེང་གེ་དཀར་མོ་བཅིབསཿ མཆེད་འཁོར་སུམ་བརྒྱ་དྲུག་ཅུ་དངཿ ཐེའུ་བྲང་མོན་པ་སྟོང་སྡེའི་ཚོགསཿ ལྷ་སྲིན་སྡེ་བརྒྱད་འཁོར་དང་བཅསཿ སྲིན་ཡུལ་ལངྐ་པུ་རི་དངཿ དབུ་རུ་ཞྭ་ཡི་ལྷ་ཁང་སོགསཿ དབེན་གནས་གཉེན་པོ་གར་བཞུགས་ནསཿ སྐད་ཅིག་ཡུད་ལ་གཤེགས་སུ་གསོལཿ ཏྲག་རཀྴ་ཨེ་ཀ་ཙ་ཏི་མ་མ་བྷྱོཿ མ་ཧཱ་ཀཱ་ལ་ཤཱ་ས་ན་ཛཿ ཏྲི་བཛྲ་ས་དྷུ་ས་མ་ཡ་ཛཿ {{TibChung|ཞེས་རོལ་མོའི་སྒྲ་དང་གསུར་ཆེན་གྱི་དུད་པས་སྤྱན་དྲངསཿ བཞུགས་གསོལ་ནིཿ}} བྷྱོཿ ལྕམ་མོ་ཆེན་མོ་བཞུགས་སུ་གསོལཿ དྲལ་པོ་ཆེན་པོ་བཞུགས་སུ་གསོལཿ སྦྱོར་སྒྲོལ་གིང་ཆེན་བཞུགས་སུ་གསོལཿ འཁོར་དང་བཅས་པ་ཏིཥྛ་ལྷནཿ {{TibChung|དེ་ནས་མཆོད་པ་འཕུལ་བ་ནིཿ}} བྷྱོཿ ཏིང་འཛིན་སྤྲུལ་པའི་གནས་མཆོག་འདིརཿ ཐུགས་དམ་སྐོང་བའི་དམ་རྫས་ནིཿ དངོས་སུ་བཤམས་དང་ཡིད་ལས་བྱུངཿ བྱང་ཆུབ་སེམས་དང་ཨ་མྲྀ་ཏཿ མྱོས་བྱེད་དབའ་ཀློང་འཁྲུགས་པ་དངཿ སྲོག་ཆགས་མདངས་ཀྱིས་ཐུགས་དམ་བསྐངཿ སྣ་ཚོགས་ཤ་དང་སྙིང་གི་ཁྲགཿ དཀར་གསུམ་མངར་གསུམ་རོ་དྲུག་ཟསཿ ཉེར་སྤྱོད་བྷ་ལིང་གཏོར་མ་དངཿ སྤྱན་གཟིགས་མཆོད་པས་ཐུགས་དམ་བསྐངཿ སྒྲུབ་རྫས་སྦ་དཀར་ཚིགས་གསུམ་དངཿ དུག་ཁྲག་སྦྱར་བ་གནད་ཀྱི་རྒྱུཿ གསོན་ཁྲག་རླངས་པ་ཕྱུར་བ་ཡིསཿ འདོད་ཆགས་ཅན་གྱི་ཐུགས་དམ་བསྐངཿ ཤེས་རབ་མཚལ་དང་སྤྱི་བླུགས་ཞྭཿ ཤ་ཁྲག་སྙིང་སྣ་རུ་མཚོན་དངཿ རྨ་བྱའི་རྒྱལ་མཚན་ཙིཏྟའི་ཏོགཿ ལེ་བརྒན་དར་དང་མཐིང་ནག་གུརཿ སྣེལ་མོའི་མགོ་དང་གཡང་གཞི་སྙིངཿ ནལ་བུའི་ཤ་ཁྲག་ལུག་ནག་གསོབཿ རྐང་གླིང་ཐོད་རྔ་ལྟག་སྤྲོད་སོགསཿ རྟེན་རྫས་རྣམས་ཀྱིས་ཐུགས་དམ་བསྐངཿ བྱ་ནག་ལུག་ནག་ཁྱི་ནག་འབྲིཿ མི་ཁྱི་རྟ་ཡི་བམ་ཆེན་དངཿ མདོས་དང་འབྲས་བུ་སྣ་ཚོགས་པཿ བསྐང་རྫས་རྣམས་ཀྱིས་ཐུགས་དམ་བསྐངཿ རྟ་དང་གཡག་ནག་གྲི་སྙིང་གིསཿ དཔལ་ལྡན་མགོན་པོའི་ཐུགས་དམ་བསྐངཿ ར་ཡི་ཤ་ཁྲག་གསུར་ཆེན་གྱིསཿ སྐྱེས་བུ་ཆེན་པོའི་ཐུགས་དམ་བསྐངཿ ཤ་ཁྲག་སྙིང་སྣ་ར་མཆིན་གྱིསཿ གཟའ་བདུད་འཁོར་བཅས་ཐུགས་དམ་བསྐངཿ དཀར་མངར་འོ་ཆོལ་རྟ་བོང་ཤསཿ དུར་ཁྲོད་བདག་མོའི་ཐུགས་དམ་བསྐངཿ མདོར་ན་སྣང་སྲིད་སྣོད་བཅུད་ཀུནཿ དབང་པོ་དྲུག་གི་སྤྱོད་ཡུལ་དུཿ རང་རང་མཐུན་པའི་དམ་རྫས་ཀྱིསཿ སྤྲུལ་འཁོར་ཡོངས་རྫོགས་ཐུགས་དམ་བསྐངཿ ཁྱད་པར་དུས་ཀྱི་ཐ་མ་ལཿ སྲིད་པའི་བདེ་སྡུག་མ་མོས་བྱེདཿ འབྱུང་བ་ལྔ་ཡང་ཡུམ་ལྔའི་ཀློངཿ དེ་ཕྱིར་སྲིད་པ་མ་མོར་གྲགསཿ དབྱིངས་ལ་རྣམ་རྟོག་མི་མངའ་ཡངཿ རྩལ་ལས་སྤྲུལ་པར་ཤར་བའི་ཚེཿ ལེགས་ཉེས་སྟངས་འཛིན་མ་མོ་ནིཿ ཀོ་ལོང་རུ་ང་གདུག་རྩུབ་ཆེཿ རྣལ་འབྱོར་ཐབས་ལ་མི་མཁས་ཤིངཿ འཇིག་རྟེན་རྨོངས་པའི་དབང་གྱུར་པསཿ ལྷ་མོའི་དམ་ཚིག་གང་དང་གངཿ དེ་ཀུན་དང་དུ་མ་བླངས་ཤིངཿ དཀར་དམར་ཐབ་དང་གཞོབ་ལ་སོགསཿ ཐུགས་དང་འགལ་བའི་ལས་བགྱིས་པཿ ཁྱོད་ལ་མཐོལ་ལོ་བཟོད་པར་བཞེསཿ དབྱིངས་ནས་བཀའ་ཆད་མ་བཏང་ཅིགཿ ཤོ་དང་རྡེའུ་མ་འགྲེམས་ཤིགཿ ཁྲམ་དང་དལ་ཁ་མ་སྟོན་ཅིགཿ ཚོན་གྲུ་ནད་རྐྱལ་མ་བརྡེག་ཅིགཿ གོད་ཁ་གནས་འགྱུར་མ་བཏང་ཅིགཿ ཐུགས་དམ་གཉན་པོ་བསྐངས་གྱུར་ནསཿ ཞི་རྒྱས་གཉིས་ཀྱིས་གསོ་བ་དངཿ དབང་དྲག་རོལ་པའི་མངོན་སྤྱོད་ཀྱིཿ ལས་བཞིའི་དངོས་གྲུབ་བདག་ལ་སྩོལཿ {{TibChung|དོ་གལ་ཆེ་ན་ཕུད་སྐོང་བྱ་སྟེཿ ཕུད་ཉུང་ངུ་ཙམ་ལ་བྱར་མི་རུང་ངོཿ}} ཧོཿ འོག་མིན་བདེ་བ་ཆེན་པོའི་ཞིང་ནཿ ཀུན་ཏུ་བཟང་མོ་དབྱིངས་ཀྱི་ཡུམ་ཆེནཿ ཉི་ཤུ་རྩ་བཞི་སྤྲུལ་པའི་ཡུལ་ནཿ མ་མོ་མཁའ་འགྲོ་ཀུན་གྱི་རྗེ་མོཿ དཔལ་སྔགས་ཀྱི་བདག་མོ་ནག་མོ་ཁྲོས་མ་ལ་གསོལ་ལོཿ ཨེ་ཀ་ཙ་ཊི་སྤུན་དྲུག་ལ་གསོལ་ལོཿ དེའི་བྲན་མོ་བཅུ་བཞི་ལ་གསོལ་ལོཿ གཡོག་མོ་ལྔ་བཅུ་རྩ་བརྒྱད་ལ་གསོལ་ལོཿ ཡང་གཡོག་འབུམ་ཁྲི་འབུམ་སྟོང་ལ་གསོལ་ལོཿ ནམ་གྲུ་རེ་མ་ཏི་ལ་གསོལ་ལོཿ འདོད་པ་ཁམས་ཀྱི་དབང་ཕྱུག་མ་ལ་གསོལ་ལོཿ ཤྭ་ན་མ་བཞི་ལ་གསོལ་ལོཿ ས་བདག་མ་བཞི་ལ་གསོལ་ལོཿ བདག་ཉིད་མ་བཞི་ལ་གསོལ་ལོཿ དུར་ཁྲོད་བདག་མོ་ལྕམ་དྲལ་ལ་གསོལ་ལོཿ དབང་གི་ལྷ་མོ་ཙནྟྲི་ཀ་ལ་གསོལ་ལོཿ ཤན་པ་ནག་མོ་སྲོག་སྒྲུབ་མ་ལ་གསོལ་ལོཿ ལྷ་མོ་དུད་སོལ་མ་ལ་གསོལ་ལོཿ རྡོ་རྗེ་དྲག་མོ་རྒྱལ་ལ་གསོལ་ལོཿ མ་སྲིང་བསྟན་མ་བཅུ་གཉིས་ལ་སོགས་སྤྲུལ་པ་ཡང་སྤྲུལ་ཉིང་སྤྲུལ་རྣམས་ལ་གསོལ་ལོཿ འབུལ་ལོཿ མཆོད་དོཿ གསང་སྔགས་ཀྱི་བསྟན་པ་སྲུངས་ཤིགཿ རྣལ་འབྱོར་པའི་མགོན་སྐྱབས་མཛོད་ཅིགཿ བསྟན་འཛིན་གྱི་སྐྱེས་བུ་སྤེལ་ཅིགཿ དགྲ་བྱུང་ན་སྙིང་ཐོན་ཅིགཿ གེགས་བྱུང་ན་མགོ་བོ་ཁོས་ཤིགཿ དུག་བྱུང་ན་བྱ་ཐོང་ཞིགཿ བྱད་བྱུང་ན་རང་གཤེད་དུ་ཕོབ་ཅིགཿ རྐྱེན་ངན་དང་བར་ཆད་སོལཿ བསམ་དོན་གྱི་རེ་བ་གང་ཡིན་པ་སྐད་ཅིག་ཉིད་ལ་གྲུབ་པར་མཛོད་ཅིགཿ ཧོཿ རྟོགས་པས་བདག་བསྒྲལ་ཀུན་ཏུ་བཟང་པོཿ དུག་གསུམ་རུ་ཏྲའི་གཤེད་དུ་ཁྲོས་པ་ལྷ་ཆེན་དཔལ་འབར་མ་ནིང་ནག་པོ་ལ་གསོལ་ལོཿ སྟག་ཞོན་སྐུའི་མགོན་པོ་ལ་གསོལ་ལོཿ བིང་དམར་གསུང་གི་མགོན་པོ་ལ་གསོལ་ལོཿ གྲི་གུག་ཐུགས་ཀྱི་མགོན་པོ་ལ་གསོལ་ལོཿ ལེགས་ལྡན་ཡོན་ཏན་གྱི་མགོན་པོ་ལ་གསོལ་ལོཿ ཏྲག་ཤད་ཕྲིན་ལས་ཀྱི་མགོན་པོ་ལ་གསོལ་ལོཿ འབུལ་ལོཿ མཆོད་དོཿ གསང་སྔགས་ཀྱི་བསྟན་པ་སྲུངས་ཤིགཿ རྣལ་འབྱོར་པའི་མགོན་སྐྱབས་མཛོད་ཅིགཿ བསྟན་འཛིན་གྱི་སྐྱེས་བུ་སྤེལ་ཅིགཿ དགྲ་བྱུང་ན་སྙིང་ཐོན་ཅིགཿ གེགས་བྱུང་ན་མགོ་བོ་ཁོས་ཤིགཿ དུག་བྱུང་ན་བྱ་ཐོང་ཞིགཿ བྱད་བྱུང་ན་རང་གཤེད་དུ་ཕོབ་ཅིགཿ རྐྱེན་ངན་དང་བར་ཆད་སོལཿ བསམ་དོན་གྱི་རེ་བ་གང་ཡིན་པ་སྐད་ཅིག་ཉིད་ལ་འགྲུབ་པར་མཛོད་ཅིགཿ ཧོཿ གཙང་རིས་ལྷ་ཡི་མགོན་པོ་དབང་པོ་དང་ཚངས་པ་ལ་གསོལ་ལོཿ དབང་ཕྱུག་དང་ཁྱབ་འཇུག་ལ་གསོལ་ལོཿ གདོང་དྲུག་དང་འདོད་དབང་ལ་གསོལ་ལོཿ ཚོགས་བདག་དང་བྷྲིཾ་གི་ལ་གསོལ་ལོཿ ཀླུའི་མགོན་པོ་མཐའ་ཡས་དང་འཇོག་པོ་ལ་གསོལ་ལོཿ དུང་སྐྱོང་དང་སྟོབས་རྒྱུ་ལ་གསོལ་ལོཿ པདྨ་དང་པདྨ་ཆེན་པོ་ལ་གསོལ་ལོཿ རིགས་ལྡན་དང་ནོར་རྒྱས་ལ་གསོལ་ལོཿ དྲང་སྲོང་གི་མགོན་པོ་ཉི་མ་དང་ཟླ་བ་ལ་གསོལ་ལོཿ མིག་དམར་དང་ལྷག་པ་ལ་གསོལ་ལོཿ ཕུར་བུ་དང་པ་སངས་ལ་གསོལ་ལོཿ སྤེན་པ་དང་སྒྲ་གཅན་ལ་གསོལ་ལོཿ ཁྱད་པར་དུ་ཡང་ཁྱབ་འཇུག་ཆེན་པོཿ བི་ནུ་རཱ་ཙཿ རཱ་ཧུ་ལཿ བི་ཊི་པ་ཏྲཿ ལྗང་སྔོན་དྲག་པོཿ དུ་བ་མཇུག་རིངཿ བདུད་པོ་རོག་ཏིཿ བི་ན་ཡ་ཀ་ལ་སོགས་ཏེ་ཐོག་སེར་དང་ལྟས་ངན་གྱི་བདག་པོ་སྤྲུལ་པའི་གཟའ་བརྒྱད་གདོང་མོ་བཞི་དང་བཅས་པ་ལ་གསོལ་ལོཿ འབུལ་ལོཿ མཆོད་དོཿ གསང་སྔགས་ཀྱི་བསྟན་པ་སྲུངས་ཤིགཿ རྣལ་འབྱོར་པའི་མགོན་སྐྱབས་མཛོད་ཅིགཿ བསྟན་འཛིན་གྱི་སྐྱེས་བུ་སྤེལ་ཅིགཿ དགྲ་བྱུང་ན་སྙིང་ཐོན་ཅིགཿ གེགས་བྱུང་ན་མགོ་བོ་ཁོས་ཤིགཿ དུག་བྱུང་ན་བྱ་ཐོང་ཞིགཿ བྱད་བྱུང་ན་རང་གཤེད་དུ་ཕོབ་ཅིགཿ རྐྱེན་ངན་དང་བར་ཆད་སོལཿ བསམ་དོན་གྱི་རེ་བ་གང་ཡིན་པ་སྐད་ཅིག་ཉིད་ལ་གྲུབ་པར་མཛོད་ཅིགཿ ཧོཿ རྒྱུ་སྐར་གྱི་མགོན་པོ་སྨིན་དྲུག་དང་སྣར་མ་ལ་གསོལ་ལོཿ མགོ་དང་ལག་པ་ལ་གསོལ་ལོཿ ནབས་སོ་དང་རྒྱལ་ལ་གསོལ་ལོཿ སྐག་དང་རྟ་པ་ལ་གསོལ་ལོཿ བྲེ་དང་དབོ་ལ་གསོལ་ལོཿ མེ་བཞི་དང་ནག་པ་ལ་གསོལ་ལོཿ ས་རི་དང་ས་ག་ལ་གསོལ་ལོཿ ལྷ་མཚམས་དང་སྣྲོན་ལ་གསོལ་ལོཿ སྣྲུབས་དང་ཆུ་སྟོད་ལ་གསོལ་ལོཿ ཆུ་སྨད་དང་གྲོ་བཞིན་ལ་གསོལ་ལོཿ བྱི་བཞིན་དང་མོན་གྲེ་ལ་གསོལ་ལོཿ མོན་གྲུ་དང་ཁྲུམས་སྟོད་ལ་གསོལ་ལོཿ ཁྲུམས་སྨད་དང་ནམ་གྲུ་ལ་གསོལ་ལོཿ ཐ་སྐར་དང་བྲ་ཉེ་ལ་གསོལ་ལོཿ འབུལ་ལོཿ མཆོད་དོཿ གསང་སྔགས་ཀྱི་བསྟན་པ་སྲུངས་ཤིགཿ རྣལ་འབྱོར་པའི་མགོན་སྐྱབས་མཛོད་ཅིགཿ བསྟན་འཛིན་གྱི་སྐྱེས་བུ་སྤེལ་ཅིགཿ དགྲ་བྱུང་ན་སྙིང་ཐོན་ཅིགཿ གེགས་བྱུང་ན་མགོ་བོ་ཁོས་ཤིགཿ དུག་བྱུང་ན་བྱ་ཐོང་ཞིགཿ བྱད་བྱུང་ན་རང་གཤེད་དུ་ཕོབ་ཅིགཿ རྐྱེན་ངན་དང་བར་ཆད་སོལཿ བསམ་དོན་གྱི་རེ་བ་གང་ཡིན་པ་སྐད་ཅིག་ཉིད་ལ་གྲུབ་པར་མཛོད་ཅིགཿ ཧོཿ ཕྱོགས་མཚམས་སྐྱོང་བའི་མགོན་པོ་དབང་པོ་དང་མེ་ལྷ་ལ་གསོལ་ལོཿ གཤིན་རྗེ་དང་སྲིན་པོ་ལ་གསོལ་ལོཿ ཆུ་ལྷ་དང་རླུང་ལྷ་ལ་གསོལ་ལོཿ གནོད་སྦྱིན་དང་དབང་ལྡན་ལ་གསོལ་ལོཿ ཚངས་པ་དང་གཟའ་སྐར་ལ་གསོལ་ལོཿ སའི་ལྷ་མོ་དང་ས་འཛིན་ལག་པ་ཆེན་པོ་ལ་གསོལ་ལོཿ ཁྱད་པར་དུ་ཡང་འཇིག་རྟེན་སྐྱོང་བའི་མགོན་པོ་ཆེན་པོ་ཡུལ་འཁོར་སྲུང་ལ་གསོལ་ལོཿ འཕགས་སྐྱེས་པོ་ལ་གསོལ་ལོཿ མིག་མི་བཟང་ལ་གསོལ་ལོཿ རྣམ་ཐོས་སྲས་ལ་གསོལ་ལོཿ གཞན་ཡང་འཇིགས་བྱེད་ཆེན་པོ་དགུ་ལ་སོགས་ཏེ་དམ་ཚིག་ཤེས་པ་དང་དཀར་ཕྱོགས་སྐྱོང་བའི་ཚོགས་ཐམས་ཅད་ལ་གསོལ་ལོཿ འབུལ་ལོཿ མཆོད་དོཿ གསང་སྔགས་ཀྱི་བསྟན་པ་སྲུངས་ཤིགཿ རྣལ་འབྱོར་པའི་མགོན་སྐྱབས་མཛོད་ཅིགཿ བསྟན་འཛིན་གྱི་སྐྱེས་བུ་སྤེལ་ཅིགཿ དགྲ་བྱུང་ན་སྙིང་ཐོན་ཅིགཿ གེགས་བྱུང་ན་མགོ་བོ་ཁོས་ཤིགཿ དུག་བྱུང་ན་བྱ་ཐོང་ཞིགཿ བྱད་བྱུང་ན་རང་གཤེད་དུ་ཕོབ་ཅིགཿ རྐྱེན་ངན་དང་བར་ཆད་སོལཿ བསམ་དོན་གྱི་རེ་བ་གང་ཡིན་པ་སྐད་ཅིག་ཉིད་ལ་གྲུབ་པར་མཛོད་ཅིགཿ ཧོཿ རྡོ་རྗེ་འཛིན་པའི་བཀའ་ཉན་ཆེན་པོ་སྒྲོལ་གིང་རྡོ་རྗེ་ལེགས་པ་ལ་གསོལ་ལོཿ རྣལ་འབྱོར་ཡོངས་ཀྱི་སྲུང་མ་ཆེན་པོ་ལ་གསོལ་ལོཿ དཔའ་བོ་ཡོངས་ཀྱི་དགྲ་ལྷ་ཆེན་པོ་ལ་གསོལ་ལོཿ ཚོང་པ་ཡོངས་ཀྱི་དེད་དཔོན་ཆེན་པོ་ལ་གསོལ་ལོཿ བརྟེན་ན་སྙིང་ཉེ་བ་ལ་གསོལ་ལོཿ རྦད་ན་མཐུ་ཆེ་བ་ལ་གསོལ་ལོཿ བསྐུལ་ན་ལས་མྱུར་བ་ལ་གསོལ་ལོཿ སྤྲུལ་འཁོར་དང་བཀའ་ཉན་ཕུད་དང་གཏོར་མ་ལ་གདུང་བ་ཐམས་ཅད་ལ་གསོལ་ལོཿ འབུལ་ལོཿ མཆོད་དོཿ གསང་སྔགས་ཀྱི་བསྟན་པ་སྲུངས་ཤིགཿ རྣལ་འབྱོར་པའི་མགོན་སྐྱབས་མཛོད་ཅིགཿ བསྟན་འཛིན་གྱི་སྐྱེས་བུ་སྤེལ་ཅིགཿ དགྲ་བྱུང་ན་སྙིང་ཐོན་ཅིགཿ གེགས་བྱུང་ན་མགོ་བོ་ཁོས་ཤིགཿ དུག་བྱུང་ན་བྱ་ཐོང་ཞིགཿ བྱད་བྱུང་ན་རང་གཤེད་དུ་ཕོབ་ཅིགཿ རྐྱེན་ངན་དང་བར་ཆད་སོལཿ བསམ་དོན་གྱི་རེ་བ་གང་ཡིན་པ་སྐད་ཅིག་ཉིད་ལ་གྲུབ་པར་མཛོད་ཅིགཿ དེ་ལྟར་སྲིད་པ་མ་མོའི་དཀྱིལ་འཁོར་དུ་ཡེ་ཤེས་དང་ལས་ལ་གྲུབ་པའི་སྲུང་མ་ཐུགས་དམ་ཅནཿ གཙང་རིས་ཀྱི་མགོན་པོ་བདུན་ཅུ་རྩ་ལྔ་དང་བཅས་པ་ཁྱེད་རྣམས་སྟོན་པའི་ཞལ་མཐོངཿ བསྟན་པ་དང་དམ་ཚིག་ལ་གུསཿ མཐུ་དང་རྫུ་འཕྲུལ་གྱི་བདག་པོ་སྲིད་ཞིའི་ཁམས་ན་ཆེ་བཙན་འགྲན་ཟླ་དང་བྲལ་བཿ མངའ་འོག་དང་སྡེ་རིས་སུ་མ་འདུས་པ་གང་ཡང་མེད་པསཿ སངས་རྒྱས་ཀྱི་བསྟན་པ་སྲུངསཿ དཀོན་མཆོག་གི་དབུ་འཕང་བསྟོདཿ རྣལ་འབྱོར་པ་བདག་ཅག་ལ་སྡང་བའི་སེམས་དང་ལྡན་པཿ གདུག་པའི་སེམས་དང་ལྡན་པཿ དྲག་ཤུལ་གྱི་སེམས་དང་ལྡན་པཿ སྦྱོར་བ་རྩུབ་མོ་ལ་མོས་པའི་འབྱུང་པོ་མི་དང་མི་མ་ཡིན་པ་དེ་དག་ཐམས་ཅད་ཞི་བའི་ཕྲིན་ལས་ཀྱིས་དུལ་བར་མཛོད་ཅིགཿ རྒྱས་པའི་ཕྲིན་ལས་ཀྱིས་སྤ་བཀོངས་ཤིགཿ དབང་གི་ཕྲིན་ལས་ཀྱིས་སྣང་བ་སྒྱུར་ཅིགཿ དྲག་པོའི་ཕྲིན་ལས་ཀྱིས་ཚར་ཆོད་ཅིགཿ བདག་དང་འཇིག་རྟེན་ཐམས་ཅད་ལ་ལེགས་པའི་ཡོན་ཏན་གོང་ནས་གོང་དུ་འཕེལ་བའི་ཕྲིན་ལས་མཛོད་ཅིགཿ {{TibChung|ཅེས་ཕུད་གཏོར་རོལ་མོ་སྒྲོགས་གླུ་གར་གྱི་མཆོད་པས་ཀྱང་མཉེས་པར་བྱའོཿ དེ་ནས་བསྟོད་པ་ནིཿ}} བྷྱོཿ དཔལ་ལྡན་རང་བྱུང་རྒྱལ་མོ་ནིཿ མ་མོ་ཡོངས་ཀྱི་སྤྲུལ་གཞི་ཡིནཿ ལྷ་ཡི་ཡུལ་ན་མདངས་ལྡན་མཿ མེ་ཏོག་མནྡཱ་ར་ལ་བསྟོདཿ ཁྲག་འཐུང་དབང་ཐོབ་དཔལ་ལྡན་ཟུངསཿ གཤིན་རྗེའི་ཡུལ་ན་རལ་གཅིག་མཿ མེ་བཟའ་བྲག་གྱོན་ཀླུ་ཡི་མཚནཿ ནག་མོ་ཁྲག་འཛག་མ་ལ་བསྟོདཿ མ་ནི་སྙིང་པོ་བྱང་ཆུབ་སེམསཿ མོ་ནི་རང་བྱུང་ཡེ་ཤེས་ཕྱིརཿ གང་ནས་བོས་ཀྱང་ཁྱོད་ཀྱི་མཚནཿ འདོད་ཁམས་བདག་མོ་ཁྱོད་ལ་བསྟོདཿ བདག་ལྟའི་རུ་ཏྲ་བསྒྲལ་བ་ལསཿ བྱང་ཆུབ་སེམས་ཀྱི་མགོན་པོ་བྱུངཿ ཐེག་དགུ་རྫོགས་པའི་དར་ནག་གིཿ འཇོལ་བེར་དགུ་བརྩེགས་མནབས་ལ་བསྟོདཿ གཟུང་འཛིན་རུ་ཏྲ་ཞབས་ཀྱིས་བརྫིསཿ སྙིང་ཕྲེང་མི་མགོའི་དོ་ཤལ་འཕྱངཿ བིང་ཆེན་སྐེད་བཙུགས་དམག་གསུམ་འགྱེདཿ བདུད་དང་སྲིན་པོ་འདུལ་ལ་བསྟོདཿ གིང་ཆེན་རྡོ་རྗེ་ལེགས་པ་སྐྱོངཿ འཛམ་བུ་གླིང་གི་མངའ་བདག་པོཿ རྣམ་འགྱུར་སྤྲུལ་པ་ཅིར་ཡང་སྟོནཿ རྫུ་འཕྲུལ་བདག་པོ་ཁྱོད་ལ་བསྟོདཿ རེས་འགའ་མགར་ནག་ཁྲོས་པའི་གདོངཿ ཐན་དང་ལྟས་ངན་ཡོངས་ཀྱི་བདགཿ རེས་འགའ་གནོད་སྦྱིན་ནོར་ལྷའི་ཚུལཿ དངོས་གྲུབ་བདག་པོ་ཁྱོད་ལ་བསྟོདཿ ཁྱད་པར་གཙུག་ལག་ཁང་སྲུང་ཞིངཿ དམ་ཉམས་སྲོག་ལ་ཧུར་ཐུམ་དངཿ གྲི་རྒོད་འབེབས་པའི་དྲག་ཤུལ་ཅནཿ གསང་བའི་སྒྲོལ་གིང་གཉིས་ལ་བསྟོདཿ མདོར་ན་མ་མགོན་ལྕམ་དྲལ་གྱིཿ བཀའ་དང་འཁོར་ན་གནས་པ་ཡིཿ ལེགས་ཉེས་སྟངས་འཛིན་འཇིག་རྟེན་གྱིཿ བདག་པོ་ཀུན་ལ་རབ་ཏུ་བསྟོདཿ {{TibChung|ཕྲིན་ལས་བཅོལ་བ་ནིཿ}} བྷྱོཿ སུམ་ཅུ་རྩ་གསུམ་ལྷ་ཡུལ་ནསཿ སྐྱེ་རྒྱུད་བདག་པོ་ཡབ་ཡུམ་གཉིསཿ མ་མཇལ་ཡིད་ཀྱིས་སྦྱོར་བ་ལསཿ དཔྲལ་བར་ལྕགས་ཀྱི་རྨེན་པ་ཤརཿ ཡུམ་གྱིས་དམོད་པ་སྟོབས་བཙན་པསཿ ནག་མོ་ཁྲོས་མ་རལ་གཅིག་མཿ བཅུ་བདུན་རྒྱུད་ཀྱི་བཀའ་སྲུང་དུཿ གསང་བའི་བདག་པོས་དབང་ཡང་བསྐུརཿ བདག་མེད་ཀུན་ཏུ་བཟང་མོའི་ཀློངཿ བདག་ལྟའི་རུ་ཏྲ་སངས་རྒྱས་པའིཿ དཔལ་ལྡན་མ་མགོན་ལྕམ་དྲལ་ལཿ དམ་ཚིག་ཕྲིན་ལས་གཉེར་དུ་གཏོདཿ སངས་རྒྱས་བསྟན་པ་ཁྱོད་ཀྱིས་སྲུངསཿ དཀོན་མཆོག་དབུ་འཕང་ཁྱོད་ཀྱིས་བསྟོདཿ བསྟན་འཛིན་སྐྱེས་བུའི་སྐུ་ཚེ་སྲིངསཿ སྙིང་ཏིག་གཉན་པོའི་བྱ་ར་མཛོདཿ འཇིག་རྟེན་ཁམས་སུ་ནད་མཚོན་དངཿ མུ་གེའི་བསྐལ་པ་ངན་པ་ཆོདཿ འགོང་པོ་སྤུན་དགུ་སྡེ་རིས་ཀྱིཿ དཔུང་དང་རྒྱ་འདྲེའི་ལམ་སྲང་སྲུངསཿ རྣལ་འབྱོར་བདག་ཅག་འཁོར་བཅས་ཀྱིཿ ནད་གདོན་བར་གཅོད་ཀུན་སོལ་ལཿ ཚེ་དཔལ་ལོངས་སྤྱོད་དབང་ཐང་ཀུནཿ ཡར་ངོའི་ཟླ་བ་ལྟ་བུར་མཛོདཿ དཀོར་ཁང་འདི་རུ་རྟག་བཞུགས་ལཿ སྐུ་གསུང་ཐུགས་ཀྱི་རྟེན་རྣམས་དངཿ དཀོར་ཆ་ལོངས་སྤྱོད་བཅས་པ་ལཿ བླ་རྡོ་ཆོས་ལ་མེལ་ཚེ་གྱིསཿ སྒྲུབ་པ་མཆོག་ལ་གུས་པ་དངཿ དམ་པ་ཆོས་ཀྱི་བརྒྱུད་འཛིན་ཅིངཿ སེམས་ཅན་ཡོངས་ལ་ཕན་བརྩོན་པའིཿ སློབ་མའི་འདུ་བ་རྒྱས་པར་མཛོདཿ དུས་གསུམ་ཀུན་ན་གདུག་པ་དངཿ སྡང་བའི་སེམས་ལྡན་དགྲ་དང་བགེགསཿ གང་ཡིན་ཁྱེད་ཀྱི་ཟས་སྐལ་དུཿ གཏད་དོ་མངོན་སྤྱོད་ཕྲིན་ལས་མཛོདཿ ཆོས་སྲིད་བསྟན་པའི་ཕྲིན་ལས་རྣམསཿ སྡེ་བཞིའི་དཔལ་གྱིས་མངོན་མཐོ་ཞིངཿ གློ་བུར་ལས་བཅོལ་བ་ལིང་ཀུནཿ བཞེས་ལ་བསམ་དོན་ལྷུན་གྲུབ་མཛོདཿ {{TibChung|ཅེས་བརྗོད་ཕུད་གཏོར་གཙང་སར་གཤེགསཿ ལས་དམིགས་བསལ་ཡོད་ན་བསྐུལ་བྱ་བ་ནིཿ དམར་གཏོར་དོན་སྙིང་དང་བསད་ཁྲག་གིས་བརྒྱན་པར་དམིགས་བྱ་དགུག་འདྲེན་དྲག་པོ་བགྱིས་ལཿ}} མ་མ་ཏྲག་རཀྴ་ཨེ་ཀ་ཙ་ཊི་ཨི་དཾ་བྷ་ལིངྟ་པཱུ་ཙ་ཧོཿ ཁ་རཾ་ཁཱ་ཧིཿ ཨོཾ་མ་ཧཱ་ཀཱ་ལ་ཤཱ་ས་ན་ཏྲི་ལིང་གིང་ཀ་ར་ཨི་དཾ་བྷ་ལིངྟ་པཱུ་ཙ་ཧོཿ ཁ་རཾ་ཁཱ་ཧིཿ ཏྲི་བཛྲ་ས་དྷུ་ས་མ་ཡ་ཨི་དཾ་བྷ་ལིངྟ་པཱུ་ཙ་ཧོཿ ཁ་རཾ་ཁཱ་ཧིཿ ཞེས་འཁོར་རྣམས་སྡེ་བརྒྱད་དུ་བསྡུས་ཏེཿ ཨ་ཡ་མ་དུ་རུ་ཙ་ཤ་ན་ཀིངྐ་ར་ས་མ་ཡ་བྷ་ལིངྟ་བྷུཉྩ་ཧོཿ {{TibChung|ཞེས་ཟས་སྐལ་དུ་བསྔོཿ}} བྷྱོཿ ཀཱི་ལ་ཡ་ཡི་ཡུམ་གཅིག་ཁྲོས་མ་ནགཿ ཁུ་འཕང་ཐོག་སེར་བདག་པོ་མགར་བ་ནགཿ གེ་སར་དམག་གི་དགྲ་ལྷ་སྲོག་བདུད་ནགཿ ངོ་ནག་ཁྲོས་པའི་ལས་ལ་ད་བཞེངས་ཤིགཿ ཅི་ནས་དཀོན་མཆོག་དབུ་འཕང་སྨད་པའི་དགྲཿ ཆུ་འཁྱགས་སེར་བས་ལོ་ཏོག་བཅོམ་པ་བཞིནཿ ཇེ་ཞིག་མ་ཡིན་སྐད་ཅིག་ཡུད་ཙམ་ལཿ ཉོ་ཚང་བགྱིས་པའི་ཟས་བཞིན་རྡུལ་དུ་རློགསཿ ཏི་ལ་མཁའ་འགྲོའི་སྙིང་ཏིག་གཤེ་བྱེད་ཅིངཿ ཐུ་མ་རལ་གྱི་བརླང་སྤྱོད་རྩུབ་མོ་ཡིསཿ དེ་ལ་དེར་བསྙད་དོ་བརྡོ་ཕོད་འཛུགས་པའིཿ ནོ་བི་ཀ་ཡི་དགྲ་འདི་མྱུར་དུ་སྒྲོལཿ པ་ཝང་ལྟ་བུར་སྙན་པའི་ཚེས་ཀྱི་སྒྲསཿ ཕུ་མདལ་ཉེ་འཁོན་མེད་པར་བསྐྱངས་བྱས་ཀྱངཿ བེའུ་ཞོ་ཡིས་ངོམས་ལྟར་ཁྲེལ་སྤངས་པཿ མོ་རྒྱུད་སྔགས་ཀྱི་བདག་མོས་རྔམ་ཟས་གྱིསཿ ཙིཏྟ་སྙིང་གི་ཟུངས་ཁྲག་མཁའ་འགྲོའི་ཆོསཿ ཚུ་རོལ་འདུད་པའི་ཟོལ་གྱིས་བླངས་པའི་མཐརཿ ཛ་ལང་སྤྱོད་པས་དམ་ཚིག་ཁྱད་གསོད་པའིཿ ཝ་སྐྱེས་ལྟ་བུའི་དམ་ལོག་ད་ལྟ་སྒྲོལཿ ཞི་བ་བྱང་སེམས་སྒོམ་པའི་ཐུགས་རྒྱུད་བྱིངསཿ ཟེ་ཀ་བྱ་ཡིས་འབོར་བ་ལྟར་དཀྲུགས་ནསཿ འུ་ཅག་བདེན་པར་སྨྲ་བའི་གཡོ་སྒྱུ་ཅནཿ ཡོ་ལངས་ཐན་ལྟས་འཁྲུགས་པས་སྤ་བཀོངས་ཤིགཿ རི་རྒྱལ་ལྷུན་པོ་ལྟ་བུར་སྒྲུབ་ཚུགས་བཟུངཿ ལུ་མའི་ཆུ་རྒྱུན་བཞིན་ཏུ་བྱང་སེམས་བསྐྱེདཿ ཤི་བ་སྲོག་ལ་བབ་ཀྱང་ཁྱོད་བསྟེན་ནཿ ས་གཞི་ལྟ་བུར་གཡོ་འགུལ་མི་མཛད་དམཿ ཧ་ཅང་དམ་ཚིག་རལ་བའི་དགྲ་བོ་འདིཿ ཨ་ལ་ཧ་ལའི་གད་རྒྱངས་སྒྲོགས་བཞིན་དུཿ ལོ་ཟླ་ཞག་ཏུ་མ་འགྱངས་མི་བསྒྲལ་ནཿ ཁྱོད་ལ་མཐུ་སྟོབས་ཡོད་པ་རྫུན་དུ་ཟདཿ གྲུ་གསུམ་མཐིང་ནག་འབར་བའི་ཀློང་དཀྱིལ་ནསཿ འདོད་པ་ཁམས་ཀྱི་དབང་ཕྱུག་རྨོངས་བྱེད་མཿ ཨེ་ཀ་ཛ་ཊི་ནག་མོ་ཁྲོས་མའི་གདོངཿ དབུ་དགུ་ཟངས་ཁ་ལྕགས་ཀྱི་མཆུ་སྡེར་ཅནཿ མིག་ནས་ཁྲག་རིམས་སྣ་ནས་མཛེ་ནད་གཏོངཿ སྐུ་ལས་འབྲུམ་ནད་ཁོང་ནས་ཤ་ཡ་འབརཿ ལྕགས་ཀྱུ་རྩེ་དགུས་དགྲ་བོའི་སྙིང་ཕྱུང་ལཿ ལྕགས་སྤྱང་མང་པོ་དམ་ཉམས་ཤ་ལ་ཁྱེཿ སྲོག་བདག་བདུད་ཀྱི་མགོན་པོ་བྱ་རོག་གདོངཿ རྟ་ནག་སྟེང་ན་སྟག་རལ་གཟིག་ཤུབས་འཕྱངཿ ལྕགས་མདའ་ནག་པོ་དགྲ་བོའི་སྙིང་ལ་གཟིརཿ དམག་དཔོན་སྡེ་ལྔ་དམ་ཉམས་དགྲ་ལ་འཕྱོཿ ས་འོག་ས་སྟེང་ས་བླའི་འཇིག་རྟེན་ཀུནཿ དཔལ་མགོན་བདུན་ཅུ་སྤྲུལ་པའི་དམག་གིས་ཁོངསཿ སྟག་གཟིག་དོམ་དྲེད་མང་པོ་ང་ར་རཿ གཡག་ནག་ཁྱི་ནག་མང་པོ་འདུ་རུ་རུཿ འདབ་ཆགས་ཁྲ་ཐབས་མང་པོ་ཞ་ལ་ལཿ སྒྲོལ་གིང་མགར་བ་ནག་པོ་དགྲ་ལ་བྷྱོཿ གཡས་པའི་ཐོ་བས་དགྲ་བོའི་ཀླད་ནས་རྡུངསཿ གཡོན་པའི་སྦུད་པས་ཡུལ་ཁམས་རླུང་ལ་སྐུརཿ ལྕགས་སྤྱང་མགོ་དགུས་སྟེང་ནས་ལྟས་ངན་ཐོངསཿ སུམ་བརྒྱ་དྲུག་ཅུའི་དམག་སྣ་དགྲ་ཡུལ་དྲོངསཿ ཐེ་བྲང་མོན་པ་སྟོང་སྡེ་ལས་ལ་ཆོསཿ ཐོག་སེར་དྲག་པོ་དགྲ་བོའི་ཡུལ་དུ་ཐོངསཿ འདབ་ཆགས་ཤ་ཟན་མང་པོ་བླ་ལ་ཁྱེཿ སྤྱང་ནག་འོ་དོད་འབོད་པས་ལྷ་ལྔ་དཀྲོགསཿ ལྷ་སྲིན་སྡེ་བརྒྱད་དམག་ཚོགས་དགྲ་ལ་དྲོངསཿ དོ་ནུབ་ནམ་གྱི་ཕར་ཕྱེད་ཚུར་ཕྱེད་ལཿ བསད་རྟགས་དོན་སྙིང་དམར་པོ་ཁྱེར་ལ་ཤོགཿ བསོད་ནམས་རླུང་རྟའི་དཔལ་ལ་སྙད་མ་འདོགསཿ ཚེ་དང་ལས་ཀྱི་མཐུ་ལ་སྐྱབས་མ་བཅོལཿ མངོན་སྤྱོད་དྲག་པོའི་ཕྲིན་ལས་དུས་ལ་བབཿ ཏྲག་རཀྴ་མུན་ཏྲ་ཨེ་ཀ་ཙ་ཏི་སྙིང་ཁ་རག་སྲོག་རྩ་ལ་རྦདཿ ཙིཏྟ་ལོང་རཀྴ་ཐུན་བྷྱོཿ {{TibChung|ཞེས་གཏོར་མ་དགྲ་ཕྱོགས་སུ་འཕངས་ཤིང་བསྲུང་འཁོར་བསྒོམཿ འདི་ནི་ཤིན་ཏུ་གཉན་པས་གར་ཐོད་ཐོད་དུ་མི་བྱ་ཞིང་འབོད་རྦད་བསད་པའི་ལས་དངོས་བསྟན་ལ་སྦྱོར་ན་གནད་ཡིག་ལ་བརྟེན་པ་གཅེས་སོཿ འདི་ནི་ནང་གི་བཀའ་སྲུང་སྟེཿ སྔོན་ཆད་རྒྱུད་དུ་གནས་པ་ལསཿ གབ་པ་མངོན་དུ་ཕྱུང་བ་མེདཿ གནད་ཡིག་གཅིག་དང་བཀའ་སྲུང་རྒྱུདཿ མ་བུ་ཟུང་དུ་འབྲེལ་བ་ནཿ སྲིད་པ་དཀྲུགས་པ་པདྨས་ཤེསཿ དེ་ཕྱིར་ལྕགས་སྡེ་སོ་སོར་རྒྱཿ སྙིང་ཐིག་འདྲ་མིན་སྤྱོད་པའི་ཚེཿ རང་བྱུང་སྤྲུལ་པའི་རྡོ་རྗེ་དང་ཿ འཕྲད་ནས་བསྟན་པ་བསྲུང་བར་ཤོགཿ དགེའོཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-048&diff=64190 2026-09-29T15:19:33Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=རྒྱུད་མགོན་ལེགས་ལྡན་ཚོགས་ཀྱི་བདག་པོའི་སྐོང་བ།<br /> |fulltitle=rgyud mgon legs ldan tshogs kyi bdag po'i skong ba<br /> |citation='jigs med gling pa. ''Rgyud mgon legs ldan tshogs kyi bdag po'i skong ba''. In ''Kun mkhyen rig 'dzin 'jigs med gling pa'i gsung 'bum'', Vol. 11: 683-700. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Mending Rituals - bskang chog<br /> |terma=Yes<br /> |deity=legs ldan<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=048<br /> |pagenumbers=683-700<br /> |totalpages=18<br /> |beginfolioline=1a1<br /> |endfolioline=9b4<br /> |totalfolios=9<br /> |multivolumework=No<br /> |rectonotes=legs ldan<br /> |versonotes=rgyud mgon legs ldan tshogs kyi bdag po'i skong ba<br /> |colophontib=།དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་དང་། རང་རྒྱུད་མེ་ལྕེ་ཕྲེང་བ་སྡེབས་ཤིང་སྐོང་བ་གསར་སྦྱོར་ཙམ་ལས། གཞན་མ་རྒྱུད་དོན་སོར་བཞག་འདི་ཡང་རིག་འཛིན་འཇིགས་མེད་གླིང་པས་སོ།།<br /> |colophonwylie=dur khrod mngon par rol pa mtshon cha 'khor lo'i rgyud dang /_rang rgyud me lce phreng ba sdebs shing skong ba gsar sbyor tsam las/_gzhan ma rgyud don sor bzhag 'di yang rig 'dzin 'jigs med gling pas so//<br /> |archivistnotes=འདི་ཀློང་སྙིང་གི་ཆ་ལག་མིན་ཀྱང་རྒྱལ་པོའི་ཕོ་བྲང་དུ་རྟེན་མདོས་སོགས་ལ་རྒྱུན་འདོན་དགོས་པའི་སྟབས་ཀྱིས་འདིར་བཞག་པ་ཡིན།<br /> |pdflink=File:JLKO-KABUM-11-DA-048.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །རྒྱུད་མགོན་ལེགས་ལྡན་ཚོགས་ཀྱི་བདག་པོའི་སྐོང་བ་བཞུགས། །<br /> <br /> ༄༅། །{{TibChung|རང་རྒྱུད་ཅན་དུ་རྔམ་ཞིང་ཁྲོས་མིན་པར། །སྟོང་ཉིད་སྙིང་རྗེ་ཆེན་པོའི་རང་མདངས་ལས། །ལོག་འདྲེན་གཤེད་དུ་བཞེངས་པ་སྲིན་པོའི་གཟུགས། །དཔལ་མགོན་ལེགས་ལྡན་ནག་པོའི་མཆོད་ཕྲིན་བཤད། །དེ་ལ་འདིར་ཀུན་ཏུ་བཟང་པོའི་སྤྲུལ་པ་རྒྱུད་མགོན་ལེགས་ལྡན་ནག་པོ་མཆོད་པར་འདོད་པས་སྦྱོར་བ་ཡོ་བྱད་ཀྱི་ཤོམ་དང་། དངོས་གཞི་ཆོ་གའི་རིམ་པ་གཉིས་ལས། དང་པོ་ནི། རུང་མཐུན་གྱི་གནས་སུ་བདག་བསྐྱེད་སྔོན་དུ་འགྲོ་བའི་མཆོད་གཏོར་དང་། ལྕགས་སམ་བྷནྡྷའི་སྣོད་དུ་མགོན་པོའི་རྟེན་གཏོར་ལྕགས་མཁར་གྲུ་བཞི་པ་ཁ་བད་ཅན་གྱི་སྟེང་དུ་དཔལ་བཤོས་གྲུ་གསུམ་གྲི་རིས་ཀྱིས་མཚན་པ། དེའི་མདུན་དུ་ཡུམ་གྱི་བཤོས་བུ་གྲུ་གསུམ་པ་དང་། རྩ་བར་གྲུ་གསུམ་བཅུའམ་བདུན་དང་། མཐེབ་ཀྱུ་གང་མང་གིས་བསྐོར་བར་ཤ་ཁྲག་གིས་བརྒྱན་ཅིང་སྐུ་རྟེན་ཙཀ་ལི་དང་མདའ་བྱ་རྒོད་མ་དར་ནག་གིས་བརྒྱན་པ་བཙུགས། དེའི་མདུན་དུ་མཆོད་གཏོར་དཔལ་བཤོས་གྲུ་གསུམ་གྲི་རིས་ཅན་གྱི་མདུན་དུ་ཡུམ་གྱི་བཤོས་བུ་དང་གཡས་གཡོན་མདུན་རྒྱབ་སོ་སོར་འཁོར་གྱི་བཤོས་བུ་བཞི་དང་། མཐེབ་ཀྱུ་ཅི་མང་གིས་བསྐོར་བར་ཤ་ཁྲག་གིས་བརྒྱན་པ་དང་། གཡས་གཡོན་དུ་སྨན་རག །མཐའ་སྐོར་ཉེར་སྤྱོད་དང་གཞན་ཡང་དམ་ཚིག་གི་མཐུན་རྫས་མ་ཚང་བ་མེད་པར་བཤམ་མོ། །གཉིས་པ་དངོས་གཞི་ལ་རྣམ་གྲངས་བཅུ་གཅིག་གི། དང་པོ་མཆོད་པ་བྱིན་བརླབ་ནི།}} ཨ་མྲྀ་ཏ{{TibChung|ས་བསངས།}} སྭཱ་བྷ་ཝ{{TibChung|ས་སྦྱངས།}} སྟོང་པའི་ངང་ལས། སྟོང་གསུམ་བྷཉྫར་གྱུར་པའི་ནང་དུ་དགྲ་བགེགས་བསྒྲལ་བ་ལས་བྱུང་བའི་གཏོར་ཆེན་གཏི་མུག་ཤའི་རི་བོ། ཞེ་སྡང་རུས་པའི་གྲམ་བུ། འདོད་ཆགས་ཁྲག་གི་རྒྱ་མཚོ། ང་རྒྱལ་མྱོས་བྱེད་ཀྱི་ཨརྒྷཾ། ཕྲག་དོག་འདོད་པའི་ཡོན་ཏན་དུ་ཤར་བ་རྡོ་རྗེའི་ཆོས་སྐྱོང་རྣམས་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་ཧེ་རུ་ཀ་ཨརྒྷཾ་{{TibChung|སོགས་དང་།}} སརྦ་པཉྩ་རཀྟ་བྷ་ལིངྟ་པཱུ་ཛ་ཨཱཿཧཱུྃ། {{TibChung|ལན་བདུན། གཉིས་པ་རྟེན་བསྐྱེད་པ་ནི།}} ཧཱུྃ། ཉི་མ་ལྷོ་ནུབ་ཕ་གི་ན། །སྲིན་ཡུལ་སྤུ་རོང་ནག་པོའི་དཀྱིལ། །ལང་ཀ་ཡུལ་གྱི་གྲོང་རྡལ་ན། །ཀོ་ཀ་ཐང་དམར་རྒྱ་མཚོ་ཡི། དབུས་ནི་རི་བོ་མ་ལ་ཡ། །དྲག་ཤུལ་བྱན་ལག་ལྗོངས་ཀྱི་རི། །གནམ་ལྕགས་ཡོད་པའི་རྩེ་མོ་ནི། །ཆོས་འཛིན་རིགས་ཀྱིས་བསྒྲུབས་གནས་ཏེ། །རྡོ་རྗེ་ཐབས་ཀྱི་ལྟ་བའི་ཡུལ། གསུར་ཆེན་དུད་པས་སྤྲིན་དུ་གཏིབས། །གནས་ལྕགས་ཆུ་སེར་མཚོ་རུ་བསྐྱིལ། །ཤ་རུས་ཕུང་པོ་རི་ལྟར་སྤུངས། །ལྕེ་སྤྱང་ལིངས་སུ་རྒྱུག་ཅིང་འདྲལ། །བྱ་གཅན་མང་པོ་འཕུར་ཞིང་ལྡིང་། །དུར་ཁྲོད་མཁའ་འགྲོ་འདུ་བའི་གནས། །རབ་ཏུ་འཇིགས་པའི་ཡུལ་མཁར་ནི། །འཇིགས་པའི་ཐོད་མཁར་ལྡེམས་སེ་ལྡེམ། །ཤར་ཕྱོགས་བཾ་རིལ་སྟག་ཐོད་མཁར། །སྟག་ཐོད་འཛུམ་མདངས་མུ་ལུ་ལུ། །ལྷོ་ཕྱོགས་བམ་རིལ་མི་ཐོད་བརྩིགས། །མི་ཐོད་སྤྱུགས་པ་ཙེ་རེ་རེ། །ནུབ་ཕྱོགས་བམ་རིལ་རྟ་ཐོད་བརྩིགས། །རྟ་ཐོད་འཚེར་དང་ལྷངས་སེ་ལྷང་། །བྱང་ཕྱོགས་བམ་རིལ་བྱ་ཐོད་བརྩིགས། །བྱ་ཐོད་ཚེགས་སྒྲ་དི་རི་རི། །སྲིན་པོའི་ཐོད་པའི་ཁ་བད་ཅན། །ལས་ཀྱི་འོད་ཟེར་དཔལ་དུ་འཕྲོ། །ངོས་ལ་ང་རྒྱལ་གློག་དམར་འཁྱུག །རྩེ་ལ་བདུད་བྱ་ནག་པོ་ལྡིང་། །རུ་མཚོན་ནག་པོ་པུ་རུ་རུ། །གནམ་ལྕགས་འབར་བའི་སྒོ་མོ་གསལ། །འཇིགས་པའི་སྐུ་མཁར་ནང་ཤེད་ན། །རྟ་རོ་མང་པོ་གཅལ་དུ་བཀྲམ། །མི་རོ་མང་པོ་ཁྲི་རུ་བརྩིགས། །མི་རོ་རྟ་རོའི་གདན་སྟེང་ན། །མགོན་པོ་ཚོགས་བདག་ཆེན་པོ་ནི། །ལྗང་ནག་ཞལ་གསུམ་ཕྱག་དྲུག་སྟེ། །གཡས་སེར་གཡོན་དམར་ལྗང་ནག་འཇིགས། །ཁམ་ནག་དབུ་སྐྲ་གྱེན་དུ་འཁྱིལ། །སྤྱན་དགུ་སྡང་མིག་སྐར་ལྟར་འཁྲུགས། །ཤུན་གོས་ཐོད་པའི་ཕྲེང་བ་ཅན། །སྟག་དང་གླང་ཆེན་ཐལ་བ་ཞག །གདུག་པའི་རྒྱན་ཚོགས་ཆས་ཀྱིས་མཛེས། །གཡས་ཀྱི་དང་པོ་གསལ་ཤིང་འཕྱར། །བར་པ་རྡོ་རྗེ་རྩེ་ལྔ་པ། །ཐ་མ་ལྕགས་ཕུར་འདྲིལ་ཞིང་འདེབས། །གཡོན་གྱི་དང་པོ་ཐོད་ཁྲག་འཐུང་། །བར་པ་རྣོ་དབལ་ཤུན་གྱི་མདུང་། །ཐ་མ་སྦྲུལ་ཞགས་སྲོག་ལ་རྔམས། །ཞབས་བཞི་གྱད་ཀྱི་དོར་སྟབས་ཅན། །ཉེ་གནས་ཀྲོ་ཏི་ཤྭ་རཱི་མ། །འཇིགས་ཚུལ་ཞལ་གཅིག་ཕྱག་གཉིས་རྔམས། །ཞིང་དང་རེ་ལྡེ་ཐོད་སྦྲུལ་བརྒྱན། །གཡས་པ་རྒྱུ་ཞགས་ཡབ་ལ་འཁྱུད། །གཡོན་པ་ཐོད་སྐྱོགས་ཁྲག་གིས་བཀང་། །རུས་བཅུད་རྐང་དང་ཀླད་པ་དང་། །འབྲུ་མར་ཆང་གིས་སྦྱར་བ་ཡི། རྟག་པར་རང་གི་ལོངས་སྤྱོད་འཛིན། །འཁོར་བཞིར་ཁྲོ་བོ་གནོད་སྦྱིན་དང་། །སྲིན་མོ་མ་ཚོགས་འཇིགས་པར་བསྐྱེད། །ཕྱི་རིམ་ཉེ་འཁོར་ཉི་ཤུ་བརྒྱད། །སྲིན་མོ་ཉེ་གནས་ཆེན་པོ་བརྒྱད། །ཀཽ་རཱི་ཙཽ་རཱི་པྲ་མོ་ཧཱ། །བཻ་ཏ་ལཱི་དང་པུཀྐ་སཱི། །ཀས་མ་རཱི་དང་སྨེ་ཤ་ནཱི། །ཙན་དྷ་ལཱི་ལ་སོགས་པ་ཀུན། །རྔམ་ཞིང་རྔམ་པའི་མ་ཚོགས་ཀུན། །ཤིན་ཏུ་འཇིགས་པའི་གཟུགས་སུ་བསྒོམ། །སྲིན་པོའི་བུ་མོ་དྲི་ཟ་བརྒྱད། །སེང་སྟག་ཝ་སྤྱང་བཞད་ཀྱི་མགོ། །ཀངྐ་བྱ་རོག་འུག་པའི་ཚོགས། །ཞིང་ལ་རྔམ་ཞིང་སྟོབས་པའི་ཚུལ། །དུར་ཁྲོད་ས་ཡི་སྒོ་སྲུང་བཞི། །བཙུན་མོ་གདོང་མོ་གར་ལོག་མོ། །འཇུག་པར་བྱེད་པའི་མ་མོ་བཞི། །གསང་སྒོ་འཛིན་ཞིང་བཀའ་སྒོ་སྲུང་། །དུར་ཁྲོད་བདག་མོ་གྲུ་འདེགས་བཞི། །བརྐམ་མ་ཤིན་ཏུ་བརྐམ་མ་དང་། །ར་རོ་མ་དང་ཁྲག་འཐུང་མ། །ཆགས་པས་གདུངས་བའི་ཚུལ་དུ་གནས། །ཕྱི་རིམ་སླས་དང་བྱི་མོ་བྲན། །མ་མོ་བྲན་མོ་གནོད་སྦྱིན་མོ། །སྲིན་པོ་ཤ་ཟ་ཁྲག་འཕྲོག་མ། །བདུད་ཀྱི་མིང་འཛིན་བླ་རྐུན་མོ། །བློན་མོ་དམག་དཔོན་སྡེ་དཔོན་མོ། །རུ་དཔོན་ཕོ་ཉ་མངགས་པར་བྱ། །ཅི་བགྱིའི་བཀའ་ཉན་དྲེགས་པའི་འཁོར། །རྦོད་གཏོང་རྔམས་པའི་ཚུལ་དུ་བསྒོམ། །ནད་ཀྱི་བསྐལ་པ་འཚུབས་མར་གཏོང་། །གདུག་པའི་མཚོན་ཆ་ལུས་ལ་འགྱེད། །མཁར་དང་འོབས་བར་ཕྱི་རོལ་ན། །འབུ་དང་ཤིན་ཏུ་འབུ་ཆེན་པོ། །སྦྲང་མ་སྦྲང་རྒོད་བུང་བ་དང་། །སྦྲུལ་དང་སྡིག་པ་སྡོམ་ལ་སོགས། །ཀངྐ་རུ་རྩེ་འུག་པ་ཁྭ། །བྱ་གཅན་ཤ་ཟན་ཚོགས་འཕུར་ཞིང་། །ལྕེ་སྤྱང་སྟག་སེང་དོམ་དྲེད་འཕར། །དུར་ཁྲོད་རོ་ཡི་ལོངས་སྤྱོད་ལ། །བལྟ་ཞིང་རྒྱུག་ཅིང་རོ་ལ་འཁྲེན། །རྒྱུ་མ་འདྲེན་ཅིང་རུས་པ་འཆའ། །དེ་ལྟར་གསལ་བའི་གནས་གསུམ་དུ། །ཡི་གེ་འབྲུ་གསུམ་གསལ་བ་ལས། །བདག་གི་ཐུགས་ཀའི་འོད་ཟེར་གྱིས། །རྒྱུད་བསྐུལ་ཡེ་ཤེས་སྤྱན་དྲངས་གྱུར། །{{TibChung|གསུམ་པ་སྙན་གསན་དབབ་ཅིང་སྤྱན་དྲང་བ་ནི།}} རང་ཡི་དམ་དུ་གསལ་བའི་ཐུགས་སྲོག་ལས་འོད་ཟེར་འཕྲོས་པས་འབོད་སྒྲོག་ལངྐའི་གྲོང་ཁྱེར་སོགས་རང་བཞིན་གར་བཞུགས་ཀྱི་གནས་ནས་ཆེ་བཙན་ཡོངས་ཀྱི་དམག་དཔོན་ཆེན་པོ་ལེགས་ལྡན་ཚོགས་ཀྱི་བདག་པོ་ཡབ་ཡུམ་འཁོར་དང་བཅས་པ་སྤྱན་དྲངས་པར་གྱུར། ཧཱུྃ། ལངྐ་ཡུལ་གྱི་གྲོང་རྡལ་གྱི། །དབུས་ཀྱི་རི་བོ་མཱ་ལ་ཡ། །ཀོ་ཀ་ཐང་དམར་རྒྱ་མཚོའི་དོ། །བྱ་ཀླག་འཚོང་རི་གནམ་ལྕགས་འབར། །དྲག་ཤུལ་ཅན་གྱི་རྩེ་མོ་ན། །རྡོ་རྗེ་ཐབས་ཀྱི་ལྟ་བའི་ཡུལ། །ཆོས་འཛིན་རིགས་ཀྱི་བསྒྲུབས་གནས་སུ། །དཔལ་ཆེན་རྡོ་རྗེ་སྲིན་པོ་ཡིས། །བདུད་ཀྱི་ཚོགས་རྣམས་བཏུལ་ནས་ཀྱང་། །གསང་སྔགས་འཁོར་ལོ་བསྐོར་བའི་ཚེ། །མིང་གི་དབང་བསྐུར་བྲན་དུ་ཁས་བླངས་པ། །རྡོ་རྗེ་རོ་ལངས་དུར་ཁྲོད་ཚོགས་ཀྱི་བདག །མགོན་པོ་ནག་པོ་ཆེན་པོ་དང་། །ཉེ་གནས་ཀྲོ་དྷི་ཤྭ་རཱི་མ། །ཡབ་ཡུམ་གཉིས་སུ་མེད་པའི་འཁོར། །ལངྐའི་བདག་པོ་ལ་སོགས་པའི། །འདུས་པ་རྣལ་འབྱོར་ཕོ་མོའི་ཚོགས། །སངས་རྒྱས་བསྟན་པ་བསྲུང་བའི་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། །ཨོཾ་བྷུར་ཀུར་མ་ཧཱ་ཀཱ་ལ་ཀྲོ་དྷི་ཤྭ་རཱི་ནག་མོ་ཏི་ལམ་ཨེ་ཨ་ར་ལི་ཧྲིཾ་ཧྲིཾ་ཛཿཛཿ {{TibChung|བཞི་པ་བཞུགས་གསོལ་ནི།}} ཧཱུྃ། དཔལ་ལྡན་ཁྲག་འཐུང་ཡབ་ཡུམ་གྱིས། །འཇིགས་པའི་དཀྱིལ་འཁོར་འདིར་བཞུགས་ལེགས། །སངས་རྒྱས་བསྟན་པ་བསྲུང་པའི་ཕྱིར། །དྲག་པོའི་ཕྲིན་ལས་གྲུབ་པར་མཛོད། །ཨོཾ་ཤྲཱི་མ་ཧཱ་ཀཱ་ལ་རཱུ་པ་ཧཱུྃ། ས་མ་ཡ་ཏིཥྛ་ལྷན། ཨཱ་བེ་ཤ་ཡ་ཨ། {{TibChung|ལྔ་པ་ཕྱག་འཚལ་བ་ནི།}} ཧཱུྃ། སྲིན་པོའི་གཟུགས་ཀྱིས་གདུག་པ་ཅན། །ཚར་གཅོད་བྱང་ཆུབ་སེམས་དཔའ་སྟེ། །གྲོང་ཁྱེར་སུམ་བརྩེགས་འཇིགས་བྱེད་བདག །གཏུམ་པོ་ཁྱོད་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱིཙྪ་ཧོ། {{TibChung|དྲུག་པ་དམ་ཚིག་བསྒྲག་པ་ནི།}} ཧཱུྃ། སྔོན་ཚེ་དཔལ་ཆེན་ཁྲོ་བོའི་རྒྱལ། །བདུད་འདུལ་རྡོ་རྗེ་སྲིན་པོ་ཡི། །དྲེགས་པ་བཅོམ་ནས་སྒྲིབ་པ་སྦྱངས། །དབང་བསྐུར་མིང་བཏགས་སྲོག་ཡིག་ཕུལ། །ཕོ་བྲང་ཀུན་ལ་དམ་ཚིག་བྱིན། །ཕྱི་ཡི་མཚན་ནས་བོས་པའི་ཚེ། །མགོན་པོ་ལེགས་ལྡན་ནག་པོ་བྱ། །ནང་གི་མཚན་ནས་བོས་པའི་ཚེ། །བདུད་འདུལ་དུར་ཁྲོད་སྒྲོལ་བའི་གིང་། །གསང་བའི་མཚན་ནས་བོས་པའི་ཚེ། །རྡོ་རྗེ་སྒྲོལ་བྱེད་དྲག་པོ་རྩལ། །མནའ་བོར་ཁས་བླངས་མ་བསྙེལ་བར། །སྐུ་གསུང་ཐུགས་སུ་བདག་སྦྱོར་བ། །ཕོ་བྲང་དཀྱིལ་འཁོར་མངའ་བདག་འདིར། །རྟག་ཏུ་དམ་ཚིག་ཚུལ་བཞིན་གྱིས། །ཨོཾ་ཨཱཿཧཱུྃ་བཛྲ་ས་མ་ཡཱ། ས་མ་ཡ། {{TibChung|ཞེས་རྒྱུན་གཏོར་སོགས་རྣམ་པ་ཐམས་ཅད་དུ་ནི་བྱ་མི་དགོས། བདུན་པ་མཆོད་པ་འབུལ་བ་ནི།}} ཧཱུྃ། འདོད་པའི་ཡོན་ཏན་ལྔ་ཡིས་རབ་བརྒྱན་ཅིང་། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །དབང་པོ་དྲུག་གི་ཡུལ་ལ་སྤྱོད་ཡུལ་འགྱེད། །དྲི་ཆེན་དྲི་ཆུའི་ཚོགས་ནི་དབའ་རླབས་འཁྲུགས། །རཀྟ་དམར་གྱི་རང་བཞིན་རྒྱ་མཚོར་འཁྱིལ། །མཱཾ་ས་ཤ་ཡི་རང་བཞིན་རི་ལྟར་སྤུངས། །ཀེང་རུས་རུས་པའི་རང་བཞིན་རྫ་ལྟར་བསྙིལ། །དཔལ་ལྡན་ལེགས་ལྡན་ཡབ་སྲས་ཡུམ་དང་བཅས། །གཙོ་དང་འཁོར་དུ་བཅས་པའི་ཐུགས་དམ་བསྐང་། །མེ་ཏོག་ཕྲེང་བ་ལ་སོགས་རིན་ཆེན་དབྱིག །མར་མེ་མུན་སེལ་དྲི་ཞིམ་སྤོས་ཀྱི་མཆོག །བདུད་རྩི་ཡོན་ཆབ་འོ་མ་ཀུན་གྱི་གསོས། །སྒྲིབ་སེལ་བཤོས་གཙང་དམ་པ་བདུད་རྩིར་བཅས། །དྲང་སྲོང་གཤམ་གར་སྐུ་ལ་མཆོད་པར་འབུལ། །ལྷ་མོ་ཨུ་མའི་སྐུ་ལ་མཆོད་པར་འབུལ། །ལེགས་ལྡན་ནག་པོའི་སྐུ་ལ་མཆོད་པར་འབུལ། །ལྷ་མོ་དུང་སྐྱོང་སྐུ་ལ་མཆོད་པར་འབུལ། །ཨོཾ་ཙནྡྲ་མ་ཧཱ་ཀཱ་ལ་བཛྲ་ཤྲཱི་ནི་ཨེ་དམ་བ་ལིངྟ་གྲི་ཧྞ་གྲི་ཧྞ་སྭཱ་ཧཱ། {{TibChung|ཞེས་ལན་གསུམ་མམ་བདུན་དང་།}} ཨོཾ་མ་ཧཱ་ཀཱ་ལ་རཀྴ་དུ་བིང་ཤྲཱི་ནི་ཛཿ པཱུ་ཛ་མེ་གྷ་སྥ་ར་ཎ་ཨརྒྷཾ། དྷཱུ་པེ། པུཥྤེ། ཨཱ་ལོ་ཀེ གནྡྷེ། ནཻ་ཝི་དྱ། ཤ་བྟ། རཏྣ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། {{TibChung|ཞེས་དང་རྒྱས་པར་སྤྲོ་ན་ཐུགས་དམ་བསྐང་བ་ནི།}} ཧཱུྃ། རྟེན་ཅིང་འབྲེལ་འབྱུང་ཚོགས་པའི་འདོད་ཡོན་དང་། །འདུ་བྱེད་རྒྱུ་ལས་བསྐྲུན་པའི་ཉེར་སྤྱོད་ནི། །དབང་པོའི་ཡུལ་དུ་འདོད་དགུར་འཆར་བའི་ཚུལ། །ཀུན་ཏུ་བཟང་པོའི་མཆོད་པའི་སྤྲིན་གྱིས་བསྐང་། །བདུད་རྩི་ཆང་དང་དམར་ཆེན་ཨརྒྷཾ་ཞག །དབང་ལྔའི་མེ་ཏོག་ཤ་གསུར་ཚིལ་ཆེན་སྒྲོན། །མཁྲིས་པའི་དྲི་ཆབ་ཤ་རུས་ཞལ་ཟས་དང་། །གསང་བའི་རྔེའུ་ཆུང་རྐང་གླིང་ཐོད་རྔས་བསྐང་། །སྟོང་གསུམ་བྷནྡྷར་རྫོགས་པའི་སྣོད་ཡངས་སུ། །བཞེད་དགུར་འཆར་བའི་བྷ་ལིང་བཅུད་མཆོག་ནི། །ཚངས་ཆེན་ཞིང་ཁམས་གནས་ནས་བཏེག་པ་བཞིན། །སྣང་སྲིད་འདོད་ཡོན་རྒྱ་མཚོར་རོལ་པས་བསྐང་། །གྲི་གུག་ཏྲི་ཤུ་ལ་དང་རྡོ་རྗེའི་མཚོན། །རལ་གྲི་དགྲ་སྟྭ་མདུང་ཐུང་གསལ་ཤིང་དང་། །ཐོ་ལུམ་གཏུན་ཤིང་དབྱུག་ཏོ་མདའ་བཅས་གཞུ། །ལྕགས་ཀྱུ་ཞགས་པ་ལྕགས་སྒྲོག་དྲིལ་བུས་བསྐང་། །རང་རང་རྣམ་འགྱུར་རྔམས་པའི་རླུང་ཤུགས་ཅན། །མུན་པའི་ཞག་གིས་ལན་བརྒྱ་བྱུགས་པ་ལྟའི། །རྟ་མཆོག་འབྲོང་གཡག་མི་ནག་བྱ་ཁྱི་ལུག །ར་རོག་ལ་སོགས་ཕྱི་རྟེན་རྫས་ཀྱིས་བསྐང་། །སྲོད་མུན་ཆར་སྤྲིན་སྟུག་པོས་བཀབ་པ་ལས། །གློག་ཕྲེང་བསྐྱོད་པ་ལྟར་བཀྲ་རྨ་བྱའི་མདོངས། །གཡོ་བའི་སྲིད་པ་སྤྱི་བླུགས་ཞྭ་དང་ཕོད། །ལྷབ་ལྷུབ་གཡོ་བའི་ནང་རྟེན་རྣམས་ཀྱིས་བསྐང་། །བཤན་པ་སྲོག་ལས་བྱེད་པའི་འདུན་ས་ལྟར། །དོན་སྙིང་སྣ་ལྔ་སྣོད་དྲུག་གཅལ་དུ་བཀྲམ། །རིགས་ལྔའི་དམ་རྫས་ཤ་ལྔ་བདུད་རྩི་ལྔ། །ལ་སོགས་གསང་བའི་རྟེན་རྫས་རྣམས་ཀྱིས་བསྐང་། །གོམ་སྟབས་དྲག་པོར་བསྐྱོད་པའི་མེ་སྟག་ལ། །ཟ་འོག་དོ་ཟླར་ཆས་པའི་སྤུ་རིས་རྣམས། །ཕྲག་དོག་བགྱིད་པའི་ལུས་ཀྱིས་ང་རྒྱལ་བའི། །སྟག་གཟིག་གྲུས་མ་རྣམས་ཀྱིས་ཐུགས་དམ་བསྐང་། །དཔའ་བོ་གཡུལ་དུ་ཞུགས་པའི་གོ་ཁྲབ་ལ། །བཙན་པོའི་དབུ་རྨོག་བརྗིད་པའི་ཡ་ལད་དང་། །འཁོར་གསུམ་སྟག་ཆས་དར་མཚོན་གཡོ་བ་ཡིས། །གཙོ་འཁོར་ཡོངས་རྫོགས་དགྱེས་པ་བསྐྱེད་གྱུར་ཅིག །{{TibChung|བརྒྱད་པ་མངའ་གསོལ་བ་ནི།}} ཧཱུྃ། དུས་གསུམ་བདེ་གཤེགས་ཐམས་ཅད་ཀྱིས། །མ་ཧཱ་ཀཱ་ལར་མངའ་གསོལ་བས། །དཔྲལ་བའི་ཁྲོ་གཉེར་གསུམ་དང་ལྡན། །དཀོན་མཆོག་གསུམ་གྱིས་མངའ་གསོལ་བས། །ཁྲིམས་ཀྱི་ཆ་ལུགས་གསུམ་དང་ལྡན། །རིགས་གསུམ་མགོན་པོས་མངའ་གསོལ་བས། །ཞལ་གྱི་ཆ་ལུགས་གསུམ་དང་ལྡན། །ལྷ་སྲིན་རྣམས་ཀྱིས་མངའ་གསོལ་བས། །དབུ་སྐྲ་ཁམ་ནག་རལ་པ་ཅན། །རྒྱུ་སྐར་རྣམས་ཀྱིས་མངའ་གསོལ་བས། །སྐུ་སྨད་མེ་ལྕེའི་ལྕགས་ཀྱུས་བརྒྱན། །སྲིད་པ་གསུམ་ལ་དབང་སྒྱུར་བས། །སྐུ་ཡི་ལྟེ་བ་ཟུར་གསུམ་ཟབ། །ཀླུ་ཆེན་བརྒྱད་ཀྱིས་མངའ་གསོལ་བས། །ཡན་ལག་སྦྲུལ་གྱི་ཆུན་པོས་བརྒྱན། །ས་བདག་རྣམས་ཀྱིས་མངའ་གསོལ་བས། །ན་བཟའ་ཟ་བེར་མཐིང་ནག་གསོལ། །འཆི་བདག་བདུད་ཀྱིས་མངའ་གསོལ་བས། །ཕྱག་ན་ཙན་དན་བིང་ཆེན་བསྣམས། །ལྷ་རྣམས་ཀུན་གྱིས་མངའ་གསོལ་བས། །བསྭོ་སྒྲ་ཆེན་པོ་གསུམ་དང་ལྡན། །ལྷ་མིན་གཡུལ་ལས་རྒྱལ་མཛད་ཕྱིར། །ཆ་སྒྲ་ཆེན་པོ་གསུམ་དང་ལྡན། །བྱོལ་སོང་ཀུན་གྱིས་མངའ་གསོལ་བས། །མུན་པའི་གཡུ་རུང་སྐུ་ལ་གསོལ། །ཡི་དྭགས་རྣམས་ཀྱིས་མངའ་གསོལ་བས། །རིན་ཆེན་འབར་བའི་དོ་ཤལ་ཅན། །དམྱལ་བ་རྣམས་ཀྱིས་མངའ་གསོལ་བས། །ཕྱག་ན་བསྐལ་པའི་མེ་ཆེན་འབར། །ཤངས་ནས་བསྐལ་པའི་རླུང་ནག་འཚུབས། །ཞལ་ནས་བསྐལ་པའི་ཆུ་ཆེན་འཁྲུགས། །ལྷ་ཡི་དམག་དཔོན་མངའ་གསོལ་ལོ། །ཆོས་སྐྱོང་ཆེན་པོར་མངའ་གསོལ་ལོ། །མགོན་པོ་ཆེན་པོར་མངའ་གསོལ་ལོ། །དཀར་པོའི་དབུགས་འབྱིན་མངའ་གསོལ་ལོ། །{{TibChung|ཞེས་མངའ་གསོལ་ལོ། །དགུ་པ་བསྟོད་ཅིང་ཕྱག་འཚལ་བ་ནི།}} ཧཱུྃ། མཉམ་མེད་མཐུ་མངའ་གཏུམ་ཆེན་མེ་ལྟར་འབར། །མ་རུངས་འཇོམས་མཛད་དགྲ་བགེགས་ཐལ་བར་རློག །མཐར་བྱེད་གཞོན་ནུ་འཇིགས་པའི་གད་རྒྱངས་ཅན། །སྐལ་ལྡན་དཔའ་བོ་ཁྱོད་ལ་ཕྱག་འཚལ་བསྟོད། །ལྷ་མིན་དམག་ཚོགས་གཡུལ་བཟློག་ཅིང་། །ལྷ་དམག་དཀར་པོ་དབུགས་འབྱིན་པ། །རྡོ་རྗེ་དུར་ཁྲོད་འཁོར་བཅས་ལ། །དང་བའི་སེམས་ཀྱིས་ཕྱག་འཚལ་ལོ། །བསོད་ནམས་གཟི་བྱིན་ཁྱོད་ལ་ཕྱག་འཚལ་ལོ། །དྲག་ཤུལ་མཐུ་ཆེན་ཁྱོད་ལ་ཕྱག་འཚལ་ལོ། །ཡེ་ཤེས་ཚོགས་རྫོགས་ཁྱོད་ལ་ཕྱག་འཚལ་ལོ། །སྒྲིབ་པ་གཉིས་སྦྱངས་ཁྱོད་ལ་ཕྱག་འཚལ་ལོ། །ལུང་བསྟན་ཐོབ་རྫོགས་ཁྱོད་ལ་ཕྱག་འཚལ་ལོ། །འཇིག་རྟེན་འདི་ན་གང་ཞིག་གིས། །ཁྱོད་ཀྱིས་མཚན་ནས་བརྗོད་བསྒྲུབས་ན། །དངོས་གྲུབ་མྱུར་དུ་སྟེར་མཛད་པའི། །མི་སྙེམས་བྱམས་པ་ཁྱེད་ལ་ཕྱག་འཚལ་ལོ། །ལེགས་ལྡན་ནག་པོ་ཁྱོད་ལ་ཕྱག་འཚལ་ལོ། །{{TibChung|བཅུ་པ་བསྐུལ་ཞིང་ཕྲིན་ལས་བཅོལ་བ་ནི།}} ཧཱུྃ། རྣལ་འབྱོར་ཀུན་གྱི་དཔལ་མགོན་མཆོག །བསྟན་པ་བསྲུང་བར་ཞལ་བཞེས་པ། །མ་ཧཱ་ཀཱ་ལ་མཐུ་རྩལ་ཅན། །དཀའ་ཐུབ་ཆེན་པོ་ཚུར་གསོན་ཅིག །ལེགས་ལྡན་ནག་པོ་མ་རུངས་པ། །ཤ་ཁྲག་དམར་གྱི་མཆོད་པ་བཞེས། །རང་གི་རྒྱལ་སྲིད་ལ་གནས་ཏེ། །གཞན་གྱི་སྡེ་རྣམས་ཕམ་མཛད་པ། །ཁྲམ་ལ་བཏབ་པའི་དགྲ་བགེགས་རྣམས། །རོལ་ཅིག་དགོངས་ཤིག་དམ་ཚིག་གཙོ། །ཁྱོད་ཀྱི་དམ་ཚིག་དུས་ལ་བབ། །བསྭེ་བྱང་ཁྲམ་ལ་བཏབ་པ་ཡི། །གཤེད་མ་བཞི་ལ་ལས་གཉེར་གཏོད། །མ་དང་སྲིང་མོ་ཆུང་མ་ལ། །དཔའ་བོ་ཁྱོད་ཀྱིས་རོལ་པ་མཛོད། །དམ་ཚིག་ཆེན་པོས་མ་བཏང་ཞིག །ཞེ་སྡང་ཅན་གྱི་བདག་པོ་རྣམས། །སེམས་ཅན་ཀུན་གྱི་ཚེ་འཕྲོག་པ། །དགྲ་བོ་ཉམས་པའི་སྲོག་དང་ཕྲོལ། །ཤ་དང་ཁྲག་ལ་ལོངས་སྤྱོད་གྱིས། །གནོད་སྦྱིན་ཆེན་པོ་མ་རུངས་པ། །བསྭེ་བྱང་ཁྲམ་ལ་བཏབ་པ་ཡི། །གསེར་དངུལ་དབྱིགས་ནོར་ཀུན་ལོངས་ལ། །རང་གི་འདོད་པའི་ལོངས་སྤྱོད་ཀྱི། །སྒྲུབ་པའི་རྣལ་འབྱོར་བདག་ཉིད་ལ། །ཡིད་བཞིན་ལྟ་བུའི་དངོས་གྲུབ་སྩོལ། །རིགས་ངན་རྨེ་ཤ་ཅན་གྱི་ཚོགས། །བ་གླང་ཁྱི་ཤ་རྟ་ཤ་དང་། །མི་ཤ་གླང་ཆེན་ལ་སོགས་བཞེས། །སྲིན་མོ་ཁྲག་འཐུང་མ་ཀུན་ལ། །བསད་པའི་ཁྲག་ནི་དྲོན་མོ་བཅས། །བཞེས་ཤིག་དགྲ་བོའི་ཁྲག་ལ་འཐུངས། །སྤྲུལ་པའི་ཕྲ་མེན་ཆེན་མོ་རྣམས། །ཐོད་རུས་རྐང་དང་འབྲུ་མར་དང་། །རྐང་དང་ཨ་མྲྀ་ཏ་དང་སྦྱར། །རྫུ་འཕྲུལ་གྲུབ་པའི་རྫས་རྣམས་བཞེས། །རིགས་ངན་གདུག་པའི་མ་མོ་རྣམས། །ཤ་ཆེན་བཤང་གཅི་ཁུ་བ་ཁྲག །དམ་རྫས་འབར་བ་འདི་བཞེས་ལ། །བདག་གི་ནད་རྣམས་བཟློག་ཏུ་གསོལ། །དམིགས་པའི་དགྲ་ལ་རིམས་ནད་ཐོང་། །སྲིད་པའི་བུད་མེད་མ་རུངས་ཁྱེད། །བྲོ་གར་གླུ་ཚིག་མཆོད་པར་བཞེས། །དམིགས་བྱ་འཛེ་ཚུལ་སྟོབས་ཀྱིས་འཕྲོག །ཤོར་བ་གཞོན་ནུ་བདུད་མོའི་ཚོགས། །རྣལ་འབྱོར་ཆེན་པོའི་བཀའ་བྱུང་བས། །སྔགས་སྒྲ་དྲག་པོའི་མཆོད་པ་བཞེས། །དགྲ་བོའི་ཕུང་པོ་རྡུལ་དུ་རློགས། །ལོག་སྲེད་ཅན་གྱི་ཚོགས་ཀུན་ཉོན། །ཡང་དག་ཉིད་དུ་ཀུན་རིག་ན། །མེ་ཆུ་ལས་གཉིས་གང་བྱས་ན། །གཉིས་ཀྱི་དབང་དུ་མི་འགྱུར་ཞིང་། །རྣལ་འབྱོར་པ་ཡི་ལས་འདི་སྒྲུབས། །གསང་ཚིག་སྟོན་པའི་ཚོགས་རྣམས་ཉོན། །བཤང་གཅི་ཁྲག་དང་སོལ་ཁུ་ཡིས། །བརྒྱའམ་སྟོང་དུ་བགོས་ནས་ནི། །ལིངྒ་བཅས་ན་སངས་རྒྱས་འཇིག །དམ་རྫས་མཆོད་པ་བཞེས་སུ་གསོལ། །བཅོལ་བའི་ལས་རྣམས་གྲུབ་པར་མཛོད། ཧཱུྃ། མངའ་བདག་ཆེན་པོ་མ་རུངས་པ། །རྡོ་རྗེ་སེམས་དཔའི་སྤྲུལ་པ་སྟེ། །ཁྲོ་བོའི་རྒྱལ་པོ་གྱིང་ཆེན་པོ། །མངའ་བདག་བདུད་ཀྱི་རྒྱལ་པོ་ཞེས། །བསྟོད་ཅིང་མཐུན་པའི་རྫས་འདི་འབུལ། །སྔོན་གྱི་བསྐལ་པ་བཟང་པོ་ལ། །ཁས་བླངས་དམ་བཅས་མནའ་བོར་བའི། །དམ་བཅའ་ཐ་ཚིག་མ་འདའ་ཞིག །སྔོན་དུ་རིག་འཛིན་གོང་མས་བསྒྲུབས། །ད་ལྟར་རྣལ་འབྱོར་བདག་ལ་སྤྱོན། །བམ་རི་ཐོད་པ་མཁར་གྱི་རྩེར། །རུ་མཚོན་ནག་པོ་པུ་རུ་རུ། །མཚོན་ཆ་མང་པོ་ཆར་དུ་འབེབས། །བདུད་བྱ་ནག་པོ་ལྡིང་ཞིང་འཛུམ། །དུར་ཁྲོད་རྒྱན་ཆ་མང་པོ་རྣམས། །མཆེ་གཙིགས་རྔམ་པའི་ཞལ་གདངས་ནས། །ཁྲོ་བོ་ཁྲོ་མོ་སྤྲུལ་པར་འཁྲིགས། །སྲིན་པོ་སྲིན་མོ་རྐན་སྒྲ་བརྡེབས། །གནོད་སྦྱིན་ཕོ་མོ་འབྲུག་སྒྲ་སྒྲོགས། །ཟ་བྱེད་ཕོ་མོ་གློག་ལྟར་འཁྱུགས། །སོ་སོའི་མོས་པ་ཐ་དད་པའི། །དམ་རྫས་མཆོད་པ་འདི་བཞེས་ལ། །ཇི་ལྟར་བཅོལ་བའི་ཕྲིན་ལས་མཛོད། །མཱཾ་ས་རཀྟ་གོ་རོ་ཙ་ན་བ་སུ་ཏ་སོ་ཏ་གྷ་ན་ཙིཏྟ་ཁ་རཾ་ཁཱ་ཧི། {{TibChung|ཅེས་ཕྲིན་ལས་གཞོལ་བར་བྱའོ། །བཅུ་གཅིག་པ་སྨོན་ལམ་གདབ་པ་ནི།}} ཧོཿ མགོན་པོ་ཁྱོད་མཆོད་བྱིན་རླབས་ཀྱིས། །ཕྱོགས་དང་དུས་ནི་ཐམས་ཅད་དུ། །སེམས་ཅན་ལེགས་དོན་འབྱོར་པ་ལ། །དགྲ་བགེགས་རྣམ་པ་ཀུན་མེད་ཤོག །རྟ་དང་བ་གླང་ནོར་དང་འབྲུ། །བུ་ཚ་ཕ་མ་གཉེན་བཤེས་རྣམས། །དགེ་ཞིང་ཚེ་རིང་ནད་མེད་པར། །ཐམས་ཅད་འབྱོར་པ་ལྡན་པར་ཤོག །འགྲོ་བ་ཉེས་མེད་བདེ་གྱུར་ཅིག །ནད་དང་མུ་གེ་ཀུན་བྲལ་ནས། །རྒྱལ་པོ་དགེ་ཞིང་དེས་པ་རྣམས། །ཆོས་ཀྱིས་རྒྱལ་སྲིད་བསྐྱང་བར་ཤོག །བདེ་བར་གཤེགས་པའི་བསྟན་པ་འདི། །ཕྱོགས་བཅུ་ཀུན་ཏུ་རྒྱས་པ་དང་། །མྱུར་དུ་སེམས་ཅན་ཐམས་ཅད་ཀྱང་། །ཆོས་ཀྱི་སྣོད་དུ་འགྱུར་བར་ཤོག །དགེ་བ་སེམས་ཅན་ལ་བསྔོ་ཞིང་། །མགོན་པོ་ཁྱོད་མཆོད་བྱིན་རླབས་ཀྱིས། །བདག་ཅག་འཁོར་དང་བཅས་པ་རྣམས། །ལོངས་སྤྱོད་རྣམ་གཉིས་རྫོགས་པར་སྨོན། །བདག་ཅག་བྱང་ཆུབ་མཆོག་ཐོབ་པར། །ཁྱོད་དང་མི་འབྲལ་འགྲོགས་པར་ཤོག །{{TibChung|དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་དང་། རང་རྒྱུད་མེ་ལྕེ་ཕྲེང་བ་སྡེབས་ཤིང་སྐོང་བ་གསར་སྦྱོར་ཙམ་ལས། གཞན་མ་རྒྱུད་དོན་སོར་བཞག་འདི་ཡང་རིག་འཛིན་འཇིགས་མེད་གླིང་པས་སོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-026&diff=64189 2026-09-29T15:11:49Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམཿ<br /> |fulltitle=klong chen snying gi thig le las: yum ka mkha' 'gro'i nang sgrub bde chen snying po'i gter bum:<br /> |citation='jigs med gling pa. ''Klong chen snying gi thig le las yum ka mkha' 'gro'i nang sgrub bde chen snying po'i gter bum''. In ''Kun mkhyen rig 'dzin 'jigs med gling pa'i gsung 'bum'', Vol. 10: 319-337. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Activity Practices - las tshogs<br /> |terma=Yes<br /> |cycle=yum bka' bde chen rgyal mo<br /> |cycletib=ཡུམ་བཀའ་བདེ་ཆེན་རྒྱལ་མོ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=026<br /> |pagenumbers=319-337<br /> |totalpages=19<br /> |beginfolioline=1a1<br /> |endfolioline=10a6<br /> |totalfolios=10<br /> |multivolumework=No<br /> |rectonotes=yum ka nang sgrub<br /> |versonotes=nang sgrub bde chen snying po'i gter bum<br /> |colophontib=ལས་ཚོགས་འདི་གཞན་བསྐུལ་ཡང་ཡང་བྱུང་ཡང་རིང་ཞིག་གཏེར་རྒྱ་མ་ཁྲོལཿ དེ་རྗེས་ནོར་སྐྱོང་གི་ལོ་སྒྲོལ་མ་འབུམ་ཐེར་བསགས་པའི་རྐྱེན་གྱིས་རྗེ་བཙུན་མའི་བྱིན་རླབས་ཁོ་ནས་ཀློང་གི་བརྡ་རིས་གྲོལཿ དེ་ལོ་ཆར་ཞོད་ཤིན་ཏུ་དཀོན་པ་ལ་བཀྲ་ཤིས་སྲོང་བཙན་བང་སོར་ཡུམ་ཀའི་ཚོགས་སྐོང་དང་བཅས་འདུན་པ་སྒྱུར་བས་རིགས་བདག་གི་ལས་ཚོགས་བཅུ་གཉིས་པ་ལ་ངེས་པ་རྙེད་པའོཿ<br /> |colophonwylie=las tshogs 'di gzhan bskul yang yang byung yang ring zhig gter rgya ma khrol: de rjes nor skyong gi lo sgrol ma 'bum ther bsags pa'i rkyen gyis rje btsun ma'i byin rlabs kho nas klong gi brda ris grol: de lo char zhod shin tu dkon pa la bkra shis srong btsan bang sor yum ka'i tshogs skong dang bcas 'dun pa sgyur bas rigs bdag gi las tshogs bcu gnyis pa la nges pa rnyed pa'o:<br /> |pdflink=File:JLKO-KABUM-10-THA-026.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམ་བཞུགསཿ<br /> <br /> འུྃཿ {{TibChung|བདག་ཉིད་ཆེན་པོ་པདྨ་ནིཿ དབྱིངས་ཀྱི་ཡུམ་ལ་དབང་བསྒྱུར་བསཿ མཁའ་འགྲོ་ཡོངས་ཀྱི་མིང་པོ་ཡིནཿ ཆུ་སྐྱེས་ཞལ་གྱི་གེ་སར་ལསཿ བྱུང་བའི་ལྷ་མོ་མྱུར་དཔའ་སྒྲོལཿ གངས་རིའི་ཁྲོད་ན་མི་མོའི་ཚུལཿ ཕྱི་ལྟར་དབྱངས་ཅན་མཚོ་རྒྱལ་མཿ ནང་ལྟར་རྗེ་བཙུན་སྒྲོལ་མ་དངོསཿ གསང་བ་རྡོ་རྗེ་ཕག་མོ་ཡིནཿ བསྙེན་པ་དབྱིངས་ཀྱི་ཡུམ་ལ་བྱཿ དོན་གྱི་ཕག་མོའི་ཞལ་མཐོང་འགྱུརཿ ཕྲིན་ལས་ཐུགས་རྗེའི་རྩལ་ཤུགས་ནིཿ བྱེ་བ་ཕྲག་བརྒྱའི་སངས་རྒྱས་དངཿ སེམས་དཔའ་མཆོག་རྣམས་བསྙེན་བཀུར་ཞིངཿ འགྲོ་སྒྲོལ་ཐུགས་བསྐྱེད་དམ་བཅའ་ལཿ དཔའ་ཞིང་ཐུགས་རྗེ་མྱུར་བས་ནཿ བཅོམ་ལྡན་སྣང་བ་མཐའ་ཡས་དངཿ བསྐལ་བཟང་སངས་རྒྱས་སྟོང་རྩ་ཡིསཿ བསྟོད་བསྔགས་རྒྱལ་སྲས་རྣམས་ཀྱིས་བསྟེནཿ ས་དང་ཕ་རོལ་ཕྱིན་པ་ལཿ དབང་བསྒྱུར་སྒྲོལ་མ་རྣལ་འབྱོར་མའིཿ རྣམ་པར་སྒྲུབ་པས་བྱིན་རླབས་འགྱུརཿ ས་མ་ཡཿ དེ་ལ་ལས་ཚོགས་ཉེར་གཅིག་གིཿ དང་པོ་ཚད་མེད་བཞི་བསྒོམས་ནསཿ གཞན་ཕན་རྟེན་འབྲེལ་བསྒྲིགས་པ་གཅེསཿ སྙན་གྲགས་རྩ་བ་བྱང་ཆུབ་སེམསཿ རང་སྣང་འགྱུར་ཚེ་གཞན་སྣང་འགྱུརཿ རྩ་བའི་སྒྲུབ་པས་ཁོག་ཕུབས་ལཿ ཡེ་ཤེས་སེམས་དཔའ་གནས་བསྒྱུར་ནིཿ}} མཁའ་འགྲོའི་ཐུགས་ཀར་པད་ཟླའི་སྟེངཿ མྱུར་མ་དཔའ་བའི་རྗེ་བཙུན་མཿ དམར་མོ་ཁྲོ་འཛུམ་ཆགས་པའི་ཉམསཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ གཡས་འཁྱིལ་དུང་མཚན་ཨུཏྤལ་འཛིནཿ གློག་ལྟར་མྱུར་བའི་སྤྱན་གཡོས་པསཿ ལྷ་དང་བཅས་པའི་འཇིག་རྟེན་ནཿ བདག་གི་སྙན་གྲགས་གསལ་བར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་་་{{TibChung|ཐུགས་ཀར་ཟླ་གདན་ལ་ཏཱཾ་ཡིག་བཀོད་པའི་མཐའ་བསྐོར་སྔགས་ཕྲེང་ལས་མཐུན་གྱི་འོད་ཟེར་འཕྲོ་བར་བསམ་མོཿ}}་་་རེ་ཏུ་རེ་བོ་དྷི་ཙིཏྟ་སྭཱ་ཧཱཿ {{TibChung|ཐུན་མཚམས་མཆོད་ཅིང་ཡིག་བརྒྱས་བཤགསཿ}} མྱུར་མ་དཔའ་མོ་{{TibChung|བརྒྱ་ཚར་བརྗོདཿ སྨོན་སེམས་བསྐྱེད་ཅིང་དགེ་བ་བསྔོཿ ཀུན་ལ་ཐུན་མཐར་ཚོགས་འཁོར་བསྐོརཿ ལས་མཐའ་མེ་མཆོད་ཉིད་ལ་གཏདཿ རྣོ་ལ་ངར་གྱི་གདགས་པ་བཞིནཿ ས་མ་ཡཿ ༈ གཉིས་པ་བློ་དང་ཤེས་རབ་བསྒྲུབཿ}} མཁའ་འགྲོའི་ཐུགས་ཀར་པད་ཟླའི་སྟེངཿ དབྱངས་ཅན་མ་ནི་སྟོན་ཟླའི་ཞལཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ མེ་ལོང་ཧྲིཾཿམཚན་ཨུཏྤལ་འཛིནཿ འོད་ཟེར་འཕྲོས་པས་རྒྱལ་རྣམས་ཀྱིཿ མཁྱེན་རབ་སོ་སོ་ཡང་དག་རིགཿ སྐར་མ་སྟོང་ཕྲག་ཚོགས་པ་ལྟའིཿ བློ་གྲོས་གཏེར་ཁ་ཕྱེ་བར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་པྲཛྙཱ་ཧྲིཾ་ཧྲཱིཾ་སྭཱ་ཧཱཿ {{TibChung|རྨོངས་པའི་རྒྱུ་ནི་མ་རིག་པཿ ནད་དང་གདོན་ཡང་དེ་ལ་བརྟེནཿ རིག་པ་འདི་བསྒྲུབས་སྐྱེས་བུ་ནིཿ ཤེས་རབ་ལྷ་ཡིས་རྗེས་སུ་འཛིནཿ ཐུན་མཚམས་གོང་འདྲ་ཕྱག་འཚལ་ནིཿ}} སྟོན་ཀའི་ཟླ་བ་ཀུན་ཏུ་བརྗོདཿ {{TibChung|ས་མ་ཡཿ ༈ གསུམ་པ་བསོད་ནམས་སྟོབས་བསྐྱེད་ནཿ}} མཁའ་འགྲོའི་ཐུགས་ཀར་པད་ཟླའི་སྟེངཿ སེར་མོ་བསོད་ནམས་མཆོག་སྟེར་མཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཆུ་སྐྱེས་སྟེང་ན་རིན་ཆེན་འཛིནཿ སྐུ་ལས་ཉི་གཞོན་འཆར་ཀའི་འོདཿ འཕྲོས་པས་བྱང་ཆུབ་སེམས་དཔའ་ཡིཿ འཇུག་པའི་སྤྱོད་པ་བདག་དབང་གྱུརཿ ཀུན་གྱིས་བརྫི་བར་མི་ནུས་པའིཿ དབང་བཅུའི་ཡོན་ཏན་ཐོབ་པར་བསམཿ {{TibChung|རྩ་སྔགས་ཤམ་བུརཿ}} མ་ཧཱ་པུཎྱེ་སྭཱ་ཧཱཿ {{TibChung|བསོད་ནམས་མེད་ན་ལོངས་སྤྱོད་དངཿ ཚེ་ཡང་རྟག་པར་མི་ནུས་ནཿ ཆོས་དོན་གཉེར་ལ་སྨོས་ཅི་དགོསཿ དེ་ཕྱིར་འདི་ལ་བརྩོན་པར་གྱིསཿ ཐུན་མཚམས་གོང་འདྲ་ཕྱག་འཚལ་ནིཿ}} སེར་སྔོ་ཆུ་ནས་སྐྱེས་ཀྱི་བརྗོདཿ {{TibChung|ས་མ་ཡཿ ༈ བཞི་པ་འཆི་མེད་ཚེ་སྒྲུབ་ནིཿ}} མཁའ་འགྲོའི་ཐུགས་ཀར་པད་ཟླའི་སྟེངཿ གཙུག་ཏོར་རྣམ་རྒྱལ་གསེར་མདོག་ཅནཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་ཚེ་བུམ་འཛིནཿ འོད་ཟེར་སྤྲོ་བསྡུས་འཁོར་འདས་ཀྱིཿ དྭངས་བཅུད་བདག་ལ་ཐིམ་པར་བསམཿ {{TibChung|རྩ་སྔགས་ཤམ་བུརཿ}} ཨཱ་ཡུར་ད་ཏེ་བྷྲཱུྃ་སྭཱ་ཧཱཿ {{TibChung|སྤྲོས་པ་ཅན་ལ་ཚེ་རྫས་བཤམཿ ཚེ་དབང་བདུད་རྩི་བུམ་བཅུད་ཀྱིཿ སྔགས་ལ་ཚིག་ཕྲད་བསྒྱུར་བས་འགྲུབཿ}} ཕྱག་འཚལ་དེ་བཞིན་གཤེགས་པའི་{{TibChung|བརྗོདཿ ས་མ་ཡཿ ༈ ལྔ་པ་དམིགས་བྱ་དབང་སྡུད་ནཿ}} མཁའ་འགྲོའི་ཐུགས་ཀར་པད་ཟླའི་སྟེངཿ རིག་བྱེད་སྒྲོལ་མ་ལེ་བརྒན་མདོགཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་མདའ་གཞུ་འཛིནཿ འབར་ཞིང་རྣོ་བའི་འོད་ཟེར་གྱིསཿ དམིགས་བྱའི་སྙིང་ལ་གཟིར་བ་ཡིསཿ བརྟན་པ་བྲལ་ཏེ་འདུད་པར་བསམཿ {{TibChung|རྩ་སྔགས་ཤམ་བུརཿ}} ཀུ་རུ་ཀུལླེ་ནྲི་ཛཿསྭཱ་ཧཱཿ {{TibChung|མཁན་སློབ་དགེ་འདུན་རྒྱལ་བློན་དངཿ ཁྱིམ་བདག་དྲ་མའི་མིང་སྤེལ་བཅུགཿ}} ཕྱག་འཚལ་ཏུཏྟཱ་ར་{{TibChung|སོགས་བརྗོདཿ ས་མ་ཡཿ ༈ དྲུག་པ་སྨྱོ་བརྗེད་ཤ་ཟ་དངཿ གནོད་སྦྱིན་གདོན་གྱི་སྟོབས་གཞོམ་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ འཇིགས་བྱེད་ཆེན་མོ་དམར་ནག་ཞལཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་ཕུར་བུ་འཛིནཿ ཧཱུྃ་གི་ཚྭ་ཚྭ་འཕྲོས་པ་ཡིསཿ གདོན་གྱི་མགོ་བོ་རབ་བཀས་ནསཿ ཆོས་ཉིད་ངང་དུ་བརྒྱལ་བར་བསམཿ {{TibChung|རྩ་སྔགས་ཤམ་བུརཿ}} སརྦ་བིག་ནན་བཾ་ཧཱུྃ་ཕཊ་སྭཱ་ཧཱཿ {{TibChung|རྨོངས་བྱེད་གདོན་དང་སྨྱོ་འདྲེ་ཀུནཿ འདི་ཡིས་གསོས་པར་ཐེ་ཚོམ་མེདཿ}} ཕྱག་འཚལ་བརྒྱ་བྱིན་མེ་ལྷ་{{TibChung|བརྗོདཿ ས་མ་ཡཿ ༈ བདུན་པ་གཡུལ་གྱི་འཁྲུལ་འཁོར་དང་ཿ ཐོག་སེར་དྲག་པོ་འཇོམས་འདོད་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ གཏུམ་མོ་གཞན་གྱིས་མི་ཐུབ་མཿ ནག་མོ་མེ་འབར་ཁྲོ་གཉེར་ཅནཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རལ་གྲི་འཛིནཿ ཐོག་སེར་སྡེ་བརྒྱད་འཁྲུལ་འཁོར་དང་ཿ སྒྱོགས་སོགས་གཡུལ་གྱི་འཁྲུལ་འཁོར་གྱིསཿ དགྲ་གཤེད་ཐལ་བར་གྱུར་བར་བསམཿ {{TibChung|རྩ་སྔགས་ཤམ་བུརཿ}} བཛྲ་ཏ་ཀ་ཧ་ན་ལི་ཙ་ཕཊཿ ཕྱག་འཚལ་ཏྲད་ཅེས་བྱ་དང་{{TibChung|བརྗོདཿ ས་མ་ཡཿ ༈ བརྒྱད་པ་གཞན་རྒོལ་མཚང་འབྲུ་གཞོམཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ གཞན་མི་རྒྱལ་བའི་དཔའ་མོ་ནིཿ དམར་ནག་ཁྲོ་གཉེར་ལྡན་པའི་ཞལཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྡོ་རྗེ་འཛིནཿ ཚ་ཞིང་རྩུབ་པའི་འོད་ཟེར་གྱིསཿ ཉོན་མོངས་བདུད་དགྲ་གསོད་པར་བསམཿ {{TibChung|རྩ་སྔགས་ཤམ་བུརཿ}} ད་ཧ་པ་ཙ་ཧཱུྃ་ཕཊ་སྭཱ་ཧཱཿ ཕྱག་འཚལ་ཏུ་རེའི་འཇིགས་པ་{{TibChung|བརྗོདཿ ས་མ་ཡཿ ༈ དགུ་པ་འཇིགས་པའི་ཚོགས་སྐྱོབ་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ སེང་ལྡེང་ནགས་ཀྱི་སྒྲོལ་མ་ནིཿ མར་གད་མདོག་ཅན་འོད་རབ་འཁྲུགསཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་འཁོར་ལོ་འཛིནཿ མེ་སྦྲུལ་ཤ་ཟ་གླང་ཆེན་བཙོནཿ ཆོམ་རྐུན་སེང་གེ་རྒྱ་མཚོའི་རླབསཿ རྒྱལ་པོའི་ཆད་པ་དགྲ་གདོན་མཛེཿ བཤེས་བྲལ་དབུལ་ཕོངས་གནམ་ལྕགས་ཐོགཿ དོན་ཉམས་ལ་སོགས་འཇིགས་པ་ནིཿ བརྒྱད་ཚན་གཉིས་ལས་སྐྱོབས་པར་བསམཿ {{TibChung|རྩ་སྔགས་ཤམ་བུར།}} དཱ་ན་ཏྲ་ཡ་སྭཱ་ཧཱཿ ཕྱག་འཚལ་དཀོན་མཆོག་གསུམ་མཚོན་་་{{TibChung|བརྗོདཿ ས་མ་ཡཿ ༈ བཅུ་པ་འཇིག་རྟེན་དབང་བྱེད་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ སྒྲོལ་མ་འཇིག་རྟེན་གསུམ་རྒྱལ་དམརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྒྱལ་མཚན་འཛིནཿ འདོད་ལྷ་དབང་བྱེད་འོད་ཟེར་དང་ཿ བཞད་པ་བརྒྱད་ལྡན་སྔགས་ཀྱི་སྒྲསཿ གཞན་འཕྲུལ་དབང་བྱེད་སྡེ་དང་བཅསཿ རྨོངས་ཤིང་བདག་གི་དབང་གྱུར་ནསཿ འཇིག་རྟེན་ཀུན་གྱིས་འདུད་པར་དམིགསཿ {{TibChung|རྩ་སྔགས་ཤམ་བུརཿ}} ལོ་ཀ་པཱ་ཤཾ་ཀུ་རུ་སྭཱ་ཧཱཿ {{TibChung|རྗེ་དཔོན་དབང་གྱུར་གཞན་སྨོས་ཅིཿ རྒྱལ་བློན་རབ་བྱུང་ཁྱིམ་བདག་དངཿ ཡུལ་གྱི་གཙོ་བོ་རིག་གནས་མཁནཿ དཔལ་ཆེན་བུད་མེད་རིགས་བཟང་མོཿ ལྷ་ཀླུ་གནོད་སྦྱིན་ནོར་གྱི་ལྷཿ སྐྱེད་མོས་ཚལ་དང་ཡུལ་མཁར་ཞིངཿ རྐང་ཕྲན་ནོར་དབྱིག་ཕྱུགས་ལ་སོགསཿ གང་འདོད་དམིགས་པའི་ལྡེ་ཁ་སྒྱུརཿ}} ཕྱག་འཚལ་རབ་ཏུ་དགའ་བ་{{TibChung|བརྗོདཿ ས་མ་ཡཿ ༈ བཅུ་གཅིག་དབུལ་བ་སེལ་འདོད་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ ནོར་གཏེར་དམར་སེར་ཁྲོ་གཉེར་ཅནཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གཏེར་བུམ་འཛིནཿ འོད་ཟེར་འཕྲོས་པས་ཕྱོགས་སྐྱོང་སོགསཿ ས་གཞི་སྐྱོང་བའི་ཕོ་ཉ་བསྐུལཿ ལྷ་ཀླུ་མི་ཡི་དཔལ་འབྱོར་དང་ཿ ལོངས་སྤྱོད་ཆར་དུ་ཕབ་པ་ཡིསཿ ཡུལ་ལྗོངས་དང་ནི་ཁྱིམ་གང་བསམཿ {{TibChung|རྩ་སྔགས་ཤམ་བུརཿ}} མ་མ་བ་སུ་པུཥྚིཾ་ཀུ་རུ་སྭཱ་ཧཱཿ ཕྱག་འཚལ་ས་གཞི་སྐྱོང་བ་{{TibChung|བརྗོདཿ གཏེར་བུམ་བསྒྲུབ་དང་གཡང་འགུགས་སོགསཿ ཕྲིན་ལས་ཁ་ཚར་གདགས་སུ་རུང་ཿ ས་མ་ཡཿ ༈ བཅུ་གཉིས་ཆར་ཆུ་བུ་དཔལ་སྤེལཿ ཡུལ་གྲུ་བཀྲ་ཤིས་བྱེད་འདོད་ནཿ}} མཁའ་འགྲོའི་ཐུགས་ཀར་པད་ཟླའི་སྟེངཿ བཀྲ་ཤིས་དོན་བྱེད་སྒྲོལ་མ་སེརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་དཔལ་བེའུ་འཛིནཿ {{TibChung|ལྷ་མོའི་དཔྲལ་བའི་་་}}ཟླ་བའི་ཟེར་ལས་བདུད་རྩིའི་ཆརཿ ཕབ་པས་རྩི་སྨན་ལོ་ཏོག་རྒྱསཿ རིགས་བདག་ཉིད་ལས་འོད་འཕྲོས་པསཿ བཀྲ་ཤིས་རྫས་རྟགས་ཆར་དུ་བབཿ བརྟན་གཡོའི་རྟེན་འབྲེལ་ལོག་པའི་དུགཿ གཞིལ་ཏེ་ཕུན་སུམ་ཚོགས་པར་བསམཿ {{TibChung|རྩ་སྔགས་ཤམ་བུརཿ}} མངྒ་ལ་ཤྲཱི་མ་ཧཱ་པཱ་ཎི་སྭཱ་ཧཱཿ ཕྱག་འཚལ་ཟླ་བའི་དུམ་{{TibChung|སོགས་བརྗོདཿ ས་མ་ཡཿ ༈ བཅུ་གསུམ་གཡུལ་ལས་རྒྱལ་བྱེད་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ མེ་འབར་དབུས་གནས་རྗེ་བཙུན་མཿ དམར་མོ་སྤྱན་གསུམ་ཁྲོས་པའི་གདོང་ཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྡོ་རྗེ་གདེངསཿ འོད་ཟེར་རྡོ་རྗེའི་ཚྭ་ཚྭ་ཡིསཿ གཞན་སྡེ་བཅོམ་ནས་ཚུར་འདུས་པཿ རྡོ་རྗེའི་རྭ་བའི་གུར་གྱུར་པའིཿ ནང་དུ་རང་སྲིད་སྲུང་བར་བསམཿ {{TibChung|རྩ་སྔགས་ཤམ་བུརཿ}} བཛྲ་ཛྭ་ལ་ཕཊ་ཕཊཿ རཀྵ་རཀྵ་སྭཱ་ཧཱཿ ཕྱག་འཚལ་བསྐལ་པའི་ཐ་མ་{{TibChung|བརྗོདཿ ས་མ་ཡཿ ༈ བཅུ་བཞི་འགོང་པོ་སྤུན་དགུ་དང་ཿ སྡེ་བརྒྱད་གནོད་བྱེད་ཚོགས་གཞོམ་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ ཁྲོ་གཉེར་ཅན་མཛད་སྐུ་མདོག་ནགཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གཏུན་ཤིང་འཛིནཿ ཧཱུྃ་སྒྲ་སྒྲོགས་པའི་འོད་ཟེར་དང་ཿ ཕྱག་ཞབས་ས་ལ་བསྣུན་པ་ཡིསཿ དམ་འགོང་རྒྱ་འདྲེའི་མགོ་བོ་བཀསཿ ཆོས་ཉིད་ངང་དུ་བརྒྱལ་བར་བསམཿ {{TibChung|རྩ་སྔགས་ཤམ་བུརཿ}} ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊཿ ཕྱག་འཚལ་ས་གཞིའི་ངོས་{{TibChung|སོགས་བརྗོདཿ ཿ ས་མ་ཡཿ ༈ བཅོ་ལྔ་སྡིག་པ་ཞི་འདོད་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ རབ་ཏུ་ཞི་བ་སྐུ་མདོག་དཀརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་སྤྱི་བླུགས་འཛིནཿ ཐུགས་ལས་དག་བྱེད་ལྷ་མོ་ནིཿ བུམ་པ་ཐོགས་པ་དཔག་མེད་སྤྲོསཿ ཟླ་གདན་ལ་གནས་དམིགས་བྱ་ཡིཿ ངན་སོང་སྡིག་སྒྲིབ་བཀྲུས་པར་བསམཿ {{TibChung|རྩ་སྔགས་ཤམ་བུརཿ}} སརྦ་པཱ་པཾ་ག་ཏེ་ག་ཏེ་སྭཱ་ཧཱཿ ཕྱག་འཚལ་བདེ་མ་དགེ་མ་{{TibChung|བརྗོདཿ གནས་ལུང་དག་ཀྱང་སྦྱར་དུ་རུང་ཿ ས་མ་ཡཿ ༈ བཅུ་དྲུག་དགྲ་ཡི་མཐུ་སད་ཅིང་ཿ བྱད་མའི་རིགས་སྔགས་སྟོབས་གཞོམ་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ འབར་བའི་འོད་ཅན་སྐུ་མདོག་དམརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྒྱ་གྲམ་འཛིནཿ འོད་ཟེར་འཕྲོས་པས་དགྲ་བོ་དང་ཿ བྱད་མའི་མཐུ་སྟོབས་ངག་ནུས་བཤིགཿ དྲང་སྲོང་ངག་ལ་དབང་ཐོབ་དམིགསཿ {{TibChung|རྩ་སྔགས་ཤམ་བུརཿ}} ཏྲཾ་དུ་ཏྲི་ན་ཏྲཾ་དུ་ཕཊཿསྭཱ་ཧཱཿ ཕྱག་འཚལ་ཀུན་ནས་བསྐོར་རབ་{{TibChung|བརྗོདཿ ས་མ་ཡཿ ༈ བཅུ་བདུན་དགྲ་ཇག་ཆོམ་རྐུན་དང་ཿ རྔོན་པ་ཅན་གྱི་ཁ་འཆིང་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ དཔག་མེད་གནོན་མ་གུར་གུམ་མདོགཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་མཆོད་རྟེན་འཛིནཿ ཐུགས་ཀའི་ཧཱུྃ་ལས་འོད་འཕྲོས་ཧཱུྃཿ ཞབས་མཐིལ་ས་ལ་བརྡབས་པ་ཡིསཿ སྟོང་གསུམ་ཕ་རོལ་གནས་པའི་རིཿ མནྡ་ར་དང་འབིགས་བྱེད་དང་ཿ འདོད་དང་གཟུགས་ཁམས་གཟུགས་མེད་ལྡེགཿ དྲག་ཤུལ་སྟོབས་ཀྱིས་དམིགས་བྱའི་གཟུགསཿ ཞབས་ཀྱི་འོག་ཏུ་མནན་པར་བསམཿ {{TibChung|རྩ་སྔགས་ཤམ་བུརཿ}} ཧཱུྃ་ཧཱུྃ་བཾ་ཧོཿསྭཱ་ཧཱཿ ཕྱག་འཚལ་ཏུ་རེའི་ཞབས་བརྡབས་{{TibChung|བརྗོདཿ ས་མ་ཡཿ ༈ བཅོ་བརྒྱད་སྦྱར་དང་དབྱིག་གི་དུགཿ གཟའ་ཀླུ་གནོད་སྦྱིན་སྡེ་ཚོགས་ཀྱིཿ མཐོང་རེག་ཁ་རླངས་དུག་བསྲུང་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ སྒྲོལ་མ་རྨ་བྱ་ཆེན་མོ་དཀརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ རི་དྭགས་རྟགས་་་{{TibChung|ཟླ་བ་ཉ་གང་}}་་ཅན་ཨུཏྤལ་འཛིནཿ འོད་ཟེར་འཕྲོས་པས་བརྟན་གཡོའི་དུགཿ ལྷག་མ་མེད་པར་གཞིལ་བར་བསམཿ {{TibChung|རྩ་སྔགས་ཤམ་བུརཿ}} སརྦ་བི་ཥ་ཏཱ་ར་ཕཊཿ ཕྱག་འཚལ་ལྷ་ཡི་མཚོ་རྣམ་{{TibChung|བརྗོདཿ དུག་དབྱུང་བྱེད་ན་བུམ་སྒྲུབ་དངཿ འབྲེལ་བར་ཆུས་བཀྲུ་རྨ་བྱས་བྱབཿ}} ཧོཿ འགལ་རྐྱེན་ཐམས་ཅད་དུག་ལ་བརྟེནཿ དུག་གི་རྒྱུ་ནི་ཉོན་མོངས་པཿ རིག་པ་མཆོག་གི་སྨན་ཆེན་འདིསཿ སེམས་ཅན་ཁམས་ནི་དུག་མེད་ཤོགཿ {{TibChung|ཕྱག་འཚལ་སྔགས་སྦྲེལ་བརྒྱ་ཚར་བརྗོདཿ ས་མ་ཡཿ ༈ བཅུ་དགུ་པས་ནི་རྩོད་པ་དང་ཿ རྨི་ལམ་ངན་པ་ཐམས་ཅད་སེལཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ རྗེ་བཙུན་མི་ཕམ་རྒྱལ་མོ་དཀརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གདུགས་དཀར་འཛིནཿ སྣ་ཚོགས་རྡོ་རྗེའི་ཚྭ་ཚྭ་ཡིསཿ ཕ་རོལ་དག་གི་ནུས་པ་བཅོམཿ དབུ་རྒྱན་་་{{TibChung|སྙན་ཆ། དཔུང་རྒྱན་གཉིས། ཕྱག་ཞབས་གདུ་བུ་གཉིས། མགུལ་ཆུན། སྐ་རགས། བ་ཏིའི་སྨད་དཀྲིས་རྣམས་སོཿ་་}}ལ་སོགས་རྒྱན་བརྒྱད་ཀྱིསཿ གོ་ཆ་བརྗིད་པ་ལྟར་བསྲུངས་པསཿ རྩ་རླུང་ཐིག་ལེ་འཁྲུགས་པ་ཡིཿ རྨི་ལམ་ངན་པ་བསལ་བར་བསམཿ {{TibChung|རྩ་སྔགས་ཤམ་བུརཿ}} ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱཾ་སྭཱ་ཧཱཿ ཕྱག་འཚལ་ལྷ་ཡི་ཚོགས་རྣམས་{{TibChung|བརྗོདཿ ས་མ་ཡཿ ༈ ཉི་ཤུ་པ་ཡིས་རིམས་ནད་སེལཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ དམར་སེར་ལྷ་མོ་རི་ཁྲོད་མཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་ཟ་མ་ཏོགཿ ཉི་མ་ཟླ་བའི་སྤྱན་རྒྱས་པསཿ {{TibChung|ཉི་མ་ལས་འབར་བའི་འོད་ཀྱིས་་་}}ནད་བདག་ཚར་བཅད་{{TibChung|་་་ཟླ་བ་ལས་བདུད་རྩིའི་རྒྱུན་བྱུང་བས་་་}}རིམས་གསོས་བསམཿ {{TibChung|རྩ་སྔགས་ཤམ་བུརཿ}} ན་ལ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱཿ ཕྱག་འཚལ་ཉི་མ་ཟླ་བ་{{TibChung|བརྗོདཿ ས་མ་ཡཿ ༈ ཉེར་གཅིག་ནད་པའི་བླ་ཚེ་བླུཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ འོད་ཟེར་ཅན་མ་སྐུ་མདོག་དཀརཿ སྐུ་གསུང་ཐུགས་ལས་ཨོཾ་ཨཱཿཧཱུྃཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གསེར་ཉ་འཛིནཿ ཡི་གེ་གསུམ་ལས་འོད་འཕྲོས་པསཿ གདོན་དང་རོ་ལངས་གནོད་སྦྱིན་གྱིསཿ ནད་པའི་བླ་དང་ཚེ་བརྐུས་པཿ སླར་ལ་མནངས་བཞིན་སྤྲད་པར་དམིགསཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་རི་ཙྱཻ་ཚེ་བྷྲཱུྃ་ནྲི་ཛཿསྭཱ་ཧཱཿ {{TibChung|ཚེ་ལ་མདའ་དང་བླ་ལ་གཡུཿ ཁམས་ཀྱི་རྟེན་དུ་དར་ཚོན་དཔྱངསཿ རྟེན་འབྲེལ་བླ་ལུག་ཉིད་ལ་བརྟགཿ མ་གྲུབ་བར་དུ་བསྐྱར་ཞིང་འབདཿ ཐུན་མཚམས་བླ་གླུད་བཟང་པོ་ལཿ གླུད་ཕྲན་ཟན་འབྲུལ་ཆང་བུ་བརྒྱཿ འབྲུ་གསུམ་བྱིན་བརླབས་སཾ་བྷ་རཿ བརྒྱ་རྩ་བརྒྱད་བསྔོ་ལན་རེ་བཞིནཿ}} ཧཱུྃཿ ཁྱེར་ཅིག་ཁྱེར་ཅིག་སྟོབས་ལྡན་རྣམསཿ སྲེད་དང་ཆགས་དང་ཞེན་པ་དངཿ དྲན་དང་བཟུང་དང་བསམ་དང་རེགཿ གློད་དང་ཞི་དང་གྲོལ་བར་མཛོདཿ {{TibChung|ཅེས་དང་སྒྲོལ་མ་ཡིད་ལ་བྱསཿ ཐལ་སྦྱར་དེ་ཉིད་གསུམ་བཀོད་མཐརཿ ཐལ་མོ་རྡེབ་ཅིང་འབབ་ཆུར་དོརཿ སྲོག་བླུ་བྱ་ཞིང་ཉེའུ་འདོནཿ དུས་མིན་འཆི་བ་ངེས་པར་བཟློགཿ ས་མ་ཡཿ རྒྱ་རྒྱ་རྒྱཿ ༈ བཅངས་པས་མི་མཐུན་ཕྱོགས་བསྲུང་ཞིངཿ མཐོང་བས་སྡིག་པ་ལས་གྲོལ་བའིཿ ཡུམ་འཁོར་དཔལ་གྱི་གདུ་བུ་ལཿ མཐོང་གྲོལ་ཙཀྲ་ཞེས་སུའང་གྲགསཿ མཁའ་འགྲོ་འདུ་བའི་དུས་གཉན་ལཿ མུ་ཁྱུད་རིམ་པ་བདུན་གྱི་དབུསཿ པདྨ་འདབ་བཞི་དབུས་དང་ལྔའིཿ ཁོང་དུ་འོད་ལྔའི་ཐིག་ལེའི་ཀློངཿ གཤེགས་མ་ལྔ་ཡི་ས་བོན་ནིཿ ཏཱཾ་ཡིག་དབུས་སུ་གནས་པ་བྲིཿ དེའི་ཕྱི་མུ་ཁྱུད་དང་པོ་ལཿ ཨོཾ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་ཧཱུྃཿ ན་མོ་ཨཱརྱ་ཏཱ་རེཿ ཨོཾ་ཏཱ་རེ་ཏཱཾ་སྭཱ་ཧཱཿ ན་མོ་རཏྣ་ཏྲ་ཡཱ་ཡཿ ན་མཿཨཱརྱ་ཨ་ཝ་ལོ་ཀི་ཏེཿ ཤྭ་ར་ཡཿ བོ་དྷི་སཏྭ་ཡཿ མཧཱ་སཏྭ་ཡཿ མ་ཧཱ་ཀ་རུ་ནི་ཀཱ་ཡཿ ཨོཾ་ཏཱ་རེ་ཏུཏྟཱ་རེ་ཏུ་རེ་མཱཾཿ ཀྲྀ་ཏེ་སརྦ་དུཥྚ་ནཾཿ ཛཾ་བྷ་ཡཿ སྟྭཾ་བྷ་ཡཿ མོ་ཧ་ཡཿ བྷན་དྷ་ཡཿ ཧཱུྃ་ཧཱུྃ་ཕཊ་ཕཊཿ སརྦ་དུཥྚཾ་སྟྭཾ་བྷ་ནི་ཏཱ་རེ་སྭཱ་ཧཱཿ ཞེས་བྲི་དེའི་ཕྱི་པད་འདབ་བརྒྱདཿ མདུན་ནས་བརྩམས་པའི་གཡས་བསྐོར་དུཿ དང་པོརཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་པྲཛྙཱ་ཧྲིཾ་ཧྲིཾ་སྭཱ་ཧཱཿ གཏི་མུག་གླང་པོའི་འཇིགས་པ་ལས་སྐྱོབས་ཤིག་རཀྵཿ གཉིས་པར་ཐོག་མཐའ་འདྲ་བ་ལཿ མ་ཧཱ་པུཎྱེ་སེར་སྣ་ལྕགས་སྒྲོག་གི་འཇིགས་པ༴ གསུམ་པརཿ ཨཱ་ཡུརྡ་ཏེ་བྷྲཱུྃ་སྭཱ་ཧཱཿ ཐེ་ཚོམ་ཤ་ཟའི་འཇིགས༴ བཞི་པརཿ མངྒ་ལ་ཤྲཱི་མ་ཧཱ་པཱ་ནི་སྭཱ་ཧཱཿ འདོད་པ་ཆུ་བོའི་དབའ་རླབས་ཀྱི༴ ལྔ་པརཿ སརྦ་པཱ་པཾ་ག་ཏེ་ག་ཏེ་སྭཱ་ཧཱཿ ཞེ་སྡང་མེའི༴ དྲུག་པརཿ ཧཱུྃ་ཧཱུྃ་བཾ་ཧོཿསྭཱ་ཧཱཿ ལྟས་ངན་ཆོམ་རྐུན་གྱི༴ བདུན་པརཿ སརྦ་བི་ཥ་ཏཱ་ར་ཕཊ་སྭཱ་ཧཱཿ ཕྲག་དོག་དུག་སྦྲུལ་གྱི༴ བརྒྱད་པརཿ ཧཱུྃ་ཧཱུྃ་ཕཊ་ཕཊཿརཀྵ་རཀྵ་མཱཾ་སྭཱ་ཧཱཿ ང་རྒྱལ་སེང་གེའི་འཇིགས༴ སྤྲོ་ན་བསྒྲུབ་བྱའི་དངོས་གྲུབ་ཀྱིཿ འདོད་གསོལ་རེ་རེ་བཞིན་དུ་སྦྱརཿ དེའི་ཕྱི་རྩིབས་ནི་བཅུ་གསུམ་ལཿ རྩ་སྔགས་ནི་ཐོག་མཐའ་འདྲ་སྟེ་རྩིབས་དང་པོརཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་བོ་དྷི་ཙིཏྟ་སྭཱ་ཧཱཿ ཕ་རོལ་གྱི་ལྕེ་འབབ་པའི་འཇིགས་པ་ལས་སྲུངས་ཤིགཿ གཉིས་པརཿ མུ་ཏྲ་ནྲི་ཛ་སྭཱ་ཧཱཿ མིང་སྤེལ་དམིགས་བསལ་འཇུགཿ ས་གཡོ་བའི་འཇིགས༴ གསུམ་པརཿ སརྦ་བིག་ནན་བཾ་ཧཱུྃ་ཕཊཿ སྨྱོ་བརྗེད་ཀྱི་གདོན་ལས༴ བཞི་པརཿ བཛྲ་ཏ་ཀ་ཧ་ན་ལི་ཙ་ཕཊཿ གནམ་ལྕགས་དང་འཁྲུལ་འཁོར་གྱི་འཇིགས༴ ལྔ་པརཿ ད་ཧ་པ་ཙ་ཧཱུྃ་ཕཊཿསྭཱ་ཧཱཿ རྒྱལ་པོའི་ཆད་པའི༴ དྲུག་པརཿ དཱ་ན་ཏྲ་ཡ་སྭཱ་ཧཱཿ དུས་མ་ཡིན་པར་འཆི་བའི༴ བདུན་པརཿ ལོ་ཀ་པཱ་ཤཾ་ཀུ་རུ་སྭཱ་ཧཱཿ མཛའ་བཤེས་དང་བྲལ་བའི༴ བརྒྱད་པརཿ མ་མ་པཱ་སུ་པུཥྚིཾ་ཀུ་རུ་སྭཱ་ཧཱཿ མུ་གེ་དང་ཕོངས་པའི༴ དགུ་པརཿ བཛྲ་ཛྭ་ལ་རཀྵ་སྭཱ་ཧཱཿ ཕ་རོལ་གྱི་དམག་ཚོགས་ཀྱི༴ བཅུ་པ་ལ་ཧཱུྃ་ཧཱུྃ་སྭཱ་ཧཱཿ མཛེ་ནད་དང་ཁྱབ་འཇུག་གི༴ བཅུ་གཅིག་པརཿ ཏྲཾ་དུ་ཏྲི་ན་ཏྲཾ་དུ་ཕཊ་སྭཱ་ཧཱཿ བྱད་ཕུར་དང་རིག་སྔགས་ཀྱི༴ བཅུ་གཉིས་པ་ལ་མ་ནོ་ཧ་ར་ཧཱུྃ་ཧ་ར་སྭཱ་ཧཱཿ གྲིབ་དང་རིམས་ནད་ཀྱི༴ བཅུ་གསུམ་པ་ལཿ མ་རི་ཙྱེ་ཚེ་བྷྲཱུྃ་ནྲི་ཛ་སྭཱ་ཧཱཿ རོ་ལངས་དང་གནོད་སྦྱིན་གྱི་འཇིགས༴ རྩིབས་མཆན་བཅུ་གསུམ་དག་ལ་ནིཿ ཨོཾ་ཨ་ན་ལེ་ཨ་ན་ལེཿ ༡ ཁ་ས་མེ་ཁ་ས་མེཿ ༢ བཻ་རེ་བཻ་རེཿ ༣ སཽ་མེ་སཽ་མེཿ ༤ ཤཱནྟེ་ཤཱནྟེཿ ༥ དཱནྟེ་དཱནྟེཿ ༦ བི་ཥ་དེ་བི་ཥ་དེཿ ༧ བཱི་རེ་བཱི་རེཿ ༨ དེ་བི་བཛྲ་དྷཱ་རིཿ ༩ བྷནྡྷ་བྷནྡྷ་ནིཿ ༡༠ བཛྲ་པཱ་ཎི་ཕཊཿ ༡༡ ཨོཾ་ཧཱུྃ་ཧཱུྃ་དྲུཾ་ཧྲཱིཥྚོཾ་ཕཊ་སྭཱ་ཧཱཿ ༡༢ ཧཱུྃ་དྲུཾ་བྷནྡྷ་ཕཊཿ ༡༣ དེའི་ཕྱི་མུ་ཁྱུད་བཞི་པ་ལཿ མཐོང་གྲོལ་ཡབ་ཀྱི་དགོངས་པ་བྲིཿ ལྔ་པར་རེག་གྲོལ་ཡུམ་སྙིང་པོཿ དྲུག་པར་ཐིག་ལེ་ཉེར་ལྔའི་དབུསཿ ཡེ་ཤེས་ཆེན་པོའི་སྙིང་པོ་ནིཿ སྡེ་ཚན་ཉི་ཤུ་རྩ་ལྔ་དངཿ བར་མཚམས་ཀློང་གྲོལ་ཡིག་དྲུག་བཀོདཿ བདུན་པར་ཕྱག་མཚན་ཉེར་གཅིག་དངཿ བརྒྱད་པར་དབྱངས་གསལ་རྟེན་སྙིང་བྲིཿ དགུ་པར་རྡོ་རྗེའི་ཕྲེང་བ་དངཿ བཅུ་པ་ཉིད་ནི་པ་ཏྲའོཿ བསྲུང་བ་རྐྱང་པར་ལྟོ་བ་དངཿ བཏགས་གྲོལ་མུ་ཁྱུད་གསུམ་དོར་རོཿ ཀུན་ཀྱང་ཚོན་གྱིས་རྣམ་པར་དབྱེཿ ཨ་མྲྀ་ཏ་དང་དྲི་བཟང་བྱུགཿ མགུལ་དུ་བཏགས་ན་རང་རྒྱུད་ལཿ གནས་པའི་ཉོན་མོངས་དུག་རྣམས་སྦྱོངཿ ཕྱི་ལ་གཡེངས་ན་རྫི་ཕྱོགས་ཀྱིསཿ ཕོག་པའི་སེམས་ཅན་དོན་བྱེད་འགྱུརཿ གྲོང་ཁྱེར་དག་དང་ཕྱུགས་ཀྱི་ལྷསཿ གཡུལ་གྱི་ཕྲུ་མ་ལ་བཙུགས་ནཿ འཇིགས་པ་མེད་པའི་གནས་ཐོབ་འགྱུརཿ རིག་སྔགས་དང་ནི་མཁྱུད་དཔྱད་ཀྱིཿ རྟེན་འབྲེལ་བདེན་པ་བསམ་མི་ཁྱབཿ རྒྱལ་བའི་ཕྲིན་ལས་ཚད་མེད་ཕྱིརཿ དོན་འབྲས་གྲུབ་ལ་བསླུ་བ་མེདཿ སྒྲིབ་པའི་ནང་ན་ཐེ་ཚོམ་ཆེཿ དངོས་གྲུབ་དད་པ་ཅན་ལ་འབྱུངཿ ཤིན་ཏུ་ཟབ་པའི་སྔགས་རྒྱུད་འདིའིཿ བརྡ་རིས་འཚོ་རྒྱལ་བླ་མཚོར་རྒྱཿ བརྡ་འགྲོལ་སེང་གེ་རོང་དུ་འབྱུངཿ གྲུ་གཟིངས་ཆུ་བོའི་གཞུང་ལ་འབེབསཿ རྟེན་འབྲེལ་སྣ་ཁ་མ་ལོག་ནཿ འགྲོ་དོན་ཉི་འོག་ཉིད་ལ་སྤྱོདཿ སྙིང་གི་བུ་དང་འཕྲད་ནས་ཀྱངཿ འགྲོ་དོན་ནམ་མཁའི་མཐར་ཐུག་ཤོགཿ ས་མ་ཡཿ རྒྱ་རྒྱ་རྒྱཿ གཏེར་རྒྱཿ དགོངས་རྒྱཿ བརྡ་རྒྱཿ ལས་ཚོགས་འདི་གཞན་བསྐུལ་ཡང་ཡང་བྱུང་ཡང་རིང་ཞིག་གཏེར་རྒྱ་མ་ཁྲོལཿ དེ་རྗེས་ནོར་སྐྱོང་གི་ལོ་སྒྲོལ་མ་འབུམ་ཐེར་བསགས་པའི་རྐྱེན་གྱིས་རྗེ་བཙུན་མའི་བྱིན་རླབས་ཁོ་ནས་ཀློང་གི་བརྡ་རིས་གྲོལཿ དེ་ལོ་ཆར་ཞོད་ཤིན་ཏུ་དཀོན་པ་ལ་བཀྲ་ཤིས་སྲོང་བཙན་བང་སོར་ཡུམ་ཀའི་ཚོགས་སྐོང་དང་བཅས་འདུན་པ་སྒྱུར་བས་རིགས་བདག་གི་ལས་ཚོགས་བཅུ་གཉིས་པ་ལ་ངེས་པ་རྙེད་པའོཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-10-THA-026&diff=64188 2026-09-29T14:50:43Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམཿ<br /> |fulltitle=klong chen snying gi thig le las: yum ka mkha' 'gro'i nang sgrub bde chen snying po'i gter bum:<br /> |citation='jigs med gling pa. ''Klong chen snying gi thig le las yum ka mkha' 'gro'i nang sgrub bde chen snying po'i gter bum''. In ''Kun mkhyen rig 'dzin 'jigs med gling pa'i gsung 'bum'', Vol. 10: 319-337. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Activity Practices - las tshogs<br /> |terma=Yes<br /> |cycle=yum bka' bde chen rgyal mo<br /> |cycletib=ཡུམ་བཀའ་བདེ་ཆེན་རྒྱལ་མོ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=10<br /> |volnumtib=༡༠<br /> |volyigtib=ཐ<br /> |totalvolumes=14<br /> |textnuminvol=026<br /> |pagenumbers=319-337<br /> |totalpages=19<br /> |beginfolioline=1a1<br /> |endfolioline=10a6<br /> |totalfolios=10<br /> |multivolumework=No<br /> |rectonotes=yum ka nang sgrub<br /> |versonotes=nang sgrub bde chen snying po'i gter bum<br /> |colophontib=ལས་ཚོགས་འདི་གཞན་བསྐུལ་ཡང་ཡང་བྱུང་ཡང་རིང་ཞིག་གཏེར་རྒྱ་མ་ཁྲོལཿ དེ་རྗེས་ནོར་སྐྱོང་གི་ལོ་སྒྲོལ་མ་འབུམ་ཐེར་བསགས་པའི་རྐྱེན་གྱིས་རྗེ་བཙུན་མའི་བྱིན་རླབས་ཁོ་ནས་ཀློང་གི་བརྡ་རིས་གྲོལཿ དེ་ལོ་ཆར་ཞོད་ཤིན་ཏུ་དཀོན་པ་ལ་བཀྲ་ཤིས་སྲོང་བཙན་བང་སོར་ཡུམ་ཀའི་ཚོགས་སྐོང་དང་བཅས་འདུན་པ་སྒྱུར་བས་རིགས་བདག་གི་ལས་ཚོགས་བཅུ་གཉིས་པ་ལ་ངེས་པ་རྙེད་པའོཿ<br /> |colophonwylie=las tshogs 'di gzhan bskul yang yang byung yang ring zhig gter rgya ma khrol: de rjes nor skyong gi lo sgrol ma 'bum ther bsags pa'i rkyen gyis rje btsun ma'i byin rlabs kho nas klong gi brda ris grol: de lo char zhod shin tu dkon pa la bkra shis srong btsan bang sor yum ka'i tshogs skong dang bcas 'dun pa sgyur bas rigs bdag gi las tshogs bcu gnyis pa la nges pa rnyed pa'o:<br /> |pdflink=File:JLKO-KABUM-10-THA-026.pdf<br /> |InitCategories=Khyentse Lineage Project; JLKO-KABUM-Volume-10-THA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམ་བཞུགསཿ<br /> <br /> འུྃཿ {{TibChung|བདག་ཉིད་ཆེན་པོ་པདྨ་ནིཿ དབྱིངས་ཀྱི་ཡུམ་ལ་དབང་བསྒྱུར་བསཿ མཁའ་འགྲོ་ཡོངས་ཀྱི་མིང་པོ་ཡིནཿ ཆུ་སྐྱེས་ཞལ་གྱི་གེ་སར་ལསཿ བྱུང་བའི་ལྷ་མོ་མྱུར་དཔའ་སྒྲོལཿ གངས་རིའི་ཁྲོད་ན་མི་མོའི་ཚུལཿ ཕྱི་ལྟར་དབྱངས་ཅན་མཚོ་རྒྱལ་མཿ ནང་ལྟར་རྗེ་བཙུན་སྒྲོལ་མ་དངོསཿ གསང་བ་རྡོ་རྗེ་ཕག་མོ་ཡིནཿ བསྙེན་པ་དབྱིངས་ཀྱི་ཡུམ་ལ་བྱཿ དོན་གྱི་ཕག་མོའི་ཞལ་མཐོང་འགྱུརཿ ཕྲིན་ལས་ཐུགས་རྗེའི་རྩལ་ཤུགས་ནིཿ བྱེ་བ་ཕྲག་བརྒྱའི་སངས་རྒྱས་དངཿ སེམས་དཔའ་མཆོག་རྣམས་བསྙེན་བཀུར་ཞིངཿ འགྲོ་སྒྲོལ་ཐུགས་བསྐྱེད་དམ་བཅའ་ལཿ དཔའ་ཞིང་ཐུགས་རྗེ་མྱུར་བས་ནཿ བཅོམ་ལྡན་སྣང་བ་མཐའ་ཡས་དངཿ བསྐལ་བཟང་སངས་རྒྱས་སྟོང་རྩ་ཡིསཿ བསྟོད་བསྔགས་རྒྱལ་སྲས་རྣམས་ཀྱིས་བསྟེནཿ ས་དང་ཕ་རོལ་ཕྱིན་པ་ལཿ དབང་བསྒྱུར་སྒྲོལ་མ་རྣལ་འབྱོར་མའིཿ རྣམ་པར་སྒྲུབ་པས་བྱིན་རླབས་འགྱུརཿ ས་མ་ཡཿ དེ་ལ་ལས་ཚོགས་ཉེར་གཅིག་གིཿ དང་པོ་ཚད་མེད་བཞི་བསྒོམས་ནསཿ གཞན་ཕན་རྟེན་འབྲེལ་བསྒྲིགས་པ་གཅེསཿ སྙན་གྲགས་རྩ་བ་བྱང་ཆུབ་སེམསཿ རང་སྣང་འགྱུར་ཚེ་གཞན་སྣང་འགྱུརཿ རྩ་བའི་སྒྲུབ་པས་ཁོག་ཕུབས་ལཿ ཡེ་ཤེས་སེམས་དཔའ་གནས་བསྒྱུར་ནིཿ}} མཁའ་འགྲོའི་ཐུགས་ཀར་པད་ཟླའི་སྟེངཿ མྱུར་མ་དཔའ་བའི་རྗེ་བཙུན་མཿ དམར་མོ་ཁྲོ་འཛུམ་ཆགས་པའི་ཉམསཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ གཡས་འཁྱིལ་དུང་མཚན་ཨུཏྤལ་འཛིནཿ གློག་ལྟར་མྱུར་བའི་སྤྱན་གཡོས་པསཿ ལྷ་དང་བཅས་པའི་འཇིག་རྟེན་ནཿ བདག་གི་སྙན་གྲགས་གསལ་བར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་་་{{TibChung|ཐུགས་ཀར་ཟླ་གདན་ལ་ཏཱཾ་ཡིག་བཀོད་པའི་མཐའ་བསྐོར་སྔགས་ཕྲེང་ལས་མཐུན་གྱི་འོད་ཟེར་འཕྲོ་བར་བསམ་མོཿ}}་་་རེ་ཏུ་རེ་བོ་དྷི་ཙིཏྟ་སྭཱ་ཧཱཿ {{TibChung|ཐུན་མཚམས་མཆོད་ཅིང་ཡིག་བརྒྱས་བཤགསཿ}} མྱུར་མ་དཔའ་མོ་{{TibChung|བརྒྱ་ཚར་བརྗོདཿ སྨོན་སེམས་བསྐྱེད་ཅིང་དགེ་བ་བསྔོཿ ཀུན་ལ་ཐུན་མཐར་ཚོགས་འཁོར་བསྐོརཿ ལས་མཐའ་མེ་མཆོད་ཉིད་ལ་གཏདཿ རྣོ་ལ་ངར་གྱི་གདགས་པ་བཞིནཿ ས་མ་ཡཿ ༈ གཉིས་པ་བློ་དང་ཤེས་རབ་བསྒྲུབཿ}} མཁའ་འགྲོའི་ཐུགས་ཀར་པད་ཟླའི་སྟེངཿ དབྱངས་ཅན་མ་ནི་སྟོན་ཟླའི་ཞལཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ མེ་ལོང་ཧྲིཾཿམཚན་ཨུཏྤལ་འཛིནཿ འོད་ཟེར་འཕྲོས་པས་རྒྱལ་རྣམས་ཀྱིཿ མཁྱེན་རབ་སོ་སོ་ཡང་དག་རིགཿ སྐར་མ་སྟོང་ཕྲག་ཚོགས་པ་ལྟའིཿ བློ་གྲོས་གཏེར་ཁ་ཕྱེ་བར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་པྲཛྙཱ་ཧྲིཾ་ཧྲཱིཾ་སྭཱ་ཧཱཿ {{TibChung|རྨོངས་པའི་རྒྱུ་ནི་མ་རིག་པཿ ནད་དང་གདོན་ཡང་དེ་ལ་བརྟེནཿ རིག་པ་འདི་བསྒྲུབས་སྐྱེས་བུ་ནིཿ ཤེས་རབ་ལྷ་ཡིས་རྗེས་སུ་འཛིནཿ ཐུན་མཚམས་གོང་འདྲ་ཕྱག་འཚལ་ནིཿ}} སྟོན་ཀའི་ཟླ་བ་ཀུན་ཏུ་བརྗོདཿ {{TibChung|ས་མ་ཡཿ ༈ གསུམ་པ་བསོད་ནམས་སྟོབས་བསྐྱེད་ནཿ}} མཁའ་འགྲོའི་ཐུགས་ཀར་པད་ཟླའི་སྟེངཿ སེར་མོ་བསོད་ནམས་མཆོག་སྟེར་མཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཆུ་སྐྱེས་སྟེང་ན་རིན་ཆེན་འཛིནཿ སྐུ་ལས་ཉི་གཞོན་འཆར་ཀའི་འོདཿ འཕྲོས་པས་བྱང་ཆུབ་སེམས་དཔའ་ཡིཿ འཇུག་པའི་སྤྱོད་པ་བདག་དབང་གྱུརཿ ཀུན་གྱིས་བརྫི་བར་མི་ནུས་པའིཿ དབང་བཅུའི་ཡོན་ཏན་ཐོབ་པར་བསམཿ {{TibChung|རྩ་སྔགས་ཤམ་བུརཿ}} མ་ཧཱ་པུཎྱེ་སྭཱ་ཧཱཿ {{TibChung|བསོད་ནམས་མེད་ན་ལོངས་སྤྱོད་དངཿ ཚེ་ཡང་རྟག་པར་མི་ནུས་ནཿ ཆོས་དོན་གཉེར་ལ་སྨོས་ཅི་དགོསཿ དེ་ཕྱིར་འདི་ལ་བརྩོན་པར་གྱིསཿ ཐུན་མཚམས་གོང་འདྲ་ཕྱག་འཚལ་ནིཿ}} སེར་སྔོ་ཆུ་ནས་སྐྱེས་ཀྱི་བརྗོདཿ {{TibChung|ས་མ་ཡཿ ༈ བཞི་པ་འཆི་མེད་ཚེ་སྒྲུབ་ནིཿ}} མཁའ་འགྲོའི་ཐུགས་ཀར་པད་ཟླའི་སྟེངཿ གཙུག་ཏོར་རྣམ་རྒྱལ་གསེར་མདོག་ཅནཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་ཚེ་བུམ་འཛིནཿ འོད་ཟེར་སྤྲོ་བསྡུས་འཁོར་འདས་ཀྱིཿ དྭངས་བཅུད་བདག་ལ་ཐིམ་པར་བསམཿ {{TibChung|རྩ་སྔགས་ཤམ་བུརཿ}} ཨཱ་ཡུར་ད་ཏེ་བྷྲཱུྃ་སྭཱ་ཧཱཿ {{TibChung|སྤྲོས་པ་ཅན་ལ་ཚེ་རྫས་བཤམཿ ཚེ་དབང་བདུད་རྩི་བུམ་བཅུད་ཀྱིཿ སྔགས་ལ་ཚིག་ཕྲད་བསྒྱུར་བས་འགྲུབཿ}} ཕྱག་འཚལ་དེ་བཞིན་གཤེགས་པའི་{{TibChung|བརྗོདཿ ས་མ་ཡཿ ༈ ལྔ་པ་དམིགས་བྱ་དབང་སྡུད་ནཿ}} མཁའ་འགྲོའི་ཐུགས་ཀར་པད་ཟླའི་སྟེངཿ རིག་བྱེད་སྒྲོལ་མ་ལེ་བརྒན་མདོགཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་མདའ་གཞུ་འཛིནཿ འབར་ཞིང་རྣོ་བའི་འོད་ཟེར་གྱིསཿ དམིགས་བྱའི་སྙིང་ལ་གཟིར་བ་ཡིསཿ བརྟན་པ་བྲལ་ཏེ་འདུད་པར་བསམཿ {{TibChung|རྩ་སྔགས་ཤམ་བུརཿ}} ཀུ་རུ་ཀུལླེ་ནྲི་ཛཿསྭཱ་ཧཱཿ {{TibChung|མཁན་སློབ་དགེ་འདུན་རྒྱལ་བློན་དངཿ ཁྱིམ་བདག་དྲ་མའི་མིང་སྤེལ་བཅུགཿ}} ཕྱག་འཚལ་ཏུཏྟཱ་ར་{{TibChung|སོགས་བརྗོདཿ ས་མ་ཡཿ ༈ དྲུག་པ་སྨྱོ་བརྗེད་ཤ་ཟ་དངཿ གནོད་སྦྱིན་གདོན་གྱི་སྟོབས་གཞོམ་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ འཇིགས་བྱེད་ཆེན་མོ་དམར་ནག་ཞལཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་ཕུར་བུ་འཛིནཿ ཧཱུྃ་གི་ཚྭ་ཚྭ་འཕྲོས་པ་ཡིསཿ གདོན་གྱི་མགོ་བོ་རབ་བཀས་ནསཿ ཆོས་ཉིད་ངང་དུ་བརྒྱལ་བར་བསམཿ {{TibChung|རྩ་སྔགས་ཤམ་བུརཿ}} སརྦ་བིག་ནན་བཾ་ཧཱུྃ་ཕཊ་སྭཱ་ཧཱཿ {{TibChung|རྨོངས་བྱེད་གདོན་དང་སྨྱོ་འདྲེ་ཀུནཿ འདི་ཡིས་གསོས་པར་ཐེ་ཚོམ་མེདཿ}} ཕྱག་འཚལ་བརྒྱ་བྱིན་མེ་ལྷ་{{TibChung|བརྗོདཿ ས་མ་ཡཿ ༈ བདུན་པ་གཡུལ་གྱི་འཁྲུལ་འཁོར་དང་ཿ ཐོག་སེར་དྲག་པོ་འཇོམས་འདོད་ནཿ}} མཁའ་འགྲོའི་ཐུགས་ཀར་པད་ཟླའི་སྟེང་ཿ གཏུམ་མོ་གཞན་གྱིས་མི་ཐུབ་མཿ ནག་མོ་མེ་འབར་ཁྲོ་གཉེར་ཅནཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རལ་གྲི་འཛིནཿ ཐོག་སེར་སྡེ་བརྒྱད་འཁྲུལ་འཁོར་དང་ཿ སྒྱོགས་སོགས་གཡུལ་གྱི་འཁྲུལ་འཁོར་གྱིསཿ དགྲ་གཤེད་ཐལ་བར་གྱུར་བར་བསམཿ རྩ་སྔགས་ཤམ་བུརཿ བཛྲ་ཏ་ཀ་ཧ་ན་ལི་ཙ་ཕཊཿ ཕྱག་འཚལ་ཏྲད་ཅེས་བྱ་དང་བརྗོདཿ ས་མ་ཡཿ ༈ བརྒྱད་པ་གཞན་རྒོལ་མཚང་འབྲུ་གཞོམཿ མཁའ་འགྲོའི་ཐུགས་ཀར་པད་ཟླའི་སྟེང་ཿ གཞན་མི་རྒྱལ་བའི་དཔའ་མོ་ནིཿ དམར་ནག་ཁྲོ་གཉེར་ལྡན་པའི་ཞལཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྡོ་རྗེ་འཛིནཿ ཚ་ཞིང་རྩུབ་པའི་འོད་ཟེར་གྱིསཿ ཉོན་མོངས་བདུད་དགྲ་གསོད་པར་བསམཿ རྩ་སྔགས་ཤམ་བུརཿ ད་ཧ་པ་ཙ་ཧཱུྃ་ཕཊ་སྭཱ་ཧཱཿ ཕྱག་འཚལ་ཏུ་རེའི་འཇིགས་པ་བརྗོདཿ ས་མ་ཡཿ ༈ དགུ་པ་འཇིགས་པའི་ཚོགས་སྐྱོབ་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ སེང་ལྡེང་ནགས་ཀྱི་སྒྲོལ་མ་ནིཿ མར་གད་མདོག་ཅན་འོད་རབ་འཁྲུགསཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་འཁོར་ལོ་འཛིནཿ མེ་སྦྲུལ་ཤ་ཟ་གླང་ཆེན་བཙོནཿ ཆོམ་རྐུན་སེང་གེ་རྒྱ་མཚོའི་རླབསཿ རྒྱལ་པོའི་ཆད་པ་དགྲ་གདོན་མཛེཿ བཤེས་བྲལ་དབུལ་ཕོངས་གནམ་ལྕགས་ཐོགཿ དོན་ཉམས་ལ་སོགས་འཇིགས་པ་ནིཿ བརྒྱད་ཚན་གཉིས་ལས་སྐྱོབས་པར་བསམཿ རྩ་སྔགས་ཤམ་བུར། དཱ་ན་ཏྲ་ཡ་སྭཱ་ཧཱཿ ཕྱག་འཚལ་དཀོན་མཆོག་གསུམ་མཚོན་་་བརྗོདཿ ས་མ་ཡཿ ༈ བཅུ་པ་འཇིག་རྟེན་དབང་བྱེད་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ སྒྲོལ་མ་འཇིག་རྟེན་གསུམ་རྒྱལ་དམརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྒྱལ་མཚན་འཛིནཿ འདོད་ལྷ་དབང་བྱེད་འོད་ཟེར་དང་ཿ བཞད་པ་བརྒྱད་ལྡན་སྔགས་ཀྱི་སྒྲསཿ གཞན་འཕྲུལ་དབང་བྱེད་སྡེ་དང་བཅསཿ རྨོངས་ཤིང་བདག་གི་དབང་གྱུར་ནསཿ འཇིག་རྟེན་ཀུན་གྱིས་འདུད་པར་དམིགསཿ རྩ་སྔགས་ཤམ་བུརཿ ལོ་ཀ་པཱ་ཤཾ་ཀུ་རུ་སྭཱ་ཧཱཿ རྗེ་དཔོན་དབང་གྱུར་གཞན་སྨོས་ཅིཿ རྒྱལ་བློན་རབ་བྱུང་ཁྱིམ་བདག་དངཿ ཡུལ་གྱི་གཙོ་བོ་རིག་གནས་མཁནཿ དཔལ་ཆེན་བུད་མེད་རིགས་བཟང་མོཿ ལྷ་ཀླུ་གནོད་སྦྱིན་ནོར་གྱི་ལྷཿ སྐྱེད་མོས་ཚལ་དང་ཡུལ་མཁར་ཞིངཿ རྐང་ཕྲན་ནོར་དབྱིག་ཕྱུགས་ལ་སོགསཿ གང་འདོད་དམིགས་པའི་ལྡེ་ཁ་སྒྱུརཿ ཕྱག་འཚལ་རབ་ཏུ་དགའ་བ་བརྗོདཿ ས་མ་ཡཿ ༈ བཅུ་གཅིག་དབུལ་བ་སེལ་འདོད་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ ནོར་གཏེར་དམར་སེར་ཁྲོ་གཉེར་ཅནཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གཏེར་བུམ་འཛིནཿ འོད་ཟེར་འཕྲོས་པས་ཕྱོགས་སྐྱོང་སོགསཿ ས་གཞི་སྐྱོང་བའི་ཕོ་ཉ་བསྐུལཿ ལྷ་ཀླུ་མི་ཡི་དཔལ་འབྱོར་དང་ཿ ལོངས་སྤྱོད་ཆར་དུ་ཕབ་པ་ཡིསཿ ཡུལ་ལྗོངས་དང་ནི་ཁྱིམ་གང་བསམཿ རྩ་སྔགས་ཤམ་བུརཿ མ་མ་བ་སུ་པུཥྚིཾ་ཀུ་རུ་སྭཱ་ཧཱཿ ཕྱག་འཚལ་ས་གཞི་སྐྱོང་བ་བརྗོདཿ གཏེར་བུམ་བསྒྲུབ་དང་གཡང་འགུགས་སོགསཿ ཕྲིན་ལས་ཁ་ཚར་གདགས་སུ་རུང་ཿ ས་མ་ཡཿ ༈ བཅུ་གཉིས་ཆར་ཆུ་བུ་དཔལ་སྤེལཿ ཡུལ་གྲུ་བཀྲ་ཤིས་བྱེད་འདོད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ བཀྲ་ཤིས་དོན་བྱེད་སྒྲོལ་མ་སེརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་དཔལ་བེའུ་འཛིནཿ ལྷ་མོའི་དཔྲལ་བའི་་་ཟླ་བའི་ཟེར་ལས་བདུད་རྩིའི་ཆརཿ ཕབ་པས་རྩི་སྨན་ལོ་ཏོག་རྒྱསཿ རིགས་བདག་ཉིད་ལས་འོད་འཕྲོས་པསཿ བཀྲ་ཤིས་རྫས་རྟགས་ཆར་དུ་བབཿ བརྟན་གཡོའི་རྟེན་འབྲེལ་ལོག་པའི་དུགཿ གཞིལ་ཏེ་ཕུན་སུམ་ཚོགས་པར་བསམཿ རྩ་སྔགས་ཤམ་བུརཿ མངྒ་ལ་ཤྲཱི་མ་ཧཱ་པཱ་ཎི་སྭཱ་ཧཱཿ ཕྱག་འཚལ་ཟླ་བའི་དུམ་སོགས་བརྗོདཿ ས་མ་ཡཿ ༈ བཅུ་གསུམ་གཡུལ་ལས་རྒྱལ་བྱེད་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ མེ་འབར་དབུས་གནས་རྗེ་བཙུན་མཿ དམར་མོ་སྤྱན་གསུམ་ཁྲོས་པའི་གདོང་ཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྡོ་རྗེ་གདེངསཿ འོད་ཟེར་རྡོ་རྗེའི་ཚྭ་ཚྭ་ཡིསཿ གཞན་སྡེ་བཅོམ་ནས་ཚུར་འདུས་པཿ རྡོ་རྗེའི་རྭ་བའི་གུར་གྱུར་པའིཿ ནང་དུ་རང་སྲིད་སྲུང་བར་བསམཿ རྩ་སྔགས་ཤམ་བུརཿ བཛྲ་ཛྭ་ལ་ཕཊ་ཕཊཿ རཀྵ་རཀྵ་སྭཱ་ཧཱཿ ཕྱག་འཚལ་བསྐལ་པའི་ཐ་མ་བརྗོདཿ ས་མ་ཡཿ ༈ བཅུ་བཞི་འགོང་པོ་སྤུན་དགུ་དང་ཿ སྡེ་བརྒྱད་གནོད་བྱེད་ཚོགས་གཞོམ་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ ཁྲོ་གཉེར་ཅན་མཛད་སྐུ་མདོག་ནགཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གཏུན་ཤིང་འཛིནཿ ཧཱུྃ་སྒྲ་སྒྲོགས་པའི་འོད་ཟེར་དང་ཿ ཕྱག་ཞབས་ས་ལ་བསྣུན་པ་ཡིསཿ དམ་འགོང་རྒྱ་འདྲེའི་མགོ་བོ་བཀསཿ ཆོས་ཉིད་ངང་དུ་བརྒྱལ་བར་བསམཿ རྩ་སྔགས་ཤམ་བུརཿ ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊཿ ཕྱག་འཚལ་ས་གཞིའི་ངོས་སོགས་བརྗོདཿ ཿ ས་མ་ཡཿ ༈ བཅོ་ལྔ་སྡིག་པ་ཞི་འདོད་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ རབ་ཏུ་ཞི་བ་སྐུ་མདོག་དཀརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་སྤྱི་བླུགས་འཛིནཿ ཐུགས་ལས་དག་བྱེད་ལྷ་མོ་ནིཿ བུམ་པ་ཐོགས་པ་དཔག་མེད་སྤྲོསཿ ཟླ་གདན་ལ་གནས་དམིགས་བྱ་ཡིཿ ངན་སོང་སྡིག་སྒྲིབ་བཀྲུས་པར་བསམཿ རྩ་སྔགས་ཤམ་བུརཿ སརྦ་པཱ་པཾ་ག་ཏེ་ག་ཏེ་སྭཱ་ཧཱཿ ཕྱག་འཚལ་བདེ་མ་དགེ་མ་བརྗོདཿ གནས་ལུང་དག་ཀྱང་སྦྱར་དུ་རུང་ཿ ས་མ་ཡཿ ༈ བཅུ་དྲུག་དགྲ་ཡི་མཐུ་སད་ཅིང་ཿ བྱད་མའི་རིགས་སྔགས་སྟོབས་གཞོམ་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ འབར་བའི་འོད་ཅན་སྐུ་མདོག་དམརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་རྒྱ་གྲམ་འཛིནཿ འོད་ཟེར་འཕྲོས་པས་དགྲ་བོ་དང་ཿ བྱད་མའི་མཐུ་སྟོབས་ངག་ནུས་བཤིགཿ དྲང་སྲོང་ངག་ལ་དབང་ཐོབ་དམིགསཿ རྩ་སྔགས་ཤམ་བུརཿ ཏྲཾ་དུ་ཏྲི་ན་ཏྲཾ་དུ་ཕཊཿསྭཱ་ཧཱཿ ཕྱག་འཚལ་ཀུན་ནས་བསྐོར་རབ་བརྗོདཿ ས་མ་ཡཿ ༈ བཅུ་བདུན་དགྲ་ཇག་ཆོམ་རྐུན་དང་ཿ རྔོན་པ་ཅན་གྱི་ཁ་འཆིང་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ དཔག་མེད་གནོན་མ་གུར་གུམ་མདོགཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་མཆོད་རྟེན་འཛིནཿ ཐུགས་ཀའི་ཧཱུྃ་ལས་འོད་འཕྲོས་ཧཱུྃཿ ཞབས་མཐིལ་ས་ལ་བརྡབས་པ་ཡིསཿ སྟོང་གསུམ་ཕ་རོལ་གནས་པའི་རིཿ མནྡ་ར་དང་འབིགས་བྱེད་དང་ཿ འདོད་དང་གཟུགས་ཁམས་གཟུགས་མེད་ལྡེགཿ དྲག་ཤུལ་སྟོབས་ཀྱིས་དམིགས་བྱའི་གཟུགསཿ ཞབས་ཀྱི་འོག་ཏུ་མནན་པར་བསམཿ རྩ་སྔགས་ཤམ་བུརཿ ཧཱུྃ་ཧཱུྃ་བཾ་ཧོཿསྭཱ་ཧཱཿ ཕྱག་འཚལ་ཏུ་རེའི་ཞབས་བརྡབས་བརྗོདཿ ས་མ་ཡཿ ༈ བཅོ་བརྒྱད་སྦྱར་དང་དབྱིག་གི་དུགཿ གཟའ་ཀླུ་གནོད་སྦྱིན་སྡེ་ཚོགས་ཀྱིཿ མཐོང་རེག་ཁ་རླངས་དུག་བསྲུང་ནཿ མཁའ་འགྲོའི་ཐུགས་ཀར་པད་ཟླའི་སྟེང་ཿ སྒྲོལ་མ་རྨ་བྱ་ཆེན་མོ་དཀརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ རི་དྭགས་རྟགས་་་ཟླ་བ་ཉ་གང་་་ཅན་ཨུཏྤལ་འཛིནཿ འོད་ཟེར་འཕྲོས་པས་བརྟན་གཡོའི་དུགཿ ལྷག་མ་མེད་པར་གཞིལ་བར་བསམཿ རྩ་སྔགས་ཤམ་བུརཿ སརྦ་བི་ཥ་ཏཱ་ར་ཕཊཿ ཕྱག་འཚལ་ལྷ་ཡི་མཚོ་རྣམ་བརྗོདཿ དུག་དབྱུང་བྱེད་ན་བུམ་སྒྲུབ་དངཿ འབྲེལ་བར་ཆུས་བཀྲུ་རྨ་བྱས་བྱབཿ ཧོཿ འགལ་རྐྱེན་ཐམས་ཅད་དུག་ལ་བརྟེནཿ དུག་གི་རྒྱུ་ནི་ཉོན་མོངས་པཿ རིག་པ་མཆོག་གི་སྨན་ཆེན་འདིསཿ སེམས་ཅན་ཁམས་ནི་དུག་མེད་ཤོགཿ ཕྱག་འཚལ་སྔགས་སྦྲེལ་བརྒྱ་ཚར་བརྗོདཿ ས་མ་ཡཿ ༈ བཅུ་དགུ་པས་ནི་རྩོད་པ་དང་ཿ རྨི་ལམ་ངན་པ་ཐམས་ཅད་སེལཿ མཁའ་འགྲོའི་ཐུགས་ཀར་པད་ཟླའི་སྟེང་ཿ རྗེ་བཙུན་མི་ཕམ་རྒྱལ་མོ་དཀརཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གདུགས་དཀར་འཛིནཿ སྣ་ཚོགས་རྡོ་རྗེའི་ཚྭ་ཚྭ་ཡིསཿ ཕ་རོལ་དག་གི་ནུས་པ་བཅོམཿ དབུ་རྒྱན་་་སྙན་ཆ། དཔུང་རྒྱན་གཉིས། ཕྱག་ཞབས་གདུ་བུ་གཉིས། མགུལ་ཆུན། སྐ་རགས། བ་ཏིའི་སྨད་དཀྲིས་རྣམས་སོཿ་་ལ་སོགས་རྒྱན་བརྒྱད་ཀྱིསཿ གོ་ཆ་བརྗིད་པ་ལྟར་བསྲུངས་པསཿ རྩ་རླུང་ཐིག་ལེ་འཁྲུགས་པ་ཡིཿ རྨི་ལམ་ངན་པ་བསལ་བར་བསམཿ རྩ་སྔགས་ཤམ་བུརཿ ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱཾ་སྭཱ་ཧཱཿ ཕྱག་འཚལ་ལྷ་ཡི་ཚོགས་རྣམས་བརྗོདཿ ས་མ་ཡཿ ༈ ཉི་ཤུ་པ་ཡིས་རིམས་ནད་སེལཿ མཁའ་འགྲོའི་ཐུགས་ཀར་པད་ཟླའི་སྟེང་ཿ དམར་སེར་ལྷ་མོ་རི་ཁྲོད་མཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་ཟ་མ་ཏོགཿ ཉི་མ་ཟླ་བའི་སྤྱན་རྒྱས་པསཿ ཉི་མ་ལས་འབར་བའི་འོད་ཀྱིས་་་ནད་བདག་ཚར་བཅད་་་་ཟླ་བ་ལས་བདུད་རྩིའི་རྒྱུན་བྱུང་བས་་་རིམས་གསོས་བསམཿ རྩ་སྔགས་ཤམ་བུརཿ ན་ལ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱཿ ཕྱག་འཚལ་ཉི་མ་ཟླ་བ་བརྗོདཿ ས་མ་ཡཿ ༈ ཉེར་གཅིག་ནད་པའི་བླ་ཚེ་བླུཿ མཁའ་འགྲོའི་ཐུགས་ཀར་པད་ཟླའི་སྟེང་ཿ འོད་ཟེར་ཅན་མ་སྐུ་མདོག་དཀརཿ སྐུ་གསུང་ཐུགས་ལས་ཨོཾ་ཨཱཿཧཱུྃཿ ཞབས་གཉིས་རྟ་བབས་སྐྱིལ་མོ་ཀྲུང་ཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གསེར་ཉ་འཛིནཿ ཡི་གེ་གསུམ་ལས་འོད་འཕྲོས་པསཿ གདོན་དང་རོ་ལངས་གནོད་སྦྱིན་གྱིསཿ ནད་པའི་བླ་དང་ཚེ་བརྐུས་པཿ སླར་ལ་མནངས་བཞིན་སྤྲད་པར་དམིགསཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་རི་ཙྱཻ་ཚེ་བྷྲཱུྃ་ནྲི་ཛཿསྭཱ་ཧཱཿ ཚེ་ལ་མདའ་དང་བླ་ལ་གཡུཿ ཁམས་ཀྱི་རྟེན་དུ་དར་ཚོན་དཔྱངསཿ རྟེན་འབྲེལ་བླ་ལུག་ཉིད་ལ་བརྟགཿ མ་གྲུབ་བར་དུ་བསྐྱར་ཞིང་འབདཿ ཐུན་མཚམས་བླ་གླུད་བཟང་པོ་ལཿ གླུད་ཕྲན་ཟན་འབྲུལ་ཆང་བུ་བརྒྱཿ འབྲུ་གསུམ་བྱིན་བརླབས་སཾ་བྷ་རཿ བརྒྱ་རྩ་བརྒྱད་བསྔོ་ལན་རེ་བཞིནཿ ཧཱུྃཿ ཁྱེར་ཅིག་ཁྱེར་ཅིག་སྟོབས་ལྡན་རྣམསཿ སྲེད་དང་ཆགས་དང་ཞེན་པ་དངཿ དྲན་དང་བཟུང་དང་བསམ་དང་རེགཿ གློད་དང་ཞི་དང་གྲོལ་བར་མཛོདཿ ཅེས་དང་སྒྲོལ་མ་ཡིད་ལ་བྱསཿ ཐལ་སྦྱར་དེ་ཉིད་གསུམ་བཀོད་མཐརཿ ཐལ་མོ་རྡེབ་ཅིང་འབབ་ཆུར་དོརཿ སྲོག་བླུ་བྱ་ཞིང་ཉེའུ་འདོནཿ དུས་མིན་འཆི་བ་ངེས་པར་བཟློགཿ ས་མ་ཡཿ རྒྱ་རྒྱ་རྒྱཿ ༈ བཅངས་པས་མི་མཐུན་ཕྱོགས་བསྲུང་ཞིངཿ མཐོང་བས་སྡིག་པ་ལས་གྲོལ་བའིཿ ཡུམ་འཁོར་དཔལ་གྱི་གདུ་བུ་ལཿ མཐོང་གྲོལ་ཙཀྲ་ཞེས་སུའང་གྲགསཿ མཁའ་འགྲོ་འདུ་བའི་དུས་གཉན་ལཿ མུ་ཁྱུད་རིམ་པ་བདུན་གྱི་དབུསཿ པདྨ་འདབ་བཞི་དབུས་དང་ལྔའིཿ ཁོང་དུ་འོད་ལྔའི་ཐིག་ལེའི་ཀློངཿ གཤེགས་མ་ལྔ་ཡི་ས་བོན་ནིཿ ཏཱཾ་ཡིག་དབུས་སུ་གནས་པ་བྲིཿ དེའི་ཕྱི་མུ་ཁྱུད་དང་པོ་ལཿ ཨོཾ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་ཧཱུྃཿ ན་མོ་ཨཱརྱ་ཏཱ་རེཿ ཨོཾ་ཏཱ་རེ་ཏཱཾ་སྭཱ་ཧཱཿ ན་མོ་རཏྣ་ཏྲ་ཡཱ་ཡཿ ན་མཿཨཱརྱ་ཨ་ཝ་ལོ་ཀི་ཏེཿ ཤྭ་ར་ཡཿ བོ་དྷི་སཏྭ་ཡཿ མཧཱ་སཏྭ་ཡཿ མ་ཧཱ་ཀ་རུ་ནི་ཀཱ་ཡཿ ཨོཾ་ཏཱ་རེ་ཏུཏྟཱ་རེ་ཏུ་རེ་མཱཾཿ ཀྲྀ་ཏེ་སརྦ་དུཥྚ་ནཾཿ ཛཾ་བྷ་ཡཿ སྟྭཾ་བྷ་ཡཿ མོ་ཧ་ཡཿ བྷན་དྷ་ཡཿ ཧཱུྃ་ཧཱུྃ་ཕཊ་ཕཊཿ སརྦ་དུཥྚཾ་སྟྭཾ་བྷ་ནི་ཏཱ་རེ་སྭཱ་ཧཱཿ ཞེས་བྲི་དེའི་ཕྱི་པད་འདབ་བརྒྱདཿ མདུན་ནས་བརྩམས་པའི་གཡས་བསྐོར་དུཿ དང་པོརཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་པྲཛྙཱ་ཧྲིཾ་ཧྲིཾ་སྭཱ་ཧཱཿ གཏི་མུག་གླང་པོའི་འཇིགས་པ་ལས་སྐྱོབས་ཤིག་རཀྵཿ གཉིས་པར་ཐོག་མཐའ་འདྲ་བ་ལཿ མ་ཧཱ་པུཎྱེ་སེར་སྣ་ལྕགས་སྒྲོག་གི་འཇིགས་པ༴ གསུམ་པརཿ ཨཱ་ཡུརྡ་ཏེ་བྷྲཱུྃ་སྭཱ་ཧཱཿ ཐེ་ཚོམ་ཤ་ཟའི་འཇིགས༴ བཞི་པརཿ མངྒ་ལ་ཤྲཱི་མ་ཧཱ་པཱ་ནི་སྭཱ་ཧཱཿ འདོད་པ་ཆུ་བོའི་དབའ་རླབས་ཀྱི༴ ལྔ་པརཿ སརྦ་པཱ་པཾ་ག་ཏེ་ག་ཏེ་སྭཱ་ཧཱཿ ཞེ་སྡང་མེའི༴ དྲུག་པརཿ ཧཱུྃ་ཧཱུྃ་བཾ་ཧོཿསྭཱ་ཧཱཿ ལྟས་ངན་ཆོམ་རྐུན་གྱི༴ བདུན་པརཿ སརྦ་བི་ཥ་ཏཱ་ར་ཕཊ་སྭཱ་ཧཱཿ ཕྲག་དོག་དུག་སྦྲུལ་གྱི༴ བརྒྱད་པརཿ ཧཱུྃ་ཧཱུྃ་ཕཊ་ཕཊཿརཀྵ་རཀྵ་མཱཾ་སྭཱ་ཧཱཿ ང་རྒྱལ་སེང་གེའི་འཇིགས༴ སྤྲོ་ན་བསྒྲུབ་བྱའི་དངོས་གྲུབ་ཀྱིཿ འདོད་གསོལ་རེ་རེ་བཞིན་དུ་སྦྱརཿ དེའི་ཕྱི་རྩིབས་ནི་བཅུ་གསུམ་ལཿ རྩ་སྔགས་ནི་ཐོག་མཐའ་འདྲ་སྟེ་རྩིབས་དང་པོརཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་བོ་དྷི་ཙིཏྟ་སྭཱ་ཧཱཿ ཕ་རོལ་གྱི་ལྕེ་འབབ་པའི་འཇིགས་པ་ལས་སྲུངས་ཤིགཿ གཉིས་པརཿ མུ་ཏྲ་ནྲི་ཛ་སྭཱ་ཧཱཿ མིང་སྤེལ་དམིགས་བསལ་འཇུགཿ ས་གཡོ་བའི་འཇིགས༴ གསུམ་པརཿ སརྦ་བིག་ནན་བཾ་ཧཱུྃ་ཕཊཿ སྨྱོ་བརྗེད་ཀྱི་གདོན་ལས༴ བཞི་པརཿ བཛྲ་ཏ་ཀ་ཧ་ན་ལི་ཙ་ཕཊཿ གནམ་ལྕགས་དང་འཁྲུལ་འཁོར་གྱི་འཇིགས༴ ལྔ་པརཿ ད་ཧ་པ་ཙ་ཧཱུྃ་ཕཊཿསྭཱ་ཧཱཿ རྒྱལ་པོའི་ཆད་པའི༴ དྲུག་པརཿ དཱ་ན་ཏྲ་ཡ་སྭཱ་ཧཱཿ དུས་མ་ཡིན་པར་འཆི་བའི༴ བདུན་པརཿ ལོ་ཀ་པཱ་ཤཾ་ཀུ་རུ་སྭཱ་ཧཱཿ མཛའ་བཤེས་དང་བྲལ་བའི༴ བརྒྱད་པརཿ མ་མ་པཱ་སུ་པུཥྚིཾ་ཀུ་རུ་སྭཱ་ཧཱཿ མུ་གེ་དང་ཕོངས་པའི༴ དགུ་པརཿ བཛྲ་ཛྭ་ལ་རཀྵ་སྭཱ་ཧཱཿ ཕ་རོལ་གྱི་དམག་ཚོགས་ཀྱི༴ བཅུ་པ་ལ་ཧཱུྃ་ཧཱུྃ་སྭཱ་ཧཱཿ མཛེ་ནད་དང་ཁྱབ་འཇུག་གི༴ བཅུ་གཅིག་པརཿ ཏྲཾ་དུ་ཏྲི་ན་ཏྲཾ་དུ་ཕཊ་སྭཱ་ཧཱཿ བྱད་ཕུར་དང་རིག་སྔགས་ཀྱི༴ བཅུ་གཉིས་པ་ལ་མ་ནོ་ཧ་ར་ཧཱུྃ་ཧ་ར་སྭཱ་ཧཱཿ གྲིབ་དང་རིམས་ནད་ཀྱི༴ བཅུ་གསུམ་པ་ལཿ མ་རི་ཙྱེ་ཚེ་བྷྲཱུྃ་ནྲི་ཛ་སྭཱ་ཧཱཿ རོ་ལངས་དང་གནོད་སྦྱིན་གྱི་འཇིགས༴ རྩིབས་མཆན་བཅུ་གསུམ་དག་ལ་ནིཿ ཨོཾ་ཨ་ན་ལེ་ཨ་ན་ལེཿ ༡ ཁ་ས་མེ་ཁ་ས་མེཿ ༢ བཻ་རེ་བཻ་རེཿ ༣ སཽ་མེ་སཽ་མེཿ ༤ ཤཱནྟེ་ཤཱནྟེཿ ༥ དཱནྟེ་དཱནྟེཿ ༦ བི་ཥ་དེ་བི་ཥ་དེཿ ༧ བཱི་རེ་བཱི་རེཿ ༨ དེ་བི་བཛྲ་དྷཱ་རིཿ ༩ བྷནྡྷ་བྷནྡྷ་ནིཿ ༡༠ བཛྲ་པཱ་ཎི་ཕཊཿ ༡༡ ཨོཾ་ཧཱུྃ་ཧཱུྃ་དྲུཾ་ཧྲཱིཥྚོཾ་ཕཊ་སྭཱ་ཧཱཿ ༡༢ ཧཱུྃ་དྲུཾ་བྷནྡྷ་ཕཊཿ ༡༣ དེའི་ཕྱི་མུ་ཁྱུད་བཞི་པ་ལཿ མཐོང་གྲོལ་ཡབ་ཀྱི་དགོངས་པ་བྲིཿ ལྔ་པར་རེག་གྲོལ་ཡུམ་སྙིང་པོཿ དྲུག་པར་ཐིག་ལེ་ཉེར་ལྔའི་དབུསཿ ཡེ་ཤེས་ཆེན་པོའི་སྙིང་པོ་ནིཿ སྡེ་ཚན་ཉི་ཤུ་རྩ་ལྔ་དངཿ བར་མཚམས་ཀློང་གྲོལ་ཡིག་དྲུག་བཀོདཿ བདུན་པར་ཕྱག་མཚན་ཉེར་གཅིག་དངཿ བརྒྱད་པར་དབྱངས་གསལ་རྟེན་སྙིང་བྲིཿ དགུ་པར་རྡོ་རྗེའི་ཕྲེང་བ་དངཿ བཅུ་པ་ཉིད་ནི་པ་ཏྲའོཿ བསྲུང་བ་རྐྱང་པར་ལྟོ་བ་དངཿ བཏགས་གྲོལ་མུ་ཁྱུད་གསུམ་དོར་རོཿ ཀུན་ཀྱང་ཚོན་གྱིས་རྣམ་པར་དབྱེཿ ཨ་མྲྀ་ཏ་དང་དྲི་བཟང་བྱུགཿ མགུལ་དུ་བཏགས་ན་རང་རྒྱུད་ལཿ གནས་པའི་ཉོན་མོངས་དུག་རྣམས་སྦྱོངཿ ཕྱི་ལ་གཡེངས་ན་རྫི་ཕྱོགས་ཀྱིསཿ ཕོག་པའི་སེམས་ཅན་དོན་བྱེད་འགྱུརཿ གྲོང་ཁྱེར་དག་དང་ཕྱུགས་ཀྱི་ལྷསཿ གཡུལ་གྱི་ཕྲུ་མ་ལ་བཙུགས་ནཿ འཇིགས་པ་མེད་པའི་གནས་ཐོབ་འགྱུརཿ རིག་སྔགས་དང་ནི་མཁྱུད་དཔྱད་ཀྱིཿ རྟེན་འབྲེལ་བདེན་པ་བསམ་མི་ཁྱབཿ རྒྱལ་བའི་ཕྲིན་ལས་ཚད་མེད་ཕྱིརཿ དོན་འབྲས་གྲུབ་ལ་བསླུ་བ་མེདཿ སྒྲིབ་པའི་ནང་ན་ཐེ་ཚོམ་ཆེཿ དངོས་གྲུབ་དད་པ་ཅན་ལ་འབྱུངཿ ཤིན་ཏུ་ཟབ་པའི་སྔགས་རྒྱུད་འདིའིཿ བརྡ་རིས་འཚོ་རྒྱལ་བླ་མཚོར་རྒྱཿ བརྡ་འགྲོལ་སེང་གེ་རོང་དུ་འབྱུངཿ གྲུ་གཟིངས་ཆུ་བོའི་གཞུང་ལ་འབེབསཿ རྟེན་འབྲེལ་སྣ་ཁ་མ་ལོག་ནཿ འགྲོ་དོན་ཉི་འོག་ཉིད་ལ་སྤྱོདཿ སྙིང་གི་བུ་དང་འཕྲད་ནས་ཀྱངཿ འགྲོ་དོན་ནམ་མཁའི་མཐར་ཐུག་ཤོགཿ ས་མ་ཡཿ རྒྱ་རྒྱ་རྒྱཿ གཏེར་རྒྱཿ དགོངས་རྒྱཿ བརྡ་རྒྱཿ ལས་ཚོགས་འདི་གཞན་བསྐུལ་ཡང་ཡང་བྱུང་ཡང་རིང་ཞིག་གཏེར་རྒྱ་མ་ཁྲོལཿ དེ་རྗེས་ནོར་སྐྱོང་གི་ལོ་སྒྲོལ་མ་འབུམ་ཐེར་བསགས་པའི་རྐྱེན་གྱིས་རྗེ་བཙུན་མའི་བྱིན་རླབས་ཁོ་ནས་ཀློང་གི་བརྡ་རིས་གྲོལཿ དེ་ལོ་ཆར་ཞོད་ཤིན་ཏུ་དཀོན་པ་ལ་བཀྲ་ཤིས་སྲོང་བཙན་བང་སོར་ཡུམ་ཀའི་ཚོགས་སྐོང་དང་བཅས་འདུན་པ་སྒྱུར་བས་རིགས་བདག་གི་ལས་ཚོགས་བཅུ་གཉིས་པ་ལ་ངེས་པ་རྙེད་པའོཿ ཿ}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-033&diff=64187 2026-09-29T13:50:11Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བ་དང་འབྲེལ་བར་ཚེ་འདས་ཀྱི་ཕུང་པོ་སྦྱོང་ཐབས་སྒྲིབ་གཉིས་རྣམ་གྲོལ།<br /> |fulltitle=zhi khro ngan song sbyong ba dang 'brel bar tshe 'das kyi phung po sbyong thabs sgrib gnyis rnam grol<br /> |citation='jigs med gling pa. ''Zhi khro ngan song sbyong ba dang 'brel bar tshe 'das kyi phung po sbyong thabs sgrib gnyis rnam grol''. In ''Kun mkhyen rig 'dzin 'jigs med gling pa'i gsung 'bum'', Vol. 11: 519-534. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Funerary Rituals - gnas lung - byang chog<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=033<br /> |pagenumbers=519-534<br /> |totalpages=16<br /> |beginfolioline=1a1<br /> |endfolioline=8b6<br /> |totalfolios=8<br /> |multivolumework=No<br /> |rectonotes=ngan song sbyong ba<br /> |versonotes=sreg sbyongs sgrib gnyis rnam grol<br /> |colophontib=ཅེས་རྫོགས་ཆེན་པ་རང་བྱུང་རྡོ་རྗེའི་ཐུགས་ཀྱི་ཏི་ཀའོ།། །།དགེའོ།།<br /> |colophonwylie=ces rdzogs chen pa rang byung rdo rje'i thugs kyi ti ka'o//_//dge'o//<br /> |pdflink=File:JLKO-KABUM-11-DA-033.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །ཞི་ཁྲོ་ངན་སོང་སྦྱོང་བ་དང་འབྲེལ་བར་ཚེ་འདས་ཀྱི་ཕུང་པོ་སྦྱོང་ཐབས་སྒྲིབ་གཉིས་རྣམ་གྲོལ་བཞུགས།།<br /> <br /> ༄། །{{TibChung|བཅོམ་ལྡན་འདས་ངན་སོང་ཐམས་ཅད་རྣམ་པར་སྦྱོང་བ་ལ་ཕྱག་འཚལ་ལོ། །འདིར་མན་ངག་གི་རྒྱུད་སྡེ་རྫོགས་པ་རང་བྱུང་གི་དགོངས་པ་གཙོ་བོར་གྱུར་པའི་ཧོམ་ལྷའི་ཕྲིན་ལས་ཀྱི་གོང་བུ་རྣམས་སྲེག་པ་དང་། ཞུ་རྫས་བླུགས་པ་སྟེ་སྲེག་བླུགས་སམ། བསྲེག་བྱ་རྣམས་ལྷའི་ཞལ་དུ་སྦྱིན་པ་ལ་ཞེ་སར་སྦྱར་བས་འབུལ་བའི་དོན་གྱི་སྦྱིན་སྲེག་གི་སྦྱོར་བས་ཚེ་འདས་ཀྱི་ཕུང་པོ་སྦྱོང་བའི་ཆོ་ག་སྒྲིབ་གཉིས་རྣམ་གྲོལ་རྩོམ་པ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ལ་གསུམ། ཐབ་བརྩིགས་པ། རོ་ཆས་སུ་འཇུག་པ། མཆོད་རྫས་འདུ་བྱ་བའོ། །ཐབ་བརྩིག་པ་ནི། ཕལ་མོ་ཆེ་སྲེག་ཁང་རྙིང་པར་བྱ་བ་མང་བས་འདིར་མ་བཤད་ལ། དམིགས་བསལ་དགོས་ན་མཆོག་དམན་བྱེ་བྲག་ཕྱེད་པར་རྩིག་པའི་ཚུལ་གཞན་དུ་ཤེས་པར་བྱས་ནས། མེ་གདན་རས་སམ་ཤོག་བུ་ལ་ཐིག་ཆེན་བཞི་བཏབ་པའི་དབུས་ནས་མཐོ་གང་ཟླུམ་སྐོར་གྱི་ཕྱི་མ་ཕྱེད་ཕྱེད་ཀྱིས་དམན་པའི་མུ་ཁྱུད་རིམ་པ་གསུམ་བསྐོར། མུ་ཁྱུད་ནང་མའི་གཞི་མཐིང་ཀར་བྱས་པ་ལ་པདྨ་འདབ་བཞི་ལྟེ་བ་དང་བཅས་པའི་འདབ་མ་བཞི་པོར་ཤར་ནས་བརྩམས་ཏེ། གཡས་བསྐོར་གྱིས་རྡོ་རྗེ། རིན་པོ་ཆེ། པདྨ། རྒྱ་གྲམ་རྣམས་བྲི་ཞིང་། དབུས་ཀྱི་ལྟེ་བ་ལ་འཁོར་ལོའོ། །མུ་ཁྱུད་བར་པ་གཞི་དམར་པོ་ལ་སེམས་དཔའ་ཡབ་ཡུམ་བརྒྱད་ཀྱི་གནས་ཐིག་ལེ་ཉིས་བརྩེགས་བརྒྱད། མུ་ཁྱུད་ཕྱི་མ་གཞི་དཀར་པོ་ལ་སྒོ་བ་ཡབ་ཡུམ་གྱི་མཚན་མ་བཀོད། དེའི་སྟེང་དུ་ཕྱི་ཡེ་ཤེས་ལྔའི་མུ་ཁྱུད་ཚོན་སྣ་ཚང་བས་བསྐོར་བའི་ཟུར་བཞིར་ཟླ་ཕྱེད་རྡོ་རྗེས་མཚན་པ་བྲིས་ལ། པུར་ཐབ་ཏུ་བཏིང་། རས་ལ་འཁོར་ལོ་རྩིབས་བརྒྱད་མུ་ཁྱུད་དང་བཅས་པ་བྲིས་ཏེ་བུམ་ཆུ་ལ་དྲངས་པ་མེ་གདན་གྱི་ཁར་བཀབ་བོ། །གཉིས་པ་རོ་ཆས་སུ་གཞུག་པ་ནི། གནས་ལུང་ནས་བཤད་པའི་བུམ་སྒྲུབ་དམིགས་བསལ་དང་། གཞན་ཡང་ཡི་གེ་བརྒྱ་པ་ཅི་རིགས་མི་འཁྲུགས་པའི་གཟུངས་ལ་སོགས་ཀྱིས་བཞུ་བཏུལ་བྱས་པའི་བུམ་ཆུས་རོ་ལེགས་པར་འཁྲུད་ཅིང་རས་ཀྱིས་ཕྱིས་པ་ག་བུར་སོགས་དྲི་བཟང་དང་སྨན་སྣའི་འདག་པས་ཁྱབ་པར་བྱུག་ཅིང་ཁ་སོགས་དབང་པོའི་སྒོར་ཡང་ལྡུགས། རྒྱ་ཤོག་ལ་གསེར་རམ་དྲི་བཟང་གིས།}} ཧཱུྃ་བཛྲ་དྷྲིཀ །མུཾ་དྷཱ་ཏེ་ཤྭ་རཱི། ཨོཾ་ཛི་ན་ཛིཀ །ལཱཾ་དྭེ་ཥ་ར་ཏི། སྭཱ་རཏྣ་དྷྲིཀ །མཾ་མོ་ཧཱ་ར་ཏི། ཨཱཾ་ཨ་རོ་ལིཀ །པཱཾ་རཱ་ག་ར་ཏི། ཧཱ་པྲཛྙཱ་དྷྲིཀ །ཏཱཾ་བཛྲ་ར་ཏི། ཚེ་ལས་འདས་པ་ཆེ་གེ་མོའི་སརྦ་དུརྒ་ཏེ་སརྦ་པཱ་པཾ་བི་ཤྭ་དྷ་ནི་ཧཱུྃ་ཕཊ། {{TibChung|ཅེས་པ་ཚར་གསུམ་ནོར་འཁྲུལ་ལྷག་ཆད་མེད་པར་བྲིས་ཏེ། སྤྱི་བོ། མགྲིན་པ། སྙིང་ཁ་གསུམ་དུ་སྦྲང་རྩིས་སྦྱར། རྡོ་རྗེ་ཁུ་ཚུར་དང་བཅས།}} ཨོཾ་སརྦ་བིད་བཛྲ་ཨ་དྷིཥྛ་ཛྙཱ་ན་ས་མ་ཡེ་ཧཱུྃཿ {{TibChung|གིས་བྱིན་གྱིས་བརླབས། སྤྲོ་ན་བདེར་འདུས་ལས། རོ་ཡི་ཕྱི་ཤུན་ཐམས་ཅད་ལ། །འཁོར་བའི་བག་ཆགས་ཀུན་བཀོད་དེ། །ཞེས་པ་ལ་སོགས་པས་གནས་དྲུག་ཏུ་རིགས་དྲུག་གི་ས་བོན་ཡི་གེ་དྲུག་དང་ལྟེ་བ་སྲིད་པ་སྐྱེད་བྱེད་ལ་རྟེན་འབྲེལ་བཅུ་གཉིས་ཀྱི་བག་ཆགས་བསྲེགས་ཕྱིར་དེའི་བརྡ་ཚུལ་ལམ། མིང་ཡིག་ཅི་བདེ་བའང་བཀོད་ན་ལེགས་མོད། དེ་བཞིན་དུ་སྦྱོང་རྒྱུད་ལས། རོ་ལ་སྔགས་ཀྱིས་བཏབ་ནས་ཀྱང་། །ཆུ་མཆོག་གིས་ནི་བཀྲུས་ནས་ནི། །བཟླས་པའི་དྲི་ཡིས་བྱུག་པར་བྱ། །གོས་དང་རྒྱན་གྱིས་བཀླུབས་ནས་ནི། །སྔགས་ཀྱིས་བཏབ་པའི་དུད་པས་བདུག །མེ་ཏོག་ཕྲེང་བ་ལ་སོགས་མཆོད། །ཅེས་གསུངས་པས་རབ་བྱུང་ལ་ཆོས་གོས་དང་། ཁྱིམ་པ་ལ་གོས་དཀར་པོའམ། དམར་པོས་བླ་ཁེབས་གཡོགས། མགོ་ལ་མེ་ཏོག་གི་ཕྲེང་བ་བཅིངས། རོལ་མོའི་བྱེ་བྲག་དང་བཅས་པས་སྲེགས་ཁང་དུ་བཅུག་ཅིང་བགེགས་བསྐྲད། དེ་ཡང་སྲེག་ཁང་གི་གཡས་གཡོན་དུ་རླུང་སེང་གི་བུག་པ་འཇོག་པ་དང་། སྙིང་གའི་ཐད་དུ་སྲེག་རྫས་འབུལ་བའི་རྫས་ཁུང་སོགས་ཐབ་རྩིག་དུས་ནས་ཉེར་བསྡོགས་ཤེས་ཡོད་ཀྱིས། འཇིག་རྟེན་པ་རྣམས་བློ་གྲོས་རྨོངས་པས་རོ་ཐབ་ནང་དུ་ཧ་ཅང་དྲང་པོར་བསྲང་ན་འཚིག་པར་དཀའ་བས། མགོ་ཁུང་དུ་དཔྲལ་བ་གཏུགས་ལ་འཐིང་རྡོ་སྤྲད། ཁོག་པ་ཅུང་ཟད་སྒུར་སྟབས་སུ་བཞག་པའི་སྙིང་ཁའི་ཐད་ལ་མེའི་སྙིང་པོ་བཅར་་་་རྒྱག་ཕོག་པར་བྱ། དེ་བཞིན་དུ་རྐང་པ་གཉིས་ཀྱང་ཤད་དེ་བརྐྱངས་པའི་མཐེ་བོང་ལ་རས་ལྡེ་སྣུམ་ཅན་བསྡམ། ཁྱད་པར་དམུ་ཆུ་ཅན་ལ་འོག་ཏུ་རྫ་སྣོད་མར་ནག་གིས་བཀང་བར་མུ་ཟི་དང་སྤོས་དཀར་བཏབ་པ་བཞག་པས་ཆུ་ཡང་མེ་འབར་བ་སོགས་ཞུགས་སྤྱོད་བདེ་བའི་མན་ངག་གོ། །གསུམ་པ་ནི། སྲེག་རྫས་གཡས་དང་། མཆོད་རྫས་གཡོན་དུ་བཤམ་པའི་སྲེག་རྫས་ནི། ཡམ་ཤིང་གི་རྒྱུ་འོ་མ་ཅན་གྱི་ཤིང་ལྔ་བོད་དུ་མེད་མོད། རུང་མཐུན་བལ་བུ། ལྕང་མ་ལ་སོགས་ཡོགས་ཤུན་བྲལ་སོགས་མ་ཡིན་པ་སོར་བཅུ་གཉིས་པ་མང་བ་དང་། མར་ཞུན་བཟང་པོ། ཏིལ་དང་ཡུངས་ཀར་གཉིས་ལྷག་པར་ཕོན་ཆེ་བ། ཞོ་ཟན། འབྲས་མ་བྲུབས་པ། སོ་བ་གྲ་མ་མེད་པ། གྲོ་ནས་སྲན་གསུམ་སོགས་རང་རང་གི་བསླད་དང་མ་འདྲེས་ཤིང་རྒྱུ་དག་པ། ཀུ་ཤ་ཤིང་ཏོག་ལ་སོགས་པ་ཤིན་ཏུ་གཙང་བར་བཀྲུས་པ་དང་། གོས་ཟུང་། འཇིག་རྟེན་པའི་གཏོར་མ་གཉིས། སོ་རྩི་གཉིས། ལས་ཐམས་ཅད་པའི་བུམ་ཆུ་རྣམས་དང་། མཆོད་རྫས་ཉེར་སྤྱོད་ལྔ། སྨན་རཀ་གཏོར་གསུམ་དང་བཅས་པ་མ་ཚང་པ་མེད་པ་ཆོ་གའི་གཞུང་གི་རྩིས་མགོ་བསྡུས་ལ་བསགས་པར་བྱའོ། །དེ་ཡང་སྦྱོང་རྒྱུད་ལས་ལྟུང་བ་སློང་བའི་ཕྱག་རྒྱ་རྡོ་རྗེའི་ཁུ་ཚུར་གཉིས་ཀྱི་ནང་དུ་མཛུབ་མོ་ལྕགས་སྒྲོགས་ལྟར་བཅིངས་ནས་གྱེན་དུ་འཕངས་ཤིང་།}} ཨོཾ་སརྦ་ཨ་པ་ཡ་ཨརྵ་ཎ་བི་ཤྭ་དྷ་ན་བཛྲ་ས་མ་ཡ་ཧཱུྃ་ཕཊ། {{TibChung|ཅེས་དང་འདོད་རྒྱལ་གྱི་རྒྱས།}} ཨོཾ་ཤྭ་དྷ་ནི་ཤྭ་དྷ་ནི་སརྦ་པཱ་པཾ་ཨ་ན་ཡ་ཧཱུྃ་ཕཊ། ཅེས་བརྗོད་པས་ངན་སོང་གསུམ་དང་སྡིག་སྒྲིབ་ཐམས་ཅད་སྲེག་རྫས་ལ་ཐིམ་པར་བསམས་{{TibChung|པ་ཡང་མན་ངག་ཏུ་ཆེའོ། །གཉིས་པ་དངོས་གཞི་ལ། བདག་བསྐྱེད། མདུན་བསྐྱེད། མཇུག་བསྡུ་བ་གསུམ་ལས། དང་པོ་བདག་བསྐྱེད་ནི་ལས་གཞུང་ལྟར་བྱའོ། །གཉིས་པ་ནི། གང་ཟག་མཆོག་ལ་ཛྭ་ལའི་སྔགས་ཙམ་གྱིས་མེ་སྤར། ཕལ་པ་ལ།}} གསོན་ཅིག་དགོངས་ཤིག་རིགས་ཀྱི་བུ། །ཕུང་པོ་ལྔ་ཡི་བུད་ཤིང་ལ། །རྒྱལ་བ་རིགས་ལྔའི་མེ་སྦར་རོ། །འབྱུང་བ་བཞི་ཡི་བུད་ཤིང་ལ། །ལྷ་མོ་བཞི་ཡི་མེ་སྤར་རོ། །དབང་པོ་དྲུག་གི་བུད་ཤིང་ལ། །བྱང་ཆུབ་སེམས་ཀྱི་མེ་སྤར་རོ། །ཡུལ་རྣམ་དྲུག་གི་བུད་ཤིང་ལ། །རྒྱལ་བའི་སྐུ་གསུམ་མེ་སྤར་རོ། །སྐུ་གསུམ་ཡེ་ཤེས་ལྔ་ལྡན་དུ། །འགྲོ་བའི་དོན་གཉིས་འགྲུབ་པར་ཤོག །ཨོཾ་བཛྲ་ཛྭ་ལ་རཾ་ཛྭ་ལ་རཾ། {{TibChung|ཞེེེས་པས་སྤར། དེ་ནས་མཆོད་སྲེག་གི་རྫས་རྣམས་བྱིན་གྱིས་བརླབ་པ་ནི། བསང་ཆུ་འཐོར་ཞིང་།}} ཨོཾ་སྭ་བྷཱ་ཝ{{TibChung|ས་སྦྱངས།}} སྟོང་པའི་ངང་ལས་མཆོད་རྫས་དང་སྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་དངོས་པོ་བདུད་རྩི་ཆེན་པོའི་རང་བཞིན་ཟད་མི་ཤེས་པར་གྱུར། ཨོཾ་བཛྲ་ཨརྒྷཾ་{{TibChung|སོགས་དང་།}} སརྦ་པཉྩ་རཀྟ་བྷ་ལིངྟ་ག་ན་ཙཀྲ་པཱུ་ཛ་ཨཱཿཧཱུྃ། {{TibChung|ལན་བདུན།}} མ་ཧཱ་བཛྲ་ཧཱུྃ། གཎྜེ་ཧཱུྃ་གིས་{{TibChung|རྡོར་དྲིལ་བརླབ། དགང་བླུགས་ཐོགས་ལ།}} ཨོཾ་ཧཱུྃ་ཏྲཱཾ་ཧྲཱི་ཨཿ མཱུཾ་ལཱཾ་མཱཾ་པཱཾ་ཏཱཾ་{{TibChung|གྱིས་ཁ་སྦྱོར་ཞིང་།}} ཛྙཱ་ན་པཉྩ་ཨ་མྲྀ་ཏ་ཤུདྡྷེ་ཤུདྡྷེ་སྭཱ་ཧཱ། {{TibChung|ཞེས་དེ་བཞིན་གཤེགས་པ་ཐམས་ཅད་ཀྱི་ཞལ་འདུས་པའི་ངོ་བོར་བསམ།}} ཨོཾ་བོ་དྷི་བྲིཀྵ་ཡེ། ཨགྣ་ཡེ། སརྦ་པཱ་པཾ་ད་ཧ་ན་བཛྲ་ཡེ། བཛྲ་སིདྡྷི་ཡེ། སརྦ་སཾ་བྷ་ཏེ། བཛྲ་པུཥྚ་ཡ། ཨ་པྲ་ཏི་ཧ་ཏ་བཛྲ། བཛྲ་གྷསྨ་རི། བཛྲ་བི་ཛ་ཡེ། མ་ཧཱ་བཱ་ལ་ཡ། བཛྲ་ཤྲཱི་བ་ཡེ་སྭཱ་ཧཱ། {{TibChung|ཞེས་ལན་གསུམ་གྱིས་རྫས་རྣམས་}}ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་ཚེ་འདས་ཀྱི་སྡིག་སྒྲིབ་ཉེས་ལྟུང་བསྲེག་བྱའི་མཆོད་རྫས་སུ་གྱུར། {{TibChung|དེ་ནས་མེ་ཐབ་བསྐྱེད་པ་ནི་བསང་ཆུ་འཐོར་ཞིང་།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས་རིན་པོ་ཆེའི་ཐབ་ཡངས་ཤིང་རྒྱ་ཆེ་བ་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། ར་སྐྱེས་སྟེང་ན་རཾ་ལས་མེ་ལྷ་དཀར་པོ་ཞལ་གཅིག་ཕྱག་བཞི་པ། གཡས་དང་པོ་པདྨ་དང་། གཉིས་པ་ནོར་བུའི་ཕྲེང་བ། གཡོན་དང་པོས་དབྱུག་པ་དང་། གཉིས་པས་རིལ་བ་སྤྱི་བླུགས་འཛིན་པའོ། །{{TibChung|དབྱུག་གུའི་ཕྱག་རྒྱ་དང་བཅས།}} ཨོཾ་ཚུར་བྱོན་ཚུར་བྱོན་འབྱུང་པོ་ཆེ། །མེ་ལྷ་དྲང་སྲོང་བྲམ་ཟེ་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་གཤེགས་སུ་གསོལ། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ། །ཨོཾ་ཨགྣེ་མ་ཧཱ་ཏེ་ཛ་ཨེ་ཧྱེ་ཧི་ས་མ་ཡ་ཛ་ཛཿ ཛཿཧཱུྃ་བཾ་ཧོཿ{{TibChung|ས་གཉིས་སུ་མེད་པར་གྱུར།}} ཨོཾ་ཨགྣ་ཡེ་པདྨ་ཀ་མ་ལཱ་ཡེ་སྟྭཾ། {{TibChung|ཞེས་གདན་ཕུལ། ཀུ་ཤ་ཐོགས་ཏེ།}} ཀུ་ཤ་འདི་ནི་གཙང་ཞིང་དགེ །ས་ལས་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཡིན། །ཚངས་པའི་ཡང་དག་བྱེད་པ་སྟེ། །དེ་ཡིས་བདག་ཅག་འཁོར་བཅས་ལ། །བགེགས་རྣམས་མེད་ཅིང་ཞི་བར་མཛོད། །{{TibChung|ཅེས་བཀྲམ།}} ཨོཾ་ཨགྣེ་ཡེ་སྭཱ་ཧཱཿ{{TibChung|ས་མར་ཁུ་བླུགས་གཟར་བདུན་གྱིས་བཀང་བའི་དགང་བླུགས་ཁ་སྦྱར་བ་འབུལ་ཞིང་།}} ཨོཾ་ཨགྣ་ཡེ་དི་བྱ་དི་བྱ་བི་ཤུདྡྷེ་མ་ཧཱ་ཤྲཱི་ཧ་བྱ་ཀ་བྱ་བྷ་ཧ་ན་ཡ་ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་དབུལ། དེ་ནས།}} གཙང་ཞིང་གཙང་མར་སྦྱར་བ་ཡི། །ལྷ་རྫས་དམ་པའི་མཆོད་ཡོན་འདི། །དྲང་སྲོང་འཁོར་དང་བཅས་ལ་འབུལ། །ཚེ་འདས་དོན་དུ་བཞེས་སུ་གསོལ། །ཨོཾ་ཨགྣེ་ཡེ་མ་ཧཱ་ཏེ་ཛྭ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། {{TibChung|ཞེས་པ་ནས་ཤབྡའི་བར་ཕུལ། དེ་ནས་སྲེག་རྫས་རྣམས།}} ཨོཾ་ཨགྣ་ཡེ་ཆེ་གེ་མོའི་སྡིག་པ་སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པ་ཁོ་ནས་རྫས་སོ་སོ་ནས་ཉི་ཤུ་རྩ་གྲངས་རེ་ཕུལ་མཐར།}} ཨོཾ་ཨགྣེ་ཡེ་མ་ཧཱ་ཏེ་ཛ་ཨརྒྷཾ་སོགས་ཀྱིས་མཆོད། {{TibChung|བསྟོད་པ་ནི།}} འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིའི་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །{{TibChung|དེ་ནས་ཡེ་ཤེས་ཀྱི་ལྷ་ལ་མཆོད་ཅིང་བསྟོད་པ་ནི། གང་ཟག་མཆོག་ལ་རོ་དང་ལྷ་དབྱེར་མེད་དུ་བསྐྱེད་ལ། ཚོགས་བསག་གི་ཕྱིར་དུ་བྱ། ཕལ་པ་ལ་ཕུང་པོ་བུད་ཤིང་ངམ། ཤ་ཁྲག་རུས་པ་རྣམས་བདུད་རྩིར་བསམ་ལ་དབུལ་བ་སྟེ། དེ་ཡང་འདི་ལྟར།}} ཨོཾ་སྭ་བྷཱ་ཝ་{{TibChung|སོགས་དང་།}} མེ་ལྷའི་ལྟོ་བ་ཡངས་ཤིང་རྒྱ་ཆེ་བའི་ནང་དུ་ཧྲཱིཿལས་དཔའ་བོ་རྟ་མགྲིན་ཞལ་གཅིག་ཕྱག་གཉིས་དབྱུག་ཏོ་དང་སྡིགས་མཛུབ་མཛད་པའི་པང་ན་ཡུམ་རྡོ་རྗེ་ཕག་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། གཉིས་ཀའང་རིན་པོ་ཆེ་དང་རུས་པ་ཐོད་པའི་ཕྲེང་བས་རབ་ཏུ་བརྒྱན་པ། སྤྱན་གསུམ་ཁྲོ་བོའི་ལྟ་སྟངས་ཆེན་པོས་བསྐལ་པའི་མེ་རི་མེ་དཔུང་གི་དབུས་ན་བཞུགས་པར་གྱུར། ཧཱུཾ། ཡེ་ཤེས་བསྐལ་པའི་མེ་ལྟར་འབར་བའི་འོད། །མ་རིག་འདོད་པའི་མུན་ཁང་ཐམས་ཅད་བསྲེགས། །ཞེ་སྡང་གཤིན་རྗེའི་འཇིགས་པ་ཐམས་ཅད་འཇོམས། །ལོག་འདྲེན་སྲིན་པོའི་མཐའ་གནོན་དགྲ་འདུལ་བ། །རིག་པའི་རྒྱལ་པོ་ཁྲོ་བོ་བཞུགས་སོ་འཚལ། །ལོག་འདྲེན་འདུལ་བའི་སླད་དུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །ཨོཾ་བཛྲ་ཀྲོ་དྷ་ཧྱ་གྷྲི་ཝ་ཧུ་ལུ་ཧུ་ལུ་ས་མ་ཡ་ཛཿ {{TibChung|ཅེས་སྤྱན་དྲངས།}} ཨོཾ་བཛྲ་ཀྲོ་དྷ་ཧྱ་གྷྲི་ཝ་ཧུ་ལུ་ཧུ་ལུ་ཨརྒྷཾ་སོགས་ཀྱིས་མཆོད། དབང་ཆེན་བསྐལ་པའི་མེ་ལྟར་གཟི་བརྗིད་འབར། །འཇིགས་བྱེད་ཆེན་པོ་རལ་པ་གྱེན་དུ་བརྫེས། །ཁྲོ་བོའི་རྒྱན་རྣམས་མ་ལུས་རབ་རྫོགས་པའི། །ཁྲོ་རྒྱལ་རྟ་མཆོག་དཔལ་ལ་ཕྱག་འཚལ་བསྟོད། །{{TibChung|ཅེས་པའི་རྗེས་ལ་སྲེག་རྫས་རྣམས།}} ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པས་ཕུལ་བའི་རྗེས་ལ།}} ཧཱུཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པ། །བླ་མེད་དཀོན་མཆོག་གསུམ་པོ་གནས་འདིར་གཤེགས། །ཨོཾ་ན་མོ་རཏྣ་ཏྲ་ཡཱ་ཡ། བུདྡྷ་དྷརྨཱ་སངྒ་ས་མ་ཡ་ཛཿ {{TibChung|ཞེས་བརྗོད་པས།}} རྒྱལ་བ་སྲས་དང་བཅས་པ་ཁྲོ་བོའི་མདུན་དུ་བཞུགས་པར་གྱུར། ཨོཾ་བཛྲ་ཨརྒྷཾ་{{TibChung|སོགས་ཀྱིས་མཆོད།}} མགོན་པོ་ཐུགས་རྗེ་ཆེར་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པས་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་སྒྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །{{TibChung|ཞེས་པའི་རྗེས་ལ་སྲེག་རྫས་རྣམས།}} ན་མོ་རཏྣ་ཏྲ་ཡཱ་ཡ་བུདྡྷ་དྷརྨ་སངྒ་བྷྱ། ཆེ་གེ་མོའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པས་ཇི་ལྟར་རིགས་པ་ཕུལ་རྗེས་སྔར་ལྟར་མཆོད་ཅིང་བསྟོད། དེ་ནས་ཞི་ཁྲོའི་དཀྱིལ་འཁོར་མཆོད་པ་ནི། མཆོད་པ་རྣམས་ཁ་གསོས་ལ།}} ཁྲོ་བོའི་རྒྱལ་པོ་རྟ་མགྲིན་ཡབ་ཡུམ་གྱི་ཐུགས་དག་ཆེན་ཡེ་ཤེས་ཀྱི་ཀློང་ཆེན་པོར་འོག་མིན་ལྷུན་གྱིས་གྲུབ་པའི་གཞལ་མེད་ཁང་ཤིན་ཏུ་ཉམས་དགའ་བ། ཕྱི་མཆོད་རྟེན་གྱི་རང་བཞིན་རྩེ་ལྔ་པ་ལ་ནང་རང་བྱུང་རྡོ་རྗེའི་གཞལ་ཡས་ཁང་། {{TibChung|ཞེས་གཞུང་ལྟར་ལས།}} སྐད་ཅིག་དྲན་རྫོགས་སུ་གསལ་བར་གྱུར། {{TibChung|སྤོས་རོལ་དང་བཅས།}} ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་བཞིན་བཞུགས་སུ་གསོལ། །བཛྲ་ས་མ་ཡ་ཛཿ བཛྲ་ས་མ་ཡ་ཏིཥྛ་ལྷན། ཨཱཿ བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱི་ཙྪ་ཧོ། ཧཱུཾ། དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་ཡོངས་བཀོད་དེ། །ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །ཨོཾ་བཛྲ་ཨརྒྷཾ་སོགས་ནས་རཱུ་པ་ཤབྡ་གྷནྡྷེ་རཱ་ས་པརྴེ་ཨཱཿཧཱུཾ། སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིངྟ་པཱུ་ཙ་ཨཱཿཧཱུཾ། {{TibChung|དེ་ནས་སྲེག་རྫས་འབུལ་བ་ནི།}} དགང་བླུགས་ཀྱི་ཁ་དང་དཀྱིལ་འཁོར་པའི་ལྷ་ཚོགས་རྣམས་ཀྱི་ལྗགས་ལ་ཧཱུྃ་དང་རཾ་ཡིག་སོ་སོའི་མཚན་པས་སྲེག་རྫས་ཀྱི་བདུད་རྩི་དགྱེས་བཞིན་དུ་བཞེས་པར་གྱུར། ན་མཿས་མནྟ་བུདྡྷ་ནཱཾཿཨོཾ་ཨགྣ་ཡེ་སྭཱ་ཧཱ་{{TibChung|ཞེས་མར་ཁུ་དང་། རྗས་གཞན་རྣམས་ལ།}} ཨོཾ་ཧཱུྃ་ཏྲཱཾ་ཧྲཱིཿཨཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ {{TibChung|ཆེ་གེ་མོའི་}}སྡིག་སྒྲིབ་ཉེས་ལྟུང་སརྦ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པ་ཁོ་ནས་དབུལ་ཞིང་། སླར་ཡང་།}} ཨོཾ་ན་མོ་བྷ་ག་ཝ་ཏེ་སརྦ་དུརྒ་ཏེ་པ་རི་ཤོ་དྷ་ནི་རཱ་ཛ་ཡཿ ཏ་ཐཱ་ག་ཏ་ཡཿ ཨརྷ་ཏེ་སཾ་མྱཀ་སཾ་བུདྡྷ་ཡཿ ཏངྱ་ཐཱཿ ཨོཾ་ཤོ་དྷ་ནི་ཤོ་དྷ་ནི་སརྦ་པཱ་བཾ་བི་ཤོ་དྷ་ནི་སྭཱ་ཧཱ། {{TibChung|ཞེས་པ་ཁོ་ནས་ཏིལ་དང་ཡུངས་ཀར་བུང་བསྐྱེད་ལ་འབུལ། རྫས་རྫོགས་རྗེས།}} ཨོཾ་བཛྲ་ཏཾ་བུ་ལ་ཡེ་སྭཱ་ཧཱཿ {{TibChung|ཞེས་སོ་རྩི་དང་།}} དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དག་ཀྱང་དབུལ་བར་བགྱི། །ཨོཾ་བཛྲ་ཝསྟྲ་ཡེ་སྭཱ་ཧཱ། {{TibChung|གོས་དབུལ། གྲུབ་ན་རྡོ་རྗེའི་ལྷ་མོ་བཅུ་དྲུག་གིས་མཆོད། བསྡུ་ན།}} ཨརྒྷཾ་{{TibChung|སོགས་ཀྱི་མཐར། བསྟོད་པ་ནི།}} ཧཱུཾ། ཆོས་ཉིད་ཡེ་ཤེས་མཉམ་པའི་ངང་། །རང་བཞིན་ཡོན་ཏན་ལྷུན་གྱིས་གྲུབ། །ཐུགས་རྗེ་ཡིད་བཞིན་ནོར་བུ་འདྲ། །ཕྱག་འཚལ་གདོད་མའི་མགོན་པོ་ལ། །ཡེ་ཤེས་ལྔ་ཡི་ངོ་བོ་ཉིད། །ཉོན་མོངས་དུག་ལྔ་རྣམས་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་རྒྱལ་བ་རིགས་ལྔ་ལ། །བཅུ་དྲུག་ཡེ་ཤེས་ངོ་བོ་ཉིད། །གཟུང་འཛིན་དྲི་མ་རྣམ་སྦྱོང་ཞིང་། །རྣམ་ཤེས་ཚོགས་བརྒྱད་གནས་དག་པ། །ཕྱག་འཚལ་སེམས་དཔའ་ཡབ་ཡུམ་ལ། །ཚད་མེད་ཡེ་ཤེས་ངོ་བོ་ཉིད། །སྐྱེ་གནས་དྲི་མ་རྣམས་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་སྒོ་བ་ཡབ་ཡུམ་ལ། །ཕ་རོལ་ཕྱིན་དྲུག་ངོ་བོ་ཉིད། །ཁམས་དྲུག་དྲི་མ་རྣམས་སྦྱོང་ཞིང་། །ཚོགས་དྲུག་རྣམ་ཤེས་རྣམ་པར་དག །ཕྱག་འཚལ་ཐུབ་པ་དྲུག་ལའོ། །ཞི་ལས་ཡེ་ཤེས་རྣམ་འཕྲོས་པ། །འཇིགས་གཟུགས་ཁྲོ་བོའི་དཀྱིལ་འཁོར་ནི། །ལྔ་བཅུ་རྩ་བརྒྱད་འབར་བའི་སྐུ། །ཕྱག་འཚལ་དབྱིངས་ཀྱི་དཀྱིལ་འཁོར་ལ། །ས་དང་ཡེ་ཤེས་ཞིང་ཁམས་ལ། །འཇིག་རྟེན་འདས་དང་མ་འདས་ཚུལ། །དུར་ཁྲོད་ཆེན་པོའི་གནས་བརྒྱད་ན། །བཞུགས་པའི་འགྲོ་བ་ཀུན་ལ་འདུད། །{{TibChung|ཅེས་བསྟོད་ནས་ཕྲིན་ལས་བཅོལ་བ་ནི།}} དཀྱིལ་འཁོར་གྱི་ལྷ་ཚོགས་རྣམས་ཀྱི་ཚད་མེད་པའི་ཐུགས་རྗེ་ཆེན་པོས་འཇིག་རྟེན་འདི་ནས་ཕ་རོལ་ཏུ་ཚེ་ལས་འདས་པ་ཆེ་གེ་མོའི་ཚེ་རབས་འཁོར་བ་ཐོག་མེད་ནས་བསགས་པའི་སྡིག་སྒྲིབ་ཉེས་ལྟུང་ཐམས་ཅད་ལྷག་མ་མེད་པར་བྱང་ཞིང་དག་ནས་ཐར་པ་དང་ཐམས་ཅད་མཁྱེན་པའི་གོ་འཕང་མཆོག་ལ་འགོད་པར་མཛད་དུ་གསོལ། །{{TibChung|ཞེས་ལན་གསུམ།}} མ་འབྱོར་པ་དང་ཉམས་པ་དང་། །{{TibChung|སོགས་ཀྱི་མཐར་ཡི་གེ་བརྒྱ་པས་ནོངས་པ་བཤགས།}} ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །{{TibChung|སོགས་ནས་བཛྲ་མུཿས་ཡེ་ཤེས་ཀྱི་དཀྱིལ་འཁོར་གཤེགས་སུ་གསོལ། དེ་ནས། མེ་ལྷའི་ལྟོ་བར་མཁའ་འགྲོ་ཆོས་སྐྱོང་ཡུལ་ལྷ་གཞི་བདག་དང་བཅས་པ་ཁྲོམ་ཚོགས་སུ་རང་གི་ཐུགས་ཀའི་འོད་ཀྱིས་སྤྱན་དྲངས་པ་ལ།}} ཨོཾ་ཨ་ཀཱ་རོ་མུ་ཁཾ་{{TibChung|སོགས་ཀྱིས་སྲེག་རྫས་གཏོར་མ་ཕུལ།}} མཆོད་སྦྱིན་གཏོར་མ་འདི་ཕུལ་བས། །རྣལ་འབྱོར་བདག་ཅག་འཁོར་བཅས་ལ། །{{TibChung|སོགས་ཀྱིས་ཕྲིན་ལས་བཅོལ། མཐར་}}བཛྲ་མུཿ{{TibChung|ས་གཤེགས། མར་ཁུ་དང་བཅས།}} ཨོཾ་ཨགྣ་ཡེ་ཛྭ་ལ་རཾ། {{TibChung|ཞེས་པས་མེ་ལྷ་ཤིན་ཏུ་གསལ་བར་བྱས་ཏེ། སྲེག་རྫས་ལྷག་མ་རྣམས།}} ཨོཾ་ཨགྣ་ཡེ་སྡིག་སྒྲིབ་ཉེས་ལྟུང་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པས་གཏང་རག་གི་ཚུལ་དུ་ཕུལ།}} ཨོཾ་ཨགྣ་ཡེ་ཨི་དཾ་བྷ་ལིངྟ་ཁ་ཁ་ཁཱ་ཧི། {{TibChung|གཏོར་མ་ཕུལ།}} བཛྲ་ཏམྦུ་ལ{{TibChung|ས་སོ་རྩི་དང་། གོས་ཟུང་སྔར་བཞིན་དབུལ།}} མེ་སྟེ་སྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །{{TibChung|ཞེས་པས་བསྟོད། ཡིག་བརྒྱས་ནོངས་པ་བཤགས།}} བདག་གི་དོན་དང་གཞན་གྱི་དོན། །སྒྲུབ་བྱེད་སྲེག་བྱ་ཟ་བ་གཤེགས། །ཇི་ལྟའི་དུས་སུ་ཚུར་སྤྱོན་ལ། །ལས་ཀྱི་འབྲས་བུ་མཆིས་པར་མཛོད། །བཛྲ་མུཿ{{TibChung|ས།}} ཡེ་ཤེས་པ་ཤར་ལྷོར་གཤེགས། དམ་ཚིག་པ་མེ་འབར་བའི་ཀློང་དུ་ཐིམ་པར་བསམས་{{TibChung|ལ་བསྔོ་སྨོན་གྱིས་རྒྱས་གདབ།}} ཨོཾ་ཨཱཿཧཱུྃ་{{TibChung|གིས་བདག་ཉིད་བསྲུངས་ནས་གསོན་པོའི་དོན་དུ་ཤིས་པ་བརྗོད། །གསུམ་པ་མཇུག་བསྡུ་བ་ནི། བདག་ཉིད་ལྷའི་རྣལ་འབྱོར་དང་ལྡན་པས་ལག་གཉིས་དཔུང་པར་བསྣོལ་བའི་སེ་གོལ་གཏོགས་ཤིང་།}} ཨོཾ་བཛྲ་ས་མ་ཡ་ཛཿ ཛཿཧཱུྃ་བཾ་ཧོ{{TibChung|ས་རུས་བུ་བསྡུ། རུས་ཆོག་གནད་དུ་འགྲོ་བས་སཱཙྪ་ལ་སོགས་བཞེངས་ཤིང་སྨོན་ལམ་དང་བཅས་པས་རྒྱ་མཚོར་འབབས་པའི་ཆུ་ཀླུང་ལ་དོར་བས་ཕྱོགས་དེར་བདེན་ཚིག་གྲུབ་པའི་དྲང་སྲོང་རྣམས་ཀྱི་མངོན་ཤེས་ཀྱིས་བཏེག་སྟེ་ཇི་ལྟར་བཏབ་པའི་སྨོན་ལམ་གྱི་མཐུན་འགྱུར་བྱེད་པར་བཤད་པ་ཡིན་ནོ། །ཅེས་འོད་གསལ་གྱི་རྒྱུད་སྡེ་རྫོགས་པ་རང་བྱུང་གི་རྒྱུད་དོན་གསལ་བར་བྱས་ཤིང་། ངན་སོང་སྦྱོང་བའི་མན་ངག་གིས་ཟུར་བརྒྱན་པའི། སྲེག་སྦྱོངས་ཀྱི་ཆོ་ག་འདི་ནི་ཀུན་ལས་ཁྱད་པར་དུ་འཕགས་པའི་མན་ངག་ཡིན་ནོ།}} །ས་མ་ཡཿ རྒྱ་རྒྱ་རྒྱཿ {{TibChung|ཅེས་རྫོགས་ཆེན་པ་རང་བྱུང་རྡོ་རྗེའི་ཐུགས་ཀྱི་ཏི་ཀའོ།། །།དགེའོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-033&diff=64186 2026-09-29T13:20:10Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བ་དང་འབྲེལ་བར་ཚེ་འདས་ཀྱི་ཕུང་པོ་སྦྱོང་ཐབས་སྒྲིབ་གཉིས་རྣམ་གྲོལ།<br /> |fulltitle=zhi khro ngan song sbyong ba dang 'brel bar tshe 'das kyi phung po sbyong thabs sgrib gnyis rnam grol<br /> |citation='jigs med gling pa. ''Zhi khro ngan song sbyong ba dang 'brel bar tshe 'das kyi phung po sbyong thabs sgrib gnyis rnam grol''. In ''Kun mkhyen rig 'dzin 'jigs med gling pa'i gsung 'bum'', Vol. 11: 519-534. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Funerary Rituals - gnas lung - byang chog<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=033<br /> |pagenumbers=519-534<br /> |totalpages=16<br /> |beginfolioline=1a1<br /> |endfolioline=8b6<br /> |totalfolios=8<br /> |multivolumework=No<br /> |rectonotes=ngan song sbyong ba<br /> |versonotes=sreg sbyongs sgrib gnyis rnam grol<br /> |colophontib=ཅེས་རྫོགས་ཆེན་པ་རང་བྱུང་རྡོ་རྗེའི་ཐུགས་ཀྱི་ཏི་ཀའོ།། །།དགེའོ།།<br /> |colophonwylie=ces rdzogs chen pa rang byung rdo rje'i thugs kyi ti ka'o//_//dge'o//<br /> |pdflink=File:JLKO-KABUM-11-DA-033.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །ཞི་ཁྲོ་ངན་སོང་སྦྱོང་བ་དང་འབྲེལ་བར་ཚེ་འདས་ཀྱི་ཕུང་པོ་སྦྱོང་ཐབས་སྒྲིབ་གཉིས་རྣམ་གྲོལ་བཞུགས།།<br /> <br /> ༄། །{{TibChung|བཅོམ་ལྡན་འདས་ངན་སོང་ཐམས་ཅད་རྣམ་པར་སྦྱོང་བ་ལ་ཕྱག་འཚལ་ལོ། །འདིར་མན་ངག་གི་རྒྱུད་སྡེ་རྫོགས་པ་རང་བྱུང་གི་དགོངས་པ་གཙོ་བོར་གྱུར་པའི་ཧོམ་ལྷའི་ཕྲིན་ལས་ཀྱི་གོང་བུ་རྣམས་སྲེག་པ་དང་། ཞུ་རྫས་བླུགས་པ་སྟེ་སྲེག་བླུགས་སམ། བསྲེག་བྱ་རྣམས་ལྷའི་ཞལ་དུ་སྦྱིན་པ་ལ་ཞེ་སར་སྦྱར་བས་འབུལ་བའི་དོན་གྱི་སྦྱིན་སྲེག་གི་སྦྱོར་བས་ཚེ་འདས་ཀྱི་ཕུང་པོ་སྦྱོང་བའི་ཆོ་ག་སྒྲིབ་གཉིས་རྣམ་གྲོལ་རྩོམ་པ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ལ་གསུམ། ཐབ་བརྩིགས་པ། རོ་ཆས་སུ་འཇུག་པ། མཆོད་རྫས་འདུ་བྱ་བའོ། །ཐབ་བརྩིག་པ་ནི། ཕལ་མོ་ཆེ་སྲེག་ཁང་རྙིང་པར་བྱ་བ་མང་བས་འདིར་མ་བཤད་ལ། དམིགས་བསལ་དགོས་ན་མཆོག་དམན་བྱེ་བྲག་ཕྱེད་པར་རྩིག་པའི་ཚུལ་གཞན་དུ་ཤེས་པར་བྱས་ནས། མེ་གདན་རས་སམ་ཤོག་བུ་ལ་ཐིག་ཆེན་བཞི་བཏབ་པའི་དབུས་ནས་མཐོ་གང་ཟླུམ་སྐོར་གྱི་ཕྱི་མ་ཕྱེད་ཕྱེད་ཀྱིས་དམན་པའི་མུ་ཁྱུད་རིམ་པ་གསུམ་བསྐོར། མུ་ཁྱུད་ནང་མའི་གཞི་མཐིང་ཀར་བྱས་པ་ལ་པདྨ་འདབ་བཞི་ལྟེ་བ་དང་བཅས་པའི་འདབ་མ་བཞི་པོར་ཤར་ནས་བརྩམས་ཏེ། གཡས་བསྐོར་གྱིས་རྡོ་རྗེ། རིན་པོ་ཆེ། པདྨ། རྒྱ་གྲམ་རྣམས་བྲི་ཞིང་། དབུས་ཀྱི་ལྟེ་བ་ལ་འཁོར་ལོའོ། །མུ་ཁྱུད་བར་པ་གཞི་དམར་པོ་ལ་སེམས་དཔའ་ཡབ་ཡུམ་བརྒྱད་ཀྱི་གནས་ཐིག་ལེ་ཉིས་བརྩེགས་བརྒྱད། མུ་ཁྱུད་ཕྱི་མ་གཞི་དཀར་པོ་ལ་སྒོ་བ་ཡབ་ཡུམ་གྱི་མཚན་མ་བཀོད། དེའི་སྟེང་དུ་ཕྱི་ཡེ་ཤེས་ལྔའི་མུ་ཁྱུད་ཚོན་སྣ་ཚང་བས་བསྐོར་བའི་ཟུར་བཞིར་ཟླ་ཕྱེད་རྡོ་རྗེས་མཚན་པ་བྲིས་ལ། པུར་ཐབ་ཏུ་བཏིང་། རས་ལ་འཁོར་ལོ་རྩིབས་བརྒྱད་མུ་ཁྱུད་དང་བཅས་པ་བྲིས་ཏེ་བུམ་ཆུ་ལ་དྲངས་པ་མེ་གདན་གྱི་ཁར་བཀབ་བོ། །གཉིས་པ་རོ་ཆས་སུ་གཞུག་པ་ནི། གནས་ལུང་ནས་བཤད་པའི་བུམ་སྒྲུབ་དམིགས་བསལ་དང་། གཞན་ཡང་ཡི་གེ་བརྒྱ་པ་ཅི་རིགས་མི་འཁྲུགས་པའི་གཟུངས་ལ་སོགས་ཀྱིས་བཞུ་བཏུལ་བྱས་པའི་བུམ་ཆུས་རོ་ལེགས་པར་འཁྲུད་ཅིང་རས་ཀྱིས་ཕྱིས་པ་ག་བུར་སོགས་དྲི་བཟང་དང་སྨན་སྣའི་འདག་པས་ཁྱབ་པར་བྱུག་ཅིང་ཁ་སོགས་དབང་པོའི་སྒོར་ཡང་ལྡུགས། རྒྱ་ཤོག་ལ་གསེར་རམ་དྲི་བཟང་གིས།}} ཧཱུྃ་བཛྲ་དྷྲིཀ །མུཾ་དྷཱ་ཏེ་ཤྭ་རཱི། ཨོཾ་ཛི་ན་ཛིཀ །ལཱཾ་དྭེ་ཥ་ར་ཏི། སྭཱ་རཏྣ་དྷྲིཀ །མཾ་མོ་ཧཱ་ར་ཏི། ཨཱཾ་ཨ་རོ་ལིཀ །པཱཾ་རཱ་ག་ར་ཏི། ཧཱ་པྲཛྙཱ་དྷྲིཀ །ཏཱཾ་བཛྲ་ར་ཏི། ཚེ་ལས་འདས་པ་ཆེ་གེ་མོའི་སརྦ་དུརྒ་ཏེ་སརྦ་པཱ་པཾ་བི་ཤྭ་དྷ་ནི་ཧཱུྃ་ཕཊ། {{TibChung|ཅེས་པ་ཚར་གསུམ་ནོར་འཁྲུལ་ལྷག་ཆད་མེད་པར་བྲིས་ཏེ། སྤྱི་བོ། མགྲིན་པ། སྙིང་ཁ་གསུམ་དུ་སྦྲང་རྩིས་སྦྱར། རྡོ་རྗེ་ཁུ་ཚུར་དང་བཅས།}} ཨོཾ་སརྦ་བིད་བཛྲ་ཨ་དྷིཥྛ་ཛྙཱ་ན་ས་མ་ཡེ་ཧཱུྃཿ {{TibChung|གིས་བྱིན་གྱིས་བརླབས། སྤྲོ་ན་བདེར་འདུས་ལས། རོ་ཡི་ཕྱི་ཤུན་ཐམས་ཅད་ལ། །འཁོར་བའི་བག་ཆགས་ཀུན་བཀོད་དེ། །ཞེས་པ་ལ་སོགས་པས་གནས་དྲུག་ཏུ་རིགས་དྲུག་གི་ས་བོན་ཡི་གེ་དྲུག་དང་ལྟེ་བ་སྲིད་པ་སྐྱེད་བྱེད་ལ་རྟེན་འབྲེལ་བཅུ་གཉིས་ཀྱི་བག་ཆགས་བསྲེགས་ཕྱིར་དེའི་བརྡ་ཚུལ་ལམ། མིང་ཡིག་ཅི་བདེ་བའང་བཀོད་ན་ལེགས་མོད། དེ་བཞིན་དུ་སྦྱོང་རྒྱུད་ལས། རོ་ལ་སྔགས་ཀྱིས་བཏབ་ནས་ཀྱང་། །ཆུ་མཆོག་གིས་ནི་བཀྲུས་ནས་ནི། །བཟླས་པའི་དྲི་ཡིས་བྱུག་པར་བྱ། །གོས་དང་རྒྱན་གྱིས་བཀླུབས་ནས་ནི། །སྔགས་ཀྱིས་བཏབ་པའི་དུད་པས་བདུག །མེ་ཏོག་ཕྲེང་བ་ལ་སོགས་མཆོད། །ཅེས་གསུངས་པས་རབ་བྱུང་ལ་ཆོས་གོས་དང་། ཁྱིམ་པ་ལ་གོས་དཀར་པོའམ། དམར་པོས་བླ་ཁེབས་གཡོགས། མགོ་ལ་མེ་ཏོག་གི་ཕྲེང་བ་བཅིངས། རོལ་མོའི་བྱེ་བྲག་དང་བཅས་པས་སྲེགས་ཁང་དུ་བཅུག་ཅིང་བགེགས་བསྐྲད། དེ་ཡང་སྲེག་ཁང་གི་གཡས་གཡོན་དུ་རླུང་སེང་གི་བུག་པ་འཇོག་པ་དང་། སྙིང་གའི་ཐད་དུ་སྲེག་རྫས་འབུལ་བའི་རྫས་ཁུང་སོགས་ཐབ་རྩིག་དུས་ནས་ཉེར་བསྡོགས་ཤེས་ཡོད་ཀྱིས། འཇིག་རྟེན་པ་རྣམས་བློ་གྲོས་རྨོངས་པས་རོ་ཐབ་ནང་དུ་ཧ་ཅང་དྲང་པོར་བསྲང་ན་འཚིག་པར་དཀའ་བས། མགོ་ཁུང་དུ་དཔྲལ་བ་གཏུགས་ལ་འཐིང་རྡོ་སྤྲད། ཁོག་པ་ཅུང་ཟད་སྒུར་སྟབས་སུ་བཞག་པའི་སྙིང་ཁའི་ཐད་ལ་མེའི་སྙིང་པོ་བཅར་་་་རྒྱག་ཕོག་པར་བྱ། དེ་བཞིན་དུ་རྐང་པ་གཉིས་ཀྱང་ཤད་དེ་བརྐྱངས་པའི་མཐེ་བོང་ལ་རས་ལྡེ་སྣུམ་ཅན་བསྡམ། ཁྱད་པར་དམུ་ཆུ་ཅན་ལ་འོག་ཏུ་རྫ་སྣོད་མར་ནག་གིས་བཀང་བར་མུ་ཟི་དང་སྤོས་དཀར་བཏབ་པ་བཞག་པས་ཆུ་ཡང་མེ་འབར་བ་སོགས་ཞུགས་སྤྱོད་བདེ་བའི་མན་ངག་གོ། །གསུམ་པ་ནི། སྲེག་རྫས་གཡས་དང་། མཆོད་རྫས་གཡོན་དུ་བཤམ་པའི་སྲེག་རྫས་ནི། ཡམ་ཤིང་གི་རྒྱུ་འོ་མ་ཅན་གྱི་ཤིང་ལྔ་བོད་དུ་མེད་མོད། རུང་མཐུན་བལ་བུ། ལྕང་མ་ལ་སོགས་ཡོགས་ཤུན་བྲལ་སོགས་མ་ཡིན་པ་སོར་བཅུ་གཉིས་པ་མང་བ་དང་། མར་ཞུན་བཟང་པོ། ཏིལ་དང་ཡུངས་ཀར་གཉིས་ལྷག་པར་ཕོན་ཆེ་བ། ཞོ་ཟན། འབྲས་མ་བྲུབས་པ། སོ་བ་གྲ་མ་མེད་པ། གྲོ་ནས་སྲན་གསུམ་སོགས་རང་རང་གི་བསླད་དང་མ་འདྲེས་ཤིང་རྒྱུ་དག་པ། ཀུ་ཤ་ཤིང་ཏོག་ལ་སོགས་པ་ཤིན་ཏུ་གཙང་བར་བཀྲུས་པ་དང་། གོས་ཟུང་། འཇིག་རྟེན་པའི་གཏོར་མ་གཉིས། སོ་རྩི་གཉིས། ལས་ཐམས་ཅད་པའི་བུམ་ཆུ་རྣམས་དང་། མཆོད་རྫས་ཉེར་སྤྱོད་ལྔ། སྨན་རཀ་གཏོར་གསུམ་དང་བཅས་པ་མ་ཚང་པ་མེད་པ་ཆོ་གའི་གཞུང་གི་རྩིས་མགོ་བསྡུས་ལ་བསགས་པར་བྱའོ། །དེ་ཡང་སྦྱོང་རྒྱུད་ལས་ལྟུང་བ་སློང་བའི་ཕྱག་རྒྱ་རྡོ་རྗེའི་ཁུ་ཚུར་གཉིས་ཀྱི་ནང་དུ་མཛུབ་མོ་ལྕགས་སྒྲོགས་ལྟར་བཅིངས་ནས་གྱེན་དུ་འཕངས་ཤིང་།}} ཨོཾ་སརྦ་ཨ་པ་ཡ་ཨརྵ་ཎ་བི་ཤྭ་དྷ་ན་བཛྲ་ས་མ་ཡ་ཧཱུྃ་ཕཊ། {{TibChung|ཅེས་དང་འདོད་རྒྱལ་གྱི་རྒྱས།}} ཨོཾ་ཤྭ་དྷ་ནི་ཤྭ་དྷ་ནི་སརྦ་པཱ་པཾ་ཨ་ན་ཡ་ཧཱུྃ་ཕཊ། ཅེས་བརྗོད་པས་ངན་སོང་གསུམ་དང་སྡིག་སྒྲིབ་ཐམས་ཅད་སྲེག་རྫས་ལ་ཐིམ་པར་བསམས་{{TibChung|པ་ཡང་མན་ངག་ཏུ་ཆེའོ། །གཉིས་པ་དངོས་གཞི་ལ། བདག་བསྐྱེད། མདུན་བསྐྱེད། མཇུག་བསྡུ་བ་གསུམ་ལས། དང་པོ་བདག་བསྐྱེད་ནི་ལས་གཞུང་ལྟར་བྱའོ། །གཉིས་པ་ནི། གང་ཟག་མཆོག་ལ་ཛྭ་ལའི་སྔགས་ཙམ་གྱིས་མེ་སྤར། ཕལ་པ་ལ།}} གསོན་ཅིག་དགོངས་ཤིག་རིགས་ཀྱི་བུ། །ཕུང་པོ་ལྔ་ཡི་བུད་ཤིང་ལ། །རྒྱལ་བ་རིགས་ལྔའི་མེ་སྦར་རོ། །འབྱུང་བ་བཞི་ཡི་བུད་ཤིང་ལ། །ལྷ་མོ་བཞི་ཡི་མེ་སྤར་རོ། །དབང་པོ་དྲུག་གི་བུད་ཤིང་ལ། །བྱང་ཆུབ་སེམས་ཀྱི་མེ་སྤར་རོ། །ཡུལ་རྣམ་དྲུག་གི་བུད་ཤིང་ལ། །རྒྱལ་བའི་སྐུ་གསུམ་མེ་སྤར་རོ། །སྐུ་གསུམ་ཡེ་ཤེས་ལྔ་ལྡན་དུ། །འགྲོ་བའི་དོན་གཉིས་འགྲུབ་པར་ཤོག །ཨོཾ་བཛྲ་ཛྭ་ལ་རཾ་ཛྭ་ལ་རཾ། {{TibChung|ཞེེེས་པས་སྤར། དེ་ནས་མཆོད་སྲེག་གི་རྫས་རྣམས་བྱིན་གྱིས་བརླབ་པ་ནི། བསང་ཆུ་འཐོར་ཞིང་།}} ཨོཾ་སྭ་བྷཱ་ཝ{{TibChung|ས་སྦྱངས།}} སྟོང་པའི་ངང་ལས་མཆོད་རྫས་དང་སྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་དངོས་པོ་བདུད་རྩི་ཆེན་པོའི་རང་བཞིན་ཟད་མི་ཤེས་པར་གྱུར། ཨོཾ་བཛྲ་ཨརྒྷཾ་{{TibChung|སོགས་དང་།}} སརྦ་པཉྩ་རཀྟ་བྷ་ལིངྟ་ག་ན་ཙཀྲ་པཱུ་ཛ་ཨཱཿཧཱུྃ། {{TibChung|ལན་བདུན།}} མ་ཧཱ་བཛྲ་ཧཱུྃ། གཎྜེ་ཧཱུྃ་གིས་{{TibChung|རྡོར་དྲིལ་བརླབ། དགང་བླུགས་ཐོགས་ལ།}} ཨོཾ་ཧཱུྃ་ཏྲཱཾ་ཧྲཱི་ཨཿ མཱུཾ་ལཱཾ་མཱཾ་པཱཾ་ཏཱཾ་{{TibChung|གྱིས་ཁ་སྦྱོར་ཞིང་།}} ཛྙཱ་ན་པཉྩ་ཨ་མྲྀ་ཏ་ཤུདྡྷེ་ཤུདྡྷེ་སྭཱ་ཧཱ། {{TibChung|ཞེས་དེ་བཞིན་གཤེགས་པ་ཐམས་ཅད་ཀྱི་ཞལ་འདུས་པའི་ངོ་བོར་བསམ།}} ཨོཾ་བོ་དྷི་བྲིཀྵ་ཡེ། ཨགྣ་ཡེ། སརྦ་པཱ་པཾ་ད་ཧ་ན་བཛྲ་ཡེ། བཛྲ་སིདྡྷི་ཡེ། སརྦ་སཾ་བྷ་ཏེ། བཛྲ་པུཥྚ་ཡ། ཨ་པྲ་ཏི་ཧ་ཏ་བཛྲ། བཛྲ་གྷསྨ་རི། བཛྲ་བི་ཛ་ཡེ། མ་ཧཱ་བཱ་ལ་ཡ། བཛྲ་ཤྲཱི་བ་ཡེ་སྭཱ་ཧཱ། {{TibChung|ཞེས་ལན་གསུམ་གྱིས་རྫས་རྣམས་}}ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་ཚེ་འདས་ཀྱི་སྡིག་སྒྲིབ་ཉེས་ལྟུང་བསྲེག་བྱའི་མཆོད་རྫས་སུ་གྱུར། {{TibChung|དེ་ནས་མེ་ཐབ་བསྐྱེད་པ་ནི་བསང་ཆུ་འཐོར་ཞིང་།}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས་རིན་པོ་ཆེའི་ཐབ་ཡངས་ཤིང་རྒྱ་ཆེ་བ་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། ར་སྐྱེས་སྟེང་ན་རཾ་ལས་མེ་ལྷ་དཀར་པོ་ཞལ་གཅིག་ཕྱག་བཞི་པ། གཡས་དང་པོ་པདྨ་དང་། གཉིས་པ་ནོར་བུའི་ཕྲེང་བ། གཡོན་དང་པོས་དབྱུག་པ་དང་། གཉིས་པས་རིལ་བ་སྤྱི་བླུགས་འཛིན་པའོ། །{{TibChung|དབྱུག་གུའི་ཕྱག་རྒྱ་དང་བཅས།}} ཨོཾ་ཚུར་བྱོན་ཚུར་བྱོན་འབྱུང་པོ་ཆེ། །མེ་ལྷ་དྲང་སྲོང་བྲམ་ཟེ་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་གཤེགས་སུ་གསོལ། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ། །ཨོཾ་ཨགྣེ་མ་ཧཱ་ཏེ་ཛ་ཨེ་ཧྱེ་ཧི་ས་མ་ཡ་ཛ་ཛཿ ཛཿཧཱུྃ་བཾ་ཧོཿ{{TibChung|ས་གཉིས་སུ་མེད་པར་གྱུར།}} ཨོཾ་ཨགྣ་ཡེ་པདྨ་ཀ་མ་ལཱ་ཡེ་སྟྭཾ། {{TibChung|ཞེས་གདན་ཕུལ། ཀུ་ཤ་ཐོགས་ཏེ།}} ཀུ་ཤ་འདི་ནི་གཙང་ཞིང་དགེ །ས་ལས་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཡིན། །ཚངས་པའི་ཡང་དག་བྱེད་པ་སྟེ། །དེ་ཡིས་བདག་ཅག་འཁོར་བཅས་ལ། །བགེགས་རྣམས་མེད་ཅིང་ཞི་བར་མཛོད། །{{TibChung|ཅེས་བཀྲམ།}} ཨོཾ་ཨགྣེ་ཡེ་སྭཱ་ཧཱཿ{{TibChung|ས་མར་ཁུ་བླུགས་གཟར་བདུན་གྱིས་བཀང་བའི་དགང་བླུགས་ཁ་སྦྱར་བ་འབུལ་ཞིང་།}} ཨོཾ་ཨགྣ་ཡེ་དི་བྱ་དི་བྱ་བི་ཤུདྡྷེ་མ་ཧཱ་ཤྲཱི་ཧ་བྱ་ཀ་བྱ་བྷ་ཧ་ན་ཡ་ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་དབུལ། དེ་ནས།}} གཙང་ཞིང་གཙང་མར་སྦྱར་བ་ཡི། །ལྷ་རྫས་དམ་པའི་མཆོད་ཡོན་འདི། །དྲང་སྲོང་འཁོར་དང་བཅས་ལ་འབུལ། །ཚེ་འདས་དོན་དུ་བཞེས་སུ་གསོལ། །ཨོཾ་ཨགྣེ་ཡེ་མ་ཧཱ་ཏེ་ཛྭ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཞེས་པ་ནས་ཤབྡའི་བར་ཕུལ། དེ་ནས་སྲེག་རྫས་རྣམས། ཨོཾ་ཨགྣ་ཡེ་ཆེ་གེ་མོའི་སྡིག་པ་སརྦ་པཱ་པཾ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་པ་ཁོ་ནས་རྫས་སོ་སོ་ནས་ཉི་ཤུ་རྩ་གྲངས་རེ་ཕུལ་མཐར། ཨོཾ་ཨགྣེ་ཡེ་མ་ཧཱ་ཏེ་ཛ་ཨརྒྷཾ་སོགས་ཀྱིས་མཆོད། བསྟོད་པ་ནི། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིའི་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །དེ་ནས་ཡེ་ཤེས་ཀྱི་ལྷ་ལ་མཆོད་ཅིང་བསྟོད་པ་ནི། གང་ཟག་མཆོག་ལ་རོ་དང་ལྷ་དབྱེར་མེད་དུ་བསྐྱེད་ལ། ཚོགས་བསག་གི་ཕྱིར་དུ་བྱ། ཕལ་པ་ལ་ཕུང་པོ་བུད་ཤིང་ངམ། ཤ་ཁྲག་རུས་པ་རྣམས་བདུད་རྩིར་བསམ་ལ་དབུལ་བ་སྟེ། དེ་ཡང་འདི་ལྟར། ཨོཾ་སྭ་བྷཱ་ཝ་སོགས་དང་། མེ་ལྷའི་ལྟོ་བ་ཡངས་ཤིང་རྒྱ་ཆེ་བའི་ནང་དུ་ཧྲཱིཿལས་དཔའ་བོ་རྟ་མགྲིན་ཞལ་གཅིག་ཕྱག་གཉིས་དབྱུག་ཏོ་དང་སྡིགས་མཛུབ་མཛད་པའི་པང་ན་ཡུམ་རྡོ་རྗེ་ཕག་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། གཉིས་ཀའང་རིན་པོ་ཆེ་དང་རུས་པ་ཐོད་པའི་ཕྲེང་བས་རབ་ཏུ་བརྒྱན་པ། སྤྱན་གསུམ་ཁྲོ་བོའི་ལྟ་སྟངས་ཆེན་པོས་བསྐལ་པའི་མེ་རི་མེ་དཔུང་གི་དབུས་ན་བཞུགས་པར་གྱུར། ཧཱུཾ། ཡེ་ཤེས་བསྐལ་པའི་མེ་ལྟར་འབར་བའི་འོད། །མ་རིག་འདོད་པའི་མུན་ཁང་ཐམས་ཅད་བསྲེགས། །ཞེ་སྡང་གཤིན་རྗེའི་འཇིགས་པ་ཐམས་ཅད་འཇོམས། །ལོག་འདྲེན་སྲིན་པོའི་མཐའ་གནོན་དགྲ་འདུལ་བ། །རིག་པའི་རྒྱལ་པོ་ཁྲོ་བོ་བཞུགས་སོ་འཚལ། །ལོག་འདྲེན་འདུལ་བའི་སླད་དུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །ཨོཾ་བཛྲ་ཀྲོ་དྷ་ཧྱ་གྷྲི་ཝ་ཧུ་ལུ་ཧུ་ལུ་ས་མ་ཡ་ཛཿ ཅེས་སྤྱན་དྲངས། ཨོཾ་བཛྲ་ཀྲོ་དྷ་ཧྱ་གྷྲི་ཝ་ཧུ་ལུ་ཧུ་ལུ་ཨརྒྷཾ་སོགས་ཀྱིས་མཆོད། དབང་ཆེན་བསྐལ་པའི་མེ་ལྟར་གཟི་བརྗིད་འབར། །འཇིགས་བྱེད་ཆེན་པོ་རལ་པ་གྱེན་དུ་བརྫེས། །ཁྲོ་བོའི་རྒྱན་རྣམས་མ་ལུས་རབ་རྫོགས་པའི། །ཁྲོ་རྒྱལ་རྟ་མཆོག་དཔལ་ལ་ཕྱག་འཚལ་བསྟོད། །ཅེས་པའི་རྗེས་ལ་སྲེག་རྫས་རྣམས། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་པས་ཕུལ་བའི་རྗེས་ལ། ཧཱུཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པ། །བླ་མེད་དཀོན་མཆོག་གསུམ་པོ་གནས་འདིར་གཤེགས། །ཨོཾ་ན་མོ་རཏྣ་ཏྲ་ཡཱ་ཡ། བུདྡྷ་དྷརྨཱ་སངྒ་ས་མ་ཡ་ཛཿ ཞེས་བརྗོད་པས། རྒྱལ་བ་སྲས་དང་བཅས་པ་ཁྲོ་བོའི་མདུན་དུ་བཞུགས་པར་གྱུར། ཨོཾ་བཛྲ་ཨརྒྷཾ་སོགས་ཀྱིས་མཆོད། མགོན་པོ་ཐུགས་རྗེ་ཆེར་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པས་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་སྒྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །ཞེས་པའི་རྗེས་ལ་སྲེག་རྫས་རྣམས། ན་མོ་རཏྣ་ཏྲ་ཡཱ་ཡ་བུདྡྷ་དྷརྨ་སངྒ་བྷྱ། ཆེ་གེ་མོའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་པས་ཇི་ལྟར་རིགས་པ་ཕུལ་རྗེས་སྔར་ལྟར་མཆོད་ཅིང་བསྟོད། དེ་ནས་ཞི་ཁྲོའི་དཀྱིལ་འཁོར་མཆོད་པ་ནི། མཆོད་པ་རྣམས་ཁ་གསོས་ལ། ཁྲོ་བོའི་རྒྱལ་པོ་རྟ་མགྲིན་ཡབ་ཡུམ་གྱི་ཐུགས་དག་ཆེན་ཡེ་ཤེས་ཀྱི་ཀློང་ཆེན་པོར་འོག་མིན་ལྷུན་གྱིས་གྲུབ་པའི་གཞལ་མེད་ཁང་ཤིན་ཏུ་ཉམས་དགའ་བ། ཕྱི་མཆོད་རྟེན་གྱི་རང་བཞིན་རྩེ་ལྔ་པ་ལ་ནང་རང་བྱུང་རྡོ་རྗེའི་གཞལ་ཡས་ཁང་། ཞེས་གཞུང་ལྟར་ལས། སྐད་ཅིག་དྲན་རྫོགས་སུ་གསལ་བར་གྱུར། སྤོས་རོལ་དང་བཅས། ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་བཞིན་བཞུགས་སུ་གསོལ། །བཛྲ་ས་མ་ཡ་ཛཿ བཛྲ་ས་མ་ཡ་ཏིཥྛ་ལྷན། ཨཱཿ བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེན་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཨ་ཏི་པཱུ་ཧོ། པྲ་ཏཱི་ཙྪ་ཧོ། ཧཱུཾ། དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་ཡོངས་བཀོད་དེ། །ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །ཨོཾ་བཛྲ་ཨརྒྷཾ་སོགས་ནས་རཱུ་པ་ཤབྡ་གྷནྡྷེ་རཱ་ས་པརྴེ་ཨཱཿཧཱུཾ། སརྦ་པཉྩ་ཨ་མྲྀ་ཏ་མ་ཧཱ་རཀྟ་བྷ་ལིངྟ་པཱུ་ཙ་ཨཱཿཧཱུཾ། དེ་ནས་སྲེག་རྫས་འབུལ་བ་ནི། དགང་བླུགས་ཀྱི་ཁ་དང་དཀྱིལ་འཁོར་པའི་ལྷ་ཚོགས་རྣམས་ཀྱི་ལྗགས་ལ་ཧཱུྃ་དང་རཾ་ཡིག་སོ་སོའི་མཚན་པས་སྲེག་རྫས་ཀྱི་བདུད་རྩི་དགྱེས་བཞིན་དུ་བཞེས་པར་གྱུར། ན་མཿས་མནྟ་བུདྡྷ་ནཱཾཿཨོཾ་ཨགྣ་ཡེ་སྭཱ་ཧཱ་ཞེས་མར་ཁུ་དང་། རྗས་གཞན་རྣམས་ལ། ཨོཾ་ཧཱུྃ་ཏྲཱཾ་ཧྲཱིཿཨཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿ ཆེ་གེ་མོའི་སྡིག་སྒྲིབ་ཉེས་ལྟུང་སརྦ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་པ་ཁོ་ནས་དབུལ་ཞིང་། སླར་ཡང་། ཨོཾ་ན་མོ་བྷ་ག་ཝ་ཏེ་སརྦ་དུརྒ་ཏེ་པ་རི་ཤོ་དྷ་ནི་རཱ་ཛ་ཡཿ ཏ་ཐཱ་ག་ཏ་ཡཿ ཨརྷ་ཏེ་སཾ་མྱཀ་སཾ་བུདྡྷ་ཡཿ ཏངྱ་ཐཱཿ ཨོཾ་ཤོ་དྷ་ནི་ཤོ་དྷ་ནི་སརྦ་པཱ་བཾ་བི་ཤོ་དྷ་ནི་སྭཱ་ཧཱ། ཞེས་པ་ཁོ་ནས་ཏིལ་དང་ཡུངས་ཀར་བུང་བསྐྱེད་ལ་འབུལ། རྫས་རྫོགས་རྗེས། ཨོཾ་བཛྲ་ཏཾ་བུ་ལ་ཡེ་སྭཱ་ཧཱཿ ཞེས་སོ་རྩི་དང་། དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དག་ཀྱང་དབུལ་བར་བགྱི། །ཨོཾ་བཛྲ་ཝསྟྲ་ཡེ་སྭཱ་ཧཱ། གོས་དབུལ། གྲུབ་ན་རྡོ་རྗེའི་ལྷ་མོ་བཅུ་དྲུག་གིས་མཆོད། བསྡུ་ན། ཨརྒྷཾ་སོགས་ཀྱི་མཐར། བསྟོད་པ་ནི། ཧཱུཾ། ཆོས་ཉིད་ཡེ་ཤེས་མཉམ་པའི་ངང་། །རང་བཞིན་ཡོན་ཏན་ལྷུན་གྱིས་གྲུབ། །ཐུགས་རྗེ་ཡིད་བཞིན་ནོར་བུ་འདྲ། །ཕྱག་འཚལ་གདོད་མའི་མགོན་པོ་ལ། །ཡེ་ཤེས་ལྔ་ཡི་ངོ་བོ་ཉིད། །ཉོན་མོངས་དུག་ལྔ་རྣམས་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་རྒྱལ་བ་རིགས་ལྔ་ལ། །བཅུ་དྲུག་ཡེ་ཤེས་ངོ་བོ་ཉིད། །གཟུང་འཛིན་དྲི་མ་རྣམ་སྦྱོང་ཞིང་། །རྣམ་ཤེས་ཚོགས་བརྒྱད་གནས་དག་པ། །ཕྱག་འཚལ་སེམས་དཔའ་ཡབ་ཡུམ་ལ། །ཚད་མེད་ཡེ་ཤེས་ངོ་བོ་ཉིད། །སྐྱེ་གནས་དྲི་མ་རྣམས་སྦྱོང་ཞིང་། །འབྱུང་ལྔའི་ཁམས་ནི་རྣམ་དག་པ། །ཕྱག་འཚལ་སྒོ་བ་ཡབ་ཡུམ་ལ། །ཕ་རོལ་ཕྱིན་དྲུག་ངོ་བོ་ཉིད། །ཁམས་དྲུག་དྲི་མ་རྣམས་སྦྱོང་ཞིང་། །ཚོགས་དྲུག་རྣམ་ཤེས་རྣམ་པར་དག །ཕྱག་འཚལ་ཐུབ་པ་དྲུག་ལའོ། །ཞི་ལས་ཡེ་ཤེས་རྣམ་འཕྲོས་པ། །འཇིགས་གཟུགས་ཁྲོ་བོའི་དཀྱིལ་འཁོར་ནི། །ལྔ་བཅུ་རྩ་བརྒྱད་འབར་བའི་སྐུ། །ཕྱག་འཚལ་དབྱིངས་ཀྱི་དཀྱིལ་འཁོར་ལ། །ས་དང་ཡེ་ཤེས་ཞིང་ཁམས་ལ། །འཇིག་རྟེན་འདས་དང་མ་འདས་ཚུལ། །དུར་ཁྲོད་ཆེན་པོའི་གནས་བརྒྱད་ན། །བཞུགས་པའི་འགྲོ་བ་ཀུན་ལ་འདུད། །ཅེས་བསྟོད་ནས་ཕྲིན་ལས་བཅོལ་བ་ནི། དཀྱིལ་འཁོར་གྱི་ལྷ་ཚོགས་རྣམས་ཀྱི་ཚད་མེད་པའི་ཐུགས་རྗེ་ཆེན་པོས་འཇིག་རྟེན་འདི་ནས་ཕ་རོལ་ཏུ་ཚེ་ལས་འདས་པ་ཆེ་གེ་མོའི་ཚེ་རབས་འཁོར་བ་ཐོག་མེད་ནས་བསགས་པའི་སྡིག་སྒྲིབ་ཉེས་ལྟུང་ཐམས་ཅད་ལྷག་མ་མེད་པར་བྱང་ཞིང་དག་ནས་ཐར་པ་དང་ཐམས་ཅད་མཁྱེན་པའི་གོ་འཕང་མཆོག་ལ་འགོད་པར་མཛད་དུ་གསོལ། །ཞེས་ལན་གསུམ། མ་འབྱོར་པ་དང་ཉམས་པ་དང་། །སོགས་ཀྱི་མཐར་ཡི་གེ་བརྒྱ་པས་ནོངས་པ་བཤགས། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སོགས་ནས་བཛྲ་མུཿས་ཡེ་ཤེས་ཀྱི་དཀྱིལ་འཁོར་གཤེགས་སུ་གསོལ། དེ་ནས། མེ་ལྷའི་ལྟོ་བར་མཁའ་འགྲོ་ཆོས་སྐྱོང་ཡུལ་ལྷ་གཞི་བདག་དང་བཅས་པ་ཁྲོམ་ཚོགས་སུ་རང་གི་ཐུགས་ཀའི་འོད་ཀྱིས་སྤྱན་དྲངས་པ་ལ། ཨོཾ་ཨ་ཀཱ་རོ་མུ་ཁཾ་སོགས་ཀྱིས་སྲེག་རྫས་གཏོར་མ་ཕུལ། མཆོད་སྦྱིན་གཏོར་མ་འདི་ཕུལ་བས། །རྣལ་འབྱོར་བདག་ཅག་འཁོར་བཅས་ལ། །སོགས་ཀྱིས་ཕྲིན་ལས་བཅོལ། མཐར་བཛྲ་མུཿས་གཤེགས། མར་ཁུ་དང་བཅས། ཨོཾ་ཨགྣ་ཡེ་ཛྭ་ལ་རཾ། ཞེས་པས་མེ་ལྷ་ཤིན་ཏུ་གསལ་བར་བྱས་ཏེ། སྲེག་རྫས་ལྷག་མ་རྣམས། ཨོཾ་ཨགྣ་ཡེ་སྡིག་སྒྲིབ་ཉེས་ལྟུང་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་པས་གཏང་རག་གི་ཚུལ་དུ་ཕུལ། ཨོཾ་ཨགྣ་ཡེ་ཨི་དཾ་བྷ་ལིངྟ་ཁ་ཁ་ཁཱ་ཧི། གཏོར་མ་ཕུལ། བཛྲ་ཏམྦུ་ལས་སོ་རྩི་དང་། གོས་ཟུང་སྔར་བཞིན་དབུལ། མེ་སྟེ་སྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཞེས་པས་བསྟོད། ཡིག་བརྒྱས་ནོངས་པ་བཤགས། བདག་གི་དོན་དང་གཞན་གྱི་དོན། །སྒྲུབ་བྱེད་སྲེག་བྱ་ཟ་བ་གཤེགས། །ཇི་ལྟའི་དུས་སུ་ཚུར་སྤྱོན་ལ། །ལས་ཀྱི་འབྲས་བུ་མཆིས་པར་མཛོད། །བཛྲ་མུཿས། ཡེ་ཤེས་པ་ཤར་ལྷོར་གཤེགས། དམ་ཚིག་པ་མེ་འབར་བའི་ཀློང་དུ་ཐིམ་པར་བསམས་ལ་བསྔོ་སྨོན་གྱིས་རྒྱས་གདབ། ཨོཾ་ཨཱཿཧཱུྃ་གིས་བདག་ཉིད་བསྲུངས་ནས་གསོན་པོའི་དོན་དུ་ཤིས་པ་བརྗོད། །གསུམ་པ་མཇུག་བསྡུ་བ་ནི། བདག་ཉིད་ལྷའི་རྣལ་འབྱོར་དང་ལྡན་པས་ལག་གཉིས་དཔུང་པར་བསྣོལ་བའི་སེ་གོལ་གཏོགས་ཤིང་། ཨོཾ་བཛྲ་ས་མ་ཡ་ཛཿ ཛཿཧཱུྃ་བཾ་ཧོས་རུས་བུ་བསྡུ། རུས་ཆོག་གནད་དུ་འགྲོ་བས་སཱཙྪ་ལ་སོགས་བཞེངས་ཤིང་སྨོན་ལམ་དང་བཅས་པས་རྒྱ་མཚོར་འབབས་པའི་ཆུ་ཀླུང་ལ་དོར་བས་ཕྱོགས་དེར་བདེན་ཚིག་གྲུབ་པའི་དྲང་སྲོང་རྣམས་ཀྱི་མངོན་ཤེས་ཀྱིས་བཏེག་སྟེ་ཇི་ལྟར་བཏབ་པའི་སྨོན་ལམ་གྱི་མཐུན་འགྱུར་བྱེད་པར་བཤད་པ་ཡིན་ནོ། །ཅེས་འོད་གསལ་གྱི་རྒྱུད་སྡེ་རྫོགས་པ་རང་བྱུང་གི་རྒྱུད་དོན་གསལ་བར་བྱས་ཤིང་། ངན་སོང་སྦྱོང་བའི་མན་ངག་གིས་ཟུར་བརྒྱན་པའི། སྲེག་སྦྱོངས་ཀྱི་ཆོ་ག་འདི་ནི་ཀུན་ལས་ཁྱད་པར་དུ་འཕགས་པའི་མན་ངག་ཡིན་ནོ། །ས་མ་ཡཿ རྒྱ་རྒྱ་རྒྱཿ ཅེས་རྫོགས་ཆེན་པ་རང་བྱུང་རྡོ་རྗེའི་ཐུགས་ཀྱི་ཏི་ཀའོ།། །།དགེའོ།། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-051&diff=64185 2026-09-28T20:56:25Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=འཕོ་བའི་ངོ་སྤྲོད་ཉུང་ངུ་།<br /> |fulltitle='pho ba'i ngo sprod nyung ngu<br /> |citation='jigs med gling pa. '''pho ba'i ngo sprod nyung ngu''. In ''Kun mkhyen rig 'dzin 'jigs med gling pa'i gsung 'bum'', Vol. 11: 709-713. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Transference of Consciousness - 'pho ba<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=051<br /> |pagenumbers=709-713<br /> |totalpages=5<br /> |beginfolioline=1a1<br /> |endfolioline=3a2<br /> |totalfolios=3<br /> |multivolumework=No<br /> |rectonotes=ngo sprod<br /> |versonotes='pho ba'i ngo sprod nyung ngu<br /> |colophontib=།ཞེས་པའང་བློ་གསལ་གྱི་ངོར་རང་བྱུང་རྡོ་རྗེས་སོ།།<br /> |colophonwylie=zhes pa'ang blo gsal gyi ngor rang byung rdo rjes so//<br /> |pdflink=File:JLKO-KABUM-11-DA-051.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །{{TibChung|གཤིན་པོ་ལ་འཕོ་བ་འདེབས་པའི་སྔ་རོལ་དུ་མིང་ནས་རན་པར་བོས་ལ།}} ཆེ་གེ་མོ་ཁྱོད་ལ་འཆི་བ་མི་རྟག་པ་སླེབ་སོང་ངོ་། །{{TibChung|ཞེས་ལན་གསུམ།}} དེ་ཡང་འཆི་བ་ཞེས་བྱ་བ་དེ་ཁྱེད་གཅིག་པུ་ལ་བྱུང་བ་མ་ཡིན། འགྲོ་བ་རྒྱུད་ལྔ་པོ་ཐམས་ཅད་ཀྱི་ལམ་པོ་ཆེ་ཡིན་པས་ལན་གཅིག་སྐྱེས་ཚར་ནས་མཐར་འཆི་བ་ཆོས་ཉིད་ཡིན། འཇིག་རྟེན་ན་མཐུ་ཆེ་ཞིང་དཔལ་འབྱོར་ལོངས་སྤྱོད་དང་ལྡན་པ་འཁོར་ལོས་སྒྱུར་བའི་རྒྱལ་པོ་ནས་འཚོ་བ་ལམ་ཟན་ལ་བརྟེན་པའི་མུ་ཏོ་བ་ཡན་ཆད་ཚེ་ཐར་ལ་སོང་བ་གཅིག་ཀྱང་མེད་པས་སེམས་ཁོང་དུ་ཆུད་པར་མ་མཛད་ཅིག །དེ་བཞིན་དུ་གཉེན་འཁོར་ཡུལ་གཞིས་ནོར་རྫས་ལ་སོགས་པ་གང་ལ་ཆགས་ཀྱང་དེ་དག་རང་གི་རྗེས་སུ་མི་འབྲང་། རང་ཉིད་དེ་དག་དང་འགྲོགས་པའི་དུས་ལས་ཡོལ་བའི་ཚུལ། དུས་ཀྱི་ཉེན་ཏེ་རྒྱལ་པོ་འགྲོ་གྱུར་ན། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲང་། །སྐྱེས་བུ་དག་ནི་གང་ནས་གར་འགྲོ་ཡང་། །ལས་ནི་ལུས་དང་གྲིབ་མ་བཞིན་དུ་འབྲང་། །ཞེས་སྡུག་བསྔལ་བདེན་པའི་ཆོས་ཉིད་མངོན་སུམ་པར་སྨིན་དུས་འདིར། ཉེ་དུ་དང་། ནོར་རྫས་ལ་ཆགས་ན་གནས་རིགས་དམན་པར་ལྟུང་ཉེན་ཡོད་པས་བུ་མོ་རིན་ཆེན་གྱིས་ཞུས་པའི་མདོ་ལས། འདི་ན་ཕ་དང་མ་དང་བཤེས་རྣམས་དང་། །གཉེན་དང་རྩ་ལག་སྐྱབས་སུ་མི་འགྱུར་ཏེ། །བུ་དང་བུ་མོ་དེ་བཞིན་མགོན་སྐྱབས་མིན། །ཡོན་ཏན་ལྡན་པ་འདི་དག་མ་གཏོགས་པ། །འཇིག་རྟེན་མགོན་སྐྱབས་གྱུར་པ་གཞན་འགའ་མེད། །ཅེས་གསུངས་ན་རང་ཅག་སངས་རྒྱས་ཀྱི་བསྟན་པ་ཡོད་པའི་བསྐལ་པ་བཟང་པོ་ལ་འཆི་འཕོ་བའི་གནས་སྐབས་ཉམས་སུ་མྱོང་བ་ལ་དགའ་བ་སྒོམས་ཤིག །དེའི་རྒྱུ་གང་ཡིན་ན་སངས་རྒྱས་བཅོམ་ལྡན་འདས་རྣམས་ཀྱི་མཚན་ཐོས་པ་ལ་ཡང་དོན་ཆེན་པོ་དང་ལྡན་ན། དེ་ལ་མངོན་པར་དད་པ་དང་། དགའ་བའི་སེམས་ཀྱིས་ཤི་འཕོས་པ་དག་ཀྱང་ངན་སོང་ལས་ཐར་ནས་ལྷ་དང་མིའི་གོ་འཕང་ཐོབ་པའི་ཚུལ་ལས་བརྒྱ་པ་ལས། དགེ་སློང་དག་བྱ་ཞིག་ནམ་མཁའ་ལས་བབས་ནས་ངའི་མདུན་ན་འདུག་པ་མཐོང་ངམ། གསོལ་བ། བཙུན་པ་བཅོམ་ལྡན་འདས་མཐོང་ལགས་བཀའ་སྩལ་བ། དགེ་སློང་དག་བྱ་དེ་ང་ལ་སེམས་དགའ་བར་གྱུར་ནས་སོང་བ་ལས་ཁྲས་དེད་དེ། དེང་ལ་སེམས་དགའ་བཞིན་དུ་ཤི་འཕོས་ནས་རྒྱལ་པོའི་ཁབ་འདིར་ཚོང་དཔོན་གྱི་རིགས་སུ་སྐྱེས་ནས་ཆེར་སྐྱེས་པ་དང་ང་ཉིད་ཀྱི་བསྟན་པ་ལ་རབ་ཏུ་བྱུང་ངོ་། །དེ་རབ་ཏུ་བྱུང་ནས་ན་ཚོད་ཀྱི་ལོ་བདུན་ལོན་པ་ཁོ་ནས་ཉོན་མོངས་པ་ཐམས་ཅད་བཅོམ་སྟེ་དགྲ་བཅོམ་པ་ཉིད་མངོན་སུམ་དུ་བྱས་སོ། །ཞེས་སངས་རྒྱས་ལ་ལན་གཅིག་དད་པའི་ཕན་ཡོན་ཡང་དེ་འདྲ་ན། ཁྱེད་ཀྱང་རྒྱལ་བའི་བསྟན་པ་ཡོད་པའི་ཞིང་ཁམས་སུ་སྐྱེས་ཤིང་། སངས་རྒྱས་ཀྱི་མཚན་ཐོས་པ་དང་། དེའི་སྡེ་སྣོད་ལས་དབུགས་འབྱིན་ཐོབ་པའི་སྐལ་བ་དང་ལྡན་པ་ཡིན་པས་སྟོན་པ་དེ་བཞིན་གཤེགས་པ་ལ་དད་པ་བླ་ལྷག་ཏུ་བསྐྱེད་ཅིག །བསྟན་པ་དམ་པའི་ཆོས་ལ་སྐྱབས་སུ་སོང་ཞིག །བྱང་ཆུབ་སེམས་དཔའི་དགེ་འདུན་རྣམས་རམ་ཟླར་སྦྲོན་ཅིག །ཁྱད་པར་དུའང་གང་གིས་མཚན་དང་། སྒྲ་དང་། ལྟ་བ་ལ་ཞུགས་པས་ཀྱང་བར་དོའི་འཇིགས་པ་དང་། ངན་སོང་གི་རྒྱུ་ཡོངས་སུ་གཅོད་པར་ཞལ་གྱིས་བཞེས་པ། བཅོམ་ལྡན་འདས་མགོན་པོ་འོད་དཔག་མེད་བྱང་ཆུབ་སེམས་དཔའ་སྤྱན་རས་གཟིགས་དང་མཐུ་ཆེན་ཐོབ་ཀྱིས་ཡོངས་སུ་བསྟེན་པ་དང་། དེའི་ཞིང་ཁམས་བདེ་བ་ཅན་ཞེས་བྱ་བ་དེ་ཡིད་ལམ་བརྗེད་པར་ཟུང་ལ་ཁྱོད་རྡོས་བཅས་ཤ་ཁྲག་གི་ལུས་ལས་འདས་པའི་ཕྱིར་ཞིང་མཆོག་དེ་རུ་ཏ་ལ་ལ་སོང་ཅིག །ཁྱེད་རང་དད་པ་ཐོབ་པའི་བླ་མ་ཡིད་ལ་སྒོམས་ཤིག །ཡི་དམ་དང་ལྟ་བ་དྲན་པར་གྱིས་ཤིག །ཐེག་པ་ཆེན་པོའི་སྨོན་འཇུག་གི་སེམས་བསྐྱེད་སྒོམས་ཤིག །དེ་དག་གནད་དུ་འགྲོ་བའི་རྟེན་འབྲེལ་དུ་མ་བསྒོམས་པར་འཚང་རྒྱ་བ་འཕོ་བའི་གདམས་པས་སྐྱེ་བ་སྔ་ཕྱིའི་ཉིང་མཚམས་སྦྱོར་བ་ཡིན་པས་ཁྱེད་རང་གི་སྙིང་ནང་དུ་ཡི་གེ་ཨཱཿ་་་་་{{TibChung|དམིགས་བསལ་ལ་ཡི་གེ་ཧཱིཿ ཞེས་ཀྱང་བསྒྱུར་ཆོག་}}་་་་་དཀར་པོ་ཞིག་སྒོམ་ལ་ངེད་ཀྱིས་ཨའི་སྒྲ་བརྩེགས་མར་བརྗོད་པ་དང་ལྷན་ཅིག་བརྡ་དོན་ངོ་འཕྲོད་པར་མཛོད་ལ་ཨ་དེ་ཉིད་བདེ་བ་ཅན་གྱི་ཞིང་ཁམས་སུ་དཔག་ཆེན་གྱིས་མདའ་འཕངས་པ་བཞིན་དུ་སོང་བར་དམིགས་ཤིག །{{TibChung|ཅེས་བརྗོད་ལ་གཙོ་བོར་རང་ཉིད་ཀྱིས་འདུན་པ་གཅུར་ནས། དེའི་ལོ་གྲངས་ཀྱིས་ཨ་སྙན་པོར་བཟླས་རྗེས། གཙུག་སྐྲ་འཐེན་པ་དང་ཨ་ཉི་ཤུ་རྩ་གཅིག་བརྩེགས་མར་བརྗོད་པས་མཐོ་རིས་སུ་འདྲོངས་པ་སྟེ། ཉི་ཟླ་ཁ་སྦྱོར་ལས། ཡི་གེ་ཨ་ཡི་སྦྱོར་བ་ཡིས། །དབུགས་དང་དེ་ཡི་ལོ་གྲངས་སྦྱར། །གལ་ཏེ་དེ་ལ་མ་ཤི་ན། །སྤྱི་བོར་ཁ་གཏད་དབུགས་ཀྱིས་ནི། །ཤེས་པ་ལུས་ཀྱི་དཀྱིལ་དུ་ཡང་། །ཨ་ནི་དམིགས་ཏེ་བསྡུ་བར་བྱ། །ཞེས་དང་། དེ་ལྟར་ཆོ་ག་ལྡན་པའི་ཚེ། །མི་དེ་དབུགས་དང་མ་བྲལ་ན། །ཡི་གེ་དབུགས་དང་བཅས་པ་ཡིས། །ཐེ་ཚོམ་མེད་པར་གནས་ནས་སྦྱོང་། །ཞེས་ཐིམ་རིམ་འཆར་བའི་དུས་ནས་རླུང་ཕྱིར་འགྲོ་བ་དང་བསྟུན་སྐྱེ་མེད་ཀྱི་ཡི་གེས་སྦྱང་བར་བྱ་བ་ནི་ཤིན་ཏུ་ཟབ་བོ། །དེ་ཡང་ཐབས་སྙིང་རྗེ་ཆེན་པོས་རྗེས་སུ་འཛིན་པ་དང་ཤེས་རབ་ནམ་མཁའ་ལྟ་བུའི་ཀློང་དུ་བསྲེ་བ་གཅེས་ལ་འོན་ཏེ་གཞན་སྣང་དང་མཐུན་པའི་འཕོ་བའི་རིགས་བྱེད་པར་སྤྲོ་ཡང་སྐབས་འདིར་བྱས་པས་ཆོག་ཀྱང་། སངས་རྒྱས་ཀྱི་མཚན་དང་། གཟུངས་སྔགས་སྨོན་ལམ་ཁྱད་པར་ཅན་གྱིས་སྒོ་བཀག་ནས། འདྲིས་གོམས་གཏན་ནས་མེད་པའི་གང་ཟག་ལ་བསྐྱེད་རིམ་འཕོགས་པ་དང་སྣང་མཆེད་ཐོབ་པའི་ངོ་སྤྲོད་སོགས་ཀུན་གཞི་ལུང་མ་བསྟན་ལ་བརྡ་འཕྲོད་པར་དཀའ་བའི་དོན་ཤེས་པར་བྱའོ། །ཞེས་པའང་བློ་གསལ་གྱི་ངོར་རང་བྱུང་རྡོ་རྗེས་སོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-050&diff=64184 2026-09-28T20:53:39Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ འཕོ་བ་མ་བསྒོམ་སངས་རྒྱསཿ<br /> |fulltitle=klong chen snying gi thig le las: 'pho ba ma bsgom sangs rgyas:<br /> |citation='jigs med gling pa. ''Klong chen snying gi thig le las 'pho ba ma bsgom sangs rgyas''. In ''Kun mkhyen rig 'dzin 'jigs med gling pa'i gsung 'bum'', Vol. 11: 705-708. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Transference of Consciousness - 'pho ba<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=050<br /> |pagenumbers=705-708<br /> |totalpages=4<br /> |beginfolioline=1a1<br /> |endfolioline=2b3<br /> |totalfolios=2<br /> |multivolumework=No<br /> |rectonotes='pho ba<br /> |versonotes='pho ba ma bsgom sangs rgyas<br /> |pdflink=File:JLKO-KABUM-11-DA-050.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ ཀློང་ཆེན་སྙིང་གི་ཐིག་ལེ་ལསཿ འཕོ་བ་མ་བསྒོམ་སངས་རྒྱས་བཞུགསཿ ཿ<br /> <br /> འུྃཿ {{TibChung|ལྟ་བའི་ཀློང་ལ་ཕྱག་འཚལ་ལོཿ འོད་གསལ་རྫོགས་པ་ཆེན་པོའི་ལམཿ ཆོས་སྐུ་གཏད་མེད་རང་གྲོལ་ཏེཿ བཙན་ས་ཟིན་པའི་གང་ཟག་ནིཿ འཕོ་བྱ་འཕོ་བྱེད་ལས་འདས་ཀྱངཿ སྤྲོས་ཅན་མྱ་ངན་འདའ་དོན་དུཿ འཕོ་བ་མ་བསྒོམས་སངས་རྒྱས་བསྟནཿ སྔོན་འགྲོ་སྐྱབས་སེམས་སྤྱི་ལྟར་བྱཿ བདག་དོན་གཞན་དོན་གང་ལ་ཡངཿ ཚད་མེད་རྣམ་བཞིས་ཟིན་པ་གཅེསཿ དངོས་གཞི་རང་ལུས་རྣལ་འབྱོར་མཿ ཕྱི་སྒྲུབ་བླ་མའི་རྣལ་འབྱོར་ལྟརཿ}} དེ་ཡི་ཁོང་དབུས་རྩ་དབུ་མཿ སྦོམ་ཕྲ་མདའ་སྨྱུག་ཙམ་པ་ལཿ སྟོང་སངས་འོད་ཀྱི་སྦུ་གུ་ཅནཿ ཡར་སྣ་ཚངས་བུག་གནས་སུ་ཧརཿ མར་སྣ་ལྟེ་བར་ཟུག་པ་ཡིཿ སྙིང་ཁ་ཚིགས་ཀྱིས་བཅད་པའི་སྟེངཿ རླུང་གི་ཐིག་ལེ་ལྗང་སྐྱའི་དབུསཿ རིག་པ་ཧྲཱིཿཡིག་དམར་པོར་གསལཿ སྤྱི་བོའི་ཁྲུ་གང་ཙམ་གྱི་སྟེངཿ སངས་རྒྱས་སྣང་བ་མཐའ་ཡས་ནིཿ མཚན་དཔེ་རྫོགས་པའི་ཕུང་པོར་གསལཿ {{TibChung|མོས་གུས་དྲག་པོས་གསོལ་བ་གདབཿ ཤེས་པ་གཞན་དུ་མ་ཡེངས་པརཿ རྩེ་གཅིག་འདུན་པའི་ཤུགས་ལ་དྲངསཿ རྐན་གྱི་སྦུགས་ནས་ཧྲཱིཿཧྲཱིཿཞེསཿ ལྔ་ཚར་ཕྲུགས་གཅིག་བརྗོད་པ་དངཿ ལྷན་ཅིག་སྟོད་གཅུམ་མགོ་བོ་སྒྲིམཿ དེ་ཚེ་རིག་པ་ཧྲཱིཿདམར་པོཿ ཤོག་སྐྱ་རླུང་གིས་བཏེག་པ་བཞིནཿ ཡར་ཡར་འགྲོ་བའི་ངང་དེ་ལཿ ཕཊཿཅེས་དྲག་པོས་མདའ་ལྟར་འཕངསཿ འོད་དཔག་མེད་པའི་ཐུགས་ཀར་བསྟིམཿ དེ་ལྟར་ཡང་ཡང་འབད་པ་ཡིསཿ འབྱོངས་རྟགས་ཚངས་བུག་འཕར་བ་དངཿ མགོ་ན་ཆུ་སེར་ཟིལ་པ་ཕྲུམཿ འཇག་མ་འདལ་གྱིས་ཚུགས་སོགས་འབྱུངཿ དེ་ཚེ་འོད་དཔག་མེད་པའི་སྐུཿ འོད་དུ་ཞུ་ནས་རང་ལ་བསྟིམཿ རྐྱེན་དེས་སྐད་ཅིག་དྲན་རྫོགས་སུཿ རང་ཡང་ཚེ་དཔག་མེད་དུ་གྱུརཿ ཨ་མཱ་ར་ཎི་ཚར་བརྒྱ་བརྗོདཿ དགེ་བ་བསྔོ་ཞིང་སྨོན་ལམ་གདབཿ དེས་ནི་ཚེ་ལ་མི་གནོད་སྟེངཿ རྟེན་འབྲེལ་བདེན་པས་ཚེ་གེགས་ཞིཿ གསང་སྔགས་ཐབས་ཀྱིས་ཆེ་བའི་ལམཿ མ་བསྒོམས་སངས་རྒྱས་འཕོ་བའི་གནདཿ སྙིང་དང་མིག་ལས་གཅེས་པར་ཟུངསཿ ས་མ་ཡཿ གསོལ་འདེབས་ནིཿ}} ཿཨེ་མ་ཧོཿ གནས་རང་སྣང་དོན་གྱི་འོག་མིན་ནཿ ཡིད་དད་བརྒྱའི་འཇའ་གུར་འཁྲིགས་པའི་ཀློངཿ སྐྱབས་ཀུན་འདུས་རྩ་བའི་བླ་མ་ནིཿ སྐུ་ཐ་མལ་མ་ཡིན་དྭངས་མའི་ལུསཿ དཔལ་སངས་རྒྱས་སྣང་མཐའི་ངོ་བོར་བཞུགསཿ ཡིད་མོས་གུས་གདུང་བས་གསོལ་བ་འདེབསཿ ལམ་འཕོ་བ་འབྱོངས་བར་བྱིན་གྱིས་རློབསཿ གནས་འོག་མིན་བགྲོད་པར་བྱིན་གྱིས་རློབསཿ དབྱིངས་ཆོས་སྐུའི་རྒྱལ་ས་ཟིན་པར་ཤོགཿ ཕཊཿ {{TibChung|སྤྲུལ་སྐུཿ}} ཕཊཿ {{TibChung|ལོངས་སྐུཿ}} ཕཊཿ {{TibChung|ཆོས་སྐུཿ}} ཕཊཿ {{TibChung|མི་འགྱུརཿ}} ཕཊཿ {{TibChung|མངོན་བྱངཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-049&diff=64183 2026-09-28T20:50:15Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=མགོན་པོ་ལེགས་ལྡན་གྱི་སྐོང་བ་རྒྱུན་ཁྱེར།<br /> |fulltitle=mgon po legs ldan gyi skong ba rgyun khyer<br /> |citation='jigs med gling pa. ''Mgon po legs ldan gyi skong ba rgyun khyer''. In ''Kun mkhyen rig 'dzin 'jigs med gling pa'i gsung 'bum'', Vol. 11: 701-703. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Daily Practice - rgyun khyer, Mending Rituals - bskang chog<br /> |terma=Yes<br /> |deity=legs ldan<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=049<br /> |pagenumbers=701-703<br /> |totalpages=3<br /> |beginfolioline=1a1<br /> |endfolioline=2a6<br /> |totalfolios=2<br /> |multivolumework=No<br /> |rectonotes=rgyun khyer<br /> |versonotes=mgon po legs ldan gyi skong ba rgyun khyer<br /> |colophontib=།ཅེས་པའང་གྲྭ་ཚང་གི་རྒྱུན་འདོན་སྟབས་བདེ་ཞིག་དགོས་ཞེས་མཛོད་པ་འོད་ཟེར་གཞན་ཕན་གྱིས་བསྐུལ་བའི་ངོར་རིག་འཛིན་འཇིགས་མེད་གླིང་པས་སོ།།<br /> |colophonwylie=ces pa'ang grwa tshang gi rgyun 'don stabs bde zhig dgos zhes mdzod pa 'od zer gzhan phan gyis bskul ba'i ngor rig 'dzin 'jigs med gling pas so//<br /> |pdflink=File:JLKO-KABUM-11-DA-049.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །{{TibChung|མགོན་པོ་ལེགས་ལྡན་གྱི་སྐོང་བ་རྒྱུན་ཁྱེར་བཞུགས། ༈ །དཔལ་ཆེན་པོ་ལ་ཕྱག་འཚལ་ལོ། །འདིར་མགོན་པོ་ལེགས་ལྡན་གྱི་མཆོད་གཏོར་རྒྱུན་ཁྱེར་ནི། གཏོར་ཚོགས་རྣམས་འབྲུ་གསུམ་གྱིས་བརླབས་ལ་ཡི་དམ་གྱི་ང་རྒྱལ་དང་ལྡན་པས།}} ཧཱུྃ། དཔལ་ཆེན་ཐུགས་ལས་སྤྲུལ་པའི་སྲས། །མགོན་པོ་ས་བཅུའི་དབང་ཕྱུག་ཆེ། །ལེགས་ལྡན་ནག་པོ་ཚོགས་ཀྱི་བདག །ལྗང་ནག་ཞལ་གསུམ་ཕྱག་དྲུག་པ། །དུར་ཁྲོད་རོལ་པའི་ཆས་ཀྱིས་བརྒྱན། །ཡུམ་ཆེན་ཀྲོ་ཏི་ཤྭ་རཱི་མ། །གནོད་སྦྱིན་ཁྲོ་བོ་སྲིན་མོའི་ཚོགས། །དབང་མོ་ཉེར་བརྒྱད་གཽ་རཱི་སོགས། །སྤྲུལ་པ་ཡང་སྤྲུལ་འཁོར་དང་བཅས། །ལང་ཀའི་ཡུལ་དང་མ་ལ་ཡ། །ཀོ་ཀ་ཐང་དམར་གནམ་ལྕགས་འབར། དྲག་ཤུལ་ཅན་གྱི་རྩེ་མོ་སོགས། །གར་བཞུགས་གནས་ནས་སྤྱན་འདྲེན་གྱི། །སྐད་ཅིག་ཡུད་ལ་གཤེགས་སུ་གསོལ། །ཨོཾ་བྷུར་ཀུར་མ་ཧཱ་ཀཱ་ལ་ཀྲོ་དྷི་ཤྭ་རི་ནག་མོ་ཏི་ལཾ་ཨེ་ཨ་ར་ལི་ཧྲིང་ཧྲིང་ཛཿཛཿས་མ་ཡ་ཏི་ཥྛ་ལྷན། {{TibChung|མཆོད་པ་ནི།}} ཧཱུྃ། འདོད་པའི་ཡོན་ཏན་ལྔ་ཡིས་རབ་བརྒྱན་ཅིང་། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །དབང་པོ་དྲུག་གི་ཡུལ་ལ་སྤྱོད་ཡུལ་འགྱེད། །དྲི་ཆེན་དྲི་ཆུའི་ཚོགས་ནི་དབའ་རླབས་འཁྲུག །རཀྟ་དམར་གྱི་རང་བཞིན་རྒྱ་མཚོར་འཁྱིལ། །མཱཾ་ས་ཤ་ཡི་རང་བཞིན་རི་ལྟར་སྤུངས། །ཀེང་རུས་རུས་པའི་རང་བཞིན་རྫ་ལྟར་བསྙིལ། །དཔལ་ལྡན་ལེགས་ལྡན་ཡབ་སྲས་ཡུམ་དང་བཅས། །གཙོ་དང་འཁོར་དུ་བཅས་པའི་ཐུགས་དམ་བསྐང་། །མེ་ཏོག་ཕྲེང་བ་ལ་སོགས་རིན་ཆེན་དབྱིག །མར་མེ་མུན་སེལ་དྲི་ཞིམ་སྤོས་ཀྱི་མཆོག །བདུད་རྩི་ཡོན་ཆབ་འོ་མ་ཀུན་གྱི་གསོས། །སྒྲིབ་སེལ་བཤོས་གཙང་དམ་པ་བདུད་རྩིར་བཅས། །དྲང་སྲོང་གཤམ་དཀར་སྐུ་ལ་མཆོད་པར་འབུལ། །ལྷ་མོ་ཨུ་མའི་སྐུ་ལ་མཆོད་པར་འབུལ། །ལེགས་ལྡན་ནག་པོའི་སྐུ་ལ་མཆོད་པར་འབུལ། །ལྷ་མོ་དུང་སྐྱོང་སྐུ་ལ་མཆོད་པར་འབུལ། །ཨོཾ་བྷུར་ཀུར་ཙནྜ་མ་ཧཱ་ཀཱ་ལ་བཛྲ་ཤྲཱི་ནི་ཨི་དཾ་བ་ལིངྟ་གྲི་ཧྞ་གྲི་ཧྞ་སྭཱ་ཧཱ། །ཨོཾ་མ་ཧཱ་ཀཱ་ལ་རཀྴ་དུ་བིང་ཤྲཱི་ནི་ཛཿ པཱུ་ཛ་མེ་གྷ་སྥ་ར་ཎ་ཨརྒྷཾ་དྷུ་པེ་པུཥྤེ་ནས་ཤབྟ་རཏྣ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། {{TibChung|བསྟོད་ཅིང་ཕྲིན་ལས་བཅོལ་བ་ནི།}} ཧཱུྃ། མཉམ་མེད་མཐུ་མངའ་གཏུམ་ཆེན་མེ་ལྟར་འབར། །མ་རུངས་འཇོམས་མཛད་དགྲ་བགེགས་ཐལ་བར་རློག །མཐར་བྱེད་གཞོན་ནུ་འཇིགས་པའི་གད་རྒྱངས་ཅན། །སྐལ་ལྡན་དཔའ་བོ་ཁྱོད་ལ་ཕྱག་འཚལ་ལོ། །མགོན་པོ་ཁྱོད་མཆོད་བྱིན་རླབས་ཀྱིས། །ཕྱོགས་དང་དུས་ནི་ཐམས་ཅད་དུ། །སེམས་ཅན་ལེགས་དོན་འབྱོར་པ་ལ། །དགྲ་བགེགས་རྣམ་པ་ཀུན་མེད་ཤོག །རྟ་དང་བ་ལང་ནོར་དང་འབྲུ། །བུ་ཚ་ཕ་མ་གཉེན་བཤེས་རྣམས། །དགེ་ཞིང་ཚེ་རིང་ནད་མེད་པར། །ཐམས་ཅད་འབྱོར་པར་ལྡན་པར་མཛོད། །འགྲོ་བ་ཉེས་མེད་བདེ་གྱུར་ཅིང་། །ནད་དང་མུ་གེ་ཀུན་བྲལ་ནས། །རྒྱལ་པོ་དགེ་ཞིང་དེས་པ་རྣམས། །ཆོས་ཀྱི་རྒྱལ་སྲིད་བསྐྱང་བར་ཤོག །དགེ་བར་གཤེགས་པའི་བསྟན་པ་འདི། །ཕྱོགས་བཅུ་ཀུན་ཏུ་རྒྱས་པ་དང་། །མྱུར་དུ་སེམས་ཅན་ཐམས་ཅད་ཀྱང་། །ཆོས་ཀྱི་སྣོད་དུ་འགྱུར་བར་ཤོག །བདེ་བ་སེམས་ཅན་ལ་བསྔོ་ཞིང་། །མགོན་པོ་ཁྱོད་མཆོད་བྱིན་རླབས་ཀྱིས། །བདག་ཅག་འཁོར་དང་བཅས་པ་རྣམས། །ལོངས་སྤྱོད་རྣམ་གཉིས་རྫོགས་པར་སྨོན། །བདག་ཅག་བྱང་ཆུབ་མཆོག་ཐོབ་ནས། །ཁྱོད་དང་མི་འབྲལ་འགྲོགས་པར་ཤོག། །།{{TibChung|ཅེས་པའང་གྲྭ་ཚང་གི་རྒྱུན་འདོན་སྟབས་བདེ་ཞིག་དགོས་ཞེས་མཛོད་པ་འོད་ཟེར་གཞན་ཕན་གྱིས་བསྐུལ་བའི་ངོར་རིག་འཛིན་འཇིགས་མེད་གླིང་པས་སོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-047&diff=64182 2026-09-28T20:48:23Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=གཏལ་དཀར་མའི་ཕྱུགས་གཏའ་སྡོམ་པ།<br /> |fulltitle=gtal dkar ma'i phyugs gta' sdom pa<br /> |citation='jigs med gling pa. ''Gtal dkar ma'i phyugs gta' sdom pa''. In ''Kun mkhyen rig 'dzin 'jigs med gling pa'i gsung 'bum'', Vol. 11: 679-682. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Protecting or Guarding Rites - srung ba<br /> |terma=Yes<br /> |deity=gtal dkar ma<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=047<br /> |pagenumbers=679-682<br /> |totalpages=4<br /> |beginfolioline=1a1<br /> |endfolioline=2b2<br /> |totalfolios=2<br /> |multivolumework=No<br /> |rectonotes=gtal dkar<br /> |versonotes=gtal dkar ma'i phyugs gta' sdom pa<br /> |colophontib=ལྕགས་ཟམ་ནིརྨ་ཀ་ཡི་དགོངས་བཞེད་བཞིན། །བྲིས་འདིས་ཕྱུགས་ལུག་གྲངས་མེད་འཕེལ་བར་ཤོག<br /> |colophonwylie=lcags zam nirma ka yi dgongs bzhed bzhin/_/bris 'dis phyugs lug grangs med 'phel bar shog<br /> |pdflink=File:JLKO-KABUM-11-DA-047.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །{{TibChung|གཏལ་དཀར་མའི་ཕྱུགས་གཏའ་སྡོམ་པ་བཞུགས། ༈ ཚེ་རིང་མའི་གསོལ་མཆོད་སྔོན་དུ་བཏང་ནས་སྒེར་གསོལ་ནི།}} ཧཱུྃ། རིག་འཛིན་པདྨ་འབྱུང་གནས་ཀྱི། །ཆད་མདོ་ཐ་ཚིག་ལ་གནས་པའི། །ལྷ་མོ་གཏལ་དཀར་འགྲོ་བཟང་མ། །རྐང་བཞི་དེ་ནི་ཕྱུགས་ཀྱི་ལྷ། །གདུང་བས་འབོད་དོ་ད་ལྟ་གཤེགས། །རང་བཞིན་ངང་ལས་མ་གཡོས་ཀྱང་། །སེམས་ཅན་རྣམས་ལ་ཕན་གདགས་ཕྱིར། །བཞུགས་པའི་དེ་ནི་ཡུལ་བཙལ་བ། །བྲག་རི་ཤེལ་གྱི་བ་གམ་ཅན། །ནགས་ཚལ་ཁ་བའི་ལ་ཐོད་མཛེས། །གཡའ་དང་དེ་ནི་སྤང་གི་ལྗོངས། །ནེའུ་སེང་མེ་ཏོག་སྣ་ཚོགས་ཚལ། །རྩི་སྨན་དྲི་ངད་བཟང་པོ་འཐུལ། །འབབ་ཆུ་ཐམས་ཅད་འོ་མའི་རྒྱུན། །མཚོ་དང་རྫིང་བུ་ལྡེང་ཀས་གང་། །དེ་ལ་གནས་སུ་འདུ་ཤེས་པའི། །ལྷ་འདྲེ་ཡིད་ཀྱི་གཟུགས་ཅན་གྱི། །ཕོ་བྲང་གཞལ་ཡས་དྭངས་རེ་སྤྲོ། །རྒྱན་དང་བཀོད་པ་བསམ་མི་ཁྱབ། །ཕོ་བྲང་དེ་ཡི་ནང་ཤེད་ན། །ལྷ་མོ་གཏལ་དཀར་འགྲོ་བཟང་མ། །མཛེས་སྡུག་ཤིན་ཏུ་ཆགས་པའི་ཉམས། །གཡས་པ་དེ་ནི་མདའ་དར་གཡབ། །རྨ་གཡང་ནོར་དང་ཕྱུགས་བླ་འགུགས། །གཡོན་པ་དངུལ་སྐྱོགས་འོ་མ་ཅན། །གཡང་ཞག་བཅུད་ཀྱི་གཏེར་དུ་འཛིན། །པང་ན་བེའུ་དངོས་གྲུབ་སྟེར། །ཤ་བ་ཡུ་མོའི་སྟེང་ན་འགྱིང་། །ཁྱོད་ལ་མཆོད་པའི་དམ་རྫས་ནི། །ཉེར་སྤྱོད་བཟའ་བཅའ་བཏུང་བའི་མཚོ། །དབང་པོ་དྲུག་ལ་མཁོ་དགུའི་རྫས། །གཏོར་མའི་དམ་ཚིག་ཆེན་པོ་འབུལ། །ཐུགས་དམ་དགྱེས་པ་བསྐངས་གྱུར་ནས། །འབྲོག་གནས་ལྷས་མལ་འདི་རུ་བཞུགས། །རྐང་བཞི་ནོར་གྱི་གོད་ཁ་ཆོད། །སྤང་ལྗོངས་བེའུས་གང་བར་མཛོད། །ཁྱོད་ལ་རྟེན་དུ་འཛུགས་པ་ནི། །རིན་ཆེན་གཏེར་གྱི་བུམ་པ་དང་། །ནམ་རྒྱང་མདའ་འཕང་ཤིང་རིས་གདོང་། །རྟེན་ཐུགས་བ་དན་གཡོ་བ་དང་། །རྔ་ལྡིང་འཇའ་རིས་འཁྱིལ་བ་ཡིས། །ཐུགས་དམ་དགྱེས་པ་བསྐངས་གྱུར་ནས། །འབྲོག་གནས་ལྷས་མལ་འདི་རུ་བཞུགས། །རྐང་བཞི་ནོར་གྱི་གོད་ཁ་ཆོད། །སྤང་ལྗོངས་བེའུས་གང་བར་མཛོད། །འབྲོང་གཡག་ཞོལ་པོ་ཆོ་ལ་རྩེ། །ཟལ་མོ་འབྲི་དང་གཡང་དཀར་ལུག །ཚེ་རིང་ར་དང་འདོད་འཇོའི་བས། །ཐུགས་དམ་དགྱེས་པ་བསྐངས་གྱུར་ནས། །འབྲོག་གནས་ལྷས་མལ་འདི་རུ་བཞུགས། །རྐང་བཞི་ནོར་གྱི་གོད་ཁ་ཆོད། །སྤང་ལྗོངས་བེའུས་གང་བར་མཛོད། །མདོར་ན་གནམ་ལ་འཕུར་དགུ་དང་། །ས་ལ་འཛུལ་དགུ་ཐམས་ཅད་ཀྱང་། །ལྷ་མོའི་དཀོར་དང་ནོར་ཡིན་ན། །སྲོག་ཆགས་མདངས་ཀྱིས་ཐུགས་དམ་བསྐང་། །ཐུགས་དམ་དགྱེས་པ་བསྐངས་གྱུར་ནས། །འབྲོག་གནས་ལྷས་མལ་འདི་རུ་བཞུགས། །རྐང་བཞི་ནོར་གྱི་གོད་ཁ་ཆོད། །སྤང་ལྗོངས་བེའུས་གང་བར་མཛོད། །རྟེན་ཅིང་འབྲེལ་འབྱུང་རྩ་བ་ནི། །མ་རིག་འཛིན་པ་ཆེན་པོ་སྟེ། །མ་རིག་ལས་ནི་རྣམ་ཤེས་འབྱུང་། །རྣམ་ཤེས་ཚོགས་པའི་མིང་གཟུགས་དང་། །སྐྱེ་མཆེད་བདག་པོ་ཁྱོད་ཀྱིས་གྱིས། །རིམས་དང་དེ་ནི་གོད་ཁ་ལ། །རྡོ་རྗེ་རྭ་བའི་གུར་གྱིས་སྲུངས། །གཅན་དང་དེ་ནི་ཆོམ་རྐུན་ལ། །ཉིན་མཚན་ཀུན་ཏུ་མེལ་ཚེ་མཛོད། །ཡུལ་དང་དེ་ནི་གནས་སུ་འབྲེལ། །གནས་དང་ལོངས་སྤྱོད་མི་འབྲལ་ཕྱིར། །ཕྱུགས་གཏའ་འདི་ལ་བརྟན་པར་བཞུགས། །མི་དང་དེ་ནི་ལྷ་རུ་འབྲེལ། །ལྷ་དང་སྲུང་སྐྱོབ་མི་འབྲལ་ཕྱིར། །ཕྱུགས་གཏའ་འདི་ལ་བརྟན་པར་བཞུགས། །ཕྱུགས་དང་དེ་ནི་ལྷས་མལ་འབྲེལ། །ལྷས་དང་ཞོ་མལ་མི་འབྲལ་ཕྱིར། །ཕྱུགས་གཏའ་འདི་ལ་བརྟན་པར་བཞུགས། །མདོར་ན་འབྲོག་གནས་ལྷས་མལ་འདི། །ཁྱོད་ལ་བཅོལ་ལོ་གཉེར་དུ་ལོངས། །བཀྲ་ཤིས་ཕུན་སུམ་ཚོགས་པའི་གཡང་། །ཁུག་ལ་བསམ་དོན་ལྷུན་གྲུབ་མཛོད། །{{TibChung|ཅེས། ལྕགས་ཟམ་ནིརྨ་ཀ་ཡི་དགོངས་བཞེད་བཞིན། །བྲིས་འདིས་ཕྱུགས་ལུག་གྲངས་མེད་འཕེལ་བར་ཤོག །ཀུན་ཀྱང་སྲོག་གི་འཇིགས་ལས་ཐར་གྱུར་ན། །དེ་ཡང་བྱང་ཆུབ་སེམས་དཔའི་ཕྲིན་ལས་ཡིན།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-046&diff=64181 2026-09-28T20:47:17Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཚེ་རིང་མའི་གཡང་འགུགས་ཉུང་བསྡུས།<br /> |fulltitle=tshe ring ma'i g.yang 'gugs nyung bsdus<br /> |citation='jigs med gling pa. ''Tshe ring ma'i g.yang 'gugs nyung bsdus''. In ''Kun mkhyen rig 'dzin 'jigs med gling pa'i gsung 'bum'', Vol. 11: 677-678. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Prosperity Rituals - gyang 'gugs<br /> |terma=Yes<br /> |deity=tshe ring ma<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=046<br /> |pagenumbers=677-678<br /> |totalpages=2<br /> |beginfolioline=1a1<br /> |endfolioline=1b4<br /> |totalfolios=1<br /> |multivolumework=No<br /> |rectonotes=g.yang 'gugs<br /> |versonotes=tshe ring ma'i g.yang 'gugs nyung bsdus<br /> |pdflink=File:JLKO-KABUM-11-DA-046.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །{{TibChung|ཚེ་རིང་མའི་གཡང་འགུགས་ཉུང་བསྡུས་བཞུགས།}} བྷྱོ། མཁའ་འགྲོ་ཆེན་མོ་སྡེ་ལྔ་ནི། །ཡེ་ཤེས་ལྔ་ཡི་ཀློང་ནས་སྤྲུལ། །འབྱུང་བ་ཆེན་པོ་ཀུན་ལ་ཁྱབ། །འབྱུང་བ་ཆེན་པོ་ནམ་མཁའ་ནི། །འབྱུང་བ་ལྔ་ཡི་བདག་པོ་སྟེ། །དེ་ཉིད་ལས་ནི་ཐམས་ཅད་སྤྲུལ། །སྲ་ཞིང་འཐས་པ་བརྟན་པའི་གཞི། །རིན་པོ་ཆེ་ཡི་འབྱུང་གནས་ལས། །བརྟན་གཡོའི་དངོས་པོ་ཐམས་ཅད་སྤྲུལ། རིན་ཆེན་འབྲུ་དང་རྟ་ནོར་ཕྱུགས། །སྣ་ཚོགས་དབྱིག་གི་གཡང་ཁུག་ཅིག །རླན་ཞིང་གཤེར་བ་ཆུ་ཡི་ཀློང་། །རྒྱ་མཚོ་ཆེ་དང་རོལ་མཚོ་བདུན། །ཀླུ་དབང་རྣམས་ཀྱི་མཛོད་ཡིན་པས། །སྣ་ཚོགས་ནོར་བུའི་ཕྱྭ་དང་གཡང་། །འབད་པ་མེད་པ་དེང་འདིར་ཁུག །དྲོད་ནི་སྲེག་པ་མེ་ཡི་ཀློང་། །རྟ་གདོང་རྒོད་མ་ཁའི་དབྱིངས་ལ། །སྨིན་ཞིང་བསྐྱེད་པའི་རྟེན་འབྲེལ་དང་། །དེ་ལས་གྱུར་ཞིང་སྨིན་པའི་བཅུད། །དངོས་གྲུབ་ཡོན་ཏན་གཡང་ཁུག་ཅིག །ཡང་ཞིང་གཡོ་བ་རླུང་གི་ཁམས། །བསྐྱེད་དང་སྡུད་པའི་བདག་པོ་སྟེ། །ཆུད་མི་ཟ་བའི་སྲོག་འཛིན་བྱེད། །དེ་ལས་བྱུང་བའི་ཕྱ་གཡང་དང་། །དངོས་གྲུབ་ཐམས་ཅད་འདིར་ཁུག་ཅིག །མདོར་ན་ལྷ་ཀླུ་མིའི་ནོར་བུ། །གླིང་བཞི་རི་རབ་རྒྱ་མཚོའི་བཅུད། །ས་རྡོའི་རི་བྲག་སྣོད་བཅུད་དང་། །ལྷ་དབང་ཀླུ་དབང་རྒྱལ་པོའི་མཛོད། །ཉི་ཟླ་གཟའ་སྐར་གོ་ལའི་གནས། །ལྷ་དང་དྲང་སྲོང་མངོན་ཤེས་ཅན། །བསྐལ་པར་གནས་པའི་ཕྱ་དང་གཡང་། །མ་ལུས་ལུས་པ་མེད་པ་ཀུན། །རྟེན་འབྲེལ་རྫས་ཀྱི་ནུས་པ་ཡིས། །དེང་གི་རྒྱུ་སྦྱོར་ཡོན་བདག་འདིའི། །བསོད་ནམས་ཚེ་དཔལ་ལོངས་སྤྱོད་ལ། །ཉི་ཟླ་བཞིན་དུ་ཀྱི་ལི་ལི། །ལོངས་སྤྱོད་བཞིན་དུ་མེ་རེ་རེ། །ཆུ་ཀླུང་བཞིན་དུ་འདུ་རུ་རུ། །འདྲེས་ཤིང་བརྟན་པའི་གཡང་ཁུག་ཅིག །{{TibChung|གཡང་འགུགས་ཀྱི་འདོན་ཆ།}} མཐུ་རྩལ་ཅན་ལ་བདག་བསྟོད་དོ། །{{TibChung|ཞེས་པའི་མཚམས་སུ་སྦྱར་རོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-045&diff=64180 2026-09-28T20:45:59Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ ཚེ་རིང་མའི་ཡང་ཡིག་ཆིག་རྒྱུད་ལཿ<br /> |fulltitle=klong chen snying gi thig le las: tshe ring ma'i yang yig chig rgyud ma:<br /> |citation='jigs med gling pa. ''Klong chen snying gi thig le las tshe ring ma'i yang yig chig rgyud ma''. In ''Kun mkhyen rig 'dzin 'jigs med gling pa'i gsung 'bum'', Vol. 11: 675-676. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Cakra and Amulet Designs - 'khor lo - srung 'khor<br /> |terma=Yes<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=045<br /> |pagenumbers=675-676<br /> |totalpages=2<br /> |beginfolioline=1a1<br /> |endfolioline=1b2<br /> |totalfolios=1<br /> |multivolumework=No<br /> |rectonotes=chig rgyud<br /> |versonotes=tshe ring ma'i yang yig chig rgyud ma<br /> |pdflink=File:JLKO-KABUM-11-DA-045.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ {{TibChung|ཀློང་ཆེན་སྙིང་གི་ཐིག་ལེ་ལསཿ ཚེ་རིང་མའི་ཡང་ཡིག་ཆིག་རྒྱུད་མ་བཞུགསཿ འུྃཿ ཌཱཀྐི་ལ་ན་མོཿ གསང་བའི་ཡང་སྙིང་འདི་མེད་ནཿ བསྒྲུབས་ཀྱང་ཞུད་ཅིང་གཡེལ་བར་འགྱུརཿ སྙིང་འདྲ་གཅིག་ལས་ཤོར་ར་རེཿ སྲོག་ནས་དྲངས་ཏེ་འབོད་པའི་དུསཿ ཏིང་ཏིང་ཤག་གིས་མ་བོས་ནཿ ལྷ་མོ་འོང་དུ་མི་འདོད་དོཿ}} བཾ་ཧ་རི་ནི་ས་བཛྲ་པྲ་མོ་ཧ་ཏིང་ཏིང་ཤག་ཙིཏྟ་ཧྲིཾ་ཧྲིཾ་ཛཿཛཿ {{TibChung|ལྕགས་ཀྱུས་དྲངས་པ་བཞིན་དུ་འགྱུརཿ ས་མ་ཡཿ སྲོག་གི་འཁོར་ལོ་མ་བཅས་ནཿ མ་མོ་བརྟོད་ལ་གནས་མི་འགྱུརཿ དར་དམར་འམ་ནི་རྒྱ་ཤོག་ལཿ གསེར་གྱིས་མུ་ཁྱུད་རིམ་གསུམ་བསྐོརཿ ལྟེ་བར་བཾ་གྱི་མཐའ་བསྐོར་དུཿ}} ཨོཾ་ཨོཾ་ཨོཾ་ཨ་ཀ་ས་མ་ཡ་བཛྲ་པྲ་མོ་ཧ་ཏིང་ཏིང་ཤག་མུ་ཀ་ཡ་ཙིཏྟ་ཧྲིཾ་ཧྲིཾ་ཛཿཛཿ བླ་ཆགས་པར་གྱུར་ཅིགཿ སྲོག་ལྟེམ་པར་གྱུར་ཅིགཿ ཡིད་དུང་བར་གྱུར་ཅིགཿ བདག་སྒྲུབ་པ་པོ་ལ་འགོ་ཞིང་ཅི་བཅོལ་བའི་ལས་ཐོགས་མེད་དུ་སྒྲུབ་པར་མཛོད་ཅིག་སྭཱ་ཧཱཿ {{TibChung|དེའི་ཕྱི་པད་འདབ་བཞིར་ཕྱེ་བའིཿ ཤར་ནས་རིམ་བཞིན་འདི་ལྟར་བྲིཿ}} བཛྲ་ས་མ་ཡ་ཧ་ར་ཧཿ ཏིང་ཏིང་ཤག་ཛཿཛཿཛཿརྀ་རཱྀ་ལྀ་ལཱྀཿསྭཱཧཱཿ {{TibChung|ལྷོར་}} རཏྣ་ས་མ་ཡ་ཧ་ར་རིཿ ཏིང་ཏིང་ཤག་{{TibChung|སོགསཿ ནུབ་ཏུ་}} པདྨ་ས་མ་ཡ་ཧ་ར་ནིཿ ཏིང་ཏིང་{{TibChung|སོགསཿ བྱང་དུ་}} ཀརྨ་ས་མ་ཡ་ཧ་ར་སཿ ཏིང་ཏིང་{{TibChung|སོགསཿ དེའི་ཕྱི་དབྱངས་གསལ་རྟེན་སྙིང་འགོདཿ རྨ་བྱའི་ཁྲག་དང་ཤུ་ཀྲས་བྱུགཿ གཞུང་ནས་བཤད་བའི་བླ་རྡོ་དངཿ ལྷན་ཅིག་ནལ་བུའི་སྙིང་དུ་གཞུགཿ མ་རྙེད་ཟ་འོག་ཁུག་མར་བསྩལཿ བསྒྲུབ་ན་ངེས་པར་དབང་དུ་འདུཿ རྟག་ཏུ་གསོལ་ཀར་བརྩོན་བྱས་ནཿ ཅི་བཅོལ་ལས་རྣམས་ཐོགས་མེད་འགྲུབཿ དམ་ཚིག་ལྡན་པ་ཆིག་བརྒྱུད་ལསཿ གཞན་དུ་མ་སྤེལ་གུ་ཧྱ་རྒྱཿ བརྡ་སྤྲོས་པ་མེད་པའི་དབྱིངས་སུ་ཐིམཿ དགེའོ།།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-044&diff=64179 2026-09-28T20:43:17Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་སྨན་བཙུན་མའི་གསང་བའི་གབ་ཡིག་དོན་ཡོད་ཞགས་པཿ<br /> |fulltitle=klong chen snying gi thig le las: bka' srung sman btsun ma'i gsang ba'i gab yig don yod zhags pa:<br /> |citation='jigs med gling pa. ''Klong chen snying gi thig le las bka' srung sman btsun ma'i gsang ba'i gab yig don yod zhags pa''. In ''Kun mkhyen rig 'dzin 'jigs med gling pa'i gsung 'bum'', Vol. 11: 665-673. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Activity Practices - las tshogs<br /> |terma=Yes<br /> |deity=tshe ring ma<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=044<br /> |pagenumbers=665-673<br /> |totalpages=9<br /> |beginfolioline=1a1<br /> |endfolioline=5a5<br /> |totalfolios=5<br /> |multivolumework=No<br /> |rectonotes=bka' srung<br /> |versonotes=sman btsun ma'i gsang ba'i gab yig<br /> |pdflink=File:JLKO-KABUM-11-DA-044.pdf<br /> |volumeLetter=DA<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་སྨན་བཙུན་མའི་གསང་བའི་གབ་ཡིག་དོན་ཡོད་ཞགས་པ་བཞུགསཿ<br /> <br /> འུཾཿ {{TibChung|ཌཱཀྐི་ལ་ན་མོཿ གབ་ཡིག་ཤིན་ཏུ་གསང་བ་ནིཿ གཙོ་མོ་ལ་བརྟེན་བརྒྱུད་སྤེལ་ནཿ མར་ལ་ཁྱེའུའི་གཟུགས་བཟང་་་་་་བཟང་པོའི་འདུག་སྟངས་ཀྱིས་ལངས་པའི་ལག་གཉིས་པུས་མོའི་སྟེང་མཆོག་སྦྱིན་བྱས་པའོ།་་་་་་བཅོས་ལཿ སྙིང་ཁར་གཡུ་བྱང་ནྲྀས་མཚན་གཞུགཿ རྩ་སྔགས་ཤམ་བུར་འདི་བཏགས་བསྟེནཿ}} པུ་ཏྲ་སིདྡྷི་ས་མ་ཡ་ཧཱུཾཿ {{TibChung|ཞེས་བཏགས་འོད་ཟེར་སྤྲོ་བསྡུ་ཡིསཿ བར་དོའི་རྣམ་ཤེས་བླ་གཡུར་བསྟིམཿ བླ་རྟགས་ཤེལ་དང་དུང་མགྲོན་གཡུཿ མདའ་འཕང་རྨིས་ཚེ་གྲུབ་པའི་རྟགསཿ གཏང་རག་གཏོང་ཞིང་བླ་གཡུ་ནིཿ དཔལ་ཅན་གཞོན་ནུའི་མགུལ་དུ་གདགསཿ གཟུགས་བརྙན་སྐྱེས་པས་ལོངས་སྤྱོད་ཅིངཿ ཁྱེའུས་ཞུགས་དང་ཏོག་གཟུངས་་་་སོ་འབྲང་་་་འདོནཿ ས་མ་ཡཿ མཐིང་གི་ཞལ་བཟང་ལ་བརྟེན་ནསཿ པྲ་སྒྲུབ་འཕྲུལ་གྱི་ལྡིང་ཁང་ནིཿ མེ་ལོང་ངོས་ལ་སིན་དྷུ་རསཿ བཛྲ་པྲ་མོ་ཧ་ཞེས་བྲིཿ མདའ་དར་མར་གྱི་ལྷ་གཡག་དངཿ གསེར་སྐྱེམས་གཡུ་སྐྱེམས་ཕྱེ་མར་སོགསཿ མཐུན་རྫས་བཟང་བཤམ་རྩ་སྔགས་ཤམཿ}} ཀ་ར་ཀ་ར་དང་ར་དང་ར་ཐི་སེ་ཐི་སེ་ཙཀྵུ་པྲ་བེ་ཤ་ཡ་ཕཊ་སྭཱ་ཧཱཿ {{TibChung|ཞེས་བཟླས་པྲ་མོའི་ཐུགས་བརྒྱུད་བསྐུལཿ པྲ་རྟེན་ཁྱེའུ་ཕོ་མོ་འམཿ ཡང་ན་རིགས་གཙང་རྒན་ཡང་རུངཿ དཔྲལ་བར་ལི་ཁྲིའི་ཐིག་ལེ་བསྐུཿ མིག་ལ་སྔགས་བཏབ་མེ་ལོང་བལྟཿ སྣང་སྲིད་གསལ་ཞིང་དུས་གསུམ་ཤེསཿ ས་མ་ཡཿ ཅོད་པན་མགྲིན་བཟང་ལ་བརྟེན་ནསཿ ལོ་འབྲས་བཅུད་ཉམས་གསོ་བ་ནཿ གས་ཆག་མེད་པའི་རྫ་བུམ་ནངཿ བཟང་པོའི་འབྲུ་སྣ་དུག་བྲལ་སྨནཿ ཤིང་ཏོག་རྩི་ཏོག་སྙིང་པོ་ལྔཿ གསེར་རམ་མཚལ་གྱིས་མཐིང་ཤོག་ལཿ ནམ་མཁའ་མཛོད་ཀྱི་སྔགས་བྲིས་རྣམསཿ བླུགས་ལ་རས་དཀར་གསར་པས་གཡོགསཿ གསོལ་མཆོད་བྱ་ཞིང་རྩ་སྔགས་ཤམཿ}} བྷྲཱུཾ་རཏྣ་པུཥྚིཾ་ཀུ་རུ་ཡེ་སྭཱ་ཧཱཿ {{TibChung|ཞེས་བཟླས་འབྱུང་བ་ལྔའི་ཁམས་ནསཿ བཀྲག་མདངས་བཅུད་བསྡུས་བུམ་པར་བསྟིམཿ འོད་ཁའི་དཀྱིལ་ལམ་གཡའ་སྤང་མཚམསཿ སྤ་ཞིང་སྨན་བཙུན་མཉེས་པར་བསམཿ ཡུལ་ཁྲུས་བྱ་ཞིང་དཀར་མངར་སྐྱེམསཿ ཕྱོགས་མཚམས་ཀུན་ཏུ་གཏོར་བྱས་ནཿ བཙའ་སད་འབུ་སྲིན་མི་འབྱུང་ངོཿ ས་མ་ཡཿ མི་གཡོ་གླང་བཟང་ལ་བརྟེན་ནསཿ ཟས་ནོར་འདུ་བ་རྒྱས་འདོད་ནཿ དཀར་གསུམ་མངར་གསུམ་སྨན་དང་སྤོདཿ བསྲེས་པའི་བསང་ཕྱེ་གཙང་མ་ལཿ སྒྲུབ་གཏོར་ནོར་བུ་མིག་གསུམ་དབྱིབསཿ རྒྱན་གྱིས་མཛེས་པའི་མཐའ་སྐོར་དུཿ སྲིད་པའི་ལོངས་སྤྱོད་སྣ་ཚོགས་བཤམཿ མདའ་མོ་བྱ་རྒོད་སྒྲོ་ལྡན་ལཿ དར་དམར་བཏགས་པ་རྒྱབ་ཏུ་བཙུགསཿ དལ་མདུན་བཀོད་ལ་རྩ་སྔགས་ཤམཿ}} ལོ་ཀ་སིདྡྷི་སརྦ་པཱ་ཤཾ་ཀུ་རུ་ཡེ་སྭཱ་ཧཱཿ {{TibChung|ཞེས་བཟླས་འོད་ཟེར་སྤྲོ་བསྡུ་ཡིསཿ སྣང་སྲིད་འོད་དུ་ལྟེམ་གྱིས་ཞུཿ རང་ལ་ཐིམ་པས་ཟས་ནོར་དངཿ ལྷ་འདྲེ་མི་གསུམ་དབང་འདུས་དམིགསཿ བདག་གཞན་དུ་མ་རོ་གཅིག་བསྲེཿ ཐེ་ཚོམ་མེད་དོ་ས་མ་ཡཿ གཏལ་དཀར་འགྲོ་བཟང་ལ་བརྟེན་ནསཿ ཕྱུགས་ཀྱི་དངོས་གྲུབ་སྤེལ་འདོད་ནཿ ཁམ་སར་རིན་པོ་ཆེ་བརྡར་ཏེཿ འོ་མས་སྤྲུས་པའི་འཇིམ་པ་ལཿ ཤ་བ་ལ་ཞོན་སྨན་མོའི་གཟུགསཿ བ་མན་བེའུ་འཚོ་བའི་མཐའཿ རྐང་བཞིའི་ཚོགས་ཀྱིས་བསྐོར་བ་བཟོསཿ ནམ་མཁའ་ཁ་དོག་ལྔ་ལྡན་དང་། མཐུན་པའི་མདའ་འབང་ཤིང་རིས་བཀོདཿ མཐུན་རྫས་དཀོར་ཆ་སྣ་ཚོགས་བཀྲམཿ ཕྲིན་ལས་གཞུང་བསྲང་དབྱེར་མེད་བསྟིམཿ རྩ་སྔགས་ཤམ་བུར་འདི་བཏགས་བཟླསཿ}} གུ་ཧ་ཏ་ན་སརྦ་སིདྡྷི་སྭཱ་ཧཱཿ {{TibChung|ཐུན་མཚམས་གསོལ་ཀ་དྲག་ཏུ་འབདཿ གྲུབ་ནས་འབྲོག་གནས་ལྷས་མའམཿ ཡང་ན་བང་མཛོད་ཕུགས་སུ་སྦཿ ར་བ་བཞི་ཡི་བཅོ་ལྔ་ལཿ གསོལ་ཀ་བྱ་ཞིང་ཁྱད་པར་དུཿ དབྱར་སྟོན་གསོལ་མཆོད་ནར་མར་བྱཿ དྲེགས་པ་མཆོད་དང་བསྟོད་པས་འགྲུབཿ རྐང་བཞི་འཕེལ་ཞིང་གོད་ཁ་ཆདཿ ས་མ་ཡཿ སྤྱི་ལ་བརྟེན་པའི་ལས་ཚོགས་ལྔཿ མི་ཕྱུགས་ནད་ཡམས་ཞི་འདོད་ནཿ བྷནྡྷ་དུམ་བུ་གསུམ་པའི་ནངཿ སྨན་མོའི་གཟུགས་སམ་རྩ་སྔགས་གཞུགཿ བདུད་རྩི་བླུགས་ལ་མཆོད་སྨན་བྲནཿ སྲིད་པ་མ་མོའི་དལ་དུ་དམིགསཿ འཕྲིན་ལས་གཞུང་བསྲང་མཆེད་ལྔ་བསྐྱེདཿ}} བདུད་རྩིའི་སྟེང་དུ་རིགས་ལྔ་རྣམསཿ མཉམ་པར་སྦྱར་བའི་མཁའ་ཀློང་ནསཿ བྱང་སེམས་བབ་པས་འབྱུང་འཁྲུགས་དུགཿ གཞིལ་ཏེ་བདེ་སྟོང་རྩལ་འབར་བསཿ ནད་རིམས་དལ་ཁ་གཅོད་པར་དམིགསཿ ཨོཾ་ཧཱུཾ་ཏྲཱཾཿཧྲཱིཿཨཱཿ མཱུཾ་ལཱཾ་མཱཾ་པཱཾ་ཏཱཾཿ བཛྲ་པྲ་མོ་ཧ་ཛྙཱ་ན་པཉྩ་ཨ་མྲྀ་ཏ་ཤུདྡྷེ་ཤུདྡྷེ་སྭཱ་ཧཱཿ {{TibChung|ཞེས་བཟླས་དམ་ཚིག་གཅིག་ཏུ་བསྲེསཿ བདུད་རྩི་མི་ཕྱུགས་ཀུན་གྱིས་བཏུངཿ ཡང་ན་ཟན་གྱི་རིལ་བུ་དྲིལཿ གླ་རྩི་ཧོང་ལེན་ཤུ་དག་བཅསཿ ཐུམ་བུར་གྲིལ་ཏེ་རྭ་ལ་གདགསཿ གོད་ནད་བསྲུང་བར་ཐེ་ཆོམ་མེདཿ ས་མ་ཡཿ འདྲེ་རྒོད་ཆོམ་རྐུན་གཅན་གཟན་དངཿ རྔོན་པ་སོགས་ཀྱི་ཁ་འཆིང་ནཿ ཚོན་སྣ་ལྔ་ཡི་སྲད་བུ་ལཿ སྔགས་འདི་སྟོང་བཟླས་མདུད་པ་བོརཿ}} ཨོཾ་བཛྲ་པྲ་མོ་ཧ་སིངྷ་མུ་ཁ་ཧེཿ གནོད་བྱེད་ཆེ་གེ་མོའི་ལུས་ངག་ཡིད་གསུམ་རྨུགས་ཤ་རྨུགས་ཤ་རྦདཿ ཐུམ་རིལ་རྦདཿ བཛྲ་ཁ་ཐམཿ ཏྲིག་ནནཿ {{TibChung|མདུད་པ་ལྕགས་ཁང་སྒོ་མེད་ཀྱིཿ ནང་དུ་གནོད་བྱེད་ཚུད་པར་བསམཿ ལྷམ་མཐིལ་འམ་ནི་མལ་ཞབས་གནོནཿ སེམས་ཅན་སོགས་ཀྱི་མཇུག་མར་བཏགསཿ དེས་ནི་གདུག་པའི་ཁ་འཆིང་འགྱུརཿ ས་མ་ཡཿ གདོན་འཛག་བསྲུང་ན་ཤོག་བུ་ལཿ སྲིད་མེས་སྦྲུལ་གྱིས་བསྡམ་པའི་ནངཿ}} ཨོཾ་བཛྲ་པྲ་མོ་ཧ་ཏི་ལ་ཀ་བཾ་ཧོཿ གནོད་བྱེད་རཀྵཿ {{TibChung|ཞེས་བྲིས་དཔའ་བོ་སེང་པོ་བྱུགཿ མགོ་ནས་དྲིལ་ཏེ་སྐེད་པར་གདགསཿ དེས་ནི་སྡོམ་པར་ཐེ་ཚོམ་མེདཿ ས་མ་ཡཿ ལོ་ཏོག་གསོ་དང་འཕྲང་བསྲུང་ཕྱིརཿ ཁ་ཆར་ཆེན་པོ་འབེབས་འདོད་ནཿ མཚོའམ་ཀླུ་གཉན་གནས་པའི་སརཿ མར་གྱི་རུས་སྦལ་མགོ་དགུ་ཡིཿ ཁོག་པར་}}ཛྲ་པཱ་ཎིའི་{{TibChung|ཤམཿ ཀླུ་ཆེན་བརྒྱད་ཀྱི་སྲོག་སྔགས་དངཿ ལས་སྒྲུབ་སྔགས་བྲིས་ཀླུ་སྨན་བྱུགཿ དཀར་གསུམ་མངར་གསུམ་རིན་པོ་ཆེཿ ཀླུ་སྨན་རིལ་བུ་དང་བཅས་གཞུགཿ ཆུ་མིག་གཏིང་ངམ་སྐབས་མེད་ནཿ རྫ་གསར་ནང་དུ་ལུང་པ་དགུའིཿ ཆུ་བླུགས་་་་་མ་དྲོས་པའི་བྱེ་མ།་་་་ས་ཡི་དོང་དུ་སྦཿ དེ་ཡི་ནང་དུ་རུས་སྦལ་བཅུགཿ རྒྱ་མཚོ་ཀླུ་ཡི་ཕོ་བྲང་བསམཿ དེ་སྟེང་ཤིང་སྣས་བཀབ་པའི་སྟེངཿ གཡམ་སྔོན་ཡི་གེ་ཨེས་མཚན་པརཿ མར་ཟན་ལ་བཟོས་ལྷ་སྨན་ལྔཿ འབྲུག་ཞོན་གཡས་གཡོན་སྦྲུལ་ཞགས་འཛིནཿ ཕྱོགས་བཞི་དབུས་དང་ལྔར་བཀོད་ལཿ ནམ་མཁའི་དབྱིངས་ན་གནས་པར་བསམཿ}} རང་ཉིད་བདེ་གཤེགས་ཀླུ་དབང་རྒྱལཿ ཆེ་ཆུང་སྲིད་པའི་གཏོས་དང་མཉམཿ ངན་སོང་སྒྲོལ་བའི་ཕྱག་རྒྱ་ཅནཿ ཡེ་ཤེས་སེམས་དཔའ་ཐོད་ཕྲེང་རྩལཿ གསལ་བརྟན་ངེས་ཤེས་གདིང་ལྡན་པའིཿ ཐུགས་ལས་འོད་ཟེར་བསིལ་ཞིང་དྭངསཿ དཔག་ཏུ་མེད་པར་འཕྲོས་པ་ཡིསཿ རྒྱ་མཚོའི་ཀླུ་ཡི་ཐུགས་རྒྱུད་བསྐུལཿ སྤྲིན་དང་ཁུ་རླངས་ཡར་ཐོན་པའིཿ སྨན་བཙུན་ལྔ་ཡི་གྲོགས་བྱས་ཏེཿ ནམ་མཁར་སྤྲིན་གྱི་གཞི་འཛིན་ཅིངཿ འབྲུག་སྒྲ་སྒྲོག་ཅིང་གློག་དམར་འཁྱུགཿ སྦྲུལ་གྱི་ཁ་ནས་ཁ་ཆར་གྱིཿ བུ་ཡུག་འཚུབས་པས་འཇིག་རྟེན་ཀུནཿ མུན་ནག་རུབ་པ་ལྟ་བུར་བསམཿ ཨོཾ་ནཱ་ག་ཀཱ་ལ་ཧཱུཾཿ ནཱ་ག་ལེ་ལེཿ དུམ་པ་ལེ་ལེཿ ནཱ་ག་རཱ་ཙ་ཧཱུཾ་ཕཊཿ བྷ་རི་ཤ་ཡཱཿ པྲ་ཏ་ཡཱཿ པྲ་མོ་ཧ་ཧཱུཾ་སབ་སབཿ སོབ་སོབཿ འུར་འུར་དྲག་ཏུ་ཕོབཿ {{TibChung|ཅེས་བཟླ་ཏིང་ངེ་འཛིན་ཕུར་གདགསཿ སྨན་བཙུན་གསོལ་ཞིང་ཀླུ་གཏོར་བཏངཿ སྤྲིན་ཆེན་སྒྲོགས་ཤིང་ཡུལ་ཁྲུས་བྱཿ ཀླུ་ལ་དཀར་གཏོར་གཏའ་རུ་གཟུགསཿ གྲིབ་ཅན་ཕྱོགས་སུ་ཉེ་མི་རུངཿ དྲི་ངའི་ཟས་དང་སྤྱོད་ལམ་སྤོངསཿ ཞག་གསུམ་བདུན་ན་ངེས་པར་འབབཿ ཀུན་ལ་སེམས་བསྐྱེད་གདིང་ལྡན་གཅེསཿ ས་མ་ཡཿ ཤོ་མོ་དུས་གསུམ་ཀུན་གསལ་ནིཿ དུང་ཤོ་མི་ལག་མ་འགྲིམ་པརཿ}} ཧྲཱིཾཿབཛྲ་པྲ་མོ་ཧ་ལོ་ཀ་སརྦ་མུ་མུ་ཕྱེ་ཕྱེ་སྭཱ་ཧཱཿ {{TibChung|གོང་བསྙེན་ཁྲི་ཚོ་ལྔ་སོང་ནསཿ ལས་སྦྱོར་སྟོང་ཕྲག་གཅིག་གདབ་བོཿ དེ་ནས་མེ་ལོང་གཡའ་བྲལ་སྟེངཿ གང་འདོད་དོན་སྨོས་ཤོ་སྒྲིལ་བསཿ ཐིག་ལེ་ཤར་ན་མཐིང་ཞལ་མསཿ སྲོག་ཕྱ་མི་བརྟན་དོན་ཕྱ་འབྲིངཿ དགྲ་ཕྱ་རབ་ལ་གྲོགས་ཕྱ་ཐཿ ཁྱིམ་ཕྱ་བཏང་སྙོམ་མགྲོན་ཕྱ་ནིཿ ཡོང་ཡོང་འདྲ་ལ་མི་ཡོང་ཟེརཿ ཆོས་ཕྱ་འཕྲལ་བཟང་ནམ་ཕུགས་ངནཿ མ་ངེས་ཐེ་ཚོམ་ཅན་གྱི་མོཿ ཚོམ་བུར་ཤར་ན་ཚེ་རིང་མསཿ ཚེ་སྲོག་རྡོ་རྗེའི་བྲག་ལས་སྲཿ ལོངས་སྤྱོད་རྣམ་ཐོས་སྲས་དང་མཉམཿ དོན་ཕྱ་རི་གཟར་ཅབ་དང་འདྲཿ བསྐོས་པའི་ལས་ལ་སུ་ཡིས་ལྡོགཿ དགྲ་ཕྱ་རབ་ལ་གྲོགས་ཕྱ་འབྲིངཿ ཁྱིམ་ཕྱ་གྱོད་དང་ཁ་མཆུའི་ངོཿ མཐོན་ཕྱ་བཏང་སྙོམས་ཐེ་ཚོམ་མེདཿ ཆོས་ཕྱ་ནམ་ལངས་ཉི་ཤར་འདྲཿ བཀྲ་ཤིས་ཕུན་སུམ་ཚོགས་པའི་མོཿ ཚངས་པ་ཤར་ན་གླང་བཟང་མསཿ སྲོག་ཕྱ་འབྲིང་ལ་དོན་ཕྱ་མཐོཿ དགྲ་ཕྱ་མཁའ་ལ་རྒོལ་བ་འདྲཿ གྲོགས་ཕྱ་ནམ་ཕུགས་ཕུན་སུམ་ཚོགསཿ ཁྱིམ་ཕྱ་འཕྲལ་བཟང་ཕུགས་ངན་ཅིངཿ མགྲོན་ཕྱ་མགྲོན་པོ་སྒོ་རྩར་སླེབསཿ ཆོས་ཕྱ་སེར་གཟུགས་སྡོམ་མེད་དོཿ ལྟར་སྣང་བསླུ་བྲིད་ངོ་དགའི་མོཿ སྒྲོམ་བུ་ཤར་ན་འགྲོ་བཟང་མསཿ སྲོག་ཕྱ་རྡོ་རྗེའི་བྲག་དང་འདྲཿ དོན་ཕྱ་ད་རེས་བཤོལ་དང་ལེགསཿ དགྲ་ཕྱ་རྩོད་དང་གཡུལ་ལས་རྒྱལཿ གྲོགས་ཕྱ་མི་བརྟན་འགྱུར་ལྡོག་ཅནཿ ཁྱིམ་ཕྱ་བདེ་སྐྱིད་ཕུན་སུམ་ཚོགསཿ མགྲོན་ཕྱ་ཟ་འདྲེ་ལག་སྟོང་ཅནཿ ཆོས་ཕྱ་ཆོས་མེད་སྐྱིད་པར་འོངཿ འཇིག་རྟེན་མཐུན་འཇུག་ཙམ་གྱི་མོཿ རྨིག་པ་ཤར་ན་མགྲིན་བཟང་མསཿ སྲོག་ཕྱ་རིམ་གྲོས་བསླུས་པ་ཙམཿ དོན་ཕྱ་ཕྱི་ཐལ་ཆེ་བར་འོངཿ དགྲ་ཕྱ་མདའ་མོ་སྐེད་པར་ཆགཿ གྲོགས་ཕྱ་བཏང་སྙོམས་ཙམ་དུ་འདུགཿ ཁྱིམ་ཕྱ་འཕྲལ་དར་ཕུགས་ན་གུདཿ མགྲོན་ཕྱ་ངོ་སོ་དང་བཅས་འོངཿ ཆོས་ཕྱ་བརྟན་ཆགས་རི་ཚུགས་ཟིནཿ རྣམ་རྟོག་རླུང་གིས་སྐྱོད་པའི་མོཿ ས་མ་ཡཿ མ་འོངས་ལྟ་སྒོམ་ཏིང་འཛིན་གྱིཿ དྲོད་ཚད་མེད་པར་འོལ་ཚོད་ཀྱིསཿ མངོན་ཤེས་ཅ་ཅོར་སྒྲོགས་པའི་ཚེཿ སྨན་བཙུན་སེམས་ཀྱི་ཆོ་འཕྲུལ་ལྔསཿ ཐེ་ཚོམ་མདུད་པ་རང་སར་གྲོལཿ ས་མ་ཡཿ རྩོད་དུས་བསྐལ་པའི་སྙིགས་མ་ལཿ སྲིད་པའི་བདེ་སྡུག་མ་མོས་བྱེདཿ དེ་ཚེ་དབྱིངས་རིག་བརྟུལ་ཞུགས་ཀྱིསཿ ལྷ་མོའི་སྟོང་སྲོག་དབང་ཐོབ་པའིཿ རང་བྱུང་སྤྲུལ་པའི་རྡོ་རྗེ་དེསཿ ཌཱཀྐི་གསང་བའི་བརྡ་རིས་ནསཿ ནོར་འཁྲུལ་གབ་སྦས་མེད་པར་བསྒྱུརཿ གཞན་ཕན་རྒྱ་ཆེར་སྤྱོད་པར་ཤོགཿ ཿས་མ་ཡཿ རྒྱ་རྒྱ་རྒྱཿ དགེའོཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-043&diff=64178 2026-09-28T19:32:22Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་སྨན་བཙུན་མཆེད་ལྔའི་ཕྲིན་ལས་དཔག་བསམ་ཡོངས་འདུཿ<br /> |fulltitle=klong chen snying gi thig le las: bka' srung sman btsun mched lnga'i phrin las dpag bsam yongs 'du:<br /> |citation='jigs med gling pa. ''Klong chen snying gi thig le las bka' srung sman btsun mched lnga'i phrin las dpag bsam yongs 'du''. In ''Kun mkhyen rig 'dzin 'jigs med gling pa'i gsung 'bum'', Vol. 11: 657-663. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Mending Rituals - bskang chog, Protector Rituals - gsol mchod<br /> |terma=Yes<br /> |deity=tshe ring ma<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=043<br /> |pagenumbers=657-663<br /> |totalpages=7<br /> |beginfolioline=1a1<br /> |endfolioline=4a2<br /> |totalfolios=4<br /> |multivolumework=No<br /> |rectonotes=bka' srung<br /> |versonotes=phrin las dpag bsam yongs 'du<br /> |pdflink=File:JLKO-KABUM-11-DA-043.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་སྨན་བཙུན་མཆེད་ལྔའི་ཕྲིན་ལས་དཔག་བསམ་ཡོངས་འདུ་བཞུགསཿ<br /> <br /> འུཾཿ {{TibChung|ཡེ་ཤེས་མཁའ་བགྲོའི་སྐུ་ལ་འདུདཿ ཕྱི་ལྟར་སྨན་བཙུན་མཆེད་ལྔ་ལཿ ནང་ལྟར་རིགས་ལྔའི་ཌཱཀྐི་ནིཿ གསང་བ་དབྱིངས་ཀྱི་ཡུམ་ཆེན་མོཿ བཀའ་སྲུང་སྨན་མོ་ལྟར་སྒྲུབ་པའིཿ ཕྲིན་ལས་དཔག་བསམ་ཡོངས་འདུ་བསྟནཿ ས་མ་ཡཿ ཤིན་ཏུ་ཡིད་འོང་དབེན་པའི་གནསཿ ནགས་ཚལ་མེ་ཏོག་བཀྲ་བའི་སརཿ འཁར་བའི་མེ་ལོང་ཆེ་ལེགས་སྟེངཿ རང་བྱུང་ལི་ཁྲིའི་ཐིག་ལེ་བསྐུསཿ དབུས་མདུན་ནས་བརྩམས་གཡས་བསྐོར་དུཿ བཾ་དང་ཧ་རི་ནི་ས་བྲིསཿ དེ་སྟེང་རང་བྱུང་ཤེལ་དཀར་དངཿ རྨ་བྱའི་སྒྲོ་མདོངས་དུང་གི་ཤྭཿ གཡུ་བྱང་མིག་མེད་ས་ལེ་སྦྲམཿ རིན་ཆེན་སྣོད་བླུགས་ལྡིང་གུར་ཕུབཿ ཉེར་སྤྱོད་སྨན་གཏོར་རཀྟ་དངཿ བཟའ་བཏུང་སྣ་ཚོགས་མཐའ་བསྐོར་བཀྲམཿ རིག་འཛིན་བླ་མའི་ས་མ་དྷིསཿ}} ཀྱཻཿ རང་སྣང་འོད་གསལ་སྤྲུལ་པའི་གནསཿ ཁོར་ཡུག་གངས་རིའི་ཕྲེང་བ་ཅནཿ ཤིན་ཏུ་ཡིད་འོང་སྐྱེད་མོས་ཚལཿ ནེའུ་སེང་མེ་ཏོག་བཀྲ་བའི་དབུསཿ རིན་ཆེན་གཡུ་ཡི་ཁང་བཟང་ནིཿ དྭངས་གསལ་ཤེལ་གྱི་ཐེམ་སྐས་ཅནཿ བྱི་རུའི་ཁ་བད་མཛེས་པའི་ཀློངཿ སྣ་ཚོགས་རཏྣའི་ཁྲི་སྟེངས་སུཿ དཔའ་བོ་ཡོངས་ཀྱི་སྲིང་གཅིག་མཿ རིག་འཛིན་ཡོངས་ཀྱི་སྒྲུབ་སྡེ་མོཿ སྨན་བཙུན་བཀྲ་ཤིས་ཚེ་རིང་མཿ རྡོ་རྗེ་ཀུན་ཏུ་བཟང་མོ་ནིཿ དཀར་དམར་མཛེས་པའི་ལང་ཚོ་ཅནཿ ཕྱག་གཡས་ཡིད་བཞིན་ནོར་བུ་དབངཿ གཡོན་པ་མདའ་དར་དུང་ཤོ་ཅནཿ སྲིད་གསུམ་གསལ་བའི་མེ་ལོང་འཛིནཿ དར་དཀར་ན་བཟའ་གསར་པའི་སྟེངཿ རྨ་བྱའི་སྒྲོ་ཐུལ་གཡང་ལུགས་གསོལཿ རཏྣའི་པྲོག་ཞུ་དར་ཐོད་ཅནཿ མཛེས་སྡུག་མཉམ་པའི་སྟབས་ཀྱིས་བཞེངསཿ མདུན་དུ་མཐིང་གི་ཞལ་བཟང་མཿ སྣང་གསལ་པྲ་ཡི་མེ་ལོང་འཛིནཿ གཡས་སུ་ཅོད་པན་མགྲིན་བཟང་མཿ རིན་ཆེན་གཏེར་གྱི་བུམ་པ་བསྣམསཿ རྒྱབ་ཏུ་མི་གཡོ་གླང་བཟང་མཿ རྨ་གཡང་ནོར་གྱི་གཞོང་པ་འཛིནཿ གཡོན་དུ་གཏལ་དཀར་འགྲོ་བཟང་མཿ དངུལ་སྐྱོགས་འོ་མས་གང་བ་བསྣམསཿ ཀུན་ཀྱང་གཡོན་པས་རང་རྟགས་ལཿ གཡས་པས་མདའ་དར་གཡོབ་པའི་ཚུལཿ དར་དཀར་ན་བཟའ་གཡང་ལུགས་གསོལཿ རིན་ཆེན་སྣ་ཚོགས་དོ་ཤལ་མཛེསཿ གཡོན་བསྐུམ་གར་གྱི་སྟབས་སུ་འགྱིངཿ མཐའ་སྐོར་སྤྲུལ་པ་ཡང་སྤྲུལ་དངཿ ཉིང་སྤྲུལ་བྲན་གཡོག་བསམ་མི་ཁྱབཿ གཙོ་མོའི་ཐུགས་ལས་འོད་འཕྲོས་པསཿ ནུབ་ཕྱོགས་ཨོ་རྒྱན་མཁའ་སྤྱོད་ཞིངཿ གནས་ཡུལ་དུར་ཁྲོད་ལྷའི་འདུན་སཿ གངས་ཆེན་ཤེལ་གྱི་ཟུར་ཕུད་སོགསཿ མ་ངེས་པདྨའི་སྒྲུབ་གནས་དངཿ རང་བཞིན་སྤྲུལ་པའི་གནས་མཆོག་ནསཿ སྤྱན་འདྲེན་གནས་འདིར་ད་ཚུར་བྱོནཿ བཛྲ་པྲ་མོ་ཧ་ཙིཏྟ་ཧྲིཾ་ཧྲིཾ་ཛཿཛཿ ཧཱུཾཿ བཞེངས་ཤིག་ཆོས་སྐུའི་ཀློང་ཡངས་ལསཿ བསྐྱོད་ཅིག་ལོངས་སྤྱོད་རྫོགས་པའི་མཿ དགོངས་ཤིག་སྤྲུལ་པའི་གནས་མཆོག་འདིརཿ དམ་ཚིག་གཉན་པོས་ད་ཚུར་བྱོནཿ འདའ་དཀའ་རྡོ་རྗེའི་གདན་ལ་བཞུགསཿ ཉམས་ཆག་སྐོང་ཞིང་ཞིག་རལ་གསོཿ སྲོག་དང་དམ་ཚིག་གཅིག་ཏུ་བསྲེཿ བརྟན་པར་བཞུགས་ལ་དངོས་གྲུབ་སྩོལཿ ས་མ་ཡཿ ཏིཥྛ་ལྷནཿ ཧཱུཾཿ བདེ་ཆེན་ཆོས་སྐུའི་ཀློང་ཡངས་ལསཿ ཞེན་མེད་རང་གྲོལ་མཆོད་པའི་སྤྲིནཿ ཉེར་སྤྱོད་འདོད་པའི་ཡོན་ཏན་དངཿ བཏུང་བ་སྣ་ཚོགས་མཚོ་ལྟར་བསྐྱིལཿ སྨན་གཏོར་རཀྟ་ཕྱེ་མར་སྤོདཿ སྐྱེད་ཚལ་ཟས་གོས་དཀོར་ནོར་རྫསཿ ཤ་རྐྱང་མ་ཧེ་འདོད་འཇོའི་བཿ རྫུ་འཕྲུལ་ཤུགས་ལྡན་དྲེའུ་སྔོཿ རླུང་གི་རྩལ་ལྡན་ཅང་ཤེས་རྟཿ སྤོས་ཀྱི་གླང་པོ་འབྲོང་གཡག་ཞོལཿ སྣ་ཚོགས་དར་གྱི་འཕུར་ལྡིང་གཡོཿ རྔ་མའི་ལྡིང་གུར་འཇའ་རིས་འཁྱིལཿ རྨ་བྱ་ཟློས་གར་བསྒྱུར་བ་དངཿ བྱ་ནག་མཆུ་སེར་ལ་སོགས་པཿ མདོར་ན་སྨན་མོ་མཉེས་པའི་རྫསཿ མ་ཚང་མེད་པ་མཆོད་པའི་སྤྲིནཿ མིག་འཕྲུལ་ལྟ་བུའི་ཏིང་འཛིན་གྱིསཿ ནམ་མཁའ་མཛོད་ཀྱི་འཁོར་ལོར་འབུལཿ དཔལ་ལྡན་ལྷ་མོའི་ཐུགས་དམ་བསྐངཿ རྡོ་རྗེ་བདུད་མོའི་ཐུགས་དམ་བསྐངཿ ཚེ་རིང་མཆེད་ལྔའི་ཐུགས་དམ་བསྐངཿ སྤྲུལ་པ་ཡང་སྤྲུལ་ཐུགས་དམ་བསྐངཿ ཐུགས་དམ་བསྐངས་ལ་ཉམས་ཆག་སོལཿ བདག་ཅག་དཔོན་སློབ་ཡོན་མཆོད་ཀྱིཿ ལྟ་བ་ལོག་ན་དབྱིངས་སུ་གསོཿ སྒོམ་པ་ཡེངས་ན་རིག་པས་སྐྱོངཿ སྤྱོད་པ་ནོར་ན་ཚོགས་ཀྱིས་བསྐངཿ སྲོག་ལ་བདུད་དུ་མ་འབེབ་ཅིགཿ སྙིང་ལ་རླུང་དུ་མ་འཇུག་ཅིགཿ དབྱིངས་ཀྱི་རྗེ་མོ་མ་གཡེལ་ཅིགཿ འཁོར་གྱི་རྣམ་རྟོག་མ་འཁྲུལ་ཅིགཿ ཁྱོད་ནི་འཁོར་འདས་ཀུན་གྱི་བདགཿ དགའ་ན་གདོད་མའི་སངས་རྒྱས་སྟོནཿ ཁྲོས་ན་གཟའ་སྐར་ཐང་ལ་འབེབསཿ སྣོད་བཅུད་འབྱུང་བའི་བྱེད་པ་མོཿ དུས་བཞི་ཀུན་གྱི་དྲོད་ཀྱང་འཛིནཿ བཀའ་གསང་གཉན་པོའི་བྱ་ར་མཛདཿ མཐུ་རྩལ་ཅན་ལ་བདག་བསྟོད་དོཿ ༈ རྒྱལ་དབང་པདྨ་ཐོད་ཕྲེང་དངཿ རིག་འཛིན་བརྒྱུད་པའི་སྤྱན་སྔ་རུཿ བསྟན་པ་བསྲུང་བར་ཁས་བླངས་བཞིནཿ ཐེག་མཆོག་རྫོགས་པ་ཆེན་པོ་དངཿ ཁྱད་པར་འོད་གསལ་སྙིང་ཐིག་འདིའིཿ བསྟན་པ་ཡར་ངོའི་ཟླ་ལྟར་སྤེལཿ བསྟན་འཛིན་སྐྱེས་བུའི་སྐུ་ཚེ་དངཿ མཛད་ཕྲིན་ནམ་མཁའི་ཕ་མཐར་བརྡོལཿ བརྒྱུད་འཛིན་སློབ་མ་བུ་བཞིན་སྐྱོངསཿ བསྟན་པའི་སྤྱིན་བདག་མངའ་ཐང་བསྐྱེདཿ གངས་ཅན་བོད་ཀྱི་རྒྱལ་ཁམས་སུཿ ནད་ཁ་ཆོད་ལ་དལ་ཁ་སྤོསཿ དགྲ་ཁ་བསྒྱུར་ལ་མཚོན་རྩེ་ཐུལཿ ཆར་ཆུ་དུས་ཕོབ་བཙའ་ཐན་སོགསཿ མི་མཐུན་དུས་ཀྱི་རྒུད་པ་སོལཿ མདོར་ན་ཡིད་ལ་གང་འདོད་པའིཿ བསམ་དོན་ལྷུན་གྱིས་གྲུབ་པར་མཛོདཿ {{TibChung|ཅེས་བརྗོད་འོད་ཟེར་དྲ་བས་བཅིངསཿ འདོད་དོན་མངོན་དུ་སྒྲུབ་པར་བསམཿ}} བཾ་ཧ་རི་ནི་ས་བཛྲ་པྲ་མོ་ཧ་ཙིཏྟ་ཧྲིཾ་ཧྲིཾ་ཛཿཛཿ {{TibChung|ཅེས་བཟླ་ཏིང་འཛིན་གནད་ནས་བསྐུལཿ མཐའ་བསྒྱུར་གབ་ཡིག་བཞིན་དུ་བྱཿ ལས་ཀུན་འགྲུབ་པར་ཐེ་ཚོམ་མེདཿ འདི་ཉིད་ཤིན་ཏུ་སྙིང་ཉེ་བསཿ ཀུན་ལ་སྦྱིན་པར་མི་བྱའོཿ ས་མ་ཡཿ རྒྱ་རྒྱ་རྒྱཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-042&diff=64177 2026-09-28T19:26:12Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ ཚེ་རིང་མའི་སྲོག་དབང་སྦྱིན་པའི་སྐོརཿ<br /> |fulltitle=klong chen snying gi thig le las: tshe ring ma'i srog dbang sbyin pa'i skor:<br /> |citation='jigs med gling pa. ''Klong chen snying gi thig le las tshe ring ma'i srog dbang sbyin pa'i skor''. In ''Kun mkhyen rig 'dzin 'jigs med gling pa'i gsung 'bum'', Vol. 11: 647-656. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Protector Entrustment Rituals- srog gtad<br /> |terma=Yes<br /> |deity=tshe ring ma<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=042<br /> |pagenumbers=647-656<br /> |totalpages=10<br /> |beginfolioline=1a1<br /> |endfolioline=5b6<br /> |totalfolios=5<br /> |multivolumework=No<br /> |rectonotes=tshe ring ma<br /> |versonotes=tshe ring ma'i srog dbang<br /> |pdflink=File:JLKO-KABUM-11-DA-042.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ ཀློང་ཆེན་སྙིང་གི་ཐིག་ལེ་ལསཿ ཚེ་རིང་མའི་སྲོག་དབང་སྦྱིན་པའི་སྐོར་གུཧྱཿ<br /> <br /> འུྃཿ {{TibChung|བཛྲ་ར་སི་ཧཱུྃཿ སྣང་སྲིད་མ་ལུས་མ་མོའི་དལཿ སྟོང་པའི་སྲོག་ལ་དབང་ཐོབ་ནཿ ལྷ་མོ་མ་བསྒྲུབས་རང་ལ་ཤརཿ ས་མ་ཡཿ བརྒྱུད་འཛིན་སློབ་བུ་དམ་ལྡན་ལཿ སྲོག་གཏད་སྦྱིན་པར་བྱ་བ་ནིཿ གཡའ་གངས་ནགས་ཁྲོད་དབེན་པ་ལསཿ གྲོང་ཡུལ་དག་ཏུ་མ་ཡིན་ནོཿ མ་དལ་པདྨ་འདབ་བཞི་འམཿ དར་རས་ཁ་གྲུ་མ་ཉམས་སྟེངཿ འབྲུ་དཀར་ཚོམ་བུ་ལྷ་གྲངས་བཀོདཿ དབུས་སུ་མཉྫིར་གོང་གནོན་གཏོརཿ བུམ་པས་བཏེག་པའི་འབྲང་རྒྱས་ལྡརཿ རྨ་བྱའི་མདོངས་དང་དར་སྣས་བརྒྱནཿ རང་རང་སྐུ་རྟེན་ཡོད་ན་བཙུགསཿ ལྷ་གནས་སོ་སོར་བཀོད་པའི་དབུསཿ མདའ་དར་སྣ་ལྔ་མེ་ལོང་ཤོཿ དོ་གལ་ཆེ་ན་བླ་རྡོའང་གདགསཿ མཐའ་སྐོར་མཆོད་གཏོར་བཟང་པོ་ནིཿ ཁ་ཟས་སྣ་ཚོགས་ཤིང་ཏོག་བརྒྱནཿ སྨན་རག་གཉེར་སྤྱོད་ཕྱེ་མར་དངཿ རྒྱ་ཕོར་དངུལ་ཕོར་དག་ཏུ་ནིཿ གསེར་སྐྱེམས་གཡུ་སྔོན་འབྲུ་བཅུད་དངཿ དཀར་ཆོལ་འོ་ཆོལ་སྨན་སྣས་བྲནཿ སྤྱན་གཟིགས་དཀོར་ཆ་མཐུན་རྫས་རྣམསཿ སློབ་བུའི་ལོངས་སྤྱོད་རྟེན་འབྲེལ་ལཿ ལྟོས་པས་ངེས་པར་གཅེས་པའོཿ དངོས་གཞི་བདག་བསྐྱེད་བཟླས་པའི་རྗེསཿ གཏོར་རྫས་ཡི་གེ་གསུམ་དང་ནིཿ ནམ་མཁའ་མཛོད་ཀྱི་སྔགས་རྒྱས་བརླབཿ ཏིང་འཛིན་དམིགས་པའི་བརྟུལ་ཞུགས་བསྐྱེདཿ ཕྲིན་ལས་དཔག་བསམ་ཡོངས་འདུ་ཡིསཿ རྟེན་ལ་བོད་ཅིང་བསྟོད་པའི་མཚམསཿ ཏིང་འཛིན་འོད་ཟེར་དྲ་བས་བཅིངསཿ}} ཨོཾ་བཛྲ་ར་སི་ཧཱུྃཿ པྲ་མོ་ཧཿ ཏིང་ཏིང་ཤགཿ ཙིཏྟ་ཧྲིཾ་ཧྲིཾ་ཛཿཛཿ {{TibChung|ཅི་ནུས་བཟླས་ཏེ་དབང་དུ་བསྡུཿ སླར་ཡང་བསྐང་གསོ་རྒྱས་པར་བྱཿ དེ་ནས་སློབ་མ་ཁྲུས་ནས་དབྱུངཿ བགེགས་དང་དབྲལ་ཞིང་སྲུང་འཁོར་སྒོམཿ ལོ་རྒྱུས་མཚམས་སྦྱོརཿ}} འདིར་སངས་རྒྱས་ཀྱི་བསྟན་པ་གཉན་པོ་སྲུང་ཞིངཿ དེ་འཛིན་གྱི་སྟོང་གྲོགས་མཛད་པའི་ཕྱིརཿ འོག་མིན་བདེ་བ་ཆེན་པོ་ན་དབྱིངས་ཀྱི་ཡུམ་ཆེན་མོཿ རང་བཞིན་སྤྲུལ་པའི་ཞིང་ཁམས་ན་གཙོ་དང་འཁོར་གྱི་རྣམ་པར་བསྟན་པ་མཁའ་འགྲོ་མ་ཨེ་ཀ་ཙ་ཊི་སྤུན་དྲུག་དངཿ དེའི་བྲན་མོ་བཅུ་བཞིཿ གཡོག་མོ་ལྔ་བཅུ་རྩ་བརྒྱདཿ ཡང་གཡོག་འབུམ་ཁྲི་བདུན་སྟོང་ལ་སོགས་པཿ འཇིག་རྟེན་གྱི་ཁམས་སུ་རྟེན་འབྲེལ་བཅུ་གཉིས་གནས་སུ་དག་པའི་བརྡ་ལས་དམ་ཅན་བསྟན་མ་བཅུ་གཉིས་སུ་བཞེངས་པ་ནིཿ སྔོན་གྱི་ཚེ་དུར་ཁྲོད་ཆེན་པོ་བསིལ་བའི་ཚལ་དུ་མཁའ་འགྲོ་མ་སེང་གེའི་གདོང་ཅན་གྱི་སྤྱན་སྔར་དབང་ནོད་དེ་བསྟན་པ་བསྲུང་བར་བཀའ་བསྒོསཿ བོད་དུ་བསྟན་པ་སྔ་དར་གྱི་ཚེ་སློབ་དཔོན་ཆེན་པོ་པདྨའི་ཞབས་ལ་བལ་བོད་ཀྱི་མཚམས་ཁ་ལ་རོང་སྒོར་མཐོ་བརྩམས་པ་ཕྱག་རྒྱ་གཉེན་པོའི་ཟིལ་འོག་ཏུ་སྤ་བཀོངས་པར་མཛད་ནས་གངས་ཅན་བོད་ཀྱི་ཡུལ་ལྷར་མངའ་གསོལཿ གསང་ཆེན་རྒྱ་མཚོའི་བསྟན་པ་སྐྱོང་བར་རྩིས་སུ་བབ་པའི་ནང་ཚན་ལས་འདིར་ཞིང་སྐྱོང་མཁའ་འགྲོའི་དབང་མོ་ཚེ་རིང་མཆེད་ལྔར་གྲགས་པ་ནིཿ ནང་དུ་རྣལ་འབྱོར་སྒྲུབ་པོ་ལ་སྙིང་ཉེ་ལ་བཀྲ་ཤིསཿ འཆི་མེད་ཀྱི་བཅུད་ལེན་སྟེར་བས་ཚེ་རིང་རྣམ་བཞིའི་ཕྲིན་ལས་ལ་མངའ་མཛད་པས་ཅི་བཅོལ་གྱི་ལས་རྣོ་ལ་མྱུརཿ ཕྱི་ལྟར་དུ་སྣོད་བཅུད་ཀུན་ལ་དབང་བསྒྱུར་བས་ཚན་ཆེཿ མདོར་ན་བསམ་དོན་གྱི་རེ་བ་སྐོང་བ་ལ་ཡིད་བཞིན་གྱི་ནོར་བུ་གཅིག་ཏུ་ལྷུན་གྱིས་གྲུབ་པའི་སྲུང་མ་ཁྱད་པར་ཅན་འདི་ནི་རྫོགས་པ་ཆེན་པོ་ཀློང་ཆེན་སྙིང་ཐིག་གི་ཆོས་སྡེ་ལས་ཕེབས་པ་ཡིན་ལཿ དེ་ཡང་འདི་ཉིད་ཤིན་ཏུ་བཀའ་གཉན་ཞིང་ཁྱབ་གདལ་དུ་སྟེར་བྱ་མ་ཡིན་པས་ཆོས་སྡེ་བྱིངས་གཏན་ལ་ཕེབས་ནས་ཀྱང་བགྲང་བྱའི་འཁོར་ལོ་བཅུ་ཕྲག་ཙམ་དུ་བཀའ་རྒྱ་མ་ཁྲོལཿ ཁྲིད་ཡིག་ཆེན་མོ་གཏན་ལ་ཕེབས་པ་ཙམ་ན་འོད་གསལ་གྱི་དབྱིངས་ནས་སྒྱུ་མ་སྤྲུལ་པའི་སྐྱེད་མོས་ཚལ་མཆོག་ཏུ་ཉམས་དགའ་བརཿ ཟངས་གཞོང་གི་རྣམ་པར་བརྟེན་པའི་རྫིང་བུ་དྭངས་གསལ་གྱི་ཆུས་མེར་གྱིས་ཁེངས་པའི་ནང་ནཿ ལྷ་མོའི་སྲོག་གི་ཁམས་བྱང་སེམས་དཀར་དམར་གྱི་གོང་བུ་འདར་བ་དང་འཕྲིགས་པའི་རྣམ་འགྱུར་ཅན་གཉིས་ཀུན་ནས་ཀུན་ཏུ་རྒྱུ་བ་ཞིག་རྨ་བྱ་གཞོན་ནུ་སྐྱེས་བུའི་ལུས་ཚད་ཙམ་པ་ལྔ་རུ་གྱུར་ནས་གཙུག་ཕུད་ནམ་མཁའ་ལ་གཡེངས་པའི་ཟློས་གར་རྩེསཿ སླར་དེ་ཡོངས་སུ་གྱུར་པ་ལས་སྨན་བཙུན་མཆེད་ལྔའི་རྣམ་ཆར་བསྟན་ནས་ཧི་ཧིའི་བཞད་སྒྲ་ཆེན་པོ་དང་བཅས་ལྐོག་གྱུར་གྱི་རྣམ་པ་རྡོ་རྗེའི་གླུར་བླངསཿ དངོས་སུའང་གཟུགས་མེད་པའི་སྒྲ་སྒྲོགས་པ་དང་ཕྱི་ནང་གསང་གསུམ་གྱི་བླ་རྡོའི་རྣམ་པའང་རང་དབང་དུ་གྱུར་པའི་རྟེན་འབྲེལ་ཟབ་མོས་གོ་ཕྱེ་ནས་ལྷ་མོའི་སྟོང་སྲོག་མཁའ་འགྲོ་སྙི་ལ་ཟིན་པ་ལྟ་བུར་བྱིན་པ་སྐབས་སུ་བབ་པ་ཡིན་པསཿ སློབ་དཔོན་གྱི་བྱ་བ་སྔོན་དུ་སོངཿ སློབ་མའི་བྱ་བ་མཎྜལ་འབུལཿ {{TibChung|དེ་ནས་གསོལ་བ་གདབ་པ་ནིཿ}} བདེ་གཤེགས་དཔལ་གྱི་བཀའ་སྡོད་ཆེཿ མཐུ་ལྡན་ཞིང་སྐྱོང་མཁའ་འགྲོ་མའིཿ སྲོག་དབང་བདག་ལ་སྩལ་དུ་གསོལཿ {{TibChung|ལན་གསུམཿ སློབ་དཔོན་གྱིསཿ}} འདི་ནི་ཤིན་ཏུ་བཀའ་གཉན་པསཿ སྲོག་དང་དམ་ཚིག་བསྲེ་ནུས་སམཿ རྟག་ཏུ་གསོལ་ཀར་བརྩོན་ནུས་སམཿ {{TibChung|སློབ་མསཿ}} དམ་ཚིག་གཉན་པོ་གང་ཡིན་པཿ ནམ་ཡང་བཏང་བར་མི་འགྱིད་དོཿ {{TibChung|ཕུད་སྐྱེམས་ནས་ཧུབ་གཅིག་སློབ་མར་བྱིན་ཏེཿ}} མ་མོ་ཁྱོད་ལ་གཏད་པར་བྱཿ ད་ལྟ་རྗེ་མོའི་ཚུལ་དུ་སྒྲུབསཿ རྟག་ཏུ་གྲོགས་ཀྱི་དམ་ཚིག་སྲུངསཿ ནམ་ཞིག་བྲན་དུ་ཁོལ་གྱུར་ཅིགཿ ས་མ་ཡཿ བཛྲ་རཀྵནྟུཿ {{TibChung|ཞེས་དམ་བསྲེ་བྱཿ དེ་ནས་སྐྱབས་སེམས་སྡོམ་པ་བཟུངཿ}} སློབ་དཔོན་སྣང་སྲིད་ཟིལ་གནོན་དུ་གསལ་བ་ལ་མོས་གུས་དུང་དུང་བྱས་པའི་རྐྱེན་གྱིས་ཐུགས་ཀ་ནས་འོད་ཟེར་མེ་འོད་ལྟ་བུ་བྱུངཿ སློབ་མ་ལ་ཕོགཿ ཐ་མལ་གྱི་སྒོ་གསུམ་སྦྱངསཿ འོད་ཀྱི་རྣམ་པར་གྱུརཿ དེ་ཡོངས་སུ་གྱུར་པ་ལས་སློབ་མ་དཔལ་ཆེན་པོ་ཞལ་གསུམ་ཕྱག་དྲུགཿ གཟི་བྱིན་བཟོད་པར་དཀའ་བཿ རུ་ལུའི་གད་རྒྱངས་སྒྲོགས་པའི་རྣམ་པར་གྱུར་པར་བསམས་ལ་{{TibChung|ང་རྒྱལ་འཛིན་དུ་འཇུགཿ རུ་ལུའི་འཛབ་ཀྱིས་བྱིན་དབབཿ གོང་གནོན་གྱི་དཔལ་གཏོར་ལྷར་གསལ་བའི་སྤྱི་བོར་བཞག་སྟེཿ}} རིགས་འདུས་ཁྲག་འཐུང་དཔལ་ཆེན་པོཿ གཉེན་པོ་སྟོབས་ཀྱི་དབང་བསྐུར་རོཿ ཅི་བཅོལ་བཀའ་བཞིན་ཉན་པར་ཤོགཿ ལྟ་བ་གྱབ་ཀྱི་དབང་བསྐུར་རོཿ སྟོང་བའི་སྲོག་ལ་དབང་ཐོབ་ཤོགཿ {{TibChung|རུ་ལུའི་རྩ་སྔགས་མཐརཿ}} དྷརྨ་དྷཱརྟུ་ཨ་བྷི་ཥིཉྩ་ཧཱུྃཿ {{TibChung|ཞེས་བརྗོད་ཅིང་གཏོར་མའི་ལྷ་སློབ་མར་ཐིམ་པར་མོསཿ}} དེ་ནས་སློབ་དཔོན་གྱི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོསཿ མཁའ་འགྲོ་ལྔའི་སྙིང་གར་བཾ་དང་ཧ་རི་ནི་ས་གནས་པ་ལ་རེག་པས་རྒྱུད་བསྐུལཿ སློབ་མའི་བྱ་བ་སྒྲུབ་པ་ལ་མ་བུའི་འདུ་ཤེས་ཀྱི་གདུང་བ་དྲག་པོ་སྐྱེས་པའི་མོས་པ་མཛོདཿ ཅེས་བརྗོད་ལ་གཙོ་མོའི་གཏོར་མ་དང་མདའ་དར་ལག་ཏུ་གཏད་ལཿ སྨན་བཙུན་བཀྲ་ཤིས་ཚེ་རིང་མཿ རྡོ་རྗེ་ཀུན་ཏུ་བཟང་མོ་ནིཿ {{TibChung|སོགས་ནསཿ}} མཛེས་སྡུག་མཉམ་པའི་སྟབས་ཀྱིས་བཞེངསཿ སྐལ་ལྡན་བུ་ལ་དབང་བསྐུར་རོཿ ཨོཾ་བཛྲ་ར་སི་ཧཱུྃཿ པྲ་མོ་ཧཿ ཏིང་ཏིང་ཤགཿ ཙིཏྟ་ཨ་བྷི་ཥིཉྩ་ཧཱུྃཿ མདུན་གྱི་འབྲང་རྒྱས་དང་མེ་ལོང་གཏད་ལཿ དཔའ་བོ་ཡོངས་ཀྱི་སྲིང་གཅིག་མཿ རིག་འཛིན་ཡོངས་ཀྱི་སྒྲུབ་སྡེ་མོཿ མཐིང་གི་ཞལ་བཟང་པྲའི་ལྷ་མོསཿ བུ་ལ་ཉེ་བར་མཛད་དུ་གསོལཿ ཨོཾ་བཛྲ་ར་སི་ཧཱུྃཿ པྲ་མོ་ཧཿ ཏིང་ཏིང་ཤགཿ ཙིཏྟ་ཨ་བྷི་ཥིཉྩ་ཧཱུྃཿ {{TibChung|གཡས་ཀྱི་འབྲང་རྒྱས་དང་གཏེར་བུམ་གཏད་ལཿ}} དཔའ་བོ་ཡོངས་ཀྱི་སྲིང་གཅིག་མཿ རིག་འཛིན་ཡོངས་ཀྱི་སྒྲུབ་སྡེ་མོཿ ཅོད་པཎ་མགྲིན་བཟང་ནོར་གྱི་ལྷསཿ བུ་ལ་ཉེ་བར་མཛད་དུ་གསོལཿ ཨོཾ་ར་སི་ཧཱུྃཿ པྲ་མོ་ཧཿ ཏིང་ཏིང་ཤགཿ ཙིཏྟ་ཨ་བྷི་ཥིཉྩ་ཧཱུྃཿ {{TibChung|རྒྱབ་ཀྱི་འབྲང་རྒྱས་དང་ནོར་གཞོང་གཏད་ལཿ}} དཔའ་བོ་ཡོངས་ཀྱི་སྲིང་གཅིག་མཿ རིག་འཛིན་ཡོངས་ཀྱི་སྒྲུབ་སྡེ་མོཿ མི་གཡོ་གླང་བཟང་ཟས་ཀྱི་ལྷསཿ བུ་ལ་ཉེ་བར་མཛད་དུ་གསོལཿ ཨོཾ་ར་སི་ཧཱུྃཿ པྲ་མོ་ཧཿ ཏིང་ཏིང་ཤགཿ ཙིཏྟ་ཨ་བྷི་ཥིཉྩ་ཧཱུྃཿ {{TibChung|གཡོན་གྱི་འབྲང་རྒྱས་དང་དངུལ་ཕོར་འོ་མས་གང་བ་གཏད་ལཿ}} དཔའ་བོ་ཡོངས་ཀྱི་སྲིང་གཅིག་མཿ རིག་འཛིན་ཡོངས་ཀྱི་སྒྲུབ་སྡེ་མོཿ གཏལ་དཀར་འགྲོ་བཟང་ཕྱུགས་ཀྱི་ལྷསཿ བུ་ལ་ཉེ་བར་མཛད་དུ་གསོལཿ ཨོཾ་ར་སི་ཧཱུྃཿ པྲ་མོ་ཧཿ ཏིང་ཏིང་ཤགཿ ཙིཏྟ་ཨ་བྷི་ཥིཉྩ་ཧཱུྃཿ {{TibChung|དེ་ནས་སྲོག་སྙིང་བྱིན་པ་ནིཿ}} སློབ་དཔོན་ལ་མོས་གུས་དུང་བ་དང་དམ་ཚིག་ལ་སྲོག་ཏུ་ལྟ་བའི་འདུ་ཤེས་ཀྱིས་རྐྱེན་བྱས་སློབ་དཔོན་གྱི་ཐུགས་ཀ་ནས་འོད་ཟེར་འཕྲོསཿ མཁའ་འགྲོ་ལྔའི་སྙིང་གར་བཾ་དང་ཧ་རི་ནི་ས་གནས་པ་ལྕགས་ཀྱུས་དྲངས་པ་བཞིན་འུབ་ཀྱིས་བསྡུས་པས་བརྟན་པ་དང་བྲལ་ཏེ་སྲོག་དམར་ནར་གྱིས་སྐྱུགས་པ་སློབ་མའི་ཞལ་དུ་བཞུགསཿ སྙིང་གར་ཐིམས་པས་ཅི་བཅོལ་གྱི་ལས་ཐོགས་མེད་དུ་སྒྲུབ་པར་མོས་ལཿ གོང་གནོན་གྱི་སྙིང་པོས་སྣ་དྲངསཿ ཁྱད་པར་གྱི་སྲོག་སྙིང་རྗེས་ཟློས་ལན་གསུམ་བྱར་གཞུགཿ འདི་ནི་ཤིན་ཏུ་བཀའ་གཉན་པསཿ རྒྱུད་འཛིན་སློབ་བུ་དམ་ཚིག་ཅནཿ གཅིག་ལ་ཆིག་བརྒྱུད་ལས་མ་སྤེལཿ ས་མ་ཡཿ {{TibChung|དེ་ནས་གཏོར་མ་ཕྱག་མཚན་དང་བཅས་པ་སྣོད་གཅིག་ཏུ་བྱས་ལ་སློབ་མར་གཏད་ལཿ}} ཧཱུྃཿ བཞེངས་ཤིག་ཆོས་སྐུའི་ཀློང་ཡངས་ལསཿ བསྐྱོད་ཅིག་ལོངས་སྤྱོད་རྫོགས་པའི་མཿ དགོངས་ཤིག་སྤྲུལ་པའི་གནས་མཆོག་འདིརཿ དམ་ཚིག་གཉན་པོ་གཅིག་ཏུ་བསྲེཿ འདའ་དཀའི་ཆད་ཐོ་གཉེར་དུ་ལོངསཿ རྒྱལ་དབང་པདྨ་ཐོད་ཕྲེང་དངཿ ལྷ་སྲས་ཁྲི་སྲོང་ལྡེ་བཙན་གྱིཿ ཆོས་རྒྱུད་ཆགས་པའི་རྣལ་འབྱོར་ལཿ གྲོགས་པོར་གཏད་དོ་གཞུང་མ་ངནཿ མཛའ་མོར་གཏད་དོ་ཁྲེལ་མ་ཆུངཿ བྲན་དུ་གཏད་དོ་རྐང་མ་ངནཿ སྲུང་མར་གཏད་དོ་མཐུ་མ་ཆུངཿ ཅི་ལྟར་བཅོལ་བའི་ལས་རྣམས་སྒྲུབསཿ བཛྲ་ས་མ་ཡ་རཀྵནྟུ་ཧཱུྃ་ཛཿ {{TibChung|ཞེས་བརྗོད་བྲན་དུ་ཁས་བླང་བསམཿ གཏོར་མ་དང་ནི་ནང་མཆོད་ནསཿ ཆ་ཤས་དམ་ཚིག་འདྲེས་ཕྱིར་བྱིནཿ སློབ་མས་ཐ་ཚིག་འདི་ལྟར་བླངཿ}} མཁའ་འགྲོ་སྲོག་ཏུ་བཙའ་བར་བགྱིཿ འབར་བ་གསུམ་གྱི་དངོས་གྲུབ་སྩོལཿ སྨན་མོ་གྲོགས་སུ་བསྒྲུབ་པར་བགྱིཿ འདུ་བ་གསུམ་གྱི་དངོས་གྲུབ་སྩོལཿ རྟག་དུ་གསོལ་ཀར་བརྩོན་པར་བགྱིཿ གཡེལ་དང་ཞུད་དང་ཆད་པའི་ལསཿ ནམ་ཡང་བདག་གིས་མི་འགྱིད་དོཿ {{TibChung|ཞེས་བརྗོད་མཁའ་འགྲོ་མཆེད་ལྔ་ཡངཿ དགྱེས་ཆགས་ངང་ལ་འོད་དུ་ཞུཿ སློབ་བུར་རོ་གཅིག་འདྲེས་པར་བསམཿ ཆོས་ཉིད་གཤིས་ལ་མི་གཡོ་བཿ མ་མོ་འབུམ་གྱི་སྟོང་སྲོག་དབངཿ ས་མ་ཡཿ གངས་ཅན་བོད་ཀྱི་ཡུལ་ལྷ་ཡིནཿ སུས་བརྟེན་དངོས་གྲུབ་སྣ་རེ་ཐོབཿ རྡོ་རྗེ་ཐེག་པའི་བཀའ་སྲུང་ཡིནཿ རྣལ་འབྱོར་ཡོངས་ལ་སྙིང་ཡང་ཉེཿ སྙིང་ཏིག་གཉེན་པོའི་སྲུང་མ་སྟེཿ ཚར་གཅོད་རྗེས་འཛིན་རྣོ་ལ་མྱུརཿ པདྨ་ང་ཡི་བཀའ་སྲུང་འདིཿ ཆོས་རྒྱུད་འཛིན་པའི་སློབ་བུ་ལསཿ གཞན་དུ་སྤེལ་ན་མགོ་བོ་ཁོསཿ གུཧྱཿ དྷ་ཐིམཿ འཁྲུལ་པའི་སྣང་ཆ་ལ་བསྟན་མ་ཆེན་མོ་མི་མོའི་རྣམ་ཆར་བཞེངས་ནས་ལུང་བསྟནཿ དེའི་རྗེས་འབྲེལ་དུ་བླ་རྡོ་སྨུག་པོ་ནོར་གཞོང་དབྱིབས་དགའ་འཁྱིལ་གྱིས་མཚན་པ་དངཿ འདོད་འཇོ་བའི་རྨིག་རྗེས་རང་བྱོན་བཻ་རོ་དྷའི་ཆོ་ལོ་སོགས་བསྟན་མ་ཆེན་མོའི་མཐུ་དབང་གིས་་རང་གིར་མཛད་ཅིངཿ ལོ་རྒྱུས་སུ་བཀོད་པ་ལྟར་འགྲོ་བའི་མགོན་པོ་ཀུ་མཱ་ར་ཛ་ཞལ་གཟིགས་པའི་རྟེན་འབྲེལ་འགའ་ཞིག་གིས་མཚམས་སྦྱར་ནས་ལྷ་མོའི་དམ་ཚིག་གི་སྲོག་ལ་དབང་ཐོབ་པའི་ཚེ་གཏན་ལ་ཕབ་པ་གཏེར་ཁ་གོང་འོག་གི་བསྟན་མ་དང་རྣལ་འབྱོར་དབང་ཕྱུག་བཞད་པ་རྡོ་རྗེ་ལས་བརྒྱུད་པའི་སྲོག་རྣམས་ཀྱང་ཆུ་བོ་གཅིག་ཏུ་འདྲེས་པ་ཡིན་ནོཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-041&diff=64176 2026-09-28T18:44:41Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ གཟའ་རྒོད་སྲོག་གི་སྤུ་གྲིཿ<br /> |fulltitle=klong chen snying gi thig le las: gza' rgod srog gi spu gri:<br /> |citation='jigs med gling pa. ''Klong chen snying gi thig le las: gza' rgod srog gi spu gri''. In ''Kun mkhyen rig 'dzin 'jigs med gling pa'i gsung 'bum'', Vol. 11: 643-646. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Invocations - bskul ba, Mending Rituals - bskang chog, Protector Rituals - gsol mchod<br /> |terma=Yes<br /> |deity=gza' bdud rA hu la<br /> |cycle=klong chen snying gi thig le<br /> |cycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=041<br /> |pagenumbers=643-646<br /> |totalpages=4<br /> |beginfolioline=1a1<br /> |endfolioline=2b5<br /> |totalfolios=2<br /> |multivolumework=No<br /> |rectonotes=gza' rgod<br /> |versonotes=gza' rgod srog gi spu gri<br /> |archivistnotes=There is a second text in this entry ཀློང་ཆེན་སྙིང་གི་ཐིག་ལེ་ལསཿ གཟའི་བསྐུལ་བྱང་དུག་རླངས་འཚུབས་མ་བཞུགསཿ<br /> |pdflink=File:JLKO-KABUM-11-DA-041.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ {{TibChung|ཀློང་ཆེན་སྙིང་གི་ཐིག་ལེ་ལསཿ གཟའ་རྒོད་སྲོག་གི་སྤུ་གྲི་བཞུགསཿ}} འུཾཿ ཧྲཱིཿ དུར་ཁྲོད་རབ་འཇིགས་རྩུབ་འགྱུར་ཚལཿ ཁྲག་ཞགས་དབའ་ཀློང་འཁྲུགས་པའི་དབུསཿ བཀའ་སྲུང་གཟའ་བདུད་རཱ་ཧུ་ལཿ སྲོག་གི་སྤུ་གྲི་གཤེགས་སུ་གསོལཿ སྐུ་མདོག་དུད་ཁ་སྦྲུལ་མཇུག་གཡོཿ དབུ་དགུ་བྱ་རོག་གདོང་གིས་མཛེསཿ ཕྱག་བཞི་མདའ་གཞུ་ཞགས་པ་དངཿ ཆུ་སྲིན་རྒྱལ་མཚན་རྔམ་སྟབས་འཛིནཿ འཁོར་དུ་གདོང་མོ་རྣམ་བཞི་དངཿ གཟའ་བརྒྱད་རྒྱུ་སྐར་ཉི་ཤུ་བརྒྱདཿ ཅེ་སྤྱང་བདུད་བྱ་ཁྱི་ནག་དངཿ དྲེགས་པ་སྡེ་བརྒྱད་དམག་གིས་བསྐོརཿ འཁོར་དང་བཅས་པ་མ་ལུས་ཀུནཿ ནམ་མཁའ་ཡངས་པའི་ཀློང་ནས་གཤེགསཿ དམ་ཚིག་ཆེན་པོའི་གདན་ལ་བཞུགསཿ དམར་ཆེན་ཁྲག་གི་ཨརྒྷཾ་དངཿ དབང་ལྔའི་མེ་ཏོག་ཤ་གསུར་སྤྲིནཿ ཞུན་ཆེན་མར་མེ་མཁྲིས་པའི་ཆབཿ ཤ་རུས་ཞལ་ཟས་ཐོད་རྔའི་སྒྲཿ རྐང་གླིང་རོལ་མོ་འབྲུག་ལྟར་སྒྲོགཿ དམར་ཆེན་གཏོར་མ་རི་ལྟར་སྤུངསཿ སྨན་རག་བདུད་རྩི་མཚོ་ལྟར་བསྐྱིལཿ མཐུན་རྫས་སྤྱན་གཟིགས་སྐར་ལྟར་བཀྲམཿ བཞེད་དགུའི་ལོངས་སྤྱོད་སྤྲིན་ལྟར་འདུཿ མཐུན་པའི་དམ་རྫས་སྣ་ཚོགས་ཀྱིསཿ གཟའ་བདུད་ཆེན་པོའི་ཐུགས་དམ་བསྐངཿ རཱ་ཧུ་ལ་ཡི་ཐུགས་དམ་བསྐངཿ སྡེ་བརྒྱད་དམག་དཔོན་ཐུགས་དམ་བསྐངཿ གདོང་མོ་བཞི་ཡི་ཐུགས་དམ་བསྐངཿ དྲང་སྲོང་བརྒྱད་ཀྱི་ཐུགས་དམ་བསྐངཿ རྒྱུ་སྐར་ཉེར་བརྒྱད་ཐུགས་དམ་བསྐངཿ དྲེགས་པ་སྡེ་བརྒྱད་ཐུགས་དམ་བསྐངཿ ལས་མཁན་རྣམས་ཀྱི་ཐུགས་དམ་བསྐངཿ ཐུགས་དམ་བསྐངས་ལ་བར་ཆད་སོལཿ འགལ་འཁྲུལ་ནོངས་པ་དབྱིངས་སུ་བསྐངཿ བདག་ཅག་དཔོན་སློབ་ཡོན་མཆོད་ལཿ ལོག་པར་འདྲེན་པའི་དགྲ་དང་བགེགསཿ ཁ་རླངས་དུག་གི་སྤུ་གྲིས་སོདཿ བརྒྱུད་འཛིན་སློབ་མ་བུ་བཞིན་སྐྱོངསཿ བཀའ་གསང་གཉན་པོའི་བསྟན་པ་སྤེལཿ བསམ་དོན་ཡིད་བཞིན་འགྲུབ་པར་མཛོདཿ {{TibChung|ཅེས་བརྗོད་གཏོར་མ་གཙང་སར་གཤེགསཿ ཨེ་མཿ རྒྱལ་དབང་པདྨ་ཐོད་ཕྲེང་གིཿ རྡོ་རྗེའི་དམ་ཚིག་སྲུང་མ་འདིཿ མཐུ་རྩལ་རྣོ་མྱུར་ཐོག་དང་འདྲཿ བཀའ་གཉན་འཁུ་ལྡོག་གདུག་རྩུབ་ཆེཿ དེ་ཕྱིར་སྙིང་ལས་གཅེས་པར་ཟུངསཿ ས་མ་ཡཿ འུཾཿ ཀློང་ཆེན་སྙིང་གི་ཐིག་ལེ་ལསཿ གཟའི་བསྐུལ་བྱང་དུག་རླངས་འཚུབས་མ་བཞུགསཿ དཔལ་གསང་བའི་བདག་པོ་ལ་ཕྱག་འཚལ་ལོཿ དྲང་སྲོང་རཱ་ཧུ་ལའི་བསྐུལ་བྱང་ནིཿ དམར་གཏོར་ཤ་ཁྲག་གིས་བརྒྱན་པར་དགུག་གཞུག་དྲག་ཏུ་བགྱིས་ལ་དམིགས་བྱའི་ཤ་ཁྲག་ཏུ་དམིགས་ཏེ་ཟས་སྐལ་དུ་བསྔོཿ ལྷའི་ང་རྒྱལ་དང་ལྡན་པསཿ}} ཛཿ བཞེངས་ཤིག་མི་མངོན་དབྱིངས་ནས་བཞེངསཿ བསྐྱོད་ཅིག་ཁྲག་མཚོའི་དབྱིངས་ནས་བསྐྱོདཿ དོ་ནུབ་ནམ་གྱི་གུང་ཐུན་ལཿ དྲང་སྲོང་ཆེན་པོ་ལས་ལ་ཆོསཿ བདག་ལ་སྡང་བའི་དགྲ་བོ་འདིསཿ སངས་རྒྱས་བསྟན་པ་ཐབས་ཀྱིས་བཤིགཿ དཀོན་མཆོག་དབུ་འཕང་ཟོལ་གྱིས་སྨདཿ དགེ་འདུན་དཀོར་འཕྲོག་དབེན་གནས་བཅོམཿ རྣལ་འབྱོར་བདག་ལ་ཕོད་དུ་བཙུགསཿ སྲུང་མ་ཁྱོད་ནི་ཁྱད་དུ་བསདཿ བྱང་ཆུབ་བསྒྲུབ་པའི་བྱ་བ་དངཿ གཞན་དོན་བྱེད་དུ་མ་སྟེར་རོཿ ཁྱོད་ལ་མཐུ་དང་རྩལ་ཡོད་ནཿ དམ་ཉམས་སྒྲོལ་བའི་དུས་ལ་བབཿ ནམ་གྱི་ཕར་ཕྱེད་ཚུར་ཕྱེད་ལཿ འབྱུང་བ་ཆུ་ཡང་གཉིད་ལོག་གིསཿ དེ་ཚེ་བླ་རྐུན་ཤན་པ་རྣམསཿ བྱ་གླག་གཟན་ལ་འཇུམ་པ་བཞིནཿ དགྲ་བོའི་ཡུལ་དུ་ལས་ལ་ཆོསཿ བསྐོས་པའི་ལས་ལ་ཁག་མ་འགེལཿ འགྱུ་བའི་དབུགས་ཆོད་ཆོ་སྲོག་རྡུབསཿ ཀི་ཀང་དལ་ཡམས་ཐོག་སེར་ཐོངཿ རྭ་ཡི་མདའ་གཞུ་སྙིང་ལ་གཟེརཿ ལྟོ་ཞལ་འཇིགས་པས་བཅར་ཕོག་ཐོངཿ ལོ་དང་ཟླ་བར་བཞག་ཐབས་མེདཿ ཞག་དང་ཟ་མར་མ་འགྱང་པརཿ དམ་ཉམས་དགྲ་བོ་མ་བསྒྲལ་ནཿ ཁྱོད་ཀྱི་མཐུ་རྩལ་རྫུན་དུ་ཟདཿ རྡོ་རྗེ་འཆང་གི་བཀའ་ཡང་བཅགཿ རིག་འཛིན་བརྒྱུད་པའི་དམ་ལས་འགལཿ རྣལ་འབྱོར་བདག་ཅག་ཡིད་རེ་བཅདཿ ཁྱེད་བརྟེན་བསྒྲུབ་པའི་དོན་ཡང་སྟོརཿ དེ་བས་དམ་ལ་མ་འདའ་བརཿ སྡང་བའི་དགྲ་བོ་བརླང་སྙིང་ཅནཿ གཏོར་མ་འདི་དང་མཉམ་དུ་བཞེསཿ སྙིང་ཁྲག་དམར་པོ་སྦར་གྱིས་ཆུསཿ བསད་རྟགས་དོན་སྙིང་དངོས་སུ་སྟོནཿ སྒོ་ང་བྲག་ལ་བརྡབས་པའམཿ ལོ་ཏོག་སེར་བས་བཅོམ་པ་བཞིནཿ སྐད་ཅིག་ཉིད་ལ་རྡུལ་དུ་རློགཿ མིང་ཙམ་མེད་པར་འཕུང་དུ་ཆུགསཿ བཅོལ་བའི་ཕྲིན་ལས་བསྒྲུབ་པར་མཛོདཿ ཧྲཱི་ཤག་རུ་རཾ་ནཱ་ག་ཙིཏྟ་ཏྲཾ་མ་མ་ཡོ་ཟ་འགྲམ་ཧ་ཧེ་ཡོ་ཀེ་ཤ་ལ་ཛཿཛཿཧ་ཧཿ ཚལ་པ་ཚལ་པཿ ཉིགས་ཉིགསཿ ཞུང་ཞུངཿ ཆཻྒ་མོའི་སྲོག་ལ་མཱ་ར་ཡ་རྦད་རྦདཿ {{TibChung|ཅེས་བཟླ་ཞིང་བསྐུལ་བར་བྱའོཿ ས་མ་ཡཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-040&diff=64175 2026-09-28T18:42:40Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=མ་མགོན་གཡུལ་མདོས་ཀྱི་བཅའ་གཞི་སོགས་ཀྱི་ཡིག་ཆུང་།<br /> |fulltitle=ma mgon g.yul mdos kyi bca' gzhi sogs kyi yig chung<br /> |citation='jigs med gling pa. ''Ma mgon g.yul mdos kyi bca' gzhi sogs kyi yig chung''. In ''Kun mkhyen rig 'dzin 'jigs med gling pa'i gsung 'bum'', Vol. 11: 635-641. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Thread-cross Ceremonies - mdos chog<br /> |terma=Yes<br /> |deity=bka' srung<br /> |cycle=bka' srung ma mgon lcam dral<br /> |cycletib=བཀའ་སྲུང་མ་མགོན་ལྕམ་དྲལ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=040<br /> |pagenumbers=635-641<br /> |totalpages=7<br /> |beginfolioline=1a1<br /> |endfolioline=4a4<br /> |totalfolios=4<br /> |multivolumework=No<br /> |rectonotes=ma mgon<br /> |versonotes=g.yul mdos kyi bca' gzhi sogs kyi yig chung<br /> |colophontib=།བཅས་ཀྱི་ཡིག་ཆུང་རྫོགས་སོ།།<br /> |colophonwylie=bcas kyi yig chung rdzogs so//<br /> |pdflink=File:JLKO-KABUM-11-DA-040.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ {{TibChung|མ་མགོན་གཡུལ་མདོས་ཀྱི་བཅའ་གཞི་སོགས་ཀྱི་ཡིག་ཆུང་བཞུགས། ༈ བཅོམ་ལྡན་མཐུ་སྟོབས་ཀྱི་དབང་ཕྱུག་གསང་བའི་བདག་པོ་ལ་ཕྱག་འཚལ་ལོ། །རང་བྱུང་རིག་པ་ཀུན་ཏུ་བཟང་པོའི་ཞལ། །རྡོ་རྗེ་འཆང་དབང་དཔལ་ལྡན་བླ་མ་མཆོག །སྙིང་དབུས་མི་ཤིགས་ཐིག་ལེའི་གུར་ཁང་དུ། །བཞུགས་ནས་བྱིན་རློབས་བཀའ་ཡིས་གནང་བ་སྩོལ། །འདིར་ཀློང་ལྔ་དབྱིངས་ཀྱི་ཌཱཀྐིའི་གསང་མཛོད་ཐུགས་གཏེར་ཆེན་པོ་ཀློང་ཆེན་སྙིང་གི་ཐིག་ལེའི་བཀའ་སྲུང་མ་མགོན་ལྕམ་དྲལ་གྱི་གཡུལ་མདོས་བདུད་དཔུང་ཟིལ་གནོན་གྱི་བཅའ་གཞི་ལག་ལེན་དམར་ཁྲིད་དུ་བསྟན་པར་བྱ་བ་ལ་གཉེན་པོ་སྟོབས་ཀྱི་ལྷ་ཡི་དམ་གྱི་བསྙེན་པ་ཚད་དུ་འཁྱོལ་ཞིང་བྱེ་བྲག་མ་མགོན་ལྕམ་དྲལ་གྱི་དབང་ཐོབ་ཅིང་དམ་ཚིག་དང་ལྡན་པའི་རྡོ་རྗེ་སློབ་དཔོན་གྱིས་བསྟན་འགྲོའི་དོན་དུ་སེམས་བསྐྱེད་པའི་འཕེན་པ་དྲག་པོས་བརྩོམ་པར་བྱ་བ་འདི་ལ་གཉིས། མཆོད་རྫས་མདོས་ཀྱི་གསོག་དང་། བཅའ་གཞི་ལག་ལེན་བཤམ་གྱི་ཐབས་སོ། །དང་པོ་ནི། ཕྱི་ནང་གི་མཆོད་གཏོར་དང་ཆོས་སྐྱོང་གི་མཐུན་རྫས་ཚང་ཞིང་ཡིད་དུ་འོང་བ་འདུ་བྱས་པ་སྤྱི་དང་བྱེ་བྲག་མདོས་ཀྱི་གསོག་ནི། སྤྱིར་མདོས་ཀྱི་རྒྱུ་ནི། རབ་རིན་པོ་ཆེ། འབྲིང་དར་ཟབ། ཐ་མ་རིང་ཆའི་རྣལ་ཐག་ལ་བརྟེན་པ་སྟེ། དེ་ཡང་མ་མོ་ཡོངས་རྫོགས་མཆོག་གི་རྟེན་མདོས་སམ་གཙོ་མདོས་ཁོང་མཐིང་འཇའ་རིས་ཅན་གྱི་ཁྱུང་ཚང། དེའི་འོག་ཏུ་གདུགས་གོང་འོག་གི་བར་དུ་དཔལ་བེ་ལ་མཁར། འོག་ཏུ་ལྕགས་མཁར་ཅན་གྱི་རྩེ་མོར་ཟེ་པྲོག་བྱ་གླག་གི་སྒྲོ་དང་དར་སྣའི་ཅོད་པན་མདོས་ཀྱི་སྲོག་ཤིང་ལ་མདའ་བྱ་རྒོད་མའི་མགུལ་དུ་དར་ལེ་བརྒན་ལ་མཚལ་ལམ་གསེར་གྱིས་སྲོག་སྙིང་བྲིས་པ་བསྡམས། གཙོ་མོ་དང་སྤུན་དྲུག་ལ་ནམ་མཁའ་ཁོང་མཐིང་འཇའ་རིས་ཅན་རྩེ་མོར་རྨ་བྱའི་སྒྲོས་བརྒྱན་པ་བདུན། དེ་བཞིན་རེ་ཏི་མཆེད་བཞི་ལ་ཁོང་མཐིང་དང་། འཁོར་མོ་རྒྱུད་རིགས་བསྡུས་པ་སྤྱིར་ནམ་མཁའ་ཁོང་ནག་གཅིག་བཅས་སྐྱུང་ཀའི་སྒྲོས་བརྒྱན་པ། མགོན་པོ་གཙོ་བོ་དང་བཅས་པའི་སྡེ་དྲུག་པོར་ནམ་མཁའ་ཁོང་ནག་བཞི། ལྗང་གུ་གཅིག །དམར་པོ་གཅིག་བཅས་པ་འཇའ་རིས་ཅན་བྱ་རོག་གི་སྒྲོས་བརྒྱན་པ། རྡོར་ལེགས་ལ་ཁོང་ནག་ཕུག་རོན་གྱི་སྒྲོས་བརྒྱན་པ། འཁོར་ཕོ་རྒྱུད་སྡེ་བརྒྱད་སྤྱིར་ཁོང་དཀར་ཁྱིམ་བྱའི་སྒྲོས་བརྒྱན་པ་གཅིག །ལྷ་བརྒྱད་ལ་ནམ་མཁའ་རང་མདོག་གམ་ཡང་ན་དཀར་པོ་བརྒྱད་བྱ་གླག་གི་སྒྲོས་བརྒྱན་པ། གཟའ་བརྒྱད་ལ་ནག་པོ་ཁྲ་སྒྲོས་བརྒྱན་པ། རྒྱུ་སྐར་ཉེར་བརྒྱད་ལ་ལྗང་དམར་དཀར་སྔོན་པོ་དྲུག་རེ་དང་། སེར་པོ་བཞི་རྣམས་ཐི་བྱའི་སྒྲོས་བརྒྱན་པ། ཕྱོགས་སྐྱོང་བཅུ་ལ་དཀར་པོ་བཞི། དམར། སེར། སྔོ། ནག་པོ་རྣམས་རེ་རེ་ལྗང་གུ་གཉིས་སྟེ་སྲིན་བྱའི་སྒྲོས་བརྒྱན་པ། འཇིགས་བྱེད་དགུ་ལ་ནམ་མཁའ་སྔོ་ལྗང་གང་རིགས་འུག་པའི་སྒྲོས་བརྒྱན་པ་དགུ། ཀླུ་བརྒྱད་ལ་སྔོན་པོ་སོ་བྱའི་སྒྲོས་བརྒྱན་པ་བརྒྱད། རྒྱལ་ཆེན་བཞི་ལ་རང་མདོག་བྱ་རྒོད་ཀྱི་སྒྲོས་བརྒྱན་པ་རྣམས་འཇའ་རིས་སམ་མདོག་རྐྱང་ཅི་བདེ་བར་སྒྲོ་རྣམས་དམིགས་བསལ་མ་འབྱོར་ན་བྱ་ཤ་ཟན་གང་རུང་གི་སྒྲོས་བྱ་ཞིང་དེ་རྣམས་བརྒྱན་ལུགས་རྨ་བྱ་མ་གཏོགས་པའི་སྒྲོ་ཐམས་ཅད་ཕྱེད་མར་གཤགས་པའི་རྐང་ཕྱེད་པ་རལ་གྲིའི་ལྟག་པ་ལྟར་འབྱུང་བའི་ཡ་གཅིག་ནམ་རྒྱང་གཉིས་ཀྱི་རྩེ་མོ་དང་། ཡ་གཅིག་བཀུག་སྟེ་ནམ་མཁའི་དཔུང་ཟུར་གཉིས་སུ་བལ་ཚོན་དང་བཅས་ཏེ་བརྒྱན། དེ་རེ་རེ་བཞིན་རྒྱང་བུ། མདའ་ཁྲ། འཕང་ཁྲ། ཕོ་གདོང་། མོ་གདོང་། ཤིང་རིས་དང་བཅས་པ་གྲངས་མཚུངས་དང་། འདིའི་ཤིང་རིས་ཉི་ཟླ་འཇའ་ཁྲམ་རི་རབ་དང་། གླིང་བཞི་སྲིད་པའི་སྒོ་ང་གཉིས། འབྱུང་བ་མེ་ས་ཆུ་རླུང་བྱད། ཅེས་པའི་ཤིང་རིས་དེ་གྲངས་མཚུངས་མ་འབྱོར་ན་ཟུར་བཞིར་འཛུགས་པའི་ཆེ་བ་བཞི་རྣམས་བསག །གཞན་ཡང་མདོས་གླུད་སྤྱིར་དགོས་པའི་ལྷོ་རྫས། བྱང་རྫས། འབྲུ་སྨན། ཟས་སྣ། རིན་པོ་ཆེ། དར་ཟབ། ས་ལ་འཛུལ་དགུ། གནམ་ལ་འཕུར་དགུ །གསེར་སྐྱེམས། གཡུ་སྐྱེམས། ཁྲག་སྐྱེམས། ལན་བུ། ངུར་བྱ། ངར་གླུད་ལ་སོགས་པའི་གཟུགས་འགྲོས་ཅི་མང་དང་སྦྱིན་བདག་གི་ངར་གླུད་ཆེ་བ་དཀོར་ཆ་ཅི་འཛོམ་དང་བཅས་པ་འདུ་བྱ་ཞིང་རྟེན་འབྲེལ་བཅུ་གཉིས་མཚོན་པའི་སྒོ་ང་བཅུ་གཉིས་ཀྱང་བསག་གོ། །གཉིས་པ་ཤོམ་དུ་དགོང་པ་ནི། གང་དུ་བྱ་བའི་གཞི་དེ་མ་དུལ་བའི་ས་ཡིན་ན་གཞི་བགེགས་གཉིས་ལ་གཏོར་མ་སོ་སོར་བྱིན་ནས་ས་བླངས་རྗེས། ་་་་་་་ཁག་ཆང་གི་སྐྱང་ནུལ་བྱས་པའི་སྟེང་རྡུལ་ཚོན་གྱི་་་་མ་དལ་མཐའ་མེ་རི་དང་ལྕགས་རི་ནག་པོའི་ནང་ཁོངས་ཁྲག་མཚོའི་སྟེང་བདུད་བཞི་མགོ་སྤྲོད་གེལ་པའི་འདུག་སྟངས་ཅན་བྲི། དེའི་སྟེང་ལྷ་འདྲེ་རྣམས་ཟན་ཡས་ལ་གདུང་བས་རབ་ཟན། འབྲིང་ས་སྦྱིན་གྱི་རི་རབ་བང་རིམ་བཞི་པ་ཟན་གྱིས་བཏུམས་པ་ཆེ་ཐང་དུ་བཞེངས་པ་ལ་མདོས་ཡས་རྣམས་གོ་རིམ་འོག་ནས་འབྱུང་བ་ལྟར་འགོད་པའམ། གལ་ཏེ་མདོས་ཁྲི་ལ་བརྟེན་ན་བདུད་བཞིའི་ཚབ་ཏུ་རི་རབ་གླིང་བཞིའི་བཀོད་པ་གདན་ཐབས་སུ་བྲིས་པའི་རི་རབ་ཀྱི་དབུས་ཁྲག་མཚོའི་སྟེང་ཐོད་ར་གློ་འབུར་བཞི་པའི་ལྟེ་བར་ཐོད་མཁར་གྲུ་གསུམ་གྱི་དཀྱིལ་དུ་བྷྱོ་དང་གཡས་གཡོན་དུ་ཧཱུཾ་དང་ཏྲི་ཡིག་རེ་བྲི་ཚུལ་བྲིས་འབུར་གཉིས་ཀ་ལ་མཚུངས། ཡང་ན་གྲུ་གསུམ་གྱི་ལྟེ་བར་མདོས་ཆེན་འཛུགས་པས་ས་བོན་མ་བཤམས་ན་ཤིང་བྱང་ལ་བྲིས་ཏེ་འཛུགས། རྒྱས་སྤྲོས་སྐུ་རིས་སམ་ཙཀ་ལི་ཡོད་ན་ནི་དེའི་རྒྱབ་ཏུ་སྲོག་སྔགས་བྲིས་པས་འཐུས། མདོས་ཆེན་དབུས་སུ་བཙུགས་པའི་སྲོག་ཤིང་ལ་རྒྱབ་བརྟེན་པའི་སྐུ་རིས་ཡོད་ན་དང་མེད་ན་དེའི་མདུན་དུ་གཙོ་མོའི་ནམ་མཁའ། གཡས་སུ་མདའ་ཁྲ། གཡོན་དུ་འཕང་ཁྲ། ཕོ་གདོང་། མོ་གདོང། རྒྱང་བུ། ཤིང་རིས་རྣམས་བཙུགས། དེའི་མཐའ་སྐོར་དུ་སྤུན་དྲུག་གི་ནམ་མཁའ། མདའ་འཕང་རྒྱང་བུ་སོགས་ཅི་བདེ་བར་བཀོད། དེ་ནས་གཙོ་འཁོར་གཞན་རྣམས་ལྷ་སོ་སོའི་བཞུགས་ཚུལ་དང་མཐུན་པར་མདོས་སྒྲིག་པར་འཐད་ཀྱང་ལག་ལེན་སྐབས་ཅུང་ཟད་མི་བདེ་བས་འདི་ལྟར་བང་རིམ་དང་པོའི་ཤར་དུ་དཔལ་མགོན་གཙོ་བོ་དང་ཚོགས་བདག་ཏྲག་ཤད་གསུམ། ལྷོར་སྐུ་མགོན་གསུང་མགོན་ཐུགས་མགོན་གསུམ། ནུབ་ཏུ་རེ་མ་ཏི་མཆེད་བཞི། བྱང་དུ་རྡོར་ལེགས་དང་འཁོར་ཕོ་རྒྱུད་མོ་རྒྱུད་སྤྱི། བང་རིམ་གཉིས་པའི་དབུས་སུ་ལྷ་ཆེན་དབང་ཕྱུག་དང་ཚངས་པ། ལྷོར་བརྒྱ་བྱིན་དང་ཁྱབ་འཇུག །ནུབ་ཏུ་འདོད་དབང་དང་ཚོགས་བདག །བྱང་དུ་བྷྲིཾ་གི་རི་ཏི་དང་གདོང་དྲུག །མཚམས་བཞིའི་ཤར་ལྷོ་ནས་བཟུང་། དྲང་སྲོང་ཉི་མ། ཟླ་བ། མིག་དམར། ལྷག་པ། ཕུར་བུ། པ་སངས་སྤེན་པ། སྒྲ་གཅན་བརྒྱད་པོ་གཉིས་གཉིས། བང་རིམ་གསུམ་པའི་ཤར་སྟོད་ནས་བཟུང་གཡས་བསྐོར་དུ་རྒྱུ་སྐར། སྨིན་དྲུག །སྣར་མ། མགོ། །ལག །ནབས་སོ། རྒྱལ། སྐག་རྣམས་དང་ལྷོ་སྟོད་ནས་བཟུང་སྟེ། མཆུ། གྲེ། དབོ། མེ་བཞི། ནག་པ། ས་རི། ས་རི། ས་ག་རྣམས་ནུབ་སྟོད་ནས་བཟུང་། ལྷ་མཚམས། སྣྲོན། སྣྲུབས། ཆུ་སྟོད། ཆུ་སྨད། གྲོ་བཞིན། བྱི་བཞིན་རྣམས་བྱང་སྟོད་ནས་བཟུང་། མོན་གྲེ། མོན་གྲུ། ཁྲུམས་སྟོད། ཁྲུམས་སྨད། ནམ་གྲུ། ཐ་སྐར། བྲ་ཉེ་བཅས་བཀོད། བང་རིམ་བཞི་པའི་ཤར་དུ་ཕྱོགས་སྐྱོང་བརྒྱ་བྱིན། ལྷོར་གཤིན་རྗེ། ནུབ་ཏུ་ཆུ་ལྷ། བྱང་དུ་གནོད་སྦྱིན། ཤར་ལྷོར་མེ་ལྷ། ལྷོ་ནུབ་ཏུ་བདེན་བྲལ། ནུབ་བྱང་དུ་རླུང་ལྷ། བྱང་ཤར་དུ་དབང་ལྡན། ཤར་སྟོད་དུ་ཉི་ཟླ། ནུབ་སྨད་དུ་ས་འཛིན་ལག་པ་ཆེན་པོ་བཅས་པའི་ཕྱོགས་སྐྱོང་བཅུ་དང་། ཤར་སྟོད་ནས་བཟུང་བར་མཚམས་གཡས་སྐོར་དུ་འཇིགས་བྱེད་རྡོ་རྗེ་ཅན། རྡོ་རྗེ་གདེངས་པ། རྡོ་རྗེ་འཇོམས་པ། རྡོ་རྗེ་དཔལ། རྡོ་རྗེ་གདོན་སྦྱིན། རྡོ་རྗེ་འཛིན་པ། ཧ་རི་ཀ །པཉྩི་ཀ །ནརྟི་ཀ་དང་བཅས་པའི་འཇིགས་བྱེད་དགུ་རྣམས་བཀོད། བང་རིམ་འོག་གི་ཁྲག་མཚོའི་སྟེང་དུ་ཁང་མཛེས་བརྒྱད་ལ་ཀླུ་བརྒྱད། དེའི་ཕྱོགས་བཞིར་ལྕོགས་བཞི་ལ་རྒྱལ་ཆེན་བཞི་རྣམས་རྒྱས་སྤྲོས་སུ་སོ་སོའི་སྐུ་རིས་འབྲི་ན་མངོན་རྟོགས་བསད་མདོས་ཞལ་བསྒྱུར་ནང་ལྟར་བྲིས་པ་དབུས་སུ་བཙུགས་པའི་མདུན་ནམ་གཡས་སུ་ནམ་མཁའ། མདའ་ཁྲ། ཕོ་གདོང་། གཡོན་ཕྱོགས་སུ་ཤིང་རིས་ཡོད་ན་དང་། རྒྱང་བུ་འཕང་ཁྲ་མོ་གདོང་བཅས་པ་རེ་རེ་བཞིན་བཙུགས། རི་རབ་ཀྱི་སྟེང་ཟུར་བཞིར་ཉི་མ་ཟླ་བ། བྱ་ཁྱུང་འབྲུག་རྣམས། འོག་ཟུར་རྣམས་སུ་རྨ་བྱའི་རྒྱལ་མཚན། སྟག་གཟིག་འདོད་ཡོན་ལ་སོགས་པའི་གཟུགས་བརྙན་བྲིས་འབུར་ཅི་རིགས་པ་རྣམ་འགྱུར་ཅན་ཀྱང་གྲུབ་ན་བཀོད་ལེགས་པར་བཙུགས། དེའི་མཐའ་སྐོར་ངར་གླུད་དཀོར་ཆ་ཅན་དང་གླུད་ཆུང་གང་མང་གིས་བསྐོར། རྟ་ཁལ། དྲེལ་ཁལ་གྱིས་མཚོན་པའི་གཟུགས་འགྲོས་སྣ་ཚོགས། བཤོས་བུ་དཀར་དམར། གསེར་སྐྱེམས། ཁྲག་སྐྱེམས། ལེན་བུ་དང་འབྲུ་སྣ་ལ་སོགས་པའི་གླུད་རྫས་རྣམས་ཀྱིས་བསྐོར། རྟེན་འབྲེལ་བཅུ་གཉིས་མཚོན་པའི་་་་སྒོ་ང་རྣམས་ཀྱང་གཞག །དེའི་མཐའ་མར་ཀོང་ཟོར་བརྒྱའམ་ཉེར་གཅིག་ལ་ནམ་མཁའ་རྒྱང་བུ། མདའ་འཕང་། ཕོ་གདོང་། མོ་གདོང་། ཁྲམ་རིས། མཚེ་ཡུངས། རྩང་། ལྕགས་ཟངས་ཕྱེ། དུག་སྣ། ཁྲག་སྣ། མི་བསད་ཀྱི་རྡོ་ཕྱེ་ལ་སོགས་པའི་ཐུན་རྫས་ཀྱི་ལྟེམ་པས་བསྐོར། ཟུར་བཞིར་རུ་མཚོན། ཕྱོགས་བཞིར་ཤིང་རིས་ཆེ་བ་བཞི་རྣམས་བཙུགས་ལ་སྒབ་དཀྲིས་བཏང་། མདུན་དུ་མ་མགོན་དང་ཆོས་སྐྱོང་སྤྱི་ལ་སྐོང་གཏོར་བཟང་བ་ཤ་ཁྲག་གིས་བརྒྱན་པ་དང་ཉེར་སྤྱོད་སྨན་རག་དང་བཅས་པ་བཤམ། དམག་བཟློག་དམིགས་བསལ་ལ་སྟོད་ལས་སེང་གདོང་མའི་གཏོར་བཟློག་དང་འབྲེལ་དགོས་ཕྱིར། ཟུར་ཅིག་ཏུ་བཟློག་བསད་ཀྱི་དཀྱིལ་འཁོར་དེའི་བཅའ་གཞིའི་ཡིག་ཆུང་ལྟར་སྒྲིག །རྐྱེན་བཟློག་ཙམ་པོ་བར་བསྒྱུར་མདོས་སུ་བྱེད་ན་ནི་སྟོད་ལས་དང་འབྲེལ་མི་དགོས་པས་མདོས་ཀྱི་བཅའ་བཤམ་རྒྱས་བསྡུས་སྐབས་དང་སྦྱར་ནས། གྱེར་དངོས་ལ་འཇུག་སྐབས་བདག་བསྐྱེད་ཀྱི་བཟླས་པའི་མཇུག་མ་མགོན་གྱི་སྐོང་བ་བསྟོད་པའི་བར་བཏང་རྗེས། བཟླས་པ་བརྒྱ་རྩ་ཙམ་བྱས་ནས་མདོས་འཕྱོང་ནས་བཟུང་། དཀྱུས་བཞིན་གྱེར་བའི་ལས་འཕྱོང་གི་ཤམ་འདོགས་བསྒྱུར་ཁ་མཆན་བུར་གསལ་བ་ལྟར་བྱེད་པ་ཡིན་ནོ། །བཅས་ཀྱི་ཡིག་ཆུང་རྫོགས་སོ།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-038&diff=64174 2026-09-28T18:40:47Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=བཀའ་བསྲུང་མ་མགོན་ལྕམ་དྲལ་ལསཿ མ་མོ་མཁའ་འགྲོའི་འཁྲུགས་སྐོང་ཿ<br /> |fulltitle=bka' srung ma mgon lcam dral las: ma mo mkha' 'gro'i 'khrugs skong:<br /> |citation='jigs med gling pa. ''Bka' srung ma mgon lcam dral las ma mo mkha' 'gro'i 'khrugs skong''. In ''Kun mkhyen rig 'dzin 'jigs med gling pa'i gsung 'bum'', Vol. 11: 575-582. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Mending Rituals - bskang chog<br /> |terma=Yes<br /> |deity=bka' srung<br /> |cycle=bka' srung ma mgon lcam dral<br /> |cycletib=བཀའ་སྲུང་མ་མགོན་ལྕམ་དྲལ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=038<br /> |pagenumbers=575-582<br /> |totalpages=8<br /> |beginfolioline=1a1<br /> |endfolioline=4b2<br /> |totalfolios=4<br /> |multivolumework=No<br /> |rectonotes=bka' srung<br /> |versonotes=ma mo mkha' 'gro'i 'khrugs skong<br /> |colophontib=འདི་འབེབས་རན་པའི་རྟགས་སུ་རྨི་ལམ་ན་དཀར་ཐབ་ཤོར་བ་མཐོང་བ་ལ་འཁྲུགས་སྐོང་གི་གཏོར་དཔེ་བསྟན་པ་སོགས་བྱུང་བས་བརྡ་རང་གྲོལ་དུ་གྱུར་ཏོཿ<br /> |colophonwylie='di 'bebs ran pa'i rtags su rmi lam na dkar thab shor ba mthong ba la 'khrugs skong gi gtor dpe bstan pa sogs byung bas brda rang grol du gyur to:<br /> |pdflink=File:JLKO-KABUM-11-DA-038.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུྃཿ བཀའ་བསྲུང་མ་མགོན་ལྕམ་དྲལ་ལསཿ མ་མོ་མཁའ་འགྲོའི་འཁྲུགས་སྐོང་བཞུགསཿ <br /> <br /> འུྃཿ {{TibChung|སྲིད་པ་མ་མོའི་དལ་ལ་འདུདཿ དུས་ངན་སྙིགས་མ་ཤར་བའི་ཚེཿ བསམ་ངན་དར་བས་ལས་ངན་འཚུབསཿ ནད་མཚོན་མུ་གེའི་བསྐལ་པ་དརཿ དེ་ཚེ་མ་མོ་མཁའ་འགྲོ་འཁྲུགསཿ འཁྲུགས་སྐོང་འདི་ལ་འབད་པ་གཅེསཿ ཆོས་འབྱུང་བསྣོལ་མའི་སྟེང་ཉིད་དུཿ མཁའ་འགྲོའི་གཏོར་མ་པད་འདབ་ཅནཿ ཤ་ཁྲག་སྙིང་སྣ་མདོས་ཀྱིས་བརྒྱནཿ སྲོག་ཆགས་མདངས་སམ་དེའི་གཟུགས་བརྙནཿ ནང་མཆོད་བྷནྡྷ་མདའ་དར་ཚོགསཿ ཕྱེ་མར་དཀར་མོ་ལག་གཡས་བཤམསཿ ཡི་དམ་ལྷ་ཡི་ཏིང་འཛིན་དང་ཿ ལྡན་པས་སྔགས་དྲུག་ཕྱག་རྒྱས་བརླབཿ}} བྷྱོཿ སྣང་སྲིད་ཀུན་གྱི་ཕྱྭ་ཆེན་མོཿ ནམ་མཁའ་དབྱིངས་ཕྱུག་དཔལ་མོ་བཙནཿ སྲ་བའི་དབྱིངས་དང་མཉེན་པའི་དབྱིངསཿ དྲོ་དང་བསྐྱོད་པའི་དབྱིངས་ཆེན་མོཿ རྒྱལ་བ་ཀུན་གྱི་ཡུམ་ཆེན་ཏེཿ མ་མོ་མཁའ་འགྲོའི་བདག་ཉིད་ཡིནཿ རང་བཞིན་ངང་ལས་མ་གཡོས་ཕྱིརཿ གཤེགས་བྱོན་བཞུགས་པར་མི་དམིགས་ཀྱངཿ གདུལ་བྱའི་དོན་དུ་སྣ་ཚོགས་སྐུརཿ སྟོན་ལ་ཕྱག་འཚལ་མཆོད་པ་འབུལཿ དམ་ཚིག་ཉམས་ཆག་མཐོལ་ལོ་བཤགསཿ འབྱུང་ལྔས་བསྡུས་པའི་སྣོད་བཅུད་ལཿ རང་རྒྱུད་བལྟས་ཤིང་བརྙས་པ་ཤོརཿ སྲིད་གསུམ་ཡེ་ནས་སངས་རྒྱས་སུཿ གནས་པ་མ་རྟོགས་མཐོལ་ལོ་བཤགསཿ བྷྱོཿ རྡོ་རྗེ་ཕག་མོ་དབྱིངས་ཀྱི་ཡུམཿ ཁྲོས་མ་ནག་མོ་སེང་གེའི་ཞལཿ ཉིད་ཞི་བདེ་མཆོག་མུ་ཁ་ལེཿ ཀུ་རུ་ཀུ་ལླེ་འོད་ཟེར་ཅནཿ སྣ་ཚོགས་ཡུམ་དང་ཡུམ་ཆེན་མོཿ ཁྲག་འཐུང་གནས་བཅུ་དུར་ཁྲོད་བརྒྱདཿ ཉི་ཤུ་རྩ་བཞིའི་གནས་ཡུལ་བདགཿ གསང་སྔགས་རིག་སྔགས་ཅན་རྣམས་ལཿ ཕྱག་འཚལ་ཕྱི་ནང་མཆོད་པ་འབུལཿ བསྟན་པ་རྒྱ་མཚོའི་འདུལ་བ་དངཿ བྱང་ཆུབ་སེམས་དཔའི་བསླབ་པ་དངཿ སྔགས་ཀྱི་འདའ་དཀའ་དམ་ཚིག་གཉེརཿ སྤྱི་དང་ཁྱད་པར་ལྷག་པ་ཡིསཿ རྣམ་པར་ཕྱེ་ཞིང་བསྡུས་སོ་ཅོགཿ ཉོན་མོངས་དུག་ལྔའི་དབང་གྱུར་ཏེཿ བག་མེད་འགལ་འཁྲུལ་ཐལ་བ་དངཿ ཀློང་དུ་མ་གྱུར་ནོངས་པ་ཀུནཿ མཐོལ་ལོ་བཤགས་སོ་དག་པར་སྩོལཿ བྷྱོཿ འཇིག་རྟེན་འདས་ཀྱང་འཁོར་བའི་ཚུལཿ ཞི་ལ་གནས་ཀྱང་ཐུགས་རྗེའི་གཟུགསཿ ཨེ་ཀ་ཙ་ཊི་སྤུན་དྲུག་དངཿ བྲན་མོ་བཅུ་བཞི་ཡང་གཡོག་འབུམཿ འདོད་ཁམས་བདག་མོ་རེ་མ་ཏིཿ མིང་བརྒྱ་མ་ལ་མཚན་སྟོང་མཿ སྣ་ཚོགས་གཟུགས་དང་རྫུ་འཕྲུལ་ཅནཿ སྟོང་ཁམས་ཁྱབ་པར་སྤྲུལ་ནས་ཀྱངཿ འབྱུང་བ་གཡོ་དང་འཁྲུག་བྱེད་ཅིངཿ དུས་བཞིའི་དྲོད་འཛིན་བཅུད་ཀྱང་འཕྲོགཿ ནད་དང་རིམས་ཀྱི་བདག་མོ་མཛདཿ དབེན་གནས་ཉུལ་ཞིང་ཚོགས་ཁང་འགྲིམཿ རྣལ་འབྱོར་ཅན་ལ་དངོས་གྲུབ་སྟེརཿ དམ་ཚིག་ཉམས་ལ་ཆད་པ་གཅོདཿ ལེགས་ཉེས་སྟངས་འཛིན་འཇིག་རྟེན་སྐྱོངཿ ཀུན་ལ་ཕྱག་འཚལ་མཆོད་པ་འབུལཿ ཚོགས་ཀྱི་འཁོར་ལོས་ཉམས་ཆག་བཤགསཿ མདོས་དང་མདངས་ཀྱིས་ཐུགས་དམ་བསྐངསཿ མི་ནད་ཕྱུགས་ནད་གཅད་དུ་གསོལཿ ཞིང་ལ་སད་སེར་བཙའ་ཐན་དངཿ མུ་གེ་འཁྲུགས་རྩོད་མེད་པར་མཛོདཿ བྷྱོཿ མ་མོ་འཁྲུག་པའི་རྒྱུ་བསྟན་པཿ དམ་པའི་རྡོ་རྗེ་སློབ་དཔོན་ལཿ མ་དད་ལོག་པར་རྟོག་པ་བཤགསཿ དབང་བསྐུར་ཟབ་མོ་ཐོབ་བྱས་ནསཿ བསྙེན་སྒྲུབ་ཕྱག་རྒྱ་གཡེལ་བ་བཤགསཿ དམ་ཚིག་གཅིག་པའི་སྤུན་གྲོགས་ལཿ གཤེ་སྐུར་ཁྲོས་དང་འཁོན་པ་བཤགསཿ སེམས་ཅན་ཕ་མའི་རང་བཞིན་ལཿ ངན་སེམས་གནོད་པ་བྱས་པ་བཤགསཿ སྔགས་ཀྱི་ལྟ་སྤྱོད་གསང་སྒྲོགས་དངཿ དམ་རྫས་སྤང་ལེན་བགྱིས་པ་བཤགསཿ བུད་མེད་ཤེས་རབ་རང་བཞིན་ལཿ བརྙས་དང་ལོག་ལྟ་བགྱིས་པ་བཤགསཿ སྣང་སྲིད་ལྷ་དང་ལྷ་མོ་ལཿ དགྲ་གཉེན་ཕྱོགས་རིས་ཕྱེ་བ་བཤགསཿ ལྟ་བ་སྒོམ་གྱི་ལ་མ་ཟློསཿ ཐ་མལ་འོག་འགྱུར་སོར་བ་བཤགསཿ སྤྱོད་པ་ཀུན་ཏུ་བཟང་པོ་ལཿ ཁ་ན་མ་ཐོ་འཕོག་པ་བཤགསཿ བྷྱོཿ ཁྱད་པར་མ་མོ་འཁྲུགས་པ་ལསཿ འཇིག་རྟེན་མི་བདེ་འབྱུང་བའི་རྒྱུཿ དགེ་འདུན་སྡེ་འཁྲུགས་ཧོར་ལས་བྱེདཿ ཁྱིམ་པ་སུན་འབྱིན་བཤས་ར་འགྲིམཿ སྔགས་པ་དམ་མེད་མཐུ་གཏད་བྱེདཿ བསྐྱེད་རྫོགས་གདེང་བྲལ་ཟོག་ཆོས་འཚོདཿ སྐྱེ་བོ་མནའ་ཟ་དུག་སྦྱོར་གཤོམཿ དགེ་འདུན་ཁྲིམས་ཉམས་ཕ་མ་བསླུཿ རྐུ་ཇག་རྔོན་པའི་ལས་ཀྱིས་འཚོཿ ཕན་ཚུན་འཐབ་ཅིང་མ་རབས་སྤྱོདཿ མིང་སྲིང་མནོལ་ཞིང་ནལ་བུ་གསོདཿ དེ་འདྲའི་ལས་ངན་ཤར་ཙ་ནཿ མཁའ་འགྲོ་གཡེལ་ཞིང་མ་མོ་འཁྲུགསཿ མ་གཡེལ་མ་གཡེལ་ཐུགས་རྗེས་དགོངསཿ ཚོགས་གཏོར་མདངས་ཀྱིས་ཐུགས་དམ་བསྐངཿ སེམས་ཅན་ཉོན་མོངས་རང་བཞིན་ལཿ དགོངས་ཏེ་ཚངས་པའི་དངོས་གྲུབ་སྩོལཿ མི་ཕྱུགས་ནད་རིམས་གོད་ཁ་སོགསཿ ཞི་ནས་འཇིག་རྟེན་བདེ་ལེགས་མཛོདཿ བྷྱོཿ ཡང་ཅིག་མ་མོ་འཁྲུགས་པའི་རྐྱེནཿ བྱི་ནལ་ལྷ་མོའི་སྲས་མཆོག་ལཿ ཁྲོས་དང་བརྔན་སྦྱིན་མ་བྱས་བཤགསཿ བོང་དྲིལ་ལྷ་མོའི་བཞོན་པ་ལཿ སྒྲོག་དང་རྡེག་བཙོག་བྱས་པ་བཤགསཿ ཤ་རྐྱང་ལྷ་མོའི་མཐུན་རྫས་ལཿ རྔོན་བྱས་ཀུ་ཅོས་དཀྲོགས་པ་བཤགསཿ བྱ་ནག་ལྷ་མོའི་ནོར་ཡིན་ཀྱངཿ བསྐྲད་དང་མངོན་སྤྱོད་བྱས་པ་བཤགསཿ ཕག་རྫི་ལྷ་མོའི་མཛའ་གཅུགས་ལཿ ངན་སྨྲས་གནོད་པ་བྱས་པ་བཤགསཿ རྨ་བྱ་ལྷ་མོའི་རྒྱན་ཡིན་ཀྱངཿ སྤྱུགས་དང་ཁྱོ་ཤུགས་དཔྲལ་བ་བཤགསཿ མགར་ཡུགས་ལྷ་མོའི་གྲིབ་ཡིན་ཀྱངཿ ཉེ་སར་བཀོལ་ཞིང་བརྟེན་པ་བཤགསཿ ཐབ་གཞོབ་ལྷ་མོའི་དུག་ཡིན་ཀྱངཿ དབང་མེད་མ་ཚོར་ཤོར་བ་བཤགསཿ མདོར་ན་དབྱིངས་ཀྱི་རྗེ་མོ་ཡིཿ ཐུགས་ལ་ཁྲོ་བ་མི་མངའ་ཡངཿ འཁོར་གྱི་མ་མོ་མཁའ་འགྲོའི་ཚོགསཿ སྐྱོན་མཐོང་ཙམ་ནས་ཆད་པ་གཅོདཿ དེ་ཕྱིར་འགལ་འཁྲུལ་ནོངས་པ་ཀུནཿ སྦེད་པར་མི་བགྱིད་འཆབ་མ་ལགསཿ བརྔན་གྱི་མཆོག་ཏུ་ཚོགས་གཏོར་དངཿ ཛ་གད་ཕུད་ཀྱིས་ཐུགས་དམ་བསྐངཿ མདངས་ཀྱི་མཆོག་ཏུ་མཆོག་ཕྲན་གྱིཿ ཤ་ཁྲག་དྲོད་དབུགས་སྐྱེ་མཆེད་འབུལཿ ལྷ་འདྲེ་ཡིད་ཀྱི་གཟུགས་ཅན་ལཿ ཞོ་ཤས་བརྟེན་པའི་ཤ་ཁྲག་དྲོདཿ རང་རྒྱུད་ཅན་དུ་མ་མཆིས་པསཿ ཤ་མེད་ཤ་ཡིས་ཐུགས་དམ་བསྐངཿ ཁྲག་མེད་ཁྲག་གིས་ཐུགས་དམ་བསྐངཿ དྲོད་མེད་དྲོད་ཀྱིས་ཐུགས་དམ་བསྐངཿ སྲོག་གི་རང་བཞིན་རླུང་ཡིན་ཏེཿ དབུགས་མེད་དབུགས་དང་སྲོག་མེད་སྲོགཿ དེ་ལས་བསྐྱེད་པའི་བཀྲག་མདངས་གྱིསཿ མ་མོ་མཁའ་འགྲོའི་ཐུགས་དམ་བསྐངཿ ཐུགས་དམ་གཉན་པོ་བསྐངས་གྱུར་ནསཿ ཉམས་ཆགས་འཁོན་འཛིན་དག་པ་དངཿ མ་མོ་མཁའ་འགྲོ་འཁྲུགས་པ་ཡིཿ རྒྱུ་རྐྱེན་འབྲས་བུ་སོར་ཆུད་ནསཿ མི་ཕྱུགས་དལ་ཡམས་ཞི་བ་དངཿ མུ་གེ་འཁྲུགས་རྩོད་མེད་པ་དངཿ སད་སེར་བཙའ་ཐན་ལས་རྒྱལ་ཏེཿ འཇིག་རྟེན་བདེ་བའི་ཕྲིན་ལས་མཛོདཿ {{TibChung|རྗེས་ལ་མཆོད་གཏོར་གཙང་སར་གཤེགསཿ ཕན་པའི་ཡོན་ཏན་བརྗོད་མི་ལོངཿ ལག་ཏུ་བླངས་པས་ཡིད་ཆེས་འགྱུརཿ ས་མ་ཡཿ བརྡ་ཐིམཿ འདི་འབེབས་རན་པའི་རྟགས་སུ་རྨི་ལམ་ན་དཀར་ཐབ་ཤོར་བ་མཐོང་བ་ལ་འཁྲུགས་སྐོང་གི་གཏོར་དཔེ་བསྟན་པ་སོགས་བྱུང་བས་བརྡ་རང་གྲོལ་དུ་གྱུར་ཏོཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-037&diff=64173 2026-09-28T18:23:42Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=བཀའ་སྲུང་མ་མགོན་ལྕམ་དྲལ་ལསཿ མདོས་སྐོང་སྲིད་པ་གཞིར་བཞེངསཿ<br /> |fulltitle=bka' srung ma mgon lcam dral las: mdos skong srid pa gzhir bzhengs:<br /> |citation='jigs med gling pa. ''Bka' srung ma mgon lcam dral las mdos skong srid pa gzhir bzhengs''. In ''Kun mkhyen rig 'dzin 'jigs med gling pa'i gsung 'bum'', Vol. 11: 571-573. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Mending Rituals - bskang chog, Thread-cross Ceremonies - mdos chog<br /> |terma=Yes<br /> |cycle=bka' srung ma mgon lcam dral<br /> |cycletib=བཀའ་སྲུང་མ་མགོན་ལྕམ་དྲལ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=037<br /> |pagenumbers=571-573<br /> |totalpages=3<br /> |beginfolioline=1a1<br /> |endfolioline=2a5<br /> |totalfolios=2<br /> |multivolumework=No<br /> |rectonotes=rtsi skong<br /> |versonotes=mdos skong srid pa gzhir bzhengs<br /> |pdflink=File:JLKO-KABUM-11-DA-037.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ {{TibChung|བཀའ་སྲུང་མ་མགོན་ལྕམ་དྲལ་ལསཿ མདོས་སྐོང་སྲིད་པ་གཞིར་བཞེངས་བཞུགསཿ འུྃཿ}} བྷྱོཿ མ་མོའི་ཀླད་ལ་ལྡིང་བ་ནིཿ བྱ་རྒྱལ་ཁྱུང་ལས་གཞན་མེད་པསཿ རྩེ་ལ་འདབ་ཆགས་ཀ་རུ་ཎའིཿ ཚང་དུ་བཅས་པས་ཐུགས་དམ་བསྐངཿ སྲིད་པ་འདི་ན་ཆེ་བཙན་པཿ ཡིད་བཞིན་གཏེར་འབྱུང་དཔལ་བེ་མཁརཿ གྲུ་བཞི་ཐོད་པའི་ཁ་བད་ཅནཿ འཇའ་ཚོན་ཐགས་སུ་བཏགས་པ་ཡིནཿ གདུགས་ཆེན་ནམ་མཁའ་རྒྱས་འདེབས་ནིཿ བླ་ན་མཐོ་ཞིང་ཀུན་ནས་མཛེསཿ གཞལ་མེད་ཁང་གི་ཡོན་ཏན་ཀུནཿ ཡོངས་སུ་རྫོགས་པའི་ཕོ་བྲང་འདིཿ མ་མོ་བཞུགས་པའི་རྟེན་དུ་འཛུགསཿ རྟག་པ་རྒྱུན་གྱིས་ཐུགས་དམ་བསྐངཿ སྣང་བ་ཐམས་ཅད་ཡེ་ཤེས་ལྔརཿ ཤར་བའི་ཚོན་སྐུད་དྲྭ་བ་ཅནཿ སྟོང་ཆ་སྐྱེ་བ་མེད་པ་དངཿ འདུ་འབྲལ་མེད་པའི་མདོས་ཆེན་ནིཿ མ་མོའི་ལྟ་བ་མཚོན་པའི་རྟེནཿ རྟག་ཆད་མེད་པས་ཐུགས་དམ་བསྐངཿ སྣ་ཚོགས་སྣང་བ་རིག་པའི་རྩལཿ མ་འདྲེས་རྨ་བྱའི་རི་མོ་བཞིནཿ སྣང་ཡང་གཟུང་འཛིན་གཉིས་སྤངས་པའིཿ རྒྱན་གྱིས་ཀུན་ནས་བརྒྱན་པ་ནིཿ མ་མོའི་སྒོམ་པ་མཚོན་པའི་རྟེནཿ གསལ་འགྲིབ་མེད་པས་ཐུགས་དམ་བསྐངཿ ལས་བཞི་རྫོགས་པའི་སྟེགས་བུ་ལཿ འབྱུང་བ་རིམ་བརྩེགས་ལྡན་པའི་སྟེངཿ ལྕགས་མཁར་ཐོད་པའི་ཁ་བད་ཅནཿ བདུད་དང་གཤིན་རྗེའི་བཞུགས་གནས་ཏེཿ དེ་ལ་སྣང་སྲིད་སྣོད་བཅུད་ཀྱིཿ མཐུན་རྫས་མ་ཚང་མེད་པ་དངཿ གཙང་དམེ་བྲལ་བའི་དམ་རྫས་བཀོདཿ ལན་བུ་དར་བྱ་གཟུགས་བརྙན་ཚོགསཿ མ་མོའི་སྤྱོད་པ་མཚོན་པའི་རྟེནཿ བླང་དོར་མེད་པས་ཐུགས་དམ་བསྐངཿ བྷྱོཿ མདོས་ལ་རྣམ་པ་དུ་ཡོད་དེཿ སྒྲུབ་པའི་མདོས་དང་སྐོང་བའི་མདོསཿ གཡུལ་ངོ་བཟློག་དང་གནོད་མདོས་དངཿ ཕོ་མདོས་མོ་ལ་གཏང་བ་དངཿ མོ་མདོས་ཕོ་ལ་གཏང་བ་དངཿ སྤྱི་མདོས་སྒོས་ལ་གཏང་བ་དངཿ སྒོས་མདོས་སྤྱི་ལ་གཏང་བ་ལསཿ དེ་རིང་ཐུགས་དམ་བསྐང་བའི་ཕྱིརཿ སྲིད་པའི་མ་མོའི་དཀྱིལ་འཁོར་དུཿ ལྕམ་དྲལ་སྤྱི་ལ་འབུལ་བ་ནིཿ མདའ་ཁྲ་ཐབས་ཀྱི་ཕྱག་མཚན་ལཿ འཕང་ནི་ཤེས་རབ་ཕྱག་རྒྱར་མཐུནཿ རྒྱང་བུ་སྐུ་གསུང་ཐུགས་ཀྱི་རྟེནཿ རྩེ་ལ་དེ་ནི་རྨ་བྱའི་མདོངསཿ མགུལ་ན་ཡུངས་ཀར་ཤ་ར་རཿ སྐེད་ལ་དར་ཚོན་པུ་རུ་རུཿ ཁྱོད་ཀྱི་ཞལ་དང་གཉིས་སུ་མེདཿ ཕོ་གདོང་དེ་ནི་སྟག་ལས་ངརཿ སྐྱེས་པ་ཕོ་ཡི་གླུད་དུ་འབུལཿ མོ་གདོང་དེ་ནི་སྙིང་དུ་སྡུགཿ ཟ་མ་མོ་ཡི་གླུད་དུ་འབུལཿ ནམ་མཁའ་སྣང་སྟོང་གཉིས་སུ་མེདཿ མ་རིག་སེམས་ཀྱི་གླུད་དུ་འབུལཿ སྣང་སྲིད་ཀུན་ལ་ཁྱབ་པ་ནིཿ སྔགས་སྲུང་ཨེ་ཀ་ཙ་ཊི་ཡིནཿ དྲེགས་པ་ཡོངས་ཀྱི་སྡེ་དཔོན་ནིཿ ལྷ་ཆེན་མ་ཧཱ་ཀཱ་ལ་སྟེཿ བསྟན་པ་ཀུན་གྱི་སྲུང་མ་ནིཿ མགོན་པོ་བདུན་ཅུ་རྩ་ལྔ་ཡིནཿ བསྐང་བའི་སྐོང་མདོས་ཆེན་པོ་ནིཿ དངོས་འཛིན་རང་རྒྱུད་མ་ཡིན་ཏེཿ ཏིང་ངེ་འཛིན་གྱིས་སྤྲུལ་པས་ནཿ ཡས་ཆད་སྨྲང་གིས་འཐུད་པ་ཡིནཿ མ་ཚང་མེད་པའི་མཐུན་རྫས་ཀྱིསཿ སྐོང་ངོ་བསྐལ་པར་ཐུགས་དམ་བསྐངསཿ ཆག་ཆེ་ཉམ་ང་དགྲ་འདྲེ་དང་ཿ བྱད་ཁ་ཕུར་ཁ་མི་ཁ་སོགསཿ མི་མཐུན་ནད་དལ་ཞི་བ་དངཿ ཚེ་དཔལ་ལོངས་སྤྱོད་རྒྱས་པ་དངཿ ཁམས་གསུམ་དབང་དུ་འདུ་བ་དངཿ དགྲ་བགེགས་ཐལ་བར་རློག་པ་དངཿ བཀྲ་ཤིས་ཕུན་ཚོགས་བདག་ལ་སྩོལཿ {{TibChung|ས་མ་ཡཿ རྒྱ་རྒྱ་རྒྱཿ ཿ }}<br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-036&diff=64172 2026-09-28T18:22:24Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་ལྕམ་དྲལ་གནད་ཡིགཿ<br /> |fulltitle=klong chen snying gi thig le las: bka' srung lcam dral gnad yig:<br /> |citation='jigs med gling pa. ''Klong chen snying gi thig le las bka' srung lcam dral gnad yig''. In ''Kun mkhyen rig 'dzin 'jigs med gling pa'i gsung 'bum'', Vol. 11: 565-570. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Key Points - gnad yig<br /> |terma=Yes<br /> |deity=bka' srung<br /> |cycle=bka' srung ma mgon lcam dral<br /> |cycletib=བཀའ་སྲུང་མ་མགོན་ལྕམ་དྲལ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=036<br /> |pagenumbers=565-570<br /> |totalpages=6<br /> |beginfolioline=1a1<br /> |endfolioline=3b5<br /> |totalfolios=3<br /> |multivolumework=No<br /> |rectonotes=bka' srung<br /> |versonotes=bka' srung lcam dral gnad yig<br /> |pdflink=File:JLKO-KABUM-11-DA-036.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ ཀློང་ཆེན་སྙིང་གི་ཐིག་ལེ་ལསཿ བཀའ་སྲུང་ལྕམ་དྲལ་གནད་ཡིག་བཞུགསཿ {{TibChung|འུྃཿ ཡེ་ཤེས་དབྱིངས་ཀྱི་རྗེ་མོར་འདུདཿ སྙིང་ཐིག་གཉན་ལ་དགྲ་དར་ནཿ མ་མོ་སྒྲུབ་པའི་གནད་ཡིག་དགོསཿ དམ་ཉམས་ལག་ཏུ་ཤོར་ར་རེཿ གཅིག་ལས་གཉིས་སུ་མ་སྤེལ་རྒྱཿ དབང་བསྐུར་མ་རྫོགས་ལས་མི་འགྲུབཿ འཁར་བ་སྐུ་ལ་དྲག་སྔགས་གསུངཿ གཉིས་མེད་ཐུགས་ལ་ཡོན་ཏན་དངཿ ཕྲིན་ལས་ཕྱག་མཚན་ཐུན་རྫས་ཏེཿ བྱང་སེམས་དཀར་དམར་སྦྱོར་བའི་དབངཿ མཁའ་འགྲོ་ལྟར་དུ་བསྒྲུབ་ལ་བརྟེནཿ ས་མ་ཡཿ དང་པོ་སྐུ་ཡི་རྟེན་བཅའ་བཿ དར་རམ་འབུར་རམ་རུ་དར་ནགཿ བྱང་སེམས་དཀར་དམར་ཨ་མྲྀ་ཏསཿ སྤགས་ལ་ལྕམ་དྲལ་བསྐྱེད་སྟིམ་རྗེསཿ དམ་ཚིག་ལྡན་པས་སྐུ་གཟུགས་བྱཿ བགེགས་བསྐྲད་མ་དལ་དབུས་སུ་བཞགཿ མཐུན་རྫས་བསགས་ལ་ཕྲིན་ལས་གྱེརཿ གཟུགས་བརྙན་བལྟ་དང་ཡིད་ཡུལ་དུཿ གོམས་པ་ཉིད་ལ་རེས་མོས་བསླབཿ དམིགས་པ་གྱད་དུ་གྱུར་པ་ནཿ ཇི་ལྟར་བཀོལ་བའི་ལས་ལ་ཉནཿ དབེན་པར་བྱ་བ་གཞན་མི་བསྙེནཿ སྔགས་འདི་སེལ་མ་ཞུགས་པར་བཟླཿ}} ཐུགས་ཀར་ཉི་དཀྱིལ་ཏྲག་ཡིག་མཐརཿ ཏྲག་རཀྴ་མུ་ཏྲ་མུཿ རུ་ལུ་རུ་ལུ་ཧཱུཾ་བྷྱོཿཧཱུཾཿ རག་མོ་ཏེ་ཀེཾ་ཙ་ཙཿ རུ་ལུ་རུ་ལུ་མ་ཧིཾ་བྷྱོཿ མ་ཧཱ་ཀཱ་ལ་ཤཱ་ས་ན་ཧཱུཾཿ བཛྲ་ས་དྷུ་ཏྲིཿ {{TibChung|གྲུབ་རྟགས་མོན་དང་བལ་མོ་དངཿ རྨ་བྱ་ལུག་ནག་བྱ་ནག་ཁྱིཿ འབྲི་གཡག་རུ་མཚོན་ནག་པོ་མཐོངཿ ས་མ་ཡཿ གསུང་གི་རྟེན་དུ་འཁོར་ལོ་བཅའཿ དར་རམ་རྒྱ་ཤོག་དམར་པོ་ལཿ ཙིཏྟ་དམར་པོའི་ལྟོ་བ་རུཿ འཁོར་ལོ་མུ་ཁྱུད་གསུམ་པའི་ལྟོརཿ གྲུ་གསུམ་དབུས་སུ་ཏྲག་གི་མཐརཿ}} རཀྴ་ཁ་མུ་ན་ཏྲ་སྭཱ་ཧཱཿ {{TibChung|ཟླ་གམ་གསུམ་ལ་གནོད་སྦྱིན་ནག་མོའི་སྔགསཿ}} མུ་རུ་ལུ་རུ་ལུ་ཧཱུཾ་བྷྱོཿཧཱུཾ༔ {{TibChung|མུ་ཁྱུད་གཉིས་པར་མ་མོའི་སྔགསཿ}} རག་མོ་ཏེ་ཀེཾ་ཙ་ཙ་ཁ་ལ་བྷྱོཿ {{TibChung|ཞེས་དང་བདུད་མོ་ནག་མོའི་སྔགསཿ}} རུ་ལུ་རུ་ལུ་མ་ཧིཾ་ཧཱུཾ་བྷྱོཿ {{TibChung|དམ་བརྡར་ཕྲིན་ལས་རྣམ་བཞིའི་སྔགསཿ}} ཏྲག་རཀྴ་མ་མ་ཏི་ཏ་ས་མ་ཡ་ཛཿཧཱུཾ་བཾ་ཧོཿ ཏྲག་རཀྴ་ཨེ་ཀ་ཙ་ཊི་སརྦ་ཤཱནྟིཾ་ཀུ་རུ་སྭཱ་ཧཱཿ ཏྲག་རཀྴ་ཨེ་ཀ་ཙ་ཊི་སརྦ་པུཥྚིཾ་ཀུ་རུ་སྭཱ་ཧཱཿ ཏྲག་རཀྴ་ཨེ་ཀ་ཙ་ཊི་སརྦ་པཱ་ཤཾ་ཀུ་རུ་སྭཱ་ཧཱཿ ཏྲག་རཀྴ་ཨེ་ཀ་ཙ་ཊི་དགྲ་བགེགས་འབྱུང་པོ་མཱ་ར་ཡ་ཕཊཿ {{TibChung|དེའི་ཕྱི་དབྱངས་གསལ་རྟེན་སྙིང་བྲིཿ ནལ་བུའི་ཤ་ཁྲག་སྙིང་སྣར་བཅསཿ ལེ་བརྒན་དར་གྱིས་དྲིལ་ལ་བཅངཿ མ་མོ་བརྟོད་ལ་ནོན་བཞིན་འགྱུརཿ ས་མ་ཡཿ སྣང་ཞིང་སྲིད་པའི་ཆོས་སོ་ཅོགཿ ཐམས་ཅད་མ་མོ་མཁའ་འགྲོའི་དལཿ དྲན་པ་རང་བྱུང་ཡེ་ཤེས་ནིཿ ཡུལ་དང་དབང་པོ་གཉིས་མེད་སྦྱོརཿ མ་མོ་འབུམ་གྱི་སྟོང་སྲོག་ཡིནཿ དམ་ཚིག་རྟེན་དུ་རུ་དར་བཟུངཿ སྣེལ་མོའི་སྙིང་དང་ཐོད་པ་མཆོགཿ དེ་ནི་ཐུགས་ཀྱི་རྟེན་དུ་བཤདཿ ས་མ་ཡཿ རྟེན་མདོས་ཡོངས་རྫོགས་མཆོག་གི་རྟེནཿ སྲོག་འཁོར་སྙིང་གི་སྦུབས་སུ་གཞུགཿ སྣེལ་གྲིའི་སྙིང་མ་རྙེད་ན་གཡུང་མོ་ནག་མོའི་སྙིང་ངམ། བྱ་ནག་གིས་རུང་། སྙིང་ནི་ཐོད་པའི་ནང་དུ་སྩལཿ སྦ་ལྕག་དཀར་པོ་ཚིགས་གསུམ་ལཿ མ་མོའི་སྐུ་གཟུགས་བརྟེན་པ་བཞུགསཿ ཀུན་ཀྱང་ལེ་བརྒན་གུར་གྱིས་དབུབཿ ཤ་ཁྲག་སྙིང་སྣ་རིན་པོ་ཆེཿ བསྲེས་པའི་ས་སྦྱིན་གཅོང་མ་ལཿ མདོས་སྟེགས་གྲུ་བཞི་སེར་པོའི་སྟེངཿ མཐུན་རྫས་སྣང་སྲིད་གཟུགས་བརྙན་བཀོདཿ དེ་སྟེང་ཞི་བ་དཀར་ཟླུམ་ལཿ སྤྱན་གཟིགས་རྣམ་པ་སྣ་ཚོགས་བཀྲམཿ དེ་སྟེང་གྲུ་གསུམ་ཁ་ཁྱེར་ལཿ རྨ་བྱའི་རྒྱལ་མཚན་རུ་དར་གསུམཿ མི་ཁྱི་རྟ་ཡི་སྙིང་གསུམ་པོཿ སྲོག་པ་རྩ་དང་བཅས་པ་བཀོདཿ ཟླ་གམ་གསུམ་ལ་གཏོར་མ་གསུམཿ མི་ཁྱི་རྟ་ཡི་ཤ་ཁྲག་སྙིངཿ དཀར་གསུམ་མངར་གསུམ་འབྲས་བུས་བརྒྱནཿ གྲུ་གསུམ་དབུས་སུ་ཁྲུ་གང་བྲུཿ སོལ་ཆེན་དག་གིས་ནག་པོར་བྱཿ སྐུ་གསུང་ཐུགས་ཀྱི་བླ་རྡོ་གསུམཿ འཁོར་ལོ་རྒྱས་འདེབས་ཡིན་པའི་ཕྱིརཿ སྲིད་པའི་ཕུར་བུར་རྒྱབ་བརྟེན་གཞུགཿ ཁ་གཅོད་མདོས་ཀྱི་བཅའ་ག་བྱཿ ཁྱུང་ཚང་ཐུགས་ལ་གདུགས་ཆེན་གསུངཿ དཔལ་བེ་མཁར་ནི་སྐུ་ཡི་རྟེནཿ གདུགས་ཆེན་འོག་མ་ཡོན་ཏན་ལཿ ལྕགས་མཁར་ཕྲིན་ལས་རྟེན་དུ་བཤདཿ རྨ་བྱའི་ཕོད་དང་དར་སྣས་བརྒྱནཿ ལེ་བརྒན་གུར་ཕུབ་ཞིང་ཡོལ་བྲེཿ ལས་བཞི་རྫོགས་པའི་ཕོ་བྲང་དེཿ མ་མོའི་གཞལ་ཡས་ཁང་དུ་སྒོམཿ ཕྲིན་ལས་གཞུང་བསྲང་བསྙེན་པ་དངཿ སྐོང་བའི་ཆོ་ག་རྒྱ་ཆེར་བྱཿ ཚེ་སྲོག་བདག་མོ་ཡིན་པས་ནཿ སྐབས་སུ་ཚེ་ཡི་སྙིང་པོ་བགྲངཿ དེ་ཡིས་འདོད་དོན་ཐམས་ཅད་འགྲུབཿ ས་མ་ཡཿ དེ་ནས་ལས་ལ་སྦྱོར་བ་བཤདཿ ཕུང་སའི་སྟེགས་བུ་ཟུར་གསུམ་པཿ ཁ་ཁྱེར་ཐོད་པ་མེ་རི་ཅནཿ ཟབས་སུ་རབ་ཆད་ཐོད་པའི་ནངཿ དུར་ཁྲོད་རས་སམ་དུག་ཤོག་ལཿ སྐྱེ་མཆེད་ཚང་བའི་ལིངྒ་བྲིཿ སྙིང་གར་སྲིད་པ་བཤིག་པའི་ཐབསཿ དུག་གསུམ་ཡི་གེ་ནྲྀ་ཡི་མཐརཿ}} ཏྲག་རཀྴ་ཁ་མུནྟྲ་ཨེ་ཀ་ཙ་ཏི་སྙིང་ཁ་རག་ཆེ་གེ་མོའི་སྲོག་རྩ་ལ་རྦདཿ ཙིཏྟ་ལོང་རཀྟ་ཐུན་བྷྱོཿ {{TibChung|བརླ་ལ་བླ་དགས་དཔྲལ་བར་རུསཿ མཐའ་བསྐོར་དུ་}}པྲ་བེ་ཤ་ཡ་ཕཊཿ ཙི་བི་ཤག་དེ་མོག་ཤུ་གུཿ ཨ་གྷུ་ཤ་ཛཿ ཙི་ཏ་ཀུ་ལུ་དམར་མ་ཤག་ཏི་ཛཿ ཏྲག་རཀྴ་བཛྲ་ཁ་ཆུམས་རི་ལི་ལི་བྷྱོཿརྦདཿ པྲ་ཏི་ས་ནཾ་ཙ་སྨྲ་གྷི་ས་ནཾ་ཙོཿ ནྲྀ་ཁཾ་སྨག་ཁུཾ་ཁུཾ་མག་མག་ཆོདཿ ཨོཾ་མེད་ར་ཧྲིཾ་ཐུམ་རིལ་རྦད་མེ་ད་ར་ལི་ག་སྙིང་ཁ་རག་རྦདཿ ཨོཾ་ར་ཙ་མ་སྙིང་ཁ་རག་ར་ཤད་བཛྲ་དུན་བྷྱོཿ {{TibChung|ཞེས་དང་ཛ་ཁྲམ་དག་གིས་བསྐོརཿ རོ་སོལ་ཕྱེ་ཚིག་གུ་གུལ་ནགཿ ཤ་ཆེན་རཀྟ་ཀླད་པ་དངཿ དྲི་མ་དྲུག་གིས་རཱུ་པ་བཅའཿ བསད་ཁྲག་དུག་དང་སྦྱར་བས་བྱུགཿ རྒྱ་ཚིལ་གུ་གུལ་དུད་པས་ལྷ་དང་ཕྲལཿ ཚོན་སྐུད་དག་གིས་བྱད་དུ་གཞུགསཿ ཐོད་ངན་བཀབ་ལ་ཕུར་ཁུང་བཏོདཿ གྲི་ལྕགས་ཕུར་པ་སོར་བརྒྱད་པཿ མ་མོར་བསྒོམས་ཏེ་བྲུབས་ཁུང་ཁརཿ བཙུགས་པ་ལིངྒ་དེ་དང་སྦྲེལཿ ཚེ་ཡི་རྒྱུན་ཐག་གཅོད་པར་བསམཿ སྟེང་དུ་མ་མོའི་ཟོར་གཏོར་བཀོདཿ སྔགས་ཀྱི་མཚོན་ཆ་ཉུངས་ཀར་དངཿ ཉུངས་ནག་སྐྱེ་ཚེ་དུག་རྫས་བཤམཿ དཔལ་གྱི་ཕྲིན་ལས་གཞུང་བསྲང་ལཿ མདུན་དུ་མ་མགོན་ལྕམ་དྲལ་བསྐྱེདཿ རྩ་བ་རྒྱུན་གྱི་སྔགས་ཤམ་དུཿ}} ཆེ་གེ་མོ་ནྲྀ་ཤ་ཀུ་རུ་ཨངྐུ་ཤ་ཛཿ {{TibChung|ཞེས་བཟླ་མ་ཉེས་ཡུས་ཀ་བསྐུལཿ བླ་རྟགས་མཐོང་ནས་རྦད་པར་བྱཿ}} མ་མ་ཏྲག་རཀྴ་ཁ་མུནྟྲ་སྙིང་ཁ་རག་སྲོག་རྩ་རྦད་ཙིཏྟ་ལོང་རཀྴ་ཐུན་བྷྱོཿ ཐུམ་རི་ལི་ལི་རྦདཿ ཙིཏྟ་ཀུ་ལུ་དམར་མ་ཤག་ཏི་ཛ་ཛཿ {{TibChung|ཞེས་དང་བསད་པ་ཉུངས་ཐུན་སྔགསཿ}} སྙིང་བཾ་རིལཿ སྙིང་ཁ་རག་ཚལ་པ་རྦད་འུར་རྦད་ཕཊཿ ཙག་ལེ་མུ་རུ་པཾ་རེ་ཏེ་རྦདཿ ནེ་ཙག་སོད་སོདཿ འུད་མྱོགས་ཐུམ་རིལཿ ཨ་ལོ་ཤ་འུདཿ ཁ་ཐུན་སྙིང་དུམ་བུ་རྦདཿ ལུས་སྲོག་ཁྱེར་ཡག་ཤ་བཾ་རིལ་རྦདཿ {{TibChung|ཅེས་བརྡེག་བསད་པའི་རྟགས་མཐོང་ནསཿ ཕུར་པ་དྲིལ་ལ་ལིངྒར་བརྡེགཿ}} ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྣན་བཾ་ཧཱུཾ་ཕཊཿ ཙིཏྟ་རྦད་ཁུག་ཁུགཿ མྱོགས་ཐུམ་བཾ་རིལ་ཞུར་ཞུརཿ ཆུཾ་ཆུཾ་རྦ་ན་རྦ་ན་ཀཱི་ལ་ཡཿ རཀྴ་རཀྴ་ཁུམ་ཁུམ་ཀྲོ་ཏ་བཾ་རིལཿ {{TibChung|ཞེས་པས་ཟན་གྱི་ལིངྒ་གཏུབཿ སྔགས་འདི་བརྗོད་ལ་གཏོར་མར་འབུལཿ}} ཏྲག་རཀྴ་ཏྲག་རཀྴ་ཙིཏྟ་ལ་ཁཱ་ཧིཿ སྙིང་ལ་ཏྲག་རཀྴ་ཏྲཾཿ མ་ཧཱ་མཱཾ་ས་ལ་ཡཿ མ་ཧཱ་རཀྟ་ལ་ཏྲཾཿ ཙིཏྟ་ལ་རྦདཿ ཐུམ་རི་ལི་ལི་རྦདཿ {{TibChung|ཅེས་ཕུལ་བདུད་ཀྱི་ཉི་མ་ལཿ གཏོར་མ་རླུང་ལ་ཕྱར་བས་ཕུངཿ ལས་མཐའ་བསྲེག་པ་ཉིད་ལ་གཏདཿ མ་དལ་གྲུ་གསུམ་དབུས་ན་རཾཿ ཁ་ཁྱེར་མེ་རིས་བསྐོར་བའི་དཀྱིལཿ རྡོ་སོལ་ཆང་དང་སྦྱར་བ་བཞགཿ དུག་ཤིང་ཚེར་མའི་མེ་སྤར་ལཿ མེ་ལྷ་ཁྲོས་མ་ནག་མོར་བསྐྱེདཿ འབོད་རྦད་སྦྲེལ་མ་བསྐུལ་དང་བཅསཿ ཤོག་ལིང་བྱིན་ཟའི་ཞལ་དུ་བསྟབཿ ཐལ་སོལ་ལྕགས་སྤྱང་མགོ་དགུ་པརཿ བྱས་ཏེ་དགྲ་ལ་ཟ་ཁ་བསྟནཿ དགྲ་བོ་ཕུང་ནས་ཡེ་ཤེས་པཿ གཤེགས་ཏེ་ཆུ་ཀླུང་ཆེན་པོར་སྦྱངཿ གནས་སྤར་སྨོན་ལམ་ཟབ་མོ་ཡིསཿ སྒྲོལ་བ་ཚད་དུ་ཕྱིན་པར་བྱཿ རྟོགས་པས་བདག་ཉིད་མ་བསྒྲལ་བའིཿ ཞེ་སྡང་ནག་པོ་རང་རྒྱུད་ཅནཿ དེ་འདྲའི་ལག་ཏུ་ཤོར་ར་རེཿ གངས་ཅན་ཁྲོད་ན་སངས་རྒྱས་ཀྱིཿ བསྟན་པ་དར་བ་པདྨའི་དྲིནཿ འོད་གསལ་རྡོ་རྗེ་སྙིང་པོ་ཡིཿ བསྟན་པར་སྙིང་ནས་དམོད་པ་སོགསཿ ཞིང་བཅུ་ཚང་བའི་དམ་ཉམས་ཀྱིཿ སྲོག་ལ་འཁོར་ལོ་བསྐོར་ཕྱིར་དུཿ མ་མོ་སྲིད་པའི་རྒྱུད་ལས་བསྡུསཿ སྙིང་གི་བུ་ལ་གཏད་དོ་རྒྱཿ གཏེར་རྒྱཿ སྦས་རྒྱཿ དམ་རྒྱཿ ཟབ་རྒྱཿ ཁ་ཐཾཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-035&diff=64171 2026-09-28T15:55:04Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་ཐིག་ལསཿ ལྕམ་དྲལ་གསུམ་གྱི་སྲོག་གཏདཿ<br /> |fulltitle=klong chen snying thig las: lcam dral gsum gyi srog gtad:<br /> |citation='jigs med gling pa. ''Klong chen snying thig las lcam dral gsum gyi srog gtad''. In ''Kun mkhyen rig 'dzin 'jigs med gling pa'i gsung 'bum'', Vol. 11: 559-564. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Protector Entrustment Rituals- srog gtad<br /> |terma=Yes<br /> |deity=bka' srung<br /> |cycle=bka' srung ma mgon lcam dral<br /> |cycletib=བཀའ་སྲུང་མ་མགོན་ལྕམ་དྲལ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=035<br /> |pagenumbers=559-564<br /> |totalpages=6<br /> |beginfolioline=1a1<br /> |endfolioline=3b3<br /> |totalfolios=3<br /> |multivolumework=No<br /> |rectonotes=lcam dral srog gtad<br /> |versonotes=lcam dral gsum gyi srog gtad<br /> |pdflink=File:JLKO-KABUM-11-DA-035.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> འུཾཿ ཀློང་ཆེན་སྙིང་ཐིག་ལསཿ ལྕམ་དྲལ་གསུམ་གྱི་སྲོག་གཏད་ཨྠིྀ་ཿ {{TibChung|སྟོང་པ་བདག་མེད་ཡུམ་གྱི་དབྱིངསཿ རིག་པ་ངོ་བོ་ཉིད་ཀྱི་ཡབཿ རྟོག་ཚོགས་མགོན་པོ་བདུན་ཅུའི་སྡེཿ འཁོར་འདས་གྱད་དུ་གྱུར་ལ་འདུདཿ འདིར་བཀའ་སྲུང་མ་མགོན་ལྕམ་དྲལ་གྱི་སྲོག་དབང་གཅིག་བརྒྱུད་མ་ལ་སྦྱོར་དངོས་རྗེས་གསུམ་ལསཿ དང་པོ་ནི་སྟེགས་བུ་ཁྲག་ཆང་གིས་སྦགས་པར་ཁྲག་མཚོ་ཐོད་མཁར་གྲུ་གསུམ་གཞུང་ལྟར་བྲིས་པའི་སྟེངཿ མཉྫི་ལ་གོང་གནོན་གྱི་དཔལ་གཏོར་དངཿ མདུན་དུ་མ་མོའི་གཏོར་མ་འཁོར་ལྔ་པ་མཐེབ་ཀྱུ་གང་མང་ཤ་ཁྲག་གིས་བརྒྱནཿ སྦ་ལྕགས་ཚིགས་གསུམཿ མེ་ལོང་ལ་དངུལ་ལམ་སིནྡྷུ་རས་བྲིས་པའི་སྔགས་བྱངཿ ཕྱག་མཚན་ཐ་དད་པཿ ནལ་ཐོད་ནང་དུ་ཐུན་རྫས་དུག་གིས་སྦགས་པཿ ཐོད་པར་མ་ད་ན་ཨ་མྲྀ་ཏས་དྲན་པ་དངཿ ཉེར་སྤྱོད་མཐུན་རྫས་རྣམས་བསག་གོཿ གཉིས་པ་དངོས་གཞི་ནིཿ དཔལ་ཆེན་གྱི་བདག་བསྐྱེད་སྔོན་དུ་འགྲོ་བསཿ མ་མགོན་ལྕམ་དྲལ་གྱི་གསོལ་ཀ་བསྟོད་པའི་བར་བྱས་ནས་གཞུང་ལྟར་དམིགས་གནད་དང་ལྡན་པསཿ ཏྲག་རཀྴ་སོགས་སྔགས་བཟླ་ཞིང་དབང་དུ་བསྡུཿ དེ་ནས་སྲོག་གཏད་ནིཿ ཁྲུས་བྱཿ བགེགས་བསྐྲདཿ མཚམས་སྦྱོར་ནིཿ}} ཆོས་དབྱིངས་བདེ་བ་ཆེན་པོའི་ཀློང་ན་འཁོར་འདས་ཐམས་ཅད་བསྐྱེད་གཞི་དཔལ་ཀུན་ཏུ་བཟང་མོཿ རང་བཞིན་སྤྲུལ་པའི་ཞིང་ལ་དུར་ཁྲོད་མེ་རི་འབར་བ་ན་ཡེ་ཤེས་ཀྱི་མཁའ་འགྲོ་མ་ཨེ་ཀ་ཙ་ཊི་སྤུན་དྲུགཿ བྲན་མོ་བཅུ་བཞིཿ གཡོག་མོ་ལྔ་བཅུ་རྩ་བརྒྱདཿ ཡང་གཡོག་འབུམ་ཁྲི་འབུམ་སྟོང་ལ་སོགས་འདོད་ཁམས་ཀྱི་དབང་ཕྱུག་གཙོ་འཁོར་དུ་སྟོན་པ་དངཿ དྲེགས་པ་གཞན་གྱི་འཁོར་ཅན་དུ་སྟོན་པ་ལསཿ འདིར་ཕྱི་མའི་ལུགས་ལྟར་གྱི་སྲོག་དབང་བྱིན་པ་ལཿ སློབ་མའི་བྱ་བ་མཎྜལ་ཕུལ་ནས་གསོལ་བ་གདབ་པ་འདིའི་རྗེས་ཟློས་མཛོདཿ དོན་དམ་དབྱིངས་ནས་མ་གཡོས་ཀྱངཿ འགྲོ་བ་འདུལ་ཕྱིར་སྤྲུལ་པའི་སྐུཿ བཀའ་སྲུང་མ་མགོན་ལྕམ་དྲལ་གྱིཿ སྲོག་དབང་བདག་ལ་སྩལ་དུ་གསོལཿ ལན་གསུམཿ ཐེག་མཆོག་རྫོགས་པ་ཆེན་པོ་ཡིཿ ལམ་ནས་རང་གཞན་དོན་ནུས་ནཿ དབང་བསྐུར་སྦྱིན་གྱི་གཞན་དུ་མིནཿ མནའ་ཆུ་འདི་འཐུང་དམ་ཚིག་སྲུངསཿ འགལ་ན་སྲོག་ལ་ཧུར་ཐུམ་བྱེདཿ ས་མ་ཡ་ཨི་དན་ན་རཀྐནཿ {{TibChung|དེ་ནས་རྒྱུན་བཤགས་ནིཿ}} རྡོ་རྗེ་སློབ་དཔོན་སངས་རྒྱས་དཔལཿ {{TibChung|སོགས་ལན་གསུམཿ དེ་ནས་ཡེ་ཤེས་པ་དབབ་པ་ནིཿ}} གནས་ཁང་འདི་ཉིད་རང་བཞིན་སྤྲུལ་པའི་སྐུའི་ཞིང་ཁམས་སུ་གསལ་བའི་དབུས་ན་སློབ་མ་བཅོམ་ལྡན་འདས་རྡོ་རྗེ་ཁྲོས་མ་ནག་མོར་གསལ་བའི་གནས་གསུམ་དུ་ཡི་གེ་གསུམ་དང་ཐུགས་ཀར་ཉི་དཀྱིལ་ཏྲག་ཡིག་གིས་མཚན་པ་ལ་སློབ་དཔོན་གྱི་ཐུགས་ཀའི་འོད་ཟེར་གྱིས་ཕོག་པས་དེ་ལས་འོད་ཟེར་འཕྲོསཿ རང་བཞིན་གྱི་གནས་དང་དུར་ཁྲོད་མེ་རི་འབར་བ་ནས་དཔལ་ལྡན་མ་མགོན་ལྕམ་དྲལ་འཁོར་དང་བཅས་པ་བྱོན་ནས་ཡེ་ཤེས་པ་རྣམས་སློབ་མ་ལ་ཐིམཿ འཇིག་རྟེན་པ་རྣམས་བཀའ་སྡོད་ཀྱི་ཚུལ་དུ་འཁོད་པར་བསམ་སྟེཿ {{TibChung|སྲོག་སྔགས་དྲག་ཏུ་བཟླ་ཞིང་སྤོས་རོལ་གྱིས་བྱིན་དབབཿ སྐུ་རྟེན་རྦ་འཁར་ཚིགས་གསུམ་པ་གཏད་ལཿ}} ཧཱུྃཿ རྣམ་པ་ཀུན་གྱི་མཆོག་ལྡན་ནིཿ ཚོགས་བརྒྱད་དག་པའི་མ་མོའི་ཚུལཿ ཀུན་ཏུ་བཟང་མོའི་དམ་ཤིང་འདིཿ སྐུ་ཡི་རྟེན་དུ་ཁྱོད་ལ་གཏདཿ ཏྲག་རཀྴ་མུ་ཏྲ་མུཿ རུ་ལུ་རུ་ལུ་ཧཱུཾ་བྷྱོ་ཧཱུྃཿ རཀྨོ་ཏེ་ཀེཾ་ཙ་ཙཿ རུ་ལུ་རུ་ལུ་མ་ཧི་བྷྱོཿ ཀཱ་ཡ་ཨ་བྷི་ཥིཉྩ་ཧཱུྃཿ {{TibChung|གསུང་མེ་ལོང་སྔགས་བྱང་ཅན་བསྟན་ལཿ}} སྲོག་གི་སྙིང་པོ་རླུང་ཡིན་ཏེཿ སྒྲ་ནི་ཡི་གེ་འཁོར་ལོའི་སྤྲིནཿ གྲགས་སྟོང་གསུང་གིས་དབང་བསྐུར་བསཿ ཕྲིན་ལས་རྣམ་བཞི་འགྲུབ་པར་ཤོགཿ {{TibChung|རྩ་སྔགས་མཐར་ཝཱཀྐ་སོགས་དངཿ ཆིག་བརྒྱུད་དུ་སྲོག་སྙིང་སྦྱིན་ཚུལ་ཞལ་ལས་ཤེསཿ བཟླས་པའི་རྒྱུན་གྱིས་བཟླ་བྱ་བཀྲུསཿ སྐྱུགས་པ་བསྒྲུབ་བྱའི་ཁལ་སྩལ་དམིགསཿ ཐུགས་མེ་ལོང་ནང་དུ་མ་མོའི་སྣང་བརྙན་འཆར་དུ་བཅུག་ལཿ}} ཨཱཿ སྣང་ཞིང་སྲིད་པའི་ཆོས་སོ་ཅོགཿ ཐམས་ཅད་མ་མོ་མཁའ་འགྲོའི་དལཿ དྲན་པ་རང་བྱུང་ཡེ་ཤེས་ནིཿ ཡུལ་དང་དབང་པོ་གཉིས་མེད་སྦྱོརཿ མ་མོ་འབུམ་སྡེའི་སྟོང་སྲོག་ཡིནཿ {{TibChung|ཞེས་རྟོགས་པ་བསྐྱེདཿ ཡོན་ཏན་ཕྱག་མཚན་གཉིས་གཏད་ལཿ}} ཕུང་པོ་ལྔ་ལ་བདག་འཛིན་གྱིཿ རཱུ་ཏྲའི་དོན་སྙིང་ཟ་བ་དངཿ ལྷན་ཅིག་ཚོགས་བརྒྱད་ཚར་གཅོད་པའིཿ ལྕགས་སྤྱང་ཁྲ་ཐབས་ཁྱོད་ཀྱིས་ཟུངསཿ {{TibChung|རྩ་སྔགས་མཐར་}}གུ་ཎ་ཨ་བྷི་ཥིཉྩ་ཧཱུྃཿ {{TibChung|ཕྲིན་ལས་ནལ་བུའི་ཐོད་པར་ཐུན་རྫས་དུག་ཁྲག་གིས་སྦགས་པ་གཏད་ནསཿ}} ཧཱུྃཿ མ་ནི་སྙིང་པོ་བྱང་ཆུབ་སེམསཿ མོ་ནི་རང་བྱུང་ཡེ་ཤེས་དཔལཿ གང་ནས་བོས་ཀྱང་ཁྱོད་ཀྱི་མཚནཿ འདོད་ཁམས་བདག་མོས་ཕྲིན་ལས་ཀུནཿ ཐོགས་པ་མེད་པར་སྒྲུབ་པར་ཤོགཿ {{TibChung|དམ་བརྡར་ཕྲིན་ལས་རྣམ་བཞིའི་སྔགས་བརྗོདཿ དེ་ནས་སྦྱོར་གིང་དང་མཉམ་པར་རོལ་པའི་བྱང་ཆུབ་སེམས་སྤྲིན་སློབ་བུའི་ལྕེ་ཐོག་ཏུ་བབས་པར་དམིགས་ལཿ ནང་མཆོད་བྱིན་ནསཿ}} ཧཱུྃཿ བྱ་བྱེད་ཡིད་ཆོས་རྣམ་དག་པའིཿ ཡབ་ཡུམ་མཉམ་པར་རོལ་པའི་སྤྲིནཿ རྒྱུ་དྲུག་རྐྱེན་བཞི་ལས་བྱུང་བའིཿ བྱང་ཆུབ་སེམས་ལ་རྟག་ཏུ་རོལཿ ཨ་ཧོ་མ་ཧཱ་སུ་ཁ་དྷརྨ་དྷཱ་ཏུ་ཧོཿ {{TibChung|དེ་ནས་ཡབ་ཀྱི་སྐུའི་རྗེས་གནང་གི་དོན་དུ་ཙནྡན་གྱི་བིང་གཏད་ནསཿ}} ཧཱུྃཿ ལྷ་ཆེན་དཔལ་འབར་ཆེན་པོ་ཡིཿ སྤྲུལ་པའི་དམག་དཔུང་འབུམ་སྡེའི་མཛོདཿ གཡུལ་ལས་རྣམ་རྒྱལ་བིང་ཆེན་འདིཿ སྐུ་དང་གཉིས་སུ་མེད་པར་ཟུངསཿ མ་ཧཱ་ཀཱ་ལ་ཤཱ་ས་ན་ཀཱ་ཡ་བཛྲ་ཨོཾཿ {{TibChung|གསུང་གི་རྗེས་གནང་སྔགས་ཀྱི་བཟླས་ལུང་བྱིནཿ ཐུགས་ཀྱི་དོན་དུ་རུ་མཚོན་ནག་པོ་དང་སྙིང་ཞགས་གཏད་ནསཿ}} ཧཱུྃཿ ཀུན་ཏུ་བཟང་པོའི་རོལ་པ་ལསཿ བྱང་ཆུབ་སེམས་ཀྱི་རུ་མཚོན་ནིཿ བདག་འཛིན་རཱུ་ཏྲའི་གཤེད་པོ་སྟེཿ ཐུགས་ཀྱི་རྟེན་དུ་གཅེས་པར་ཟུངསཿ {{TibChung|རྩ་སྔགས་མཐར་ཙིཏྟ་བཛྲ་ཧཱུྃཿ སྒྲོལ་གིང་གི་རྗེས་གནང་ལས་ཕ་ཝང་ལོང་བུ་ལ་གསེར་གྱིས་སྲོག་སྔགས་བྲིས་པ་དང་ཕྱག་མཚན་གཉེས་གཏད་ལཿ}} ཧཱུྃཿ ཕ་ཝང་ལོང་བུ་སྐུ་ཡི་རྟེནཿ སྔགས་བྱང་གསུང་ལ་རྡོ་རྗེ་ཐུགསཿ དམ་ཉམས་བསྒྲལ་བའི་དཔའ་རྟགས་སྙིངཿ གཏད་པས་དམ་ཅན་འཁོར་དང་བཅསཿ ལུས་དང་གྲིབ་བཞིན་འགྲོགས་གྱུར་ཅིགཿ བཛྲ་ས་དྷུ་ཏྲི་ཛཿ ས་མ་ཡ་ཧཱུྃཿ {{TibChung|དེ་ནས་གཙོ་འཁོར་ཡོངས་རྫོགས་ཀྱི་ངོ་བོར་བསམ་ནས་གཏོར་མ་གཏད་དེཿ}} ཧཱུྃཿ སུམ་ཅུ་རྩ་གསུམ་ལྷ་ཡུལ་ནཿ {{TibChung|ཞེས་སོགས་ཀྱི་བཀའ་གཏད་བྱཿ}} གཏོར་མའི་ལྷ་ཚོགས་ལས་ལྕམ་དྲལ་གཉིས་འོད་དུ་ཞུ་ནས་སློབ་མ་ལ་བསྟིམཿ རང་རྒྱུད་ཅན་དུ་སྟོན་པ་རྣམས་ལུས་དང་གྲིབ་མ་བཞིན་འགྲོགས་པར་བསམས་{{TibChung|ལ་གཏོར་མའི་ཕུད་ཅུང་ཟད་དངོས་གྲུབ་ཀྱི་ཚུལ་དུ་ཕྱིནཿ ནང་མཆོད་བླུད་ནས་དམ་ཚིག་བསྲེས་པར་བསམ་ལ་རྗེས་ཟློས་ནིཿ}} གདོད་མའི་མགོན་པོ་ཡབ་ཡུམ་ཀྱངཿ ཁྱོད་ལས་གཞན་དུ་མེད་པའི་ཕྱིརཿ རྟག་ཏུ་རྫོགས་པ་ཆེན་པོར་སྒོམསཿ གཏོར་ཚོགས་མཆོད་པ་རྒྱུན་མི་གཅོདཿ ལྕམ་དྲལ་སྒྲུབ་པའི་དམ་ཚིག་ཀུནཿ དེང་ནས་ཚུལ་བཞིན་གཟུང་བར་བགྱིཿ {{TibChung|གསུམ་པ་རྗེས་ཀྱི་རིམ་པ་ནིཿ ཕུད་སྐོང་ཕྲིན་བཅོལ་ཡང་ཡང་བྱཿ བསྙེན་སྒྲུབ་སྔོན་དུ་མ་སོང་བར་སྲོག་དབང་འདི་བྱིན་ན་ཤིན་ཏུ་བཀའ་གཉན་པས་དམ་པར་བྱའོཿ ཿ}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-032&diff=64170 2026-09-28T15:46:12Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བ་དང་འབྲེལ་བའི་སྒོ་ནས་ཚེ་འདས་ལ་ཕན་གདགས་པའི་ཆོ་ག་གཞན་ཕན་ཐུགས་རྗེའི་དྲྭ་བ།<br /> |fulltitle=zhi khro ngan song sbyong ba dang 'brel ba'i sgo nas tshe 'das la phan gdags pa'i cho ga gzhan phan thugs rje'i drwa ba<br /> |citation='jigs med gling pa. ''Zhi khro ngan song sbyong ba dang 'brel ba'i sgo nas tshe 'das la phan gdags pa'i cho ga gzhan phan thugs rje'i drwa ba''. In ''Kun mkhyen rig 'dzin 'jigs med gling pa'i gsung 'bum'', Vol. 11: 501-518. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Funerary Rituals - gnas lung - byang chog<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=032<br /> |pagenumbers=501-518<br /> |totalpages=18<br /> |beginfolioline=1a1<br /> |endfolioline=9b2<br /> |totalfolios=9<br /> |multivolumework=No<br /> |rectonotes=ngan song sbyong ba<br /> |versonotes=tshe 'das cho ga thugs rje'i drwa ba<br /> |pdflink=File:JLKO-KABUM-11-DA-032.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །ཞི་ཁྲོ་ངན་སོང་སྦྱོང་བ་དང་འབྲེལ་བའི་སྒོ་ནས་ཚེ་འདས་ལ་ཕན་གདགས་པའི་ཆོ་ག་གཞན་ཕན་ཐུགས་རྗེའི་དྲྭ་བ་ཞེས་བྱ་བ་བཞུགས། །<br /> <br /> ༄། །{{TibChung|བཅོམ་ལྡན་འདས་དཔལ་ཀུན་ཏུ་བཟང་པོ་གཏིང་གསལ་འོད་ཀྱི་ཕུང་པོ་ལ་ཕྱག་འཚལ་ལོ། །རྒྱུད་ཆེན་ཟབ་མོ་ཉི་ཟླ་ཁ་སྦྱོར་གྱི་མན་ངག་ཚེ་འདས་ལ་ཕན་གདགས་པའི་ཆོ་ག་གཞན་ཕན་ཐུགས་རྗེའི་དྲ་བ་ཞེས་བྱ་བ། སྙིང་རྗེ་ཆེན་པོའི་རྩི་དང་ལྡན་ཞིང་རྟོགས་པ་མཆོག་དང་ལྡན་པའི་རྡོ་རྗེ་སློབ་དཔོན་གྱིས། ཕུང་པོ་དངོས་སུ་ཡོད་ན་དེས་ཆོག་ལ། མེད་ན་གཟུགས་བརྙན་ནམ་མིང་བྱང་བྱ། འདིར་ལག་ལེན་ལ་ཀོང་བུའི་ནང་དུ་མར་ལ་བྱང་བུ་བཟོས་པའི་སྙིང་གར་མིང་ཡིག་སོགས་མཐོང་བརྒྱུད་བཞིན་དང་། གདུགས་དང་བ་དན་ལ་སོགས་ཤོག་བུར་བཟོ་བ་ཡིན། དྲི་རྟེན་ལ་སོགས་པར་ཡང་སྦྱོང་དུ་རུང་ངོ་། །དེ་ལ་ཞི་ཁྲོ་ངན་སོང་སྦྱོང་བའི་སྐོང་དང་འབྲེལ་བ་ཕན་ཡོན་ཆེ་བས་སྐོང་གི་དཀྱིལ་འཁོར་དང་མཆོད་པའི་ཡོ་བྱད་འབྱོར་ཚོགས་དང་བསྟུན་ནས་བཤམ། ཉེ་ལོགས་སམ་ཅི་བདེ་བར་མཎྜལ་ཁྲུ་གང་སྐྱང་ནུལ་དོགས་འཇམ་པར་གུར་གུམ་ལ་སོགས་དྲི་བཟང་པོས་ཆག་ཆག་བཏབ། དེའི་ཁར་བུམ་གདན་པདྨ་འདབ་བརྒྱད་མཛེས་ཚོན་དུ་བྲིས་པའི་སྟེང་དུ་རིན་པོ་ཆེའི་བུམ་པ་བཅུད་ལྡན་ཁ་རྒྱན་མགུལ་ཆིངས་གཟུངས་རྡོར་དང་བཅས་པའི་ཕྱི་རོལ་མཚལ་ལམ་ལྡོང་རོས་ཀྱིས་ཨ་བཞི་བྲིས་པ་བཞག་ཅིང་། མཐར་མཆོད་པས་བསྐོར། ཞི་ཁྲོའི་ལས་གཞུང་བཟླས་པ་དང་བཅས་པ་རྫོགས་རྗེས་ཁྱད་པར་གྱི་བུམ་པ་སྒྲུབ་པ་ནི།}} ཨོཾ་མ་ཧཱ་ཤུ་ནྱ་ཏཱ་{{TibChung|སོགས་དང་།}} བུམ་པ་འོད་ལྔའི་གཞལ་ཡས་ཁང་ཚད་དང་མཚན་ཉིད་མ་ལུས་པ་རྫོགས་པའི་དབུས་སུ་བཅོམ་ལྡན་འདས་སྟོན་པ་ཀུན་ཏུ་བཟང་པོ་སྐུ་མདོག་མཐིང་ག་མཉམ་གཞག་ཅན་ཡུམ་དང་འཁྲིལ་བའི་ཕྱོགས་བཞིའི། ཤར་དུ་རྡོ་རྗེ་སེམས་དཔའ། ལྷོར་རིན་ཆེན་འབྱུང་ལྡན། ནུབ་ཏུ་སྣང་བ་མཐའ་ཡས། བྱང་དུ་དོན་ཡོད་གྲུབ་པ། དཀར་སེར་དམར་དང་ལྗང་གུའི་མདོག་ཅན། གཙོ་བོའི་མདུན་དུ་རྣམ་པར་སྣང་མཛད་སྐུ་མདོག་དཀར་པོ། ཀུན་ཀྱང་རང་འོད་ཀྱི་ཡུམ་དང་འཁྲིལ་ནས་འོད་ཟེར་ཀུན་ཏུ་འཕྲོ་བར་བཞུགས་པའི་སྟེང་གི་ཆ་ལ། བླ་མ་བརྒྱུད་པའི་ལྷ་ཚོགས་དམིགས་ཡུལ་ཚེ་ལས་འདས་པའི་ལམ་སྟོན་ཆེན་པོར་བཞུགས་པར་གྱུར། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་སོགས། བཛྲ་ས་མ་ཡ་ཛཿ {{TibChung|ཞེས་སྤྱན་དྲངས།}} བཅོམ་ལྡན་འཁོར་བཅས་བྱོན་པ་ལེགས། །{{TibChung|སོགས་ཀྱིས་བཞུགས་སུ་གསོལ།}} དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །{{TibChung|སོགས་ནས་}}བཛྲ་ཨརྒྷཾ་{{TibChung|སོགས་ཀྱི་སྔགས་དང་བཅས་པས་མཆོད།}} ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །{{TibChung|གཟུགས་སྐུ་འཇའ་ཚོན་སོགས་ཤློ་ཀས་བསྟོད། གཟུངས་ཐག་ལ་འཇུས་ནས།}} ཨོཾ་ཨཱཿཧཱུཾ་སྭཱ་ཧཱ་{{TibChung|དང་། ཨ་འབུམ་ཕྲག་གཅིག་གིས་བསྙེན་པ་བྱ། བར་མཚམས་ཅི་རིགས་པར།}} ཨོཾ་ཨཿབྷྱ་དྱ་ཏཾ་ཀཾ །{{TibChung|ཆེ་གེ་མོའི་}}སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པའི་ཤམ་བུ་གདགས། འདིར་སློབ་དཔོན་གྱི་ངག་མ་དག་ན་སྦྱང་བྱ་ལ་ཕན་ཐོགས་པར་དཀའ་བས་བཟླས་པ་ཚད་དུ་འཁྱོལ་བ་དང་། ཏིང་ངེ་འཛིན་བརྟན་པ་ཁོ་ན་ཁག་ཆེ་བ་ནི་སྣང་ཤེས་ཀྱི་སྤྲོས་པ་ལས་འདས་པའི་བདུན་ཚིགས་ཆེས་ཟབ་པའི་སྤྱོད་ལུགས་ཡིན། བཟླས་དམིགས་ནི།}} རང་ཞི་ཁྲོའི་དཀྱིལ་འཁོར་དུ་གསལ་བའི་ཐུགས་ཀའི་འོད་ཟེར་གཟུངས་ཐག་ལ་འཁྲིལ་ཏེ་སོང་བས་བླ་མ་དང་ལྷ་སོ་སོའི་སྐུའི་ཆ་ཤས་ནས་བདུད་རྩིའི་རྒྱུན་བབས་པས་བུམ་པ་ཁེངས་པར་བསམས་ལ་{{TibChung|མཐར་མཆོད་བསྟོད་ཇི་ལྟར་རིགས་པ་དང་། ཡི་གེ་བརྒྱ་པས་ལྷག་ཆད་བསྐང་། ཨ་ཨ་ཞེས་བརྗོད་པས་}}ཡེ་ཤེས་པ་གཤེགས་དམ་ཚིག་པ་ཆུར་ཞུ་བར་མོས། {{TibChung|བར་འདིར་བསགས་སྦྱངས་ཕྱིར་དུ་ཞི་ཁྲོའི་ཕྱག་འཚལ་ནས་རིམ་པར་སྐོང་གི་བྱ་བ་རྣམས་ཚོགས་ལྷག་ལ་ཐུག་གི་བར་དཀྱུས་བཞིན་དུ་བྱའོ། །དེ་ནས་ཁྱད་པར་གྱི་སྤྱོད་པ་ནི། ཉི་ཟླ་ཁ་སྦྱོར་ལས། དེ་ཉིད་ཤི་བར་གྱུར་བའི་ཚེ། །ཟག་པ་བཅས་པའི་ཕུང་པོ་ལ། །བུམ་པ་སྤྱི་བོར་བཞག་ནས་ནི། །ཡི་གེ་ཡི་ནི་འབྲུ་ཉིད་དང་། །ཡེ་ཤེས་ཆུ་རྒྱུན་གྱིས་སྦྱངས་ན། །དམྱལ་བའི་གནས་རྣམས་སྟོངས་ནས་ནི། །དེ་ཡི་རྟག་ཏུ་དེ་བཞིན་ནོ། །ཞེས་ཕུང་པོ་དངོས་ལ་སྦྱང་བའི་དབང་དུ་བཏང་ནས། དེའི་སྤྱི་བོར་ཨ། མགྲིན་པར་བྷྱཿ གསང་བར་དྱ། མཆན་ཁུང་དུ་ཀཾ །སྤྱི་བོར་ཏཾ་སྟེ་རིམ་པར། དམྱལ་བ། ཡི་དྭགས། བྱོལ་སོང་། ལྷ་མིན། ལྷའི་གནས་རྣམས་སྦྱང་བའི་ཕྱིར་ཡི་གེའི་མཚན་མ་དེ་དང་དེ་གནས་པས། དེ་རྣམས་སུ་སྦྱོང་བྱེད་ཀྱི་ངོ་བོར་གསལ་ནས་ལོ་གྲངས་བཟླ་བ་དང་ལྷན་ཅིག་བུམ་ཆུས་བཀྲུ་བ་ཡིན་ལ། ཚུལ་འདི་ལྟ་བུའི་སྦྱོང་བ་ནི་གནད་ཤིན་ཏུ་ཟབ་པ་ཡིན་པས་ཕུང་པོ་བསྲེག་པ་དང་གཏོང་བ་ལ་སོགས་པའི་ལས་ལ་སྦྱོར་ཁར་ལག་ལེན་ལ་ཐེབས་པར་བྱའོ། །འདིར་སྤྲོས་པ་ལ་དགའ་བ་དག་གིས་རྫོགས་པ་རང་བྱུང་ནས་གསུང་པའི་རིགས་དྲུག་གནས་འདྲེན་བྱ་བ་ཕྱོགས་གཞན་དུ་ཤེས་ལ། སྤྲོས་པ་ཆུང་ཞིང་རྟོགས་པ་མཆོག་དང་ལྡན་པ་དག་ལ་བྱ་བ་ཉུང་ཞིང་ཏིང་ངེ་འཛིན་ལ་མི་གཡེང་བ་འདི་ཁོ་ན་སྐབས་སུ་བབ་པ་ཡིན་པས། རྟེན་ལ་རྣམ་ཤེས་འགུགས་པ་ནི།}} སྟོང་པའི་ངང་ལས་པདྨ་དང་ཟླ་བའི་སྟེང་དུ་ནྲྀ་ཡོངས་སུ་གྱུར་པ་ལས་ཚེ་ལས་འདས་པ་ཆེ་གེ་མོའི་ཕུང་པོ་དང་སྐྱེ་མཆེད་གསོན་གྱི་གནས་སྐབས་ཇི་ལྟ་བར་གྱུར། {{TibChung|ལྕགས་ཀྱུའི་ཕྱག་རྒྱས།}} ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། གསང་སྔགས་དང་རིག་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི་བདེན་པ་དང་། གཟུངས་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི་བདེན་པ་དང་། ཆོས་ཉིད་རང་བཞིན་གྱི་རྣམ་པར་དག་པའི་བདེན་པ་དང་། ཀུན་རྫོབ་རྟེན་ཅིང་འབྲེལ་བར་འབྱུང་བ་ཟབ་མོའི་བདེན་པ་དང་། བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པའི་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས་འཇིག་རྟེན་འདི་ནས་ཕ་རོལ་ཚེ་ལས་འདས་པ་ཆེ་གེ་མོ་ཞེས་བྱ་བའི་རྣམ་པར་ཤེས་པ་ལས་ཀྱི་དབང་གིས་ཁམས་གསུམ་འགྲོ་བ་རིགས་དྲུག །སྐྱེ་གནས་རྣམ་པ་བཞི། སྲིད་པ་བར་མ་དོ་འཁོར་བ་མྱ་ངན་གྱི་ཁུང་བུའི་ཆར་གཏོགས་པ་གང་ན་གནས་ཀྱང་སྐད་ཅིག་ཙམ་གྱིས་རྟེན་འདི་ལ་མཆིས་པར་གྱུར་ཅིག །ཨོཾ་བཛྲ་ཊཀྐི་རཱ་ཛཿཧཱུཾ་{{TibChung|ཞེས་ལན་གསུམ་ལ་སོགས་ཁུག་པའི་གསལ་སྣང་མཐོང་གི་བར་བརྗོད། རྣམ་པར་ཤེས་པ་རྟེན་གྱི་བར་སྣང་ལ་འོད་ཀྱི་རང་བཞིན་དུ་བྱུང་བ།}} ཨོཾ་ཤྭ་དྷ་ནེ་སརྦ་པཱ་པཾ་ཨ་པ་ན་ཡ་ཧཱུཾ། {{TibChung|ཞེས་ལན་གསུམ་གྱིས་སྡིག་པ་སྦྱངས་ནས།}} ཛཿཧཱུཾ་བཾ་ཧོཿ {{TibChung|ཞེས་ཕྱག་རྒྱ་བཞིས་རྟེན་ལ་བཅིང་ངོ་། །གེགས་དང་ལན་ཆགས་སྦྱོང་བ་ནི། གཏོར་མ་གསུམ་རེ་རེ་ནས་རྟེན་ལ་བསྐོར་ཞིང་།}} ཨོཾ་སརྦ་བིག་ནན་ན་མཿ སརྦ་ཏ་ཐཱ་ག་ཏོ་བྷྱོ་བི་ཤྭ་མུ་ཁེ་བྷྱཿ སརྦ་ཏཏཾཁ་ཨུད་ག་ཏེ་སྥ་ར་ཎ་ཧི་མཾ་ག་ག་ན་གྷྲི་ཧ་ན་བ་ལིངྟ་ཡེ་སྭཱ་ཧཱཿ {{TibChung|ཏིང་ལོ་ཆང་བུར་བཅས་པ་གསུམ་རྟེན་ལ་རེ་རེ་ནས་བསྐོར་ཞིང་།}} ཨོཾ་སུམྦྷ་ནི་{{TibChung|སོགས་ཧཱུཾ་བཞིའི་མཐར།}} ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་གེགས་རྣམས་གཏོར་མས་བརྔན་དང་། ཏིང་ལོས་སྣང་བ། ཆང་བུས་ལམ་རྒྱགས་གྱིས་ལ་རྒྱ་མཚོ་ཆེན་པོའི་ཕ་མཐར་དེངས་ཤིག །{{TibChung|ཅེས་གུ་གུལ་གྱིས་བདུག །རྡོ་རྗེས་བསྡིགས་ཤིང་དྲིལ་བུ་གསིལ། དེ་ནས་ཁྱད་པར་གྱི་བུམ་པ་སྤྱི་བོར་བཟུང་ནས།}} ཚེ་ལས་འདས་པའི་སྤྱི་བོར་རང་བྱུང་གསང་བ་ཆེན་པོའི་ཡི་གེ་ཨ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་དམྱལ་བར་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་བཟོད་པའི་རང་བཞིན་ཆུ། །ཞེ་སྡང་དྲི་མ་སྦྱོང་མཛད་ཅིང་། །རླབས་ཆེན་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུྃཿསྭཱ་ཧཱ། ཨ་{{TibChung|ཞེས་སྙན་པའི་དབྱངས་ཀྱིས་དེའི་ལོ་གྲངས་བརྗོད་པའི་བཅུ་ཚན་རེའི་མཚམས་སུ།}} ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་བཀྲུ། བུམ་པ་མགྲིན་པར་བཟུང་ལ།}} ཚེ་ལས་འདས་པའི་མགྲིན་པར་རང་བྱུང་གསང་བ་ཆེན་པོའི་ཡེ་གེ་བྷྱ་གསལ་བར་བསྒོམས་པའི་འོད་ཟེར་དང་བུམ་པས་དབང་བསྐུར་ཞིང་ཆུས་བཀྲུས་པས་ཡི་དྭགས་སུ་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱོང་མཛད་ཅིང་། །གཏོང་བ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱ། བྷྱ་{{TibChung|ཞེས་སྔར་ལྟར་བརྗོད་ཅིང་།}} ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་བཀྲུ། བུམ་པ་གསང་གནས་སུ་བཟུང་ལ།}} ཚེ་ལས་འདས་པའི་གསང་གནས་སུ་རང་བྱུང་གསང་བ་ཆེན་པོའི་ཡི་གེ་དྱ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་བྱོལ་སོང་དུ་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་ཤེས་རབ་རང་བཞིན་ཆུ། །རྨོངས་པའི་དྲི་མ་སྦྱོང་མཛད་ཅིང་། །རྣམ་གསུམ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུྃཿསྭཱ་ཧཱ། དྱ་{{TibChung|ཞེས་སྔར་ལྟར་བརྗོད་ཅིང་།}} ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་བཀྲུ། བུམ་པ་མཆན་ཁུང་གཡས་སུ་བཟུང་ལ།}} ཚེ་ལས་འདས་པའི་མཆན་ཁུང་གཡས་སུ་རང་བྱུང་གསང་བ་ཆེན་པོའི་ཡི་གེ་ཀཾ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་ལྷ་མིན་དུ་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་བསམ་གཏན་རང་བཞིན་ཆུ། །རྣམ་གཡེང་དྲི་མ་སྦྱོང་མཛད་ཅིང་། །མཉམ་ཉིད་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱ། ཀཾ་{{TibChung|ཞེས་ཚར་ཉི་ཤུ་བརྗོད་ཅིང་།}} ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་བཀྲུ། བུམ་པ་སྤྱི་བོར་བཟུང་ལ།}} ཚེ་ལས་འདས་པའི་སྤྱི་གཙུག་ཏུ་རང་བྱུང་གསང་བ་ཆེན་པོའི་ཡི་གེ་ཏཾ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་ལྷར་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་བརྩོན་འགྲུས་རང་བཞིན་ཆུ། །ལེ་ལོའི་དྲི་མ་སྦྱོང་མཛད་ཅིང་། །ནན་ཏན་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱ། ཏཾ་{{TibChung|ཞེས་ལོ་གྲངས་བརྗོད་ཅིང་།}} ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་བཀྲུ། བུམ་པ་སྙིང་གར་བཟུང་ལ།}} འདི་ནི་ཚུལ་ཁྲིམས་རང་བཞིན་ཆུ། །ཁྲིམས་འཆལ་དྲི་མ་སྦྱོང་མཛད་ཅིང་། །སྲུང་བ་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱཿ ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|བུམ་པ་སྤྱི་བོར་བཀོད་པ།}} དབང་བསྐུར་རྡོ་རྗེ་ཆེན་པོ་སྟེ། །ཁམས་གསུམ་ཀུན་གྱིས་ཕྱག་བྱས་པས། །སངས་རྒྱས་རིགས་ལྔའི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་བཛྲ་ས་ཏྭ་ས་མ་ཡ་མ་ནུ་པཱ་ལ་ཡ་བ་ཛྲ་ས་ཏྭ་ཏེ་ནོ་པ་ཏིཥ་ཋ་དྲྀ་ཌྷོ་མེ་བྷ་ཝ་སུ་ཏོ་ཥྱོ་མེ་བྷ་ཝ་སུ་པོ་ཥྱོ་མེ་བྷ་ཝ་ཨ་ནུ་རཀ་ཏོ་མེ་བྷ་ཝ་སར་བ་སིད་དྷི་མྨེ་པྲ་ཡཙ་ཚ་སར་བ་ཀར་མ་སུ་ཙ་མེ་ཙིཏ་ཏཾ་ཤྲཱི་ཡཿཀུ་རུ་ཧཱུཾ་ཧ་ཧ་ཧ་ཧ་ཧོ་བྷ་ག་ཝཱན་སར་བ་ཏ་ཐཱ་ག་ཏ་བ་ཛྲ་མཱ་མེ་མུཉ་ཙ་བ་ཛྲཱི་བྷ་བ་མ་ཧཱ་ས་མ་ཡ་ས་ཏྭ་ཨཱཿ ཨ་བྷི་ཥིཉྩ་མུཾཿ ཞེས་དབང་བསྐུར་བས་ཕུང་ཁམས་སྐྱེ་མཆེད་དམ་པ་རིགས་བརྒྱའི་ངོ་བོར་དག་པར་གྱུར། {{TibChung|དེ་ནས་འཁོར་བ་དང་འབྲེལ་བཅད་པ་ནི།}} ཀྱཻ་ཚེ་ལས་འདས་པ་གསོན་ཅིག །རྙེད་པར་དཀའ་བའི་དལ་བ་ཐོབ་ཀྱང་། འབྱུང་བཞི་འདུས་པའི་ཕུང་པོ་ཡིན་པས་འཇིགས་པ་ལས་མ་འདས་པས་འདུས་བྱས་ཀྱི་རང་མཚང་ད་རེས་ཁྱོད་ཀྱི་ཐོག་ཏུ་བབ་པར་གདའ། ཤུལ་དུ་ལུས་པ་དག་ཀྱང་དེ་ལས་མི་འདའ་བའི་ཚུལ་རིན་པོ་ཆེ་སྤུངས་པའི་རྒྱུད་ལས། འབྱུང་བ་རགས་པའི་གཟུགས་རྣམས་ལ། །བསྡད་པའི་ས་མེད་ཡ་རེ་ཆ། །སྐྱེས་བུ་བརྟན་པའི་ཚེ་སྲོག་ལ། །དུས་བཏབ་མེད་པ་ཡ་རེ་ཆ། །ཞེས་པ་ལ་སོགས་པས་ཤེས་པའི་ཕྱིར་ཉིད་གཅིག་པུ་ཡིད་ཁོང་དུ་ཆུད་པའི་གནས་ཅང་མེད། ད་ནི་གནས་དང་ལོངས་སྤྱོད་གཉེན་བཤེས་ལ་སོགས་པ་གང་གི་ཡུལ་ལ་ཆགས་ཀྱང་དེ་ཉིད་ཁྱེད་ཀྱི་རྗེས་སུ་མི་འབྲང་བའི་ཚུལ་རྒྱལ་པོ་ལ་གདམས་པའི་མདོ་ལས། དུས་ཀྱི་ཉེན་ཏེ་རྒྱལ་པོ་འགྲོ་འགྱུར་ན། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲང་། །སྐྱེས་བུ་དག་ནི་གང་ནས་གང་འགྲོ་ཡང་། །ལས་ནི་ལུས་དང་གྲིབ་མ་བཞིན་དུ་འབྲང་། །ཞེས་གསུངས་པ་དེ་རང་ཐོག་ཏུ་བྱུང་ནས། ལས་འབའ་ཞིག་ལ་རེ་བ་གདུང་བའི་སྐབས་འདིར་དེ་དག་ལ་ཞེན་ཆགས་ཀྱི་གདུང་བ་བསྐྱེད་ཀྱང་ཁྱེད་ལ་མི་ཕན་གྱི་སྟེང་དུ་ལམ་བསྟན་པའི་གེགས་སུ་ཆེ་བས་མདང་གི་རྨི་ལམ་ན་ལོངས་སྤྱོད་དང་གཉེན་བཤེས་ཡོད་པ། སད་ནས་ཅི་ཡང་མེད་པར་སོང་བ་བཞིན་དུ་འཁོར་བ་བདེན་གྲུབ་མ་ཡིན་པའི་མཚང་ཤེས་པར་བྱས་ནས་འཁྲི་བ་བཙན་ཐབས་སུ་ཆོད་ཅིག །བར་དོའི་རྣམ་པར་ཤེས་པ་ནི་མིང་བཞི་འདུས་པའི་ཕུང་པོ་ཙམ་ལས་རགས་པའི་རྟེན་གྱི་འཆིང་བ་མེད་པས་ཆུ་ནང་གི་ཀོ་བ་བཞིན་རྐྱེན་ཕྲན་བུས་བསྒྱུར་བར་སླ་ན་བདག་ཅག་གིས་གསང་སྔགས་བླ་ན་མེད་པའི་ཆོ་ག་ཟབ་མོས་རྗེས་སུ་བཟུང་བ་ཡིན་པས་བླ་མ་དང་དཀོན་མཆོག་གསུམ་ལ་མོས་གུས་མཆོག་ཏུ་བསྐྱེད་ལ་ཇི་ལྟར་བསྟན་པའི་ལམ་ལ་ཐེ་ཚོམ་མེད་པར་བཞུད་ཅིག །{{TibChung|ཅེས་བཤད་ནས། ལམ་སྦྱོང་བ་ནི། མན་ངག་རྫོགས་པ་ཆེན་པོའི་སྒོམ་ཐོབ་པ་ཡིན་ན། བསྟན་བུ་ཚར་གཅིག་བཀླག །ཐུན་མོང་བ་ལ་སྐྱབས་གསོལ་ར་མདའ་སྦྲན་པའི་ཚུལ་དུ་སྤྱོད་འཇུག་ལས།}} གཤིན་རྗེའི་ཕོ་ཉ་འཇིགས་འཇིགས་ལྟའི། །ཤ་ཚུགས་ཅན་གྱིས་བཟུང་གྱུར་ཅིང་། །འཇིགས་ཆེན་བརྒྱད་ཀྱིས་ཐིབས་གྱུར་པ། །རབ་ཏུ་ཉམ་ཐག་སྨོས་ཅི་དགོས། །སུ་ཞིག་འཇིགས་ཆེན་འདི་ལས་བདག །ལེགས་པར་སྐྱོབ་པར་བྱེད་འགྱུར་ཞེས། །བྲེད་ཤ་ཐོན་པའི་མིག་བགྲད་ནས། །ཕྱོགས་བཞིར་སྐྱབས་དག་འཚོལ་བར་བྱེད། །དེ་བས་རྒྱལ་བ་འགྲོ་བའི་མགོན། །འགྲོ་བ་སྐྱོབ་པའི་དོན་བརྩོན་པ། །སྟོབས་ཆེན་འཇིགས་པ་ཀུན་སེལ་ལ། །དེ་རིང་ཉིད་ནས་སྐྱབས་སུ་མཆི། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་བ་དང་། །བྱང་ཆུབ་སེམས་དཔའི་ཚོགས་ལ་ཡང་། །དེ་བཞིན་ཡང་དག་སྐྱབས་སུ་མཆི། །ཚེ་འདས་འཇིགས་པས་རྣམ་སྐྲག་པས། །ཀུན་ཏུ་བཟང་ལ་འདི་ཉིད་འབུལ། །འཇམ་དཔལ་དབྱངས་ལའང་འབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་པའི། །སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །ཚེ་འདས་འདི་ལ་སྐྱོབ་ཏུ་གསོལ། །འཕགས་པ་ནམ་མཁའི་སྙིང་པོ་དང་། །ས་ཡི་སྙིང་པོ་དག་དང་ནི། །ཐུགས་རྗེ་ཆེ་མགོན་ཐམས་ཅད་ལ། །སྐྱབས་འཚོལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཞིར་འབྱེར་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱོད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། །ཁྱོད་ལ་སྐྱབས་སུ་མཆི་ལགས་ཀྱི། །འཇིགས་པ་མྱུར་དུ་བསལ་དུ་གསོལ། །ཞེས་བརྗོད་པས་ཚེ་ལས་འདས་པའང་གདུང་བ་དྲག་པོའི་རྐྱེན་གྱིས་རྒྱུད་དག་ནས་ལམ་ལྔའི་ཡོན་ཏན་ཁྱད་པར་ཅན་ཐོབ་པར་བསམས་ལ། དཀོན་མཆོག་རིན་ཆེན་དཔལ་ཞེང་དུ། །དཀོན་མཆོག་རིན་ཆེན་འོད་ཟེར་གྱིས། །རིན་ཆེན་ཕྲེང་བ་རྣམ་དག་པ། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བླ་ན་མེད་པ་ཁྱད་པར་ལམ། །བྱང་ཆུབ་བར་ཆད་མེད་པའི་ལམ། །ལམ་ལྔ་དག་ལ་བརྟེན་ནས་ནི། །འཕགས་པའི་ལམ་དེར་བགྲོད་པར་ཤོག །{{TibChung|ཅེས་དང་། ལམ་བསྟན་པ་ནི། བྱང་བུའི་མདུན་དུ་འོད་གསལ་གྱི་སྣང་བ་མཚོན་པའི་མར་མེ་གཅིག་བཏེགས་ནས་རྫོགས་པ་རང་བྱུང་ལས།}} ཧོ། རིག་པ་དབང་གི་རྒྱལ་པོ་པདྨ་དབང་གི་སྐུ་ལ་ཕྱག་འཚལ་ལོ། །ཚེ་ལས་འདས་པ་འདི་ལ་གཤེད་བྱེད་པ་དང་། སྒྲིབ་པ་ཐམས་ཅད་བྱང་བར་མཛད་དུ་གསོལ། ཧོ། ཚེ་ལས་འདས་པ་ཆེ་གེ་མོ་ཁྱོད་ཉོན་ཅིག །ཤར་ཕྱོགས་ཀྱི་འཇིག་རྟེན་གྱི་ཁམས་ན། མངོན་པར་དགའ་བའི་ཞིང་ཁམས་ན། སྟོན་པ་རྡོ་རྗེ་སེམས་དཔའ་ཞེས་བྱ་བས་སྐུས་འདུལ་བའི་ཆོས་སྟོན་ཏོ། །རིགས་ཀྱི་བུ་ཁྱོད་དེར་སྐུས་འདུལ་བའི་ཆོས་ཉོན་ལ་ཕྱི་ནང་གི་སྒྲོ་འདོགས་ཆོད་ལ་བདེ་བ་ཅན་གྱི་ཞིང་ཁམས་སུ་བཞུད་ཅིག །ལྷོ་ཕྱོགས་ན་དཔལ་དང་ལྡན་པའི་ཞིང་ཁམས་ཡོད་དེ། དེ་ན་སྤྲུལ་པའི་སྐུ་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་ལྡན་ཞེས་བྱ་བས་ཡོན་ཏན་གྱི་སྒོ་ནས་འདུལ་བའི་ཆོས་སྟོན་པ་ཞིག་ཡོད་ཀྱིས། དེར་རིགས་ཀྱི་བུ་ཁྱོད་མ་འཇིགས་པར་ཡོན་ཏན་གྱིས་འདུལ་བའི་ཆོས་སྟོན་པ་དེ་ཉོན་ལ་ཕྱི་ནང་གི་སྒྲོ་འདོགས་ཆོད་ལ་ཆོས་ཉིད་ཀ་དག་གི་ཞིང་ཁམས་སུ་བཞུད་ཅིག །ནུབ་ཕྱོགས་ན་པདྨ་བརྩེགས་པ་ཞེས་བྱ་བའི་ཞིང་ཁམས་ཡོད་དེ། དེ་ན་སྤྲུལ་པའི་སྐུ་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་སྣང་བ་མཐའ་ཡས་ཞེས་བྱ་བ་ཡོད་ཀྱིས། དེ་ན་གསུང་གིས་འདུལ་བའི་ཆོས་སྟོན་ཏོ། །དེར་རིགས་ཀྱི་བུ་ཁྱོད་མ་འཇིགས་པར་གསུང་གིས་འདུལ་བའི་ཆོས་ཉོན་ལ་ཕྱི་ནང་གི་སྒྲོ་འདོགས་ཆོད་ལ་དེར་མ་གནས་པར་ཆོས་ཉིད་ཀ་དག་གི་ཞིང་ཁམས་སུ་བཞུད་ཅིག །བྱང་ཕྱོགས་ན་ལས་རབ་ཡོངས་སུ་རྫོགས་པའི་ཞིང་ཁམས་ཡོད་དེ། དེ་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་སྤྲུལ་པའི་སྐུ་དོན་ཡོད་གྲུབ་པ་ཞེས་བྱ་བ་ཡོད་ཀྱིས། དེར་ཕྲིན་ལས་ཀྱིས་འདུལ་བའི་ཆོས་སྟོན་ཏོ། །དེ་ལ་རིགས་ཀྱི་བུ་ཁྱོད་མ་འཇིགས་པར་ཕྲིན་ལས་ཀྱིས་འདུལ་བའི་ཆོས་ཉོན་ལ་ཕྱི་ནང་གི་སྒྲོ་འདོགས་ཆོད་ལ་ཆོས་ཉིད་ཀ་དག་གི་སར་བཞུད་ཅིག །དབུས་ན་དུར་ཁྲོད་ཆེན་པོ་མེ་རི་འབར་བ་ཞེས་བྱ་བ་ཡོད་ཀྱིས། དེ་ཡང་ཤིན་ཏུ་ཡ་ང་བ། འཇིགས་ཤིང་སྐྱི་བུང་བ། སྐྲག་ཅིང་སྔངས་པ་ཞིག་ཡོད་དེ། དེ་ན་བཅོམ་ལྡན་འདས་པདྨ་དབང་གི་རྒྱལ་པོ་ཅེས་བྱ་བ་ཡོད་ཀྱིས། རིགས་ཀྱི་བུ་ཁྱོད་དེ་ལ་མ་འཇིགས་པར་བཅོམ་ལྡན་འདས་དེ་ལ་རིག་པ་རང་གནས་ཀྱི་དབང་ཞེས་བྱ་བ་ཡོད་ཀྱིས། དབང་དེ་ནོས་ལ་ཆོས་ཉིད་རང་སྣང་གི་ནམ་མཁའ་ལ་མ་འཇིགས་མ་སྔངས་མ་སྐྲག་པར་སོང་ཞིག །{{TibChung|ཅེས་ལམ་བསྟན་ནས་ཞག་གྲངས་མང་པོའི་ཚེ་ནུབ་ཐ་མ་དང་། ཉིན་ཆོག་ལ་དེ་མ་ཐག་པར་བྱང་བུའི་རྣམ་ཤེས་ཧཱུཾ་གི་རྣམ་པས་ཞིང་ཁམས་དེ་དག་ཏུ་འཕངས་པར་བྱའོ། །རྒྱུད་ལས་ཞིང་བཅུ་དུར་ཁྲོད་མེ་རི་འབར་བ་དང་བཅུ་གཅིག་ཏུ་གསུངས་ཀྱང་། འདིར་རྣམ་གྲོལ་དབུགས་ཆེན་འབྱིན་པ་ལྔར་བསྡུས་ལ། ཞིང་ཁམས་འདི་རྣམས་སུ་བདག་སྟོབས་གཞན་སྟོབས་གང་གས་དབུགས་ཕྱུང་བ་ཡིན་ཡང་རིགས་དང་ལས་འབྲེལ་ཡོད་པའི་ཞིང་གང་དུ་སྐྱེས་པ་དེར་རྒྱུད་སྨིན་ནས་དབུས་ཀྱི་ཁྲོ་བོའི་ཞལ་མཐོང་བའི་མོད་ལ་དེའི་བྱིན་རླབས་ཀྱིས་ཤེས་སྒྲིབ་སྤངས་ནས་གདོད་མའི་ས་ལ་བྱང་ཆུབ་པར་བཤད་འགྲེལ་ཆེན་མོའི་དགོངས་པ་ཡིན་ལ། ཁ་ཅིག་ཞིང་ལྔ་ཀ་རིམ་པར་ཉུལ་བར་འདོད་པ་ལ་སྐྱེ་བ་གཅིག་གིས་ཐོགས་པའི་ལུང་གིས་གནོད་པ་འཇུག་གོ། །འདི་ལྟ་བུའི་ལམ་བསྟན་རྫོགས་པ་ཆེན་པོའི་གདུལ་བྱ་ལ་ཁྱད་པར་དུ་གསུངས་པ་ཡིན་ཡང་། ལམ་འདིའི་མན་ངག་གིས་རྗེས་སུ་བཟུང་བའི་རྟེན་འབྲེལ་འགྲིགས་པའི་གནས་སྐབས་འདི་ཙམ་ནས་ཀྱང་རྫོགས་པ་ཆེན་པོའི་གདུལ་བྱ་ཡིན་པའི་ཤེས་བྱེད་འགྲུབ་པའི་ཕྱིར་ཐུན་མོང་གི་བདུན་ཚིགས་ལས་ཆེས་འཕགས་པས་སེམས་ཅན་དེ་དག་ལ་ཕན་པའི་བསམ་པ་དང་། རང་གཞུང་ལ་མན་ངག་འདི་ལྟ་བུ་ཡོད་བཞིན་དུ་འགྱུར་གསར་གྱིས་ཡང་ལྷན་ཀོ་ལྷན་ཕན་ཚུན་སྡེབས་པ་ཆོས་ཀྱི་ཚི་ཆད་པར་ཤེས་ནས་ལག་ལེན་ལ་བཏབ་པའོ། །དེ་ནས་བྱང་བུ་བསྲེག་པ་ནི། སྡོང་བུ་སྤར་ནས།}} ཨཱཿ ཀུན་གཞི་རང་བྱུང་ཀོང་བུ་རུ། །{{TibChung|ཞེས་སོགས་མར་མེའི་སྐོང་གིས་སྙིགས་མའི་རང་བཞིན་ཚོགས་སུ་སྦྱོར་བ་ལ་ཤེས་རབ་ཡོད་ན་དག་བྱ་དག་འབྲས་ཀྱི་ཕན་ཡོན་བསམ་གྱིས་མི་ཁྱབ་པ་ཡོད་དོ། །རྗེས་འབྲེལ་མར་མེའི་སྨོན་ལམ་དང་ཆོ་ག་དཀྱུས་བཞིན་བྱ་བ་ཉིད་དོ། །དེ་ཡང་ཉི་ཟླ་ཁ་སྦྱོར་ལས། གལ་ཏེ་ཕུང་པོ་མེད་པ་ན། །དེ་ཉིད་ཤི་ནས་ཞག་གྲངས་ནི། །ཉི་ཤུ་རྩ་གཅིག་བར་དུ་ཡང་། །བདུན་པའི་ཚེ་ན་ཆོ་གར་འབད། །དམིགས་པའི་ཏིང་འཛིན་ལྡན་པ་གཅེས། །ཡང་ན་བདུན་ཕྲག་བདུན་དུ་བྱ། །དེ་ཚེ་དེ་ལ་ལམ་ཡང་བསྟན། །ཆོས་ནི་སྣ་ཚོགས་བཤད་པར་བྱ། །དེ་ལྟར་ཆོ་ག་སུ་ལྡན་པ། །དེ་ཉིད་ལ་ཡང་ཐེ་ཚོམ་མེད། །ངེས་པར་འབྲས་བུ་ཐོབ་པའོ། །ཞེས་རང་རང་གི་འབྱོར་པ་དང་བསྟུན་ནས་བགྱིས་པས་ཆོ་ག་ཟབ་མོའི་བྱིན་རླབས་ཀྱིས། རེ་ཞིག་གནས་ངན་པར་སྐྱེས་ཟིན་ཀྱང་། དེའི་ཚེ་ཚད་རྨི་ལམ་ལྟ་བུར་ཟད་ནས་བདེ་འགྲོ་ཁྱད་པར་ཅན་ཐོབ་པ་ཡིན་ཏེ། དེ་ཉིད་ལས། དེ་ལྟར་རྗེས་སུ་བཟུང་བ་ཡིས། །རིམ་པས་གནས་རྣམས་འཕོས་བྱས་ནས། །རིམ་པས་ཚེ་ཚད་ཉུང་གྱུར་ནས། །མི་ཡི་གནས་ཀྱི་བདེ་བ་ཐོབ། །ཅེས་གསུངས་པས་མཆོག་ཏུ་ཟབ་པའོ། །ལྕགས་ཟམ་བྱང་ཆེན་ཐར་པའི་ལམ། །གང་ན་ཐུགས་བསྐྱེད་ཤིང་རྟའི་འཕྲུལ། །རང་བྱུང་རྡོ་རྗེའི་སྐྱེད་མོས་ཚལ། །འབྱེད་ལ་ཡང་དག་རིངས་པ་བཞིན། །ཚུལ་འདི་བཟོད་མེད་སྙིང་རྗེའི་ཡུལ། །རྣམ་ཤེས་བར་དོའི་གཞན་དབང་ཅན། །འཐོར་རླུང་དབུས་ཀྱི་རྡུལ་ཕྲན་ལྟའི། །དཔུང་དང་གཉེན་དུ་འགྱུར་བར་ཤོག། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-032&diff=64169 2026-09-28T15:32:44Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བ་དང་འབྲེལ་བའི་སྒོ་ནས་ཚེ་འདས་ལ་ཕན་གདགས་པའི་ཆོ་ག་གཞན་ཕན་ཐུགས་རྗེའི་དྲྭ་བ།<br /> |fulltitle=zhi khro ngan song sbyong ba dang 'brel ba'i sgo nas tshe 'das la phan gdags pa'i cho ga gzhan phan thugs rje'i drwa ba<br /> |citation='jigs med gling pa. ''Zhi khro ngan song sbyong ba dang 'brel ba'i sgo nas tshe 'das la phan gdags pa'i cho ga gzhan phan thugs rje'i drwa ba''. In ''Kun mkhyen rig 'dzin 'jigs med gling pa'i gsung 'bum'', Vol. 11: 501-518. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Funerary Rituals - gnas lung - byang chog<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=032<br /> |pagenumbers=501-518<br /> |totalpages=18<br /> |beginfolioline=1a1<br /> |endfolioline=9b2<br /> |totalfolios=9<br /> |multivolumework=No<br /> |rectonotes=ngan song sbyong ba<br /> |versonotes=tshe 'das cho ga thugs rje'i drwa ba<br /> |pdflink=File:JLKO-KABUM-11-DA-032.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །ཞི་ཁྲོ་ངན་སོང་སྦྱོང་བ་དང་འབྲེལ་བའི་སྒོ་ནས་ཚེ་འདས་ལ་ཕན་གདགས་པའི་ཆོ་ག་གཞན་ཕན་ཐུགས་རྗེའི་དྲྭ་བ་ཞེས་བྱ་བ་བཞུགས། །<br /> <br /> ༄། །{{TibChung|བཅོམ་ལྡན་འདས་དཔལ་ཀུན་ཏུ་བཟང་པོ་གཏིང་གསལ་འོད་ཀྱི་ཕུང་པོ་ལ་ཕྱག་འཚལ་ལོ། །རྒྱུད་ཆེན་ཟབ་མོ་ཉི་ཟླ་ཁ་སྦྱོར་གྱི་མན་ངག་ཚེ་འདས་ལ་ཕན་གདགས་པའི་ཆོ་ག་གཞན་ཕན་ཐུགས་རྗེའི་དྲ་བ་ཞེས་བྱ་བ། སྙིང་རྗེ་ཆེན་པོའི་རྩི་དང་ལྡན་ཞིང་རྟོགས་པ་མཆོག་དང་ལྡན་པའི་རྡོ་རྗེ་སློབ་དཔོན་གྱིས། ཕུང་པོ་དངོས་སུ་ཡོད་ན་དེས་ཆོག་ལ། མེད་ན་གཟུགས་བརྙན་ནམ་མིང་བྱང་བྱ། འདིར་ལག་ལེན་ལ་ཀོང་བུའི་ནང་དུ་མར་ལ་བྱང་བུ་བཟོས་པའི་སྙིང་གར་མིང་ཡིག་སོགས་མཐོང་བརྒྱུད་བཞིན་དང་། གདུགས་དང་བ་དན་ལ་སོགས་ཤོག་བུར་བཟོ་བ་ཡིན། དྲི་རྟེན་ལ་སོགས་པར་ཡང་སྦྱོང་དུ་རུང་ངོ་། །དེ་ལ་ཞི་ཁྲོ་ངན་སོང་སྦྱོང་བའི་སྐོང་དང་འབྲེལ་བ་ཕན་ཡོན་ཆེ་བས་སྐོང་གི་དཀྱིལ་འཁོར་དང་མཆོད་པའི་ཡོ་བྱད་འབྱོར་ཚོགས་དང་བསྟུན་ནས་བཤམ། ཉེ་ལོགས་སམ་ཅི་བདེ་བར་མཎྜལ་ཁྲུ་གང་སྐྱང་ནུལ་དོགས་འཇམ་པར་གུར་གུམ་ལ་སོགས་དྲི་བཟང་པོས་ཆག་ཆག་བཏབ། དེའི་ཁར་བུམ་གདན་པདྨ་འདབ་བརྒྱད་མཛེས་ཚོན་དུ་བྲིས་པའི་སྟེང་དུ་རིན་པོ་ཆེའི་བུམ་པ་བཅུད་ལྡན་ཁ་རྒྱན་མགུལ་ཆིངས་གཟུངས་རྡོར་དང་བཅས་པའི་ཕྱི་རོལ་མཚལ་ལམ་ལྡོང་རོས་ཀྱིས་ཨ་བཞི་བྲིས་པ་བཞག་ཅིང་། མཐར་མཆོད་པས་བསྐོར། ཞི་ཁྲོའི་ལས་གཞུང་བཟླས་པ་དང་བཅས་པ་རྫོགས་རྗེས་ཁྱད་པར་གྱི་བུམ་པ་སྒྲུབ་པ་ནི།}} ཨོཾ་མ་ཧཱ་ཤུ་ནྱ་ཏཱ་{{TibChung|སོགས་དང་།}} བུམ་པ་འོད་ལྔའི་གཞལ་ཡས་ཁང་ཚད་དང་མཚན་ཉིད་མ་ལུས་པ་རྫོགས་པའི་དབུས་སུ་བཅོམ་ལྡན་འདས་སྟོན་པ་ཀུན་ཏུ་བཟང་པོ་སྐུ་མདོག་མཐིང་ག་མཉམ་གཞག་ཅན་ཡུམ་དང་འཁྲིལ་བའི་ཕྱོགས་བཞིའི། ཤར་དུ་རྡོ་རྗེ་སེམས་དཔའ། ལྷོར་རིན་ཆེན་འབྱུང་ལྡན། ནུབ་ཏུ་སྣང་བ་མཐའ་ཡས། བྱང་དུ་དོན་ཡོད་གྲུབ་པ། དཀར་སེར་དམར་དང་ལྗང་གུའི་མདོག་ཅན། གཙོ་བོའི་མདུན་དུ་རྣམ་པར་སྣང་མཛད་སྐུ་མདོག་དཀར་པོ། ཀུན་ཀྱང་རང་འོད་ཀྱི་ཡུམ་དང་འཁྲིལ་ནས་འོད་ཟེར་ཀུན་ཏུ་འཕྲོ་བར་བཞུགས་པའི་སྟེང་གི་ཆ་ལ། བླ་མ་བརྒྱུད་པའི་ལྷ་ཚོགས་དམིགས་ཡུལ་ཚེ་ལས་འདས་པའི་ལམ་སྟོན་ཆེན་པོར་བཞུགས་པར་གྱུར། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་སོགས། བཛྲ་ས་མ་ཡ་ཛཿ {{TibChung|ཞེས་སྤྱན་དྲངས།}} བཅོམ་ལྡན་འཁོར་བཅས་བྱོན་པ་ལེགས། །{{TibChung|སོགས་ཀྱིས་བཞུགས་སུ་གསོལ།}} དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །{{TibChung|སོགས་ནས་}}བཛྲ་ཨརྒྷཾ་{{TibChung|སོགས་ཀྱི་སྔགས་དང་བཅས་པས་མཆོད།}} ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །{{TibChung|གཟུགས་སྐུ་འཇའ་ཚོན་སོགས་ཤློ་ཀས་བསྟོད། གཟུངས་ཐག་ལ་འཇུས་ནས།}} ཨོཾ་ཨཱཿཧཱུཾ་སྭཱ་ཧཱ་{{TibChung|དང་། ཨ་འབུམ་ཕྲག་གཅིག་གིས་བསྙེན་པ་བྱ། བར་མཚམས་ཅི་རིགས་པར།}} ཨོཾ་ཨཿབྷྱ་དྱ་ཏཾ་ཀཾ །{{TibChung|ཆེ་གེ་མོའི་}}སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། {{TibChung|ཞེས་པའི་ཤམ་བུ་གདགས། འདིར་སློབ་དཔོན་གྱི་ངག་མ་དག་ན་སྦྱང་བྱ་ལ་ཕན་ཐོགས་པར་དཀའ་བས་བཟླས་པ་ཚད་དུ་འཁྱོལ་བ་དང་། ཏིང་ངེ་འཛིན་བརྟན་པ་ཁོ་ན་ཁག་ཆེ་བ་ནི་སྣང་ཤེས་ཀྱི་སྤྲོས་པ་ལས་འདས་པའི་བདུན་ཚིགས་ཆེས་ཟབ་པའི་སྤྱོད་ལུགས་ཡིན། བཟླས་དམིགས་ནི།}} རང་ཞི་ཁྲོའི་དཀྱིལ་འཁོར་དུ་གསལ་བའི་ཐུགས་ཀའི་འོད་ཟེར་གཟུངས་ཐག་ལ་འཁྲིལ་ཏེ་སོང་བས་བླ་མ་དང་ལྷ་སོ་སོའི་སྐུའི་ཆ་ཤས་ནས་བདུད་རྩིའི་རྒྱུན་བབས་པས་བུམ་པ་ཁེངས་པར་བསམས་ལ་{{TibChung|མཐར་མཆོད་བསྟོད་ཇི་ལྟར་རིགས་པ་དང་། ཡི་གེ་བརྒྱ་པས་ལྷག་ཆད་བསྐང་། ཨ་ཨ་ཞེས་བརྗོད་པས་}}ཡེ་ཤེས་པ་གཤེགས་དམ་ཚིག་པ་ཆུར་ཞུ་བར་མོས། {{TibChung|བར་འདིར་བསགས་སྦྱངས་ཕྱིར་དུ་ཞི་ཁྲོའི་ཕྱག་འཚལ་ནས་རིམ་པར་སྐོང་གི་བྱ་བ་རྣམས་ཚོགས་ལྷག་ལ་ཐུག་གི་བར་དཀྱུས་བཞིན་དུ་བྱའོ། །དེ་ནས་ཁྱད་པར་གྱི་སྤྱོད་པ་ནི། ཉི་ཟླ་ཁ་སྦྱོར་ལས། དེ་ཉིད་ཤི་བར་གྱུར་བའི་ཚེ། །ཟག་པ་བཅས་པའི་ཕུང་པོ་ལ། །བུམ་པ་སྤྱི་བོར་བཞག་ནས་ནི། །ཡི་གེ་ཡི་ནི་འབྲུ་ཉིད་དང་། །ཡེ་ཤེས་ཆུ་རྒྱུན་གྱིས་སྦྱངས་ན། །དམྱལ་བའི་གནས་རྣམས་སྟོངས་ནས་ནི། །དེ་ཡི་རྟག་ཏུ་དེ་བཞིན་ནོ། །ཞེས་ཕུང་པོ་དངོས་ལ་སྦྱང་བའི་དབང་དུ་བཏང་ནས། དེའི་སྤྱི་བོར་ཨ། མགྲིན་པར་བྷྱཿ གསང་བར་དྱ། མཆན་ཁུང་དུ་ཀཾ །སྤྱི་བོར་ཏཾ་སྟེ་རིམ་པར། དམྱལ་བ། ཡི་དྭགས། བྱོལ་སོང་། ལྷ་མིན། ལྷའི་གནས་རྣམས་སྦྱང་བའི་ཕྱིར་ཡི་གེའི་མཚན་མ་དེ་དང་དེ་གནས་པས། དེ་རྣམས་སུ་སྦྱོང་བྱེད་ཀྱི་ངོ་བོར་གསལ་ནས་ལོ་གྲངས་བཟླ་བ་དང་ལྷན་ཅིག་བུམ་ཆུས་བཀྲུ་བ་ཡིན་ལ། ཚུལ་འདི་ལྟ་བུའི་སྦྱོང་བ་ནི་གནད་ཤིན་ཏུ་ཟབ་པ་ཡིན་པས་ཕུང་པོ་བསྲེག་པ་དང་གཏོང་བ་ལ་སོགས་པའི་ལས་ལ་སྦྱོར་ཁར་ལག་ལེན་ལ་ཐེབས་པར་བྱའོ། །འདིར་སྤྲོས་པ་ལ་དགའ་བ་དག་གིས་རྫོགས་པ་རང་བྱུང་ནས་གསུང་པའི་རིགས་དྲུག་གནས་འདྲེན་བྱ་བ་ཕྱོགས་གཞན་དུ་ཤེས་ལ། སྤྲོས་པ་ཆུང་ཞིང་རྟོགས་པ་མཆོག་དང་ལྡན་པ་དག་ལ་བྱ་བ་ཉུང་ཞིང་ཏིང་ངེ་འཛིན་ལ་མི་གཡེང་བ་འདི་ཁོ་ན་སྐབས་སུ་བབ་པ་ཡིན་པས། རྟེན་ལ་རྣམ་ཤེས་འགུགས་པ་ནི།}} སྟོང་པའི་ངང་ལས་པདྨ་དང་ཟླ་བའི་སྟེང་དུ་ནྲྀ་ཡོངས་སུ་གྱུར་པ་ལས་ཚེ་ལས་འདས་པ་ཆེ་གེ་མོའི་ཕུང་པོ་དང་སྐྱེ་མཆེད་གསོན་གྱི་གནས་སྐབས་ཇི་ལྟ་བར་གྱུར། {{TibChung|ལྕགས་ཀྱུའི་ཕྱག་རྒྱས།}} ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། གསང་སྔགས་དང་རིག་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི་བདེན་པ་དང་། གཟུངས་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི་བདེན་པ་དང་། ཆོས་ཉིད་རང་བཞིན་གྱི་རྣམ་པར་དག་པའི་བདེན་པ་དང་། ཀུན་རྫོབ་རྟེན་ཅིང་འབྲེལ་བར་འབྱུང་བ་ཟབ་མོའི་བདེན་པ་དང་། བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པའི་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས་འཇིག་རྟེན་འདི་ནས་ཕ་རོལ་ཚེ་ལས་འདས་པ་ཆེ་གེ་མོ་ཞེས་བྱ་བའི་རྣམ་པར་ཤེས་པ་ལས་ཀྱི་དབང་གིས་ཁམས་གསུམ་འགྲོ་བ་རིགས་དྲུག །སྐྱེ་གནས་རྣམ་པ་བཞི། སྲིད་པ་བར་མ་དོ་འཁོར་བ་མྱ་ངན་གྱི་ཁུང་བུའི་ཆར་གཏོགས་པ་གང་ན་གནས་ཀྱང་སྐད་ཅིག་ཙམ་གྱིས་རྟེན་འདི་ལ་མཆིས་པར་གྱུར་ཅིག །ཨོཾ་བཛྲ་ཊཀྐི་རཱ་ཛཿཧཱུཾ་{{TibChung|ཞེས་ལན་གསུམ་ལ་སོགས་ཁུག་པའི་གསལ་སྣང་མཐོང་གི་བར་བརྗོད། རྣམ་པར་ཤེས་པ་རྟེན་གྱི་བར་སྣང་ལ་འོད་ཀྱི་རང་བཞིན་དུ་བྱུང་བ།}} ཨོཾ་ཤྭ་དྷ་ནེ་སརྦ་པཱ་པཾ་ཨ་པ་ན་ཡ་ཧཱུཾ། {{TibChung|ཞེས་ལན་གསུམ་གྱིས་སྡིག་པ་སྦྱངས་ནས།}} ཛཿཧཱུཾ་བཾ་ཧོཿ {{TibChung|ཞེས་ཕྱག་རྒྱ་བཞིས་རྟེན་ལ་བཅིང་ངོ་། །གེགས་དང་ལན་ཆགས་སྦྱོང་བ་ནི། གཏོར་མ་གསུམ་རེ་རེ་ནས་རྟེན་ལ་བསྐོར་ཞིང་།}} ཨོཾ་སརྦ་བིག་ནན་ན་མཿ སརྦ་ཏ་ཐཱ་ག་ཏོ་བྷྱོ་བི་ཤྭ་མུ་ཁེ་བྷྱཿ སརྦ་ཏཏཾཁ་ཨུད་ག་ཏེ་སྥ་ར་ཎ་ཧི་མཾ་ག་ག་ན་གྷྲི་ཧ་ན་བ་ལིངྟ་ཡེ་སྭཱ་ཧཱཿ {{TibChung|ཏིང་ལོ་ཆང་བུར་བཅས་པ་གསུམ་རྟེན་ལ་རེ་རེ་ནས་བསྐོར་ཞིང་།}} ཨོཾ་སུམྦྷ་ནི་{{TibChung|སོགས་ཧཱུཾ་བཞིའི་མཐར།}} ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་གེགས་རྣམས་གཏོར་མས་བརྔན་དང་། ཏིང་ལོས་སྣང་བ། ཆང་བུས་ལམ་རྒྱགས་གྱིས་ལ་རྒྱ་མཚོ་ཆེན་པོའི་ཕ་མཐར་དེངས་ཤིག །{{TibChung|ཅེས་གུ་གུལ་གྱིས་བདུག །རྡོ་རྗེས་བསྡིགས་ཤིང་དྲིལ་བུ་གསིལ། དེ་ནས་ཁྱད་པར་གྱི་བུམ་པ་སྤྱི་བོར་བཟུང་ནས།}} ཚེ་ལས་འདས་པའི་སྤྱི་བོར་རང་བྱུང་གསང་བ་ཆེན་པོའི་ཡི་གེ་ཨ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་དམྱལ་བར་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་བཟོད་པའི་རང་བཞིན་ཆུ། །ཞེ་སྡང་དྲི་མ་སྦྱོང་མཛད་ཅིང་། །རླབས་ཆེན་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུྃཿསྭཱ་ཧཱ། ཨ་ཞེས་སྙན་པའི་དབྱངས་ཀྱིས་དེའི་ལོ་གྲངས་བརྗོད་པའི་བཅུ་ཚན་རེའི་མཚམས་སུ། ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཀྲུ། བུམ་པ་མགྲིན་པར་བཟུང་ལ། ཚེ་ལས་འདས་པའི་མགྲིན་པར་རང་བྱུང་གསང་བ་ཆེན་པོའི་ཡེ་གེ་བྷྱ་གསལ་བར་བསྒོམས་པའི་འོད་ཟེར་དང་བུམ་པས་དབང་བསྐུར་ཞིང་ཆུས་བཀྲུས་པས་ཡི་དྭགས་སུ་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱོང་མཛད་ཅིང་། །གཏོང་བ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱ། བྷྱ་ཞེས་སྔར་ལྟར་བརྗོད་ཅིང་། ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཀྲུ། བུམ་པ་གསང་གནས་སུ་བཟུང་ལ། ཚེ་ལས་འདས་པའི་གསང་གནས་སུ་རང་བྱུང་གསང་བ་ཆེན་པོའི་ཡི་གེ་དྱ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་བྱོལ་སོང་དུ་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་ཤེས་རབ་རང་བཞིན་ཆུ། །རྨོངས་པའི་དྲི་མ་སྦྱོང་མཛད་ཅིང་། །རྣམ་གསུམ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུྃཿསྭཱ་ཧཱ། དྱ་ཞེས་སྔར་ལྟར་བརྗོད་ཅིང་། ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཀྲུ། བུམ་པ་མཆན་ཁུང་གཡས་སུ་བཟུང་ལ། ཚེ་ལས་འདས་པའི་མཆན་ཁུང་གཡས་སུ་རང་བྱུང་གསང་བ་ཆེན་པོའི་ཡི་གེ་ཀཾ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་ལྷ་མིན་དུ་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་བསམ་གཏན་རང་བཞིན་ཆུ། །རྣམ་གཡེང་དྲི་མ་སྦྱོང་མཛད་ཅིང་། །མཉམ་ཉིད་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱ། ཀཾ་ཞེས་ཚར་ཉི་ཤུ་བརྗོད་ཅིང་། ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཀྲུ། བུམ་པ་སྤྱི་བོར་བཟུང་ལ། ཚེ་ལས་འདས་པའི་སྤྱི་གཙུག་ཏུ་རང་བྱུང་གསང་བ་ཆེན་པོའི་ཡི་གེ་ཏཾ་གསལ་བར་བསྒོམས་པའི་འོད་ཟེར་དང་། བུམ་པས་དབང་བསྐུར་ཞིང་ཆུས་བཀྲུས་པས་ལྷར་སྐྱེ་བའི་ལས་དང་བག་ཆགས་ཐམས་ཅད་བྱང་ཞིང་དག་པར་གྱུར་ཅིག །འདི་ནི་བརྩོན་འགྲུས་རང་བཞིན་ཆུ། །ལེ་ལོའི་དྲི་མ་སྦྱོང་མཛད་ཅིང་། །ནན་ཏན་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱ། ཏཾ་ཞེས་ལོ་གྲངས་བརྗོད་ཅིང་། ཆེ་གེ་མོའི་སྡིག་པ་དང་སྒྲིབ་པ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཀྲུ། བུམ་པ་སྙིང་གར་བཟུང་ལ། འདི་ནི་ཚུལ་ཁྲིམས་རང་བཞིན་ཆུ། །ཁྲིམས་འཆལ་དྲི་མ་སྦྱོང་མཛད་ཅིང་། །སྲུང་བ་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ཀྱིས་ཁྲུས་བགྱིའོ། །ཨོཾ་ཨཱཿཧཱུཾ་སྭཱ་ཧཱཿ ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། བུམ་པ་སྤྱི་བོར་བཀོད་པ། དབང་བསྐུར་རྡོ་རྗེ་ཆེན་པོ་སྟེ། །ཁམས་གསུམ་ཀུན་གྱིས་ཕྱག་བྱས་པས། །སངས་རྒྱས་རིགས་ལྔའི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཨོཾ་བཛྲ་ས་ཏྭ་ས་མ་ཡ་མ་ནུ་པཱ་ལ་ཡ་བ་ཛྲ་ས་ཏྭ་ཏེ་ནོ་པ་ཏིཥ་ཋ་དྲྀ་ཌྷོ་མེ་བྷ་ཝ་སུ་ཏོ་ཥྱོ་མེ་བྷ་ཝ་སུ་པོ་ཥྱོ་མེ་བྷ་ཝ་ཨ་ནུ་རཀ་ཏོ་མེ་བྷ་ཝ་སར་བ་སིད་དྷི་མྨེ་པྲ་ཡཙ་ཚ་སར་བ་ཀར་མ་སུ་ཙ་མེ་ཙིཏ་ཏཾ་ཤྲཱི་ཡཿཀུ་རུ་ཧཱུཾ་ཧ་ཧ་ཧ་ཧ་ཧོ་བྷ་ག་ཝཱན་སར་བ་ཏ་ཐཱ་ག་ཏ་བ་ཛྲ་མཱ་མེ་མུཉ་ཙ་བ་ཛྲཱི་བྷ་བ་མ་ཧཱ་ས་མ་ཡ་ས་ཏྭ་ཨཱཿ ཨ་བྷི་ཥིཉྩ་མུཾཿ ཞེས་དབང་བསྐུར་བས་ཕུང་ཁམས་སྐྱེ་མཆེད་དམ་པ་རིགས་བརྒྱའི་ངོ་བོར་དག་པར་གྱུར། དེ་ནས་འཁོར་བ་དང་འབྲེལ་བཅད་པ་ནི། ཀྱཻ་ཚེ་ལས་འདས་པ་གསོན་ཅིག །རྙེད་པར་དཀའ་བའི་དལ་བ་ཐོབ་ཀྱང་། འབྱུང་བཞི་འདུས་པའི་ཕུང་པོ་ཡིན་པས་འཇིགས་པ་ལས་མ་འདས་པས་འདུས་བྱས་ཀྱི་རང་མཚང་ད་རེས་ཁྱོད་ཀྱི་ཐོག་ཏུ་བབ་པར་གདའ། ཤུལ་དུ་ལུས་པ་དག་ཀྱང་དེ་ལས་མི་འདའ་བའི་ཚུལ་རིན་པོ་ཆེ་སྤུངས་པའི་རྒྱུད་ལས། འབྱུང་བ་རགས་པའི་གཟུགས་རྣམས་ལ། །བསྡད་པའི་ས་མེད་ཡ་རེ་ཆ། །སྐྱེས་བུ་བརྟན་པའི་ཚེ་སྲོག་ལ། །དུས་བཏབ་མེད་པ་ཡ་རེ་ཆ། །ཞེས་པ་ལ་སོགས་པས་ཤེས་པའི་ཕྱིར་ཉིད་གཅིག་པུ་ཡིད་ཁོང་དུ་ཆུད་པའི་གནས་ཅང་མེད། ད་ནི་གནས་དང་ལོངས་སྤྱོད་གཉེན་བཤེས་ལ་སོགས་པ་གང་གི་ཡུལ་ལ་ཆགས་ཀྱང་དེ་ཉིད་ཁྱེད་ཀྱི་རྗེས་སུ་མི་འབྲང་བའི་ཚུལ་རྒྱལ་པོ་ལ་གདམས་པའི་མདོ་ལས། དུས་ཀྱི་ཉེན་ཏེ་རྒྱལ་པོ་འགྲོ་འགྱུར་ན། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲང་། །སྐྱེས་བུ་དག་ནི་གང་ནས་གང་འགྲོ་ཡང་། །ལས་ནི་ལུས་དང་གྲིབ་མ་བཞིན་དུ་འབྲང་། །ཞེས་གསུངས་པ་དེ་རང་ཐོག་ཏུ་བྱུང་ནས། ལས་འབའ་ཞིག་ལ་རེ་བ་གདུང་བའི་སྐབས་འདིར་དེ་དག་ལ་ཞེན་ཆགས་ཀྱི་གདུང་བ་བསྐྱེད་ཀྱང་ཁྱེད་ལ་མི་ཕན་གྱི་སྟེང་དུ་ལམ་བསྟན་པའི་གེགས་སུ་ཆེ་བས་མདང་གི་རྨི་ལམ་ན་ལོངས་སྤྱོད་དང་གཉེན་བཤེས་ཡོད་པ། སད་ནས་ཅི་ཡང་མེད་པར་སོང་བ་བཞིན་དུ་འཁོར་བ་བདེན་གྲུབ་མ་ཡིན་པའི་མཚང་ཤེས་པར་བྱས་ནས་འཁྲི་བ་བཙན་ཐབས་སུ་ཆོད་ཅིག །བར་དོའི་རྣམ་པར་ཤེས་པ་ནི་མིང་བཞི་འདུས་པའི་ཕུང་པོ་ཙམ་ལས་རགས་པའི་རྟེན་གྱི་འཆིང་བ་མེད་པས་ཆུ་ནང་གི་ཀོ་བ་བཞིན་རྐྱེན་ཕྲན་བུས་བསྒྱུར་བར་སླ་ན་བདག་ཅག་གིས་གསང་སྔགས་བླ་ན་མེད་པའི་ཆོ་ག་ཟབ་མོས་རྗེས་སུ་བཟུང་བ་ཡིན་པས་བླ་མ་དང་དཀོན་མཆོག་གསུམ་ལ་མོས་གུས་མཆོག་ཏུ་བསྐྱེད་ལ་ཇི་ལྟར་བསྟན་པའི་ལམ་ལ་ཐེ་ཚོམ་མེད་པར་བཞུད་ཅིག །ཅེས་བཤད་ནས། ལམ་སྦྱོང་བ་ནི། མན་ངག་རྫོགས་པ་ཆེན་པོའི་སྒོམ་ཐོབ་པ་ཡིན་ན། བསྟན་བུ་ཚར་གཅིག་བཀླག །ཐུན་མོང་བ་ལ་སྐྱབས་གསོལ་ར་མདའ་སྦྲན་པའི་ཚུལ་དུ་སྤྱོད་འཇུག་ལས། གཤིན་རྗེའི་ཕོ་ཉ་འཇིགས་འཇིགས་ལྟའི། །ཤ་ཚུགས་ཅན་གྱིས་བཟུང་གྱུར་ཅིང་། །འཇིགས་ཆེན་བརྒྱད་ཀྱིས་ཐིབས་གྱུར་པ། །རབ་ཏུ་ཉམ་ཐག་སྨོས་ཅི་དགོས། །སུ་ཞིག་འཇིགས་ཆེན་འདི་ལས་བདག །ལེགས་པར་སྐྱོབ་པར་བྱེད་འགྱུར་ཞེས། །བྲེད་ཤ་ཐོན་པའི་མིག་བགྲད་ནས། །ཕྱོགས་བཞིར་སྐྱབས་དག་འཚོལ་བར་བྱེད། །དེ་བས་རྒྱལ་བ་འགྲོ་བའི་མགོན། །འགྲོ་བ་སྐྱོབ་པའི་དོན་བརྩོན་པ། །སྟོབས་ཆེན་འཇིགས་པ་ཀུན་སེལ་ལ། །དེ་རིང་ཉིད་ནས་སྐྱབས་སུ་མཆི། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་བ་དང་། །བྱང་ཆུབ་སེམས་དཔའི་ཚོགས་ལ་ཡང་། །དེ་བཞིན་ཡང་དག་སྐྱབས་སུ་མཆི། །ཚེ་འདས་འཇིགས་པས་རྣམ་སྐྲག་པས། །ཀུན་ཏུ་བཟང་ལ་འདི་ཉིད་འབུལ། །འཇམ་དཔལ་དབྱངས་ལའང་འབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་པའི། །སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །ཚེ་འདས་འདི་ལ་སྐྱོབ་ཏུ་གསོལ། །འཕགས་པ་ནམ་མཁའི་སྙིང་པོ་དང་། །ས་ཡི་སྙིང་པོ་དག་དང་ནི། །ཐུགས་རྗེ་ཆེ་མགོན་ཐམས་ཅད་ལ། །སྐྱབས་འཚོལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཞིར་འབྱེར་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱོད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། །ཁྱོད་ལ་སྐྱབས་སུ་མཆི་ལགས་ཀྱི། །འཇིགས་པ་མྱུར་དུ་བསལ་དུ་གསོལ། །ཞེས་བརྗོད་པས་ཚེ་ལས་འདས་པའང་གདུང་བ་དྲག་པོའི་རྐྱེན་གྱིས་རྒྱུད་དག་ནས་ལམ་ལྔའི་ཡོན་ཏན་ཁྱད་པར་ཅན་ཐོབ་པར་བསམས་ལ། དཀོན་མཆོག་རིན་ཆེན་དཔལ་ཞེང་དུ། །དཀོན་མཆོག་རིན་ཆེན་འོད་ཟེར་གྱིས། །རིན་ཆེན་ཕྲེང་བ་རྣམ་དག་པ། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བླ་ན་མེད་པ་ཁྱད་པར་ལམ། །བྱང་ཆུབ་བར་ཆད་མེད་པའི་ལམ། །ལམ་ལྔ་དག་ལ་བརྟེན་ནས་ནི། །འཕགས་པའི་ལམ་དེར་བགྲོད་པར་ཤོག །ཅེས་དང་། ལམ་བསྟན་པ་ནི། བྱང་བུའི་མདུན་དུ་འོད་གསལ་གྱི་སྣང་བ་མཚོན་པའི་མར་མེ་གཅིག་བཏེགས་ནས་རྫོགས་པ་རང་བྱུང་ལས། ཧོ། རིག་པ་དབང་གི་རྒྱལ་པོ་པདྨ་དབང་གི་སྐུ་ལ་ཕྱག་འཚལ་ལོ། །ཚེ་ལས་འདས་པ་འདི་ལ་གཤེད་བྱེད་པ་དང་། སྒྲིབ་པ་ཐམས་ཅད་བྱང་བར་མཛད་དུ་གསོལ། ཧོ། ཚེ་ལས་འདས་པ་ཆེ་གེ་མོ་ཁྱོད་ཉོན་ཅིག །ཤར་ཕྱོགས་ཀྱི་འཇིག་རྟེན་གྱི་ཁམས་ན། མངོན་པར་དགའ་བའི་ཞིང་ཁམས་ན། སྟོན་པ་རྡོ་རྗེ་སེམས་དཔའ་ཞེས་བྱ་བས་སྐུས་འདུལ་བའི་ཆོས་སྟོན་ཏོ། །རིགས་ཀྱི་བུ་ཁྱོད་དེར་སྐུས་འདུལ་བའི་ཆོས་ཉོན་ལ་ཕྱི་ནང་གི་སྒྲོ་འདོགས་ཆོད་ལ་བདེ་བ་ཅན་གྱི་ཞིང་ཁམས་སུ་བཞུད་ཅིག །ལྷོ་ཕྱོགས་ན་དཔལ་དང་ལྡན་པའི་ཞིང་ཁམས་ཡོད་དེ། དེ་ན་སྤྲུལ་པའི་སྐུ་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་ལྡན་ཞེས་བྱ་བས་ཡོན་ཏན་གྱི་སྒོ་ནས་འདུལ་བའི་ཆོས་སྟོན་པ་ཞིག་ཡོད་ཀྱིས། དེར་རིགས་ཀྱི་བུ་ཁྱོད་མ་འཇིགས་པར་ཡོན་ཏན་གྱིས་འདུལ་བའི་ཆོས་སྟོན་པ་དེ་ཉོན་ལ་ཕྱི་ནང་གི་སྒྲོ་འདོགས་ཆོད་ལ་ཆོས་ཉིད་ཀ་དག་གི་ཞིང་ཁམས་སུ་བཞུད་ཅིག །ནུབ་ཕྱོགས་ན་པདྨ་བརྩེགས་པ་ཞེས་བྱ་བའི་ཞིང་ཁམས་ཡོད་དེ། དེ་ན་སྤྲུལ་པའི་སྐུ་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་སྣང་བ་མཐའ་ཡས་ཞེས་བྱ་བ་ཡོད་ཀྱིས། དེ་ན་གསུང་གིས་འདུལ་བའི་ཆོས་སྟོན་ཏོ། །དེར་རིགས་ཀྱི་བུ་ཁྱོད་མ་འཇིགས་པར་གསུང་གིས་འདུལ་བའི་ཆོས་ཉོན་ལ་ཕྱི་ནང་གི་སྒྲོ་འདོགས་ཆོད་ལ་དེར་མ་གནས་པར་ཆོས་ཉིད་ཀ་དག་གི་ཞིང་ཁམས་སུ་བཞུད་ཅིག །བྱང་ཕྱོགས་ན་ལས་རབ་ཡོངས་སུ་རྫོགས་པའི་ཞིང་ཁམས་ཡོད་དེ། དེ་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་སྤྲུལ་པའི་སྐུ་དོན་ཡོད་གྲུབ་པ་ཞེས་བྱ་བ་ཡོད་ཀྱིས། དེར་ཕྲིན་ལས་ཀྱིས་འདུལ་བའི་ཆོས་སྟོན་ཏོ། །དེ་ལ་རིགས་ཀྱི་བུ་ཁྱོད་མ་འཇིགས་པར་ཕྲིན་ལས་ཀྱིས་འདུལ་བའི་ཆོས་ཉོན་ལ་ཕྱི་ནང་གི་སྒྲོ་འདོགས་ཆོད་ལ་ཆོས་ཉིད་ཀ་དག་གི་སར་བཞུད་ཅིག །དབུས་ན་དུར་ཁྲོད་ཆེན་པོ་མེ་རི་འབར་བ་ཞེས་བྱ་བ་ཡོད་ཀྱིས། དེ་ཡང་ཤིན་ཏུ་ཡ་ང་བ། འཇིགས་ཤིང་སྐྱི་བུང་བ། སྐྲག་ཅིང་སྔངས་པ་ཞིག་ཡོད་དེ། དེ་ན་བཅོམ་ལྡན་འདས་པདྨ་དབང་གི་རྒྱལ་པོ་ཅེས་བྱ་བ་ཡོད་ཀྱིས། རིགས་ཀྱི་བུ་ཁྱོད་དེ་ལ་མ་འཇིགས་པར་བཅོམ་ལྡན་འདས་དེ་ལ་རིག་པ་རང་གནས་ཀྱི་དབང་ཞེས་བྱ་བ་ཡོད་ཀྱིས། དབང་དེ་ནོས་ལ་ཆོས་ཉིད་རང་སྣང་གི་ནམ་མཁའ་ལ་མ་འཇིགས་མ་སྔངས་མ་སྐྲག་པར་སོང་ཞིག །ཅེས་ལམ་བསྟན་ནས་ཞག་གྲངས་མང་པོའི་ཚེ་ནུབ་ཐ་མ་དང་། ཉིན་ཆོག་ལ་དེ་མ་ཐག་པར་བྱང་བུའི་རྣམ་ཤེས་ཧཱུཾ་གི་རྣམ་པས་ཞིང་ཁམས་དེ་དག་ཏུ་འཕངས་པར་བྱའོ། །རྒྱུད་ལས་ཞིང་བཅུ་དུར་ཁྲོད་མེ་རི་འབར་བ་དང་བཅུ་གཅིག་ཏུ་གསུངས་ཀྱང་། འདིར་རྣམ་གྲོལ་དབུགས་ཆེན་འབྱིན་པ་ལྔར་བསྡུས་ལ། ཞིང་ཁམས་འདི་རྣམས་སུ་བདག་སྟོབས་གཞན་སྟོབས་གང་གས་དབུགས་ཕྱུང་བ་ཡིན་ཡང་རིགས་དང་ལས་འབྲེལ་ཡོད་པའི་ཞིང་གང་དུ་སྐྱེས་པ་དེར་རྒྱུད་སྨིན་ནས་དབུས་ཀྱི་ཁྲོ་བོའི་ཞལ་མཐོང་བའི་མོད་ལ་དེའི་བྱིན་རླབས་ཀྱིས་ཤེས་སྒྲིབ་སྤངས་ནས་གདོད་མའི་ས་ལ་བྱང་ཆུབ་པར་བཤད་འགྲེལ་ཆེན་མོའི་དགོངས་པ་ཡིན་ལ། ཁ་ཅིག་ཞིང་ལྔ་ཀ་རིམ་པར་ཉུལ་བར་འདོད་པ་ལ་སྐྱེ་བ་གཅིག་གིས་ཐོགས་པའི་ལུང་གིས་གནོད་པ་འཇུག་གོ། །འདི་ལྟ་བུའི་ལམ་བསྟན་རྫོགས་པ་ཆེན་པོའི་གདུལ་བྱ་ལ་ཁྱད་པར་དུ་གསུངས་པ་ཡིན་ཡང་། ལམ་འདིའི་མན་ངག་གིས་རྗེས་སུ་བཟུང་བའི་རྟེན་འབྲེལ་འགྲིགས་པའི་གནས་སྐབས་འདི་ཙམ་ནས་ཀྱང་རྫོགས་པ་ཆེན་པོའི་གདུལ་བྱ་ཡིན་པའི་ཤེས་བྱེད་འགྲུབ་པའི་ཕྱིར་ཐུན་མོང་གི་བདུན་ཚིགས་ལས་ཆེས་འཕགས་པས་སེམས་ཅན་དེ་དག་ལ་ཕན་པའི་བསམ་པ་དང་། རང་གཞུང་ལ་མན་ངག་འདི་ལྟ་བུ་ཡོད་བཞིན་དུ་འགྱུར་གསར་གྱིས་ཡང་ལྷན་ཀོ་ལྷན་ཕན་ཚུན་སྡེབས་པ་ཆོས་ཀྱི་ཚི་ཆད་པར་ཤེས་ནས་ལག་ལེན་ལ་བཏབ་པའོ། །དེ་ནས་བྱང་བུ་བསྲེག་པ་ནི། སྡོང་བུ་སྤར་ནས། ཨཱཿ ཀུན་གཞི་རང་བྱུང་ཀོང་བུ་རུ། །ཞེས་སོགས་མར་མེའི་སྐོང་གིས་སྙིགས་མའི་རང་བཞིན་ཚོགས་སུ་སྦྱོར་བ་ལ་ཤེས་རབ་ཡོད་ན་དག་བྱ་དག་འབྲས་ཀྱི་ཕན་ཡོན་བསམ་གྱིས་མི་ཁྱབ་པ་ཡོད་དོ། །རྗེས་འབྲེལ་མར་མེའི་སྨོན་ལམ་དང་ཆོ་ག་དཀྱུས་བཞིན་བྱ་བ་ཉིད་དོ། །དེ་ཡང་ཉི་ཟླ་ཁ་སྦྱོར་ལས། གལ་ཏེ་ཕུང་པོ་མེད་པ་ན། །དེ་ཉིད་ཤི་ནས་ཞག་གྲངས་ནི། །ཉི་ཤུ་རྩ་གཅིག་བར་དུ་ཡང་། །བདུན་པའི་ཚེ་ན་ཆོ་གར་འབད། །དམིགས་པའི་ཏིང་འཛིན་ལྡན་པ་གཅེས། །ཡང་ན་བདུན་ཕྲག་བདུན་དུ་བྱ། །དེ་ཚེ་དེ་ལ་ལམ་ཡང་བསྟན། །ཆོས་ནི་སྣ་ཚོགས་བཤད་པར་བྱ། །དེ་ལྟར་ཆོ་ག་སུ་ལྡན་པ། །དེ་ཉིད་ལ་ཡང་ཐེ་ཚོམ་མེད། །ངེས་པར་འབྲས་བུ་ཐོབ་པའོ། །ཞེས་རང་རང་གི་འབྱོར་པ་དང་བསྟུན་ནས་བགྱིས་པས་ཆོ་ག་ཟབ་མོའི་བྱིན་རླབས་ཀྱིས། རེ་ཞིག་གནས་ངན་པར་སྐྱེས་ཟིན་ཀྱང་། དེའི་ཚེ་ཚད་རྨི་ལམ་ལྟ་བུར་ཟད་ནས་བདེ་འགྲོ་ཁྱད་པར་ཅན་ཐོབ་པ་ཡིན་ཏེ། དེ་ཉིད་ལས། དེ་ལྟར་རྗེས་སུ་བཟུང་བ་ཡིས། །རིམ་པས་གནས་རྣམས་འཕོས་བྱས་ནས། །རིམ་པས་ཚེ་ཚད་ཉུང་གྱུར་ནས། །མི་ཡི་གནས་ཀྱི་བདེ་བ་ཐོབ། །ཅེས་གསུངས་པས་མཆོག་ཏུ་ཟབ་པའོ། །ལྕགས་ཟམ་བྱང་ཆེན་ཐར་པའི་ལམ། །གང་ན་ཐུགས་བསྐྱེད་ཤིང་རྟའི་འཕྲུལ། །རང་བྱུང་རྡོ་རྗེའི་སྐྱེད་མོས་ཚལ། །འབྱེད་ལ་ཡང་དག་རིངས་པ་བཞིན། །ཚུལ་འདི་བཟོད་མེད་སྙིང་རྗེའི་ཡུལ། །རྣམ་ཤེས་བར་དོའི་གཞན་དབང་ཅན། །འཐོར་རླུང་དབུས་ཀྱི་རྡུལ་ཕྲན་ལྟའི། །དཔུང་དང་གཉེན་དུ་འགྱུར་བར་ཤོག། །།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-031&diff=64168 2026-09-28T12:46:49Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=རྡོ་རྗེའི་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས།<br /> |fulltitle=rdo rje'i lha mo bcu drug gi mchod phreng dri za'i rgyud mangs<br /> |citation='jigs med gling pa. ''Rdo rje'i lha mo bcu drug gi mchod phreng dri za'i rgyud mangs''. In ''Kun mkhyen rig 'dzin 'jigs med gling pa'i gsung 'bum'', Vol. 11: 493-500. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Offering Substance Liturgies - mchod phreng<br /> |terma=Yes<br /> |deity=rdo rje'i lha mo<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=031<br /> |pagenumbers=493-500<br /> |totalpages=8<br /> |beginfolioline=1a1<br /> |endfolioline=4b4<br /> |totalfolios=4<br /> |multivolumework=No<br /> |rectonotes=mchod phreng<br /> |versonotes=mchod phreng dri za'i rgyud mangs<br /> |colophontib=།དེ་ལྟར་རྡོ་རྗེའི་རིག་མ་བཅུ་དྲུག་གི། །མཆོད་ཕྲེང་དྲི་ཟའི་བུ་མོས་བླངས་པའི་གླུ། །རྒྱུད་མངས་སྟོང་གི་འགྱུར་དང་ལྡན་པ་འདི། །ངག་དབང་དབྱངས་ཅན་ལྷ་མོས་བདག་ལ་བྱིན།།<br /> |colophonwylie=de ltar rdo rje'i rig ma bcu drug gi/_/mchod phreng dri za'i bu mos blangs pa'i glu/_/rgyud mangs stong gi 'gyur dang ldan pa 'di/_/ngag dbang dbyangs can lha mos bdag la byin//<br /> |pdflink=File:JLKO-KABUM-11-DA-031.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄། །རྡོ་རྗེའི་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་བཞུགས། །<br /> <br /> ༄། །{{TibChung|འཕགས་པ་ཀུན་ཏུ་བཟང་པོ་དང་བྱང་ཆུབ་མཆོད་པའི་ལྷ་མོ་རྣམས་ལ་ཕྱག་འཚལ་ལོ། །རྡོ་རྗེའི་ལྷ་མོ་བཅུ་དྲུག་གི་མཆོད་ཕྲེང་དྲི་ཟའི་རྒྱུད་མངས་ནི། མཆོད་རྫས་རྣམས་ལ་བསང་ཆུ་འཐོར་ཞིང་།}} ཨཱོཾ་ཧཱུྃ་ཏྲཱཾ་ཧྲཱིཿཨཿ ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་ཏུ་རྒྱས་པར་གྱུར་ཅིག །ན་མཿསརྦ་ཏ་ཐ་ག་ཏ་བྷྱོ་བི་ཤྭ་{{TibChung|སོགས་ལན་གསུམ་བརྗོད། སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། དེ་ནས་དབྱངས་ཤིན་ཏུ་སྙན་པ་དང་བཅས།}} ༈ པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱི་ཙྪ་ཧོཿ སྲིད་ན་རྣམ་པར་མཛེས་པའི་ཟླ་བས་ཀྱང་། །བལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་པྲ་ཏཱིཙྪ་ཧོཿ འཇམ་མཉེན་པུནྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུགས་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་གཱིརྟི་ཧྲཱིཿཔྲ་ཏཱིཙྪ་ཧོཿ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ནཱིརྟི་ཨཱཿཔྲ་ཏཱིཙྪ་ཧོཿ ༈ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷཱུ་པེ་ཧཱུྃ་པྲ་ཏཱིཙྪ་ཧོཿ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་པུཥྤེ་ཏྲཱཾ་པྲ་ཏཱིཙྪ་ཧོཿ ཡིད་འོང་བལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ཨ་ལོ་ཀེ་ཧྲཱིཿཔྲ་ཏཱིཙྪ་ཧོཿ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤལ་ལ་ཡི་དྲི་འཐུལ་ཞིང་། །བཟང་དྲུག་སྨན་གྱིས་བྱུག་པས་དགྱེས་པ་སྐོང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་གྷནྡྷེ་ཨཿཔྲ་ཏཱིཙྪ་ཧོཿ ༈ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅིར་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུས་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་རཱུ་པ་ཨོཾ་པྲ་ཏཱིཙྪ་ཧོཿ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་མྲྀ་ཏཾ་གི་ཧྲཱིཿཔྲ་ཏཱིཙྪ་ཧོཿ རཏྣའི་སོར་གདུབ་འཁྲོལ་པའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏཾ་བུ་ར། །རྣ་བའི་དཔྱིད་དུ་སྦྲེངས་པའི་ཡིད་འཕྲོག་མ། །རྡོ་རྗེ་པི་ཝང་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ཝི་ནི་ཧཱུྃ་པྲ་ཏཱིཙྪ་ཧོཿ དགའ་བ་བཅུ་དྲུག་རླུང་གི་རྟར་བསྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ཝཾ་སེ་ཏྲཱཾ་པྲ་ཏཱིཙྪ་ཧོཿ ༈ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་ཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་མུ་རཉྫེ་ཨཿཔྲ་ཏཱིཙྪ་ཧོཿ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་པརྴེ་ཏྲཱཾ་པྲ་ཏཱིཙྪ་ཧོཿ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་རཱ་ས་ཧྲཱིཿཔྲ་ཏཱིཙྪ་ཧོཿ བདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨ་དྷཱརྟུ་ཨཿཔྲ་ཏཱིཙྪ་ཧོཿ {{TibChung|དེ་ལྟར་ཤིན་ཏུ་རྨད་དུ་བྱུང་བ་རྡོ་རྗེའི་ལྷ་མོ་བཅུ་དྲུག་ལ་ནང་གསེས་ཀྱིས་དབྱེ་ན། ཕྱི་སྒེག་བཞི། ནང་སྒེག་བཞི། སྐུ་གསུང་ཐུགས་ཡོན་ཏན་ཕྲིན་ལས་ཏེ་གསང་བའི་རིག་མ་ལྔ། ཐུན་མོང་འདོད་ཡོན་གྱི་ལྷ་མོ་གསུམ་སྟེ་དེ་ཉིད་རྣམ་པ་བཅུ་དྲུག་གི་རང་བཞིན་དུ་བསྙད་པ་ལས། དང་པོ་ཕྱི་སྒེག་བཞིའི་ཕྱག་རྒྱ་ནི། བཛྲ་ལཱ་སྱེ་ལ་རྡོ་རྗེ་ཁུ་ཚུར་གཉིས་དཀུར་བརྟེན་ནས་གཡོན་དུ་ཅུང་ཟད་འགྱིང་བའོ། །བཛྲ་མཱ་ལྱེ་ལ་རྡོ་རྗེ་ཐལ་མོ་གཉིས་ནང་ནས་ཐུར་ལྡོག་གཡོ་བས་ཕྲེང་བ་འདོགས་པའི་ཚུལ་ལོ། །བཛྲ་གཱིརྟི་ནི་གླུ་མ་སྟེ། གླུ་མའི་ཕྱག་མཚན་པི་ཝང་ཡིན་པས་དེ་ཉིད་སྦྲེང་པའི་ཚུལ་འོག་ནས་འབྱུང་ངོ་། །བཛྲ་ནཱིརྟི་ནི་རྡོ་རྗེ་ཁུ་ཚུར་གཉིས་ཀྱིས་སྤྱི་བོར་གར་བྱེད་པའི་ཚུལ་ལོ། །གཉིས་པ་ནང་སྒེག་བཞིའི་ཕྱག་རྒྱ་ནི། བཛྲ་དྷཱུ་པེ་ནི་ཐལ་སྦྱར་ཚིགས་པ་བཅག་པ་བདུག་སྤོས་ཀྱི་ཁང་པ་ལྟར་རོ། །བཛྲ་པུཥྤེ་ནི་རྡོ་རྗེ་ཁུ་ཚུར་གཉིས་ཁ་བཀན་ལ་མེ་ཏོག་འཐོར་བའི་ཚུལ་ལོ། །བཛྲ་ཨཱ་ལོ་ཀེ་ནི་རྡོ་རྗེ་ཁུ་ཚུར་ལས་མཐེ་བོང་གཉིས་མར་མེ་ལྟར་སྒྲེང་བའོ། །བཛྲ་གནྡྷེ་ནི་གཡོན་པའི་མཐེབ་མཛུབ་སྦྱར་གཞན་རྣམས་བརྐྱང་པ་ཁ་བཀན་ཏེ་དུང་ཆོས་ལྟར་བྱས་པའི་སྙིམ་པ་ནས་གཡས་པའི་མཐེབ་མཛུབ་ཀྱིས་དྲིའི་དྱུག་པ་འགྱེད་པའི་ཚུལ་ལོ། །གསུམ་པ་གསང་བའི་རིག་མ་ལྔ་ལས། སྐུའི་རིག་མ་བཛྲ་རཱུ་པ་ནི་གཡོན་པའི་ཁུ་ཚུར་གྱི་སྟེང་དུ། གཡས་པའི་ཐལ་མོ་སྙིང་ག་ནས་ཕྱིར་བསྟན་པ་མེ་ལོང་ལྟར་བྱའོ། །གསུང་གི་རིག་མ་བཛྲ་མྲྀ་ཏཾ་གི་ནི་རྔ་ཟླུམ་བརྡུང་བ་ལྟར་གཡོན་པ་ཅུང་ཟད་གྱེན་ལ་ཕྱོགས་གཡས་པའི་སོར་མོ་རྣམས་གཡོབ་པའོ། །ཐུགས་ཀྱི་རིག་མ་བཛྲ་ཝི་ནིའི་ཕྱག་རྒྱ་ནི། པི་ཝང་སྒྲེང་བ་ལྟར་གཡོན་གྱེན་དུ་སྒྲེང་བའི་མཐེ་བོང་གིས་གུང་སྲིན་མནན་ཏེ་མཛུབ་མོ་དང་། མཐེའུ་ཆུང་བརྐྱང། གཡས་པའང་དེ་བཞིན་བྱས་པས་སྒྲེང་པའོ། །ཡོན་ཏན་གྱི་རིག་མ་བཛྲ་ཝཾ་སེ་ཏྲཱཾ་ནི་གླིང་བུ་འབུད་པའི་ཕྱག་རྒྱ་ཉིད་ཁའི་མདུན་ན་བྱེད་པའོ། །ཕྲིན་ལས་ཀྱི་རིག་མ་བཛྲ་མུ་རཉྫེ་ནི་ལག་པ་གཉིས་ཀ་སྙིང་ཁའི་ཐད་ནས་ཁ་ཕྱིར་བསྟན་ལ་སོར་མོ་རྣམས་གཡོབ་པས་རྫ་རྔ་བརྡུང་བ་ལྟར་བྱེད་པའོ། །བཞི་པ་ཐུན་མོང་འདོད་ཡོན་གྱི་ལྷ་མོ་གསུམ་ལས། བཛྲ་པརྴེ་ནི་ལག་པ་གཉིས་སོ་སོའི་མཐེབ་མཛུབ་གུང་སྲིན་རྣམས་རྩེ་སྤྲད། མཐེའུ་ཆུང་སྒྲེང་ལ་གོས་དབུལ་བའི་ཚུལ་ལོ། །བཛྲ་རཱ་ས་ནི་རྡོ་རྗེ་ཐལ་མོ་ཁ་སྦུབས་ལ། བརྐྱང་བ་སླར་གྱེན་དུ་ལྡོག་པ་བཤོས་འདེགས་པའི་ཚུལ་ལོ། །བཛྲ་དྷརྨཱ་ནི་མཁའ་དབྱིངས་ཆོས་འབྱུང་གི་རྒྱ་སྟེ་མཐེ་བོང་གཉིས་རྩེ་སྤྲད། གཞན་རྣམས་བརྐྱང་བའི་སྲིན་ལག་གཉིས་རྩེ་སྤྲད་པའོ། །ཀུན་ལ་པད་སྐོར་གྱིས་སྔོན་བསུས་ནས་རང་སྔགས་དང་ཕྱག་རྒྱ་བསྟུན་ཞིང་། རྡོ་རྗེ་སེ་གོལ་གཏོགས་པས་བསྣོལ་ཏེ་ནུ་མ་གཡས་གཡོན་གྱི་སྟེང་དུ་འཇོག་པའོ། །དེ་ལྟར་རྡོ་རྗེའི་རིག་མ་བཅུ་དྲུག་གི། །མཆོད་ཕྲེང་དྲི་ཟའི་བུ་མོས་བླངས་པའི་གླུ། །རྒྱུད་མངས་སྟོང་གི་འགྱུར་དང་ལྡན་པ་འདི། །ངག་དབང་དབྱངས་ཅན་ལྷ་མོས་བདག་ལ་བྱིན།། །།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-029&diff=64167 2026-09-28T12:44:12Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཀློང་ཆེན་སྙིང་ཐིག་ལས་དམ་པ་རིགས་བརྒྱའི་ལྷ་དབང་གི་བཀོལ་བྱང་།<br /> |fulltitle=klong chen snying thig las dam pa rigs brgya'i lha dbang gi bkol byang<br /> |citation='jigs med gling pa. ''Klong chen snying thig las dam pa rigs brgya'i lha dbang gi bkol byang''. In ''Kun mkhyen rig 'dzin 'jigs med gling pa'i gsung 'bum'', Vol. 11: 487-490. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Empowerment Ritual - dbang chog - dbang skur<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=029<br /> |pagenumbers=487-490<br /> |totalpages=4<br /> |beginfolioline=1a1<br /> |endfolioline=2b6<br /> |totalfolios=2<br /> |multivolumework=No<br /> |rectonotes=lha dbang<br /> |versonotes=rigs brgya'i lha dbang gi bkol byang<br /> |pdflink=File:JLKO-KABUM-11-DA-029.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །{{TibChung|ཀློང་ཆེན་སྙིང་ཐིག་ལས་དམ་པ་རིགས་བརྒྱའི་ལྷ་དབང་གི་བཀོལ་བྱང་བཞུགས།}} ༈ ཧཱུྃ། ཆོས་རྣམས་རྣམ་དག་ཡེ་ནས་ལྷུན་གྱིས་གྲུབ། །བྱ་བ་བྱེད་དང་ཡིད་ཆོས་རྣམ་པར་དག །ནམ་མཁའི་མཐའ་བཞིན་ཀུན་ལ་སྙོམས་མཛད་པ། །ཀུན་བཟང་ཡབ་ཡུམ་གཉིས་ཀྱིས་དབང་བསྐུར་རོ། །ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ཨ་ཨ་ཨ་བཛྲ་བྷ་དྲཱ་ས་མནྟ་ཨ། ཨ་བྷི་ཥཱིཉྩ་ཏུ་མཾ། ཧཱུྃ། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པ། །རིགས་ལྔ་བདེ་བར་གཤེགས་པས་དབང་བསྐུར་རོ། །ཧཱུྃ་བཛྲ་དྷྲྀཀ །ཨོཾ་ཛི་ན་ཛིཀ །སྭཱ་རཏྣ་དྷྲྀཀ །ཨཾ་ཨ་རོ་ལིཀ །ཧཱ་པྲཛྙཱ་དྷྲྀཀ་སརྦ་ཨ་བྷི་ཥིཉྩ་ཏུ་མཾ། ཧཱུྃ། ངོ་མཚར་ཕོ་བྲང་བདེ་བར་གཤེགས་པའི་ཡུམ། །དུས་གསུམ་རྒྱལ་བ་ཐམས་ཅད་བསྐྱེད་མཛད་མ། །རིགས་ཀྱི་ཡུམ་གྱུར་རྣམས་ཀྱིས་དབང་བསྐུར་རོ། །མཱུཾ་དྷཱ་ཏི་ཤྭ་རཱི། ལཱཾ་དྭེ་ཥར་ཏི། མཱཾ་མོ་ཧ་ར་ཏི། པྱཾ་རཱ་ག་ར་ཏི། ཏཱཾ་བཛྲ་ར་ཏི་སརྦ་ཨ་བྷི་ཥིཉྩ་ཏུ་མཾ། ཧཱུྃ། རྣམ་ཤེས་དབང་པོ་དག་པ་སྐུ་གསུང་ཐུགས། །བདེ་བར་གཤེགས་པ་རྣམས་ཀྱི་སྲས་མཆོག་སྟེ། །སེམས་དཔའ་ཆེན་པོ་བརྒྱད་ཀྱིས་དབང་བསྐུར་རོ། །ཀྵི་ཧི་རཱ་ཛ་ཡ། ཏྲཱཾ་ཨ་གརྦྷ་ཡ། ཧྲཱི་ཧ་ཧཱུྃ་པདྨ་པྲ་ད་མ། ཛིཾ་ཀུ་རུ་པཱ་ཎ། མཻ་དྷ་ར་ཎི། ཐིཾལྷནིསྶ་རཾ་པ་ཡ། ཧཱུྃ་སྭཱ་རཱ་ཛ་ཡ། མཱུཾ་ཤྲཱི་ཨཾ་རཱ་ག་ཡ་སརྦ་ཨ་བྷི་ཥིཉྩ་ཏུ་མཾཿ ཧཱུྃ། སྒེག་མོ་ཕྲེང་ཐོགས་རིན་ཆེན་གླུ་གར་ཅན། །ནམ་མཁའ་མཉམ་པའི་མཆོད་པས་རྒྱལ་བ་མཆོད། །བྱང་ཆུབ་ལྷ་མོའི་ཚོགས་ཀྱིས་དབང་བསྐུར་རོ། །ཧཱུྃ་ལཱ་སྱེ་ས་མ་ཡ་སྟྭམ། ཏྲཱཾ་མཱ་ལྱེ་ས་མ་ཡ་ཧོཿ ཧྲཱི་གཱི་ཏི་ར་གོ་ཧཾཿ ཨཾ་ནཱིརྟི་རཱ་ག་ཡ་མེ་སརྦ་ཨ་བྷི་ཥིཉྩ་ཏུ་མཾ། ཧཱུྃ། བདུག་སྤོས་མེ་ཏོག་མར་མེ་དྲི་ཆབ་མ། །རྒྱལ་བ་རྒྱ་མཚོ་རྣམས་ལ་མཆོད་འབུལ་མ། །མཆོད་པའི་ལྷ་མོ་རྣམས་ཀྱིས་དབང་བསྐུར་རོ། །ཛཿདྷུ་པེ་པྲ་བེ་ཤ །ཧཱུྃ་པུཥྤེ་ཨ་བེ་ཤ །བཱཾ་དཱི་པ་སུ་གཱི་ཏི། ཧོཿགྷནྡྷེ་ཙིཏྟ་སརྦ་ཨ་བྷི་ཥིཉྩ་ཏུ་མཾ། ཧཱུྃ། དྲག་ཤུལ་ཐབས་ཀྱིས་འགྲོ་བ་འདུལ་མཛད་པ། །ཚད་མེད་བཞི་ལྡན་སྒོ་བཞི་ཐུབ་པར་བསྲུངས། །ཏ་ཀྲྀཏ་སྒོ་བ་བཞི་ཡིས་དབང་བསྐུར་རོ། །ཧཱུྃ་ཡ་མཱནྟ་ཀྲྀཏ་ཕཊ། ཧཱུྃ་པྲཛྙཱནྟ་ཀྲྀཏ་ཕཊ། ཧཱུྃ་པདྨནྟ་ཀྲྀཏ་ཕཊ། ཧཱུྃ་བིག་ནན་ཏ་ཀྲྀཏ་ཕཊ། སརྦ་ཨ་བྷི་ཥྀཉྩ་ཏུ་མཾ། ཧཱུྃ། རྟག་ཆད་མཐར་ཕྱིན་གསང་བ་ཡུམ་གྱི་ངང་། །ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མ། །སྒོ་མ་ཆེན་མོ་བཞི་ཡིས་དབང་བསྐུར་རོ། །ཨོཾ་བཛྲ་དྷ་ར་རཏྣ་དྷ་ར། པདྨ་དྷ་ར། ཀརྨ་དྷ་ར། མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཨ་བྷི་ཥིཉྩ་ཏུ་མཾ། ཧཱུྃ། སྟེང་འོག་ཕྱོགས་བཞི་འཇིག་རྟེན་འདུལ་མཛད་གཙོ། །ཉོན་མོངས་དྲུག་འཇོམས་རྒྱུད་དྲུག་དག་པར་སྦྱོང་། །བཅོམ་ལྡན་ཐུབ་པ་དྲུག་གིས་དབང་བསྐུར་རོ། །ཨོཾ་མུ་ནེ་ཀྲེཾ། ཨོཾ་མུ་ནེ་ཧཱུྃ་ཏྲུཾ། ཨོཾ་མུ་ནེ་སྲུཾ། ཨོཾ་མུ་ནེ་བྲེཾ། ཨོཾ་མུ་ནེ་ཀྵཾ། ཨོཾ་མུ་ནེ་ཡེ་སརྦ་ཨ་བྷི་ཥྀཉྩ་ཏུ་མཾ། ཧཱུྃ། འཇིགས་བྱེད་འདས་པའི་དུས་ནས་མངོན་བྱུང་བ། །གདུག་པ་འདུལ་ཕྱིར་དུས་ལས་མི་འདའ་བའི། །དཔལ་ཆེན་ཧེ་རུ་ཀ་རྣམས་ཀྱིས་དབང་བསྐུར་རོ། །ཨོཾ་བུདྡྷ་བཛྲ་རཏྣ་པདྨ་ཀརྨ་ཤྲཱི་ཧེ་རུ་ཀ་སརྦ་ཨ་བྷི་ཥིཉྩ་ཏུ་མཾ། ཧཱུྃ། ཁྲོ་མོ་དབང་ཕྱུག་སྐུ་ལ་འཁྲིལ་མཛད་ཅིང་། །མཁའ་འགྲོ་མི་བཟད་འབར་བའི་སྤྲིན་འཕྲོ་མ། །གདུག་པ་འདུལ་མཛད་ཡུམ་གྱིས་དབང་བསྐུར་རོ། །ཨོཾ་བུདྡྷ་བཛྲ་རཏྣ་པདྨ་ཀརྨ་ཀྲོ་དྷི་ཤྭ་རཱི་སརྦ་ཨ་བྷི་ཥིཉྩ་ཏུ་མཾ། ཧཱུྃ། བསྐལ་པ་མེ་ལྟར་འབར་བའི་ཀློང་དཀྱིལ་ནས། །ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བཞུགས། །ཁྲོ་མོ་ཆེན་མོ་བརྒྱད་ཀྱིས་དབང་བསྐུར་རོ། །ཨོཾ་བཛྲ་གཽ་རཱི་ཧ། བཛྲ་ཙཽ་རཱི་ཧ། བཛྲ་པྲ་མོ་ཧེ་ཧ། བཛྲ་བཻ་ཏ་ལཱི་ཧ། བཛྲ་པུཥྐ་སཱི་ཧ། བཛྲ་གྷསྨ་རཱི་ཧ། བཛྲ་སྨེ་ཤ་ནཱི་ཧ། བཛྲ་ཙཎྜ་ལཱི་ཡ་སརྦ་ཨ་བྷི་ཥིཉྩ་ཏུ་མཾ། ཧཱུྃ། ནམ་མཁའི་ལུས་ཅན་གར་ཡང་ཐོགས་མེད་ཅིང་། །འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེ། །ཕྲ་མེན་ཆེན་མོ་བརྒྱད་ཀྱིས་དབང་བསྐུར་རོ། །ཨོཾ་བཛྲ་སིདྷ་མུ་ཁ་ཧེ། བཛྲ་བྱ་གྷྲྀ་མུ་ཁ་ཧེ། བཛྲ་ཤྲཱི་གཱ་ལ་མུ་ཁ་ཧེ། བཛྲ་ཤྭ་ན་མུ་ཁ་ཧེ། བཛྲ་གྷྲྀ་དྷ་མུ་ཁ་ཧེ། བཛྲ་ཀངྐ་མུ་ཁ་ཧེ། བཛྲ་ཀ་ཀ་མུ་ཁ་ཧེ། བཛྲ་ཨུ་ལུ་མུ་ཁ་ཧེ་སརྦ་ཨ་བྷི་ཥིཉྩ་ཏུ་མཾ། ཧཱུྃ། རྡོ་རྗེ་གདོང་མོ་ཕོ་ཉ་མགྱོགས་མ་བཞི། །ཤར་ལྷོ་ནུབ་བྱང་སྒོ་བཞི་ཐུབ་པར་བསྲུངས། །སྒོ་སྐྱོང་ཁྲོ་མོ་བཞི་ཡིས་དབང་བསྐུར་རོ། །ཨོཾ་བཛྲ་ཨཱརྱ་ཏེ་ཛ་ཏེང་ཛཿ ཨོཾ་བཛྲ་ཨ་མུ་ཁེ་ཧཱུྃ། བཛྲ་ལོ་ཀ་བཾ། བཛྲ་བྷ་མོ་པཱ་ལ་ཡ་བ་རུ་ཧོཿ སརྦ་ཨ་བྷི་ཥིཉྩ་ཏུ་མཾ། ཧཱུྃ། དཔལ་གྱི་འཁོར་ཚོགས་བཛྲ་ཨ་ར་ལི། །མཁའ་ལ་ཤུགས་འགྲོ་མ་ཚོགས་དབང་ཕྱུག་མ། །རྣལ་འབྱོར་ཉི་ཤུ་བརྒྱད་ཀྱིས་དབང་བསྐུར་རོ། །བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོཿ བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོཿ བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོཿ བྷྱོ་བྷྱོ་བྷྱོ་བྷྱོ་བྷྱོ་བྷྱོ་བྷྱོཿ སརྦ་ཨ་བྷི་ཥྀཉྩ་ཏུ་མཾ།།}}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort https://khyentselineage.tsadra.org/index.php?title=JLKO-KABUM-11-DA-028&diff=64166 2026-09-25T20:08:39Z

<p>Mort: </p> <hr /> <div>{{Text<br /> |classification=Tibetan Publications<br /> |subclass=Tibetan Texts<br /> |sectionheading=No<br /> |fulltitletib=ཞི་ཁྲོ་ངན་སོང་སྦྱོང་བའི་བསྐྱེད་རིམ་ལས་འཕྲོས་པའི་ཡང་ཡིག་དཀའ་གནད་རྒྱ་གྲོལ།<br /> |fulltitle=zhi khro ngan song sbyong ba'i bskyed rim las 'phros pa'i yang yig dka' gnad rgya grol<br /> |citation='jigs med gling pa. ''Zhi khro ngan song sbyong ba'i bskyed rim las 'phros pa'i yang yig dka' gnad rgya grol''. In ''Kun mkhyen rig 'dzin 'jigs med gling pa'i gsung 'bum'', Vol. 11: 479-485. New Delhi: Shechen Publications, 2025.<br /> |collectiontitletib=འཇིགས་གླིང་བཀའ་འབུམ།<br /> |collectiontitle='jigs gling bka' 'bum<br /> |author='jigs med gling pa<br /> |authortib=འཇིགས་མེད་གླིང་པ་<br /> |sourcerevealer='jigs med gling pa<br /> |sourcerevealertib=འཇིགས་མེད་གླིང་པ་<br /> |tibgenre=Key Points - gnad yig, Generation Stage - bskyed rim<br /> |terma=Yes<br /> |deity=zhi khro<br /> |cycle=zhi khro ngan song sbyong ba<br /> |cycletib=ཞི་ཁྲོ་ངན་སོང་སྦྱོང་བ་<br /> |parentcycle=klong chen snying gi thig le<br /> |parentcycletib=ཀློང་ཆེན་སྙིང་གི་ཐིག་ལེ་<br /> |language=Tibetan<br /> |volumenumber=11<br /> |volnumtib=༡༡<br /> |volyigtib=ད<br /> |totalvolumes=14<br /> |textnuminvol=028<br /> |pagenumbers=479-485<br /> |totalpages=7<br /> |beginfolioline=1a1<br /> |endfolioline=4a5<br /> |totalfolios=4<br /> |multivolumework=No<br /> |rectonotes=ngan song sbyong ba<br /> |versonotes=bskyed rim dka' gnad rgya grol<br /> |colophontib=།ཞེས་པའང་ལྕགས་ཟམ་སྤྲུལ་སྐུ་རིན་པོ་ཆེའི་དྲིས་ལན་དུ་རྫོགས་ཆེན་པ་རང་བྱུང་རྡོ་རྗེས་སོ།།<br /> |colophonwylie=zhes pa'ang lcags zam sprul sku rin po che'i dris lan du rdzogs chen pa rang byung rdo rjes so//<br /> |pdflink=File:JLKO-KABUM-11-DA-028.pdf<br /> |InitCategories=Khyentse Lineage Project; JLKO-KABUM-Volume-11-DA<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|<br /> ༄༅། །{{TibChung|ཞི་ཁྲོ་ངན་སོང་སྦྱོང་བའི་བསྐྱེད་རིམ་ལས་འཕྲོས་པའི་ཡང་ཡིག་དཀའ་གནད་རྒྱ་གྲོལ་བཞུགས།}} ༈ སླར་ཡང་ཞི་ཁྲོ་ངན་སོང་སྦྱོང་བའི་བསྐྱེད་རིམ་ལས་འཕྲོས་པའི་དོགས་སེལ་ནི། དྲང་དོན་གཟུགས་བརྙན་འཁོར་ལོ་ཀུན་བརྟགས་པ། །ངེས་དོན་ཕུང་ཁམས་གནས་འགྱུར་གཞན་དབང་ཅན། །ཡོངས་གྲུབ་འདུས་མ་བྱས་དབྱིངས་སྦས་པའི་དོན། །རིག་པའི་འོག་མིན་མཐོང་བ་དེ་ལ་སྣང་། །སྤྱིར་འཁོར་བ་དང་རྣམ་པ་མཐུན་པར་སྦྱོང་བའི་བསྐྱེད་རིམ་མཐའ་དག་སྐྱེ་གནས་རྣམ་པ་བཞིའི་བག་ཆགས་སྦྱོང་ཚུལ་ལ་འདུ་བ་ལས། རང་གཞུང་འདིར་དཔལ་ཆེན་འདུས་པས་མངལ་སྒོང་གཉིས། རིག་འཛིན་དང་ཐུགས་རྗེ་ཆེན་པོས་དྲོད་གཤེར་སྐྱེས། ཡུམ་ཀ་དང་ཡང་གསང་བླ་སྒྲུབ་ཀྱིས་རྫུས་སྐྱེས་སྦྱོང་བ་ལས། ཞི་ཁྲོ་ངན་སོང་སྦྱོང་བ་ནི་ཏིང་འཛིན་གསུམ་དང་། མངོན་བྱང་ལྔ་ལ་སོགས་པས་བསྐྱེད་པ་ལམ་དུས་ཀྱི་དཀྱིལ་འཁོར་ལྟར་མ་ཡིན་པར། ཡུམ་ཀ་དང་ཡང་གསང་བླ་སྒྲུབ་ཀྱིས་རྫུས་སྐྱེས་སྦྱོང་བ་ལས། ཞི་ཁྲོ་ངན་སོང་སྦྱོང་བ་ནི་ཏིང་འཛིན་གསུམ་དང་། མངོན་བྱང་ལྔ་ལ་སོགས་པས་བསྐྱེད་པ་ལམ་དུས་ཀྱི་དཀྱིལ་འཁོར་ལྟར་མ་ཡིན་པར། རང་སྣང་ལྷུན་གྲུབ་རྣམ་བྱང་ཡེ་ཤེས་ཆེན་པོའི་བཞུགས་ཚུལ་ལྟར་ཡིན་ལ། དེ་ཡང་ཕྱི་ལྟར་ཁམས་གསུམ་དུ་འཛིན་པའི་སྣང་ཞེན་བྱང་ཕྱོགས་ཀྱི་ཆོས་སུམ་ཅུ་རྩ་བདུན་གྱི་ངོ་བོ་ཉིད་ཆོས་སྐུའི་རྟེན་གྱི་རྣམ་པར་རྫོགས་པའི་ཚུལ་རྡོ་རྗེ་བཀོད་པ་ལས། འདོད་ཁམས་དབང་གི་རི་བོ་ལ། །གཟུགས་ཁམས་བང་རིམ་ཁྲི་འཕང་ཅན། །གཟུགས་མེད་བུམ་རྟེན་བུམ་པར་བཅས། །སྐུ་གདུང་ཆེན་པོར་རྒྱུན་དུ་གནས། །ཞེས་སོ། །དེ་བས་ན་གཞལ་མེད་ཁང་གི་རང་བཞིན་ཀྱང་། ཕྱི་མཆོད་རྟེན་རྩེ་ལྔ་པའི་རྣམ་པ་ལ། ནང་རང་བྱུང་ལོངས་སྤྱོད་རྫོགས་པའི་གནས་འོག་མིན་སྟུག་པོ་བཀོད་པའི་དབྱིངས་སུ། བྱ་བྱེད་དང་ཡིད་ཆོས་སུ་འཛིན་པ་རྣམ་པར་དག་པའི་གདངས་ཀྱི་ཀུན་ཏུ་བཟང་པོ་སྣང་སྟོང་མཚོན་པའི་ཡབ་ཡུམ་ལྟར་བསྟན་ནས་ཞི་ཁྲོའི་ལྷ་ཚོགས་ཐམས་ཅད་ཀྱི་འཆར་གཞིར་གྱུར་པ་སྟེ། དེ་ཡང་དབྱིངས་ལས་ཤར་ཞིང་ཀུན་གྱི་བདག་ཉིད་དུ་མཚོན་པའི་ཕྱིར་གཙུག་ཏོར་ནོར་བུ་ཏོག་ལྟར་མི་མངོན་པ་མཆོད་རྟེན་གྱི་ཏོག་ལ་རེག་པ་ནས་བཟུང་གཞལ་མེད་ཁང་གི་བླ་་་་་་ཡོངས་ལ་སྒྲིབ་པ་མེད་པར་ཁྱབ་པའི་ཐུགས་ཀ་དཔལ་གྱི་བེའུ་ལྟར་དབྱིངས་ཟབ་པའི་ཁྱམས་ལ་རིགས་ལྔ་ཡབ་ཡུམ་དང་སེམས་དཔའ་ཡབ་ཡུམ་བཅུ་དྲུག་བཞུགས་ཤིང་། རྟེན་དང་བརྟེན་པ་ཐམས་ཅད་སྣོད་ལ་སྣོད་བཅུགས་པ་ལྟ་བུའི་སྒྲིབ་གཡོགས་ཅན་མ་ཡིན་པས་ཕྱི་གསལ་ནང་གསལ་ཞེས་བཤད་ལ། གྲངས་ངེས་ཀྱི་སྒོ་ནས་སྟེང་གི་སྒྲས་མཚོན་པའི་དབུའི་དབྱིངས་ལ་ཁྲག་འཐུང་གི་ལྷ་ཚོགས་བཞུགས་ཀྱང་ཕུང་ཁམས་སྐྱེ་མཆེད་ལ་དག་པ་སྦྱར་བའི་ལུས་དཀྱིལ་དངོས་བསྟན་དུ་མི་བཟུང་སྟེ། འདི་ནི་འབྲས་བུའི་དུས་ཀྱི་གདན་གསུམ་ཚང་བའི་ལྷ་གདོད་ནས་ལྷུན་གྲུབ་ཏུ་ཡོད་པའི་གསལ་འདེབས་ཙམ་མོ། །དེ་ལ་ཕྱི་མཆོད་རྟེན་གྱི་རྣམ་པར་ཡོད་པའི་དཀྱིལ་འཁོར་འཕགས་ཡུལ་ན་ཡོངས་སུ་གྲགས་ཀྱང་བོད་ལ་ནི་མ་འགྱུར་ཅེས་གྲགས་ཏེ། རང་ལུགས་འཇོག་ཚུལ་ནི་མན་ངག་ཌཱཀྐིའི་ཡང་ཏིག་གིས་ཀྱང་གསལ་བའི་ཕྱིར་རོ། །དབང་བཅུ་ཐོབ་པའི་བྱང་ཆུབ་སེམས་དཔའ་རྣམས་ཀྱི་ཐུགས་རྒྱུད་ནི་རྒྱལ་བའི་དགོངས་རྒྱུད་གཅིག་ལས་གཞན་དུ་མི་འགྱུར་བས་རྒྱ་འགྱུར་ཡིན་མིན་གྱི་རྟོག་དཔྱོད་མི་དགོས་སོ། །བརྟེན་པའི་གཙོ་བོ་ནི། ཀུན་ཏུ་བཟང་པོའི་ཐུགས་རིག་པ་རང་སྣང་གི་ངོ་བོ་ཉིད་རྣམ་པར་སྣང་མཛད་དེ། རྔམ་གློག་ལས་ཀྱང་། དབུས་སུ་རྣམ་པར་སྣང་མཛད་གཙོ། །ཞེས་སོ། །རྣམ་སྣང་གི་མདུན་ནས་བརྩམས་ཏེ་གཡས་སྐོར་གྱིས། ཕྱོགས་བཞིར་ཆོས་དབྱིངས་ཡེ་ཤེས་ཀྱི་བདག་ཉིད་མི་བསྐྱོད་པ་ཡབ་ཡུམ་ནས་རིམ་པར་ཕུང་པོ་དང་ཁམས་ཀྱི་རང་བཞིན་གདོད་ནས་དག་པའི་ངོ་བོ་རིགས་བཞིའི་གཤེགས་པ་གཤེགས་མ། མཚམས་བཞི་པོའི་གྲྭ་སྟེ་ནང་། ཟུར་ཏེ་ཕྱི་རོལ་དུ་གོ་བར་བྱས་པའི་གོས་བརྒྱད་ལ་ཤར་ལྷོ་ནས་བརྩམས་ཏེ། མིག་ལ་སོགས་པའི་རྣམ་ཤེས་བཞི་དག་པའི་ངོ་བོ་ཉིད་ཡིན་པས་ནང་སེམས་སུ་གྲགས་ཤིང་ནང་ལོགས་ཀྱི་གྲྭར་བཞུགས་པ། ནམ་སྙིང་དང་། སྤྱན་རས་གཟིགས། ས་སྙིང་དང་། ཕྱག་ན་རྡོ་རྗེ་བཞི་ལ། ཡུལ་བཞི་དག་པའི་ངོ་བོ་ཕྲེང་བ་མ་ལ་སོགས་སེམས་མ་བཞིས་འཁྲིལ་བ་དང་། དེ་བཞིན་དུ་དབང་པོ་དག་པའི་ངོ་བོ་ཉིད་ཡིན་པས་ཕྱི་སེམས་སུ་གྲགས་ཤིང་ཕྱི་རོལ་གྱི་ཟུར་ལ་བཞུགས་པ། བྱམས་པ་དང་། སྒྲིབ་སེལ་དང་། ཀུན་བཟང་དང་། འཇམ་དཔལ་བཞི་ལ། དུས་བཞི་དག་པའི་ངོ་བོ་ཉིད་བདུག་སྤོས་མ་ལ་སོགས་བཞིས་འཁྲིལ་བ་རྣམས་ནི་དག་འབྲས་ཀྱི་ངོས་ནས་བཞག་པའི་སངས་རྒྱས་འཕགས་པ་ཉག་གཅིག་ཡིན་པས། ས་བཅུ་པའི་བྱང་སེམས་སུ་འཁྲུལ་པར་མི་བྱའོ། །གདན་གསུམ་གྱི་གྲངས་ངེས་སུ་འདུ་བའི་སྒོ་བ་ཡབ་ཡུམ་ནི་རང་རང་གི་བྱེད་ལས་དང་མིང་གི་མངོན་བརྗོད་དང་མཐུན་པར་མཆོད་རྟེན་གྱི་སེང་ཁྲིའི་ཕྱོགས་བཞིར་གློ་འབུར་གྱིས་དོད་པའི་སྒོ་བཞིར་གནས་ཤིང་། སྒོ་བཞི་པོའི་སྟེང་དུ་རྟ་བབས་བང་རིམ་བཞི་པའི་སྟེང་ན་བུམ་ཆོས་ཏོག་བཅས་རེ་དང་། གཞལ་མེད་ཁང་ལྟེ་བའི་ཡ་ཕུབ་མདའ་ཡབ་དང་བཅས་པའི་དོད་མཆོད་རྟེན་གྱི་བང་རིམ་བཞི་དང་བུམ་པ་བྲེ་ཆོས་ཏོག་ལ་སོགས་པས་བརྒྱན་པ་ཡིན་པས། ཕྱི་མཆོད་རྟེན་གྱི་རྣམ་པ་རྩེ་ལྔར་གྲུབ་ལ། མཆོད་རྟེན་གྱི་ས་འཛིན་ནམ་འདོད་པའི་སྣམ་བུའི་ཕྱོགས་བཞི་དང་སྟེང་འོག་གཉིས་ལ་ཐུབ་པ་དྲུག་པོ་རྣམས་སངས་རྒྱས་རྣམས་ཀྱི་ཐུགས་རྗེ་ཆེན་པོའི་ཕྲིན་ལས་འགྲོ་བ་དྲུག་གི་ཁམས་ལ་རྒྱུན་མི་ཆད་པའི་འདུལ་བྱེད་མཚོན་པར་བཞུགས་པ་ལྟར་སྣང་ཡང་། གནས་རིགས་དེ་དང་དེར་དེ་འདྲ་བའི་རྣམ་པ་ཅན་གྱི་སངས་རྒྱས་ཡོད་པར་འཁྲུལ་ནས་སྒྲ་ཇི་བཞིན་པར་འདོད་པ་དང་། རྒྱུད་སྡེ་ཟབ་མོའི་དོན་གྱི་དབྱིངས་འཇལ་བ་ལ་རྨོངས་ནས་མི་ཁོམ་པའི་གནས་རིགས་སུ་མཛད་པ་བཅུ་གཉིས་ཀྱི་རྣམ་གཞག་ཚང་མི་ཚང་ལ་སོགས་པའི་རྟོག་དཔྱོད་ཕྱིན་ཅི་ལོག་གིས་བླ་ན་མེད་པའི་རྒྱུད་སྡེ་ལ་སྒྲོ་སྐུར་བྱེད་པ་ནི་རང་མཚང་སྟོན་པའི་མུན་སྤྲུལ་ཆེན་པོ་ཡིན་པས་འདི་དག་གི་གོ་དོན་ཁོ་བོའི་མན་ངག་རྣམ་མཁྱེན་ཤིང་རྟ་ལའང་ལེགས་པར་བཀོད་ཡོད་དོ། །དེ་སྐད་དུ་ཞི་བའི་ལྷ་ཚོགས་ཀྱི་བཞུགས་ཚུལ་ལ་རང་ལུགས་འཇོག་སྐབས། གཉིས་ནི་དབྱིངས་ན་གནས་ཏེ་ཆོས་ཀྱི་སྐུ། །དྲུག་ནི་གཞན་ལ་སྣང་ཕྱིར་སྤྲུལ་པའི་སྐུ། །རང་སྣང་ལོངས་སྐུའི་ཞིང་ན་སུམ་ཅུ་བཞི། །གཙོ་བོ་བཅུ་ལ་ཉེར་བཞི་འཁོར་གྱི་ཚུལ། །ཞེས་བསྟན་ཏོ། །སྤྱིར་ཟབ་མོའི་མདོ་སྡེ་རྣམས་ལས་ཡུལ་དྲུག་དང་། དབང་པོ་དྲུག་དང་། དབང་ཤེས་དྲུག་སྟེ་ཁམས་བཅོ་བརྒྱད་པའི་མཚན་ཉིད་ཕྱེ་ནས་སྟོང་པ་ཉིད་ཀྱི་གནས་ལུགས་གཏན་ལ་འབེབས་པ་དང་། རྒྱུད་སྡེ་རྣམས་ནས་ཕུང་པོ་ལྔ་དང་། ཁམས་ལྔ་དང་། གཟུགས་ལ་སོགས་པའི་ཡུལ་དྲུག་ལ། མིག་ལ་སོགས་པའི་དབང་པོ་དང་དབང་ཤེས་དྲུག་སྐྱེ་མཆེད་བྱེད་པ་ལ་སྦྱང་གཞིར་བྱས་ནས་སྦྱངས་འབྲས་གདན་གསུམ་ཚང་བའི་དཀྱིལ་འཁོར་དུ་སངས་རྒྱ་བར་འདོད་པ་ནི་རྒྱུད་སྡེ་སྤྱིའི་རིང་ལུགས་ཡིན་ནོ། ༈ །བསྐྱེད་རིམ་རྣམ་གཞག་ཏུ། རྟོག་པ་ཞེ་གཉིས་ལྷར་འགྱུར་བ་ཞེས་པ་ནི། བསྐྱེད་རྫོགས་ཆེན་མོའི་རང་ལུགས་སུ་སེམས་བྱུང་ལྔ་བཅུ་རྩ་གཅིག་པོ་ལས། དུག་ལྔ་ལ་སོགས་པའི་རྟོག་ཚོགས་ཆེ་ལོང་ཞི་བའི་ལྷ་ཚོགས་དང་གྲངས་ངེས་མཚུངས་ལྡན་དུ་སྦྱར་ནས་དེ་ལྟའི་རྟོག་པ་ཞེ་གཉིས་ལྷར་འགྱུར་ཚུལ་བསྟན་པ་ཡིན་ཏེ། དེ་སྐད་དུ་ཀུན་མཁྱེན་སྙིང་འགྲེལ་ལས་ཀྱང་། དེའང་རང་བྱུང་གི་ཡེ་ཤེས་ནི་གཡོ་བྱེད་གཟུང་འཛིན་གྱི་སྤྲོས་པ་ཐམས་ཅད་དང་བྲལ་བས་ན། གཞི་གནས་ཀྱི་ཡེ་ཤེས་ཀུན་ཏུ་བཟང་པོའི་རང་བཞིན་ཡིན་ལ། དེའི་ངང་ལས་འཕྲོས་པའི་དུག་ལྔ་ལ་སོགས་པའི་རྟོག་ཚོགས་ནི་རྩལ་གྱི་ཡེ་ཤེས་དེ་བཞིན་གཤེགས་པ་ལྔ་ལ་སོགས་སངས་རྒྱས་བཞི་བཅུ་རྩ་གཉིས་སུ་བསྟན་པ་རྣམས་ཡིན་པས། རིག་པ་གནས་པ་དང་འཕྲོ་བ་ཉིད་ཡེ་ནས་དཀྱིལ་འཁོར་དུ་བསྟན་པ་ཡིན་ནོ། །ཞེས་སོ། །དེ་ལྟ་ནའང་རྣམ་བཤད་འདི་ནི་བསྐྱེད་རིམ་སྤྱིའི་ཁོག་འབུབས་ཡིན་པས་ལྷ་གྲངས་ཞེ་གཉིས་ནི་དཔེར་བརྗོད་ཙམ་ལས་དངོས་བསྟན་དུ་མི་རུང་སྟེ། བརྟེན་པའི་ལྷ་སོ་སོའི་གྲངས་ངེས་ལ་ལྟོས་དགོས་པའི་ཕྱིར། ལྡན་པའི་འདུ་བྱེད་ཀུན་ཏུ་འགྲོ་བ་ལྔ་ལ་སོགས་པའི་རིམ་པ་དང་སྐབས་ཐོབ་སྦྱར་ཤེས་པར་བྱའོ། །{{TibChung|ཞེས་པའང་ལྕགས་ཟམ་སྤྲུལ་སྐུ་རིན་པོ་ཆེའི་དྲིས་ལན་དུ་རྫོགས་ཆེན་པ་རང་བྱུང་རྡོ་རྗེས་སོ།།}} }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Mort